ഏതൊക്കെ വകുപ്പുകളിലാണ് സർക്കാർ ജീവനക്കാർക്ക് ഓൺ ലൈൻ സ്ഥലം മാറ്റം നടപ്പിലാക്കിയിട്ടുള്ളതെന്ന് അറിയിക്കാമോ;

എല്ലാ വകുപ്പുകളിലും ഓൺ ലൈൻ സ്ഥലം മാറ്റം നടപ്പിലാക്കാത്തതിനുള്ള കാരണം എന്താണെന്ന് വ്യക്തമാക്കാമോ?

സംസ്ഥാനത്തിന്റെ വികസന പദ്ധതികളുടെ നേട്ടങ്ങള്‍ എല്ലാവിഭാഗം ജനങ്ങളിലേക്ക് എത്തിക്കുന്നതിനും അര്‍ഹരായ എല്ലാവര്‍ക്കും ക്ഷേമപദ്ധതികളുടെ ഗുണഫലങ്ങള്‍ ലഭ്യമാക്കി നവകേരളത്തിലേക്ക് ചുവടുവയ്ക്കുന്നതിനുമായി എന്തെല്ലാം പദ്ധതികളാണ് ആവിഷ്കരിച്ചിരിക്കുന്നതെന്ന് വിശദമാക്കാമോ;

ഇതിലേക്കായി ഇ-ഗവേണന്‍സ് സംവിധാനങ്ങള്‍ക്ക് എന്തുചെയ്യാന്‍ കഴിയുമെന്ന് വിശദമാക്കാമോ?

സിറ്റി ഗ്യാസ് പദ്ധതി ആദ്യഘട്ടത്തില്‍ നടപ്പാക്കുമ്പോള്‍ ഏതൊക്കെ ജില്ലകളിലെ ഏതൊക്കെ പ്രദേശങ്ങളിലെ എത്രമാത്രം ജനങ്ങള്‍ക്കാണ് ഇതിന്റെ പ്രയോജനം ലഭിക്കുന്നത് എന്ന് വിശദമാക്കാമോ;

സിറ്റിഗ്യാസ് വിലയും എല്‍.പി.ജി വിലയും തമ്മിലുള്ള വ്യത്യാസം എത്രയെന്ന് കണക്കാക്കാന്‍ കഴിഞ്ഞിട്ടുണ്ടോ; വ്യക്തമാക്കാമോ;

ഏതൊക്കെ പ്രദേശങ്ങളിലാണ് സിറ്റിഗ്യാസ് പദ്ധതി നടപ്പാക്കാന്‍ ഉദ്ദേശിക്കുന്നത് ; ഇതിന്റെ പ്രവര്‍ത്തനങ്ങളുടെ ഇതുവരെയുള്ള പുരോഗതി ലഭ്യമാക്കാമോ?

കേരള സെമി-ഹെെസ്പീഡ് റെയില്‍ പദ്ധതിക്കായി ഇതുവരെ നടത്തിയിട്ടുളള പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ;

'ഗ്രീന്‍ഫീല്‍ഡ് കോറിഡോര്‍' പദ്ധതിയുടെ അനുമതിക്കായി മന്ത്രിതലത്തില്‍ കേന്ദ്ര സര്‍ക്കാരുമായി നടത്തിവരുന്ന ആശയവിനിമയത്തിന്റെ വിശദാംശങ്ങള്‍ ലഭ്യമാക്കുമോ;

കെ-റെയിലിനെ എതിർത്തവർ പോലും വന്ദേഭാരതിന്റെ വരവോടുകൂടി അനുകൂലമായ അഭിപ്രായങ്ങൾ പ്രകടിപ്പിക്കുന്നത് ശ്രദ്ധയിൽപ്പെട്ടിട്ടുണ്ടോ;

കെ-റെയില്‍ പദ്ധതി അടഞ്ഞ അദ്ധ്യായമല്ലെന്ന കേന്ദ്ര റെയില്‍മന്ത്രിയുടെ പ്രതികരണം പ്രസ്തുത പദ്ധതിയുമായി മുന്നോട്ടു പോകുന്നതിന് പ്രചോദനം നൽകുന്നുണ്ടോ?

സിൽവർ ലൈൻ പദ്ധതിയിൽ മാറ്റം വരുത്തി വേഗ റെയിൽ പദ്ധതി നടപ്പാക്കാൻ ഉദ്ദേശിക്കുന്നുണ്ടോ; എങ്കില്‍ ഇത് സംബന്ധിച്ചുള്ള രൂപരേഖ തയ്യാറാക്കിയിട്ടുണ്ടോ;

പ്രസ്തുത പദ്ധതി നടപ്പാക്കാനുളള ചുമതല ആരെ ഏൽപ്പിക്കാനാണ് ഉദ്ദേശിക്കുന്നത്;

പ്രസ്തുത പദ്ധതിയുടെ വിശദാംശം വെളിപ്പെടുത്തുമോ?

സർക്കാർ ഓഫീസുകളുടെ പ്രവർത്തനം കൂടുതൽ കാര്യക്ഷമമാക്കാൻ സ്വീകരിച്ച നടപടി വിശദമാക്കാമോ;

സേവനങ്ങൾ പൂർണമായി ഓൺലൈനിൽ നൽകുന്നതിന് എല്ലാ വകുപ്പുകളിലും നടപടി സ്വീകരിച്ചിട്ടുണ്ടോ;

എല്ലാ സർക്കാർ ഓഫീസുകളിലും പൊതുജന പരാതിപരിഹാര വിഭാഗം പ്രവര്‍ത്തിക്കുന്നുണ്ടോ; വ്യക്തമാക്കാമോ?

സർക്കാർ ഓഫീസുകളിൽ അഴിമതിയും കൈക്കൂലിയും വർദ്ധിച്ചു വരുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ഈ സർക്കാർ അധികാരത്തിൽ വന്നതിനു ശേഷം പ്രസ്തുത പരാതികളുടെ അടിസ്ഥാനത്തിൽ എത്ര ജീവനക്കാരെ അറസ്റ്റു ചെയ്തിട്ടുണ്ടെന്നും അവർക്കെതിരെ എന്ത് നടപടി എടുത്തുവെന്നും അറിയിക്കാമോ;

ഇത് തടയുന്നതിന് സ്വീകരിച്ചിട്ടുള്ള നടപടികൾ എന്തൊക്കെയാണെന്ന് അറിയിക്കാമോ?

തദ്ദേശസ്വയം ഭരണ വകുപ്പ് അസിസ്റ്റന്റ് എഞ്ചിനീയർ (സിവിൽ) (കാറ്റഗറി നമ്പർ 125/2020) തസ്തികയുടെ റാങ്ക് ലിസ്റ്റ് നിലവിലുണ്ടോ; പ്രസ്തുത ലിസ്റ്റിൽ നിന്നും നാളിതുവരെ എത്ര റാങ്ക് വരെയുള്ളവർക്ക് നിയമന ശിപാർശ നൽകിയിട്ടുണ്ടെന്ന് അറിയിക്കുമോ;

പ്രസ്തുത തസ്തികയിൽ നിലവിൽ എത്ര ഒഴിവാണ് റിപ്പോർട്ട്‌ ചെയ്തിട്ടുള്ളത്; ഈ ഒഴിവുകളിൽ നിയമന ശിപാർശ അയച്ചിട്ടുണ്ടോ; ഇല്ലെങ്കിൽ അതിനുള്ള അടിയന്തര നടപടി സ്വീകരിക്കുമോ?

വിവിധ വകുപ്പുകളുടെയും മറ്റ് വിവിധ ഓഫീസുകളുടെയും ഫയല്‍ നീക്കം സുഖമമാക്കുന്നതിന് നടപ്പിലാക്കിയ ഇ - ഓഫീസ് സംവിധാനത്തില്‍ ഫയല്‍ കൈകാര്യം ചെയ്യുന്നതില്‍ ചില ഉദ്യോഗസ്ഥര്‍ വരുത്തുന്ന കാലതാമസം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഫയലുകള്‍ കൈകാര്യം ചെയ്യുന്നതിലെ കാലതാമസം നീരിക്ഷിക്കുന്നതിന് സംസ്ഥാന തലത്തിലും ജില്ലാ തലത്തിലും പ്രത്യേക സമിതികള്‍ രൂപീകരിച്ചിട്ടുണ്ടോ; ഉണ്ടെങ്കില്‍ വിശദാംശം അറിയിക്കാമോ;

ഇത്തരത്തിലുള്ള സമിതികള്‍ രൂപീകരിച്ചിട്ടില്ലെങ്കില്‍ അതിനുള്ള നടപടി സ്വീകരിക്കുമോ എന്ന് വ്യക്തമാക്കുമോ;

ഓഫീസ് മാന്വല്‍ പ്രകാരം ഒരു ഉദ്യോഗസ്ഥന് എത്ര ദിവസം ഫയല്‍ കൈവശം വയ്ക്കാവുന്നതിനുള്ള അധികാരമുണ്ട് എന്നത് സംബന്ധിച്ച വിശദാംശം നല്‍കാമോ?

സംസ്ഥാനത്ത് പി.എസ്.സി മുഖേന അല്ലാതെ നിയമനങ്ങൾ നടത്തുന്ന സർക്കാർ/അർദ്ധ സർക്കാർ/പൊതുമേഖല/സഹകരണ മേഖല സ്ഥാപനങ്ങൾ, മറ്റു സർക്കാർ ഏജന്‍സികള്‍ എന്നിവ ഏതെല്ലാമാണെന്ന് വ്യക്തമാക്കാമോ;

പ്രസ്തുത സ്ഥാപനങ്ങളിൽ നിലവിൽ നിയമനങ്ങൾ നടത്തുന്നത് ആരാണെന്ന് അറിയിക്കാമോ; എങ്കിൽ ഇത്തരം നിയമനങ്ങൾക്കുള്ള മാനദണ്ഡം വിശദീകരിക്കാമോ;

സംസ്ഥാനത്ത് സ്പെഷ്യൽ റൂൾസ് നിലവിലില്ലാത്ത സർക്കാർ/അർദ്ധ സർക്കാർ/പൊതുമേഖലാ സ്ഥാപനങ്ങൾ ഏതെല്ലാമാണ്; ഇത്തരം സ്ഥാപനങ്ങളിൽ അടിയന്തരമായി സ്പെഷ്യൽ റൂൾ നടപ്പാക്കാനും നിയമനങ്ങള്‍ സുതാര്യമാക്കി പി‌.എസ്‌.സി. മുഖേന നടത്തുന്നതിനും സ്വീകരിച്ച നടപടികള്‍ വ്യക്തമാക്കാമോ;

നിയമനങ്ങള്‍ പൂര്‍ണ്ണമായും പി‌.എസ്‌.സി മുഖേന ആക്കിയ പല പൊതു മേഖലാ സ്ഥാപനങ്ങളും ഇപ്പോഴും നേരിട്ട് നിയമനം നടത്തുന്നു എന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരത്തില്‍ നിയമനം നടത്തിയ സ്ഥാപനങ്ങള്‍ ഏതെല്ലാമാണെന്ന് വ്യക്തമാക്കാമോ?

പി.എസ്.സി. ജീവനക്കാരനായ ജോണ്‍സന്‍ ജി.യുടെ സീനിയോരിറ്റി പുനഃസ്ഥാപിച്ചു നല്‍കാന്‍ മൂന്നു കോടതി ഉത്തരവുകളും രണ്ടു സര്‍ക്കാര്‍ സ്പഷ്ടീകരണ ഉത്തരവുകളും ലഭ്യമായതിന്റെ അടിസ്ഥാനത്തില്‍ മാതൃവകുപ്പില്‍ നിന്നും നഷ്ടപ്പെട്ട 2004 മുതലുള്ള മുഴുവന്‍ സീനിയോറിറ്റിയും മറ്റു സാമ്പത്തിക ആനുകൂല്യങ്ങളും നല്‍കാനുള്ള പി.എസ്.സി. സെക്രട്ടറിയുടെ ഉത്തരവ് ഏകദേശം അഞ്ചു മാസമായിട്ടും നാളിതുവരെ നടപ്പാക്കാനായി പ്രൊസീഡിംഗ്സ് ഇറക്കാത്തതിന്റെ കാരണം വ്യക്തമാക്കുമോ;

പി.എസ്.സി. സെക്രട്ടറിയുടെ ഉത്തരവ് പ്രസിദ്ധീകരിക്കാന്‍ വിമുഖത കാണിക്കുന്ന ഉദ്യോഗസ്ഥര്‍ക്കെതിരെ എന്തു നടപടികള്‍ സ്വീകരിച്ചുവെന്ന് വ്യക്തമാക്കുമോ; പ്രസ്തുത ഉദ്യോഗസ്ഥരെ മാതൃകാപരമായി ശിക്ഷിക്കുന്നതിനു എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

ഉത്തരവ് അടിയന്തരമായി പ്രസിദ്ധീകരിക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കാമോ;

പൊതുഭരണ വകുപ്പ് നല്‍കിയ രണ്ടു സ്പഷ്ടീകരണ ഉത്തരവുകളിലും 2004 മുതലുള്ള എല്ലാ സീനിയോരിറ്റിക്കും ജോണ്‍സണ്‍ ജി.യ്ക്ക് അര്‍ഹത ഉണ്ടെന്നും അത് നല്‍കുന്നതിനു ഉത്തരവായിട്ടും ആ ഉത്തരവ് മനസിലാക്കാന്‍ കഴിയുന്നില്ല എന്ന് നോട്ട് എഴുതിയ മേലുദ്യോഗസ്ഥന്‍ ആരാണ്; വീണ്ടും ഉത്തരവ് വളരെ വ്യക്തമായിട്ട് നല്‍കിയിട്ടും പ്രസ്തുത ഉദ്യോഗസ്ഥന്‍ ഇക്കാര്യത്തില്‍ സ്വീകരിച്ച നടപടി എന്തൊക്കെ എന്ന് വ്യക്തമാക്കാമോ; ഇക്കാര്യത്തില്‍ നല്‍കിയ രണ്ടു സ്പഷ്ടീകരണ ഉത്തരവുകളുടെ പകര്‍പ്പ് ലഭ്യമാക്കുമോ;

ജോണ്‍സണ്‍ ജി.യ്ക്ക് കെ.എസ്.&എസ്.എസ്.ആര്‍. റൂള്‍ 8 പ്രകാരം മാതൃവകുപ്പില്‍ മുഴുവന്‍ സീനിയോരിറ്റിക്കും അര്‍ഹത ഉണ്ടെന്നു മൂന്ന് അപ്പീല്‍ പെറ്റീഷനുകള്‍ തള്ളിക്കൊണ്ട് കോടതി ഉത്തരവുകള്‍ നല്‍കിയിട്ടുണ്ടെങ്കിലും ഒരു ജീവനക്കാരന് അര്‍ഹതപ്പെട്ട സര്‍വീസ് ആനുകൂല്യങ്ങള്‍ നിഷേധിക്കുന്നത് അടിയന്തരമായി പരിഹരിക്കുവാന്‍ നടപടികള്‍ സ്വീകരിക്കുമോ; വ്യക്തമാക്കുമോ;

ഈ വിഷയത്തില്‍ പി.എസ്.സി. മെമ്പര്‍മാരുടെ ഒരു സബ് കമ്മറ്റി വിശദമായി അന്വേഷിച്ചു മേലില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ നടപടി സ്വീകരിക്കുമോ; ചട്ടവിരുദ്ധമായി നോട്ട് എഴുതി നിയമലംഘനം നടത്തിയ ജീവനക്കാരില്‍ നിന്നും നഷ്ടപരിഹാരം ടിയാന് നല്‍കുന്നതിന് വ്യവസ്ഥയുണ്ടോ; വിശദാംശം ലഭ്യമാക്കുമോ?

ഈ സർക്കാർ അധികാരത്തിൽ വന്നതിനുശേഷം എത്രപേർക്ക് കോഴിക്കോട് ജില്ലയില്‍ ആശ്രിത നിയമനം വഴി ജോലി നൽകിയിട്ടുണ്ടെന്ന് വിശദമാക്കാമോ;

ആശ്രിത നിയമനത്തിനായി സര്‍ക്കാരിലേക്ക് നിലവില്‍ എത്ര അപേക്ഷകളാണ് കോഴിക്കോട് ജില്ലയില്‍നിന്നും സമര്‍പ്പിച്ചിട്ടുള്ളതെന്ന് വ്യക്തമാക്കാമോ?

ആലുവ ബൈപാസിലെ മാര്‍ത്താണ്ഡവര്‍മ്മ പാലത്തിലുണ്ടാകുന്ന ഗതാഗതക്കുരുക്ക് ഒഴിവാക്കി ദേശീയ പാതയിലൂടെയുള്ള യാത്ര സുഗമമാക്കുന്നതിന് നടപടി സ്വീകരിക്കണമെന്ന നിവേദനത്തിന്മേല്‍ (CMO File No. G -3221200926) നാളിതുവരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത വിഷയത്തില്‍ പൊതുമരാമത്ത് ദേശീയപാത വിഭാഗം അന്തിമ റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

വിഷയത്തില്‍ ആവശ്യമായ തുടര്‍ നടപടികള്‍ ത്വരിതഗതിയില്‍ സ്വീകരിക്കുമോ; വ്യക്തമാക്കാമോ?

നെന്മാറ മണ്ഡലത്തില്‍ റീബില്‍ഡ് കേരളയില്‍ ഉള്‍പ്പെടുത്തിയ പ്രവര്‍ത്തികള്‍ ഏതെല്ലാമെന്ന് വിശദമാക്കുമോ;

പ്രസ്തുത പ്രവൃത്തികള്‍ നാളിതുവരെ തുടങ്ങാന്‍ കഴിഞ്ഞിട്ടില്ല എന്ന വിഷയം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രവൃത്തികള്‍ തുടങ്ങുന്നതുമായി ബന്ധപ്പെട്ട് എന്തെല്ലാം നടപടിക്രമങ്ങളാണ് പൂര്‍ത്തീകരിച്ചിട്ടുളളതെന്നും എന്ന് തുടങ്ങാന്‍ കഴിയുമെന്നും വിശദമാക്കുമോ?

എലത്തൂര്‍ ട്രെയിന്‍ അപകടത്തില്‍ പരിക്ക് പറ്റിയവരുടെ ചികിത്സയ്ക്ക് സര്‍ക്കാര്‍ ധനസഹായം പ്രഖ്യാപിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ;

പ്രസ്തുത ധനസഹായം എപ്പോള്‍ വിതരണം ചെയ്യാന്‍ കഴിയുമെന്ന് വ്യക്തമാക്കാമോ?

സംസ്ഥാന ഭവന നിർമ്മാണ ബോർഡ് (KSHB), കേരള ലൈവ്സ്റ്റോക്ക് ഡെവലപ്മെന്റ് ബോർഡ് (KLDB) എന്നീ വകുപ്പുകളിൽ ഓവർസിയർ ഗ്രേഡ് 1 (സിവിൽ) തസ്തികയിൽ റാങ്ക് ലിസ്റ്റ് പ്രസിദ്ധീകരിച്ച് ആറു മാസമായിട്ടും പി.എസ്.സി. യിൽ നിന്നും നിയമന ശുപാർശ നൽകിയിട്ടില്ല എന്ന വിവരം ശ്രദ്ധയിൽപ്പെട്ടിട്ടുണ്ടോ; കാലതാമസം വരുവാനുള്ള കാരണം വ്യക്തമാക്കാമോ;

പ്രസ്തുത തസ്തികയില്‍ നിലവില്‍ എത്ര ഒഴിവുകള്‍ പി.എസ്.സി. ക്ക് റിപ്പോര്‍ട്ട് ചെയ്തിട്ടുണ്ട്; വിശദാംശം ലഭ്യമാക്കാമോ?

മുഖ്യമന്ത്രിയുടെ ഗ്രാമീണ റോഡ് പുന:രുദ്ധാരണ പദ്ധതി പ്രകാരം നിലമ്പൂര്‍ മണ്ഡലത്തില്‍ നിര്‍മ്മാണം പൂര്‍ത്തീകരിച്ച റോഡുകളുടെ പേര്, പ‍ഞ്ചായത്ത്, എത്ര തുക ചെലവഴിച്ചു എന്നിവ വിശദമാക്കാമോ;

പ്രസ്തുത പദ്ധതി പ്രകാരം നിര്‍മ്മാണം പൂര്‍ത്തീകരിക്കാത്ത റോഡുകളുടെ പേര്, പഞ്ചായത്ത്, ശേഷിക്കുന്ന പ്രവൃത്തികൾ, ആയതിനുള്ള കാരണം, ഇതുവരെ എത്ര തുക ചെലവായി എന്നിവ വ്യക്തമാക്കാമോ;

പ്രസ്തുത പദ്ധതി പ്രകാരം നിലമ്പൂര്‍ മണ്ഡലത്തിലെ മൂത്തേടം ഗ്രാമ പഞ്ചായത്തിലെ മരത്തിന്‍ കടവ് - കോട്ടക്കുന്ന് റിംഗ് റോഡ് നിർമ്മാണം പൂര്‍ത്തിയായിട്ടുണ്ടോ; ആയതിനുള്ള ഫണ്ട് കൈമാറിയിട്ടുണ്ടോ; വിശദാംശങ്ങൾ ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം ആലപ്പുഴ മണ്ഡലത്തില്‍ റീ ബില്‍ഡ് കേരള ഇനിഷ്യേറ്റീവുമായി ബന്ധപ്പെട്ട് അംഗീകാരം ലഭിച്ച പദ്ധതികളുടെ വിശദാംശങ്ങള്‍ നല്‍കാമോ;

ഓരോ പ്രവൃത്തിയുടെയും നിലവിലെ സ്ഥിതി, ചെലവഴിക്കുന്ന തുക, നിര്‍വ്വഹണ ഏജന്‍സി എന്നീ വിവരങ്ങള്‍ ലഭ്യമാക്കാമോ ?

തവനൂര്‍ മണ്ഡലത്തില്‍ റീബില്‍ഡ് കേരള പദ്ധതിയില്‍ ഉള്‍പ്പെടുത്തി നടപ്പിലാക്കുന്ന പ്രവൃത്തികള്‍ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികള്‍ നിലവില്‍ ഏത് ഘട്ടത്തിലാണെന്ന് അറിയിക്കാമോ ?

കുന്നത്തുനാട് മണ്ഡലത്തിലെ റീ-ബില്‍ഡ് കേരള പദ്ധതി പ്രകാരം നടന്നുവരുന്ന റോഡ് നിര്‍മ്മാണ പ്രവൃത്തികളുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദാംശങ്ങൾ നൽകാമോ;

പ്രസ്തുത പ്രവൃത്തികള്‍ പൂര്‍ത്തീകരിക്കാന്‍ കഴിയാത്തതിന്റെ കാരണം വ്യക്തമാക്കാമോ;

റോഡ് നിര്‍മ്മാണ പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാന്‍ സാധിക്കുമെന്ന് അറിയിക്കാമോ;

റീബില്‍ഡ് കേരള പദ്ധതിയുടെ രണ്ടാം ഘട്ടത്തില്‍ മണ്ഡലത്തില്‍ നിന്ന് കൂടുതല്‍ പദ്ധതികള്‍ ഉള്‍പ്പെടുത്തുന്നതിന് വേണ്ട നടപടികള്‍ സ്വീകരിക്കുമോയെന്ന് വ്യക്തമാക്കാമോ?

