എറണാകുളം ജില്ലയിലെ എൽ.ഡി.വി. ഡ്രൈവർ-കം-ഒ.എ. റാങ്ക് ലിസ്റ്റ്

1756  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എറണാകുളം ജില്ലയിലെ എൽ.ഡി.വി.ഡ്രൈവർ-കം-ഒ.എ. റാങ്ക് ലിസ്റ്റ് (കാറ്റഗറി നമ്പർ: 019/2021) ന്റെ കാലാവധി സെപ്റ്റംബർ 23-ന് അവസാനിച്ചത് ശ്രദ്ധയിൽപ്പെട്ടിട്ടുണ്ടോ;

(ബി)  കോട്ടയം, തിരുവനന്തപുരം എന്നീ ജില്ലകളിലെ ഇതേ തസ്തികയിലെ റാങ്ക് ലിസ്റ്റ് ദീർഘിപ്പിച്ചു നൽകിയ സാഹചര്യത്തിൽ, എറണാകുളം ജില്ലയിലെ റാങ്ക് ലിസ്റ്റ് കൂടി ദീർഘിപ്പിക്കുന്നതിന് നടപടി സ്വീകരിക്കുമോ;

(സി)  ജില്ലയിൽ വാഹനങ്ങൾ കണ്ടംനേഷൻ ചെയ്തതായി ചൂണ്ടിക്കാണിച്ചുകൊണ്ട് വിവിധ വകുപ്പുകൾ ഒഴിവുകൾ റിപ്പോർട്ട് ചെയ്യാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ, ഇവർക്ക് ഒ.എ. കാറ്റഗറിയിൽ നിയമനം നടത്തുന്നതിനായി ഒഴിവുകൾ റിപ്പോർട്ട് ചെയ്യാൻ അടിയന്തര നടപടി സ്വീകരിക്കുമോ; ഇതിന്റെ വിശദാംശം ലഭ്യമാക്കാമോ?

മന്ത്രിമാർ നടത്തിയ വിദേശ യാത്രകള്‍

1757  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 സർക്കാരിന്റെ കാലത്ത് മുഖ്യമന്ത്രിയും ഓരോ മന്ത്രിമാരും നടത്തിയ വിദേശയാത്രകളിൽ കുടുംബാംഗങ്ങൾ അനുഗമിച്ചിട്ടുണ്ടെങ്കില്‍ അവരുടെ ചെലവുകൾ സർക്കാർ വഹിച്ചിട്ടുണ്ടോ?

ജീവനക്കാരെ പ്രതികൂലമായി ബാധിക്കുന്ന നടപടികള്‍

1758  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21,2021-26 സര്‍ക്കാരുകളുടെ കാലയളവില്‍ എത്ര പുതിയ തസ്തികകള്‍ സൃഷ്ടിച്ചു; ഓരോന്നിന്റേയും വിശദാംശം വകുപ്പടിസ്ഥാനത്തില്‍ ലഭ്യമാക്കാമോ;

(ബി)  2016-21,2021-26 സര്‍ക്കാരുകളുടെ കാലയളവില്‍ എത്ര തസ്തികകള്‍ വെട്ടിക്കുറച്ചു; ഓരോന്നിന്റേയും വിശദാംശം വകുപ്പടിസ്ഥാനത്തില്‍ ലഭ്യമാക്കാമോ;

(സി)  2016-21,2021-26 സര്‍ക്കാരുകളുടെ കാലയളവില്‍ ജീവനക്കാരെ പ്രതികൂലമായി ബാധിക്കുന്ന എന്തെല്ലാം നടപടികളാണ് ഉണ്ടായിട്ടുള്ളത്;വ്യക്തമാക്കുമോ?

നൂറുദിന കര്‍മ്മ പരിപാടിയുടെ പുരോഗതി

1759  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലെ സര്‍ക്കാര്‍ പ്രഖ്യാപിച്ച നൂറുദിന കര്‍മ്മ പരിപാടിയുടെ ഇതുവരെയുള്ള പുരോഗതി വിശദമാക്കാമോ;

(ബി)  നൂറുദിന കര്‍മ്മ പരിപാടിയുടെ ഭാഗമായി എത്ര പദ്ധതികള്‍ ഇതിനകം പൂര്‍ത്തീകരിക്കുവാന്‍ കഴിഞ്ഞിട്ടുണ്ടെന്ന് അറിയിക്കാമോ;

(സി)  നൂറുദിന കർമ്മ പരിപാടിയുടെ ഭാഗമായി നടപ്പിലാക്കുന്ന പദ്ധതികൾക്കായി ആകെ എത്ര തുക വകയിരുത്തിയിട്ടുണ്ടെന്നും ഇതുവരെ എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ;

(ഡി)  നൂറുദിന കർമ്മ പരിപാടിയുടെ ഭാഗമായി വിവിധ വകുപ്പുകൾക്ക് നിശ്ചയിച്ചിട്ടുള്ള ലക്ഷ്യങ്ങൾ എന്തെല്ലാമാണെന്നും ഓരോ വകുപ്പും കൈവരിച്ച നേട്ടങ്ങൾ എന്തെല്ലാമാണെന്നും വ്യക്തമാക്കാമോ?

നൂറുദിന കർമ്മ പരിപാടി

1760  ശ്രീ. എ. സി. മൊയ്തീന്‍
ശ്രീ. എ. പ്രഭാകരന്‍
ശ്രീ. കെ. കെ. രാമചന്ദ്രന്‍
ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നൂറുദിന കർമ്മ പരിപാടിയിൽ പ്രഖ്യാപിച്ച പദ്ധതികളിൽ നിർമ്മാണ പ്രവൃത്തി പൂർത്തിയാക്കിയവയിൽ ഭൂരിഭാഗവും മുൻ സർക്കാരിന്റെ കാലത്ത് ആരംഭിച്ചവയാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  മുൻ സർക്കാരിന്റെ കാലത്ത് നൂറുദിന കർമ്മ പരിപാടി നടപ്പിലാക്കിയപ്പോൾ നടത്തിപ്പ് പുരോഗതി വിലയിരുത്തുന്നതിനായി ഡാഷ് ബോർഡ് സജ്ജമാക്കിയിരുന്നോ; വിശദമാക്കാമോ;

(സി)  നൂറുദിന പരിപാടിയുടെ തുടർച്ചയായി ഫയൽ അദാലത്ത് നടത്താൻ തീരുമാനിച്ചിട്ടുണ്ടോ; എങ്കിൽ നിലവിൽ ഇ-ഫയലുകൾ ഉൾപ്പെടെ എത്ര ഫയലുകളാണ് സെക്രട്ടേറിയറ്റിലും മറ്റ് സർക്കാർ ഓഫീസുകളിലുമായി തീർപ്പാക്കാൻ അവശേഷിക്കുന്നതെന്ന് കണക്കാക്കിയിട്ടുണ്ടോ?

ആശ്രിതനിയമന പദ്ധതി പ്രകാരം ജോലി നൽകുന്നതിനുള്ള വരുമാന പരിധി

1761  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സർവീസിലിരിക്കെ മരണപ്പെടുന്ന സർക്കാർ ജീവനക്കാരുടെ ആശ്രിതർക്ക് ആശ്രിതനിയമന പദ്ധതി പ്രകാരം ജോലി ലഭിക്കുന്നതിന് കുടുംബത്തിന്റെ വാർഷിക വരുമാനപരിധി എട്ട് ലക്ഷമായി നിജപ്പെടുത്തിയത് അർഹരായ നിരവധി പേർക്ക് ജോലി നിഷേധിക്കപ്പെടുന്ന സാഹചര്യം സൃഷ്ടിച്ചിട്ടുള്ളത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;വ്യക്തമാക്കുമോ;

(ബി)  ഉണ്ടെങ്കിൽ, സർവ്വീസിലിരിക്കെ അപ്രതീക്ഷിതമായി മരണപ്പെടുന്ന, അപൂര്‍വ്വമായി മാത്രമുള്ള ഇത്തരം സാഹചര്യങ്ങളില്‍ മാനുഷിക പരിഗണന നൽകി കുടുംബത്തിന്റെ വാർഷിക വരുമാനപരിധി പൂർണമായി ഒഴിവാക്കുന്നതിനോ കാലാനുസൃതമായി വർധിപ്പിക്കുന്നതിനോ നടപടി സ്വീകരിക്കുമോ; വ്യക്തമാക്കുമോ?

സര്‍ക്കാരിന്റെ നൂറുദിന കര്‍മ്മപദ്ധതികള്‍

1762  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സര്‍ക്കാരിന്റെ നൂറുദിന കര്‍മ്മപദ്ധതിയില്‍ ഉള്‍പ്പെട്ടിരുന്ന പദ്ധതികള്‍ ഏതെല്ലാമെന്ന് വിശദമാക്കാമോ;

(ബി)  ഓരോ പദ്ധതികളും ഏതെല്ലാം വകുപ്പിന് കീഴിലുള്ളതാണെന്ന് വിശദമാക്കാമോ;

(സി)  പ്രസ്തുത പദ്ധതികള്‍ ഓരോന്നും നടപ്പിലാക്കുന്നതിനായി പുറപ്പെടുവിച്ച ഭരണാനുമതിയുടെ നമ്പരും തീയതിയും വ്യക്തമാക്കാമോ;

ഫയല്‍ തീര്‍പ്പാക്കല്‍ യജ്ഞം

1763  ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാരിന്റെ കാലം മുതല്‍ തീര്‍പ്പാകാത്ത ഫയലുകള്‍ തീര്‍പ്പാക്കുന്നതിന് 2026 ഒക്ടോബര്‍ 15 മുതല്‍ ‍‍ഡിസംബര്‍ 31 വരെ ജനസ്പര്‍ശം പദ്ധതി നടപ്പാക്കാൻ സര്‍ക്കാര്‍ ഉദ്ദേശിക്കുന്നുണ്ടോ; വിശദമാക്കുമോ;

(ബി)  ദീര്‍ഘകാലമായി തീര്‍പ്പാക്കാത്തവ, അടിയന്തര പ്രാധാന്യം നല്‍കേണ്ടവ എന്നിവയ്ക്ക് മുന്‍ഗണന നല്‍കുമോയെന്നും താഴെത്തട്ടില്‍ തീര്‍പ്പാക്കാവുന്ന ഫയലുകള്‍ അവിടെത്തന്നെ തീര്‍പ്പാക്കാന്‍ നടപടി സ്വീകരിക്കുമോയെന്നും വ്യക്തമാക്കുമോ;

(സി)  ഫയല്‍ നീക്കവുമായി ബന്ധപ്പെട്ട സങ്കീര്‍ണ്ണതകള്‍ പരമാവധി കുറയ്ക്കാനും നടപടിക്രമങ്ങള്‍ ലഘൂകരിക്കാനുമുള്ള നടപടികള്‍ സ്വീകരിക്കുമോ?

മുഖ്യമന്ത്രി, മന്ത്രിമാർ, പ്രതിപക്ഷ നേതാവ് എന്നിവർക്ക് ഔദ്യോഗികമായി അനുവദിച്ച വാഹനങ്ങള്‍

1764  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രി, മന്ത്രിമാർ, പ്രതിപക്ഷ നേതാവ്, ചീഫ് വിപ്പ് എന്നിവർക്ക് ഔദ്യോഗികമായി അനുവദിച്ച വാഹനങ്ങളുടെ വിശദാംശങ്ങൾ നല്‍കാമോ; അവയുടെ വെഹിക്കിൾ നമ്പർ കെ.എസ്. നമ്പർ വെഹിക്കിൾ ടൈപ്പ് മോഡൽ എന്നിവയുടെ വിവരങ്ങള്‍ ലഭ്യമാക്കാമോ;

(ബി)  മുഖ്യമന്ത്രി, മന്ത്രിമാർ, ചീഫ് വിപ്പ്, എന്നിവരുടെ പേഴ്സണൽ സ്റ്റാഫ് അംഗങ്ങള്‍ക്കോ ഓഫീസിലേക്കോ ടൂറിസം വകുപ്പ് ഔദ്യോഗികമായി അനുവദിച്ച വാഹനങ്ങളുടെ വിശദാംശങ്ങൾ നല്‍കാമോ; അവയുടെ വെഹിക്കിൾ നമ്പർ വെഹിക്കിൾ ടൈപ്പ് മോഡൽ എന്നിവ ലഭ്യമാക്കാമോ?

2021–2026 കാലയളവിൽ പ്രതിപക്ഷ നേതാവ് നടത്തിയ വിദേശയാത്രകൾ സംബന്ധിച്ച വിശദാംശങ്ങൾ

1765  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2021-26 കാലയളവില്‍ പ്രതിപക്ഷ നേതാവ് നടത്തിയ വിദേശ യാത്രകള്‍ സംബന്ധിച്ച വിശദാംശങ്ങള്‍ നല്‍കാമോ;

(ബി)  പ്രസ്തുത സന്ദര്‍ശനങ്ങളുടെ ചെലവ് വഹിച്ചത് ആരാണ്; യാത്രകളില്‍ പ്രതിപക്ഷ നേതാവിനെ ആരെല്ലാം അനുഗമിച്ചിരുന്നു;

(സി)  ഇക്കാലയളവില്‍ മറ്റ് സംസ്ഥാനങ്ങളിലേക്ക് നടത്തിയ യാത്രകള്‍ സംബന്ധിച്ച വിവരങ്ങള്‍ ലഭ്യമാക്കാമോ; യാത്രകളുടെ ചെലവ് വഹിച്ചത് എപ്രകാരമായിരുന്നു; ഈ യാത്രകളില്‍ ആരൊക്കെ അനുഗമിച്ചിരുന്നുവെന്ന് വ്യക്തമാക്കാമോ?

മുൻ മുഖ്യമന്ത്രിയുടെ ഉപദേശകരുടെ നിയമനവും അനുബന്ധ ചെലവുകളും.

1766  ശ്രീ. പി. കെ. ഫിറോസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സര്‍ക്കാരിന്റെ ഭരണകാലയളവിൽ മുഖ്യമന്ത്രിയുടെ ഉപദേശകരായും വിവിധ വിഷയങ്ങളിൽ ഉപദേശക ചുമതല വഹിക്കുന്നവരായും ആകെ എത്ര പേരെ നിയമിച്ചിട്ടുണ്ടെന്ന് വ്യക്തമാക്കാമോ; ഓരോരുത്തരുടെയും പേര്,നിയമന കാലയളവ്, ചുമതലപ്പെടുത്തിയ വിഷയം, നിയമനത്തിന്റെ അടിസ്ഥാനത്തിലുള്ള ഉത്തരവിന്റെ നമ്പറും തീയതിയും എന്നിവ ലഭ്യമാക്കുമോ;

(ബി)  പ്രസ്തുത ഉപദേശകരുടെ നിയമനവുമായി ബന്ധപ്പെട്ട് അവർക്ക് അനുവദിച്ച ശമ്പളം, ഓണറേറിയം,യാത്രാബത്ത,ദിനബത്ത,മറ്റ് ആനുകൂല്യങ്ങൾ എന്നിവയിനത്തിൽ സംസ്ഥാന സർക്കാർ ആകെ ചെലവഴിച്ച തുക എത്രയെന്ന് വ്യക്തമാക്കാമോ; ഓരോ ഉപദേശകന്റെയും പേരിൽ ചെലവഴിച്ച തുക ഇനംതിരിച്ച് ലഭ്യമാക്കാമോ;

(സി)  ഓരോ ഉപദേശകനും ഔദ്യോഗിക ആവശ്യങ്ങൾക്കായി സർക്കാർ വാഹനം അനുവദിച്ചിരുന്നോ; ഉണ്ടെങ്കിൽ വാഹനത്തിന്റെ പേര്,രജിസ്ട്രേഷൻ നമ്പർ,അനുവദിച്ച കാലയളവ്,വാഹനം സർക്കാർ ഉടമസ്ഥതയിലുള്ളതാണോ വാടകയ്ക്കെടുത്തതാണോ, വാഹനത്തിന്റെ ഇന്ധനം,അറ്റകുറ്റപ്പണി,വാടക എന്നിവയ്ക്കായി ചെലവഴിച്ച തുക എന്നിവ ഉപദേശകൻ തിരിച്ചുള്ള പട്ടികയായി ലഭ്യമാക്കാമോ; പ്രസ്തുത വാഹനങ്ങളിൽ ഡ്രൈവർമാരെ നിയമിച്ചിരുന്നോ; ഉണ്ടെങ്കിൽ അവരുടെ നിയമനരീതി,ശമ്പളം നൽകുന്ന വകുപ്പ്/സ്ഥാപനം,ശമ്പളവും മറ്റ് ആനുകൂല്യങ്ങളും ഉൾപ്പെടെയുള്ള ചെലവുകളുടെ വിശദാംശങ്ങൾ ലഭ്യമാക്കാമോ;

(ഡി)  ഓരോ ഉപദേശകനും ഔദ്യോഗിക ആവശ്യങ്ങൾക്കായി ഓഫീസ് സൗകര്യം അനുവദിച്ചിരുന്നോ; ഉണ്ടെങ്കിൽ ഓഫീസിന്റെ സ്ഥലം,അനുവദിച്ച കാലയളവ്,വാടക, വൈദ്യുതി,മറ്റ് പരിപാലന ചെലവുകൾ എന്നിവയുടെ വിശദാംശങ്ങൾ ലഭ്യമാക്കാമോ; കൂടാതെ ഓരോ ഉപദേശകന്റെയും ഓഫീസിൽ ജീവനക്കാരെ അനുവദിച്ചിരുന്നോ; ഉണ്ടെങ്കിൽ ജീവനക്കാരുടെ തസ്തിക,എണ്ണം,നിയമനരീതി,ശമ്പളം,മറ്റ് ആനുകൂല്യങ്ങൾ എന്നിവയുടെ വിശദാംശങ്ങളും ഉപദേശകരുടെ നിയമനം മുതൽ കാലാവധി അവസാനിക്കുന്നതുവരെയുള്ള ആകെ സർക്കാർ ചെലവും വ്യക്തമാക്കാമോ?

സ്ഥലംമാറ്റം

1767  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനുശേഷം വിവിധ വകുപ്പുകളിലായി ആകെ എത്ര ജീവനക്കാരെയാണ് സ്ഥലം മാറ്റിയിട്ടുളളത്; വകുപ്പ് തിരിച്ചുളള കണക്കുകള്‍ ലഭ്യമാക്കുമോ;

(ബി)  പ്രസ്തുത കാലയളവിൽ ഒരു തവണയിൽ കൂടുതൽ സ്ഥലംമാറ്റം ലഭിച്ച ജീവനക്കാരുടെ എണ്ണം എത്രയാണെന്നും ഇത്തരത്തിൽ ഒന്നിലധികം തവണ മാറ്റപ്പെട്ടവർ ഓരോ തസ്തികയിലും/സീറ്റിലും എത്ര കാലയളവുവീതം പൂർത്തിയാക്കിയ ശേഷമാണ് വീണ്ടും മാറ്റപ്പെട്ടതെന്നും വകുപ്പ് തിരിച്ച് വിശദമാക്കാമോ;

(സി)  മാനദണ്ഡങ്ങൾ പാലിക്കാതെയോ നിശ്ചിത കാലാവധി പൂര്‍ത്തിയാക്കാതെയോ സ്ഥലം മാറ്റിയതുമായി ബന്ധപ്പെട്ട് ഈ സർക്കാർ അധികാരത്തിൽ വന്നതിനുശേഷം എത്ര സ്ഥലംമാറ്റ ഉത്തരവുകൾക്കാണ് കോടതികൾ സ്റ്റേ ചെയ്തിട്ടുളളത്; വ്യക്തമാക്കുമോ;

(ഡി)  ഇത്തരത്തില്‍ കോടതികളില്‍ നിന്നും സ്റ്റേ ഉത്തരവ് ലഭിച്ച സംഭവങ്ങളുടെ വകുപ്പ് തിരിച്ചുളള വിവരങ്ങളും നിലവില്‍ സ്റ്റേ നിലനില്‍ക്കുന്ന കേസുകളുടെ എണ്ണവും വ്യക്തമാക്കുമോ?

സർക്കാർ ജീവനക്കാരുടെ വിരമിക്കൽ പ്രായം

1768  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സ്റ്റാറ്റ്യൂട്ടറി പെൻഷൻ പദ്ധതി, പങ്കാളിത്ത പെൻഷൻ പദ്ധതി എന്നിവയുടെ കീഴിൽ വരുന്ന ജീവനക്കാരുടെ വിരമിക്കൽ പ്രായം എത്രയാണ്; ഈ പദ്ധതികൾക്ക് കീഴിൽ നിലവിൽ ജോലി ചെയ്യുന്ന ഉദ്യോഗസ്ഥരുടെ എണ്ണം എത്രയെന്ന് ഓരോ വിഭാഗത്തിന്റെയും കണക്കുകൾ സഹിതം വ്യക്തമാക്കാമോ;

(ബി)  സർക്കാർ അവതരിപ്പിച്ച ധവളപത്രത്തിൽ ഏത് വിഭാഗം ജീവനക്കാരുടെ പെൻഷൻ പ്രായമാണ് ഉയർത്താന്‍ നിർദ്ദേശിച്ചിട്ടുള്ളത്; ഇതിന്റെ അടിസ്ഥാനത്തിൽ എന്തെങ്കിലും തുടർനടപടികൾ സ്വീകരിച്ചിട്ടുണ്ടോ; 2026-2027 സാമ്പത്തിക വർഷത്തിലോ 2027 മെയ് 31-നു മുൻപോ പെൻഷൻ പ്രായം ഉയർത്താൻ എന്തെങ്കിലും ഒരുക്കങ്ങൾ നടത്തിയിട്ടുണ്ടോ;

(സി)  സ്റ്റാറ്റ്യൂട്ടറി പെൻഷൻ ജീവനക്കാരുടെ വിരമിക്കൽ പ്രായം 60 വയസ്സാക്കി ഉയർത്തണമെന്ന് ആവശ്യപ്പെട്ട് (O.A.(EKM) No. 2066/2019 & O.P.(KAT) No. 227/2020) കോടതികളിൽ നിലവിലുള്ള കേസുകളുടെ വിശദാംശവും ഇക്കാര്യത്തിൽ സർക്കാർ സ്വീകരിച്ച നിലപാടും എന്തായിരുന്നുവെന്ന് വ്യക്തമാക്കാമോ;

(ഡി)  നിലവിൽ പ്രാബല്യത്തിലുള്ള പി.എസ്.സി. ലിസ്റ്റുകളുടെ എണ്ണവും ഉദ്യോഗാർത്ഥികളുടെ എണ്ണവും എത്രയാണ്; ധവളപത്രത്തിൽ പെൻഷൻ പ്രായം കൂട്ടുന്നതിനൊപ്പം പി.എസ്.സി. ലിസ്റ്റിലുള്ളവരുടെ നിയമനം ഉറപ്പാക്കാൻ എന്തെങ്കിലും ശിപാർശകൾ ഉണ്ടോ; വിശദമാക്കാമോ?

ഓൺലൈൻ പൊതുസ്ഥലംമാറ്റ നടപടിക്രമങ്ങൾ

1769  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സർക്കാർ ജീവനക്കാരുടെ ഓൺലൈൻ പൊതുസ്ഥലംമാറ്റ നടപടിക്രമങ്ങൾ ഒഴിവാക്കണമെന്ന നിലപാട് സർക്കാർ സ്വീകരിച്ചിട്ടുണ്ടോ;വ്യക്തമാക്കുമോ;

(ബി)  മുഖ്യമന്ത്രി ചെയർമാനായിട്ടുള്ള സംസ്ഥാന ആസൂത്രണ ബോർഡിൽ വർഷങ്ങളായി തുടർന്നുവന്നിരുന്ന പൊതുസ്ഥലംമാറ്റ നടപടിക്രമങ്ങൾ വേണ്ടെന്ന സർക്കാർ നിലപാട് വ്യക്തമാക്കിക്കൊണ്ട് ബഹു. ഹൈക്കോടതിയിൽ സത്യവാങ്മൂലം സമർപ്പിച്ചിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ഓഫീസ് അറ്റൻഡന്റ് തസ്തിക

1770  ശ്രീ. സേനാപതി വേണു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഓഫീസ് അറ്റൻഡന്റ് തസ്തിക മിനിസ്റ്റീരിയലിൽ വിഭാഗത്തിൽ ഉൾപ്പെടുത്തിയിട്ടുണ്ടോ; വിശദാംശം നൽകാമോ;

(ബി)  ഓഫീസ് അറ്റൻഡന്റ് തസ്തിക മിനിസ്റ്റീരിയലിൽ വിഭാഗത്തിൽ ഉൾപ്പെടുത്തുന്നത് സംബന്ധിച്ച് ഹൈക്കോടതിയുടെയും (ഓ. പി (കെ.എ.റ്റി) നമ്പർ 149/2015 തീയതി 28.02.2017) കേരള അഡിമിനിസ്ട്രേറ്റീവ് ട്രൈബ്യൂണലിന്റെയും (OA[EKM]-1657/2O23 തീയതി 5/08/2026) ഉത്തരവുകൾ ശ്രദ്ധയിൽപ്പെട്ടിട്ടുണ്ടോ;വിശദമാക്കുമോ;

(സി)  മേൽ ഉത്തരവുകളുടെ അടിസ്ഥാനത്തിൽ ഓഫീസ് അറ്റൻഡന്റ് തസ്തിക മിനിസ്റ്റീരിയലിൽ വിഭാഗത്തിൽ ഉൾപ്പെടുത്തുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ട്; ഇല്ലെങ്കിൽ അടിയന്തരമായി ഉത്തരവ് പുറപ്പെടുവിക്കുന്നതിനുള്ള നടപടി സ്വീകരിക്കുമോ; വിശദാംശം നൽകുമോ?

വിഴിഞ്ഞം - നാവായിക്കുളം ഔട്ടർ റിംഗ് റോഡ്

1771  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിഴിഞ്ഞം - നാവായിക്കുളം ഔട്ടർ റിംഗ് റോഡിന് പാരിസ്ഥിതിക അനുമതി ലഭിച്ചിട്ടുണ്ടോ;

(ബി)  കേന്ദ്രസർക്കാരില്‍ നിന്നും പാരിസ്ഥിതിക അനുമതി ലഭിക്കാനുണ്ടായ കാലതാമസം മൂലവും മുൻസർക്കാരിന്റെ കാലത്ത് നഷ്ടപരിഹാരം വിതരണം ചെയ്യാൻ അനുമതി തേടിയെങ്കിലും കേന്ദ്രാനുമതി ലഭിച്ചശേഷമേ നഷ്ടപരിഹാരം നൽകാനാവൂ എന്ന കേന്ദ്ര നിലപാട് കാരണവും ദുരിതത്തിലായിരുന്ന ഭൂവുടമകൾക്ക് നഷ്ടപരിഹാരം ഉടൻ നൽകുന്നതിന് നടപടി സ്വീകരിക്കാമോ;

(സി)  ഈ പ്രശ്നംമൂലം പദ്ധതി നിർവ്വഹണത്തിൽ വന്ന കാലതാമസം വിശദമാക്കാമോ?

ഡിമെൻഷ്യ സൗഹൃദ കേരളം പദ്ധതി

1772  ശ്രീ. എൻ. ശക്തൻ
ശ്രീ. സി. വി. ശാന്തകുമാർ
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രായമായവരിലെ ഡിമെൻഷ്യ (മറവിരോഗം) നേരത്തെ കണ്ടെത്തി ചികിത്സയും പരിചരണവും ഉറപ്പാക്കുന്നതിനായി വിഭാവനം ചെയ്യുന്ന ഡിമെൻഷ്യ സൗഹൃദ കേരളം പദ്ധതിയെക്കുറിച്ച് വിശദമാക്കുമോ;

(ബി)  ഓർമ്മ മങ്ങിത്തുടങ്ങുന്ന ഘട്ടത്തിൽ തന്നെ രോഗം തിരിച്ചറിഞ്ഞ് കൃത്യമായ ചികിത്സയും പരിചരണവും ഉറപ്പാക്കുന്നതിനും രോഗിയെയും കുടുംബത്തെയും പിന്തുണയ്ക്കുന്നതിനുമായി എന്തെല്ലാം കർമ്മപദ്ധതികളാണ് ആവിഷ്‌കരിക്കുകയെന്ന് വ്യക്തമാക്കുമോ;

(സി)  രോഗിയെ പരിചരിക്കുന്ന കുടുംബാംഗങ്ങൾക്ക് പരിശീലനം, കൗൺസലിംഗ്, സാമൂഹിക പിന്തുണ എന്നിവ ഉറപ്പാക്കുന്നതിനായി നടപടി സ്വീകരിക്കുമോ; വിശദമാക്കുമോ?

ജീവനക്കാര്‍ക്കും പെന്‍ഷന്‍കാര്‍ക്കും കൊടുത്ത് തീര്‍ക്കാനുണ്ടായിരുന്ന കുടിശ്ശിക

1773  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സര്‍ക്കാരിന്റെ കാലത്ത് ജീവനക്കാര്‍ക്കും പെന്‍ഷന്‍കാര്‍ക്കും വിവിധ ഇനങ്ങളിലായി കൊടുത്ത് തീര്‍ക്കാനുണ്ടായിരുന്ന കുടിശ്ശിക ഓരോന്നും എത്ര വീതമാണ്; വിശദാംശം ലഭ്യമാക്കുമോ;

(ബി)  ഈ സര്‍ക്കാര്‍ അധികാരമേറ്റതിന് ശേഷം ജീവനക്കാരെയും പെന്‍ഷന്‍കാരെയും സംബന്ധിക്കുന്ന ഏതെല്ലാം വിഷയങ്ങളിലാണ് പരിഹാരം കണ്ടെത്താന്‍ ശ്രമിക്കുന്നത്; വിശദമാക്കുമോ?

സ്പോർട്സ് ക്വാട്ട നിയമനം

1774  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016 മെയ് 1 മുതൽ 2026 മെയ് 1 വരെ സർക്കാർ സർവ്വീസിൽ സ്പോർട്സ് ക്വാട്ടയിൽ നിയമിക്കപ്പെട്ട കായികതാരങ്ങൾ ആരെല്ലാമായിരുന്നുവെന്നും അവർക്ക് അത് ലഭ്യമാക്കുന്നതിന് തീരുമാനിച്ച മാനദണ്ഡങ്ങള്‍ എന്തൊക്കെയായിരുവെന്നും അവർ നിയമിക്കപ്പെട്ട തസ്തികകൾ ഏതെല്ലാമായിരുന്നുവെന്നും അറിയിക്കാമോ;

(ബി)  സർക്കാർ സർവീസിൽ സ്പോർട്സ് ക്വാട്ട നിയമനത്തിന് ഏതെല്ലാം കായിക ഇനങ്ങളിൽ മികവ് തെളിയിച്ചവരെയാണ് പരിഗണിക്കുന്നത് എന്ന് അറിയിക്കാമോ;

(സി)  നിലവിലെ ചട്ടങ്ങൾക്കും നിയമങ്ങൾക്കും വിരുദ്ധമായി 2016 മെയ് 1 മുതൽ 2026 മെയ് 1 വരെ സർക്കാർ സർവീസിൽ സ്പോർട്സ് ക്വാട്ടയിൽ ആരെയെങ്കിലും നിയമിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

(ഡി)  നിലവിലെ ചട്ടങ്ങൾക്കും നിയമങ്ങൾക്കും വിരുദ്ധമായി പ്രസ്തുത കാലയളവിൽ സർക്കാർ സർവീസിൽ സ്പോർട്സ് ക്വാട്ടയിൽ ആരെയെങ്കിലും നിയമിച്ചിട്ടുണ്ടെങ്കില്‍ പ്രസ്തുത നിയമനങ്ങൾ പുനഃപരിശോധിക്കുമോയെന്ന് അറിയിക്കാമോ?

മുൻ സര്‍ക്കാരിന്റെ കാലത്തെ സി എം വിത്ത് മീ പരിപാടി

1775  ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ അവസാന നാളുകളിൽ സി എം വിത്ത് മീ എന്ന ഓഫീസ് ഉണ്ടായിരുന്നോ; എന്ന് മുതലാണ് ആരംഭിച്ചത്; ആയതിന്റെ ഉത്തരവിന്റെ പകർപ്പ് ലഭ്യമാക്കാമോ; എന്തായിരുന്നു ഈ ഓഫീസിന്റെ ഉദ്ദേശം; ഇതിനായി ഏതെങ്കിലും സോഫ്റ്റ് വെയര്‍ രൂപപ്പെടുത്തിയിരുന്നോ; എ. ഐ. സാങ്കേതിക വിദ്യ അതിന് ഉപയോഗിച്ചിരുന്നോ വിശദമാക്കാമോ;

(ബി)  ആരംഭിച്ചത് മുതൽ അവസാനിച്ചത് വരെ എത്ര പരാതികൾ ലഭിച്ചു; ഈ പരാതികൾക്ക് എന്തെല്ലാം നടപടികൾ സ്വീകരിച്ചു; ഇനി എത്ര പരാതികൾ തീർപ്പാക്കാൻ ശേഷിക്കുന്നു എന്ന വിവരം ലഭ്യമാക്കാമോ;

(സി)  പ്രസ്തുത പദ്ധതിക്കായി സര്‍ക്കാര്‍ ജീവനക്കാരുടെ വിവരങ്ങൾ സ്പാ‍ര്‍ക്കില്‍ നിന്നും ശേഖരിച്ചിരുന്നോ; കൂടാതെ മറ്റു പൊതുജനങ്ങളുടെ വിവരം ശേഖരിച്ചുട്ടുണ്ടോ;

(ഡി)  പ്രസ്തുത സംവിധാനത്തിന്റെ ഘടന വെളിപ്പെടുത്താമോ; ഓഫീസിനും മറ്റുമായി എത്ര രൂപ സർക്കാരിനും മറ്റു സ്ഥാപനങ്ങൾക്കും ചിലവായി എന്ന് ഇനം തിരിച്ച് വ്യക്തമാക്കാമോ?

ഓഫീസ് അറ്റൻഡന്റ് തസ്തിക മിനിസ്റ്റീരിയൽ വിഭാഗത്തിൽ ഉൾപെടുത്തുന്നത്

1776  ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിവിധ വകുപ്പുകളിലെ മിനിസ്റ്റീരിയൽ വിഭാഗത്തിൽ ഓഫീസ് അറ്റൻഡന്റ് തസ്തിക ഉൾപ്പെടുത്തിയിട്ടുണ്ടോ;ഉണ്ടെങ്കിൽ വിശദാംശം നൽകാമോ;

(ബി)  ഓഫീസ് അറ്റൻഡന്റ് തസ്തിക മിനിസ്റ്റീരിയൽ വിഭാഗത്തിൽ ഉൾപ്പെടുത്തുന്നത് സംബന്ധിച്ച് ഹൈക്കോടതിയുടെയും (ഓ.പി(കെ.എ.റ്റി) നമ്പർ 149/2015 തീയതി 28.02.2017) കേരള അഡിമിനിസ്ട്രേറ്റീവ് ട്രൈബ്യൂണലിന്റെയും (ഒ.എ[ഇ.കെ.എം]-1657/2O23 തീയതി 5/08/2026) ഉത്തരവുകൾ ശ്രദ്ധയിൽപ്പെട്ടിട്ടുണ്ടോ;

(സി)  മേൽ ഉത്തരവുകളുടെ അടിസ്ഥാനത്തിൽ ഓഫീസ് അറ്റൻഡന്റ് തസ്തിക മിനിസ്റ്റീരിയൽ വിഭാഗത്തിൽ ഉൾപ്പെടുത്തുന്നതിനായി ബന്ധപ്പെട്ട വകുപ്പുകൾ എന്തെല്ലാം നടപടികൾ സ്വീകരിച്ചിട്ടുണ്ട്; ഇല്ലെങ്കിൽ അടിയന്തരമായി ഉത്തരവ് പുറപ്പെടുവിക്കുന്നതിനുള്ള നടപടി സ്വീകരിക്കുമോ; വിശദാംശം നൽകാമോ?

പി.എസ്.സി.യുടെ പ്രവർത്തനം

1777  ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന ആസൂത്രണ ബോർഡിലെ ചീഫ് തസ്തികയിലേക്കുള്ള പി.എസ്.സി. പരീക്ഷയുടെ മൂല്യനിർണയവുമായി ബന്ധപ്പെട്ട് ഉയർന്നുവന്ന ക്രമക്കേട് ആരോപണങ്ങളിൽ പ്രത്യേക അന്വേഷണസംഘം അന്വേഷണം നടത്തിയിട്ടുണ്ടോ; അന്വേഷണം പൂർത്തിയാക്കി റിപ്പോർട്ട് സമർപ്പിച്ചിട്ടുണ്ടെങ്കിൽ അതിലെ പ്രധാന കണ്ടെത്തലുകൾ എന്തെല്ലാമാണ്; പ്രസ്തുത റിപ്പോർട്ടിന്റെ അടിസ്ഥാനത്തിൽ സർക്കാർ സ്വീകരിച്ച നടപടികൾ എന്തെല്ലാമാണ്; കുറ്റക്കാരായി കണ്ടെത്തിയവർക്കെതിരെ അച്ചടക്ക നടപടികളോ നിയമനടപടികളോ സ്വീകരിച്ചിട്ടുണ്ടോ; അന്വേഷണത്തിന്റെ നിലവിലെ സ്ഥിതിയും തുടർനടപടികളും വിശദമാക്കുമോ;

(ബി)  സംസ്ഥാനത്തെ വിവിധ സർക്കാർ വകുപ്പുകളിലും സ്ഥാപനങ്ങളിലും നിലവിലുള്ളതും പുതുതായി ഉണ്ടാകുന്നതുമായ ഒഴിവുകൾ യഥാസമയം കേരള പബ്ലിക് സർവീസ് കമ്മീഷന് റിപ്പോർട്ട് ചെയ്യുന്നതിനായി സർക്കാർ പൊതുനിർദേശങ്ങൾ പുറപ്പെടുവിച്ചിട്ടുണ്ടോ; ഉണ്ടെങ്കിൽ പ്രസ്തുത നിർദേശങ്ങളുടെ വിശദാംശങ്ങൾ എന്തെല്ലാമാണ്; ഒഴിവുകൾ റിപ്പോർട്ട് ചെയ്യുന്നതിലെ കാലതാമസം ഒഴിവാക്കുന്നതിനും ഒഴിവുകൾ കൃത്യമായി കണക്കാക്കി റിപ്പോർട്ട് ചെയ്യുന്നതിനും വകുപ്പുതലത്തിൽ നിരീക്ഷണ സംവിധാനം ഏർപ്പെടുത്തിയിട്ടുണ്ടോ;

(സി)  പി.എസ്.സി.യ്ക്ക് ഒഴിവുകൾ റിപ്പോർട്ട് ചെയ്യുന്നതിലെ കാലതാമസം, നിയമനശുപാർശ ലഭിച്ചിട്ടും നിയമന ഉത്തരവ് നൽകാത്ത സാഹചര്യം, റാങ്ക് പട്ടികകളുടെ കാലാവധി അവസാനിക്കുന്നതുമൂലം ഉദ്യോഗാർഥികൾക്ക് നിയമനാവസരം നഷ്ടപ്പെടുന്ന സാഹചര്യം എന്നിവ ഒഴിവാക്കാൻ സർക്കാർ സ്വീകരിച്ചിട്ടുള്ള നടപടികൾ എന്തെല്ലാമാണ്; ഒഴിവുകൾ റിപ്പോർട്ട് ചെയ്യുന്നതും നിയമനശുപാർശകൾ നടപ്പിലാക്കുന്നതും നിരീക്ഷിക്കുന്നതിന് സമയബന്ധിതമായ സംവിധാനം ഏർപ്പെടുത്താൻ സർക്കാർ നടപടി സ്വീകരിക്കുമോ;

(ഡി)  നിലവിലെ സർക്കാരിന്റെ കാലയളവിൽ ഇതുവരെ കേരള പബ്ലിക് സർവീസ് കമ്മീഷൻ മുഖേന എത്ര റാങ്ക് പട്ടികകൾ പ്രസിദ്ധീകരിച്ചിട്ടുണ്ട്?

