14KLA-unstarred questions










	STARRED
	QUESTIONS
	AND
	ANSWERS

You are here: Business >14^th KLA >16^th Session>starred Questions and Answers

Answer Provided

Answer Not Yet Provided

FOURTEENTH KLA - 16^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ജൈവകൃഷിയും ഉത്തമ കൃഷിമുറകളും പ്രോത്സാഹിപ്പിക്കുന്ന പദ്ധതികള്‍

*121.

ശ്രീ.ജോര്‍ജ് എം. തോമസ്
,, പി. ഉണ്ണി
,, ആന്റണി ജോണ്‍
പ്രൊഫ.കെ.യു. അരുണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവകൃഷിയും ഉത്തമ കൃഷിമുറകളും പ്രോത്സാഹിപ്പിക്കുന്നതിനായി ഈ സര്‍ക്കാര്‍ ഏതെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വ്യക്തമാക്കാമോ;

(ബി)	കര്‍ഷകര്‍ ഉല്പാദിപ്പിക്കുന്ന ജൈവ കാര്‍ഷികോല്പന്നങ്ങള്‍ക്ക് മെച്ചപ്പെട്ട വില ലഭ്യമാക്കുന്നതിനും അവ അനായാസം വിറ്റഴിക്കുന്നതിനുള്ള വിപണന സൗകര്യം ഏര്‍പ്പെടുത്തുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വെളിപ്പെടുത്താമോ;

(സി)	കേരളത്തില്‍ ഉല്പാദിപ്പിക്കുന്ന ജൈവ ഉല്പന്നങ്ങള്‍ വിദേശ രാജ്യങ്ങളിലേയ്ക്ക് കയറ്റുമതി ചെയ്യുന്നതിന് നിലവില്‍ എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് അറിയിക്കാമോ;

(ഡി)	ജൈവകൃഷിയും ഉത്തമ കൃഷിമുറകളും അവലംബിക്കുന്ന കര്‍ഷകര്‍ക്ക് ജൈവ സര്‍ട്ടിഫിക്കേഷന്‍ നല്‍കി വരുന്നുണ്ടോ; എങ്കില്‍ വിശദാംശം നല്‍കാമോ?

സര്‍വ്വകലാശാലകളിലെ അദാലത്തുകള്‍

*122.

ശ്രീ.പി.ടി. തോമസ്
,, വി.ടി.ബല്‍റാം
,, റോജി എം. ജോണ്‍
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍വ്വകലാശാലകള്‍ അദാലത്തുകള്‍ സംഘടിപ്പിക്കാറുണ്ടോ; എങ്കില്‍ ഏതൊക്കെ കാര്യങ്ങള്‍ പരിഗണിക്കുവാനാണ് ഇത്തരം അദാലത്തുകള്‍ സംഘടിപ്പിക്കുന്നതെന്ന് വിശദമാക്കാമോ;

(ബി)

പരീക്ഷയില്‍ പരാജയപ്പെട്ട വിദ്യാര്‍ത്ഥികള്‍ക്ക് മോഡറേഷനുള്ള അപേക്ഷ അദാലത്തില്‍ ലഭിച്ചാല്‍ അത്തരം തീരുമാനം എടുക്കുവാന്‍ അദാലത്തുകള്‍ക്ക് അധികാരം ഉണ്ടോ; ഇല്ലെങ്കില്‍ 22.02.2019-ന് എം.ജി. സര്‍വ്വകലാശാല സംഘടിപ്പിച്ച അദാലത്തില്‍ കോതമംഗലത്തുള്ള സ്വാശ്രയ എഞ്ചിനീയറിംഗ് കോളേജില്‍ പഠിച്ച ഒരു വിദ്യാര്‍ത്ഥിനിക്ക് തോറ്റ വിഷയത്തില്‍ മാര്‍ക്ക് കൂട്ടി നല്‍കുന്നതിനുള്ള തീരുമാനം എടുത്തത് ഏത് സാഹചര്യത്തിലാണ്; ഇതിനുള്ള ചട്ടം ഏതാണ്;

(സി)

പ്രസ്തുത വിദ്യാര്‍ത്ഥിനിക്ക് മോഡറേഷന്‍ നല്‍കണമെന്ന ഫയല്‍ അക്കാദമിക് കൗണ്‍സിലിന്റെ പരിഗണനയിലിരിക്കവെ സര്‍വ്വകലാശാല സിന്‍ഡിക്കേറ്റ് 30.04.2019-ല്‍ ചേര്‍ന്ന് ബി. ടെക് പരീക്ഷയില്‍ ഏതെങ്കിലും ഒരു സെമസ്റ്ററില്‍ ഏതെങ്കിലും ഒരു വിഷയത്തില്‍ പരാജയപ്പെട്ട വിദ്യാര്‍ത്ഥികള്‍ക്ക് നിലവില്‍ നല്‍കിയിട്ടുള്ള മോഡറേഷന് പുറമേ പരമാവധി അഞ്ച് മാര്‍ക്ക് സിന്‍ഡിക്കേറ്റ് മോഡറേഷനായി അനുവദിക്കുവാന്‍ തീരുമാനിച്ചിരുന്നോ; ഇൗ തീരുമാനം അജണ്ടയ്ക്ക് പുറത്തുള്ള വിഷയമായിട്ടാണോ സിന്‍ഡിക്കേറ്റ് പരിഗണിച്ചത്; എങ്കില്‍ അതിനുള്ള കാരണമെന്താണ്;

(ഡി)	പരാജയപ്പെട്ട വിദ്യാര്‍ത്ഥികളെ ഫലപ്രഖ്യാപനത്തിന് ശേഷം അധിക മോഡറേഷന്‍ അനുവദിച്ച് വിജയിപ്പിക്കുന്നതിന് തീരുമാനം എടുക്കുവാന്‍ സര്‍വ്വകലാശാല സിന്‍ഡിക്കേറ്റിന് അധികാരമുണ്ടോ; സ്റ്റാറ്റ്യൂട്ടിലെ ഏത് വകുപ്പ് പ്രകാരമാണ് ഇപ്രകാരം ഒരു തീരുമാനം എടുത്തത്;

(ഇ)	ഇത് റദ്ദ് ചെയ്യുന്നതിനും ഇക്കാര്യം സംബന്ധിച്ച് സമഗ്രമായ ഒരു അന്വേഷണം നടത്തി കുറ്റക്കാര്‍ക്കെതിരെ നടപടി കെെക്കൊള്ളുന്നതിനും തീരുമാനം ഉണ്ടാകുമോയെന്ന് വ്യക്തമാക്കാമോ?

സ്വകാര്യ ബസുകളെ നിയന്ത്രിക്കാന്‍ നടപടി

*123.

