1999 ലെ കേരള ലോകായുക്ത നിയമത്തിലെ വകുപ്പ് 14 ഭരണഘടനാവിരുദ്ധമാണെന്ന് ഏതെങ്കിലും കോടതിയുടെ വിധി ഉണ്ടായിട്ടുണ്ടോ;

എങ്കിൽ ഏതൊക്കെ കേസുകളിലാണ് അപ്രകാരമുള്ള വിധി ഉണ്ടായിട്ടുള്ളത്; പ്രസ്തുത വിധിന്യായങ്ങളുടെ പ്രസക്തഭാഗങ്ങൾ വ്യക്തമാക്കുമോ?

സംസ്ഥാനത്തെ വിവിധ കോടതികളിലായി തീർപ്പാകാതെ കെട്ടികിടക്കുന്ന സ്ത്രീപീഡന കേസുകളുടെയും പോക്സോ കേസുകളുടെയും എണ്ണം എത്ര വീതം ആണെന്ന് അറിയിക്കുമോ;

ഏതു വർഷം മുതലുള്ള കേസുകളാണ് ഇപ്രകാരം കെട്ടിക്കിടക്കുന്നത്; വർഷം തിരിച്ചുള്ള കണക്ക് ലഭ്യമാക്കുമോ;

പ്രസ്തുത കേസുകൾ തീർപ്പാക്കാനാകാതെ കെട്ടിക്കിടക്കുന്നതിനുള്ള കാരണങ്ങൾ എന്തൊക്കെയാണെന്നാണ് വിലയിരുത്തുന്നത്;

കെട്ടിക്കിടക്കുന്ന കേസുകൾ തീർപ്പാക്കുന്നതിനായി എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദീകരിക്കുമോ?

നിയമ നിർമ്മാണ പ്രക്രിയയുടെ ഭാഗമായി മന്ത്രിമാർ സഭയിൽ അവതരിപ്പിക്കുന്ന ഔദ്യോഗിക ഭേദഗതികൾ നിയമവകുപ്പ് പരിശോധിച്ച് അംഗീകാരം നൽകാറുണ്ടോ;

സർക്കാരിന്റെ നിർദ്ദേശമെന്ന നിലയിൽ മന്ത്രിമാർ സഭയിൽ അവതരിപ്പിക്കുന്ന ഔദ്യോഗിക ഭേദഗതികൾ ഭരണഘടന അനുസൃതമാണെന്ന് ഉറപ്പാക്കുന്നതിന് നിലവിലുള്ള സംവിധാനം എന്താണെന്ന് വ്യക്തമാക്കാമോ?

ചവറ നിയോജകമണ്ഡലത്തില്‍ പ്രവര്‍ത്തിക്കുന്ന കയര്‍ സഹകരണ സംഘങ്ങള്‍ ഏതൊക്കെയാണ്; 2016 മുതല്‍ ഓരോ സഹകരണ സംഘത്തിനും സര്‍ക്കാരില്‍ നിന്നും എന്തെല്ലാം ആനുകൂല്യങ്ങള്‍ ലഭ്യമായിട്ടുണ്ടെന്ന് അറിയിക്കുമോ?

വ്യവസായ വകുപ്പിനു കീഴിലുള്ള സഹകരണ സ്പിന്നിംഗ് മില്ലുകളിൽ സെക്ഷൻ 80 നടപ്പിലാക്കാൻ വ്യവസ്ഥ ചെയ്യുന്ന 29/02/2016-ലെ ജി.ഒ. (ആര്‍ടി) 226/2016/വ്യവ. പ്രകാരം ശമ്പളപരിഷ്കരണം നടപ്പിലാക്കുന്നതിന് കൈത്തറി ഡയറക്ടർ റിപ്പോര്‍ട്ട് സമര്‍പ്പിച്ചിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച തുടർ നടപടികൾ വിശദമാക്കാമോ;

2016 ഫെബ്രുവരിക്ക് ശേഷം ഏതെല്ലാം സഹകരണ സ്പിന്നിംഗ് മില്ലുകളിലാണ് ഓഫീസര്‍, സ്റ്റാഫ് കാറ്റഗറികളിലുള്ള ജീവനക്കാരുടെ ശമ്പളം പരിഷ്കരിച്ചത്; വ്യക്തമാക്കുമോ; പരിഷ്കരണവുമായി ബന്ധപ്പെട്ട മില്ലുകളുടെ ഉത്തരവുകൾ, ഭരണ സമിതി തീരുമാനങ്ങളുടെ പൂർണ്ണരൂപം എന്നിവ ലഭ്യമാക്കുമോ?

മലബാര്‍ സിമന്റ്സിന്റെ പ്രവര്‍ത്തനം വിപുലപ്പെടുത്തുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

മലബാര്‍ സിമന്റ്സിന്റെ ഉല്‍പാദനവും വിപണനവും ഉയര്‍ത്തുന്നതിന് എന്തെല്ലാം പദ്ധതികള്‍ ആവിഷ്ക്കരിച്ചിട്ടുണ്ടെന്ന് വിശദമാക്കാമോ?

രാജ്യത്തെ തന്ത്രപ്രധാനമായവയുള്‍പ്പെടെയുള്ള എല്ലാ പൊതുമേഖലാ വ്യവസായ സ്ഥാപനങ്ങളും സ്വകാര്യവല്‍ക്കരിക്കുന്ന സാഹചര്യത്തില്‍ സംസ്ഥാനത്തെ പൊതുമേഖലാ സ്ഥാപനങ്ങളെ പുനരുദ്ധരിച്ച് ശാക്തീകരിക്കാനുള്ള നടപടികള്‍ വിശദമാക്കുമോ;

പൊതുമേഖലയുടെ ആധുനികവല്‍കരണത്തിനായി ആവിഷ്കരിച്ചിട്ടുള്ള ഹ്രസ്വ, മധ്യ, ദീര്‍ഘകാല പദ്ധതികളടങ്ങുന്ന മാസ്റ്റര്‍ പ്ലാനിന്റെ വിശദാംശം ലഭ്യമാക്കാമോ; പ്രസ്തുത പദ്ധതി നടപ്പിലാക്കാൻ ഏർപ്പെടുത്തിയിട്ടുള്ള സംവിധാനത്തെക്കുറിച്ച് അറിയിക്കാമോ;

അടച്ചുപൂട്ടിയ എച്ച്.എല്‍.എല്‍. സംസ്ഥാന സര്‍ക്കാര്‍ ഏറ്റെടുത്ത് പ്രവര്‍ത്തനമാരംഭിച്ചിട്ടുണ്ടോ;

കെ.പി.പി.എല്‍. ( Kerala Paper Products Ltd. )-ല്‍ ലക്ഷ്യമിടുന്ന വികസനത്തെക്കുറിച്ച് അറിയിക്കാമോ?

ആറാലുംമൂട് പ്രവര്‍ത്തിക്കുന്ന കേരളാ ആട്ടോമൊബൈല്‍ ലിമിറ്റഡില്‍ പുതിയതായി ഏതൊക്കെ പ്രോജക്ട് ആണ് നടപ്പാക്കുന്നത് എന്ന് വിശദമാക്കാമോ;

പ്രസ്തുത സ്ഥാപനത്തിന് 2021-22 സാമ്പത്തിക വര്‍ഷത്തില്‍ എത്ര തുക വിവിധ ആവശ്യങ്ങള്‍ക്കായി നല്‍കിയിട്ടുണ്ടെന്ന് വിശദമാക്കാമോ?

വ്യവസായ വകുപ്പിന് കീഴില്‍ എത്ര പൊതുമേഖലാ സ്ഥാപനങ്ങള്‍ ലാഭത്തില്‍ പ്രവര്‍ത്തിക്കുന്നുണ്ട് എന്ന് അറിയിക്കുമോ;

നഷ്ടത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങള്‍ ലാഭത്തിലാക്കുന്നതിനായി മാസ്റ്റര്‍ പ്ലാന്‍ നടപ്പിലാക്കുന്നതിന് ഉദ്ദേശിക്കുന്നുണ്ടോ; വിശദാംശം ലഭ്യമാക്കാമോ?

2016-21 കാലയളവില്‍ സംസ്ഥാനത്ത് നഷ്ടത്തില്‍ പ്രവര്‍ത്തിച്ചിരുന്ന ഏതെല്ലാം പൊതുമേഖലാ സ്ഥാപനങ്ങളെയാണ് ലാഭത്തിലാക്കുവാൻ കഴിഞ്ഞിട്ടുള്ളതെന്ന് അറിയിക്കാമോ;

ഈ സര്‍ക്കാര്‍ അധികാരത്തില്‍ വന്നതിനു ശേഷം പ്രസ്തുത സ്ഥാപനങ്ങളുടെ പ്രവര്‍ത്തനപുരോഗതി വിലയിരുത്തിയിട്ടുണ്ടോ; വിശദമാക്കാമോ?

വിവിധ വകുപ്പുകള്‍ നല്‍കുന്ന സംരംഭക സഹായ പദ്ധതികള്‍ ഏകോപിപ്പിക്കുന്നതിനും സംരംഭകരെ ശരിയായ ദിശയില്‍ കെെത്താങ്ങ് നല്‍കി സഹായിക്കുന്നതിനും നടപടികള്‍ സ്വീകരിച്ചിട്ടുണ്ടോ;

എങ്കില്‍ വ്യവസായ വകുപ്പ് നോഡല്‍ വകുപ്പായി പ്രവർത്തിക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ?

