കേന്ദ്രം സംസ്ഥാനത്തിന് അര്‍ഹതപ്പെട്ട ഭക്ഷ്യധാന്യങ്ങള്‍ അനുവദിക്കുന്നുണ്ടോ; ഇല്ലെങ്കില്‍ വിശദമാക്കാമോ;

കേന്ദ്രം സംസ്ഥാനത്തിന് അര്‍ഹതപ്പെട്ട മണ്ണെണ്ണ അനുവദിക്കുന്നുണ്ടോ; ഇല്ലെങ്കില്‍ എന്തുകൊണ്ടാണെന്ന് വിശദമാക്കുമോ?

ഈ സര്‍ക്കാര്‍ അധികാരമേറ്റശേഷം ഭക്ഷ്യ പൊതുവിതരണ വകുപ്പ് മുഖേന നടപ്പിലാക്കി വരുന്ന പദ്ധതികള്‍ ഏതൊക്കെയാണെന്ന് വിശദമാക്കാമോ;

ചിറയിന്‍കീഴ് മണ്ഡലത്തില്‍ നടപ്പിലാക്കിയ പദ്ധതികള്‍, അനുവദിച്ച തുക എന്നിവ സംബന്ധിച്ച വിശദാംശം ലഭ്യമാക്കാമോ?

തിരുവനന്തപുരം ജില്ലയില്‍ ഒപ്പം പദ്ധതി പ്രകാരം എത്ര ഗുണഭോക്താക്കള്‍ക്ക് റേഷന്‍ സാധനങ്ങള്‍ വീട്ടിലെത്തിച്ചു നല്‍കുന്നുണ്ടെന്ന് വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുവിതരണരംഗത്ത് നടത്തിവരുന്ന നവീകരണ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

നിലവിലുള്ള റേഷന്‍കാര്‍ഡ് ഉടമകളില്‍ എത്ര ശതമാനം പേര്‍ എല്ലാ മാസവും റേഷന്‍ കടകളില്‍ നിന്നും റേഷന്‍വിഹിതം കൈപ്പറ്റുന്നവരായിട്ടുണ്ടെന്ന് വ്യക്തമാക്കാമോ;

പൊതുവിതരണ കേന്ദ്രങ്ങളെ ആധുനികീകരിച്ച് കൂടുതല്‍ ഉല്പന്നങ്ങളും സേവനങ്ങളും ലഭ്യമാക്കുന്നതിനായി ആരംഭിച്ച കെ-സ്റ്റോറിന്റെ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; ഉണ്ടെങ്കില്‍ വിശദമാക്കാമോ;

കെ-സ്റ്റോര്‍ പദ്ധതി കൂടുതല്‍ സ്ഥലങ്ങളിലേയ്ക്ക് വ്യാപിപ്പിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

ഭക്ഷ്യധാന്യങ്ങളുടെ വാതില്‍പ്പടി വിതരണത്തിന് നടപ്പിലാക്കി വരുന്ന പദ്ധതികള്‍ എന്തൊക്കെയെന്ന് അറിയിക്കാമോ?

സഞ്ചരിക്കുന്ന റേഷന്‍കട പദ്ധതിയുടെ വിശദാംശം ലഭ്യമാക്കാമോ;

ഇപ്പോള്‍ എവിടെയൊക്കെയാണ് ഇതിന്റെ പ്രയോജനം ലഭ്യമാകുന്നത്; എത്ര വാഹനങ്ങളിലാണ് റേഷന്‍ വിതരണം നടത്തുന്നത്;

കൂടുതല്‍ സ്ഥലങ്ങളിലേക്ക് പ്രസ്തുത പദ്ധതി വിപുലപ്പെടുത്താന്‍ ഉദ്ദേശിക്കുന്നുണ്ടോ; വിശദമാക്കാമോ?

ഓപ്പറേഷന്‍ യെല്ലോ പദ്ധതി പ്രകാരം എത്ര മുന്‍ഗണനാ റേഷന്‍ കാർഡുകളാണ് അനർഹരിൽ നിന്നും പിടിച്ചെടുത്ത് അർഹരായവർക്ക് വിതരണം ചെയ്തതെന്ന് വിശദമാക്കുമോ?

ഭക്ഷ്യ പൊതുവിതരണ വകുപ്പ് നടപ്പിലാക്കുന്ന ഒപ്പം പദ്ധതിയുടെ വിശദാംശങ്ങള്‍ നല്‍കാമോ;

പ്രസ്തുത പദ്ധതി വഴി എത്രപേര്‍ക്ക് റേഷന്‍ നല്‍കാന്‍ സാധിച്ചിട്ടുണ്ടെന്ന് വ്യക്തമാക്കാമോ?

കോഴിക്കോട് ജില്ലയില്‍ ഇതുവരെ വിതരണം ചെയ്ത മുന്‍ഗണനാ കാര്‍ഡുകളുടെ എണ്ണവും കാർഡ് വിതരണം ചെയ്യാന്‍ ബാക്കിയുള്ള അപേക്ഷകരുടെ എണ്ണവും അറിയിക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം വിതരണം ചെയ്ത റേഷന്‍ കാര്‍ഡുകളുടെ എണ്ണം സംബന്ധിച്ച വിശദാംശം ലഭ്യമാക്കാമോ;

നവകേരള സദസ്സില്‍ ലഭിച്ച അപേക്ഷകളുടെ അടിസ്ഥാനത്തില്‍ എത്ര റേഷന്‍ കാര്‍ഡുകള്‍ വിതരണം ചെയ്തുവെന്ന് അറിയിക്കാമോ?

കൈപ്പമംഗലം നിയോജകമണ്ഡലത്തിലെ അർഹരായ നിരവധി കുടുംബങ്ങൾക്ക് പല കാരണങ്ങളാൽ മുൻഗണന റേഷൻ കാർഡുകൾ ലഭിക്കാത്തത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇവർക്ക് മുൻഗണന കാർഡുകൾ ലഭ്യമാക്കാനുള്ള നടപടികൾ സ്വീകരിക്കാമോ;

സാമ്പത്തിക ബുദ്ധിമുട്ട് മൂലം വീട് നഷ്ടപ്പെട്ട് വാടകവീട്ടിൽ താമസിക്കുന്നവര്‍ക്ക് റേഷൻ കാർഡ് ലഭിക്കാത്തതുമൂലം ഗവൺമെന്റിന്റെ ആനുകൂല്യങ്ങൾ ലഭിക്കുന്നില്ലെന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ മുൻപ് നടപ്പാക്കിയിരുന്ന സീറോ നമ്പറിട്ട് കാർഡ് കൊടുക്കുന്ന പദ്ധതി ഒരിക്കൽ കൂടി നടപ്പാക്കി കൈപ്പമംഗലം നിയോജക മണ്ഡലത്തിലെ അർഹരായ എല്ലാ കുടുംബങ്ങൾക്കും സ്വന്തമായി റേഷൻ കാർഡ് ലഭ്യമാക്കുന്നതിനുള്ള നടപടി സ്വീകരിക്കാമോ?

