14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >15^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 15^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

കെ.എസ്.ടി.പി. രണ്ടാം ഘട്ട പദ്ധതി

2845.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ടി.പി. രണ്ടാം ഘട്ട പദ്ധതിയുടെ ഭാഗമായി ഏതൊക്കെ റോ‍ഡുകളുടെ നിര്‍മ്മാണ പ്രവര്‍ത്തനം ഇതിനകം പൂര്‍ത്തിയായിട്ടുണ്ട്;

(ബി)	സേഫ് കോറി‍ഡോര്‍ ഡെമോണ്‍സ്ട്രേഷന്‍ പദ്ധതിയില്‍ ഉള്‍പ്പെടുത്തിയ കഴക്കൂട്ടം -അടൂര്‍ റോ‍‍ഡിന്റെ നിര്‍മ്മാണ പ്രവര്‍ത്തനം മന്ദഗതിയിലാണെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിനുള്ള കാരണമെന്താണെന്നറിയിക്കുമോ;

(സി)	ലോകബാങ്ക് പദ്ധതികൾ സമയബന്ധിതമായി പൂര്‍ത്തിയാക്കുവാന്‍ സാധിക്കാത്തതിനുള്ള കാരണം എന്താണ്; വ്യക്തമാക്കുമോ;

(ഡി)	പൊതു സ്വകാര്യ പങ്കാളിത്തത്തോടെ നടപ്പിലാക്കുവാന്‍ നിശ്ചയിച്ച പുനലൂര്‍-പൊന്‍കുന്നം റോ‍‍ഡ് നിര്‍മ്മാണം ഇ. പി. സി. രീതിയിലേക്ക് മാറ്റിയത് എന്ത്കൊണ്ടാണ്;

(ഇ)	പ്രസ്തുത റോഡ് നിര്‍മ്മാണം ഏതുഘട്ടത്തിലാണ് എന്ന് അറിയിക്കുമോ?

കേരള റോഡ് ഫണ്ട് ബോര്‍ഡ്

2846.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരള റോഡ് ഫണ്ട് ബോര്‍ഡിന്റെ പ്രവര്‍ത്തനത്തെക്കുറിച്ചുള്ള അന്വേഷണം ഏതുഘട്ടത്തിലാണെന്ന് വ്യക്തമാക്കാമോ;

(ബി)	പ്രസ്തുത ബോര്‍ഡില്‍ എന്‍ജിനീയറിംഗ് വിഭാഗത്തിന്റെ അപ്രമാദിത്തം ഒഴിവാക്കാന്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കുമോ;

(സി)	പ്രസ്തുത ബോര്‍ഡുമായി ചേര്‍ന്ന് പ്രവര്‍ത്തിക്കുന്ന കരാര്‍ കമ്പനികളുടെ പ്രവര്‍ത്തനം അറിയിക്കാമോ;

(ഡി)	ഈ സര്‍ക്കാര്‍ അധികാരത്തില്‍ വന്നശേഷം ബോര്‍ഡുമായി ബന്ധപ്പെട്ട പ്രവര്‍ത്തന പുരോഗതി വിശദീകരിക്കാമോ?

വണ്‍-ടെെം മെയിന്റനന്‍സ് പദ്ധതി

2847.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

വണ്‍-ടെെം മെയിന്റനന്‍സ് പദ്ധതിക്ക് 2019-20 സാമ്പത്തിക വര്‍ഷത്തില്‍ തുക അനുവദിക്കുവാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം നല്‍കുമോ?

ടെണ്ടർ ചെയ്ത പ്രവൃത്തികളിൽ കാലതാമസം

2848.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	യൂട്ടിലിറ്റി മാറ്റുന്നതിന് കാലതാമസം വരുന്നത് മൂലം ടെന്റര്‍ ചെയ്ത് സൈറ്റ് കൈമാറിയ റോഡുകളില്‍ പോലും പ്രവൃത്തി നടത്താന്‍ സാധിക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി)	യൂട്ടിലിറ്റി മാറ്റുന്നതിന് ബന്ധപ്പെട്ട സര്‍ക്കാര്‍ വകുപ്പുകള്‍ക്ക് പൊതുമരാമത്ത് വകുപ്പ് ഒടുക്കേണ്ട പണം ഒടുക്കുന്നതിന് കരാറുകാരന് തന്നെ ഉത്തരവാദിത്തം കൊടുക്കുകയും ആയത് ബില്ലില്‍ വകവെച്ചു കൊടുക്കുകയും ചെയ്യാന്‍ സാധിക്കുമോ;

(സി)	റോഡ് വീതി കൂട്ടുന്നതിന് സൗജന്യമായി സ്ഥലം നല്‍കുന്നവരുടെ പൊളിക്കേണ്ടിവരുന്ന ഭിത്തികള്‍ പുനര്‍നിര്‍മ്മിക്കുന്നത് കൂടി കരാറിന്റെ ഭാഗമാക്കുന്നതിന് നടപടി സ്വീകരിക്കുമോ എന്നറിയിക്കാമോ?

കോസ്റ്റ് എസ്ക്കലേഷന്‍

2849.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നടപ്പാക്കിയ പദ്ധതികളുടെ ശരാശരി കോസ്റ്റ് എസ്കലേഷന്‍ തോത് എത്രയാണെന്ന് പരിശോധിച്ചിട്ടുണ്ടോ; എങ്കില്‍ എത്രയാണെന്ന് അറിയിക്കുമോ;

(ബി)	ഈ തോത് കേന്ദ്ര പദ്ധതികള്‍ക്കും സംസ്ഥാന പദ്ധതികള്‍ക്കും വേര്‍തിരിച്ച് വിലയിരുത്തിയിട്ടുണ്ടോ; എങ്കില്‍ വിശദമാക്കുമോ;

(സി)	എസ്കലേഷന്‍ കോസ്റ്റില്‍ വര്‍ദ്ധന വരുന്നതിന്റെ കാരണങ്ങളെക്കുറിച്ച് എപ്പോഴെങ്കിലും പഠനം നടത്തിയിട്ടുണ്ടോ; എങ്കില്‍ കാരണങ്ങള്‍ എന്തൊക്കെയാണെന്ന് വ്യക്തമാക്കുമോ?

പദ്ധതികളുടെ പൂര്‍ത്തീകരണ കാലപരിധി

2850.

(എ)	സംസ്ഥാനത്ത് പൊതുമരാമത്ത് വകുപ്പ് നടപ്പാക്കുന്ന പദ്ധതികളുടെ പൂര്‍ത്തീകരണ കാലപരിധി നിശ്ചയിക്കുന്നതിന് സ്വീകരിച്ചുവരുന്ന മാനദണ്ഡങ്ങള്‍ എന്താണെന്ന് വ്യക്തമാക്കുമാേ;

(ബി)	ഇൗ മാനദണ്ഡത്തില്‍ എപ്പാേഴെങ്കിലും മാറ്റം വരുത്തിയിട്ടുണ്ടാേ; എങ്കില്‍ വിശദമാക്കുമാേ;

(സി)	പൂര്‍ത്തീകരണ കാലപരിധി ഒന്നിലേറെത്തവണ നീട്ടി നല്തുന്നത് നിര്‍മ്മാണച്ചെലവ് കൂടാന്‍ കാരണമാകുമെന്ന കാര്യം ശ്രദ്ധയില്‍ വന്നിട്ടുണ്ടാേ; എങ്കില്‍ ആയത് പരിഹരിക്കാന്‍ എന്തെങ്കിലും നടപടി സ്വീകരിക്കാന്‍ ഉദ്ദേശിക്കുന്നുണ്ടാേ; വെളിപ്പെടുത്തുമാേ?

പ്രളയത്തില്‍ തകര്‍ന്ന പാലങ്ങളും റോഡുകളും

2851.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പ്രളയത്തില്‍ തകര്‍ന്ന പാലങ്ങളും റോഡുകളും പുനര്‍നിര്‍മ്മിക്കാന്‍ കേന്ദ്ര സര്‍ക്കാരില്‍ നിന്നും സഹായം ലഭിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

പൊതുമരാമത്ത് പ്രവൃത്തികളുടെ ഗുണനിലവാരം

2852.

ശ്രീ.പി.ടി. തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് പ്രവൃത്തികളുടെ ഗുണനിലവാരം വിലയിരുത്തുന്നതിന് ജില്ലാതല സോഷ്യല്‍ ഓഡിറ്റ് സമിതികള്‍ രൂപീകരിച്ചതിലൂടെ വകുപ്പില്‍ നിലനിന്നിരുന്ന അഴിമതി അസാനിപ്പിക്കുന്നതിനും പ്രവൃത്തികളുടെ ഗുണനിലവാരം ഉറപ്പാക്കുന്നതിനും സാധിച്ചിട്ടുണ്ടോ; വിശദമാക്കുമോ;

(ബി)	കാലാവസ്ഥയ്ക്ക് അനുസൃതമായ പുതിയ സാങ്കേതികവിദ്യകളെപ്പറ്റി പഠിക്കുവാന്‍ സര്‍ക്കാര്‍ തലത്തില്‍ ഏതെങ്കിലും കമ്മിറ്റി രൂപീകരിച്ചിട്ടുണ്ടോ;

(സി)	പ്രസ്തുത കമ്മിറ്റി റിപ്പോര്‍ട്ട് സമര്‍പ്പിച്ചിട്ടുണ്ടോ; റിപ്പോര്‍ട്ടിലെ പ്രധാന ശിപാര്‍ശകള്‍ എന്തൊക്കെയാണെന്ന് അറിയിക്കുമോ;

(ഡി)	പാലാരിവട്ടം പാലത്തിന്റെ നിര്‍മ്മാണപ്രവര്‍ത്തനങ്ങള്‍ക്ക് ഗുണനിലവാരം ഇല്ലാത്ത വസ്തുക്കള്‍ ഉപയോഗിച്ചുവെന്ന് കണ്ടെത്തിയിട്ടുണ്ടോ; ഏങ്കില്‍ ആയതിന്റെ അടിസ്ഥാനത്തില്‍ പൊതുമരാമത്ത് പ്രവൃത്തികളുടെ ഗുണനിലവാരം ഉറപ്പാക്കുന്നതിന് എന്ത് സംവിധാനമാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമോ?

പൊതുമരാമത്ത് വകുപ്പില്‍ അഴിമതി കുറയ്ക്കുന്നതിന് നടപ്പിലാക്കിയ പരിഷ്ക്കാരങ്ങള്‍

2853.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നശേഷം പൊതുമരാമത്ത് വകുപ്പില്‍ നടപ്പിലാക്കിയ പരിഷ്ക്കാരങ്ങള്‍ എന്തൊക്കെയാണ്; ഇത് അഴിമതിയും ക്രമക്കേടും കുറയ്ക്കുന്നതിന് കാരണമായിട്ടുണ്ടോ; വിശദമാക്കുമോ;

(ബി)	മോശപ്പെട്ട കരാറുകാരെ കരിമ്പട്ടികയില്‍ ഉള്‍പ്പെടുത്തിയതും റിവെെസ്ഡ് എസ്റ്റിമേറ്റുകള്‍ നിരുത്സാഹപ്പെടുത്തിയതും നിര്‍മ്മാണപ്രവൃത്തികളുടെ ഗുണനിലവാരം വര്‍ദ്ധിക്കുവാന്‍ കാരണമായിട്ടുണ്ടോ;

(സി)	ഇൗ സര്‍ക്കാര്‍ അധികാരത്തില്‍ വന്നശേഷം റോഡുകളുടെ നിര്‍മ്മാണ പ്രവൃത്തിയില്‍ വീഴ്ച വരുത്തിയ എഞ്ചിനീയര്‍മാര്‍ക്കെതിരെ നടപടി സ്വീകരിച്ചിരുന്നോ; ഏതൊക്കെ റോഡുകളുടെ നിര്‍മ്മാണത്തിലുണ്ടായ പ്രശ്നങ്ങളുടെ പേരിലാണ് നടപടി സ്വീകരിച്ചത് എന്നറിയിക്കാമോ?

പൊതുമരാമത്ത് പ്രവൃത്തികളുടെ ഗുണനിലവാരം ഉറപ്പാക്കൽ

2854.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് പ്രവൃത്തികളുടെ ഗുണനിലവാരം പരിശോധിക്കുന്നതിന് സ്ഥാപിച്ചിട്ടുള്ള ക്വാളിറ്റി കണ്‍ട്രോള്‍ ലാബുകളുടെ പ്രവര്‍ത്തനം നിലവിൽ ഏത് ഘട്ടത്തിലാണ്; വിശദമാക്കുമോ;

(ബി)	സോഷ്യല്‍ ഓഡിറ്റിംഗ് നടപ്പിലാക്കുന്ന കാര്യത്തില്‍ നാളിതുവരെ സ്വീകരിച്ച നടപടികള്‍ വ്യക്തമാക്കാമോ;

(സി)	ക്വാളിറ്റി കണ്‍ട്രോള്‍, സോഷ്യല്‍ ഓഡിറ്റിംഗ്, ടെക്നിക്കല്‍ ഓഡിറ്റിംഗ് ഇവ സംയോജിതമായി നടപ്പിലാക്കുന്നതിന് നടപടികള്‍ സ്വീകരിക്കുമോ; വിശദാംശം നൽകുമോ?

മലയോര ഹൈവേയുടെ പ്രവര്‍ത്തനങ്ങള്‍

2855.

(എ)	മലയോര ഹൈവേയുടെ പ്രവര്‍ത്തനങ്ങള്‍ ഏതു ഘട്ടം വരെയായി; പ്രസ്തുത പദ്ധതിയ്ക്കായുള്ള ഭൂമി ഏറ്റെടുക്കല്‍ എത്ര ശതമാനം പൂര്‍ത്തിയായി എന്ന് വ്യക്തമാക്കാമോ;

(ബി)	റോഡ് നിര്‍മ്മാണത്തിന്‍െറ ടെണ്ടര്‍ നടപടികള്‍ പൂര്‍ത്തീകരിച്ചിട്ടുണ്ടോ; എങ്കില്‍ എത്ര ശതമാനം നിര്‍മ്മാണം പൂര്‍ത്തീകരിക്കാന്‍ കഴിഞ്ഞു എന്നറിയിക്കാമോ;

(സി)	എത്ര മീറ്റര്‍ വീതിയിലാണ് റോഡ് നിര്‍മ്മിക്കുന്നത്; റോഡിനോട് അനുബന്ധിച്ചുള്ള നിര്‍മ്മാണ പ്രവര്‍ത്തനങ്ങള്‍ എന്തെല്ലാമാണ് എന്ന് വ്യക്തമാക്കാമോ?

അദര്‍ ഡിസ്ട്രിക്ട് റോഡുകള്‍ പി.ഡബ്ല്യു.ഡി. ഏറ്റെടുക്കാന്‍ നടപടി

2856.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	അദര്‍ ഡിസ്ട്രിക്ട് റോഡുകളുടെ സ്റ്റാറ്റസില്‍ ഉള്ളതും ത്രിതല പഞ്ചായത്തുകളുടെ അധീനതയിലുള്ളതുമായ അഞ്ച് കിലോമീറ്ററിലധികം ദെെര്‍ഘ്യമുള്ള റോഡുകള്‍ പി.ഡബ്ല്യു.ഡി. ഏറ്റെടുക്കുമോ;

(ബി)	പ്രസ്തുത റോഡുകള്‍ പരിഷ്ക്കരിക്കാന്‍ ത്രിതല പഞ്ചായത്തുകള്‍ക്ക് ആവശ്യമായ തുക പദ്ധതിയില്‍ ഇല്ലാത്തതിനാല്‍ ഇക്കാര്യത്തില്‍ അനുകൂല നടപടി സ്വീകരിക്കുമോ?

പുതുതായി ടാര്‍ ചെയ്ത റോഡുകള്‍ കുഴിക്കുന്നതിനുള്ള മാനദണ്ഡങ്ങള്‍

2857.

