പൊതുമരാമത്ത് വകുപ്പിലെ റോഡ്സ് വിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർ, അസിസ്റ്റന്റ് എഞ്ചിനീയർ, ഓവർസിയർമാർ തുടങ്ങിയവർക്ക് സ്ഥല പരിശോധനയ്ക്കായി വാഹന സൗകര്യം ഇല്ല എന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

റോഡ്സ് വിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയർമാരുടെ അധികാര പരിധിക്ക് കീഴിൽ നാലിലധികം നിയമസഭാ മണ്ഡലങ്ങളും 400 കിലോമീറ്ററിലധികം റോഡ് പരിപാലന ചുമതലയും ഉള്ളതിനാൽ വാഹന സൗകര്യം ഏർപ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കാമോ;

തദ്ദേശസ്ഥാപനങ്ങളിലെ എഞ്ചിനീയർമാർക്ക് അനുവദിച്ചത് പോലെ വാടക അടിസ്ഥാനത്തിൽ വാഹനം ലഭ്യമാക്കുന്നതിന് നടപടി സ്വീകരിക്കുമോ; വിശദമാക്കാമോ?

തൃപ്പൂണിത്തുറ എസ്.എന്‍. ജംഗ്ഷൻ-പൂത്തോട്ട റോഡ് നാലു വരിയാക്കാൻ പദ്ധതിയുണ്ടോ; എങ്കിൽ പ്രസ്തുത പദ്ധതി ഏത് ഘട്ടത്തിലാണെന്ന് വ്യക്തമാക്കാമോ;

ഈ പദ്ധതിക്കായി മുൻ നിശ്ചയിച്ചതിനേക്കാൾ കൂടുതൽ സ്ഥലം ഏറ്റെടുക്കാൻ തീരുമാനിച്ചിട്ടുണ്ടോ; ഉണ്ടെങ്കിൽ എത്ര സ്ഥലമാണ് ഇപ്രകാരം ഏറ്റെടുക്കാൻ നിശ്ചയിച്ചതെന്ന് അറിയിക്കാമോ;

പ്രസ്തുത പദ്ധതിക്കായി സ്ഥലം ഏറ്റെടുക്കുന്നതിനും മറ്റും കിഫ്ബിയിൽ നിന്നും ഫണ്ട് ലഭിച്ചിട്ടുണ്ടോ; ഉണ്ടെങ്കിൽ ലഭിച്ച തുക എത്രയാണെന്ന് വ്യക്തമാക്കാമോ;

സർവ്വേയർമാരുടെ അഭാവം നിമിത്തം പ്രസ്തുത പദ്ധതിക്കായി സർവ്വേ നടപടികൾ പൂർത്തീകരിക്കുന്നതിന് തടസ്സമായിട്ടുണ്ടോ; കൂടുതൽ സർവ്വേയർമാരെ നിയമിക്കുവാൻ വേണ്ട നടപടികൾ സ്വീകരിക്കുമോ;

എന്നത്തേക്ക് പ്രസ്തുത പദ്ധതി ആരംഭിക്കാൻ സാധിക്കുമെന്നും എന്നത്തേക്ക് പദ്ധതി പൂർത്തിയാക്കുവാൻ സാധിക്കുമെന്നും വ്യക്തമാക്കാമോ?

നിയോജക മണ്ഡലങ്ങളില്‍ പൊതുമരാമത്ത് വകുപ്പിന്റെ നേതൃത്വത്തില്‍ കോണ്‍സ്റ്റിറ്റ്യുന്‍സി മോണിട്ടറിംഗ് ടീം (സി. എം. ടി.) പ്രതിമാസം യോഗം ചേരണമെന്ന് നിഷ്കര്‍ഷിച്ചിട്ടുണ്ടോ; വിശദാംശം നല്‍കാമോ;

സി. എം. ടി. നോഡല്‍ ഓഫീസറുടെ ചുമതലകള്‍ എന്തെല്ലാമാണെന്ന് വ്യക്തമാക്കാമോ;

സി. എം. ടി. യോഗങ്ങള്‍ എടുക്കുന്ന തീരുമാനങ്ങള്‍ നടപ്പിലാക്കാറുണ്ടോ; മണലൂര്‍ നിയോജക മണ്ഡലത്തില്‍ കഴിഞ്ഞ ഒരു വര്‍ഷം ചേര്‍ന്ന യോഗങ്ങളുടെ മിനിട്സ് ലഭ്യമാക്കാമോ;

പ്രസ്തുത കാലയളവില്‍ ചേര്‍ന്ന യോഗങ്ങളിലെ തീരുമാനങ്ങളില്‍ ഏതെല്ലാമാണ് ഇതുവരെ നടപ്പിലാക്കിയത് എന്ന് അറിയിക്കാമോ;

പ്രസ്തുത കാലയളവില്‍ ചേര്‍ന്ന യോഗങ്ങളിലെ തീരുമാനങ്ങളില്‍ ഇതുവരെ നടപ്പിലാക്കാത്തവ ഏതെല്ലാമാണ്; അവ നടപ്പിലാക്കാത്തത് എന്തുകൊണ്ടാണ്; വിശദാംശം ലഭ്യമാക്കുമോ?

പുതിയ കാലഘട്ടത്തിനനുസരിച്ചുള്ള പുതിയ നിര്‍മ്മിതികള്‍ക്കായി ഡി.പി.ആര്‍., ഡിസെെന്‍ എന്നിവയ്ക്ക് വലിയ കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ;

ഈ കാലതാമസം ഒഴിവാക്കുന്നതിനായി ഡിസെെന്‍ വിംഗിനെ കൂടുതല്‍ കാര്യക്ഷമമാക്കുന്നതിനും ജില്ലാ തലത്തില്‍ പൊതുമരാമത്ത് ഡിസെെന്‍ വിഭാഗം പ്രവര്‍ത്തിപ്പിക്കുന്നതിനും ആവശ്യമായ നടപടികള്‍ സ്വീകരിക്കുമോ;

നിലവിലെ കാലതാമസം ഒഴിവാക്കുന്നതിനായി എഞ്ചിനീയറിംഗ് കോളേജ് ഉള്‍പ്പെടെയുള്ള സ്ഥാപനങ്ങളുടെ സഹായം തേടുന്നതില്‍ എന്തെങ്കിലും തടസ്സങ്ങള്‍ ഉണ്ടോ; വ്യക്തമാക്കാമോ;

ഇത്തരത്തില്‍ ഡിസെെന്‍ തയ്യാറാക്കിയ വകുപ്പ് ഉദ്യോഗസ്ഥരോട് വിശദീകരണം തേടിയതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ?

സംസ്ഥാനത്ത് പൊതുമരാമത്ത് പ്രവൃത്തികൾക്ക് നിലവിൽ സിവിൽ, ഇലക്ട്രിക്കൽ, ബിൽഡിംഗ്സ് , റോഡ്സ് എന്നീ വിഭാഗങ്ങളിലായി എത്ര കരാറുകാരുണ്ട്; ജില്ലതിരിച്ചുള്ള കണക്കുകൾ ലഭ്യമാക്കാമോ;

പ്രസ്തുത കരാറുകാരിൽ എത്ര വനിതകൾ ഉണ്ട്; വനിതകളുടെ എണ്ണം സംബന്ധിച്ച കണക്കുകൾ ജില്ലതിരിച്ച് ലഭ്യമാക്കാമോ;

പ്രസ്തുത കരാറുകാരിൽ എത്രപേർ പട്ടികജാതി/പട്ടികവർഗ്ഗ/പിന്നാക്ക വിഭാഗത്തിൽ നിന്ന് ഉണ്ടെന്നതിന്റെ ജില്ലതിരിച്ചുള്ള കണക്കുകൾ ലഭ്യമാക്കാമോ;

നിലവിൽ പൊതുമരാമത്ത് കരാര്‍ പ്രവൃത്തിയിൽ ഏർപ്പെടുന്നതിന് ആവശ്യമായ യോഗ്യതകളും നിബന്ധനകളും സംബന്ധിച്ച സർക്കാർ ഉത്തരവുകളുടെ പകർപ്പുകൾ ലഭ്യമാക്കാമോ;

പൊതുമരാമത്ത് ജോലികളുടെ കരാർ ലൈസൻസ് ലഭിക്കുവാൻ പട്ടികജാതി/ പട്ടികവർഗ്ഗ/പിന്നാക്ക വിഭാഗത്തിൽപ്പെട്ടവര്‍ക്ക് എന്തെങ്കിലും ഇളവുകൾ ഉണ്ടെങ്കിൽ ആയത് വ്യക്തമാക്കാമോ?

പൊതുമരാമത്ത് വകുപ്പ് ഇടുക്കി സ്പെഷ്യൽ ബിൽഡിംഗ് സെക്ഷൻ നമ്പർ 1 കാര്യാലയത്തിൽ പാർട്ട് ടൈം സ്വീപ്പർ തസ്തികയിൽ സേവനമനുഷ്ഠിക്കവെ നിര്യാതനായ മീരാൻ പി. ടി. യുടെ മകൾ കുമാരി ബിസ്മി ടി. എം. ന് സമാശ്വാസ തൊഴിൽദാന പദ്ധതി പ്രകാരം എന്ന് നിയമനം നൽകാനാകുമെന്ന് വ്യക്തമാക്കാമോ?

മുന്‍ സർക്കാരിന്റെ കാലം മുതൽ നാളിതുവരെ ഏറ്റവും കൂടുതൽ പൊതുമരാമത്ത് ജോലികൾ ഏൽപ്പിച്ചു നൽകിയിട്ടുള്ള രണ്ട് അക്രഡിറ്റഡ് ഏജൻസികൾ ഏതാണ്; എത്ര കോടി രൂപയുടെ പ്രവൃത്തികളാണ് നാളിതുവരെ പ്രസ്തുത ഏജൻസികൾക്ക് ഏൽപ്പിച്ചു നൽകിയിട്ടുള്ളത്; വിശദമാക്കുമോ;

ഇതിൽ ടെൻഡർ നടപടിക്രമം ഒഴിവാക്കി നൽകിയിട്ടുള്ള പ്രവൃത്തികൾ എത്ര കോടി രൂപയുടേതാണ് എന്ന് വിശദമാക്കുമോ?

ഈ സർക്കാർ അധികാരത്തില്‍ വന്നശേഷം ഒറ്റപ്പാലം മണ്ഡലത്തില്‍ പൊതുമരാമത്ത് വകുപ്പ് മുഖേന നടപ്പിലാക്കിയ പ്രവൃത്തികള്‍, അതിനായി അനുവദിച്ച തുക, പ്രവൃത്തികളുടെ നിലവിലെ സ്ഥിതി എന്നിവ വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം കോങ്ങാട് മണ്ഡലത്തിൽ പൊതുമരാമത്ത് വകുപ്പ് അനുവദിച്ച പ്രവൃത്തികളുടെ വിശദാംശവും പുരോഗതി വിവരവും ലഭ്യമാക്കാമോ?

വിവിധ ജില്ലകളിൽ റോഡ് നിർമ്മാണത്തിനും പരിപാലനത്തിനുമായി വകയിരുത്തിയ ഫണ്ടുകൾ സാങ്കേതികാനുമതി വൈകുന്നതിനെ തുടർന്ന് തടസ്സപ്പെടുന്നു എന്ന ആരോപണത്തിന്റെ നിജസ്ഥിതി വ്യക്തമാക്കുമോ; സാങ്കേതിക അനുമതി നൽകുന്നതിൽ കാലതാമസം നേരിടുന്നതിന്റെ കാരണം വ്യക്തമാക്കുമോ;

റോഡുകളുടെ ശോചനീയാവസ്ഥ പരിഹരിക്കുന്നതിനായി സാങ്കേതിക അനുമതി ഉൾപ്പെടെയുള്ള നടപടിക്രമങ്ങൾ വേഗത്തിൽ പൂർത്തീകരിച്ച് ഫണ്ട് കൈമാറുന്നതിന് അടിയന്തര നടപടികൾ സ്വീകരിക്കുമോ; വ്യക്തമാക്കുമോ?

പൂഞ്ഞാര്‍ മണ്ഡലത്തിലെ ഈരാറ്റുപേട്ട ബൈപാസ് നിർമ്മാണവുമായി ബന്ധപ്പെട്ട ഭൂമിയേറ്റെടുക്കൽ നടപടികളുടെ നിലവിലെ സ്ഥിതി വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം കുന്നത്തുനാട് മണ്ഡലത്തില്‍ പൊതുമരാമത്ത് വകുപ്പ് വഴി നടപ്പിലാക്കിയിട്ടുള്ള പ്രവൃത്തികള്‍ ഏതെല്ലാമെന്ന് പൊതുമരാമത്ത് വിഭാഗങ്ങളുടെ ഇനം തിരിച്ച് വ്യക്തമാക്കാമോ;

ഓരോ പ്രവൃത്തിക്കും അനുവദിച്ചിട്ടുള്ള തുക എത്രയെന്ന് വ്യക്തമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ?

2021 മുതല്‍ നാളിതുവരെ തൊടുപുഴ മണ്ഡലത്തിലെ ഏതെങ്കിലും റോഡ് നിര്‍മ്മാണ പ്രവൃത്തികള്‍ നബാര്‍ഡ്, സെന്‍ട്രല്‍ റോഡ് ഫണ്ട്, ശബരിമല പാക്കേജുകളില്‍ ഉള്‍പ്പെടുത്തിയിട്ടുണ്ടോ; വ്യക്തമാക്കാമോ;

തൊടുപുഴ മണ്ഡലത്തില്‍ 2021 നുശേഷം ബജറ്റില്‍ 20 ശതമാനം ടോക്കണ്‍ പ്രൊവിഷനില്‍ ഉള്‍പ്പെടുത്തി ഭരണാനുമതി നല്‍കിയ പൊതുമരാമത്ത് പ്രവൃത്തികള്‍ ഏതെല്ലാമാണ്; ഇതില്‍ പൂര്‍ത്തീകരിച്ചത് ഏതൊക്കെയാണ്; വിശദാംശം ലഭ്യമാക്കാമോ;

റണ്ണിംഗ് കോണ്‍ട്രാക്ട് അടിസ്ഥാനത്തില്‍ റോഡുകളുടെ പരിപാലനത്തിന് എത്ര തുക അനുവദിച്ചിട്ടുണ്ട്; ഏതൊക്കെ റോഡുകള്‍ക്കാണ് ഇത് അനുവദിച്ചിട്ടുള്ളതെന്ന് വ്യക്തമാക്കാമോ?

ആറ്റിങ്ങല്‍ നിയോജക മണ്ഡലത്തിലെ ചെറുന്നിയൂര്‍ ഗ്രാമപഞ്ചായത്ത് പരിധിയില്‍പ്പെടുന്ന കാറാത്തലയിലെ കള്‍വെര്‍ട്ട് അപകടാവസ്ഥയിലാണെന്നത് സർക്കാറിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ അതിന്മേൽ സ്വീകരിച്ച പരിഹാര നടപടികള്‍ വിശദമാക്കാമോ?

നാട്ടിക മണ്ഡലത്തിലെ പെരിങ്ങോട്ടുകര - അന്തിക്കാട് - കാഞ്ഞാണി റോഡ് വർഷങ്ങളായി തകർന്ന് കിടക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത റോഡ് നവീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

പ്രസ്തുത റോഡിന്റെ പ്രവൃത്തി എന്ന് പൂർത്തീകരിക്കാൻ സാധിക്കുമെന്ന് വ്യക്തമാക്കാമോ;

പ്രസ്തുത റോഡിന്റെ നിർമ്മാണത്തോടൊപ്പം അവിടെ ആവശ്യമായ സ്ഥലങ്ങളിൽ കാന, കള്‍വെർട്ട് എന്നിവയുടെ നിർമ്മാണം നടത്തുന്നുണ്ടോ; എങ്കിൽ ഏതൊക്കെ സ്ഥലങ്ങളിലാണെന്ന് വിശദമാക്കാമോ?

ആലത്തൂര്‍ മണ്ഡലത്തില്‍ പൊതുമരാമത്ത് കെട്ടിടവിഭാഗം മുഖേന നടപ്പിലാക്കുന്ന പ്രവൃത്തികളുടെ വിശദാംശം ലഭ്യമാക്കാമോ;

കെട്ടിട വിഭാഗം മുഖേന നിര്‍മ്മാണത്തിലുള്ള പ്രവൃത്തികള്‍ക്ക് ചെലവഴിക്കുന്ന തുകയുടേയും അവ പൂര്‍ത്തീകരിക്കാനെടുക്കുന്ന സമയത്തിന്റേയും വിശദവിവരം ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം തിരുവനന്തപുരം മണ്ഡലത്തില്‍ പൊതുമരാമത്ത് മെയിന്റനന്‍സ് വിഭാഗം മുഖേന നടത്തിയ പ്രവൃത്തികളുടെ വിശദാംശം നല്‍കാമോ;

ഇപ്പോള്‍ നടന്നു വരുന്ന പ്രവൃത്തികള്‍ ഏതൊക്കെയാണെന്നും അവയുടെ തല്‍സ്ഥിതിയും വിശദമാക്കാമോ;

ഭരണാനുമതി ലഭ്യമാക്കുന്നതിനുള്ള പ്രൊപ്പോസലുകളുണ്ടെങ്കില്‍ അവയുടെ നിലവിലെ സ്ഥിതി വിശദമാക്കാമോ?

സംസ്ഥാനത്ത് പി‌.ഡബ്ല്യു‌.ഡി. പുറമ്പോക്ക് ഭൂമി അന്യാധീനപ്പെട്ട് കിടക്കുന്നതായും കയ്യേറ്റങ്ങള്‍ നടക്കുന്നതായുമുളള വസ്തുത ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

ഇത്തരം ഭൂമി നിബന്ധനകള്‍ക്ക് വിധേയമായി പ്രസ്തുത വിഭാഗത്തില്‍ നിന്നുള്ളവരുടെ പഞ്ചായത്തുകളുടെ വിവിധങ്ങളായ പദ്ധതികള്‍ക്ക് അനുവദിക്കുവാൻ ആവശ്യപ്പെട്ട് അപേക്ഷകള്‍ ലഭിച്ചിരുന്നോ; എങ്കില്‍ ജില്ല തിരിച്ച് വിശദാംശം നല്‍കാമോ;

എം‌.എല്‍‌.എ. മാർ, എം‌.പി. മാർ എന്നിവരുടെ വിവിധങ്ങളായ ഫണ്ടുകള്‍ ഉപയോഗിച്ച് വിവിധ ക്ഷേമ പദ്ധതികള്‍, ടൂറിസം വികസന പദ്ധതികള്‍ ഇവ ആരംഭിക്കുന്നതിന് പ്രസ്തുത ഭൂമി വിട്ടുനല്‍കുന്നതിനുള്ള നടപടി ക്രമങ്ങള്‍ എന്തെല്ലാമാണെന്ന് അറിയിക്കുമോ; ഇത്തരത്തില്‍ ഏതെല്ലാം മണ്ഡലങ്ങളില്‍ ഭൂമി വിട്ടു നല്കിയിട്ടുണ്ടെന്ന് വ്യക്തമാക്കാമോ;

ഓപ്പണ്‍ ജിം പോലുള്ള ജനങ്ങളുടെ ആരോഗ്യത്തിനും ഉല്ലാസത്തിനും വേണ്ടിയുള്ള പദ്ധതികൾക്കും വയോജന പാര്‍ക്കുകള്‍ സ്ഥാപിക്കുന്നതിനും പ്രസ്തുത ഭൂമി വിട്ടുനല്‍കാറുണ്ടോയെന്ന് വ്യക്തമാക്കാമോ;

ഏറനാട് മണ്ഡലത്തിലെ കീഴുപറമ്പ് പഞ്ചായത്തില്‍ വയോജന പാര്‍ക്ക് സ്ഥാപിക്കുന്നതിന് പ്രസ്തുത ഭൂമി നിബന്ധനകള്‍ക്ക് വിധേയമായി വിട്ടുനല്‍കണമെന്നാവശ്യപ്പെട്ട് സമര്‍പ്പിച്ച അപേക്ഷയിന്മേൽ ജി3/217/2023/പി‌.ഡബ്ല്യു‌.ഡി. നമ്പര്‍ ഫയലിന്മേൽ സ്വീകരിച്ച നടപടികള്‍ എന്തെല്ലാമാണെന്നും ഇക്കാര്യത്തില്‍ പി‌.ഡബ്ല്യു‌.ഡി. എക്സിക്യൂട്ടീവ് എഞ്ചിനീയര്‍ മലപ്പുറം, ചീഫ് എഞ്ചിനീയര്‍ എന്നിവരുടെ റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ;

പ്രസ്തുത ആവശ്യത്തിന് അനുമതി നല്‍കിയിട്ടുണ്ടോയെന്നും ഇല്ലെങ്കില്‍ എന്താണ് തടസ്സമെന്നും നിബന്ധനകള്‍ക്ക് വിധേയമായി അനുമതി നല്‍കുന്ന കാര്യം പരിഗണിക്കുമോയെന്നും വ്യക്തമാക്കാമോ?

