ഈ സര്‍ക്കാര്‍ അധികാരമേറ്റശേഷം പൊതുമരാമത്ത് വകുപ്പ് മാവേലിക്കര നിയോജക മണ്ഡലത്തില്‍ കെട്ടിടം, നിരത്ത്, പാലങ്ങള്‍, മെയ്‍ന്റനന്‍സ് വിഭാഗങ്ങള്‍ക്ക് അനുവദിച്ച പ്രവൃത്തികളുടെയും തുകയുടെയും വിശദവിവരം ലഭ്യമാക്കുമോ; പ്രസ്തുത പ്രവൃത്തികളുടെ നിലവിലെ സ്ഥിതി വിവരം ലഭ്യമാക്കുമോ?

കോതമംഗലം മണ്ഡലത്തിൽ നേര്യമംഗലത്ത് നിര്‍മ്മിക്കുന്ന പി.ഡബ്ല്യു.ഡി. എഞ്ചിനീയര്‍മാര്‍ക്കുള്ള പരിശീലന കേന്ദ്രത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത പരിശീലന കേന്ദ്രത്തിലെ പൂര്‍ത്തീകരിച്ചതും പൂര്‍ത്തീകരിക്കാനുള്ളതുമായ പ്രവൃത്തികള്‍ എന്തെല്ലാമെന്ന് വിശദമാക്കാമോ;

പൂര്‍ത്തീകരിക്കുവാൻ ബാക്കിയുള്ള പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാൻ കഴിയുമെന്ന് വ്യക്തമാക്കാമോ;

നേര്യമംഗലം പി.ഡബ്ല്യു.ഡി. പരിശീലന കേന്ദ്രത്തിന്റെ നിര്‍മ്മാണം വേഗത്തിൽ പൂര്‍ത്തീകരിച്ച് ആവശ്യമായ ജീവനക്കാരെ നിയോഗിച്ച് അടിയന്തരമായി പ്രവര്‍ത്തനം ആരംഭിക്കുവാൻ നടപടി സ്വീകരിക്കുമോ; വിശദമാക്കാമോ?

2016-17 മുതല്‍ 2022-23 വരെയുള്ള വര്‍ഷങ്ങളിലെ ബഡ്ജറ്റില്‍ പൊതുമരാമത്ത് വകുപ്പ് മുഖേന നടപ്പിലാക്കാനുളള 20% ബഡ്ജറ്റ് പ്രൊവിഷന്‍ ലഭിച്ച ദേവികുളം മണ്ഡലത്തിലെ പ്രവൃത്തികള്‍ ഏതൊക്കെയെന്ന് വിശദമാക്കാമോ;

ഇവയില്‍ ഭരണാനുമതി നല്‍കിയ പ്രവൃത്തികള്‍ ഏതൊക്കെയെന്നും അവയുടെ നിലവിലെ സ്ഥിതിയും വിശദമാക്കാമോ;

ഭരണാനുമതി ലഭിക്കാത്ത പ്രവൃത്തികള്‍ ഏതൊക്കെയെന്നും ഭരണാനുമതി നല്‍കാന്‍ വൈകുന്നതിന്റെ കാരണവും വിശദമാക്കാമോ?

പൊതുമരാമത്ത് റോഡുകളില്‍ കുടിവെള്ളം, സ്വീവേജ് തുടങ്ങിയ പ്രവൃത്തികള്‍ നിര്‍വഹിക്കുന്നതിന് ഡെപ്പോസിറ്റ് ഈടാക്കിയ ശേഷം പ്രസ്തുത റോഡുകളുടെ പുന:സ്ഥാപന പ്രവൃത്തികള്‍ക്ക് ഈ തുക മതിയാകാതെ വരുന്നുണ്ടോ; എങ്കില്‍ ഈ അവസ്ഥ പരിഹരിക്കാന്‍ സ്വീകരിക്കുന്ന നടപടികള്‍ വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്ന ശേഷം നബാര്‍ഡ് ഫണ്ട് ഉപയോഗിച്ച് കഴക്കൂട്ടം മണ്ഡലത്തില്‍ പൂര്‍ത്തിയാക്കിയ റോ‍ഡ് പ്രവൃത്തികളുടെ വിവരം നല്‍കാമോ;

കാര്യവട്ടം, ചേങ്കോട്ടുകോണം റോഡ് വികസിപ്പിക്കുന്നതിന് സ്വീകരിച്ച നടപടികള്‍ വിശദമാക്കാമോ;

തുമ്പ സ്റ്റേഷന്‍കടവ് ജംഗ്ഷന്‍ റോഡ് വികസനത്തിന്റെ വിശദാംശം ലഭ്യമാക്കാമോ?

പൊതുമരാമത്ത് വകുപ്പിലെ ഗ്രേഡ് II സിവില്‍ ഓവര്‍സിയര്‍ തസ്തികയില്‍ പി.എസ്.സി. വഴി നിയമനം ലഭിച്ചവര്‍ക്ക് സംസ്ഥാന ഓഫീസില്‍ ഹാജരായി വെരിഫിക്കേഷന്‍ പൂര്‍ത്തീകരിച്ച ശേഷം അപ്പോയിന്റ്മെന്റ് ഓര്‍ഡര്‍ നല്‍കുന്നത് ഏത് ഉത്തരവിന്റെ അടിസ്ഥാനത്തിലാണെന്ന് അറിയിക്കാമോ;

പ്രസ്തുത വെരിഫിക്കേഷന് ഹാജരാകാത്ത ഉദ്യോഗാര്‍ത്ഥികളുടെ ജോയിനിംഗ് ടൈം ആയ 15/45 ദിവസം പൂര്‍ത്തീകരിക്കുന്ന മുറയ്ക്ക് അവ എന്‍.ജെ.ഡി. ആയി വീണ്ടും റിപ്പോര്‍ട്ട് ചെയ്യണമെന്നിരിക്കെ ഇ.ബി.6 സീറ്റില്‍ നിന്നും അപ്രകാരം റിപ്പോര്‍ട്ട് ചെയ്യാത്തത് ശ്രദ്ധയില്‍പ്പട്ടിട്ടുണ്ടോ;

ആയത് കൈകാര്യം ചെയ്യുന്ന സി.ഇ. ഓഫീസിലെ സെക്ഷന് ഇപ്രകാരമുള്ള എന്‍.ജെ.ഡി. സമയബന്ധിതമായി റിപ്പോര്‍ട്ട് ചെയ്യുന്നതിനുള്ള നിര്‍ദ്ദേശം നല്‍കാമോ?

പുനലൂർ മണ്ഡലത്തിലെ പുനലൂർ-അഞ്ചൽ-കുളത്തൂപ്പുഴ മലയോര ഹൈവേയിൽ അടുക്കളമൂല പ്രദേശത്തെ അപകടകരമായ നിലയിലുള്ള വളവ് ഒഴിവാക്കുന്നതിനുള്ള സാധ്യത പരിശോധിച്ച് ആവശ്യമായ നടപടികൾ കൈക്കൊള്ളുമോയെന്ന് വിശദമാക്കാമോ?

കുണ്ടറ നിയോജക മണ്ഡലത്തില്‍ നടന്നുവരുന്ന പൊതുമരാമത്ത് പ്രവൃത്തികള്‍ ഏതൊക്കെയാണെന്നും അവയുടെ നിലവിലെ പ്രവര്‍ത്തന പുരോഗതിയും വിശദമാക്കാമോ?

പൊതുമരാമത്ത് വകുപ്പിന്റെ കാര്യക്ഷമതയും സാങ്കേതിക മികവും പ്രവൃത്തികളുടെ ഗുണനിലവാരവും ഉയര്‍ത്തി വകുപ്പിനെ കാലികമായി പരിഷ്കരിക്കുന്നത് സംബന്ധിച്ച് പഠനം നടത്തിയിട്ടുണ്ടോ; ഉണ്ടെങ്കില്‍ വിശദാംശം ലഭ്യമാക്കുമോ;

പ്രീ എഞ്ചിനീയറിംഗ് സാങ്കേതികവിദ്യ ഉപയോഗിച്ച് കെട്ടിടം നിര്‍മ്മിക്കുന്നത് വഴി നിര്‍മ്മാണത്തിന്റെ വേഗതയും ഗുണമേന്മയും മെച്ചപ്പെടുത്താന്‍ സാധിക്കുമോ എന്നത് വ്യക്തമാക്കാമോ;

സാങ്കേതിക വിദ്യയിലും ഗുണമേന്മയിലും മികവു വര്‍ധിപ്പിക്കാന്‍ എന്തൊക്കെ പരിഷ്കാരങ്ങള്‍ നടപ്പാക്കുമെന്ന് വ്യക്തമാക്കുമോ ?

ഗവണ്‍മെന്റ് ഇലക്ട്രിക്കല്‍ കോണ്‍ട്രാക്ടർമാർ നേരിടുന്ന ബുദ്ധിമുട്ടുകള്‍ സംബന്ധിച്ച് സര്‍ക്കാര്‍ തലത്തില്‍ പരിശോധന നടത്തിയിട്ടുണ്ടോ; വിശദമാക്കാമോ;

ഇലക്ട്രിക് ജോലികള്‍ സിവില്‍ കരാറുകാര്‍ക്ക് മാത്രമായി പരിമിതപ്പെടുത്തുവാന്‍ ഇടയായ സാഹചര്യം വിശദമാക്കുമോ;

ഇന്ത്യന്‍ ഇലക്ട്രിസിറ്റി നിയമം അനുസരിച്ച് യോഗ്യരായവര്‍ക്ക് തൊഴില്‍ നല്‍കുന്നതിനു പകരം സിവില്‍ കരാറുകാര്‍ അന്യസംസ്ഥാന തൊഴിലാളികളെ ഉപയോഗിച്ച് സര്‍ക്കാര്‍ കെട്ടിടങ്ങളില്‍ ഇലക്ട്രിക് പ്രവൃത്തികള്‍ നടത്തുന്നത് നിയമ വിരുദ്ധമാണെന്ന വസ്തുത പരിശോധിച്ചിട്ടുണ്ടോ; വിശദമാക്കുമോ;

എങ്കില്‍ കോംപോസിറ്റ് ടെന്‍ഡറില്‍ ഇലക്ട്രിക്കല്‍ പാര്‍ട്ടില്‍ അംഗീകൃത ഇലക്ട്രിക്കല്‍ കരാറുകാര്‍ക്കു കൂടി പങ്കെടുക്കുന്നതിന് അനുമതി നല്‍കുന്ന കാര്യം പരിഗണിക്കുമോയെന്ന് വിശദമാക്കുമോ?

നെയ്യാറ്റിന്‍കര അമരവിള എക്സെെസ് മന്ദിരം നിര്‍മ്മിക്കുന്നതിന്റെ ടെണ്ടര്‍ നടപടി പൂര്‍ത്തീകരിച്ചിട്ടുണ്ടോ എന്ന് വിശദമാക്കാമോ; ഇല്ലെങ്കില്‍ അതിന്റെ കാരണം വ്യക്തമാക്കാമോ;

ഡ.പി.ആര്‍. പ്രകാരം എത്ര തുകയ്ക്കാണ് ഭരണാനുമതി നല്‍കിയതെന്ന് വിശദമാക്കാമോ ?

അരൂര്‍ നിയോജക മണ്ഡലത്തില്‍ കോടംതുരുത്ത് ഗ്രാമപഞ്ചായത്തില്‍ സ്ഥിതിചെയ്യുന്ന അമിനിറ്റി സെന്റര്‍ കാടുകയറി നശിച്ചുപോകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സെന്ററിന്റെ പരിപാലന ചുമതല ഏത് ഏജന്‍സിക്കാണ് നല്‍കിയിട്ടുള്ളത് എന്ന് വ്യക്തമാക്കമോ;

പ്രസ്തുത സെന്ററില്‍ നിലവില്‍ എത്ര സ്ഥാപനങ്ങള്‍ പ്രവൃത്തിക്കുന്നുണ്ട് എന്ന് വിശദമാക്കാമോ?

ഗുരുവായൂര്‍ നിയോജക മണ്ഡലത്തില്‍ ഭരണാനുമതി ലഭിച്ച പൊതുമരാമത്ത് പ്രവ‍ൃത്തികളില്‍ ഏതൊക്കെ പ്രവൃത്തികള്‍ പുതുക്കിയ ഭരണാനുമതിക്കായി സമര്‍പ്പിച്ചിട്ടുണ്ടെന്ന് വിശദമാക്കാമോ;

പുതിയ ഭരണാനുമതിക്കായി സമര്‍പ്പിച്ച ഓരോ പൊതുമരാമത്ത് പ്രവൃത്തിയുടെയും നിലവിലെ സ്ഥിതി അറിയിക്കുമോ;

കാലതാമസം ഒഴിവാക്കി പുതുക്കിയ ഭരണാനുമതി ലഭ്യമാക്കി പ്രവൃത്തി പൂര്‍ത്തീകരിക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

ബാലുശ്ശേരി മിനി സിവിൽ സ്റ്റേഷന്‍ പ്രവൃത്തി എപ്പോഴാണ് ടെണ്ടര്‍ നടപടി പൂര്‍ത്തിയാക്കി കരാറിൽ ഏര്‍പ്പെട്ടിട്ടുള്ളത്; വിശദാംശം ലഭ്യമാക്കാമോ;

ടെണ്ടര്‍ ചെയ്ത പ്രവൃത്തി നാളിതുവരെയും ആരംഭിക്കാന്‍ കഴിഞ്ഞിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; പ്രവൃത്തി ആരംഭിക്കുന്നതിനായി മണ്ണ് നീക്കം ചെയ്യുന്നതിന് സ്വീകരിച്ച നടപടികള്‍ അറിയിക്കാമോ; പ്രസ്തുത പ്രവൃത്തിക്ക് എത്ര തവണയാണ് ലേലം നടത്തിയിട്ടുള്ളത്; ലേല തീയതി ഉള്‍പ്പെടെ വിശദാംശം ലഭ്യമാക്കാമോ;

ബാലുശ്ശേരി മിനി സിവില്‍ സ്റ്റേഷന്‍ പ്രവൃത്തി എത്രയും വേഗം ആരംഭിക്കുന്നതിനുള്ള നടപടികള്‍ സ്വീകരിക്കാമോയെന്ന് വ്യക്തമാക്കുമോ?

പേരാമ്പ്ര മണ്ഡലത്തില്‍ മലയോര ഹൈവേയുടെ ഭാഗമായുള്ള റോഡ് നിര്‍മ്മാണത്തിന്റെ അലൈന്‍മെന്റിന് അംഗീകാരം നല്‍കിയിട്ടുണ്ടോ; പ്രസ്തുത റോഡ് നിര്‍മ്മാണം എന്നത്തേയ്ക്ക് ആരംഭിക്കുവാന്‍ കഴിയുമെന്ന് വ്യക്തമാക്കാമോ;

പ്രസ്തുത മണ്ഡലത്തിലെ ചേനായി പാലം നിര്‍മ്മാണത്തിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

മലപ്പുറം ജില്ലയില്‍ പൊതുമരാമത്ത് വകുപ്പിന് കീഴില്‍ കെട്ടിടം, ഇലക്ട്രിക്കല്‍ എന്നീ വിഭാഗങ്ങളുടെ എത്ര ഓഫീസുകളാണ് നിലവിലുള്ളതെന്ന് അറിയിക്കാമോ; പ്രസ്തുത വിഭാഗങ്ങളില്‍ ഏതൊക്കെ തസ്തികകള്‍ നിലവിലുണ്ടെന്നും അവയില്‍ ഒഴിവുകള്‍ ഉണ്ടോയെന്നും അറിയിക്കാമോ;

പ്രസ്തുത ജില്ലയിലെ പൊതുമരാമത്ത് ഇലക്ടിക്കല്‍ പ്രവൃത്തികള്‍ക്കായി എത്ര സെക്ഷന്‍ ഓഫീസുകള്‍, സബ് ഡിവിഷന്‍ ഓഫീസുകള്‍ എന്നിവ നിലവിലുണ്ടെന്ന് അറിയിക്കാമോ; ഇലക്ട്രിക്കല്‍ പ്രവൃത്തികള്‍ ചെയ്യുവാന്‍ എക്സിക്യൂട്ടീവ് എഞ്ചിനീയര്‍, ഓവര്‍സിയര്‍, ലെെന്‍മാന്‍ എന്നീ തസ്തികകളില്‍ എത്ര പേര്‍ ജോലി ചെയ്യുന്നുണ്ടെന്ന് അറിയിക്കാമോ;

മലപ്പുറം ജില്ലയില്‍ പൊതുമരാമത്ത് വകുപ്പിന് കീഴില്‍ വരുന്ന കെട്ടിടങ്ങളുടെ ഇലക്ടിക്കൽ പ്രവൃത്തികള്‍ക്കായി പുതിയ ഇലക്ട്രിക്കല്‍ സെക്ഷന്‍ ഓഫീസുകള്‍ ആരംഭിക്കുവാന്‍ ഉദ്ദേശമുണ്ടോയെന്ന് വിശദമാക്കാമോ?

മണലൂര്‍ നിയോജക മണ്ഡലത്തിലെ ഗുരുവായൂര്‍-ചുണ്ടൽ റോഡിലെ ചൊവ്വല്ലൂര്‍പടി തൈക്കാട് ജംഗ്ഷനിലെ വെള്ളക്കെട്ട് ഒഴിവാക്കുന്നതിനായി സ്വീകരിച്ച നടപടികളുടെ വിശദാംശം അറിയിക്കാമോ?

എറണാകുളം ജില്ലയിലെ വല്ലാർപാടം കണ്ടെയിനര്‍ റോഡ് - റെയിൽ പദ്ധതിക്ക് വേണ്ടി 2008- ൽ കുടിയൊഴിപ്പിക്കപ്പെട്ടവർക്ക് വേണ്ടി 2008 മാർച്ച് 19-ന് ഇറക്കിയ പുനരധിവാസ ഉത്തരവിന്മേൽ എന്തൊക്കെ നടപടികള്‍ സ്വീകരിച്ചുവെന്ന് വ്യക്തമാക്കുമോ;

പുനരധിവാസ ഭൂമികളിൽ റോഡ്, വൈദ്യതി, കുടിവെള്ളം, ഡ്രെയിനേജ്, ഇരുനിലക്കെട്ടിടം പണിയത്തക്ക എ ക്ലാസ് ഭൂമി എന്നി അടിസ്ഥാന സൗകര്യങ്ങൾ ഒരുക്കുന്നതുവരെ പ്രതിമാസം എത്ര രൂപ വീട്ടു വാടക ഇനത്തിൽ നൽകണമെന്നാണ് ഹൈക്കോടതി വിധിയിലുള്ളതെന്ന് വ്യക്തമാക്കാമോ;

വീട്ടുവാടക ഇനത്തിലുള്ള ഈ തുക ഏതു വര്‍ഷം വരെ നൽകിയിട്ടുണ്ടെന്ന് വ്യക്തമാക്കാമോ;

കുടിയൊഴിപ്പിക്കപ്പെട്ട കുടുംബത്തിലെ ഒരാൾക്ക് വീതം വിദ്യാഭ്യാസ യോഗ്യത അനുസരിച്ച് പദ്ധതിയിൽ ജോലി നൽകും എന്ന ഉത്തരവ് അനുസരിച്ച് എത്രപേർക്ക് ജോലി നൽകിയിട്ടുണ്ട്; ആർക്കൊക്കെ; പേര് വിവരങ്ങൾ വെളിപ്പെടുത്തുമോ;

എറണാകുളം ജില്ലയിലെ ചേരാനല്ലൂർ വില്ലേജിലെ വടുതല പുനരധിവാസ ഭൂമിയിലെ റോഡ് നിർമ്മാണവും ഡ്രെയിനേജ് നിർമ്മിക്കലും കളിസ്ഥലത്തിന്റെ പുനരുദ്ധാരണവും എന്നത്തേക്ക് തുടങ്ങി പൂർത്തിയാക്കാൻ സാധിക്കും എന്ന് വ്യക്തമാക്കുമോ?

ദേശീയ പാത 766-ലെ താമരശ്ശേരി ചുരത്തില്‍ അടുത്ത കാലത്തായി നടത്തിയ വികസന പ്രവൃത്തികളും ഇനി നടത്താന്‍ വിഭാവനം ചെയ്തിട്ടുള്ള വികസന പ്രവര്‍ത്തനങ്ങളും സംബന്ധിച്ച വിശദാംശം ലഭ്യമാക്കുമോ;

ചുരം വികസനത്തിന് തടസ്സമായി നില്‍ക്കുന്ന ഘടകങ്ങള്‍ എന്തൊക്കെയാണെന്ന് വ്യക്തമാക്കാമോ?

കിഫ്ബി ഫണ്ടുപയോഗിച്ച് പീച്ചി-വാഴനി കോറിഡോര്‍ നിര്‍മ്മിക്കുന്നതു സംബന്ധിച്ച നടപടികളുടെ സ്ഥിതി അറിയിക്കാമോ;

പ്രസ്തുത പ്രവൃത്തിക്ക് കിഫ്ബിയുടെ അനുമതി ലഭിക്കുന്നതിനുളള കാലതാമസം ഒഴിവാക്കുന്നതിന് വേണ്ട നടപടി സ്വീകരിക്കുമോ?

തരൂര്‍ നിയോജക മണ്ഡലത്തിലെ കാരപ്പൊറ്റ-പുളിതപ്പറമ്പ് റോഡ് പണി എന്ന് തുടങ്ങാന്‍ സാധിക്കുമെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുമരാമത്ത് വകുപ്പിന്റെ പ്ലാന്‍ ഫണ്ട് വിനിയോഗിച്ച് പാലക്കാട് ജില്ലയില്‍ ബി.എം & ബി.സി നിലവാരത്തില്‍ നവീകരിക്കുന്നതിന് ഭരണാനുമതി നല്‍കിയിട്ടുള്ള റോഡുകളുടെ പേര്, ദൈര്‍ഘ്യം, അനുവദിച്ച തുക എന്നീ വിശദാംശം ലഭ്യമാക്കാമോ?