ശ്രീ.കെ.ഡി. പ്രസേനന്‍
,, എം. സ്വരാജ്
,, രാജു എബ്രഹാം
,, എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	യാതൊരു മാനദണ്ഡങ്ങളും പാലിയ്ക്കാതെ സര്‍വ്വീസ് നടത്തുന്ന സ്വകാര്യ ബസുകളെ നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	സ്വകാര്യ ബസുകളുടെ അമിതവേഗത മൂലം നിരവധി അപകടങ്ങള്‍ ഉണ്ടാകുന്ന സാഹചര്യത്തില്‍ സ്വകാര്യ ബസുകളില്‍ സ്പീഡ് ഗവര്‍ണര്‍ നിര്‍ബന്ധമാക്കുന്നതിന് നടപടി സ്വീകരിച്ചിട്ടുണ്ടോ;

(സി)	സമയക്രമം പാലിക്കാതെ ഓടുന്നതും റൂട്ട് ഓടാതെ ട്രിപ്പ് കട്ട് ചെയ്യുന്നതും വിദ്യാര്‍ത്ഥികളെ കയറ്റാതിരിക്കുന്നതുമായ സ്വകാര്യ ബസുകളെ കണ്ടെത്തുന്നതിന് എന്തെല്ലാം പരിശോധനകളാണ് നടത്തിവരുന്നത്;

(ഡി)	പരിശോധനകളില്‍ ക്രമക്കേടുകള്‍ കണ്ടെത്തുന്ന സ്വകാര്യ ബസുകളുടെ ഉടമകള്‍ക്കെതിരെ എന്തെല്ലാം ശക്തമായ നിയമനടപടികള്‍ ആണ് സ്വീകരിക്കുന്നതെന്ന് വ്യക്തമാക്കാമോ?

നഗരസഭാ പ്രദേശങ്ങള്‍ക്കായി മാസ്റ്റര്‍ പ്ലാനുകള്‍

*124.

ശ്രീ.സി.കെ. ഹരീന്ദ്രന്‍
,, ജോണ്‍ ഫെര്‍ണാണ്ടസ്
,, റ്റി.വി.രാജേഷ്
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ നഗരസഭാ പ്രദേശങ്ങള്‍ക്കായി മാസ്റ്റര്‍ പ്ലാനുകള്‍ തയ്യാറാക്കുന്ന പദ്ധതി പ്രകാരം എത്ര മാസ്റ്റര്‍ പ്ലാനുകള്‍ക്ക് അംഗീകാരം നല്‍കിയിട്ടുണ്ടെന്ന് വ്യക്തമാക്കാമോ;

(ബി)	അംഗീകരിച്ചതും പ്രസിദ്ധീകരിച്ചതുമായ മാസ്റ്റര്‍പ്ലാനുകള്‍ ജനങ്ങള്‍ക്ക് വീക്ഷിക്കുവാനും അതു സംബന്ധിച്ച് അന്വേഷണങ്ങള്‍ നടത്തുവാനും എന്തെല്ലാം സൗകര്യങ്ങളാണ് ഏര്‍പ്പെടുത്തിയിട്ടുള്ളത് എന്നറിയിക്കാമോ;

(സി)	അമൃത് പദ്ധതിയില്‍ ഉള്‍പ്പെട്ട പട്ടണങ്ങളില്‍ ജി.ഐ.എസ്.അധിഷ്ഠിത മാസ്റ്റര്‍ പ്ലാനുകള്‍ തയ്യാറാക്കുന്നതിന്റെ ഭാഗമായുള്ള സാമൂഹിക-സാമ്പത്തിക സര്‍വ്വേ, ഗതാഗത പഠനങ്ങള്‍, ബന്ധപ്പെട്ട മറ്റു വിവര ശേഖരണം എന്നിവ ഏത് ഘട്ടത്തിലാണ്; വിശദമാക്കാമോ?

തെരുവ് നായ ശല്യം നിയന്ത്രിക്കുവാന്‍ നടപടി

*125.

ശ്രീ.പി.ഉബൈദുള്ള
,, എന്‍. ഷംസുദ്ദീന്‍
,, ടി. വി. ഇബ്രാഹിം
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ നഗര, ഗ്രാമ പ്രദേശങ്ങളിലെ ജനങ്ങള്‍ നേരിടുന്ന പ്രധാന പ്രശ്നമായി തെരുവ് നായ്ക്കളുടെ ആക്രമണങ്ങള്‍ വര്‍ദ്ധിച്ച് വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	മലപ്പുറം ജില്ലയിലെ വണ്ടൂരില്‍ തെരുവ് നായ നേഴ്സറി സ്കൂളില്‍ കയറി നാല് വയസ്സുകാരനെ ഗുരുതരമായി പരിക്കേല്‍പ്പിച്ച സംഭവത്തെത്തുടര്‍ന്ന് ജനങ്ങള്‍ക്കുണ്ടായ ആശങ്ക അകറ്റുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി)	തെരുവ് നായ്ക്കളുടെ ശല്യം നിയന്ത്രിക്കുവാന്‍ പ്രായോഗികമായ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വിശദമാക്കുമോ?

കെ.എസ്.ആര്‍.ടി.സി. യിലെ സാമ്പത്തിക പ്രതിസന്ധി

*126.

ശ്രീ.വി.ടി.ബല്‍റാം
,, അന്‍വര്‍ സാദത്ത്
,, എ.പി. അനില്‍ കുമാര്‍
,, കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	പല മാസങ്ങളിലും കെ.എസ്.ആര്‍.ടി.സി. റെക്കോര്‍ഡ് കളക്ഷന്‍ നേടിയെന്ന് അവകാശപ്പെടുമ്പോഴും ജീവനക്കാരുടെ ശമ്പളം കൃത്യമായി നല്‍കുവാന്‍ സാധിക്കാത്തതിനുളള കാരണമെന്താണെന്ന് വിശദമാക്കാമോ;

(ബി)	2019 ജനുവരിക്ക് ശേഷം ഏതൊക്കെ മാസങ്ങളിലാണ് കെ.എസ്.ആര്‍.ടി.സി. ജീവനക്കാര്‍ക്ക് കൃത്യമായി ശമ്പളം വിതരണം ചെയ്തത്; വ്യക്തമാക്കുമോ;

(സി)	2019 സെപ്റ്റംബര്‍ മാസത്തെ ശമ്പളം ഒക്ടോബര്‍ പകുതിയായിട്ടും നല്‍കുവാന്‍ സാധിക്കാത്തത് മൂലം ജീവനക്കാര്‍ സമരപരിപാടികളിലേക്ക് നീങ്ങിയ സാഹചര്യം ഉണ്ടായിട്ടുണ്ടോ;

(ഡി)	കെ.എസ്.ആര്‍.ടി.സി. അഭിമുഖീകരിക്കുന്ന സാമ്പത്തിക പ്രതിസന്ധി തരണം ചെയ്യുന്നതിനും ജീവനക്കാര്‍ക്ക് കൃത്യമായി ശമ്പളം നല്‍കുന്നതിനും എന്ത് നടപടിയാണ് സ്വീകരിക്കുവാന്‍ ഉദ്ദേശിക്കുന്നതെന്ന് വ്യക്തമാക്കുമോ?

ലെെഫ് പദ്ധതിയുടെ മൂന്നാം ഘട്ടം

*127.

ശ്രീ.ജെയിംസ് മാത്യു
,, കെ.ജെ. മാക്സി
,, പി.ടി.എ. റഹീം
,, പി.കെ. ശശി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഭൂമിയും വീടും ഇല്ലാത്തവര്‍ക്ക് സ്വന്തമായി വീട് എന്ന സ്വപ്നം സാക്ഷാത്ക്കരിക്കുന്നതിനായി ഇൗ സര്‍ക്കാര്‍ രൂപം നല്‍കിയ സമ്പൂര്‍ണ്ണ ഭവന നിര്‍മ്മാണ പദ്ധതിയായ ലെെഫ്-ന്റെ മൂന്നാം ഘട്ട പ്രവര്‍ത്തനങ്ങള്‍ ആരംഭിച്ചിട്ടുണ്ടോ;

(ബി)	'ലെെഫ് മിഷന്‍' മൂന്നാം ഘട്ടത്തില്‍ എത്ര ഭവന സമുച്ചയങ്ങള്‍ നിര്‍മ്മിക്കാനാണ് ഉദ്ദേശിക്കുന്നത് എന്ന് വെളിപ്പെടുത്താമോ;

(സി)	അര്‍ഹരായ ഗുണഭോക്താക്കളെ കണ്ടെത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഡി)	ഭവന സമുച്ചയങ്ങള്‍ നിര്‍മ്മിക്കുന്നതിനുള്ള പ്രോജക്ട് കണ്‍സള്‍ട്ടന്‍സികളെ തെരഞ്ഞെടുത്തിട്ടുണ്ടോ എന്നും ടെണ്ടര്‍ നടപടികള്‍ ആരംഭിച്ചിട്ടുണ്ടോ എന്നും അറിയിക്കുമോ?

