കേന്ദ്ര സര്‍ക്കാര്‍ പുഴുക്കലരിക്ക് പകരം പച്ചരി അനുവദിക്കുന്നതുള്‍പ്പെടെയുള്ള കാരണങ്ങളാല്‍ റേഷന്‍ വിതരണത്തിലുണ്ടാകുന്ന കുറവ് കാരണം സംസ്ഥാനത്തെ റേഷന്‍ കടകളില്‍ നാലിലൊരു ഭാഗത്തോളം നടത്തികൊണ്ടുപോകാന്‍ കഴിയാത്ത തരത്തില്‍ വരുമാനക്കുറവ് നേരിടുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം പരിശോധനാ വിധേയമാക്കിയിരുന്നോ;

റേഷന് പുറമേ മാവേലി സ്റ്റോറുകളിലൂടെ വില്‍ക്കുന്ന സബ്സിഡി സാധനങ്ങളും കോമണ്‍ സര്‍വീസ് സെന്ററും ഉള്‍പ്പെടുത്തി കെ. സ്റ്റോറുകളാക്കുന്നതിനുള്ള താല്പര്യം പ്രകടിപ്പിക്കുന്ന റേഷന്‍ കടകളെ ഇത്തരത്തിൽ വിപുലീകരിക്കുന്ന കാര്യം പരിഗണിക്കുന്നുണ്ടോയെന്ന് വ്യക്തമാക്കുമോ?

വടക്കാഞ്ചേരിയിൽ ലൈഫ് പദ്ധതിയുടെ ഭാഗമായി റെഡ്‍ക്രെസെന്റും ലൈഫ് മിഷനും തമ്മിലുള്ള എം.ഒ.യു.വിൽ ലൈഫ് മിഷനും റെഡ്‍ക്രെസെന്റും തമ്മിൽ സഹകരിക്കുന്ന ഓരോ പദ്ധതിക്കും എഗ്രിമെന്റ് ഉണ്ടാകണം എന്ന് നിഷ്കർഷിക്കുന്നുണ്ടോ; വ്യക്തമാക്കാമോ;

പ്രസ്തുത എം.ഒ.യു.വിന്റെ ഭാഗമായി കരാറുകൾ ഉണ്ടാക്കിയിട്ടുണ്ടോ; വിശദാംശം നൽകാമോ?

സംസ്ഥാനത്ത് പോലീസിന്റെ കാര്യക്ഷമത വര്‍ദ്ധിപ്പിക്കുന്ന വിധത്തില്‍ ആധുനിക സാങ്കേതികവിദ്യയുടെ വിപുലമായ പ്രയോഗം നടത്താന്‍ സാധിച്ചിട്ടുണ്ടോ; വിശദമാക്കുമോ;

ക്രമസമാധാനപാലനം ജനപങ്കാളിത്തത്തോടെ കാര്യക്ഷമമാക്കുന്നതിന് ആവിഷ്കരിച്ചിട്ടുള്ള ജനകീയ പോലീസ് സമ്പ്രദായത്തിന്റെ ഫലപ്രാപ്തിയെ കുറിച്ച് അറിയിക്കാമോ?

വടക്കാഞ്ചേരിയിൽ ലൈഫ് പദ്ധതിയുടെ ഭാഗമായി റെഡ് ക്രെസെന്റ് എന്ന വിദേശ സ്ഥാപനത്തിൽ നിന്നും സഹായം സ്വീകരിക്കാൻ ലൈഫ് മിഷൻ എം.ഒ.യു. ഒപ്പുവച്ചത് ലൈഫ് മിഷൻ ചെയർമാനായ മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിലെ തീരുമാനത്തിന്റെ അടിസ്ഥാനത്തിലാണോ എന്ന് വ്യക്തമാക്കാമോ;

പ്രസ്തുത യോഗത്തിന്റെ മിനിട്സ് ലഭ്യമാണോ എന്ന് വ്യക്തമാക്കാമോ; ഇല്ലെങ്കിൽ കാരണം വിശദമാക്കാമോ;

പ്രസ്തുത യോഗത്തിലെ പ്രധാന തീരുമാനങ്ങൾ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളില്‍ നിന്ന് ജനങ്ങൾക്ക് ലഭിക്കേണ്ട സേവനങ്ങള്‍ പൂര്‍ണ്ണമായും ഓണ്‍ലൈനായി നല്‍കാന്‍ തീരുമാനിച്ചിട്ടുണ്ടോ; അതിന് ആവശ്യമായ പശ്ചാത്തല സൗകര്യം ഒരുക്കിയിട്ടുണ്ടോ;

എല്ലാ തദ്ദേശ സ്വയംഭരണ സ്ഥാപനങ്ങളിലെയും സോഫ്റ്റ്‍വെയര്‍ ഏകീകരിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; എങ്കില്‍ അതിനായി സ്വീകരിച്ചുവരുന്ന നടപടികള്‍ അറിയിക്കാമോ;

