തെക്കേപ്പൊറ്റ പുത്തരിപ്പാടം പാലം നിര്‍മ്മാണ പ്രവൃത്തി

285  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂര്‍ നിയോജക മണ്ഡലത്തിലെ തെക്കേപ്പൊറ്റ പുത്തരിപ്പാടം പാലം പുനര്‍ നിര്‍മ്മാണത്തിനായുള്ള 2 കോടി രൂപയുടെ പ്രവൃത്തി നിലവില്‍ ഏത് ഘട്ടത്തിലാണെന്നും ആയത് എന്ന് പൂര്‍ത്തീകരിക്കുവാന്‍ കഴിയുമെന്നും വ്യക്തമാക്കാമോ?

കുറ്റിലം പാലം നിർമ്മാണം

286  ശ്രീ. മാണി. സി. കാപ്പൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പാലാ നിയോജകമണ്ഡലത്തിലെ കുറ്റിലം പാലം നിർമ്മാണത്തിന്റെ ഇതുവരെയുള്ള പുരോഗതി വ്യക്തമാക്കാമോ;

(ബി)  ഉദ്യോഗസ്ഥരുടെ അലംഭാവം കാരണം പ്രസ്തുത പാലത്തിന്റെ നിർമ്മാണം മന്ദഗതിയിലാണെന്ന ആരോപണം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ ഇത് പരിഹരിക്കുന്നതിനും പാലത്തിന്റെ നിർമ്മാണം സമയബന്ധിതമായി പൂർത്തീകരിക്കുന്നതിനും നടപടി സ്വീകരിക്കുമോ; വിശദാംശം ലഭ്യമാക്കാമോ?

ബിറ്റുമിൻ വിലയിൽ ഉണ്ടായ വർദ്ധനവിനെ തുടർന്ന് റോഡ് നിർമാണത്തിൽ ഉണ്ടായിട്ടുള്ള സ്തംഭനാവസ്ഥ

287  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പശ്ചിമേഷ്യൻ യുദ്ധത്തിന്റെ പശ്ചാത്തലത്തിൽ റോഡ് നിർമ്മാണത്തിലെ പ്രധാന ഘടകമായ ബിറ്റുമിന്റെ വിലവർദ്ധനവിനെ തുടർന്ന് റോഡ് നിർമ്മാണത്തിലുണ്ടായിട്ടുള്ള സ്തംഭനാവസ്ഥ പരിഹരിക്കണമെന്ന ആവശ്യം ശ്രദ്ധയിൽപെട്ടിട്ടുണ്ടോ; എങ്കിൽ, പൊതുമരാമത്തു വകുപ്പിന്റെ 02.07.2026-ലെ 39/2026/പി.ഡബ്ല്യു.ഡി. നമ്പർ ഉത്തരവിന്റെ മാതൃകയിൽ നിർദ്ദേശങ്ങൾ തദ്ദേശ സ്വയംഭരണ വകുപ്പിലും നടപ്പാക്കുന്നതിന് നടപടികൾ സ്വീകരിക്കുമോ?

ചങ്ങനാശ്ശേരി മണ്ഡലത്തിലെ തദ്ദേശ സ്വയംഭരണ വകുപ്പ് പദ്ധതികളും ജീവനക്കാരുടെ കുറവും അമൃത് പദ്ധതി പ്രവൃത്തികളും.

288  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിൽ തദ്ദേശ സ്വയംഭരണ വകുപ്പിന്റെ കീഴിലുള്ള പദ്ധതികൾക്കും നിർമ്മാണങ്ങൾക്കും ഫണ്ട് വിഹിതം കുറഞ്ഞിരിക്കുന്നതും ഫണ്ട് വിതരണത്തിലുണ്ടാകുന്ന കാലതാമസവും കാരണം വിവിധ വികസന പദ്ധതികൾ അനന്തമായി നീണ്ടുപോകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ, ഇതിന്റെ കാര്യകാരണങ്ങൾ സഹിതം വ്യക്തമാക്കാമോ;

(ബി)  മണ്ഡലത്തിലെ തദ്ദേശ സ്ഥാപനങ്ങളിൽ ആവശ്യത്തിന് ജീവനക്കാരെ നിയമിക്കാത്തത് കാരണം പ്രവൃത്തികളും അനുമതികൾക്കുള്ള നടപടികളും തടസ്സപ്പെടുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(സി)  പ്രസ്തുത വകുപ്പിൽ ഫണ്ട് അലോട്ട്മെന്റുകളും അടിസ്ഥാന സൗകര്യങ്ങളിലെ വിതരണവും സമയബന്ധിതമായി നടപ്പിലാക്കുന്നതിനും സ്റ്റാഫ് ക്ഷാമം പരിഹരിക്കുന്നതിനും ഇതുവരെ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് കണക്കുകൾ സഹിതം വിശദീകരിക്കാമോ;

(ഡി)  മണ്ഡലത്തിലെ തദ്ദേശ സ്ഥാപനങ്ങളുടെ കീഴിലുള്ള റോഡുകളുടെയും മറ്റ് പദ്ധതികളുടെയും വികസന തടസ്സങ്ങൾ അടിയന്തരമായി പരിഹരിക്കുന്നതിന് സ്വീകരിച്ചിട്ടുള്ള തുടർനടപടികളുടെ പൂർണ്ണ വിവരങ്ങൾ ലഭ്യമാക്കാമോ;

(ഇ)  അമൃത് പദ്ധതിയുടെ ഭാഗമായി ചങ്ങനാശ്ശേരി നിയോജകമണ്ഡലത്തിൽ നടപ്പിലാക്കുന്ന വിവിധ പദ്ധതികളുടെ പുരോഗതി എന്താണെന്നും ഇവയുടെ നിർമ്മാണം സമയബന്ധിതമായി പൂർത്തിയാക്കുന്നതിനും ഫണ്ട് അനുവദിക്കുന്നതിനും എന്തെങ്കിലും തടസ്സങ്ങളോ കാലതാമസങ്ങളോ നേരിടുന്നുണ്ടോയെന്നും കണക്കുകൾ സഹിതം വിശദമാക്കാമോ?

വെള്ളാനിക്കര സാമൂഹികാരോഗ്യ കേന്ദ്രം

289  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജക മണ്ഡലത്തിലെ ഒല്ലൂക്കര ബ്ലോക്ക് പഞ്ചായത്തിന്റെ പരിധിയിലുള്ള വെള്ളാനിക്കര സാമൂഹികാരോഗ്യ കേന്ദ്രത്തിന്റെ അടിസ്ഥാനസൗകര്യ വികസനത്തിനായി കേരള കാർഷിക സർവ്വകലാശാലയുടെ 33 സെന്റ് സ്ഥലം 30 വർഷത്തേക്ക് ലീസിന് ലഭ്യമാക്കുന്നതുമായി ബന്ധപ്പെട്ട് തദ്ദേശസ്വയംഭരണ വകുപ്പിലുള്ള ഫയൽ നം. RE2-415/2025 -ലെ നടപടികളുടെ നിലവിലെ സ്ഥിതി വ്യക്തമാക്കാമോ;

(ബി)  പ്രസ്തുത സ്ഥലം 30 വർഷത്തേക്ക് ലീസിന് എടുക്കുന്നതിന് സർക്കാർ അനുമതി ആവശ്യമായ സാഹചര്യത്തിൽ, അതിന് നിർദ്ദേശം നൽകുന്ന കാര്യം പരിഗണനയിലുണ്ടോ; ഉണ്ടെങ്കിൽ ഫയൽ നമ്പർ, നിലവിലെ പരിഗണനാ ഘട്ടം, അനുമതി നൽകുന്നതിന് അവശേഷിക്കുന്ന നടപടികൾ എന്നിവ വ്യക്തമാക്കാമോ;

(സി)  വെള്ളാനിക്കര സാമൂഹികാരോഗ്യ കേന്ദ്രത്തിന്റെ അടിസ്ഥാനസൗകര്യ വികസനത്തിന് പ്രസ്തുത സ്ഥലം ലഭ്യമാക്കേണ്ടതിന്റെ പ്രാധാന്യം കണക്കിലെടുത്ത് അനുമതി നൽകുന്നതിനുള്ള നടപടികൾ സമയബന്ധിതമായി പൂർത്തിയാക്കുന്നതിന് നടപടി സ്വീകരിക്കുമോ?

കെ-സ്മാര്‍ട്ട്

290  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  കെ-സ്മാര്‍ട്ട്-ലെ അപാകത മൂലം കെട്ടിട പെര്‍മിറ്റ് അനുവദിക്കുന്നതില്‍ കാലതാമസം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  ഉണ്ടെങ്കില്‍ അപാകതകള്‍ പരിഹരിക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)  കെ-സ്മാര്‍ട്ട് സോഫ്റ്റ് വെയറിലെ സാങ്കേതിക തകരാര്‍ മൂലം കെട്ടിക്കിടക്കുന്ന അപേക്ഷകളുടെ വിവരങ്ങള്‍ ജില്ല തിരിച്ച് ലഭ്യമാക്കാമോ?

ത്രിതല പഞ്ചായത്ത് മെമ്പർമാർക്ക് നൽകുന്ന ഓണറേറിയം

291  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ത്രിതല പഞ്ചായത്ത് മെമ്പർമാരായി തിരഞ്ഞെടുക്കപ്പെടുന്നവർക്ക് നൽകുന്ന ഓണറേറിയം നിലവിൽ എത്ര രൂപയാണ്;

(ബി)  ഓണറേറിയം അപര്യാപ്തമാണെന്ന് ബോധ്യപ്പെട്ടിട്ടുണ്ടോ;

(സി)  ഉണ്ടെങ്കിൽ പ്രസ്തുത ഓണറേറിയം വർധിപ്പിക്കുന്നതിന് ആലോചിക്കുന്നുണ്ടോ;

(ഡി)  അവസാനമായി വർധിപ്പിച്ചത് എന്നാണ്?

ബിറ്റുമെൻ വില വര്‍ധന

292  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പെട്രോളിയം ഉല്‍പ്പന്നങ്ങളുടെ വിലവര്‍ധനമൂലം ബിറ്റുമെൻ വിലയിലുണ്ടായ ഗണ്യമായ വര്‍ധനവിനെ തുടര്‍ന്ന് തദ്ദേശസ്വയംഭരണ സ്ഥാപനങ്ങള്‍ ഏറ്റെടുത്തിട്ടുള്ള റോഡ് നിര്‍മ്മാണം, നവീകരണം, അറ്റകുറ്റപണി തുടങ്ങിയ പ്രവൃത്തികള്‍ സമയബന്ധിതമായി പൂര്‍ത്തീകരിക്കുന്നതിനും വിലവര്‍ധനവ് മൂലമുള്ള അധിക ചെലവ് പരിഹരിക്കുന്നതിനും കരാറുകാര്‍ക്ക് ആശ്വാസം നല്‍കുന്നതിനും പ്രത്യേക നടപടി സ്വീകരിക്കുമോയെന്ന് വിശദമാക്കാമോ;

(ബി)  ബിറ്റുമെൻ വിലവര്‍ധനവ് മൂലം അധിക സാമ്പത്തിക ബാധ്യത നേരിടുന്ന തദ്ദേശ സ്വയംഭരണ സ്ഥാപനങ്ങള്‍ക്ക് ആവശ്യമായ അധിക ഫണ്ട് അനുവദിക്കുമോയെന്ന് വിശദമാക്കാമോ;

(സി)  ബിറ്റുമെൻ വിലവര്‍ധനയുടെ പശ്ചാത്തലത്തില്‍ തദ്ദേശസ്വയംഭരണ സ്ഥാപനങ്ങളുടെ റോഡ് പ്രവൃത്തികള്‍ക്ക് നിലവിലുള്ള നിരക്കുകള്‍ പുനഃപരിശോധിക്കുന്ന കാര്യം പരിഗണനയിലുണ്ടോയെന്ന് വ്യക്തമാക്കാമോ?