തീരദേശ ഹൈവേയ്ക്കായുള്ള ഭൂമി ഏറ്റെടുക്കൽ നടപടിയുടെ പുരോഗതി വിശദമാക്കാമോ;

ഭൂമി ഏറ്റെടുക്കലിന്റെ ഭാഗമായുള്ള നഷ്ടപരിഹാര പാക്കേജ് പ്രഖ്യാപിച്ചിട്ടുണ്ടോ; എങ്കില്‍ ആയത് വിശദമാക്കാമോ?

നെന്മാറ മണ്ഡലത്തിലെ കൊടുവായൂര്‍ ബൈപാസ് റോഡ് പ്രവൃത്തി തുടങ്ങുന്നതുമായി ബന്ധപ്പെട്ട് എന്തെല്ലാം നടപടികളാണ് പൂര്‍ത്തീകരിച്ചിട്ടുള്ളതെന്ന് വിശദമാക്കുമോ;

നടപടിക്രമങ്ങള്‍ എല്ലാം പൂര്‍ത്തീകരിച്ച് പ്രസ്തുത റോഡ് പ്രവൃത്തി എന്ന് തുടങ്ങാൻ കഴിയുമെന്ന് വിശദമാക്കുമോ?

വര്‍ക്കല-കല്ലമ്പലം-റോഡ് നവീകരിക്കുന്നതിനുള്ള ടെണ്ടര്‍ നടപടികള്‍ സ്വീകരിക്കുന്നതിനായി കാലതാമസമുണ്ടാകുന്നത് എന്തുകൊണ്ടാണെന്ന് വിശദമാക്കാമോ?

ഇപ്പോള്‍ നിര്‍മ്മാണം നടന്നുവരുന്ന എൻ.എച്ച്. 966-ന്റെ താണാവ്-നാട്ടുകല്‍ റോഡ് നിര്‍മ്മാണവുമായി ബന്ധപ്പെട്ട് സ്ഥാപിക്കാന്‍ നിശ്ചയിച്ചിട്ടുള്ള ടോള്‍ ബൂത്ത് പൊരിയാനിയില്‍ നിന്നും മാറ്റി സ്ഥാപിക്കണമെന്ന ആവശ്യം പരിഗണനയിലുണ്ടോ;

പ്രസ്തുത വിഷയവുമായി ബന്ധപ്പെട്ട് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ?

റീബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി കെ.എസ്.ടി.പി. നിര്‍മ്മാണ ചുമതല നിര്‍വ്വഹിക്കുന്ന പാലക്കാട് ജില്ലയിലെ മുണ്ടൂര്‍-തൂത റോഡിന്റെ നിലവിലെ സ്ഥിതി അറിയിക്കാമോ;

പ്രസ്തുത നിര്‍മ്മാണ പ്രവൃത്തി എന്നത്തേയ്ക്ക് പൂര്‍ത്തീകരിക്കാനാണ് ലക്ഷ്യമിടുന്നതെന്ന് വ്യക്തമാക്കാമോ?

കോഴിക്കോട് നഗരപാത വികസന പദ്ധതി രണ്ടാം ഘട്ടം പ്രവ‍ൃത്തികളുടെ നിലവിലെ സ്ഥിതി വിശദമാക്കുമോ;

പദ്ധതി വേഗത്തിലാക്കുന്നതിന് അടിയന്തര നടപടി സ്വീകരിക്കുമോ?

ആറ്റിങ്ങല്‍ മണ്ഡലത്തിലെ നിലയ്ക്കാമുക്ക്-കായിക്കരക്കടവ്-പണയില്‍ കടവ് റോഡ് നവീകരണത്തിന് 4 കോടി രൂപ അനുവദിച്ചതില്‍ നാളിതുവരെ വകുപ്പ് സ്വീകരിച്ച നടപടികള്‍ വിശദമാക്കുമോ?

പൊതുമരാമത്ത് വകുപ്പിന് കീഴിലുള്ള റോഡ് പ്രവൃത്തി നടപടിക്രമങ്ങളെല്ലാം പൂര്‍ത്തീകരിച്ചതിനുശേഷം നിര്‍മ്മാണ ഘട്ടത്തിൽ എസ്റ്റിമേറ്റിൽ വ്യതിയാനം വരുത്തുന്നതിന് സി.ടി.ഇ. (ചീഫ് ടെക്നിക്കൽ എക്സാമിന‍ർ) നിര്‍ദ്ദേശം നൽകുന്ന പതിവുണ്ടോയെന്ന് വ്യക്തമാക്കുമോ;

ഷെഡ്യൂള്‍ നിരക്കിൽ വരുന്ന വ്യതിയാനം മൂലം നിര്‍മ്മാണ പ്രവ‍ൃത്തി ഏറ്റെടുത്ത കരാറുകാരൻ പിൻമാറുന്ന സാഹചര്യം ഉണ്ടാകാറുള്ളത് ശ്രദ്ധയിൽപ്പെട്ടിട്ടുണ്ടോ;

ഇത്തരം സാഹചര്യങ്ങൾ പരിഹരിക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

പൊതുമരാമത്ത് വകുപ്പിന്റെ പല റോഡുകളുടെയും വളവുകള്‍ നിവര്‍ത്തുമ്പോഴും മറ്റും ഉപയോഗിക്കാതെ കിടക്കുന്ന പഴയ റോഡ് ഭാഗങ്ങള്‍ സമീപവാസികള്‍ കയ്യേറുന്ന സംഭവങ്ങള്‍ സംസ്ഥാനത്ത് നിരവധി ഉണ്ടായിട്ടും അവ തിരിച്ചുപിടിക്കാന്‍ വകുപ്പ് നടപടികള്‍ സ്വീകരിക്കുന്നില്ല എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

ഇത്തരത്തിലുളള ഉപയോഗിക്കാത്ത പഴയ റോഡ് ഭാഗങ്ങള്‍ വകുപ്പില്‍ നിലനിര്‍ത്തുന്നതിനും ആവശ്യമെങ്കില്‍ പ്രസ്തുത റോഡ് ഭാഗങ്ങള്‍ ലീസിന് നല്‍കുക വഴി ഡിപ്പാര്‍ട്ട്മെന്റിന് അധിക വിഭവ സമാഹരണം നടത്തുന്നതിനും സാധിക്കുമോ എന്ന് പരിശോധിക്കുമോ; ഇതിനായി ഒരു പ്രത്യേക പാക്കേജ് നടപ്പാക്കാന്‍ നടപടി സ്വീകരിക്കുമോ?

2017-2018 ലെ ബഡ്ജറ്റ് പ്രസംഗത്തില്‍ ഉള്‍പ്പെട്ട വടക്കാഞ്ചേരി ബെെപ്പാസ് നിര്‍മ്മാണ പദ്ധതിയുടെ നിലവിലെ സ്ഥിതി സംബന്ധിച്ച വിശദാംശം ലഭ്യമാക്കാമോ;

പ്രസ്തുത പ്രവൃത്തി അടിയന്തരമായി നടപ്പിലാക്കാനുളള നടപടി സ്വീകരിക്കുമോയെന്ന് വ്യക്തമാക്കുമോ?

തോവാള-ഇരട്ടയാര്‍ റോഡിന് വീതി കൂട്ടുന്നതിനായി ഉടുമ്പന്‍ചോല നിയോജക മണ്ഡലത്തിലെ വലിയതോവാളയില്‍ പ്രവര്‍ത്തിക്കുന്ന ക്രിസ്തുരാജ ഹൈസ്കൂള്‍ സ്ഥലം വിട്ടു നല്‍കിയിരുന്നുവോയെന്ന് വ്യക്തമാക്കുമോ;

അപകട ഭീഷണി ഒഴിവാക്കുന്നതിനായി പ്രസ്തുത ഭാഗത്ത് ഭാഗികമായി സംരക്ഷണ ഭിത്തി നിര്‍മ്മിച്ച് നല്‍കിയിട്ടുണ്ടോ;

ബാക്കി ഭാഗത്ത് സംരക്ഷണഭിത്തി നിര്‍മ്മിക്കാത്തത് സ്കൂള്‍ കുട്ടികള്‍ക്കും വഴിയാത്രക്കാര്‍ക്കും അപകട ഭീഷണി ഉയര്‍ത്തുന്നു എന്ന വിവരം ശ്രദ്ധയില്‍പ്പെട്ടിട്ടുണ്ടോ;

ഈ ഭാഗത്തെ സംരക്ഷണ ഭിത്തി നിര്‍മ്മാണം അടിയന്തരമായി പൂര്‍ത്തിയാക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

അങ്കമാലി പട്ടണത്തിലെ ജനങ്ങള്‍ അനുഭവിക്കുന്ന ഗതാഗതക്കുരുക്ക് ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കാമോ; ഇതിന് പരിഹാരം കാണുന്നതിന് സ്വീകരിച്ച നടപടികള്‍ എന്തെല്ലാമാണ് വിശദമാക്കാമോ;

02.06.2017-ല്‍ പൊതുമരാമത്ത് വകുപ്പ് ഭരണാനുമതിയും 2017-ല്‍ തന്നെ കിഫ്ബി അംഗീകാരം നല്‍കിയതുമായ അങ്കമാലി ബൈപ്പാസ് പദ്ധതി നാളിതുവരെയായി തുടങ്ങാന്‍ കഴിയാത്തതിന്റെ കാരണം വ്യക്തമാക്കാമോ; പ്രസ്തുത ബൈപ്പാസ് നിര്‍മ്മാണം ആരംഭിക്കുവാനായി ഇനി എന്തെല്ലാം നടപടികളാണ് ഉള്ളതെന്ന് വ്യക്തമാക്കാമോ;

പ്രസ്തുത പ്രവൃത്തി യുദ്ധകാലാടിസ്ഥാനത്തില്‍ പൂര്‍ത്തീകരിക്കാന്‍ റവന്യൂ വകുപ്പ് ഉള്‍പ്പെടെയുള്ള വിവിധ വകുപ്പുകളുടെ യോഗം ചേര്‍ന്നിട്ടുണ്ടോ; എങ്കില്‍ പ്രസ്തുത യോഗത്തിന്റെ മിനിറ്റ്സിന്റെ പകര്‍പ്പും ഇതിന്മേല്‍ വകുപ്പ് സ്വീകരിച്ച തുടര്‍ നടപടികളുടെ വിശദാംശവും ലഭ്യമാക്കാമോ;

അങ്കമാലി ബൈപ്പാസ് നിര്‍മ്മാണം വേഗത്തിലാക്കുന്ന വിഷയം ചര്‍ച്ച ചെയ്യുന്നതിന് വകുപ്പ് മന്ത്രിയുടെ അദ്ധ്യക്ഷതയില്‍ യോഗം ചേരുമോ; വിശദാംശം ലഭ്യമാക്കുമോ;

അടിയന്തര ഇടപെടല്‍ നടത്തി അങ്കമാലി ബൈപ്പാസ് നിര്‍മ്മാണം ത്വരിതപ്പെടുത്തുന്നതിനുളള നടപടി സ്വീകരിക്കുമോ; വിശദാംശം ലഭ്യമാക്കുമോ?

കോഴിക്കോട് പുതിയങ്ങാടി-മാളിക്കടവ് റോഡ് വികസനത്തിന്റെ നിലവിലെ സ്ഥിതി വ്യക്തമാക്കുമോ;

പദ്ധതിയുടെ സാമൂഹ്യാഘാത പഠനത്തിനുവേണ്ട നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത പദ്ധതി സമയബന്ധിതമായി പൂര്‍ത്തിയാക്കുന്നതിന് ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

2022-23 സാമ്പത്തിക വര്‍ഷത്തില്‍ അരുവിക്കര നിയോജകമണ്ഡലത്തില്‍ അനുവദിച്ച റോഡ് മെയിന്റനന്‍സ് പ്രവൃത്തികളില്‍ ഭരണാനുമതി ലഭിക്കാനുളളവ ഏതെല്ലാമാണെന്ന വിവരം നല്‍കുമോ?

ആറ്റിങ്ങല്‍ നിയോജക മണ്ഡലത്തിലെ ആലംകോട്-മീരാന്‍കടവ് റോഡിന്റെ പുനരുദ്ധാരണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദമാക്കുമോ?

ബജറ്റില്‍ 20% തുക അനുവദിച്ച ചില പൊതുമരാമത്ത് പ്രവൃത്തികള്‍ക്ക് പുതുക്കിയ ഭരണാനുമതി നല്‍കുന്നതില്‍ കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കുമോ;

റേറ്റിലും, ജി.എസ്.ടി. യിലും വരുന്ന വര്‍ദ്ധനവ് ധനകാര്യ വകുപ്പിന്റെ അംഗീകാരത്തിനായി സമര്‍പ്പിക്കേണ്ടത് മൂലം നിര്‍മ്മാണ പ്രവൃത്തി ആരംഭിക്കുന്നതിലുള്ള കാലതാമസം ഒഴിവാക്കാന്‍ നടപടി സ്വീകരിക്കാമോയെന്ന് വ്യക്തമാക്കുമോ;

2022-23 സാമ്പത്തിക വര്‍ഷത്തില്‍ 20% തുക അനുവദിച്ച മുണ്ടോത്ത് തെരുവത്ത കടവ് റോഡിന്റെ പുതുക്കിയ ഭരണാനുമതി നല്‍കിയിട്ടുണ്ടോ; പ്രസ്തുത ഫയല്‍ ഇപ്പോള്‍ ഏത് ഘട്ടത്തിലാണ് എന്നറിയിക്കാമോ?

പേട്ട - ആനയറ - ഒരുവാതില്‍കോട്ട റോഡ് നവീകരണ പ്രോജക്ടിന്റെ പുരോഗതി വിശദമാക്കാമോ;

പ്രസ്തുത പ്രവൃത്തി എപ്പോള്‍ ആരംഭിക്കുവാന്‍ കഴിയുമെന്ന് വിശദമാക്കാമോ;

മണ്ണന്തല - പൗഡിക്കോണം റോഡ് നവീകരണ പ്രോജക്ട് ഉദ്യോഗസ്ഥ അലംഭാവം നിമിത്തം ഇഴഞ്ഞു നീങ്ങുന്നതായി ശ്രദ്ധയില്‍പ്പെട്ടിട്ടുണ്ടോ;

പൗഡിക്കോണം - ശ്രീകാര്യം റോഡ് നവീകരണ പ്രോജക്ടിന്റെ പുരോഗതി വിശദമാക്കാമോ?

ചാവക്കാട്-വടക്കാഞ്ചേരി പൊതുമരാമത്ത് റോഡില്‍ വീതി കൂട്ടാത്ത ഗുരുവായൂര്‍ മണ്ഡലത്തിലെ ചാട്ടുകുളം മുതല്‍ ചാവക്കാട് വരെയുള്ള ഭാഗം വീതി കൂട്ടുന്നതിന് സ്വീകരിച്ച നടപടികള്‍ വിശദമാക്കാമോ;

സര്‍ക്കാരിന്റെ ബജറ്റ് നിര്‍ദേശത്തില്‍ പ്രസ്തുത പദ്ധതി ഉണ്ടാകാറുണ്ടെങ്കിലും ഭരണാനുമതി നല്‍കി പ്രവൃത്തി നടപ്പിലാക്കുന്നതിന് നടപടി സ്വീകരിക്കുമോയെന്ന് വിശദമാക്കുമോ?

കോഴിക്കോട് നോര്‍ത്ത് നിയോജക മണ്ഡലത്തില്‍ പൊതുമരാമത്ത് വകുപ്പിന്റെ കീഴിലുള്ള റോഡുകള്‍ ഏതെല്ലാമാണെന്ന് വ്യക്തമാക്കുമോ;

പ്രസ്തുത റോഡുകളുടെ അറ്റകുറ്റ പണിയുടേയും നവീകരണ പ്രവ‍‍ൃത്തികളുടേയും വിശദാംശം ലഭ്യമാക്കുമോ?

ജലജീവൻ പദ്ധതിയുടെ പൈപ്പ് സ്ഥാപിക്കുന്നതിനായി ഷൊര്‍ണ്ണൂര്‍ മണ്ഡലത്തിൽ നിന്ന് എന്തെല്ലാം പദ്ധതികളിൽ റോഡ് കട്ടിംഗിന് അനുമതി ആവശ്യപ്പെട്ടിട്ടുണ്ടെന്ന് വ്യക്തമാക്കാമോ;

നിലവിൽ ഏതെല്ലാം റോഡുകള്‍ക്ക് അനുമതി നൽകിയിട്ടുണ്ടെന്നും ഇനിയും അനുമതി നൽകാത്തവയ്ക്ക് എപ്പോള്‍ അനുമതി നൽകാൻ കഴിയുമെന്നും വിശദമാക്കാമോ?

ഗ്രീന്‍ഫീല്‍ഡ് ഹൈവേ കോങ്ങാട് നിയോജക മണ്ഡലത്തിലെ ഏതെല്ലാം പ്രദേശങ്ങളിലൂടെയാണ് കടന്നു പോകുന്നതെന്ന് വ്യക്തമാക്കാമോ;

പ്രസ്തുത ആവശ്യത്തിനായി ഏറ്റെടുക്കേണ്ടി വരുന്ന ഭൂമിയുടെ വിസ്തൃതി ഗ്രാമപഞ്ചായത്ത് അടിസ്ഥാനത്തില്‍ ലഭ്യമാക്കാമോ?

ചിറക്കല്‍പ്പടി-കാഞ്ഞിരപ്പുഴ റോഡ് നവീകരണവുമായി ബന്ധപ്പെട്ട റീടെന്‍ഡറിന്റെ ഭാഗമായുള്ള ടെക്നിക്കല്‍ ബിഡ് തുറന്നത് ഏത് തീയതിയിലാണെന്ന് വ്യക്തമാക്കാമോ;

റീടെന്‍ഡര്‍ നടപടികള്‍ പൂര്‍ത്തീകരിക്കുന്നതിനായി സ്വീകരിച്ചിട്ടുള്ള നടപടികളുടെ വിശദാംശം തീയതി ഉള്‍പ്പെടെ അറിയിക്കാമോ;

റീടെന്‍ഡര്‍ നടപടികളില്‍ കാലതാമസം നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത റോഡിന്റെ നവീകരണ പ്രവര്‍ത്തനങ്ങള്‍ അടിയന്തരമായി പൂര്‍ത്തീകരിക്കാന്‍ നടപടി സ്വീകരിക്കുമോയെന്ന് അറിയിക്കുമോ?

പഞ്ചായത്ത് റോഡുകളെ പൊതുമരാമത്ത് വകുപ്പിന് കീഴിലാക്കുന്നതിനായി അരുവിക്കര മണ്ഡലത്തില്‍ നിന്ന് ലഭിച്ചിട്ടുളള അപേക്ഷകള്‍ സംബന്ധിച്ച വിശദവിവരം പഞ്ചായത്ത് അടിസ്ഥാനത്തില്‍ ലഭ്യമാക്കുമോ?

അരുവിക്കര നിയോജക മണ്ഡലത്തിലെ നെടുമങ്ങാട് മഞ്ച-അരുവിക്കര-വെളളനാട് കുളക്കോട് റോഡ് നവീകരണ പ്രവര്‍ത്തനങ്ങളുടെ നിലവിലെ പുരോഗതി വിശദമാക്കാമോ?

നെയ്യാറ്റിന്‍കര മണ്ഡലത്തില്‍ 2022-23 വര്‍ഷത്തില്‍ റോഡ് നവീകരിക്കുന്നതിന് ഭരണാനുമതി നല്‍കിയ പ്രവൃത്തികള്‍ ഏതൊക്കെ എന്ന് വിശദമാക്കാമോ; ഒരോ റോഡിനും അനുവദിച്ച തുക എത്ര എന്ന് വ്യക്തമാക്കാമോ?

നെയ്യാറ്റിന്‍കര അമരവിള-ഒറ്റശേഖരമംഗലം റോഡ് നവീകരണ പ്രവൃത്തിയുടെ നിലവിലെ സ്ഥിതിയും പദ്ധതി പൂര്‍ത്തീകരിക്കുന്നതിന് സ്വീകരിച്ച നടപടികളും വിശദമാക്കാമോ?

സംസ്ഥാനത്തെ ദേശീയപാതകളുടെ പുനര്‍നാമകരണത്തിന് ശേഷമുള്ള പേരുവിവരം വിശദമാക്കാമോ; പുനര്‍നാമകരണത്തിന് ആധാരമായി സ്വീകരിച്ച മാനദണ്ഡങ്ങള്‍ എന്തൊക്കെയാണെന്ന് വിശദീകരിക്കാമോ;

സംസ്ഥാനത്തെ ഏതെങ്കിലും സംസ്ഥാന,സംസ്ഥാനാന്തര പാതകള്‍ ദേശീയ പാതയായി പ്രഖ്യാപിക്കണമെന്ന ആവശ്യം കേന്ദ്ര സര്‍ക്കാരിന് സമര്‍പ്പിച്ചിട്ടുണ്ടോ; എങ്കില്‍ വിശദാംശം വെളിപ്പെടുത്താമോ;

കൊല്ലം-തേനി, കൊല്ലം-ചെങ്കോട്ട ദേശീയപാതകളുടെ അലൈന്‍മെന്റിന് അന്തിമരൂപമായിട്ടുണ്ടോ; എങ്കില്‍ വിശദാംശം വെളിപ്പെടുത്താമോ;

പ്രസ്തുത ദേശീയപാതകളുടെ വികസനം സംബന്ധിച്ച പദ്ധതിരേഖയ്ക്ക് കേന്ദ്രത്തിന്റെ അന്തിമാനുമതി ലഭ്യമായിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

പാറശ്ശാല നിയോജക മണ്ഡലത്തിലെ പൊതുമരാമത്ത് വകുപ്പിന് കീഴിലുള്ള റോഡുകളുടെ നീളം, അവയുടെ നിലവിലെ അവസ്ഥ എന്നീ വിവരങ്ങള്‍ സെക്ഷന്‍ തിരിച്ച് ലഭ്യമാക്കാമോ;

പൊതുമരാമത്ത് വകുപ്പിന് കീഴിലുള്ള പാറശ്ശാല റെസ്റ്റ് ഹൗസിന്റെ അടിസ്ഥാന സൗകര്യ വികസനത്തിനായി നടപടികള്‍ സ്വീകരിച്ചിട്ടുണ്ടോ; റെസ്റ്റ് ഹൗസിന് പുതിയ കെട്ടിടം നിര്‍മ്മിക്കുന്നതിനായി സമര്‍പ്പിച്ചിരുന്ന എസ്റ്റിമേറ്റിന്മേല്‍ നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കാമോ;

പാറശ്ശാല മണ്ഡലത്തില്‍ പൊതുമരാമത്ത് വകുപ്പിന്റെ ഭരണാനുമതി ലഭിച്ചിട്ടും ആരംഭിക്കാത്തതും പൂര്‍ത്തിയാക്കാത്തതുമായ പ്രവൃത്തികള്‍ ഏതെല്ലാമാണെന്നും ഓരോ പ്രവൃത്തിക്കും അനുവദിച്ച തുക എത്രയാണെന്നും വ്യക്തമാക്കുമോ; മേല്‍പ്പറഞ്ഞ ഓരോ പ്രവൃത്തിയും നിലവില്‍ ഏത് ഘട്ടത്തിലാണെന്ന വിശദവിവരവും ലഭ്യമാക്കുമോ?

