സ്കില്‍ കേരള ഗ്ലോബല്‍ സമ്മിറ്റ് 2025 നടപ്പാക്കുന്നതിനായി എത്ര തുക ചെലവഴിച്ചു; ഏതൊക്കെ ഇനത്തിലാണ് തുക ചെലവഴിച്ചത്; വിശദാംശം ഇനം തിരിച്ചു വ്യക്തമാക്കുമോ;

പ്രസ്തുത സമ്മേളനത്തിൽ പങ്കെടുത്ത പ്രതിനിധികളുടെ എണ്ണവും പേരു വിവരവും അറിയിക്കാമോ?

കേന്ദ്ര സര്‍ക്കാര്‍ സൃഷ്ടിച്ച പ്രതിസന്ധികള്‍ക്കിടയിലും പ്രകടന പത്രികയില്‍ വ്യക്തമാക്കിയിരുന്ന കാര്യങ്ങള്‍ നടപ്പിലാക്കുന്നതില്‍ ഈ സര്‍ക്കാരിന് എത്രമാത്രം മുന്നോട്ട് പോകാനായി എന്ന് വിശദമാക്കാമോ?

ഇടുക്കി വികസന പാക്കേജിൽ എത്ര തുകയുടെ വികസന പ്രവൃത്തികളാണ് നടപ്പിലാക്കുമെന്ന് പ്രഖ്യാപിച്ചിരുന്നതെന്ന് അറിയിക്കാമോ;

ഇതിൽ എത്ര തുക ഇതുവരെ അനുവദിച്ചിട്ടുണ്ട്; എത്ര തുകയുടെ പ്രവൃത്തികൾ ഇതുവരെ നടപ്പിലാക്കിയിട്ടുണ്ട്; വിശദാംശങ്ങൾ മണ്ഡലം തിരിച്ച് ലഭ്യമാക്കാമോ;

ദേവികുളം മണ്ഡലത്തിൽ നിന്നും പ്രൊപ്പോസൽ സമർപ്പിച്ച മൂന്നാർ ഹൈആൾറ്റിറ്റ്യൂഡ് സ്റ്റേഡിയത്തിന്റെ നവീകരണം എന്ന പ്രവൃത്തിയുടെ വിശദാംശങ്ങൾ ലഭ്യമാക്കാമോ; ഈ പ്രവൃത്തിയുടെ നിലവിലെ സ്ഥിതി വിശദമാക്കാമോ; ഈ പ്രവൃത്തിയുടെ ഇതുവരെ സ്വീകരിച്ച നടപടി വിശദമാക്കാമോ?

മുൻ സർക്കാരിന്റെ കാലം മുതൽ നാളിതുവരെ, പട്ടാമ്പി മണ്ഡലത്തിൽ ആസ്തി വികസന ഫണ്ടിലോ പ്രാദേശിക ഫണ്ടിലോ ഉൾപ്പെടാത്ത ഏതെല്ലാം പദ്ധതികളാണ് അനുവദിച്ചിട്ടുള്ളതെന്ന് വിശദമാക്കാമോ;

പ്രസ്‌തുത പദ്ധതികളുടെ വിശദ വിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവ്വഹണ ചുമതല നൽകിയിട്ടുള്ള വകുപ്പ്/ഏജൻസി, അവയുടെ നിലവിലെ സ്ഥിതി എന്നിവ വിശദമാക്കാമോ; ഫണ്ട് അനുവദിച്ച ഉത്തരവുകളുടെ പകര്‍പ്പ് ലഭ്യമാക്കാമോ?

മുൻ സർക്കാരിന്റെ കാലം മുതൽ നാളിതുവരെ മുഖ്യമന്ത്രിയും മന്ത്രിമാരും നടത്തിയ വിദേശയാത്രയുടെ വിശദാംശങ്ങൾ, യാത്ര ചെയ്ത രാജ്യങ്ങൾ, യാത്ര ചെയ്ത കാലയളവ്, അനുഗമിച്ച വ്യക്തികൾ, ഈ യാത്രകൾക്ക് ഏതെങ്കിലും സ്പോൺസർമാർ ഉണ്ടായിരുന്നെങ്കിൽ അതിന്റെ വിശദാംശങ്ങൾ, ഓരോ വിദേശ സന്ദർശനത്തിന്റെയും ഉദ്ദേശ്യലക്ഷ്യങ്ങൾ, താമസസൗകര്യം, ഭക്ഷണം, യാത്ര ചെലവ്, ഓരോ സന്ദർശനത്തിനും ആകെ ചെലവഴിച്ച തുക എന്നീ വിവരങ്ങൾ ഇനം തിരിച്ച് ലഭ്യമാക്കാമോ?

വിവിധ വകുപ്പുകളില്‍ നിലവിലുള്ള ക്ലാര്‍ക്ക്- ടൈപ്പിസ്റ്റ്/ടൈപ്പിസ്റ്റ് -ക്ലാര്‍ക്ക് തസ്തികകള്‍ തുടരേണ്ടതുണ്ടോ; അതോ പകരം ക്ലാര്‍ക്ക് തസ്തികകളായി മാറ്റാമോ എന്ന വിഷയം പരിശോധിക്കുന്നതിന് വകുപ്പുകളില്‍ പ്രവൃത്തി പഠനം നടത്തിയ ഉദ്യോഗസ്ഥ ഭരണ പരിഷ്കാര (എ.ആര്‍.6) വകുപ്പ് പ്രവൃത്തി പഠനം പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ പകര്‍പ്പ് ലഭ്യമാക്കാമോ; ഇല്ലെങ്കില്‍ പ്രവൃത്തി പഠനം ഏത് ഘട്ടത്തിലാണെന്ന് വ്യക്തമാക്കാമോ;

ക്ലാര്‍ക്ക്- ടൈപ്പിസ്റ്റ്/ടൈപ്പിസ്റ്റ്- ക്ലാര്‍ക്ക് തസ്തിക നിര്‍ത്തലാക്കുന്നത് വര്‍ഷംതോറും സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്നിക്കുകളില്‍ നിന്നുള്ള കോമേഴ്സ്യല്‍ പ്രാക്ടീസ് കോഴ്സും കൊമേഴ്സ്യല്‍ ഇന്‍സ്റ്റിറ്റ്യൂട്ടുകളില്‍ നിന്ന് സെക്രട്ടേറിയറ്റ് പ്രാക്ടീസ് കോഴ്സും പരീക്ഷാ ഭവന്‍ നടത്തുന്ന കെ.ജി.റ്റി.ഇ.(കൊമേഴ്സ്) ടൈപ്പ് റൈറ്റിംഗ് &കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയും പാസ്സായി ഒരു ജോലിയ്ക്കായി കാത്തിരിക്കുന്ന അന്‍പതിനായിരത്തിലധികം വരുന്ന ഉദ്യോഗാര്‍ത്ഥികളുടെ സര്‍ക്കാര്‍ ജോലി നേടുന്നതിനുള്ള അവസരം നഷ്ടപ്പെടുത്തുന്നതാണ് എന്ന വിഷയം പ്രവൃത്തി പഠനം നടത്തുന്ന ഉദ്യോഗസ്ഥ ഭരണപരിഷ്കാര (എ.ആര്‍.6) വകുപ്പ് പരിശോധിച്ചിട്ടുണ്ടോ; വ്യക്തമാക്കാമോ;

മുപ്പതിലധികം വരുന്ന സര്‍ക്കാര്‍ വകുപ്പുകളിലെ ടൈപ്പിസ്റ്റ് തസ്തിക നിലവിലില്ലാത്ത ചെറിയ ഓഫീസുകളില്‍ നിലവിലുള്ള ക്ലാര്‍ക്ക്- ടൈപ്പിസ്റ്റ്/ടൈപ്പിസ്റ്റ് -ക്ലാര്‍ക്ക് തസ്തിക നിര്‍ത്തലാക്കുന്നത് ഈ ചെറിയ ഓഫീസുകളുടെ പ്രവര്‍ത്തനത്തെ സാരമായി ബാധിക്കും എന്ന വിഷയം പ്രവൃത്തി പഠനം നടത്തുന്ന ഉദ്യോഗസ്ഥ ഭരണപരിഷ്കാര (എ.ആര്‍.6) വകുപ്പ് പരിശോധിച്ചിട്ടുണ്ടോ, വ്യക്തമാക്കാമോ;

ക്ലാര്‍ക്ക്- ടൈപ്പിസ്റ്റ്/ടൈപ്പിസ്റ്റ് -ക്ലാര്‍ക്ക് ( വിവിധ വകുപ്പുകള്‍) തസ്തികയിലേയ്ക്ക് പുതിയ വിജ്ഞാപനം പ്രസിദ്ധീകരിക്കേണ്ടതില്ലെന്ന് പി.എസ്.സി.യോട് ആവശ്യപ്പെടുന്ന 21.08.2025 ലെ ഉപ.സി3/59/2024/പി&എ.ആര്‍.ഡി. നമ്പര്‍ കത്ത് പിന്‍വലിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

പ്രവൃത്തി പഠനത്തിന്റെ പേരില്‍ തടഞ്ഞ് വച്ചിരിക്കുന്ന ക്ലാര്‍ക്ക്- ടൈപ്പിസ്റ്റ്/ടൈപ്പിസ്റ്റ്- ക്ലാര്‍ക്ക് വിജ്ഞാപനം എത്രയും വേഗം പ്രസിദ്ധീകരിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

ക്ലാര്‍ക്ക് - ടൈപ്പിസ്റ്റ് /ടൈപ്പിസ്റ്റ് (വിവിധ വകുപ്പുകള്‍) തസ്തികയിലെ കോഴിക്കോട്, കണ്ണൂര്‍, പാലക്കാട് ജില്ലകളിലെ നിലവിലെ പി.എസ്.സി. റാങ്ക് ലിസ്റ്റുകളു‌ടെ കാലാവധി 2025 ഡിസംബറില്‍ അവസാനിക്കുമെന്നിരിക്കെ 2024 ഡിസംബര്‍ 31 നുമുമ്പ് ഈ തസ്തികയിലേയ്ക്കുള്ള പുതിയ പി.എസ്.സി.വിജ്ഞാപനം പ്രസിദ്ധീകരിക്കുന്നതിന് കാലതാമസം വന്നതിന്റെ കാരണം വ്യക്തമാക്കാമോ;

2024 ഡിസംബര്‍ 31 ന് മുമ്പ് ക്ലാര്‍ക്ക് - ടൈപ്പിസ്റ്റ്/ടൈപ്പിസ്റ്റ് (വിവിധ വകുപ്പുകള്‍) തസ്തികയിലേയ്ക്കുള്ള പുതിയ വിജ്ഞാപനം പ്രസിദ്ധീകരിക്കാതിരുന്നതിനാല്‍ പ്രസ്തുത തീയതിയില്‍ പ്രായപരിധി കഴിഞ്ഞ ആയിരക്കണക്കിന് ഉദ്യോഗാര്‍ത്ഥികള്‍ക്ക് അവസരം നഷ്ടമായത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ; 2025 ല്‍ പ്രായപരിധി കഴിയുന്നവര്‍ക്ക് അവസര നഷ്ടം ഉണ്ടാകാത്തവിധം ഈ തസ്തികയിലേയ്ക്ക് വിജ്ഞാപനം പ്രസിദ്ധപ്പെടുത്തുന്നതിനുള്ള നടപടി സ്വീകരിക്കുമോ; വ്യക്തമാക്കാമോ;

ക്ലാര്‍ക്ക് - ടൈപ്പിസ്റ്റ് /ടൈപ്പിസ്റ്റ് (വിവിധ വകുപ്പുകള്‍) തസ്തികയില്‍ കാറ്റഗറി 103/2019 ആയി അഞ്ച് വര്‍ഷങ്ങള്‍ക്ക് മുമ്പാണ് വിജ്ഞാപനം പ്രസിദ്ധീകരിച്ചത് എന്നതിനാല്‍ ഈ തസ്തികയിലേയ്ക്ക് എത്രയും വേഗം വിജ്ഞാപനം പ്രസിദ്ധീകരിക്കുന്നതിന് പി.എസ്.സി. നടപടി സ്വീകരിക്കുമോ; വ്യക്തമാക്കാമോ;

ക്ലാര്‍ക്ക് - ടൈപ്പിസ്റ്റ്/ടൈപ്പിസ്റ്റ് -ക്ലാര്‍ക്ക് (വിവിധ വകുപ്പുകള്‍) തസ്തിക നിര്‍ത്തലാക്കുന്നത് സര്‍ക്കാര്‍ ആലോചിക്കുന്നുണ്ടോ; അതുകൊണ്ടാണോ ഈ തസ്തികയിലേയ്ക്ക് പുതിയ വിജ്ഞാപനം പ്രസിദ്ധീകരിക്കാതിരുന്നത്; വ്യക്തമാക്കാമോ;

ക്ലാര്‍ക്ക് - ടൈപ്പിസ്റ്റ്/ടൈപ്പിസ്റ്റ്- ക്ലാര്‍ക്ക് (വിവിധ വകുപ്പുകള്‍) തസ്തികയിലേയ്ക്ക് പുതിയ വിജ്ഞാപനം പ്രസിദ്ധീകരിക്കേണ്ടതില്ലെന്ന് 21.08.2025-ന് ഉപ.സി3/59/2024/പി&എ.ആര്‍.ഡി. നമ്പര്‍ കത്ത് പ്രകാരം പി.എസ്.സി.യ്ക്ക് നിര്‍ദ്ദേശം നല്‍കിയിട്ടുണ്ടോ; എങ്കില്‍ കത്തിലെ ആവശ്യം പിന്‍വലിക്കുന്നതിന് നടപടി സ്വീകരിക്കുമോ, വ്യക്തമാക്കാമോ;

മുപ്പതിലധികം വരുന്ന സര്‍ക്കാര്‍ വകുപ്പുകളിലെ ക്ലാര്‍ക്ക് - ടൈപ്പിസ്റ്റ്/ടൈപ്പിസ്റ്റ് തസ്തിക നിര്‍ത്തലാക്കുന്നത് ചെറിയ ഓഫീസുകളുടെ പ്രവര്‍ത്തനത്തെ സാരമായി ബാധിക്കുമെന്നതിനാല്‍ ഈ തസ്തിക നിലനിര്‍ത്തുന്നതിനുള്ള നടപടി സ്വീകരിക്കുമോ; വ്യക്തമാക്കാമോ?

2016 മുതല്‍ 2025 മെയ് വരെ ഓരോ വര്‍ഷവും സര്‍ക്കാര്‍ സര്‍വ്വീസില്‍നിന്നും വിരമിച്ച ജീവനക്കാരുടെ എണ്ണം വര്‍ഷം തിരിച്ച് ലഭ്യമാക്കാമോ?

ബഹു. മന്ത്രിമാർ അംഗീകരിച്ച് ഒപ്പിട്ട ഫയലുകൾ ബന്ധപ്പെട്ട സെക്ഷനുകളിൽ എത്തിയതിനുശേഷം എത്ര ദിവസത്തിനുള്ളിൽ അല്ലെങ്കിൽ എത്ര മണിക്കൂറുകൾക്കുള്ളിൽ ഉത്തരവ് പുറപ്പെടുവിക്കണമെന്നാണ് സർക്കാർ നിർദ്ദേശം നല്‍കിയിട്ടുള്ളതെന്ന് അറിയിക്കുമോ; പ്രസ്തുത വിവരം ക്യാബിനറ്റ് തീരുമാനമുള്ള ഫയലുകളിലും അല്ലാത്ത ഫയലുകളിലും എന്ന് ഇനം തിരിച്ച് വിശദമാക്കാമോ;

ഇത്തരത്തിൽ ബഹു: മന്ത്രിമാർ അംഗീകരിച്ച് ഒപ്പിട്ട ഫയലുകൾ ബന്ധപ്പെട്ട സെക്ഷനുകളിൽ എത്തിയതിനുശേഷം മാസങ്ങളോ ആഴ്ചകളോ ഉത്തരവ് ഇറക്കാതെ ഫയൽ പിടിച്ചുവെക്കുന്ന ഉദ്യോഗസ്ഥർക്കെതിരെ നടപടി സ്വീകരിക്കുന്നതിന് സർക്കാർ നിർദ്ദേശമുണ്ടോ; എങ്കിൽ ഏതെല്ലാം തരത്തിലുള്ള നടപടികളാണ് സ്വീകരിക്കുകയെന്ന് വിശദമാക്കാമോ;

ഇത്തരത്തിൽ ഏതെങ്കിലും ഉദ്യോഗസ്ഥർക്കെതിരെ നാളിതുവരെ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ; എങ്കിൽ അവ ഓരോന്നും വിശദമാക്കാമോ?

ആശ്രിത നിയമനം ലഭിക്കുന്നതിനായി വര്‍ഷങ്ങള്‍ കാത്തിരിക്കേണ്ട അവസ്ഥയുണ്ടാകുന്നുണ്ടെന്ന വസ്തുത സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

ആശ്രിത നിയമനത്തിലെ കാലതാമസം പരിഹരിക്കുന്നതിനു സ്വീകരിച്ച നടപടി വിശദമാക്കാമോ;

നിലവില്‍ ആശ്രിത നിയമനത്തിനായി തയ്യാറാക്കിയ പട്ടികയില്‍ എത്ര പേരുണ്ടെന്നും അതില്‍ എത്ര ആളുകള്‍ക്ക് നിയമനം നല്‍കിയെന്നും അറിയിക്കുമോ;

ഈ സർക്കാർ അധികാരത്തില്‍ വന്നതിനുശേഷം എത്ര പേർക്ക് ആശ്രിതനിയമനം നല്കിയെന്ന് വകുപ്പ് തിരിച്ച് വ്യക്തമാക്കുമോ?

05.01.2021-ല്‍ ബഹു. മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍, കോതമംഗലം മണ്ഡലത്തിലെ ആറാം മൈല്‍ - എളംബ്ലാശ്ശേരി വഴി ഇടുക്കി ജില്ലയിലെ കുറത്തിക്കുടി - പെരുമ്പന്‍കുത്ത് ഭാഗത്തുകൂടി കടന്നുപോകുന്ന മലയോര ഹൈവേയുടെ അലൈന്‍മെന്റ് മാറ്റം വരുത്താന്‍ തീരുമാനിച്ചത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

ആറാം മൈല്‍ മുതല്‍ ഇരുട്ടുകാനം വരെ നിലവിലുള്ള ദേശീയ പാത, മലയോര ഹൈവേയായി ഉപയോഗിക്കുന്നതിനും ആറാം മൈല്‍ മുതല്‍ എളംബ്ലാശ്ശേരി വരെയുള്ള ഭാഗം നിലവിലുള്ള വീതിയില്‍ പുനരുദ്ധാരണം നടത്തുവാനും അനുമതി ലഭിച്ചിരുന്നോയെന്ന് വ്യക്തമാക്കാമോ;

എളംബ്ലാശ്ശേരി മുതല്‍ കുറുത്തിക്കുടിവരെ 5.5 മീറ്റര്‍ വീതിയില്‍ പേവര്‍ ബ്ലോക്ക് വച്ച് നിര്‍മ്മാണം നടത്തുവാന്‍ എടുത്ത തീരുമാനം നടപ്പാക്കാന്‍ അടിയന്തര നടപടി സ്വീകരിക്കാമോ?

സേവനാവകാശ നിയമം സംസ്ഥാനത്ത് നിലവിൽ വന്നത് എന്നാണെന്ന് അറിയിക്കാമോ;

സേവനാവകാശ നിയമത്തിന്റെ ഉദ്ദേശ്യലക്ഷ്യങ്ങൾ എന്തൊക്കെയാണെന്നും ഇവ എത്രത്തോളം കൈവരിക്കാൻ സാധിച്ചിട്ടുണ്ടെന്നും വ്യക്തമാക്കാമോ;

ഈ നിയമപ്രകാരം പൊതുജനങ്ങൾക്ക് എല്ലാ വകുപ്പുകളിൽ നിന്നും നിശ്ചിത സമയത്തിനുളളിൽ ത​ന്നെ സേവനം ലഭിച്ചിട്ടുണ്ടോ; ഇപ്പോൾ ലഭിക്കുന്നുണ്ടോ; ഇതു സംബന്ധിച്ച് പരിശോധിക്കാൻ എന്തെങ്കിലും സംവിധാനം ഏർപ്പെടുത്തിയിട്ടുണ്ടോ; വ്യക്തമാക്കാമോ;

നിശ്ചിത സമയത്തിനകം പൊതുജനങ്ങൾക്ക് സേവനം ലഭ്യമാകാത്ത ഉദ്യോഗസ്ഥർക്കെതിരെ എന്ത് ശിക്ഷാ നടപടികളാണ് സേവനാവകാശ നിയമത്തിൽ നിഷ്കർഷിച്ചിട്ടുളളതെന്ന് വ്യക്തമാക്കാമോ; എത്ര ഉദ്യോഗസ്ഥർ ശിക്ഷാ നടപടികൾക്ക് വി​ധേയരായിട്ടുണ്ടെന്ന് ജില്ലയും ഓഫീസും തിരിച്ച് വ്യക്തമാക്കാമോ;

ശിക്ഷ നടപടികൾക്ക് ​വിധേയരായവരുടെ എണ്ണം കുറവാണെങ്കിൽ സേവനാവകാശ നിയമത്തിന്റെ മഹത്വമാണോ അത് സൂചിപ്പിക്കുന്നതെന്ന് വ്യക്തമാക്കാമോ; അല്ലെങ്കിൽ ഈ നിയമത്തിൽ എന്തെങ്കിലും മാറ്റം കൊണ്ടു വരുവാൻ ഉദ്ദേശിക്കുന്നുണ്ടോ എന്ന് വ്യക്തമാക്കാമോ?

വിഴിഞ്ഞം അന്താരാഷ്ട്ര തുറമുഖത്തെ റെയിൽവേയുമായി ബന്ധിപ്പിക്കുന്ന ഭൂഗർഭ റെയിൽവേ പാതയ്ക്കായി എന്തെല്ലാം പ്രാഥമിക നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

പ്രസ്തുത പദ്ധതിയുടെ രൂപരേഖയും നിർമ്മാണത്തിനാവശ്യമായ തുകയും സംബന്ധിച്ച വിശദാംശങ്ങൾ ലഭ്യമാക്കാമോ;

വിഴിഞ്ഞം ഇന്റർനാഷണൽ സീ പോർട്ട് ലിമിറ്റഡ് തിരുവനന്തപുരം (വിസിൽ) നിർമ്മാണവുമായി ബന്ധപ്പെട്ട് ഇതുവരെ എന്തെല്ലാം പ്രവർത്തികളാണ് ചെയ്തിട്ടുള്ളതെന്ന് വിശദമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് കൊങ്കൺ റെയിൽവേ തയ്യാറാക്കിയ ഇ.പി.സി. ( എഞ്ചിനീയറിംഗ് പ്രൊക്യൂര്‍മെന്റ് കൺസ്‍ട്രക്ഷൻ) ടെൻഡർ സർക്കാർ നിയോഗിച്ച ഉന്നത സമിതി പരിശോധിച്ചിട്ടുണ്ടോ; എങ്കിൽ വിശദമാക്കാമോ;

പ്രസ്തുത പദ്ധതിയ്ക്കായി ഭൂമി ഏറ്റെടുക്കൽ അടക്കമുള്ള പ്രാരംഭ പ്രവർത്തനങ്ങൾ എന്ന് ആരംഭിക്കുമെന്നും പദ്ധതി എപ്പോൾ പൂർത്തിയാക്കാൻ കഴിയുമെന്നും വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് വിവിധ സര്‍ക്കാര്‍ വകുപ്പുകൾ, കമ്പനികൾ, ബോര്‍ഡുകൾ, കോര്‍പ്പറേഷനുകൾ, സര്‍ക്കാര്‍ സ്വയംഭരണ സ്ഥാപനങ്ങൾ, ശാസ്ത്രസാങ്കേതിക ഗവേഷണ സ്ഥാപനങ്ങള്‍ എന്നിവിടങ്ങളിൽ എംപ്ലോയ്‍മെന്റ് എക്സ്ചേഞ്ച് മുഖേനയല്ലാതെ നടത്തിയിട്ടുള്ള കരാര്‍ നിയമനങ്ങളുടെയും താല്‍ക്കാലിക നിയമനങ്ങളുടെയും വിശദാംശങ്ങൾ ലഭ്യമാക്കാമോ; വിരമിച്ചവര്‍ക്ക് പുനര്‍നിയമനം നല്കിയതടക്കമുള്ള വിവരങ്ങൾ ഇനം തിരിച്ച് ലഭ്യമാക്കാമോ;

പ്രസ്തുത സ്ഥാപനങ്ങളില്‍ എത്ര താല്‍ക്കാലിക ജീവനക്കാരെയാണ് കഴിഞ്ഞ നാല് വര്‍ഷത്തിനുള്ളില്‍ സ്ഥിരപ്പെടുത്തിയിട്ടുള്ളത്; ഇപ്രകാരം സ്ഥിരപ്പെടുത്തിയ താല്‍ക്കാലിക ജീവനക്കാരുടെ വകുപ്പ്, സ്ഥാപനം ഇനം തിരിച്ച് വിശദമാക്കാമോ?

മുഖ്യമന്ത്രിയുടെ പൊതുജന പരാതി പരിഹാര സെല്ലിൽ ഗോത്രമൂപ്പൻ നൽകിയ 20.10.23ലെ പി.കെ.ജി.എം./306/10/2023-24/ടി.വി.എം. നമ്പർ നിവേദനത്തിന്മേൽ നാളിതുവരെ സ്വീകരിച്ച നടപടി എന്തൊക്കെയാണെന്ന് വ്യക്തമാക്കുമോ;

വനാവകാശ നിയമപ്രകാരം പട്ടിക ഗോത്ര വർഗ്ഗ വിഭാഗങ്ങൾക്ക് വ്യക്തിഗത വനാവകാശ രേഖ അനുവദിച്ചിട്ടുള്ള കൈവശ വസ്തുവിന് ഭൂനികുതി ഒഴിവാക്കിയും വിവിധ ആവശ്യങ്ങൾക്ക് ബാങ്കിൽ പണയപ്പെടുത്തുവാൻ അനുമതി ലഭിക്കുന്ന രീതിയിലും സൗജന്യ റവന്യൂ പട്ടയം അനുവദിച്ചു നൽകുന്നതിന് നിയമനിർമ്മാണം നടത്തുവാൻ ഉദ്ദേശിക്കുന്നുണ്ടോ; വ്യക്തമാക്കുമോ?

