ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക്(വിവിധ വകുപ്പുകള്‍) തസ്തികയിലെ വിജ്ഞാപനം

1  ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിവിധ വകുപ്പുകളില്‍ നിലവിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തികകള്‍ സംബന്ധിച്ച് പ്രവൃത്തി പഠനം നടത്തിയ ഉദ്യോഗസ്ഥ ഭരണ പരിഷ്കാര (എ.ആര്‍.) വകുപ്പ് പ്രവൃത്തി പഠനം പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ; ഇല്ലെങ്കില്‍ പ്രവൃത്തി പഠനം ഏത് ഘട്ടത്തിലാണെന്ന് വ്യക്തമാക്കുമോ;

(ബി)  പ്രസ്തുത തസ്തികയിലേയ്ക്കുള്ള പി.എസ്.സി. വിജ്ഞാപനം വര്‍ഷങ്ങളായി തടസ്സപ്പെട്ടിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;വ്യക്തമാക്കുമോ?

ഇ ഓഫീസ് സംവിധാനം കാര്യക്ഷമമാക്കുന്നത് സംബന്ധിച്ച്

2  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വിവിധ വകുപ്പുകളില്‍ പരാതികള്‍ സമര്‍പ്പിക്കുന്ന പൊതുജനങ്ങള്‍ക്ക് ഇ -ഓഫീസ് എന്ന സോഫ്റ്റ് വെയര്‍ വഴി അവരുടെ പരാതികള്‍ സംബന്ധിച്ച വിവരം ലഭ്യമാക്കിയിരുന്നത് ഇപ്പോള്‍ ലഭിക്കുന്നില്ലെന്ന കാര്യം പരിശോധിക്കുമോ;

(ബി)  ഇ-ഓഫീസ് സംവിധാനം നടപ്പിലായ വകുപ്പുകളില്‍ ഇത്തരത്തില്‍ പൊതുജനങ്ങള്‍ക്ക് പരാതിയുടെ വിവരം ലഭ്യമാക്കുവാന്‍ നടപടി സ്വീകരിക്കുമോ;

(സി)  സാമാജികർക്ക് ഫയല്‍ നമ്പര്‍ ഉള്‍പ്പെടെയുള്ള വിവരങ്ങള്‍ ഇ-ഓഫീസ് സൈറ്റില്‍ നിന്നും ലഭിക്കുവാന്‍ പ്രത്യേക യൂസർനെയിം അനുവദിക്കുന്ന കാര്യം പരിഗണിക്കുമോ;

(ഡി)  സെക്രട്ടേറിയറ്റിലെ വിവിധ ഓഫീസ് സെക്ഷനുകളില്‍ ലഭിക്കുന്ന തപാലുകള്‍ ഉടന്‍ സെക്ഷനുകളില്‍ എത്തിക്കുവാന്‍ നടപടി സ്വീകരിക്കുമോ; നിയമസഭാസാമാജികരുടെ കത്തുകള്‍ ഉള്‍പ്പെടെയുളള തപാലുകള്‍ രണ്ടും മൂന്നും ദിവസം കഴിഞ്ഞു മാത്രമാണ് തപാല്‍ നമ്പരിടുന്നത് എന്നുളള കാര്യം പരിശോധിക്കുമോ;

(ഇ)  നിയമസഭാസാമാജികരുടെ കവറിങ്ങ് ലെറ്റര്‍ ഉള്‍പ്പെടെ നല്‍കുന്ന തപാലുകള്‍ അടിയന്തരമായി തപാല്‍ നമ്പരിടുവാന്‍ നടപടി സ്വീകരിക്കുമോ?

നവകേരള സദസ്സുമായി ബന്ധപ്പെട്ട്

3  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവകേരള സദസ്സുമായി ബന്ധപ്പെട്ട് കുന്നംകുളം നിയോജകമണ്ഡലത്തില്‍ പ്രഖ്യാപിച്ചതോ പരിഗണനയ്ക്കായി തിരഞ്ഞെടുത്തതോ ആയ വികസന പദ്ധതികള്‍/പ്രവൃത്തികള്‍ ഏതൊക്കെയാണെന്ന് വ്യക്തമാക്കുമോ;

(ബി)  മേല്‍പറഞ്ഞ ഓരോ പ്രവൃത്തിയുടെയും നിലവിലെ പുരോഗതി വിശദമാക്കുമോ?

കോൺഫിഡന്‍ഷ്യല്‍ അസിസ്റ്റന്റ് (വിവിധ വകുപ്പുകള്‍), റിപ്പോര്‍‌ട്ടര്‍ ഗ്രേഡ് 2 (മലയാളം) പോലീസ് വകുപ്പ് എന്നീ തസ്തികകളിലെ നിയമനം

4  ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കാറ്റഗറി നമ്പർ 521/2024 - കോൺഫിഡന്‍ഷ്യല്‍ അസിസ്റ്റന്റ് (വിവിധ വകുപ്പുകള്‍), കാറ്റഗറി നമ്പർ 271/2025 - റിപ്പോര്‍‌ട്ടര്‍ ഗ്രേഡ് 2 (മലയാളം) പോലീസ് വകുപ്പ് എന്നീ തസ്തികകളിലെ റാങ്ക് ലിസ്റ്റ് റദ്ദായി മാസങ്ങള്‍ കഴിഞ്ഞിട്ടും പി.എസ്.സി.പുതിയ റാങ്ക് ലിസ്റ്റ് പ്രസിദ്ധീകരിക്കുന്നതിന് കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത തസ്തികകളില്‍ എത്രയും വേഗം പുതിയ പി.എസ്.സി. റാങ്ക് ലിസ്റ്റുകള്‍ പ്രസിദ്ധീകരിക്കുമോ; വ്യക്തമാക്കുമോ;

(ബി)  കോൺഫിഡന്‍ഷ്യല്‍ അസിസ്റ്റന്റ് (വിവിധ വകുപ്പുകള്‍) തസ്തികയില്‍ ഡിക്റ്റേഷന്‍ പരീക്ഷയുടെ ഫലം പ്രസിദ്ധീകരിച്ച് ഇന്റര്‍വ്യൂ നടത്തി റാങ്ക് ലിസ്റ്റുകളുടെ കാലാവധി അവസാനിച്ച ജില്ലകളില്‍ പുതിയ റാങ്ക് ലിസ്റ്റുകള്‍ എത്രയും വേഗം പ്രസിദ്ധീകരിക്കുന്നതിന് നടപടി സ്വീകരിക്കുമോ; വ്യക്തമാക്കുമോ;

(സി)  റിപ്പോര്‍‌ട്ടര്‍ ഗ്രേഡ് 2 (മലയാളം) പോലീസ് വകുപ്പ് തസ്തികയില്‍ എത്രയും വേഗം ഡിക്റ്റേഷന്‍ പരീക്ഷ നടത്തി ഫലം പ്രസിദ്ധീകരിക്കുന്നതിന് നടപടി സ്വീകരിക്കുമോ; പ്രസ്തുത തസ്തികയിലെ റാങ്ക് ലിസ്റ്റ് 06.01.2025ന് കാലാവധി കഴിഞ്ഞിട്ടുള്ളതിനാല്‍ എത്രയും വേഗം പുതിയ റാങ്ക് ലിസ്റ്റ് പ്രസിദ്ധീകരിച്ച് നിലവിലുള്ള ഒഴിവുകളില്‍ നിയമന നടപടികള്‍ ആരംഭിക്കുമോ; വ്യക്തമാക്കുമോ?

നൂറുദിന കര്‍മ്മ പദ്ധതി

5  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സര്‍ക്കാരിന്റെ നൂറുദിന കര്‍മ്മദിന പദ്ധതിയില്‍ ആകെ ലക്ഷ്യമിട്ട പദ്ധതികള്‍ എത്രയെന്നും അവയില്‍ എത്ര എണ്ണം പൂര്‍ത്തീകരിച്ചുവെന്നും പൂര്‍ത്തീകരിക്കാത്തവയുണ്ടെങ്കില്‍ ആയതിനുള്ള കാരണമെന്തെന്നും വ്യക്തമാക്കുമോ;

(ബി)  ഇനിയും തുടങ്ങാത്ത പദ്ധതികള്‍ ഏതൊക്കെയാണെന്ന് വ്യക്തമാക്കുമോ;

(സി)  മുന്‍ സര്‍ക്കാരിന്റെ കാലത്ത് പുരോഗമിച്ചു കൊണ്ടിരുന്ന എത്ര പദ്ധതികളാണ് നൂറുദിന കര്‍മ്മ പദ്ധതിയില്‍ പൂര്‍ത്തിയാക്കിയതെന്നും നൂറുദിനത്തില്‍ ഉള്‍പ്പെടുത്തുന്നതിന് മുന്‍പ് അവയുടെ നിര്‍മ്മാണം/പൂര്‍ത്തീകരണം എത്ര ശതമാനം പൂര്‍ത്തിയാക്കിയിരുന്നുവെന്നും വ്യക്തമാക്കുമോ;പ്രസ്തുത പദ്ധതികളുടെ വിശദാംശം ലഭ്യമാക്കുമോ?

മന്ത്രിമാരുടെ വിദേശയാത്ര

6  ശ്രീ. നാട്ടകം സുരേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 സർക്കാരിന്റെ കാലത്ത്‌ മുഖ്യമന്ത്രിയും മന്ത്രിമാരും നടത്തിയ വിദേശ യാത്രകളുടെ വിശദാംശങ്ങൾ ലഭ്യമാക്കുമോ;

(ബി)  മുഖ്യമന്ത്രിയുടെയും മന്ത്രിമാരുടെയും ഈ കാലയളവിലെ യാത്രയിൽ അവരെ അനുഗമിച്ചവരുടെ വിശദവിവരം ലഭ്യമാക്കുമോ; ഓരോ യാത്രയുടെയും ഉദ്ദേശലക്ഷ്യങ്ങൾ,യാത്രാകാലയളവ് എന്നിവ വ്യക്തമാക്കുമോ;

(സി)  പ്രസ്തുത യാത്രകളുടെ ഭാഗമായി യാത്രാ ചെലവ്, താമസ സൗകര്യം, ഭക്ഷണം എന്നീ ഇനങ്ങളിൽ ചെലവായ തുക പ്രത്യേകം ലഭ്യമാക്കുമോ; പ്രസ്തുത യാത്രകൾക്ക് ഏതെങ്കിലും സ്പോൺസർമാർ ഉണ്ടായിരുന്നോ എന്ന് വ്യക്തമാക്കുമോ?

മുൻ സർക്കാറിന്റെ കാലത്ത് മുഖ്യമന്ത്രിയും മറ്റ് മന്ത്രിമാരും നടത്തിയ വിദേശ യാത്രകൾ

7  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലയളവിൽ മുഖ്യമന്ത്രിയും മറ്റ് മന്ത്രിമാരും ഔദ്യോഗികമായും അനൗദ്യോഗികമായും എത്ര വിദേശയാത്രകൾ നടത്തിയിട്ടുണ്ട്; വ്യക്തമാക്കുമോ;

(ബി)  പ്രസ്തുത യാത്രകൾക്കായി സർക്കാർ ഖജനാവിൽ നിന്നും ആകെ എത്ര തുക ചെലവഴിച്ചിട്ടുണ്ട്; വ്യക്തമാക്കുമോ;

(സി)  ഇത്തരം യാത്രകൾ ഏതെങ്കിലും വ്യക്തികളോ സംഘടനകളോ സ്പോൺസർ ചെയ്തിട്ടുണ്ടെങ്കിൽ ആയതിന്റെ വിശദാംശങ്ങൾ ലഭ്യമാക്കുമോ?

ക്ലിഫ് ഹൗസ് ഉള്‍പ്പെടെയുള്ള മന്ത്രി മന്ദിരങ്ങളിലെ അറ്റകുറ്റപ്പണി

8  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നശേഷം ക്ലിഫ് ഹൗസ് ഉള്‍പ്പെടെയുള്ള മന്ത്രി മന്ദിരങ്ങളില്‍ അറ്റകുറ്റപ്പണി നടത്തുന്നതിനും മോടി പിടിപ്പിക്കുന്നതിനും ഫര്‍ണ്ണിച്ചറുകളും മറ്റ് ഉപകരണങ്ങളും വാങ്ങുന്നതിനും വന്ന ചെലവ് എത്രയെന്ന് ഇനം തിരിച്ച് അറിയിക്കുമോ;

(ബി)  മന്ത്രി ഓഫീസുകളില്‍ അറ്റകുറ്റപണി നടത്തുന്നതിനും ഫര്‍ണ്ണിച്ചര്‍ വാങ്ങുന്നതിനും മറ്റുമായി അനുവദിച്ച തുക എത്രയെന്ന് ഇനം തിരിച്ച് വ്യക്തമാക്കുമോ?

മുഖ്യമന്ത്രിയുടെയും മന്ത്രിമാരുടെയും വിദേശയാത്രകൾ

9  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഒന്നും രണ്ടും പിണറായി സർക്കാരുകളുടെ കാലയളവിൽ മുഖ്യമന്ത്രിയും മന്ത്രിമാരും എത്ര വിദേശയാത്രകൾ നടത്തിയിട്ടുണ്ട്; ഏതൊക്കെ രാജ്യങ്ങളാണ് സന്ദർശിച്ചിട്ടുള്ളത്; ഓരോ യാത്രയിലും മുഖ്യമന്ത്രിയെയും മന്ത്രിമാരെയും എത്രപേർ അനുഗമിച്ചിട്ടുണ്ട്; ആരൊക്കെയാണ് അനുഗമിച്ചിട്ടുള്ളത്; വ്യക്തമാക്കുമോ;

(ബി)  മേൽപ്പറഞ്ഞ ഓരോ യാത്രയിലും മുഖ്യമന്ത്രിയുടെയും മന്ത്രിമാരുടെയും യാത്ര സംഘത്തിൽ ഉൾപ്പെട്ട മറ്റുള്ളവരുടെയും യാത്ര ചെലവ്, ഭക്ഷണ ചെലവ്, താമസ ചെലവ് ഉൾപ്പെടെയുള്ള വിവിധ ചെലവുകൾക്കായി എത്ര തുക ചെലവഴിച്ചു എന്നത് ഇനം തിരിച്ചു വ്യക്തമാക്കുമോ;

(സി)  മേൽപ്പറഞ്ഞ യാത്രകൾക്ക് സ്പോൺസർമാർ ഉണ്ടായിരുന്നോ; ഉണ്ടെങ്കിൽ ഓരോ യാത്രയുടെയും സ്പോൺസർമാർ ആരായിരുന്നു എന്നും അവരുടെ വിശദാംശങ്ങളും എത്ര തുക സ്പോൺസർമാർ മേൽപ്പറഞ്ഞ ചെലവിനങ്ങളിൽ ചെലവഴിച്ചിട്ടുണ്ട് എന്നും വ്യക്തമാക്കുമോ?

ഹെലികോപ്റ്റർ യാത്ര

10  ശ്രീ. സനീഷ്‌കുമാര്‍ ജോസഫ്
ശ്രീ. കെ. ജയന്ത്
ശ്രീമതി ഉഷ വിജയൻ
ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021 -26 സർക്കാരുകളുടെ കാലയളവിൽ മുഖ്യമന്ത്രിയും മന്ത്രിമാരും ഹെലികോപ്റ്ററിൽ യാത്ര നടത്തിയിട്ടുണ്ടോ; ഉണ്ടെങ്കിൽ പ്രസ്തുത യാത്രയുടെ വിശദാംശങ്ങൾ വ്യക്തമാക്കുമോ;

(ബി)  ഇപ്രകാരം എത്ര ഔദ്യോഗിക യാത്രകൾ നടത്തിയിട്ടുണ്ട്; എത്ര സ്വകാര്യ യാത്രകൾ നടത്തിയിട്ടുണ്ട്; വിശദാംശങ്ങൾ വ്യക്തമാക്കുമോ;

(സി)  മേൽപ്പറഞ്ഞ ഹെലികോപ്റ്റർ യാത്രകൾക്കായി ആകെ എത്ര തുക ചെലവഴിച്ചിട്ടുണ്ട്; ഇനം തിരിച്ച് വിശദാംശങ്ങൾ വ്യക്തമാക്കുമോ; ഹെലികോപ്റ്റർ യാത്ര ആരെങ്കിലും സ്പോൺസർ ചെയ്തിട്ടുണ്ടോ; ഉണ്ടെങ്കിൽ സ്പോൺസറുടെ വിശദാംശം, സ്പോൺസർഷിപ്പ് തുകയുടെ വിശദാംശം എന്നിവ വ്യക്തമാക്കുമോ?

പേഴ്സണ്‍ല്‍ സ്റ്റാഫ് നിയമനങ്ങള്‍

11  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരമേറ്റശേഷം മുഖ്യമന്ത്രിയുടെയും ഓരോ മന്ത്രിമാരുടെയും പേഴ്സണല്‍ സ്റ്റാഫില്‍ നടത്തിയ നിയമനങ്ങളുടെ എണ്ണം മന്ത്രി ഓഫീസ് തിരിച്ച് വ്യക്തമാക്കുമോ;

(ബി)  നിലവിലെ ഉത്തരവ് പ്രകാരം മന്ത്രിമാരുടെ പേഴ്സണല്‍ സ്റ്റാഫില്‍ നിയമിക്കാന്‍ കഴിയുന്നവരുടെ എണ്ണം എത്രയെന്ന് വ്യക്തമാക്കുമോ; 2016-21, 2021-26 സ‍ർക്കാരുകളുടെ കാലത്ത് മന്ത്രിമാരുടെ പേഴ്സണല്‍ സ്റ്റാഫില്‍ ഏതെങ്കിലും ഘട്ടത്തില്‍ ഒരേ സമയം 25ല്‍ കൂടുതല്‍ പേരെ നിയമിച്ചിരുന്നോ; വിശദമാക്കുമോ;

(സി)  2011-16, 2016-21, 2021-26 വർഷങ്ങളില്‍ പേഴ്സണല്‍ സ്റ്റാഫായി നിയമിക്കപ്പെട്ടവരില്‍ പെന്‍ഷന് അ‍ർഹത നേടിയവരുടെ എണ്ണം ലഭ്യമാക്കുമോ;

(ഡി)  പേഴ്സണല്‍ സ്റ്റാഫ് അംഗങ്ങളുടെ എണ്ണം വർദ്ധിപ്പിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

ലീഗല്‍ കൗണ്‍സിലര്‍മാരുടെ നിയമനം

12  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രിക്ക് സീനിയര്‍ ലീഗല്‍ കൗണ്‍സൽമാരെ നിയമിച്ചിട്ടുണ്ടോ; പ്രസ്തുത തസ്തികയ്ക്ക് പ്രതിമാസം നല്‍കുന്ന പ്രതിഫലം സംബന്ധിച്ച വിശദാംശം നല്‍കുമോ;

(ബി)  ബഹു. ഹൈക്കോടതിയില്‍ സര്‍ക്കാരിനുവേണ്ടി ഹാജരാകാന്‍ സീനിയര്‍ ലീഗല്‍ കൗണ്‍സലിനെ ചുമതലപ്പെടുത്തിയിട്ടുണ്ടോ; അപ്രകാരം ഹാജരായാല്‍ പ്രതിഫലത്തിന് അര്‍ഹതയുണ്ടോ; എങ്കില്‍ എത്ര തുകയാണ് പ്രസ്തുത ഇനത്തില്‍ അനുവദിക്കുകയെന്ന് അറിയിക്കുമോ?

നൂറു ദിന കര്‍മ്മ പരിപാടിയുടെ പുരോഗതികൾ

13  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തിരഞ്ഞെടുപ്പുകാലത്തു നല്‍കിയ വാഗ്ദാനങ്ങള്‍ സമയബന്ധിതമായി നിറവേറ്റുന്നതിന്റെ ആദ്യ പടിയായി ഈ സര്‍ക്കാര്‍ പ്രഖ്യാപിച്ച നൂറു ദിന കര്‍മ്മ പരിപാടിയുടെ പുരോഗതി അറിയിക്കാമോ;

(ബി)  പ്രസ്തുത കർമ്മ പരിപാടിയിൽ പ്രഖ്യാപിച്ച പദ്ധതികളിൽ എത്രയെണ്ണം നിശ്ചിത സമയപരിധിക്കുള്ളിൽ പൂർത്തീകരിക്കാൻ സാധിച്ചിട്ടുണ്ടെന്നും, നിര്‍വഹണം പുരോഗമിക്കുന്ന പദ്ധതികൾ ഏതെല്ലാമാണെന്നും വ്യക്തമാക്കുമോ;

(സി)  നിശ്ചിത സമയത്തിനുള്ളിൽ പൂർത്തിയാക്കാൻ കഴിയാത്ത പദ്ധതികൾ സമയബന്ധിതമായി പൂർത്തീകരിക്കുന്നതിനായി സ്വീകരിച്ചിട്ടുള്ള അടിയന്തര നടപടികൾ വിശദമാക്കുമോ; വിവിധ പദ്ധതികളുടെ പുരോഗതി നിരീക്ഷിക്കുന്നതിന് ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തെല്ലാമാണെന്ന് വിശദമാക്കുമോ?

ഡൽഹിയിലെ പ്രത്യേക പ്രതിനിധി.

14  ശ്രീ. വി. ടി. സൂരജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലത്ത്‌ ഡൽഹിയിൽ പ്രത്യേക പ്രതിനിധിയെ നിയമിച്ചിരുന്നോ; വിശദമാക്കുമോ;

(ബി)  നിയമിച്ച കാലയളവ് ,എന്തൊക്കെ ചുമതലകളാണ് ഈ പ്രതിനിധി നിർവഹിച്ചിരുന്നത് എന്നിവ വ്യക്തമാക്കുമോ;

(സി)   പ്രസ്തുത പ്രതിനിധിക്ക് ശമ്പളം, അലവൻസ്, സ്റ്റാഫ് തുടങ്ങിയ ഇനത്തിൽ ചെലവായ തുക ഇനം തിരിച്ച് ലഭ്യമാക്കുമോ ;

(ഡി)  പ്രസ്തുത പ്രതിനിധിയെ നിയമിച്ചത് മൂലം സംസ്ഥാനത്തിനുണ്ടായ നേട്ടങ്ങൾ എന്തൊക്കെയാണെന്ന് വിശദമാക്കുമോ?

നവകേരള സദസ്സ്

15  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സര്‍ക്കാരിന്റെ കാലത്ത് നവകേരള സദസ്സ് മേഖലാ നിര്‍ദേശങ്ങളില്‍ ഉള്‍പ്പെടുത്തി ഒരു നിയോജക മണ്ഡലത്തില്‍ 7 കോടി രൂപയുടെ വികസന പദ്ധതികള്‍ക്ക് ഭരണാനുമതി നല്‍കിയതനുസരിച്ച് ലഭ്യമായ പദ്ധതി നിര്‍ദ്ദേശങ്ങളില്‍ ഇനിയും ഭരണാനുമതി നല്കാന്‍ അവശേഷിക്കുന്ന ആകെ എത്ര പ്രവൃത്തികള്‍ ഉണ്ട്; അവയുടെ അടങ്കല്‍ തുക എത്ര എന്ന് വ്യക്തമാക്കുമോ;

(ബി)  ചെങ്ങന്നൂര്‍ നിയോജകമണ്ഡലത്തില്‍ പ്രസ്തുത പദ്ധതിയില്‍ ഉള്‍പ്പെടുത്തി ഭരണാനുമതി നല്‍കിയ പ്രവൃത്തികള്‍ ഏതെല്ലാം ആണെന്ന് വ്യക്തമാക്കുമോ;

(സി)  'ഗുരു ചെങ്ങന്നൂര്‍ സ്മാരക സമുച്ചയം' നിര്‍മ്മാണം പൂര്‍ത്തീകരിക്കുന്നതിനായി 1.70 കോടി രൂപ സാംസ്കാരിക വകുപ്പ് നിര്‍വ്വഹണ വകുപ്പുമായി നിശ്ചയിച്ച് സമര്‍പ്പിച്ച എസ്റ്റിമേറ്റിന് ഭരണാനുമതി നല്‍കാത്തതിന്റെ കാരണം വിശദമാക്കുമോ; അനുമതി നല്‍കുന്നതിന് എന്തെല്ലാം നടപടി സ്വീകരിക്കുമെന്ന് വ്യക്തമാക്കുമോ?

നവകേരള സദസ്സ് നടത്തിയതുമായി ബന്ധപ്പെട്ട് ചെലവായ തുക

16  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാർ നവകേരള സദസ്സ് സംഘടിപ്പിച്ചതുമായി ബന്ധപ്പെട്ട് ചെലവായ തുക എത്രയാണെന്ന് കണക്കാക്കിയിട്ടുണ്ടോ; എങ്കിൽ ഓരോ ജില്ലയിലും ചെലവായ തുക പ്രത്യേകം ലഭ്യമാക്കുമോ;

(ബി)  ഇതുമായി ബന്ധപ്പെട്ട് തദ്ദേശസ്വയംഭരണ സ്ഥാപനങ്ങളിൽ നിന്നുള്ള വിഹിതം,വ്യക്തികളിൽ നിന്നുള്ള സംഭാവന, മറ്റ് മാർഗ്ഗങ്ങളിലൂടെയുള്ള വരവ് എന്നിങ്ങനെ ആകെ എത്ര തുക ലഭിച്ചിട്ടുണ്ട്; ഇനം തിരിച്ചുള്ള വിവരങ്ങൾ നൽകുമോ;

(സി)  നവകേരള സദസ്സുമായി ബന്ധപ്പെട്ട് ആകെ എത്ര രൂപ ചെലവഴിച്ചിട്ടുണ്ട്; ഓരോ ജില്ലയിലെയും നിയോജക മണ്ഡലത്തിലെയും ചെലവ് ഏതെല്ലാം ഇനങ്ങളിലാണ് എന്ന് പ്രത്യേകം പ്രത്യേകം ലഭ്യമാക്കുമോ?

മന്ത്രിമാര്‍ക്ക് ബാധകമാക്കിയ പെരുമാറ്റച്ചട്ടം

17  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേന്ദ്ര ആഭ്യന്തര മന്ത്രാലയം കേന്ദ്ര സംസ്ഥാന മന്ത്രിമാര്‍ക്ക് ബാധകമാക്കിയ പെരുമാറ്റച്ചട്ടം നിലവിലുണ്ടോ; ആയതിന്റെ പകര്‍പ്പ് ലഭ്യമാക്കുമോ;

(ബി)  പ്രസ്തുത പെരുമാറ്റച്ചട്ടത്തിലെ 3.1, 4.1 വകുപ്പുകള്‍ പ്രകാരം മന്ത്രിമാര്‍ സംഭാവനകള്‍, ഉപഹാരങ്ങള്‍, സമ്മാനങ്ങള്‍ എന്നിവ സ്വീകരിക്കുന്നതിന് നിയന്ത്രണങ്ങള്‍ ഏര്‍പ്പെടുത്തിയിട്ടുണ്ടോ; വിശദമാക്കുമോ;

(സി)  സ്വകാര്യ വ്യക്തികള്‍ നല്‍കുന്ന യാത്രാടിക്കറ്റും താമസസൗകര്യവും സമ്മാനമായി സ്വീകരിച്ച് മന്ത്രിമാര്‍ വിദേശയാത്ര നടത്തുന്നത് പ്രസ്തുത പെരുമാറ്റച്ചട്ടപ്രകാരം അനുവദനീയമാണോ;

(ഡി)  മന്ത്രിമാര്‍ തങ്ങളുടെ യാത്രാ ആവശ്യങ്ങള്‍ക്ക് സ്വകാര്യ വ്യക്തിയുടെ ഉടമസ്ഥതയിലുള്ള വാഹനം സമ്മാനമായി സ്വീകരിച്ച് ഉപയോഗിക്കുന്നത് പ്രസ്തുത പെരുമാറ്റച്ചട്ടപ്രകാരം അനുവദനീയമാണോ;

(ഇ)  മന്ത്രിമാരുടെ വിമാന-ഹെലികോപ്റ്റര്‍ യാത്രാ ചെലവുകള്‍ സ്വകാര്യ വ്യക്തികള്‍ വഹിക്കുന്നത് പ്രസ്തുത പെരുമാറ്റച്ചട്ടപ്രകാരം അനുവദനീയമാണോ?