മുഖ്യമന്ത്രിയുടെ റോഡ് പുനരുദ്ധാരണ പദ്ധതി

1778  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കുട്ടനാട് നിയോജകമണ്ഡലത്തില്‍ മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിലുള്‍പ്പെട്ട ഏതെല്ലാം പ്രവൃത്തികളാണ് ഇനി പൂര്‍ത്തീകരിക്കാനുള്ളതെന്നും നിര്‍മ്മാണ പ്രവര്‍ത്തനം തടസ്സപ്പെടാനുള്ള കാരണവും അതൊഴിവാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വിശദമാക്കാമോ;

(ബി)  മുഖ്യമന്ത്രിയുടെ റോഡ് പുനരുദ്ധാരണ പദ്ധതി സര്‍ക്കാര്‍ തുടരുന്നുണ്ടോ; എങ്കില്‍ ശിപാര്‍ശ സമര്‍പ്പിക്കേണ്ട കാലയളവും പദ്ധതിയിലേക്ക് റോഡുകള്‍ തെരഞ്ഞെടുക്കാന്‍ സ്വീകരിക്കുന്ന മാനദണ്ഡവും വിശദമാക്കാമോ?

സർക്കാർ ജീവനക്കാരുടെ വിരമിക്കൽ പ്രായം

1779  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സർക്കാർ ജീവനക്കാരുടെ വിരമിക്കൽ പ്രായം ഏകീകരിക്കുന്ന കാര്യം സർക്കാരിന്റെ പരിഗണനയിലുണ്ടോ; വിശദമാക്കുമോ;

(ബി)  സർക്കാർ അവതരിപ്പിച്ച ധവളപത്രത്തിൽ സർക്കാർ ജീവനക്കാരുടെ വിരമിക്കൽ പ്രായം ഉയർത്താൻ നിർദ്ദേശിച്ചിട്ടുണ്ടോ; ഉണ്ടെങ്കിൽ ഏത് വിഭാഗം ജീവനക്കാരുടെ വിരമിക്കൽ പ്രായമാണ് ഉയർത്താൻ നിർദ്ദേശിച്ചിട്ടുള്ളതെന്നും പ്രസ്തുത നിർദ്ദേശത്തിന്റെ അടിസ്ഥാനത്തിൽ തുടർനടപടികൾ സ്വീകരിച്ചിട്ടുണ്ടോയെന്നും വ്യക്തമാക്കാമോ;

(സി)  സ്റ്റാറ്റ്യൂട്ടറി പെൻഷൻകാരുടെ വിരമിക്കൽ പ്രായം 60 വയസ്സാക്കി ഉയർത്തണമെന്ന് ആവശ്യപ്പെട്ട് സമർപ്പിച്ച കേസിൽ (ഒ.എ(ഇ.കെ.എം) നം. 2066/2019 &ഒ.പി (കെ.എ.റ്റി)നം.227/2020) സർക്കാർ സ്വീകരിച്ച നിലപാട് വ്യക്തമാക്കുമോ;

(ഡി)  സർക്കാർ അവതരിപ്പിച്ച ധവളപത്രത്തിൽ ജീവനക്കാരുടെ വിരമിക്കൽ പ്രായം ഉയർത്താൻ നിർദ്ദേശമുണ്ടെങ്കിൽ പി.എസ്.സി. റാങ്ക് ലിസ്റ്റിലുള്ള ഉദ്യോഗാർഥികളുടെ നിയമനം ഉറപ്പാക്കാൻ എന്തെങ്കിലും ശിപാർശകൾ ഉൾപ്പെടുത്തിയിട്ടുണ്ടോ; വിശദമാക്കാമോ?

കേന്ദ്ര സർക്കാർ നിയോഗിച്ച ജനസംഖ്യാ വ്യതിയാന സമിതി

1780  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേന്ദ്ര സർക്കാർ നിയോഗിച്ച ജനസംഖ്യാ വ്യതിയാന സമിതി നൽകിയ മതപരമായ ഉള്ളടക്കമുള്ള ചോദ്യാവലി സംബന്ധിച്ച സർക്കാർ നിലപാട് വ്യക്തമാക്കാമോ?

ഔദ്യോഗിക പരിപാടികളിലെ പ്രോട്ടോക്കോൾ ഉത്തരവുകളും പാലനവും

1781  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സർക്കാരും വിവിധ വകുപ്പുകളും ജില്ലാ ഭരണകൂടവും തദ്ദേശ സ്വയംഭരണ സ്ഥാപനങ്ങളും സംഘടിപ്പിക്കുന്ന പരിപാടികളിൽ ക്ഷണിക്കേണ്ട അതിഥികളെ സംബന്ധിച്ചും പാലിക്കേണ്ട പ്രോട്ടോക്കോൾ സംബന്ധിച്ചും പുറപ്പെടുവിച്ചിട്ടുള്ള മുഴുവൻ ഉത്തരവുകളുടെയും സർക്കുലറുകളുടെയും പകർപ്പ് ലഭ്യമാക്കാമോ;

(ബി)  പ്രസ്തുത പ്രോട്ടോക്കോൾ പാലിക്കുന്നതിൽ ചുമതലപ്പെട്ടവർ വീഴ്ചവരുത്തുന്നത് സംബന്ധിച്ച പരാതികളും ആക്ഷേപങ്ങളും സമർപ്പിക്കേണ്ടത് എങ്ങനെയെന്ന് വിശദമാക്കാമോ;

(സി)  പ്രാദേശിക തലത്തിൽ പ്രസ്തുത പ്രോട്ടോക്കോളുകൾ പാലിക്കുന്നുണ്ടെന്ന് ഉറപ്പുവരുത്തുന്നതിന് സ്വീകരിച്ചുവരുന്ന നടപടികൾ വിശദമാക്കാമോ?

സർക്കാർ ഉത്തരവുകളും മന്ത്രിസഭാ തീരുമാനങ്ങളും വെബ്‌സൈറ്റിൽ പ്രസിദ്ധീകരിക്കുന്നതിന്

1782  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള സര്‍ക്കാരിന്റെ document.kerala.gov.in പോര്‍ട്ടലില്‍ എല്ലാ സര്‍ക്കാര്‍ ഉത്തരവുകളും യഥാസമയം അപ്‌ലോഡ് ചെയ്യുന്നു എന്ന് ഉറപ്പുവരുത്തിയിട്ടുണ്ടോ; വ്യക്തമാക്കാമോ;

(ബി)  മന്ത്രിസഭാ തീരുമാനങ്ങള്‍ പ്രകാരമുളള സര്‍ക്കാര്‍ ഉത്തരവ്/സര്‍ക്കുലര്‍ എന്നിവ 48 മണിക്കൂറിനുളളില്‍ പുറപ്പെടുവിക്കുന്ന മുറയ്ക്ക് മന്ത്രിസഭാ യോഗത്തിനുളള കുറിപ്പ് സഹിതം വെബ്‌സെെറ്റില്‍ പ്രസിദ്ധീകരിക്കണമെന്ന 20.07.2016 ലെ ജി.ഒ.(ആർ.ടി.) നമ്പർ 20/2016/ജി.എ.ഡി.(എസ്‌സി) നമ്പര്‍ ഉത്തരവിലെ നിര്‍ദ്ദേശങ്ങള്‍ പാലിക്കുന്നുണ്ടോ; ഇല്ലെങ്കിൽ ഇതുസംബന്ധിച്ച് പ്രതിപക്ഷനേതാവ് ബഹു.മുഖ്യമന്ത്രിക്ക് കത്ത് നല്‍കിയിരുന്നോ; എങ്കില്‍ പരിഹാരമാര്‍ഗ്ഗങ്ങള്‍ സ്വീകരിച്ചോ; വിശദമാക്കാമോ,

(സി)  സര്‍ക്കാര്‍ തീരുമാനങ്ങളുടെ സുതാര്യത ഉറപ്പ് വരുത്താനും ജനങ്ങളെ യഥാസമയം സമയങ്ങളില്‍ അറിയിക്കാനും ബന്ധപ്പെട്ട വകുപ്പുകളുടെ വെബ്സൈറ്റുകളിലും ഇ-ഓഫീസ് സിറ്റിസണ്‍ പോര്‍ട്ടലിലും യഥാസമയം ഉത്തരവുകള്‍ അപ്‌ലോഡ് ചെയ്യാന്‍ നിര്‍ദ്ദേശം നല്‍കുമോ?

കിഫ്ബി ഫണ്ടുപയോഗിച്ച് നടപ്പാക്കാന്‍ തീരുമാനിച്ച പദ്ധതികള്‍

1783  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാരിന്റെ കാലത്ത് കിഫ്ബി ഫണ്ട് ഉപയോഗിച്ച് വിവിധ വകുപ്പുകളിലായി നടപ്പാക്കാന്‍ തീരുമാനിച്ച പദ്ധതികള്‍ എത്രയാണ്; വിശദമാക്കാമോ;

(ബി)  ആയവ ആരംഭിക്കാനുളള നടപടികള്‍ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

കേരള പബ്ലിക് സർവീസ് കമ്മീഷന്റെ വിശ്വാസ്യത ഉറപ്പുവരുത്താൻ നടപടി

1784  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പബ്ലിക് സർവീസ് കമ്മീഷൻ പരീക്ഷകളിലെ ക്രമക്കേടുകൾ സംബന്ധിച്ച അന്വേഷണം അവസാനിക്കുന്നത് വരെ പ്ലാനിങ് ബോർഡിലെ നിയമനം, രണ്ടാംഘട്ട കെ.എ.എസ് പരീക്ഷ എന്നീ തസ്തികകളിലേക്കുള്ള നിയമനങ്ങൾ നിർത്തിവയ്ക്കുമോ; ക്രമക്കേടുകൾ കണ്ടെത്തുന്ന ഇത്തരം റാങ്ക് ലിസ്റ്റുകളിൽ നിന്ന് നിയമിക്കപ്പെട്ടവർക്കെതിരെ എന്ത് നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(ബി)  2019 ൽ പി. എസ്.സി. നടത്തിയ സിവിൽ പോലീസ് ഓഫീസർ റിക്രൂട്ട്മെന്റ് പരീക്ഷയിൽ ഒരു വിദ്യാർത്ഥിപ്രസ്ഥാനത്തിന്റെ നേതാവിനെതിരെ ആൾമാറാട്ടത്തിന് അറസ്റ്റ് ചെയ്തു കേസെടുത്തിട്ടുണ്ടോ; എങ്കില്‍ ഇത്തരം ക്രമക്കേടുകൾ ആവർത്തിക്കാതിരിക്കുവാൻ കേരള പബ്ലിക് സർവീസ് കമ്മീഷൻ എന്ത് നടപടികളാണ് സ്വീകരിച്ചത് എന്ന് വ്യക്തമാക്കാമോ?

താൽക്കാലിക നിയമനങ്ങൾ

1785  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സർക്കാർ,അർധസർക്കാർ, പൊതുമേഖലാ സ്ഥാപനങ്ങൾ, ഗ്രാന്റ്-ഇൻ-എയ്ഡ് സ്ഥാപനങ്ങൾ എന്നിവിടങ്ങളിൽ 2021–2026 കാലയളവിൽ എത്ര പേരെ ദിവസവേതനാടിസ്ഥാനത്തിലും കരാർ അടിസ്ഥാനത്തിലും നിയമിച്ചിട്ടുണ്ട്; പ്രസ്തുത നിയമനങ്ങളുടെ സ്ഥാപനം തിരിച്ചുള്ള വിശദാംശങ്ങൾ ലഭ്യമാക്കുമോ;

(ബി)  നിലവിലെ ചട്ടങ്ങൾ പ്രകാരം എംപ്ലോയ്‌മെന്റ് എക്‌സ്‌ചേഞ്ച് മുഖേന നിയമനം നടത്തേണ്ടതായ എത്ര തസ്തികകളിലാണ് ചട്ടങ്ങൾ പാലിക്കാതെയുള്ള നിയമനങ്ങൾ നടത്തിയിട്ടുള്ളത്; പ്രസ്തുത നിയമനങ്ങളുടെ സ്ഥാപനങ്ങൾ തിരിച്ചുള്ള വിശദാംശം ലഭ്യമാക്കുമോ;

(സി)  ഇത്തരത്തിൽ ചട്ടപ്രകാരമല്ലാതെ നിയമിക്കപ്പെട്ട ജീവനക്കാർ ഇപ്പോഴും സേവനത്തിൽ തുടരുന്നുണ്ടെങ്കിൽ അത്തരം നിയമനങ്ങൾ റദ്ദാക്കി നിയമാനുസൃതമായി നിയമനം നടത്തുന്നതിനായി എന്തെല്ലാം നടപടികൾ സ്വീകരിക്കുമെന്ന് വിശദീകരിക്കാമോ?

സാമ്പത്തിക സ്ഥിതിവിവര കണക്ക് വിഭാഗം ജീവനക്കാരുടെ സേവനം

1786  ശ്രീ. വി. ടി. ബൽറാം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വയോജന ക്ഷേമ വകുപ്പിൽ സാമ്പത്തിക സ്ഥിതിവിവര കണക്ക് വിഭാഗം ജീവനക്കാരുടെ സേവനം ഉപയോഗപ്പെടുത്തുന്നത് സംബന്ധിച്ച് സാമൂഹ്യനീതി ഡയറക്ടർക്ക് സാമ്പത്തിക സ്ഥിതി വിവര കണക്ക് വകുപ്പിൽ നിന്നും പ്രൊപ്പോസൽ നൽകിയിട്ടുണ്ടോ;വിശദമാക്കാമോ;

(ബി)  പ്രസ്തുത പ്രൊപ്പോസലിന്മേൽ സ്വീകരിച്ച നടപടികൾ എന്തൊക്കെയാണെന്ന്; വ്യക്തമാക്കാമോ?

സംസ്ഥാനത്തിന്റെ പഞ്ചവത്സരപദ്ധതി (2027-32)

1787  ശ്രീ. വി. ജോയി
പ്രൊഫ. സി. രവീന്ദ്രനാഥ്
ശ്രീ. യു. ആര്‍. പ്രദീപ്
ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തിന്റെ പഞ്ചവത്സരപദ്ധതി (2027-32) രൂപീകരണത്തിന് സ്വകാര്യ ഏജൻസികളെ ഉൾപ്പെടെ എംപാനൽ ചെയ്യുന്നതിന് ആസൂത്രണ ബോർഡ് 03.10.2026-ന് വിജ്ഞാപനം പുറപ്പെടുവിച്ചത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  എംപാനൽ ചെയ്യുന്ന ഏജൻസികളുടെ ചുമതലകൾ എന്തെല്ലാമായിരിക്കുമെന്ന് വിശദമാക്കാമോ;

(സി)  ആസൂത്രണ ബോർഡിലെ വിദഗ്ദ്ധ സമിതി നിർവ്വഹിച്ചിരുന്ന ചുമതലകൾ സ്വകാര്യ എംപാനൽ ഏജൻസികൾക്ക് നൽകുന്നത് പദ്ധതികൾ ആവിഷ്കരിക്കുന്നതിലെ സുതാര്യതയെ ദോഷകരമായി ബാധിക്കുമോയെന്ന് വിലയിരുത്തിയിട്ടുണ്ടോ; വ്യക്തമാക്കാമോ;

(ഡി)  സ്വകാര്യ എംപാനൽ ഏജൻസികൾ ആവിഷ്കരിക്കുന്ന നയപരിപാടികളും പദ്ധതികളും അഴിമതിക്ക് വഴിയൊരുക്കുമെന്ന് ഉയരുന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ?

പഞ്ചവത്സര പദ്ധതികളുടെ ആസൂത്രണം

1788  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് മുന്‍ സര്‍ക്കാരുകളുടെ കാലയളവില്‍ പഞ്ചവത്സര പദ്ധതികളുടെ ആസൂത്രണം ഏത് തരത്തിലായിരുന്നു എന്ന് വിശദമാക്കാമോ;

(ബി)  നിലവില്‍ പഞ്ചവത്സര പദ്ധതികളുടെ ആസൂത്രണത്തിനും നടത്തിപ്പിനുമായി ഏജന്‍സികളെ നിയമിക്കുവാന്‍ തീരുമാനിച്ചിട്ടുണ്ടോ;

(സി)  കേരളത്തിലെ പ്രമുഖരായ വിഷയ വിദഗ്ദ്ധരും അക്കദമിസ്റ്റുകളും പ്ലാനിംഗ് ബോര്‍ഡിന്റെ നേതൃത്വത്തില്‍ ചെയ്തു കൊണ്ടിരിക്കുന്ന ഇത്തരം ജോലികള്‍ വിദേശ/സ്വകാര്യ മേഖലയെ ഏല്‍പ്പിക്കാൻ തീരുമാനിച്ചിട്ടുണ്ടെങ്കിൽ ആയതിന്റെ കാരണങ്ങള്‍ എന്തെല്ലാം;

(ഡി)  പതിനഞ്ചാം പഞ്ചവത്സര പദ്ധതി തയ്യാറാക്കുന്നതുമായി ബന്ധപ്പെട്ട് സ്വകാര്യ ഏജന്‍സികളുടെ സഹായം തേടുകയാണെങ്കിൽ ആയതിന് എത്ര തുക ചിലവാകും എന്നു് വിശദമാക്കാമോ;ഇത് ഏത് ഫണ്ടില്‍ നിന്നായിരിക്കും ചിലവഴിക്കുക?

നവ കേരള സദസുമായി ബന്ധപ്പെട്ട് ഗുരുവായൂർ നിയോജക മണ്ഡലത്തിലെ വികസന പദ്ധതികൾ

1789  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവ കേരള സദസുമായി ബന്ധപ്പെട്ട് ഗുരുവായൂർ നിയോജക മണ്ഡലത്തിൽ പ്രഖ്യാപിച്ചതോ പരിഗണനക്കായി തിരഞ്ഞെടുത്തതോ ആയ വികസന പദ്ധതികൾ/പ്രവൃത്തികൾ ഏതൊക്കെയാണെന്ന് വ്യക്തമാക്കാമോ;മേൽപ്പറഞ്ഞ പ്രവൃത്തികളുടെ നിലവിലെ പുരോഗതി വിശദമാക്കാമോ?

സംസ്ഥാനത്തിന്റെ പ്ലാൻ ചെലവുകൾ

1790  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്ലാൻ സ്പേസ് പ്രകാരം 2026 ഒക്ടോബർ 14 വരെ സംസ്ഥാനത്തിന്റെ പ്ലാൻ ചെലവ് എത്രയാണ്;

(ബി)  പ്ലാൻ സ്പേസ് പ്രകാരം 2026 ഒക്ടോബർ 14 വരെ തദ്ദേശസ്വയംഭരണ സ്ഥാപനങ്ങളുടെ പ്ലാൻ ചെലവ് എത്രയാണ്;

(സി)  G.O. (Ms) No. 84/2022/LSGD,G.O. (Ms) No. 86/2022/LSGD എന്നീ ഉത്തരവുകൾ പ്രകാരം അനുവദിക്കേണ്ട ക്യാരി ഓവർ ചെലവുകൾ അനുവദിച്ച് ഉത്തരവ് പുറപ്പെടുവിച്ചിട്ടുണ്ടോ;ഇല്ലെങ്കിൽ അതിന്റെ കാരണം വിശദമാക്കാമോ;

(ഡി)  ഈ സാമ്പത്തിക വർഷം തദ്ദേശസ്വയംഭരണ സ്ഥാപനങ്ങൾക്ക് ആകെ അനുവദിക്കേണ്ട ഗ്രാന്റ്-ഇൻ-എയ്ഡ് തുക എത്രയാണ്;ഇതിൽ എത്ര തുക ഇതിനകം അനുവദിച്ചിട്ടുണ്ട്; വിശദമാക്കാമോ?

കെ.എസ്.ആർ.ഇ.സി. ലെ താൽക്കാലിക നിയമനങ്ങളും പ്ലാൻ പ്രോജക്ടുകളിലെ നിയമന നടപടികളും

1791  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്ലാനിങ് ആൻഡ് എക്കണോമിക് അഫയേഴ്‌സ് വകുപ്പിന് കീഴിലുള്ള കേരള സ്റ്റേറ്റ് റിമോട്ട് സെൻസിങ് ആൻഡ് എൻവയോൺമെന്റ് സെന്ററിൽ (കെ.എസ്.ആർ.ഇ.സി.) താൽക്കാലിക ജീവനക്കാർക്ക് 2026 ഓഗസ്റ്റ് 1 മുതൽ പുനർനിയമനം നൽകിയത് സർക്കാരിൽ നിന്നും മുൻ‌കൂർ അനുമതി വാങ്ങിയിട്ടാണോ;വ്യക്തമാക്കുമോ;

(ബി)  പ്ലാൻ പ്രോജക്റ്റുകളിൽ ജീവനക്കാരെ നിയമിക്കുന്നത് എംപ്ലോയ്മെന്റ് എക്സ്ചേഞ്ച് മുഖേന ആണോ;

(സി)  2025-2026, 2026-2027 സാമ്പത്തിക വർഷങ്ങളിൽ എത്ര താൽകാലിക ജീവനക്കാരെ എംപ്ലോയ്മെന്റ് എക്സ്ചേഞ്ച് മുഖേന കെ.എസ്.ആർ.ഇ.സി.യിൽ നിയമിച്ചിട്ടുണ്ട് എന്ന് വ്യക്തമാക്കാമോ?

കെ-ഡിസ്‌ക് മുഖേന നടപ്പിലാക്കുന്ന തൊഴിൽ നൈപുണ്യ വികസന പദ്ധതികൾ

1792  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള ഡെവലപ്‌മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ മുഖേന സംസ്ഥാനത്ത് നടപ്പിലാക്കിവരുന്ന പ്രധാന പദ്ധതികൾ ഏതെല്ലാമാണെന്ന് വ്യക്തമാക്കുമോ;

(ബി)  പ്രസ്തുത പദ്ധതികൾ മുഖേന സംസ്ഥാനത്ത് ഇതുവരെ എത്ര പേർക്ക് തൊഴിൽ ലഭ്യമാക്കാൻ സാധിച്ചിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ;

(സി)  അഭ്യസ്തവിദ്യരായ യുവജനങ്ങൾക്കും,സ്ത്രീകൾക്കും,ഭിന്നശേഷിക്കാർക്കും തൊഴിൽ ലഭ്യമാക്കുന്നതിനായി കെ-ഡിസ്‌ക് പ്രത്യേക പദ്ധതികൾ ആവിഷ്കരിച്ചിട്ടുണ്ടോ; വിശദമാക്കാമോ;

(ഡി)  കെ-ഡിസ്‌ക് -ന്റെ വിവിധ പദ്ധതികൾക്കായി കഴിഞ്ഞ അഞ്ച് വർഷങ്ങളിൽ സർക്കാർ അനുവദിച്ച തുക എത്രയാണ്; അതിൽ ചെലവഴിച്ച തുക എത്രയാണെന്ന് വിശദമാക്കാമോ?

സംസ്ഥാന വികസന പദ്ധതി രൂപീകരണവും ആസൂത്രണ ബോർഡിന്റെ പ്രവർത്തനവും

1793  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ വികസന പദ്ധതികളുടെ രൂപീകരണവുമായി ബന്ധപ്പെട്ട ചുമതലകൾ പുറംകരാർ നൽകാൻ തീരുമാനിച്ചിട്ടുണ്ടോ; എങ്കിൽ പ്രസ്തുത തീരുമാനത്തിന്റെ വിശദാംശങ്ങളും കാരണങ്ങളും വ്യക്തമാക്കുമോ;

(ബി)  സംസ്ഥാന ആസൂത്രണ ബോര്‍ഡിന്റെ പ്രവര്‍ത്തനം കാര്യക്ഷമമല്ലെന്ന വിലയിരുത്തലിന്റെ അടിസ്ഥാനത്തിലാണോ പദ്ധതി രൂപീകരണ ചുമതലകള്‍ പുറംകരാര്‍ നല്‍കാന്‍ തീരുമാനിച്ചത്; വ്യക്തമാക്കുമോ;

(സി)  സംസ്ഥാന ആസൂത്രണ ബോര്‍ഡ് പിരിച്ചുവിടാന്‍ ഉദ്ദേശ്യമുണ്ടോ; എങ്കില്‍ അതിന്റെ വിശദാംശങ്ങള്‍ ലഭ്യമാക്കുമോ?

പി.എസ്.സി. പരീക്ഷകളിലെ സുതാര്യതയും സത്യസന്ധതയും ഉറപ്പാക്കൽ

1794  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ വർഷങ്ങളിൽ പി.എസ്.സി. നടത്തിയ പല പരീക്ഷകളും നിയമനങ്ങളും സംശയത്തിന്റെ നിഴലിലാണെന്ന റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നല്കാമോ;

(ബി)  ഇതുമായി ബന്ധപ്പെട്ട ക്രൈം ബ്രാഞ്ച് അന്വേഷണത്തോട് പി.എസ്.സി. ചെയർമാനടക്കം സഹകരിക്കണമെന്നതുൾപ്പെടെയുള്ള ഹൈക്കോടതി പരാമർശങ്ങൾ ശ്രദ്ധയിൽപ്പെട്ടിട്ടുണ്ടോ;

(സി)  എങ്കിൽ പി.എസ്.സി.യുടെ സ്വതന്ത്ര സ്വഭാവവും പരീക്ഷാനടത്തിപ്പിലെ സുതാര്യതയും സത്യസന്ധതയും ഉറപ്പുവരുത്താൻ എന്തൊക്കെ നടപടികൾ കൈക്കൊള്ളുമെന്ന് വ്യക്തമാക്കുമോ?

മുന്‍ സർക്കാരിന്റെ കാലത്തെ പി.എസ്.സി. നിയമനം

1795  ശ്രീ. വി. എസ്. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ രണ്ട് സർക്കാരുകളുടെ കാലത്ത്‌ നടന്ന പി.എസ്.സി. വഴിയുള്ള ആകെ നിയമനങ്ങൾ എത്രയാണെന്ന് വ്യക്തമാക്കാമോ;

(ബി)  ഇക്കാലയളവിൽ ആകെ എത്ര നിയമന ശുപാർശകൾ പി.എസ്.സി. നൽകിയെന്നും അതിൽ എത്രപേർ ജോലിക്ക് ജോയിൻ ചെയ്യാതിരുന്നു എന്നും വ്യക്തമാക്കാമോ;

(സി)  പി.എസ്.സി. വഴി നിയമനം നടത്തുന്ന തസ്തികകളുടെ ശ്രേണിയില്‍ എത്ര ഉദ്യോഗസ്ഥർ 2016 മെയ് 31 മുതൽ 2026 മെയ് 31 വരെ വിരമിച്ചിട്ടുണ്ട്; വിശദാംശം ലഭ്യമാക്കാമോ?

പി.എസ്.സി.യിലെ പിൻവാതിൽ നിയമനം

1796  ശ്രീ. കെ. എം. അഭിജിത്ത് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സർക്കാർ കാലയളവില്‍ പി. എസ്.സി. ചെയർമാനും അംഗങ്ങളും ക്രമവിരുദ്ധമായി നിയമനങ്ങൾ നടത്തിയിട്ടുണ്ടോ;വിശദമാക്കാമോ;

(ബി)  പി.എസ്.സി. വഴി നിയമനം നടത്തേണ്ട തസ്തികകളിൽ പി.എസ്.സി. ചെയർമാനും, അംഗങ്ങൾക്കും, മുന്‍ ഭരണകക്ഷി പാർട്ടിയുടെ നേതാക്കൾക്കും വേണ്ടപ്പെട്ടവര്‍ക്ക് ക്രമവിരുദ്ധമായി നിയമനങ്ങൾ നല്‍കിയിട്ടുണ്ടെന്നുള്ള ആക്ഷേപത്തെക്കുറിച്ച് അന്വേഷിക്കുമോ; വിശദമാക്കാമോ;

(സി)  പി.എസ്.സി. റാങ്ക് പട്ടിക നിലനിൽക്കെ പത്ത് ഓഫീസ് അറ്റൻഡൻഡ് തസ്തിക കരാർ ജീവനക്കാർക്കായി മാറ്റിവെച്ചെന്ന പരാതിയെക്കുറിച്ച് അന്വേഷിച്ച് നടപടിയെടുക്കുമോ; വ്യക്തമാക്കുമോ?

പി.എസ്.സി. മുഖേനയുള്ള ഹോമിയോപ്പതി കോളേജ് അസോസിയേറ്റ് പ്രൊഫസർ നിയമനം

1797  ശ്രീ. വി. ടി. സൂരജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഹോമിയോപ്പതി മെഡിക്കൽ കോളേജുകളിലെ അസോസിയേറ്റ് പ്രൊഫസർ നിയമനവുമായി ബന്ധപ്പെട്ട് ബഹുമാനപ്പെട്ട ഹൈക്കോടതിയുടെയും സുപ്രീം കോടതിയുടെയും ഉത്തരവുകൾ പി.എസ്.സി. പാലിച്ചില്ലെന്ന പരാതിയെക്കുറിച്ച് അന്വേഷിക്കുമോ; വ്യക്തമാക്കുമോ;

(ബി)  2023-ൽ പി.എസ്.സി. പ്രസ്തുത തസ്തികയിലേക്ക് വിജ്ഞാപനം പുറപ്പെടുവിച്ചപ്പോൾ നിശ്ചയിച്ചിരുന്ന യോഗ്യതയും പ്രവൃത്തിപരിചയവും രണ്ടുമാസത്തിനുശേഷം തിരുത്തിയിരുന്നോ; വിശദമാക്കുമോ;

(സി)  ഇതനുസരിച്ച് നടത്തിയ പരീക്ഷയിലും അഭിമുഖത്തിലും യോഗ്യതയില്ലാത്ത നിരവധി പേർ ഇടംപിടിച്ചെന്ന പരാതിയെക്കുറിച്ച് അന്വേഷിച്ച് നടപടിയെടുക്കുമോ; വ്യക്തമാക്കുമോ?

ക്രിമിനല്‍ ജുഡീഷ്യല്‍ പരീക്ഷയുടെ ഫലം

1798  ശ്രീ. സനീഷ്‌കുമാര്‍ ജോസഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പബ്ലിക്ക് സര്‍വ്വീസ് കമ്മീഷന്റെ 2025 ആഗസ്ത് 30-ലെ വിജ്ഞാപനം പ്രകാരമുള്ള വകുപ്പുതല പരീക്ഷയായ ക്രിമിനല്‍ ജുഡീഷ്യല്‍ പരീക്ഷയുടെ ഫലം നാളിതുവരെ പ്രസിദ്ധീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)  ഓണ്‍ലൈനായി നടത്തപ്പെടുന്ന പ്രസ്തുത പരീക്ഷയുടെ ഫലം വൈകുന്നത് ജീവനക്കാരുടെ സ്ഥാനക്കയറ്റത്തെ ഉള്‍പ്പെടെ ബാധിക്കുമെന്നുള്ളത് ശ്രദ്ധയില്‍പ്പെട്ടിട്ടുണ്ടോ; കാലതാമസത്തിന്റെ കാരണം വിശദമാക്കുമോ;

(സി)  വര്‍ഷാവര്‍ഷം നടത്തിയിരുന്ന പ്രസ്തുത പരീക്ഷ എത്ര വര്‍ഷം മുടങ്ങിയെന്നും എത്ര വര്‍ഷത്തിനു ശേഷമാണ് ഇപ്പോള്‍ നടത്തിയിട്ടുള്ളതെന്നും വെളിപ്പെടുത്തുമോ;

(ഡി)  ഫലം എന്നത്തേക്ക് പ്രസിദ്ധീകരിക്കുവാന്‍ കഴിയുമെന്ന് അറിയിക്കുമോ?

പി.എസ്‍.സി. സെക്രട്ടറിയെ അറിയിക്കാതെ ഫയലുകള്‍ ഉത്തരവാകുന്നത് തടയാന്‍ നടപടി

1799  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പബ്ലിക്ക് സര്‍വീസ് കമ്മീഷന്‍ എന്ന ഭരണഘടനാ സ്ഥാപനത്തിന്റെ അഡ്മിനിസ്ട്രേറ്റീവ് ഹെഡ് ആയിട്ടുള്ള പി.എസ്.സി. സെക്രട്ടറിയെ അറിയിക്കാതെ ഫയലുകളിൽ തീരുമാനം എടുക്കുന്നു എന്ന ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

(ബി)  ജീവനക്കാര്‍ക്ക് അര്‍ഹതപ്പെട്ട പ്രമോഷനുകളും ആനുകൂല്യങ്ങളും നല്‍കാതെ നടത്തുന്ന നിയമലംഘനങ്ങള്‍ കണ്ടെത്താന്‍ പി.എസ്.സി.യുടെ പരീക്ഷാ ക്രമക്കേടുകള്‍ അന്വേഷിക്കുന്ന സ്പെഷ്യല്‍ ടീമിനെ കൊണ്ട് അന്വേഷണം നടത്തുന്നതിനും കുറ്റക്കാരായ ജീവനക്കാരെ സര്‍വീസില്‍ നിന്നും പിരിച്ച് വിടുന്നതിനും നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കാമോ;

(സി)  കഴിഞ്ഞ പത്ത് വര്‍ഷക്കാലം പി.എസ്.സി. സെക്രട്ടറിയെ മറികടന്ന് പി.എസ്.സി. എടുത്ത തീരുമാനങ്ങള്‍ പുന:പരിശോധിക്കാന്‍ നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

പി.എസ്.സി. റാങ്ക് ലിസ്റ്റ് കാലാവധിയും നിയമനങ്ങളും

1800  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പി.എസ്.സി. റാങ്ക് ലിസ്റ്റുകളുടെ കാലാവധി നീട്ടി നല്‍കിയതിലൂടെ അധികമായി എത്ര ഉദ്യോഗാര്‍ത്ഥികള്‍ക്ക് ഇതുവരെ നിയമന ശിപാര്‍ശ നല്‍കാന്‍ കഴിഞ്ഞിട്ടുണ്ട്; ഓരോ തസ്തികയും വകുപ്പും തിരിച്ചുളള കണക്കുകള്‍ ലഭ്യമാക്കുമോ;

(ബി)  മേല്‍പ്രകാരം കാലാവധി നീട്ടിയ ഘട്ടത്തില്‍ റിപ്പോര്‍ട്ട് ചെയ്യപ്പെട്ട ഒഴിവുകള്‍ ഏതെല്ലാം രീതിയിലാണ് ഉണ്ടായതെന്നും അവ ഓരോന്നും നിലവില്‍ വന്ന തീയതി ഏതാണെന്നും വ്യക്തമാക്കാമോ;

(സി)  നിലവിലുളള റാങ്ക് ലിസ്റ്റുകളുടെ കാലാവധി നീട്ടി നല്‍കിയത് ഏതൊക്കെ പുതിയ റാങ്ക് ലിസ്റ്റുകളുടെ പ്രസിദ്ധീകരണത്തെ ബാധിച്ചിട്ടുണ്ട് എന്ന് പരിശോധിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

(ഡി)  റാങ്ക് ലിസ്റ്റുകള്‍ക്ക് നിലവിലുളള പരമാവധി കാലാവധിയായ 3 വര്‍ഷം എന്നത് വർധിപ്പിക്കാൻ സര്‍ക്കാര്‍ ഉദ്ദേശിക്കുന്നുണ്ടോ എന്ന് വ്യക്തമാക്കുമോ?

ഓഫീസ് അറ്റൻഡന്റ് തസ്തിക മിനിസ്റ്റീരിയല്‍ വിഭാഗത്തിൽ ഉൾപ്പെടുത്തല്‍

1801  ഡോ. മാത്യു കുഴൽനാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഓഫീസ് അറ്റൻഡന്റ് തസ്തിക മിനിസ്റ്റീരിയല്‍ വിഭാഗത്തിൽ ഉൾപ്പെടുത്തിയിട്ടുണ്ടോ; വിശദാംശം നൽകാമോ;

(ബി)  ഓഫീസ് അറ്റൻഡന്റ് തസ്തിക മിനിസ്റ്റീരിയല്‍ വിഭാഗത്തിൽ ഉൾപ്പെടുത്തുന്നത് സംബന്ധിച്ച ഹൈക്കോടതിയുടെയും (ഓ.പി.(കെ.എ.റ്റി.)നമ്പർ 149/2015 തീയതി 28.02.2017) കേരള അഡിമിനിസ്ട്രേറ്റീവ് ട്രൈബ്യൂണലിന്റെയും (ഓ.എ.[ഇ.കെ.എം.]-1657/2O23, തീയതി 5/08/2026) ഉത്തരവുകൾ ശ്രദ്ധയിൽപ്പെട്ടിട്ടുണ്ടോ; വിശദാംശം നൽകാമോ;

(സി)  മേൽ ഉത്തരവുകളുടെ അടിസ്ഥാനത്തിൽ ഓഫീസ് അറ്റൻഡന്റ് തസ്തിക മിനിസ്റ്റീരിയല്‍ വിഭാഗത്തിൽ ഉൾപ്പെടുത്തുന്നതിനായി ബന്ധപ്പെട്ട വകുപ്പുകൾ നടപടികൾ സ്വീകരിച്ചിട്ടുണ്ടോ; എങ്കില്‍, അടിയന്തരമായി ഉത്തരവ് പുറപ്പെടുവിക്കുന്നതിനുള്ള നടപടി സ്വീകരിക്കുമോ; വിശദാംശം നൽകാമോ?