ചവറ മണ്ഡലത്തിലെ പൊതുമേഖലാ സ്ഥാപനമായ കെ.എം.എം.എൽ -ന് മുന്‍വശം കെ.എം.എം.എൽ ഗസ്റ്റ് ഹൗസ് മുതല്‍ അടൂര്‍ റോഡ് വരെയുള്ള പ്രദേശത്ത് കെ.എം.എം.എൽ-ന്റെ പക്കല്‍ എത്ര വസ്തു ഉണ്ടെന്ന് വ്യക്തമാക്കാമോ;

കെ.എം.എം.എൽ -ന് സര്‍ക്കാര്‍ വക ഭൂമി കൈമാറിയിട്ടുണ്ടോയെന്ന് വ്യക്തമാക്കാമോ;

പന്‍മന വില്ലേജ് ഓഫീസര്‍ പുറമ്പോക്ക് ഭൂമിയാണെന്ന് കാണിച്ച് നല്‍കിയ കത്തിന്റെ അടിസ്ഥാനത്തില്‍ നവകേരള സദസ്സിലെ നിര്‍ദ്ദേശം പരിഗണിച്ച് ചവറയില്‍ അനുവദിച്ച ശങ്കരമംഗലം ബസ് സ്റ്റാൻഡ്, വിശ്രമ കേന്ദ്രം, പാര്‍ക്കിംഗ് ഏരിയ, ഹരിത പാര്‍ക്ക്, നിങ്ങളെന്നെ കമ്മ്യൂണിസ്റ്റാക്കി എന്ന നാടകത്തിന്റെ 75-ാം വാര്‍ഷിക സ്തൂപം എന്നിവയുടെ നിലവിലെ അവസ്ഥ എന്താണെന്ന് വ്യക്തമാക്കാമോ?

ഈ സർക്കാർ അധികാരത്തിൽ വന്നതിനുശേഷം സർവീസിൽനിന്നും വിരമിച്ച എത്ര ഐ.എ.എസ് ./ഐ. പി. എസ്. ഉദ്യോഗസ്ഥർക്കാണ് പുനർനിയമനം നൽകിയിട്ടുള്ളതെന്നും അവരുടെ പേരുവിവരവും വഹിക്കുന്ന പദവിയും ചുമതലകളുമടക്കമുള്ള വിശദാംശങ്ങളും നൽകാമോ;

മുൻ സർക്കാരിന്റെ കാലത്ത് 2021 മുതൽ പുനർനിയമനം നൽകിയവരിൽ ഇപ്പോഴും തുടരുന്ന മേൽ വിഭാഗത്തിൽ ഉൾപ്പെട്ടവരുടെ പേരു വിവരങ്ങൾ വിശദമാക്കുമോ?

നവകേരള സദസ്സിന്റെ ഭാഗമായി പൂഞ്ഞാർ മണ്ഡലത്തിൽ നടപ്പാക്കുന്ന പദ്ധതികളുടെ പ്രവർത്തന പുരോഗതിയുടെ വിശദാംശങ്ങൾ വ്യക്തമാക്കുമോ?

നവകേരള സദസ്സിന്റെ ഭാഗമായി കായംകുളം മണ്ഡലത്തില്‍ നടപ്പാക്കുവാൻ ഉദ്ദേശിച്ചിട്ടുള്ള പദ്ധതികളും അവയുടെ നിലവിലുള്ള സ്ഥിതിവിവരങ്ങളും വിശദമാക്കാമോ?

നവകേരള സദസ്സുമായി ബന്ധപ്പെട്ട് മണലൂര്‍ മണ്ഡലത്തില്‍ ഏതെല്ലാം പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ടെന്ന് അറിയിക്കാമോ;

പ്രസ്തുത പ്രവൃത്തികള്‍ക്ക് ഓരോന്നിനും എത്ര തുക വീതമാണ് അനുവദിച്ചതെന്ന് വ്യക്തമാക്കാമോ;

പ്രസ്തുത പ്രവൃത്തികള്‍ നിലവില്‍ ഏത് ഘട്ടത്തിലാണ്; വിശദാംശങ്ങള്‍ നല്‍കാമോ?

നവകേരള സദസ്സില്‍ ഉയര്‍ന്നുവന്ന പരാതികള്‍ പരിഹരിക്കുന്നതിനായി അരൂര്‍ മണ്ഡലത്തില്‍ അനുവദിച്ച പ്രവൃത്തികള്‍ ഏതെല്ലാമെന്ന് അറിയിക്കുമോ;

പ്രസ്തുത പ്രവൃത്തികള്‍ ഏത് വകുപ്പ് മുഖാന്തിരമാണ് നടപ്പിലാക്കുന്നത്; ആയതിന്റെ പുരോഗതി വിശദമാക്കുമോ?

കേരള ശാസ്ത്ര സാങ്കേതിക പരിസ്ഥിതി കൗൺസിലിന്റെ നേതൃത്വത്തിൽ നടന്ന ഗവേഷണ വികസന ഉച്ചകോടിയുടെ ഉദ്ദേശ്യലക്ഷ്യങ്ങൾ വിശദമാക്കാമോ;

പ്രസ്‌തുത ഉച്ചകോടിയുടെ ഭാഗമായി എത്ര കണ്ടുപിടിത്തങ്ങളാണ് വാണിജ്യ അടിസ്ഥാനത്തിൽ ഉപയോഗിക്കാൻ ഗവേഷകരും പൊതു - സ്വകാര്യ സ്ഥാപനങ്ങളും തമ്മിൽ ധാരണയായത് എന്ന് ഇനം തിരിച്ചു വിശദമാക്കാമോ;

പ്രസ്‌തുത ഉച്ചകോടിയിൽ ഏതൊക്കെ സ്ഥാപനങ്ങളുടെ കണ്ടുപിടിത്തങ്ങളാണ് സ്വകാര്യമേഖലയുമായി ധാരണപത്രം ഒപ്പിട്ട് കൈമാറിയത് എന്ന് വിശദമാക്കാമോ; കണ്ടുപിടുത്തങ്ങൾ / പേറ്റന്റുകൾ, പൊതുമേഖലാ സ്ഥാപനങ്ങൾ, സ്വകാര്യ സ്ഥാപനങ്ങൾ എന്നിവ ഇനം തിരിച്ച് ലഭ്യമാക്കുമോ?

സംസ്ഥാന രാസപരിശോധനാ ലാബിന് 2023-24 വർഷത്തിൽ സബ്ജക്റ്റ് കമ്മിറ്റി ശിപാർശ ചെയ്തതിലും കുറവ് ഫണ്ടാണ് അനുവദിച്ചിരിക്കുന്നത് എന്ന വിവരം ശ്രദ്ധയിൽപ്പെട്ടിട്ടുണ്ടോ; കുറ്റാന്വേഷണത്തിൽ നിർണായക പങ്ക് വഹിക്കുന്ന ഈ ലാബിന് മതിയായ ഫണ്ട് അനുവദിക്കാത്തതിന്റെ കാരണം വ്യക്തമാക്കാമോ;

ചെലവേറിയ ആനുവല്‍ മെയിന്റനന്‍സ് കോണ്‍ട്രാക്ട് (Annual Maintenance Contract)നും വില കൂടിയ സ്പെയര്‍ പാര്‍ട്സുകളും അനലിറ്റിക്കൽ ഉപകരണങ്ങളും അള്‍ട്രാ ഹൈ പ്യൂരിറ്റി (Ultra High Purity) ഗ്യാസും കെമിക്കലുകളും ഗ്ലാസ് ഉപകരണങ്ങളും വാങ്ങുന്നതിനും ആവശ്യമായ ഫണ്ട് ഇല്ലാത്തതിനാൽ പരിശോധന തടസപ്പെടുന്ന സാഹചര്യം ഉണ്ടാകുന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

വൈദ്യസഹായ രംഗവും പൊതുജനാരോഗ്യവും എന്ന പൊതുശീർഷകത്തിൽ രണ്ട് സ്ഥാപനങ്ങൾക്കും ഒരുമിച്ച് ഫണ്ട് അനുവദിക്കുന്നത് പ്രസ്തുത ലാബിന്റെ പ്രവർത്തനങ്ങൾക്ക് തടസ്സമാകുന്നുണ്ടോ; എങ്കിൽ ഇക്കാര്യം പരിഹരിക്കാൻ നടപടി സ്വീകരിക്കുമോ ;

2025-26 സാമ്പത്തിക വർഷത്തിൽ പ്രസ്തുത സ്ഥാപനത്തിന് മതിയായ ഫണ്ട് അനുവദിക്കുമോയെന്ന് വ്യക്തമാക്കുമോ ?

2021 മുതൽ 2025 വരെയുള്ള കാലയളവിൽ പി. എസ്. സി. യുടെ ആസ്ഥാന ഓഫീസിൽ നടത്തിയിട്ടുള്ള നിർമ്മാണ പ്രവർത്തനങ്ങൾ, മരാമത്ത് പണികൾ എന്നിവ സംബന്ധിച്ച വിശദാംശങ്ങൾ, അതിനായി ചെലവഴിച്ച തുക എന്നിവ ഇനം തിരിച്ച് ലഭ്യമാക്കാമോ;

പ്രസ്തുത നിർമ്മാണ പ്രവർത്തനങ്ങൾ നിർവഹിച്ച സർക്കാർ ഏജൻസി, സ്വകാര്യ സ്ഥാപനം എന്നിവ സംബന്ധിച്ച വിശദാംശങ്ങൾ ലഭ്യമാക്കാമോ;

പി. എസ്‌. സി. ആസ്ഥാന ഓഫീസിൽ ക്യാന്റീൻ കെട്ടിടത്തിന്റെ പുനരുദ്ധാരണത്തിനായി 2025 വർഷത്തിൽ ചെലവാക്കിയ തുക എത്രയാണ്; എന്തൊക്കെ പ്രവൃത്തികളാണ് നടപ്പിൽ വരുത്തിയത്?

കേരള പബ്ലിക് സർവ്വീസ് കമ്മീഷന്റെ പ്രവർത്തനങ്ങൾ സുതാര്യവും വേഗത്തിലുമാക്കുന്നതിനായി എന്തെല്ലാം നവീകരണ പ്രവർത്തനങ്ങളാണ് ആസൂത്രണം ചെയ്തു നടപ്പിലാക്കിയതെന്ന് വ്യക്തമാക്കാമോ;

ഈ സർക്കാർ അധികാരത്തിൽ വന്നതിനു ശേഷം ഇതുവരെ എത്ര തസ്തികകളിലേയ്ക്കുള്ള വിജ്ഞാപനങ്ങൾ നടത്തുകയുണ്ടായെന്നും എത്ര ഉദ്യോഗാർത്ഥികൾക്ക് നിയമനശിപാർശകൾ നൽകിയെന്നുമുള്ള കണക്ക് ക്രോഡീകരിച്ചിട്ടുണ്ടോ; എങ്കിൽ വ്യക്തമാക്കാമോ;

2016-2021 വരെയുള്ള സർക്കാരിന്റെ കാലത്ത് പി. എസ്. സി. വഴി നടത്തിയ നിയമനങ്ങളുടെ വിശദാംശങ്ങൾ ലഭ്യമാണോ;

ഒഴിവുകൾ കൃത്യമായി റിപ്പോർട്ടുചെയ്യുന്നുണ്ടെന്ന് ഉറപ്പുവരുത്തുവാൻ എന്തെല്ലാം മുൻകരുതലാണ് കൈക്കൊണ്ടിട്ടുള്ളതെന്ന് അറിയിക്കാമോ;

ഒഴിവുകൾ സമയബന്ധിതമായി റിപ്പോർട്ട് ചെയ്യുന്നതിൽ വീഴ്ച വരുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിനെതിരെ ശക്തമായ നടപടി സ്വീകരിക്കാൻ നിർദേശം നൽകുമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം പി.എസ്.സി. മുഖേന എത്ര ഉദ്യോഗാര്‍ത്ഥികള്‍ക്കാണ് നിയമനം നല്‍കിയിട്ടുള്ളതെന്ന് വിശദമാക്കുമോ;

ഓരോ വകുപ്പിലും നല്‍കിയിട്ടുള്ള നിയമനം സംബന്ധിച്ച വിശദാംശം നല്‍കുമോ?

ജില്ലാ അടിസ്ഥാനത്തിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് (വിവിധ വകുപ്പുകള്‍) തസ്തികയിലേയ്ക്ക് പി.എസ്.സി. വിജ്ഞാപനം പ്രസിദ്ധീകരിക്കുന്നതിന് കാലതാമസം നേരിടുന്നതിന്റെ കാരണം വ്യക്തമാക്കാമോ; ഈ തസ്തികയിലേക്ക് വിജ്ഞാപനം പ്രസിദ്ധീകരിക്കുന്നതിന് നടപടി സ്വീകരിക്കുമോ;

വിവിധ വകുപ്പുകളില്‍ നിലവിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തികകള്‍ തുടരേണ്ടതുണ്ടോ, ഈ തസ്തിക ക്ലാര്‍ക്ക് തസ്തികയായി മാറ്റാമോ എന്നത് സംബന്ധിച്ച് ഉദ്യോഗസ്ഥഭരണ പരിഷ്കാരവകുപ്പ് വിവിധ വകുപ്പുകളിൽ പ്രവൃത്തി പഠനം നടത്തി റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കില്‍ ആയതിന്റെ പകര്‍പ്പ് ലഭ്യമാക്കുമോ;

പ്രവര്‍ത്തി പഠനം നടക്കുന്നു എന്ന കാരണത്താല്‍ മാത്രം പ്രസ്തുത തസ്തികയിലേയ്ക്കുളള വിജ്ഞാപനം തടഞ്ഞുവച്ചതിന്റെ അടിയന്തര സാഹചര്യം എന്താണെന്ന് വ്യക്തമാക്കാമോ;

വര്‍ഷംതോറും സാങ്കേതിക വിദ്യാഭ്യാസ വകുപ്പിന് കീഴിലുള്ള പോളിടെക്നിക്കുകളില്‍ നിന്നുള്ള കോമേഴ്‍സ്യൽ പ്രാക്ടീസ് കോഴ്സും കോമേഴ്‍സ്യൽ ഇന്‍സ്റ്റിറ്റ്യൂട്ടുകളില്‍ നിന്ന് സെക്രട്ടേറിയറ്റ് പ്രാക്ടീസ് കോഴ്‍സും പരീക്ഷാ ഭവന്‍ നടത്തുന്ന കെ.ജി.റ്റി.ഇ.(കൊമേഴ്‍സ് ) ടൈപ്പ് റൈറ്റിംഗ് ആൻഡ് കമ്പ്യൂട്ടര്‍ വേഡ് പ്രോസസ്സിംഗ് പരീക്ഷയും പാസ്സാകുന്ന അവശ്യ യോഗ്യതയുള്ള അന്‍പതിനായിരത്തിലധികം വരുന്ന വിദ്യാര്‍ത്ഥികളുടെ സര്‍ക്കാര്‍ ജോലി നേടുന്നതിനുള്ള അപൂര്‍വ്വ അവസരങ്ങളിലൊന്നായ ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തിക നിലനിര്‍ത്തുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ;

ടൈപ്പിസ്റ്റ് തസ്തിക നിലവിലില്ലാത്ത മുപ്പതിലധികം വരുന്ന സര്‍ക്കാര്‍ വകുപ്പുകളിലെ ഓഫീസുകളിലെ നിലവിലുള്ള ക്ലാര്‍ക്ക് ടൈപ്പിസ്റ്റ്/ടൈപ്പിസ്റ്റ് ക്ലാര്‍ക്ക് തസ്തിക നിര്‍ത്തലാക്കുന്നത് ഈ ഓഫീസുകളുടെ പ്രവര്‍ത്തനത്തെ സാരമായി ബാധിക്കുമെന്നതിനാല്‍ ഈ തസ്തിക നിലനിര്‍ത്തുന്നതിന് നടപടി സ്വീകരിക്കുമോയെന്ന് അറിയിക്കുമോ;

ഈ തസ്തിക നിര്‍ത്തലാക്കുന്നതിന് പകരം ഈ തസ്തികകളില്‍ ജോലി ചെയ്യുന്നവരുടെ ചുമതലകളില്‍ വ്യക്തത വരുത്തി ഉത്തരവ് പുറപ്പെടുക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

ഈ സര്‍ക്കാര്‍ അധികാരമേറ്റ് നാളിതുവരെ പി.എസ്.സി. മുഖേന എത്ര ഉദ്യോഗാര്‍ത്ഥികള്‍ക്ക് നിയമനം നല്‍കിയിട്ടുണ്ടെന്ന് വ്യക്തമാക്കാമോ;

ഒഴിവുകള്‍ യഥാസമയം പി.എസ്.സി. ക്ക് റിപ്പോര്‍ട്ട് ചെയ്യാതെ കൃത്യവിലോപം കാണിക്കുന്ന വകുപ്പ് മേലധികാരികള്‍ ഉണ്ടെന്ന വിവരം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത്തരക്കാര്‍ക്ക് എതിരെ എന്തൊക്കെ നടപടികളാണ് സര്‍ക്കാര്‍ സ്വീകരിച്ചുവരുന്നതെന്ന് വ്യക്തമാക്കാമോ;

ഈ സര്‍ക്കാര്‍ വിവിധ വകുപ്പുകളില്‍ പുതുതായി എത്ര തസ്തികകള്‍ സൃഷ്ടിച്ചുവെന്ന് വ്യക്തമാക്കാമോ?

ഈ സർക്കാ‍ർ കാലയളവില്‍ പി.എസ്.സി മുഖേന എത്ര പേർക്ക് നിയമനം നല്‍കി എന്ന് വിശദമാക്കാമോ;

ഈ കാലയളവില്‍ പി.എസ്.സി അഡ്വൈസ് മെമ്മോ ലഭിച്ചിട്ടും ജോലിക്ക് ഹാജരാകാത്തവരുടെ എണ്ണം വിശദമാക്കാമോ;

അഡ്വൈസ് ലഭിച്ചിട്ടും കൃത്യമായ കാരണങ്ങളില്ലാതെ ജോലിക്ക് ഹാജരാവാത്തവർക്കെതിരെ നടപടി സ്വീകരിക്കുന്നുണ്ടോ; വിശദമാക്കാമോ?

മുന്‍ സര്‍ക്കാരിന്റെ കാലയളവിലും (2016-21) ഈ സര്‍ക്കാരിന്റെ കാലയളവിലും കെ.പി.എസ്.സി. മുഖേന എത്ര നിയമനം നല്കിയിട്ടുണ്ടെന്ന് വിശദമാക്കാമോ;

അതിൽ തിരുവനന്തപുരം ജില്ലയില്‍ എത്ര നിയമനം നടന്നുവെന്ന് വിശദമാക്കാമോ?

ഈ സർക്കാർ അധികാരത്തിൽ വന്ന ശേഷം ആലപ്പുഴ ജില്ലയിൽ വിവിധ വകുപ്പുകളിലായി പി.എസ്.സി. നൽകിയ നിയമന ശിപാർശകളുടെ കണക്ക് റാങ്ക് ലിസ്റ്റ് അടിസ്ഥാനത്തിൽ വ്യക്തമാക്കാമോ;

ആലപ്പുഴ ജില്ലയിൽ വിവിധ വകുപ്പുകളിലെ വിവിധ തസ്തികകളിൽ നിലവിൽ എത്ര ഒഴിവുകളിലാണ് ഇനിയും നിയമന ശിപാർശകൾ നൽകാൻ ബാക്കിയുള്ളതെന്നുളള കണക്ക് തസ്തിക തിരിച്ച് വ്യക്തമാക്കാമോ?

സംസ്ഥാന സർക്കാർ വകുപ്പുകളിൽ ജീവനക്കാരുടെ ഓൺലൈൻ ട്രാൻസ്‍ഫർ ഇതുവരേയും നടത്താത്ത വകുപ്പുകൾ ഏതെല്ലാമാണെന്നും ഇവിടങ്ങളിൽ ഓൺലൈൻ ട്രാൻസ്‍ഫർ നടത്താൻ സാധിക്കാത്തതിന്റെ കാരണമെന്താണെന്നും വിശദമാക്കാമോ?

സംസ്ഥാനത്ത് കെ-ഫോണ്‍ പദ്ധതിയില്‍ എത്ര സര്‍ക്കാര്‍ ഓഫീസുകളില്‍ ഇന്റര്‍നെറ്റ് കണക്ഷൻ നല്‍കിയിട്ടുണ്ട്; വിശദമാക്കാമോ;

എത്ര വാണിജ്യ കണക്ഷനുകള്‍ നല്‍കിയിട്ടുണ്ട്; വ്യക്തമാക്കാമോ?

സംസ്ഥാന സർക്കാരിന്റെ കെ-ഫോൺ ഇന്റർനെറ്റ് സേവനം എത്ര കുടുംബങ്ങൾക്ക് ലഭിച്ചിട്ടുണ്ട് എന്നതിന്റെ വിവരം ജില്ലാ അടിസ്ഥാനത്തിൽ ലഭ്യമാക്കുമോ;

കെ-ഫോൺ ഇന്റർനെറ്റ് സേവനത്തിൽ ഉണ്ടാകുന്ന വേഗതകുറവും തടസ്സവും കാരണം കെ-ഫോൺ ഇന്റർനെറ്റ് സേവനം ഉപേക്ഷിച്ച് മറ്റ് സേവനദാതാകളിലേക്ക് മാറാൻ വിവിധ വകുപ്പുകൾ സർക്കാരിന്റെ അനുമതി തേടിയിട്ടുണ്ടോ; ഉണ്ടെങ്കിൽ ആയതിന്റെ വിശദാംശം നൽകാമോ?

അടിസ്ഥാന ജനവിഭാഗങ്ങള്‍ക്ക് സൗജന്യ നിരക്കില്‍ ഇന്റര്‍നെറ്റ് കണക്ഷൻ ലഭ്യമാക്കുന്നതിനായി കേരള സര്‍ക്കാര്‍ നടപ്പിലാക്കി വരുന്ന കെ. ഫോണ്‍ പദ്ധതിയുടെ നിലവിലെ പുരോഗതി വ്യക്തമാക്കാമോ;

ബാലുശ്ശേരി മണ്ഡലത്തില്‍ നാളിതുവരെ എത്ര പേര്‍ക്കാണ് സൗജന്യമായി കെ-ഫോണ്‍ കണക്ഷൻ ലഭ്യമായിട്ടുള്ളത് എന്നതിന്റെ വിശദാംശങ്ങള്‍ ഗ്രാമപഞ്ചായത്തുകള്‍ തിരിച്ച് ലഭ്യമാക്കാമോ?

വിജ്ഞാനത്തില്‍ അടിസ്ഥാനമായ ഒരു സമൂഹമായി കേരളത്തെ രൂപാന്തരപ്പെടുത്തുവാൻ സംസ്ഥാന ഐ. ടി. നയം വിഭാവനം ചെയ്തിട്ടുണ്ടോ; വിശദമാക്കാമോ;

ഒരു മുന്‍നിര ഐ. ടി. കേന്ദ്രമാക്കി കേരളത്തെ മാറ്റുന്നതിനും പ്രത്യക്ഷവും പരോക്ഷവുമായി തൊഴിലവസരങ്ങൾ വന്‍തോതില്‍ സൃഷ്ടിക്കുന്നതിനും സംസ്ഥാന ഐ. ടി. നയം വിഭാവനം ചെയ്യുന്ന പ്രകാരം നടപടികൾ സ്വീകരിച്ചിട്ടുണ്ടോ; വിശദമാക്കാമോ;

മികച്ച മാര്‍ക്കറ്റിങ്ങിലൂടെ ദേശീയ- അന്തര്‍ദേശീയ തലങ്ങളിലെ ഐ.ടി. കമ്പനികളെ ആകര്‍ഷിക്കുന്നതിനും അവരാൽ വിവിധ ഐ. ടി. സംരംഭങ്ങളില്‍ നിക്ഷേപം നേടുന്നതിനുമാവശ്യമായ പശ്ചാത്തലസൗകര്യം ഒരുക്കുന്നതിനുമായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ;

കേരളത്തിലെ യുവാക്കളിലും വിദ്യാർത്ഥികളിലുമുള്ള സംരംഭകത്വശേഷി തിരിച്ചറിയുന്നതിനും വികസിപ്പിക്കുന്നതിനുമായി പരമ്പരാഗത മേഖലകളിൽകൂടി സാങ്കേതിക വിദ്യയിൽ അധിഷ്ഠിതമായ സംരംഭകത്വ വികസന പ്രവർത്തനങ്ങൾ പ്രോത്സാഹിപ്പിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ?

സംസ്ഥാനത്ത് കെ ഫോണ്‍ പദ്ധതി വഴി എത്ര കണക്ഷനുകളാണ് നല്‍കിയിട്ടുള്ളത്; വ്യക്തമാക്കാമോ;

ബി.പി.എൽ വിഭാഗത്തില്‍ ഉള്‍പ്പെടുന്ന എത്ര വീടുകളില്‍ നിലവില്‍ കണക്ഷൻ നല്‍കിയിട്ടുണ്ട്; വിശദമാക്കാമോ?

കുന്നത്തുനാട് മണ്ഡലത്തിലെ കെ-ഫോണ്‍ പദ്ധതിയുടെ പുരോഗതി വിശദമക്കാമോ;

കുന്നത്തുനാട് മണ്ഡലത്തില്‍ ഏതൊക്കെ സര്‍ക്കാര്‍ ഓഫീസുകളിൽ, പൊതുസ്ഥലങ്ങളിൽ, സ്ഥാപനങ്ങളിൽ കെ-ഫോണ്‍ പദ്ധതി നടപ്പിലാക്കിയിട്ടുണ്ട് എന്നത് വിശദമാക്കാമോ;

കുന്നത്തുനാട് മണ്ഡലത്തില്‍ എത്ര ബി.പി.എല്‍ കുടുംബങ്ങള്‍ക്ക് സൗജന്യമായി കെ-ഫോണ്‍ പദ്ധതിയുടെ ആനുകൂല്യം ലഭ്യമാക്കിയിട്ടുണ്ട് എന്ന് വ്യക്തമാക്കാമോ;

കുന്നത്തുനാട് മണ്ഡലത്തില്‍ കൂടുതല്‍ സ്ഥാപനങ്ങളിലേക്കും, വ്യക്തികളിലേക്കും കെ-ഫോണ്‍ പദ്ധതിയുടെ ആനുകൂല്യം വ്യാപിപ്പിക്കന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

2021-ല്‍ എത്ര കോടി രൂപയുടെ ഐ.ടി ഹാര്‍ഡ് വെയര്‍ ഉല്പാദനമാണ് സംസ്ഥാനത്ത് നടന്നത്; വിശദമാക്കാമോ;

പ്രസ്തുത ഉല്പാദനം 2025-26 ആകുമ്പോഴേക്കും എത്ര കോടി രൂപയായി ഉയര്‍ത്താനാണ് ലക്ഷ്യമിടുന്നത്; വിശദമാക്കാമോ;

സംസ്ഥാനത്തെ സ്വകാര്യ ഐ.ടി. പാര്‍ക്കുകളെ പ്രോത്സാഹിപ്പിക്കുവാന്‍ നൂതനമായ എന്തൊക്കെ നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

2016 ന് ശേഷം ടെക്നോപാർക്ക്, ഇൻഫോപാർക്ക്, സൈബർപാർക്ക് എന്നിവിടങ്ങളിലായി എത്രപേർക്ക് കൂടുതലായി തൊഴിൽ നൽകാൻ കഴിഞ്ഞിട്ടുണ്ടെന്ന് വ്യക്തമാക്കാമോ;

ഐ.ടി. മേഖലയിലെ തൊഴിൽ സാധ്യതയുടെ വർദ്ധനയ്ക്കായി എത്ര കോടി രൂപയുടെ വികസനമാണ് ഈ കാലഘട്ടത്തിൽ സർക്കാർ നടത്തിയിട്ടുള്ളതെന്ന് വ്യക്തമാക്കാമോ?

