അഭിഭാഷകരുടെ ക്ഷേമനിധി ആനുകൂല്യങ്ങൾ വർദ്ധിപ്പിക്കുവാൻ സർക്കാർ ആലോചിക്കുന്നുണ്ടോയെന്ന് വിശദമാക്കാമോ;

ജൂനിയർ അഭിഭാഷകർക്ക് വേണ്ടി ഈ സർക്കാർ എന്തെങ്കിലും പദ്ധതികൾ ആവിഷ്കരിച്ച് നടപ്പിലാക്കാൻ ഉദ്ദേശിക്കുന്നുണ്ടോയെന്ന് വിശദമാക്കാമോ;

ജൂനിയർ അഭിഭാഷകർക്ക് കോടതി വ്യവഹാരങ്ങളിൽ താൽപര്യം ഉണ്ടാകുന്നതിനും കുറഞ്ഞത് മൂന്നു വർഷത്തേക്ക് എങ്കിലും പ്രാക്ടീസ് തുടരുന്നതിനും സഹായകരമാകുന്ന രീതിയിൽ ഒരു നിശ്ചിത തുക പ്രാക്ടീസിംഗ് സ്റ്റൈഫന്റായി നൽകുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കാമോ;

ഇപ്പോൾ പ്രാക്ടീസ് ചെയ്യുന്ന ജൂനിയർ അഭിഭാഷകർക്ക് സർക്കാർ നൽകുന്ന സാമ്പത്തിക സഹായങ്ങൾ എന്തൊക്കെയാണെന്ന് വിശദമാക്കാമോ?

എം.എ.സി.റ്റി. ഗവണ്‍മെന്റ് പ്ലീഡര്‍മാര്‍ക്കുള്ള ശമ്പള വര്‍ദ്ധനവ് സംബന്ധിച്ച നിര്‍ദ്ദേശം പരിഗണനയിലുണ്ടോ; ആയതിനുള്ള നടപടി സ്വീകരിക്കുമോ; വിശദാംശം നല്‍കാമോ?

കഴിഞ്ഞ സർക്കാറിന്റെയും ഇപ്പോഴത്തെ സർക്കാറിന്റെയും കാലയളവില്‍ പട്ടാമ്പി മണ്ഡലത്തില്‍ ആസ്തി വികസന ഫണ്ടിലോ പ്രാദേശിക ഫണ്ടിലോ ഉൾപ്പെടാത്ത ഏതെല്ലാം പദ്ധതികളാണ് അനുവദിച്ചിട്ടുള്ളതെന്ന് വ്യക്തമാക്കാമോ;

പദ്ധതിയുടെ വിശദവിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവ്വഹണ ചുമതല നൽകിയിട്ടുള്ള വകുപ്പ്, ഏജൻസി, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ചുകൊണ്ടുള്ള ഉത്തരവുകളുടെ പകര്‍പ്പ് ലഭ്യമാക്കാമോ?

ഡിജിറ്റൽ ആഗോളവൽക്കരണ കാലഘട്ടത്തിൽ നവീകരണം തുടർച്ചയായ ശ്രദ്ധ അർഹിക്കുന്ന ഒരു പ്രധാന വിഷയമായി തുടരുന്നു എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ലോകത്തെയാകെ ചലിപ്പിക്കാൻ കഴിയുന്ന ആശയങ്ങളുള്ള പുതിയ തലമുറ നമുക്കുണ്ട്‌ എന്നത് വിലയിരുത്തിയിട്ടുണ്ടോ; വിശദമാക്കാമോ;

ഭൂമിലഭ്യത പരിമിതമായതിനാൽ ഉന്നതസാങ്കേതികത പ്രയോജനപ്പെടുത്തുന്ന വിജ്ഞാന അധിഷ്‌ഠിത വ്യവസായങ്ങള്‍ക്ക് കേരളം മുന്‍ഗണന നല്‍കിയിട്ടുണ്ടോ; വിശദമാക്കാമോ;

ശാസ്ത്ര സാങ്കേതികവിദ്യയും നിര്‍മ്മിതബുദ്ധിയും ഉപയോഗിച്ച് ലോകത്തിനാവശ്യമായ ഡീപ് ടെക് ഉല്പന്നങ്ങളൊരുക്കുന്ന കേന്ദ്രമായി കേരളത്തെ മാറ്റിയെടുക്കാന്‍ ലക്ഷ്യമിടുന്നുണ്ടോ; വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം കേരള സ്റ്റാർട്ടപ്പ് മിഷന്‍ മുഖേന എത്ര സ്റ്റാർട്ടപ്പുകളാണ് തുടങ്ങിയിട്ടുള്ളതെന്ന് വിശദമാക്കാമോ;

ഇത്തരം സ്റ്റാർട്ടപ്പുകളിലൂടെ എത്ര പേർക്ക് തൊഴിൽ നൽകാൻ കഴിഞ്ഞിട്ടുണ്ടെന്ന് വിശദമാക്കാമോ;

സ്റ്റാർട്ടപ്പ് മിഷന്‍ മുഖേന പാലക്കാട് ജില്ലയിൽ എത്ര സ്റ്റാർട്ടപ്പുകൾ തുടങ്ങിയിട്ടുണ്ടെന്ന് വിശദമാക്കാമോ?

സംസ്ഥാനത്തെ ഇലക്ട്രോണിക്സ് വ്യവസായ രംഗത്ത് ഒരു കാലത്ത് നേതൃസ്ഥാനം വഹിച്ചിരുന്ന കെല്‍ട്രോണിനെ പഴയ പ്രതാപത്തിലേക്ക് തിരികെയെത്തിക്കുമെന്ന ഈ സര്‍ക്കാരിന്റെ വാഗ്‍ദാനം എത്രത്തോളം പ്രാവര്‍ത്തികമാക്കുവാന്‍ കഴിഞ്ഞിട്ടുണ്ട്; വിശദീകരിക്കുമോ;

സര്‍ക്കാര്‍ നടത്തിയ പ്രവര്‍ത്തനങ്ങളുടെ ഫലമായി മികച്ച പൊതുമേഖലാ സ്ഥാപനമായി വളരുവാന്‍ കെല്‍ട്രോണിന് കഴിഞ്ഞിട്ടുണ്ടോ; വ്യക്തമാക്കുമോ;

വിദേശ രാജ്യങ്ങളില്‍ കെല്‍ട്രോണിന്റെ ഉല്പന്നങ്ങള്‍ക്കും സേവനങ്ങള്‍ക്കും വിപണി കണ്ടെത്തുന്നതിനും ഇതിന്റെ വിപുലമായ സാധ്യതകള്‍ പരിശോധിക്കുന്നതിനും കഴിഞ്ഞിട്ടുണ്ടോ; വിശദാംശം നല്‍കാമോ?

കോഴിക്കോട് കേരള സോപ്സ് ആൻഡ് ഓയില്‍ ലിമിറ്റഡ് കമ്പനിയുടെ പ്രവര്‍ത്തനത്തില്‍ 2021 മുതല്‍ സര്‍ക്കാര്‍ നടത്തിയ ഇടപെടലുകള്‍ വിശദമാക്കാമോ;

നിലവില്‍ പ്രസ്തുത സ്ഥാപനത്തിന്റെ പ്രവര്‍ത്തനം മെച്ചപ്പെടുത്താനും ഉല്പാദനം വര്‍ദ്ധിപ്പിക്കുന്നതിനും സാധിച്ചിട്ടുണ്ടോ;

സ്ഥാപനത്തിലെ ജീവനക്കാരുടെ തൊഴില്‍ പരിരക്ഷ ഉറപ്പുവരുത്തുന്നതിനായി എന്തു നടപടിയാണ് സ്വീകരിച്ചിട്ടുള്ളത്?

വ്യവസായ വകുപ്പിന് കീഴില്‍ സംസ്ഥാനത്ത് പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുടെ പ്രവര്‍ത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം എത്ര സ്ഥാപനങ്ങള്‍ അടച്ചുപൂട്ടിയിട്ടുണ്ട്; അതിന്റെ കാരണം വ്യക്തമാക്കാമോ; അത്തരം സ്ഥാപനങ്ങളെ പുനരുജ്ജീവിപ്പിക്കാൻ സര്‍ക്കാര്‍ നടപടി സ്വീകരിച്ചിട്ടുണ്ടോ; വ്യക്തമാക്കാമോ;

ഇത്തരം സ്ഥാപനങ്ങളുടെ ലാഭവിഹിതം സര്‍ക്കാരിലേക്ക് നൽകുന്നുണ്ടോ; എങ്കില്‍ അത്തരം സ്ഥാപനങ്ങളുടെയും വിഹിതത്തിന്റെയും വിശദാംശങ്ങള്‍ ലഭ്യമാക്കാമോ?

ഈ സർക്കാരിന്റെ കാലയളവിൽ സംസ്ഥാനത്തെ ഏതൊക്കെ പൊതുമേഖലാ സ്ഥാപനങ്ങളിലാണ് പെൻഷൻ പ്രായം അറുപത് വയസ്സായി ഉയർത്തിയിട്ടുള്ളതെന്ന് വ്യക്തമാക്കുമോ;

പെൻഷൻ പ്രായം ഉയർത്തുന്നത് സംബന്ധിച്ച് ധനകാര്യവകുപ്പിന്റെ എതിർപ്പിനെ മറികടന്ന് തീരുമാനമെടുത്തിട്ടുണ്ടോ; എങ്കിൽ വിശദാംശം വ്യക്തമാക്കുമോ; വിവിധ പൊതുമേഖല സ്ഥാപനങ്ങളിലെ പെൻഷൻ പ്രായം ഉയർത്തുന്നതുമായി ബന്ധപ്പെട്ട് ധനകാര്യ വകുപ്പ് നൽകിയ റിമാർക്ക്സിന്റെ പകർപ്പ് ലഭ്യമാക്കുമോ?

വ്യവസായ വകുപ്പിന്റെ നിയന്ത്രണത്തിലുളള പൊതുമേഖലാ സ്ഥാപനങ്ങളുടെ ഓരോ സാമ്പത്തിക വർഷത്തെയും കണക്കുകൾ നിശ്ചിത കാലയളവിനുളളിൽ സി. &എ. ജി. യ്ക്ക് സമർപ്പിക്കുന്നുണ്ടോയെന്ന് പരിശോധിക്കുന്നതിന് നിലവിൽ സംവിധാനമുണ്ടോ; വ്യക്തമാക്കാമോ;

പൊതുമേഖലാ സ്ഥാപനങ്ങളുടെ സുതാര്യതയും സാമ്പത്തിക അച്ചടക്കവും പാലിക്കുന്നതിന് സമയബന്ധിതമായി കണക്കുകൾ തയ്യാറാക്കേണ്ടതാണെന്ന് വിലയിരുത്തിയിട്ടുണ്ടോ; വ്യക്തമാക്കാമോ;

പ്രസ്തുത കണക്കുകൾ സമയബന്ധിതമായി തയ്യാറാക്കുന്നതിൽ വീഴ്ചവരുത്തുന്ന പൊതുമേഖലാ സ്ഥാപനങ്ങൾക്കെതിരെ കമ്പനി നിയമപ്രകാരം നടപടി സ്വീകരിക്കുന്നത് പരിശോധിച്ചിട്ടുണ്ടോ; വിശദമാക്കാമോ?