​അംഗൻവാടി വർക്കർമാർക്കായി ഐ.സി.ഡി.എസ്. സൂപ്പർവൈസർ തസ്തികയിലെ നിയമനം

1802  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കാറ്റഗറി നമ്പർ 236/2022 പ്രകാരം അംഗൻവാടി വർക്കർമാർക്കായി ഐ.സി.ഡി.എസ്. സൂപ്പർവൈസർ തസ്തികയിലേക്ക് പി.എസ്.സി. വിജ്ഞാപനം ചെയ്ത പരീക്ഷയുടെ റാങ്ക് ലിസ്റ്റ് നിലവിലുണ്ടോ; ഉണ്ടെങ്കിൽ നിലവിലെ റാങ്ക് ലിസ്റ്റിലെ അവസ്ഥയും അതിൽ നിന്നും ഇതുവരെ നടത്തിയ നിയമനങ്ങളുടെ എണ്ണവും എത്രയാണെന്ന് വ്യക്തമാക്കാമോ;

(ബി)  അംഗൻവാടി വർക്കർമാരുടെ 50% സംവരണ തസ്തികകളിൽ റിപ്പോർട്ട് ചെയ്ത ഒഴിവുകളിലേക്ക് പി.എസ്.സി. മുഖേന വേഗത്തിൽ നിയമനം നടത്തുന്നതിന് നടപടി സ്വീകരിച്ചിട്ടുണ്ടോ; ഇല്ലെങ്കിൽ അതിനുള്ള തടസ്സങ്ങൾ എന്തെല്ലാമാണെന്ന് വ്യക്തമാക്കാമോ;

(സി)  പ്രസ്തുത റാങ്ക് ലിസ്റ്റിൽ ഉൾപ്പെട്ട 50 വയസ്സിന് മുകളിൽ പ്രായമുള്ളതിനാൽ ഇനി പി.എസ്.സി. പരീക്ഷകൾ എഴുതാൻ അവസരമില്ലാത്ത അംഗൻവാടി വർക്കർമാരുടെ സാഹചര്യം പരിഗണിച്ച്, നിലവിലുള്ള ഒഴിവുകളിലേക്ക് എത്രയും വേഗം നിയമന ശുപാർശ നൽകുന്നതിനാവശ്യമായ അടിയന്തര നടപടി സ്വീകരിക്കുമോ?

മെഡല്‍ നേടിയ മലയാളി താരങ്ങള്‍ക്ക് തൊഴില്‍

1803  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  20-ാമത് ഏഷ്യന്‍ ഗെയിംസില്‍ മെഡല്‍ നേടിയ മലയാളി താരങ്ങള്‍ക്ക് തൊഴില്‍ നല്‍കുന്നത് പരിഗണനയിലുണ്ടോ; എങ്കില്‍,എത്ര കാലത്തിനുള്ളില്‍ നിയമനം സാധ്യമാക്കാനാകും എന്ന് അറിയിക്കാമോ?

നോൺ ജേർണലിസ്റ്റ് പെൻഷൻ വർധനയും കുടുംബ പെൻഷൻ അനുവദിക്കലും

1804  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നോൺ ജേർണലിസ്റ്റ് പെൻഷൻ നിലവിൽ പ്രതിമാസം 7,000 രൂപ മാത്രമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ജേർണലിസ്റ്റ് പെൻഷൻ വർധിപ്പിച്ച സാഹചര്യത്തിൽ നോൺ ജേർണലിസ്റ്റ് പെൻഷനും വർധിപ്പിക്കുന്നതിന് നടപടി സ്വീകരിക്കുമോ;

(ബി)  നോൺ ജേർണലിസ്റ്റ് പെൻഷൻ നിലവിലെ നിരക്കിൽനിന്ന് വർധിപ്പിച്ച് ജേർണലിസ്റ്റ് പെൻഷനുമായി ആനുപാതികമായി നൽകുന്നതിന് നടപടി സ്വീകരിക്കുമോ; വ്യക്തമാക്കുമോ?

(സി)  നോൺ ജേർണലിസ്റ്റ് പെൻഷൻ ഗുണഭോക്താക്കളുടെ കുടുംബാംഗങ്ങൾക്ക് കുടുംബ പെൻഷൻ അനുവദിക്കുന്നതിന് നിലവിൽ വ്യവസ്ഥയുണ്ടോ; ഇല്ലെങ്കിൽ,അർഹരായ ഗുണഭോക്താക്കളുടെ കുടുംബാംഗങ്ങൾക്ക് കുടുംബ പെൻഷൻ അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

താൽക്കാലിക ജീവനക്കാരുടെ നിയമനം

1805  ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016 മെയ് മാസം മുതൽ 2026 മെയ് മാസം വരെയുള്ള കാലയളവില്‍ വിവിധ സർക്കാർ/അർദ്ധ സർക്കാർ/പൊതുമേഖലാ സ്ഥാപനങ്ങളിൽ എംപ്ലോയ്മെന്റ് എക്സ്ചേഞ്ച് വഴിയുള്ള നിയമനത്തിന് പുറമെ താൽക്കാലിക/കരാർ/ദിവസവേതന അടിസ്ഥാനത്തിൽ നിയമിച്ചവരുടെ എണ്ണം എത്രയാണ്; വിശദമാക്കാമോ;

(ബി)  പി.എസ്.സി. വഴി സ്ഥിരം നിയമനം നടത്താനുള്ള തസ്തികകളിലെ ഒഴിവുകൾ യഥാസമയം റിപ്പോർട്ട് ചെയ്യാതെ താൽക്കാലിക ജീവനക്കാരെ നിയമിച്ചതായുള്ള പരാതികൾ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(സി)  പ്രസ്തുത പരാതികളിന്മേൽ സ്വീകരിച്ച നടപടികൾ എന്തൊക്കെയാണ് എന്ന് വ്യക്തമാക്കാമോ?

കണ്ണൂർ ജില്ലയിൽ കെ.എസ്.ഇ.ബി. വർക്കർ തസ്തികയിലെ ഒഴിവുകളും നിയമനങ്ങളും

1806  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കണ്ണൂർ ജില്ലയിൽ കെ.എസ്.ഇ.ബി. വർക്കർ തസ്തികയിലേക്ക് കേരള പബ്ലിക് സർവീസ് കമ്മീഷൻ നടത്തിയ പരീക്ഷയുടെ റാങ്ക് ലിസ്റ്റ് പ്രസിദ്ധീകരിച്ചിട്ടുണ്ടോ; എങ്കിൽ പ്രസ്തുത റാങ്ക് ലിസ്റ്റിലെ മെയിൻ ലിസ്റ്റിൽ ഉൾപ്പെട്ടിട്ടുള്ള ഉദ്യോഗാർത്ഥികളുടെ എണ്ണം എത്രയാണെന്ന് വ്യക്തമാക്കുമോ;

(ബി)  പ്രസ്തുത തസ്തികയിൽ നിലവിലുള്ള മുഴുവൻ ഒഴിവുകളും പി.എസ്.സി.യ്ക്ക് റിപ്പോർട്ട് ചെയ്തിട്ടുണ്ടോ; എങ്കിൽ ഇതുവരെ റിപ്പോർട്ട് ചെയ്ത ഒഴിവുകളുടെ എണ്ണം എത്രയാണെന്നും റിപ്പോർട്ട് ചെയ്യാത്ത ഒഴിവുകൾ ഉണ്ടെങ്കിൽ അവ സമയബന്ധിതമായി റിപ്പോർട്ട് ചെയ്യുന്നതിനായി സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമാണെന്നും വിശദമാക്കുമോ;

(സി)  സംസ്ഥാനത്ത് വിവിധ തസ്തികകളിൽ ഉണ്ടാകുന്ന ഒഴിവുകൾ സമയബന്ധിതമായി പി.എസ്.സി.യ്ക്ക് റിപ്പോർട്ട് ചെയ്യുന്നതിനായി സർക്കാർ സ്വീകരിച്ചുവരുന്ന നടപടികൾ എന്തെല്ലാമെന്ന് വിശദമാക്കുമോ?

പത്തനംതിട്ട ജില്ലയിലെ പി.എസ്.സി. നിയമനം

1807  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പത്തനംതിട്ട ജില്ലയിൽ വിവിധ തസ്തികകളിലായി നിലവിൽ എത്ര ഒഴിവുകളുണ്ടെന്നും അവയിൽ എത്ര ഒഴിവുകൾ പി.എസ്.സി.യ്ക്ക് റിപ്പോർട്ട് ചെയ്തിട്ടുണ്ടെന്നും വ്യക്തമാക്കുമോ;

(ബി)  പി.എസ്.സി.യ്ക്ക് റിപ്പോർട്ട് ചെയ്ത ഒഴിവുകളിൽ എത്ര ഉദ്യോഗാർഥികൾക്ക് നിയമന ശുപാർശ നൽകിയിട്ടുണ്ടെന്നും എത്ര ഒഴിവുകൾ നികത്താനുണ്ടെന്നും വ്യക്തമാക്കുമോ;

(സി)  ജില്ലയിൽ വിവിധ തസ്തികകളിലേക്കുള്ള റാങ്ക് ലിസ്റ്റുകളിൽ ഉൾപ്പെട്ടിട്ടും നിയമന ശുപാർശ ലഭിക്കാതെ കാത്തിരിക്കുന്ന ഉദ്യോഗാർഥികളുടെ എണ്ണം എത്രയാണെന്ന് തസ്തിക തിരിച്ച് വ്യക്തമാക്കുമോ;

(ഡി)  ജില്ലയിൽ റിപ്പോർട്ട് ചെയ്ത ഒഴിവുകളിൽ നിയമന നടപടികൾ സമയബന്ധിതമായി പൂർത്തീകരിക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

ക്ലാർക്ക് തസ്തികയിലെ നിയമനം

1808  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പി.എസ്.സി. ജില്ലാതല നിയമനത്തിനായി പ്രസിദ്ധീകരിച്ചിട്ടുള്ള ക്ലാർക്ക് (വിവിധം) തസ്തികയിലെ റാങ്ക് ലിസ്റ്റിൽനിന്നുള്ള നിയമനങ്ങൾ 2026 മെയ് മാസത്തിന് ശേഷം മന്ദഗതിയിലാണോ; എങ്കിൽ സമയബന്ധിതമായി വേക്കൻസികൾ റിപ്പോർട്ട് ചെയ്ത് പ്രസ്തുത റാങ്ക് ലിസ്റ്റിൽ നിന്നുള്ള നിയമന പ്രക്രിയ വേഗത്തിലാക്കാൻ നടപടികൾ സ്വീകരിക്കുമോ; വിശദമാക്കാമോ?

പി.എസ്.സി. തീരുമാനങ്ങളും നിയമോപദേശങ്ങളും

1809  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പി.എസ്.സി.യിൽ നിന്ന് വിരമിച്ച ജോൺസൺ ജി.യുടെ സർവീസ് സീനിയോരിറ്റി പൂർണമായി പുനഃസ്ഥാപിച്ചു നൽകാൻ പി.എസ്.സി. തീരുമാനിച്ചിരുന്നോ; എങ്കിൽ പ്രസ്തുത തീരുമാനം നടപ്പാക്കുന്നതിൽ വീഴ്ചവരുത്തിയ ഉദ്യോഗസ്ഥരുടെ പേര് വിവരങ്ങളും അവർക്കെതിരെ സ്വീകരിച്ച നടപടിയും വ്യക്തമാക്കുമോ;

(ബി)  പി.എസ്.സി. എടുക്കുന്ന തീരുമാനങ്ങളുടെ പ്രൊസീഡിംഗ്സ് ഇറക്കുന്നതിനുപകരം തീരുമാനങ്ങളെ ചോദ്യം ചെയ്ത് നോട്ട് എഴുതുന്ന ഉദ്യോഗസ്ഥർക്ക് എതിരെ എന്തൊക്കെ ശിക്ഷാ നടപടികളാണ് നിലവില്‍ സ്വീകരിച്ച് വരുന്നത് എന്ന് വ്യക്തമാക്കുമോ;

(സി)  മേൽപ്പറ‍ഞ്ഞത് പ്രകാരം ഉദ്യോഗസ്ഥർ എഴുതിയ നോട്ട് പരിഗണിച്ച ലീഗൽ റീട്ടെയ്‌നറുടെ അഭിപ്രായത്തിന്റെ അടിസ്ഥാനത്തിൽ മാത്രം പി.എസ്.സി. എടുക്കുന്ന തീരുമാനങ്ങൾ മാറ്റുന്നതിനോ നടപ്പാക്കാതിരിക്കുന്നതിനോ വ്യവസ്ഥ ചെയ്യുന്ന ചട്ടം നിലവിലുണ്ടോ; എങ്കിൽ വ്യക്തമാക്കുമോ;

(ഡി)  പി.എസ്.സി.യുടെ ലീഗൽ റീട്ടെയ്‌നർ നൽകുന്ന നിയമോപദേശങ്ങൾ പലതും കോടതി വിധിയുടെ ചട്ടങ്ങൾക്ക് വിരുദ്ധമാണെന്ന ആക്ഷേപം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ,ജോൺസൺ ജി.യുടേത് ഉൾപ്പെടെയുള്ള കേസുകളിൽ നിയമ വിരുദ്ധ നടപടികള്‍ സ്വീകരിച്ച ലീഗൽ റീട്ടെയ്‌നയറെ സർവ്വീസിൽ നിന്നും മാറ്റി നിർത്താൻ നടപടികൾ ഉണ്ടാകുമോ; വിശദാംശം ലഭ്യമാക്കുമോ?

കണക്ട് ടു വർക്ക് പദ്ധതി

1810  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് നടപ്പാക്കിയ മുഖ്യമന്ത്രിയുടെ കണക്ട് ടു വർക്ക് പദ്ധതി എന്താണെന്ന് വിശദമാക്കാമോ;

(ബി)  പ്രസ്തുത പദ്ധതിയിലേക്ക് ലഭിച്ച അപേക്ഷകൾ പരിഗണിച്ച്, അവ മാനദണ്ഡങ്ങൾ പാലിക്കുന്നുണ്ടോ എന്ന് ഉറപ്പുവരുത്തി, ഗുണഭോക്തൃ പട്ടിക പൂർത്തിയാക്കിയത് എങ്ങനെയാണെന്ന് വിശദമാക്കാമോ;

(സി)  പ്രസ്തുത പദ്ധതിയിലൂടെ ഓരോ മാസവും എത്ര വീതം ഗുണഭോക്താക്കൾക്കായി ആകെ എത്ര തുകയാണ് വിതരണം ചെയ്തതെന്ന് പട്ടിക തിരിച്ച് വിവരം ലഭ്യമാക്കാമോ;

(ഡി)  പ്രസ്തുത പദ്ധതിക്കായി മുൻ സർക്കാരിന്റെ അവസാന ബജറ്റിലും ഈ സർക്കാരിന്റെ നിലവിലെ ബജറ്റിലും എത്ര വീതം തുകയാണ് വകയിരുത്തിയത്; വ്യക്തമാക്കാമോ;

(ഇ)  മുഖ്യമന്ത്രിയുടെ കണക്ട് ടു വർക്ക് പദ്ധതി തുടരാൻ സർക്കാർ തയ്യാറാകുമോ; ഇല്ലെങ്കിൽ, കാരണം വിശദമാക്കാമോ?

റാന്നിയിലെ തുടർപ്രളയങ്ങൾ

1811  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2018 മുതൽ റാന്നി പട്ടണത്തില്‍ തുടരെയുണ്ടാകുന്ന പ്രളയങ്ങൾ ജനങ്ങളുടെ ജീവിതം ദുസ്സഹമാക്കുന്നതും കോടികളുടെ നഷ്ടം സംഭവിക്കുന്നതും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  റാന്നിയില്‍ തുടർച്ചയായി ഉണ്ടായിക്കൊണ്ടിരിക്കുന്ന പ്രളയ സാഹചര്യം പരിഗണിച്ച് വിദഗ്ധരുടെ നേതൃത്വത്തിൽ ഒരു പഠനം നടത്തി ശാസ്ത്രീയ മാർഗങ്ങൾ അവലംബിച്ച് പരിഹാര നടപടികൾ സ്വീകരിക്കുമോ; വ്യക്തമാക്കാമോ?

അതിഥി തൊഴിലാളികളുടെ മൃതദേഹം നാട്ടിലെത്തിക്കാൻ നടപടി

1812  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മറ്റ് സംസ്ഥാനങ്ങളിൽ നിന്നും കേരളത്തിൽ എത്തി ജോലി ചെയ്തു വരവെ പെട്ടെന്നുണ്ടാകുന്ന രോഗബാധയോ അപകടങ്ങളോ മൂലം മരണപ്പെടുന്ന അതിഥി തൊഴിലാളികളുടെ മൃതദേഹം സ്വന്തം നാട്ടിലേക്ക് ആംബുലൻസ് മാർഗ്ഗമോ മറ്റ് സംവിധാനങ്ങൾ വഴിയോ എത്തിക്കുന്നതിന് നിലവിൽ എന്തെങ്കിലും പ്രത്യേക ഫണ്ടോ സഹായ പദ്ധതികളോ നിലവിലുണ്ടോ; ഉണ്ടെങ്കിൽ വിശദാംശം നൽകാമോ;

(ബി)  ഇത്തരം അടിയന്തര സാഹചര്യങ്ങളിൽ സാമ്പത്തികശേഷിയില്ലാത്ത തൊഴിലാളികളുടെ മൃതദേഹങ്ങൾ ജന്മനാട്ടിലേക്ക് കൊണ്ടുപോകുന്നതിനുള്ള തുക അടിയന്തരമായി അനുവദിക്കുന്നതിന് ജില്ലാ കളക്ടർമാർക്കോ തൊഴിൽ വകുപ്പ് ഉദ്യോഗസ്ഥർക്കോ നിലവിൽ എന്തെങ്കിലും പ്രത്യേക അധികാരമോ തുകയോ ലഭ്യമാക്കിയിട്ടുണ്ടോ;

(സി)  ഈ കാര്യത്തിൽ സർക്കാർ പുറപ്പെടുവിച്ചിട്ടുള്ള നിലവിലെ മാർഗ്ഗനിർദ്ദേശങ്ങളും ഉത്തരവുകളും എന്തൊക്കെയാണെന്ന് വിശദമാക്കുമോ;

(ഡി)  ഇത്തരം സംഭവങ്ങളിൽ ഫണ്ടിന്റെ അഭാവം മൂലം മൃതദേഹങ്ങൾ മോർച്ചറികളിൽ ദീർഘനാൾ സൂക്ഷിക്കേണ്ടി വരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ അതിഥി തൊഴിലാളികളുടെ മൃതദേഹം താമസംവിനാ നാട്ടിലെത്തിക്കാൻ പ്രത്യേക എമർജൻസി ഫണ്ട് രൂപീകരിക്കാനും ആംബുലൻസ് ഉൾപ്പെടെയുള്ള സൗകര്യങ്ങൾ പെട്ടെന്ന് ലഭ്യമാക്കാനും നടപടി സ്വീകരിക്കുമോ; വ്യക്തമാക്കാമോ?

ശക്തമായ കാറ്റിൽ ഒല്ലൂർ നിയോജക മണ്ഡലത്തിൽ ഉണ്ടായ നാശനഷ്ടങ്ങൾക്കുള്ള ധനസഹായം

1813  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജക മണ്ഡലത്തിലെ പൂച്ചെട്ടി, നടത്തറ, കൊഴുക്കുള്ളി തുടങ്ങിയ പ്രദേശങ്ങളിൽ 2026 ജൂൺ മാസത്തിൽ ഉണ്ടായ ശക്തമായ കാറ്റിനെ തുടർന്ന് നിരവധി വീടുകൾക്കും വീടുകളോടനുബന്ധിച്ചുള്ള നിർമ്മിതികൾക്കും കൃഷിക്കും വൃക്ഷങ്ങൾക്കും വ്യാപകമായ നാശനഷ്ടം സംഭവിച്ചിട്ടുള്ളതായി ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത ദുരന്തത്തിൽ ഒല്ലൂർ നിയോജക മണ്ഡലത്തിൽ വീടുകൾ, വീടുകളോടനുബന്ധിച്ചുള്ള നിർമ്മിതികൾ, കൃഷി, വൃക്ഷങ്ങൾ തുടങ്ങിയവയ്ക്കുണ്ടായ നാശനഷ്ടങ്ങളുടെ വിശദമായ കണക്കെടുപ്പ് നടത്തിയിട്ടുണ്ടോ; നടത്തിയിട്ടുണ്ടെങ്കിൽ പ്രസ്തുത വിവരങ്ങളും ആകെ കണക്കാക്കിയ നഷ്ടത്തിന്റെ തുക എത്രയാണെന്നും വില്ലേജ് തിരിച്ച് ലഭ്യമാക്കമോ;

(സി)  കേരളത്തിൽ ചുഴലിക്കാറ്റിനേക്കാൾ കുറഞ്ഞതും ജീവനും സ്വത്തിനും നാശനഷ്ടം ഉണ്ടാക്കുന്നതുമായ ശക്തമായ കാറ്റ് (സ്‌ട്രോങ് വിൻഡ്) സ്റ്റേറ്റ് സ്‌പെസിഫിക് ഡിസാസ്റ്റർ ആയി അംഗീകരിച്ചിട്ടുള്ള സാഹചര്യത്തിൽ, പ്രസ്തുത ദുരന്തബാധിതർക്ക് നിലവിലുള്ള മാനദണ്ഡപ്രകാരം എസ്.ഡി.ആർ.എഫ്-ൽ നിന്ന് അനുവദിക്കാവുന്ന ധനസഹായം ലഭ്യമാക്കുന്നതിനുള്ള നടപടികൾ സ്വീകരിച്ചിട്ടുണ്ടോ;

(ഡി)  ഒല്ലൂർ നിയോജക മണ്ഡലത്തിൽ പ്രസ്തുത ദുരന്തവുമായി ബന്ധപ്പെട്ട് ഇതുവരെ എത്ര അപേക്ഷകൾ ലഭിച്ചിട്ടുണ്ടെന്നും അതിൽ എത്ര അപേക്ഷകളിൽ നാശനഷ്ടം കണക്കാക്കിയിട്ടുണ്ടെന്നും എത്ര പേർക്ക് ധനസഹായം അനുവദിച്ചിട്ടുണ്ടെന്നും വിതരണം ചെയ്ത തുക എത്രയെന്നും വ്യക്തമാക്കാമോ;

(ഇ)  2026 ജൂൺ 9-ന് തൃശ്ശൂർ ജില്ലയിൽ ശക്തമായ കാറ്റിനെ തുടർന്ന് എത്ര അപേക്ഷകൾ ലഭിച്ചിട്ടുണ്ടെന്നും അതിൽ എത്ര അപേക്ഷകളിൽ നാശനഷ്ടം കണക്കാക്കിയിട്ടുണ്ടെന്നും എത്ര പേർക്ക് ധനസഹായം അനുവദിച്ചിട്ടുണ്ടെന്നും വിതരണം ചെയ്ത തുക എത്രയെന്നും നിയോജകമണ്ഡലം തിരിച്ചുള്ള കണക്ക് വ്യക്തമാക്കാമോ?

കേരള അപ്പാർട്ട്മെന്റ് ഓണർഷിപ്പ് ആക്ട്

1814  ശ്രീ. ചാണ്ടി ഉമ്മന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള അപ്പാർട്ട്മെന്റ് ഓണർഷിപ്പ് ആക്ട്,1983 പ്രകാരം ഡെപ്യൂട്ടി കളക്ടറിനെ (ഡിസാസ്റ്റർ മാനേജ്‌മെന്റ്) അപ്പാർട്ട്മെന്റ് അസോസിയേഷനുകളുടെ രജിസ്ട്രേഷൻ അധികാരിയായി ചുമതലപ്പെടുത്തിയിട്ടുണ്ടോ; ഉണ്ടെങ്കിൽ, ഇതുസംബന്ധിച്ച സർക്കാർ ഉത്തരവിന്റെ പകർപ്പ് ലഭ്യമാക്കാമോ;

(ബി)  കേരള അപ്പാർട്ട്മെന്റ് ഓണർഷിപ്പ് ആക്ട്,1983 പ്രകാരം കേരളത്തിൽ ആകെ എത്ര അപ്പാർട്ട്മെന്റ് അസോസിയേഷനുകൾ രജിസ്റ്റർ ചെയ്തിട്ടുണ്ട്; അവയുടെ പേരുകൾ, രജിസ്റ്റർ ചെയ്ത വർഷം എന്നിവ ഉൾപ്പെടെയുള്ള ജില്ല തിരിച്ചുള്ള വിശദാംശം ലഭ്യമാക്കാമോ;

(സി)  കേരളത്തിലെ അപ്പാർട്ട്മെന്റ് അസോസിയേഷനുകൾ കേരള അപ്പാർട്ട്മെന്റ് ഓണർഷിപ്പ് ആക്ട്,1983 ഒഴികെയുള്ള മറ്റ് നിയമങ്ങൾ പ്രകാരം രജിസ്റ്റർ ചെയ്തിട്ടുള്ളതായി ശ്രദ്ധയിൽപ്പെട്ടിട്ടുണ്ടോ;

(ഡി)  ഉണ്ടെങ്കിൽ,അത്തരം രജിസ്ട്രേഷനുകൾ തടയുന്നതിനും കേരള അപ്പാർട്ട്മെന്റ് ഓണർഷിപ്പ് ആക്ട്,1983 കർശനമായി നടപ്പിലാക്കുന്നതിനും സർക്കാർ സ്വീകരിച്ചിട്ടുള്ള നടപടികൾ എന്തെല്ലാമാണ്?

കേരളത്തിലെ അപ്പാർട്ട്മെന്റ് അസോസിയേഷനുകളുടെ രജിസ്ട്രേഷൻ

1815  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള അപാർട്ട്മെന്റ് ഓണർഷിപ്പ് ആക്ട്, 1983 പ്രകാരം അപാർട്ട്മെന്റ് അസോസിയേഷനുകളുടെ രജിസ്ട്രേഷനുള്ള കോംപിറ്റന്റ് അതോറിറ്റിയായി ബന്ധപ്പെട്ട ജില്ലകളിലെ ഡെപ്യൂട്ടി കളക്ടർമാരെ (ഡിസാസ്റ്റർ മാനേജ്മെന്റ്) ചുമതലപ്പെടുത്തിയിട്ടുണ്ടോ; ഉണ്ടെങ്കിൽ, ഇതുസംബന്ധിച്ച ഉത്തരവിന്റെ പകർപ്പ് ലഭ്യമാക്കാമോ;

(ബി)  പ്രസ്തുത നിയമപ്രകാരം സംസ്ഥാനത്ത് ഇതുവരെ ആകെ എത്ര അപാർട്ട്മെന്റ് അസോസിയേഷനുകൾ രജിസ്റ്റർ ചെയ്തിട്ടുണ്ട്; ഇവയുടെ പേര്,രജിസ്റ്റർ ചെയ്ത വർഷം എന്നിവ ഉൾപ്പെടെയുള്ള ജില്ല തിരിച്ചുള്ള വിവരങ്ങൾ ലഭ്യമാക്കാമോ;

(സി)  സംസ്ഥാനത്തെ അപാർട്ട്മെന്റ് അസോസിയേഷനുകൾ 1983 ലെ ആക്ടിന് പകരമായി മറ്റ് നിയമങ്ങൾ പ്രകാരം രജിസ്റ്റർ ചെയ്തു പ്രവർത്തിക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ഡി)  എങ്കിൽ, പ്രസ്തുത അപാർട്ട്മെന്റ് അസോസിയേഷനുകളെ കേരള അപാർട്ട്മെന്റ് ഓണർഷിപ്പ് ആക്ട്, 1983-ന്റെ പരിധിയിൽ കൊണ്ടുവരുന്നതിനും നിയമം കർശനമായി നടപ്പിലാക്കുന്നതിനും എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

റൂം ഫോർ ദ റിവർ പദ്ധതി

1816  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് 2019-ൽ പ്രഖ്യാപിച്ച റൂം ഫോർ ദ റിവർ പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കാമോ; പ്രസ്തുത പദ്ധതി എവിടെയൊക്കെ നടപ്പാക്കാനാണ് തീരുമാനിച്ചിരുന്നത്; വ്യക്തമാക്കാമോ;

(ബി)  മുൻ മുഖ്യമന്ത്രിയും ഉദ്യോഗസ്ഥരും 2019 മേയ് മാസത്തിൽ നെതർലാൻഡ്സ് സന്ദർശിച്ചതിന്റെ തുടർച്ചയായിരുന്നോ പ്രസ്തുത പദ്ധതിയുടെ പ്രഖ്യാപനം എന്ന് വ്യക്തമാക്കാമോ; പ്രസ്തുത സന്ദർശനവുമായി ബന്ധപ്പെട്ട് എത്ര രൂപ ചെലവായിട്ടുണ്ട് എന്ന് അറിയിക്കാമോ;

(സി)  പദ്ധതിയുടെ കൺസൾട്ടൻസി ആയ ഐ.ഐ.ടി. മദ്രാസ് പദ്ധതിയെക്കുറിച്ച് രണ്ടുവർഷം മുമ്പ് റിപ്പോർട്ട് സമർപ്പിച്ചിരുന്നോ; പ്രസ്തുത റിപ്പോർട്ടിന്മേൽ സ്വീകരിച്ച തുടർനടപടികള്‍ എന്തെല്ലാമാണ് എന്ന് വിശദമാക്കാമോ?

മുഖ്യമന്ത്രിയുടെ ദുരിതാശ്വാസനിധി

1817  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രിയുടെ ദുരിതാശ്വാസനിധിയിൽ നിന്ന് ധനസഹായം അനുവദിക്കുന്നത് സുഗമവും സുതാര്യവുമായി നടപ്പിലാക്കുന്നതിനായി സ്വീകരിച്ചുവരുന്ന നടപടിക്രമങ്ങൾ എന്തെല്ലാമാണെന്ന് വിശദമാക്കാമോ;

(ബി)  നിലവിലെ സർക്കാർ വന്നതിനുശേഷം മുഖ്യമന്ത്രിയുടെ ദുരിതാശ്വാസനിധിയിൽ നിന്നും നാളിതുവരെ എത്ര തുക വിതരണം ചെയ്തിട്ടുണ്ട്; വ്യക്തമാക്കാമോ;

(സി)  അർഹരായവർക്ക് സഹായധനം അനുവദിക്കുന്നതിന് അവലംബിച്ച് വരുന്ന മാനദണ്ഡങ്ങൾ എന്തെല്ലാമാണെന്ന് വിശദമാക്കാമോ?

മുഖ്യമന്ത്രിയുടെ ദുരിതാശ്വാസ നിധി

1818  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രിയുടെ ദുരിതാശ്വാസ നിധിയിലേക്ക് അപേക്ഷ സമര്‍പ്പിച്ചാല്‍ തീര്‍പ്പു കല്‍പ്പിക്കേണ്ടത് എത്ര ദിവസത്തിനുള്ളിലാണെന്ന് വ്യക്തമാക്കാമോ;

(ബി)  നിലവിലെ സര്‍ക്കാര്‍ അധികാരത്തില്‍ വന്നതിനു ശേഷം മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് എത്ര തുക നല്‍കി; വ്യക്തമാക്കാമോ;

(സി)  സി.എം.ഡി.ആര്‍.എഫ്. അപേക്ഷ റവന്യൂ സെക്രട്ടറിയുടെ കയ്യില്‍ കെട്ടിക്കിടക്കുന്നു എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

വിമാനത്താവളങ്ങളിലെ പാര്‍ക്കിംഗ് ഫീസ്

1819  ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഓരോ വിമാനത്താവളത്തിലും നിലവിൽ ഈടാക്കുന്ന പാർക്കിംഗ് ഫീസ് എത്രയാണെന്ന് വ്യക്തമാക്കുമോ?

(ബി)  സംസ്ഥാനത്തെ ഓരോ വിമാനത്താവളത്തിലും പാർക്കിംഗ് ഫീസ് നിശ്ചയിക്കുന്നതിനുള്ള മാനദണ്ഡങ്ങൾ എന്തൊക്കെയാണെന്ന് വ്യക്തമാക്കാമോ;

(സി)  വിമാനത്താവളങ്ങളില്‍ യാത്രക്കാരെ ഇറക്കി വിടുവാനും സ്വീകരിക്കുവാനും എത്തുന്ന വാഹനങ്ങള്‍ക്ക് കുറഞ്ഞത് 15 മിനിട്ട് സമയത്തേക്ക് സൗജന്യം നല്‍കുന്നതിനുള്ള നടപടികള്‍ സ്വീകരിക്കുമോ; വിശദമാക്കാമോ;

(ഡി)  അമിതമായ പാർക്കിംഗ് ഫീസ് യാത്രക്കാർക്ക് ഉണ്ടാക്കുന്ന സാമ്പത്തികഭാരം കുറയ്ക്കുന്നതിനായി നടപടികള്‍ സ്വീകരിക്കുമോ; വിശദമാക്കാമോ;

(ഇ)  ഇടയ്ക്കിടയ്ക്ക് ഉണ്ടാകുന്ന ഫീസ് വർധനവിനെതിരെ നടപടി സ്വീകരിക്കുമോ; വ്യക്തമാക്കാമോ?

കണ്ണൂർ അന്താരാഷ്ട്ര വിമാനത്താവള വികസനം

1820  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കണ്ണൂർ അന്താരാഷ്ട്ര വിമാനത്താവളത്തിന്റെ വികസനവുമായി ബന്ധപ്പെട്ട് നിലവിൽ പുരോഗമിക്കുന്ന പ്രധാന പ്രവർത്തനങ്ങൾ എന്തെല്ലാമാണെന്നും ഇതിന്റെ നിലവിലെ ഭൗതിക-സാമ്പത്തിക സ്ഥിതി എന്താണെന്നും വ്യക്തമാക്കാമോ;

(ബി)  വിമാനത്താവള വികസനത്തിന് (റൺവേ നീളം കൂട്ടൽ ഉൾപ്പെടെയുള്ള പദ്ധതികൾക്ക്) അനുബന്ധമായി ഭൂമി ഏറ്റെടുക്കുന്നതുമായി ബന്ധപ്പെട്ട് മുൻകാലങ്ങളിൽ ഉണ്ടായിരുന്ന തടസ്സങ്ങളും ജനവാസ മേഖലകളിലെ പ്രയാസങ്ങളും പരിഹരിക്കുന്നതിന് സർക്കാരിന്റെ ഭാഗത്തുനിന്നും നിലവിൽ എന്തെല്ലാം നടപടികളാണ് സ്വീകരിച്ചു വരുന്നത്;

(സി)  വിമാനത്താവളത്തിനായി ഭൂമി വിട്ടുനൽകിയ ഉടമകൾക്ക് അർഹമായ നഷ്ടപരിഹാരം, പുനരധിവാസം എന്നിവ നൽകുന്നതിൽ നിലവിൽ നേരിടുന്ന തടസ്സങ്ങൾ എന്തൊക്കെയാണെന്നും ഇത് വേഗത്തിലാക്കാൻ പ്രത്യേക പദ്ധതികൾ ആസൂത്രണം ചെയ്തിട്ടുണ്ടോ എന്നും വ്യക്തമാക്കാമോ;

(ഡി)  ഭാവി വികസനം മുന്നിൽക്കണ്ട് തടസ്സങ്ങളില്ലാത്ത രീതിയിൽ റൺവേ വികസനവും അനുബന്ധ അടിസ്ഥാന സൗകര്യങ്ങളും സമയബന്ധിതമായി പൂർത്തിയാക്കുന്നതിന് എന്തെല്ലാം പുതിയ നിർദ്ദേശങ്ങളും നടപടികളുമാണ് നടപ്പിലാക്കാൻ ഉദ്ദേശിക്കുന്നത്; വ്യക്തമാക്കുമോ?

സിയാല്‍-ന്റെ പ്രവർത്തനമേഖല

1821  ശ്രീ. ടി. ജെ. വിനോദ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സിയാലിന്റെ ഏവിയേഷൻ കൺസൾട്ടൻസി പദ്ധതിക്ക് തുടക്കമായിട്ടുണ്ടോ; പ്രസ്തുത പദ്ധതിയുടെ ഭാഗമായി ഏതെല്ലാം മേഖലകളിലാണ് കൺസൾട്ടൻസി സേവനങ്ങൾ നൽകുന്നതെന്ന് വിശദമാക്കാമോ;

(ബി)  നാല് രാജ്യാന്തര വിമാനത്താവളങ്ങളുള്ള കേരളത്തെ ഏവിയേഷൻ ഹബ്ബാക്കി മാറ്റുകയെന്ന സ്വപ്നപദ്ധതിയെക്കുറിച്ച് വിശദമാക്കുമോ;

(സി)  പാർക്ക് ചെയ്തിരിക്കുന്ന വിമാനങ്ങൾക്ക് വൈദ്യുതി ലഭ്യമാക്കുന്നതിനുള്ള ബ്രിഡ്ജ് മൗണ്ടഡ് എക്യുപ്‌മെന്റ് സർവീസ് സിയാലിൽ നടപ്പാക്കിയിട്ടുണ്ടോ; എല്ലാ വിമാനങ്ങൾക്കും സൗജന്യമായാണോ ഈ സേവനം ലഭ്യമാക്കുന്നതെന്നും ഇന്ത്യയിൽ ആദ്യമായാണോ ഇത്തരമൊരു സൗജന്യ സേവനം നടപ്പിലാക്കുന്നതെന്നും വ്യക്തമാക്കാമോ?

തിരുവനന്തപുരം മെട്രോ റെയിൽ പദ്ധതി

1822  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തിരുവനന്തപുരം മെട്രോ റെയിൽ പദ്ധതിയുടെ ഒന്നാം ഘട്ട അലൈൻമെന്റ് പ്രകാരം പാത പാപ്പനംകോട് നിന്നാണ് ആരംഭിക്കുന്നത് എന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത പാത ഏതാനും കിലോമീറ്ററുകൾ കൂടി ദീർഘിപ്പിച്ച് നേമം വരെ നീട്ടണമെന്ന് ആവശ്യമുന്നയിച്ചതായി ശ്രദ്ധയിൽപ്പെട്ടിട്ടുണ്ടോ;

(സി)  നേമം റെയിൽവേ സ്റ്റേഷൻ പ്രധാന ടെർമിനലായി വികസിക്കുന്ന സാഹചര്യത്തിലും വിഴിഞ്ഞം തുറമുഖം സജ്ജമാകുന്നതോടെ ദേശീയപാതയിലുണ്ടാകുന്ന ഗതാഗത സാന്ദ്രതയും യാത്രാക്ലേശവും കണക്കിലെടുത്തും മെട്രോ നേമം വരെ ദീർഘിപ്പിക്കാൻ നടപടി സ്വീകരിക്കുമോ;

(ഡി)  എങ്കിൽ ഇതിനായി കെഎംആര്‍എല്‍/ഡിഎംആര്‍സി എന്നിവർക്ക് ആവശ്യമായ നിർദ്ദേശം നൽകി തിരുവനന്തപുരം മെട്രോയുടെ ഒന്നാം ഘട്ടത്തിൽ തന്നെ നേമം ടെർമിനൽ/സ്റ്റേഷൻ കൂടി ഉൾപ്പെടുത്താൻ തത്വത്തിൽ തീരുമാനമെടുത്തിട്ടുണ്ടോ; വിശദാംശം വ്യക്തമാക്കാമോ?