ഉടുമ്പന്‍ചോല മണ്ഡലത്തില്‍ റീബില്‍ഡ് കേരള പദ്ധതിയില്‍ ഉള്‍പ്പെട്ടിട്ടുള്ള പ്രവര്‍ത്തികൾ , എസ്റ്റിമേറ്റ് തുക ഇവ സംബന്ധിച്ച വിശദാംശം നല്‍കാമോ;

ഈ പദ്ധതിയില്‍ ഉള്‍പ്പെട്ടിട്ടുള്ള പ്രവര്‍ത്തനങ്ങളില്‍ എത്രയെണ്ണം പൂര്‍ത്തിയായി; നിലവില്‍ നിര്‍മ്മാണം ആരംഭിച്ചവ, അനുവദിച്ച തുക ഇവ സംബന്ധിച്ച വിശദാംശം നല്‍കാമോ;

റീബില്‍ഡ് കേരള പദ്ധതിയില്‍ ഉള്‍പ്പെട്ടിരുന്നതും നാളിതുവരെ നിര്‍മ്മാണം ആരംഭിക്കാത്തതുമായ പ്രവൃത്തികള്‍ സംബന്ധിച്ച വിശദാംശം നല്‍കാമോ; ഈ പ്രവര്‍ത്തികള്‍ക്കായുള്ള നടപടി ക്രമങ്ങള്‍ നിലവില്‍ എത് ഘട്ടത്തിലാണ്; വിശദാംശം നല്‍കാമോ?

സംസ്ഥാനത്തെ പരമ്പരാഗത വ്യവസായങ്ങളുടെയും കാര്‍ഷിക - മൂല്യ വര്‍ദ്ധിത വ്യവസായങ്ങളുടെയും വൈവിദ്ധ്യവത്ക്കരണത്തിന് ബയോടെക‍്നോളജി ഉപയോഗപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ ;

തോന്നയ്ക്കലിലെ ലൈഫ് സയന്‍സ് പാർക്കിന്റെ നിര്‍മ്മാണ പുരോഗതി വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

കെ. എസ്. സി. എസ്. റ്റി. ഇ. (കേരള സ്റ്റേറ്റ് കൗൺസിൽ ഫോർ സയൻസ്, ടെക്നോളജി & എൻവിറോൺമെൻറ്) യുടെ വൈറോളജി പ്രോജക്റ്റിന്റെ അടുത്ത ഘട്ട പ്രവര്‍ത്തനങ്ങളില്‍ എന്തെല്ലാം സൗകര്യങ്ങളാണ് സജ്ജീകരിക്കാന്‍ ഉദ്ദേശിക്കുന്നത്; വിശദമാക്കാമോ;

പ്രസ്തുത പ്രോജക്റ്റിനോടനുബന്ധിച്ച് വ്യവസായ യൂണിറ്റുകള്‍ക്ക് സ്ഥല സൗകര്യങ്ങള്‍ നല്‍കുന്നതിനോടൊപ്പം ഗവേഷണത്തിനും ആവശ്യമായ സൗകര്യങ്ങള്‍ ഒരുക്കിയിട്ടുണ്ടോ?

എല്ലാ സര്‍ക്കാര്‍ വകുപ്പുകളിലും സ്പാർക്ക് നിർബന്ധമാക്കിയതോടെ വിവിധ തസ്തികകളിലുണ്ടാകുന്ന സൂപ്പര്‍ അനുവേഷന്‍ ഒഴിവുകള്‍ നികത്തുന്നതിനും ആയത് വിവിധ പി.എസ്.സി. റാങ്ക് ലിസ്റ്റിലുള്ള ഉദ്യോഗാര്‍ത്ഥികള്‍ക്ക് ലഭ്യമാക്കുന്നതിനും ഒരു സംവിധാനം പി.എസ്.സി.-യില്‍ ഏര്‍പ്പെടുത്തുന്നത് സംബന്ധിച്ച സബ്മിഷന് നല്‍കിയ മറുപടിയില്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ?

എൽ.എസ്.ജി.ഡി. അസിസ്റ്റന്റ് എഞ്ചിനീയർ ( സിവിൽ ) (കാറ്റഗറി നമ്പർ 125/2020) തസ്തികയ്ക്കായി റാങ്ക് ലിസ്റ്റ് നിലവിലുണ്ടോ; എങ്കിൽ നാളിതുവരെ എൽ.എസ്.ജി.ഡി. അസിസ്റ്റന്റ് എഞ്ചിനീയർ ( സിവിൽ ) എത്ര റാങ്ക് വരെയുള്ളവർക്കാണ് നിയമന ശിപാർശ നൽകിയിട്ടുള്ളതെന്ന് അറിയിക്കുമോ;

പ്രസ്തുത തസ്തികയിൽ എത്ര ഒഴിവുകളാണ് നിലവിൽ റിപ്പോർട്ട്‌ ചെയ്തിട്ടുള്ളത്; ഈ ഒഴിവുകളിൽ നിയമന ശിപാർശ അയച്ചിട്ടുണ്ടോ; ഇല്ലെങ്കിൽ ഇതിനുള്ള അടിയന്തിര നടപടി സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം എത്ര ഉദ്യോഗാര്‍ത്ഥികള്‍ക്കാണ് പി.എസ്.സി. മുഖേന ജോലി നല്‍കിയിട്ടുള്ളതെന്ന് വിശദമാക്കുമോ; ആയതിന്റെ വകുപ്പ് തിരിച്ചുളള കണക്ക് ലഭ്യമാക്കുമോ?

സംസ്ഥാനത്ത് 2016 ജൂണ്‍ മുതല്‍ 2023 ജൂലൈ 31 വരെയുള്ള കാലയളവില്‍ പി.എസ്.സി. വഴി നിയമനം കിട്ടിയ പട്ടികവര്‍ഗ്ഗ വിഭാഗത്തില്‍പ്പെട്ട ആളുകളുടെ എണ്ണം വകുപ്പ്, ജില്ല എന്നിവ തിരിച്ച് ലഭ്യമാക്കാമോ;

പട്ടികവര്‍ഗ്ഗക്കാര്‍ക്ക് വേണ്ടി 2016 ജൂണിന് ശേഷം പി.എസ്.സി. ഏതൊക്കെ തസ്തികകളില്‍ സ്പെഷ്യല്‍ റിക്രൂട്ട്മെന്റ് നടത്തിയിട്ടുണ്ട് എന്നും ഓരോ റിക്രൂട്ട്മെന്റിലും എത്ര പേര്‍ക്ക് നിയമനം നല്‍കി എന്നുമുള്ള കണക്ക് പുരുഷ/വനിത എന്നിങ്ങനെ തിരിച്ച് ലഭ്യമാക്കാമോ?

ഈ സർക്കാർ അധികാരത്തിൽ വന്നതിനുശേഷം നാളിതുവരെ എത്രപേർക്ക് പി.എസ്‌.സി. മുഖേന നിയമനം നൽകിയിട്ടുണ്ടെന്ന് അറിയിക്കുമോ;

ഒഴിവുകൾ കൃത്യമായി പി.എസ്.സി. ക്ക് റിപ്പോർട്ട് ചെയ്യാൻ സ്വീകരിച്ച നടപടികൾ വിശദമാക്കുമോ;

പി.എസ്.സി. മുഖേനയുള്ള നിയമനങ്ങൾ വേഗതയിൽ ആക്കുന്നതിനും കാര്യക്ഷമമാക്കുന്നതിനും സ്വീകരിച്ച നടപടികൾ വിശദമാക്കുമോ?

2016 ലെ സര്‍ക്കാര്‍ അധികാരത്തില്‍ വന്നതിനുശേഷം 2023 ജൂണ്‍ മാസം വരെ എത്ര ഉദ്യോഗാര്‍ത്ഥികള്‍ക്ക് പി.എസ്.സി. വഴി നിയമനം നല്‍കാന്‍ കഴിഞ്ഞിട്ടുണ്ട്; വിശദമാക്കാമോ;

പി.എസ്.സി. വഴിയുള്ള നിയമനം ത്വരിതപ്പെടുത്തുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

തിരുവനന്തപുരം ജില്ലയിലെ വിവിധ വകുപ്പുകളിലേക്കുള്ള എൽ.ഡി. ടൈപ്പിസ്റ്റ് റാങ്ക് ലിസ്റ്റ് എന്നാണ് നിലവിൽ വന്നതെന്നും എത്രപേരുടെ റാങ്ക് ലിസ്റ്റാണ് നിലവിലുള്ളതെന്നും ഇതിൽ നിന്നും എത്രപേർക്ക് നിയമനം നൽകിയെന്നും വിശദമാക്കാമോ;

കഴിഞ്ഞ പ്രാവശ്യം ഇതേ തസ്തികയിൽ എത്രപേരുടെ റാങ്ക് ലിസ്റ്റാണ് ഉണ്ടായിരുന്നതെന്നും അതിൽ നിന്നും എത്രപേർക്ക് നിയമന ശിപാർശ നൽകിയിട്ടുണ്ടെന്നുമുള്ള വിശദാംശം നൽകാമോ;

പി.എസ്‌.സി.യിലേക്ക് ഇതേ തസ്തികയിൽ നിയമന ശിപാർശയ്ക്കായി എത്ര ഒഴിവുകളാണ് നിലവിൽ റിപ്പോർട്ട് ചെയ്തിട്ടുള്ളതെന്ന് വ്യക്തമാക്കാമോ;

എൽ.ഡി. ടൈപ്പിസ്റ്റ് തസ്തികയിൽ അടുത്ത രണ്ട് വർഷങ്ങളിലായി തിരുവനന്തപുരം ജില്ലയിൽ എത്രപേർ സർവീസിൽ നിന്നും വിരമിക്കുമെന്നും ഇതിന് ആനുപാതികമായി എത്ര ഒഴിവുകൾ റിപ്പോർട്ട് ചെയ്യുമെന്നും വിശദമാക്കാമോ;

സംസ്ഥാനത്തെ വിവിധ വകുപ്പുകളിൽ എൽ.ഡി. ടൈപ്പിസ്റ്റ് തസ്തികയിൽ എംപ്ലോയ്മെന്റ് വഴിയോ താൽക്കാലികമായോ ജോലി ചെയ്യുന്നവരുണ്ടോ; എങ്കിൽ അവരെ അടിയന്തരമായി മാറ്റി ആ ഒഴിവുകളിലേക്ക് പി.എസ്‌.സി. റാങ്ക് ലിസ്റ്റിൽ നിന്നും നിയമന ശിപാർശ നൽകുമോ; വ്യക്തമാക്കാമോ;

കോവിഡ് രോഗബാധ രൂക്ഷമായിരുന്ന കാലയളവിൽ പ്രസിദ്ധീകരിക്കപ്പെട്ട റാങ്ക് ലിസ്റ്റുകളിൽ നിന്നും മതിയായ രീതിയിൽ നിയമനം നടക്കാത്ത സാഹചര്യത്തിൽ ആ കാലയളവിൽ പ്രസിദ്ധീകരിക്കപ്പെട്ട റാങ്ക് ലിസ്റ്റുകൾ ഒരു വർഷത്തേക്ക് നീട്ടുന്ന കാര്യം ഗൗരവമായി പരിഗണിക്കുമോയെന്ന് വ്യക്തമാക്കുമോ?

കെ.എസ്.&എസ്.എസ്.ആര്‍. റൂൾ 97-ലും 98-ലും പ്രതിപാദിക്കുന്ന ജോലിയിലിരിക്കെ സംഭവിക്കുന്ന അപകടങ്ങൾക്ക് നൽകുന്ന ഡിസെബിലിറ്റി ലീവിന്റെ നിർവചനം ജോലിക്ക് പോകുമ്പോഴും വരുമ്പോഴുമുള്ള യാത്രാമധ്യേ സംഭവിക്കുന്ന അപകടങ്ങൾക്കും ബാധകമാണെന്ന് ഹൈക്കോടതി ഡിവിഷൻ ബെഞ്ച് പ്രസ്താവിച്ചത് ശ്രദ്ധയിൽപ്പെട്ടിട്ടുണ്ടോ;

ആയതിന്റെ അടിസ്ഥാനത്തിൽ സമാന സാഹചര്യങ്ങളിൽ ചില പ്രത്യേക വിഭാഗം ജീവനക്കാർക്ക് ബാധകമായ റൂൾ 103 അനുസരിച്ചുള്ള ഹോസ്പിറ്റല്‍ ലീവിനും ഹൈക്കോടതി റൂള്‍ ബാധകമാകുമോ; ഇല്ലെങ്കിൽ ആയത് വിശദീകരിക്കാമോ;

കേരള ഹൈക്കോടതി ഉത്തരവിന്റെ അന്ത:സത്ത ഉൾക്കൊള്ളാതെ ആഭ്യന്തര വകുപ്പ് അഡീഷണല്‍ ചീഫ് സെക്രട്ടറി സംസ്ഥാന പോലീസ് മേധാവിക്ക് നൽകിയ എ-4/154/2021 തീയതി 04.02.2022 നമ്പർ കത്ത് ശ്രദ്ധയില്‍പ്പെട്ടിട്ടുണ്ടോ; ആയത് പിൻവലിക്കുവാൻ നിർദ്ദേശം നൽകാമോ;

കേരള ഹൈക്കോടതി ഉത്തരവിന് ആനുപാതികമായി റൂൾ 103 പ്രകാരം ജോലിക്ക് പോകുന്ന വഴി സംഭവിച്ച അപകടത്തെ തുടർന്ന് എടുത്തിട്ടുള്ള ലീവ് ഹോസ്പിറ്റല്‍ ലീവിന്റെ പരിധിയിൽ വരില്ല എന്ന കാരണത്താൽ പോലീസ് വകുപ്പിൽ ആയത് നിരസിക്കുന്നത് ശ്രദ്ധയിൽപ്പെട്ടിട്ടുണ്ടോ;

ഇത്തരത്തിൽ ലീവ് നിരസിച്ചതിനെതിരെ ഏതെങ്കിലും ജീവനക്കാർ കേരള അഡ്മിനിസ്ട്രേറ്റീവ് ട്രിബ്യൂണലിനെ സമീപിച്ചതായി ശ്രദ്ധയിൽപ്പെട്ടിട്ടുണ്ടോ; അത്തരത്തിലുള്ള എത്ര കേസുകൾ നിലവിലുണ്ട്; പ്രസ്തുത കേസുകളിൽ സർക്കാർ സമയബന്ധിതമായി സത്യവാങ്ങ്മൂലം നൽകിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

കെ.എസ്.&എസ്.എസ്.ആര്‍. റുൾ 97, 98 എന്നിവയ്ക്ക് സമാനമായ സാഹചര്യങ്ങൾ റൂൾ 103-ലും പ്രതിപാധിക്കുന്നതിനാൽ കേരള ഹൈക്കോടതിയുടെ വിധിന്യായത്തിന്റെ അടിസ്ഥാനത്തിൽ റൂൾ 103 ബാധകമായ ജീവനക്കാർക്കും ഡിസെബിലിറ്റി ലീവ് അനുവദിക്കുവാൻ നടപടി സ്വീകരിക്കുമോ?

മാതൃവകുപ്പില്‍ നിന്ന് പി.എസ്.സി. യുടെ പുതിയ അഡ്വൈസില്‍ മറ്റൊരു ജോലിയില്‍ പ്രവേശിക്കുന്ന ഒരു വ്യക്തിക്ക് കെ .എസ്. ആന്റ്. എസ്. എസ്. ആർ. ചട്ടം 8 പ്രകാരം തിരികെ മാതൃ വകുപ്പില്‍ എത്തുമ്പോള്‍ സീനിയോറിറ്റി യഥാസമയം പുന:സ്ഥാപിച്ചു നല്‍കാതെ ബുദ്ധിമുട്ടിക്കുന്നത് ശ്രദ്ധയില്‍പെട്ടിട്ടുണ്ടോ; എങ്കില്‍ ആയതു പരിഹരിക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

കെ.എസ്. ആന്റ്. എസ്. എസ്.ആര്‍ ചട്ടം 8 പ്രകാരം മാതൃവകുപ്പില്‍ തിരിച്ചു എത്തുന്ന ഒരു ജീവനക്കാരന് സീനിയോരിറ്റി നല്‍കുന്നത് സംബന്ധിച്ച നടപടിക്രമങ്ങള്‍ എന്തെന്ന് വ്യക്തമാക്കുമോ; ഇത് സംബന്ധിച്ച് സര്‍ക്കാര്‍ ഇറക്കിയിട്ടുള്ള വിവിധ ഉത്തരവുകളുടെ കോപ്പികളും കോടതി ഉത്തരവുകളും ലഭ്യമാക്കുമോ;

ഇത് സംബന്ധിച്ച് നിരവധി വ്യവഹാരങ്ങള്‍ നടക്കുന്ന സാഹചര്യത്തില്‍ ഈ ചട്ടത്തിന്റെ പ്രയോഗം സംബന്ധിച്ച് വിശദമായ ഒരു സ്പഷ്ടീകരണ ഉത്തരവ് ഇറക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

വിവിധ സര്‍ക്കാര്‍ വകുപ്പുകളിലായി എസ്.എല്‍.ആര്‍. തസ്തികയില്‍ ജോലി ചെയ്യുന്ന ജീവനക്കാരുടെ എണ്ണം എത്രയാണെന്ന് അറിയിക്കാമോ;

58 വയസ്സുവരെ സര്‍ക്കാര്‍ സേവനം അനുഷ്ഠിച്ച എസ്.എല്‍.ആര്‍. വിഭാഗം ജീവനക്കാര്‍ക്ക് പെന്‍ഷന്‍ ലഭിയ്ക്കാതെ ബുദ്ധിമുട്ടുന്നു എന്നത് ശ്രദ്ധയില്‍പെട്ടിട്ടുണ്ടോ;

എസ്.എല്‍.ആര്‍. വിഭാഗം ജീവനക്കാര്‍ക്ക് പെന്‍ഷന്‍ പദ്ധതി നടപ്പിലാക്കുന്നത് പരിഗണിയ്ക്കുമോ?

കണ്ണൂര്‍ റീ-സർവ്വേ അസിസ്റ്റന്റ് ഡയറക്ടറുടെ കാര്യാലയത്തിലെ ഓഫീസ് അറ്റന്‍ഡര്‍ ആയ മുഹമ്മദ് കുഞ്ഞി അപകടത്തില്‍പ്പെട്ട് ശരീരം തളര്‍ന്ന് കിടപ്പിലായതിനാല്‍ ആര്‍.പി.ഡബ്ല്യു.ഡി. ആക്ട് 2016 സെക്ഷന്‍ 20/4 അനുസരിച്ച് അനുയോജ്യമായ നിയമനം ലഭിക്കുന്നതിന് വേണ്ടി സമര്‍പ്പിച്ച അപേക്ഷയിന്മേല്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

അംഗപരിമിതരായ സഹോദരിമാര്‍ ഉള്‍പ്പെടുന്ന കുടുംബത്തിലുള്ള ബധിരനും മൂകനും ആയ പ്രസ്തുത വ്യക്തിയുടെ അപേക്ഷ പരിഗണിക്കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കുമോ?

കോഴിക്കോട് സര്‍ക്കാര്‍ സെെബര്‍ പാര്‍ക്ക് വികസനത്തിനായി നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ; പാര്‍ക്ക് വികസനത്തിനായി ഭൂമി ഏറ്റെടുത്തിട്ടുണ്ടോ; എങ്കിൽ വിശദാംശം അറിയിക്കാമോ;

കോഴിക്കോട് സെെബര്‍ പാര്‍ക്ക് വികസനത്തോടൊപ്പം ഗ്രാമീണ മേഖലയില്‍ ഐ.റ്റി. വികസനത്തിനായി ഫോസ്റ്റേറ (ഫോസ്റ്ററിംഗ്‌ ടെക്നോളജീസ് ഇൻ റൂറൽ ഏരിയ) എന്ന പദ്ധതി ആരംഭിക്കാന്‍ ഉദ്ദേശിക്കുന്നുണ്ടോ; എങ്കില്‍ പ്രസ്തുത പദ്ധതിയുടെ വിശദാംശം ലഭ്യമാക്കാമോ?

ഇടുക്കി ജില്ലയിലെ ഏതെല്ലാം സര്‍ക്കാര്‍ ഓഫീസുകളിലാണ് കെ-ഫോണ്‍ പദ്ധതി പ്രകാരം കണക്ഷന്‍ ലഭിച്ചിട്ടുള്ളത്; വകുപ്പ്, ഓഫീസ് എന്നിവ തിരിച്ച് വിശദാംശം നല്‍കാമോ;

കെ-ഫോണ്‍ പദ്ധതി കൂടുതല്‍ സര്‍ക്കാര്‍ ഓഫീസുകളില്‍ വ്യാപിപ്പിക്കുന്നതിന് സ്വീകരിച്ച നടപടികള്‍ വിശദമാക്കാമോ;

പൊതുജനങ്ങള്‍ക്ക് കെ-ഫോണ്‍ കണക്ഷൻ ലഭിക്കുന്നതിന് എന്തൊക്കെ സംവിധാനങ്ങളാണ് ഏര്‍പ്പെടുത്തിയിട്ടുള്ളത്; ആയതിനായി നിശ്ചയിച്ചിട്ടുള്ള മാനദണ്ഡങ്ങളും മറ്റ് വിശദാംശവും ലഭ്യമാക്കാമോ?

കെ-ഫോൺ പദ്ധതിയിലെ ഡാർക്ക് ഫൈബർ ലീസ് ചെയ്യുന്നതുമായി ബന്ധപ്പെട്ട വ്യവസ്ഥകൾ എം.എസ്.പി. കരാറിൽ പ്രതിപാദിക്കുന്നുണ്ടോ;

പ്രസ്തുത ഡാർക്ക് ഫൈബർ ലീസ് ചെയ്യുന്നതുമായി ബന്ധപ്പെട്ട് ഏതെങ്കിലും സ്ഥാപനങ്ങൾ മുന്നോട്ടു വന്നിട്ടുണ്ടോ; എങ്കിൽ വിശദാംശം നൽകാമോ;

പ്രസ്തുത ലീസ് പ്രവൃത്തിയുമായി ബന്ധപ്പെട്ട് എസ്.ആർ.ഐ.ടി. എന്ന സ്ഥാപനവുമായി എന്തെങ്കിലും കരാറിലോ ധാരണയിലോ ഏർപ്പെട്ടിട്ടുണ്ടോ; എങ്കിൽ ഇതുസംബന്ധിച്ച രേഖകളുടെ പകർപ്പ് ലഭ്യമാക്കാമോ?