തദ്ദേശഭരണ സ്ഥാപനങ്ങളുടെ കീഴിലുള്ള റോഡുകളുടെ അറ്റകുറ്റപ്പണി

*128.

ശ്രീ.കെ.സി.ജോസഫ്
,, തിരുവഞ്ചൂര്‍ രാധാകൃഷ്ണന്‍
,, അനൂപ് ജേക്കബ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	തദ്ദേശഭരണ സ്ഥാപനങ്ങളുടെ കീഴിലുള്ള റോഡുകള്‍ സഞ്ചാരയോഗ്യമല്ലാത്ത സ്ഥിതിവിശേഷം ഗൗരവമായി പരിഗണിച്ചിട്ടുണ്ടോ;

(ബി)	പ്രസ്തുത റോഡുകളുടെ അറ്റകുറ്റപ്പണി സമയബന്ധിതമായി പൂര്‍ത്തിയാക്കാത്തതിനെ തുടര്‍ന്ന് കേരള ഹൈക്കോടതി ഇക്കാര്യത്തില്‍ ഇടപെട്ട് എന്തെങ്കിലും നിര്‍ദ്ദേശങ്ങള്‍ നല്‍കിയിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ;

(സി)	പൊതുമരാമത്ത് വകുപ്പില്‍ ഉള്ളതുപോലെ തദ്ദേശഭരണ സ്ഥാപനങ്ങളുടെ കീഴിലുള്ള റോഡുകളുടെ ദൈനംദിന അറ്റകുറ്റപ്പണിക്കായി പ്രത്യേക സംവിധാനം എന്തെങ്കിലും നിലവിലുണ്ടോ;

(ഡി)	ഇല്ലെങ്കില്‍ പ്രത്യേക ടീമിനെ ഇക്കാര്യത്തിനായി നിയോഗിക്കുവാന്‍ ഉദ്ദേശ്യമുണ്ടോ; വിശദാംശം നല്‍കുമോ?

കെ.എസ്.ആര്‍.ടി.സിയുടെ നിലവിലെ സ്ഥിതി

*129.

ശ്രീ.വി.പി.സജീന്ദ്രന്‍
,, എം. വിന്‍സെന്റ്
,, വി.ഡി.സതീശന്‍
,, കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	രണ്ട് വര്‍ഷത്തിനുള്ളില്‍ കെ.എസ്.ആര്‍.ടി.സിയെ നഷ്ടത്തില്‍ നിന്നും കരകയറ്റുമെന്ന വാഗ്ദാനം പാലിക്കുന്നതിന് സാധിച്ചിട്ടുണ്ടാേ;

(ബി)	ഇൗ സര്‍ക്കാര്‍ അധികാരത്തില്‍ വന്ന് മൂന്ന് വര്‍ഷം പിന്നിടുമ്പാേള്‍, നഷ്ടത്തില്‍ നിന്നും കരകയറ്റുന്നതിന് പകരം, മാസശമ്പളം പാേലും ജീവനക്കാര്‍ക്ക് കൃത്യമായി നല്‍കുവാന്‍ കഴിയാത്ത അവസ്ഥയില്‍ കെ.എസ്.ആര്‍.ടി.സി എത്തി നില്‍ക്കുന്നുവെന്നത് വസ്തുതയാണോ; വിശദമാക്കുമോ;

(സി)	കെ.എസ്.ആര്‍.ടി.സി നേരിടുന്ന അതീവ ഗുരുതരമായ സ്ഥിതിവിശേഷം തരണം ചെയ്യുന്നതിന് എന്ത് തരത്തിലുള്ള ഇടപെടലുകളാണ് സര്‍ക്കാര്‍ സ്വീകരിക്കുന്നത്; വ്യക്തമാക്കാമാേ?

വിളനാശം സംഭവിച്ച കര്‍ഷകര്‍ക്ക് നഷ്ടപരിഹാരം

*130.

ശ്രീ.മുരളി പെരുനെല്ലി
,, സി. കെ. ശശീന്ദ്രന്‍
,, പി.വി. അന്‍വര്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പ്രളയത്തിലും ഉരുള്‍പൊട്ടലിലും കാര്‍ഷിക മേഖലയ്ക്കുണ്ടായ നഷ്ടം എത്രയെന്ന് കണക്കാക്കിയിട്ടുണ്ടോ; വിശദമാക്കുമോ;

(ബി)	വ്യാപകമായ രീതിയില്‍ കൃഷിനാശം സംഭവിച്ച സാഹചര്യത്തില്‍ കാര്‍ഷിക വായ്പകള്‍ക്ക് മൊറട്ടോറിയം പ്രഖ്യാപിച്ചിട്ടുണ്ടോ;

(സി)	വിളനാശം സംഭവിച്ച കര്‍ഷകര്‍ക്ക് എന്തെല്ലാം നഷ്ടപരിഹാരമാണ് നല്‍കാന്‍ തീരുമാനിച്ചിട്ടുള്ളത്;

(ഡി)	നഷ്ടത്തില്‍ നിന്ന് കരകയറാന്‍ കര്‍ഷകര്‍ക്ക് കാര്‍ഷിക വായ്പകള്‍ നല്‍കുന്ന കാര്യം പരിഗണനയിലുണ്ടോ;

(ഇ)	ഈ സാഹചര്യത്തില്‍ കര്‍ഷകരുടെ ഉല്‍പ്പന്നങ്ങള്‍ക്ക് താങ്ങുവില ഉറപ്പാക്കുന്നതിന് എന്തെല്ലാം പദ്ധതികള്‍ ആവിഷ്കരിക്കാനുദ്ദേശിക്കുന്നുവെന്ന് അറിയിക്കാമോ?

ഭൂനിയമങ്ങള്‍ ലംഘിച്ചുള്ള നിര്‍മ്മാണാനുമതി

*131.

