2024 ജൂലൈ 30-ന് ശേഷം മുഖ്യമന്ത്രിയുടെ ദുരിതാശ്വാസനിധിയിലേക്ക് ലഭിക്കുന്ന തുക വയനാട്ടിലെ ഉരുൾപൊട്ടൽ ദുരിതബാധിതർക്കായി വിനിയോഗിക്കാൻ തീരുമാനിച്ചിരുന്നോ; വ്യക്തമാക്കുമോ;

വയനാട് പാക്കേജിനായി ഇതുവരെ ലഭിച്ച തുകയുടെ വിശദാംശം നൽകുമോ;

ഈ നൂറ്റാണ്ടിലെ ഏറ്റവും വലിയ ദുരന്തത്തിനിരയായവരുടെ പുനരധിവാസത്തിന് പദ്ധതികൾ ആവിഷ്ക്കരിച്ചിട്ടുണ്ടോ; വിശദമാക്കുമോ;

വയനാട് പാക്കേജിനായി സന്നദ്ധസംഘടനകളിൽ നിന്നും വ്യക്തികളിൽനിന്നും കേന്ദ്ര സർക്കാരിൽനിന്നും ധനസഹായം ലഭിച്ചിട്ടുണ്ടോ; വിശദാംശം നൽകുമോ?

എക്സൈസ് വിഭാഗത്തെ ആധുനികവത്കരിക്കുന്നതിന് സ്വീകരിച്ചുവരുന്ന നടപടികൾ എന്തെല്ലാമാണെന്ന് അറിയിക്കുമോ;

ഈ സര്‍ക്കാരിന്റെ കാലയളവില്‍ ഇതുവരെ എക്സൈസ് വിഭാഗം പിടിച്ചെടുത്ത മദ്യത്തിന്റെയും മയക്കുമരുന്നുകളുടെയും വിശദാംശം നല്‍കാമോ;

പിടിച്ചെടുക്കപ്പെട്ട ലഹരി വസ്തുക്കള്‍ നശിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വെളിപ്പെടുത്താമോ;

പ്രസ്തുത കാലയളവില്‍ എക്സൈസ് വിഭാഗം ഇതുസംബന്ധിച്ച് എത്ര കേസുകളെടുത്തിട്ടുണ്ടെന്നും അതില്‍ എത്ര പ്രതികളെ കസ്റ്റഡിയില്‍ എടുത്തിട്ടുണ്ടെന്നുമുള്ള വിവരങ്ങൾ നല്‍കാമോ?

ഈ സര്‍ക്കാരിന്റെ കാലത്ത് പോലീസ് സ്റ്റേഷനുകളുടെ അടിസ്ഥാന സൗകര്യവികസനത്തില്‍ കൈവരിച്ച പുരോഗതി വ്യക്തമാക്കുമോ;

ഈ കാലയളവില്‍ ഏതെല്ലാം പോലീസ് സ്റ്റേഷനുകള്‍ക്കാണ് കേന്ദ്ര ആഭ്യന്തര മന്ത്രാലയം ഏര്‍പ്പെടുത്തിയ പുരസ്കാരങ്ങള്‍ ലഭിച്ചതെന്നും പ്രസ്തുത പുരസ്കാരങ്ങള്‍ ഏതെല്ലാമെന്നും അറിയിക്കുമോ;

പ്രസ്തുത പുരസ്കാരങ്ങള്‍ക്കായി കേന്ദ്ര ആഭ്യന്തര മന്ത്രാലയം പരിഗണിച്ച മാനദണ്ഡങ്ങൾ എന്തെല്ലാമാണെന്ന് വിശദമാക്കുമോ;

കൂടുതല്‍ പോലീസ് സ്റ്റേഷനുകളെ പ്രസ്തുത മന്ത്രാലയത്തിന്റെ അംഗീകാരത്തിന് പ്രാപ്തമാക്കാന്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ?

വർദ്ധിച്ചുവരുന്ന റോഡപകടങ്ങളുടെ കാര്യകാരണങ്ങളെക്കുറിച്ച് മുഖ്യമന്ത്രിതലത്തില്‍ അവലോകനം നടത്തി പ്രശ്നപരിഹാരത്തിന് സമഗ്രമായ ഇടപെടല്‍ നടത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വാഹനാപകടങ്ങൾ തടയാൻ ദേശീയപാത, ഗതാഗത, പൊതുമരാമത്ത് അധികൃതരുമായി കൂടിയാലോചിച്ച് നടപടി സ്വീകരിക്കുമോ; വിശദമാക്കുമോ;

മദ്യപിച്ച് വാഹനമോടിക്കുന്നതിനെതിരെ ജാഗ്രത പാലിക്കുന്നതിനും രാത്രികാല വാഹനപരിശോധന കർശനമാക്കുന്നതിനും ആഭ്യന്തര വകുപ്പ് നടപടികൾ സ്വീകരിച്ചിട്ടുണ്ടോ; എങ്കിൽ വ്യക്തമാക്കുമോ;

സ്വകാര്യബസുകള്‍, ലോറികള്‍ എന്നിവയുടെ അമിത വേഗത്തിന് വിവിധ വകുപ്പുകളുടെ ഏകോപനത്തിലൂടെ നിയന്ത്രണമേർപ്പെടുത്തുന്നതിനും ഗതാഗത നിയമപരിപാലനം കര്‍ശനമാക്കുന്നതിനും തീരുമാനിച്ചിട്ടുണ്ടോ; എങ്കിൽ വിശദമാക്കുമോ?