പ്രവൃത്തി പൂര്‍ത്തീകരിക്കാത്തതിനാല്‍, കുറ്റ്യാടി നിയോജക മണ്ഡലത്തിലെ കോട്ടപ്പള്ളി കാവില്‍ തീക്കുനി റോഡിലൂടെയുള്ള ഗതാഗതം ദുഷ്കരമായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; ദിവസേന ആയിരക്കണക്കിന് ജനങ്ങള്‍ ആശ്രയിക്കുന്ന ഈ റോഡിന്റെ പ്രവൃത്തി അടിയന്തരമായി പൂര്‍ത്തിയാക്കുന്നതിന് സ്വീകരിക്കുന്ന നടപടിക്രമങ്ങള്‍ എന്തൊക്കെയാണെന്ന് അറിയിക്കാമോ;

ധാരാളം പരാതികള്‍ ദിവസേന ഉയര്‍ന്നുവരുന്ന സാഹചര്യത്തില്‍ ഈ റോഡിലെ കുണ്ടും കുഴിയും നികത്തി ഗതാഗതയോഗ്യമാക്കുന്നതിന് എന്തെങ്കിലും നടപടികള്‍ സ്വീകരിക്കുന്നുണ്ടോയെന്ന് വിശദമാക്കുമോ;

പ്രവൃത്തി പാതിവഴിയില്‍ നിര്‍ത്തിവച്ചത് കാരണം ആയഞ്ചേരി ടൗണില്‍ പൊടിശല്യം രൂക്ഷമായിരിക്കുന്നതും ഉപജീവനത്തിന് കച്ചവടക്കാര്‍ ഉള്‍പ്പെടെയുളളവര്‍ പ്രയാസപ്പെടുന്നതും ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഷയം പരിഹരിക്കുന്നതിന് സ്വീകരിക്കുന്ന നടപടികള്‍ എന്തൊക്കെയാണെന്ന് വ്യക്തമാക്കാമോ?

വളാഞ്ചേരി-അങ്ങാടിപ്പുറം-വണ്ടൂര്‍-വടപുരം റോഡിന്റെ 6/395 മുതല്‍ 20/055 വരെയുള്ള 13.660 കിലോമീറ്റര്‍ ദൂരം മെയിന്റനന്‍സ് നടത്തുന്നതിനായി റണ്ണിംഗ് കോണ്‍ട്രാക്ട് അനുവദിച്ചതില്‍ എത്ര ശതമാനം പ്രവൃത്തി പൂര്‍ത്തിയായിട്ടുണ്ട്; നാളിതുവരെ എത്ര തുകയ്ക്കുള്ള പ്രവൃത്തിയാണ് പൂര്‍ത്തീകരിച്ചിട്ടുള്ളത്; വ്യക്തമാക്കുമോ;

പ്രസ്തുത പ്രവൃത്തി സമയബന്ധിതമായി പൂര്‍ത്തീകരിക്കുന്നതിന് വകുപ്പ് ഏതെല്ലാം തരത്തിലുള്ള നിര്‍ദ്ദേശം നല്‍കിയിട്ടുണ്ട്; റോഡിന്റെ തകര്‍ന്ന ഭാഗങ്ങളിലെ മുഴുവന്‍ മെയിന്റനന്‍സ് പ്രവൃത്തികളും പൂര്‍ത്തീകരിക്കുന്നതിന് സമയപരിധി നിശ്ചയിച്ച് നല്‍കിയിട്ടുണ്ടോ; വ്യക്തമാക്കുമോ;

പ്രസ്തുത റോഡ് പൂര്‍ണ്ണമായും ബി.എം.& ബി.സി. ചെയ്ത് നവീകരിക്കുന്ന പ്രവൃത്തിയുടെ നിലവിലത്തെ സ്ഥിതി എന്താണ്; ആയതിന് ആവശ്യമായ ഫണ്ട് വകയിരുത്തുന്നതിന് വകുപ്പ് നടപടി സ്വീകരിച്ചിട്ടുണ്ടോ; വ്യക്തമാക്കുമോ?

തിരൂരങ്ങാടി മണ്ഡലത്തിലെ നിർദിഷ്ട പതിനാറുങ്ങൽ പൂക്കിപ്പറമ്പ് ബൈപ്പാസ് റോഡ് നിർമ്മാണത്തിന്റെ അലൈൻമെന്റ് പതിനാറുങ്ങൽ വെന്നിയൂർ ബൈപ്പാസ് നിർമ്മാണം എന്നാക്കി മാറ്റുന്നതിന് സമർപ്പിച്ച പ്രൊപ്പോസലിന്റെ നിലവിലെ അവസ്ഥ വിശദമാക്കാമോ;

പുതിയ അലൈൻമെന്റ് പ്രകാരം ഭരണാനുമതി ലഭ്യമാക്കുന്നതിന് നാളിതുവരെ സ്വീകരിച്ച നടപടികളും ഇനി പൂർത്തീകരിക്കാനുള്ള നടപടികളും എന്തെല്ലാമാണെന്ന് വിശദമാക്കാമോ;

പുതിയ അലൈൻമെന്റ് പ്രകാരം ഡി.പി.ആർ. തയ്യാറാക്കുന്നതിനായി ഇൻവെസ്റ്റിഗേഷൻ നടത്തുന്നതിനുളള അനുമതി ലഭ്യമാക്കിയിട്ടുണ്ടോ; വിശദമാക്കാമോ?

2018-19 സാമ്പത്തിക വര്‍ഷത്തെ ബഡ്ജറ്റില്‍ ഉള്‍പ്പെട്ടിട്ടുള്ള തുപ്പനാട് മീന്‍വല്ലം റോഡിന്റെ നവീകരണ പ്രവൃത്തി ഏത് ഘട്ടത്തിലാണെന്ന് വ്യക്തമാക്കാമോ; പ്രസ്തുത പ്രവൃത്തി പൂര്‍ത്തീകരിക്കുന്നതിന് കാലതാമസം നേരിട്ടതിന്റെ കാരണം വ്യക്തമാക്കാമോ;

പ്രസ്തുത പ്രവൃത്തി പുന:ക്രമീകരിക്കുന്നതുമായി ബന്ധപ്പെട്ട് ചീഫ് എഞ്ചിനീയര്‍ (നിരത്ത്) ശിപാര്‍ശ സമര്‍പ്പിച്ചിട്ടുണ്ടോ;എങ്കില്‍ അതിന്മേല്‍ അടിയന്തര നടപടി സ്വീകരിക്കുമോ;

പ്രസ്തുത പ്രവൃത്തി അടിയന്തരമായി പൂര്‍ത്തീകരിക്കുന്നതിനു വേണ്ട നടപടി സ്വീകരിക്കുമോയെന്ന് വ്യക്തമാക്കുമോ?

കോട്ടക്കല്‍ നിയോജക മണ്ഡലത്തിലെ വളാഞ്ചേരി-അങ്ങാടിപ്പുറം-വണ്ടൂര്‍-വടപുറം-നിലമ്പൂര്‍ റോഡില്‍ കമ്മുട്ടികളം ഭാഗത്ത്(2/600) നിലവിലുള്ള കലുങ്ക് പുതുക്കി പണിയുന്നതിലേക്കുള്ള എസ്റ്റിമേറ്റും പ്രപ്പോസലും ചീഫ് എഞ്ചിനിയറുടെ ഓഫീസില്‍ ലഭ്യമായിട്ടുണ്ടോ; ആയതിന്‍മേല്‍ സ്വീകരിച്ച നടപടികളുടെ വിശദാംശം ഫയല്‍ നമ്പര്‍ സഹിതം ലഭ്യമാക്കുമോ;

പ്രസ്തുത പ്രവൃത്തിക്ക് വേഗത്തില്‍ ഭരണാനുമതി ലഭ്യമാക്കുന്നതിനും നിര്‍മ്മാണം സമയബന്ധിതമായി പൂര്‍ത്തിയാക്കുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ?

കോട്ടക്കല്‍ നിയോജക മണ്ഡലത്തിലെ ചാപ്പനങ്ങാടി- ഇന്ത്യനൂര്‍- കോട്ടക്കല്‍ റോഡിലെ പൂഴിത്തറ വളവ് വീതി കൂട്ടുന്നതുമായി ബന്ധപ്പെട്ട വിഷയത്തിന്‍മേല്‍ മഞ്ചേരി പൊതുമരാമത്ത് റോഡ് വിഭാഗം എക്സിക്യുട്ടീവ് എഞ്ചിനിയറുടെ ഓഫീസില്‍ സ്വീകരിച്ച നടപടികള്‍ വിശദമാക്കുമോ;

വീതി കുറവ് മൂലമുള്ള ഗതാഗത തടസ്സം പരിഹരിക്കുന്നതിന് പ്രസ്തുത റോഡിലെ പൂഴിത്തറ വളവ് വീതി കുട്ടി നിവര്‍ത്തുന്നതിന് ആവശ്യമായ അടിയന്തര നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കാട്ടാക്കട നിയോജക മണ്ഡലത്തിലെ കിഫ്ബി വഴി നടപ്പിലാക്കുന്ന കിള്ളി-ഇ.എം.എസ്. അക്കാഡമി റോഡിന്റെയും പൊട്ടന്‍കാവ് നെല്ലിക്കാട് റോഡിന്റെയും ഫുള്‍ ഡെപ്ത്ത് റിക്ലമേഷൻ പ്രവൃത്തികള്‍ എന്ന് ആരംഭിക്കാനാകുമെന്ന് വിശദമാക്കാമോ; പ്രസ്തുത റോഡ് പ്രവൃത്തികള്‍ മഴക്കാലം ആരംഭിക്കുന്നതിന് മുന്‍പേ സമയബന്ധിതമായി പൂര്‍ത്തീകരിക്കാൻ നടപടി സ്വീകരിക്കുമോ; വിശദാംശം അറിയിക്കുമോ?

ആലത്തൂര്‍ മണ്ഡലത്തിലെ കിഴക്കഞ്ചേരി പഞ്ചായത്തിലെ മമ്പാട്-പൂവ്വത്തിങ്കലട്ടി റോഡ് നവീകരണവുമായി ബന്ധപ്പെട്ട പ്രൊപ്പോസല്‍ ലഭ്യമായിട്ടുണ്ടോ;

എങ്കില്‍ ആയതിന്മേല്‍ സ്വീകരിച്ച നടപടികള്‍ വിശദമാക്കാമോ?

മൂന്നുവര്‍ഷം മുന്‍പ് കരാര്‍ വച്ചെങ്കിലും കുറ്റ്യാടി ടൗണ്‍ നവീകരണ പ്രവൃത്തി പൂർത്തിയാകാത്ത വിവരം ശ്രദ്ധയില്‍പ്പെട്ടിട്ടുണ്ടോ; ഈ പ്രവൃത്തി പാതിവഴിയിലായതിനാൽ കണ്ണൂര്‍ എയര്‍പോര്‍ട്ടിലേക്കും വയനാട്ടിലേക്കും കോഴിക്കോട്ടേക്കുമുള്ള ഗതാഗതതിരക്കേറിയ റോഡുകള്‍ സംഗമിക്കുന്ന കുറ്റ്യാടി ടൗണിന്റെ ഹൃദയഭാഗത്ത് പൊതുജനങ്ങളും, കച്ചവടക്കാരും വലിയ പ്രയാസമനുഭവിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ഈ പ്രവൃത്തി അടിയന്തരമായി പൂ‍‍ർത്തീകരിക്കുന്നതിന് സ്വീകരിക്കുന്ന നടപടികള്‍ ഏതൊക്കെയെന്ന് അറിയിക്കുമോ;

ഈ പ്രവൃത്തിയുടെ ഭാഗമായി ഡ്രെയി‍നേജിനായി കുഴിച്ച കുഴികളില്‍ മഴവെള്ളം കെട്ടിക്കിടന്ന് യാത്രക്കാര്‍ക്ക് അപകട ഭീക്ഷണി ഉയര്‍ത്തുന്ന സാഹചര്യം പരിഹരിക്കുന്നതിനായി എന്തെങ്കിലും നടപടികള്‍ സ്വീകരിക്കുന്നുണ്ടോയെന്ന് വിശദമാക്കുമോ?

കഴിഞ്ഞ ഒരു വർഷത്തിനിടെ ഇരുപതോളം അപകടങ്ങൾ ഉണ്ടായ പുനലൂർ നിയോജക മണ്ഡലത്തിലെ പുനലൂർ കുളത്തൂപ്പുഴ മലയോര ഹൈവേയിൽ പുനലൂർ കെ.എസ്.ആർ.ടി.സി. ഡിപ്പോ മുതൽ ചല്ലി മുക്ക് വരെയുള്ള പാതയുടെ സുരക്ഷക്കായി കിഫ്ബി യും നാറ്റ്പാക്കും നടത്തിയ പഠന റിപ്പോർട്ട് ലഭ്യമായിട്ടുണ്ടോ; വിശദമാക്കാമോ;

പ്രസ്തുത റിപ്പോർട്ട് അനുസരിച്ചുള്ള സുരക്ഷാക്രമീകരണങ്ങൾ പ്രസ്തുത പ്രദേശത്ത് നടപ്പാക്കുന്നതിനുള്ള അനുകൂല തീരുമാനങ്ങൾ എടുക്കുമോയെന്ന് വിശദമാക്കാമോ ?

കോഴിക്കോട് ജില്ലയിലെ പേരാമ്പ്ര നിയോജക മണ്ഡലത്തിലെ 'പേരാമ്പ്ര ബൈപാസി' ന്റെ നിർമ്മാണ പ്രവൃത്തി ഏത് ഘട്ടത്തിലാണെന്ന് അറിയിക്കാമോ;

ബൈപാസിന്റെ പ്രവൃത്തി പൂര്‍ത്തിയാവുമ്പോള്‍ കല്ലോട് കക്കാട് ഭാഗത്ത് ഉണ്ടാവാന്‍ സാധ്യതയുള്ള ഗതാഗത പ്രശ്നങ്ങള്‍ ശ്രദ്ധയില്‍പ്പെട്ടിട്ടുണ്ടോ;

നിലവിലെ പേരാമ്പ്ര ബസ്സ്റ്റാന്‍ഡില്‍ നിന്നും ബൈപാസിലേക്ക് ഒരു ലിങ്ക് റോഡ് വേണമെന്ന ജനങ്ങളുടെ ആവശ്യം ശ്രദ്ധയിലുണ്ടോ;

കക്കാട്-കല്ലോട് ഭാഗത്തുള്ള പ്രവേശന കവാടം വീതി കൂട്ടാനും ട്രാഫിക് ഐലന്റ് നിര്‍മ്മാണത്തിനും പ്രൊപ്പോസല്‍ ലഭിച്ചിട്ടുണ്ടോ;

നിലവിലുള്ള ബൈപാസിന്റെ പ്രവൃത്തി പൂര്‍ത്തിയാകുമ്പോഴേക്കും മേല്‍ സൂചിപ്പിച്ച പ്രവൃത്തികള്‍ക്കായി സ്ഥലം ഏറ്റെടുക്കുന്നതിനും മറ്റുമുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

തിരുവനന്തപുരം ഔട്ടർ റിംഗ് റോഡിന്റെ അലൈൻമെന്റ് നിശ്ചയിച്ചിട്ടുണ്ടോ; ഉണ്ടെങ്കിൽ ആയതിന്റെ പകർപ്പ് ലഭ്യമാക്കുമോ;

നിലവിൽ നിശ്ചയിച്ചിട്ടുള്ള അലൈൻമെന്റിൽ ഭേദഗതി വരുത്താൻ ഉദ്ദേശിക്കുന്നുണ്ടോ; ഉണ്ടെങ്കിൽ ഏതൊക്കെ ബ്ലോക്കുകളിൽ ആണ് മാറ്റം വരുത്തുന്നതെന്ന് വ്യക്തമാക്കുമോ;

പ്രസ്തുത ഔട്ടർ റിംഗ് റോഡ് കണ്ടെയിനർ ഗതാഗതത്തിനു വേണ്ടി മാത്രമുള്ളതാണോ എന്നും മറ്റു വാഹനങ്ങൾക്ക് യാത്ര അനുമതി ഉണ്ടാകുമോ എന്നും വ്യക്തമാക്കുമോ;

ഇപ്പോൾ തീരുമാനിച്ചിരിക്കുന്ന 45 മീറ്റർ കണ്ടെയ്നർ റോഡിനു പുറമേ അപ്രോച്ച് റോഡിനു വേണ്ടി സ്ഥലം ഏറ്റെടുക്കാൻ ഉദ്ദേശിക്കുന്നുണ്ടോ; എങ്കിൽ ഇരുവശത്തും എത്ര മീറ്റർ വീതമാണ് ഏറ്റെടുക്കുക എന്ന് വ്യക്തമാക്കുമോ ;

ഏത് ഏജൻസി മുഖേനയാണ് റിംഗ് റോഡിന്റെ അലൈൻമെന്റ് സംബന്ധിച്ച സർവ്വേ നടത്തിയത്; റിംഗ് റോഡ് നിർമ്മാണത്തിന്റെ കൺസൾട്ടൻസിയായി തീരുമാനിച്ചിട്ടുള്ളത് ഏത് ഏജൻസിയെയാണ്; വിശദാംശം നല്‍കുമോ?

കൊടിനട മുതൽ കളിയിക്കാവിള വരെയുള്ള റോഡ് വികസനം സംബന്ധിച്ച പ്രവൃത്തിയുടെ നിലവിലെ അവസ്ഥ വ്യക്തമാക്കുമോ;

ബാലരാമപുരം ജംഗ്ഷൻ വികസനത്തിനായി ഏതു രീതിയിലുള്ള പദ്ധതിയാണ് ആവിഷ്കരിച്ചിട്ടുള്ളത്; ഇതിനായുളള ഭൂമി ഏറ്റെടുക്കൽ നടപടികൾ എന്നത്തേക്ക് പൂർത്തിയാകും എന്ന് വ്യക്തമാക്കുമോ?

പൊന്‍കുന്നം കപ്പാട് കുഴിക്കാട്ട് വഴി തമ്പലക്കാട് മാന്തറ റോഡിന്റെ അറ്റകുറ്റപ്പണിക്ക് എസ്റ്റിമേറ്റ് സമര്‍പ്പിച്ചിട്ടുണ്ടോ; അറിയിക്കാമോ;

പ്രസ്തുത റോഡിന്റെ അതീവ ശോച്യാവസ്ഥ കണക്കിലെടുത്ത് റീ ടാറിംഗിനുള്ള തുക അനുവദിക്കുന്നത് പ്രത്യേകമായി പരിഗണിക്കാമോ?

കാഞ്ഞിരപ്പള്ളി മണ്ഡലത്തില്‍ റണ്ണിങ് കോണ്‍ട്രാക്ടില്‍ ഉള്‍പ്പെട്ട റോഡുകളുടെ പട്ടിക ലഭ്യമാക്കാമോ;

അവയില്‍ ഏതൊക്കെ റോഡുകള്‍ക്ക് തുക അനുവദിച്ച് കരാര്‍ ഉറപ്പിച്ചിട്ടുണ്ടെന്ന് അറിയിക്കാമോ; കരാറുകാരുടെ വിശദാംശം അറിയിക്കാമോ;

പ്രസ്തുത കരാറില്‍ ഏര്‍പ്പെട്ടിട്ടില്ലാത്ത റോഡുകള്‍ അറ്റകുറ്റപ്പണി നടത്തുന്നതിന് എന്തു സംവിധാനമാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കാമോ?