കേരളത്തിലേയ്ക്ക് വ്യവസായസംരംഭങ്ങള്‍ ക്ഷണിക്കുന്നതിന് തെലങ്കാനയിൽ ഇൻവെസ്റ്റ്മെൻറ് റോഡ് ഷോ സംഘടിപ്പിച്ചിരുന്നോ; വ്യക്തമാക്കുമോ;

സംസ്ഥാനത്തെ പ്രതിനിധീകരിച്ച് ആരെല്ലാമാണ് പ്രസ്തുത പരിപാടിയിൽ പങ്കെടുത്തതെന്നും ഇതിനായി എത്ര തുക ചെലവഴിച്ചുവെന്നും ഇനം തിരിച്ച് കണക്ക് ലഭ്യമാക്കുമോ;

തെലങ്കാനയെ അപേക്ഷിച്ച് കേരളത്തിൽ വ്യവസായ സംരംഭങ്ങൾ തുടങ്ങുന്നതിനുള്ള നടപടിക്രമങ്ങള്‍ ലളിതവും സൗഹാര്‍ദപരവും സുതാര്യവും ആണെന്ന് ബോധ്യപ്പെടുത്താൻ കഴിഞ്ഞിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പ്രസ്തുത മീറ്റിംഗിന്റെ അടിസ്ഥാനത്തിൽ എത്ര സംരംഭകരാണ് കേരളത്തിൽ വ്യവസായം തുടങ്ങാൻ പ്രോജക്ടുമായി മുന്നോട്ടു വന്നത്; വിശദാംശങ്ങൾ ലഭ്യമാക്കുമോ?

ഇൻകലിന്റെ ഉദ്ദേശ ലക്ഷ്യങ്ങൾ എന്തൊക്കെയാണെന്ന് വ്യക്തമാക്കാമോ;

ഇൻകലിന്റെ ചെയർമാൻ ആരാണെന്നും ഡയറക്ടർ ബോർഡിൽ ആരൊക്കെയാണെന്നും വ്യക്തമാക്കാമോ?

വ്യവസായ-വാണിജ്യ മേഖലകളില്‍ നേട്ടമുണ്ടാക്കാനും കൂടുതല്‍ തൊഴിലവസരങ്ങളും പുരോഗതിയും സാമ്പത്തിക വളര്‍ച്ചയും നേടിയെടുക്കാനും മുൻ സര്‍ക്കാരും തുടര്‍ സര്‍ക്കാരും സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ വിശദമാക്കാമോ ;

2011 - 2016-ലെ സര്‍ക്കാരിന്റെ കാലത്തും 2016 - 2021-ലെ സര്‍ക്കാരിന്റെ കാലത്തും തുടര്‍ഭരണ കാലത്തും പ്രസ്തുത വിഷയം സംബന്ധിച്ചുളള കണക്കുകളും അവയിലുണ്ടായ വളര്‍ച്ച സംബന്ധിച്ചുളള വിശദാംശങ്ങളും ലഭ്യമാക്കുമോ ;

കഴിഞ്ഞ സര്‍ക്കാര്‍ കാലയളവിലും ഒപ്പം തുടര്‍ഭരണ കാലയളവിലും സൂക്ഷ്മ-ചെറുകിട-ഇടത്തരം വ്യവസായ-വാണിജ്യ മേഖലകളിലെയും ഇതര മേഖലകളിലെയും വളര്‍ച്ചയ്ക്ക് സംസ്ഥാനം നേടിയെടുത്ത നിക്ഷേപങ്ങളും അതുവഴി ലഭ്യമായ സാമ്പത്തിക വളര്‍ച്ചയും സംബന്ധിച്ച വിശദാംശങ്ങളും വ്യക്തമാക്കാമോ ?

വ്യവസായ വകുപ്പ് 2022-23 സംരംഭക വര്‍ഷമായി ആചരിക്കുന്ന ഘട്ടത്തില്‍ ജില്ലാ വ്യവസായ കേന്ദ്രങ്ങളില്‍ എസ്‌കോര്‍ട്ട് സേവനത്തിന് ടീമുകളെ സജ്ജമാക്കാന്‍ പദ്ധതിയുണ്ടോ?

സംസ്ഥാനത്ത് പുതിയ സംരംഭങ്ങൾക്ക് തത്സമയം അനുമതി ലഭ്യമാക്കുന്നതിന്റെയും കൂടുതല്‍ സംരംഭങ്ങൾ ആരംഭിക്കുന്നതിന്റെയും ഭാഗമായി അടുത്ത സാമ്പത്തിക വര്‍ഷം സംരംഭക വര്‍ഷമായി പ്രഖ്യാപിച്ച് പ്രത്യേക മേളകള്‍ സംഘടിപ്പിക്കുന്നതിന് തീരുമാനിച്ചിട്ടുണ്ടോ; ഇതിലൂടെ മറ്റെന്തെല്ലാം പ്രവർത്തനങ്ങളാണ് ലക്ഷ്യമിടുന്നത്; വിശദമാക്കുമോ;

സംരംഭകത്വ പ്രോത്സാഹനത്തിന്റെ ഭാഗമായി വിവിധ വകുപ്പുകളുടെ ഏകോപനത്തിനും സംസ്ഥാനതല പദ്ധതി ഏകോപനത്തിനുമായി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കുമോ?

ഈസ് ഓഫ് ഡൂയിംഗ് ബിസിനസ്സ് പട്ടികയില്‍ കേരളത്തിന്റെ നില മെച്ചപ്പെടുത്താനായി സ്വീകരിച്ച നടപടികള്‍ വിശദമാക്കാമോ;

രാജ്യത്തെ ഏറ്റവും മികച്ച നിലവാരത്തിലുള്ള അടിസ്ഥാന സൗകര്യം ലഭ്യമാക്കാനുള്ള പ്രവര്‍ത്തനങ്ങള്‍ ത്വരിതഗതിയില്‍ നടക്കുന്ന അനുകൂല സാഹചര്യത്തില്‍ സംസ്ഥാനത്തേക്ക് മൂലധന നിക്ഷേപം ആകര്‍ഷിക്കാന്‍ നിക്ഷേപക സംഗമങ്ങള്‍ നടത്തിയിരുന്നോ;

പ്രഖ്യാപിത വ്യവസായാനുകൂല അന്തരീക്ഷത്തിനനുയോജ്യമല്ലാത്ത നിലപാടു സ്വീകരിക്കുന്നവരെ തിരുത്താന്‍ ജാഗ്രത പുലര്‍ത്തുന്നുണ്ടോ;

മീറ്റ് ദി ഇന്‍വെസ്റ്റര്‍ പരിപാടി വഴിയുള്ള നേട്ടങ്ങള്‍ അറിയിക്കാമോ?

സ്വകാര്യ വ്യക്തികളുടെ കൈവശമുള്ള തോട്ടങ്ങളെ വ്യവസായ എസ്റ്റേറ്റുകളാക്കി മാറ്റുന്നതിന് നടപടി സ്വീകരിച്ചിട്ടുണ്ടോ; ഇതിന് സ്വീകരിച്ചിരിക്കുന്ന മാനദണ്ഡം വ്യക്തമാക്കാമോ;

പ്രസ്തുത ആവശ്യത്തിനായി ഭൂപരിഷ്കരണ നിയമത്തില്‍ ഭേദഗതി വരുത്തുന്നതിന് ഉദ്ദേശിക്കുന്നുണ്ടോ;

ഇത്തരം വ്യവസായ എസ്റ്റേറ്റുകളില്‍ സ്ത്രീകള്‍ക്ക് കൂടുതല്‍ തൊഴിലവസരം ലഭ്യമാക്കാന്‍ നടപടി സ്വീകരിക്കുമോ?

സ്വകാര്യ വ്യവസായ എസ്റ്റേറ്റുകള്‍ ആരംഭിക്കുന്നതിന് ഭൂപരിഷ്ക്കരണ നിയമത്തില്‍ മാറ്റം വരുത്തുന്ന കാര്യം പരിഗണനയിലുണ്ടോ ; എങ്കില്‍ വിശദാംശം ലഭ്യമാക്കുമോ;

തിരുവമ്പാടി മണ്ഡലത്തില്‍ സ്വകാര്യ വ്യവസായ എസ്റ്റേറ്റ് ആരംഭിക്കുന്നതിനുള്ള അനുമതിക്കായി സമര്‍പ്പിച്ച പദ്ധതിയുടെ നിലവിലെ സ്ഥിതി വ്യക്തമാക്കുമോ?

ഗ്രാമപഞ്ചായത്തുകളുടെ അധീനതയില്‍ സ്വകാര്യ പങ്കാളിത്തത്തോടെ മിനി ഇന്‍ഡസ്ട്രിയല്‍ എസ്റ്റേറ്റുകള്‍ ആരംഭിക്കുന്നതിനുളള പദ്ധതികള്‍ പരിഗണനയിലുണ്ടോയെന്ന് അറിയിക്കാമോ;

ഇല്ലെങ്കില്‍ അതിനുളള നടപടികള്‍ സ്വീകരിക്കാമോ?

സംസ്ഥാനത്ത് സ്വകാര്യ മേഖലയില്‍ വ്യവസായ എസ്റ്റേറ്റുകള്‍ അനുവദിക്കാൻ തീരുമാനമെടുത്തിട്ടുണ്ടോ; എങ്കില്‍ ഇതു സംബന്ധിച്ച നടപടിക്രമങ്ങളും മാനദണ്ഡങ്ങളും വിശദമാക്കുമോ;

സ്വകാര്യ മേഖലയിലെ വ്യവസായ എസ്റ്റേറ്റുകളെയും സംരംഭകരെയും പ്രോത്സാഹിപ്പിക്കുന്നതിനായി എന്തെല്ലാം സൗകര്യങ്ങളാണ് ഏര്‍പ്പെടുത്തുവാന്‍ തീരുമാനിച്ചിട്ടുളളത്; വ്യക്തമാക്കുമോ;

സ്വകാര്യ എസ്റ്റേറ്റ് സ്ഥാപിക്കുന്നതുമായി ബന്ധപ്പെട്ട് നിലവില്‍ ഏതെങ്കിലും അപേക്ഷകള്‍ പരിഗണനയിലുണ്ടോ; വ്യക്തമാക്കുമോ?

