കണ്ണൂർ മണ്ഡലത്തിൽ നടന്നു കൊണ്ടിരിക്കുന്ന പൊതുമരാമത്ത് പ്രവൃത്തികൾ എന്തെല്ലാമെന്ന് വ്യക്തമാക്കുമോ;

പ്രസ്തുത മണ്ഡലത്തിൽ ഇനിയും ആരംഭിച്ചിട്ടില്ലാത്ത പ്രവൃത്തികൾ തുടങ്ങുന്നതിനായി എന്ത് നടപടി സ്വീകരിക്കുമെന്ന് വ്യക്തമാക്കുമോ?

പേരാമ്പ്ര ബെെപ്പാസിന്റെ പ്രവൃത്തി പൂര്‍ത്തീകരിച്ച് ബെെപ്പാസ് എപ്പോള്‍ തുറന്ന് കൊടുക്കാന്‍ കഴിയുമെന്ന് വിശദമാക്കാമോ;

ദേശീയ പാതയില്‍ നിന്നും ബെെപ്പാസ് ആരംഭിക്കുന്ന സ്ഥലത്തും അവസാനിക്കുന്ന ഭാഗത്തും പ്രവേശന കവാടങ്ങള്‍ക്ക് (വെല്‍മൗത്തുകള്‍) വേണ്ടത്ര വീതിയില്ലെന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കില്‍ അത് പരിഹരിക്കുന്നതിനായി കൂടുതല്‍ സ്ഥലം അക്വയര്‍ ചെയ്യുന്നതിനുള്ള പ്രൊപ്പോസല്‍ ആര്‍.ബി.ഡി.സി. മുഖേന കിഫ്ബിക്ക് ലഭിച്ചിട്ടുണ്ടോ;

ഇക്കാര്യത്തില്‍ സ്വീകരിച്ച നടപടികള്‍ വിശദമാക്കാമോ?

പൊതുമരാമത്ത് വകുപ്പിന്റെ കെട്ടിട നിര്‍മ്മാണ പ്രവൃത്തികള്‍ക്ക് ഡിസൈൻ വിംഗ്-ല്‍ നിന്നും സാങ്കേതിക അനുമതി ലഭിക്കാൻ കാലതാമസം നേരിട്ടുന്നതായി ശ്രദ്ധയില്‍പ്പെട്ടിട്ടുണ്ടോ;

എങ്കില്‍ പ്രസ്തുത കാലതാമസം പരിഹരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

അങ്കമാലി കോടതി സമുച്ചയ നിര്‍മ്മാണത്തിനായി പ്ലാന്‍, ഡിസൈന്‍, എസ്റ്റിമേറ്റ് എന്നിവ തയ്യാറാക്കുന്നത് ഏത് ഘട്ടത്തിലാണെന്ന് വ്യക്തമാക്കാമോ;

ഇനി എന്തെല്ലാം നടപടികളാണ് പൂര്‍ത്തിയാക്കാനുള്ളതെന്നും ആയത് പൂര്‍ത്തീകരിക്കാന്‍ എത്ര ദിവസം വേണ്ടി വരുമെന്നും വ്യക്തമാക്കാമോ?

2016-17 മുതല്‍ 2023-24 വരെയുള്ള സാമ്പത്തിക വര്‍ഷങ്ങളിലെ ബജറ്റില്‍ ഉടുമ്പന്‍ചോല നിയോജക മണ്ഡലത്തിൽ 20% തുക ടോക്കണ്‍ പ്രൊവിഷന്‍ ലഭിച്ച ഏതെല്ലാം മരാമത്ത് പ്രവൃത്തികള്‍ക്കാണ് ഭരണാനുമതി ലഭിച്ചിട്ടുള്ളത്; വിശദാംശം നല്‍കാമോ;

ഭരണാനുമതി ലഭിച്ചിട്ടില്ലാത്ത പ്രവൃത്തികള്‍ക്ക് ഭരണാനുമതി ലഭിക്കാന്‍ വൈകാനിടയാക്കുന്ന സാഹചര്യം വിശദമാക്കാമോ?

തിരുവനന്തപുരം ജില്ലയിൽ നേമം നിയോജക മണ്ഡലത്തിലെ തിരുവല്ലം പരശുരാമ ക്ഷേത്രത്തിന് പുറകുവശം മുതൽ മഠത്തു നട വരെയുള്ള വെള്ളക്കെട്ട് മാറുവാൻ ഓട നിർമ്മിക്കുന്നതിന് പദ്ധതി തയ്യാറായിട്ടുണ്ടോ; വിശദമാക്കാമോ;

ഈ വെള്ളക്കെട്ട് പരിഹരിക്കുന്നതിനായി റെസിഡന്റ്സ് അസ്സോസിയേഷനും നാട്ടുകാരും സർക്കാരിന് നിവേദനം നൽകിയിട്ടുണ്ടോ; പ്രസ്തുത നിവേദനത്തിന്റെ അടിസ്ഥാനത്തിൽ എന്ത് നടപടി സ്വീകരിച്ചുവെന്ന് വ്യക്തമാക്കാമോ;

ഈ പദ്ധതിയ്ക്ക് ആവശ്യമായ എസ്റ്റിമേറ്റ് തയ്യാറാക്കിയിട്ടുണ്ടോ; ഉണ്ടെങ്കിൽ എത്ര രൂപയുടെ എസ്റ്റിമേറ്റാണ് തയ്യാറാക്കിയിട്ടുള്ളതെന്ന് വ്യക്തമാക്കാമോ; ഈ പദ്ധതിക്ക് വകയിരുത്തിയിരിക്കുന്ന ഫണ്ടിന്റെ വിശദാംശം അറിയിക്കാമോ?

പൊന്നാനി മണ്ഡലത്തില്‍ അനുവദിക്കപ്പെട്ട ചെറവല്ലൂര്‍ ബണ്ട് റോഡിന്റെ നിർമ്മാണ പുരോഗതി വ്യക്തമാക്കാമോ;

പ്രസ്തുത പ്രവൃത്തിക്ക് പുതുക്കിയ ഭരണാനുമതി നല്‍കുന്നതിനുള്ള തടസ്സങ്ങള്‍ എന്തെല്ലാമെന്ന് വ്യക്തമാക്കാമോ?

പൊതുമരാമത്ത് വകുപ്പ് നിര്‍വഹിക്കുന്ന പ്രവൃത്തികള്‍ കൃത്യസമയത്ത് പൂര്‍ത്തിയാക്കാതെ നീണ്ട് പോകുന്നതു മുലം സർക്കാരിന് ഉണ്ടാകുന്ന നഷ്ടം പരിഹരിക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ ഊരാളുങ്കൽ ലേബർ കോൺട്രാക്ട് സൊസൈറ്റിക്ക് എത്ര കോടി രൂപയുടെ പൊതുമരാമത്ത് പ്രവൃത്തികൾ നൽകിയിട്ടുണ്ട്;

ഇതിൽ എത്ര കോടി രൂപയുടെ പ്രവൃത്തികൾ ടെണ്ടർ മുഖേന അല്ലാതെ നൽകിയിട്ടുണ്ട്; ടെൻഡർ മുഖേന അല്ലാതെയുള്ള പ്രവൃത്തികൾക്ക് നൽകിയ പരമാവധി തുക എത്രയാണ്; വിശദാംശം ലഭ്യമാക്കുമോ?

2016‌-17 മുതല്‍ 2022-23 വരെയുള്ള വര്‍ഷങ്ങളിലെ ബജറ്റില്‍ 20 ശതമാനം തുക വകയിരുത്തിയിട്ടുള്ളതും പൊതുമരാമത്ത് വകുപ്പ് മുഖേന നടപ്പിലാക്കുന്നതുമായ മാവേലിക്കര മണ്ഡലത്തിലെ പ്രവൃത്തികള്‍ ഏതൊക്കെയെന്ന് വിശദമാക്കുമോ;

ആയതില്‍ ഭരണാനുമതി ലഭിച്ച പ്രവൃത്തികള്‍ ഏതൊക്കെയെന്നും അവയുടെ നിലവിലെ സ്ഥിതിയും വിശദമാക്കുമോ;

ഭരണാനുമതി ലഭിക്കാത്ത പ്രവൃത്തികള്‍ ഏതൊക്കെയെന്നും ആയത് വെെകുന്നതിന്റെ കാരണം എന്താണെന്നും വിശദമാക്കുമോ;

തടസ്സങ്ങള്‍ ഒഴിവാക്കി പ്രസ്തുത പ്രവൃത്തികള്‍ക്ക് ഭരണാനുമതി നല്‍കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കാമോ?

വര്‍ക്കല പി.ഡബ്ല്യൂ.ഡി. റസ്റ്റ് ഹൗസ് നിര്‍മ്മാണം വിഭാവനം ചെയ്ത പോലെ പൂര്‍ത്തീകരിക്കുന്നതിന് നടപടി സ്വീകരിക്കുമോയെന്ന് വിശദമാക്കുമോ?

കിഫ്ബി ധനസഹായത്തോടെ കെ.ആര്‍.എഫ്.ബി. മുഖേന നടപ്പിലാക്കുന്ന ജംഗ്ഷന്‍ ഇംപ്രൂമെന്റ് പദ്ധതിയില്‍ ഏതെല്ലാം ജംഗ്ഷനുകളാണ് ഉള്‍പ്പെട്ടിട്ടുള്ളതെന്ന് വിശദമാക്കാമോ;

പ്രസ്തുത പദ്ധതിയ്ക്ക് കിഫ്ബിയുടെ ധനാനുമതി ലഭിക്കുന്നതിനുള്ള നടപടികള്‍ ഏത് വരെ ആയെന്ന് അറിയിക്കാമോ?

2016-2021 കാലയളവിലും ഈ സര്‍ക്കാര്‍ അധികാരമേറ്റതിനുശേഷം നാളിതുവരെയും എത്ര കിലോമീറ്റര്‍ റോഡുകള്‍ പുതുതായി നിര്‍മ്മിച്ചു എന്ന വിവരം ലഭ്യമാക്കാമോ?

മുന്‍ സര്‍ക്കാരിന്റെ കാലത്ത് (2016-21) ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിയ്ക്ക് പൊതുമരാമത്ത് വകുപ്പ് ഏതെല്ലാം പ്രവൃത്തികളാണ് നല്‍കിയതെന്ന് വ്യക്തമാക്കുമോ; ദേശീയപാത, ബില്‍ഡിംഗ്സ്, റോഡുകളും പാലങ്ങളും എന്നീ ഓരോ വിഭാഗത്തിലും നല്‍കിയിട്ടുള്ള പ്രവൃത്തികളുടെ എസ്റ്റിമേറ്റ് തുക ഉള്‍പ്പെടെയുള്ള വിവരങ്ങൾ വിശദമാക്കുമോ;

പ്രസ്തുത പ്രവൃത്തികളില്‍ എത്ര പ്രവൃത്തികള്‍ ഇതിനകം പൂര്‍ത്തിയാക്കിയെന്നും പൂര്‍ത്തിയാക്കിയ പ്രവര്‍ത്തികള്‍ക്കായി പ്രസ്തുത സൊസൈറ്റിയ്ക്ക് കഴിഞ്ഞ അഞ്ചു വര്‍ഷത്തിനുള്ളില്‍ എന്ത് തുക നല്‍കിയെന്നും വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്നശേഷം ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിയ്ക്ക് പുതുതായി എന്തെങ്കിലും പ്രവൃത്തികള്‍ പൊതുമരാമത്ത് വകുപ്പ് നല്‍കിയിട്ടുണ്ടോ; ഉണ്ടെങ്കില്‍ എതെല്ലാം പ്രവൃത്തികളാണെന്നും ഓരോ പ്രവൃത്തിയുടെയും എസ്റ്റിമേറ്റ് തുക എത്രയാണെന്നും വ്യക്തമാക്കുമോ?

പൊതുമരാമത്ത് ഡിസൈന്‍ വിഭാഗത്തില്‍ നിന്ന് കെട്ടിടങ്ങള്‍, പാലങ്ങള്‍ എന്നിവയുടെ ഡിസൈന്‍ സമയബന്ധിതമായി ലഭിക്കാത്തതും ദീര്‍ഘ കാലതാമസം നേരിടുന്നതും ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാന്‍ ആവശ്യമായ നടപടികള്‍ സ്വീകരിക്കാമോ;

പ്രാരംഭ ഡിസൈന്‍ ലഭിച്ച് പദ്ധതികളുടെ പ്രവൃത്തി തുടങ്ങുകയും പൂര്‍ണ്ണമായ ഡിസൈന്‍ ലഭിക്കാത്തതിനാല്‍ പ്രവൃത്തി നിര്‍ത്തിവയ്ക്കേണ്ടി വരുന്നതുമായ സാഹചര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദവിവരം അറിയിക്കുമോ;

ഡിസൈനുകള്‍ കാലതാമസം നേരിടാതെ സമയബന്ധിതമായി ലഭിക്കാന്‍ ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് പൊതുമരാമത്ത് വകുപ്പിന് കീഴിലുള്ള റോഡുകള്‍ സംബന്ധിച്ച പരാതികള്‍ അറിയിക്കുന്നതിനായി നടപ്പാക്കിയ പ്രത്യേക മൊബെെല്‍ ആപ്ലിക്കേഷന്റെ പ്രവർത്തനം കാര്യക്ഷമമാണോ എന്ന് പരിശോധിച്ചിട്ടുണ്ടോ; വിശദമാക്കാമോ;

പി.ഡബ്ല്യു.ഡി. ഫോര്‍ യു ആപ്പ് വഴി ലഭിച്ച പരാതികളിന്മേല്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

പ്രസ്തുത ആപ്പ് മുഖേന ലഭിക്കുന്ന പരാതികള്‍ക്ക് പരിഹാരം കാണുന്നതിന് എന്തെല്ലാം ക്രമീകരണങ്ങളാണ് ഏര്‍പ്പെടുത്തിയിട്ടുള്ളതെന്ന് അറിയിക്കാമോ?

2016-17 സാമ്പത്തിക വര്‍ഷം മുതല്‍ നാളിതുവരെ പൊതുമരാമത്ത് വകുപ്പിന് കീഴില്‍ ആലത്തൂര്‍ മണ്ഡലത്തില്‍ നടപ്പിലാക്കിയതും നടപ്പിലാക്കി വരുന്നതുമായ പ്രവൃത്തികളുടെ വിശദാംശം ലഭ്യമാക്കാമോ;

നടപ്പിലാക്കി വരുന്ന പ്രവൃത്തികളുടെ നിലവിലെ പുരോഗതി വിശദമാക്കുമോ?

കൊല്ലം ജില്ലാ ആസ്ഥാനത്ത് കോടതി സമുച്ചയം നിര്‍മ്മിക്കുന്നതിന് എന്‍.ജി.ഒ. ക്വാര്‍ട്ടേഴ്സ് വക സര്‍ക്കാര്‍ ഭൂമി വിട്ട് നല്‍കിയിട്ടുള്ള സാഹചര്യത്തില്‍ എന്‍.ജി.ഒ. ക്വാര്‍ട്ടേഴ്സില്‍ താമസക്കാരായിരുന്നവരുടെ പുനരധിവാസത്തിന് ഫ്ലാറ്റ് നിര്‍മ്മിക്കാന്‍ അനുമതി ലഭിച്ച പദ്ധതിയുടെ നിര്‍വ്വഹണത്തിനായി സ്വീകരിച്ച് വരുന്ന നടപടികള്‍ എപ്രകാരമാണ് പുരോഗമിക്കുന്നത്;

പ്രസ്തുത പ്രവൃത്തി അടിയന്തരമായി ടെന്‍ഡര്‍ ചെയ്യുന്നതിനാവശ്യമായ നടപടി സ്വീകരിക്കുമോ; വിശദാംശം ലഭ്യമാക്കുമോ?

ഒറ്റപ്പാലം മണ്ഡലത്തില്‍ നബാര്‍ഡ് ഫണ്ടില്‍ ഉള്‍പ്പെടുത്തി 2016 മുതല്‍ അനുവദിച്ച പൊതുമരാമത്ത് പ്രവൃത്തികള്‍ ഏതെല്ലാമെന്ന് വ്യക്തമാക്കാമോ;

ഓരോ പദ്ധതിക്കും അനുവദിച്ച തുകയും പദ്ധതിയുടെ നിലവിലെ സ്ഥിതിയും വ്യക്തമാക്കാമോ; വിശദാംശം നല്‍കാമോ?

2023-24 ലെ ബജറ്റില്‍ ഒറ്റപ്പാലം മണ്ഡലത്തില്‍ പൊതുമരാമത്ത് വകുപ്പിന് കീഴിലെ പ്രവൃത്തികള്‍ക്ക് തുക അനുവദിച്ചിട്ടുണ്ടോ; എങ്കില്‍ ഏതെല്ലാം പ്രവൃത്തികള്‍ക്കാണെന്നും എത്ര തുകയാണെന്നും വിശദമാക്കാമോ?

ആലത്തൂര്‍ നിയോജകമണ്ഡലത്തില്‍ 2016-17 സാമ്പത്തിക വര്‍ഷം മുതല്‍ ഇതുവരെ നബാര്‍ഡ് ഫണ്ടില്‍ ഉള്‍പ്പെടുത്തി അനുവദിച്ചിട്ടുളള പൊതുമരാമത്ത് പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പ്രവൃത്തിക്കും അനുവദിച്ച തുകയും അവയുടെ നിലവിലെ പുരോഗതിയും വിശദമാക്കാമോ?

പൊതുമരാമത്ത് വകുപ്പിന്റെ കീഴിലുള്ള കേരള ഹൈവേ റിസര്‍ച്ച് ഇന്‍സ്റ്റിറ്റ്യൂട്ടില്‍ പ്ലാസ്റ്റിക് ഉപയോഗിച്ചുള്ള റോഡ് നിര്‍മ്മാണം സംബന്ധിച്ച പഠനങ്ങള്‍ നടത്തിയിട്ടുണ്ടോ; വിശദമാക്കാമോ;

പ്ലാസ്റ്റിക് ഉപയോഗിച്ചുള്ള റോഡ് നിര്‍മ്മാണം ഏതൊക്കെ ജില്ലകളിലാണ് നടത്തിയിട്ടുള്ളത്;

ഇത്തരത്തില്‍ നിര്‍മ്മിച്ച റോഡുകള്‍ സംബന്ധിച്ച പഠനം നടത്തിയിട്ടുണ്ടോ; കൂടുതല്‍ റോഡുകള്‍ ഈ വിധത്തില്‍ നിര്‍മ്മാണം നടത്തുന്നതിന് ഉദ്ദേശിക്കുന്നുണ്ടോ; വിശദമാക്കുമോ?

കുറ്റ്യാടി- പെരിങ്ങത്തൂർ- കൂത്തുപറമ്പ്- മട്ടന്നൂർ എയർപോർട്ട് റോഡ് നിര്‍മ്മാണത്തിന്റെ നിലവിലെ പുരോഗതി വിശദമാക്കുമോ;

പ്രസ്തുത റോഡിന്റെ കൂത്തുപറമ്പ് മണ്ഡലത്തിൽ വരുന്ന ഭാഗങ്ങളിലെ പ്രവൃത്തികൾ ഏതു ഘട്ടത്തിലാണെന്നും ഇനി ബാക്കിയുള്ള പ്രവൃത്തികൾ എന്തൊക്കെയാണെന്നും വ്യക്തമാക്കുമോ;

റോഡ് നിർമ്മാണവുമായി ബന്ധപ്പെട്ട് ഭൂമിയുടെയും കെട്ടിടങ്ങളുടെയും നഷ്ടപരിഹാര തുക കണക്കാക്കുന്നതിനുളള മാനദണ്ഡങ്ങൾ എന്തൊക്കെയാണ്; നഷ്ടപരിഹാര തുക എപ്പോൾ വിതരണം ചെയ്യാൻ സാധിക്കും; വിശദമാക്കുമോ;

പ്രസ്തുത റോഡ് നിര്‍മ്മാണം എപ്പോൾ പൂർത്തിയാക്കാൻ സാധിക്കുമെന്ന് വ്യക്തമാക്കുമോ?

കേരളാ സ്റ്റേറ്റ് ട്രാൻസ്പോർട്ട് പ്രോജക്ട്(കെ.എസ്.ടി.പി.) ഏറ്റെടുത്ത് നിര്‍മ്മാണം പൂര്‍ത്തിയായ സ്ഥലങ്ങളില്‍ പഴയ റോഡുകളുടെ ഭാഗമായിരുന്നതും ഇപ്പോള്‍ ഉപയോഗിക്കാതെ കിടക്കുന്നതുമായ ഇടങ്ങളിലൂടെ ജലജീവന്‍ പദ്ധതിയുടെ ലൈന്‍ കടന്നുപോകുന്നുണ്ടെങ്കിൽ അവിടെ ബൂസ്റ്റര്‍ പമ്പ് സ്ഥാപിക്കുന്നതിനുള്ള അനുമതി നല്‍കുന്നതിന് നടപടി സ്വീകരിക്കാമോ?