കേന്ദ്ര ആഭ്യന്തര മന്ത്രാലയത്തിന്റെ മാര്‍ഗ്ഗനിര്‍ദ്ദേശം

18  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പാര്‍ലമെന്റ് പാസ്സാക്കിയ ദേശീയ ബഹുമതികള്‍ക്കെതിരായ അപമാനങ്ങള്‍ തടയല്‍ ആക്റ്റ് , ഭേദഗതി എന്നിവ പ്രകാരം ദേശീയ ഗീതമായ വന്ദേമാതരം നിര്‍ബന്ധമായും ആലപിക്കണമെന്ന് നിഷ്കര്‍ഷിക്കുന്നുണ്ടോ; വ്യക്തമാക്കുമോ;

(ബി)  ദേശീയ ഗീതം ആലപിക്കാന്‍ നിര്‍ദ്ദേശിച്ചുകൊണ്ട് കേന്ദ്ര ആഭ്യന്തര മന്ത്രാലയം മാര്‍ഗ്ഗനിര്‍ദ്ദേശം പുറത്തിറക്കിയിട്ടുണ്ടോ;ആയതിന്റെ പകര്‍പ്പ് ലഭ്യമാക്കുമോ;

(സി)  സംസ്ഥാന സര്‍ക്കാരിന്റെ ഔദ്യോഗിക ചടങ്ങുകളില്‍ പ്രസ്തുത മാര്‍ഗ്ഗനിര്‍ദ്ദേശം നടപ്പിലാക്കണമോ വേണ്ടയോ എന്നതില്‍ സംസ്ഥാന സര്‍ക്കാരിന് തീരുമാനമെടുക്കാന്‍ സാധിക്കുമോ;വ്യക്തമാക്കുമോ;

(ഡി)  സംസ്ഥാന സര്‍ക്കാരിന്റെ ഔദ്യോഗിക പരിപാടികളില്‍ വന്ദേമാതരം ആലപിക്കുന്നത് സംബന്ധിച്ച നിലപാട് വ്യക്തമാക്കുമോ?

ദീർഘകാലമായി സേവനമനുഷ്ഠിക്കുന്ന താൽക്കാലിക ജീവനക്കാരെ പിരിച്ചുവിട്ട നടപടി

19  ശ്രീ. പി. മമ്മിക്കുട്ടി
ശ്രീ. കെ. പ്രേംകുമാര്‍
ശ്രീ. കെ. യു. ജനീഷ് കുമാര്‍
ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് എന്റെ ഭൂമി ഡിജിറ്റല്‍ സര്‍വേ, ഫിഷറീസ് വകുപ്പിലെ അക്വാകള്‍ച്ചര്‍ പ്രൊമോഷന്‍, കുടുംബശ്രീ, കില തുടങ്ങിയ വിവിധ പദ്ധതികളില്‍ പത്തുവര്‍ഷത്തിലേറെയായി ജോലി ചെയ്തു വന്നിരുന്ന ആയിരക്കണക്കിന് താല്‍ക്കാലിക ജീവനക്കാരെ യാതൊരു മുന്നറിയിപ്പുമില്ലാതെ പിരിച്ചു വിട്ട സംഭവത്തിന്റെ ഗൗരവം വിലയിരുത്തിയിട്ടുണ്ടോ;

(ബി)  എംപ്ലോയ്മെന്റ് എക്സ്ചേഞ്ച് മുഖേന അപേക്ഷ ക്ഷണിച്ച് പരീക്ഷയും അഭിമുഖവും നടത്തി യോഗ്യതയുടെ അടിസ്ഥാനത്തില്‍ സുതാര്യമായി നിയമിക്കപ്പെട്ട ഡിജിറ്റല്‍ സര്‍വ്വേ ജീവനക്കാരെ രാഷ്ട്രീയ നിയമനങ്ങളാണെന്ന് ആരോപിച്ച് പിരിച്ചുവിട്ടത് രാജ്യത്തിന് തന്നെ മാതൃകയായിരുന്ന പദ്ധതിയെ അട്ടിമറിക്കാനാണെന്ന ആരോപണം പരിശോധിച്ചിട്ടുണ്ടോ;

(സി)  ഫിഷറീസ് വകുപ്പിന് കീഴില്‍ 2008 മുതല്‍ ജോലി ചെയ്തുവരുന്ന അക്വാകള്‍ച്ചര്‍ പ്രൊമോട്ടര്‍മാരെ നാലു മാസത്തെ ശമ്പള കുടിശ്ശിക നിലനില്‍ക്കെ 2026 ആഗസ്റ്റ് 31-ന് പിരിച്ചു വിട്ടിട്ടുണ്ടോ ;

(ഡി)  കുടുംബശ്രീയിലുള്‍പ്പെടെയുള്ള ജീവനക്കാരുടെ കരാര്‍ പുതുക്കുന്നത് ചില പ്രത്യേക രാഷ്ട്രീയ നേതൃത്വങ്ങളുടെ ഇടപെടലിനെത്തുടര്‍ന്ന് തടഞ്ഞുവച്ചിരിക്കുകയാണെന്ന കാര്യം വസ്തുതാപരമാണോ എന്ന് വ്യക്തമാക്കുമോ;

(ഇ)  ദീര്‍ഘകാലമായി സ്തുത്യര്‍ഹമായ സേവനമനുഷ്ഠിക്കുന്ന താല്‍ക്കാലിക ജീവനക്കാരെ രാഷ്ട്രീയ കാരണങ്ങളാല്‍ പിരിച്ചുവിടുന്ന നടപടികള്‍ പുനഃപരിശോധിക്കാനും നിര്‍ത്തിവെച്ച ഡിജിറ്റല്‍ സര്‍വ്വേ ഉള്‍പ്പെടെയുള്ള പദ്ധതികള്‍ പുനരുജ്ജീവിപ്പിച്ച് പിരിച്ചുവിടപ്പെട്ട മുഴുവന്‍ ജീവനക്കാരെയും തിരിച്ചെടുക്കാനും അടിയന്തര നടപടി സ്വീകരിക്കുമോ എന്ന് വിശദമാക്കുമോ ?

ഐ.എ.എസ് , ഐ .പി.എസ് ഉദ്യോഗസ്ഥരുടെ പുനർനിയമനം

20  ശ്രീ. വി. എസ്. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 എന്നീ കാലയളവുകളിലെ സർക്കാരിന്റെ കാലത്ത്‌ വിരമിച്ച എത്ര ഐ.എ.എസ്, ഐ.പി.എസ് ഉദ്യോഗസ്ഥർക്ക് പുനർനിയമനം നൽകിയിട്ടുണ്ട്; വ്യക്തമാക്കാമോ;

(ബി)  ഇവർക്ക് ഓരോരുത്തർക്കും ശമ്പളം അലവൻസ് തുടങ്ങിയ ഇനത്തിൽ സർക്കാർ ഓരോ മാസവും നൽകിയ തുകയും ആകെ നൽകിയ തുകയും എത്രയാണ് എന്ന് വ്യക്തമാക്കാമോ?

എം.എല്‍.എ ആസ്തി വികസന ഫണ്ടില്‍ ടെണ്ടര്‍ സേവിംഗ്സില്‍ ബാക്കിയുള്ള തുകയുടെ വിശദാംശം

21  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2021-26 സാമ്പത്തിക വര്‍ഷത്തില്‍ എം.എല്‍.എ ആസ്തി വികസന ഫണ്ടില്‍ ടെണ്ടര്‍ സേവിംഗ്സില്‍ ബാക്കിയുള്ള തുകയുടെ വിശദമായ വിവരം നല്‍കാമോ?

അസിസ്റ്റന്റ് പ്രൊഫസർ നിയമനം

22  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2023-ൽ നിലവിൽ വന്ന അസിസ്റ്റന്റ് പ്രൊഫസർ (ഉറുദു), അസിസ്റ്റന്റ് പ്രൊഫസർ (ഫിലോസഫി), അസിസ്റ്റന്റ് പ്രൊഫസർ (സോഷ്യോളജി), അസിസ്റ്റന്റ് പ്രൊഫസർ (ഇസ്ലാമിക് ഹിസ്റ്ററി) എന്നീ പി .എസ് .സി റാങ്ക് ലിസ്റ്റുകളിൽ നിന്നും നാളിതുവരെ എത്ര നിയമനങ്ങൾ നടത്തിയെന്ന് അറിയിക്കാമോ;

(ബി)  പ്രസ്തുത തസ്തികകളുടെ വിജ്ഞാപനസമയത്തും തുടർന്നും നാളിതുവരെ എത്ര ഒഴിവുകൾ റിപ്പോർട്ട് ചെയ്തിട്ടുണ്ടെന്ന് തസ്തിക തിരിച്ചു ലഭ്യമാക്കുമോ; പ്രസ്തുത റാങ്ക് ലിസ്റ്റുകളുടെ കാലാവധി നീട്ടി നൽകുന്നത് പരിഗണനയിലുണ്ടോ; വ്യക്തമാക്കാമോ;

(സി)  2021-നു ശേഷം നിലവിൽ വന്ന വിവിധ വിഷയങ്ങളിലേക്കുള്ള അസിസ്റ്റന്റ് പ്രൊഫസർ തസ്തികയുടെ റാങ്ക് ലിസ്റ്റുകളിൽ നിന്നും നാളിതുവരെ എത്ര പേർക്ക് നിയമനം നൽകിയെന്ന് വിഷയം തിരിച്ചുള്ള വിശദാംശങ്ങൾ ലഭ്യമാക്കുമോ;

(ഡി)  2021-2026 സർക്കാരിന്റെ കാലത്ത് ഒരു നിയമനം പോലും നടത്താതെ റാങ്ക് ലിസ്റ്റുകൾ റദ്ദായിട്ടുണ്ടോ; എങ്കിൽ എത്ര; വിശദാംശങ്ങൾ ലഭ്യമാക്കാമോ; ഒഴിവുകൾ സമയബന്ധിതമായി റിപ്പോർട്ട് ചെയ്യുന്നതിന് ബന്ധപ്പെട്ട വകുപ്പുകൾക്ക് നിർദേശം നൽകുന്നതിനും പ്രസ്തുത റാങ്ക് ലിസ്റ്റുകളുടെ കാലാവധി നീട്ടി നൽകുന്നതിനും നടപടി സ്വീകരിക്കുമോ; വിശദമാക്കാമോ?

കേരളാ പബ്ലിക് സർവീസ് കമ്മീഷന്റെ പ്രവർത്തനം

23  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരളാ പബ്ലിക്ക് സർവ്വീസ് കമ്മീഷന്റെ പ്രവർത്തനങ്ങളിൽ അഴിമതിയും സ്വജനപക്ഷപാതവും നടക്കുന്നുവെന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് തടയുന്നതിന് സർക്കാർ സ്വീകരിച്ച് വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

(ബി)  പി.എസ്.സി.യിൽ ജോലി ചെയ്യുന്ന ജീവനക്കാർക്ക് നിയമപരമായി അർഹതപ്പെട്ട ആനുകൂല്യങ്ങള്‍ നിഷേധിക്കുന്നതും അവരെ പീഡിപ്പിക്കുന്നതുമായ സംഭവങ്ങള്‍ ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് തടയുവാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

പബ്ലിക്ക് സർവീസ് കമ്മീഷൻ മുഖേനെയുള്ള നിയമനം

24  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ പി. എസ്. സി. വഴി നടത്തിയ നിയമനങ്ങളുടെ വിവരങ്ങള്‍ തസ്തിക, എണ്ണം, അഡ്വൈസ് തീയതി ഉള്‍പ്പെടെ ലഭ്യമാക്കാമോ?

കേരള പബ്ലിക് സർവീസ് കമ്മീഷൻ -റാങ്ക് ലിസ്റ്റുകൾ

25  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പബ്ലിക് സർവീസ് കമ്മീഷൻ കഴിഞ്ഞ പത്ത് വർഷക്കാലം പ്രതിവർഷം എത്ര റാങ്ക് ലിസ്റ്റുകൾ പ്രസിദ്ധീകരിച്ചിട്ടുണ്ട്; വർഷം തിരിച്ച് കണക്ക് ലഭ്യമാക്കാമോ;

(ബി)  പ്രസ്തുത കാലയളവിൽ ഒരു നിയമനം പോലും നടത്താതെ കാലാവധി കഴിഞ്ഞ റാങ്ക് ലിസ്റ്റുകൾ ഏതെല്ലാം;

(സി)  പ്രസ്തുത കാലയളവിൽ പി.എസ്.സി. റാങ്ക് ലിസ്റ്റുകൾ നിലവിലുള്ളപ്പോൾ അവയിൽ ഏതെല്ലാം തസ്തികകളിൽ താൽക്കാലിക/കരാർ നിയമനങ്ങൾ നടത്തിയിട്ടുണ്ട്; വർഷം തിരിച്ച് കണക്ക് ലഭ്യമാക്കാമോ?

അധിവര്‍ഷ പെന്‍ഷന്‍

26  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനുശേഷം അധിവര്‍ഷ പെന്‍ഷന്‍ പറ്റി സേവനത്തില്‍ നിന്നും വിരമിച്ച സംസ്ഥാന സര്‍ക്കാര്‍ ജീവനക്കാര്‍ എത്രയെന്ന് വ്യക്തമാക്കുമോ;

(ബി)  ആയതിന്റെ അടിസ്ഥാനത്തില്‍ എത്ര ഒഴിവുകള്‍ നിലവില്‍ വന്നിട്ടുണ്ടെന്ന് വിശദമാക്കാമോ;

(സി)  എത്ര ഒഴിവുകള്‍ കെ.പി.എസ്.സി-ക്ക് റിപ്പോര്‍ട്ട് ചെയ്തിട്ടുണ്ടെന്ന് വിശദമാക്കാമോ?

സർക്കാർ ജീവനക്കാരുടെ ലീവ് സറണ്ട‍ർ

27  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സർക്കാരിന്റെ കാലത്ത് സര്‍ക്കാര്‍ ജീവനക്കാർക്ക് ലീവ് സറണ്ടർ അനുവദിച്ചിരുന്നോ; വ്യക്തമാക്കാമോ;

(ബി)  01.06.2026 മുതല്‍ ലീവ് സറണ്ടർ പൂർണ്ണമായും നിർത്തിവച്ചിട്ടുണ്ടോ; എങ്കില്‍ ഉത്തരവിന്റെ പകർപ്പ് ലഭ്യമാക്കാമോ;

(സി)  ജീവനക്കാരന്റെ ക്രെഡിറ്റില്‍ 300 ദിവസത്തില്‍ കൂടുതലുള്ള ആര്‍ജ്ജിതാവധി നഷ്ടപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കാന്‍ നടപടി സ്വീകരിക്കുമോ;

(ഡി)  ലീവ് സറണ്ടർ ആനുകൂല്യം അടിയന്തരമായി പുനഃസ്ഥാപിക്കാന്‍ നടപടി സ്വീകരിക്കുമോ; വിശദമാക്കാമോ?

സര്‍ക്കാര്‍ സര്‍വീസില്‍ നിന്ന് വിരമിച്ചവര്‍ക്ക് പുനര്‍നിയമനം

28  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സര്‍ക്കാര്‍ സര്‍വീസില്‍ നിന്ന് വിരമിച്ചവര്‍ക്ക് പുനര്‍ നിയമനം നല്‍കുന്നതിലെ സര്‍ക്കാര്‍ നിലപാട് വ്യക്തമാക്കാമോ;

(ബി)  ഈ സര്‍ക്കാര്‍ അധികാരത്തില്‍ വന്ന ശേഷം പേഴ്സണല്‍ സ്റ്റാഫ്, വിവിധ സര്‍ക്കാര്‍ വകുപ്പുകള്‍, സ്ഥാപനങ്ങള്‍ എന്നിവയില്‍ കോ-ടെര്‍മിനസ്, കരാര്‍, ദിവസവേതന അടിസ്ഥാനത്തില്‍ നിയമനം ലഭിച്ചവരുടെ എണ്ണം ഇനം തിരിച്ച് ലഭ്യമാക്കാമോ?

ഡെപ്യൂട്ടേഷന്‍ വ്യവസ്ഥയില്‍ പേഴ്സണല്‍ സ്റ്റാഫില്‍ നിയമിക്കുന്നവരുടെ ആനുകൂല്യങ്ങള്‍

29  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കെ.എസ്.ആര്‍.ടി.സി. ഉള്‍പ്പടെയുള്ള പൊതുമേഖലാ സ്ഥാപനങ്ങളില്‍ നിന്നും സംസ്ഥാനത്തെ മന്ത്രിമാരുടേയും മറ്റും പേഴ്സണല്‍ സ്റ്റാഫിലും ഡെപ്യൂട്ടേഷന്‍ വ്യവസ്ഥയില്‍ സേവനത്തിലേര്‍പ്പെടുന്നയാളുടെ മാതൃസ്ഥാപനത്തില്‍ നിന്നും റിലീവിംഗ് ഓര്‍ഡര്‍, നിബന്ധനകളും വ്യവസ്ഥകളും ഉള്‍പ്പ‌ടെയുള്ള എല്‍.പി.സി. എന്നിവ ലഭ്യമായി കഴിഞ്ഞാല്‍ ആയതു പ്രകാരം ശമ്പളവും മറ്റു ആനുകൂല്യങ്ങളും നൽകുന്നത് കൃത്യമായി ഉറപ്പുവരുത്തേണ്ട ചുമതല സെക്രട്ടേറിയറ്റിലെ ഏതു വിഭാഗത്തിനാണ്; വ്യക്തമാക്കാമോ;

(ബി)  08/04/2005 മുതല്‍ വിവിധ കാലയളവുകളിലായി കെ.എസ്.ആര്‍.ടി.സി. യില്‍ നിന്നു പേഴ്സണല്‍ സ്റ്റാഫില്‍ ചട്ടപ്രകാരം ഹാജരാക്കേണ്ട സര്‍വ്വ രേഖകളും ഹാജരാക്കി അന്യത്രസേവനത്തില്‍ ഏര്‍പ്പെട്ട ഏതെങ്കിലും വ്യക്തിയുടെ നിയമനം ഏതെങ്കിലും കാലയളവിൽ ഓൺ ഡെപ്യൂട്ടേഷൻ ബേസിസ് എന്നതിന് പകരം ഡയറക്ട് റിക്രൂട്ട്മെന്റ് ആയി തെറ്റായി പോസ്റ്റിങ്ങ് മെമ്മോ നൽകി പി.എഫ്/പെൻഷൻ കോൺട്രിബ്യൂഷൻ തുക കൃത്യമായി ഒടുക്കുന്നതിൽ സെക്രട്ടേറിയറ്റിലെ ബന്ധപ്പെട്ട വകുപ്പിന് വീഴ്ച സംഭവിച്ചിരുന്നോ; വിശദ വിവരം നൽകുമോ; വീഴ്ച കണ്ടെത്തി പെൻഷൻ കോൺട്രിബ്യൂഷൻ പിന്നീട് ഒടുക്കുന്നതിനുള്ള നടപടി സ്വീകരിച്ചിരുന്നോ; വ്യക്തമാക്കാമോ;

(സി)  സെക്രട്ടേറിയറ്റിലെ ജി.എ .ഡി .(അക്കൗണ്ട്സ് ) വിഭാഗം ഏതെങ്കിലും കാലയളവിൽ സുലൈമാൻ എ. എന്ന പേഴ്സണൽ സ്റ്റാഫ് അംഗവുമായി ബന്ധപ്പെട്ട് കെ.എസ്.ആര്‍.ടി.സി. യ്ക്ക് നൽകേണ്ട പി.എഫ്. തുകയ്ക്ക് ഡി.ഡി. എടുക്കുകയും പിന്നീട് അത് ക്യാൻസൽ ചെയ്യുകയും ചെയ്തിരുന്നതായി പ്രസ്തുത വിഭാഗത്തിലെ രജിസ്റ്ററിൽ രേഖപ്പെടുത്തൽ ഉള്ളതായി കണ്ടെത്തിയിട്ടുണ്ടോ; അതിന്റെ വിശദ വിവരങ്ങൾ നൽകുമോ;

(ഡി)  നാളിതുവരെ ഇത്തരത്തിൽ പേഴ്സണൽ സ്റ്റാഫ് സേവനത്തിന് അന്യത്രസേവനവ്യവസ്ഥയിൽ സേവനത്തിനെത്തുന്ന മറ്റ് ആരുടെയെങ്കിലും പി.എഫ്. തുക കൃത്യസമയത്തു തന്നെ ഒടുക്കുന്നതിൽ വീഴ്ച ഉണ്ടായതായി കണ്ടെത്തിയിരുന്നോ; അത്തരം സാഹചര്യങ്ങളിൽ തുക പിന്നീട് കുടിശ്ശികയായി ഒടുക്കിയിട്ടുണ്ടായിരുന്നോ;

(ഇ) ഈ രീതിയിൽ 08/04/2005 മുതൽ വിവിധ വകുപ്പ് മന്ത്രിമാരുടെ പേഴ്സണൽ സ്റ്റാഫിൽ സേവനമനുഷ്ഠിച്ച കാലയളവിലെ ടിയാൻ്റെ പി.എഫ്. തുക കൃത്യമായി നാളിതുവരെ അടയ്ക്കാത്തത് ടിയാൻ്റെ പെൻഷൻ സമയം അടുത്തിരിക്കുന്ന ഈ സാഹചര്യത്തിലെങ്കിലും സത്വരം കെ.എസ്.ആർ.ടി.സി.യ്ക്ക് ഒടുക്കാൻ നിർദ്ദേശം നൽകുമോ?

ഭരണഭാഷ മലയാളമാക്കുന്നതിനുള്ള നടപടി

30  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ഭരണഭാഷ പൂര്‍ണമായും മലയാളമാക്കുന്നതിനുള്ള നടപടികളുടെ നിലവിലെ പുരോഗതി വ്യക്തമാക്കുമോ;

(ബി)  സെക്രട്ടേറിയറ്റില്‍ നിന്നും വിവിധ വകുപ്പ് മേധാവികളുടെ ഓഫീസുകളിലേക്കും തിരിച്ചുമുള്ള ഔദ്യോഗിക കത്തിടപാടുകള്‍ നിലവില്‍ പൂര്‍ണമായും മലയാളത്തിലാണോ കൈകാര്യം ചെയ്യുന്നതെന്ന് വ്യക്തമാക്കുമോ;

(സി)  നിലവില്‍ മലയാളം പൂര്‍ണമായി ഉപയോഗിക്കാത്തതോ ഇംഗ്ലീഷില്‍ കത്തിടപാടുകള്‍ നടത്തുന്നതോ ആയ വകുപ്പുകള്‍/ഓഫീസുകള്‍ ഏതെല്ലാമാണെന്നും അതിനുള്ള കാരണങ്ങള്‍ എന്തെല്ലാമാണെന്നും വ്യക്തമാക്കുമോ;

(ഡി)  സംസ്ഥാനത്തെ മുഴുവന്‍ വകുപ്പുകളിലും കത്തിടപാടുകളും ഭരണനിര്‍വഹണവും സമ്പൂര്‍ണമായി മലയാളത്തിലാക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമാണെന്ന് വിശദമാക്കുമോ?

പീച്ചി ഡാം പരിസരത്ത് ആവർത്തിച്ചുണ്ടാകുന്ന ഭൂചലനം

31  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2026 ജൂലൈ മാസത്തിൽ പീച്ചി ഡാം പരിസരത്ത് ആവർത്തിച്ച് ഭൂചലനങ്ങളും ഭൂപ്രകമ്പനങ്ങളും അനുഭവപ്പെട്ടതും ഇതിന്റെ ഭാഗമായി നിരവധി വീടുകളുടെ ഭിത്തികളിൽ വിള്ളലുകൾ ഉൾപ്പെടെയുള്ള നാശനഷ്ടങ്ങൾ ഉണ്ടായതും ശ്രദ്ധയിൽപ്പെട്ടിട്ടുണ്ടോ; 2026 ജൂലൈ 20-ന് പീച്ചി പ്രദേശത്ത് രേഖപ്പെടുത്തിയ ഭൂചലനത്തിന്റെ തീവ്രത, പ്രഭവകേന്ദ്രം, ആഴം എന്നിവ സംബന്ധിച്ച ശാസ്ത്രീയ വിവരങ്ങൾ ലഭ്യമാണോ; പ്രസ്തുത മേഖലയിൽ തുടർചലനങ്ങൾ ഉണ്ടായിട്ടുണ്ടോ; വിശദാംശങ്ങൾ ലഭ്യമാക്കുമോ;

(ബി)  പീച്ചി മേഖലയിൽ ഇത്തരം ഭൂചലനങ്ങൾ ആവർത്തിക്കുന്ന സാഹചര്യത്തിൽ ജനങ്ങളുടെ ജീവനും സ്വത്തിനും സുരക്ഷ ഉറപ്പാക്കുന്നതിനായി തുടർച്ചയായ സീസ്മിക് നിരീക്ഷണം, വീടുകളുടെ സാങ്കേതിക പരിശോധന, അപകടസാധ്യതാ വിലയിരുത്തൽ, ആവശ്യമായ സുരക്ഷാ നിർദ്ദേശങ്ങൾ എന്നിവ നടപ്പാക്കുന്നതിനും വിദഗ്ധ പഠനത്തിന്റെ അടിസ്ഥാനത്തിൽ ദീർഘകാല സുരക്ഷാ പദ്ധതി തയ്യാറാക്കുന്നതിനും നടപടി സ്വീകരിക്കുമോ;

(സി)  പീച്ചി മേഖലയിൽ ആവർത്തിച്ചുണ്ടാകുന്ന ഭൂചലനങ്ങളുടെ ഭൂമിശാസ്ത്രപരവും ഭൗമശാസ്ത്രപരവുമായ കാരണങ്ങൾ, പ്രദേശത്തിന്റെ ഭൂകമ്പസാധ്യത, ഭാവിയിൽ ഉണ്ടാകാവുന്ന അപകടസാധ്യത എന്നിവ സംബന്ധിച്ച് കേരള സംസ്ഥാന ദുരന്തനിവാരണ അതോറിറ്റി, ജിയോളജി വകുപ്പ്, നാഷണല്‍ സെന്റര്‍ ഫോര്‍ എര്‍ത്ത് സയന്‍സ് സ്റ്റഡീസ് /നാഷണല്‍ സെന്റര്‍ ഫോര്‍ സീസ്മോളജി തുടങ്ങിയ വിദഗ്ധ സ്ഥാപനങ്ങളെ ഉൾപ്പെടുത്തി സമഗ്രമായ ശാസ്ത്രീയ പഠനം നടത്തിയിട്ടുണ്ടോ; ഇല്ലെങ്കിൽ അടിയന്തരമായി പഠനം നടത്തുന്നതിന് നടപടി സ്വീകരിക്കുമോ;

(ഡി)  പീച്ചി ഡാമിന്റെ പരിസരത്ത് ഭൂചലനങ്ങൾ ആവർത്തിക്കുന്ന സാഹചര്യത്തിൽ ഡാമിന്റെ ഘടനാപരമായ സുരക്ഷ, അനുബന്ധ നിർമിതികളുടെ സുരക്ഷ, ജലസംഭരണ മേഖലയുടെയും സമീപപ്രദേശങ്ങളുടെയും സുരക്ഷ എന്നിവ സംബന്ധിച്ച് വിദഗ്ധ പരിശോധന നടത്തിയിട്ടുണ്ടോ; പരിശോധന നടത്തിയിട്ടുണ്ടെങ്കിൽ കണ്ടെത്തലുകളും ശിപാർശകളും എന്തൊക്കെയാണെന്ന് വിശദമാക്കുമോ;

(ഇ)  ഭൂചലനത്തെ തുടർന്ന് വീടുകളുടെ ഭിത്തികളിൽ വിള്ളലുകളും മറ്റ് നാശനഷ്ടങ്ങളും ഉണ്ടായതായി ലഭിച്ച പരാതികളിൽ ഇതുവരെ എത്ര വീടുകളിൽ പരിശോധന നടത്തിയിട്ടുണ്ട്; എത്ര വീടുകൾക്ക് നാശനഷ്ടം സംഭവിച്ചതായി കണ്ടെത്തിയിട്ടുണ്ട്; വീടുകളുടെ സുരക്ഷ സംബന്ധിച്ച് സ്ട്രക്ചറല്‍ അസസ്മെന്റ് നടത്തിയിട്ടുണ്ടോ;

(എഫ്)  ഭൂചലനത്തെ തുടർന്ന് നാശനഷ്ടം സംഭവിച്ച വീടുകളുടെ ഉടമകൾക്ക് നിലവിലുള്ള ദുരന്തനിവാരണ മാനദണ്ഡങ്ങൾ പ്രകാരം ലഭിക്കാവുന്ന ധനസഹായം സംബന്ധിച്ച് സ്വീകരിച്ച നടപടികൾ എന്തൊക്കെയാണ്; ഇതുവരെ എത്ര അപേക്ഷകൾ ലഭിച്ചിട്ടുണ്ടെന്നും എത്ര അപേക്ഷകളിൽ ധനസഹായം അനുവദിച്ചിട്ടുണ്ടെന്നും അനുവദിച്ച തുക എത്രയാണെന്നും വ്യക്തമാക്കുമോ?