ഈ സര്‍ക്കാരിന്റെ മുന്‍ഗണനാ പദ്ധതികളില്‍ 'അതിദാരിദ്ര്യ നിര്‍മ്മാര്‍ജ്ജന പദ്ധതി' ഉള്‍പ്പെടുത്തിയിട്ടുണ്ടാേ; എങ്കില്‍ ഇതുവരെ നടത്തിയ പ്രവര്‍ത്തനങ്ങളുടെ പുരാേഗതി വ്യക്തമാക്കുമാേ;

പ്രസ്തുത പദ്ധതിയുമായി ബന്ധപ്പെട്ട് നടത്തിയ സര്‍വേയുടെ വിശദാംശം ലഭ്യമാക്കുമോ;

സര്‍വേയിൽ അതിദരിദ്രരായി കണ്ടെത്തിയവരിൽ എത്ര ശതമാനം പേരെ അതിദാരിദ്ര്യത്തില്‍ നിന്നും മുക്തമാക്കുന്നതിന് ഇതുവരെ കഴിഞ്ഞിട്ടുണ്ടെന്ന് വിശദമാക്കുമോ;

അതിദാരിദ്ര്യ നിര്‍മ്മാര്‍ജ്ജന പ്രവര്‍ത്തനങ്ങള്‍ ഏതെല്ലാം വകുപ്പുകൾ നടത്തിവരുന്നുണ്ടെന്നും ഓരാേ വകുപ്പും എന്തെല്ലാം ചുമതലകളാണ് നിര്‍വഹിക്കുന്നതെന്നുമുള്ള വിശദാംശം ലഭ്യമാക്കുമോ;

സ്വന്തമായി ഭൂമിയില്ലാത്ത അതിദരിദ്രർക്ക് വാസസ്ഥലം നല്‍കുന്നതിന് ഭൂമി കണ്ടെത്താന്‍ കഴിഞ്ഞിട്ടുണ്ടാേ; ലെെഫ് മിഷന്റെ 'മനസ്സാേടിത്തിരി മണ്ണ്' പദ്ധതി പ്രകാരം ഇവര്‍ക്ക് ഭൂമി നല്‍കുന്നതിന് നിര്‍ദ്ദേശം നല്‍കിയിട്ടുണ്ടാേ; വിശദമാക്കാമാേ?

ഈ സര്‍ക്കാര്‍ വന്നശേഷം തലസ്ഥാനജില്ല എന്ന നിലയില്‍ പ്രത്യേക പരിഗണന നല്‍കി തിരുവനന്തപുരത്ത് നടത്തിവരുന്ന വിവിധ പദ്ധതികളുടെ പുരോഗതി വ്യക്തമാക്കുമോ;

തലസ്ഥാന വികസനത്തിന് ഏറെ ഗുണകരമാകുന്ന തിരുവനന്തപുരം മെട്രോ റെയില്‍ പ്രോജക്ടിന്റെ നിലവിലെ സ്ഥിതി എന്താണെന്നറിയിക്കുമോ;

തിരുവനന്തപുരം മെട്രോയുടെ പ്രതീക്ഷിത നിര്‍മ്മാണച്ചെലവ് എത്രയെന്നും പദ്ധതിക്ക് കേന്ദ്ര സര്‍ക്കാരിന്റെ അംഗീകാരം ലഭിച്ചിട്ടുണ്ടോയെന്നും വ്യക്തമാക്കുമോ;

തിരുവനന്തപുരം മെട്രോയുടെ ആരംഭം, അവസാനം, റൂട്ട്, സ്റ്റോപ്പുകൾ എന്നീ വിവരങ്ങൾ ലഭ്യമാക്കുമോ?

സംസ്ഥാനത്ത് നടന്നുവരുന്ന അവയവദാനം നീതിപൂർവ്വമാണെന്നു ഉറപ്പുവരുത്തുന്നതിന് എന്തെല്ലാം നിർദ്ദേശങ്ങളാണ് പുറപ്പെടുവിച്ചിട്ടുള്ളതെന്ന് വ്യക്തമാക്കുമോ;

സംസ്ഥാനത്ത് നിയമവിധേയമല്ലാതെ നടന്നതായി പറയപ്പെടുന്ന അവയവദാനം സംബന്ധിച്ച് ക്രൈംബ്രാഞ്ച് അന്വേഷണം നടത്തിയിരുന്നോ; എങ്കിൽ കണ്ടെത്തലുകൾ വിശദമാക്കാമോ;

രാജ്യാന്തര ബന്ധങ്ങളുള്ള അവയവറാക്കറ്റിന്റെ കണ്ണികൾ സംസ്ഥാനത്ത് പ്രവർത്തിക്കുന്നതായി സൂചന ലഭിച്ചിട്ടുണ്ടോ; എങ്കിൽ ഇത് തടയുന്നതിന് കർശന നടപടി സ്വീകരിച്ചിട്ടുണ്ടോ;

നിയമവിധേയമായും സുതാര്യമായും അവയവദാനം സാധ്യമാക്കുന്നതിന് എന്തെല്ലാം മുൻകരുതലുകളാണ് എടുത്തിട്ടുള്ളതെന്ന് അറിയിക്കാമോ?

സംസ്ഥാനത്ത് ആശുപത്രി മാലിന്യങ്ങൾ ശേഖരിക്കുന്നതിനും അവ സംസ്ക്കരിക്കുന്നതിനും എന്തെല്ലാം സംവിധാനങ്ങളാണ് നിലവിലുളളത്;

തദ്ദേശ സ്വയംഭരണ സ്ഥാപനങ്ങളുടെ അനുമതിയില്ലാതെ ചില കമ്പനികൾ ആശുപത്രികളുമായി കരാറുണ്ടാക്കി മാലിന്യങ്ങൾ ശേഖരിക്കുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;

അയൽസംസ്ഥാനങ്ങളിലെ ഒഴിഞ്ഞ പ്രദേശങ്ങളിൽ ആശുപത്രിമാലിന്യങ്ങൾ തളളുന്നതായി പരാതി ഉണ്ടായിട്ടുണ്ടോ; എങ്കിൽ ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികൾ സ്വീകരിക്കാനാണുദ്ദേശിക്കുന്നതെന്ന് വിശദമാക്കുമോ?