കൊച്ചി വാട്ടര്‍ മെട്രോ പദ്ധതിയുടെയും മെട്രോ റെയില്‍ ലിമിറ്റഡിന്റെയും സാമ്പത്തികസ്ഥിതി

1823  ശ്രീ. പി. മമ്മിക്കുട്ടി
ശ്രീ. കാരായി രാജൻ
പ്രൊഫ. സി. രവീന്ദ്രനാഥ്
ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കൊച്ചി വാട്ടര്‍ മെട്രോ പദ്ധതിയുടെയും കൊച്ചി മെട്രോ റെയില്‍ ലിമിറ്റഡിന്റെയും (കെ.എം.ആര്‍.എല്‍.) നിലവിലെ സാമ്പത്തികസ്ഥിതിയെക്കുറിച്ചും പദ്ധതി ലാഭകരമാക്കുന്നതിനായി സ്വീകരിച്ചിട്ടുള്ള നടപടികളെക്കുറിച്ചുമുള്ള വിശദാംശം ലഭ്യമാക്കാമോ;

(ബി)  2025-26 സാമ്പത്തികവര്‍ഷത്തില്‍ കാെച്ചി മെട്രോ പ്രവര്‍ത്തനലാഭം കെെവരിച്ചു എന്നത് ശരിയാണോ; എങ്കില്‍, മുന്‍ വര്‍ഷങ്ങളെ അപേക്ഷിച്ച് ടിക്കറ്റ് വില്‍പ്പനയിലൂടെയും ടിക്കറ്റിതര മാര്‍ഗ്ഗങ്ങളിലൂടെയും(പരസ്യം,സ്റ്റേഷന്‍ വാടക തുടങ്ങിയവ) ലഭിച്ച വരുമാനത്തിന്റെ വിശദാംശങ്ങള്‍ വ്യക്തമാക്കാമോ;

(സി)  പദ്ധതി നിലവില്‍ നേരിടുന്ന മൊത്തം ബാധ്യതകള്‍ (വായ്പ, പലിശ തുടങ്ങിയവ) എത്രയാണെന്നും പ്രസ്തുത ബാധ്യതകള്‍ തീര്‍ക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്നും വിശദമാക്കാമോ;

(ഡി)  വാട്ടര്‍ മെട്രോ അടക്കമുള്ള ഗതാഗത സംവിധാനങ്ങളില്‍ കഴിഞ്ഞ സാമ്പത്തിക വര്‍ഷങ്ങളില്‍ യാത്രക്കാരുടെ എണ്ണത്തില്‍ ഉണ്ടായ വര്‍ദ്ധനവ് എത്രയാണ്;ഫീഡര്‍ സര്‍വീസുകള്‍ കൂടുതല്‍ കാര്യക്ഷമമാക്കുന്നതിന് നിലവില്‍ എന്തൊക്കെ നടപടികളാണ് പുരോഗമിക്കുന്നത്;

(ഇ)  കെ.എം.ആര്‍.എല്‍. മറ്റ് സംസ്ഥാനങ്ങള്‍ക്കും വിദേശ രാജ്യങ്ങള്‍ക്കും നല്‍കുന്ന കണ്‍സള്‍ട്ടന്‍സി സേവനങ്ങളിലൂടെ അധിക വരുമാനം നേടുന്നുണ്ടോ;വ്യക്തമാക്കാമോ;

(എഫ്)  പുതിയ ടെര്‍മിനലുകളുടെയും അടിസ്ഥാന സൗകര്യങ്ങളുടെയും നിര്‍മ്മാണം വെെകുന്നത് പദ്ധതിയുടെ സാമ്പത്തികസ്ഥിതിയെ പ്രതികൂലമായി ബാധിക്കാന്‍ സാധ്യതയുണ്ടോ; എങ്കില്‍, ഇത് പരിഹരിക്കാന്‍ സ്വീകരിക്കുന്ന അടിയന്തര നടപടികള്‍ എന്തൊക്കെയാണ്?

ദേശീയ ജലപാത നവീകരണം

1824  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദേശീയ ജലപാത നവീകരണത്തിന്റെ ഭാഗമായ താനൂര്‍ മണ്ഡലത്തിലെ കനോലി കനാലിന്റെ വീതികൂട്ടി നവീകരണ പ്രവൃത്തി എന്ന് ആരംഭിക്കാനാവുമെന്ന് വ്യക്തമാക്കാമോ;

(ബി)  നിലവില്‍ സഞ്ചാര യോഗ്യമല്ലാത്തതിനാലും ട്രാന്‍സ്‍പോര്‍ട്ടേഷന്‍ നടക്കാത്തതിനാലും പദ്ധതിക്ക് കേന്ദ്ര സഹായം ലഭിക്കുന്നതിന് തടസ്സം നേരിട്ടിട്ടുണ്ടോ; ഇത്തരത്തില്‍ ചെളിയും മണലും തിങ്ങി നിറഞ്ഞതിനാല്‍ ട്രാന്‍സ്‌പോര്‍ട്ടേഷന്‍ നടത്താനാവാത്ത പ്രത്യേക സാഹചര്യം കേന്ദ്ര സര്‍ക്കാറിനെ അറിയിച്ചിട്ടുണ്ടോ;എങ്കില്‍, അത്തരത്തില്‍ പദ്ധതി നടപ്പിലാക്കുന്നതില്‍ നിന്ന് ഇളവ് ലഭിക്കാന്‍ പ്രത്യേക ഇടപെടല്‍ നടത്തുന്ന കാര്യം പരിഗണനയിലുണ്ടോ; വ്യക്തമാക്കാമോ;

(സി)  ദേശീയ ജലപാത നവീകരണം നടക്കുമ്പോള്‍ കോവളം മുതല്‍ ബേക്കല്‍ വരെ പദ്ധതിയില്‍ നിന്ന് ഒരു പ്രവര്‍ത്തിയും നടക്കാത്ത റീച്ചാണ് താനൂര്‍ മണ്ഡലത്തിലെ കനോലി കനാലെന്നത് ശ്രദ്ധയില്‍പെട്ടിട്ടുണ്ടോ;എങ്കില്‍, അത് പരിഹരിക്കാനുളള നടപടി സ്വീകരിക്കുമോ; വിശദമാക്കാമോ;

(ഡി)  മലപ്പുറം ജില്ലയില്‍ ദേശീയ ജലപാത കടന്ന് പോവുന്ന ഭാഗങ്ങളില്‍ ജലപാതയ്ക്ക് കുറുകെ നിലവിലുളള ഏതെല്ലാം പാലങ്ങള്‍ക്കാണ് ഹൊറിസോണ്ടല്‍/വെര്‍ട്ടിക്കല്‍ ക്ലിയറന്‍സുള്ളതെന്ന് വ്യക്തമാക്കാമോ; അത്തരത്തില്‍ ക്ലിയറന്‍സില്ലാത്ത ജില്ലയിലെ പാലങ്ങളുടെ വിവരങ്ങള്‍ ലഭ്യമാക്കാമോ?

പി.ആർ.ഡി.യിലെ പരസ്യ ഏജൻസികളുടെ പാനൽ

1825  ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്തു് രൂപീകരിച്ച പരസ്യ ഏജൻസികളുടെ പാനൽ പബ്ലിക് റിലേഷൻസ് വകുപ്പ് (പി.ആർ.ഡി )പുതുക്കിയിരുന്നോ;വ്യക്തമാക്കുമോ;

(ബി)  എന്റെ കേരളം, നവകേരള സദസ്സ് തുടങ്ങിയ പരിപാടികളുടെ നടത്തിപ്പ് കരാർ നേടിയത് ഈ പാനലിലുള്ള സ്ഥാപനങ്ങൾ ആയിരുന്നോ;പാനലില്‍ നിന്നും ടെൻഡർ ഇല്ലാതെ സ്ഥാപനങ്ങൾക്ക് കരാർ നൽകിയിരുന്നോ;വിശദമാക്കുമോ;

(സി)  മുൻ സർക്കാരിന്റെ കാലത്തെ പേർസണൽ സ്റ്റാഫിലെ പ്രസ്സ് സെക്രട്ടറിയുടെ മകന്റെ സ്ഥാപനം,കണ്ണൂരിലെ പാർട്ടി നേതാവിന്റെ ബന്ധുവിന്റെ സ്ഥാപനം തുടങ്ങിയവ കരാറുകൾ നേടിയിരുന്നോ;വ്യക്തമാക്കുമോ;

(ഡി)  കഴിഞ്ഞ സർക്കാരിൽ പ്രധാന ചുമതലകൾ വഹിച്ചിരുന്ന ചില ഉദ്യോഗസ്ഥരുടെ ബെനാമി സ്ഥാപനങ്ങളും പാനലിൽ ഉണ്ടെന്നുള്ള ആക്ഷേപത്തെക്കുറിച്ച് അന്വേഷിക്കുമോ;വിശദമാക്കുമോ?

വിദേശ കുടിയേറ്റത്തിനുള്ള ഏകജാലക സംവിധാനം

1826  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിദേശത്തേക്ക് പോകുന്ന യുവജനങ്ങളുടെ സുരക്ഷയ്ക്കും യാത്രാചെലവിനും നൈപുണ്യ വികസനത്തിനും ഉള്‍പ്പെടെയുള്ള വായ്പാ തുക വർധിപ്പിക്കുന്നത് പരിഗണനയിലുണ്ടോ; വിശദമാക്കുമോ;

(ബി)  യുവജനങ്ങൾ വിദേശത്തേക്ക് പോകുന്നതിന് മുൻപായി ആവശ്യമായ നൈപുണ്യ പരിശീലനം,ഭാഷാ പരിശീലനം,വിസാ പ്രോസസ്സിംഗ് തുടങ്ങിയ സേവനങ്ങൾ ഏകോപിപ്പിക്കുന്നതിനായി ഏകജാലക സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ;എങ്കിൽ വിശദാംശം വ്യക്തമാക്കുമോ;

(സി)  കഴിഞ്ഞ മൂന്ന് വർഷത്തിനിടെ വിദേശ തൊഴിൽ വാഗ്ദാനം ചെയ്ത് തട്ടിപ്പിനിരയായ മലയാളികളുടെ എണ്ണം എത്ര;ഇതുസംബന്ധിച്ച് നോർക്കയ്ക്ക് ലഭിച്ച പരാതികളുടെ എണ്ണം എത്ര;അതിൽ എത്ര പരാതികൾക്ക് പരിഹാരം കാണാൻ കഴിഞ്ഞിട്ടുണ്ട്;തട്ടിപ്പ് നടത്തിയതായി കണ്ടെത്തിയ സ്ഥാപനങ്ങളെയും വ്യക്തികളെയും കരിമ്പട്ടികയിൽ ഉൾപ്പെടുത്തിയിട്ടുണ്ടോ;ഇല്ലെങ്കിൽ, അത്തരം സ്ഥാപനങ്ങളെയും വ്യക്തികളെയും ഉൾപ്പെടുത്തി കരിമ്പട്ടിക തയ്യാറാക്കാൻ നടപടി സ്വീകരിക്കുമോ;വിശദമാക്കുമോ;

(ഡി)  വിദ്യാർത്ഥി വിസയുമായി ബന്ധപ്പെട്ട തട്ടിപ്പുകൾ തടയുന്നതിനും വിദേശ പഠനത്തിനായി പോകുന്ന വിദ്യാർത്ഥികൾക്ക് ശരിയായ വിവരങ്ങളും മാർഗനിർദേശങ്ങളും ലഭ്യമാക്കുന്നതിനുമായി സ്റ്റുഡന്റ് മൈഗ്രേഷൻ അഡ്വൈസറി സിസ്റ്റം ഏർപ്പെടുത്താൻ ഉദ്ദേശിക്കുന്നുണ്ടോ;വിശദമാക്കുമോ;

(ഇ)  വിദേശ തൊഴിൽ റിക്രൂട്ട്‌മെന്റിന് മുൻപ് റിക്രൂട്ടിങ് ഏജൻസിയുടെ അംഗീകാരവും ജോബ് ഓഫറിന്റെ യാഥാർത്ഥ്യവും പരിശോധിക്കുന്നതിനായി നോർക്ക മുഖേന നിർബന്ധിത വെരിഫിക്കേഷൻ സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ;എങ്കിൽ വിശദമാക്കുമോ?

പ്രവാസി ക്ഷേമ പെൻഷന്‍

1827  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രവാസി ക്ഷേമ പെൻഷനുകൾ ലഭിക്കുന്നതിനുള്ള മാനദണ്ഡം എന്താണ്;എത്ര തുകയാണു ലഭിക്കുക;നിലവിലെ ഗുണഭോക്താക്കളുടെ എണ്ണം എത്രയാണ്;വ്യക്തമാക്കുമോ;

(ബി)  എത്ര മാസത്തെ തുകയാണ് കുടിശ്ശികയായിട്ടുള്ളത്;ഈ സർക്കാർ അധികാരത്തിൽ വന്നതിനുശേഷം എത്ര തുക നൽകിയിട്ടുണ്ട്?

പ്രവാസികളുടെ വിമാന ടിക്കറ്റ് നിരക്കുവർദ്ധനവ്

1828  ശ്രീ. എം. എ. റസാഖ് മാസ്റ്റർ
ശ്രീ. പി. കെ. നവാസ്
ശ്രീ. പി .എം. എ. സമീർ
ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രവാസികൾ നാട്ടിലേക്ക് വരുമ്പോഴും തിരികെ പോകുമ്പോഴും വിമാനക്കമ്പനികൾ ഈടാക്കുന്ന ഭീമമായ ടിക്കറ്റ് നിരക്കുവർദ്ധനവ് മൂലം പ്രവാസികള്‍ നേരിടുന്ന കടുത്ത സാമ്പത്തിക പ്രയാസങ്ങൾ ശ്രദ്ധയിൽപ്പെട്ടിട്ടുണ്ടോ;വ്യക്തമാക്കാമോ;

(ബി)  മലബാറിലെ പ്രവാസികൾ പ്രധാനമായി ആശ്രയിക്കുന്ന കരിപ്പൂർ വിമാനത്താവളത്തിലേക്ക് മറ്റ് വിമാനത്താവളങ്ങളെ അപേക്ഷിച്ച് ഉയർന്ന നിരക്ക് ഈടാക്കുന്നത് നിയന്ത്രിക്കുന്നതിന് കേന്ദ്ര സർക്കാരുമായോ വ്യോമയാന മന്ത്രാലയവുമായോ വിമാനക്കമ്പനികളുമായോ ബന്ധപ്പെട്ട് എന്തെങ്കിലും അടിയന്തര നടപടികൾ സ്വീകരിച്ചിട്ടുണ്ടോ എന്ന് വ്യക്തമാക്കാമോ;

(സി)  സീസൺ സമയങ്ങളിൽ പ്രവാസികളെ ചൂഷണം ചെയ്യുന്നത് തടയുന്നതിനായി ചാർട്ടേഡ് വിമാന സർവീസുകൾ ഏർപ്പെടുത്തുന്നതിനോ അല്ലെങ്കിൽ മറ്റ് ബദൽ സംവിധാനങ്ങൾ ഒരുക്കുന്നതിനോ പദ്ധതിയുണ്ടോ;വിശദമാക്കാമോ;

(ഡി)  സാധാരണക്കാരായ പ്രവാസികള്‍ക്ക് ടിക്കറ്റ് നിരക്കിൽ ആശ്വാസം നൽകുന്നതിനായി ടിക്കറ്റ് സബ്‌സിഡിയോ പ്രത്യേക പ്രവാസി ക്ഷേമ പദ്ധതികളോ നടപ്പിലാക്കാൻ സർക്കാർ തയ്യാറാകുമോ എന്ന് വ്യക്തമാക്കാമോ?

മഞ്ചേശ്വരം മണ്ഡലത്തിലെ റസ്റ്റ് സ്റ്റോപ്പ് പദ്ധതി

1829  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മഞ്ചേശ്വരം മണ്ഡലത്തിലെ തലപ്പാടിയിലെ സർക്കാർ ഭൂമിയിൽ റസ്റ്റ് സ്റ്റോപ്പ് പദ്ധതി പ്രകാരം സ്വകാര്യ കമ്പനികൾക്കോ ഫ്രാഞ്ചൈസി സ്ഥാപനങ്ങൾക്കോ ഭക്ഷണശാലകൾ,കടകൾ,ഇന്ധനനിലയങ്ങൾ തുടങ്ങിയ വാണിജ്യസ്ഥാപനങ്ങൾ നടത്താൻ അനുമതി നൽകുന്നതിന് ബാധകമായ നിയമങ്ങളും ചട്ടങ്ങളും ഏതൊക്കെയാണെന്ന് വ്യക്തമാക്കാമോ;

(ബി)  ഭൂമി അനുവദിക്കുന്നതിനായി തുറന്ന ടെൻഡർ,ലേലം,അപേക്ഷ ക്ഷണിക്കൽ തുടങ്ങിയ നടപടികൾ സ്വീകരിച്ചിട്ടുണ്ടോ;ഇല്ലെങ്കിൽ അതിനുള്ള കാരണം വ്യക്തമാക്കാമോ;

(സി)  ഭൂമി അനുവദിച്ചതിന്റെ അടിസ്ഥാനത്തിൽ സർക്കാർ നിശ്ചയിച്ചിട്ടുള്ള പാട്ടത്തുക, ലൈസൻസ് ഫീസ്,വരുമാനവിഹിതം അല്ലെങ്കിൽ മറ്റ് സാമ്പത്തിക ആനുകൂല്യങ്ങൾ എന്തൊക്കെയാണെന്ന് വ്യക്തമാക്കാമോ;

(ഡി)  വ്യവസ്ഥകൾ ലംഘിക്കപ്പെടുകയോ നിശ്ചിത സമയത്തിനുള്ളിൽ പദ്ധതി പൂർത്തിയാക്കാതിരിക്കുകയോ ചെയ്താൽ ഭൂമി തിരിച്ചെടുക്കുന്നതിനോ കരാർ റദ്ദാക്കുന്നതിനോ വ്യവസ്ഥകളുണ്ടോയെന്ന് വിശദമാക്കാമോ;

(ഇ)  തലപ്പാടി റസ്റ്റ് സ്റ്റോപ്പ് പദ്ധതിക്ക് ഭരണാനുമതി നൽകിയ സർക്കാർ ഉത്തരവിന്റെ നമ്പർ, തീയതി,പദ്ധതി ചെലവ് എന്നിവ വ്യക്തമാക്കാമോ;

(എഫ്)  പദ്ധതിയുടെ വിശദമായ പദ്ധതിരേഖ, അംഗീകരിച്ച രൂപരേഖ,നിർമാണ എസ്റ്റിമേറ്റ് എന്നിവ ഏത് അധികാരിയാണ് അംഗീകരിച്ചത്; പദ്ധതിയുടെ നിർമാണത്തിനും മറ്റ് സേവനങ്ങൾക്കുമായി കരാറുകൾ നൽകിയിട്ടുണ്ടെങ്കിൽ കരാർ ലഭിച്ച സ്ഥാപനങ്ങളുടെ പേരുകൾ,കരാർ തുകകൾ,കരാർ കാലാവധി എന്നിവ വ്യക്തമാക്കാമോ;

(ജി)  പ്രസ്തുത ഭൂമി കൈമാറ്റവുമായി ബന്ധപ്പെട്ട് നിലവിലുള്ള എല്ലാ സർക്കാർ ഉത്തരവുകളുടെയും അനുമതികളുടെയും കരാറുകളുടെയും പകർപ്പുകൾ ലഭ്യമാക്കാമോ?

നോർക്കയിൽ 14 പേരെ സുപ്രീം കോടതി ഉത്തരവ് മാനിക്കാതെ സ്ഥിരപ്പെടുത്തിയ നടപടി

1830  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നോർക്കയിൽ 2009-ൽ നടപടിക്രമങ്ങൾ പാലിക്കാതെ താൽക്കാലികമായി നിയമിക്കപ്പെട്ട 14 ജീവനക്കാരെ 2011-ൽ അന്നത്തെ എൽ.ഡി.എഫ് സർക്കാർ സ്ഥിരപ്പെടുത്തിയിരുന്നോ;പ്രസ്തുത ജീവനക്കാരുടെ പേരുകൾ,തസ്തികകൾ, നിയമന തീയതികൾ,നിയമനരീതി എന്നിവ ലഭ്യമാക്കുമോ; ഇവരുടെ സ്ഥിരനിയമനം പിന്നീട് അധികാരത്തിൽ വന്ന യു.ഡി.എഫ്. സർക്കാർ റദ്ദാക്കിയിരുന്നോ; എങ്കിൽ ഇതു സംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ; വ്യക്തമാക്കുമോ;

(ബി)  നോർക്കയിൽ 14 ജീവനക്കാരെ സ്ഥിരപ്പെടുത്തിയ നടപടി റദ്ദാക്കിയ യു.ഡി.എഫ്. സർക്കാരിന്റെ തീരുമാനത്തെ ബഹു. സുപ്രീം കോടതി ശരിവച്ചിട്ടുണ്ടോ;ഉണ്ടെങ്കിൽ, ഇതുസംബന്ധിച്ച സുപ്രീം കോടതി വിധിയുടെ വിശദാംശം നൽകാമോ;

(സി)  2017-ൽ അന്നത്തെ എൽ.ഡി.എഫ് സർക്കാർ നോർക്കയിലെ പ്രസ്തുത 14 ജീവനക്കാരെ മുൻകാല പ്രാബല്യത്തോടെ വീണ്ടും സ്ഥിരപ്പെടുത്തിയിട്ടുണ്ടോ;ഉണ്ടെങ്കിൽ, ഇതുസംബന്ധിച്ച ഉത്തരവിന്റെ പകർപ്പ് ലഭ്യമാക്കുമോ; പ്രസ്തുത സ്ഥിരപ്പെടുത്തലിന് മന്ത്രിസഭാ തീരുമാനം ഉണ്ടായിരുന്നോ; ഉണ്ടെങ്കിൽ, തീരുമാനത്തിന്റെ തീയതിയും അതിന്റെ പകർപ്പും ലഭ്യമാക്കുമോ; ബഹു. സുപ്രീം കോടതിയുടെ വിധിക്കുശേഷവും പ്രസ്തുത ജീവനക്കാരെ വീണ്ടും സ്ഥിരപ്പെടുത്തിയതിന്റെ സാഹചര്യം വിശദമാക്കുമോ; വിശദമാക്കുമോ;

(ഡി)  മന്ത്രിസഭാ തീരുമാനം ഇല്ലാതെയാണ് പ്രസ്തുത 14 ജീവനക്കാരെ മുൻകാല പ്രാബല്യത്തോടെ സ്ഥിരപ്പെടുത്തിയതെങ്കിൽ, അത്തരമൊരു നടപടി ചട്ടവിരുദ്ധമാണോയെന്ന് പരിശോധിക്കുമോ; ബഹു. സുപ്രീം കോടതി ശരിവെച്ച സ്ഥിരപ്പെടുത്തൽ റദ്ദാക്കൽ ഉത്തരവിനെ മറികടന്ന് പ്രസ്തുത ജീവനക്കാരെ വീണ്ടും സ്ഥിരപ്പെടുത്തുന്നതിന് ധനകാര്യ വകുപ്പിന്റെയും നിയമ വകുപ്പിന്റെയും അനുമതി തേടിയിരുന്നോ; അനുമതി നൽകിയിട്ടുണ്ടെങ്കിൽ, ഇതുസംബന്ധിച്ച ഫയലിന്റെ പകർപ്പ് നൽകാമോ; നിയമ വകുപ്പിന്റെ എതിർപ്പ് മറികടന്നാണോ പ്രസ്തുത സ്ഥിരപ്പെടുത്തൽ നടത്തിയതെന്ന് വ്യക്തമാക്കുമോ;

(ഇ)  ബഹു. സുപ്രീം കോടതി വിധിക്ക് വിരുദ്ധമായി നടത്തിയതായി ആരോപിക്കപ്പെടുന്ന ക്രമവിരുദ്ധ സ്ഥിരപ്പെടുത്തൽ റദ്ദാക്കി ഉത്തരവാദികളായവർക്കെതിരെ നടപടി സ്വീകരിക്കുമോ; ഇതുസംബന്ധിച്ച് വിജിലൻസ് അന്വേഷണം നടത്തുന്നതിനോ നിയമപരിശോധനയ്ക്ക് വിധേയമാക്കുന്നതിനോ നടപടി സ്വീകരിക്കുമോ;വ്യക്തമാക്കുമോ;

(എഫ്)  അഭ്യസ്തവിദ്യരായ നിരവധി ഉദ്യോഗാർത്ഥികളുടെ തൊഴിൽസാധ്യതകൾക്ക് തിരിച്ചടിയാകുന്ന വിധത്തിൽ നടപടിക്രമങ്ങൾ പാലിക്കാതെയുള്ള നിയമനത്തിലൂടെ നടത്തിയ സ്ഥിരപ്പെടുത്തൽ നടപടി റദ്ദാക്കുന്നതുൾപ്പെടെയുള്ള തുടർനടപടികൾ സ്വീകരിക്കുമോ;വിശദമാക്കുമോ?

തലപ്പാടി റെസ്റ്റ് സ്റ്റോപ്പ് പദ്ധതിയുടെ നിർമാണവും നടത്തിപ്പും

1831  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മഞ്ചേശ്വരം നിയോജകമണ്ഡലത്തിലെ തലപ്പാടി റെസ്റ്റ് സ്റ്റോപ്പ് പദ്ധതിയുടെ നിർമാണപ്രവൃത്തികൾക്കായി ക്ഷണിച്ച ടെൻഡറുകളിൽ പങ്കെടുത്ത സ്ഥാപനങ്ങളുടെ എണ്ണം,ടെൻഡർ നടപടിക്രമം,കരാർ അനുവദിച്ചതിന്റെ മാനദണ്ഡങ്ങൾ എന്നിവ എന്തൊക്കെയാണ്;

(ബി)  നിർമാണത്തിന്റെ പുരോഗതി വിലയിരുത്തുന്നതിനും ചെലവുകൾ പരിശോധിക്കുന്നതിനും ഗുണനിലവാരം ഉറപ്പാക്കുന്നതിനും സ്വതന്ത്ര പരിശോധനയോ ഓഡിറ്റോ ഏർപ്പെടുത്തിയിട്ടുണ്ടോ;വ്യക്തമാക്കാമോ;

(സി)  റെസ്റ്റ് സ്റ്റോപ്പ് പദ്ധതിയുടെ ഭാഗമായി പൊതുജനങ്ങൾക്ക് സൗജന്യമായി ഉപയോഗിക്കാവുന്ന സൗകര്യങ്ങൾ ഏതൊക്കെയാണ്;അവ ഉറപ്പാക്കുന്നതിന് എന്ത് വ്യവസ്ഥകളാണ് ഏർപ്പെടുത്തിയിട്ടുള്ളത്;

(ഡി)  പദ്ധതിയുടെ ഭാഗമായി നിർമിക്കുന്ന കടമുറികൾ,ഭക്ഷണശാലകൾ,മറ്റ് വാണിജ്യസ്ഥാപനങ്ങൾ എന്നിവയുടെ നടത്തിപ്പ് സർക്കാർ,ഒ.കെ.ഐ.എച്ച് (ഓവർസീസ് കേരളൈറ്റ്സ് ഇൻവെസ്റ്റ്മെന്റ് ആൻഡ് ഹോൾഡിംഗ് ലിമിറ്റഡ്), സ്വകാര്യ സ്ഥാപനങ്ങൾ എന്നിവയിൽ ആരുടെ നിയന്ത്രണത്തിലാണ്;വ്യക്തമാക്കാമോ;

(ഇ)  പദ്ധതി പ്രവർത്തനം ആരംഭിച്ചശേഷം പൊതുജനങ്ങൾ ഉപയോഗിക്കുന്ന സൗകര്യങ്ങൾക്ക് ഫീസ് ഈടാക്കുന്നുണ്ടെങ്കിൽ,പ്രസ്തുത നിരക്കുകൾ നിശ്ചയിക്കുന്നതും നിയന്ത്രിക്കുന്നതും ഏത് അധികാരിയായിരിക്കും;

(എഫ്)  പദ്ധതിയുടെ നടത്തിപ്പിൽ നിന്നുള്ള വരുമാനവും പരിപാലനച്ചെലവും കണക്കാക്കുന്നതിനുള്ള സംവിധാനം എന്താണ്;പദ്ധതിയിൽനിന്ന് സർക്കാരിന് ലഭിക്കുന്ന സാമ്പത്തിക നേട്ടം വിലയിരുത്തുന്നതിനുള്ള മാനദണ്ഡങ്ങൾ എന്തൊക്കെയാണ്?

ലോകകേരളസഭ നടത്തിപ്പ് ചെലവ്

1832  ശ്രീ. ചാണ്ടി ഉമ്മന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ലോകകേരളസഭ നടത്തിപ്പുമായി ബന്ധപ്പെട്ട് നാളിതുവരെ ചെലവായ തുക വർഷം തിരിച്ച് ലഭ്യമാക്കാമോ;ഇതിനായി സ്‌പോൺസർഷിപ്പ് ഇനത്തിൽ എന്തെങ്കിലും ലഭ്യമായിട്ടുണ്ടോ;വിശദാംശം ലഭ്യമാക്കാമോ;

(ബി)  ഇതുവരെ നടന്ന ലോകകേരളസഭയുമായി ബന്ധപ്പെട്ട് സംസ്ഥാനത്തിനോ പ്രവാസികൾക്കോ ഉണ്ടായിട്ടുള്ള നേട്ടങ്ങൾ എന്തെല്ലാമാണ് എന്ന് വിശദമാക്കാമോ;

(സി)  ലോകകേരളസഭയിലെ പ്രതിനിധികളെ തിരഞ്ഞെടുക്കുന്നതിന്റെ മാനദണ്ഡം എന്താണ്; ഓരോ ലോകകേരളസഭയിലും പ്രതിധികളായി നിശ്ചയിച്ചിരുന്നവരുടെ എണ്ണവും പങ്കെടുത്തവരുടെ എണ്ണവും വർഷം തിരിച്ച് ലഭ്യമാക്കാമോ?

ലോക കേരളസഭ

1833  ശ്രീ. എം. എ. റസാഖ് മാസ്റ്റർ
ശ്രീ. മഞ്ഞളാംകുഴി അലി
ശ്രീ. പി. കെ. ഫിറോസ്
ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ 2016-21, 2021-26 കാലയളവിൽ വൻതുക ചെലവഴിച്ച് സംഘടിപ്പിച്ച ലോക കേരളസഭ പ്രവാസികള്‍ക്ക് യാതൊരുവിധ പ്രയോജനവും ഉണ്ടാക്കിയില്ലെന്ന വികാരം പ്രവാസി സമൂഹത്തില്‍ ശക്തമായി നിലനില്‍ക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)  പ്രസ്തുത സമ്മേളനങ്ങള്‍ക്കായി പൊതുഖജനാവില്‍നിന്നും നോര്‍ക്ക മുഖേനയും ഇതുവരെ ചെലവഴിച്ച തുകയുടെ വിശദാംശം നല്‍കുമോ;ഈ പരിപാടികളില്‍ നടന്ന സാമ്പത്തിക ക്രമക്കേടുകളെക്കുറിച്ചും അനാവശ്യ ധൂര്‍ത്തിനെക്കുറിച്ചും അന്വേഷണം നടത്തിയിട്ടുണ്ടോ എന്ന് വ്യക്തമാക്കാമോ;

(സി)  ലോക കേരളസഭയുടെ തുടര്‍നടപടികള്‍ അവസാനിപ്പിക്കുവാന്‍ ഉദ്ദേശിക്കുന്നുണ്ടോ; വിശദമാക്കുമോ?

കൂത്തുപറമ്പ് മജിസ്ട്രേറ്റ് കോടതി സമുച്ചയ നിര്‍മ്മാണം

1834  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കൂത്തുപറമ്പ് മജിസ്ട്രേറ്റ് കോടതി സമുച്ചയ നിര്‍മ്മാണത്തിന്റെ നിലവിലെ നിര്‍മ്മാണ പുരോഗതി വിശദമാക്കുമോ;

(ബി)  കേരള കണ്‍സ്ട്രക്ഷന്‍ കോര്‍പ്പറേഷന് നിര്‍മ്മാണ ചുമതലയുള്ള പ്രസ്തുത പ്രവൃത്തി എപ്പോള്‍ ആരംഭിക്കാനാകുമെന്ന് വ്യക്തമാക്കുമോ?

എൻ.ഡി.പി.എസ്. കോടതികൾ

1835  ശ്രീ. ഐ. സി. ബാലകൃഷ്ണന്‍
ശ്രീ. ആര്യാടന്‍ ഷൗക്കത്ത്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ലഹരി കേസുകളിൽ പെട്ടെന്ന് വിചാരണ നടത്തി കുറ്റവാളികളെ ശിക്ഷിക്കാൻ നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് ആക്ട് (എൻ.ഡി.പി.എസ്.)-ന്റെ കീഴില്‍ 24 സ്പെഷ്യൽ കോടതികൾ കൂടി സ്ഥാപിക്കുവാൻ ഉദ്ദേശിക്കുന്നുണ്ടോ; വിശദമാക്കുമോ;

(ബി)  അബ്കാരി നിയമപ്രകാരം എല്ലാ ജില്ലകളിലും പ്രവർത്തിക്കുന്ന അബ്കാരി കോടതികളിൽ നിലവിൽ കേസുകൾ കുറവായതിനാൽ അബ്കാരി കോടതികൾ എൻ.ഡി.പി.എസ്. പ്രത്യേക കോടതികളാക്കി മാറ്റുന്നതിന് നിർദ്ദേശം ലഭ്യമായിട്ടുണ്ടോ; വ്യക്തമാക്കുമോ;

(സി)  നിലവിൽ ലഹരി കേസുകളിൽ വിചാരണ വൈകുന്നതിനാൽ വലിയ അളവിൽ ലഹരി വസ്തുക്കളുമായി പിടികൂടപ്പെടുന്ന കേസുകളിലും പ്രതികൾ ആറുമാസത്തിനുള്ളിൽ തന്നെ ജാമ്യം നേടി പുറത്തിറങ്ങി വീണ്ടും ലഹരി വില്പന നടത്തുന്ന സാഹചര്യം തടയാൻ നടപടി സ്വീകരിക്കുമോ;വിശദാംശം ലഭ്യമാക്കുമോ?

വയോജനങ്ങള്‍ക്കുള്ള ക്ഷേമ പദ്ധതികള്‍

1836  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വയോജനങ്ങളുടെ ക്ഷേമത്തിനും ഉന്നമനത്തിനും വേണ്ടി നടപ്പിലാക്കിവരുന്ന ക്ഷേമപദ്ധതികള്‍ എന്തൊക്കെയാണെന്ന് വിശദമാക്കുമോ;

(ബി)  പ്രസ്തുത ക്ഷേമപദ്ധതികള്‍ക്ക് മാനദണ്ഡങ്ങള്‍ നിശ്ചയിച്ചിട്ടുണ്ടോ; എങ്കില്‍ എന്തൊക്കെയാണെന്ന് വിശദമാക്കുമോ?

വയോമിത്രം പദ്ധതി

1837  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2011-ൽ നടപ്പിലാക്കിയ വയോമിത്രം പദ്ധതിയിൽ ഉൾപ്പെട്ട വയോജനങ്ങൾക്ക്, കഴിഞ്ഞ മൂന്ന് വർഷത്തോളമായി ആവശ്യമായ മരുന്നുകൾ പല കേന്ദ്രങ്ങളിലും ലഭ്യമാകാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ; ദീർഘമായ കാലയളവിൽ മരുന്നുകൾ ലഭ്യമാക്കാത്തതിന്റെ കാരണങ്ങൾ എന്തെല്ലാമാണ്; മരുന്നുകൾ എല്ലാ കേന്ദ്രങ്ങളിലും സമയബന്ധിതമായി എത്തിക്കാൻ എന്തെല്ലാം നടപടികൾ സ്വീകരിച്ചിട്ടുണ്ട്; വ്യക്തമാക്കാമോ;

(ബി)  പ്രസ്തുത പദ്ധതിയിൽ കോൺട്രാക്ട് വ്യവസ്ഥയിൽ നിയമിച്ചിരുന്ന മെഡിക്കൽ ഓഫീസർമാരെ രണ്ടു വർഷത്തോളമായി ദിവസവേതന അടിസ്ഥാനത്തിൽ 179 ദിവസത്തേക്ക് നിയമിക്കുന്നത് പദ്ധതിയുടെ നല്ല നടത്തിപ്പിനെയും സ്ഥിരതയെയും പ്രതികൂലമായി ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഈ പ്രശ്നം പരിഹരിക്കാൻ നടപടി സ്വീകരിക്കുമോ;

(സി)  പ്രസ്തുത പദ്ധതിയുമായി ബന്ധപ്പെട്ടുള്ള ജൂനിയർ പബ്ലിക് ഹെൽത്ത് നഴ്സ് തസ്തികയിലേക്ക് രണ്ടു വർഷമായി ദിവസവേതനടിസ്ഥാനത്തിൽ പോലും ഒഴിവ് വരുന്ന മുറയ്ക്ക് പുതുതായി ആരെയും നിയമിച്ചിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; ഈ പ്രശ്നങ്ങൾ പരിഹരിക്കാൻ എന്തെല്ലാം നടപടികൾ ആണ് സ്വീകരിച്ചിട്ടുള്ളത്;വ്യക്തമാക്കാമോ;

(ഡി)  വയോമിത്രം പദ്ധതി എല്ലാ തദ്ദേശസ്വയംഭരണ സ്ഥാപനങ്ങളിലേക്കും വ്യാപിപ്പിക്കുന്നതിനുള്ള നടപടി സ്വീകരിക്കുമോ;വിശദമാക്കാമോ?

വയോജന ക്ഷേമം

1838  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വയോജന പകൽപരിചരണ കേന്ദ്രങ്ങളും വയോജന സൗഹൃദ കേന്ദ്രങ്ങളും എല്ലാ പഞ്ചായത്തുകളിലും ആരംഭിക്കാൻ നടപടികൾ സ്വീകരിച്ചിട്ടുണ്ടോ;

(ബി)  വയോജനങ്ങളിലെ മാനസികാരോഗ്യ പ്രശ്നങ്ങൾ പരിഹരിക്കുന്നതിനായി കൗൺസലിംഗ്, ടെലിമെഡിസിൻ തുടങ്ങിയ സംവിധാനങ്ങൾ ഏർപ്പെടുത്തുന്നത് പരിഗണനയിലുണ്ടോ;

(സി)  വയോജന സൗഹൃദ കേരളം എന്ന ലക്ഷ്യത്തോടെ തദ്ദേശ സ്വയംഭരണ സ്ഥാപനങ്ങൾ വഴി പുതിയ പദ്ധതികൾ നടപ്പാക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ?

