ഡിജിറ്റല്‍ റീസര്‍വേ

*91  ശ്രീ. എം. എസ്. അരുണ്‍ കുമാർ
ശ്രീ. എ. സി. മൊയ്തീന്‍
ശ്രീ. സി. കെ. ഹരീന്ദ്രന്‍
പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നടപ്പാക്കി വരുന്ന ഡിജിറ്റല്‍ റീസര്‍വേ പദ്ധതിയുടെ ഭാഗമായി നിലവില്‍ എത്ര വില്ലേജുകളില്‍ സര്‍വേ പൂര്‍ത്തിയായി; എത്ര വില്ലേജുകളില്‍ നടപടികള്‍ പുരോഗമിക്കുന്നു; എത്ര വില്ലേജുകളില്‍ നടപടികള്‍ നിര്‍ത്തിവച്ചിരിക്കുന്നു എന്നീ വിവരങ്ങൾ വ്യക്തമാക്കുമോ;

(ബി)  ഏതെങ്കിലും ജില്ലകളിലോ വില്ലേജുകളിലോ ഡിജിറ്റല്‍ റീസര്‍വേ പ്രവര്‍ത്തനങ്ങള്‍ താല്‍ക്കാലികമായോ പൂര്‍ണ്ണമായോ നിര്‍ത്തിവയ്ക്കാന്‍ സര്‍ക്കാര്‍ അല്ലെങ്കില്‍ സര്‍വേ വകുപ്പ് നിര്‍ദ്ദേശം നല്‍കിയിട്ടുണ്ടോ; ഉണ്ടെങ്കില്‍ ആയതിന്റെ വിശദാംശം വ്യക്തമാക്കുമോ;

(സി)  ഡിജിറ്റല്‍ സര്‍വേയിലൂടെ ഒരു വ്യക്തിയുടെ കൈവശം കണ്ടെത്തുന്ന തര്‍ക്കമില്ലാത്തതും സര്‍ക്കാര്‍ പുറമ്പോക്കല്ലാത്തതുമായ ഭൂമിക്ക് കൈവശക്കാരന് ഉടമസ്ഥാവകാശം നിശ്ചയിച്ചു നല്‍കുന്നതിന് നിയമസഭ പാസ്സാക്കിയ സെറ്റില്‍മെന്റ് ആക്ട് നടപ്പിലാക്കുന്നത് സംബന്ധിച്ചുള്ള നിലപാട് വ്യക്തമാക്കുമോ; അധിക കൈവശ ഭൂമിക്ക് ഉടമസ്ഥാവകാശം നല്‍കുന്നതിന് എന്തൊക്കെ നടപടികളാണ് സ്വീകരിക്കാന്‍ ഉദ്ദേശിക്കുന്നത്; വ്യക്തമാക്കുമോ;

(ഡി)  ഡിജിറ്റല്‍ റീസര്‍വേയുമായി ബന്ധപ്പെട്ട് നിയമിച്ചിരുന്ന താല്‍ക്കാലിക ജീവനക്കാരെ നിലവില്‍ ജോലിയില്‍ നിന്നും ഒഴിവാക്കിയിട്ടുണ്ടോ; എങ്കില്‍ ആയതിന്റെ കാരണവും വിശദവിവരങ്ങളും അറിയിക്കുമോ;

(ഇ)  താല്കാലിക ജീവനക്കാരെ ഒഴിവാക്കിയതിന്റെ ഫലമായി ഡിജിറ്റല്‍ റീസര്‍വേ പദ്ധതിയില്‍ നിലവില്‍ പ്രതിസന്ധി ഉണ്ടായിട്ടുണ്ടോ; എങ്കില്‍ സര്‍വേ പ്രവര്‍ത്തനങ്ങള്‍ തടസ്സപ്പെടാതിരിക്കാന്‍ സ്വീകരിച്ചിട്ടുള്ള പകരം സംവിധാനങ്ങള്‍ അല്ലെങ്കില്‍ അടിയന്തര നടപടികള്‍ എന്തെല്ലാമാണെന്ന് വിശദമാക്കുമോ?

പി.എം.ശ്രീ പദ്ധതി

*92  ശ്രീ. സേവ്യര്‍ ചിറ്റിലപ്പിള്ളി
ശ്രീ. കെ. എന്‍. ബാലഗോപാല്‍
ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്ര സര്‍ക്കാരുമായി ഒപ്പുവെച്ച ധാരണാപത്രത്തിലെ വ്യവസ്ഥകള്‍ പ്രകാരം പി.എം.ശ്രീ പദ്ധതിയില്‍ നിന്നും സംസ്ഥാനത്തിന് പിന്മാറാന്‍ സാധിക്കുമെന്ന കാര്യം വിലയിരുത്തിയിട്ടുണ്ടോ;

(ബി)  സഹകരിച്ച് പ്രവര്‍ത്തിക്കുന്നതിലെ ബുദ്ധിമുട്ടുകള്‍ അറിയിക്കുന്നതിനും തര്‍ക്കപരിഹാരങ്ങള്‍ക്കുമായി ധാരണാപത്രത്തില്‍ വ്യക്തമായ വ്യവസ്ഥകള്‍ നിലവിലുണ്ടായിട്ടും പദ്ധതിയില്‍ നിന്നും പിന്മാറുന്നതിനായി പ്രസ്തുത വ്യവസ്ഥകള്‍ പ്രയോജനപ്പെടുത്താന്‍ തയ്യാറാകാത്തതിന്റെ കാരണം വ്യക്തമാക്കുമോ;

(സി)  പദ്ധതിയില്‍ നിന്നും പിന്മാറിയാല്‍ രണ്ടായിരം കോടി രൂപയുടെ നഷ്ടമുണ്ടാകുമെന്ന വാദം വസ്തുതാവിരുദ്ധമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; പദ്ധതിയില്‍ പങ്കാളിയാകാത്ത കാരണത്താല്‍ ഏതെങ്കിലും ഫണ്ടുകള്‍ തടഞ്ഞുവച്ചിട്ടുണ്ടോ; വ്യക്തമാക്കുമോ;

(ഡി)  പഞ്ചാബ് ഉള്‍പ്പെടെയുള്ള മറ്റു സംസ്ഥാനങ്ങള്‍ പ്രസ്തുത പദ്ധതിയില്‍ നിന്നും പിന്മാറിയ കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ സമാനമായ നടപടി സ്വീകരിക്കുന്നതിനുള്ള സാങ്കേതികവും നിയമപരവുമായ തടസ്സങ്ങള്‍ എന്തെല്ലാമാണെന്ന് വ്യക്തമാക്കാമോ;

(ഇ)  നിയമപരമായി യാതൊരു ബാധ്യതയുമില്ലാത്തതും ചുരുങ്ങിയ കാലയളവ് മാത്രം അവശേഷിക്കുന്നതുമായ ഈ പദ്ധതിയിൽ നിന്നും പിന്മാറാന്‍ തയ്യാറാകുമോയെന്ന് വ്യക്തമാക്കാമോ?