ആലുവ, അങ്കമാലി-പറവൂര്‍ റോഡില്‍ കാരയ്ക്കാ‌ട്ട് കുന്ന് മുതല്‍ പൊയ്ക്കാട്ടുശ്ശേരി വരെയുള്ള ഭാഗം നവീകരിക്കുന്നതിനായി നല്‍കിയ അപേക്ഷയില്‍ പി.ഡബ്ല്യൂ.ഡി. സെക്രട്ടറി (പി.ഡബ്ല്യൂ.ഡി - ജി2/150/2021-പി.ഡബ്ല്യൂ.ഡി.) നാളിതുവരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത വിഷയത്തില്‍ നിരത്ത് വിഭാഗം ചീഫ്എഞ്ചിനിയര്‍ (സി.ഇ.പി.ഡബ്ല്യൂ.ഡി./6812/2021) നാളിതുവരെ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന്അറിയിക്കാമോ; ഇതുവരെ നട‌ത്തിയ കത്തിടപാടുകളുടെ പകര്‍പ്പുകള്‍ ലഭ്യമാക്കുമോ;

ഈ പദ്ധതിയ്ക്ക് ആവശ്യമായ ഫണ്ട് അനുവദിച്ച് എത്രയും വേഗം പ്രവൃത്തി പൂര്‍ത്തിയാക്കുന്നതിനാവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

ആലുവ അത്താണി വെടിമറ റോഡിലെ പുത്തന്‍തോട് ചുങ്കം ഭാഗത്തുള്ള വളവ് നിവര്‍ത്തുന്നതിനുള്ള പദ്ധതി നടപ്പിലാക്കണമെന്ന അപേക്ഷയില്‍ പൊതുമാരാമത്ത് വകുപ്പ് സെക്രട്ടറി (ജി2/79/2022/പൊമവ.) നാളിതുവരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

ഈ വിഷയത്തില്‍ പൊതുമരാമത്ത് വകുപ്പ് നിരത്ത്/ഡിസൈന്‍ വിഭാഗം ചീഫ് എഞ്ചിനിയര്‍മാര്‍ (സി.ഇ.പി.ഡബ്ല്യു.ഡി/5607/2022/സി6) നാളിതുവരെ എന്തെല്ലാം നടപടികള്‍‌ സ്വീകരിച്ചിട്ടുണ്ടെന്ന് വ്യക്തമാക്കാമോ; നാളിതുവരെ നടത്തിയ കത്തിടപാടുകളുടെ പകര്‍പ്പുകള്‍ ലഭ്യമാക്കുമോ;

ഈ പ്രവൃത്തി എത്രയും വേഗം പൂര്‍ത്തിയാക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

എ.സി. റോഡിന്റെ നവീകരണം പൂര്‍ത്തീകരിക്കുമ്പോള്‍ നാടിനും ജനങ്ങള്‍ക്കും ഉണ്ടാകുന്ന ഗുണങ്ങള്‍ എന്തെല്ലാമെന്ന് വ്യക്തമാക്കുമോ;

പ്രസ്തുത റോഡിന്റെ നവീകരണം എന്നത്തേക്ക് പൂര്‍ത്തികരിക്കാന്‍ കഴിയുമെന്നാണ് പ്രതീക്ഷിക്കുന്നത്; വ്യക്തമാക്കുമോ;

കുട്ടനാടിന്റെ ടൂറിസം പ്രാധാന്യം മുന്നില്‍ കണ്ട് പരിഷ്ക്കരിക്കുന്ന എ.സി. റോഡിന്റെ പ്രാന്ത പ്രദേശങ്ങളിലെ പൊതുമരാമത്ത് റോഡുകളും നവീകരിക്കുന്നതിന് നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

പൊതുമരാമത്ത് റോഡുകളിലെ റണ്ണിങ് കോൺട്രാക്ട് പരിശോധിക്കുവാൻ ഓരോ ജില്ലകളിലും നിയോഗിക്കപ്പെട്ടിട്ടുള്ള സൂപ്രണ്ടിംഗ് എൻജിനീയറുടെ നേതൃത്വത്തിലുള്ള സംഘം നടത്തിയ പരിശോധനകൾ സംബന്ധിച്ചുള്ള വിശദാംശം നൽകുമോ;

പ്രസ്തുത പരിശോധനകളിൽ ക്രമക്കേടുകൾ കണ്ടെത്തിയിട്ടുണ്ടോ; ഉണ്ടെങ്കില്‍ അത് സംബന്ധിച്ചുള്ള വിശദവിവരം ജില്ലതിരിച്ച് ലഭ്യമാക്കുമോ?

എം.സി. റോഡിന്റെ രണ്ടാം ഘട്ട വികസന പ്രവര്‍ത്തനങ്ങള്‍ നടത്തുവാന്‍ ഉദ്ദേശിക്കുന്നുണ്ടോയെന്ന് വിശദമാക്കാമോ;

കേരള സ്റ്റേറ്റ് ട്രാന്‍സ്പോര്‍ട്ട് പ്രോജക്ട് നിലവിലുള്ള എം.സി. റോഡിന്റെ രണ്ട് വരിപ്പാത നാല് വരിപ്പാതയായി മാറ്റുവാന്‍ ഉദ്ദേശിക്കുന്നുണ്ടോ; ഇത് സംബന്ധിച്ച് സര്‍വേ നടപടികള്‍ ആരംഭിച്ചിട്ടുണ്ടോയെന്ന് വിശദമാക്കാമോ;

എം.സി. റോഡ് രണ്ട് വരിപ്പാതയായി വികസിപ്പിക്കുന്നതിനുവേണ്ടി സ്ഥലം വിട്ട് നല്‍കിയവര്‍ തന്നെ നാലുവരിപ്പാതയ്ക്കും സ്ഥലം വിട്ടുനല്‍കേണ്ടിവരുമോയെന്നുള്ള റോഡ് കടന്നുപോകുന്ന സ്ഥലങ്ങളിലെ ജനങ്ങളുടെ ആശങ്ക ഒഴിവാക്കുന്നതിനായി ആയതിന്റെ സത്യാവസ്ഥ ജനങ്ങളെ ബോദ്ധ്യപ്പെടുത്തുമോ;

എം.സി. റോഡ് നാല് വരിപ്പാത സംബന്ധിച്ച് പഠനം നടത്തിയിട്ടുണ്ടോ; എങ്കിൽ ആയതിന്റെ പഠന റിപ്പോര്‍ട്ട് ലഭിച്ചിട്ടുണ്ടോ; വിശദമാക്കുമോ?

പെരിന്തല്‍മണ്ണ മണ്ഡലത്തിലെ മണലായ-മുതുകുര്‍ശ്ശി-ആനമങ്ങാട് റോഡ് പ്രവൃത്തി പൂര്‍ത്തീകരിക്കുന്നതിനായി കരാറില്‍ പറഞ്ഞിരിക്കുന്ന സമയ പരിധി എന്നാണ് അവസാനിക്കുന്നത് എന്ന് വിശദമാക്കുമോ;

പ്രസ്തുത പ്രവൃത്തി അനന്തമായി നീളുന്നതിന്റെ കാരണം വിശദമാക്കുമോ;

പ്രസ്തുത പ്രവൃത്തി എപ്പോള്‍ പൂര്‍ത്തീകരിക്കാന്‍ സാധിക്കുമെന്ന് വിശദമാക്കുമോ?

കിഫ്ബി ഫണ്ട് ഉപയോഗിച്ച് നവീകരിക്കുന്ന തൃശ്ശൂര്‍ ജില്ലയിലെ മുരിങ്ങൂര്‍-ഏഴാറ്റുമുഖം റോഡ് പണിയുടെ പുരോഗതി വിശദീകരിക്കുമോ;

നിലവില്‍ ഈ പ്രവൃത്തി എത്ര ശതമാനം പൂര്‍ത്തീകരിച്ചുവെന്ന് അറിയിക്കുമോ;

ഈ പ്രവ‍ൃത്തി എന്ന് പൂര്‍ത്തീകരിക്കാനാകുമെന്ന് വെളിപ്പെടുത്തുമോ?

കൊണ്ടോട്ടി മണ്ഡലത്തിലെ ഗതാഗതയോഗ്യമല്ലാത്ത പൊതുമരാമത്ത് റോഡുകൾ ഏതെല്ലാമാണെന്ന് വിശദമാക്കുമോ;

പ്രസ്തുത റോഡുകളുടെ നവീകരണത്തിനും അവ ബി. എം. ബി. സി ചെയ്യുന്നതിനുമായി നാളിതുവരെ സ്വീകരിച്ച നടപടികൾ എന്തല്ലാമാണെന്നുമുള്ള വിശദാംശം ലഭ്യമാക്കുമോ;

പ്രസ്തുത റോഡുകളിൽ റണ്ണിങ് കോൺട്രാക്ട് വ്യവസ്ഥയിൽ നന്നാക്കുന്ന റോഡുകൾ ഏതെല്ലാമാണെന്നും ഇവയിലൂടെ എന്തെല്ലാം നവീകരണ സാധ്യതകളാണ് ഉള്ളത് എന്നും വിശദമാക്കുമോ?

സംസ്ഥാനത്തെ റോഡുകളുടെ ആധുനികരണത്തിന്റെ ഭാഗമായി വളവുകള്‍ നിവര്‍ത്തി റോഡ് നിര്‍മ്മിക്കുന്നത് മൂലം വിവിധ സ്ഥലങ്ങള്‍ തമ്മിലുള്ള ദൂരത്തില്‍ കുറവ് വരുന്നതായി ശ്രദ്ധയില്‍പ്പെട്ടിട്ടുണ്ടോ;

ഇത്തരം റോഡുകളിലെ സൈന്‍ബോര്‍ഡുകളില്‍ രേഖപ്പെടുത്തിയിട്ടുള്ള ദൂരം പരിഷ്കരിക്കുന്നതിന് നടപടികള്‍ സ്വീകരിക്കുമോ;

ഇപ്രകാരം റോഡിന്റെ ദൈർഘ്യത്തിൽ വന്ന കുറവ് സംബന്ധിച്ച് പുറപ്പെടുവിച്ചിട്ടുള്ള നോട്ടിഫിക്കേഷന്‍ / ഉത്തരവുകളുടെ പകര്‍പ്പ് ലഭ്യമാക്കുമോ?

സംസ്ഥാനത്ത് നിരവധി പൊതുമരാമത്ത് റോഡുകള്‍ കുണ്ടും കുഴിയുമായി ഗതാഗത യോഗ്യമല്ലാത്തതിനാല്‍ യാത്ര ചെയ്യുന്നതിന് ബുദ്ധിമുട്ട് അനുഭവപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ;

റോഡുകളുടെ അറ്റകുറ്റപ്പണികള്‍ കൃത്യസമയത്തുതന്നെ ചെയ്യുന്നതിനും പൊതുമരാമത്ത് പ്രവൃർത്തികളുടെ ഗുണനിലവാരം ഉറപ്പുവരുത്തുന്നതിനും എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ;

റാന്നിയിൽ ബണ്ട് പാലത്തിനുവേണ്ടി കോൺക്രീറ്റ് തൂണിൽ കമ്പിക്ക് പകരം തടി ഉപയോഗിച്ചതായി പറയപ്പെടുന്ന സംഭവം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ; പ്രസ്തുത സംഭവത്തിൽ അന്വേഷണം നടത്തിയിട്ടുണ്ടോയെന്ന് വിശദമാക്കുമോ?

തദ്ദേശസ്വയംഭരണ വകുപ്പിന് കീഴിലുള്ള നിരവധി റോഡുകള്‍ ഫണ്ടില്ലാത്തതിനാല്‍ അറ്റകുറ്റപ്പണി നടത്താന്‍ സാധിക്കാതെ ഗതാഗത യോഗ്യമല്ലാതെയായത് പൊതുമരാമത്ത് വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

എങ്കില്‍ ഇത്തരം റോ‍ഡുകള്‍ ഒറ്റത്തവണ റീ ടാര്‍ ചെയ്യാന്‍ പി. ഡബ്ല്യു.ഡി. ഫണ്ട് അനുവദിക്കുമോ; വ്യക്തമാക്കുമോ;

തദ്ദേശഭരണ സ്ഥാപനങ്ങളുമായി ആലോചിച്ച് ഇത്തരം റോഡുകള്‍ ഏറ്റെടുക്കുന്നതിന് പദ്ധതി തയ്യാറാക്കുമോ; വിശദാംശം നല്‍കുമോ?

നാഷണല്‍ ഹെെവേ ഉള്‍പ്പെടെയുളള പൊതുമരാമത്ത് വകുപ്പിന്റെ കീഴിലെ റോഡുകളില്‍ യഥാസമയം അറ്റകുറ്റപ്പണി നടത്തുന്നുവെന്ന് ഉറപ്പാക്കാന്‍ എന്തൊക്കെ ക്രമീകരണമാണ് എര്‍പ്പെടുത്തിയിട്ടുളളതെന്ന് വ്യക്തമാക്കുമോ;

അറ്റകുറ്റപ്പണി സമയബന്ധിതമായി നടത്താതെ കൃത്യ വിലോപം കാണിക്കുന്ന ഉദ്യോഗസ്ഥര്‍ക്കെതിരെ ഈ സര്‍ക്കാര്‍ അധികാരത്തില്‍ വന്നതിനു ശേഷം സ്വീകരിച്ച നടപടികളുടെ വിശദാംശം വ്യക്തമാക്കുമോ?

മഞ്ചേരി സെൻട്രൽ ജംഗ്ഷൻ, മലപ്പുറം-മഞ്ചേരി റോഡ്, കച്ചേരിപ്പടി, മഞ്ചേരി- ഒലിപ്പുഴ റോഡ്, നാടുകാണി -പരപ്പനങ്ങാടി റോഡ്, മുള്ളിയാക്കുറിശ്ശി-പാണ്ടിക്കാട് റോഡിൽ പട്ടിക്കാട് മുതൽ ആക്കപ്പറമ്പ് വരെ, പാണ്ടിക്കാട്-വണ്ടൂർ- വടപുരം റോഡിൽ ഒറവംപുറം പാലം മുതൽ മരാട്ടപ്പടി പാലം വരെ, ചെരണി- പന്നിപ്പാറ റോഡ്, മഞ്ചേരി-ഒലിപ്പുഴ റോഡിൽ പാണ്ടിക്കാട് മുതൽ ഒലിപ്പുഴ വരെ, പയ്യനാട് അങ്ങാടി, മാലാങ്കുളം- ചെറാങ്കുത്ത്-ചെറുകുളംറോഡ്, മഞ്ചേരി 2nd ബൈപ്പാസ് എന്നീ റോഡുകൾ പൂർണ്ണമായും തകർന്നിരിക്കുന്നത് ശ്രദ്ധയിൽപ്പെട്ടിട്ടുണ്ടോ;

വർഷങ്ങളായി ചുവപ്പ് നാടയിൽ കുടുങ്ങിക്കിടക്കുന്ന മഞ്ചേരി-ഒലിപ്പുഴ റോഡിന്റെ പ്രവൃത്തി ആരംഭിക്കുന്നതിനുള്ള നടപടികൾ സ്വീകരിക്കുമോ;

നാടുകാണി -പരപ്പനങ്ങാടി റോഡിൽ ചെരണി മുതൽ ജസീല ജംഗ്ഷൻ വരെയുള്ള ഭാഗങ്ങളിൽ റോഡ് തകർന്ന് ഗതാഗത യോഗ്യമല്ലാതായിട്ട് മാസങ്ങളായെന്ന കാര്യം സർക്കാരിന്റെ ശ്രദ്ധയിൽ വന്നിട്ടുണ്ടോ; ഉണ്ടെങ്കിൽ ഈ റോഡുകളെ അടിയന്തരമായി പുനരുദ്ധാരണം നടത്തി ഗതാഗത യോഗ്യമാക്കുന്നതിനുള്ള നടപടികൾ സ്വീകരിക്കുമോ;

ഈ റോഡുകളിലെ ഗതാഗതം സുഗമമാക്കുന്നതിന് പൂർണ്ണമായും ബി.എം.&ബി.സി. ചെയ്യുന്നതിനുള്ളള നടപടികൾ സ്വീകരിക്കുമോ;

മുള്ളമ്പാറ-കോണിക്കല്ല്-ഇരുമ്പുഴി റോഡ് പൂർണ്ണമായും തകർന്നു കിടക്കുന്നതിനാൽ ടി റോഡിന്റെ പുനരുദ്ധാരണം നടത്തുന്നതിനുള്ള നടപടികൾ സ്വീകരിക്കുമോയെന്ന് വ്യക്തമാക്കുമോ?

കണ്ണൂർ മണ്ഡലത്തിൽ നിലവിൽ കിഫ്ബി വഴി പ്രവൃത്തി നടത്തുന്ന റോഡ്, പാലം എന്നിവയുടെ നിർമ്മാണ പുരോഗതി വിശദമാക്കാമോ;

പ്രസ്തുത മണ്ഡലത്തില്‍ കിഫ്‌ബി വഴി എത്ര പദ്ധതികൾ നടപ്പിലാക്കിവരുന്നു എന്ന് വിശദമാക്കാമോ?

പട്ടാമ്പി മണ്ഡലത്തില്‍ ബി.എം & ബി.സി നിലവാരത്തില്‍ ഉയര്‍ത്തുന്നതിന് അവശേഷിക്കുന്ന റോഡുകളുടെ വിവരങ്ങള്‍ ലഭ്യമാക്കുമോ;

പ്രസ്തുത മണ്ഡലത്തില്‍ പൊതുമരാമത്ത് വകുപ്പിന് ഏറ്റെടുക്കുവാന്‍ സാധിക്കുന്ന ഗ്രാമീണ റോഡുകളുടെ വിവരങ്ങള്‍ ശേഖരിച്ചിട്ടുണ്ടോ;എങ്കില്‍ ആയത് നല്‍കാമോ?

കാഞ്ഞിരപ്പള്ളി ടി.ബി. യ്ക്ക് പുതിയ കെട്ടിടം പണിയുന്നതിനുള്ള എസ്റ്റിമേറ്റ് തയ്യാറാക്കിയിട്ടുണ്ടോ; എത്ര രൂപയാണ് ചെലവ് കണക്കാക്കുന്നത്;

ഹൈറേഞ്ചിന്റെ കവാടം എന്ന നിലയിലുള്ള സ്ഥലത്ത് സ്ഥിതി ചെയ്യുന്ന കാലപ്പഴക്കമുള്ള നിലവിലെ കെട്ടിടത്തിന്റെ അവസ്ഥ പരിഗണിച്ച് പുതിയ കെട്ടിടം നിര്‍മ്മിക്കുന്നതിന് പ്രത്യേക പരിഗണന നല്‍കി തുക അനുവദിക്കുമോയെന്ന് വ്യക്തമാക്കുമോ?

മഞ്ചേരി മണ്ഡലത്തിലെ പാണ്ടിക്കാട് റസ്റ്റ്ഹൗസിന് വേണ്ടി പുതുതായി കെട്ടിടം നിർമ്മിക്കുന്നതിന് വേണ്ട നടപടികൾ സ്വീകരിക്കുമോയെന്ന് വിശദമാക്കുമോ;

മഞ്ചേരി ഗവ: പോളിടെക്‌നിക് കോളേജിന്റെ അഡ്മിനിസ്‌ട്രേറ്റീവ് ബ്ലോക്ക് നിർമ്മാണത്തിന് ഡി.പി.ആർ സമർപ്പിച്ചിരുന്നത് ശ്രദ്ധയിൽപ്പെട്ടിട്ടുണ്ടോ; പ്രസ്തുത കെട്ടിടത്തിന് ഫണ്ട്‌ അനുവദിച്ച് പ്രവൃത്തി ആരംഭിക്കുന്നതിനുള്ള നടപടികൾ സ്വീകരിക്കുമോ;

2017 ൽ 14 കോടി രൂപയുടെ ഭരണാനുമതി ലഭിച്ച മഞ്ചേരി സർക്കാർ നഴ്സിംഗ് കോളേജ് കെട്ടിട നിർമ്മാണം ടെണ്ടർ ചെയ്യാത്തത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ടെണ്ടർ ചെയ്യുന്നതിനുള്ള നടപടികൾ സ്വീകരിക്കുമോയെന്ന് വ്യക്തമാക്കാമോ?

മട്ടന്നൂര്‍ മണ്ഡലത്തില്‍ പൊതുമരാമത്ത് വകുപ്പ് കെട്ടിട വിഭാഗത്തിന്റെ കീഴില്‍ നടക്കുന്ന മട്ടന്നൂര്‍ പൊളിടെക്നിക് കെട്ടിട നിര്‍മ്മാണ പ്രവൃത്തിയുടെ പുരോഗതി വ്യക്തമാക്കാമോ;

നിര്‍മ്മാണ പ്രവര്‍ത്തനങ്ങള്‍ക്ക് നിലവില്‍ തടസ്സങ്ങള്‍ നിലനില്‍ക്കുന്നുണ്ടോ; ഉണ്ടെങ്കില്‍ വിശദാംശം നല്‍കാമോ;

സമയബന്ധിതമായി നിര്‍മ്മാണം പൂര്‍ത്തീകരിക്കുന്നതിന് നടപടികള്‍ കൈക്കൊള്ളുമോ?

2014-ല്‍ പൂര്‍ത്തീകരിച്ച തിരുര്‍-പൊന്‍മുണ്ടം റയില്‍വേ മേല്‍പ്പാലത്തിന്റെ അപ്രോച്ച് റോഡ് നിര്‍മ്മിക്കാത്തത് മൂലം പ്രസ്തുത പാലം ഗതാഗത യോഗ്യമാക്കാനാകാത്ത അവസ്ഥ ശ്രദ്ധയില്‍പ്പെട്ടിട്ടുണ്ടോ;

തിരൂര്‍ നഗരത്തിലെ ഗതാഗതകുരുക്ക് കണക്കിലെടുത്ത് പ്രസ്തുത പ്രവൃത്തിയ്ക്ക് ഭരണാനുമതി നല്‍കുന്നതിനുള്ള അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാന ബജറ്റില്‍ പാലാ നിയോജക മണ്ഡലത്തിലെ കുരിശ്ശിങ്കല്‍ പാലം നിര്‍മ്മാണത്തിന് തുക അനുവദിച്ചിരുന്നുവെങ്കിലും വകുപ്പുകളുടെ ഏകോപനം ഇല്ലാത്തതിനാൽ നിർമ്മാണത്തിലുണ്ടാകുന്ന കാലതാമസം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ പ്രസ്തുത പ്രദേശത്തെ ജനങ്ങളുടെ ബുദ്ധിമുട്ടുകള്‍ പരിഗണിച്ച് നിര്‍മ്മാണ പ്രവര്‍ത്തനങ്ങള്‍ വേഗത്തിലാക്കാന്‍ നടപടി സ്വീകരിക്കുമോ;

പ്രസ്തുത നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ?

വള്ളിക്കുന്ന് മണ്ഡലത്തിലെ മുദിയം പാലം നിര്‍മ്മാണവുമായി ബന്ധപ്പെട്ട് കേരള റോഡ് ഫണ്ട് ബോർഡ്(കെ.ആര്‍.എഫ്.ബി) നിലവില്‍ നടത്തി വരുന്ന പ്രവര്‍ത്തനങ്ങള്‍ സംബന്ധിച്ച വിശദാംശം ലഭ്യമാക്കുമോ;

പ്രസ്തുത പാലം നിര്‍മ്മാണത്തിന്റെ ഡീറ്റെയ്ൽഡ് പ്രോജക്ട് റിപ്പോർട്ട് (ഡി‍.പി.ആര്‍.) തയ്യാറാക്കുന്നതിന്റെ ഭാഗമായി ഡ്രോയിങ് പൂർത്തീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത നിര്‍മാണത്തിനുളള സാമ്പത്തിക അനുമതിക്കായി കിഫ്ബിയില്‍ സമയബന്ധിതമായി ഡീറ്റെയ്ൽഡ് പ്രോജക്ട് റിപ്പോർട്ട് സമര്‍പ്പിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ?

