ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിയ്ക്ക് നൽകുന്ന പ്രവൃത്തികൾ

*91  ശ്രീ. കെ. ബിനിമോൻ
ശ്രീ. സി. ആര്‍. മഹേഷ്
ശ്രീ. ദീപക് ജോയ്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)   ഊരാളുങ്കൽ ലേബർ കോ-ഓപ്പറേറ്റീവ് സൊസൈറ്റിക്ക് പൊതുമരാമത്ത്‌ വകുപ്പിന്റെ പ്രവൃത്തികൾ നൽകുന്നതിന് എന്തെങ്കിലും മുൻഗണന നിലവിൽ ഉണ്ടോ; വ്യക്തമാക്കാമോ;

(ബി)  നടപടിക്രമങ്ങൾ പാലിക്കാതെ പ്രസ്തുത സൊസൈറ്റിക്ക് അധികമായി പ്രവൃത്തികൾ നൽകിയത് പ്രവൃത്തികളുടെ ഗുണനിലവാരം കുറയുന്നതിനും അഴിമതിക്കും കാരണമായിട്ടുണ്ടോ എന്ന് പരിശോധിക്കുമോ;

(സി)  പ്രസ്തുത സൊസൈറ്റിക്ക് ഇക്കാര്യത്തിൽ ഇളവ് നൽകുന്നത് സംബന്ധിച്ച് ഉത്തരവുകൾ നിലവിലുണ്ടോ; വ്യക്തമാക്കുമോ?

പ്ലസ് വൺ സീറ്റുകളുടെ ലഭ്യത ഉറപ്പാക്കാന്‍ നടപടി

*92  ശ്രീ. സജീവ് ജോസഫ്
ശ്രീ. കെ. ജയന്ത്
ശ്രീ. വി. എസ്. ജോയി
ശ്രീ. കെ. പി. നൗഷാദ് അലി : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത്‌ പ്ലസ് വൺ സീറ്റുകളുടെ അലോട്ട്മെന്റിൽ ജില്ലാ തലത്തിൽ ഉണ്ടായിരുന്ന അസന്തുലിതാവസ്ഥ പരിശോധിച്ചിട്ടുണ്ടോ; പ്രസ്തുത അപാകത പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത് എന്ന് വ്യക്തമാക്കാമോ;

(ബി)  പത്താം തരം പാസായ എല്ലാ കുട്ടികള്‍ക്കും പര്യാപ്തമായ സീറ്റുകള്‍ പ്ലസ് വൺ തലത്തില്‍ ലഭ്യമാണോ; കുട്ടികളുടെ അഭിരുചിയനുസരിച്ച് കോഴ്സ് തെരഞ്ഞെടുക്കാന്‍ സാധിക്കുന്ന വിധത്തിലാണോ സീറ്റ് അലോട്ട്മെന്റ് ഏർപ്പെടുത്തിയിട്ടുള്ളത്‌; വിശദമാക്കുമോ;

(സി)  ഏതൊക്കെ ജില്ലകളിലാണ് പ്ലസ് വണ്ണിന് അധിക സീറ്റ് ആവശ്യമായിവരുന്നത് എന്ന് കണക്കാക്കിയിട്ടുണ്ടോ; സീറ്റ് അലോട്ട്മെന്റിനുള്ള ഏകജാലക സംവിധാനം കൂടുതല്‍ കാര്യക്ഷമമാക്കുന്നതിന് നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

(ഡി)  അവസാന അലോട്ട്മെന്റ് കഴിയുമ്പോള്‍ എല്ലാ കുട്ടികള്‍ക്കും സീറ്റ് ഉറപ്പാക്കാനും സീറ്റുകള്‍ ഒഴിഞ്ഞുകിടക്കുന്നത് ഒഴിവാക്കാനും വേണ്ട നടപടികള്‍ കൈക്കൊള്ളുമോ;വിശദമാക്കുമോ?

റവന്യു വകുപ്പിന്റെ സമ്പൂര്‍ണ്ണ ഡിജിറ്റൈസേഷൻ

*93  ശ്രീമതി ഉമ തോമസ്
ശ്രീ. സെബാസ്റ്റ്യൻ. എം. ജെ
ശ്രീ. എ. ഡി. തോമസ്
ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  ഭൂരേഖകള്‍ ലഭ്യമാക്കുന്നതിലെ കാലതാമസം ഒഴിവാക്കുന്നതിനും അനുബന്ധ സര്‍ക്കാര്‍ സേവനങ്ങള്‍ സുരക്ഷിതവും സുതാര്യവുമാക്കുന്നതിനുമായി ഡിജിറ്റല്‍ സംവിധാനങ്ങള്‍ ശക്തിപ്പെടുത്തുമോ; വ്യക്തമാക്കുമോ;

(ബി)  മുന്‍ സര്‍ക്കാര്‍ തുടങ്ങിവച്ച ഡിജിറ്റല്‍ സര്‍വേയുടെ തല്‍സ്ഥിതി വ്യക്തമാക്കാമോ; അതിൻപ്രകാരം ആകെ എത്ര ശതമാനം സര്‍വേ പൂര്‍ത്തിയായിട്ടുണ്ടെന്നും എത്ര പദ്ധതികൾ ഇനി പൂർത്തീകരിക്കാനുണ്ടെന്നുമുള്ള കണക്കുകള്‍ ലഭ്യമാക്കാമോ;

(സി)  റവന്യു വകുപ്പിന്റെ സമ്പൂര്‍ണ്ണ ഡിജിറ്റൈസേഷന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

പി.എം.ശ്രീ പദ്ധതി

*94  ശ്രീമതി ഉഷ വിജയൻ
ശ്രീ. ടി. ജെ. വിനോദ്
ശ്രീ. കെ. എം. അഭിജിത്ത്
ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പി.എം.ശ്രീ പദ്ധതിയുമായി ബന്ധപ്പെട്ട് മുൻ സർക്കാർ എടുത്ത നടപടികൾ എന്തെല്ലാമാണെന്ന് വിശദമാക്കുമോ;

(ബി)  മുന്‍ സർക്കാർ പി.എം.ശ്രീ പദ്ധതിയിൽ ഒപ്പിടുകയും കേന്ദ്ര ഫണ്ട് കൈപ്പറ്റുകയും ചെയ്തിട്ടുണ്ടോ; എങ്കിൽ പ്രസ്തുത പദ്ധതിയിൽ തുടരാൻ സംസ്ഥാനം നിയമപരമായി നിര്‍ബന്ധിതമായിരിക്കുകയാണോ; വ്യക്തമാക്കുമോ;

(സി)  പ്രസ്തുത വിഷയവുമായി ബന്ധപ്പെട്ട അനിശ്ചിതത്വം നിലനിൽക്കുന്നതിനാൽ വിദ്യാഭ്യാസ മേഖലയുമായി ബന്ധപ്പെട്ട മറ്റ് ഫണ്ടുകൾ ലഭിക്കാത്തതോ തടഞ്ഞുവെച്ചിരിക്കുന്നതോ ആയ സാഹചര്യം സംജാതമായിട്ടുണ്ടോ; വിശദമാക്കുമോ?