ശ്രീ.റോഷി അഗസ്റ്റിന്‍
,, സി.എഫ്.തോമസ്
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	പുരയിടമൊഴികെ മറ്റ് ഭൂമിയില്‍ നിര്‍മ്മാണാനുമതി നല്‍കുന്ന കാര്യത്തില്‍ തദ്ദേശസ്വയംഭരണ സ്ഥാപനങ്ങള്‍ക്ക് വ്യക്തമായ മാര്‍ഗ്ഗരേഖ സര്‍ക്കാര്‍ നല്‍കിയിട്ടുണ്ടോ;

(ബി)	കെട്ടിട നിര്‍മ്മാണത്തിന് അനുമതി നല്‍കും മുന്‍പ് ഭൂവിനിയോഗ നിയന്ത്രണത്തിന് അധികാരപ്പെട്ട വിവിധ ഏജന്‍സികളുടെ പരിശോധന ഏതു രീതിയില്‍ നടത്തുന്നതിനാണ് സര്‍ക്കാര്‍ ഉദ്ദേശിക്കുന്നത്;

(സി)	നിര്‍മ്മാണം കഴിയുമ്പോള്‍ ഭൂനിയമങ്ങളുടെ ലംഘനമാരോപിച്ച് റവന്യൂ അധികൃതര്‍ നടപടിയെടുക്കുന്നത് തടയാന്‍ തദ്ദേശസ്വയംഭരണവകുപ്പിന് എന്തു ചെയ്യുവാന്‍ കഴിയുമെന്ന് വിശദമാക്കാമോ;

(ഡി)	ഭൂനിയമങ്ങള്‍ ലംഘിച്ച് തദ്ദേശസ്വയംഭരണ സ്ഥാപനങ്ങള്‍ പെര്‍മിറ്റ് നല്‍കുന്നത് തടയുന്നതിന് വകുപ്പുതലത്തില്‍ എന്തു നടപടിയാണ് സ്വീകരിച്ചുവരുന്നത്; വിശദമാക്കാമോ?

ഉന്നതവിദ്യാഭ്യാസം രാജ്യാന്തര നിലവാരത്തിലെത്തിക്കുന്നതിന് നടപടി

*132.

ശ്രീ.കെ. ബാബു
,, കെ.സുരേഷ് കുറുപ്പ്
,, ഐ.ബി. സതീഷ്
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഉന്നത വിദ്യാഭ്യാസത്തിന്റെ ഗുണനിലവാരം വര്‍ദ്ധിപ്പിക്കുന്നതിനുതകുന്ന എന്തെല്ലാം കര്‍മ്മപദ്ധതികളാണ് ഈ സര്‍ക്കാര്‍ ആവിഷ്കരിച്ചിട്ടുള്ളതെന്ന് അറിയിക്കാമോ;

(ബി)	ഇതിന്റെ ഭാഗമായി സംസ്ഥാനത്തെ സര്‍വ്വകലാശാലകളിലെ ബിരുദ, ബിരുദാനന്തര ബിരുദ കോഴ്സുകള്‍ രാജ്യാന്തര നിലവാരത്തിലേക്കെത്തിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശം നല്‍കുമോ;

(സി)	കോഴ്സ് പരിഷ്കരണം സംബന്ധിച്ച് വിവിധ സര്‍വ്വകലാശാലകളുടെ ശില്പശാലകള്‍ സംഘടിപ്പിക്കുവാന്‍ നടപടി സ്വീകരിച്ചിട്ടുണ്ടോ;

(ഡി)	ഉന്നതവിദ്യാഭ്യാസ രംഗത്ത് കേന്ദ്ര സര്‍ക്കാര്‍ നടപ്പാക്കുന്ന വികലമായ പരിഷ്കാരങ്ങള്‍ ഉന്നത വിദ്യാഭ്യാസത്തിന്റെ ഗുണനിലവാരത്തെ എപ്രകാരമെല്ലാം പ്രതികൂലമായി ബാധിക്കുമെന്ന് പരിശോധിച്ചിട്ടുണ്ടോ; വിശദാംശം നല്‍കുമോ?

എഞ്ചിനീയറിംഗ് എംപ്ലോയ്മെന്റ് എന്‍ഹാന്‍സ്മെന്റ് പ്രോഗ്രാം

*133.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എഞ്ചിനീയറിംഗ് പഠനം വിജയകരമായി പൂര്‍ത്തീകരിക്കുന്ന വിദ്യാര്‍ത്ഥികള്‍ വ്യാപകമായി തൊഴിലില്ലായ്മ നേരിടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ അത് പരിഹരിക്കാനായി എഞ്ചിനീയറിംഗ് എംപ്ലോയ്മെന്റ് എന്‍ഹാന്‍സ്മെന്റ് പ്രോഗ്രാം നടപ്പിലാക്കാന്‍ ഉദ്ദേശിക്കുന്നുണ്ടോ;

(സി)	എഞ്ചിനീയറിംഗ് കോളേജുകളെ വിജയ ശതമാനവും പ്ലേസ്മെന്റും ആധാരമാക്കി ഗ്രേഡിംഗ് നടത്താന്‍ പദ്ധതിയുണ്ടോ എന്നറിയിക്കാമോ?

കോക്കനട്ട് മിഷന്‍ നടത്തി വരുന്ന പ്രവര്‍ത്തനങ്ങള്‍

*134.

ശ്രീ.എന്‍. വിജയന്‍ പിള്ള
,, എം. രാജഗോപാലന്‍
,, സി.കൃഷ്ണന്‍
,, വി. ജോയി : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	നഷ്ടമായിക്കൊണ്ടിരിക്കുന്ന നാളികേര കൃഷിയുടെ പ്രൗഢി തിരിച്ചുപിടിക്കുന്നതിനും കര്‍ഷകരെ ഈ മേഖലയില്‍ ഉറപ്പിച്ച് നിര്‍ത്തി സുസ്ഥിര വികസനം സാധ്യമാക്കുന്നതിനുമായി ഈ സര്‍ക്കാര്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	ഇതിനായി കോക്കനട്ട് മിഷന്‍ നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ;

(സി)	കേര കര്‍ഷകരെ മികച്ച നാളികേര സംരംഭകരാക്കി മാറ്റുന്നതിന് കോക്കനട്ട് മിഷന്‍ ഹ്രസ്വകാല/ദീര്‍ഘകാലാടിസ്ഥാനത്തില്‍ വായ്പാ പദ്ധതി ആസൂത്രണം ചെയ്തിട്ടുണ്ടോ; വിശദാംശം നല്‍കുമോ?

നാക് അക്രഡിറ്റേഷന്‍

*135.

ശ്രീ.എസ്.ശർമ്മ
,, എ. എന്‍. ഷംസീര്‍
,, യു. ആര്‍. പ്രദീപ്
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഏതെല്ലാം സര്‍വ്വകലാശാലകള്‍ക്കും സര്‍ക്കാര്‍ കോളേജുകള്‍ക്കുമാണ് നാക് അക്രഡിറ്റേഷന്‍ ലഭിച്ചിട്ടുള്ളതെന്ന് വ്യക്തമാക്കാമോ;

(ബി)	എല്ലാ സര്‍ക്കാര്‍ കോളേജുകളും നാക് അക്രഡിറ്റേഷന്‍ നേടാന്‍ പ്രാപ്തമാകും വിധം അടിസ്ഥാന സൗകര്യങ്ങളും അക്കാദമിക സൗകര്യങ്ങളും മെച്ചപ്പെടുത്താന്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

(സി)	സര്‍ക്കാര്‍ കോളേജുകളുടെ അടിസ്ഥാനസൗകര്യവികസനത്തിന് കേന്ദ്രാവിഷ്കൃത പദ്ധതിയായ റൂസ മുഖേനയും കിഫ്ബി വഴിയും അനുവദിക്കുന്ന ഫണ്ട് സംബന്ധിച്ച വിശദാംശം നല്‍കാമോ;

(ഡി)	സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളില്‍ അക്കാദമിക് ഓഡിറ്റ് നടത്താന്‍ പദ്ധതിയുണ്ടോ; വിശദാംശം നല്‍കുമോ?

സര്‍വ്വകലാശാലകളിലെ അദാലത്തുകള്‍

*136.