ഏകീകൃത തദ്ദേശ സ്വയംഭരണ വകുപ്പിൽ നിലവില്‍ എത്ര ജീവനക്കാരുണ്ട്; ഏകീകരണത്തിന് ശേഷം ജീവനക്കാരുടെ പുനര്‍വിന്യാസം നടത്താന്‍ നടപടി സ്വീകരിച്ചിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് സ്കൂൾ കുട്ടികളുടെ സമഗ്രമായ ആരോഗ്യ പുരോഗതി ലക്ഷ്യമിട്ട് നൂതന സ്കൂൾ ആരോഗ്യ പരിപാടി പരിഗണനയിലുണ്ടോ; വിശദാംശം നൽകുമോ;

18 വയസ്സിന് താഴെയുള്ള കുട്ടികൾക്ക് സൗജന്യ ചികിത്സ നൽകുന്നതിനായി ഈ സർക്കാർ നടപ്പാക്കി വരുന്ന ആരോഗ്യ കിരണം പദ്ധതിയുടെ പ്രവർത്തനം അവലോകനം ചെയ്തിട്ടുണ്ടോ; വിശദാംശം നൽകുമോ;

കുട്ടികളിൽ സർവസാധാരണമായി കണ്ടുവരുന്ന വിളർച്ച, പോഷകക്കുറവ് എന്നിവ കണ്ടെത്തി സമയബന്ധിതമായി ചികിത്സ നൽകുന്നതിന് നിലവിൽ പദ്ധതിയുണ്ടോ; വിശദമാക്കുമോ?

സംസ്ഥാനത്ത് വിദഗ്ദ്ധ ചികിത്സയുടെ അഭാവം മൂലം രക്തജന്യരോഗികളുടെ മരണ നിരക്ക് ഉയരുന്നതായി കണ്ടെത്തിയിട്ടുണ്ടോയെന്ന് വ്യക്തമാക്കുമോ;

രക്തജന്യരോഗങ്ങളായ തലാസീമിയ, ഹീമോഫീലിയ, സിക്കിൾസെൽ അനീമിയ എന്നിവയ്ക്ക് ഏര്‍പ്പെടുത്തിയിട്ടുള്ള ചികിത്സാ സൗകര്യങ്ങൾ വിശദമാക്കുമോ;

മലബാർ പ്രദേശത്തുളളവർ പ്രധാനമായും ആശ്രയിക്കുന്ന കോഴിക്കോട് മെഡിക്കൽ കോളേജിൽ രക്തജന്യരോഗങ്ങള്‍ക്ക് പ്രത്യേക ചികിത്സാ സൗകര്യം ഏര്‍പ്പെടുത്താൻ നടപടി സ്വീകരിക്കുമോയെന്ന് വ്യക്തമാക്കുമോ;

ആശാധാര പദ്ധതി പ്രകാരം നൽകി വരുന്ന സഹായങ്ങൾ എന്തെല്ലാമാണെന്ന് വിശദമാക്കുമോ?

സംസ്ഥാനത്ത് നഗരങ്ങളെയെല്ലാം മാലിന്യമുക്തമാക്കുകയെന്ന ലക്ഷ്യത്തോടെ ലോക ബാങ്ക് സഹായത്തോടെ പദ്ധതി ആവിഷ്കരിച്ചിട്ടുണ്ടോ;

മാലിന്യമുക്ത നഗരത്തിന്റെ ഭാഗമായി മൂന്ന് ലക്ഷംവരെ ജനസംഖ്യയുള്ള നഗരങ്ങളുടെയിടയില്‍ ആലപ്പുഴയും ഒരു ലക്ഷം വരെ ജനസംഖ്യയുള്ള നഗരങ്ങളില്‍ ഗുരുവായൂരും ഇന്‍ഡ്യന്‍ സ്വച്ഛതാ ലീഗ് ദേശീയ അവാര്‍ഡ് നേടിയിട്ടുണ്ടോ;

മാലിന്യ സംസ്കരണ പരിപാടിയില്‍ ജനകീയ പങ്കാളിത്തം ഉറപ്പുവരുത്തുന്നതോടൊപ്പം പൊതുസ്ഥലത്ത് മാലിന്യം വലിച്ചെറിയുന്നവര്‍ക്കെതിരെയും മാലിന്യ സംസ്കരണ സംവിധാനമില്ലാത്ത വാണിജ്യ സ്ഥാപനങ്ങള്‍ക്കെതിരെയും കര്‍ശന നടപടിയെടുക്കാന്‍ എന്‍ഫോഴ്സ്മെന്റ് സ്ക്വാഡുകള്‍ രൂപീകരിച്ചിട്ടുണ്ടോ; എങ്കില്‍ സ്ക്വാഡുകളുടെ കാര്യക്ഷമത വിലയിരുത്തിയിട്ടുണ്ടോ എന്ന് വ്യക്തമാക്കുമോ?