മൊബൈൽ ഫോണിന്റെ അമിതോപയോഗം ശാരീരികവും സാമൂഹികവും മാനസികവും സാമ്പത്തികവുമായ വശങ്ങളിൽ കുട്ടികളിൽ വിനാശകരമായ പ്രത്യാഘാതങ്ങൾക്ക് കാരണമാകുന്നു എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

മണിക്കൂറുകൾ നീളുന്ന ക്ലാസ്, ഓൺലൈൻ ട്യൂഷൻ ഇങ്ങനെ കോവിഡ് കാലത്ത് തുടങ്ങിയ ശീലങ്ങളിൽ പലതും കുട്ടികൾ ഇപ്പോഴും പിന്തുടരുന്നതു മൂലവും ഓൺലൈൻ ഗെയിമുകളുടെയും സാമൂഹ്യ മാധ്യമങ്ങളുടെയും വർദ്ധിച്ചുവരുന്ന സ്വാധീനം മൂലവും കുട്ടികളിൽ പലരും മൊബൈൽ ഫോണിനോടുള്ള അമിതാസക്തിയ്ക് ഇരയാകുന്നത് പരിശോധിച്ചിട്ടുണ്ടോ; വ്യക്തമാക്കുമോ;

കുട്ടികളും കൗമാരക്കാരും ആരോഗ്യകരമായ ഫോൺ ശീലങ്ങൾ മാതൃകയാക്കുന്നതിന് വേണ്ടിയും ആസക്തിയുടെ ഗുരുതരമായ കേസുകളിൽ ഇവർക്ക് മാനസികാരോഗ്യ പ്രൊഫഷണലുകളുടെ സഹായം ലഭ്യമാക്കുന്നതിന് വേണ്ടിയുമുള്ള നടപടികൾ സ്വീകരിച്ചിട്ടുണ്ടോ എന്നറിയിക്കുമോ;

മൊബൈൽ ഫോണിനോടുള്ള അമിതാസക്തി ഉള്‍പ്പെടെയുള്ള കൗമാര ആരോഗ്യപ്രശ്നങ്ങള്‍ക്ക് 'കേരള ഹെൽത്ത് സിസ്റ്റംസ് ഇംപ്രൂവ്‌മെന്റ് പ്രോഗ്രാം' എന്ന ബൃഹത്തായ കര്‍മ്മപദ്ധതിയില്‍ മുന്‍ഗണന നല്‍കിയിട്ടുണ്ടോ; എങ്കിൽ വിശദമാക്കുമോ?

ദുരന്തലഘൂകരണം എന്ന ലക്ഷ്യം കൈവരിക്കുന്നതിന് ജൈവവൈവിധ്യ പരിപാലനം പ്രധാനമാണെന്ന് വിലയിരുത്തിയിട്ടുണ്ടോ; എങ്കില്‍ പ്രസ്തുത ലക്ഷ്യം സാധ്യമാക്കുന്നതിന് എന്തെല്ലാം പദ്ധതികളാണ് ആവിഷ്കരിച്ചിട്ടുള്ളത്;

സംസ്ഥാനത്ത് ജൈവവൈവിധ്യ പരിപാലന രജിസ്റ്റര്‍ പുതുക്കുന്നതിന് നടപടി സ്വീകരിച്ചിട്ടുണ്ടോ; പുതുക്കിയ രജിസ്റ്റര്‍ പ്രകാരമുള്ള കര്‍മ്മ പദ്ധതി മഴുവന്‍ തദ്ദേശസ്വയംഭരണ സ്ഥാപനങ്ങളിലും നടപ്പാക്കുന്നതിന് നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കുമോ;

ജൈവവൈവിധ്യ പാര്‍ക്കുകള്‍ സജ്ജീകരിക്കുന്നതിന് തദ്ദേശസ്വയംഭരണ വകുപ്പ് ഇടപെടല്‍ നടത്തിവരുന്നുണ്ടോ; വിശദമാക്കുമോ?

ടി. പി. ചന്ദ്രശേഖരൻ വധക്കേസിലെ പ്രതി കൊടി സുനിക്ക് ഒരു മാസത്തെ പരോള്‍ അനുവദിച്ചിട്ടുണ്ടോ; എങ്കില്‍ പൊലീസ് റിപ്പോര്‍ട്ട് എതിരായിട്ടും പരോള്‍ അനുവദിക്കാനുള്ള കാരണം അറിയിക്കുമോ;

രാഷ്ട്രീയ കൊലപാതകങ്ങളിൽ ശിക്ഷിക്കപ്പെടുന്നവർക്ക് നൽകുന്ന ഇത്തരത്തിലുള്ള പരിരക്ഷ സമൂഹത്തിൽ തെറ്റായ സന്ദേശമാണ് നൽകുന്നതെന്ന കാര്യം ഗൗരവത്തോടെ കാണുന്നുണ്ടോ; വിശദമാക്കുമോ?