ശ്രീ.സണ്ണി ജോസഫ്
,, തിരുവഞ്ചൂര്‍ രാധാകൃഷ്ണന്‍
,, എ.പി. അനില്‍ കുമാര്‍
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	കേരള സാങ്കേതിക സര്‍വ്വകലാശാലയിലും മഹാത്മാഗാന്ധി സര്‍വ്വകലാശാലയിലും സംഘടിപ്പിക്കപ്പെട്ട അദാലത്തില്‍ വകുപ്പുമന്ത്രിയുടെ പേഴ്സണല്‍ സ്റ്റാഫ് പങ്കെടുത്തിരുന്നോ; എങ്കില്‍ ഏത് ചട്ടപ്രകാരം എന്നും ആരുടെ നിര്‍ദ്ദേശാനുസരണമെന്നും അറിയിക്കാമോ;

(ബി)	പ്രസ്തുത അദാലത്തുകളില്‍ പരീക്ഷയില്‍ തോറ്റ വിദ്യാര്‍ത്ഥികള്‍ക്ക് മാര്‍ക്ക് ദാനം നല്‍കി അവരെ വിജയിപ്പിക്കുവാന്‍ തീരുമാനമെടുത്തിരുന്നോ; എങ്കില്‍ അതിനുളള നിയമം സര്‍വ്വകലാശാല ചട്ടങ്ങളിലോ, സ്റ്റാറ്റ്യൂട്ടുകളിലോ ഉണ്ടോ;

(സി)	എം.ജി. സര്‍വ്വകലാശാലയുടെ അദാലത്തില്‍ തീരുമാനിച്ച മാര്‍ക്ക് ദാനം അക്കാദമിക് കൗണ്‍സിലിന്റെ പരിഗണനയ്ക്ക് വൈസ് ചാന്‍സലര്‍ അയച്ചിരുന്നുവോ; അതിനുളള സാഹചര്യം എന്തായിരുന്നു;

(ഡി)	അദാലത്തില്‍ ഒരു മാര്‍ക്ക് കൂട്ടി നല്‍കുവാനാണ് തീരുമാനം എടുത്തിരുന്നതെങ്കില്‍ സിന്‍ഡിക്കേറ്റ് അത് അഞ്ച്മാര്‍ക്ക് വീതം ബി. ടെക്. പരീക്ഷയില്‍ പരാജയപ്പെട്ട വിദ്യാര്‍ത്ഥികള്‍ക്ക് വര്‍ഷം പോലും പറയാതെ ദാനം നല്‍കുവാന്‍ തീരുമാനിച്ചത് ഏത് സാഹചര്യത്തിലാണ്;

(ഇ)	പ്രസ്തുത വിഷയം അജണ്ടക്ക് പുറത്തുളള വിഷയമായി സിന്‍ഡിക്കേറ്റ് പരിഗണിച്ചത് എന്തുകൊണ്ടാണ് എന്നറിയിക്കാമോ;

(എഫ്)

റിസല്‍ട്ട് പ്രഖ്യാപിച്ചശേഷം പാസ്സ് ബോര്‍ഡിന്റെ ശിപാര്‍ശയില്ലാതെ അഞ്ച് മാര്‍ക്ക് വീതം ദാനം ചെയ്യുവാന്‍ സര്‍വ്വകലാശാല സിന്‍ഡിക്കേറ്റ് തീരുമാനിച്ചത് ഏത് നിയമപ്രകാരമാണ്; വ്യക്തമാക്കാമോ?

തദ്ദേശസ്വയംഭരണ സ്ഥാപനങ്ങളിലെ വാര്‍ഷിക പദ്ധതി

*137.

ശ്രീ.കെ.സുരേഷ് കുറുപ്പ്
,, പി.വി. അന്‍വര്‍
ശ്രീമതി യു. പ്രതിഭ
ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തദ്ദേശസ്വയംഭരണ സ്ഥാപനങ്ങളിലെ 2020-21ലെ വാര്‍ഷിക പദ്ധതി സമര്‍പ്പിക്കുന്നതിനുളള നടപടികള്‍ ഏത് ഘട്ടത്തിലാണെന്ന് അറിയിയ്ക്കാമോ;

(ബി)	വാര്‍ഷിക പദ്ധതികള്‍ തയ്യാറാക്കുന്നതു സംബന്ധിച്ച് പുതിയ മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിച്ചിട്ടുണ്ടോ;

(സി)	പ്രളയത്തില്‍ ജീവനോപാധികള്‍ നഷ്ടപ്പെട്ടവരുടെ തൊഴില്‍ ഉറപ്പാക്കുന്നതിനും അവരുടെ വരുമാനം വര്‍ദ്ധിപ്പിക്കുന്നതിനുമുളള പ്രോജക്ടുകള്‍ വാര്‍ഷിക പദ്ധതിയില്‍ ഉള്‍പ്പെടുത്താന്‍ നിര്‍ദ്ദേശം നല്‍കിയിട്ടുണ്ടോ;

(ഡി)	തദ്ദേശസ്വയംഭരണ സ്ഥാപനങ്ങളുടെ പ്രവര്‍ത്തനം സംസ്ഥാനത്തിന്റെ വികസനത്തില്‍ നിര്‍ണ്ണായക സ്ഥാനം വഹിക്കുന്നതിനാല്‍ പദ്ധതി പുരോഗതി വിലയിരുത്താന്‍ ജില്ലാതല യോഗങ്ങള്‍ സംഘടിപ്പിക്കാന്‍ തീരുമാനിച്ചിട്ടുണ്ടോ; വിശദാംശം നല്‍കാമോ;

(ഇ)	നിലവില്‍ തദ്ദേശസ്വയംഭരണ സ്ഥാപനങ്ങള്‍ നാളിതുവരെ എത്ര ശതമാനം തുക വിനിയോഗിച്ചിട്ടുണ്ടെന്ന കണക്ക് ലഭ്യമാണോ; എങ്കില്‍ നല്‍കുമോ?

കെ.എസ്.ആര്‍.ടി.സി.യുടെ അന്തര്‍ സംസ്ഥാന സ്റ്റേജ് കാര്യേജ് സര്‍വീസ്

*138.

ശ്രീ.ഐ.ബി. സതീഷ്
,, പുരുഷന്‍ കടലുണ്ടി
,, എന്‍. വിജയന്‍ പിള്ള
,, കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.ടി.സി. ഏതെല്ലാം സംസ്ഥാനങ്ങളിലേക്കാണ് അന്തര്‍ സംസ്ഥാന സ്റ്റേജ് കാര്യേജ് സര്‍വീസ് നടത്തുന്നതെന്ന് വ്യക്തമാക്കാമോ;

(ബി)	ബെംഗലൂരു, ചെന്നൈ തുടങ്ങിയ പ്രധാന നഗരങ്ങളിലേയ്ക്ക് കൂടുതല്‍ സര്‍വ്വീസുകള്‍ ആരംഭിക്കുന്നതിന് നടപടികള്‍ സ്വീകരിച്ചിട്ടുണ്ടോ;

(സി)	അന്തര്‍ സംസ്ഥാന സര്‍വ്വീസ് സംബന്ധിച്ച് തമിഴ് നാടുമായി പുതിയ ഗതാഗതകരാര്‍ രൂപീകരിച്ചിട്ടുണ്ടോ; എങ്കില്‍ അതിലെ പ്രധാന വ്യവസ്ഥകള്‍ വിശദമാക്കാമോ?