ട്രാവൽ ആൻഡ് ടൂറിസം മേഖലയിലെ പുതിയ പദ്ധതികൾ

*95  ശ്രീ. എം. എസ്. അരുണ്‍ കുമാർ
ശ്രീ. പി. എ. മുഹമ്മദ് റിയാസ്
ശ്രീ. എ. പ്രഭാകരന്‍
ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് ട്രാവൽ ആൻഡ് ടൂറിസം മേഖലയിലുണ്ടായിട്ടുള്ള പുരോഗതി വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ;

(ബി)  ടൂറിസം മേഖലയിലേക്ക് പുതുതായി കടന്നുവരുന്ന സ്റ്റാർട്ടപ്പുകൾക്ക് പ്രോത്സാഹനം നൽകുന്നതിനായി മുൻ സർക്കാർ കേരള സ്റ്റാർട്ടപ്പ് മിഷൻ മുഖേന ഇന്നൊവേഷൻ ഗ്രാന്റ്, സീഡ് ഫണ്ടിംഗ് മുതലായ സാമ്പത്തിക സഹായങ്ങളും തൊഴിലിടങ്ങളും ഉറപ്പാക്കിയതിന്റെ ഗുണഫലങ്ങൾ എന്തെല്ലാമായിരുന്നുവെന്ന് വിശദമാക്കാമോ;

(സി)  ടൂറിസം വകുപ്പും കേരള സ്റ്റാർട്ടപ്പ് മിഷനും ഒരുമിച്ച് പ്രവർത്തിക്കാൻ ധാരണാപത്രം ഒപ്പുവച്ചിട്ടുണ്ടോ; എങ്കിൽ അതിന്റെ അടിസ്ഥാനത്തിൽ ആരംഭിച്ചിട്ടുള്ള നൂതന പദ്ധതികളേതൊക്കെയെന്നും അതുകാരണം ടൂറിസം മേഖലയിലുണ്ടായ മുന്നേറ്റവും വിശദമാക്കാമോ;

(ഡി)  ടൂറിസം മേഖലയിൽ നടപ്പാക്കിയിട്ടുള്ള കേരള സംസ്ഥാന ഡിസൈൻ പോളിസി ടൂറിസം പദ്ധതികളെ പ്രകൃതിക്കിണങ്ങുന്ന തരത്തിൽ രൂപകൽപ്പന ചെയ്യുന്നതിന് എത്രമാത്രം സഹായകരമായിട്ടുണ്ടെന്ന് വിശദമാക്കാമോ?

ഉപാധിരഹിത പട്ടയം നല്‍കാന്‍ നടപടി

*96  ശ്രീ. വിനു ജോബ് കുഴിമണ്ണിൽ
ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  കൃഷി ഭൂമിയിന്മേല്‍ കർഷകന് ഉപാധികളില്ലാത്ത ഉടമസ്ഥാവകാശം നൽകുകയെന്ന ലക്ഷ്യത്തോടെ സർക്കാർ വിഭാവനം ചെയ്തിട്ടുള്ള നടപടികൾ എന്തൊക്കെ; വിശദമാക്കാമോ;

(ബി)  നിസ്സാര കാരണങ്ങളാൽ കർഷകർ കൃഷിഭൂമിയിൽ നിന്ന് പുറന്തള്ളപ്പെടുന്ന ദുര്യോഗത്തിന് ശാശ്വത പരിഹാരമെന്ന നിലയിൽ ഉപാധിരഹിത പട്ടയങ്ങൾ അനുവദിക്കുന്നതിന് നടപടി സ്വീകരിക്കുമോ; വിശദമാക്കാമോ;

(സി)  ദശാബ്ദങ്ങളായി തങ്ങള്‍ കൃഷി ചെയ്തു വരുന്ന ഭൂമിയിൽ കര്‍ഷകര്‍ക്കുള്ള അവകാശരേഖയായ പട്ടയം ലഭിക്കുന്നതിലെ തടസ്സങ്ങള്‍ പരിഹരിക്കുന്നതിനാവശ്യമായ നിയമനിർമ്മാണവും നിയമഭേദഗതികളും പരിഗണനയിലുണ്ടോ; വിശദമാക്കാമോ;

(ഡി)  വനാതിര്‍ത്തി പങ്കിടുന്ന പ്രദേശങ്ങളില്‍ വനം-റവന്യു ജോയിന്റ് വെരിഫിക്കേഷന്‍ നടപടി പൂര്‍ത്തീകരിച്ചിട്ടുണ്ടോ; വിശദമാക്കാമോ;

(ഇ)  തോട്ടം മേഖലയില്‍ ഭൂവിനിയോഗത്തിന് നിലവിലുള്ള നിയന്ത്രണങ്ങളിൽ കാലികമായ പരിഷ്കരണവും തോട്ടഭൂമിയുടെ ഫലപ്രദമായ വൈവിധ്യവൽക്കരണവും ലക്ഷ്യമിട്ട് നിയമ ഭേദഗതിക്ക് തയ്യാറാകുമോ; വിശദമാക്കാമോ?

അര്‍ഹരായവര്‍ക്ക് പട്ടയം ലഭ്യമാക്കുന്നതിന് നടപടി

*97   ഡോ. മാത്യു കുഴൽനാടൻ
ശ്രീ. സിറിയക് തോമസ്
ശ്രീ. നാട്ടകം സുരേഷ്
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  കാലങ്ങളായി കൈവശമുള്ള ഭൂമിയ്ക്ക് ഉപാധികളില്ലാതെ ഉടമസ്ഥാവകാശം ലഭ്യമാക്കുന്നതിന് വേണ്ട നടപടികള്‍ സ്വീകരിക്കുമോ; വ്യക്തമാക്കുമോ;

(ബി)  തോട്ടം മേഖലയിലെ ഭൂമി സംബന്ധിച്ചുള്ള നിയമങ്ങള്‍ പരിഷ്കരിച്ച് അര്‍ഹരായവര്‍ക്ക് പട്ടയം ലഭ്യമാക്കാന്‍ വേണ്ട നടപടികള്‍ സ്വീകരിക്കുമോ; വ്യക്തമാക്കുമോ;

(സി)  നിലവില്‍ പട്ടയത്തിനുള്ള അപേക്ഷകളില്‍ ഇനിയും തീര്‍പ്പാക്കേണ്ടുന്ന അപേക്ഷകള്‍ എത്രയുണ്ട്; അപേക്ഷകര്‍ക്ക് പട്ടയം വിതരണം ചെയ്യുന്നത് വേഗത്തിലാക്കാന്‍ നടപടി സ്വീകരിക്കുമോ; വിശദാംശം ലഭ്യമാക്കുമോ?