പത്തനംതിട്ടയിൽ കായികതാരമായ ദളിത് വിഭാഗത്തില്‍പ്പെട്ട പെൺകുട്ടിയെ ലൈംഗികമായി ചൂഷണംചെയ്ത കേസിൽ പ്രതികളായ​വരെ കണ്ടെത്താൻ കഴിഞ്ഞിട്ടുണ്ടോയെന്ന് അറിയിക്കുമോ;

പ്രതികള്‍ക്കെതിരെ എന്തെല്ലാം വകുപ്പുകൾ പ്രകാരമാണ് കേസെടുത്തിട്ടുളളതെന്നും പ്രസ്തുത കേസിന്റെ നിലവിലെ സ്ഥിതി എന്താണെന്നും വ്യക്തമാക്കുമോ;

സ്ത്രീസുരക്ഷ ഉറപ്പാക്കാൻ സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണെന്ന് വിശദമാക്കുമോ?

സംസ്ഥാന സ്കൂള്‍ കലോത്സവത്തിന്റെ സുഗമമായ നടത്തിപ്പിന് സുരക്ഷയും കരുതലും ഒരുക്കുന്നതില്‍ പോലീസ് സേന നടത്തിയ പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

കലാമേളയുടെ ഭാഗമായി പോലീസ് സേനയെ അണിനിരത്തുന്നതിനും ക്രമീകരിക്കുന്നതിനും എന്തെല്ലാം നിര്‍ദേശങ്ങളാണ് നല്‍കിയിരുന്നതെന്ന് വിശദമാക്കാമോ;

മേളയുടെ വിജയത്തിനായി പോലീസ് സേനാംഗങ്ങള്‍ നടത്തിയ പ്രവര്‍ത്തനങ്ങള്‍ എന്തെല്ലാമാണെന്ന് അറിയിക്കാമോ;

ഔദ്യോഗിക കൃത്യനിര്‍വ്വഹണത്തിലും അനൗദ്യോഗിക സേവന പ്രവര്‍ത്തനങ്ങളിലും സ്തുത്യര്‍ഹവും അഭിനന്ദനാര്‍ഹവുമായി പ്രവത്തിക്കുന്ന പോലീസ് സേനയെ പ്രസ്തുത മേളയില്‍ ആദരിക്കാറുണ്ടോ; ഇല്ലെങ്കില്‍ അതിനുള്ള നടപടി സ്വീകരിക്കുമോ?

റേഷൻസാധനങ്ങളുടെ വാതിൽപ്പടി വിതരണം നടക്കാത്തതിനാൽ റേഷൻ വിതരണത്തിൽ പ്രതിസന്ധിയുണ്ടാകുന്നതായ ആക്ഷേപം പരിശോധിച്ചിട്ടുണ്ടോ; വിശദമാക്കുമോ;

വാതിൽപ്പടി വിതരണത്തിലെ തടസ്സം കാരണം, അനുവദിക്കപ്പെട്ട അളവിൽ റേഷൻകടകളിൽനിന്നും സാധനങ്ങൾ വിതരണം ചെയ്യാൻ കഴിയാത്ത സാഹചര്യം ഉണ്ടാകുന്നുണ്ടോ; വ്യക്തമാക്കുമോ;

റേഷൻസാധനങ്ങൾ മുടക്കംകൂടാതെയും ആക്ഷേപങ്ങൾ കൂടാതെയും വിതരണം ചെയ്യുന്നതിന് സ്ഥിരംസംവിധാനം ഏർപ്പെടുത്തുമോ; വിശദമാക്കുമോ?

സംസ്ഥാനത്ത് അതിദാരിദ്ര്യ നിര്‍മ്മാര്‍ജ്ജനത്തിന്റെ ഭാഗമായുള്ള സര്‍വേയില്‍ വരുമാനം ക്ലേശഘടകമായി കണ്ടെത്തിയ എത്ര കുടുംബങ്ങളുണ്ടെന്നും അവര്‍ക്ക് വരുമാനം ഉറപ്പാക്കുന്നതിലേയ്ക്കായി സ്വീകരിച്ച നടപടികള്‍ എന്തെല്ലാമാണെന്നും അറിയിക്കുമോ;

അതിദാരിദ്ര്യ കുടുംബങ്ങള്‍ക്കായുള്ള ഉപജീവന പദ്ധതിയുടെ ചുമതലകള്‍ ഏതെല്ലാം ഏജന്‍സികള്‍ വഴിയാണ് നടപ്പാക്കാനുദ്ദേശിക്കുന്നതെന്ന് വ്യക്തമാക്കാമോ;

വിവിധ വകുപ്പുകള്‍ നടപ്പിലാക്കുന്ന ക്ഷേമപദ്ധതികളില്‍ അതിദാരിദ്ര്യ ഗുണഭേക്താക്കള്‍ക്ക് മുന്‍ഗണനയും ഗുണഭോക്തൃവിഹിതം ആവശ്യമുള്ള പദ്ധതികളില്‍ ഗുണഭോക്തൃവിഹിതം ഒഴിവാക്കുന്നതിനും ആവശ്യമെങ്കില്‍ തുക തദ്ദേശ സ്വയംഭരണ സ്ഥാപനങ്ങള്‍വഴി കണ്ടെത്തുന്നതിനും തീരുമാനിച്ചിട്ടുണ്ടോ; വ്യക്തമാക്കാമോ;

അതിദാരിദ്ര്യ മുക്തമാകുന്ന ഗ്രാമ പഞ്ചായത്തുകള്‍, ബ്ലോക്ക് പഞ്ചായത്തുകള്‍, ജില്ലാ പഞ്ചായത്തുകള്‍, മുനിസിപ്പാലിറ്റികള്‍, കോര്‍പ്പറേഷനുകള്‍ എന്നിവ പ്രത്യേകം പ്രത്യേകമായി പ്രഖ്യാപനങ്ങള്‍ നടത്താന്‍ തീരുമാനിച്ചിട്ടുണ്ടോ; ഇതിനകം എവിടെയെങ്കിലും പ്രഖ്യാപനം നടത്തിയിട്ടുണ്ടോ; വ്യക്തമാക്കുമോ?