സുരക്ഷാമിത്ര പദ്ധതി

*139.

ശ്രീ.എ. എന്‍. ഷംസീര്‍
പ്രൊഫ.കെ.യു. അരുണന്‍
ശ്രീ.പി. ഉണ്ണി
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്കൂള്‍ ബസുകളെ തത്സമയം നിരീക്ഷിക്കുന്നതിനും യാത്ര സുരക്ഷിതമാക്കുന്നതിനും സ്കൂള്‍ ബസുകളില്‍ ജി.പി.എസ്. സംവിധാനം ഘടിപ്പിക്കുന്ന സുരക്ഷാമിത്ര പദ്ധതി നടപ്പാക്കിയിട്ടുണ്ടോ;

(ബി)	സുരക്ഷാമിത്ര പദ്ധതിയ്ക്കായി നടപ്പ് സാമ്പത്തിക വര്‍ഷം എത്ര തുക വകയിരുത്തിയിട്ടുണ്ടെന്ന് അറിയിക്കാമോ;

(സി)	സ്കൂള്‍ ബസുകളുടെ ഫിറ്റ്നസ് പരിശോധന കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വെളിപ്പെടുത്താമോ;

(ഡി)	സ്കൂള്‍ വാഹനങ്ങള്‍ ഓടിക്കുന്ന ഡ്രൈവര്‍മാര്‍ക്ക് ആവശ്യമായ ബോധവത്ക്കരണ ക്ലാസ്സുകള്‍ സംഘടിപ്പിക്കുവാന്‍ നടപടി സ്വീകരിച്ചിട്ടുണ്ടോ; എങ്കില്‍ വിശദാംശം നല്‍കുമോ?

വിള ഇന്‍ഷുറന്‍സ് പദ്ധതി

*140.

ശ്രീ.മുഹമ്മദ് മുഹസിന്‍ പി.
,, ആര്‍. രാമചന്ദ്രന്‍
ശ്രീമതി ഇ.എസ്.ബിജിമോള്‍
ശ്രീ.ഇ.ടി. ടൈസണ്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ നടപ്പിലാക്കിയ വിള ഇന്‍ഷുറന്‍സ് പദ്ധതി സംബന്ധിച്ച വിശദവിവരങ്ങള്‍ ലഭ്യമാക്കുമോ;

(ബി)	ഏതൊക്കെ വിളകളാണ് വിള ഇന്‍ഷുറന്‍സ് പദ്ധതിക്ക് കീഴില്‍ വരുന്നതെന്ന് അറിയിക്കുമോ;

(സി)	വിള ഇന്‍ഷുറന്‍സ് പദ്ധതിയില്‍ അംഗമാകുന്നതിനുള്ള നിബന്ധനകളും പ്രീമിയം സംബന്ധിച്ചുള്ള വിവരങ്ങളും ലഭ്യമാക്കുമോ;

(ഡി)	പ്രകൃതിക്ഷോഭം മൂലം വിളകള്‍ക്കുണ്ടാകുന്ന പൂര്‍ണ്ണ നാശനഷ്ടത്തിനാണോ നഷ്ടപരിഹാരം നല്കുന്നതെന്ന് വ്യക്തമാക്കുമോ?

ലൈഫ് മിഷന്‍ കണ്‍സള്‍ട്ടന്‍സി കരാര്‍

*141.

ശ്രീ.ഐ.സി.ബാലകൃഷ്ണന്‍
,, റോജി എം. ജോണ്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ലൈഫ് മിഷന്‍ പദ്ധതിയുടെ മൂന്നാം ഘട്ടത്തില്‍ ഭവനരഹിതര്‍ക്ക് ഫ്ളാറ്റ് സമുച്ചയങ്ങള്‍ നിര്‍മ്മിച്ച് നല്‍കുന്നതിന് പദ്ധതി ആവിഷ്ക്കരിച്ചിട്ടുണ്ടോ; വിശദാംശം നല്‍കുമോ;

(ബി)	പ്രസ്തുത പദ്ധതിക്കായി കണ്‍സള്‍ട്ടന്‍സി കരാര്‍ നല്‍കിയിട്ടുണ്ടോ; എങ്കില്‍ ആര്‍ക്കാണ് കരാര്‍ നല്‍കിയതെന്നും പ്രസ്തുത കമ്പനിയെ എപ്രകാരമാണ് തെരഞ്ഞെടുത്തതെന്നും വ്യക്തമാക്കുമോ; കണ്‍സള്‍ട്ടന്റിന്റെ ഇക്കാര്യത്തിലുളള ചുമതലകള്‍ എന്തൊക്കെയാണെന്ന് അറിയിക്കാമോ;

(സി)	കണ്‍സള്‍ട്ടന്റിന് എന്ത് തുകയാണ് കണ്‍സള്‍ട്ടന്‍സി ഫീസ് ഇനത്തില്‍ നല്‍കേണ്ടത്;

(ഡി)	പൊതുമരാമത്ത് വകുപ്പിന് കീഴിലും തദ്ദേശസ്വയംഭരണ വകുപ്പിന് കീഴിലും എഞ്ചിനിയറിംഗ് വിഭാഗമുളളപ്പോള്‍ അവര്‍ക്ക് ചുമതല നല്‍കാതെ സ്വകാര്യ കമ്പനിക്ക് കണ്‍സള്‍ട്ടന്‍സി നല്‍കിയത് ഏത് സാഹചര്യത്തിലാണ്; വ്യക്തമാക്കുമോ;

(ഇ)	ഭവനരഹിതര്‍ക്ക് വീട് വയ്ക്കുവാന്‍ നാല് ലക്ഷം രൂപ മാത്രം അനുവദിക്കുമ്പോള്‍ കണ്‍സള്‍ട്ടന്‍സി കരാര്‍ പ്രകാരം കോടികള്‍ മുടക്കുന്നത് ന്യായീകരിക്കാവുന്നതാണോ; ഈ തീരുമാനം പിന്‍വലിച്ച് സര്‍ക്കാര്‍ സംവിധാനം ഇതിനായി വിനിയോഗിക്കുമോയെന്ന് വ്യക്തമാക്കുമോ?

ഗതാഗത നിയമ ലംഘനങ്ങൾക്കുള്ള പിഴ

*142.

ഡോ.എം. കെ. മുനീര്‍
ശ്രീ.പി.ഉബൈദുള്ള
,, എം.ഉമ്മര്‍
,, പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	കേന്ദ്ര സര്‍ക്കാര്‍ വരുത്തിയ ഭേദഗതി പ്രകാരം ഗതാഗത നിയമ ലംഘനങ്ങള്‍ക്ക് ഉയര്‍ന്ന പിഴ ഏര്‍പ്പെടുത്തിയത് കുറയ്ക്കുന്നതിന് സംസ്ഥാനം തീരുമാനിച്ചിട്ടുണ്ടോയെന്ന് വ്യക്തമാക്കാമോ;

(ബി)	ഏതെല്ലാം ലംഘനങ്ങള്‍ക്കാണ് അപ്രകാരം പിഴ കുറയ്ക്കാന്‍ തീരുമാനിച്ചിട്ടുളളതെന്ന്അറിയിക്കാമോ; വിശദമാക്കുമോ?

ഉന്നത വിദ്യാഭ്യാസരംഗത്ത് ഗുണമേന്മ ഉറപ്പുവരുത്തുന്നതിന് നടപടി

*143.