പൊതുമേഖലാ വ്യവസായ സംരംഭങ്ങള്‍ക്ക് ഗുണകരമല്ലാത്ത കേന്ദ്ര നിലപാടുകള്‍ക്ക് ബദലായി ഈ സര്‍ക്കാര്‍ നടപ്പാക്കിയ പദ്ധതികള്‍ സംസ്ഥാനത്തെ പൊതുമേഖലയ്ക്ക് ഗുണകരമായിട്ടുണ്ടോ; വ്യക്തമാക്കാമോ;

ദേശസാല്‍ക്കരണത്തിന്റെ ഭാഗമായി കേന്ദ്ര സര്‍ക്കാര്‍ ഏറ്റെടുത്ത തുണിമില്ലുകളില്‍ എത്ര തുണിമില്ലുകള്‍ നിലവില്‍ സംസ്ഥാനത്ത് പ്രവര്‍ത്തിക്കുന്നുണ്ട്; വിശദമാക്കാമോ;

നാഷണല്‍ ടെക്സ്റ്റൈല്‍ കോര്‍പ്പറേഷന്റെ കീഴില്‍ പ്രവര്‍ത്തിച്ചിരുന്ന ഈ മില്ലുകള്‍ അടച്ചു പൂട്ടുന്നതിലേക്ക് നയിച്ച കാരണങ്ങള്‍ പരിശോധിച്ചിട്ടുണ്ടോ; വിശദാംശം നല്‍കാമോ;

കേന്ദ്രനയങ്ങള്‍ കാരണം ടെക്സ്റ്റൈല്‍ മേഖല പ്രതിസന്ധി നേരിടുമ്പോഴും സംസ്ഥാന സര്‍ക്കാറിന്റെ ഉടമസ്ഥതയിലുള്ള തുണിമില്ലുകളുടെ പ്രവര്‍ത്തനം സുഗമമായി നടത്തുവാന്‍ കഴിയുന്നുണ്ടോ; വിശദീകരിക്കാമോ?

തിരൂരങ്ങാടി നിയോജക മണ്ഡലത്തിലെ എടരിക്കോട് ജലജീവൻ മിഷൻ കുടിവെള്ള പദ്ധതിക്ക് കേരള ഇലക്ട്രിക്കൽ ആന്‍ഡ് അലൈഡ് എഞ്ചിനീയറിംഗ് കമ്പനി ലിമിറ്റഡിന്റെ ഭൂമി വിട്ടു നൽകാത്തതിനാൽ പദ്ധതി ആരംഭിക്കാൻ കഴിയാത്തത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ആവശ്യമായ നടപടി സ്വീകരിക്കുമോ;

കുടിവെള്ള പദ്ധതിയുടെ ആവശ്യത്തിന് നിലവിൽ ഉപയോഗിക്കാതെ കിടക്കുന്ന ഈ ഭൂമി സൗജന്യമായി വിട്ട് നൽകുന്നതിനുള്ള നടപടി സ്വീകരിക്കുമോ; വിശദമാക്കാമോ;

ജലജീവൻ മിഷൻ കുടിവെള്ള പദ്ധതിയിൽ ഭൂമി വാങ്ങുന്നതിന് തുക അനുവദിക്കാൻ കഴിയാത്തത് ശ്രദ്ധയിൽപ്പെട്ടിട്ടുണ്ടോ; ഈ സാഹചര്യം പരിഗണിച്ച് എടരിക്കോട് ജലജീവൻ മിഷൻ കുടിവെള്ള പദ്ധതിക്ക് കേരള ഇലക്ട്രിക്കൽ & അലൈഡ് എഞ്ചിനീയറിംഗ് കമ്പനി ലിമിറ്റഡിന്റെ ഭൂമി സൗജന്യമായി വിട്ടു നൽകുന്നതിനുള്ള അനുകൂല നടപടി സ്വീകരിക്കുമോ; വിശദമാക്കാമോ?

കേന്ദ്ര സര്‍ക്കാര്‍ ഓഹരികള്‍ വിറ്റഴിച്ച്, സ്വകാര്യവല്‍ക്കരിക്കാന്‍ തീരുമാനിച്ച സംസ്ഥാനത്തെ കേന്ദ്ര പൊതുമേഖലാ സ്ഥാപനങ്ങളെ കൂടി ഏറ്റെടുത്ത് പ്രവര്‍ത്തനം ശക്തിപ്പെടുത്തുന്നതിനുള്ള ബദല്‍ വികസന നയം സര്‍ക്കാര്‍ നടപ്പാക്കിയിട്ടുണ്ടോ; വിശദാംശം ലഭ്യമാക്കുമോ;

പൊതുമേഖലാ സ്ഥാപനങ്ങള്‍ കേന്ദ്ര സര്‍ക്കാര്‍ സ്വകാര്യവല്‍ക്കരിച്ചുകൊണ്ടിരിക്കുന്ന സാഹചര്യത്തില്‍ സംസ്ഥാന പൊതുമേഖലാ സ്ഥാപനങ്ങളെ ശാക്തീകരിക്കാന്‍ സര്‍ക്കാര്‍ നടത്തുന്ന പ്രവര്‍ത്തനങ്ങള്‍ വിശദമാക്കാമോ;

സംസ്ഥാന പൊതുമേഖലാ സ്ഥാപനങ്ങളുടെ പ്രവര്‍ത്തന മികവിന്റെയും കാര്യക്ഷമതയുടെയും അടിസ്ഥാനത്തില്‍ സ്വയംഭരണാവകാശം നല്‍കാന്‍ സര്‍ക്കാര്‍ ഉദ്ദേശിക്കുന്നുണ്ടോ; വിശദാംശം ലഭ്യമാക്കുമോ?

കേരളത്തെ വ്യവസായ സൗഹൃദ സംസ്ഥാനമാക്കി മാറ്റിയെടുക്കുന്നതിനും നിക്ഷേപകരെ ആകർഷിക്കുന്നതിനും സ്വീകരിച്ച നടപടി എന്തെല്ലാമാണെന്ന് വിശദമാക്കുമോ;

ഇയർ ഓഫ് എന്റർപ്രൈസസ് പദ്ധതി വഴി നാളിതുവരെ സംസ്ഥാനത്ത് എത്ര പുതിയ സംരംഭങ്ങൾ അധികമായി സ്ഥാപിച്ചുവെന്നും ഇതിലൂടെ എത്ര കോടി രൂപയുടെ നിക്ഷേപം കൊണ്ടുവരാൻ സാധിച്ചിട്ടുണ്ടെന്നും പുതുതായി സ്ഥാപിച്ച പദ്ധതിയുടെ പേര്, വിലാസം, ജില്ല, മുടക്കുമുതൽ, നേരിട്ട് ലഭിക്കുന്ന ജോലി എന്നിവയുടെ വിശദാംശങ്ങൾ ജില്ലാ അടിസ്ഥാനത്തിൽ നല്‍കാമോ;

സംസ്ഥാനത്തേക്ക് കൂടുതൽ നിക്ഷേപം ആകർഷിക്കുന്നതിനായി 2020 മുതൽ സംസ്ഥാനത്ത് ആഗോള നിക്ഷേപ സംഗമം സംഘടിപ്പിച്ചിട്ടുണ്ടോ; എങ്കിൽ ഇതിലൂടെ എത്ര വ്യവസായങ്ങൾക്ക് എത്ര കോടി രൂപയുടെ ഓഫറുകളാണ് ലഭിച്ചിരുന്നതെന്നും ഇതിനോടകം എത്ര കോടി രൂപയുടെ ഏതെല്ലാം പദ്ധതികൾ എവിടെയെല്ലാം ആരംഭിച്ചു എന്നും വ്യക്തമാക്കുമോ; വിശദാംശങ്ങൾ ലഭ്യമാക്കുമോ;

സംസ്ഥാനത്ത് വ്യവസായ സംരംഭങ്ങൾ തുടങ്ങിയവർക്ക് സബ്സിഡി ഇനത്തിൽ മൊത്തം എത്ര രൂപയുടെ കുടിശ്ശികയുണ്ടെന്നും മലപ്പുറം ജില്ലയിൽ എത്ര സംരംഭകർക്ക് എത്ര രൂപ കൊടുക്കാനുണ്ടെന്നും അത് എന്ന് കൊടുത്തു തീർക്കുമെന്നും വ്യക്തമാക്കുമോ?

ചാത്തന്നൂർ ഇൻഡസ്ട്രിയൽ ഡെവലപ്മെന്റ് പ്ലോട്ടിൽ വഞ്ചി ക്ലേ മൈൻസിന്റെ 4.3 ഏക്കർ ഭൂമിയിൽ വ്യവസായ സമുച്ചയങ്ങള്‍ നിർമ്മിക്കുന്നതിനോ എന്തെങ്കിലും വ്യവസായ സംരംഭങ്ങൾ തുടങ്ങുന്നതിനോ വ്യവസായ വകുപ്പ് തീരുമാനിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത ഭൂമി വ്യവസായ ആവശ്യങ്ങൾക്ക് പ്രയോജനപ്പെടുത്തുന്നതിനായി റീ-ബിൽഡ് കേരള പദ്ധതിയിൽ ഉൾപ്പെടുത്തിയിട്ടുണ്ടോ; എങ്കിൽ അതിന്റെ നിലവിലെ സ്ഥിതി വിശദമാക്കാമോ;

ചാത്തന്നൂരിലെ വഞ്ചി ക്ലേ മൈൻസിന്റെ ഭൂമി നിലവിൽ ആർക്കെങ്കിലും പാട്ടത്തിനോ മറ്റ് വ്യവസ്ഥകൾ പ്രകാരമോ നൽകിയിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കാമോ;

വഞ്ചി ക്ലേ മൈൻസിന്റെ ഭൂമി പ്രയോജനപ്പെടുത്തുന്നത് സംബന്ധിച്ച് വ്യവസായ വകുപ്പിന്റെ കാഴ്ചപ്പാട് വ്യക്തമാക്കാമോ?