ശ്രീ.റോഷി അഗസ്റ്റിന്‍
,, മോന്‍സ്‌ ജോസഫ്
,, സി.എഫ്.തോമസ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി ടാര്‍ ചെയ്ത റോഡുകള്‍ കുഴിക്കുന്നതിന് സർക്കാർ മാനദണ്ഡങ്ങള്‍ നിശ്ചയിച്ചിട്ടുണ്ടോ; ഉണ്ടെങ്കിൽ ആയതിന്‍െറ വിശദാംശങ്ങള്‍ വെളിപ്പെടുത്തുമോ;

(ബി)	റോഡുകള്‍ പൊളിച്ച് കേബിളുകളും പൈപ്പ് ലൈനും സ്ഥാപിച്ചതിനുശേഷം കുഴി മൂടാതെ പോകുന്നതും ഭാഗികമായി മാത്രം മൂടുന്നതും നിരീക്ഷിക്കുവാനും ഉത്തരവാദികളായവർക്കെതിരെ കര്‍ശന നടപടി സ്വീകരിക്കുവാനും തയ്യാറാകുമോ;

(സി)	പൈപ്പ് ലൈനും കേബിളും സ്ഥാപിച്ച ശേഷം ഈ ആവശ്യത്തിലേയ്ക്കായി പൊളിച്ച ഭാഗം റീ ടാറിംഗ് നടത്തുന്നതിന് എത്ര സമയമാണ് അനുവദിച്ചിരിക്കുന്നത്;

(ഡി)	റോഡിലൂടെ പൈപ്പ് ലൈനും കേബിളും സ്ഥാപിക്കുന്നതിനായി കുഴി എടുക്കുമ്പോൾ പൊതുമരാമത്ത് ഉദ്യോഗസ്ഥരുടെ നിരീക്ഷണം ഉറപ്പുവരുത്തുന്നതിന് നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

റാേഡുകളുടെ നിര്‍മ്മാണത്തിലെ അപാകത

2858.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാെതുമരാമത്ത് വകുപ്പിന്റെ അധീനതയിലുള്ള റാേഡുകള്‍ ബി.എം. ആന്റ് ബി.സി. നിലവാരത്തില്‍ പുനര്‍നിര്‍മ്മാണം നടത്തുമ്പാേള്‍ ടാര്‍ ചെയ്ത റാേഡിന്റെ സെെഡ് മണ്ണിട്ട് നിറയ്ക്കുകയാേ കാേണ്‍ക്രീറ്റ് നടത്തുകയോ ചെയ്യാതെ പണി അവസാനിപ്പിക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടാേ;

(ബി)	റാേഡ് പുനര്‍നിര്‍മ്മാണത്തിനുള്ള എസ്റ്റിമേറ്റ്, സെെഡ് ഫില്ലിംഗ് ഉള്‍പ്പെടുത്താതെ തയ്യാറാക്കാറുണ്ടാേ; വിശദീകരിക്കുമാേ;

(സി)	ഇതുമൂലം റാേഡ് അപകടങ്ങള്‍ വര്‍ദ്ധിക്കുകയും വേഗത്തില്‍ റാേഡ് നശിക്കുകയും ചെയ്യുന്നത് ശ്രദ്ധയില്‍പ്പെട്ടിട്ടുണ്ടാേ; ഇത് പരിഹരിക്കുന്നതിന് നടപടി സ്വീകരിക്കുമാേ എന്നറിയിക്കാമോ?

അശാസ്ത്രീയമായ രീതിയില്‍ നിര്‍മ്മിക്കുന്ന ബസ് കാത്തിരുപ്പ് കേന്ദ്രങ്ങള്‍

2859.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുറോ‍ഡില്‍ വിവിധ സംഘടനകള്‍ അശാസ്ത്രീയമായ രീതിയില്‍ ബസ് കാത്തിരുപ്പ് കേന്ദ്രങ്ങൾ നിര്‍മ്മിക്കുന്നത് ഗതാഗതക്കുരുക്ക് ഉണ്ടാക്കുന്നുവെന്നത് വസ്തുതയാണെന്ന് കരുതുന്നുണ്ടോ;

(ബി)	സര്‍ക്കാര്‍ ഇക്കാര്യത്തില്‍ എന്തെങ്കിലും മാര്‍ഗ്ഗ നിര്‍ദ്ദേശം പുറത്തിറക്കിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

മലയാേര ഹെെവേയുടെ നിര്‍മ്മാണം

2860.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയാേര ഹെെവേയുടെ നിര്‍മ്മാണം ഏത് ഘട്ടത്തിലാണ്; ഇതുസംബന്ധിച്ച് അവലാേകനം നടത്തിയിയിട്ടുണ്ടാേ;

(ബി)	1267 കിലാേമീറ്റര്‍ ദൂരം വരുന്ന പ്രസ്തുത ഹെെവേയുടെ എത്ര കിലാേമീറ്റര്‍ റാേഡാണ് ഇതിനകം പൂര്‍ത്തിയാക്കിയിട്ടുള്ളത്;

(സി)	ഇതിനായുള്ള സ്ഥലമെടുപ്പ് ഏത് ഘട്ടത്തിലാണെന്നും പതിമൂന്നു ജില്ലകളിലായി എത്ര ഏക്കര്‍ സ്ഥലമാണ് ഇൗ പദ്ധതിക്കായി ഏറ്റെടുക്കേണ്ടതെന്നും അറിയിക്കാമോ?

പാലങ്ങളുടെ ബലക്ഷമത

2861.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പാലങ്ങളുടെ ബലക്ഷമത സംബന്ധിച്ച പരിശാേധന പൂര്‍ത്തിയായിട്ടുണ്ടാേ; എത്ര പാലങ്ങള്‍ അപകടത്തിലാണ്; ബലപ്പെടുത്തേണ്ട പാലങ്ങള്‍ എത്രയുണ്ട്;വിശദമാക്കുമോ;

(ബി)	കണ്ണൂര്‍ ജില്ലയില്‍ എതാെക്കെ പാലങ്ങളാണ് പുതുക്കിപ്പണിയുന്നതിനും ബലപ്പെടുത്തുന്നതിനും തീരുമാനിച്ചിട്ടുള്ളത്; കല്ല്യാശ്ശേരി മണ്ഡലത്തിലെ പഴയങ്ങാടിപ്പാലം ബലപ്പെടുത്തുന്നത് എപ്പോൾ പൂര്‍ത്തിയാക്കാന്‍ കഴിയും; വിശദമാക്കുമോ?

അപകടാവസ്ഥയിലായ പാലങ്ങള്‍

2862.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന്റെ കീഴിലുള്ള അപകടാവസ്ഥയിലായ പാലങ്ങള്‍ പുനര്‍നിര്‍മ്മിക്കുന്നതിനും അറ്റകുറ്റപ്പണികള്‍ നടത്തുന്നതിനും നിലവിലുള്ള സംവിധാനം എന്താണെന്ന് അറിയിക്കാമോ;

(ബി)	സംസ്ഥാനത്ത് കഴിഞ്ഞ പ്രളയത്തില്‍ എത്ര പാലങ്ങള്‍ക്ക് നാശനഷ്ടമുണ്ടായെന്നും അവ പുനര്‍നിര്‍മ്മിക്കുന്നതിന് കിഫ്ബിയില്‍ നിന്നും ധനസഹായം ലഭിച്ചിട്ടുണ്ടോയെന്നും വ്യക്തമാക്കാമോ;

(സി)	ഉദ്യോഗസ്ഥരുടെ ഭാഗത്ത് നിന്നും ഗുരുതരമായ വീഴ്ച ഉണ്ടാകുന്നത് മൂലമാണ് പാലങ്ങളുടെ ബലക്ഷയമുണ്ടാകുന്നതെന്ന റിപ്പോര്‍ട്ടിന്റെ അടിസ്ഥാനത്തില്‍ നിര്‍മ്മാണത്തിലുണ്ടാകുന്ന വീഴ്ചയുടെ പൂര്‍ണ്ണ ഉത്തരവാദിത്വം അവരില്‍ നിക്ഷിപ്തമാക്കുവാനും നഷ്ടപരിഹാരം അവരില്‍ നിന്നും ഈടാക്കുവാനും ആവശ്യമായ നടപടി സ്വീകരിക്കുമോ?

ദേശീയപാത വികസന ചെലവ്

2863.

(എ)	ദേശീയപാത വികസനത്തില്‍ കേന്ദ്രം സംസ്ഥാനത്തോട് വിവേചനം കാണിക്കുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിന്‍മേല്‍ സ്വീകരിച്ച നടപടികള്‍ എന്തെല്ലാം; വിശദാംശം വ്യക്തമാക്കാമോ;

(ബി)	ദേശീയപാത വികസനത്തിന് മറ്റ് സംസ്ഥാനങ്ങളെക്കാള്‍ കേരളത്തില്‍ ചെലവ് കൂടുതലാണെന്ന് കേന്ദ്ര റോ‍ഡ് ഉപരിതലഗതാഗത മന്ത്രാലയം അറിയിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ;

(സി)	ഈ സാമ്പത്തിക വര്‍ഷം എത്ര കിലോമീറ്റര്‍ നാലുവരിപ്പാതയാക്കുന്നതിനാണ് ലക്ഷ്യമിട്ടിരിക്കുന്നത്;

(ഡി)	പ്രസ്തുത ലക്ഷ്യം സാക്ഷാത്കരിക്കുവാന്‍ സാധിക്കുമോയെന്ന് വ്യക്തമാക്കുമോ?

ദേശീയപാത വികസനം

2864.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നാല്പത്തിയഞ്ചു മീറ്റര്‍ വീതി ഇല്ലാത്തതുകാരണം സംസ്ഥാനത്തെ ഏതെങ്കിലും ദേശീയപാതകള്‍ സംസ്ഥാന പാതകളാക്കി മാറ്റേണ്ട സാഹചര്യം ഉണ്ടായിട്ടുണ്ടോ; എങ്കില്‍ അവ ഏതൊക്കെ എന്ന് അറിയിക്കുമോ;

(ബി)	ഇപ്രകാരം വീതി ഇല്ലാത്ത കേരളത്തിലെ നിലവിലെ ദേശിയപാതകള്‍ സംസ്ഥാനപാതകളാക്കി മാറ്റേണ്ടിവന്നാല്‍ സംസ്ഥാന സര്‍ക്കാരിനുണ്ടാകുന്ന സാമ്പത്തിക ബാധ്യത എപ്രകാരം പരിഹരിക്കാനാണ് ഉദ്ദേശിക്കുന്നത്;

(സി)	സംസ്ഥാനത്തെ ദേശീയപാതാവികസനം സമയബന്ധിതമായി പൂര്‍ത്തിയാക്കുന്നതിന് ആവശ്യമായ നടപടി സ്വീകരിക്കുമോ?

ദേശീയപാത വികസനത്തില്‍ സംസ്ഥാനത്തോടുളള അവഗണന

2865.

(എ)	ദേശീയപാത വികസനത്തില്‍ കേന്ദ്രസര്‍ക്കാര്‍ സംസ്ഥാനത്തോട് അവഗണന കാണിക്കുന്നതായും അത് രാഷ്ട്രീയപ്രേരിതമാണെന്നും സര്‍ക്കാര്‍ വിലയിരുത്തിയിട്ടുണ്ടോ;

(ബി)	ദേശീയപാത വികസനത്തില്‍ രണ്ടാം പട്ടികയില്‍ ഉള്‍പ്പെടുത്തിയിട്ടുള്ള സ്ഥലങ്ങളുടെ ഏറ്റെടുക്കല്‍ നടപടികള്‍ ഏത് ഘട്ടത്തിലാണ്;

(സി)	2019 മേയ് രണ്ടാം തീയതി വരെ സ്ഥലം ഏറ്റെടുത്തതിന്റെ വിശദവിവരങ്ങള്‍ നാഷണല്‍ ഹൈവേ അതോറിറ്റിക്ക് സമര്‍പ്പിക്കുന്ന മുറയ്ക്ക് രണ്ടാം പട്ടികയില്‍ ഉള്‍പ്പെടുത്തിയിട്ടുള്ള സ്ഥലങ്ങളിലെ ജോലി തുടരുന്നത് പരിഗണിക്കാമെന്ന് അതോറിറ്റി അറിയിച്ചിട്ടുണ്ടോ;

(ഡി)	ഇതുപ്രകാരം ഏറ്റെടുത്ത സ്ഥലം സംബന്ധിച്ച വിശദാംശം നാഷണല്‍ ഹൈവേ അതോറിറ്റിക്ക് കൈമാറിയിട്ടുണ്ടോ;

(ഇ)	ദേശീയപാത വികസന അതോറിറ്റി ഇറക്കിയ സംസ്ഥാനത്തെ ദേശീയപാത നിര്‍മ്മാണം സംബന്ധിച്ച ഭേദഗതി ഉത്തരവ് അവ്യക്തമാണോ; എങ്കില്‍ ഇക്കാര്യത്തില്‍ സംസ്ഥാന സര്‍ക്കാര്‍ വ്യക്തത ആവശ്യപ്പെട്ടിട്ടുണ്ടോ; ഇതിന്മേല്‍ ലഭിച്ച മറുപടി എന്താണെന്ന് അറിയിക്കുമോ?

ദേശീയപാത വികസന നടപടികള്‍ നീണ്ടു പോകുന്ന സാഹചര്യം

2866.

(എ)	ദേശീയ പാത വികസനത്തിന്റെ നടപടികള്‍ നീണ്ടു പോകുന്ന സാഹചര്യത്തില്‍ പദ്ധതി നഷ്ടപ്പെട്ടുപോകുമെന്ന ആശങ്ക എങ്ങനെ വിലയിരുത്തുന്നു എന്ന് വ്യക്തമാക്കാമോ;

(ബി)	ദേശീയപാത വികസനത്തിന് മനപൂര്‍വ്വം കാലതാമസം സൃഷ്ടിക്കുന്നതിനുള്ള ശ്രമങ്ങള്‍ നടക്കുന്നതായ ആരോപണം ശ്രദ്ധയില്‍പ്പെട്ടിട്ടുണ്ടോ;

(സി)	2019 ജൂണ്‍ 28ന് മുമ്പ് നടപടിക്രമങ്ങള്‍ പൂര്‍ത്തിയാക്കി പാതയ്ക്കാവശ്യമായ സ്ഥലം നിര്‍ണ്ണയിച്ച് സര്‍വ്വേ നമ്പരുകള്‍ ഉള്‍പ്പെടെയുള്ള വിവരങ്ങള്‍ കേന്ദ്രത്തിന് കൈമാറാനുള്ള നടപടിക്രമങ്ങള്‍ ഏതുഘട്ടത്തിലാണെന്ന് അറിയിക്കാമോ;

(ഡി)	തിരുവനന്തപുരം ജില്ലയിലെ ശ്രീകാര്യം, പട്ടം, ഉള്ളൂര്‍ എന്നിവിടങ്ങളിലെ മേല്‍പ്പാലങ്ങളുടെ നിര്‍മ്മാണത്തെക്കുറിച്ചുള്ള വിശദാംശങ്ങള്‍ വെളിപ്പെടുത്താമോ;

(ഇ)	പ്രസ്തുത മേല്‍പ്പാലങ്ങള്‍ക്കുവേണ്ടി ഭൂമി ഏറ്റെടുക്കല്‍ ഏതു ഘട്ടത്തിലാണെന്ന് അറിയിക്കാമോ; ഇതു സംബന്ധിച്ച് എത്ര കേസുകള്‍ നിലനില്‍ക്കുന്നു; സ്റ്റേ നിലവിലുണ്ടോ എന്ന് വ്യക്തമാക്കാമോ;

(എഫ്)

ശ്രീകാര്യം മേല്‍പ്പാലം സംബന്ധിച്ച് ശ്രീകാര്യം മുസ്ലീം പള്ളി കമ്മിറ്റിയുമായി ഉണ്ടായിരുന്ന തര്‍ക്കവും തുടര്‍ന്നുണ്ടായ സ്റ്റേയും പരിഹരിക്കുന്നതിന് കളക്ടറുടെ ഹിയറിംഗ് കഴിഞ്ഞോയെന്നും സ്റ്റേ വെക്കേറ്റ് ചെയ്തോയെന്നും അറിയിക്കാമോ?

ദേശീയ പാത 66 നാലുവരിയാക്കുന്ന പദ്ധതിക്കുള്ള തടസ്സങ്ങള്‍

2867.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ദേശീയ പാത 66 നാലുവരിയാക്കുന്ന പദ്ധതിക്ക് നിലവില്‍ എന്തെങ്കിലും തടസ്സങ്ങള്‍ നേരിട്ടിട്ടുണ്ടോ;

(ബി)	ഉണ്ടെങ്കില്‍ ഇതിനായി സ്ഥലമേറ്റെടുക്കൽ ഉൾപ്പെടെയുള്ള നടപടികൾ ആരംഭിച്ച സാഹചര്യത്തില്‍ പ്രസ്തുത തടസ്സം ഏത് തരത്തില്‍ സംസ്ഥാനത്തെ റോഡ് വികസനത്തെ ബാധിക്കുമെന്ന് വ്യക്തമാക്കാമോ;

(സി)	നിലവില്‍ നേരിടുന്ന തടസ്സങ്ങളെ ഏത് രീതിയില്‍ മറികടക്കാനാണ് ശ്രമിക്കുന്നത്; ഇതിനായി സ്വീകരിച്ചിട്ടുള്ള നടപടികള്‍ എന്തെല്ലാമാണ്; വ്യക്തമാക്കുമോ?