അരുവിക്കര നിയോജക മണ്ഡലത്തിൽ മുൻഗണനാ റേഷൻ കാർഡുകൾക്കായി ലഭിച്ച അപേക്ഷകളുടെ എണ്ണം, അനുവദിച്ചവയുടെ എണ്ണം എന്നീ വിവരങ്ങള്‍ പഞ്ചായത്ത് തിരിച്ച് ലഭ്യമാക്കാമോ?

സംസ്ഥാനത്ത് കഴിഞ്ഞ ആറു മാസത്തിനിടെ എത്ര കുടുംബങ്ങള്‍ക്ക് മുന്‍ഗണനാ റേഷന്‍ കാര്‍ഡ് നല്‍കിയിട്ടുണ്ടെന്നതിന്റെ താലൂക്ക് തിരിച്ചുള്ള കണക്ക് ലഭ്യമാക്കുമോ;

സംസ്ഥാനത്ത് റേഷൻ കാര്‍ഡുകള്‍ ഡിജിറ്റലാക്കുന്നതിന് നടപടി സ്വീകരിക്കുമോ;

റേഷന്‍ കാര്‍ഡുകള്‍ ഡിജിറ്റലാക്കുന്നതിന്റെ ഭാഗമായി സര്‍ക്കാര്‍ ഇതിനോടകം സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ?

നവകേരള സദസ്സിന്റെ ഭാഗമായി റേഷൻ കാർഡുകൾ മുൻഗണനാ പട്ടികയിലും എ.എ.വൈ വിഭാഗത്തിലും ഉൾപ്പെടുത്തുന്നതിനായി കൊല്ലം താലൂക്ക് സപ്ലൈ ആഫീസ് പരിധിയിൽ നിന്നും എത്ര അപേക്ഷകൾ ലഭിച്ചു എന്ന് വ്യക്തമാക്കാമോ;

നവകേരള സദസ്സിന്റെ ഭാഗമായി റേഷൻ കാർഡുകൾ മുൻഗണനാ പട്ടികയിലും എ.എ.വൈ വിഭാഗത്തിലും ഉൾപ്പെടുത്തുന്നതിനായി കൊട്ടാരക്കര താലൂക്ക് സപ്ലൈ ആഫീസിന്റെ പരിധിയിൽ ഉൾപ്പെട്ടതും ചാത്തന്നൂർ മണ്ഡലത്തിന്റെ ഭാഗവുമായ പൂയപ്പള്ളി ഗ്രാമപഞ്ചായത്തിൽ നിന്നും എത്ര അപേക്ഷകൾ ലഭിച്ചു എന്ന് അറിയിക്കാമോ;

പ്രസ്തുത അപേക്ഷകളിന്മേൽ തീരുമാനം കൈക്കൊണ്ടിട്ടുണ്ടോ; ഉണ്ടെങ്കിൽ ആയതിന്റെ വിശദാംശങ്ങൾ അറിയിക്കാമോ?

സംസ്ഥാനത്ത് ഇതുവരെ എത്ര കെ-സ്റ്റോറുകള്‍ അനുവദിച്ചിട്ടുണ്ട്;

പുതിയ കെ-സ്റ്റോര്‍ അനുവദിക്കുന്നതിനുള്ള മാനദണ്ഡങ്ങള്‍ എന്തെല്ലാമാണെന്ന് വിശദമാക്കാമോ;

ബാലുശ്ശേരി മണ്ഡലത്തില്‍ ഇതുവരെ എത്ര കെ-സ്റ്റോറുകളാണ് അനുവദിച്ചിട്ടുള്ളത്; വിശദാംശങ്ങള്‍ അറിയിക്കാമോ?

തിരുവനന്തപുരം ജില്ലയില്‍ പുതിയ റേഷന്‍ കടകള്‍ അനുവദിക്കുന്നതിന് അപേക്ഷകള്‍ ക്ഷണിച്ചിട്ടുണ്ടോ; ഉണ്ടെങ്കില്‍ എവിടെയെല്ലാമാണെന്ന് വിശദമാക്കാമോ;

ഒരു പ്രദേശത്ത് പുതിയ റേഷന്‍ കട അനുവദിക്കുന്നതിന് നിശ്ചയിച്ചിട്ടുള്ള മാനദണ്ഡങ്ങള്‍ എന്തെല്ലാമെന്ന് വിശദമാക്കാമോ?

ഈ സര്‍ക്കാര്‍ റേഷന്‍കടകളില്‍ നടപ്പിലാക്കിയ പരിഷ്കാരങ്ങള്‍ എന്തൊക്കെയാണെന്ന് വിശദമാക്കുമോ;

റേഷന്‍കടകളിലെ ഇ-പോസ് മെഷീനുകളുടെ സെര്‍വര്‍ സംബന്ധമായ പരാതികള്‍ പരിഹരിക്കുന്നതിനുവേണ്ടി എന്തൊക്കെ നടപടികള്‍ സ്വീകരിച്ചുവെന്ന് വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ഇരിക്കൂര്‍ നിയോജക മണ്ഡലത്തില്‍ പുതിയ റേഷന്‍ കടകള്‍ തുടങ്ങുന്നതിന് എത്ര പ്രോപ്പോസലുകൾ ലഭിച്ചിട്ടുണ്ട്; ഏതൊക്കെ; അവയില്‍ ഏതൊക്കെ അനുവദിച്ചു; വിശദാംശങ്ങള്‍ ലഭ്യമാക്കാമോ;

ഉളിക്കല്‍ പ‍ഞ്ചായത്തില്‍ മുണ്ടാനൂര്‍ എന്ന സ്ഥലത്ത് നിലവില്‍ ‍ റേഷന്‍ കടയില്ല എന്നത് ശ്രദ്ധയില്‍പ്പെട്ടിട്ടുണ്ടോ;

നാന്നൂറോളം റേഷന്‍ കാര്‍ഡ് ഉടമകളും രണ്ട് പട്ടികജാതി-പട്ടികവര്‍ഗ്ഗ കോളനികളിലായി തൊണ്ണൂറോളം കുടുംബങ്ങളുമുള്ള മുണ്ടാനൂര്‍ എന്ന സ്ഥലത്തെ നിവാസികള്‍ മൂന്ന് കിലോമീറ്ററോളം യാത്ര ചെയ്ത് നുച്യാട് എന്ന സ്ഥലത്തുള്ള റേഷന്‍ കടയെയാണ് ആശ്രയിക്കുന്നത് എന്നതിനാല്‍ മുണ്ടാനൂരില്‍ പുതിയ റേഷന്‍ കട തുടങ്ങുന്നത് പരിഗണിക്കുമോ?