സംസ്ഥാനത്ത് മാലിന്യ സംസ്ക്കരണരംഗം നേരിടുന്ന പുതിയ വെല്ലുവിളികൾ എന്തൊക്കയാണെന്ന് വിശദമാക്കുമോ;

ഈ രംഗത്ത് നടപ്പിലാക്കിവരുന്ന ആധുനിക പദ്ധതികൾ എന്തൊക്കെയാണെന്ന് അറിയിക്കുമോ;

മാലിന്യമുക്ത നക്ഷത്ര പദവിയ്ക്ക് (ജി.എഫ്.സി.) അപേക്ഷിക്കുന്നതിനുള്ള അർഹതാമാനദണ്ഡം സംസ്ഥാനത്തെ മുനിസിപ്പാലിറ്റികളും കോർപ്പറേഷനുകളും നേടിയിട്ടുണ്ടോ;

എങ്കില്‍ പ്രസ്തുത പദവിയിൽ എത്തിച്ചേരുന്നതിന് നടത്തിയിട്ടുള്ള പ്രവർത്തനം വിശദമാക്കുമോ?

കൊച്ചി സ്മാർട്ട്‌ സിറ്റി പദ്ധതിയിൽ ഭൂമിയുടെ ഫ്രീഹോൾഡ് സംബന്ധിച്ച തർക്കത്തിന്റെകൂടി അടിസ്ഥാനത്തിലാണോ ടീകോം കരാറിൽ നിന്നും പിന്മാറാൻ തീരുമാനിച്ചതെന്ന് വ്യക്തമാക്കുമോ;

2007-ലെ കരാറിലെ ഫ്രീഹോൾഡ് സംബന്ധിച്ച വ്യവസ്ഥയിൽ 2011-ല്‍ തന്നെ തീർപ്പുകല്പിച്ചു എന്നത് വസ്തുതയാണോ; വ്യക്തമാക്കുമോ;

സെസ്സ് മേഖലയിൽ ഫ്രീഹോൾഡ് അനുവദിക്കാൻ സാധിക്കില്ലെന്ന വാദം അംഗീകരിച്ചുകൊണ്ട് ടീകോം ഈ ആവശ്യത്തിൽനിന്നും പിന്മാറുകയും മുഴുവൻ ഭൂമിയ്ക്കും ടീകോം ആവശ്യപ്പെട്ടപ്രകാരം സർക്കാർ സെസ്സ് പദവി നൽകുകയും ചെയ്തിരുന്നോയെന്നും വിശദമാക്കുമോ?

മുണ്ടക്കൈ, ചൂരല്‍മല നിവാസികളുടെ പുനരധിവാസ പ്രവര്‍ത്തനങ്ങള്‍ വിശദീകരിക്കുമോ;

പുനരധിവാസ പ്രവര്‍ത്തനങ്ങള്‍ക്കായി വിശദമായ പ്രോജക്ട് റിപ്പോര്‍ട്ട് കേന്ദ്ര സര്‍ക്കാരിന് നല്‍കിയിട്ടുണ്ടോയെന്നും കേന്ദ്രസഹായം ലഭിച്ചിട്ടുണ്ടോയെന്നുമുള്ള വിശദാംശം അറിയിക്കുമോ;

പുനരധിവാസത്തിനായി പ്രത്യേക മാസ്റ്റര്‍പ്ലാന്‍ തയ്യാറാക്കിയിട്ടുണ്ടോ; വീടുകളെല്ലാം ഒരേ പ്ലാനിലാണോ എന്നും ഒരു വീടിന് എത്ര രൂപയാണ് നിര്‍മ്മാണ ചെലവ് കണക്കാക്കുന്നതെന്നും വ്യക്തമാക്കുമോ;

പുനരധിവാസത്തിനായി ഭൂമി വിട്ടുകിട്ടിയിട്ടുണ്ടോ; പ്രസ്തുത ഭൂമി സര്‍ക്കാര്‍ ഏറ്റെടുത്തിട്ടുണ്ടോ; ഭൂമിയുടെ നഷ്ടപരിഹാരം നല്‍കിയിട്ടുണ്ടോ; നിര്‍മ്മാണ പ്രവര്‍ത്തനങ്ങള്‍ എപ്പോള്‍ നടത്താന്‍ കഴിയും; സന്നദ്ധ സംഘടനകള്‍ എത്ര വീട് പണിതു നല്‍കുമെന്നാണ് അറിയിച്ചിട്ടുള്ളത്; വിശദാംശം ലഭ്യമാക്കുമോ?

ഈ സര്‍ക്കാര്‍ തുടക്കം കുറിച്ച അതിദാരിദ്ര‍്യ നിര്‍മ്മാര്‍ജ്ജന പദ്ധതിയിലൂടെ രാജ്യത്തെ അതിദരിദ്രരില്ലാത്ത ആദ്യസംസ്ഥാനമാക്കി കേരളത്തെ മാറ്റാന്‍ സാധിക്കുമെന്ന് പ്രതീക്ഷിക്കുന്നുണ്ടോ; വ്യക്തമാക്കാമോ;

അതിദാരിദ്ര്യം അനുഭവിക്കുന്നവരെ കണ്ടെത്തിയതിനുള്ള മാനദണ്ഡം എന്തായിരുന്നുവെന്ന് വിശദമാക്കുമോ;

പ്രസ്തുത പദ്ധതിയുടെ ഒന്നാംഘട്ട പ്രവര്‍ത്തനങ്ങള്‍ സംബന്ധിച്ച വിശദാംശം ലഭ്യമാക്കുമോ;