ടൂറിസം മേഖലയിലെ പുതിയ പദ്ധതികൾ

*93  ശ്രീ. ടോണി ചമ്മണി
ശ്രീ. എം. വിന്‍സെന്റ്
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലേക്കുള്ള സഞ്ചാരികളുടെ എണ്ണം അഞ്ചുവർഷത്തിനകം 10.5 കോടിയാക്കി വർദ്ധിപ്പിക്കാൻ ലക്ഷ്യമിടുന്നുണ്ടോ; ആയതുമായി ബന്ധപ്പെട്ട് നടപ്പാക്കാൻ ഉദ്ദേശിക്കുന്ന കർമ്മപദ്ധതികൾ എന്തെല്ലാമാണെന്ന് വ്യക്തമാക്കുമോ;

(ബി)  വിഴിഞ്ഞം, കൊച്ചി തുറമുഖങ്ങൾ കേന്ദ്രീകരിച്ച് രാജ്യാന്തര ടൂറിസം സർക്യൂട്ട് ഒരുക്കാൻ പദ്ധതിയുണ്ടോ; വിശദമാക്കുമോ;

(സി)  കേരളത്തനിമ അടുത്തറിയാൻ സഞ്ചാരികളെ ക്ഷണിക്കുന്ന 'ബി എ മലയാളി ഫോർ എ ഡേ' (BE A MALAYALI FOR A DAY) എന്ന പദ്ധതിയെക്കുറിച്ച് വിശദമാക്കുമോ?

ടൂറിസം കേന്ദ്രങ്ങളിലെ സുരക്ഷാ സംവിധാനം

*94  ശ്രീ. സുമേഷ് അച്ചുതൻ
ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പ്രധാന ടൂറിസം കേന്ദ്രങ്ങളിൽ വിനോദസഞ്ചാരികളുടെ സുരക്ഷയ്ക്കായി പ്രത്യേക പോലീസ് സംവിധാനം ഏർപ്പെടുത്തിയിട്ടുണ്ടോ; വ്യക്തമാക്കാമോ;

(ബി)  ടൂറിസം കേന്ദ്രങ്ങളിലെ സുരക്ഷ ശക്തിപ്പെടുത്താൻ പുതിയ പദ്ധതികൾ നടപ്പാക്കാനുദ്ദേശിക്കുന്നുണ്ടോ; വനിതാ വിനോദസഞ്ചാരികളുടെ സുരക്ഷ ഉറപ്പാക്കാൻ ടൂറിസം കേന്ദ്രങ്ങളിൽ നിലവിലുള്ള സുരക്ഷാ ക്രമീകരണങ്ങൾ എന്തെല്ലാമാണെന്ന് വിശദമാക്കാമോ;

(സി)  ടൂറിസം കേന്ദ്രങ്ങളിൽ കൂടുതൽ വനിതാ പോലീസ് ഉദ്യോഗസ്ഥരെ വിന്യസിക്കാൻ നടപടി സ്വീകരിക്കുമോ; വ്യക്തമാക്കാമോ?

റോഡ് സുരക്ഷ

*95  ശ്രീ. ഗോവിന്ദൻ പള്ളിക്കാപ്പിൽ
ശ്രീ. പി. പ്രസാദ്
ശ്രീമതി ഗീതാ ഗോപി
ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പൊതുമരാമത്ത് റോഡുകളിൽ അപകടം അനുദിനം വർദ്ധിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ റോഡ് നിർമ്മാണത്തിലെ ന്യൂനതകൾ കാരണം അപകടങ്ങൾ ഉണ്ടാകുന്നത് പരിശോധനാ വിധേയമാക്കിയിട്ടുണ്ടോ; വിശദമാക്കാമോ;

(ബി)  റോഡ് പുനർനിർമാണത്തിനുള്ള എസ്റ്റിമേറ്റ് തയ്യാറാക്കുന്നതിന് മുമ്പായി ഓരോ റോഡിലും മുൻകാലത്തുണ്ടായിട്ടുള്ള അപകടങ്ങളും നിലവിലെ അപകടസാധ്യതകളും പരിശോധിക്കാറുണ്ടോ; വിശദമാക്കാമോ;

(സി)  നിർമ്മാണം പൂർത്തീകരിച്ച റോഡുകളിൽ അപകടസാധ്യതകൾ കണ്ടെത്തുന്നതിനും പരിഹരിക്കുന്നതിനുമായി നിരന്തര പരിശോധനകൾ നടത്താറുണ്ടോ; വിശദമാക്കാമോ;

(ഡി)  ഓരോ റോഡിലും പുതിയതായി രൂപപ്പെടുന്ന കവലകൾ, കയ്യേറ്റങ്ങൾ, വാഹന സാന്ദ്രതയിലുള്ള മാറ്റം എന്നിവയുടെ അടിസ്ഥാനത്തിലുള്ള ക്രമീകരണങ്ങളും നടപടികളും റോഡ് പുനരുദ്ധാരണത്തോടൊപ്പം പരിഗണിക്കാറുണ്ടോ; വിശദമാക്കാമോ?

പൊതുവിദ്യാഭ്യാസ പരിഷ്കരണം

*96  ശ്രീ. ദീപക് ജോയ്
ശ്രീ. വി. ടി. ബൽറാം
ശ്രീമതി വിദ്യാ ബാലകൃഷ്ണൻ
ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പൊതുവിദ്യാഭ്യാസ മേഖലയുടെ പരിഷ്കരണത്തെക്കുറിച്ച് പഠിക്കാൻ പുതിയ കമ്മിറ്റിയെ നിയോഗിക്കാൻ പദ്ധതിയുണ്ടോ; വ്യക്തമാക്കുമോ;

(ബി)  സ്കൂൾ ഘടന പരിഷ്കരണവും ഗുണനിലവാരം മെച്ചപ്പെടുത്തലും ലക്ഷ്യമിട്ടുള്ള പഠനത്തിനാണോ പുതിയ വിദഗ്ധ സമിതിയെ നിയോഗിക്കുന്നതെന്ന് വ്യക്തമാക്കുമോ;

(സി)  ഹയർ സെക്കൻഡറിയെ മുൻപുണ്ടായിരുന്ന വിധം പ്രത്യേക ഡയറക്ടറേറ്റിന് കീഴിലാക്കാൻ ഉദ്ദേശിക്കുന്നുണ്ടോ; പ്രീ പ്രൈമറി, എൽ.പി., യു.പി. വിഭാഗങ്ങൾക്കായി പ്രൈമറി ഡയറക്ടറേറ്റ് പ്രത്യേകം രൂപീകരിക്കാനും ഉദ്ദേശിക്കുന്നുണ്ടോ; വ്യക്തമാക്കുമോ?

സംസ്ഥാനത്ത് രണ്ടാം ഭൂപരിഷ്കരണം

*97  ശ്രീമതി കെ. കെ. രമ
ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് രണ്ടാം ഭൂപരിഷ്കരണം നടപ്പാക്കാനുള്ള നിർദ്ദേശങ്ങൾ സമർപ്പിക്കാൻ വിദഗ്ധ സമിതി രൂപീകരിക്കാൻ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  എങ്കിൽ പ്രസ്തുത വിദഗ്ധ സമിതിയുടെ പരിഗണനാ വിഷയങ്ങൾ എന്തൊക്കെയാണെന്നും സമിതിയുടെ കാലാവധി എത്രയെന്നും വിശദമാക്കുമോ;

(സി)  1970-ലെ ഭൂപരിഷ്കരണ നിയമം, പാട്ടക്കരാർ ഉൾപ്പെടെയുള്ള ഭൂമി സംബന്ധമായ നിയമങ്ങളെല്ലാം കാലോചിതമായി പരിഷ്കരിക്കാൻ നടപടി സ്വീകരിക്കുമോ; വിശദമാക്കുമോ?