സംസ്ഥാനത്തെ റേഷന്‍ കടകളുടെ പ്രവർത്തന സമയം ഏകീകരിച്ചിട്ടുണ്ടോ; ഉണ്ടെങ്കിൽ എങ്ങനെയാണെന്ന് വ്യക്തമാക്കാമോ;

സംസ്ഥാനത്താകെ നിലവിൽ എത്ര കെ-സ്റ്റോറുകളാണ് സജ്ജമാക്കിയിട്ടുള്ളതെന്ന് വിശദമാക്കാമോ?

റേഷൻ വിതരണം നടത്തുന്നതിനുള്ള ഇ-പോസ് സംവിധാനത്തിന്റെ പരിപാലനക്കരാറിന്റെ കാലാവധി അവസാനിച്ചിട്ടുണ്ടോ; കരാർ പുതുക്കി നൽകാൻ വീണ്ടും ടെൻഡറുകൾ ക്ഷണിച്ചിട്ടുണ്ടെങ്കിൽ അതിന്റെ വിശദാംശങ്ങളും ആർക്ക് അനുവദിച്ചു എന്നതും അറിയിക്കാമോ;

ഇ-പോസ് ടെൻഡർ രണ്ടു തവണയായി ഒരു കമ്പനിക്ക് നീട്ടി നൽകി എന്നത് ശരിയാണോ; ഏതു സാഹചര്യത്തിലാണ് ഇതു നീട്ടി നൽകിയത്; ടെൻഡർ വ്യവസ്ഥകൾ സ്വീകാര്യമല്ലെന്ന് പ്രീ ബിഡ് ചർച്ചകളിൽ പങ്കെടുത്ത കമ്പനികൾ അറിയിച്ചിട്ടുണ്ടോ; വിശദമാക്കാമോ;

ഏതെല്ലാം വ്യവസ്ഥകളാണ് ടെൻഡറിൽ പുതുക്കിയോ ഭേദഗതി ചെയ്തോ ഉൾപ്പെടുത്തിയത്; ഇതിലെ ഏതൊക്കെ വ്യവസ്ഥകൾ സംബന്ധിച്ചാണ് കമ്പനികൾ എതിർപ്പ് അറിയിച്ചത്; വിശദമാക്കാമോ;

ഇ-പോസ് സംവിധാനത്തിലെ തകരാർ സംബന്ധിച്ച് മുൻപ് ഉയർന്ന പരാതികൾ പരിഹരിച്ചിട്ടുണ്ടോ; വിശദമാക്കാമോ?

ഇരിട്ടി എന്‍.എഫ്.എസ്.എ. ഡിപ്പോയുടെ ഭക്ഷ്യധാന്യ സംഭരണ വിതരണത്തിന് ഇരിട്ടി സ്റ്റേറ്റ് വെയര്‍ഹൗസിംഗ് കോര്‍പ്പറേഷന്‍ ഗോഡൗണില്‍ സ്ഥലം ലഭ്യമാണോ; എങ്കിൽ എന്ത് കാരണത്താലാണ് എന്‍.എഫ്.എസ്.എ. ഡിപ്പോയുടെ ഭക്ഷ്യധാന്യങ്ങള്‍ ഇരിട്ടി സ്റ്റേറ്റ് വെയര്‍ഹൗസിംഗ് കോര്‍പ്പറേഷന്‍ ഗോഡൗണില്‍ സംഭരിക്കാത്തത്; ഭക്ഷ്യധാന്യങ്ങള്‍ ഇരിട്ടി സ്റ്റേറ്റ് വെയര്‍ഹൗസിംഗ് കോര്‍പ്പറേഷന്‍ ഗോഡൗണില്‍ സംഭരിക്കാന്‍ ആവശ്യമായ നടപടികള്‍ സ്വീകരിക്കുമോ; വ്യക്തമാക്കുമോ?

കോന്നിയില്‍ നിര്‍മ്മാണ പ്രവൃത്തി ആരംഭിച്ച എന്‍.എഫ്.എസ്.എ. ഗോഡൗണിന്റെ നിര്‍മ്മാണ പുരോഗതി വിശദമാക്കുമോ; പദ്ധതി എന്നത്തേയ്ക്ക് പൂര്‍ത്തികരിക്കാന്‍ കഴിയുമെന്ന് അറിയിക്കാമോ?

സംസ്ഥാനത്ത് റേഷൻകടകൾ വഴി ഇപ്പോൾ വിതരണം ചെയ്യുന്ന പച്ചരി, പുഴുക്കലരി, സി.എം.ആർ (മട്ട) എന്നിവയെല്ലാം ഫോർട്ടിഫൈഡ് റൈസ് ആണോ; എന്നു മുതലാണ് ഫോർട്ടിഫൈഡ് റൈസ് വിതരണം ആരംഭിച്ചത്; എന്നു മുതലാണ് പൂർണതോതിലായത്;

എത്ര കിലോ ഫോർട്ടിഫൈഡ് റൈസ് ആണ് ഇതുവരെ സംസ്ഥാനത്ത് റേഷൻ കാർഡ് ഉടമകൾക്കു വിതരണം ചെയ്തത്; ഏതെല്ലാം ജില്ലകളിലെ ഏതെല്ലാം താലൂക്കുകളിലാണ് ഫോർട്ടിഫൈഡ് റൈസിന്റെ വിതരണത്തിന് ഇപ്പോഴും ഇളവുകൾ നൽകിയിട്ടുള്ളത്; ഫോർട്ടിഫൈഡ് അല്ലാത്ത റൈസ് വിതരണം ഇപ്പോൾ ഏതെല്ലാം ജില്ലകളിലെ ഏതെല്ലാം താലൂക്കുകളിലാണ് ഉള്ളത്;