സംസ്ഥാനത്തെ മെഡിക്കൽ കോളേജ് ആശുപത്രികളിൽ പ്രവര്‍ത്തിക്കുന്ന ഔഷധ വിപണന, വിതരണ കേന്ദ്രങ്ങളുടെ ഉദ്ദേശ്യലക്ഷ്യങ്ങൾ വ്യക്തമാക്കാമോ;

മരുന്നുകളെക്കുറിച്ചുള്ള എന്തെല്ലാം വിവരങ്ങളും സേവനങ്ങളും ഔഷധ വിപണന, വിതരണ കേന്ദ്രങ്ങളി‍ൽ നിന്ന് പൊതുജനങ്ങൾക്ക് ലഭ്യമാകുന്നു എന്ന് വ്യക്തമാക്കാമോ;

വിപണിയിൽ ഇറങ്ങുന്ന പുതിയ മരുന്നുകളെക്കുറിച്ചുള്ള വിവരങ്ങൾ പൊതുജനങ്ങൾക്ക് ലഭ്യമാക്കുവാൻ നടപടി സ്വീകരിച്ചിട്ടുണ്ടോ; വിപണിയില്‍ നിന്നും പിന്‍വലിച്ച മരുന്നുകളെക്കുറിച്ചുള്ള അറിവ് പൊതുജനങ്ങള്‍ക്ക് നല്‍കാറുണ്ടോ; വ്യക്തമാക്കുമോ;

മെഡിക്കൽ കോളേജുകളിൽ പ്രവർത്തിക്കുന്ന ഔഷധ കേന്ദ്രങ്ങളിലൂടെ വിതരണം ചെയ്യുന്ന മരുന്നുകളുടെ ഗുണനിലവാരം പരിശോധിക്കുന്നതിന് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വ്യക്തമാക്കാമോ?

സംസ്ഥാനത്ത് സമ്പൂര്‍ണ്ണ ഭക്ഷ്യഭദ്രത ലക്ഷ്യമാക്കി എന്തെല്ലാം കര്‍മ്മപദ്ധതികളാണ് ആവിഷ്കരിച്ച് നടപ്പാക്കിവരുന്നത്; വിശദാംശം നല്‍കുമോ;

നൂറ് ശതമാനം റേഷന്‍ ഉപഭോക്താക്കളേയും ആധാര്‍ കാര്‍ഡുമായി ബന്ധിപ്പിക്കുന്നതിന് കഴിഞ്ഞിട്ടുണ്ടോ; എങ്കിൽ ഇക്കാര്യത്തില്‍ രാജ്യത്തെ ആദ്യത്തെ സംസ്ഥാനമായി കേരളം മാറിയിട്ടുണ്ടോ; വിശദമാക്കാമോ;

അതിദരിദ്രരായി കണ്ടെത്തിയവരില്‍ റേഷന്‍ കാര്‍ഡ് ഇല്ലാത്തവര്‍ക്ക് കാര്‍ഡ് നല്‍കാനുള്ള നടപടികള്‍ നിലവിൽ ഏത് ഘട്ടത്തിലാണ്; മൂന്നാം നൂറു ദിന പരിപാടികളുടെ ഭാഗമായുള്ള കാര്‍ഡ് വിതരണം പൂര്‍ത്തിയാകുന്നതോടെ ഇവര്‍ക്ക് എല്ലാവര്‍ക്കും മുന്‍ഗണനാ കാര്‍ഡ് ഉറപ്പുവരുത്താന്‍ കഴിയുമോ; വിശദമാക്കാമോ?

സംസ്ഥാന സർക്കാർ വിദേശ സഹായം ലഭ്യമാക്കുമ്പോൾ പാലിക്കേണ്ട നടപടിക്രമങ്ങൾ വിശദമാക്കാമോ;

വിദേശ ഏജൻസികളിൽ നിന്നും സംസ്ഥാന സർക്കാർ പണം സ്വീകരിക്കുന്നതിനോ അല്ലെങ്കിൽ വിദേശ ഏജൻസികളിൽ നിന്നും പണം സ്വീകരിച്ചുകൊണ്ട് സർക്കാർ പദ്ധതികള്‍ നടപ്പിലാക്കുന്നതിനോ കേന്ദ്ര സർക്കാരിന്റെ അംഗീകാരം ആവശ്യമുണ്ടോ എന്ന് വ്യക്തമാക്കുമോ;

വടക്കാഞ്ചേരിയിൽ ലൈഫ് പദ്ധതിയുടെ ഭാഗമായി റെഡ്ക്രെസെന്റ് എന്ന വിദേശ സ്ഥാപനത്തിൽ നിന്നും സഹായം സ്വീകരിക്കാൻ ലൈഫ് മിഷൻ തീരുമാനിച്ച നടപടി കേന്ദ്ര സർക്കാരിന്റെ അംഗീകാരത്തിന് വിധേയമാക്കിയിട്ടുണ്ടോ എന്ന് വ്യക്തമാക്കാമോ?

ഭാരത് ജോഡോ യാത്രയുടെ ഭാഗമായി 18 ദിവസം സംസ്ഥാനത്ത് പര്യടനം നടത്തിയ രാഹുല്‍ ഗാന്ധി എം.പി. യ്ക്ക് ഏത് പ്രോട്ടോകോള്‍ വ്യവസ്ഥ പ്രകാരമുളള പോലീസ് സുരക്ഷാ സംവിധാനമാണ് ഒരുക്കിയതെന്ന് വ്യക്തമാക്കാമോ;

പ്രസ്തുത യാത്രയുമായി ബന്ധപ്പെട്ട് ഓരോ ദിവസവും നിയോഗിക്കപ്പെട്ട പോലീസ് ഉദ്യോഗസ്ഥരുടെ റാങ്ക് തിരിച്ചുളള എണ്ണം വ്യക്തമാക്കാമോ; ഇത് മൂലം സര്‍ക്കാരിന് അധിക സാമ്പത്തിക ബാധ്യത ഉണ്ടായിട്ടുണ്ടോ; വിശദാംശം നല്‍കാമോ;

പ്രസ്തുത യാത്രയുമായി ബന്ധപ്പെട്ട് സംസ്ഥാനത്ത് എവിടെയെങ്കിലും സുരക്ഷാപ്രശ്നങ്ങള്‍ ഉണ്ടായതായി റിപ്പോര്‍ട്ട് ചെയ്യപ്പെട്ടിട്ടുണ്ടോ; പ്രസ്തുത യാത്രയ്ക്ക് കേരള പോലീസ് ഒരുക്കിയ സുരക്ഷാക്രമീകരണങ്ങള്‍ സംബന്ധിച്ച് എന്തെങ്കിലും പരാതികള്‍ ഉണ്ടായിട്ടുണ്ടോ; വിശദമാക്കാമോ;

ഓരോ അധികാര സ്ഥാനത്തിരിക്കുന്നവരുടെയും സുരക്ഷ സംബന്ധിച്ച വര്‍ഗീകരണം നടത്തുന്നതിനും അതിനുവേണ്ട ക്രമീകരണം ഏര്‍പ്പെടുത്തുന്നതിനുമുളള മാനദണ്ഡം വ്യക്തമാക്കാമോ?

മുഖ്യമന്ത്രിയുടെ ദുരിതാശ്വാസ നിധിയിൽ നിന്നും ധനസഹായം തട്ടിയെടുക്കുന്നതിനായി ഉദ്യോഗസ്ഥരും ഏജന്റുമാരും ഡോക്ടർമാരും അടങ്ങിയ സംഘം സംസ്ഥാനത്ത് വ്യാപകമായി പ്രവർത്തിക്കുന്നതായി വിജിലൻസ് പരിശോധനയിൽ കണ്ടെത്തിയിട്ടുണ്ടോ; എങ്കിൽ വിശദാംശം അറിയിക്കുമോ;

ഇത്തരം തട്ടിപ്പിൽ ഉൾപ്പെട്ടിട്ടുളളവർക്കെതിരെ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്; വിശദമാക്കുമോ?

സംസ്ഥാനത്ത് സര്‍ക്കാര്‍ സര്‍വീസ് കാര്യക്ഷമമാക്കുന്നതിനും ഒഴിവുകള്‍ സമയബന്ധിതമായി നികത്തുന്നതിനും നടപടി സ്വീകരിച്ചിട്ടുണ്ടോയെന്ന് വ്യക്തമാക്കുമോ;

2011-16 കാലത്തേതില്‍ നിന്ന് വിഭിന്നമായി പബ്ലിക് സര്‍വീസ് കമ്മീഷന്റെ പ്രവര്‍ത്തനം കാര്യക്ഷമമായി നടത്തിയതുവഴി എത്ര പേരെ കഴിഞ്ഞ സര്‍ക്കാരിന്റെ കാലം മുതല്‍ നിയമിക്കാന്‍ കഴിഞ്ഞെന്ന് അറിയിക്കാമോ;

സിവില്‍ സര്‍വീസ് കാര്യക്ഷമമാക്കുന്നതിന് സര്‍ക്കാര്‍ സ്വീകരിച്ചുവരുന്ന നടപടികള്‍ വിശദമാക്കുമോ?

സംസ്ഥാനത്ത് ആഗോള തൊഴില്‍ സാധ്യത പഠിക്കാന്‍ നോര്‍ക്ക റൂട്ട്സ് ഐ.ഐ.എം. കോഴിക്കോടുമായി ചേര്‍ന്ന് പഠനം തുടരുന്നുണ്ടോ; വ്യക്തമാക്കാമോ;

വിദേശ തൊഴില്‍ വിപണിയിലെ വ്യവസ്ഥകള്‍ക്കും സാങ്കേതികവിദ്യകള്‍ക്കും അനുയോജ്യമായ വിധത്തില്‍ തൊഴില്‍ അന്വേഷകരുടെ നൈപുണിശേഷി വികസനത്തിന് എന്തെങ്കിലും പദ്ധതിയുണ്ടോ; വ്യക്തമാക്കാമോ;

ജര്‍മനി, യു.കെ. എന്നീ രാജ്യങ്ങളുമായുമുള്ള ധാരണ പ്രകാരം നഴ്‌സിംഗ് റിക്രൂട്ട്മെന്റ് നടത്തുന്നതിന് നോര്‍ക്കയുടെ റിക്രൂട്ടിംഗ് വിംഗ് ഫലപ്രദമായി ഇടപ്പെട്ടിട്ടുണ്ടോ; വ്യക്തമാക്കാമോ?

കെ-ഫോൺ പദ്ധതിയ്ക്കായി സര്‍ക്കാര്‍ ഏര്‍പ്പെടുത്തിയിട്ടുള്ള അടിസ്ഥാന സൗകര്യങ്ങള്‍ എന്തെല്ലാമാണെന്നും ഇതിനായി എത്ര തുക ചെലവഴിച്ചെന്നും അറിയിക്കാമോ;

ഡിജിറ്റല്‍ സാക്ഷരതയ്ക്കും സംസ്ഥാനം ലക്ഷ്യമിടുന്ന വിജ്ഞാന സമ്പദ് വ്യവസ്ഥയ്ക്കും കെ-ഫോണ്‍ ഏതെല്ലാം വിധത്തില്‍ സഹായകരമാകുമെന്നാണ് പ്രതീക്ഷിക്കുന്നത്; വ്യക്തമാക്കുമോ?

വടക്കാഞ്ചേരിയിൽ ലൈഫ് പദ്ധതിയുടെ ഫ്ലാറ്റ് നിർമ്മാണത്തിന്റെ ഭാഗമായി ഹാബിറ്റാറ്റ് എന്ന സ്ഥാപനത്തിന് സർക്കാർ ഭൂമിയിൽ കെട്ടിടം നിർമ്മിക്കുന്നതിന് അനുമതി നൽകാൻ തീരുമാനമെടുത്തിരുന്നോ എന്ന് വ്യക്തമാക്കാമോ;

ഇത് സംബന്ധിച്ച് പ്രസ്തുത സ്ഥാപനവുമായി കരാറിൽ ഏർപ്പെട്ടിരുന്നോ എന്ന് വ്യക്തമാക്കാമോ;

എങ്കില്‍ പ്രസ്തുത കരാറില്‍ നിന്നും പിന്മാറാനുണ്ടായ സാഹചര്യം വിശദമാക്കാമോ?

വടക്കാഞ്ചേരിയിൽ ലൈഫ് മിഷന്റെ ഭാഗമായി റെഡ്ക്രെസന്റ് എന്ന വിദേശ സ്ഥാപനത്തിൽ നിന്നും സഹായം ലഭ്യമാക്കികൊണ്ട് നിർമ്മിക്കുന്ന ഫ്ലാറ്റിന്റെ നിർമ്മാണ കരാർ യൂണിടാക്ക് കമ്പനിക്ക് നൽകാനായി തീരുമാനമെടുത്തിരുന്നോ; വിശദമാക്കാമോ;

പ്രസ്തുത ഭവന സമുച്ചയത്തിന്റെ പ്ലാൻ യൂണിടാക്ക് എന്ന സ്ഥാപനം ലൈഫ് മിഷന് സമർപ്പിച്ചിരുന്നോ എന്നും പ്ലാനിന് ലൈഫ് മിഷൻ അംഗീകാരം നൽകിയിരുന്നോ എന്നും പ്ലാൻ സ്പെസിഫിക്കേഷൻ അനുസരിച്ചാണെന്ന് ഉറപ്പാക്കിയിരുന്നോ എന്നും വിശദമാക്കുമോ?

സംസ്ഥാനത്ത് ഉപഭോക്തൃ സേവനങ്ങൾ സാധാരണ ജനങ്ങളിലേയ്ക്ക് അനായാസം എത്തിക്കുന്നതിനും ഉപഭോക്തൃ സംരക്ഷണം ഉറപ്പാക്കുന്നതിനുമായി ലീഗൽ മെട്രോളജി വകുപ്പിൽ പരിഷ്‌കാരങ്ങള്‍ നടപ്പാക്കിയിട്ടുണ്ടോ; വിശദമാക്കാമോ;

ആയതിന്റെ ഭാഗമായി വകുപ്പ് നടത്തിയ പരിശോധനകളില്‍ നിയമ ലംഘനങ്ങൾ കണ്ടെത്തിയിട്ടുണ്ടോ; എങ്കിൽ ഇക്കാര്യത്തില്‍ സ്വീകരിച്ച തുടർനടപടികൾ അറിയിക്കുമോ;