പി.എസ്.സി. നിയമന ക്രമക്കേടുകൾ.

1839  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പബ്ലിക് സർവീസ് കമ്മീഷൻ നടത്തുന്ന പരീക്ഷകളിലും റാങ്ക് ലിസ്റ്റുകളിലും നിയമനപ്രക്രിയകളിലും ക്രമക്കേടുകൾ നടന്നിട്ടുണ്ടെന്ന് കാട്ടി ഉദ്യോഗാർത്ഥികളിൽ നിന്നും സംഘടനകളിൽ നിന്നും പരാതികൾ ലഭിച്ചിട്ടുണ്ടോ;വിശദാംശങ്ങൾ ലഭ്യമാക്കാമോ;

(ബി)  പി.എസ്.സി. റാങ്ക് ലിസ്റ്റുകളുടെ കാലാവധിക്കുള്ളിൽ ഒഴിവുകൾ കൃത്യമായി റിപ്പോർട്ട് ചെയ്യാതിരിക്കല്‍,താൽക്കാലിക നിയമനങ്ങൾ സ്ഥിരപ്പെടുത്തല്‍,പരീക്ഷാ തട്ടിപ്പുകൾ എന്നിവ സംബന്ധിച്ചു ലഭിച്ച പരാതികളിൽ എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)  പി.എസ്.സി. നിയമനപ്രക്രിയകളുടെ സുതാര്യത ഉറപ്പുവരുത്തുന്നതിനും വിവിധ വകുപ്പുകളിൽ ഒഴിവുള്ള തസ്തികകൾ കൃത്യസമയത്ത് റിപ്പോർട്ട് ചെയ്യുന്നുവെന്ന് ഉറപ്പിക്കുന്നതിനും ഡിജിറ്റൽ സംവിധാനങ്ങൾ കൂടുതൽ കാര്യക്ഷമമാക്കാൻ എന്തെല്ലാം നടപടികളാണ് സ്വീകരിച്ചു വരുന്നത്;

(ഡി)  ഉദ്യോഗാർത്ഥികൾ ഉയർത്തിയ പ്രധാന ആവശ്യങ്ങളും പരാതികളും പരിശോധിക്കുന്നതിന് പ്രത്യേക അന്വേഷണമോ ഉന്നതതല യോഗമോ വിളിച്ചുചേർക്കാൻ തയ്യാറുണ്ടോ;എങ്കിൽ സ്വീകരിച്ച നടപടികളും ഇല്ലെങ്കിൽ അതിനുള്ള കാരണങ്ങളും വ്യക്തമാക്കാമോ?

വയോജന കമ്മീഷൻ ആക്ട് പ്രകാരമുള്ള ചട്ടങ്ങൾ

1840  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2025-ലെ കേരള സംസ്ഥാന വയോജന കമ്മീഷൻ ആക്ട് പ്രകാരമുള്ള കമ്മീഷൻ എന്നാണ് ചുമതലയേറ്റത് എന്ന് വ്യക്തമാക്കാമോ;

(ബി)  പ്രസ്തുത ആക്ട് പ്രകാരമുള്ള ചട്ടങ്ങൾ രൂപീകരിച്ചിട്ടുണ്ടോ;ഇല്ലെങ്കിൽ കാരണം വ്യക്തമാക്കാമോ;

(സി)  ചട്ടങ്ങൾ രൂപീകരിക്കാത്തത് മൂലം കമ്മീഷന്റെ നിർദ്ദിഷ്‍ട പ്രവർത്തനങ്ങൾക്ക് വിഘാതം സംഭവിച്ചിട്ടുള്ളതായി ശ്രദ്ധയിൽപ്പെട്ടിട്ടുണ്ടോ;വിശദമാക്കാമോ?

മന്ത്രിസഭാംഗങ്ങൾക്കായി ഐ.ഐ.എമ്മിൽ പരിശീലന പരിപാടി

1841  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മന്ത്രിസഭാംഗങ്ങൾക്കായി കോഴിക്കോട് ഐ.ഐ.എമ്മിൽ പരിശീലന പരിപാടി സംഘടിപ്പിച്ചിരുന്നോ;വ്യക്തമാക്കാമോ;

(ബി)  ശില്പശാലയിൽ ക്ലാസുകൾ നയിച്ചതാരൊക്കെയാണ്;അവരുടെ യോഗ്യതകൾ എന്തെല്ലാമാണ്;കേരള വികസനത്തിൽ അവർ വഹിച്ചിട്ടുള്ള നേതൃത്വപരമായ പങ്ക് എന്താണെന്ന് വിശദമാക്കാമോ;

(സി)  ശില്പശാലയ്ക്കായി ചെലവഴിച്ച തുക എത്രയെന്ന് ഇനം തിരിച്ച് ലഭ്യമാക്കാമോ?

വയോജനക്ഷേമം

1842  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വയോജനങ്ങളുടെ പരാതികൾക്കും അടിയന്തര ആവശ്യങ്ങൾക്കും 24 മണിക്കൂറും പരിഹാരം കാണുന്നതിനായി ഹെൽപ്പ് ലൈനും ഫീൽഡ് തലത്തിൽ ഇടപെടുന്നതിനായി റാപ്പിഡ് റെസ്‌പോൺസ് ടീമും രൂപീകരിക്കാൻ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  വയോജനങ്ങളുടെ സുരക്ഷ,സ്വതന്ത്ര ജീവിതം,സാമൂഹിക പങ്കാളിത്തം,സാമ്പത്തിക ബാധ്യതകൾ എന്നിവയ്ക്ക് ഊന്നൽ നൽകിക്കൊണ്ടാണോ വയോജനക്ഷേമ വകുപ്പ് പ്രവർത്തിക്കുക എന്ന് വിശദമാക്കുമോ;

(സി)  എല്ലാ കളക്ടറേറ്റുകളിലും ജില്ലാ വയോജന സെല്ലുകളും സംസ്ഥാനതല പ്രവർത്തനങ്ങൾ ഏകോപിപ്പിക്കുന്നതിനായി ഗവേണിംഗ് കൗൺസിലും രൂപീകരിക്കുന്നുണ്ടോ;

(ഡി)  എല്ലാ തദ്ദേശസ്വയംഭരണ സ്ഥാപനങ്ങളിലും വയോജന സൗകര്യ ഡെസ്കുകൾ ആരംഭിക്കാൻ പദ്ധതിയുണ്ടോ; വിശദമാക്കുമോ?

വയോജന സൗഹൃദ സംവിധാനം

1843  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കുടുംബ ഘടനയിലെ മാറ്റവും മക്കളുടെ കുടിയേറ്റവും ആയുര്‍ ദൈര്‍ഘ്യത്തിലെ വര്‍ധനയും സമൂഹത്തില്‍ സൃഷ്ടിക്കുന്ന വയോജന പരിചരണ പ്രതിസന്ധിക്ക് പരിഹാരം കാണാന്‍ എന്തെല്ലാം കര്‍മ്മ പദ്ധതികള്‍ ആവിഷ്കരിക്കുമെന്ന് വിശദമാക്കുമോ;

(ബി)  കേരളത്തിന്റെ മാറുന്ന ജനസംഖ്യാ ഘടനയില്‍ വയോജന പരിചരണം വലിയ സാമൂഹിക ആവശ്യമായി മാറുന്ന സാഹചര്യത്തില്‍ പരിചരണത്തോടൊപ്പം അന്തസ്സും സ്വാതന്ത്ര്യവും അവകാശങ്ങളും ഉറപ്പാക്കാന്‍ എന്തെല്ലാം നടപടികള്‍ സ്വീകരിക്കാന്‍ കഴിയുമെന്ന് വ്യക്തമാക്കുമോ;

(സി)  ആരോഗ്യകരവും സജീവവുമായ വാര്‍ധക്യം പ്രോത്സാഹിപ്പിക്കുന്നതിനൊപ്പം കഴിയുന്നത്ര സ്വന്തം വീടുകളിലും കുടുംബ സാമൂഹിക അന്തരീക്ഷത്തിലും തുടരാന്‍ വയോജനങ്ങള്‍ക്ക് സാഹചര്യമൊരുക്കാന്‍ എന്തെല്ലാം പദ്ധതികള്‍ ആവിഷ്കരിക്കാന്‍ കഴിയുമെന്ന് വിശദമാക്കുമോ?

വയോജന അയൽപക്ക സഹായ ശൃംഖല പദ്ധതി

1844  ശ്രീ. സജീവ് ജോസഫ്
ശ്രീ. റോയി. കെ. പൗലോസ്
ശ്രീ. പഴകുളം മധു
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിടപ്പുരോഗികളായ വയോജനങ്ങൾ, ഭിന്നശേഷിക്കാരായ മുതിർന്നവർ, സാമൂഹികമായും സാമ്പത്തികമായും പിന്നാക്കം നിൽക്കുന്ന വയോജനങ്ങൾ എന്നിവരെ കണ്ടെത്തി ആവശ്യമായ സഹായം എത്തിക്കുന്നതിനായി വയോജന അയൽപക്ക സഹായ ശൃംഖല പദ്ധതി നടപ്പാക്കാൻ ഉദ്ദേശിക്കുന്നുണ്ടോ; വിശദമാക്കുമോ;

(ബി)   വാർഡ്തലം മുതൽ തദ്ദേശ സ്വയംഭരണ സ്ഥാപനതലം വരെ കുടുംബശ്രീ സംവിധാനം പ്രയോജനപ്പെടുത്തി വയോജനങ്ങൾക്ക് സാമൂഹിക പിന്തുണ ഉറപ്പാക്കുകയെന്നതാണോ പദ്ധതിയുടെ ലക്ഷ്യം എന്ന് വിശദമാക്കുമോ;

(സി)  തദ്ദേശ സ്വയംഭരണ സ്ഥാപനങ്ങൾ, ആരോഗ്യവകുപ്പ്, സന്നദ്ധ സംഘടനകൾ തുടങ്ങിയവയെ സംയോജിപ്പിച്ചുകൊണ്ടാണോ പ്രസ്തുത പദ്ധതി നടപ്പാക്കാൻ ഉദ്ദേശിക്കുന്നത്; വിശദാംശം ലഭ്യമാക്കാമോ ?

വയോമിത്രം പദ്ധതി

1845  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വയോമിത്രം പദ്ധതി വഴി ലഭ്യമാകുന്ന ആനുകൂല്യങ്ങളും അവ ലഭിക്കുന്നതിനുള്ള മാനദണ്ഡങ്ങളും എന്തൊക്കെയാണെന്ന് വിശദമാക്കാമോ;

(ബി)  വയോമിത്രം പദ്ധതി പ്രകാരം ലഭ്യമായിക്കൊണ്ടിരുന്ന മരുന്നുകളും ഉപകരണങ്ങളും മറ്റും മാസങ്ങളായി ലഭിക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ;വിശദാംശം നല്‍കാമോ;

(സി)  വയോമിത്രം പദ്ധതി നിലവിലുണ്ടോ; ഇല്ലെങ്കിൽ,പദ്ധതി നിർത്തിവെക്കാനിടയായ സാഹചര്യം വിശദമാക്കുമോ;

(ഡി)  വയോമിത്രം പദ്ധതിയുടെ ഗുണഭോക്താക്കൾക്ക് ലഭിച്ചുകൊണ്ടിരിക്കുന്ന ആനുകൂല്യങ്ങൾ തടസ്സമില്ലാതെ തുടരുന്നതിനായി എന്തെല്ലാം നടപടികളാണ് സ്വീകരിക്കുകയെന്ന് വ്യക്തമാക്കുമോ?

പാലക്കാട് റെയില്‍വെ ഡിവിഷന്റെ വിഭജനം

1846  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പാലക്കാട് റെയില്‍വേ ഡിവിഷന്റെ ഭാഗമായ ഉള്ളാള്‍,മംഗളുരു,പനമ്പൂര്‍ ഉള്‍പ്പെടെയുള്ള ഭാഗങ്ങള്‍ മൈസുരു ഡിവിഷനില്‍ ഉള്‍പ്പെടുത്തിയ നടപടി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)  പ്രസ്തുത നടപടി പാലക്കാട് റെയില്‍വേ ഡിവിഷന്റെ ഭാവി വികസനത്തെ ദോഷകരമായി ബാധിക്കുമെന്നത് വിലയിരുത്തിയിട്ടുണ്ടോ;വിശദമാക്കാമോ;

(സി)  പ്രസ്തുത വിഭജന നടപടി പിന്‍വലിക്കാന്‍ കേന്ദ്രസര്‍ക്കാരില്‍ സമ്മര്‍ദ്ദം ചെലുത്തുമോ; ഇക്കാര്യത്തില്‍ സ്വീകരിച്ച നടപടി വ്യക്തമാക്കാമോ?

പാലക്കാട് റെയിൽവേ കോച്ച് ഫാക്ടറി പദ്ധതി

1847  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പാലക്കാട് റെയിൽവേ കോച്ച് ഫാക്ടറി പദ്ധതി ഉപേക്ഷിച്ചതായി കേന്ദ്ര സർക്കാർ അറിയിച്ചിട്ടുണ്ടോ;വ്യക്തമാക്കാമോ;

(ബി)  പ്രസ്തുത പദ്ധതിയ്ക്കായി കഞ്ചിക്കോട് 239 ഏക്കർ ഭൂമി സർക്കാർ ഏറ്റെടുത്ത് റെയിൽവേയ്ക്ക് കൈമാറ്റം ചെയ്തിട്ടുണ്ടോ;എങ്കില്‍,എപ്പോഴാണ് നൽകിയത് എന്ന് വ്യക്തമാക്കാമോ;

(സി)  2011-15 കാലത്ത് റെയിൽവേ കോച്ച് ഫാക്ടറിയുടെ തറക്കല്ല് ഇട്ടിരുന്നോ; വ്യക്തമാക്കാമോ;

(ഡി)  തറക്കല്ലിട്ട പദ്ധതിയുടെ വിശദാംശങ്ങൾ എന്തെല്ലാമാണ്;പദ്ധതിക്ക് അക്കാലത്ത് റെയിൽവേ അംഗീകാരം നൽകിയിട്ടുണ്ടോ?

ശബരി റെയിൽപാത

1848  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പദ്ധതി ചെലവിന്റെ 50 ശതമാനം സംസ്ഥാനം വഹിക്കാമെന്ന ഉറപ്പിൽ ശബരി റെയിൽപാതയ്ക്ക് മുൻ സർക്കാരിന്റെ കാലത്ത് കേന്ദ്രം അനുമതി നൽകിയിരുന്നോ; വ്യക്തമാക്കാമോ;

(ബി)  പദ്ധതിക്ക് കിഫ്ബി മുഖേന 1900 കോടി രൂപ അനുവദിക്കാനും എറണാകുളം, ഇടുക്കി, കോട്ടയം ജില്ലകളിൽ നിന്ന് ഭൂമി ഏറ്റെടുക്കാനും മുൻ സർക്കാരിന്റെ കാലത്ത് തീരുമാനിച്ചിരുന്നോ;വ്യക്തമാക്കാമോ;

(സി)  പദ്ധതിയ്ക്കായി സ്ഥലം ഏറ്റെടുക്കാനുള്ള നടപടികൾ ത്വരിതപ്പെടുത്തുമോ?

റെയിൽവേ മേൽപ്പാലങ്ങളുടെ നിർമ്മാണം

1849  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  റെയിൽവേ മേൽപ്പാലങ്ങളുടെ നിർമ്മാണത്തിന് ആവശ്യമായ അംഗീകാരങ്ങൾ ലഭിക്കുന്നതിന് സംസ്ഥാന സർക്കാരിന്റെയും റെയിൽവേയുടെയും സംയുക്ത സംരംഭമായ കെ-റെയിൽ കോർപ്പറേഷന് റെയിൽവേ മുൻഗണന നൽകുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  കെ-റെയിൽ കോർപ്പറേഷൻ വഴി സമർപ്പിക്കുന്ന റെയിൽവേ മേൽപ്പാലങ്ങളുടെ ജനറൽ അറേഞ്ച്മെന്റ് ഡ്രോയിങ്ങുകൾക്ക് താരതമ്യേന ത്വരിതഗതിയിൽ റെയിൽവേയുടെ അംഗീകാരം ലഭിക്കുന്നതായി ശ്രദ്ധയിൽപ്പെട്ടിട്ടുണ്ടോ;വിശദമാക്കാമോ;

(സി)  വിവിധ ഏജൻസികൾ വഴി പുരോഗമിക്കുന്ന റെയിൽവേ മേൽപ്പാല നിർമ്മാണ പ്രവർത്തനങ്ങൾ കൂടുതൽ വേഗത്തിൽ യാഥാർത്ഥ്യമാക്കുന്നതിന് കെ-റെയിൽ കോർപ്പറേഷനെ ചുമതലപ്പെടുത്തുന്ന കാര്യം പരിഗണനയിലുണ്ടോ;വിശദമാക്കാമോ?

കെ-റെയില്‍ പദ്ധതി

1850  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കെ-റെയില്‍ പദ്ധതിയുമായി ബന്ധപ്പെട്ട എല്ലാ പ്രവര്‍ത്തനങ്ങളും അവസാനിപ്പിച്ചിട്ടുണ്ടോ;ഇല്ലെങ്കില്‍ പദ്ധതി പ്രവര്‍ത്തനം അവസാനിപ്പിക്കുന്നതിന് എന്തെല്ലാം നടപടികളാണ് ബാക്കിയുള്ളത്;വിശദമാക്കാമോ;

(ബി)  കെ-റെയില്‍ പദ്ധതിയുടെ ഓഫീസ് നിലവില്‍ പ്രവര്‍ത്തിക്കുന്നുണ്ടോ;എങ്കില്‍,എത്ര ജീവനക്കാര്‍,വാഹനങ്ങള്‍ എന്നിവ നിലവിലുണ്ട് എന്ന് വിശദാംശം നല്‍കാമോ;

(സി)  നിലവില്‍ പ്രതിമാസം കെ-റെയില്‍ പദ്ധതിയുമായി ബന്ധപ്പെട്ട് ഉണ്ടാകുന്ന ചെലവ് എത്രയാണ്; വ്യക്തമാക്കാമോ;

(ഡി)  പദ്ധതിയുമായി ബന്ധപ്പെട്ട് സ്ഥലം ഏറ്റെടുക്കുന്നതിന് അതിര്‍ത്തിക്കല്ലുകള്‍ സ്ഥാപിച്ച സ്ഥലത്ത് നിന്നും അതിര്‍ത്തിക്കല്ലുകള്‍ പൂര്‍ണ്ണമായും നീക്കം ചെയ്തിട്ടുണ്ടോ;എങ്കില്‍, എന്തെല്ലാം നടപടികളാണ് ഇതുമായി ബന്ധപ്പെട്ട് അവശേഷിക്കുന്നത്;

(ഇ)  സംസ്ഥാനത്തിന് ഒരു തരത്തിലും അനുയോജ്യമല്ല എന്ന് ആരോപണം നേരിടേണ്ടിവരുന്ന കെ-റെയില്‍ പോലുള്ള പദ്ധതികള്‍ പ്രഖ്യാപിക്കുകയും പൊതുജനങ്ങള്‍ക്ക് അതു വഴി പ്രയാസങ്ങള്‍ സൃഷ്ടിക്കുകയും ചെയ്യുന്നതിന് ഇടയാക്കുന്ന സംഭവങ്ങള്‍ ഭാവിയില്‍ ആവര്‍ത്തിക്കാതിരിക്കുന്നതിന് എന്തെല്ലാം മുന്‍കരുതലാണ് ഈ സര്‍ക്കാര്‍ സ്വീകരിച്ചിട്ടുള്ളത്; വിശദമാക്കാമോ?

പാലക്കാട് റെയില്‍വേ ഡിവിഷന്റെ വിഭജനം

1851  ശ്രീ. കെ. രാജന്‍
ശ്രീ. ഗോവിന്ദൻ പള്ളിക്കാപ്പിൽ
ശ്രീ. മുഹമ്മദ് മുഹസിന്‍
ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പാലക്കാട് റെയില്‍വേ ഡിവിഷനില്‍ നിന്ന് മംഗലാപുരം സ്റ്റേഷന്‍ ഉള്‍പ്പെടെയുള്ള ഭാഗങ്ങള്‍ മൈസൂരു ഡിവിഷനിലേക്ക് മാറ്റാനുള്ള റെയില്‍വേ ബോര്‍ഡിന്റെ തീരുമാനം ഏകപക്ഷീയമാണ് എന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)  മംഗലാപുരം ജങ്ഷന്‍ ഒഴിവാക്കിയതിലൂടെ പാലക്കാട് ഡിവിഷന്റെ വരുമാനം ഗണ്യമായി കുറയുകയും ഇത് ഡിവിഷന്റെ വികസനത്തെ പ്രതികൂലമായി ബാധിക്കുകയും ചെയ്യും എന്നത് ഗൗരവമായി കാണുന്നുണ്ടോ; വിശദമാക്കാമോ;

(സി)  പാലക്കാട് ഡിവിഷന്റെ പ്രവർത്തനപരമായ പരിധിയും പ്രാധാന്യവും കുറച്ച് അതിനെ ക്രമേണ ദുർബലപ്പെടുത്താനുള്ള നീക്കമാണിത് എന്നത് വിലയിരുത്തിയിട്ടുണ്ടോ; വിശദമാക്കാമോ;

(ഡി)  തീരുമാനം പുന:പരിശോധിക്കാന്‍ കേന്ദ്ര സര്‍ക്കാറിനെ സമീപിച്ചിട്ടുണ്ടോ; വിശദമാക്കാമോ; സംസ്ഥാനത്തെ എം.പിമാരുടെ കൂടി സഹകരണത്തോടെ ഇക്കാര്യത്തിൽ ആവശ്യമായ ഇടപെടൽ നടത്തുവാൻ സംസ്ഥാന സർക്കാർ തയ്യാറാകുമോ; ഇല്ലെങ്കിൽ എന്തുകൊണ്ടാണെന്ന് അറിയിക്കുമോ?

മംഗളൂരു മേഖല പാലക്കാട് റെയിൽവേ ഡിവിഷനില്‍ നിന്നും മാറ്റുന്ന നടപടി

1852  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദക്ഷിണ റെയിൽവേയുടെ പാലക്കാട് ഡിവിഷന് കീഴിലുള്ള മംഗളൂരു മേഖലയെ (മംഗളൂരു സെൻട്രൽ,മംഗളൂരു ജംഗ്ഷൻ,പണമ്പൂർ പോർട്ട് പരിധികൾ ഉൾപ്പെടെ) സൗത്ത് വെസ്റ്റേൺ റെയിൽവേയുടെ മൈസൂരു ഡിവിഷനിലേക്ക് മാറ്റാൻ റെയിൽവേ ബോർഡ് തീരുമാനിച്ച കാര്യം സംസ്ഥാന സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

(ബി)  മലബാർ മേഖലയ്ക്കും കേരള സംസ്ഥാനത്തിനും വലിയ തിരിച്ചടിയാകുന്നതും ട്രെയിൻ സർവീസുകൾ,പിറ്റ്‌ലൈൻ അറ്റകുറ്റപ്പണികൾ,വരുമാനം എന്നിവയെ പ്രതികൂലമായി ബാധിക്കുന്നതുമായ ഈ തീരുമാനത്തിനെതിരെ എന്തെല്ലാം നടപടികളാണ് സംസ്ഥാന സർക്കാർ സ്വീകരിച്ചിട്ടുള്ളത്;വിശദാംശം ലഭ്യമാക്കാമോ;

(സി)  ഈ തീരുമാനം പിൻവലിച്ച് മംഗളൂരു മേഖലയെ പാലക്കാട് ഡിവിഷന്റെ ഭാഗമായിത്തന്നെ നിലനിർത്തുന്നതിനായി കേന്ദ്ര റെയിൽവേ മന്ത്രാലയവുമായും റെയിൽവേ ബോർഡുമായും സംസ്ഥാന സർക്കാർ ബന്ധപ്പെട്ടിട്ടുണ്ടോ;എങ്കിൽ അതിൽ കൈക്കൊണ്ട നടപടികൾ എന്തെല്ലാമാണ്?

ക്ഷാമബത്ത, ക്ഷാമാശ്വാസം കുടിശ്ശിക

1853  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സർക്കാർ ജീവനക്കാർക്കും സർവീസ് പെൻഷൻകാർക്കും മുൻ സർക്കാർ ഉത്തരവായ നാല് ഗഡു ക്ഷാമബത്ത/ക്ഷാമാശ്വാസം കുടിശ്ശിക ലഭ്യമാക്കുന്നതിനായി സ്വീകരിച്ച നടപടികൾ വിശദമാക്കുമോ?

(ബി)  നിലവിൽ എത്ര ഗഡു ക്ഷാമബത്ത/ക്ഷാമാശ്വാസം കുടിശ്ശികയുണ്ടെന്നും പ്രസ്തുത കുടിശ്ശിക ലഭ്യമാക്കുന്ന കാര്യം പരിഗണനയിലുണ്ടോയെന്നും വ്യക്തമാക്കുമോ;

(സി)  ക്ഷാമബത്ത /ക്ഷാമാശ്വാസം കുടിശ്ശിക തീർത്ത് ലഭ്യമാക്കുന്നതിനായി സ്വീകരിച്ച നടപടികൾ വിശദമാക്കുമോ?

സർക്കാർ ജീവനക്കാരുടെ ശമ്പള പരിഷ്കരണം

1854  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് 2024 ജൂലൈ 1 മുതൽ പ്രാബല്യത്തിൽ വരേണ്ട പന്ത്രണ്ടാം ശമ്പള പരിഷ്കരണം നടപ്പിലാക്കുന്നതിലെ കാലതാമസത്തിന്റെ കാരണം അറിയിക്കാമോ; ശമ്പള പരിഷ്കരണ കമ്മീഷന്‍ റിപ്പോർട്ട് സമർപ്പിക്കുന്നതിനുള്ള സമയപരിധി വ്യക്തമാക്കാമോ;

(ബി)  ശമ്പള പരിഷ്കരണം സമയബന്ധിതമായി നടപ്പിലാക്കുന്നതിനായി ഈ സർക്കാർ സ്വീകരിച്ച നടപടികൾ എന്തെല്ലാമാണെന്ന് അറിയിക്കാമോ; ഇതുമായി ബന്ധപ്പെട്ട് ജീവനക്കാരുടെ സംഘടനകളുമായി ചർച്ചകൾ നടത്തിയിട്ടുണ്ടോ; ഉണ്ടെങ്കിൽ, അതിന്റെ വിശദാംശങ്ങൾ അറിയിക്കാമോ;

(സി)  പതിനൊന്നാം ശമ്പള പരിഷ്കരണത്തിന്റെ കുടിശ്ശിക തുക പൂർണമായി നൽകിയിട്ടുണ്ടോ; ഇല്ലെങ്കിൽ ഇനി എത്ര ഗഡുക്കളായി എത്ര തുക നൽകാനുണ്ട്; പ്രസ്തുത തുക എപ്പോൾ നൽകാനാകുമെന്ന് അറിയിക്കാമോ?

മെഡിക്കൽ കോളേജുകളിലെ ധനകാര്യ പരിശോധന

1855  ശ്രീ. സി. ആര്‍. മഹേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിവിധ സർക്കാർ മെഡിക്കൽ കോളേജുകളിൽ കാരുണ്യ ആരോഗ്യ സുരക്ഷാ പദ്ധതിയുടെ നടത്തിപ്പുമായി ബന്ധപ്പെട്ട് ധനകാര്യ പരിശോധന വിഭാഗം 2024, 2025 വർഷങ്ങളിൽ നടത്തിയ പരിശോധനയിൽ സാമ്പത്തിക ഇടപാടുകളിലും ധന വിനിയോഗങ്ങളിലും നടപടിക്രമങ്ങൾ പാലിക്കുന്നില്ലായെന്ന് കണ്ടെത്തിയിട്ടുണ്ടോ;

(ബി)  സർക്കാർ മെഡിക്കൽ കോളേജുകളിലെ സാമ്പത്തിക ഇടപാടുകളും ധനവിനിയോഗവും ആഭ്യന്തര പരിശോധനയും കുറ്റമറ്റതാക്കുന്നതിനായി ധനകാര്യ വകുപ്പിൽ നിന്നും ഫിനാൻസ് ഓഫീസറെ നിയമിക്കണമെന്ന് പ്രസ്തുത പരിശോധന സംബന്ധിച്ച റിപ്പോർട്ടിൽ ശിപാർശ ചെയ്തിരുന്നോ;

(സി)  എങ്കിൽ സർക്കാർ മെഡിക്കൽ കോളേജുകളിൽ ഫിനാൻസ് ഓഫീസറെ നിയമിക്കുന്നതിനുള്ള നടപടി സ്വീകരിക്കുമോ?

അക്രഡിറ്റഡ് ഏജൻസികൾ വഴിയുള്ള നിർമ്മാണ പ്രവൃത്തികളുടെ നിരീക്ഷണം

1856  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ധനകാര്യ വകുപ്പിന്റെ ഉത്തരവ് പ്രകാരം വിവിധ പ്രവൃത്തികൾ നിർവഹിക്കുന്നതിനായി തെരഞ്ഞെടുക്കപ്പെട്ടിട്ടുള്ള അംഗീകൃത ഏജൻസികൾക്ക് ഒരേ സമയം ഏറ്റെടുക്കാവുന്ന പ്രവൃത്തികളുടെ പരമാവധി നിർവ്വഹണ പരിധി (Work-in-hand limit) നിശ്ചയിച്ചിട്ടുണ്ടോ; എങ്കിൽ പ്രസ്തുത ഉത്തരവിന്റെ വിശദാംശം ലഭ്യമാക്കാമോ;

(ബി)  സംസ്ഥാനത്ത് നിലവിൽ അംഗീകാരമുള്ള ഓരോ അക്രഡിറ്റഡ് ഏജൻസികളും വിവിധ വകുപ്പുകളിൽ നിന്നായി ഏറ്റെടുത്ത് നടത്തിവരുന്ന പ്രവൃത്തികളുടെ ആകെ തുക (Present work-in-hand amount) എത്രയാണെന്ന് ഏജൻസി തിരിച്ച് വ്യക്തമാക്കാമോ;

(സി)  വിവിധ വകുപ്പുകളും പൊതുമേഖലാ സ്ഥാപനങ്ങളും തദ്ദേശ സ്വയംഭരണ സ്ഥാപനങ്ങളും ഇത്തരം ഏജൻസികൾക്ക് പ്രത്യേകമായി പ്രവൃത്തികൾ നൽകുമ്പോൾ, മേൽപ്പറഞ്ഞ പരിധി കവിയുന്നുണ്ടോ എന്ന് തത്സമയം പരിശോധിക്കുന്നതിനും നിരീക്ഷിക്കുന്നതിനുമായി കേന്ദ്രീകൃത സോഫ്റ്റ്‌വെയറോ ഏകീകൃത ഡാറ്റാബേസോ (Centralised Monitoring Mechanism/Portal) നിലവിലുണ്ടോ;

(ഡി)  ഒരേ ഏജൻസി തന്നെ വ്യത്യസ്ത വകുപ്പുകളിൽ നിന്നായി അനുവദനീയമായ പരിധിയിലധികം നിർമ്മാണ പ്രവൃത്തികൾ ഏറ്റെടുക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ അത്തരം ക്രമക്കേടുകൾക്കെതിരെ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഇ)  പ്രവൃത്തികളുടെ സുതാര്യതയും ഗുണനിലവാരവും സമയബന്ധിതമായ പൂർത്തീകരണവും ഉറപ്പാക്കുന്നതിനായി അംഗീകൃത ഏജൻസികൾ ഏറ്റെടുത്തിട്ടുള്ള മൊത്തം പ്രവൃത്തികൾ ട്രാക്ക് ചെയ്യുന്നതിന് കേന്ദ്രീകൃത ഓൺലൈൻ മോണിറ്ററിംഗ് സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ?

ഇ-ട്രഷറി സംവിധാനം ഉൾപ്പെടെ ഡിജിറ്റൽ പണമിടപാട് വഴി പേയ്‌മെന്റുകൾ

1857  ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള കെട്ടിട നിർമാണ തൊഴിലാളി ക്ഷേമനിധി ബോർഡ് കെട്ടിട ഉടമകളിൽ നിന്ന് ഈടാക്കുന്ന കെട്ടിട നിർമാണ തൊഴിലാളി ക്ഷേമനിധി സെസ്, രജിസ്ട്രേഷൻ ഫീസ്, മറ്റ് അനുബന്ധ ഫീസുകൾ എന്നിവ നിലവിൽ ഡിമാൻഡ് ഡ്രാഫ്റ്റ് മുഖേന മാത്രമേ സ്വീകരിക്കുകയുള്ളൂ എന്ന നിബന്ധന പൊതുജനങ്ങൾക്ക് ബുദ്ധിമുട്ട് ഉണ്ടാക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  സംസ്ഥാന സർക്കാരിന്റെ വിവിധ വകുപ്പുകളിൽ നികുതികളും ഫീസുകളും യു.പി.ഐ., ഇ-പോസ്, ഇന്റർനെറ്റ് ബാങ്കിങ്, മറ്റ് ഓൺലൈൻ പേയ്‌മെന്റ് സംവിധാനങ്ങൾ എന്നിവയിലൂടെ അടയ്ക്കുന്നതിനുള്ള സൗകര്യങ്ങൾ നിലവിലുള്ള സാഹചര്യത്തിൽ കെട്ടിട നിർമാണ തൊഴിലാളി ക്ഷേമനിധി ബോർഡിലും സമാനമായ മറ്റ് ക്ഷേമനിധി ബോർഡുകളിലും ഇ-ട്രഷറി സംവിധാനം ഉൾപ്പെടെ ഡിജിറ്റൽ പണമിടപാട് വഴി പേയ്‌മെന്റുകൾ നടത്തുന്നതിനുള്ള ക്രമീകരണം ഏർപ്പെടുത്തുന്നതിന് ധനകാര്യവകുപ്പ് നിർദേശം നൽകുമോ; വ്യക്തമാക്കാമോ?

എൻജിനീയറിംഗ് വകുപ്പുകളിൽ ഡിവിഷണൽ അക്കൗണ്ടന്റ് / ഫിനാൻഷ്യൽ അസിസ്റ്റന്റ് തസ്തികകൾ

1858  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പൊതുമരാമത്ത്, ജലവിഭവം, ഹാർബർ എൻജിനീയറിംഗ്, തദ്ദേശ സ്വയംഭരണ എൻജിനീയറിംഗ് തുടങ്ങിയ വകുപ്പുകൾ മുഖേന നടപ്പിലാക്കുന്ന വികസന, നിർമ്മാണ, അടിസ്ഥാന സൗകര്യ, പരിപാലന പ്രവൃത്തികളുടെ എണ്ണത്തിലും സാമ്പത്തിക ഇടപാടുകളുടെ വ്യാപ്തിയിലും ഗണ്യമായ വർധനവുണ്ടായിട്ടും, പ്രസ്തുത ഓഫീസുകളിൽ സാമ്പത്തിക നിയന്ത്രണത്തിനായി ആവശ്യമായ ഡിവിഷണൽ അക്കൗണ്ടന്റ് /ഫിനാൻഷ്യൽ അസിസ്റ്റന്റ് തസ്തികകൾ മതിയായ തോതിൽ നിലവിലില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  വിവിധ എൻജിനീയറിംഗ് വകുപ്പുകളിലെ ഡിവിഷൻ,സർക്കിൾ ഓഫീസുകളിൽ നിലവിൽ അനുവദിച്ചിട്ടുള്ള ഡിവിഷണൽ അക്കൗണ്ടന്റ്,ഫിനാൻഷ്യൽ അസിസ്റ്റന്റ് തസ്തികകളുടെ എണ്ണം,നിലവിൽ ജോലി ചെയ്യുന്നവരുടെ എണ്ണം,ഒഴിഞ്ഞുകിടക്കുന്ന തസ്തികകളുടെ എണ്ണം എന്നിവ വകുപ്പ്/ഓഫീസ് അടിസ്ഥാനത്തിൽ ലഭ്യമാക്കാമോ;

(സി)  ഉദ്യോഗസ്ഥരുടെ കുറവ് മൂലം ബില്ലുകളുടെ പരിശോധന, കരാറുകളുമായി ബന്ധപ്പെട്ട സാമ്പത്തിക പരിശോധന,ബജറ്റ് വിനിയോഗത്തിന്റെ നിരീക്ഷണം,ചെലവ് നിയന്ത്രണം,സാമ്പത്തിക ചട്ടങ്ങളുടെ പാലനം,ഓഡിറ്റ് നിരീക്ഷണങ്ങൾക്ക് മറുപടി നൽകൽ തുടങ്ങിയ പ്രവർത്തനങ്ങളിൽ കാലതാമസമോ പ്രായോഗിക ബുദ്ധിമുട്ടുകളോ ഉണ്ടാകുന്നതായി വിലയിരുത്തിയിട്ടുണ്ടോ;

(ഡി)  വിവിധ എൻജിനീയറിംഗ് വകുപ്പുകളിൽ പുതിയ ഡിവിഷണൽ അക്കൗണ്ടന്റ് / ഫിനാൻഷ്യൽ അസിസ്റ്റന്റ് തസ്തികകൾ സൃഷ്ടിക്കുന്നതിനുള്ള നിർദ്ദേശങ്ങൾ നിലവിൽ പരിഗണനയിലുണ്ടോ;ഉണ്ടെങ്കിൽ അത്തരം നിർദ്ദേശങ്ങൾ ഏത് വകുപ്പുകളിലും എത്ര തസ്തികകൾ വീതവുമാണ്; പ്രസ്തുത തസ്തികകൾ സൃഷ്ടിക്കുന്നതിനായി ഇതിനകം ആരംഭിച്ചിട്ടുള്ള ഫയലുകളുടെ നിലവിലെ സ്ഥിതി, ഫയൽ നമ്പർ, ബന്ധപ്പെട്ട വകുപ്പിൽ/ധനകാര്യ വകുപ്പിൽ അവ പരിഗണനയിലുള്ള ഘട്ടം എന്നിവ വ്യക്തമാക്കാമോ?