വയനാട് ജില്ലയിൽ അരിവാൾ രോഗം ഉൾപ്പെടെയുള്ള കാരണങ്ങൾ മുൻനിർത്തി പട്ടികവർഗ വിഭാഗങ്ങൾക്ക് ഫോർട്ടിഫൈഡ് റൈസ് വിതരണം ചെയ്യുന്നത് ഒഴിവാക്കണമെന്ന് ഏതെങ്കിലും ജനപ്രതിനിധി ആവശ്യപ്പെട്ടിരുന്നോ; ഇതിന്റെ അടിസ്ഥാനത്തിൽ ഇപ്പോൾ ജില്ലയിൽ ഫോർട്ടിഫൈഡ് അല്ലാത്ത അരി വിതരണം ചെയ്യുന്നുണ്ടോ; ഉണ്ടെങ്കിൽ ഏതെല്ലാം താലൂക്കുകളിലായി എത്ര റേഷൻ കാർഡ് ഉടമകൾക്കാണ് 2023 ഏപ്രിൽ മുതൽ 2023 ഡിസംബർ വരെ ഇത്തരം അരി വിതരണം ചെയ്തത്;

സംസ്ഥാനത്ത് എത്ര റേഷൻ കടകളിലായി ഫോർട്ടിഫൈഡ് അല്ലാത്ത എത്ര കിലോ അരി ഇനിയും വിതരണം ചെയ്യാതെ കെട്ടിക്കിടക്കുന്നുണ്ട്; ഇതിൽ പച്ചരി, പുഴുക്കലരി, സി.എം.ആർ (മട്ട) എന്നിവ എത്ര കിലോഗ്രാം വീതമാണ് ഉള്ളത്; ഇത്തരം സ്റ്റോക്കെടുപ്പും കണക്കെടുപ്പും ഭക്ഷ്യപൊതുവിതരണ വകുപ്പ് നടത്തുന്നുണ്ടോ;

ഫോർട്ടിഫൈഡ് അല്ലാത്ത റൈസ് റേഷൻ കടകളിലൂടെ തുടർന്നും വിതരണം ചെയ്യുന്നതിന് എന്തെങ്കിലും നിർദേശം ഭക്ഷ്യപൊതുവിതരണ വകുപ്പ് നൽകിയിട്ടുണ്ടോ; നിലവിൽ സംസ്ഥാനത്ത് പച്ചരി, പുഴുക്കലരി, സി.എം.ആർ (മട്ട) എന്നിവ ഫോർട്ടിഫൈഡ് ആയും അല്ലാതെയും വിതരണം ചെയ്യുന്ന റേഷൻ കടകൾ ഉണ്ടോ; ഇങ്ങനെ ആറു തരം അരി റേഷൻ കടകളിലൂടെ പ്രത്യേക ബിൽ ആയി നൽകാൻ നിർദേശമുണ്ടോ?

സപ്ലൈകോയ്ക്ക് റേഷൻ വിഹിതം, വിപണി ഇടപെടൽ, നെല്ലുസംഭരണത്തിനുള്ള സംസ്ഥാന പ്രോത്സാഹന ബോണസ് എന്നിവയ്ക്കായി ഓരോ വർഷവും എന്തു തുക വീതമാണ് സംസ്ഥാന സർക്കാർ നൽകി വരുന്നത്; 2021–22, 2022–23, 2023–24 സാമ്പത്തിക വർഷങ്ങളിലായി എത്ര രൂപയാണ് ഇതിനായി അനുവദിച്ചത്; എത്ര തുക കുടിശ്ശികയായി ലഭിക്കാനുണ്ട്; വിശദമാക്കാമോ;

സപ്ലൈകോയിലൂടെ സബ്സിഡി നിരക്കിൽ വിൽക്കുന്ന 13 ഉല്പന്നങ്ങൾക്ക് മാത്രമായി എത്ര തുകയാണ് ഒരു വർഷം സർക്കാർ ചെലവഴിക്കുന്നത്; ഈ തുക പൂർണ്ണമായി സർക്കാർ തന്നെയാണോ നൽകുന്നത്; സപ്ലൈകോയുടെ ലാഭത്തിൽ നിന്നുള്ള വിഹിതവും ഇതിന് ചെലവഴിക്കുന്നുണ്ടോ; 2021–22, 2022–23 സാമ്പത്തിക വർഷങ്ങളിലും 2023–24 സാമ്പത്തിക വർഷത്തിൽ 2023 ഡിസംബർ 31 വരെയും എത്ര തുകയാണ് ഇതിനായി സംസ്ഥാന സർക്കാരും സപ്ലൈകോയും വെവ്വേറെ ചെലവാക്കിയത്; വിശദമാക്കാമോ;

സപ്ലൈകോയിലൂടെ വിൽക്കുന്ന 13 ഇനം സബ്സിഡി ഉല്പന്നങ്ങളുടെ വില വർധിപ്പിക്കുന്നത് ഉൾപ്പെടെ വിവിധ കാര്യങ്ങളിൽ ശിപാർശ നൽകാൻ വിദഗ്ധ സമിതിയെ സർക്കാർ നിയോഗിച്ചിരുന്നോ; ഈ വിദഗ്ധ സമിതിയുടെ റിപ്പോർട്ട് ഭക്ഷ്യപൊതുവിതരണ വകുപ്പ് പരിശോധിച്ച് സർക്കാരിലേക്ക് റിപ്പോർട്ട് നൽകിയിരുന്നോ; രണ്ടു റിപ്പോർട്ടുകളും പൂർണ രൂപത്തിൽ ലഭ്യമാക്കാമോ;

സപ്ലൈകോയിലൂടെ റേഷൻ കാർഡ് ഉടമകൾക്ക് 13 ഇന സബ്സിഡി ഉല്പന്നങ്ങൾ നൽകുന്നതിന് ആധാർ അധിഷ്ഠിത പരിശോധന നടത്താൻ തീരുമാനിച്ചിട്ടുണ്ടോ; ഏതു യോഗത്തിലാണ് ഈ തീരുമാനമെടുത്തത്? യോഗങ്ങളുടെ മിനിട്ട്സ് ലഭ്യമാക്കാമോ; സപ്ലൈകോയിൽ റേഷൻ കടകളിലേതിനു സമാനമായി ഇ-പോസ് മെഷീൻ സ്ഥാപിക്കാൻ ഉദ്ദേശിക്കുന്നുണ്ടോ; ഇതിനായി ടെൻഡർ നടപടികൾ ആരംഭിക്കാൻ തീരുമാനമെടുത്തിട്ടുണ്ടോ; വിശദമാക്കാമോ;