ഇംപാക്ട് കേരള ലിമിറ്റഡ്

293  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശസ്വയംഭരണ സ്ഥാപനങ്ങളുടെ അടിസ്ഥാന സൗകര്യ വികസനം ലക്ഷ്യമിട്ട് മുൻ സർക്കാർ രൂപീകരിച്ച ഇംപാക്ട് കേരള ലിമിറ്റഡ് കമ്പനിയുടെ പ്രവർത്തനം വിലയിരുത്തിയിട്ടുണ്ടോ; വിശദമാക്കുമോ;

(ബി)  തദ്ദേശസ്ഥാപനങ്ങൾക്ക് വൻകിട പദ്ധതികൾ നടപ്പാക്കി ആസ്തി സൃഷ്ടിക്കുക എന്ന ലക്ഷ്യത്തോടെ ആരംഭിച്ച കമ്പനിയിൽ ആകെ നടന്നത് പാർട്ടി ബന്ധുക്കൾക്കുള്ള നിയമനം മാത്രം എന്ന ആക്ഷേപത്തെക്കുറിച്ച് അന്വേഷിക്കുമോ; വ്യക്തമാക്കുമോ;

(സി)  കഴിഞ്ഞ അഞ്ചു വർഷത്തിനിടയിൽ താൽക്കാലിക ജീവനക്കാർക്കായി ഏഴര കോടിയോളം രൂപ ശമ്പളയിനത്തിൽ ചെലവാക്കിയെങ്കിലും ഇംപാക്ട് കേരള പൂർത്തിയാക്കിയത് വെറും മൂന്നു പദ്ധതികൾ മാത്രമാണ് എന്ന ആക്ഷേപം പരിശോധിക്കുമോ;

(ഡി)  കിഫ്ബി, റീബിൽഡ് കേരള എന്നിവയിൽ നിന്ന് ഫണ്ട് വക മാറ്റാൻ ഇടനിലക്കാരായി രൂപീകരിച്ച സംവിധാനം മാത്രമാണ് ഇംപാക്ട് കേരള എന്ന ആരോപണത്തെക്കുറിച്ച് അന്വേഷിക്കുമോ; വ്യക്തമാക്കുമോ?

തദ്ദേശ സ്വയംഭരണ സ്ഥാപനങ്ങൾക്ക് അനുവദിച്ച തുകകൾ

294  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  2016-17 മുതൽ 2025-26 വരെയുള്ള കാലഘട്ടങ്ങളിൽ ഓരോ വർഷവും ത്രിതല തദ്ദേശ സ്വയംഭരണ സ്ഥാപനങ്ങൾക്ക് അനുവദിച്ച തുകകൾ എത്ര വീതമാണ്; ഓരോ തലത്തിലും അനുവദിച്ച തുകകൾ വേർതിരിച്ച് ലഭ്യമാക്കാമോ;

(ബി)  ഇക്കാലയളവിൽ ഓരോ വര്‍ഷവും ഓരോ തലങ്ങളിലും ചെലവഴിച്ച തുകകളുടെ ശതമാനം എത്ര വീതമാണ്; നടപ്പ് വര്‍ഷത്തെ ചെലവ്, മുന്‍ വര്‍ഷങ്ങളിലെ നീക്കിയിരുപ്പ് തുകയിൽ നിന്നുള്ള ചെലവ് എന്നിങ്ങനെ തരംതിരിച്ചുള്ള കണക്ക് ലഭ്യമാക്കുമോ;

(സി)  ഈ കാലയളവില്‍ ഒരോ സാമ്പത്തിക വര്‍ഷവും വിവിധ ഇനങ്ങളിലായി ഒരോ തലങ്ങളിലും ലഭിച്ച ആകെ കേന്ദ്ര വിഹിതം എത്ര; ഇനം തിരിച്ചുള്ള കണക്ക് ലഭ്യമാക്കുമോ?

പൂവച്ചല്‍ സുകുമാരന്‍ വൈദ്യര്‍ സ്മാരക ലൈഫ് മിഷന്‍ ഫ്ലാറ്റ്

295  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  അരുവിക്കര നിയോജക മണ്ഡലത്തിലെ പൂവച്ചല്‍ ഗ്രാമപഞ്ചായത്തില്‍ പൂവച്ചല്‍ സുകുമാരന്‍ വൈദ്യര്‍ സൗജന്യമായി വിട്ടുനല്‍കിയ രണ്ടര ഏക്കറിലധികം ഭൂമിയില്‍ നിര്‍മ്മാണം നടന്നുകൊണ്ടിരിക്കുന്ന ലൈഫ് മിഷന്‍ ഫ്ലാറ്റ് സമുച്ചയത്തിന് അദ്ദേഹത്തിന്റെ സ്മരണാര്‍ത്ഥം പൂവച്ചല്‍ സുകുമാരന്‍ വൈദ്യര്‍ സ്മാരക ലൈഫ് മിഷന്‍ ഫ്ലാറ്റ് എന്ന് നാമകരണം ചെയ്യണമെന്ന് അഭ്യര്‍ത്ഥിച്ച് സമര്‍പ്പിച്ച നിവേദനത്തില്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

(ബി)  ഈ വിഷയത്തില്‍ അനുകൂല നടപടി സ്വീകരിച്ച് കാലതാമസം കൂടാതെ ഉത്തരവുണ്ടാകുമോയെന്ന് അറിയിക്കാമോ?

തദ്ദേശ സ്വയംഭരണ സ്ഥാപനങ്ങളുടെ സാമ്പത്തിക സ്വയംപര്യാപ്തത

296  ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശ സ്വയംഭരണ സ്ഥാപനങ്ങളുടെ സാമ്പത്തിക സ്വയംപര്യാപ്തത വർധിപ്പിക്കുന്നതിന് ദീർഘകാല കർമ്മ പദ്ധതി ആവിഷ്‌ക്കരിക്കുമോ; തദ്ദേശ സ്ഥാപനങ്ങളുടെ തനത് വരുമാനം വർധിപ്പിക്കുന്നതിന് എന്തെല്ലാം പദ്ധതികളാണ് നടപ്പിൽ വരുത്താൻ ഉദ്ദേശിക്കുന്നത് എന്ന് വ്യക്തമാക്കാമോ;

(ബി)  തദ്ദേശ സ്വയംഭരണ സ്ഥാപനങ്ങളുടെ നികുതി പിരിവ് കാര്യക്ഷമമാക്കാൻ പുതിയ സംവിധാനങ്ങൾ ഏർപ്പെടുത്തുമോ; നികുതി കുടിശ്ശിക പിരിച്ചെടുക്കുന്നതിന് സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

(സി)  സാമ്പത്തികമായി പ്രതിസന്ധിയിലുള്ള തദ്ദേശ സ്വയംഭരണ സ്ഥാപനങ്ങളെ സഹായിക്കാൻ പ്രത്യേക പാക്കേജ് പരിഗണിക്കുന്നുണ്ടോ; വിശദാംശം നൽകാമോ?

സ്ത്രീ സുരക്ഷ പദ്ധതിയില്‍ തദ്ദേശസ്വയംഭരണ വകുപ്പ് വഹിച്ച പങ്ക്

297  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  2025 നവംബറില്‍ ധനവകുപ്പ് ഉത്തരവിറക്കിയ സ്ത്രീ സുരക്ഷ പദ്ധതിയുടെ നടത്തിപ്പില്‍ തദ്ദേശസ്വയംഭരണ വകുപ്പും തദ്ദേശസ്വയംഭരണ സ്ഥാപനങ്ങളും വഹിച്ച പങ്ക് വിശദമാക്കാമോ;

(ബി)  പ്രസ്തുത പദ്ധതിയിലേയ്ക്ക് അപേക്ഷകള്‍ സ്വീകരിച്ചത് എങ്ങനെയാണെന്നും പദ്ധതി നടത്തിപ്പില്‍ ഏതെല്ലാം വിധത്തിലാണ് കെ-സ്മാര്‍ട്ട് സംവിധാനം ഉപയോഗപ്പെടുത്തിയതെന്നും വ്യക്തമാക്കാമോ;

(സി)  പദ്ധതിയ്ക്കായി ലഭിച്ച അപേക്ഷകള്‍ പരിഗണിച്ച് യോഗ്യരായവരുടെ ഗുണഭോക്തൃ പട്ടിക തയ്യാറാക്കിയത് ആരാണെന്ന് വ്യക്തമാക്കാമോ;

(ഡി)  മുഴുവന്‍ അപേക്ഷകരും നിശ്ചിത മാനദണ്ഡങ്ങള്‍ പ്രകാരം യോഗ്യരാണെന്ന് ആവശ്യമായ സ്ഥിരീകരണം നടത്തി ഗുണഭോക്തൃ പട്ടിക പൂര്‍ത്തീകരിച്ചത് എങ്ങനെയാണ്; വിശദാംശം നല്‍കാമോ;

(ഇ)  പ്രസ്തുത ഗുണഭോക്തൃ പട്ടികയില്‍ യോഗ്യതയില്ലാത്തവര്‍ക്ക് അനധികൃതമായി കടന്നുകയറാനാകുമെന്ന് കരുതുന്നുണ്ടോ; വ്യക്തമാക്കുമോ;

(എഫ്)  സാമ്പത്തിക പിന്നാക്കമുള്ള സ്ത്രീകളില്‍ നിന്ന് അപേക്ഷ സ്വീകരിച്ച് തദ്ദേശസ്വയംഭരണ വകുപ്പ് മുഖേന യോഗ്യത സ്ഥിരീകരിച്ച് ആയിരം രൂപ പ്രതിമാസ ധനസഹായം നല്‍കുന്ന സ്ത്രീ സുരക്ഷ പദ്ധതി തുടരാന്‍ സര്‍ക്കാര്‍ തയ്യാറാകുമോ; ഇല്ലെങ്കില്‍ കാരണം വ്യക്തമാക്കാമോ?

