സംസ്ഥാനത്ത് ഡിജിറ്റല്‍ സാങ്കേതികവിദ്യാധിഷ്ഠിത വിജ്ഞാന വ്യവസായങ്ങള്‍ക്ക് പിന്തുണ ലഭ്യമാക്കി അത്തരം വ്യവസായങ്ങളുടെ വിപുലീകരണത്തിനായി ഡിജിറ്റല്‍ സയന്‍സ് പാര്‍ക്ക് സ്ഥാപിക്കാനുദ്ദേശിക്കുന്നുണ്ടോ; എങ്കിൽ വിശദാംശം അറിയിക്കാമോ;

അനുബന്ധമേഖലകളെ കൂടി ഉള്‍പ്പെടുത്തിക്കൊണ്ട് വിവര സാങ്കേതികവിദ്യാ വ്യവസായം പ്രോത്സാഹിപ്പിക്കുന്ന നയം പ്രാവര്‍ത്തികമാക്കുന്നതിന് നടത്തുന്ന പ്രവര്‍ത്തനങ്ങള്‍ വിശദമാക്കുമോ;

തൊഴില്‍രഹിതരായ അഭ്യസ്തവിദ്യര്‍ക്ക് അത്യന്താധുനിക ഡിജിറ്റല്‍ നെെപുണ്യ വികസനത്തിന് പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ?

കൊച്ചി മെട്രോയുടെ രണ്ടാം ഘട്ടമായ ഇന്‍ഫോപാര്‍ക്കിലേക്കുള്ള പാതയ്ക്ക് അനുമതി നല്‍കുന്നതില്‍ കേന്ദ്ര സര്‍ക്കാര്‍ കാലതാമസം വരുത്തിയതും അംഗീകൃത എസ്റ്റിമേറ്റ് തുക വെട്ടിക്കുറച്ചതും പദ്ധതിയെ എപ്രകാരം ബാധിക്കാനിടയുണ്ടെന്ന് വിശദമാക്കുമോ;

മറ്റ് സംസ്ഥാനങ്ങളിലെ മെട്രോ നിര്‍മ്മാണത്തിനായി കേന്ദ്ര സര്‍ക്കാര്‍ ഉയര്‍ന്ന തുക അനുവദിച്ചത് ശ്രദ്ധയില്‍പ്പെട്ടിട്ടുണ്ടോ;

കേന്ദ്ര സര്‍ക്കാരിന്റെ പ്രസ്തുത നിലപാട് കാരണം വളരെ കുറഞ്ഞ പലിശ നിരക്കിൽ ലഭിക്കുമായിരുന്ന വായ്പ നല്‍കുന്നതില്‍ നിന്ന് ഫ്രഞ്ച് വികസന ബാങ്ക് പിന്മാറിയത് പദ്ധതിയെ പ്രതികൂലമായി ബാധിക്കാനിടയുണ്ടോ;

തിരുവനന്തപുരം, കോഴിക്കോട് ലൈറ്റ് മെട്രോ പദ്ധതി പുനഃക്രമീകരിക്കേണ്ട സാഹചര്യമുണ്ടോയെന്ന് അറിയിക്കുമോ?

സംസ്ഥാനത്ത് ഭക്ഷ്യവസ്തുക്കളില്‍ ആരോഗ്യത്തിന് ഹാനികരമായ രീതിയില്‍ മായം ചേര്‍ക്കുന്നതായുളള വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് തടയുന്നതിന് സ്വീകരിച്ച നടപടികള്‍ വിശദമാക്കുമോ;

എല്ലാ ജില്ലകളിലും സഞ്ചരിക്കുന്ന ഭക്ഷ്യ പരിശോധനാ ലാബുകള്‍ നിലവിലുണ്ടോ; എങ്കില്‍ ആയതിന്റെ പ്രവര്‍ത്തനം ജനങ്ങള്‍ക്ക് വേണ്ടത്ര പ്രയോജനകരമാകുന്നുണ്ടോ; വിശദമാക്കാമോ;

ഭക്ഷ്യ സുരക്ഷ ഉറപ്പാക്കാന്‍ നടപ്പിലാക്കിയ സമ്പൂര്‍ണ്ണ ഭക്ഷ്യ സുരക്ഷാ ഗ്രാമപഞ്ചായത്തുകള്‍ എന്ന പദ്ധതിയുടെ പുരോഗതി വിലയിരുത്തിയിട്ടുണ്ടോ; ഈ പദ്ധതി കൂടുതല്‍ പഞ്ചായത്തുകളിലേക്ക് വ്യാപിപ്പിക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

കേരളത്തെ ഒരു മാതൃകാ ഭക്ഷ്യ സുരക്ഷാ സംസ്ഥാനമാക്കി മാറ്റുക എന്ന സര്‍ക്കാരിന്റെ ലക്ഷ്യം സാക്ഷാത്കരിക്കുന്നതിനായി നിലവില്‍ എന്തെല്ലാം ഇടപെടല്‍ നടത്തിയിട്ടുണ്ട്; വിശദമാക്കാമോ?