സംസ്ഥാന നൂതന വിദ്യാ പ്രോത്സാഹന നയത്തിന്റെ ഭാഗമായി ഡിജിറ്റൽ വിദ്യാഭ്യാസത്തിന്റെ പരിപോഷണങ്ങൾക്കായി സർക്കാർ എത്ര കോടി രൂപ ചെലവാക്കിയിട്ടുണ്ടെന്ന് അറിയിക്കാമോ;

നൂതന ആശയങ്ങളെ പ്രോത്സാഹിപ്പിക്കാനും പരിപോഷിപ്പിക്കാനും എന്തൊക്കെ പദ്ധതികൾ ആവിഷ്കരിച്ചിട്ടുണ്ടെന്ന് അറിയിക്കാമോ?

കോവിഡാനന്തരം ലോകത്താകമാനമുള്ള ഐ. ടി. മേഖല തകർച്ച നേരിട്ട സാഹചര്യത്തിൽ, സംസ്ഥാനത്തെ ഐ. ടി. മേഖലയിൽ സർക്കാർ നടപ്പാക്കിയ നൂതനവും കാലാനുസൃതവുമായ ആശയങ്ങളുടെ ഫലമായി എന്തെല്ലാം നേട്ടങ്ങളാണ് കൈവരിക്കാൻ കഴിഞ്ഞതെന്ന് അറിയിക്കാമോ;

2016 മുതൽ ഐ. ടി. മേഖലയിൽ സർക്കാർ അനുവർത്തിച്ചു വരുന്ന നയവും പ്രായോഗിക ഇടപെടലുകളും മൂലം ടെക്നോപാർക്ക്, ഇൻഫോപാർക്ക്, സൈബർ പാർക്ക് എന്നിവയിലുണ്ടായിട്ടുള്ള വളർച്ച സംബന്ധിച്ച് വിശദമാക്കാമോ;

പ്രസ്തുതകാലയളവിൽ ഈ മേഖലയിലെ വികസനത്തിനായി സർക്കാർ ചെലവഴിച്ച തുകയും അതുവഴി ലഭ്യമാക്കിയ തൊഴിലവസരങ്ങളും സംബന്ധിച്ച വിശദാംശം ലഭ്യമാക്കാമോ?

സർക്കാർ വകുപ്പുകളുടെയും അര്‍ദ്ധ സര്‍ക്കാര്‍/പൊതുമേഖല സ്ഥപനങ്ങളുടെയും എന്തെല്ലാം ഐ‌.ടി. അധിഷ്ഠിത ജോലികളാണ് ഊരാളുങ്കല്‍ ലേബര്‍ കോൺട്രാക്ട് കോ-ഓപ്പറേറ്റീവ് സൊസൈറ്റിയെ (യു.എൽ.സി.സി.എസ്.) ഏല്‍പ്പിച്ചിരുന്നത് എന്ന് വിശദമാക്കാമോ;

ഓരോ സ്ഥാപനത്തിലും ഐ‌.ടി. അധിഷ്ഠിതമായ എന്തെല്ലാം ജോലികളാണ് യു.എൽ.സി.സി.എസ്.യെ ഏല്‍പ്പിച്ചതെന്നും ആയതിന്റെ കോൺട്രാക്ട് തീയതിയും തുകയും കാലാവധിയും സ്ഥാപനം തിരിച്ചു ലഭ്യമാക്കാമോ; ആയതില്‍ എത്ര സ്ഥാപനങ്ങളില്‍ ഇതിനകം പ്രവൃത്തി പൂര്‍ത്തികരിച്ചിട്ടുണ്ടെന്നത് വിശദമാക്കാമോ;

ഏതെങ്കിലും സ്ഥാപനത്തില്‍ പ്രവൃത്തി പൂര്‍ത്തികരിക്കാതെ കോൺട്രാക്ടിൽ നിന്നും യു.എൽ.സി.സി.എസ്. പിന്‍മാറിയിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കാമോ; പ്രവൃത്തി പൂര്‍ത്തികരിക്കാതെ ജോലി അവസാനിപ്പിച്ച സ്ഥാപനങ്ങളില്‍ നിന്നും കൂടുതല്‍ തുക കൈപ്പറ്റിയിട്ടുണ്ടോ; ഉണ്ടെങ്കില്‍ പ്രസ്തുത തുക തിരികെ പിടിക്കുവാന്‍ സ്വീകരിച്ച നടപടികൾ വിശദമാക്കാമോ?

സർക്കാർ വകുപ്പിലെ ദൈനംദിന കാര്യങ്ങൾ നിർവഹിക്കുന്നതിനായി വാട്ട്സ് ആപ്പ് പോലുള്ള നവ മാധ്യമങ്ങൾ ഉപയോഗിക്കുന്നതിന് സർക്കാർ അനുമതി നൽകിയിട്ടുണ്ടോ; വിശദമാക്കാമോ;

സർക്കാർ വകുപ്പുകളിൽ ഔദ്യോഗികമായി വാട്ട്സ് ആപ്പ് ഗ്രുപ്പ് ഉപയോഗിക്കുന്നുണ്ടോ; എങ്കിൽ വ്യക്തമാക്കാമോ;

നവമാധ്യമങ്ങൾ വഴി ലഭ്യമാകുന്ന സർക്കാർ രേഖകളും റിപ്പോർട്ടുകളും ദുരുപയോഗം ചെയ്യപ്പെടുന്നുണ്ടെന്ന വിവരം സർക്കാർ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വിശദമാക്കുമോ;

ഒഫീഷ്യൽ ഇ-മെയിൽ വഴി അല്ലാതെ സർക്കാർ കത്തിടപാടുകൾ വാട്ട്സ് ആപ്പ് വഴി നടത്തുന്നത് സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച നടപടികൾ വ്യക്തമാക്കാമോ;

ഡിജിറ്റൽ ആയി മാറിയ ശേഷവും സർക്കാർ ഓഫീസുകളിലെ രേഖകളുടെ ഹാർഡ് കോപ്പി സൂക്ഷിക്കുന്നതിനായി ഇപ്പോഴും ധാരാളം പേപ്പർ ഉപയോഗിക്കുന്നുണ്ടോ; എങ്കിൽ അത് എന്തുകൊണ്ടാണെന്ന് വ്യക്തമാക്കാമോ?

കെ-ഫോണ്‍ പദ്ധതി പ്രകാരം എത്ര കണക്ഷനുകള്‍ നല്‍കി എന്നുള്ളത് ജില്ല തിരിച്ച് വിശദമാക്കാമോ; അതില്‍ സാമ്പത്തികമായി പിന്നോക്കം നില്‍ക്കുന്ന എത്ര കുടുംബങ്ങള്‍ ഉള്‍പ്പെട്ടിട്ടുണ്ടെന്ന് വ്യക്തമാക്കാമോ;

ഒ.ടി.ടി. സേവനങ്ങള്‍ ആരംഭിച്ചതോടെ ഈ സാമ്പത്തികവർഷത്തില്‍ എത്ര കണക്ഷനുകള്‍ നല്‍കുന്നതിനാണ് ലക്ഷ്യമിടുന്നതെന്ന് വ്യക്തമാക്കാമോ?

കേരള നോളജ് എക്കണോമി മിഷന്റെ ഭാഗമായി തളിപ്പറമ്പ് മണ്ഡലത്തില്‍ നടത്തിയ ജോബ് ഫെയറുകളുടെ വിശദാംശങ്ങള്‍ നല്‍കാമോ; ആകെ എത്ര പേര്‍ക്ക് ജോബ് ഫെയര്‍ വഴി തൊഴില്‍ ലഭിച്ചിട്ടുണ്ട്; ഇതില്‍ എത്ര പേര്‍ ജോലിയില്‍ പ്രവേശിച്ചിട്ടുണ്ട്; ഏതൊക്കെ മേഖലയിലാണ് തൊഴില്‍ ലഭിച്ചത് ; തൊഴില്‍ ലഭിച്ചവര്‍ക്കുള്ള ശരാശരി വേതനം എത്രയാണ്; വിശദമാക്കാമോ ;

കേരള നോളജ് എക്കണോമി മിഷന്റെ ഭാഗമായി സംസ്ഥാനത്ത് ആകെ എത്ര ജോബ് ഫെയറുകള്‍ സംഘടിപ്പിച്ചിട്ടുണ്ട്; ആകെ എത്ര പേര്‍ക്ക് ജോബ് ഫെയര്‍ വഴി തൊഴില്‍ ലഭിച്ചിട്ടുണ്ട്; ഇതില്‍ എത്ര പേര്‍ ജോലിയില്‍ പ്രവേശിച്ചിട്ടുണ്ട്; ഏതൊക്കെ മേഖലയിലാണ് തൊഴില്‍ ലഭിച്ചത്; വിശദമാക്കാമോ?

നിലവില്‍ സൈനികക്ഷേമ വകുപ്പില്‍ അസിസ്റ്റന്റ് ‍ഡയറക്ടര്‍ തസ്തികയില്‍ നിന്നും ഡെപ്യൂട്ടി ഡയറക്ടര്‍ ആയി പ്രൊമോഷൻ ലഭിക്കുവാൻ കുറഞ്ഞത് എത്ര കൊല്ലം സര്‍വ്വീസ് പൂര്‍ത്തിയായിരിക്കണം; വ്യക്തമാക്കാമോ;

അസിസ്റ്റന്റ് ഡയറക്ടര്‍ തസ്തികയില്‍ റേഷ്യോ പ്രൊമോഷൻ (ഹയര്‍ ഗ്രേഡ്) ലഭിക്കുന്നതിന് മിനിമം സര്‍വ്വീസ് എന്ന നിബന്ധന നേരിട്ട് നിയമനം ലഭിക്കുന്നവര്‍ക്ക് ബാധകമാണോ; വിശദമാക്കാമോ;

നേരിട്ട് നിയമനം ലഭിക്കുന്നവര്‍ക്ക് പ്രൊബേഷൻ പൂര്‍ത്തിയാകുന്ന മുറക്ക് ഈ പോസ്റ്റില്‍ ഹയര്‍ ഗ്രേഡ് മിലിട്ടറി സര്‍വ്വീസ് കണക്കിലെടുത്ത് ഈ തസ്തികയില്‍ റേഷ്യോ പ്രൊമോഷൻ ഹയര്‍ ഗ്രേഡ് ലഭിക്കുവാൻ അര്‍ഹതയുണ്ടോ;

ഈ വിഷയത്തില്‍ സ്പെഷ്യല്‍ റൂള്‍ ഇല്ലാത്ത സാഹചര്യത്തില്‍ ഇവര്‍ക്ക് കേരള സര്‍വ്വീസ് റൂള്‍ ആണോ ബാധകമാക്കേണ്ടത് ; വിശദ വിവരങ്ങള്‍ ലഭ്യമാക്കാമോ?

മുഖ്യമന്ത്രിയുടെ ദുരിതാശ്വാസ നിധിയില്‍ നിന്ന് 2021 മെയ് മുതല്‍ നാളിതുവരെ അരൂര്‍ മണ്ഡലത്തില്‍ എത്ര രൂപ അനുവദിച്ചെന്ന് വിശദമാക്കാമോ?

തീരദേശ മണ്ഡലമായ വെെപ്പിന്‍ കരയില്‍ കാലാവസ്ഥാ വ്യതിയാനത്താല്‍ കഴിഞ്ഞ കുറെ വര്‍ഷങ്ങളായി ഓരുവെള്ളം കയറി റോഡുകൾ ഗതാഗതയോഗ്യമല്ലാതായതിനെ തുടര്‍ന്ന് നവകേരള സദസിലെ പ്രൊപ്പോസലില്‍ ഉള്‍പ്പെടുത്തിയ പ്രസ്തുത റോഡ് നവീകരണം സംബന്ധിച്ച ഉത്തരവ് റദ്ദാക്കിയതിനാൽ ജിഡ (ഗോശ്രീ ഐലൻഡ് ഡെവലപ്മെന്റ് അതോറിറ്റി) ഫണ്ട് വിനിയോഗിച്ച് റോഡുകള്‍ ഗതാഗത യോഗ്യമാക്കുന്നതിനുള്ള അനുമതിക്കായി സ്ഥലം എം.എൽ.എ. മുഖ്യമന്ത്രിക്ക് സമര്‍പ്പിച്ച കത്തിന്മേൽ സ്വീകരിച്ച നടപടി വ്യക്തമാക്കാമോ;

ജിഡ ജനറല്‍ കൗണ്‍സിലിന്റെ കാലാവധി കഴിഞ്ഞിട്ടില്ലാത്തതിനാല്‍ പ്രസ്തുത റോഡ് പ്രവൃത്തികള്‍ക്ക് ജനറല്‍ കൗണ്‍സില്‍ അംഗീകാരം ലഭ്യമാകാത്ത സാഹചര്യവും റോഡുകളുടെ ശോചനീയാവസ്ഥയും കണക്കിലെടുത്ത് പ്രസ്തുത റോഡുകളുടെ നിര്‍മ്മാണത്തിനായി ജിഡ ഫണ്ട് വിനിയോഗിക്കുവാന്‍ പ്രത്യേകാനുമതി ലഭ്യമാക്കാമോ?

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലുള്ള സുല്‍ത്താന്‍ കനാലിന്റെ പാര്‍ശ്വഭിത്തി പുനര്‍ നിര്‍മ്മിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

പലതവണ ടെന്‍ഡര്‍ ചെയ്തിട്ടും കരാറുകാര്‍ പ്രവര്‍ത്തി എടുക്കാത്തതിനാല്‍ അടങ്കല്‍ തുകയേക്കാള്‍ കൂടുതല്‍ തുക അംഗീകാരത്തിനായി സര്‍ക്കാരിലേയ്ക്ക് സമര്‍പ്പിച്ച പ്രൊപ്പോസല്‍ ധനകാര്യ വകുപ്പിലേയ്ക്ക് നല്‍കിയത് എപ്പോഴാണ്; ധനകാര്യ വകുപ്പില്‍ നിന്ന് ഫയല്‍ തിരികെ ലഭിച്ചിട്ടുണ്ടോ; ഇല്ലെങ്കില്‍ കാരണമെന്താണ്;

കനത്ത മഴ പെയ്യുന്ന സമയത്ത് പ്രസ്തുത സ്ഥലത്ത് താമസിക്കുന്ന ജനങ്ങൾക്കുണ്ടാകുന്ന ഭീതി കണക്കിലെടുത്ത് ഈ പ്രവര്‍ത്തി എത്രയും വേഗം ആരംഭിക്കുന്നതിന് നടപടി സ്വീകരിക്കുമോ?

വയനാട് ചൂരല്‍മല പുനരധിവാസ പദ്ധതികളുടെ ഭാഗമായി നിർമ്മിക്കുന്ന വീടുകളുടെ വിശദവിവരങ്ങള്‍ നല്‍കാമോ;

വയനാട് ചൂരല്‍മല ദുരന്തത്തിൽ അനാഥരായ കുട്ടികളുടെ സംരക്ഷണത്തിനായി ചെയ്യുന്ന പ്രവർത്തനങ്ങള്‍ വിശദമാക്കാമോ;

ചൂരല്‍മലയിലെ സ്മാർട്ട് പ്രോജക്ടുകളുടെ വിവരങ്ങള്‍ ലഭ്യമാക്കാമോ?

സംസ്ഥാന ദുരന്ത നിവാരണ അതോറിറ്റി മണ്ണിടിച്ചില്‍ സാധ്യതയുള്ളതായി കണ്ടെത്തിയ തൃശ്ശൂര്‍ ജില്ലയില്‍ കോടശ്ശേരി ഗ്രാമപഞ്ചായത്തിലെ പ്രദേശങ്ങളില്‍ സൂക്ഷ്മതല ഉരുള്‍പൊട്ടല്‍ സാധ്യതാപഠനം നടത്തിയിട്ടുണ്ടോ; വിശദാംശങ്ങള്‍ അറിയിക്കുമോ;

ഏത് ഏജന്‍സിയാണ് സാധ്യതാപഠനം നടത്തിയിട്ടുള്ളതെന്നും റിപ്പോര്‍ട്ട് ലഭിച്ചിട്ടുണ്ടോയെന്നും അറിയിക്കുമോ; ഉണ്ടെങ്കിൽ പ്രസ്തുത റിപ്പോര്‍ട്ടിലെ കണ്ടെത്തലുകള്‍ വിശദമാക്കുമോ;

സംസ്ഥാന ദുരന്ത നിവാരണ അതോറിറ്റിയുടെ ഉരുള്‍പൊട്ടല്‍ ഉപദേശക സമിതി റിപ്പോ‍ര്‍ട്ടിന്റെ അടിസ്ഥാനത്തില്‍ കോടശ്ശേരി ഗ്രാമപഞ്ചായത്തിലെ ചില പ്രദേശങ്ങളില്‍ നിര്‍മ്മാണ നിയന്ത്രണങ്ങള്‍ ഏര്‍പ്പെടുത്തിയിട്ടുള്ളതില്‍‍ പൊതുജനങ്ങള്‍ക്കുണ്ടായിട്ടുള്ള പ്രയാസങ്ങള്‍ പരിഹരിക്കുന്നതിന് സത്വര നടപടികള്‍ സ്വീകരിക്കുമോ; വിശദാംശം നൽകാമോ ?

ചൂരൽമല, മുണ്ടക്കൈ ദുരിതാശ്വാസ പ്രവർത്തനങ്ങൾക്കായി മുഖ്യമന്ത്രിയുടെ ദുരിതാശ്വാസ നിധിയിലേക്ക് എത്ര തുക ലഭിച്ചു; പ്രസ്തുത തുക ഏതൊക്കെ ഇനത്തിലാണ് ചെലവഴിച്ചത്; വിശദാംശം ഇനം തിരിച്ചു വ്യക്തമാക്കാമോ;

ചൂരൽമല, മുണ്ടക്കൈ ദുരിതാശ്വാസ പ്രവർത്തനങ്ങൾക്കായി കേന്ദ്രസർക്കാരിൽ നിന്നും എത്ര തുക ധന സഹായമായി ലഭിച്ചിട്ടുണ്ട്; ഏതൊക്കെ ഇനത്തിലാണ് പ്രസ്തുത തുക ലഭിച്ചത്; ഈ തുക ഏതൊക്കെ ഇനത്തിൽ ചെലവഴിച്ചിട്ടുണ്ട്; ഏതൊക്കെ ഇനത്തിൽ ചെലവഴിക്കാനാണ് ഉദ്ദേശിക്കുന്നത്; വിശദാംശങ്ങൾ ലഭ്യമാക്കാമോ;

കേന്ദ്രസർക്കാർ ധനസഹായം അനുവദിച്ചത് ഉപാധികളോടെ ആണോ; ഉപാധികളോട് അനുവദിച്ച ധനസഹായം എത്ര തുകയാണ്; എന്തൊക്കെയാണ് ഉപാധികൾ; ഈ തുക ഏത് രീതിയിൽ വിനിയോഗിക്കാനാണ് ഉദ്ദേശിക്കുന്നത്; വിശദാംശം വ്യക്തമാക്കുമോ; ഉപാധിരഹിതമായി കേന്ദ്രസർക്കാരിൽ നിന്നും ഏതെങ്കിലും തുക ലഭിച്ചിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ;

സി.ഡി.എൻ.എ. പഠനത്തിനെ തുടർന്ന് എന്തെങ്കിലും സഹായം ചൂരൽമല, മുണ്ടക്കൈ ദുരിതാശ്വാസ പ്രവർത്തനങ്ങൾക്കായി ലഭിച്ചിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ; പ്രസ്തുത തുക ഏത് രീതിയിലാണ് വിനിയോഗിക്കുന്നതെന്ന് ഇനം തിരിച്ചു വ്യക്തമാക്കുമോ;

പുന്നപ്പുഴ പുനഃക്രമീകരണ പദ്ധതിക്കായി എത്ര തുകയാണ് വകയിരുത്തിയിട്ടുള്ളത്; എത്ര തുകയാണ് ചെലവഴിച്ചിട്ടുള്ളത്; വിശദാംശങ്ങൾ ഇനം തിരിച്ചു വ്യക്തമാക്കുമോ; പ്രസ്തുത പദ്ധതിക്കായി ചുമതലപ്പെടുത്തിയിട്ടുള്ള ഏജൻസി ഏതാണ്; ഈ ഏജൻസിക്ക് മേൽപ്പറഞ്ഞതിന് സമാനമായ പദ്ധതി നടത്തിപ്പിൽ മുൻ പരിചയം ഉണ്ടോ; പ്രസ്തുത ഏജൻസിയെ തെരഞ്ഞെടുത്ത നടപടിക്രമം എന്താണെന്ന് വ്യക്തമാക്കുമോ; ഈ പദ്ധതിയുടെ കരാറിന്റെ പകർപ്പ് ലഭ്യമാക്കുമോ; പദ്ധതി സംബന്ധിച്ച് കരാർ നിലവിൽ വരുന്നതിനു മുമ്പ് തുക ചെലവഴിച്ചതായുള്ള ആക്ഷേപങ്ങളുടെ നിജസ്ഥിതി വെളിപ്പെടുത്തുമോ; പദ്ധതിയുടെ നാളിതുവരെയുള്ള പ്രവർത്തനം തൃപ്തികരമാണെന്ന് വിലയിരുത്തിയിട്ടുണ്ടോ; വിശദാംശങ്ങൾ വ്യക്തമാക്കുമോ;

പ്രധാനമന്ത്രി ദുരന്തബാധിത പ്രദേശങ്ങൾ സന്ദർശിച്ച് എല്ലാ പിന്തുണയും വാഗ്ദാനം ചെയ്തതിന്റെ അടിസ്ഥാനത്തിൽ കേന്ദ്രസർക്കാരിൽ നിന്നും ആവശ്യമായ സഹായങ്ങൾ ലഭിച്ചിട്ടുണ്ടോ; വിശദാംശം വ്യക്തമാക്കുമോ ?

സംസ്ഥാനത്തുണ്ടായിട്ടുള്ള പ്രകൃതിദുരന്തങ്ങളില്‍ സ‍ർക്കാരും നാനാവിഭാഗം ജനങ്ങളും കൈകോർത്തുപിടിച്ച് ദുരന്ത നിവാരണ-പുനരധിവാസ പ്രവർത്തനങ്ങള്‍ നടത്തുന്നത് സംസ്ഥാനത്തെ ജനങ്ങളുടെ മാനവീയബോധവും യശസ്സും ഉയ‍ർത്തിപ്പിടിക്കുന്ന മാതൃകാപരമായ പ്രവൃത്തിയായി വിലയിരുത്തിയിട്ടുണ്ടോ;

വയനാട് ദുരന്തനിവാരണ-പുനരധിവാസ പ്രവർത്തനങ്ങള്‍ക്കായി വാഗ്‍ദാനങ്ങള്‍ നല്‍കിയ സംഘടനകളും, സ്ഥാപനങ്ങളും വ്യക്തികളും ആരെല്ലാമാണെന്നും നാളിതുവരെ അവർ നടത്തിയ പ്രവർത്തനങ്ങള്‍ എന്തെല്ലാമാണെന്നും വ്യക്തമാക്കാമോ;

ദുരന്തമേഖലയിലെ പുനരധിവാസത്തിനായി ജനങ്ങളില്‍ നിന്നും വിവിധ തരത്തില്‍ ധനസമാഹരണം നടത്തുകയും ആയത് യഥാവിധി പുനരധിവാസ പ്രവർത്തനങ്ങള്‍ക്ക് ചെലവഴിക്കാതിരിക്കുകയും ചെയ്യുന്നതായി വരുന്ന വാർത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദമാക്കാമോ?

റീബില്‍ഡ് കേരള പദ്ധതിയില്‍ ഉള്‍പ്പെടുത്തി മാവേലിക്കര മണ്ഡലത്തില്‍ നടപ്പിലാക്കുന്ന പദ്ധതികളുടെ വിശദാംശങ്ങള്‍ ലഭ്യമാക്കാമോ;

പ്രസ്തുത പദ്ധതികളുടെ നിലവിലെ സ്ഥിതി വിശദമാക്കാമോ;

റീബില്‍ഡ് കേരള പദ്ധതിയില്‍ അനുവദിച്ച, ആലപ്പുഴ ജില്ലയിലെ പള്ളിപ്പാട് ഗ്രാമപഞ്ചായത്തില്‍ ആഞ്ഞിലിമൂട്-സുനീഷ്‍ഭവനം റോഡ് നിര്‍മ്മാണം ആരംഭിക്കുവാൻ ആവശ്യമായ നടപടി സ്വീകരിക്കാമോ; പ്രസ്തുത പ്രവൃത്തിയുടെ നിലവിലെ സ്ഥിതി ലഭ്യമാക്കാമോ?

സംസ്ഥാനത്ത് ഉണ്ടായിട്ടുള്ള ദുരന്തങ്ങളുടെ പേരില്‍ ജനങ്ങളില്‍ നിന്നും വ്യപകമായി പണപ്പിരിവ് നടത്തുകയും ആയത് യഥാസമയം ദുരിതബാധിതര്‍ക്ക് നല്‍കാതെ കൈവശം സൂക്ഷിക്കുകയും ചെയ്യുന്ന സംഘടനകളെ സംബന്ധിച്ച് സര്‍ക്കാരിന് എന്തെങ്കിലും വിവരങ്ങള്‍ ലഭിച്ചിട്ടുണ്ടോ;

ഇത്തരത്തില്‍ പണം പിരിക്കുകയും യഥാസമയം ദുരിതബാധിതരെ സഹായിക്കുകയും ചെയ്യാത്ത സംഘടനകള്‍ക്കും വ്യക്തികള്‍ക്കുമെതിരെ നിയമ നടപടികള്‍ സ്വീകരിക്കുമോ?

റീബിൽഡ് കേരള പദ്ധതിയിൽ ഉൾപ്പെടുത്തി ഉദുമ മണ്ഡലത്തിൽ നടപ്പാക്കുന്ന പദ്ധതികൾ ഏതൊക്കെയാണെന്ന് വിശദമാക്കാമോ;

ഈ പദ്ധതികളുടെ നിലവിലെ പുരോഗതി റിപ്പോർട്ട് ലഭ്യമാക്കാമോ;

പ്രസ്‌തുത പദ്ധതികൾ എന്നത്തേക്ക് പൂർത്തീകരിക്കാനാകുമെന്ന് വിശദമാക്കാമോ?