ഇരിക്കുര്‍ മണ്ഡലത്തിലെ വര്‍ഷങ്ങള്‍ പഴക്കമുള്ള ഇരിക്കൂര്‍ പാലം ബലക്ഷയം മൂലം ശോചനീയാവസ്ഥയില്‍ ആയത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിനായി എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പാലത്തിന്റെ പുനര്‍നിര്‍മ്മാണവുമായി ബന്ധപ്പെട്ട് ഇന്‍വെസ്റ്റിഗേഷന്‍ നടപടികള്‍ പൂര്‍ത്തികരിച്ച് ‍ഡി.പി.ആര്‍ തയ്യാറാക്കിയിട്ടുണ്ടോ; വിശദാംശം നല്‍കാമോ;

പ്രസ്തുത പാലത്തിൽ ഭാരം കയറ്റിയ വാഹനങ്ങള്‍ക്ക് നിയന്ത്രണം ഏര്‍പ്പെടുത്തണം എന്ന് പൊതുമരാമത്ത് വകുപ്പ് റിപ്പോര്‍ട്ട് ചെയ്തിട്ടുണ്ടോ; എങ്കില്‍ ഇതിന്മേല്‍ സ്വീകരിച്ച നടപടികളുടെ വിശദാംശം നല്‍കാമോ;

പ്രസ്തുത പാലത്തിനു പകരം പുതിയ പാലം നിര്‍മ്മിക്കുന്ന കാര്യം പരിഗണിക്കുമോയെന്ന് വ്യക്തമാക്കുമോ?

മലപ്പുറം ജില്ലയില്‍ പൊതുമരാമത്ത് വകുപ്പിന് കീഴില്‍ എത്ര പാലങ്ങളുടെ പ്രവ‍ൃത്തികളാണ് പുരോഗമിച്ചു കൊണ്ടിരിക്കുന്നതെന്നും അവയില്‍ നിലമ്പൂര്‍ നിയോജകമണ്ഡലത്തില്‍ സ്ഥിതി ചെയ്യുന്ന എത്ര പാലങ്ങള്‍ ഉണ്ടെന്നും അറിയിക്കാമോ;

നിലമ്പൂര്‍ നിയോജകമണ്ഡലത്തിലെ കരിമ്പുഴയ്ക്ക് കുറുകെയുള്ള ഏനാന്തി പാലത്തിന്റെ നിര്‍മ്മാണം സംബന്ധിച്ച ഫയല്‍ ഇപ്പോള്‍ ഏത് വകുപ്പിലാണ് നിലവിലുള്ളതെന്ന് അറിയിക്കാമോ; പ്രസ്തുത പ്രവൃത്തിയുടെ ഫയല്‍ നമ്പര്‍, ഫയലിലെ ഇപ്പോഴത്തെ സ്ഥിതി എന്നിവ വ്യക്തമാക്കാമോ;

പ്രസ്തുത മണ്ഡലത്തിലെ പോത്തുകല്ല് ഗ്രാമ പഞ്ചായത്തിലെ ശാന്തിഗ്രാം അമ്പുട്ടാന്‍പൊട്ടി പാലത്തിന്റെ നിര്‍മ്മാണം, ഇരുട്ടുകത്തി ആദിവാസി കോളനിയിലേക്കുള്ള പാലത്തിന്റെ നിര്‍മ്മാണം എന്നിവ സംബന്ധിച്ച ഫയലുകൾ ഇപ്പോള്‍ ഏത് വകുപ്പുകളിലാണ് നിലവിലുള്ളതെന്ന് അറിയിക്കാമോ; പ്രസ്തുത പ്രവൃത്തികളുടെ ഫയല്‍ നമ്പര്‍, ഫയലിലെ ഇപ്പോഴത്തെ സ്ഥിതി എന്നിവ വ്യക്തമാക്കാമോ?

കൂത്തുപറമ്പ് നിയോജക മണ്ഡലത്തിലെ പാനൂര്‍ നഗരസഭാ പരിധിയിലുള്ള കിടഞ്ഞിയില്‍ നിര്‍മ്മിക്കുന്നതും കണ്ണൂര്‍, കോഴിക്കോട് ജില്ലകളെ ബന്ധിപ്പിക്കുന്നതുമായ തുരുത്തിമുക്ക് പാലത്തിന്റെ പ്രവൃത്തി നിര്‍ത്തിവെച്ചിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; ആയതിന്റെ കാരണം വിശദമാക്കുമോ;

പ്രസ്തുത പാലം നിര്‍മ്മാണവുമായി ബന്ധപ്പെട്ട് സ്ഥലം അക്വയര്‍ ചെയ്ത് കേരള റോഡ് ഫണ്ട് ബോർഡിന് (കെ.ആര്‍.എഫ്.ബി.) കൈമാറിയിട്ടുണ്ടെങ്കിലും പ്രവൃത്തി മുടങ്ങിയിരിക്കുന്ന സാഹചര്യത്തില്‍ പ്രസ്തുത പ്രവൃത്തി സമയബന്ധിതമായി പൂര്‍ത്തിയാക്കുന്നതിന് എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

കോതമംഗലം നിയോജക മണ്ഡലത്തിലെ കുട്ടമ്പുഴ-കീരംപാറ ഗ്രാമപഞ്ചായത്തുകളെ തമ്മിൽ ബന്ധിപ്പിക്കുന്ന ഇഞ്ചത്തൊട്ടി പാലം നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത പാലം നിര്‍മ്മാണവുമായി ബന്ധപ്പെട്ട് എത്ര തുകയുടെ ഇൻവെസ്റ്റിഗേഷൻ എസ്റ്റിമേറ്റിനാണ് ഭരണാനുമതി ലഭിച്ചിട്ടുള്ളത്;

പ്രസ്തുത ഇൻവെസ്റ്റിഗേഷൻ എസ്റ്റിമേറ്റ് പൂര്‍ത്തീകരിച്ചിട്ടുണ്ടോ; വിശദമാക്കാമോ;

ഇൻവെസ്റ്റിഗേഷൻ എസ്റ്റിമേറ്റ് പൂര്‍ത്തിയാക്കി ഡ്രോയിങ് തയ്യാറാക്കിയിട്ടുണ്ടോ; വ്യക്തമാക്കുമോ;

പ്രസ്തുത പാലം നിര്‍മ്മാണത്തിനായുള്ള ഡി.പി.ആര്‍. തയ്യാറാക്കി സമര്‍പ്പിച്ചിട്ടുണ്ടോ; വിശദമാക്കാമോ;

ഡി.പി.ആര്‍. വേഗത്തിലാക്കി എത്രയും പെട്ടെന്ന് ഭരണാനുമതി ലഭ്യമാക്കുന്നതിനുവേണ്ട നടപടി സ്വീകരിക്കുമോയെന്ന് വിശദമാക്കുമോ?

ആലത്തൂര്‍ നിയോജക മണ്ഡലത്തില്‍ പൊതുമരാമത്ത് പാലം വിഭാഗത്തിന്റെ മേല്‍നോട്ടത്തില്‍ ഏതെല്ലാം പ്രവൃത്തികളാണ് പുരോഗമിച്ചു വരുന്നത്; അവയുടെ ഇപ്പോഴത്തെ സ്ഥിതി വിശദമാക്കാമോ;

പ്രസ്തുത മണ്ഡലത്തില്‍ ഭരണാനുമതി ലഭിച്ച പ്രവൃത്തികള്‍ ഏതെല്ലാമെന്നും അവയുടെ ടെണ്ടര്‍ നടപടികള്‍ സംബന്ധിച്ച പുരോഗതിയും വിശദമാക്കുമോ?

തരൂര്‍ മണ്ഡലത്തിലെ പത്തനാപുരം പാലം നിര്‍മാണവുമായി ബന്ധപ്പെട്ട് പൊതുമരാമത്ത് വകുപ്പിനോട് റിവൈസ്ഡ് എസ്റ്റിമേററ് സമര്‍പ്പിക്കാന്‍ ആവശ്യപ്പെട്ടത് എന്നാണെന്നും ആയത് ലഭ്യമായിട്ടുണ്ടോ എന്നും വ്യക്തമാക്കാമോ;

പ്രസ്തുത പാലം നിര്‍മാണം അടിയന്തരമായി ആരംഭിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ?

വര്‍ക്കല തൊടുവൈ പാലം നിര്‍മ്മാണത്തിനുള്ള ടെണ്ടര്‍ നടപടികള്‍ പൂര്‍ത്തിയായിട്ടും പ്രസ്തുത പ്രവൃത്തി ആരംഭിക്കുന്നതിനുള്ള കാലതാമസം എന്തുകൊണ്ടാണെന്ന് വിശദമാക്കുമോ?

മലമ്പുഴ നിയോജക മണ്ഡലത്തില്‍ കിഫ്ബി ഫണ്ട് വിനിയോഗിച്ച് ആര്‍.ബി.ഡി.സി.കെ. മുഖാന്തിരം നിര്‍മ്മാണം നടത്തിവരുന്ന 'അകത്തേത്തറ നടക്കാവ് റെയില്‍വേ മേല്‍പാലം നിര്‍മ്മാണം' എന്ന പ്രവൃത്തിയുടെ നിലവിലെ സ്ഥിതിയും നിര്‍മ്മാണ പ്രവൃത്തികള്‍ എന്നത്തേക്ക് പൂര്‍ത്തിയാക്കാന്‍ കഴിയും എന്നത് സംബന്ധിച്ച വിശദാംശവും ലഭ്യമാക്കുമോ;

പ്രസ്തുത പ്രവൃത്തിയുമായി ബന്ധപ്പെട്ട് റെയില്‍വേ നേരിട്ട് ചെയ്യേണ്ട പ്രവൃത്തികള്‍ക്കായി സംസ്ഥാന സര്‍ക്കാര്‍ എത്ര തുകയാണ് റെയില്‍വേയ്ക്ക് കൈമാറിയിട്ടുള്ളതെന്നും ഇത് വിനിയോഗിച്ച് റെയില്‍വേ എന്തെല്ലാം പ്രവര്‍ത്തികളാണ് നടത്തേണ്ടത് എന്നും അറിയിക്കാമോ?

കോഴിക്കോട് പി.ടി.ഉഷ റോഡില്‍ റയില്‍വേ മേല്‍പ്പാലം നിര്‍മ്മിക്കുന്നതിനു നടപടി സ്വീകരിച്ചിട്ടുണ്ടോ; ഉണ്ടെങ്കില്‍ ആയതിനായി സ്വീകരിച്ച നടപടികള്‍ വിശദമാക്കാമോ?

കിഫ്ബി അംഗീകാരം ലഭിച്ചിട്ടുള്ള മുനമ്പം അഴീക്കോട് പാലത്തിന്റെ നിര്‍മ്മാണപ്രവര്‍ത്തനങ്ങളുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തി എത്ര തവണ ടെണ്ടര്‍ ചെയ്തിട്ടുണ്ടെന്നും എന്നൊക്കെയായിരുന്നു ടെണ്ടര്‍ ചെയ്തതെന്നും ക്വാട്ട് ചെയ്ത റേറ്റുകള്‍ എത്രയാണെന്നും വിശദമാക്കാമോ;

ടെണ്ടര്‍ സംബന്ധിച്ചും ടെണ്ടറിന് അംഗീകാരം നല്‍കുന്നത് സംബന്ധിച്ചും കേസുകള്‍ ഫയല്‍ ചെയ്യപ്പെട്ടിട്ടുണ്ടോയെന്നും പ്രസ്തുത കേസുകളുടെ നിലവിലെ സ്ഥിതിയും വ്യക്തമാക്കാമോ?

കൊയിലാണ്ടി നിയോജക മണ്ഡലത്തിലെ തോരായിക്കടവ് പാലം നിര്‍മ്മാണത്തിന്റെ ഇപ്പോഴത്തെ സ്ഥിതി വിശദമാക്കാമോ;

പ്രസ്തുത പാലത്തിന്റെ നിർമ്മാണം ഉടനെ തുടങ്ങുന്നതിന് നിലവിൽ എന്തെങ്കിലും സാങ്കേതിക തടസ്സങ്ങളുണ്ടോയെന്നും പ്രസ്തുത നിർമ്മാണ പ്രവൃത്തി എപ്പോൾ ആരംഭിക്കാനാകുമെന്നും അറിയിക്കുമോ ; വിശദാംശം ലഭ്യമാക്കുമോ ?

കുന്നത്തുനാട്, പിറവം നിയോജകമണ്ഡലങ്ങളെ ബന്ധിപ്പിക്കുന്നതും മൂവാറ്റുപുഴയാറിന് കുറുകെ നിര്‍മ്മിക്കുന്നതുമായ കോരന്‍കടവ് പാലം നിര്‍മ്മാണത്തിന്റെ നിലവിലെ സ്ഥിതി എന്താണെന്ന് വ്യക്തമാക്കുമോ;

പ്രസ്തുത നിര്‍മ്മാണം എന്നത്തേക്ക് പൂര്‍ത്തികരിക്കുവാന്‍ സാധിക്കുമെന്ന് വ്യക്തമാക്കുമോ;

പാലത്തിലേക്കുള്ള അപ്രോച്ച് റോഡിനായുള്ള സ്ഥലമേറ്റെടുപ്പ് പ്രവൃത്തികള്‍ പൂര്‍ത്തിയായിട്ടുണ്ടോ; വിശദ വിവരം ലഭ്യമാക്കുമോ;

അപ്രോച്ച് റോഡിന്റെ സ്ഥലമേറ്റെടുപ്പിനായി അധിക തുക അനുവദിക്കണമെന്ന പ്രൊപ്പോസല്‍ (ഫയല്‍ നം. പി.ഡബ്ളിയൂ.ഡി-ഡി1/463/2022-പി.ഡബ്ളിയൂ.ഡി) പ്രകാരം ഭരണാനുമതി പുതുക്കുന്നതിന് അടിയന്തര നടപടി സ്വീകരിക്കുമോ; വിശദവിവരം ലഭ്യമാക്കുമോ?

കൊടുവള്ളി നിയോജക മണ്ഡലത്തിൽ വരുന്ന പടനിലം പാലം നിർമ്മാണത്തിനുള്ള എസ്റ്റിമേറ്റ് തുകയായ 667 ലക്ഷം രൂപയ്ക്കുള്ള പുതുക്കിയ ഭരണാനുമതി ലഭ്യമാക്കിയിട്ടുണ്ടോ; ഉണ്ടെങ്കിൽ ഭരണാനുമതിയുടെ പകർപ്പ് ലഭ്യമാക്കുമോ; ഇല്ലെങ്കിൽ ഇത് സംബന്ധിച്ചുള്ള ഫയൽ നിലവിൽ ഏതു കാര്യാലയത്തിലെ ഏത് ഉദ്യോഗസ്ഥന്റെ കൈവശമാണ് എന്ന് വ്യക്തമാക്കുമോ;

കൊടുവള്ളി നിയോജക മണ്ഡലത്തിൽ വരുന്ന നടമ്മൽകടവ് പാലത്തിന്റെ നിർമ്മാണവുമായി ബന്ധപ്പെട്ട ന്യൂ ഇൻവെസ്റ്റിഗേഷൻ വിത്ത് ടോപോഗ്രാഫിക്കൽ ഡീറ്റെയിൽസ് ലഭ്യമായിട്ടുണ്ടോ എന്ന് വ്യക്തമാക്കുമോ;

ടി പാലത്തിന്റെ നിർമ്മാണ പുരോഗതി ഏത് ഘട്ടം വരെ ആയി എന്ന് വ്യക്തമാക്കുമോ?

ആറ്റിങ്ങല്‍ നിയോജക മണ്ഡലത്തിലെ വയ്യാറ്റിന്‍കര പാലം നിര്‍മ്മാണ പദ്ധതിയുടെ പുരോഗതി വ്യക്തമാക്കുമോ;

നിര്‍മ്മാണം എന്ന് മുതല്‍ ആരംഭിക്കാനാകും എന്ന് വ്യക്തമാക്കുമോ?

നെന്മാറ നിയോജക മണ്ഡലത്തിലെ ഊട്ടറ പാലത്തിന്റെയും റെയിൽവെ മേൽപാലത്തിന്റെയും പ്രവൃത്തികള്‍ എന്ന് തുടങ്ങാൻ കഴിയുമെന്ന് അറിയിക്കുമോ;

ഈ പ്രവൃത്തികള്‍ തുടങ്ങുന്നതുമായി ബന്ധപ്പെട്ട് എന്തെല്ലാം നടപടിക്രമങ്ങളാണ് പൂര്‍ത്തീകരിച്ചിട്ടുള്ളതെന്ന് വിശദമാക്കുമോ?

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തില്‍ കിഫ്ബിയില്‍ നിന്ന് സാമ്പത്തികാനുമതി ലഭിച്ച കാവിന്‍ മുനമ്പ് പാലം നിര്‍മാണത്തിന് സാങ്കേതികാനുമതി ലഭ്യമാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

തിരൂരങ്ങാടി നിയോജക മണ്ഡലത്തിലെ കാളംതിരുത്തി പാലം നിർമ്മാണത്തിന് ഭരണാനുമതി ലഭ്യമാക്കുന്നതിന് സ്വീകരിച്ച നടപടികൾ വിശദമാക്കാമോ;

ഈ പ്രവൃത്തിയുടെ എസ്റ്റിമേറ്റ്, ഡിസൈൻ എന്നിവ തയ്യാറാക്കിയിട്ടുണ്ടോ; ഉണ്ടെങ്കിൽ പകർപ്പ് നല്‍കാമോ;

പ്രസ്തുത പ്രവൃത്തിയുടെ ഫയൽ നമ്പർ നല്കുമോ ; നിലവിൽ ഈ ഫയൽ ഏത് ഓഫീസിലാണെന്നും, ഈ പ്രവൃത്തി ആരംഭിക്കുന്നതിന് എന്തെങ്കിലും തടസ്സങ്ങൾ ഉണ്ടോയെന്നും വിശദമാക്കാമോ?

വെെപ്പിന്‍ മണ്ഡലത്തിലെ പളളിപ്പുറം ഗ്രാമപഞ്ചായത്തില്‍ കോണ്‍വെന്റ് ജംഗ്ഷനെയും ബീച്ച് റോഡിനെയും ബന്ധിപ്പിച്ച് നബാര്‍ഡ് ധനസഹായത്തോടെ നിര്‍മ്മിക്കുന്ന കോണ്‍വെന്റ് ബീച്ച് പാലത്തിന്റെ നിര്‍മ്മാണ പുരോഗതി വിശദമാക്കാമോ;

പ്രസ്തുത പാലത്തിന്റെ ഭരണാനുമതിക്ക് ലഭ്യമായ എസ്റ്റിമേറ്റ് തുക എത്രയാണ്; നബാര്‍ഡ് ധനസഹായം എത്രയാണ്; വിശദമാക്കുമോ; പ്രവൃത്തി പൂര്‍ത്തീകരണത്തിന് കൂടുതലായി ആവശ്യമായി വരുന്ന തുക എത്രയെന്നും ഈ തുക കണ്ടെത്തുന്നതിനായി സ്വീകരിച്ചിട്ടുളള നടപടി എന്താണെന്നും വ്യക്തമാക്കാമോ;

പ്രവൃത്തി പൂര്‍ത്തീകരണത്തിന് കൂടുതലായി ആവശ്യമുളള തുക എന്നത്തേയ്ക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കാമോ?

ചാത്തന്നൂർ മണ്ഡലത്തിൽ ഉൾപ്പെട്ട പള്ളിക്കമണ്ണടി - കുമ്മല്ലൂർ പാലങ്ങളുടെ നിർമ്മാണത്തിനായി അന്തിമ ഭരണാനുമതി നൽകുന്നതിനുള്ള കിഫ്‌ബി നടപടികളുടെ നിലവിലെ സ്ഥിതി വ്യക്തമാക്കാമോ;

പ്രസ്തുത പാലം നിർമ്മാണത്തിന് അനുമതി നൽകുന്നതുമായി ബന്ധപ്പെട്ട് നിലവിൽ എന്തെങ്കിലും തടസങ്ങൾ ഉണ്ടോ എന്നും ഉണ്ടെങ്കിൽ അവ എന്തെല്ലാമെന്നും വിശദമാക്കാമോ?

കുന്നത്തുനാട് നിയോജക മണ്ഡലത്തിലെ മംഗലത്തുനട-പാങ്കോട് റോഡില്‍ വെട്ടിക്കല്‍ ക്ഷേത്രത്തിന് സമീപമുള്ള പാലം (ഫയല്‍ നം. പി.ഡബ്ള്യൂ.എഫ്./ബി.ആര്‍/എഫ്.എല്‍/7680/2022) ചെമ്പറക്കി-വിലങ്ങ് റോഡിലെ കനാല്‍ പാലം(ഫയല്‍ നം. പി.ഡബ്ള്യൂ.ഡി./ബി.ആര്‍/എഫ്.എല്‍/8775/2022) എന്നിവയുടെ പുനര്‍നിര്‍മ്മാണത്തിനായി സമര്‍പ്പിച്ച എസ്റ്റിമേറ്റ് പരിഗണനയിലുണ്ടോ;

പ്രസ്തുത പാലങ്ങളുടെ പുനര്‍ നിര്‍മ്മാണത്തിന് ഭരണാനുമതി നല്‍കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

2016-ന് ശേഷം മാനന്തവാടി നിയോജക മണ്ഡലത്തില്‍ നിര്‍മ്മാണ അനുമതി ലഭിച്ച പാലങ്ങള്‍ ഏതെല്ലാമാണെന്ന് വ്യക്തമാക്കാമോ;

പ്രസ്തുത പാലങ്ങളുടെ നിര്‍മ്മാണ പുരോഗതിയും നിര്‍മ്മാണം ആരംഭിക്കാത്തവയുടെ നിലവിലെ സ്ഥിതിയും വ്യക്തമാക്കാമോ?