സംസ്ഥാനത്ത് സ്വകാര്യ മേഖലയിലും വ്യവസായ എസ്റ്റേറ്റുകള്‍ രൂപീകരിക്കാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശങ്ങള്‍ വെളിപ്പെടുത്താമോ;

തോട്ട ഭൂമിക്ക് നല്‍കുന്ന ഇളവ് വ്യവസായ സ്ഥാപനങ്ങള്‍ക്കും നല്‍കുവാന്‍ തീരുമാനിച്ചിട്ടുണ്ടോ; വിശദമാക്കാമോ;

വ്യവസായം തുടങ്ങുന്നതിനുള്ള സൗകര്യമൊരുക്കി അഞ്ച് ഏക്കര്‍ ഭുമിയാണ് ലഭിക്കുന്നതെങ്കിലും അതിന് സ്റ്റാന്‍ഡേര്‍ഡ് ഡിസൈന്‍ ഫാക്ടറി എന്ന പദവി നല്‍കുമോ; ആയത് വ്യവസായ സംരംഭകരെ ഏതു രീതിയില്‍ ബാധിക്കുമെന്ന് വ്യക്തമാക്കാമോ;

സ്വകാര്യ വ്യവസായ എസ്റ്റേറ്റുകളില്‍ സ്ഥലം നല്‍കുന്നതും ഇത് സംബന്ധിച്ചുള്ള കരാരില്‍ ഏര്‍പ്പെടുന്നതും എസ്റ്റേറ്റ് ഉടമയും സംരഭകനും നേരിട്ടായിരിക്കുമോ; ഇതു സംബന്ധിച്ച് സര്‍ക്കാരിന്റെ സമീപനം എന്തായിരിക്കുമെന്ന് വിശദീകരിക്കാമോ?

ചാത്തന്നൂരിൽ വ്യവസായ വകുപ്പിന്റെ ഉടമസ്ഥതയിലുള്ള ഇൻഡസ്ട്രിയൽ ഡെവലപ്മെന്റ് പ്ലോട്ടിൽ (വഞ്ചി ക്ലേ മൈൻസ്) ഒരു വ്യവസായ സമുച്ചയം നിർമ്മിക്കണമെന്ന് ആവശ്യപ്പെട്ട് ജനപ്രതിനിധി 02.11.2021-ൽ നൽകിയ നിവേദനം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത നിവേദനത്തിൻമേൽ സ്വീകരിച്ച തുടർനടപടികൾ വിശദമാക്കാമോ;

വ്യവസായ പാർക്കിന് ഏറ്റവും അനുയോജ്യമായ പ്രസ്തുത സ്ഥലം പ്രയോജനപ്പെടുത്തി തൊഴിൽ രഹിതരായ ചെറുപ്പക്കാർക്ക് ചെറുകിട സംരംഭങ്ങൾ ആരംഭിക്കാൻ വ്യവസായ വകുപ്പ് സൗകര്യം ഒരുക്കി നല്കുന്നതിനുവേണ്ട നടപടികൾ സ്വീകരിക്കുമോ; വ്യക്തമാക്കുമോ?

കെ.എം.സി. കമ്പനിയുടെ കാലിക്കറ്റ് എക്സ്പ്രസ് ‌വേ പ്രൈവറ്റ് ലിമിറ്റഡിന്റെ (സി.ഇ.പി.എൽ.) ഓഹരി വാങ്ങുന്നത് സംബന്ധിച്ച് ഇൻകെൽ ബോർഡിന്റെ തീരുമാനം അട്ടിമറിച്ചുകൊണ്ട് ഓഹരിവില നിശ്ചയിക്കാതെ കരാർ ഒപ്പിട്ടതിന്റെ കാരണം വിശദമാക്കാമോ;

പണി പൂർത്തിയാകുമ്പോൾ കെ.എം.സി. നിശ്ചയിക്കുന്ന വില എന്ന് കരാറിൽ വ്യവസ്ഥ ചെയ്തത് എന്തടിസ്ഥാനത്തിലായിരുന്നുവെന്ന് വ്യക്തമാക്കാമോ;

പ്രസ്തുത തീരുമാനത്തിന് വ്യവസായ മന്ത്രിയുടെ അംഗീകാരം നേടിയിരുന്നോ എന്ന് വ്യക്തമാക്കാമോ; വിശദാംശങ്ങൾ നൽകാമോ?

പയ്യന്നൂര്‍ മണ്ഡലത്തിലെ എരമം കുറ്റൂര്‍ ഗ്രാമപ‍ഞ്ചായത്തിലെ പുല്ലുപാറ ഐ.ടി. പാര്‍ക്കിന്റെ സ്ഥലം ഏറ്റെടുത്ത് വ്യവസായ പാര്‍ക്ക് ആരംഭിക്കുന്നതിനുള്ള നടപടികള്‍ ഏത് ഘട്ടം വരെയായി എന്ന് വിശദമാക്കാമോ?

കെ. എം. സി. കമ്പനി രൂപീകരിച്ച കാലിക്കറ്റ് എക്സ്പ്രസ് ‌വേ പ്രൈവറ്റ് ലിമിറ്റഡിന്റെ (സി.ഇ.പി.എൽ.) ഓഹരി വാങ്ങുന്നതു സംബന്ധിച്ച് ഇൻകെൽ ബോർഡിന്റെ തീരുമാനം എന്തായിരുന്നുവെന്ന് വ്യക്തമാക്കാമോ;

51% ഓഹരിക്ക് 51 ലക്ഷം രൂപ വില നിശ്ചയിച്ചു കരാർ ഒപ്പിടാൻ ബോർഡ് ഓഫ് ഡയറക്ടേഴ്സ് എടുത്ത തീരുമാനം നടപ്പിലാക്കിയിട്ടുണ്ടോ എന്ന് വ്യക്തമാക്കുമോ;

പ്രസ്തുത തീരുമാനത്തിന് വ്യവസായ മന്ത്രിയുടെ അംഗീകാരം നേടിയിരുന്നോ എന്ന് വ്യക്തമാക്കാമോ; വിശദാംശങ്ങൾ നൽകാമോ;

2018 ഒക്ടോബർ 10 -ന് ചേർന്ന ഇൻകെൽ ബോർഡ് മീറ്റിംഗിന്റെ മിനിട്സിന്റെ പകർപ്പ് ലഭ്യമാക്കാമോ?

ഈ സര്‍ക്കാര്‍ അധികാരമേറ്റതിനുശേഷം വ്യവസായമേഖലയുടെ വികസനത്തിനായി സ്വീകരിച്ചുവരുന്ന പ്രധാന പ്രവര്‍ത്തനങ്ങള്‍ എന്തെല്ലാം;

ഇതിന്റെ ഭാഗമായി എത്ര തുകയുടെ നിക്ഷേപം ഏതൊക്കെ മേഖലയില്‍ നിന്നും നാളിതുവരെ ലഭ്യമായി; ഇതുവഴി എത്ര പേര്‍ക്ക് തൊഴില്‍ ലഭ്യത ഉറപ്പാക്കാന്‍ കഴിയും; വ്യക്തമാക്കുമോ;

''കേരള ബ്രാന്‍ഡ്'' നടപ്പാക്കി കേരള ഉല്പന്നങ്ങള്‍ യാഥാര്‍ത്ഥ്യമാക്കുവാനും അത് വഴി ഉല്പാദനവും വിപണനവും കാര്യക്ഷമമാക്കാനുമായുളള പ്രവര്‍ത്തനങ്ങള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ?

കോഴിക്കോട് ബൈപാസ് പദ്ധതിയുടെ കരാറുകാരായ ഹൈദരാബാദ് കെ.എം.സി. കൺസ്ട്രക‍്‍ഷൻസ് രൂപീകരിച്ച കാലിക്കറ്റ് എക്സ്പ്രസ് ‌വേ പ്രൈവറ്റ് ലിമിറ്റഡിന്റെ (സി.ഇ.പി.എൽ.) ഓഹരി വാങ്ങാന്‍ ഇന്‍കെലിന്റെ 55–ാം ഡയറക്ടര്‍ ബോർഡ് യോഗം അനുമതി നല്കിയിരുന്നോ;

കെ.എം.സി.യിൽ നിന്ന് കൗണ്ടർ ഗാരന്റി വാങ്ങിയശേഷം പണം നൽകാനായിരുന്നോ പ്രസ്തുത മീറ്റിംഗിലെ തീരുമാനം എന്ന് വ്യക്തമാക്കുമോ;

യോഗത്തിന്റെ മിനിറ്റ്സിൽ കൗണ്ടർ ഗാരന്റിയെന്ന തീരുമാനം മതിയായ സുരക്ഷ (ആഡിക്വേറ്റ് പ്രൊട്ടക്ഷൻ) എന്നാക്കി മാറ്റിയതിന്റെ കാരണം വിശദമാക്കാമോ;

യോഗത്തിന്റെ മിനിറ്റ്സിന്റെ പകർപ്പ് ലഭ്യമാക്കാമോ;

പ്രസ്തുത തീരുമാനത്തിന് ഇൻകെൽ ചെയർമാന്റെ അംഗീകാരം നേടിയിരുന്നോ എന്ന് വ്യക്തമാക്കാമോ; വിശദാംശങ്ങൾ നൽകാമോ?

വ്യവസായ വികസനത്തിന് എറണാകുളം ജില്ലയില്‍ നടപ്പാക്കുന്ന പദ്ധതികള്‍ വിശദീകരിക്കാമോ;

കേരളത്തില്‍ ഇന്‍ഡസ്ട്രിയല്‍ പോര്‍ട്ട് എന്ന പുതിയ ആശയം ആവിഷ്‍കരിച്ച് നടപ്പാക്കാന്‍ പദ്ധതി ഉണ്ടോ;

വൈപ്പിന്‍ മണ്ഡലത്തില്‍ ഈ പദ്ധതി നടപ്പാക്കാനുള്ള സാദ്ധ്യതകള്‍ വിശദീകരിക്കാമോ;

ഇതു സംബന്ധിച്ച് സ്ഥലം എം.എല്‍.എ. വ്യവസായവകുപ്പ് മന്ത്രിക്ക് 29.11.2021 ന് നല്‍കിയ കത്തിന്മേല്‍ സ്വീകരിച്ചിട്ടുള്ള നടപടികള്‍ വിശദമാക്കാമോ?