വര്‍ക്കല നിയോജകമണ്ഡലത്തില്‍ റീ ബില്‍ഡ് കേരള പദ്ധതിയില്‍ ഉള്‍പ്പെടുത്തിയ പദ്ധതികള്‍ ഏതെല്ലാമാണെന്ന് വ്യക്തമാക്കാമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കാമോ?

ആലത്തൂർ മണ്ഡലത്തിൽ റീബിൽഡ് കേരള പദ്ധതിയിൽ ഉൾപ്പെടുത്തി ഭരണാനുമതി നൽകിയ പദ്ധതികളുടെ പ്രവർത്തന പുരോഗതി വിശദമാക്കാമോ?

കണ്ണൂര്‍ അന്താരാഷ്ട്ര വിമാനത്താവളത്തോടനുബന്ധിച്ച് പ്രഖ്യാപിച്ച നാലുവരി പാതയുടെ നിര്‍മ്മാണ പുരോഗതി വ്യക്തമാക്കാമോ;

പ്രസ്തുത പദ്ധതിക്കായി സ്ഥലം ഏറ്റെടുക്കൽ നടപടി വേഗത്തില്‍ പൂര്‍ത്തിയാക്കുന്നതിന് ആവശ്യമായ നടപടികള്‍ സ്വീകരിക്കുമോയെന്ന് വ്യക്തമാക്കാമോ?

കോഴിക്കോട് വിമാനത്താവളത്തിന്റെ സി.ഇ.ആർ/ സി.എസ്.ആർ ഫണ്ടുകൾ വിനിയോഗിക്കുന്നതിനുള്ള മാനദണ്ഡങ്ങളും ഇത് അനുവദിക്കുന്നതിനുള്ള നടപടിക്രമങ്ങളും എന്തെല്ലാമാണെന്ന് വ്യക്തമാക്കുമോ;

സി എസ്. ആർ/ സി.ഇ. ആർ ഫണ്ടുകള്‍ വിമാനത്താവളത്തിന്റെ വികസനത്തിന്റെ പേരിൽ പാരിസ്ഥിതിക പ്രശ്നങ്ങൾ നേരിടുന്ന ഭാഗങ്ങളിലെ വികസന ആവശ്യങ്ങൾ പരിഹരിക്കുന്നതിനായി ഉപയോഗിക്കുന്നതിന് പകരം മറ്റ് ജില്ലകളിലേക്ക് വക മാറ്റുന്നു എന്ന ആക്ഷേപം ശ്രദ്ധയിൽ വന്നിട്ടുണ്ടോ;

നിലവിൽ സി.ഇ.ആർ ഫണ്ട് ഏതെല്ലാം വികസന ആവശ്യങ്ങൾക്കായി എത്ര രൂപയുടെ പദ്ധതികൾക്കാണ് ചെലവഴിക്കാൻ പോകുന്നതെന്നും ഇതിന്റെ പ്രൊപ്പോസൽ എവിടെ നിന്ന് ലഭിച്ചുവെന്നും ഇതിന് അംഗീകാരം നൽകിയത് ആരാണെന്നും പദ്ധതികള്‍ തിരിച്ച് പ്രത്യേകം വിശദമാക്കുമോ;

വിമാനത്താവളത്തിന്റെ റിസാ നിർമ്മാണത്തിനായി സ്ഥലം ഏറ്റെടുത്തപ്പോൾ വീടുകളിലേക്കുള്ള വഴികളടഞ്ഞതും, റോഡ് നഷ്ടപ്പെട്ടതുമായ പ്രശ്നങ്ങളും ജനപ്രതിനിധികളും നാട്ടുകാരുമായി കളക്ടറുടെ സാന്നിധ്യത്തിൽ നടത്തിയ ചർച്ചയിൽ ഉയർന്നു വന്നതുമായ പ്രശ്നങ്ങളും പരിഹരിക്കുന്നതിന് ആവശ്യമായ പദ്ധതികൾക്ക് കളക്ട്രേറ്റിൽ നിന്നും പ്രോപ്പോസലുകൾ നൽകാതിരുന്നത് എന്തുകൊണ്ടാണെന്ന് വ്യക്തമാക്കുമോ;

നിലവിലെ പ്രസ്തുത ഫണ്ട് വിമാനത്താവളം നിലനിൽക്കുന്ന കൊണ്ടോട്ടി മുൻസിപ്പാലിറ്റി, പള്ളിക്കൽ ഗ്രാമപഞ്ചായത്ത് എന്നിവിടങ്ങളിലെ വിമാനത്താവളത്തിന്റെ പരിസര പ്രദേശത്തെ വികസന, പാരിസ്ഥിതിക പ്രശ്നങ്ങൾ പരിഹരിക്കുന്നതിന് ചെലവഴിക്കാൻ നടപടി സ്വീകരിക്കുമോ; വിശദമാക്കുമോ?

കോഴിക്കോട് വിമാനത്താവളത്തിന്റെ വികസനം ഇപ്പോൾ ഏത് ഘട്ടത്തിലാണെന്ന് വ്യക്തമാക്കുമോ;

വികസനത്തിന് വേണ്ടി സ്ഥലം ഏറ്റെടുത്തു നൽകിയതിന്റെ അടിസ്ഥാനത്തിൽ റെസാ വികസനം ഇപ്പോൾ ഏത് ഘട്ടത്തിൽ ആണെന്നും, ഇവയുടെ പ്രവർത്തി എന്നത്തേക്ക് പൂർത്തീകരിക്കാൻ സാധിക്കുമെന്നും വ്യക്തമാക്കുമോ;

വിമാനത്താവളത്തിന്റെ വികസനത്തിന് സ്ഥലം ഏറ്റെടുത്തപ്പോൾ അടഞ്ഞുപോയ എയർപോർട്ട് ക്രോസ് റോഡിന് പകരം പുതിയ റോഡിന് സ്ഥലം ഏറ്റെടുത്ത് നിർമ്മിക്കുന്ന നടപടികൾ ഇപ്പോൾ ഏത് ഘട്ടത്തിലാണെന്ന് വ്യക്തമാക്കുമോ;

റെസ വികസനത്തിന് സ്ഥലം ഏറ്റെടുത്തപ്പോൾ വഴിയടഞ്ഞു പോയ വീട്ടുകാർക്കും അംഗനവാടിയിലേക്കും വഴി കണ്ടെത്തുന്നതിന് എന്തെല്ലാം നടപടികളാണ് ഇതിനോടകം സ്വീകരിച്ചത് എന്ന് വിശദമാക്കുമോ;

വിമാനത്താവളത്തിന്റെ പരിസരപ്രദേശത്ത് വീട് നിര്‍മ്മിക്കുന്നതിന് എയർപോർട്ട് അതോറിറ്റിയുടെ നിരാക്ഷേപ പത്രം ലഭിക്കാത്തതിന്റെ പേരിൽ മുൻസിപ്പാലിറ്റിക്ക് അനുമതി നൽകാൻ കഴിയാത്ത സാഹചര്യം പരിഹരിക്കുന്നതിന് മലപ്പുറം ജില്ലാ കലക്ടർ സമർപ്പിച്ച റിപ്പോർട്ടിന്മേൽ എന്ത് നടപടികളാണ് ഇതിനകം സ്വീകരിച്ചിട്ടുള്ളത് എന്ന് വിശദമാക്കുമോ;

കോഴിക്കോട് വിമാനത്താവളത്തിൽ വലിയ വിമാനങ്ങൾ ഇറങ്ങുന്നതിനും കൂടുതൽ ആഭ്യന്തര - അന്താരാഷ്ട്ര സർവീസുകൾ ആരംഭിക്കുന്നതിനും പകൽസമയം കൂടുതൽ സർവീസുകൾ ആരംഭിക്കുന്നതിനും എന്തെല്ലാം നടപടികളാണ് സ്വീകരിക്കുക എന്ന് വ്യക്തമാക്കുമോ?

എയർപോർട്ട് അതോറിറ്റി നടത്തിയ എയര്‍പോര്‍ട്ട് സർവീസ് ക്വാളിറ്റി (എ. എസ്. ക്യൂ.) സർവ്വേ പ്രകാരം യാത്രക്കാരുടെ സംത‍ൃപ്തിയിൽ രാജ്യത്തെ ഏറ്റവും മികച്ച വിമാനത്താവളമായി കൊച്ചി അന്താരാഷ്ട്ര വിമാനത്താവളവും കണ്ണൂർ വിമാനത്താവളവും തിരഞ്ഞെടുക്കപ്പെട്ടിട്ടുണ്ടോ; എങ്കിൽ ഏതെല്ലാം മാനദണ്ഡങ്ങളുടെ അടിസ്ഥാനത്തിലാണ് ഈ അഭിമാനകരമായ നേട്ടം കൈവരിക്കാൻ കഴിഞ്ഞതെന്ന് വ്യക്തമാക്കാമോ;

പ്രസ്തുത ഗുണനിലവാര പരിശോധനയിൽ സംസ്ഥാനത്തെ മറ്റു വിമാനത്താവളങ്ങളെക്കുറിച്ച് പരാമർശിച്ചിട്ടുണ്ടോ; എങ്കിൽ വിശദമാക്കാമോ;

സംസ്ഥാനത്തെ വിമാനത്താവളങ്ങളുടെ വികസനത്തിനും അനുബന്ധ-പശ്ചാത്തല സൗകര്യ വികസനത്തിനുമായി എന്തെല്ലാം പ്രവർത്തനങ്ങളാണ് നടപ്പിലാക്കി വരുന്നതെന്ന് അറിയിക്കാമോ?

സംസ്ഥാനം പങ്കിട്ടിരിക്കുന്ന അന്തർസംസ്ഥാന നദികളിൽ നിലവിലുള്ള ജലവിനിയോഗ കരാറുകൾ എന്തൊക്കെയാണെന്ന് വിശദമാക്കാമോ;

തമിഴ്‍നാട്, കർണാടക തുടങ്ങിയ സംസ്ഥാനങ്ങളുമായി കേരളത്തിന് ജലവകാശ തർക്കങ്ങളുണ്ടോ; ഉണ്ടെങ്കിൽ ആയതിന്റെ നിലവിലെ അവസ്ഥ എന്താണെന്ന് വിശദമാക്കാമോ;

കാവേരി, കബനി, പമ്പ, ചാലിയാർ തുടങ്ങിയ നദികളിൽ ജലവിഹിതം സംബന്ധിച്ച് നിലവിലെ അവസ്ഥ എന്താണെന്ന് വിശദീകരിക്കാമോ ?

വടകര–മാഹി കനാല്‍ നിര്‍മ്മാണ പുരോഗതി അറിയിക്കുമോ;

കനാല്‍ നിര്‍മ്മാണത്തിനായി നാദാപുരം മണ്ഡലത്തില്‍ നിന്നും ഏറ്റെടുത്ത ഭൂമിയുടെ വില മുഴുവനായി നല്‍കിയിട്ടുണ്ടോ; ഇല്ലെങ്കിൽ ആയതിന്റെ കാരണം വിശദമാക്കുമോ?

സംസ്ഥാന ജലപാതയായ ഈസ്റ്റ്-വെസ്റ്റ് കനാൽ എന്നത്തേക്ക് കമ്മീഷൻ ചെയ്യാൻ കഴിയുമെന്നാണ് പ്രതീക്ഷിക്കുന്നത്; വിശദാംശം ലഭ്യമാക്കുമോ;

കോവളം മുതൽ ബേക്കൽ വരെയുള്ള ജലപാതയിൽ നാളിതുവരെ എത്ര കിലോമീറ്ററാണ് പൂർത്തിയാക്കാൻ കഴിഞ്ഞിട്ടുള്ളതെന്നും അതിന്റെ ബാക്കി പ്രവൃത്തി എന്നത്തേക്ക് പൂർത്തിയാക്കുമെന്നും അറിയിക്കാമോ;

കോവളം മുതൽ വർക്കല വരെയുള്ള സ്ഥലമേറ്റെടുപ്പും തുടർന്നുള്ള പുനരധിവാസ പ്രവർത്തനങ്ങളും നിലവിൽ ഏതു ഘട്ടത്തിലാണെന്നും ഇതിനായി എത്ര തുക അനുവദിച്ചിട്ടുണ്ടെന്നും എത്ര തുക വിതരണം ചെയ്തുവെന്നും എത്ര കുടുംബങ്ങളെ പുനരധിവസിപ്പിച്ചിട്ടുണ്ടെന്നും വിശദമാക്കാമോ; പ്രസ്തുത പ്രവര്‍ത്തനങ്ങള്‍ക്കായി ഏതെല്ലാം ഏജന്‍സികളെയാണ് ചുമതലപ്പെടുത്തിയിട്ടുള്ളതെന്ന് അറിയിക്കുമോ;

വെസ്റ്റ്-കോസ്റ്റ് കനാലിന്റെ ഭാഗമായ പാർവ്വതി പുത്തനാർ, ജലപാത നിലവാരത്തിലേക്ക് വികസിപ്പിക്കുന്നതിനായി ആവിഷ്കരിച്ച പദ്ധതികൾ എന്തെല്ലാമാണെന്നും അവയിൽ ഏതെല്ലാം പ്രവൃത്തികൾ പൂർത്തിയായെന്നും സ്ഥലമേറ്റെടുപ്പും തുടർന്നുള്ള പുനരധിവാസ പ്രവർത്തനങ്ങള്‍ക്കും നിലവില്‍ എന്തെങ്കിലും തടസ്സങ്ങളുണ്ടോയെന്നും വെളിപ്പെടുത്താമോ;

കോവളം മുതല്‍ ആക്കുളം വരെയുള്ള ജലപാതയുടെ വികസനത്തിനായി എത്ര തുകയാണ് അനുവദിച്ചിട്ടുള്ളത്; പ്രസ്തുത ഭാഗം എന്നത്തേക്ക് പൂര്‍ത്തീകരിക്കുമെന്ന് വ്യക്തമാക്കാമോ?

2021-22 സാമ്പത്തിക വർഷം മുതൽ നാളിതുവരെ കുണ്ടറ നിയോജകമണ്ഡലത്തിലെ ഉൾനാടൻ ജലഗതാഗത വികസനത്തിനായി എന്തൊക്കെ പദ്ധതികളാണ് അനുവദിച്ചിട്ടുളളതെന്നും ആയതിന്റെ തുക എത്രയെന്നും പദ്ധതികളുടെ നിലവിലെ പ്രവർത്തന പുരോഗതി എന്തെന്നും വിശദമാക്കുമോ?

നാദാപുരം മണ്ഡലത്തിലെ കരിങ്ങാലിയിലെ ലോക്ക്- കം - ബ്രിഡ്ജിന്റെ നിര്‍മ്മാണ പുരോഗതി അറിയിക്കുമോ;

പ്രസ്തുത പദ്ധതി എത്ര ശതമാനം പൂര്‍ത്തികരിച്ചുവെന്ന് വ്യക്തമാക്കുമോ;

പ്രസ്തുത പദ്ധതി എന്നേയ്ക്ക് പൂര്‍ത്തികരിക്കാന്‍ കഴിയുമെന്ന് വ്യക്തമാക്കുമോ?

ദേശീയ ജലപാത നിലവാരത്തിലേക്ക് വടകര മാഹി കനാലിനെ ഉയര്‍ത്തുന്നതിന് സ്വീകരിച്ചുവരുന്ന നടപടിക്രമങ്ങള്‍, അവയുടെ നിശ്ചയിച്ച പൂര്‍ത്തീകരണ സമയം സഹിതം വിശദമാക്കാമോ;

2021 മുതല്‍ 2025 വരെ ഇതിൽ ഏതൊക്കെ പ്രവൃത്തികളാണ് പൂര്‍ത്തീകരിച്ചതെന്നും, നിലവില്‍ ഏതൊക്കെ പ്രവൃത്തികളാണ് നടന്നുവരുന്നതെന്നും പ്രവൃത്തികളുടെ നിലവിലെ അവസ്ഥയും അടങ്കല്‍ തുകയും സഹിതം വിശദമാക്കാമോ;

വടകര മാഹി കനാലിന്റെ മൂന്നാം റീച്ചിലെ പ്രവൃത്തി എപ്പോൾ പൂര്‍ത്തിയാക്കാനാകുമെന്ന് വിശദമാക്കാമോ;

വടകര മാഹി കനാലിന്റെ ഭാഗമായി വെങ്ങോളിപ്പാലം മുതല്‍ കല്ലില്‍താഴെ തൂക്കുപാലം വരെയുള്ളതും കനാലിന് ഇരുവശത്തുമായി സമാന്തരമായി കടന്നുപോകുന്നതുമായ റോ‍ഡുകൾ ഗതാഗതയോഗ്യമാക്കുന്നതിന് നടപടി സ്വീകരിക്കുമോ; വിശദവിവരം നൽകാമോ ?

2016 മുതല്‍ ഇതുവരെ സര്‍ക്കാരിന്റെ പ്രവർത്തനങ്ങളെപ്പറ്റി ദൃശ്യ, ശ്രവ്യ, സമൂഹമാധ്യമങ്ങളിലും പത്രങ്ങൾ, പോസ്റ്ററുകൾ, ഹോർഡിങ്ങുകൾ തുടങ്ങിയവയിലും പരസ്യങ്ങൾ നല്‍കിയ ഇനത്തിലും വര്‍ഷികാടിസ്ഥാനത്തില്‍ ആകെ എത്ര രൂപ ചെലവഴിച്ചിട്ടുണ്ടെന്നും; ആകെ പരസ്യ ചെലവ് എത്രയാണെന്നും വ്യക്തമാക്കാമോ?

2016 മുതൽ നാളിതുവരെ കേരളത്തിലെ പ്രവാസികളുടെ ക്ഷേമവുമായി ബന്ധപ്പെട്ട് എത്ര കോടി രൂപ ചെലവഴിച്ചിട്ടുണ്ടെന്ന് അറിയിക്കാമോ;

ഈ കാലയളവിൽ എത്രപേർക്ക് പുതുതായി പ്രവാസി പെൻഷൻ അനുവദിച്ചിട്ടുണ്ടെന്നും അറിയിക്കാമോ?

വിദേശത്ത് തൊഴിൽ തേടുന്നവർക്ക് അനുഗുണമായി പ്രവർത്തിക്കുന്ന നോർക്ക റൂട്ട്സ് വഴി 2016 മുതൽ ഇന്നുവരെ എത്ര പേർക്ക് തൊഴിൽ ലഭ്യമാക്കിയിട്ടുണ്ടെന്ന് അറിയിക്കാമോ;

വിദേശ രാജ്യങ്ങളിൽ മികച്ച തൊഴിൽ കിട്ടുന്നതിന് പരിശീലനം നേടുന്നവർക്ക് സബ്സിഡി വ്യവസ്ഥയിൽ സഹായം ലഭ്യമാക്കുന്ന 'ശുഭയാത്രാ' പദ്ധതി കാര്യക്ഷമമാക്കുവാൻ നടപടി സ്വീകരിക്കുമോ?

മയക്കുമരുന്ന് വ്യാപനം തടയുന്നതിന് പോലീസ് നടത്തിയ പ്രവര്‍ത്തനങ്ങള്‍ വിശദീകരിക്കാമോ;

മറ്റു സംസ്ഥാനങ്ങളിലെ പോലീസുമായി ചേര്‍ന്ന് അവിടങ്ങളില്‍ നിന്ന് സംസ്ഥാനത്തേക്കുള്ള മയക്കുമരുന്ന് കടത്ത് തടയുന്നതിന് നടത്തിയ പ്രവര്‍ത്തനങ്ങള്‍ അറിയിക്കാമോ;

ലഹരി വേട്ടക്ക് ഇതര സംസ്ഥാന പോലീസ് സ്വീകരിക്കുന്ന നടപടികള്‍ പഠന വിധേയമാക്കിയിട്ടുണ്ടോ; എങ്കില്‍ വിശദവിവരം നല്‍കാമോ;

ലഹരി വേട്ടയ്ക്കായി പോലീസിന്റെ നിലവിലെ സംവിധാനത്തില്‍ എന്തെല്ലാം മാറ്റങ്ങളാണ് പുതുതായി വരുത്തിയിട്ടുള്ളതെന്ന് അറിയിക്കാമോ;

മയക്കുമരുന്ന് ഉപയോഗിക്കുന്നവര്‍ക്കുള്ള കൗണ്‍സിലിംഗ്, ചികിത്സാ രംഗങ്ങളില്‍ പോലീസിന്റെ ഇടപെടല്‍ എന്നിവ വിശദീകരിക്കാമോ?

2016 ജൂൺ 1 മുതൽ ഇതുവരെ വിവിധ കേസുകളിൽ സി. ബി. ഐ. അന്വേഷണം ആവശ്യമില്ല എന്നു വാദിക്കാൻ പ്രത്യേകം അഭിഭാഷകരെ കൊണ്ടുവന്ന ഇനത്തിൽ ഫീസ് ആയി ഓരോ കേസിനും എത്ര രൂപ ചെലവഴിച്ചിട്ടുണ്ട്; ഈ അഭിഭാഷകര്‍ക്ക് യാത്രബത്ത നൽകിയിട്ടുണ്ടോ; വ്യക്തമാക്കാമോ;

ഷുഹൈബ് എടയന്നൂർ വധക്കേസിൽ സ്പെഷ്യൽ പ്രോസിക്യൂട്ടറെ നിയമിക്കാൻ കേരള ഹൈക്കോടതി സർക്കാരിനോട് നിർദ്ദേശിച്ചിട്ടുണ്ടോ; ഈ കേസിലെ സ്പെഷ്യൽ പ്രോസിക്യൂട്ടർ ആരാണെന്ന് വ്യക്തമാക്കാമോ?

2017 - ൽ വാളയാറിൽ പീഡനത്തിനിരയായി രണ്ട് പെൺകുട്ടികൾ മരണമടഞ്ഞ കേസിന്റെ നിലവിലെ സ്ഥിതി എന്താണെന്ന് വ്യക്തമാക്കാമോ; സി.ബി.ഐ. ചാർജ് ഷീറ്റിൽ എത്ര പ്രതികൾ ഉണ്ടെന്നും ആരൊക്കെയാണ് കേസിലെ പ്രതികളെന്നും എത്ര പ്രതികൾ ജുഡീഷ്യൽ കസ്റ്റഡിയിൽ ഉണ്ടെന്നും എത്ര പ്രതികൾക്ക് ജാമ്യം ലഭിച്ചിട്ടുണ്ടെന്നും ആരുടെയെങ്കിലും അറസ്റ്റ് കോടതി തടഞ്ഞിട്ടുണ്ടോയെന്നും വ്യക്തമാക്കാമോ;

വണ്ടിപ്പെരിയാറിൽ 2021 - ൽ ആറു വയസുകാരിയെ പീഡിപ്പിച്ചു കൊലപ്പെടുത്തിയ കേസിൽ പ്രതിയെ വെറുതെ വിട്ട വിചാരണ കോടതിയുടെ വിധിക്കെതിരെ സർക്കാർ ഹൈക്കോടതിയിൽ അപ്പീൽ നൽകിയിട്ടുണ്ടോ; വ്യക്തമാക്കാമോ; മേൽ കേസിന്റെ വാദം ബഹു. ഹൈക്കോടതിയിൽ തുടങ്ങിയിട്ടുണ്ടോ; എങ്കില്‍ ഇതുവരെ എത്ര പ്രാവശ്യം കേസ് പരിഗണിച്ചിട്ടുണ്ടെന്ന് വ്യക്തമാക്കാമോ?മേൽ കേസിലെ സസ്‌പെൻഡ് ചെയ്യപ്പെട്ട അന്വേഷണ ഉദ്യോഗസ്ഥനായ ഡി. വൈ. എസ്. പി.യ്ക്ക് പുനർനിയമനം നൽകിയോ; എവിടെയാണ് നിയമനം നൽകിയത്; എന്ത് വകുപ്പുതല നടപടിയാണ് സ്വികരിച്ചത് ?

മുളന്തുരുത്തി പോലീസ് സ്റ്റേഷനിൽ 112/2004 ക്രൈം നമ്പറായി രജിസ്റ്റർ ചെയ്ത കേസിന്റെ നിലവിലെ സ്ഥിതി എന്താണെന്ന് വിശദമാക്കാമോ;

പ്രസ്തുത വിഷയവുമായി ബന്ധപ്പെട്ട് ഏതെല്ലാം ഏജൻസികൾ അന്വേഷണം നടത്തിയിട്ടുണ്ടെന്ന് വിശദമാക്കാമോ;

പ്രസ്തുത കേസ് സി. ബി. ഐ. അന്വേഷിക്കണമെന്ന് ആവശ്യപ്പെട്ടുകൊണ്ട് പരാതികൾ ലഭിച്ചിട്ടുണ്ടോ; എങ്കിൽ പ്രസ്തുത പരാതിയിൽ സർക്കാർ തീരുമാനം എടുത്തിട്ടുണ്ടോ; വിശദമാക്കാമോ?

തിരുവനന്തപുരം ജില്ലയിലെ വെള്ളറട പോലീസ് സ്റ്റേഷനിൽ ക്രൈം നമ്പർ 173/25 പ്രകാരം രജിസ്റ്റർ ചെയ്ത കേസിലെ അന്വേഷണം ഏതു ഘട്ടത്തിലാണെന്ന് വ്യക്തമാക്കുമോ;

മകന്റെ ചൈനയിലെ എം. ബി. ബി. എസ്. പഠനത്തിന് വേണ്ടി ആലപ്പുഴയിലെ ഏഷ്യൻ എഡ്യൂക്കേഷണൽ കൺസൽട്ടൻസി സ്ഥാപന ഉടമ പണം വാങ്ങി കബളിപ്പിച്ചതാണ് കൊലപാതകത്തിലേക്ക് നയിച്ചതെന്ന കൊല്ലപ്പെട്ട ജോസിന്റെ ഭാര്യയുടെ വെളിപ്പെടുത്തലിന്റെ അടിസ്ഥാനത്തിൽ സ്ഥാപന ഉടമയ്ക്കെതിരെ കേസ് എടുത്തിട്ടുണ്ടോ; വിശദമാക്കാമോ;

ഈ കേസിലെ അന്വേഷണ ഉദ്യോഗസ്ഥൻ ആരാണെന്നും തട്ടിപ്പ് നടത്തിയ ആളെ സഹായിക്കുന്ന നിലപാട് ഈ ഉദ്യോഗസ്ഥൻ സ്വീകരിച്ചിട്ടുണ്ടോയെന്നും അന്വേഷിക്കുമോ;

പ്രസ്തുത സ്ഥാപന ഉടമയ്ക്കെതിരെ ആലപ്പുഴ, എറണാകുളം ജില്ലകളിലുള്ള കേസുകളുടെ അവസ്ഥ വിശദീകരിക്കുമോ;

തട്ടിപ്പ് നടത്തി വൻതോതിൽ സ്വത്ത് സമ്പാദിച്ച പ്രസ്തുത സ്ഥാപന ഉടമക്കെതിരെ അനധികൃത സ്വത്ത്‌ സമ്പാദനം അടക്കമുള്ള വിഷയങ്ങളിൽ അന്വേഷണം നടത്തുവാൻ സംസ്ഥാന പോലീസ് ക്രൈം ബ്രാഞ്ച് വിഭാഗത്തെ നിയോഗിക്കുമോയെന്ന് വിശദമാക്കാമോ?