സര്‍ക്കാര്‍ സേവനങ്ങള്‍ സുതാര്യമായും വേഗത്തിലും ജനങ്ങളുടെ വിരല്‍ത്തുമ്പില്‍ എത്തിക്കുന്ന പദ്ധതികളില്‍ പ്രധാനപ്പെട്ട ഇ-ഗവേണന്‍സ് ശൃംഖല ശക്തിപ്പെടുത്തുന്നതിനും നവീകരിക്കുന്നതിനും സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കാമോ;

ഇ-ഗവേണന്‍സ് പദ്ധതിയില്‍ സ്വതന്ത്ര സോഫ്റ്റ്‍വെയറുകള്‍ കൂടുതല്‍ ഉപയോഗിക്കുന്നതിന് തീരുമാനിച്ചിട്ടുണ്ടോ; നിലവില്‍ ഏതെല്ലാം മേഖലകളാണ് സ്വതന്ത്ര സോഫ്റ്റ്‍വെയറിന്റെ അടിസ്ഥാനത്തില്‍ പ്രവര്‍ത്തിക്കുന്നതെന്ന് അറിയിക്കാമോ;

ഓപ്പണ്‍ സോഴ്സ് ആപ്ലിക്കേഷനുകളുടെ വികസനം, പരിശീലനം എന്നിവയ്ക്കായി ഇന്റര്‍നാഷണല്‍ സെന്റര്‍ ഫോര്‍ ഫ്രീ ആന്റ് ഓപ്പണ്‍ സോഴ്സ് സോഫ്റ്റ് വെയര്‍ (ഐ.സി.ഫോസ്)-നെ ചുമതലപ്പെടുത്തിയിട്ടുണ്ടോ;

സംസ്ഥാനത്തെ ചെറുകിട-ഇടത്തരം വ്യവസായ മേഖലയില്‍ ഐ.ടി. ഉപയോഗം വ്യാപിപ്പിക്കാന്‍ ഓപ്പണ്‍ സോഴ്സ് അധിഷ്ഠിതമായ ആപ്ലിക്കേഷനുകള്‍ പ്രോത്സാഹിപ്പിക്കുവാന്‍ നടപടി സ്വീകരിച്ചിട്ടുണ്ടോ; വിശദമാക്കുമോ?

എസ്.ആർ.ഐ.ടി. എന്ന സ്ഥാപനത്തിന് 2016 മുതൽ ഐ. ടി. വകുപ്പിന്റെ ഭാഗമായുള്ള എത്ര പദ്ധതികൾ നൽകിയിട്ടുണ്ട് എന്ന് ഓരോ പദ്ധതിയുടെ വിശദാംശം ഉൾപ്പെടെ നൽകാമോ;

പ്രസ്തുത പദ്ധതികളുടെ ആകെ തുക എത്രയെന്നും ടെൻഡർ നടപടികളിലൂ ടെയാണോ ഈ സ്ഥാപനത്തെ തെരെഞ്ഞെടുത്തത് എന്നുമുള്ള വിവരങ്ങൾ നൽകാമോ;

2016 മുതൽ നാളിതുവരെ പ്രസ്തുത സ്ഥാപനത്തിന് ഐ. ടി. വകുപ്പിന്റെ ഭാഗമായുള്ള പദ്ധതികളുടെ നടത്തിപ്പിനായി എത്ര രൂപ നൽകിയെന്ന് പദ്ധതി അടിസ്ഥാനത്തിൽ വിശദാംശങ്ങൾ നൽകാമോ?

കെ-ഫോൺ പദ്ധതിയുടെ ഭാഗമായുള്ള ടെൻഡറിൽ ബെൽ കൺസോർഷ്യം സമർപ്പിച്ച ടെക്നിക്കൽ ഡോക്യുമെന്റിന്റെ പകർപ്പ് ലഭ്യമാക്കാമോ?

                                                                                                              അനുബന്ധം

കെ-ഫോൺ പദ്ധതിയുടെ സുപ്രധാന ഘടകമായ ഒപ്റ്റിക്കൽ ഗ്രൗണ്ട് വയറുകൾ അഥവാ ഒ.പി.ജി.ഡബ്ല്യു. കേബിളുകൾ സംബന്ധിച്ച് സി.എ.ജി. ഒബ്സർവേഷൻ സമർപ്പിച്ചിട്ടുണ്ടോ; എങ്കിൽ രേഖകളുടെ പകർപ്പ് ലഭ്യമാക്കാമോ;

പ്രസ്തുത കേബിളുകൾ സംബന്ധിച്ച് കെ.എസ്.ഇ.ബി. നടത്തിയ പരിശോധനയുടെ വിവരങ്ങൾ കെ.എസ്.ഐ.ടി. ഐ.എൽ. ന്‌ സമർപ്പിച്ചിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ?

സംസ്ഥാനത്ത് സ്‌മാര്‍ട്ട് സിറ്റി മിഷന്‍ പദ്ധതിയുടെ കീഴില്‍ നടപ്പിലാക്കിവരുന്ന പ്രധാനപ്പെട്ട പദ്ധതികള്‍ ഏതെല്ലാമാണ്; വിശദവിവരം ലഭ്യമാക്കുമോ ;

ഈ സര്‍ക്കാര്‍ അധികാരത്തില്‍ വന്നതിന് ശേഷം സ്‌മാര്‍ട്ട് സിറ്റി മിഷന്‍ പദ്ധതിയിൽ അംഗീകാരത്തിനായി സമര്‍പ്പിക്കപ്പെട്ട പദ്ധതികള്‍ ഏതെല്ലാമാണ് ; വിശദാംശം ലഭ്യമാക്കുമോ ;

കൊല്ലം നഗരത്തെ സ്‌മാര്‍ട്ട് സിറ്റി മിഷന്‍ പദ്ധതിയില്‍ ഉള്‍പ്പെടുത്തുന്നതിനുള്ള നിര്‍ദ്ദേശം പരിഗണനയിലുണ്ടോ ; വിശദാംശം ലഭ്യമാക്കുമോ ?

കെ-ഫോണ്‍ പദ്ധതിയെ അട്ടിമറിക്കാന്‍ ചില കേന്ദ്രങ്ങളില്‍ നിന്നുണ്ടാകുന്ന ശ്രമങ്ങള്‍ ശ്രദ്ധയില്‍പ്പെട്ടിട്ടുണ്ടോ;

കെ-ഫോണ്‍ പദ്ധതിയുടെ നടത്തിപ്പിലെ സുതാര്യതയും കാര്യക്ഷമതയും ഉറപ്പാക്കുന്നതിനും സമയബന്ധിതമായി പദ്ധതി നടപ്പാക്കുന്നതിനുമായി എന്തെല്ലാം മുന്‍കരുതലും നടപടികളുമാണ് സ്വീകരിച്ചതെന്ന് അറിയിക്കുമോ;

സംസ്ഥാനത്തെ ഗ്ലോബല്‍ ഇന്‍ഫര്‍മേഷന്‍ ഹൈവേയുമായി ബന്ധപ്പെടുത്തുക വഴി ആഗോളമാനങ്ങളുള്ള നവ കേരള നിര്‍മ്മിതിക്ക് പശ്ചാത്തലമൊരുക്കുമെന്നതിനാല്‍ കെ-ഫോണ്‍ പദ്ധതി നടത്തിപ്പ് ത്വരിതപ്പെടുത്തുന്നതിനും വ്യാപിപ്പിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

നൂതനവിദ്യാ പ്രോത്സാഹനത്തിന്റെ ഭാഗമായി രൂപീകരിച്ച യംഗ് ഇന്നവേറ്റേഴ്സ് പ്രോഗ്രാമിൽ നാളിതുവരെ എത്ര ടീമുകള്‍ ഭാഗമായി എന്ന് വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്ന ശേഷം പ്രസ്തുത പ്രോഗ്രാമിലേക്ക് ടീമുകളെ തിരഞ്ഞെടുക്കുന്നതിന് ഇന്നവേഷന്‍ ചലഞ്ച് മത്സരങ്ങള്‍ സംഘടിപ്പിച്ചിട്ടുണ്ടോ, എങ്കിൽ ആയതിന്റെ വിശദാംശം ജില്ല തിരിച്ച് ലഭ്യമാക്കുമോ;

പ്രസ്തുത പ്രോഗ്രാമില്‍ അവതരിപ്പിക്കുന്ന നൂതനവിദ്യകള്‍ വാണിജ്യാടിസ്ഥാനത്തില്‍ വികസിപ്പിക്കുന്നതിനും നടപ്പിലാക്കുന്നതിനും എന്തെല്ലാം തുടര്‍ നടപടികളാണ് സ്വീകരിക്കുന്നതെന്ന് വ്യക്തമാക്കുമോ, വിശദവിവരം നല്‍കുമോ?

കെ-ഫോൺ പദ്ധതിയുടെ സുപ്രധാന ഘടകമായ ഒപ്റ്റിക്കൽ ഗ്രൗണ്ട് വയര്‍ ( ഒ.പി.ജി.ഡബ്ല്യു. ) കേബിളുകൾ ഇന്ത്യൻ നിർമ്മിതമാണോയെന്ന് പരിശോധിച്ചിട്ടുണ്ടോ;

പ്രസ്തുത കേബിളുകൾ കെ-ഫോണിനായി നൽകിയത് ബെൽ കൺസോർഷ്യം പാർട്ട്ണറായ എൽ.എസ്. കേബിൾ എന്ന സ്ഥാപനമാണോയെന്ന് വ്യക്തമാക്കാമോ;

എൽ.എസ്. കേബിൾ എന്ന സ്ഥാപനത്തിന് ഇത്തരം ഒ.പി.ജി.ഡബ്ല്യു. കേബിളുകൾ നിർമ്മിക്കുവാനുള്ള സൗകര്യമില്ല എന്നും കേബിളുകൾ ചൈനയിൽ നിന്നുമാണ് ഇറക്കുമതി ചെയ്യുന്നതെന്നും കെ-ഫോൺ പദ്ധതിയിലെ പാർട്ട്ണറായ കെ.എസ്.ഇ.ബി. കണ്ടെത്തി കെ.എസ്.ഐ.ടി.ഐ.എല്‍.നെ അറിയിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

ഒ.പി.ജി.ഡബ്ല്യു. കേബിളുകളുടെ നിർമ്മാതാക്കളിൽ നിന്നും 25 വർഷത്തെ വാറന്റി ഉറപ്പാക്കണമെന്ന് ടെൻഡറിൽ വ്യവസ്ഥ ചെയ്യുന്നുണ്ടോയെന്നും പ്രസ്തുത വ്യവസ്ഥ കെ.എസ്.ഐ.ടി.ഐ.എല്‍. ഉറപ്പ് വരുത്തിയിട്ടുണ്ടോയെന്നും വിശദമാക്കാമോ?

സംസ്ഥാന സര്‍ക്കാരിന്റെ കീഴിലുള്ള ഐ.ടി. പാര്‍ക്കുകളില്‍ 2011 മേയ് മുതല്‍ 2016 മേയ് വരെയുള്ള കാലയളവില്‍ പുതുതായി രജിസ്റ്റര്‍ ചെയ്ത കമ്പനികള്‍, ഐ.ടി. മേഖലയിൽ ഉണ്ടായിട്ടുള്ള പുരോഗതി , തൊഴിലവസരങ്ങള്‍, ഐ.ടി. കയറ്റുമതി, ആകെ നിക്ഷേപം എന്നിവയുടെ വിശദാംശം ലഭ്യമാക്കുമോ;

2016 മേയ് മുതല്‍ നാളിതുവരെ സര്‍ക്കാരിന്റെ കീഴിലുള്ള ഐ.ടി. പാര്‍ക്കുകളില്‍ പുതുതായി രജിസ്റ്റര്‍ ചെയ്ത കമ്പനികള്‍, ഐ.ടി. സ്പേസില്‍ ഉണ്ടായ വര്‍ദ്ധനവ്, തൊഴിലവസരങ്ങള്‍, ഐ.ടി. കയറ്റുമതി, ആകെ നിക്ഷേപം എന്നിവയുടെ വിശദാംശം ലഭ്യമാക്കാമോ?

കെ-ഫോൺ പദ്ധതിയുടെ സുപ്രധാന ഘടകമായ ഒപ്റ്റിക്കൽ ഗ്രൗണ്ട് വയർ (ഒ. പി. ജി. ഡബ്ല്യു. ) കേബിളുകളുടെ ഗുണനിലവാരം പരിശോധിച്ചിട്ടുണ്ടോ;

ഇത് സംബന്ധിച്ച ടെൻഡർ വ്യവസ്ഥകൾ പ്രകാരം ഈ കേബിളുകൾ ഇന്ത്യയിൽ നിർമ്മിക്കുന്ന സ്ഥാപനത്തിൽ നിന്നും ആയിരിക്കണമെന്നുണ്ടോയെന്ന് വ്യക്തമാക്കുമോ;

പ്രസ്തുത വ്യവസ്ഥകൾക്ക് വിപരീതമായി ചൈനയിൽ നിന്നും ഇറക്കുമതി ചെയ്ത ഒ. പി. ജി. ഡബ്ല്യു. കേബിളുകൾ ആണ് കെ-ഫോൺ പദ്ധതിക്കായി ഉപയോഗിച്ചിരിക്കുന്നത് എന്നത് വസ്തുതയാണോ; വ്യക്തമാക്കുമോ;

ടെൻഡർ വ്യവസ്ഥകൾക്ക് വിപരീതമായി ഗുണനിലവാരം കുറഞ്ഞ കേബിളുകൾ ഉപയോഗിച്ച പ്രസ്തുത കമ്പനിക്കെതിരെ നടപടിയെടുക്കാൻ തയ്യാറാകുമോ; ഇല്ലെങ്കിൽ അതിനുള്ള കാരണം വിശദമാക്കാമോ?

കെ-ഫോൺ പദ്ധതിയുമായി ബന്ധപ്പെട്ട് ഐ.എസ്.പി. ഹാർഡ്‌വെയർ, സോഫ്റ്റ്‌വെയർ ടെൻഡറിൽ എൽ വൺ ആയി തെരഞ്ഞെടുത്ത തിരുവനന്തപുരത്തെ സ്റ്റാർട്ട്അപ്പ് കമ്പനിക്ക് കരാർ നൽകിയിട്ടുണ്ടോ; ഇല്ലെങ്കില്‍ കാരണം വിശദമാക്കാമോ;

പ്രസ്തുത ടെൻഡറിൽ പങ്കെടുത്ത റെയിൽ ടെല്‍, അക്ഷര എന്നീ കമ്പനികൾ നൽകിയ കത്തിന്റെ അടിസ്ഥാനത്തിലാണ് എൽ വൺ ആയ കമ്പനിക്ക് കരാർ നൽകാത്തത് എന്നത് വസ്തുതയാണോ; വ്യക്തമാക്കാമോ;

കെ-ഫോൺ പദ്ധതിയുമായി ബന്ധപ്പെട്ട് ഐ.എസ്.പി. ഹാർഡ്‌വെയർ, സോഫ്റ്റ്‌വെയർ ടെൻഡറിൽ എസ്.ആർ.ഐ.ടി. എന്ന സ്ഥാപനത്തിന്റെ സോഫ്റ്റ്‌വെയർ ഉപയോഗിക്കണമെന്ന് ടെൻഡർ കണ്ടീഷൻ വ്യവസ്ഥ ചെയ്യുന്നുണ്ടോ;

ഇത് നിയമാനുസൃതമാണോ എന്നത് പരിശോധിച്ചിട്ടുണ്ടോ; വ്യക്തമാക്കുമോ;

കെ-ഫോൺ പദ്ധതിയുടെ ഒരു കരാറും എസ്.ആർ.ഐ.റ്റി., റെയിൽടെൽ ഒഴികെയുള്ള മറ്റു സ്ഥാപനങ്ങൾക്ക് ലഭിക്കാൻ പാടില്ല എന്ന ലക്ഷ്യമാണ് ടെൻഡർ പൂർത്തിയായശേഷം ടെൻഡർ ക്യാൻസൽ ചെയ്തതിന് പിന്നിൽ എന്ന ആക്ഷേപം ഗൗരവത്തോടെ കാണുന്നുണ്ടോ; വിശദമാക്കാമോ?

കെ-ഫോൺ പദ്ധതി എന്നാണ് തുടക്കം കുറിച്ചതെന്നും എത്ര മാസം കൊണ്ടാണ് പൂർത്തിയാക്കാൻ ഉദ്ദേശിച്ചിരുന്നതെന്നും വിശദമാക്കാമോ;

എസ്.ആർ.ഐ.ടി. അടങ്ങുന്ന ബെൽ കൺസോർഷ്യത്തിനു നൽകിയ കരാറില്‍ രണ്ടു വർഷം കൊണ്ട് പ്രവൃത്തികൾ പൂർത്തിയാക്കണം എന്ന് നിഷ്കർഷിച്ചിട്ടുണ്ടോ;

മേല്പറഞ്ഞ കരാർ ഒപ്പിട്ടു നാല് വർഷത്തിലധികമായിട്ടും പ്രവൃത്തികൾ പൂർത്തിയാക്കാൻ സാധിക്കാത്തതിന്റെ കാരണം വിശദമാക്കാമോ;

പ്രസ്തുത കരാർ കാലാവധി നീട്ടി നൽകിയിട്ടുണ്ടോയെന്ന് അറിയിക്കാമോ;

ധനകാര്യ വകുപ്പിന്റെ 2017ലെ ഉത്തരവിലെ നിബന്ധനകൾക്കു വിരുദ്ധമായി കെ-ഫോൺ പദ്ധതിയിൽ എസ്റ്റിമേറ്റ് തുകയുടെ അൻപത് ശതമാനത്തിൽ കൂടുതൽ തുകയ്ക്ക് എസ്. ആർ. ഐ. ടി. അടങ്ങുന്ന ബെൽ കൺസോർഷ്യത്തിനു കരാർ നൽകാൻ ഉണ്ടായ സാഹചര്യം വിശദമാക്കാമോ?

കെ-ഫോൺ പദ്ധതിയിൽ എസ്റ്റിമേറ്റ് തുകയുടെ അമ്പത് ശതമാനത്തിൽ കൂടുതൽ തുകയ്ക്ക് എസ്.ആർ.ഐ.ടി. അടങ്ങുന്ന ബെൽ കൺസോർഷ്യത്തിനു കരാർ നൽകാൻ ഉണ്ടായ സാഹചര്യം വിശദമാക്കാമോ;

ടെൻഡർ വ്യവസ്ഥകൾ സംബന്ധിച്ച 2017-ലെ ധനകാര്യ വകുപ്പിന്റെ ഉത്തരവ് പ്രകാരം പത്ത് ശതമാനത്തിൽ കൂടുതൽ ടെൻഡർ എക്സസ് അനുവദനീയമല്ല എന്ന നിബന്ധന മറികടക്കാനുണ്ടായ സാഹചര്യം വ്യക്തമാക്കാമോ;

ധനകാര്യ വകുപ്പിന്റെ പ്രസ്തുത ഉത്തരവ് പ്രകാരം കെ-ഫോൺ പദ്ധതിയുടെ ടെൻഡർ റീടെൻഡർ ചെയ്യേണ്ടതായിരുന്നു എന്നത് വസ്തുതയല്ലേ; വ്യക്തമാക്കാമോ;

പ്രസ്തുത ഉത്തരവിലെ നിബന്ധനകള്‍ പാലിക്കാത്തതു മൂലം സംസ്ഥാന ഖജനാവിന് അഞ്ഞൂറ് കോടി രൂപയുടെ നഷ്ടം ഉണ്ടായത് ഗൗരവത്തോടെ കാണുന്നുണ്ടോ; വിശദമാക്കുമോ?

2016 മുതൽ ഊരാളുങ്കൽ സൊസൈറ്റിയ്ക്കും അതിന്റെ അനുബന്ധ സ്ഥാപനങ്ങൾക്കും ഐ. ടി. വകുപ്പിന്റെ ഭാഗമായുള്ള എത്ര പദ്ധതികൾ നിർവ്വഹണത്തിനായി നൽകിയിട്ടുണ്ട്; ഓരോ പദ്ധതിയുടെയും വിശദാംശങ്ങൾ നൽകാമോ;

പ്രസ്തുത പദ്ധതികളുടെ മൊത്തം തുകയും, ടെൻഡർ നടപടികളിലൂടെയാണോ ഈ സ്ഥാപനത്തിനെ തെരെഞ്ഞെടുത്തത് എന്നുമുള്ള വിവരങ്ങൾ നൽകാമോ?

ഐ.ടി. മേഖലയില്‍ തൊഴിലവസരങ്ങള്‍ കൂട്ടുന്നതിനായി നിലവില്‍ പ്രവര്‍ത്തിക്കുന്ന ആഗോള കമ്പനികള്‍ക്ക് പുറമെ മറ്റു പ്രമുഖ കമ്പനികളെ കൊണ്ടുവരുന്നതിന് എന്തെല്ലാം നടപടികളാണ് സര്‍ക്കാര്‍ സ്വീകരിച്ച് വരുന്നത്; വിശദമാക്കാമോ?

അക്ഷയ കേന്ദ്രങ്ങള്‍ പുതുതായി അനുവദിക്കുന്നതിനുള്ള മാനദണ്ഡങ്ങള്‍ വിശദമാക്കാമോ?

മലപ്പുറം ജില്ലയില്‍ എത്ര അക്ഷയ കേന്ദ്രങ്ങള്‍ പ്രവര്‍ത്തിക്കുന്നുണ്ടെന്ന് വ്യക്തമാക്കാമോ;

ജില്ലയില്‍ പ്രവര്‍ത്തിച്ചുകൊണ്ടിരുന്ന അക്ഷയ കേന്ദ്രങ്ങളില്‍ ഏതെങ്കിലും നിലവില്‍ പ്രവര്‍ത്തിക്കുന്നില്ല എന്ന് കണ്ടെത്തിയിട്ടുണ്ടോ;

എങ്കില്‍ അത് എത്രയെണ്ണമാണെന്നും ഏതെല്ലാമെന്നും വ്യക്തമാക്കാമോ?

തിരുവനന്തപുരം ജില്ലയില്‍ പ്രവര്‍ത്തിച്ചു വന്നിരുന്ന എത്ര അക്ഷയ കേന്ദ്രങ്ങള്‍ പ്രവര്‍ത്തനരഹിതമായിട്ടുണ്ടെന്ന് വിശദമാക്കാമോ;

പ്രവര്‍ത്തനരഹിതമായ അക്ഷയ കേന്ദ്രങ്ങള്‍ക്ക് പകരം അതാത് മേഖലയില്‍ പുതിയ അക്ഷയ കേന്ദ്രങ്ങള്‍ അനുവദിക്കുന്നതിന് നടപടി സ്വീകരിക്കുമോ?