സ്റ്റാറ്റ്യൂട്ടറി പെന്‍ഷന്‍ പുനഃ സ്ഥാപിക്കല്‍

1859  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സര്‍ക്കാര്‍ ജീവനക്കാരും അധ്യാപകരുമായി ആകെ എത്ര പേര്‍ സര്‍വ്വീസില്‍ ഉണ്ട്; ജീവനക്കാരുടെയും അധ്യാപകരുടെയും എണ്ണം പ്രത്യേകം വ്യക്തമാക്കാമോ;

(ബി)  ജീവനക്കാര്‍ക്കും അധ്യാപകര്‍ക്കും ഉണ്ടായിരുന്ന സ്റ്റാറ്റ്യൂട്ടറി പെന്‍ഷന്‍ പദ്ധതി നിര്‍ത്തലാക്കി പങ്കാളിത്ത പെന്‍ഷന്‍ പദ്ധതി നടപ്പിലാക്കിയത് എന്നുമുതലാണ്; വിശദമാക്കാമോ;

(സി)  പങ്കാളിത്ത പെന്‍ഷന്‍ പദ്ധതിയില്‍ നാളിതുവരെ എത്ര ജീവനക്കാരും അധ്യാപകരുമാണ് ഉള്‍പ്പെട്ടിട്ടുള്ളതെന്ന് അറിയിക്കാമോ;

(ഡി)  പങ്കാളിത്ത പെന്‍ഷന്‍ പദ്ധതി പുനഃപരിശോധിച്ച് സ്റ്റാറ്റ്യൂട്ടറി പെന്‍ഷന്‍ പദ്ധതി നടപ്പിലാക്കണമെന്ന ജീവനക്കാരുടെയും അധ്യാപകരുടെയും സംഘടനകളുടെ ആവശ്യത്തിന്മേല്‍ സര്‍ക്കാരിന്റെ നിലപാട് എന്താണെന്ന് വ്യക്തമാക്കാമോ?

കിഫ്‌ബി മുഖേനയുള്ള പ്രവൃത്തികൾ

1860  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്‌ബി രൂപീകൃതമായത് മുതൽ നാളിതുവരെ വിവിധ പ്രവൃത്തികൾക്കായി കിഫ്‌ബി മുഖേന ചെലവഴിച്ചിട്ടുള്ള ആകെ തുക എത്രയാണ്; വർഷം തിരിച്ചുള്ള കണക്ക് അറിയിക്കുമോ;

(ബി)  ഈ കാലയളവിൽ കിഫ്‌ബി വിവിധ ബാങ്ക് അക്കൗണ്ടുകളിലായി സൂക്ഷിച്ചിരുന്ന തുകകളുടെ വർഷം തിരിച്ചുള്ള കണക്ക് ലഭ്യമാക്കുമോ;

(സി)  വിവിധ ബാങ്കുകളിലായി സൂക്ഷിച്ച തുകകളുടെ പലിശ ഇനത്തിൽ ലഭിച്ച ആകെ തുക എത്രയാണ്; വർഷം തിരിച്ചുള്ള കണക്ക് ലഭ്യമാക്കുമോ;

(ഡി)  കിഫ്‌ബി മുഖേന എത്ര പ്രവൃത്തികൾ ആണ് നാളിതുവരെ നടപ്പാക്കിയിട്ടുള്ളത്; ഇതിലേക്കായി ചെലവഴിച്ച തുക സംബന്ധിച്ച വിശദാംശം അറിയിക്കുമോ?

എം.എൽ.എ മാരുടെ പ്രത്യേക വികസന നിധി (SDF) വര്‍ദ്ധനവ്

1861  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എം.എൽ.എ മാരുടെ പ്രത്യേക വികസന നിധി (SDF) പ്രകാരമുളള തുക വര്‍ദ്ധിപ്പിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)  2011-ല്‍ സര്‍ക്കാര്‍ പ്രത്യേക വികസന നിധി പ്രകാരമുളള തുക വര്‍ദ്ധന വരുത്തിയ ശേഷം പല തവണ DSR (ഡീറ്റൈൽഡ് ഷെഡ്യുൾ ഓഫ് റേറ്റ്സ്) പരിഷ്ക്കരിച്ചിട്ടും എം.എൽ.എ മാരുടെ പ്രത്യേക വികസന നിധി പ്രകാരമുളള തുക വര്‍ദ്ധിപ്പിക്കാത്തത് കാരണം വികസന പ്രവൃത്തികള്‍ക്കുളള തുക അപര്യാപ്തമാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)  എങ്കില്‍ എം.എൽ.എ മാരുടെ പ്രത്യേക വികസന നിധി പ്രകാരമുളള തുക 1 കോടി രൂപയില്‍ നിന്നും 2 കോടി രൂപയാക്കി വര്‍ദ്ധിപ്പിക്കുന്നതിന് നടപടി സ്വീകരിക്കുമോ?

സ്ത്രീ സുരക്ഷാ പദ്ധതി

1862  ശ്രീ. വി. ജോയി
ശ്രീ. സേവ്യര്‍ ചിറ്റിലപ്പിള്ളി
ശ്രീമതി ഒ. എസ്. അംബിക
ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാരിന്റെ കാലത്ത് നടപ്പാക്കിയ സ്ത്രീ സുരക്ഷാ പദ്ധതി പ്രകാരം ഗുണഭോക്താക്കൾക്ക് എത്ര മാസത്തെ കുടിശ്ശിക നല്‍കാനുണ്ട്; പ്രസ്തുത തുക വിതരണം ചെയ്യാത്തതിന്റെ കാരണം വ്യക്തമാക്കാമോ;

(ബി)  കുടിശ്ശിക സഹിതം ഗുണഭോക്താക്കള്‍ക്ക് എന്നത്തേക്ക് തുക നല്‍കാനാകുമെന്ന് വിശദമാക്കാമോ;

(സി)  സുതാര്യമായ നടപടിക്രമങ്ങളിലൂടെ ഗുണഭോക്താക്കള്‍ക്ക് അര്‍ഹമായ സാമ്പത്തിക സഹായം ലഭിക്കാത്തത് അവരുടെ കുടുംബങ്ങള്‍ക്ക് സൃഷ്ടിച്ച പ്രതിസന്ധി വിലയിരുത്തിയിട്ടുണ്ടോ; വ്യക്തമാക്കാമോ;

(ഡി)  സ്ത്രീ സുരക്ഷാ പദ്ധതിയില്‍ ഗുണഭോക്താക്കളെ കണ്ടെത്തുന്നതിന് സ്വീകരിച്ച നടപടിക്രമങ്ങള്‍ എന്തെല്ലാമായിരുന്നു എന്ന് വിശദമാക്കാമോ;

(ഇ)  ഗുണഭോക്താക്കളെ തെരഞ്ഞെടുത്തതില്‍ ഗുരുതരമായ ക്രമക്കേടുകള്‍ നടന്നതായി പരാതികള്‍ ലഭിച്ചിട്ടുണ്ടോ; എങ്കില്‍ പരാതികളിന്മേല്‍ സ്വീകരിച്ച നടപടി വ്യക്തമാക്കാമോ; ഇതുസംബന്ധിച്ച നടപടി സ്വീകരിക്കുന്ന ഫയലിന്റെ നമ്പര്‍ ലഭ്യമാക്കാമോ?

സ്ത്രീ സുരക്ഷ പദ്ധതി

1863  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സര്‍ക്കാര്‍ നടപ്പിലാക്കിയ സ്ത്രീ സുരക്ഷാപദ്ധതിയില്‍ എത്രപേര്‍ക്ക് ആനുകൂല്യം ലഭ്യമായിരുന്നു എന്ന് ജില്ല തിരിച്ച് കണക്ക് ലഭ്യമാക്കാമോ;

(ബി)  പുതിയ അപേക്ഷകള്‍ സ്വീകരിക്കുന്നത് ഇപ്പോള്‍ സര്‍ക്കാര്‍ തടഞ്ഞിട്ടുണ്ടോ; വ്യക്തമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം എടുത്ത കടങ്ങളുടെ വിവരങ്ങള്‍

1864  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലെ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെ എടുത്ത വായ്പകള്‍ ഏതൊക്കെ സാമ്പത്തിക സ്ഥാപനങ്ങളില്‍ നിന്നുമാണെന്നും ഏതൊക്കെ മാര്‍ഗങ്ങളിലൂടെയാണ് സമാഹരിച്ചിട്ടുള്ളതെന്നും അറിയിക്കാമോ; വിശദാംശങ്ങള്‍ ലഭ്യമാക്കാമോ;

(ബി)  നിലവിലെ സര്‍ക്കാര്‍ അധികാരത്തില്‍ വന്നതിന് ശേഷം എടുത്തിട്ടുള്ള വായ്പയുടെ തുകയും അതേ കാലയളവില്‍ തിരിച്ചടച്ച മുതലും പലിശയും ഉള്‍പ്പെടെയുള്ള തുകയും എത്രയാണെന്ന് മാസം തിരിച്ച് വ്യക്തമാക്കാമോ;

(സി)  നിലവില്‍ സംസ്ഥാന സര്‍ക്കാരിന്റെ ആകെ പൊതുകടം എത്രയാണ്; നിലവിലെ സര്‍ക്കാര്‍ അധികാരത്തില്‍ വന്ന സമയത്തെ പൊതു കടവുമായി താരതമ്യം ചെയ്യുമ്പോള്‍ ഇപ്പോഴത്തെ പൊതു കടത്തില്‍ എത്ര രൂപയുടെ വര്‍ധനവാണ് ഉണ്ടായിട്ടുള്ളത്; വിശദാംശങ്ങള്‍ ലഭ്യമാക്കാമോ?

ജി.എസ്.ടി. വെട്ടിപ്പ് തടയുന്നതിന് നടപടി

1865  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.ടി. നികുതി വെട്ടിപ്പ്, വ്യാജ ഇന്‍വോയ്സ്, വ്യാജ ഐ.ടി.സി ക്ലെയിം തുടങ്ങിയവ കണ്ടെത്തുന്നതിനും തടയുന്നതിനുമായി സംസ്ഥാന ജി.എസ്.ടി വകുപ്പ് നിലവില്‍ ഉപയോഗിക്കുന്ന സാങ്കേതിക സംവിധാനങ്ങള്‍ കൂടതല്‍ ശക്തിപ്പെടുത്തുന്നതിന് നടപടി സ്വീകരിച്ചിട്ടുണ്ടോ;

(ബി)  ഡാറ്റ അനലിറ്റിക്സ്, ആര്‍ട്ടിഫിഷ്യല്‍ ഇന്റലിജന്‍സ് തുടങ്ങിയ ആധുനിക സാങ്കേതിക വിദ്യകള്‍ ഉപയോഗിച്ച് സംശയാസ്പദമായ ഇടപാടുകള്‍ കണ്ടെത്തുന്ന സംവിധാനം നിലവിലുണ്ടോ; ഇല്ലെങ്കില്‍ അത്തരം സംവിധാനങ്ങള്‍ ഏര്‍പ്പെടുത്തുമോ;

(സി)  കഴിഞ്ഞ 5 വര്‍ഷത്തിനിടെ ഇത്തരത്തിലുളള പരിശോധനകളിലൂടെ കണ്ടെത്തിയ നികുതി വെട്ടിപ്പ് എത്ര തുകയുടേതാണ്; ഇതിനെക്കുറിച്ച് വിശദമായ അന്വേഷണം നടത്തി, വെട്ടിച്ച യഥാര്‍ത്ഥ തുക എത്രയെന്ന് കണ്ടെത്തുമോ;

(ഡി)  നികുതി വെട്ടിപ്പ് കണ്ടെത്തുന്നതിനായി ഗുഡ്സ് ആന്റ് സര്‍വീസസ് ടാക്സ് ഐഡന്റിഫിക്കേഷന്‍ നമ്പര്‍ ഇ-വേ ബില്‍, ഇ-ഇന്‍വോയിസ് തുടങ്ങിയ സംവിധാനങ്ങളില്‍ നിന്നുളള വിവരങ്ങള്‍ ഏകോപിപ്പിച്ച് ഉപയോഗിക്കുന്നതിനു പ്രത്യേക സംവിധാനം ഏര്‍പ്പെടുത്തുമോ?

നികുതിദായക സഹായകേന്ദ്രങ്ങള്‍

1866  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ചെറുകിട വ്യാപാരികള്‍ ഉള്‍പ്പെടെയുളള നികുതിദായകര്‍ക്ക് ജി.എസ്.ടി. രജിസ്ട്രേഷന്‍, റിട്ടേണ്‍ സമര്‍പ്പിക്കല്‍, നികുതി അടയ്ക്കല്‍, റീഫണ്ട് തുടങ്ങിയ നടപടികള്‍ കൂടുതല്‍ ലളിതവും സുതാര്യവുമാക്കുന്നതിനായി സംസ്ഥാന ജി.എസ്.ടി.വകുപ്പില്‍ പരിഷ്കാരങ്ങള്‍ നടപ്പാക്കാന്‍ ഉദ്ദേശിക്കുന്നുണ്ടോ;

(ബി)  നികുതിദായകരുടെ പരാതികള്‍ പരിഹരിക്കുന്നതിന് നിലവിലുളള സംവിധാനം വിലയിരുത്തിയിട്ടുണ്ടോ;

(സി)  റീഫണ്ട് അപേക്ഷകളും മറ്റ് അപേക്ഷകളും തീര്‍പ്പാക്കുന്നതിന് സമയപരിധി നിശ്ചയിച്ചിട്ടുണ്ടോ; വിശദമാക്കാമോ;

(ഡി)  ഓരോ ജില്ലയിലും നികുതിദായക സഹായകേന്ദ്രങ്ങള്‍ ശക്തിപ്പെടുത്തുവാന്‍ നടപടികള്‍ സ്വീകരിക്കുമോ;

(ഇ)  ചായ, കോഫി, ദോശ, തുടങ്ങിയ മലയാളികളുടെ സാധാരണ ഭക്ഷ്യസാധനങ്ങളുടെ മേല്‍ ഹോട്ടലുകളിലും റസ്റ്റോറന്റുകളിലും ഈടാക്കുന്ന ഭീമമായ ജി.എസ്.ടി. കുറയ്ക്കാന്‍ കേന്ദ്രത്തിനോട് ആവശ്യപ്പെടുമോ?

ജി. എസ്. ടി. യിലൂടെയുണ്ടായ ധനനഷ്ടം

1867  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.ടി. നടപ്പിലാക്കിയതുമൂലം സംസ്ഥാനത്തിന് ഉണ്ടായ ധനനഷ്ടം എത്രയായിരുന്നുവെന്നും അപ്രകാരം ധനനഷ്ടം ഉണ്ടാകാനുള്ള കാരണം എന്താണെന്നും അറിയിക്കാമോ;

(ബി)  പ്രസ്തുത ജി. എസ്. ടി. നഷ്ടം നികത്തുന്നതിന് സ്വീകരിക്കുന്ന മാർഗ്ഗം വിശദമാക്കാമോ;

(സി)  സംസ്ഥാനത്തിന് കേന്ദ്രസർക്കാർ ജി.എസ്.ടി. ഇനത്തിൽ നൽകാൻ ബാക്കിയുള്ള തുക എത്രയാണ് എന്ന് വ്യക്തമാക്കാമോ?

സംസ്ഥാന സർക്കാരിന്റെ വരുമാന വർദ്ധനവ്

1868  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)   സംസ്ഥാന സർക്കാരിന്റെ വരുമാനം വർദ്ധിപ്പിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കാമോ;

(ബി)   സംസ്ഥാന സർക്കാരിന്റെ വരുമാനം വർദ്ധിപ്പിക്കുന്നതിന്ന് ഗാർഹിക,വ്യാപാര,വ്യാവസായിക ഉപഭോക്താക്കൾക്ക് വ്യത്യസ്ത സ്ലാബുകളിൽ നികുതിയും മറ്റ് സേവനങ്ങൾക്കുള്ള ഫീസും ഏർപ്പെടുത്തുനാകുമോ എന്ന് വ്യക്തമാക്കാമോ;

(സി)  ബ്രാൻഡഡ് കാർഷിക വിളകൾ, ആഡംബര വാഹനങ്ങളുടെ സ്പെയർ പാർട്ട്സുകൾ തുടങ്ങിയവയ്ക്ക് സെസ് ഏർപ്പെടുത്തി വരുമാനം വർദ്ധിപ്പിക്കാനാകുമോ എന്ന് വ്യക്തമാക്കാമോ;

(ഡി)  2026 മാർച്ച് 31 തീയതി പ്രകാരം സംസ്ഥാന സർക്കാരിന് ലഭ്യമാകാനുള്ള നികുതി കുടിശിക എത്രയാണ് എന്നും ഏതെല്ലാം നികുതികളിൽ ആണ് കുടിശ്ശിക ഉണ്ടായിട്ടുള്ളതെന്നും വിശദമാക്കാമോ;

(ഇ)  സംസ്ഥാന സർക്കാരിന് ലഭ്യമാകാനുള്ള നികുതി കുടിശിക ഈടാക്കുന്നതിന് സ്വീകരിച്ചിരിക്കുന്ന നടപടികൾ എന്തെല്ലാമാണെന്ന് വിശദമാക്കാമോ?

ജി.എസ്.ടി. വകുപ്പിന്റെ പ്രവര്‍ത്തനം

1869  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.ടി. നടപ്പിലാക്കിയതിനുശേഷമുള്ള സ്റ്റേറ്റ് ജി.എസ്.ടി. വകുപ്പിന്റെ പ്രവര്‍ത്തനം സമഗ്രമായി വിലയിരുത്തിയിട്ടുണ്ടോ; വ്യക്തമാക്കാമോ;

(ബി)  ജി.എസ്.ടി. നടപ്പാക്കിയതിന് മുമ്പുള്ള നികുതി സംവിധാനവും നിലവിലുള്ള നികുതി സംവിധാനവും തമ്മിലുള്ള പ്രവര്‍ത്തനക്ഷമത വിലയിരുത്തിയിട്ടുണ്ടോ; വിശദമാക്കാമോ;

(സി)  പ്രസ്തുത വകുപ്പിലെ ഉദ്യോഗസ്ഥരുടെ ജോലിഭാരം, ഒഴിവുള്ള തസ്തികകള്‍, ഓഫീസ് സൗകര്യങ്ങള്‍ എന്നിവ സംബന്ധിച്ച് പഠനം നടത്തിയിട്ടുണ്ടോ; വിശദമാക്കാമോ?

ബാർ ഹോട്ടലുകളുടെ നികുതിവെട്ടിപ്പ്

1870  ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻസർക്കാരിന്റെ കാലയളവിലെ അവസാന സാമ്പത്തിക വർഷം ബാർ ഹോട്ടലുകളിൽ നിന്ന് കൃത്യമായി നികുതി പിരിവ് നടത്താതിരുന്നതിനാൽ മുൻവർഷത്തേക്കാൾ 100.61 കോടി രൂപയുടെ നഷ്ടം സംഭവിച്ചിരുന്നോ; വ്യക്തമാക്കാമോ;

(ബി)  ഈ സർക്കാർ ബാർ ഹോട്ടലുകളിൽ ഓപ്പറേഷൻ സ്റ്റോം ലൈറ്റ് എന്ന പേരിൽ നികുതി പരിശോധന നടത്തിയിരുന്നോ; പ്രസ്തുത പരിശോധനയിൽ എന്തെല്ലാം ക്രമക്കേടുകളാണ് കണ്ടെത്തിയതെന്ന് അറിയിക്കാമോ?

കേന്ദ്രസർക്കാരില്‍ നിന്നും ലഭ്യമായ അധിക സാമ്പത്തിക സഹായം

1871  ശ്രീ. സജി ചെറിയാന്‍
ശ്രീ. കെ. വി. സുമേഷ്
ശ്രീ. കെ. പ്രേംകുമാര്‍
ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരത്തിൽ വന്നതിനുശേഷം കേന്ദ്ര സർക്കാരിൽ നിന്ന് സംസ്ഥാനത്തിന് എന്തെങ്കിലും തരത്തിലുള്ള അധിക സാമ്പത്തിക സഹായം ലഭിച്ചിട്ടുണ്ടോ; എങ്കിൽ എന്തെല്ലാമാണെന്നും ഓരോ ഇനത്തിലും ലഭിച്ച തുക എത്രയാണെന്നും വ്യക്തമാക്കാമോ;

(ബി)  2026 മേയ് 26-ന് മുഖ്യമന്ത്രി പ്രധാനമന്ത്രിയുമായും കേന്ദ്ര ധനമന്ത്രിയുമായും നടത്തിയ കൂടിക്കാഴ്ചയിൽ സംസ്ഥാനത്തിന്റെ കടമെടുപ്പ് പരിധി വർദ്ധിപ്പിക്കുന്നതിനോ ഇളവ് അനുവദിക്കുന്നതിനോ ആവശ്യപ്പെട്ടിട്ടുണ്ടോ; എങ്കിൽ ഉന്നയിച്ച ആവശ്യങ്ങൾ എന്തെല്ലാമാണ് ;

(സി)  പ്രസ്തുത ആവശ്യങ്ങളിൽ കേന്ദ്ര സർക്കാർ അനുകൂല തീരുമാനം എടുത്തിട്ടുണ്ടോ; എങ്കിൽ അനുവദിച്ച അധിക കടമെടുപ്പ് പരിധി എത്രയാണെന്ന് വ്യക്തമാക്കാമോ?

സര്‍ക്കാര്‍ വായ്പകള്‍

1872  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനുശേഷം എടുത്ത വായ്പകള്‍ ഏതെല്ലാം സ്ഥാപനങ്ങളില്‍ നിന്ന് എത്ര വീതമാണെന്ന് വ്യക്തമാക്കാമോ;

(ബി)  ഓരോ വായ്പയുടെയും പലിശനിരക്ക് വ്യക്തമാക്കാമോ?

കിഫ്ബി വഴിയുള്ള വികസന പദ്ധതികളും സാമ്പത്തിക ബാധ്യതയും

1873  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ അടിസ്ഥാന സൗകര്യ വികസനത്തിനായി പ്രവർത്തിക്കുന്ന കിഫ്ബിയുടെ നിലവിലെ പ്രവർത്തന രീതികളും സാമ്പത്തിക മാതൃകയും സംബന്ധിച്ച് സർക്കാറിന്റെ നിലപാട് വ്യക്തമാക്കാമോ;

(ബി)  കിഫ്ബി വഴി എടുത്ത കടങ്ങളും അതിന്മേലുള്ള തിരിച്ചടവ് ബാധ്യതയും സംസ്ഥാനത്തിന്റെ പൊതു കടപരിധിയിൽ വരുന്നത് മൂലമുണ്ടാകുന്ന സാമ്പത്തിക പ്രതിസന്ധി പരിഹരിക്കാൻ എന്തെല്ലാം നടപടികളാണ് സ്വീകരിക്കുന്നത്;

(സി)  കിഫ്ബി ഏറ്റെടുത്തിട്ടുള്ള വിവിധ പദ്ധതികളുടെ സുതാര്യത ഉറപ്പുവരുത്തുന്നതിന് സി.എ.ജി ഓഡിറ്റിംഗിന് വിധേയമാക്കുന്നത് പരിഗണനയിലുണ്ടോ; വിശദാംശം ലഭ്യമാക്കാമോ?

(ഡി)  സാമ്പത്തിക അച്ചടക്കം ഉറപ്പുവരുത്തി കിഫ്ബിയുടെ ഘടനയിലും പ്രവർത്തനങ്ങളിലും ആവശ്യമായ പുനഃസംഘടനയോ മാറ്റങ്ങളോ വരുത്താൻ സർക്കാർ ഉദ്ദേശിക്കുന്നുണ്ടോ?

കിഫ്ബിയുടെ പ്രവർത്തനം

1874  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി വഴി നാളിതുവരെ എത്ര പ്രൊജക്ടുകൾ പൂർത്തിയാക്കിയിട്ടുണ്ടെന്നും പൂർത്തിയാക്കിയതിൽ വരുമാനം ലഭിക്കുന്ന പ്രൊജക്ടുകൾ എതെല്ലാമാണെന്നും വ്യക്തമാക്കാമോ;

(ബി)  കിഫ്ബി ആകെ കടമെടുത്ത തുകയും എവിടെയൊക്കെ നിന്നാണ് കടം എടുത്തിട്ടുളളതെന്നും വ്യക്തമാക്കാമോ;

(സി)  കിഫ്ബി ആരംഭിച്ചത് മുതല്‍ കടമെടുത്ത തുക, അടവാക്കിയ പലിശ തുക, ആകെ തിരിച്ചടവ് എന്നിവ സാമ്പത്തിക വർഷം തിരിച്ച് വ്യക്തമാക്കാമോ;

(ഡി)  ലണ്ടൻ സ്റ്റോക്ക് എക്സ്ചേഞ്ച് മുഖേന മസാല ബോണ്ട് വഴി കിഫ്ബി കടമെടുത്ത തുക എത്രയെന്നും ഈ ഇനത്തിൽ എത്ര തുക പലിശയായി നൽകിയെന്നും ആകെ തിരിച്ചടവ് എത്രയെന്നും വിശദമാക്കാമോ?

ഉദുമ നിയോജക മണ്ഡലത്തിലെ കിഫ്ബി പ്രവൃത്തികള്‍

1875  ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഉദുമ നിയോജക മണ്ഡലത്തില്‍ കിഫ്ബിയുടെ സാമ്പത്തിക സഹായത്തോടെ നടപ്പിലാക്കുന്ന എത്ര പ്രവൃത്തികള്‍ ഇനി പൂര്‍ത്തിയാക്കാനുണ്ട്; വിശദാംശങ്ങൾ ലഭ്യമാക്കാമോ;

(ബി)  പ്രസ്തുത പ്രവൃത്തികള്‍ ഓരോന്നും പൂര്‍ത്തീകരണത്തിന്റെ ഏതു ഘട്ടത്തിലാണെന്ന് വിശദമാക്കാമോ?

കിഫ്ബി യിലെ ക്രമക്കേട്

1876  ഡോ. മാത്യു കുഴൽനാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലത്ത് കിഫ്ബിയിൽ കേഡർ, ഡെപ്യൂട്ടേഷൻ, വർക്കിംഗ് അറേഞ്ച്മെന്റ് വ്യവസ്ഥയിൽ ജോലി ചെയ്തിരുന്നവർക്ക് പ്രതിമാസം 20,000 രൂപ വരെ പ്രോജക്ട് അലവൻസ് എന്ന പേരിൽ നൽകിയിരുന്നോ; വ്യക്തമാക്കുമോ;

(ബി)  സർക്കാർ ജീവനക്കാർ മറ്റു സ്ഥാപനങ്ങളിൽ ജോലി ചെയ്യുകയോ പ്രതിഫലം വാങ്ങുകയോ ചെയ്യരുതെന്ന ചട്ടമുള്ളപ്പോൾ കിഫ്ബിയുടെ കൺസൾട്ടൻസി സ്ഥാപനമായ കിഫ്‌കോൺ-നെ സഹായിക്കുന്ന സർക്കാർ ജീവനക്കാർക്ക് പ്രതിമാസം 20,000 രൂപ നൽകിയിരുന്നോ; വിശദമാക്കുമോ;

(സി)  മുൻ സർക്കാരിന്റെ കാലത്ത് കിഫ്ബിയുടെ മറവിൽ ധൂർത്തും ക്രമക്കേടും നടന്നിരുന്നു എന്ന ആക്ഷേപത്തെക്കുറിച്ച് അന്വേഷിക്കുമോ; വ്യക്തമാക്കുമോ?

ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിക്ക് കിഫ്‌ബി വഴി നൽകിയ പ്രവൃത്തികൾ

1877  ശ്രീ. എം. വിന്‍സെന്റ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ പത്തു വർഷത്തിൽ ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിക്ക് കിഫ്‌ബി വഴി കരാർ നൽകിയ പ്രവൃത്തികളുടെ/സേവനങ്ങളുടെ വിശദാംശം ലഭ്യമാക്കുമോ;

(ബി)  പ്രസ്തുത പ്രവൃത്തികളുടെ/സേവനങ്ങളുടെ എസ്റ്റിമേറ്റ് പ്രകാരമുള്ള തുകയും ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിക്ക് നൽകിയ തുകയും തരംതിരിച്ച് ലഭ്യമാക്കുമോ;

(സി)  2016-21, 2021-26 കാലയളവുകളിലെ സർക്കാരുകളുടെ കാലത്തു നൽകിയവയും പ്രവൃത്തി/സേവനം പൂർത്തിയാകാത്തതുമായ കരാറുകളുടെ വിശദവിവരം ലഭ്യമാക്കുമോ; പ്രസ്തുത സൊസൈറ്റിക്ക് നൽകിയ പ്രവൃത്തികളിൽ നിർമ്മാണത്തിലെ അപാകത മൂലം തകർന്നതോ പരാതിയുള്ളതോ ആയ പ്രവൃത്തികൾ/സേവനങ്ങൾ ഏതെല്ലാമാണ്; വിശദമാക്കാമോ?

കിഫ്ബി മുഖേനയുള്ള സാമ്പത്തിക സമാഹരണവും ചെലവും

1878  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-2021, 2021-2026 സര്‍ക്കാരുകളുടെ കാലത്ത് കിഫ്ബി വഴി സ്വരൂപിച്ച തുകയുടെ വിശദ വിവരങ്ങളും, സ്വരൂപിച്ച സ്രോതസ്സുകളും വ്യക്തമാക്കാമോ;

(ബി)  പ്രസ്തുത കാലയളവിൽ കിഫ്ബി വഴി അനുവദിച്ച പ്രവൃത്തികളുടെ വകുപ്പ് തിരിച്ചുള്ള തുകയുടെ വിവരങ്ങള്‍ ലഭ്യമാക്കാമോ;

(സി)  പ്രസ്തുത കാലയളവിൽ കിഫ്ബി വഴി അനുവദിച്ച പ്രവൃത്തികളുടെ തുക ജില്ല, നിയമസഭാ മണ്ഡലാടിസ്ഥാനത്തില്‍ തരം തിരിച്ച്‌ ലഭ്യമാക്കാമോ?

ചങ്ങനാശ്ശേരി മണ്ഡലത്തിൽ കിഫ്ബി ഫണ്ട് ഉപയോഗിച്ച് നടപ്പിലാക്കുന്ന വിവിധ പദ്ധതികളുടെ നിലവിലെ പുരോഗതിയും പ്രവൃത്തികളിലുള്ള തടസ്സങ്ങളും

1879  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിൽ കിഫ്ബി ധനസഹായത്തോടെ നടപ്പിലാക്കാൻ അനുമതി നൽകിയതും നിലവിൽ പ്രവൃത്തി പുരോഗമിക്കുന്നു എന്ന് രേഖപ്പെടുത്തിയിട്ടുള്ളതുമായ മുഴുവൻ പദ്ധതികളുടെയും (റോഡുകൾ, കെട്ടിടങ്ങൾ, മറ്റ് അടിസ്ഥാന സൗകര്യങ്ങൾ ഉൾപ്പെടെ) നിലവിലെ ഭൗതിക അവസ്ഥയും നിർമ്മാണ ഘട്ടവും വ്യക്തമാക്കുന്ന വിശദമായ വിവരങ്ങൾ ഇനംതിരിച്ച് ലഭ്യമാക്കാമോ;

(ബി)  പ്രസ്തുത കിഫ്ബി പദ്ധതികളുടെ നിർമ്മാണവുമായി ബന്ധപ്പെട്ട് കഴിഞ്ഞ സർക്കാരിന്റെ കാലത്തോ സമീപകാലത്തോ എന്തെങ്കിലും തരത്തിലുള്ള തടസ്സങ്ങളോ കാലതാമസങ്ങളോ റിപ്പോർട്ട് ചെയ്തിട്ടുണ്ടോ; എങ്കിൽ ഏതെല്ലാം പ്രോജക്ടുകളിലാണ് ഇത്തരം പ്രതിസന്ധികൾ നേരിട്ടതെന്ന് വ്യക്തമാക്കാമോ;

(സി)  കിഫ്ബി പ്രവൃത്തികളിൽ നേരിട്ട തടസ്സങ്ങളും കാലതാമസവും പരിഹരിക്കുന്നതിനായി ഈ സർക്കാർ അധികാരത്തിൽ വന്നതിനുശേഷം എന്തൊക്കെ നടപടികളാണ് സ്വീകരിച്ചിട്ടുള്ളത്;

(ഡി)  മണ്ഡലത്തിന്റെ സമഗ്ര വികസനം ലക്ഷ്യമിട്ട് കിഫ്ബിക്ക് കീഴിൽ ഏതെങ്കിലും പുതിയ പദ്ധതികൾ നിലവിൽ സമർപ്പിച്ചിട്ടുണ്ടോ; ഇല്ലെങ്കിൽ വരുംകാലങ്ങളിൽ ഏറ്റെടുക്കാൻ ഉദ്ദേശിക്കുന്നുണ്ടോ എന്ന് വ്യക്തമാക്കാമോ;

(ഇ)  കിഫ്ബി പദ്ധതികളുടെ നിർമ്മാണം സമയബന്ധിതമായി പൂർത്തീകരിക്കുന്നതിനായി നടപ്പ് വർഷം (2026) വകുപ്പുതലത്തിൽ ഏർപ്പെടുത്തിയിട്ടുള്ള നിരീക്ഷണ സംവിധാനങ്ങളുടെയും ഫണ്ട് ലഭ്യതയുടെയും പൂർണ്ണ വിവരങ്ങൾ രേഖാമൂലം നൽകാമോ?

കിഫ്ബി പദ്ധതിയില്‍ ഉള്‍പ്പെടുത്തിയുള്ള പാലം നിര്‍മ്മാണം

1880  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 സര്‍ക്കാരുകളുടെ കാലയളവില്‍ കിഫ്ബി പദ്ധതിയില്‍ ഉള്‍പ്പെടുത്തി എത്ര പാലങ്ങള്‍ നിര്‍മ്മിക്കുന്നതിന് ഭരണാനുമതി നല്കിയിട്ടുണ്ടെന്ന് വിശദമാക്കാമോ;

(ബി)  ആയവയില്‍ നിര്‍മ്മാണം പൂര്‍ത്തിയാക്കിയവ എത്രയെന്ന് വിശദമാക്കാമോ;

(സി)  നിര്‍മ്മാണം പുരോഗമിക്കുന്നവ എത്രയെന്ന് വിശദമാക്കാമോ?

തൃശൂര്‍ ജില്ലയിലെ കിഫ്ബി മുഖേനയുള്ള പദ്ധതികള്‍

1881  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബിയുടെ അനുമതി ലഭിച്ചിട്ടുള്ള തൃശ്ശൂർ ജില്ലയിലെ പദ്ധതികൾ ഏതെല്ലാമാണെന്ന് വ്യക്തമാക്കാമോ;

(ബി)  ഇതില്‍ എത്ര പദ്ധതികളാണ് നിലവിൽ പൂർത്തീകരിച്ചിട്ടുള്ളതെന്ന് വിശദമാക്കാമോ;

(സി)  അനുവദിച്ച പദ്ധതികള്‍ പൂര്‍ത്തീകരിക്കാന്‍ നടപടി സ്വീകരിക്കുമോ; വിശദമാക്കാമോ?

തലശ്ശേരി മണ്ഡലത്തിലെ കിഫ്ബി പദ്ധതികള്‍

1882  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തലശ്ശേരി നിയോജകമണ്ഡലത്തിൽ കിഫ്ബി മുഖേന 2017–18 സാമ്പത്തിക വർഷത്തിൽ 69.88 കോടി രൂപയുടെ അംഗീകാരം നൽകി നടപ്പിലാക്കുന്ന തിരുവങ്ങാട്–ചമ്പാട് കോപ്പാലം തലശ്ശേരി റോഡ് പദ്ധതിയുടെ പൂർത്തീകരണത്തിനായി ഇതുവരെ സ്വീകരിച്ചിട്ടുള്ള നടപടികൾ എന്തെല്ലാമാണ്; വ്യക്തമാക്കാമോ;

(ബി)  പ്രസ്തുത പദ്ധതി സമയബന്ധിതമായി പൂർത്തീകരിക്കുന്നതിന് ഇനി സ്വീകരിക്കേണ്ട നടപടികൾ എന്തെല്ലാമാണെന്ന് വ്യക്തമാക്കാമോ?

കിഫ്ബി ഫണ്ട് വിനിയോഗിച്ച് മലമ്പുഴ മണ്ഡലത്തിലെ ഒലവക്കോട് -ധോണി -മുട്ടിക്കുളങ്ങര റോഡ് നവീകരണം

1883  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി ഫണ്ട് വിനിയോഗിച്ച് നടപ്പിലാക്കുന്ന മലമ്പുഴ മണ്ഡലത്തിലെ ഒലവക്കോട് -ധോണി -മുട്ടിക്കുളങ്ങര റോഡ് നവീകരണത്തിന്റെ നിലവിലെ സ്ഥിതി അറിയിക്കാമോ;

(ബി)  പ്രസ്തുത പ്രവൃത്തിക്ക് പുതുക്കിയ ധനാനുമതി കിഫ്ബി നല്‍കിയിട്ടുണ്ടോ; ഇതിനായി കിഫ്ബി സ്വീകരിച്ചിട്ടുള്ള നടപടികള്‍ വിശദമാക്കാമോ?

കിഫ്‌ബി പരസ്യങ്ങൾ നൽകുന്നതിനുള്ള നടപടിക്രമം

1884  ശ്രീ. എൻ. ശക്തൻ
ശ്രീ. സി. വി. ശാന്തകുമാർ
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്‌ബി പരസ്യങ്ങൾ നൽകുന്നതിനുള്ള ഏജൻസികളുടെ തിരഞ്ഞെടുപ്പ് ഏത് നടപടിക്രമത്തിലൂടെയാണ് നടത്തിയിട്ടുള്ളത് എന്ന് വ്യക്തമാക്കാമോ; ടെൻഡർ, ക്വട്ടേഷൻ, എംപാനൽമെന്റ് എന്നിവയിൽ ഏത് രീതിയാണ് സ്വീകരിച്ചിട്ടുള്ളത്; വിശദമാക്കാമോ;

(ബി)  കിഫ്‌ബി പരസ്യങ്ങൾക്കായി ഓരോ മാധ്യമത്തിനും നൽകുന്ന നിരക്ക് നിശ്ചയിക്കുന്നതിന്റെ മാനദണ്ഡം എന്താണ്; സർക്കാർ അംഗീകരിച്ച നിരക്കുപട്ടികയാണോ ഇതിനായി ഉപയോഗിക്കുന്നത്; വ്യക്തമാക്കാമോ;

(സി)  കഴിഞ്ഞ അഞ്ച് വർഷത്തിനിടെ കിഫ്‌ബി പരസ്യച്ചെലവുമായി ബന്ധപ്പെട്ട് ഓഡിറ്റ് പരിശോധനയിൽ എന്തെങ്കിലും ക്രമക്കേടുകളോ അധിക ചെലവുകളോ കണ്ടെത്തിയതായി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വിശദാംശവും സ്വീകരിച്ച നടപടികളും വ്യക്തമാക്കാമോ?