കോഴിക്കോട് ബൈപാസ് പദ്ധതിയുടെ കരാറുകാരായ ഹൈദരാബാദ് കെ.എം.സി. പ്രൈവറ്റ് ലിമിറ്റഡിന് പദ്ധതി തുടങ്ങുന്നതിന് മുന്നോടിയായി മൊബിലൈസേഷൻ അഡ്വാൻസായി 36 കോടി രൂപ നൽകിയിട്ടുണ്ടോ എന്ന് വ്യക്തമാക്കാമോ;

മൊബിലൈസേഷൻ അഡ്വാൻസായി 36 കോടി രൂപ നൽകാനായി ഡയറക്ടർ ബോർഡ് തീരുമാനിച്ചിരുന്നോ; എങ്കില്‍ പ്രസ്തുത തീരുമാനം കൈകൊണ്ട മീറ്റിംഗിന്റെ മിനുട്സിന്റെ പകർപ്പ് ലഭ്യമാക്കാമോ;

പ്രസ്തുത തീരുമാനത്തിന് ഇൻകെൽ ചെയർമാന്റെ അംഗീകാരം തേടിയിരുന്നോയെന്ന് വ്യക്തമാക്കാമോ; വിശദാംശങ്ങൾ നൽകാമോ?

കേരള സ്റ്റേറ്റ് സെറികൾച്ചർ കോ-ഓപ്പറേറ്റീവ് അപെക്സ് സൊസൈറ്റിയിലെ (സെറിഫെഡ് ) നിയമനത്തിലും സെറിഫെഡില്‍ നിന്നും മറ്റു വകുപ്പുകളിലേക്ക് മാറ്റി നിയമിച്ച നടപടിയിലും ക്രമക്കേടുണ്ടെന്ന ഹൈക്കോടതി വിധി വന്നിട്ടുണ്ടോയെന്ന് വ്യക്തമാക്കാമോ ; എങ്കിൽ വിശദാംശം നൽകാമോ ;

പ്രസ്തുത നിയമനങ്ങൾ നിയമവിരുദ്ധമാണെന്ന് കോടതി ചൂണ്ടിക്കാട്ടിയിട്ടുണ്ടോ ; എങ്കിൽ അതിനുള്ള കാരണമെന്താണെന്ന് വ്യക്തമാക്കാമോ ;

ക്രമക്കേടുകൾ സംബന്ധിച്ച അന്വേഷണത്തിന് ഉത്തരവിട്ടിട്ടുണ്ടോ എന്നും ഏത് തരത്തിലുള്ള അന്വേഷണമാണ് നടക്കുന്നതെന്നും വ്യക്തമാക്കാമോ ;

സെറിഫെഡില്‍ 300 ജീവനക്കാരെ നിയമിച്ചതും ഇവരിൽ 271 പേരെ പിന്നീട് സർക്കാർ സർവീസിലും കേരള ഖാദി ആന്റ് വില്ലേജ് ഇൻഡസ്ട്രീസ് ബോർഡിലും മാറ്റിനിയമിച്ചതും ഏറ്റവും വലിയ തൊഴിൽ കുംഭകോണങ്ങളിലൊന്നാണെന്ന് കോടതി വ്യക്തമാക്കിയിട്ടുണ്ടോ; എങ്കിൽ അതിനുള്ള കാരണമെന്താണെന്ന് വ്യക്തമാക്കാമോ ;

സെറിഫെഡിന്റെ താല്‍കാലിക ഭരണസമിതി അധികാര ദുർവിനിയോഗം നടത്തുന്നില്ലെന്ന് ഉറപ്പുവരുത്തുന്നതിന് സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ ?

കുറ്റിപ്പുറം കിന്‍ഫ്ര പാര്‍ക്കില്‍ നിലവില്‍ എത്ര സ്ഥാപനങ്ങള്‍ പ്രവര്‍ത്തിക്കുന്നുണ്ട്; വിശദാംശം ലഭ്യമാക്കുമോ;

പ്രസ്തുത പാര്‍ക്കില്‍ എത്ര സ്ഥലമാണ് ഒഴിഞ്ഞു കിടക്കുന്നതെന്ന് വ്യക്തമാക്കുമോ?

പാലക്കാട് ജില്ലയിലെ കഞ്ചിക്കോട് വ്യവസായ മേഖലയിലെ കിന്‍ഫ്ര പാര്‍ക്കിലേയ്ക്ക് കുടിവെള്ള പൈപ്പ് ലൈനുകള്‍ സ്ഥാപിക്കുന്നതിനുള്ള പ്രവൃ‍ത്തിയുടെ ഭാഗമായി റോഡുകള്‍ക്ക് ഉണ്ടായിട്ടുള്ള കേടുപാടുകള്‍ പരിഹരിക്കുന്നതിന് പൊതുമരാമത്ത് വകുപ്പിലേയ്ക്ക് കിന്‍ഫ്ര അധികാരികള്‍ തുക അടച്ചിട്ടുണ്ടോയെന്ന് അറിയിക്കാമോ; എങ്കില്‍ അടച്ച തുക, തീയതി എന്നീ വിശദാംശങ്ങള്‍ ലഭ്യമാക്കാമോ;

റോഡിന്റെ കേടുപാടുകള്‍ പരിഹരിക്കുന്നതിന് തുക അടയ്ക്കണം എന്ന് ആവശ്യപ്പെട്ട് പൊതുമരാമത്ത് വകുപ്പില്‍ നിന്നും കിന്‍ഫ്ര അധികാരികള്‍ക്ക് നല്‍കിയ കത്തുകളുടെ പകര്‍പ്പ് ലഭ്യമാക്കാമോ?

മട്ടന്നൂര്‍ നിയോജക മണ്ഡലത്തിലെ കിന്‍ഫ്ര വ്യവസായ പാര്‍ക്കിനുളള സ്ഥലമേറ്റെടുപ്പുമായി ബന്ധപ്പെട്ട് സ്വീകരിച്ച നടപടികള്‍ വ്യക്തമാക്കാമോ?

എം.എസ്.എം.ഇ.കൾക്ക് കുറഞ്ഞ പലിശനിരക്കിൽ വായ്പ ലഭ്യമാക്കുക എന്ന ബജറ്റ് പ്രഖ്യാപനത്തിന്റെ അടിസ്ഥാനത്തിൽ കഴിഞ്ഞ സാമ്പത്തിക വർഷം എത്ര കോടി രൂപയുടെ വായ്പ അനുവദിച്ചു നൽകിയിട്ടുണ്ട്; ഈ ഇനത്തിലുള്ള പലിശ സബ്സിഡിയായി എത്ര തുക ചെലവഴിച്ചിട്ടുണ്ട്; ആയതിന്റെ വിശദാംശങ്ങൾ ജില്ല തിരിച്ച് നൽകുമോ?

സ്വകാര്യ വ്യവസായ പാര്‍ക്കുകള്‍ തുടങ്ങുന്നതിനുള്ള മാര്‍ഗനിര്‍ദ്ദേശങ്ങള്‍ നിലവിലുണ്ടോ;

എങ്കില്‍ എന്തൊക്കെ ആനുകൂല്യങ്ങളാണ് സംരംഭകര്‍ക്ക് നല്‍കാന്‍ ഉദ്ദേശിക്കുന്നത് എന്ന് വ്യക്തമാക്കുമോ ?

പ്രളയബാധിതരെ സഹായിക്കുന്നതിനായി രൂപീകരിച്ച ഉജ്ജീവന പദ്ധതിയുടെ ഇതുവരെയുളള പ്രവര്‍ത്തനങ്ങള്‍ വിലയിരുത്തിയിട്ടുണ്ടോ;

ഈ പദ്ധതി പ്രകാരം സഹായം ലഭ്യമാക്കിയ വ്യവസായ സ്ഥാപനങ്ങളുടെ കണക്ക്, നല്‍കിയ തുക, പ്രവര്‍ത്തനങ്ങള്‍ എന്നിവ ജില്ല തിരിച്ച് ലഭ്യമാക്കാമോ?

ചെറുകിട - ഇടത്തര സംരംഭങ്ങളുടെയും സ്റ്റാര്‍ട്ടപ്പുകളുടെയും വളര്‍ച്ചയ്ക്കായി വെന്‍ച്വര്‍ കാപ്പിറ്റല്‍ ഫണ്ട് സ്ഥാപിക്കുവാന്‍ നടപടി സ്വീകരിച്ചിട്ടുണ്ടോ;

എങ്കിൽ അതിന്റെ വിശദാംശങ്ങളും കൈവരിച്ച പുരോഗതിയും വ്യക്തമാക്കാമോ?

കാട്ടാക്കട നിയോജക മണ്ഡലത്തില്‍ മുള ഉല്പന്നങ്ങളുടെ വിപണനത്തിനും സംസ്കരണത്തിനുമായി കോമണ്‍ ഫെസിലിറ്റി സെന്റര്‍ ആരംഭിക്കുന്നതിനായുള്ള ഭരണാനുമതി സംബന്ധിച്ച നടപടിക്രമങ്ങള്‍ ഏതു ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതിയുടെ അനുമതിക്കായി ബാംബൂ കോര്‍പ്പറേഷന്റെ റിപ്പോര്‍ട്ട് ആവശ്യപ്പെട്ടിട്ടുണ്ടോ; എങ്കില്‍ എന്നാണ് ആവശ്യപ്പെട്ടതെന്നും ആയതിന്മേല്‍ എന്തെല്ലാം നടപടി സ്വീകരിച്ചുവെന്നും വിശദമാക്കാമോ?

അരൂർ വ്യവസായ മേഖലയില്‍ വ്യവസായ വകുപ്പിന് എത്ര സ്ഥലമുണ്ടെന്ന് വെളിപ്പെടുത്താമോ;

പ്രസ്തുത സ്ഥലത്ത് ഇപ്പോള്‍ നടക്കുന്ന വ്യവസായങ്ങള്‍ ഏതെല്ലാമെന്നും ഇവ ഏറ്റെടുത്തിട്ടുള്ളത് ആരാണെന്നും വ്യക്തമാക്കാമോ;

പ്രസ്തുത മേഖലയില്‍ ഏതെല്ലാം സ്ഥലങ്ങള്‍ ഒഴിഞ്ഞ് കിടപ്പുണ്ടെന്നും ആയതിന്റെ വിശദാംശങ്ങളും വ്യക്തമാക്കാമോ?

കാഞ്ഞങ്ങാട് വ്യവസായ പാർക്ക് സ്ഥാപിക്കുന്നതിനുള്ള നടപടികൾ ഏത് ഘട്ടത്തിലാണെന്ന് അറിയിക്കാമോ;

വ്യവസായ പാർക്ക് യാഥാർഥ്യമാക്കാനായി ഇനി എന്തെല്ലാം നടപടികളാണ് സ്വീകരിക്കാനുള്ളതെന്ന് വിശദമാക്കാമോ;

പദ്ധതി എപ്പോൾ യാഥാർഥ്യമാക്കാൻ സാധിക്കുമെന്ന് അറിയിക്കാമോ ?

തൃക്കരിപ്പൂര്‍ മണ്ഡലത്തിലെ ചീമേനിയില്‍ നിലവില്‍ ഐ.ടി പാര്‍ക്ക് പ്രവര്‍ത്തിക്കുന്ന ഭൂമിയില്‍ വ്യവസായ പാര്‍ക്ക് ആരംഭിക്കാനുള്ള നടപടി ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കാമോ;

പ്രാരംഭപ്രവര്‍ത്തനങ്ങള്‍ക്കായി 20% ശതമാനം തുകയായ 4 കോടി രൂപ ബജറ്റില്‍ വകയിരുത്തിയിട്ടും 'വ്യവസായപാര്‍ക്ക്' എന്ന പദ്ധതിക്ക് ആരംഭം കുറിക്കാന്‍ വൈകുന്നതിന്റെ കാരണം വ്യക്തമാക്കാമോ ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ആരംഭിച്ച വ്യവസായ സംരംഭങ്ങളുടെ വിശദവിവരം ലഭ്യമാക്കാമോ;

കെ.എസ്.ഐ.ഡി.സി. യുടെയും കിന്‍ഫ്രയുടെയും പാര്‍ക്കുകളില്‍‍ പുതുതായി ആരംഭിച്ച പദ്ധതികള്‍ സംബന്ധിച്ച വിശദാംശങ്ങള്‍ ലഭ്യമാക്കുമോ;

ഇതിലൂടെ ലക്ഷ്യമിടുന്ന നിക്ഷേപം, തൊഴില്‍ ലഭ്യത എന്നിവ എത്രയെന്ന് വെളിപ്പെടുത്താമോ; പ്രസ്തുത ലക്ഷ്യം എത്രത്തോളം കൈവരിക്കാന്‍ സാധിച്ചുവെന്നും വ്യക്തമാക്കാമോ;

പ്രാദേശികാടിസ്ഥാനത്തില്‍ പ്രാധാന്യമുള്ള വ്യവസായങ്ങള്‍ കണ്ടെത്തി അവ കൂടി ഉള്‍പ്പെടുത്തി നിലവിലുള്ള വ്യവസായ പാര്‍ക്കുകള്‍ വിപുലമാക്കുകയും പുതിയവ സ്ഥാപിക്കുകയും ചെയ്യുന്നതിന് നടപടി സ്വീകരിക്കുമോ?

മണിമലയിലെ നാളീകേര പാര്‍ക്കിനായുള്ള സ്ഥലമേറ്റെടുക്കല്‍ നടപടികള്‍ ഏതു ഘട്ടത്തിലാണെന്ന് അറിയിക്കാമോ; കെ.എസ്.ഐ.ഡി.സി.ക്ക് ഭൂമിയുടെ ഉടമസ്ഥാവകാശം ലഭിക്കുന്നതിന് എത്ര കാലയളവ് എടുക്കുമെന്ന് അറിയിക്കാമോ;

നാളീകേര പാര്‍ക്കില്‍ വ്യവസായ സ്ഥാപനങ്ങള്‍ക്ക് എന്നത്തേയ്ക്ക് പ്രവര്‍ത്തനം ആരംഭിക്കുവാന്‍ സാധിക്കുമെന്ന് അറിയിക്കാമോ; നിക്ഷേപ സംഗമങ്ങളില്‍ മണിമല നാളീകേര പാര്‍ക്കിനെക്കൂടി ഉള്‍പ്പെടുത്താന്‍ സാധിക്കുമോ എന്നറിയിക്കാമോ;

നാളീകേര പാര്‍ക്കിന്റെ ഭൂമിയിലെ കാട് വെട്ടിത്തെളിക്കല്‍ പ്രവൃത്തി ഭാഗികമായി മാത്രമേ നടന്നിട്ടുള്ളുവെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ പൂര്‍ണ്ണമായി കാട് വെട്ടിത്തെളിക്കുന്നതിനുള്ള നടപടികള്‍ സ്വീകരിക്കുന്നുണ്ടോ എന്ന് വ്യക്തമാക്കാമോ; ഏത് ഏജന്‍സിക്കാണ് കാട് വെട്ടിത്തെളിക്കുന്നതിനുള്ള ചുമതല നല്‍കിയിട്ടുള്ളതെന്ന് വിശദവിവരങ്ങള്‍ സഹിതം അറിയിക്കാമോ;

മഴക്കാലത്ത് പാര്‍ക്ക് കാട് മൂടി കാട്ടുമ‍ൃഗങ്ങളുടെ ആവാസസ്ഥാനമാവുകയും പ്രദേശവാസികള്‍ക്ക് ഭീഷണിയായി മാറുകയും ചെയ്യുന്ന സാഹചര്യം ആവര്‍ത്തിക്കാതിരിക്കുന്നതിന് എന്തൊക്കെ നടപടികളാണ് കൈക്കൊള്ളുന്നതെന്ന് വിശദമാക്കാമോ?

തരൂര്‍ മണ്ഡലത്തിലെ കണ്ണമ്പ്ര വ്യവസായ പാര്‍ക്കിന്റെ നിര്‍മ്മാണം ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത വ്യവസായ പാര്‍ക്കിന്റെ നിര്‍മ്മാണം എന്ന് പൂര്‍ത്തീകരിക്കാന്‍ സാധിക്കും എന്ന് അറിയിക്കാമോ;

വ്യവസായ പാര്‍ക്കിനായി സ്ഥലം വിട്ട് നല്‍കിയിട്ടുള്ള മുഴുവന്‍ ആളുകള്‍ക്കും നഷ്ടപരിഹാരത്തുക നല്‍കിയിട്ടുണ്ടോ, എത്ര പേര്‍ക്കാണ് ഇനി നഷ്ടപരിഹാരത്തുക നല്‍കാന്‍ ബാക്കിയുള്ളതെന്ന് വ്യക്തമാക്കാമോ?

പൂഞ്ഞാർ നിയോജക മണ്ഡലത്തിൽ വ്യവസായ പാർക്ക് ആരംഭിക്കുന്നതിനുള്ള സാദ്ധ്യതകൾ പരിശോധിക്കുമോയെന്ന് വ്യക്തമാക്കുമോ;

ഇതിനായുള്ള സാദ്ധ്യതാപഠനം നടത്തുന്നതിന് കിൻഫ്ര, കെ.എസ്.ഐ.ഡി.സി. തുടങ്ങിയ സർക്കാർ സ്ഥാപനങ്ങളെ ചുമതലപ്പെടുത്തുവാൻ നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് പുതിയ വ്യവസായ പാര്‍ക്കുകള്‍ ആരംഭിക്കുന്നത് പരിഗണനയിലുണ്ടോ; വിശദമാക്കുമോ?

പാലക്കാട് ജില്ലയിലെ വ്യാവസായിക ജലവിതരണ പദ്ധതികള്‍ വിപുലപ്പെടുത്തുന്നതിനും, കിന്‍ഫ്ര ടെക്സ്റ്റൈല്‍സ് പാര്‍ക്ക്, ഇന്റഗ്രേറ്റഡ് ഇന്‍ഫ്രാസ്ട്രക്ചര്‍ പാര്‍ക്ക്, മെഗാ ഫുഡ് പാര്‍ക്ക്, ഉഴലപതി പാര്‍ക്ക് എന്നിവിടങ്ങളിലെ വര്‍ദ്ധിച്ച ജല ആവശ്യം പരിഹരിക്കുന്നതിനും വേണ്ടി വിഭാവനം ചെയ്ത പദ്ധതികള്‍ ഏത് ഘട്ടത്തിലാണ്; വിശദാംശങ്ങൾ നൽകാമോ?

സംസ്ഥാനത്ത് താലൂക്ക് വ്യവസായ കേന്ദ്രം ഇല്ലാത്ത താലൂക്കുകൾ ഏതൊക്കെയാണെന്ന് വ്യക്തമാക്കുമോ;

മഞ്ചേശ്വരത്ത് താലൂക്ക് വ്യവസായകേന്ദ്രം ഓഫീസ് തുടങ്ങുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത്;

മഞ്ചേശ്വരം താലൂക്ക് വ്യവസായകേന്ദ്രം ഈ വർഷം തുടങ്ങുന്നതിന് നടപടി സ്വീകരിക്കുമോ?

2021-26 കാലയളവിലേയ്ക്കുളള സംസ്ഥാന സര്‍ക്കാരിന്റെ വ്യവസായനയം രൂപീകരിച്ചിട്ടുണ്ടോ; വിശദമാക്കാമോ;

2016-ലെ വ്യവസായനയത്തിന്റെ ഭാഗമായി വ്യവസായമേഖലയില്‍ ഉണ്ടായ മാറ്റങ്ങളും അതുവഴി സംസ്ഥാനത്തിന്റെ വ്യവസായ വികസനത്തില്‍ കൈവരിച്ച നേട്ടങ്ങളും എന്തൊക്കെയെന്ന് വിശദമാക്കാമോ;

ഇക്കാലയളവില്‍ സൂക്ഷ്മ - ചെറുകിട - ഇടത്തര സംരംഭങ്ങള്‍ക്കും സ്റ്റാര്‍ട്ടപ്പുകള്‍ക്കുമുണ്ടായ വളര്‍ച്ചയുടെ വിശദാംശങ്ങള്‍ ലഭ്യമാക്കാമോ;

വ്യവസായ നിക്ഷേപ സൗഹൃദ സംസ്ഥാനമെന്ന നിലയില്‍ വ്യവസായ മേഖലയ്ക്ക് ഉണര്‍വേകുന്നതിന് ആവിഷ്കരിച്ച നൂതന പദ്ധതികളുടെ വിശദാംശങ്ങള്‍ ലഭ്യമാക്കാമോ?

ഇരിക്കൂര്‍ നിയോജകമണ്ഡലത്തില്‍ വ്യവസായ വകുപ്പിന് കീഴില്‍ എത്ര ഭൂമിയാണ് നിലവിലുള്ളത് എന്ന് വ്യക്തമാക്കാമോ ;

പ്രസ്തുത ഭൂമിയില്‍ വ്യവസായ സംരംഭങ്ങള്‍ ആരംഭിക്കുന്നതിന് എത്ര ഭൂമി അനുവദിച്ച് നല്‍കിയിട്ടുണ്ട് എന്ന് വ്യക്തമാക്കാമോ ; ഭൂമി ലഭിച്ച സ്ഥാപനങ്ങളുടെയും വ്യക്തികളുടെയും പേര് വിവരങ്ങളും അനുവദിച്ച ഭൂമിയുടെ അളവും പട്ടികരൂപത്തിൽ ലഭ്യമാക്കാമോ ;

ഇരിക്കൂര്‍ മണ്ഡലത്തില്‍ വ്യവസായ വകുപ്പിന് കീഴില്‍ എത്ര ഭൂമിയാണ് വ്യവസായ ആവശ്യത്തിന് നല്‍കാതെ നിഷ്ക്രിയമായി കിടക്കുന്നത് എന്ന് വ്യക്തമാക്കാമോ ?

മാവേലിക്കര നിയോജക മണ്ഡലത്തിൽ വ്യവസായ വകുപ്പിന്റെ ഉടമസ്ഥതയിലുള്ള സ്ഥലങ്ങളുടെയും സ്ഥാപനങ്ങളുടെയും വിശദവിവരം ലഭ്യമാക്കാമോ;

ഇവയില്‍ ഉപയാേഗിക്കുന്നവയും ഉപയാേഗമില്ലാതെ കിടക്കുന്നവയും ഏതെല്ലാം; ഉപയാേഗമില്ലാതെ കിടക്കുന്ന സ്ഥലങ്ങളില്‍ പുതിയ സംരംഭങ്ങള്‍ ആരംഭിക്കുവാന്‍ സ്വീകരിച്ചിട്ടുള്ള നടപടികള്‍ എന്തൊക്കെ; വിശദമാക്കാമോ?

കാഞ്ഞങ്ങാട് മണ്ഡലത്തിലെ സിറ്റി ഗ്യാസ് പദ്ധതിയുടെ പുരോഗതി വ്യക്തമാക്കാമോ; പദ്ധതിയുടെ പ്രയോജനം ഏതെല്ലാം പ്രദേശങ്ങളിൽ ലഭ്യമാക്കാൻ ഉദ്ദേശിക്കുന്നുവെന്നും ഇതിനായി സ്വീകരിച്ച നടപടി എന്താണെന്നും വിശദമാക്കാമോ?

കോഴിക്കോട് ബൈപ്പാസ് പദ്ധതിയുടെ കരാറുകാരായ ഹൈദരാബാദ് കെ.എം.സി. കൺസ്ട്രക്ഷൻസ് ദേശീയപാത അതോറിറ്റിയിൽ അടയ്ക്കേണ്ട പെർഫോമൻസ് സെക്യൂരിറ്റിയായ ₹85.5 കോടി ഇൻകെൽ അടച്ചത് ബാങ്കിൽ നിന്നും വായ്പ സ്വീകരിച്ചാണോ എന്ന് വ്യക്തമാക്കാമോ;

പൂർത്തിയാക്കിയ ഒരു പദ്ധതിയുടെ ബില്‍ ബാങ്കിൽ പണയം വച്ചാണോ ഇൻകെൽ ബാങ്ക് വായ്പ സ്വീകരിച്ചതെന്ന് വ്യക്തമാക്കാമോ; ഇതിന്റെ പലിശ എത്രയാണെന്നും വിശദമാക്കാമോ;

ബാങ്കിലെ പെർഫോമൻസ് സെക്യൂരിറ്റി നിലനിർത്താൻ ഇൻകെലിന് എത്ര തുക ചിലവ് വരുമെന്ന് വ്യക്തമാക്കാമോ;

പ്രസ്തുത തീരുമാനത്തിന് ഇൻകെൽ ചെയർമാന്റെ അംഗീകാരം നേടിയിരുന്നോയെന്ന് വ്യക്തമാക്കാമോ; വിശദാംശങ്ങൾ നൽകാമോ?

മൂല്യവര്‍ദ്ധിത റബ്ബര്‍ ഉല്പന്നങ്ങളുടെ പ്രോത്സാഹനത്തിനായി രൂപീകരിച്ച 'കേരള റബ്ബര്‍ ലിമിറ്റഡ്' പ്രവര്‍ത്തനം ആരംഭിച്ചിട്ടുണ്ടോയെന്ന് വ്യക്തമാക്കുമോ;

പ്രസ്തുത കമ്പനി മുഖേന എന്തെല്ലാം സേവനങ്ങളാണ് ലഭ്യമാകുന്നതെന്ന് വ്യക്തമാക്കുമോ; വിശദാംശം നല്‍കുമോ?

കോഴിക്കോട് ബൈപാസ് പദ്ധതിയുടെ കരാറുകാരായ ഹൈദരാബാദ് കെ.എം.സി. കൺസ്ട്രക‍്‍ഷൻസ് ദേശീയപാതാ അതോറിറ്റിയിൽ അടയ്ക്കേണ്ട പെർഫോമൻസ് സെക്യൂരിറ്റിയായ 85.5 കോടി രൂപ ഇൻകെൽ ലിമിറ്റഡ് ആണോ അടച്ചതെന്ന് വ്യക്തമാക്കാമോ;

എങ്കിൽ ഒരു സ്വകാര്യ കമ്പനിക്ക് വേണ്ടി ഇൻകെൽ ലിമിറ്റഡ് പെർഫോമൻസ് സെക്യൂരിറ്റി അടയ്ക്കാനുണ്ടായ സാഹചര്യം വിശദമാക്കാമോ;

ബാങ്കിൽ നിന്നും വായ്പയെടുത്താണോ പ്രസ്തുത തുക അടച്ചതെന്ന് വ്യക്തമാക്കാമോ; ബാങ്ക് വായ്പയുടെ പലിശ അടക്കമുള്ള വിശദാംശങ്ങൾ നൽകാമോ;

കെ.എം.സി. യിൽ നിന്നു കൗണ്ടർ ഗാരന്റി വാങ്ങിയശേഷമാണോ ഇൻകെൽ പ്രസ്തുത പണം അടച്ചതെന്ന് വിശദമാക്കാമോ;

നിർമ്മാണം തുടങ്ങുന്നതിനു മുന്നോടിയായി മൊബിലൈസേഷൻ അഡ്വാൻസായി ഇൻകെൽ സ്വകാര്യ കമ്പനിക്ക് പണം നൽകിയിരുന്നോ എന്ന് വ്യക്തമാക്കാമോ; വിശദാംശങ്ങൾ നൽകാമോ?

വ്യവസായ വകുപ്പിൽ ഏകജാലക സംവിധാനം തുടങ്ങാൻ തീരുമാനിച്ചിട്ടുണ്ടോ; വിശദാംശങ്ങൾ പൂർണ്ണരൂപത്തിൽ ലഭ്യമാക്കാമോ; ഏതൊക്കെ വകുപ്പുകളെ ഉൾപ്പെടുത്തിയാണ് ഏകജാലക സംവിധാനം ആരംഭിക്കുന്നത്;

നിലവിൽ എത്ര വകുപ്പുകൾ ഏകജാലക പ്രസ്തുത സംവിധാനം പ്രയോജനപ്പെടുത്തുന്നുണ്ട്;

ഏത് കമ്പനിയുടെ സോഫ്ട്‍വെയർ സാങ്കേതിക വിദ്യയാണ് ഇതിനായി ഉപയോഗപ്പെടുത്തുകയെന്ന് വ്യക്തമാക്കാമോ?

കോഴിക്കോട് ബൈപാസ് പദ്ധതിയുടെ കരാറുകാരായ ഹൈദരാബാദ് കെ.എം.സി. കൺസ്ട്രക്ഷൻസ് ദേശീയപാത അതോറിറ്റിയിൽ അടയ്ക്കേണ്ട പെർഫോമൻസ് സെക്യൂരിറ്റിയായ 85.5 കോടി രൂപ അടയ്ക്കാൻ ഇൻകെൽ ഡയറക്ടർ ബോർഡ് തീരുമാനിച്ചിരുന്നോ; പ്രസ്തുത മീറ്റിംഗിന്റെ മിനിട്സ് ലഭ്യമാക്കാമോ;

പ്രസ്തുത തീരുമാനത്തിന് ഇൻകെൽ ചെയർമാന്റെ അംഗീകാരം നേടിയിരുന്നോ എന്ന് വ്യക്തമാക്കാമോ; വിശദാംശങ്ങൾ നൽകാമോ?