റെയില്‍വേ എന്ന വിഷയം ഭരണഘടനയുടെ ഏഴാം പട്ടികയിലെ യൂണിയന്‍ ലിസ്റ്റില്‍ ഉള്‍പ്പെട്ടിരിക്കുന്നതിനാല്‍ റെയില്‍വേ പദ്ധതികള്‍ക്ക് കേന്ദ്ര സര്‍ക്കാരിന്റെ അംഗീകാരം ആവശ്യമാണെന്നത് വസ്തുതയാണോ;

സിൽവർ ലൈൻ പദ്ധതിക്ക് കേന്ദ്ര സർക്കാരിന്റെ അംഗീകാരം ലഭിക്കുന്നതിന് മുൻപ് പദ്ധതിയുടെ പ്രവർത്തനങ്ങളുമായി മുന്നോട്ട് പോകാനുണ്ടായ സാഹചര്യം വിശദമാക്കാമോ;

സിൽവർ ലൈൻ പദ്ധതിയുടെ ഡി.പി.ആർ. അപൂർണ്ണമാണ്‌ എന്ന് കേന്ദ്ര സർക്കാർ സംസ്ഥാനത്തെ അറിയിച്ചിട്ടുണ്ടോ; എങ്കിൽ ഡി.പി.ആർ. അംഗീകരിക്കുന്നതിന് മുൻപ് ഭൂമി ഏറ്റെടുക്കൽ നടപടികളുമായി മുന്നോട്ട് പോയത് കാരണം സംസ്ഥാന ഖജനാവിന് വലിയ സാമ്പത്തിക നഷ്ടം ഉണ്ടായിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് പൊതുസ്ഥലങ്ങളിലും സ്വകാര്യ ഇടങ്ങളിലും സൈബര്‍ ഇടങ്ങളിലും സ്ത്രീകള്‍ക്ക് സുരക്ഷ ഒരുക്കുന്നതിന് സ്വീകരിച്ചിട്ടുളള നടപടികളുടെ വിശദാംശം ലഭ്യമാക്കാമോ;

സ്ത്രീ പീഡനം തടയുന്നതിനും സ്ത്രീ സുരക്ഷ ഉറപ്പുവരുത്തുന്നതിനുമുള്ള നിയമങ്ങൾ കർശനമായി നടപ്പിലാക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

സ്ത്രീകൾക്കെതിരായ കുറ്റകൃത്യങ്ങളില്‍ വേഗത്തിൽ നീതി ലഭ്യമാക്കുന്നതിനായി പ്രത്യേക കോടതികൾ പരിഗണനയിലുണ്ടോ; വിശദമാക്കാമോ;

ഗാർഹിക പീഡനം, സ്ത്രീധനം എന്നിവയുമായി ബന്ധപ്പെട്ട പരാതികൾ കാര്യക്ഷമമായി കൈകാര്യം ചെയ്യുന്നതിന് സംവിധാനം ഏർപ്പെടുത്തിയിട്ടുണ്ടോ; വിശദമാക്കാമോ;

സ്ത്രീകൾക്കും കുട്ടികൾക്കും നേരെയുള്ള സൈബർ കുറ്റകൃത്യങ്ങൾ തടയുന്നതിനായി സൈബർ ക്രൈം പ്രിവെൻഷൻ എഗെയിൻസ്റ്റ് വിമൻ ആൻഡ് ചിൽഡ്രൻ പ്രോജക്ട് നടപ്പിലാക്കിയിട്ടുണ്ടോ; വിശദമാക്കാമോ?

സംസ്ഥാനത്ത് ഇന്റര്‍നെറ്റ് അവകാശമായി പ്രഖ്യാപിച്ചുകൊണ്ട് പാവപ്പെട്ടവര്‍ക്ക് സൗജന്യമായും മറ്റുള്ളവര്‍ക്ക് മിതമായ നിരക്കിലും ഗുണമേന്മയുള്ള ഇന്റര്‍നെറ്റ് ലഭ്യത സാര്‍വത്രികമാക്കുന്നതിനുദ്ദേശിച്ചുള്ള കെ-ഫോണ്‍ പദ്ധതിയുടെ നിലവിലെ പുരോഗതി അറിയിക്കാമോ;

സുശക്തമായ ഡിജിറ്റല്‍ പശ്ചാത്തല സൗകര്യം ഒരുക്കുന്നതിന് പ്രസ്തുത പദ്ധതിയിലൂടെ ചെയ്തിട്ടുള്ള കാര്യങ്ങള്‍ വിശദമാക്കാമോ;

ഡിജിറ്റല്‍ വിടവില്ലാതെ ഡിജിറ്റല്‍ സമ്പദ്ഘടന രൂപപ്പെടുത്തുന്നതിന് കെ-ഫോണ്‍ പദ്ധതിയുടെ പ്രാധാന്യം അറിയിക്കാമോ?

തലശ്ശേരിയില്‍ ലഹരി വില്പനയെ എതിര്‍ത്തതിന്റെ പേരില്‍ ഉണ്ടായ ഇരട്ട കൊലപാതകത്തിന്റെ പശ്ചാത്തലത്തില്‍ ലഹരി വില്പനക്കാരുടെയും ലഹരി കടത്തുകാരുടെയും പ്രവർത്തനങ്ങള്‍ കർശനമായി തടയുന്നതിന് ആഭ്യന്തര വകുപ്പ് എന്തെല്ലാം നടപടികളാണ് സ്വീകരിച്ച് വരുന്നതെന്ന് വ്യക്തമാക്കാമോ;

മറ്റ് സംസ്ഥാനങ്ങളില്‍ നിന്ന് മയക്കമരുന്നെത്തിക്കുന്ന കുറ്റവാളികള്‍ക്കെതിരെ സ്വത്ത് കണ്ടുകെട്ടുന്നതുള്‍പ്പെടെയുള്ള കര്‍ശന നടപടിക്ക് നിര്‍ദേശം നല്‍കിയിട്ടുണ്ടോ;

മയക്കുമരുന്ന് കുറ്റകൃത്യത്തില്‍ ആവര്‍ത്തിച്ച് പിടിക്കപ്പെടുന്നവരെ കരുതല്‍ തടങ്കലില്‍ പാര്‍പ്പിക്കുന്നതിന് തീരുമാനിച്ചിട്ടുണ്ടോ എന്ന് അറിയിക്കുമോ?