കെ-ഫോൺ പദ്ധതിയുടെ എം.എസ്.പി. (മാനേജ്ഡ് സര്‍വ്വീസ് പ്രൊവൈഡര്‍ ) കരാർ എസ്.ആര്‍.ഐ.ടി. എന്ന കമ്പനിക്ക് നൽകിയിട്ടുണ്ടോ;

കെ-ഫോൺ പദ്ധതിയുടെ ആദ്യ കരാർ ലഭിച്ച ബെൽ കൺസോർഷ്യത്തിൽ ഉൾപ്പെട്ട എസ്.ആർ.ഐ.ടി. യ്ക്ക് ഏതൊക്കെ വ്യവസ്ഥകൾ പ്രകാരമാണ് എം.എസ്.പി. കരാർ നൽകിയിരിക്കുന്നതെന്ന് വിശദമാക്കാമോ;

എസ്.ആർ.ഐ.ടി.യോടൊപ്പം ആദ്യ ടെൻഡർ നേടിയ റെയിൽടെല്‍ സ്ഥാപനമായ റെയിൽവേയറിന്റെ എം.എസ്.പി.കളാണ് പ്രസ്തുത ടെൻഡറിൽ പങ്കെടുത്ത മൂന്ന് കമ്പനികൾ എന്നത് ശ്രദ്ധയിൽപ്പെട്ടിട്ടുണ്ടോ;

ടെൻഡർ നടപടികളിൽ കാർട്ടൽ ഉണ്ടാക്കാൻ പാടില്ല എന്ന സെൻട്രൽ വിജിലൻസ് കമ്മീഷൻ ഗൈഡ് ലൈനിനു വിരുദ്ധമായി നടത്തിയ പ്രസ്തുത പ്രവൃത്തിക്കെതിരെ നടപടി സ്വീകരിക്കാത്തത് എന്തുകൊണ്ടാണെന്ന് വ്യക്തമാക്കാമോ;

കാർട്ടലില്‍ നേടിയ പ്രസ്തുത ടെൻഡർ നടപടികൾ റദ്ദാക്കാൻ തയ്യാറാകുമോ; വിശദമാക്കുമോ?

ആലപ്പുഴ ജില്ലയില്‍ കേരള നോളജ് എക്കണോമി മിഷന്റെ നേതൃത്വത്തില്‍ നൈപുണ്യ പരിശീലനം നല്‍കുന്നതിനായി എന്തൊക്കെ പദ്ധതികളാണ് ആവിഷ്കരിച്ച് നടപ്പിലാക്കുന്നതെന്ന് വിശദമാക്കാമോ;

ഒരു ജില്ല ഒരു ആശയം പദ്ധതി ആരംഭിച്ചിട്ടുണ്ടോ; ഉണ്ടെങ്കിൽ ആലപ്പുഴ ജില്ലയില്‍ നടപ്പിലാക്കുന്ന പ്രസ്തുത പദ്ധതിയുടെ വിശദാംശം ലഭ്യമാക്കാമോ;

സംസ്ഥാനത്ത് നോളജ് മിഷന്‍ മുഖേന നടത്തിയ തൊഴില്‍ മേളകളുടെ വിശദവിവരം ജില്ല തിരിച്ച് ലഭ്യമാക്കാമോ?

കെ-ഫോണ്‍ പദ്ധതിയുടെ പുരോഗതി അറിയിക്കാമോ;

ഓരോ മണ്ഡലത്തിലും നൂറ് വീടുകള്‍ക്ക് സൗജന്യമായി കണക്ഷന്‍ നല്‍കുന്നതിന്റെ ഭാഗമായി വാമനപുരം മണ്ഡലത്തിലെ ഒൻപത് ഗ്രാമപഞ്ചായത്തുകളില്‍ നിന്നും ലഭിച്ച അപേക്ഷകളിന്മേൽ ഇതുവരെ സ്വീകരിച്ച നടപടികള്‍ അറിയിക്കാമോ;

അപേക്ഷിക്കുന്ന എല്ലാവര്‍ക്കും കണക്ഷന്‍ നല്‍കാന്‍ കഴിയുമോ;വ്യക്തമാക്കാമോ ?

2016 മുതൽ നാളിതുവരെ ഐ.ടി. മേഖലയിൽ സംസ്ഥാനത്തിനകത്തും പുറത്തുമായി എത്രപേർക്ക് തൊഴിൽ ലഭ്യമായിട്ടുണ്ടെന്ന് വ്യക്തമാക്കാമോ;

ഐ.ടി. സ്റ്റാർട്ടപ്പുകളുടെ പ്രോത്സാഹനങ്ങൾക്കായി രൂപീകരിച്ച ഐ.ടി. മിഷന്റെ പ്രവർത്തനം എന്തൊക്കെയെന്ന് വിശദമാക്കാമോ?

2022-23 ബജറ്റില്‍ പ്രഖ്യാപിച്ച കൊല്ലം ഐ.ടി. ഇടനാഴി പദ്ധതിയുടെ പദ്ധതി രൂപീകരണ പുരോഗതി വിശദമാക്കുമോ;

പദ്ധതിക്കായി ഭൂമി കണ്ടെത്തുന്നതിനും ഏറ്റെടുക്കുന്നതിനുമായി സ്വീകരിച്ചു വരുന്ന നടപടികളുടെ നിലവിലെ സ്ഥിതി വിശദമാക്കാമോ?

ഏതൊക്കെ പരമ്പരാഗത മേഖലകളിലാണ് ഡിജിറ്റല്‍ സാങ്കേതികവിദ്യ ഉപയോഗപ്പെടുത്തി ഡിജിറ്റല്‍ പരിവര്‍ത്തന പ്രവര്‍ത്തനങ്ങള്‍ മെച്ചപ്പെടുത്തുന്നതിന് ആരംഭം കുറിച്ചിട്ടുള്ളതെന്ന് വിശദമാക്കാമോ?

കെ-ഫോണ്‍ പദ്ധതി എത്ര ബി.പി.എല്‍. കുടുംബങ്ങള്‍ക്ക് സൗജന്യമായി ഇന്റര്‍നെറ്റ് കണക്ഷന്‍ നല്‍കുന്നതിന് ലക്ഷ്യമിടുന്നതെന്ന് വിശദമാക്കാമോ ?

2022-23 സാമ്പത്തിക വര്‍ഷം സംസ്ഥാനത്തെ ഐ.ടി. മേഖലയിൽ എത്ര കോടി രൂപയുടെ ഹാർഡ്‌വെയർ ഉല്പാദനമാണ് നടന്നതെന്ന് വ്യക്തമാക്കാമോ;

പ്രസ്തുത ഉല്പാദനം 2025-26 വര്‍ഷം ആകുമ്പോഴേക്കും എത്ര കോടി രൂപയായി ഉയര്‍ത്താനാണ് ലക്ഷ്യമിടുന്നതെന്ന് അറിയിക്കാമോ;

സംസ്ഥാനത്തെ സ്വകാര്യ ഐ.ടി. പാര്‍ക്കുകളെ പ്രോത്സാഹിപ്പിക്കുവാന്‍ നൂതനമായ എന്തൊക്കെ നടപടികളാണ് സ്വീകരിച്ചു വരുന്നത്; വ്യക്തമാക്കുമോ;

സംസ്ഥാനത്ത് നിലവിലുള്ള ഐ.ടി. സംരംഭകർ എത്രയെന്നും ഐ.ടി., ഐ.ടി. അനുബന്ധ മേഖലയിലെ ജീവനക്കാരുടെയും തൊഴിലാളികളുടെയും എണ്ണം എത്രയെന്നും വ്യക്തമാക്കുമോ;

ടെക്‌നോപാര്‍ക്ക്, ഇന്‍ഫോപാര്‍ക്ക്, സെെബര്‍ പാര്‍ക്ക് എന്നിവയുടെ വികസനത്തിനായി മുന്‍സര്‍ക്കാരും ഈ സര്‍ക്കാരും നടത്തിയ പ്രധാന പ്രവര്‍ത്തനങ്ങളും അതുവഴിയുണ്ടാക്കിയ തൊഴിലവസരങ്ങളും വ്യക്തമാക്കുമോ?

സംസ്ഥാനത്ത് നടപ്പിലാക്കി വരുന്ന കെ-ഫോണ്‍ പദ്ധതിയുടെ നാളിതുവരെയുള്ള പുരോഗതി വിശദമാക്കാമോ;

മലപ്പുറം ജില്ലയില്‍ എത്ര കണക്ഷനുകള്‍ നല്‍കി എന്ന് മണ്ഡലാടിസ്ഥാനത്തില്‍ അറിയിക്കുമോ?

കെ-ഫോൺ പദ്ധതിയുടെ ഭാഗമായി ഒപ്റ്റിക്കല്‍ ഫൈബര്‍ കേബിള്‍ സ്ഥാപിക്കുന്നതുമായി ബന്ധപ്പെട്ട നോട്ട് ഫയലിന്റെ പകർപ്പ് ലഭ്യമാക്കാമോ;

കെ-ഫോൺ പദ്ധതിയുടെ ഭാഗമായി ഒപ്റ്റിക്കല്‍ ഫൈബര്‍ കേബിള്‍ സ്ഥാപിക്കുന്നതുമായി ബന്ധപ്പെട്ട കറന്റ് ഫയലിന്റെ പകർപ്പ് ലഭ്യമാക്കാമോ?

വയനാട് ജില്ലയില്‍ നാളിതുവരെ നല്‍കിയ കെ-ഫോണ്‍ കണക്ഷനുകളുടെ എണ്ണം പഞ്ചായത്ത് തിരിച്ച് ലഭ്യമാക്കാമോ;

എത്ര ബി.പി.എല്‍. കുടുംബങ്ങള്‍ക്കാണ് പ്രസ്തുത ജില്ലയില്‍ കെ-ഫോണ്‍ കണക്ഷന്‍ നല്‍കിയിട്ടുള്ളത്; വിശദമാക്കാമോ;

വയനാട് ജില്ലയില്‍ എത്ര സര്‍ക്കാര്‍ ഓഫീസുകള്‍ക്ക് കെ-ഫോണ്‍ കണക്ഷന്‍ നല്‍കിയിട്ടുണ്ട്; വ്യക്തമാക്കാമോ;

പ്രസ്തുത ജില്ലയിലെ പട്ടികവര്‍ഗ്ഗ കുടുംബങ്ങള്‍ക്ക് കെ-ഫോണ്‍ കണക്ഷനുകള്‍ ലഭ്യമാക്കുന്നതിന് പ്രത്യേക പദ്ധതികള്‍ നടപ്പാക്കുന്ന കാര്യം പരിഗണിക്കാമോ?

ജിയോളജിക്കൽ സർവ്വെ ഓഫ് ഇൻഡ്യ, സംസ്ഥാന ദുരന്ത നിവാരണ അതോറിറ്റി എന്നിവർ നടത്തിയ പഠനങ്ങളുടെ അടിസ്ഥാനത്തില്‍ ദുരന്ത നിവാരണ (എ) വകുപ്പിന്റെ 29.10.2021 ലെ സ.ഉ.(കൈ)നം. 5/2021/D.M.D. പ്രകാരം കാഞ്ഞിരപ്പള്ളി താലൂക്കിലെ 110 കുടുംബങ്ങളേയും മീനച്ചിൽ താലൂക്കിലെ 138 കുടുംബങ്ങളേയും നിലവിലെ സ്ഥലത്ത് നിന്നും മാറ്റേണ്ടതും ഇവർക്ക് വസ്തു വാങ്ങി വീട് നിർമ്മിക്കുന്നതിന് ഒരു കുടുംബത്തിന് പത്ത് ലക്ഷം രൂപ വീതം നൽകേണ്ടതാണെന്നുമുള്ള റിപ്പോർട്ടിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കാമോ;

പ്രസ്തുത റിപ്പോർട്ടിന്റെ അടിസ്ഥാനത്തിൽ നിലവിൽ എത്ര കുടുംബങ്ങൾക്ക് മേൽപ്പറഞ്ഞ തുക അനുവദിച്ചിട്ടുണ്ടെന്ന് വ്യക്തമാക്കാമോ;

ഇനിയും എത്ര കുടുംബങ്ങൾക്കാണ് പ്രസ്തുത ആനുകൂല്യം അനുവദിക്കാനുള്ളതെന്നും അതിനുള്ള കാലതാമസത്തിന്റെ കാരണവും വ്യക്തമാക്കാമോ;

പ്രസ്തുത റിപ്പോർട്ടിന്റെ അടിസ്ഥാനത്തിൽ ഇനിയും മാറ്റിപ്പാർപ്പിക്കാനുള്ളവരെ പുനരധിവസിപ്പിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ചികിത്സാ സഹായത്തിന് അപേക്ഷ സമര്‍പ്പിക്കുമ്പോള്‍ ഹോസ്പിറ്റല്‍ ബില്‍ നിര്‍ബന്ധമാക്കിയിട്ടുണ്ടോയെന്ന് വ്യക്തമാക്കുമോ;

ഗവണ്‍മെന്റ് ഹോസ്പിറ്റലുകളില്‍ ചികിത്സയില്‍ കഴിയുന്നവരും എന്നാല്‍ ചികിത്സക്കും മറ്റ് പരിശോധനകള്‍ക്കുമായി വളരെയധികം തുക ചെലവാക്കുന്ന രോഗികള്‍ക്ക് ബില്‍ ഇല്ല എന്ന കാരണത്താല്‍ വില്ലേജ് ഓഫീസർമാർ ചികിത്സാ സഹായത്തിനുള്ള അപേക്ഷ നിരസിക്കുന്നത് സാധാരണക്കാരെ വലിയ രീതിയില്‍ ബാധിക്കുന്നുണ്ട് എന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് സ്വീകരിച്ച നടപടികള്‍ വിശദമാക്കാമോ?

കഴിഞ്ഞ സർക്കാരിന്റെ കാലം (2016) മുതൽ നാളിതുവരെ മുഖ്യമന്ത്രിയുടെ ദുരിതാശ്വാസ നിധിയില്‍ സംഭാവനയായി ആകെ എത്ര തുക ലഭിച്ചിട്ടുണ്ട്; പ്രത്യേകം കണക്ക് ലഭ്യമാക്കുമോ;

പ്രസ്തുത കാലഘട്ടങ്ങളിൽ മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് ചികിത്സാ ധനസഹായമായും അപകടത്തില്‍ മരണമടഞ്ഞവരുടെ ആശ്രിതര്‍ക്കുള്ള സഹായധനമായും ആകെ എത്ര തുക ചെലവഴിച്ചിട്ടുണ്ട്; പ്രത്യേകം കണക്ക് ലഭ്യമാക്കുമോ;

പ്രസ്തുത കാലഘട്ടങ്ങളിൽ മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് മറ്റ് ആവശ്യങ്ങള്‍ക്കായി എത്ര തുക ചെലവഴിച്ചിട്ടുണ്ടെന്നും എന്തെല്ലാം കാര്യങ്ങള്‍ക്കാണ് ഇപ്രകാരം തുക ചെലവഴിച്ചതെന്നും പ്രത്യേകം കണക്ക് ലഭ്യമാക്കുമോ?

മുഖ്യമന്ത്രിയുടെ ദുരിതാശ്വാസ നിധിയിൽ നിന്നുളള ധനസഹായം തട്ടിയെടുക്കുന്നതിനായി ഏജന്റുമാരും ഉദ്യോഗസ്ഥരും ഉൾപ്പെടുന്ന വൻലോബി പ്രവർത്തിക്കുന്നതായി കണ്ടെത്തിയിട്ടുണ്ടോ;

എങ്കിൽ ഇക്കാര്യത്തിൽ വിജിലൻസിന്റെ കണ്ടെത്തലുകൾ എന്തെല്ലാമാണെന്ന് വ്യക്തമാക്കുമോ;

ദുരിതാശ്വാസ നിധിയിലെ തട്ടിപ്പു തടയുന്നതിനായി എന്തെങ്കിലും നിർദ്ദേശങ്ങൾ വിജിലൻസ് സമർപ്പിച്ചിട്ടുണ്ടോ; എങ്കിൽ അതിന്മേൽ എന്തു നടപടി സ്വീകരിച്ചുവെന്ന് വിശദമാക്കുമോ?

സംസ്ഥാനത്ത് മഴക്കെടുതി മൂലമുണ്ടാകുന്ന പ്രകൃതി ദുരന്തങ്ങളെ സര്‍ക്കാര്‍ സംവിധാനങ്ങള്‍ക്കൊപ്പം നിന്ന് നേരിടുന്നതിനും ലഘൂകരിക്കുന്നതിനും എത്ര സന്നദ്ധ സേന പ്രവര്‍ത്തകരെ ഫയര്‍ ആന്റ് റെസ്ക്യൂ സര്‍വീസസ്, കേരള സംസ്ഥാന ദുരന്ത നിവാരണം എന്നീ വകുപ്പുകള്‍ക്ക് കീഴില്‍ പരിശീലനം നല്‍കി സജ്ജമാക്കിയിട്ടുണ്ട്; വ്യക്തമാക്കാമോ?

തൃശ്ശൂര്‍ ജില്ലയില്‍ കോടശ്ശേരി ഗ്രാമപഞ്ചായത്തില്‍ മണ്ണിടിച്ചില്‍ സാധ്യതയുള്ളതായി സംസ്ഥാന ദുരന്ത നിവാരണ അതോറിറ്റി കണ്ടെത്തിയ പ്രദേശങ്ങളില്‍ സൂക്ഷ്മതല ഉരുള്‍പൊട്ടല്‍ സാധ്യത പഠനം നടത്തുന്നതിന് ജിയോളജിക്കല്‍ സര്‍വേ ഓഫ് ഇന്ത്യയോട് ആവശ്യപ്പെട്ടിട്ടുണ്ടോ; വിശദാംശങ്ങള്‍ നല്‍കുമോ;

ജിയോളജിക്കല്‍ സര്‍വേ ഓഫ് ഇന്ത്യ ഇക്കാര്യത്തില്‍ സന്നദ്ധത അറിയിച്ചിട്ടുണ്ടോയെന്നും ഇതിനായി പഠനം ആരംഭിച്ചിട്ടുണ്ടോയെന്നും വിശദമാക്കുമോ;

സംസ്ഥാന ദുരന്ത നിവാരണ അതോറിറ്റിയുടെ ഉരുള്‍പ്പൊട്ടല്‍ ഉപദേശക സമിതിയുടെ‍ റിപ്പോ‍ര്‍ട്ടിന്റെ അടിസ്ഥാനത്തില്‍ ചില പ്രദേശങ്ങളില്‍ നിര്‍മ്മാണ നിയന്ത്രണങ്ങള്‍ ഏര്‍പ്പെടുത്തിയിട്ടുള്ളതില്‍‍ പൊതുജനങ്ങള്‍ക്കുണ്ടായിട്ടുള്ള പ്രയാസങ്ങള്‍ കണക്കിലെടുത്ത് ഇക്കാര്യത്തില്‍ സത്വര നടപടികള്‍ സ്വീകരിക്കുമോ?

2016-2021 സര്‍ക്കാരിന്റെ കാലത്തുണ്ടായ പ്രളയങ്ങളിലും പ്രകൃതി ദുരന്തങ്ങളിലും നിന്നുമുള്ള അനുഭവത്തിന്റെ അടിസ്ഥാനത്തില്‍ സംസ്ഥാനത്ത് നടത്തി വരുന്ന ദുരന്ത നിവാരണ പ്രതിരോധ പ്രവര്‍ത്തനങ്ങളുടെയും അടിസ്ഥാനസൗകര്യ പുന‍‍ർനിര്‍മ്മാണങ്ങളുടെയും നിലവിലെ പുരോഗതി വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നതിനു ശേഷം റീബില്‍ഡ് കേരള ഇന്‍ഷ്യേറ്റീവ് വഴി സംസ്ഥാനത്തെ വിവിധ വകുപ്പുകളിലായി നടപ്പിലാക്കി വരുന്ന പദ്ധതികളുടെ ഏകോപനത്തിനും സമയബന്ധിതമായ പൂര്‍ത്തീകരണത്തിനും സ്വീകരിച്ച നടപടികള്‍ എന്തെല്ലാമാണ്; വിശദീകരിക്കാമോ;

റീബില്‍ഡ് കേരള ഇന്‍ഷ്യേറ്റീവില്‍ ഉള്‍പ്പെട്ട ആദിവാസി ദുര്‍ബല ജനവിഭാഗങ്ങളുടെ ഉപജീവനം മെച്ചപെടുത്തുന്നതിന് ഉതകുന്ന എന്തെല്ലാം പ്രവൃത്തികളാണ് നടപ്പാക്കി വരുന്നതെന്ന് വ്യക്തമാക്കാമോ?

2016 മുതല്‍ 2023 വരെ ദുരന്ത നിവാരണ വകുപ്പ് പൂഞ്ഞാർ മണ്ഡലത്തില്‍ ഫ്ലഡ് പ്രവൃത്തി ഇനത്തിൽ റോഡ് നവീകരണത്തിന് അനുവദിച്ച തുക, പ്രവൃത്തിയുടെ പേരുകള്‍, ഉത്തരവ് നമ്പറുകള്‍ ഇവ ഇനം തിരിച്ച് വിശദമാക്കാമോ;

ഇത്തരത്തിൽ തുക അനുവദിച്ചുകൊണ്ട് ഉത്തരവ് ലഭ്യമായ പ്രവൃത്തികളിൽ ഏതെല്ലാം പ്രവൃത്തികൾക്ക് ജില്ലാ കളക്ടർ എസ്റ്റിമേറ്റ് സാങ്ഷൻ ലഭ്യമാക്കിയെന്നും പ്രസ്തുത പ്രവൃത്തികളുടെ നിർമ്മാണ പുരോഗതിയും ഇനം തിരിച്ച് വിശദമാക്കാമോ;

സർക്കാർ ഉത്തരവ് ലഭ്യമാക്കിയിട്ടും ജില്ലാ കളക്ടർ എസ്റ്റിമേറ്റ് സാങ്ഷൻ ലഭ്യമാക്കാത്തതിന്റെ കാരണങ്ങളും പ്രസ്തുത പ്രവൃത്തികൾ ഇനി പൂർത്തീകരിക്കാനുള്ള നടപടികളും വിശദമാക്കാമോ?

കോഴിക്കോട് വിമാനത്താവള വികസനത്തിന് സ്ഥലം ഏറ്റെടുക്കുന്ന നടപടി ഇപ്പോൾ ഏത് ഘട്ടത്തിലാണെന്ന് വിശദമാക്കാമോ;

എത്ര ഏക്കർ സ്ഥലമാണ് ഇപ്പോൾ ഏറ്റെടുക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

പ്രസ്തുത പദ്ധതിക്കുള്ള തുക ആരാണ് വഹിക്കുന്നതെന്നും എത്ര തുക വകയിരുത്തിയിട്ടുണ്ടെന്നും വ്യക്തമാക്കാമോ;

വ്യോമയാന വകുപ്പോ, എയർപോർട്ട് അതോറിറ്റിയോ എത്ര ഏക്കർ സ്ഥലം ഏറ്റെടുത്ത് നൽകണമെന്നാണ് ആവശ്യപ്പെട്ടിട്ടുള്ളതെന്ന് വ്യക്തമാക്കാമോ; സ്ഥലം ഏറ്റെടുത്ത് നൽകിയിട്ടില്ലെങ്കിൽ റൺവേ എൻഡ് സേഫ്റ്റി ഏരിയ(റിസ)യുടെ നീളം വർദ്ധിപ്പിക്കാൻ റൺവെയുടെ നീളം കുറക്കേണ്ടിവരുമെന്ന് ഇവർ രേഖാമൂലം അറിയിപ്പ് നൽകിയിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കാമോ;

വീടും ഭൂമിയും വിട്ട് നൽകുന്നവർക്ക് ലഭിക്കേണ്ട പുനരധിവാസം, നഷ്ടപരിഹാര പാക്കേജുകൾ പ്രഖ്യാപിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

പ്രസ്തുത വിമാനത്താവളത്തിൽ വലിയ വിമാനങ്ങൾ ഇറക്കുന്നതിനുള്ള വിലക്കുകൾ നീക്കുന്നതിനും വിമാനത്താവള വികസനത്തിനും സത്വര നടപടി സ്വീകരിക്കുമോയെന്ന് വ്യക്തമാക്കുമോ ?