തൃപ്പൂണിത്തുറ നിയോജകമണ്ഡലത്തിലുൾപ്പെടുന്ന കുണ്ടന്നൂർ ജംഗ്ഷൻ വികസന പദ്ധതിക്കായി പ്രതീക്ഷിക്കുന്ന ചെലവ് എത്രയാണെന്നും; അതിനായി എത്ര രൂപ വകയിരുത്തിയിട്ടുണ്ടെന്നും വ്യക്തമാക്കാമോ;

പ്രസ്തത പദ്ധതിക്കായുള്ള ഭൂമി ഏറ്റെടുക്കൽ നടപടി ഏത് ഘട്ടത്തിലാണെന്നും; പ്രസ്തുത പദ്ധതി എന്നത്തേക്ക് ആരംഭിച്ച് എന്നത്തേക്ക് പൂർത്തീകരിക്കാൻ സാധിക്കുമെന്നും വ്യക്തമാക്കാമോ?

പൊതുമരാമത്ത് വകുപ്പിലെ ടെണ്ടറുകള്‍ ഇ-ടെണ്ടര്‍ സംവിധാനത്തിലേക്ക് മാറിയതിലൂടെ എന്തൊക്കെ ഗുണങ്ങളാണ് സര്‍ക്കാരിനും പൊതുജനങ്ങള്‍ക്കും ലഭ്യമായിക്കൊണ്ടിരിക്കുന്നതെന്ന് വ്യക്തമാക്കുമോ;

ഇ-ടെണ്ടര്‍ ഓപ്പണ്‍ ചെയ്യുന്നതിനും അതിനുശേഷമുള്ള നടപടികള്‍ പൂര്‍ത്തീകരിക്കുന്നതിനുമുള്ള നടപടിക്രമങ്ങള്‍ എന്തൊക്കെയാണെന്ന് വിശദമാക്കുമോ;

ഇ-ടെണ്ടര്‍ പ്രകാരം ക്ലോസിംഗ് തീയതിക്ക് ശേഷം ഓപ്പണ്‍ തീയതിയില്‍ ടെണ്ടര്‍ ലഭിച്ചത് ആര്‍ക്കാണെന്ന് അറിയുന്നതിന് തടസ്സങ്ങളുണ്ടോയെന്ന് വിശദമാക്കുമോ;

നടപടിക്രമങ്ങള്‍ ലഘൂകരിക്കാനും പരാതിരഹിതമാക്കാനും പര്യാപ്തമായ ഇ-ടെണ്ടര്‍ നടപടികള്‍ പ്രകാരം ഓപ്പണ്‍ തീയതിക്ക് ശേഷവും ടെണ്ടര്‍ ലഭിച്ചത് ആര്‍ക്കാണ് എന്നറിയാന്‍ കാത്തിരിക്കേണ്ടിവരുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

അത്തരം പരാതികള്‍ പരിഹരിക്കുന്നതിന് നടപടികള്‍ സ്വീകരിക്കുമോയെന്ന് അറിയിക്കാമോ?

വള്ളിക്കുന്ന് മണ്ഡലത്തിലെ കോഹിന്നൂര്‍ പുത്തൂര്‍ പള്ളിക്കല്‍ കുമ്മിണിപ്പറമ്പ് തറയിത്തല്‍ എയര്‍പോര്‍ട്ട്‌ റോഡ്‌ നവീകരണവുമായി ബന്ധപ്പെട്ട പ്രൊപ്പോസല്‍ ലഭ്യമായിട്ടുണ്ടോ; വിശദമാക്കാമോ;

പ്രസ്തുത പ്രവൃത്തിക്ക് ഭരണാനുമതി നല്‍കുന്നതുമായി ബന്ധപ്പെട്ട് സ്വീകരിച്ചു വരുന്ന നടപടികള്‍ എന്തെല്ലാമാണ് എന്ന് വ്യക്തമാക്കാമോ?

തൊടുപുഴ റിവര്‍വ്യൂ (വെങ്ങല്ലൂര്‍-പാപ്പൂട്ടി ഹാള്‍) റോഡിന്റെ പ്രവേശന കവാടത്തെ ഭൂമി ഏറ്റെടുക്കുന്നതിന് പൊതുമരാമത്ത് വകുപ്പ് തുക അനുവദിച്ചിട്ടുണ്ടോ; ഇക്കാര്യത്തില്‍ സ്വീകരിച്ച നടപടി വിശദമാക്കാമോ;

ഈ റോഡ് വികസനത്തിനായി പൊതുമരാമത്ത് വകുപ്പ് ഏറ്റെടുത്ത മുഴുവന്‍ ഭൂമിയും റോഡ് വികസനത്തിനായി ഉള്‍പ്പെടുത്താന്‍ നടപടി സ്വീകരിക്കുമോ;

റിവര്‍വ്യൂ റോഡിന്റെ മുഴുവന്‍ നിര്‍മ്മാണ പ്രവൃത്തിയും അടിയന്തരമായി പൂര്‍ത്തിയാക്കാന്‍ നടപടി സ്വീകരിക്കുമോ?

കൊച്ചി നഗരസഭ പ്രദേശത്തെ കുമ്പളങ്ങി-പെരുമ്പടപ്പ് റോഡ് വികസിപ്പിക്കാൻ പദ്ധതി ആവിഷ്കരിച്ചിട്ടുണ്ടോ; ഉണ്ടെങ്കിൽ പ്രസ്തുത പദ്ധതിയുടെ വിശദാംശം ലഭ്യമാക്കാമോ;

പ്രസ്തുത പദ്ധതിക്കായി എത്ര രൂപ വകയിരുത്തിയിട്ടുണ്ടെന്നും; പദ്ധതിക്കായി ഭൂമി ഏറ്റെടുക്കേണ്ടി വരുമോയെന്നും; എങ്കിൽ എത്ര ഭൂമിയാണ് ഏറ്റെടുക്കേണ്ടി വരുന്നതെന്നും വ്യക്തമാക്കാമോ;

ഈ പദ്ധതി എന്നത്തേക്ക് ആരംഭിക്കാനും എന്നത്തേക്ക് പൂർത്തീകരിക്കാനും സാധിക്കുമെന്ന് വ്യക്തമാക്കാമോ?

തരൂര്‍ നിയോജക മണ്ഡലത്തില്‍ 2025-26 വര്‍ഷത്തെ ബജറ്റില്‍ ഉള്‍പ്പെടുത്തിയ കഴനി-പഴമ്പാലക്കോട് റോഡിന്റെ പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

കാസർഗോഡ് ജില്ലയിൽ കഴിഞ്ഞ ഒൻപത് വർഷം പുതിയ റോഡുകൾ പണിയുന്നതിന് അനുവദിച്ച തുകയുടെ കണക്ക് റോഡും മണ്ഡലവും തിരിച്ച് വ്യക്തമാക്കാമോ;

നിർമ്മാണം പൂർത്തിയായതും പൂർത്തീകരിക്കാൻ ബാക്കിയുളളതും പ്രവൃത്തി തീരെ ആരംഭിക്കാത്തതുമായ റോഡുകൾ ഏതൊക്കെയാണെന്ന് മണ്ഡലം തിരിച്ച് വ്യക്തമാക്കാമോ;

കഴിഞ്ഞ ഒൻപത് വർഷം കാസർഗോഡ് ജില്ലയിൽ പൊതുമരാമത്ത് റോഡുകളുടെ അറ്റകുറ്റപണിക്ക് അനുവദിച്ച തുക മണ്ഡലവും റോഡും തിരിച്ച് വ്യക്തമാക്കാമോ;

അറ്റകുറ്റപ്പണികൾക്ക് ഫണ്ട് ലഭിക്കാത്തതുകൊണ്ട് ഏതൊക്കെ റോഡുകളാണ് കാസർഗോഡ് ജില്ലയിൽ ശോചനീയാവസ്ഥയിൽ ഉള്ളതെന്ന് മണ്ഡലവും റോഡും തിരിച്ച് വ്യക്തമാക്കാമോ?

ആനക്കാംപൊയിൽ-കള്ളാടി-മേപ്പാടി ഇരട്ട തുരങ്കപാതയുടെ നിർമ്മാണം സംബന്ധിച്ച് 2024 മേയ് 25-ന് സംസ്ഥാനതല വിദഗ്ധസമിതി പദ്ധതി പ്രദേശം സന്ദർശിച്ചതിന്റെ അടിസ്ഥാനത്തിൽ സർക്കാരിന് സമർപ്പിച്ച റിപ്പോർട്ടിന്റെ പകർപ്പ് ലഭ്യമാക്കാമോ?

സംസ്ഥാനം റോഡ് കണക്റ്റിവിറ്റിയിൽ കൈവരിച്ച നേട്ടങ്ങൾ വിശദമാക്കാമോ;

ടൂറിസം, വ്യവസായം എന്നിവയുടെ വളർച്ചയ്ക്ക് റോഡ് വികസനത്തിൽ കൈവരിച്ച നേട്ടങ്ങൾ നിലനിർത്താൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കാമോ;

കൂടുതൽ ഗ്രാമീണ പാതകൾ പി. ഡബ്ലു. ഡി. ഏറ്റെടുക്കുന്നതിന് നടപടികൾ ഉണ്ടാകുമോ; എങ്കിൽ വിശദാംശം ലഭ്യമാക്കാമോ?

സംസ്ഥാന ഗതാഗത പദ്ധതിയില്‍ ഉള്‍പ്പെടുത്തി 36 കോടി രൂപയ്ക്ക് ഭരണാനുമതി ലഭിച്ചിട്ടുള്ള വൈപ്പിൻ-മുനമ്പം റോഡ് വികസന പദ്ധതിയുടെ നിലവിലെ സ്ഥിതി വിശദമാക്കാമോ;

പ്രസ്തുത പദ്ധതിയില്‍ എന്തെല്ലാം പ്രവൃത്തികളാണ് പൂര്‍ത്തീകരിക്കേണ്ടതായിട്ടുള്ളതെന്ന് വ്യക്തമാക്കാമോ;

ഈ പദ്ധതിയിലൂടെ സ്ഥാപിച്ചിട്ടുള്ള സ്ട്രീറ്റ് ലൈറ്റുകളുടെ വൈദ്യുതി കണക്ഷനും പരിപാലനവും സംബന്ധിച്ച് ചര്‍ച്ച ചെയ്യുന്നതിനായി വിളിച്ചുചേര്‍ത്ത ബന്ധപ്പെട്ടവരുടെ യോഗത്തില്‍ എടുത്ത തീരുമാനങ്ങള്‍ നടപ്പിലാക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

ഈ പദ്ധതി എന്നത്തേയ്ക്ക് പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്തെ റോഡുകളുടെ ശോചനീയാവസ്ഥ സംബന്ധിച്ച് ബഹു. ഹൈക്കോടതി എന്തെങ്കിലും നിർദേശം നൽകിയിട്ടുണ്ടോ; ഉണ്ടെങ്കിൽ അതിന്റെ അടിസ്ഥാനത്തിൽ നിർമ്മാണം പൂർത്തിയായ ശേഷം 6 മാസത്തിനുള്ളില്‍ റോഡുകള്‍ തകര്‍ന്നാല്‍ ബന്ധപ്പെട്ട ഉദ്യോഗസ്ഥര്‍ക്കും കരാറുകാരനും എതിരെ ക്രിമിനല്‍ വകുപ്പുകള്‍ ചേര്‍ത്ത് കേസെടുക്കുമെന്ന് ഉത്തരവ് നല്‍കിയിട്ടുണ്ടോയെന്ന് അറിയിക്കാമോ;

ഇത്തരത്തില്‍ 7500 കേസുകള്‍ നിലവിലുണ്ടെന്ന് വിജിലന്‍സ് കോടതിയില്‍ അറിയിച്ചിട്ടുണ്ടോയെന്നും ഇത്തരം കേസുകളില്‍ മേല്‍നടപടികള്‍ സ്വീകരിച്ചിട്ടുണ്ടോയെന്നും വ്യക്തമാക്കാമോ;

റോഡുകളുടെ ശോച്യാവസ്ഥ മൂലമുള്ള മരണങ്ങൾ മനുഷ്യനിര്‍മ്മിതമാണെന്ന് കോടതികള്‍ നിരവധി തവണ പരാമര്‍ശം നടത്തിയിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഇത്തരത്തില്‍ അപകടം കാരണം മരണമോ അംഗവൈകല്യം അടക്കമുള്ള പരിക്കുകളോ പറ്റുന്നവരുടെ ആശ്രിതര്‍ക്ക് പൊതുമരാമത്ത് വകുപ്പ് നിലവില്‍ നഷ്ടപരിഹാരം നല്‍കുന്നുണ്ടോ; ഇല്ലെങ്കില്‍ അക്കാര്യം പരിഗണിക്കാമോ?

കാഞ്ഞങ്ങാട് മണ്ഡലത്തിൽ കിഫ്ബി പദ്ധതിയിൽ ഉൾപ്പെടുത്തി പടന്നക്കാട് മേൽപ്പാലം-വെള്ളരിക്കുണ്ട് റോഡ് നിർമ്മാണത്തിന് നടപടി സ്വീകരിച്ചിട്ടുണ്ടോ;

എങ്കിൽ ഇതിന്റെ ഭാഗമായി എന്തൊക്കെ നടപടികളാണ് സ്വീകരിച്ചതെന്നും ആയതിന്റെ നിലവിലെ സ്ഥിതിയും വിശദമാക്കാമോ?

തൊടുപുഴ മണ്ഡലത്തിലെ നെയ്യശ്ശേരി-തോക്കുമ്പന്‍സാഡില്‍ റോഡിന്റെ നിര്‍മ്മാണ പുരോഗതി വിശദമാക്കാമോ;

പ്രസ്തുത പ്രവൃത്തി എന്നത്തേയ്ക്ക് പൂര്‍ത്തിയാക്കാന്‍ സാധിക്കുമെന്ന് വ്യക്തമാക്കാമോ?

മലയോര ഹൈവേയുടെ ഭാഗമായി നിലമ്പൂരിലെ മുണ്ടേരി വഴി മേപ്പാടിയിലേക്ക് പാത നിര്‍മ്മിക്കുന്നതിനായി എന്തെങ്കിലും നിര്‍ദേശങ്ങളോ നടപടികളോ സ്വീകരിച്ചിട്ടുണ്ടോ; ഉണ്ടെങ്കില്‍ വിശദവിവരങ്ങള്‍ നല്‍കാമോ;

മലയോര ഹൈവേ ആയ പൂക്കോട്ടുംപാടം മുണ്ടേരി റോഡിന്റെ മൂന്നാം ഘട്ടമായ കാറ്റാടികടവ് മുതൽ ചാത്തമുണ്ട വരെയുള്ള റീച്ച് നടപ്പിലാക്കുന്നതിനുള്ള ഭരണാനുമതി നൽകുന്നതിന് അടിയന്തര നടപടികൾ സ്വീകരിക്കാമോ?

വിഴിഞ്ഞം-നാവായിക്കുളം ഔട്ടര്‍ റിംഗ് റോഡ് നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത റോഡിന്റെ നിര്‍മ്മാണത്തിന് കേന്ദ്ര അനുമതി ലഭ്യമായിട്ടുണ്ടോയെന്നും റോഡിനായി സ്ഥലം ഏറ്റെടുക്കുന്നതിന്റെ നഷ്ടപരിഹാരം എന്നുമുതല്‍ നൽകാനാകുമെന്നും വിശദമാക്കാമോ?

നിലമ്പൂർ നിയോജക മണ്ഡലത്തിലെ വണ്ടൂർ നിയോജക മണ്ഡലവുമായി ബന്ധിപ്പിക്കുന്ന തൃക്കൈക്കുത്ത് പാലത്തിന്റെ അപ്രോച്ച് റോഡ് തകർന്ന് ഗതാഗത യോഗ്യമല്ലാതായത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത അപ്രോച്ച് റോഡ് നിർമ്മാണ പ്രവൃത്തിക്ക് ഭരണാനുമതി ലഭ്യമാക്കി നിർമ്മാണ പ്രവൃത്തികൾ അടിയന്തരമായി ആരംഭിക്കുവാനാവശ്യമായ നടപടികൾ സ്വീകരിക്കുമോ?

കോട്ടക്കല്‍ മണ്ഡലത്തിലെ മാറാക്കര ഗ്രാമപഞ്ചായത്തിലെ കണ്ണംകുളം-കണ്ണംകടവ് റോഡ്, വളാഞ്ചേരി നഗരസഭയിലെ കഞ്ഞിപ്പുര-കാടാമ്പുഴ റോഡ് എന്നിവയുടെ ശോചനീയാവസ്ഥ ശ്രദ്ധയില്‍പ്പെട്ടിട്ടുണ്ടോ; പ്രസ്തുത റോഡുകള്‍ നവീകരിക്കുന്നത് സംബന്ധിച്ച് നല്‍കിയ നിവേദനത്തിന്മേല്‍ വകുപ്പ് സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത റോഡുകള്‍ നവീകരിക്കുന്ന പ്രവൃത്തികളുടെ എസ്റ്റിമേറ്റും പ്രൊപ്പോസലും ലഭ്യമായിട്ടുണ്ടോ; ആയതിന്മേൽ ചീഫ് എഞ്ചിനീയര്‍ (പൊതുമരാമത്ത് വകുപ്പ്) ഓഫീസിലും സര്‍ക്കാര്‍ തലത്തിലും സ്വീകരിച്ച നടപടികളുടെ വിശദാംശം ലഭ്യമാക്കുമോ;

ജില്ലാ ആസ്ഥാനമായ മലപ്പുറത്തേക്ക് എളുപ്പത്തിൽ എത്തിപ്പെടാൻ പ്രദേശവാസികളും യാത്രക്കാരും ആശ്രയിക്കുന്ന പ്രസ്തുത റോഡുകളുടെ ശോചനീയാവസ്ഥ പരിഹരിച്ച് അവ ഗതാഗതയോഗ്യമാക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

വൈറ്റില-കണിയാമ്പുഴ-ഏരൂർ-ഇരുമ്പനം റോഡ് വികസിപ്പിക്കുവാൻ എന്തെങ്കിലും പദ്ധതി നിലവിലുണ്ടോ; അതിനായി ബജറ്റിൽ വകയിരുത്തിയ തുക എത്രയെന്ന് വ്യക്തമാക്കാമോ;

പ്രസ്തുത റോഡിന്റെ വീതി കൂട്ടുന്നതുമായി ബന്ധപ്പെട്ട സർവേ നടപടികൾ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത പദ്ധതി എന്നത്തേക്ക് ആരംഭിക്കാൻ സാധിക്കുമെന്ന് വ്യക്തമാക്കാമോ?

കോട്ടക്കല്‍ മണ്ഡലത്തിലെ കോട്ടക്കൽ-ഇന്ത്യനൂര്‍ റോഡിൽ പണിക്കർകുണ്ട് പ്രദേശത്ത് സൽക്കാര സൂപ്പർ മാർക്കറ്റിന് സമീപമുള്ള വളവിലെ വെള്ളക്കെട്ട് പ്രശ്നം പരിഹരിക്കുന്നതുമായി ബന്ധപ്പെട്ട് സമര്‍പ്പിച്ച പ്രൊപ്പോസലിന്മേൽ (പ്രൈഡ് ഐ‌.ഡി: പി.ഡബ്ല്യു.ഡി./ആർ.ബി./ഇ.എസ്.ടി./9679/2025-5-1-1) വകുപ്പ് സ്വീകരിച്ച നടപടി വിശദമാക്കുമോ;

തിരൂർ-മലപ്പുറം ദേശീയ പാതയിൽ കോട്ടക്കല്‍ മണ്ഡലത്തിലെ പൊന്മള ഭാഗത്ത് (71-ബി/എൻ.കെ.എം. 21/320 to 21/470 ) സംരക്ഷണ ഭിത്തി കെട്ടുന്നതുമായി ബന്ധപ്പെട്ട് സമര്‍പ്പിച്ച പ്രൊപ്പോസലിന്മേൽ (പ്രൈഡ്.ഐ‌.ഡി: പി.ഡബ്ല്യു.ഡി./ആർ.ബി./ഇ.എസ്.ടി./16293/2025-5-1-1) സ്വീകരിച്ച നടപടികളുടെ വിശദാംശം ലഭ്യമാക്കുമോ;

കോട്ടക്കൽ മാനദേവൻ രാജാ റോഡിന്റെ (കോവിലകം റോഡ്) സൈഡ് കോൺക്രീറ്റ് ചെയ്യുന്നത് സംബന്ധിച്ച പ്രൊപ്പോസല്‍ ലഭ്യമായിട്ടുണ്ടോ; ആയതിന്മേല്‍ സ്വീകരിച്ച നടപടി വിശദമാക്കുമോ?