പി.ഡബ്ല്യൂ.ഡി.റസ്റ്റ് ഹൗസുകള്‍ നവീകരിക്കാൻ പദ്ധതി

2868.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പി.ഡബ്ല്യൂ.ഡി. റസ്റ്റ് ഹൗസുകള്‍ പൊതുജനങ്ങള്‍ക്കും മറ്റും ഉപകാരപ്രദമായ രീതിയില്‍ നവീകരിക്കുന്നതിന് നടപടി സ്വീകരിക്കുമോ; എങ്കിൽ സ്വീകരിക്കുവാൻ ഉദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ;

(ബി)	സംസ്ഥാനത്തെ ഉപയോഗശൂന്യമായ പി.ഡബ്ല്യൂ.ഡി. റസ്റ്റ് ഹൗസുകള്‍ മെച്ചപ്പെട്ട രീതിയില്‍ നവീകരിക്കുവാനുള്ള നടപടികളുടെ വിശദാംശം നല്‍കുമോ?

പൊതുമരാമത്ത് വിശ്രമ കേന്ദ്രങ്ങളുടെ നവീകരണം

2869.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമരാമത്ത് വിശ്രമ കേന്ദ്രങ്ങളുടെ നവീകരണത്തിനായി സര്‍ക്കാര്‍ സ്വീകരിച്ചു വരുന്ന നടപടികള്‍ വിശദമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വിശ്രമ കേന്ദ്രങ്ങളുടെ വാടകനിരക്ക് വര്‍ദ്ധിപ്പിച്ചിട്ടുണ്ടോ; എങ്കില്‍ വര്‍ദ്ധനവ് എത്ര ശതമാനമാണെന്നും പഴയ നിരക്ക്‌,പുതുക്കിയ നിരക്ക്‌ എന്നിവ എത്രയാണെന്നും വെളിപ്പെടുത്തുമോ;

(സി)	വാടകനിരക്ക് വര്‍ദ്ധിപ്പിച്ചിട്ടുണ്ടെങ്കിലും അടിസ്ഥാന സൗകര്യങ്ങള്‍, വൃത്തി തുടങ്ങിയ കാര്യങ്ങളില്‍ വിശ്രമ കേന്ദ്രങ്ങള്‍ ഇപ്പോഴും പഴയ സ്‌ഥിതിയിൽ തന്നെയാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

(ഡി)	ഈ സര്‍ക്കാര്‍ അധികാരത്തില്‍ വന്നതിനുശേഷം ഏതെല്ലാം പൊതുമരാമത്ത് വിശ്രമ കേന്ദ്രങ്ങളുടെ നവീകരണമാണ് നടത്തിയത്; അവയ്ക്കോരോന്നിനും അനുവദിച്ച തുകയും ചെയ്ത പ്രവൃത്തികളും വ്യക്തമാക്കുമോ;

(ഇ)	ഏതെല്ലാം വിശ്രമ കേന്ദ്രങ്ങളുടെ നവീകരണത്തിന് നിലവിൽ ഭരണാനുമതി നല്‍കിയിട്ടുണ്ട്; വിശദാംശം വെളിപ്പെടുത്തുമോ;

(എഫ്)

വിശ്രമ കേന്ദ്രങ്ങള്‍ കാലാനുസൃതമായി നവീകരിക്കുന്നതിനും അവ കൃത്യമായി പരിപാലിക്കുന്നതിനും ആയത് ഉറപ്പ് വരുത്തുന്നതിനും അടിയന്തര നടപടികള്‍ സ്വീകരിച്ചിട്ടുണ്ടോ എന്ന് അറിയിക്കുമോ?

താമരശ്ശേരി ചുരത്തിന് സമാന്തര പാത നിര്‍മ്മാണം

2870.

(എ)	വയനാട് ചുരത്തില്‍ മണ്ണിടിച്ചില്‍ മൂലം ഗതാഗതം തടസ്സപ്പെടുന്ന സാഹചര്യത്തില്‍ വയനാട് താമരശ്ശേരി ചുരത്തിന് സമാന്തരമായി ആനക്കാംപൊയില്‍-കള്ളാടി-മേപ്പാടി പാത നിര്‍മ്മിക്കുന്ന പദ്ധതി ആലോചിക്കുന്നുണ്ടോ;

(ബി)	ഇതിനായുള്ള പ്രോജക്ട് റിപ്പോര്‍ട്ട് തയ്യാറാക്കുന്നതിന് ഏത് ഏജന്‍സിയെയാണ് നിയോഗിച്ചിട്ടുള്ളതെന്ന് വ്യക്തമാക്കുമോ;

(സി)	പ്രസ്തുത പാതയുടെ നിര്‍മ്മാണത്തിനായി എന്ത് തുക വേണ്ടിവരുമെന്ന് വ്യക്തമാക്കുമോ; കിഫ്ബി പദ്ധതിയില്‍ ഉള്‍പ്പെടുത്തി ഇതിനുള്ള തുക അനുവദിക്കുന്നതിന് പ്രൊപ്പോസല്‍ നല്‍കിയിട്ടുണ്ടോ;വിശദമാക്കുമോ;

(ഡി)	ഈ പാതയുടെ നിര്‍മ്മാണത്തിനുള്ള സ്പെഷ്യല്‍ പര്‍പ്പസ് വെഹിക്കിളായി കൊങ്കണ്‍ റെയില്‍വേ കോര്‍പ്പറേഷനെ ചുമതലപ്പെടുത്തുവാന്‍ ഉദ്ദേശിക്കുന്നുണ്ടോ; ഉണ്ടെങ്കില്‍ അതിനായുള്ള ചര്‍ച്ചകള്‍ ഏത് ഘട്ടത്തിലാണെന്ന് വ്യക്തമാക്കുമോ?

ഏകരൂൽ -കക്കയം-ഡാംസെെറ്റ് റോഡ് നവീകരണം

2871.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ പ്രധാന ടൂറിസ്റ്റ് കേന്ദ്രവും പവര്‍ ഹൗസും ഉളള കക്കയത്തേക്ക് പോകുന്ന ഏകരൂൽ -കക്കയം-ഡാംസെെറ്റ് റോഡിന്റെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ;

(ബി)	പ്രളയംമൂലം തകര്‍ന്നുപൊയ കക്കയം ഡാംസെെറ്റ് റോഡില്‍ ഇപ്പോള്‍ നടന്നുകൊണ്ടിരിക്കുന്ന പ്രധാന പ്രവൃത്തികള്‍ എന്തെല്ലാമാണെന്നറിയിക്കാമോ;

(സി)	ഇ.കെ.ഡി. റോഡുമായി ബന്ധപ്പെട്ട് പൊതുമരാമത്ത് (പി.എസ്.2) വകുപ്പിലുള്ള ഫയലിന്റെ ഇപ്പോഴത്തെ സ്ഥിതി എന്താണെന്നറിയിക്കാമോ;

(ഡി)	ഇൗ റോഡ് നവീകരിക്കുന്നതിനുളള ഭരണാനുമതി നല്‍കാന്‍ നടപടി സ്വീകരിക്കുമോ?

മങ്കട നിയോജക മണ്ഡലത്തിലെ റോഡ് പ്രവൃത്തികളുടെ നിര്‍മ്മാണ പുരോഗതി

2872.

(എ)	2018-19ല്‍ മങ്കട നിയോജക മണ്ഡലത്തില്‍ പൊതുമരാമത്ത് വകുപ്പ് ഭരണാനുമതി നല്‍കിയ റോഡ്‌സ് വിഭാഗത്തിന് കീഴിൽ വരുന്ന പ്രവൃത്തികളുടെ നിര്‍മ്മാണ പുരോഗതി വ്യക്തമാക്കാമോ;

(ബി)	2018-19 സാമ്പത്തിക വര്‍ഷം മങ്കട നിയോജകമണ്ഡലത്തില്‍ നിന്നും വിവിധ പദ്ധതികളിലൂടെ അനുവദിച്ച പ്രവൃത്തികളുടെ വിശദാംശങ്ങള്‍ വ്യക്തമാക്കാമോ;

(സി)	പ്രളയത്തിന്റെ ഭാഗമായി കേടുപാടുകള്‍ സംഭവിച്ച മണ്ഡലത്തിലെ റോഡുകളുടെ നവീകരണം പൂര്‍ത്തീയാക്കിയിട്ടുണ്ടോ; ഇതിനായി എത്ര രൂപ ചെലവഴിച്ചു; പ്രവൃത്തികളുടെ വിശദാംശങ്ങള്‍ ലഭ്യമാക്കാമോ?

മങ്കട മണ്ഡലത്തിലെ അങ്ങാടിപ്പുറം-മാനത്തുമംഗലം ബെെപ്പാസ് നിര്‍മ്മാണം

2873.

(എ)	മങ്കട മണ്ഡലത്തിലെ അങ്ങാടിപ്പുറം-മാനത്തുമംഗലം ബെെപ്പാസ് നിര്‍മ്മാണത്തിന്റെ നിലവിലെ പുരോഗതി വ്യക്തമാക്കാമോ;

(ബി)	ബെെപ്പാസുമായി ബന്ധപ്പെട്ട് അതിര്‍ത്തി കല്ലുകള്‍ സ്ഥാപിച്ച ഭാഗങ്ങളില്‍ സ്ഥലം ഏറ്റെടുക്കുന്ന പ്രവൃത്തി ആരംഭിച്ചിട്ടുണ്ടോ;

(സി)	ബെെപ്പാസ് നിര്‍മ്മാണം സമയബന്ധിതമായി പൂര്‍ത്തിയാക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്; വിശദമാക്കാമോ?

കൊല്ലം ജില്ലയിലെ റോഡുകളുടെ നിര്‍മ്മാണപ്രവൃത്തിയിലെ അപാകത

2874.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം ജില്ലയില്‍ നിര്‍മ്മാണത്തിലിരിക്കുന്ന റോഡുകളുടെ പ്രവൃത്തിയെ സംബന്ധിച്ച് ആക്ഷേപം ഉയര്‍ന്ന സാഹചര്യത്തില്‍ നിര്‍മ്മാണപ്രവര്‍ത്തനം നിര്‍ത്തിവെയ്ക്കുവാന്‍ മന്ത്രിതലത്തില്‍ നിര്‍ദ്ദേശം നല്‍കിയിട്ടുണ്ടോ;

(ബി)	ഏതൊക്കെ റോഡുകളുടെ നിര്‍മ്മാണ പ്രവര്‍ത്തനമാണ് ഇപ്രകാരം നിര്‍‌ത്തിവച്ചത്;

(സി)	റോഡ് നിര്‍മ്മാണത്തില്‍ എന്തൊക്കെ ക്രമക്കേടുകളാണ് കണ്ടെത്തിയത്;

(ഡി)	ഇതില്‍ കുറ്റക്കാരായ ഉദ്യോഗസ്ഥര്‍‌ക്കെതിരെ എന്ത് നടപടിയാണ് സ്വീകരിച്ചത്; വിശദമാക്കാമോ?

പാലോട്-ബ്രൈമൂര്‍ റോഡ് നിര്‍മ്മാണത്തിലെ അപാകത

2875.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധുനിക രീതിയില്‍ പണി പൂര്‍ത്തിയാക്കിയ പാലോട്-ബ്രൈമൂര്‍ റോഡ് ഉദ്ഘാടനത്തിന് മുമ്പ് തന്നെ പൊട്ടിപ്പൊളിഞ്ഞു എന്ന വാര്‍ത്ത ശ്രദ്ധയില്‍പ്പെട്ടിട്ടുണ്ടോ;

(ബി)	എത്ര കോടി രൂപയായിരുന്നു പ്രസ്തുത റോഡിന്റെ നിര്‍മ്മാണ ചെലവ് എന്ന് വ്യക്തമാക്കുമോ;

(സി)	കൊളച്ചല്‍ മുതല്‍ മങ്കയം വരെ അപകട മേഖലയായതും പലയിടത്തും റോഡ് ഇടിഞ്ഞ് താഴുകയും പാര്‍ശ്വഭിത്തികളും കൈവരികളും വേനല്‍ മഴയില്‍ ഒലിച്ച് പോകുകയും ചെയ്തത് നിര്‍മ്മാണത്തിലുണ്ടായ അപാകത കൊണ്ടാണോ;വ്യക്തമാക്കുമോ;

(ഡി)	അശാസ്ത്രീയ റോഡ് നിര്‍മ്മാണത്തിന് പിന്നിലെ ക്രമക്കേടുകളെക്കുറിച്ച് അന്വേഷണം നടത്തുമോ എന്നറിയിക്കാമോ?

തങ്കളം-കോഴിപ്പിള്ളി ന്യൂ ബൈപാസ് റോഡ്

2876.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തിലെ തങ്കളം-കോഴിപ്പിള്ളി ന്യൂ ബൈപാസ് റോഡിനായി ജി. ഒ.(ആര്‍.ടി.) 83/2009 പി.ഡബ്ള്യൂ.ഡി. തീയതി 21-1-09 പ്രകാരം 580 ലക്ഷം രൂപയുടെ ഭരണാനുമതി ലഭ്യമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)	580 ലക്ഷം രൂപയുടെ ഭരണാനുമതി ലഭ്യമായ പ്രസ്തുത പ്രവൃത്തിയില്‍ ഇനിയും 328 ലക്ഷം രൂപ ശേഷിക്കുന്നത് ശ്രദ്ധയില്‍പെട്ടിട്ടുണ്ടോ;

(സി)	ഭാഗീകമായി മാത്രം പ്രവൃത്തി നടത്തിയിട്ടുള്ള പ്രസ്തുത റോഡിന്റെ നിലവിലുള്ള ഭരണാനുമതി പുതുക്കി നല്കണമെന്ന് ആവശ്യപ്പെട്ട് എക്സിക്യൂട്ടീവ് എന്‍ജിനീയര്‍ സര്‍ക്കാരിലേക്ക് നല്കിയ റിപ്പോര്‍ട്ടില്‍ എന്ത് നടപടികളാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ;

(ഡി)	കോതമംഗലം ടൗണിന്റെ ബൈപാസ് ആയി വിഭാവനം ചെയ്തിട്ടുള്ളതും, ഏറെ ടൂറിസം പ്രാധാന്യമര്‍ഹിക്കുന്നതുമായ പ്രസ്തുത റോഡിന്റെ നിര്‍മ്മാണം പൂര്‍ത്തിയാക്കുന്നതിനുവേണ്ട നടപടി സ്വീകരിക്കുമോ; വിശദമാക്കാമോ?

ഠാണാവ്-ചന്തക്കുന്ന് റോഡ് പുനര്‍നിര്‍മ്മാണം

2877.

പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഇരിങ്ങാലക്കുട മണ്ഡലത്തിലെ ഠാണാവ്-ചന്തക്കുന്ന് റോഡ് പതിനാലു മീറ്റര്‍ വീതിയില്‍ പുനര്‍നിര്‍മ്മിക്കുന്ന പ്രവൃത്തിയുടെ പുരോഗതി അറിയിക്കാമോ;

(ബി)	ഈ പദ്ധതി ഏത് ഏജന്‍സി മുഖേനയാണ് നടപ്പിലാക്കുന്നതെന്ന് അറിയിക്കുമോ?

പൂഞ്ഞാർ മണ്ഡലത്തിലെ റോഡ് നവീകരണ പദ്ധതികൾ

2878.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18ലെ ബജറ്റ് പ്രസംഗത്തിന്റെ അടിസ്ഥാനത്തില്‍ കിഫ്ബിയില്‍ ഉള്‍പ്പെടുത്തി (ജി.ഒ(ആര്‍.റ്റി)No.942/2017 /പി.ഡബ്ലൃൂ.ഡി.തീയതി 10/7/17 ) അനുവദിച്ച അരുവിത്തുറ- ഭരണങ്ങാനം, വിലങ്ങുപാറ- തിടനാട്-പാറത്തോട്, ഈരാറ്റുപേട്ട- പൂഞ്ഞാര്‍- ചോറ്റി എന്നീ റോഡ് നവീകരണ പദ്ധതികളുടെ നിലവിലെ സ്ഥിതി വ്യക്തമാക്കുമോ;

(ബി)	കിഫ്ബിയില്‍ ഉള്‍പ്പെടുത്തിയിരിക്കുന്ന റോ‍ഡുകള്‍ക്ക് പത്ത് മീറ്റര്‍ വീതി നിര്‍ബന്ധമാക്കിയിട്ടുണ്ടോ; വ്യക്തമാക്കാമോ;

(സി)	പത്ത് മീറ്റര്‍ വീതി ലഭ്യമല്ലാത്ത റോ‍‍ഡുകള്‍ക്ക് മറ്റ് പദ്ധതിയില്‍ ഉള്‍പ്പെടുത്തി തുക അനുവദിക്കുമോ; വിശദമാക്കാമോ?