സ്മാർട്ട് സിറ്റി - തിരുവനന്തപുരം പ്രൊജക്റ്റ്

298  ശ്രീ. രാജൻ. ജെ. പല്ലൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സ്മാർട്ട് സിറ്റി തിരുവനന്തപുരം പ്രൊജക്ടിന്റെ ഭാഗമായി തിരുവനന്തപുരം നഗരസഭയിൽ എന്തെല്ലാം പ്രവൃത്തികളാണ് നടപ്പിലാക്കുന്നതെന്നും ഇതിനായി ആകെ എത്ര രൂപ ചെലവ് വരുമെന്നാണ് കണക്കാക്കിയിട്ടുള്ളതെന്നും വ്യക്തമാക്കാമോ;

(ബി)  പ്രസ്തുത പദ്ധതിക്ക് കേന്ദ്ര സർക്കാരിന്റെ ധനസഹായമായി എത്ര തുകയാണ് ലഭിക്കുന്നത്; നാളിതുവരെ ലഭ്യമാക്കിയ തുകയുടെയും ചെലവിനങ്ങളുടെയും വിവരങ്ങൾ ലഭ്യമാക്കാമോ; ഇതിന്റെ മാച്ചിങ് ഷെയർ ആയി സംസ്ഥാന സർക്കാരോ നഗരസഭയോ തുക ചെലവഴിക്കുന്നുണ്ടോയെന്ന് വിശദമാക്കാമോ;

(സി)  ഈ പ്രോജക്ടിന്റെ ഭാഗമായി പൂർത്തിയായ പ്രവൃത്തികൾ, നിർമ്മാണ പ്രവർത്തികൾ പുരോഗമിക്കുന്നത്, ഇനിയും ആരംഭിച്ചിട്ടില്ലാത്ത പ്രവൃത്തികൾ എന്നിവ ഏതെല്ലാമാണെന്ന് വിശദമാക്കാമോ;

(ഡി)  പ്രസ്തുത പ്രൊജക്ടിന്റെ ഭാഗമായാണോ നഗരത്തിലെ ട്രാഫിക് ലൈറ്റുകൾ നവീകരിക്കുന്നതെന്ന് വ്യക്തമാക്കാമോ;

(ഇ)  പല ജംഗ്ഷനുകളിലും ട്രാഫിക് ലൈറ്റ് സംവിധാനം തകരാറിലായി കിടക്കുന്നത് ശ്രദ്ധയിൽപെട്ടിട്ടുണ്ടോ; ആയത് പരിഹരിക്കുന്നതിന് അടിയന്തര നടപടി സ്വീകരിക്കുമോ?

തദ്ദേശ സ്വയംഭരണ സ്ഥാപനങ്ങൾക്ക് പദ്ധതിവിഹിതം അനുവദിക്കുന്നത്

299  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശസ്വയംഭരണ സ്ഥാപനങ്ങൾക്ക് സംസ്ഥാന സർക്കാർ അനുവദിക്കേണ്ട പദ്ധതി വിഹിതം യഥാസമയം അനുവദിക്കാത്തതിനാൽ റോഡ് നിർമ്മാണം ഉൾപ്പെടെയുള്ള അടിസ്ഥാന സൗകര്യ വികസന പദ്ധതികൾ മുടങ്ങിക്കിടക്കുന്ന സ്ഥിതിവിശേഷം ഉണ്ടായിട്ടുണ്ടോയെന്ന് വ്യക്തമാക്കാമോ; ഇക്കാര്യത്തിൽ എന്ത് പരിഹാര നടപടികളാണ് സർക്കാർ സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)  കഴിഞ്ഞ 3 സാമ്പത്തിക വർഷങ്ങളിൽ പദ്ധതി വിഹിതമായി എത്ര തുകയാണ് തദ്ദേശ സ്വയംഭരണ സ്ഥാപനങ്ങൾക്ക് അനുവദിച്ചതെന്ന് വ്യക്തമാക്കാമോ; ഈ സാമ്പത്തിക വർഷം തദ്ദേശ സ്വയം ഭരണ സ്ഥാപനങ്ങൾക്ക് പദ്ധതി വിഹിതയിനത്തിൽ എത്ര തുകയാണ് ബഡ്ജറ്റിൽ നീക്കി വച്ചിട്ടുള്ളതെന്നും അതിൽ എത്ര തുക അനുവദിച്ചുവെന്നും വ്യക്തമാക്കാമോ?

ലക്ഷംവീട് കോളനികളിൽ താമസിക്കുന്ന കുടുംബങ്ങൾക്ക് ഭവന നിർമ്മാണവും പുനരുദ്ധാരണവും

300  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ലക്ഷംവീട് കോളനികളിൽ താമസിക്കുന്ന കുടുംബങ്ങൾക്ക് ഭവന നിർമ്മാണത്തിനും ഭവന പുനരുദ്ധാരണത്തിനും തദ്ദേശസ്വയംഭരണ സ്ഥാപനങ്ങൾക്ക് എപ്രകാരം ഫണ്ടുകൾ വിനിയോഗിക്കാമെന്ന് വ്യക്തമാക്കാമോ;

(ബി)  ഇവര്‍ക്ക് ലൈഫ് മിഷൻ, പി.എം.എ.വൈ (ജി) പദ്ധതികളിൽ ഉൾപ്പെടുത്തി ഭവന നിർമ്മാണവും പുനരുദ്ധാരണവും സാധിക്കുമോ എന്ന് അറിയിക്കാമോ;

(സി)   ഇവരുടെ ഭവന നിർമ്മാണത്തിനും പുനരുദ്ധാരണത്തിനും തദ്ദേശസ്വയംഭരണ സ്ഥാപനങ്ങൾക്ക് തനതു ഫണ്ടിൽനിന്ന് തുക വിനിയോഗിക്കുന്നതിന് സാധ്യമാണോ എന്ന് വ്യക്തമാക്കാമോ; ഇപ്രകാരം വിനിയോഗിക്കുന്നതിന് അനുമതിയില്ലെങ്കിൽ അത് ലഭ്യമാക്കുന്നതിന് നടപടി സ്വീകരിക്കുമോയെന്ന് അറിയിക്കാമോ?

ചിറക്കല്‍ പഞ്ചായത്തിലെ ശ്മശാന നിര്‍മാണത്തിനായുള്ള ഭൂമി ഏറ്റെടുക്കല്‍

301  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  അഴിക്കോട് മണ്ഡലത്തിലെ ചിറക്കല്‍ പഞ്ചായത്തില്‍ ശ്മശാന നിര്‍മാണത്തിനായി ഭൂമി ഏറ്റെടുക്കുന്നതിന്റെ ഫയല്‍ നടപടികള്‍ പൂര്‍ത്തിയായിട്ടുണ്ടോ;

(ബി)  ഏറ്റെടുക്കുന്ന ഭൂമിക്ക് ലാന്‍ഡ് റവന്യൂ കമ്മീഷണറുടെ അംഗീകാരം ലഭിച്ചിട്ടുണ്ടോ; വ്യക്തമാക്കാമോ;

(സി)  ഭൂമിക്ക് CRZ-II അനുമതി ലഭിച്ചിട്ടുണ്ടോ; എങ്കില്‍ CRZ-II അനുമതിക്കുശേഷം എന്തെല്ലാം പുരോഗതി ഉണ്ടായെന്ന് വ്യക്തമാക്കാമോ?

പയ്യാമ്പലം ആധുനിക ശ്മശാനത്തിന്റെ പ്രവൃത്തി പുരോഗതി

302  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പയ്യാമ്പലത്ത് നിര്‍മ്മിക്കുന്ന ആധുനിക ശ്മശാനത്തിന്റെ പ്രവൃത്തി പുരോഗതി വിലയിരുത്താമോ;

(ബി)  പ്രവൃത്തി ആരംഭിക്കുന്നതിന് തടസ്സങ്ങള്‍ ഉണ്ടോ; വിശദമാക്കാമോ?

മലമ്പുഴ മണ്ഡലത്തിലെ പുതുപ്പരിയാരം പഞ്ചായത്ത് ഗവ:ഹയർസെക്കണ്ടറി ബ്ലോക്ക് നിർമാണം

303  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാന ബഡ്ജറ്റില്‍ 2 കോടി രൂപ അനുവദിക്കുകയും തദ്ദേശ സ്വയംഭരണ വകുപ്പ് നിർമ്മാണ ചുമതല നിർവഹിക്കുകയും ചെയ്യുന്ന മലമ്പുഴ മണ്ഡലത്തിലെ പുതുപ്പരിയാരം പഞ്ചായത്തിലെ ഗവ: ഹയർ സെക്കണ്ടറി ബ്ലോക്ക് നിർമ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

(ബി)  ഈ പ്രവൃത്തിയിലുള്‍പ്പെടുത്തി എത്ര ക്ലാസ് മുറികളും മറ്റ് അനുബന്ധ സൗകര്യങ്ങളുമാണ് നിർമ്മിക്കുന്നതെന്ന് അറിയിക്കാമോ; ഈ പ്രവൃത്തികള്‍ എന്നത്തേക്ക് പൂർത്തിയാക്കാന്‍ സാധിക്കുമെന്ന് അറിയിക്കാമോ?

കൊട്ടാരക്കര മുനിസിപ്പാലിറ്റിക്ക് പുതിയ ആസ്ഥാന മന്ദിരം

304  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  കൊട്ടാരക്കര മുനിസിപ്പാലിറ്റിക്ക് പുതിയ ആസ്ഥാന മന്ദിരം നിര്‍മിക്കുന്നതിനായി കഴിഞ്ഞ സര്‍ക്കാര്‍ എത്ര തുകയുടെ ഭരണാനുമതി ആണ് നല്‍കിയിരുന്നത്;

(ബി)  നിര്‍മാണ നടപടികള്‍ ആരംഭിക്കുന്നതിന് തടസ്സങ്ങള്‍ ഉണ്ടോ;വ്യക്തമാക്കാമോ;

(സി)   നിര്‍മാണം അടിയന്തിരമായി ആരംഭിക്കുന്നതിന് എന്തെല്ലാം നടപടികള്‍ സ്വീകരിക്കും; വ്യക്തമാക്കാമോ?

തദ്ദേശ സ്വയംഭരണ വകുപ്പിന്റെ നിര്‍മ്മാണ പ്രവര്‍ത്തനങ്ങളുമായി ബന്ധപ്പെട്ട നിരക്ക് പരിഷ്കരണം

305  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ തദ്ദേശ സ്വയംഭരണ വകുപ്പിന്റെ നിര്‍മ്മാണ പ്രവര്‍ത്തനങ്ങളുമായി ബന്ധപ്പെട്ട നിരക്ക് പരിഷ്കരണം നടപ്പിലാക്കാത്ത സാഹചര്യത്തില്‍ വിവിധ പ്രവൃത്തികള്‍ ഏറ്റെടുക്കാന്‍ കരാറുകാര്‍ വിസമ്മതം പ്രകടിപ്പിക്കുന്നതും നിരവധി തവണ ടെന്‍ഡര്‍ ചെയ്യേണ്ടി വരുന്ന സാഹചര്യവും വകുപ്പ് വിലയിരുത്തിയിട്ടുണ്ടോയെന്ന് വ്യക്തമാക്കാമോ;

(ബി)  തിരുവനന്തപുരം ജില്ലയില്‍ തദ്ദേശസ്വയംഭരണ വകുപ്പിന്റെ പ്രവൃത്തികളില്‍ മൂന്നു തവണയിലേറെ ടെന്‍ഡര്‍ ചെയ്തിട്ടും കരാറുകാര്‍ ഏറ്റെടുക്കാത്ത പ്രവൃത്തികള്‍ ഏതെല്ലാമാണെന്നുള്ള വിശദാംശങ്ങള്‍ ലഭ്യമാക്കാമോ;

(സി)  നിരക്ക് പരിഷ്കരിക്കുന്നതുമായി ബന്ധപ്പെട്ട് നടപടികള്‍ സ്വീകരിക്കുമോയെന്ന് വ്യക്തമാക്കാമോ?