തങ്കളം-കാക്കനാട് നാലുവരിപ്പാത നിര്‍മ്മാണവുമായി ബന്ധപ്പെട്ട നിലവിലെ സാഹചര്യം വ്യക്തമാക്കാമോ;

തുടര്‍ നടപടികള്‍ വേഗത്തിലാക്കി നിര്‍മ്മാണം ആരംഭിക്കുന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

കോട്ടയ്ക്കല്‍ മണ്ഡലത്തിലെ പുത്തൂര്‍-ചെനക്കല്‍ ബൈപ്പാസ് റോഡിന്റെ മൂന്നാം ഘട്ട നിര്‍മ്മാണ പ്രവൃത്തിയുമായി ബന്ധപ്പെട്ട് സ്ഥലം ഏറ്റെടുത്ത് നഷ്ടപരിഹാര തുക നല്‍കുന്നത് ഉള്‍പ്പെടെയുളള പ്രവൃത്തികള്‍ക്കായി പുതുക്കിയ എസ്റ്റിമേറ്റ് പ്രകാരം ആവശ്യമായി വരുന്ന തുകയ്ക്കുള്ള പ്രൊപ്പോസല്‍ ലഭ്യമായിട്ടുണ്ടോ; ആയതിന്മേല്‍ സ്വീകരിച്ച നടപടികള്‍ വിശദമാക്കാമോ;

പ്രസ്തുത റോഡിന്റെ നിര്‍മ്മാണ പുരോഗതി സംബന്ധിച്ച വിശദാംശം ലഭ്യമാക്കാമോ; പ്രവൃത്തിയ്ക്ക് പുതുക്കിയ ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമോ?

2021 വര്‍ഷം മുതല്‍ ഇതുവരെയായി ആലപ്പുഴ മണ്ഡലത്തിലെ പാെതുമരാമത്ത് വകുപ്പിന്റെ എത്ര റോഡുകള്‍ ബി.എം.ബി.സി./എം.എസ്.എസ്. നിലവാരത്തിലേയ്ക്ക് ഉയര്‍ത്തിയിട്ടുണ്ടെന്ന് റോഡിന്റെ പേര്, നവീകരിച്ച ഭാഗത്തിന്റെ നീളം, അനുവദിച്ച തുക എന്നിവ തിരിച്ച് വിശദമാക്കാമോ; പ്രസ്തുത മണ്ഡലത്തിലെ പൊതുമരാമത്ത് വകുപ്പിന്റെ എത്ര റോഡുകള്‍ ബി.എം.ബി.സി./ എം.എസ്.എസ്. നിലവാരത്തിലേയ്ക്ക് ഉയരാന്‍ ബാക്കിയുണ്ട് എന്നും റോഡിന്റെ പേര്, നീളം എന്നിവ സഹിതം അറിയിക്കാമോ;

നിലവില്‍ മണ്ഡലത്തിലെ എത്ര റോഡുകള്‍ നവീകരിക്കാനുള്ള നടപടിക്രമങ്ങള്‍ നടന്നുവരുന്നുണ്ടെന്നും ഈ പ്രവൃത്തികള്‍ എന്ന് പൂര്‍ത്തിയാക്കാനാണ് ഉദ്ദേശിക്കുന്നതെന്നും വിശദമാക്കാമോ;

2021 വര്‍ഷം മുതല്‍ ഇതുവരെയായി ആലപ്പുഴ മണ്ഡലത്തില്‍ ബി.സി. ഓവര്‍ ലേ നടത്തിയിട്ടുള്ള റോഡുകളുടെ വിശദാംശങ്ങള്‍, റോഡിന്റെ നീളം, അടങ്കല്‍ തുക എന്നിവ സഹിതം വിശദമാക്കുമോ?

വയനാട് ജനതയുടെ ഏറെക്കാലത്തെ ആഗ്രഹമായ തുരങ്കപാതയുടെ നിർമ്മാണം ആരംഭിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കാമോ;

തുരങ്കപാതയുടെ നിർമ്മാണം ഏറ്റവും സുരക്ഷിതമായി പൂർത്തീകരിക്കുന്നതിനുള്ള ആധുനിക സാങ്കേതികവിദ്യ ഇതിനായി ഉപയോഗപ്പെടുത്തുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

നിർദിഷ്ട തുരങ്കപാതയുമായി ബന്ധപ്പെട്ട് ഉയർന്നിട്ടുള്ള പാരിസ്ഥിതിക പ്രശ്നങ്ങൾ ശാസ്ത്രീയമായി വിലയിരുത്തിയിട്ടുണ്ടോ; വിശദമാക്കാമോ;

വയനാട് തുരങ്കപാതയുടെ പൂർത്തീകരണത്തോടെ മലബാറിലെ വിനോദസഞ്ചാര മേഖലയിലുണ്ടാകുന്ന കുതിച്ചുചാട്ടം വിശകലന വിധേയമാക്കിയിട്ടുണ്ടോ; വിശദമാക്കാമോ?

സംസ്ഥാനത്ത് റോഡുകള്‍ തകരുന്നതിന്റെ ഒരു കാരണം നിര്‍മ്മാണത്തിനുപയോഗിക്കുന്ന മെറ്റലിലെ അസിഡിറ്റി ആണെന്ന് കണ്ടെത്തിയിട്ടുണ്ടോ; വിശദാംശം നല്‍കാമോ;

ഇതു സംബന്ധിച്ച് എന്തെങ്കിലും പഠന ഗവേഷണങ്ങള്‍ നടത്തി റിപ്പോര്‍ട്ട്‌ തയ്യാറാക്കിയിട്ടുണ്ടോ; എങ്കിൽ വിശദമാക്കാമോ;

റോഡുകള്‍ അപ്രകാരം തകരുന്നതിന് പരിഹാര മാര്‍ഗ്ഗം കണ്ടെത്തിയിട്ടുണ്ടോ;

എങ്കില്‍ അത് പ്രായോഗികമായി നടപ്പില്‍ വരുത്തി റോഡുകളുടെ ആയുര്‍ദൈര്‍ഘ്യം വര്‍ദ്ധിപ്പിക്കുന്നതിന് സ്വീകരിച്ച നടപടികള്‍ വിശദമാക്കാമോ?

സംസ്ഥാനത്തെ റോഡുകൾ മഴ പെയ്താൽ തകരുന്ന അവസ്ഥയ്ക്കു മാറ്റം വരുത്തുവാൻ പൊതുമരാമത്ത് വകുപ്പ് എന്ത് നടപടിയാണ് സ്വീകരിച്ചതെന്ന് അറിയിക്കാമോ;

പൊതുമരാമത്ത് റോഡുകളുടെ ഗുണമേന്മ പരിശോധിക്കുന്നതിനും മെച്ചപ്പെട്ട ടാറിങ് നടത്തുന്നതിനും നൂതന സാങ്കേതികവിദ്യ പ്രയോജനപ്പെടുത്തുന്ന കാര്യം പരിഗണനയിലുണ്ടോ; പ്രസ്തുത സാങ്കേതികവിദ്യ മുഖേന മഴയത്തും ടാർ ചെയ്യാമെന്ന അവസ്ഥ ഒരുക്കുന്നതിനുള്ള നടപടി സ്വീകരിക്കുമോയെന്ന് വിശദീകരിക്കാമോ;

പൊതുമരാമത്ത് റോഡുകളിൽ ഉണ്ടായിരിക്കുന്ന കുഴികൾ അടയ്ക്കുന്നതിന് സർക്കാർ എന്ത് നടപടിയാണ് ഇതുവരെ സ്വീകരിച്ചു വരുന്നതെന്ന് അറിയിക്കാമോ; ഇത് ശാസ്ത്രീയമായി അടയ്ക്കുന്നതിന് നടപടി സ്വീകരിക്കുമോയെന്ന് അറിയിക്കാമോ;

അതിശക്തമായ മഴയിൽ ടാർ ഒലിച്ചു പോകുന്നതും റോഡിൽ കുഴിയുണ്ടാകുന്നതും തടയുന്നതിന് പൊതുമരാമത്ത് റിസർച്ച് വിഭാഗം എന്ത് കണ്ടുപിടിത്തമാണ് നടത്തിയിരിക്കുന്നതെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം തിരുവനന്തപുരം മണ്ഡലത്തില്‍ പൊതുമരാമത്ത് റോഡ്സ് വിഭാഗം മുഖേന നടത്തിയ പ്രവൃത്തികളുടെ വിശദാംശം നല്‍കാമോ;

ഇപ്പോള്‍ നടന്നു വരുന്ന പ്രവൃത്തികള്‍ ഏതൊക്കെയാണെന്നും അവയുടെ തല്‍സ്ഥിതിയും അറിയിക്കാമോ;

ഭരണാനുമതി ലഭ്യമാക്കുന്നതിനുള്ള പ്രോപ്പോസലുകള്‍ ഉണ്ടെങ്കില്‍ അവയുടെ നിലവിലെ സ്ഥിതി അറിയിക്കാമോ?

സംസ്ഥാനത്ത് ഇടമലക്കുടി അടക്കമുള്ള ആദിവാസി മേഖലകളിൽ റോഡുകൾ ഇല്ലാത്തത്‌ കാരണം ആശുപത്രികളിൽ എത്താൻ സാധിക്കാത്ത സാഹചര്യം നിലനിൽക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം ഗൗരവത്തോടെ കാണുന്നുണ്ടോ; വിശദമാക്കാമോ;

ഇടമലക്കുടി അടക്കമുള്ള ആദിവാസി മേഖലകളിൽ റോഡുകൾ നിർമ്മിക്കാൻ പൊതുമരാമത്ത് വകുപ്പ് അടിയന്തര നടപടികൾ സ്വീകരിക്കുമോ?

തങ്കളം-കോഴിപ്പിള്ളി ന്യൂ ബൈപ്പാസിലെ രണ്ടാം റീച്ചിന്റെ നിര്‍മ്മാണത്തിന്റെ നിലവിലെ സാഹചര്യം വ്യക്തമാക്കാമോ;

നിര്‍മ്മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കാമോ?

പാറശ്ശാല മണ്ഡലത്തില്‍ കെ.ആര്‍.എഫ്.ബി.യുടെ മേല്‍നോട്ടത്തില്‍ നിര്‍മ്മാണം പുരോഗമിക്കുന്ന അമരവിള-കാരക്കോണം റോഡില്‍ വീതി കൂട്ടിയപ്പോള്‍ റോഡിന് നടുവിലായി സ്ഥിതി ചെയ്യുന്ന ഇലക്ട്രിക് പോസ്റ്റുകള്‍ സുരക്ഷിത സ്ഥാനത്തേയ്ക്ക് മാറ്റി സ്ഥാപിക്കാത്തത് കാരണം നിരവധി വാഹനാപകടങ്ങള്‍ ഉണ്ടാവുകയും രണ്ടു പേര്‍ മരണപ്പെടുകയും യാത്രക്കാര്‍ക്ക് സുരക്ഷാ ഭീഷണി നേരിടുകയും ചെയ്യുന്ന വിഷയം ശ്രദ്ധയില്‍പ്പെട്ടിട്ടുണ്ടോ; വിവരം ലഭ്യമാക്കുമോ;

പ്രസ്തുത പോസ്റ്റുകള്‍ മാറ്റുന്നതിനായി കിഫ്ബി പണം അനുവദിച്ചുവെങ്കിലും നാളിതുവരെ കെ.ആര്‍.എഫ്.ബി. കെ.എസ്.ഇ.ബി.ക്ക് പണം ലഭ്യമാക്കാത്തത് കാരണം ഇലക്ട്രിക് പോസ്റ്റുകള്‍ സമയബന്ധിതമായി സുരക്ഷിത സ്ഥാനത്തേയ്ക്ക് മാറ്റി സ്ഥാപിക്കുന്നതില്‍ വീഴ്ച സംഭവിച്ചത് പരിഹരിക്കുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

പ്രസ്തുത പോസ്റ്റുകള്‍ സുരക്ഷിതസ്ഥാനത്തേയ്ക്ക് മാറ്റി സ്ഥാപിക്കാത്തതിനാല്‍ ഈ പ്രവൃത്തി നടപ്പിലാക്കുന്നതില്‍ പ്രതിദിനം സര്‍ക്കാരിന് എത്ര രൂപയുടെ നഷ്ടമാണ് ഉണ്ടാകുന്നതെന്ന് കണക്കാക്കിയിട്ടുണ്ടോ; ആയതിന്റെ വിശദാംശം വ്യക്തമാക്കാമോ;

കെ.ആര്‍.എഫ്.ബി. ചീഫ് എക്സിക്യൂട്ടീവ് ഓഫീസറുടെ പേരിലുള്ള ഹെഡ് ഓഫ് അക്കൗണ്ടില്‍ നിന്നും പ്രസ്തുത പ്രവൃത്തിക്കായി തുക അനുവദിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; ആയതിന്റെ വിശദാംശം ലഭ്യമാക്കാമോ;

യൂട്ടിലിറ്റി ഷിഫ്റ്റിംഗ് നടപടികള്‍ പൂര്‍ത്തിയാക്കി അമരവിള–കാരക്കോണം റോഡിന്റെ നിര്‍മ്മാണം എന്നത്തേക്ക് പൂര്‍ത്തിയാക്കാന്‍ കഴിയുമെന്നുള്ള വിവരം വ്യക്തമാക്കാമോ?

കൊയിലാണ്ടി നിയോജക മണ്ഡലത്തിൽ നിലവിൽ ദേശീയപാതയുടെ ഭാഗമായ ചെങ്ങോട്ടുകാവ്-നന്തി റോഡ് ദേശീയപാതാ അതോറിറ്റിയുടെ കയ്യില്‍ നിന്നും സംസ്ഥാന സർക്കാർ ഏറ്റെടുക്കുന്നത് പരിഗണനയിലുണ്ടോ; വിശദമാക്കാമോ;

പ്രസ്തുത റോഡിന്റെ പരിപാലന ചുമതല നിലവില്‍ ആർക്കാണെന്ന് വ്യക്തമാക്കാമോ?

കോഴിക്കോട് നോര്‍ത്ത് നിയോജകമണ്ഡലത്തില്‍ വിവിധ പദ്ധതികളില്‍ ഉള്‍പ്പെടുത്തി നവീകരിക്കുന്നതിനും വികസിപ്പിക്കുന്നതിനും തീരുമാനിച്ച റോഡുകളുടെ വിശദാംശം ലഭ്യമാക്കാമോ;

ഇത്തരം റോഡ് വികസനത്തിനുവേണ്ടി ഭൂമി ഏറ്റെടുക്കുന്നതിനെതിരെ ഏതെങ്കിലും കോടതി വ്യവഹാരങ്ങള്‍ നിലനില്‍ക്കുന്നുണ്ടോ; വിശദമാക്കാമോ;

ഉണ്ടെങ്കില്‍ കോടതി വ്യവഹാരങ്ങള്‍ വേഗത്തില്‍ തീര്‍പ്പുകല്‍പ്പിക്കുന്നതിനാവശ്യമായ ഇടപെടലുകള്‍ നടത്തുന്നതിന് നടപടികള്‍ സ്വീകരിക്കുമോ; വിശദമാക്കുമോ?

തവനൂര്‍ നിയോജക മണ്ഡലത്തിലെ ഏതെല്ലാം പ്രവൃത്തികള്‍ക്കാണ് പൊതുമരാമത്ത് വകുപ്പ് നിരത്ത് വിഭാഗം മുഖേന ഭരണാനുമതി ലഭിച്ചത്; ഓരോ പ്രവൃത്തിക്കും എത്ര രൂപയ്ക്കുള്ള ഭരണാനുമതിയാണ് ലഭിച്ചിട്ടുള്ളത്; വിശദമാക്കാമോ;

ഇതില്‍ ഏതെല്ലാം പ്രവൃത്തികളാണ് പൂര്‍ത്തീകരിച്ചിട്ടുള്ളത്; ഇനി ഏതെല്ലാം പ്രവൃത്തികളാണ് പൂര്‍ത്തീകരിക്കാനുള്ളത്; വിശദമാക്കാമോ;

പൂര്‍ത്തീകരിക്കാനുള്ള പ്രവൃത്തികള്‍ എന്നത്തേക്ക് പൂര്‍ത്തീകരിക്കാനാകുമെന്ന് വ്യക്തമാക്കാമോ?

ദേശീയപാത നിർമ്മാണത്തിന്റെ ഭാഗമായി കൊയിലാണ്ടി മണ്ഡലത്തില്‍ ഉൾപ്പെടുന്ന അഴിയൂർ-വെങ്ങളം റീച്ച് പ്രവൃത്തിയുടെ ഉപകരാറെടുത്തിരിക്കുന്ന വാഗാഡ് എന്ന കമ്പനി പ്രസ്തുത നിർമ്മാണ പ്രവൃത്തി വളരെ മന്ദഗതിയിലാണ് നടത്തിവരുന്നതെന്ന് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത റീച്ചിന്റെ നിര്‍മ്മാണ പ്രവൃത്തി വേഗത്തിലാക്കുന്നതിനായി എന്തൊക്കെ നടപടികൾ സ്വീകരിച്ചിട്ടുണ്ടെന്ന് വിശദമാക്കാമോ;

അഴിയൂർ-വെങ്ങളം റീച്ച് നിര്‍മ്മാണം പൂർ‍ത്തീകരിച്ച് എന്നേക്ക് പൂർണ്ണമായും ഗതാഗതത്തിനായി തുറന്നുകൊടുക്കാൻ സാധിക്കുമെന്ന് അറിയിക്കാമോ?

വിഴിഞ്ഞം ഹാര്‍ബര്‍ മുതല്‍ മംഗലപുരം വരെ നിര്‍മ്മിക്കുവാന്‍ ഉദ്ദേശിക്കുന്ന ഔട്ടര്‍ റിംഗ് റോഡിന്റെ നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതിക്കായുള്ള ഭൂമി ഏറ്റെടുക്കാനായി നോട്ടിഫൈ ചെയ്തിട്ടുള്ള സ്ഥലത്തിന്റെ ഉടമകള്‍ക്ക് നഷ്ടപരിഹാരം നല്‍കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതി ആരംഭിച്ചതെന്നാണെന്നും പൂര്‍ത്തിയാക്കാന്‍ ഉദ്ദേശിക്കുന്നത് എപ്പോഴാണെന്നും സംബന്ധിച്ചുള്ള വിശദാംശം ലഭ്യമാക്കാമോ?

കാഞ്ഞങ്ങാട് മണ്ഡലത്തിൽ മലയോര ഹൈവേ നിർമ്മാണവുമായി ബന്ധപ്പെട്ട് പൊതുമരാമത്ത് വകുപ്പ് ഇതുവരെ സ്വീകരിച്ച നടപടികൾ വിശദമാക്കാമോ;

പ്രസ്തുത പ്രവൃത്തിക്ക് ഇതുവരെ അനുവദിച്ച തുകയും അവയുടെ നിലവിലെ സ്ഥിതിയും വ്യക്തമാക്കാമോ?

കോഴിക്കോട് - പാലക്കാട് ഗ്രീൻഫീൽഡ് ഹൈവേയ്ക്കായുള്ള സ്ഥലമെടുപ്പും അനുബന്ധ നടപടിക്രമങ്ങളും ഇപ്പോൾ ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത റോഡിന്റെ നിർമ്മാണ പ്രവർത്തനം എന്നത്തേക്ക് ആരംഭിക്കുവാൻ കഴിയുമെന്ന് വ്യക്തമാക്കുമോ;

കോഴിക്കോട് - പാലക്കാട് ഗ്രീൻഫീൽഡ് ഹൈവേയ്ക്ക് മലപ്പുറം, കോഴിക്കോട് ജില്ലകളിൽ ഏതെല്ലാം സ്ഥലങ്ങളിലാണ് എൻട്രി / എക്സിറ്റ് പോയിന്റുകൾ ഉള്ളതെന്ന് വ്യക്തമാക്കുമോ;

ആദ്യം നിർദേശിച്ച എൻട്രി /എക്ലിറ്റ് പോയിന്റുകൾ പരിമിതപ്പെടുത്തുന്നതിന് എന്തെങ്കിലും നിർദേശം ഉണ്ടായിട്ടുണ്ടോയെന്ന് വ്യക്തമാക്കുമോ;

പരിമിതപ്പെടുത്തുകയാണെങ്കിൽ വാഴയൂർ പഞ്ചായത്തിലെയും കോഴിക്കോട് വിമാനത്താവളത്തിലേക്ക് പ്രവേശിക്കുന്നതിനുള്ള ഇരുപ്പൻ തൊടുവിലെയും എൻട്രി പോയിന്റുകൾ നിലനിർത്തുന്നതിന് കേന്ദ്ര സർക്കാരിൽ സമ്മർദ്ദം ചെലുത്തുന്നതിന് നടപടി സ്വീകരിക്കുമോ?