ശബരിമല യുവതീ പ്രവേശനവുമായി ബന്ധപ്പെട്ട് നടന്ന സമരങ്ങളില്‍ എത്രപേര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ട് ; വ്യക്തമാക്കാമോ;

പ്രസ്തുത വിഷയവുമായി ബന്ധപ്പെട്ട് രജിസ്റ്റര്‍ ചെയ്ത കേസുകളില്‍ എത്ര കേസുകള്‍ പിന്‍വലിച്ചിട്ടുണ്ട്; ഇനി എത്ര കേസുകള്‍ പിന്‍വലിക്കാനുണ്ട്;

പ്രസ്തുത വിഷയവുമായി ബന്ധപ്പെട്ട് രജിസ്റ്റര്‍ ചെയ്ത കേസുകളില്‍ എത്ര കേസുകള്‍ കോടതിയിലേക്ക് റഫര്‍ ചെയ്തിട്ടുണ്ടെന്നും ഇവയിൽ ഏതെല്ലാം വകുപ്പുകളാണ് ഉള്‍പ്പെടുത്തിയിട്ടുള്ളതെന്നും വിശദമാക്കാമോ;

പ്രസ്തുത വിഷയവുമായി ബന്ധപ്പെട്ട് നടന്ന സമരങ്ങളില്‍ രജിസ്റ്റര്‍ ചെയ്ത കേസുകള്‍ പൂര്‍ണ്ണമായി പിന്‍വലിക്കാന്‍ കഴിയാത്തതിന്റെ കാരണങ്ങള്‍ വിശദമാക്കാമോ?

സംസ്ഥാന പോലീസ് സേനയെ രാജ്യത്തെ ഏറ്റവും മികച്ച സേനയായി മാറ്റുന്നതിന് ഈ സര്‍ക്കാര്‍ എന്തെല്ലാം പ്രത്യേക പദ്ധതികളാണ് ആസൂത്രണം ചെയ്ത് നടപ്പിലാക്കിയതെന്ന് വിശദമാക്കാമോ;

രാജ്യത്തെ ഏറ്റവും മികച്ച മൂന്ന് സൈബര്‍ വിഭാഗങ്ങളെ തിരഞ്ഞെടുക്കുന്നതിന് ഡാറ്റ സെക്യൂരിറ്റി കൗണ്‍സില്‍ ഓഫ് ഇന്ത്യ നടത്തിയ മത്സരത്തില്‍ തിരുവനന്തപുരത്തെ ഫോറന്‍സിക് സയന്‍സ് ലബോറട്ടറിക്ക് പുരസ്കാരം ലഭിച്ചിട്ടുണ്ടോ; വിശദമാക്കുമോ;

ഈ സര്‍ക്കാരിന്റെ കാലയളവില്‍ സംസ്ഥാന പോലീസ് സേനയ്ക്ക് ഏതെല്ലാം മേഖലയിലെ പ്രവര്‍ത്തനങ്ങള്‍ക്കാണ് പുരസ്കാരങ്ങള്‍ ലഭിച്ചതെന്ന് അറിയിക്കാമോ;

കുറ്റാന്വേഷണ മികവില്‍ ദേശീയ തലത്തില്‍ തന്നെ മുന്‍നിരയിലുള്ള സംസ്ഥാന പോലീസ് സേന ഈ കാലയളവില്‍ തെളിയിച്ച പ്രധാന കേസുകള്‍ ഏതെല്ലാമാണെന്ന് വെളിപ്പെടുത്താമോ;

പൊതുജനങ്ങള്‍ക്കാവശ്യമായ ബോധവല്‍ക്കരണവും സന്ദേശങ്ങളും നിര്‍ദേശങ്ങളും നല്‍കുന്നതില്‍ സാമൂഹ്യമാധ്യമങ്ങളിലൂടെ നടത്തിവരുന്ന പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കുമോ; വിശദാംശം നൽകാമോ?

പോലീസ് വകുപ്പിലെ ക്യാമ്പ് ഫോളോവര്‍മാര്‍ക്ക് ടൈപ്പിസ്റ്റ് തസ്തികയില്‍ 10 ശതമാനം തസ്തികമാറ്റം അനുവദിച്ചിട്ടുണ്ടോ; എങ്കില്‍ എന്നുവരെയുള്ള ഒഴിവുകളില്‍ ഇതുപ്രകാരം നിയമനം നടത്തിയിട്ടുണ്ട്;

പോലീസ് ഹെഡ്ക്വാര്‍ട്ടേഴ്സിന്റെ 01.04.2024-ലെ എം.3-11/2024 പി.എച്ച്.ക്യു. നമ്പര്‍ ഉത്തരവ് പ്രകാരം എന്തെല്ലാം തുടര്‍നടപടികളാണ് സ്വീകരിച്ചതെന്ന് വിശദമാക്കാമോ?

ക്രമസമാധാനത്തിനും കുറ്റാന്വേഷണത്തിലും ഏറ്റവും മികച്ച സംസ്ഥാനമായി കേരളത്തെ മാറ്റിത്തീര്‍ക്കുന്നതില്‍ സംസ്ഥാന പോലീസ് സേന വഹിക്കുന്ന പങ്ക് പ്രത്യേകം വിലയിരുത്തിയിട്ടുണ്ടോ; എങ്കില്‍ വിശദീകരിക്കാമോ;

പോലീസ് സേനാംഗങ്ങളുടെ മാന്യമായ പെരുമാറ്റവും വിശ്വാസ്യതയും മൂലം പൊതുജനങ്ങള്‍ക്ക് പോലീസിന്റെ പ്രവര്‍ത്തനങ്ങളുമായി സഹകരിക്കുന്നതിനും ക്രമസമാധാന പാലനം തങ്ങളുടെ കൂടി ആവശ്യമാണെന്ന ബോധ്യത്തില്‍ എത്തിച്ചേരുന്നതിനും ഇടയാക്കിയിട്ടുണ്ടോ; എങ്കില്‍ വിശദീകരിക്കാമോ;

ഈ സര്‍ക്കാര്‍ കാലയളവില്‍ പോലീസ് സേനയുടെ കാര്യക്ഷമതയും പ്രവര്‍ത്തന മികവും ഉയര്‍ത്തിക്കൊണ്ടുവരുന്നതിനായി എന്തെല്ലാം പദ്ധതികളാണ് നടപ്പിലാക്കി വരുന്നതെന്ന് വ്യക്തമാക്കാമോ;

ഗുണ്ടകളെയും സാമൂഹ്യ വിരുദ്ധരെയും അമര്‍ച്ച ചെയ്യുന്നതിനും അവര്‍ക്കെതിരെ കര്‍ശന നടപടി സ്വീകരിക്കുന്നതിനും കാവല്‍ പോലുള്ള പ്രത്യേക പദ്ധതികള്‍ ഗുണകരമായിട്ടുണ്ടോ; എങ്കില്‍ പ്രസ്തുത പദ്ധതി എല്ലാ ജില്ലകളിലേയ്ക്കും വ്യാപിപ്പിക്കുന്നതിന് നടപടി സ്വീകരിച്ചിട്ടുണ്ടോയെന്ന് വിശദമാക്കുമോ?

സംസ്ഥാന പോലീസ് സേനയില്‍ ആവശ്യമായ അംഗങ്ങള്‍ നിലവിലുണ്ടോ; വ്യക്തമാക്കാമോ;

സെെബര്‍ കുറ്റകൃത്യങ്ങള്‍ ഉള്‍പ്പെടെ വര്‍ദ്ധിച്ചുവരുന്ന സാഹചര്യത്തില്‍ പോലീസ് സേനയെ കൂടുതല്‍ നവീകരിക്കുന്നതിനും, കൂടുതല്‍ പേരെ സേനയിലേക്ക് റിക്രൂട്ട് ചെയ്യുന്നതിനും ആവശ്യമായ നടപടി സ്വീകരിക്കുമോ; വിശദമാക്കാമോ ?

വാടക കെട്ടിടത്തില്‍ പ്രവർത്തിക്കുന്ന നിലമ്പൂർ മണ്ഡലത്തിലെ എടക്കര പോലീസ് സ്‌റ്റേഷന് കെട്ടിടം നിര്‍മ്മിക്കാന്‍ സൗജന്യമായി സ്ഥലം അനുവദിച്ച് നല്‍കിയിട്ടും, കെട്ടിടം പണിയുന്നതിനുള്ള നിലവിലെ തടസങ്ങള്‍ എന്താണെന്ന് വിശദമാക്കാമോ;

എടക്കര പോലീസ് സ്റ്റേഷൻ കെട്ടിട നിർമ്മാണത്തിന്റെ തടസങ്ങള്‍ നീക്കുവാൻ ഇതുവരെ സ്വീകരിച്ച നടപടികള്‍ എന്തൊക്കെയാണെന്നുള്ള വിവരങ്ങൾ ലഭ്യമാക്കുമോ?

തൃശൂര്‍ കുന്ദംകുളം പോലീസ് സ്റ്റേഷനില്‍ വച്ച് 2023 ഏപ്രിലില്‍ പ്രതിപക്ഷ യുവജന സംഘടനാ പ്രസിഡന്റിനെ മര്‍ദ്ദിച്ച കുന്ദംകുളം പോലീസ് സ്റ്റേഷനിലെ സബ് ഇന്‍സ്‌പെക്ടറായിരുന്ന നുഹ്മാന്‍, സി.പി.ഒ. മാരായ ശശീന്ദ്രന്‍, സന്ദീപ്, സജീവന്‍ എന്നിവര്‍ക്കെതിരെ കൈക്കൊണ്ടിരുന്ന വകുപ്പുതല ശിക്ഷാനടപടി എന്തെന്ന് വ്യക്തമാക്കാമോ; പ്രസ്തുത നടപടി റിപ്പോര്‍ട്ടുകളുടെ പകര്‍പ്പുകള്‍ ലഭ്യമാക്കാമോ;

പ്രസ്തുത ഉദ്യോഗസ്ഥര്‍ പോലീസില്‍ പ്രവേശിച്ച തീയതിയും സര്‍വ്വീസ് കാലയളവും സംബന്ധിച്ച വിശദാംശങ്ങളും ഇവര്‍ നിലവില്‍ പ്രവര്‍ത്തിക്കുന്ന ഓഫീസിന്റെ വിശദാംശങ്ങളും ലഭ്യമാക്കാമോ;

സര്‍വ്വീസ് കാലയളവില്‍ ഇവര്‍ക്കെതിരെ ഉയര്‍ന്നിട്ടുള്ള വിവിധ പരാതികൾ, അച്ചടക്ക നടപടികൾ എന്നിവ സംബന്ധിച്ച വിശദാംശങ്ങൾ ലഭ്യമാക്കാമോ;

പ്രസ്തുത പോലീസ് ഉദ്യോഗസ്ഥരുടെ നിയമവിരുദ്ധ പ്രവര്‍ത്തനം കൃത്യമായി തെളിഞ്ഞ സാഹചര്യത്തില്‍ പോലീസ് സേനയ്ക്ക് ഒന്നാകെ അപമാനവും കളങ്കവും വരുത്തിയ ഇവര്‍ക്കെതിരെ വധശ്രമത്തിന് ഉള്‍പ്പെടെ ക്രിമിനൽ കേസ് രജിസ്റ്റര്‍ ചെയ്യുന്നതിനും ഇവര്‍ക്ക് സര്‍വ്വീസ് കാലയളവിൽ നല്‍കിയിരുന്ന മുഴുവന്‍ ആനുകൂല്യങ്ങളും തിരിച്ച് പിടിക്കുന്നതിനും സര്‍വ്വീസില്‍ നിന്ന് ഉടനടി പിരിച്ച് വിടുന്നതിനുമുള്ള മാതൃകാപരമായ അടിയന്തര നടപടി സ്വീകരിക്കുമോ;

2016 മുതല്‍ നാളിതുവരെ സംസ്ഥാനത്തെ വിവിധ സ്റ്റേഷനുകളില്‍ കസ്റ്റഡി മര്‍ദ്ദനവുമായി ബന്ധപ്പെട്ട പരാതിയും അന്വേഷണവും നേരിടുന്ന പോലീസ് ഉദ്യോഗസ്ഥരുടെ പേരും വിശദാംശങ്ങളും നല്‍കാമോ ?

2016 ജനുവരി 1 മുതല്‍ 2025 ഓഗസ്റ്റ് 31 വരെയുള്ള കാലയളവില്‍ സംസ്ഥാനത്ത് എത്ര പോലീസ് കസ്റ്റഡി മര്‍ദ്ദനങ്ങള്‍ നടന്നിട്ടുണ്ടെന്ന് ജില്ല, വര്‍ഷം എന്നിവ തരംതിരിച്ചുള്ള വിവരം ലഭ്യമാക്കുമോ;

പ്രസ്തുത സംഭവങ്ങളില്‍ എത്ര പോലീസ് ഉദ്യോഗസ്ഥര്‍ പ്രതികളായിട്ടുണ്ടെന്ന് ജില്ല തിരിച്ചുള്ള വിവരം വ്യക്തമാക്കാമോ;

പ്രസ്തുത സംഭവങ്ങളില്‍ പ്രതിചേര്‍ക്കപ്പെട്ട എത്ര പോലീസ്ഉദ്യോഗസ്ഥര്‍ക്കെതിരെ വകുപ്പുതല നടപടി സ്വീകരിച്ചിട്ടുണ്ടെന്ന് ജില്ല തിരിച്ചുള്ള വിവരം ലഭ്യമാക്കുമോ;

പ്രസ്തുത സംഭവങ്ങളുമായി ബന്ധപ്പെട്ട് എത്ര പോലീസ് ഉദ്യോഗസ്ഥര്‍ക്കെതിരെ മറ്റു നിയമനടപടികള്‍ സ്വീകരിച്ചിട്ടുണ്ടെന്ന വിവരം ജില്ല തിരിച്ചുള്ള കണക്ക് ലഭ്യമാക്കുമോ?

കാസർകോട് ജില്ലയിൽ പോലീസ് സേന നേരിടുന്ന വിവിധ പ്രശ്നങ്ങളും പോലീസ് സ്റ്റേഷനുകളിലെ അപര്യാപ്തതകളും ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

പോലീസ് സ്റ്റേഷനിൽ ആവശ്യമായ വാഹനങ്ങൾ ഉണ്ടോയെന്നും നിലവിലെ വാഹനങ്ങൾ ഏത് അവസ്ഥയിൽ ആണെന്നും പോലീസ് സ്റ്റേഷനുകൾ തിരിച്ച്‌ വ്യക്തമാക്കാമോ;

ജില്ലയിൽ എത്ര കൺട്രോൾ റൂമുകൾ ഉണ്ടെന്നും നിലവിൽ ഇരുചക്രവാഹനങ്ങൾ അടക്കം എത്ര വാഹനങ്ങൾ ഉണ്ടെന്നും ഇത് പര്യാപ്തമാണോയെന്നും കൺട്രോൾ റൂം തിരിച്ച് വിശദമാക്കാമോ;

കാസർകോട് ജില്ലയിൽ പോലീസ് ഉപയോഗിക്കുന്ന വയർലെസ് സെറ്റിന് വ്യാപ്തി (റേയിഞ്ച് ) ലഭിക്കാത്ത പ്രശ്നം ശ്രദ്ധയിൽപ്പെട്ടിട്ടുണ്ടോ; എങ്കിൽ പരിഹാര നടപടികളെ കുറിച്ച് വ്യക്തമാക്കാമോ; നൂതന സാങ്കേതിക വിദ്യകൾ ഉപയോഗിച്ച് നിർമ്മിച്ച വയർലെസ് സെറ്റുകൾ ലഭ്യമാക്കാൻ നടപടി സ്വീകരിക്കുമോ;

കാസർകോട് ജില്ലയിൽ നിലവിൽ പോലീസ് സേനയുടെ അംഗബലം എത്രയാണെന്നും ഇതു പര്യാപ്തമാണോയെന്നും വ്യക്തമാക്കാമോ; കാസർകോട് ജില്ലയിൽ എസ്.എച്ച്.ഒ. മാരുടെ ഒഴിവുകളുണ്ടോയെന്നും ഓരോ ഒഴിവും എത്ര കാലമായി തുടരുന്നുവെന്നും പോലീസ് സ്റ്റേഷൻ തിരിച്ച് വ്യക്തമാക്കാമോ?

ഈ സര്‍ക്കാര്‍ അധികാരത്തില്‍ വന്നശേഷം ചങ്ങനാശ്ശേരി നിയോജക മണ്ഡലത്തിലെ ഏതെല്ലാം പോലീസ് സ്റ്റേഷനുകള്‍ നവീകരിച്ചിട്ടുണ്ടെന്ന് വ്യക്തമാക്കുമോ;

ഓരോ പ്രവര്‍ത്തിയുടെയും നിലവിലെ സ്ഥിതി എന്താണെന്ന് വ്യക്തമാക്കുമോ; ഉത്തരവുകളുടെ പകര്‍പ്പ് ലഭ്യമാക്കുമോ?

മുട്ടിൽ മരം മുറിയുമായി ബന്ധപ്പെട്ട് സംസ്ഥാനത്ത് എത്ര കേസുകൾ രജിസ്റ്റർ ചെയ്തിട്ടുണ്ട്; പ്രസ്തുത കേസുകളിൽ പ്രതി ചേർക്കപ്പെട്ടിട്ടുള്ളവർ ആരൊക്കെയാണ്; എന്തൊക്കെ കുറ്റകൃത്യങ്ങളാണ് ഇവരുടെ പേരിൽ ചുമത്തിയിട്ടുള്ളത്; എഫ്.ഐ.ആര്‍.-ന്റെ പകർപ്പ് ലഭ്യമാക്കാമോ;

പ്രസ്തുത അന്വേഷണത്തിന്റെ നിലവിലെ സ്ഥിതി എന്താണെന്ന് വ്യക്തമാക്കാമോ;

പ്രസ്തുത സംഭവവുമായി ബന്ധപ്പെട്ട് ഇടക്കാല അന്വേഷണ റിപ്പോർട്ട് സമർപ്പിച്ചിട്ടുണ്ടോ; എങ്കിൽ അതിന്റെ പകർപ്പ് ലഭ്യമാക്കുമോ;

പ്രസ്തുത കേസിൽ കുറ്റവാളികൾക്ക് കർശനശിക്ഷ ഉറപ്പാക്കുന്നതിന് അടിയന്തര നടപടി സ്വീകരിച്ചിട്ടുണ്ടോ; വിശദാംശം വ്യക്തമാക്കാമോ?

സംസ്ഥാനത്ത് ഒരു വിഭാഗം ആളുകളുടെ അറിവോ സമ്മതമോ ഇല്ലാതെ വ്യാപകമായി തിരിച്ചറിയൽ രേഖകൾ ഉപയോഗപ്പെടുത്തി വ്യാജ ജി.എസ്.ടി. രജിസ്ട്രേഷനുകള്‍ എടുക്കുകയും അത് ഉപയോഗിച്ച് കോടികളുടെ ഇടപാടുകൾ നടത്തിയതുമായി ബന്ധപ്പെട്ട് പോലീസിന് ലഭിച്ച പരാതികളുടെ കണക്ക് ലഭ്യമാക്കുമോ;

ഈ പരാതികളിന്മേൽ പോലീസ് എഫ്. ഐ. ആർ. രജിസ്റ്റർ ചെയ്തിട്ടുണ്ടോ; ഇല്ലെങ്കിൽ അതിന്റെ കാരണങ്ങൾ വിശദമാക്കാമോ;

സംസ്ഥാനത്തിന് വൻതോതിൽ നികുതി നഷ്ടം ഉണ്ടാകുന്ന സംഭവമായിട്ടും വ്യാപക കള്ളപണ ഇടപാടുകൾ ഇതിന്റെ മറവിൽ ഉണ്ടായിട്ടും പോലീസ് നടപടി സ്വീകരിക്കാത്തതിന് പ്രത്യേക കാരണങ്ങൾ ഉണ്ടോയെന്ന് വിശദമാക്കുമോ;

സാമ്പത്തികമായി പിന്നാക്കം നിൽക്കുന്ന വിഭാഗങ്ങളിൽപ്പെട്ട ജനങ്ങളുടെ തിരിച്ചറിയൽ രേഖകൾ ദുരുപയോഗം ചെയ്ത് കോടികളുടെ കള്ളപണ ഇടപാടുകൾ നടത്തുന്നവർക്കെതിരെ കേസ് രജിസ്റ്റർ ചെയ്തു പ്രത്യേക ടീമിനെ ചുമതലപ്പെടുത്തി അന്വേഷണം നടത്താൻ നടപടി സ്വീകരിക്കുമോ; വിശദവിവരം നൽകാമോ ?

സംസ്ഥാനത്ത് ഈ അദ്ധ്യയന വര്‍ഷം കൂടുതല്‍ സ്കൂളുകളില്‍ എസ്.പി.സി., എന്‍.സി.സി. എന്നിവ അനുവദിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

ഹയര്‍ സെക്കണ്ടറി സ്കൂളുകളില്‍ എസ്.പി.സി. അനുവദിക്കുന്നതിന് ആലോചിക്കുന്നുണ്ടോയെന്ന് അറിയിക്കാമോ;

പുതുക്കാട് മണ്ഡലത്തില്‍പ്പെട്ട അളഗപ്പ നഗര്‍ ഗവണ്‍മെന്റ് ഹയര്‍ സെക്കണ്ടറി സ്കൂളില്‍ എസ്.പി.സി. അനുവദിക്കുന്നതിനും, മുപ്പിയം ഗവ. എച്ച്.എസ്.എസ്.-ല്‍ എന്‍.സി.സി. അനുവദിക്കുന്നതിനുമായി സമര്‍പ്പിച്ച അപേക്ഷകളില്‍ അനുകൂല നടപടി സ്വീകരിക്കുമോയെന്ന് വ്യക്തമാക്കാമോ?

മുൻ സർക്കാരിന്റെ കാലം മുതൽ നാളിതുവരെ സ്ത്രീകൾക്കും കുട്ടികൾക്കും എതിരായ ലൈംഗിക അതിക്രമങ്ങൾ ഉൾപ്പെടെ എത്ര ആക്രമണങ്ങൾ റിപ്പോർട്ട് ചെയ്തിട്ടുണ്ട്; ഈ സംഭവങ്ങളിൽ കേസ് രജിസ്റ്റർ ചെയ്തിട്ടുള്ളവ, പ്രതികളെ പിടികൂടിയിട്ടുള്ളവ, പ്രതികളെ ശിക്ഷിച്ചിട്ടുള്ളവ, പ്രതികളെ കുറ്റവിമുക്തരാക്കിയിട്ടുള്ളവ എന്നിവ സംബന്ധിച്ച വിശദാംശം വർഷം തിരിച്ചു വ്യക്തമാക്കുമോ?

മൊബൈല്‍ ഫോൺ, ഇന്റർനെറ്റ് എന്നിവയുടെ ദുരുപയോഗവുമായി ബന്ധപ്പെട്ട പ്രശ്നങ്ങളാല്‍ കഴിഞ്ഞ നാല് വർഷം സംസ്ഥാനത്ത് ആത്മഹത്യ ചെയ്ത കുട്ടികളുടെ എണ്ണം എത്രയാണെന്ന് വ്യക്തമാക്കുമോ;

ഇവയുടെ ദുരുപയോഗം മൂലം ലൈംഗിക ചൂഷണം, ലഹരി കച്ചവടം തുടങ്ങിയ കുറ്റകൃത്യങ്ങളിൽ ഉൾപ്പെട്ട എത്ര കുട്ടികൾക്കെതിരെ ആഭ്യന്തരവകുപ്പ് നടപടി സ്വീകരിച്ചിട്ടുണ്ടെന്ന് വ്യക്തമാക്കുമോ;

ഇതുവരെ എത്ര ഡിജിറ്റല്‍ ലഹരി വിമോചന കേന്ദ്രങ്ങള്‍ സംസ്ഥാനത്ത് തുടങ്ങിയിട്ടുണ്ട്; എവിടെയെല്ലാം; ഇതു വഴി എത്ര കുട്ടികളെ ചികിത്സിച്ച് രക്ഷപ്പെടുത്തി; നിലവില്‍ എത്ര കുട്ടികള്‍ക്ക് ചികിത്സ നല്‍കി വരുന്നു; വിശദാംശം വ്യക്തമാക്കുമോ?

സംസ്ഥാനത്തെ ജയിലുകളിൽനിന്ന് 2021 മുതൽ നാളിതുവരെയും മോഷണം പോയിട്ടുള്ള വസ്തുക്കളുടെയും അതുമായി ബന്ധപ്പെട്ട് രജിസ്റ്റർ ചെയ്തിട്ടുള്ള കേസുകളുടെയും വിവരം ലഭ്യമാക്കാമോ;

സംസ്ഥാനത്തെ ജയിലുകളിൽ നിന്ന് 2021 മുതൽ നാളിതുവരെ മോഷണം നടത്തിയതായി പ്രതിചേർക്കപ്പെട്ടവരുടെ വിവരവും അതിൽ ശിക്ഷിക്കപ്പെട്ടവരുടെ വിവരവും പ്രത്യേകം അറിയിക്കാമോ;

സംസ്ഥാനത്തെ ജയിലുകളിൽ നിന്ന് 2021 മുതൽ നാളിതുവരെ മോഷണം പോയിട്ടുള്ള വസ്തുക്കളിൽ തിരികെ ലഭിച്ചിട്ടുള്ളവയുടെയും വസ്തുക്കൾ തിരികെ ലഭിക്കാത്തതും പ്രതികളെ പിടിക്കാൻ സാധിക്കാത്തതുമായ കേസുകളുടെയും വിവരം ലഭ്യമാക്കാമോ;

പൂജപ്പുര സെൻട്രൽ ജയിൽനിന്ന് സോളാർ ബാറ്ററികൾ മോഷ്ടിക്കപ്പെട്ട കേസിൽ അന്വേഷണം പൂർത്തിയായിട്ടുണ്ടോ; എങ്കിൽ പ്രതിചേർത്തവരുടെ വിവരം ലഭ്യമാക്കാമോ; നഷ്ടപ്പെട്ട സോളാർ ബാറ്ററികളുടെ മൂല്യവും അത് നഷ്ടപ്പെടാനുണ്ടായ സാഹചര്യവും വ്യക്തമാക്കാമോ?