സപ്ലൈകോയിൽ സബ്സിഡി സാധനങ്ങൾ നൽകുമ്പോൾ റേഷൻ കാർഡ് ഉടമകളുടെ നമ്പർ ദുരുപയോഗം ചെയ്ത് ജീവനക്കാർ ഉൾപ്പെട്ട ക്രമക്കേടുകൾ ശ്രദ്ധയിൽപെട്ടിട്ടുണ്ടോ; ഇതു സംബന്ധിച്ച് 2021 മുതൽ ഇതു വരെ എത്ര അന്വേഷണങ്ങളാണ് നടത്തിയത്; എത്ര ജീവനക്കാർക്ക് എതിരെ നടപടി സ്വീകരിച്ചു; വിശദമാക്കാമോ;

സപ്ലൈകോയിലെ സബ്സിഡി സാധനങ്ങളുടെ വിൽപ്പനയിൽ റേഷൻ കാർഡ് ഉടമകളുടെ നമ്പർ ദുരുപയോഗം ചെയ്ത് നടത്തിയ തട്ടിപ്പുകൾ സംബന്ധിച്ച് സപ്ലൈകോ വിജിലൻസ് വിഭാഗമോ സംസ്ഥാന പൊലീസിന്റെ വിജിലൻസ് വിഭാഗമോ ഭക്ഷ്യപൊതുവിതരണ വകുപ്പിന്റെ മറ്റ് ഏതെങ്കിലും വിഭാഗമോ റിപ്പോർട്ടുകളും ശിപാർശകളും നൽകിയിട്ടുണ്ടോ; എങ്കിൽ വിശദാംശങ്ങൾ നൽകാമോ?

സപ്ലൈകോയിലെ സബ്സിഡി സാധനങ്ങളു​ടെ വില വർദ്ധനവ് സംബന്ധിച്ച പഠന സമിതിയുടെ റിപ്പോർട്ടിൽ വിപണി വിലയുടെ 25 ശതമാനം മുതൽ 30 ശതമാനം വരെ വിലക്കുറവിൽ സാധനങ്ങൾ വിൽക്കണമെന്ന നിർദ്ദേശം ഉണ്ടായിട്ടുണ്ടോയെന്ന് അറിയിക്കാമോ;

സപ്ലൈകോയിലെ സബ്സിഡി സാധനങ്ങളുടെ വില ആറുമാസത്തിലൊരിക്കൽ പുനർ നിർണ്ണയിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

സപ്ലൈകോയുടെ നഷ്ടം നികത്തുന്നതിനായി മദ്യവിൽപനയ്ക്ക് അനുമതി നൽകാൻ ഉദ്ദേശിക്കുന്നുണ്ടോയെന്ന് വെളിപ്പെടുത്തുമോ?

പാറശാല മണ്ഡലത്തില്‍ സഞ്ചരിക്കുന്ന റേഷന്‍ കടകളുടെ പ്രവര്‍ത്തനം ഏതൊക്കെ സ്ഥലങ്ങളില്‍ ഉണ്ടെന്നതിന്റെ വിശദാംശം അറിയിക്കാമോ;

പ്രസ്തുത പദ്ധതിയിലൂടെ മണ്ഡലത്തിലെ മുഴുവന്‍ ആദിവാസി ഊരുകളിലും ഭക്ഷ്യസാധനങ്ങള്‍ എത്തിക്കാന്‍ സാധിക്കുന്നുണ്ടോയെന്ന് വിശദമാക്കാമോ;

മണ്ഡലത്തിലെ ആദിവാസി ഊരുകളിലേയ്ക്ക് ഭക്ഷ്യസാധനങ്ങള്‍ എത്തിക്കാന്‍ നിലവില്‍ ഏത് വാഹനമാണ് ഉപയോഗിക്കുന്നതെന്നും ആയതിന്റെ ചെലവുകള്‍ ആരാണ് വഹിക്കുന്നതെന്നും വിശദമാക്കാമോ;

സഞ്ചരിക്കുന്ന റേഷന്‍കട പദ്ധതിക്കായി എം.എല്‍.എ.മാരുടെ വികസന ഫണ്ട് വിനിയോഗിച്ച് വാഹനം വാങ്ങുന്നതിന് തീരുമാനിച്ചിട്ടുണ്ടോയെന്ന് വ്യക്തമാക്കാമോ;

ഇത്തരത്തില്‍ വാങ്ങുന്ന വാഹനങ്ങളുടെ ഇന്ധനം, ഡ്രൈവറുടെ ശമ്പളം, മെയിന്റനന്‍സ് ഉള്‍പ്പെടെയുള്ള ആവര്‍ത്തന ചെലവുകള്‍ എന്നിവ എത് രീതിയില്‍ നിര്‍വ്വഹിക്കുന്നതിനാണ് നിശ്ചയിച്ചിട്ടുള്ളത്; വിശദാശം ലഭ്യമാക്കാമോ?

കെ-സ്റ്റോറുകള്‍ മുഖേന മില്‍മയുടെ ഉല്പന്നങ്ങള്‍ വിതരണം ചെയ്യുന്നുണ്ടോ; ഇല്ലെങ്കില്‍ ആയതിനുള്ള നടപടികൾ സ്വീകരിച്ചുവരുന്നുണ്ടോയെന്ന് വിശദമാക്കാമോ?

സംസ്ഥാനത്തു സപ്ലൈകോ സാധനങ്ങൾ വിതരണം ചെയ്ത ഇനത്തിൽ കരാറുകാർക്ക് നല്കാനുളള ഭീമമായ കുടിശ്ശിക യുദ്ധകാല അടിസ്ഥാനത്തിൽ തീർപ്പാക്കി സബ്സിഡി സാധനങ്ങൾ സ്റ്റോറുകളിൽ ലഭ്യമാക്കാൻ നടപടികൾ സ്വീകരിക്കുമോ; വ്യക്തമാക്കാമോ?