തീവ്രദാരിദ്ര്യത്തില്‍ കഴി‍ഞ്ഞിരുന്നവരെ മുഖ്യധാരയില്‍ എത്തിക്കുന്നതിനും അപ്രകാരം നിലനിര്‍ത്തുന്നതിനും എന്തെല്ലാം നടപടികളാണ് ആസൂത്രണം ചെയ്തുവരുന്നതെന്ന് അറിയിക്കുമോ;

പ്രസ്തുത പദ്ധതി എന്നത്തേക്ക് പൂര്‍ത്തീകരിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്തെ റേഷന്‍ കാര്‍ഡ് ഉടമകളുടെ മസ്റ്ററിംഗ് എത്ര ശതമാനം പൂര്‍ത്തിയാക്കാന്‍ ഇതുവരെ കഴിഞ്ഞിട്ടുണ്ടെന്ന് വ്യക്തമാക്കുമോ;

ഭക്ഷ്യ ധാന്യങ്ങള്‍ പൊതുവിതരണം ചെയ്യുന്നതിന് പകരം അവയുടെ പണം ഗുണഭോക്താക്കളുടെ അക്കൗണ്ടില്‍ നല്‍കുന്ന പദ്ധതി (ഡി.ബി.ടി.)-യോടുള്ള സംസ്ഥാനസര്‍ക്കാരിന്റെ അഭിപ്രായം ആരാഞ്ഞിട്ടുണ്ടോ; എങ്കിൽ വ്യക്തമാക്കുമോ;

സംസ്ഥാനത്തിന്റെ പൊതുവിതരണ ശൃംഖലയ്ക്ക് മാറ്റം വരുത്തുന്ന ഈ പദ്ധതിയുടെ ഗുണദോഷങ്ങള്‍ സംബന്ധിച്ച് വിലയിരുത്തിയിട്ടുണ്ടോ; വിശദമാക്കുമോ;

പ്രസ്തുത പദ്ധതി നടപ്പിലാക്കുന്നതോടെ റേഷന്‍ മസ്റ്ററിംഗ് നടത്താന്‍ സാധിക്കാതെ വരുന്ന മുന്‍ഗണന-മുന്‍ഗണനേതര വിഭാഗങ്ങള്‍ക്കും ഭക്ഷ്യധാന്യങ്ങളുടെ ആനുകൂല്യം ലഭിക്കാതെ വരുമെന്ന ആശങ്ക പരിശോധിച്ചിട്ടുണ്ടോ; വ്യക്തമാക്കാമോ;

ഇത് റേഷന്‍ വിതരണക്കാരെ ഏതെല്ലാം തരത്തില്‍ ബാധിക്കുമെന്ന കാര്യം പ്രത്യേകമായി അറിയിക്കുമോ?

അപകടങ്ങളിലും പൊള്ളലേറ്റും കേടുപാടുകള്‍ സംഭവിക്കുന്ന ത്വക്കിനുപകരം ത്വക്ക് മാറ്റിവയ്ക്കുന്ന അതിനൂതനമായ ശസ്ത്രക്രിയാസംവിധാനം സംസ്ഥാനത്താരംഭിക്കുന്നതിനുള്ള നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

അവയവദാന പ്രക്രിയയിലൂടെ ത്വക്ക് ലഭ്യമാക്കുന്നതിനായി കെ-സോട്ടോയുടെ അനുമതി ലഭിച്ചിട്ടുണ്ടോ;

സ്കിന്‍ ബാങ്ക് ആരംഭിക്കുന്നതിന് എന്തെല്ലാം അനുമതികളാണ് ആവശ്യമായിട്ടുള്ളതെന്ന് വ്യക്തമാക്കാമോ;

സംസ്ഥാനത്ത് എവിടെയാണ് സ്കിന്‍ ബാങ്ക് ആരംഭിക്കുവാനുള്ള നടപടികള്‍ സ്വീകരിച്ചിട്ടുള്ളത്; എങ്കില്‍ അതിനായി സ്റ്റാന്‍ഡേര്‍ഡ് ഗൈഡ് ലൈന്‍ രൂപീകരിക്കാന്‍ നിര്‍ദ്ദേശം നല്‍കിയിട്ടുണ്ടോ; വിശദമാക്കുമോ;

ആരോഗ്യമേഖലയില്‍ കേരളം കൈവരിച്ച നേട്ടങ്ങള്‍ക്ക് കൂടുതല്‍ ശക്തിപകരാന്‍ സ്കിന്‍ ബാങ്ക് സംവിധാനത്തിനും അതിനൂതന സ്കിന്‍ മാറ്റിവയ്ക്കല്‍ ശസ്ത്രക്രിയയ്ക്കും കഴിയുമെന്ന് വിലയിരുത്തിയിട്ടുണ്ടോ?

സംസ്ഥാനത്ത് ജലസംരക്ഷണ പ്രവർത്തനങ്ങൾക്കായി തദ്ദേശ സ്വയംഭരണ വകുപ്പ് എന്തെല്ലാം പദ്ധതികളാണ് ആവിഷ്കരിച്ച് നടപ്പാക്കി വരുന്നതെന്ന് വിശദമാക്കാമോ;

'ഇനി ഞാനൊഴുകട്ടെ' എന്ന ജനകീയ കാമ്പെയ്ൻ ഇപ്പോൾ ഏത് ഘട്ടത്തിലാണെന്നറിയിക്കുമോ;

പ്രസ്തുത കാമ്പെയ്ന്റെ ഭാഗമായി ജലസ്രോതസ്സുകളുടെ സംരക്ഷണവുമായി ബന്ധപ്പെട്ട് എന്തെല്ലാം നേട്ടങ്ങളാണ് കൈവരിക്കാൻ കഴിഞ്ഞിട്ടുള്ളത്; വിശദമാക്കാമോ;

കാമ്പെയ്ന്റെ മൂന്നാം ഘട്ടത്തിന്റെ ഭാഗമായി സംസ്ഥാനത്തെ സമ്പൂർണ്ണ മാലിന്യമുക്തമാക്കുന്നതിന് പദ്ധതികൾ രൂപീകരിച്ചിട്ടുണ്ടോ; വിശദമാക്കാമോ?