ലാഭത്തിലുള്ള പൊതുമേഖലാ വ്യവസായ സ്ഥാപനങ്ങളുടെ വരുമാനത്തിന്റെ 2 ശതമാനം കോര്‍പ്പറേറ്റ് സോഷ്യല്‍ റെസ്പോണ്‍സിബിലിറ്റി ഫണ്ട് എന്ന നിലയ്ക്ക് സൂക്ഷ്മ ചെറുകിട സംരംഭങ്ങള്‍ അനുബന്ധമായി ആരംഭിക്കുന്നതിന് പ്രത്യേക മാര്‍ക്കറ്റിംഗ് സപ്പോര്‍ട്ട് നല്‍കുന്നതിനുളള പദ്ധതി ആരംഭിക്കാന്‍ നടപടി സ്വീകരിക്കുമോ; വിശദമാക്കുമോ?

ഈ സർക്കാർ അധികാരത്തിൽ വന്നശേഷം സൂക്ഷ്മ ചെറുകിട ഇടത്തരം വ്യവസായങ്ങളിലായി കാസർഗോഡ് ജില്ലയിൽ എത്ര പുതിയ സംരംഭങ്ങൾ വന്നിട്ടുണ്ടെന്നും ഇതുവഴി എത്ര പേർക്ക് ജോലി ലഭ്യമായിട്ടുണ്ടെന്നും വ്യക്തമാക്കാമോ?

കൊല്ലം ജില്ലയിലെ തോട്ടം മേഖല എന്ന നിലയില്‍ പുനലൂർ നിയോജകമണ്ഡലത്തിലെ റബ്ബര്‍ വ്യവസായ സാധ്യതകൾ വിനിയോഗിക്കുന്നതിന് റബ്ബർ ഇൻഡസ്ട്രിയൽ പാർക്ക് രൂപീകരണം ആലോചനയിലുണ്ടോ; അതുമായി ബന്ധപ്പെട്ട് താലൂക്ക് വ്യവസായ കേന്ദ്രം തയ്യാറാക്കിയിട്ടുള്ള പ്രൊപ്പോസലില്‍ തുടര്‍നടപടികളെടുത്തിട്ടുണ്ടോ; വിശദമാക്കാമോ;

ഐ.ടി. അഭ്യസ്തവിദ്യരായ യുവജനങ്ങള്‍ക്കായി ഐ.ടി. സ്റ്റാർട്ടപ്പ് ഹബ്ബുകളും ബിസിനസ് പ്രോസസ് ഔട്ട്സോര്‍സിംഗ് സെന്ററുകളും ആരംഭിയ്ക്കുന്നതിനുള്ള നടപടിക്രമം എന്തൊക്കെയാണെന്ന് വിശദമാക്കാമോ; എന്തൊക്കെ അടിസ്ഥാന സൗകര്യങ്ങളാണ് അതിനാവശ്യമായിട്ടുള്ളതെന്ന് വിശദമാക്കാമോ?

സംസ്ഥാനത്തിന്റെ സംരംഭക സാധ്യതകൾ ലോകത്തിന് മുന്നിൽ അവതരിപ്പിക്കുന്നതിൽ സംരംഭക വർഷം പദ്ധതി എത്രത്തോളം വിജയിച്ചിട്ടുണ്ടെന്ന് വിലയിരുത്തിയിട്ടുണ്ടോ; വിശദാംശം നൽകുമോ;

വ്യവസായിക സംരംഭകത്വ സൗഹൃദ ആവാസ വ്യവസ്ഥയായി ഉള്ള സംസ്ഥാനത്തിന്റെ പരിവർത്തനത്തിന് തുടക്കം കുറിച്ചുകൊണ്ട് സർക്കാർ സ്വീകരിച്ച സംരംഭക സൗഹൃദ നടപടികൾ ഈ പദ്ധതിയുടെ വിജയത്തെ സ്വാധീനിച്ചിട്ടുണ്ടോ; വിശദീകരിക്കുമോ;

ദേശീയ, അന്തർദേശീയ തലങ്ങളിൽ ശ്രദ്ധിക്കപ്പെടുന്ന തരത്തിൽ ഈ പദ്ധതിക്ക് പുരസ്കാരങ്ങൾ ലഭിച്ചിരുന്നോ; വിശദമാക്കാമോ?

ഇൻവെസ്റ്റ് കേരള ഗ്ലോബൽ സമ്മിറ്റ് 2025ന്റെ ഭാഗമായി പ്രഖ്യാപിച്ച സംരംഭങ്ങളുടെ പുരോഗതിയുടെ വിശദാംശങ്ങൾ ലഭ്യമാക്കാമോ;

ഇൻവെസ്റ്റ് കേരള ഗ്ലോബൽ സമ്മിറ്റ് 2025 ന്റെ ഭാഗമായി ടൂറിസം മേഖലയിൽ പുതുതായി വരുന്ന പദ്ധതികൾ സംബന്ധിച്ച വിവരങ്ങൾ ലഭ്യമാക്കാമോ?

ഇന്‍വെസ്റ്റ് കേരള ആഗോള നിക്ഷേപക സംഗമത്തില്‍ ലഭിച്ച താല്പര്യപത്രങ്ങളുടെ നിലവിലെ സ്ഥിതി വ്യക്തമാക്കാമോ;

പ്രസ്തുത സംഗമത്തില്‍ ലഭ്യമായ നിക്ഷേപ താല്പര്യ പത്രങ്ങളില്‍ എത്ര ശതമാനം ആരംഭിക്കാന്‍ സാധിച്ചിട്ടുണ്ടെന്ന് വിശദമാക്കാമോ;

രാജ്യത്തിനകത്തും പുറത്തുമുള്ള വന്‍കിട നിക്ഷേപങ്ങള്‍ ആകര്‍ഷിക്കുവാന്‍ സ്വീകരിച്ച നടപടികള്‍ വിശദമാക്കാമോ;

കഴിഞ്ഞ നാല് വര്‍ഷമായി സംസ്ഥാനത്തെ ഈസ് ഓഫ് ഡൂയിംഗ് ബിസിനസ് റാങ്കിങ് മെച്ചപ്പെടുത്തുവാനും അതുമൂലം സംസ്ഥാനത്ത് കൂടുതല്‍ നിക്ഷേപം ലഭിക്കുവാനും എടുത്ത നടപടികള്‍ വിശദമാക്കാമോ?

ഈ സര്‍ക്കാര്‍‍ അധികാരത്തില്‍ വന്നശേഷം വ്യവസായനിക്ഷേപത്തിൽ കാര്യമായ വളർച്ച ഉണ്ടായിട്ടുണ്ടോ; സർക്കാരിന്റെയും തദ്ദേശസ്ഥാപനങ്ങളുടെയും പൊതുമേഖലാ സ്ഥാപനങ്ങളുടെയും കൈവശമുള്ള സ്ഥലം ഉപയോഗപ്പെടുത്തി കൂടുതൽ വ്യവസായ നിക്ഷേപം ആകർഷിക്കാനുള്ള പദ്ധതികൾ പരിഗണനയിലുണ്ടോ; വിശദമാക്കാമോ;

സ്മാർട്ട് സിറ്റി പദ്ധതിയിലെ കരാർ വ്യവസ്ഥകൾ പാലിക്കാത്ത ടീകോമിന്റെ പ്രവര്‍ത്തനം ഫലപ്രദമാകാതിരുന്നിട്ടും ഐ.റ്റി. വ്യവസായ മേഖലയിൽ കേരളത്തെ ലോകോത്തര നിലവാരത്തിലേക്കെത്തിക്കാനുള്ള പ്രവർത്തനം ഈ സർക്കാർ നടത്തിയിട്ടുണ്ടോ; വിശദമാക്കാമോ;

ഈ സർക്കാർ ആവിഷ്കരിച്ച വ്യവസായ വികസന പരിപാടികളുടെ ഭാഗമായി ടെക്‌നോപാർക്ക്‌, ഇൻഫോപാർക്ക്‌, സൈബർ പാർക്ക്‌ എന്നിവിടങ്ങളിലായി എഴുപതിനായിരത്തിലധികം പേർക്ക്‌ പുതുതായി തൊഴിൽ നൽകാനായിട്ടുണ്ടോ; വിശദമാക്കാമോ;

സംരംഭകരിൽ നിന്നും നയരുപീകരണ തലത്തിൽ ഉപയോഗിക്കാവുന്ന തരത്തിലുള്ള ഫീഡ്ബാക്ക് ശേഖരിച്ച് പ്രാദേശിക തലത്തിലുള്ള സംരംഭക ആവാസ വ്യവസ്ഥ ശക്തിപ്പെടുത്തുന്നതിന് വേണ്ട നടപടികള്‍ ലക്ഷ്യമിടുന്നുണ്ടോ; വിശദമാക്കാമോ?

വടക്കാഞ്ചേരി നിയോജക മണ്ഡലത്തിലെ മുളങ്കുന്നത്തുകാവിൽ കെൽട്രോൺ ഉപകമ്പനികളുടെ ലിക്വിഡേഷനിലുള്ള ഭൂമി വ്യവസായ വികസനത്തിനു ഉപയോഗപ്രദമാക്കുന്നതിനായി കെൽട്രോണും സി-മെറ്റും സംയുക്ത സംരംഭം ആരംഭിക്കാനുള്ള പ്രൊപ്പോസൽ വിശദമാക്കാമോ;

ഈ പ്രൊപ്പോസലിന്റെ നിലവിലെ പുരോഗതി വിശദമാക്കാമോ?

കിനാലൂർ കെ.എസ്.ഐ.ഡി.സി.യുടെ റോഡ് നവീകരണത്തിന് ഫണ്ട് അനുവദിച്ചിട്ടും റോഡ് നവീകരണ പ്രവൃത്തി പൂർത്തിയാക്കാൻ കാലതാമസം നേരിട്ടത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ബാലുശ്ശേരി ഗവ. കോളജിലേയ്ക്കുള്ളതും കെ.എസ്.ഐ.ഡി.സി.യുടെ ഉടമസ്ഥതയിലുള്ളതുമായ ഇന്റേണല്‍ റോഡ് ഗതാഗതയോഗ്യമാക്കുന്നതിന് അടിയന്തര നടപടി സ്വീകരിക്കുമോ?