ദുരന്ത പ്രതിരോധശേഷിയുള്ള സുസ്ഥിര കേരളം

32  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ദുരന്ത പ്രതിരോധ ശേഷിയുള്ള സുസ്ഥിര കേരളം സൃഷ്ടിക്കുന്നതിനായി ആവിഷ്കരിച്ചിട്ടുള്ള പദ്ധതികളും പ്രവർത്തനങ്ങളും ഏതെല്ലാമാണെന്ന് വിശദമാക്കുമോ;

(ബി)  ദുരന്ത നിവാരണ മുന്നറിയിപ്പ് സംവിധാനങ്ങൾ ആധുനികവത്കരിക്കുന്നതിനും സ്ഥലാധിഷ്ഠിത അലർട്ട് സംവിധാനം വ്യാപിപ്പിക്കുന്നതിനും തീരദേശ മേഖലകൾക്ക് പ്രത്യേക പരിഗണന നൽകുന്നതിനും നടപടി സ്വീകരിക്കുമോ; വിശദമാക്കുമോ?

ദുരന്തനിവാരണ പദ്ധതി

33  പ്രൊഫ. ആബിദ് ഹുസൈന്‍ തങ്ങള്‍
ശ്രീ. പാറക്കൽ അബ്‌ദുല്ല
ശ്രീ. നജീബ് കാന്തപുരം
ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് തുടരെത്തുടരെ ഉണ്ടാകുന്ന പ്രളയഭീഷണി ഒഴിവാക്കാന്‍ സമഗ്രമായ ദുരന്തനിവാരണ പദ്ധതിക്ക് രൂപം നല്‍കാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ;

(ബി)  ഡാമുകളുടെ പ്രവര്‍ത്തനം കൂടുതല്‍ ശാസ്ത്രീയമാക്കാന്‍ എ.ഐ. അധിഷ്ഠിത ഡാം മാനേജ്‌മെന്റ് സംവിധാനം ഏര്‍പ്പെടുത്താന്‍ ഉദ്ദേശിക്കുന്നുണ്ടോ;

(സി)  വൃഷ്ടി പ്രദേശത്തെ മഴയുടെ സാധ്യത, നദീതീരങ്ങളിലെ ജലനിരപ്പ് എന്നിവ ഏകോപിപ്പിക്കാന്‍ ആലോചിക്കുന്നുണ്ടോ; വിശദാംശം നല്‍കുമോ?

മിന്നൽ പ്രളയത്തിനുള്ള പരിഹാരനടപടി

34  ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2018 -ലെ മഹാപ്രളയത്തിന് ശേഷം സംസ്ഥാനത്ത് കാലവർഷസമയത്ത്‌ പല സ്ഥലങ്ങളിലും മിന്നൽ പ്രളയം ഉണ്ടാകുന്നതിന്റെ കാരണങ്ങൾ എന്താണെന്ന് പരിശോധിച്ചിട്ടുണ്ടോ; വിശദമാക്കുമോ;

(ബി)  മേഘവിസ്‌ഫോടനം, അതിതീവ്ര മഴ എന്നിവ മൂലമാണോ ഇത്തരത്തിൽ മിന്നൽ പ്രളയം ഉണ്ടാകുന്നത് എന്ന് പരിശോധിച്ചിട്ടുണ്ടോ; വ്യക്തമാക്കുമോ;

(സി)  മഴവെള്ളം ഉൾക്കൊള്ളാൻ ജലാശയങ്ങൾക്ക് കഴിയാത്തത് മൂലം ഒന്നോ രണ്ടോ മഴ പെയ്താൽ ഉടൻതന്നെ ജലാശയങ്ങളുടെ സമീപപ്രദേശത്തേക്ക് പെട്ടെന്ന് വെള്ളം കയറുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; ആയതിന് അടിയന്തര പരിഹാരനടപടികൾ സ്വീകരിക്കുമോ; വ്യക്തമാക്കുമോ?

ഒല്ലൂർ നിയോജക മണ്ഡലത്തിൽ ശക്തമായ കാറ്റിനെ തുടർന്നുണ്ടായ നാശനഷ്ടങ്ങൾക്കുള്ള അടിയന്തര ധനസഹായം

35  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജക മണ്ഡലത്തിലെ പൂച്ചെട്ടി, നടത്തറ, കൊഴുക്കുള്ളി തുടങ്ങിയ പ്രദേശങ്ങളിൽ 30-09-2026-ന് ഉണ്ടായ ശക്തമായ കാറ്റിനെ തുടർന്ന് നിരവധി വീടുകൾക്കും വീടുകളോടനുബന്ധിച്ചുള്ള നിർമ്മിതികൾക്കും കൃഷിക്കും വൃക്ഷങ്ങൾക്കും വ്യാപകമായ നാശനഷ്ടം സംഭവിച്ചിട്ടുള്ളതായി ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത ദുരന്തത്തിൽ ഒല്ലൂർ നിയോജക മണ്ഡലത്തിൽ വീടുകൾ, വീടുകളോടനുബന്ധിച്ചുള്ള നിർമ്മിതികൾ, കൃഷി, വൃക്ഷങ്ങൾ തുടങ്ങിയവയ്ക്കുണ്ടായ നാശനഷ്ടങ്ങളുടെ വിശദമായ കണക്കെടുപ്പ് നടത്തിയിട്ടുണ്ടോ; നടത്തിയിട്ടുണ്ടെങ്കിൽ പ്രസ്തുത വിവരങ്ങളും ആകെ കണക്കാക്കിയ നഷ്ടത്തിന്റെ തുക എത്രയാണെന്നും വില്ലേജ് തിരിച്ച് ലഭ്യമാക്കാമോ;

(സി)  കേരളത്തിൽ ചുഴലിക്കാറ്റിനേക്കാൾ കുറഞ്ഞതും ജീവനും സ്വത്തിനും നാശനഷ്ടം ഉണ്ടാക്കുന്നതുമായ ശക്തമായ കാറ്റിനെ സംസ്ഥാന പ്രത്യേക ദുരന്ത (Strong Wind - State Specific Disaster) മായി അംഗീകരിച്ചിട്ടുണ്ടോ; എങ്കിൽ പ്രസ്തുത ദുരന്തബാധിതർക്ക് നിലവിലുള്ള മാനദണ്ഡപ്രകാരം എസ്.ഡി.ആര്‍.എഫ്.-ൽ നിന്ന് അനുവദിക്കാവുന്ന ധനസഹായം ലഭ്യമാക്കുന്നതിനുള്ള നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

(ഡി)  ഒല്ലൂർ നിയോജക മണ്ഡലത്തിൽ പ്രസ്തുത ദുരന്തവുമായി ബന്ധപ്പെട്ട് ഇതുവരെ എത്ര അപേക്ഷകൾ ലഭിച്ചിട്ടുണ്ടെന്നും അതിൽ എത്ര അപേക്ഷകളിൽ നാശനഷ്ടം കണക്കാക്കിയിട്ടുണ്ടെന്നും എത്ര പേർക്ക് ധനസഹായം അനുവദിച്ചിട്ടുണ്ടെന്നും വിതരണം ചെയ്ത തുക എത്രയെന്നും വ്യക്തമാക്കാമോ?

തിരുവനന്തപുരം വിമാനത്താവളത്തിലെ എന്‍ട്രിഫീസ്

36  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തിരുവനന്തപുരം വിമാനത്താവളത്തില്‍ യാത്രക്കാരെ ഇറക്കുന്നതിനും കൂട്ടികൊണ്ടുപോകുന്നതിനുമായി പ്രവേശിക്കുന്ന വാഹനങ്ങളില്‍ നിന്നും ഏറ്റവും കുറഞ്ഞത് 50 രൂപ വരെ ഈടാക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ആയത് സംബന്ധിച്ച് സര്‍ക്കാരിന്റെ ഭാഗത്ത് നിന്നും എന്തെങ്കിലും അനുമതി തിരുവനന്തപുരം വിമാനത്താവള അധികൃതര്‍ക്ക് നല്‍കിയിട്ടുണ്ടോ; വ്യക്തമാക്കാമോ;

(ബി)  കേരളത്തിലെ മറ്റ് വിമാനത്താവളങ്ങളില്‍ ഇത്തരത്തില്‍ എന്‍ട്രി ഫീ ഈടാക്കുന്നുണ്ടോ; എങ്കില്‍ അവ ഏതെല്ലാം എന്ന് വ്യക്തമാക്കാമോ;

(സി)  ഒരു യാത്രക്കാരന്‍ ഫ്ലൈറ്റ് ടിക്കറ്റ് എടുക്കുമ്പോള്‍ എയര്‍പോര്‍ട്ട് കണ്‍വീനിയന്‍സ് ചാര്‍ജ് ഉള്‍പ്പെടെയുള്ള തുക ഈടാക്കിയിട്ടും ഇത്തരം ആവശ്യങ്ങൾക്കായി എത്തുന്ന വാഹനങ്ങളില്‍ നിന്ന് പ്രത്യേക ചാര്‍ജ് ഈടാക്കുന്നതിനെതിരെ എന്ത് നടപടികള്‍ സ്വീകരിക്കും എന്ന് വ്യക്തമാക്കാമോ?

പശ്ചിമ കൊച്ചിയിലേക്കുള്ള മെട്രോ റെയിൽ ശൃംഖലയുടെ വികസനവും സമഗ്ര സാധ്യതാ പഠനവും

37  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഫോർട്ട് കൊച്ചി, മട്ടാഞ്ചേരി തുടങ്ങിയ പശ്ചിമ കൊച്ചി മേഖലകളിൽ നിലവിലുള്ള രൂക്ഷമായ ഗതാഗതക്കുരുക്കിന് ശാശ്വത പരിഹാരമായും പ്രദേശവാസികൾക്കും തീരദേശ ജനതയ്ക്കും സുഗമമായ യാത്രാസൗകര്യം ഉറപ്പാക്കുന്നതിനുമായി മെട്രോ റെയിൽ ശൃംഖല പശ്ചിമ കൊച്ചിയിലേക്ക് ദീർഘിപ്പിക്കുന്നതിന് സമഗ്രമായ സാധ്യതാ പഠനം നടത്താൻ തയ്യാറാകുമോ;

(ബി)  സംസ്ഥാനത്തെ പ്രധാന പൈതൃക-വിനോദസഞ്ചാര കേന്ദ്രമായ പശ്ചിമ കൊച്ചിയിൽ വർഷം മുഴുവനും അനുഭവപ്പെടുന്ന രൂക്ഷമായ യാത്രാക്ലേശത്തിന് പുറമേ ലോകപ്രശസ്തമായ കൊച്ചിൻ കാർണിവൽ, കൊച്ചി-മുസിരിസ് ബിനാലെ തുടങ്ങിയ മെഗാ ഇവന്റുകൾ നടക്കുന്ന സമയങ്ങളിൽ ഉണ്ടാകുന്ന വൻ ഗതാഗതക്കുരുക്കിന് ശാശ്വത പരിഹാരം കാണുന്നതിനും ഈ മേഖലയുടെ സമഗ്ര ടൂറിസം വികസന സാധ്യതകൾ പ്രയോജനപ്പെടുത്തുന്നതിനുമായി കൊച്ചി മെട്രോ റെയിൽ ശൃംഖലയെ തീരദേശ മേഖലയുമായി ബന്ധിപ്പിക്കേണ്ടതിന്റെ അനിവാര്യത ഗൗരവമായി പരിശോധിച്ച് കെ.എം.ആർ.എൽ. മുഖേന അടിയന്തര തുടർനടപടികൾ സ്വീകരിക്കുമോ; വ്യക്തമാക്കാമോ?

സമഗ്ര സമുദ്ര മേഖലാവ്യവസായശ‍ൃംഖല

38  ശ്രീ. സി. കെ. കാസിം
ശ്രീ. പി .എം. എ. സമീർ
ശ്രീ. എ. കെ. എം. അഷ്റഫ്
ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കപ്പല്‍ നിര്‍മ്മാണം, അറ്റകുറ്റപ്പണി, മറൈന്‍ എന്‍ജിനീയറിംഗ്, ലോജിസ്റ്റിക്സ്, മറ്റ് അനുബന്ധ വ്യവസായങ്ങള്‍ ഉള്‍പ്പെടുന്ന സമഗ്ര സമുദ്ര മേഖലാ വ്യവസായ ശൃംഖല വികസിപ്പിക്കുവാന്‍ സര്‍ക്കാര്‍ ആലോചിക്കുന്നുണ്ടോ;

(ബി)  ഇതിന്റെ ഭാഗമായി സംസ്ഥാനത്ത് കപ്പല്‍ നിര്‍മ്മാണശാല ആരംഭിക്കുന്നതിനുള്ള സന്നദ്ധത ആരെങ്കിലും അറിയിച്ചിട്ടുണ്ടോ;

(സി)  എത്ര കോടി രൂപയുടെ നിക്ഷേപമാണ് പ്രതീക്ഷിക്കുന്നത് ?

ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് മുഖേനെയുള്ള പരസ്യങ്ങൾ

39  ശ്രീ. കെ. എം. അഭിജിത്ത് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21 ,2021-26 സർക്കാരുകളുടെ കാലയളവിൽ ഇൻഫർമേഷൻ ആൻഡ് പബ്ലിക്ക് റിലേഷൻസ് വകുപ്പ് മുഖേനയുള്ള പരസ്യ ഇനത്തിൽ എത്ര രൂപ ചെലവഴിച്ചിട്ടുണ്ട്; വ്യക്തമാക്കാമോ;

(ബി)  ഇക്കാലയളവിൽ ഏതൊക്കെ മാധ്യമ സ്ഥാപനങ്ങൾക്കാണ് പരസ്യം നൽകിയത്; ഓരോ സ്ഥാപനത്തിനും നൽകിയ തുകയുടെ വിശദാംശം ലഭ്യമാക്കുമോ;

(സി)  പ്രസ്തുത കാലത്ത്‌ ഇൻഫർമേഷൻ ആൻഡ് പബ്ലിക്ക് റിലേഷൻസ് വകുപ്പിന്റെ പരസ്യ നിർമ്മാണം, വീഡിയോ ചിത്രീകരണം തുടങ്ങിയ പ്രവൃത്തികളുടെ കരാർ ഒരു പ്രത്യേക സ്ഥാപനത്തിന് മാത്രമാണ് നൽകിയത് എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ?

മുൻ മുഖ്യമന്ത്രിയുടെ സോഷ്യൽ മീഡിയ ജീവനക്കാർ

40  ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21 ,2021-26 കാലയളവിലെ മുഖ്യമന്ത്രിയുടെ സോഷ്യൽ മീഡിയ കൈകാര്യം ചെയ്യുന്നതിനായി എത്ര ജീവനക്കാരെ നിയോഗിച്ചിരുന്നു; വ്യക്തമാക്കാമോ;

(ബി)  പ്രസ്തുത കാലയളവിൽ വേതനം ഇനത്തിൽ ടി ജീവനക്കാർക്ക് എത്ര രൂപ നൽകിയിട്ടുണ്ട് എന്ന് വിശദമാക്കാമോ?

മുൻ മുഖ്യമന്ത്രിയുടെ സോഷ്യൽ മീഡിയ ജീവനക്കാർ

41  ശ്രീ. ഐ. സി. ബാലകൃഷ്ണന്‍
ശ്രീ. ആര്യാടന്‍ ഷൗക്കത്ത്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21 , 2021-26 സർക്കാരുകളുടെ കാലയളവിൽ മുഖ്യമന്ത്രിയുടെ സോഷ്യൽ മീഡിയ ടീമിന്റെ ഭാഗമായി ഏതൊക്കെ തസ്തികകളിൽ എത്ര ജീവനക്കാരെ വീതം നിയോഗിച്ചിരുന്നു; വിശദാംശം ലഭ്യമാക്കുമോ;

(ബി)  മേൽപ്പറഞ്ഞ ജീവനക്കാർ ഓരോരുത്തർക്കും നൽകിയ ശമ്പളത്തിന്റെയും മറ്റു ആനുകൂല്യങ്ങളുടെയും വിശദാംശങ്ങൾ ഇനം തിരിച്ച് വ്യക്തമാക്കുമോ; പ്രസ്തുത ഇനത്തിൽ ആകെ എത്ര തുക ചെലവഴിച്ചു എന്ന് വ്യക്തമാക്കുമോ;

(സി)  2016-21 , 2021-26 സർക്കാരുകളുടെ കാലയളവിൽ മുഖ്യമന്ത്രിയുടെ സോഷ്യൽ മീഡിയ സെൽ കൂടാതെ വെബ്സൈറ്റ് മാനേജ്മെന്റ് ഉൾപ്പെടെയുള്ള വിവിധ ഐ.ടി അധിഷ്ഠിത സേവനങ്ങൾക്കായി എത്ര ജീവനക്കാരെ നിയോഗിച്ചിട്ടുണ്ട്; ഇപ്രകാരം നിയോഗിക്കപ്പെട്ട ജീവനക്കാർക്ക് ശമ്പളവും മറ്റ് ആനുകൂല്യങ്ങൾക്കുമായി ആകെ അനുവദിച്ച തുകയുടെ വിശദാംശം ഇനം തിരിച്ചു വ്യക്തമാക്കുമോ?

പരസ്യത്തിനായി ചെലവഴിച്ച തുക

42  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-2021 വരെയും 2021-2026 വരെയുമുള്ള കാലയളവില്‍ സര്‍ക്കാരും സര്‍ക്കാരിന്റെ കീഴിലുള്ള വിവിധ സ്ഥാപനങ്ങളും ഏജന്‍സികളും പരസ്യങ്ങള്‍ക്കായി ആകെ എത്ര തുക ചെലവഴിച്ചിട്ടുണ്ടെന്ന് ഇനംതിരിച്ച് വ്യക്തമാക്കാമോ;

(ബി)  പ്രസ്തുത കാലയളവില്‍ പി.ആർ.ഡി. മുഖേന നല്‍കിയ പരസ്യങ്ങൾക്കായി ചെലവഴിച്ച തുകയുടെ വിശദാംശങ്ങൾ ലഭ്യമാക്കാമോ;

(സി)  പി.ആർ.ഡി.-ക്ക് പുറമെ ഏതൊക്കെ ഏജൻസികൾ മുഖേന പരസ്യങ്ങൾ നല്‍കിയിട്ടുണ്ട്; ഓരോന്നിന്റെയും വിശദാംശം ഇനം തിരിച്ചു വ്യക്തമാക്കാമോ; പ്രസ്തുത ഏജന്‍സികളെ തിരഞ്ഞെടുക്കുന്നതിനായി സ്വീകരിച്ചിട്ടുള്ള മാനദണ്ഡങ്ങള്‍ എന്തൊക്കെയാണെന്നും വ്യക്തമാക്കാമോ?

പ്രവാസി ക്ഷേമനിധിയിൽ അംഗത്വം നഷ്ടപ്പെട്ടവരുടെ അംഗത്വം

43  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രവാസി ക്ഷേമനിധിയിൽ തവണ മുടങ്ങിയതിനെ തുടർന്ന് അംഗത്വം നഷ്ടപ്പെട്ടവരുടെ അംഗത്വം പുനഃസ്ഥാപിക്കുന്നതിന് നടപടി സ്വീകരിക്കുമോ;

(ബി)  തവണ മുടങ്ങിയതിനെ തുടർന്ന് കഴിഞ്ഞ അഞ്ച് വർഷത്തിനിടെ എത്ര പ്രവാസികളുടെ അംഗത്വമാണ് നഷ്ടപ്പെട്ടിട്ടുള്ളത്; ക്ഷേമനിധി തവണയിൽ വരുത്തുന്ന വർദ്ധനവ് അംഗങ്ങളെ യഥാസമയം അറിയിക്കാറുണ്ടോ;

(സി)  ഇത്തരത്തിൽ അംഗത്വം നഷ്ടപ്പെട്ടവർക്ക് കുടിശ്ശികയും ബാധകമായ പിഴയും അടച്ച് അംഗത്വം പുനഃസ്ഥാപിക്കുന്നതിന് നിലവിൽ അവസരമുണ്ടോ; വിശദമാക്കാമോ;

(ഡി)  അംഗത്വം പുനഃസ്ഥാപിക്കാൻ കഴിയാതെ പെൻഷൻ ഉൾപ്പെടെയുള്ള ആനുകൂല്യങ്ങൾ നഷ്ടപ്പെടുന്നവർക്കായി പ്രത്യേക ഇളവ് അനുവദിച്ച് അംഗത്വം പുനഃസ്ഥാപിക്കുന്നതിന് നടപടി സ്വീകരിക്കുമോ?

കേരള പ്രവാസി ക്ഷേമനിധി പെൻഷൻ അംശാദായ തിരിച്ചടവ്

44  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള പ്രവാസി ക്ഷേമനിധി പെൻഷൻ അംശാദായം അടയ്ക്കുന്നതിൽ സാമ്പത്തിക ബുദ്ധിമുട്ട് മൂലമോ അസുഖങ്ങൾ മൂലമോ തൊഴിൽ നഷ്ടം മൂലമോ വീഴ്ച വരുത്തിയ പ്രവാസികൾക്ക് അത് അടയ്ക്കുന്നതിന് അവസരം നൽകുമോ ;

(ബി)  കേരള പ്രവാസി ക്ഷേമനിധി പെൻഷൻ അംശാദായം അടച്ചു തുടങ്ങി അഞ്ചുവർഷം പൂർത്തിയാക്കിയവർക്ക് സാമ്പത്തിക ബുദ്ധിമുട്ട് മൂലമോ അസുഖങ്ങൾ മൂലമോ തൊഴിൽ നഷ്ടം മൂലമോ അജ്ഞത മൂലമോ അടവിൽ വീഴ്ചയുണ്ടായിട്ടുണ്ടെങ്കിൽ കുടിശ്ശിക ഒറ്റത്തവണയായി അടച്ചു തീർത്ത് പ്രവാസി ക്ഷേമനിധി പെൻഷൻ ലഭ്യമാക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

പ്രവാസി ക്ഷേമത്തിനായി ആരംഭിച്ച പദ്ധതികൾ

45  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കോഴിക്കോട് അന്താരാഷ്ട്ര വിമാനത്താവളം വഴിയുള്ള വിമാനങ്ങളുടെ നിരക്ക് നിയന്ത്രിക്കുന്നതിനായി സർക്കാർ എന്തെങ്കിലും നടപടികൾ സ്വീകരിച്ചിട്ടുണ്ടോ എന്ന് വിശദമാക്കാമോ;

(ബി)  നോർക്ക കെയർ പ്ലസ് ഇൻഷുറൻസ് പദ്ധതിയിൽ ഇതുവരെ എത്ര ആൾക്കാർ അംഗത്വം എടുത്തിട്ടുണ്ടെന്ന് അറിയിക്കാമോ;

(സി)  നോർക്ക കെയർ പ്ലസ് ഇൻഷുറൻസ് പദ്ധതിയിലേക്ക് അപേക്ഷിക്കുന്നതിന് വീണ്ടും അവസരം നൽകുവാൻ സർക്കാർ നടപടി സ്വീകരിക്കുന്നുണ്ടോ എന്ന് വ്യക്തമാക്കാമോ?

പ്രവാസി ക്ഷേമം

46  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രവാസികള്‍ക്കായി നോര്‍ക്ക വകുപ്പ് മുഖേന ഏതൊക്കെ ക്ഷേമപദ്ധതികളാണ് ആവിഷ്കരിച്ച് നടപ്പിലാക്കി വരുന്നതെന്ന് വ്യക്തമാക്കാമോ;

(ബി)  തിരികെയെത്തുന്ന പ്രവാസികള്‍ക്കായി നടപ്പിലാക്കി വരുന്ന സാന്ത്വന പദ്ധതികളുടെ വിശദവിവരവും ഇതുവരെ എത്ര പേര്‍ക്ക് ഈ പദ്ധതിയുടെ ആനുകൂല്യം ലഭിച്ചിട്ടുണ്ടെന്നും എത്രെയെണ്ണം തീർപ്പാകാനുണ്ടെന്നും വ്യക്തമാക്കാമോ;

(സി)  നോര്‍ക്ക വകുപ്പ് സഹകരണ ബാങ്കുകളുമായി സഹകരിച്ച് പ്രവാസികള്‍ക്ക് ഏതെല്ലാം തരത്തിലുള്ള വായ്പാ പദ്ധതികള്‍ നടപ്പിലാക്കുന്നുണ്ടെന്ന് വ്യക്തമാക്കാമോ?

പ്രവാസി നിക്ഷേപം ആകര്‍ഷിക്കാന്‍ നടപടി

47  ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തിന്റെ അടിസ്ഥാന സൗകര്യ വികസന-മുന്‍ഗണനാ മേഖലകളില്‍ കൂടുതല്‍ പ്രവാസി നിക്ഷേപം ലഭ്യമാക്കാന്‍ സര്‍ക്കാര്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് അറിയിക്കാമോ;

(ബി)  പ്രവാസി പാര്‍ട്ണര്‍ഷിപ്പ് പദ്ധതിയുടെ ലക്ഷ്യങ്ങള്‍ എന്തൊക്കെയെന്നും പദ്ധതിയുടെ പുരോഗതിയും അറിയിക്കാമോ;

(സി)  പ്രവാസികളുടെ ബാങ്ക് നിക്ഷേപത്തെ സംസ്ഥാനത്തെ മൂലധന നിക്ഷേപമായി പരിവര്‍ത്തനം ചെയ്യുന്നത് ലക്ഷ്യമിട്ട് പദ്ധതിയില്‍ വിഭാവനം ചെയ്തിട്ടുള്ള ഘടകങ്ങള്‍ എന്തൊക്കെയാണ് എന്ന് വിശദമാക്കാമോ;

(ഡി)  ഓരോ പദ്ധതിക്കുമായി പ്രവാസി നിക്ഷേപകരെ പ്രത്യേകം സമീപിക്കുന്നതിന് പകരം പ്രവാസി നിക്ഷേപത്തിന് അനുയോജ്യവും അവര്‍ക്ക് വരുമാന ലഭ്യത ഉറപ്പുവരുത്തുന്നതുമായ പദ്ധതികള്‍ ആവിഷ്കരിച്ച് നടപ്പിലാക്കുന്നതിന് പ്രവാസി പാര്‍ട്ണര്‍ഷിപ്പ് പദ്ധതിയില്‍ ഊന്നല്‍ നല്‍കുമോ; വിശദമാക്കാമോ?

പ്രവാസി ആരോഗ്യ അപകട ഇൻഷുറൻസ്

48  ശ്രീ. സജീവ് ജോസഫ്
ശ്രീ. റോയി. കെ. പൗലോസ്
ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പ്രവാസി മലയാളികൾക്കുള്ള സമഗ്ര ആരോഗ്യ അപകട ഇൻഷുറൻസ് പദ്ധതിയായ നോർക്ക കെയർപ്ലസിന്റെ രണ്ടാംഘട്ട എൻറോൾമെന്റ് ആരംഭിച്ചിട്ടുണ്ടോ എന്ന് വ്യക്തമാക്കാമോ;

(ബി)  അഞ്ച് ലക്ഷം മുതൽ ഒരു കോടി രൂപ വരെ ഇൻഷുറൻസ് പരിരക്ഷ ലഭിക്കുന്ന പ്രസ്തുത പദ്ധതിയെക്കുറിച്ചുള്ള വിശദാംശം ലഭ്യമാക്കാമോ;

(സി)  സാധുവായ നോർക്ക പ്രവാസി ഐ.ഡി., സ്റ്റുഡന്റ് ഐ.ഡി., എൻ.ആർ.കെ. ഐ.ഡി. എന്നിവ ഉള്ള പ്രവാസി കേരളീയർക്ക് പ്രസ്തുത പദ്ധതിയിൽ എൻറോൾ ചെയ്യാൻ സാധിക്കുമോ എന്ന് വ്യക്തമാക്കാമോ?