പി.എം.ശ്രീ പദ്ധതി

*98  ശ്രീ. കെ. പ്രവീൺ കുമാർ
ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലത്ത് പി.എം.ശ്രീ പദ്ധതിയുടെ ധാരണാ പത്രത്തിൽ ഒപ്പിട്ടതിനാൽ നിലവിൽ സംസ്ഥാനം പദ്ധതിയുടെ ഭാഗമാണെന്നും അതിനാൽ പദ്ധതി നടപ്പാക്കിയാലേ എസ്.എസ്.കെ. ഫണ്ട് നൽകാനാകൂ എന്ന് കേന്ദ്രം നിലപാട് സ്വീകരിച്ചിട്ടുണ്ടോ; വ്യക്തമാക്കുമോ;

(ബി)  നിലവിലുള്ള പി.എം. ശ്രീ പദ്ധതിയുടെ കാലാവധി 2027 മാർച്ച് 31-ന് അവസാനിക്കുമെങ്കിലും ആയതിന് തുടർച്ചയുണ്ടാകുമെന്നും അതിനാൽ കേരളം ഇനി നടപ്പാക്കിയാലും പദ്ധതിക്ക് കാലാവധി തുടർച്ച ലഭിക്കുമെന്നും കേന്ദ്ര വിദ്യാഭ്യാസ മന്ത്രാലയം അറിയിച്ചിട്ടുണ്ടോ; വിശദമാക്കുമോ;

(സി)  മുൻ സർക്കാർ സ്വീകരിച്ച നിലപാട് മൂലം പി.എം.ശ്രീ പദ്ധതിയിൽ തുടരാൻ സംസ്ഥാനം നിര്‍ബന്ധിതമായിട്ടുണ്ടോ; വിശദാംശം ലഭ്യമാക്കാമോ?

മുസിരിസ് പൈതൃക പദ്ധതി

*99  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  മുസിരിസ് പൈതൃക പദ്ധതി പുനരുജ്ജീവിപ്പിക്കുന്നതിനായി സാംസ്കാരിക, വിനോദസഞ്ചാര വകുപ്പുകൾ സ്വീകരിച്ചുവരുന്ന നടപടികൾ എന്തൊക്കെയാണെന്ന് വ്യക്തമാക്കുമോ;

(ബി)  വിനോദസഞ്ചാരികളെ ആകർഷിക്കുന്നതിനായി പുതിയ ക്രൂയിസ് സർവീസുകൾ ആരംഭിക്കാൻ ഉദ്ദേശിക്കുന്നുണ്ടോ; വിശദാംശം വ്യക്തമാക്കുമോ;

(സി)  മുസിരിസിൽ നിന്നുള്ള ബോട്ട് സർവീസുകൾ ആലപ്പുഴയിലേക്ക് വ്യാപിപ്പിക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ;

(ഡി)  ബോട്ട് ജെട്ടികളും ഷോപ്പിംഗ് കോംപ്ലക്സുകളും കേരളീയ പൈതൃക ശൈലിയിൽ ക്യൂറേറ്റർമാരുടെ മേൽനോട്ടത്തിൽ മനോഹരമായി രൂപകൽപ്പന ചെയ്യുന്നതിനുള്ള നടപടി സ്വീകരിക്കുമോ;

(ഇ)  മുസിരിസ് മാതൃകയിൽ കേരളത്തിലെ പൈതൃക-സാംസ്കാരിക കേന്ദ്രങ്ങളെ വിനോദസഞ്ചാര മേഖലയുമായി ഫലപ്രദമായി ഏകോപിപ്പിക്കുന്ന പദ്ധതികൾ ആവിഷ്കരിച്ച് നടപ്പാക്കുമോ; വ്യക്തമാക്കുമോ?

നൂറുദിന കർമ്മപരിപാടിയിൽ ഉൾപ്പെട്ട പദ്ധതികൾ

*100  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  നിലവിലെ സർക്കാർ പ്രഖ്യാപിച്ച നൂറുദിന കർമ്മപരിപാടിയിൽ പൊതുമരാമത്ത് വകുപ്പിന്റെ ഏതെല്ലാം പദ്ധതികൾ ഉൾപ്പെടുത്തിയിട്ടുണ്ടെന്ന് വിശദമാക്കുമോ;

(ബി)  ഇക്കാലയളവിൽ നടപ്പാക്കാൻ ഉദ്ദേശിക്കുന്ന പദ്ധതികളുടെ പ്രവർത്തന പുരോഗതി അറിയിക്കാമോ;

(സി)  റോഡുകളുടെ അറ്റകുറ്റപ്പണികൾ അടിയന്തരമായി നടത്തുന്നതിന് റണ്ണിങ് കോൺട്രാക്ടിനായി എത്ര തുക അനുവദിച്ചിട്ടുണ്ടെന്ന് വ്യക്തമാക്കുമോ?

നൂറുദിന കർമ്മപദ്ധതിയിലെ പട്ടയ വിതരണം

*101  ശ്രീമതി ഉമ തോമസ്
ശ്രീ. സേനാപതി വേണു
ശ്രീ. വി. ടി. സൂരജ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  നൂറുദിന കർമ്മപദ്ധതിയുടെ ഭാഗമായി പട്ടയമേളകൾ സംഘടിപ്പിക്കാൻ തീരുമാനിച്ചിട്ടുണ്ടോ; പ്രസ്തുത പദ്ധതിയുടെ ഭാഗമായി എത്ര പട്ടയങ്ങൾ വിതരണം ചെയ്യുന്നതിനാണ് ലക്ഷ്യമിട്ടിട്ടുള്ളത്; വിശദമാക്കുമോ;

(ബി)  പട്ടയ വിതരണവുമായി ബന്ധപ്പെട്ട് ആദിവാസി കുടുംബങ്ങൾക്കും ഭൂരഹിത കുടുംബങ്ങൾക്കും പ്രത്യേക പരിഗണന നൽകുന്നുണ്ടോ; പട്ടയ അപേക്ഷകൾ തീർപ്പാക്കുന്നതിന് പ്രധാനമായും നേരിടുന്ന തടസ്സങ്ങൾ എന്തെല്ലാമാണ്; വിശദമാക്കുമോ;

(സി)  റവന്യൂ വകുപ്പിൽ പട്ടയ വിതരണത്തിനായി നിലവിൽ പരിഗണനയിലുള്ള അപേക്ഷകളുടെ എണ്ണം എത്രയാണ്; അഞ്ച് വർഷത്തിലേറെയായി തീർപ്പാകാതെ കിടക്കുന്ന പട്ടയ അപേക്ഷകളുടെ എണ്ണം കണക്കാക്കിയിട്ടുണ്ടോ; എങ്കിൽ പ്രസ്തുത അപേക്ഷകൾ അടിയന്തരമായി തീർപ്പാക്കുന്നതിന് നടപടി സ്വീകരിക്കുമോ; വിശദമാക്കുമോ?