മാവൂര്‍ ഗ്വാളിയോര്‍ റയണ്‍സ് ഭൂമിയില്‍ പുതിയ വ്യവസായ സംരംഭം ആരംഭിക്കുന്നതിന് പ്രസ്തുത ഭൂമി സംബന്ധിച്ച് ഹെെക്കോടതിയില്‍ നിലവിലുള്ള കേസ് തീര്‍പ്പാക്കാന്‍ സര്‍ക്കാര്‍ തലത്തില്‍ സ്വീകരിച്ചു വരുന്ന നടപടികള്‍ വിശദമാക്കാമോ; നിയമപരമായ നടപടികള്‍ വേഗത്തിലാക്കാന്‍ പ്രത്യേക ശ്രദ്ധ ചെലുത്താമോ;

സമയബന്ധിതമായി കേസ് തീര്‍പ്പാക്കുന്നതില്‍ വീഴ്ച വരുത്തിയതായി ശ്രദ്ധയില്‍പ്പെട്ടിട്ടുണ്ടോ; അതിനിടയാക്കിയ കാരണങ്ങള്‍ പരിശോധിച്ചിട്ടുണ്ടോ; വ്യക്തമാക്കാമോ?

അരൂർ മണ്ഡലത്തിലെ അരൂർ ഇൻഡസ്ട്രിയല്‍ എസ്റ്റേറ്റിന്റെ നവീകരണത്തിനായി 2023-2024 സാമ്പത്തിക വർഷം ബജറ്റിൽ അനുവദിച്ച 5 കോടി രൂപയുടെ പ്രവൃത്തിക്ക് ഭരണാനുമതി ലഭിച്ചിട്ടുണ്ടോ; എങ്കില്‍ അരൂർ ഇൻഡസ്ട്രിയല്‍ എസ്റ്റേറ്റില്‍ ഏതെല്ലാം വർക്കുകള്‍ ഉള്‍പ്പെടുത്തിയിട്ടുണ്ട്; വിശദമാക്കാമോ?

ഈ സർക്കാർ അധികാരമേറ്റശേഷം നാളിതുവരെ വ്യവസായവകുപ്പ് വടകര നിയോജകമണ്ഡലത്തിൽ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശങ്ങള്‍ അറിയിക്കുമോ;

ഇക്കാലയളവിൽ പ്രസ്തുത നിയോജകമണ്ഡലത്തില്‍ നടപ്പാക്കുന്നതിന് അനുമതി ലഭിച്ചശേഷം നാളിതുവരെ നടപ്പാക്കാന്‍ കഴിയാത്തതും ആരംഭിച്ചശേഷം പൂര്‍ത്തികരിച്ചിട്ടില്ലാത്തതുമായ പദ്ധതികളും പ്രവൃത്തികളും ഏതെല്ലാമാണ്; ഇവ ഓരോന്നിനുമായി നീക്കിവച്ചിട്ടുള്ള തുക എത്രവീതമാണെന്ന് അറിയിക്കുമോ; വിശദമാക്കുമോ;

ഇതില്‍ കേന്ദ്രസര്‍ക്കാരില്‍ നിന്ന് സാമ്പത്തിക സഹായം ലഭിച്ചിട്ടുള്ള പദ്ധതികളും പ്രവൃത്തികളും ഏതൊക്കെയാണെന്നും ഇവ ഓരോന്നിനും നീക്കിവച്ചിട്ടുള്ള കേന്ദ്ര, സംസ്ഥാന, തദ്ദേശ സ്ഥാപന വിഹിതങ്ങള്‍ എത്രവീതമാണെന്നും വ്യക്തമാക്കാമോ;

ഇക്കാലയളവിൽ പ്രസ്തുത നിയോജക മണ്ഡലത്തിനായി വകുപ്പുമുഖേന ചെലവാക്കിയ ആകെ തുക എത്ര രൂപയാണ്; വര്‍ഷവും ഇനവും തിരിച്ചുള്ള വിവരം ലഭ്യമാകുമോ?

മാവേലിക്കര മണ്ഡലത്തിലെ ഇൻകെൽ സ്പെഷ്യൽ പർപ്പസ് വെഹിക്കിൾ ആയ പദ്ധതികളുടെ വിശദാംശം ലഭ്യമാക്കാമോ;

പ്രസ്തുത പദ്ധതികളുടെ തല്‍സ്ഥിതിയും ഇവ സമയബന്ധിതമായി പൂര്‍ത്തീകരിക്കുവാന്‍ സ്വീകരിച്ചിട്ടുള്ള നടപടിയും വിശദമാക്കാമോ?

ഈ സർക്കാർ അധികാരത്തിൽ വന്നതിനുശേഷം വ്യവസായ വകുപ്പ് അരുവിക്കര മണ്ഡലത്തിൽ നടപ്പിലാക്കിയ പദ്ധതികൾ, വ്യവസായ സംരംഭങ്ങൾ, സ്വയംതൊഴിൽ സംരംഭങ്ങൾ എന്നിവ സംബന്ധിച്ച വിശദാംശങ്ങളും അവയുടെ ധനകാര്യ തൽസ്ഥിതി സംബന്ധിച്ച വിവരങ്ങളും വിശദമാക്കാമോ?

നിലവിലെ സർക്കാർ അധികാരത്തിൽ വന്ന ശേഷം പാറശാല മണ്ഡലത്തിൽ വ്യവസായ വകുപ്പ് നടപ്പാക്കിയ പദ്ധതികൾ ഏതൊക്കെയാണെന്നും അതിനായി ചെലവഴിച്ച തുക എത്രയാണെന്നും വിശദമാക്കാമോ;

ഒരു ലക്ഷം സംരംഭങ്ങൾ പദ്ധതിയുടെ ഭാഗമായി പാറശാല നിയോജകമണ്ഡലത്തിൽ എത്ര വ്യവസായങ്ങൾ പ്രവർത്തനം ആരംഭിച്ചുവെന്ന് പഞ്ചായത്ത് അടിസ്ഥാനത്തിൽ കണക്കുകൾ ലഭ്യമാക്കാമോ; സംരംഭങ്ങളുടെ പേര്, മറ്റ് വിവരങ്ങൾ എന്നിവ ഉൾപ്പെടുത്തിയ വിശദവിവരം ലഭ്യമാക്കാമോ;

ഒറ്റശേഖരമംഗലം ഗ്രാമപഞ്ചായത്തിലെ കുറ്ററ കേന്ദ്രമായി പ്രവർത്തിക്കുന്ന പനമ്പ് നെയ്ത്ത് കേന്ദ്രത്തില്‍ അടിസ്ഥാന സൗകര്യ വികസനത്തിനായി സ്വീകരിച്ചിട്ടുള്ള നടപടിയുടെ വിശദവിവരം നല്‍കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം വ്യവസായ മേഖലയില്‍ നടപ്പാക്കിയ പ്രധാന പദ്ധതികള്‍ ഏതൊക്കെയെന്ന് വിശദമാക്കാമോ;

വിവിധ പദ്ധതികളിലൂടെ സംസ്ഥാന വ്യവസായരംഗത്ത് എത്രകോടി രൂപയുടെ പുതിയ നിക്ഷേപം കൊണ്ടുവരാൻ സാധിച്ചിട്ടുണ്ടെന്ന് അറിയിക്കുമോ?

വ്യവസായ വകുപ്പിന്റെ മിഷൻ 1000 പദ്ധതി പ്രകാരം നാളിതുവരെ എത്ര പുതിയ വ്യവസായങ്ങൾ ആരംഭിച്ചിട്ടുണ്ടെന്നും എത്ര സ്ഥാപനങ്ങൾ കൂടുതൽ മികവുള്ള സ്ഥാപനങ്ങളാക്കി മാറ്റിയിട്ടുണ്ടെന്നും വിശദമാക്കാമോ;

ഈ പദ്ധതി പ്രകാരം എത്ര പേർക്ക് അധിക തൊഴിൽ ലഭ്യമാക്കിയിട്ടുണ്ടെന്ന് വ്യക്തമാക്കാമോ?

സംരംഭക സഹായ പദ്ധതിയിലെ മുന്‍ഗണനാ വ്യവസായ വിഭാഗത്തില്‍ ഉള്‍പ്പെടുന്ന വ്യവസായങ്ങള്‍ എന്തെല്ലാമാണ്; വ്യക്തമാക്കാമോ?

വ്യവസായങ്ങള്‍ക്ക് തുറന്ന് കൊടുക്കുന്നതിന്റെ ഭാഗമായി കുറ്റ്യാടി - മണിമലയിലെ നാളികേര പാര്‍ക്കിൽ നടന്നുവരുന്ന പ്രവൃത്തികള്‍ എന്തൊക്കെയെന്ന് വിശദമാക്കാമോ;

2025 വര്‍ഷത്തില്‍ മണിമല നാളികേര പാര്‍ക്ക് വ്യവസായങ്ങള്‍ക്ക് തുറന്ന് കൊടുക്കാന്‍ സാധിക്കുമോ; ഇതിനായി എന്തു നടപടി സ്വീകരിച്ചുവരുന്നുവെന്ന് വിശദമാക്കാമോ;

പ്രസ്തുത പാര്‍ക്കില്‍ വ്യവസായങ്ങള്‍ക്ക് ആവശ്യമായ വൈദ്യുതി, വെള്ളം എന്നിവ എത്തിക്കുന്നതിനുള്ള നടപടി ഏതു ഘട്ടത്തില്‍ ആണെന്ന് വിശദമാക്കാമോ;

പ്രസ്തുത പാര്‍ക്കില്‍ വ്യവസായങ്ങള്‍ തുടങ്ങാനായി സംരംഭകര്‍ എങ്ങനെയാണ് അപേക്ഷകൾ സമര്‍പ്പിക്കേണ്ടതെന്ന് വിശദമാക്കാമോ;

2021 വര്‍ഷം മുതല്‍ ഇതുവരെ നടത്തിയ പ്രവൃത്തികള്‍ ഏതൊക്കെയെന്നും അടങ്കല്‍ തുക എത്രയാണെന്നും വിശദമാക്കാമോ?

കായംകുളം മണ്ഡലത്തില്‍ 2016 മുതല്‍ നാളിതുവരെ വ്യവസായ വകുപ്പ് മുഖേന നടപ്പാക്കിയ പദ്ധതികളുടെ വിശദാംശങ്ങള്‍ ലഭ്യമാക്കാമോ?

ബാംഗ്ലൂർ-കൊച്ചി വ്യവസായ ഇടനാഴിയുടെ ഭാഗമായി പാലക്കാട് ജില്ലയിൽ ആരംഭിക്കുന്ന വ്യവസായ പദ്ധതികൾ എന്തെല്ലാമാണെന്ന് വിശദമാക്കാമോ;

പാലക്കാട് ജില്ലയില്‍ ഇതിനായി സ്ഥലം കണ്ടെത്തിയിട്ടുള്ളത് എവിടെയെല്ലാമാണെന്നും നിലവിൽ എന്തെല്ലാം നടപടിയാണ് പൂർത്തീകരിച്ചിട്ടുള്ളതെന്നും വിശദമാക്കാമോ?