തദ്ദേശ സ്വയംഭരണ സ്ഥാപനങ്ങളില്‍ ഫയലുകൾ കെട്ടിക്കിടക്കുന്നില്ലെന്നുറപ്പ് വരുത്തുവാന്‍ നടപടി സ്വീകരിച്ചിട്ടുണ്ടോ;

സിറ്റിസണ്‍സ് പോര്‍ട്ടലിലൂടെ അപേക്ഷ സ്വീകരിക്കുന്ന പദ്ധതിയുടെ സ്വീകാര്യത വിലയിരുത്തിയിട്ടുണ്ടോ; എങ്കില്‍ ലഭിച്ച അപേക്ഷകളെത്രയെന്നും അതിലെത്രയെണ്ണം തീര്‍പ്പാക്കിയെന്നുമുള്ള കണക്ക് ലഭ്യമാണോ; എങ്കിൽ അറിയിക്കാമോ;

നഗരസഭകളുടെ സേവനങ്ങള്‍ ഓണ്‍ലെെൻ സംവിധാനം മുഖേന നല്‍കുന്ന പ്രവൃത്തിയുടെ പുരോഗതി വിലയിരുത്തിയിട്ടുണ്ടോ എന്ന് വ്യക്തമാക്കാമോ?

വിശപ്പുരഹിത കേരളം സൃഷ്ടിക്കുന്നതിനും ഭക്ഷ്യ ഭദ്രത ഉറപ്പുവരുത്തുന്നതിനും നടത്തുന്ന പ്രവര്‍ത്തനങ്ങളെക്കുറിച്ച് അറിയിക്കാമോ;

റേഷന്‍ കാര്‍ഡ് ആധാര്‍ കാര്‍ഡുമായി ബന്ധിപ്പിച്ചതിലൂടെ മുന്‍ഗണനാ കാര്‍ഡ് ലഭിക്കാന്‍ അര്‍ഹതയുള്ളവരുടെ എണ്ണം എത്രയെന്ന് തിട്ടപ്പെടുത്താന്‍ കഴിഞ്ഞിട്ടുണ്ടോ; ഇതിന്റെയടിസ്ഥാനത്തില്‍ മുന്‍ഗണനാ കാര്‍ഡിന്റെ എണ്ണം വര്‍ദ്ധിപ്പിക്കാന്‍ കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ;

റേഷന്‍ കാര്‍ഡ് സംബന്ധിച്ചുള്ള പൊതുജനങ്ങളുടെ പരാതി പരിഹരിക്കാന്‍ എന്ത് സംവിധാനമാണ് ഏര്‍പ്പെടുത്തിയിട്ടുള്ളത്; ഈ സര്‍ക്കാര്‍ അധികാരത്തിലെത്തിയതിനുശേഷം പുതുതായി എത്ര മുന്‍ഗണനാ കാര്‍ഡുകള്‍ അനുവദിച്ചിട്ടുണ്ടെന്ന് അറിയിക്കാമോ?

അട്ടപ്പാടിയില്‍ ശിശുമരണങ്ങൾ ആവർത്തിക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവത്തോടെ കാണുന്നുണ്ടോ;

അട്ടപ്പാടിയിലെ ശിശുമരണങ്ങൾ തടയാന്‍ നടപടികൾ എടുത്തിട്ടും 2022 സെപ്റ്റംബർ മാസത്തിൽ രണ്ട് കുഞ്ഞുങ്ങൾ മരണമടഞ്ഞ കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ;

അട്ടപ്പാടിയിലെ ശിശുമരണങ്ങളുടെ കാരണങ്ങളെക്കുറിച്ച്‌ ഏതെങ്കിലും തരത്തിലുള്ള പഠനം നടത്തിയിട്ടുണ്ടോ; എങ്കില്‍ ആയത് സംബന്ധിച്ച വിശദാംശം ലഭ്യമാക്കുമോ?

ഭക്ഷ്യവിഷബാധ ആവര്‍ത്തിക്കാതിരിക്കാന്‍ സര്‍ക്കാര്‍ ഫലപ്രദമായ ഇടപെടല്‍ നടത്തിയിരുന്നോ; നല്ല ഭക്ഷണം നാടിന്റെ അവകാശം എന്ന ക്യാമ്പയിന്‍ സംഘടിപ്പിച്ചിരുന്നോ;

ഹോട്ടലുകളും ബേക്കറികളും പഴച്ചാര്‍ വില്‍ക്കുന്ന കടകളും ഉള്‍പ്പെടെ ഭക്ഷ്യ സ്ഥാപനങ്ങളെല്ലാം രജിസ്ട്രേഷനോ ലൈസന്‍സോ നേടിയിട്ടുണ്ടെന്ന് ഉറപ്പ് വരുത്താന്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

വഴിയോരത്തുള്ള തട്ടുകടകള്‍ വൃത്തിയുള്ള രീതിയില്‍ പ്രവര്‍ത്തിക്കുന്നുവെന്നുറപ്പ് വരുത്താന്‍ പ്രത്യേകം നടപടിയെടുത്തിരുന്നോ;

പ്രവര്‍ത്തന മികവിന്റെ ഫലമായി ഭക്ഷ്യ സുരക്ഷാ വകുപ്പിന് ദേശീയതലത്തില്‍ അംഗീകാരം ലഭിച്ചിട്ടുണ്ടോ എന്നറിയിക്കുമോ?