ദേശീയപാതയില്‍ വര്‍ദ്ധിച്ചുവരുന്ന വാഹനാപകടങ്ങള്‍

*102  ശ്രീ. കല്ലട്ര മാഹിൻ
ശ്രീ. ടി. വി. ഇബ്രാഹിം
ശ്രീ. ഫൈസൽ ബാബു
ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ദേശീയപാതകളില്‍ വാഹനാപകടങ്ങള്‍ വര്‍ദ്ധിച്ചു വരുന്നതിന്റെ കാരണങ്ങള്‍ പരിശോധിച്ചിട്ടുണ്ടോ; വ്യക്തമാക്കുമോ;

(ബി)  ദേശീയപാതാ അതോറിറ്റി കൃത്യമായ ദിശാബോര്‍ഡുകള്‍ സ്ഥാപിക്കാത്തത് അപകടങ്ങള്‍ വര്‍ദ്ധിക്കുന്നതിന് കാരണമാകുന്നുണ്ടോ; വിശദമാക്കുമോ;

(സി)  ദേശീയപാതകളിലെ പാര്‍ക്കിംഗുകള്‍ കാരണം അപകടങ്ങള്‍ ഉണ്ടാകാതിരിക്കാന്‍ വേണ്ട നിര്‍ദ്ദേശങ്ങള്‍ നല്‍‍കുമോ;

(ഡി)  തൃശ്ശൂര്‍ ജില്ലയിലെ കയ്പമംഗലത്തിന് സമീപം ദേശീയപാതയിൽ 2026 സെപ്റ്റംബർ 4-ന് ഉണ്ടായ വാഹനാപകടത്തെത്തുടർന്ന് എന്തെല്ലാം സുരക്ഷാ നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

ശബരിമല റോഡുകളുടെ നവീകരണം

*103  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  മണ്ഡലകാലത്തിന് മുൻപായി ശബരിമല റോഡുകളും അനുബന്ധ റോഡുകളും ഉന്നത നിലവാരത്തിലേക്ക് ഉയർത്തുന്നതിന് നടപടി സ്വീകരിക്കുമോ; വിശദമാക്കാമോ;

(ബി)  2021 മുതൽ ശബരിമല റോഡുകളുടെ നവീകരണം കൃത്യമായി നടക്കാതിരുന്നത് പരിഗണിച്ച് ഇത്തവണ മുഴുവൻ ശബരിമല റോഡുകളും ഗുണനിലവാരത്തോടെ നന്നാക്കുന്നതിന് അടിയന്തര നടപടി സ്വീകരിക്കുമോ;

(സി)  റോഡുകൾ മെച്ചപ്പെടുത്തുന്നതിനൊപ്പം സുരക്ഷയ്ക്കും പ്രാധാന്യം നൽകുന്നതിന്റെ ഭാഗമായി റോഡ് മാര്‍ക്കിംഗ്, ദിശാ ബോർഡ് സ്ഥാപിക്കൽ, മറ്റു സുരക്ഷാ ക്രമീകരണങ്ങൾ എന്നിവ നടപ്പാക്കാൻ നടപടി സ്വീകരിക്കുമോയെന്ന് വ്യക്തമാക്കാമോ;

(ഡി)  ശബരിമല മേഖലയിലെ റസ്റ്റ് ഹൗസുകളുടെ നവീകരണം, മറ്റ് അറ്റകുറ്റപ്പണികൾ എന്നിവ 2026 നവംബർ മാസത്തോടെ പൂർത്തിയാക്കുമോയെന്ന് വ്യക്തമാക്കുമോ?

താരാപഥം പദ്ധതി

*104  ശ്രീ. സനീഷ്‌കുമാര്‍ ജോസഫ്
ശ്രീ. കെ. ജയന്ത്
ശ്രീമതി ഉഷ വിജയൻ
ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സ്കൂളുകളിലെ എല്ലാ ക്ലാസ്സുകളിലും താരാപഥം എന്ന പ്രത്യേക പദ്ധതി നടപ്പിലാക്കാൻ ഉദ്ദേശമുണ്ടോ; ഇതിന്റെ ഉദ്ദേശ്യലക്ഷ്യങ്ങൾ എന്തൊക്കെയാണെന്ന് വിശദമാക്കുമോ;

(ബി)  സ്കൂളുകളിൽ ഐ.ടി. പഠനം കാര്യക്ഷമമാക്കാനുള്ള ഡിജിറ്റൽ സ്ക്വയർ പദ്ധതിയെക്കുറിച്ച് വിശദമാക്കുമോ; ഇത് എങ്ങനെയാണ് നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(സി)  ലിറ്റിൽ കൈറ്റ്സ് പദ്ധതി യു.പി. സ്കൂളുകളിലും നടപ്പാക്കുന്നത് പരിഗണയിലുണ്ടോ; വിദ്യാർത്ഥികൾക്ക് സൈബർ സുരക്ഷ ഉറപ്പാക്കാൻ പ്രോട്ടോക്കോൾ പുറത്തിറക്കാൻ ഉദ്ദേശിക്കുന്നുണ്ടോ; വിശദമാക്കുമോ?

പ്രഥമാധ്യാപക സ്ഥാനക്കയറ്റവും സ്ഥലംമാറ്റവും

*105  ശ്രീ. എ. സി. മൊയ്തീന്‍
ശ്രീമതി ഒ. എസ്. അംബിക
ശ്രീ. ജി. സ്റ്റീഫന്‍
ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  മുൻകാലങ്ങളിൽ മെയ് മാസത്തെ വിരമിക്കൽ ഒഴിവുകളിലേക്ക് അവധിക്കാലത്തുതന്നെ പൂർത്തിയാക്കിയിരുന്ന പ്രഥമാധ്യാപക സ്ഥാനക്കയറ്റവും സ്ഥലംമാറ്റവും ഇപ്പോൾ അധ്യയനവർഷത്തിന്റെ പകുതിയിലേയ്ക്ക് വൈകിയിട്ടുണ്ടോ; എങ്കിൽ വൈകാനിടയായ സാഹചര്യം വ്യക്തമാക്കുമോ;

(ബി)  സമയബന്ധിതമായി സ്ഥാനക്കയറ്റം നൽകാത്തതിനാൽ സംസ്ഥാനത്തെ സർക്കാർ സ്കൂളുകളിൽ പ്രധാനാധ്യാപകരില്ലാതെയാണ് ഈ അധ്യയനവർഷം ആരംഭിച്ചതെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

(സി)  പ്രൈമറി വിഭാഗം പ്രധാനാധ്യാപക സ്ഥാനക്കയറ്റ നടപടികൾ വൈകി ആരംഭിച്ചിട്ടും നിലവിലുള്ള മുഴുവൻ ഒഴിവുകളും നികത്താൻ സാധിക്കാത്ത സാഹചര്യമുണ്ടായിട്ടുണ്ടോ; എങ്കിൽ കാരണം വ്യക്തമാക്കാമോ;

(ഡി)  അധ്യയനവർഷത്തിന്റെ മധ്യത്തിൽ സ്ഥലംമാറ്റങ്ങൾ നടത്തുന്നത് സ്കൂളുകളുടെ അക്കാദമിക് പ്രവർത്തനങ്ങളെ സാരമായി ബാധിക്കുമെന്നതിനാൽ ഒഴിവുകൾ അടിയന്തരമായി നികത്തുന്നതിന് സ്വീകരിച്ചുവരുന്ന നടപടികൾ വ്യക്തമാക്കുമോ?

ഡിജിറ്റൽ സർവേ

*106  ശ്രീ. സന്ദീപ് വാര്യർ
ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  ഡിജിറ്റൽ സർവേ പുനരാരംഭിക്കുമ്പോൾ വ്യക്തമായി അതിരുകൾ നിർണയിക്കാത്ത ഭൂമികളിൽ സർവ്വേ സമയത്ത് ഭൂവുടമകളുടെ സാന്നിധ്യം ഉറപ്പാക്കാൻ നടപടി സ്വീകരിക്കുമോ;

(ബി)  വിസ്‍തൃതിയിലോ അതിരുകളിലോ വ്യത്യാസം കണ്ടാൽ അന്തിമ വിജ്ഞാപനത്തിന് മുമ്പ് ഉടമയെ അറിയിച്ച്‌ മാറ്റങ്ങൾ വരുത്തുമോ; വ്യക്തമാക്കുമോ;

(സി)  സർവേ ജീവനക്കാർക്ക് പ്രൊഫഷണൽ ഏജൻസികളുടെ സഹായത്തോടെ പ്രായോഗിക പരിശീലനം നൽകാൻ നടപടി സ്വീകരിക്കുമോ; വ്യക്തമാക്കുമോ?