കാരമല ഹാപ്പിനസ് പാര്‍ക്ക്

306  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂര്‍ നിയോജകമണ്ഡലത്തിലെ കാരമല ഹാപ്പിനസ് പാര്‍ക്ക് രണ്ടാം ഘട്ടം എൺപത് ലക്ഷം രൂപയു‌ടെ പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

അതിദാരിദ്ര്യ നിര്‍മ്മാര്‍ജ്ജന പദ്ധതി

307  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഏറ്റവും പിന്നാക്ക വിഭാഗങ്ങളുടെ ജീവിത നിലവാരം ഉയര്‍ത്തുന്നതിനായുള്ള ''അതിദാരിദ്ര്യനിര്‍മ്മാര്‍ജ്ജന പദ്ധതി'' പ്രവര്‍ത്തനങ്ങള്‍ തുടരുന്നുണ്ടോ; വിശദാംശങ്ങള്‍ ലഭ്യമാക്കാമോ?

ലൈഫ് ഭവന പദ്ധതി പ്രകാരമുള്ള ആനുകൂല്യങ്ങളും കുന്ദമംഗലം ലൈഫ് ഭവന സമുച്ചയ നിർമ്മാണത്തിലെ ക്രമക്കേടുകളും

308  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ലൈഫ് ഭവന പദ്ധതി പ്രകാരം ഒന്നും രണ്ടും ഘട്ടങ്ങളിലായി തയ്യാറാക്കിയ പട്ടികയിൽ ഉൾപ്പെട്ട ഭൂരഹിത-ഭവനരഹിതരുടെ എണ്ണം എത്രയാണെന്ന് വ്യക്തമാക്കാമോ;

(ബി)  പ്രസ്തുത പട്ടികയിൽ ഉൾപ്പെട്ടവരിൽ എത്രപേർക്ക് ഇതുവരെ ഭൂമിയും വീടും അനുവദിച്ചിട്ടുണ്ടെന്നും എത്രപേർക്ക് ഭവനസമുച്ചയങ്ങളിൽ താമസം ഒരുക്കിയിട്ടുണ്ടെന്നും വ്യക്തമാക്കാമോ;

(സി)  കുന്ദമംഗലം നിയോജകമണ്ഡലത്തിൽ പ്രസ്തുത പദ്ധതിയുടെ ഭാഗമായി ഭവന സമുച്ചയം നിർമ്മിച്ചതിൽ വലിയ രീതിയിലുള്ള ക്രമക്കേട് നടന്നത് ശ്രദ്ധയിൽപ്പെട്ടിട്ടുണ്ടോ;

(ഡി)  ഉണ്ടെങ്കിൽ ഇതുമായി ബന്ധപ്പെട്ട് എന്തെല്ലാം നിയമനടപടികളാണ് സ്വീകരിച്ചിട്ടുള്ളത്; നഷ്ടം തിരിച്ചു പിടിക്കാൻ വീഴ്ച വരുത്തിയ ബന്ധപ്പെട്ട ഉദ്യോഗസ്ഥർക്കെതിരെ നടപടികൾ സ്വീകരിച്ചിട്ടുണ്ടോ; വിവരങ്ങൾ ലഭ്യമാക്കാമോ;

(ഇ)  പ്രസ്തുത പദ്ധതി വഴി വാഗ്ദാനം ലഭിച്ച് വഞ്ചിക്കപ്പെട്ട പാവപ്പെട്ട ഭവനരഹിതർക്ക് ബദൽ സംവിധാനങ്ങൾ ഒരുക്കാൻ നടപടി സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ?

ലൈഫ് മിഷന്‍ പദ്ധതി

309  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  നടപ്പുസാമ്പത്തിക വര്‍ഷത്തില്‍ ലൈഫ് മിഷന്‍ പദ്ധതിയുടെ ഭാഗമായി സംസ്ഥാനത്ത് ഇതുവരെ എത്ര വീടുകളുടെ നിര്‍മ്മാണം പൂര്‍ത്തീകരിച്ചിട്ടുണ്ടെന്ന് ജില്ല തിരിച്ചുള്ള കണക്ക് ലഭ്യമാക്കാമോ;

(ബി)  നിര്‍മ്മാണം ആരംഭിച്ചിട്ടും പൂര്‍ത്തീകരിക്കാന്‍ കഴിയാത്ത വീടുകളുടെ എണ്ണം എത്രയാണെന്നും അവ പൂര്‍ത്തീകരിക്കുന്നതിന് നേരിടുന്ന പ്രധാന തടസ്സങ്ങള്‍ എന്തൊക്കെയാണെന്നും വ്യക്തമാക്കാമോ;

(സി)  ലൈഫ് മിഷന്‍ പദ്ധതിക്കായി നടപ്പുവര്‍ഷം വകയിരുത്തിയ തുകയും ഇതുവരെ ചെലവഴിച്ച തുകയും എത്രയെന്ന് വ്യക്തമാക്കാമോ?

2011-16 കാലത്തെ ഭവന പദ്ധതികൾ

310  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)   2011-16 കാലയളവിലെ സർക്കാർ ഭവന പദ്ധതികളുടെ ഭാഗമായി ഭവനരഹിതർക്കായി ആകെ എത്ര വീടുകൾ നിർമ്മിച്ച് നൽകി എന്നതിന്റെ വിശദാംശങ്ങളും ഇതിൽ ജനറൽ, എസ്‌.സി, എസ്‌.ടി വിഭാഗങ്ങളുടെ കണക്കുകൾ പ്രത്യേകം തിരിച്ചുള്ള ലിസ്റ്റും ലഭ്യമാക്കാമോ;

(ബി)  ഈ കാലയളവിൽ ഭവന പദ്ധതിയുടെ ഭാഗമായി ഭൂമി നൽകിയതിന്റെ കണക്കുകൾ ലഭ്യമാക്കാമോ; ഇതിൽ ജനറൽ, എസ്‌.സി, എസ്‌.ടി വിഭാഗങ്ങളുടെ പ്രത്യേകം തിരിച്ചുള്ള ലിസ്റ്റ് നൽകാമോ;

(സി)   ഇക്കാലയളവിൽ ഏതൊക്കെ ഭവന പദ്ധതികളാണ് ഉണ്ടായിരുന്നത് എന്ന് വ്യക്തമാക്കാമോ?

ആദിവാസി, ദളിത്, മത്സ്യത്തൊഴിലാളി മേഖലകളിലെ ഭവനരഹിതര്‍ക്കായുള്ള ഭവനനിര്‍മ്മാണ പദ്ധതികള്‍

311  ശ്രീ. ആര്യാടന്‍ ഷൗക്കത്ത് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ലൈഫ് പദ്ധതിയില്‍ ഉള്‍പ്പെട്ടതിനാല്‍ ആദിവാസി, ദളിത്, മത്സ്യത്തൊഴിലാളി മേഖലകളിലെ ദരിദ്രവിഭാഗങ്ങള്‍ക്ക് 2011-2016 കാലയളവിലെ സര്‍ക്കാരിന്റെ കാലത്ത് ലഭിച്ചിരുന്ന ഭവന നിർമ്മാണ ആനുകൂല്യം ലഭിക്കാതെ പോയത് ശ്രദ്ധയില്‍പ്പെട്ടിട്ടുണ്ടോ;

(ബി)  2011-2016 കാലയളവിലെ സര്‍ക്കാരിൻെറ കാലത്ത് നിലവിലുണ്ടായിരുന്ന ആദിവാസി, ദളിത്, മത്സ്യത്തൊഴിലാളി മേഖലകളിലെ ഭവനരഹിതര്‍ക്കായുള്ള ഭവനനിര്‍മ്മാണ പദ്ധതികള്‍ പുനഃരാരംഭിക്കുവാന്‍ വേണ്ട നടപടികള്‍ സ്വീകരിക്കുമോ?

പെരുങ്കടവിള ബ്ലോക്ക് പഞ്ചായത്തിലെ എന്‍ജിനീയര്‍, ഓവര്‍സീയര്‍ തസ്‌തികകളിലെ ഒഴിവുകൾ

312  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പാറശ്ശാല നിയോജകമണ്ഡലത്തിലെ പെരുങ്കടവിള ബ്ലോക്ക് പഞ്ചായത്തില്‍ എല്‍.എസ്.ജി.ഡി. വിഭാഗത്തിലെ എന്‍ജിനീയര്‍ വിഭാഗത്തിൽ ഒരു തസ്തികയും ഓവര്‍സീയര്‍ വിഭാഗത്തിൽ രണ്ട് തസ്തികകളും ആറുമാസത്തിലധികമായി ഒഴിഞ്ഞുകിടക്കുന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(ബി)  പ്രസ്തുത തസ്തികകള്‍ ഒഴിഞ്ഞുകിടക്കുന്നതിനാല്‍ ബ്ലോക്ക് പഞ്ചായത്തിലെ വിവിധ വികസന നിര്‍മ്മാണ പ്രവ‍ൃത്തികളുടെ സാങ്കേതിക പരിശോധന, എസ്റ്റിമേറ്റ് തയ്യാറാക്കല്‍, നിര്‍വ്വഹണം എന്നിവ സമയബന്ധിതമായി പൂര്‍ത്തീകരിക്കുന്നതില്‍ തടസ്സം നേരിടുന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(സി)  സംസ്ഥാനത്ത് എല്‍.എസ്.ജി.ഡി. വിഭാഗത്തില്‍ അസിസ്റ്റന്റ് എഞ്ചിനീയര്‍, ഓവര്‍സീയര്‍ തസ്തികകളില്‍ ജില്ല തിരിച്ച് നിലവില്‍ എത്ര ഒഴിവുകള്‍ വീതം ഉണ്ടെന്ന് വ്യക്തമാക്കാമോ;

(ഡി)  പ്രസ്തുത ഒഴിവുകള്‍ നികത്തുന്നതിനായി പി.എസ്.സി. റാങ്ക് ലിസ്റ്റ് നിലവിലുണ്ടോ; ഒഴിവുകള്‍ സമയബന്ധിതമായി നികത്തുന്നതിനും പെരുങ്കടവിള ബ്ലോക്ക് പഞ്ചായത്തിലെ പ്രവര്‍ത്തനങ്ങള്‍ സുഗമമായി മുന്നോട്ട് പോകുന്നതിനും ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കോന്നി മണ്ഡലത്തിലെ ലൈഫ് മിഷന്‍ പദ്ധതി ക്രമക്കേട്

313  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  കോന്നി നിയോജക മണ്ഡലത്തില്‍പ്പെട്ട തണ്ണിത്തോട്, സീതത്തോട്, അരുവാപുരം എന്നീ പഞ്ചായത്തുകളിലെ ലൈഫ് മിഷന്‍ പദ്ധതിയുമായി ബന്ധപ്പെട്ട ക്രമക്കേടില്‍ പ്രതിയായ വില്ലേജ് എക്സ്റ്റൻഷൻ ഓഫീസര്‍ക്കെതിരെ വകുപ്പ് തലത്തില്‍ സ്വീകരിച്ച നടപടികള്‍ വിശദമാക്കാമോ?