2023-24 വർഷത്തെ ബജറ്റിൽ എയർ സ്ട്രിപ്പ് സ്ഥാപിക്കുന്നതിന് തുക വകയിരുത്തിയിട്ടുണ്ടോ;

എങ്കിൽ ഏതൊക്കെ സ്ഥലങ്ങളിലാണ് എയർ സ്ട്രിപ്പ് നടപ്പിലാക്കുന്നതെന്നും ആയതിന്റെ തുടർനടപടികൾ ഏത് ഘട്ടത്തിലാണെന്നും വിശദമാക്കാമോ?

സിൽവർ ലൈൻ പദ്ധതി പാരിസ്ഥിതികാഘാത പഠനത്തിനായി കൺസോർഷ്യത്തെ കെ-റെയിൽ ചുമതലപ്പെടുത്തുകയുണ്ടായോ; എങ്കില്‍ ഏതൊക്കെ സ്ഥാപനങ്ങളാണ് പ്രസ്തുത കൺസോർഷ്യത്തിൽ ഉൾപ്പെട്ടിട്ടുള്ളത്;

കെ-റെയിൽ പദ്ധതിക്ക് പകരമായി സാങ്കേതിക വിദഗ്ധനായ ഇ. ശ്രീധരൻ ബദൽ നിർദ്ദേശങ്ങളടങ്ങിയ പ്രൊപ്പോസൽ സമർപ്പിക്കുകയുണ്ടായോ;

എന്തൊക്കെ വിഷയങ്ങളാണ് പഠന വിധേയമാക്കിയിട്ടുള്ളതെന്ന് വ്യക്തമാക്കാമോ; പഠനം പൂർത്തിയായിട്ടുണ്ടോ; എങ്കിൽ പഠന റിപ്പോർട്ടിന്റെ പകർപ്പ് ലഭ്യമാക്കാമോ;

പ്രൊപ്പോസലിലെ പ്രധാന നിർദ്ദേശങ്ങൾ എന്തൊക്കെയാണെന്ന് വിശദമാക്കാമോ; പ്രൊപ്പോസലിന്റെ പകർപ്പ് ലഭ്യമാക്കാമോ?

ഇ .ക്യു .എം .എസ്. പ്രൈവറ്റ് ലിമിറ്റഡ് സമർപ്പിച്ച സിൽവർലൈൻ പദ്ധതിയുടെ ഇ .ഐ .എ . റിപ്പോർട്ടിന്റെ പകർപ്പ് ലഭ്യമാക്കുമോ;

സിൽവർലൈൻ പദ്ധതിയ്ക്ക് പകരമായി അതിവേഗ റെയിൽപ്പാത സംബന്ധിച്ച് ഇ. ശ്രീധരൻ അടുത്തിടെ സർക്കാരിന് നൽകിയ റിപ്പോർട്ടിന്റെ പകർപ്പ് ലഭ്യമാക്കുമോ ?

പറമ്പിക്കുളം-ആളിയാര്‍ കരാര്‍ പുതുക്കുന്നതുമായി ബന്ധപ്പെട്ട് സംസ്ഥാന സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വിശദമാക്കാമോ;

സംസ്ഥാനത്തിന് അര്‍ഹതപ്പെട്ട ജലം സമയബന്ധിതമായി ലഭിക്കുന്നതിന് എന്തെല്ലാം ഇടപെടലുകളാണ് നടത്തിയിട്ടുളളതെന്ന് വിശദമാക്കുമോ;

പ്രസ്തുത കരാറിലൂടെ ഓരോ വര്‍ഷവും സംസ്ഥാനത്തിന് ലഭിക്കുന്ന ജലം എത്രയെന്ന് വിശദമാക്കുമോ; ഇത് സംബന്ധിച്ച് കഴിഞ്ഞ പത്ത് വര്‍ഷത്തെ കണക്ക് ലഭ്യമാക്കുമോ?

സംസ്ഥാനത്ത് വടക്ക് ബേക്കൽ മുതൽ തെക്ക് കോവളം വരെ വെസ്റ്റ് കോസ്റ്റ് കനാൽ നിർമ്മാണ പ്രവൃത്തി നിലവിൽ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതി എന്ന് യാഥാർത്ഥ്യമാക്കാനാണ് ലക്ഷ്യമിട്ടിരിക്കുന്നതെന്ന് വിശദമാക്കാമോ;

ഇതിന് എത്ര കോടി രൂപ ചെലവ് വരുമെന്നും ഇതിനായി തുക വകയിരുത്തിയിട്ടുണ്ടോയെന്നും വിശദമാക്കാമോ?

കെട്ടിട നിര്‍മ്മാണ പ്രവര്‍ത്തനങ്ങളുമായി ബന്ധപ്പെട്ട് കോസ്റ്റല്‍ റെഗുലേഷന്‍ സോണ്‍ അനുമതിയുടെ ദൂരം വിശദമാക്കുന്ന ചാര്‍ട്ട് കാറ്റഗറി തിരിച്ച് ലഭ്യമാക്കാമോ;

പ്രസ്തുത അനുമതി ലഭ്യമാവേണ്ടത് അതത് ജില്ലകളില്‍ നിന്നാണോ, സംസ്ഥാന ഓഫീസില്‍ നിന്നാണോ; വിശദാംശം ലഭ്യമാക്കാമോ;

അനുമതി ലഭിക്കേണ്ടുന്ന അപേക്ഷകള്‍ ഓണ്‍ലെെനായി കെെകാര്യം ചെയ്യുന്നുണ്ടോ; വിശദാംശം ലഭ്യമാക്കാമോ?

നാദാപുരം മണ്ഡലത്തില്‍ ഇന്‍ലാന്‍ഡ്‌ നാവിഗേഷന്‍ വകുപ്പ് നടത്തി വരുന്ന പ്രവൃത്തികളിൽ ഓരോ പ്രവൃത്തിയുടെയും നിര്‍മ്മാണ പുരോഗതി വിശദമാക്കാമോ;

കളിയാംവള്ളി പാലം നിര്‍മ്മാണത്തിന് ഇന്‍ലാന്‍ഡ്‌ നാവിഗേഷന്‍ വകുപ്പ് നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

ദേശീയ ജലപാത വികസനത്തിന്റെ ഭാഗമായി ചേറ്റുവ-പൊന്നാനി ജലപാത പ്രവൃത്തി ആരംഭിക്കുന്നതിന് നടപടി സ്വീകരിച്ചിട്ടുണ്ടോ; എങ്കിൽ നിലവിലെ സ്ഥിതി വിശദമാക്കാമോ?

വടകര-മാഹി കനാല്‍ പദ്ധതിയുടെ മൂന്നാം റീച്ചിലെ പ്രവൃത്തിയുടെ നിലവിലത്തെ സ്ഥിതി അറിയിക്കാമോ;

പ്രസ്തുത പ്രവൃത്തിയുടെ സാങ്കേതിക റിപ്പോര്‍ട്ട് ഏത് ഏജന്‍സിയാണ് തയ്യാറാക്കുന്നതെന്നും ഏത് ഏജന്‍സിയാണ് അംഗീകരിക്കുന്നതെന്നും ഈ പ്രവൃത്തിക്ക് എന്നാണ് സാങ്കേതിക അനുമതി നല്‍കാന്‍ ഉദ്ദേശിക്കുന്നതെന്നതെന്നും വ്യക്തമാക്കാമോ ;

2025 വര്‍ഷത്തോടെ പ്രസ്തുത പദ്ധതി പൂർത്തീകരിച്ച് വടകര-മാഹി കനാലിലൂടെ ജലഗതാഗതം സാധ്യമാകുന്ന തരത്തില്‍ പ്രവൃത്തികള്‍ ക്രമീകരിച്ചിട്ടുണ്ടോ; വിശദമാക്കാമോ?

കോവിഡ് കാലത്ത് ജോലി നഷ്ടപ്പെട്ട് കേരളത്തില്‍ എത്തിയ പ്രവാസികള്‍ക്കുള്ള പ്രവാസി ദഭ്രതാ പദ്ധതി പ്രകാരം തരൂര്‍ മണ്ഡലത്തിലെ എത്ര പേര്‍ക്ക് നോര്‍ക്ക / കുടുംബശ്രീ മുഖേന നല്‍കുന്ന സ്വയം തൊഴില്‍ സ്വയം സംരംഭ പലിശരഹിത വായ്പ നല്‍കിയിട്ടുണ്ട്;

എത്ര രൂപ ഇതുവരെ പ്രവാസി ഭദ്രതാ പദ്ധതിയിലൂടെ പലിശരഹിത വായ്പയായി നല്‍കിയിട്ടുണ്ട്; വ്യക്തമാക്കാമോ?

അവധിക്കാലങ്ങളില്‍ പ്രവാസികളുടെ യാത്രാനിരക്ക് വര്‍ദ്ധിപ്പിച്ച് വിമാന കമ്പനികള്‍ നടത്തുന്ന ചൂഷണം നിയന്ത്രിക്കുന്നതിനായി സംസ്ഥാന സര്‍ക്കാര്‍ കേന്ദ്ര സിവില്‍ വ്യോമയാന മന്ത്രാലയവുമായി ഇടപെട്ടതിനെ തുടര്‍ന്ന് എന്തെങ്കിലും നടപടികള്‍ ഉണ്ടായിട്ടുണ്ടോ ; വിശദവിവരം ലഭ്യമാക്കുമോ ;

സംസ്ഥാനത്തെ വിമാനത്താവളങ്ങളില്‍ നിന്നുള്ള ആഭ്യന്തരം, വിദേശ സര്‍വ്വീസുകളുടെ യാത്രാ ചെലവ് കുറയ്ക്കുന്നതിലേക്കായി ഏവിയേഷന്‍ ടര്‍ബൈന്‍ ഫ്യൂവലിന്മേല്‍ ചുമത്തിയിരുന്ന കെ.ജി.എസ്.റ്റി-യില്‍ സംസ്ഥാനം കുറവ് വരുത്തിയിട്ടുണ്ടോ; വിശദവിവരം ലഭ്യമാക്കുമോ ?

പ്രവാസികളുടെ ക്ഷേമത്തിനായി പുതിയ പദ്ധതികള്‍ സര്‍ക്കാരിന്റെ പരിഗണനയിലുണ്ടോ ; വിശദവിവരം ലഭ്യമാക്കുമോ ;

ഈ സര്‍ക്കാര്‍ വിവിധ പദ്ധതികളിലായി പ്രവാസികള്‍ക്കായി ഇതുവരെ എത്ര തുക, ഏതൊക്കെ പദ്ധതികള്‍ക്കായി ചെലവഴിച്ചു എന്ന് വ്യക്തമാക്കുമോ ;

വിവിധ പദ്ധതികളിലായി വിവിധ സഹായങ്ങള്‍ക്കായി പ്രവാസികള്‍ നല്‍കിയ അപേക്ഷകള്‍ പരിഗണിക്കുന്നതിന് കാലതാമസം നേരിടുന്ന സാഹചര്യത്തില്‍ സമയബന്ധിതമായി പ്രസ്തുത അപേക്ഷകളില്‍ നടപടി സ്വീകരിക്കുന്നതിന് നടപടി സ്വീകരിക്കുമോ ?

ചങ്ങനാശ്ശേരി മണ്ഡലത്തിലെ എത്ര പ്രവാസികൾ നോര്‍ക്ക റൂട്ട്സിലും പ്രവാസി ക്ഷേമനിധിയിലും അംഗങ്ങളായിട്ടുണ്ടെന്ന് വ്യക്തമാക്കുമോ;

മണ്ഡലത്തിലെ എത്ര പേര്‍ക്കാണ് പ്രസ്തുത ക്ഷേമനിധിയില്‍ നിന്ന് പെന്‍ഷന്‍ അനുവദിച്ചിട്ടുള്ളത്; വിശദാംശം ലഭ്യമാക്കുമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്ത് എത്ര ആസിഡ് ആക്രമണങ്ങൾ നടന്നിട്ടുണ്ട്; എത്ര പേർക്ക് പരിക്കേറ്റിട്ടുണ്ട്; എത്രപേർ മരണപ്പെട്ടിട്ടുണ്ട്; വിശദാംശം നൽകുമോ;

ആസിഡ് ആക്രമണത്തിന് ഇരയാകുന്നവർക്ക് ലഭിക്കുന്ന നഷ്ടപരിഹാരത്തിന്റെ വിശദാംശങ്ങൾ വ്യക്തമാക്കുമോ; നഷ്ടപരിഹാരം ലഭിക്കുന്നതിനുള്ള നടപടിക്രമങ്ങൾ എന്തൊക്കെയാണെന്ന് വ്യക്തമാക്കുമോ;

ആസിഡ് ആക്രമണത്തിൽ ഇരയായ എത്രപേർക്ക് നാളിതുവരെ എത്ര തുക വീതം നഷ്ടപരിഹാരം ലഭിച്ചിട്ടുണ്ട്; വിശദാംശങ്ങൾ നൽകുമോ?

പൗരത്വഭേദഗതി നിയമവുമായി ബന്ധപ്പെട്ട് നടന്ന സമരങ്ങളില്‍ പങ്കെടുത്തവര്‍ക്കെതിരെ സംസ്ഥാനത്ത് എത്ര കേസുകൾ രജിസ്റ്റര്‍ ചെയ്തിട്ടുണ്ട്; വിശദാംശം ലഭ്യമാക്കുമോ;

പ്രസ്തുത സമരവുമായി ബന്ധപ്പെട്ട് ഗുരുതര ക്രിമിനൽ സ്വഭാവമുള്ളതും ഇല്ലാത്തതുമായ കേസുകൾ എത്രയാണെന്ന് തരാം തിരിച്ചു വ്യക്തമാക്കാമോ :;

രജിസ്റ്റർ ചെയ്ത കേസുകളിൽ ഏതൊക്കെ സംഘടനകൾ ഉൾപ്പെട്ടിട്ടുണ്ടന്നുള്ള വിശദവിവരം ലഭ്യമാക്കാമോ: ;

26-02-2021 ലെ സ.ഉ.(കൈ) നം. 70/2021/ആഭ്യന്തരം ഉത്തരവ് പ്രകാരം നാളിതുവരെ എത്ര കേസ്സുകള്‍ പിന്‍വലിച്ചിട്ടുണ്ട് : നിലവിൽ രജിസ്റ്റർ ചെയ്ത കേസുകൾ പിൻവലിക്കുന്നതിന് ഉദ്ദേശിക്കുന്നുണ്ടോ: വിശദമാക്കാമോ ?

കേരളാ പൊലീസിന്റെ ആധുനികവത്കരണത്തിനായി ഈ സര്‍ക്കാര്‍ ചെലവഴിച്ച തുക എത്രയാണെന്ന് വിശദമാക്കാമോ;

കേരള പോലീസിന്റെ പ്രവര്‍ത്തനം മെച്ചപ്പെടുത്തുന്നതിനും ആധുനികവത്കരിക്കുന്നതിനുമായി ആരംഭിക്കുന്ന പദ്ധതികള്‍ ഏതെല്ലാമെന്ന് വ്യക്തമാക്കാമോ?

കാസർകോട് ജില്ലയിലെ കുമ്പള, മഞ്ചേശ്വരം , ബദിയടുക്ക പോലീസ് സ്റ്റേഷൻ പരിധിയിലെ പ്രദേശങ്ങളിൽ മോഷണം,കവർച്ച എന്നിവ വർദ്ധിച്ചു വരുന്നത് ശ്രദ്ധയിൽപ്പെട്ടിട്ടുണ്ടോ;

1 - 1 - 2021 മുതൽ 31 - 7 - 2023 വരെയുള്ള കാലയളവിൽ പ്രസ്തുത പോലീസ് സ്റ്റേഷനുകളിൽ രജിസ്റ്റർ ചെയ്തിട്ടുള്ള മോഷണം, കവർച്ച കേസുകളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത കേസുകളിൽ എത്ര പ്രതികളെ അറസ്റ്റ് ചെയിതിട്ടുണ്ട് എന്നും ഏതൊക്കെ കേസുകളിലാണ് അറസ്റ്റ് ഉണ്ടായതെന്നും പോലീസ് സ്റ്റേഷൻ തിരിച്ച് വിശദ വിവരങ്ങൾ ലഭ്യമാക്കുമോ;

പ്രസ്തുത കാലയളവിലെ മോഷണം, കവർച്ച കേസുകളിൽ തെളിയിക്കപ്പെടാത്ത കേസുകൾ ഏതൊക്കെയാണ്; വിശദാംശം ലഭ്യമാക്കുമോ;

മോഷണം, കവർച്ച എന്നിവ തടയുന്നതിനായി പ്രസ്തുത പോലീസ് സ്റ്റേഷനുകളിൽ എന്തെല്ലാം പ്രത്യേക നടപടികൾ സ്വീകരിച്ചിട്ടുണ്ട്; വ്യക്തമാക്കാമോ?

കൊല്ലം തുറമുഖത്തെ അംഗീകൃത ഇമിഗ്രേഷന്‍ ചെക്‌പോസ്റ്റായി പ്രഖ്യാപിക്കുന്നതിനുള്ള നടപടികളുടെ ഭാഗമായി ഇമിഗ്രേഷന്‍ പ്രവര്‍ത്തനങ്ങള്‍ക്കായി കേരളാ പോലീസില്‍ നിന്നും രണ്ട് സര്‍ക്കിള്‍ ഇന്‍സ്‌പെക്ടര്‍, എട്ട് സബ് ഇന്‍സ്‌പെക്ടര്‍, നാല് കോണ്‍സ്റ്റബിള്‍ എന്നിവരുടെ ഡെപ്യൂട്ടേഷന്‍ നിയമനത്തിനായുള്ള പ്രൊപ്പോസല്‍ സംസ്ഥാന പോലീസ് മേധാവിയില്‍ നിന്നും സര്‍ക്കാരിന് ലഭ്യമായിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പ്രസ്തുത തുറമുഖത്തിലെ സുരക്ഷ ജോലികള്‍ക്കായി സ്റ്റേറ്റ് ഇന്‍ഡസ്‌ട്രീയല്‍ സെക്യൂരിറ്റി ഫോഴ്‌സില്‍ നിന്നും സുരക്ഷാ ഉദ്യോഗസ്ഥരെ നിയോഗിക്കുന്നതിനായുള്ള പ്രൊപ്പോസലില്‍ സ്വീകരിച്ച് വരുന്ന നടപടികള്‍ എപ്രകാരമാണ് പുരോഗമിക്കുന്നതെന്ന് വിശദമാക്കാമോ;

കൊല്ലം തുറമുഖത്തെ അംഗീകൃത ഇമിഗ്രേഷന്‍ ചെക്‌പോസ്റ്റായി കേന്ദ്ര സര്‍ക്കാര്‍ പ്രഖ്യാപിക്കുന്നതിന് ഇമിഗ്രേഷന്‍ ഉദ്യോഗസ്ഥരുടേയും സുരക്ഷാ ഉദ്യോഗസ്ഥരുടേയും നിയമനം അനിവാര്യമാകയാല്‍ ഇതിനായി സര്‍ക്കാര്‍ സ്വീകരിച്ച് വരുന്ന നടപടികള്‍ ഊര്‍ജ്ജിതമാക്കുമോ; വിശദാംശം ലഭ്യമാക്കുമോ?

മലപ്പുറം ജില്ലയിലെ നിലവിലുള്ള ജില്ലാ പോലീസ് സൂപ്രണ്ട് അധികാരമേറ്റതിനുശേഷം എത്ര പോലീസുകാരാണ് വോളണ്ടറി റിട്ടയർമെന്റ് വാങ്ങിയതെന്നു വിശദമാക്കാമോ;

പ്രസ്തുത കാലയളവിൽ എത്ര പേരെയാണ് സസ്പെൻഡ് ചെയ്തിട്ടുള്ളതെന്നും ആയതിനുള്ള കാരണങ്ങളും എത്രപേർക്കാണ് വകുപ്പുതല നടപടികൾ വന്നിട്ടുള്ളത് എന്നും വിശദമാക്കാമോ?

കഴിഞ്ഞ അഞ്ച് വർഷത്തിനിടയിൽ മലപ്പുറം ജില്ലയിൽ എത്ര ജില്ല പോലീസ് സൂപ്രണ്ടുമാര്‍ ജോലി ചെയ്തിട്ടുണ്ടെന്ന് വിശദമാക്കാമോ;

അവർ ഓരോരുത്തരും ജോലി ചെയ്ത കാലയളവിൽ ജില്ലയിൽ എത്ര ക്രിമിനൽ കേസുകൾ, എത്ര പെറ്റി കേസുകൾ എന്നിവ രജിസ്റ്റർ ചെയ്തിട്ടുണ്ടെന്ന് വിശദമാക്കാമോ;

പ്രസ്തുത കാലയളവിൽ രാഷ്ട്രീയ പാർട്ടികൾ നടത്തിയ ഉപരോധ സമരങ്ങൾ, നിരത്തുകളിലെ പ്രകടനങ്ങൾ, ധർണ്ണ, മറ്റു സമരങ്ങൾ എന്നിവയുടെ കണക്കുകളും സമരങ്ങൾ നടത്തിയ സംഘടനകളുടെ പേരുവിവരങ്ങളും ലഭ്യമാക്കാമോ;

പ്രസ്തുത സമരങ്ങളിൽ ഏതെല്ലാം രാഷ്ട്രീയപാർട്ടി പ്രവർത്തകർക്കെതിരെയാണ് കേസ് രജിസ്റ്റർ ചെയ്തിട്ടുള്ളതെന്ന് വിശദമാക്കാമോ;

കേസ് എടുത്തിട്ടുള്ള പ്രവർത്തകരുടെയും രാഷ്ട്രീയ പാർട്ടികളുടെയും ഇനം തിരിച്ചുള്ള കണക്കും കസ്റ്റഡിയില്‍ എടുത്ത വാഹനങ്ങളുടെ വിവരങ്ങളും ലഭ്യമാക്കാമോ?

പെരിങ്ങോം പോലീസ് സ്റ്റേഷനില്‍ പഴയ സ്റ്റാഫ് ക്വാര്‍ട്ടേഴ്സ് കെട്ടിടം ഉപയോഗ ശൂന്യമായതു ശ്രദ്ധയില്‍ പെട്ടിട്ടുണ്ടോ; മാവോയിസ്റ്റ് ഭീഷണി നിലനില്‍ക്കുന്ന പോലീസ് സ്റ്റേഷന് ചുറ്റുമതില്‍ ഇല്ലാത്തതും ശ്രദ്ധയില്‍ പെട്ടിട്ടുണ്ടോ;

എങ്കിൽ പഴയ ക്വാര്‍ട്ടേഴ്സ് കെട്ടിടം പൊളിച്ച് മാറ്റി പുതിയത് നിര്‍മ്മിക്കുന്ന കാര്യവും ചുറ്റുമതില്‍ നിര്‍മ്മാണത്തിന് ഫണ്ട് അനുവദിക്കുന്ന കാര്യവും പരിഗണനയില്‍ ഉണ്ടോ; വിശദമാക്കാമോ?