വിനോദസഞ്ചാര കേന്ദ്രങ്ങളിലെ അടിസ്ഥാന സൗകര്യവികസനം

*107  ശ്രീ. സി. കെ. കാസിം
ശ്രീ. മഞ്ഞളാംകുഴി അലി
ശ്രീ. പി. കെ. ഫിറോസ്
ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  വിനോദസഞ്ചാര കേന്ദ്രങ്ങളിൽ സന്ദർശകരുടെ എണ്ണത്തിനനുസൃതമായി അടിസ്ഥാന സൗകര്യങ്ങൾ ഏർപ്പെടുത്താൻ കഴിഞ്ഞിട്ടില്ലെന്ന കാര്യം പരിശോധിച്ചിട്ടുണ്ടോയെന്ന് വ്യക്തമാക്കുമോ;

(ബി)  വിനോദസഞ്ചാര കേന്ദ്രങ്ങളിൽ ശുചിത്വം, സുരക്ഷ, മാലിന്യസംസ്കരണം, നിരീക്ഷണം തുടങ്ങിയ അടിസ്ഥാന സൗകര്യങ്ങൾ ഉറപ്പുവരുത്തുന്നതിനായി പ്രത്യേക പദ്ധതികൾ ആസൂത്രണം ചെയ്യാന്‍ ഉദ്ദേശിക്കുന്നുണ്ടോ; വിശദമാക്കാമോ;

(സി)  എങ്കിൽ ഏതെല്ലാം കേന്ദ്രങ്ങളിലാണ് ഇത്തരത്തിൽ അടിസ്ഥാന സൗകര്യങ്ങൾ ഒരുക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

കേന്ദ്ര സഹായത്തോടെയുള്ള പുതിയ പദ്ധതികൾ

*108  ശ്രീ. നീലകണ്ഠൻ
ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിന്റെ പൊതുമരാമത്ത് വകുപ്പുമായി ബന്ധപ്പെട്ട പദ്ധതികളുടെ കേന്ദ്ര സഹായം ലഭ്യമാക്കുന്നതിനായി പൊതുമരാമത്ത് വകുപ്പ് മന്ത്രി കേന്ദ്ര ഗതാഗത വകുപ്പ് മന്ത്രിയുമായി കൂടിക്കാഴ്ച നടത്തിയിട്ടുണ്ടോ; വ്യക്തമാക്കുമോ;

(ബി)  പ്രസ്തുത കൂടിക്കാഴ്ചയുടെ ഭാഗമായി ഏതെല്ലാം പദ്ധതികളുടെ അനുമതി ലഭ്യമായിട്ടുണ്ട്; വിശദാംശം ലഭ്യമാക്കുമോ;

(സി)  അതിന്റെ ഫലമായി ആകെ എത്ര തുകയുടെ പ്രവൃത്തികള്‍ക്ക് കേന്ദ്ര അനുമതി ലഭ്യമായെന്ന് വിശദമാക്കുമോ?

ദേശീയപാതയോരത്തെ ഭൂമി ഉപയോഗം

*109  ശ്രീ. യു. ആര്‍. പ്രദീപ്
ശ്രീ. കെ. എന്‍. ബാലഗോപാല്‍
ശ്രീ. പി. മമ്മിക്കുട്ടി
ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  ദേശീയപാതയോരത്തെ ഭൂമി ഉപയോഗത്തിനുള്ള വിലക്ക് സംബന്ധിച്ച് സംസ്ഥാനത്തിന്റെ നിലപാട് സുപ്രീകോടതിയെ അറിയിക്കുന്നതില്‍ വീഴ്ചയുണ്ടായി എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)  ഇതര സംസ്ഥാനങ്ങളിലെ റോഡപകടങ്ങളുടെ പശ്ചാത്തലത്തില്‍ സുപ്രീംകോടതി സ്വമേധയാ എടുത്ത കേസില്‍ കക്ഷിചേരുന്നതിനു കോടതിയെ സമീപിക്കുമെന്ന് സർക്കാർ വ്യക്തമാക്കിയിട്ടുണ്ടോ; എങ്കിൽ വിഷയം പരിഗണിച്ചപ്പോള്‍ സത്യവാങ്മൂലം സമര്‍പ്പിക്കാതിരുന്നതിന്റെ കാരണം വ്യക്തമാക്കാമോ;

(സി)  സത്യവാങ്മൂലം നല്‍കാന്‍ ചീഫ് സെക്രട്ടറിയുടെ നിര്‍ദ്ദേശമുണ്ടായിട്ടും സര്‍ക്കാര്‍ നിലപാട് അഭിഭാഷകരെ അറിയിക്കാതിരുന്നതിന്റെ കാരണം വിശദമാക്കാമോ;

(ഡി)  തദ്ദേശസ്വയംഭരണ വകുപ്പ് ദേശീയപാതയോരത്തെ നിര്‍മ്മാണത്തിലിരിക്കുന്ന കെട്ടിടങ്ങളുടെ വിവരശേഖരണം ആരംഭിച്ചത് പൊതുമരാമത്ത് വകുപ്പ് അറിയാതെ പോയ സാഹചര്യവും വകുപ്പുകള്‍ തമ്മിലുള്ള ഏകോപനമില്ലായ്മയും പരിശോധിച്ചിട്ടുണ്ടോ;

(ഇ)  സംസ്ഥാനത്തെ ഉയര്‍ന്ന ജനസാന്ദ്രതയും ഭൂമിയുടെ ലഭ്യതക്കുറവും ദേശീയപാതയോരത്തെ വ്യാപാര മേഖലയുടെ സവിശേഷതകളും ശാസ്ത്രീയമായി കോടതിയെ ബോധ്യപ്പെടുത്തുന്നതില്‍ അനാസ്ഥ ഉണ്ടായിട്ടുണ്ടോ; എങ്കില്‍ ആയത് പരിഹരിക്കാന്‍ എന്ത് നടപടിയാണ് സ്വീകരിക്കുന്നതെന്ന് വ്യക്തമാക്കാമോ?

വൊക്കേഷണല്‍ ഹയര്‍ സെക്കണ്ടറി മേഖലയുടെ പരിഷ്കരണം

*110  ശ്രീ. നജീബ് കാന്തപുരം
ശ്രീ. ടി. വി. ഇബ്രാഹിം
ശ്രീ. ഫൈസൽ ബാബു
പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ വൊക്കേഷണല്‍ ഹയര്‍ സെക്കണ്ടറി മേഖല കാലാനുസൃതമായി പരിഷ്കരിക്കുന്നതിനും കൂടുതല്‍ ആകര്‍ഷകമാക്കുന്നതിനും ഉദ്ദേശിക്കുന്നുണ്ടോ; വിശദമാക്കാമോ;

(ബി)  പുതിയ കാലഘട്ടത്തിന് അനുസൃതമായ തൊഴിലധിഷ്ഠിത കോഴ്സുകള്‍ ആരംഭിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

(സി)  ഇക്കാര്യങ്ങളില്‍ പഠനം നടത്തി റിപ്പോര്‍ട്ട് സമര്‍പ്പിക്കുവാന്‍ വിദഗ്ദ്ധ സമിതിയെ നിയോഗിച്ചിട്ടുണ്ടോ; എങ്കില്‍ റിപ്പോര്‍ട്ട് എപ്പോള്‍ ലഭിക്കുമെന്നാണ് പ്രതീക്ഷിക്കുന്നത്; വിശദമാക്കാമോ?

ബി.ആർ.സി.കളുടെ പ്രവർത്തനം

*111  പ്രൊഫ. സി. രവീന്ദ്രനാഥ്
ശ്രീ. പി. മമ്മിക്കുട്ടി
ശ്രീ. യു. ആര്‍. പ്രദീപ്
ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ബി.ആർ.സി.കളിൽ (ബ്ലോക്ക് റിസോഴ്സ് സെന്റർ) ജോലി ചെയ്തുവന്നിരുന്ന കരാർ, ദിവസവേതന ജീവനക്കാരെ മുന്നറിയിപ്പില്ലാതെ പിരിച്ചുവിട്ടതായുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ;

(ബി)  പകരം സംവിധാനങ്ങൾ ഏർപ്പെടുത്താതെ ഓഫീസ് അറ്റൻഡർമാരെയും സി.ആർ.സി.സികളെയും (ക്ലസ്റ്റർ റിസോഴ്സ് സെന്റർ കോർഡിനേറ്റർ) പിരിച്ചുവിട്ടത് പാഠ്യ-പാഠ്യേതര പ്രവർത്തനങ്ങളെയും പ്രത്യേകിച്ച് പഠനത്തിൽ പിന്നാക്കം നിൽക്കുന്ന കുട്ടികൾക്ക് നൽകിവന്നിരുന്ന പ്രത്യേക പരിശീലനങ്ങളെയും സാരമായി ബാധിക്കുമെന്ന കാര്യം വിലയിരുത്തിയിട്ടുണ്ടോ;

(സി)  നിലവിലെ ജീവനക്കാരെ മാറ്റി തല്‍സ്ഥാനത്ത് ചില രാഷ്ട്രീയ പാർട്ടികളുടെ താല്പര്യപ്രകാരമുള്ളവരെ നിയമിക്കാനാണ് ഈ പിരിച്ചുവിടൽ നടത്തിയതെന്ന് പറയപ്പെടുന്നതായ ആരോപണങ്ങളെ കുറിച്ച് അന്വേഷിക്കാൻ തയ്യാറാകുമോ;

(ഡി)  നിലവിലുണ്ടായിരുന്ന ജീവനക്കാരെ തിരികെ പ്രവേശിപ്പിച്ച് ബി.ആർ.സി.കളുടെ പ്രവർത്തനം സുഗമമാക്കാൻ അടിയന്തര നടപടി സ്വീകരിക്കുമോ എന്ന് വ്യക്തമാക്കുമോ?

സ്കൂള്‍ കുട്ടികളുടെ ആരോഗ്യം

*112  ശ്രീ. സേനാപതി വേണു
ശ്രീമതി ഉമ തോമസ്
ശ്രീ. വി. ടി. സൂരജ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സ്കൂൾ വിദ്യാർത്ഥികൾക്കിടയിൽ അമിതവണ്ണം, പ്രമേഹം തുടങ്ങിയ ജീവിതശൈലീ സംബന്ധമായ ആരോഗ്യപ്രശ്നങ്ങൾ വർധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവ കുറയ്ക്കുന്നതിന് വേണ്ടി എന്തെല്ലാം നടപടികൾ ആണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)  വിദ്യാർത്ഥികളുടെ കായികക്ഷമത വർധിപ്പിക്കുന്നതിനും ജീവിത ശൈലീ രോഗങ്ങൾ തടയുന്നതിനുമായി എല്ലാ സർക്കാർ സ്കൂളുകളിലും ആവശ്യമായ കളിസ്ഥലവും കായിക ഉപകരണങ്ങളും ഉറപ്പാക്കിയിട്ടുണ്ടോയെന്ന് പരിശോധിക്കുമോ; വ്യക്തമാക്കാമോ;

(സി)  കൃത്യമായ ഇടവേളകളിൽ സർക്കാർ, എയ്ഡഡ് സ്കൂളുകളിലെ വിദ്യാർത്ഥികൾക്കായി ആരോഗ്യ പരിശോധനകൾ നടത്താറുണ്ടോ; ഇതുമായി ബന്ധപ്പെട്ട് സ്കൂളുകളിൽ ബോധവൽക്കരണ പരിപാടികൾ സംഘടിപ്പിക്കുമോ; വ്യക്തമാക്കാമോ?

ശബരിമലയിലേക്കുള്ള റോഡുകളുടെ അറ്റകുറ്റപ്പണികൾ

*113  ശ്രീ. കെ. പി. നൗഷാദ് അലി
ശ്രീ. സി. ആര്‍. മഹേഷ്
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് പൊതുമരാമത്ത് വകുപ്പ് മന്ത്രി സദയം മറുപടി നല്‍കുമോ:

(എ)  ശബരിമല മണ്ഡലകാലതീർത്ഥാടനവുമായി ബന്ധപ്പെട്ട റോഡുകളുടെ അറ്റകുറ്റപ്പണികൾ വേഗത്തിൽ പൂർത്തിയാക്കാൻ സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ;

(ബി)  തീർത്ഥാടനകാലത്ത് ശബരിമലയിലേക്കുള്ള റോഡുകളുടെ അറ്റകുറ്റപ്പണികളും റോഡ് സുരക്ഷാ പ്രവൃത്തികളും പൂർണ്ണമായി പൂർത്തിയാക്കുന്നതിനായി തുക അനുവദിച്ചിട്ടുണ്ടോയെന്ന് വ്യക്തമാക്കാമോ;

(സി)  റോഡുകളുടെ അറ്റകുറ്റപ്പണികൾക്കൊപ്പം സുരക്ഷാ ക്രമീകരണങ്ങളുടെ ഭാഗമായി ആവശ്യമായ സ്ട്രീറ്റ് ലൈറ്റുകൾ, റോഡ് മാർക്കിംഗ്, റിഫ്ലക്ടറുകൾ, റോഡ് സൈഡ് ബാരിയറുകൾ തുടങ്ങിയവ സ്ഥാപിക്കുന്നതിന് നടപടി സ്വീകരിക്കുമോ; വിശദമാക്കാമോ?

വിനോദസഞ്ചാര കേന്ദ്രങ്ങളില്‍ അടിസ്ഥാന സൗകര്യം

*114  ശ്രീ. എന്‍. കെ. അക്ബര്‍
ശ്രീ. വി. കെ. സനോജ്
ശ്രീ. ടി. എം. ശശി
ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തേക്കുള്ള വിദേശ-ആഭ്യന്തര വിനോദ സഞ്ചാരികളുടെ സന്ദർശനത്തില്‍ കുറവ് ഉണ്ടായതായി ശ്രദ്ധയില്‍പ്പെട്ടിട്ടുണ്ടോ; 2024-25 വർഷത്തില്‍ ആഭ്യന്തര-വിദേശ സഞ്ചാരികളുടെ സന്ദർശനത്തിന്റെ വിശദാംശം ലഭ്യമാക്കുമോ;

(ബി)  സുരക്ഷാ പ്രശ്നങ്ങളും മാലിന്യ സംസ്കരണത്തിലെ വീഴ്ചകളും ഇതിന് കാരണമാകുന്നതായി വിലയിരുത്തിയിട്ടുണ്ടോ; എങ്കില്‍ ഇക്കാര്യം പരിഹരിക്കുന്നതിനായി സ്വീകരിച്ചിട്ടുള്ള അടിയന്തര നടപടികള്‍ എന്തെല്ലാമാണെന്ന് വിശദമാക്കാമോ;