നോർക്കയിലെ നിയമനങ്ങള്‍

49  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നോർക്കയിൽ ഡെപ്യൂട്ടേഷൻ വ്യവസ്ഥയിൽ പത്ത് വർഷത്തിലധികമായി തുടർച്ചയായി ജോലി ചെയ്യുന്നവർ ഉണ്ടോ; അവരുടെ പേര്, മാതൃ വകുപ്പ്, ഡെപ്യൂട്ടേഷൻ തുടങ്ങിയ തീയതി, ഇപ്പോൾ വഹിക്കുന്ന തസ്തിക എന്നിവയുടെ വിശദാംശം നൽകുമോ; മൂന്ന് വർഷമാണ് ഡെപ്യൂട്ടേഷൻ കാലാവധി എന്നിരിക്കെ പത്ത് വർഷം തുടരുന്നത് ചട്ടവിരുദ്ധമാണോ എന്ന് പരിശോധിക്കുമോ;

(ബി)  എംപ്ലോയ്മെന്റ് എക്സ്ചേഞ്ച് വഴി 179 ദിവസത്തേക്ക് നിയമിക്കപ്പെട്ടവർ കാലാവധി കഴിഞ്ഞിട്ടും വർഷങ്ങളായി നോർക്കയിൽ തുടരുന്നുണ്ടോ; അത്തരത്തിൽ എത്ര പേർ ഉണ്ട് എന്ന് വ്യക്തമാക്കുമോ; അവരുടെ ലിസ്റ്റ് ലഭ്യമാക്കാമോ;

(സി)  നോർക്കയിൽ ട്രെയിനി ആയി ചേർന്നവരെ ട്രെയിനിംഗ് കഴിഞ്ഞിട്ടും ജീവനക്കാരായി തുടരാൻ അനുവദിച്ചിട്ടുണ്ടോ; എത്ര പേർ ഇങ്ങനെ തുടരുന്നു എന്ന് വ്യക്തമാക്കാമോ;

(ഡി)  ജില്ലാ നോർക്ക സെല്ലുകളിൽ എംപ്ലോയ്മെന്റ് എക്സ്ചേഞ്ച് വഴി നിയമിക്കപ്പെട്ടവർ അനുവദനീയമായ കാലാവധിക്ക് ശേഷവും തുടരുന്നുണ്ടോ; ജില്ല തിരിച്ചുള്ള കണക്ക് നൽകുമോ;

(ഇ)  മേൽപ്പറഞ്ഞ തരത്തിൽ ചട്ടവിരുദ്ധമായി തുടരുന്നവർക്ക് ശമ്പളം നൽകുന്നതിന് ധനകാര്യ വകുപ്പിന്റെ അനുമതി ലഭ്യമായിട്ടുണ്ടോ ഗവേണിംഗ് ബോഡിയുടെയോ സർക്കാരിന്റെയോ അനുമതി ഇല്ലാതെയാണോ ഇവരെ തുടരാൻ അനുവദിക്കുന്നത് എന്ന് വിശദമാക്കുമോ?

നോർക്ക മുഖേന പുതിയ സംരംഭകർക്കായുള്ള ധനസഹായ പദ്ധതികൾ

50  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  തിരിച്ചെത്തിയ പ്രവാസികൾക്കും പുതിയ സംരംഭകർക്കുമായി നോർക്ക റൂട്ട്സ് (NORKA Roots) അല്ലെങ്കിൽ നിക്സ (NICKSA NORKA Institute of Foreign Languages/NORKA Department Initiatives) മുഖേന ഏതെങ്കിലും പുതിയ സംരംഭകത്വ പദ്ധതികൾ ആവിഷ്കരിച്ച് നടപ്പിലാക്കുന്നുണ്ടോ;

(ബി)  പ്രവാസി സംരംഭകർക്കായി നിലവിലുള്ള എന്‍. ഡി. പി. ആര്‍. ഇ. എം. (നോർക്ക ഡിപ്പാർട്ട്മെന്റ് പ്രൊജക്ട് ഫോർ റിട്ടേൺഡ് എമിഗ്രന്റ്സ്) പോലെയുള്ള വായ്പാ-സബ്സിഡി പദ്ധതികളിലേക്ക് പുത്തൻ സംരംഭകരെ ആകർഷിക്കുന്നതിനായി എന്തെല്ലാം മാറ്റങ്ങളാണ് വരുത്തിയിട്ടുള്ളതെന്ന് വ്യക്തമാക്കാമോ;

(സി)  പുതിയ സംരംഭങ്ങൾ ആരംഭിക്കുന്നതിനായി പ്രവാസികൾക്കും തുടക്കക്കാർക്കും സാങ്കേതിക സഹായം, ബിസിനസ് ഗൈഡൻസ്, മൂലധന സബ്സിഡി എന്നിവ ലഭ്യമാക്കാൻ എന്തെല്ലാം സംവിധാനങ്ങളാണ് ഏർപ്പെടുത്തിയിട്ടുള്ളത്;

(ഡി)  കുന്ദമംഗലം മണ്ഡലം ഉൾപ്പെടെയുള്ള പ്രദേശങ്ങളിലെ മുൻ പ്രവാസികൾക്കും പുതിയ സംരംഭകർക്കും ഈ പദ്ധതികളുടെ പ്രയോജനം ലഭ്യമാക്കുന്നതിനായി പ്രത്യേക ബോധവത്ക്കരണ ക്യാമ്പുകളോ സംരംഭക സഹായ സെല്ലുകളോ സംഘടിപ്പിക്കാൻ നടപടി സ്വീകരിക്കുമോയെന്ന് വിശദമാക്കാമോ?

കൊണ്ടോട്ടി മണ്ഡലത്തിൽ പുതിയ കോടതി

51  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിൽ കോടതികളൊന്നും ഇല്ലാത്ത കൊണ്ടോട്ടി മണ്ഡലത്തില്‍ ഒരു കോടതി സ്ഥാപിക്കുന്ന കാര്യം പരിഗണനയിലുണ്ടോ; ഉണ്ടെങ്കില്‍ പ്രസ്തുത വിഷയത്തില്‍ ഇത് വരെ സ്വീകരിച്ച നടപടികള്‍ വ്യക്തമാക്കാമോ;

(ബി)  ഉണ്ടെങ്കില്‍ കൊണ്ടോട്ടിയില്‍ കോടതി ആരംഭിക്കുന്ന വിഷയത്തില്‍ ഇത് വരെ സ്വീകരിച്ച നടപടികള്‍ വ്യക്തമാക്കാമോ

(സി)  കോഴിക്കോട് അന്താരാഷ്ട്ര വിമാനത്താവളത്തിന്റെ പ്രവര്‍ത്തനങ്ങളുമായി ബന്ധപ്പെട്ട പ്രദേശമായതും മലപ്പുറം ജില്ലാ അതിര്‍ത്തിയോട് ചേര്‍ന്നുള്ള പ്രദേശമായതും പരിഗണിച്ച്, കൊണ്ടോട്ടിയില്‍ ജുഡീഷ്യല്‍ മജിസ്ട്രേറ്റ് കോടതി സ്ഥാപിക്കുന്നതിന് അടിയന്തര പരിഗണന നല്‍കുന്നതിന് നടപടി സ്വീകരിക്കുമോ?

ചാവക്കാട് നഗരസഭ ടൗണ്‍ ഹാള്‍ നിര്‍മ്മാണം

52  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവകേരള സദസ്സിലെ പദ്ധതി പ്രകാരം ഗുരുവായൂര്‍ നിയോജക മണ്ഡലത്തില്‍ അനുമതി നല്‍കിയ ചാവക്കാട് നഗരസഭ മുനിസിപ്പല്‍ ടൗണ്‍ ഹാള്‍ നിര്‍മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കുമോ?

എംപ്ലോയ്‌മെന്റ് എക്സ്ചേഞ്ച് വഴി ജോലി ചെയ്ത ഭിന്നശേഷിക്കാരായ ഉദ്യോഗാർത്ഥികളെ സ്ഥിരപ്പെടുത്തുന്നത്.

53  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2004 മുതൽ വിവിധ വർഷങ്ങളിൽ എംപ്ലോയ്‌മെന്റ് എക്സ്ചേഞ്ചുകൾ മുഖേന താത്കാലികമായി ജോലി ചെയ്തു പിരിച്ചു വിടപ്പെട്ട ഭിന്നശേഷിക്കാരായ ഉദ്യോഗാർത്ഥികൾക്ക് പുനർനിയമനം നൽകി സ്ഥിരപ്പെടുത്തുന്നത് സംബന്ധിച്ച് സർക്കാരിന്റെ നിലപാട് വ്യക്തമാക്കാമോ;

(ബി)  2004 ജനുവരി മുതൽ നാളിതുവരെ എംപ്ലോയ്‌മെന്റ് എക്സ്ചേഞ്ചുകൾ മുഖേന താൽക്കാലിക ജീവനക്കാരായി 179 ദിവസം വരെ ജോലി ചെയ്തു പിരിച്ചു വിടപ്പെട്ട ഭിന്നശേഷി ഉദ്യോഗാർത്ഥികൾക്ക് വിവിധ സർക്കാർ വകുപ്പുകളിൽ പുനർനിയമനം നൽകി സ്ഥിരപ്പെടുത്താൻ കഴിഞ്ഞില്ലെങ്കിൽ വിവിധ സർക്കാർ ബോർഡുകളിലോ, സർവ്വകലാശാലകളിലോ,സഹകരണ, എയ്ഡഡ് സ്ഥാപനങ്ങളിലോ നിയമനം നൽകി സ്ഥിരപ്പെടുത്തുന്നത് സർക്കാരിന്റെ പരിഗണയിലുണ്ടോയെന്ന് വിശദമാക്കാമോ?

നവകേരള സദസ് നാട്ടിക മണ്ഡലത്തില്‍ അനുവദിച്ച പ്രവര്‍ത്തികള്‍

54  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ സര്‍ക്കാരിന്റെ കാലയളവില്‍ നവകേരള സദസ് പദ്ധതിയില്‍ ഉള്‍പ്പെടുത്തി നാട്ടിക മണ്ഡലത്തില്‍ ഏതെല്ലാം പ്രവൃത്തികളാണ് അനുവദിച്ചിട്ടുള്ളതെന്ന് വ്യക്തമാക്കുമോ;

(ബി)  ഓരോ പ്രവൃത്തിക്കും അനുവദിച്ച തുക എത്രയെന്നും, അവയുടെ നിലവിലെ സ്ഥിതി എന്താണെന്നും വ്യക്തമാക്കുമോ;ഉത്തരവുകളുടെ പകര്‍പ്പ് ലഭ്യമാക്കുമോ?

മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതി - തിരുവല്ല മണ്ഡലത്തിലെ പൂർത്തിയാകാത്ത പ്രവർത്തികള്‍

55  ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിലുള്‍പ്പെട്ടതില്‍ തിരുവല്ല മണ്ഡലത്തിലെ പൂർത്തിയാകാത്ത പ്രവൃർത്തികള്‍ ഏതൊക്കെയെന്ന് അറിയിക്കാമോ;

(ബി)  പൂർത്തീകരണത്തിന് തടസ്സമായ കാരണം വിശദമാക്കാമോ?

വയോജന സൗഹൃദ സര്‍ക്കാര്‍ ഓഫീസുകള്‍‌

56  ശ്രീ. വർഗ്ഗീസ് മാമ്മൻ
ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സർക്കാർ ഓഫീസുകൾ വയോജന സൗഹൃദമാക്കാൻ സർക്കാർ സ്വീകരിച്ചുവരുന്ന നടപടികൾ അറിയിക്കാമോ;

(ബി)  മുതിര്‍ന്ന പൗരന്മാര്‍ക്കായി ഏര്‍പ്പെടുത്തിയിട്ടുള്ള ഭൗതിക സൗകര്യങ്ങളുടെയും ലഭ്യമായ സേവനങ്ങളുടെയും അടിസ്ഥാനത്തില്‍ സര്‍ക്കാര്‍ ഓഫീസുകള്‍ക്ക് ഗ്രേഡിംഗ് ഏര്‍പ്പെടുത്താന്‍ പദ്ധതിയുണ്ടോ; വിശദമാക്കാമോ;

(സി)  രാജ്യത്തെ ഏതൊക്കെ സംസ്ഥാനങ്ങളില്‍ പ്രസ്തുത സര്‍ട്ടിഫിക്കേഷന്‍/ഗ്രേഡിംഗ് ഏര്‍പ്പെടുത്തിയിട്ടുണ്ടെന്ന വിവരം ലഭ്യമാണോ; എങ്കിൽ അറിയിക്കാമോ; സർട്ടിഫിക്കേഷന് അടിസ്ഥാനമാക്കുന്ന മാനദണ്ഡങ്ങൾ എന്തൊക്കെയാണെന്നും ഏതൊക്കെ ഓഫീസുകളെയാണ് ആദ്യഘട്ടത്തിൽ ഇതിനായി പരിഗണിക്കുകയെന്നും വ്യക്തമാക്കാമോ;

(ഡി)  സര്‍ക്കാര്‍ സേവനങ്ങളും ക്ഷേമപദ്ധതികളും മുതിര്‍ന്ന പൗരന്മാരിലെത്തിക്കാന്‍ ലക്ഷ്യമിട്ട് തദ്ദേശസ്വയംഭരണ സ്ഥാപനങ്ങളില്‍ എല്‍ഡര്‍ ഫെസിലിറ്റേഷന്‍ ഡെസ്കുകള്‍ ആരംഭിക്കാന്‍ ഉദ്ദേശിക്കുന്നുണ്ടോ; എങ്കിൽ പ്രസ്തുത കേന്ദ്രങ്ങളിലൂടെ ലഭ്യമാക്കാന്‍ ഉദ്ദേശിക്കുന്ന സേവനങ്ങള്‍ എന്തൊക്കെയെന്ന് അറിയിക്കാമോ?

മുതിർന്ന പൗരന്മാരുടെ പരിചരണം

57  ശ്രീ. അൻവർ സാദത്ത്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട്
ശ്രീ. നാട്ടകം സുരേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)   മുതിർന്ന പൗരന്മാരുടെ ക്ഷേമത്തിനും പരിചരണത്തിനുമായി എന്തെല്ലാം സംവിധാനങ്ങളാണ് യാഥാർത്ഥ്യമാക്കുവാൻ ഉദ്ദേശിക്കുന്നതെന്ന് വ്യക്തമാക്കുമോ;

(ബി)  വീടുകളിൽ ഒറ്റപ്പെട്ടുപോകുന്ന മുതിർന്നവരുടെ ക്ഷേമ വിവരങ്ങൾ അന്വേഷിക്കാനും ഭക്ഷണം, മരുന്ന് തുടങ്ങിയവ ഉറപ്പാക്കാനും ഉള്ള വിപുലമായ പരിചരണ സംവിധാനം നടപ്പാക്കുമോ; വിശദമാക്കുമോ;

(സി)  രാജ്യത്തെ ഏറ്റവും മികച്ച വയോജന സൗഹൃദ സമൂഹമാക്കി സംസ്ഥാനത്തെ മാറ്റുവാൻ സ്വീകരിക്കുന്ന നടപടികൾ എന്തൊക്കെയാണെന്ന് അറിയിക്കുമോ?

മുതിർന്ന പൗരന്മാർക്കായി പ്രത്യേക സേവനങ്ങളും പദ്ധതികളും

58  ശ്രീ. സേനാപതി വേണു
ശ്രീ. വി. ടി. സൂരജ്
ശ്രീ. റോണി. കെ. ബേബി
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് മുതിർന്ന പൗരന്മാർക്കായി പ്രത്യേക വകുപ്പ് രൂപീകരിച്ച സാഹചര്യത്തിൽ, എന്തൊക്കെ പ്രത്യേക സേവനങ്ങളും പദ്ധതികളുമാണ് ആവിഷ്കരിക്കാൻ ഉദ്ദേശിക്കുന്നത്; വിശദാംശം വ്യക്തമാക്കുമോ;

(ബി)  പ്രത്യേക പരിചരണം ആവശ്യമുള്ളവരും ഒറ്റയ്ക്ക് കഴിയുന്നവരുമായ മുതിർന്നവരെ ഉൾപ്പെടുത്തി എൽഡർ വൾനറബിലിറ്റി രജിസ്റ്റർ തയ്യാറാക്കുവാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ;

(സി)  മുതിർന്ന പൗരന്മാർക്ക് ആരോഗ്യസേവനങ്ങൾ സമയബന്ധിതമായി ലഭ്യമാക്കുന്നതിന് എന്തൊക്കെ പദ്ധതികളാണ് ആവിഷ്കരിക്കാൻ ഉദ്ദേശിക്കുന്നത്; വ്യക്തമാക്കുമോ;

(ഡി)  സിൽവർ എക്കണോമിയുടെ ഭാഗമായി എന്തൊക്കെ പദ്ധതികൾ ആവിഷ്കരിക്കുമെന്ന് വ്യക്തമാക്കുമോ?

ഹെലികോപ്ടര്‍ യാത്ര

59  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സര്‍ക്കാര്‍ വാടകയ്ക്കെടുത്ത ഹെലികോപ്ടറില്‍ 31.07.2026-ന് മുഖ്യമന്ത്രി തിരുവനന്തപുരത്ത് നിന്ന് കൊച്ചിയിലേക്ക് യാത്ര നടത്തിയിരുന്നോ; വ്യക്തമാക്കാമോ;

(ബി)  യാത്ര ഔദ്യോഗികമായിരുന്നോ; എങ്കില്‍ അത് സംബന്ധിച്ച വിശദാംശം ലഭ്യമാക്കാമോ?

തൊടുപുഴ നിയോജക മണ്ഡലത്തിൽ ഇടുക്കി പാക്കേജ്പ്രവൃത്തികൾ

60  ശ്രീ. അപു ജോൺ ജോസഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ചു വർഷത്തിനിടെ ഇടുക്കി പാക്കേജിൽ ഉൾപ്പെടുത്തി എത്ര തുകയുടെ പ്രവൃത്തികൾക്ക് ഭരണാനുമതി നൽകിയിട്ടുണ്ട്; ഏതൊക്കെ പ്രവൃത്തികൾക്കാണ് ഭരണാനുമതി നൽകിയിട്ടുള്ളത്; എത്ര എണ്ണം പൂർത്തീകരിച്ചു; വിശദാംശം ലഭ്യമാക്കാമോ;

(ബി)  തൊടുപുഴ നിയോജക മണ്ഡലത്തിൽ എത്ര തുകയുടെ പ്രവൃത്തികൾക്ക് ഭരണാനുമതി നൽകിയിട്ടുണ്ട്;ഏതൊക്കെയാണ്;നിലവിലെ സ്ഥിതി വ്യക്തമാക്കാമോ?

കെ-റെയിൽ

61  ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻസർക്കാരിന്റെ കാലത്ത്‌ കെ-റെയിലുമായി ബന്ധപ്പെട്ട് നടത്തിയിരുന്ന പ്രവർത്തനങ്ങൾ എന്തെല്ലാമാണ്; വിശദമാക്കാമോ;

(ബി)  പ്രസ്തുത പ്രവർത്തനങ്ങൾക്ക് വേണ്ടി ചെലവഴിച്ച ആകെ തുക എത്രയാണെന്ന് വിശദമാക്കാമോ;

(സി)  കെ-റെയിലുമായി ബന്ധപ്പെട്ട് എടുത്ത കേസുകളിൽ ക്രിമിനൽ കേസുകൾ ഒഴികെയുള്ള കേസുകൾ പിൻവലിക്കാൻ ആഭ്യന്തര വകുപ്പുമായി ചേർന്ന് നടപടി സ്വീകരിക്കുമോ?

ഗുരുവായൂര്‍ തിരുവെങ്കിടം അടിപ്പാത നിര്‍മ്മാണം

62  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഗുരുവായൂര്‍ നിയോജകമണ്ഡലത്തിലെ ഗുരുവായൂര്‍ തിരുവെങ്കിടം അടിപ്പാത നിര്‍മ്മാണവുമായി ബന്ധപ്പെട്ട് റെയില്‍വേ ഇതുവരെ സ്വീകരിച്ച നടപടികള്‍ വിശദമാക്കാമോ;

(ബി)  ഗുരുവായൂര്‍ തിരുവെങ്കിടം അടിപ്പാത നിര്‍മ്മാണത്തിനായി റെയില്‍വെ ടെണ്ടര്‍ ക്ഷണിച്ചിട്ടുണ്ടോ; വിശദമാക്കാമോ?

മുൻ സർക്കാറിന്റെ കാലത്തെ വിവിധ കുടിശ്ശികകൾ

63  ശ്രീ. എം. വിന്‍സെന്റ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാർ അധികാരമൊഴിഞ്ഞപ്പോൾ കെ.എം.എസ്.സി.എൽ, സപ്പ്ലൈകോ തുടങ്ങിയ സ്ഥാപനങ്ങൾക്ക് നല്കാനുണ്ടായിരുന്ന കുടിശ്ശിക തുകയുടെ വിശദാംശങ്ങൾ ലഭ്യമാക്കാമോ;

(ബി)  തൊഴിലാളി ക്ഷേമ ബോർഡുകൾ വഴിയുള്ള സഹായങ്ങൾ, സ്കൂൾ പാചകത്തൊഴിലാളികൾ, പ്രീ-പ്രൈമറി അദ്ധ്യാപകർ തുടങ്ങിയ വിവിധ മേഖലകളിലെ ധനസഹായം സംബന്ധിച്ച കുടിശ്ശികയുടെ വിശദാംശങ്ങളും ലഭ്യമാക്കാമോ;

(സി)  വിദ്യാർത്ഥികൾക്കുള്ള വിവിധ സ്കോളർഷിപ്പുകൾ,വിവിധ രോഗം ബാധിച്ചവർക്കുള്ള ധനസഹായങ്ങൾ എന്നിവയിൽ നല്കാനുണ്ടായിരുന്ന കുടിശ്ശിക തുകയുടെ വിവരങ്ങളും ലഭ്യമാക്കാമോ?

പങ്കാളിത്ത പെന്‍ഷന്‍ പദ്ധതിയും സ്റ്റാറ്റ്യൂട്ടറി പെൻഷനും

64  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സര്‍‍ക്കാര്‍ ജീവനക്കാര്‍ക്കും അധ്യാപകര്‍ക്കുമായി സ്റ്റാറ്റ്യൂട്ടറി പെന്‍ഷന്‍ നിര്‍ത്തലാക്കി പങ്കാളിത്ത പെന്‍ഷന്‍ പദ്ധതി ഏര്‍പ്പെടുത്തിയത് ഏത് സര്‍ക്കാരിന്റെ കാലത്താണ്;

(ബി)  പ്രസ്തുത പദ്ധതി നടപ്പാക്കിയതിനെതിരെ അധ്യാപക-സര്‍വ്വീസ് സംഘടനകള്‍ സമരം നടത്തിയിരുന്നോ; എങ്കില്‍ ഏതൊക്കെ സംഘടനകളാണ് സമരത്തിന് നോട്ടീസ് നല്‍കിയത്;സമരം എത്ര നാള്‍ നീണ്ടുനിന്നിരുന്നു;

(സി)  പങ്കാളിത്ത പെന്‍ഷന് പകരമായി നിശ്ചിത പെന്‍ഷന്‍ ലഭിക്കുന്നുവെന്ന് ഉറപ്പുവരുത്തുന്നതിന് അഷ്വേര്‍ഡ് പെന്‍ഷന്‍ പദ്ധതി നടപ്പിലാക്കാന്‍ മുന്‍ സര്‍ക്കാര്‍ തീരുമാനിച്ചിരുന്നോ; പ്രസ്തുത പദ്ധതി നടപ്പാക്കുന്നത് ഏത് ഘട്ടത്തിലാണ്, ഇക്കാര്യത്തിലുള്ള നിലപാട് വ്യക്തമാക്കാമോ;

(ഡി)  സംസ്ഥാന സര്‍വ്വീസില്‍ പങ്കാളിത്ത പെന്‍ഷന്‍ പദ്ധതിയില്‍ ഉള്‍പ്പെടാത്ത സ്റ്റാറ്റ്യൂട്ടറി പെന്‍ഷന്‍ ലഭിക്കുന്നതിന് അർഹതയുള്ള എത്ര ജീവനക്കാര്‍ നിലവിലുണ്ട്?

നൂറ് ദിന കർമ്മപരിപാടിയിലെ പ്രവൃത്തികൾ

65  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലുള്ള സര്‍ക്കാര്‍ അധികാരത്തില്‍ വന്ന് 100 ദിവസത്തിനകം പുതിയ ഭരണാനുമതി നല്‍കി ആരംഭിച്ച പ്രവൃത്തികള്‍ എത്രയാണ്; പൂര്‍ത്തീകരിച്ച പ്രവൃത്തികള്‍ എത്രയാണ്; ഏതെല്ലാം എന്ന് വ്യക്തമാക്കാമോ;

(ബി)  നിലവില്‍ പുരോഗതിയിലായിരുന്ന എത്ര പ്രവൃത്തികള്‍ പ്രസ്തുത കാലയളവില്‍ പൂര്‍ത്തീകരിച്ച് ഉദ്ഘാടനം ചെയ്തിട്ടുണ്ടെന്ന് വിശദമാക്കാമോ?

പുതുക്കാട് മണ്ഡലത്തിലെ നവകേരള സദസ്സ്പദ്ധതികള്‍

66  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് നവകേരള സദസ്സിന്റെ ഭാഗമായി അനുവദിച്ച പദ്ധതികളില്‍, അനുവദിച്ച തുകയേക്കാള്‍ കൂടുതലായി ടെണ്ടർ തുക വന്നവയുടെ ടെണ്ടറുകള്‍ക്ക് അംഗീകാരം നല്‍കിയിട്ടില്ല എന്നത് സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)  പുതുക്കാട് മണ്ഡലത്തില്‍ ഇതിന്റെ ഭാഗമായി അനുവദിച്ച " ഓവുങ്ങല്‍-കൊരേച്ചാല്‍-ചെമ്പൂച്ചിറ- നൂലുവള്ളി റോഡ് ബി.എം.ബി.സി " നവീകരണ പ്രവൃത്തിയുടെ ടെണ്ടർ പ്രകാരം അധികമായി ആവശ്യമുള്ള തുകയായ 17 ലക്ഷം രൂപ അനുവദിയ്ക്കുന്നതിനും, ടെണ്ടർ അംഗീകാരം നൽകുന്നതിനും ആവശ്യമായ നടപടികള്‍ സ്വീകരിക്കുമോ?

കിഫ്ബി ഫണ്ടുപയോഗിച്ച് കല്ലൂരിക്കടവ് പാലത്തിന്റെ പ്രവൃത്തി

67  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി ഫണ്ടുപയോഗിച്ച് നടപ്പിലാക്കുന്ന പാപ്പിനിശ്ശേരി-നാറാത്ത് പഞ്ചായത്തുകളെ ബന്ധിപ്പിക്കുന്ന കല്ലൂരിക്കടവ് പാലത്തിന്റെ പ്രവൃത്തിയുടെ വിശദാംശം ലഭ്യമാക്കാമോ;

(ബി)  ആയതിനായി ഭൂമി ഏറ്റെടുക്കുന്നതിന്റെ നടപടി ആരംഭിച്ചിട്ടുണ്ടോ;

(സി)  പ്രസ്തുത പ്രവൃത്തിയുടെ വേഗം വര്‍ധിപ്പിക്കുന്നതിനുള്ള നടപടികള്‍ സ്വീകരിക്കാമോ?

നാട്ടിക നിയോജക മണ്ഡലത്തിലെ കിഫ്ബി പദ്ധതികള്‍

68  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നാട്ടിക നിയോജക മണ്ഡലത്തില്‍ കിഫ്ബി മുഖാന്തരം നടപ്പിലാക്കുന്ന പദ്ധതികള്‍ ഏതെല്ലാം എന്ന് വ്യക്തമാക്കുമോ; വിശദവിവരം നല്‍കുമോ;

(ബി)  ഓരോ പ്രവൃത്തിക്കും അനുവദിച്ച തുക, അവയുടെ നിലവിലെ സ്ഥിതി എന്നിവ വ്യക്തമാക്കുമോ; ഇതു സംബന്ധിച്ച ഉത്തരവുകളുടെ പകര്‍പ്പ് ലഭ്യമാക്കാമോ?