പ്രായാധിക്യമുള്ളവർക്കും ഭിന്നശേഷിക്കാർക്കും ക്ഷേമപെൻഷൻ വീട്ടിലെത്തിച്ചു നൽകൽ

314  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പ്രായാധിക്യം മൂലമുള്ള രോഗങ്ങളാൽ പ്രയാസപ്പെടുന്നവർക്കും ഭിന്നശേഷിക്കാർക്കും പെൻഷൻ തുക ബാങ്ക് അക്കൗണ്ടുകൾ വഴി പിൻവലിക്കുന്നത് വലിയ യാത്രാദുരിതവും പ്രയാസവും സൃഷ്ടിക്കുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  ഇത്തരക്കാർക്ക് ബാങ്കുകളിൽ നേരിട്ടെത്താതെ ക്ഷേമപെൻഷൻ തുക സഹകരണ സംഘങ്ങൾ/പ്രാഥമിക സഹകരണ ബാങ്കുകൾ വഴി വീടുകളിൽ നേരിട്ടെത്തിച്ചു നൽകുന്നതിന് എന്തെങ്കിലും നിർദ്ദേശമോ നടപടിയോ പരിഗണനയിലുണ്ടോ എന്ന് വ്യക്തമാക്കാമോ;

(സി)  ബാങ്ക് അക്കൗണ്ട് വഴി പെൻഷൻ വാങ്ങുന്നവരിൽ വീടുകളിലെത്തിച്ചു നൽകേണ്ട കിടപ്പുരോഗികൾ, ഭിന്നശേഷിക്കാർ, മുതിർന്ന പൗരന്മാർ എന്നിവരെ കണ്ടെത്തുന്നതിനായി തദ്ദേശ സ്ഥാപനങ്ങൾ മുഖേന പ്രത്യേക സർവേ നടത്താൻ തയ്യാറാകുമോ;

(ഡി)  പെൻഷൻ തുക വീടുകളിലെത്തിച്ചു നൽകുന്നതിന് നിലവിൽ തടസ്സങ്ങളുണ്ടെങ്കിൽ അവ പരിഹരിച്ച് അടിയന്തരമായി ഇവർക്ക് വീട്ടിൽ പെൻഷൻ ലഭ്യമാക്കാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

പെൻഷൻ അർഹതാ മാനദണ്ഡങ്ങളിൽ ഇളവ്

315  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  എയർ കണ്ടീഷണർ (എ.സി.) ഉപയോഗിക്കുന്നതും നാലുചക്ര വാഹനം സ്വന്തമായിരിക്കുന്നതും സാമൂഹ്യ സുരക്ഷാ പെൻഷൻ ലഭിക്കുന്നതിനുള്ള അർഹതയ്ക്ക് തടസ്സമാകുന്ന നിലവിലെ മാനദണ്ഡം പരിഷ്കരിക്കുന്നതിന് നടപടി സ്വീകരിക്കാമോ;

(ബി)  ഗുരുതരമായതോ ദീർഘകാലമായതോ ആയ രോഗങ്ങളുള്ളവർക്ക് ആരോഗ്യപരമായ ആവശ്യങ്ങൾക്കായി എയർ കണ്ടീഷണർ ഉപയോഗിക്കേണ്ടിവരുന്നതും ചികിത്സയ്ക്കും ആശുപത്രി യാത്രകൾക്കുമായി നാലുചക്ര വാഹനം ഉപയോഗിക്കേണ്ടിവരുന്നതും പരിഗണിച്ച്, അത്തരം കേസുകളിൽ നിലവിലെ മാനദണ്ഡങ്ങളിൽ പ്രത്യേക ഇളവ് അനുവദിക്കുന്നതിന് നടപടി സ്വീകരിക്കാമോ;

(സി)  ഭിന്നശേഷിക്കാർക്കും ഓട്ടിസം ഉൾപ്പെടെയുള്ള പ്രത്യേക പരിചരണം ആവശ്യമായവർക്കും നിലവിലുള്ള വരുമാനപരിധി ഒഴിവാക്കി സാമൂഹ്യ സുരക്ഷാ പെൻഷൻ അനുവദിക്കുന്നതിന് നടപടി സ്വീകരിക്കാമോ?

സാമൂഹ്യസുരക്ഷാ പെൻഷൻ മാനദണ്ഡങ്ങൾ

316  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് കിടപ്പുരോഗികളായിട്ടുള്ളവർക്കും ഭർത്താവ് മരിച്ചതും ആൺമക്കളുടെ സംരക്ഷണം ഇല്ലാത്തതുമായ അനേകം സ്ത്രീകൾക്കും വീട്ടിൽ എയർ കണ്ടീഷണർ (എ.സി.) ഉണ്ടെന്ന ഒറ്റ കാരണത്താൽ അർഹമായ പെൻഷൻ നിഷേധിക്കപ്പെടുന്ന സാഹചര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

(ബി)  ഇത്തരം വീടുകളിൽ പലതിലും ഭർത്താവ് ജീവിച്ചിരുന്ന കാലത്തോ അല്ലെങ്കിൽ സാമ്പത്തികമായി മെച്ചപ്പെട്ട ചുറ്റുപാടുണ്ടായിരുന്നപ്പോഴോ സ്ഥാപിച്ച എ.സി. ആണ് ഉള്ളതെന്നും, നിലവിൽ വരുമാനമാർഗ്ഗങ്ങളില്ലാത്ത ഈ കിടപ്പുരോഗികളും വിധവകളും വലിയ സാമ്പത്തിക ബുദ്ധിമുട്ടിലാണ് കഴിയുന്നതെന്നുമുള്ള വസ്തുത പരിശോധിച്ചിട്ടുണ്ടോയെന്ന് വ്യക്തമാക്കാമോ;

(സി)  വീട്ടിൽ എ.സി. ഉണ്ട് എന്ന സാങ്കേതിക കാരണം ചൂണ്ടിക്കാട്ടി തികച്ചും അർഹരായ ഇത്തരക്കാർക്ക് സാമൂഹ്യസുരക്ഷാ പെൻഷൻ നിഷേധിക്കുന്നത് ഒഴിവാക്കാൻ നിലവിലെ പെൻഷൻ മാനദണ്ഡങ്ങളിൽ അടിയന്തരമായി ഇളവുകൾ വരുത്തുവാൻ സർക്കാർ തയ്യാറാകുമോ; വിശദമാക്കാമോ?

തെരുവുനായ ശല്യം

317  ശ്രീ. മാണി. സി. കാപ്പൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തെരുവുനായ ആക്രമണം വര്‍ദ്ധിക്കുന്നതുമൂലം നിരവധി ആളുകൾ പരിക്കേറ്റ് ദുരിതമനുഭവിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ തെരുവുനായ ശല്യം പരിഹരിക്കുവാൻ എന്തെല്ലാം മാർഗങ്ങളാണ് സ്വീകരിച്ചിരിക്കുന്നതെന്ന് വിശദമാക്കാമോ?

തെരുവുനായ്ക്കളുടെ ആക്രമണം തടയുന്നതിന് നടപടി

318  ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തെരുവുനായ്ക്കളുടെ ആക്രമണങ്ങളും പ്രത്യേകിച്ച് വിദ്യാർത്ഥികളെ ആക്രമിക്കുന്നതും തെരുവുനായകൾ റോഡിലൂടെ അലക്ഷ്യമായി സഞ്ചരിക്കുന്നതുമൂലം വാഹന അപകടങ്ങളും വർധിച്ചുവരുന്ന സാഹചര്യത്തിൽ ഇവയെ നിയന്ത്രിക്കാനും പുനരധിവസിപ്പിക്കുന്നതിനും അക്രമകാരികളായ നായകളെ ഇല്ലായ്മ ചെയ്യുന്നതിനും ആവശ്യമായ കരുതൽ നടപടികൾ എടുക്കുന്നതിന് ഉത്തരവാദിത്തപ്പെട്ട പ്രഥമ ഉദ്യോഗസ്ഥൻ ആരാണെന്ന് വ്യക്തമാക്കാമോ;

(ബി)  പ്രസ്തുത ഉത്തരവാദിത്തങ്ങൾ മേ‍‍ല്‍പ്പറഞ്ഞ ഉദ്യോഗസ്ഥൻ നിർവഹിച്ചില്ലെങ്കിൽ നടപടിയെടുക്കേണ്ടതും പൊതുജനങ്ങൾ പരാതി പറയേണ്ടതും ആരോടാണെന്ന് വ്യക്തമാക്കാമോ;

(സി)  മേൽപ്പറഞ്ഞ ഉത്തരവാദിത്തങ്ങൾ നടപ്പിലാക്കാന്‍ വകുപ്പ് എന്തെല്ലാം സഹായങ്ങളും നടപടികളുമാണ് സ്വീകരിച്ചു വരുന്നതെന്ന് വ്യക്തമാക്കാമോ;

(ഡി)  തെരുവുനായ ആക്രമണങ്ങൾ മൂലം പരിക്കേറ്റവർക്കും മരണപ്പെട്ടവർക്കും എന്തെല്ലാം സഹായങ്ങളാണ് സര്‍ക്കാര്‍ ലഭ്യമാക്കുന്നത്; അതിനാവശ്യമായ നടപടിക്രമങ്ങൾ എന്തൊക്കെയാണെന്ന് വ്യക്തമാക്കാമോ;

(ഇ)  കൈപ്പമംഗലം നിയോജകമണ്ഡലത്തിലെ ഏഴ്‌ ഗ്രാമപഞ്ചായത്തുകളിൽ തെരുവുനായ്ക്കളെ വന്ധീകരിക്കുന്നതിനും പുനരധിവസിപ്പിക്കുന്നതിനും അക്രമകാരികളായവയെ ഇല്ലായ്മ ചെയ്യുന്നതിനും സ്വീകരിച്ചിട്ടുള്ള നടപടികൾ എന്തൊക്കെ; വ്യക്തമാക്കാമോ?

മലപ്പുറം ജില്ലയിലെ എ.ബി.സി.(ആനിമല്‍ ബര്‍ത്ത് കൺട്രോൾ ) കേന്ദ്രങ്ങൾ

319  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തെരുവുനായ നിയന്ത്രണവുമായി ബന്ധപ്പെട്ട് തദ്ദേശ സ്വയംഭരണ വകുപ്പ് ഏതൊക്കെ പദ്ധതികളാണ് നടപ്പിലാക്കുന്നതെന്ന് അറിയിക്കാമോ;

(ബി)  മലപ്പുറം ജില്ലയിൽ വകുപ്പിന്റെ സഹായത്തോടെ എത്ര എ.ബി.സി.(ആനിമല്‍ ബര്‍ത്ത് കൺട്രോൾ ) കേന്ദ്രങ്ങൾ പ്രവർത്തിക്കുന്നുണ്ടെന്ന് വ്യക്തമാക്കാമോ;

(സി)  മലപ്പുറം ജില്ലയിൽ വകുപ്പിന്റെ സഹായത്തോടെ പുതിയ എ.ബി.സി.(ആനിമല്‍ ബര്‍ത്ത് കൺട്രോൾ) കേന്ദ്രങ്ങൾ ആരംഭിക്കുന്നുണ്ടോ; ഉണ്ടെങ്കിൽ എവിടെയെല്ലാമാണെന്ന് വ്യക്തമാക്കാമോ;

(ഡി)  ഈ സർക്കാർ നിലവിൽ വന്നതിന് ശേഷം തെരുവുനായ നിയന്ത്രണവുമായി ബന്ധപ്പെട്ട് ഇതുവരെ എത്ര രൂപ ചെലവഴിച്ചിട്ടുണ്ടെന്ന് വ്യക്തമാക്കാമോ;

(ഇ)  തെരുവുനായ നിയന്ത്രണവുമായി ബന്ധപ്പെട്ട് മലപ്പുറം ജില്ലയിൽ ജില്ലാ പഞ്ചായത്ത് /ബ്ലോക്ക് പഞ്ചായത്ത്/ ഗ്രാമ പഞ്ചായത്ത് എന്നിവയ്ക്കായി എത്ര രൂപ വീതം നീക്കി വെച്ചിട്ടുണ്ടെന്നും എത്ര രൂപ ചെലവഴിച്ചുവെന്നും ഇനം തിരിച്ച് വ്യക്തമാക്കാമോ?