(സി)  വിനോദസഞ്ചാര കേന്ദ്രങ്ങളിലെ സുരക്ഷാ-മാലിന്യ പ്രശ്നങ്ങള്‍ പരിഹരിക്കുന്നതിന് നിയോഗിച്ചിരുന്ന താല്‍ക്കാലിക ജീവനക്കാരെ ഒഴിവാക്കുന്നതിന് തീരുമാനിച്ചിട്ടുണ്ടോ; എങ്കില്‍ ആവശ്യമായ ജീവനക്കാരുടെ അഭാവം മൂലം ഉണ്ടാകാനിടയുളള പ്രതിസന്ധികളെന്തൊക്കെയാണെന്ന് വിലയിരുത്തിയിട്ടുണ്ടോ; വിശദാംശം വ്യക്തമാക്കുമോ;

(ഡി)  വിനോദസഞ്ചാര കേന്ദ്രങ്ങളില്‍ അടിസ്ഥാന സൗകര്യ വികസനം ഉറപ്പുവരുത്തുന്നതിനും തകർന്ന റോഡുകള്‍, വഴിവിളക്കുകള്‍, ശുചിമുറികള്‍ എന്നിവയുടെ അപര്യാപ്തത പരിഹരിക്കുന്നതിനുമായി വകുപ്പ് എന്ത് പദ്ധതികളാണ് ആസൂത്രണം ചെയ്തിട്ടുള്ളതെന്ന് വ്യക്തമാക്കുമോ?

ഭൂപരിഷ്കരണ നയത്തിൽ മാറ്റം

*115  ശ്രീ. മുഹമ്മദ് മുഹസിന്‍
ശ്രീ. കെ. രാജന്‍
ശ്രീമതി ഗീതാ ഗോപി
ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  ഭൂപരിഷ്കരണത്തിൽ സമഗ്രമാറ്റം കൊണ്ടുവരുന്നതിനുദ്ദേശിക്കുന്നുണ്ടോ; വിശദമാക്കാമോ;

(ബി)  സംസ്ഥാനത്ത് ജന്മിത്വം ഉന്മൂലനം ചെയ്തു പാർശ്വവൽക്കരിക്കപ്പെട്ടവർക്കും പിന്നോക്ക ജനവിഭാഗങ്ങൾക്കും സ്വന്തമായി ഭൂമി ലഭ്യമാക്കിയ ഭൂപരിഷ്കരണ നയത്തിൽ എന്തെല്ലാം മാറ്റങ്ങൾ കൊണ്ടുവരുന്നതിനാണ് ഉദ്ദേശിക്കുന്നതെന്ന് വിശദമാക്കാമോ;

(സി)  ഭൂരഹിതരായ പാവപ്പെട്ടവരെ കണ്ടെത്തി അവർക്ക് ഭൂമി വിതരണം ചെയ്യുന്നതിനുവേണ്ടി മുൻ സർക്കാർ ആരംഭിച്ച പദ്ധതി തുടരാനുദ്ദേശിക്കുന്നുണ്ടോ; വിശദമാക്കാമോ?

പുതിയ ടൂറിസം ഡെസ്റ്റിനേഷനുകൾ വികസിപ്പിക്കാൻ നടപടി

*116  ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് വിനോദസഞ്ചാര - സാംസ്കാരിക വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ടൂറിസം മേഖലയുടെ വികസനത്തിനായി ഈ സർക്കാർ സ്വീകരിച്ചിട്ടുള്ള നടപടികൾ അറിയിക്കുമോ;

(ബി)  പുതിയ ടൂറിസം ഡെസ്റ്റിനേഷനുകള്‍ കണ്ടെത്തുന്നതിനും വികസിപ്പിക്കുന്നതിനും സർക്കാർ നടത്തിവരുന്ന ശ്രമങ്ങൾ വിശദമാക്കുമോ;

(സി)  അടുത്ത അഞ്ചുവർഷത്തിനുള്ളിൽ എത്ര പുതിയ ടൂറിസം ഡെസ്റ്റിനേഷനുകള്‍ വികസിപ്പിക്കാനാണ് ലക്ഷ്യമിട്ടിട്ടുള്ളതെന്നറിയിക്കുമോ;

(ഡി)  പ്രസ്തുത കേന്ദ്രങ്ങൾ കണ്ടെത്തുന്നതിൽ ടൂറിസം വ്യവസായ പങ്കാളികളുടെ സഹകരണം തേടുമോ; വ്യക്തമാക്കുമോ;

(ഇ)  കണ്ടെത്തുന്ന ഡെസ്റ്റിനേഷനുകളിലെ അടിസ്ഥാന സൗകര്യ വികസനത്തിനുള്ള പദ്ധതികൾ എന്തൊക്കെയെന്ന് വിശദമാക്കുമോ?

സ്കൂളുകളില്‍ വന്ദേമാതരം ആലപിക്കണമെന്ന നിര്‍ദ്ദേശം

*117  ശ്രീ. കെ. യു. ജനീഷ് കുമാര്‍
ശ്രീ. വി. ജോയി
ശ്രീ. കെ. പ്രേംകുമാര്‍
ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2026-ലെ സ്വാതന്ത്ര്യ ദിനാഘോഷവുമായി ബന്ധപ്പെട്ട് സ്കൂളുകളില്‍ വന്ദേമാതരം ആലപിക്കണമെന്ന നിര്‍ദ്ദേശം പൊതുവിദ്യാഭ്യാസ വകുപ്പിന് ലഭിച്ചിരുന്നോ; എങ്കില്‍ നിര്‍ദ്ദേശം നല്‍കിയതാരാണെന്നും എന്നാണെന്നും വ്യക്തമാക്കുമോ;

(ബി)  പ്രസ്തുത നിര്‍ദ്ദേശം ലോക്ഭവനില്‍ നിന്നാണ് ലഭിച്ചതെന്ന് വകുപ്പ് മന്ത്രി പൊതുവേദിയില്‍ പറഞ്ഞിരുന്നോ; എങ്കില്‍ അതിന് അടിസ്ഥാനമായ ഔദ്യോഗിക രേഖ ഏതാണെന്ന് വ്യക്തമാക്കുമോ;

(സി)  വന്ദേമാതരം ആലപിക്കണമെന്നോ പൂര്‍ണ്ണരൂപത്തില്‍ ആലപിക്കണമെന്നോ ലോക്ഭവനിൽ നിന്ന് സംസ്ഥാന സര്‍ക്കാരിനോ പൊതുവിദ്യാഭ്യാസ വകുപ്പിനോ യാതൊരു നിര്‍ദ്ദേശവും നല്‍കിയിട്ടില്ലെന്ന് ലോക്ഭവന്‍ പിന്നീട് വ്യക്തമാക്കിയതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ വകുപ്പ് മന്ത്രി പ്രസ്താവന നടത്താന്‍ ഇടയായതിന്റെ കാരണം എന്താണെന്ന് അറിയിക്കാമോ;

(ഡി)  ഇക്കാര്യത്തില്‍ കേന്ദ്ര സാംസ്കാരിക മന്ത്രാലയം /കേന്ദ്ര സര്‍ക്കാര്‍ നല്‍കിയ നിര്‍ദ്ദേശം എന്തായിരുന്നു; സംസ്ഥാന സര്‍ക്കാര്‍ പുറപ്പെടുവിച്ച സര്‍ക്കുലറില്‍ അതില്‍ നിന്ന് വ്യത്യസ്തമായ എന്തെങ്കിലും നിര്‍ദ്ദേശം ഉള്‍പ്പെടുത്തിയിരുന്നോ; വിശദമാക്കാമോ;

(ഇ)  2026 ആഗസ്റ്റ് 6-ന് ചീഫ് സെക്രട്ടറി പുറത്തിറക്കിയ സര്‍ക്കുലറില്‍ വന്ദേമാതരം ആലപിക്കുന്നതുമായി ബന്ധപ്പെട്ട് നല്‍കിയ നിര്‍ദ്ദേശം പിന്നീട് തിരുത്തുകയോ പിന്‍വലിക്കുകയോ ചെയ്തിട്ടുണ്ടോ; എങ്കില്‍ അതിന്റെ തീയതിയും കാരണവും വ്യക്തമാക്കുമോ; 2026 ആഗസ്റ്റ് 14 -ന് പുറത്തിറക്കിയ, വകുപ്പിന്റെ പുതിയ സര്‍ക്കുലറില്‍ സ്കൂളുകളില്‍ വന്ദേമാതരം നിര്‍ബന്ധമാക്കിയിട്ടുണ്ടോ; വ്യക്തമാക്കാമോ;

(എഫ്)  വന്ദേമാതരം ആലപിക്കുന്നതുമായി ബന്ധപ്പെട്ട തെറ്റായ വിവരത്തിന്റെ അടിസ്ഥാനത്തില്‍ ഏതെങ്കിലും സര്‍ക്കുലര്‍/നിര്‍ദ്ദേശം പുറത്തിറങ്ങിയതായി കണ്ടെത്തിയിട്ടുണ്ടോ; ഉണ്ടെങ്കില്‍ ഉത്തരവാദികളായ ഉദ്യോഗസ്ഥരെ കണ്ടെത്തി നടപടി സ്വീകരിച്ചിട്ടുണ്ടോ?

ആഡംബര നികുതി

*118  ശ്രീ. എ. ഡി. തോമസ്
ശ്രീ. ടി. ജെ. വിനോദ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  278.7ചതുരശ്ര മീറ്ററിന് (3000 സ്ക്വയർ ഫീറ്റ്) മുകളിൽ വിസ്തീർണ്ണമുള്ള വീടുകൾക്ക് പ്രതിവർഷം റവന്യൂ വകുപ്പ് ഈടാക്കുന്ന ആഡംബര നികുതി, വീട് നിർമ്മിച്ച് പതിനഞ്ച് വർഷത്തിലേറെ കഴിഞ്ഞിട്ടും യാതൊരു ഇളവുമില്ലാതെ തുടരുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

(ബി)  വർഷങ്ങൾക്ക് മുൻപ് വിദേശത്ത് ജോലി ഉണ്ടായിരുന്ന സമയത്ത് നിർമ്മിച്ച ഇത്തരം വലിയ വീടുകളുടെ ഉടമകളായ പ്രവാസി മലയാളികളിൽ പലരും നിലവിൽ ജോലി നഷ്ടപ്പെട്ടും മറ്റും വലിയ സാമ്പത്തിക ബുദ്ധിമുട്ടുകൾ നേരിടുന്ന സാഹചര്യത്തിൽ പ്രസ്തുത നികുതിഭാരം കുറയ്ക്കാനാകുമോ എന്ന് പരിശോധിക്കുമോ;

(സി)  പതിനഞ്ച് വർഷം പഴക്കമുള്ള ഒരു വീടിനെ ഇപ്പോഴും ആഡംബര പട്ടികയിൽ ഉൾപ്പെടുത്തി നികുതി ഈടാക്കുന്നത് അശാസ്ത്രീയമായതിനാൽ ഇത്തരം വീടുകളെ അവയുടെ പഴക്കം പരിഗണിച്ച് ആഡംബര നികുതിയിൽ നിന്ന് പൂർണ്ണമായി ഒഴിവാക്കാനോ അല്ലെങ്കിൽ നികുതി ഈടാക്കുന്നതിന് പത്ത് അല്ലെങ്കിൽ പതിനഞ്ച് വർഷം എന്നൊരു കാലപരിധി നിശ്ചയിക്കാനോ തയ്യാറാകുമോ; വിശദമാക്കുമോ?

ഭൂമി തരം മാറ്റം

*119  ശ്രീ. പി. പ്രസാദ്
ശ്രീ. കെ. കെ. വത്സരാജ്
ശ്രീമതി ഗീതാ ഗോപി
ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് റവന്യൂ വകുപ്പ് മന്ത്രി സദയം മറുപടി നല്‍കുമോ:

(എ)  നിയമവിധേയമായി ഭൂമിതരംമാറ്റം ചെയ്യുന്നതിന് വേണ്ടി സമർപ്പിച്ചിട്ടുള്ള അപേക്ഷകൾ തീർപ്പു കൽപ്പിക്കുന്നതിന് കാലതാമസം നേരിടുന്നതായുള്ള വാർത്തകൾ ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

(ബി)  ഭൂമി തരം മാറ്റി ലഭിക്കുന്നതിനുവേണ്ടി സമർപ്പിച്ച അപേക്ഷകൾ മുൻ സർക്കാരിന്റെ കാലത്ത് കാര്യക്ഷമമായ രീതിയിൽ കൈകാര്യം ചെയ്തിരുന്ന സാഹചര്യം വിലയിരുത്തിയിട്ടുണ്ടോ; വിശദീകരിക്കുമോ;

(സി)  ഡിജിറ്റൽ സർവ്വേ പൂർത്തീകരിച്ച വില്ലേജുകളിലെ ഭൂമിതരം മാറ്റി ലഭിക്കുന്നതിനുവേണ്ടി സമർപ്പിച്ച അപേക്ഷകളിന്മേൽ വേഗത്തിൽ തീർപ്പു കൽപ്പിക്കാൻ കഴിയാത്ത സാഹചര്യം നിലവിലുണ്ടോ; വിശദീകരിക്കുമോ?

വിദ്യാലയങ്ങൾ ഭിന്നശേഷി സൗഹൃദമാക്കാൻ നടപടി

*120  ശ്രീ. വി. എസ്. ജോയി
ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് പൊതുവിദ്യാഭ്യാസ-ന്യൂനപക്ഷ ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പൊതുവിദ്യാലയങ്ങൾ കൂടുതൽ ഭിന്നശേഷി സൗഹൃദമാക്കാനുള്ള നയരേഖയുടെ കരട് പ്രസിദ്ധീകരിച്ചിട്ടുണ്ടോ; വിശദമാക്കുമോ;

(ബി)  പാഠ്യേതര പ്രവർത്തനങ്ങളില്‍ അടക്കം ഭിന്നശേഷി കുട്ടികളുടെ തുല്യപങ്കാളിത്തം ഉറപ്പാക്കാനും പുതിയ സ്കൂൾ കെട്ടിടങ്ങൾ ഭിന്നശേഷി സൗഹൃദമാക്കാനും സ്കൂളുകളിലെ അടിസ്ഥാന സൗകര്യങ്ങൾ ഭിന്നശേഷിക്കാർക്കും ഉപയോഗിക്കാൻ കഴിയുന്ന രീതിയിൽ പരിഷ്കരിക്കാനും നടപടി സ്വീകരിക്കുമോ; വ്യക്തമാക്കുമോ;

(സി)  ഭിന്നശേഷി കുട്ടികളുടെ പഠന നിലവാരം സംരക്ഷിച്ചും അവരുടെ താല്പര്യങ്ങൾ അനുസരിച്ചുമുള്ള പഠന പിന്തുണ ഉറപ്പാക്കാൻ ഒന്നു മുതൽ പത്ത് വരെ ക്ലാസ്സുകളെ ലെവൽ 1, 2, 3 എന്നിങ്ങനെ തരം തിരിക്കാൻ തീരുമാനിച്ചിട്ടുണ്ടോ; വിശദമാക്കുമോ?