കോതമംഗലം മണ്ഡലത്തില്‍ പല്ലാരിമംഗലം പഞ്ചായത്തിലെ മണിക്കിണര്‍ പാലനിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

പാലനിര്‍മ്മാണവുമായി ബന്ധപ്പെട്ട് എത്ര തുകയ്ക്കുള്ള ഭരണാനുമതിയാണു ലഭിച്ചതെന്നും തുടര്‍ന്ന് സ്വീകരിച്ചിട്ടുള്ള നടപടികളും വിശദമാക്കാമോ;

സ്ഥലം ഏറ്റെടുക്കുന്നതിന് റവന്യൂ വകുപ്പിൽ നിന്നും അനുമതി ലഭ്യമായതിനുശേഷം ആയതിനായി എന്തെല്ലാം നടപടികള്‍ സ്വീകരിച്ചു എന്ന് വ്യക്തമാക്കാമോ;

സ്ഥലമേറ്റെടുപ്പ് നടപടികള്‍ എന്നത്തേക്ക് പൂര്‍ത്തീകരിക്കുവാൻ കഴിയും എന്ന് വ്യക്തമാക്കാമോ;

സ്ഥലമേറ്റെടുപ്പ് നടപടികള്‍ എത്രയും വേഗം പൂര്‍ത്തിയാക്കി സാങ്കേതികാനുമതിയും ടെണ്ടര്‍ നടപടികളും വേഗത്തിലാക്കി പാലനിര്‍മ്മാണം ത്വരിതഗതിയിലാക്കുവാൻ നടപടി സ്വീകരിക്കുമോ; വിശദമാക്കാമോ?

കോങ്ങാട് നിയോജക മണ്ഡലത്തിലെ കമ്പ ചളിക്കടവ് പാലം നിര്‍മ്മിക്കുന്നതിനുള്ള പ്രവൃത്തി ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പാലം നിര്‍മ്മാണം അടിയന്തരമായി ആരംഭിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ?

തവന്നൂര്‍ മണ്ഡലത്തിലെ തവന്നൂര്‍-തിരുനാവായ പാലം പ്രവൃത്തികളുടെ ടെണ്ടര്‍ നടപടി പൂര്‍ത്തിയായിട്ടുണ്ടോ;

പ്രസ്തുത ടെണ്ടര്‍ ആര്‍ക്കാണ് ലഭിച്ചതെന്നും ടെണ്ടര്‍ സര്‍ക്കാര്‍ അംഗീകരിച്ചിട്ടുണ്ടോയെന്നും അറിയിക്കാമോ;

എങ്കില്‍ എഗ്രിമെന്റ് വെച്ച് പ്രസ്തുത പ്രവൃത്തി എന്നത്തേക്ക് തുടങ്ങാന്‍ കഴിയുമെന്ന് വ്യക്തമാക്കാമോ?

കാസർകോട് ജില്ലയിൽ പൊതുമരാമത്ത് വകുപ്പിന് കീഴിൽ പ്രവർത്തിക്കുന്ന ഓഫീസുകളുടെ വിലാസമടക്കമുള്ള വിശദവിവരങ്ങൾ നൽകുമോ;

പ്രസ്തുത ഓഫീസുകൾ എത്രകാലമായി പ്രവർത്തിച്ചുവരുന്നുണ്ടെന്നും അവിടങ്ങളിൽ അനുവദിച്ചിട്ടുള്ള തസ്തികകൾ ഏതൊക്കെയാണെന്നുമുള്ള ഓഫീസ് തിരിച്ചുള്ള വിവരം ലഭ്യമാക്കുമോ;

ഈ ഓഫീസുകളിൽ ഒഴിഞ്ഞുകിടക്കുന്ന തസ്തികകൾ ഏതൊക്കെയാണെന്നും എത്രകാലമായി പ്രസ്തുത ഒഴിവുകൾ നികത്താതെ കിടക്കുന്നു എന്നുമുള്ള ഓഫീസ് തിരിച്ചുള്ള വിവരവും ലഭ്യമാക്കുമോ?

പൊതുമരാമത്ത് വകുപ്പില്‍ നിലവില്‍ ചീഫ് എഞ്ചിനീയര്‍മാര്‍, എക്സിക്യൂട്ടീവ് എഞ്ചിനീയര്‍മാര്‍, അസിസ്റ്റന്റ് എക്സിക്യൂട്ടീവ് എഞ്ചിനീയര്‍മാര്‍, അസിസ്റ്റന്റ് എഞ്ചിനീയര്‍മാര്‍ എന്നിവരുടെ എത്ര തസ്തികകള്‍ ഉണ്ടെന്നു വിശദമാക്കാമോ;

ഇതില്‍ ഡെപ്യൂട്ടേഷന്‍, വര്‍ക്കിംഗ് അറേഞ്ച്മെന്റ് വ്യവസ്ഥകളില്‍ എത്ര തസ്തികകള്‍ നിലവിലുണ്ടെന്ന് അറിയിക്കാമോ;

പ്രസ്തുത തസ്തികകളിൽ കോഴിക്കോട് ജില്ലയിലെ ഒഴിവുകള്‍ സംബന്ധിച്ച വിവരം അറിയിക്കാമോ?

ചങ്ങനാശ്ശേരി മണ്ഡലത്തില്‍ റോഡുകള്‍, പാലങ്ങള്‍, കെട്ടിടങ്ങള്‍ എന്നിവ നിര്‍മ്മിക്കുന്നതിനു നബാര്‍ഡ് ധനസഹായം ലഭ്യമാക്കുന്നതിനായി പ്രപ്പോസലുകള്‍ സമര്‍പ്പിച്ചിട്ടുണ്ടോ എന്ന് വ്യക്തമാക്കുമോ, വിശദാംശം നല്‍കുമോ;

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി നിയോജക മണ്ഡലത്തില്‍ ഏതെല്ലാം പ്രവൃര്‍ത്തികള്‍ക്കാണ് നബാര്‍ഡ് മുഖാന്തരം ധനസഹായം ലഭ്യമായിട്ടുള്ളതെന്നതിന്റെ വിശദവിവരം നല്‍കുമോ?

കക്കട്ടില്‍ ടൗണ്‍ നവീകരണ പ്രവൃത്തിയുടെ കരാറുകാരനെ പ്രസ്തുത പ്രവൃത്തി നടപ്പിലാക്കുന്നതില്‍ നിന്നും ടെര്‍മിനേറ്റ് ചെയ്തിട്ടുണ്ടോ; ആയതിനുണ്ടായ കാരണങ്ങള്‍ എന്തൊക്കെയെന്ന് അറിയിക്കാമോ;

പ്രസ്തുത പ്രവൃത്തി പുന:ക്രമീകരിക്കുന്നതിന് സ്വീകരിക്കുന്ന നടപടിക്രമങ്ങള്‍ എന്തൊക്കെയെന്ന് അറിയിക്കാമോ;

കാലവര്‍ഷത്തിന് മുന്‍പ് പ്രസ്തുത പ്രവൃത്തി നടപ്പിലാക്കാന്‍ സ്വീകരിക്കുന്ന നടപടിക്രമങ്ങള്‍ വിശദമാക്കാമോ?

നബാര്‍ഡ് ഫണ്ടില്‍ ഉള്‍പ്പെടുത്തി 2016 മുതല്‍ ഒറ്റപ്പാലം നിയോജക മണ്ഡലത്തിന് അനുവദിച്ചിട്ടുള്ള പ്രവൃത്തികളുടെ പേരടക്കമുള്ള വിശദാംശം ലഭ്യമാക്കുമോ;

ഓരോ പ്രവൃത്തിക്കും അനുവദിച്ച തുകയും അവയുടെ നിലവിലെ പുരോഗതിയും വ്യക്തമാക്കുമോ;

2022-23-ലെ സാമ്പത്തിക വര്‍ഷത്തെ നബാര്‍ഡ് പദ്ധതിയില്‍ ഉള്‍പ്പെടുത്തുന്നതിനായി പ്രൊപ്പോസലുകള്‍ തയ്യാറാക്കി സമര്‍പ്പിച്ചിട്ടുണ്ടോ; ഉണ്ടെങ്കില്‍ ഒറ്റപ്പാലം മണ്ഡലത്തിലെ ഏതെങ്കിലും പ്രവൃത്തി അതിലുള്‍പ്പെട്ടിട്ടുണ്ടോ; പ്രവൃത്തികള്‍ ഒന്നും ഇല്ലാത്തപക്ഷം പ്രൊപ്പോസലുകള്‍ സമര്‍പ്പിക്കുന്നതിനാവശ്യമായ നിര്‍ദ്ദേശം വകുപ്പ് ഉദ്യോഗസ്ഥര്‍ക്ക് നല്‍കുമോയെന്ന് വ്യക്തമാക്കുമോ?

ശ്രീകാര്യം മേല്‍പ്പാലം നിര്‍മ്മാണവുമായി ബന്ധപ്പെട്ട് ടെണ്ടര്‍ നടപടികള്‍ സ്വീകരിക്കുന്നതിന് കൊച്ചി മെട്രാേ സ്വീകരിച്ചിട്ടുള്ള നടപടികള്‍ വിശദമാക്കാമോ;

ശ്രീകാര്യം മേല്‍പ്പാലം നിര്‍മ്മാണത്തിനുള്ള ടെണ്ടര്‍ എന്ന് വിളിക്കുവാന്‍ കഴിയും എന്ന് വിശദമാക്കാമോ;

പ്രസ്തുത പ്രവൃത്തി എന്ന് ആരംഭിക്കുവാന്‍ കഴിയും എന്ന് വ്യക്തമാക്കുമോ;

നിലവില്‍ പ്രസ്തുത പ്രവൃത്തി ആരംഭിക്കുന്നതിന് എന്തെങ്കിലും തടസ്സം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട് മാറ്റി സ്ഥാപിക്കേണ്ടതായിട്ടുള്ള യൂട്ടിലിറ്റി സര്‍വ്വീസുകളിന്മേല്‍ കെ.എം.ആര്‍.എല്‍. എന്ത് നടപടി സ്വീകരിച്ചുവെന്ന് വിശദമാക്കാമോ?

2016-2017 മുതല്‍ നാളിതുവരെ ഉടുമ്പന്‍ചോല മണ്ഡലത്തിലെ ഏതൊക്കെ മരാമത്ത് പ്രവൃത്തികള്‍ക്കാണ് ബഡ്ജറ്റില്‍ 20% വിഹിതം ലഭിച്ചിട്ടുള്ളത്; വിശദാംശം നല്‍കുമോ;

ഇതില്‍ ഓരോ പ്രവൃത്തിയുടെയും പേര്, ബഡ്ജറ്റില്‍ ലഭിച്ച ടോക്കണ്‍ വിഹിതം, വര്‍ഷം, പ്രവൃത്തിയുടെ നിലവിലെ അവസ്ഥ ഇവ സംബന്ധിച്ച വിശദാംശം നല്‍കുമോ;

ബഡ്ജറ്റില്‍ 20% തുക വകയിരുത്തിയിട്ടും നാളിതുവരെ ഭരണാനുമതി ലഭിച്ചിട്ടില്ലാത്ത മരാമത്ത് പ്രവൃത്തികളുടെ വിശദാംശം നല്‍കുമോ;

പ്രസ്തുത പ്രവൃത്തികള്‍ക്ക് അടിയന്തരമായി ഭരണാനുമതി ലഭിക്കുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് പൊതുമരാമത്ത് വകുപ്പിന്റെ വിവിധ പ്രവൃത്തികളുടെ ഗുണനിലവാര പരിശോധനയ്ക്ക് നിലവിൽ എന്തെല്ലാം സംവിധാനങ്ങളാണുള്ളതെന്ന് വ്യക്തമാക്കുമോ;

ഗുണനിലവാര പരിശോധനക്കായി മൊബൈൽ ലാബുകൾ ഏർപ്പെടുത്തുന്ന കാര്യം പരിശോധിക്കുമോ;

വിവിധ പ്രവൃത്തികൾക്കാവശ്യമായ അസംസ്കൃത വസ്തുക്കൾ കൃത്യമായ അളവില്‍ ഉപയോഗിക്കാത്ത കരാറുകാർക്കെതിരെ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

കിഫ്ബി സാമ്പത്തിക സഹായം നല്‍കുന്ന ഏതൊക്കെ പൊതുമരാമത്ത് പ്രവൃത്തികളാണ് അമ്പലപ്പുഴ നിയോജക മണ്ഡലത്തില്‍ അനുവദിച്ചിട്ടുളളതെന്നും അവയുടെ പേരും, തുകയും, നിലവിലെ സ്ഥിതിയും സഹിതം വെളിപ്പെടുത്താമോ;

വിവിധ വകുപ്പുകളും സ്പെഷ്യൽ പർപ്പസ് വെഹിക്കിളായി നിശ്ചയിക്കപ്പെട്ട ഏജന്‍സികളും, കിഫ്ബിയും തമ്മിലുളള ധാരണക്കുറവുമൂലം പല നിര്‍മ്മാണ പ്രവൃത്തികളിലും അനുവദനീയമായതിനേക്കാള്‍ കൂടുതല്‍ സമയനഷ്ടം ഉണ്ടാക്കുന്നത് ശ്രദ്ധയില്‍പ്പെട്ടിട്ടുണ്ടോ;

പലപ്പോഴും കിഫ്ബി ഉന്നയിക്കുന്ന ചോദ്യങ്ങള്‍ മറുപടി നല്‍കുന്നതിലുണ്ടാകുന്ന കാലതാമസം പ്രവൃത്തിയുടെ പൂര്‍ത്തീകരണത്തെ ബാധിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

ഇത്തരം സാഹചര്യങ്ങളിൽ വളരെ പെട്ടെന്നു തന്നെ കിഫ്ബിക്ക് മറുപടി ലഭ്യമാക്കി നിര്‍മ്മാണം വേഗത്തിലാക്കാന്‍ എന്ത് നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

എന്‍.എച്ച്. 766 - കോഴിക്കോട്-കൊല്ലെഗല്‍ ദേശീയ പാതാ വികസനത്തിന്റെ ഭാഗമായി നിലവില്‍ നടന്നു വരുന്ന പ്രവൃത്തികളുടെ വിശദാംശവും നിലവിലെ അവസ്ഥയും വ്യക്തമാക്കുമോ;

പ്രസ്തുത പ്രവൃത്തിയില്‍ കൃത്യവിലോപം കാണിച്ച കരാര്‍ കമ്പനിക്കെതിരെ സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത പ്രവൃത്തികള്‍ വേഗത്തില്‍ പൂര്‍ത്തീകരിക്കുന്നതിന് നടപടികള്‍ സ്വീകരിക്കുമോ?

ആദ്യം ദേശീയ പാതയുടെ നിര്‍മ്മാണത്തിനായും തുടര്‍ന്ന് തൃപ്പൂണിത്തുറ ബൈപ്പാസിനായും തീരുമാനിച്ച, മറ്റക്കുഴി മുതല്‍ തിരുവാങ്കുളം വരെയുള്ള ഭൂമി ഏറ്റെടുക്കല്‍ നടപടികള്‍ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത തൃപ്പൂണിത്തുറ ബൈപ്പാസ് നിര്‍മ്മാണത്തിനായി ദേശീയപാതാ അതോറിറ്റിയുടെ ഭൂമി ഏറ്റെടുക്കാന്‍ ആവശ്യപ്പെട്ടിട്ടുണ്ടോ; ഉണ്ടെങ്കില്‍ നാളിതുവരെയും ആയത് ഏറ്റെടുക്കാന്‍ കഴിയാത്തതിന്റെ കാരണങ്ങള്‍ വിശദമാക്കാമോ;

ഭൂമി ഏറ്റെടുക്കാത്തതുമൂലം പതിറ്റാണ്ടുകളായി ഭൂവുടമകള്‍ നേരിടുന്ന ബുദ്ധിമുട്ടുകള്‍ വിലയിരുത്തിയിട്ടുണ്ടോ;

എങ്കില്‍ അങ്കമാലി- കുണ്ടന്നൂര്‍ പദ്ധതിയില്‍ ഉള്‍പ്പെടുത്തി നാളിതുവരെയും ഏറ്റെടുക്കാന്‍ കഴിയാത്ത പ്രസ്തുത ഭൂമി ഏറ്റെടുക്കാന്‍ നടപടികള്‍ സ്വീകരിക്കുമോ;

ഇല്ലെങ്കില്‍ പ്രസ്തുത ഭൂമിയുടെ നഷ്ടപരിഹാര തുക അര്‍ഹരായവര്‍ക്ക് അടിയന്തരമായി നല്‍കുന്നതിന് നടപടി സ്വീകരിക്കുമോയെന്ന് വിശദമാക്കാമോ?

സംസ്ഥാനത്ത് റോഡ് സൗകര്യം മെച്ചപ്പെടുത്തി പൊതുവികസനം ത്വരിതപ്പെടുത്തുന്നതിന് ഈ സര്‍ക്കാരും കഴിഞ്ഞ സര്‍ക്കാരും മുന്‍കൈയ്യെടുത്ത് നടത്തിയ പ്രവര്‍ത്തനങ്ങളുടെ വിശദാംശം ലഭ്യമാക്കാമോ; ദേശീയപാതാ വികസന കാര്യത്തില്‍ സംസ്ഥാനത്തിന്റെ ഇടപെടലിനെ കേന്ദ്ര ഗതാഗത വകുപ്പുമന്ത്രി ശ്ലാഘിക്കുകയുണ്ടായോയെന്ന് വ്യക്തമാക്കുമോ;

എന്‍.എച്ച്. 66-ന്റെ വികസനത്തിന് ഭൂമി ഏറ്റെടുക്കുന്നതിനാവശ്യമായ തുകയില്‍ ഒരു ഭാഗം സംസ്ഥാനം വഹിക്കാനിടയാക്കിയ സാഹചര്യം എന്തായിരുന്നു; ഇത്തരത്തില്‍ മറ്റു പദ്ധതികള്‍ക്കുള്ള ഭൂമി ഏറ്റെടുക്കലിന്റെ ഒരു പങ്ക് സംസ്ഥാനം വഹിക്കണമെന്ന ആവശ്യം ഉയര്‍ന്നിട്ടുണ്ടോയെന്ന് വ്യക്തമാക്കുമോ;

തലസ്ഥാന ജില്ലയുടെ സമഗ്ര വികസനത്തിനുതകുന്ന വിഴിഞ്ഞം - നാവായിക്കുളം ഔട്ടര്‍ റിംഗ് റോഡിന് വേണ്ട ഭൂമി ഏറ്റെടുക്കല്‍ പ്രവര്‍ത്തനത്തിന്റെ പുരോഗതി അറിയിക്കാമോ; ഈ പദ്ധതിയ്ക്കായുള്ള ഭൂമി ഏറ്റെടുക്കലിന് സംസ്ഥാനം വിഹിതം നല്‍കേണ്ടതായിട്ടുണ്ടോയെന്ന് വ്യക്തമാക്കുമോ?

ദേശീയ പാത 66 ന്റെ വികസനത്തിന്റെ ഭാഗമായി കായംകുളം കെ.എസ്.ആര്‍.ടി.സി. ബസ് ഡിപ്പോയുടെ പടിഞ്ഞാറ് ഭാഗത്ത് കരിപ്പുഴ തോടിന് കുറുകെ നിര്‍മ്മിക്കുന്ന പാലത്തിനായി നിലവില്‍ തയ്യാറാക്കിയ രൂപരേഖയില്‍ പ്രസ്തുത പാലത്തിന്റെ പടിഞ്ഞാറ് ഭാഗത്തേക്ക് പ്രവേശിക്കുന്നതിനായുള്ള സര്‍വ്വീസ് റോഡുകള്‍ ഉള്‍പ്പെടുത്തിയിട്ടില്ല എന്ന വിഷയം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ ഈ വിഷയം പരിഹരിക്കുന്നതിനും ഒ.എന്‍.കെ. ജംഗ്ഷന്‍ മുതല്‍ വനിതാ പോളിടെക്നിക് വരെയുള്ള ഭാഗത്ത് സര്‍വ്വീസ് റോഡുകള്‍ നിര്‍മ്മിക്കുന്നതിനുള്ള അടിയന്തര നടപടികള്‍ സ്വീകരിക്കുമോയെന്ന് വ്യക്തമാക്കുമോ?

ദേശീയപാത 66 -ന്റെ വികസനം യാഥാർത്ഥ്യമാക്കുന്നതിന് വേണ്ടി കൈക്കൊണ്ട നടപടികളുടെ പുരോഗതി സംബന്ധിച്ച വിശദാംശം ലഭ്യമാക്കുമോ;

ഭൂമി ഏറ്റെടുക്കലുമായി ബന്ധപ്പെട്ട് കോടതിയിൽ നിലവിലുള്ള വ്യവഹാരങ്ങൾ സമയബന്ധിതമായി തീർപ്പാക്കുന്നതിന് സ്വീകരിച്ച നടപടികള്‍ വിശദമാക്കുമോ;

നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്ന ആറ് റീച്ചുകളുടെ കാര്യത്തിലും നിര്‍മ്മാണവസ്തുക്കള്‍ ശേഖരിക്കുന്നതിന് ഉള്‍പ്പടെയുളള അനുമതി ബന്ധപ്പെട്ട വകുപ്പുകളില്‍ നിന്നും ലഭിക്കുന്നതിന് ആവശ്യമായ നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കുമോ;

വിഴിഞ്ഞം അന്താരാഷ്ട്ര തുറമുഖം പ്രവർത്തന സജ്ജമാകുന്നതോടെ അതിനാവശ്യമായ കണക്റ്റിവിറ്റി സൗകര്യങ്ങൾ ദേശീയപാതാ വികസനത്തിന്റെ ഭാഗമായി ഏർപ്പെടുത്തുന്നതിന് പദ്ധതി തയ്യാറാക്കിയിട്ടുണ്ടോയെന്ന് വിശദമാക്കുമോ?