എന്റെ ഭൂമി ഡിജിറ്റല്‍ റീ സര്‍വ്വേ പദ്ധതി

*98  ശ്രീ. വി. കെ. സനോജ്
ശ്രീ. സി. കെ. ഹരീന്ദ്രന്‍
ശ്രീ. യു. ആര്‍. പ്രദീപ്
ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  എന്റെ ഭൂമി ഡിജിറ്റല്‍ റീ സര്‍വ്വേ പദ്ധതിയുടെ ഒന്നും രണ്ടും ഘട്ടങ്ങളിലെ നിലവിലെ പ്രവര്‍ത്തന പുരാേഗതി വിശദമാക്കാമാേ;

(ബി)  പ്രസ്തുത പദ്ധതിയുമായി ബന്ധപ്പെട്ട് പ്രവര്‍ത്തിക്കുന്ന കാേർസ് (Continuously Operating Reference Station) ശൃംഖലയുടെയും റാേവര്‍ ഉപകരണങ്ങളുടെയും കാര്യക്ഷമത ഉറപ്പുവരുത്തിയിട്ടുണ്ടാേ; സര്‍വ്വേ നടപടികളില്‍ നേരിടുന്ന സാങ്കേതിക തടസ്സങ്ങള്‍ പരിഹരിക്കാന്‍ സ്വീകരിച്ച അടിയന്തര നടപടികള്‍ എന്തെല്ലമാണ്; വിശദമാക്കാമാേ;

(സി)  റീ സര്‍വ്വേ നടപടികള്‍ സമയബന്ധിതമായി പൂര്‍ത്തിയാക്കുന്നതിനായി നിയമനം നടത്തിയ പുതിയ സര്‍വ്വേയര്‍മാരുടെയും ഹെല്‍പ്പര്‍മാരുടെയും വിശദാംശങ്ങള്‍ നല്‍കാമാേ;

(ഡി)  പാെതുജനങ്ങള്‍ക്ക് തങ്ങളുടെ ഭൂമിയുടെ സ്കെച്ചും റെക്കാേര്‍ഡുകളും എന്റെ ഭൂമി പാേര്‍ട്ടല്‍ വഴി എളുപ്പത്തില്‍ പരിശാേധിക്കുന്നതിനും സര്‍വ്വേയുമായി ബന്ധപ്പെട്ട് പരാതികള്‍ ഓണ്‍ലെെനായി സമര്‍പ്പിച്ച് പരിഹാരം കാണുന്നതിനുമുള്ള സംവിധാനം നിലവില്‍ പൂര്‍ണ്ണ സജ്ജമാണാേ; വിശദമാക്കാമാേ?

വിനോദസഞ്ചാരമേഖലയിലെ അപകടമരണങ്ങൾ

*99  ശ്രീ. കുറുക്കോളി മൊയ്തീന്‍
ശ്രീ. പി. കെ. നവാസ്
ശ്രീ. എം. എ. റസാഖ് മാസ്റ്റർ
ശ്രീ. കല്ലട്ര മാഹിൻ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  വിനോദസഞ്ചാരമേഖലകളിൽ അപകടമരണങ്ങൾ വർദ്ധിച്ചുവരുന്നത് പരിശോധിച്ചിട്ടുണ്ടോ;

(ബി)  പ്രസ്തുത അപകടമരണങ്ങൾക്കുള്ള കാരണങ്ങൾ എന്തെല്ലാമാണെന്ന് കണ്ടെത്തിയിട്ടുണ്ടോ;

(സി)  അപകടമരണങ്ങൾ ഒഴിവാക്കുന്നതിന് സ്വീകരിക്കേണ്ട മുൻകരുതലുകൾ എന്തെല്ലാമാണെന്ന് പരിശോധിച്ച് മേൽനടപടി സ്വീകരിക്കുമോ; വ്യക്തമാക്കാമോ?

ഭൂവിവരങ്ങളുടെ ഡിജിറ്റൽ പരിപാലനവും ഓൺലൈൻ സേവനങ്ങളും

*100  ശ്രീ. ജി. ആര്‍. അനില്‍
ശ്രീ. സി. അജയപ്രസാദ്
ശ്രീ. കെ. കെ. വത്സരാജ്
ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  ആധുനിക സാങ്കേതികവിദ്യയുടെ സഹായത്തോടെ സംസ്ഥാനത്തെ ഭൂവിവരങ്ങൾ കൃത്യതയോടെ സമാഹരിച്ച് ഡിജിറ്റൽ സംവിധാനത്തിൽ സൂക്ഷിക്കുന്നതിനായി മുൻ സർക്കാർ ആരംഭിച്ച പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; എങ്കിൽ വിശദമാക്കുമോ;

(ബി)  സംസ്ഥാനത്തെ ഭൂമിയുടെ പൂർണ്ണ വിവരങ്ങൾ ഓൺലൈനായി ലഭ്യമാക്കാൻ കഴിയുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കുമോ;

(സി)  ഭൂമി സംബന്ധമായ സേവനങ്ങളിൽ സുതാര്യതയും സുരക്ഷയും ഉറപ്പാക്കുന്നതിനോടൊപ്പം ആധുനിക സാങ്കേതികവിദ്യയുടെ പൂർണ പ്രയോജനം ലഭ്യമാക്കാൻ കഴിഞ്ഞിട്ടുണ്ടോയെന്ന് വിലയിരുത്തിയിട്ടുണ്ടോ; എങ്കിൽ വിശദമാക്കുമോ;

(ഡി)  ഇന്റഗ്രേറ്റഡ് ലാൻഡ് ഇൻഫർമേഷൻ മാനേജ്‌മെന്റ് സംവിധാനം നിലവിൽ വന്നതിനുശേഷം ഭൂരേഖാ പരിപാലനത്തിൽ കൃത്യതയും സമഗ്രതയും ഉറപ്പുവരുത്താനായിട്ടുണ്ട് എന്നത് പരിശോധിച്ചിട്ടുണ്ടോ; വിശദമാക്കുമോ?

ആദിവാസി കൈവശ ഭൂമി പട്ടയം

*101  ശ്രീമതി ഫാത്തിമ തഹിലിയ
ശ്രീ. മഞ്ഞളാംകുഴി അലി
ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  മലയോര ആദിവാസി മേഖലകളില്‍ ദീര്‍ഘനാളായി കൈവശം വെച്ച് കൃഷി ചെയ്തുവരുന്ന ഭൂമിക്ക് പട്ടയം ലഭിച്ചിട്ടില്ല എന്നത് പരിശോധിച്ചിട്ടുണ്ടോ; അറിയിക്കാമോ;

(ബി)  കാര്‍ഷിക ലോണ്‍ ഉള്‍പ്പെടെയുള്ള ലോണ്‍ ലഭിക്കുന്നതിനായി പട്ടയം നല്‍കാന്‍ പ്രത്യേക പദ്ധതി ആവിഷ്കരിച്ചിട്ടുണ്ടോ; എങ്കില്‍ വിശദാംശം അറിയിക്കാമോ?