വന്ധ്യംകരിച്ച തെരുവുനായ്ക്കൾക്കായുള്ള ഷെല്‍ട്ടറുകള്‍

320  ശ്രീ. എ. കെ. എം. അഷ്റഫ്
ശ്രീ. ടി. പി. അഷ്റഫലി
ശ്രീ. കല്ലട്ര മാഹിൻ
ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തെരുവുനായ്ക്കളുടെ ശല്യം പരിഹരിക്കുന്നതിനായി അവയെ വന്ധ്യംകരിച്ച് അനുയോജ്യമായ ഷെല്‍ട്ടറുകളില്‍ പാര്‍പ്പിക്കണമെന്ന നിര്‍ദ്ദേശം തദ്ദേശസ്വയംഭരണ സ്ഥാപനങ്ങള്‍ക്ക് നല്‍കിയിട്ടുണ്ടോ;

(ബി)  ഷെൽട്ടറുകൾക്കുള്ള സ്ഥല ലഭ്യത പ്രതികൂലമായി ബാധിക്കുന്നതായി തദ്ദേശസ്വയംഭരണ സ്ഥാപനങ്ങള്‍ അറിയിച്ചിട്ടുണ്ടോ;

(സി)  വന്ധ്യംകരണത്തിനാവശ്യമായ ജീവനക്കാരുടെ കുറവ്, പരിപാലനച്ചെലവ് എന്നിവ പദ്ധതിയുടെ നടത്തിപ്പിനെ പ്രതികൂലമായി ബാധിച്ചിട്ടുണ്ടോ; എങ്കില്‍ ഇവ പരിഹരിക്കാന്‍ എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കാമോ?

തെരുവുനായ്ക്കളുടെ ആക്രമണം

321  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് തെരുവുനായ്ക്കളുടെ ആക്രമണം വ്യാപകമാകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  എങ്കില്‍ അവ തടയുന്നതിന് എന്തെല്ലാം പദ്ധതികളാണ് ആവിഷ്ക്കരിച്ച് നടപ്പാക്കുന്നതെന്ന് അറിയിക്കാമോ;

(സി)  എ.ബി.സി സെന്ററുകള്‍ സ്ഥാപിക്കുന്നതിനും പ്രവർത്തനക്ഷമമാക്കുന്നതിനും, അക്രമകാരികളായ തെരുവുനായകളെ കൊല്ലുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ഡി)  തൃശ്ശൂർ ജില്ലയില്‍ പ്രസ്തുത പ്രവ‍ൃത്തികള്‍ ഏത് ഘട്ടത്തിലാണെന്ന് വ്യക്തമാക്കാമോ?

മാലിന്യ സംസ്കരണം

322  ശ്രീ. ഉല്ലാസ് കോവൂർ
ശ്രീ. വിഷ്ണു മോഹൻ
ശ്രീ. വി. കുഞ്ഞികൃഷ്ണൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശ സ്വയംഭരണ സ്ഥാപനങ്ങൾ വഴി നടപ്പിലാക്കി വരുന്ന വിവിധ മാലിന്യ സംസ്കരണ പദ്ധതികൾ ഏതെല്ലാമാണെന്ന് വ്യക്തമാക്കാമോ;

(ബി)  ഹരിതകർമ്മ സേന മുഖേനയുള്ള വാതിൽപ്പടി മാലിന്യ ശേഖരണം ഏതെല്ലാം തദ്ദേശ സ്വയംഭരണ സ്ഥാപനങ്ങളിൽ പൂർണ്ണമായി നടപ്പിലാക്കിയിട്ടുണ്ട്; ഇതിന്റെ പുരോഗതി വിലയിരുത്തിയിട്ടുണ്ടോ; എങ്കിൽ വിശദമാക്കാമോ;

(സി)  ജൈവമാലിന്യ സംസ്കരണത്തിനായി തദ്ദേശ സ്ഥാപനങ്ങൾ വഴി നടപ്പിലാക്കുന്ന ഉറവിട മാലിന്യ സംസ്കരണ ഉപാധികളുടെ (കമ്പോസ്റ്റ് ബിൻ, ബയോഗ്യാസ് പ്ലാന്റ് മുതലായവ) വിതരണം കാര്യക്ഷമമാണോയെന്ന് വ്യക്തമാക്കാമോ;

(ഡി)  മാതൃകാപരമായ മാലിന്യ സംസ്കരണ പ്രവർത്തനങ്ങൾ നടത്തുന്ന തദ്ദേശ സ്വയംഭരണ സ്ഥാപനങ്ങൾക്ക് പ്രത്യേക സാമ്പത്തിക സഹായമോ പ്രോത്സാഹനമോ നൽകാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ?

വികസിത് ഭാരത് - ഗ്യാരന്റി ഫോർ റോസ്ഗർ ആൻഡ് ആജീവിക മിഷൻ (ഗ്രാമീൺ)

323  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വികസിത് ഭാരത് - ഗ്യാരന്റി ഫോർ റോസ്ഗർ ആൻഡ് ആജീവിക മിഷൻ (ഗ്രാമീൺ) പദ്ധതിയുടെ ഭാഗമായി നീർത്തടാടിസ്ഥാനത്തിൽ മണ്ണ് - ജല സംരക്ഷണ പ്രവൃത്തികൾ നടപ്പിലാക്കുമ്പോൾ, അഞ്ച് ഏക്കറിൽ കൂടുതൽ ഭൂമിയുള്ള കർഷകരുടെ ഭൂമിയിൽ പ്രവൃത്തികൾ നടത്തുന്നതിന് നിലവിൽ എന്തെങ്കിലും തടസ്സങ്ങൾ ഉണ്ടോ; ഉണ്ടെങ്കിൽ ആയത് വിശദമാക്കാമോ;

(ബി)   പ്രസ്തുത പദ്ധതിയിൽ മെറ്റീരിയൽ ഉപയോഗിച്ചുള്ള പ്രവൃത്തികൾക്ക് അവിദഗ്ധ വേതനം നൽകുന്ന മാതൃകയിൽ മെറ്റീരിയലുകൾക്ക് ആവശ്യമായ തുക ട്രഷറി വഴി മുൻകൂറായി അനുവദിക്കുന്നതിന് ആലോചനയുണ്ടോ; ഫണ്ട് വൈകി എത്തുന്നതുമൂലം ഗ്രാമപഞ്ചായത്തുകൾക്ക് വിതരണക്കാരെ ലഭിക്കാതെ പ്രവൃത്തികൾ തടസ്സപ്പെടുന്ന സാഹചര്യം ഒഴിവാക്കാൻ എന്തൊക്കെ നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(സി)  2026-27 കാലയളവിൽ ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത്, മുനിസിപ്പാലിറ്റി, കോര്‍പ്പറേഷന്‍ എന്നിവയ്ക്ക് അനുവദിച്ച വികസനഫണ്ട്, ജനറല്‍ പര്‍പ്പസ് ഫണ്ട്, മെയിന്റനന്‍സ് ഫണ്ട് എന്നിവ എത്ര വീതമാണെന്നും അനുവദിച്ച ഫണ്ടുകള്‍ സമയബന്ധിതമായി തദ്ദേശസ്വയംഭരണ സ്ഥാപനങ്ങള്‍ക്ക് നല്‍കിയിട്ടുണ്ടോയെന്നും വിശദമാക്കാമോ;

(ഡി)  കെട്ടിട നിര്‍മ്മാണ പെര്‍മ്മിറ്റ് ഫീസില്‍ ഇളവ് വരുത്താന്‍ ആലോചനയുണ്ടോയെന്ന് വിശദമാക്കാമോ;

(ഇ)  കെട്ടിട നിര്‍മ്മാണ പെര്‍മ്മിറ്റ് ഫീസ് മുഖേന തദ്ദേശസ്വയംഭരണ സ്ഥാപനങ്ങള്‍ക്ക് പ്രതിവര്‍ഷം ലഭിക്കുന്ന തുക എത്രയാണ് വിശദമാക്കാമോ;

(എഫ്)  ഷൊര്‍ണ്ണൂര്‍ മണ്ഡലത്തിലെ ഓരോ തദ്ദേശസ്ഥാപനങ്ങള്‍ക്കും 2024-25, 2025-26, 2026-27 വര്‍ഷങ്ങളില്‍ അനുവദിച്ച വികസന ഫണ്ട് എത്രയാണെന്ന് വിശദമാക്കാമോ?

അത്തിപ്പറ്റ ഗ്യാസ് ക്രിമറ്റോറിയം

324  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂര്‍ നിയോജക മണ്ഡലത്തിലെ അത്തിപ്പറ്റ ഗ്യാസ് ക്രിമറ്റോറിയം പ്രവൃത്തി നിലവില്‍ ഏത് ഘട്ടത്തിലാണെന്നും എന്ന് പൂര്‍ത്തീകരിക്കാന്‍ കഴിയുമെന്നും വ്യക്തമാക്കാമോ?

സി.എം.എൽ.ആർ.ആർ.പി.-2.0 പദ്ധതിയിലുൾപ്പെട്ട റോഡിന്റെ പേരുമാറ്റം

325  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  25/10/2025 തീയതിയിലെ സ.ഉ(കൈ)നം.193/2025/എൽ.എസ്.ജി.ഡി, നമ്പര്‍ പ്രകാരം ഭരണാനുമതി ലഭിച്ചിട്ടുളള നം. 4149 കൈനകരി കോയിക്കാട് പാലം മുതല്‍ അക്കരക്കുളം വരെ റോഡ് കോണ്‍ക്രീറ്റിംഗ് എന്ന പ്രവൃത്തിയുടെ പേര് നെടുമുടി ഗ്രാമപഞ്ചായത്ത് പുത്തന്‍കുളം മുതല്‍ അക്കരക്കുളം വരെ റോഡ് കോണ്‍ക്രീറ്റിംഗ് എന്ന് ഭേദഗതി ചെയ്യുന്നതിനുളള അപേക്ഷയിന്‍മേല്‍ എന്തെല്ലാം നടപടി സ്വീകരിച്ചുവെന്ന് വിശദമാക്കാമോ;

(ബി)  പേരു മാറ്റുന്നതിനുളള നടപടി ക്രമങ്ങള്‍ എന്തെല്ലാമാണെന്നും നടപടിക്രമം പൂര്‍ത്തിയാക്കി നിര്‍മ്മാണ പ്രവര്‍ത്തനം എപ്പോൾ ആരംഭിക്കാൻ കഴിയുമെന്നും വ്യക്തമാക്കാമോ?