വെങ്കിടങ്ങ്-കണ്ണോത്ത്-പുല്ല റോഡിന്റെ ആകെ ദൈർഘ്യം എത്ര കിലോമീറ്ററാണ്; അതില്‍ എത്ര കിലോമീറ്റര്‍ റോഡിന്റെ നിർമ്മാണം പൂര്‍ത്തിയാക്കിയെന്നും എത്ര കിലോമീറ്റര്‍ റോഡ് നബാര്‍ഡ് ഗ്രാമീണ പശ്ചാത്തല വികസന ഫണ്ടിൽ ഉള്‍പ്പെടുത്തി നിര്‍മ്മിക്കുന്നുവെന്നും വ്യക്തമാക്കാമോ;

പ്രസ്തുത പാതയില്‍ ഇപ്പോള്‍ നടന്നു വരുന്ന പ്രവൃത്തികളുടെ വിശദാംശം എന്തൊക്കെയാണെന്ന് വ്യക്തമാക്കുമോ;

പ്രസ്തുത റോഡ് നിര്‍മ്മാണം എന്ന് പൂര്‍ത്തീകരിക്കാൻ കഴിയുമെന്ന് അറിയിക്കാമോ?

സംസ്ഥാനത്തെ റോഡുകളുടെ നിര്‍മ്മാണ കരാര്‍ കാലാവധി കഴിഞ്ഞും തകരാര്‍ പരിഹരിക്കുന്നതിനായി മുന്‍കൂര്‍ കരാര്‍ സംവിധാനമായ റണ്ണിംഗ് കോണ്‍ട്രാക്ട് രണ്ടാം ഘട്ടം ആരംഭിച്ചിട്ടുണ്ടോ; വിശദമാക്കാമോ;

സംസ്ഥാനത്തെ എത്ര കിലോമീറ്റര്‍ റോഡുകള്‍ക്ക് റണ്ണിംഗ് കോണ്‍ട്രാക്ട് ഏര്‍പ്പെടുത്തിയിട്ടുണ്ടെന്ന് അറിയിക്കുമോ?

തിരുവനന്തപുരം മുതല്‍ അങ്കമാലി വരെ ദേശീയപാത നിർമ്മിക്കുന്നതിന് സംസ്ഥാന സർക്കാർ നടപടി സ്വീകരിച്ചിട്ടുണ്ടോ; എങ്കിൽ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദാംശം ലഭ്യമാക്കാമോ;

പ്രസ്തുത പദ്ധതിയുടെ നിർമ്മാണച്ചുമതല ആർക്കാണെന്നും ഇതുമായി ബന്ധപ്പെട്ട് എന്തൊക്കെ നടപടികളാണ് പൂർത്തീകരിച്ചിട്ടുള്ളതെന്നും വ്യക്തമാക്കുമോ;

പ്രസ്തുത പദ്ധതിയുമായി ബന്ധപ്പെട്ട് ഭൂമി ഏറ്റെടുക്കൽ നടപടികൾക്ക് ആരെയെങ്കിലും ചുമതലപ്പെടുത്തിയിട്ടുണ്ടോ; എങ്കിൽ ഭൂമി ഏറ്റെടുക്കൽ നടപടികൾ ഏത് ഘട്ടം വരെയായെന്നും ഇനി എന്തൊക്കെ നടപടികളാണ് ഉള്ളതെന്നും അറിയിക്കാമോ;

പ്രസ്തുത പദ്ധതി പ്രകാരം റോഡിന് എത്ര മീറ്റർ വീതിയാണ് ഉദ്ദേശിക്കുന്നത്; റോഡിൽ എന്തൊക്കെ സൗകര്യങ്ങള്‍ ഏർപ്പെടുത്താനാണ് ഉദ്ദേശിക്കുന്നതെന്നും പ്രസ്തുത നിർമ്മാണം എന്നത്തേയ്ക്ക് ആരംഭിക്കാൻ കഴിയുമെന്നും അറിയിക്കാമോ;

പത്തനംതിട്ട ജില്ലയിൽ പ്രസ്തുത പദ്ധതി പ്രകാരമുള്ള റോഡിന്റെ സ്കെച്ച് ലഭ്യമാക്കാമോ?

പുതുക്കാട് നിയോജകമണ്ഡലത്തില്‍ കിഫ്ബി ധനസഹായത്തോടെ നവീകരിക്കുന്ന പുതുക്കാട്-മുപ്ലിയം റോഡിന്റെ ഒന്നാംഘട്ടം നിർമ്മാണം ആരംഭിക്കുന്നതിനുള്ള നടപടികൾ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത പ്രോജക്ടിൽ ഉഴിഞ്ഞാൽപ്പാടം പാലം നിർമ്മാണം കൂടി ഉൾപ്പെടുത്തി ആദ്യ റീച്ചിന്റെ അനുമതിക്കായി സമർപ്പിച്ചിട്ടുള്ള എസ്റ്റിമേറ്റിന് അനുമതി ലഭ്യമാക്കുന്നതിനും പ്രവൃത്തി ഉടൻ ആരംഭിക്കുന്നതിനും ആവശ്യമായ നടപടികൾ സ്വീകരിക്കുമോ; വിശദമാക്കുമോ?

പട്ടാമ്പി മണ്ഡലത്തിൽ പൊതുമരാമത്ത് വകുപ്പ് റോഡ് വിഭാഗത്തിൻ കീഴിൽ എത്ര കിലോമീറ്റർ റോഡ് ഉണ്ടെന്ന് വ്യക്തമാക്കാമോ?

ആലുവ ടൗണിലെ രൂക്ഷമായ ഗതാഗതകുരുക്ക് പരിഹരിക്കുന്നതിനായി ആലുവ - കാരോത്തുംകുഴി ആശുപത്രി കവല മുതല്‍ മാര്‍ക്കറ്റ് വരെയുള്ള റോഡ് വീതികൂട്ടുന്ന പ്രവൃത്തി സംബന്ധിച്ച് അടിയന്തിരമായി റിപ്പോര്‍ട്ട് സമര്‍പ്പിക്കണമെന്ന പൊതുമാരാമത്ത് വകുപ്പ് സെക്രട്ടറിയുടെ 11/11/2022 ലെ ജി2/424/2022/പൊ.മ.വ. നമ്പര്‍ കത്തിന്മേല്‍ നിരത്ത് വിഭാഗം ചീഫ് എഞ്ചിനിയര്‍ റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

പ്രസ്തുത പ്രവൃത്തിയുടെ എസ്റ്റിമേറ്റ് തയ്യാറാക്കിയിട്ടുണ്ടോ; എങ്കില്‍ പകര്‍പ്പ് ലഭ്യമാക്കുമോ; പ്രസ്തുത പ്രവൃത്തിയ്ക്ക് ആവശ്യമായ ഫണ്ട് അനുവദിച്ച് എത്രയും വേഗം പണി പൂര്‍ത്തിയാക്കുന്നതിന് നടപടി സ്വീകരിക്കുമോ?

മഞ്ചേശ്വരം നിയോജക മണ്ഡലത്തിലെ മാസ് കുമാരി-കുരുഡപ്പദവ് പൊതുമരാമത്ത് റോഡ് തകർന്ന് സഞ്ചാരയോഗ്യമല്ലാതായി തീര്‍ന്നത് ശ്രദ്ധയിൽപ്പെട്ടിട്ടുണ്ടോ;

എങ്കില്‍ പ്രസ്തുത റോഡ് ഗതാഗത യോഗ്യമാക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത റോഡിന് ഫണ്ട് അനുവദിച്ച് ഭരണാനുമതി ലഭ്യമാക്കുന്നതിന് വേണ്ട നടപടി സ്വീകരിക്കുമോയെന്ന് വ്യക്തമാക്കാമോ?

തിരൂര്‍ നിയോജകമണ്ഡലത്തിലെ മാങ്ങാട്ടിരി-പൂക്കൈത-പുല്ലൂനി റോഡില്‍ പൂങ്ങോട്ടുകുളം മുതല്‍ മാങ്ങാട്ടിരി വരെ വീതി കൂട്ടി നവീകരിക്കുന്നതുമായി ബന്ധപ്പെട്ട് പൈപ്പ് ലൈന്‍ സ്ഥാപിക്കുന്ന പ്രവൃത്തി മൂലം റോഡ് പൂര്‍ണ്ണമായും തകര്‍ന്ന് ഗതാഗത യോഗ്യമല്ലാതായ സാഹചര്യത്തില്‍ പ്രസ്തുത റോഡ് ഗതാഗത യോഗ്യമാക്കുന്നതിനായി എന്ത് നടപടികളാണ് സ്വീകരിക്കുന്നത്; വ്യക്തമാക്കുമോ;

പൊതുമരാമത്ത് വകുപ്പിന്റെ ജി3/482/പൊ.മ.വ./22 നമ്പര്‍ ഫയലില്‍ പ്രസ്തുത റോഡ് ഗതാഗതയോഗ്യമാക്കുന്ന പ്രവൃത്തിക്ക് പുതുക്കിയ ഭരണാനുമതി നല്‍കുന്നതിന് സ്വീകരിച്ചുവരുന്ന നടപടി ഏത് ഘട്ടത്തിലാണെന്ന വിവരം ലഭ്യമാക്കുമോ;

തിരൂര്‍ നഗരത്തിലെ പ്രധാന റോഡ് എന്ന പരിഗണന നല്‍കി പ്രസ്തുത റോഡ് ഗതാഗത യോഗ്യമാക്കുന്നതിന് അടിയന്തര നടപടി സ്വീകരിക്കുമോ;വ്യക്തമാക്കുമോ?

വാമനപുരം നിയോജക മണ്ഡലത്തിലെ കാരേറ്റ് മുതല്‍ പാലോട് വരെയുളള (വാമനപുരം ചിറ്റാര്‍) റോഡില്‍ കിഫ്ബി മുഖാന്തിരം 2018 മുതല്‍ നിര്‍മ്മാണം ആരംഭിച്ച നിര്‍മ്മാണ പ്രവര്‍ത്തനങ്ങളുടെ നിലവിലെ അവസ്ഥ അറിയിക്കാമോ;

പ്രവൃത്തിയുടെ അടങ്കല്‍ തുക, സാങ്കേതികാനുമതി തുക, റോഡ് നിര്‍മ്മാണത്തിന് ഇതുവരെ ചെലവായ തുക എന്നിവ സംബന്ധിച്ച വിശദാംശം നല്കുമോ;

ബാക്കി എന്തെല്ലാം പ്രവൃത്തികളാണ് ഇനി നിർവഹിക്കാനുളളതെന്നും അവ എന്ന് പൂര്‍ത്തീകരിക്കാന്‍ കഴിയുമെന്നും വിശദമാക്കാമോ;

ഇതുവരെ നടത്തിയ പ്രവൃത്തികള്‍ ചില സ്ഥലങ്ങളില്‍ ഇളകിതുടങ്ങിയത് ശ്രദ്ധയില്‍പ്പെട്ടിരുന്നോ; ഉണ്ടെങ്കില്‍ ആയത് പരിഹരിക്കാന്‍ നടപടി സ്വീകരിക്കുമോയെന്ന് വിശദമാക്കാമോ?

മുന്‍ സർക്കാരിന്റെ കാലം മുതൽ നാളിതുവരെ പൊതുമരാമത്ത് വകുപ്പ് റോഡുകളുടെ മെയിന്റനൻസിനായി അനുവദിച്ച തുകയെത്രയെന്നും ഇതിൽ എത്ര തുക ചെലവഴിച്ചുവെന്നും സാമ്പത്തിക വർഷാടിസ്ഥാനത്തിൽ ലഭ്യമാക്കുമോ;

സംസ്ഥാനത്ത് റോഡുകളിലെ കുഴികളിൽ വീണ് ജനങ്ങള്‍ മരണപ്പെടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് സ്വീകരിക്കുന്ന നടപടികളുടെ വിശദാംശം നല്‍കാമോ?

സംസ്ഥാനത്തെ ദേശീയ പാതകളുടെ നവീകരണം യഥാസമയം നടത്തുന്നതിന് സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കാമോ;

സംസ്ഥാനത്തിന് അനുവദിച്ച വിവിധ ഹൈവേകളില്‍ ഇനിയും നിര്‍മ്മാണം ആരംഭിക്കാത്തവയുടെ നിര്‍മ്മാണം തുടങ്ങുന്നതിന്‌ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കാമോ?

കോട്ടയ്ക്കല്‍ മണ്ഡലത്തിലെ പുത്തൂര്‍-ചെനക്കല്‍ ബൈപ്പാസ് (മൂന്നാം ഘട്ടം) റോഡിന്റെ നിര്‍മ്മാണ പ്രവൃത്തിയുമായി ബന്ധപ്പെട്ട് സ്ഥലം ഏറ്റെടുക്കുന്നതിനുള്ള നഷ്ടപരിഹാരതുക ഉള്‍പ്പെടെയുളള പുതിയ ഡിസൈന്റെ അടിസ്ഥാനത്തില്‍ തയ്യാറാക്കിയ എസ്റ്റിമേറ്റ് പ്രകാരം ആവശ്യമായി വരുന്ന തുകയ്ക്കുള്ള പുതുക്കിയ ഭരണാനുമതിയ്ക്ക് വേണ്ടിയുള്ള പ്രൊപ്പോസല്‍ സര്‍ക്കാരില്‍ ലഭ്യമായിട്ടുണ്ടോ; ആയതിന്‍മേല്‍ സ്വീകരിച്ച നടപടികള്‍ വിശദമാക്കുമോ;

ഇന്‍വെസ്റ്റിഗേഷന്‍ റിപ്പോര്‍ട്ട്, അലൈന്‍മെന്റ് പ്ലാന്‍ എന്നിവയുടെ അടിസ്ഥാനത്തില്‍ ബൈപ്പാസ് റോഡിന്റെ പുതിയ ഡിസൈന്‍ എറണാകുളം റീജിയണല്‍ ഡിസൈന്‍ യൂണിറ്റില്‍ നിന്നും ലഭ്യമായിട്ടുണ്ടോ; പ്രസ്തുത ഡിസൈന്‍ പ്രകാരമുള്ള പ്രവൃത്തിയുടെ എസ്റ്റിമേറ്റ് ലഭ്യമായിട്ടുണ്ടോ; വിശദവിവരം ലഭ്യമാക്കുമോ;

പ്രസ്തുത റോഡിന്റെ നിര്‍മ്മാണ പുരോഗതി സംബന്ധിച്ച വിശദാംശം ലഭ്യമാക്കുമോ; പ്രവൃത്തിയ്ക്ക് പുതുക്കിയ ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമോ?

കാസർഗോഡ് നിയോജക മണ്ഡലത്തിലെ കല്ലട്ക്ക-ചെർക്കള റോഡ് ടെണ്ടർ ചെയ്ത് കരാർ ഒപ്പ് വെച്ചതും പ്രവൃത്തി തുടങ്ങിയതും എന്നാണെന്ന് വ്യക്തമാക്കാമോ;

ഈ റോഡിന്റെ എത്ര ശതമാനം പ്രവൃത്തി പൂർത്തീകരിച്ചിട്ടുണ്ടെന്ന് വ്യക്തമാക്കാമോ;

എത്ര കോടി രൂപയുടെ പ്രവൃത്തിയാണിതെന്നും എത്ര കോടി രൂപയുടെ പ്രവൃത്തിയാണ് പൂർത്തീകരിച്ചതെന്നും വ്യക്തമാക്കാമോ;

കരാറുകാരന് ഇതുവരെ എത്ര രൂപ നൽകിയെന്ന് വ്യക്തമാക്കാമോ;

ഇനി പൂര്‍ത്തിയാക്കാന്‍ ബാക്കിയുള്ള പ്രവൃത്തികളുടെ വിശദാംശം നൽകാമോ;

പ്രസ്തുത പ്രവൃത്തി നിലച്ചിട്ട് എത്ര കാലമായെന്നും അതിനുള്ള കാരണമെന്താണെന്നും വ്യക്തമാക്കാമോ?

അരൂര്‍ നിയോജക മണ്ഡലത്തില്‍ ചേര്‍ത്തല-അരൂക്കുറ്റി റോഡില്‍ പൂച്ചാക്കല്‍ മുതല്‍ വീരമംഗലം വളവ് വരെയുള്ള നിര്‍മ്മാണ പ്രവര്‍ത്തനം പകുതി വഴിയില്‍ ഉപേക്ഷിച്ചത് ശ്രദ്ധയില്‍പ്പെട്ടിട്ടുണ്ടോ;

നിര്‍മ്മാണ പ്രവര്‍ത്തനം പകുതി വഴിയില്‍ ഉപേക്ഷിച്ച കോണ്‍ട്രാക്ടറെ കരിമ്പട്ടികയില്‍ ഉള്‍പ്പെടുത്തി തുടര്‍ന്ന് പ്രവൃത്തികള്‍ നൽകാതിരിക്കുന്നതിന് ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്തെ മലയോര ഹൈവേ വികസനം പൂര്‍ത്തിയായോ; എങ്കില്‍ വിശദാംശം ലഭ്യമാക്കുമോ;

മലയോര ഹൈവേ വികസനത്തിന്റെ ഭാഗമായി എറണാകുളം ജില്ലയില്‍ വെറ്റിലപ്പാറ പാലം മുതല്‍ ചെട്ടിനട വരെയുള്ള ഭാഗത്തെ നിര്‍മ്മാണം എന്നാണ് ആരംഭിക്കുന്നത്; ആയതിന്റെ വിശദാംശം ലഭ്യമാക്കാമോ;

എറണാകുളം ജില്ലയില്‍ പ്രസ്തുത ഭാഗത്ത് വരുന്ന മലയോര ഹൈവേയുടെ നിര്‍മ്മാണം ആരംഭിക്കുന്നതിന് എന്തെങ്കിലും തടസ്സം ഉണ്ടോ; ഉണ്ടെങ്കില്‍ ആയത് പരിഹരിച്ച് നിര്‍മ്മാണം ആരംഭിക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

സംസ്ഥാനത്ത് വ്യാപകമായി റോഡുകളില്‍ വാട്ടര്‍ അതോറിറ്റിയുടെ പൈപ്പ് ലൈന്‍ സ്ഥാപിക്കുന്ന പ്രവൃത്തി മൂലം റോഡുകള്‍ ഗതാഗത യോഗ്യമല്ലാതായ സാഹചര്യത്തില്‍ സമയബന്ധിതമായി പ്രസ്തുത റോഡുകള്‍ ഗതാഗത യോഗ്യമാക്കുന്നതിനായി സര്‍ക്കാര്‍ സ്വീകരിക്കാനുദ്ദേശിക്കുന്ന നടപടികള്‍ സംബന്ധിച്ച വിവരം ലഭ്യമാക്കുമോ;

സംസ്ഥാനത്ത് ആധുനിക രീതിയില്‍ റോഡ് നിര്‍മ്മാണം സാധ്യമാക്കുന്നതിന് ഡിസൈന്‍ പോളിസി നടപ്പിലാക്കുന്നത് സംബന്ധിച്ച വിശദവിവരം ലഭ്യമാക്കുമോ?

മാനന്തവാടി നിയോജകമണ്ഡലത്തില്‍ പൊതുമരാമത്ത് വകുപ്പിന് കീഴില്‍ ആകെ എത്ര കിലോമീറ്റര്‍ റോഡാണുള്ളതെന്നും ആയതില്‍ എത്ര കിലോമീറ്റര്‍ ദൂരമാണ് ബി.എം&ബി.സി. നിലവാരത്തിലേക്ക് ഉയര്‍ത്തിയിട്ടുള്ളതെന്നും വിശദമാക്കുമോ;

മണ്ഡലത്തില്‍ ബി.എം&ബി.സി. നിലവാരത്തിലേക്ക് ഉയര്‍ത്താത്തതും നിലവില്‍ അതിനായി തുക വകയിരുത്താത്തതുമായ റോഡുകളുടെ പേര് വ്യക്തമാക്കാമോ?