സംസ്ഥാനത്ത് എത്ര പോലീസ് സ്റ്റേഷനുകളിൽ സി.ഐ. മാരെ എസ്.എച്ച്.ഒ. മാരായി നിയോഗിച്ചിട്ടുണ്ട്; വ്യക്തമാക്കാമോ;

അങ്ങനെയുളള സ്റ്റേഷനുകളിൽ അന്വേഷണത്തിന്റെ കാര്യക്ഷമതക്ക് കുറവ് വരുന്നതായും കേസ്സന്വേഷണത്തിന്റെ പൂർത്തീകരണത്തിന് താമസം വരുന്നതായും ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

അങ്ങനെയുളള പോലീസ് സ്റ്റേഷനുകളിൽ നിലവിലുളള എസ്.ഐ. മാർക്ക് സ്വതന്ത്രമായി പ്രവർത്തിക്കാൻ സാധിക്കുകയില്ല എന്നത് സംബന്ധിച്ച് ഏതെങ്കിലും റിപ്പോർട്ട് ലഭിച്ചിട്ടുണ്ടോ; വ്യക്തമാക്കാമോ;

സി.ഐ.മാരെ എസ്.എച്ച്.ഒ. മാരായി നിയമിച്ച നടപടി പിൻവലിക്കാൻ ആലോചിക്കുന്നുണ്ടോ; വിശദമാക്കാമോ?

ഡയറക്ട് സബ് ഇന്‍സ്പെക്ടര്‍മാരുടെ (ജനറല്‍ എക്സിക്യൂട്ടീവ്) നിലവിലെ കേഡര്‍ സ്ട്രെങ്ത്, നിലവിലെ ഒഴിവുകള്‍, പി.എസ്.സി. ക്ക് റിപ്പോര്‍ട്ട് ചെയ്ത ഒഴിവുകള്‍ എന്നിവ അറിയിക്കാമോ;

268 പോലീസ് സ്റ്റേഷനുകളില്‍ ഇന്‍സ്പെക്ടര്‍ റാങ്കിലുളള ഉദ്യോഗസ്ഥരെ എസ്.എച്ച്.ഒ. മാരായി നിയമിക്കുന്നതിനുളള 2018 ലെ സര്‍ക്കാര്‍ ഉത്തരവ് പ്രകാരം എത്രപേരെ നിയമിച്ചിട്ടുണ്ടെന്ന് വ്യക്തമാക്കാമോ;

മേല്‍ സൂചിപ്പിച്ച പ്രകാരമുളള എസ്.എച്ച്.ഒ. നിയമനത്തിലൂടെ എത്ര ഡയറക്ട് സബ് ഇന്‍സ്പെക്ടര്‍മാരുടെ ഒഴിവുകള്‍ ഉണ്ടായിട്ടുണ്ടെന്നും അവയില്‍ എത്രയെണ്ണം പി.എസ്.സി. ക്ക് റിപ്പോര്‍ട്ട് ചെയ്തിട്ടുണ്ടെന്നും വ്യക്തമാക്കാമോ;

വനിത സബ് ഇന്‍സ്പെക്ടര്‍ തസ്തികയില്‍ ആകെയുളള അംഗീകൃത തസ്തികകളുടെ എണ്ണവും പ്രസ്തുത തസ്തികയില്‍ നിലവിലുളള ഡയറക്ട് സബ് ഇന്‍സ്പെക്ടര്‍ (ജനറല്‍ എക്സിക്യൂട്ടീവ്) ഒഴിവുകളും അറിയിക്കാമോ;

കേരള പോലീസില്‍ നിന്നും Bol, C.B.I, N.I.A, I.B എന്നിവയില്‍ ഡെപ്യൂട്ടേഷന്‍ വ്യവസ്ഥയില്‍ സേവനമനുഷ്ഠിക്കുന്ന ഡയറക്ട് സബ് ഇന്‍സ്പെക്ടര്‍മാരുടെയും ഇന്‍സ്പെക്ടര്‍മാരുടെയും എണ്ണം പട്ടിക തിരിച്ച് വ്യക്തമാക്കാമോ;

കേരള പോലീസില്‍ നിന്നും Bol, C.B.I, N.I.A, I.B എന്നിവയില്‍ 6 മാസത്തിനു മുകളില്‍ ഡെപ്യൂട്ടേഷന്‍ വ്യവസ്ഥയില്‍ സേവനമനുഷ്ഠിച്ചുവരുന്ന പ്രസ്തുത ഉദ്യോഗസ്ഥരുടെ ഒഴിവുകള്‍ കേരള പി.എസ്.സി.ക്ക് റിപ്പോര്‍ട്ട് ചെയ്തത് സംബന്ധിച്ച വിവരങ്ങള്‍ ലഭ്യമാക്കാമോ?

മുഖ്യമന്ത്രി പങ്കെടുക്കുന്ന പൊതു ചടങ്ങുകളിൽ ഉപയോഗിക്കുന്ന മൈക്ക് സുരക്ഷാ പരിശോധനയ്ക്ക് വിധേയമാക്കാറുണ്ടോ; ഉണ്ടെങ്കിൽ എന്തൊക്കെ പരിശോധനകളാണ് നടത്തുന്നതെന്നും ആരാണ് ഇത്തരം പരിശോധനകൾ നിർവഹിക്കുന്നതെന്നും അതിന്റെ നടപടിക്രമങ്ങളും വ്യക്തമാക്കുമോ;

24.7.23 -നു സംഘടിപ്പിച്ച ഉമ്മൻചാണ്ടി അനുസ്മരണ യോഗത്തിൽ മുഖ്യമന്ത്രി പങ്കെടുക്കുന്നതിന്റെ ഭാഗമായി ഇത്തരം സുരക്ഷാ പരിശോധനകൾ നടത്തിയിരുന്നോ; എങ്കിൽ എന്തൊക്കെ പരിശോധനകളാണ് നടത്തിയിട്ടുള്ളത് എന്ന് വ്യക്തമാക്കുമോ;

പ്രസ്തുത ചടങ്ങിൽ മുഖ്യമന്ത്രി പ്രസംഗിക്കുന്നതിനിടയിൽ മൈക്കിൽ നിന്നും ഹൗളിങ് ഉണ്ടായതിനെ തുടർന്ന് പോലീസ് കേസ് രജിസ്റ്റർ ചെയ്തിരുന്നോ; എങ്കിൽ എന്തൊക്കെ കുറ്റാരോപണങ്ങളാണ് എഫ്.ഐ.ആറി. ൽ ഉൾപ്പെടുത്തിയത്; ഏതു വകുപ്പ് പ്രകാരമാണ് കേസ് രജിസ്റ്റർ ചെയ്തതതെന്നും ആരെയൊക്കെയാണ് പ്രതി ചേർത്തത് എന്നുള്ള വിവരങ്ങളും എഫ്.ഐ.ആര്‍ ന്റെ പകര്‍പ്പും ലഭ്യമാക്കുമോ;

വി.ഐ.പി. കൾ പങ്കെടുക്കുന്ന പൊതുചടങ്ങിൽ മൈക്കിന് തകരാറ് സംഭവിച്ചതിനെ തുടർന്ന് 2016 ജൂൺ മുതൽ നാളിതുവരെ സംസ്ഥാനത്ത് എത്ര കേസുകൾ രജിസ്റ്റർ ചെയ്തിട്ടുണ്ട്; പ്രസ്തുത കേസുകളിൽ ഏതൊക്കെ വകുപ്പുകൾ ചേര്‍ത്ത് ആരെയൊക്കെ പ്രതി ചേര്‍ത്തുവെന്നും ഇതിൽ എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ട് എന്നുമുള്ള വിവരങ്ങളും ഓരോ കേസിന്റെയും എഫ്.ഐ.ആര്‍ പകര്‍പ്പും ലഭ്യമാക്കുമോ?

തൃശ്ശൂര്‍ സിറ്റി പോലീസ് പരിധിയിലെ വടക്കാഞ്ചേരി, ചേലക്കര, പഴയന്നൂര്‍, ചെറുതുരുത്തി പോലീസ് സ്റ്റേഷൻ പരിധികളിലെ മുഴുവന്‍ ജനങ്ങള്‍ക്കും സൗകര്യപ്രദമാകുന്ന രീതിയിൽ വടക്കാഞ്ചേരി കേന്ദ്രമാക്കി ഒരു പോലീസ് സബ് ഡിവിഷണല്‍ ഓഫീസ് ആരംഭിക്കുന്നതിനാവശ്യമായ നടപടി സ്വീകരിക്കുമോ?

പോലീസ് സേനയുടെ കാര്യക്ഷമത നിലനിര്‍ത്തുന്നതിനും സേനയെ കാലാനുസൃതമായി നവീകരിക്കുന്നതിനും സ്വീകരിച്ചിട്ടുള്ള നടപടികൾ വിശദമാക്കാമോ;

പതിറ്റാണ്ടുകളായി തെളിയിക്കപ്പെടാതിരുന്ന നിരവധി കുറ്റകൃത്യങ്ങളില്‍ പഴുതടച്ച അന്വേഷണത്തിലൂടെ യഥാര്‍ത്ഥ കുറ്റവാളികളെ തന്നെ കണ്ടെത്തി പിടികൂടുന്നതിനും, നിയമത്തിന്റെ മുന്നില്‍ എത്തിക്കുന്നതിലും പോലീസ് സേന കൈവരിച്ച പ്രധാന നേട്ടങ്ങളുടെ വിശദാംശങ്ങള്‍ ലഭ്യമാക്കുമോ:;

കുറ്റകൃത്യങ്ങള്‍ കണ്ടെത്തുന്നതിനും നടപടികള്‍ സ്വീകരിക്കുന്നതിനും ആധുനിക സങ്കേതങ്ങള്‍ ഒരുക്കുന്നതിന് ഈ സര്‍ക്കാര്‍ ആവിഷ്കരിച്ച് നടപ്പാക്കുന്ന പദ്ധതികള്‍ എന്തെല്ലാമാണ്: വിശദമാക്കാമോ?

മലപ്പുറം ജില്ലയിലെ വിവിധ പോലീസ് സ്റ്റേഷനുകളിൽ 2022 ജനുവരി മുതൽ 2023 ജൂലൈ 15 വരെ രജിസ്റ്റർ ചെയ്ത കേസുകളുടെ എണ്ണം പോലീസ് സ്റ്റേഷൻ, മാസം, ഒരോ കേസ്സുകളിലും ഉൾപ്പെട്ട പ്രതികളുടെ എണ്ണം എന്നിവ തിരിച്ചുള്ള കണക്കുകൾ ലഭ്യമാക്കുമോ;

പ്രസ്തുത കാലയളവിൽ ഗുരുതര കുറ്റകൃത്യങ്ങളിൽ ഉൾപ്പെട്ട എത്ര കേസുകളിലായി എത്ര പേർക്കെതിരെ കേസ് എടുത്തിട്ടുണ്ടെന്ന് വ്യക്തമാക്കുമോ;

പ്രസ്തുത കാലയളവിൽ രാഷ്ട്രീയ പാർട്ടികളുടെ പ്രകടനം, സമരം എന്നിവയെ തുടർന്ന് എത്ര കേസ്സുകളിലായി എത്ര പേർക്കെതിരെ കേസ് എടുത്തിട്ടുണ്ട് ?

2011 മെയ് മുതല്‍ 2016 മെയ് വരെ സംസ്ഥാന പോലീസ് സേനയ്ക്ക് ലഭിച്ച അവാര്‍ഡുകളും അംഗീകാരങ്ങളും എന്തെല്ലാമാണെന്ന് വിശദമാക്കാമോ;

2016 മെയ് മുതല്‍ ഇതുവരെ പോലീസ് സേനയ്ക്ക് ലഭിച്ചിട്ടുള്ള അവാര്‍ഡുകളും അംഗീകാരങ്ങളും എന്തൊക്കെയാണെന്ന് പ്രത്യേകം വിശദമാക്കാമോ?

മുൻ സര്‍ക്കാരിന്റെയും നിലവിലെ സര്‍ക്കാരിന്റെയും കാലത്ത് സംസ്ഥാനത്ത് എത്ര മാധ്യമ പ്രവര്‍ത്തകര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട്; ഏതെല്ലാം കുറ്റങ്ങള്‍ ആരോപിച്ചാണ് കേസ് എടുത്തിട്ടുള്ളത്; വിശദമാക്കുമോ;

പ്രസ്തുത കാലയളവിൽ സര്‍ക്കാരിനെതിരെ വാര്‍ത്തകള്‍ റിപ്പോര്‍ട്ട് ചെയ്തതിന് മാധ്യമ പ്രവര്‍ത്തകര്‍ക്കെതിരെ കേസുകള്‍ രജിസ്റ്റര്‍ ചെയ്തിട്ടുണ്ടോ; വ്യക്തമാക്കുമോ;;

മാധ്യമങ്ങൾക്കും മാധ്യമസ്വാതന്ത്ര്യത്തിനുമെതിരെ നടപടി സ്വീകരിക്കുന്നത് ജനാധിപത്യ വിരുദ്ധവും ഭരണഘടനാ ലംഘനവുമാണെന്ന തരത്തിലുള്ള ആക്ഷേപങ്ങൾ ശ്രദ്ധയിൽപ്പെട്ടിട്ടുണ്ടോ : വ്യക്തമാക്കുമോ?

വയനാട് മുട്ടിൽ മരംമുറി കേസിന്റെ നിലവിലെ അവസ്ഥ എന്താണെന്ന് വിശദമാക്കുമോ; പ്രസ്തുത കേസിൽ എത്ര പ്രതികൾ ഉൾപ്പെട്ടിട്ടുണ്ടെന്നും അവർ ആരെല്ലാമാണെന്നും വിശദമാക്കുമോ;

പ്രസ്തുത കേസിൽ നാളിതുവരെയും കുറ്റപത്രം സമർപ്പിച്ചിട്ടുണ്ടോ; ഇല്ലെങ്കില്‍ അതിന്റെ കാരണം വ്യക്തമാക്കുമോ?

മുട്ടിൽ മരം മുറി കേസിലെ പ്രതികളായ ആന്റോ അഗസ്റ്റിൻ, ജോസ് കുട്ടി അഗസ്റ്റിൻ, റോജി അഗസ്റ്റിൻ എന്നിവർക്കെതിരെ ഏതെല്ലാം പോലീസ് സ്‌റ്റേഷനുകളിൽ കേസുകൾ നിലവിലുണ്ടെന്ന് വ്യക്തമാക്കാമോ;

ഓരോ പ്രതിയുടെയും പേരിലുള്ള ക്രൈം കേസുകളുടെ വിവരങ്ങൾ കേസ് നമ്പർ, ചുമത്തിയിരിക്കുന്ന വകുപ്പുകൾ ഏതെല്ലാമെന്ന് വ്യക്തമാക്കാമോ; പ്രസ്തുത കേസുകളിൽ എത്ര എണ്ണത്തിൽ കുറ്റപത്രം നല്കിയിട്ടുണ്ടെന്നും അവ ഏതെല്ലാമാണെന്നും വ്യക്തമാക്കാമോ;

പ്രസ്തുത പ്രതികൾക്കെതിരെ കാപ്പ ചുമത്താൻ ശിപാർശ നല്കിയിട്ടുണ്ടോ; വ്യക്തമാക്കുമോ?

വാർത്തകൾ റിപ്പോർട്ട് ചെയ്തതിന്റെ പേരിൽ മാധ്യമ പ്രവർത്തകർക്കെതിരെ കേസ് എടുത്ത സാഹചര്യം വിശദമാക്കാമോ;

സർക്കാരിന് അനുകൂലമല്ലാത്ത വാർത്തകൾ റിപ്പോർട്ട് ചെയ്തതിന്റെ പേരിൽ മാധ്യമ പ്രവർത്തകർക്കെതിരെ കേസ് എടുക്കുന്നത് നിയമാനുസൃതമാണോ എന്ന് വ്യക്തമാക്കാമോ;

ഭരണഘടന ഉറപ്പു നൽകുന്ന അഭിപ്രായ സ്വാതന്ത്ര്യത്തിന്റെയും മാധ്യമ സ്വാതന്ത്ര്യത്തിന്റെയും ലംഘനമായ ഇത്തരം നടപടികൾ അവസാനിപ്പിക്കാൻ തയ്യാറാകുമോ എന്ന് വ്യക്തമാക്കാമോ?

സംസ്ഥാനത്ത് കൂടുതല്‍ സര്‍ക്കാര്‍, എയ്ഡ‍ഡ് വിദ്യാലയങ്ങളില്‍ സ്റ്റുഡന്റ്സ് പോലീസ് കേഡറ്റ് (എസ് പി സി ) പദ്ധതി അനുവദിക്കുന്നതിന് നടപടി സ്വീകരിക്കുമോ;

പുതുക്കാട് മണ്ഡലത്തില്‍പ്പെട്ട മറ്റത്തൂര്‍ പഞ്ചായത്തിലെ ശ്രീകൃഷ്ണ എച്ച്.എസ് -ല്‍ സ്റ്റുഡന്റ്സ് പോലീസ് കേഡറ്റ് (എസ് പി സി ) പദ്ധതി അനുവദിയ്ക്കുന്നതിനായി സമര്‍പ്പിച്ചിട്ടുള്ള അപേക്ഷ പരിഗണിക്കുന്നതിനും ഈ അദ്ധ്യയന വര്‍ഷം തന്നെ ആയത് അനുവദിക്കുന്നതിനും നടപടി സ്വീകരിക്കുമോ?

മഞ്ചേരി നിയോജകമണ്ഡലത്തിലെ കീഴാറ്റൂർ പഞ്ചായത്ത് ഓഫീസിന് തീവച്ച സംഭവത്തിൽ കേസ്സ് എടുത്തിട്ടുണ്ടോ;

ഇതു സംബന്ധിച്ച കേസ്സ് അന്വേഷണം പൂർത്തിയായോ; നിലവിലെ സ്ഥിതി വ്യക്തമാക്കുമോ?

മുൻ സർക്കാരിന്റെ കാലം മുതൽ നാളിതുവരെ എത്ര ബലാത്സംഗ കേസുകൾ റിപ്പോർട്ട് ചെയ്തിട്ടുണ്ട്; എത്ര കേസുകളിൽ മുഴുവൻ പ്രതികളെയും പിടികൂടിയിട്ടുണ്ട്; എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ട്; എത്ര കേസുകളിൽ പ്രതികളെ വെറുതെ വിട്ടിട്ടുണ്ട്; വിശദാംശങ്ങൾ ജില്ല തിരിച്ചു വ്യക്തമാക്കുമോ;

മുൻ സർക്കാരിന്റെ കാലം മുതൽ നാളിതുവരെ എത്ര പോക്സോ കേസുകൾ രജിസ്റ്റർ ചെയ്തിട്ടുണ്ട്; എത്ര കേസുകളിൽ മുഴുവൻ പ്രതികളെയും പിടികൂടിയിട്ടുണ്ട്; എത്ര കേസുകളിൽ പ്രതികൾ ശിക്ഷിക്കപ്പെട്ടിട്ടുണ്ട്; എത്ര കേസുകളിൽ പ്രതികളെ വെറുതെ വിട്ടിട്ടുണ്ട്; വിശദാംശങ്ങൾ ജില്ല തിരിച്ചു വ്യക്തമാക്കുമോ?

കഴക്കൂട്ടത്ത് യുവതിയെ കൃഷിഭവന്റെ ഗോഡൗണിലെത്തിച്ച് മാനഭംഗപ്പെടുത്തിയ കേസിന്റെ പുരോഗതി വ്യക്തമാക്കാമോ;

തിരുവനന്തപുരത്ത് ഈ വര്‍ഷം നാളിതുവരെ സ്ത്രീകള്‍ക്കും കുട്ടികള്‍ക്കും നേരെയുണ്ടായ അതിക്രമങ്ങള്‍ സംബന്ധിച്ച് എത്ര കേസുകള്‍ രജിസ്റ്റര്‍ ചെയ്തിട്ടുണ്ട്; ഇനം തിരിച്ച് വ്യക്തമാക്കാമോ?

മുന്‍ സർക്കാരിന്റെ കാലം മുതൽ നാളിതുവരെ ലഹരിയ്ക്ക് അടിമപ്പെട്ടവർ പ്രതികളായ എത്ര കൊലപാതക കേസുകളും അക്രമങ്ങളും ഉണ്ടായിട്ടുണ്ടെന്നുള്ള വിശദാംശം ജില്ല തിരിച്ച് നല്‍കാമോ;

പ്രസ്തുത കേസുകളില്‍ പ്രതികൾ ശിക്ഷിക്കപ്പെട്ടിട്ടുള്ളതും പ്രതികളെ വെറുതെ വിട്ടിട്ടുള്ളതുമായ കേസുകളുടെ വിശദാംശം ജില്ല തിരിച്ച് വ്യക്തമാക്കുമോ;

പ്രസ്തുത കേസുകളിൽ എത്രയെണ്ണത്തിൽ പ്രതികൾക്ക് മാനസികാസ്വാസ്ഥ്യം ഉള്ളതായി കണ്ടെത്തിയിട്ടുണ്ട്; ഇപ്രകാരം കണ്ടെത്തിയതിനെ തുടർന്ന് ശിക്ഷയില്‍ ഇളവ് ലഭിച്ച എത്ര കേസുകൾ ഉണ്ട് ; വിശദാംശം ജില്ല തിരിച്ച് വ്യക്തമാക്കുമോ ?

കോഴിക്കോട് ക്രൈം ബ്രാഞ്ച് അന്വേഷിച്ചുവരുന്ന ഐരത്തോണ അബ്ദുള്‍ കരീം വധക്കേസില്‍ ജാമ്യത്തിലിറങ്ങിയ പ്രതികള്‍ താമരശ്ശേരി ക്രൈം നമ്പര്‍ 687/22 കേസില്‍ ഉള്‍പ്പെട്ടതിനാല്‍ പ്രതികളുടെ ജാമ്യം റദ്ദ് ചെയ്യുന്നതിനായി നടപടികള്‍ സ്വീകരിക്കുന്നതിന് താമരശ്ശേരി പോലീസിനോട് ക്രൈംബ്രാഞ്ച് റിപ്പോര്‍ട്ട് ആവശ്യപ്പെട്ടിട്ടുണ്ടോ;

എങ്കില്‍ ഇക്കാര്യത്തില്‍ സ്വീകരിച്ച് വരുന്ന നടപടികള്‍ എന്തെല്ലാമെന്ന് വിശദമാക്കാമോ?

സൈബർ കുറ്റകൃത്യങ്ങൾ അനുദിനം വർദ്ധിച്ചുകൊണ്ടിരിക്കുന്ന സാഹചര്യത്തിൽ കുറ്റവാളികൾക്ക് മാതൃകാപരമായ ശിക്ഷ ഉറപ്പുവരുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

പോലീസ് സേനയിൽ സൈബർ വിംഗിൽ കൂടുതൽ ആളുകൾക്ക് പരിശീലനം നൽകി ഈ വിഭാഗത്തിന്റെ അംഗബലം വർദ്ധിപ്പിക്കുന്ന നടപടികൾ സ്വീകരിച്ചിട്ടുണ്ടോ ?