സംസ്ഥാനത്ത് വനിതാ സംരംഭകര്‍ക്കായി എന്തെല്ലാം പദ്ധതികളാണ് വ്യവസായ വകുപ്പ് ആവിഷ്കരിച്ച് നടപ്പാക്കിവരുന്നതെന്ന് വിശദമാക്കുമോ;

സംസ്ഥാനത്ത് വനിതാ സംരംഭകരുടെ എണ്ണത്തില്‍ വര്‍ദ്ധനവ് ഉണ്ടാക്കാനും കൂടുതല്‍ വനിതകളെ സംരംഭകരാക്കി മാറ്റാനും ഈ പദ്ധതികള്‍ കൊണ്ട് സാധിച്ചിട്ടുണ്ടോ; ഇത് വകുപ്പുതലത്തില്‍ വിലയിരുത്തിയിട്ടുണ്ടോ; വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നശേഷം വ്യവസായ വകുപ്പ് മുഖേന ദേവികുളം മണ്ഡലത്തില്‍ നടപ്പാക്കിയ പദ്ധതികളുടെ വിശദാംശങ്ങള്‍ ലഭ്യമാക്കാമോ?

ആലത്തൂർ മണ്ഡലത്തിൽ സ്വയം സംരംഭകർക്കായി 2016 മുതല്‍ നാളിതുവരെ വ്യവസായ വകുപ്പ് നടപ്പാക്കിയ വിവിധ സഹായ പദ്ധതികൾ ഏതെല്ലാമെന്ന് വ്യക്തമാക്കുമോ;

പ്രസ്തുത പദ്ധതികളിലൂടെ എത്ര സംരംഭകർക്കായി ആകെ എത്ര തുക ചെലവഴിച്ചുവെന്ന് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം വ്യവസായ വകുപ്പ് മുഖേന മട്ടന്നൂര്‍ മണ്ഡലത്തില്‍ നടന്നുവരുന്ന പ്രധാന പദ്ധതികള്‍ ഏതൊക്കെയാണെന്ന് വിശദമാക്കാമോ;

പ്രസ്തുത പദ്ധതികളുടെ നിര്‍മ്മാണ പുരോഗതി വ്യക്തമാക്കാമോ?

കഴിഞ്ഞ 9 വർഷത്തിനിടയിൽ കാസർഗോഡ് ജില്ലയ്ക്ക് ബജറ്റിലും അല്ലാതെയും അനുവദിച്ച വ്യവസായ സംരംഭങ്ങൾ മണ്ഡലം തിരിച്ചു വ്യക്തമാക്കാമോ;

ഇവയിൽ പൂർത്തീകരിച്ച സംരംഭങ്ങൾ, പാതിവഴിയിലായ സംരംഭങ്ങൾ, തുടക്കം കുറിക്കാത്ത സംരംഭങ്ങൾ എന്നിവ ഏതൊക്കെയാണെന്ന് മണ്ഡലം തിരിച്ചു വ്യക്തമാക്കാമോ;

ഓരോ സംരംഭത്തിനും അനുവദിച്ച തുക എത്രയാണെന്ന് വ്യക്തമാക്കാമോ;

സംരംഭങ്ങൾ തുടക്കം കുറിക്കാൻ പറ്റാത്ത അവസ്ഥയിലാകാന്‍ കാരണമെന്താണെന്ന് വ്യക്തമാക്കാമോ;

ഈ സംരംഭങ്ങളുമായി ബന്ധപ്പെട്ട കരാറുകാരടക്കം ആർക്കെങ്കിലും കുടിശ്ശിക ഉണ്ടെങ്കിൽ വിശദാംശം നൽകാമോ?

ഈ സര്‍ക്കാര്‍ അധികാരത്തില്‍ വന്നശേഷം വ്യവസായ വകുപ്പ് മുഖാന്തരം ചങ്ങനാശ്ശേരി നിയോജക മണ്ഡലത്തില്‍ നടപ്പാക്കിയ പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി, അനുവദിച്ച തുക എന്നിവ വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

2021 വര്‍ഷം മുതല്‍ നാളിതുവരെ കുറ്റ്യാടി മണ്ഡലത്തിലെ എട്ട് ഗ്രാമപഞ്ചായത്തുകളിലായി ആരംഭിച്ച സംരംഭങ്ങളുടെ എണ്ണവും അവയുടെ പ്രത്യേകതകളും വിശദമാക്കാമോ;

സംരംഭങ്ങള്‍ ആരംഭിക്കുന്നതിന്റെ ഭാഗമായി എത്ര തൊഴില്‍ ദിനങ്ങള്‍ സൃഷ്ടിക്കാന്‍ സാധിച്ചിട്ടുണ്ടെന്ന് വിശദമാക്കാമോ?

ഈ സർക്കാരിന്റെ കാലയളവില്‍ ആലത്തൂർ മണ്ഡലത്തില്‍ എത്ര ചെറുകിട സംരംഭങ്ങള്‍ക്ക് അനുമതിയും സഹായവും ലഭിച്ചിട്ടുണ്ടെന്ന് തദ്ദേശസ്വയംഭരണ സ്ഥാപനങ്ങള്‍ തിരിച്ച് വ്യക്തമാക്കാമോ;

പ്രസ്തുത കാലയളവില്‍ ആലത്തൂർ മണ്ഡലത്തില്‍ വ്യവസായ വകുപ്പ് നടപ്പാക്കിയ പദ്ധതികളും അവയുടെ നിലവിലെ സ്ഥിതിയും വിശദമാക്കാമോ?

കാസർഗോഡ് ജില്ലയിൽ പ്രവർത്തിച്ചുകൊണ്ടിരുന്ന ആസ്ട്രൽ വാച്ചസ് കമ്പനി നിലവിൽ പ്രവർത്തിക്കുന്നുണ്ടോ ; ഇല്ലെങ്കിൽ തുറന്നു പ്രവർത്തിപ്പിക്കാൻ സർക്കാർ ഉദ്ദേശിക്കുന്നുണ്ടോ ; വ്യക്തമാക്കാമോ?

സംസ്ഥാനത്ത് സൂക്ഷ്മ ചെറുകിട ഇടത്തരം വ്യവസായ സംരംഭങ്ങൾ ആരംഭിക്കുന്നതിന് യൂണിറ്റിന്റെ സ്ഥിര മൂലധന നിക്ഷേപത്തിന്റെ എത്ര ശതമാനം വരെയാണ് സബ്സിഡിയായി ലഭിക്കുകയെന്ന് വ്യക്തമാക്കാമോ?

വൈപ്പിൻ മണ്ഡലത്തിലെ പുതുവൈപ്പിൻ മെഗാ ഫുഡ് പാർക്കിന്റെ ഭാഗമായി നിർമ്മാണം ആരംഭിച്ചതും നിർമ്മാണം നിലച്ചിരുന്നതുമായ പ്രാഥമിക മത്സ്യസംസ്കരണ പ്ലാന്റിന്റെ നിലവിലെ സ്ഥിതി വിശദമാക്കാമോ;

പ്രസ്തുത നിർമ്മാണ പ്രവൃത്തി പുനരാരംഭിച്ചിട്ടുണ്ടോ; എങ്കിൽ കരാർ ഏറ്റെടുത്തിട്ടുള്ളത് ആരാണെന്നും എന്നാണ് പ്രവൃത്തി പൂർത്തീകരിക്കേണ്ടതെന്നും വിശദമാക്കാമോ?

കൈപ്പമംഗലം നിയോജക മണ്ഡലത്തിൽ 2022- 2023 സാമ്പത്തിക വർഷത്തിലെ ബഡ്ജറ്റിൽ ക്രമ നമ്പർ 707 ആയി 20% തുക വകയിരുത്തി, 50 ലക്ഷം രൂപ അനുവദിച്ച കൈതോല കൃഷി വ്യാപനവും ആധുനികവൽക്കരണവും എന്ന പ്രവൃത്തി ഈ സര്‍ക്കാറിന്റെ കാലയളവിൽ പൂർത്തീകരിക്കുന്നതിന് എന്തെല്ലാം നടപടികളാണ് വ്യവസായ വകുപ്പ് നാളിതുവരെ കൈക്കൊണ്ടിട്ടുള്ളതെന്ന് വ്യകതമാക്കാമോ;

കൈപ്പമംഗലം നിയോജക മണ്ഡലത്തിൽ 2016 മുതൽ 2025 വരെ വ്യവസായ വകുപ്പു മുഖേന നടപ്പിലാക്കിയ വികസന പ്രവർത്തനങ്ങളുടെ വിശദമായ റിപ്പോർട്ട് നൽകാമോ?

വിഴിഞ്ഞം വ്യവസായ ഇടനാഴി പദ്ധതിയുടെ ഭാഗമായി വ്യവസായ പാർക്കിനായി ഭൂമി ഏറ്റെടുക്കുന്നതിനുള്ള നടപടി ഏത് ഘട്ടത്തിലാണെന്ന് വിശദമാക്കാമോ;

പദ്ധതിക്ക് ആവശ്യമായ ഭൂമി ഏറ്റെടുക്കുന്നതിനുള്ള നടപടിക്രമങ്ങളും നിബന്ധനകളും എന്തൊക്കെയെന്ന് വിശദമാക്കാമോ?

പയ്യന്നൂര്‍ മണ്ഡലത്തില്‍ എരമം-കുറ്റൂര്‍ ഗ്രാമപഞ്ചായത്തിലെ പുല്ലുപാറയിലെ കേരള സ്റ്റേറ്റ് ഇൻഫർമേഷൻ ടെക്നോളജി ഇൻഫ്രാസ്ട്രക്ച്ചർ ലിമിറ്റഡ് (കെ.എസ്.ഐ.ടി.ഐ.എൽ.)ന്റെ ഉടമസ്ഥതയിലുള്ള ഭൂമി വ്യവസായ വകുപ്പിന്റെ കീഴിലെ കേരള സംസ്ഥാന വ്യവസായ വികസന കോർപ്പറേഷൻ (കെ.എസ്.ഐ.ഡി.സി.) മുഖേന ഏറ്റെടുത്ത് വ്യവസായ പാര്‍ക്ക് ഉണ്ടാക്കുന്നതിനുള്ള നടപടി ഏതു ഘട്ടത്തിലാണെന്ന് വിശദമാക്കാമോ?