സംസ്ഥാനത്ത് രാഷ്ട്രീയ പാർട്ടികളെ മറയാക്കി ലഹരി മാഫിയ പ്രവർത്തിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ;

തലശ്ശേരിയിൽ രണ്ട് പേരെ കൊലപ്പെടുത്തിയ കേസിലെ ലഹരി മാഫിയ സംഘത്തിലെ പ്രധാന പ്രതി ലഹരി വിരുദ്ധ ക്യാമ്പയിനില്‍ അടക്കം പങ്കെടുത്തതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് ഗൗരവത്തോടെ കാണുന്നുണ്ടോ;

ലഹരി മാഫിയ രാഷ്ട്രീയ പാർട്ടികളെ മറയാക്കി നടത്തുന്നതായി പറയപ്പെടുന്ന പ്രവർത്തനം തടയാൻ കൈകൊണ്ട നടപടികൾ വിശദമാക്കാമോ?

സംസ്ഥാനത്ത് സിന്തറ്റിക്ക് ഡ്രഗ്സിന്റെ വ്യാപനം സമൂഹത്തിന് ഭീഷണിയാകുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ ഗൗരവമായി കാണുന്നുണ്ടോ;

സിന്തറ്റിക്ക് ഡ്രഗ്സിന്റെ വര്‍ദ്ധിച്ചുവരുന്ന ഉപയോഗം നിയന്ത്രിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കാമോ;

മെഡിക്കല്‍ സ്റ്റോറുകളിൽ ലഭിക്കുന്ന റോഹിപ്‍നോള്‍ പോലുള്ള മരുന്നുകളെ മദ്യത്തില്‍ കലര്‍ത്തി ഉപയോഗിക്കുന്നവരുടെ എണ്ണം കൂടിയതായി ശ്രദ്ധില്‍പ്പെട്ടിട്ടുണ്ടോ; എങ്കിൽ ഇത് തടയാൻ എന്തൊക്കെ മുന്‍കരുതൽ നടപടികളാണ് സ്വീകരിച്ചിരിക്കുന്നതെന്നറിയിക്കാമോ;

ബാറുകള്‍ക്ക് വ്യാപകമായി ലൈസന്‍സ് നല്‍കിയത് സംസ്ഥാനത്ത് മദ്യത്തിന്റെ ലഭ്യത കൂടുന്നതിനും അതുവഴി മദ്യം ഉപയോഗപ്പെടുത്തി നിര്‍മ്മിക്കുന്ന സിന്തറ്റിക്ക് ഡ്രഗ്സിന്റെ വ്യാപനത്തിനും കാരണമായിട്ടുണ്ടെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

തിരുവനന്തപുരത്തും കോഴിക്കോട്ടും ലെെറ്റ് മെട്രോ പദ്ധതിക്ക് അംഗീകാരം നല്‍കിയിട്ടുണ്ടോ; ഇതിനാവശ്യമായ സമഗ്ര ഗതാഗത പദ്ധതി തയ്യാറാക്കുന്നതിനുള്ള നടപടി ആരംഭിച്ചിട്ടുണ്ടോ; വിശദാംശം നല്‍കുമോ;

കൊച്ചി മെട്രോയുടെ രണ്ടാം ഘട്ട പദ്ധതി പ്രവര്‍ത്തനം ഇപ്പോള്‍ ഏത് ഘട്ടത്തിലാണ്; വിശദമാക്കാമോ;

പ്രസ്തുത മെട്രോ പദ്ധതികള്‍ പ്രാവര്‍ത്തികമാകുന്നതോടെ പൊതുഗതാഗത രംഗത്തും പൊതു വികസന മേഖലയിലും എന്തെല്ലാം മാറ്റങ്ങള്‍ പ്രതീക്ഷിക്കുന്നുവെന്ന് വ്യക്തമാക്കുമോ?

സംസ്ഥാനത്ത് ജീവിതശൈലീ രോഗങ്ങള്‍ നിയന്ത്രിക്കുന്നതിന്റെ ഭാഗമായി അല്പം ശ്രദ്ധ ആരോഗ്യം ഉറപ്പ് ക്യാമ്പയിനിന്റെ ഭാഗമായി വീടുകളിലെത്തി രോഗ സാധ്യതാ നിര്‍ണ്ണയം നടത്തിയിരുന്നോ; സര്‍വേയില്‍ കണ്ടെത്തിയ പ്രധാന കാര്യങ്ങള്‍ അറിയിക്കാമോ;

ജീവിതശൈലീ രോഗ നിയന്ത്രണത്തിന്റെ ഭാഗമായി പ്രമേഹത്തിന്റെ സങ്കീര്‍ണ്ണതകള്‍ ഒഴിവാക്കുന്നതിന് എല്ലാ ജില്ലകളിലും 360 ഡിഗ്രി മെറ്റബോളിക് സെന്ററുകള്‍ സ്ഥാപിച്ചിട്ടുണ്ടോ;

ഏറെ വ്യാപകമായിട്ടുള്ള രക്താതിമര്‍ദം മറ്റ് രോഗാവസ്ഥകളിലേക്ക് കടക്കാതെ നിയന്ത്രിക്കുന്നതിന് സൗജന്യമായി മരുന്ന് നല്‍കുന്നുണ്ടോ;

ജീവിത ശൈലിയില്‍ വരുത്തേണ്ട ക്രമീകരണങ്ങള്‍ സംബന്ധിച്ച് വ്യാപകമായ പ്രചാരണത്തിന് ഉദ്ദേശിക്കുന്നുണ്ടോ; എങ്കിൽ വിശദമാക്കാമോ?