ദേവികുളം നിയോജകമണ്ഡലത്തിലെ കിഫ്‌ബി പ്രവൃത്തികൾ

1885  ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദേവികുളം നിയോജകമണ്ഡലത്തിൽ കിഫ്ബി പദ്ധതിയിൽ ഉൾപ്പെടുത്തിയിട്ടുള്ള പ്രവ‍ൃത്തികളും അവയുടെ നിലവിലെ സ്ഥിതിയും വിശദീകരിക്കാമോ?

പെരിന്തൽമണ്ണ നിയോജക മണ്ഡലത്തിൽ കിഫ്ബിയിൽ ഉൾപ്പെടുത്തിയ പദ്ധതികൾ

1886  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പെരിന്തൽമണ്ണ നിയോജക മണ്ഡലത്തിൽ കിഫ്ബിയിൽ ഉൾപ്പെടുത്തിയ പദ്ധതികൾ ഏതെല്ലാമാണ്; വിശദമാക്കാമോ;

(ബി)  പ്രസ്തുത പദ്ധതികളുടെ നിലവിലെ സ്ഥിതി വിവരം അറിയിക്കാമോ;

(സി)  നിലവിൽ പൂർത്തീകരിക്കാനുള്ള പദ്ധതികൾ ഏതെല്ലാമാണ്; ഇവ എന്ന് പൂർത്തീകരിക്കുമെന്ന് വ്യക്തമാക്കാമോ;

(ഡി)  കിഫ്ബിയിൽ ഉൾപ്പെടുത്തി പെരിന്തൽമണ്ണ നിയോജക മണ്ഡലത്തിൽ ഏതെങ്കിലും പുതിയ പദ്ധതികൾ നടപ്പിലാക്കുന്നത് പരിഗണനയിലുണ്ടോ?

തലശ്ശേരി മണ്ഡലത്തിലെ കുണ്ടുചിറ പാലത്തിന്റെ നിര്‍മ്മാണം

1887  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തലശ്ശേരി നിയോജകമണ്ഡലത്തിലെ കിഫ്ബി മുഖാന്തരം നടപ്പിലാക്കുന്ന കുണ്ടുചിറ പാലത്തിന്റെ പൂര്‍ത്തീകരണത്തിനായി ഇതുവരെ സ്വീകരിച്ച നടപടികള്‍ എന്തൊക്കെയാണെന്ന് വ്യക്തമാക്കാമോ;

(ബി)  പ്രസ്തുത പ്രവ‍ൃത്തി പൂര്‍ത്തീകരിക്കുന്നതിന് ഇനി എന്തൊക്കെ നടപടികള്‍ സ്വീകരിക്കണമെന്ന് വ്യക്തമാക്കാമോ?

തൃശ്ശൂർ നിയോജക മണ്ഡലത്തിലെ കിഫ്‌ബി പദ്ധതികള്‍

1888  ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തൃശ്ശൂർ നിയോജക മണ്ഡലത്തിൽ നിന്നും കിഫ്ബി വഴി അനുമതി ലഭിച്ചിട്ടുള്ള പദ്ധതികൾ ഏതെല്ലാമാണ്; പ്രസ്തുത പദ്ധതികളിൽ പൂർത്തീകരിക്കപ്പെട്ടവ എത്ര എണ്ണമാണ്; അവ ഏതെല്ലാം പദ്ധതികളാണ്; നിലവിൽ ആരംഭിച്ചിട്ടുള്ളതും എന്നാൽ പൂർത്തീകരിക്കപ്പെടാത്തതുമായ പദ്ധതികൾ ഏതെല്ലാമാണ്; അനുമതി ലഭിച്ചിട്ടുള്ളതും എന്നാൽ ഇതുവരെയും പ്രവർത്തനങ്ങൾ ആരംഭിച്ചിട്ടില്ലാത്തതുമായ പദ്ധതികൾ ഏതെല്ലാമാണ്; ലിസ്റ്റ് ലഭ്യമാക്കാമോ;

(ബി)  കിഫ്‌ബി പദ്ധതിയിയിൽ ഉൾപ്പെട്ടിട്ടുള്ള തൃശ്ശൂർ ജനറൽ ഹോസ്പിറ്റൽ വികസനത്തിന്റെ നിർമ്മാണ പുരോഗതി വിശദമാക്കാമോ;

(സി)  പ്രസ്തുത പദ്ധതിക്ക് ഭരണാനുമതി, സാമ്പത്തിക അനുമതി എന്നിവ ലഭിച്ചിട്ടുണ്ടോ; എങ്കിൽ ഏതൊക്കെ തീയതികളിലാണ് ലഭിച്ചിട്ടുള്ളതെന്ന് അറിയിക്കാമോ;

(ഡി)  എന്ത് തുകയാണ് പദ്ധതിക്കായി വകയിരുത്തിയിട്ടുള്ളത്; ടെൻഡർ നടപടികൾ ആരംഭിക്കുന്നതിന് എന്തെങ്കിലും തടസ്സങ്ങൾ ഉണ്ടോ; വിശദാംശം ലഭ്യമാക്കാമോ?

ദേവികുളം മണ്ഡലത്തിലെ ടെൻഡർ-സേവിംഗ്സ്

1889  ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദേവികുളം നിയോജകമണ്ഡലത്തിന് അനുവദിച്ച ആസ്തി വികസന ഫണ്ട് മുഖേന നടപ്പിലാക്കിയ പ്രവൃത്തികളുടെ ടെൻഡർ-സേവിംഗ്സ് ഇനത്തിൽ എത്ര തുകയാണ് ബാക്കിയുള്ളതെന്ന് വർഷം തിരിച്ച് വിശദമാക്കുമോ?

കല്ല്യാശ്ശേരി മണ്ഡലത്തിലെ എം.എല്‍.എ. ആസ്തിവികസന പദ്ധതികൾ

1890  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കല്ല്യാശേരി മണ്ഡലത്തില്‍ 2018-2026 കാലയളവിലെ എം.എല്‍.എ. എ.ഡി.എസ്. പദ്ധതി പ്രൊപ്പോസലുകളിൽ നിന്നുള്ള ടെണ്ടർ സേവിങ്സ് സംബന്ധിച്ച വിശദാംശം ലഭ്യമാക്കാമോ?

ആറന്മുള നിയോജക മണ്ഡലത്തിലെ എം.എൽ.എ. ഫണ്ട്

1891  ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ആറന്മുള നിയോജക മണ്ഡലത്തിൽ 2021-2026 വരെയുള്ള ഓരോ സാമ്പത്തിക വർഷത്തിലും പ്രാദേശിക വികസന ഫണ്ട്, ആസ്തി വികസന ഫണ്ട് എന്നിവ വഴി നടപ്പിലാക്കിയ പ്രവൃത്തികളുടെ പേര്, തുക, പ്രവൃത്തിയുടെ നിലവിലെ സ്ഥിതി, സാമ്പത്തിക വർഷം, ഏത് ഫണ്ട് എന്നിവ തരം തിരിച്ച് വ്യക്തമാക്കാമോ;

(ബി)  2021-2026 വരെയുള്ള ഓരോ സാമ്പത്തിക വർഷത്തിലും പ്രാദേശിക വികസന ഫണ്ട്, ആസ്തി വികസന ഫണ്ട് എന്നിവ വഴി ചെലവഴിക്കാത്ത തുക, സാമ്പത്തിക വർഷം, ഏത് ഫണ്ട് എന്നിവ തരംതിരിച്ച് വ്യക്തമാക്കാമോ;

(സി)  2021-2026 വരെയുള്ള ഓരോ സാമ്പത്തിക വർഷത്തിലും പ്രാദേശിക വികസന ഫണ്ട്, ആസ്തി വികസന ഫണ്ട് എന്നിവ വഴിയുള്ള അവശേഷിക്കുന്ന തുക, സാമ്പത്തിക വർഷം, ഏത് ഫണ്ട് എന്നിവ തരംതിരിച്ച് വ്യക്തമാക്കാമോ?

എം. എൽ. എ. മാരുടെ ആസ്തി വികസന ഫണ്ട്

1892  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2012-ലെ ഉത്തരവ് പ്രകാരം ഒരു സാമ്പത്തിക വർഷത്തേക്ക് അനുവദിച്ചിട്ടുള്ള എം.എല്‍.എ-മാരുടെ നിയോജകമണ്ഡല ആസ്തി വികസന ഫണ്ട് തുകയായ 5 കോടി രൂപ നിലവിലെ സാഹചര്യത്തിൽ അപര്യാപ്തമാണെന്ന് കരുതുന്നുണ്ടോ; വ്യക്തമാക്കുമോ;

(ബി)  14 വർഷങ്ങൾക്ക് ശേഷവും എം.എല്‍.എ.മാരുടെ നിയോജകമണ്ഡല ആസ്തി വികസന ഫണ്ട് അതേ തുകയായി‍ തുടരുന്നതിനാല്‍ ജനപ്രതിനിധികള്‍ക്ക് ചെയ്യാൻ കഴിയുന്ന വികസന പ്രവർത്തനങ്ങളുടെ അളവും ഗുണമേന്മയും വളരെ കുറഞ്ഞുവരുന്നു എന്നത് ശ്രദ്ധയിൽപ്പെട്ടിട്ടുണ്ടോ;

(സി)  നിലവിലെ ആസ്തി വികസന ഫണ്ട് തുകയായ 5 കോടി രൂപയിൽ നിന്നും തുക വർദ്ധിപ്പിക്കാൻ സർക്കാർ ഉദ്ദേശിക്കുന്നുണ്ടോ; തുക വർദ്ധിപ്പിക്കാൻ നടപടി സ്വീകരിക്കുമോ; വ്യക്തമാക്കുമോ?

കാഞ്ഞങ്ങാട് മണ്ഡലത്തിൽ എം.എൽ.എ. ഫണ്ട് ഉപയോഗിച്ച് നിർദേശിച്ച പ്രവൃത്തികൾ

1893  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2021 മേയ് മാസം മുതൽ നാളിതുവരെ കാഞ്ഞങ്ങാട് നിയമസഭാ മണ്ഡലത്തിൽ എം.എൽ.എ.യുടെ പ്രത്യേക വികസന ഫണ്ട്, ആസ്തി വികസന ഫണ്ട് എന്നിവ ഉപയോഗിച്ച് നിർദേശിച്ചിട്ടുള്ള പ്രവൃത്തികൾ ഏതെല്ലാമാണെന്ന വിവരം വർഷം തിരിച്ച് വിശദമാക്കുമോ;

(ബി)  പ്രസ്തുത പദ്ധതികളിൽ പ്രവൃത്തി ആരംഭിക്കാത്തവ, ഭരണാനുമതി ലഭിക്കാത്തവ, എസ്റ്റിമേറ്റ് സമർപ്പിക്കാത്തവ, പ്രവൃത്തി പുരോഗമിച്ചുകൊണ്ടിരിക്കുന്നവ എന്നിവയുടെ വിശദാംശം പ്രത്യേകം തരംതിരിച്ച് ലഭ്യമാക്കുമോ?

എം.എല്‍.എ.മാരുടെ ആസ്തി വികസന ഫണ്ട്

1894  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എം.എല്‍.എ. മാരുടെ ആസ്തി വികസന നിധി ഫണ്ട് വിനിയോഗിച്ച് സർക്കാർ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് ഫർണിച്ചറുകൾ വാങ്ങി നൽകുന്നതിന് അനുമതിയുണ്ടോ;

(ബി)  പുതിയതായി നിർമ്മാണം പൂർത്തീകരിക്കുന്ന സർക്കാർ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് സമയബന്ധിതമായി ഫർണിച്ചറുകൾ ലഭ്യമാക്കാൻ വകുപ്പിന് കഴിയാതെ വരുന്നതിനാൽ സ്ഥാപനങ്ങളുടെ പ്രവർത്തനം ആരംഭിക്കാൻ കഴിയാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

(സി)  ചെങ്ങന്നൂർ നിയോജകമണ്ഡലത്തിൽ ആസ്തി വികസനഫണ്ട് വിനിയോഗിച്ച് പുതുതായി നിർമ്മാണം പൂർത്തീകരിച്ച സിവിൽ സർവ്വീസ് അക്കാദമി ഉപകേന്ദ്രത്തിന്റെ പ്രവർത്തനം ആരംഭിക്കേണ്ട അടിയന്തിര സാഹചര്യത്തിൽ പ്രസ്തുത ഫണ്ട് വിനിയോഗിച്ച് ഫർണിച്ചർ വാങ്ങി നൽകുന്നതിന് ഭരണാനുമതി നൽകിയ ആലപ്പുഴ ജില്ലാ കളക്ടറുടെ നടപടിക്ക് സാധൂകരണം നൽകണമെന്ന അപേക്ഷയിന്മേൽ പ്രത്യേകാനുമതി നൽകുന്നത് പരിഗണനയിലുണ്ടോ;

(ഡി)  ആസ്തി വികസനഫണ്ട് മാർഗ്ഗരേഖയിൽ സർക്കാർ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും ഫർണിച്ചർ വാങ്ങി നൽകുന്നതിന് അനുമതി നൽകുന്നത് പരിഗണിക്കുമോ?

ജീവനക്കാരുടെയും പെൻഷൻകാരുടെയും ശമ്പള പരിഷ്കരണ ആനുകൂല്യങ്ങളിലെ കാലതാമസം

1895  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സർക്കാർ ജീവനക്കാരുടെ ശമ്പള പരിഷ്കരണ ആനുകൂല്യങ്ങളും ക്ഷാമബത്ത (ഡി.എ) കുടിശ്ശികകളും വിതരണം ചെയ്യുന്നതിലെ കാലതാമസത്തിന്റെ കാരണം വ്യക്തമാക്കാമോ;

(ബി)  11-‍‍ാം ശമ്പള പരിഷ്കരണ പ്രകാരമുള്ള കുടിശ്ശികത്തുക പൂർണ്ണമായി കൊടുത്തു തീർക്കാൻ സാധിച്ചിട്ടുണ്ടോ; ഇല്ലെങ്കിൽ എത്ര ഗഡുക്കളാണ് ഇനി കുടിശ്ശികയായിട്ടുള്ളതെന്നും അത് എന്ന് നൽകിത്തീർക്കാനാകുമെന്നും വ്യക്തമാക്കുമോ;

(സി)  സംസ്ഥാനത്ത് 2024 ജൂലൈ 1 മുതൽ പ്രാബല്യത്തിൽ വരേണ്ട 12-ാം ശമ്പള പരിഷ്കരണ കമ്മീഷന്റെ റിപ്പോർട്ട് സമർപ്പിക്കുന്നതിനുള്ള സമയപരിധി വ്യക്തമാക്കുമോ;

(ഡി)  ശമ്പള പരിഷ്കരണവുമായി ബന്ധപ്പെട്ട് ജീവനക്കാരുടെ സംഘടനകൾ ഉന്നയിച്ചിട്ടുള്ള ആവശ്യങ്ങളും ആനുകൂല്യങ്ങളും സമയബന്ധിതമായി അനുവദിക്കാൻ എന്തൊക്കെ അടിയന്തര നടപടികളാണ് സർക്കാർ സ്വീകരിച്ചു വരുന്നത്; വ്യക്തമാക്കുമോ;

(ഇ)  ജീവനക്കാർക്കും പെൻഷൻകാർക്കും ലഭിക്കാനുള്ള ഡി.എ/ഡി.ആർ കുടിശ്ശികത്തുക എന്ന് മുതൽ അനുവദിച്ചു നൽകാനാണ് ധനകാര്യ വകുപ്പ് ഉദ്ദേശിക്കുന്നതെന്ന് വ്യക്തമാക്കുമോ;

(എഫ്)  പെൻഷൻ പരിഷ്കരണ കുടിശ്ശികയും ലീവ് സറണ്ടർ ആനുകൂല്യങ്ങളും നീട്ടിവെച്ച നടപടി എപ്പോൾ പുനഃസ്ഥാപിക്കുമെന്ന് വ്യക്തമാക്കുമോ;

(ജി)  ശമ്പള പരിഷ്കരണം നടപ്പിലാക്കുമ്പോൾ ഉണ്ടാകുന്ന അധിക സാമ്പത്തിക ബാധ്യത മറികടക്കുന്നതിന് സർക്കാർ എന്തൊക്കെ മുൻകരുതലുകളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ; വിശദവിവരം നല്‍കുമോ?

പങ്കാളിത്ത പെൻഷൻ പദ്ധതി പരിഷ്കരിക്കുന്നതിനുള്ള നടപടികൾ

1896  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പങ്കാളിത്ത പെൻഷൻ പദ്ധതി നടപ്പിലാക്കിയതിനുശേഷം വിരമിക്കുന്ന ജീവനക്കാരുടെ ഡെത്ത്-കം-റിട്ടയർമെന്റ് ഗ്രാറ്റുവിറ്റി (ഡി.സി.ആർ.ജി.) കേന്ദ്രസർക്കാരും മറ്റു സംസ്ഥാന സർക്കാരുകളും പുനഃസ്ഥാപിച്ചത് ശ്രദ്ധയിൽപ്പെട്ടിട്ടുണ്ടോ; എങ്കിൽ കേരളത്തിലും സംസ്ഥാന സർക്കാർ ജീവനക്കാരുടെ ഡി.സി.ആർ.ജി. പുനഃസ്ഥാപിക്കുന്നതിന് നടപടി സ്വീകരിക്കുമോ;

(ബി)  പങ്കാളിത്ത പെൻഷൻ പദ്ധതിയിൽ ഉൾപ്പെട്ട് സർവീസിൽനിന്ന് വിരമിച്ച ജീവനക്കാർക്ക് ലഭിക്കുന്ന പെൻഷൻ തുക വളരെ കുറവായതിനാൽ അടിസ്ഥാന ജീവിതച്ചെലവുകൾ പോലും നിറവേറ്റാൻ കഴിയാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ; ഇവർക്കായി പ്രത്യേക സാമ്പത്തിക സഹായപദ്ധതിയോ പെൻഷൻ പദ്ധതിയോ നടപ്പിലാക്കുന്നത് പരിഗണിക്കുന്നുണ്ടോ;

(സി)  എൻ.പി.എസ്. പുനഃപരിശോധിക്കുന്നതിനായി കേരള സർക്കാർ നിയോഗിച്ച കമ്മിറ്റിയുടെ നിർദേശത്തിൽ, എൻ.പി.എസ്. പിൻവലിച്ച് കെ.എസ്.ആർ. പാർട്ട് III പ്രകാരമുള്ള പെൻഷൻ പദ്ധതി നടപ്പിലാക്കുന്നതിന് തടസ്സമില്ലെന്ന് വ്യക്തമാക്കിയിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ; എൻ.പി.എസ്. പിൻവലിച്ച് പഴയ പെൻഷൻ പദ്ധതി പുനഃസ്ഥാപിക്കാൻ ഉദ്ദേശിക്കുന്നുണ്ടോ;

(ഡി)   കേരള സംസ്ഥാന ജീവനക്കാരുടെ എൻ.പി.എസ്. പരിഷ്കരിക്കുന്നതിന് സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കാമോ;

(ഇ)  എൻ.പി.എസ്. പെൻഷൻ പദ്ധതിയിൽ കേന്ദ്രസർക്കാർ ജീവനക്കാരുടെയും മറ്റ് സംസ്ഥാനങ്ങളിലെ സർക്കാർ ജീവനക്കാരുടെയും കാര്യത്തിൽ ജീവനക്കാരന്റെയും തൊഴിൽദാതാവിന്റെയും കോൺട്രിബ്യൂഷൻ 14 ശതമാനമായി വർധിപ്പിച്ചിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ; കേരളത്തിലും സംസ്ഥാന സർക്കാർ ജീവനക്കാരുടെ കോൺട്രിബ്യൂഷൻ 14 ശതമാനമായി വർധിപ്പിക്കാൻ ആലോചിക്കുന്നുണ്ടോ; വ്യക്തമാക്കുമോ;

(എഫ്)  എൻ.പി.എസ്. പെൻഷൻ പദ്ധതിയിൽ ഉൾപ്പെട്ട കേരളത്തിലെ സംസ്ഥാന സർക്കാർ ജീവനക്കാർക്ക് കുടുംബ പെൻഷൻ ഇല്ലെന്നുള്ള കാര്യം ശ്രദ്ധയിൽപ്പെട്ടിട്ടുണ്ടോ; പ്രസ്തുത ജീവനക്കാർക്ക് കുടുംബ പെൻഷൻ ഏർപ്പെടുത്തുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

പേയ്മെന്റ് ഓഫ് അരിയേഴ്സ് ഓഫ് പെൻഷൻ നോമിനേഷൻ റൂൾസ് 1984 ഉത്തരവിന്റെ പകർപ്പ് ലഭ്യമാക്കൽ

1897  ഡോ. മാത്യു കുഴൽനാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പേയ്മെന്റ് ഓഫ് അരിയേഴ്സ് ഓഫ് പെൻഷൻ നോമിനേഷൻ റൂൾസ്, 1984 സംബന്ധിച്ച് 16-08-1984-ൽ പുറപ്പെടുവിച്ച സ.ഉ.(പി)നം.408/84/ധന (G.O. (P) No. 408/84/Fin) നമ്പർ ഉത്തരവിന്റെയും പ്രസ്തുത ഉത്തരവിൻ മേൽ നാളിതുവരെ പുറപ്പെടുവിച്ചിട്ടുള്ള എല്ലാ ഭേദഗതി ഉത്തരവുകളുടെയും അനുബന്ധ ഉത്തരവുകളുടെയും പകർപ്പുകൾ ലഭ്യമാക്കാമോ?

പങ്കാളിത്ത പെന്‍ഷന്‍ പദ്ധതി

1898  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പങ്കാളിത്ത പെന്‍ഷന്‍ പദ്ധതിയില്‍ ഉള്‍പ്പെടുന്ന ജീവനക്കാര്‍ക്ക് വിരമിച്ചശേഷം ഉറപ്പുളള പെന്‍ഷന്‍ ആനുകൂല്യം ലഭിക്കുന്നില്ലെന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ബി)  പങ്കാളിത്ത പെന്‍ഷന്‍ പദ്ധതി സംബന്ധിച്ച് സര്‍ക്കാര്‍ നിയോഗിച്ച സമിതിയുടെ റിപ്പോര്‍ട്ടിലെ ശിപാര്‍ശകള്‍ എന്തൊക്കെയാണെന്ന് വിശദമാക്കാമോ;

(സി)  ജീവനക്കാരുടെ താല്‍പ്പര്യം പരിഗണിച്ച് സ്റ്റാറ്റ്യൂട്ടറി പെന്‍ഷന്‍ പുനഃസ്ഥാപിക്കുന്നതിന് ആലോചിക്കുന്നുണ്ടോ; വിശദമാക്കാമോ;

(ഡി)  പങ്കാളിത്ത പെന്‍ഷന്‍ പദ്ധതിയില്‍ ഉള്‍പ്പെട്ട് വിരമിച്ച ജീവനക്കാരില്‍ സാമൂഹ്യസുരക്ഷാ പെന്‍ഷന്‍ തുകയിലും കുറവ് പെന്‍ഷന്‍ ലഭിക്കുന്ന എത്ര പേര്‍ ഉണ്ടെന്ന് അറിയിക്കാമോ?

എന്‍.പി.എസ്.-ല്‍ ഉള്‍പ്പെട്ട ജീവനക്കാര്‍ക്ക് ഡി.സി.ആര്‍.ജി.

1899  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പങ്കാളിത്ത പെന്‍ഷനില്‍ ഉള്‍പ്പെട്ട ജീവനക്കാര്‍ വിരമിക്കുമ്പോള്‍ ഡി.സി.ആര്‍.ജി. അനുവദിക്കുന്നതുമായി ബന്ധപ്പെട്ട് നിലവിലുള്ള സര്‍ക്കാര്‍ നയം എന്താണെന്ന് വിശദമാക്കാമോ;

(ബി)  എന്‍.പി.എസ്. ജീവനക്കാര്‍ക്ക് ഡി.സി.ആര്‍.ജി. അനുവദിക്കുന്നതിന് നിലവില്‍ എന്തെല്ലാം വ്യവസ്ഥകളാണ് ബാധകമായിട്ടുളളതെന്ന് വ്യക്തമാക്കാമോ;

(സി)  ഡി.സി.ആര്‍.ജി. ലഭിക്കാതെ വിരമിച്ച ജീവനക്കാര്‍ എത്രയാണെന്ന് വിശദമാക്കാമാേ;

(ഡി)  വിരമിക്കല്‍ ആനുകൂല്യങ്ങള്‍ തുല്യമായി പരിഗണിച്ച് ഡി.സി.ആര്‍.ജി. അനുവദിക്കുന്നതിനുളള നടപടികള്‍ സ്വീകരിക്കുമോ; വിശദാംശം നല്‍കാമോ?

ക്ഷാമബത്ത / ക്ഷാമാശ്വാസ കുടിശിക

1900  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാർ സ്ഥാനമൊഴിയുമ്പോൾ സർക്കാർ ജീവനക്കാർക്കും പെൻഷൻകാർക്കും എത്ര മാസത്തെ ക്ഷാമബത്ത/ക്ഷാമാശ്വാസ കുടിശികയാണ് ഉണ്ടായിരുന്നതെന്ന് വ്യക്തമാക്കുമോ;

(ബി)  പ്രസ്തുത കുടിശിക പ്രകാരം ജീവനക്കാർക്കും പെൻഷൻകാർക്കും മൊത്തം എത്ര രൂപയുടെ നഷ്ടമാണ് ഉണ്ടായിട്ടുള്ളതെന്ന് അറിയിക്കാമോ;

(സി)  പ്രസ്തുത കുടിശിക നല്കുന്നതിന് സർക്കാരിന് എത്ര രൂപയുടെ അധിക സാമ്പത്തിക ബാധ്യതയുണ്ടാകുമെന്ന് വ്യക്തമാക്കുമോ;

(ഡി)  പ്രസ്തുത കുടിശിക തുക അനുവദിക്കുന്നതിനുള്ള നടപടികൾ സ്വീകരിക്കുമോ?

ബഡ്ജറ്റിൽ അടങ്കൽ തുകയുടെ ഇരുപത് ശതമാനം വകയിരുത്തിയ പ്രവൃത്തികൾ

1901  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ബഡ്ജറ്റിൽ ഉൾപ്പെടുത്തുന്നതിനായി എം.എൽ.എ. നിർദ്ദേശിച്ച ഒരു പ്രവൃത്തിക്ക് അടങ്കൽ തുകയുടെ ഇരുപത് ശതമാനം വകയിരുത്തി ലഭിച്ചു കഴിഞ്ഞ ശേഷം ടി പ്രവൃത്തി മാറ്റി പകരം മറ്റൊരു പ്രവൃത്തി അടങ്കൽ തുകയിൽ വ്യത്യാസം വരാതെ നിർദ്ദേശിച്ചുകൊണ്ടോ ആദ്യം നിർദ്ദേശിച്ച പ്രവൃത്തിയുടെ തന്നെ പേര് സാങ്കേതികാനുമതി ലഭിക്കാനുതകും വിധം മാറ്റി നൽകുന്നത് സംബന്ധിച്ചോ എം.എൽ.എ. ധനകാര്യ വകുപ്പിന് അപേക്ഷ നൽകിയാൽ ആയത് പരിഗണിക്കാനാകുമോ;

(ബി)  എങ്കിൽ ആയത് പരിഗണിച്ച് ധനകാര്യ വകുപ്പ് പുതിയ ഉത്തരവ് നൽകുന്നത് ഏതെല്ലാം മാനദണ്ഡങ്ങൾ അനുസരിച്ചാണെന്നും ഇതേ കാര്യത്തിൽ എം.എൽ.എ. യുടെ അപേക്ഷ പരിഗണിക്കാതെ നിരസിക്കുന്നത് എന്തെല്ലാം സാഹചര്യങ്ങളിലാണെന്നും രേഖകൾ സഹിതം വ്യക്തമാക്കാമോ;

(സി)  ആവശ്യമായ ഫണ്ട് ഇല്ലാത്തതിനാൽ മുടങ്ങിപ്പോയ ഒരു പ്രധാന പ്രവൃത്തി വീണ്ടും സജീവമാക്കാൻ ബഡ്ജറ്റിൽ ഉൾപ്പെടുത്തുന്നതിന് എം.എൽ.എ. മുൻഗണന നൽകി നിർദ്ദേശിച്ചാൽ ടി പ്രവൃത്തിക്ക് ബഡ്ജറ്റിൽ അടങ്കൽ തുകയുടെ ഇരുപത് ശതമാനം വകയിരുത്തുന്നതിനു എന്തെങ്കിലും തടസങ്ങളുണ്ടോയെന്നും ഉണ്ടെങ്കിൽ പ്രസ്തുത തടസങ്ങൾ എന്തെല്ലാമെന്നുമുള്ള വിവരം രേഖകൾ സഹിതം അറിയിക്കാമോ?

കരിമ്പുഴ പുഴയുടെ പ്രവൃത്തികളുടെ ഭരണാനുമതി

1902  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2024-25 വര്‍ഷത്തെ ബഡ്ജറ്റില്‍ 20% തുക വകയിരുത്തിയിട്ടുള്ള ഒറ്റപ്പാലം മണ്ഡലത്തിലെ കരിമ്പുഴ പുഴയില്‍ ബോട്ടിങ്ങും അനുബന്ധ പ്രവൃത്തികളും അപ്രോച്ച് റോഡ് നിര്‍മ്മാണവും എന്ന പ്രവൃത്തിയുടെ ഭരണാനുമതിക്കായി സമര്‍പ്പിച്ചിട്ടുള്ള പി.എസ്1/6/2025-പി.ഡബ്ല്യു.ഡി. എന്ന ഫയല്‍ നിലവില്‍ ആരുടെ കൈവശമാണ് ഉള്ളതെന്ന് വ്യക്തമാക്കുമോ; പ്രസ്തുത പ്രവൃത്തിക്ക് ഭരണാനുമതി ഉത്തരവായിട്ടുണ്ടോ; ഉണ്ടെങ്കില്‍ ഉത്തരവിന്റെ പകര്‍പ്പ് ലഭ്യമാക്കാമോ; വിശദവിവരങ്ങള്‍ ലഭ്യമാക്കാമോ?

ബജറ്റില്‍ വകയിരുത്തിയ പദ്ധതികളുടെ ഭരണാനുമതി

1903  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ബജറ്റില്‍ 20% തുക വകയിരുത്തിയിട്ടുള്ള പദ്ധതികള്‍ക്ക് ഭരണാനുമതി നല്‍കുന്നതിന് ധനകാര്യ വകുപ്പ് സ്വീകരിച്ച് വരുന്ന നടപടിക്രമങ്ങളും പാലിക്കുന്ന മാനദണ്ഡങ്ങളും വിശദമാക്കാമോ;

(ബി)  അതാത് വര്‍ഷം തന്നെ ഭരണാനുമതി ലഭ്യമാക്കണമെന്ന് ധനവകുപ്പ് നിഷ്കര്‍ഷിക്കുന്നുണ്ടോ;

(സി)  മുന്‍ വര്‍ഷങ്ങളിലെ ബജറ്റില്‍ 20 ശതമാനം തുക വകയിരുത്തിയ പദ്ധതികള്‍ക്ക് ഭരണാനുമതി നല്‍കുന്നതിന് എന്തെങ്കിലും നിയമപരമായ തടസ്സങ്ങള്‍ ഉണ്ടോ; വിശദമാക്കാമോ?

ധർമ്മടം നിയോജക മണ്ഡലത്തിൽ നടപ്പിലാക്കിയ പദ്ധതികൾ

1904  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)   2016-2021, 2021-2026 കാലയളവിൽ ധർമ്മടം നിയോജക മണ്ഡലത്തിൽ അനുവദിച്ച പദ്ധതികള്‍ ഏതെല്ലാമാണ്; അനുവദിച്ച തുകയെത്ര; വിശദമാക്കാമോ;

(ബി)  ഏതൊക്കെ വകുപ്പുകളാണ് പദ്ധതികള്‍ നിര്‍ദ്ദേശിച്ചത്; പദ്ധതികളുടെ നിലവിലെ സ്ഥിതിയെന്താണ്; ആയവ പൂർണ്ണമായി നടപ്പിലാക്കിയിട്ടുണ്ടോ;വ്യക്തമാക്കാമോ?

കണ്ണൂർ നിയോജക മണ്ഡലത്തിൽ നടപ്പിലാക്കിയ പദ്ധതികൾ

1905  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 സർക്കാരുകളുടെ കാലയളവിൽ കണ്ണൂര്‍ നിയോജക മണ്ഡലത്തിൽ ധനകാര്യ വകുപ്പ് മുഖേന അനുവദിച്ച പദ്ധതികള്‍, അനുവദിച്ച തുക എന്നീ വിവരങ്ങളും ഏതൊക്കെ വകുപ്പുകളാണ് പദ്ധതികള്‍ നിര്‍ദ്ദേശിച്ചത് എന്ന വിവരവും വ്യക്തമാക്കാമോ;

(ബി)  പ്രസ്തുത പദ്ധതികൾ പൂർണ്ണമായി നടപ്പിലാക്കിയിട്ടുണ്ടോയെന്ന് വ്യക്തമാക്കാമോ;

(സി)  പ്രസ്തുത പദ്ധതികളുടെ നിലവിലെ സ്ഥിതി വ്യക്തമാക്കാമോ?

ഇ-ട്രഷറി സംവിധാനം ഉൾപ്പെടെയുള്ള ഡിജിറ്റൽ പണമിടപാട്

1906  ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള കെട്ടിട നിർമാണ തൊഴിലാളി ക്ഷേമനിധി ബോർഡ് കെട്ടിട ഉടമകളിൽനിന്ന് ഈടാക്കുന്ന കെട്ടിട നിർമാണ തൊഴിലാളി ക്ഷേമനിധി സെസ്, രജിസ്ട്രേഷൻ ഫീസ്, മറ്റ് അനുബന്ധ ഫീസുകൾ എന്നിവ നിലവിൽ ഡിമാൻഡ് ഡ്രാഫ്റ്റ് മുഖേന മാത്രമേ സ്വീകരിക്കുന്നുള്ളൂ എന്ന നിബന്ധന പൊതുജനങ്ങൾക്ക് ബുദ്ധിമുട്ട് സൃഷ്ടിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  സർക്കാരിന്റെ വിവിധ വകുപ്പുകളിൽ നികുതികളും ഫീസുകളും വിവിധ ഓൺലൈൻ പേയ്‌മെന്റ് സംവിധാനങ്ങളിലൂടെ അടയ്ക്കുന്നതിനുള്ള സൗകര്യങ്ങൾ നിലവിലുള്ള സാഹചര്യത്തിൽ, കെട്ടിട നിർമാണ തൊഴിലാളി ക്ഷേമനിധി ബോർഡിലും സമാനമായ മറ്റ് ക്ഷേമനിധി ബോർഡുകളിലും ഇ-ട്രഷറി സംവിധാനം ഉൾപ്പെടെ ഡിജിറ്റൽ പണമിടപാട് വഴി പേയ്‌മെന്റുകൾ നടത്തുന്നതിനുള്ള ക്രമീകരണം ഏർപ്പെടുത്തുന്നതിന് ധനകാര്യവകുപ്പ് നിർദേശം നൽകുമോ;വ്യക്തമാക്കാമോ?

ഭൂമി വിട്ടുനൽകിയ ഉടമയ്ക്ക് അർഹമായ തുക നല്‍കുന്നതിന് നടപടി

1907  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സ്വാതന്ത്ര്യ സമരസ്മൃതി പാർക്ക് നിർമ്മിക്കുന്നതിനായി നെടുമങ്ങാട് നഗരസഭയുടെ പേരിൽ ഭൂമി വാങ്ങി ആധാര രജിസ്ട്രേഷൻ നടപടികൾ പൂർത്തിയാക്കിയിട്ടും ഭൂമി വിട്ടുനൽകിയ ഉടമയ്ക്ക് അർഹമായ തുക ഇതുവരെ കൈമാറിയിട്ടില്ലെന്നുള്ള കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ തുക കൈമാറുന്നതിന് തടസ്സമായി നിൽക്കുന്ന കാരണങ്ങൾ എന്തെല്ലാമാണെന്ന് വിശദമാക്കാമോ;

(ബി)  ഭരണാനുമതി ലഭിച്ച പ്രസ്തുത തുക കൈമാറുന്നതുമായി ബന്ധപ്പെട്ട് തദ്ദേശ സ്വയംഭരണ വകുപ്പ് പ്രിൻസിപ്പൽ സെക്രട്ടറി സമർപ്പിച്ച ശിപാർശ അടങ്ങിയ ഫയൽ(ആർ.ഇ.1/384/2023-എൽ.എസ്.ജി.ഡി )ധനകാര്യ വകുപ്പിൽ നിലവിൽ ഏത് ഘട്ടത്തിലാണ്; വിശദാംശം നൽകാമോ;

(സി)  ഭരണാനുമതി ലഭിച്ചിട്ടും തുക കൈമാറുന്നതിൽ ഇത്രയും കാലതാമസം ഉണ്ടായതിന്റെ കാരണം എന്താണ്; പ്രസ്തുത തുക റിലീസ് ചെയ്യുന്നതിന് ധനകാര്യ വകുപ്പിന്റെ അധിക അനുമതിയോ മറ്റ് നടപടിക്രമങ്ങളോ ആവശ്യമുണ്ടോ; ഉണ്ടെങ്കിൽ ആയവ ഏതെല്ലാമാണെന്ന് വ്യക്തമാക്കാമോ;

(ഡി)  ഭൂമി വിട്ടുനൽകിയ ഉടമയ്ക്ക് അർഹമായ തുക എന്ന് അനുവദിക്കുമെന്ന് വ്യക്തമാക്കാമോ; ആയതിന് സമയബന്ധിതമായി നടപടി സ്വീകരിക്കുന്നതിന് നിർദേശം നൽകുമോ?

തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികൾക്ക് പെൻഷൻ

1908  ശ്രീ. സി. കെ. കാസിം
ശ്രീ. എം. റഹ്മത്തുളള
ശ്രീ. കല്ലട്ര മാഹിൻ
ശ്രീ. പി. കെ. ഫിറോസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികളായി സേവനമനുഷ്ഠിച്ചവർക്ക് പെൻഷൻ നൽകുന്ന കാര്യം സർക്കാരിന്റെ പരിഗണനയിലുണ്ടോ;

(ബി)  ദീർഘകാലമായി പൊതുപ്രവർത്തന രംഗത്ത് പ്രവർത്തിച്ച ഇവർ കടുത്ത സാമ്പത്തിക ബുദ്ധിമുട്ട് അനുഭവിക്കുന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

(സി)  എങ്കിൽ തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികളായിരുന്ന ഇവർക്ക് പെൻഷൻ അനുവദിക്കാൻ അടിയന്തര നടപടി സ്വീകരിക്കുമോ?