ശ്രീ.ആര്‍. രാമചന്ദ്രന്‍
,, ചിറ്റയം ഗോപകുമാര്‍
,, ഇ.ടി. ടൈസണ്‍ മാസ്റ്റര്‍
,, എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	ഉന്നതവിദ്യാഭ്യാസ മേഖലയില്‍ സമാനതകളില്ലാത്ത നേട്ടങ്ങള്‍ കൈവരിക്കുന്നതിന് ഉപയുക്തമാകുന്ന തരത്തില്‍ ഈ സര്‍ക്കാര്‍ നടത്തിയ ഇടപെടലുകള്‍ വിശദമാക്കുമോ;

(ബി)	അദ്ധ്യാപകക്ഷാമം മൂലം വീര്‍പ്പുമുട്ടിയിരുന്ന സര്‍ക്കാര്‍ കോളേജുകളിലും പോളിടെക്നിക്കുകളിലും പുതിയ തസ്തികകള്‍ സൃഷ്ടിച്ച് ഉന്നത വിദ്യാഭ്യാസരംഗത്ത് ഗുണമേന്മ ഉറപ്പുവരുത്തുന്നതിന് സ്വീകരിച്ച നടപടികള്‍ വ്യക്തമാക്കുമോ;

(സി)	പ്രളയാനന്തര കേരളത്തിന്റെ സാമ്പത്തികതളര്‍ച്ചക്കിടയിലും പുതിയ കോളേജുകളും കോഴ്സുകളും അനുവദിച്ചത് ഉന്നതവിദ്യാഭ്യാസമേഖലയ്ക്ക് സര്‍ക്കാര്‍ നല്‍കുന്ന മുന്‍ഗണനക്ക് ഉത്തമ നിദര്‍ശനമാണോ; വ്യക്തമാക്കുമോ?

മോട്ടോര്‍ വാഹന നിയമലംഘനങ്ങളുടെ പേരിലുള്ള പിഴ

*144.

ശ്രീ.തിരുവഞ്ചൂര്‍ രാധാകൃഷ്ണന്‍
,, പി.ടി. തോമസ്
,, എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	മോട്ടോര്‍ വാഹന നിയമലംഘനങ്ങളുടെ മറവില്‍ ജനങ്ങളെ കൊള്ളയടിക്കുന്ന രീതിയിലുളള കേന്ദ്ര നിയമഭേദഗതി പൂര്‍ണ്ണതോതില്‍ സംസ്ഥാനത്ത് നടപ്പിലാക്കിയിട്ടുണ്ടോ;

(ബി)	കേന്ദ്ര നിയമം സെപ്റ്റംബര്‍ 1 മുതല്‍ നടപ്പിലാക്കുമെന്ന് കാണിച്ച് ഓഗസ്റ്റ് 31ന് തന്നെ സംസ്ഥാന സര്‍ക്കാര്‍ വിജ്ഞാപനം ഇറക്കിയിരുന്നോ;

(സി)	ബംഗാള്‍ ഉള്‍പ്പെടെയുള്ള പല സംസ്ഥാനങ്ങളും കേന്ദ്ര നിയമം തല്‍ക്കാലം നടപ്പിലാക്കേണ്ട എന്ന് തീരുമാനിച്ചപ്പോള്‍ കേരളം ഇക്കാര്യത്തില്‍ അമിത ആവേശം കാണിച്ചുവെന്ന ആക്ഷേപം ശ്രദ്ധയില്‍പ്പെട്ടിടുണ്ടോ; എങ്കില്‍ ഇത് നടപ്പാക്കിയത് ഏത് സാഹചര്യത്തിലാണെന്ന് വ്യക്തമാക്കുമോ;

(ഡി)	പുതിയ കേന്ദ്ര നിയമഭേദഗതി നടപ്പിലാക്കിയ സെപ്റ്റബര്‍ 1 മുതല്‍ 15 വരെ സംസ്ഥാനത്ത് മോട്ടോര്‍ വാഹന നിയമലംഘനങ്ങളുടെ പേരില്‍ കൂടിയ നിരക്കിലുള്ള പിഴ ഈടാക്കിയിരുന്നോ;

(ഇ)

സംസ്ഥാനത്തെ പൊട്ടിപ്പൊളിഞ്ഞ റോഡുകളില്‍ ഉണ്ടാകുന്ന അപകടം മൂലം ജീവന്‍ പൊലിയുന്നവരുടെ എണ്ണം നാള്‍ക്കുനാള്‍ വര്‍ദ്ധിച്ചുവരുമ്പോള്‍ ഗതാഗത നിയമലംഘനത്തിന്റെ പേരില്‍ വന്‍ തുക ഈടാക്കുവാനുള്ള കേന്ദ്ര നിര്‍ദ്ദേശം നീതികരിക്കാവുന്ന ഒന്നാണോ; ഇല്ലെങ്കില്‍ ഇക്കാര്യത്തില്‍ എന്തെല്ലാം ഇടപെടലുകളാണ് ഉദ്ദേശിക്കുന്നതെന്ന് വ്യക്തമാക്കുമോ?

സേഫ് കേരള പദ്ധതി

*145.

ശ്രീ.ജോണ്‍ ഫെര്‍ണാണ്ടസ്
,, ജോര്‍ജ് എം. തോമസ്
,, കെ. ബാബു
,, വി. ജോയി : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡപകടങ്ങള്‍ കുറയ്ക്കുക എന്ന ലക്ഷ്യത്തോടെയുള്ള സേഫ് കേരള പദ്ധതി ആവിഷ്കരിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത പദ്ധതിയുടെ ഫലപ്രദമായ നടത്തിപ്പിനായി ഇരുപത്തിനാലുമണിക്കൂറും പ്രവര്‍ത്തിയ്ക്കുന്ന സ്ക്വാഡുകള്‍ രൂപീകരിച്ചിട്ടുണ്ടോ;

(സി)	റോഡപകടങ്ങള്‍ കുറയ്ക്കുന്നതിന് ജില്ലാ റോഡ് സുരക്ഷാ കൗണ്‍സില്‍ നടത്തുന്ന പ്രവര്‍ത്തനങ്ങള്‍ എന്തൊക്കെയാണെന്ന് വിശദമാക്കാമോ?

കുടുംബശ്രീയുടെ ശാക്തീകരണത്തിന് നൂതന പദ്ധതികള്‍

*146.

ശ്രീ.കെ.കുഞ്ഞിരാമന്‍
ശ്രീമതി.പി. അയിഷാ പോറ്റി
ശ്രീ.മുരളി പെരുനെല്ലി
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം കുടുംബശ്രീയുടെ ശാക്തീകരണത്തിനും വെെവിദ്ധ്യവല്‍ക്കരണത്തിനുമായി എന്തെല്ലാം നൂതന പദ്ധതികളാണ് നടപ്പാക്കിയിട്ടുളളതെന്ന് വ്യക്തമാക്കാമോ;

(ബി)	കുടുംബശ്രീയുടെ ആഭിമുഖ്യത്തില്‍ വനിതകള്‍ക്കായി നൂതന തൊഴില്‍ സംരംഭങ്ങള്‍ ആരംഭിക്കാന്‍ നടപടി സ്വീകരിച്ചിട്ടുണ്ടോ;

(സി)	സംസ്ഥാനത്തിന്റെ പുനര്‍നിര്‍മ്മാണത്തിന് കരുത്ത് പകരാന്‍ കുടുംബശ്രീ പ്രവര്‍ത്തകരെ ഉള്‍പ്പെടുത്തി തൊഴില്‍ സേന രൂപീകരിച്ചിട്ടുണ്ടോ; വിശദാംശം നല്‍കുമോ?