2018-ലെ പ്രളയബാധിതർക്ക് സംസ്ഥാന സർക്കാർ മുഖേന സൗജന്യമായി നല്‍കിയ അരിയുടെ വില അടിയന്തരമായി നല്‍കണമെന്ന് കേന്ദ്ര സര്‍ക്കാര്‍ ആവശ്യപ്പെട്ടിട്ടുണ്ടോ;

ദുരന്തകാലത്ത് സഹായിക്കുന്നതിലും വികസന പദ്ധതികള്‍ അനുവദിക്കുന്നതിലും കേന്ദ്ര സര്‍ക്കാര്‍ വിവേചനം പുലര്‍ത്തുന്നതായുള്ള ആശങ്കകള്‍ക്ക് അടിസ്ഥാനമുള്ളതായി കരുതുന്നുണ്ടോ; വ്യക്തമാക്കാമോ;

വിവിധ വികസന പദ്ധതികള്‍ മുന്‍ഗണനാടിസ്ഥാനത്തില്‍ സമയബന്ധിതമായി പൂര്‍ത്തിയാക്കുന്നതിന് സർക്കാർ നടത്തുന്ന പ്രവര്‍ത്തനങ്ങൾ വിശദമാക്കാമോ?

അഴിമതിയുമായി ബന്ധപ്പെട്ട ഫയലുകൾ വിജിലൻസ് ആന്റ് ആന്റി കറപ്ഷൻ ബ്യൂറോയ്ക്ക് തുടർനടപടിയ്ക്കായി കൈമാറാതെ ആഭ്യന്തര വകുപ്പ് തടഞ്ഞുവെച്ചതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്‍ പരിശോധിച്ചിട്ടുണ്ടോയെന്ന് വ്യക്തമാക്കുമോ;

ഫയലുകൾ കൈമാറാത്തത് വിജിലൻസ് ബ്യൂറോയുടെ ദൗത്യനിർവ്വഹണത്തെ പ്രതികൂലമായി ബാധിച്ചതായി കണ്ടെത്തിയിട്ടുണ്ടോ;

കേന്ദ്ര വിജിലൻസ് കമ്മീഷന്റെ മാതൃകയിൽ സംസ്ഥാന വിജിലൻസ് കമ്മീഷൻ രൂപീകരിക്കണമെന്ന ഭരണപരിഷ്കാര കമ്മീഷന്റെ ശിപാർശയിന്മേൽ ഇതിനകം സ്വീകരിച്ച നടപടികൾ വിശദമാക്കുമോ?

സംസ്ഥാനത്ത് മുപ്പത്തി അഞ്ച് ശതമാനത്തിലേറെ പേർക്ക് ജീവിതശൈലീ രോഗമായ പ്രമേഹം ഉളളതായി കണ്ടെത്തിയിട്ടുണ്ടോ;

പ്രമേഹം തുടക്കത്തിലെ കണ്ടെത്തുന്നതിനും പ്രമേഹത്തെ തുടർന്നുണ്ടാകുന്ന സങ്കീർണ്ണ രോഗങ്ങൾ നിയന്ത്രിക്കുന്നതിനും ഏതെങ്കിലും പദ്ധതി സർക്കാർ ആവിഷ്കരിച്ചിട്ടുണ്ടോ; എങ്കിൽ വിശദാംശം അറിയിക്കുമോ;

ഡയബറ്റിക് ചികിത്സാ സൗകര്യങ്ങൾ കൂടുതൽ വർദ്ധിപ്പിക്കാൻ നടപടി സ്വീകരിക്കുമോ?

ഭരണ നിര്‍വഹണം കാര്യക്ഷമവും സുതാര്യവും അഴിമതിരഹിതവുമാക്കുന്നതില്‍ ഇ-ഗവേണന്‍സിന്റെ പ്രാധാന്യം കണക്കിലെടുത്ത് സംസ്ഥാനത്ത് ഇ-ഗവേണന്‍സ് സമ്പ്രദായം സാര്‍വത്രികമാക്കാന്‍ കഴിഞ്ഞിട്ടുണ്ടോ; വിശദമാക്കാമോ;

സംസ്ഥാനത്തെ പൗരകേന്ദ്രീകൃതമായ ഇ-ഗവേണന്‍സ് സംവിധാനത്തിന് രാജ്യത്തെ ഏറ്റവും മികച്ച ഇ-സേവന ദാതാവിനുളള പുരസ്കാരം ലഭിച്ചിരുന്നോ;

കെ-ഫോണ്‍ സജ്ജമാക്കിയത് വഴി പൗരകേന്ദ്രീകൃത ഇ-സേവന രീതി കൂടുതല്‍ ശാക്തീകരിക്കാനാകുമെന്ന് കരുതുന്നുണ്ടോ; പദ്ധതിയുടെ ആദ്യഘട്ടത്തിലെ ഗുണഭോക്താക്കളെ നിര്‍ണ്ണയിച്ചിട്ടുണ്ടോ; വ്യക്തമാക്കാമോ?

മണ്ണെണ്ണ ഉള്‍പ്പെടെയുള്ള സംസ്ഥാന റേഷന്‍ വിഹിതത്തില്‍ കേന്ദ്ര സർക്കാർ വലിയ തോതിലുള്ള കുറവ് വരുത്തിയിട്ടുണ്ടോ; വിശദമാക്കുമോ;

ഉപഭോക്തൃ സംസ്ഥാനമായ കേരളത്തിന്റെ റേഷന്‍ വിഹിതത്തില്‍ വരുത്തുന്ന കുറവ് മൂലം സംസ്ഥാനത്തിനുണ്ടാകുന്ന ആശങ്ക കേന്ദ്ര സർക്കാരിനെ അറിയിച്ചിട്ടുണ്ടോ; വിശദമാക്കുമോ;

മണ്ണെണ്ണ വിഹിതത്തിൽ കേന്ദ്ര സർക്കാർ വരുത്തുന്ന കുറവും മണ്ണെണ്ണയുടെ വിലവര്‍ദ്ധനവും മത്സ്യബന്ധന, കാര്‍ഷിക മേഖലകളെ പ്രതികൂലമായി ബാധിക്കാതിരിക്കുന്നതിന് എന്തെല്ലാം മുന്‍കരുതല്‍ നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

സംസ്ഥാനത്തിന്റെ ആവശ്യങ്ങള്‍ക്കനുസൃതമായ അളവിലുളള റേഷന്‍ മണ്ണെണ്ണ വിഹിതം സംസ്ഥാനത്തിന് ലഭ്യമാക്കണമെന്ന് കേന്ദ്ര സർക്കാരിനോട് ആവശ്യപ്പെട്ടിട്ടുണ്ടോ; വിശദമാക്കുമോ?

സംസ്ഥാനത്ത് 24 ശതമാനത്തിലേറെ പേര്‍ പ്രമേഹ രോഗികളാണെന്ന ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഡയബറ്റീസിന്റെയും ഐ.സി.എം.ആര്‍.-ന്റെയും പഠന റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത റിപ്പോര്‍ട്ടിന്റെ അടിസ്ഥാനത്തില്‍ പ്രമേഹ രോഗമുള്‍പ്പെടെ ജീവിതശെെലീ രോഗം നിയന്ത്രിക്കുന്നതിന് എന്തൊക്കെ പദ്ധതികളും പ്രവര്‍ത്തനങ്ങളുമാണ് സര്‍ക്കാര്‍ നടപ്പിലാക്കാന്‍ ഉദ്ദേശിക്കുന്നത്;

നിലവില്‍ ജീവിതശെെലീ രോഗങ്ങള്‍ നിയന്ത്രിക്കുന്നതിനായി നടപ്പിലാക്കി വരുന്ന പദ്ധതികളും പ്രവര്‍ത്തനങ്ങളും വിശദീകരിക്കാമോ;

പ്രസ്തുത രോഗങ്ങള്‍ക്കുളള മരുന്നുകള്‍ സര്‍ക്കാര്‍ ആശുപത്രികളില്‍ നല്‍കി വരുന്നത് നിലവിലെ ആവശ്യങ്ങള്‍ക്കനുസരിച്ച് ഊര്‍ജ്ജിതപ്പെടുത്താന്‍ നടപടി സ്വീകരിക്കുമോ?

വിവിധ സർക്കാർ സേവനങ്ങൾക്ക് പണം അടയ്ക്കേണ്ടി വരുമ്പോൾ ഓൺലൈൻ സംവിധാനം വഴി പണമിടപാട് നടത്തണമെന്ന് വിജിലൻസ് വകുപ്പ് നിർദേശം നല്‍കിയിട്ടുണ്ടോ; വ്യക്തമാക്കുമോ;

കൂടുതല്‍ മേഖലകളില്‍ ഇത്തരത്തിലുള്ള ഓൺലൈൻ പണമിടപാട് നടത്തണമെന്ന നിര്‍ദേശം നല്‍കാന്‍ ഉദ്ദേശിക്കുന്നുണ്ടോ; വിശദമാക്കുമോ;

മോട്ടോർ വാഹന വകുപ്പിൽ ചില ഓൺലൈൻ സേവനങ്ങളില്‍ അഴിമതി തുടരുന്നതായുള്ള ആക്ഷേപം വിജിലൻസ് വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇതിന്മേൽ എന്ത് നടപടി സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

മൂവായിരത്തി അറുനൂറ് കാേടി രൂപയുടെ അമൃത് രണ്ടാം ഘട്ട പദ്ധതിയെക്കുറിച്ച് വിശദമാക്കാമാേ;

പ്രസ്തുത പദ്ധതിയില്‍ എന്തെല്ലാം പ്രവൃത്തികള്‍ക്കാണ് മുന്‍ഗണന നല്‍കാനുദ്ദേശിക്കുന്നത്; സാര്‍വത്രിക ശുദ്ധജല ലഭ്യതയും ദ്രവമാലിന്യ സംസ്കരണവും ലക്ഷ്യമിടുന്നുണ്ടാേ; ഇതുവരെ എത്ര പ്രാേജക്ടുകള്‍ തയ്യാറാക്കി സമര്‍പ്പിച്ചിട്ടുണ്ട്; വ്യക്തമാക്കാമോ;

അമൃത് ഒന്നാംഘട്ടം പദ്ധതിയുടെ നിലവിലെ പുരാേഗതി അറിയിക്കാമാേ?

സംസ്ഥാനത്ത് പൊതുവിതരണ വകുപ്പിന്റെ കീഴിലുളള റേഷൻ കടകൾ, മാവേലി സ്റ്റോറുകൾ, സപ്ലൈകോ ഔട്ട്‍ലെറ്റുകൾ, ഗോഡൗണുകൾ എന്നിവയുടെ പ്രവർത്തനം പരിശോധിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കാമോ;

പരിശോധനയില്‍ കണ്ടെത്തുന്ന ക്രമക്കേടുകൾക്കെതിരെ എന്തെല്ലാം നടപടികളാണ് സ്വീകരിച്ചുവരുന്നതെന്ന് വെളിപ്പെടുത്താമോ;

പാചക വാതകത്തിന്റെയും പെ​ട്രോൾ പമ്പുകളിലെയും അളവുകള്‍ പരിശോധിക്കാറുണ്ടോ; എങ്കില്‍ പരിശോധനയില്‍ കണ്ടെത്തിയ ക്രമക്കേടുകൾക്കെതിരെ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

സംസ്ഥാനത്ത് ത്രിതല പഞ്ചായത്തുകളുടെ പ്രവര്‍ത്തനം കൂടുതല്‍ കാര്യക്ഷമമാക്കാന്‍ സ്വീകരിക്കുന്ന നടപടികള്‍ വ്യക്തമാക്കുമോ;

ത്രിതല പഞ്ചായത്തുകളുടെ ഇതുവരെയുള്ള പ്രവര്‍ത്തനം വിലയിരുത്താനും കൂടുതല്‍ മെച്ചപ്പെട്ട നിലയില്‍ പ്രവര്‍ത്തനം കാര്യക്ഷമമാക്കാനും ആവശ്യമായ നിര്‍ദേശങ്ങള്‍ സമര്‍പ്പിക്കാന്‍ ഒരു വിദഗ്ദ്ധ സമിതിയെ നിയോഗിക്കുന്ന കാര്യം പരിഗണിക്കുമോ; എങ്കില്‍ വിശദാംശം ലഭ്യമാക്കുമോ?

സര്‍ക്കാര്‍ ആശുപത്രികളില്‍ കരള്‍ മാറ്റിവെയ്ക്കല്‍ ശസ്ത്രക്രിയ ആരംഭിച്ചിട്ടുണ്ടാേ; എങ്കിൽ പ്രസ്തുത ശസ്ത്രക്രിയയ്ക്കുള്ള സൗകര്യങ്ങൾ ഇപ്പാേള്‍ ഏതാെക്കെ ആശുപത്രികളിലാണ് ഉള്ളത്; മറ്റ് ആശുപത്രികളില്‍ ഈ സൗകര്യങ്ങൾ ഏര്‍പ്പെടുത്തുന്നതിന് നടപടി സ്വീകരിച്ചിട്ടുണ്ടാേ; വിശദാംശം നൽകാമോ;

പ്രസ്തുത ശസ്ത്രക്രിയയ്ക്കായി പ്രത്യേക ട്രാന്‍സ്‍പ്ലാന്റ് ടീമിനെ നിയാേഗിച്ചിട്ടുണ്ടാേയെന്നും അവര്‍ക്ക് പ്രത്യേക പരിശീലനം ലഭ്യമാക്കിയിട്ടുണ്ടാേയെന്നും മറ്റെന്തെല്ലാം സൗകര്യങ്ങളും സജ്ജീകരണങ്ങളുമാണ് ഇതിന്റെ ഭാഗമായി ഏർപ്പെടുത്തിയിട്ടുള്ളതെന്നും വിശദമാക്കാമാേ;

സര്‍ക്കാര്‍ ആശുപത്രികളില്‍ കരള്‍ മാറ്റിവെയ്ക്കല്‍ ശസ്ത്രക്രിയയ്ക്കുള്ള സൗകര്യങ്ങൾ ഏര്‍പ്പെടുത്തുന്നതിലൂടെ സാധാരണക്കാരായ രാേഗികള്‍ക്കും ചികിത്സാ രംഗത്തും ആരാേഗ്യ മേഖലയിലും എന്തെല്ലാം നേട്ടങ്ങള്‍ പ്രതീക്ഷിക്കുന്നുവെന്ന് വിശദമാക്കാമാേ?

2017-ൽ പൂർത്തിയാക്കാൻ ഉദ്ദേശിച്ചിരുന്ന കോവളം-ബേക്കൽ ജലപാതയുടെ നിർമ്മാണം നിലവിൽ ഏത് ഘട്ടത്തിലാണ്; വിശദമാക്കുമോ;

പ്രസ്തുത ജലപാത നിർമ്മാണത്തിലെ തടസ്സങ്ങൾ എന്തെല്ലാമാണ്; അവ തരണം ചെയ്യാൻ സ്വീകരിച്ച നടപടികള്‍ വിശദമാക്കുമോ;

ഈ പദ്ധതി എന്നത്തേക്ക് പൂർത്തീകരിക്കാൻ സാധിക്കുമെന്ന് വ്യക്തമാക്കുമോ?

ഇലട്രാേണിക്സ് സംവിധാനത്തിലൂടെ രാേഗീ സൗഹൃദ ചികിത്സ ഉറപ്പാക്കുന്നതിന്റെ ഭാഗമായി ആരംഭിച്ച ഇ-ഹെല്‍ത്ത് സംവിധാനം എല്ലാ സര്‍ക്കാര്‍ ആശുപത്രികളിലും ഏര്‍പ്പെടുത്തിയിട്ടുണ്ടാേ; ഇത് എപ്പാേള്‍ പൂര്‍ത്തിയാക്കാന്‍ കഴിയുമെന്നും ഇപ്പാേള്‍ ഏത് ഘട്ടത്തിലാണെന്നും വിശദമാക്കാമോ;

പ്രസ്തുത സംവിധാനത്തിലൂടെ ഓണ്‍ലെെന്‍ അപ്പാേയ്‍മെന്റ്, കണ്‍സള്‍ട്ടേഷന്‍, പ്രിസ്‍ക്രിപ്ഷന്‍, ലാബ്പരിശാേധന തുടങ്ങിയ സേവനങ്ങള്‍ ലഭ്യമാക്കാന്‍ കഴിഞ്ഞിട്ടുണ്ടാേ; മറ്റെന്തെല്ലാം സേവനങ്ങള്‍ പ്രസ്തുത സംവിധാനം വഴി ലഭ്യമാകും; വിശദാംശം നൽകാമോ?

സാമ്പത്തിക കുറ്റകൃത്യങ്ങൾ അനിയന്ത്രിതമായി വര്‍ദ്ധിക്കുന്ന സാഹചര്യത്തില്‍ അവയെ നിയന്ത്രിക്കുന്നതിന് നിലവിലെ സംവിധാനങ്ങള്‍ ശക്തിപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പണമിടപാടുകളും കടമെടുപ്പുകളും ഇൻഷുറൻസുകളും ധന മാനേജ്‌മെന്റും ഡിജിറ്റലായിക്കൊണ്ടിരിക്കുന്ന നിലവിലെ സാഹചര്യത്തിൽ ഉപഭോക്താക്കൾക്ക് ഡിജിറ്റൽ പ്ലാറ്റ്ഫോമുകളിൽ സുരക്ഷ ഒരുക്കുന്നതിന് എന്തെല്ലാം മുന്‍കരുതലുകള്‍ സ്വീകരിച്ചിട്ടുണ്ട്; വിശദമാക്കാമോ;

അനധികൃത നിക്ഷേപ പദ്ധതികളെക്കുറിച്ചുള്ള പ്രചരണങ്ങൾ കർശനമായി നിരീക്ഷിക്കുന്നതിനും തടയുന്നതിനും എന്തെല്ലാം നടപടികൾ സ്വീകരിച്ചിട്ടുണ്ട്; വിശദമാക്കാമോ;

സാമ്പത്തിക കുറ്റകൃത്യങ്ങൾ ഫലപ്രദമായി കൈകാര്യം ചെയ്യുന്നതിനായി പോലീസിൽ പ്രത്യേക വിഭാഗം രൂപീകരിച്ചിട്ടുണ്ടോ; വിശദമാക്കാമോ;

അനധികൃത നിക്ഷേപ പദ്ധതികൾ നിരോധിക്കുന്നതിനും നിക്ഷേപങ്ങൾ സ്വീകരിച്ചശേഷം കടന്നുകളയുന്നവരുടെ സ്വത്തുവകകൾ കണ്ടുകെട്ടുന്നതിനും സംസ്ഥാനത്ത് ചട്ടങ്ങൾ നിലവിലുണ്ടോ; വിശദമാക്കാമോ?

സംസ്ഥാനത്ത് ആധുനിക ശാസ്ത്ര, സാങ്കേതികശാസ്ത്ര സംവിധാനങ്ങള്‍ ഉപയോഗപ്പെടുത്തി നഗരങ്ങളിലെ മാലിന്യ സംസ്കരണ സംവിധാനം ശക്തിപ്പെടുത്തുന്നതിന് പ്രത്യേക പദ്ധതി ആവിഷ്കരിച്ചിട്ടുണ്ടോ; എങ്കില്‍ പ്രസ്തുത പദ്ധതി പ്രാവര്‍ത്തികമാകുന്നതോടെ മാലിന്യ സംസ്കരണ മേഖലയില്‍ എന്തെല്ലാം മാറ്റങ്ങളാണ് പ്രതീക്ഷിക്കുന്നതെന്ന് വിശദമാക്കാമോ;

ഖരമാലിന്യ സംസ്കരണ കേന്ദ്രങ്ങളുടെ വികസനം, പരമ്പരാഗത മാലിന്യ സംസ്കരണം , സംസ്കരിക്കാനാകാത്ത ഖരമാലിന്യങ്ങളുടെ` പരിപാലനം, മാലിന്യത്തില്‍ നിന്നും മൂല്യ വര്‍ദ്ധിത ഉല്പന്നങ്ങളുടെ നിര്‍മ്മാണം എന്നിവ പ്രസ്തുത പദ്ധതിയുടെ ഭാഗമായി നടപ്പാക്കുന്നുണ്ടോ; വിശദാംശം നല്‍കാമോ?