കിഫ്ബിയുടെ പ്രവര്‍ത്തനം

69  ശ്രീ. എം. എ. റസാഖ് മാസ്റ്റർ
ശ്രീ. എ. കെ. എം. അഷ്റഫ്
ശ്രീ. നജീബ് കാന്തപുരം
ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബിയുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ; എങ്കില്‍ കിഫ്ബിയുടെ പ്രവര്‍ത്തനത്തില്‍ എന്തെങ്കിലും മാറ്റം വരുത്താന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

(ബി)  ഇതിനായി പ്രത്യേക സമിതിയെ നിയോഗിച്ചിട്ടുണ്ടോ; വിശദാംശം നല്‍കാമോ;

(സി)  കിഫ്ബിയുടെ കടബാധ്യത കണക്കാക്കിയിട്ടുണ്ടോ; വിശദമാക്കാമോ?

ഒറ്റപ്പാലം എം.എല്‍.എ.യുടെ പ്രത്യേക വികസന ഫണ്ടിൽ നിന്നും കമ്പ്യൂട്ടറുകള്‍ വാങ്ങൽ .

70  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2025-26 വര്‍ഷത്തെ ഒറ്റപ്പാലം നിയോജക മണ്ഡലം എം.എല്‍.എ.യുടെ പ്രത്യേക വികസന ഫണ്ടിൽ നിന്നും കമ്പ്യൂട്ടറുകള്‍ വാങ്ങി നല്‍കുന്നതുമായി ബന്ധപ്പെട്ട 11203957/2026/Finance എന്ന ഫയലിന്റെ നിലവിലെ സ്ഥിതി, ഫയലിന്‍മേല്‍ കൈക്കൊണ്ട തീരുമാനം എന്നിവ സംബന്ധിച്ച വിശദവിവരങ്ങള്‍ ലഭ്യമാക്കാമോ?

നവകേരള സദസ്സുമായി ബന്ധപ്പെട്ട് അമ്പൂരി ടൂറിസം ഡെസ്റ്റിനേഷൻ ഡെവലപ്‌മെന്റ് പദ്ധതി

71  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവകേരള സദസ്സുമായി ബന്ധപ്പെട്ട് മുൻ സർക്കാർ പാറശാല നിയോജകമണ്ഡലത്തിലെ അമ്പൂരിയിൽ ₹7 കോടി രൂപ അനുവദിച്ച അമ്പൂരി ടൂറിസം ഡെസ്റ്റിനേഷൻ ഡെവലപ്‌മെന്റ് പദ്ധതിയുടെ നിലവിലെ സ്ഥിതിയും പ്രസ്തുത പദ്ധതിയിൽ ഉൾപ്പെടുത്തിയിട്ടുള്ള പ്രവൃത്തികളുടെ വിശദാംശങ്ങളും വ്യക്തമാക്കാമോ;

(ബി)  ഭരണാനുമതി ലഭിച്ചിട്ടും നാളിതുവരെ പദ്ധതി ആരംഭിക്കാത്തതിന്റെ കാരണം എന്താണെന്നും പദ്ധതി നടപ്പാക്കുന്നതിന് നിലവിൽ എന്തെങ്കിലും സാങ്കേതികമോ ഭരണപരമോ ആയ തടസ്സങ്ങൾ നിലനിൽക്കുന്നുണ്ടോയെന്നും വ്യക്തമാക്കാമോ;

(സി)  പദ്ധതി നടപ്പാക്കുന്നതിനായി നാളിതുവരെ സ്വീകരിച്ച നടപടികൾ എന്തൊക്കെയാണ്; ടെൻഡർ നടപടികൾ ഉൾപ്പെടെയുള്ള നടപടികൾ പൂർത്തീകരിച്ചിട്ടുണ്ടോ; ഇല്ലെങ്കിൽ അവ പൂർത്തീകരിക്കുന്നതിന് സ്വീകരിച്ചുവരുന്ന നടപടികൾ എന്തൊക്കെയാണെന്ന് അറിയിക്കാമോ;

(ഡി)  പ്രസ്തുത പദ്ധതി അടിയന്തരമായി ആരംഭിച്ച് സമയബന്ധിതമായി പൂർത്തീകരിക്കുന്നതിന് സർക്കാർ നടപടി സ്വീകരിക്കുമോ; പദ്ധതി ആരംഭിക്കുന്നതിനും പൂർത്തീകരിക്കുന്നതിനും നിശ്ചയിച്ചിട്ടുള്ള സമയപരിധി വ്യക്തമാക്കാമോ?

ധനകാര്യ വകുപ്പിൽ നിന്നുള്ള ഭരണാനുമതി

72  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2023-24 ബജറ്റില്‍ 20% തുക വകയിരുത്തിയ സർക്കാർ ഉത്തരവ് (ആര്‍. ടി.)നം.657/2026- പ്രകാരം ധനകാര്യ വകുപ്പ് അനുമതി ലഭ്യമാക്കിയ പ്രവൃത്തികളുടെ വിശദവിവരം ലഭ്യമാക്കാമോ;

(ബി)  പ്രസ്തുത ഉത്തരവിലുള്ള പ്രവൃത്തികളുടെ ഭരണാനുമതിക്കായി പൊതുമരാമത്ത് വകുപ്പ് എസ്റ്റിമേറ്റ് നല്കിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(സി)  പ്രസ്തുത പ്രവൃത്തികള്‍ക്ക് ഭരണാനുമതി ലഭിക്കുവാൻ കാലതാമസം നേരിടുന്നതിന്റെ കാരണം വ്യക്തമാക്കാമോ;

(ഡി)  പ്രസ്തുത പ്രവൃത്തികള്‍ക്ക് ഭരണാനുമതി ലഭ്യമാക്കുവാന്‍ ആവശ്യമായ നടപടികള്‍ സ്വീകരിക്കുമോ?

സ്ത്രീ സുരക്ഷാ പദ്ധതി

73  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2025 നവംബറില്‍ ധനകാര്യ വകുപ്പ് ഉത്തരവിറക്കി നടപ്പാക്കിയ സ്ത്രീ സുരക്ഷാ പദ്ധതി എന്താണെന്ന് വിശദമാക്കാമോ;

(ബി)  പ്രസ്തുത പദ്ധതിയിലേയ്ക്ക് ലഭിച്ച അപേക്ഷകള്‍ പരിഗണിച്ച്, അവ മാനദണ്ഡങ്ങള്‍ പാലിക്കുന്നുണ്ടോ എന്ന് ഉറപ്പ് വരുത്തി, ഗുണഭോക്തൃ പട്ടിക പൂര്‍ത്തിയാക്കിയത് എങ്ങനെയാണെന്ന് വിശദീകരിക്കാമോ;

(സി)  പ്രസ്തുത പദ്ധതിയിലൂടെ ഓരോ മാസവും എത്ര വീതം ഗുണഭോക്താക്കള്‍ക്കായി ആകെ എത്ര തുകയാണ് വിതരണം ചെയ്തതെന്ന് പട്ടിക തിരിച്ച് വിവരം ലഭ്യമാക്കാമോ;

(ഡി)  പ്രസ്തുത പദ്ധതിയ്ക്കായി മുന്‍ സര്‍ക്കാരിന്റെ അവസാന ബജറ്റിലും നിലവിലെ ബജറ്റിലും എത്ര വീതം തുകയാണ് വകയിരുത്തിയത്;

(ഇ)  സാമ്പത്തികമായി പിന്നാക്കമുള്ള സ്ത്രീകളില്‍ നിന്ന് അപേക്ഷ സ്വീകരിച്ച് അപേക്ഷകരുടെ യോഗ്യത തദ്ദേശസ്വയംഭരണ വകുപ്പ് മുഖേന സ്ഥിരീകരിച്ച് 1000 രൂപ പ്രതിമാസ ധനസഹായം നല്‍കുന്ന സ്ത്രീ സുരക്ഷാ പദ്ധതി തുടരുമോ; ഇല്ലെങ്കില്‍ കാരണം വിശദമാക്കാമോ?

സംസ്ഥാനത്തെ സാമ്പത്തിക സ്ഥിതി

74  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലെ സർക്കാർ അധികാരം ഏൽക്കുമ്പോൾ സംസ്ഥാനത്തിന്റെ ആകെ പൊതുകടം എത്രയാണ്; ഇനം തിരിച്ചുള്ള കണക്ക് ലഭ്യമാക്കുമോ;

(ബി)  ഈ സമയത്ത് വിവിധ വായ്പകളിലും ബോണ്ടുകളിലും മറ്റിനങ്ങളിലും നിന്നുമായി സംസ്ഥാനം എടുത്തിട്ടുള്ള ബോണ്ടുകളും കടപ്പത്രങ്ങളും മറ്റിനങ്ങളിലുമായി എടുത്തിട്ടുള്ള കടങ്ങളും അവ എടുത്തിട്ടുള്ള തീയതികൾ, തിരിച്ചടവ് കാലാവധി, പലിശ നിരക്ക് എന്നിങ്ങനെയുള്ള വിശദാംശങ്ങൾ ലഭ്യമാക്കുമോ;

(സി)  2016-17 മുതല്‍ 2025-26 സാമ്പത്തിക വര്‍ഷം വരെ ഒരോ സാമ്പത്തിക വര്‍ഷത്തിലും സംസ്ഥാനത്തിന്റെ റവന്യൂ വരുമാനം എത്ര വീതമായിരുന്നു എന്ന് അറിയിക്കുമോ;

(ഡി)  ഈ കാലയളവില്‍ ഒരോ സാമ്പത്തിക വര്‍ഷവും വിവിധ ഇനങ്ങളിലായി സംസ്ഥാനത്തിനു ലഭിച്ച ആകെ കേന്ദ്ര വിഹിതം എത്ര തുക വീതമാണ്; ഇനം തിരിച്ചുള്ള കണക്ക് ലഭ്യമാക്കുമോ?

സംസ്ഥാനം എടുത്ത വായ്പകൾ

75  ഡോ. മാത്യു കുഴൽനാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെ രണ്ട് മുൻസർക്കാരുകൾ എത്ര രൂപ വായ്പയായി എടുത്തിട്ടുണ്ട് എന്ന് വ്യക്തമാക്കാമോ;

(ബി)  പ്രസ്തുത വായ്പകൾ ഏതെല്ലാം സ്ഥാപനങ്ങളിൽ നിന്ന് എത്ര വീതം എടുത്തിട്ടുണ്ട് എന്ന് വ്യക്തമാക്കാമോ;

(സി)  പ്രസ്തുത കാലയളവിൽ എടുത്ത വായ്പകളുടെ തിരിച്ചടവ് വിവരങ്ങൾ ലഭ്യമാക്കാമോ; എടുത്ത ഓരോ വായ്പയുടെയും പലിശ നിരക്ക് തരംതിരിച്ച് ലഭ്യമാക്കുമോ?

സംസ്ഥാനത്തിന്റെ വരുമാന വളര്‍ച്ച

76  ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്തിന്റെ നികുതി, നികുതിയേതര വരുമാന വളര്‍ച്ചയ്ക്കായി നിലവിലെ സർക്കാർ സ്വീകരിച്ച നടപടികള്‍ അറിയിക്കാമോ;

(ബി)  2026-27 സാമ്പത്തിക വര്‍ഷത്തിന്റെ രണ്ടാം പാദത്തിലെ വരുമാനത്തിൽ മുന്‍ വര്‍ഷത്തെ സമാന പാദത്തിനേക്കാള്‍ ഉയര്‍ച്ച രേഖപ്പെടുത്തിയിട്ടുണ്ടോ; വിശദമാക്കാമോ;

(സി)  പ്രസ്തുത കാലയളവുകളിലെ, സംസ്ഥാനത്തിന്റെ ജി.എസ്.ടി. വരുമാനവും വരുമാന വളര്‍ച്ചയും താരതമ്യം ചെയ്തിട്ടുണ്ടോ; വ്യക്തമാക്കാമോ;

(ഡി)  നികുതി ചോര്‍ച്ച തടയുന്നതിനായി ഇന്റലിജന്‍സ്, ആഭ്യന്തര പരിശോധന സംവിധാനങ്ങളില്‍ നിലവിലെ സർക്കാർ നടപ്പിലാക്കിയ പരിഷ്കാരങ്ങളും അപ്പലേറ്റ് സംവിധാനത്തിലുള്‍പ്പെടെയുള്ള അഴിമതി തടയുന്നതിന് സ്വീകരിച്ച നടപടികളും വിശദീകരിക്കാമോ?

നികുതിയേതര വരുമാന മാര്‍ഗ്ഗങ്ങള്‍ കണ്ടെത്തുന്നതിന് നടപടി

77  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ പത്തു വർഷക്കാലയളവിൽ ഓരോ വർഷവും നികുതി നിരക്ക് വര്‍ദ്ധനവിലൂടെ എത്ര തുകയാണ് ജനങ്ങളില്‍ നിന്നും പിരിച്ചെടുക്കാന്‍ തീരുമാനിച്ചിട്ടുള്ളത്; എങ്കിൽ സാമ്പത്തിക വർഷം തിരിച്ചുള്ള കണക്കുകൾ ലഭ്യമാക്കുമോ;

(ബി)  മുൻ സർക്കാർ നികുതി പിരിവ് കാര്യക്ഷമമാക്കാതെ നികുതി നിരക്ക് വര്‍ദ്ധിപ്പിച്ച് വരുമാനം വര്‍ദ്ധിപ്പിക്കുന്നതിനു ശ്രമിച്ചിട്ടുള്ളതായി കണക്കുകളുടെ അടിസ്ഥാനത്തില്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ തെറ്റായ ഈ പ്രവണത തിരുത്തുന്നതിനാവശ്യമായ നടപടി സ്വീകരിക്കുമോ;

(സി)  ജനങ്ങളുടെ മേല്‍ കൂടുതല്‍ നികുതി ഭാരം അടിച്ചേല്‍പ്പിക്കാതെ ഇതര വരുമാന മാര്‍ഗ്ഗങ്ങള്‍ കണ്ടെത്തി സംസ്ഥാനത്തിന്റെ വരുമാനം വര്‍ദ്ധിപ്പിയ്ക്കുന്നതിന് നടപടി സ്വീകരിക്കുമോ?

സംസ്ഥാനത്തിന്റെ ധനസ്ഥിതി

78  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരമേൽക്കുമ്പോഴുള്ള സംസ്ഥാനത്തിന്റെ ധനസ്ഥിതി സംബന്ധിച്ച വിശദാംശങ്ങള്‍ ലഭ്യമാക്കാമോ;

(ബി)  എന്തെല്ലാം തരത്തിലുള്ള ബാധ്യതകളാണ് നിലവിലെ സര്‍ക്കാരിന് കൊടുത്ത് തീര്‍ക്കാന്‍ ഉള്ളത്; അവ ഓരോന്നിന്റെയും ഇനം തിരിച്ചുള്ള വിശദാംശങ്ങള്‍ ലഭ്യമാക്കാമോ;

(സി)  കഴിഞ്ഞ പത്ത് വര്‍ഷത്തെ ധൂര്‍ത്തും ധനകാര്യ മനേജ്മെന്റിലെ പിഴവുമാണ് ധനസ്ഥിതി തകരാറിലാക്കിയതെന്ന് കരുതുന്നുണ്ടോ; എങ്കില്‍ പ്രസ്തുത കാലയളവിൽ ഉണ്ടായിരുന്ന ഏതെല്ലാം തരത്തിലുള്ള അമിത വ്യയങ്ങളാണ് ശ്രദ്ധയില്‍പ്പെട്ടിട്ടുള്ളതെന്ന് അറിയിക്കാമോ; ഇത്തരം പിഴവുകള്‍ തിരുത്തുന്നതിനുള്ള എന്തെല്ലാം നടപടികളാണ് സര്‍ക്കാരിന്റെ പരിഗണനയിലുള്ളത്; വിശദമാക്കാമോ;

(ഡി)  കഴിഞ്ഞ പത്ത് വര്‍ഷത്തെ ഭരണകാലത്ത് സര്‍ക്കാര്‍ എടുത്ത ഏതെല്ലാം വായ്പകളുടെ തിരിച്ചടവാണ് നിലവിലെ സര്‍ക്കാരിന് നല്‍കേണ്ടി വരുന്നത്; ഏതെല്ലാം ഏജന്‍സികള്‍ക്കാണ് തുക നല്‍കാനുള്ളത്; ഓരോ വായ്പയുടെയും പലിശ സഹിതമുള്ള കണക്കുകള്‍ ലഭ്യമാക്കാമോ;

(ഇ)  സംസ്ഥാന സര്‍ക്കാരിന്റെ ഗ്യാരന്റിയില്‍ കിഫ്ബി, കേരള സാമൂഹ്യ സുരക്ഷാ പെന്‍ഷന്‍ ലിമിറ്റഡ് പോലെയുള്ള സ്ഥാപനങ്ങള്‍ കഴിഞ്ഞ പത്ത് വര്‍ഷത്തിനിടെ എത്ര തുകയാണ് വായ്പയായി എടുത്തിട്ടുള്ളത്; അതില്‍ എത്ര തുക അടച്ചു തീര്‍ക്കാനുണ്ട്; ഇത്തരം വായ്പകള്‍ സര്‍ക്കാരിന്റെ ധനസ്ഥിതിയെ ഏതെല്ലാം തരത്തില്‍ ബാധിക്കുമെന്നാണ് കരുതുന്നത്; വിശദമാക്കാമോ;

(എഫ്)  സംസ്ഥാനത്തിന്റെ ധനസ്ഥിതി മെച്ചപ്പെടുത്താനുള്ള എന്തെല്ലാം മാര്‍ഗ്ഗങ്ങളാണ് സര്‍ക്കാരിന്റെ പരിഗണനയിലുള്ളത്; കിഫ്ബിയെ ഏതെങ്കിലും തരത്തില്‍ പുനഃസംഘടിപ്പിക്കുന്നത് പരിഗണനയിലുണ്ടോ; വ്യക്തമാക്കുമോ?

കോട്ടക്കൽ നഗരസഭാ മാർക്കറ്റ് ആധുനികവത്കരണം

79  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി പദ്ധതിയില്‍ ഉള്‍പ്പെടുത്തി ധനാനുമതി ലഭ്യമായിട്ടുള്ള കോട്ടക്കല്‍ നഗരസഭ മാര്‍ക്കറ്റ് ആധുനികവല്‍ക്കരണ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

(ബി)  പ്രസ്തുത പ്രവൃത്തി ആരംഭിക്കുന്നതിനായി നിലവിൽ എന്തെല്ലാം നടപടിക്രമങ്ങള്‍ പൂര്‍ത്തീകരിക്കാനുണ്ടെന്നും പ്രവൃത്തിക്ക് കിഫ്ബിയുടെ പുതുക്കിയ ധനാനുമതിയും സാങ്കേതികാനുമതിയും ലഭ്യമായിട്ടുണ്ടോയെന്നും വിശദമാക്കാമോ?

ചിറയിൻകീഴ് മണ്ഡലത്തിലെ കിഫ്ബി പദ്ധതികൾ

80  ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ചിറയിൻകീഴ് നിയോജക മണ്ഡലത്തിൽ കിഫ്ബി മുഖേന നിലവിൽ നടപ്പാക്കുന്ന പദ്ധതികളുടെ എണ്ണം എത്രയെന്ന് വ്യക്തമാക്കാമോ;

(ബി)  ഓരോ പദ്ധതിയുടെയും അനുവദിച്ച തുക, നിലവിലെ സ്ഥിതി, ഇതുവരെ ചെലവഴിച്ച തുക, പൂർത്തീകരണത്തിന് നിശ്ചയിച്ചിട്ടുള്ള തീയതി എന്നിവ വിശദമാക്കാമോ?

കിഫ്ബി പരസ്യങ്ങൾക്കായി ചെലവഴിച്ച തുക

81  ശ്രീ. കെ. ജയന്ത് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് സാമ്പത്തിക വർഷങ്ങളിൽ കിഫ്ബി പരസ്യങ്ങൾക്കായി ആകെ എത്ര തുക ചെലവഴിച്ചിട്ടുണ്ട്; സാമ്പത്തിക വർഷം തിരിച്ചുള്ള കണക്ക് നൽകുമോ;

(ബി)  കഴിഞ്ഞ അഞ്ച് വർഷത്തിനിടെ കിഫ്ബി പരസ്യങ്ങൾ നൽകിയ പത്രങ്ങൾ, ടെലിവിഷൻ ചാനലുകൾ, റേഡിയോ, ഓൺലൈൻ മാധ്യമങ്ങൾ, സോഷ്യൽ മീഡിയ പ്ലാറ്റ്ഫോമുകൾ എന്നിവ ഏതൊക്കെയാണ്; ഓരോ മാധ്യമത്തിനും നൽകിയ തുക വർഷം തിരിച്ച് വ്യക്തമാക്കുമോ;

(സി)  കിഫ്ബി പരസ്യങ്ങൾക്കായി സർക്കാർ ഉടമസ്ഥതയിലുള്ള മാധ്യമ സ്ഥാപനങ്ങൾക്കും സ്വകാര്യ മാധ്യമ സ്ഥാപനങ്ങൾക്കും നൽകിയ തുക എത്രയാണ്; സ്ഥാപനവും വർഷവും തിരിച്ചുള്ള വിശദാംശങ്ങൾ നൽകുമോ?

നീലേശ്വരം-ഇടത്തോട് റോഡ് പ്രവൃത്തി

82  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്‌ബി പദ്ധതിയിൽ ഉൾപ്പെടുത്തിയ നീലേശ്വരം-ഇടത്തോട് റോഡിന്റെ നിലവിലെ അവസ്ഥ വിശദമാക്കാമോ;

(ബി)   റിസ്ക് ആൻഡ് കോസ്റ്റിന്റെ അടിസ്ഥാനത്തിൽ ടെർമിനേറ്റ് ചെയ്യപ്പെട്ട പ്രസ്തുത പ്രവൃത്തി പുനരാരംഭിക്കാനുള്ള കാലതാമസം എന്തുകൊണ്ടാണെന്ന് അറിയിക്കാമോ;

(സി)  പ്രസ്തുത പ്രവൃത്തി എപ്പോൾ പുനരാരംഭിക്കാൻ കഴിയുമെന്ന് വ്യക്തമാക്കാമോ?

കിഫ്ബി പദ്ധതികളുടെ തുടർച്ച

83  ശ്രീ. വി. മുരളീധരൻ
ശ്രീ. രാജീവ് ചന്ദ്രശേഖർ
ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി പദ്ധതികളുടെ തുടർച്ച സംബന്ധിച്ച് പഠിക്കുന്നതിനായി സർക്കാർ നിയോഗിച്ച പുന:പരിശോധനാ സമിതി റിപ്പോർട്ട് സമർപ്പിച്ചിട്ടുണ്ടോ;

(ബി)  ഇക്കാര്യത്തിൽ അന്തിമ തീരുമാനം ആകാത്തതു മൂലവും സർക്കാർ തുടർനിർദേശങ്ങളൊന്നും നൽകാത്തതിനാലും, ആരംഭിച്ചുകഴിഞ്ഞ പല പദ്ധതികളും മുടങ്ങിക്കിടക്കുന്നതും അടിസ്ഥാന സൗകര്യ വികസനം ഉൾപ്പടെയുള്ള പദ്ധതികൾ നിലച്ചിരിക്കുന്നതു മൂലം പൊതുജനങ്ങൾ ബുദ്ധിമുട്ട് നേരിടുന്നതും ശ്രദ്ധയിൽപെട്ടിട്ടുണ്ടോ; ഉണ്ടെങ്കിൽ സ്വീകരിച്ച പരിഹാര നടപടികൾ വിശദമാക്കാമോ;

(സി)  ഈ വിഷയത്തിലെ അനിശ്ചിതത്വം മൂലം തുടർപ്രവർത്തനങ്ങൾ മുടങ്ങിക്കിടക്കുന്ന അവസ്ഥയ്ക്ക് മാറ്റം വരുത്തുവാൻ സർക്കാർ ഉദ്ദേശിക്കുന്നുണ്ടോ; ഇത്തരം പദ്ധതിപ്രവർത്തനങ്ങൾ പുനരാരംഭിക്കുന്നതിനായി എന്ത് ബദൽ സംവിധാനം കൊണ്ടുവരാനാണ് സർക്കാർ ഉദ്ദേശിക്കുന്നത്;

(ഡി)  കഴക്കൂട്ടം മണ്ഡലത്തിൽ മുടങ്ങിക്കിടക്കുന്ന രണ്ട് കിഫ്ബി പദ്ധതികളായ മണ്ണന്തല-കേരളാദിത്യപുരം-പൗഡിക്കോണം റോഡ് നിർമ്മാണം, ശ്രീകാര്യത്തെ ഫ്ലൈ ഓവർ നിർമ്മാണം എന്നിവയിലെ തടസ്സം നീക്കുവാൻ സ്വീകരിച്ച നടപടികൾ വിശദമാക്കാമോ?

കോതമംഗലം നിയോജകമണ്ഡലത്തിലെ കിഫ്ബി പദ്ധതികൾ

84  ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കോതമംഗലം നിയോജകമണ്ഡലത്തിലെ നിലവിലെ കിഫ്ബി പദ്ധതികൾ ഏതൊക്കെയാണ്; കിഫ്ബി പദ്ധതികളുടെ പുരോഗതി സംബന്ധിച്ച വിവരം ലഭ്യമാക്കാമോ;

(ബി)  കിഫ്ബി പദ്ധതിയിൽ ഉൾപ്പെട്ടിട്ടുള്ള തങ്കളം - കാക്കനാട് നാലുവരി പാതയുടെ പുരോഗതി വിശദമാക്കാമോ;

(സി)  കിഫ്ബി പദ്ധതിയിൽ ഉൾപ്പെടുത്തി നടപ്പിലാക്കി വരുന്ന ചേലാട് സ്റ്റേഡിയത്തിന്റെ നിർമ്മാണ പുരോഗതി വിശദമാക്കാമോ?

കിഫ്ബിയുടെ നവീകരണം

85  ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബിയുടെ പ്രവര്‍ത്തനം കുറ്റമറ്റതാക്കാന്‍ ലക്ഷ്യമിട്ട് ഈ സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കാമോ;

(ബി)  സാമ്പത്തിക അച്ചടക്കവും കുറഞ്ഞ പലിശ നിരക്കില്‍ വായ്പകള്‍ കണ്ടെത്താന്‍ കിഫ്ബിയെ പ്രാപ്തമാക്കുന്നതിനും ലക്‌ഷ്യം വെച്ച് സ്വീകരിക്കാനുദ്ദേശിക്കുന്ന നടപടികള്‍ വിശദമാക്കാമോ;

(സി)  കിഫ്ബി പുന:സംഘടന സംബന്ധിച്ച നിര്‍ദ്ദേശങ്ങള്‍ സമര്‍പ്പിക്കുന്നതിനായി നിയോഗിച്ച വിദഗ്ധ സമിതിയുടെ റിപ്പോര്‍ട്ട് ലഭ്യമായിട്ടുണ്ടോ; എങ്കില്‍ സമിതിയുടെ പ്രധാന നിര്‍ദ്ദേശങ്ങള്‍ എന്തൊക്കെയെന്ന് അറിയിക്കാമോ;

(ഡി)  നിര്‍വഹണത്തിന്റെ വിവിധ ഘട്ടങ്ങളിലുള്ള കിഫ്ബി പദ്ധതികളുടെ പ്രവര്‍ത്തനം നിര്‍ബാധം തുടരുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

ചേലക്കര ബെെപ്പാസ് നിര്‍മ്മാണ പ്രവൃത്തികൾക്കായി കിഫ്ബി ധനസഹായം

86  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബിയില്‍ നിന്നും തുക അനുവദിക്കുന്നതും പൊതുമരാമത്ത് വകുപ്പ് ഭരണാനുമതി നല്‍കിയതുമായ ചേലക്കര ബെെപ്പാസ് നിര്‍മ്മാണ പ്രവൃത്തികൾക്കായി കിഫ്ബിയില്‍ നിന്നും എത്ര കോടി രൂപ ലാന്റ് അക്വിസിഷന്‍ നടപടികൾക്കായി ഇതുവരെ പൊതുമരാമത്ത് വകുപ്പിന് അനുവദിച്ചിട്ടുണ്ട്;

(ബി)  നിലവില്‍ ഈ പ്രവൃത്തി എത്ര കോടി രൂപയുടേതാണ്;

(സി)  ചേലക്കര ടൗണിലെ വര്‍ദ്ധിച്ച ഗതാഗത തിരക്ക് കണക്കിലെടുത്ത് പ്രവൃത്തികൾ പൂര്‍ത്തീകരിക്കുന്നതിന് ആവശ്യമായ തുക അനുവദിക്കുന്നതിന് കിഫ്ബി മുഖ്യ പരിഗണന നല്‍കുമോ; വ്യക്തമാക്കുമോ?