കരനെല്‍കൃഷി വ്യാപിപ്പിക്കുന്നതിന് നടപടി

*147.

ശ്രീ.കെ. രാജന്‍
,, മുല്ലക്കര രത്നാകരന്‍
ശ്രീമതി ഗീതാ ഗോപി
ശ്രീ.വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കേരളീയരുടെ മുഖ്യ ഭക്ഷണമായ അരിയുടെ ഉല്പാദനത്തില്‍ സംസ്ഥാനത്തിന്റെ പങ്കും ആയത് വര്‍ദ്ധിപ്പിക്കുന്നതിന് സ്വീകരിക്കുന്ന നടപടികളും വിശദമാക്കുമോ;

(ബി)	ഈ സര്‍ക്കാര്‍ നിലവില്‍ വന്നശേഷം കരനെല്‍ കൃഷി വ്യാപിപ്പിക്കുന്നതിന് നടത്തിയ ഇടപെടലുകള്‍ ഫലപ്രദമായോയെന്ന് വ്യക്തമാക്കുമോ;

(സി)	കരനെല്‍കൃഷി വ്യാപിപ്പിക്കുന്നതിന് കര്‍ഷകര്‍ക്ക് നല്കുന്ന പ്രോല്‍സാഹനങ്ങള്‍ സംബന്ധിച്ച വിവരങ്ങള്‍ അറിയിക്കുമോ;

(ഡി)	നെല്‍കൃഷിയുടെ വിസ്തൃതി വ്യാപിപ്പിക്കുന്നതിനായി സ്വീകരിച്ച നടപടികളും ആയതിന്റെ ഫലപ്രാപ്തിയും സംബന്ധിച്ച വിവരങ്ങള്‍ ലഭ്യമാക്കുമോ?

ഉത്തരക്കടലാസ്സുകള്‍ കണ്ടെത്തിയ സംഭവത്തിലെ അന്വേഷണം

*148.

ശ്രീ.ടി.എ.അഹമ്മദ് കബീര്‍
,, എന്‍ .എ.നെല്ലിക്കുന്ന്
,, പി.കെ.ബഷീര്‍
,, എം.ഉമ്മര്‍ : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം യൂണിവേഴ്സിറ്റി കോളേജിലെ കുത്തുകേസ്സ് പ്രതി ശിവര‍ഞ്ജിത്തിന്റെ വീട്ടില്‍ നിന്നും കേരള യൂണിവേഴ്സിറ്റിയുടെ ഉത്തരക്കടലാസ്സുകള്‍ കണ്ടെത്തിയ സംഭവത്തില്‍ ഉന്നതവിദ്യാഭ്യാസ വകുപ്പും യൂണിവേഴ്സിറ്റിയും അന്വേഷണം നടത്തിയിട്ടുണ്ടോ;

(ബി)	കുത്തു കേസ്സില്‍ പ്രതികളായവരുടെ ബിരുദ മാര്‍ക്കുകള്‍ പരിശോധിച്ച് യൂണിവേഴ്സിറ്റിയുടെ വിശ്വാസ്യത വീണ്ടെടുക്കാന്‍ എന്തെങ്കിലും നടപടി സ്വീകരിച്ചിട്ടുണ്ടോ; എങ്കില്‍ വിശദാംശം അറിയിക്കുമോ?

പച്ചക്കറിയുല്പാദനത്തില്‍ സ്വയംപര്യാപ്തത

*149.

ശ്രീമതി.പി. അയിഷാ പോറ്റി
ശ്രീ.ഡി.കെ. മുരളി
,, ഒ. ആര്‍. കേളു
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പച്ചക്കറിയുടെ ആവശ്യത്തിനായി അയല്‍ സംസ്ഥാനങ്ങളില്‍ നിന്ന് കീടനാശിനികളും രാസവളങ്ങളും ഉപയാേഗിച്ച് ഉല്പാദിപ്പിക്കുന്ന പച്ചക്കറിയെ ആശ്രയിക്കേണ്ടിവരുന്ന സാഹചര്യത്തില്‍ പച്ചക്കറിയുല്പാദനത്തില്‍ സ്വയംപര്യാപ്തത കെെവരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	അന്യ സംസ്ഥാനങ്ങളില്‍ നിന്നും എത്തിച്ചേരുന്ന വിഷലിപ്തമായ പച്ചക്കറികള്‍ ഒഴിവാക്കി ഓരാേ വീട്ടിലും ജെെവ പച്ചക്കറികള്‍ ഉല്പാദിപ്പിക്കുവാന്‍ വേണ്ട ബാേധവത്ക്കരണവും അതിനാവശ്യമായ ഉല്പാദനാേപാധികളും ലഭ്യമാക്കുന്നതിന് എന്തെല്ലാം പദ്ധതികളാണ് ആവിഷ്ക്കരിച്ചിട്ടുള്ളത്;

(സി)	വീട്ടുവളപ്പിലെയും മട്ടുപ്പാവിലെയും കൃഷി പ്രാേത്സാഹിപ്പിക്കുന്നതിനായി കര്‍ഷകര്‍ക്ക് വിത്തുകള്‍, പച്ചക്കറിത്തൈകള്‍, ഗ്രാേബാഗുകള്‍ തുടങ്ങിയവ ലഭ്യമാക്കുന്നതിന് നടപടി സ്വീകരിച്ചിട്ടുണ്ടാേ; വിശദാംശം നല്‍കുമാേ?

കെ.എസ്.ആര്‍.ടി.സി. യുടെ പുനരുദ്ധാരണം

*150.

ശ്രീ.എം. മുകേഷ്
,, എ. പ്രദീപ്കുമാര്‍
,, ബി.സത്യന്‍
,, സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരമേറ്റശേഷം കെ.എസ്.ആര്‍.ടി.സി. യുടെ പുനരുദ്ധാരണത്തിനായി സ്വീകരിച്ച പ്രധാന പദ്ധതികള്‍ എന്തെല്ലാമായിരുന്നുവെന്ന് വ്യക്തമാക്കാമോ;

(ബി)	വരുമാനം വര്‍ദ്ധിപ്പിച്ചും ചെലവുചുരുക്കിയും സാമ്പത്തിക പ്രതിസന്ധിയില്‍ നിന്നും കെ.എസ്.ആര്‍.ടി.സി. യെ കര കയറ്റുന്നതിന് കെെക്കൊണ്ട കാര്യക്ഷമമായ നടപടികളുടെ ഫലമായി മാസവരുമാനത്തില്‍ ഉണ്ടായിട്ടുള്ള വര്‍ദ്ധനവ് എപ്രകാരമാണെന്ന് അറിയിക്കാമോ;

(സി)	കെ.എസ്.ആര്‍.ടി.സി. ബസ്സുകളുടെ പുനക്രമീകരണം വരുമാന വര്‍ദ്ധനയ്ക്ക് എത്രത്തോളം സഹായകരമായിട്ടുണ്ടെന്ന് വ്യക്തമാക്കാമോ;

(ഡി)	പുനക്രമീകരണം സംബന്ധിച്ച് ഉണ്ടായിട്ടുള്ള പരാതികള്‍ പരിഹരിച്ച് സര്‍വ്വീസുകള്‍ കൂടുതല്‍ കാര്യക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

Website maintained by Information System Section, Kerala Legislative Assembly, Thiruvananthapuram.