ഭാരത് മാല പദ്ധതി പ്രകാരം വിഭാവനം ചെയ്തിരിക്കുന്ന മലപ്പുറം മൈസൂർ പാതയുടെ അലൈൻമെന്റ് സംബന്ധിച്ച് ദേശീയ പാത അതോറിറ്റി വ്യക്തത വരുത്തിയിട്ടുണ്ടോയെന്ന് വിശദീകരിക്കാമോ;

മലപ്പുറം - മൈസൂർ ഗ്രീൻ ഫീൽഡ് പാതയുടെ അലൈൻമെന്റ് സംബന്ധിച്ച് പൊതുമരാമത്ത് വകുപ്പ് ദേശീയ പാത അതോറിറ്റിക്ക് എന്തെങ്കിലും നിർദേശങ്ങൾ സമർപ്പിച്ചിട്ടുണ്ടോ; വിശദാംശം നൽകുമോ;

നിർദിഷ്ട മലപ്പുറം - മൈസൂർ - ബാംഗ്ലൂർ ഗ്രീൻഫീൽഡ് പാത യാഥാർഥ്യമാക്കാനുള്ള നടപടികൾ സ്വീകരിക്കണമെന്ന് കേന്ദ്ര സർക്കാരിൽ സമ്മർദ്ദം ചെലുത്തുമോയെന്നു വ്യക്തമാക്കുമോ ?

പി.ഡബ്ല്യു.ഡി. നടത്തുന്ന നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കാന്‍ ഉണ്ടാകുന്ന കാലതാമസം മറ്റ് വികസന പ്രവര്‍ത്തനങ്ങളെ ദോഷകരമായി ബാധിക്കുന്നു എന്നുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാന്‍ സ്വീകരിച്ചിട്ടുള്ള നടപടികള്‍ വ്യക്തമാക്കുമോ;

പി.ഡബ്ല്യു.ഡി. നിര്‍മ്മാണം നടത്തുന്ന കെട്ടിടങ്ങളുടെ ഡിസൈന്‍, സോയില്‍ ടെസ്റ്റ് തുടങ്ങിയ കാര്യങ്ങള്‍ പൂര്‍ത്തീകരിക്കാന്‍ കാലതാമസം നേരിടുന്നത് പരിഹരിക്കാന്‍ നടപടി സ്വീകരിക്കുമോയെന്ന് വ്യക്തമാക്കുമോ;

സര്‍ക്കാര്‍ ഓഫീസ് കെട്ടിടങ്ങളുടെ പണി പൂര്‍ത്തീകരിക്കാന്‍ കാലതാമസം നേരിടുന്നത് മൂലം സര്‍ക്കാരിന് വാടകയിനത്തിലും മറ്റും അധിക ചെലവ് ഉണ്ടാകുന്നത് കൂടി പരിഗണിച്ചുകൊണ്ട് പി.ഡബ്ല്യു.ഡി. വിഭാഗത്തിന്റെ കാര്യക്ഷമത ഉയര്‍ത്താന്‍ നടപടി സ്വീകരിക്കുമോ; വിശദമാക്കുമോ?

2016-17 മുതൽ പൊതുമരാമത്ത് വകുപ്പിന് കീഴിൽ കാഞ്ഞങ്ങാട് മണ്ഡലത്തിൽ നടപ്പിലാക്കിയതും നടപ്പിലാക്കിവരുന്നതുമായ പ്രവൃത്തികളുടെ വിശദാംശങ്ങൾ ലഭ്യമാക്കാമോ;

നടപ്പിലാക്കിവരുന്ന പ്രവൃത്തികളുടെ നിലവിലെ അവസ്ഥ വിശദീകരിക്കാമോ;

കരാറുകാരുടെ അലംഭാവം മൂലം മന്ദഗതിയിലായതും നിർത്തിവച്ചതുമായ പ്രവൃത്തികള്‍ ഏതെല്ലാമാണെന്നും ആയത് പരിഹരിക്കാൻ സ്വീകരിച്ച നടപടികൾ എന്തെല്ലാമാണെന്നും വിശദമാക്കാമോ ?

പാലക്കാട് ജില്ലയിലെ ഏതെല്ലാം പൊതുമരാമത്ത് പദ്ധതികളാണ് നബാര്‍ഡ് പദ്ധതിയില്‍ ഉള്‍പ്പെടുത്താന്‍ നിര്‍ദ്ദേശിച്ചിട്ടുള്ളതെന്ന് വിശദമാക്കുമോ;

പ്രസ്തുത നിര്‍ദ്ദേശങ്ങളിന്മേല്‍ സ്വീകരിച്ച തുടര്‍ നടപടികള്‍ എന്തെല്ലാമാണെന്ന് വ്യക്തമാക്കുമോ?

പിലാത്തറ-പാപ്പിനിശ്ശേരി കെ.എസ്.ടി.പി. റോഡിലെ പ്രവര്‍ത്തനരഹിതമായ സ്ട്രീറ്റ് ലൈറ്റുകള്‍ മാറ്റി സ്ഥാപിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

പൊതുമരാമത്ത് വകുപ്പിന്റെ സേവനങ്ങള്‍ ,നിര്‍മ്മാണ പ്രവൃത്തികളെ സംബന്ധിച്ചുള്ള വിവരങ്ങള്‍ എന്നിവ അറിയുന്നതിനും നിര്‍മ്മാണ പ്രവൃത്തികളെ സംബന്ധിച്ചുള്ള പരാതികള്‍ അറിയിക്കുന്നതിനും നിലവില്‍ എന്തെല്ലാം സംവിധാനങ്ങളാണ് പൊതുമരാമത്ത് വകുപ്പ് ഏര്‍പ്പെടുത്തിയിട്ടുള്ളതെന്ന് വിശദമാക്കാമോ;

പുതിയതായി ഏര്‍പ്പെടുത്തിയിട്ടുള്ള ഓണ്‍ലെെന്‍ പരാതി പരിഹാര സംവിധാനങ്ങള്‍ എത്ര പേര്‍ ഇതുവരെ പ്രയോജനപ്പെടുത്തിയിട്ടുണ്ടെന്ന് അറിയിക്കാമോ?

ഗുരുവായൂര്‍ മണ്ഡലത്തില്‍ ടൂറിസം വകുപ്പ് നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കുമോ;

2022-23 വര്‍ഷത്തെ ബജറ്റില്‍ പരാമര്‍ശിച്ച ഗുരുവായൂര്‍ പൈതൃക ടൂറിസം പദ്ധതിയില്‍ നാളിതുവരെ സ്വീകരിച്ച നടപടികള്‍ വിശദമാക്കാമോ?

ടൂറിസം എംപ്ലോയ്മെന്റ് സപ്പോർട്ട് സ്കീം പ്രകാരം എന്തൊക്കെ പ്രവര്‍ത്തനങ്ങളാണ് നടപ്പാക്കിയതെന്ന് അറിയിക്കുമോ;

പ്രസ്തുത സ്കീം മുഖേന നാളിതുവരെ എത്ര പേര്‍ക്ക് എത്ര തുകയുടെ സഹായം അനുവദിച്ചു; ജില്ല തിരിച്ചുള്ള വിശദാംശം നല്‍കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ടൂറിസം മേഖലയില്‍ ഏതെല്ലാം ദേശീയ, അന്തര്‍ദേശീയ ബഹുമതികളും അംഗീകാരങ്ങളുമാണ് ലഭിച്ചിട്ടുള്ളതെന്ന് വിശദമാക്കാമോ;

ഉത്തരവാദിത്ത ടൂറിസം മിഷന്റെ ഭാഗമായി ഏതെല്ലാം ടൂറിസം പദ്ധതികളാണ് സംസ്ഥാനത്ത് ആരംഭിച്ചിട്ടുള്ളതെന്ന് വിശദമാക്കാമോ;

തിരുവനന്തപുരം ജില്ലയിലെ കോവളം-വര്‍ക്കല-പൊന്‍മുടി എന്നീ സ്ഥലങ്ങളെ ബന്ധിപ്പിച്ചുകൊണ്ട് ഹെലി ടൂറിസം പദ്ധതി നടപ്പാക്കുന്ന കാര്യം പരിഗണനയിലുണ്ടോ; വിശദമാക്കാമോ?

സംസ്ഥാന സർക്കാരിന്റെ സുസ്ഥിര ടൂറിസം പദ്ധതിയായ സ്ട്രീറ്റ് അന്താരാഷ്ട്ര തലത്തിൽ പുരസ്കാരത്തിന് അര്‍ഹമായിട്ടുണ്ടോ; വിശദാംശം ലഭ്യമാക്കുമോ;

ജലസംരക്ഷണം, പരിസ്ഥിതി പരിപാലനം എന്നീ പ്രവർത്തനങ്ങൾക്ക് പ്രാമുഖ്യം നൽകിക്കൊണ്ട് സംസ്ഥാനം നടത്തുന്ന വിനോദസഞ്ചാര വികസന പദ്ധതികളെ ലോകത്തിന്റെ ശ്രദ്ധയിൽ കൊണ്ടുവരാൻ കഴിഞ്ഞിട്ടുണ്ടോ; വിശദമാക്കുമോ;

സ്ട്രീറ്റ് പദ്ധതി പ്രാദേശിക ജനതയ്ക്ക് തൊഴിൽ ലഭ്യമാക്കുന്നതിനും കരകൗശല ഉല്പന്നങ്ങള്‍ക്ക് അന്താരാഷ്ട്ര വിപണി കണ്ടെത്തുന്നതിനും സഹായകമാണോ; വ്യക്തമാക്കുമോ;

ചെറുകിട ടൂറിസം സംരംഭങ്ങളുടെയും പ്രാദേശിക ടൂറിസ്റ്റ് സ്പോട്ടുകളുടെയും വികസനത്തിന് സംസ്ഥാന സർക്കാർ നൽകുന്ന പ്രാധാന്യം കൂടുതൽ ആഭ്യന്തര വിനോദ സഞ്ചാരികളെ ആകർഷിക്കുന്നതിൽ നിർണ്ണായകമായിട്ടുണ്ടോ; വിശദമാക്കുമോ?

25.03.2017-ല്‍ വിനോദസഞ്ചാര വകുപ്പ് 160/2017 നമ്പര്‍ സര്‍ക്കാര്‍ ഉത്തരവ് പ്രകാരം 4.5 കോടി രൂപയ്ക്ക് ഭരണാനുമതി നല്‍കിയ വെെപ്പിന്‍ മണ്ഡലത്തിലെ ബീച്ച് കോറിഡോര്‍ പദ്ധതി പ്രാവര്‍ത്തികമാക്കുന്നതിനായി സ്വീകരിച്ചിട്ടുളള നടപടികള്‍ വിശദമാക്കാമോ;

തീരദേശ പരിപാലന നിയമത്തിന്റെ പരിധിയില്‍ വരുന്ന ഘടകങ്ങളെ ഒഴിവാക്കി നിലവിലെ നിര്‍വ്വഹണ ഏജന്‍സിയെ മാറ്റി പുതിയ ഏജന്‍സിയെ നിശ്ചയിച്ച് പദ്ധതിയുമായി മുന്നോട്ട് പോകാനുളള തീരുമാനം നടപ്പിലാക്കുന്നതിനായി നടപടികള്‍ സ്വീകരിച്ചിട്ടുണ്ടോ; എങ്കില്‍ ഇതിനായി സ്വീകരിച്ചിട്ടുളള നടപടികള്‍ വിശദമാക്കാമോ;

പ്രസ്തുത പദ്ധതി നടപ്പിലാക്കാനായി നിശ്ചയിച്ചിട്ടുളള ഏജന്‍സി ഏതെന്നും ഇതിനായി ഏജന്‍സി സ്വീകരിച്ചിട്ടുളള നടപടികള്‍ എന്തെന്നും വിശദമാക്കാമോ?

സംസ്ഥാനത്ത് സാഹസിക ടൂറിസത്തിന് പ്രാധാന്യം നല്‍കി നൂതന പദ്ധതികള്‍ ആവിഷ്കരിച്ച് നടപ്പാക്കിയിട്ടുണ്ടോ; സാഹസിക പ്രവര്‍ത്തനങ്ങള്‍ക്ക് പരിശീലനം നല്‍കുന്നതിന് പഠന പരിശീലന കേന്ദ്രങ്ങള്‍ സ്ഥാപിച്ചിട്ടുണ്ടോ; ഇതിന്റെ ഭാഗമായി സോഫ്റ്റ് അഡ്വെഞ്ചര്‍ പാര്‍ക്കുകള്‍ പ്രവര്‍ത്തിക്കുന്നുണ്ടോ; വിശദാംശം നല്‍കാമോ;

അന്താരാഷ്ട്ര നിലവാരത്തിലുള്ള ജല സാഹസിക ടൂറിസം പദ്ധതി ആരംഭിക്കുന്ന കാര്യം പരിഗണനയിലുണ്ടോ; എങ്കിൽ വിശദാംശം നൽകാമോ?

ഒരു പഞ്ചായത്തില്‍ ഒരു വിനോദസഞ്ചാര കേന്ദ്രം വികസിപ്പിക്കുന്ന പദ്ധതി പ്രകാരം തിരുവമ്പാടി മണ്ഡലത്തില്‍ നിന്നും ക്രമപ്രകാരം എവിടെ നിന്നെല്ലാം അപേക്ഷകള്‍ ലഭിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത പദ്ധതിയില്‍ ഉള്‍പ്പെട്ട പ്രദേശങ്ങള്‍ ഏതൊക്കെയാണെന്ന് വിശദമാക്കാമോ ;

പദ്ധതി എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ?

പാലാ മണ്ഡലത്തില്‍ ഗ്രീന്‍ ടൂറിസം പദ്ധതി, ടൗണ്‍ ബ്യൂട്ടിഫിക്കേഷന്‍ പദ്ധതി എന്നിവ പ്രവര്‍ത്തനക്ഷമമാക്കി ടൂറിസ്റ്റ് ഗൈഡന്‍സ് സെന്റര്‍ സ്ഥാപിക്കാന്‍ തീരുമാനിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

ഇല്ലെങ്കില്‍ ടുറിസ്റ്റുകള്‍ വർദ്ധിച്ച സാഹചര്യത്തില്‍ പ്രസ്തുത സെന്റര്‍ സ്ഥാപിക്കാന്‍ നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് കോവിഡ് വ്യാപനത്തിന് ശേഷം ആഭ്യന്തര വിനോദസഞ്ചാരികളുടെ എണ്ണത്തില്‍ വര്‍ദ്ധനവുണ്ടായിട്ടുണ്ടോ; വിശദമാക്കുമോ;

ആഭ്യന്തര വിനോദസഞ്ചാരികളെ ആകര്‍ഷിക്കുന്നതിനായി സര്‍ക്കാര്‍ നടത്തുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ;

വിനോദസഞ്ചാര മേഖലയില്‍ നടപ്പാക്കി വരുന്ന പെെതൃക ടൂറിസം പദ്ധതി വിലയിരുത്തിയിട്ടുണ്ടോ; വിശദാംശം നല്‍കാമോ?

കാരവൻ ടൂറിസം പദ്ധതിയുടെ ഭാഗമായ സംരംഭകർ പ്രതിസന്ധി നേരിടുന്നതായ മാധ്യമ റിപ്പോർട്ടുകൾ ഗൗരവത്തോടെ കാണുന്നുണ്ടോ;

ഈ മേഖലയിലെ പ്രതിസന്ധി പരിഹരിക്കുന്നതിനും കൂടുതൽ വിനോദസഞ്ചാരികളെ ആകർഷിക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

വിദേശ, സ്വദേശ ടൂറിസ്റ്റുകളെ ആകര്‍ഷിക്കും വിധം സംസ്ഥാനത്തെ ടൂറിസം ഡെസ്റ്റിനേഷനുകളുടെ സൗന്ദര്യവും സൗകര്യവും വര്‍ദ്ധിപ്പിക്കുന്നത് ലക്ഷ്യമിട്ട് പ്രത്യേക പദ്ധതിക്ക് രൂപം നൽകിയിട്ടുണ്ടോ; കോവളം ഡെസ്റ്റിനേഷന്റെ പ്രൗഢി വര്‍ദ്ധിപ്പിക്കാനുതകുന്ന പദ്ധതി പരിഗണനയിലുണ്ടോ; വിശദാംശം അറിയിക്കാമോ;

ടൂറിസം വകുപ്പിന്റെ ക്ലാസ്സിഫിക്കേഷന്‍ ലഭിക്കുവാന്‍ തദ്ദേശസ്വയംഭരണ സ്ഥാപനങ്ങളുടെ എന്‍.ഒ.സി. വേണമെന്ന നിബന്ധന ഒഴിവാക്കിയിട്ടുണ്ടോ; ഇതിലൂടെ ടൂറിസം മേഖലയിൽ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വ്യക്തമാക്കാമോ?

കൂത്തുപറമ്പ് മണ്ഡലത്തില്‍ പഴശ്ശി രാജവംശവുമായി ബന്ധപ്പെട്ട പഴശ്ശി കോവിലകത്തിനടുത്തുള്ള തൃക്കൈക്കുന്ന് മഹാദേവ ക്ഷേത്രം കേന്ദ്രമാക്കി തീര്‍ത്ഥാടന ടൂറിസം പദ്ധതി നടപ്പിലാക്കാന്‍ നടപടി സ്വീകരിക്കുമോ; എങ്കില്‍ എന്തെല്ലാം നടപടി സ്വീകരിക്കുമെന്ന് വ്യക്തമാക്കുമോ;

തൃക്കൈക്കുന്ന് മഹാദേവ ക്ഷേത്രത്തിലെ ചിരപുരാതനവും അത്യപൂര്‍വ്വവുമായ ശില്പങ്ങളടങ്ങിയ നമസ്ക്കാര മണ്ഡപം ഉള്‍പ്പെടെയുള്ളവ സംരക്ഷിച്ച് നിലനിര്‍ത്താനും തീര്‍ത്ഥാടകര്‍ക്ക് ഇടത്താവള സൗകര്യം ഏര്‍പ്പെടുത്താനും പദ്ധതി ആവിഷ്ക്കരിക്കുമോ; വിശദമാക്കുമോ;

സംസ്ഥാനത്തെ ഏറ്റവും വലുപ്പമേറിയ ക്ഷേത്രച്ചിറകളിലൊന്നായ കോട്ടയം ചിറയ്ക്ക് ചുറ്റും നടപ്പാത, ദീപവിതാനം, ഔഷധസസ്യ ഉദ്യാനം, ഇരിപ്പിടം എന്നിവയൊരുക്കി സൗന്ദര്യവൽക്കരിക്കാന്‍ പദ്ധതി ആവിഷ്ക്കരിക്കുമോ; വിശദമാക്കുമോ?

മലബാർ മേഖലയിലെ ടൂറിസം വികസനത്തിനായി പ്രത്യേക പദ്ധതി ആവിഷ്ക്കരിച്ചിട്ടുണ്ടോ; വ്യക്തമാക്കുമോ;

അന്താരാഷ്ട്ര ടൂറിസം മാപ്പിൽ മലബാർ മേഖല കൂടി ഉൾപ്പെടുത്തുന്നതിന് നടപടി സ്വീകരിക്കുമോയെന്ന് അറിയിക്കുമോ;

മലബാറിലെ വിവിധ ജലാശയങ്ങൾ കോർത്തിണക്കിക്കൊണ്ടുള്ള മലനാട് മലബാർ റിവർ ക്രൂയിസ് ടൂറിസം പദ്ധതി നിലവിൽ ഏത് ഘട്ടത്തിലാണ്; വിശദമാക്കുമോ?

കലശമല എക്കോ ടൂറിസം പദ്ധതിയുടെ പുരോഗതി അറിയിക്കാമോ?

രാജ്യത്ത് ഏറ്റവും കൂടുതൽ ടൂറിസം വളര്‍ച്ച കൈവരിച്ച സംസ്ഥാനം എന്ന നിലയില്‍ ടൂറിസം രംഗത്ത് അന്തര്‍ദേശീയ നിലവാരത്തിലുള്ള സൗകര്യങ്ങള്‍ ലഭ്യമാക്കുന്നതിന് സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

എല്ലാ ടൂറിസം കേന്ദ്രങ്ങളിലും വിവിധ മേഖലകളെ ഏകോപിപ്പിച്ചുകൊണ്ട് ശുചിത്വം, അടിസ്ഥാന സൗകര്യങ്ങളുടെ ലഭ്യത, സുരക്ഷ എന്നിവ ഉറപ്പുവരുത്തുന്നതിന് എന്തെല്ലാം പുതിയ നടപടികള്‍ സ്വീകരിക്കുമെന്ന് വ്യക്തമാക്കുമോ; വിശദാംശം ലഭ്യമാക്കുമോ?