സംസ്ഥാനത്ത് ക്യാമ്പസ് വ്യവസായ പാര്‍ക്കുകള്‍ ആരംഭിക്കുന്നതുമായി ബന്ധപ്പെട്ട് ലഭിച്ച അപേക്ഷകളില്‍ തീരുമാനമെടുത്തിട്ടുണ്ടോ; ഇതിന്റെ പ്രവർത്തനം എവിടെയെങ്കിലും ആരംഭിച്ചിട്ടുണ്ടോ; വിശദാംശം ലഭ്യമാക്കാമോ?

കൂത്തുപറമ്പ് നിയോജക മണ്ഡലത്തിലെ നവോദയ കുന്നില്‍ കിന്‍ഫ്ര വ്യവസായ പാര്‍ക്ക് സ്ഥാപിക്കുന്നതിനുള്ള ഭൂമി ഏറ്റെടുക്കല്‍ നടപടികളുടെ പുരോഗതി വിശദമാക്കുമോ;

പ്രാഥമിക വിജ്ഞാപനം പുറപ്പെടുവിച്ച പ്രസ്തുത ഭൂമിയില്‍ ക്രയവിക്രയങ്ങള്‍ നടത്തുന്നതിന്‌ നിയമാനുസരണം സാധിക്കാത്തതിനാല്‍ ഭൂവുടമകള്‍ ഭൂമിയുടെ ക്രയവിക്രയങ്ങള്‍ നടത്താനാവാതെ പ്രയാസപ്പെടുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

ഭൂമി ഏറ്റെടുക്കല്‍ നടപടികള്‍ വേഗത്തില്‍ പൂര്‍ത്തീകരിക്കുന്നതിന് എന്തു നടപടിയാണ് സ്വീകരിച്ചു വരുന്നതെന്ന് വ്യക്തമാക്കുമോ?

കേരള സ്റ്റേറ്റ് ഇൻഡസ്ട്രിയൽ ഡെവലെപ്മെന്റ് കോർപറേഷന്റെ മെഗാ ഫുഡ് പാര്‍ക്കിന്റെ ഭാഗമായി മുനമ്പത്ത് നിര്‍ദ്ദേശിക്കപ്പെട്ട ഓക്ഷന്‍ ഹാള്‍, ഐസ് പ്ലാന്റ്, ലാബ്, ഓഫീസ് കെട്ടിടം എന്നിവ നിര്‍മ്മിക്കുന്ന പദ്ധതി നടപ്പാക്കാന്‍ ഉദ്ദേശിക്കുന്നുണ്ടോ; എങ്കിൽ ഇതിനായി വകയിരുത്തിയ തുക എത്രയെന്ന് വ്യക്തമാക്കാമോ;

പ്രസ്തുത പദ്ധതി നിരാകരിക്കുന്നതിന് മിനിസ്ട്രി ഓഫ് ഫുഡ് പ്രോസസിംഗിന്റെ അനുമതിക്കായി കെ.എസ്.ഐ.ഡി.സി. കത്ത് നല്‍കിയിട്ടുണ്ടോ; പ്രസ്തുത പദ്ധതി നിരാകരിക്കുന്നതിന് അനുമതി ലഭ്യമായിട്ടുണ്ടോ; എങ്കില്‍ അതിന്റെ പകര്‍പ്പ് ലഭ്യമാക്കാമോ;

പ്രസ്തുത പദ്ധതിക്കായി അനുവദിച്ച തുക ലാപ്സായി പോകാതിരിക്കാൻ വൈപ്പിൻ, തോപ്പുംപടി പ്ലാന്റിന്റെ നിലവിലെ കപ്പാസിറ്റി വർദ്ധിപ്പിക്കുന്നതിനായി ഡയറക്ടർ, ഭക്ഷ്യസംസ്കരണ വ്യവസായ മന്ത്രാലയത്തിന്റെ പരിഗണനയ്ക്കായി സമർപ്പിച്ച പ്രൊപ്പോസലിന് അനുമതി ലഭ്യമായിട്ടുണ്ടോ; എങ്കിൽ അത് നടപ്പാക്കുന്നതിനായി നടപടി സ്വീകരിച്ചിട്ടുണ്ടോ; വ്യക്തമാക്കാമോ;

മെഗാ ഫുഡ് പാര്‍ക്ക് പദ്ധതിയിൽ നിന്ന് മുനമ്പം ഫിഷിംഗ് ഹാർബറിനെ ഒഴിവാക്കാനുള്ള തീരുമാനം പുന:പരിശോധിക്കുന്നതിനായി സ്ഥലം എം.എൽ.എ. 14.07.2025 ന് ബഹു. വ്യവസായ വകുപ്പുമന്ത്രിക്ക് നൽകിയിരുന്നതും തുടർനടപടി സ്വീകരിക്കുന്നതിനായി കെ.എസ്.ഐ.ഡി.സിക്ക് കൈമാറുകയും ചെയ്ത കത്തിൽ സ്വീകരിച്ചിട്ടുള്ള നടപടി വ്യക്തമാക്കുമോ;

പ്രസ്തുത പദ്ധതിക്കായി മുനമ്പം ഫിഷിംഗ് ഹാർബർ മാനേജ്മെന്റ് സൊസൈറ്റി അനുവദിച്ച 75 സെന്റ് സ്ഥലം ഏറ്റെടുക്കുന്നത് സംബന്ധിച്ച ഫയലിന്റെ നിലവിലെ സ്ഥിതി വ്യക്തമാക്കാമോ?

കാഞ്ഞങ്ങാട് വ്യവസായ പാർക്ക് സ്ഥാപിക്കുന്നതിനുള്ള നടപടി ഏതു ഘട്ടത്തിലാണ്; ഇതുമായി ബന്ധപ്പെട്ട് നാളിതുവരെ സ്വീകരിച്ച നടപടി എന്തെല്ലാമാണ്; വിശദമാക്കാമോ?

കേരളത്തിലെ കോളേജുകളില്‍ പഠനത്തോടൊപ്പം തൊഴില്‍ എന്ന സങ്കല്പം വ്യാപകമാക്കുന്നതിന് എന്തു നടപടി സ്വീകരിച്ചിട്ടുണ്ട്; വിശദമാക്കാമോ;

ഈ ലക്ഷ്യം മുൻനിര്‍ത്തി വ്യവസായ പാര്‍ക്കുകളോ സ്റ്റാര്‍ട്ടപ്പുകളോ സ്ഥാപിച്ചിട്ടുണ്ടോ; വ്യക്തമാക്കാമോ?

ചവറ മണ്ഡലത്തില്‍ പ്രവർത്തിച്ചു വന്നിരുന്ന നാച്വറല്‍ ഫൈബർ പാർക്കിന്റെ നിലവിലെ സ്ഥിതി അറിയിക്കുമോ;

പ്രസ്തുത സ്ഥാപനം ഫലപ്രദമായി പ്രവർത്തിക്കുവാൻ എന്തു നടപടിയാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കുമോ?

സംസ്ഥാനത്ത് നടപ്പാക്കുന്ന വ്യവസായ പദ്ധതികളില്‍ പ്രാദേശിക തൊഴിലാളികള്‍ക്ക് പ്രാധാന്യമുള്ള തൊഴില്‍ സൃഷ്ടിക്കുന്നതില്‍ സര്‍ക്കാര്‍ നല്‍കുന്ന പ്രോത്സാഹനങ്ങള്‍ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് വ്യവസായ നിക്ഷേപം ആകര്‍ഷിക്കുന്നതിനുവേണ്ടി സ്വീകരിച്ച നടപടി വിശദമാക്കുമോ;

കേരളത്തിൽ വ്യവസായം ആരംഭിക്കുന്നവർക്ക് തൊഴിലാളി സമരങ്ങൾ മൂലം വ്യവസായം പൂട്ടേണ്ട അവസ്ഥയുണ്ടായിട്ടുണ്ടോ; വ്യക്തമാക്കാമോ;

കേരളത്തില്‍ വ്യവസായ നിക്ഷേപം നടത്താന്‍ താല്പര്യമുള്ള നിക്ഷേപകരുടെ പരാതികള്‍ പരിഹരിക്കുന്നതിനുള്ള നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ?

കേരളത്തിലെ തൊഴിലില്ലായ്മയ്ക്ക് പ്രധാന പരിഹാരമാണ് കൂടുതൽ തൊഴിൽ ശക്തിയും കുറഞ്ഞ മൂലധനനിക്ഷേപവും ആവശ്യമായ സൂക്ഷ്മ - ചെറുകിട - ഇടത്തരം വ്യവസായങ്ങൾ എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കേരളത്തിലെ സൂക്ഷ്മ - ചെറുകിട - ഇടത്തരം വ്യവസായ മുന്നേറ്റത്തിൽ ഏറ്റവും പ്രധാന പദ്ധതിയായി സംരംഭക വർഷം പദ്ധതി മാറിയിട്ടുണ്ടോ; ഈ പദ്ധതി വ്യവസായ മേഖലയിലെ ബെസ്റ്റ് പ്രാക്ടീസായി വിലയിരുത്തപ്പെട്ടിട്ടുണ്ടോ; വിശദമാക്കാമോ;

സംസ്ഥാന വ്യവസായ നയം ലക്ഷ്യമിടുന്ന നൂതന സാങ്കേതികവിദ്യയിലൂന്നിയ മാനുഫാക്ചറിംഗ് സംരംഭങ്ങൾ സംരംഭക വർഷം പദ്ധതിയിലൂടെ കേരളത്തിൽ ആരംഭിച്ചിട്ടുണ്ടോ; വിശദമാക്കാമോ;

സൂക്ഷ്മ തൊഴില്‍ സംരംഭകര്‍ക്ക് ഉല്പന്നങ്ങളുടെ വിപണനം, വായ്പ എന്നിവക്ക് സഹായം ലഭ്യമാക്കുന്നതിന് എന്തെല്ലാം നടപടിയാണ് സ്വീകരിച്ചിട്ടുള്ളത്; ജില്ലാ വ്യവസായ കേന്ദ്രങ്ങള്‍ കേന്ദ്രീകരിച്ച് വ്യവസായികളുടെ സംശയ ദൂരീകരണത്തിനായി എം. എസ്‌. എം. ഇ. ക്ലിനിക്ക്‌ എന്ന പദ്ധതി ആരംഭിച്ചിട്ടുണ്ടോ; വിശദമാക്കാമോ?

പാലക്കാട് ജില്ലയില്‍ സൂക്ഷ്മ ചെറുകിട ഇടത്തരം വ്യവസായ സംരംഭങ്ങള്‍ക്കായി മുതല്‍മുടക്കിന് ആനുപാതികമായി നല്‍കുന്ന സാമ്പത്തിക സഹായത്തിലൂടെ എത്ര കോടി രൂപയാണ് അനുവദിച്ചിട്ടുള്ളതെന്ന് വ്യക്തമാക്കാമോ?