മണലൂര്‍ മണ്ഡലത്തിലെ കേച്ചേരി-മറ്റം റോഡ്

2879.

ശ്രീ.മുരളി പെരുനെല്ലി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

മണലൂര്‍ മണ്ഡലത്തിലെ കേച്ചേരി-മറ്റം റോഡ് അഭിവൃദ്ധിപ്പെടുത്തുന്നതിന് നബാര്‍ഡിന്റെ പദ്ധതിയില്‍ ഉള്‍പ്പെടുത്തിയിട്ടുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ എന്തെല്ലാമാണെന്ന് അറിയിക്കാമോ?

ചമ്പാട്-കോപ്പാലം തലശ്ശേരി റോഡ് നിർമ്മാണം

2880.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18 -ലെ ബജറ്റിൽ പതിനഞ്ചു കോടി രൂപ അനുവദിച്ച് കിഫ്ബി മുഖേന നടപ്പിലാക്കുമെന്ന് പ്രഖ്യാപിച്ചിരുന്ന തലശ്ശേരി നിയോജകമണ്ഡലത്തിലെ ചമ്പാട്-കോപ്പാലം തലശ്ശേരി റോഡ് നിർമ്മാണപ്രവൃത്തിയുടെ നിലവിലെ സ്‌ഥിതി വ്യക്തമാക്കുമോ;

(ബി)	ഈ പ്രവൃത്തിക്ക് ഭരണാനുമതി ലഭ്യമാക്കുന്നതിന് ആവശ്യമായ എസ്റ്റിമേറ്റ് കിഫ്ബിയ്ക്ക് സമര്‍പ്പിച്ചോ; ഇല്ലെങ്കില്‍ ആയത് എപ്പോള്‍ സമര്‍പ്പിക്കുവാൻ സാധിക്കുമെന്ന് വ്യക്തമാക്കുമോ?

തങ്കുളം-കോഴിപ്പളളി ന്യൂ ബെെപാസ് റോഡ്

2881.

(എ)	കോതമംഗലം മണ്ഡലത്തിലെ തങ്കുളം-കോഴിപ്പളളി ന്യൂ ബെെപാസ് റോഡിന് എത്ര തുകയുടെ ഭരണാനുമതിയാണ് ലഭ്യമായിട്ടുളളതെന്നും ഇതില്‍ എത്ര തുക വിനിയോഗിച്ചുവെന്നും വ്യക്തമാക്കാമോ;

(ബി)	പ്രസ്തുത പ്രവൃത്തിക്കായി എത്ര സ്ഥലമാണ് ഏറ്റെടുക്കേണ്ടതെന്നും നിലവില്‍ എത്ര സ്ഥലം ഏറ്റെടുത്തുവെന്നും ഇനി എത്ര സ്ഥലം കൂടി ഏറ്റെടുക്കുവാന്‍ ഉണ്ടെന്നും വ്യക്തമാക്കാമോ; എന്നത്തേക്ക് സ്ഥലമേറ്റെടുപ്പ് പൂര്‍ത്തിയാക്കുവാന്‍ സാധിക്കുമെന്ന് വ്യക്തമാക്കാമോ;

(സി)	പ്രസ്തുത പ്രവൃത്തിയുടെ കരാറുകാരന്‍, തന്നെ കരാറില്‍ നിന്നും ഒഴിവാക്കണമെന്ന് ആവശ്യപ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത ആവശ്യത്തിന്മേല്‍ സ്വീകരിച്ചിട്ടുളള നടപടി വ്യക്തമാക്കാമോ;

(ഡി)	പ്രസ്തുത പ്രവൃത്തിക്കായി 2019-20 വര്‍ഷത്തെ ബഡ്ജറ്റില്‍ 20% തുക അനുവദിച്ചിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ഇ)	പ്രസ്തുത പ്രവൃത്തിയില്‍ സ്വീകരിച്ചിട്ടുളള തുടര്‍നടപടി വിശദമാക്കാമോ?

പുനലൂര്‍ പൊൻകുന്നം റോ‍ഡിന്റെ നിര്‍മ്മാണപ്രവര്‍ത്തനം

2882.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുനലൂര്‍ മൂവാറ്റുപുഴ റോ‍ഡില്‍ പുനലൂര്‍ മുതല്‍ പൊന്‍കുന്നം വരെയുള്ള അവശേഷിക്കുന്ന റോ‍‍ഡ് നിര്‍മ്മാണത്തിന്റെ നടപടികള്‍ ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ;

(ബി)	എത്ര കോടി രൂപയുടെ എസ്റ്റിമേറ്റ് ആണ് ഇതിനായി തയ്യാറാക്കിയിരിക്കുന്നത് എന്നും ടെന്‍ഡര്‍ നടപടികള്‍ ഏത് ഘട്ടം വരെയായി എന്നും ടെന്‍ഡര്‍ നടത്തി എന്നത്തേക്ക് നിര്‍മ്മാണ പ്രവൃത്തികള്‍ ആരംഭിക്കാന്‍ കഴിയുമെന്നും വ്യക്തമാക്കാമോ;

(സി)	നിര്‍മ്മാണം നടത്തുന്നതുമായി ബന്ധപ്പെട്ട് നിലവില്‍ എന്തെങ്കിലും തടസ്സങ്ങള്‍ ഉണ്ടോ; ഉണ്ടെങ്കില്‍ എന്തൊക്കെ എന്ന് വിശദമാക്കാമോ?

വെെലോങര-ഓരോടം ബെെപ്പാസിന്റെ നിര്‍മ്മാണ പുരോഗതി

2883.

(എ)	2016-17 വര്‍ഷം സംസ്ഥാന ബജറ്റില്‍ പ്രഖ്യാപിച്ച, മങ്കട നിയോജകമണ്ഡലത്തില്‍ ഉള്‍പ്പെടുന്ന വെെലോങര-ഓരോടം പാലം ബെെപ്പാസിന്റെ നിര്‍മ്മാണ പുരോഗതി വ്യക്തമാക്കാമോ;

(ബി)	ബെെപ്പാസ് നിര്‍മ്മാണവുമായി ബന്ധപ്പെട്ട് എല്‍.എ, റിക്വസിഷന്‍ നടപടികള്‍ റവന്യൂ വകുപ്പ് സ്വീകരിച്ചിട്ടുണ്ടോ; ഇത് സംബന്ധിച്ച് നടത്തിയ പ്രവര്‍ത്തനങ്ങള്‍ എന്തെല്ലാമാണ്;

(സി)	അതിര്‍ത്തി കല്ലുകള്‍ സ്ഥാപിക്കുന്ന നടപടികള്‍ പൂര്‍ത്തീകരിച്ചിട്ടുണ്ടോ; ബെെപ്പാസ് നിര്‍മ്മാണം വേഗത്തില്‍ പൂര്‍ത്തീകരിക്കുവാന്‍ നടപടികള്‍ സ്വീകരിക്കുമോ എന്നറിയിക്കാമോ?

മംഗലപുരം-വിഴിഞ്ഞം ആറുവരിപ്പാത നിര്‍മ്മാണം

2884.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

നിര്‍ദ്ദിഷ്ട മംഗലപുരം-വിഴിഞ്ഞം ആറുവരിപ്പാത നിര്‍മ്മാണം സര്‍ക്കാരിന്റെ പരിഗണയിലുണ്ടോ; ഉണ്ടെങ്കില്‍ നിലവിലെ സ്ഥിതി സംബന്ധിച്ചും തുടര്‍ നടപടികളെക്കുറിച്ചും വിശദമാക്കാമോ ?

വാമനപുരം-ചിറ്റാര്‍ റോഡ് നവീകരണം

2885.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വാമനപുരം നിയോജകമണ്ഡലത്തില്‍ കിഫ്ബി മുഖേന നടപ്പിലാക്കുന്ന വാമനപുരം-ചിറ്റാര്‍ റോഡ് നവീകരണം ഏത് ഘട്ടത്തിലാണെന്ന് വിശദമാക്കാമോ;

(ബി)	റോഡ് പ്രവൃത്തി ഏറ്റെടുത്തിട്ടുളള കരാറുകാരന്‍ സമയബന്ധിതമായി പണികള്‍ ചെയ്യുന്നില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഉണ്ടെങ്കില്‍ ഇതിനെതിരെ എന്ത് നടപടി സ്വീകരിച്ചുവെന്നും ഇനി എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്നും വിശദമാക്കാമോ?

മലപ്പുറം-കാവുങ്ങല്‍ ബൈപ്പാസ്

2886.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേന്ദ്ര ഫണ്ടില്‍ ഉള്‍പ്പെടുത്തി ആറ് കോടി രൂപ അനുവദിച്ച മലപ്പുറം-കാവുങ്ങല്‍ ബൈപ്പാസിന്റെ നവീകരണ നടപടികള്‍ ഇപ്പോള്‍ ഏത് ഘട്ടത്തിലാണ്; വിശദാംശം നല്‍കുമോ;

(ബി)	നിര്‍മ്മാണ ജോലികള്‍ ത്വരിതഗതിയില്‍ പൂര്‍ത്തീകരിക്കുവാന്‍ നടപടി സ്വീകരിക്കുമോ?

പാലക്കാട് മലയോര ഹൈവേ പ്രോജക്ട്

2887.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ മലയോര ഹൈവേ പ്രോജക്ടില്‍ എത്ര കിലോമീറ്റര്‍ റോഡാണ് ഉള്‍പ്പെടുത്തിയിട്ടുള്ളത്;

(ബി)	ആലത്തൂര്‍ മണ്ഡലത്തില്‍ മലയോര ഹൈവേയുമായി ബന്ധപ്പെട്ട് എന്തൊക്കെ നടപടി സ്വീകരിക്കാനാണ് ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കാമോ

ചാലക്കുടി മണ്ഡലത്തിലെ സി.ആർ.എഫ്.റോഡുകൾ

2888.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സെന്‍ട്രല്‍ റോ‍ഡ് ഫണ്ട് ഉപയോഗിച്ച് നവീകരണത്തിനായി സമര്‍പ്പിച്ചിട്ടുള്ളതും തൃശൂര്‍ ജില്ലയിലെ ചാലക്കുടി,കൊടുങ്ങല്ലൂര്‍ മണ്ഡലങ്ങളിലൂടെ കടന്നുപോകുന്നതുമായ അഷ്ടമിച്ചിറ-അന്നമനട റോഡ്, ചീറങ്ങര-കാതിക്കുടം-കാടുകുറ്റി-പൊങ്ങം റോഡ് എന്നിവയുടെ അനുമതി ലഭ്യമാക്കുന്നതിനുള്ള നടപടികള്‍ ഏത് ഘട്ടത്തിലാണെന്നറിയിക്കാമോ;

(ബി)	പ്രസ്തുത റോഡുകളുടെ നവീകരണത്തിന് അനുമതി ലഭ്യമാക്കുന്നതിനും നിര്‍മ്മാണം ആരംഭിക്കുന്നതിനും ആവശ്യമായ അടിയന്തര നടപടികള്‍ സ്വീകരിക്കുമോ?

ആലത്തൂര്‍ മണ്ഡലത്തില്‍ ഭരണാനുമതി ലഭിച്ച റോഡുകള്‍

2889.

(എ)	2017-18, 2018-19 സാമ്പത്തിക വര്‍ഷങ്ങളില്‍ ആലത്തൂര്‍ നിയോജകമണ്ഡലത്തില്‍ ഭരണാനുമതി ലഭിച്ച റോഡുകള്‍ ഏതൊക്കെയാണെന്നും ആയതിന്റെ നിലവിലുള്ള അവസ്ഥ എന്താണെന്നും വ്യക്തമാക്കാമോ;

(ബി)	അതില്‍ പൂര്‍ത്തിയാകാത്ത റോഡുകളുടെ പണി എന്ന് പൂര്‍ത്തിയാകുമെന്ന് വ്യക്തമാക്കാമോ?

മനക്കകടവ്-കിഴക്കമ്പലം-പട്ടിമറ്റം റോഡ്

2890.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബി മുഖാന്തരം അനുവദിച്ച മനക്കകടവ്-കിഴക്കമ്പലം-പട്ടിമറ്റം റോഡ് നിര്‍മ്മാണ പ്രവൃത്തി പൂര്‍ത്തിയാക്കാത്തതിന്റെ കാരണം വിശദമാക്കാമോ?

(ബി)	പ്രസ്തുത പ്രവൃത്തി നിര്‍ത്തിവച്ചതിന് കാരണം വ്യക്തമാക്കാമോ?

കെല്ലൂര്‍-ചേറിയംകൊല്ലി-കമ്പളക്കാട് റോഡ്

2891.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി മണ്ഡലത്തില്‍ കേന്ദ്ര റോഡ് ഫണ്ട് ഉപയോഗിച്ച് നിര്‍മ്മിക്കുന്ന കെല്ലൂര്‍-ചേറിയംകൊല്ലി-കമ്പളക്കാട് റോഡ് പ്രവൃത്തി ടെന്‍ഡര്‍ ആയിട്ടുണ്ടോ;

(ബി)	ഉണ്ടെങ്കില്‍ നിര്‍മ്മാണ കരാര്‍ ലഭിച്ച കമ്പനി ഏതാണ്;

(സി)	നിര്‍മ്മാണ കാലാവധി എത്രയാണെന്ന് വ്യക്തമാക്കാമോ?

കാസര്‍ഗോഡ് ജില്ലയിലെ എടപ്പറമ്പ കോളിച്ചാല്‍ ഹില്‍ഹൈവേ

2892.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ എടപ്പറമ്പ കോളിച്ചാല്‍ ഹില്‍ഹൈവേ റീച്ചില്‍ എത്ര കിലോമീറ്റര്‍ ഫോറസ്റ്റ് റോ‍ഡുണ്ട് എന്നറിയിക്കാമോ;

(ബി)	പന്ത്രണ്ടു മീറ്റര്‍ വീതിയില്‍ റോഡ് അഭിവൃദ്ധിപ്പെടുത്തുന്നതിന് വനം വകുപ്പിന്റെ അനുമതിക്കായി പ്രൊപ്പോസല്‍ സമര്‍പ്പിച്ചിട്ടുണ്ടോ;

(സി)	പ്രൊപ്പോസല്‍ പ്രകാരം എത്ര ഏക്കര്‍ വനഭൂമിയാണ് വേണ്ടി വരുന്നത്; വിശദാംശങ്ങള്‍ അറിയിക്കുമോ;

(ഡി)	ഒരു ഹെക്ടറില്‍ കൂടുതല്‍ ഭൂമി ആവശ്യമായി വരുന്ന ഘട്ടത്തില്‍ ആയതിന് പകരം ഭൂമി കണ്ടെത്തി വനം വകുപ്പിന് നല്‍കണമെന്ന വ്യവസ്ഥ റോഡ് പ്രവൃത്തിക്ക് അനുമതി ലഭിക്കാന്‍ കാലതാമസം വരുത്തുമെന്ന വിഷയം ശ്രദ്ധയില്‍പ്പെട്ടിട്ടുണ്ടോ;

(ഇ)

എങ്കില്‍ ഉന്നത തലത്തില്‍ വനം വകുപ്പുമായി കൂടിയാലോചിച്ച് റോഡ്, വനം വകുപ്പിന്റെ അസറ്റായി നിലനിര്‍ത്തി വീതി കൂട്ടാന്‍ മാത്രമുള്ള സ്ഥലം ആവശ്യപ്പെടുന്ന തരത്തില്‍ പ്രൊപ്പോസല്‍ മാറ്റി നല്‍കി ആവശ്യമായ ഭൂമിയുടെ അളവ് ഒരു ഹെക്ടറില്‍ താഴെ ആക്കുവാനും ആയതിന് സംസ്ഥാന വനം വകുപ്പിന് തന്നെ അനുമതി നല്‍കുവാൻ പറ്റുന്ന സാഹചര്യം ഉണ്ടാക്കാനും സാധിക്കുമെന്ന വിഷയം പരിശോധനക്ക് വിധേയമാക്കാമോ; വിശദാംശങ്ങള്‍ അറിയിക്കുമോ?