കാസർഗോഡുള്ള ഭെൽ - ഇ.എം.എൽ കമ്പനി സർക്കാർ പൂർണ്ണതോതിൽ ഏറ്റെടുത്തിട്ടുണ്ടോ; എങ്കിൽ തുടര്‍ന്ന് പ്രസ്തുത കമ്പനി ഏത് രീതിയിൽ പ്രവർത്തിപ്പിക്കാനാണുദ്ദേശിക്കുന്നതെന്ന് വ്യക്തമാക്കാമോ;

മൂന്നു വർഷമായി ശമ്പളമില്ലാതെ പട്ടിണിയിലായ പ്രസ്തുത കമ്പനിയിലെ ജീവനക്കാർക്ക് നൽകാനുള്ള കുടിശ്ശിക എത്രയാണെന്നും ഇതിനായി എത്ര തുക അനുവദിച്ചു എന്നും കുടിശ്ശിക എപ്പോൾ കൊടുത്തു തീർക്കുമെന്നും വ്യക്തമാക്കാമോ;

അനുവദിച്ച തുക നൽകുന്നതിന് ധാരണാ പത്രം ഒപ്പുവെയ്ക്കണമെന്ന് ജീവനക്കാരെ മാനേജ്മെന്റ് നിർബന്ധിക്കുന്നു എന്നത് ശരിയാണോയെന്ന് പരിശോധിച്ചിട്ടുണ്ടോ;

എങ്കിൽ ഏതെല്ലാം വ്യവസ്ഥകളാണ് ധാരണാപത്രത്തിൽ ഉള്ളതെന്ന് വ്യക്തമാക്കാമോ;

കമ്പനി എപ്പോൾ തുറന്നു പ്രവർത്തനമാരംഭിക്കുമെന്നും പുനരുദ്ധാരണത്തിന് മാറ്റിവെച്ച 77 കോടി രൂപയിൽ എത്ര തുക അനുവദിച്ചെന്നും വ്യക്തമാക്കാമോ;

വിരമിച്ചവർക്ക് പി.എഫ്, ഗ്രാറ്റുവിറ്റി തുടങ്ങിയ ആനുകൂല്യങ്ങളുടെ കുടിശ്ശിക നൽകാത്തതും പെൻഷൻ പോലും ലഭിക്കുന്നില്ല എന്നതും ശ്രദ്ധയിൽപ്പെട്ടിട്ടുണ്ടോ; ആനുകൂല്യങ്ങൾ എപ്പോൾ നൽകാനാകുമെന്ന് വ്യക്തമാക്കാമോ?

സംരംഭങ്ങള്‍ക്ക് വായ്പകള്‍ നല്‍കാന്‍ ബാങ്കുകള്‍ വിമുഖത കാട്ടുന്നതായി ശ്രദ്ധയില്‍പ്പെട്ടിട്ടുണ്ടോ;

ഇതിന് പരിഹാരം കാണുവാന്‍ പദ്ധതികള്‍ ആവഷ്ക്കരിക്കുമോ?

കാര്‍ഷികാധിഷ്ഠിത മൂല്യവര്‍ദ്ധിത ഉല്‍പ്പന്നങ്ങളുടെ വിപണന പ്രോത്സാഹനത്തിനായി വ്യവസായ വാണിജ്യ വകുപ്പ് പദ്ധതികള്‍ ആവഷ്ക്കരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

നിയമ വിധേയമല്ലാതെ സംസ്ഥാനത്ത് പാറമടകള്‍ പ്രവര്‍ത്തിക്കുന്ന കാര്യം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് സംബന്ധിച്ച വിവരം ലഭ്യമാക്കാമോ;

സംസ്ഥാനത്ത് 2016 മേയ് മാസത്തില്‍ എത്ര പാറമടകള്‍ സര്‍ക്കാര്‍ അനുമതിയോടെ പ്രവര്‍ത്തിച്ചിരുന്നുവെന്ന് അറിയിക്കാമോ;

നിലവില്‍ നിയമവിധേയമായ എത്ര പാറമടകളാണ് പ്രവര്‍ത്തിക്കുന്നതെന്ന് വെളിപ്പെടുത്തുമോ;

2020-21, 2021-22 സാമ്പത്തിക വര്‍ഷങ്ങളില്‍ ഇതുമായി ബന്ധപ്പെട്ട് സര്‍ക്കാരിന് ലഭിച്ച വരുമാനം എത്രയാണെന്ന് വ്യക്തമാക്കാമോ;

2016 മുതൽ പ്രതിവര്‍ഷം ഇത്തരത്തില്‍ ഖനനം ചെയ്തെടുക്കുന്ന പാറയുടെ ശരാശരി അളവ് എത്രയെന്ന് വ്യക്തമാക്കാമോ?

കൈത്തറി മേഖലയിലെ സൗജന്യ കൈത്തറി യൂണിഫോം പദ്ധതിയ്ക്കു കീഴില്‍ വേതനയിനത്തിലെ പ്രതിസന്ധി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുവാന്‍ ആവശ്യമായ നടപടി സ്വീകരിക്കുമോ;

പരമ്പരാഗത വ്യവസായം എന്ന നിലയ്ക്ക് പ്രസ്തുത പ്രതിസന്ധി മറികടക്കാന്‍ പുതിയ സാമ്പത്തിക പാക്കേജ് പ്രഖ്യാപിക്കാന്‍ തീരുമാനിച്ചിട്ടുണ്ടോ; വിശദമാക്കാമോ?

ആലംകോട് വീക്ഷണം കൈത്തറി നെയ്ത്ത് സഹകരണ സംഘം പുനരുദ്ധാരണത്തിനായി ആവിഷ്കരിച്ച പുനരുദ്ധാരണ പാക്കേജില്‍ നാളിതുവരെ സ്വീകരിച്ചിട്ടുള്ള നടപടികള്‍ വിശദമാക്കുമോ?

കോവളം നിയോജക മണ്ഡലത്തിലെ ബാലരാമപുരം ഗ്രാമപഞ്ചായത്തിൽ സ്ഥിതി ചെയ്യുന്ന സ്പിന്നിംഗ് മില്ലിന്റെ വലതുവശത്തു കൂടി കടന്നുപോകുന്ന ഐത്തിയൂർ ഭഗവതി നട റോഡ് ഗതാഗത യോഗ്യമല്ലാത്തതിനാൽ സ്പിന്നിങ് മില്ലിന്റെ മതിൽ പൊളിച്ച് ഗതാഗത യോഗ്യമാക്കാൻ നടപടി സ്വീകരിക്കുമോ;

ഇത് സംബന്ധിച്ച് പ്രദേശവാസികൾ 2017 മുതൽ 2021 വരെ സമർപ്പിച്ച നിവേദനങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ എന്ത് നടപടി സ്വീകരിച്ചുവെന്ന് വ്യക്തമാക്കുമോ?

കുന്നത്തറ ടെക്സ്റ്റൈൽസിന്റെ ബാധ്യത തീര്‍ത്ത് സര്‍ക്കാര്‍ ഏറ്റെടുക്കാന്‍ തീരുമാനിച്ചിട്ടുണ്ടോ;

പ്രസ്തുത കമ്പനിയുടെ നിലവിലെ കടബാധ്യത എത്രയാണ്; ബാധ്യത ഇനം തിരിച്ച് ലഭ്യമാക്കാമോ;

കുന്നത്തറ ടെക്‌സ്റ്റെയില്‍സിന്റെ ഭൂമി ഉള്‍പ്പെടെയുളള ആസ്തികളുടെ വില നിര്‍ണ്ണയിച്ചിട്ടുണ്ടോ; എങ്കില്‍ ഓരോന്നിന്റെയും വില എത്രയാണെന്ന് കണക്കാക്കിയിട്ടുണ്ടോ;

കുന്നത്തറ ടെക്‌സ്റ്റെയില്‍സിന്റെ ഭൂമി സര്‍ക്കാരിന്റെ മറ്റ് വികസന പ്രവര്‍ത്തനങ്ങള്‍ക്ക് വിനിയോഗിക്കാന്‍ ആലോചിക്കുന്നുണ്ടോ?

കോവിഡിനെ തുടര്‍ന്ന് അടച്ചു പൂട്ടിയ എന്‍.ടി.സി.യുടെ കീഴിലുള്ള അളഗപ്പ ടെക്സ്റ്റയില്‍സ് മില്‍ തുറന്നു പ്രവര്‍ത്തിപ്പിക്കുന്നതിനാവശ്യമായ അടിയന്തര ഇടപെടലുകള്‍ നടത്തുമോ;

എന്‍.ടി.സി. ഏറ്റെടുത്തെങ്കിലും പ്രവര്‍ത്തനം നിലച്ച സംസ്ഥാനത്തെ ടെക്സ്റ്റൈൽ മില്ലുകള്‍ പ്രവര്‍ത്തിപ്പിക്കുന്നതിനോ ആയതിന് എന്‍.ടി.സി. തയ്യാറായില്ലെങ്കില്‍ സംസ്ഥാന സര്‍ക്കാര്‍ ഏറ്റെടുത്ത് പ്രവര്‍ത്തിപ്പിക്കുന്നതിനോ ആവശ്യമായ നടപടികള്‍ സ്വീകരിക്കുമോ?

കേരള സ്റ്റേറ്റ് ടെക്സ്റ്റയില്‍സ് കോർപ്പറേഷന് കീഴിൽ കാസര്‍ഗോഡ് മൈലാട്ടിയില്‍ എത്ര ഏക്കര്‍ സ്ഥലമാണുള്ളത്; ഇതിൽ എത്ര ഏക്കർ സ്ഥലത്താണ് ഉദുമ ടെക്സ്റ്റയിൽസ് മിൽ പ്രവർത്തിക്കുന്നത്;

ബാക്കി വരുന്ന ഭൂരിഭാഗം സ്ഥലവും ഉപയോഗമില്ലാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത സ്ഥലത്ത് പുതിയ എന്തെങ്കിലും പദ്ധതികൾ നടപ്പിലാക്കുന്നുണ്ടോ; വിശദമാക്കാമോ;

പ്രസ്തുത പദ്ധതി നടപ്പിലാക്കുന്നതിന് തുടര്‍ നടപടി സ്വീകരിച്ചിട്ടുണ്ടോ; വിശദമാക്കാമോ?

ഖാദി ബോര്‍ഡിനു കീഴില്‍ പ്രവര്‍ത്തിക്കുന്ന നെയ്യാറ്റിന്‍കര അമരവിള ചുടുകല്‍ വ്യവസായ സഹകരണ സംഘത്തിന് വ്യവസായ(കെ) വകുപ്പ് 6/11/2021-ലെ ജി.ഒ.(ആര്‍ടി) നം. 1219/2021 പ്രകാരം പുനരുദ്ധാരണ ഗ്രാന്റായി എത്ര തുക ആണ് അനുവദിച്ചതെന്ന് വ്യക്തമാക്കാമോ ;

അനുവദിച്ച തുക സംഘത്തിനു എപ്പോള്‍ കെെമാറും എന്ന് വിശദമാക്കാമോ; പ്രസ്തുത തുക ലഭിക്കുന്നതിന് സംഘം എന്തൊക്കെ നടപടികള്‍ ആണ് പൂര്‍ത്തീകരിക്കേണ്ടത് എന്ന് വിശദമാക്കുമോ ?

വ്യവസായ വകുപ്പിനു കീഴില്‍ കേരള ഖാദി ബോര്‍ഡിന്റെ നിയന്ത്രണത്തില്‍ പെരുങ്കടവിള പഞ്ചായത്തില്‍ മാരായമുട്ടത്ത് പ്രവര്‍ത്തിച്ചിരുന്നതും നിലവില്‍ പ്രവര്‍ത്തനരഹിതവുമായ പെരുങ്കടവിള ഓയില്‍ കോ-ഓപ്പറേറ്റീവ് സൊസൈറ്റി നമ്പര്‍ സി.ഐ.എന്‍.ഡി(ടി)1 എന്ന സഹകരണ സംഘത്തിന്റെ നിലവിലെ സ്ഥിതി എന്താണെന്ന് അറിയിക്കുമോ;

ആകെ എത്ര സെന്റ് സ്ഥലമാണ് പ്രസ്തുത സംഘത്തിന് ഉള്ളത് ; നിലവില്‍ ഇതിന്റെ ഉടമസ്ഥത ആര്‍ക്കാണ്; പ്രസ്തുത സ്ഥലത്തിന്റെ പേരില്‍ ബാധ്യതകളുണ്ടോ; എങ്കില്‍ എന്ത് തുകയാണ് ബാധ്യത; ബാധ്യതകളുടെ വിശദാംശം ലഭ്യമാക്കാമോ;

നിലവില്‍ പ്രവര്‍ത്തനരഹിതമായ ഈ സംഘത്തിന്റെ പേരിലുള്ള ബാധ്യതകള്‍ പെരുങ്കടവിള ഗ്രാമപഞ്ചായത്ത് ഒടുക്കിയാല്‍ സംഘത്തിന്റെ പേരില്‍ റീസര്‍വ്വെ 645/2-ല്‍ ഉള്‍പ്പെടുത്തിയിട്ടുള്ള സ്ഥലം മാരായമുട്ടം പോലീസ് സ്റ്റേഷന് നിര്‍മ്മാണത്തിനായി കൈമാറുന്നതിന് നടപടി സ്വീകരിക്കാമോ; ഇതിന് എന്തെങ്കിലും നിയമതടസ്സങ്ങള്‍ ഉണ്ടോ എന്ന് വിശദമാക്കുമോ;

പ്രസ്തുത സ്ഥലം മേൽ ആവശ്യത്തിനായി കൈമാറ്റം ചെയ്യുന്നതിനുള്ള നടപടിക്രമങ്ങള്‍ എന്തൊക്കെയാണെന്ന് അറിയിക്കാമോ;

പ്രസ്തുത ആവശ്യം ഉന്നയിച്ചുകൊണ്ട് പെരുങ്കടവിള ഗ്രാമപഞ്ചായത്ത് ഭരണസമിതിയുടെ കമ്മിറ്റി തീരുമാനം ഉള്ളടക്കം ചെയ്ത് നല്‍കിയിരുന്ന നിവേദനത്തിന്മേല്‍ സ്വീകരിച്ചിട്ടുള്ള തുടര്‍ നടപടികള്‍ എന്തൊക്കെയാണ്; ഫയല്‍ നമ്പര്‍ ഉള്‍പ്പെടെയുള്ള വിശദവിവരങ്ങള്‍ ലഭ്യമാക്കാമോ?

ആലത്തൂര്‍ മണ്ഡലത്തിലെ കുഴല്‍മന്ദം പഞ്ചായത്തില്‍ ഖാദി ഗ്രാമവ്യവസായ വകുപ്പിന്റെ കീഴില്‍ പ്രവര്‍ത്തിക്കുന്ന തേന്‍ സംസ്കരണ യൂണിറ്റില്‍ നിലവില്‍ എത്ര ജീവനക്കാര്‍ ജോലി ചെയ്യുന്നുണ്ടെന്ന് അറിയിക്കാമോ ;

തേന്‍ സംസ്കരണ യൂണിറ്റിലെ ജീവനക്കാര്‍ക്ക് ഏത് വ്യവസ്ഥയിലാണ് വേതനം ലഭ്യമാക്കുന്നതെന്ന് വ്യക്തമാക്കാമോ; നിലവില്‍ അവര്‍ക്ക് ലഭിച്ചുകൊണ്ടിരിക്കുന്ന വേതനനിരക്കിനെക്കുറിച്ച് വിശദമാക്കാമോ;

തേന്‍ സംസ്കരണ യൂണിറ്റിന്റെ നവീകരണത്തിനായി പ്രൊജക്ട് തയ്യാറാക്കിയിട്ടുണ്ടോ; വിശദമാക്കാമോ ?

കേരളത്തിലെ പരമ്പരാഗത വസ്ത്രങ്ങള്‍ ഉല്പാദിപ്പിക്കുന്നതിനുള്ള പ്രത്യേക പദ്ധതികള്‍ കൈത്തറി വികസന വകുപ്പ് നടപ്പാക്കുന്നുണ്ടോ ; വിശദമാക്കാമോ ?

കേരളത്തില്‍ ഉല്പാദിപ്പിക്കുന്ന ഖാദി, കൈത്തറി ഉല്‍പ്പന്നങ്ങള്‍ വില്‍ക്കുന്നതിന് ഓൺലൈൻ വിപണനം അടക്കമുള്ള നൂതന വിപണന മാർഗ്ഗങ്ങൾ നിലവിലുണ്ടോ; ഇല്ലെങ്കില്‍ ഇതിനുള്ള നടപടി സ്വീകരിക്കുമോ?

കേരളത്തിലെ കയര്‍ വ്യവസായത്തിന് ആവശ്യമായ ചകിരി സംസ്ഥാനത്ത് തന്നെ ഉല്പാദിപ്പിക്കുന്നുണ്ടോ;

ഇല്ലെങ്കിൽ ആവശ്യമായ ചകിരി എത്രയാണെന്നും അത് ഇവിടെ തന്നെ ഉല്പാദിപ്പിക്കുന്നതിന് സ്വീകരിച്ച നടപടികള്‍ എന്തൊക്കെയാണെന്നും വിശദീകരിക്കാമോ?

കയര്‍ മേഖലയുടെ പുനരുദ്ധാരണത്തിനും തൊഴിലാളികളുടെ ജീവിത നിലവാരം മെച്ചപ്പെടുത്തുന്നതിനും മേഖലയില്‍ കൂടുതല്‍ വൈവിധ്യവല്‍ക്കരണം നടപ്പാക്കുന്നതിനും സര്‍ക്കാര്‍ ഇതുവരെ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ;

കയര്‍ ഉത്പന്നങ്ങള്‍ കെട്ടിക്കിടക്കുന്നത് ഒഴിവാക്കുന്നതിനായി സ്വീകരിച്ചിട്ടുള്ള നടപടികള്‍ എന്തൊക്കെയെന്ന് അറിയിക്കാമോ?

ഇന്ത്യയില്‍ നിന്നും കയറ്റുമതി ചെയ്യുന്ന പ്രധാനപ്പെട്ട കയര്‍ ഉല്പന്നങ്ങള്‍ ഏതെല്ലാമാണെന്ന് വ്യക്തമാക്കാമോ;

ഇതില്‍ ഓരോന്നിലും കേരളത്തിന്റെ പങ്ക് വ്യക്തമാക്കാമോ;

കയര്‍ ജിയോ ടെക്സ്റ്റൈല്‍, കയര്‍ പിത്ത് തുടങ്ങിയ ഉല്പന്നങ്ങള്‍ കയറ്റുമതി ചെയ്യുന്നതിന് കയര്‍ഫെഡും കേരള കയര്‍ വികസന കോര്‍പ്പറേഷനും സ്വീകരിച്ച നടപടിയും കൈവരിച്ച നേട്ടവും വിശദീകരിക്കാമോ?

ഗുണമേൻമയില്ലാത്ത തോട്ടണ്ടി വാങ്ങിയതുമൂലം കാപ്പെക്സിന് വൻനഷ്ടം വരുത്തിയ എം.ഡി.യെ തൽസ്ഥാനത്ത് നിന്ന് മാറ്റണമെന്ന ധനകാര്യ പരിശോധന വിഭാഗത്തിന്റെ ശിപാർശ വ്യവസായ വകുപ്പിന് ലഭിച്ചിട്ടുണ്ടോ എന്ന് അറിയിക്കാമോ;

പ്രസ്തുത ശിപാർശയിന്മേൽ കാപ്പെക്സ് എം.ഡി.-ക്കെതിരെ എന്ത് നടപടി സ്വീകരിച്ചുവെന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്നതിന് ശേഷം കശുവണ്ടി വ്യവസായത്തിന്റെ പുനരുദ്ധാരണത്തിനായി നടപ്പിലാക്കിയ പദ്ധതികള്‍ ഏതൊക്കെയെന്ന് വിശദമാക്കുമോ ?