സംരംഭകവര്‍ഷം പദ്ധതി പ്രകാരം 2022-23 വര്‍ഷം മുതല്‍ നാളിതുവരെ വാമനപുരം മണ്ഡലത്തില്‍ പുതുതായി ആരംഭിച്ച തൊഴില്‍ യൂണിറ്റുകളുടെ വിശദാംശം നല്‍കാമോ; ഇപ്രകാരം എത്ര പേര്‍ക്ക് തൊഴില്‍ ലഭിച്ചിട്ടുണ്ടെന്ന വിവരം ഗ്രാമപ‍ഞ്ചായത്തടിസ്ഥാനത്തില്‍ ലഭ്യമാക്കാമോ?

സംസ്ഥാനത്തെ ആര്‍ട്ടിഫിഷ്യൽ ഇന്റലിജന്റ്സ് ക്യാമറ സ്ഥാപിക്കുന്നതുമായി ബന്ധപ്പെട്ട ഫയലിൽ ധനകാര്യ വകുപ്പിന്റെ റിമാർക്സ് എന്തായിരുന്നുവെന്ന് വ്യക്തമാക്കുമോ; അതിന്റെ പകർപ്പ് ലഭ്യമാക്കുമോ;

ആര്‍ട്ടിഫിഷ്യൽ ഇന്റലിജന്റ്സ് ക്യാമറ സ്ഥാപിച്ചതുമായി ബന്ധപ്പെട്ട് വ്യവസായ വകുപ്പ് സെക്രട്ടറി സമർപ്പിച്ച റിപ്പോർട്ടിലെ കണ്ടെത്തലുകൾ എന്തൊക്കെയായിരുന്നു എന്ന് വിശദമാക്കാമോ; പ്രസ്തുത റിപ്പോര്‍ട്ടിന്റെ പകർപ്പ് ലഭ്യമാക്കാമോ;

പ്രസ്തുത റിപ്പോര്‍ട്ടിന്റെ അടിസ്ഥാനത്തിൽ എന്തൊക്കെ നടപടി സ്വീകരിച്ചു എന്ന് വിശദമാക്കാമോ?

രാജ്യത്തിന്റെ കയറ്റുമതിമേഖലയില്‍ കേരളത്തിന്റെ വിഹിതം എത്രയാണെന്ന് വ്യക്തമാക്കാമോ;

നിലവിലെ സര്‍ക്കാര്‍ അധികാരത്തില്‍ വരുമ്പോള്‍ സംസ്ഥാന വിഹിതം എത്ര ശതമാനം ആയിരുന്നുവെന്നും അതില്‍ വര്‍ദ്ധനവ് ഉണ്ടായിട്ടുണ്ടോയെന്നും വ്യക്തമാക്കാമോ;

സംസ്ഥാന വിഹിതം വര്‍ദ്ധിപ്പിക്കുന്നതിനായി സ്വീകരിച്ച മാര്‍ഗ്ഗങ്ങള്‍ ഏതെല്ലാമാണ്; വിശദമാക്കാമോ?

സംസ്ഥാനത്ത് നിക്ഷേപക സൗഹൃദാന്തരീക്ഷം പരമാവധി പ്രയോജനപ്പെടുത്തുന്നതിനും നിക്ഷേപകരെ സംസ്ഥാനത്തേക്ക് ആകര്‍ഷിക്കുന്നതിനും ലക്ഷ്യമിട്ട് നടത്തിയ ഇന്‍വെസ്റ്റ് കേരള ഗ്ലോബല്‍ സമ്മിറ്റില്‍ സമര്‍പ്പിക്കപ്പെട്ട താല്‍പര്യപത്രങ്ങളുടെ നടപ്പാക്കല്‍ പുരോഗതി വിലയിരുത്തിയിട്ടുണ്ടോ; വിശദാംശം നല്‍കുമോ;

താല്‍പര്യപത്രങ്ങളെ സംരംഭങ്ങളാക്കി മാറ്റുവാനുള്ള നടപടിക്രമങ്ങള്‍ ലഘൂകരിക്കുന്നതിനും അതിലൂടെ കാലതാമസം ഒഴിവാക്കുന്നതിനും സ്വീകരിച്ചുവരുന്ന പ്രവര്‍ത്തനങ്ങള്‍ വിശദമാക്കാമോ;

സംസ്ഥാനത്തെ വിജ്ഞാന വ്യവസായങ്ങളുടെയും ഹൈടെക് വ്യവസായങ്ങളുടെയും കേന്ദ്രമാക്കി മാറ്റുന്നത് ലക്ഷ്യമിട്ട് നടപ്പാക്കി വരുന്ന വിവിധ പ്രവര്‍ത്തനങ്ങള്‍ ലക്ഷ്യത്തിലേക്ക് എത്തിച്ചേരുന്നുണ്ടോ; വിശദാംശം നല്‍കാമോ?

ലോക പ്രശസ്തമായ കാസര്‍ഗോഡ് സാരികളുടെ ഉല്‍പ്പാദനത്തിനും വിപണനത്തിനുമായി എന്തൊക്കെ പദ്ധതികളാണ് ഹാൻഡ്‍ലൂം ആൻഡ് ടെക്സ്റ്റൈൽസ് വകുപ്പ് നടപ്പിലാക്കിയിട്ടുള്ളതെന്ന് വ്യക്തമാക്കാമോ;

കാസര്‍ഗോഡ് സാരികളുടെ ഉല്പാദകര്‍ക്ക് എന്തെങ്കിലും തരത്തിലുള്ള ധനസഹായം നൽകി വരുന്നുണ്ടോയെന്നു വ്യക്തമാക്കാമോ?

സ്കൂൾ യൂണിഫോം നെയ്ത്ത് തൊഴിലാളികൾക്ക് കൂലിയിനത്തിൽ കോടികൾ നല്കാനുണ്ടെന്നത് നിലവിലെ സർക്കാർ സഗൗരവം പരിഗണിക്കുമോ; കൂലിയിനത്തിൽ എത്ര തുകയാണ് കുടിശ്ശിക നൽകാൻ ഉള്ളതെന്നത് വ്യക്തമാക്കുമോ; കുടിശ്ശിക കൂലി വിതരണം ചെയ്യുന്നതിന് അടിയന്തര നടപടി സ്വീകരിച്ചിട്ടുണ്ടോ; വ്യക്തമാക്കാമോ;

സ്കൂൾ യൂണിഫോം നെയ്യുന്നതിനായി നൂൽ നൽകാത്തതിനാലും രൂപമാറ്റം വരുത്തിയ തറികളിൽ മറ്റൊരു നെയ്ത്തും നടത്താനാവാത്തതിനാലും തൊഴിലാളികൾ കടുത്ത പ്രതിസന്ധി നേരിടുന്നതു ഗൗരവത്തോടെ കാണുന്നുണ്ടോ; പരിഹാര നടപടികൾ അടിയന്തരമായി സ്വീകരിക്കുമോ; വ്യക്തമാക്കാമോ;

വിവിധ നെയ്ത്ത് സഹകരണ സംഘങ്ങൾക്ക് ഹാന്റക്സ് നൽകാനുള്ള കുടിശ്ശിക തുക ഇനം തിരിച്ചു വ്യക്തമാക്കാമോ; പ്രസ്തുത കുടിശ്ശിക വിതരണം ചെയ്യുന്നതിന് നടപടികള്‍ സ്വീകരിക്കുമോ; വ്യക്തമാക്കാമോ?

വ്യവസായ വകുപ്പിന്റെ കീഴില്‍ വരുന്ന പാറശ്ശാല ഗ്രാമപഞ്ചായത്തിലെ നെടുവാന്‍വിള വീവേഴ്സ് കോളനിയിലേയും വെള്ളറട ഗ്രാമപഞ്ചായത്തിലെ വീവേഴ്സ് കോളനിയിലേയും താമസക്കാര്‍ക്ക് നാളിതുവരെ പട്ടയം ലഭ്യമായിട്ടില്ലെന്ന വിവരം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത ഭൂമിയ്ക്ക് പട്ടയം ലഭിക്കുന്നതിന് നിയമതടസ്സമുണ്ടോയെന്നും വ്യവസായ വകുപ്പിന് ഈ ഭൂമിയിൽ ബാധ്യതകള്‍ നിലവിലുണ്ടോയെന്നുമുള്ള വിവരം ലഭ്യമാക്കാമോ;

പ്രസ്തുത പ്രദേശത്ത് താമസിക്കുന്നവരുടെ കെെവശഭൂമിയ്ക്ക് റവന്യൂ വകുപ്പ് മുഖാന്തിരം പട്ടയം ലഭ്യമാക്കുന്നതിന് വ്യവസായ വകുപ്പ് നടപടികള്‍ കൈക്കൊള്ളുമോ എന്നത് അറിയിക്കാമോ; വിശദമാക്കുമോ?

നാഷണൽ ടെക്സ്റ്റൈൽ കോർപ്പറേഷന്റെ ഉടമസ്ഥതയിലുള്ളതും കോവിഡിനെത്തുടര്‍ന്ന് അടച്ചുപൂട്ടിയതുമായ അളഗപ്പ ടെക്സ്റ്റൈല്‍ മില്‍ ഇനിയും തുറന്ന് പ്രവര്‍ത്തിപ്പിക്കാത്തത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

കേരള ടെക്സ്റ്റൈൽ കോര്‍പ്പറേഷന്റെ ഉടമസ്ഥതയില്‍ ഉണ്ടായിരുന്നതും പിന്നീട് നാഷണൽ ടെക്സ്റ്റൈൽ കോർപ്പറേഷന് കൈമാറിയതുമായ ടെക്സ്റ്റൈൽ മില്ലുകള്‍ പലതും പ്രവര്‍ത്തിപ്പിക്കാത്തതുമൂലം പ്രസ്തുത മേഖലയിലെ തൊഴിലാളികളും കുടുംബങ്ങളും കടുത്ത ജീവിത പ്രയാസത്തിലായിരിക്കുന്ന സാഹചര്യത്തില്‍ പ്രസ്തുത മില്ലുകളും സ്ഥലവും തിരിച്ചെടുക്കുന്നതിനും പ്രവര്‍ത്തന സജ്ജമാക്കുന്നതിനും ആവശ്യമായ നടപടികള്‍ സ്വീകരിക്കുമോ; വിശദമാക്കാമോ;

പ്രസ്തുത മില്ലുകളുടെ സ്ഥലങ്ങളും കെട്ടിടങ്ങളും ഉപയോഗപ്പെടുത്തി പുതിയ തൊഴില്‍ സംരംഭങ്ങള്‍ ആരംഭിക്കുന്നതിനും തൊഴില്‍ അവസരങ്ങള്‍ സൃഷ്ടിക്കുന്നതിനും നടപടി സ്വീകരിക്കുമോ; വിശദമാക്കാമോ?