മാവേലിക്കര മണ്ഡലത്തിലെ റോഡുകളുടെ പുനരുദ്ധാരണ പദ്ധതി

2893.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം ശബരിമല വില്ലേജ് റോഡുകളുടെ പുനരുദ്ധാരണ പദ്ധതിയില്‍ ഉള്‍പ്പെടുത്തിയ മാവേലിക്കര മണ്ഡലത്തിലെ റോഡുകളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പദ്ധതിയില്‍ ഉള്‍പ്പെടുത്തിയ പ്രവൃത്തിയില്‍ പൂര്‍ത്തീകരിക്കാനുള്ളവ, പൂര്‍ത്തീകരിച്ചവ, എഗ്രിമെന്റ് വെക്കാനുള്ളവ ഏത് എന്നിങ്ങനെ വിശദമാക്കാമോ;

(സി)	നിര്‍മ്മാണം ആരംഭിക്കാനുള്ള പ്രവൃത്തികള്‍ അടിയന്തരമായി ആരംഭിക്കുന്നതിനുള്ള നടപടികള്‍ വിശദമാക്കുമോ?

കഴക്കൂട്ടം-അടൂര്‍ സുരക്ഷാ ഇടനാഴി

2894.

(എ)	കെ.എസ്.റ്റി.പി. പദ്ധതി പ്രകാരം സംസ്ഥാനത്ത് മാതൃക ഇടനാഴിയായി നിശ്ചയിച്ചിട്ടുള്ള കഴക്കൂട്ടം-അടൂര്‍ സുരക്ഷാ ഇടനാഴിയുടെ പണി ഏത് ഘട്ടത്തിലാണ്;

(ബി)	പ്രസ്തുത പദ്ധതിയുടെ അടങ്കല്‍ തുക എത്ര കോടി രൂപയാണ്; എന്നത്തേക്ക് പണി പൂര്‍ത്തിയാക്കണമെന്നാണ് നിര്‍ദ്ദേശിച്ചിരുന്നത്; ഇതിനകം എത്ര ശതമാനം ജോലികള്‍ പൂര്‍ത്തീകരിച്ചു;വ്യക്തമാക്കുമോ;

(സി)	ഇപ്പോഴത്തെ നിലയില്‍ ഈ പദ്ധതി എന്നത്തേക്ക് പൂര്‍ത്തീകരിക്കുവാന്‍ സാധിക്കുമെന്ന് വ്യക്തമാക്കുമോ?

വെഞ്ഞാറമൂട് റിംഗ് റോഡിന്റെ നവീകരണം

2895.

(എ)	വാമനപുരം നിയോജകമണ്ഡലത്തില്‍ കിഫ്ബി മുഖേന നടപ്പിലാക്കുന്ന വെഞ്ഞാറമൂട് റിംഗ് റോഡിന്റെ നവീകരണം ഏത് ഘട്ടത്തിലാണെന്ന് വിശദമാക്കുമോ;

(ബി)	പ്രസ്തുത റോഡിന്റെ കരാറുകാരന്‍, കരാറില്‍ പറഞ്ഞിരിക്കുന്ന പ്രകാരം, സമയബന്ധിതമായി തീര്‍ക്കേണ്ട പ്ലാന്‍ പ്രകാരമുള്ള പണികള്‍ തീര്‍ക്കുന്നുണ്ടോ; വിശദമാക്കാമോ;

(സി)	പ്ലാന്‍ പ്രകാരമുള്ള പണികള്‍ നിര്‍വ്വഹിച്ചിട്ടില്ലായെങ്കില്‍ കരാറുകാരനെതിരെ എന്തു നടപടി സ്വീകരിക്കുമെന്ന് വ്യക്തമാക്കുമോ?

ഈരാറ്റുപേട്ട വാഗമണ്‍ റോഡ്

2896.

(എ)	കിഫ്ബിയില്‍ ഉള്‍പ്പെടുത്തി 66.61 കോടി രൂപ അനുവദിച്ച ഈരാറ്റുപേട്ട വാഗമണ്‍ റോഡിന്റെ നിര്‍മ്മാണം എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ;

(ബി)	RICK (റോഡ് ഇന്‍ഫ്രാസ്ട്രക്ടച്ചര്‍ കമ്പനി കേരള ലിമിറ്റഡ്)ന് റോഡ് നിര്‍മ്മാണ ചുമതല കൈമാറിയിട്ട് രണ്ട് വര്‍ഷം കഴിഞ്ഞിട്ടും പുറമ്പോക്ക് നിര്‍ണ്ണയം പോലും പൂര്‍ത്തിയാക്കാത്തതിനുള്ള കാരണങ്ങള്‍ വിശദമാക്കാമോ; ഇത് എപ്പോള്‍ പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കാമോ;

(സി)	മധ്യ കേരളത്തിലെ പ്രധാന ടൂറിസം പാതയായ പ്രസ്തുത റോഡിന്റെ നിര്‍മ്മാണം വേഗത്തിലാക്കുവാന്‍ പ്രത്യേക യോഗം വിളിച്ചുചേര്‍ക്കുവാന്‍ തീരുമാനിച്ചിട്ടുണ്ടോ; വ്യക്തമാക്കാമോ?

കോഴിക്കോട് ജില്ലയിലെ റോഡ് നിര്‍മ്മാണം

2897.

(എ)	കോഴിക്കോട് ജില്ലയില്‍ കിഫ്ബിയിൽ ഉള്‍പ്പെടുത്തിയ മാവൂര്‍-എന്‍.എെ.ടി.-കൊടുവളളി റോഡ്, മാത്ര-പാലാഴി-കുറ്റികാട്ടൂര്‍ റോഡ്, കുന്ദമംഗലം ബെെപ്പാസ് (പണ്ടാരപ്പറമ്പ്- ഉണ്ടോടിക്കടവ്- പടനിലം ബെെപ്പാസ്) എന്നിവയുടെ ഡി.പി.ആര്‍. തയ്യാറാക്കിയിട്ടുണ്ടോ;

(ബി)	പ്രവൃത്തി എന്ന് തുടങ്ങാന്‍ സാധിക്കുമെന്ന് വിശദമാക്കാമോ?

കോഴിക്കോട് ജില്ലയിലെ റോഡുകള്‍ക്കായി ചെലവഴിച്ച തുക

2898.

(എ)	കോഴിക്കോട് ജില്ലയിൽ ഭരണാനുമതിയുള്ള മാങ്കാവ്-കണ്ണിപ്പറമ്പ്, മാവൂര്‍-കൂളിമാട് റോഡുകള്‍ക്കായി ഇതുവരെ എത്ര തുക ചെലവഴിച്ചിട്ടുണ്ടെന്ന് വ്യക്തമാക്കാമോ;

(ബി)	മാങ്കാവ്-കണ്ണിപ്പറമ്പ് റോഡിലെ ടെണ്ടര്‍ ചെയ്ത പ്രവൃത്തികള്‍ മുഴുവന്‍ ചെയ്തു തീര്‍ത്തിട്ടുണ്ടോ; കരാര്‍ ഇപ്പോഴും നിലവിലുണ്ടോ;

(സി)	ഇല്ലെങ്കില്‍ ബാക്കി പ്രവൃത്തികള്‍ ചെയ്യുന്നതിന് എന്ത് നടപടികളാണ് സ്വീകരിക്കുന്നതെന്ന് വിശദമാക്കാമോ?

എറക്കോട്ടിരി പാലം നിര്‍മ്മാണം

2899.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയേയും തൃശൂര്‍ ജില്ലയേയും ബന്ധപ്പെടുത്തി ഭാരതപ്പുഴയില്‍ എറക്കോട്ടിരി പാലം നിര്‍മ്മിക്കുന്നതിനാവശ്യമായ ഇന്‍വെസ്റ്റിഗേഷന്‍ നടപടികള്‍ പൂര്‍ത്തീകരിച്ചോ; ഇല്ലെങ്കില്‍ എന്തുകൊണ്ട്; വിശദാംശം നല്‍കാമോ;

(ബി)	നടപടിക്രമങ്ങള്‍ പൂര്‍ത്തിയാക്കി എന്ന് ഭരണാനുമതി നല്‍കുവാന്‍ കഴിയുമെന്ന് വിശദമാക്കാമോ?

എം.ഇ.എസ്.-തടവനാൽ പാലത്തിന്റെ നിർമ്മാണം

2900.

(എ)	ഈരാട്ടുപേട്ട ബൈപ്പാസിന്റെ ഭാഗമായ എം.ഇ.എസ്.-തടവനാൽ പാലം നിർമ്മാണം പൂര്‍ത്തീകരിക്കുവാനുള്ള തടസ്സങ്ങള്‍ ഏന്തൊക്കെയാണെന്ന് വ്യക്തമാക്കുമോ;

(ബി)	പാലം നിർമ്മാണം പൂര്‍ത്തീകരിക്കുന്നതിനായുള്ള സ്ഥലം ഏറ്റെടുക്കല്‍ നടപടികളുടെ നിജസ്ഥിതി വിശദീകരിക്കാമോ;

(സി)	രണ്ട് വര്‍ഷമായി നിർമ്മാണം നിലച്ച പാലത്തിന്‍െറ പണി എപ്പോള്‍ പൂര്‍ത്തീകരിക്കാന്‍ സാധിക്കുമെന്ന് വിശദമാക്കാമോ?

ഗതാഗത യോഗ്യമല്ലാത്ത പാലങ്ങള്‍

2901.

(എ)	പ്രളയത്തെ തുടര്‍ന്ന് വലിയ തോതില്‍ നാശം സംഭവിച്ച് ഗതാഗത യോഗ്യമല്ലാതായി തീര്‍ന്ന ചാര്‍പ്പപാലം, വെറ്റിലപ്പാറപ്പാലം എന്നിവയും, കാലപ്പഴക്കത്തില്‍ തകര്‍ന്ന പുകലപ്പാറ, ആനക്കയം, കണ്ണംകുഴി, മേച്ചിറ, മറ്റത്തൂര്‍ എന്നിവിടങ്ങളിലെ പാലങ്ങളും അടിയന്തരമായി പുതുക്കിപ്പണിയുന്നതിന് നടപടി സ്വീകരിച്ചിട്ടുണ്ടോ;

(ബി)	ഉണ്ടെങ്കില്‍ നടപടികള്‍ ഏത് ഘട്ടത്തിലാണ് എന്ന് അറിയിക്കാമോ?

റാന്നി വലിയ പാലം

2902.

(എ)	റാന്നിയില്‍ പുതുതായി നിര്‍മ്മിക്കുന്ന വലിയ പാലത്തിന്റെ നിര്‍മ്മാണ പുരോഗതി വിശദമാക്കാമോ; എന്നത്തേക്ക് നിര്‍മ്മാണം പൂര്‍ത്തിയാക്കാനാകും എന്ന് വ്യക്തമാക്കുമോ;

(ബി)	ഇതിന്റെ അപ്രോച്ച് റോ‍ഡ് നിര്‍മ്മാണത്തിനായി എന്തെങ്കിലും തടസങ്ങള്‍ ഉണ്ടോ; ഭൂമി വിട്ടുകിട്ടുന്നതിന് എന്തെങ്കിലും തടസ്സങ്ങള്‍ ഉണ്ടോ; വിശദാംശങ്ങള്‍ ലഭ്യമാക്കാമോ;

(സി)	ഭൂമി വിട്ടുകിട്ടുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ?

മുരാട് പാലം പ്രത്യേകമായി നിര്‍മ്മിക്കാന്‍ നടത്തിയ ശ്രമങ്ങള്‍

2903.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയുടെ വികസനത്തിന്റെ ഭാഗമായി മുരാട് പാലം പ്രത്യേകമായി നിര്‍മ്മിക്കാന്‍ സംസ്ഥാന സര്‍ക്കാര്‍ നടത്തിയ ശ്രമങ്ങള്‍ വിശദമാക്കാമോ;

(ബി)	ഇപ്പോള്‍ മുരാട് പാലം മുതല്‍ പാലോളി പാലം വരെയുള്ള ഭാഗത്ത് പാലം നിര്‍മ്മാണമടക്കമുള്ള പ്രവൃത്തികള്‍ ടെണ്ടര്‍ ചെയ്തിട്ടുണ്ടോ;

(സി)	പ്രസ്തുത പ്രവൃത്തിയ്ക്കായി എത്ര കോടി രൂപയുടെ എസ്റ്റിമേറ്റാണ് തയ്യാറാക്കിയിട്ടുള്ളത് എന്ന് വ്യക്തമാക്കുമോ;

(ഡി)	ടെണ്ടര്‍ നടപടികള്‍ പൂര്‍ത്തിയാക്കി പ്രവൃത്തികള്‍ എപ്പോള്‍ ആരംഭിക്കാമെന്നാണ് പ്രതീക്ഷിക്കുന്നത്; വ്യക്തമാക്കാമോ?

പേരണൂര്‍-വടുതല പാലത്തിന്റെ നിര്‍മ്മാണ പ്രവർത്തനങ്ങള്‍

2904.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016 മാര്‍ച്ച് മാസത്തില്‍ 29.50 കോടി രൂപയ്ക്ക് ഭരണാനുമതി നല്കിയിട്ടുള്ള പേരണൂര്‍-വടുതല പാലത്തിന്റെ നിര്‍മ്മാണ പ്രവർത്തനങ്ങള്‍ ആരംഭിക്കുന്നതില്‍ കാലതാമസം നേരിടുന്നതിന്റെ കാരണം വ്യക്തമാക്കാമോ;

(ബി)	ഏറ്റെടുക്കേണ്ട സ്ഥലവുമായി ബന്ധപ്പെട്ട് റവന്യൂ വകുപ്പ് നടത്തുന്ന സാമൂഹിക പ്രത്യാഘാത പഠനം പൂർത്തീകരിച്ചിട്ടുണ്ടോ;

(സി)	പാലത്തിന്റെ നിര്‍മ്മാണത്തിനാവശ്യമായ സ്ഥലമെടുപ്പ് നടപടികളുടെ നിജസ്ഥിതി വ്യക്തമാക്കാമോ?

വിലങ്ങാട് ആദിവാസി കോളനിയിലേയ്ക്കള്ള പാലം

2905.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്രളയത്തില്‍ തകര്‍ന്ന നാദാപുരം മണ്ഡലത്തിലെ വിലങ്ങാട് ആദിവാസി കോളനിയിലേയ്ക്കുള്ള പാലം പുന:സ്ഥാപിക്കാന്‍ നടപടി സ്വീകരിക്കുമോ;

(ബി)	ഇക്കാര്യത്തില്‍ നാളിതുവരെ സ്വീകരിച്ച നടപടികള്‍ വിശദമാക്കാമോ?

ചാലക്കുടി മണ്ഡലത്തിലെ പാലങ്ങളുടെ നിര്‍മ്മാണം

2906.

(എ)	സംസ്ഥാന ബജറ്റില്‍ ഉള്‍പ്പെട്ടിട്ടുള്ള ചാലക്കുടിപ്പുഴയിലെ മൂഴിക്ക കടവ് പാലം, തൈക്കൂട്ടം കടവ് പാലം എന്നിവയുടെ നിര്‍മ്മാണത്തിനായുള്ള നടപടികള്‍ ഏത് ഘട്ടത്തിലാണ് എന്നറിയിക്കാമോ;

(ബി)	പ്രസ്തുത പാലങ്ങളുടെ നിര്‍മ്മാണം ആരംഭിക്കുന്നതിനാവശ്യമായ നടപടി സ്വീകരിക്കുമോ;

(സി)	ചാലക്കുടി-കൊടുങ്ങല്ലൂര്‍ മണ്ഡലങ്ങളെ തമ്മില്‍ ബന്ധിപ്പിക്കുന്ന പാറക്കൂട്ടം പാലം നിര്‍മ്മാണ നടപടികള്‍ ഏത് ഘട്ടത്തിലാണെന്ന് അറിയിക്കാമോ?

വൈപ്പിന്‍ നിയോജകമണ്ഡലത്തിലെ പാലം നിര്‍മ്മാണ പ്രവൃത്തികള്‍

2907.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ നിയോജകമണ്ഡലത്തിലെ കടമക്കുടി-പിഴല പാലം, ചെറിയ കടമക്കുടി പാലം, ചേന്നൂര്‍-പിഴല പാലം, ചേന്നൂര്‍-കോതാട് പാലം, കേരളേശ്വരം പാലം, ഹെര്‍ബര്‍ട്ട് പാലം എന്നിവയുടെ നിര്‍മ്മാണ പ്രവൃത്തികള്‍ക്കായി പണം അനുവദിച്ചിട്ടുണ്ടോയെന്ന് വ്യക്തമാക്കാമോ;

(ബി)	എങ്കില്‍ ഓരോന്നിനും അനുവദിച്ചിട്ടുള്ള തുക എത്രയെന്നും ഓരോ പ്രവൃത്തിയും എന്നത്തേക്ക് ആരംഭിക്കുമെന്നും വിശദമാക്കാമോ;

(സി)	ഏതെങ്കിലും പ്രവൃത്തി നടപ്പാക്കുന്നതില്‍ തടസ്സങ്ങള്‍ നിലവിലുണ്ടോ; വിശദമാക്കാമോ?

പേരുച്ചാല്‍ പാലത്തിന്റെ നിർമ്മാണ പുരോഗതി

2908.

(എ)	ശബരിമല തിരുവാഭരണ പാതയില്‍ നിര്‍മ്മിക്കുന്ന പേരുച്ചാല്‍ പാലത്തിന്റെ നിര്‍മ്മാണ പ്രവൃത്തികളില്‍ എന്തൊക്കെയാണ് ഇനി പൂര്‍ത്തീകരിക്കാന്‍ ഉള്ളത്; ഇവയുടെ നിര്‍മ്മാണ പുരോഗതി വ്യക്തമാക്കാമോ;

(ബി)	അടുത്ത ശബരിമല സീസണിനുമുമ്പ് നിര്‍മ്മാണം പൂര്‍ത്തിയാക്കാന്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വ്യക്തമാക്കാമോ?

പള്ളിപ്പുറം കോണ്‍വെന്റ് ബീച്ച് പാലം നിർമ്മാണം

2909.

(എ)	വൈപ്പിനിലെ പള്ളിപ്പുറം കോണ്‍വെന്റ് ബീച്ച് പാലത്തിന്റെ നിര്‍മ്മാണ പുരോഗതി വിശദമാക്കാമോ;

(ബി)	പദ്ധതി നടപ്പിലാക്കുന്നതിന് ഏതെങ്കിലും തരത്തിലുള്ള തടസ്സങ്ങള്‍ നിലവിലുണ്ടോയെന്ന് വിശദമാക്കാമോ?

പെരിന്തൽമണ്ണ മണ്ഡലത്തിലെ പട്ടുകുത്ത്‌തുരുത്ത്‌ പാലം നിര്‍മ്മാണം

2910.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2016-17 ലെ ആസ്തി വികസന ഫണ്ടുപയോഗിച്ച് നിർമ്മിക്കുവാൻ ശിപാര്‍ശ ചെയ്തിരുന്നതും പൊതുമരാമത്ത് വകുപ്പ് മുഖേന ഏറ്റെടുത്ത് നടപ്പിലാക്കേണ്ടതുമായ പെരിന്തൽമണ്ണ മുനിസിപ്പാലിറ്റിയിലെ പട്ടുകുത്ത്‌തുരുത്ത്‌ പാലം നിര്‍മ്മാണം നാളിതുവരെ ആരംഭിച്ചിട്ടില്ലെന്ന വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിയ്ക്ക് ഭരണാനുമതി ,സാങ്കേതിക അനുമതി എന്നിവ ലഭിച്ചതും ടെണ്ടര്‍ ചെയ്തതും കരാറുകാരനുമായി എഗ്രിമെന്റ് ഒപ്പിട്ടതും എന്നാണെന്ന് അറിയിക്കുമോ;

(സി)	പ്രവൃത്തി നാളിതുവരെ ആരംഭിയ്ക്കാത്തത് സംബന്ധിച്ച് ജനകീയ സമിതി സമര്‍പ്പിച്ച പരാതിയിന്മേല്‍ സ്വീകരിച്ച നടപടി വ്യക്തമാക്കുമോ;

(ഡി)	പ്രവൃത്തി നടപ്പിലാക്കുന്നതിലെ കാലതാമസം ഒഴിവാക്കി പാലം നിര്‍മ്മാണം അടിയന്തരമായി ആരംഭിയ്ക്കുന്നതിന് കര്‍ശന നിര്‍ദ്ദേശം നല്‍കുന്നതിന് നടപടി സ്വീകരിയ്ക്കുമോ?

മഞ്ചേരിക്കുഴി പാലം നിര്‍മ്മാണം

2911.

(എ)	കുന്നത്തുനാട് മണ്ഡലത്തിലെ മഞ്ചേരിക്കുഴി പാലം നിര്‍മ്മാണം എന്നാണ് ആരംഭിച്ചതെന്നും എന്ന് പൂര്‍ത്തിയാക്കാനാകുമെന്നും വ്യക്തമാക്കാമാേ;

(ബി)	പാലത്തിന്റെ നിര്‍മ്മാണം ഇഴയുന്നതായി വന്ന പത്രവാര്‍ത്ത ശ്രദ്ധയില്‍പ്പെട്ടിട്ടുണ്ടാേ; എങ്കില്‍ നിര്‍മ്മാണ പ്രവൃത്തിയുടെ വേഗതക്കുറവിനുള്ള കാരണം വ്യക്തമാക്കാമാേ;

(സി)	നിര്‍മ്മാണ പ്രവൃത്തി ത്വരിതപ്പെടുത്തുന്നതിന് സ്വീകരിച്ചിട്ടുള്ള നടപടി വിശദമാക്കുമോ?

കരുവാറ്റക്കടവ് പാലം

2912.

(എ)	പൂനൂര്‍ പുഴക്ക് കുറുകെ നിര്‍മ്മിക്കാനുദ്ദേശിക്കുന്ന കരുവാറ്റക്കടവ് പാലത്തിന്റെ ഭരണാനുമതിയ്ക്കായി സമര്‍പ്പിച്ചിട്ടുളള ഫയലില്‍ സ്വീകരിച്ചിട്ടുളള നടപടികള്‍ എന്തെല്ലാമാണെന്നറിയിക്കാമോ;

(ബി)	നേരത്തെ ഒരു കോടി രൂപയുടെ ഭരണാനുമതി ഉണ്ടായിരുന്നിട്ടും പാലം പ്രവൃത്തി ആരംഭിക്കുന്നതിനുളള നടപടിയില്‍ കാലതാമസം നേരിട്ടത് എന്തുകൊണ്ടാണെന്ന് വ്യക്തമാക്കാമോ;

(സി)	കരുവാറ്റക്കടവ് പാലം നിര്‍മ്മാണം ആരംഭിക്കുന്നതിനുളള നടപടികള്‍ വേഗത്തിലാക്കാമോ?

കോവില്‍ക്കടവ്-കുലശേഖരം പാലം നിർമ്മാണം

2913.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തിലെ കോവില്‍ക്കടവ്-കുലശേഖരം പാലം നിർമ്മാണത്തിനുള്ള സാങ്കേതിക അനുമതി ലഭ്യമായിട്ടുണ്ടോ;

(ബി)	പാലം നിർമ്മാണവുമായി ബന്ധപ്പെട്ട ടെണ്ടര്‍ നടപടികള്‍ ത്വരിതപ്പെടുത്തുവാൻ നടപടി സ്വീകരിയ്ക്കുുമോ?

കരമന-കളിയിക്കാവിള ആറുവരി പാത

2914.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരമന-കളിയിക്കാവിള ആറുവരി പാത വികസനത്തിന്റെ ഒന്നാം ഘട്ടം മുൻ സര്‍ക്കാരിന്റെ കാലത്ത് പൂര്‍ത്തിയാക്കിയിട്ടും രണ്ടാം ഘട്ടമായ പ്രാവച്ചമ്പലം മുതല്‍ കൊടിനടവരെയുള്ള നിര്‍മ്മാണ പ്രവര്‍ത്തനം മന്ദഗതിയിലാണെന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	രണ്ടാംഘട്ട നിര്‍മ്മാണ പ്രവര്‍ത്തനം ഏത് കമ്പനിക്കാണ് ടെന്‍ഡര്‍ നല്‍കിയത്; എത്ര കോടി രൂപയാണ് ടെന്‍ഡര്‍ തുക; എന്നത്തേക്ക് പണി പൂര്‍ത്തിയാക്കണമെന്നാണ് കരാറില്‍ നിര്‍ദ്ദേശിച്ചിട്ടുള്ളത്;

(സി)	പ്രസ്തുത പാതയുടെ വികസനത്തിന് തടസ്സമായി നില്‍ക്കുന്ന വൈദ്യുതി ത‍ൂണുകള്‍, കുടിവെള്ള പൈപ്പുകള്‍ എന്നിവ മാറ്റി സ്ഥാപിക്കുന്നതിനുള്ള പ്രവര്‍ത്തനം ആരംഭിക്കാത്തത് എന്തുകൊണ്ടാണ് എന്നറിയിക്കാമോ;

(ഡി)	കൊടിനട മുതല്‍ വഴിമുക്ക് വരെയുള്ള മൂന്നാംഘട്ട വികസനത്തിന്റെ ഭാഗമായി ഏറ്റെടുത്ത സ്ഥലത്തിന്റെ നഷ്ടടപരിഹാരം നല്‍കുന്ന നടപടി ഏത് ഘട്ടത്തിലാണ്; എന്ത് തുകയാണ് നഷ്ടപരിഹാരമായി ഇക്കാര്യത്തില്‍ അനുവദിച്ചിട്ടുള്ളത്; വിശദമാക്കാമോ?

കുതിരാന്‍ തുരങ്കം നിര്‍മ്മാണം

2915.

ശ്രീ.കെ. ബാബു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വടക്കഞ്ചേരി-മണ്ണൂത്തി ദേശീയ പാതയിലെ കുതിരാന്‍ തുരങ്കത്തിന്റെ നിര്‍മ്മാണം എന്ന് പൂര്‍ത്തീകരിക്കുമെന്ന് വ്യക്തമാക്കുമാേ;

(ബി)	പ്രസ്തുത നിര്‍മ്മാണവുമായി ബന്ധപ്പെട്ട് നിലവില്‍ എന്തെങ്കിലും തടസ്സങ്ങള്‍ ഉണ്ടാേ; എങ്കിൽ അവ എന്താണെന്ന് വിശദമാക്കുമാേ;

(സി)	പ്രസ്തുത പ്രവൃത്തി എന്ന് പൂര്‍ത്തീകരിച്ച് ഗതാഗതയോഗ്യമാക്കുമെന്ന് വിശദമാക്കുമാേ?

ആറ്റിങ്ങല്‍ പട്ടണത്തിലെ ദേശീയപാത നാലുവരിയാക്കല്‍ പദ്ധതി

2916.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആറ്റിങ്ങല്‍ പട്ടണത്തിലെ ദേശീയപാത നാലുവരിയാക്കല്‍ പദ്ധതിയുടെ പ്രവര്‍ത്തന പുരോഗതി വിശദമാക്കുമോ;

(ബി)	ആറ്റിങ്ങല്‍ കച്ചേരിനടയില്‍ സ്ഥിതി ചെയ്യുന്ന പോസ്റ്റ് ഓഫീസ് ഭൂമി, റോഡ് വികസനത്തിന് ലഭ്യമാക്കുന്ന നടപടി ഏത് ഘട്ടത്തിലാണ്; വിശദമാക്കുമോ;

(സി)	ആറ്റിങ്ങല്‍ കെ.എസ്.ആര്‍.ടി.സി.യുടെ അധീനതയിലുള്ള ഭൂമി വിട്ടുകിട്ടുന്നതിനുള്ള നടപടി ഏത് ഘട്ടത്തിലാണ്; എത്ര ഭൂമിയാണ് കെ.എസ്.ആര്‍.ടി.സി. റോഡ് വികസനത്തിനായി വിട്ടുനല്‍കുന്നതെന്ന് വ്യക്തമാക്കാമോ?

കുണ്ടന്നൂര്‍ മുതല്‍ പുത്തന്‍കുരിശ് വരെയുള്ള അലൈന്‍മെന്റ് അപ്രൂവല്‍

2917.

(എ)	എറണാകുളം ജില്ലയില്‍ കൊച്ചി-മധുര ഹൈവേയില്‍ കുണ്ടന്നൂര്‍ മുതല്‍ പുത്തന്‍കുരിശ് വരെയുള്ള ഭാഗത്തിന്റെ അലൈന്‍മെന്റ് അപ്രൂവ് ചെയ്തിട്ടുണ്ടോ; വിശദാംശം നല്‍കുമോ;

(ബി)	ഇതിന്റെ നിർമ്മാണം എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കുമോ; പ്രവൃത്തികള്‍ ആരംഭിക്കുന്നതിനുള്ള തടസ്സം എന്താണെന്ന് വിശദമാക്കുമോ?

മക്കരപ്പറമ്പ് ബെെപ്പാസ് നിര്‍മ്മാണം

2918.

(എ)	മങ്കട നിയോജക മണ്ഡലത്തിലെ മക്കരപ്പറമ്പ് ബെെപ്പാസ് നിര്‍മ്മാണവുമായി ബന്ധപ്പെട്ട നിലവിലെ അവസ്ഥ വ്യക്തമാക്കാമോ;

(ബി)	പ്രസ്തുത ബെെപ്പാസ് നിര്‍മ്മാണവുമായി ബന്ധപ്പെട്ട് ഡി.പി.ആര്‍.തയ്യാറാക്കിയിട്ടുണ്ടോ;

(സി)	ഈ പ്രവൃത്തി സംബന്ധിച്ച് കിറ്റ്കോ സമര്‍പ്പിച്ച ഇന്‍സ്പെക്ഷന്‍ റിപ്പോര്‍ട്ട്, ഫീസിബിലിറ്റി റിപ്പോര്‍ട്ട്, അലൈന്‍മെന്റ് ഓപ്ഷന്‍ എന്നിവയിന്മേല്‍ തുടര്‍ നടപടികള്‍ സ്വീകരിച്ചിട്ടുണ്ടോ;

(ഡി)	ബെെപ്പാസുമായി ബന്ധപ്പെട്ട വിശദമായ പദ്ധതി രൂപരേഖ തയ്യാറാക്കി കേന്ദ്ര റോഡ് ഗതാഗത ഹെെവേ മന്ത്രാലയത്തിന് സമര്‍പ്പിച്ചിട്ടുണ്ടോ;

(ഇ)	ഡി.പി.ആര്‍. അംഗീകാരം ലഭിക്കുന്നതിലേക്കായി സംസ്ഥാന സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാമാണ്; വിശദമാക്കാമോ?

മരട് എെ.ടി.എെ. കെട്ടിടത്തിന്റെ ഡിസെെന്‍

2919.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ മണ്ഡലത്തിലെ മരട് എെ.ടി.എെ. യുടെ പുതിയ കെട്ടിടത്തിന്റെ ഡിസെെന്‍ തയ്യാറാക്കുന്ന പ്രവര്‍ത്തനങ്ങള്‍ ഏതുവരെയായി എന്ന് അറിയിക്കുമോ;

(ബി)	എന്നത്തേക്ക് ഇൗ നിര്‍മ്മാണം ആരംഭിക്കാനാകുമെന്ന് അറിയിക്കാമോ?

റാന്നി മിനി സിവില്‍ സ്റ്റേഷന്‍ അഡീഷണല്‍ ബ്ലാേക്ക് നിര്‍മ്മാണം

2920.

(എ)	റാന്നി മിനി സിവില്‍ സ്റ്റേഷന്‍ കെട്ടിടത്തിന്റെ അഡീഷണല്‍ ബ്ലാേക്ക് നിര്‍മ്മാണത്തിനായി എത്ര രൂപയാണ് ഇപ്പാേള്‍ അനുവദിച്ചിട്ടുള്ളത്;

(ബി)	ഇൗ തുക ഉപയാേഗപ്പെടുത്തി എന്താെക്കെ നിര്‍മ്മാണ പ്രവൃത്തികള്‍ നടത്താനാണ് ഉദ്ദേശിക്കുന്നത്;

(സി)	പ്രവൃത്തി ടെന്‍ഡര്‍ ചെയ്തിട്ടുണ്ടെങ്കില്‍ ആരാണ് ടെന്‍ഡര്‍ എടുത്തിരിക്കുന്നത്; വിശദാംശങ്ങള്‍ ലഭ്യമാക്കുമാേ?

പെരിങ്ങര ഗേള്‍സ് ഹയര്‍ സെക്കണ്ടറി സ്കൂളിന്റെ കെട്ടിട നിർമ്മാണം

2921.