പെരിയ ഇരട്ട കൊലപാതക കേസിലെ പ്രതികളെ ജയിലിൽ സ്വീകരിക്കാൻ പ്രമുഖ രാഷ്ട്രീയ പാർട്ടിയുടെ സംസ്ഥാന കമ്മിറ്റിയംഗവും ഖാദി ബോർഡ്‌ വൈസ് ചെയർമാനും ജയിൽ അഡ്വൈസറി കമ്മിറ്റിയംഗവുമായ വ്യക്തിയടക്കം പോയതായി പറയപ്പെടുന്നത് സർക്കാർ ഗൗരവത്തോടെ കാണുന്നുണ്ടോ എന്നറിയിക്കുമോ;

രാഷ്ട്രീയ വൈരാഗ്യത്തിന്റെ പേരിൽ രണ്ട് യുവാക്കളെ കൊലപ്പെടുത്തിയ കേസിൽ ശിക്ഷിക്കപ്പെട്ട പ്രതികൾക്ക് രാഷ്ട്രീയ പിന്തുണ നൽകുന്നത് സമൂഹത്തിൽ തെറ്റായ സന്ദേശം നൽകുമെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദമാക്കുമോ;

രാഷ്ട്രീയ കൊലപാതകങ്ങൾക്ക് അറുതി വരുത്താനും നീതിയുക്തമായ അന്വേഷണം നടത്താനും സ്വീകരിച്ചിരിക്കുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ?

പത്തനംതിട്ടയിൽ കായിക താരമായ പട്ടികജാതി വിഭാഗത്തില്‍പ്പെട്ട പെൺകുട്ടിയെ അഞ്ച് വർഷത്തോളം ക്രൂരപീഡനത്തിന് ഇരയാക്കിയ സംഭവം പോലീസ് അടക്കമുള്ള സംവിധാനങ്ങളുടെ പോരായ്മയാണെന്ന ആക്ഷേപം ഗൗരവത്തോടെ കാണുന്നുണ്ടോ;

സ്ത്രീകൾക്കും കുട്ടികൾക്കും തങ്ങൾ നേരിടുന്ന ദുരനുഭവങ്ങൾക്കെതിരെ പ്രതികരിക്കാനും കുറ്റവാളികൾക്കെതിരെ ഭയം കൂടാതെ പോലീസിൽ പരാതി നൽകാനുമായി ഒരുക്കിയിട്ടുള്ള സംവിധാനങ്ങൾ എന്തൊക്കെയെന്ന് വ്യക്തമാക്കുമോ; പ്രസ്തുത സംവിധാനങ്ങൾ കാര്യക്ഷമമാണോയെന്ന് പരിശോധിച്ചിട്ടുണ്ടോ;

സ്ത്രീകൾക്കും കുട്ടികൾക്കുമെതിരെയുള്ള അതിക്രമങ്ങളിൽ ഇരകള്‍ക്ക് ഭയം കൂടാതെ പരാതി നൽകാൻ ചൈല്‍ഡ് വെല്‍ഫെയര്‍ കമ്മിറ്റി, വിദ്യാഭ്യാസ വകുപ്പ് അടക്കമുള്ളവയെ ഏകോപിപ്പിച്ച് കാര്യക്ഷമമായ സംവിധാനമേർപ്പെടുത്താൻ നടപടി സ്വീകരിക്കുമോ?

ത്രിതല പഞ്ചായത്തുകളുടെ പ്രവര്‍ത്തനം കൂടുതല്‍ കാര്യക്ഷമമാക്കി ശക്തിപ്പെടുത്തുന്നതിനെന്തെല്ലാം പുതിയ നടപടികളാണ് സ്വീകരിച്ചുവരുന്നതെന്ന് വ്യക്തമാക്കുമോ;

ത്രിതല പഞ്ചായത്തുകള്‍വഴി കൂടുതല്‍ ജനസേവന പദ്ധതികള്‍ ആരംഭിക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

സംസ്ഥാനത്തെ റേഷൻവ്യാപാരികളുടെ വേതന പാക്കേജുകളായ കമ്മീഷൻ, ഇൻസെന്റീവ് എന്നിവ വര്‍ദ്ധിപ്പിക്കാന്‍ നടപടി സ്വീകരിക്കുമോ എന്ന് വിശദമാക്കുമോ;

എൻ.എഫ്.എസ്സ്.എ. ഗോഡൗൺ, മാവേലി സ്റ്റോര്‍ എന്നിവിടങ്ങളിൽ ലഭിക്കുന്നതുപോലെ റേഷൻവ്യാപാരികൾക്കും ലീക്കേജ്, ഷോര്‍ട്ടേജ് എന്നിവ നല്‍കാന്‍ നടപടി സ്വീകരിക്കുമോ; എങ്കിൽ വിശദമാക്കുമോ;

റേഷന്‍ വ്യാപാരികളുടെ ക്ഷേമനിധി കാര്യക്ഷമമായി പുനരുദ്ധരിക്കാന്‍ സർക്കാർസഹായവും മുടക്കുമുതലിന് പലിശരഹിതവായ്പയും ലഭ്യമാക്കാന്‍ നടപടി സ്വീകരിക്കുമോ; എങ്കിൽ വിശദമാക്കുമോ;

റേഷന്‍വ്യാപാരികളുടെ വേതനം അതാത് മാസം ലഭിക്കുന്നതിനുള്ള നടപടികൾ സ്വീകരിക്കാന്‍ ഉദ്ദേശിക്കുന്നുണ്ടോ;

റേഷൻകടകളിൽ സാധനങ്ങൾ എത്തിക്കുന്ന കരാറുകാർക്കുള്ള കുടിശിക 100 കോടി രൂപ കവിഞ്ഞതിനെത്തുടർന്ന് സാധനങ്ങൾ എത്താത്തതുമൂലം കടകൾ കാലിയാകുന്നു എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ പരിഹാരം കണ്ടെത്താന്‍ നടപടി സ്വീകരിക്കുമോ?