കശുവണ്ടി, കരകൗശലം, മുള, ഈറ തുടങ്ങി വിവിധ മേഖലകളിലെ പരമ്പരാഗത വ്യവസായങ്ങളെ സംരക്ഷിക്കുന്നതിനും പ്രോത്സാഹനം നല്‍കി നിലനിര്‍ത്തുന്നതിനും നടപടി സ്വീകരിച്ചിട്ടുണ്ടോ; വിശദമാക്കാമോ?

മാറനല്ലൂര്‍ പഞ്ചായത്തില്‍ സ്ഥാപിക്കുന്ന ഈറ ഉല്പന്നങ്ങള്‍ക്കായുള്ള കോമണ്‍ ഫെസിലിറ്റി സെന്ററിന്റെ നിര്‍മ്മാണ പ്രവര്‍ത്തനങ്ങളുടെ നിലവിലെ സ്ഥിതി വിശദമാക്കാമോ;

ഇതിനുള്ള ഉപകരണങ്ങള്‍ വാങ്ങുന്നതിനുള്ള നടപടി എന്തായെന്നും നിര്‍മ്മാണ പ്രവര്‍ത്തനങ്ങള്‍ എന്ന് പൂര്‍ത്തിയാക്കാനാകുമെന്നും വിശദമാക്കാമോ?

തദ്ദേശസ്വയംഭരണ സ്ഥാപനങ്ങള്‍ ഉള്‍പ്പെടെ മുന്‍കാലങ്ങളില്‍ വിട്ടുകൊടുത്ത സ്ഥലത്ത് ആരംഭിച്ച ഖാദി ബോര്‍ഡിന്റെ കീഴിലുള്ള സ്ഥാപനങ്ങള്‍ പലതും ഇന്ന് പ്രവര്‍ത്തനക്ഷമമല്ലാതെയും കെട്ടിടങ്ങള്‍ തകര്‍ന്നും സ്ഥലങ്ങള്‍ കാടുകയറിയും ഉപയോഗശൂന്യമായി കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഇത്തരം സംരംഭങ്ങള്‍ പുനരുജ്ജീവിപ്പിക്കുന്നതിനോ അനുയോജ്യമായ പുതിയ സംരംഭങ്ങളാക്കി മാറ്റുന്നതിനോ സാധിക്കത്തക്കവിധം വിപുലമായ ഒരു പദ്ധതി ആവിഷ്കരിച്ച് നടപ്പാക്കുമോ;

പറപ്പൂക്കര ഗ്രാമപഞ്ചായത്ത് വിട്ടു നല്‍കിയ സ്ഥലത്ത് ചുരുങ്ങിയ തോതില്‍ മാത്രം പ്രവര്‍ത്തിച്ചു വരുന്ന ഖാദി യൂണിറ്റിന് ആവശ്യമില്ലാത്ത 50 സെന്റോളം വരുന്ന സ്ഥലം പഞ്ചായത്തിന് തിരികെ നല്‍കുന്നതിനോ പ്രസ്തുത സ്ഥലത്ത് പുതിയ സംരംഭങ്ങള്‍ ആരംഭിക്കുന്നതിനോ ആവശ്യമായ നടപടി സ്വീകരിക്കുമോ?

കയര്‍ വ്യവസായത്തിന് നല്‍കുന്ന കേന്ദ്രസര്‍ക്കാര്‍ സഹായം മുന്‍ വര്‍ഷങ്ങളെ അപേക്ഷിച്ച് എത്ര ശതമാനമാണ് നടപ്പ് സാമ്പത്തിക വർഷത്തിൽ കുറവ് വന്നതെന്ന് വിശദമാക്കാമോ;

കയര്‍ വികാസ് യോജന പദ്ധതിയിലൂടെ 2021 മുതല്‍ 2025 വരെ സംസ്ഥാനത്തിന് അനുവദിക്കപ്പെട്ട തുക ഇനം തിരിച്ച് ലഭ്യമാക്കാമോ;

2021 മുതല്‍ 2025 വരെ പി. എം. ഇ. ജി. പി. പദ്ധതി പ്രകാരം കയര്‍ യൂണിറ്റുകള്‍ക്കായി നീക്കിവെച്ച തുകയുടെ വിശദവിവരം ഇനം തിരിച്ച് ലഭ്യമാക്കാമോ?

അമേരിക്കന്‍ തീരുവ വര്‍ദ്ധനവില്‍ കയര്‍, മത്സ്യവിഭവങ്ങള്‍, നാണ്യവിള എന്നിവയുടെ കയറ്റുമതിയില്‍ വന്ന പ്രതിസന്ധി പരിഹരിക്കാന്‍ എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ;

കയര്‍ ഉല്‍പ്പന്നങ്ങള്‍ കയറ്റുമതി ചെയ്യുന്ന എത്ര സൊസൈറ്റികള്‍, ചെറുകിട യൂണിറ്റുകളാണ് സംസ്ഥാനത്ത് പ്രവര്‍ത്തിക്കുന്നതെന്ന് വിശദമാക്കാമോ;

പ്രസ്തുത സ്ഥാപനങ്ങളില്‍ നിന്ന് തീരുവ വര്‍ദ്ധനവിനുശേഷം എത്ര ഓര്‍ഡറുകളാണ് നിരസിച്ചതെന്നും നിര്‍മ്മാണം പൂര്‍ത്തിയായ എത്ര ഉല്‍പ്പന്നങ്ങളാണ് തടഞ്ഞ് വച്ചിരിക്കുന്നതെന്നും വിശദമാക്കാമോ?

സംസ്ഥാനത്ത് കയർ മേഖലയിൽ തൊഴിലെടുക്കുന്നവർ എത്ര പേരാണെന്ന് വിശദമാക്കാമോ;

കയർ തൊഴിലാളികളുടെ ക്ഷേമത്തിനായി എന്തെല്ലാം പദ്ധതികളാണ് നടപ്പിലാക്കിയിട്ടുള്ളതെന്നും പുതുതായി എന്തെങ്കിലും പദ്ധതികൾ നടപ്പിലാക്കാൻ ഉദ്ദേശിക്കുന്നുണ്ടോയെന്നും വിശദമാക്കാമോ?

സംസ്ഥാനത്തെ കയര്‍ ഉല്പാദനത്തില്‍ വൈവിധ്യവല്‍ക്കരണം നടപ്പിലാക്കുന്നതിന്റെ ഭാഗമായി ആവിഷ്കരിച്ചിട്ടുള്ള പദ്ധതികള്‍ ഏതെല്ലാമാണ്; വിശദമാക്കുമോ;

പരമ്പരാഗത കയര്‍ ഉല്‍പ്പാദകരെ ആകര്‍ഷിക്കുവാന്‍ ഈ പദ്ധതികള്‍ക്ക് സാധിച്ചിട്ടുണ്ടോ; വിശദമാക്കുമോ?

കയര്‍ വ്യവസായത്തിലെ ഉല്‍പാദനം കൂട്ടുന്നതിന് എന്തെല്ലാം നടപടികളാണ് സ്വീകരിച്ച് വരുന്നത്;

ചകിരി മില്ലുകളുടേയും ഓട്ടോമാറ്റിക്ക് സ്പിന്നിംഗ് മെഷീനുകളുടേയും ഓട്ടോമാറ്റിക്ക് ലൂമുകളുടെയും എണ്ണം വര്‍ദ്ധിപ്പിച്ചുകൊണ്ട് ഉല്‍പാദനം കൂട്ടുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ; ഉണ്ടെങ്കിൽ വിശദമാക്കാമോ;

കയര്‍ മേഖലയിലെ പ്രശ്നങ്ങള്‍ പഠിക്കാന്‍ നിയോഗിച്ച വിദഗ്‍ദ്ധ സമിതി എന്തൊക്കെ നിർദ്ദേശങ്ങളാണ് മുന്നോട്ടുവെച്ചിട്ടുള്ളത്; വിശദമാക്കാമോ?

കാഷ്യു ബോർഡ് നടത്തുന്ന തോട്ടണ്ടി ഇടപാടുകളിൽ അഴിമതി നടക്കുന്നുവെന്ന ആരോപണം ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

ഘാനയിൽ നിന്നും പഴകിയതും ഗുണമേന്മ കുറഞ്ഞതുമായ പന്തീരായിരം ടൺ തോട്ടണ്ടി ഇറക്കുമതി ചെയ്തതിൽ വൻ അഴിമതി നടന്നത് സംബന്ധിച്ച് വിജിലൻസ് അന്വേഷണത്തിന് തയ്യാറാകുമോയെന്ന് വിശദീകരിക്കാമോ;

കശുവണ്ടി വികസന കോർപ്പറേഷനിലും കാഷ്യു ബോർഡിലും ക്യാപക്സിലും പ്രവർത്തനം സുതാര്യമാക്കുന്നതിനും അഴിമതിരഹിതമാക്കുന്നതിനും കർശന നടപടി സ്വീകരിക്കുമോയെന്ന് വ്യക്തമാക്കാമോ?

കശുവണ്ടി വികസന കോർപ്പറേഷനിലും ക്യാപക്സിലും ജോലി ചെയ്യുന്ന കശുവണ്ടി തൊഴിലാളികളും ജീവനക്കാരും നേരിടുന്ന കടുത്ത പ്രതിസന്ധി പരിഹരിക്കുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നല്‍കാമോ;

തൊഴിലാളികൾക്കും ജീവനക്കാർക്കും ന്യായമായ വേതന പരിഷ്കരണത്തിനും ദീർഘകാലമായി മുടങ്ങിക്കിടക്കുന്ന ക്ഷാമബത്ത പരിഷ്കരിക്കുന്നതിനും അടിയന്തര നടപടി സ്വീകരിക്കുമോ; വിശദാംശം വ്യക്തമാക്കാമോ;

കശുവണ്ടി മേഖലയിൽ അടച്ചുപൂട്ടിയ ഫാക്ടറികളിലെ തൊഴിലാളികൾക്ക് സാമ്പത്തിക സഹായവും ഉത്സവ സഹായവും നൽകുന്നതിനും അവർക്ക് തൊഴിലവസരങ്ങൾ സൃഷ്ടിക്കുന്നതിനും നടപടി സ്വീകരിക്കുമോ; വിശദാംശം ലഭ്യമാക്കാമോ?