കണ്ണൂര്‍ അന്താരാഷ്ട്ര വിമാനത്താവളത്തോടനുബന്ധിച്ച് പ്രഖ്യാപിച്ച മൂന്ന് നാലുവരിപ്പാതകളുടെ സ്ഥലം ഏറ്റെടുക്കല്‍ നടപടികളുടെ പുരോഗതി വ്യക്തമാക്കാമോ;

കുറ്റ്യാടി-മട്ടന്നൂര്‍ എയര്‍പോര്‍ട്ട് നാലുവരിപ്പാതയുടെ അന്തിമ അലൈന്‍മെന്റ് പ്രസിദ്ധീകരിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ;

പ്രസ്തുത പാതകളുടെ നിര്‍മ്മാണത്തിന് വേണ്ടി വാസസ്ഥലവും സ്ഥാപനങ്ങളും നഷ്ടപ്പെടുന്നവര്‍ക്ക് നഷ്ടപരിഹാരം നല്‍കുന്നതിന് പ്രത്യേക പാക്കേജ് പ്രഖ്യാപിച്ചിട്ടുണ്ടോ;

പാതകള്‍ക്കായി സ്ഥലം വിട്ടുനില്‍ക്കുന്നവര്‍ക്കുള്ള നഷ്ടപരിഹാരത്തുക നിശ്ചയിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ?

പൊതുമരാമത്ത് വകുപ്പിന്റെ ഫണ്ട് ഉപയോഗിച്ച് സംസ്ഥാനത്ത് 2021 മുതൽ നാളിത് വരെ ഏതെങ്കിലും റോഡുകൾ ബി.എം. & ബി.സി. ചെയ്തിട്ടുണ്ടോ എന്ന് വ്യക്തമാക്കുമോ;

എങ്കിൽ ഏതെല്ലാം റോഡുകൾ ആണ് ഈ ഫണ്ട് ഉപയോഗിച്ച് ബി.എം.& ബി.സി. ചെയ്തതെന്ന തുക ഉള്‍പ്പെടെയുള്ള വിശദാംശങ്ങൾ നിയോജക മണ്ഡലം അടിസ്ഥാനത്തിൽ വ്യക്തമാക്കുമോ ;

2021 മുതൽ നാളിത് വരെ വകുപ്പിന്റെ അധീനതയിലല്ലാത്ത ഏതെങ്കിലും റോഡുകൾക്ക് പൊതുമരാമത്ത് വകുപ്പിന്റെ ഫണ്ട് അനുവദിച്ചിട്ടുണ്ടോ; എങ്കിൽ ഇവയുടെ വിശദാംശങ്ങൾ നിയോജക മണ്ഡലം അടിസ്ഥാനത്തിൽ ലഭ്യമാക്കുമോ?

കിഫ്ബിയില്‍ ഉള്‍പ്പെടുത്തി ഭരണാനുമതി ലഭിച്ച തങ്കളം-കാക്കനാട് നാല് വരിപ്പാതയ്ക്ക് സ്ഥലം ഏറ്റെടുക്കുന്നതിനായുളള ഇന്‍വെസ്റ്റിഗേഷന്‍ നടപടികള്‍ പൂര്‍ത്തീകരിച്ചിട്ടുണ്ടോ; വിശദാംശം ലഭ്യമാക്കാമോ;

പ്രസ്തുത പദ്ധതിയില്‍ ഉള്‍പ്പെട്ട കുന്നത്തുനാട് മണ്ഡലത്തിലെ മനയ്ക്കടവ് മുതല്‍ കീഴില്ലം വരെയുള്ള പാത എത്ര മീറ്റര്‍ വീതിയില്‍ വികസിപ്പിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

പ്രസ്തുത പദ്ധതിയുടെ പുതുക്കിയ ഡി.പി.ആര്‍. തയ്യാറാക്കി കിഫ്ബിക്ക് സമര്‍പ്പിച്ചിട്ടുണ്ടോ; വിശദാംശം ലഭ്യമാക്കാമോ?

ഗുരുവായൂർ നിയോജക മണ്ഡലത്തിൽ 2022-23 വര്‍ഷത്തില്‍ സെന്‍ട്രല്‍ റോഡ് ആന്റ് ഇൻഫ്രാസ്ട്രക്ചർ ഫണ്ടില്‍ (സി.ആർ.ഐ.എഫ്.) ഉള്‍പ്പെടുത്തി ഭരണാനുമതി നല്കിയിട്ടുള്ള പദ്ധതികളുടെ വിശദാംശങ്ങള്‍ അറിയിക്കുമോ;

പ്രസ്തുത നിയോജക മണ്ഡലത്തില്‍ സി.ആർ.ഐ.എഫ്. ല്‍ ഉള്‍പ്പെടുത്തി നിര്‍മ്മാണം നടത്തുകയും എന്നാല്‍ ഫണ്ടിന്റെ അപര്യാപ്തതമൂലം പൂര്‍ണ്ണമായും നിര്‍മ്മാണം നടത്താന്‍ സാധിക്കാതെ വന്നതുമായ തമ്പുരാൻപടി - കണ്ടുബസാര്‍ റോഡ് നിര്‍മ്മാണം പൂര്‍ത്തീകരിക്കുന്നതിന് ഫണ്ട് അനുവദിയ്ക്കുമോയെന്ന് വിശദമാക്കാമോ?

പൊതുമരാമത്ത് റോഡുകളുടെ നവീകരണ പ്രവൃത്തികൾക്കായി എടുക്കുന്ന കുഴികളിൽ വീണ് അപകടങ്ങള്‍ ഉണ്ടാകുന്ന കാര്യം വിശദ പരിശോധനയ്ക്ക് വിധേയമാക്കിയിട്ടുണ്ടോ;

മേൽനോട്ട സംവിധാനങ്ങളുടെ നിരുത്തരവാദിത്തവും അനാസ്ഥയും കൊണ്ടാണ് ഇത്തരം അപകടങ്ങൾ ഉണ്ടാകുന്നതെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വ്യക്തമാക്കാമോ;

കുടിവെളള പെപ്പിടുന്നതിനായി റോഡ് കുഴിക്കുന്നതിന് എന്തെങ്കിലും നിയന്ത്രണം ഏർപ്പെടുത്താൻ ഉദ്ദേശിക്കുന്നുണ്ടോ; വിശദമാക്കുമോ?

കുന്നത്തുനാട് മണ്ഡലത്തില്‍ റണ്ണിംഗ് കോണ്‍ട്രാക്ടില്‍ ഉള്‍പ്പെട്ട റോഡുകളുടെ പട്ടിക ലഭ്യമാക്കാമോ;

ഇവയില്‍ ഏതൊക്കെ റോഡുകള്‍ക്കാണ് തുക അനുവദിച്ച് കരാറില്‍ ഏര്‍പ്പെട്ടിട്ടുള്ളതെന്നും കരാറുകാരുടെ വിശദാംശവും ലഭ്യമാക്കാമോ;

മണ്ഡലത്തിലെ റണ്ണിംഗ് കോണ്‍ട്രാക്ട് പ്രവൃത്തികളുടെ പുരോഗതി വിലയിരുത്തിയിട്ടുണ്ടോ; വിശദാംശം ലഭ്യമാക്കാമോ?

ദേശീയപാതാ അതോറിറ്റി എം.സി.റോഡിനു സമാന്തരമായി നിർമ്മിക്കുന്ന നാലുവരി ഗ്രീൻഫീൽഡ് പാത കൊല്ലം ജില്ലയിലെ ഏതെല്ലാം ഭാഗങ്ങളിലൂടെയാണ് കടന്നുപോകുന്നതെന്നതിന്റെ രൂപരേഖ തയ്യാറായിട്ടുണ്ടോയെന്ന് വ്യക്തമാക്കുമോ;

പുനലൂർ നിയോജക മണ്ഡലത്തിലെ ഏതെല്ലാം വില്ലേജുകളിലെ ഏതൊക്കെ പ്രദേശങ്ങളിലൂടെ ആണ് പ്രസ്തുത ഹൈവേ കടന്നു പോകുന്നത് എന്ന് വ്യക്തമാക്കാമോ;

പ്രസ്തുത പാത കൊല്ലം ജില്ലയില്‍ നിലവിലുള്ള സംസ്ഥാന പാത, എം‌സി റോഡ് എന്നിവയെ എവിടെയൊക്കെ മറികടക്കുന്നുണ്ടെന്ന് വ്യക്തമാക്കാമോ?

കാസർകോഡ് നിയോജകമണ്ഡലത്തിലെ ചെങ്കള - അക്കരക്കര - ബേവിഞ്ച റോഡ് അഭിവൃദ്ധിപ്പെടുത്തുന്നതിന് ഭരണാനുമതി നൽകിയിട്ടുണ്ടോ എന്ന് വ്യക്തമാക്കാമോ;

ഉണ്ടെങ്കിൽ ഭരണാനുമതി തുകയും തീയതിയും വ്യക്തമാക്കാമോ; ഭരണാനുമതിയുടെ കാലാവധി എത്രയാണെന്ന് അറിയിക്കുമോ;

പ്രസ്തുത പ്രവൃത്തിക്കായി എസ്റ്റിമേറ്റ് തയ്യാറാക്കിയിട്ടുണ്ടോ; എങ്കിൽ തുക എത്രയാണെന്നും സാങ്കേതികാനുമതി ലഭ്യമാക്കിയിട്ടുണ്ടോ എന്നും വ്യക്തമാക്കാമോ;

പ്രസ്തുത പ്രവൃത്തി യാഥാർത്ഥ്യമാകാതെ അനന്തമായി നീണ്ടുപോകുന്നത് എന്തുകൊണ്ടാണെന്ന് വിശദമാക്കാമോ; പ്രസ്തുത പ്രവൃത്തി എപ്പോൾ ടെൻഡർ ചെയ്യാൻ കഴിയുമെന്ന് വ്യക്തമാക്കാമോ?

കിഫ്ബി ധനസഹായത്തോടെ നിര്‍മ്മിക്കാന്‍ ഉദ്ദേശിക്കുന്ന നിര്‍ദ്ദിഷ്ട തിരുവമ്പാടി-പുല്ലൂരാംപാറ-മറിപ്പുഴ റോഡ് പദ്ധതിയുടെ ഡി.പി.ആര്‍. സംബന്ധിച്ച വിശദാംശവും അടങ്കല്‍ തുകയും വ്യക്തമാക്കുമോ;

പദ്ധതിയുമായി ബന്ധപ്പെട്ട ഫയല്‍ നടപടികളുടെ നിലവിലെ സ്ഥിതി വിശദമാക്കുമോ;

ഈ റോഡ് കെ.ആര്‍.എഫ്.ബി. -യ്ക്ക കൈമാറിയതിനു ശേഷം മെയിന്റനന്‍സ് നടക്കാത്ത വിഷയം ശ്രദ്ധയില്‍പ്പെട്ടിട്ടുണ്ടോ; എങ്കില്‍ അടിയന്തരമായി മെയിന്റനന്‍സ് നടത്തുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

ഇടക്കോലി ഉഴവൂര്‍ മെഡിക്കൽ കോളേജ് റോഡിന് കിഫ്ബി മാനദണ്ഡ പ്രകാരമുള്ള 10 മീറ്റര്‍ വീതി ലഭ്യമല്ലാത്തതിനാലും സ്ഥലമെടുപ്പ് പ്രായോഗികമല്ലാത്തതിനാലും പ്രസ്തുത റോഡ് പൊതുമരാമത്ത് വകുപ്പ് ഏറ്റെടുത്ത് നടപ്പാക്കാന്‍ നടപടി സ്വീകരിക്കുമോയെന്ന് വിശദമാക്കാമോ;

പ്രസ്തുത പ്രവൃത്തി പുന:ക്രമീകരിച്ച് നിലവിലുള്ള വീതിയിൽ ബി.എം. ആന്റ് ബി.സി. ടാറിംഗ് നടപ്പിലാക്കുന്നതിനായി എം.എല്‍.എ. നല്‍കിയ ഇ.5744750 നമ്പര്‍ കത്തിന്മേല്‍ നിരത്ത് വിഭാഗം ചീഫ് എഞ്ചിനീയര്‍ സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത പ്രവൃത്തിയുടെ എസ്റ്റിമേറ്റ് തയ്യാറാക്കിയിട്ടുണ്ടോ; ഇല്ലെങ്കിൽ ആയതിന്റെ കാരണം വ്യക്തമാക്കാമോ?

കൊല്ലം-ചെങ്കോട്ട നാഷണൽ ഹൈവേ റോഡ് നാലുവരിപ്പാതയാക്കുന്ന പ്രവൃത്തിയുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തി സംബന്ധിച്ച പഠനം നടത്തിയിട്ടുണ്ടോ; എങ്കിൽ ആയതിന്റെ പഠനറിപ്പോർട്ട് ലഭിച്ചിട്ടുണ്ടോയെന്ന് വിശദമാക്കാമോ;

പ്രസ്തുത പദ്ധതിയ്ക് നിലവിൽ വകയിരുത്തിയിട്ടുള്ള തുക എത്രയെന്നും ഈ തുകയിൽ നിലവിൽ എന്തൊക്കെ പ്രവൃത്തികളാണ് നടപ്പാക്കാൻ ഉദ്ദേശിക്കുന്നതെന്നും വിശദമാക്കാമോ;

പ്രസ്തുത പ്രവൃത്തി എന്നത്തേയ്ക്ക് പൂര്‍ത്തിയാക്കാനാണ് ലക്ഷ്യമിടുന്നതെന്ന് വിശദമാക്കാമോ?

ബാലുശ്ശേരി മണ്ഡലത്തില്‍ ഏതെല്ലാം റോഡുകളാണ് പൊതുമരാമത്ത് വകുപ്പ് ഏറ്റെടുക്കുന്നതിനുള്ള ഇന്‍വെസ്റ്റിഗേഷന്‍ പ്രവൃത്തി ആരംഭിച്ചിട്ടുള്ളത്;

നടുവണ്ണൂര്‍- വകയാട്-മഞ്ഞപ്പാലം-വട്ടോളി ബസാര്‍ റോഡ് സര്‍ക്കാര്‍ ഏറ്റെടുക്കാന്‍ തീരുമാനിച്ചിട്ടുണ്ടോ; ഇത് സംബന്ധിച്ച ഫയല്‍ നടപടി ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ?

പുതുക്കാട് നിയോജക മണ്ഡലത്തിലെ കൊടകര- വെള്ളിക്കുളങ്ങര സ്കൂൾ റോഡ് കിഫ്ബി ധനസഹായത്തോടെ നവീകരിക്കുന്നതിനായി സമർപ്പിച്ചിട്ടുള്ള പ്രൊപ്പോസലിന് അനുമതിയും ഫണ്ടും ലഭ്യമാക്കുമോയെന്ന് അറിയിക്കുമോ;

ഭൂമി ഏറ്റെടുക്കുന്നതിന് നഷ്ടപരിഹാരം നൽകുന്നതിനായി കണക്കാക്കിയിട്ടുള്ള തുക പ്രോജക്ടിൽ ഉൾപ്പെടുത്തി അനുമതി ലഭ്യമാക്കുന്നതിനും പ്രസ്തുത റോഡിന്റെ നിർമ്മാണം ഉടൻ ആരംഭിക്കുന്നതിനും ആവശ്യമായ നടപടികൾ സ്വീകരിക്കുമോ?

തിരുവനന്തപുരം-കാസര്‍കോഡ് തീരദേശ പാതയുടെ ഭാഗമായി മണലൂര്‍ നിയോജക മണ്ഡലത്തിലെ വാടാനപ്പള്ളി ഗ്രാമ പഞ്ചായത്തിലൂടെ കടന്നു പോകുന്ന റോഡിന്റെ വിശദാംശം വ്യക്തമാക്കാമോ;

പ്രസ്തുത പാതയ്ക്കായി ഏറ്റെടുക്കുന്ന ഭൂമിയുടെ ഉടമസ്ഥര്‍ക്ക് നല്‍കുന്ന നഷ്ടപരിഹാര പാക്കേജ് വിശദമാക്കാമോ;

മണലൂര്‍ നിയോജക മണ്ഡലത്തില്‍ പ്രസ്തുത പാതയുമായി ബന്ധപ്പെട്ട ഭൂമി ഏറ്റെടുക്കല്‍ റോഡ് നിര്‍മ്മാണം പ്രവൃത്തികളുടെ ഇതുവരെയുള്ള പുരോഗതി സംബന്ധിച്ച വിശദാംശം നല്‍കാമോ?

കുറവിലങ്ങാട് ബൈപ്പാസ് നിര്‍മ്മാണ പ്രവൃത്തിയുടെ വിശദാംശം നല്‍കാമോ;

പ്രസ്തുത പദ്ധതിയ്ക്കായുള്ള ഡി.പി.ആര്‍. റോഡ്സ് വിഭാഗം ചീഫ് എഞ്ചിനീയര്‍ സമര്‍പ്പിച്ചിട്ടുണ്ടോ; വിശദാംശം നല്‍കാമോ;

പ്രസ്തുത പദ്ധതിയുടെ എസ്റ്റിമേറ്റ് തുക എത്രയാണെന്ന് വ്യക്തമാക്കാമോ;

പ്രസ്തുത പദ്ധതിയുടെ ഫയല്‍ ഇപ്പോള്‍ ഏത് ഓഫീസിലാണെന്നും ഇതിന്‍മേല്‍ എന്ത് നടപടി സ്വീകരിച്ച് വരുന്നുവെന്നും വ്യക്തമാക്കാമോ?

കിഫ്ബി മുഖേന നടപ്പിലാക്കുന്ന തീരദേശ ഹെെവേ പദ്ധതി പ്രകാരമുള്ള റോഡ് കണ്ണൂര്‍ ജില്ലയിലെ കല്ല്യാശ്ശേരി നിയോജക മണ്ഡലത്തിലെ ഏതൊക്കെ പ്രദേശത്തു കൂടിയാണ് കടന്ന് പോകുന്നതെന്ന് വ്യക്തമാക്കാമോ; കല്ല്യാശ്ശേരി നിയോജക മണ്ഡലത്തിലൂടെ എത്ര ദുരത്തിലാണ് റോഡ് കടന്നുപോകുന്നതെന്ന് വ്യക്തമാക്കുമോ;

തീരദേശ ഹെെവേ പദ്ധതിയില്‍ കല്ല്യാശ്ശേരി നിയോജക മണ്ഡലത്തില്‍ നിര്‍മ്മിക്കാന്‍ ഉദ്ദേശിക്കുന്ന പാലങ്ങളുടെ വിശദാംശം ലഭ്യമാക്കാമോ?

വര്‍ക്കല നിയോജക മണ്ഡലത്തില്‍ പൊതുമരാമത്ത് വകുപ്പ് റോഡ്സ് വിഭാഗം നടപ്പിലാക്കി വരുന്ന പ്രവൃത്തികളുടെ പുരോഗതി വിശദമാക്കാമോ?

ചങ്ങനാശ്ശേരി നിയോജക മണ്ഡലത്തിലെ കോമങ്കേരിച്ചിറ - അംബേദ്കര്‍ കോളനി - എ.സി. റോഡ് പൂര്‍ണ്ണമായും തകര്‍ന്ന് ഗതാഗതയോഗ്യമല്ലാതായി തീര്‍ന്നിരിക്കുന്നത് ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കുമോ;

പ്രസ്തുത റോഡ് നവീകരിക്കുന്നതിന് സമര്‍പ്പിച്ചിട്ടുള്ള എസ്റ്റിമേറ്റ് പരിശോധിച്ച് ഭരണാനുമതി നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

പ്രസ്തുത റോഡിന് സ.ഉ.(എം.എസ്) നം.20/2018/പി.ഡബ്ല്യൂ.ഡി. തീയതി 06.06.2018 പ്രകാരം അനുവദിച്ച തുക ഉപയോഗിച്ച് റോഡിന്റെ ch 2/500 മുതല്‍ 3/800 വരെ ഭാഗം അടിയന്തരമായി നവീകരിക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

കുന്ദമംഗലം മണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെട്ട കളന്‍തോട് കൂളിമാട് റോഡിന്റെ പ്രവൃത്തി ആരംഭിച്ചത് എന്നാണെന്ന് വ്യക്തമാക്കാമോ;

തുടക്കത്തില്‍ പ്രവൃത്തി ഏറ്റെടുത്ത കരാറുകാരനെ ഒഴിവാക്കി പുതിയ കരാറുകാരനെ നിശ്ചയിച്ചിട്ടും പ്രവൃത്തി തുടങ്ങാതിരിക്കുന്നതിനുള്ള കാരണം വ്യക്തമാക്കാമോ;

ഈ റോഡിന്റെ പ്രവൃത്തി എന്നത്തേക്ക് പൂര്‍ത്തിയാക്കാന്‍ സാധിക്കുമെന്ന് വ്യക്തമാക്കാമോ?

കോഴിക്കോട് വിമാനത്താവളത്തിലേയ്ക്ക് എത്തിച്ചേരുന്ന പ്രധാന റോഡുകളുടെ വികസനത്തിന് എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കുമോ;

കോഴിക്കോട്-പാലക്കാട് റോഡിൽ രാമനാട്ടുകര മുതൽ എയർപോർട്ട് വരെയുള്ള റോഡ് വികസിപ്പിക്കുന്നതിന്റെ നടപടിക്രമങ്ങളുടെ പുരോഗതി വിശദമാക്കുമോ;

കൊളത്തൂർ ജങ്ഷന്‍ മുതൽ എയർപോർട്ട് വരെ അന്താരാഷ്‍ട്ര നിലവാരത്തിൽ നവീകരിക്കുന്നതിനും കമാനം സ്ഥാപിക്കുന്നതിനും പ്രൊപ്പോസൽ സമർപ്പിച്ചിട്ടുണ്ടോ;

കോഴിക്കോട് വിമാനത്താവളം ഹജ്ജ് എംമ്പാർക്കേഷൻ പോയന്റ് ആയി തിരഞ്ഞെടുത്ത സാഹചര്യത്തിൽ വിമാനത്താവളത്തിലേക്ക് എത്തിച്ചേരുന്ന ഗ്രാമീണ റോഡുകളടക്കം വൺ ടൈം ഫണ്ട് നൽകി നവീകരിക്കുവാൻ വകുപ്പ് നടപടി സ്വീകരിക്കുമോയെന്ന് വ്യക്തമാക്കുമോ?

കുറ്റ്യാടി മണ്ഡലത്തിലെ പൊതുമരാമത്ത് വകുപ്പിന്റെ റോഡുകളിൽ മഴക്കാലത്തിന് മുന്‍പ് അറ്റകുറ്റപണികള്‍ ചെയ്യുന്നതിന് സ്വീകരിക്കുന്ന നടപടികള്‍ വിശദമാക്കാമോ;

ഏതൊക്കെ റോഡുകളാണ് ഇത്തരത്തില്‍ അറ്റകുറ്റപണികള്‍ ചെയ്യുവാന്‍ ഉദ്ദേശിക്കുന്നതെന്നും അതിന് വകയിരുത്താന്‍ ഉദ്ദേശിക്കുന്ന ഫണ്ട് എത്രയെന്നും വിശദമാക്കാമോ;

പ്രസ്തുത പ്രവൃത്തികള്‍ മഴക്കാലത്തിന് മുന്‍പ് പൂര്‍ത്തിയാക്കാന്‍ പ്രത്യേക നിര്‍ദ്ദേശങ്ങള്‍ നല്‍കിയിട്ടുണ്ടോ; വിശദമാക്കാമോ?

ദേവികുളം നിയോജകമണ്ഡലത്തില്‍ പൊതുമരാമത്ത് വകുപ്പിന് കീഴിലുള്ള റോഡുകളുടെ നീളം, അവയുടെ നിലവിലെ അവസ്ഥ എന്നീ വിവരങ്ങള്‍ സെക്ഷന്‍ ഓഫീസ് തിരിച്ച് ലഭ്യമാക്കാമോ?

മങ്കട നിയോജക മണ്ഡലത്തില്‍ ഉള്‍പ്പെടുന്ന കൂട്ടിലങ്ങാടി - കാടാമ്പുഴ റോഡിലെ പാങ്ങ് പള്ളിപ്പറമ്പ് വളവില്‍ ഉണ്ടാകുന്ന അപകടങ്ങള്‍ക്ക് ശാശ്വതമായ പരിഹാരം കാണണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

റോഡിന്റെ വളവ് നിവര്‍ത്തി വീതി കൂട്ടി സുരക്ഷാഭിത്തിയും മുന്നറിയിപ്പ് ബോര്‍ഡുകളും സ്ഥാപിച്ചാല്‍ അപകടങ്ങള്‍ക്ക് പരിഹാരമാകുമെന്ന് കരുതുന്നുണ്ടോ; എങ്കില്‍ ഇത്തരത്തില്‍ അപകടസാധ്യത കുറയ്ക്കുന്നതിനുള്ള നടപടികളൊന്നും നാളിതുവരെ സ്വീകരിയ്ക്കാത്തത് എന്തുകൊണ്ടാണെന്ന് വ്യക്തമാക്കുമോ;

ഈ സ്ഥലത്തെ അപകടങ്ങള്‍ കുറയ്ക്കുന്നതുമായി ബന്ധപ്പെട്ട് സ്വീകരിക്കേണ്ട നടപടികള്‍ പരിശോധിയ്ക്കുന്നതിന് ഉദ്യോഗസ്ഥര്‍ സ്ഥലം സന്ദര്‍ശിച്ച് റിപ്പോര്‍ട്ട് തയ്യാറാക്കിയിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ; സന്ദര്‍ശനത്തിന്റെ അടിസ്ഥാനത്തില്‍ സ്വീകരിക്കാന്‍ ഉദ്ദേശിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കുമോ?

തൃശ്ശൂര്‍-കാഞ്ഞാണി-ചാവക്കാട് റോഡില്‍ കാഞ്ഞാണി മുതല്‍ മുല്ലശ്ശേരി വരെ ബി.എം.ബി.സി. ജോലികള്‍ നടക്കുന്ന സാഹചര്യത്തില്‍ വളരെ വീതി കുറഞ്ഞ ഏനാമാവ് പള്ളി ജംഗ്ഷന് സമീപമുള്ള സ്ഥലത്തിന്റെ വീതി കൂട്ടുന്നതിനായി ഇതുവരെ എടുത്ത നടപടികള്‍ എന്തൊക്കെയാണെന്ന് വിശദമാക്കാമോ;

ഏനാമാവ് ജംഗ്ഷന്‍ വികസനത്തിനായി പുതുക്കിയ ഭരണാനുമതി എന്നാണ് ലഭിച്ചത്; എത്ര രൂപയുടെ ഭരണാനുമതിയാണ് ലഭിച്ചത്; വ്യക്തമാക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട് ഭൂമിയുടെ അതിരുകളില്‍ അതിര്‍ത്തിക്കല്ല് സ്ഥാപിക്കുന്ന ജോലിയുടെ പുരോഗതി എന്താണെന്ന് അറിയിക്കാമോ;

പ്രസ്തുത റോഡിന്റെ നിര്‍മ്മാണ പ്രവൃത്തികള്‍ എന്ന് ആരംഭിക്കാനാകുമെന്ന് അറിയിക്കാമോ?

കേരളത്തിന്റെ കാലാവസ്ഥയ്ക്ക് ഫുള്‍ ഡെപ്ത് റിക്ലമേഷന്‍ സാങ്കേതിക വിദ്യ അനുയോജ്യമാണോയെന്ന് വിശദമാക്കാമോ;

പ്രീകാസ്റ്റ് ഡ്രെയിനേജ്, കള്‍വേര്‍ട്ട് എന്നിവ ഉപയോഗിച്ച് റോഡ് നിര്‍മ്മാണം നടത്തുന്നതിന് പദ്ധതിയുണ്ടോയെന്ന് വിശദമാക്കാമോ;

ഇത് സംബന്ധിച്ച് പ്രൈസ് സോഫ്റ്റ്‍വെയറില്‍ ക്രമീകരണങ്ങള്‍ വരുത്തിയിട്ടുണ്ടോയെന്ന് വ്യക്തമാക്കാമോ?

ആലത്തൂര്‍ മണ്ഡലത്തില്‍ തദ്ദേശസ്വയംഭരണ സ്ഥാപനങ്ങളുടെ അധീനതയിലുളള റോഡുകള്‍ പൊതുമരാമത്ത് വകുപ്പ് ഏറ്റെടുക്കുന്നതിനായി അപേക്ഷ ലഭിച്ചിട്ടുണ്ടോ; ഉണ്ടെങ്കില്‍ അവ ഏതെല്ലാം റോഡുകളാണെന്ന് വിശദമാക്കാമോ;

പ്രസ്തുത റോഡുകള്‍ ഏറ്റെടുക്കുന്നതിനായി ഇതുവരെ സ്വീകരിച്ച നടപടികള്‍ വിശദമാക്കാമോ?

റോഡുകളെപ്പറ്റി പൊതുജനങ്ങള്‍ക്കുള്ള പരാതി അറിയിക്കാന്‍ മൊബൈല്‍ ആപ്പ് നിലവിലുണ്ടോ;

പ്രസ്തുത മൊബൈല്‍ ആപ്പ് ഏതു കമ്പനിയാണ് വികസിപ്പിച്ചതെന്നും എത്ര തുകയ്ക്കാണ് അതിന് കരാർ നല്കിയതെന്നും അറിയിക്കാമോ;

ടെന്‍ഡര്‍ നടപടികളിലൂടെയാണോ ഈ മൊബൈല്‍ ആപ്പ് നിര്‍മ്മിക്കുന്നതിന് പ്രസ്തുത കമ്പനിയെ തെരഞ്ഞെടുത്തതെന്ന് വ്യക്തമാക്കാമോ;

ഇതിനായുള്ള ടെൻഡറിൽ ആരൊക്കെ പങ്കെടുത്തുവെന്നും ഓരോ കമ്പനിയും എന്തു തുക ക്വാട്ട് ചെയ്തു എന്നുമുള്ള വിവരവും നൽകാമോ?

സംസ്ഥാനത്തെ ഏറ്റവും പ്രധാനപ്പെട്ട റോഡുകളായ എം.സി.റോഡ്, കൊല്ലം-ചെങ്കോട്ട റോഡ് എന്നിവയുടെ വികസനം സംബന്ധിച്ച നടപടികളുടെ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

വിഴിഞ്ഞം തുറമുഖം പ്രവർത്തന സജ്ജമാകുമ്പോഴുള്ള ചരക്കുനീക്ക, ഗതാഗത ആവശ്യത്തിനായി നിർമ്മിക്കാൻ തീരുമാനിച്ച വിഴിഞ്ഞം-നാവായിക്കുളം റിംഗ് റോഡ് നിർമ്മാണ നടപടിയുടെ പുരോഗതി പരിശോധിച്ചിട്ടുണ്ടോ; വിശദാംശം നല്കുമോ?

നാദാപുരം മണ്ഡലത്തില്‍ കിഫ്ബി മുഖാന്തിരം അനുവദിച്ച കായപ്പനച്ചി- കുന്നുംചിര- എടച്ചേരി (പുതിയങ്ങാടി) റോഡ് പ്രവൃത്തിക്കായി നാളിതുവരെ വകുപ്പ് എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കാമോ;

പ്രസ്തുത പ്രവൃത്തിയുടെ ഡി.പി.ആര്‍. സമര്‍പ്പിച്ചിട്ടുണ്ടോ; ഇല്ലെങ്കില്‍ ആയത് വൈകുന്നതിന്റെ കാരണം വിശദമാക്കാമോ;

പ്രസ്തുത പ്രവൃത്തിക്ക് എന്നത്തേക്ക് ഭരണാനുമതി നല്‍കുമെന്ന് വ്യക്തമാക്കുമോ?

മലപ്പുറത്തെ പ്രധാന ടൂറിസ്റ്റ് കേന്ദ്രമായ കോട്ടക്കുന്നിലെ റോഡിലുണ്ടാകുന്ന മണ്ണിടിച്ചിൽ ഭീഷണി തടയുന്നതിന് നിർദേശിച്ചിട്ടുള്ള ഡ്രെയിനേജ് നിർമ്മാണത്തിനുള്ള സർവേ നടപടികളുടെ പുരോഗതി വ്യക്തമാക്കാമോ;

പ്രസ്തുത പദ്ധതിയ്ക്ക് ഭരണാനുമതി നൽകിയിട്ടുണ്ടോ; പ്രസ്തുത പദ്ധതിയുടെ വിശദാംശം നൽകാമോ;

പ്രസ്തുത പദ്ധതി എന്നത്തേയ്ക്ക് പൂർത്തീകരിക്കാനാകുമെന്ന് അറിയിക്കുമോ?

സംസ്ഥാനത്ത് ദേശീയ പാത വികസനത്തിന്റെ ഭാഗമായി പള്ളി, മദ്രസ തുടങ്ങിയ ആരാധനാലയങ്ങളുടെ ഭൂമി ഏറ്റെടുത്തതിന്റെ നഷ്ടപരിഹാര തുക ബന്ധപ്പെട്ട ആരാധനാലയങ്ങള്‍ക്ക്/കമ്മറ്റികള്‍ക്ക് നല്‍കിയതിന്റെ വിശദാംശം ലഭ്യമാക്കുമോ; നഷ്ടപരിഹാരം പൂര്‍ണ്ണമായും കൊടുത്ത് തിര്‍ത്തിട്ടുണ്ടോ; നഷ്ടപരിഹാരം കൊടുത്ത് തീര്‍ക്കാനുണ്ടെങ്കില്‍ അയതിന്റെ വിശദാംശം ലഭ്യമാക്കുമോ;

ഏതെല്ലാം ആരാധനാലയങ്ങള്‍ക്ക്/ കമ്മറ്റികള്‍ക്ക് നഷ്ടപരിഹാരം കൊടുക്കുവാന്‍ ശേഷിക്കുന്നുണ്ടെന്നുള്ള വിശദാംശം ജില്ലാ അടിസ്ഥാനത്തില്‍ ലഭ്യമാക്കുമോ; നഷ്ടപരിഹാരം പൂര്‍ണ്ണമായും എന്നത്തേയ്ക്ക് കൊടുത്ത് തീര്‍ക്കാന്‍ കഴിയുമെന്ന് അറിയിക്കുമോ?

മുൻ സർക്കാരിന്റെ കാലഘട്ടത്തിൽ റോഡുകളെപ്പറ്റി പൊതുജനങ്ങള്‍ക്കുള്ള പരാതി അറിയിക്കാന്‍ മൊബൈല്‍ ആപ്പ് നിലവിലുണ്ടായിരുന്നോ;

'പി.ഡബ്ല്യൂ.ഡി. ഫിക്സ്-ഇറ്റ് ' എന്ന ആപ്പ് നിര്‍മ്മിക്കാനായി ഏതു കമ്പനിയെയാണ് ചുമതലപ്പെടുത്തിയതെന്നും എത്ര തുകയ്ക്കാണ് ആപ്പ് നിര്‍മ്മിച്ചതെന്നും വ്യക്തമാക്കാമോ;

ഈ ആപ്പ് പ്രവർത്തനരഹിതമായതിന്റെ കാരണം വിശദമാക്കാമോ?

വടക്കാഞ്ചേരി നിയോജക മണ്ഡലത്തിലെ അടാട്ട് - ചിറ്റിലപ്പിള്ളി റോഡ് നിര്‍മ്മാണ പ്രവര്‍ത്തനങ്ങള്‍ വൈകുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാരണം വ്യക്തമാക്കാമോ;

പ്രസ്തുത പ്രവൃത്തി എന്നേയ്ക്ക് പൂര്‍ത്തിയാക്കാന്‍ കഴിയും എന്ന് വ്യക്തമാക്കാമോ?

ഈ സര്‍ക്കാരിന്റെ കാലത്ത് ബി.എം. ആന്റ് ബി.സി. നിലവാരത്തിൽ പതിനയ്യായിരം കിലോമീറ്റര്‍ റോഡ് പൂര്‍ത്തീകരിക്കുന്നതിന് ലക്ഷ്യമിടുന്നുണ്ടോ; എങ്കില്‍ പ്രസ്തുത രീതിയില്‍ നാളിതുവരെ എത്ര കിലോമീറ്റര്‍ റോഡ് പൂര്‍ത്തീകരിച്ചിട്ടുണ്ടെന്നും എത്ര കിലോമീറ്റര്‍ റോഡിന്റെ പ്രവൃത്തികള്‍ നടന്ന് വരുന്നുവെന്നുമുള്ള വിശദാംശം ലഭ്യമാക്കുമോ;

സംസ്ഥാനത്ത് റോഡ് നിര്‍മ്മാണത്തിന് മാത്രമായി നാല്പതിനായിരം കോടി രൂപ ചെലവഴിക്കാന്‍ ഉദ്ദേശിക്കുന്നുണ്ടോ; എങ്കില്‍ ഏതെല്ലാം പദ്ധതികള്‍ വഴിയാണ് ഈ തുക ചെലവഴിക്കാന്‍ ഉദ്ദേശിക്കുന്നതെന്ന് അറിയിക്കുമോ;

ഈ സര്‍ക്കാര്‍ അധികാരത്തില്‍ വന്ന ശേഷം നാളിതുവരെ ഓരോ സാമ്പത്തിക വര്‍ഷവും എത്ര തുക റോഡ് നിര്‍മ്മാണത്തിനായി നീക്കി വച്ചിട്ടുണ്ടെന്നും എത്ര തുക ചെലവഴിച്ചിട്ടുണ്ടെന്നും അറിയിക്കുമോ;

2023-24 വര്‍ഷത്തില്‍ റോഡ് നിര്‍മ്മാണത്തിനായി എത്ര തുക നീക്കി വച്ചിട്ടുണ്ടെന്ന് വ്യക്തമാക്കുമോ;

ഈ സര്‍ക്കാര്‍ അധികാരത്തില്‍ വന്ന ശേഷം എത്ര റെയില്‍വേ മേല്‍പ്പാലങ്ങള്‍ പണിയുന്നതിനാണ് ഉദ്ദേശിച്ചിട്ടുള്ളത്; അതില്‍ എത്രയെണ്ണം നിര്‍മ്മാണം പൂര്‍ത്തിയാക്കിയെന്നും എത്രയെണ്ണത്തിന്റെ നിര്‍മ്മാണ പ്രവൃത്തി പുരോഗമിക്കുന്നുവെന്നും ഈ സര്‍ക്കാരിന്റെ കാലത്ത് എത്ര മേല്‍പ്പാലങ്ങള്‍ പൂര്‍ത്തിയാക്കാനാണ് ഉദ്ദേശിക്കുന്നതെന്നും വിശദമാക്കുമോ?

മലപ്പുറം പോലീസ് സ്റ്റേഷൻ മുതൽ കിഴക്കേത്തല വരെ നിർമ്മിക്കാനുദ്ദേശിക്കുന്ന ഫ്ലൈഓവർ പദ്ധതി ഇപ്പോൾ ഏതു ഘട്ടത്തിലാണെന്നത് സംബന്ധിച്ച വിശദാംശം നൽകുമോ;

പ്രസ്തുത പദ്ധതിക്ക് കേന്ദ്ര ഉപരിതല ഗതാഗതവകുപ്പിന്റെ നിരാക്ഷേപ പത്രം ലഭിച്ചിട്ടുണ്ടോ; ഇല്ലെങ്കിൽ ലഭിക്കാത്തതിന്റെ കാരണം വ്യക്തമാക്കാമോ;

പദ്ധതിയുടെ ഡീറ്റയിൽഡ് പ്രോജക്ട് റിപ്പോർട്ട് തയ്യറാക്കിയിട്ടുണ്ടോയെന്നും ഭരണാനുമതി ലഭിച്ചിട്ടുണ്ടോയെന്നും എന്നത്തേക്ക് പദ്ധതി ആരംഭിക്കുവാൻ സാധിക്കുമെന്നും വെളിപ്പെടുത്തുമോ; വിശദാംശം നൽകുമോ ;

പുതുക്കിയ ഡീറ്റയിൽഡ് പ്രോജക്ട് റിപ്പോർട്ടിന് കിഫ്ബി അഗീകാരം നല്‍കിയിട്ടുണ്ടോ; പ്രവൃത്തിക്കായുള്ള സ്ഥലമെടുപ്പ് നടപടികള്‍ പൂര്‍ത്തീകരിച്ചിട്ടുണ്ടോ; വിശദാംശം നല്‍കുമോ?

പാറശാല മണ്ഡലത്തിലെ മലയോര ഹെെവേ നിര്‍മ്മാണവുമായി ബന്ധപ്പെട്ട നടപടികള്‍ നിലവില്‍ ഏത് ഘട്ടത്തിലാണെന്ന് വിശദമാക്കാമോ; പ്രസ്തുത പ്രവൃത്തി എന്നത്തേയ്ക്ക് പൂര്‍ത്തിയാക്കാന്‍ കഴിയുമെന്ന് അറിയിക്കാമോ;

പ്രസ്തുത പ്രവൃത്തിയുമായി ബന്ധപ്പെട്ട ഭൂമി ഏറ്റെടുക്കല്‍, പാലങ്ങളുടെ നിര്‍മ്മാണം എന്നിവ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത മലയോര ഹെെവേ നിര്‍മ്മാണവുമായി ബന്ധപ്പെട്ട് വാഴിച്ചല്‍-കളളിക്കാട് റീച്ചിലെ റോഡ് പുറമ്പോക്കില്‍ താമസിക്കുന്ന 42 കുടുംബങ്ങളെ പുനരധിവസിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ;

എങ്കില്‍ പ്രസ്തുത പുനരധിവാസം എപ്രകാരം നടത്തുന്നതിനാണ് നിശ്ചയിച്ചിട്ടുളളതെന്നും ഇതുമായി ബന്ധപ്പെട്ട നടപടികള്‍ നിലവില്‍ ഏത് ഘട്ടത്തിലാണെന്നും ഫയല്‍ നമ്പര്‍ ഉള്‍പ്പെടെയുളള വിശദാംശം നല്‍കാമോ ?

മുൻ സര്‍ക്കാര്‍ കാലയളവിലെ ബജറ്റില്‍ പ്രഖ്യാപിച്ച ആലപ്പുഴ പള്ളാത്തുരുത്തി കിഴക്കന്‍ ബൈപാസ് നിര്‍മ്മാണത്തിനായി സ്വീകരിച്ച നടപടികളുടെ വിശദവിവരം ലഭ്യമാക്കാമോ;

പ്രസ്തുത പദ്ധതിക്കായി വിശദമായ പ്രോജക്ട് തയ്യാറാക്കിയിട്ടുണ്ടോ;എങ്കിൽ വിശദാംശം ലഭ്യമാക്കാമോ;

കിഫ്ബിയില്‍ ഉള്‍പ്പെടുത്തി നടപ്പിലാക്കുമെന്ന് പ്രഖ്യാപിച്ച പ്രസ്തുത പ്രവൃത്തി ഉടന്‍ ആരംഭിക്കാന്‍ നടപടി സ്വീകരിക്കുമോ;വിശദമാക്കാമോ?

കണ്ണൂര്‍ ജില്ലയിലെ തീരദേശ ഹൈവേയുടെ നിര്‍മ്മാണ പുരോഗതി വ്യക്തമാക്കാമോ;

കല്ല്യാശ്ശേരി മണ്ഡലത്തില്‍ എത്ര കിലോമീറ്റര്‍ ദൂരത്തിലാണ് തീരദേശ ഹൈവേ കടന്നുപോകുന്നത്; കടന്നുപോകുന്ന പ്രദേശങ്ങള്‍ ഏതൊക്കെയാണ്; തീരേദേശ ഹൈവേയില്‍ ഉള്‍പ്പെടുത്തിയിട്ടുള്ള പാലങ്ങള്‍ ഏതൊക്കെയാണ്; വിശദമാക്കാമോ?

സംസ്ഥാനത്തെ പി.ഡബ്ല്യൂ.ഡി. റോഡുകളുടെ അടിസ്ഥാന വിവരങ്ങളുടെ ഡിജിറ്റൈസേഷന്റെ ഭാഗമായി റോഡ് മെയിന്റനന്‍സ് ആന്റ് മാനേജ്മെന്റ് സിസ്റ്റം നടപ്പിലാക്കിയിട്ടുണ്ടോയെന്ന് വിശദമാക്കുമോ;

ഏത് ഏജന്‍സിയ്ക്കാണ് പ്രസ്തുത പ്രവൃത്തികളുടെ കരാര്‍ നല്‍കിയിട്ടുള്ളതെന്നും അതിനായി പ്രസ്തുത ഏജന്‍സിയ്ക്ക് എന്ത് തുക നല്‍കിയെന്നും അറിയിക്കുമോ;

സംസ്ഥാന പാതകള്‍ അല്ലാതെയുള്ള പ്രധാനപ്പെട്ട പി.ഡബ്ല്യൂ.ഡി. റോഡുകളെ ഉള്‍പ്പെടുത്തി ഒരു കോര്‍ റോഡ് നെറ്റ് വര്‍ക്ക് സ്ഥാപിക്കുന്നതാണെന്ന മുന്‍ സര്‍ക്കാരിന്റെ പ്രഖ്യാപനം പ്രാവര്‍ത്തികമാക്കിയിട്ടുണ്ടോ; എത്ര കിലോമീറ്റര്‍ റോഡുകളാണ് ഈ പദ്ധതിയില്‍ ഉള്‍പ്പെടുത്തിയിട്ടുള്ളതെന്ന് വ്യക്തമാക്കുമോ?

ഇടുക്കി ജില്ലയില്‍ മലയോര ഹെെവേ കടന്ന് പോകുന്ന ഏതൊക്കെ സ്ഥലങ്ങളിലാണ് അലെെന്‍മെന്റില്‍ മാറ്റം വരുത്തിയിട്ടുള്ളതെന്ന് അറിയിക്കുമോ;

പ്രസ്തുത ഹൈവേയില്‍ ആറാംമെെല്‍, എളബ്ലാശ്ശേരി, കുറത്തിക്കുടി, പെരുമ്പന്‍ കുത്ത് എന്നിവിടങ്ങളില്‍ അലെെന്‍മെന്റില്‍ മാറ്റം വരുത്താനുണ്ടായ സാഹചര്യം വിശദമാക്കാമോ;

പ്രസ്തുത റോഡ് നിര്‍മ്മാണത്തിനായി മറ്റെതെങ്കിലും നടപടി സ്വീകരിച്ചിട്ടുണ്ടോയെന്ന് വിശദമാക്കുമോ?

പീച്ചി വാഴാനി ടൂറിസം കോറിഡോര്‍ റോഡ് എന്ന പ്രവൃത്തിയുടെ ഒന്നാം ഘട്ടമായ പോങ്ങനങ്ങാട് മുതല്‍ കരുമത്ര വരെയുള്ള റോഡിന്റെ നിര്‍മ്മാണത്തിന് സാങ്കേതിക അനുമതി നല്‍കി പൂര്‍ത്തീകരിക്കാനുള്ള കിഫ്ബിയുടെ നടപടിക്രമങ്ങള്‍ വ്യക്തമാക്കാമോ;

16.07.2022-ല്‍ ടെന്‍ഡര്‍ ചെയ്തിട്ടും പ്രസ്തുത പ്രവൃത്തി നാളിതുവരെ ആരംഭിക്കാന്‍ കഴിയാതിരുന്ന സാഹചര്യം വ്യക്തമാക്കാമോ;

പ്രസ്തുത പ്രവൃത്തിയുടെ റവന്യൂ അളവുകള്‍ അളന്ന് തിട്ടപ്പെടുത്തിയിട്ടുണ്ടോയെന്ന് വിശദമാക്കാമോ;

പ്രസ്തുത പ്രവൃത്തിയ്ക്കായി വനം വകുപ്പിന്റെ അധീനതയിലുള്ള ഭൂമി അളന്ന് തിട്ടപ്പെടുത്തേണ്ടതുണ്ടോ; എങ്കില്‍ ആയതിന്റെ വിശദാംശം ലഭ്യമാക്കാമോ;

പ്രസ്തുത പ്രവൃത്തിയില്‍ റോഡിന്റെ ഇരുവശങ്ങളിലുമുള്ള യൂട്ടിലിറ്റികള്‍ മാറ്റിസ്ഥാപിക്കുന്നതിന് സ്വീകരിച്ച നടപടിയുടെ പുരോഗതി വ്യക്തമാക്കാമോ;

പീച്ചി വാഴാനി ടൂറിസം കോറിഡോര്‍ റോഡിന്റെ പ്രവൃത്തി എന്നത്തേയ്ക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ?

വാമനപുരം നിയോജക മണ്ഡലത്തിലെ പൊന്‍മുടിയില്‍ പൊതുമരാമത്ത് വകുപ്പിന്റെ കീഴില്‍ നിര്‍മ്മാണം നടന്നുകൊണ്ടിരിക്കുന്ന ടൂറിസം ഗസ്റ്റ്ഹൗസിന്റെ നിര്‍മ്മാണ പുരോഗതി അറിയിക്കാമോ;

പ്രസ്തുത നിര്‍മ്മാണത്തിന്റെ അടങ്കല്‍ തുക; സാങ്കേതികാനുമതി തുക എന്നിവ എത്രയാണെന്ന് അറിയിക്കാമോ;

സാങ്കേതികാനുമതി പ്രകാരമുളള നിലവിലെ പ്രവൃത്തികള്‍ക്കുപരിയായി എന്തെല്ലാം പ്രവൃത്തികളാണ് അനുബന്ധ പ്രവൃത്തിയായി ചെയ്യാനുളളതെന്നും അതിനുവേണ്ടിയുളള എസ്റ്റിമേറ്റ് തയ്യാറാക്കിയിട്ടുണ്ടോയെന്നും വിശദമാക്കാമോ?

സംസ്ഥാനത്ത് ഹെെക്കോടതിയുടെയും ജില്ലാ കോടതികളുടെയും കെട്ടിട നിര്‍മ്മാണത്തിനായി അൻപത് ശതമാനം കേന്ദ്ര ധനസഹായം കഴിഞ്ഞ അഞ്ച് വര്‍ഷക്കാലയളവില്‍ ലഭ്യമാക്കിയിട്ടുണ്ടോ; എങ്കിൽ വിശദമാക്കാമോ;

പ്രസ്തുത തുകയ്ക്ക് ആനുപാതികമായി പൊതുമരാമത്ത് വകുപ്പിന് കീഴില്‍ മാച്ചിംഗ് ഗ്രാന്റ് വകയിരുത്തിയിട്ടുണ്ടോ;എങ്കിൽ വിശദമാക്കാമോ;

കഴിഞ്ഞ അഞ്ച് വര്‍ഷക്കാലയളവില്‍ പ്രസ്തുത കോടതി കെട്ടിടങ്ങളുടെ നിര്‍മ്മാണത്തിനായി എത്ര ശിപാര്‍ശകള്‍ ലഭിച്ചിട്ടുണ്ട്;അതില്‍ എത്ര എണ്ണം പൂര്‍ത്തീകരിച്ചിട്ടുണ്ട്;അറിയിക്കാമോ?

പൊതുമരാമത്ത് കെട്ടിടങ്ങളുടെ നിര്‍മ്മാണം വേഗത്തില്‍ പൂര്‍ത്തിയാക്കാനായി സര്‍ക്കാര്‍ ഏര്‍പ്പെടുത്തിയ സംയുക്ത(കോമ്പോസിറ്റ്) ടെന്‍ഡര്‍ നടപടിയുടെ ഭാഗമായി സിവില്‍, ഇലക്ട്രിക്കല്‍ വര്‍ക്കുകള്‍ വേർതിരിച്ച് വെവ്വേറെയായി ടെന്‍ഡര്‍ നല്‍കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

സംയുക്ത ടെന്‍ഡര്‍ നടപടിയില്‍ സിവില്‍ കരാറുകാര്‍ക്കൊപ്പം ഇലക്ട്രിക്കല്‍ കരാറുകാര്‍ക്കും പങ്കെടുക്കുന്നതിന് സാധിക്കുമോ; ഇലക്ട്രിക്കല്‍‍ വര്‍ക്കുകള്‍ക്ക് പ്രാധാന്യം ഉണ്ടെങ്കില്‍ പ്രസ്തുത പ്രവര്‍ത്തികളുടെ ടെന്‍ഡര്‍ നടപടി ക്രമം എങ്ങനെയായിരിക്കുമെന്ന് വിശദീകരിക്കാമോ;

സംയുക്ത ടെന്‍ഡര്‍ നടപടി ക്രമത്തില്‍ ഇലക്ട്രിക്കല്‍ കരാറുകാര്‍ക്ക് തൊഴില്‍ നഷ്ടമാകുന്നു എന്ന പരാതി പരിഹരിക്കുന്നതിനായി വകുപ്പ് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

തവനൂര്‍ നിയോജക മണ്ഡലത്തിലെ തൃപ്രങ്ങോട് ഗ്രാമ പഞ്ചായത്തിലെ സി.എച്ച്.സി. യ്ക്ക് കെട്ടിടം പണിയുന്നതിന് ബജറ്റില്‍ തുക അനുവദിച്ചിട്ടുണ്ടോ;

ഉണ്ടെങ്കില്‍ പ്രസ്തുത പ്രവൃത്തിയുടെ പുരോഗതി വിശദമാക്കാമോ?

2016-21 കാലയളവിലും ഈ സര്‍ക്കാരിന്റെ കാലത്തും വര്‍ക്കല മണ്ഡലത്തില്‍ പൊതുമരാമത്ത് വകുപ്പ് കെട്ടിട വിഭാഗം നിര്‍വ്വഹണ ഏജന്‍സിയായിട്ടുള്ള എത്ര പ്രവൃത്തികള്‍ക്കാണ് ഭരണാനുമതി ലഭിച്ചിട്ടുള്ളതെന്ന് വിശദമാക്കാമോ;

പ്രസ്തുത പ്രവൃത്തികളില്‍ ടെണ്ടര്‍ നടപടികള്‍ പൂര്‍ത്തിയാക്കിയവ ഏതെല്ലാമാണെന്ന് വിശദമാക്കാമോ;

ഓരോ പ്രവൃത്തിയുടെയും നിര്‍മ്മാണ പുരോഗതി വിശദമാക്കാമോ?

വര്‍ക്കല നിയോജക മണ്ഡലത്തില്‍ പൊതുമരാമത്ത് വകുപ്പ് സ്പെഷ്യല്‍ ബില്‍ഡിംഗ്സ് വിഭാഗം നിര്‍വഹണ ഏജന്‍സിയായ എത്ര പ്രവൃത്തികൾ നിലവിലുണ്ടെന്ന് വിശദമാക്കാമോ;

പ്രസ്തുത പ്രവൃത്തികളുടെ നിര്‍മ്മാണ പുരോഗതി വിശദമാക്കുമോ;

ടെണ്ടർ നടപടികൾ പൂര്‍ത്തിയാക്കുവാനുള്ള പ്രവൃത്തികള്‍ ഏതെല്ലാമെന്ന് അറിയിക്കുമോ; ആയത് അടിയന്തരമായി പൂര്‍ത്തിയാക്കുന്നതിന് നിര്‍ദ്ദേശം നല്‍കുമോയെന്ന് വ്യക്തമാക്കുമോ?

സര്‍ക്കാര്‍ അതിഥി മന്ദിരങ്ങളുടെയും യാത്രി നിവാസുകളുടെയും കേരള ഹൗസുകളുടെയും നവീകരണ-പുനരുദ്ധാരണ പ്രവൃത്തികള്‍ അവസാനമായി നടത്തിയത് ഏത് വര്‍ഷമാണെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിനുശേഷം പ്രസ്തുത സ്ഥാപനങ്ങളുടെ നവീകരണത്തിനും പുനരുദ്ധാരണത്തിനുമായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

2019-20 സാമ്പത്തിക വർഷം നാല്പത് ലക്ഷം രൂപ വകയിരുത്തിയിരുന്ന കാവാലിപ്പുഴ തൂക്കുപാലത്തിന്റെ ഡി.പി.ആര്‍. തയ്യാറാക്കുന്നതിനുള്ള നടപടി ഏത് ഘട്ടത്തിലാണെന്ന് വിശദീകരിക്കാമോ;

ഇന്‍വെസ്റ്റിഗേഷന്‍ എസ്റ്റിമേറ്റ്‌ തയ്യാറാക്കാന്‍ ദക്ഷിണമേഖല സൂപ്രണ്ടിംഗ്‌ എഞ്ചിനീയര്‍ക്ക്‌ നിര്‍ദേശം നല്‍കിയ പ്രസ്തുത പദ്ധതിയുടെ എസ്റ്റിമേറ്റ് തയ്യാറാക്കിയിട്ടുണ്ടോ; പ്രവൃത്തിയുടെ ഡിസൈന്‍ പൂര്‍ത്തീകരിച്ചിട്ടുണ്ടോ; ഭരണാനുമതി നൽകുന്നതിന് ഉണ്ടായിരിക്കുന്ന തടസ്സമെന്തെന്ന് വ്യക്തമാക്കാമോ?

പൊതുമരാമത്ത് വകുപ്പ് 13.08.2021 -ന് 10.50 കോടി രൂപയ്ക്ക് ഭരണാനുമതി നല്‍കിയ വൈപ്പിന്‍ മണ്ഡലത്തിലെ ചെറിയ കടമക്കുടി പാലത്തിന്റെ നിര്‍മ്മാണത്തിനായി സ്വീകരിച്ചിട്ടുള്ള നടപടികള്‍ വിശദമാക്കാമോ;

പ്രസ്തുത പാലത്തിന്റെ നിര്‍മ്മാണം എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

കെ.എസ്.ടി.പി. പദ്ധതി മുഖേന പൂര്‍ത്തിയാക്കിയ പുനലൂര്‍ മൂവാറ്റുപുഴ പാതയില്‍ പൊന്‍കുന്നം പ്ലാച്ചേരി റീച്ചിലെ മണിമലയില്‍ പുതിയ പാലം നിര്‍മ്മിക്കുന്നതിനുള്ള നടപടി ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ;

ഇത് സംബന്ധിച്ച് നല്‍കിയ കത്തിന്മേൽ സ്വീകരിച്ച നടപടികള്‍ അറിയിക്കാമോ;

90 ഡിഗ്രി വളവിന് ശേഷം ഇടുങ്ങിയ പാലത്തിലേക്ക് വാഹനങ്ങള്‍ കയറുന്നത് വലിയ അപകടത്തിന് കാരണമാകുമെന്നത് കണക്കിലെടുത്ത് നിലവിലുള്ള പാലത്തിന് വീതി കൂട്ടുന്നതിനോ വീതി കൂടിയ പുതിയ പാലം നിര്‍മ്മിക്കുന്നതിനോ നടപടി സ്വീകരിക്കുമോയെന്ന് വ്യക്തമാക്കുമോ?

കോതമംഗലം മണ്ഡലത്തിലെ മണികണ്ഠന്‍ചാല്‍, ബ്ലാവന, ബംഗ്ലാകടവ്, ഇഞ്ചത്തൊട്ടി പാലങ്ങളുടെ നിര്‍മ്മാണവുമായി ബന്ധപ്പെട്ട നടപടികള്‍ വിശദമാക്കാമോ;

പ്രസ്തുത പാലങ്ങളുടെ നിര്‍മ്മാണവുമായി ബന്ധപ്പെട്ട് വനം വകുപ്പിന്റെ അനുമതിക്കായി സ്വീകരിച്ചിട്ടുളള നടപടികള്‍ എന്തെല്ലാമാണെന്നും അനുമതി ലഭ്യമായിട്ടുണ്ടോയെന്നും വിശദമാക്കാമോ;

നടപടികള്‍ വേഗത്തിലാക്കി എത്രയും പെട്ടെന്ന് പാലം നിര്‍മ്മാണം ആരംഭിക്കുന്നതിന് വേണ്ട നടപടി സ്വീകരിക്കുമോ?

കാസര്‍ഗോഡ് ജില്ലയിലെ മുനമ്പം പാലം നിര്‍മ്മാണത്തിന് 2023-24 വര്‍ഷത്തെ ബജറ്റില്‍ തുക വകയിരുത്തിയിട്ടുണ്ടോ;

ഈ പ്രവൃത്തിയുടെ ഇന്‍വെസ്റ്റിഗേഷന്‍ നടപടികള്‍ പൂര്‍ത്തിയാക്കി ഡിസൈന്‍ ഫൈനലൈസ് ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ;

ബജറ്റില്‍ തുക വകയിരുത്തിയ സ്ഥിതിയില്‍ ഈ പ്രവൃത്തിയുടെ ഡിസൈന്‍ എന്ന് ലഭ്യമാക്കി തരാനാവും എന്ന് അറിയിക്കാമോ?

പെരുമണ്‍ പാലത്തിന്റെ നിര്‍മ്മാണത്തിനായുള്ള ഡിസൈന്‍ സംബന്ധിച്ച് കരാറുകാരനും നിര്‍വ്വഹണ ഏജന്‍സിയുമായും ഉണ്ടായിട്ടുള്ള അഭിപ്രായ ഭിന്നതമൂലം നിര്‍മ്മാണ പ്രവര്‍ത്തനങ്ങള്‍ അവസാന ഘട്ടത്തില്‍ നിലച്ചത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പാലം നിര്‍മ്മാണം അടിയന്തരമായി പൂര്‍ത്തീകരിക്കുന്നതിനാവശ്യമായ നടപടി സ്വീകരിക്കുമോ; വിശദാംശം ലഭ്യമാക്കുമോ?

കോഴിക്കോട് ജില്ലയില്‍ വര്‍ഷങ്ങള്‍ക്ക് മുമ്പ് ഭരണാനുമതി ലഭിച്ച പടനിലം, നടമ്മല്‍കടവ് പാലങ്ങളുടെ നിർമ്മാണ പ്രവൃത്തി ഇനിയും ആരംഭിച്ചിട്ടില്ല എന്ന വിഷയം ശ്രദ്ധയില്‍പ്പെട്ടിട്ടുണ്ടോ;

പടനിലം പാലത്തിനും സ്ഥലമെടുപ്പിനുമായി ആറ് കോടി രൂപയുടെ ഭരണാനുമതി ഉണ്ടായിട്ടും സ്ഥലമെടുപ്പ് നടപടികള്‍ വൈകുന്നതും തന്മൂലം കൂടുതല്‍ സാമ്പത്തിക ബാധ്യത ഉണ്ടാകുന്നതും ശ്രദ്ധയില്‍പ്പെട്ടിട്ടുണ്ടോ?

കാസര്‍ഗോഡ് ജില്ലയിലെ കോട്ടിക്കുളം റെയിൽവേ മേൽപ്പാലത്തിന് റെയില്‍വേ അനുമതി നല്‍കിയിട്ടുണ്ടോ; വിശദാംശം അറിയിക്കാമോ;

ഈ വിഷയത്തില്‍ ആര്‍.ബി.ഡി.സി.കെ. എന്ത് തുടര്‍ നടപടിയാണ് സ്വീകരിക്കാന്‍ പോകുന്നതെന്ന് വിശദമാക്കാമോ;

പ്രസ്തുത പ്രവൃത്തി എന്നത്തേയ്ക്ക് ടെണ്ടര്‍ ചെയ്യാന്‍ സാധിക്കുമെന്നാണ് പ്രതീക്ഷിക്കുന്നത്; വിശദാംശം അറിയിക്കുമോ?

കാലപ്പഴക്കത്താല്‍ അപകടാവസ്ഥയിലായ പാലങ്ങള്‍ പുനര്‍നിര്‍മ്മിക്കുന്നതിനും പുനരുദ്ധരിക്കുന്നതിനുമായി തൃശ്ശൂര്‍ ജില്ലയില്‍ കണ്ടെത്തിയ പാലങ്ങളുടെ ലിസ്റ്റ് വിശദമാക്കാമോ;

മേല്‍പ്രകാരമുളള ലിസ്റ്റില്‍ ഇന്‍വെസ്റ്റിഗേഷന്‍ പ്രവൃര്‍ത്തികള്‍ പൂര്‍ത്തീകരിച്ച പാലങ്ങളുടെ ലിസ്റ്റ് അറിയിക്കുമോ?

2022-23 ലെ ബജറ്റിൽ 20 ശതമാനം തുക വകയിരുത്തിയ മണ്ണാർക്കാട് നിയോജകമണ്ഡലത്തിലെ കണ്ണംകുണ്ട് പാലം നിർമ്മാണ പ്രവൃത്തിക്ക് ഭരണാനുമതി നൽകുവാനുള്ള നടപടി ഏതു ഘട്ടത്തിലാണെന്ന് വിശദമാക്കാമോ;

പ്രസ്തുത പ്രവൃത്തിക്ക് അടിയന്തരമായി ഭരണാനുമതി ലഭ്യമാക്കുവാൻ വേണ്ട നടപടി സ്വീകരിക്കുമോ?

ആലപ്പുഴ നഗരത്തിലെ മുപ്പാലം, കോടതിപ്പാലം എന്നിവയുടെ നിര്‍മ്മാണ പുരോഗതി വിശദമാക്കാമോ;

എത്ര തുകയാണ് പ്രസ്തുത പ്രവൃത്തികള്‍ക്കായി ചെലവഴിക്കുന്നതെന്നും പദ്ധതി എന്നത്തേക്ക് പൂര്‍ത്തീകരിക്കാനാകുമെന്നും വിശദമാക്കാമോ?

കോങ്ങാട് നിയോജക മണ്ഡലത്തിലെ മങ്കര കാളികാവ് റെയില്‍വേ മേല്‍പ്പാലം നിര്‍മ്മാണത്തിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത പ്രവൃത്തി എന്നത്തേക്ക് ആരംഭിക്കാന്‍ കഴിയുമെന്ന് അറിയിക്കാമോ?

2022-23, 2023-24 വര്‍ഷങ്ങളിലെ ബജറ്റുകളില്‍ ഉള്‍പ്പെട്ട ഗുരുവായൂരിലെ മമ്മിയൂര്‍ ഫ്ലെെ ഓവര്‍ പദ്ധതി കിഫ്ബി മുഖേന നടപ്പിലാക്കുന്നതിന് നടപടികള്‍ സ്വീകരിക്കുമോയെന്ന് വ്യക്തമാക്കുമോ?

മലമ്പുഴ മണ്ഡലത്തിലെ കൊടുമ്പ് പാളയം പാലം നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിയുടെ അടങ്കല്‍ തുക എത്രയാണെന്ന് വ്യക്തമാക്കാമോ?

ദേശീയപാത 66 ന്റെ വികസനത്തിന്റെ ഭാഗമായി ചവറ ജംഗ്ഷനിൽ നിലവിലുള്ള പാലം പൊളിച്ച് പുതിയ പാലം നിര്‍മ്മിക്കുന്നതിന് ഉദ്ദേശിക്കുന്നുണ്ടോ;

പ്രസ്തുത നിര്‍മ്മാണം ഉപേക്ഷിയ്ക്കുന്നതിന് തീരുമാനിച്ചിട്ടുണ്ടോയെന്ന് വ്യക്തമാക്കുമോ?

ആലുവ, കരിയാട്- മറ്റൂര്‍ റോ‍ഡിലെ അകപ്പറമ്പില്‍ റെയില്‍ ഓവര്‍ ബ്രിഡ്ജ് നിര്‍മ്മിക്കുന്നത് സംബന്ധിച്ച വിഷയം പരിശോധിക്കുന്നതിനായി 23.03.2022-ന് നല്‍കിയ നിവേദനത്തില്‍ (E-6072153/ 2022/MIN(PWD), 3036/M(W&T) 2022/VIP(W)) കെ.ആര്‍.എഫ്.ബി. പ്രോജക്ട് ഡയറക്ടര്‍ നാളിതുവരെ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ; ഇതിനായി നടത്തിയ എല്ലാ കത്തിടപാടുകളുടെയും പകര്‍പ്പുകള്‍ ലഭ്യമാക്കുമോ;

ഈ പദ്ധതി എത്രയും വേഗം യാഥാര്‍ത്ഥ്യമാക്കുന്നതിന് ആവശ്യമായ നടപടികള്‍ സ്വീകരിക്കുമോ;

ഈ വിഷയത്തില്‍ കെ.ആര്‍.എഫ്.ബി. പ്രോജക്ട് ഡയറക്ടര്‍ സര്‍ക്കാരിലേയ്ക്ക് റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

ചാത്തന്നൂർ മണ്ഡലത്തിൽ പരവൂർ നഗരസഭയിലെ ഒല്ലാൽ റെയിൽവേ ലെവൽ ക്രോസിൽ റോഡ്സ് ആന്റ് ബ്രിഡ്ജസ് ഡെവലപ്മെന്റ് കോർപറേഷന്റെ നിർവഹണ ചുമതലയിൽ മേൽപ്പാലം നിർമ്മിക്കുന്നതിനായുള്ള നടപടികളുടെ നിലവിലെ സ്ഥിതി വിശദമാക്കാമോ?

പേരാമ്പ്ര നിയോജകമണ്ഡലത്തില്‍ നിലവിൽ ഏതൊക്കെ പാലങ്ങളുടെ പ്രവൃത്തിയാണ് നടക്കുന്നതെന്ന് വിശദമാക്കാമോ; അവയുടെ പുരോഗതി വിശദമാക്കാമോ;

ദേശീയപാതയിലെ പാറക്കടവത്ത് പാലത്തിന്റെയും പൂഴിത്തോട് എക്കല്‍ പാലത്തിന്റെയും പ്രൊപ്പോസല്‍ നിലവിലുണ്ടോ; വിശദാംശം ലഭ്യമാക്കുമോ?

കോങ്ങാട് മണ്ഡലത്തിലെ എഴുത്തോമ്പാറ പാലം നിര്‍മ്മാണവുമായി ബന്ധപ്പെട്ട് നാളിതുവരെ സ്വീകരിച്ചിട്ടുള്ള നടപടികള്‍ സമയക്രമത്തില്‍ വിശദമാക്കാമോ;

പ്രസ്തുത പ്രവൃത്തി ആരംഭിക്കുന്നതിന് കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ;

പ്രവൃത്തി എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ?

വൈപ്പിന്‍ നിയോജക മണ്ഡലത്തില്‍ കിഫ്ബി ധനസഹായത്തോടെയുള്ള നായരമ്പലം ഹെര്‍ബര്‍ട്ട് പാലത്തിന്റെ നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ;

പാലനിര്‍മ്മാണത്തിനായുള്ള സ്ഥലം ഏറ്റെടുക്കല്‍ നടപടികള്‍ക്കായി ലാന്റ് അക്വിസിഷന്‍ ഓഫീസര്‍ക്ക് കൈമാറാനുള്ള ആനുഷംഗിക തുക കിഫ്ബിയില്‍ നിന്നും ലഭ്യമായിട്ടുണ്ടോ; ഇല്ലെങ്കില്‍ പ്രസ്തുത തുക എന്നത്തേക്ക് ലഭ്യമാക്കാന്‍ സാധിക്കുമെന്ന് വ്യക്തമാക്കാമോ;

കിഫ്ബി അംഗീകാരം നല്‍കിയിട്ടും പ്രവൃത്തി ആരംഭിക്കുന്നതില്‍ നേരിടുന്ന കാലതാമസം ഒഴിവാക്കുന്നതിനായി സ്വീകരിച്ചിട്ടുള്ള നടപടികള്‍ വിശദമാക്കാമോ?

ചിറ്റൂർ മണ്ഡലത്തിലെ നറണി പാലത്തിന്റെ നിര്‍മ്മാണത്തിന് എത്ര തുകയാണ് അനുവദിച്ചിട്ടുള്ളതെന്ന് വ്യക്തമാക്കാമോ; ആയതിന്റെ ഉത്തരവിന്റെ പകർപ്പ് ലഭ്യമാക്കാമോ;

പ്രസ്തുത പ്രവൃത്തി ടെൻഡർ ചെയ്യാത്തത് ശ്രദ്ധയിൽപ്പെട്ടിട്ടുണ്ടോ; എങ്കില്‍ ടെൻഡർ നടപടികൾ ആരംഭിക്കാൻ കഴിയാത്തതിന്റെ കാരണം വിശദമാക്കാമോ;

പ്രസ്തുത പ്രവൃത്തി എന്നത്തേക്ക് പൂർത്തീകരിക്കാൻ സാധിക്കുമെന്ന് അറിയിക്കാമോ?

വട്ടിയൂര്‍ക്കാവ് നിയോജക മണ്ഡലത്തിൽ പൊതുമരാമത്ത് വകുപ്പിന് കീഴില്‍ പ്രവർത്തിക്കുന്ന സ്ഥാപനങ്ങള്‍ ഏതൊക്കെയെന്ന് അവയുടെ ഫോണ്‍ നമ്പര്‍, മേല്‍വിലാസം, ഇ-മെയില്‍ വിലാസം, ജീവനക്കാരുടെ ഔദ്യോഗിക മൊബൈല്‍ നമ്പര്‍ ഉൾപ്പെടെ ലഭ്യമാക്കാമോ;

പ്രസ്തുത സ്ഥാപനങ്ങളില്‍ അനുവദിച്ചിട്ടുള്ള സ്ഥിരം തസ്തികകള്‍, അവയുടെ എണ്ണം, ഒഴിവുള്ള തസ്തികകള്‍ എന്നിവ വ്യക്തമാക്കാമോ;

മേല്‍പ്പറഞ്ഞ സ്ഥാപനങ്ങളില്‍ കരാര്‍/താല്‍ക്കാലിക/ദിവസവേതന/അന്യത്രസേവന വ്യവസ്ഥയില്‍ ജോലി ചെയ്യുന്നവരുണ്ടോയെന്നും ഉണ്ടെങ്കില്‍ ആയത് സംബന്ധിച്ച വിശദാംശവും ലഭ്യമാക്കാമോ;

പ്രസ്തുത സ്ഥാപനങ്ങളില്‍ നിന്ന് ലഭ്യമാകുന്ന സേവനങ്ങളെന്തൊക്കെയെന്നും പ്രസ്തുത സേവനങ്ങള്‍ ലഭ്യമാകുന്നതിനുള്ള മുന്‍ ഉപാധികള്‍/രേഖകള്‍ ഏതൊക്കെയെന്നും സേവനങ്ങള്‍ അപേക്ഷകന് ലഭ്യമാക്കുന്നതിനുള്ള സമയപരിധി എത്രയാണെന്നുമുള്ള വിശദാംശം നൽകാമോ?

പൊതുമരാമത്ത് വകുപ്പ് റസ്റ്റ് ഹൗസുകളില്‍ ആവശ്യത്തിന് ജീവനക്കാരില്ലാത്തത് ശ്രദ്ധയില്‍പ്പെട്ടിട്ടുണ്ടോ;എങ്കിൽ ഈ കുറവ് പരിഹരിക്കുന്നതിന് എന്തെല്ലാം നടപടികളാണ് നിലവില്‍ സ്വീകരിച്ചിട്ടുള്ളത്; വ്യക്തമാക്കാമോ;

പൊന്നാനി നിയോജക മണ്ഡലത്തിലെ പൊന്നാനി റസ്റ്റ് ഹൗസിൽ അധിക ജീവനക്കാരെ നിയമിക്കുന്നതിന് നടപടികള്‍ സ്വീകരിക്കുമോ; വ്യക്തമാക്കുമോ?

സംസ്ഥാനത്ത് റെയില്‍വേ ലെവല്‍ ക്രോസുകള്‍ സൃഷ്ടിക്കുന്ന ഗതാഗത പ്രശ്നങ്ങള്‍ പരിഹരിക്കുന്നതിനായി ലെവല്‍ ക്രോസ് ഇല്ലാത്ത കേരളം എന്ന പേരില്‍ പദ്ധതി നടപ്പാക്കിവരുന്നുണ്ടോ; വിശദാംശം നല്‍കുമോ;

പ്രസ്തുത പദ്ധതിയുടെ നിര്‍വഹണ ഏജന്‍സികള്‍ ഏതൊക്കെയാണെന്ന് വിശദമാക്കുമോ;

പ്രസ്തുത പദ്ധതിയുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

മേല്‍പ്പാല നിര്‍മ്മാണവുമായി ബന്ധപ്പെട്ട് റെയില്‍വേയില്‍ സമര്‍പ്പിച്ചിട്ടുള്ള ജി.എ.ഡി. യ്ക്ക് അംഗീകാരം ലഭ്യമാകുന്നതില്‍ കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ?

വാഹന ഗതാഗതം സുഗമമാക്കി അപകടങ്ങൾ കുറയ്ക്കുക എന്ന ലക്ഷ്യം മുൻനിർത്തി സംസ്ഥാനത്തെ റോഡുകൾ ഗട്ടറുകളില്ലാതെ മെച്ചപ്പെട്ട നിലയിൽ വർഷം മുഴുവൻ സംരക്ഷിക്കുന്നതിനുവേണ്ടി റണ്ണിങ് കോൺട്രാക്ട് രണ്ടാം ഘട്ട പദ്ധതിക്ക് അനുമതി നൽകിയിട്ടുണ്ടോ; വ്യക്തമാക്കുമോ;

ഡിഫക്ട് ലയബിലിറ്റി പിരീഡ് കഴിഞ്ഞ് റോഡുകളുടെ അവസ്ഥ പരിശോധിച്ചതിന് ശേഷമാണോ റണ്ണിങ് കോൺട്രാക്ട് അനുവദിച്ചിട്ടുള്ളതെന്ന് വ്യക്തമാക്കുമോ;

റണ്ണിങ് കോൺട്രാക്ട് പ്രകാരമുള്ള ഓരോ റോഡിന്റെയും ചുമതലയുള്ള കരാറുകാരന്റെ വിവരങ്ങൾ പൊതുജനങ്ങൾ അറിയുന്നതിന് വേണ്ടി സ്വീകരിച്ചിട്ടുള്ള നടപടികൾ അറിയിക്കുമോ;

കാലാകാലങ്ങളിലുണ്ടാകുന്ന റോഡിന്റെ കേടുപാടുകൾ കരാറുകാരുടെ ശ്രദ്ധയിൽപ്പെടുത്തി അടിയന്തര നടപടി സ്വീകരിക്കുന്നതിനുള്ള നിലവിലെ സംവിധാനം പരിഷ്കരിക്കാൻ ഉദ്ദേശിക്കുന്നുണ്ടോ; വ്യക്തമാക്കുമോ?

ചിറയിന്‍കീഴ് മണ്ഡലത്തില്‍ റോഡുകള്‍, പാലങ്ങള്‍, കെട്ടിടങ്ങള്‍ എന്നിവ നിര്‍മ്മിക്കുന്നതിനായി നബാര്‍ഡ് ധനസഹായം ലഭ്യമാക്കുന്നതിന് പ്രൊപ്പോസലുകള്‍ സമര്‍പ്പിച്ചിട്ടുണ്ടോയെന്ന് വിശദമാക്കാമോ;

പ്രസ്തുത മണ്ഡലത്തില്‍ ഏതെല്ലാം പുതിയ പ്രവൃത്തികള്‍ക്കാണ് നബാര്‍ഡ് മുഖേന ധനസഹായം ലഭ്യമാക്കിയിട്ടുള്ളതെന്ന് വിശദമാക്കാമോ?

കോഴിക്കോട് സിറ്റി റോഡ് ഇംപ്രൂവ്മെന്റ് പദ്ധതിയുടെ രണ്ടാം ഘട്ടത്തിന്റെ നിലവിലെ സ്ഥിതി വ്യക്തമാക്കാമോ;

പ്രസ്തുത പദ്ധതിയുടെ ഡി.പി.ആര്‍. ന് അംഗീകാരം ലഭ്യമാക്കിയിട്ടുണ്ടോയെന്ന് വ്യക്തമാക്കുമോ?

സംസ്ഥാനത്തെ റോഡുകൾ വിവിധ പ്രവൃത്തികൾക്കായി പൊളിച്ചതിനു ശേഷം പൂർവസ്ഥിതിയിലാക്കാത്തതിന്റെ പേരിൽ മുൻ സർക്കാരിന്റെ കാലം മുതൽ നാളിതുവരെ എത്ര കരാറുകാർക്കെതിരെ നടപടി സ്വീകരിച്ചിട്ടുണ്ടെന്നും ഇതില്‍ എത്ര കരാറുകാരെ കരിമ്പട്ടികയിൽ പെടുത്തിയിട്ടുണ്ടെന്നും വ്യക്തമാക്കുമോ?

കേരള ഹൈവേ റിസര്‍ച്ച് ഇന്‍സ്റ്റിറ്റ്യൂട്ടിനെ സെന്റര്‍ ഓഫ് എക്സലന്‍സായി ഉയര്‍ത്തുന്നത് വഴി നൂതന സാങ്കേതിക വിദ്യയില്‍ എന്തൊക്കെ പരിഷ്ക്കാരങ്ങള്‍ വരുത്തുവാന്‍ ഉദ്ദേശിക്കുന്നു; വിശദമാക്കാമോ;

ഇത് വഴി ഏതൊക്കെ മേഖലകളില്‍ പ്രയോജനവും പുരോഗതിയും വരുത്താന്‍ കഴിയുമെന്ന് വിശദമാക്കാമോ?

കുണ്ടറ നിയോജക മണ്ഡലത്തില്‍ നിലവില്‍ നടപ്പാക്കി വരുന്ന നബാര്‍ഡ് പദ്ധതികള്‍ ഏതൊക്കെയെന്ന് വിശദമാക്കാമോ?

പൊതുമരാമത്ത് വകുപ്പ് കരാറുകാർക്ക് നൽകുവാനുള്ള കുടിശിക എത്രയാണ്; കുടിശിക നൽകാത്തതിന്റെ പേരിൽ കരാറുകാര്‍ പ്രവൃത്തികൾ ഏറ്റെടുക്കാത്ത സാഹചര്യം നിലവിലുണ്ടോ; വിശദാംശം ലഭ്യമാക്കുമോ?

കോഴിക്കോട് നോര്‍ത്ത് മണ്ഡലത്തിലെ കാരപറമ്പ്-നടമ്പാട്ടുതാഴം-കണ്ണാടിക്കല്‍-പാലാപ്പടി റോഡിന്റെ പുതുക്കിയ അലൈന്‍മെന്റിന് കിഫ്ബിയില്‍ നിന്നും അംഗീകാരം ലഭ്യമായിട്ടുണ്ടോ; ഇതുമായി ബന്ധപ്പെട്ട ഫയലിന്റെ ഇപ്പോഴത്തെ സ്ഥിതി വ്യക്തമാക്കാമോ;

മാളിക്കടവ്-പുതിയങ്ങാടി-കൃഷ്ണന്‍ നായര്‍ റോഡ് പ്രവൃത്തിയുടെ സാമൂഹ്യാഘാത പഠനത്തിന് ഏത് ഏജന്‍സിയെയാണ് ചുമതലപ്പെടുത്തിയത്; പഠന റിപ്പോര്‍ട്ട് ലഭ്യമായിട്ടുണ്ടോ;

സി.എച്ച്.ഫ്ലൈ ഓവര്‍ നവീകരണ പ്രവൃത്തിയുടെ ഇപ്പോഴത്തെ സ്ഥിതി വിശദമാക്കാമോ?

2021-22-ലെ ബജറ്റിൽ അനുമതി നൽകി ഇരുപത് ശതമാനം ഫണ്ട് വകയിരുത്തിയിട്ടുള്ള ചിറ്റൂർ കെ.എസ്.ആർ.ടി.സി. ബസ് യാർഡ് നിർമ്മാണ പ്രവൃത്തിക്കുളള ഡി.പി.ആർ. തയ്യാറാക്കിയിട്ടുണ്ടോ; ഇല്ലെങ്കിൽ ആയതിന്റെ കാരണം വ്യക്തമാക്കാമോ?

പി.ഡബ്ല്യു.ഡി. ഫോർ യു ആപ്പ് മുഖേന നാളിതുവരെ എത്ര പരാതികൾ ലഭിച്ചിട്ടുണ്ടെന്നും എത്ര പരാതികളിൽ നടപടി സ്വീകരിച്ചിട്ടുണ്ടെന്നും വിശദമാക്കുമോ;

പ്രസ്തുത ആപ്പ് നിർമ്മിക്കുന്നതിനായി ടെൻഡർ നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ?

മലയോര ഹൈവേ നിര്‍മ്മാണത്തിനായി സൗജന്യമായി സ്ഥലം വിട്ടുനല്‍കിയത് മൂലം വീട്ടിലേയ്ക്ക് റോഡിൽ നിന്നുള്ള പ്രവേശനം തടസ്സപ്പെട്ടവര്‍ക്ക് ആയത് പദ്ധതിയുടെ ഭാഗമായി പുനസ്ഥാപിച്ച് നല്‍കുന്നതിന് എന്തെങ്കിലും തടസ്സങ്ങളുണ്ടോ എന്ന് വ്യക്തമാക്കുമോ;

നടന്നുവരുന്ന പ്രവൃത്തിയുടെ ഭാഗമായി തന്നെ ഇത്തരത്തിലുള്ള റോഡുകളും വഴികളും പുനസ്ഥാപിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

കിഫ്ബി ഫണ്ട് വിനിയോഗിച്ച് കെ.ആര്‍.എഫ്.ബി.-എസ്.പി.വി. യായി നവീകരിക്കുന്ന മലമ്പുഴ നിയോജക മണ്ഡലത്തിലെ 'കഞ്ചിക്കോട് ഇന്‍ഡസ്ട്രിയല്‍ എസ്റ്റേറ്റ് മുപ്പന്‍ റോഡ്' എന്ന പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

ഈ പദ്ധതിയുടെ ആകെ അടങ്കല്‍ തുക എത്രയാണെന്നും പ്രവൃത്തി എപ്പോള്‍ ആരംഭിക്കാന്‍ കഴിയുമെന്നും വ്യക്തമാക്കാമോ?

വിനോദസഞ്ചാര മേഖലയിൽ മുങ്ങിമരണങ്ങൾ അടക്കമുള്ള അപകടങ്ങൾ ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

അപകട സാധ്യതയുള്ള സ്ഥലങ്ങളിൽ മുന്നറിയിപ്പുകൾ അടക്കമുള്ള സംവിധാനങ്ങൾ ഒരുക്കാൻ വകുപ്പ് സ്വീകരിച്ച നടപടികൾ വിശദമാക്കാമോ;

അപകട സാധ്യതാ മേഖലയിൽ അപായ മുന്നറിയിപ്പുകൾ നൽകുന്നതുൾപ്പെടെ മുങ്ങിമരണങ്ങൾ അടക്കമുള്ള അപകടങ്ങൾ തടയാന്‍ സത്വര നടപടികൾ സ്വീകരിക്കുമോ; വിശദമാക്കുമോ?

പൊന്നാനി മണ്ഡലത്തില്‍ കായലും പുഴയും കടലും സംയോജിപ്പിച്ച് ഇൻലാന്റ് ടൂറിസം പദ്ധതി ആരംഭിക്കുന്നതിന് നടപടികള്‍ സ്വീകരിക്കുമോ;

കേന്ദ്രം നടപ്പിലാക്കുന്ന തീരദേശ ടൂറിസം പദ്ധതിയില്‍ ഉള്‍പ്പെട്ട പൊന്നാനി ലൈറ്റ് ഹൗസ് മേഖലയുമായി ചേര്‍ന്ന് ക്രൂയിസ് ടൂറിസം പദ്ധതി ആരംഭിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

കുന്നംകുളം മണ്ഡലത്തിലെ ആനക്കുണ്ട് ടൂറിസം പദ്ധതിയുടെ പുരോഗതി വിലയിരുത്തിയിട്ടുണ്ടോ; എങ്കിൽ വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്തെ വിനോദസഞ്ചാര മേഖലയില്‍ വ്യത്യസ്തമായ പദ്ധതികള്‍ ആവിഷ്കരിക്കുന്നതിന്റെ ഭാഗമായി സാഹസിക ടൂറിസം ഡെസ്റ്റിനേഷനുകൾ കണ്ടെത്തുന്നതിനും പ്രസ്തുത പ്രദേശങ്ങളിൽ അനുയോജ്യമായ പദ്ധതികള്‍ ആസൂത്രണം ചെയ്യുന്നതിനും നടത്തിവരുന്ന പ്രവര്‍ത്തനങ്ങള്‍ വിശദമാക്കുമോ;

വയനാട് ജില്ലയിൽ സാഹസിക ടൂറിസത്തിന്റെ സാധ്യതകള്‍ പ്രയോജനപ്പെടുന്നതിനായി നടപ്പാക്കുന്ന താമരശ്ശേരി ചുരം കേബിള്‍ കാര്‍ പദ്ധതിയ്ക്ക് കേന്ദ്ര സഹായം ഉറപ്പാക്കുന്നതിന് സര്‍ക്കാര്‍ എന്തെല്ലാം ശ്രമങ്ങളാണ് നടത്തി വരുന്നതെന്ന് അറിയിക്കാമോ;

പദ്ധതിയുടെ അന്തിമ രൂപരേഖ തയ്യാറാക്കിയിട്ടുണ്ടോയെന്നും നിര്‍മ്മാണ ഏജന്‍സിയെ കണ്ടെത്തുന്നതിനുള്ള നടപടികള്‍ ആരംഭിച്ചിട്ടുണ്ടോയെന്നും വ്യക്തമാക്കുമോ;

പ്രസ്തുത പദ്ധതിയുടെ സമയബന്ധിതമായ പൂര്‍ത്തീകരണത്തിനും സുഗമമായ നടത്തിപ്പിനും എന്തെല്ലാം തീരുമാനങ്ങളാണ് കെെകൊണ്ടിട്ടുള്ളതെന്ന് വിശദമാക്കാമോ?

സംസ്ഥാനത്തെ വിനോദസഞ്ചാര മേഖലയെ ലോകോത്തര മാതൃകയാക്കി മാറ്റുന്നതിന് നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം ആരംഭിച്ച സ്ട്രീറ്റ് പദ്ധതിയുടെ പ്രവര്‍ത്തന പുരോഗതി വ്യക്തമാക്കുമോ; പ്രസ്തുത പദ്ധതി കൂടുതല്‍ വ്യാപിപ്പിക്കുന്നതിനെക്കുറിച്ച് ആലോചിക്കുന്നുണ്ടോ; വ്യക്തമാക്കുമോ;

പെപ്പര്‍ പദ്ധതിയ്ക്ക് ഇതിനകം തന്നെ ആഗോള ശ്രദ്ധ നേടുന്നതിന് കഴിഞ്ഞിട്ടുണ്ടോ; എങ്കില്‍ വരുംകാല വികസന സാധ്യതകള്‍ക്ക് അനുസൃതമായി പ്രസ്തുത പദ്ധതിയെ ശക്തിപ്പെടുത്തുന്നതിന് നടപടി സ്വീകരിക്കുമോ; വിശദമാക്കുമോ?

തിരൂര്‍ നിയോജകമണ്ഡലത്തില്‍ ചരിത്ര പ്രസിദ്ധമായ തിരുനാവായയിലെ നിരവധി ചരിത്ര സ്മാരകങ്ങള്‍ സംരക്ഷിക്കപ്പെടാത്തതിനാല്‍ നശിച്ചുപോകുന്നതായി ടൂറിസം വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

സ്വാതന്ത്ര്യ സമരനായകരുടെ ചരിത്രം വിളിച്ചോതുന്ന നിരവധി ചരിത്ര സ്മാരകങ്ങള്‍ സംരക്ഷിക്കുന്നതിന് ടൂറിസം വകുപ്പ് നടപടികൾ സ്വീകരിക്കുമോ;

പ്രസ്തുത ചരിത്ര സ്മാരകങ്ങള്‍ കോര്‍ത്തിണക്കി ചരിത്രാന്വേഷകര്‍ക്കും ടൂറിസ്റ്റുകള്‍ക്കും ആകര്‍ഷകമായ രീതിയില്‍ ടൂറിസം പദ്ധതി ആവിഷ്കരിച്ച് നടപ്പാക്കുന്ന കാര്യം പരിഗണിക്കുമോ; വിശദമാക്കുമോ?

സംസ്ഥാനത്ത് ബീച്ച് ടൂറിസം പ്രോത്സാഹിപ്പിക്കുന്നതിന് സ്വീകരിച്ച നടപടി വിശദമാക്കാമോ;

പ്രസ്തുത മേഖലയില്‍ അപകടത്തില്‍പ്പെടുന്നവരുടെ എണ്ണത്തില്‍ വര്‍ദ്ധനവ് രേഖപ്പെടുത്തുന്നതായി ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ബീച്ച് ടൂറിസത്തിന് ആവശ്യമായ സുരക്ഷയൊരുക്കുന്നതിനായി നിലവില്‍ എത്ര ലെെഫ് ഗാര്‍ഡുമാരെ നിയോഗിച്ചിട്ടുണ്ട്; ബീച്ച് തിരിച്ചുളള കണക്കുകള്‍ ലഭ്യമാക്കാമോ;

ഇല്ലെങ്കില്‍ ആവശ്യത്തിന് ലെെഫ് ഗാര്‍ഡുകളെ നിയമിക്കുന്നതിന് നടപടി സ്വീകരിക്കുമോ; വിശദമാക്കുമോ?

തിരൂരങ്ങാടി മണ്ഡലത്തിൽപ്പെട്ട ന്യൂ കട്ട് പുഴയിൽ ബോട്ടിംഗ് അടക്കമുള്ള ജല ടൂറിസം പദ്ധതികൾ നടപ്പിലാക്കുന്നത് പരിഗണനയിലുണ്ടോ; വിശദമാക്കാമോ;

ഈ ഭാഗത്ത് നിർമ്മാണം പുരോഗമിച്ചു കൊണ്ടിരിക്കുന്ന കേരള സ്റ്റേറ്റ് സയൻസ് ആൻഡ് ടെക്നോളജി മ്യൂസിയം, കീറനല്ലൂർ ടൂറിസം, ന്യൂ കട്ട് ജല ടൂറിസം പദ്ധതികള്‍ ഇവ ചേർത്ത് പ്രസ്തുത പ്രദേശം ഒരു ടൂറിസം ഹബ്ബ് ആക്കി മാറ്റുന്നതിനുള്ള പദ്ധതി പരിഗണനയിലുണ്ടോ; വിശദമാക്കാമോ;

ന്യൂ കട്ട് പുഴ ജല ടൂറിസം പദ്ധതി പൂർത്തീകരിക്കുകയാണെങ്കിൽ വള്ളംകളി അടക്കമുള്ള ജല ടൂറിസം പദ്ധതികൾ നേർരേഖയിലുള്ള ഈ പുഴയിൽ നടപ്പിലാക്കാൻ സാധിക്കുമെന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കാമോ;

പ്രസ്തുത പദ്ധതി നടപ്പിലാക്കുന്നതിന് നടപടികൾ സ്വീകരിക്കുമോ; വിശദമാക്കാമോ?

സംസ്ഥാനത്ത് തീർത്ഥാടന ടൂറിസം വ്യാപകമാക്കുന്നതിന് പദ്ധതികൾ ആവിഷ്കരിച്ച് നടപ്പിലാക്കാൻ തീരുമാനിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പ്രസ്തുത പദ്ധതികൾക്കായി കേന്ദ്ര സർക്കാരിൽ നിന്നും സഹായം പ്രതീക്ഷിക്കുന്നുണ്ടോ; എങ്കിൽ വ്യക്തമാക്കുമോ;

മുസ്ലീം, ക്രിസ്ത്യൻ, ഹിന്ദു തീർത്ഥാടന കേന്ദ്രങ്ങളെ ബന്ധിപ്പിക്കുന്ന ടൂറിസം പദ്ധതികൾ ആവിഷ്കരിക്കുന്നതിന് നടപടി സ്വീകരിക്കുമോ; വിശദമാക്കുമോ?

ഡെസ്റ്റിനേഷന്‍ ചലഞ്ച് പദ്ധതിയില്‍ ഉൾപ്പെടുത്തുന്നതിനായി വടക്കാഞ്ചേരി മണ്ഡലത്തിലെ ഏതെങ്കിലും തദ്ദേശസ്വയംഭരണ സ്ഥാപനം പദ്ധതി സമര്‍പ്പിച്ചിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് നിലവില്‍ ഉത്തരവാദിത്ത ടൂറിസം സൊസൈറ്റികളോ ഗ്രൂപ്പുകളോ ഏതെങ്കിലും ടൂറിസം പദ്ധതികള്‍ നടത്തുന്നുണ്ടോ; അറിയിക്കുമോ;

എങ്കില്‍ പ്രസ്തുത ഗ്രൂപ്പുകള്‍ക്ക് സര്‍ക്കാര്‍ എന്തൊക്കെ സഹായങ്ങളാണ് നല്‍കി വരുന്നത്; വിശദമാക്കുമോ?

കോവളവും അനുബന്ധ ബീച്ചുകളും നവീകരിക്കാന്‍ ഡെവലപ്മെന്റ് ഓഫ് കോവളം ആന്റ് അഡ്ജസന്റ് ബീച്ചസ് എന്ന പദ്ധതിക്ക് രൂപം നല്‍കിയിട്ടുണ്ടോ; വ്യക്തമാക്കുമോ;

പ്രസ്തുത പദ്ധതിയുമായി ബന്ധപ്പെട്ട് ആദ്യ ഘട്ടത്തില്‍ എന്തൊക്കെ പ്രവൃത്തികളാണ് ഉദ്ദേശിക്കുന്നതെന്ന് അറിയിക്കുമോ;

ഐ.ബി. (ഇൻസ്പെക്ഷൻ ബംഗ്ലാവ്) ബീച്ചിന്റെയും അടിമലത്തുറ ബീച്ചിന്റെയും തെങ്ങിന്‍തോട്ട ഭൂമിയുടെയും വികസനം ഇതോടൊപ്പം ഉറപ്പുവരുത്തുന്നതിന് നടപടി സ്വീകരിക്കുമോ;

പദ്ധതി നടത്തിപ്പിനായി നിര്‍വ്വഹണ ഏജന്‍സിയെ നിശ്ചയിച്ചിട്ടുണ്ടോയെന്നും എത്ര കോടി രൂപയാണ് പദ്ധതിക്കായി നീക്കിവച്ചിട്ടുള്ളതെന്നും അറിയിക്കാമോ?

കാര്‍ഷിക ടൂറിസം വിപുലീകരിക്കുന്നതിനായി എന്തെല്ലാം നടപടികളാണ് സ്വീകരിച്ചുവരുന്നത്; വ്യക്തമാക്കുമോ;

തദ്ദേശസ്വയംഭരണ വകുപ്പുമായി സഹകരിച്ച് കാര്‍ഷിക ടൂറിസം വ്യാപിപ്പിക്കുവാന്‍ നടപടി സ്വീകരിക്കുമോ; വിശദമാക്കുമോ?

പെെതൃക കെട്ടിടങ്ങള്‍ സംരക്ഷിക്കുന്നതിനായി ഗൃഹസ്ഥലി പദ്ധതി വഴി ടൂറിസം വകുപ്പ് ഏതൊക്കെ കെട്ടിടങ്ങളാണ് ഏറ്റെടുത്തിട്ടുള്ളത് എന്ന് വിശദമാക്കാമോ?

ഈ സർക്കാരിന്റെ കാലയളവിൽ വിനോദസഞ്ചാര മേഖലയിൽ എത്ര അപകടങ്ങൾ ഉണ്ടായി എന്ന വിവരം അറിയിക്കാമോ?

2022-23 സാമ്പത്തിക വര്‍ഷത്തിൽ സംസ്ഥാനത്ത് എത്തിയ വിനോദസഞ്ചാരികളുടെ വിവരം ജില്ല തിരിച്ച് ലഭ്യമാക്കാമോ;

ഇതില്‍ വിദേശ വിനോദസഞ്ചാരികൾ ഏതൊക്കെ രാജ്യങ്ങളില്‍ നിന്ന് എത്തിയിട്ടുള്ളവരാണെന്ന് വ്യക്തമാക്കാമോ?

കുട്ടനാടിന്റെ വിവിധ ഭാഗങ്ങളിലായി നിര്‍മ്മിച്ചിരിക്കുന്ന അമിനിറ്റി സെന്ററുകളുടെ പ്രവര്‍ത്തനം ആരംഭിക്കാന്‍ നടപടി സ്വീകരിക്കുമോ;

നെടുമുടി, മൂന്നാട്ടിന്മുഖം, കൈനകരി, പുല്ലങ്ങടി തുടങ്ങിയ പ്രദേശങ്ങളിലെ അമിനിറ്റി സെന്ററുകളില്‍ അടിസ്ഥാന സൗകര്യം മെച്ചപ്പെടുത്തി ഇവിടങ്ങളില്‍ ബിയര്‍ പാര്‍ലറുകളും റെസ്റ്റോറന്റുകളും ആരംഭിക്കുന്നതിനുള്ള അടിയന്തര നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ;

കൈനകരി മീനപ്പല്ലി വട്ടക്കായലിലെ ടെര്‍മിനലും അനുബന്ധ കെട്ടിടങ്ങളും ടൂറിസം വകുപ്പ് നേരിട്ടോ തദ്ദേശ സ്വയംഭരണ സ്ഥാപനങ്ങള്‍ മുഖാന്തിരമോ പ്രവര്‍ത്തനക്ഷമമാക്കുന്നതിന് നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

പരിപാലനത്തിലെ അപാകതകളാലും മറ്റ് കാരണങ്ങളാലും ഏതെല്ലാം വിനോദസഞ്ചാര കേന്ദ്രങ്ങളിലെ ബോട്ട് സര്‍വീസുകളാണ് ഈ സര്‍ക്കാരിന്റെ കാലത്ത് നിർത്തലാക്കിയിട്ടുള്ളതെന്നും ഏതൊക്കെ വിനോദസഞ്ചാര കേന്ദ്രങ്ങളിലെ ബോട്ടുകളാണ് ശോചനീയാവസ്ഥയിലുള്ളതെന്നും വ്യക്തമാക്കുമോ;

മതിയായ സുരക്ഷ സംവിധാനമില്ലാതെയും രേഖകളില്ലാതെയും പ്രവര്‍ത്തിച്ചുവന്ന എത്ര സര്‍വീസുകളാണ് ഡി.ടി.പി.സി. നിര്‍ത്തിവയ്ക്കുന്നതിന് നിര്‍ദ്ദേശം നല്കിയിട്ടുള്ളതെന്നും സമാനമായ സാഹചര്യത്തിലുള്ള എത്ര ബോട്ടുകളാണ് നിലവില്‍ സര്‍വീസ് നടത്തുന്നതെന്നാണ് സര്‍ക്കാര്‍ വിലയിരുത്തിയിട്ടുള്ളതെന്നുമുള്ള വിശദാംശം ലഭ്യമാക്കുമോ;

സംസ്ഥാനത്തെ വിനോദസഞ്ചാര കേന്ദ്രങ്ങളിലെ ബോട്ടുകൾ കുറ്റമറ്റ രീതിയിൽ പരിപാലിക്കപ്പെടുന്നതിനും പ്രവര്‍ത്തിക്കുന്നതിനുമാവശ്യമായ രേഖകളും സുരക്ഷാസംവിധാനവും അവയ്ക്കുണ്ടെന്ന് ഉറപ്പുവരുത്തിയ ശേഷം സർവീസ് നടത്തുന്നതിനുമുള്ള കര്‍ശന നടപടികള്‍ സര്‍ക്കാര്‍ സ്വീകരിക്കുമോ; വിശദമാക്കുമോ?

ഈ സർക്കാർ അധികാരത്തിൽ വന്നശേഷം കാഞ്ഞങ്ങാട് നിയോജക മണ്ഡലത്തിൽ വിനോദസഞ്ചാര വകുപ്പിന് കീഴിൽ നടപ്പിലാക്കിയതും നടപ്പിലാക്കി വരുന്നതുമായ പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പ്രവൃത്തികളുടെ നിലവിലെ പുരോഗതി വിശദമാക്കാമോ?

കൂത്തുപറമ്പ് മണ്ഡലത്തിലെ കനകമല കേന്ദ്രമാക്കി പെരിങ്ങത്തൂര്‍ പള്ളി, മയ്യഴിപ്പുഴ, ദേശാടനപ്പക്ഷികള്‍ ചേക്കേറുന്ന തുരുത്തി ദ്വീപ്‌ എന്നിവ ഉള്‍പ്പെടുത്തി സമഗ്ര ടൂറിസം പദ്ധതി ആരംഭിക്കുന്നതിന് നടപടി സ്വീകരിക്കുമോ; വിശദമാക്കുമോ ;

നിരവധി വിനോദസഞ്ചാരികള്‍ ദിനംപ്രതി സന്ദര്‍ശനം നടത്തുന്ന കനകമലയിലെ പ്രധാന ആകര്‍ഷണമായ വേരുകളില്‍ നിന്നൊഴുകുന്ന വറ്റാത്ത നീരുറവ സംരക്ഷിക്കുന്നതിന് പദ്ധതി ആവിഷ്കരിക്കുമോ; വിശദമാക്കുമോ;

മയ്യഴിപ്പുഴയുടെ സൗന്ദര്യം വിനോദസഞ്ചാരികള്‍ക്ക് ആസ്വദിക്കാന്‍ കഴിയുംവിധം ബൃഹത്തായ പദ്ധതി നടപ്പിലാക്കുന്നത് സര്‍ക്കാര്‍ പരിഗണിക്കുമോ; വ്യക്തമാക്കുമോ;

കനകമല സമഗ്ര ടൂറിസം പദ്ധതി സര്‍ക്കാര്‍ നിയന്ത്രണത്തിലോ സഹകരണ സ്ഥാപനങ്ങളെ ഉപയോഗപ്പെടുത്തി പാട്ടക്കരാര്‍ വ്യവസ്ഥയിലോ യാഥാര്‍ത്ഥ്യമാക്കുന്നതിന് നടപടി സ്വീകരിക്കുമോ; എങ്കില്‍ എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

പൊന്നാനി മണ്ഡലത്തിലെ നിള സംഗ്രഹാലയം പദ്ധതി പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ; അറിയിക്കുമോ;

സാംസ്കാരിക വകുപ്പുമായി ചേര്‍ന്ന് പ്രസ്തുത സ്ഥാപനത്തെ ഒരു സാംസ്കാരിക സമുച്ചയമാക്കി മാറ്റുന്നതിന് നടപടി സ്വീകരിക്കുമോ; വിശദമാക്കാമോ?

അഷ്ടമുടി കായല്‍ കേന്ദ്രീകരിച്ച് കുണ്ടറ, പേരയം, പെരിനാട് ഗ്രാമപഞ്ചായത്തുകളെ ബന്ധിപ്പിച്ച് കൊണ്ട് ടൂറിസം പദ്ധതി നടപ്പാക്കുന്നുണ്ടോ; എങ്കിൽ വിശദാംശം നൽകുമോ?

നാദാപുരം മണ്ഡലത്തില്‍ ടൂറിസം വകുപ്പ് നടപ്പിലാക്കി വരുന്ന പദ്ധതികളുടെ വിശദാംശം ലഭ്യമാക്കാമോ;

പ്രസ്തുത മണ്ഡലത്തിൽ വാണിമേല്‍ ഗ്രാമപഞ്ചായത്തിലെ വിലങ്ങാട് തിരികക്കയം വെള്ളച്ചാട്ടം കേന്ദ്രമാക്കി ടൂറിസം പദ്ധതിക്ക് രൂപരേഖ തയ്യാറാക്കിയിട്ടുണ്ടോ;

എങ്കില്‍ പ്രസ്തുത പ്രോജക്റ്റിന്റെ വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം കോഴിക്കോട് നോര്‍ത്ത് മണ്ഡലത്തില്‍ വിനോദസഞ്ചാര മേഖലയില്‍ തയ്യാറാക്കിയ പദ്ധതികളുടെ വിശദാംശം ലഭ്യമാക്കുമോ?

സംസ്ഥാനത്തിന്റെ സാംസ്ക്കാരിക പൈതൃകവും കലകളും ഭക്ഷ്യവിഭവങ്ങളും ഉള്‍പ്പെടുത്തി വിനോദസഞ്ചാരം പ്രോത്സാഹിപ്പിക്കുന്നതിനായി പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കുമോ ;

വിനോദസഞ്ചാര കേന്ദ്രങ്ങള്‍ തമ്മില്‍ ബന്ധപ്പെടുത്തി ടൂറിസം സര്‍ക്യൂട്ടുകള്‍ ആരംഭിക്കുന്നതിന് പദ്ധതി പരിഗണനയില്‍ ഉണ്ടോ; അറിയിക്കുമോ ;

വിനോദസഞ്ചാര കേന്ദ്രങ്ങളെ കൂടുതല്‍ ആകര്‍ഷകവും സുരക്ഷിതവും വൃത്തിയുള്ളതും ആക്കുന്നതിനും ആവശ്യമായ യാത്ര സൗകര്യങ്ങൾ ഒരുക്കുന്നതിനും സ്വീകരിച്ച നടപടികള്‍ വിശദമാക്കാമോ;

ഏറനാട് മണ്ഡലത്തിലെ പ്രധാനപ്പെട്ട വിനോദസഞ്ചാര കേന്ദ്രങ്ങള്‍ ഏതെല്ലാമാണെന്നും അവയുടെ നവീകരണത്തിനായി പദ്ധതി ആവിഷ്ക്കരിച്ചിട്ടുണ്ടോയെന്നുമുള്ള വിശദാംശം അറിയിക്കുമോ;

ഈ സർക്കാർ അധികാരത്തില്‍ വന്നതിനുശേഷം പ്രസ്തുത മണ്ഡലത്തിലെ വിനോദഞ്ചാര കേന്ദ്രങ്ങളുടെ നവീകരണത്തിനായി എത്ര തുക ചെലവഴിച്ചുവെന്നും അത് ഏതെല്ലാം പദ്ധതികള്‍ക്കാണെന്നും വെളിപ്പെടുത്തുമോ?

എറണാകുളം മണ്ഡലത്തിലെ കൊച്ചി വെണ്ടുരുത്തി പഴയപാലം ഫുഡ് സ്ട്രീറ്റ് ആക്കി മാറ്റുന്നതിന് ടൂറിസം വകുപ്പ് സ്വീകരിച്ച നടപടികളുടെ പുരോഗതി വിശദമാക്കുമോ;

പ്രസ്തുത ഫുഡ് സ്ട്രീറ്റ് പൊതുജനങ്ങൾക്ക് എന്ന് മുതൽ തുറന്നുകൊടുക്കാൻ സാധിക്കും എന്ന് വ്യക്തമാക്കുമോ?

ഉത്തരവാദിത്ത ടൂറിസം പദ്ധതിയുടെ ഭാഗമായി കുറ്റ്യാടി മണ്ഡലത്തില്‍ നടത്തിവരുന്ന പ്രവര്‍ത്തനങ്ങള്‍ വിശദമാക്കാമോ?

മാനന്തവാടി വള്ളിയൂര്‍കാവ് ഭഗവതി ക്ഷേത്രത്തില്‍ ടൂറിസം വകുപ്പ് നടപ്പാക്കിയ ചന്തയുടെ പ്രവര്‍ത്തനം സംബന്ധിച്ച് ‍വകുപ്പ് എടുത്ത തീരുമാനങ്ങള്‍ വ്യക്തമാക്കാമോ;

ഇത് സംബന്ധിച്ച നടപടിക്രമങ്ങള്‍ക്ക് വേഗത കൂട്ടുന്നതിനുള്ള ഇടപെടല്‍ നടത്തുമോ; വിശദമാക്കുമോ?

ഡെസ്റ്റിനേഷന്‍ ചലഞ്ച് പദ്ധതി പ്രകാരം ദേവികുളം മണ്ഡലത്തില്‍ ഏതൊക്കെ പ്രദേശങ്ങളാണ് തദ്ദേശസ്വയംഭരണ സ്ഥാപനം മുഖേന പ്രൊപ്പോസല്‍ സമര്‍പ്പിച്ചിട്ടുള്ളതെന്ന് പഞ്ചായത്ത് തിരിച്ച് വിശദമാക്കാമോ;

ഇവയില്‍ ഭരണാനുമതി നല്‍കിയിട്ടുള്ളത് ഏതെല്ലാം പ്രൊപ്പോസലുകൾക്കാണെന്ന് പഞ്ചായത്ത് തിരിച്ച് വിശദമാക്കാമോ?

2008-ലെ സർക്കാരിന്റെ കാലത്ത് ആരംഭിച്ച ഉത്തരവാദിത്ത ടൂറിസം പദ്ധതി, പ്രാദേശിക ജനതയുടെ പങ്കാളിത്തം ഉറപ്പാക്കി അവരുടെ ജീവിത നിലവാരം മെച്ചപ്പെടുത്തുന്നതിന് എത്രമാത്രം ഗുണകരമായിട്ടുണ്ടെന്ന് വിലയിരുത്തിയിട്ടുണ്ടോ; വ്യക്തമാക്കുമോ;

2017- ൽ ഉത്തരവാദിത്ത ടൂറിസത്തിന്റെ നോഡൽ ഏജൻസിയായി ഉത്തരവാദിത്ത ടൂറിസം മിഷൻ രൂപീകരിക്കുക വഴി വിനോദസഞ്ചാരത്തിലെ സാമൂഹിക പങ്കാളിത്തവും സ്ത്രീശാക്തീകരണവും ഉറപ്പാക്കിയുള്ള പ്രാദേശിക വികസനം ശക്തിപ്പെടുത്തുന്നതിനും ഉത്തരവാദിത്ത ടൂറിസത്തിന്റെ ആഗോള നേതൃത്വത്തിലേയ്ക്ക് കേരളത്തെ നയിക്കുന്നതിനും ഇടയായെന്ന് കരുതുന്നുണ്ടോ; വിശദമാക്കുമോ;

ഈ സർക്കാർ അധികാരത്തിൽ വന്നതിന് ശേഷം ഉത്തരവാദിത്ത ടൂറിസം മിഷൻ നടത്തിവരുന്ന പ്രവർത്തനങ്ങൾ എന്തെല്ലാമാണെന്ന് വിശദമാക്കാമോ?

2013-14 മുതൽ 2022-23 വരെയുള്ള സാമ്പത്തിക വർഷങ്ങളിൽ കേരള ഇൻസ്റ്റിറ്റ്യൂട്ട് ഓഫ് ട്രാവൽ ആൻഡ് ടൂറിസം(കിറ്റ്സ്)-ന് സർക്കാർ അനുവദിച്ച ആകെ പദ്ധതി വിഹിതം എത്രയെന്ന് സാമ്പത്തിക വർഷം തിരിച്ചുള്ള കണക്ക് ലഭ്യമാക്കാമോ;

അനുവദിച്ച പദ്ധതി വിഹിതത്തിൽ എത്ര തുക വീതമാണ് കിറ്റ്സിന് ഓരോ സാമ്പത്തിക വർഷവും സർക്കാർ കൈമാറിയിട്ടുള്ളതെന്ന് വ്യക്തമാക്കാമോ; ഇപ്രകാരം ഓരോ സാമ്പത്തിക വർഷത്തിലും ലഭിച്ച തുക ഏതെല്ലാം പദ്ധതികൾക്കാണ് വിനിയോഗിച്ചതെന്ന് ഇനം തിരിച്ച് കണക്കുകൾ ലഭ്യമാക്കാമോ;

2013-14 മുതൽ 2022-23 വരെയുള്ള സാമ്പത്തിക വർഷങ്ങളിൽ കേരള ഇൻസ്റ്റിറ്റ്യൂട്ട് ഓഫ് ട്രാവൽ ആൻഡ് ടൂറിസം നടത്തിയ പരിശീലന പരിപാടികൾ, കൺസൾട്ടൻസികൾ എന്നിവയിൽ നിന്ന് നേടിയ വരുമാനം എത്രയാണെന്നുള്ളതിന്റെ കണക്കുകൾ ഇനം തിരിച്ച് സാമ്പത്തിക വർഷം അടിസ്ഥാനമാക്കി ലഭ്യമാക്കുമോ;

30.11.2022 അടിസ്ഥാനമാക്കി കിറ്റ്സ് വിവിധ സർക്കാർ, സ്വകാര്യ സ്ഥാപനങ്ങൾ, വിരമിച്ച ജീവനക്കാർ എന്നിവർക്ക് നൽകുവാനുള്ള കുടിശ്ശിക തുക എത്രയെന്ന് വ്യക്തമാക്കാമോ; പദ്ധതി വിഹിതം, ട്രെയിനിംഗ് പ്രോഗ്രാം എന്നിവയിലെ ധനവിനിയോഗം സംബന്ധിച്ച് അക്കൗണ്ടന്റ് ജനറലിന്റെ ഓഡിറ്റിങ്ങിൽ പ്രതികൂല പരാമർശങ്ങളോ നിർദേശമോ ശിപാർശകളോ ഉണ്ടായിട്ടുണ്ടോ; എങ്കിൽ അവ വിശദമാക്കുമോ; ആയതിന്റെ പകർപ്പ് ലഭ്യമാക്കാമോ;

നിലവിൽ കരാറടിസ്ഥാനത്തിൽ സേവനമനുഷ്ഠിക്കുന്ന എത്ര ജീവനക്കാരാണ് റെഗുലറൈസ് ചെയ്യണമെന്ന് അപേക്ഷ നൽകിയിട്ടുള്ളതെന്നും ഇവരെ റെഗുലറൈസ് ചെയ്യുവാനായി നടപടി സ്വീകരിച്ചിട്ടുണ്ടോയെന്നും വിശദമാക്കുമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്തെ വിനോദസഞ്ചാര കേന്ദ്രങ്ങളിലുണ്ടായ അപകടങ്ങളിൽ എത്ര പേർ മരണപ്പെട്ടിട്ടുണ്ടെന്നും എത്രപേർക്ക് പരിക്കേറ്റിട്ടുണ്ടെന്നുമുള്ള വിശദവിവരം നല്‍കാമോ;

പ്രസ്തുത കാലയളവില്‍ ടൂറിസം കേന്ദ്രങ്ങളിലെ സുരക്ഷ ക്രമീകരണങ്ങൾക്കായി ഓരോ സാമ്പത്തിക വർഷവും ചെലവഴിച്ച തുകയുടെ വിശദാംശം ലഭ്യമാക്കുമോ?

ഇന്റര്‍നാഷണല്‍ സെന്റര്‍ ഫോര്‍ റെസ്പോണ്‍സിബിള്‍ ടൂറിസം സംഘടിപ്പിച്ച പ്രഥമ ഉച്ചകോടിയുടെ വേദി കേരളത്തിന് ലഭിച്ചത് സംസ്ഥാനത്തെ ടൂറിസം വികസത്തിന് ലഭിച്ച അംഗീകാരമായി വിലയിരുത്തിയിട്ടുണ്ടോ;

ലോക വിനോദസഞ്ചാര മേഖലകളെ ഒരുമിപ്പിച്ച് ഒരേ ലക്ഷ്യത്തിലേയ്ക്ക് നയിക്കുന്നതിന് ആഗോള ഉത്തരവാദിത്ത വിനോദസഞ്ചാര ഉച്ചകോടി വിഭാവനം ചെയ്യുന്നുണ്ടോ; ഇത് സംസ്ഥാനത്തെ ടൂറിസം വ്യവസായത്തില്‍ സമുലമായ മാറ്റത്തിന് വഴിയൊരുക്കുമെന്ന് പ്രതീക്ഷിക്കുന്നുണ്ടോ; അറിയിക്കുമോ;

പ്രസ്തുത ഉച്ചകോടിയിലെ പങ്കാളിത്ത രാജ്യങ്ങളില്‍ കേരള ടൂറിസത്തിന്റെ സൗകര്യങ്ങളും സുരക്ഷിതത്വവും വെെവിധ്യങ്ങളും സംബന്ധിച്ച് അവബോധം സൃഷ്ടിക്കാന്‍ സാധിച്ചിട്ടുണ്ടോ; അതുമൂലം വിദേശ വിനോദസഞ്ചാരികളെ കൂടുതല്‍ ആകര്‍ഷിക്കുന്നതിനുള്ള ഇടപെടല്‍ നടത്താന്‍ കഴിഞ്ഞിട്ടുണ്ടോയെന്ന് വിശദമാക്കുമോ?

സംസ്ഥാനത്ത് മനുഷ്യനിര്‍മ്മിതമല്ലാത്തതും പ്രകൃതിയോട് ഇണങ്ങി നില്‍ക്കുന്നതുമായ ടൂറിസം പ്രദേശങ്ങളുടെ ജില്ല തിരിച്ചുള്ള ലിസ്റ്റ് ലഭ്യമാക്കുമോ;

ആയതില്‍ സര്‍ക്കാര്‍ വക താമസ സൗകര്യമുള്ള ടൂറിസം പോയിന്റുകളുടെ വിശദാംശം ലഭ്യമാക്കുമോ?

ടൂറിസം മേഖലയുടെ പശ്ചാത്തല വികസനങ്ങള്‍ക്കായി 2016 മുതല്‍ ഇന്നേവരെ എത്ര കോടി രൂപ ചെലവഴിച്ചിട്ടുണ്ടെന്നും ആയത് ഏതൊക്കെ പദ്ധതികള്‍ക്കാണ് അനുവദിച്ചതെന്നുമുള്ള വിവരം ജില്ല തിരിച്ച് ലഭ്യമാക്കാമോ?

പയംകുറ്റി മല ടൂറിസം കേന്ദ്രത്തില്‍ കാന്റീന്‍ ആരംഭിക്കുന്നതിന് പദ്ധതിയുണ്ടോ; എങ്കില്‍ ആയത് എന്ന് ആരംഭിക്കാനാണ് ഉദ്ദേശിക്കുന്നതെന്ന് അറിയിക്കാമോ?

കോതമംഗലം മണ്ഡലത്തിലെ പ്രശസ്തമായ തൃക്കാരിയൂര്‍ മഹാദേവ ക്ഷേത്രത്തെ പില്‍ഗ്രിം ടൂറിസം പദ്ധതിയില്‍ ഉള്‍പ്പെടുത്തുന്നതിന് വേണ്ടി നല്‍കിയ അപേക്ഷ ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ക്ഷേത്രത്തെ പില്‍ഗ്രിം ടൂറിസം പദ്ധതിയില്‍ ഉള്‍പ്പെടുത്തുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

കണ്ണൂര്‍ ജില്ലയില്‍ ടൂറിസം വകുപ്പിന് കീഴില്‍ എവിടെയൊക്കെയാണ് ടേക്ക് എ ബ്രേക്ക് പദ്ധതി നടപ്പിലാക്കിയിരുന്നത്; അറിയിക്കുമോ;

പ്രസ്തുത പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; എങ്കിൽ വിശദമാക്കാമോ?

2010 ജനുവരി മുതൽ 2022 ആഗസ്റ്റ് വരെ കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിൽ ഡയറക്ടർ സ്ഥാനം വഹിച്ചിരുന്നവർ നടത്തിയിട്ടുള്ള വിമാനയാത്രകളുടെ വിശദാംശം ഇനം തിരിച്ച് ലഭ്യമാക്കാമോ;

വിമാനയാത്രയുൾപ്പെടെയുള്ള യാത്രകൾക്ക് ചെലവായ തുക ഇനം തിരിച്ച് വ്യക്തമാക്കാമോ;

പ്രസ്തുത ആഭ്യന്തര-വിദേശ യാത്രകളുടെ ഉദ്ദേശ്യലക്ഷ്യങ്ങൾ വ്യക്തമാക്കാമോ;

2010 ജനുവരി മുതൽ 2022 ആഗസ്റ്റ് വരെ കേരള ഇൻസ്റ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസിന് അനുവദിച്ചിട്ടുള്ള പദ്ധതി വിഹിതത്തിൽ നിന്നും വാങ്ങിയിട്ടുള്ള വസ്തുവകകളുടെ വിവരം ആയതിനായി ചെലവഴിച്ച തുക സഹിതം വർഷം തിരിച്ച് വ്യക്തമാക്കാമോ?