പുതുക്കാട് നിയോജകമണ്ഡലത്തിലെ കിഫ്ബി വികസന പദ്ധതികള്‍

87  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പുതുക്കാട് മണ്ഡലത്തില്‍ കിഫ്ബി ധനസഹായത്തോടെ നടപ്പാക്കുന്നതിന് നടപടി സ്വീകരിച്ചിട്ടുള്ള വികസന പദ്ധതികള്‍ ഏതൊക്കെയാണെന്നും പ്രസ്തുത പദ്ധതികളുടെ നിലവിലെ സ്ഥിതി എന്താണെന്നും അറിയിക്കാമോ;

(ബി)  പ്രസ്തുത വികസന പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് സര്‍ക്കാര്‍ അടിയന്തരനടപടികള്‍ സ്വീകരിക്കുമോ; വ്യക്തമാക്കാമോ?

ആലത്തൂര്‍ നിയോജക മണ്ഡലത്തിലെ കിഫ്ബി പദ്ധതികൾ

88  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ആലത്തൂര്‍ നിയോജക മണ്ഡലത്തില്‍ നിലവില്‍ കിഫ്ബി മുഖേന നടന്നുവരുന്ന പ്രവര്‍ത്തികളുടെ വിശദാംശങ്ങളും പുരോഗതിയും വിശദമാക്കാമോ;

(ബി)  പ്രസ്തുത മണ്ഡലത്തില്‍ കിഫ്ബി മുഖേന പ്രഖ്യാപിച്ച പദ്ധതികളില്‍ ഇനി എത്ര പദ്ധതികള്‍ക്കാണ് ഭരണാനുമതി ലഭ്യമാകാനുള്ളത്; വിശദമാക്കാമോ?

പുതുക്കാട് മണ്ഡലത്തിലെ കിഫ്ബി ഫണ്ടുപയോഗിച്ചുള്ള വികസനം

89  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പുതുക്കാട് നിയോജക മണ്ഡലത്തില്‍ കിഫ്ബി ഫണ്ടുപയോഗിച്ച് നിർമാണം നടത്തുന്നതിനായി നടപടി സ്വീകരിച്ചിട്ടുള്ള പുതുക്കാട് റെയില്‍വേ മേല്‍പ്പാലം, മലയോര ഹൈവേ നി‍ർമ്മാണം എന്നിവയുടെ ടെണ്ടർ നടപടികള്‍ പൂർത്തീകരിക്കുന്നതിനും ടെണ്ടറുകള്‍ക്ക് അപ്രൂവല്‍ നല്‍കുന്നതിനും ആവശ്യമായ നടപടികള്‍ സ്വീകരിക്കുമോ;

(ബി)  പ്രസ്തുത മണ്ഡലത്തില്‍ കിഫ്ബി ഫണ്ടുപയോഗപ്പെടുത്തി നടപ്പാക്കുന്ന മുഴുവന്‍ പ്രവ‍ർത്തികളും കാലതാമസം കൂടാതെ നടപ്പാക്കുന്നതിനും പൂ‍ർത്തീകരിക്കുന്നതിനും ആവശ്യമായ സത്വര നടപടികള്‍ സ്വീകരിക്കുമോ?

കിഫ്‌ബി മുഖേന പരസ്യങ്ങൾക്ക് ചെലവഴിച്ച തുക

90  ശ്രീ. വി. ടി. ബൽറാം
ശ്രീമതി വിദ്യാ ബാലകൃഷ്ണൻ
ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്‌ബി മുഖേന പരസ്യത്തിനായി 2016-21, 2021-26 കാലയളവുകളിൽ മുൻസർക്കാർ ആകെ എത്ര തുക ചെലവഴിച്ചു; വിശദാംശം ഇനം തിരിച്ചു വ്യക്തമാക്കുമോ;

(ബി)  പ്രസ്തുത കാലയളവിൽ സർക്കാർ പദ്ധതികൾ സംബന്ധിച്ച് കിഫ്‌ബി മുഖേന പരസ്യം നൽകിയിട്ടുണ്ടോ; ഉണ്ടെങ്കിൽ പ്രസ്തുത പരസ്യങ്ങൾക്ക് ചെലവഴിച്ച തുകയുടെ വിശദാംശങ്ങളും ഏതൊക്കെ പദ്ധതിക്കാണ് പരസ്യം നൽകിയത് എന്നും ഏത് ഏജൻസി മുഖേനയാണ് പരസ്യം നൽകിയത് എന്നും വ്യക്തമാക്കുമോ?

എറണാകുളം മണ്ഡലത്തിലെ കിഫ്ബി പദ്ധതികള്‍

91  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എറണാകുളം മണ്ഡലത്തില്‍ കിഫ്ബി മുഖേന നടപ്പിലാക്കുന്ന പദ്ധതികളുടെ വിശദാംശങ്ങളും അവയുടെ പുരോഗതിയും അറിയിക്കുമോ?

വളാഞ്ചേരി നഗരസഭാ കെട്ടിട നിര്‍മ്മാണം

92  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി പദ്ധതിയില്‍ ഉള്‍പ്പെടുത്തി ഭരണാനുമതി ലഭ്യമായിട്ടുള്ള കോട്ടക്കല്‍ മണ്ഡലത്തിലെ വളാഞ്ചേരി നഗരസഭാ കെട്ടിട നിര്‍മ്മാണ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

(ബി)  പ്രസ്തുത പ്രവൃത്തിക്ക് കിഫ്ബിയുടെ പുതുക്കിയ സാമ്പത്തികാനുമതിയും സാങ്കേതികാനുമതിയും ലഭ്യമായിട്ടുണ്ടോ; പ്രവൃത്തി ആരംഭിക്കുന്നതുമായി ബന്ധപ്പെട്ട് ഇനി എന്തെല്ലാം നടപടികളാണ് അവശേഷിക്കുന്നതെന്നും പ്രവൃത്തി ആരംഭിക്കുന്നതിന് എന്തെങ്കിലും സാങ്കേതിക തടസ്സങ്ങള്‍ നിലനിൽക്കുന്നുണ്ടോയെന്നും വിശദമാക്കാമോ?

തിരൂർ നിയോജക മണ്ഡലത്തിലെ കിഫ്ബി പദ്ധതികൾ

93  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെ തിരൂർ നിയോജക മണ്ഡലത്തിൽ അനുവദിച്ച കിഫ്ബി പദ്ധതികളും അതിന് അനുവദിച്ച തുകയും വിശദമാക്കാമോ;

(ബി)  പ്രസ്തുത പദ്ധതികളിൽ പൂർത്തിയാക്കാനുള്ളവ ഏതെല്ലാമാണെന്നും അവ എന്നത്തേക്ക് പൂർത്തിയാകുമെന്നും വിശദമാക്കാമോ;

(സി)  പ്രസ്തുത കാലയളവിൽ തിരൂർ നിയോജക മണ്ഡലത്തിൽ അനുവദിച്ച കിഫ്ബി പദ്ധതികളിൽ ഉപേക്ഷിക്കപ്പെട്ടവയുണ്ടെങ്കിൽ അവ ഏതെല്ലാമാണെന്നും അത് ഉപേക്ഷിക്കുന്നതിനുള്ള കാരണമെന്തെന്നും വിശദമാക്കാമോ;

(ഡി)  പ്രസ്തുത മണ്ഡലത്തിലെ കിഫ്ബി പദ്ധതികളില്‍ സാങ്കേതിക കാരണങ്ങൾ കൊണ്ട് നടപ്പിലാക്കാൻ സാധിക്കാത്ത പദ്ധതികളുണ്ടോ; എങ്കിൽ അവ നടപ്പിലാക്കാന്‍ സാധിക്കാത്തതിന്റെ കാരണങ്ങള്‍ വിശദമാക്കാമോ?

കിഫ്ബി ഫണ്ട് ഉപയോഗിച്ച് രാഷ്ട്രീയ പ്രചാരണം

94  ശ്രീ. മഞ്ഞളാംകുഴി അലി
ശ്രീ. പി. കെ. ഫിറോസ്
ശ്രീ. ടി. പി. അഷ്റഫലി
ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാര്‍ രാഷ്ട്രീയ പ്രചാരണത്തിന് കിഫ്ബിയുടെ ഫണ്ട് ഉപയോഗിച്ചതായി കണ്ടെത്തിയിട്ടുണ്ടോ;

(ബി)  എങ്കില്‍ എത്ര കോടി രൂപയാണ് പ്രചാരണത്തിനായി ചെലവഴിച്ചതായി കണ്ടെത്തിയത്;

(സി)  ഏതൊക്കെ ഏജന്‍സികളിലൂടെയാണ് പ്രചാരണം നടത്തിയതെന്നുള്ളതിന്റെ പരിശോധന പൂര്‍ത്തിയായോ; എങ്കില്‍ വിശദാംശം നല്‍കാമോ?

പട്ടാമ്പി മണ്ഡലത്തിൽ കിഫ്‌ബി മുഖേന ഭരണാനുമതി ലഭിച്ച പ്രവർത്തികൾ

95  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പട്ടാമ്പി പാലം, പട്ടാമ്പി–ആമയൂർ റോഡ്, പട്ടാമ്പി റവന്യൂ ടവർ, പട്ടാമ്പി ഗവ. കോളേജിലെ ഇൻഡോർ സ്റ്റേഡിയം എന്നീ പദ്ധതികൾക്ക് കിഫ്ബി മുഖേന ഭരണാനുമതി നൽകിയ തീയതി, ടെൻഡർ ചെയ്ത തീയതി എന്നിവ വ്യക്തമാക്കാമോ;

(ബി)  പ്രസ്തുത ഓരോ പദ്ധതിയുടെയും നിലവിലെ സ്ഥിതി പദ്ധതി തിരിച്ച് വിശദമാക്കാമോ;

(സി)  നിർമ്മാണപ്രവർത്തനം ആരംഭിച്ചിട്ടില്ലാത്ത പദ്ധതികൾ ഏതെല്ലാമാണ്; അവ ആരംഭിക്കാത്തതിന്റെ കാരണങ്ങളും സമയബന്ധിതമായി പ്രവർത്തനം ആരംഭിക്കുന്നതിനായി സർക്കാർ സ്വീകരിച്ചിട്ടുള്ള പരിഹാര നടപടികളും വ്യക്തമാക്കാമോ;

(ഡി)  പ്രസ്തുത പദ്ധതികളുമായി ബന്ധപ്പെട്ട ഉത്തരവുകളുടെ പകർപ്പുകൾ ലഭ്യമാക്കാമോ?

മങ്കട മണ്ഡലത്തിലെ കിഫ്ബി പദ്ധതികൾ

96  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മങ്കട നിയോജകമണ്ഡലത്തില്‍ കിഫ്ബി വഴി നടപ്പിലാക്കുന്ന ഓരോ പ്രവൃത്തിയുടെയും നിലവിലെ സ്ഥിതി എന്താണെന്നും അവ നടപ്പാക്കുന്ന ഏജന്‍സികള്‍ ഏതൊക്കെയാണെന്നും വ്യക്തമാക്കാമോ;

(ബി)  പ്രസ്തുത പ്രവൃത്തികളില്‍ ഏതൊക്കെയാണ് പൂര്‍ത്തീകരിച്ചിട്ടുള്ളതെന്ന് വ്യക്തമാക്കാമോ;

(സി)  ഇനിയും നടപ്പിലാക്കാനുള്ള പ്രവൃത്തികൾ സംബന്ധിച്ച് എന്തൊക്കെ നടപടികൾ സ്വീകരിച്ചിട്ടുണ്ടെന്ന് പദ്ധതി തിരിച്ച് വിശദമാക്കാമോ; ഏതെങ്കിലും പ്രവൃത്തി നടപ്പിലാക്കുന്നതില്‍ തടസ്സങ്ങള്‍ നിലവിലുള്ളതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ഡി)  പ്രസ്തുത മണ്ഡലത്തിലെ കിഫ്ബി പദ്ധതികളില്‍ ഉള്‍പ്പെട്ട എല്ലാ പ്രവൃത്തികളും സമയബന്ധിതമായി തീര്‍പ്പാക്കുന്നതിന് ആവശ്യമായ നിര്‍ദ്ദേശം നല്‍കുമോ?

ആറ്റിങ്ങൽ മണ്ഡലത്തിലെ കിഫ്ബി വികസന പദ്ധതികൾ

97  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ആറ്റിങ്ങൽ നിയോജകമണ്ഡലത്തിന്റെ പരിധിയിൽ കിഫ്ബി ഫണ്ട് ഉപയോഗിച്ച് നിലവിൽ നടപ്പിലാക്കിവരുന്ന വികസന പ്രവർത്തനങ്ങൾ ഏതെല്ലാമാണെന്ന് വ്യക്തമാക്കാമോ; പ്രസ്തുത പ്രവൃത്തികളുടെ പുരോഗതി പദ്ധതി തിരിച്ച് വ്യക്തമാക്കുമോ?

കല്യാശ്ശേരി മണ്ഡലത്തിലെ കിഫ്ബി പദ്ധതികള്‍

98  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കല്യാശ്ശേരി മണ്ഡലത്തില്‍ കിഫ്ബി പദ്ധതിയില്‍ ഉൾപ്പെടുത്തിയിട്ടുള്ളതും നിലവില്‍ നടപ്പാക്കിവരുന്നതുമായ പ്രവൃത്തികളുടെ വിശദാംശങ്ങളും അവയുടെ നിലവിലെ സ്ഥിതിയും വിശദമാക്കാമോ;

(ബി)  പ്രസ്തുത മണ്ഡലത്തിൽ കിഫ്ബി പദ്ധതിയിൽ ഉൾപ്പെടുത്തി പരിഗണിച്ചതിൽ ഇനിയും പ്രവൃത്തി ആരംഭിക്കാനിരിക്കുന്ന പദ്ധതികൾ സംബന്ധിച്ച വിശദാംശങ്ങള്‍ ലഭ്യമാക്കാമോ?

തൊടുപുഴ മണ്ഡലത്തിലെ കിഫ്ബി പ്രവൃത്തികള്‍

99  ശ്രീ. അപു ജോൺ ജോസഫ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കിഫ്ബി പദ്ധതിയിൽ കഴിഞ്ഞ അഞ്ചു വർഷത്തിനിടെ തൊടുപുഴ നിയോജക മണ്ഡലത്തിലെ ഏതെങ്കിലും പ്രവൃത്തി ഉൾപ്പെടുത്തിയിട്ടുണ്ടോ; ഉണ്ടെങ്കിൽ വിശദാംശം ലഭ്യമാക്കാമോ?

കാട്ടാക്കട നിയോജകമണ്ഡലത്തിലെ കിഫ്‌ബി പദ്ധതികൾ

100  ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കാട്ടാക്കട നിയോജകമണ്ഡലത്തില്‍ കിഫ്ബി മുഖേന നിലവില്‍ നടപ്പിലാക്കിവരുന്നതോ അംഗീകാരം ലഭിച്ചിട്ടുളളതോ ആയ വികസന പദ്ധതികളുടെ നിലവിലെ പുരോഗതി, അനുവദിച്ചിട്ടുളള തുക, പൂര്‍ത്തീകരണത്തിനായി നിശ്ചയിച്ചിട്ടുളള സമയക്രമം എന്നിവ സംബന്ധിച്ച വിശദാംശങ്ങള്‍ ലഭ്യമാക്കാമോ;

(ബി)  10.07.2017ലെ സർക്കാർ ഉത്തരവ് (ആർ.ടി. ) 942/2017/പി.ഡബ്ള്യു.ഡി. നമ്പർ ഉത്തരവ് പ്രകാരം അനുമതി ലഭിച്ച കിളളി-മേച്ചിറ-പുറ്റുമേല്‍ക്കോണം റോഡിന്റെ നിലവിലെ നിര്‍മ്മാണ പുരോഗതി എന്താണെന്ന് വിശദീകരിക്കാമോ;

(സി)  23.09.2017 ലെ സർക്കാർ ഉത്തരവ് (ആർ.ടി.) 52/2017/പി.ഡബ്ള്യു.ഡി. നമ്പർ ഉത്തരവ് പ്രകാരം അനുമതി ലഭിച്ച പൊട്ടന്‍കാവ്-നെല്ലിക്കാട്-ചീനിവിള-ഊന്നംപാറ-തിരളിക്കുഴി മുണ്ടുകോണം കണ്ടല റോഡിന്റെ നിലവിലെ നിര്‍മ്മാണ പുരോഗതി എന്താണെന്ന് വിശദീകരിക്കാമോ?

എം.എൽ.എ ആസ്തി വികസന ഫണ്ട് -സ്കൂളുകൾക്ക് വാഹനം വാങ്ങുന്നത്

101  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എം.എൽ.എ ആസ്തി വികസന ഫണ്ട് ഉപയോഗിച്ച് സ്കൂളുകൾക്ക് വാഹനം വാങ്ങുന്ന അവസരങ്ങളിൽ കൃത്യസമയത്ത് ഫണ്ട് കൈമാറുന്നതിൽ കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  ഇത് പരിഹരിക്കാൻ നടപടികൾ സ്വീകരിച്ചിട്ടുണ്ടോ; വിശദാംശം നൽകാമോ?

ആസ്തി വികസന ഫണ്ടില്‍ നിന്നുള്ള പ്രവൃത്തികള്‍ക്കുള്ള പ്രത്യേകാനുമതി

102  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2023-24, 2024-25, 2025-26 സാമ്പത്തിക വര്‍ഷങ്ങളില്‍ തലശ്ശേരി നിയോജകമണ്ഡലം എം.എല്‍.എ.യുടെ ആസ്തി വികസന ഫണ്ടില്‍ നിന്നും എത്ര പ്രവൃത്തികള്‍ക്ക് പ്രത്യേകാനുമതി ആവശ്യമായി വന്നിട്ടുണ്ടെന്നും പ്രസ്തുത പ്രവൃത്തികള്‍ ഏതൊക്കെയാണെന്നും അവയ്ക്ക് അനുമതി ലഭിക്കുന്നതിന് കാലതാമസം നേരിടുന്നതിന്റെ കാരണങ്ങള്‍ എന്താണെന്നും വ്യക്തമാക്കാമോ;

(ബി)  പ്രസ്തുത പ്രവൃത്തികള്‍ക്ക് അനുമതി നൽകാന്‍ എന്തെല്ലാം നടപടികളാണ് ഇതുവരെ സ്വീകരിച്ചിട്ടുള്ളതെന്ന് വ്യക്തമാക്കാമോ?

ചങ്ങനാശ്ശേരി നിയോജകമണ്ഡലത്തിൽ ഭരണാനുമതി ലഭ്യമായിട്ടും നിർമ്മാണത്തിലിരിക്കുന്ന എ.‍ഡി.എസ്. പ്രവൃത്തികളുടെ പുരോഗതിയും തടസ്സങ്ങളും

103  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിൽ ഭരണാനുമതി ലഭ്യമായിട്ടും വിവിധ കാരണങ്ങളാൽ ഇനിയും പൂർത്തിയാകാതെ നിർമ്മാണത്തിലിരിക്കുന്ന എ.ഡി.എസ്. പ്രവൃത്തികൾ ഏതെല്ലാമാണെന്ന് വ്യക്തമാക്കാമോ;

(ബി)  പ്രസ്തുത ഓരോ പ്രവൃത്തിയുടേയും നിലവിലെ നിർമ്മാണ സ്ഥിതി വിശദമാക്കാമോ;

(സി)  ഈ പദ്ധതികൾ സമയബന്ധിതമായി പൂർത്തീകരിക്കുന്നതിന് നിലവിൽ എന്തൊക്കെ തടസ്സങ്ങളാണ് നേരിടുന്നത് എന്ന് വ്യക്തമാക്കാമോ;

(ഡി)  പ്രസ്തുത തടസ്സങ്ങൾ പരിഹരിക്കുന്നതിനും പദ്ധതികൾ വേഗത്തിലാക്കുന്നതിനും സർക്കാർ സ്വീകരിച്ചിട്ടുള്ളതും സ്വീകരിക്കാൻ ഉദ്ദേശിക്കുന്നതുമായ അടിയന്തര നടപടികൾ എന്തെല്ലാമാണെന്ന് പദ്ധതി തിരിച്ച് മറുപടി നൽകാമോ;

(ഇ)  ഈ പദ്ധതികളുടെ പണികൾ പൂർത്തീകരിക്കുവാൻ ഉദ്ദേശിക്കുന്ന കൃത്യമായ സമയപരിധി സംബന്ധിച്ച് ഇനം തിരിച്ച് മറുപടി നൽകാമോ?

എ.എല്‍.എ. - എസ്.ഡി.എഫ്. ല്‍ ഉള്‍പ്പെടുത്തി പാലിയേറ്റീവ് പ്രവര്‍ത്തനങ്ങള്‍ക്കായി വാഹനം

104  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എം.എല്‍.എ.-എസ്.ഡി.എഫ്.-ല്‍ ഉള്‍പ്പെടുത്തി കണ്ണൂര്‍ കോര്‍പ്പറേഷനില്‍ പുഴാതി, പള്ളിക്കുന്ന് സോണലുകളില്‍ പാലിയേറ്റീവ് പ്രവര്‍ത്തനങ്ങള്‍ക്കായി വാഹനം വാങ്ങുന്ന പ്രവൃത്തിയുടെ നിലവിലെ സ്ഥിതി എന്താണ് വിശദമാക്കാമോ;

(ബി)  3155073/എൻ.സി.ബി.റ്റി /112/2025നമ്പര്‍ പ്രകാരം ജില്ലാ കളക്ടർക്ക് നല്‍കിയ കത്തിന് മറുപടി ലഭിച്ചിട്ടുണ്ടോ; വിശദമാക്കാമോ;

(സി)  വാഹനം വാങ്ങുന്നതിന് പ്രത്യേകാനുമതി നല്‍കുന്നതിന് എന്തെങ്കിലും തടസ്സങ്ങള്‍ ഉണ്ടോ; വിശദമാക്കാമോ?

എം.എല്‍.എ.ഫണ്ടിലെ പ്രവൃത്തികളുടെ സാങ്കേതികാനുമതി

105  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഭരണാനുമതി ലഭിച്ച എം.എല്‍.എ. അസറ്റ് ഡെവലപ്മെന്റ് സ്കീം (എ.ഡി.എസ്), സ്പെഷ്യല്‍ ഡെവലപ്മെന്റ് ഫണ്ട് (എസ്.ഡി.എഫ്.) പ്രവൃത്തികളുടെ ടെക്നിക്കല്‍ സാങ്ഷന്‍ (റ്റി.എസ്) നല്‍കുന്നതില്‍ നിലവിലുള്ള മാനദണ്ഡങ്ങള്‍ വിശദമാക്കാമോ;

(ബി)  എം.എൽ.എ.മാരുടെ മുപ്പത് ലക്ഷം രൂപ വരെയുള്ള എ.ഡി.എസ്.,എസ്.ഡി.എഫ്. പ്രവൃത്തികള്‍ക്ക് സാങ്കേതികാനുമതി (റ്റി.എസ്) നല്‍കുന്നതിനുള്ള അധികാരം എക്സിക്യൂട്ടീവ് എഞ്ചിനീയര്‍ (എൽ.എസ്.ജി.ഡി.)-ല്‍ നിന്നും അസിസ്റ്റന്റ് എക്സിക്യൂട്ടീവ് എഞ്ചിനീയര്‍ക്ക് നല്‍കുന്നത് പരിഗണിക്കാമോ?

വിരമിച്ച പങ്കാളിത്ത പെൻഷൻ ജീവനക്കാർക്ക് മിനിമം പെൻഷനും ഡി.സി.ആര്‍.ജി., ഡി.എ. കുടിശ്ശികകളും അനുവദിക്കുന്നത്

106  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എന്‍.പി.എസ്.(പങ്കാളിത്ത പെൻഷൻ )പദ്ധതിയിൽ നിന്ന് വിരമിച്ച ജീവനക്കാർക്ക് ലഭിക്കുന്ന പ്രതിമാസ ആന്വിറ്റി തുക വളരെ കുറവാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഇതിൽ മിനിമം പെൻഷൻ ഉറപ്പാക്കാൻ നടപടി സ്വീകരിക്കുമോയെന്ന് വ്യക്തമാക്കാമോ;

(ബി)  പങ്കാളിത്ത പെൻഷൻ വഴി വിരമിച്ച ജീവനക്കാർക്ക് മറ്റ് സർവീസ് പെൻഷണർമാരെപ്പോലെ ഡി.സി.ആര്‍.ജി. (ഡെത്ത് കം റിട്ടയർമെന്റ് ഗ്രാജുവൈറ്റി), ഡി.എ. കുടിശ്ശിക എന്നിവ അനുവദിക്കണമെന്ന് ആവശ്യപ്പെട്ട് നിവേദനങ്ങൾ ലഭിച്ചിട്ടുണ്ടോയെന്ന് വ്യക്തമാക്കാമോ;

(സി)  സംസ്ഥാനത്ത് പങ്കാളിത്ത പെൻഷൻ സ്കീമിലുൾപ്പെട്ട എത്ര ജീവനക്കാരാണ് ഇതുവരെ വിരമിച്ചിട്ടുള്ളതെന്നും, അവർക്ക് സർവീസ് ആനുകൂല്യങ്ങളും അർഹമായ മിനിമം പെൻഷനും ഉറപ്പാക്കുന്നതിന് സർക്കാർ എന്തെല്ലാം അടിയന്തര നടപടികളാണ് സ്വീകരിച്ചു വരുന്നതെന്നും വ്യക്തമാക്കാമോ?

പന്ത്രണ്ടാം ശമ്പള പരിഷ്കരണം

107  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാന സര്‍ക്കാര്‍ ജീവനക്കാര്‍ക്കും അദ്ധ്യാപകര്‍ക്കും പെന്‍ഷന്‍കാര്‍ക്കും 01.07.2024 പ്രാബല്യത്തിൽ അനുവദിക്കേണ്ട 12-ാം ശമ്പള പരിഷ്കരണത്തിനായി രൂപീകരിച്ച ശമ്പള പരിഷ്കരണ കമ്മിഷന്റെ നിലവിലെ അവസ്ഥ എന്താണെന്ന് വ്യക്തമാക്കാമോ;

(ബി)  ശമ്പള പരിഷ്കരണ കമ്മീഷന്റെ കാലാവധി ദീര്‍ഘിപ്പിച്ച് നല്‍കിയിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് അറിയിക്കാമോ;

(സി)  12-ാം ശമ്പള പരിഷ്കരണം വൈകുന്ന സാഹചര്യത്തില്‍ ഇടക്കാല ആശ്വാസം അനുവദിക്കുന്നത് പരിഗണനയില്‍ ഉണ്ടോ; വ്യക്തമാക്കാമോ?

ജീവനക്കാരുടെയും അധ്യാപകരുടെയും ശമ്പള പരിഷ്കരണം

108  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)   സംസ്ഥാനം രൂപീകൃതമായ ശേഷം സര്‍ക്കാര്‍ ജീവനക്കാരുടെയും അധ്യാപകരുടെയും ശമ്പളം എത്ര തവണ പരിഷ്കരിച്ചിട്ടുണ്ടെന്ന് വ്യക്തമാക്കാമോ;

(ബി)  ഓരോ ശമ്പള പരിഷ്കരണത്തിന്റെയും പ്രാബല്യ തീയതിയും അത് സംബന്ധിച്ച് പുറപ്പെടുവിച്ച ഉത്തരവുകളുടെ തീയതിയും വ്യക്തമാക്കാമോ;

(സി)  സംസ്ഥാനത്ത് ശമ്പള പരിഷ്കരണത്തിന് നിശ്ചയിച്ചിട്ടുള്ള അഞ്ച് വര്‍ഷതത്വം എപ്പോഴെങ്കിലും പാലിക്കാതിരുന്നിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ;

(ഡി)  ശമ്പള പരിഷ്കരണ കുടിശ്ശിക പൂര്‍ണമായും നല്‍കാത്ത സന്ദര്‍ഭങ്ങള്‍ ഉണ്ടായിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കാമോ?

ബോര്‍ഡുകളിലെയും കോര്‍പ്പറേഷനുകളിലെയും ഒഴിവുകള്‍ പി.എസ്.സി-ക്ക് റിപ്പോര്‍ട്ട് ചെയ്യുന്നത്

109  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലെ സര്‍ക്കാര്‍ അധികാരത്തില്‍ വന്നതിനുശേഷം സര്‍ക്കാര്‍ അധീനതയിലുള്ള ബോര്‍ഡുകളിലും കോര്‍പ്പറേഷനുകളിലുമായി എത്ര ജീവനക്കാര്‍ അധിവര്‍ഷ പെന്‍ഷന്‍ പറ്റി പിരിഞ്ഞിട്ടുണ്ടെന്ന് വിശദമാക്കാമോ;

(ബി)  ആയതിന്റെ അടിസ്ഥാനത്തില്‍ എത്ര ഒഴിവുകള്‍ നിലവില്‍ വന്നിട്ടുണ്ടെന്ന് വിശദമാക്കാമോ;

(സി)  പ്രസ്തുത ഒഴിവുകള്‍ കെ.പി.എസ്.സി -ക്ക് റിപ്പോര്‍ട്ട് ചെയ്തിട്ടുണ്ടോയെന്ന് വ്യക്തമാക്കാമോ?

മണലൂര്‍ മണ്ഡലത്തിലെ ബജറ്റ് പദ്ധതികളുടെ നിര്‍വഹണവും പുരോഗതിയും

110  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് സാമ്പത്തിക വര്‍ഷങ്ങളില്‍ സംസ്ഥാന ബജറ്റില്‍ 20 ശതമാനം തുക വകയിരുത്തി മണലൂര്‍ നിയമസഭാ മണ്ഡലത്തിനായി അനുവദിച്ച പദ്ധതികള്‍ ഏതെല്ലാമാണെന്നും പ്രസ്തുത പദ്ധതികളുടെ നിലവിലെ സ്ഥിതി എന്താണെന്നും ഏതെല്ലാം വകുപ്പുകളുടെ കീഴിലാണ് പദ്ധതികള്‍ അനുവദിച്ചിട്ടുള്ളതെന്നും പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിന് സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്നും വിശദമാക്കാമോ;

(ബി)  പൂര്‍ത്തിയാകാതെ കിടക്കുന്ന പദ്ധതികള്‍ക്ക് ആവശ്യമായ അധിക തുക അനുവദിച്ച് അവ നിശ്ചിത സമയപരിധിക്കുള്ളില്‍ പൂര്‍ത്തീകരിക്കുന്നതിന് നടപടി സ്വീകരിക്കുമോ?

മണലൂര്‍ മണ്ഡലത്തിലെ ബജറ്റ് പദ്ധതികളുടെ നിര്‍വഹണവും പുരോഗതിയും

111  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് സാമ്പത്തിക വർഷങ്ങളില്‍ സംസ്ഥാന ബജറ്റില്‍ മണലൂര്‍ നിയമസഭാ മണ്ഡലത്തിനായി 20 ശതമാനം തുക വകയിരുത്തി അനുവദിച്ച പദ്ധതികള്‍ ഏതെല്ലാമാണെന്നും പ്രസ്തുത പദ്ധതികളുടെ നിലവിലെ സ്ഥിതി എന്താണെന്നും ഏതെല്ലാം വകുപ്പുകളുടെ കീഴിലാണ് പദ്ധതികൾ അനുവദിച്ചിട്ടുള്ളതെന്നും പദ്ധതികൾ സമയബന്ധിതമായി പൂർത്തീകരിക്കുന്നതിന് സർക്കാർ സ്വീകരിച്ചിട്ടുള്ള നടപടികൾ എന്തൊക്കെയാണെന്നും വിശദമാക്കാമോ;

(ബി)  കഴിഞ്ഞ അഞ്ച് സാമ്പത്തിക വർഷങ്ങളിൽ മണലൂർ നിയമസഭാ മണ്ഡലത്തിനായി സംസ്ഥാന ബജറ്റിൽ 20 ശതമാനം പ്രൊവിഷന്‍ നൽകി ഉൾപ്പെടുത്തിയിട്ടുള്ള പദ്ധതികളുടെ പേര്, ബജറ്റ് വർഷം, ഭരണവകുപ്പ്, നിർവഹണ ഏജൻസി, അനുവദിച്ച തുക എന്നിവയുടെ വിശദാംശങ്ങൾ ലഭ്യമാക്കുമോ;

(സി)  പ്രസ്തുത ഓരോ പദ്ധതിയുടെയും, നിലവിലെ സ്ഥിതി - ഭരണാനുമതി ലഭിച്ചത്, സാങ്കേതികാനുമതി ലഭിച്ചത് ടെന്‍ഡര്‍ നടപടികള്‍ പൂർത്തിയായത്, പ്രവൃത്തി ആരംഭിച്ചത്, പൂര്‍ത്തിയായത്, പുരോഗതിയിലുളളത്, ആരംഭിക്കാത്തത് - എന്നിങ്ങനെ പദ്ധതി അടിസ്ഥാനത്തില്‍ വ്യക്തമാക്കുമോ;

(ഡി)  ഓരോ പദ്ധതിക്കും ഇതുവരെ അനുവദിച്ച തുകയിൽ എത്ര തുക ചെലവഴിച്ചിട്ടുണ്ടെന്നും ഇനി ആവശ്യമായ തുക എത്രയാണെന്നും വ്യക്തമാക്കാമോ; ഭരണാനുമതി ലഭിച്ചിട്ടും പ്രവൃത്തി ആരംഭിക്കാത്തതോ മുടങ്ങിക്കിടക്കുന്നതോ ആയ പദ്ധതികള്‍ ഏതൊക്കെയാണെന്നും അവ വൈകുന്നതിനുള്ള കാരണങ്ങള്‍ എന്തൊക്കെയാണെന്നും വിശദമാക്കാമോ;

(ഇ)  ഭൂമി ഏറ്റെടുക്കല്‍, ഭരണാനുമതി, സാങ്കേതികാനുമതി, ഡി.പി.ആര്‍., ടെന്‍ഡര്‍, ഫണ്ട് ലഭ്യത തുടങ്ങിയ കാരണങ്ങളാല്‍ പദ്ധതികള്‍ വൈകുന്നുണ്ടെങ്കില്‍ കാലതാമസം പരിഹരിക്കുന്നതിനായി ബന്ധപ്പെട്ട വകുപ്പുകള്‍ക്ക് സര്‍ക്കാര്‍ നിര്‍ദ്ദേശം നല്‍കിയിട്ടുണ്ടോ; വ്യക്തമാക്കാമോ;

(എഫ്)  മണ്ഡലത്തിലെ ബജറ്റ് പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിനായി വകുപ്പ് അടിസ്ഥാനത്തില്‍ സമയക്രമം നിശ്ചയിച്ച് പുരോഗതി അവലോകനം ചെയ്യുന്നതിനുളള സംവിധാനം സര്‍ക്കാര്‍ ഏര്‍പ്പെടുത്തിയിട്ടുണ്ടോ;

(ജി)  പൂര്‍ത്തിയാകാതെ കിടക്കുന്ന പദ്ധതികള്‍ക്ക് ആവശ്യമായ അധിക തുക അനുവദിച്ച് അവ നിശ്ചിത സമയപരിധിക്കുളളില്‍ പൂര്‍ത്തീകരിക്കുന്നതിന് ധനകാര്യ വകുപ്പ് നടപടി സ്വീകരിക്കുമോ?

ഭിന്നശേഷിക്കാരുടെ ക്ഷേമ പെൻഷൻ അനുവദിക്കുന്നതിന് നിശ്ചയിച്ചിട്ടുള്ള വരുമാനപരിധി

112  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ ഭിന്നശേഷിക്കാർക്കുള്ള ക്ഷേമ പെൻഷൻ അനുവദിക്കുന്നതിന് നിശ്ചയിച്ചിട്ടുള്ള വരുമാനപരിധി എത്രയാണ്; വരുമാനപരിധി കാരണം അർഹരായ നിരവധി ഭിന്നശേഷിക്കാർക്ക് പെൻഷൻ ലഭിക്കാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

(ബി)  മക്കള്‍ക്ക് സർക്കാർ ജോലിയുള്ള കാരണം നിരവധി ഗുണഭോക്താക്കൾക്കും പെൻഷൻ നിഷേധിക്കപ്പെടുകയും അവര്‍ക്ക് മരുന്നിനും മറ്റ് ദൈനംദിന ആവശ്യങ്ങൾ നിറവേറ്റുന്നതിനും വലിയ പ്രയാസം നേരിടുന്ന സാഹചര്യം ഉണ്ടായിട്ടുള്ളതും ശ്രദ്ധയിൽപ്പെട്ടിട്ടുണ്ടോ;

(സി)  ഭിന്നശേഷിക്കാരായ വ്യക്തികൾ നേരിടുന്ന സാമ്പത്തിക ബുദ്ധിമുട്ടുകൾ കണക്കിലെടുത്ത്, പെൻഷൻ ലഭിക്കുന്നതിനുള്ള വരുമാനപരിധി കുറഞ്ഞത് അഞ്ചു ലക്ഷം രൂപയായി ഉയർത്തി നിശ്ചയിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

ക്ഷേമ പെൻഷൻ

113  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ ക്ഷേമ പെൻഷൻ കൈപ്പറ്റുന്നവര്‍ എത്രയെന്നും മുന്‍ സർക്കാരിന്റെ കാലത്ത് ക്ഷേമ പെൻഷൻ കൈപ്പറ്റിയിരുന്നവര്‍ എത്രയെന്നും വിശദമാക്കാമോ?

സാമൂഹ്യസുരക്ഷാ പെന്‍ഷന്‍

114  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സാമൂഹ്യസുരക്ഷാ പെന്‍ഷന്‍ നല്‍കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)  ഏതൊക്കെ വിഭാഗങ്ങള്‍ക്ക് ഇതില്‍ ഇളവ് അനുവദിച്ചിട്ടുണ്ട്;

(സി)  വീട്ടില്‍ എ.സി. ഉള്ളവരെ പ്രസ്തുത പെന്‍ഷന്‍ നല്‍കുന്നതില്‍ നിന്ന് ഒഴിവാക്കിയിട്ടുണ്ടോ; ചില പ്രത്യേക രോഗങ്ങള്‍ ഉള്ളവര്‍ക്ക് നാട്ടിലെ സന്നദ്ധ സംഘടനകളും യുവജന സംഘടനകളും ക്ലബുകളും എ.സി. വാങ്ങി നല്‍കിയതിനാല്‍ പെന്‍ഷനില്‍നിന്ന് പ്രസ്തുത ആള്‍ക്കാരെ ഒഴിവാക്കിയിട്ടുണ്ടോ; എങ്കില്‍ ഇങ്ങനെയുള്ളവര്‍ക്ക് ഇളവ് നല്‍കാന്‍ ആവശ്യമായ നടപടി സ്വീകരിക്കുമോ?

ക്ഷേമ പെൻഷൻ പദ്ധതികളിലെ അർഹതാ മാനദണ്ഡം

115  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  എയർ കണ്ടീഷണർ ഉണ്ടെന്ന കാരണത്താൽ ഗുണഭോക്താക്കളെ സാമൂഹ്യ സുരക്ഷാ / ക്ഷേമനിധി ബോർഡ് പെൻഷനുകളിൽ നിന്ന് ഒഴിവാക്കുന്നുവെന്ന വിഷയം ശ്രദ്ധയിൽപ്പെട്ടിട്ടുണ്ടോ;

(ബി)  വിവിധ ക്ഷേമ പെൻഷനുകൾ ലഭിക്കുന്നതിനുള്ള അർഹതാ മാനദണ്ഡം പുന:പരിശോധിക്കുന്നതിന് തീരുമാനിച്ചിട്ടുണ്ടോ; വിശദമാക്കാമോ;

(സി)  അർഹരായ വ്യക്തികൾക്ക് നിഷേധിക്കപ്പെട്ടിട്ടുള്ള ക്ഷേമ പെൻഷനുകൾ പുനസ്ഥാപിച്ച് നൽകുന്നതിന് എയർ കണ്ടീഷണർ ഉള്ളവർക്ക് ഇളവ് അനുവദിക്കുന്നത് പരിഗണനയിലുണ്ടോ?

ദുരന്ത നിവാരണ പ്രവർത്തനങ്ങൾ

116  ശ്രീ. കെ. രാജന്‍
ശ്രീ. ഗോവിന്ദൻ പള്ളിക്കാപ്പിൽ
ശ്രീ. മുഹമ്മദ് മുഹസിന്‍
ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ഉരുൾപൊട്ടലുകൾ, തീരശോഷണം, മുണ്ടക്കൈ-ചൂരൽമലയിലെ ദുരന്തം, വെള്ളപ്പൊക്കങ്ങൾ എന്നിങ്ങനെ കഴിഞ്ഞ ദശകത്തിൽ കേരളം നേരിട്ട നിരവധി വിനാശകരമായ പ്രകൃതി ദുരന്തങ്ങൾ ശാസ്ത്രീയമായ തയ്യാറെടുപ്പിന്റെയും മുൻകരുതലിന്റെയും അനിവാര്യത വെളിപ്പെടുത്തിയിട്ടുണ്ടോ; വിശദമാക്കുമോ;

(ബി)  പ്രകൃതി ദുരന്തങ്ങളുമായി ബന്ധപ്പെട്ട് മുന്നറിയിപ്പ് നൽകുന്നതിലും രക്ഷാപ്രവർത്തനങ്ങൾ ഏകോപിപ്പിക്കുന്നതിലും നഷ്ടപരിഹാരം യഥാസമയം വിതരണം ചെയ്യുന്നതിലും സർക്കാരിന്റെ ഭാഗത്തുനിന്നും ഉണ്ടായതായി പറയപ്പെടുന്ന വീഴ്ചകൾ ആവർത്തിക്കാതിരിക്കാൻ നടപടികൾ സ്വീകരിച്ചിട്ടുണ്ടോ; വിശദമാക്കുമോ;

(സി)  മുൻ സർക്കാർ നടപ്പിലാക്കിയ പ്രകൃതിദുരന്ത നിവാരണ സംവിധാന പ്രവർത്തനങ്ങളുടെ തുടർച്ച ഉറപ്പുവരുത്തുന്നതിനായി നിലവിലുള്ള പ്രകൃതിദുരന്ത നിവാരണ സംവിധാനങ്ങൾ കൂടുതൽ മെച്ചപ്പെടുത്തുന്നതിനും ആധുനികവൽക്കരിക്കുന്നതിനും നടപടികൾ സ്വീകരിച്ചിട്ടുണ്ടോ; വിശദമാക്കുമോ;

(ഡി)  സംസ്ഥാനത്ത് മിന്നൽപ്രളയം പതിവായ സാഹചര്യത്തിൽ പ്രാദേശിക കാലാവസ്ഥാ ഡേറ്റയുടെ അഭാവവും ജലാശയങ്ങളുടെ ആഴക്കുറവും വെള്ളം ഒഴുകാൻ ഇടമില്ലാത്തതും പ്രതിസന്ധി രൂക്ഷമാക്കുന്നു എന്നത് വിലയിരുത്തിയിട്ടുണ്ടോ; ഓരോ പ്രദേശത്തെയും കാലാവസ്ഥാ ഡേറ്റ ലഭിക്കാത്തതിനാൽ പ്രാദേശിക പ്രവചനം പരാജയപ്പെടുന്നത് ഒഴിവാക്കാൻ കൂടുതൽ റഡാറുകളും ഓട്ടോമാറ്റിക് വെതർ സ്റ്റേഷനുകളും സ്ഥാപിച്ച് ഡേറ്റ പൊതുജനങ്ങൾക്ക് ലഭ്യമാക്കുവാന്‍ നടപടികൾ സ്വീകരിച്ചിട്ടുണ്ടോ; വിശദമാക്കുമോ?

എസ്.എൽ.ഐ, ഗ്രൂപ്പ് ഇൻഷ്വറൻസ് ക്ലെയിമുകൾ

117  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  പൊതുമേഖലാ ഇൻഷുറൻസ് കമ്പനികൾ ഉൾപ്പെടെ ക്ലെയിമുകൾ തീർപ്പാക്കുന്നതിനു കാലാനുസൃതമായ മാറ്റങ്ങൾ ഏർപ്പെടുത്തുന്ന ഈ കാലത്തും കാലഹരണപ്പെട്ട നടപടിക്രമങ്ങൾ ജീവനക്കാരുടെ എസ്.എൽ.ഐ, ഗ്രൂപ്പ് ഇൻഷ്വറൻസ് എന്നിവ അനുവദിക്കുന്നതിനു നിഷ്കർഷിക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  റവന്യൂ സ്റ്റാമ്പിന്റെ ദൗർലഭ്യം നേരിടുന്നതിനാലും ബന്ധപ്പെട്ട വ്യക്തികളുടെ അക്കൗണ്ടിലേക്ക് ഓൺലൈൻ മുഖേന തുക അനുവദിക്കുന്നതിനാലും ജീവനക്കാരുടെ എസ്.എൽ.ഐ, ഗ്രൂപ്പ് ഇൻഷുറൻസ് എന്നിവ അനുവദിക്കുന്നതിനു റവന്യൂ സ്റ്റാമ്പ് ഒഴിവാക്കുന്നത് ഉൾപ്പടെ കാലാനുസ്യതമായ പരിഷ്കാരങ്ങൾ നടപ്പിലാക്കുന്നത് പരിഗണിക്കുമോ; വിശദമാക്കാമോ;

(സി)  യഥാസമയം തുക അനുവദിക്കാത്തതുമൂലം ജീവനക്കാരുടെ എസ്.എൽ.ഐ, ഗ്രൂപ്പ് ഇൻഷ്വറൻസ് ക്ലെയിമുകൾ ലഭിക്കുന്നതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ഡി)  ജീവനക്കാരുടെ എസ്.എൽ.ഐ, ഗ്രൂപ്പ് ഇൻഷ്വറൻസ് ക്ലെയിമിനുള്ള എത്ര അപേക്ഷകളാണ് നിലവിൽ കുടിശ്ശികയുള്ളത്; വിശദമാക്കാമോ;

(ഇ)  എസ്.എൽ.ഐ, ഗ്രൂപ്പ് ഇൻഷ്വറൻസ് ക്ലെയിമുകൾ യഥാസമയം അനുവദിച്ചു തുക വിതരണം ചെയ്യുന്നതിന് നടപടികൾ സ്വീകരിക്കുമോ; വിശദമാക്കാമോ?

കാസർഗോഡ് വികസന പാക്കേജ്

118  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കാസർഗോഡ് വികസന പാക്കേജിൽപ്പെടുത്തി നാളിതുവരെ കാസർഗോഡ് ജില്ലയിൽ ഭരണാനുമതി നൽകിയ പ്രവൃത്തികളുടെ നിയോജക മണ്ഡലം തിരിച്ചുള്ള വിശദാംശങ്ങൾ നൽകാമോ;

(ബി)  പ്രസ്തുത ഓരോ പ്രവർത്തിയുടെയും പുരോഗതി വ്യക്തമാക്കാമോ?

പുനലൂർ മണ്ഡലത്തിലെ നവകേരള സദസ്സ് വികസന പദ്ധതി

119  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നവകേരള സദസ്സുമായി ബന്ധപ്പെട്ട് പുനലൂർ മണ്ഡലത്തിൽ അംഗീകാരം നൽകിയ 7 കോടി രൂപയുടെ പ്രവൃത്തി തൽക്കാലം നടപ്പിലാക്കാൻ കഴിയാത്തതിനാൽ പ്രസ്തുത 7 കോടി രൂപ മറ്റ് പ്രവൃത്തികൾക്കായി മാറ്റി നൽകണമെന്ന് ആവശ്യപ്പെട്ട് എം.എൽ.എ നൽകിയ നിവേദനം അങ്ങയുടെ ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത നിവേദനത്തിന്മേൽ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കാമോ?

മുന്‍ രണ്ട് സര്‍ക്കാറിന്റെ കാലത്തുളള മന്ത്രിമാരുടെ വിദേശയാത്ര

120  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 കാലയളവിൽ മുഖ്യമന്ത്രി, മന്ത്രിമാർ എന്നിവർ എത്ര തവണ വിദേശയാത്ര നടത്തിയിട്ടുണ്ടെന്നു വ്യക്തമാക്കാമോ;

(ബി)  അവർ പങ്കെടുത്ത ഔദ്യോഗിക പരിപാടികൾ എത്രയെന്നും സ്വകാര്യ പരിപാടികൾ എത്രയെന്നും വ്യക്തമാക്കാമോ;

(സി)  ആയതിനായി സർക്കാരിന് ചെലവായ തുക എത്രയെന്നും വ്യക്തമാക്കാമോ?

ഗുരുവായൂര്‍ നിയോജകമണ്ഡലത്തിലെ റോഡ് പുനരുദ്ധാരണ പദ്ധതി

121  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി പൂര്‍ത്തീകരിക്കാത്തതായ ഗുരുവായൂര്‍ നിയോജകമണ്ഡലത്തിലെ റോഡുകളുടെ വിവരങ്ങള്‍ ലഭ്യമാക്കാമോ;

(ബി)  പ്രസ്തുത റോഡുകള്‍ എന്നത്തേക്ക് പൂര്‍ത്തീകരിക്കാനാകുമെന്ന് വിശദമാക്കാമോ?

സംസ്ഥാനത്തിന്റെ മൊത്തം കടബാധ്യതയും ധവള പത്രവും

122  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവില്‍ സംസ്ഥാനത്തിന്റെ മൊത്തം കടബാധ്യത എത്രയാണ്; ഈ സ‍‍ർക്കാർ അധികാരത്തില്‍ വന്നതിനുശേഷം എത്ര തുകയാണ് കടമെടുത്തിട്ടുളളത്; വിശദമാക്കാമോ; സംസ്ഥാനത്തിന്റെ ധനസ്ഥിതി മെച്ചപ്പെടുത്താന്‍ പുറത്തിറക്കിയ ധവള പത്രത്തിന്റെ ഇപ്പോഴത്തെ സ്ഥിതി എന്താണ്; ധവളപത്രത്തില്‍ പരാമ‍ർശിച്ച നി‍ർദ്ദേശങ്ങള്‍ നടപ്പിലാക്കാന്‍ ആരംഭിച്ചിട്ടുണ്ടോ; ഉണ്ടെങ്കില്‍ വിശദമാക്കാമോ;

(ബി)  ധവളപത്രത്തില്‍ പ്രഖ്യാപിച്ചിരുന്ന എത്ര സ്റ്റാർട്ടപ്പുകളാണ് സ‍ർക്കാർ അധികാരത്തില്‍ വന്നതിനുശേഷം ആരംഭിച്ചിട്ടുള്ളത്; വിശദമാക്കാമോ; എത്ര യുവാക്കള്‍ക്ക് ഇതുവഴി തൊഴില്‍ നല്‍കാന്‍ സാധിച്ചിട്ടുണ്ട്; വിശദമാക്കാമോ?

നെന്മാറ നിയോജക മണ്ഡലത്തിലെ സി.എം.എല്‍.ആര്‍.ആര്‍.പ്രോജക്ട്

123  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നെന്മാറ നിയോജക മണ്ഡലത്തില്‍ സി.എം.എല്‍.ആര്‍.ആര്‍.പി. (ചീഫ് മിനിസ്റ്റേഴ്സ് ലോക്കൽ റോഡ് റീബിൽഡ് പ്രോജക്റ്റ്)-ല്‍ ഉള്‍പ്പെടുത്തി ഭരണാനുമതി ലഭിച്ചതില്‍ നിലവില്‍ പ്രവൃത്തി നടന്നുവരുന്നതും പൂര്‍ത്തീകരിക്കാന്‍ അവശേഷിക്കുന്നതുമായ പ്രവൃത്തികള്‍ ഏതെല്ലാമാണെന്ന് വ്യക്തമാക്കാമോ;

(ബി)  പ്രസ്തുത പ്രവൃത്തികള്‍ക്ക് ഭരണാനുമതിയും സാങ്കേതികാനുമതിയും ലഭിച്ച തീയതികളും ഓരോന്നിനും അനുവദിച്ച തുക, നിലവിലെ പ്രവ‍ൃത്തി പുരോഗതി ഇവ പഞ്ചായത്ത് തിരിച്ചു വ്യക്തമാക്കാമോ;

(സി)  നിലവില്‍ നിര്‍മ്മാണം തുടര്‍ന്നുവരുന്ന മേല്‍പ്പറഞ്ഞ പ്രവൃത്തികള്‍ പൂര്‍ത്തീകരിക്കുന്നതിന് നിശ്ചയിച്ചിട്ടുള്ള സമയപരിധി വ്യക്തമാക്കാമോ?

പൊതുമരാമത്ത് പ്രവ‍ൃത്തികള്‍

124  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2026-27 സംസ്ഥാന ബജറ്റില്‍ അനുബന്ധം II, വാല്യം.II (ഭരണാനുമതിയില്ലാത്ത പൊതുമരാമത്ത് പ്രവൃത്തികളുടെ വിശദാംശങ്ങള്‍) പ്രകാരം ഉള്‍പ്പെടുത്തിയ എത്ര പ്രവൃത്തികള്‍ക്ക് നാളിതുവരെ ഭരണാനുമതി നല്‍കിയിട്ടുണ്ടെന്ന് വ്യക്തമാക്കാമോ;

(ബി)  ചെങ്ങന്നൂര്‍ നിയോജകമണ്ഡലത്തിലെ എത്ര പ്രവൃത്തികള്‍ക്ക് 2026-27-ല്‍ ഭരണാനുമതി നല്‍കിയിട്ടുണ്ടെന്ന് വ്യക്തമാക്കാമോ;

(സി)  ഭരണാനുമതി വൈകുന്നതിനുള്ള കാലതാമസം ഒഴിവാക്കുന്നതിന് നടപടി സ്വീകരിക്കുമോ; വിശദമാക്കാമോ?

ധനകാര്യ സ്ഥാപനങ്ങളിൽ നിന്നുള്ള വായ്പ തിരിച്ചടവിൽ ഇളവും സാവകാശവും

125  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കെ.എസ്.എഫ്.ഇ, മറ്റ് സ്വകാര്യ ധനകാര്യസ്ഥാപനങ്ങൾ എന്നിവിടങ്ങളിൽ നിന്നും വിവിധ ആവശ്യങ്ങൾക്കായി പൊതുജനങ്ങൾ എടുത്തിട്ടുള്ള വായ്പ തൊഴിൽ നഷ്ടം, പ്രകൃതിദുരന്തങ്ങൾ, വരുമാനക്കുറവ്, രോഗം, അപകടം, വ്യാപാര-വ്യവസായ രംഗത്തെ പ്രതിസന്ധി എന്നീ സാഹചര്യങ്ങൾ കാരണം തിരിച്ചടയ്ക്കാൻ കഴിയാത്ത വിഷയം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  ഇത്തരത്തിൽ വായ്പ തിരിച്ചടവിൽ വീഴ്ചവരുത്തിയവർക്കെതിരെ നിലവിൽ സ്വീകരിച്ചുവരുന്ന റിക്കവറി നടപടികളിൽ കുടിശ്ശിക തുക ഗഡുക്കളായി തിരിച്ചടയ്ക്കുന്നതിനും തിരിച്ചടവിന് കൂടുതൽ സാവകാശം അനുവദിക്കുന്നതിനും പിഴപ്പലിശയിലും മറ്റ് ചാർജ്ജുകളിലും ഇളവ് അനുവദിക്കുന്നതിനും എന്തെങ്കിലും പദ്ധതികൾ നിലവിലുണ്ടോ; വിശദമാക്കാമോ; ഇല്ലായെങ്കിൽ അപ്രകാരമുള്ള പദ്ധതികൾ നടപ്പാക്കുന്നത് പരിഗണനയിലുണ്ടോ?

അംഗൻവാടി ജീവനക്കാരുടെ പെൻഷൻ

126  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ വിവിധ വിഭാഗങ്ങളിലുള്ള സാമൂഹ്യസുരക്ഷാ/ക്ഷേമ പെൻഷനുകളുടെ നിരക്കുമായി താരതമ്യം ചെയ്യുമ്പോൾ അംഗൻവാടി വർക്കർമാർക്കും ഹെൽപ്പർമാർക്കും ലഭിക്കുന്ന പെൻഷൻ തുക താരതമ്യേന കുറവാണെന്നത് ശ്രദ്ധയിൽപ്പെട്ടിട്ടുണ്ടോ;

(ബി)  ശിശുക്കളുടെയും ഗർഭിണികളുടെയും പോഷണം, പ്രീ-സ്കൂൾ വിദ്യാഭ്യാസം, ആരോഗ്യ-പോഷണ പ്രവർത്തനങ്ങൾ, സർക്കാർ ക്ഷേമപദ്ധതികളുടെ നിർവഹണം തുടങ്ങിയ മേഖലകളിൽ ദീർഘകാലം സേവനം അനുഷ്ഠിച്ചുവരുന്ന അംഗൻവാടി ജീവനക്കാരുടെ സേവനകാലവും സേവനത്തിന്റെ സ്വഭാവവും പരിഗണിച്ച് മെച്ചപ്പെട്ട പെൻഷൻ ആനുകൂല്യം നൽകേണ്ടതുണ്ടെന്ന സാഹചര്യം വിലയിരുത്തിയിട്ടുണ്ടോ;

(സി)  നിലവിലുള്ള പെൻഷൻ തുക വർധിപ്പിക്കുന്നതിനും മറ്റ് ക്ഷേമ പെൻഷനുകൾക്ക് സമാനമായോ അതിനനുസൃതമായോ പെൻഷൻ ഉറപ്പാക്കുന്നതിനും പദ്ധതി രൂപീകരിച്ചിട്ടുണ്ടോ;

(ഡി)  അംഗൻവാടി വർക്കർമാരുടെയും ഹെൽപ്പർമാരുടെയും പെൻഷൻ കാലാകാലങ്ങളിൽ വിലയിരുത്തി ജീവിതച്ചെലവിന്റെ വർധനയ്ക്കനുസരിച്ച് പെൻഷൻ തുക പരിഷ്കരിക്കുന്നതിന് പ്രത്യേക മാനദണ്ഡം ഏർപ്പെടുത്തുന്നത് പരിഗണനയിലുണ്ടോ; വിശദമാക്കാമോ?

ജി.എസ്.റ്റി. നടപ്പാക്കിയതുമൂലം ഉണ്ടായ മാറ്റങ്ങൾ

127  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ജി.എസ്.റ്റി. നടപ്പാക്കിയതുമൂലം സംസ്ഥാനത്തിന്റെ നികുതിഘടനയിൽ എന്തെല്ലാം മാറ്റങ്ങൾ ഉണ്ടായിട്ടുണ്ട് എന്ന് പരിശോധിച്ചിട്ടുണ്ടോ; വിശദമാക്കാമോ;

(ബി)  ജി.എസ്.റ്റി. കോമ്പൻസേഷൻ വിഹിതമായി കേന്ദ്രസർക്കാരിൽ നിന്നും ലഭ്യമായ ആകെ തുക എത്രയാണ്; ഈ ഇനത്തിൽ ഇനി തുക ലഭിക്കാനുണ്ടോ; വ്യക്തമാക്കാമോ;

(സി)  നികുതി വെട്ടിപ്പ് തടയാനും കൃത്യമായി നികുതി പിരിച്ചെടുക്കുന്നതിനും എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത് എന്ന് വ്യക്തമാക്കാമോ?

റിപ്പോർട്ടർ ബ്രോഡ്കാസ്റ്റിംഗ് കമ്പനിയിൽ നിന്നുള്ള നികുതി

128  ശ്രീ. എ. ഡി. തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  അർജന്റീന ടീമിനെ കേരളത്തിൽ എത്തിക്കാൻ എന്ന പേരിൽ 126 കോടി രൂപ വിദേശത്തേക്ക് കൈമാറിയ സംഭവത്തിൽ റിപ്പോർട്ടർ ബ്രോഡ്കാസ്റ്റിംഗ് കമ്പനിയിൽനിന്ന് നികുതി ഈടാക്കിയിരുന്നോ; വിശദമാക്കാമോ;

(ബി)  22.68 കോടി രൂപ സേവന നികുതി അടയ്ക്കാൻ പ്രസ്തുത കമ്പനിക്ക് 2025 ഓഗസ്റ്റിൽ നൽകിയ നോട്ടീസിന്മേല്‍ തുടർനടപടി ഉണ്ടായിട്ടുണ്ടോ; വിശദമാക്കുമോ;

(സി)  തുക അടക്കുന്നത് സംബന്ധിച്ച് പ്രസ്തുത കമ്പനി എന്തെങ്കിലും സാവകാശം ആവശ്യപ്പെടുകയോ വിശദീകരണം നൽകുകയോ ചെയ്തിട്ടുണ്ടോ; വിശദാംശം ലഭ്യമാക്കുമോ?

ചരക്ക് സേവന നികുതി വരുമാനം

129  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേന്ദ്ര സർക്കാരിൽ നിന്നും ലഭിച്ചുകൊണ്ടിരുന്ന ജി.എസ്.ടി. നഷ്ടപരിഹാരം (GST compensation) പൂർണ്ണമായി നിലച്ചതിനു ശേഷം കേരളത്തിന് വാർഷിക വരുമാനത്തിലുണ്ടായ കുറവ് എത്രയെന്ന് കണക്കാക്കിയിട്ടുണ്ടോ; ഈ പ്രതിസന്ധി മറികടക്കുന്നതിന് എന്തെങ്കിലും ബദൽ മാർഗങ്ങൾ സ്വീകരിച്ചിട്ടുണ്ടോ; വിശദമാക്കാമോ;

(ബി)  സംസ്ഥാനത്തിന്റെ തനതു ജി.എസ്.ടി. വരുമാന വളർച്ചാ നിരക്ക് (SGST growth rate) കഴിഞ്ഞ സാമ്പത്തിക വർഷങ്ങളെ അപേക്ഷിച്ച് എത്രമാത്രമാണ് വർദ്ധിച്ചത് എന്നതിന്റെ കണക്കുകൾ ലഭ്യമാക്കാമോ;

(സി)  സംസ്ഥാനത്ത് ഇനിയും പിരിച്ചെടുക്കാനുള്ള ആകെ ജി.എസ്.ടി. കുടിശ്ശിക എത്രയാണ്; ഇത് സമയബന്ധിതമായി ഈടാക്കുന്നതിന് എസ്.ജി.എസ്.ടി. വകുപ്പ് സ്വീകരിച്ചിട്ടുള്ള പ്രത്യേക നടപടികൾ എന്തൊക്കെയാണ്;

(ഡി)  സംസ്ഥാനത്ത് വ്യാജ ജി.എസ്.ടി. രജിസ്ട്രേഷനുകൾ വഴി വ്യാജ ഇൻപുട്ട് ടാക്സ് ക്രെഡിറ്റ് (ITC) തട്ടിപ്പുകൾ നടത്തുന്ന സംഘങ്ങൾ ഉണ്ടെന്നത് സർക്കാരിന്റെ ശ്രദ്ധയിൽ പെട്ടിട്ടുണ്ടോ; ഇത്തരക്കാ‍ർക്കെതിരെ സ്വീകരിച്ച നടപടികൾ വ്യക്തമാക്കാമോ; ഇതു കാരണം ഉണ്ടായ നഷ്ടം കണക്കാക്കിയിട്ടുണ്ടോ?

അര്‍ജന്റീന ടീമിനെ കേരളത്തില്‍ എത്തിക്കുന്നതിലെ നികുതി വെട്ടിപ്പ്

130  ശ്രീ. മഞ്ഞളാംകുഴി അലി
ശ്രീ. പി .എം. എ. സമീർ
ശ്രീ. ടി. പി. അഷ്റഫലി
പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  അര്‍ജന്റീന ഫുട്ബോള്‍ ടീമിനെ കേരളത്തില്‍ എത്തിക്കുന്നതുമായി ബന്ധപ്പെട്ട് നികുതിവെട്ടിപ്പ് നടന്നതായി ജി.എസ്.ടി. വകുപ്പ് കണ്ടെത്തിയിട്ടുണ്ടോ; വ്യക്തമാക്കുമോ;

(ബി)  126 കോടി രൂപ വിദേശത്തേക്ക് അയച്ചതിന്റെ സേവന നികുതി അടയ്ക്കണമെന്ന് ഇതുമായി ബന്ധപ്പെട്ട കമ്പനിയോട് ആവശ്യപ്പെട്ടിരുന്നോ; അറിയിക്കാമോ;

(സി)  പ്രസ്തുത നികുതി പിരിച്ചെടുക്കുന്നതിന് ഇതിനകം സ്വീകരിച്ച നടപടികള്‍ വിശദമാക്കുമോ?

പുതിയ കെട്ടിടത്തിലേക്ക് കുന്നംകുളം സബ് ട്രഷറിയുടെ പ്രവർത്തനമാറ്റം

131  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കുന്നംകുളം മണ്ഡലത്തിലെ വാടക കെട്ടിടത്തില്‍ പ്രവര്‍ത്തിച്ചുവരുന്ന കുന്നംകുളം സബ്ട്രഷറി ഓഫീസ് പുതിയ കെട്ടിടത്തിലേക്ക് എന്നത്തേക്ക് മാറ്റി സ്ഥാപിക്കാനാകുമെന്ന് വ്യക്തമാക്കാമോ;

(ബി)  സബ്ട്രഷറിയുടെ പ്രവര്‍ത്തനം പുതിയ കെട്ടിടത്തിലേക്ക് മാറ്റുന്നതിന് എന്തെങ്കിലും തരത്തിലുള്ള തടസ്സങ്ങള്‍ നിലവിലുള്ളതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ പ്രസ്തുത തടസ്സങ്ങള്‍ പരിഹരിച്ച് ട്രഷറി പ്രവര്‍ത്തനങ്ങള്‍ വേഗത്തില്‍ പുതിയ കെട്ടിടത്തിലേക്ക് മാറ്റുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

ലോട്ടറി ഏജന്റുമാരുടെയും വിൽപ്പനക്കാരുടെയും ക്ഷേമനിധി ബോർഡിന്റെ ഓഡിറ്റ് റിപ്പോർട്ട്

132  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2018-19 മുതൽ 2024-25 വരെയുള്ള കാലയളവിൽ കേരള സംസ്ഥാന ലോട്ടറി ഏജന്റുമാരുടെയും വിൽപ്പനക്കാരുടെയും ക്ഷേമനിധി ബോർഡിന്റെ പ്രവർത്തനങ്ങളുമായി ബന്ധപ്പെട്ട് നടത്തിയ ഓഡിറ്റ് റിപ്പോർട്ടുകൾ ലഭ്യമായിട്ടുണ്ടോ;

(ബി)  പ്രസ്തുത കാലയളവിലെ ഓരോ സാമ്പത്തിക വർഷത്തെയും ഓഡിറ്റ് റിപ്പോർട്ടുകൾ പൂർത്തീകരിച്ച് സർക്കാരിന് സമർപ്പിച്ചിട്ടുണ്ടോ; വിശദാംശം നൽകുമോ;

(സി)  പ്രസ്തുത ഓഡിറ്റ് റിപ്പോർട്ടുകളിൽ സാമ്പത്തിക ക്രമക്കേടുകളോ, ധനനഷ്ടമോ, ഫണ്ട് ദുരുപയോഗമോ കണ്ടെത്തിയിട്ടുണ്ടോ; ഉണ്ടെങ്കിൽ വർഷം തിരിച്ചുള്ള വിശദാംശങ്ങളും നഷ്ടപ്പെട്ടതായി കണ്ടെത്തിയ തുകയും വ്യക്തമാക്കുമോ?

മെഡിസെപ്പിൽ നിന്നും ഒഴിവാകാൻ ഓപ്ഷൻ

133  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  സർക്കാർ ജീവനക്കാരുടെയും പെൻഷൻകാരുടെയും മെഡിക്കൽ ഇൻഷുറൻസ് പദ്ധതിയായ മെഡിസെപ്പിൽ പ്രധാനപ്പെട്ട സ്വകാര്യ ആശുപത്രികൾ ഉൾപ്പെട്ടിട്ടില്ലെന്നും ഉൾപ്പെട്ടവയിൽ തന്നെ എല്ലാ രോഗത്തിനും ഉള്ള ചികിത്സ ഇൻഷുറൻസ് കവറേജിനുള്ളിൽ ലഭ്യമല്ലെന്നുമുള്ള വിവരം ശ്രദ്ധയിൽപ്പെട്ടിട്ടുണ്ടോ;

(ബി)  ആധുനിക ചികിത്സാ സൗകര്യങ്ങൾ ലഭ്യമായ എല്ലാ സ്വകാര്യ ആശുപത്രികളെയും മെഡിസെപ്പ് പദ്ധതിയിൽ എംപാനൽ ചെയ്യുവാൻ നടപടി സ്വീകരിക്കുമോ;

(സി)  മെഡിസെപ്പ് ഇൻഷുറൻസ് പ്രീമിയം കഴിഞ്ഞ തവണത്തേക്കാൾ വർദ്ധിപ്പിച്ചതിന് അനുപാതികമായി എന്തെല്ലാം ആനുകൂല്യങ്ങളാണ് കൂടുതലായി ലഭിക്കുന്നത് എന്ന് വിശദീകരിക്കാമോ;

(ഡി)  മെഡിസെപ്പ് പദ്ധതിയിൽ അംഗമായിരിക്കുന്നവർ പദ്ധതി നടപ്പിലാക്കിയതിലെ അപാകതമൂലം മറ്റ് ആരോഗ്യ ഇൻഷ്വറൻസ് പദ്ധതികളിൽകൂടി ചേരാൻ നിർബന്ധിതരായിരിക്കുന്ന സാഹചര്യത്തിൽ, നിലവിൽ മറ്റു ഇൻഷ്വറൻസ് പദ്ധതികളിൽ അംഗമായിട്ടുളളവരെ മെഡിസെപ്പിൽ നിന്നും സ്വയം ഒഴിവാകാൻ അനുവദിക്കുമോ;

(ഇ)  സർക്കാർ സർവീസിൽ പുനർനിയമനം ലഭിച്ച വിമുക്തഭടന്മാർക്ക് കേന്ദ്രസർക്കാർ പദ്ധതിയായ ഇ.സി.എച്ച്.എസി-ൽ നിന്നും മികച്ച ചികിത്സാ സൗകര്യം ലഭ്യമായതിനാൽ അവരെ മെഡിസെപ്പിൽ നിന്നും ഒഴിവാക്കണമെന്ന ആവശ്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

(എഫ്)  ഇ.സി.എച്ച്.എസ്. ആനുകൂല്യം ലഭിക്കുന്ന വിമുക്തഭടന്മാരെ മെഡിസെപ്പിൽ നിന്നും ഒഴിവാക്കുന്നതിനുള്ള നയപരമായ തീരുമാനം സർക്കാർ സ്വീകരിക്കുമോ; എങ്കിൽ വിശദാംശങ്ങൾ ലഭ്യമാക്കുമോ?

കേസുകളുടെ നടത്തിപ്പുമായി ബന്ധപ്പെട്ട ചെലവുകൾ

134  ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  2016-21, 2021-26 കാലയളവുകളിലെ സർക്കാരുകളുടെ കാലത്ത്‌ വിവിധ കേസുകളിൽ സി.ബി.ഐ. അന്വേഷണം ആവശ്യമില്ലായെന്ന് വാദിക്കുന്നതിനായി എത്ര കേസുകളിൽ പ്രത്യേകമായി അഭിഭാഷകരെ നിയോഗിച്ചിരുന്നു; വ്യക്തമാക്കാമോ;

(ബി)  ഈ കേസുകളുമായി ബന്ധപ്പെട്ട് വിവിധ കോടതികളിൽ ഹാജരായ ഇനത്തിൽ പ്രസ്തുത അഭിഭാഷകർക്ക് ഫീസിനത്തിൽ എത്ര തുക വീതം നൽകി എന്ന് വ്യക്തമാക്കാമോ?

അഭിഭാഷക ക്ഷേമനിധി ആനുകൂല്യം

135  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കേരള അഭിഭാഷക ക്ഷേമനിധി (ഭേദഗതി) നിയമപ്രകാരം നാല്‍പ്പത് വർഷം പൂർത്തിയാക്കിയ അഭിഭാഷകർക്ക് ക്ഷേമനിധി ആനുകൂല്യം ഇരുപത് ലക്ഷം രൂപയായി ഉയർത്തിയിട്ടുണ്ടെങ്കിലും, നിലവിൽ അർഹരായ അഭിഭാഷകർക്ക് പന്ത്രണ്ട് ലക്ഷം രൂപ മാത്രമാണ് ആനുകൂല്യമായി ലഭിക്കുന്നതെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ നിയമത്തിൽ വ്യവസ്ഥ ചെയ്തിട്ടുള്ള ഇരുപത് ലക്ഷം രൂപ പൂർണ്ണമായും ലഭ്യമാക്കുന്നതിന് ആവശ്യമായ നടപടികൾ സ്വീകരിക്കുമോ; വിശദമാക്കുമോ;

(ബി)  നിശ്ചിത പ്രായപരിധി പൂർത്തിയാക്കിയ മുതിർന്ന അഭിഭാഷകർ പന്ത്രണ്ട് ലക്ഷം രൂപ ക്ഷേമനിധി ആനുകൂല്യമായി കൈപ്പറ്റുമ്പോൾ നിയമത്തില്‍ വ്യവസ്ഥ ചെയ്യുന്ന ഇരുപത് ലക്ഷം രുപ ലഭിക്കാതെ തന്നെ അവരുടെ അഭിഭാഷക എൻറോൾമെന്റും അഭിഭാഷക ക്ഷേമനിധി അംഗത്വവും എന്നെന്നേക്കുമായി നഷ്ടപ്പെടുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ സീനിയർ അഭിഭാഷകർക്ക് നിയമത്തിൽ വ്യവസ്ഥ ചെയ്തിട്ടുള്ള മുഴുവൻ ക്ഷേമനിധി ആനുകൂല്യവും ലഭിക്കുന്നതിനോ അല്ലെങ്കില്‍ മുഴുവൻ തുക ലഭിക്കുന്നത് വരെ അവരുടെ എൻറോൾമെന്റും ക്ഷേമനിധി അംഗത്വവും സംരക്ഷിക്കുന്നതിനും ആവശ്യമായ നടപടികൾ സ്വീകരിക്കുമോ; വിശദമാക്കുമോ?

വിഴിഞ്ഞം തുറമുഖ വികസനത്തിന് അനുബന്ധമായി വെയർഹൗസുകൾ

136  ശ്രീ. വി. മുരളീധരൻ
ശ്രീ. രാജീവ് ചന്ദ്രശേഖർ
ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിഴിഞ്ഞം തുറമുഖം പ്രവർത്തനസജ്ജമായതിന് ശേഷവും തുറമുഖത്തിന് സമീപപ്രദേശങ്ങളിൽ വെയർഹൗസ് സംവിധാനങ്ങൾ പരിമിതമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇക്കാര്യം പരിഹരിക്കുന്നതിനായി സ്വീകരിച്ച നടപടികൾ വ്യക്തമാക്കാമോ;

(ബി)  മറ്റ് സ്ഥലങ്ങളെ അപേക്ഷിച്ച് തിരുവനന്തപുരം ജില്ലയിൽ വെയർഹൗസ് സൗകര്യങ്ങൾ ഉപയോഗിക്കുന്നതിനുള്ള വാടക നിരക്ക് കൂടുതലാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇക്കാര്യം പരിഹരിക്കുന്നതിനായി സർക്കാർ നേരിട്ട് ഭൂമി ഏറ്റെടുത്ത് വെയർ ഹൗസുകൾ സ്ഥാപിക്കുന്നതിനായി നടപടികൾ സ്വീകരിക്കുമോ; ഇക്കാര്യത്തിൽ സ്വീകരിച്ച നടപടികൾ വ്യക്തമാക്കാമോ;

(സി)  വെയർ ഹൗസുകളുടെ വാടക നിരക്ക് നിയന്ത്രിക്കുന്നതിനായി സർക്കാർ ഒരു സ്റ്റാൻഡേർഡ് നിരക്ക് നിശ്ചയിക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

(ഡി)  വിഴിഞ്ഞം തുറമുഖ വികസനത്തിന്റെ ഭാഗമായി സർക്കാരിന്റെ നേതൃത്വത്തിൽ ഒരു വെയർഹൗസ് പാർക്ക് അല്ലെങ്കിൽ വെയർ ഹൗസ് ശൃംഖല സ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

വിഴിഞ്ഞം തുറമുഖ പദ്ധതി പ്രവര്‍ത്തനങ്ങള്‍

137  ശ്രീ. ജി. സ്റ്റീഫന്‍
ശ്രീ. വി. കെ. സനോജ്
ശ്രീ. സേവ്യര്‍ ചിറ്റിലപ്പിള്ളി
ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  വിഴിഞ്ഞം തുറമുഖ പദ്ധതിയുടെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചതെന്നാണ്; ആരംഭിച്ച നാൾ മുതൽ 2026 മേയ് വരെ തുറമുഖ നിര്‍മ്മാണത്തില്‍ കൈവരിച്ച പുരോഗതി വ്യക്തമാക്കാമോ;

(ബി)  സര്‍ക്കാരിന്റെ മുന്‍കൂര്‍ അനുമതി കൂടാതെ വിഴിഞ്ഞം തുറമുഖ കമ്പനിയിലെ ഓഹരി വില്‍പ്പന നടത്താന്‍ അദാനി ഗ്രൂപ്പ് നീക്കം നടത്തിയിരുന്നോ; വിശദമാക്കാമോ;

(സി)  ഓഹരി വില്‍പ്പന പരിശോധിക്കുന്നതിന് സര്‍ക്കാര്‍ തീരുമാനിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

(ഡി)  സര്‍ക്കാര്‍ അനുമതിയില്ലാതെ ഓഹരി വില്‍പ്പന നടത്തുന്നത് തടയുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദമാക്കാമോ?

വിഴിഞ്ഞം രാജ്യാന്തര തുറമുഖം

138  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കരമാർഗ്ഗമുള്ള കയറ്റുമതി - ഇറക്കുമതി (എക്സീം) ചരക്ക് നീക്കത്തിന് തുടക്കം കുറിച്ചതോടെ വിഴിഞ്ഞം രാജ്യാന്തര തുറമുഖം നിർണായ ഘട്ടത്തിലേക്ക് പ്രവേശിച്ചിട്ടുണ്ടോ; വിശദമാക്കുമോ;

(ബി)  മറ്റൊരു തുറമുഖത്തിനും അവകാശപ്പെടാനാകാത്ത വേഗത്തിലാണോ വിഴിഞ്ഞം തുറമുഖം ആഗോള ഷിപ്പിംഗ് ശൃംഖലയിൽ സ്വന്തം സ്ഥാനം ഉറപ്പിച്ചത്; വ്യക്തമാക്കുമോ;

(സി)  വിദേശ തുറമുഖങ്ങളിലേക്ക് ഒരു ട്രാൻസ്ഷിപ്പ്മെൻറ് പോലുമില്ലാതെ അതിവേഗം ചരക്കുകൾ എത്തിക്കാൻ സാധിക്കുന്നത് വഴി യാത്രാസമയവും ലോജിസ്റ്റിക്സ് ചെലവും പകുതിയോളം കുറയ്ക്കാൻ സാധിക്കുമോ; വ്യക്തമാക്കുമോ?

മിഷന്‍ സമുദ്രയുടെ സാധ്യതകൾ

139  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  നിലവിലുള്ള സർക്കാരിന്റെ ദീർഘവീക്ഷണത്തോടെയുള്ള പദ്ധതിയായ 'മിഷൻ സമുദ്ര'യുടെ സാധ്യതകൾ എന്തെല്ലാമെന്ന് വ്യക്തമാക്കുമോ;

(ബി)  ഭാവി കേരളത്തിന്റെ സാമ്പത്തിക-തൊഴില്‍ മേഖലകളില്‍ വലിയ പ്രതീക്ഷ ആകുന്ന പ്രസ്തുത പദ്ധതി വിജയകരമാക്കുന്നതിന് എന്തൊക്കെ നടപടികളാണ് സ്വീകരിച്ച് വരുന്നതെന്ന് വ്യക്തമാക്കുമോ;

(സി)  'മിഷന്‍ സമുദ്ര'യുടെ പ്രാധാന്യം കണക്കിലെടുത്ത് ലോജിസ്റ്റിക്സ് ഉള്‍പ്പെടെയുളള മേഖലകളില്‍ കൂടുതല്‍ വിദ്യാര്‍ത്ഥികള്‍ക്ക് പഠനസൗകര്യം ഒരുക്കുന്നതിന് എന്തെല്ലാം നടപടികള്‍ സ്വീകരിക്കുമെന്ന് വ്യക്തമാക്കുമോ?

പി .പി .പി മാതൃകയില്‍ ബേപ്പൂര്‍ തുറമുഖ വികസനം

140  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  ബേപ്പൂര്‍ തുറമുഖം പി.പി.പി. മാതൃകയില്‍ വികസിപ്പിക്കുവാന്‍ മുൻ സര്‍ക്കാര്‍ അനുമതി നല്കിയ പദ്ധതിയുടെ നിലവിലത്തെ പുരോഗതി അറിയിക്കാമോ; ഇതിനായി സ്വകാര്യ നിക്ഷേപം എത്രയാണ് പ്രതീക്ഷിക്കുന്നത്; വ്യക്തമാക്കാമോ;

(ബി)  പി.പി.പി. മാതൃകയിലുള്ള വികസനം പൂര്‍ത്തിയാക്കുന്നതോടെ എത്ര തൊഴിലവസരങ്ങള്‍ സൃഷ്ടിക്കപ്പെടുമെന്ന് വ്യക്തമാക്കാമോ?

ഫോർട്ട് കൊച്ചി തീരശോഷണ പ്രതിരോധവും തോപ്പുംപടി ഫിഷറീസ് ഹാർബർ നവീകരണവും

141  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കപ്പൽച്ചാൽ ആഴം കൂട്ടുന്നതിന് മുന്നോടിയായി കൊച്ചി തുറമുഖ അതോറിറ്റി നടത്തിയ പാരിസ്ഥിതിക പഠന റിപ്പോർട്ടുകൾ സർക്കാരിന്റെ പക്കൽ ലഭ്യമാണോ; എങ്കിൽ പ്രസ്തുത പഠനങ്ങളിലെ പ്രധാന കണ്ടെത്തലുകൾ വ്യക്തമാക്കാമോ;

(ബി)  ഫോർട്ട് കൊച്ചി ബീച്ചിലെ തീരശോഷണം സംബന്ധിച്ച് സംസ്ഥാന മലിനീകരണ നിയന്ത്രണ ബോർഡോ മറ്റ് വകുപ്പുകളോ ശാസ്ത്രീയ പഠനം നടത്തിയിട്ടുണ്ടോ; തീരശോഷണം തടയാൻ എന്തെല്ലാം അടിയന്തര നടപടികളാണ് സ്വീകരിക്കാൻ ഉദ്ദേശിക്കുന്നത്?

രാമൻതുരുത്ത് കുടുംബങ്ങളുടെ പുനരധിവാസവും 'മിഷൻ സമുദ്ര' പദ്ധതിയും

142  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മുഖ്യമന്ത്രി സദയം മറുപടി നല്‍കുമോ:

(എ)  കൊച്ചി മണ്ഡലത്തിലെ രാമൻതുരുത്തിൽ 'മിഷൻ സമുദ്ര' പദ്ധതിക്കായി ഏറ്റെടുക്കുന്ന സ്ഥലത്തുനിന്നും പുനരധിവസിപ്പിക്കാൻ സമ്മതിച്ച കുടുംബങ്ങൾക്ക് അനുവദിച്ച 3 സെന്റ് ഭൂമി 5 സെന്റാക്കി വർദ്ധിപ്പിച്ചു നൽകുന്നതിൽ സർക്കാർ സ്വീകരിച്ചിട്ടുള്ള തുടർനടപടികൾ വ്യക്തമാക്കാമോ; കൊച്ചിൻ ഷിപ്പ്‌യാർഡ് വാഗ്ദാനം ചെയ്ത ഫണ്ട് ഉപയോഗിച്ച് ഇവർക്ക് വീട് നിർമ്മിച്ച് നൽകുന്നതിനായി അനുയോജ്യമായ ഭൂമി കണ്ടെത്തുന്നതിൽ ഉണ്ടായ പുരോഗതി വ്യക്തമാക്കാമോ;

(ബി)  ഇവിടെ റെയിൽവേ ബാരിക്കേഡ് കാരണം തടസ്സപ്പെട്ട വഴിസൗകര്യം, കുടിവെള്ള ലഭ്യത എന്നിവ അടിയന്തരമായി പുനഃസ്ഥാപിക്കാൻ സ്വീകരിച്ചിട്ടുള്ള നടപടികൾ വ്യക്തമാക്കുമോ?