കോന്നി സി.എഫ്.ആർ.ഡി. യിൽ നിലവില്‍ എത്ര ജീവനക്കാര്‍ താല്‍ക്കാലിക/ ദിവസ വേതന അടിസ്ഥാനത്തിൽ ജോലി ചെയ്യുന്നു എന്നറിയിക്കുമോ; അതില്‍ എത്ര പേര്‍ ഡ്രൈവർ തസ്തികയില്‍ ജോലി നോക്കുന്നുണ്ട്; പേര് വിവരം ലഭ്യമാക്കുമോ;

ദിവസ വേതന അടിസ്ഥാനത്തിൽ താൽക്കാലികമായി നിയമിതരാകുന്നവരെ 179 ദിവസം ജോലി ചെയ്ത ശേഷം പിരിച്ചുവിടണമെന്ന 26/2/2016 ലെ സ. ഉ. (പി) 28/2016/ധന ഉത്തരവിലെ വ്യവസ്ഥകൾ ഇവിടെ പാലിച്ചിട്ടുണ്ടോ;

ഡ്രൈവര്‍ തസ്തികയില്‍ ദിവസ വേതന അടിസ്ഥാനത്തില്‍ ജോലി ചെയ്യുന്നവര്‍ എന്നു മുതൽക്കാണ് ഈ സ്ഥാപനത്തിൽ ജോലിക്ക് ചേർന്നതെന്നും അവര്‍ എത്ര വർഷമായി ഡ്രൈവര്‍ തസ്തികയിൽ ജോലി നോക്കുന്നുണ്ടെന്നും വിശദമാക്കുമോ; ഇവരുടെ നിയമന രീതി എപ്രകാരമായിരുന്നു എന്ന് വ്യക്തമാക്കുമോ;

ഡ്രൈവര്‍ തസ്തികയില്‍ ജോലി നോക്കുന്ന എത്ര പേര്‍ക്ക് പുനർ നിയമനം നല്‍കിയിട്ടുണ്ട്; പേര് വിവരം ലഭ്യമാക്കുമോ;

സി.എഫ്.ആർ.ഡി. യില്‍ കൃത്യ വിലോപം നടത്തിയതിന് എത്ര ദിവസ വേതന ഡ്രൈവര്‍മാരെ പിരിച്ചുവിട്ടിട്ടുണ്ട്; പേര് വിവരവും പിരിച്ചു വിടാനുള്ള കാരണവും വ്യക്തമാക്കുമോ; ഇപ്രകാരം ഒരിക്കല്‍ പിരിച്ചു വിട്ട ആര്‍ക്കെങ്കിലും പുനർ നിയമനം നല്‍കിയിട്ടുണ്ടോ?

സംസ്ഥാനത്തെ രണ്ടാംവിള നെല്ല് സംഭരിക്കുന്നതിന് സിവില്‍ സപ്ലെെസ് കോര്‍പ്പറേഷന്‍ നടത്തിയിട്ടുളള മുന്നൊരുക്കങ്ങളും സ്വീകരിച്ചു വരുന്ന നടപടികളും വിശദമാക്കാമോ;

നെല്ല് സംഭരണത്തിന് മില്ലുകളുമായി ധാരണാപത്രം ഒപ്പുവച്ചിട്ടുണ്ടോ; എങ്കിൽ വിശദാംശം അറിയിക്കാമോ;

നെല്ലിന്റെ സംഭരണവില നല്‍കുന്നതിന് ബാങ്കുകളുമായി ധാരണയിലെത്തിയിട്ടുണ്ടോ; എങ്കിൽ വിശദവിവരം അറിയിക്കാമോ?

കര്‍ഷകരില്‍ നിന്നും സംഭരിക്കുന്ന നെല്ലിന് എന്തു വിലയാണ് ഇപ്പോള്‍ നല്‍കി വരുന്നത്; ഈ വില യഥാസമയം കര്‍ഷകര്‍ക്ക് ലഭിക്കുന്നില്ല എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്റെ കാരണം വിശദമാക്കാമോ; ഇത് പരിഹരിക്കാന്‍ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ;

നെല്ല് സംഭരണ സമയത്ത് മില്ലുടമകള്‍ പല കാരണങ്ങളും പറഞ്ഞ് നെല്‍ കര്‍ഷകര്‍ക്ക് യഥാര്‍ത്ഥ വില നല്‍കാതെ ചൂഷണം ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ; കൃത്യമായും സര്‍ക്കാര്‍ പ്രഖ്യാപിച്ച വില തന്നെ കര്‍ഷകര്‍ക്ക് ലഭിക്കുന്നു എന്നുറപ്പുവരുത്തുന്നതിന് എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ;

കര്‍ഷകരില്‍ നിന്നും സംഭരിക്കുന്ന നെല്ലിന് യഥാര്‍ത്ഥവില നല്‍കാതെ കബളിപ്പിക്കുന്നു എന്ന കർഷകരുടെ പരാതിയിൽ എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ?

സംസ്ഥാനത്ത് ഒന്നാംവിള നെല്ല് സംഭരിച്ചതില്‍ ഇനി എന്തു തുകയാണ് കര്‍ഷകര്‍ക്ക് നല്‍കാനുളളത്; ആകെ എത്ര കര്‍ഷകര്‍ക്കാണ് സംഭരണ തുക ലഭിക്കാനുളളത്; വിശദാംശം ലഭ്യമാക്കാമോ;

ഇനിയും സംഭരണ വില ലഭിക്കാത്ത കര്‍ഷകര്‍ക്ക് എന്നത്തേയ്ക്കു തുക നല്‍കുവാന്‍ സാധിക്കും എന്ന് അറിയിക്കാമോ?

കുട്ടനാട്ടിലെ നെല്‍കര്‍ഷകരുടെ സംഭരണ വില നല്‍കുന്നതിന് പ്രത്യേക സംവിധാനം ഏര്‍പ്പെടുത്തുന്നതിനു എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

നെല്‍വില ഉള്‍പ്പെടെ കര്‍ഷകര്‍ക്കുള്ള വിവിധ സഹായങ്ങള്‍ കാലതാമസം കൂടാതെ നല്‍കുന്നതിന് പ്രത്യേക നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

സംസ്ഥാനത്തെ നെല്ലുസംഭരണം കാര്യക്ഷമമാക്കുന്നതിനും നെല്ലിന്റെ താങ്ങുവില കര്‍ഷകര്‍ക്ക് സമയബന്ധിതമായി നല്‍കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കുമോ;

കഴിഞ്ഞ വര്‍ഷം സംസ്ഥാനത്ത് എത്ര ടൺ നെല്ലാണ് സംഭരിച്ചതെന്ന് വിശദമാക്കുമോ?