കോവിഡ് വ്യാപനത്തിൽ തകര്‍ന്ന വിനോദസഞ്ചാര മേഖലയെ പുനരുജ്ജീവിപ്പിക്കാന്‍ കഴിഞ്ഞിട്ടുണ്ടോ; ഈ സാമ്പത്തിക വര്‍ഷം നാളിതുവരെ സംസ്ഥാനത്ത് എത്ര ആഭ്യന്തര, വിദേശ വിനോദസഞ്ചാരികള്‍ എത്തി എന്നതിന്റെ കണക്ക് ലഭ്യമാണോ; എങ്കിൽ അറിയിക്കാമോ;

സംസ്ഥാനത്തിന്റെ ജനകീയ വിനോദസഞ്ചാര പ്രവര്‍ത്തനങ്ങള്‍ക്ക് അന്താരാഷ്ട്ര തലത്തില്‍ നിരവധി അംഗീകാരം ലഭിച്ച സാഹചര്യത്തില്‍ ഉത്തരവാദിത്ത ടൂറിസം പദ്ധതി കൂടുതല്‍ വിപുലീകരിക്കാന്‍ ഉദ്ദേശ്യമുണ്ടോ; വ്യക്തമാക്കുമോ;

വിനോദസഞ്ചാര മേഖലയില്‍ വിവിധ സംരംഭങ്ങള്‍ ആരംഭിക്കാന്‍ പരിശീലനം, മാര്‍ക്കറ്റിംഗ്, മറ്റ് പിന്തുണ സംവിധാനങ്ങള്‍ എന്നിവ നല്‍കി സാധാരണക്കാരിലേക്ക് വിനോദസഞ്ചാരത്തിന്റെ സദ്ഫലങ്ങള്‍ ലഭ്യമാക്കുന്നതിന് ഉത്തരവാദിത്ത ടൂറിസം സൊസൈറ്റി രൂപീകരിക്കാന്‍ തീരുമാനിച്ചിട്ടുണ്ടോ; ഇത്തരത്തില്‍ സൊസൈറ്റി രൂപീകരിക്കുന്നതുവഴി ലക്ഷ്യമാക്കുന്ന നേട്ടങ്ങള്‍ എന്തെല്ലാമാണ്; വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം വിനോദസഞ്ചാര വകുപ്പിന് ലഭിച്ച ദേശീയ, അന്തര്‍ദ്ദേശീയ പുരസ്കാരങ്ങള്‍, അംഗീകാരങ്ങള്‍ എന്നിവ വിശദമാക്കാമോ;

പ്രാദേശിക തലം മുതല്‍ സംസ്ഥാന തലം വരെ ഏതൊക്കെ നവീന ടൂറിസം പദ്ധതികള്‍ക്കാണ് കൂടുതല്‍ സ്വീകാര്യത ലഭിച്ചതെന്ന് വ്യക്തമാക്കാമോ;

ലിറ്റററി സര്‍ക്യൂട്ട്, ജൈവ വൈവിധ്യ സര്‍ക്യൂട്ട്, വെഡ്ഡിങ് ഡെസ്റ്റിനേഷന്‍ ആക്കി മാറ്റല്‍ തുടങ്ങിയ പദ്ധതികളുടെ നിലവിലെ സ്ഥിതിയും പുരോഗതിയും അറിയിക്കാമോ;

വിനോദസഞ്ചാര കേന്ദ്രങ്ങള്‍ ജനസൗഹൃദമാക്കുന്നതിനായി അടിസ്ഥാന സൗകര്യങ്ങള്‍ വികസിപ്പിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ?

സര്‍ക്കാര്‍ വക റസ്റ്റ് ഹൗസുകളിലും ഗസ്റ്റ് ഹൗസുകളിലും ഭിന്നശേഷിക്കാര്‍ക്കായി റാംപ് സൗകര്യം ഏര്‍പ്പെടുത്തിയിട്ടുണ്ടോ; വ്യക്തമാക്കുമോ;

എങ്കില്‍ പ്രസ്തുത സൗകര്യം ഏർപ്പെടുത്തിയിട്ടുള്ള റസ്റ്റ് ഹൗസുകള്‍, ഗസ്റ്റ് ഹൗസുകൾ എന്നിവ എത്രയെന്ന് വിശദമാക്കാമോ;

പ്രസ്തുത സൗകര്യം ഇല്ലാത്ത റസ്റ്റ് ഹൗസുകള്‍, ഗസ്റ്റ് ഹൗസുകൾ എന്നിവ എത്രയെന്ന് വിശദമാക്കാമോ?

2022-23 ലെ ബഡ്ജറ്റിൽ എസ്റ്റിമേറ്റ് തുകയുടെ ഇരുപത് ശതമാനം വകയിരുത്തി ഉള്‍പ്പെടുത്തിയിട്ടുള്ള മണലൂര്‍ മണ്ഡലത്തിലെ വാടാനപ്പള്ളി ബീച്ച് ടൂറിസം പദ്ധതിയുടെ നിലവിലെ സ്ഥിതി എന്താണെന്ന് അറിയിക്കാമോ;

പ്രസ്തുത പ്രവൃത്തി നടപ്പാക്കുന്നതുമായി ബന്ധപ്പെട്ട് എന്തെങ്കിലും നടപടി സ്വീകരിച്ചിട്ടുണ്ടോ; എങ്കിൽ വിശദാംശം നൽകാമോ;

ഇല്ലെങ്കിൽ പ്രസ്തുത പദ്ധതി നടപ്പാക്കുന്നതിന് വേണ്ട നടപടി സ്വീകരിക്കുമോയെന്ന് വ്യക്തമാക്കാമോ?

ഫാം ടൂറിസം പ്രവര്‍ത്തനങ്ങളെ കൂടുതല്‍ ജനകീയമാക്കുന്നതിനും പ്രസ്തുത പ്രവര്‍ത്തനങ്ങളിൽ കൂടുതല്‍ ആളുകളെ പങ്കാളികളാക്കുന്നതിനുമായി എന്തെല്ലാം പദ്ധതികളാണ് നടപ്പിലാക്കി വരുന്നത്; വിശദമാക്കാമോ?

മഞ്ചേശ്വരം മണ്ഡലത്തിലെ പൊസഡിഗുംപെ ടൂറിസം പദ്ധതി സംബന്ധിച്ച വിശദവിവരം ലഭ്യമാക്കുമോ;

പ്രസ്തുത പദ്ധതിക്ക് ഭരണാനുമതി ലഭ്യമാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

ഡെസ്റ്റിനേഷന്‍ ചലഞ്ച് പദ്ധതി പ്രകാരം പാലക്കാട് ജില്ലയില്‍ എത്ര പുതിയ വിനോദസഞ്ചാര കേന്ദ്രങ്ങള്‍ തെരഞ്ഞെടുത്തിട്ടുണ്ട്; വ്യക്തമാക്കുമോ;

പാലക്കാട് ജില്ലയിലെ പെെതൃക-കല-സാംസ്കാരിക മേഖലകളെ പ്രയോജനപ്പെടുത്തി ടൂറിസം പരിപോഷിപ്പിക്കുന്നതിന് പദ്ധതി ആവിഷ്ക്കരിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ?

അയ്യപ്പ ഭക്തർക്ക് അടിസ്ഥാന സൗകര്യങ്ങൾ ഒരുക്കുന്നതിനായി കഴിഞ്ഞ സർക്കാർ പ്രഖ്യാപിച്ച ശബരിമല പിൽഗ്രിം സെന്റർ പ്രോജക്ടിന്റെ നിലവിലെ സ്ഥിതി വ്യക്തമാക്കുമോ;

പ്രസ്തുത പദ്ധതി പ്രകാരം എന്തൊക്കെ കാര്യങ്ങളാണ്‌ നിലവില്‍ നടപ്പാക്കിയിട്ടുള്ളത്; ഇതിനായി നാളിതുവരെ എത്ര തുക ചെലവഴിച്ചു; അറിയിക്കുമോ;

ഈ മണ്ഡല കാലത്ത് തീർത്ഥാടകർക്ക് പ്രസ്തുത പദ്ധതിയുടെ പ്രയോജനം പൂര്‍ണ്ണമായും ലഭ്യമാക്കാന്‍ സാധിച്ചിട്ടുണ്ടോ; വ്യക്തമാക്കുമോ?

കണ്ണൂര്‍ പയ്യാമ്പലം ബീച്ച് വാക‍്‍വേയുടെ ഘട്ടം II ന്റെ പ്രവൃത്തി ആരംഭിക്കുന്നതിന് ഇറിഗേഷന്‍ വകുപ്പിന്റെ അനുമതി ലഭ്യമായിട്ടുണ്ടോ; വിശദവിവരം നല്‍കുമോ;

അനുമതി ആവശ്യപ്പെട്ടിട്ട് മാസങ്ങള്‍ കഴിഞ്ഞിട്ടും എൻ.ഒ.സി. അനുവദിക്കാതിരിക്കുന്നതിന്റെ കാരണങ്ങൾ അറിയിച്ചിട്ടുണ്ടോ; എങ്കിൽ വ്യക്തമാക്കുമോ?

ലോകനാര്‍കാവില്‍ പില്‍ഗ്രിം ടൂറിസം പദ്ധതിയുടെ ഭാഗമായി നടന്നുവരുന്ന പ്രവൃത്തികളുടെ നിലവിലെ അവസ്ഥ വിശദവിവരം സഹിതം അറിയിക്കുമോ;

പ്രസ്തുത പ്രവൃത്തികള്‍ എന്ന് പൂര്‍ത്തിയാക്കാനാണ് ഉദ്ദേശിക്കുന്നത് എന്ന് അറിയിക്കുമോ?

ശാസ്താംപാറയില്‍ അഡ്വഞ്ചര്‍ അക്കാഡമി ആരംഭിക്കുന്നതിനുള്ള നടപടികളുടെ പുരോഗതി വിശദമാക്കാമോ;

പ്രസ്തുത പദ്ധതി യാഥാര്‍ത്ഥ്യമാക്കുന്നതിന് അടിയന്തര നടപടി സ്വീകരിക്കുമോ; വിശദാംശം ലഭ്യമാക്കുമോ?

നെല്ലിയാമ്പതി ടൂറിസം പദ്ധതിക്കായി എത്ര തുകയാണ് അനുവദിച്ചിട്ടുള്ളതെന്ന് വിശദമാക്കുമോ;

ടെൻഡര്‍ നടപടികള്‍ പൂര്‍ത്തീകരിച്ച പ്രസ്തുത പ്രവൃത്തി നാളിതുവരെ ആരംഭിക്കാൻ കഴിയാത്തതിന്റെ കാരണം വിശദാമാക്കുമോ;

നിലവിലുള്ള തടസ്സങ്ങള്‍ നീക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ?

തിരൂര്‍ നിയോജക മണ്ഡലത്തിലെ ചരിത്ര പ്രസിദ്ധമായ തിരുനാവായയില്‍ ചരിത്ര സ്മാരകങ്ങളും പുരാവസ്തുക്കളും കാണുന്നതിനായി ധാരാളം സന്ദര്‍ശകര്‍ എത്തുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പുരാവസ്തുക്കള്‍ സംരക്ഷിച്ച് പുരാവസ്തു വകുപ്പുമായി ചേര്‍ന്ന് തിരുനാവായയില്‍ ടൂറിസം പദ്ധതി നടപ്പിലാക്കുന്ന കാര്യം പരിഗണിക്കുമോ?

കണ്ണൂർ മണ്ഡലത്തിലെ മുണ്ടേരി പക്ഷി സങ്കേതത്തിന്റെ നിർമ്മാണ പുരോഗതി വിശദമാക്കാമോ?

നെയ്യാറ്റിന്‍കര ശ്രീകൃഷ്ണസ്വാമി ക്ഷേത്രം തീര്‍ത്ഥാടന ടൂറിസം പദ്ധതിയില്‍ ഉള്‍പ്പെടുത്തി ഡി.പി.ആര്‍. തയ്യാറാക്കുന്നതിന് എന്ത് നടപടി സ്വീകരിച്ചു എന്ന് വിശദമാക്കാമോ;

ഡി.പി.ആര്‍. തയ്യാറാക്കുന്നതിന് ആരെയാണ് ചുമതലപ്പെടുത്തിയത് എന്ന് വ്യക്തമാക്കാമോ?

ഡസ്റ്റിനേഷന്‍ ടൂറിസം പദ്ധതിയുടെ വിശദാംശങ്ങള്‍ അറിയിക്കാമോ;

തദ്ദേശസ്വയംഭരണ സ്ഥാപനങ്ങളുമായി ചേര്‍ന്ന് പ്രസ്തുത പദ്ധതി ആരംഭിക്കുന്നതിനുള്ള മാനദണ്ഡങ്ങള്‍ വിശദമാക്കാമോ;

തദ്ദേശസ്വയംഭരണ സ്ഥാപനങ്ങള്‍ ഇതിനായി പ്രത്യേകം അപേക്ഷ സമര്‍പ്പിക്കേണ്ടതുണ്ടോ; എങ്കിൽ അപേക്ഷയില്‍ ഉള്‍ക്കൊള്ളിക്കേണ്ട രേഖകള്‍ വിശദമാക്കാമോ;

പള്ളിക്കത്തോട് പഞ്ചായത്തിൽ ഉൾപ്പെടുന്ന അരുവിക്കുഴി, ഡസ്റ്റിനേഷന്‍ ടൂറിസം പദ്ധതിയില്‍ ഉള്‍പ്പെടുത്തുന്നതിന് നടപടി സ്വീകരിക്കാമോ?

നെയ്യാര്‍ഡാം-ഈരാറ്റിന്‍പുറം ടൂറിസം പദ്ധതി പ്രദേശത്ത് പൂര്‍ത്തീകരിച്ച പ്രവൃത്തികള്‍ ഏതൊക്കെയെന്ന് വിശദമാക്കുമോ;

ഓരോ പ്രവൃത്തിക്കും വിനിയോഗിച്ച തുക എത്രയെന്ന് വ്യക്തമാക്കുമോ;

ടൂറിസം വകുപ്പ് ആവശ്യപ്പെട്ടതിൻ പ്രകാരം പദ്ധതി പ്രദേശത്ത് പുതിയ ഏതൊക്കെ പ്രവൃത്തികള്‍ക്കാണ് ഇംപ്ലിമെന്റിംഗ് ഏജൻസിയായ ജലവിഭവ വകുപ്പ് ടെണ്ടര്‍ നടപടികൾ പൂര്‍ത്തീകരിച്ചിട്ടുള്ളതെന്ന് വ്യക്തമാക്കുമോ?

വണ്ടൂര്‍ മണ്ഡലത്തിലെ വാണിയമ്പലത്ത് ഗ്രാമപഞ്ചായത്തിന്റെ ഉടമസ്ഥതയിലുള്ള സ്ഥലത്ത് ടൂറിസം വകുപ്പ് പൂര്‍ത്തിയാക്കിയ വാണിയമ്പലം ടൗണ്‍ സ്ക്വയര്‍ ഇതുവരെ പൊതുജനങ്ങള്‍ക്ക് തുറന്ന് കൊടുക്കാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ;

ഇക്കാര്യത്തില്‍ ഗ്രാമപഞ്ചായത്തും ഡി.ടി.പി.സി. യും തമ്മിലുള്ള തര്‍ക്കം പരിഹരിച്ച് പ്രസ്തുത ടൗണ്‍ സ്ക്വയര്‍ പൊതുജനങ്ങള്‍ക്ക് തുറന്ന് നല്‍കുന്നതിനുള്ള നടപടി സ്വീകരിക്കുമോ; വിശദമാക്കാമോ?

ആക്കുളം കായല്‍ പുനരുജ്ജീവന പദ്ധതിയുടെ പുരോഗതി വിശദമാക്കാമോ;

ഈ പദ്ധതിയുടെ പ്രവര്‍ത്തനങ്ങള്‍ ആരംഭിക്കുന്നതിന് നിലവിലുള്ള ബുദ്ധിമുട്ട് എന്തൊക്കെയാണെന്ന് വിശദമാക്കാമോ;

പ്രസ്തുത പ്രോജക്ടിന്റെ എസ്.പി.വി. ആയി പ്രവര്‍ത്തിക്കുന്ന വാപ്കോസ് ഈ പ്രവൃത്തി നടപ്പിലാക്കുന്നതിന് ഉത്തരവാദിത്തത്തോടെ പ്രവര്‍ത്തിക്കുന്നുണ്ടോ; വിശദമാക്കാമോ;

എസ്.പി.വി. എന്ന നിലയില്‍ വാപ്കോസ് ഉത്തരവാദിത്തം നിര്‍വ്വഹിക്കുന്നതിൽ അലംഭാവം കാണിച്ചിട്ടുണ്ടോ; എങ്കില്‍ ആയതിനെ ഒഴിവാക്കുന്നതിന് നടപടി സ്വീകരിക്കുമോ; വിശദമാക്കാമോ;

പ്രസ്തുത പ്രവൃത്തി എപ്പോള്‍ പൂര്‍ത്തിയാക്കുന്നതിനാണ് ഉദ്ദേശിക്കുന്നതെന്ന് വിശദമാക്കാമോ?

ആറ്റിങ്ങല്‍ മണ്ഡലത്തിലെ കടലുകാണിപ്പാറ ടൂറിസം പദ്ധതിയുടെ രണ്ടാംഘട്ട പ്രവര്‍ത്തനങ്ങള്‍ ആരംഭിക്കുന്നതില്‍ നേരിടുന്ന കാലതാമസത്തിന്റെ കാരണം വിശദമാക്കുമോ?

മാവേലിക്കര മണ്ഡലത്തില്‍ ബഡ്ജറ്റില്‍ അനുവദിച്ച വള്ളിക്കുന്ന് ചിറ ടൂറിസം പദ്ധതി നടപ്പിലാക്കുന്നതിനായി സ്വീകരിച്ച നടപടികള്‍ വിശദമാക്കുമോ?

പാലാ നിയോജക മണ്ഡലത്തിലെ ഇലവീഴാപൂഞ്ചിറ വിനോദസഞ്ചാര കേന്ദ്രത്തില്‍ അടിസ്ഥാന സൗകര്യങ്ങള്‍ നിലവിലില്ലാത്തത് ശ്രദ്ധയില്‍പെട്ടിട്ടുണ്ടോ; എങ്കിൽ വിനോദസഞ്ചാരികളെ ആകര്‍ഷിക്കുന്ന തരത്തില്‍ പ്രസ്തുത പ്രദേശത്ത് അടിസ്ഥാന സൗകര്യങ്ങള്‍ ഏര്‍പ്പെടുത്താന്‍ നടപടി സ്വീകരിക്കുമോ; വിശദമാക്കാമോ;

പ്രസ്തുത കേന്ദ്രത്തില്‍ ടൂറിസ്റ്റ് ഇന്‍ഫര്‍മേഷന്‍ സെന്റര്‍, വിശ്രമ-ലഘു ഭക്ഷണ കേന്ദ്രം, കെ.ടി.ഡി.സി. യുടെ ഹോട്ടലിന്റെയും കോട്ടേജുകളുടെയും നവീകരണം എന്നിവ സാധ്യമാക്കാന്‍ നടപടി സ്വീകരിക്കുമോ; വിശദമാക്കാമോ?

അരൂര്‍ നിയോജക മണ്ഡലത്തില്‍ തുറവൂര്‍ ഗ്രാമപഞ്ചായത്തില്‍ തൈക്കാട്ടുശ്ശേരി പാലത്തിന് സമീപം സ്ഥിതി ചെയ്യുന്ന വേ-സൈഡ് പാര്‍ക്കിന്റെ പരിപാലന ചുമതല ആര്‍ക്കാണ് നല്‍കിയിട്ടുള്ളതെന്ന് വ്യക്തമാക്കുമോ;

പാര്‍ക്കിന്റെ പരിപാലനം ഏജന്‍സിയെ ഏല്‍പ്പിക്കുന്നതുമായി ബന്ധപ്പെട്ട് ഡിസ്ട്രിക്ട് ടൂറിസം പ്രൊമോഷൻ കൗൺസിൽ ക്ഷണിച്ച ടെൻഡറിൽ ആരെല്ലാം പങ്കെടുത്തുവെന്ന് വിശദമാക്കാമോ; ടെന്‍ഡര്‍ നടപടിയുടെ പൂര്‍ണ്ണവിവരം വ്യക്തമാക്കാമോ;

ഉദ്ഘാടനത്തിന് ശേഷം നാളിതുവരെ ടൂറിസം വകുപ്പിന് പാര്‍ക്കിന്റെ പരിപാലനവുമായി ബന്ധപ്പെട്ട് എത്ര രൂപ ചെലവായി എന്നും ആയതിന്റെ ഇനം തിരിച്ചുള്ള വിശദാംശവും വ്യക്തമാക്കാമോ;

പ്രസ്തുത പാര്‍ക്കില്‍ നിര്‍മ്മാണ പ്രവര്‍ത്തനം നടത്തിയ ഏജന്‍സി ഏതാണെന്നും ചെലവായ തുക എത്രയാണെന്നും വിശദമാക്കാമോ;

പാര്‍ക്കിനോടനുബന്ധിച്ച് റോഡിനോട് ചേര്‍ന്ന് നടപ്പാത ഇല്ലാത്തത് അപകടങ്ങള്‍ക്ക് കാരണമാകുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കീൽ ആയത് പരിഹരിക്കാന്‍ സ്വീകരിച്ച നടപടി വിശദമാക്കാമോ?

പാലാ മണ്ഡലത്തില്‍ പില്‍ഗ്രിം ടൂറിസം പദ്ധതിയുടെ ഭാഗമായി അല്‍ഫോന്‍സാ തീര്‍ത്ഥാടനം, നാലമ്പല ദര്‍ശനം, ശബരിമല ഇടത്താവളങ്ങള്‍ എന്നിവിടങ്ങളിൽ കൂടുതല്‍ അടിസ്ഥാന സൗകര്യ വികസന പ്രവര്‍ത്തനങ്ങൾ നടത്തി പില്‍ഗ്രിം ടുറിസ്റ്റുകൾക്ക് നിലവിൽ അനുഭവപ്പെടുന്ന ബുദ്ധിമുട്ടുകൾ ഒഴിവാക്കുന്നതിന് നടപടി സ്വീകരിക്കുമോ; വിശദമാക്കുമോ;

പില്‍ഗ്രിം ടൂറിസത്തിന്റെ ഭാഗമായി ഈ സ്ഥലങ്ങളിൽ ടൂറിസ്റ്റുകളെ ആകര്‍ഷിക്കുന്നതിനും വികസനത്തിനുമായി നിലവിൽ തുക അനുവദിച്ചിട്ടുണ്ടോ; വിശദമാക്കുമോ ?

അന്തര്‍ദേശീയ കയാക്കിംഗ് മത്സരവേദിയായ കോടഞ്ചേരി പുലിക്കയം കയാക്കിംഗ് സെന്ററിന്റെ നിര്‍മ്മാണ പുരോഗതി വിശദമാക്കുമോ;

സെന്ററിന്റെ പ്രവൃത്തി പൂര്‍ത്തീകരിക്കുന്നതിനും കൂടുതല്‍ സൗകര്യങ്ങള്‍ ഏര്‍പ്പെടുത്തുന്നതിനും ആവിഷ്ക്കരിച്ച പദ്ധതികള്‍ വിശദമാക്കുമോ;

കയാക്കിംഗ് സെന്റര്‍ വികസനത്തിന് കൂടുതല്‍ ഫണ്ട് അനുവദിക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?