ശ്രീ.മാത്യു റ്റി.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പെരിങ്ങര ഗവണ്‍മെന്റ് ഗേള്‍സ് ഹയര്‍ സാെക്കണ്ടറി സ്കൂളിന് പുതിയ കെട്ടിടം നിര്‍മ്മിക്കുന്നതിന് എം.എല്‍.എ. ആസ്തി വികസന ഫണ്ടില്‍ നിന്നും അനുവദിച്ച തുക വിനിയാേഗിച്ചുള്ള നിര്‍മ്മാണം തുടങ്ങാത്തതിന്റെ കാരണം വ്യക്തമാക്കാമാേ;

(ബി)	പ്രസ്തുത നിർമ്മാണം ത്വരിതപ്പെടുത്തുവാൻ നിര്‍ദ്ദേശം നല്‍കുമാേ എന്നറിയിക്കാമോ?

ആലത്തൂര്‍ മണ്ഡലത്തിലെ പൊതുമരാമത്ത് കെട്ടിട വിഭാഗം പ്രവൃത്തികള്‍

2922.

(എ)	ഈ സര്‍ക്കാര്‍ അധികാരത്തില്‍ വന്നശേഷം ആലത്തൂര്‍ മണ്ഡലത്തില്‍ പൊതുമരാമത്ത് കെട്ടിട വിഭാഗത്തിന് കീഴില്‍ ഭരണാനുമതി ലഭിച്ചതും നടപ്പിലാക്കിവരുന്നതുമായ പദ്ധതികള്‍ ഏതെല്ലാമാണെന്ന് വിശദമാക്കാമോ;

(ബി)	പ്രസ്തുത പ്രവൃത്തികളുടെ നിലവിലെ അവസ്ഥ വിശദമാക്കാമോ?

ചെങ്ങന്നൂര്‍ കല്ലിശ്ശേരി റസ്റ്റ്ഹൗസ്

2923.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചെങ്ങന്നൂര്‍ കല്ലിശ്ശേരി റസ്റ്റ്ഹൗസ് രണ്ടാംഘട്ട നിര്‍മ്മാണത്തിന് സ്വീകരിച്ച നടപടികള്‍ വിശദമാക്കാമാേ;

(ബി)	നിലവിലുള്ള പഴയ കെട്ടിടം കാലാേചിതമായ അറ്റകുറ്റപ്പണികള്‍ നടത്തി ഉപയാേഗപ്രദമാക്കാനുള്ള നടപടികള്‍ സ്വീകരിക്കുമാേ എന്നറിയിക്കാമോ?

വഴുതയ്ക്കാട് കോട്ടണ്‍ഹില്‍ സ്കൂള്‍ കെട്ടിടം

2924.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

തിരുവനന്തപുരം നിയോജകമണ്ഡലത്തിലെ വഴുതയ്ക്കാട് സര്‍ക്കാര്‍ കോട്ടണ്‍ഹില്‍ സ്കൂള്‍ പ്രീപ്രൈമറി ടീച്ചേഴ്സ് ട്രെയിനിംഗ് ഇന്‍സ്റ്റിറ്റ്യൂട്ടിനും നഴ്സറി സ്കൂളിനുമായി 2015-16 സാമ്പത്തിക വര്‍ഷം എം.എല്‍.എ. ആസ്തി വികസന സ്കീമില്‍ നിന്നും 45 ലക്ഷം രൂപ ചെലവഴിച്ച് ഒരു പുതിയ കെട്ടിടം നിര്‍മ്മിച്ച് നല്‍കുന്നതിന് ഭരണാനുമതി പുറപ്പെടുവിച്ചിട്ടുളളത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത പ്രവൃത്തിക്ക് ടെന്‍ഡര്‍ നടപടികള്‍ പൂര്‍ത്തീകരിച്ചുവെങ്കിലും നിര്‍മ്മാണ പ്രവര്‍ത്തനങ്ങള്‍ വൈകുന്നതിലെ കാരണങ്ങള്‍ വ്യക്തമാക്കുമോ;

(സി)

സ്കൂളിലെ പഴയ കെട്ടിടം പൊളിച്ചുമാറ്റുന്നതിന് കെട്ടിടത്തിന്റെ മുഖവില നിശ്ചയിച്ച് ലേലംചെയ്ത് തുക ട്രഷറിയില്‍ ഒടുക്കുന്നതിനുള്ള നടപടി സ്വീകരിക്കണമെന്നാവശ്യപ്പെട്ട് തിരുവന്തപുരം നഗരസഭ 26.03.2016 ല്‍ ഇ5/5811/16 നമ്പര്‍ കത്ത് പ്രകാരം പൊതുമരാമത്ത് (കെട്ടിട വിഭാഗം) ചീഫ് എഞ്ചിനീയര്‍ക്ക് കത്ത് നല്‍കിയിട്ടും ഇക്കാര്യത്തില്‍ യാതൊരു നടപടിയും സ്വീകരിക്കുന്നില്ല എന്നതിനാല്‍ തുടര്‍നടപടികള്‍ക്ക് കര്‍ശന നിര്‍ദ്ദേശം നല്‍കുമോ ;

(ഡി)	നിര്‍വ്വഹണ ഏജന്‍സിയായ പൊതുമരാമത്ത് (കെട്ടിട വിഭാഗം) വകുപ്പിന് ഇത് സംബന്ധിച്ച് നിരന്തരം കത്തുകള്‍ നല്‍കിയിട്ടും നടപടി സ്വീകരിക്കുന്നില്ലായെന്നത് കണക്കിലെടുത്ത് തുക പാഴായിപ്പോകാതെ പ്രവൃത്തി എത്രയും വേഗം ആരംഭിക്കുന്നതിന് അടിയന്തര നിര്‍ദ്ദേശം നല്‍കുമോ?

പട്ടാമ്പി മണ്ഡലത്തിലെ പദ്ധതികള്‍

2925.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പട്ടാമ്പി മണ്ഡലത്തില്‍ പൊതുമരാമത്ത് കിഫ്ബി വഴി നടപ്പിലാക്കിക്കൊണ്ടിരിക്കുന്നതോ കിഫ്ബിയുടെ പരിഗണനയിലുള്ളതോ പരിഗണനയ്ക്കായി സമര്‍പ്പിക്കാന്‍ ഉദ്ദേശിക്കുന്നതോ ആയ പദ്ധതികളുടെ വിശദാംശങ്ങള്‍ അറിയിക്കാമോ?

ഷൊര്‍ണ്ണൂര്‍ മണ്ഡലത്തില്‍ അനുവദിച്ച കിഫ്ബി പദ്ധതിയുടെ പുനര്‍നാമകരണം

2926.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2017-18 വര്‍ഷത്തില്‍ ഷൊര്‍ണ്ണൂര്‍ മണ്ഡലത്തില്‍ അനുവദിച്ച കിഫ്ബി പദ്ധതിയായ ചെര്‍പ്പുളശ്ശേരി ഓവര്‍ ബ്രിഡ്ജ് എന്ന പ്രവൃത്തി ചെര്‍പ്പുളശ്ശേരി ബൈപാസ് നിര്‍മ്മാണവും നഗരവികസനവും എന്ന് പുനര്‍നാമകരണം ചെയ്യുവാന്‍ നല്‍കിയ അപേക്ഷയുടെ നിലവിലെ സ്ഥിതി വ്യക്തമാക്കാമോ;

(ബി)	പ്രസ്തുത പ്രവൃത്തി പുനര്‍നാമകരണം ചെയ്യുവാന്‍ ഇനി എന്തെല്ലാം നടപടിക്രമങ്ങള്‍ പൂര്‍ത്തീകരിക്കേണ്ടതുണ്ട് എന്ന് വ്യക്തമാക്കാമോ?

മഞ്ചേരി മെഡിക്കല്‍ കോളേജില്‍ പി.ഡബ്ല്യു.ഡി. ഇലക്ട്രിക്കല്‍ സെക്ഷന്‍

2927.

ശ്രീ.എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മഞ്ചേരി മെഡിക്കല്‍ കോളേജില്‍ പി.ഡബ്ല്യു.ഡി. ഇലക്ട്രിക്കല്‍ സെക്ഷന്‍ അനുവദിക്കാന്‍ നാളിതുവരെ സ്വീകരിച്ച നടപടികള്‍ വിശദമാക്കാമ‌ോ;

(ബി)	മലപ്പുറം ജില്ലയില്‍ പി.ഡബ്ല്യു.ഡി.യുടെ ഇലക്ട്രിക്കല്‍ സെക്ഷന്‍ എവിടെയെല്ലാം ആരംഭിക്കാന്‍ ഉദ്ദേശിക്കുന്നുണ്ട്; വിശദമാക്കാമോ?

പൊതുമരാമത്ത് വകുപ്പില്‍ സൃഷ്ടിച്ച തസ്തികകള്‍

2928.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ കാലയളവിൽ പൊതുമരാമത്ത് വകുപ്പില്‍ എത്ര പുതിയ തസ്തികകള്‍ സൃഷ്ടിച്ചിട്ടുണ്ട്; വിശദാംശം ലഭ്യമാക്കുമോ?

ഇലക്ട്രിക്കല്‍ വിഭാഗത്തിന് ഓഫീസുകളും തസ്തികകളും

2929.

പാെതുമരാമത്ത് വകുപ്പ് ഇലക്ട്രിക്കല്‍ വിഭാഗത്തിന് പുതിയ ഓഫീസുകളും തസ്തികകളും സൃഷ്ടിക്കുന്നതുമായി ബന്ധപ്പെട്ട ശിപാര്‍ശയിന്മേല്‍ എന്താെക്കെ നടപടികളാണ് സ്വീകരിച്ചിട്ടുള്ളത്; വിശദമാക്കുമോ?

കൊല്ലം ജില്ലയിലെ നബാര്‍ഡ്, സി.ആർ.എഫ്. പദ്ധതികള്‍

2930.

ശ്രീ.എം. മുകേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നതിനുശേഷം നബാര്‍ഡ്, കേന്ദ്ര റോഡ് ഫണ്ട് പദ്ധതികളിന്‍ കീഴില്‍ കൊല്ലം ജില്ലയില്‍ അനുവദിച്ച പൊതുമരാമത്ത് പ്രവൃത്തികള്‍ ഏതെല്ലാമാണെന്നുള്ള വിശദാംശം ലഭ്യമാക്കുമോ?

ചടയമംഗലം മണ്ഡലത്തിലെ പൊതുമരാമത്ത് പ്രവൃത്തികള്‍

2931.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ചടയമംഗലം മണ്ഡലത്തില്‍ പൊതുമരാമത്ത് വകുപ്പ് മുഖാന്തിരം നടപ്പാക്കിയ വികസന പ്രവര്‍ത്തനങ്ങള്‍ വിശദമാക്കാമോ;

(ബി)	പ്രസ്തുത പ്രവര്‍ത്തനങ്ങള്‍ക്കായി എത്ര തുക വകയിരുത്തി എന്ന് വ്യക്തമാക്കാമോ?

തലശ്ശേരി നിയോജകമണ്ഡലത്തിലെ പൊതുമരാമത്ത് പ്രവൃത്തികള്‍

2932.

(എ)	തലശ്ശേരി നിയോജകമണ്ഡലത്തില്‍ 2016-17, 2017-18, 2018-19 എന്നീ സാമ്പത്തിക വര്‍ഷങ്ങളിൽ പൊതുമരാമത്ത് വകുപ്പ് മുഖേന നിർവ്വഹിച്ചതും നിർവ്വഹിച്ചുവരുന്നതുമായ മുഴുവന്‍ പ്രവൃത്തികളുടെയും നിലവിലെ സ്ഥിതി തരംതിരിച്ച് വ്യക്തമാക്കാമോ;

(ബി)	നിര്‍മ്മാണ പ്രവൃത്തി പൂര്‍ത്തിയാകാത്തവ പൂര്‍ത്തീകരിക്കുന്നതിന് ഇനി എന്തെല്ലാം നടപടികളാണ് ശേഷിക്കുന്നതെന്നും ആയത് എന്ന് പൂര്‍ത്തീകരിക്കുവാൻ സാധിക്കുമെന്നും വ്യക്തമാക്കാമോ?

ആലത്തൂര്‍ മണ്ഡലത്തിലെ സ്റ്റേറ്റ് ലെവല്‍ ടാസ്ക് ഫോഴ്സ് പ്രവൃത്തികള്‍

2933.

(എ)	ആലത്തൂര്‍ മണ്ഡലത്തില്‍ 2016-17, 2017-18, 2018-19 വര്‍ഷങ്ങളില്‍ സ്റ്റേറ്റ് ലെവല്‍ ടാസ്ക് ഫോഴ്സ് (എസ്.എൽ.ടി.എഫ്.) ഇനത്തില്‍ അനുവദിച്ചിട്ടുള്ള പ്രവൃത്തികള്‍ എതെല്ലാമാണെന്ന് വിശദമാക്കാമോ;

(ബി)	ഓരോ പ്രവൃത്തിക്കും അനുവദിച്ചിട്ടുള്ള തുക എത്രയാണെന്ന് വിശദമാക്കാമോ?

കാസര്‍കോട് ജില്ലയിലെ പൊതുമരാമത്ത് പ്രവൃത്തികള്‍

2934.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍കോട് ജില്ലയില്‍ പൊതുമരാമത്ത് വകുപ്പിന് കീഴില്‍ കിഫ്ബിയില്‍ ഉള്‍പ്പെടുത്തിയ പ്രവൃത്തികള്‍ ഏതൊക്കെയാണെന്ന് മണ്ഡലം തിരിച്ച് വ്യക്തമാക്കാമോ;

(ബി)	ഈ പ്രവൃത്തികള്‍ കിഫ്ബിയില്‍ ഉള്‍പ്പെടുത്തിയ വര്‍ഷം ഏതാണെന്നും ഓരോ പ്രവൃത്തിക്കും നീക്കിവെച്ച തുക എത്രയാണെന്നും വ്യക്തമാക്കാമോ;

(സി)

ഇവയില്‍ ഇന്‍വെസ്റ്റിഗേഷന്‍ ഇനിയും തുടങ്ങാത്ത പ്രവൃത്തികള്‍, ഇന്‍വെസ്റ്റിഗേഷന്‍ പൂര്‍ത്തിയാക്കിയ പ്രവൃത്തികള്‍, എസ്റ്റിമേറ്റ് തയ്യാറായ പ്രവൃത്തികള്‍, ഭരണാനുമതിയും സാങ്കേതികാനുമതിയും ലഭിച്ച പ്രവൃത്തികള്‍, ഭരണാനുമതിയും സാങ്കേതികാനുമതിയും ലഭിച്ച തീയതികള്‍, ടെണ്ടര്‍ ചെയ്ത പ്രവൃത്തികള്‍, ടെണ്ടര്‍ ചെയ്ത തീയതികള്‍, പ്രവൃത്തികള്‍ ഏറ്റെടുത്ത കരാറുകാര്‍, എഗ്രിമെന്റ് വെച്ച തീയതികള്‍, ഇതുവരെ തുടങ്ങാത്ത പ്രവൃത്തികള്‍ തുടങ്ങിയവ സംബന്ധിച്ച വിശദാംശം നല്‍കാമോ ;

(ഡി)

കിഫ്ബിയില്‍ അല്ലാതെ ഈ സര്‍ക്കാര്‍ അധികാരത്തില്‍ വന്നതിനു ശേഷം കാസര്‍ഗോഡ് ജില്ലയില്‍ പൊതുമരാമത്ത് വകുപ്പിന് കീഴില്‍ എസ്റ്റിമേറ്റ് തയ്യാറാക്കിയ പ്രവൃത്തികള്‍, ഭരണാനുമതിയും സാങ്കേതികാനുമതിയും ലഭിച്ച പ്രവൃത്തികള്‍, ഭരണാനുമതിയും സാങ്കേതികാനുമതിയും ലഭിച്ച തീയതികള്‍, ടെണ്ടര്‍ ചെയ്യത പ്രവൃത്തികള്‍, ടെണ്ടര്‍ ചെയ്ത തീയതികള്‍ ,പ്രവൃത്തികള്‍ ഏറ്റെടുത്ത കരാറുകാര്‍, എഗ്രിമെന്റ് വെച്ച തീയതികള്‍, ഇതുവരെ തുടങ്ങാത്ത പ്രവൃത്തികള്‍ തുടങ്ങിയവ സംബന്ധിച്ച മണ്ഡലം തിരിച്ചുള്ള വിശദാംശം നല്‍കാമോ?