പാറശ്ശാല നിയോജക മണ്ഡലത്തിലെ ധനുവച്ചപുരം, അമ്പൂരി ജംഗ്ഷന്‍ എന്നിവിടങ്ങളില്‍ പോലീസ് എയ്ഡ് പോസ്റ്റ് സ്ഥാപിക്കുന്നതിനായി സമര്‍പ്പിച്ചിരുന്ന നിവേദനത്തിന്മേല്‍ നടപടികള്‍ സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

പ്രസ്തുത സ്ഥലങ്ങളില്‍ പോലീസ് എയ്ഡ് പോസ്റ്റ് ആരംഭിക്കുതിനുള്ള നടപടികള്‍ സ്വീകരിക്കാമോ; വിശദാംശങ്ങള്‍ അറിയിക്കാമോ;

നിലവില്‍ വാടക കെട്ടിടത്തില്‍ പ്രവര്‍ത്തിച്ചു വരുന്ന മാരായമുട്ടം പോലീസ് സ്റ്റേഷന് വേണ്ടി പുതിയ കെട്ടിടം നിര്‍മ്മിക്കുന്നതുമായി ബന്ധപ്പെട്ട് സമര്‍പ്പിച്ചിരുന്ന നിവേദനത്തിന്മേല്‍ തുടര്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

സ്റ്റേറ്റ് സ്പെഷ്യല്‍ ബ്രാഞ്ചിന്റെ റൂറല്‍ ഓഫീസ് പുതുക്കാട് അനുവദിച്ചിട്ടുണ്ടോ;

എങ്കില്‍ പ്രസ്തുത ഓഫീസ് പ്രവര്‍ത്തന സജ്ജമായിട്ടുണ്ടോ;

ഇല്ലെങ്കില്‍ എന്നത്തേക്ക് പ്രവര്‍ത്തനം ആരംഭിക്കാന്‍ കഴിയുമെന്ന് അറിയിക്കാമോ?

വിദ്യാര്‍ത്ഥി സംഘടന പ്രവർത്തകരെ നടപടിക്രമങ്ങൾ പാലിക്കാതെ അറസ്റ്റ് ചെയ്ത് ലോക്കപ്പില്‍ അടച്ചതിനെ തുടർന്ന് കാലടി പോലീസ് സ്റ്റേഷനിൽ എത്തിച്ചേർന്ന നിയമസഭാ സാമാജികരോട് പോലീസ് അപമര്യാദയായി പെരുമാറുകയും കയ്യേറ്റം ചെയ്യുകയും ചെയ്തതായി പറയപ്പെടുന്ന സംഭവവുമായി ബന്ധപ്പെട്ട് ശ്രീ സനീഷ് കുമാർ ജോസഫ്, എം.എൽ.എ. ഡി.ജി.പി.ക്ക് നൽകിയ പരാതിയുടെ അടിസ്ഥാനത്തിൽ നാളിതുവരെ എന്തൊക്കെ നടപടി സ്വീകരിച്ചിട്ടുണ്ട്; വിശദാംശം ലഭ്യമാക്കുമോ;

കുറ്റക്കാരായ പോലീസ് ഉദ്യോഗസ്ഥർക്കെതിരെ നടപടി സ്വീകരിക്കാതെ എം.എൽ.എ. മാർക്കെതിരെ പോലീസ് കേസ് രജിസ്റ്റർ ചെയ്തിട്ടുണ്ടോ; എങ്കിൽ ആയതിന്റെ അടിസ്ഥാനം എന്താണെന്ന് വ്യക്തമാക്കുമോ;

സാമാജികർക്കെതിരെ കേസ് രജിസ്റ്റർ ചെയ്തിട്ടുണ്ടെങ്കിൽ അത് റദ്ദാക്കുന്നതിനും സംഭവത്തിന് ഉത്തരവാദികളായ പോലീസ് ഉദ്യോഗസ്ഥർക്കെതിരെ നടപടി സ്വീകരിക്കുന്നതിനും നിർദ്ദേശം നൽകുമോ; വ്യക്തമാക്കുമോ ?

കൈപ്പമംഗലം നിയോജകമണ്ഡലത്തിലെ തീരദേശ മേഖലയിൽ പുതുതായി ഉടലെടുക്കുന്ന ലഹരി മാഫിയയുമായി ബന്ധപ്പെട്ട പ്രശ്നങ്ങൾ പരിഹരിക്കുന്നതിനും നിരന്തര കടലേറ്റമുള്ളതുകൊണ്ടും കൂടുതൽ പോലീസ് ഉദ്യോഗസ്ഥർ ആവശ്യമായതിനാല്‍ കൈപ്പമംഗലം സ്റ്റേഷനിലെ പോലീസുകാരുടെ എണ്ണം വർദ്ധിപ്പിക്കുവാൻ നടപടി സ്വീകരിക്കുമോ?

നിലവിലെ മലപ്പുറം ജില്ല പോലീസ് സൂപ്രണ്ട് അധികാരമേറ്റ ശേഷം ജില്ലയിലെ പോലീസ് സ്റ്റേഷനുകളിലെ എസ്.എച്ച്.ഓ. മാർക്ക് രാവിലെ എട്ടുമണി മുതൽ നിർബന്ധമായും ഇത്ര പെറ്റി കേസുകൾ വീതം റജിസ്റ്റർ ചെയ്ത് കേസെടുക്കണമെന്ന നിർദ്ദേശം നൽകിയിരുന്നുവോ; വിശദമാക്കാമോ;

അതുപ്രകാരം പെറ്റി കേസുകൾ രജിസ്റ്റർ ചെയ്ത് പൊതുജനങ്ങളെ പ്രയാസപ്പെടുത്തുന്നതായ പരാതി ലഭിച്ചിരുന്നുവോ; എങ്കിൽ എന്തു നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഡി.ജി.പി. യുടെ നിർദ്ദേശപ്രകാരമാണ് ഇപ്രകാരം ചെയ്യുന്നതെന്ന് പരാതിക്കാരോട് മലപ്പുറം പോലീസ് സൂപ്രണ്ട് വെളിപ്പെടുത്തിയതായി ശ്രദ്ധയിൽ പെട്ടിട്ടുണ്ടോ; ഉണ്ടെങ്കിൽ ആയതിന്റെ നിജസ്ഥിതി വിശദമാക്കാമോ;

ട്രാഫിക് നിയന്ത്രണത്തിന് ചുമതലപ്പെടുത്തിയിട്ടുള്ള ഹോം ഗാർഡുകൾ ഇത്തരം പെറ്റി കേസുകൾ എടുക്കുന്നതായി ശ്രദ്ധയിൽ വന്നിട്ടുണ്ടോ; വിശദമാക്കാമോ;

തിരൂരങ്ങാടി, പരപ്പനങ്ങാടി പോലീസ് സ്റ്റേഷൻ പരിധിയിൽ ഹോം ഗാർഡുകൾ ആണ് പെറ്റി കേസുകൾ എടുക്കുന്നത് എന്ന പരാതി ലഭിച്ചിട്ടുണ്ടോ; എങ്കിൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

ഹോം ഗാർഡുകൾ കേസ് എടുക്കുന്നതിന് മലപ്പുറം ജില്ല പോലീസ് സൂപ്രണ്ട് അനുവാദം നൽകിയിട്ടുണ്ടോ; വിശദമാക്കാമോ?

കാസർകോട് ജില്ലയിൽ നിലവിലുളള പോലീസ് സ്റ്റേഷനുകൾ ഏതെല്ലാമാണെന്ന് വ്യക്തമാക്കാമോ;

പ്രസ്തുത പോലീസ് സ്റ്റേഷനുകൾ ഏതു വർഷം നിർമ്മിച്ചതാണെന്നും നിർമ്മാണ ചെലവ് എത്രയാണെന്നും സ്റ്റേഷൻ തിരിച്ച് വ്യക്തമാക്കാമോ;

നിർമ്മിച്ചതിന് ശേഷം അറ്റകുറ്റപണികൾക്കും മോടി പിടിപ്പിക്കുന്നതിനും മറ്റ് സംവിധാനങ്ങൾ ഏർപ്പെടുത്തുന്നതിനും ചെലവഴിച്ച തുക എത്രയാണെന്ന് സ്റ്റേഷൻ തിരിച്ച് വ്യക്തമാക്കാമോ;

പ്രസ്തുത തുക ഏതു ഫണ്ടിൽ നിന്നാണ് വിനിയോഗിച്ചതെന്ന് വ്യക്തമാക്കാമോ;

അറ്റകുറ്റപ്പണി അനിവാര്യമായിട്ടുളളതും പുതുക്കി പണിയേണ്ടതുമായ അവസ്ഥയിലുളളതുമായ പോലീസ് സ്റ്റേഷനുകൾ ഏതെല്ലാമാണെന്ന് വ്യക്തമാക്കാമോ?

മലപ്പുറം ജില്ലയിലെ മേലാറ്റൂർ പോലീസ് സ്റ്റേഷനിൽ ക്രൈം നമ്പർ 580/22-ല്‍ നാര്‍ക്കോട്ടിക്ക് ഡ്രഗ്സ് &സൈക്കോട്രോപ്പിക് സബ്സ്റ്റന്‍സസ് ആക്റ്റ് അനുസരിച്ച് കേസെടുത്ത് എത്ര പേരെ അറസ്റ്റ് ചെയ്തു എന്ന് വിശദമാക്കാമോ;

ഇപ്രകാരം അറസ്റ്റ് ചെയ്തവരിൽ എത്രപേരെ റിമാൻഡ് ചെയ്തു; വിശദമാക്കാമോ;

ഇവരിൽ നിന്നും എത്ര അളവ് മയക്കുമരുന്നാണ് പിടിച്ചെടുത്തതെന്നും ഇത് ഏത് ലാബിലാണ് കെമിക്കൽ ടെസ്റ്റ് നടത്തിയതെന്നും വിശദമാക്കാമോ;

പ്രസ്തുത കേസുകളുടെ നിലവിലെ സ്ഥിതി എന്താണെന്ന് വിശദമാക്കാമോ?

മങ്കട പോലീസ് സ്റ്റേഷന് കെട്ടിടം നിര്‍മ്മിക്കുന്നതുമായി ബന്ധപ്പെട്ട് നാളിതുവരെ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

കെട്ടിട നിര്‍മ്മാണത്തിന് സ്ഥലം കണ്ടെത്തുന്നതിന് ജില്ലാ കളക്ടര്‍ സ്വീകരിച്ച നടപടി സംബന്ധിച്ച് ആഭ്യന്തര വകുപ്പിന് ലഭ്യമായ വിവരവും അതിന്റെ നിലവിലെ സ്ഥിതിയും വിശദമാക്കാമോ;

പ്രസ്തുത പ്രവൃത്തി സമയബന്ധിതമായി നടപ്പിലാക്കുന്നതിന് നടപടി സ്വീകരിക്കുമോ?

കായംകുളം പോലീസ് സ്റ്റേഷനിലെ ക്വാര്‍ട്ടേഴ്സ് കാലപ്പഴക്കത്താല്‍ ജീര്‍ണ്ണാവസ്ഥയിലായി അപകട ഭീഷണി ഉയര്‍ത്തി നില്‍ക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ അത് പൊളിച്ച് മാറ്റി പുതിയ ക്വാര്‍ട്ടേഴ്സ് നിര്‍മ്മിക്കുന്നതിനാവശ്യമായ നടപടി സ്വീകരിക്കുമോ;

കായംകുളം മണ്ഡലത്തിലെ കരീലകുളങ്ങര പോലീസ് സ്റ്റേഷന്റെ നിര്‍മ്മാണവുമായി ബന്ധപ്പെട്ട നടപടി ക്രമങ്ങളുടെ പുരോഗതി വിശദമാക്കാമോ?

നെയ്യാറ്റിന്‍കര നിയോജകമണ്ഡലത്തിലെ പ്ലാമൂട്ടുകടയില്‍ പുതിയ പോലീസ് സ്റ്റേഷന്‍ സ്ഥാപിക്കുന്നതിന് സ്ഥലം എം.എല്‍.എ.-യുടെ നിവേദനത്തിന്മേല്‍ എന്ത് നടപടി സ്വീകരിച്ചു എന്ന് വിശദമാക്കാമോ;

പ്രസ്തുത പോലീസ് സ്റ്റേഷന്‍ പ്ലാമൂട്ടുകടയില്‍ സ്ഥാപിക്കുന്നതിന് എന്തൊക്കെ നടപടിക്രമങ്ങള്‍ ആണ് പൂര്‍ത്തീകരിച്ചിട്ടുള്ളതെന്ന് വിശദമാക്കാമോ?

പയ്യന്നൂര്‍ മണ്ഡലത്തില്‍ താത്ക്കാലിക കെട്ടിടത്തില്‍ പ്രവര്‍ത്തിക്കുന്ന ചെറുപുഴ പോലീസ് സ്റ്റേഷന് സ്വന്തമായി പുതിയ കെട്ടിടം നിര്‍മ്മിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

മണലൂര്‍ മണ്ഡലത്തിലെ വാടാനപ്പള്ളി പോലീസ് സ്റ്റേഷന്‍ വര്‍ഷങ്ങളായി വാടക കെട്ടിടത്തിലാണ് പ്രവര്‍ത്തിക്കുന്നതെന്നും പ്രസ്തുത കെട്ടിടത്തില്‍ സ്റ്റേഷന്‍ പ്രവര്‍ത്തനത്തിനുള്ള സൗകര്യങ്ങള്‍ വളരെ കുറവാണെന്നുമുള്ള കാര്യവും ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സ്റ്റേഷന് കെട്ടിടം നിര്‍മ്മിക്കുന്നതിന് എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ;

കെട്ടിട നിര്‍മ്മാണം ഏത് ഏജന്‍സിയെയാണ് ഏല്പിച്ചിരിക്കുന്നതെന്നും നിര്‍മ്മാണ പുരോഗതി എന്താണെന്നും അറിയിക്കാമോ;

പ്രസ്തുത കെട്ടിടത്തിലെ സൗകര്യങ്ങള്‍ എന്തൊക്കെയാണെന്നും നിര്‍മ്മാണം എന്നത്തേക്ക് പൂര്‍ത്തീകരിക്കാനാകുമെന്നും വ്യക്തമാക്കാമോ?

അരൂര്‍ പോലീസ് സ്റ്റേഷന്‍ നിര്‍മ്മാണവുമായി ബന്ധപ്പെട്ട് എൻ.എച്ച്. 66-നോട് ചേര്‍ന്ന് അരൂര്‍ വില്ലേജ് ഓഫീസിന് സമീപമുള്ള റവന്യൂ പുറമ്പോക്ക് ഭൂമി ഏറ്റെടുക്കുന്നതിനായി സ്വീകരിച്ച നടപടികള്‍ വിശദമാക്കാമോ?

മുക്കം പോലീസ് സ്റ്റേഷന്‍ കെട്ടിട നിര്‍മ്മാണ പൂര്‍ത്തീകരണത്തിന് ഫണ്ട് അനുവദിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത ആവശ്യത്തിന്മേല്‍ സ്വീകരിച്ച തുടര്‍നടപടികള്‍ വ്യക്തമാക്കാമോ;

ആവശ്യമായ തുക അനുവദിക്കുന്നതിനും ഭരണാനുമതി നല്‍കുന്നതിനും അടിയന്തര നടപടി സ്വീകരിക്കുമോ?

പേരാമ്പ്ര പോലീസ് സ്റ്റേഷനിലെ ഓഫീസ് കെട്ടിടത്തിന്റെയും ക്വാര്‍ട്ടേഴ്സിന്റെയും ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിനുള്ള നടപടി സ്വീകരിക്കുമോ;

പെരുവണ്ണാമുഴി പോലീസ് സ്റ്റേഷന്റെ നിര്‍മ്മാണ പുരോഗതി വിശദമാക്കാമോ?

നിലവിലെ സർക്കാർ അധികാരമേറ്റശേഷം നാളിതുവരെ ആഭ്യന്തര വകുപ്പ് മുഖാന്തിരം പൂഞ്ഞാർ മണ്ഡലത്തില്‍ നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികള്‍ക്കായി അനുവദിച്ച തുക, പദ്ധതികളുടെ നിലവിലെ സ്ഥിതി എന്നിവ സംബന്ധിച്ച വിശദാംശം ലഭ്യമാക്കുമോ?

പട്ടികവര്‍ഗ്ഗ മേഖലയിലെ പ്രശ്നങ്ങള്‍ ചര്‍ച്ച ചെയ്യുന്നതിനായി ജില്ലാ പോലീസ് മേധാവിയുടെ നേതൃത്വത്തില്‍ യോഗങ്ങള്‍ ചേരാറുണ്ടോ; എങ്കില്‍ ഏതെല്ലാം വിഷയങ്ങളാണ് യോഗത്തില്‍ ചര്‍ച്ച ചെയ്യുക എന്ന് അറിയിക്കാമോ; മലപ്പുറം ജില്ലയില്‍ 2020 ജനുവരി മുതല്‍ 2023 ജൂലൈ വരെ ഇത്തരത്തില്‍ എത്ര യോഗങ്ങള്‍ ചേര്‍ന്നുവെന്ന് തീയതി സഹിതം വിശദമാക്കാമോ;

വിവിധ സര്‍ക്കാര്‍ വകുപ്പുകള്‍ക്ക് പുറമേ പട്ടികവര്‍ഗ്ഗ മേഖലയിലെ ഏതെല്ലാം സംഘടനകളെയാണ് ജില്ലാതല യോഗങ്ങളിലേക്ക് ക്ഷണിക്കുന്നതെന്നും സംഘടനകളെ യോഗങ്ങളിലേക്ക് തെരഞ്ഞെടുക്കുന്നതിന്റെ മാനദണ്ഡങ്ങള്‍ എന്താണെന്നും വ്യക്തമാക്കാമോ; യോഗങ്ങളിലെത്തുന്ന പ്രസ്തുത സംഘടനകളുടെ പ്രവര്‍ത്തനങ്ങള്‍ പോലീസ് വിലയിരുത്താറുണ്ടോ; വ്യക്തമാക്കാമോ;

ജില്ലാ പോലീസ് മേധാവിയുടെ നേതൃത്വത്തില്‍ മലപ്പുറം ജില്ലയിലെ പട്ടികവര്‍ഗ്ഗ മേഖലകളിലെ പ്രശ്നങ്ങള്‍ ചര്‍ച്ച ചെയ്യാന്‍ വേണ്ടി ചേരുന്ന യോഗങ്ങളില്‍ പങ്കെടുക്കുന്ന വിവിധ പട്ടികവര്‍ഗ്ഗ, ആദിവാസി സംഘടനകളുടെ പ്രതിനിധികളുടെ പേര് വിവരവും വിലാസവും മൊബൈല്‍ നമ്പരും ഇവരുള്‍പ്പെടുന്ന സംഘടനകളുടെ പേരു വിവരവും ലഭ്യമാക്കാമോ; ഓരോ സംഘടനകളില്‍ നിന്നും എത്ര പ്രതിനിധികളെ വീതമാണ് യോഗത്തിന് ക്ഷണിക്കാറുള്ളതെന്നും അറിയിക്കാമോ;

പട്ടികവര്‍ഗ്ഗ വിഭാഗങ്ങള്‍ക്കിടയില്‍ പ്രചാരമില്ലാത്ത കടലാസ് സംഘടനകള്‍ ഇത്തരം യോഗങ്ങള്‍ക്കെത്തുന്നതും യോഗ തീരുമാനങ്ങളെ സ്വാധീനിക്കുന്നതും ശ്രദ്ധയില്‍പ്പെട്ടിട്ടുണ്ടോ; എങ്കില്‍ പരിശോധിക്കുമോ?

നിലവിലെ സർക്കാരിന്റെ കാലഘട്ടത്തിൽ 2021 മെയ് മാസം മുതൽ നാളിതുവരെ സർക്കാരിനെതിരെ നടത്തിയ സമരങ്ങൾ, പ്രക്ഷോഭങ്ങൾ എന്നിവയെ തുടർന്ന് ഫയൽ ചെയ്തിട്ടുള്ള കേസുകളുടെ എഫ്.ഐ.ആർ. നമ്പർ, ജില്ല, പോലീസ് സ്റ്റേഷൻ, തീയതി, കേസ് എടുത്തവരുടെ എണ്ണം എന്നീ വിവരങ്ങൾ പട്ടികയായി നൽകാമോ?

കായികതാരവും ബീഹാറിലെ ധനാപൂര്‍ റെയില്‍വേ ഡിവിഷനില്‍ ജോലി ചെയ്തു വരികയുമായിരുന്ന കുറ്റ്യാടി മണ്ഡലത്തിലെ വട്ടോളി സ്വദേശി ലിതാര, ബീഹാറില്‍ വച്ച് മരണപ്പെട്ടതിനെ തുടര്‍ന്നുള്ള അന്വേഷണം ഏത് ഘട്ടത്തില്‍ ആണെന്ന് അറിയിക്കാമോ; സാമ്പത്തികമായി പിന്നോക്കം നില്‍ക്കുന്ന ലിതാരയുടെ കുടുംബത്തിന് നഷ്ടപരിഹാരം നല്‍കുന്നത് പരിഗണനയിലുണ്ടോ; വിശദമാക്കാമോ?

ആലത്തൂർ മണ്ഡലത്തില്‍ 2016 മുതല്‍ നാളിതുവരെ ആഭ്യന്തര വകുപ്പ് നടപ്പിലാക്കിയ പദ്ധതികൾ ഏതൊക്കെയാണെന്നും ഇതിനായി എത്ര രൂപ വിനിയോഗിച്ചിട്ടുണ്ടെന്നും വിശദമാക്കാമോ?

ആറ്റിങ്ങല്‍ നിയോജക മണ്ഡലത്തിലെ നഗരൂര്‍ പോലീസ് സ്റ്റേഷനിലെ ജീവനക്കാരുടെ കുറവ് പരിഹരിക്കാന്‍ സ്വീകരിച്ച നടപടികള്‍ വിശദമാക്കുമോ?

സിവില്‍ സര്‍വ്വീസില്‍ അഴിമതിയും കെെക്കൂലിയും ഇല്ലാതാക്കുന്നതിനായി നിലവിലെ സര്‍ക്കാര്‍ എന്തെല്ലാം നടപടിയാണ് സ്വീകരിച്ചിട്ടുളളതെന്ന് വിശദമാക്കുമോ;

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം വിവിധ വകുപ്പുകളിലായി എത്ര കെെക്കൂലി കേസുകളാണ് വിജിലന്‍സ് പിടിച്ചിട്ടുളളതെന്ന് വിശദമാക്കുമോ; വകുപ്പുകള്‍ തിരിച്ചുളള കണക്ക് ലഭ്യമാക്കുമോ?

മഞ്ചേരിയിലെ ജില്ലാ കോടതി കോംപ്ലക്സിന്റെ പണി നിലവിൽ ഏതു ഘട്ടത്തിലാണ്;

പ്രസ്തുത കെട്ടിടത്തിന്റെ പണി വേഗത്തില്‍ പൂർത്തിയാക്കി ഉദ്ഘാടനം ചെയ്യാൻ നടപടി സ്വീകരിക്കുമോ?