വൈറ്റ് ടോപ്പിംഗ്

*102  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  റോഡ് നിർമ്മാണത്തിലെ ആധുനിക സാങ്കേതിക വിദ്യയായ വൈറ്റ് ടോപ്പിംഗ് പ്രധാന പി.ഡബ്ല്യു.ഡി. റോഡുകളിൽ നടപ്പാക്കാൻ നടപടി സ്വീകരിക്കുമോ; വ്യക്തമാക്കുമോ;

(ബി)  മുപ്പത് വർഷംവരെ റോഡുകൾ കേടുപാടുകൾ കൂടാതെ സൂക്ഷിക്കുന്ന പ്രസ്തുത നൂതന സാങ്കേതികവിദ്യ നടപ്പാക്കിയാൽ ഉണ്ടാകുന്ന സാമ്പത്തിക ലാഭം പഠന വിധേയമാക്കുന്നതിന് പരിഗണിക്കുമോ;

(സി)  ബാംഗ്ലൂർ നഗരത്തിൽ ഒന്‍പതിനായിരം കോടി രൂപ മുടക്കി തൊള്ളായിരം കിലോമീറ്റർ നഗര റോഡുകൾ വൈറ്റ് ടോപ്പിംഗ് നടത്തി നഗര ഗതാഗതം ആധുനികവത്കരിച്ചതിനെക്കുറിച്ച് പഠിക്കുന്നതിനായി വകുപ്പ് മന്ത്രിയുടെ നേതൃത്വത്തിൽ ഒരു ഔദ്യോഗിക സംഘം സന്ദർശനം നടത്തുമോ; വിശദമാക്കാമോ?

പി.എം.ശ്രീ പദ്ധതി

*103  ശ്രീ. കെ. രാജന്‍
ശ്രീ. പി. പ്രസാദ്
ശ്രീ. ഗോവിന്ദൻ പള്ളിക്കാപ്പിൽ
ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പി.എം.ശ്രീ പദ്ധതിയുടെ ധാരണാപത്രത്തിൽ നിന്നും പിന്മാറുന്നതായി അറിയിച്ചുകൊണ്ട് മുൻ സർക്കാർ കേന്ദ്ര സർക്കാരിന് കത്തയച്ചിട്ടുള്ളത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

(ബി)  പ്രസ്തുത പദ്ധതിയുമായി മുന്നോട്ടു പോകുന്നതിന് സർക്കാർ തീരുമാനമെടുത്തിട്ടുണ്ടോ; ഇതിന്റെ നടത്തിപ്പിനായി ഏതെങ്കിലും തുക കേന്ദ്ര സർക്കാരിൽനിന്നും കൈപ്പറ്റിയിട്ടുണ്ടോ; വിശദമാക്കുമോ;

(സി)  പി.എം.ശ്രീ പദ്ധതി വിഷയത്തിൽ സംസ്ഥാന സർക്കാർ സ്വീകരിച്ച തുടർനടപടി സംബന്ധിച്ച തീരുമാനം അറിയിക്കണമെന്നാവശ്യപ്പെട്ട് കേന്ദ്ര സർക്കാരിൽ നിന്നും കത്ത് ലഭിച്ചിട്ടുണ്ടോ; വിശദമാക്കുമോ?

ഡിജിറ്റൽ സർവ്വേ മൂലമുണ്ടാകുന്ന ബുദ്ധിമുട്ടുകൾ

*104  ശ്രീ. എൻ. ശക്തൻ
ശ്രീ. ഐ. സി. ബാലകൃഷ്ണന്‍
ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ഡിജിറ്റൽ സർവ്വേ മൂലമുണ്ടാകുന്ന ബുദ്ധിമുട്ടുകൾ സംബന്ധിച്ച പരാതികൾ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  ഡിജിറ്റൽ സർവ്വേയില്‍ രണ്ടുമൂന്നു പ്ലോട്ടുകൾ ഒന്നിച്ചു ചേർത്ത് ഒരേ സർവ്വേ നമ്പർ ആക്കുന്നത് മൂലമുണ്ടാകുന്ന പ്രശ്നങ്ങൾ പരിഹരിക്കാൻ നടപടി സ്വീകരിക്കുമോ; വിശദമാക്കാമോ;

(സി)  ഇങ്ങനെ പ്ലോട്ടുകൾ കൂട്ടിച്ചേർക്കുമ്പോൾ അതിൽ ഏതെങ്കിലും ഒരു പ്ലോട്ടിന്റെ ആധാരം പണയപ്പെടുത്തുന്നതിനോ വിൽക്കുന്നതിനോ ബുദ്ധിമുണ്ടാകുന്ന വിഷയം ശ്രദ്ധയിൽപ്പെട്ടിട്ടുണ്ടോ; പ്രസ്തുത വിഷയം പരിഹരിക്കാൻ എന്തെല്ലാം നടപടികൾ സ്വീകരിക്കാൻ കഴിയുമെന്ന് വിശദമാക്കാമോ;

(ഡി)  ഡിജിറ്റൽ സർവ്വേ നടപ്പിലാക്കിയതിന് ശേഷം വസ്തു ഉടമ മരണപ്പെട്ട് കഴിഞ്ഞാൽ വസ്തുവിന്റെ ക്രയവിക്രയത്തിൽ ഉണ്ടാകുന്ന പ്രശ്നങ്ങളും കാലതാമസവും പരിഹരിക്കാൻ നടപടി സ്വീകരിക്കുമോ; വിശദമാക്കാമോ?