ആറ്റപ്പിള്ളി റെഗുലേറ്റര്‍ കം ബ്രിഡ്ജ്‍ അപ്രോച്ച് റോഡിന്റെ നിര്‍മ്മാണാനുമതി

1909  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പുതുക്കാട് മണ്ഡലത്തില്‍ കുറുമാലിപ്പുഴയില്‍ നിര്‍മ്മാണം നടത്തിയ ആറ്റപ്പിള്ളി റെഗുലേറ്റര്‍ കം ബ്രിഡ്ജിന്റെ അപ്രോച്ച് റോഡ് തകര്‍ന്ന് ഗതാഗത യോഗ്യമല്ലാതായതിനാല്‍ ഇതിന്റെ അപ്രോച്ച് റോഡിന്റെ നിര്‍മ്മാണത്തിനായി സമര്‍പ്പിച്ചിട്ടുളള 1.22 കോടി രൂപയുടെ എസ്റ്റിമേറ്റില്‍ ടെണ്ടര്‍ പ്രകാരം അധികമായി ആവശ്യമായിരിക്കുന്ന തുക അനുവദിക്കുന്നതിനും, ടെണ്ടര്‍ അപ്രൂവ് ചെയ്യുന്നതിനും ആവശ്യമായ നടപടി സ്വീകരിക്കുമോ;

(ബി)  ആറ്റപ്പിളളി റെഗുലേറ്റര്‍ കം ബ്രിഡ്ജിന്റെ പുനര്‍ നിര്‍മ്മാണത്തിനും, റെഗുലേറ്റര്‍ പ്രവര്‍ത്തനക്ഷമമാക്കുന്നതിനുമായി സമര്‍പ്പിച്ചിട്ടുളളതും ധനകാര്യ വകുപ്പിന്റെ പരിഗണനയിലിരിക്കുന്നതുമായ എസ്റ്റിമേറ്റിന് അനുമതിയും ആവശ്യമായ ഫണ്ടും അനുവദിക്കുന്നതിന് നടപടി സ്വീകരിക്കുമോ?

ലോട്ടറി ഏജന്റുമാരുടെ വിവരങ്ങള്‍

1910  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഓരോ സാമ്പത്തിക വര്‍ഷവും ലോട്ടറി വില്‍പ്പനയിലൂടെ സര്‍ക്കാരിന് ലഭിക്കുന്ന ആകെ വരുമാനം എത്രയാണെന്ന് വിശദമാക്കാമോ; 2026 വരെയുള്ള അഞ്ച് വര്‍ഷത്തെ കണക്ക് ലഭ്യമാക്കാമോ;

(ബി)  കേരളത്തില്‍ നിലവില്‍ എത്ര അംഗീകൃത ലോട്ടറി ഏജന്റുമാരും ഉപ ഏജന്റുമാരും വില്‍പ്പനക്കാരും പ്രവര്‍ത്തിക്കുന്നുണ്ട്; വിശദമാക്കാമോ;

(സി)  ലോട്ടറി വില്‍പ്പനക്കാരുടെ ക്ഷേമനിധിയില്‍ നിലവില്‍ എത്ര അംഗങ്ങളാണ് ഉള്ളത്; കണക്ക് ലഭ്യമാക്കാമോ;

(ഡി)  ലോട്ടറി ക്ഷേമനിധിയില്‍ നിന്ന് പെന്‍ഷന്‍, ചികിത്സാ സഹായം, മരണാനന്തര സഹായം, വിദ്യാഭ്യാസ സഹായം എന്നിവ ലഭിക്കുന്നവരുടെ എണ്ണം ലഭ്യമാക്കാമോ?

ആലത്തൂർ മണ്ഡലത്തിലെ നവകേരള സദസ്സുമായി ബന്ധപ്പെട്ട പദ്ധതികള്‍

1911  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവകേരള സദസുമായി ബന്ധപ്പെട്ട് ആലത്തൂര്‍ നിയോജകമണ്ഡലത്തില്‍ പ്രഖ്യാപിച്ച പദ്ധതികള്‍ ഏതെല്ലാമാണെന്നും അവയില്‍ ഏതെല്ലാം പ്രവ‍ൃത്തികള്‍ക്കാണ് ഭരണാനുമതി ലഭിച്ചതെന്നും വ്യക്തമാക്കാമോ;

(ബി)  പ്രസ്തുത പദ്ധതികളുമായി ബന്ധപ്പെട്ട പ്രവൃത്തികളുടെ നിലവിലെ പുരോഗതി വിശദമാക്കാമോ?

ദേശസാത്കൃത ഷെഡ്യൂൾഡ് ബാങ്കുകളിലെ മിനിമം ബാലൻസ് വ്യവസ്ഥ

1912  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ദേശസാത്കൃത ഷെഡ്യൂൾഡ് ബാങ്കുകളിൽ എല്ലാ അക്കൗണ്ട് ഉടമകളും മിനിമം ബാലൻസ് നിലനിർത്തണമെന്ന വ്യവസ്ഥ കർശനമായി പാലിക്കുന്നതും സീറോ ബാലൻസ് അക്കൗണ്ടുകൾ നിഷേധിക്കുന്നതും ശ്രദ്ധയിൽപ്പെട്ടിട്ടുണ്ടോ;

(ബി)  വിവിധ ക്ഷേമപദ്ധതികളുടെ ആനുകൂല്യങ്ങൾ ലഭിക്കുന്നവർക്ക് സീറോ ബാലൻസ് അക്കൗണ്ടുകൾ നിഷേധിക്കുന്നതു മൂലം ഉണ്ടാകുന്ന ബുദ്ധിമുട്ടുകൾ പരിഹരിക്കുന്നതിന് നടപടി സ്വീകരിക്കുമോ?

ക്ഷേത്രങ്ങൾക്ക് ഘടനാ മൂല്യനിർണയവും നഷ്ടപരിഹാരവും അനുവദിക്കുന്നതിന് നടപടി

1913  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വഴയില–പഴകുറ്റി റോഡ് റീച്ച് 1-ന്റെ ഭൂമി ഏറ്റെടുക്കലിന്റെ ഭാഗമായി ബാധിക്കപ്പെടുന്ന നെടുമങ്ങാട് നിയോജകമണ്ഡലത്തിലെ ഏണിക്കര തെക്കേടം ശിവ-വിഷ്ണു ക്ഷേത്രം, ഏണിക്കര വടക്കേടം ശിവക്ഷേത്രം എന്നിവയുടെ സ്ട്രക്ചറല്‍ വാല്യുവേഷന്‍ നടത്തി നഷ്ടപരിഹാരം അനുവദിക്കുന്നതിന് പ്രത്യേക സർക്കാർ തീരുമാനം ആവശ്യമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ, ഇതുസംബന്ധിച്ച് റവന്യൂ വകുപ്പ് Rev-B3/268/2025 (Computer No. 3255037) നമ്പർ ഫയൽ മുഖേന ധനകാര്യ വകുപ്പിന് പ്രൊപ്പോസൽ സമർപ്പിച്ചിട്ടുണ്ടോ; എങ്കിൽ എന്ന് സമർപ്പിച്ചുവെന്ന് വ്യക്തമാക്കുമോ;

(ബി)  പ്രസ്തുത ഫയൽ നിലവിൽ ധനകാര്യ വകുപ്പിൽ എവിടെയാണ് ഉള്ളതെന്നും എത്ര നാളായി അവിടെ തീരുമാനമാകാതെ തുടരുന്നുവെന്നും വ്യക്തമാക്കുമോ; പ്രസ്തുത ഫയലിൽ ഇതുവരെ സ്വീകരിച്ച നടപടികൾ എന്തെല്ലാമാണെന്നും ഫയൽ തീർപ്പാക്കുന്നതിൽ കാലതാമസം നേരിടാനുള്ള കാരണം എന്താണെന്നും വ്യക്തമാക്കുമോ;

(സി)  പ്രസ്തുത വിഷയത്തിന്റെ ഗൗരവം കണക്കിലെടുത്ത് ടി ഫയൽ സംബന്ധിച്ച വിവരങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതുസംബന്ധിച്ച് എന്തെങ്കിലും നിർദ്ദേശങ്ങൾ ലഭ്യമായിട്ടുണ്ടോ എന്ന് വ്യക്തമാക്കുമോ;

(ഡി)  പ്രസ്തുത ക്ഷേത്രങ്ങളുടെ ഭൂമി ഏറ്റെടുത്ത് കൈമാറുന്നതിനും അർഹമായ നഷ്ടപരിഹാരം വിതരണം ചെയ്യുന്നതിനും കാലതാമസം നേരിടുന്നതിനാൽ റോഡ് നിർമ്മാണ പ്രവർത്തനങ്ങൾ തടസ്സപ്പെടുന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ, ക്ഷേത്രങ്ങൾക്ക് അർഹമായ നഷ്ടപരിഹാരത്തുക ലഭ്യമാക്കി ഭൂമി ഏറ്റെടുത്ത് കൈമാറുന്നതിനും റോഡ് നിർമ്മാണം വേഗത്തിലാക്കുന്നതിനും അടിയന്തര നടപടി സ്വീകരിക്കുമോ?

നേമത്ത് സബ് ട്രഷറി

1914  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നേമത്ത് പുതിയ സബ് ട്രഷറി ആരംഭിക്കുന്നത് പരിഗണനയിലുണ്ടോയെന്ന് വ്യക്തമാക്കാമോ;

(ബി)  നേമം നിയോജക മണ്ഡലത്തിൽ ട്രഷറി ആരംഭിക്കുന്നത് സംബന്ധിച്ച് ട്രഷറി ഡയറക്ടർ സർക്കാരിലേക്ക് സമർപ്പിച്ച റിപ്പോർട്ടിലെ പ്രധാന ശിപാർശകളും തുടർനടപടികളും എന്തൊക്കെയാണെന്ന് വിശദമാക്കാമോ;

(സി)  നേമത്ത് ട്രഷറി ആരംഭിക്കുന്നത് നിരവധി സർക്കാർ സ്ഥാപനങ്ങൾ, പെൻഷൻകാർ, പൊതുജനങ്ങൾ എന്നിവർക്ക് ഗുണകരമാകും എന്നതിനാൽ നേമത്ത് പണിയുന്ന രജിസ്ട്രേഷൻ കോംപ്ലക്സിനോട് ചേർന്ന് ഇത് സ്ഥാപിക്കുന്നതിന് അനുമതി നൽകുമോ?

സ്റ്റുഡന്റസ് സേവിംഗ്സ് സ്കീം വെബ് പോർട്ടൽ

1915  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദേശീയ സമ്പാദ്യ വകുപ്പിന്റെ സ്റ്റുഡന്റസ് സേവിംഗ്സ് സ്കീം (എസ്.എസ് .എസ്) പദ്ധതിക്കായി കൈറ്റ് രൂപകൽപ്പന ചെയ്ത എസ്.എസ്.എസ്. വെബ് പോർട്ടലിന്റെ നിലവിലെ സ്ഥിതി സംബന്ധിച്ച വിവരം അറിയിക്കാമോ; പോർട്ടൽ പൂർണമായി പ്രവർത്തനക്ഷമമാക്കുന്നതിനുള്ള സമയപരിധി എന്നാണെന്ന് വ്യക്തമാക്കാമോ;

(ബി)  എസ്.എസ്.എസ്. വെബ് പോർട്ടലിന്റെ പ്രവർത്തനത്തിനാവശ്യമായ ജില്ലാതല ഉദ്യോഗസ്ഥർക്കുള്ള പരിശീലനം പൂർത്തിയായിട്ടുണ്ടോ; സംസ്ഥാനത്ത് എസ്.എസ്.എസ്. പോർട്ടലുമായി ബന്ധപ്പെട്ട് ഇതുവരെ എത്ര അധ്യാപകർക്ക് പരിശീലനം നൽകിയിട്ടുണ്ടെന്ന് അറിയിക്കാമോ;

(സി)  എസ്.എസ്.എസ്. വെബ് പോർട്ടൽ പ്രവർത്തനക്ഷമമാക്കുന്നതിന് സാങ്കേതികമോ ഭരണപരമോ ആയ തടസ്സങ്ങൾ എന്തെങ്കിലും നിലനിൽക്കുന്നുണ്ടോ; എങ്കിൽ അവ എന്തൊക്കെയാണെന്നും ആയവ പരിഹരിക്കുന്നതിനായി സ്വീകരിച്ച നടപടികളുടെ വിശദാംശങ്ങളും വ്യക്തമാക്കാമോ?

സ്വർണ്ണവിപണിയിൽനിന്ന് ലഭിച്ച ജി.എസ്.ടി. തുക

1916  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2026 ജൂൺ മുതൽ 2026 ആഗസ്റ്റ് വരെ സ്വർണ്ണവിപണിയിൽ നിന്നും ലഭ്യമായ GST തുക/നിരക്ക് എത്രയെന്ന് വെളിപ്പെടുത്തുമോ;

(ബി)  2025 ജൂൺ മുതൽ 2025 ആഗസ്റ്റ് വരെ സ്വർണ്ണവിപണിയിൽ നിന്നും ലഭ്യമായ GST തുക/നിരക്ക് എത്രയെന്ന് വെളിപ്പെടുത്തുമോ;

(സി)  സ്വർണ്ണ വിപണിയിൽ നിന്നും കൃത്യമായുള്ള GST വരുമാനം ഉറപ്പുവരുത്തുന്നതിനായി ഈ സര്‍ക്കാര്‍ എന്തെല്ലാം പുതിയ നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ഡി)  സ്വർണ്ണ വിപണിയിൽ നിന്നും കൃത്യമായ GST വരുമാനം ഉറപ്പുവരുത്താന്‍ ഈ സര്‍ക്കാര്‍ ഭാവിയിലേക്ക് എന്തെല്ലാം നടപടികള്‍ ആസൂത്രണം ചെയ്തിട്ടുണ്ടെന്ന് വ്യക്തമാക്കാമോ;

(ഇ)  2021–2026 കാലയളവിൽ സ്വർണ്ണ വിപണിയിൽ നിന്നും ജി.എസ്.ടി. പൂർണ്ണമായും പിരിച്ചെടുത്തിട്ടുണ്ടോ; ഉണ്ടെങ്കിൽ എത്ര ശതമാനം പിരിഞ്ഞു കിട്ടി; തുക എത്രയാണ് ; വ്യക്തമാക്കുമോ ?

ആംനെസ്റ്റി പദ്ധതി

1917  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.ടി. വരുന്നതിനു മുന്‍പ് ഉണ്ടായിരുന്ന കെ.ജി.എസ്.ടി., കെ.വാറ്റ് കാലയളവിലെ നികുതി കുടിശ്ശിക കാരണം പലരും റവന്യൂ റിക്കവറി നടപടികളുമായി നിലവില്‍ പ്രയാസപ്പെടുന്നുണ്ടെന്നതും പലര്‍ക്കും കുടിശ്ശിക തുക അടയ്ക്കാന്‍ കഴിഞ്ഞിട്ടില്ലെന്നതും ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)  മുന്‍ സര്‍ക്കാര്‍ കൊണ്ടുവന്ന ആംനെസ്റ്റി എന്ന പദ്ധതി കൊണ്ടു വരാൻ ആലോചിക്കുന്നുണ്ടോ; എങ്കില്‍, ഇനിയും നികുതി കുടിശ്ശിക അടക്കാന്‍ ബാക്കിയുള്ള വ്യാപാരികള്‍ക്കായി മൊത്തം നികുതിയുടെ 10% ആക്കി ആംനെസ്റ്റി കൊണ്ടുവരാന്‍ ആലോചിക്കുമോ; വിശദമാക്കാമോ;

(സി)  ജി.എസ്.ടി. ഓഡിറ്റിന്റെ 2021 മുതല്‍ 2026 വരെയുള്ള കണക്ക് ലഭ്യമാക്കാമോ; നികുതിയും പലിശയും ഒപ്പം എത്തുന്ന സാഹചര്യത്തില്‍ ജി.എസ്.ടി. ഓഡിറ്റ് രണ്ട് വര്‍ഷം കൂടുമ്പോള്‍ നടത്താൻ ആലോചിക്കുന്നുണ്ടോ; വിശദമാക്കാമോ?

ജി.എസ്.ടി. വകുപ്പിലെ ഡെപ്യൂട്ടി കമ്മിഷണറായ ശ്രീ. ബി. എല്‍. ഷാജഹാനെതിരെയുള്ള വിജിലന്‍സ് അന്വേഷണങ്ങള്‍

1918  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.ടി. വകുപ്പിലെ ഡെപ്യൂട്ടി കമ്മിഷണറായ ശ്രീ. ബി. എല്‍. ഷാജഹാനെതിരെ എത്ര വിജിലന്‍സ് അന്വേഷണങ്ങള്‍ നടന്നിട്ടുണ്ട്; വിശദമാക്കാമോ;

(ബി)  പ്രസ്തുത അന്വേഷണ റിപ്പോര്‍ട്ടുകളുടെ കണ്ടെത്തലുകള്‍ എന്തൊക്കെയാണെന്ന് വ്യക്തമാക്കാമോ;

(സി)  പ്രസ്തുത അന്വേഷണങ്ങളുടെ നിലവിലെ സ്ഥിതി എന്താണ്; വ്യക്തമാക്കാമോ;

(ഡി)  പ്രസ്തുത അന്വേഷണ റിപ്പോര്‍ട്ടുകളില്‍ നിലവിൽ സ്വീകരിച്ച നടപടികള്‍ എന്താണ്; നടപടികള്‍ സ്വീകരിച്ചില്ലങ്കില്‍ അതിന്റെ കാരണം വ്യക്തമാക്കാമോ?

നരിക്കുനിയിൽ പുതിയ സബ് ട്രഷറി ഓഫീസ്

1919  ശ്രീ. പി. കെ. ഫിറോസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കൊടുവള്ളി നിയോജകമണ്ഡലത്തിലെ നരിക്കുനിയിൽ പുതിയ ട്രഷറി ഓഫീസ് ആരംഭിക്കുന്നതിനുള്ള നിർദ്ദേശം പരിഗണനയിലുണ്ടോ; ഇതുസംബന്ധിച്ച് സ്വീകരിച്ചുവരുന്ന നടപടികൾ എന്തെല്ലാമാണെന്ന് വ്യക്തമാക്കാമോ;

(ബി)  2011-2016 സർക്കാരിന്റെ കാലയളവിൽ നരിക്കുനിയിൽ ട്രഷറി ഓഫീസ് അനുവദിക്കുന്നതിനായി സ്വീകരിച്ച നടപടികളുടെ വിശദാംശങ്ങൾ ലഭ്യമാക്കാമോ;

(സി)  നരിക്കുനി, മടവൂർ, കിഴക്കോത്ത് പഞ്ചായത്തുകളിലെയും സമീപ എലത്തൂർ നിയോജകമണ്ഡലത്തിൽപ്പെട്ട കാക്കൂർ, കുരുവട്ടൂർ, ചേളന്നൂർ പഞ്ചായത്തുകളിലെയും ജനങ്ങൾക്കും സർക്കാർ ജീവനക്കാർക്കും പെൻഷൻകാർക്കും ട്രഷറി സേവനങ്ങൾ ലഭിക്കുന്നതിനായി ദൂരെയുള്ള ട്രഷറികളെ ആശ്രയിക്കേണ്ടിവരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; പ്രസ്തുത പ്രദേശങ്ങളിൽ ട്രഷറി സേവനങ്ങൾ കൂടുതൽ എളുപ്പത്തിൽ ലഭ്യമാക്കുന്നതിന് എന്തെല്ലാം നടപടികൾ സ്വീകരിക്കാൻ കഴിയുമെന്ന് പരിശോധിച്ചിട്ടുണ്ടോ; വ്യക്തമാക്കാമോ;

(ഡി)  പ്രസ്തുത പ്രദേശങ്ങളിലെ ജനങ്ങളുടെയും സർക്കാർ ജീവനക്കാരുടെയും ആവശ്യങ്ങൾ പരിഗണിച്ച് നരിക്കുനിയിൽ പുതിയ ട്രഷറി ഓഫീസ് അനുവദിക്കുന്നതിനുള്ള സാധ്യത പരിശോധിച്ച് അനുകൂല നടപടി സ്വീകരിക്കാമോ?

ലോട്ടറി വിൽപ്പനക്കാരുടെ കമ്മീഷൻ

1920  ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ലോട്ടറി വില്പനക്കാർക്ക് കമ്മീഷൻ കൂട്ടിനൽകാൻ നടപടി സ്വീകരിക്കുമോ; വിശദമാക്കാമോ?

ആഭ്യന്തര പരിശോധനാ വിഭാഗം ശക്തിപ്പെടുത്തുന്നത്

1921  ശ്രീ. സജീവ് ജോസഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എല്ലാ വകുപ്പുകളിലെയും ആഭ്യന്തര പരിശോധനാ റിപ്പോർട്ടുകൾ ധനകാര്യ വകുപ്പിന് ലഭ്യമാക്കാറുണ്ടോയെന്ന് പരിശോധിച്ചിട്ടുണ്ടോ; വിവരം ലഭ്യമാക്കാമോ;

(ബി)  ആഭ്യന്തര പരിശോധനാ മാർഗ്ഗരേഖ പ്രകാരം എല്ലാ വകുപ്പുകളിലെയും ആഭ്യന്തര പരിശോധന പ്രസ്തുത വകുപ്പുകളിലെ ഫിനാൻസ് ഓഫീസറുടെ നേതൃത്വത്തിൽ തന്നെയാണോ നടന്ന് വരുന്നതെന്ന് പരിശോധിച്ചിട്ടുണ്ടോ; വിവരം അറിയിക്കാമോ;

(സി)  ആഭ്യന്തര പരിശോധനാ മാർഗ്ഗരേഖ പ്രകാരം ആഭ്യന്തര പരിശോധനയ്ക്ക് നേതൃത്വം നൽകേണ്ട ഫിനാൻസ് ഓഫീസർ തസ്തിക ഏതൊക്കെ വകുപ്പുകളിലാണ് ഇല്ലാത്തതെന്ന് അറിയിക്കാമോ;

(ഡി)  ഫിനാൻസ് ഓഫീസർ തസ്തിക ഇല്ലാത്ത വകുപ്പുകളിൽ ഫിനാൻസ് ഓഫീസറെ നിയമിച്ച് ആഭ്യന്തര പരിശോധന ശക്തിപ്പെടുത്തുന്നതിനുള്ള നടപടികള്‍ സ്വീകരിക്കുമോ; വിശദമാക്കാമോ?

കെ.എസ്.എഫ്.ഇ. പവ‍ര്‍ ആപ്പ്

1922  ശ്രീ. ചാണ്ടി ഉമ്മന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള സ്റ്റേറ്റ് ഫിനാൻഷ്യൽ എന്റർപ്രൈസസ് ലിമിറ്റഡിന്റെ(കെ.എസ്.എഫ്.ഇ.) പവർ ആപ്പ് വികസിപ്പിച്ചെടുത്തത് ഏത് ഏജൻസിയാണെന്ന് വ്യക്തമാക്കാമോ;

(ബി)  കെ.എസ്.എഫ്.ഇ. യുടെ സുഗമ അക്കൗണ്ട് സംബന്ധിച്ച എല്ലാ വിവരങ്ങളും ബന്ധപ്പെട്ട ഉപഭോക്താക്കൾക്ക് പ്രസ്തുത ആപ്പ് മുഖേന ലഭ്യമാക്കുന്നതിന് സംവിധാനം ഒരുക്കിയിട്ടുണ്ടോ എന്ന് വ്യക്തമാക്കാമോ;

(സി)  കെ.എസ്.എഫ്.ഇ.യുടെ ഒരു ബ്രാഞ്ചിൽ നിലവിലുള്ള സുഗമ അക്കൗണ്ടിലേയ്ക്ക് മറ്റൊരു ബ്രാഞ്ചിൽ നിന്നും അയക്കുന്ന തുക ഏതു ബ്രാഞ്ചിൽ നിന്ന് അയച്ചുവെന്നോ ആരാണ് അയച്ചതെന്നോ പവർ ആപ്പിലൂടെയോ, സുഗമ അക്കൗണ്ട് പാസ്ബുക്കിലൂടെയോ മനസ്സിലാക്കാൻ കഴിയുന്നില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇടപാടുകാർക്ക് ഉണ്ടാകുന്ന പ്രസ്തുത ബുദ്ധിമുട്ടുകൾ പരിഹരിക്കാൻ ആപ്പിൽ അടിയന്തരമായി പരിഷ്കരണങ്ങൾ വരുത്തുമോയെന്നും ഇടപാടുകാരന്റെ സുഗമ അക്കൗണ്ടിലേക്ക് എത്തുന്ന തുക ഏത് ബ്രാഞ്ചിൽ നിന്ന് ആരാണ് അയച്ചത് എന്നീ വിവരങ്ങൾ ഉപഭോക്താവിന് മൊബൈലിൽ മെസ്സേജ് ആയി ലഭിക്കുന്നതിന് നടപടി സ്വീകരിക്കുമോയെന്നും വ്യക്തമാക്കാമോ?

മരണപ്പെട്ട ഡോ. ദിലീപ് കുമാര്‍. എസ്-ന്റെ സ്റ്റേറ്റ് ലൈഫ് ഇന്‍ഷുറന്‍സ്, ഗ്രൂപ്പ് ഇന്‍ഷുറന്‍സ് സ്കീം ക്ലെയിമുകളിലെ കാലതാമസം

1923  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  18/10/2023-ല്‍ മരണപ്പെട്ട എറണാകുളം സ്വദേശിയും ആലപ്പുഴ കണ്ടല്ലൂര്‍ കുടുംബാരോഗ്യ കേന്ദ്രത്തിലെ അസിസ്റ്റന്റ് സര്‍ജനുമായിരുന്ന ‍ഡോ. ദിലീപ് കുമാര്‍ എസ്‍. (പെന്‍ നമ്പര്‍-586176)-ന്റെ സ്റ്റേറ്റ് ലൈഫ് ഇന്‍ഷുറന്‍സ് (എസ്.എല്‍.ഐ.), ഗ്രൂപ്പ് ഇന്‍ഷുറന്‍സ് സ്കീം (ജി.ഐ.എസ്.) ക്ലെയിമുകൾ ഇതുവരെയും തീര്‍പ്പാക്കി അവകാശികള്‍ക്ക് തുക കൈമാറിയിട്ടില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)   തുക മാറി നല്‍കുന്നതില്‍ കാലതാമസം ഉണ്ടാകാന്‍ ഇടയായ സാഹചര്യം എന്താണെന്ന് അറിയിക്കുമോ; ഏതെങ്കിലും ഉദ്യോഗസ്ഥരുടെ വീഴ്ച മൂലമാണോ ഈ സാഹചര്യം ഉണ്ടായത് എന്ന് പരിശോധിച്ചിട്ടുണ്ടോ;

(സി)  പ്രസ്തുത തുക അടിയന്തരമായി അവകാശികൾക്ക് വിതരണം ചെയ്യുന്നതിന് നടപടി സ്വീകരിക്കുമോ?

സർക്കാർ അഭിഭാഷകരുടെ നിയമനം

1924  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരത്തിൽ വന്നതിനുശേഷം ജില്ലാ കോടതികൾ, സബ് കോടതികൾ,മോട്ടോർ ആക്സിഡന്റ് ക്ലെയിംസ് ട്രൈബ്യൂണലുകൾ, മുൻസിഫ് കോടതികൾ എന്നിവിടങ്ങളിൽ സർക്കാർ കക്ഷിയായുള്ള കേസുകൾ നടത്തുന്നതിനായി എത്ര ലോ ഓഫീസർമാരെ (അഭിഭാഷകരെ) നിയമിച്ചിട്ടുണ്ട്; വ്യക്തമാക്കാമോ;

(ബി)  പ്രസ്തുത സർക്കാർ അഭിഭാഷകരുടെ നിയമനം, സേവന വ്യവസ്ഥകൾ, കർത്തവ്യങ്ങൾ, അവകാശങ്ങൾ, ബാധ്യതകൾ, സർക്കാർ കേസുകളുടെ നടത്തിപ്പ് സംബന്ധിച്ച നടപടിക്രമങ്ങൾ എന്നിവ വ്യക്തമാക്കാമോ?

ഖാദി കേന്ദ്രങ്ങളുടെ ഉന്നമനം

1925  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഖാദി കേന്ദ്രങ്ങളുടെ ഉന്നമനത്തിനായി സ്വീകരിച്ചുവരുന്ന നടപടികള്‍ വിശദമാക്കാമോ;

(ബി)  ഖാദി കേന്ദ്രങ്ങളുടെ അടിസ്ഥാന സൗകര്യ വികസനത്തിന് എം.എൽ.എ. എ.ഡി.എസ്., എം.എൽ.എ. എസ്.ഡി.എഫ്. ഫണ്ടുകൾ ഉപയോഗപ്പെടുത്തുന്നതിന് പ്രത്യേക അനുമതി ലഭ്യമാക്കുന്നത് പരിഗണിക്കുമോ; വ്യക്തമാക്കാമോ?

ഖാദി ബോർഡിൽ ബന്ധുനിയമനം

1926  ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് ഖാദി ബോർഡിൽ പി.എസ്.സി. ജീവനക്കാരന്റെ ഭാര്യയ്ക്ക് മതിയായ യോഗ്യതയില്ലാതെ വില്ലേജ് ഓയിൽ ഇൻസ്പെക്ടർ തസ്തികയിൽ നിയമനം നൽകിയിരുന്നോ; വിശദമാക്കുമോ;

(ബി)  മതിയായ യോഗ്യതയില്ലെന്ന് മനസ്സിലായിട്ടും അഭിമുഖം മാത്രം നടത്തി ടിയാൾക്ക് 2021-ൽ ജോലി നൽകിയിരുന്നോ; വ്യക്തമാക്കുമോ;

(സി)  പ്രസ്തുത നിയമനത്തിലെ സർട്ടിഫിക്കറ്റ് പരിശോധനയിൽ പി.എസ്.സി.ക്ക് വീഴ്ച സംഭവിച്ചതായി പരാതി അന്വേഷിച്ച വിജിലൻസ്,റിപ്പോർട്ട് നൽകിയിരുന്നോ; പ്രസ്തുത റിപ്പോർട്ടിന്മേൽ എന്തെങ്കിലും നടപടി സ്വീകരിച്ചിരുന്നോ; വിശദമാക്കുമോ;

(ഡി)  യോഗ്യതയില്ലാത്ത സർട്ടിഫിക്കറ്റ് ഉപയോഗിച്ച് ജോലി നേടിയെന്ന ആക്ഷേപത്തിന്റെ അടിസ്ഥാനത്തിൽ, മതിയായ യോഗ്യത നേടുന്നതിനായി ഖാദി ബോർഡിലെ പ്രസ്തുത ഉദ്യോഗസ്ഥയ്ക്ക് ഒരു വർഷത്തെ സാവകാശം അനുവദിച്ചിരുന്നോ; ജോലിയിൽ നിന്ന് പിരിച്ചുവിടാവുന്ന സാഹചര്യം നിലനിന്നിരിക്കെ ചട്ടവിരുദ്ധമായാണോ സാവകാശം അനുവദിച്ചത്; വിശദമാക്കുമോ?

വിഴിഞ്ഞം തുറമുഖ വികസനപദ്ധതി

1927  ശ്രീ. കെ. രാജന്‍
ശ്രീ. ഗോവിന്ദൻ പള്ളിക്കാപ്പിൽ
ശ്രീ. മുഹമ്മദ് മുഹസിന്‍
ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തലസ്ഥാനത്തെ ലോജിസ്റ്റിക് ഹബ്ബാക്കി മാറ്റാനുള്ള 2000 കോടി രൂപയുടെ തുറമുഖ അനുബന്ധ വികസനപദ്ധതികളുടെ ആദ്യഘട്ടമായി 230 ഏക്കർ ഏറ്റെടുക്കാൻ മുന്‍ സർക്കാർ അനുമതി നൽകിയിരുന്നോ; വിശദമാക്കാമോ;

(ബി)  വിഴിഞ്ഞം അന്താരാഷ്‌ട്ര തുറമുഖത്തിന്റെ സാധ്യത പരമാവധി പ്രയോജനപ്പെടുത്താൻ മുന്‍ സർക്കാർ പ്രഖ്യാപിച്ച വമ്പൻ പദ്ധതികൾ അനിശ്ചിതത്വത്തിലാണ് എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(സി)  മുന്‍ സർക്കാർ വിഭാവനം ചെയ്ത വിഴിഞ്ഞം-നാവായിക്കുളം വികസന ഇടനാഴി ഉൾപ്പെടെയുള്ള പദ്ധതികളും ഭൂമിയേറ്റെടുക്കലും നിലച്ചതോടെ വിഴിഞ്ഞത്തും പരിസരത്തും ഭൂമാഫിയ സംഘങ്ങൾ പിടിമുറുക്കി എന്ന ആരോപണം പരിശോധിച്ചിട്ടുണ്ടോ; വിശദമാക്കാമോ;

(ഡി)  സ്വകാര്യ, പൊതുമേഖലാ സ്ഥാപനങ്ങൾക്കും കമ്പനികൾക്കും ഭൂമി ഏറ്റെടുത്ത് നൽകുന്നതിനുള്ള പ്രാരംഭ നടപടിപോലും ആരംഭിച്ചിട്ടില്ല എന്ന ആരോപണം പരിശോധിച്ചിട്ടുണ്ടോ; വിശദമാക്കാമോ?

താനൂര്‍ ബോട്ട് അപകടം സംബന്ധിച്ച്

1928  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  താനൂർ തൂവൽ തീരം ബോട്ടപകടത്തിൽ മരണപ്പെട്ടവർക്കും അപകടത്തിൽപ്പെട്ടവര്‍ക്കും മുന്‍ സര്‍ക്കാര്‍ പ്രഖ്യാപിച്ച നഷ്ടപരിഹാരങ്ങൾ എന്തെല്ലാമാണെന്ന് വ്യക്തമാക്കാമോ; അതില്‍ എത്ര പേർക്കാണ് ബാക്കി തുക നൽകാനുള്ളത്; നഷ്ടപരിഹാരം നൽകിയില്ലെങ്കിൽ കാലതാമസത്തിന്റെ കാരണം വിശദമാക്കാമോ; അപകടത്തിൽപ്പെട്ടവരുടെ തുടർ ചികിത്സ സർക്കാർ ഏറ്റെടുത്തിരുന്നോ വ്യകതമാക്കാമോ;

(ബി)  ഇരുപത്തിരണ്ട് പേർ മരണപ്പെട്ട പ്രസ്തുത സംഭവത്തിൽ നിയോഗിച്ച അന്വേഷണ കമ്മീഷന്റെ റിപ്പോർട്ടിന്റെ പകർപ്പും ഇത് സംബന്ധിച്ച എഫ്.ഐ.ആര്‍.ന്റെ പകർപ്പും ലഭ്യമാക്കാമോ;

(സി)  അപകടത്തിൽപ്പെട്ട ബോട്ടിന്റെ മോഡിഫിക്കേഷനുമായി ബന്ധപ്പെട്ട് പോർട്ട് ഓഫീസിൽ ബോട്ട് ഉടമ നൽകിയ അപേക്ഷയുടെയും അനുബന്ധ രേഖകളുടെയും പകർപ്പ് ലഭ്യമാക്കാമോ;

(ഡി)  അപകടത്തെ സംബന്ധിച്ച് പോര്‍ട്ട്‌ ഓഫീസിൽ വിവിധ ഓഫീസർമാർ നടത്തിയ ഫയൽ നോട്ടിന്റെ പകർപ്പ് ലഭ്യമാക്കാമോ; ഇത് സംബന്ധിച്ച് ഏതെല്ലാം ഉദ്യോഗസ്ഥർക്കെതിരെ നടപടി ഉണ്ടായതെന്നും അവരുടെമേൽ ചുമത്തിയ വകുപ്പ് ഏതാണെന്നും വ്യക്തമാക്കാമോ?

മിഷൻ സമുദ്ര പദ്ധതി

1929  ശ്രീ. അപു ജോൺ ജോസഫ്
ശ്രീ. വിനു ജോബ് കുഴിമണ്ണിൽ
ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  അടുത്ത അഞ്ച് വർഷത്തിനുള്ളിൽ മിഷൻ സമുദ്ര പദ്ധതിയിലൂടെ സമാഹരിക്കാനുദ്ദേശിക്കുന്ന നിക്ഷേപം എത്രയാണെന്നറിയിക്കാമോ; ഇത് ഏതൊക്കെ മാർഗങ്ങളിലൂടെ കണ്ടെത്താനാണ് ലക്ഷ്യമിട്ടിട്ടുള്ളതെന്ന് വ്യക്തമാക്കാമോ;

(ബി)  പ്രസ്തുത പദ്ധതിയിലൂടെ അടുത്ത അഞ്ച് വർഷം കൊണ്ട് എത്ര തൊഴിലവസരങ്ങൾ സൃഷ്ടിക്കാനാകുമെന്നാണ് കരുതുന്നത്; അവ ഏതൊക്കെ മേഖലകളിലാണെന്നറിയിക്കാമോ;

(സി)  സംസ്ഥാനത്തെ ചരക്ക് ഗതാഗതത്തിന്റെ ചെലവ് കുറയ്ക്കുന്നതിനും റോഡുകളിലെ ഗതാഗത തിരക്ക് ലഘൂകരിക്കുന്നതിനും ഉതകുന്ന എന്തെല്ലാം നിർദേശങ്ങളാണ് പദ്ധതിയുടെ ഭാഗമായിട്ടുള്ളതെന്ന് അറിയിക്കാമോ;

(ഡി)  വിദേശത്തുനിന്ന് മടങ്ങിയെത്തുന്ന പ്രവാസികളുടെ പരിചയസമ്പത്തും വൈദഗ്ധ്യവും പദ്ധതിയിൽ ഏതൊക്കെ വിധത്തിൽ ഉപയോഗപ്പെടുത്തുന്നതിനാണ് ലക്ഷ്യം വച്ചിട്ടുള്ളത്; വിശദമാക്കാമോ?

ബേപ്പൂർ തുറമുഖ വികസനം

1930  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മിഷൻ സമുദ്ര പദ്ധതിയിലൂടെ ബേപ്പൂർ തുറമുഖത്തിന്റെ വികസനത്തിനായി എത്ര തുകയാണ് വകയിരുത്തിയിട്ടുള്ളതെന്ന് വ്യക്തമാക്കുമോ;

(ബി)  കേരള മാരിടൈം ബോർഡ് ഇതുസംബന്ധിച്ച് സമർപ്പിച്ചിട്ടുള്ള നിർദ്ദേശങ്ങളുടെ നിലവിലെ സ്ഥിതി എന്താണെന്ന് വ്യക്തമാക്കുമോ;

(സി)  ഷിപ്പ് ബില്‍‍ഡിംഗ് സെന്ററുമായി ബേപ്പൂരിനെ ബന്ധിപ്പിക്കുവാന്‍ പദ്ധതിയുണ്ടോ; വ്യക്തമാക്കുമോ?