പത്തനംതിട്ട ജില്ലയിലെ വിവിധ സ്ഥലങ്ങളിൽ വച്ച് അറുപത്തിനാലോളം പേര്‍ അഞ്ച് വര്‍ഷം തന്നെ ശാരീരികമായി പീഡനത്തിന് വിധേയമാക്കിയെന്ന പെണ്‍കുട്ടിയുടെ വെളിപ്പെടുത്തലിന്റെ അടിസ്ഥാനത്തില്‍ പോലീസ് എത്ര പ്രതികളെ കസ്റ്റഡിയില്‍ എടുത്തിട്ടുണ്ട്; ഇതില്‍ എത്ര പേര്‍ പ്രായപൂര്‍ത്തിയാകാത്തവരുണ്ടെന്ന് അറിയിക്കാമോ;

പെണ്‍കുട്ടിക്ക് പ്രായപൂര്‍ത്തിയാകുന്നതിന് മുമ്പ് പീഡനത്തിന് വിധേയരാക്കിയവര്‍ എത്ര പേരാണ്;

പെണ്‍കുട്ടിക്ക് നീതി ഉറപ്പാക്കാന്‍ കഴിയത്തക്കവിധം പഴുതടച്ചുള്ള അന്വേഷണം നടത്തുന്നതിനാവശ്യമായ നിര്‍ദേശം നല്‍കിയിട്ടുണ്ടോ?

അവയവദാനം സംബന്ധിച്ച് ജനങ്ങളില്‍ അവബോധമുണ്ടാക്കുന്നതിന് കാര്യക്ഷമമായ പ്രവര്‍ത്തനങ്ങള്‍ ആവശ്യമാണെന്നത് പരിശോധിച്ചിട്ടുണ്ടോ; എങ്കില്‍ അതിനായി എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വ്യക്തമാക്കാമോ;

അവയവദാന മേഖലയില്‍ പ്രവര്‍ത്തിക്കുന്ന ഡോക്ടര്‍മാര്‍ക്കും മറ്റ് അനുബന്ധ ജീവനക്കാര്‍ക്കും ആവശ്യമായ പ്രത്യേക പരിശീലനം നല്‍കാറുണ്ടോയെന്ന് അറിയിക്കുമോ;

മസ്തിഷ്കമരണം സര്‍ട്ടിഫൈ ചെയ്യുന്നതിന് പുറപ്പെടുവിച്ചിട്ടുള്ള മാര്‍ഗനിർദ്ദേശങ്ങൾ വ്യക്തമാക്കുമോ?

തരംതിരിക്കാന്‍ കഴിയാത്ത മാലിന്യം നിര്‍മ്മാര്‍ജ്ജനം ചെയ്യുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കുമോ;

പുനരുപയോഗം സാധ്യമല്ലാത്ത അജൈവ മാലിന്യത്തെ റെഫ്യൂസ്-ഡിറൈവ്ഡ് ഫ്യുവല്‍ (ആര്‍.ഡി.എഫ്.) ആക്കി മാറ്റുന്നതിന് ഏര്‍പ്പെടുത്തിയിട്ടുള്ള സംവിധാനങ്ങൾ എന്തെല്ലാമാണെന്ന് വിശദമാക്കുമോ;

സംസ്ഥാനത്ത് വേസ്റ്റ് ടു എനർജി പ്ലാന്റ് സ്ഥാപിക്കുന്നതിൽ എന്ത് പുരോഗതി നേടിയിട്ടുണ്ടെന്നും അത്തരം പ്ലാന്റുകൾ എവിടെയൊക്കെ സ്ഥാപിക്കാൻ നടപടി സ്വീകരിച്ചിട്ടുണ്ടെന്നും അറിയിക്കുമോ;

പ്രസ്തുത പ്ലാന്റുകളിൽ ഉല്പാദിപ്പിക്കപ്പെടുന്ന ഊർജ്ജം ഉപയോഗപ്രദമാക്കുന്നതിന് സ്വീകരിച്ച നടപടി വിശദമാക്കുമോ ?

സംസ്ഥാനത്ത് മഞ്ഞപ്പിത്തം അടക്കമുള്ള രോഗങ്ങൾ വ്യാപകമാകുന്നതിന്റെ കാരണം പരിശോധിച്ചിട്ടുണ്ടോ;

വിവിധ പ്രദേശങ്ങളിൽ ക്ലസ്റ്റർ അടിസ്ഥാനത്തിൽ മഞ്ഞപ്പിത്തം വ്യാപിക്കുന്നത് തടയാൻ നടപടികൾ സ്വീകരിച്ചിട്ടുണ്ടോ എന്നറിയിക്കുമോ;

ആരോഗ്യ രംഗത്ത് ഉണ്ടായിരിക്കുന്ന ഗുരുതരമായ വീഴ്ചയാണ് മഞ്ഞപ്പിത്തം അടക്കമുള്ള രോഗങ്ങൾ പടരാനുള്ള കാരണം എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ?