കുണ്ടറ മണ്ഡലത്തിലെ താലൂക്ക് ആശുപത്രികളിലോ മറ്റ് ആരോഗ്യ കേന്ദ്രങ്ങളിലോ പെരിറ്റോണിയല്‍ ഡയാലിസിസ് പദ്ധതി ആരംഭിച്ചിട്ടുണ്ടോ;

പെരിറ്റോണിയില്‍ പദ്ധതിയിലൂടെ രോഗികള്‍ക്ക് ലഭ്യമാകുന്ന സേവനങ്ങള്‍ വ്യക്തമാക്കാമോ;

പ്രസ്തുത പദ്ധതി നടപ്പിലാക്കുന്നതിനുള്ള മാനദണ്ഡങ്ങള്‍ വ്യക്തമാക്കാമോ?

കാരുണ്യ ആരാേഗ്യ ഇന്‍ഷുറന്‍സ് പദ്ധതിയില്‍ പുതിയ അംഗങ്ങളെ ചേര്‍ക്കാന്‍ ആവശ്യമായ നടപടികള്‍ സ്വീകരിക്കാമാേ?

ആയുഷ്മാൻ ഭാരത് ഡിജിറ്റല്‍ മിഷന്‍ കേരളത്തില്‍ നടപ്പിലാക്കിയിട്ടുണ്ടോ; അറിയിക്കുമോ;

പ്രസ്തുത പദ്ധതി ഇ-ഹെല്‍ത്തുമായി ബന്ധപ്പെടുത്തിയാണോ നടപ്പിലാക്കുന്നതെന്ന് വിശദമാക്കാമോ;

പ്രസ്തുത പദ്ധതി നടപ്പിലാക്കുന്നതിന് കേന്ദ്ര സര്‍ക്കാര്‍ എന്തൊക്കെ സഹായങ്ങളാണ് നല്‍കുന്നതെന്നും അതിനായി കേന്ദ്ര സര്‍ക്കാരില്‍‍ നിന്നും സംസ്ഥാനത്തിന് സാമ്പത്തിക സഹായം ലഭിക്കുമോ എന്നും വിശദമാക്കാമോ?

ടൈപ്പ് വണ്‍ പ്രമേഹബാധിതര്‍ക്കുള്ള മിഠായി പദ്ധതിയില്‍ അംഗമാകുന്നതിനുള്ള വരുമാന പരിധി ഒഴിവാക്കുന്നതിനും അവരെ ഭിന്നശേഷി വിഭാഗത്തില്‍ ഉള്‍പ്പെടുത്തുന്നതിനും മുന്‍ഗണന റേഷന്‍ കാര്‍ഡ്‌ അനുവദിക്കുന്നതിനും നടപടി സ്വീകരിക്കുമോ; അറിയിക്കാമോ;

ടൈപ്പ് വണ്‍ പ്രമേഹ ബാധിതര്‍ക്കായി സര്‍ക്കാര്‍ തലത്തില്‍ പ്രത്യേക ആരോഗ്യ ഇന്‍ഷുറന്‍സ് സ്കീമുകള്‍ നടപ്പാക്കുന്നതിനും പഞ്ചായത്ത്‌ തലത്തില്‍ ചികിത്സ ലഭ്യമാക്കുന്നതിനും നടപടി സ്വീകരിക്കുമോ; വ്യക്തമാക്കാമോ;

പതിനെട്ട് വയസ്സ് കഴിഞ്ഞ ടൈപ്പ് വണ്‍ പ്രമേഹ ബാധിതര്‍ക്ക് മിഠായി പദ്ധതിയുടെ മാതൃകയില്‍ ഒരു പ്രത്യേക ചികിത്സ പദ്ധതി ആരംഭിക്കുമോ; വിശദമാക്കുമോ?

പെരിന്തല്‍മണ്ണ നിയോജകമണ്ഡലത്തിലെ ഏത് ആരോഗ്യ കേന്ദ്രത്തിലാണ് ഐസൊലേഷന്‍ വാര്‍ഡ് ആരംഭിക്കുന്നതെന്ന് വിശദമാക്കാമോ;

ഈ പദ്ധതി പ്രകാരം പ്രസ്തുത നിയോജകമണ്ഡലത്തില്‍ ഐസൊലേഷന്‍ വാര്‍ഡ് സ്ഥാപിക്കുന്ന പ്രവര്‍ത്തനം ഏത് ഘട്ടത്തിലാണെന്ന് വിശദമാക്കാമോ?

തൃശൂര്‍ ജില്ലയില്‍ നടപ്പിലാക്കുന്ന പെരിട്ടോണിയൽ ഡയാലിസിസ് സംബന്ധിച്ച വിശദവിവരങ്ങള്‍ ലഭ്യമാക്കാമോ;

ഗുരുവായൂര്‍ നിയോജകമണ്ഡലത്തില്‍ പെരിട്ടോണിയൽ ഡയാലിസിസ് പദ്ധതിയില്‍ ഉള്‍പ്പെടുത്തി എത്ര രോഗികള്‍ക്ക് സേവനംലഭ്യമാക്കിയിട്ടുണ്ട്; വിശദവിവരം ലഭ്യമാക്കാമോ;

പെരിട്ടോണിയൽ ഡയാലിസിസ് പദ്ധതിയിലേയ്ക്ക് രോഗികളെ തെരഞ്ഞെടുക്കുന്നതിന്റെ നടപടിക്രമം വിശദീകരിക്കാമോ?

സംസ്ഥാനത്ത് മാലിന്യ സംസ്കരണവും പകര്‍ച്ചവ്യാധി പ്രതിരോധവും ലക്ഷ്യമിട്ട് ആരംഭിച്ച ആരോഗ്യ ജാഗ്രത പദ്ധതിയുടെ പ്രവര്‍ത്തനം വിലയിരുത്തിയിട്ടുണ്ടോ; പ്രസ്തുത പദ്ധതിയുടെ ഭാഗമായി പ്രത്യേക ഗ്രാമസഭകള്‍ ചേര്‍ന്ന് വാര്‍ഡുതല മാതൃകാ പദ്ധതികള്‍ തയ്യാറാക്കിയിട്ടുണ്ടോ; വിശദമാക്കാമോ;

പാഴ്‌വസ്തുക്കളും ഇ-മാലിന്യങ്ങളും നീക്കം ചെയ്യുന്നതിന് പദ്ധതി ലക്ഷ്യമിടുന്നുണ്ടോ; ഈ പദ്ധതിയുമായി ബന്ധപ്പെട്ട് നടത്തിവരുന്ന മറ്റു പ്രവര്‍ത്തനങ്ങൾ എന്തെല്ലാമാണ്; വിശദമാക്കാമോ?

മലമ്പുഴ മണ്ഡലത്തില്‍ ആര്‍ദ്രം പദ്ധതി പ്രകാരം ഏതൊക്കെ ആരോഗ്യകേന്ദ്രങ്ങളെയാണ് കുടുംബാരോഗ്യ കേന്ദ്രങ്ങളാക്കി മാറ്റിയിട്ടുള്ളത് എന്നറിയിക്കാമോ;

ഇവയിൽ ഏതെല്ലാം ആരോഗ്യകേന്ദ്രങ്ങള്‍ക്കാണ് നാഷണൽ ഹെൽത്ത് മിഷനിൽ നിന്നും ഫണ്ട് ലഭിച്ചിട്ടുള്ളതെന്നും എത്ര തുക വീതമാണ് ഓരോ കേന്ദ്രത്തിനും ലഭിച്ചതെന്നും അറിയിക്കാമോ?

കാഞ്ഞിരപ്പള്ളി നിയോജകമണ്ഡലത്തില്‍ ആര്‍ദ്രം പദ്ധതിയില്‍ ഉള്‍പ്പെടുത്തിയ പദ്ധതികള്‍ ഏതൊക്കെയെന്ന് വ്യക്തമാക്കാമോ;

പ്രസ്തുത പദ്ധതികളുടെ പുരോഗതി വിലയിരുത്തിയിട്ടുണ്ടോ; എങ്കിൽ അവയുടെ പ്രവർത്തനം നിലവിൽ ഏത് ഘട്ടങ്ങളിലാണെന്ന് വ്യക്തമാക്കാമോ;

പ്രസ്തുത പദ്ധതികൾ പൂര്‍ത്തിയാക്കുന്നതിന് നിലവിലുള്ള തടസങ്ങളെന്തൊക്കെയാണെന്ന് വ്യക്തമാക്കാമോ; തടസ്സങ്ങള്‍ നീക്കി അടിയന്തരമായി പദ്ധതികള്‍ പൂര്‍ത്തിയാക്കാന്‍ നടപടി സ്വീകരിക്കാമോ?

ആർദ്രം പദ്ധതി പ്രകാരം പുതുതായി ഡോക്ടർ, നേഴ്‌സ്, ഫർമസിസ്റ്റ് തസ്തികകൾ അനുവദിക്കാൻ തിരുമാനിച്ചിട്ടുണ്ടോ;

തൃശ്ശൂർ ജില്ലയിൽ എത്ര തസ്തികകളാണ് ഓരോ വിഭാഗത്തിലും അനുവദിക്കുന്നതെന്ന് വ്യക്തമാക്കാമോ?

സംസ്ഥാനത്ത് ആരോഗ്യവകുപ്പിന്റെ കീഴിൽ മലയോര മേഖലകളിലും വനപ്രദേശത്തോട് ചേർന്ന് സ്ഥിതി ചെയ്യുന്ന സ്ഥലങ്ങളിലും പ്രവർത്തിക്കുന്ന ആരോഗ്യ കേന്ദ്രങ്ങളിൽ പരിചയസമ്പന്നരായ ഡോക്ടർമാരുടെ അഭാവം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അതിന്റെ വിശദാംശങ്ങൾ ലഭ്യമാക്കുമോ;

പ്രസ്തുത കേന്ദ്രങ്ങളിൽ പരിചയവും അനുഭവസമ്പത്തുമുള്ള ഡോക്ടർമാരെ നിയമിച്ച് ജീവിതശൈലി രോഗങ്ങൾക്കെതിരെ ബോധവൽക്കരണം നടത്തുന്നതിന് നടപടി സ്വീകരിക്കുമോ?

ആരോഗ്യവകുപ്പിന് കീഴിൽ ലാബുകൾ നിലവിലുള്ളതും നിർമ്മാണത്തിലിരിക്കുന്നതുമായ സ്ഥാപനങ്ങളിൽ ലാബ് ടെക്നീഷ്യൻ തസ്തികകൾ നിലവിലില്ലാത്ത സ്ഥാപനങ്ങളുടെ എണ്ണം എത്രയാണ്; ജില്ലതിരിച്ചുള്ള കണക്ക് ലഭ്യമാക്കുമോ;

സംസ്ഥാനത്ത് ആര്‍ദ്രം പദ്ധതി പ്രകാരം കുടുംബാരോഗ്യ കേന്ദ്രങ്ങളായി ഉയർത്തിയ കേന്ദ്രങ്ങളിൽ സ്ഥിരം ലാബ് ടെക്നിഷ്യൻ തസ്തിക അനുവദിക്കാത്ത കേന്ദ്രങ്ങളുടെ എണ്ണം ഓരോ ജില്ലയിലും എത്ര വീതം ഉണ്ടെന്ന് അറിയിക്കുമോ;

ലാബ് ടെക്നിഷ്യൻ തസ്തിക നിലവിലില്ലാത്ത സാമൂഹ്യ ആരോഗ്യ കേന്ദ്രങ്ങളുടെ ജില്ല തിരിച്ചുള്ള കണക്ക് ലഭ്യമാക്കുമോ;

സംസ്ഥാനത്തെ എത്ര ആരോഗ്യ സ്ഥാപനങ്ങളാണ് ബ്ലോക്ക് തല കുടുംബാരോഗ്യ കേന്ദ്രങ്ങളായി ഉയർത്തിയിട്ടുള്ളത്; പ്രസ്തുത സ്ഥാപനങ്ങൾക്കായി എത്ര ലാബ് ടെക്നീഷ്യൻ തസ്തികകളാണ് പുതുതായി അനുവദിച്ചിട്ടുള്ളത്;

നിലവിൽ ആരോഗ്യവകുപ്പിനുകീഴിൽ ആകെ എത്ര ലാബ് ടെക്നീഷ്യൻ തസ്തികകളിലാണ് ഒഴിവുള്ളത്;

മറ്റു തസ്തികകൾക്കാനുപാതികമായി ലാബ് ടെക്നീഷ്യൻ തസ്തികകൾ സൃഷ്ടിക്കപ്പെടാത്തതിന്റെ കാരണങ്ങൾ എന്തൊക്കെയാണെന്ന് വ്യക്തമാക്കുമോ?

ആരോഗ്യവകുപ്പിന് കീഴില്‍ ലാബ് ഉള്ളതും ലാബ് നിര്‍മ്മാണം നടക്കുന്നതുമായ സ്ഥാപനങ്ങളില്‍ സ്ഥിരം ലാബ് ടെക്‌നീഷ്യന്‍ തസ്തിക ഇല്ലാത്ത എത്ര സ്ഥാപനങ്ങളാണുള്ളത്; ജില്ല തിരിച്ചുള്ള വിവരം ലഭ്യമാക്കാമോ;

സാമൂഹ്യ ആരോഗ്യകേന്ദ്രങ്ങളിലെ ലാബോറട്ടറികളില്‍ ഒരു സ്ഥിരം ലാബ് ടെക്‌നീഷ്യന്‍ തസ്തികപോലും ഇല്ലാത്ത എത്ര സ്ഥാപനങ്ങളാണുള്ളതെന്ന് വ്യക്തമാക്കാമോ; പ്രസ്തുത സ്ഥാപനങ്ങളില്‍ തസ്തികകള്‍ അനുവദിക്കുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കാമോ?

ആരോഗ്യവും കുടുംബക്ഷേമവും വകുപ്പിന്റെ 26.07.2021 ലെ 1555/2021 നമ്പര്‍ ഉത്തരവ് പ്രകാരം ഭരണാനുമതി നല്‍കിയ വൈപ്പിന്‍ നിയോജക മണ്ഡലത്തിലെ ഞാറയ്ക്കല്‍ താലൂക്ക് ആശുപത്രിയില്‍ ഐസൊലേഷന്‍ വാര്‍ഡുകള്‍ ആരംഭിക്കുന്നതില്‍ നേരിടുന്ന കാലതാമസത്തിന് കാരണം വ്യക്തമാക്കാമോ;

പ്രസ്തുത താലൂക്ക് ആശുപത്രിയിലെ ഐസൊലേഷന്‍ വാര്‍ഡുകളുടെ നിര്‍മ്മാണം എന്നത്തേയ്ക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ;

പ്രസ്തുത ഐസൊലേഷന്‍ വാര്‍ഡുകളുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിനുവേണ്ടി എന്തൊക്കെ നടപടിക്രമങ്ങള്‍ ഇനിയും പൂർത്തീകരിക്കാനുണ്ടെന്ന് വിശദമാക്കാമോ?

സംസ്ഥാനത്തെ മറ്റിതര പ്രദേശങ്ങളുമായി താരതമ്യം ചെയ്യുമ്പോള്‍ നിലമ്പൂര്‍ താലൂക്കില്‍ ഡയാലിസിസ് ചെയ്യുന്ന വൃക്കരോഗികളുടെ എണ്ണം കൂടുതലാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; ഇത് സംബന്ധിച്ച് വിശദമായ പഠനം നടത്തുന്നതിന് നിര്‍ദ്ദേശം നല്‍കുമോ;

നിലമ്പൂര്‍ താലൂക്കില്‍ ആരോഗ്യവകുപ്പിന് കീഴില്‍ ഏതെല്ലാം ആശുപത്രികളിലാണ് ഡയാലിസിസ് സൗകര്യമുള്ളതെന്നും എത്ര ഡയാലിസിസ് മെഷീനുകളാണ് പ്രസ്തുത ആശുപത്രികളിലുള്ളതെന്നും എത്ര രോഗികള്‍ക്കാണ് നിലവിൽ ഡയാലിസിസ് സൗകര്യം നല്‍കാനാകുന്നതെന്നും അറിയിക്കാമോ;

നിലമ്പൂര്‍ താലൂക്കിലെ ഡയാലിസിസ് സംവിധാനമുള്ള സര്‍ക്കാര്‍ ആശുപത്രികളില്‍ ഡയാലിസിസ് നടത്തുന്നതിന് രജിസ്റ്റർ ചെയ്ത് കാത്തിരിക്കുന്ന എത്ര വൃക്കരോഗികളുണ്ടെന്നുള്ള കണക്ക് ആശുപത്രി തിരിച്ച് ലഭ്യമാക്കാമോ;

നിലമ്പൂര്‍ താലൂക്കിലെ കൂടുതല്‍ സര്‍ക്കാര്‍ ആശുപത്രികളില്‍ ഡയാലിസിസ് സൗകര്യം ഏര്‍പ്പെടുത്തുന്നതിന് നടപടി സ്വീകരിക്കുമോ;

നിലമ്പൂര്‍ നഗരസഭയിലെ അര്‍ബന്‍ ഫാമിലി ഹെല്‍ത്ത് സെന്ററില്‍ സര്‍ക്കാരിന് പ്രത്യേക ചെലവില്ലാത്ത രീതിയില്‍ ഡയാലിസിസ് സെന്റര്‍ അനുവദിക്കാൻ കഴിയുമോ; വിശദമാക്കാമോ?

ആരോഗ്യമേഖലയില്‍ ഈ സര്‍ക്കാര്‍ നടപ്പിലാക്കുവാന്‍ ഉദ്ദേശിക്കുന്ന പുതിയ പദ്ധതികളും സംവിധാനങ്ങളും വിശദമാക്കാമോ;

തിരുവനന്തപുരം മെഡിക്കല്‍ കോളേജിൽ നടപ്പിലാക്കുന്ന മാസ്റ്റര്‍ പ്ലാന്‍ എന്ന് പൂര്‍ത്തീകരിക്കുമെന്ന് അറിയിക്കാമോ; എത്ര ഘട്ടങ്ങളിലായാണ് മാസ്റ്റര്‍ പ്ലാന്‍ പൂര്‍ത്തിയാക്കുന്നതെന്നും ഓരോ ഘട്ടങ്ങളിലുമുള്ള പ്രവൃത്തിയുടെ വിവരങ്ങളും ലഭ്യമാക്കുമോ; പ്രസ്തുത പ്രവൃത്തികള്‍ എപ്പോൾ ആരംഭിക്കുമെന്നും എപ്പോൾ പൂർത്തിയാക്കാൻ കഴിയുമെന്നും അറിയിക്കാമോ; പ്രസ്തുത പ്രവൃത്തികള്‍ സമയബന്ധിതമായി പൂര്‍ത്തിയാക്കുന്നതിന് സ്വീകരിച്ചുവരുന്ന നടപടികള്‍ വിശദമാക്കുമോ;

തിരുവനന്തപുരം മെഡിക്കല്‍ കോളേജ് എയിംസ് നിലവാരത്തിലേയ്ക്ക് ഉയര്‍ത്തുന്നതിന് സ്വീകരിച്ച നടപടികള്‍ വിശദമാക്കാമോ;

കേരളത്തിലെ ഏക ഇന്റഗ്രേറ്റഡ് ഫാമിലി ഹെല്‍ത്ത് സെന്റര്‍ ആയ പാങ്ങപ്പാറ ഐ .എഫ്‌ .എച്ച് .സി. പൂര്‍ണ്ണ രീതിയിലുള്ള ഒരു ആശുപത്രിയാക്കി മാറ്റുന്നതിന് സ്വീകരിച്ച നടപടികള്‍ വിശദമാക്കാമോ;

കേരളത്തിലെ ആദ്യത്തെ ക്ഷയരോഗ ആശുപത്രിയായ പുലയനാര്‍കോട്ട ടി.ബി.സെന്റര്‍ ആധുനീക രീതിയിലുള്ള ഒരു ഗവേഷണ കേന്ദ്രമാക്കി മാറ്റണമെന്ന ആവശ്യത്തിന്മേല്‍ സ്വീകരിച്ച നടപടികള്‍ വിശദമാക്കാമോ;

പുലയനാര്‍കോട്ട ഡയബറ്റീസ് സെന്റര്‍ ആധുനിക രീതിയില്‍ വികസിപ്പിക്കണം എന്ന ആവശ്യത്തിന്മേല്‍ സ്വീകരിച്ച നടപടികള്‍ വിശദമാക്കാമോ;

കോവിഡ് പോലുള്ള മഹാമാരികളുടെ വ്യാപനം തടയുന്നതിന് ആരോഗ്യവകുപ്പ് സ്വീകരിക്കുവാന്‍ ഉദ്ദേശിക്കുന്ന നടപടികള്‍ വിശദമാക്കാമോ?

കാട്ടാക്കട നിയോജകമണ്ഡലത്തില്‍ വെല്‍നസ് സെന്ററായി ഉയര്‍ത്തിയ പി .എച്ച് .സി ഉപകേന്ദ്രങ്ങളില്‍ എന്തെല്ലാം നവീകരണ പ്രവര്‍ത്തനങ്ങളാണ് നടക്കുന്നത്; അവയുടെ നിലവിലെ സ്ഥിതി എന്താണ്; പ്രസ്തുത സെന്ററുകളില്‍ മിഡ് ലെവല്‍ സര്‍വ്വീസ് പ്രൊവെെഡര്‍മാരെ നിയമിച്ചിട്ടുണ്ടോ; അവരുടെ സേവനങ്ങളെക്കുറിച്ചും പ്രവര്‍ത്തനങ്ങളെക്കുറിച്ചുമുള്ള വിവരങ്ങള്‍ ലഭ്യമാക്കാമോ?

കാട്ടാക്കട നിയോജകമണ്ഡലത്തിലെ വിളപ്പില്‍ കമ്മ്യൂണിറ്റി ഹെല്‍ത്ത് സെന്ററിനെ ബ്ലോക്ക് തല കുടുംബാരോഗ്യ കേന്ദ്രമായി ഉയര്‍ത്തുന്നതിനുള്ള നടപടികള്‍ എന്തായെന്ന് വിശദമാക്കാമോ;

ആയതിന്റെ അടിസ്ഥാനത്തില്‍ എച്ച്.എല്‍.എല്‍. ലെെഫ് കെയര്‍ ലിമിറ്റഡിനെ ചുമതലപ്പെടുത്തിയുള്ള നവീകരണ പ്രവര്‍ത്തനങ്ങളുടെ സ്ഥിതി വിശദമാക്കാമോ; തുടര്‍നടപടികള്‍ വ്യക്തമാക്കാമോ?

താലൂക്ക് ആശുപത്രികളിലെയും സി.എച്ച്.സി.കളിലെയും ഡോക്ടര്‍മാരുടെ ഡ്യൂട്ടി ക്രമീകരണം എപ്രകാരമാണെന്ന് അറിയിക്കാമോ;

താലൂക്ക് ആശുപത്രികളിലും സി.എച്ച്.സി.കളിലും ഉച്ചയ്ക്ക് ശേഷം ഒ.പി. സൗകര്യം നിലവിലുണ്ടോ; ഇല്ലെങ്കില്‍ ഉച്ചയ്ക്ക് ശേഷം ഒ.പി. സൗകര്യം നടപ്പിലാക്കാന്‍ നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

കാസർഗോഡ് ജില്ലയിൽ ഏതെല്ലാം സർക്കാർ ആശുപത്രികളിൽ ബ്ലഡ് ബാങ്കുകൾ ഉണ്ടെന്ന് വ്യക്തമാക്കാമോ;

പ്രസ്തുത ബ്ലഡ് ബാങ്കുകളിൽ അനുവദിച്ച തസ്തികകളും അവയിൽ ഒഴിവുള്ള തസ്തികകളുടെ എണ്ണവും വ്യക്തമാക്കാമോ;

പ്രസ്തുത ഒഴിവുകൾ വന്നിട്ട് എത്രകാലമായെന്നും അവ നികത്താത്തതിന്റെ കാരണമെന്താണെന്നും വ്യക്തമാക്കാമോ;

കാഞ്ഞങ്ങാട് ജില്ലാ ആശുപത്രിയിലെ ബ്ലഡ് ബാങ്കിൽ സ്ഥിരം മെഡിക്കൽ ഓഫീസർ തസ്തിക ഉണ്ടോയെന്ന് വ്യക്തമാക്കാമോ; എങ്കിൽ പ്രസ്തുത തസ്തികയിൽ നിലവിൽ ജോലി ചെയ്യുന്ന ഓഫീസർ ആരാണെന്നും എത്രകാലമായി ടിയാൾ അവിടെ ജോലിയിൽ തുടരുന്നുവെന്നും വ്യക്തമാക്കാമോ?

സംസ്ഥാനത്തെ എല്ലാ ജില്ലാ ആശുപത്രികളേയും അര്‍ബുദ ചികിത്സയ്ക്കുള്ള മാതൃകാ കേന്ദ്രങ്ങളാക്കി സജ്ജമാക്കാൻ തീരുമാനിച്ചതിൻപ്രകാരം പാലക്കാട് ജില്ലാ ആശുപത്രിയില്‍ ഇത് സംബന്ധിച്ച് എന്തെല്ലാം നടപടികൾ സ്വീകരിച്ച് വരുന്നു; വിശദമാക്കാമോ; ആയതുപ്രകാരം പാലക്കാട് ജില്ലാ ആശുപത്രിയില്‍ വനിതകള്‍ക്കായി എത്ര തുക ചെലവഴിച്ചു;വിശദമാക്കാമോ;

2021-22 കാലയളവില്‍ പാലക്കാട് ജില്ലയിലുള്ള ഫിസിക്കല്‍ മെഡിസിന്‍ ആന്റ് റിഹാബിലിറ്റേഷന്‍ സ്ഥാപനത്തെ ശക്തിപ്പെടുത്തുന്നതിനായി എന്തെല്ലാം നടപടികള്‍ സ്വീകരിച്ചു; വിശദമാക്കാമോ?

2021 -22 ബഡ്ജറ്റ് എസ്റ്റിമേറ്റ് അനുബന്ധം രണ്ടിൽ പത്താം നമ്പറായി ഉൾകൊള്ളിച്ചിട്ടുള്ള കോവളം നിയോജകമണ്ഡലത്തിലെ പൂവ്വാർ ആശുപത്രിയിൽ എക്സറേ മെഷീന്‍ വാങ്ങുന്നതിനുള്ള എസ്റ്റിമേറ്റ് തയ്യാറാക്കി നൽകേണ്ടത് ആരാണെന്നും ഇതിനുള്ള ഭരണാനുമതി നൽകുന്നത് ആരാണെന്നുമുള്ള വിശദാംശം അറിയിക്കുമോ;

പ്രസ്തുത ബഡ്ജറ്റിൽ അനുബന്ധം രണ്ടിൽ 2754 നമ്പറായി കൊടുത്തിട്ടുള്ള ഈ മണ്ഡലത്തിലെ വിഴിഞ്ഞം ആശുപത്രിയിൽ എക്സ്റേ യൂണിറ്റും സ്കാനിങ് മെഷീനും വാങ്ങുന്നതിന് ഒരു കോടി രൂപ ഉൾപ്പെടുത്തുകയും വകയിരുത്തുകയും ചെയ്തിട്ടും നാളിതുവരെ ഭരണാനുമതി ലഭിച്ചില്ല എന്നത് ശ്രദ്ധയില്‍പ്പെട്ടിട്ടുണ്ടോ; ഇതിന്റെ ഡി.പി.ആർ. തയ്യാറാക്കുന്നതും ഭരണാനുമതി നൽകുന്നതും ആരാണെന്ന് വ്യക്തമാക്കുമോ?

സംസ്ഥാനത്ത് ആർദ്രം പദ്ധതി പ്രകാരം എത്ര പി.എച്ച്.സി.കൾ ഫാമിലി ഹെൽത്ത് സെന്ററുകളാക്കി ഉയർത്തിയിട്ടുണ്ട് എന്നറിയിക്കാമോ;

ആർദ്രം പദ്ധതിയുടെ ഭാഗമായി നാളിതുവരെ എത്ര ഫാർമസിസ്റ്റ് തസ്തികകൾ സൃഷ്ടിച്ച് നിയമനം നടത്തിയിട്ടുണ്ട്; പ്രസ്തുത പദ്ധതിയുടെ ഒന്നാം ഘട്ടത്തിലും രണ്ടാംഘട്ടത്തിലും എത്ര ഫാർമസിസ്റ്റ് തസ്തികകള്‍ വീതം സൃഷ്ടിച്ചുവെന്ന് വ്യക്തമാക്കുമോ;

ആർദ്രം പദ്ധതിയുടെ പ്രോട്ടോകോൾ പ്രകാരം ഒരു ഫാമിലി ഹെൽത്ത് സെന്ററിൽ എത്ര ഫാർമസിസ്റ്റ് തസ്തികകൾ ഉണ്ടാകണമെന്നാണ് വ്യവസ്ഥ ചെയ്തിരിക്കുന്നത്;

ആർദ്രം പദ്ധതിയിൽ ആവശ്യമായ ഫാർമസിസ്റ്റ് തസ്തികകൾ സൃഷ്ടിച്ചു നിയമനം നടത്തുന്നതിന് അടിയന്തര നടപടി സ്വീകരിക്കുമോ; വിശദാംശം നൽകുമോ?

ഷൊര്‍ണ്ണൂര്‍ മണ്ഡലത്തിലെ പ്രാഥമിക ആരോഗ്യ കേന്ദ്രങ്ങളെ കുടുംബ ആരോഗ്യ കേന്ദ്രങ്ങളായി വികസിപ്പിക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

മണ്ഡലത്തിലെ ഏതെല്ലാം ആരോഗ്യ കേന്ദ്രങ്ങള്‍ക്ക് ഇതിന്റെ പ്രയോജനം ലഭിച്ചിട്ടുണ്ടെന്ന് വിശദമാക്കാമോ;

സംസ്ഥാനത്തെ ഡ്രഗ്ഗ് സ്റ്റോറുകളുടെ ആധുനികവല്‍കരണം ലക്ഷ്യമിട്ട് നടത്തുന്ന പ്രവര്‍ത്തനങ്ങള്‍ വിശദമാക്കാമോ; ഇതിന്‍ പ്രകാരം പാലക്കാട് ജില്ലയിലെ ഡ്രഗ്ഗ് സ്റ്റോറുകളെ ശക്തിപ്പെടുത്തുന്നതിന് സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

പട്ടാമ്പി താലൂക്കാശുപത്രിയില്‍ ഡയാലിസിസ് സെന്റര്‍ ആരംഭിക്കുന്നതിനുള്ള നടപടികളുടെ വിശദാംശം നല്‍കാമോ;

എം.എല്‍.എ ഫണ്ട് ഉപയോഗിച്ച് പൂര്‍ത്തികരിച്ച കെട്ടിടത്തില്‍ എത്ര ഡയാലിസിസ് യൂണിറ്റുകളാണ് സ്ഥാപിക്കുന്നത് എന്ന് വ്യക്തമാക്കാമോ;

ഡയാലിസിസ് സെന്റര്‍ എന്ന് മുതല്‍ പ്രവര്‍ത്തനം ആരംഭിക്കാനാകുമെന്ന് വ്യക്തമാക്കുമോ?

കുന്നത്തുനാട് മണ്ഡലത്തിലെ വടവുകോട് സി.എച്ച്.സി -യില്‍ ഡോക്ടര്‍മാരുടെയും മറ്റ് ജീവനക്കാരുടെയും അനുവദിക്കപ്പെട്ട തസ്തികകളുടെ വിശദാംശം ലഭ്യമാക്കാമോ;

പ്രസ്തുത തസ്തികകളില്‍ എത്ര ഒഴിവുകള്‍ നിലവിലുണ്ടെന്ന് വ്യക്തമാക്കാമോ;

വടവുകോട് സി.എച്ച്.സി.-യിലെ അനുവദിക്കപ്പെട്ട കിടക്കകളുടെ എണ്ണം സംബന്ധിച്ച വിശദാംശം ലഭ്യമാക്കാമോ;

ആവശ്യത്തിന് ജീവനക്കാരും കിടക്കകളും ഉണ്ടായിട്ടും കിടത്തിചികിത്സ പുനരാരംഭിക്കാത്തതിന്റെ കാരണമെന്താണെന്ന് വ്യക്തമാക്കാമോ;

കിടത്തി ചികിത്സ പുനരാരംഭിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

വൈക്കം നിയോജകമണ്ഡലത്തിലെ സ്ത്രീകളുടെയും കുട്ടികളുടെയും ആശുപത്രിയിൽ ഡോക്ടർമാരുടെയും ജീവനക്കാരുടെയും തസ്തികകൾ സൃഷ്ടിച്ചിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കാമോ;

ആശുപത്രിയുടെ പ്രവർത്തനം ആരംഭിക്കാത്തത് എന്തുകൊണ്ടെന്നും എന്നത്തേയ്ക്കു ആരംഭിക്കുവാൻ സാധിക്കുമെന്നും വിശദമാക്കാമോ?

കാസര്‍ഗോഡ് ജില്ലയിൽ ഏതൊക്കെ പ്രാഥമിക ആരോഗ്യ കേന്ദ്രങ്ങളാണ് കുടുംബാരോഗ്യ കേന്ദ്രങ്ങളായി ഉയർത്തിയതെന്ന് അറിയിക്കാമോ;

ഇതിന്റെ ഭാഗമായി എത്ര തസ്തികകളാണ് അധികമായി സൃഷ്ടിച്ചതെന്ന് സ്ഥാപനം തിരിച്ച് വ്യക്തമാക്കാമോ;

ഓരോ കുടുംബാരോഗ്യ കേന്ദ്രത്തിലും പുതുതായി ആരംഭിച്ച ചികിത്സാ സൗകര്യങ്ങളും സേവനങ്ങളും എന്തൊക്കെയെന്ന് വിശദമാക്കാമോ?

ആലപ്പുഴ നിയോജകമണ്ഡലത്തില്‍ കലവൂര്‍ (വളവനാട്) പി.എച്ച്.സി.യില്‍ കോവിഡ് ഐസൊലേഷന്‍ വാര്‍ഡ് സ്ഥാപിക്കുവാന്‍ തീരുമാനിച്ചിട്ടുണ്ടോ; ഉണ്ടെങ്കില്‍ നിലവില്‍ നിര്‍മ്മാണ പ്രവൃത്തികൾ ആരംഭിച്ചിട്ടുണ്ടോ; വിശദമാക്കാമോ;

ആലപ്പുഴ ആര്യാട് പി.എച്ച്.സിക്ക് കെട്ടിട നിര്‍മ്മാണത്തിനായി തുക അനുവദിച്ചിട്ടുണ്ടോ; ഉണ്ടെങ്കില്‍ നിലവിലെ സ്ഥിതി വ്യക്തമാക്കുമോ;

ആലപ്പുഴ നെഹറു ട്രാേഫി വാര്‍ഡിലെ ആശുപത്രിയില്‍ കെട്ടിട നിര്‍മ്മാണത്തിനായി ഏത് ഫണ്ട് ഉപയോഗിച്ചാണ് പ്രവൃത്തി നടപ്പിലാക്കുന്നതെന്നും ഇതിന്റെ നിലവിലെ സ്ഥിതിയും വ്യക്തമാക്കുമോ?

മണലൂര്‍ എം.എല്‍.എ.യുടെ 2019-20 വര്‍ഷത്തെ ആസ്തി വികസന പദ്ധതി പ്രകാരം മണലൂര്‍ കുടുംബാരോഗ്യ കേന്ദ്രത്തിന് പുതിയ കെട്ടിടം നിര്‍മ്മിക്കുന്നതിന് തൃശൂര്‍ ജില്ലാ കളക്ടറുടെ 6.03.2020-െലെ ആര്‍.ഡി.6/2493(3) പ്രകാരം 22 ലക്ഷം രൂപയുടെ ഭരണാനുമതി ലഭ്യമാക്കുകയുണ്ടായെങ്കിലും നിലവിലെ പഴയ കെട്ടിടം പൊളിച്ച് മാറ്റാത്തതിനാല്‍ പ്രസ്തുത പ്രവൃത്തി നിര്‍വ്വഹിക്കാന്‍ കഴിയാത്ത സ്ഥിതിയിലാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

നിലവിലെ പഴയ കെട്ടിടം പൊളിച്ച് മാറ്റുന്നതിന് ഇതിനോടകം അനുമതി നല്‍കിയിട്ടുണ്ടോ എന്ന് വ്യക്തമാക്കാമോ;

കരാറുകാരന് സൈറ്റ് കൈമാറാനും തദ്ദേശസ്വയംഭരണ വകുപ്പിന് പ്രസ്തുത പദ്ധതി നിര്‍വ്വഹിക്കാനും കഴിയാത്ത സാഹചര്യം ഒഴിവാക്കുന്നതിനും ഇക്കാര്യത്തില്‍ അടിയന്തര നടപടി സ്വീകരിച്ച് പ്രവൃത്തി ആരംഭിക്കാന്‍ വേണ്ട നടപടി സ്വീകരിക്കുമോ?

ദേവികുളം മണ്ഡലത്തിലെ ഇടമലക്കുടി, ചട്ടമൂന്നാര്‍ എന്നീ പ്രാഥമിക ആരോഗ്യകേന്ദ്രങ്ങളില്‍ ഏതൊക്കെ തസ്തികകളാണ് അനുവദിച്ചിട്ടുള്ളതെന്നും അവയിൽ ഏതൊക്കെ തസ്തികകളിൽ നിയമനം നടത്തിയിട്ടുണ്ടെന്നും അറിയിക്കാമോ;

പ്രസ്തുത പ്രാഥമിക ആരോഗ്യകേന്ദ്രങ്ങളുടെ പ്രവര്‍ത്തനം ആരംഭിക്കുന്നതിനായി സ്വീകരിച്ച നടപടികള്‍ വിശദമാക്കാമോ?

കാഞ്ഞിരപ്പള്ളി നിയോജകമണ്ഡലത്തില്‍ ഫാമിലി ഹെല്‍ത്ത് സെന്ററുകളാക്കിയ പ്രാഥമിക ആരോഗ്യ കേന്ദ്രങ്ങള്‍ ഏതൊക്കെയെന്ന് ‌അറിയിക്കാമോ;

ഇതില്‍ ഏതൊക്കെ കേന്ദ്രങ്ങളാണ് പൂര്‍ണ്ണതോതില്‍ (ഒ.പി.,ഐ.പി. ഉള്‍പ്പെടെ) പ്രവര്‍ത്തനക്ഷമമായിട്ടുള്ളത്; വ്യക്തമാക്കാമോ;

പ്രസ്തുത കേന്ദ്രങ്ങളിലെ ജീവനക്കാരുടെ കുറവ് പരിഹരിക്കുന്നതിന് നടപടികള്‍ സ്വീകരിക്കാമോ?

തരൂര്‍ മണ്ഡലത്തിലെ വടക്കാഞ്ചേരി കമ്മ്യൂണിറ്റി ഹെല്‍ത്ത് സെന്ററിന്റെ കെട്ടിട നിര്‍മ്മാണത്തിന് 2020-21 വര്‍ഷത്തെ ബഡ്ജറ്റില്‍ നീക്കി വച്ച ആറ് കോടി രൂപ ഉപയോഗിച്ച് കെട്ടിട നിര്‍മ്മാണം പൂര്‍ത്തിയാക്കാന്‍ എത്ര കാലയളവ് വേണ്ടി വരും;

പ്രസ്തുത ഹെല്‍ത്ത് സെന്ററിന്റെ കെട്ടിട നിര്‍മ്മാണം ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത ഹെല്‍ത്ത് സെന്ററിന്റെ നിര്‍മ്മാണം വാപ്കോസ് എന്ന സ്ഥാപനത്തെ ഏല്‍പ്പിക്കുന്നത് പരിഗണിക്കുമോ;

ഹെല്‍ത്ത് സെന്ററിന്റെ നിര്‍മ്മാണ പ്രവൃത്തി സംബന്ധിച്ച ഫയലുകളുടെ നമ്പര്‍ ആയത് കൈകാര്യം ചെയ്യുന്ന കാര്യാലയങ്ങള്‍ എന്നിവയുടെ വിവരങ്ങള്‍ ലഭ്യമാക്കാമോ?

സംസ്ഥാനത്ത് ഹാേമിയാേ ഡിസ്പെന്‍സറികള്‍ ഇല്ലാത്ത ഗ്രാമപഞ്ചായത്തുകളില്‍ പുതുതായി ഹാേമിയാേ ആശുപത്രികള്‍ അനുവദിക്കുന്നതിന് നടപടി സ്വീകരിച്ചിട്ടുണ്ടാേ;

പുതുക്കാട് മണ്ഡലത്തിലെ വല്ലച്ചിറ ഗ്രാമപഞ്ചായത്തില്‍ നിലവില്‍ ഹാേമിയാേ ഡിസ്പെന്‍സറി ഇല്ലാത്ത സാഹചര്യത്തില്‍ പഞ്ചായത്ത് കെട്ടിട സൗകര്യം ഉള്‍പ്പെടെ സജ്ജമാക്കി സമര്‍പ്പിച്ചിട്ടുള്ള അപേക്ഷ പരിഗണിച്ച് ഹാേമിയാേ ഡിസ്പെന്‍സറി അനുവദിക്കുന്നതിന് നടപടി സ്വീകരിക്കുമാേ?

ആര്‍ദ്രം ഫെയ്സ് III യുടെ ഭാഗമായി 22.10.2020 ലെ 1947/2020/എച്ച് &എഫ് ഡബ്ലിയു ഡി നമ്പര്‍ ഉത്തരവ് പ്രകാരം കുടുംബാരോഗ്യ കേന്ദ്രങ്ങളാക്കി ഉയര്‍ത്തിയ വൈപ്പിന്‍ നിയോജക മണ്ഡലത്തിലെ പുതുവൈപ്പ്, പിഴല, വല്ലാര്‍പാടം തുടങ്ങിയ പ്രദേശങ്ങളിലെ പി.എച്ച്.സി.കളുടെ നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതില്‍ നേരിടുന്ന കാലതാമസത്തിന് കാരണം വ്യക്തമാക്കാമോ;

പ്രസ്തുത പ്രവൃത്തികള്‍ എന്നത്തേയ്ക്ക് ആരംഭിക്കാന്‍ സാധിക്കുമെന്ന് വ്യക്തമാക്കാമോ?

കൊല്ലം ജില്ലാ ആശുപത്രിയുടെ അടിസ്ഥാന സൗകര്യ വികസനത്തിനായുളള കിഫ്ബി പദ്ധതി നടപ്പിലാക്കുന്നതില്‍ കാലതാമസം നേരിടുന്നതിന്റെ കാരണം എന്താണെന്ന് വ്യക്തമാക്കുമോ;

നിര്‍മ്മാണ ഉദ്ഘാടനം നിര്‍വ്വഹിച്ച പ്രസ്തുത പദ്ധതിയുടെ പദ്ധതി രേഖയില്‍ മാറ്റങ്ങള്‍ വരുത്തുന്നുണ്ടോ; കിഫ്ബിയില്‍ നിന്നും സാമ്പത്തിക അനുമതി ലഭിച്ച പ്രസ്തുത പദ്ധതിക്ക് കിഫ്ബിയില്‍ നിന്ന് വീണ്ടും അനുമതി ആവശ്യമായി വരുമോ; വിശദാംശം ലഭ്യമാക്കുമോ;

നടപടികള്‍ അടിയന്തരമായി പൂര്‍ത്തീകരിച്ച് പ്രസ്തുത പ്രവൃത്തി ടെന്‍ഡർ ചെയ്യുന്നതിനുളള നടപടി സ്വീകരിക്കുമോ; വിശദവിവരം ലഭ്യമാക്കുമോ?

കുന്നത്തുനാട് മണ്ഡലത്തിലെ വടവുകോട് സി.എച്ച്.സി. യില്‍ എം.എല്‍.എ. ആസ്തി വികസന ഫണ്ട് ഉപയോഗിച്ച് ഐസൊലേഷന്‍ വാര്‍ഡ് സ്ഥാപിക്കുന്ന നടപടി ഏത് ഘട്ടത്തിലാണെന്ന് വ്യക്തമാക്കാമോ;

പ്രസ്തുത നിര്‍മ്മാണ പ്രവര്‍ത്തനങ്ങള്‍ എന്നത്തേക്ക് ആരംഭിക്കുമെന്ന് വ്യക്തമാക്കുമോ?

കൊയിലാണ്ടി താലൂക്ക് ആശുപത്രിയിലെ ഡയാലിസിസ് യൂണിറ്റിലേക്ക് ആവശ്യമായ വലിയ ജനറേറ്റര്‍ അനുവദിച്ചു നല്‍കുന്നതില്‍ കെ.എം.എസ്.സി.എൽ -ന് മുമ്പിലുളള പ്രതിബന്ധങ്ങള്‍ എന്തെല്ലാമാണെന്ന് വിശദമാക്കാമോ;

ജനറേറ്റര്‍ വാങ്ങി ആശുപത്രിക്ക് കെെമാറാന്‍ കെ.എം.എസ്.സി.എല്‍ കെെക്കൊണ്ട നടപടികള്‍ എന്തെല്ലാമെന്ന് വിശദമാക്കാമോ;

നടപടികള്‍ സ്വീകരിച്ചിട്ടുണ്ടെങ്കിൽ ജനറേറ്റര്‍ എന്നത്തേയ്ക്കു അനുവദിക്കുമെന്ന് വ്യക്തമാക്കുമോ?

കോഴിക്കോട് കുതിരവട്ടം മാനസികാരോഗ്യ കേന്ദ്രത്തില്‍ അന്തേവാസികള്‍ തമ്മിലുണ്ടായ സംഘര്‍ഷത്തെ തുടര്‍ന്ന് യുവതി കൊല്ലപ്പെട്ട സംഭവത്തില്‍ സര്‍ക്കാര്‍ അന്വേഷണം നടത്തിയിട്ടുണ്ടോ;

പ്രസ്തുത ആരോഗ്യ കേന്ദ്രത്തിലെ സുരക്ഷാവീഴ്ചയാണോ കൊലപാതകത്തിലേക്ക് നയിച്ചത് എന്ന് പരിശോധിച്ചിട്ടുണ്ടോ;

പ്രസ്തുത ആരോഗ്യ കേന്ദ്രത്തില്‍ നിന്നും ചുമര്‍ തുരന്ന് രണ്ട് അന്തേവാസികള്‍ രക്ഷപ്പെട്ട സംഭവത്തെ തുടര്‍ന്ന് ആരോഗ്യ കേന്ദ്രത്തിനാവശ്യമായ സുരക്ഷ ഒരുക്കുന്നതില്‍ വീഴ്ച വരുത്തിയവര്‍ക്കെതിരെ നടപടികള്‍ സ്വീകരിക്കുവാന്‍ സര്‍ക്കാര്‍ തയ്യാറാകുമോ; എങ്കില്‍ വിശദാംശം അറിയിക്കുമോ?

ദേവികുളം മണ്ഡലത്തിലെ അടിമാലിയില്‍ സ്ത്രീകളുടേയും കുട്ടികളുടേയും ആശുപത്രി ആരംഭിക്കുന്നതുമായി ബന്ധപ്പെട്ട ഫയലിന്റെ നിലവിലെ സ്ഥിതി വിശദമാക്കാമോ;

2015-ലെ 2644/2015 തീയ്യതി 17.08.2015 നമ്പര്‍ സർക്കാർ ഉത്തരവ് റീവാലിഡേറ്റ് ചെയ്യുന്നതിനു ഇതുവരെ സ്വീകരിച്ച നടപടികള്‍ വിശദമാക്കാമോ?

എരുമേലി സാമൂഹികാരോഗ്യ കേന്ദ്രത്തില്‍ ഡോക്ടര്‍മാര്‍ ഉള്‍പ്പെടെയുള്ള തസ്തികകള്‍ ഒഴിഞ്ഞു കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത ഒഴിവുകള്‍ നികത്തുന്നതിനാവശ്യമായ നടപടി സ്വീകരിക്കുമോ;

എരുമേലി സി.എച്ച്.സി.യുടെ കീഴിലുള്ള ഒന്‍പത് സബ് സെന്ററുകളില്‍ നിലവില്‍ ഏതെല്ലാമാണ് പ്രവര്‍ത്തിക്കുന്നതെന്നും എല്ലാ സബ് സെന്ററുകളും പ്രവര്‍ത്തിപ്പിക്കുവാന്‍ നടപടി സ്വീകരിക്കുമോയെന്നും അറിയിക്കാമോ;

എരുമേലി സി.എച്ച്.സി. യില്‍ വൈകുന്നേരം ആറുമണിക്കുശേഷം ഒ.പി. പ്രവര്‍ത്തിപ്പിക്കാന്‍ നടപടി സ്വീകരിക്കുമോ; വ്യക്തമാക്കുമോ?

മങ്കട നിയോജകമണ്ഡലത്തിലെ പാങ്ങ് കുടുംബാരോഗ്യ കേന്ദ്രത്തില്‍ ഡോക്ടര്‍മാര്‍ ഉള്‍പ്പെടെ ആകെ എത്ര ജീവനക്കാരുടെ തസ്തികയാണ് നിലവിലുള്ളത്; നിലവില്‍ എത്ര ജീവനക്കാരാണ് ജോലി നോക്കി വരുന്നത്;

കുറുപ പഞ്ചായത്തിലെയും സമീപ പ്രദേശങ്ങളിലെയും സാധാരണക്കാരുടെ ഏക ആശ്രയമായ ഈ കുടംബാരോഗ്യ കേന്ദ്രത്തില്‍ ഈവനിംഗ് ഒ.പി ഇല്ലാത്തതും ആവശ്യത്തിന് ജീവനക്കാരില്ലാത്തതും പൊതുജനങ്ങള്‍ക്ക് പ്രയാസം സൃഷ്ടിച്ചിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ദിവസേനയുള്ള രോഗികളുടെ ബാഹുല്യം കണക്കിലെടുത്തും രാത്രികാല ചികിത്സയ്ക്ക് മറ്റ് സ്വകാര്യ ആശുപത്രികളെ ആശ്രയിക്കേണ്ടി വരുന്നത് കണക്കിലെടുത്തും പാങ്ങ് കുടുംബാരോഗ്യ കേന്ദ്രത്തെ സാമൂഹികാരോഗ്യ കേന്ദ്രമാക്കി ഉയര്‍ത്തുന്നതിന് നടപടി സ്വീകരിയ്ക്കുമോ?

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി ഒരു മണ്ഡലത്തിൽ ഒരു ഐസൊലേഷൻ വാർഡ് സ്ഥാപിക്കുക എന്ന പദ്ധതിയിൽ ഉൾപ്പെടുത്തി കോട്ടക്കല്‍ മണ്ഡലത്തിലെ വളാഞ്ചേരി കുടുംബാരോഗ്യ കേന്ദ്രത്തിൽ ഐസൊലേഷൻ വാർഡ് സ്ഥാപിക്കുന്നതുമായി ബന്ധപ്പെട്ട് സർക്കാർ സ്വീകരിച്ച നടപടികൾ വിശദമാക്കുമോ;

ഐസൊലേഷൻ വാർഡിന്റെ നിർമ്മാണം അടിയന്തരമായി ആരംഭിക്കുന്നതിന് ആവശ്യമായ നടപടികൾ സ്വീകരിക്കുമോ?

ഗുരുവായൂര്‍ മണ്ഡലത്തില്‍ കിടത്തി ചികിത്സ ഉണ്ടായിരുന്നതും പിന്നീട് നിര്‍ത്തല്‍ ചെയ്തതുമായ സി.എച്ച്.സി. കളുടെ വിശദവിവരങ്ങള്‍ ലഭ്യമാക്കാമോ;

പ്രസ്തുത സി.എച്ച്.സി. കളില്‍ കിടത്തി ചികിത്സ പുനരാരംഭിയ്ക്കുന്നതിന് സ്വീകരിച്ച നടപടികള്‍ വിശദമാക്കാമോ;

ഗുരുവായൂര്‍ മണ്ഡലത്തിലെ ഐസൊലേഷന്‍ വാര്‍ഡ് നിര്‍മ്മാണത്തിന്റെ നിലവിലെ സ്ഥിതി വിശദമാക്കാമോ?

മണലൂര്‍ മണ്ഡലത്തിലെ മറ്റം സെന്ററില്‍ സ്ഥിതിചെയ്യുന്ന കണ്ടാണശ്ശേരി കുടുംബ ആരോഗ്യ കേന്ദ്രത്തില്‍ പുതിയ ബ്ലോക്കിന്റെ നിര്‍മ്മാണത്തിന് എം.എല്‍.എ.യുടെ ആസ്തി വികസന പദ്ധതിയില്‍ ഉള്‍പ്പെടുത്തി 13.06.2018-ല്‍ മുപ്പത് ലക്ഷം രൂപയുടെ ഭരണാനുമതി ലഭ്യമാക്കിയിട്ടുള്ള വിവരം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത ആരോഗ്യ കേന്ദ്രത്തിന് പുതിയ ബ്ലോക്ക് നിര്‍മ്മിക്കുന്നതുമായി ബന്ധപ്പെട്ട പ്രവൃത്തികള്‍ നിലവില്‍ ഏത് ഘട്ടത്തിലാണ്; വിശദാംശങ്ങള്‍ നല്‍കാമോ?

കൊല്ലം ജില്ലയില്‍ എത്ര സര്‍ക്കാര്‍ ആയുര്‍വ്വേദ, ഹോമിയോ ആശുപത്രികള്‍/ഡിസ്പെന്‍സറികള്‍ പ്രവര്‍ത്തിക്കുന്നുണ്ട്; ഓരോ യൂണിറ്റിലും അനുവദിച്ചിട്ടുള്ള തസ്തികകള്‍ സംബന്ധിച്ച വിശദാംശങ്ങള്‍ വെളിപ്പെടുത്താമോ?

റാന്നി താലൂക്ക് ആശുപത്രിക്ക് പുതിയ കെട്ടിടം നിർമ്മിക്കാൻ എത്ര രൂപയാണ് അനുവദിച്ചത്; നിർമ്മാണ ചുമതല ആർക്കാണ് നൽകിയിട്ടുള്ളത് ;

പുതിയ കെട്ടിടത്തിന്റെ നിർമ്മാണം ആരംഭിക്കാൻ ഇനി എന്തൊക്കെ നടപടികളാണ് പൂർത്തിയാക്കുവാനുള്ളത്; കെട്ടിട നിർമ്മാണം എന്നത്തേക്ക് പൂർത്തിയാക്കുവാൻ സാധിക്കുമെന്ന് വ്യക്തമാക്കാമോ ?

മാവേലിക്കര നിയോജക മണ്ഡലത്തിലെ തഴക്കര ഇറവങ്കം പ്രാഥമികാരോഗ്യ കേന്ദ്രത്തെ കുടുംബാരോഗ്യ കേന്ദ്രമാക്കി ഉയര്‍ത്തുന്ന പദ്ധതിയുടെ നിലവിലെ സ്ഥിതിവിവരം വിശദമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് എം.എല്‍.എ. ഫണ്ടില്‍ അനുവദിച്ച പുതിയ കെട്ടിട നിര്‍മ്മാണത്തിന്റെ പുരോഗതി വ്യക്തമാക്കുമോ?

കാഞ്ഞിരപ്പള്ളി ജനറല്‍ ആശുപത്രിയില്‍ ഡയാലിസിസ് യൂണിറ്റ് ആരംഭിക്കാനുള്ള നടപടികള്‍ ഇപ്പോള്‍ ഏത് ഘട്ടത്തിലാണെന്നറിയിക്കുമോ;

ഡയാലിസിസ് യൂണിറ്റ് എന്നത്തേക്ക് ആരംഭിക്കാനാകുമെന്ന് വ്യക്തമാക്കാമോ?

ഇരിക്കൂര്‍ നിയോജകമണ്ഡലത്തില്‍ ആര്‍ദ്രം പദ്ധതിയുടെ മൂന്നാം ഘട്ടത്തില്‍ ചുഴലി, എരുവേശ്ശി, കുടിയാന്‍മല, ചന്ദനക്കാംപാറ, ആലക്കോട്, മണക്കടവ്, നടുവില്‍ എന്നീ പ്രാഥമികാരോഗ്യകേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി ഉയര്‍ത്തുന്നതിനുള്ള നടപടി ഏത് ഘട്ടത്തിലാണെന്ന് വ്യക്തമാക്കാമോ?

ചങ്ങനാശ്ശേരി താലൂക്ക് ആശുപത്രിയില്‍ പഠന വൈകല്യ-മന:ശാസ്ത്ര പരിശോധനയ്ക്കും ചികിത്സയ്ക്കുമായി ക്ലിനിക്കല്‍ സൈക്കോളജിസ്റ്റ് ഇല്ലാത്തത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത തസ്തികയില്‍ ക്ലിനിക്കല്‍ സൈക്കോളജിസ്റ്റിനെ നിയമിക്കണമെന്ന് ആവശ്യപ്പെട്ട് നിവേദനം ലഭിച്ചിട്ടുണ്ടോ; ഉണ്ടെങ്കില്‍ എന്തെല്ലാം തുടര്‍ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

തിരൂരങ്ങാടി താലൂക്ക് ആശുപത്രിയിൽ നിലവിൽ വിവിധ പ്രവൃത്തികൾക്ക് അനുവദിച്ചിട്ടുള്ള ഫണ്ടുകളും അവയുടെ നിലവിലെ പുരോഗതിയും സംബന്ധിച്ച വിവരങ്ങൾ ലഭ്യമാക്കാമോ;

ഈ ആശുപത്രിയിൽ വിവിധ പദ്ധതികൾക്കായി സമർപ്പിച്ചതും സർക്കാരിന്റെ പരിഗണനയിലുള്ളതുമായ പ്രൊപ്പോസലുകളുടെ വിശദാംശങ്ങൾ ലഭ്യമാക്കാമോ?

ശബരിമലയുടെ ഏറ്റവും അടുത്ത് സ്ഥിതി ചെയ്യുന്നതും പെരുനാട്ടിലെ ആദിവാസി വിഭാഗക്കാർ ചികിത്സയ്ക്കായി ഏറെ ആശ്രയിക്കുകയും ചെയ്യുന്ന പെരുനാട് സി.എച്ച്.സി.യിൽ മികച്ച ചികിത്സാ സൗകര്യത്തിനായി എന്തെല്ലാം പദ്ധതികളാണ് തയ്യാറാക്കിയിരിക്കുന്നതെന്ന് വിശദമാക്കാമോ;

ഇരുപത്തിനാല് മണിക്കൂർ കിടത്തി ചികിത്സാ സൗകര്യം എന്നു മുതൽ ആരംഭിക്കുവാൻ കഴിയുമെന്ന് വ്യക്തമാക്കാമോ;

ആദിവാസി സ്ത്രീകളുടെ ആരോഗ്യ ബോധവത്കരണത്തിനായി പ്രസ്തുത ആശുപത്രിയിൽ ഗൈഡൻസ് & കൗൺസലിംഗ് വിഭാഗം ആരംഭിക്കുമോ;വ്യക്തമാക്കാമോ?

ഏറ്റവും കൂടുതല്‍ ജലജന്യ രോഗങ്ങളും പകര്‍ച്ചവ്യാധികളും കാന്‍സര്‍ ഉള്‍പ്പെടെ ഉള്ള രോഗങ്ങളും റിപ്പോര്‍ട്ട് ചെയ്യപ്പെടുന്ന കുട്ടനാട്ടിലെ സര്‍ക്കാര്‍ ആശുപത്രികളുടെ അടിസ്ഥാന സൗകര്യ വികസനത്തിനും ആധുനിക മെഡിക്കല്‍ ഉപകരണങ്ങള്‍ ലഭ്യമാക്കുന്നതിനും എന്തൊക്കെ അടിയന്തര നടപടികള്‍ സ്വീകരിക്കുമെന്ന് വ്യക്തമാക്കുമോ;

കുട്ടനാട്ടിലെ സര്‍ക്കാര്‍ ആശുപത്രികളില്‍ ആവശ്യത്തിന് ജീവനക്കാരെ ലഭ്യമാക്കുന്നതിന് അടിയന്തര നടപടികള്‍ സ്വീകരിക്കുമോ , എങ്കില്‍ വിശദാംശം ലഭ്യമാക്കുമോ ;

ജീവനക്കാര്‍ക്ക് ആവശ്യമായ ക്വാർട്ടേഴ്സ് സൗകര്യങ്ങള്‍ ലഭ്യമാക്കാന്‍ നടപടി സ്വീകരിക്കുമോ; വിശദമാക്കുമോ?

പുനലൂർ നിയോജക മണ്ഡലത്തിലെ ആര്യങ്കാവ് പഞ്ചായത്തിൽ ഉൾപ്പെട്ട മാമ്പഴത്തറ ഇരുട്ടുതറ ചതുപ്പ് കോളനിയിലെ മാമ്പഴത്തറ മേഖലയില്‍ തെന്മല പി‌.എച്ച്‌.സി.യുടെ ഒരു സബ് സെന്റര്‍ അനുവദിക്കുന്നത് സംബന്ധിച്ച അപേക്ഷ ലഭിച്ചിട്ടുണ്ടോ; പ്രസ്തുത അപേക്ഷയിന്മേൽ സ്വീകരിച്ച നടപടികൾ എന്തൊക്കെയാണെന്ന് അറിയിക്കുമോ;

പട്ടികജാതി പട്ടിക വര്‍ഗക്കാർ ഏറെയുള്ള പ്രസ്തുത കോളനിയിലെ ആളുകള്‍ക്ക് ആശുപത്രി സൗകര്യങ്ങള്‍ക്കായി പുനലൂര്‍, തെന്മല, കുളത്തുപ്പുഴ എന്നിവിടങ്ങളിലേയ്ക്ക് എത്താൻ യാത്രാ സൗകര്യക്കുറവുള്ളതിനാൽ തെന്മല പി.എച്ച്.സി.യുടെ ഒരു സബ് സെന്റര്‍ മാമ്പഴത്തറ മേഖലയില്‍ അനുവദിക്കുന്ന കാര്യം പരിഗണിക്കുമോ എന്നറിയിക്കാമോ?

പായ്‍ക്കറ്റുകളില്‍ ലഭിക്കുന്ന സുഗന്ധ വ്യഞ്ജനങ്ങളിലും മസാലപ്പൊടികളിലും പച്ചക്കറികളിലും ഉള്‍പ്പെടെ എല്ലാ ബ്രാൻഡഡ് ഭക്ഷ്യ ഉല്‍പ്പന്നങ്ങളിലും വിഷാംശമുണ്ടെന്ന് കണ്ടെത്തിയിട്ടുണ്ടോ; വിശദമാക്കാമോ;

പാചകം ചെയ്ത ഭക്ഷണ സാധനങ്ങളില്‍ മായം കലര്‍ത്തുന്നത് കണ്ടെത്തുന്നതിന് നിലവിലുള്ള സംവിധാനങ്ങള്‍ എന്തെല്ലാം; അവ ഫലപ്രദമായി നടപ്പിലാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

ഭക്ഷ്യസുരക്ഷാ വകുപ്പിന്റെ പരിശോധന ലാബുകളുടെ ആധുനികവല്‍ക്കരണത്തിന്റെ അഭാവം പ്രവര്‍ത്തനത്തെ തടസ്സപ്പെടുത്തുന്നതായി കണ്ടെത്തിയിട്ടുണ്ടോ; വിശദമാക്കാമോ;

ജി.സി.എം.എസ്.എം.എസ്. അടക്കമുള്ള അത്യാധുനിക ഉപകരണങ്ങള്‍ ഇത്തരം ലബോറട്ടറികളില്‍ സജ്ജമാക്കിയിട്ടുണ്ടോ; വിശദമാക്കാമോ?

വിഷരഹിതമായ ഭക്ഷ്യവസ്തുക്കളുടെ വിപണനം ഉറപ്പാക്കുന്നതിന് സ്വീകരിക്കുന്ന നടപടികള്‍ വിശദമാക്കാമാേ; ഈ വിഷയത്തില്‍ നിലവില്‍ സ്വീകരിചുവരുന്ന നടപടികള്‍ ഫലപ്രദമാണോ;

മറ്റ് സംസ്ഥാനങ്ങളില്‍ നിന്നും കേരളത്തിലേയ്ക്ക് വിപണത്തിനായി കാെണ്ട് വരുന്ന പച്ചക്കറി, പഴം, പാല്‍, മത്സ്യം, മാംസം എന്നിവ ഭക്ഷ്യയാേഗ്യമാണെന്ന് കരുതുന്നുണ്ടോ; ഭക്ഷ്യയാേഗ്യമാണെന്ന് ഉറപ്പു വരുത്തുന്നതിന് സ്വീകരിക്കുന്ന നടപടികള്‍ വിശദമാക്കാമാേ?

ലൂപസ് അഥവാ സിസ്റ്റമിക് ലൂപസ് എരിത്തമറ്റോസിസ് എന്ന രോഗം സംസ്ഥാനത്ത് റിപ്പോര്‍ട്ട് ചെയ്യപ്പെട്ടിട്ടുണ്ടോ; ഉണ്ടങ്കിൽ രോഗികളുടെ എണ്ണം ലഭ്യമാണോ;

ലൂപസ് രോഗത്തിന് ഇന്‍ഷുറന്‍സ് പരിരക്ഷയില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; പ്രസ്തുത രോഗികള്‍ക്ക് ഇന്‍ഷുറന്‍സ് ഏര്‍പ്പെടുത്തുന്നതിനെക്കുറിച്ച് ആലോചിക്കുന്നുണ്ടോ;

ലൂപസ് രോഗികള്‍ക്ക് ബി.പി.എല്‍ കാര്‍‍ഡില്‍പ്പെട്ട രോഗികള്‍ക്ക് ലഭിക്കുന്ന അതേ പരിഗണന എല്ലാ സര്‍ക്കാര്‍ ആശുപത്രികളിലും കിട്ടുന്നതിനുവേണ്ടി സി.എച്ച്.ഐ.എ.കെ./ആര്‍.എസ്.ബി.വൈ./ആയുഷ്മാന്‍ ഭാരത് തുടങ്ങിയ ആരോഗ്യ പദ്ധതികളില്‍ പരിഗണന ലഭ്യമാക്കുന്നതിനുള്ള നടപടികള്‍ സ്വീകരിക്കാമോ;

പ്രസ്തുത രോഗത്തിനുള്ള മരുന്നുകള്‍ ഓര്‍ഫന്‍ ഡ്രഗ്ഗ് ലിസ്റ്റില്‍ ഉള്‍പ്പെടുത്തി സബ്‍സിഡി ലഭ്യമാക്കാനുള്ള നടപടി സ്വീകരിക്കാമോ;

പ്രസ്തുത രോഗികളെ ദി റൈറ്റ്സ് ഓഫ് പേഴ്സണ്‍ വിത്ത് ഡിസെബിലിറ്റിയില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കാമോ;

ആഴ്ചയില്‍ ഒരു ദിവസം കമ്മ്യൂണിറ്റി ഹെല്‍ത്ത് സെന്ററിലോ ജില്ല ആശുപത്രിയിലോ സമഗ്ര റുമറ്റോളജി അല്ലെങ്കില്‍ ലൂപസ് മാനേജ്മെന്റ് ക്ലിനിക്കുകള്‍ പ്രവര്‍ത്തിപ്പിക്കാനുള്ള നടപടികള്‍ സ്വീകരിക്കാമോ;

കാരുണ്യ ഫാര്‍മസി വഴി മരുന്നുകളും മറ്റും സൗജന്യമായി നല്‍കുന്നതിന് വേണ്ട നടപടികള്‍ സ്വീകരിക്കാമോ?

കോക്ലിയാർ ഇംപ്ലാന്റേഷന്‍ സര്‍ജറി പദ്ധതിയിലേക്ക് കണ്ണൂര്‍ ജില്ലയില്‍ നിന്ന് കഴിഞ്ഞ 6 മാസക്കാലയളവില്‍ എത്ര അപേക്ഷകള്‍ ലഭിച്ചിട്ടുണ്ടെന്ന് അറിയിക്കാമാേ;

പരിഗണിച്ച അപേക്ഷകരുടെ പേര് വിവരങ്ങള്‍ ലഭ്യമാക്കാമാേ;

സര്‍ജറിക്കായുള്ള അപേക്ഷകള്‍ പരിഗണിക്കുന്നതിന് തടസ്സങ്ങളുണ്ടോ ; വിശദാംശങ്ങള്‍ ലഭ്യമാക്കാമാേ?

സംസ്ഥാനത്ത് സര്‍ക്കാര്‍ ആശുപത്രികളില്‍ വെെകിട്ട് 6 മണി കഴിഞ്ഞാല്‍ മൃതദേഹങ്ങള്‍ സംസ്കാരത്തിനായി വിട്ടുനല്‍കേണ്ട എന്നുള്ള നിര്‍ദ്ദേശം നല്‍കിയിട്ടുണ്ടോ;

കൊല്ലം എ. എ. റഹിം മെമ്മോറിയല്‍ ജില്ലാ ആശുപത്രിയില്‍ നിന്നും ഇത്തരത്തില്‍ മൃതദേഹങ്ങള്‍ വിട്ടു നല്‍കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

രാത്രികാലങ്ങളില്‍ മൃതദേഹങ്ങള്‍ സംസ്കാരത്തിനായി ബന്ധുക്കള്‍ക്ക് വിട്ടു നല്‍കുന്നതിന് നടപടി സ്വീകരിയ്ക്കുമോ?

സംസ്ഥാനത്ത് കോവിഡ് അനുബന്ധ രോഗമായ ബ്ലാക്ക് ഫംഗസ് ബാധയ്ക്കുള്ള ചികിത്സയ്ക്ക് വിലയേറിയ മരുന്നുകള്‍ വേണ്ടിവരുന്നത് നിര്‍ധന രോഗികളെ വലയ്ക്കുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത രോഗികള്‍ക്കുണ്ടാകുന്ന സാമ്പത്തിക ബാധ്യത പരിഹരിക്കാന്‍ നടപടി സ്വീകരിക്കുമോ; വിശദമാക്കാമോ?

സ്വകാര്യ ആശുപത്രികളിൽ ഓരോ അവയവമാറ്റ ശസ്ത്രക്രിയകള്‍ക്കുമുള്ള ഫീസ് ഏകീകരിച്ച് നിജപ്പെടുത്തുന്നതിനും ഇതില്‍ കൂടുതല്‍ തുക രോഗികള്‍ നല്‍കേണ്ടി വരുന്നില്ല എന്ന് ഉറപ്പുവരുത്തുന്നതിനും ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ;

സംസ്ഥാനത്തെ എല്ലാ സര്‍ക്കാര്‍ മെഡിക്കല്‍ കോളേജുകളിലും മറ്റ് സര്‍ക്കാര്‍ ആശുപത്രികളിലും അവയവമാറ്റ ശസ്ത്രക്രിയയ്ക്ക് വേണ്ടുന്ന ക്രമീകരണങ്ങള്‍ ഏര്‍പ്പെടുത്തുവാന്‍ നടപടി സ്വീകരിക്കുമോ; വിശദമാക്കാമോ?

യുക്രെയ്നില്‍ നിന്നും വരുന്നവര്‍ക്ക് ഗ്രീന്‍ ചാനല്‍ വഴി ആരോഗ്യ വകുപ്പിന്റെ ചികിത്സാ സേവനങ്ങള്‍ ലഭ്യമാക്കുന്നതിന് എന്തൊക്കെ നടപടികളാണ് സ്വീകരിച്ചുവരുന്നത്;

സംസ്ഥാനത്തെ നാല് ഇന്റര്‍നാഷണല്‍ എയര്‍പോര്‍ട്ടുകളിലും ഡൊമസ്റ്റിക് എയര്‍പോര്‍ട്ടുകളിലും ഇവരുടെ ആരോഗ്യസ്ഥിതി നിരീക്ഷിക്കുവാന്‍ ഏര്‍പ്പെടുത്തിയിട്ടുള്ള സംവിധാനങ്ങള്‍ എന്തൊക്കെയാണെന്ന് വിശദമാക്കാമോ?

സ്വകാര്യ ആശുപത്രികള്‍ അവയവമാറ്റ ശസ്ത്രക്രിയകള്‍ക്കായി ഫീസിനത്തില്‍ വന്‍തുകകള്‍ ഈടാക്കുന്ന സാഹചര്യത്തില്‍ സാമ്പത്തികമായി പിന്നോക്കം നില്‍ക്കുന്നവരെ സഹായിക്കുന്നതിനായി സര്‍ക്കാര്‍ നടത്തിവരുന്ന ഇടപെടലിന്റെ ഫലമായി ഉണ്ടായിട്ടുളള പുരോഗതി വിശദമാക്കാമോ;

സര്‍ക്കാര്‍ ആശുപത്രികളില്‍ കരള്‍മാറ്റ ശസ്ത്രക്രിയ നടത്താനുളള കര്‍മ്മ പദ്ധതിക്ക് രൂപം നല്‍കിയിട്ടുണ്ടോ; ഇത് സംബന്ധിച്ച് മന്ത്രിസഭാ തീരുമാനത്തിന്റെ വിശദാംശം നല്‍കുമോ;

കരള്‍മാറ്റിവയ്ക്കല്‍ ശസ്തക്രിയയ്ക്കായി പ്രത്യേക ട്രാന്‍സ്പ്ളാന്റ് യൂണിറ്റും അത്യാധുനിക ഉപകരണങ്ങളും സജ്ജമാക്കുന്നത് ഏതെല്ലാം മെഡിക്കല്‍കോളേജ് ആശുപത്രികളിലാണെന്ന് അറിയിക്കാമോ?

സംസ്ഥാനത്ത് ആരോഗ്യമേഖലയെ മെച്ചപ്പെടുത്തുന്നതിനും അതിവിദഗ്ധ ചികിത്സ ലഭ്യമാക്കുന്നതിനും എയിംസ് അനുവദിക്കണമെന്നുള്ള ദീര്‍ഘകാല ആവശ്യത്തോട് കേന്ദ്ര സര്‍ക്കാര്‍ അനുകൂലമായി പ്രതികരിച്ചിട്ടുണ്ടോ;

സംസ്ഥാനത്തെ മെഡിക്കല്‍ കോളേജ‍ുകളില്‍ അതി നൂതന ചികിത്സാ സൗകര്യം ഒരുക്കുന്നതിനായി നടത്തുന്ന വികസന പ്രവര്‍ത്തനങ്ങള്‍ വിശദമാക്കാമോ; കോട്ടയം മെഡിക്കല്‍ കോളേജിനെ തുടര്‍ന്ന് തിരുവനന്തപുരം, കോഴിക്കോട് മെഡിക്കല്‍ കോളേജ‍ുകളില്‍ കൂടി കരള്‍ മാറ്റിവയ്ക്കല്‍ ശാസ്ത്രക്രിയ സൗകര്യം ഏര്‍പ്പെടുത്തുന്നുണ്ടോ;

മെഡിക്കല്‍ കോളേജ‍ുകളുടെ സേവനം മെച്ചപ്പെടുത്താന്‍ പ്രത്യേക ടീമിനെ നിയോഗിക്കാന്‍ ഉദ്ദേശിക്കുന്നുണ്ടോ; എങ്കില്‍ ടീമിന്റെ പ്രവര്‍ത്തനം എപ്രകാരമാണെന്ന് വ്യക്തമാക്കാമോ;

കിഫ്ബി ഫണ്ടുപയോഗിച്ച് ആരോഗ്യമേഖലയില്‍ നടത്തുന്ന വികസന പ്രവര്‍ത്തനങ്ങളെക്കുറിച്ച് വിശദമാക്കാമോ?

സംസ്ഥാനത്തെ മെ‍ഡിക്കല്‍ കോളേജുകളില്‍ ജെറിയാട്രിക്സ് എന്ന വിഷയത്തില്‍ പോസ്റ്റ് ഗ്രാഡുവേറ്റ് കോഴ്സ് ഇല്ലായെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത കോഴ്സ് ആരംഭിക്കാന്‍ നടപടി സ്വീകരിക്കുമോ;

സംസ്ഥാനത്ത് മുതിര്‍ന്ന പൗരന്‍മാരുടെ എണ്ണത്തിന് ആനുപാതികമായി അടുത്ത പത്ത് വര്‍ഷത്തേയ്ക്ക് എത്ര ജെറിയാട്രിക് ഫിസിഷ്യന്‍മാരെ ആവശ്യമുണ്ട് എന്നുള്ളതിനെക്കുറിച്ച് പഠനം നടത്തിയിട്ടുണ്ടോ; വിശദമാക്കാമോ?

കേരളത്തില്‍ നിന്നും നിരവധി വിദ്യാർത്ഥികൾ മെഡിക്കല്‍ വിദ്യാഭ്യാസത്തിന് അന്യ സംസ്ഥാനങ്ങളെയും വിദേശ രാജ്യങ്ങളെയും ആശ്രയിക്കുന്ന സാഹചര്യത്തിൽ സര്‍ക്കാര്‍ - സ്വകാര്യ മേഖലയില്‍ കൂടുതല്‍ മെഡിക്കല്‍ കോളേജുകള്‍ ആരംഭിക്കുവാന്‍ നടപടി സ്വീകരിക്കുമോയെന്ന് അറിയിക്കാമോ;

അടിസ്ഥാന സൗകര്യങ്ങളുള്ള മികച്ച മെഡിക്കല്‍ കോളേജുകളില്‍ അധിക സീറ്റും ബാച്ചും അനുവദിക്കുമോയെന്ന് വെളിപ്പെടുത്താമോ;

കോവിഡിന്റെ പശ്ചാത്തലത്തിൽ ആഗോള ആരോഗ്യ രംഗത്തെ തൊഴില്‍ സാദ്ധ്യത കണക്കിലെടുത്ത് മെഡിക്കല്‍ വിദ്യാഭ്യാസ രംഗത്ത് കൂടുതല്‍ കോഴ്സുകളും കോളേജുകളും ആരംഭിക്കുന്നതിന് എന്തെല്ലാം പുതിയ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കാമോ?

പത്തനംതിട്ട ജില്ലയില്‍ വടശ്ശേരിക്കരയില്‍ നിര്‍മ്മാണം പൂര്‍ത്തീകരിച്ച ശ്രീ അയ്യപ്പ മെഡിക്കല്‍ കോളേജ് ആന്റ് റിസേര്‍ച്ച് ഫൗണ്ടേഷന് 2013 ലും 2016 ലും നല്‍കിയ എസ്സെന്‍ഷ്യാലിറ്റി സര്‍ട്ടിഫിക്കറ്റിന്റെ കോപ്പികള്‍ ലഭ്യമാക്കുമോ;

എസ്സെന്‍ഷ്യാലിറ്റി സര്‍ട്ടിഫിക്കറ്റ് നല്‍കുന്നതിന് ആധാരമായ മെഡിക്കല്‍ എഡ്യൂക്കേഷന്‍ ഡയറക്ടറുടെ റിപ്പോര്‍ട്ടിന്റെ കോപ്പികള്‍ ലഭ്യമാക്കുമോ;

സര്‍ക്കാര്‍ നല്‍കിയ എസ്സെന്‍ഷ്യാലിറ്റി സര്‍ട്ടിഫിക്കറ്റിന്റ അടിസ്ഥാനത്തില്‍ മെഡിക്കല്‍ കോളേജ് ആയി പ്രവര്‍ത്തിക്കുന്നതിന് സജ്ജമായ പ്രസ്തുത മെഡിക്കല്‍ കോളേജിന് നാഷണല്‍ മെഡിക്കല്‍ കമ്മീഷനില്‍ സമര്‍പ്പിക്കുന്നതിനായി എസ്സെന്‍ഷ്യാലിറ്റി സര്‍ട്ടിഫിക്കറ്റ് പുതുക്കി നല്കാന്‍ നടപടി സ്വീകരിക്കുമോ;

എസ്സെന്‍ഷ്യാലിറ്റി സര്‍ട്ടിഫിക്കറ്റ് ഇല്ലാതെ മെഡിക്കല്‍ കോളേജിന്റെ പ്രവര്‍ത്തനം ആരംഭിക്കാന്‍ കഴിയുമോ;

സ്വകാര്യ മേഖലയില്‍ ഒരു മെഡിക്കല്‍ കോളേജ് ആരംഭിക്കുന്നതിന് എന്തെല്ലാം അനുമതികളാണ് സംസ്ഥാന സര്‍ക്കാര്‍ നല്‍കേണ്ടത് എന്ന് വ്യക്തമാക്കുമോ?

മഞ്ചേരി മെഡിക്കൽ കോളേജിൽ വിവിധ സൂപ്പർ സ്പെഷ്യാലിറ്റി ബ്ലോക്കുകൾ ആരംഭിക്കുന്നതിനുള്ള നടപടികൾ സ്വീകരിക്കുമോ ;

ആവശ്യമായ തസ്തികളിൽ സ്ഥിരനിയമനം നടത്തി, പ്രസ്തുത മെഡിക്കൽ കോളേജിന്റെ പൂർണ്ണമായ പ്രവർത്തനത്തിനാവശ്യമായ സ്റ്റാഫ് പാറ്റേൺ അനുവദിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ ;

കണ്ടിജൻസി ഫണ്ട് ഇനത്തിൽ 50ലക്ഷം രൂപ ലഭ്യമാക്കി, സാമൂഹ്യ ആഘാത പഠനം നടത്തി മെഡിക്കൽകോളേജിന് ആവശ്യമായ സ്ഥലമേറ്റെടുക്കുന്നതിനുള്ള അടിയന്തര നടപടികൾ സ്വീകരിക്കുമോ; വിശദമാക്കാമോ?

1.1.2018-ല്‍ കോഴിക്കോട് മെഡിക്കല്‍ കോളേജില്‍ എത്ര സീനിയര്‍ സയന്റിഫിക് ഓഫീസര്‍ (ബയോകെമിസ്ട്രി) തസ്തികകള്‍ ഉണ്ടായിരുന്നു;

കോഴിക്കോട് മെഡിക്കല്‍ കോളേജില്‍ സീനിയര്‍ സയന്റിഫിക് ഓഫീസര്‍ (ബയോകെമിസ്ട്രി) തസ്തികകള്‍ നഷ്ടപ്പെടാന്‍ ഉണ്ടായ സാഹചര്യം വ്യക്തമാക്കുമോ;

പ്രസ്തുത തസ്തികയിലേയ്ക്ക് ആര്‍ക്കെങ്കിലും സ്ഥാനക്കയറ്റം നല്‍കിയിരുന്നോ; അവര്‍ കോഴിക്കോട് മെഡിക്കല്‍ കോളേജില്‍ ജോലിയില്‍ പ്രവേശിച്ചിരുന്നോ; ഇല്ലെങ്കില്‍ കാരണം വ്യക്തമാക്കുമോ;

പ്രസ്തുത തസ്തികകള്‍ മറ്റ് മെഡിക്കല്‍ കോളേജുകളിലേയ്ക്ക് മാറ്റിയിട്ടുണ്ടെങ്കില്‍ പകരം സംവിധാനം ഒരുക്കിയിട്ടുണ്ടോ?

കേരളത്തിലെ ആരോഗ്യ വിദ്യാഭ്യാസ വകുപ്പ്, ആരോഗ്യ വകുപ്പ് എന്നിവിടങ്ങളിലെ നിലവിലെ സ്റ്റാഫ് പാറ്റേണ്‍ ഏത് വര്‍ഷത്തെ ആസ്‍പദമാക്കിയിട്ടുള്ളതാണെന്ന് അറിയിക്കാമോ;

മെഡിക്കല്‍ കോളേജ് ആശുപത്രികളിലും ആരോഗ്യ വകുപ്പിന് കീഴിലെ ജില്ലാ ജനറല്‍ ആശുപത്രികളിലും രോഗികളുടെ എണ്ണത്തിലുണ്ടായ വര്‍ദ്ധനവിന്റെ അടിസ്ഥാനത്തില്‍ സ്റ്റാഫ് പാറ്റേണ്‍ പുതുക്കി ആവശ്യമായ പുതിയ തസ്തികകള്‍ സൃഷ്ടിക്കുന്നതിന് സ്വീകരിച്ച നടപടികൾ വിശദമാക്കാമോ;

ആലപ്പ‍ുഴ മെഡിക്കല്‍ കോളേജ് ആശുപത്രിയിലെ സൂപ്പര്‍ സ്‍പെഷ്യാലിറ്റി വിഭാഗത്തിലേയ്ക്ക് ഉള്‍പ്പെടെ തസ്തികകള്‍ അനുവദിക്കുന്നതിന് സ്വീകരിച്ചിട്ടുള്ള നടപടി വിശദമാക്കാമോ?

സംസ്ഥാനത്ത് ആരോഗ്യ വകുപ്പിന് കീഴിൽ മലയോര മേഖലയിലും വനപ്രദേശത്തോട് ചേർന്നും സ്ഥിതിചെയ്യുന്ന ആരോഗ്യ കേന്ദ്രങ്ങളില്‍ പരിചയസമ്പന്നരായ ഡോക്ടർമാരുടെ അഭാവം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കുമോ;

പ്രസ്തുത കേന്ദ്രങ്ങളിൽ പരിചയവും അനുഭവസമ്പത്തുമുള്ള ഡോക്ടർമാരെ നിയമിച്ച് ജീവിതശൈലി രോഗങ്ങൾക്കെതിരെ ബോധവൽക്കരണം നടത്തുന്നതിന് നടപടി സ്വീകരിക്കുമോ;

അനധികൃതമായി സർവ്വീസിൽ നിന്നും വിട്ടു നിൽക്കുന്ന ഡോക്ടർമാർക്കെതിരെ അച്ചടക്കനടപടി സ്വീകരിക്കുന്നതിനായി നിലവിലുള്ള ആ.കു.വ./എ3/570/പാര്‍ട്ട്-3 നമ്പർ ഫയലിന്മേല്‍ അച്ചടക്കനടപടികൾ തീർപ്പാക്കി ജോലിയിൽ തിരികെ പ്രവേശിക്കാൻ ആഗ്രഹിക്കുന്ന പരിചയസമ്പന്നരായ ഡോക്ടർമാരെ കോവിഡ് 19 മഹാമാരിയുടെ പശ്ചാത്തലത്തിൽ ജോലിയിൽ തിരികെ പ്രവേശിക്കുന്നതിന് അനുകൂല നിലപാട് സ്വീകരിക്കുമോ; വിശദാംശങ്ങൾ ലഭ്യമാക്കുമോ;

അനുഭവസമ്പത്തുള്ള ഡോക്ടർമാരുടെ സേവനം ആവശ്യമായിരിക്കുന്ന ഈ കാലഘട്ടത്തിൽ പ്രസ്തുത വിഷയത്തിൽ അനുഭാവ നിലപാട് സ്വീകരിക്കുമോ; വിശദാംശങ്ങൾ ലഭ്യമാക്കുമോ?

2019-ൽ പ്രമോഷനായ ഹെൽത്ത് ഇൻസ്‌പെക്ടർമാരുടെ പ്രൊബേഷൻ ഡിക്ലയർ ചെയ്യാൻ സാധിക്കാത്തത് അവരുടെ പ്രമോഷനെ ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ;

ഇവരുടെ പ്രൊബേഷൻ ഡിക്ലയർ ചെയ്യാൻ നടപടി സ്വീകരിക്കുമോ?

ദേവികുളം മണ്ഡലത്തിലെ അടിമാലി താലൂക്ക് ആശുപത്രിയിലെ സ്റ്റാഫ് പാറ്റേണ്‍ വിശദമാക്കാമോ;

പ്രസ്തുത സ്റ്റാഫ് പാറ്റേണ്‍ പരിഷ്കരിക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ;

താലൂക്കാശുപത്രിയ്ക്ക് ആവശ്യമായ തരത്തിലുള്ള സ്റ്റാഫ് പാറ്റേണ്‍ പരിഷ്കരിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

സ്റ്റാഫ് പാറ്റേണ്‍ പരിഷ്കരിക്കുന്നതിന് ഇതുവരെ സ്വീകരിച്ച നടപടികള്‍ വിശദമാക്കാമോ?

പെരിന്തല്‍മണ്ണ ജില്ലാ ആശുപത്രിയില്‍ ആവശ്യമായ സ്റ്റാഫ് പാറ്റേണ്‍ അനുവദിച്ചിട്ടുണ്ടോ; വിശദമാക്കുമോ;

പെരിന്തല്‍മണ്ണ ജില്ലാ ആശുപത്രിയില്‍ പുതിയ തസ്തികകള്‍ സൃഷ്ടിക്കുന്ന കാര്യം പരിഗണനയിലുണ്ടോയെന്നു വ്യക്തമാക്കുമോ?

മുൻ സർക്കാരിന്റെ കാലത്ത് ആരോഗ്യ വകുപ്പിൽ സൃഷ്ടിച്ച തസ്തികകളുടെ വിശദാംശങ്ങൾ ജില്ല തിരിച്ച് ലഭ്യമാക്കാമോ;

പുതുതായി സൃഷ്ടിക്കുവാൻ ഉദ്ദേശിക്കുന്ന തസ്തികകള്‍ ആവശ്യകത എന്നിവ സംബന്ധിച്ചുള്ള വിവരം ജില്ല തിരിച്ച് വിശദമാക്കാമോ?

ആരോഗ്യവകുപ്പിൽ കോട്ടയം ജില്ലയിൽ ജൂനിയർ ഹെൽത്ത് ഇൻസ്‌പെക്ടർ ഗ്രേഡ് 1, ഗ്രേഡ് 2 അനുപാതം എത്രയാണ്; ജെ.എച്ച്. ഐ. ഗ്രേഡ് 1 -ലും ഗ്രേഡ് 2-വിലും എത്ര ഒഴിവുകൾ വീതം ജില്ലയിൽ നിലവിലുണ്ട്;

അനുപാതം ക്രമീകരിക്കുന്നു എന്ന കാരണത്താൽ ഒഴിവുകൾ പി.എസ്.സി.-ക്ക് റിപ്പോർട്ട് ചെയ്യാതിരിക്കുന്ന സാഹചര്യം ജില്ലയിൽ ഉണ്ടോ;

2020 ജനുവരി മുതൽ ജില്ലയിൽ പ്രമോഷനിലൂടെയും മറ്റും എത്ര ജെ.എച്ച്.ഐ. ഗ്രേഡ് 2 ഒഴിവുകൾ ഉണ്ടായിട്ടുണ്ടെന്നും എത്ര ഒഴിവുകൾ പി.എസ്.സി.-ക്ക് റിപ്പോർട്ട് ചെയ്തെന്നും എത്ര നിയമനങ്ങൾ നടന്നുവെന്നും വ്യക്തമാക്കാമോ;

പി.എസ്.സിക്ക് റിപ്പോർട്ട് ചെയ്യാത്ത ഒഴിവുകൾ റിപ്പോര്‍ട്ട് ചെയ്യാത്തതിന്റെ കാരണം വ്യക്തമാക്കാമോ;

ആരോഗ്യവകുപ്പിന് കീഴിൽ ജില്ലയിലെ ഓരോ സ്ഥാപനങ്ങളിലും ജോലി ചെയ്യുന്ന ജൂനിയർ ഹെൽത്ത് ഇൻസ്‌പെക്ടർ ഗ്രേഡ് 1, ഗ്രേഡ് 2 ജീവനക്കാരുടെ എണ്ണവും ഓരോ സ്ഥാപനത്തിലെയും ജൂനിയർ ഹെൽത്ത് ഇൻസ്‌പെക്ടറുടെ സാങ്ഷന്‍ഡ് പോസ്റ്റ് എത്രയാണെന്നും വിശദമാക്കാമോ?

അനധികൃതമായി സർവീസിൽ നിന്നും വിട്ടു നിൽക്കുന്നവർക്കെതിരെ അച്ചടക്കനടപടികൾ സ്വീകരിച്ച എ3/570/പാര്‍ട്ട് (3) നമ്പർ ഫയലിലുള്ളതും തിരികെ ജോലിയിൽ പ്രവേശിക്കാൻ ആഗ്രഹിക്കുന്നവരുമായ പരിചയസമ്പന്നരായ ഡോക്ടർമാരെ കോവിഡ് 19 മഹാമാരിയുടെ പശ്ചാത്തലത്തിൽ ജോലിയിൽ പ്രവേശിപ്പിക്കുന്നതിന് അനുഭാവ നിലപാട് സ്വീകരിച്ചു നടപടിയെടുക്കുമോ; വിശദാംശങ്ങൾ ലഭ്യമാക്കുമോ;?

ആരാേഗ്യ വകുപ്പില്‍ 2016 മെയ് മുതല്‍ 2022 ജനുവരി വരെയുള്ള കാലയളവിൽ എത്ര നിയമനങ്ങള്‍ നടത്തിയിട്ടുണ്ട്; വിഭാഗങ്ങള്‍ തിരിച്ച് വിശദാംശം ലഭ്യമാക്കുമോ?

പത്തനംതിട്ട ജില്ലയിൽ ആരോഗ്യ വകുപ്പിൽ നഴ്സിങ് ഓഫീസർ ഗ്രേഡ് ll തസ്തികയിൽ നിലവിൽ എത്ര ഒഴിവുകളുണ്ട്;

എങ്കിൽ പ്രസ്തുത ഒഴിവുകൾ നികത്തുന്നതിനുള്ള നിർദ്ദേശം നൽകുമോ?

സംസ്ഥാനത്ത് ജൂനിയർ ഹെൽത്ത് ഇൻസ്പെക്ടർ ഗ്രേഡ് 2 ,ഗ്രേഡ് 1 തസ്തികകളിലെ സീനിയോറിറ്റി ലിസ്റ്റിന്റെ കരട് പ്രസിദ്ധീകരിച്ചിട്ടുണ്ടോ; കരട് സീനിയോറിറ്റി ലിസ്റ്റിന്റെ അടിസ്ഥാനത്തിൽ അന്തിമ ലിസ്റ്റ് പ്രസിദ്ധീകരിക്കുന്നതിന് കാലതാമസം നേരിടുന്നതിനുള്ള കാരണം വ്യക്തമാക്കുമോ; അടിയന്തരമായി അന്തിമ ലിസ്റ്റ് പ്രസിദ്ധീകരിക്കുമോ;

ആർദ്രം പദ്ധതിയിൽ സംസ്ഥാനത്ത് എത്ര ജൂനിയർ ഹെൽത്ത് ഇൻസ്പെക്ടർ തസ്തികകൾ സൃഷ്ടിച്ചിട്ടുണ്ട്; പ്രസ്തുത പദ്ധതിയിൽ ഉൾപ്പെട്ട എല്ലാ ആശുപത്രികളിലും ആവശ്യത്തിന് ജൂനിയർ ഹെൽത്ത് ഇൻസ്പെക്ടർ തസ്തിക സൃഷ്ടിക്കുന്നതിനു നടപടി സ്വീകരിക്കുമോ;

നിലവിൽ ഹെൽത്ത് ഇൻസ്പെക്ടർമാർ ഇല്ലാത്ത എല്ലാ ആശുപത്രികളിലും ജൂനിയർ ഹെൽത്ത് ഇൻസ്പെക്ടർ തസ്തിക സൃഷ്ടിച്ച് ജനങ്ങൾക്ക് സേവനം ഉറപ്പാക്കാൻ നടപടി സ്വീകരിക്കുമോ?

കൊണ്ടോട്ടി താലൂക്ക് ഹെഡ്ക്വാർട്ടേഴ്സ് ആശുപത്രിയിൽ നിലവിൽ ഏതെല്ലാം തസ്‌തികകളുണ്ടെന്നും ഇവിടെ എത്രപേർ ഏതെല്ലാം തസ്തികകളിൽ സ്ഥിരം/കരാർ/ദിവസ വേതന വ്യവസ്ഥയിൽ നിലവിൽ ജോലി ചെയ്യുന്നുണ്ടെന്നും വിശദമാക്കുമോ;

ഒരു താലൂക്ക് ഹെഡ്ക്വാർട്ടേഴ്സ് ആശുപത്രിക്കു ആവശ്യമായ തസ്തികകൾ ഈ ആരോഗ്യ കേന്ദ്രത്തിൽ ഉണ്ടോ; വിശദമാക്കുമോ;

ആരോഗ്യ കേന്ദ്രങ്ങളുടെ നിലവാരം ഉയർത്തുന്നതിനോടൊപ്പം ആവശ്യമായ തസ്തികകളും അനുവദിക്കുന്നതിന് നടപടി സ്വീകരിക്കുമോ;

എങ്കിൽ പ്രസ്തുത ആരോഗ്യ കേന്ദ്രത്തിന് ഒരു താലൂക്ക് ആശുപത്രിയ്ക്ക് ആവശ്യമായ തസ്തികകൾ സൃഷ്ടിക്കുന്നതിന് നടപടി സ്വീകരിക്കുമോ?

ആരോഗ്യ വകുപ്പിലെ ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II തസ്തികയിലെ ജീവനക്കാരുടെ 01.11.2007 മുതല്‍ 31.12.2012 വരെയുള്ള അന്തിമ മുന്‍ഗണനാ പട്ടിക പ്രസിദ്ധീകരിച്ചിട്ടില്ലയെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

മുന്‍ഗണനാ പട്ടികയുടെ അഭാവത്താല്‍ ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് I തസ്തികയിലേയ്ക്കുള്ള ഉദ്യോഗക്കയറ്റം തടസ്സപ്പെട്ടിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ;

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് II തസ്തികയിലെ ജീവനക്കാരുടെ മുന്‍ഗണനാ പട്ടിക അടിയന്തരമായി പ്രസിദ്ധീകരിക്കുന്നതിന് നടപടി സ്വീകരിക്കുമോ;

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് I തസ്തികയിലെ ഒഴിവുകള്‍ കണക്കാക്കി താല്ക്കാലിക ഉദ്യോഗക്കയറ്റം നല്കുന്നതിനും അതുമുഖേനെ ഉണ്ടാകുന്ന രണ്ടാം ഗ്രേഡ് തസ്തികയിലെ ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്യുന്നതിനും നടപടി സ്വീകരിക്കുമോ?