ടാറിന്റെ അമിതമായ വിലവര്‍ദ്ധനവ്

326  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ടാറിന്റെ അമിതമായ വിലവര്‍ദ്ധനവ് കാരണം തദ്ദേശസ്വയംഭരണ സ്ഥാപനങ്ങള്‍ക്ക് കീഴിലുള്ള റോഡ് ടാറിംഗ് പ്രവൃത്തികള്‍ ഏറ്റെടുക്കാന്‍ കരാറുകാര്‍ വിമുഖത കാണിക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് ഏതെങ്കിലും പദ്ധതിക്ക് രൂപം നല്‍കിയിട്ടുണ്ടോ;

(ബി)  തദ്ദേശറോഡുകളുടെ നിര്‍മ്മാണവും അറ്റകുറ്റപ്പണികളും സമയബന്ധിതമായി പൂര്‍ത്തിയാക്കുന്നതിനായി ടാര്‍ വിലയിലെ അന്തരം കരാറുകാര്‍ക്ക് കോമ്പന്‍സേറ്റ് ചെയ്യുന്നതില്‍ വകുപ്പ് തലത്തില്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോയെന്ന് വിശദമാക്കാമോ?

ചക്കുമ്പുറം - മണിമല-അത്താണിമുക്ക് റോഡ്

327  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂർ നിയോജകമണ്ഡലത്തിലെ ചക്കുമ്പുറം - മണിമല - അത്താണിമൊക്ക് റോഡ് നവീകരണത്തിനായി അനുവദിച്ച ഒരു കോടിയോളം രൂപയുടെ പ്രവൃത്തി നിലവിൽ ഏത് ഘട്ടത്തിലാണെന്നും ഇത് എപ്പോൾ പൂർത്തീകരിക്കാൻ കഴിയുമെന്നും വ്യക്തമാക്കാമോ?

മേരിഗിരി-രക്കാണ്ടി-പോത്ത്ചാടി റോഡ്

328  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂര്‍ നിയോജകമണ്ഡലത്തിലെ മേരിഗിരി-രക്കാണ്ടി-പോത്ത്ചാടി റോഡിന്റെ ഒരു കോടി രൂപയുടെ പ്രവൃത്തി നിലവില്‍ ഏത് ഘട്ടത്തിലാണെന്ന് വ്യക്തമാക്കാമോ?

തദ്ദേശറോഡ് പുനരുദ്ധാരണ പദ്ധതി

329  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  മാവേലിക്കര മണ്ഡലത്തിൽ മുഖ്യമന്ത്രിയുടെ തദ്ദേശറോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി അനുവദിച്ചതും പൂര്‍ത്തീകരിച്ചതുമായ പ്രവൃത്തികളുടെ വിശദാംശങ്ങള്‍ ലഭ്യമാക്കാമോ;

(ബി)  പ്രസ്‌തുത പ്രവൃത്തികളില്‍ പൂര്‍ത്തീകരിക്കാനുള്ളവയുടെ വിശദാംശം ലഭ്യമാക്കാമോ?

തൊഴിലുറപ്പ് തൊഴിലാളികളും തൊഴില്‍ ദിനവും

330  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ തൊഴിലുറപ്പ് പദ്ധതി തുടങ്ങിയ സമയത്ത് രജിസ്റ്റർചെയ്ത തൊഴിലാളികളുടെ എണ്ണം എത്രയാണെന്നും ഇപ്പോൾ ജോലി ചെയ്യുന്ന തൊഴിലാളികൾ എത്രയാണെന്നും വ്യക്തമാക്കാമോ;

(ബി)  ഇവർക്ക് നൂറ് ദിവസം ജോലി നൽകാൻ കഴിഞ്ഞിട്ടുണ്ടോ; ഇല്ലെങ്കില്‍ ശരാശരി എത്ര ദിവസം ജോലി നൽകിയിട്ടുണ്ടെന്ന് വ്യക്തമാക്കാമോ;

(സി)  പുതിയ കേന്ദ്ര നിയമത്തിലെ ഭേദഗതി മൂലം ഈ പദ്ധതി തുടർന്ന് കൊണ്ടുപോകുവാൻ സാധിക്കുമോ; ഇതുമൂലം എന്തെല്ലാം വെല്ലുവിളികളാണ് ഉള്ളതെന്ന് വ്യക്തമാക്കാമോ?

ശുചീകരണത്തൊഴിലാളികൾക്കും ഹരിതകർമ്മസേന അംഗങ്ങൾക്കും ആരോഗ്യ ഇൻഷുറൻസ് പരിരക്ഷ

331  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശസ്വയംഭരണ സ്ഥാപനങ്ങളിൽ മാലിന്യ ശേഖരണവും സംസ്കരണവുമായി ബന്ധപ്പെട്ട് പ്രവർത്തിക്കുന്ന ജീവനക്കാർക്കും ഹരിതകർമ്മസേന അംഗങ്ങൾക്കും ആരോഗ്യപരമായ നിരവധി അപകടസാധ്യതകൾ നേരിടേണ്ടിവരുന്നതിനാൽ ആരോഗ്യ ഇൻഷുറൻസ് പരിരക്ഷ ഏര്‍പ്പെടുത്തുന്നതിന് പദ്ധതി നടപ്പിലാക്കാൻ ഉദ്ദേശിക്കുന്നുണ്ടോ;

(ബി)  ഇവർക്ക് തൊഴിൽജന്യ രോഗങ്ങൾക്കും അപകടങ്ങൾക്കും ചികിത്സാ പരിരക്ഷ ഉറപ്പാക്കുന്നതിനായി പ്രത്യേക നടപടി സ്വീകരിക്കുമോ?

എഞ്ചിനീയിംഗ് വിഭാഗം ജീവനക്കാരുടെ ഒഴിവുകള്‍

332  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് തദ്ദേശസ്വയഭരണ വകുപ്പിന്റെ കീഴില്‍ എഞ്ചിനീയറിംഗ് വിഭാഗത്തില്‍ (ഓവര്‍സിയര്‍, എ.ഇ., എ.ഇ.ഇ., മറ്റ് വിഭാഗങ്ങള്‍) എത്ര ഒഴിവുകളുണ്ടെന്ന് തസ്തിക, ജില്ല എന്നിവ തിരിച്ച് വ്യക്തമാക്കാമോ;

(ബി)  പ്രസ്തുത ഒഴിവുകള്‍ നികത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

പാലക്കാട് ജില്ലയിലെ പഞ്ചായത്ത്/മുനിസിപ്പാലിറ്റികളിലെ ഒഴിവുകള്‍

333  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് ജില്ലയിലെ പഞ്ചായത്ത്/മുനിസിപ്പാലിറ്റികളില്‍ എത്ര ഒഴിവുകള്‍ ഏതെല്ലാം തസ്തികകളില്‍ ഉണ്ടെന്ന് പഞ്ചായത്ത്/മുനിസിപ്പാലിറ്റി തിരിച്ച് വിശദാശം ലഭ്യമാക്കാമോ?

സർക്കാർ ജീവനക്കാരുടെ സ്ഥലംമാറ്റം

334  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നശേഷം അപേക്ഷയുടെ അടിസ്ഥാനത്തില്‍ അല്ലാതെ തദ്ദേശസ്വയംഭരണ വകുപ്പില്‍ എത്ര ജീവനക്കാരെ സ്ഥലം മാറ്റിയിട്ടുണ്ടെന്ന് വ്യക്തമാക്കാമോ;

(ബി)  അതില്‍ മറ്റ് ജില്ലകളിലേക്കു എത്ര ജീവനക്കാരെ സ്ഥലം മാറ്റിയിട്ടുണ്ടെന്ന് വിശദമാക്കാമോ?

തിരുവനന്തപുരം നഗരസഭയിലെ ഫാർമസിസ്റ്റ് തസ്തിക

335  ശ്രീ. സുധീർഷാ പാലോട് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം നഗരസഭയിൽ ഫാർമസിസ്റ്റ് തസ്തിക നിലവിലുണ്ടോ; എങ്കിൽ പ്രസ്തുത തസ്തികയിൽ ജോലിചെയ്യുന്ന ഫാർമസിസ്റ്റിന്റെ പേര് വിവരം ലഭ്യമാക്കാമോ;

(ബി)  പ്രസ്തുത ഫാർമസിസ്റ്റ് എത്രകാലമായി തിരുവനന്തപുരം നഗരസഭയിൽ ജോലി ചെയ്തുവരുന്നുവെന്ന് വ്യക്തമാക്കാമോ; നഗരസഭയുടെ കീഴിൽ ഉണ്ടായിരുന്ന മാതൃശിശു കേന്ദ്രങ്ങൾ നാഷണൽ ഹെൽത്ത് മിഷന് കൈമാറിയ സാഹചര്യത്തിൽ ഫാർമസിസ്റ്റിന്റെ ജോലി എന്താണെന്നു വ്യക്തമാക്കാമോ; കെ-സ്മാർട്ടിന്റെ ഭാഗമായ ഫയൽ ലോഗിൻ ഫാർമസിസ്റ്റിനു നൽകിയിട്ടുണ്ടോ; വ്യക്തമാക്കാമോ;

(സി)  പ്രത്യേക ജോലി നിശ്ചയിച്ചു നൽകിയിട്ടില്ലായെങ്കിൽ ഫാർമസിസ്റ്റിനെ നാഷണൽ ഹെൽത്ത് മിഷനു കീഴിൽ നിയമിക്കുന്നതിനു നടപടി സ്വീകരിക്കുമോ; വ്യക്തമാക്കാമോ?

പശ്ചിമ കൊച്ചിയിലെ വെള്ളക്കെട്ടും വഴിവിളക്കുകളുടെ പരിപാലനവും

336  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  പശ്ചിമ കൊച്ചിയിലെ വെള്ളക്കെട്ടിന് ശാശ്വത പരിഹാരമായി കനാലുകളും കാനകളും പുനരുദ്ധരിക്കുന്നത് സംബന്ധിച്ച പഠന റിപ്പോർട്ടിന്മേൽ നഗരസഭ സ്വീകരിച്ചിട്ടുള്ള നടപടികളുടെ തൽസ്ഥിതി എന്താണെന്ന് അറിയിക്കാമോ;

(ബി)  ഫാദർ സെബാസ്റ്റ്യൻ തളിയത്ത് റോഡിലെ കാന, കവർ സ്ലാബ് എന്നിവയുടെ നിർമ്മാണത്തിന് സമർപ്പിച്ച ഒരു കോടി രൂപയുടെ പ്രവൃത്തിക്ക് സാങ്കേതികാനുമതി ലഭ്യമായിട്ടുണ്ടോയെന്ന് അറിയിക്കാമോ;

(സി)  സി.എസ്.എം.എൽ., കെ.എം.ആർ.എൽ. എന്നിവയുടെ സഹായത്തോടെയുള്ള വഴിവിളക്കുകളുടെ വാർഷിക പരിപാലന കരാറിനായി കൊച്ചി കോർപ്പറേഷൻ ക്ഷണിച്ച എക്സ്പ്രഷൻ ഓഫ് ഇന്ററസ്റ്റ് നടപടികൾ പൂർത്തിയായി കരാർ നൽകിയിട്ടുണ്ടോ;

(ഡി)  ഫോർട്ട് കൊച്ചി വാക്ക്‌വേ, ബീച്ച് പരിസരങ്ങളിൽ ലൈസൻസ് ദുരുപയോഗം ചെയ്ത് പ്രവർത്തിക്കുന്ന അനധികൃത വഴിയോരക്കടകൾ, പെട്ടിക്കടകൾ എന്നിവയ്ക്കെതിരെ കോർപ്പറേഷൻ സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ?