കോവിഡ് വ്യാപനത്തിന്റെ ഫലമായി വ്യാപാരികൾ നേരിട്ട നിയമപരമായ പ്രയാസങ്ങൾ പരിഹരിക്കുവാൻ വകുപ്പ് നടപടി കൈക്കൊണ്ടിട്ടുണ്ടോ; എങ്കിൽ വിശദാംശം അറിയിക്കുമോ;

കോവിഡ് മൂലവും മറ്റ് കാരണങ്ങളാലും മുദ്രവെയ്പ്പ് കുടിശിക ആയ അളവ് തൂക്ക ഉപകരണങ്ങൾ മുദ്ര വെയ്ക്കുന്നതിനായി പിഴ ഇളവ് ചെയ്ത് നൽകുന്നത് സംബന്ധിച്ച് നടപടികൾ കൈക്കൊണ്ടിട്ടുണ്ടോ; എങ്കിൽ വിശദാംശം അറിയിക്കുമോ;

ലീഗൽ മെട്രോളജി വകുപ്പിനെ കടലാസ് രഹിത ഓഫീസാക്കി മാറ്റുക എന്ന ഉദ്ദേശ്യത്തോടെ ആധുനികവത്കരണ പ്രവർത്തനങ്ങള്‍ ആരംഭിച്ചിട്ടുണ്ടോ; വിശദമാക്കാമോ?

എല്ലാ രണ്ടാം വര്‍ഷ പി.ജി. ഡോക്ടര്‍മാരെയും ജില്ലാ ജനറല്‍ ആശുപത്രികളിലും താലൂക്ക് ആശുപത്രികളിലും പഠന സേവനത്തിന്റെ ഭാഗമായി നിയമിക്കാന്‍ തീരുമാനിച്ചിട്ടുണ്ടോ; വ്യക്തമാക്കുമോ;

ദ്വിതീയ തലത്തിലുള്ള ആരോഗ്യ സംവിധാനം ശാക്തീകരിച്ച് മെഡിക്കല്‍ കോളേജുകളെ റെഫറൽ ആശുപത്രികളാക്കി സെന്റര്‍ ഓഫ് എക്സലന്‍സ് ആയി ഉയര്‍ത്തുന്നതിന് പദ്ധതിയുണ്ടോ; വിശദമാക്കുമോ;

റീജണല്‍ കാന്‍സര്‍ സെന്റര്‍, മലബാര്‍ കാന്‍സര്‍ സെന്റര്‍ എന്നീ സ്ഥാപനങ്ങളിൽ റോബോട്ടിക് ശസ്ത്രക്രിയ ഉള്‍പ്പെടെയുള്ള സൗകര്യങ്ങള്‍ ഏര്‍പ്പെടുത്തി ഉത്കൃഷ്ട ചികിത്സാ കേന്ദ്രങ്ങള്‍ ആയി വികസിപ്പിക്കുന്നതിനായി പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ?

സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളുടെ പദ്ധതി നടത്തിപ്പുമായി ബന്ധപ്പെട്ട കമ്മിറ്റികളിൽ വിദഗ്ധരെ ഉൾപ്പെടുത്താറുണ്ടോ; വിശദമാക്കുമോ;

പ്രാദേശിക സർക്കാരുകളുടെ ഓഡിറ്റ് ചുമതല ആരെയാണ് ഏൽപ്പിച്ചിരിക്കുന്നത് എന്ന് അറിയിക്കുമോ;

തദ്ദേശ സ്വയംഭരണ സ്ഥാപനങ്ങളിലെ ഓഡിറ്റിംഗിന് സ്വതന്ത്ര സ്വഭാവത്തോടുകൂടിയ ഓഡിറ്റ് കമ്മീഷൻ വേണമെന്ന നിർദേശം പരിശോധിച്ചിട്ടുണ്ടോ; എങ്കിൽ പ്രസ്തുത വിഷയം സംബന്ധിച്ച നിലപാട് വ്യക്തമാക്കുമോ?

കുടുംബശ്രീ റെഡി ടു ഈറ്റ് ഉല്പന്നങ്ങള്‍ വിപണിയിലെത്തിക്കാന്‍ പദ്ധതി തയ്യാറാക്കിയിട്ടുണ്ടോ; എങ്കില്‍ വിശദാംശം അറിയിക്കാമോ;

കുടുംബശ്രീയുടെ വിവിധ പ്രവര്‍ത്തനങ്ങള്‍ക്കായി ബജറ്റില്‍ നടപ്പ് സാമ്പത്തിക വര്‍ഷം എത്ര തുകയാണ് വകയിരുത്തിയിട്ടുള്ളത്;

കുടുംബശ്രീയുടെ സംഘടനാ സംവിധാനം കൂടുതല്‍ വിപുലീകരിക്കുന്നതിനും സംഘങ്ങളുടെയും അംഗങ്ങളുടെയും കാര്യശേഷി വര്‍ദ്ധിപ്പിക്കുന്നതിനും പദ്ധതിയുണ്ടോ എന്ന് അറിയിക്കാമോ?

സർക്കാർ മെഡിക്കൽ കോളേജുകളിൽ ഹൃദയാഘാതത്തെ തുടര്‍ന്ന് അത്യാഹിത വിഭാഗത്തിൽ എത്തിക്കുന്ന രോഗിക്ക് ചികിത്സ ലഭിക്കാൻ നാല് മണിക്കൂറിലേറെ സമയമെടുക്കുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

അത്യാഹിത വിഭാഗത്തോട് ചേർന്ന് ഹൃദ്രോഗത്തിനും പക്ഷാഘാതത്തിനും എത്രയും വേഗം ചികിത്സ ലഭ്യമാക്കുന്നതിനായി എന്തെങ്കിലും സംവിധാനം ഒരുക്കാൻ ഉദ്ദേശിക്കുന്നുണ്ടോ; വിശദാംശം നൽകുമോ;

മെഡിക്കൽ കോളേജുകളിലെ അത്യാഹിത വിഭാഗത്തിൽ അടിയന്തര ചികിത്സ ലഭ്യമാക്കുന്നതിന് സ്വീകരിക്കാനുദ്ദേശിക്കുന്ന നടപടികൾ എന്തെല്ലാമാണെന്ന് വ്യക്തമാക്കുമോ?

പുതിയ കാല സാമൂഹിക പശ്ചാത്തലത്തിൽ കുട്ടികളുടെ ശാരീരിക, സാമൂഹിക, മാനസിക ആരോഗ്യ വികസനത്തിന് കൂടുതൽ കാര്യക്ഷമമായ ഇടപെടലുകള്‍ നടത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

കുട്ടികളുടെ സമഗ്രമായ ശാരീരിക, മാനസിക ആരോഗ്യ വികസനത്തിനായി സ്കൂൾ ആരോഗ്യ പരിപാടി ആവിഷ്കരിക്കുവാന്‍ ആരോഗ്യ വകുപ്പ് തീരുമാനിച്ചിട്ടുണ്ടോ; വിശദമാക്കാമോ;

വിദ്യാഭ്യാസ കാലത്ത് തന്നെ സാമൂഹിക വെല്ലുവിളികളെ അതിജീവിച്ച് കഴിവുകൾ വികസിപ്പിക്കുന്നതിന് ഉപകരിക്കുന്ന തരത്തില്‍ പ്രസ്തുത പദ്ധതി നടപ്പാക്കുമോയെന്ന് വ്യക്തമാക്കാമോ;

പദ്ധതിയുടെ ഭാഗമായി സ്കൂളുകളും സ്ഥലത്തെ കുടുംബാരോഗ്യ കേന്ദ്രങ്ങളും തമ്മിൽ നിരന്തര പ്രവർത്തനബന്ധം ഉണ്ടാക്കുവാനും അദ്ധ്യാപകർക്കും വിദ്യാർത്ഥികൾക്കും പ്രാഥമിക ചികിത്സയിൽ പരിശീലനം നൽകുവാനും തീരുമാനിച്ചിട്ടുണ്ടോയെന്ന് അറിയിക്കാമോ?

വടക്കാഞ്ചേരിയിൽ ലൈഫ് പദ്ധതിയുടെ ഭാഗമായി റെഡ്ക്രെസന്റ് എന്ന വിദേശ സ്ഥാപനത്തിൽ നിന്നും സഹായം സ്വീകരിക്കുന്നതുമായി ബന്ധപ്പെട്ട് യു.എ.ഇ. കോൺസുലേറ്റ് ജനറലും യു.എ.ഇ. കോൺസുലേറ്റ് ജീവനക്കാരുമായി മുഖ്യമന്ത്രി ഔദ്യോഗിക വസതിയിൽ വച്ച് ചർച്ച നടത്തിയിട്ടുണ്ടോ;

എങ്കിൽ പ്രസ്തുത ചർച്ചയിലെ പ്രധാനപ്പെട്ട തീരുമാനങ്ങൾ എന്തൊക്കെയായിരുന്നു വെന്ന് വിശദമാക്കാമോ;

വിദേശ രാജ്യങ്ങളിലെ എംബസി ഉദ്യോഗസ്ഥരുമായി ചർച്ച നടത്തുമ്പോൾ പാലിക്കേണ്ട എന്തൊക്കെ വ്യവസ്ഥകളാണ് പ്രോട്ടോകോൾ ഹാൻഡ്‌ബുക്കില്‍ നിഷ്കർഷിച്ചിരിക്കുന്നതെന്ന് വിശദമാക്കാമോ;

പ്രസ്തുത ഉദ്യോഗസ്ഥരുമായി ചർച്ച നടത്തുമ്പോൾ പാലിക്കേണ്ട നടപടിക്രമങ്ങൾ മേൽപ്പറഞ്ഞ ചർച്ചയ്ക്ക് പാലിച്ചിട്ടുണ്ടോയെന്ന് വ്യക്തമാക്കാമോ?