റോഡുകളുടെ ഗുണനിലവാരം ഉറപ്പാക്കുന്നതിനായുള്ള നൂതന പദ്ധതികള്‍

*105  ശ്രീ. കെ. പ്രേംകുമാര്‍
ശ്രീ. എ. സി. മൊയ്തീന്‍
ശ്രീ. സി. കെ. ഹരീന്ദ്രന്‍
ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  റോഡുകളുടെ ദീര്‍ഘകാല ഈടുനില്‍പ്പിനും ഗുണനിലവാരം ഉറപ്പാക്കുന്നതിനും പുതിയ സാങ്കേതിക വിദ്യകള്‍ സമന്വയിപ്പിച്ചുകൊണ്ട് മുന്‍ സര്‍ക്കാര്‍ നടപ്പാക്കിയ നൂതന പദ്ധതികള്‍ എന്തൊക്കെയായിരുന്നുവെന്ന് വ്യക്തമാക്കാമോ;

(ബി)  മുന്‍ സര്‍ക്കാരിന്റെ കാലത്ത് എത്ര കിലോമീറ്റര്‍ റോഡുകളാണ് ബി.എം.& ബി.സി. നിലവാരത്തിലേയ്ക്ക് ഉയര്‍ത്തിയതെന്ന് വ്യക്തമാക്കാമോ;

(സി)  കാലാവസ്ഥാ വ്യതിയാനങ്ങളെ അതിജീവിക്കാന്‍ പുനര്‍നിര്‍മ്മാണ (റീബില്‍ഡ് കേരള) പദ്ധതിയിലൂടെ എങ്ങനെയാണ് റോഡുകള്‍ നവീകരിച്ചതെന്ന് വ്യക്തമാക്കാമോ;

(ഡി)  റോഡ്, പാലം നിര്‍മ്മാണത്തില്‍ ഉപയോഗപ്പെടുത്തിയ പരിസ്ഥിതി സൗഹൃദവും ആധുനികവുമായ സാങ്കേതിക വിദ്യകള്‍ എന്തൊക്കെയാണെന്ന് വ്യക്തമാക്കാമോ?

റോഡ് സുരക്ഷാ ഓഡിറ്റ്

*106  ശ്രീ. പാറക്കൽ അബ്‌ദുല്ല
ശ്രീ. ഫൈസൽ ബാബു
ശ്രീ. പി. കെ. ഫിറോസ്
പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  റോഡപകടങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ റോഡ് സുരക്ഷാ ഓഡിറ്റ് നടത്തുന്നതില്‍ ഗുരുതരമായ വീഴ്ച ഉണ്ടായതായി കണ്ടെത്തിയിട്ടുണ്ടോ; വ്യക്തമാക്കുമോ;

(ബി)  റോഡ് സുരക്ഷാ വിഷയത്തില്‍ വൈദഗ്ദ്ധ്യമുള്ളവര്‍ അപകട സാധ്യതയുള്ള സ്ഥലം സന്ദര്‍ശിച്ച് പരിഹാര മാര്‍ഗ്ഗങ്ങള്‍ നിര്‍ദ്ദേശിക്കാറുണ്ടോ; എങ്കിൽ വിശദമാക്കുമോ;

(സി)  കൂടുതല്‍ ഉദ്യോഗസ്ഥര്‍ക്ക് റോഡ് സുരക്ഷയില്‍ പരിശീലനം നല്‍കുന്നതിന് നടപടി സ്വീകരിക്കുമോ; വ്യക്തമാക്കുമോ;

(ഡി)  റോഡപകടങ്ങള്‍ കുറയ്ക്കുന്നതിന് വകുപ്പ് സ്വീകരിക്കാനുദ്ദേശിക്കുന്ന നടപടികള്‍ വിശദമാക്കുമോ?

ടൂറിസം വികസനം

*107  ശ്രീ. സെബാസ്റ്റ്യൻ. എം. ജെ
ശ്രീമതി ഉമ തോമസ്
ശ്രീ. എ. ഡി. തോമസ്
ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ടൂറിസം മേഖല അഭിമുഖീകരിക്കുന്ന നിലവിലെ വെല്ലുവിളികൾ എന്തെല്ലാമെന്ന് വ്യക്തമാക്കുമോ; പ്രസ്തുത വെല്ലുവിളികൾ പരിഹരിച്ച് ടൂറിസം മേഖല മെച്ചപ്പെടുത്തുന്നതിനായി എന്തെല്ലാം പദ്ധതികളാണ് ആവിഷ്കരിച്ചു നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കുമോ;

(ബി)  സംസ്ഥാനത്തെത്തുന്ന വിദേശ, ആഭ്യന്തര ടൂറിസ്റ്റുകളുടെ എണ്ണം ഓരോ വർഷവും കുറയുന്നുണ്ടോ; എങ്കിൽ കൂടുതൽ വിദേശ, ആഭ്യന്തര ടൂറിസ്റ്റുകളെ ആകർഷിക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് അറിയിക്കുമോ;

(സി)  വിനോദസഞ്ചാര കേന്ദ്രങ്ങൾ മാലിന്യമുക്തമാക്കുന്നതിനും വിനോദസഞ്ചാരികളുടെ സുരക്ഷ ഉറപ്പാക്കുന്നതിനും വിനോദ സഞ്ചാര കേന്ദ്രങ്ങളിൽ ആധുനിക ശൗചാലയ സൗകര്യങ്ങൾ ഏർപ്പെടുത്തുന്നതിനും പദ്ധതികൾ ആവിഷ്കരിക്കുമോ; വിശദമാക്കുമോ?

പാഠ്യ പദ്ധതികളിലെ മൂല്യങ്ങൾ

*108  ശ്രീ. ടി. എം. ശശി
ശ്രീ. വി. കെ. സനോജ്
പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പാഠപുസ്തകങ്ങളില്‍ ഭരണഘടനാ മൂല്യങ്ങള്‍, ലിംഗനീതി, ശാസ്ത്രബോധം തുടങ്ങിയ വിഷയങ്ങള്‍ക്ക് മുൻ സർക്കാർ നല്‍കിവന്നിരുന്ന പ്രാധാന്യം നിലനിര്‍ത്തുന്നതിന് പദ്ധതികള്‍ ആവിഷ്ക്കരിക്കുമോ; വിശദമാക്കാമോ;

(ബി)  അറിവ് പകര്‍ന്ന് നല്‍കുന്നതിനോടൊപ്പം കുട്ടികളില്‍ വിമര്‍ശനാത്മക ചിന്താശേഷി വളര്‍ത്തുന്നതിനായി മുന്‍ സര്‍ക്കാര്‍ നടപ്പിലാക്കിയ വിമര്‍ശനാത്മക ബോധനശാസ്ത്രം അടിസ്ഥാനമാക്കിയുള്ള പഠന രീതികള്‍ മുന്നോട്ട് കൊണ്ടുപോകുന്നതിന് എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ;

(സി)  പരീക്ഷാ സംവിധാനത്തില്‍ കേവലം ഓര്‍മ്മ ശക്തിക്ക് പകരം ചിന്താശേഷിക്ക് പ്രാധാന്യം നല്‍കിക്കൊണ്ട് മുന്‍ സര്‍ക്കാര്‍ നടപ്പാക്കിയ ചോദ്യപേപ്പര്‍ ഘടനയിലെ മാറ്റങ്ങളും നിബന്ധനകളും നിലനിര്‍ത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

പാഠ്യപദ്ധതി പരിഷ്കരണത്തിനുള്ള നടപടികള്‍

*109  ശ്രീ. സുമേഷ് അച്ചുതൻ
ശ്രീ. സനീഷ്‌കുമാര്‍ ജോസഫ്
ശ്രീ. രമേഷ് പിഷാരടി
ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പാഠ്യപദ്ധതി പരിഷ്കരണത്തില്‍ ഏതെല്ലാം വിഷയങ്ങള്‍ക്കാണ് പ്രാധാന്യം നല്കുന്നത്; ലഹരിയുടെ ദൂഷ്യങ്ങളെക്കുറിച്ച് അവബോധം സൃഷ്ടിക്കുന്നതിന് ഉതകുന്ന വിധത്തിൽ കൂടുതൽ വിഷയങ്ങൾ പാഠ്യപദ്ധതിയിൽ ഉൾപ്പെടുത്തുമോ; വ്യക്തമാക്കാമോ;

(ബി)  പരിസ്ഥിതി സംരക്ഷണം, കൃഷി, ജലസംരക്ഷണം, മാലിന്യനിര്‍മ്മാര്‍ജ്ജനം എന്നീ വിഷയങ്ങളിലുള്ള ശാസ്ത്രീയവും പ്രായോഗികവുമായ അറിവുകള്‍ നൽകുന്ന വിധം പാഠ്യപദ്ധതി പരിഷ്കരിക്കുവാന്‍ നടപടികള്‍ സ്വീകരിക്കുമോ; വ്യക്തമാക്കുമോ ;

(സി)  കാലാനുസൃതമായ പാഠ്യപദ്ധതി പരിഷ്കരണത്തിന് അനുസൃതമായി അദ്ധ്യാപകരെ പരിശീലിപ്പിക്കുന്നതിനും അധ്യയനത്തിന്റെ ഗുണനിലവാരം ഉറപ്പാക്കുന്നതിനും വേണ്ടി സ്വീകരിച്ച നടപടികൾ വിശദമാക്കുമോ?

റോഡ് നിർമ്മാണത്തിലെ നിർജീവാവസ്ഥ

*110  ശ്രീമതി ഗീതാ ഗോപി
ശ്രീ. പി. പ്രസാദ്
ശ്രീ. ഗോവിന്ദൻ പള്ളിക്കാപ്പിൽ
ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ രാജ്യത്ത് പെട്രോളിയം ഉൽപന്നങ്ങളുടെ വിലവർധനവിനോടൊപ്പം റോഡ് നിർമ്മാണത്തിനാവശ്യമായ സാമഗ്രികളുടെ വില വർധിച്ച സാഹചര്യം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

(ബി)  നിർമ്മാണ സാമഗ്രികളുടെയും ടാറിന്റെയും വിലവർധനവിനെത്തുടര്‍ന്ന് കരാറുകാർ നിർമ്മാണ പ്രവർത്തനങ്ങൾ പല സ്ഥലത്തും പൂർണമായും നിർത്തിവച്ചിരിക്കുന്ന വിവരം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

(സി)  മൺസൂൺ മഴയുടെ ആരംഭത്തോടെ പല പ്രധാന റോഡുകളും തകരാൻ തുടങ്ങിയിരിക്കുന്ന സാഹചര്യത്തിൽ ഗതാഗത സംവിധാനം സുഗമവും അപകടരഹിതവുമാക്കുന്നതിന് നിർമ്മാണ പ്രവർത്തനങ്ങളും അറ്റകുറ്റപ്പണികളും വേഗത്തിൽ പൂർത്തീകരിക്കുന്നതിനുള്ള അടിയന്തര നടപടി സ്വീകരിക്കുമോ; വിശദീകരിക്കാമോ;

(ഡി)  കേന്ദ്രസർക്കാരിന്റെ ചുമതലയിലുള്ള നിർമ്മാണ പ്രവൃത്തികൾക്ക് ബിറ്റുമിന്റെ വിലയിലുണ്ടായ വർധനവിനനുയോജ്യമായ തുക കരാറുകാർക്ക് വർധിപ്പിച്ചു നൽകുന്നതിന് കേന്ദ്രം തീരുമാനമെടുത്തിട്ടുള്ള സാഹചര്യം ശ്രദ്ധയിൽപ്പെട്ടിട്ടുണ്ടോ; സമാനമായി സംസ്ഥാനത്തെ കരാറുകാർക്ക് ബിറ്റുമിന്റെ വിലവർധനവ് മൂലമുള്ള നഷ്ടം പരിഹരിക്കുന്നതിന് നടപടി സ്വീകരിക്കുമോ; വിശദമാക്കാമോ?

കേരളത്തിലെ ദേശീയപാത വികസനം

*111  ശ്രീ. പി. മമ്മിക്കുട്ടി
ശ്രീ. സജി ചെറിയാന്‍
ശ്രീ. കാരായി രാജൻ
ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാരിന്റെ ഭരണകാലത്ത് കേരളത്തിലെ ദേശീയപാത വികസനത്തിലും മറ്റ് വന്‍കിട റോഡ് പദ്ധതികളിലും സംസ്ഥാന സര്‍ക്കാരിന്റെ ഇടപെടലിലൂടെ ഉണ്ടായ പ്രധാന പരിവര്‍ത്തനങ്ങള്‍ വിശദീകരിക്കാമോ;

(ബി)  ദേശീയപാത 66-ന്റെ വികസനം യാഥാര്‍ത്ഥ്യമാക്കാന്‍ 2016 മുതല്‍ സംസ്ഥാന സര്‍ക്കാര്‍ ചെലവഴിച്ച തുക എത്രയാണെന്ന് വ്യക്തമാക്കാമോ;

(സി)  ഏറെക്കാലമായി പൂര്‍ത്തിയാകാതിരുന്ന കുതിരാന്‍ ടണല്‍, മൂന്നാര്‍-ബോഡിമെട്ട് ദേശീയപാത എന്നിവയുടെ നിര്‍മ്മാണം പൂര്‍ത്തീകരിച്ചത് സംബന്ധിച്ച നടപടികൾ വ്യക്തമാക്കാമോ;

(ഡി)  ഔട്ടര്‍ റിംഗ് റോഡ്, എറണാകുളം ബൈപാസ്, കൊല്ലം-ചെങ്കോട്ട ഗ്രീന്‍ഫീല്‍ഡ് ഹൈവേ തുടങ്ങിയവക്കായി സംസ്ഥാന സര്‍ക്കാര്‍ ഏറ്റെടുത്ത സാമ്പത്തിക ബാധ്യതകള്‍ എന്തെല്ലാമായിരുന്നു; വിശദമാക്കുമോ?

പട്ടയ വിതരണം കാര്യക്ഷമമാക്കുന്നതിന് നടപടി

*112  ശ്രീ. എഫ്. രാജ
ശ്രീ. സി. ആര്‍. മഹേഷ്
ശ്രീ. ദീപക് ജോയ്
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് റവന്യൂഭൂമി കയ്യേറ്റം അവസാനിപ്പിക്കുന്നതിനും അർഹരായവരുടെ കൈവശഭൂമിക്ക് രേഖ നൽകുന്നതിനും സ്വീകരിക്കാൻ ഉദ്ദേശിക്കുന്ന നടപടികൾ എന്തൊക്കെയെന്ന് വ്യക്തമാക്കുമോ;

(ബി)  പട്ടയ വിതരണത്തിൽ ഉണ്ടാകുന്ന കാലതാമസം ഒഴിവാക്കുന്നതിന് നടപടിക്രമങ്ങൾ സുതാര്യവും കാര്യക്ഷമവുമാക്കുന്നതിന് വേണ്ട ഇടപെടൽ ഉണ്ടാകുമോ എന്ന് വ്യക്തമാക്കുമോ;

(സി)  ലാൻഡ് ട്രിബ്യൂണലുകളിൽ കേസുകൾ വർഷങ്ങളായി കെട്ടിക്കിടക്കുന്നത് പരിഹരിക്കാൻ നടപടി സ്വീകരിക്കുമോ; വ്യക്തമാക്കുമോ?

സംസ്ഥാന പാതകളുടെ നവീകരണം

*113  ശ്രീ. വിഷ്ണു മോഹൻ
ശ്രീ. ഉല്ലാസ് കോവൂർ
ശ്രീ. വി. കുഞ്ഞികൃഷ്ണൻ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാന പാതകളുടെ നവീകരണവുമായി ബന്ധപ്പെട്ട് നിലവിൽ അനുമതി നൽകിയിട്ടുള്ള പദ്ധതികൾ ഏതൊക്കെയാണെന്ന് വിശദീകരിക്കാമോ;

(ബി)  സംസ്ഥാന പാതകളിൽ വർധിച്ചു വരുന്ന വാഹന അപകടങ്ങൾ കുറയ്ക്കുന്നതിനായി അപകടസാധ്യതാ മേഖലകൾ കണ്ടെത്തുന്നതിനും റോഡ് സുരക്ഷാ ഓഡിറ്റിംഗ് നടത്തുന്നതിനും എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

(സി)  സംസ്ഥാന പാതകളിൽ പലയിടത്തും ഡ്രയിനേജ് സംവിധാനമില്ലാത്തതിനാൽ വെള്ളക്കെട്ട് രൂപപ്പെട്ട് റോഡുകൾ തകരുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന് ശാശ്വത പരിഹാരം കാണാൻ നടപടി സ്വീകരിക്കുമോ; വ്യക്തമാക്കാമോ?

ദേശീയപാത 66ന്റെ നിര്‍മ്മാണ പുരോഗതി

*114  ശ്രീ. പി. എ. മുഹമ്മദ് റിയാസ്
ശ്രീ. എ. പ്രഭാകരന്‍
ശ്രീ. കാരായി രാജൻ
ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  ദേശീയപാത 66 ആറുവരിയായി വികസിപ്പിക്കുന്നതിന്റെ നിലവിലെ പുരോഗതി സംബന്ധിച്ച വിശദാംശം ലഭ്യമാക്കാമോ;

(ബി)  എത്ര റീച്ചുകളുടെ നിര്‍മ്മാണം ഇതുവരെ പൂര്‍ത്തിയാക്കി ഗതാഗതത്തിന് തുറന്നുകൊടുത്തിട്ടുണ്ട്;

(സി)  അവശേഷിക്കുന്ന റീച്ചുകള്‍ എന്നത്തേക്ക് പൂര്‍ത്തീകരിക്കാന്‍ കഴിയുമെന്ന് വ്യക്തമാക്കാമോ;

(ഡി)  ഇക്കാര്യത്തില്‍ 2016 മെയ് മുതല്‍ 2026 മെയ് വരെ സംസ്ഥാന സര്‍ക്കാര്‍ സ്വീകരിച്ച നടപടികളും ചെലവഴിച്ച തുകയും സംബന്ധിച്ച വിശദവിവരങ്ങള്‍ ലഭ്യമാക്കാമോ;

(ഇ)  ദേശീയപാത 66 ആറുവരിയാക്കുന്നതിന് 2011-16 കാലയളവില്‍ സംസ്ഥാന സര്‍ക്കാര്‍ എന്തെല്ലാം നടപടികളാണ് കൈക്കൊണ്ടത് എന്ന് വ്യക്തമാക്കാമോ?

ഭൂനിയമ പരിഷ്കരണവും ഭൂരേഖകളുടെ ഡിജിറ്റൈസേഷനും

*115   പ്രൊഫ. ആബിദ് ഹുസൈന്‍ തങ്ങള്‍
ശ്രീ. മഞ്ഞളാംകുഴി അലി
ശ്രീ. എം. എ. റസാഖ് മാസ്റ്റർ
ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  ഭൂനിയമങ്ങള്‍ സമഗ്രമായി പരിഷ്ക്കരിക്കുന്നതിനായി കമ്മീഷനെ നിയമിക്കാന്‍ ഉദ്ദേശിക്കുന്നുണ്ടോ; എങ്കിൽ വിശദമാക്കുമോ;

(ബി)  ഭൂനിയമങ്ങള്‍ പരിഷ്ക്കരിക്കുന്നതിന്റെ ഭാഗമായി റവന്യൂ വകുപ്പില്‍ എന്തെല്ലാം മാറ്റങ്ങള്‍ വരുത്താനാണ് ഉദ്ദേശിക്കുന്നത്;

(സി)  ഭൂരേഖകള്‍ പൂര്‍ണ്ണമായും ഡിജിറ്റൈസ് ചെയ്യാന്‍ നടപടി സ്വീകരിക്കുമോ; എങ്കില്‍ വിശദാംശം നല്‍കുമോ?

മലയോര ഹൈവേയുടെ നിര്‍മ്മാണ പുരോഗതി

*116  ശ്രീ. എ. ഡി. തോമസ്
ശ്രീമതി ഉമ തോമസ്
ശ്രീ. സെബാസ്റ്റ്യൻ. എം. ജെ
ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  മലയോര ഹൈവേയുടെ നിർമ്മാണം ഇപ്പോൾ ഏത് ഘട്ടത്തിലാണ്; വിശദാംശം ലഭ്യമാക്കാമോ;

(ബി)  ഏതൊക്കെ ജില്ലകളിലാണ് നിർമ്മാണം പൂർത്തിയായിട്ടുള്ളത്; വിശദമാക്കാമോ;

(സി)  നിർമ്മാണത്തിന് കണക്കാക്കിയിട്ടുള്ള ആകെ അടങ്കൽ തുക എത്രയാണെന്ന് വിശദമാക്കാമോ?

റോഡുകളുടെ നിലവാരം ഉയർത്താൻ നടപടി

*117  ശ്രീ. ജ്യോതികുമാർ ചാമക്കാല
ശ്രീ. എൻ. ശക്തൻ
ശ്രീ. ഐ. സി. ബാലകൃഷ്ണന്‍ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത് റോഡുകളുടെ അറ്റകുറ്റപ്പണിയിൽ നിലവാരം പുലർത്താതിരുന്നതുകൊണ്ട് വളരെയധികം റോഡുകൾ തകർന്ന് ഉപയോഗശൂന്യമായിരിക്കുകയാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; പ്രസ്തുത റോഡുകൾ ഗതാഗതയോഗ്യമാക്കുന്നതിനായി സ്വീകരിക്കാൻ ഉദ്ദേശിക്കുന്ന നടപടികൾ എന്തെല്ലാമാണെന്ന് അറിയിക്കാമോ;

(ബി)  സംസ്ഥാനത്ത് റോഡുകളുടെ നിർമ്മിതിയിൽ ഉണ്ടാകാവുന്ന ക്രമക്കേടുകൾ നിയന്ത്രിക്കാൻ പുതുതായി എന്തെങ്കിലും നടപടികൾ സ്വീകരിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

(സി)  നിശ്ചിത കാലയളവിനു മുമ്പ് റോഡുകൾക്ക് നാശനഷ്ടം ഉണ്ടാവുകയോ നിർമ്മാണ വൈകല്യം കണ്ടെത്തുകയോ ചെയ്താൽ കരാറുകാരനും ബന്ധപ്പെട്ട ഉദ്യോഗസ്ഥർക്കും എതിരെ ശക്തമായ നടപടി സ്വീകരിക്കുമോ; വ്യക്തമാക്കാമോ?

വിനോദ സഞ്ചാര കേന്ദ്രങ്ങളിലെ അതിക്രമങ്ങൾ

*118  ശ്രീ. എം. വിന്‍സെന്റ്
ശ്രീമതി കെ. കെ. രമ
ശ്രീ. വി. ടി. സൂരജ്
ശ്രീമതി വിദ്യാ ബാലകൃഷ്ണൻ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  മൂന്നാർ, പൊന്മുടി തുടങ്ങിയ വിനോദ സഞ്ചാര കേന്ദ്രങ്ങളിൽ സാമൂഹ്യ വിരുദ്ധരും ഗുണ്ടകളും വിനോദസഞ്ചാരികളെ ആക്രമിക്കുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  ഇങ്ങനെയുള്ള ആക്രമണങ്ങൾ വിനോദ സഞ്ചാര മേഖലയെ സാരമായി ബാധിക്കുന്നത് ഗൗരവമായി കാണുന്നുണ്ടോ; വ്യക്തമാക്കുമോ;

(സി)  ആഭ്യന്തര വകുപ്പുമായി ചേർന്ന് ഇത്തരം സാമൂഹ്യവിരുദ്ധരെ അമർച്ച ചെയ്യുന്നതിന് നടപടി സ്വീകരിക്കുമോ; വ്യക്തമാക്കുമോ?

ഉത്തരവാദിത്ത ടൂറിസം ശക്തിപ്പെടുത്തുന്നതിന് നടപടികള്‍

*119  ശ്രീ. കെ. എം. അഭിജിത്ത്
ശ്രീ. ടി. ജെ. വിനോദ്
ശ്രീമതി ഉഷ വിജയൻ
ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  പാരിസ്ഥിതിക ജാഗ്രതയോടെ ടൂറിസം വികസനം സാധ്യമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)  സ്ത്രീകള്‍ക്ക് സുരക്ഷിതമായ യാത്രയും താമസവും ലഭ്യമാക്കുന്നതിന് ടൂറിസം മേഖലയില്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കാമോ; ജെന്‍ഡര്‍ ഓഡിറ്റിങ്ങിലൂടെ സമയാസമയങ്ങളില്‍ വേണ്ട പരിഷ്കാരങ്ങള്‍ കൊണ്ടുവരുന്നതിനുള്ള നടപടികള്‍ സ്വീകരിക്കുമോ;

(സി)  അഗ്രോ ടൂറിസം പദ്ധതികളിലൂടെ കര്‍ഷകര്‍ക്ക് അധികവരുമാനം ലഭ്യമാക്കുന്നതിന് നടപടികള്‍ സ്വീകരിക്കുമോ; വ്യക്തമാക്കാമോ?

ഭൂനിയമങ്ങളുടെ സമഗ്ര പരിഷ്കരണം

*120  ശ്രീ. തോമസ് ഉണ്ണിയാടൻ
ശ്രീ. വർഗ്ഗീസ് മാമ്മൻ
ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  കൃഷി, ഡയറി, വ്യവസായം, ടൂറിസം എന്നീ ആവശ്യങ്ങൾക്കായി ഭൂവിനിയോഗം സാധ്യമാക്കും വിധം സംസ്ഥാനത്ത് ഭൂനിയമങ്ങളുടെ സമഗ്ര പരിഷ്കരണം പരിഗണനയിലുണ്ടോ; എങ്കിൽ വിശദമാക്കാമോ;

(ബി)  തോട്ടം ഭൂമിയുടെ സ്വാഭാവികത നിലനിർത്തി ഭൂവിനിയോഗത്തിൽ വൈവിധ്യവല്‍ക്കരണം നടപ്പാക്കുന്നതിന്റെ ഭാഗമായി അവ വ്യാവസായിക ആവശ്യങ്ങൾക്ക് വിട്ടുനല്‍കുമോയെന്ന് അറിയിക്കാമോ;

(സി)  തോട്ടവിളകൾക്കൊപ്പം പ്രാദേശിക വിപണനത്തിനും കയറ്റുമതിക്കും സാധ്യതകളുള്ള വിദേശ പഴങ്ങൾ ഉൾപ്പെടെയുള്ള ഫലവൃക്ഷ കൃഷി പ്രോത്സാഹിപ്പിക്കും വിധം റവന്യു നിയമങ്ങളിൽ കാലോചിത പരിഷ്കാരങ്ങൾ കൊണ്ടുവരുമോയെന്ന് വ്യക്തമാക്കാമോ;

(ഡി)  വനഭൂമിയുമായും തീരദേശഭൂമിയുമായും ബന്ധപ്പെട്ട് അനുവദിക്കുന്ന പട്ടയങ്ങൾ പൂർണമായും ഉപാധിരഹിതമാക്കുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

(ഇ)  ഭൂമി തരംമാറ്റ നടപടികൾ കാര്യക്ഷമമാക്കുന്നതിനായി ജില്ലാതല അദാലത്തുകൾ സംഘടിപ്പിക്കുന്നുണ്ടോ; വ്യക്തമാക്കാമോ?