പി.ആർ.എസ്. വായ്‌പ സംവിധാനത്തെ കർഷകർ ഭയത്തോടെയാണ് നോക്കിക്കാണുന്നതെന്നും നിരവധി കർഷകർ പി.ആർ.എസ്. വായ്‌പ സ്വീകരിക്കാൻ തയ്യാറാകുന്നില്ല എന്നതും ശ്രദ്ധയില്‍പ്പെട്ടിട്ടുണ്ടോ;

കർഷകന് ലോൺ ഉള്ള ബാങ്കുകൾ ആണെങ്കിൽ ബാധ്യത തുക കുറച്ചുകൊണ്ട് മാത്രമേ ബാങ്കുകൾ പി.ആർ.എസ്. വായ്‌പ നൽകുകയുള്ളൂ എന്ന പരാതി സർക്കാരിന് ലഭിച്ചിട്ടുണ്ടോ;

കർഷകനെ ദോഷകരമായി ബാധിക്കുന്ന ഈ പാഡി റെസീപ്റ്റ് സ്ലിപ് സമ്പ്രദായം നിർത്തലാക്കി സംഭരിച്ച നെല്ലിന് മറ്റു മാർഗ്ഗങ്ങളിലൂടെ അടിയന്തിരമായി തുക നൽകാൻ തയ്യാറാകുമോ?

നെല്ല് സംഭരിച്ച തുക യഥാസമയം കർഷകന് ലഭ്യമാകാത്ത സാഹചര്യം നിലനില്ക്കുന്നത് ശ്രദ്ധയില്‍പ്പെട്ടിട്ടുണ്ടോ;

പാഡി റസീപ്റ്റ് സ്ലിപ്പ് അഥവാ പിആർഎസ് സംവിധാനം കർഷകന് ബാദ്ധ്യതയാകുന്നു എന്നതിനാൽ ഈ രീതിയില്‍ മാറ്റം വരുത്താൻ തയ്യാറാകുമോ; വിശദമാക്കുമോ?

കര്‍ഷകരില്‍ നിന്നുള്ള നെല്ലു സംഭരണത്തിന് ഒരു കിലോഗ്രാം നെല്ലിന് 2015 -16 മുതല്‍ 2023-24 വരെ നല്‍കി വരുന്ന കേന്ദ്ര-സംസ്ഥാന വിഹിതവും കര്‍ഷകര്‍ക്ക് കിട്ടുന്ന തുകയും എത്ര വീതമാണെന്ന് പട്ടിക തിരിച്ചു വിവരം ലഭ്യമാക്കാമോ?

സംസ്ഥാനത്തെ ഹോട്ടലുകളിലെ ഭക്ഷണ പദാര്‍ത്ഥങ്ങളുടെ ഗുണനിലവാരം ഉറപ്പുവരുത്തുന്നതിന് ഭക്ഷ്യവകുപ്പിന് കീഴിൽ എന്തെങ്കിലും പരിശോധനാ സംവിധാനം നിലവിലുണ്ടോ; ഉണ്ടെങ്കിൽ ഇവ കാര്യക്ഷമമായി പ്രവര്‍ത്തിക്കുന്നുണ്ടോ; വിശദമാക്കാമോ;

ചില ഹോട്ടലുകളില്‍ ചായ ഉള്‍പ്പെടെയുള്ള വിവിധ ഭക്ഷണങ്ങള്‍ക്ക് വലിയ വ്യത്യാസത്തോടെയുള്ള അമിത വില ഈടാക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഭക്ഷണങ്ങള്‍ക്കും പാനീയങ്ങള്‍ക്കും കൂടുതല്‍ വില ഈടാക്കുന്ന ഹോട്ടലുകള്‍ക്ക് ഉണ്ടായിരിക്കേണ്ട അധിക സൗകര്യങ്ങളെക്കുറിച്ച് എന്തെങ്കിലും മാനദണ്ഡങ്ങള്‍ നിലവിലുണ്ടോ; വിശദമാക്കാമോ;

ഹോട്ടലുകളില്‍ ലഭിക്കുന്ന ഭക്ഷണങ്ങള്‍ക്കും പാനീയങ്ങള്‍ക്കും അധിക വില ഈടാക്കുന്നത് തടയാന്‍ എന്തെല്ലാം മാര്‍ഗ്ഗങ്ങളാണ് സ്വീകരിച്ചുവരുന്നത്; വിശദമാക്കാമോ?

വൈപ്പിന്‍ മണ്ഡലത്തിലെ പുതുവൈപ്പ് വില്ലേജില്‍ സിവില്‍ സപ്ലൈസ് വകുപ്പിന് കൈമാറിയിട്ടുള്ള 20.24 ആര്‍. ഭൂമിയില്‍ ഗോഡൗണ്‍ നിര്‍മ്മിക്കുന്നതില്‍ കാലതാമസം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്റെ കാരണം വിശദമാക്കാമോ;

പ്രസ്തുത ഗോഡൗണ്‍ നിര്‍മ്മാണം എന്നത്തേക്ക് ആരംഭിക്കാന്‍ സാധിക്കുമെന്ന് വ്യക്തമാക്കുമോ?

കുന്നംകുളം മണ്ഡലത്തില്‍ പെരുമ്പിലാവ് കേന്ദ്രമായി പുതിയ സൂപ്പര്‍മാര്‍ക്കറ്റ് അനുവദിക്കാന്‍ ഉദ്ദേശിക്കുന്നുണ്ടോ;

ഉണ്ടെങ്കില്‍ എന്നത്തേക്ക് ആരംഭിക്കാന്‍ കഴിയുമെന്നും ഇല്ലെങ്കില്‍ അനുവദിക്കാന്‍ നടപടികള്‍ സ്വീകരിക്കുമോ എന്നും വ്യക്തമാക്കാമോ?

കണ്ണൂര്‍ ജില്ലയില്‍ ഭക്ഷ്യപൊതുവിതരണ വകുപ്പിന് കീഴിലുളള ഓഫീസുകളുടെ വിവരം താലൂക്ക് അടിസ്ഥാനത്തില്‍ ലഭ്യമാക്കാമോ;

പ്രസ്തുത ഓഫീസുകളിലെ ജീവനക്കാരുടെ എണ്ണം വിശദമാക്കാമോ?