സംസ്ഥാനത്ത് ഓരോ പ്രദേശത്തെയും ജല ലഭ്യതയും വിനിയോഗവും അടിസ്ഥാനമാക്കി ജല ബജറ്റ് തയ്യാറാക്കുന്നതിനുള്ള നടപടികള്‍ ആരംഭിച്ചിട്ടുണ്ടോ; തദ്ദേശ സ്വയംഭരണ സ്ഥാപന തലത്തിലാണോ ഇത് തയ്യാറാക്കുന്നത്; ഇന്ത്യയില്‍ ആദ്യമായി ഇത്തരത്തില്‍ ജല ബജറ്റ് തയ്യാറാക്കുന്നത് കേരളത്തിലാണോ; വിശദാംശം ലഭ്യമാക്കാമോ;

പ്രദേശത്തെ ജല ലഭ്യത, ഉപയോഗം, ഭൂഗര്‍ഭ ജലവിതാനം, ജലത്തിന്റെ ദുരുപയോഗം എന്നിവ സംബന്ധിച്ച പഠനം നടത്തി ജല ബജറ്റിന്റെ ഭാഗമായി പദ്ധതികള്‍ തയ്യാറാക്കുന്നുണ്ടോ; എങ്കില്‍ എന്തെല്ലാം കാര്യങ്ങളാണ് ഇതുവഴി ലക്ഷ്യമിടുന്നത്; വിശദാംശം ലഭ്യമാക്കാമോ?

കഴി‍ഞ്ഞ സര്‍ക്കാരിന്റെ കാലം മുതല്‍ നാളിതുവരെയുള്ള കാലയളവില്‍ പി.എസ്.സി. വഴി നല്‍കിയ നിയമനം ഇക്കാലയളവില്‍ കേന്ദ്ര റിക്രൂട്ടിംഗ് ഏജന്‍സിയായ യു.പി.എസ്.സി. രാജ്യത്താകെ നല്‍കിയ നിയമനത്തേക്കാള്‍ കൂടുതലാണോ എന്ന് പരിശോധിച്ചിട്ടുണ്ടോ; എങ്കില്‍ വിശദമാക്കാമോ;

2011-16 കാലയളവിലെ സര്‍ക്കാരിന്റെ കാലത്ത് പി.എസ്.സി. വഴി ആകെ നല്‍കിയ നിയമനം എത്രയെന്ന് വ്യക്തമാക്കാമോ?

സംസ്ഥാനത്ത് വനിതാ നയം രൂപം കൊണ്ടത് എപ്പോഴാണെന്നും അത് പുതുക്കിയത് ഏത് വര്‍ഷത്തിലാണെന്നും അറിയിക്കാമോ;

തീരദേശ മേഖലയിലെയും പട്ടിക ഗോത്രവര്‍ഗ്ഗ മേഖലയിലെയും സ്ത്രീകളുടെ വിദ്യാഭ്യാസത്തിനും നൈപുണ്യ വികസനത്തിനും സ്വയംപര്യാപ്തതയ്ക്കും ഉതകുംവിധം സംസ്ഥാനത്തിന്റെ വനിതാ നയം പുതുക്കുന്നതിന് പദ്ധതിയുണ്ടോയെന്ന് വ്യക്തമാക്കുമോ?

റോഡ് മാർഗ്ഗമുള്ള ചരക്ക് ഗതാഗത സൗകര്യങ്ങൾ വർദ്ധിച്ചിട്ടില്ലാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം കണക്കിലെടുത്ത് ജലമാർഗ്ഗം ഉള്ള ചരക്ക് നീക്കം ശക്തിപ്പെടുത്തുന്നതിന് സർക്കാർ നടപടി സ്വീകരിച്ചിട്ടുണ്ടോ; വിശദമാക്കാമോ?

ലൈഫ് മിഷൻ ചെയർമാനായ മുഖ്യമന്ത്രിയുടെ അധ്യക്ഷതയിൽ ചേർന്ന യോഗത്തിലെ ചര്‍ച്ചയുടെ അടിസ്ഥാനത്തിലാണോ ലൈഫ് മിഷൻ പദ്ധതിയുടെ ഭാഗമായി റെഡ്ക്രെസെന്റ് എന്ന വിദേശ സ്ഥാപനത്തിൽ നിന്നും സഹായം സ്വീകരിക്കാൻ എം.ഒ.യു. ഒപ്പുവയ്ക്കാനുള്ള തീരുമാനം കൈക്കൊണ്ടതെന്ന് വ്യക്തമാക്കാമോ;

പ്രസ്തുത യോഗത്തിലെ പ്രധാന തീരുമാനങ്ങൾ എന്തൊക്കെയായിരുന്നു എന്ന് വിശദമാക്കാമോ?