കണ്‍സ്ട്രക്ഷന്‍ കോര്‍പ്പറേഷന്‍ മുഖേന നടപ്പിലാക്കുന്ന കൂത്തുപറമ്പ് മജിസ്ട്രേറ്റ് കോടതി നിര്‍മ്മാണ പ്രവൃത്തി വര്‍ഷങ്ങളായിട്ടും ആരംഭിക്കാന്‍ സാധിക്കാത്ത കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

പ്രസ്തുത പ്രവൃത്തി ആരംഭിക്കുന്നതിന് എന്തെങ്കിലും തടസ്സങ്ങൾ നിലവിലുണ്ടോ; വിശദമാക്കുമോ;

പ്രസ്തുത നിര്‍മ്മാണ പ്രവൃത്തി എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

2018 മുതൽ 2022 വരെ ഓരോ വർഷവും ലോകായുക്തയിൽ എത്ര കേസുകൾ ഫയൽ ചെയ്തിട്ടുണ്ട്;ഇതിൽ എത്ര കേസുകളിൽ തീർപ്പ് കൽപ്പിച്ചിട്ടുണ്ട്; വിശദമാക്കാമോ ?

കാസർഗോഡ് ഫയർ ആന്റ് റസ്ക്യു സ്റ്റേഷന് പുതിയ കെട്ടിടം നിർമ്മിക്കാൻ ആലോചനയുണ്ടോ; എങ്കിൽ ഇതിനു വേണ്ട പ്ലാനും എസ്റ്റിമേറ്റും തയ്യാറാക്കിയിട്ടുണ്ടോയെന്ന് വ്യക്തമാക്കുമോ;

ഇത് എത്ര നിലകളുളള കെട്ടിടമാണെന്നും എന്തെല്ലാം സൗകര്യങ്ങളും സംവിധാനങ്ങളും കെട്ടിടത്തിൽ ഉണ്ടാകുമെന്നും വ്യക്തമാക്കുമോ;

പ്രസ്തുത കെട്ടിടത്തിൽ ജീവനക്കാർക്കു താമസിക്കാനുളള സൗകര്യം ഉണ്ടാകുമോ എന്ന് വ്യക്തമാക്കുമോ; എങ്കിൽ വിശദാംശം നൽകുമോ;

പ്രസ്തുത നിർമ്മാണത്തിന്റെ എസ്റ്റിമേറ്റ് തുക എത്രയാണെുന്നും ഭരണാനുമതിയും സാങ്കേതികാനുമതിയും എപ്പോൾ ലഭ്യമാക്കുമെന്നും വ്യക്തമാക്കുമോ?

മലപ്പുറം മുണ്ടുപറമ്പിലെ അഗ്നി സുരക്ഷാ നിലയത്തോടനുബന്ധിച്ച് പ്രവര്‍ത്തിക്കുന്ന ജില്ല ഫയര്‍ ഓഫീസ് നവീകരണത്തിനായി നാളിതുവരെ സ്വീകരിച്ച നടപടികള്‍ വിശദീകരിക്കാമോ;

പ്രസ്തുത പ്രവൃത്തിക്കായി 2018-19 വര്‍ഷത്തെ ബജറ്റ് പ്രോപ്പോസലില്‍ ഉള്‍പ്പെടുത്തി പൊതുമരാമത്ത് വകുപ്പ് സമര്‍പ്പിച്ച തൊണ്ണൂറ്റിയഞ്ച് ലക്ഷം രൂപയുടെ എസ്റ്റിമേറ്റിന് അംഗീകാരം നല്‍കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ; ഇതിനായി മറ്റു ഫണ്ടുകള്‍ അനുവദിച്ചിട്ടുണ്ടോ;

ജില്ലാ ഫയര്‍ ഓഫീസര്‍ക്കുള്ള ക്വാര്‍ട്ടേഴ്സ് നിര്‍മ്മാണം ഉള്‍പ്പെടെയുള്ള അടിസ്ഥാന സൗകര്യങ്ങള്‍ ഏര്‍പ്പെടുത്താന്‍ സത്വര നടപടി സ്വീകരിക്കാമോ?

ഹരിപ്പാട് അഗ്നിരക്ഷാ നിലയത്തിലേക്കുള്ള വഴിയുടെ വികസനത്തിനായി 23.05.2023-ലെ സ.ഉ.(കൈയെഴുത്ത്)130/2023/ഹോം നമ്പര്‍ ഉത്തരവ് പ്രകാരം ഭൂമി ഏറ്റെടുക്കുന്നതിനുള്ള കണ്ടിജന്‍സി ചാര്‍ജ്ജായി അനുവദിച്ച മൂന്ന് ലക്ഷം രൂപ സ്‌പെഷ്യല്‍ തഹസില്‍ദാര്‍ക്ക് കൈമാറാത്തതിന്റെ കാരണം വ്യക്തമാക്കാമോ;

പ്രസ്തുത തുക അടിയന്തരമായി കൈമാറുന്നതിനുള്ള നടപടി സ്വീകരിക്കുമോ; വ്യക്തമാക്കുമോ?

ഉപ്പള അഗ്നിരക്ഷാ നിലയത്തിന് സ്വന്തമായി കെട്ടിട സൗകര്യമില്ലാത്തത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത അഗ്നിരക്ഷാ നിലയത്തിന് കെട്ടിടം നിർമ്മിക്കുന്നതിന് നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത അഗ്നിരക്ഷാ നിലയത്തിന്റെ നിർമ്മാണം എപ്പോൾ ആരംഭിക്കാൻ സാധിക്കുമെന്ന് വ്യക്തമാക്കുമോ?

കാട്ടാക്കട ഫയര്‍ സ്റ്റേഷന്റെ നിര്‍മ്മാണത്തിനായി അനുമതി ലഭ്യമായ പ്രവൃത്തികള്‍ പൂര്‍ത്തിയായിട്ടുണ്ടെങ്കിലും ഇനിയും പ്രവൃത്തികള്‍ പൂര്‍ത്തിയാക്കാനുള്ളത് ശ്രദ്ധയില്‍പ്പെട്ടിട്ടുണ്ടോ;

ഇനിയും പൂര്‍ത്തിയാക്കാനുള്ള പ്രവൃത്തികളുടെ എസ്റ്റിമേറ്റ് സർക്കാരിന്റെ പരിഗണനയിലുണ്ടോ; എങ്കിൽ ആയതിന്മേല്‍ ഭരണാനുമതി ലഭ്യമാക്കി ഫയര്‍ സ്റ്റേഷന്‍ ആരംഭിക്കുന്നതിനുള്ള നടപടി സ്വീകരിക്കാമോ?

കാഞ്ഞങ്ങാട് മണ്ഡലത്തിലെ വെള്ളരിക്കുണ്ട് താലൂക്കിലെ ബിരിക്കുളത്ത് ഫയർ ആന്റ് റസ്ക്യൂ സ്റ്റേഷൻ സ്ഥാപിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ;

ഫയർ ആന്റ് റസ്ക്യൂ സ്റ്റേഷൻ സ്ഥാപിക്കുന്നതിന് പ്രസ്തുത താലൂക്കിൽ ഏതൊക്കെ സ്ഥലങ്ങളിലാണ് പരിശോധന നടത്തിയതെന്ന് വിശദമാക്കാമോ;

ആയത് പ്രകാരം സമർപ്പിച്ച റിപ്പോർട്ടുകളുടെ പകർപ്പുകൾ ലഭ്യമാക്കാമോ?

2021-22 വര്‍ഷത്തെ ബജറ്റിൽ ഉൾപ്പെടുത്തിയ കോട്ടക്കൽ മണ്ഡലത്തിലെ വളാഞ്ചേരി ഫയർ സ്റ്റേഷൻ കെട്ടിട നിർമ്മാണത്തിന് ഭരണാനുമതി ലഭിക്കുന്നതിനായി വകുപ്പ് സ്വീകരിച്ച നടപടികൾ വിശദമാക്കുമോ;

പ്രസ്തുത പ്രവൃത്തിക്ക് ഭരണാനുമതി ലഭിക്കുന്നതില്‍ കാലതാമസം നേരിടുന്നതിന്റെ കാരണം വിശദമാക്കുമോ; നിർമ്മാണം എന്നത്തേക്ക് ആരംഭിക്കാന്‍ കഴിയുമെന്ന് അറിയിക്കുമോ;

പ്രസ്തുത മണ്ഡലത്തില്‍ അടിയന്തരമായി ഫയര്‍ സ്റ്റേഷന്‍ കെട്ടിടനിര്‍മ്മാണം ആരംഭിക്കുന്നതിനുള്ള നടപടികള്‍ സ്വീകരിക്കുമോ?

വൈപ്പിൻ മണ്ഡലത്തിലെ ഫയർ ആൻഡ് റെസ്ക്യൂ സർവീസസ് വകുപ്പിന് വേണ്ടി എളങ്കുന്നപ്പുഴ ഗ്രാമപഞ്ചായത്ത് റവന്യൂ വകുപ്പിന്റെ ഉടമസ്ഥതയിലുള്ള എളങ്കുന്നപ്പുഴ വില്ലേജ് സർവ്വേ 412/6 ല്‍ പെട്ട 7.10 ആർ. ഭൂമി ഏറ്റെടുക്കുന്നതിനായി എറണാകുളം റീജിയണൽ ഫയർ ഓഫീസർ 1.2.2003 ലെ കത്ത് പ്രകാരം അഗ്നിരക്ഷാ സേവന വകുപ്പ് മേധാവിക്ക് സമർപ്പിച്ച അർത്ഥനാ പത്രത്തിൽ സ്വീകരിച്ചിട്ടുള്ള നടപടികൾ എന്തെന്ന് വിശദമാക്കാമോ?

പരവൂർ അഗ്നിരക്ഷാ നിലയത്തിന് പുതിയ കെട്ടിടം നിർമ്മിക്കുന്നതിനായുള്ള നടപടികളുടെ പുരോഗതി വിശദമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട് ടെൻഡർ നടപടികൾ പൂർത്തീകരിച്ചിട്ടുണ്ടോ; വ്യക്തമാക്കാമോ;

പ്രാരംഭ നടപടികൾ പൂർത്തിയാക്കി പുതിയ കെട്ടിടം നിർമ്മിക്കുന്ന പ്രവൃത്തി എന്നത്തേക്ക് ആരംഭിക്കുവാൻ കഴിയുമെന്ന് അറിയിക്കാമോ?

ആലത്തൂർ മണ്ഡലത്തിലെ ആലത്തൂര്‍ അഗ്നി രക്ഷാനിലയത്തിന് സ്വന്തമായി കെട്ടിടം നിർമ്മിക്കുന്നതിന് തയ്യാറാക്കിയ പ്ലാനിന് അംഗീകാരം ലഭിച്ചിട്ടുണ്ടോ; എങ്കിൽ തുടർ നടപടികൾ എന്തൊക്കെയാണെന്ന് വ്യക്തമാക്കാമോ;

പ്രസ്തുത അഗ്നി രക്ഷാനിലയത്തിന് പുതിയ കെട്ടിടം നിർമ്മിക്കുന്നതിനുള്ള നടപടികളുടെ പുരോഗതി വിശദമാക്കാമോ?

കോങ്ങാട് ഫയര്‍ സ്റ്റേഷന്‍ നിര്‍മ്മാണ പദ്ധതിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നത് സംബന്ധിച്ച തുടര്‍ നടപടികളുടെ വിശദാംശം ലഭ്യമാക്കാമോ?

കോവിഡ് കാലഘട്ടത്തിൽ ജയിലുകളിലേയ്ക്ക് മാസ്ക് നിർമ്മിക്കാനുള്ള തുണി ലഭ്യമാക്കാൻ സാമൂഹ്യ സുരക്ഷാമിഷനോട് ജയിൽ വകുപ്പ് ആവശ്യപ്പെട്ടിരുന്നോ; എങ്കിൽ പ്രസ്തുത രേഖകളുടെ പകർപ്പ് ലഭ്യമാക്കാമോ;

സാമൂഹ്യ സുരക്ഷാമിഷൻ മാസ്ക് നിർമ്മിക്കാനുള്ള തുണി ജയിൽ വകുപ്പിനു നൽകിയിരുന്നോ; എങ്കിൽ എത്ര രൂപയുടെ തുണിയാണ് നൽകിയതെന്ന് വ്യക്തമാക്കാമോ;

സാമൂഹ്യ സുരക്ഷാമിഷൻ മാസ്ക് നിർമ്മിക്കാനുള്ള തുണി ജയിൽ വകുപ്പിന് നൽകിയ വകയിൽ ജയിൽ വകുപ്പ് സാമൂഹ്യ സുരക്ഷാമിഷന് തുക നൽകിയിരുന്നോ; എങ്കിൽ എത്ര രൂപ നൽകിയെന്ന് വ്യക്തമാക്കാമോ?

വിവിധ കേസുകളിൽ ഒരു വർഷത്തേയ്ക്ക് മാത്രം ശിക്ഷിക്കപ്പെട്ട് ജയിലിൽ കഴിയുന്നവരിൽ മൂന്നിലൊന്നു ശിക്ഷ അനുഭവിച്ചവരെയും 65 വയസ്സ് പൂർത്തിയാക്കിയവരെയും രോഗാവസ്ഥയിൽ ഉള്ളവരെയും ആസാദി കാ അമൃത് മഹോത്സവിന്റെ ഭാഗമായി 2023 ആഗസ്ത് 15 ന് ജയിൽ മോചിതരാക്കാൻ ഉത്തരവുണ്ടോ;

എങ്കിൽ പ്രസ്തുത ഉത്തരവ് പ്രകാരം ഇളവ് ലഭിക്കാൻ അർഹതപ്പെട്ടവർക്ക് ആയത് ലഭിക്കാൻ നടപടി സ്വീകരിച്ചിട്ടുണ്ടോ;

വിയ്യൂർ ജയിലിൽ കഴിയുന്ന ഇത്തരത്തിൽ അർഹതപ്പെട്ടവർക്കും ഈ ശിക്ഷായിളവ് ലഭിക്കുമെന്ന് ഉറപ്പു വരുത്തിയിട്ടുണ്ടോ?

കേരളത്തിലെ ജയിലുകളില്‍ നിലവില്‍ നാലു ചക്ര വാഹനം ഇല്ലാത്ത ജയിലുകള്‍ ഉണ്ടോ; എങ്കില്‍ ഏതെല്ലാം;

നാലു ചക്ര വാഹനം ഇല്ലാത്ത ജയിലുകള്‍ ഉണ്ടെങ്കില്‍ അവിടെ വാഹനം നല്‍കുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

കാസർഗോഡ് ജില്ലാ ജയിൽ സ്ഥാപിക്കാൻ സ്ഥലം കണ്ടെത്തിയിട്ടുണ്ടോ; വിശദാംശങ്ങൾ അറിയിക്കാമോ;

എങ്കിൽ കണ്ടെത്തിയ സ്ഥലം വകുപ്പിന് കൈമാറിയിട്ടുണ്ടോ; വിശദാംശം ലഭ്യമാക്കാമോ;

കൈമാറി കിട്ടിയ സ്ഥലത്ത് കെട്ടിടം അടക്കമുള്ള സംവിധാനങ്ങൾ ഒരുക്കുന്നതിന് തുക ലഭ്യമാണോ; വിശദാംശങ്ങൾ നൽകാമോ?

കൂത്തുപറമ്പ് സ്പെഷ്യല്‍ സബ് ജയിലില്‍ വൈദ്യുതി ബന്ധം നിലച്ചാല്‍ വെളിച്ചത്തിന് പകരം സംവിധാനം ലഭ്യമല്ലാത്ത കാര്യം ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിന് സോളാര്‍ പാനല്‍ സ്ഥാപിക്കാനുള്ള നടപടി സ്വീകരിക്കുമോ; വിശദമാക്കുമോ;

ആഴ്ചയില്‍ ഒരു ദിവസമെങ്കിലും ആരോഗ്യ പരിശോധനയും കൗണ്‍സിലിംഗ് സംവിധാനവും ഏര്‍പ്പെടുത്തുന്ന കാര്യം പരിഗണിക്കുമോ; വിശദമാക്കുമോ;

ജയിലിലെ തടവുകാര്‍ക്ക് മാനസിക ഉല്ലാസം സാധ്യമാകത്തക്ക വിധം വിനോദോപാധികള്‍ ഏര്‍പ്പെടുത്തുന്ന കാര്യം പരിഗണിക്കുമോ; വിശദമാക്കുമോ;

കൂത്തുപറമ്പ് സ്പെഷല്‍ സബ് ജയിലില്‍ ആവശ്യത്തിന് സ്വന്തമായി വാഹനമില്ലാത്തത് ദൈനംദിന പ്രവര്‍ത്തനങ്ങളെ സാരമായി ബാധിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ആയത് പരിഹരിക്കുന്നതിനായി വാഹനം അനുവദിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?

കോഴിക്കോട് ജില്ലയിലെ ഗവൺമെന്റ് പ്രസ്സിന്റെ പ്രവർത്തനം ശക്തിപ്പെടുത്തുന്നതിന് സ്വീകരിച്ച നടപടികൾ വ്യക്തമാക്കുമോ;

പ്രസ്തുത പ്രസ്സിന്റെ സുഗമമായ പ്രവർത്തനത്തിന് വേണ്ട ജീവനക്കാരെ അനുവദിക്കുന്നതിന് നടപടികൾ സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ?

പാഠപുസ്തകങ്ങൾ അച്ചടിക്കുന്നതിനുള്ള പേപ്പർ ടെൻഡർ നടപടികൾ ഒഴിവാക്കി വാങ്ങുന്നതിന് കെ.ബി.പി.എസ്. ന് 2018-ൽ പ്രത്യേക അനുമതി നൽകിയിട്ടുണ്ടോയെന്നും ഏതു സാഹചര്യത്തിലാണ് ഇപ്രകാരം അനുമതി നൽകിയതെന്നും വിശദമാക്കുമോ; പ്രസ്തുത ഉത്തരവിന്റെ പകർപ്പ് ലഭ്യമാക്കുമോ;

ടെണ്ടർ നടപടികൾ ഒഴിവാക്കി പേപ്പർ വാങ്ങുന്നതിന് തുടർന്നുള്ള വർഷങ്ങളിലും കെബിപിഎസിന് അനുമതി നൽകിയിട്ടുണ്ടോയെന്നും ഉണ്ടെങ്കിൽ ഏതു സാഹചര്യത്തിലാണ് ഇപ്രകാരം അനുമതി നൽകിയതെന്നും വിശദമാക്കുമോ; പ്രസ്തുത ഉത്തരവുകളുടെ പകർപ്പ് ലഭ്യമാക്കുമോ;

2018 മുതൽ നാളിതുവരെ ഓരോ വർഷവും ഇപ്രകാരം എത്ര രൂപയുടെ പേപ്പർ വാങ്ങിയിട്ടുണ്ടെന്നും ഏത് സ്ഥാപനത്തിൽ നിന്നാണ് പേപ്പർ വാങ്ങിയതെന്നും പ്രിന്റിംഗ് ആൻഡ് ഡിസ്ട്രിബ്യൂഷൻ ഇനത്തിൽ ഓരോ വർഷവും എത്ര ശതമാനം തുകയുടെ നിരക്ക് വർദ്ധനവാണ് ഈ സ്ഥാപനത്തിന് അനുവദിച്ചു നൽകിയതെന്നും വിശദമാക്കുമോ;

സ്റ്റോർ പർച്ചേസ് മാനുവലിലെ വ്യവസ്ഥകൾക്ക് വിരുദ്ധമായി തുടർച്ചയായ വർഷങ്ങളിൽ ടെൻഡർ നടപടികള്‍ ഒഴിവാക്കി പേപ്പർ വാങ്ങുന്നതിനുള്ള കരാർ നൽകിയതിന്റെ കാരണം വ്യക്തമാക്കുമോ;

ഇത് സംബന്ധിച്ച ഓഡിറ്റ് നിരീക്ഷണം എന്തായിരുന്നു; ആയതിന്റെ പകർപ്പ് ലഭ്യമാക്കുമോ;

സ്റ്റോര്‍ പര്‍ച്ചേസ് മാനുവലിന് വിരുദ്ധമായ നടപടികളിലൂടെ സർക്കാരിന് വലിയ നഷ്ടം ഉണ്ടാക്കിയ ഈ പർച്ചേസുകള്‍ സംബന്ധിച്ച് ഉത്തരവാദികളായവർക്കെതിരെ എന്തൊക്കെ നടപടികള്‍ നാളിതുവരെ സ്വീകരിച്ചിട്ടുണ്ട്; വിശദമാക്കുമോ?

ഏകീകൃത സിവില്‍ കോ‍ഡ് വിഷയവുമായി ബന്ധപ്പെട്ട് സംസ്ഥാന സര്‍ക്കാരിന്റെ നിലപാട് കേന്ദ്ര സര്‍ക്കാരിനെ അറിയിച്ചിട്ടുണ്ടോ; ഉണ്ടെങ്കില്‍ വിശദ വിവരം ലഭ്യമാക്കാമോ; ഇല്ലെങ്കില്‍ എന്തു നിലപാടാണ് കേന്ദ്ര സര്‍ക്കാരിനെ അറിയിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

ഇതുമായി ബന്ധപ്പെട്ട് ജനങ്ങള്‍ക്കുള്ള ആശങ്ക പരിഹരിക്കുവാന്‍ സംസ്ഥാന സര്‍ക്കാര്‍ എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കാമോ?

ഏകീകൃത സിവിൽ കോഡ് നടപ്പിലാക്കണം എന്നത് സംബന്ധിച്ച വാർത്തകൾ ശ്രദ്ധയിൽ പെട്ടിട്ടുണ്ടോ; എങ്കിൽ പ്രസ്തുത ബില്ല് നടപ്പിലാകുന്നത് സംബന്ധിച്ച സർക്കാറിന്റെ അഭിപ്രായം വ്യക്തമാക്കുമോ;

ഏതെങ്കിലും മതത്തിന്റെ നിലവിലെ വ്യക്തിനിയമങ്ങളിൽ മാറ്റം വരുത്തണം എന്ന അഭിപ്രായം സർക്കാറിനുണ്ടോ എന്ന് വ്യക്തമാക്കുമോ?

രാജ്യത്തെ എന്‍.സി.സി കേഡറ്റുകള്‍ക്ക് ഉന്നത നിലവാരത്തിലുള്ള ട്രെയിനിംഗ് നല്‍കുന്നതിനും അടിയന്തരഘട്ടങ്ങളില്‍ കുട്ടനാട്ടിലെ ജനങ്ങള്‍ക്ക്‌ രക്ഷാസങ്കേതവും ആകുന്ന നിര്‍ദ്ദിഷ്ട എന്‍.സി.സി. നാഷണല്‍ ട്രെയിനിംഗ് സെന്റര്‍ അടിയന്തരമായി നടപ്പിലാക്കുവാന്‍ സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കാമോ;

ഇത് യഥാര്‍ത്ഥ്യമാക്കുന്നതിന് തടസ്സമായി നില്‍ക്കുന്ന കാര്യങ്ങള്‍ എന്തൊക്കെയാണെന്ന് വ്യക്തമാക്കാമോ;

ഇതിന്റെ നിര്‍മ്മാണ പ്രവര്‍ത്തനം എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ; ഇനിയുള്ള തടസ്സങ്ങള്‍ പരിഹരിക്കാന്‍ എന്തൊക്കെ നടപടികളാണ് സ്വീകരിച്ചുവരുന്നത് എന്ന് വിശദീകരിക്കാമോ?