കള്ളാട് സാറാമ്മ ഏലിയാസിന്റെ കൊലപാതകവുമായി ബന്ധപ്പെട്ട ക്രൈംബ്രാഞ്ച് അന്വേഷണത്തിന്റെ പുരോഗതി വിശദമാക്കുമോ;

അന്വേഷണം വേഗത്തിലാക്കി കുറ്റക്കാരെ നിയമത്തിനുമുന്നില്‍ കൊണ്ടുവരുന്നതിനാവശ്യമായ നടപടി സ്വീകരിക്കുമോ; വ്യക്തമാക്കുമോ?

എസ്.സി. 381/2018(സി.ആർ. 745/2018 ഗാന്ധിനഗർ പോലീസ് സ്റ്റേഷൻ) കെവിൻ വധകേസിലെ എത്ര പ്രതികൾക്കു പരോൾ അനുവദിച്ചിട്ടുണ്ടെന്നും പ്രതികളിൽ ആർക്കൊക്കെയാണ് പരോൾ അനുവദിച്ചതെന്നും ഇവരിൽ എത്ര പേർ ജയിലിൽ നിരോധിത വസ്തുക്കൾ ഉപയോഗിച്ചതിനും ജയിൽ അച്ചടക്കലംഘനത്തിനും നടപടിക്ക് വിധേയരായിട്ടുണ്ടെന്നും ജയിൽ ചട്ടലംഘനത്തിന് എത്ര പേർക്ക് എതിരെ കേസ് എടുത്തിട്ടുണ്ടെന്നും വ്യക്തമാക്കുമോ?

കേരള തമിഴ്‍നാട് അതിര്‍ത്തിയോട് ചേര്‍ന്ന മണ്ഡലമായ പാറശ്ശാലയില്‍ അതിര്‍ത്തി കടന്നുള്ള ലഹരി ഉല്പന്നങ്ങളുടെ കടത്തും വിപണനവും തടയുന്നതിനായി സ്വീകരിച്ചിട്ടുള്ള നടപടികള്‍ എന്താെക്കെയാണെ്ന്ന് അറിയിക്കാമോ;

കേരള തമിഴ്‍നാട് അതിര്‍ത്തിയിലുള്ള അമ്പൂരി, കടുക്കറ തുടങ്ങിയ പ്രദേശങ്ങളില്‍ പോലീസ് എയ്ഡ് പോസ്റ്റ് സ്ഥാപിക്കുന്നിന് നടപടികള്‍ സ്വീകരിക്കാമോ;

സമൂഹത്തില്‍ വര്‍ദ്ധിച്ചുവരുന്ന ലഹരി പദാര്‍ത്ഥങ്ങളുടെ വിപണനവും ഉപയോഗവും തടയുന്നതിനായും ബോധവല്‍ക്കരണം നടത്തുന്നതിനായും വിവിധ വകുപ്പുകളുടെ സഹകരണത്തോടെ പോലീസ് വകുപ്പ് സ്വീകരിച്ചിട്ടുള്ള നടപടികള്‍ എന്താെക്കെയാണെന്ന് വിശദമാക്കുമോ ?

കുന്ദംകുളം പോലീസ് സ്റ്റേഷനില്‍ പ്രമുഖ രാഷ്ടീയപ്പാർട്ടിയുടെ യുവജന രാഷ്ട്രീയ പ്രവര്‍ത്തകനായ വി എസ് സുജിത്തിനെ മര്‍ദ്ദിച്ച പോലീസ് ഉദ്യോഗസ്ഥര്‍ ആരെല്ലാമാണെന്ന് വിശദമാക്കുമോ;

പ്രസ്തുത സംഭവവുമായി ബന്ധപ്പെട്ട് കുറ്റക്കാരായ പോലീസുകാര്‍ക്കെതിരെ സ്വീകരിച്ച വകുപ്പുതല നടപടികളും നിയമ നടപടികളും എന്തെല്ലാമാണെന്ന് വിശദമാക്കുമോ;

പ്രസ്തുത സംഭവവുമായി ബന്ധപ്പെട്ട് ആഭ്യന്തര വകുപ്പ് നടത്തിയ അന്വേഷണ സംഘത്തില്‍ ആരെല്ലാമായിരുന്നു ഉണ്ടായിരുന്നതെന്ന് വിശദമാക്കുമോ; അന്വേഷണ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

പ്രസ്തുത സംഭവമായി ബന്ധപ്പെട്ട് പരാതിക്കാരന്‍ വിവരാവകാശ നിയമപ്രകാരവും അല്ലാതെയും ആഭ്യന്തര വകുപ്പിലെ ഏതെല്ലാം ഉദ്യോഗസ്ഥര്‍ക്ക് എന്തെല്ലാം വിവരങ്ങള്‍ ആവശ്യപ്പെട്ടു കൊണ്ടായിരുന്നു അപേക്ഷ നല്‍കിയിരുന്നതെന്നും പ്രസ്തുത അപേക്ഷയില്‍ അതത് ഉദ്യോഗസ്ഥര്‍ സ്വീകരിച്ച നടപടി എന്തെല്ലാമായിരുന്നുവെന്നും വിശദമാക്കുമോ;

കസ്റ്റഡി മര്‍ദ്ദനവുമായി ബന്ധപ്പെട്ട് പരാതിക്കാരന് പോലീസ് സ്റ്റേഷനകത്തെ സി.സി.ടി.വി. ദൃശ്യങ്ങള്‍ ലഭ്യമാക്കാതിരുന്നത് എന്തുകൊണ്ടായിരുന്നുവെന്ന് വിശദമാക്കുമോ;

പരാതിക്കാരന് നീതി ഉറപ്പാക്കുന്നതിലും കുറ്റക്കാര്‍ക്കെതിരെ ശക്തമായ നിയമനടപടികള്‍ സ്വീകരിക്കുന്നതിലും വീഴ്ച വരുത്തിയ ഉദ്യോഗസ്ഥര്‍ ആരെല്ലാമാണ്; ഇവര്‍ക്കെതിരേയും മര്‍ദ്ദിച്ച പോലീസ് ഉദ്യോഗസ്ഥര്‍ക്കെതിരെയും എന്ത് നടപടി സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ;

കസ്റ്റഡി മര്‍ദ്ദനങ്ങള്‍ തടയുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

കുന്ദംകുളം പോലീസ്റ്റേഷനിൽ പ്രമുഖ രാഷ്ട്രീയപാര്‍ട്ടിയുടെ യുവജന നേതാവിനെ പോലീസ് മർദ്ദിച്ച സംഭവം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ;

ലോക്കപ്പ് മർദ്ദനം മനുഷ്യാവകാശ ലംഘനമാണെന്ന് ബഹു. സുപ്രീംകോടതി വിധിച്ചിട്ടും സംസ്ഥാനത്തു ലോക്കപ്പ് മർദ്ദനം ഉണ്ടാകുന്നത് എന്തുകൊണ്ടാണെന്ന് പരിശോധിച്ചിട്ടുണ്ടോ;

ഇത്തരത്തിലുള്ള സംഭവങ്ങൾ ആവർത്തിക്കാതിരിക്കുന്നതിനായി കുറ്റക്കാരായ പൊലീസുകാരെ സർവ്വീസിൽ നിന്നും പുറത്താക്കുന്നതടക്കമുള്ള നടപടി സ്വീകരിക്കുമോ?

ബൈ പോളാർ ഡിസോർഡർ എന്ന കടുത്ത വിഷാദ രോഗത്തിന് ചികിത്സയിലുള്ള യുവാവിനെ ചിലരുടെ പ്രേരണയാൽ പോലീസ് അതിക്രൂരമായി റോഡിലിട്ട് തല്ലിച്ചതിന്റെ പേരിൽ ബഹു.മുഖ്യമന്ത്രിക്കും (ഡോക്കറ്റ് നം. ജി-2250900007), കാട്ടാക്കട ഡി.വൈ.എസ്.പി.ക്കും (നം.152920502-2025-5-00415), ജില്ലാ പോലീസ് കംപ്ലയിന്റ് അതോറിറ്റിക്കും (2/09/25), മനുഷ്യാവകാശ കമ്മീഷനും (03/09/25), ഡി.ജി.പിക്കും (ഇ-പെറ്റീഷൻ-8882/2025) യുവാവിന്റെ പിതാവും, സഹോദരനും നൽകിയ പരാതികളിൽ സ്വീകരിച്ച നടപടികൾ വ്യക്തമാക്കാമോ?

ഒരു വ്യക്തിയെ പോലീസ് കസ്റ്റഡിയിലെടുക്കുമ്പോൾ നിയമപരമായി പാലിക്കേണ്ട മാർഗ്ഗനിർദ്ദേശങ്ങൾ എന്തൊക്കെയാണെന്ന് വ്യക്തമാക്കുമോ; പ്രമുഖ പ്രതിപക്ഷ പാര്‍ട്ടിയുടെ യുവജനസംഘടനാ പ്രസിഡന്റിനെ 2023-ൽ കുന്ദംകുളം പോലീസ്, കസ്റ്റഡിയിൽ എടുത്തപ്പോൾ മേൽപ്പറഞ്ഞ കാര്യങ്ങൾ പാലിച്ചിട്ടുണ്ടോ; വ്യക്തമാക്കുമോ;

പ്രസ്തുത വ്യക്തി പോലീസ് കസ്റ്റഡിയിൽ മർദ്ദനത്തിനിരയായ സംഭവത്തിൽ പോലീസിന് എത്ര പരാതികൾ ലഭിച്ചിട്ടുണ്ട്; ഓരോ പരാതിയിലും എന്തൊക്കെ നടപടിയാണ് സ്വീകരിച്ചിട്ടുള്ളത്; ഇത് സംബന്ധിച്ച് പോലീസ് ആഭ്യന്തര അന്വേഷണം നടത്തിയിട്ടുണ്ടോ; എങ്കിൽ അന്വേഷണത്തിലെ കണ്ടെത്തലുകൾ എന്തൊക്കെയായിരുന്നു; റിപ്പോർട്ടിന്റെ പകർപ്പ് ലഭ്യമാക്കുമോ;

പ്രസ്തുത വ്യക്തിയെ പോലീസ് ഉദ്യോഗസ്ഥർ മർദ്ദിക്കുന്ന ദൃശ്യങ്ങൾ പുറത്തുവന്ന സാഹചര്യത്തിൽ കുറ്റവാളികളായ മുഴുവൻ ഉദ്യോഗസ്ഥരെയും സർവീസിൽ നിന്ന് പിരിച്ചുവിടുന്നതിന് അടിയന്തര നടപടി സ്വീകരിക്കുമോ; വ്യക്തമാക്കുമോ?

പ്രമുഖ രാഷ്ട്രീയപാര്‍ട്ടിയുടെ യുവജനസംഘടനാ പ്രസിഡന്റിനെ 2023-ൽ കുന്ദംകുളം പോലീസ്, കസ്റ്റഡിയിൽ മർദ്ദിച്ചതു സംബന്ധിച്ച സി.സി.ടി.വി. ദൃശ്യങ്ങൾ ആവശ്യപ്പെട്ടുകൊണ്ട് ആഭ്യന്തരവകുപ്പിന് എത്ര വിവരാവകാശ അപേക്ഷകൾ ലഭിച്ചിട്ടുണ്ട്; ഓരോ അപേക്ഷയിലും നൽകിയ മറുപടിയുടെ പകർപ്പ് ലഭ്യമാക്കുമോ;

പോലീസ് സ്റ്റേഷനുകളിലെ സി.സി.ടി.വി. ദൃശ്യങ്ങൾ ഏതെങ്കിലും തരത്തിലുള്ള രഹസ്യരേഖയായി വിവരാവകാശ നിയമപ്രകാരം വർഗ്ഗീകരിക്കപ്പെട്ടിട്ടുണ്ടോ; എങ്കിൽ വിശദാംശം വ്യക്തമാക്കുമോ; ഇല്ലെങ്കിൽ ഏത് സാഹചര്യത്തിലാണ് പ്രസ്തുത അപേക്ഷകൾ പ്രകാരം ദൃശ്യങ്ങൾ നൽകാതിരുന്നതെന്ന് വ്യക്തമാക്കുമോ; ഇക്കാര്യത്തിൽ ബന്ധപ്പെട്ട സ്റ്റേറ്റ് പബ്ലിക് ഇൻഫർമേഷൻ ഓഫീസർമാരിൽ നിന്ന് വിശദീകരണം തേടിയിട്ടുണ്ടോ; വ്യക്തമാക്കുമോ ;

പ്രസ്തുത കസ്റ്റഡി മർദ്ദനവുമായി ബന്ധപ്പെട്ട ആഭ്യന്തര അന്വേഷണ റിപ്പോർട്ടിൽ മർദ്ദനത്തിന്റെ ദൃശ്യങ്ങൾ സി.സി.ടി.വി.യിൽ ഉള്ളതായി വ്യക്തമാക്കിയിട്ടുണ്ടോ; പ്രസ്തുത അന്വേഷണ റിപ്പോർട്ടിന്റെ പകർപ്പ് ലഭ്യമാക്കുമോ;

ആഭ്യന്തരവകുപ്പിൽ ലഭ്യമായ വിവരം വിവരാവകാശ നിയമപ്രകാരം നൽകാതിരുന്ന ഉത്തരവാദിത്തപ്പെട്ട ഉദ്യോഗസ്ഥർക്കെതിരെ കർശന നടപടി സ്വീകരിക്കുമോ; വിശദാംശം നൽകുമോ?

പോലീസ് സേനയില്‍ ക്രിമിനലുകള്‍ ഉള്‍പ്പട്ടിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇവര്‍ക്കുമേല്‍ എന്തു നടപടിയാണ് സ്വീകരിച്ചിട്ടുള്ളതെന്ന് വിശദമാക്കുമോ;

ഗുരുതര ക്രിമിനൽ കേസുകളിലോ സംഭവങ്ങളിലോ ഉൾപ്പെട്ടതിന്റെ പേരിൽ 2021 മുതൽ നാളിതുവരെ പോലീസ് വകുപ്പിൽ എത്ര ഉദ്യോഗസ്ഥരുടെ പേരിൽ പരാതികൾ ഉണ്ടായിട്ടുണ്ടെന്നും അവരുടെ പേരിൽ ഏതെല്ലാം വകുപ്പ് അനുസരിച്ച് കേസുകൾ രജിസ്റ്റർ ചെയ്തിട്ടുണ്ടെന്നും വിശദമാക്കുമോ;

ഇതിൽ എത്ര കേസുകളിൽ ഏതെല്ലാം ഉദ്യോഗസ്ഥരുടെ പേരിൽ നടപടി സ്വീകരിച്ചുവെന്നും അവരുടെ പേര്, പദവി അടക്കമുള്ള വിശദാംശങ്ങൾ ലഭ്യമാക്കുമോ;

സംസ്ഥാനത്ത് വിവിധ പോലീസ് സ്റ്റേഷനുകളിൽ നിലവിൽ എസ്. എച്ച്. ഒ. ആയി ജോലി ചെയ്യുന്നവരിൽ ക്രിമിനൽ കേസുകളിൽ ഉൾപ്പെട്ടവർ ഉണ്ടോ; എങ്കിൽ വിശദാംശങ്ങൾ ലഭ്യമാക്കുമോ;

പോലീസ് സ്റ്റേഷനുകളിൽ ലോക്കപ്പുകളിൽ അടക്കം സി.സി.ടിവി. സ്ഥാപിച്ചിട്ടില്ലാത്തതും സി.സി.ടി.വി. പ്രവർത്തിക്കാത്തതും ഭാഗികമായി പ്രവർത്തിക്കുന്നതുമായ പോലീസ് സ്റ്റേഷനുകൾ സംസ്ഥാനത്ത് ഉണ്ടോ; എങ്കിൽ ഏതെല്ലാമാണെന്ന് വ്യക്തമാക്കുമോ;

പോലീസ് കസ്റ്റഡിയിൽ എടുത്തവരെ ക്രൂരമായി മർദിക്കുന്നവർ, ഗുരുതര ക്രിമിനൽ കേസുകളിൽ അകപ്പെടുന്നവർ തുടങ്ങിയ പോലീസ് ഉദ്യോഗസ്ഥരെ സേനയിൽ നിന്ന് മാറ്റിനിർത്തുന്നതിനും ശക്തമായ ശിക്ഷാനടപടികൾക്ക് വിധേയരാക്കുന്നതിനും നടപടി സ്വീകരിക്കുമോ; വ്യക്തമാക്കുമോ?

എറണാകുളം കലൂർ ജവഹർലാൽ നെഹ്റു ഇന്റർനാഷണൽ സ്റ്റേഡിയത്തിൽ 2024 ഡിസംബർ 29ന് നടന്ന കലാപരിപാടിക്കിടയിൽ സ്ഥലം എം.എൽ.എ.യ്ക്ക് അപകടം സംഭവിച്ചതുമായി ബന്ധപ്പെട്ട വിഷയത്തിൽ വിശാല കൊച്ചിന്‍ വികസന അതോറിറ്റി എന്തെങ്കിലും അന്വേഷണം നടത്തിയിട്ടുണ്ടോ; എങ്കിൽ വിശദാംശം ലഭ്യമാക്കാമോ;

പ്രസ്തുത പരിപാടി സംഘടിപ്പിച്ചപ്പോൾ പാലിക്കേണ്ടതായ മുൻകരുതലുകളും സുരക്ഷാക്രമീകരണങ്ങളും സ്വീകരിക്കുന്നതിൽ വിശാല കൊച്ചിന്‍ വികസന അതോറിറ്റിയുടെ ഭാഗത്തുനിന്നുണ്ടായ വീഴ്ചകളെ പറ്റി അന്വേഷണം നടത്തിയിട്ടുണ്ടോ; എങ്കിൽ വിശദാംശം ലഭ്യമാക്കാമോ;

ഇല്ലെങ്കിൽ ഇക്കാര്യത്തിൽ സർക്കാർ തലത്തിൽ സമഗ്രമായ ഒരു അന്വേഷണം നടത്തുന്നതിന് നടപടി സ്വീകരിക്കുമോയെന്ന് വിശദമാക്കാമോ;

പ്രസ്തുത വിഷയത്തിൽ ജി.സി.ഡി.എ. യിലെ ഏതെങ്കിലും ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ; ഉണ്ടെങ്കിൽ സ്വീകരിച്ച ശിക്ഷാ നടപടികളുടെ വിശദാംശവും അവർക്കെതിരെയുള്ള അന്വേഷണത്തിന്റെ നിലവിലെ സ്ഥിതിയും സംബന്ധിച്ച വിശദാംശം ലഭ്യമാക്കാമോ?

എറണാകുളം കലൂർ ജവഹർ ഇന്റർനാഷണൽ സ്റ്റേഡിയത്തിൽ 2024 ഡിസംബർ 29 ന് നടന്ന കലാപരിപാടിയ്ക്കിടെ സ്ഥലം എം.എൽ.എയ്ക്ക് സംഭവിച്ച അപകടവുമായി ബന്ധപ്പെട്ട് പോലീസ് കേസ് രജിസ്റ്റർ ചെയ്തിട്ടുണ്ടോ; എങ്കിൽ ആർക്കെല്ലാം എതിരെയാണ് കേസുകൾ എടുത്തിട്ടുള്ളതെന്നും പ്രസ്തുത കേസുകളുടെ നമ്പർ ഉൾപ്പെടെയുള്ള വിശദാംശങ്ങളും ലഭ്യമാക്കാമോ; പ്രസ്തുത കേസുകളുടെ നിലവിലെ അന്വേഷണ സ്ഥിതി വിശദമാക്കാമോ;

പ്രസ്തുത കേസുകളുമായി ബന്ധപ്പെട്ട കുറ്റപത്രം കോടതിയിൽ സമർപ്പിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ; ഇല്ലെങ്കിൽ കുറ്റപത്രം കോടതിയിൽ സമർപ്പിക്കുന്നതിനുള്ള കാലതാമസത്തിന്റെ കാരണം വിശദമാക്കാമോ?

സംസ്ഥാനത്തെ ആകെ പോലീസ് സ്റ്റേഷനുകളുടെ എണ്ണം എത്രയാണെന്നും ഇവയില്‍ എത്ര സ്റ്റേഷനുകള്‍ വാടക കെട്ടിടത്തില്‍ പ്രവർത്തിക്കുന്നുവെന്നും വ്യക്തമാക്കുമോ;

എത്ര പോലീസ് സ്റ്റേഷനുകളില്‍ ശിശു സൗഹൃദ കേന്ദ്രം കൂടി ഉള്‍പ്പെടുന്നുവെന്നും ഇവയിലൂടെ കുട്ടികള്‍ക്ക് പോലീസ് വിഭാഗത്തിന്റെ മഹത്വം മനസ്സിലാക്കാനുള്ള എന്തൊക്കെ അവസരങ്ങളാണ് നടപ്പാക്കി വരുന്നതെന്നുമുള്ള വിശദാംശം ലഭ്യമാക്കാമോ;

അഗതികള്‍ക്ക് ദിവസേന സൗജന്യഭക്ഷണം നല്‍കി വരുന്നതും മത്സര പരീക്ഷാപരിശീലനം നല്‍കിവരുന്നതും പൊതുവായനശാലകള്‍ നടത്തി വരുന്നതുമായ പോലീസ് സ്റ്റേഷനുകളെ സംബന്ധിച്ച വിശദാംശം ലഭ്യമാക്കുമോ?

വിളപ്പില്‍, മാറനല്ലൂര്‍ പോലീസ് സ്റ്റേഷനുകളുടെ നിര്‍മ്മാണം ഏത് ഏജന്‍സിയാണ് നിര്‍വ്വഹിച്ചതെന്ന് വ്യക്തമാക്കാമോ;

ഓരോ പോലീസ് സ്റ്റേഷന്‍ കെട്ടിട നിര്‍മ്മാണത്തിനും അനുമതി ലഭ്യമായ തുകയും എസ്റ്റിമേറ്റ് വിവരങ്ങളും വെവ്വേറെ ലഭ്യമാക്കാമോ;

പ്രസ്തുത കെട്ടിടങ്ങളുടെ നിര്‍മ്മാണം ആരംഭിച്ച തീയതിയും പൂര്‍ത്തീകരിച്ച തീയതിയും വ്യക്തമാക്കാമോ?

ഭരണാനുമതി ലഭിച്ചെങ്കിലും കോടഞ്ചേരി പോലീസ് സ്റ്റേഷന്‍ കെട്ടിട നിര്‍മ്മാണത്തിന് തുടര്‍ നടപടി സ്വീകരിക്കാത്തത് എന്തുകൊണ്ടാണെന്ന് വിശദമാക്കാമോ;

പ്രസ്തുത പ്രവൃത്തി എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ?

കയ്പമംഗലം നിയോജക മണ്ഡലത്തിൽ സ്ഥിതിചെയ്യുന്ന മതിലകം, കയ്പമംഗലം പോലീസ് സ്റ്റേഷനുകളിൽ 2016 മുതൽ നാളിതുവരെ എന്തെല്ലാം വികസന പ്രവർത്തനങ്ങളാണ് നടത്തിയിട്ടുള്ളത് ; വിശാംശം ലഭ്യമാക്കാമോ;

പ്രസ്തുത പോലീസ് സ്റ്റേഷനുകളിൽ മതിയായ പോലീസുകാർ ഇല്ലാത്തതിനാൽ അനുഭവപ്പെടുന്ന ബുദ്ധിമുട്ട് പരിഹരിക്കുന്നതിന് എന്തു നടപടിയാണ് സ്വീകരിച്ചിരിക്കുന്നത്; വിശദമാക്കാമോ?

മങ്കട പോലീസ് സ്റ്റേഷന് കെട്ടിടം നിര്‍മ്മിക്കുന്ന പ്രവൃത്തിയുടെ നിലവിലത്തെ സ്ഥിതി അറിയിക്കുമോ;

പ്രസ്തുത കെട്ടിട നിര്‍മ്മാണത്തിന് മങ്കട വില്ലേജില്‍ കര്‍ക്കിടകം ദേശത്ത് റവന്യൂ വകുപ്പിന്റെ ഉടമസ്ഥതയിലുള്ള സ്ഥലം കണ്ടെത്തിയത് വിട്ടുകിട്ടിയിട്ടുണ്ടോ; ഇല്ലെങ്കില്‍ പകരം സ്ഥലം കണ്ടെത്തിയിട്ടുണ്ടോ; വ്യക്തമാക്കുമോ;

അനുയോജ്യമായ സ്ഥലം ഏറ്റെടുത്ത് അടിയന്തരമായി നിര്‍മ്മാണം ആരംഭിക്കുന്നതിന് നടപടി സ്വീകരിക്കുമോ?

2024-25 വര്‍ഷത്തെ സ്റ്റേറ്റ് പ്ലാന്‍ സ്കീമില്‍ ഉള്‍പ്പെടുത്തി അംഗീകാരം നല്‍കിയ പയ്യന്നൂര്‍ മണ്ഡലത്തിലെ ചെറുപുഴ പോലീസ് സ്റ്റേഷന്‍ കെട്ടിട നിര്‍മ്മാണം എന്ന പ്രവൃത്തിക്ക് ഭരണാനുമതി നല്‍കുന്നതിനുള്ള നടപടി ഏത് ഘട്ടത്തിലാണ് എന്ന് അറിയിക്കാമോ?

കോഴിക്കോട് റൂറലിലെ മുക്കം പോലീസ് സ്റ്റേഷന്‍ കെട്ടിടത്തിന്റെ നിര്‍മാണം പൂര്‍ത്തീകരിക്കുന്നതിനുള്ള ഫണ്ട് അനുവദിച്ച് ഭരണാനുമതി ഉത്തരവ് നല്‍കിയെങ്കിലും ഹെഡ് ഓഫ് അക്കൗണ്ട് സൂചിപ്പിക്കാത്തതിനാല്‍ സാങ്കേതികാനുമതി നല്‍കാനോ ടെണ്ടര്‍ ചെയ്യാനോ കഴിയാത്ത വിഷയം ശ്രദ്ധയില്‍പ്പെട്ടിട്ടുണ്ടോ;

അടിയന്തരമായി ഈ വിഷയം പരിഹരിക്കുന്നതിനും പ്രവൃത്തി ടെണ്ടര്‍ ചെയ്യുന്നതിനും നടപടി സ്വീകരിക്കുമോ; വിശദമാക്കുമോ?

ഭിന്നശേഷിക്കാരനായ വടക്കാഞ്ചേരി വേളിപ്പറമ്പിൽ ഗോപാലകൃഷ്ണൻ മകൻ മനോജ് ദുരൂഹ സാഹചര്യത്തിൽ മരണപ്പെട്ടത് സംബന്ധിച്ച് അന്വേഷണം ആവശ്യപ്പെട്ട് സാന്റോ സൈമൺ എന്ന വ്യക്തി ബഹു. മുഖ്യമന്ത്രിയ്ക്ക് നൽകിയ പരാതിയിൽ നാളിതുവരെ സ്വീകരിച്ച നടപടി എന്തൊക്കെയാണെന്ന് വ്യക്തമാക്കുമോ;

ഈ സംഭവത്തിൽ കാര്യക്ഷമമായ അന്വേഷണം നടത്തി കുറ്റവാളികളെ കണ്ടെത്തുന്നതിന് അടിയന്തരനടപടി സ്വീകരിക്കുമോ; വ്യക്തമാക്കുമോ?

പെരിയ ഇരട്ടക്കൊലക്കേസില്‍ കുറ്റവാളി എന്ന് കോടതി കണ്ടെത്തി ശിക്ഷിച്ച എട്ടാം പ്രതി സുബിഷിന് പരോൾ അനുവദിക്കാൻ ഇടയായ സാഹചര്യം എന്താണെന്ന് വ്യക്തമാക്കാമോ;

പ്രസ്തുത കേസിലെ കുറ്റവാളികൾക്ക് പരോൾ അനുവദിച്ചാൽ നാട്ടിൽ ക്രമസമാധാന പ്രശ്നം ഉണ്ടാകുമെന്ന് പോലീസ് റിപ്പോർട്ട് നൽകിയിട്ടുണ്ടോ; എങ്കിൽ പ്രസ്തുത റിപ്പോർട്ടിന്റെ പകർപ്പ് ലഭ്യമാക്കുമോ;

മേൽപ്പറഞ്ഞ റിപ്പോർട്ടിനെ മറികടന്ന് ഈ കേസിലെ എട്ടാം പ്രതിക്ക് പരോൾ അനുവദിച്ചത് ഏത് സാഹചര്യത്തിലാണ്; ഇതിനായി ജയിൽ അധികൃതർ നൽകിയ ശിപാർശയുടെ പകർപ്പ് ലഭ്യമാക്കുമോ;

ഈ കേസിലെ പ്രതികൾക്ക് നാളിതുവരെ എത്ര തവണ പരോൾ അനുവദിച്ചിട്ടുണ്ട്; പരോൾ കാലാവധിയും പരോള്‍ അനുവദിച്ചതിന്റെ കാരണവും ഇതിനായി ജയിൽ അധികൃതർ നൽകിയ ശിപാർശകളുടെ പകർപ്പും പോലീസ് റിപ്പോർട്ടുകളുടെ പകർപ്പും മറ്റു വിശദാംശങ്ങളും ലഭ്യമാക്കുമോ?

പ്രായഭേദമെന്യേ എല്ലാവരെയും ബാധിക്കുന്ന വിപത്തായി ഡിജിറ്റൽ ആസക്തി മാറുന്നു എന്നത് ശ്രദ്ധയിൽപ്പെട്ടിട്ടുണ്ടോ; കുട്ടികളിൽ ഇത് ഗുരുതരമായ മാനസിക, ശാരീരിക പ്രശ്നങ്ങൾക്ക് വഴിവയ്ക്കും എന്നത് പരിശോധിച്ചിട്ടുണ്ടോ; വിശദമാക്കാമോ;

ഡിജിറ്റൽ ആസക്തിയിലൂടെ ഒറ്റപ്പെട്ട ജീവിതത്തിലേക്ക് പിൻവാങ്ങുന്ന കുട്ടികള്‍ വേഗത്തിൽ ലഹരിക്കും മറ്റും അടിമകളായി മാറുമെന്നത് പരിശോധിച്ചിട്ടുണ്ടോ; വിശദമാക്കാമോ; ഇത് തടയുന്നതിനായി ലഹരിക്കടിമകളായ കുട്ടികളെ സാധാരണ ജീവിതത്തിലേക്ക് മടക്കിക്കൊണ്ടുവരാൻ സംസ്ഥാന പൊലീസ് സേന കർമ്മപരിപാടികൾക്ക് രൂപം നൽകിയിട്ടുണ്ടോ; വിശദമാക്കാമോ;

ഓൺലൈൻ ഗെയിമുകൾ, സമൂഹമാദ്ധ്യമങ്ങൾ, അശ്ലീല വെബ്‌സൈറ്റുകൾ തുടങ്ങിയവയ്ക്ക് അടിമപ്പെട്ട കുട്ടികളെ പൊലീസ് ഇടപെടലിലൂടെ രക്ഷിക്കാനായിട്ടുണ്ടോ; വിശദമാക്കാമോ?

തൃശ്ശൂര്‍ താലൂക്ക് കിള്ളന്നൂര്‍ വില്ലേജില്‍ കേരള പോലീസ് അക്കാദമിയോട് അനുബന്ധിച്ച് ആഭ്യന്തര വകുപ്പിന്റെ ഭൂമിയില്‍ പട്ടയം അനുവദിക്കുന്നതിനുള്ള ഇ1/378/2024-ആഭ്യന്തരം നമ്പര്‍ ഫയലിന്റെ നിലവിലെ സ്ഥിതി വ്യക്തമാക്കാമോ;

പ്രസ്‌തുത ഭൂമിയില്‍ പട്ടയം അനുവദിക്കണമെന്ന ഭൂരഹിതരുടെ അപേക്ഷ പരിഗണിച്ച് പട്ടയം അനുവദിക്കുന്നതിന് ആവശ്യമായ നടപടി സ്വീകരിക്കാമോ?

ഈ സർക്കാർ അധികാരത്തിൽ വന്നതുമുതൽ നാളിതുവരെ ആഭ്യന്തരവകുപ്പ് മുഖേന വടകര മണ്ഡലത്തിൽ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശങ്ങള്‍ അറിയിക്കുമോ;

ഇക്കാലയളവിൽ വടകര മണ്ഡലത്തില്‍ നടപ്പാക്കുന്നതിന് അനുമതി ലഭിച്ച ശേഷം നാളിതുവരെയായി നടപ്പാക്കാന്‍ കഴിയാതെ പോയതോ ആരംഭിച്ചശേഷം പൂര്‍ത്തീകരിച്ചിട്ടില്ലാത്തതോ ആയ പദ്ധതികളും പ്രവൃത്തികളും ഏതെല്ലാമാണ്; വിശദാംശങ്ങൾ വ്യക്തമാക്കുമോ;

പ്രസ്തുത പ്രവൃത്തികൾക്ക് ഓരോന്നിനുമായി നീക്കിവച്ചിട്ടുള്ള തുക എത്ര വീതമാണ്; വിശദാംശങ്ങൾ ലഭ്യമാക്കുമോ;

ഇതില്‍ കേന്ദ്രസര്‍ക്കാരില്‍ നിന്ന് സാമ്പത്തിക സഹായം ലഭിച്ചിട്ടുള്ള പദ്ധതികളും പ്രവൃത്തികളും ഏതൊക്കെയാണെന്നും ഇവ ഓരോന്നിനും നീക്കിവച്ചിട്ടുള്ള കേന്ദ്ര-സംസ്ഥാന തദ്ദേശസ്ഥാപന വിഹിതങ്ങള്‍ എത്ര വീതമാണെന്നും വ്യക്തമാക്കുമോ;

ഇക്കാലയളവിൽ വടകര മണ്ഡലത്തിനായി വകുപ്പു മുഖേന ചെലവാക്കിയ ആകെ തുക എത്ര രൂപയാണെന്ന് വര്‍ഷവും ഇനവും തിരിച്ചുള്ള കണക്ക് ലഭ്യമാക്കുമോ?

കേരള പോലീസിന്റെ പോൾ-ബ്ലഡ് ആപ്പ് വഴി നല്‍കിയിട്ടുള്ള സേവനങ്ങള്‍ സംബന്ധിച്ച വിശദവിവരങ്ങള്‍ ലഭ്യമാക്കാമോ;

പോലീസ് സേനാംഗങ്ങളല്ലാത്ത എത്ര പേര്‍ പോൾ-ബ്ലഡ് സംവിധാനത്തില്‍ രക്തദാതാക്കളായി രജിസ്റ്റര്‍ ചെയ്തിട്ടുണ്ടെന്ന് വിശദമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്നശേഷം പോലീസ് സേനയില്‍ എത്ര നിയമനങ്ങളാണ് നടത്തിയിട്ടുള്ളതെന്ന് വ്യക്തമാക്കുമോ;

ഓരോ വര്‍ഷവും നടത്തിയിട്ടുള്ള നിയമനങ്ങള്‍ തസ്തിക തിരിച്ച് വിശദമാക്കുമോ?

കേരള പോലീസില്‍ നേരിട്ട് നിയമനം നടത്തുന്നതിന് നിലവില്‍ സബ് ഇന്‍സ്പെക്ടര്‍മാരുടെ എത്ര ഒഴിവുകളാണ് ഉള്ളതെന്ന് അറിയിക്കുമോ;

നേരിട്ട് നിയമനം ലഭിച്ച എത്ര സബ് ഇൻസ്പെക്ടര്‍മാര്‍ നിലവില്‍ ഈ തസ്തികയില്‍ ജോലി ചെയ്തുവരുന്നുവെന്നുള്ള വിവരം ലഭ്യമാക്കാമോ;

2004 മുതല്‍ സബ് ഇൻസ്പെക്ടര്‍മാരുടെ സൂപ്പര്‍ന്യൂമററി തസ്തികകള്‍ ഏതെങ്കിലും സൃഷ്ടിച്ചിട്ടുണ്ടോയെന്നും ഉണ്ടെങ്കില്‍ എത്ര എണ്ണമാണെന്നുമുള്ള വിവരം നൽകാമോ; അതിന്റെ ഉത്തരവ് ലഭ്യമാക്കാമോ?

ശ്രീ. എബ്രഹാം റെൻ, ഐ.ആർ.എസ്. എതിരെ എത്ര വിജിലൻസ് അന്വേഷണം നടന്നിട്ടുണ്ട്; പ്രസ്തുത അന്വേഷണങ്ങൾ ഏത് വിജിലൻസ് യൂണിറ്റുകളാണ് കൈകാര്യം ചെയ്യുന്നത്; പ്രസ്തുത അന്വേഷണങ്ങളുടെ നിലവിലെ സ്ഥിതി എന്താണ്; വിശദമാക്കാമോ;

അദ്ദേഹത്തിനെതിരെ അഴിമതി ആരോപണങ്ങളോ, നിയമപരമായി അറിയപ്പെടുന്ന വരുമാന സ്രോതസ്സുകൾക്ക് അതീതമായ സമ്പാദ്യങ്ങളോ കണ്ടെത്തിയിട്ടുണ്ടോ; വിശദമാക്കാമോ;

കഴിഞ്ഞ അഞ്ച് വർഷത്തെ ഡെപ്യൂട്ടേഷൻ കാലയളവിൽ അദ്ദേഹത്തിന് വിജിലൻസ് വകുപ്പിൽ നിന്നും വിജിലൻസ് ക്ലിയറൻസ് സർട്ടിഫിക്കറ്റ് നൽകിയിട്ടുണ്ടോ; ഇല്ലെങ്കിൽ ആയതിന് കാരണമെന്താണ്; വ്യക്തമാക്കാമോ?

എ. ഡി. ജി. പി., എം.ആർ. അജിത് കുമാറിനെതിരെയുള്ള അനധികൃത സ്വത്ത് സമ്പാദന കേസിൽ തിരുവനന്തപുരം വിജിലൻസ് കോടതി മുഖ്യമന്ത്രിക്കെതിരെ നിരീക്ഷണം നടത്തിയിട്ടുണ്ടോ ; എങ്കിൽ അത് സർക്കാർ ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

മേലുദ്യോഗസ്ഥൻ പ്രതിയായ അനധികൃത സ്വത്ത് സമ്പാദന കേസ് ജൂനിയർ ആയ വിജിലൻസ് ഉദ്യോഗസ്ഥൻ അന്വേഷിച്ച് ക്ലീൻചിറ്റ് നൽകിയത് സംബന്ധിച്ച് ഹൈക്കോടതിയിൽ നിന്നും നിരീക്ഷണങ്ങൾ ഉണ്ടായ സാഹചര്യത്തിൽ മുഖ്യമന്ത്രി വിജിലൻസ് ചുമതല ഒഴിഞ്ഞ് വസ്തുനിഷ്ഠമായ അന്വേഷണത്തിന് വഴിയൊരുക്കുമോയെന്ന് വ്യക്തമാക്കുമോ;

പ്രസ്തുത കേസിലെ വിജിലൻസ് അന്വേഷണ റിപ്പോർട്ടിന്റെ പകർപ്പ്, വിജിലൻസ് കോടതി പരാമർശങ്ങൾക്കെതിരെ സർക്കാർ ഹൈക്കോടതിയിൽ സമർപ്പിച്ച സത്യവാങ്മൂലത്തിന്റെ പകർപ്പ് എന്നിവ ലഭ്യമാക്കുമോ ?

അനർട്ടിലെ മാനേജിംഗ് ഡയറക്ടറുടെ ക്രമക്കേടുകളേയും ക്രമവിരുദ്ധ നടപടികളേയും പി.എം. കുസും പദ്ധതിയുടെ ടെണ്ടര്‍ നടപടികളില്‍ ഉണ്ടായിട്ടുള്ള വഴിവിട്ട ഇടപാടുകളേയും സംബന്ധിച്ച് സംസ്ഥാന വിജിലന്‍സിന് ലഭിച്ചിട്ടുള്ള പരാതികളിന്മേല്‍ സ്വീകരിച്ച തുടര്‍ നപടികള്‍ വ്യക്തമാക്കാമോ;

പ്രസ്തുത ഉദ്യോഗസ്ഥനെതിരെ എന്തെങ്കിലും അച്ചടക്കനടപടി സ്വീകരിച്ചിട്ടുണ്ടോ; എങ്കില്‍ ഇക്കാര്യത്തില്‍ അനര്‍ട്ടിന് ഉണ്ടായിട്ടുള്ള സാമ്പത്തിക നഷ്ടം എത്രയാണെന്ന് തിട്ടപ്പെടുത്തിയിട്ടുണ്ടോ;

ഇങ്ങനെ ഉണ്ടായിട്ടുള്ള നഷ്ടം ബന്ധപ്പെട്ട ഉദ്യോഗസ്ഥരിൽ നിന്നും അനർഹമായി ടെൻഡർ കരസ്ഥമാക്കിയ കമ്പനികളിൽ നിന്നും തിരിച്ചു പിടിക്കുന്നതിനുള്ള നടപടി സ്വീകരിക്കുമോ?

പയ്യന്നൂര്‍ കോടതി സമുച്ചയത്തില്‍ സിവിൽ വര്‍ക്കുകൾ പൂര്‍ത്തീകരിച്ച നാലുനില കെട്ടിടത്തിന്റെ ഫയര്‍ ഫൈറ്റിങ് പ്രവൃത്തി പൂര്‍ത്തീകരിക്കുന്നതിനുള്ള നടപടി ഏത് ഘട്ടത്തിലാണെന്ന് വിശദമാക്കാമോ;

നിലവിലെ എസ്റ്റിമേറ്റില്‍ ഉള്‍പ്പെടാത്ത ഫയര്‍ ഫൈറ്റിങ് പ്രവൃത്തിക്ക് ആവശ്യമായി വരുന്ന തുകയ്ക്ക് ഭരണാനുമതി ലഭ്യമാക്കുന്നതിന് സര്‍ക്കാരില്‍ എസ്റ്റിമേറ്റ് നല്‍കിയിട്ടുണ്ടോ; എങ്കില്‍ പ്രസ്തുത എസ്റ്റിമേറ്റിന് ഭരണാനുമതി നല്‍കുന്നതിനുള്ള നടപടി ഏത് ഘട്ടത്തിലാണെന്ന് വ്യക്തമാക്കാമോ;

കെട്ടിടത്തിന്റെ ഉദ്ഘാടനം എപ്പോള്‍ നടത്താന്‍ കഴിയുമെന്നാണ് പ്രതീക്ഷിക്കുന്നത്; അറിയിക്കാമോ?

സംസ്ഥാനത്ത് എത്ര പോക്സോ കോടതികള്‍ നിലവിലുണ്ട്; ജില്ല തിരിച്ച് വിശദാംശം ലഭ്യമാക്കുമോ;

പ്രസ്തുത കോടതികളില്‍ തീർപ്പാകാതെ കിടക്കുന്ന കേസുകളുടെ എണ്ണം സംബന്ധിച്ച വിശദാംശം ലഭ്യമാക്കുമോ;

പോക്സോ കോടതികളിലെ കേസുകൾ തീർപ്പാക്കുന്നതിലെ കാലതാമസം സർക്കാറിന്റെ ശ്രദ്ധയില്‍പ്പെട്ടിട്ടുണ്ടോ; പ്രസ്തുത കാലതാമസം യഥാസമയം നീതി ലഭ്യമാകാത്ത അവസ്ഥ സൃഷ്ടിക്കുമെന്നതും ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

എങ്കില്‍ പ്രസ്തുത കാലതാമസം ഒഴിവാക്കി കൃത്യമായും ഇരകള്‍ക്ക് നീതി ഉറപ്പാക്കുവാനായി സർക്കാർ എന്തു നടപടി സ്വീകരിക്കുമെന്ന് വ്യക്തമാക്കുമോ?

2018 ല്‍ ഭരണാനുമതി ലഭിച്ച കൂത്തുപറമ്പ് മജിസ്ട്രേറ്റ് കോടതി സമുച്ചയ നിര്‍മ്മാണം നാളിതുവരെ ആരംഭിക്കാന്‍ സാധിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ, വിശദമാക്കുമോ;

കേരള കണ്‍സ്ട്രക്ഷന്‍ കോര്‍പ്പറേഷന് നിര്‍മ്മാണ ചുമതലയുള്ള പ്രസ്തുത പദ്ധതി അനന്തമായി നീണ്ടുപോകുന്ന കാര്യം പരിശോധിക്കുമോ; വ്യക്തമാക്കാമോ;

പ്രസ്തുത പദ്ധതിക്ക് നിലവിലുള്ള തടസങ്ങള്‍ എന്തൊക്കെയാണെന്നും അത് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്നും വിശദമാക്കുമോ?

ഗാര്‍ഹിക സ്ത്രീധന പീഢനങ്ങളില്‍ കുറ്റംചുമത്തുന്നവര്‍ക്കെതിരെ അതിവേഗം ശിക്ഷ നടപ്പാക്കുന്നതിന് ഫാസ്റ്റ് ട്രാക്ക് കോടതികള്‍ രൂപീകരിക്കുന്നതിന് നടപടി സ്വീകരിക്കുമോ; വിശദമാക്കാമോ;

ഇത്തരം കേസുകൾ കോടതിയിലെത്താന്‍ വൈകുന്ന സാഹചര്യം ഉണ്ടായാല്‍ അത് കുറ്റവാളികള്‍ക്ക് ഒരു പരിധിവരെ ശിക്ഷയില്‍ ഇളവ്‌ ലഭിക്കുന്നതിന് കാരണമാകും എന്ന വിവരം ശ്രദ്ധയില്‍പ്പെട്ടിട്ടുണ്ടോ;

ഗാര്‍ഹിക, സ്ത്രീധന പീഢനങ്ങള്‍ തടയുന്നതിനും ഇത്തരം പ്രവണതകള്‍ യുവാക്കളില്‍ പ്രോൽസാഹിപ്പിക്കാതിരിക്കുവാനും നിലവില്‍ എന്തെല്ലാം പ്രവര്‍ത്തനങ്ങള്‍ ചെയ്തുവരുന്നുവെന്ന് വ്യക്തമാക്കാമോ; ഇതിനായി നിയോഗിക്കപ്പെട്ടവരുടെ പ്രവര്‍ത്തനങ്ങള്‍ വിലയിരുത്തപ്പെട്ടിട്ടുണ്ടോ?

വടക്കാഞ്ചേരിയില്‍ കോടതി സമുച്ചയം നിര്‍മ്മിക്കുന്നതിനായി ജുഡീഷ്യല്‍ വകുപ്പിന് കൈമാറിയ 63.6 സെന്റ് ഭൂമിയിൽ, പൊതുമരാമത്ത് വകുപ്പ് തയ്യാറാക്കി ഹൈക്കോടതിയില്‍ സമര്‍പ്പിച്ച പ്ലാനും ഡ്രോയിംഗും പ്രകാരമുളള നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ; പ്രസ്‌തുത നിര്‍മ്മാണം ആരംഭിക്കുന്നതിന് ആവശ്യമായ സത്വര നടപടി സ്വീകരിക്കാമോ?

ചാത്തന്നൂർ നിയോജക മണ്ഡലത്തിൽ ഉൾപ്പെട്ട പരവൂർ നഗരസഭയിലെ പരവൂർ അഗ്നിരക്ഷാ നിലയത്തിന് സ്വന്തമായി കെട്ടിടം നിർമ്മിക്കുന്നതിനായി ഭരണാനുമതി നൽകുന്നതിനുള്ള നടപടികളിലെ നിലവിലെ പുരോഗതി വിശദമാക്കാമോ?

കൊടുവള്ളി നിയോജക മണ്ഡലത്തിൽ സ്ഥിതി ചെയ്യുന്ന നരിക്കുനി ഫയർസ്റ്റേഷന് കെട്ടിട നിർമ്മാണത്തിന് ബജറ്റിൽ വകയിരുത്തിയ 4.85 കോടി രൂപയ്ക്ക് ഭരണാനുമതി ലഭ്യമായിട്ടുണ്ടോ; ഇല്ലെങ്കിൽ എന്തുകൊണ്ടെന്ന് വിശദമാക്കുമോ;

പ്രസ്തുത നിർമ്മാണത്തിന് സർക്കാർ സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കുമോ;

പതിനഞ്ചാം ധനകാര്യ കമ്മീഷന്റെ ഗ്രാൻഡ് നരിക്കുനി ഫയർ സ്റ്റേഷൻ നിർമ്മാണത്തിന് അനുവദിച്ചിട്ടുണ്ടോയെന്ന് വിശദമാക്കുമോ; ഉണ്ടെങ്കിൽ തുക എത്രയെന്ന് വിശദമാക്കുമോ;

പ്രസ്തുത നിർമ്മാണവുമായി ബന്ധപ്പെട്ട ഫയർ ആൻഡ് റെസ്ക്യൂ ഡയറക്ടർ ജനറലിന്റെ ഓഫീസിൽ നിന്ന് 16-04-2025-ന് സർക്കാരിലേക്ക് സമർപ്പിച്ച ബി.എ.1/2897/2023 നമ്പര്‍ ശുപാർശയിൽ എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ?

പുതിയ ഫയർ ആൻഡ് റെസ്ക്യൂ സ്റ്റേഷനുകൾ സ്ഥാപിക്കുന്നതിനായി സംസ്ഥാനത്ത് സ്വീകരിച്ചിട്ടുള്ള മാനദണ്ഡങ്ങൾ എന്തൊക്കെയാണെന്ന് വ്യക്തമാക്കാമോ;

സംസ്ഥാനത്ത് ഫയർ ആൻഡ് റെസ്ക്യൂ സ്റ്റേഷൻ ഇല്ലാത്ത താലൂക്കുകൾ ഏതെല്ലാമാണെന്ന് അറിയിക്കുമോ;

വെള്ളരിക്കുണ്ട് താലൂക്കിൽ പരപ്പ വില്ലേജിൽ ബിരിക്കുളത്ത് ഫയർ ആൻഡ് റെസ്ക്യൂ സ്റ്റേഷൻ സ്ഥാപിക്കുന്നതിനുള്ള നടപടികൾ ഏത് ഘട്ടത്തിലാണെന്ന് അറിയിക്കുമോ?

ഉടുമ്പന്‍ചോല മണ്ഡലത്തിലെ രാജാക്കാട് പഞ്ചായത്തില്‍ ഫയര്‍ ആൻഡ് റെസ്ക്യൂ സ്റ്റേഷന്‍ അനുവദിച്ച് ഉത്തരവായിട്ടുണ്ടോ; എങ്കില്‍ ഇതു സംബന്ധിച്ച ഉത്തരവിന്റെ പകര്‍പ്പ് ലഭ്യമാക്കുമോ;

പ്രസ്തുത ഫയര്‍ ആൻഡ് റെസ്ക്യൂ സ്റ്റേഷന്റെ പ്രവര്‍ത്തനം അടിയന്തരമായി ആരംഭിക്കുന്നതിന് സ്വീകരിച്ച നടപടികള്‍ വിശദീകരിക്കാമോ?

2021 മുതൽ നാളിതുവരെ കേരളത്തിലെ ജയിലുകളിൽനിന്നും ശിക്ഷ അനുഭവിച്ചുകൊണ്ടിരിക്കെ തടവുചാടിയിട്ടുള്ള വ്യക്തികളെക്കുറിച്ചും അവർ ശിക്ഷ അനുഭവിച്ചുകൊണ്ടിരുന്ന കേസുകളെക്കുറിച്ചും അവർക്ക് ലഭിച്ച ശിക്ഷയെക്കുറിച്ചും വിവരം ലഭ്യമാക്കുമോ;

2021 മുതൽ നാളിതുവരെ കേരളത്തിലെ ജയിലുകളിൽ നിന്ന് തടവുചാടിയിട്ടുള്ള വിചാരണ തടവുകാരെക്കുറിച്ചും അവർ വിചാരണ നേരിട്ടിരുന്ന കേസുകളെക്കുറിച്ചുമുള്ള വിവരം ലഭ്യമാക്കുമോ;

2021 മുതൽ നാളിതുവരെ കേരളത്തിലെ ജയിലുകളിൽ ശിക്ഷ അനുഭവിച്ചുകൊണ്ടിരിക്കെ തടവുചാടിയിട്ടുള്ള വ്യക്തികളിൽ പിടികൂടി തിരികെ ജയിലിൽ എത്തിക്കപ്പെട്ടവരുടെ വിവരവും ജയിൽ ചാടി എത്ര ദിവസങ്ങൾക്കകം അവർ പിടിക്കപ്പെട്ടു എന്ന വിവരവും പ്രത്യേകം ലഭ്യമാക്കാമോ;

2021 മുതൽ നാളിതുവരെ കേരളത്തിലെ ജയിലുകളിൽ നിന്ന് തടവുചാടിയിട്ടുള്ള വിചാരണ തടവുകാരിൽ പിടികൂടി തിരികെ ജയിലിൽ എത്തിക്കപ്പെട്ടവരുടെ വിവരവും ജയിൽ ചാടി എത്ര ദിവസത്തിനകം അവരെ പിടികൂടി എന്ന വിവരവും പ്രത്യേകം അറിയിക്കാമോ;

2021 ന് ശേഷം കേരളത്തിലെ ജയിലുകളിൽ നിന്ന് തടവുചാടിയവരിൽ ഇതുവരെയും പിടികൂടാൻ സാധിക്കാത്ത ശിക്ഷിക്കപ്പെട്ടവരുടെയും വിചാരണ തടവുകാരുടെയും വിവരം പ്രത്യേകം ലഭ്യമാക്കാമോ;

കേരളത്തിലെ ജയിലുകളിൽനിന്ന് തടവുചാട്ടം ഉണ്ടായതിന്റെ പേരിൽ അച്ചടക്ക നടപടി നേരിട്ട ഉദ്യോഗസ്ഥരുടെ വിവരവും അവരുടെമേൽ സ്വീകരിച്ച അച്ചടക്ക നടപടി എന്തായിരുന്നു എന്നും വ്യക്തമാക്കാമോ?

കണ്ണൂർ സെൻട്രൽ ജയിലിൽ നിന്നും ഗോവിന്ദചാമി എന്ന കൊടുംകുറ്റവാളി ജയിൽ ചാടിയ സംഭവത്തിൽ ജയിൽ അധികൃതർക്ക് വീഴ്ച ഉണ്ടായതായി കണ്ടെത്തിയിട്ടുണ്ടോ; വ്യക്തമാക്കുമോ;

അതീവ സുരക്ഷയുളള ജയിലിൽ നിന്നും രക്ഷപ്പെടുന്നതിന് പ്രസ്തുത കുറ്റവാളിക്ക് ആരുടെയെങ്കിലും സഹായം ലഭിച്ചിട്ടുണ്ടോയെന്ന് പരിശോധിച്ചിട്ടുണ്ടോ; വ്യക്തമാക്കാമോ;

പ്രസ്തുത സാഹചര്യത്തിൽ ജയിലുകളുടെ സുരക്ഷ വർദ്ധിപ്പിക്കുന്നതിന് എന്തെല്ലാം നടപടികൾ സ്വീകരിക്കാനാണ് ആലോചിക്കുന്നതെന്ന് വ്യക്തമാക്കുമോ;

കൊടുംകുറ്റവാളികളെ പാർപ്പിച്ചിരിക്കുന്ന ജയിലുകളിൽ പ്രത്യേക നിരീക്ഷണ സംവിധാനം ഏർപ്പെടുത്താൻ നടപടി സ്വീകരിക്കുമോ; വ്യക്തമാക്കാമോ ?

ജയില്‍ വകുപ്പിലെ ജോലിഭാരം കണക്കിലെടുത്ത് ജയില്‍ ഉദ്യോഗസ്ഥര്‍ക്ക്, പോലീസുകാര്‍ക്ക് നല്‍കുന്നതിന് സമാനമായി ശമ്പള സ്കെയിലില്‍ വർദ്ധന വരുത്തുവാൻ നടപടി സ്വീകരിക്കുമോ; വിശദവിവരങ്ങള്‍ ലഭ്യമാക്കാമോ?

2023 നവംബർ 5-ന് വിയ്യൂർ ഹൈ സെക്യൂരിറ്റി പ്രിസണിൽ നടന്ന കലാപത്തിൽ എത്ര തടവുകാർക്കെതിരെ ഏതെല്ലാം വകുപ്പുകൾ ചുമത്തി കേസ് എടുത്തുവെന്നും മേൽ കലാപത്തിൽ പങ്കെടുത്ത എത്ര തടവുകാർക്ക് കലാപശേഷം പരോൾ നൽകിയെന്നും വിശദമാക്കാമോ; ഈ തടവുകാരുടെ പേരുവിവരങ്ങൾ നൽകാമോ; ആരെല്ലാമാണ് കലാപം നടത്തിയതെന്നും ഈ വിഷയത്തിലെ ഗൂഢാലോചനയെക്കുറിച്ചും അന്വേഷിക്കുന്നുണ്ടോ; മേൽ വിഷയത്തിൽ എത്ര ശിക്ഷാതടവുകാർക്കെതിരെ ജയിൽ അച്ചടക്കനിയമപ്രകാരം നടപടിയെടുത്തെന്നും എന്തെല്ലാമാണ് ശിക്ഷാനടപടിയെന്നും വ്യക്തമാക്കാമോ;

2023 നവംബർ 6-നു വിയ്യൂർ ഹൈ സെക്യൂരിറ്റി പ്രിസണിലെ സെല്ലിൽ നിന്നും പിടിച്ചെടുത്ത മൊബൈൽ ഫോൺ പോലീസിനു കൈമാറിയതിൽ കേസ് എടുത്തിട്ടുണ്ടോ; എങ്കിൽ പ്രതികളുടെ എണ്ണം, മൊബൈലിന്റെ കാൾ ലിസ്റ്റിന്റെ പകർപ്പ് എന്നിവ നൽകാമോ; 2023 നവംബർ 5, 6 തീയതികളിൽ യു. എ. പി. എ., എൻ. ഐ. എ., മാവോയിസ്റ്റ്‌ കേസുകളിലെ എത്ര പ്രതികൾ പ്രസ്തുത ജയിലിൽ ഉണ്ടായിരുന്നു; വിശദമാക്കാമോ; മേൽ വിഷയങ്ങളിൽ ഹൈ സെക്യൂരിറ്റി ജയിൽ സൂപ്രണ്ടിന്റെ വിശദീകരണം എന്താണെന്ന് വ്യക്തമാക്കാമോ;

ജയിലിലേക്ക് തടവുകാർക്കു നല്കാൻ ലഹരി വസ്തുക്കൾ, മൊബൈൽ ഫോൺ എന്നിവ കടത്തിയതിന് 2016 ജൂൺ 1 മുതൽ നാളിതുവരെ എത്ര സ്ഥിരം ജോലിക്കാരായ ഉദ്യോഗസ്ഥരെ പിടികൂടിയിട്ടുണ്ട്; അവരുടെ പേരുവിവരങ്ങൾ ലഭ്യമാക്കാമോ; അതിൽ എത്ര പേരെ പിരിച്ചുവിട്ടിട്ടുണ്ട്; എത്രപേരെ സർവീസിൽ തിരികെ എടുത്തിട്ടുണ്ട്; എത്ര ക്രൈം രജിസ്റ്റർ ചെയ്‌തിട്ടുണ്ട്; വ്യക്തമാക്കാമോ?

സംസ്ഥാന ബജറ്റില്‍ തുക വകയിരുത്തിയ ചാവക്കാട് സബ് ജയിലിന്റെ കെട്ടിട നിര്‍മ്മാണ പ്രവൃത്തിയുമായി ബന്ധപ്പെട്ട് സ്വീകരിച്ച നടപടി വിശദമാക്കാമോ;

പുതിയ കെട്ടിടം നിര്‍മ്മിക്കുന്നതിന്റെ ഭാഗമായി നിലവിലെ കെട്ടിടം പൊളിച്ചു മാറ്റുന്നതിന് നടപടി സ്വീകരിച്ചിട്ടുണ്ടോ; എങ്കിൽ വിശദമാക്കാമോ?

കണ്ണൂർ സെൻട്രൽ ജയിലിൽനിന്ന് ഗോവിന്ദ ചാമി എന്ന തടവുപുള്ളി ജയിൽ ചാടിയതുമായി ബന്ധപ്പെട്ട് അതിനുമുൻപുള്ള ദിവസങ്ങളിൽ ഡ്യൂട്ടിയിലുണ്ടായിരുന്ന ലോക്കപ്പ് ഓഫീസർമാരോടും നൈറ്റ് ചെക്ക് ഓഫീസർമാരോടും വിശദീകരണം ചോദിച്ചിട്ടുണ്ടോ; മേൽ വിഷയത്തിൽ സൂപ്രണ്ടിന്റെ വിശദീകരണം എന്താണ്; ഫോറൻസിക് പരിശോധന നടത്തിയിട്ടുണ്ടോ; എങ്കിൽ ഫോറൻസിക് കണ്ടെത്തൽ എന്താണ്;വിശദമാക്കാമോ;

അഡീഷണൽ ചീഫ് സെക്രട്ടറിയുടെ 30-07-2025 ലെ സ. ഉ.(സാധാ ) നം 2576/ഹോം നമ്പര്‍ ഉത്തരവ് പ്രകാരം സസ്‌പെന്റ് ചെയ്ത എറണാംകുളം സബ് ജയിലിലെ അസിസ്റ്റന്റ് പ്രിസൺ ഓഫീസർ ഷിറാസ് ബഷീറിനെതിരെ മേൽ ഉത്തരവിലെ പരാമർശപ്രകാരം കേസ് രജിസ്റ്റർ ചെയ്‌തിട്ടുണ്ടോ; ഏതെല്ലാം ഏജൻസികളാണ് കേസ് രജിസ്റ്റർ ചെയ്തത്; എത്ര കേസ് രജിസ്റ്റർ ചെയ്തിട്ടുണ്ട്; അറസ്റ്റ് രേഖപ്പെടുത്തിയിട്ടുണ്ടോ; വിശദമാക്കുമോ?

ആഭ്യന്തരവകുപ്പിന് കീഴിലെ ഏതെല്ലാം ഡിപ്പാർട്ടുമെന്റുകളിൽ 2025 വർഷം ജനറൽ ട്രാൻസ്ഫർ അപേക്ഷ ക്ഷണിച്ചുവെന്നും ട്രാൻസ്ഫർ ആൻഡ് പോസ്റ്റിംഗ് നടത്തിയെന്നും ഏതൊക്കെ ഡിപ്പാർട്ടുമെന്റുകളിൽ നടത്തിയില്ലായെന്നും അതിന്റെ കാരണമെന്താണെന്നും ഓരോ ഡിപ്പാർട്ടുമെന്റുകളിലും ട്രാൻസ്ഫർ അപേക്ഷ ക്ഷണിച്ച തീയതിയും നടപ്പാക്കിയ തീയതിയും മേൽ ട്രാൻസ്ഫർകളുടെ മാനദണ്ഡം നിശ്ചയിച്ച രീതിയും വ്യക്തമാക്കാമോ;

2024 വർഷം പൊതുസ്ഥാലംമാറ്റ ഉത്തരവുകൾക്കെതിരെ ഏതൊക്കെ വകുപ്പുകളിൽ നിന്ന് എത്ര പേര്‍ വീതം ട്രിബ്യൂണൽ / കോടതികളെ സമീപിച്ചുവെന്ന് വിശദീകരിക്കാമോ;

ജയിൽ വകുപ്പിൽ അസിസ്റ്റന്റ് പ്രിസൺ ഓഫീസർ, ഡെപ്യൂട്ടി പ്രിസൺ ഓഫീസർ, ഗേറ്റ് കീപ്പർ, പ്രിസൺ ഓഫീസർ തസ്തികകളിൽ എത്ര ഒഴിവുകൾ വീതം നിലവിലുണ്ടെന്നും ഏതൊക്കെ തീയതികളിലാണ് മേൽ ഒഴിവുകൾ നിലവിൽ വന്നതെന്നും ഒഴിവ് നികത്താത്തിന്റെ കാരണം എന്താണെന്നും വ്യക്തമാക്കാമോ?

സംസ്ഥാന സർക്കാരിന്റെ പദ്ധതിവിഹിതം ഉപയോഗിച്ച് ശബരി റെയിൽപാതയ്ക്കായി സ്ഥലമെടുപ്പ് നിർവഹിക്കാൻ കേന്ദ്ര-സംസ്ഥാന സർക്കാരുകൾ തമ്മിൽ ധാരണയായിട്ടുണ്ടോ; എങ്കില്‍ സംസ്ഥാന സർക്കാർ കൈക്കൊണ്ട നടപടികൾ വിശദമാക്കാമോ;

പ്രസ്തുത പദ്ധതിക്കായി സംസ്ഥാനം ചെലവഴിക്കേണ്ട തുക എത്രയാണ്; ഇക്കാര്യത്തിൽ അന്തിമ തീരുമാനമായിട്ടുണ്ടോ; എങ്കില്‍ വ്യക്തമാക്കാമോ?

ഇടുക്കി ജില്ലയുടെ സമഗ്ര വികസനത്തിനുള്ള ഇടുക്കി പാക്കേജിന്റെ പുരോഗതി വ്യക്തമാക്കാമോ;

നാളിതുവരെ ഏതൊക്കെ പ്രവൃത്തികൾക്കാണ് ഭരണാനുമതി നൽകിയിട്ടുള്ളത്; എത്ര തുകയുടെ പ്രവൃത്തികൾക്ക് ഭരണാനുമതി നൽകിയെന്ന് വിശദമാക്കാമോ?

സംസ്ഥാന സർക്കാരിന്റെ വിവിധ വകുപ്പുകള്‍ക്ക് കീഴിലുള്ള കെട്ടിടങ്ങള്‍, കടമുറികള്‍, ഷോപ്പിങ്ങ് കോംപ്ലക്സുകള്‍, മാർക്കറ്റുകള്‍ അടക്കമുള്ള സംരംഭങ്ങള്‍ തുടങ്ങിയവ പൊതുജനങ്ങള്‍ക്കായി വാടകയ്ക്ക് നല്കുമ്പോള്‍ പട്ടികജാതി പട്ടികവര്‍ഗ്ഗ സംവരണതത്വം പാലിക്കപ്പെടുന്നുണ്ടോയെന്ന് വിശദമാക്കാമോ;

ഏതെല്ലാം വകുപ്പുകള്‍ ഇത്തരത്തില്‍ കെട്ടിടങ്ങള്‍ വാടകയ്ക്ക് നൽകുന്നുണ്ട്; ഏതെല്ലാം വകുപ്പുകള്‍ നിലവില്‍ പട്ടികജാതി പട്ടികവര്‍ഗ്ഗ സംവരണതത്വം പാലിക്കുന്നുണ്ടെന്ന് വിശദമാക്കാമോ;

ഈ രീതിയിൽ കെട്ടിടങ്ങൾ വടകയ്ക് നൽകുമ്പോൾ പട്ടികജാതി പട്ടിക വര്‍ഗ്ഗ സംവരണം പാലിക്കണം എന്ന് ആവശ്യപ്പെട്ടുകൊണ്ടുള്ള നിവേദനം സർക്കാരില്‍ ലഭിച്ചിട്ടുണ്ടോ; ഉണ്ടെങ്കിൽ സ്വീകരിച്ച നടപടി വിശദമാക്കാമോ;

ഈ രീതിയിൽ കെട്ടിടങ്ങൾ വടകയ്ക് നൽകുമ്പോൾ പട്ടികജാതി പട്ടികവര്‍ഗ്ഗ വിഭാഗങ്ങള്‍ക്ക് അർഹമായ സംവരണം ഏർപ്പെടുത്തുന്നതിനാവശ്യമായ നടപടി സ്വീകരിക്കുമോ; വിശദമാക്കാമോ?

മാവേലിക്കര മണ്ഡലത്തില്‍ നല്‍കിയ സൗജന്യ കെ - ഫോണ്‍ കണക്ഷനുകളുടെയും ഇനി നല്‍കാൻ ബാക്കിയുള്ള സൗജന്യ കണക്ഷനുകളുടെയും വിശദവിവരം തദ്ദേശസ്വയംഭരണ സ്ഥാപനങ്ങളുടെ അടിസ്ഥാനത്തില്‍ ലഭ്യമാക്കുമോ;

ഏതെല്ലാം സര്‍ക്കാര്‍ സ്ഥാപനങ്ങള്‍ക്ക് കെ - ഫോണ്‍ കണക്ഷനുകൻ നല്‍കിയിട്ടുണ്ടെന്നും ഇനി ഏതെല്ലാം സര്‍ക്കാര്‍ സ്ഥാപനങ്ങള്‍ക്ക് നല്‍കുവാൻ ഉണ്ടെന്നും വിശദമാക്കുമോ;

ഏതെല്ലാം വിദ്യാഭ്യാസസ്ഥാപനങ്ങള്‍ക്ക് കെ - ഫോണ്‍ കണക്ഷൻ നല്‍കിയിട്ടുണ്ടെന്നും ഇനിയും ഏതെല്ലാം വിദ്യാഭ്യാസസ്ഥാപനങ്ങള്‍ക്ക്(ഹൈസ്ക്കുള്‍, ഹയര്‍ സെക്കന്ററി, വൊക്കേഷണല്‍ ഹയര്‍ സെക്കന്ററി, ഐ.ടി.കള്‍, കോളേജ് മുതലായവ) നല്‍കാനുണ്ടെന്നുമുള്ള വിവരങ്ങള്‍ ലഭ്യമാക്കുമോ?

കെ. ആർ. ഡി. സി. എൽ. (കേരള റെയിൽ ഡിവലപ്മെന്റ് കോര്‍പ്പറേഷൻ) രൂപീകൃതമായതിനു ശേഷം അവർ ഏറ്റെടുത്തിട്ടുള്ള ജോലികളുടെ വിശദാംശം ഇനം തിരിച്ചു വ്യക്തമാക്കുമോ;

ഇവയിൽ പൂർത്തിയാക്കിയിട്ടുള്ളവ ഏതെല്ലാമാണെന്നും ഇപ്പോൾ നിർമ്മാണാവസ്ഥയിലുള്ളവ ഏതെല്ലാമാണെന്നും ഇനം തിരിച്ച് വ്യക്തമാക്കുമോ;

കെ. ആർ. ഡി. സി. എൽ. രൂപീകൃതമായതിനു ശേഷം നിർദ്ദിഷ്ട തിരുവനന്തപുരം കാസറഗോഡ് റെയിൽവെ ലൈൻ പദ്ധതിയുമായി ബന്ധപ്പെട്ട് ഇതുവരെ എത്ര തുക ചെലവഴിച്ചിട്ടുണ്ടെന്ന് ഇനം തിരിച്ച് വ്യക്തമാക്കുമോ;

പ്രസ്തുത പ്രോജക്ടുമായി ബന്ധപ്പെട്ട ജോലികൾ നിർവ്വഹിച്ചതിന് ഇനിയും തുക കൊടുത്തു തീർക്കാൻ അവശേഷിക്കുന്നുണ്ടോ; എങ്കിൽ അവയുടെ വിവരം ഇനം തിരിച്ച് വ്യക്തമാക്കുമോ;

കെ. ആർ. ഡി. സി. എൽ.ന്റെ കൺസൾട്ടന്റ് ഏജൻസിയായി സിസ്ട്രയെ (Systra) എന്നു മുതലാണ് നിയമിച്ചിട്ടുള്ളത്; ഇപ്പോഴും കൺസൾട്ടിംഗ് ഏജൻസിയായി ഇവര്‍ തുടരുന്നുണ്ടോ; ഉണ്ടെങ്കിൽ ഇതുവരെ ഏതെല്ലാം പഠനങ്ങൾ നടത്തിയിട്ടുണ്ടെന്നും ഓരോ പഠനത്തിനും എത്ര തുക വീതം നല്കിയിട്ടുണ്ടെന്നും ഇനം തിരിച്ച് രേഖകൾ സഹിതം വ്യക്തമാക്കുമോ?

സംസ്ഥാനത്ത് നടപ്പിലാക്കി വരുന്ന സിറ്റിഗ്യാസ് പദ്ധതിയുടെ പുരോഗതി വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

തലസ്ഥാന നഗരമായ തിരുവനന്തപുരത്ത് സിറ്റിഗ്യാസ് പദ്ധതി വ്യാപിപ്പിക്കുന്നതിന്റെ ഭാഗമായി നിലവില്‍ എത്ര വാർഡുകളില്‍ കണക്ഷൻ നല്‍കാന്‍ കഴിഞ്ഞിട്ടുണ്ടെന്ന് അറിയിക്കാമോ;

ഗ്യാസ് സിലണ്ടറുകളെ അപേക്ഷിച്ച് എന്തെല്ലാം സൗകര്യങ്ങളാണ് സിറ്റിഗ്യാസ് പദ്ധതിയിലൂടെ ഉപഭോക്താക്കള്‍ക്ക് ലഭ്യമാകുന്നത്; വിശദമാക്കാമോ;

2026 അവസാനത്തോടെ തിരുവനന്തപുരം നഗരസഭയിലെ വാര്‍ഡുകളെ സമ്പൂര്‍ണ്ണമായും പൈപ്പ്‍‍‍ഡ് ഗ്യാസ് ശൃംഖലയിലേയ്ക്ക് എത്തിക്കാൻ കഴിയുമെന്ന് പ്രതീക്ഷിക്കുന്നുണ്ടോ;

പ്രസ്തുത പദ്ധതിയുടെ സമയബന്ധിതമായ പുരോഗതി ഉറപ്പുവരുത്തുന്നതിനാവശ്യമായ അടിയന്തര നടപടികള്‍ സ്വീകരിക്കുമോ; എങ്കില്‍ വിശദമാക്കാമോ?

മറ്റ് സംസ്ഥാനങ്ങളെ അപേക്ഷിച്ച് കേരളം ഏതെല്ലാം മേഖലകളിലാണ് മികച്ച നേട്ടങ്ങള്‍ കൈവരിച്ചതെന്നും ആയതിന് അംഗീകാരമായി കഴിഞ്ഞ ഒൻപത് വര്‍ഷങ്ങള്‍ക്കിടയിൽ ഏതൊക്കെ പുരസ്കാരങ്ങള്‍ സംസ്ഥാനത്തിന് ലഭിച്ചിട്ടുണ്ടെന്നും വിശദമാക്കാമോ ?

കുണ്ടറ നിയോജക മണ്ഡലത്തിലെ ആർ.കെ.ഐ. (റീബിൽഡ് കേരള ഇനിഷ്യേറ്റീവ്) പദ്ധതി പ്രകാരം അനുവദിച്ചിട്ടുളള റോഡ് പ്രവൃത്തികളുടെ പുരോഗതി വിശദമാക്കാമോ?

കരട് വിജ്ഞാപനപ്രകാരമുള്ള, സംസ്ഥാന ഗവൺമെന്റിന്റെ എന്‍വയോണ്‍മെന്റല്‍ സൈറ്റ് അസസ്സ്മെന്റ്(ഇ.എസ്.എ) സംബന്ധമായ അന്തിമ റിപ്പോർട്ടും അനുബന്ധ മാപ്പും ഉടൻ ബയോ ഡൈവേഴ്‌സിറ്റി ബോർഡിന്റെ സൈറ്റിൽ ലഭ്യമാക്കുവാന്‍ നടപടി സ്വീകരിക്കുമോ;

കരട് വിജ്ഞാപനം പൊതു ജനങ്ങൾക്ക് മലയാളത്തിൽ ലഭ്യമാക്കാൻ സംസ്ഥാന സർക്കാർ അടിയന്തര നടപടി സ്വീകരിക്കുമോ; അതിനുശേഷം വിജ്ഞാപനമനുസരിച്ചുള്ള അറുപത് ദിവസ കാലാവധി ആക്ഷേപങ്ങൾ സമർപ്പിക്കാനായി പൊതുജനങ്ങൾക്കു ലഭ്യമാക്കുവാന്‍ നടപടി സ്വീകരിക്കുമോ;

കേന്ദ്രം നിർദേശിച്ചിട്ടുള്ളതുപോലെ റിസർവ് ഫോറസ്റ്റുകളും വേൾഡ് ഹെറിറ്റേജ് സൈറ്റുകളും സംരക്ഷിതമേഖലകളും മാത്രം ഇ.എസ്.എ ആയി പ്രഖ്യാപിക്കുവാന്‍ നടപടി സ്വീകരിക്കുമോ;

റവന്യൂ വില്ലേജുകളുടെ പേരിൽ മേൽപറഞ്ഞ ഇ.എസ്.എ പ്രദേശങ്ങളും അതിന്റെ മാപ്പുകളും നൽകുവാനുള്ള നടപടി സ്വീകരിക്കുമോ;

വനാവകാശ നിയമങ്ങൾ നടപ്പിലാക്കുന്നതിനുള്ള മാർഗനിർദേശങ്ങളിൽ, പഞ്ചായത്തു വാർഡുകൾ അടിസ്ഥാന യൂണിറ്റാക്കി അംഗീകരിച്ചിട്ടുള്ള കേന്ദ്രനിലപാടിന് അനുസൃതമായി ഇ.എസ്.എ പ്രദേശങ്ങളുടെ അടിസ്ഥാന യൂണിറ്റ് പഞ്ചായത്തു വാർഡായി സ്വീകരിച്ച് അന്തിമ റിപ്പോർട്ട് കേന്ദ്രത്തിന് നൽകുന്നതിന് കാലതാമസം എന്താണെന്ന് വ്യക്തമാക്കുമോ?

സംസ്ഥാനത്ത് കാലാവസ്ഥാ വ്യതിയാനം രൂക്ഷമാകുന്ന സാഹചര്യം കണക്കിലെടുത്ത് പ്രതിരോധ പ്രവര്‍ത്തനങ്ങള്‍ ത്വരിതപ്പെടുത്തുന്നതിനായി നടപടികള്‍ സ്വീകരിച്ചിട്ടുണ്ടോ; ഇതിന് തുക കണ്ടെത്തുന്നതിനായി കേന്ദ്ര സര്‍ക്കാരിന് പ്രൊപ്പോസലുകള്‍ സമര്‍പ്പിച്ചിട്ടുണ്ടോ; വിശദമാക്കാമോ;

കാലാവസ്ഥാ വ്യതിയാനം രൂക്ഷമായി ബാധിക്കുവാന്‍ സാധ്യതയുള്ള പ്രദേശങ്ങള്‍ ഏതെല്ലാമാണെന്നത് സംബന്ധിച്ച റിപ്പോര്‍ട്ടുകള്‍ സമര്‍പ്പിക്കപ്പെട്ടിട്ടുണ്ടോ;

പ്രസ്തുത റിപ്പോര്‍ട്ടുകളിന്മേല്‍ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ സ്വീകരിച്ചിട്ടുള്ള നടപടികൾ വ്യക്തമാക്കാമോ;

വെെപ്പിന്‍ കരയിലേയും കൊച്ചിയിലേയും ജനവാസ കേന്ദ്രങ്ങളില്‍ മുമ്പെങ്ങുമില്ലാത്ത വിധം ഓരുവെള്ളം കയറി ജനജീവിതം ദുസ്സഹമാവുന്ന സാഹചര്യം കണക്കിലെടുത്ത് സ്വീകരിച്ചിട്ടുള്ള നടപടികള്‍ വിശദമാക്കാമോ;

വെള്ളപ്പൊക്ക ഭീഷണി നേരിടുന്ന പ്രദേശങ്ങളില്‍ നിന്നും ജനങ്ങളെ പുനരധിവസിപ്പിക്കുവാനുള്ള പദ്ധതികള്‍ ദുരന്തനിവാരണ വകുപ്പ് ആവിഷ്കരിച്ചിട്ടുണ്ടോ; വിശദമാക്കാമോ?

അഴിക്കോട് പഞ്ചായത്തിൽ നിർമ്മിക്കാൻ ഉദ്ദേശിക്കുന്ന പൊതുശ്മശാനത്തിന് കോസ്റ്റൽ റെഗുലേഷൻ സോൺ ക്ലിയറൻസിന് വേണ്ടി നൽകിയ അപേക്ഷയിൽ സ്വീകരിച്ച നടപടികൾ വ്യക്തമാക്കാമോ;

നിർദ്ദിഷ്ട സ്ഥലം കോസ്റ്റൽ റെഗുലേഷൻ സോൺ -ന്റെ ഏത് പരിധിയിലാണ് വരുന്നതെന്നും ഇവിടെ ക്ലിയറൻസ് നൽകുന്നതിന് തടസങ്ങളുണ്ടോയെന്നുമുള്ള വിശദാംശങ്ങള്‍ ലഭ്യമാക്കാമോ?