ദേശീയപാതയുടെ നിർമാണവുമായി ബന്ധപ്പെട്ട് കൊയിലാണ്ടി മണ്ഡലത്തിലെ അഴിയൂര്‍-വെങ്ങളം റീച്ചിലുള്‍പ്പെടുന്ന നന്തി-ചെങ്ങോട്ടുകാവ് ബൈപ്പാസ് കടന്നു പോകുന്ന പ്രദേശത്ത് സ്ഥിതി ചെയ്യുന്ന കുന്ന്യോറമല അശാസ്ത്രീയമായ നിര്‍മ്മാണ പ്രവൃത്തി കാരണം അപകട ഭീഷണിയിലാണെന്നത് ശ്രദ്ധയില്‍പ്പെട്ടിട്ടുണ്ടോ; അതിനാല്‍ കുന്ന്യോറമലയില്‍ കൂടുതല്‍ സ്ഥലം ഏറ്റെടുക്കുന്നത് പരിഗണനയിലുണ്ടോയെന്ന് വ്യക്തമാക്കുമോ;

ബൈപ്പാസ് പ്രവൃത്തി പൂര്‍ത്തീകരിച്ച് ഗതാഗതത്തിനായി തുറന്ന് കൊടുക്കുന്നതിന് കുന്ന്യോറമലയിലെ പ്രശ്നം പരിഹരിക്കേണ്ടത് അത്യാവശ്യമാണെന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ?

സംസ്ഥാനത്ത് റോഡ് നിർമ്മാണത്തിലെ അപാകതകൾ റോഡപകടങ്ങൾക്ക് പ്രധാന കാരണമാകുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം പരിശോധിച്ചിട്ടുണ്ടോ;

സ്ഥിരമായി അപകടം ഉണ്ടാകുന്ന സ്ഥലങ്ങൾ കണ്ടെത്തിയിട്ടുണ്ടോ; പ്രസ്തുത സ്ഥലങ്ങളിൽ അപകട മുന്നറിയിപ്പുകൾ നൽകുന്നതിന് എന്തെല്ലാം സംവിധാനങ്ങളാണ് ഏർപ്പെടുത്തിയിരിക്കുന്നതെന്ന് അറിയിക്കാമോ;

റോഡുകളിലെ അപകടകരമായ വളവുകൾ നേരെയാക്കുന്നതിനും വീതി കൂട്ടുന്നതിനും ആവശ്യമായ നടപടികള്‍ സ്വീകരിക്കുമോ; വിശദാംശം നൽകാമോ?

ബാലുശ്ശേരി മണ്ഡലത്തില്‍ പൊതുമരാമത്ത് വകുപ്പിന് കീഴില്‍ എത്ര കിലോമീറ്റര്‍ റോഡുകളുണ്ടെന്നും ഇതില്‍ എത്ര കിലോമീറ്റര്‍ ബി.എം. ആൻഡ് ബി.സി. ചെയ്ത് ഉന്നത നിലവാരത്തിലേയ്ക്ക് ഉയര്‍ത്തിയിട്ടുണ്ടെന്നും വിശദമാക്കാമോ?

2025 - 26 സംസ്ഥാന ബജറ്റില്‍ 20 ശതമാനം തുക (250 ലക്ഷം) നീക്കി വയ്ക്കുകയും ഭരണാനുമതിക്കായി എസ്റ്റിമേറ്റ് സമർപ്പിക്കുകയും ചെയ്ത പുതുക്കാട് മണ്ഡലത്തിലെ തൃക്കൂര്‍ - മണലി റോഡ് നവീകരണ പ്രവൃത്തിയ്ക്ക് ഭരണാനുമതി ലഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ;

ഗതാഗതയോഗ്യമല്ലാതായ തൃക്കൂര്‍ - മണലി റോഡ് നവീകരണത്തിനായി സമര്‍പ്പിച്ചിട്ടുള്ള എസ്റ്റിമേറ്റിന് അനുമതി ലഭ്യമാക്കുന്നതിനും പ്രവൃത്തി ഉടന്‍ ആരംഭിക്കുന്നതിനും ആവശ്യമായ നടപടികള്‍ സ്വീകരിക്കുമോ?

സ്ഥലമേറ്റെടുക്കല്‍ നടപടികൾക്ക് കാലതാമസം നേരിടുന്നതിനാൽ നിർമ്മാണ പ്രവൃത്തികൾ നടക്കാത്ത തിരുവല്ല - മല്ലപ്പള്ളി - ചേലക്കൊമ്പ് റോഡ് ഗതാഗതയോഗ്യമാക്കുന്നതിന് നടപടികൾ സ്വീകരിക്കുമോ; ഇത് സംബന്ധിച്ച വിശദാംശം ലഭ്യമാക്കാമോ?

ആനക്കാംപൊയില്‍-കല്ലടി-മേപ്പാടി തുരങ്കപാതയുടെ സമീപന പാത നാലുവരിയായി വികസിപ്പിക്കുന്ന കാര്യം സര്‍ക്കാറിന്റെ പരിഗണനയിലുണ്ടോ എന്ന് വ്യക്തമാക്കാമോ;

എങ്കില്‍ ഇതിനായി അലൈന്‍മെന്റ് നിശ്ചയിച്ചിട്ടുണ്ടോ എന്ന് വ്യക്തമാക്കാമോ;

ഇതിനായി സ്വീകരിക്കാന്‍ ഉദ്ദേശിക്കുന്ന തുടര്‍നടപടികള്‍ എന്തൊക്കെയാണെന്ന് വ്യക്തമാക്കാമോ?

അരൂർ മണ്ഡലത്തിലെ നെടുമ്പ്രക്കാട് - വിളക്കുമരം പാലം നിർമ്മാണം പൂർത്തീകരിച്ചെങ്കിലും അപ്രോച്ച് റോഡ് തകർന്ന് കിടക്കുന്നതുമൂലം ഉദ്ഘാടനം നടക്കാതിരിക്കുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പാലത്തിന്റെ ഒരു കര പൊതുമരാമത്ത് റോഡ്സ് വിഭാഗത്തിന്റെ കീഴിലും മറുകര ഗ്രാമീണ റോഡും ആയതുകൊണ്ട് പുനർനിർമ്മാണം നടക്കാത്ത സാഹചര്യത്തിൽ ഗ്രാമീണ റോഡ് കൂടി പൊതുമരാമത്ത് വകുപ്പ് ഏറ്റെടുത്ത് പാലത്തിലൂടെയുള്ള യാത്ര സുഗമമാക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

തരൂര്‍ നിയോജക മണ്ഡലത്തിലെ കണ്ണമ്പ്ര–മണപ്പാടം റോഡ് സൈഡ് പ്രൊട്ടക്ഷന്‍ (49 ലക്ഷം) പ്രവൃത്തി എന്ന് ആരംഭിക്കുവാന്‍ കഴിയുമെന്ന് വ്യക്തമാക്കാമോ?

നിർദിഷ്ട കരമന-വെള്ളറട റോഡ് നിര്‍മ്മാണ പ്രൊപ്പോസലിന് പകരമായി ബദല്‍ നിർദേശങ്ങൾ പരിഗണനയിലുണ്ടോ; എങ്കില്‍ അത് സംബന്ധിച്ച വിശദാംശവും നിലവിലെ സ്ഥിതിയും അറിയിക്കാമോ?

കണ്ണൂര്‍ അന്താരാഷ്ട്ര വിമാനത്താവളത്തോട് അനുബന്ധിച്ച് പ്രഖ്യാപിച്ച നാലുവരിപ്പാതകളുടെ പ്രവൃത്തി പുരോഗതി വിശദമാക്കാമോ;

പ്രസ്തുത പദ്ധതിക്ക് ആവശ്യമായ സ്ഥലം ഏറ്റെടുക്കല്‍ നടപടി ഏത് ഘട്ടത്തിലാണെന്ന് വിശദമാക്കാമോ?

അഴീക്കോട്- മുനമ്പം പാലത്തിന്റെ നിർമ്മാണം പൂർത്തിയാകുന്നതോടെ വൈപ്പിൻ മണ്ഡലത്തിലെ ഏക സംസ്ഥാന പാതയായ വൈപ്പിൻ - മുനമ്പം റോഡില്‍ അഭിമുഖീകരിക്കേണ്ടി Loadingവരുന്ന രൂക്ഷമായ ഗതാഗത തടസ്സം പരിഹരിക്കുവാനായി പൊതുമരാമത്ത് വകുപ്പ് ബദല്‍ മാർഗ്ഗങ്ങള്‍ ആവിഷ്കരിച്ചിട്ടുണ്ടോ; എങ്കില്‍ ഇതു സംബന്ധിച്ച വിശദാംശങ്ങള്‍ വ്യക്തമാക്കാമോ;

തീരദേശ ഹൈവേയുടെ ഭാഗമായി നിർമ്മിക്കപ്പെടുന്ന അഴീക്കോട്-മുനമ്പം പാലത്തിന്റെ പ്രയോജനം ജനങ്ങള്‍ക്ക് ലഭ്യമാക്കുന്നതിനായി വൈപ്പിൻ കരയുടെ കിഴക്കുവശത്ത് കായലോര റോഡ്, കായലോര റോഡില്‍ നിന്നും കണ്ടെയ്നർ റോഡിലേക്ക് നിർദേശിക്കപ്പെട്ടിട്ടുള്ള പുക്കാട് പാലം, ഗോശ്രീ പാലങ്ങള്‍ക്ക് സമാന്തരമായുള്ള പാലങ്ങള്‍ എന്നിവ സംസ്ഥാന-കേന്ദ്ര പദ്ധതികളില്‍ ഉള്‍പ്പെടുത്തി യാഥാർത്ഥ്യമാക്കാൻ നടപടി സ്വീകരിക്കുമോ;

എല്‍.എൻ. ജി. ടെര്‍മിനല്‍, വല്ലാർപാടം കണ്ടെയ്നർ ടെർമിനല്‍, ഡി. പി. വേള്‍ഡ്, മുനമ്പം ഫിഷിംഗ് ഹാർബർ തുടങ്ങിയ സ്ഥാപനങ്ങളുടെ വ്യവസായിക പ്രാധാന്യവും അഴീക്കോട്-മുനമ്പം പാലവും തീരദേശ ഹൈവേയും യാഥാർത്ഥ്യമാകുന്നതോടെ ദ്വീപ് മണ്ഡലമായ വൈപ്പിൻകരയില്‍ രൂപപ്പെടാവുന്ന ഗതാഗത തടസ്സവും കണക്കിലെടുത്ത് കായലോര റോഡ്, പുക്കാട് പാലം, ഒന്നും മൂന്നും ഗോശ്രീ പാലങ്ങള്‍ക്ക് സമാന്തരമായുള്ള പാലങ്ങള്‍ എന്നിവ സാഗർമാല പോലുള്ള പദ്ധതിയില്‍ ഉള്‍പ്പെടുത്തി നടപ്പിലാക്കാൻ നടപടി സ്വീകരിക്കുമോ; ഇതു സംബന്ധിച്ച പ്രൊപ്പോസല്‍ കേന്ദ്ര സർക്കാരിന് സമർപ്പിച്ചിട്ടുണ്ടോയെന്ന് വ്യക്തമാക്കാമോ?

നിലവിൽ പൊതുമരാമത്ത് വകുപ്പ് റസ്റ്റ് ഹൗസ് പൊതുജനങ്ങൾക്കും ജീവനക്കാർക്കും ചെലവ് കുറഞ്ഞതും മികച്ചതുമായ താമസസൗകര്യം നൽകുന്നുണ്ടോ; ഇതു വഴി മെച്ചപ്പെട്ട വരുമാനം സർക്കാരിന്‌ ലഭിക്കുന്നുണ്ടോ; വിശദമാക്കാമോ;

പ്രസ്തുത സൗകര്യങ്ങൾ ജനങ്ങൾക്ക് എളുപ്പത്തിൽ പ്രയോജനപ്പെടുത്താൻ ആധുനിക ഡിജിറ്റൽ സംവിധാനം പ്രയോജനപ്പെടുത്തുന്നുണ്ടോ; എങ്കിൽ ഏതൊക്കെ രീതിയിലാണെന്ന് വിശദമാക്കാമോ;

എല്ലാ റസ്റ്റ് ഹൗസിലും പാർക്കിംഗ് സൗകര്യം ലഭ്യമാണോ; വ്യക്തമാക്കാമോ;

വൈദ്യുത വാഹനങ്ങൾ വ്യാപകമായി ഉപയോഗിക്കുന്ന ഈ കാലഘട്ടത്തിൽ കെ. എസ്. ഇ. ബി.യുമായി സഹകരിച്ച് ചാർജിംഗ് സ്റ്റേഷനുകൾ നടപ്പിലാക്കാൻ പദ്ധതിയുണ്ടോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം തിരുവനന്തപുരം മണ്ഡലത്തില്‍ പൊതുമരാമത്ത് (കെട്ടിട) വിഭാഗം മുഖേന നടപ്പാക്കിയ പ്രവൃത്തികളുടെ വിശദാംശം നല്‍കാമോ;

ഇപ്പോള്‍ നടന്നുവരുന്ന പ്രവൃത്തികള്‍ ഏതൊക്കെയാണെന്നും അവയുടെ നിലവിലെ സ്ഥിതിയും അറിയിക്കാമോ;

ഭരണാനുമതി ലഭ്യമാക്കുന്നതിനുള്ള പ്രോപ്പോസലുകള്‍ ഉണ്ടെങ്കില്‍ അവയുടെ നിലവിലെ സ്ഥിതി അറിയിക്കാമോ?

ആറ്റിങ്ങല്‍ മണ്ഡലത്തില്‍ പൊതുമരാമത്ത് വകുപ്പിന്റെ നിര്‍വഹണ ചുമതലയിലുള്ള വിവിധ സ്കൂള്‍ കെട്ടിടങ്ങളുടെ നിര്‍മ്മാണ പുരോഗതി വിശദമാക്കുമോ?

ചാത്തന്നൂർ മണ്ഡലത്തിലെ മൃഗാശുപത്രികളുടെ അടിസ്ഥാന സൗകര്യ വികസനത്തിനായി (വിവിധ സർക്കാർ ഓഫീസുകളുടെ നവീകരണം) പൊതുമരാമത്ത് (ഇ) വകുപ്പിന്റെ 20/12/2024 ലെ സ.ഉ.(സാധാ) നം.1321/2024 നമ്പർ ഭരണാനുമതി ഉത്തരവിന്റെ തുടർനടപടി എന്ന നിലയിൽ സാങ്കേതികാനുമതി നൽകുന്നതിനും പ്രവൃത്തി ടെൻഡർ ചെയ്യുന്നതിനും പൊതുമരാമത്ത് വകുപ്പ് കെട്ടിട വിഭാഗം നടപടികൾ സ്വീകരിച്ചിട്ടുണ്ടോയെന്ന് അറിയിക്കാമോ;

ഉത്തരവ് നിലവിൽ വന്ന് പത്തുമാസമായിട്ടും പ്രസ്തുത പ്രവൃത്തി സംബന്ധിച്ച് സാങ്കേതികാനുമതി പോലും നല്കാൻ കഴിയാത്ത സാഹചര്യം എന്താണെന്ന് വിശദമാക്കാമോ;

വിദൂരങ്ങളായ തദ്ദേശ സ്വയംഭരണ സ്ഥാപനങ്ങളിലെ വിവിധ പ്രവൃത്തികൾക്ക് ഒറ്റ സാങ്കേതികാനുമതി നൽകി ഒന്നായി ടെൻഡർ ചെയ്യുന്നതുമൂലമുണ്ടാകുന്ന അസൗകര്യവും പ്രവൃത്തികളിലുണ്ടാകാവുന്ന കാലതാമസവും പരിഗണിച്ച് രണ്ട്‌ സാങ്കേതികാനുമതികൾ നൽകി പ്രസ്തുത പ്രവൃത്തി ടെൻഡർ ചെയ്യണമെന്ന ആവശ്യം പരിഗണിക്കാൻ ഭരണപരമായും നിയമപരമായും തടസങ്ങൾ ഉണ്ടോയെന്നും എങ്കിൽ അവ എന്തെല്ലാമെന്നും വ്യക്തമാക്കാമോ;

പ്രസ്തുത പ്രവൃത്തി സംബന്ധിച്ച് പൊതുമരാമത്ത് വകുപ്പ് കെട്ടിട വിഭാഗം തുടർന്ന് സ്വീകരിക്കാൻ ഉദ്ദേശിക്കുന്ന നടപടികൾ എന്താണെന്ന് വ്യക്തമാക്കാമോ?

2016-17 മുതല്‍ പൊതുമരാമത്ത് കെട്ടിട വിഭാഗം മുഖേന മാവേലിക്കര നിയോജക മണ്ഡലത്തിൽ നടപ്പിലാക്കിയതും അനുവദിച്ചതുമായ പ്രവൃത്തികളുടെ വിശദവിവരം ലഭ്യമാക്കുമോ; അവയുടെ തല്‍സ്ഥിതി വ്യക്തമാക്കുമോ?

ചിറ്റൂർ നിയോജകമണ്ഡലത്തിലെ ഒഴലപ്പതി കുടുംബാരോഗ്യ കേന്ദ്രത്തിന്റെ കെട്ടിട നിർമ്മാണത്തിന് അനുവദിച്ച തുക എത്രയാണെന്ന് വ്യക്തമാക്കാമോ;

പ്രസ്തുത പ്രവൃത്തിക്ക് ഭരണാനുമതി നൽകിയിട്ടുണ്ടോ; വിശദാംശങ്ങൾ ലഭ്യമാക്കാമോ;

പ്രസ്തുത പ്രവൃത്തിയുടെ നിലവിലുള്ള സ്ഥിതി എന്താണെന്ന് വിശദമാക്കുമോ;

പ്രസ്തുത പ്രവൃത്തി അടിയന്തര പ്രാധാന്യത്തോടെ പൂർത്തിയാക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് വിശ്രമ കേന്ദ്രങ്ങള്‍ നവീകരിക്കുന്നതിനും പൊതുജനങ്ങള്‍ക്ക് ഓണ്‍ലെെന്‍ ബുക്കിംഗ് സൗകര്യം ഒരുക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് അറിയിക്കാമോ;

ഇത്തരത്തില്‍ പുതുതായി സൗകര്യങ്ങള്‍ ഏര്‍പ്പെടുത്തുക വഴി പൊതുജനങ്ങള്‍ക്കുണ്ടായ നേട്ടങ്ങള്‍ പരിശോധിച്ചിട്ടുണ്ടോ; വിശദമാക്കാമോ;

ഇത്തരം പരിഷ്കരണങ്ങളിലൂടെ സര്‍ക്കാറിന് വരുമാന വര്‍ദ്ധനവ് ഉണ്ടായിട്ടുണ്ടോ എന്നറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം പൊതുമരാമത്ത് വകുപ്പ് വിശ്രമകേന്ദ്രങ്ങള്‍ നവീകരിക്കന്നതിനും പൊതുജനങ്ങള്‍ക്ക് ഓണ്‍ലൈന്‍ ബുക്കിംഗ് സൗകര്യം ഒരുക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

ഇത്തരത്തില്‍ പുതുതായി സൗകര്യങ്ങള്‍ ഏര്‍പ്പെടുത്തുക വഴി പൊതുജനങ്ങള്‍ക്കുണ്ടായ നേട്ടങ്ങള്‍ പരിശോധിച്ചിട്ടുണ്ടോ; വിശദമാക്കാമോ;

സര്‍ക്കാറിന് വരുമാന വര്‍ദ്ധനവ് ഇത്തരം പരിഷ്കരണങ്ങളിലൂടെ ഉണ്ടായിട്ടുണ്ടോ എന്നറിയിക്കാമോ?

സമഗ്രശിക്ഷാ കേരളം സ്റ്റാര്‍സ് പദ്ധതിയില്‍ ഉള്‍പ്പെടുത്തി 1.53 കോടി രൂപയും പൊതുവിദ്യാഭ്യാസ വകുപ്പിന്റെ പ്ലാന്‍ ഫണ്ടില്‍ നിന്നും 1 കോടി രൂപയും അനുവദിച്ചിട്ടുള്ളതും പൊതുമരാമത്ത് വകുപ്പിനെ ചുമതലപ്പെടുത്തിയതുമായ വൈപ്പിന്‍ മണ്ഡലത്തിലെ ഞാറക്കല്‍ ഫിഷറീസ് യു. പി. സ്കൂള്‍ കെട്ടിട നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിയുടെ ടെണ്ടര്‍ നടപടികളുടെ നിലവിലെ സ്ഥിതി വ്യക്തമാക്കാമോ;

പ്രവൃത്തി ആരംഭിക്കുന്നതിനായി എന്തൊക്കെ നടപടികളാണ് പൂര്‍ത്തീകരിക്കേണ്ടതായിട്ടുള്ളതെന്ന് വിശദമാക്കാമോ?

ഈ സര്‍ക്കാര്‍ അധികാരത്തിൽ വന്ന ശേഷം തവനൂര്‍ മണ്ഡലത്തില്‍ പൊതുമരാമത്ത് കെട്ടിട വിഭാഗം മുഖേന ഏതെല്ലാം പ്രവൃത്തികള്‍ക്കാണ് ഭരണാനുമതി ലഭിച്ചതെന്നും ഓരോ പ്രവൃത്തിക്കും എത്ര രൂപയുടെ ഭരണാനുമതിയാണ് ലഭിച്ചിട്ടുള്ളതെന്നും വ്യക്തമാക്കാമോ;

ഓരോ പ്രവൃത്തിയുടേയും നിലവിലെ സ്ഥിതി എന്താണെന്ന് വ്യക്തമാക്കാമോ?

തൃപ്പൂണിത്തുറ നഗരസഭയെയും കൊച്ചിൻ കോർപ്പറേഷനെയും തമ്മിൽ ബന്ധിപ്പിക്കുന്ന പാലം (ഇരുമ്പ് പാലം) ബലക്ഷയം മൂലം വർഷങ്ങളായി അടഞ്ഞുകിടക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ;

ഇവിടെ പുതിയ പാലം നിർമ്മിക്കാൻ പദ്ധതിയുണ്ടോ; ഈ പദ്ധതിക്ക് വേണ്ടി ബഡ്ജറ്റില്‍ എത്ര തുക വകയിരുത്തിയിട്ടുണ്ട്;

ഈ പാലം നിർമ്മാണവുമായി ബന്ധപ്പെട്ട് എന്തെങ്കിലും വ്യവഹാരങ്ങൾ നിലവിലുണ്ടോ; പ്രസ്തുത നിർമ്മാണ പ്രവർത്തനങ്ങളുമായി ബന്ധപ്പെട്ട് ഭൂമി ഏറ്റെടുക്കേണ്ടതുണ്ടോ; ഉണ്ടെങ്കിൽ എത്രയാണെന്ന് വ്യക്തമാക്കാമോ;

ഈ പദ്ധതി എന്ന് ആരംഭിക്കാൻ കഴിയുമെന്നും എന്ന് പൂർത്തിയാക്കാനാണ് ഉദ്ദേശിക്കുന്നതെന്നും വ്യക്തമാക്കാമോ?

നിലമ്പൂർ മണ്ഡലത്തിലെ അളക്കൽ-പുഞ്ചക്കൊല്ലി പാലത്തിന്റെ നിർമ്മാണം ട്രൈബൽ കണക്ടിവിറ്റി പദ്ധതിയിൽ ഉൾപ്പെടുത്തി ഭരണാനുമതി നൽകുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

തിരുവമ്പാടി മണ്ഡലത്തിലെ വല്ലത്തായിക്കടവിൽ നിർമ്മിക്കുന്ന പാലം പ്രവൃത്തിയുടെ ഡിസൈനിൽ അവസാന ഘട്ടത്തിൽ മാറ്റം വന്നതിനാൽ പ്രസ്തുത പ്രവൃത്തി നിർത്തിവെക്കേണ്ടി വന്നത് ശ്രദ്ധയിൽപ്പെട്ടിട്ടുണ്ടോ;

അനുവദിച്ച തുകയിൽ മാറ്റമില്ലാത്തതിനാൽ റിവൈസ്ഡ് എസ്റ്റിമേറ്റ് അംഗീകരിക്കുന്നതിനും പ്രവൃത്തി പുനരാരംഭിക്കുന്നതിനും അടിയന്തര നടപടികൾ സ്വീകരിക്കുമോയെന്ന് വ്യക്തമാക്കാമോ?

തിരുവല്ല നിയോജകമണ്ഡലത്തിലെ പാറക്കടവ്, കോൺകോഡ് പാലങ്ങളുടെ നിർമ്മാണം ഏതു ഘട്ടത്തിലാണെന്ന് വിശദമാക്കാമോ?

കിഫ്ബിയിൽ നിന്നും 154.625 കോടി രൂപയുടെ സാമ്പത്തിക അനുമതിയും 16.12.2021-ന് 143.15 കോടി രൂപയുടെ സാങ്കേതികാനുമതിയും ലഭ്യമായിട്ടുള്ള അഴീക്കോട് - മുനമ്പം പാലത്തിന്റെ പൂർത്തീകരിച്ചിട്ടുള്ള പ്രവൃത്തികൾ എന്തെല്ലാമാണെന്ന് വിശദമാക്കാമോ;

പ്രസ്തുത പാലം നിർമ്മാണത്തിന് തടസമായിരുന്ന സ്ഥലമെടുപ്പ് സംബന്ധിച്ച കേസുകളുടെ വിധിയുടെ വിശദാംശം ലഭ്യമാക്കാമോ; വിധിയുടെ അടിസ്ഥാനത്തിൽ സ്വീകരിച്ചിട്ടുള്ള നടപടി എന്തെല്ലാമെന്ന് വ്യക്തമാക്കാമോ;

പാലത്തിനായി ഏറ്റെടുക്കുന്ന പള്ളിപ്പുറം പഞ്ചായത്ത് വാങ്ങിയ സ്ഥലത്തിനും അവിടെയുള്ള കെട്ടിടത്തിനും നഷ്ടപരിഹാരതുക ലഭ്യമാക്കുന്നതിനായി സ്വീകരിച്ചിട്ടുള്ള നടപടി വിശദമാക്കാമോ;

പാലത്തിന്റെ നിർമ്മാണം എന്നത്തേക്ക് പൂർത്തിയാക്കാൻ സാധിക്കുമെന്ന് വ്യക്തമാക്കാമോ?

ഗുരുവായൂർ മേൽപ്പാലവുമായി ബന്ധപ്പെട്ട് ഇനി എന്തൊക്കെ പ്രവൃത്തികളാണ് പൂർത്തീകരിക്കാനുള്ളതെന്ന് വിശദമാക്കാമോ;

പ്രസ്തുത പ്രവൃത്തികൾ എന്നത്തേയ്ക്ക് പൂർത്തീകരിക്കുമെന്ന് അറിയിക്കാമോ?

ഈ സർക്കാരിന്റെ കാലത്ത് സംസ്ഥാനത്തെ ബലക്ഷയമുള്ളതും അറ്റകുറ്റപ്പണികൾ ആവശ്യമായതുമായ പാലങ്ങൾ പുതുക്കിപ്പണിയുന്നതിനും അറ്റകുറ്റപ്പണികൾ നടത്തി ഗതാഗതയോഗ്യമാക്കുന്നതിനും എന്തെങ്കിലും പദ്ധതികൾ നടപ്പിലാക്കുന്നുണ്ടോ; വിശദമാക്കുമോ;

ഇപ്രകാരം വിവിധ ജില്ലകളിൽ നിന്നായി റിപ്പോർട്ട് ചെയ്യുന്ന പാലങ്ങളുടെ നിർമ്മാണത്തിനാവശ്യമായ ഫണ്ട് അനുവദിക്കുന്നുണ്ടോ; ഉണ്ടെങ്കിൽ കോട്ടയം ജില്ലയിൽ നിന്നു മാത്രം ഇപ്രകാരം എത്ര പാലങ്ങളുടെ നിർമ്മാണഫണ്ടിനായി പ്രൊപ്പോസൽ ലഭിച്ചിട്ടുണ്ട്; വിശദാംശം നൽകാമോ;

പുതുപ്പള്ളി നിയോജകമണ്ഡലത്തിലെ എരുത്തുപുഴ പാലം, വാഴുങ്കൽ പാലം, തോട്ടയ്ക്കാട് ചേലമറ്റംപടി പാലം എന്നിവയുടെ നിർമ്മാണത്തിന്റെ നിലവിലെ സ്ഥിതി വിശദമാക്കുമോ?

തൃപ്പൂണിത്തുറ നിയോജകമണ്ഡലത്തിൽ ഉൾപ്പെടുന്ന കുമ്പളം-തേവര പാലം നിർമ്മിക്കുന്നതിന് നടപടികള്‍ ആരംഭിച്ചിട്ടുണ്ടോ; ഉണ്ടെങ്കിൽ പ്രസ്തുത പ്രവൃത്തിക്കായി എത്ര രൂപയാണ് ചെലവ് കണക്കാക്കിയിരിക്കുന്നതെന്ന് വ്യക്തമാക്കാമോ;

പ്രസ്തുത പദ്ധതിക്കായി ഭൂമി ഏറ്റെടുക്കേണ്ടതുണ്ടോയെന്നും; എങ്കിൽ ഇതിനായി എത്ര ഭൂമിയാണ് ഏറ്റെടുക്കേണ്ടിവരുന്നതെന്നും ഭൂമി ഏറ്റെടുക്കൽ നടപടി ഏത് ഘട്ടത്തിലാണെന്നും വ്യക്തമാക്കാമോ;

പ്രസ്തുത പദ്ധതി നടപ്പാക്കുന്നതിനായി പാരിസ്ഥിതിക ആഘാത പഠനം നടത്തേണ്ടതുണ്ടോ; എങ്കിൽ പ്രസ്തുത പഠനം ഏതു ഘട്ടത്തിലാണെന്ന് വ്യക്തമാക്കാമോ;

പ്രസ്തുത പദ്ധതി നടപ്പിലാക്കാൻ എന്തെങ്കിലും തടസ്സമുണ്ടോയെന്നും എന്നത്തേക്ക് പ്രസ്തുത പദ്ധതി ആരംഭിക്കാൻ സാധിക്കുമെന്നും വ്യക്തമാക്കാമോ?

ബജറ്റില്‍ തുക വകയിരുത്തിയിട്ടുള്ള വൈപ്പിന്‍ മണ്ഡലത്തിലെ മാലിപ്പുറം പാലം നിര്‍മ്മാണത്തിന് ഭരണാനുമതി നല്‍കുന്നതില്‍ നേരിടുന്ന കാലതാമസത്തിന്റെ കാരണം വിശദമാക്കാമോ;

പ്രസ്തുത പാലത്തിനായുള്ള സ്ഥലമേറ്റെടുപ്പ് നടപടികളുടെ നിലവിലെ സ്ഥിതി വ്യക്തമാക്കാമോ;

ബജറ്റില്‍ ഏഴ് കോടി രൂപ വകയിരുത്തിയിട്ടുള്ള പ്രസ്തുത പാലത്തിന്റെ നിര്‍മ്മാണത്തിനായി ചീഫ് എഞ്ചിനീയര്‍ക്ക് സമര്‍പ്പിച്ചിട്ടുള്ള പതിനഞ്ച് കോടി രൂപയുടെ എസ്റ്റിമേറ്റ് സാമ്പത്തിക സ്ഥിതി കണക്കിലെടുത്ത് ഏഴ് കോടിയില്‍ പരിമിതപ്പെടുത്തി സമര്‍പ്പിക്കുവാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ?

മങ്കട മണ്ഡലത്തില്‍ ബജറ്റില്‍ അടങ്കല്‍ തുകയുടെ 20 ശതമാനം വകയിരുത്തിയിട്ടുള്ള വെള്ളില ചോഴി പാലം നിര്‍മ്മാണം, വള്ളിക്കപ്പറ്റപാലം നിര്‍മ്മാണം എന്നീ പ്രവൃത്തികളുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തികള്‍ക്ക് ബജറ്റില്‍ വകയിരുത്തിയ തുകയ്ക്ക് എസ്റ്റിമേറ്റ് നിജപ്പെടുത്തണമെന്ന് ധനകാര്യ വകുപ്പ് ആവശ്യപ്പെട്ടിരുന്നോ; എങ്കില്‍ അതിന്റെ അടിസ്ഥാനത്തില്‍ പുതുക്കിയ എസ്റ്റിമേറ്റ് സമര്‍പ്പിച്ചിട്ടുണ്ടോ; ഇല്ലെങ്കില്‍ കാലതാമസത്തിന് കാരണമെന്താണ് എന്ന് വ്യക്തമാക്കാമോ;

പ്രവൃത്തികള്‍ക്ക് തുക വകയിരുത്തി ദീര്‍ഘനാളായിട്ടും ഭരണാനുമതി നല്‍കുന്നതിന് വകുപ്പിന് നാളിതുവരെ കഴിയാത്തത് എന്തുകൊണ്ടാണ് എന്ന് വ്യക്തമാക്കാമോ; പ്രസ്തുത പാലം നിര്‍മ്മാണ പ്രവൃത്തികള്‍ക്ക് അടിയന്തരമായി ഭരണാനുമതി നല്‍കി പ്രവൃത്തി ആരംഭിയ്ക്കുന്നതിന് നടപടി സ്വീകരിക്കാമോ; വിശദമാക്കാമോ?

കോഴിക്കോട് ജില്ലയിലെ മാവൂരിനെ മലപ്പുറം ജില്ലയുമായി ബന്ധിപ്പിക്കുന്ന മണന്തലക്കടവ് പാലത്തിന്റെ ഭരണാനുമതിക്കുള്ള നിർദേശം സർക്കാരിൽ ലഭിച്ചിട്ടുണ്ടോ; വിശദമാക്കാമോ;

പാലം നിർമ്മാണത്തിന് ആവശ്യമായ സ്ഥലം ഇരു കരകളിലും ലഭ്യമായിട്ടുണ്ടോ; വിശദമാക്കാമോ;

പാലം നിർമ്മിക്കാൻ ആവശ്യമായ തുക ബജറ്റിൽ വകയിരുത്തിയിട്ടില്ലാത്ത സാഹചര്യത്തിൽ പാലത്തിനുള്ള നിർദേശം കേന്ദ്ര പദ്ധതിയിൽ ഉൾപ്പെടുത്താൻ ശിപാർശ ചെയ്യുന്നതിന് പരിഗണിക്കുമോ; വിശദമാക്കാമോ?

മരട് നഗരസഭയിലെ നെട്ടൂർ മാർക്കറ്റ് റോഡ് പാലം പുനർനിർമ്മിക്കാൻ പദ്ധതിയുണ്ടോ; ഉണ്ടെങ്കിൽ ഈ പദ്ധതിക്ക് വേണ്ടി ബജറ്റിൽ എത്ര രൂപ വകയിരുത്തിയിട്ടുണ്ടെന്ന് വ്യക്തമാക്കാമോ;

ഈ പദ്ധതി പ്രവർത്തനങ്ങൾ ത്വരിതപ്പെടുത്താൻ നാളിതുവരെ സ്വീകരിച്ച നടപടികൾ എന്തെല്ലാമാണ്; വിശദമാക്കാമോ;

ഈ പദ്ധതിക്കായി എത്ര ഭൂമി ഏറ്റെടുക്കേണ്ടി വരുമെന്നും പദ്ധതി എന്നത്തേക്ക് ആരംഭിക്കാൻ സാധിക്കുമെന്നും വ്യക്തമാക്കാമോ;

എറണാകുളം ജില്ലയിലെ കുമ്പളം പഞ്ചായത്തിലെ ചേപ്പനം കരയും ചാത്തമ്മ കരയും തമ്മിൽ ബന്ധിപ്പിക്കുന്ന പുളയ തോട് പാലത്തിന് ബലക്ഷയം സംഭവിച്ചതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവിടെ പുതിയ പാലം നിർമ്മിക്കാൻ പദ്ധതിയുണ്ടോ; വിശദമാക്കാമോ;

ബജറ്റിൽ ഈ പദ്ധതിക്കായി എത്ര തുക വകയിരുത്തിയിട്ടുണ്ട്; പദ്ധതി എന്ന് ആരംഭിക്കാൻ സാധിക്കുമെന്ന് വ്യക്തമാക്കാമോ?

വര്‍ക്കല മണ്ഡലത്തിലെ പള്ളിക്കല്‍ ഗ്രാമപഞ്ചായത്തിലെ മൂതല പാലം ശോചനീയാവസ്ഥയിലാണെന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പാലം നവീകരിക്കുന്നതിന് ആവശ്യമായ ഫണ്ട് അനുവദിച്ച് ഭരണാനുമതി നല്‍കുന്നതിന് നടപടി സ്വീകരിക്കുമോയെന്ന് അറിയിക്കാമോ?

കോതമംഗലം മണ്ഡലത്തില്‍ ഇഞ്ചത്തൊട്ടിയില്‍ പുതിയ പാലം നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ;

പാലം യാഥാര്‍ത്ഥ്യമാക്കുന്നതിനാവശ്യമായ നടപടി അടിയന്തരമായി സ്വീകരിക്കുമോ; വ്യക്തമാക്കുമോ?

ഗുരുവായൂർ മണ്ഡലത്തിൽ പാലം നിർമ്മാണവുമായി ബന്ധപ്പെട്ട് എത്ര പ്രൊപ്പോസലുകൾ പരിഗണനയിലുണ്ടെന്ന് അറിയിക്കാമോ;

പ്രസ്തുത മണ്ഡലത്തിലെ അപകടാവസ്ഥയിലുള്ള വടുതല ആറ്റുപുറം റോഡിലെ മാഞ്ചിറ പാലം പുനർനിർമ്മിക്കുന്നതിന് സ്വീകരിച്ച നടപടികൾ വിശദമാക്കാമോ;

പ്രസ്തുത മണ്ഡലത്തിലെ എത്ര പാലങ്ങൾ അപകടാവസ്ഥയിലുണ്ടെന്ന് വിശദമാക്കാമോ?

കോട്ടയം ജില്ലയിലെ കടുത്തുരുത്തി മണ്ഡലത്തിൽ 2018-ലെ പ്രളയത്തിൽ തകർന്ന കല്ലേലി (വെമ്പള്ളി–കല്ലാലി) പാലത്തിന്റെ പുനർനിർമ്മാണത്തിന്റെ എസ്റ്റിമേറ്റ് ഏത് തീയതിയിൽ സമർപ്പിച്ചുവെന്നും ആയതിന്റെ പൂരോഗതിയും അറിയിക്കാമോ;

05/05/2022-ൽ നടന്ന എ. എസ്. (ആന്വൽ സ്‌ട്രാറ്റജിക്ക്) കമ്മിറ്റി മീറ്റിങ്ങിൽ കല്ലേലി പാലത്തിന്റെ പ്രവൃത്തി പരിഗണിക്കപ്പെടാതെ പോയത് എന്തുകൊണ്ടാണ്; ആയത് പുനപരിശോധിച്ച് നിര്‍മ്മാണ പ്രവര്‍ത്തനം നടത്തുന്നതിന് നടപടി സ്വീകരിക്കുമോ;

വയലാ–കോടിക്കുളം പാലത്തിന്റെ പുനർനിർമ്മാണം ഏത് പദ്ധതിയുടെ ഭാഗമായി പൂർത്തീകരിച്ചിരിക്കുന്നുവെന്ന് അറിയിക്കാമോ; വയലാ–കോടിക്കുളം പാലം പി. എം. ജി. എസ്. വൈ. (പ്രധാനമന്ത്രി ഗ്രാമ സഡക് യോജന ) പദ്ധതിയിൽ ഉൾപ്പെടുത്തി പൂർത്തീകരിച്ചിട്ടുണ്ടോ; വിശദമാക്കാമോ?

ആലപ്പുഴ മണ്ഡലത്തിലുള്ള കേരള റോഡ് ഫണ്ട് ബോർഡ് (കെ. ആര്‍. എഫ്. ബി.) പദ്ധതിയുടെ വിശദമായ വിവരങ്ങള്‍ ലഭ്യമാക്കാമോ; പദ്ധതിയുടെ നിലവിലെ സ്ഥിതി വിശദമാക്കാമോ?

2025 - 26 വര്‍ഷത്തെ ബജറ്റില്‍ ഉള്‍പ്പെടുത്തിയ തരൂര്‍ മണ്ഡലത്തിലെ വടക്കാഞ്ചേരി ടൗണ്‍ ബ്യൂട്ടിഫിക്കേഷന്‍ & നവീകരണപ്രവൃത്തി നിലവില്‍ ഏത് ഘട്ടത്തിലാണെന്ന് വിശദമാക്കാമോ?

ഈ സർക്കാർ അധികാരത്തിൽ വന്നതിന് ശേഷം അഴീക്കോട് മണ്ഡലത്തിൽ പൊതുമരാമത്ത് വകുപ്പ് മുഖേന ബജറ്റിൽ 20 ശതമാനം തുക വകയിരുത്തിയ ഏതൊക്കെ പ്രവൃത്തികൾക്കാണ് ഭരണാനുമതി നൽകിയിട്ടുള്ളത്; വിശദാംശം നൽകാമോ;

പ്രസ്തുത പ്രവൃത്തികൾക്ക് അനുവദിച്ച തുക, നിലവിലെ സ്ഥിതി എന്നിവ സംബന്ധിച്ച് വിശദമാക്കാമോ;

ഭരണാനുമതി ലഭിച്ച പ്രവൃത്തികളിൽ ഏതൊക്കെ പ്രവൃത്തികളാണ് ആരംഭിച്ചിട്ടുള്ളതെന്നും അവ എന്ന് പൂർത്തീകരിക്കുമെന്നുമുള്ള വിശദ വിവരം ലഭ്യമാക്കാമോ?

2016 മേയ് മുതല്‍ ഇതേ വരെ റോഡുകള്‍, പാലങ്ങള്‍, കെട്ടിടങ്ങള്‍ എന്നിവയ്ക്കായി പൊതുമരാമത്ത് വകുപ്പ് ആലപ്പുഴ ജില്ലയില്‍ നടപ്പിലാക്കിയ പദ്ധതികള്‍ ഏതൊക്കെയാണെന്നും ഓരോന്നിനും എത്ര കോടി രൂപ ചെലവഴിച്ചിട്ടുണ്ടെന്നും മണ്ഡലം തിരിച്ച് വ്യക്തമാക്കാമോ;

പൊതുമരാമത്ത് പാലങ്ങള്‍ വിഭാഗത്തിന്റെ നേതൃത്വത്തില്‍ ആലപ്പുഴ ജില്ലയില്‍ നിലവില്‍ നടന്നു വരുന്ന പ്രവൃത്തികള്‍ മണ്ഡലം തിരിച്ച് അറിയിക്കുമോ?

നവകേരള സഭയ്ക്കായി കരാറുകാരിൽ ഫണ്ട് സമാഹരിക്കുന്നതിന് എന്തെങ്കിലും നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ; ആയതിൽ വകുപ്പ് മന്ത്രി ഇടപെടൽ നടത്തിയെന്ന ആരോപണം ശ്രദ്ധയിൽപ്പെട്ടിട്ടുണ്ടോ;

പ്രസ്തുത ആരോപണം സംബന്ധിച്ച് എന്തെങ്കിലും അന്വേഷണം വകുപ്പ് തലത്തിൽ നടത്തിയിട്ടുണ്ടോയെന്ന് വ്യക്തമാക്കുമോ; ആരോപണം ഉന്നയിച്ചവർക്കെതിരെ എന്തെങ്കിലും നിയമനടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ?

റോഡ് പരിപാലനത്തിലെ അലംഭാവം, അഴിമതി, കൈക്കൂലി എന്നിവ സംബന്ധിച്ച് ഈ സർക്കാരിന്റെ കാലയളവിൽ പി. ഡബ്ല്യു. ഡി. ഉദ്യോഗസ്ഥർക്കെതിരെ എത്ര പരാതികൾ ലഭിച്ചിട്ടുണ്ട്; വ്യക്തമാക്കാമോ;

എത്ര പരാതികളിൽ തുടർനടപടികൾ സ്വീകരിച്ചിട്ടുണ്ട്; എത്ര പരാതികളിൽ ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ട്; എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം നൽകാമോ;

ഉത്തരവാദികളായവർക്കെതിരെ നടപടി സ്വീകരിച്ചിട്ടില്ലാത്ത എത്ര പരാതികൾ ഉണ്ടെന്ന് വ്യക്തമാക്കാമോ?

പൊതുമരാമത്ത് വകുപ്പ് മുഖേന നടപ്പാക്കുന്ന പ്രവൃത്തികളുടെ ഗുണനിലവാരം സംബന്ധിച്ചുള്ള ജനങ്ങളുടെ പരാതികൾ സ്വീകരിക്കുന്നതിന് സ്ഥാപിച്ചിരിക്കുന്ന ബോർഡുകളിൽ രേഖപ്പെടുത്തിയ ഫോൺ നമ്പറുകളിലേക്ക് വരുന്ന പരാതികൾക്ക് പരിഹാരം കാണുന്നതിന് ഏർപ്പെടുത്തിയിട്ടുള്ള സംവിധാനം എന്താണെന്ന് വ്യക്തമാക്കാമോ;

പ്രസ്തുത സംവിധാനത്തിലൂടെ നാളിതുവരെ ഓരോ ജില്ലയിലും എത്ര പരാതികൾ ലഭിച്ചു; എത്ര പരാതികളിൽ അന്വേഷണം നടത്തി; എത്ര പരാതികളിൽ കുറ്റക്കാർക്കെതിരെ നടപടി സ്വീകരിച്ചു; വിശദാംശം ഇനം തിരിച്ച് വ്യക്തമാക്കാമോ?

പുതുക്കാട് മണ്ഡലത്തില്‍ കിഫ്ബി ധനസഹായത്തോടെ നടപ്പാക്കുന്ന വിവിധ വികസന പ്രവൃത്തികള്‍ എന്തെല്ലാമാണ്; ആയതിന്റെ നിലവിലെ നടപടികള്‍ ഏത് ഘട്ടത്തിലാണ്; വിശദമാക്കാമോ;

പുതുക്കാട് ആര്‍. ഒ. ബി., പുതുക്കാട്- മുപ്ലിയം- കോടാലി റോഡ്, കൊടകര– വെള്ളിക്കുളങ്ങര- കോടാലി റോഡ്, മലയോര ഹൈവേ, പുതുക്കാട് മണ്ഡലത്തില്‍ ഉള്‍പ്പെടുന്ന റീച്ച് തുടങ്ങിയ പ്രവൃത്തികള്‍ ആരംഭിക്കുന്നതിനാവശ്യമായ അടിയന്തര നടപടികള്‍ സ്വീകരിക്കാമോ; വ്യക്തമാക്കുമോ?

വിഴിഞ്ഞം-നാവായിക്കുളം ഔട്ടര്‍ റിംഗ് റോഡിന്റെ (എന്‍.എച്ച്. 866) നിര്‍മ്മാണ പ്രവൃത്തികള്‍ ഇതുവരെയും ആരംഭിക്കുവാന്‍ കഴിയാത്തതിന്റെ കാരണം വിശദമാക്കാമോ;

പ്രസ്തുത റോഡ് പ്രവൃത്തികള്‍ക്കായി സംസ്ഥാന സര്‍ക്കാര്‍ ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

പ്രസ്തുത പാതയ്ക്കായി സംസ്ഥാനത്തിന്റെ വിഹിതം എത്രയാണ് മാറ്റിവച്ചിട്ടുള്ളതെന്ന് വിശദമാക്കാമോ?

ദേശീയ പാത 66ന്റെ അഴിയൂർ വെങ്ങളം റീച്ചില്‍ സര്‍വീസ് റോഡിനോട് ചേര്‍ന്ന് നിര്‍മ്മിച്ചിട്ടുള്ള ഡ്രൈനേജുകളുടെ കവറിംഗ് സ്ലാബുകള്‍ക്ക് ഉറപ്പ് കുറവാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത ഉറപ്പു കുറഞ്ഞ സ്ലാബുകള്‍ വാഹനങ്ങള്‍ കയറി തകര്‍ന്ന അവസ്ഥ പരിഹരിക്കുന്നതിന് എന്ത് നടപടി സ്വീകരിച്ചുവെന്ന് വിശദമാക്കാമോ?

ദേശീയപാത 66-ന്റെ വികസന പുരോഗതിയും ഏതെല്ലാം പ്രധാന പ്രവൃത്തികളാണ് പൂര്‍ത്തിയായതെന്നും വ്യക്തമാക്കാമോ; പുരോഗമിക്കുന്ന മറ്റ് പ്രവൃത്തികളുടെ വിശദാംശങ്ങള്‍ ലഭ്യമാക്കാമോ;

ദേശീയപാത നിര്‍മ്മാണത്തിനായി സംസ്ഥാനം കേന്ദ്രത്തിന് സാമ്പത്തിക വിഹിതം നല്‍കിയിട്ടുണ്ടോ; എങ്കില്‍ വിശദാംശം ലഭ്യമാക്കാമോ;

ദേശീയപാത 66 പൂര്‍ണ്ണമായും എപ്പോള്‍ കമ്മീഷന്‍ ചെയ്യാന്‍ കഴിയുമെന്നാണ് കരുതുന്നതെന്ന് വ്യക്തമാക്കാമോ;

കേരളത്തില്‍ പുരോഗമിക്കുന്ന മറ്റ് ദേശീയ പാതകള്‍ ഏതൊക്കെയാണെന്ന് വ്യക്തമാക്കാമോ;

കോഴിക്കോട് മുത്തങ്ങ ദേശീയപാത നാല് വരിയാക്കുന്നതിന് നിര്‍ദേശമുണ്ടോ; നടപടിക്രമങ്ങളുടെ പുരോഗതി വ്യക്തമാക്കാമോ?

നാഷണൽ ഹൈവേ നിർമ്മാണവുമായി ബന്ധപ്പെട്ട് കേരളത്തിലെ പുഴകളിൽ നിന്നും ഡ്രെഡ്ജിംഗ് വഴി എടുക്കുന്ന മണ്ണിന്റെ കണക്ക് സർക്കാരിന്റെ കയ്യിലുണ്ടോ; വിശദമാക്കാമോ?

കണ്ണൂര്‍-കൂട്ടുപുഴ (മടിക്കേരി) നാഷണൽ ഹൈവേയുടെ ഭാഗമായി ഏതെങ്കിലും തരത്തിലുള്ള ഇന്‍വെസ്റ്റിഗേഷന്‍ പ്രവൃത്തി നടത്തിയിട്ടുണ്ടോ; ഉണ്ടെങ്കില്‍ ആയതിന്റെ വിശദവിവരങ്ങള്‍ ലഭ്യമാക്കാമോ;

പ്രസ്തുത നാഷണൽ ഹൈവേയുടെ പ്രൊപ്പോസലിന്റെ നിലവിലെ സ്ഥിതി എന്താണെന്ന് വിശദമാക്കാമോ?

നാഷണൽ ഹൈവേയിൽ ഫുട്പാത്ത് നിർമ്മാണം, ഹാന്റ് റെയിൽ സ്ഥാപിക്കൽ, ബസ്ബേ നിർമ്മിക്കൽ, ടൗണുകളിൽ വീതി കൂട്ടി നവീകരിക്കൽ തുടങ്ങിയ പ്രവൃത്തികൾ നടത്തുന്നതിന് എൻ. എച്ച്. എ. ഐ. യുടെ പ്രത്യേക അനുമതി ആവശ്യമുണ്ടോയെന്ന് വിശദമാക്കാമോ;

2006-11 കാലഘട്ടത്തിൽ കൊടുവള്ളി ടൗൺ നവീകരണത്തിന് അനുവദിച്ച തുക ഉപയോഗപ്പെടുത്തി നടത്തിയ പ്രവൃത്തിക്ക് എൻ. എച്ച്. എ. ഐ. യുടെ പെർമിഷൻ വാങ്ങിയിരുന്നോ; വിശദാംശം ലഭ്യമാക്കാമോ?

കൊടുങ്ങല്ലൂർ - ഷൊർണ്ണൂർ പാതയിലെ പെരുമ്പിള്ളിശ്ശേരി, പൂച്ചിന്നിപ്പാടം സെന്ററുകളിൽ ബസ് കാത്തിരിപ്പ് കേന്ദ്രങ്ങൾ നിർമ്മിക്കുന്നതിന് ഡി. പി. ആർ. തയ്യാറാക്കിയിരുന്നോ; വ്യക്തമാക്കാമോ;

എം. എൽ. എ. ഫണ്ടിൽ നിന്നും നിർമ്മിക്കുന്ന ബസ് ഷെൽട്ടറുകളുടെ ഡി. പി. ആർ. -ൽ ഗതാഗത തടസ്സം ഒഴിവാക്കുന്നതിനാവശ്യമായ റൈറ്റ് ഓഫ് വേ ഉൾപ്പെടുത്തിയിരുന്നോ; വിശദമാക്കാമോ;

പ്രസ്തുത ഡി. പി. ആർ. -ന് കെ. എസ്‌. ടി. പി. സമ്മതപത്രം നൽകാതിരുന്നിട്ടുണ്ടോ; ഇക്കാര്യത്തിൽ പരാതി ലഭിച്ചിട്ടുണ്ടോ; വിശദമാക്കാമോ;

രണ്ട് വർഷത്തിനു ശേഷവും പ്രസ്തുത ബസ് ഷെൽട്ടറുകളുടെ നിർമ്മാണം ആരംഭിക്കാത്തതിന്റെ കാരണം വ്യക്തമാക്കാമോ;

എം. എൽ. എ. യുടെ ആസ്തി വികസന ഫണ്ടിൽ നിന്നും തുക അനുവദിക്കുകയാണെങ്കിൽ കെ. എസ്‌. ടി. പി. (കേരള സ്റ്റേറ്റ് ട്രാൻസ്‌പോർട്ട് പ്രൊജക്റ്റ്) യിൽ നിന്നും ബസ് ഷെൽട്ടറുകൾ നിർമ്മിക്കുന്നതിന് അനുമതി ലഭ്യമാക്കുമോയെന്ന് അറിയിക്കാമോ?

രാജ്യത്ത് ആദ്യമായി പൊതുഇടങ്ങളിലെ നിര്‍മ്മാണത്തിന് സമഗ്രമായ ഒരു ഡിസൈന്‍ നയം അംഗീകരിച്ച സംസ്ഥാനമായി മാറുന്നതിന് കേരളത്തിന് കഴിഞ്ഞിട്ടുണ്ടോ; വിശദീകരിക്കുമോ;

കാലാവസ്ഥാ വ്യതിയാനവും സുസ്ഥിരവികസനവും ഉള്‍ക്കൊണ്ടുകൊണ്ടുളള നിര്‍മ്മിതികള്‍ വിഭാവനം ചെയ്യാന്‍ ഡിസൈന്‍ പോളിസി കൊണ്ടുവന്നതിലൂടെ സാധിക്കുന്നുണ്ടോ; വിശദീകരിക്കുമോ;

പൊതുമരാമത്ത് പ്രവൃത്തികളുടെ ഗുണനിലവാരം ഉറപ്പുവരുത്തുന്നതിനായി നിർമ്മാണ മേഖലയിൽ എന്തെല്ലാം ഗുണകരമായ മാറ്റങ്ങളാണ് ഡിസൈൻ പോളിസി കൊണ്ടുവന്നതെന്ന് വിലയിരുത്തിയിട്ടുണ്ടോ; വിശദീകരിക്കുമോ;

റോഡുകൾ സ്മാർട്ട് റോഡുകളാക്കുന്നതിനും ഗുണനിലവാരം വർദ്ധിപ്പിക്കുന്നതിനും ഡിസൈൻ പോളിസി എത്രത്തോളം സഹായകമായിട്ടുണ്ട്; വിശദീകരിക്കുമോ?

വിവിധ പൊതുമരാമത്ത് പ്രവൃത്തികള്‍ക്കായി മണ്ണ് ലഭ്യമല്ലാത്തതിനാല്‍ നിര്‍മ്മാണം പൂര്‍ത്തിയാക്കാന്‍ സാധിക്കാത്ത പ്രശ്നം ശ്രദ്ധയില്‍പ്പെട്ടിട്ടുണ്ടോ;

പൊതുമരാമത്ത് വകുപ്പ് നിശ്ചയിച്ചിട്ടുള്ള വിലയെക്കാള്‍ ഉയര്‍ന്ന വില മാര്‍ക്കറ്റ് റേറ്റായി മണ്ണിന് നല്‍കേണ്ട സാഹചര്യത്തില്‍ നിര്‍മ്മാണങ്ങള്‍ (എര്‍ത്ത് ഫില്ലിംഗ് പ്രവൃത്തികള്‍) മുടങ്ങിക്കിടക്കുന്നത് ഒഴിവാക്കുന്നതിനായി മണ്ണിന്റെ റേറ്റ് വര്‍ദ്ധിപ്പിക്കുന്നതിന് നടപടി സ്വീകരിക്കുമോ;

പൊതുമരാമത്ത് കെട്ടിട വിഭാഗത്തിന് നിര്‍മ്മാണ ചുമതലയുള്ള ചെറപ്പൂക്കര പഞ്ചായത്ത് ഗ്രൗണ്ട് നിര്‍മ്മാണത്തിന് മണ്ണ് ലഭിക്കാത്തതിനാല്‍ മുടങ്ങിക്കിടക്കുന്ന പ്രവൃത്തി പരിഹരിക്കുന്നതിന് ഉചിതമായ നടപടികള്‍ സ്വീകരിക്കുമോ; വിശദമാക്കുമോ ?

പൊതുമരാമത്ത് വകുപ്പ് കരാറുകള്‍ അനുവദിക്കുന്ന നടപടിക്രമം സംബന്ധിച്ച് ആക്ഷേപങ്ങൾ ഉയർന്നുവരുന്നത് സര്‍ക്കാര്‍ ഗൗരവത്തോടെ കാണുന്നുണ്ടോ; വ്യക്തമാക്കുമോ;

മുൻസർക്കാരിന്റെ കാലം മുതൽ നാളിതുവരെ പൊതുമരാമത്ത് വകുപ്പ് മുഖേന നടത്തിയ പ്രവൃത്തികൾ സംബന്ധിച്ച് വിവിധ ഓഡിറ്റ് റിപ്പോർട്ടുകളിൽ കണ്ടെത്തിയിട്ടുള്ള ക്രമക്കേടുകൾ എന്തൊക്കെയാണെന്നും ഏതൊക്കെ പ്രവൃത്തികളിലാണ് ക്രമക്കേടുകൾ കണ്ടെത്തിയിട്ടുള്ളതെന്നും സംബന്ധിച്ച വിശദാംശം വ്യക്തമാക്കുമോ;

പൊതുമരാമത്ത് വകുപ്പില്‍ നിലവിലുള്ള ഓഡിറ്റ്, വിജിലന്‍സ് സംവിധാനങ്ങൾ പര്യാപ്തമാണെന്ന് വിലയിരുത്തുന്നുണ്ടോ; പ്രസ്തുത സംവിധാനങ്ങൾ ശക്തിപ്പെടുത്തുന്നതിന് നടപടി സ്വീകരിക്കുമോ; വിശദമാക്കുമോ?

പൊതുമരാമത്ത് വകുപ്പിന്റെ പ്രവൃത്തികള്‍ക്ക് നിലവിലുള്ള ലോക്കല്‍ മാര്‍ക്കറ്റ് റേറ്റ് എന്നാണ് പ്രാബല്യത്തില്‍ വന്നതെന്ന് വ്യക്തമാക്കാമോ;

നിലവില്‍ ഷെഡ്യൂള്‍ഡ് റേറ്റിനേക്കാള്‍ കുറവായി ലോക്കല്‍ മാര്‍ക്കറ്റ് റേറ്റ് കാണുന്നത് കൊണ്ട് പല കരാറുകാരും പുതിയ പ്രവൃത്തികള്‍ ഏറ്റെടുക്കുന്നില്ലെന്നതും ടെൻഡറായ പ്രവൃത്തികള്‍ക്ക് എഗ്രിമെന്റ് വെയ്ക്കുന്നില്ല എന്നതും ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

എസ്റ്റിമേറ്റ് റേറ്റും ലോക്കല്‍ മാര്‍ക്കറ്റ് റേറ്റും തമ്മിലുള്ള അന്തരം കുറയ്ക്കുന്നതിനും പ്രവൃത്തികള്‍ എത്രയും പെട്ടെന്ന് പൂര്‍ത്തീകരിക്കുന്നതിനുമുള്ള അടിയന്തര നടപടികള്‍ സ്വീകരിക്കുമോ; വിശദമാക്കാമോ?

പൊതുമരാമത്ത് വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും ഈ സർക്കാരിന്റെ കാലയളവിൽ നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, ഈ കാലയളവിൽ പരസ്യ ഇനത്തിൽ ആകെ ചെലവഴിച്ച തുക എന്നിവ സഹിതം വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുമരാമത്ത് വകുപ്പ് മുഖേന കല്ല്യാശ്ശേരി മണ്ഡലത്തില്‍ അനുവദിച്ചതും നടപ്പിലാക്കിയതുമായ പ്രവൃത്തികളുടെ വിശദാംശം ലഭ്യമാക്കാമോ?

കേരളത്തെ വെൽനെസ്സ് ടൂറിസം ഹബ്ബാക്കി മാറ്റുന്നതിന് എന്തെങ്കിലും പദ്ധതി ആവിഷ്കരിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

ഈ മേഖലയിൽ നിക്ഷേപങ്ങൾ ആകർഷിക്കുവാൻ എന്തെല്ലാം നടപടികളാണ് സ്വീകരിക്കാൻ ആലോചിക്കുന്നത്; വിശദമാക്കാമോ;

വെൽനെസ്സ് കേന്ദ്രങ്ങളിൽ നിന്നും ലഭിക്കുന്ന സേവനങ്ങൾ എന്തെല്ലാമാണെന്ന് വ്യക്തമാക്കാമോ?

തിരുവനന്തപുരം, കൊല്ലം, പത്തനംതിട്ട എന്നീ ജില്ലകളെ ഉള്‍പ്പെടുത്തി തിരുവിതാംകൂര്‍ പൈതൃക പദ്ധതി ആരംഭിക്കുന്നതിന് തീരുമാനിച്ചിട്ടുണ്ടോ;

പ്രസ്തുത ജില്ലകളിലെ പ്രധാന പൈതൃക സ്മാരകങ്ങളുടെ വിശദാംശം ലഭ്യമാക്കാമോ;

തിരുവിതാംകൂര്‍ കാലഘട്ടത്തിലെ കലാ-സാംസ്കാരിക പൈതൃകം എങ്ങനെയാണ് ടൂറിസത്തിന്റെ ഭാഗമായി സംരക്ഷിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ;

തിരുവിതാംകൂര്‍ പൈതൃക പദ്ധതിയില്‍ പരമ്പരാഗത കൈത്തറി വ്യവസായത്തെ പരിഗണിക്കുന്നതിന് ഉദ്ദേശിക്കുന്നുണ്ടോ;

തിരുവിതാംകൂറിന്റെ രാജകീയ പൈതൃകത്തെക്കുറിച്ച് ഡോക്യുമെന്റേഷന്‍ നടത്തുന്നതിന് പദ്ധതികള്‍ ആവിഷ്കരിച്ചിട്ടുണ്ടോ?

ടൂറിസം വകുപ്പ് വിനോദസഞ്ചാരികളെ ലക്ഷ്യമിട്ട് സംഘടിപ്പിക്കുന്ന ട്രാവല്‍ ലിറ്റററി ഫെസ്റ്റിവല്‍ കൂടുതല്‍ സ്ഥലങ്ങളിലേക്ക് വ്യാപിപ്പിക്കുവാൻ ഉദ്ദേശിക്കുന്നുണ്ടോ; വിശദമാക്കാമോ;

പ്രസ്തുത പദ്ധതിയില്‍ കേരളത്തിലെ സാഹിത്യകാരന്മാരെ ഉള്‍പ്പെടുത്താൻ ഉദ്ദേശിക്കുന്നുണ്ടോ; എങ്കിൽ വിശദാംശം നൽകാമോ?

ടൂറിസം മേഖലയില്‍ ആവശ്യമായ പരിശീലനം ലഭ്യമാക്കുന്നതിനായി നടത്തുന്ന പ്രത്യേക സ്കില്‍ ഡെവലപ്മെന്റ് പ്രോഗ്രാമുകള്‍ ഏതൊക്കെയാണെന്ന് വ്യക്തമാക്കാമോ;

വിദേശഭാഷാ പരിജ്ഞാനം, ട്രാവല്‍ ഗെെഡ്, ഹോസ്പിറ്റാലിറ്റി മാനേജ്മെന്റ് മുതലായ മേഖലകളില്‍ യുവജനങ്ങളെ പരിശീലിപ്പിക്കുന്നതിന് എന്തെല്ലാം സംവിധാനങ്ങള്‍ നിലവിലുണ്ടെന്ന് വ്യക്തമാക്കാമോ;

ടൂറിസം മേഖലയിലെ തൊഴില്‍ സാധ്യതകള്‍ വര്‍ദ്ധിപ്പിക്കുന്നതിന് സര്‍ക്കാര്‍-സ്വകാര്യ പങ്കാളിത്തത്തിലൂടെ നടപ്പാക്കുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

ഹോം സ്റ്റേ, കലാ-സാംസ്കാരിക പരിപാടികള്‍, പ്രാദേശിക ഭക്ഷ്യോല്പന്ന വിപണനം തുടങ്ങിയവ വഴി ഗ്രാമീണ മേഖലകളില്‍ തൊഴില്‍ സൃഷ്ടിക്കാനുള്ള പദ്ധതികള്‍ വിശദമാക്കാമോ?

കൊല്ലം ജില്ലയിൽ പ്രഖ്യാപിച്ച ജൈവ വൈവിധ്യ വിനോദസഞ്ചാര സർക്യൂട്ട് പദ്ധതിയിലുള്‍പ്പെടുത്തി പുനലൂർ നിയോജക മണ്ഡലത്തില്‍ ഒന്നും രണ്ടും ഘട്ടങ്ങളിലായി മലമേൽ ടൂറിസം, തെന്മല ഇക്കോടൂറിസം എന്നീ പദ്ധതിപ്രദേശങ്ങളിൽ എന്തൊക്കെ പ്രവര്‍ത്തനങ്ങളാണ് നടത്താൻ തീരുമാനിച്ചിട്ടുള്ളതെന്ന് വിശദമാക്കാമോ;

പ്രസ്തുത പദ്ധതിയുടെ ഓരോ ഘട്ടത്തിനും എത്ര തുകയാണ് അനുവദിച്ചതെന്നും പ്രസ്തുത ഫണ്ടിന്റെ വിനിയോഗവുമായി ബന്ധപ്പെട്ട് സ്വീകരിച്ചിട്ടുള്ള തുടർനടപടികളെക്കുറിച്ചും വിശദമാക്കാമോ;

മേല്‍ വിഷയത്തില്‍ ഇന്‍ഫ്രാസ്ട്രക്ചറല്‍ ഡവലപ്മെന്റ് കോര്‍പറേഷന്‍ (കര്‍ണാടക) ലിമിറ്റഡ് (ഐഡെക്) എന്തൊക്കെ പ്രവര്‍ത്തനങ്ങള്‍ പൂര്‍ത്തിയാക്കിയിട്ടുണ്ടെന്ന് വിശദമാക്കാമോ;

തെന്മല ഇക്കോടൂറിസം പദ്ധതിയ്ക്കായി 2024 മുതൽ സംസ്ഥാന ബജറ്റുകളിൽ ആകെ എത്ര രൂപ വകയിരുത്തിയിട്ടുണ്ടെന്നതുൾപ്പെടെ വകയിരുത്തിയ തുകയുടെ ഉപയോഗസ്ഥിതി, നടപ്പിലാക്കിയ ഘടകങ്ങൾ, ശേഷിക്കുന്ന പ്രവർത്തനങ്ങൾ എന്നിവയുടെ വിശദമായ റിപ്പോർട്ട് ലഭ്യമാക്കാമോ?

ചുരം റോഡുകളുടെ ശോചനീയാവസ്ഥ വയനാട് ഉൾപ്പെടെയുള്ള വിനോദ സഞ്ചാരകേന്ദ്രങ്ങളുടെ സാധ്യതകളെ ദോഷകരമായി ബാധിക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

വിനോദസഞ്ചാര കേന്ദ്രങ്ങളിലേക്കുള്ള ഗതാഗതസൗകര്യം മെച്ചപ്പെടുത്തുന്നതിന് പദ്ധതികൾ ആവിഷ്കരിച്ചിട്ടുണ്ടോ; വിശദാംശം നല്‍കുമോ?

വയനാട് ജില്ലയിലെ ഇക്കോ ടൂറിസം കേന്ദ്രങ്ങൾ വർഷത്തിൽ നിരവധി ദിവസം അടഞ്ഞുകിടക്കുന്നത് മേഖലയിലെ ടൂറിസം സാധ്യതകളെ ദോഷകരമായി ബാധിക്കുന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

കഴിഞ്ഞ അഞ്ചു വർഷക്കാലയളവിൽ ജില്ലയിലെ ഓരോ ഇക്കോ ടൂറിസം കേന്ദ്രങ്ങളും അടച്ചിട്ട ദിവസങ്ങളുടെ എണ്ണം വ്യക്തമാക്കുമോ;

ഇക്കോ ടൂറിസം കേന്ദ്രങ്ങൾ കൂടുതൽ ദിവസം സഞ്ചാരികൾക്ക് തുറന്നു കൊടുക്കുന്നതിനായി അനുയോജ്യമായ നടപടികൾ സ്വീകരിക്കുമോ; വ്യക്തമാക്കുമോ?

കാട്ടാക്കട മണ്ഡലത്തിലെ തൂങ്ങാംപാറ ഇക്കോ ടൂറിസം പദ്ധതിയുടെ നിര്‍മ്മാണ പ്രവര്‍ത്തനങ്ങളുടെ നിലവിലെ സ്ഥിതി വിശദമാക്കാമോ;

പ്രസ്തുത നിര്‍മ്മാണ പ്രവര്‍ത്തനങ്ങള്‍ എന്ന് പൂര്‍ത്തീകരിക്കാനാകുമെന്ന് വ്യക്തമാക്കാമോ?

ഡി.റ്റി.പി.സി.യുടെ മലമ്പുഴ ഗാർഡനിൽ എച്ച്. ആർ. തൊഴിലാളികളായി ജോലി ചെയ്യുന്നവരിൽ 60 വയസ്സ് പൂർത്തിയായവരെ പിരിച്ചുവിടുന്നതിന് തീരുമാനിച്ചിട്ടുണ്ടോ; വിശദമാക്കുമോ;

ഇപ്രകാരം പിരിച്ചുവിടുന്നവർക്ക് എന്തൊക്കെ ആനുകൂല്യങ്ങളാണ് ലഭിക്കുന്നത്; പി. എഫ്., ഇ. എസ്. ഐ. തുടങ്ങിയ ആനുകൂല്യങ്ങള്‍ ലഭിക്കാത്ത ഇത്തരം ജീവനക്കാരെ യാതൊരു ആനുകൂല്യങ്ങളും നൽകാതെ പിരിച്ചുവിടുന്ന നടപടി ഒഴിവാക്കുമോ; വ്യക്തമാക്കുമോ;

മേൽപ്പറഞ്ഞവരിൽ ആരോഗ്യമുള്ള തൊഴിലാളികളെ 70 വയസ്സുവരെ ജോലിയിൽ തുടരുന്നതിനും ആരോഗ്യപരമായി തൊഴിൽ ചെയ്യാൻ കഴിയാത്തവർക്ക് സ്വയം വിരമിക്കുന്നതിനും അവസരം നൽകുമോ; ഇപ്രകാരം സ്വയം വിരമിക്കുന്നവർക്ക് ന്യായമായ വിരമിക്കൽ ആനുകൂല്യം നൽകുന്നതിനും നടപടി സ്വീകരിക്കുമോ;

മേൽപ്പറഞ്ഞ തൊഴിലാളികൾക്ക് പി. എഫ്., ഇ. എസ്. ഐ. എന്നിവ നടപ്പാക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

തൃശ്ശൂർ ജില്ലയിലെ തുമ്പൂർമുഴി ശലഭോദ്യാനത്തിൽ സൗന്ദര്യവൽക്കരണത്തിന്റെ ഭാഗമായി 2017-ല്‍ ഭരണാനുമതി നല്‍കിയ പ്രവൃത്തികൾ പൂർത്തീകരിച്ചിട്ടുണ്ടോ എന്ന് അറിയിക്കാമോ;

ഈ പ്രവൃത്തിക്ക് ഭരണാനുമതി നല്‍കിയ തുക എത്രയെന്നും ചെലവഴിച്ച തുക എത്രയെന്നും തരം തിരിച്ച് വ്യക്തമാക്കാമോ;

പ്രവൃത്തിയുടെ നിർവഹണ ചുമതല നൽകിയത് ഏത് ഏജൻസിക്കായിരുന്നു എന്ന് വെളിപ്പെടുത്താമോ;

പ്രവൃത്തിയുടെ നിർമ്മാണം സംബന്ധിച്ച് എന്തെങ്കിലും ആക്ഷേപങ്ങളോ പരാതികളോ ശ്രദ്ധയിൽപ്പെട്ടിട്ടുണ്ടോ; എങ്കിൽ അതിന്മേൽ നടപടി സ്വീകരിച്ചിട്ടുണ്ടോ; വിശദാംശം അറിയിക്കാമോ;

പ്രവൃത്തിയുമായി ബന്ധപ്പെട്ട് കോടതി വ്യവഹാരങ്ങളുണ്ടെങ്കില്‍ ആയതിന്റെ വിശദാംശവും സ്വീകരിച്ച തുടര്‍നടപടികളും വിശദമാക്കാമോ?

തീരദേശ ഹൈവേയുടെ വികസനത്തോടെ പുതിയ ബീച്ചുകള്‍ രൂപപ്പെടുത്തുന്നതിനുള്ള സാധ്യത വിലയിരുത്തിയിട്ടുണ്ടോ; എങ്കില്‍ വ്യക്തമാക്കുമോ;

തീരദേശ ഹൈവേയുടെ നിർമ്മാണം തീരപ്രദേശങ്ങളുടെ വൈവിധ്യമാർന്ന വികസനത്തിനും വിനോദസഞ്ചാര മേഖലയുടെ വികസനത്തിലൂടെ തൊഴില്‍ സാധ്യതകള്‍ മെച്ചപ്പെടുത്തുന്നതിനും സഹായിക്കുമോ; വിശദമാക്കുമോ;

ഡെസ്റ്റിനേഷൻ ടൂറിസം, സൈക്കിള്‍ ടൂറിസം എന്നീ മേഖലകളുടെ പുരോഗതിക്ക് തീരദേശ ഹൈവേയുടെ പൂർത്തീകരണം സഹായിക്കുമോ; വിശദമാക്കുമോ?

കോടിമത-കച്ചേരിക്കടവ് ടൂറിസം പദ്ധതിയുടെ രണ്ടാം ഘട്ട പ്രവൃത്തികള്‍ പൂര്‍ത്തിയാക്കുന്നതിനായി ഈ സര്‍ക്കാര്‍ അധികാരത്തില്‍ വന്നശേഷം എത്ര തവണ ടോക്കണ്‍ പ്രൊവിഷന്‍ അനുവദിച്ച് ബജറ്റില്‍ ഉള്‍പ്പെടുത്തിയിട്ടുണ്ടെന്ന് അറിയിക്കാമോ;

പ്രസ്തുത പദ്ധതിയുടെ അടിയന്തര പ്രാധാന്യം കണക്കിലെടുത്ത് നടപ്പു സാമ്പത്തിക വര്‍ഷമെങ്കിലും രണ്ടാം ഘട്ട പ്രവൃ‍ത്തികള്‍ ആരംഭിക്കാന്‍ സാധിക്കുമോയെന്ന് വിശദമാക്കാമോ?

അതിരപ്പിള്ളി വെള്ളച്ചാട്ടത്തിനു സമീപം ടൂറിസ്റ്റ് ഫെസിലിറ്റേഷന്‍ സെന്റര്‍ നിര്‍മ്മാണത്തിന് മൊബിലൈസേഷന്‍ അഡ്വാന്‍സായി ഭവനനിര്‍മ്മാണ ബോര്‍ഡിന് അനുവദിച്ച തുക എത്രയെന്നും അനുവദിച്ചത് എന്നാണെന്നും അറിയിക്കാമോ;

മൊബിലൈസേഷന്‍ അഡ്വാന്‍സായി തുക അനുവദിച്ചിട്ടും നിര്‍മ്മാണ പ്രവര്‍ത്തനങ്ങളില്‍ വീഴ്ച്ച വരു‍ത്തിയതില്‍ നടപടി സ്വീകരിച്ചിട്ടുണ്ടോ; വിശദാംശം അറിയിക്കാമോ;

മൊബിലൈസേഷന്‍ അഡ്വാന്‍സായി നല്‍കിയ തുക ഭവനനിര്‍മ്മാണ ബോര്‍ഡില്‍ നിന്നും തിരികെ ഈടാക്കിയിട്ടുണ്ടോ; വിശദാംശം നല്‍കാമോ;

ഭവനനിര്‍മ്മാണ ബോര്‍ഡില്‍ നിന്ന് തുക തിരികെ ഈടാക്കി മറ്റൊരു ഏജന്‍സിയെ ചുമതലപ്പെടുത്തി ടൂറിസ്റ്റ് ഫെസിലിറ്റേഷന്‍ സെന്റര്‍ നിര്‍മ്മാണത്തിന് നടപടികള്‍ സ്വീകരിക്കുമോ; വിശദമാക്കാമോ?

നെന്മാറ നിയോജക മണ്ഡലത്തിലെ ടൂറിസം സാധ്യതകളെ സംബന്ധിച്ച് പഠനം നടത്തിയിട്ടുണ്ടോ; ഉണ്ടെങ്കിൽ ഏതൊക്കെ സ്ഥലങ്ങളാണ് കണ്ടെത്തിയിട്ടുള്ളതെന്ന് വിശദമാക്കാമോ;

ഇത്തരത്തിൽ കണ്ടെത്തിയ സ്ഥലങ്ങളിൽ ടൂറിസം വികസനത്തിനായി സർക്കാർ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

വടക്കാഞ്ചേരി മണ്ഡലത്തില്‍ 2021 മുതല്‍ 2025 വരെ വിനോദസഞ്ചാര വകുപ്പ് പ്ലാന്‍ ഫണ്ടില്‍ ഉള്‍പ്പെടുത്തി അനുവദിച്ച പ്രവൃത്തികളുടെ പുരോഗതി വിശദമാക്കാമോ;

വടക്കാഞ്ചേരി മണ്ഡലത്തില്‍ 2021 മുതല്‍ 2025 വരെ ബജറ്റിൽ ഉള്‍പ്പെടുത്തി വിനോദസഞ്ചാര വകുപ്പ് മുഖേന അനുവദിച്ച പ്രവൃത്തികളുടെ പുരോഗതി വിശദമാക്കാമോ;

പ്രസ്തുത പ്രവൃത്തികളുടെ നിര്‍മ്മാണം സമയബന്ധിതമായി പൂര്‍ത്തിയാക്കുന്നതിന് ആവശ്യമായ നടപടി സ്വീകരിക്കാമോ; വിശദമാക്കാമോ?

ഈ സര്‍ക്കാരിന്റെ കാലത്ത് നാളിതുവരെ കല്ല്യാശ്ശേരി മണ്ഡലത്തില്‍ വിനോദസഞ്ചാരമേഖലയുടെ വികസനത്തിനായി ആകെ എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവിൽ മണ്ഡലത്തില്‍ വിനോദസഞ്ചാര മേഖലയില്‍ എത്ര തൊഴിലവസരങ്ങള്‍ ഉണ്ടായിട്ടുണ്ട്; വിശദാംശം നല്‍കാമോ?

ബ്ലൂ ഫ്ലാഗ് അംഗീകാരം ലഭിച്ചിട്ടുള്ള അഴീക്കൽ ചാൽ ബീച്ചിൽ ടൂറിസം വകുപ്പിനു വികസന പ്രവർത്തനങ്ങൾ നടത്താന്‍ പദ്ധതിയുണ്ടോയെന്ന് വിശദമാക്കാമോ;

ബീച്ച് നവീകരിക്കുന്നതിന് പ്രത്യേക പാക്കേജ് കൊണ്ടുവരുന്നതിനുള്ള നടപടി സ്വീകരിക്കുമോ; വിശദമാക്കാമോ?

അരൂർ മണ്ഡലത്തിലെ തുറവൂർ പഞ്ചായത്തിൽ സ്ഥിതി ചെയ്യുന്ന തുറവൂർ വേ-സൈഡ് പാർക്ക് കാടുപിടിച്ച് കിടക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത പാർക്ക് നിർമ്മാണം പൂർത്തീകരിച്ചതിനുശേഷം പാർക്കിന്റെ പുരുദ്ധാരണത്തിനായി ടൂറിസം വകുപ്പ് എത്ര രൂപ ചെലവാക്കി എന്ന് വിശദമാക്കാമോ;

പ്രസ്തുത പാർക്ക് പൊതുജനങ്ങൾക്ക് ഉപകാരപ്രദമാക്കുന്നതിനായി എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ?

2016 - 17 മുതല്‍ മാവേലിക്കര മണ്ഡലത്തില്‍ വിനോദസഞ്ചാര വകുപ്പ് മുഖേന അനുവദിച്ചതും നടപ്പിലാക്കിയതുമായ പ്രവൃത്തികളുടെ വിശദാംശവും അവയുടെ തല്‍സ്ഥിതി വിവരവും ലഭ്യമാക്കുമോ?

മുന്‍ സര്‍ക്കാരിന്റെ കാലയളവിലും(2016 - 21) ഈ സര്‍ക്കാരിന്റെ കാലയളവിലും വിനോദസഞ്ചാര വകുപ്പ് എന്തെല്ലാം പദ്ധതികളാണ് പാറശാല മണ്ഡലത്തില്‍ നടപ്പിലാക്കിയിട്ടുള്ളതെന്ന് വിശദമാക്കാമോ; ഓരോ പ്രവൃത്തിക്കും അനുവദിച്ച തുക, പ്രവൃത്തികളുടെ തല്‍സ്ഥിതി ഉള്‍പ്പെടെയുള്ള വിശദാംശം ലഭ്യമാക്കാമോ;

അമ്പൂരി കുമ്പിച്ചല്‍കടവ് പാലത്തില്‍ വി-പാര്‍ക്ക് നിര്‍മ്മിക്കുന്നതിനും പാലത്തിന്റെ പ്രവേശന ഭാഗത്തെ ഭിത്തികളില്‍ ഗോത്ര സംസ്കാരത്തെയും സാംസ്കാരിക പൈതൃകത്തെയും സൂചിപ്പിക്കുന്ന ആര്‍ട്ടീരിയ മാതൃകയിൽ ചുമര്‍ ചിത്രങ്ങള്‍ തയ്യാറാക്കുന്നതിനും ആവശ്യമായ തുടര്‍നടപടികള്‍ സ്വീകരിക്കാമോ; വിശദാംശം ലഭ്യമാക്കാമോ;

അരുവിപ്പുറം മഠം കേന്ദ്രമാക്കി ടൂറിസം അമിനിറ്റി സെന്റര്‍ നിര്‍മ്മിക്കുന്നതിനായി സമര്‍പ്പിച്ചിരുന്ന പ്രൊപ്പോസലിന്മേൽ തുടര്‍നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കാമോ;

പാറശാല മണ്ഡലത്തില്‍ ടൂറിസം വകുപ്പ് പുതുതായി നടപ്പിലാക്കുവാന്‍ ഉദ്ദേശിച്ചിട്ടുള്ള പദ്ധതികള്‍ എന്തെല്ലാമെന്ന് വിശദമാക്കാമോ?

ബാലുശ്ശേരി മണ്ഡലത്തിലെ കൂരാച്ചുണ്ട് ഗ്രാമപഞ്ചായത്തിലെ നമ്പിക്കുളം ടൂറിസം പദ്ധതിയുടെ പ്രവൃത്തി പുരോഗതി അറിയിക്കാമോ; പ്രസ്തുത പ്രവൃത്തി എപ്പോള്‍ പൂര്‍ത്തീകരിക്കാന്‍ കഴിയുമെന്ന് വിശദമാക്കാമോ?

ഉദുമ മണ്ഡലത്തിലെ ബാവിക്കര ടൂറിസം പദ്ധതി എത്ര ഘട്ടങ്ങളിലായാണ് വിഭാവനം ചെയ്തിട്ടുള്ളതെന്ന് വിശദമാക്കാമോ;

പ്രസ്തുത പദ്ധതിയുടെ ടെൻഡർ നടപടികള്‍ പൂർത്തീകരിച്ച് പ്രവൃത്തി ആരംഭിക്കുന്നതിന് കാലതാമസം നേരിടുന്നത് എന്തുകൊണ്ടാണെന്ന് വ്യക്തമാക്കാമോ?

ടൂറിസം വികസനത്തിന്റെ ഭാഗമായി കുണ്ടറ നിയോജകമണ്ഡലത്തില്‍ എന്തൊക്കെ പദ്ധതികളാണ് ആവിഷ്ക്കരിച്ചിട്ടുളളതെന്ന് വിശദമാക്കാമോ?

പാലക്കാട് ജില്ലയില്‍ 2023-25 കാലയളവില്‍ ആരംഭിച്ച പുതിയ ടൂറിസം പദ്ധതികള്‍ ഏതൊക്കെയാണ്; അവയുടെ നിലവിലെ സ്ഥിതി എന്താണെന്ന് വിശദമാക്കാമോ?

എറണാകുളം മ‍ണ്ഡലത്തിലെ വെണ്ടുരുത്തി പഴയപാലം ഫു‍ഡ് സ്ട്രീറ്റ് ആക്കുന്നതിനായുള്ള പദ്ധതിയുടെ നിലവിലെ സ്ഥിതി അറിയിക്കാമോ; പ്രസ്തുത പദ്ധതിക്കായി ഫണ്ട് അനുവദിച്ചിട്ടുണ്ടോ; വിശദാംശം നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ ജില്ലാ ടൂറിസം പ്രൊമോഷൻ കൗൺസിൽ മുഖാന്തിരം പയ്യന്നൂര്‍ മണ്ഡല പരിധിയില്‍ എന്തെല്ലാം പദ്ധതികളാണ് നടപ്പിലാക്കിയതെന്ന് വിശദമാക്കാമോ?

ചങ്ങനാശ്ശേരി നിയോജക മണ്ഡലത്തിലെ ചിത്രകുളം നവീകരിക്കുന്നതിനായി തയ്യാറാക്കിയ പദ്ധതി ശിപാർശയും ആയതിന്റ ഡി.പി.ആര്‍.-ഉം ലഭിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത പദ്ധതി നടപ്പിലാക്കുന്നതിനായി എന്തെല്ലാം നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

ആലത്തൂർ മണ്ഡലത്തിൽ മുൻസർക്കാരിന്റെ കാലത്തും(2016-21) ഈ സർക്കാരിന്റെ കാലയളവിലും വിനോദസഞ്ചാര വകുപ്പ് എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്ന് വിശദമാക്കാമോ;

പുതുതായി നടപ്പിലാക്കുവാൻ ഉദ്ദേശിച്ചിട്ടുള്ള പദ്ധതികൾ എന്തെല്ലാമാണെന്ന് വിശദമാക്കാമോ?

വര്‍ക്കല മൈതാനം അണ്ടര്‍ പാസേജിന്റെ ചുമരുകള്‍ സൗന്ദര്യവത്ക്കരിക്കുന്നതിന് പൊതുമരാമത്ത് വകുപ്പ് തയ്യാറാക്കി ടൂറിസം വകുപ്പിന് നല്‍കിയിട്ടുള്ള എസ്റ്റിമേറ്റ് ഭരണാനുമതിക്കായി ലഭിച്ചിട്ടുണ്ടോയെന്ന് വിശദമാക്കാമോ; ഭരണാനുമതിയ്ക്കുള്ള നടപടി ത്വരിതപ്പെടുത്തുമോ ?

വര്‍ക്കല നടയറ പാലത്തിന് കീഴിലുള്ള സ്ഥലം ഓപ്പണ്‍ ജിം, കുട്ടികളുടെ പാര്‍ക്ക് തുടങ്ങിയ സൗകര്യങ്ങളുള്ള പൊതു വിനോദസഞ്ചാര കേന്ദ്രമാക്കി മാറ്റുന്നതിന് ഭൂമിയുടെ ഉടമസ്ഥാവകാശ രേഖകളും സര്‍വേ സ്കെച്ചും എന്‍. ഒ. സി. യും ലഭിക്കുന്നതിന് ഏത് വകുപ്പിനാണ് കത്തയച്ചിട്ടുള്ളതെന്ന് വിശദമാക്കാമോ;

പൊതുമരാമത്ത്, റവന്യൂ വകുപ്പുകള്‍ക്ക് കത്തയച്ചിട്ടുണ്ടെങ്കില്‍ ആയതിന്റെ വിശദാംശം ലഭ്യമാക്കാമോ?

വര്‍ക്കലയിലെ ഹരിഹരപുരം, കാപ്പില്‍ പ്രദേശങ്ങളിൽ കായൽ ടൂറിസം പദ്ധതികള്‍ നടപ്പിലാക്കുന്നതിനും സംരക്ഷിക്കുന്നതിനുമായി ഭൂമി സംബന്ധിച്ച രേഖകള്‍ ലഭ്യമാക്കുന്നതിന് ഏത് വകുപ്പിനോടാണ് ആവശ്യപ്പെട്ടിട്ടുള്ളതെന്ന് വ്യക്തമാക്കാമോ; ഇത് സംബന്ധിച്ച വിവരങ്ങള്‍ നല്‍കാമോ?

സംസ്ഥാനത്ത് ടൂറിസം മേഖലയുമായി ബന്ധപ്പെട്ട് പ്രവർത്തിക്കുന്ന സ്ഥാപനങ്ങളുടെ ലൈസൻസ് എടുക്കുന്നതിനും പുതുക്കുന്നതിനുമുള്ള നടപടികൾ ഏകീകരിച്ച് ഒരു ഓൺലൈൻ പ്ലാറ്റ്ഫോം തയ്യാറാക്കുന്നതിന് നടപടി സ്വീകരിച്ചിട്ടുണ്ടോ; വ്യക്തമാക്കാമോ;

സംസ്ഥാനത്ത് ടൂറിസം കേന്ദ്രങ്ങളിൽ ടൂറിസം സംബന്ധമായ കോഴ്സുകൾ പഠിപ്പിക്കുന്ന സ്ഥാപനങ്ങൾ ആരംഭിക്കുന്നത് ഈ മേഖലയിൽ കൂടുതൽ തൊഴിലവസരങ്ങൾ സൃഷ്ടിക്കുന്നതിനും ടൂറിസം സാധ്യതകൾ ഫലപ്രദമായി പ്രയോജനപ്പെടുത്തുന്നതിനും സാധിക്കുമെന്നതിനാൽ ഇക്കാര്യത്തിൽ നടപടി സ്വീകരിക്കുമോ; വ്യക്തമാക്കാമോ?

വിനോദ സഞ്ചാര കേന്ദ്രങ്ങളിൽ പ്ലാസ്റ്റിക് കുപ്പികൾ, ക്യാരി ബാഗുകൾ, ഭക്ഷണാവശിഷ്ടങ്ങൾ എന്നിവ അലക്ഷ്യമായി കൈകാര്യം ചെയ്യുന്നതും വലിച്ചെറിയുന്നതും വിവിധ മാലിന്യ പ്രശ്നങ്ങൾക്ക് കാരണമാകുന്നതായി കണ്ടെത്തിയിട്ടുണ്ടോ; വിശദമാക്കാമോ;

വിനോദസഞ്ചാര കേന്ദ്രങ്ങളിലെ മാലിന്യങ്ങൾ സംസ്കരിക്കുന്നതിനായി സ്വീവേജ് ട്രീറ്റ്മെന്റ് പ്ലാന്റുകൾ, ബയോഗ്യാസ് പ്ലാന്റുകൾ, ഇൻസിനറേറ്ററുകൾ മുതലായവ സ്ഥാപിക്കുന്നതിന് ഏതെങ്കിലും പദ്ധതി ആവിഷ്കരിച്ചിട്ടുണ്ടോ; എങ്കിൽ വിശദാംശം നൽകാമോ;

വിനോദസഞ്ചാര കേന്ദ്രങ്ങളിലേക്ക് കൂടുതൽ പേരെ ആകർഷിക്കുന്നതിനായി മാലിന്യ സംസ്കരണവും ശുചിത്വവും ഉറപ്പു വരുത്താൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ ?

ഈ സര്‍ക്കാരിന്റെ കാലയളവിൽ വാമനപുരം മണ്ഡലത്തില്‍ ടൂറിസം വകുപ്പ് മുഖേന നടപ്പിലാക്കിയ പദ്ധതികളും പ്രവര്‍ത്തനങ്ങളും എന്തെല്ലാമാണെന്നും അതിനായി ചെലവഴിച്ച തുക എത്രയാണെന്നും വിശദമാക്കാമോ;

മണ്ഡലത്തില്‍ പുതിയതായി നടപ്പാക്കാൻ ഉദ്ദേശിക്കുന്ന പദ്ധതികൾ എന്തെല്ലാമാണെന്നും പ്രസ്തുത പ്രവൃത്തികളുടെ നിലവിലെ സ്ഥിതിയും വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം കാസര്‍ഗോഡ് ജില്ലയിൽ ടൂറിസം മേഖലയിലെ പശ്ചാത്തല വികസനങ്ങള്‍ക്കായി എത്ര കോടി രൂപ ചെലവഴിച്ചിട്ടുണ്ടെന്ന് അറിയിക്കാമോ?

സംസ്ഥാനത്തേക്കുള്ള വിദേശ സഞ്ചാരികളുടെ വരവ് വർദ്ധിപ്പിക്കുന്നതിനായി വിപുലമായ വിനോദസഞ്ചാര വിപണന പ്രവർത്തനങ്ങൾ നടപ്പിലാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

അന്താരാഷ്ട്ര തലത്തിൽ കേരള ടൂറിസത്തിന്റെ വിപണന സാധ്യതകൾ മെച്ചപ്പെടുത്തുന്നതിന് ആധുനിക ഡിജിറ്റൽ വിപണന തന്ത്രങ്ങൾ എത്രത്തോളം പ്രയോജനപ്പെടുത്തിയിട്ടുണ്ടെന്ന് വിശദമാക്കാമോ;

അന്താരാഷ്ട്ര ടൂറിസം മേഖലയിൽ കേരളത്തിന്റെ പരമ്പരാഗത ടൂറിസം ഉല്പന്നങ്ങൾക്കുപരിയായി എന്തെല്ലാം നൂതന ഉല്പന്നങ്ങൾ ലോകസഞ്ചാരികൾക്ക് മുന്നിൽ അവതരിപ്പിക്കുന്നതിന് കഴിഞ്ഞിട്ടുണ്ടെന്ന് വിശദമാക്കാമോ;

അന്താരാഷ്ട്ര ടൂറിസം മേഖലയിൽ കാലത്തിനനുയോജ്യമായ ഉല്പന്നങ്ങളിലൂടെ മികച്ച പ്രകടനം കാഴ്ചവെക്കുന്നതിനും കൂടുതൽ സഞ്ചാരികളെ ആകർഷിക്കുന്നതിനും കേരള ടൂറിസത്തിന് കഴിഞ്ഞിട്ടുണ്ടോയെന്ന് വ്യക്തമാക്കാമോ?

മെ‍ഡിക്കല്‍ ടൂറിസം പ്രോത്സാഹിപ്പിക്കാന്‍ സര്‍ക്കാര്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ?

അഴീക്കോട് ചാൽ ബീച്ച് ഫെസ്റ്റിവലുമായി ബന്ധപ്പെട്ട് ക്രമക്കേട് നടന്നുവെന്ന ആരോപണം സര്‍ക്കാര്‍ ഗൗരവത്തോടെ കാണുന്നുണ്ടോ; വ്യക്തമാക്കുമോ;

പ്രസ്തുത ഫെസ്റ്റിവലിന്റെ നടത്തിപ്പിന് ആരെയാണ് ചുമതലപ്പെടുത്തിയിരുന്നത്; ഫെസ്റ്റിവലുമായി ബന്ധപ്പെട്ട് ജില്ലാ ടൂറിസം പ്രമോഷൻ കൗൺസിൽ എന്തൊക്കെ ചുമതലകളാണ് നിർവഹിച്ചിട്ടുള്ളത്; വിനോദസഞ്ചാര വകുപ്പിൽ നിന്നും ഫെസ്റ്റിവലിന് പണം അനുവദിച്ചിട്ടുണ്ടോ; വിശദാംശം വ്യക്തമാക്കുമോ;

വിനോദസഞ്ചാര വകുപ്പ് ഈ വിഷയത്തിൽ അന്വേഷണം നടത്തിയിട്ടുണ്ടോ; എങ്കില്‍ കണ്ടെത്തലുകള്‍ എന്തൊക്കെയാണ്; ഉത്തരവാദികളായവർക്കെതിരെ എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

സംസ്ഥാനത്ത് നടപ്പിലാക്കിവരുന്ന ഉത്തരവാദിത്ത ടൂറിസം മിഷന്റെ ലക്ഷ്യങ്ങൾ എന്തൊക്കെയാണെന്ന് വ്യക്തമാക്കാമോ; പ്രസ്തുത പദ്ധതി നടപ്പിലാക്കുക വഴി ടൂറിസം രംഗത്തുണ്ടായിട്ടുള്ള മാറ്റങ്ങൾ വിലയിരുത്തിയിട്ടുണ്ടോ;

ഉത്തരവാദിത്ത ടൂറിസം മിഷന്റെ ഭാഗമായി സംസ്ഥാനത്താകെ എത്ര യൂണിറ്റുകൾ പ്രവർത്തിക്കുന്നുണ്ടെന്ന് വെളിപ്പെടുത്താമോ; സംസ്ഥാനത്ത് നടപ്പാക്കിയ അനുഭവ പരിചയ ടൂർ പാക്കേജുകളുടെ പുരോഗതി അറിയിക്കാമോ;

പ്രസ്തുത മിഷന്റെ ഭാഗമായി ആരംഭിച്ച വില്ലേജ് ലൈഫ് എക്സ്പീരിയൻസ് പാക്കേജുകൾ ടൂറിസം രംഗത്ത് എന്തെല്ലാം ഗുണപരമായ മാറ്റങ്ങളാണ് രേഖപ്പെടുത്തിയിരിക്കുന്നത്; ഇതിലൂടെ എത്ര കുടുംബങ്ങളാണ് നേരിട്ട് ടൂറിസം രംഗത്തേക്ക് കടന്നു വന്നിട്ടുള്ളതെന്ന് അറിയിക്കാമോ;

ഉത്തരവാദിത്ത ടൂറിസം മിഷന്റെ ഭാഗമായി നടപ്പാക്കിയ വില്ലേജ് പ്ലാൻ - പീപ്പിൾസ് റെസ്പോൺസിബിൾ ടൂറിസം പദ്ധതിയുടെ നിലവിലെ സ്ഥിതിയെന്താണെന്ന് വ്യക്തമാക്കാമോ?

സംസ്ഥാനത്ത് ടൂറിസം മേഖലയിലെ പ്രചരണ പ്രവര്‍ത്തനങ്ങള്‍, മാര്‍ക്കറ്റിംഗ്, ബ്രാന്‍ഡിംഗ്, ക്യാമ്പയിനുകള്‍ എന്നിവ ആഭ്യന്തര-വിദേശ ടൂറിസ്റ്റുകളുടെ വരവ് വര്‍ദ്ധിപ്പിക്കാന്‍ എപ്രകാരം സഹായകരമായി എന്ന് വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

വിദേശി ടൂറിസ്റ്റുകളുടെ വരവും ആഭ്യന്തര ടൂറിസ്റ്റുകളുടെ വർദ്ധനവും കേരളത്തിന്റെ സമ്പദ് വ്യവസ്ഥയിലും തൊഴില്‍ അവസരങ്ങളിലും ഉണ്ടാക്കിയ മാറ്റങ്ങള്‍ വിശകലനം ചെയ്യാമോ;

കേരള ടൂറിസം വകുപ്പിന്റെ പുതിയ പദ്ധതികളായ ആര്‍. ടി. മിഷന്‍, അഡ്വഞ്ചര്‍ ടൂറിസം, കലാ മേളകള്‍ എന്നിവ സംസ്ഥാനത്തെ ഗ്രാമപ്രദേശങ്ങളിലും സാംസ്കാരിക ഇടങ്ങളിലും എന്തെല്ലാം മാറ്റങ്ങള്‍ സൃഷ്ടിച്ചു എന്ന് വിശദമാക്കാമോ;

ലോകത്തിന്റെ ശ്രദ്ധാകേന്ദ്രമായി കേരളം മാറിക്കൊണ്ടിരിക്കുന്ന സാഹചര്യത്തില്‍ ഭാവിയില്‍ സംസ്ഥാനത്തിന്റെ ടൂറിസം നേരിടേണ്ടി വരുന്ന വെല്ലുവിളികളും അവയെ മറികടക്കാന്‍ സ്വീകരിക്കുന്ന നടപടികളും വിശദമാക്കാമോ?

വിനോദസഞ്ചാര വകുപ്പിന്റെ കീഴിലുള്ള വിവിധ സ്ഥാപനങ്ങളും ഏജൻസികളും ഈ സർക്കാറിന്റെ കാലയളവിൽ നാളിതുവരെ നൽകിയിട്ടുള്ള പരസ്യങ്ങളുടെ വിശദാംശം, പരസ്യം നൽകിയ സ്ഥാപനം, പരസ്യത്തിനായി ചെലവഴിച്ച തുക, ഏത് ഏജൻസി മുഖേനയാണ് പരസ്യം നൽകിയത്, പ്രസ്തുത ഏജൻസിയെ തിരഞ്ഞെടുത്ത നടപടിക്രമം, ഏത് പദ്ധതിയുടെ ഭാഗമായാണ് പരസ്യം നൽകിയത്, ഈ കാലയളവിൽ പരസ്യ ഇനത്തിൽ ചെലവഴിച്ച ആകെ തുക എന്നിവയുടെ വിശദാംശം വ്യക്തമാക്കാമോ?

സംസ്ഥാനത്ത് ഹോംസ്റ്റേകളുടെ രജിസ്ട്രേഷൻ നിർബന്ധമാക്കി ക്ലാസ്സിഫിക്കേഷൻ നടത്തുവാൻ തീരുമാനിച്ചിട്ടുണ്ടോ; എങ്കിൽ വിശദാംശം വ്യക്തമാക്കാമോ;

ഹോംസ്റ്റേകൾ രജിസ്റ്റർ ചെയ്യുന്നതിനും ക്ലാസിഫിക്കേഷൻ ലഭിക്കുന്നതിനുമുള്ള നടപടിക്രമങ്ങൾ എന്തൊക്കെയെന്ന് വ്യക്തമാക്കാമോ?

കേരളത്തിന്റെ ദേശീയോത്സവമായ ഓണത്തെ ലോക ടൂറിസം ഭൂപടത്തില്‍ അടയാളപ്പെടുത്തുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വിശദമാക്കാമോ;

ഇതുമായി ബന്ധപ്പെട്ട് ആസൂത്രണം ചെയ്ത കള്‍ച്ചറല്‍ എക്സ്ചേഞ്ച് പ്രോഗ്രാമിന്റെ വിശദവിവരങ്ങള്‍ ലഭ്യമാക്കാമോ;

പ്രസ്തുത നടപടികളുടെ ഭാഗമായി എത്ര വിദേശ വിനോദ സഞ്ചാരികളെ കേരളത്തിലേക്ക് ആകര്‍ഷിക്കാൻ കഴിഞ്ഞിട്ടുണ്ടെന്ന് വിശദമാക്കാമോ?