സംസ്ഥാനത്ത് ഉപഭോക്തൃ തർക്ക പരിഹാര ഫോറങ്ങളിൽ ചെയർമാൻ, അംഗങ്ങൾ എന്നിവരുടെ എത്ര ഒഴിവുകളുണ്ടെന്ന് ജില്ല തിരിച്ച് വ്യക്തമാക്കുമോ; നിലവിൽ എത്ര പരാതികൾ പരിഹാരം കാത്ത് കിടക്കുന്നുണ്ടെന്ന് ജില്ല തിരിച്ച് വ്യക്തമാക്കുമോ;

സംസ്ഥാന ഫോറത്തിനും ജില്ലാ ഫോറങ്ങൾക്കും വിധിക്കാവുന്ന പരമാവധി നഷ്ടപരിഹാര തുക എത്രയെന്ന് വ്യക്തമാക്കാമോ;

തർക്ക പരിഹാര ഫോറം എന്ന സങ്കൽപ്പത്തിൽ നിന്നും കോടതി നടപടികളുടെ രൂപത്തിലേക്ക് ഈ സംവിധാനം മാറിയത് ശ്രദ്ധയിൽപ്പെട്ടിട്ടുണ്ടോ;

ഇത്തരത്തിലുള്ള മാറ്റത്തിന് എന്തെങ്കിലും ഉത്തരവ് നിലവിലുണ്ടോയെന്നും ഈ മാറ്റം സാധാരണ ഉപഭോക്താക്കളെ പരാതി നൽകുന്നതിൽ നിന്നും പിന്തിരിപ്പിക്കുന്നതായി ശ്രദ്ധയിൽപ്പെട്ടിട്ടുണ്ടോയെന്നും വ്യക്തമാക്കാമോ?

കേരളത്തിലെ സംസ്ഥാന, ജില്ല ഉപഭോക്തൃ തര്‍ക്ക പരിഹാര കമ്മീഷനുകളില്‍ തീര്‍പ്പാക്കാനവശേഷിക്കുന്ന ഉപഭോക്തൃ പരാതികളുടേയും അപ്പീലുകളുടേയും എണ്ണത്തിന്റെ വര്‍ഷം തിരിച്ചുള്ള കണക്ക് ലഭ്യമാക്കാമോ;

ഉപഭോക്തൃ സംരക്ഷണ നിയമം 2019 നിലവില്‍ വന്നതിനു ശേഷം ഉപഭോക്താക്കൾ സമർപ്പിക്കുന്ന പരാതികളുടെ എണ്ണത്തിൽ വര്‍ദ്ധനവ് ഉണ്ടായിട്ടുണ്ടോ; വ്യക്തമാക്കാമോ;

പ്രസ്തുത പരാതികൾ യഥാസമയം പരിഹരിക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വിശദമാക്കാമോ;

ഉപഭോക്തൃ സംരക്ഷണ നിയമം 2019 അനുശാസിക്കുന്ന മീഡിയേഷന്‍ ഉൾപ്പെടെയുള്ള ഇതര തര്‍ക്ക പരിഹാര സംവിധാനങ്ങൾ സംസ്ഥാനത്ത് പൂര്‍ണ്ണമായും നടപ്പിലാക്കിയിട്ടുണ്ടോ; വ്യക്തമാക്കാമോ;

പ്രത്യേക അദാലത്തുകള്‍ നടത്തി ഉപഭോക്തൃ പരാതികള്‍ സമയബന്ധിതമായി പരിഹരിക്കാന്‍ കഴിയുമോ; വിശദമാക്കാമോ?

കേരളത്തിൽ നിയമപരമായി ഡയറക്ട് സെല്ലിംഗ്‌ ബിസിനസ്സ്‌ നടത്തുന്ന സ്ഥാപനങ്ങൾ ഏതൊക്കെ; പേരുവിവരം അറിയിക്കാമോ;

നിയമപരമല്ലാതെ ഏതെങ്കിലും സ്ഥാപനങ്ങൾ കേരളത്തില്‍ ഡയറക്ട്‌ സെല്ലിംഗ്‌ ബിസിനസ്സ്‌ നടത്തുന്നത്‌ ശ്രദ്ധയിൽപ്പെട്ടിട്ടുണ്ടോ; ഇത്തരം സ്ഥാപനങ്ങൾക്കെതിരെ എന്ത്‌ നടപടിയാണ് സ്വീകരിച്ചു വരുന്നതെന്ന് വിശദമാക്കാമോ;

നിയമപരമായി ഡയറക്ട് സെല്ലിംഗ്‌ ബിസിനസ്സ്‌ നടത്തുന്ന സ്ഥാപനങ്ങൾക്ക് എന്തൊക്കെ നിയമ പരിരക്ഷകളാണ് നൽകി വരുന്നത്‌; വിശദമാക്കാമോ;

നിയമപരമായി ഡയറക്ട് സെല്ലിംഗ്‌ ബിസിനസ്സ്‌ നടത്തുന്ന കമ്പനിയിൽ അംഗമായ കൺസൾട്ടന്റുകൾക്ക് ഏതൊക്കെ തരത്തിൽ പ്രോൽസാഹനങ്ങളും സംരക്ഷണവും നൽകുന്നുണ്ടെന്ന് വ്യക്തമാക്കാമോ?

ലീഗല്‍ മെട്രോളജി വകുപ്പിലെ ഇൻസ്പെക്റ്റിംഗ് അസിസ്റ്റന്റ് ഒ.എം.ആർ. പരീക്ഷയും പ്രാക്ടിക്കൽ പരീക്ഷയും എഴുതി പാസായ ജീവനക്കാർക്ക് സ്ഥാനക്കയറ്റം ലഭിക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് അടിയന്തര നടപടി സ്വീകരിക്കുമോ;

സ്പെഷ്യൽ റൂള്‍ ഭേദഗതി ചെയ്തും ശുദ്ധീകരണ പത്രത്തിന്റെ അടിസ്ഥാനത്തിലും നിയമനം നടത്തി ലിസ്റ്റിലുള്ള ജീവനക്കാര്‍ക്ക് പ്രമോഷൻ നൽകാന്‍ നടപടി സ്വീകരിക്കാമോ;

സ്പെഷ്യൽ റൂളിലെ അപാകത കാരണം നിലവിൽ പ്രമോഷന്‍ നല്‍കാന്‍ സാധിക്കാത്ത സാഹചര്യത്തില്‍ എത്രയും വേഗം റൂള്‍ ഭേദഗതി ചെയ്യുവാന്‍ നടപടി സ്വീകരിക്കുമോ?

സംസ്ഥാനത്ത് ഭക്ഷ്യവസ്തുക്കളിലെ അളവിലും തൂക്കത്തിലും പാക്കിംഗിലും കൃത്രിമം കാണിച്ചതിന്റെ അടിസ്ഥാനത്തില്‍ എത്രപേര്‍ക്ക് എതിരെ നടപടി സ്വീകരിച്ചിട്ടുണ്ടെന്ന് വിശദമാക്കാമോ?