പാലാരിവട്ടം മേല്‍പ്പാലനിര്‍മ്മാണത്തിലെ ക്രമക്കേടുകള്‍

2935.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലാരിവട്ടം മേല്‍പ്പാലനിര്‍മ്മാണത്തില്‍ എന്തെല്ലാം ക്രമക്കേടുകളാണ് വിവിധ അന്വേഷണ ഏജന്‍സികള്‍ കണ്ടെത്തിയിട്ടുള്ളത്; വിശദവിവരം നല്‍കുമോ;

(ബി)	ഇക്കാര്യത്തില്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദവിവരം നല്‍കുമോ?

ഷൊര്‍ണ്ണൂര്‍ മണ്ഡലത്തിലെ പൊതുമരാമത്ത് പ്രവൃത്തികള്‍

2936.

(എ)	2018-19 വര്‍ഷത്തില്‍ ഷൊര്‍ണ്ണൂര്‍ മണ്ഡലത്തില്‍ പൊതുമരാമത്ത് വകുപ്പ് മുഖാന്തിരം എന്തെല്ലാം പുതിയ പ്രവൃത്തികള്‍ക്കാണ് അനുമതി നല്‍കിയിട്ടുള്ളത്; വിശദാംശങ്ങള്‍ ലഭ്യമാക്കാമോ;

(ബി)	ഇതില്‍ ഓരോ പ്രവൃത്തിയുടെയും നിലവിലെ സ്ഥിതി അറിയിക്കാമോ; ഇതിനോടകം പണി ആരംഭിച്ചിട്ടില്ലാത്ത പദ്ധതികള്‍ ആരംഭിക്കുവാന്‍ എന്തെല്ലാം നടപടിക്രമങ്ങള്‍ പൂര്‍ത്തീകരിക്കേണ്ടതുണ്ട് എന്ന് വ്യക്തമാക്കാമോ?

നെയ്യാറ്റിന്‍കര മണ്ഡലത്തിലെ ഭരണാനുമതി ലഭിച്ച പ്രവൃത്തികള്‍

2937.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെയ്യാറ്റിന്‍കര മണ്ഡലത്തില്‍ 2016-17, 2017-18, 2018-19, 2019-20 വര്‍ഷങ്ങളില്‍ ഭരണാനുമതി ലഭിച്ച പ്രവൃത്തികള്‍ ഏതെല്ലാമെന്നും അവയുടെ അടങ്കല്‍ തുക എത്ര എന്നും വ്യക്തമാക്കാമോ;

(ബി)	ഇവയില്‍ പ്രവൃത്തി ആരംഭിച്ചതിന്‍െറയും ടെണ്ടര്‍ നടപടി പൂര്‍ത്തീകരിച്ചതിന്റെയും വിശദാംശങ്ങള്‍ നല്‍കാമോ;

(സി)	ആരംഭിച്ച പ്രവൃത്തികളുടെ കാലാവധി എത്ര മാസമാണ്; വ്യക്തമാക്കാമോ?

ആധാര രജിസ്ട്രേഷന്‍ നടപടികളുടെ പരിഷ്കരണം

2938.

ശ്രീ.ടി. വി. ഇബ്രാഹിം
,, കെ.എം.ഷാജി
,, അബ്ദുല്‍ ഹമീദ് പി.
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധാരങ്ങള്‍ രജിസ്റ്റര്‍ ചെയ്യുന്നതിനുള്ള നടപടികള്‍ ലളിതവും സുതാര്യവുമാക്കുന്നതിന് ഉദ്ദേശിക്കുന്നുണ്ടോ;

(ബി)	എങ്കില്‍ സ്വീകരിക്കാന്‍ ഉദ്ദേശിക്കുന്ന നടപടികള്‍ വിശദീകരിക്കുമോ;

(സി)	ആധാരങ്ങള്‍ ഡിജിറ്റൈസ് ചെയ്യുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോ; വിശദാംശം നല്‍കുമോ?

രജിസ്ട്രേഷന്‍ വകുപ്പ് നവീകരിക്കാന്‍ നടത്തുന്ന പ്രവര്‍ത്തനങ്ങള്‍

2939.

ശ്രീമതി.പി. അയിഷാ പോറ്റി
ശ്രീ.മുരളി പെരുനെല്ലി
,, ഐ.ബി. സതീഷ്
,, സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	രജിസ്ട്രേഷന്‍ വകുപ്പിന് കീഴിലുള്ള വിവിധ ഓഫീസുകളില്‍ വ്യാപകമായിരുന്ന അഴിമതിയും ഇടനിലക്കാര്‍ വഴി മാത്രമേ കാര്യങ്ങള്‍ നടക്കുകയുള്ളു എന്ന സ്ഥിതിയും മാറുന്നതിന് ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാമാണ്;

(ബി)	പുതുതായി പ്രാവര്‍ത്തികമാക്കാന്‍ ഉദ്ദേശിക്കുന്ന എനിവെയര്‍ രജിസ്ട്രേഷന്‍ സമ്പ്രദായപ്രകാരം ഭൂമി കൈമാറ്റം ഉള്‍പ്പെടെയുള്ള ഇടപാടുകള്‍ ഇനി എവിടെയിരുന്നും ചെയ്യാന്‍ സാധിക്കുമോ; വിശദാംശം ലഭ്യമാക്കാമോ;

(സി)	നൂറു വര്‍ഷത്തിലേറെ പഴക്കമുള്ള സബ് രജിസ്ട്രാര്‍ ഓഫീസുകളെ കിഫ്ബി ഫണ്ട് ഉപയോഗിച്ച് നവീകരിക്കാന്‍ നടത്തുന്ന പ്രവര്‍ത്തനത്തിന്റെ പുരോഗതി അറിയിക്കാമോ?

ആധാരം സ്വയം എഴുതി രജിസ്റ്റര്‍ ചെയ്യുവാനുള്ള സൗകര്യം

2940.

ശ്രീ.പാറക്കല്‍ അബ്ദുല്ല
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധാരം സ്വയം എഴുതി രജിസ്റ്റര്‍ ചെയ്യുവാനുള്ള സൗകര്യത്തോട് പൊതുജനം വേണ്ടത്ര സഹകരിക്കാത്ത സാഹചര്യം ശ്രദ്ധയില്‍‌പ്പെട്ടിട്ടുണ്ടോ;

(ബി)	ഇല്ലെങ്കില്‍ പദ്ധതി ആരംഭിച്ചിട്ട് എട്ട് മാസം പിന്നിടുമ്പോള്‍ ഇത് ഉപയോഗപ്പെടുത്തിയത് മുന്നൂറോളം പേര്‍ മാത്രമാണെന്ന കാര്യം പരിശോധിക്കുകയുണ്ടായോ;

(സി)	നടപടിക്രമങ്ങളിലെ സങ്കീര്‍ണതയും തെറ്റ് പറ്റുമോ എന്ന ആശങ്കയും ജനങ്ങളെ പദ്ധതിയില്‍ നിന്ന് പിന്തിരിപ്പിക്കുന്നതായി കരുതുന്നുണ്ടോ;

(ഡി)	എങ്കില്‍ നടപടിക്രമങ്ങള്‍ ലഘൂകരിക്കുന്ന കാര്യം പരിഗണനയിലുണ്ടോ; വിശദാംശങ്ങല്‍ നല്‍കാമോ?

പയ്യന്നൂര്‍ സബ്ബ് രജിസ്ട്രാര്‍ ഓഫീസിന് കെട്ടിടം

2941.

ശ്രീ.സി.കൃഷ്ണന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പയ്യന്നൂര്‍ മണ്ഡലത്തിലെ പയ്യന്നൂര്‍ സബ്ബ് രജിസ്ട്രാര്‍ ഓഫീസിന് പുതിയ കെട്ടിടം നിര്‍മ്മിക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കുമോ?

സബ് രജിസ്ട്രാര്‍ ഓഫീസുകള്‍ക്ക് കെട്ടിടം

2942.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സബ് രജിസ്ട്രാര്‍ ഓഫീസുകള്‍ക്ക് പുതിയ കെട്ടിടം പണിയുന്ന പദ്ധതി ആവിഷ്കരിച്ചിട്ടുണ്ടാേ;

(ബി)	ഇൗ വര്‍ഷം എത്ര പുതിയ കെട്ടിടങ്ങളാണ് നിര്‍മ്മിക്കുന്നതെന്ന് അറിയിക്കുമോ;

(സി)	പുതിയ കെട്ടിട നിര്‍മ്മാണത്തിനായി കിഫ്ബിയില്‍ നിന്നും തുക അനുവദിച്ചിട്ടുണ്ടാേ; വിശദാംശം നല്‍കുമാേ?

എടച്ചേരി രജിസ്ട്രേഷന്‍ ഓഫീസ് കെട്ടിട നിര്‍മ്മാണം

2943.

(എ)	വാടകക്കെട്ടിടത്തില്‍ പ്രവര്‍ത്തിക്കുന്ന എടച്ചേരി രജിസ്ട്രേഷന്‍ ഓഫീസിന് സ്വന്തം കെട്ടിടം നിര്‍മ്മിക്കുന്ന കാര്യം പരിഗണനയില്‍ ഉണ്ടോ;

(ബി)	ഉണ്ടെങ്കില്‍ നാളിതുവരെ സ്വീകരിച്ച നടപടികള്‍ വിശദമാക്കാമോ ;

(സി)	നിയുക്ത പദ്ധതിക്ക് ഗ്രാമ പഞ്ചായത്ത് നിര്‍ദേശിച്ച ഭൂമി രജിസ്ട്രേഷന്‍ വകുപ്പിന് കൈമാറി ലഭിക്കുന്നതിന് എന്തെങ്കിലും തടസ്സങ്ങള്‍ ഉള്ളതായി അറിവുണ്ടോ?

കേരള റെയില്‍ ഡെവലപ്മെന്റ് കോര്‍പ്പറേഷന്റെ പ്രവര്‍ത്തനം

2944.

(എ)	കേരള റെയില്‍ ഡെവലപ്മെന്റ് കോര്‍പ്പറേഷന്റെ പ്രവര്‍ത്തനം വിശദമാക്കുമോ; പ്രസ്തുത കോര്‍പ്പറേഷന്‍ നിലവില്‍ ഏറ്റെടുത്ത് നടത്തുന്ന പ്രധാന പ്രവൃത്തികള്‍ എന്തെല്ലാമാണെന്ന് വ്യക്തമാക്കുമോ;

(ബി)	കോര്‍പ്പറേഷന്‍ ഏറ്റെടുത്ത് നടത്തുന്ന ഏതെല്ലാം പദ്ധതികളുടെ സാധ്യതാപഠനം ഇതിനകം പൂര്‍ത്തിയാക്കിയെന്നും ഇതില്‍ ഏതെല്ലാം പദ്ധതികള്‍ക്ക് റെയില്‍വേ ബോര്‍ഡ് അംഗീകാരം നല്‍കിയെന്നും വ്യക്തമാക്കുമോ;

(സി)	തിരുവനന്തപുരം മുതല്‍ കാസര്‍ഗോഡ് വരെയുള്ള സെമി ഹൈസ്പീഡ് ട്രെയിന്‍ സര്‍വ്വീസിനുള്ള അനുമതിയ്ക്കായി റെയില്‍വേ ബോര്‍ഡിനെ സമീപിച്ചിട്ടുണ്ടോ; പ്രസ്തുത പദ്ധതിയുടെ പ്രതീക്ഷിത ചെലവ് വ്യക്തമാക്കുമോ;

(ഡി)	പദ്ധതിയ്ക്കായി ഭൂമി ഏറ്റെടുക്കേണ്ടി വരുമോ; എങ്കില്‍ അതിനുള്ള നടപടിക്രമങ്ങള്‍ ഏത് ഘട്ടത്തിലാണെന്ന് അറിയിക്കുമോ?

നേമം റെയില്‍വേ ടെര്‍മിനലിന് സ്ഥലം ഏറ്റെടുക്കല്‍

2945.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

തിരുവനന്തപുരം നേമം റെയില്‍വേ ടെര്‍മിനല്‍ തുടങ്ങുന്നതിനുള്ള സ്ഥലം ഏറ്റെടുക്കല്‍ നടപടി ഏതുവരെയായി; ഇക്കാര്യത്തില്‍ സംസ്ഥാന സർക്കാർ സ്വീകരിച്ചു വരുന്ന നടപടികളുടെ വിശദാംശങ്ങള്‍ ലഭ്യമാക്കാമോ?

രാജ്യറാണി എക്സ്പ്രസ് സർവ്വീസ് നാഗര്‍കോവിൽ വരെ നീട്ടുന്നതിനുള്ള നടപടി

2946.

(എ)	നിലമ്പൂര്‍-തിരുവനന്തപുരം രാജ്യറാണി എക്സ്പ്രസ്സ് കൊച്ചുവേളിയില്‍ യാത്ര അവസാനിപ്പിക്കുന്നതുമൂലം യാത്രക്കാര്‍ക്ക് തിരുവനതപുരം നഗരത്തിൽ എത്തിച്ചേരുവാൻ പ്രയാസങ്ങള്‍ നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ട്രെയിന്‍ സർവ്വീസ് നാഗര്‍കോവിൽ വരെ നീട്ടുന്നതിനുള്ള നടപടികള്‍ സ്വീകരിക്കുന്നതിന് ബന്ധപ്പെട്ടവരോട് ആവശ്യപ്പെടുമോ എന്നറിയിക്കാമോ?

ഏറ്റുമാനൂര്‍-ചിങ്ങവനം റെയില്‍വേ ലൈന്‍ ഇരട്ടിപ്പിക്കൽ

2947.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഏറ്റുമാനൂര്‍-ചിങ്ങവനം ഭാഗത്ത് റെയില്‍വേ ലൈന്‍ ഇരട്ടിപ്പിക്കുവാനുള്ള നടപടി ഏത് ഘട്ടത്തിലാണ്; വ്യക്തമാക്കുമോ;

(ബി)	ഇതിനായി എത്ര ഹെക്ടര്‍ ഭൂമിയാണ് ഏറ്റെടുക്കേണ്ടതെന്നും ഭൂമി ഏറ്റെടുക്കലിനായുള്ള നടപടിക്രമങ്ങള്‍ ഏത് ഘട്ടത്തിലാണെന്നും വ്യക്തമാക്കുമോ?

റെയില്‍വേ മേല്‍പ്പാലം നിര്‍മ്മിക്കുന്ന ഏജന്‍സി

2948.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എവിടെയെല്ലാമാണ് സർക്കാർ റെയില്‍വേ മേല്‍പ്പാലം നിര്‍മ്മിക്കുന്നതെന്ന് വ്യക്തമാക്കുമാേ;

(ബി)	റെയില്‍വേ മേല്‍പ്പാലം നിര്‍മ്മിക്കുന്നതിന് ഏതെങ്കിലും ഏജന്‍സിയെയാണോ ചുമതലപ്പെടുത്തിയിരിക്കുന്നതെന്ന് വ്യക്തമാക്കുമാേ;

(സി)	ഈ സര്‍ക്കാര്‍ കാലയളവില്‍ നാളിതുവരെ നടത്തിയ റെയില്‍വേ മേല്‍പ്പാലനിര്‍മ്മാണ പ്രവര്‍ത്തനങ്ങളുടെ വിശദാംശം നല്‍കുമാേ?

അങ്ങാടിപ്പുറം റെയില്‍വേ മേല്‍പ്പാലത്തിന് സ്ഥലം

2949.

(എ)	മലപ്പുറം അങ്ങാടിപ്പുറം റെയില്‍വേ മേല്‍പ്പാലത്തിന് സ്ഥലം ഏറ്റെടുക്കലുമായി ബന്ധപ്പെട്ട് അനുവദിച്ച ഫണ്ട് റിസംപ്ഷന്‍ ആയി സര്‍ക്കാര്‍ ഏറ്റെടുത്തതിനുശേഷം നാളിതുവരെ തിരികെ നല്‍കിയിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ഫണ്ട് തിരികെ നല്‍കുന്നതിനായി എന്തെല്ലാം നടപടികള്‍ പൊതുമരാമത്ത് വകുപ്പ് സ്വീകരിച്ചിട്ടുണ്ടെന്ന് വ്യക്തമാക്കാമോ;

(സി)	റിസംപ്ഷന്‍ ആയി ഏറ്റെടുത്ത പ്രകാരമുള്ള എത്ര തുകയാണ് റവന്യൂ വകുപ്പിന് തിരികെ നല്‍കാനുള്ളത്; ആയത് അടിയന്തരമായി തിരികെ നല്‍കുന്നതിന് നടപടി സ്വീകരിക്കുമോ എന്നറിയിക്കാമോ?

Website maintained by Information System Section, Kerala Legislative Assembly, Thiruvananthapuram.