ഗ്രാമീണ റോഡുകള്‍ക്കുണ്ടായ നാശനഷ്ടം

337  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  2026 ആഗസ്റ്റ് മാസത്തിലുണ്ടായ പ്രളയത്തിലും അതിതീവ്ര മഴയിലും തദ്ദേശസ്വയംഭരണ സ്ഥാപനങ്ങളുടെ പരിധിയിലെ എത്ര ഗ്രാമീണ റോഡുകള്‍ക്ക് നാശനഷ്ടം സംഭവിച്ചതായി കണ്ടെത്തിയിട്ടുണ്ടെന്ന് ജില്ല തിരിച്ച് കണക്ക് ലഭ്യമാക്കാമോ;

(ബി)  പ്രസ്തുത റോഡുകളുടെ അടിയന്തര അറ്റകുറ്റപ്പണികള്‍ക്കും പുനരുദ്ധാരണത്തിനുമായി തദ്ദേശസ്വയംഭരണ സ്ഥാപനങ്ങള്‍ക്ക് അനുവദിച്ച തുക എത്രയാണെന്നും ഇതുവരെ ചെലവഴിച്ച തുക എത്രയാണെന്നും വ്യക്തമാക്കാമോ?

വന്യമൃഗശല്യത്തിന് പരിഹാരം

338  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)   വന്യമൃഗശല്യത്തിന് പരിഹാരം കാണുന്നതിന് വനാതിർത്തികളിൽ സോളാർ ഫെൻസിങ് ഉൾപ്പെടെയുള്ള പ്രതിരോധ മാർഗ്ഗങ്ങൾ സ്വീകരിക്കുമ്പോൾ ഇതിനായി തദ്ദേശസ്വയംഭരണ സ്ഥാപനങ്ങളുടെ പ്ലാൻ ഫണ്ടിൽ നിന്നും ബന്ധപ്പെട്ട സ്ഥാപനത്തിന്റെ അനുമതിയോടെ തുക ചെലവഴിക്കുന്നതിന് അനുമതി നൽകുമോ; ഇല്ലെങ്കിൽ, അതിനുള്ള ഉത്തരവ് തദ്ദേശസ്വയംഭരണ സ്ഥാപനങ്ങൾക്ക് നൽകുമോ;

(ബി)  സോളാർ ഫെൻസിങ് ഉൾപ്പെടെയുള്ള പ്രതിരോധ സംവിധാനങ്ങളിൽ ചെടികളും വള്ളിപ്പടർപ്പുകളും കയറി പ്രവർത്തനം നിലയ്ക്കുന്ന സാഹചര്യത്തിൽ അറ്റകുറ്റപ്പണികൾ നടത്തുന്നതിനായി തദ്ദേശസ്വയംഭരണ സ്ഥാപനങ്ങളുടെ പ്ലാൻ ഫണ്ടിൽ നിന്നും തുക ചെലവഴിക്കുന്നതിന് അനുമതി നൽകിക്കൊണ്ട് ഉത്തരവ് പുറപ്പെടുവിക്കുമോ?

വൈപ്പിന്‍ നിയമസഭാ മണ്ഡലത്തിലെ സമഗ്ര ദ്വീപ് വികസന പദ്ധതി

339  ശ്രീ. ടോണി ചമ്മണി : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  വൈപ്പിന്‍ നിയമസഭാ മണ്ഡലത്തിലെ ദ്വീപ് പ്രദേശങ്ങളുടെ പ്രത്യേക ഭൂമിശാസ്ത്രവും ജനസാന്ദ്രതയും പരിഗണിച്ച് തദ്ദേശസ്വയംഭരണ സ്ഥാപനങ്ങളെ ഏകോപിപ്പിച്ച് സമഗ്ര ദ്വീപ് വികസന പദ്ധതി തയ്യാറാക്കാന്‍ ഉദ്ദേശിക്കുന്നുണ്ടോ; എങ്കില്‍ അതിനെക്കുറിച്ചുളള വിവരങ്ങള്‍ ലഭ്യമാക്കാമോ?

നെടുമങ്ങാട് നഗരസഭയുടെ പേരിൽ സ്വാതന്ത്ര്യ സമര സ്മൃതി പാർക്കിനായി ഭൂമിവാങ്ങൽ

340  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  നെടുമങ്ങാട് നിയോജക മണ്ഡലത്തിൽ സ്വാതന്ത്ര്യ സമര സ്മൃതി പാർക്ക് നിർമ്മിക്കുന്നതിനായി 2023 - 24 വർഷത്തെ ബജറ്റിൽ ആദ്യഘട്ടമായി അനുവദിച്ചിരുന്ന തുക വിനിയോഗിച്ച് നെടുമങ്ങാട് മുനിസിപ്പാലിറ്റിയുടെ പേരിൽ വാങ്ങിയ ഭൂമിയുടെ വില ഭൂവുടമയ്ക്ക് നൽകിയോ; വ്യക്തമാക്കാമോ;

(ബി)  ഭൂമിയുടെ വില കൈമാറുന്നതിന് വകുപ്പു മുഖേന തയ്യാറാക്കി വന്ന പ്രൊപ്പോസൽ (ഫയല്‍- ആര്‍.ഇ.1/384/2023-എല്‍എസ്ജിഡി, കമ്പ്യൂട്ടര്‍ നം. 2578833) നടപടികൾ വ്യക്തമാക്കാമോ;

(സി)  പ്രൊപ്പോസൽ ലഭ്യമായ സാഹചര്യത്തിൽ സമയബന്ധിതമായി തുക കൈമാറുന്നതിന് ആവശ്യമായ നടപടി സ്വീകരിക്കുമോ;

(ഡി)  ഈ പ്രോജക്റ്റിന് രണ്ടാം ഘട്ടമായി ഭൂമി വാങ്ങുന്നതിന് 2024 - 25 സാമ്പത്തികവർഷം ബഡ്ജറ്റിൽ വകയിരുത്തിയിരുന്ന അഞ്ചുകോടി രൂപയ്ക്ക് ഭരണാനുമതി നൽകിയോ; പ്രൊപ്പോസൽ ലഭിച്ചിരുന്നോ; വകുപ്പ് മുഖേന പ്രൊപ്പോസൽ ലഭ്യമാക്കാൻ സ്വീകരിച്ച നടപടി വിശദമാക്കാമോ?

ഇൻഫർമേഷൻ കേരള മിഷൻ ജീവനക്കാരുടെ ശമ്പള പരിഷ്കരണം

341  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  G.O.(Ms)No.69/2026/LSGD Dated 04.03.2026 പ്രകാരം ഇൻഫർമേഷൻ കേരള മിഷൻ(ഐ.കെ.എം. )ജീവനക്കാർക്ക് നടപ്പിലാക്കിയ ശമ്പള പരിഷ്കരണത്തിന്റെ വിശദാംശങ്ങള്‍ നല്കാമോ;

(ബി)  2017-ലെ ശമ്പള പരിഷ്കരണത്തില്‍ ഐ.കെ.എം. ജീവനക്കാര്‍ക്ക് പേ ഫിക്സ് ചെയ്ത് നല്‍കുന്നതിനായി എന്തെല്ലാം മാനദണ്ഡങ്ങൾ ആണ് പരിഗണിച്ചിരുന്നത്; വിശദമാക്കാമോ;

(സി)  മേല്‍ ഉത്തരവ് പ്രകാരം ശമ്പളം ഫിക്സ് ചെയ്തപ്പോള്‍ എന്തെല്ലാം മാനദണ്ഡങ്ങൾ ആണ് പരിഗണിച്ചിട്ടുള്ളത്; വിശദമാക്കാമോ;

(ഡി)  ശമ്പള പരിഷ്കരണ കുടിശ്ശിക വിതരണം ചെയ്തിട്ടുണ്ടോ; ഇല്ലെങ്കിൽ കുടിശ്ശിക വിതരണം പരിഗണനയിലുണ്ടോ; വ്യക്തമാക്കാമോ?

നഗരസഭകളുടെയും കോർപ്പറേഷനുകളുടെയും പ്രത്യേക മാസ്റ്റർ പ്ലാൻ

342  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  നഗരസഭകളുടെയും കോർപ്പറേഷനുകളുടെയും അടിസ്ഥാന സൗകര്യ വികസനത്തിനായി പ്രത്യേക മാസ്റ്റർ പ്ലാൻ തയ്യാറാക്കിയിട്ടുണ്ടോ; വിശദാംശം ലഭ്യമാക്കാമോ;

(ബി)  തദ്ദേശ സ്ഥാപനങ്ങളുടെ കീഴിലുള്ള പാർക്കുകൾ, പൊതുസ്ഥലങ്ങൾ, പൊതുമാർക്കറ്റുകൾ തുടങ്ങിയവ നവീകരിക്കുന്നതിനായി പ്രത്യേക പദ്ധതി നടപ്പാക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(സി)  സ്ത്രീകൾക്കും കുട്ടികൾക്കും സുരക്ഷിതമായ പൊതുസ്ഥലങ്ങൾ ഒരുക്കുന്നതിന് തദ്ദേശ സ്ഥാപനങ്ങൾ പ്രത്യേക പരിഗണന നൽകുമോയെന്ന് വ്യക്തമാക്കാമോ?

കിലയിലെ നിയമനം

343  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നശേഷം കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷനില്‍ (കില) കരാറടിസ്ഥാനത്തില്‍ എത്ര ജീവനക്കാരെ നിയമിച്ചിട്ടുണ്ട്; അവരുടെ പേരു വിവരം, തസ്തിക, ശമ്പളം/ഓണറേറിയം എന്നിവ എത്രയാണ്; ഓരോ തസ്തികയ്ക്കും മിനിമം ആവശ്യമുള്ള യോഗ്യതകള്‍, പരിചയ സമ്പത്ത് എന്തൊക്കെയാണ്; വിശദാംശം ലഭ്യമാക്കാമോ;

(ബി)  ഓരോ തസ്തികയ്ക്കും എഴുത്തു പരീക്ഷയും ഇന്റര്‍വ്യൂവും നടത്തിയിരുന്നുവോ;

(സി)  ഉണ്ടെങ്കില്‍ ഒരോ തസ്തികയ്ക്കും ഉള്ള റാങ്ക് ലിസ്റ്റ് ഓരോരുത്തര്‍ക്കും ലഭിച്ച മാര്‍ക്ക് സഹിതം ലഭ്യമാക്കാമോ?

പി.എം.ജി.എസ്.വൈ. പദ്ധതി

344  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് തദ്ദേശ സ്വയംഭരണ വകുപ്പ് മന്ത്രി സദയം മറുപടി നല്‍കുമോ:

(എ)  മട്ടന്നൂര്‍ നിയോജക മണ്ഡലത്തില്‍ പി.എം.ജി.എസ്.വൈ. പദ്ധതിയില്‍ ഉള്‍പ്പെടുത്തി നിലവില്‍ പ്രവൃത്തി നടന്നുകൊണ്ടിരിക്കുന്ന റോഡുകളുടെ വിശദാംശങ്ങള്‍ ലഭ്യമാക്കാമോ;

(ബി)  മട്ടന്നൂര്‍ മണ്ഡലത്തില്‍ പ്രസ്തുത പദ്ധതിയില്‍ പുതുതായി ഉള്‍പ്പെടുത്താന്‍ തീരുമാനിച്ചിട്ടുള്ള റോഡുകള്‍ ഏതൊക്കെയാണ്; വ്യക്തമാക്കാമോ?