വയനാട് ജില്ലയിലെ ലാബ് ടെക്നീഷ്യന്‍ ഗ്രേഡ് II തസ്തികയില്‍ നിലവിലെ പി.എസ്.സി. റാങ്ക് ലിസ്റ്റില്‍ നിന്നും എത്ര പേര്‍ക്ക് നിയമനം നല്‍കിയെന്ന് അറിയിക്കാമോ;

വയനാട് ജില്ലയില്‍ ലാബ് ടെക്നീഷ്യന്‍ ഗ്രേഡ് II തസ്തികയില്‍ നിലവില്‍ എത്ര ഒഴിവുകളുണ്ടെന്നും പ്രസ്തുത ഒഴിവുകള്‍ പി.എസ്.സി.യ്ക്ക് റിപ്പോര്‍ട്ട് ചെയ്തിട്ടുണ്ടോയെന്നും വ്യക്തമാക്കാമോ;

പ്രസ്തുത തസ്തികയില്‍ ഈ വര്‍ഷം സ്ഥാനക്കയറ്റം, വിരമിക്കല്‍ എന്നിവ മൂലം എത്ര ഒഴിവുകള്‍ ഉണ്ടാകുമെന്ന് വ്യക്തമാക്കാമോ?

പാലക്കാട് ജില്ലയില്‍ നിലവിലെ ഫാര്‍മസി ഗ്രേഡ് II പി.എസ്.സി. റാങ്ക് ലിസ്റ്റില്‍ നിന്നും എത്രപേര്‍ക്ക് നിയമനം നല്‍കി എന്നു വ്യക്തമാക്കാമോ;

പാലക്കാട് ജില്ലയില്‍ ഫാര്‍മസി ഗ്രേഡ് II തസ്തികയില്‍ എത്ര ഒഴിവ് നിലവിലുണ്ടെന്ന് അറിയിക്കാമോ; എത്ര ഒഴിവുകള്‍ പി.എസ്.സി.-യ്ക്ക് റിപ്പോര്‍ട്ട് ചെയ്തിട്ടുണ്ടെന്ന് വ്യക്തമാക്കാമോ?

കുറ്റ്യാടി മണ്ഡലത്തിലെ 8 പഞ്ചായത്തുകളിലെ ആരോഗ്യ കേന്ദ്രങ്ങളില്‍ ഡോക്ടര്‍മാര്‍ ഉള്‍പ്പെടെ വിവിധ തസ്തികകളില്‍പ്പെട്ട ജീവനക്കാരുടെ ഒഴിവ് സംബന്ധിച്ച വിശദാംശങ്ങള്‍ ലഭ്യമാക്കാമോ;

പ്രസ്തുത ജീവനക്കാരുടെ ഒഴിവു കാരണം പൊതുജനങ്ങള്‍ അനുഭവിക്കുന്ന പ്രയാസം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കിൽ ഈ ഒഴിവുകള്‍ നികത്തുന്നതിന് എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നതെന്ന് അറിയിക്കാമോ?

ആരോഗ്യ മേഖലയില്‍ പാരാമെഡിക്കല്‍ സ്റ്റാഫുകളുടെ തസ്തികകള്‍ സൃഷ്ടിക്കാന്‍ ഉദ്ദേശിക്കുന്നുണ്ടോ എന്ന് അറിയിക്കാമോ?

ക്യാന്‍സര്‍ രോഗികളുടെ വര്‍ദ്ധനയ്ക്കുള്ള അടിസ്ഥാന കാരണങ്ങള്‍ കണ്ടെത്തുന്നതിനും ചികിത്സയോടൊപ്പം ഗവേഷണത്തിനും ഊന്നല്‍ നല്‍കി രോഗ വ്യാപനം തടയുന്നതിനായി നടപടികള്‍ സ്വീകരിക്കുമോ; വിശദമാക്കാമോ;

ക്യാന്‍സര്‍ രോഗത്തെക്കുറിച്ച് ബോധവത്കരണം നടത്തുന്നതിനും രോഗത്തെ ഫലപ്രദമായി നേരിടുന്നതിനും എന്തെല്ലാം പുതിയ പദ്ധതികളാണ് നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ?

ഭിന്നശേഷി സർട്ടിഫിക്കറ്റുകൾ നല്കുന്നതിനായുള്ള മെഡിക്കൽ ബോർഡുകൾ കൂടുന്നതിൽ ഏതെങ്കിലും ജില്ലയിൽ വീഴ്ചകൾ ഉണ്ടാകുന്നുണ്ടോ; അറിയിക്കാമോ;

യഥാസമയം മെഡിക്കൽ ബോർഡുകൾ കൂടാത്തതിനാൽ ഭിന്നശേഷി സർട്ടിഫിക്കറ്റ് ലഭിക്കുന്നതിനും പുതുക്കുന്നതിനും ആനുകൂല്യങ്ങൾ ലഭിക്കുന്നതിനും ഭിന്നശേഷിക്കാർക്ക് തടസ്സം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിനായി സ്വീകരിക്കുന്ന നടപടികള്‍ വ്യക്തമാക്കാമോ;

കിടപ്പ് രോഗികളായ ഭിന്നശേഷിക്കാർക്ക് മെഡിക്കൽ ബോർഡ് പരിശോധന നടത്തുന്നതിനും ഭിന്ന ശേഷി സർട്ടിഫിക്കറ്റുകൾ നൽകുന്നതിനും പ്രത്യേക സംവിധാനം ഏർപ്പെടുത്തുമോ; വിശദമാക്കാമോ;

ക്ലിപ്ത കാലാവധിയുള്ള ഭിന്നശേഷി സർട്ടിഫിക്കറ്റുകളുടെ പ്രാബല്യ കാലാവധി ഉചിതമായി ദീർഘിപ്പിക്കുന്നത് പരിഗണിക്കുമോ; വ്യക്തമാക്കാമോ?

സംസ്ഥാനത്ത് ആരോഗ്യ വകുപ്പിന്‍ കീഴില്‍ ഏതെല്ലാം ജില്ലകളില്‍ മാനസിക ആരോഗ്യ ആശുപത്രികള്‍ പ്രവര്‍ത്തിക്കുന്നുണ്ടെന്ന് അറിയിക്കാമോ; അവയില്‍ എവിടെയൊക്കെ ഒ.പി., ഐ.പി. വിഭാഗങ്ങള്‍ ഉണ്ടെന്നും ബെഡ് കപ്പാസിറ്റി മുതലായ വിശദാംശങ്ങളും ലഭ്യമാക്കാമോ;

പ്രസ്തുത ആശുപത്രികളില്‍ സൈക്യാട്രിസ്റ്റ് തസ്തികയില്‍ ജൂനിയര്‍ കണ്‍സള്‍ട്ടന്‍റ്, സീനിയര്‍ കണ്‍സള്‍ട്ടന്‍റ്, കണ്‍സള്‍ട്ടന്‍റ് എന്നീ തസ്തികകള്‍ എത്ര വീതമുണ്ടെന്നും നിലവില്‍ എത്ര പേര്‍ ജോലി ചെയ്യുന്നുണ്ടെന്നും ഒഴിവുകള്‍ എത്രയുണ്ടെന്നും അറിയിക്കാമോ;

സംസ്ഥാനത്ത് സര്‍ക്കാര്‍ അധീനതയില്‍ പ്രവര്‍ത്തിക്കുന്ന ഡി-അഡിക്ഷന്‍ സെന്ററുകളുടെ വിശദാംശം നല്‍കാമോ; ഇവിടങ്ങളില്‍ സൈക്യാട്രിസ്റ്റുകളുടെ സേവനം ലഭ്യമാക്കിയിട്ടുള്ള സ്ഥലങ്ങള്‍ അറിയിക്കാമോ?

അട്ടപ്പാടിയിലെ അമ്മമാരുടെയും കുഞ്ഞുങ്ങളുടെയും ആരോഗ്യ സംരക്ഷണത്തിനായി കോടിക്കണക്കിന് രൂപ ചെലവഴിച്ചിട്ടും അട്ടപ്പാടി ആദിവാസി മേഖലയില്‍ ശിശുമരണം വീണ്ടും ഉണ്ടാകുന്നത് എന്തുകൊണ്ടാണെന്ന് വിലയിരുത്തിയിട്ടുണ്ടോ;

ഇത്തരം ശിശുമരണങ്ങളെ സംബന്ധിച്ച് അന്വേഷിക്കുവാന്‍ തീരുമാനിച്ചിട്ടുണ്ടോ; വിശദമാക്കാമോ;

അട്ടപ്പാടിയില്‍ മുമ്പുണ്ടായിട്ടുളള ശിശുമരണം സംബന്ധിച്ച പഠന റിപ്പോര്‍ട്ടിന്റെ അടിസ്ഥാനത്തില്‍ എന്തൊക്കെ നടപടികളാണ് സ്വീകരിച്ചതെന്ന് അറിയിക്കുമോ;

പോഷകാഹാര കുറവ് മൂലമാണ് അട്ടപ്പാടിയില്‍ ശിശുമരണം ഉണ്ടാകുന്നതെന്ന കാര്യം ഗൗരവമായി പരിഗണിച്ച് അതിന് ഉത്തരവാദികളായവർക്കെതിരെ കര്‍ശന നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് എല്ലാ ജില്ലകളിലും ടൈപ്പ് വൺ പ്രമേഹ ബാധിതര്‍ക്കായുള്ള മിഠായി ക്ലിനിക്കുകള്‍ പ്രവര്‍ത്തിക്കുന്നുണ്ടോ; എങ്കില്‍ ഓരോ ജില്ലയിലും എവിടെയാണ് പ്രവര്‍ത്തിക്കുന്നതെന്ന് വ്യക്തമാക്കുമോ; മിഠായി ക്ലിനിക്കുകള്‍ സംസ്ഥാനത്ത് എല്ലാ ജില്ലകളിലും പ്രവര്‍ത്തനം തുടങ്ങാന്‍ അടിയന്തര നടപടി സ്വീകരിക്കുമോ ;

മിഠായി പദ്ധതിയില്‍ അംഗമാകാനുള്ള അപേക്ഷകളിന്മേല്‍ തീരുമാനം എടുക്കാൻ വലിയ കാലതാമസം ഉണ്ടാകുന്നത് രോഗികള്‍ക്ക് ഒരുപാട് ബുദ്ധിമുട്ട് ഉണ്ടാകുന്ന സാഹചര്യത്തില്‍ ആയത് പരിഹരിക്കുന്നതിന് എല്ലാ രേഖകളോടെയും നല്‍കുന്ന അപേക്ഷകള്‍ രജിസ്ട്രേഷന്‍ ചെയ്താല്‍ ഉടന്‍ അംഗീകാരം നല്‍കുന്ന രീതി നടപ്പക്കുമോ ;

മിഠായി പദ്ധതിയില്‍ സി ജി എം എസ് മാസത്തില്‍ രണ്ട് തവണ നല്കാന്‍ നടപടി സ്വീകരിക്കുമോ; പദ്ധതിയില്‍ പ്രമേഹ അനുബന്ധ ലാബ് പരിശോധനകള്‍ സൗജന്യമാക്കുമോ; വ്യക്തമാക്കുമോ?

ഇ-ഹെല്‍ത്ത് സംവിധാനം നടപ്പിലാക്കാൻ കേന്ദ്ര സര്‍ക്കാരിന്റെ അനുമതി ലഭിച്ചത് എന്നു മുതലാണെന്ന് അറിയിക്കാമോ;

ഇ-ഹെല്‍ത്ത് സോഫ്റ്റ് വെയറുകളെ പൈലറ്റ് അടിസ്ഥാനത്തില്‍ വിന്യസിച്ചത് എന്നു മുതലാണെന്ന് വ്യക്തമാക്കാമോ;

എത്ര ആശുപത്രികളിലാണ് ഇ-ഹെല്‍ത്ത് സംവിധാനം നടപ്പാക്കിയിട്ടുള്ളതെന്ന് അറിയിക്കാമോ?

പ്രസവത്തെത്തുടര്‍ന്ന് മരണപ്പെട്ട വട്ടോളിയിലെ ദിബിഷയുടെ കുടുംബത്തിന് നീതി ലഭിക്കുന്നതിനായി എന്തൊക്കെ നടപടികളാണ് സ്വീകരിക്കുന്നതെന്ന് വിശദമാക്കാമോ; അന്വേഷണം ഏതുഘട്ടത്തിലാണെന്ന് അറിയിക്കാമോ;

ദിബിഷയുടെ മരണത്തിനുത്തരവാദികളായവര്‍ക്കെതിരെ എന്തൊക്കെ നടപടികളാണ് സ്വീകരിക്കുന്നത് എന്നറിയിക്കാമോ;

പ്രസവത്തെത്തുടര്‍ന്നുള്ള ആരോഗ്യപ്രശ്നങ്ങള്‍ തരണം ചെയ്യുന്നതിന് എന്തൊക്കെ സംവിധാനങ്ങള്‍ ആണ് കോഴിക്കോട് ജില്ലയിലെ ആരോഗ്യ കേന്ദ്രങ്ങളില്‍ ഏര്‍പ്പെടുത്തിയത് എന്ന് അറിയിക്കാമോ?

സംസ്ഥാനത്തെ ഡി-ഫാം വിദ്യാര്‍ഥികള്‍ക്ക് സിലബസ്സിന്റെ ഭാഗമായി നടത്തുന്ന മൂന്ന് മാസത്തെ ട്രെയിനിങ്ങിന് ഫീസ്‌ ഈടാക്കുവാന്‍ നല്‍കിയിട്ടുള്ള നിര്‍ദേശം വിദ്യാര്‍ഥികള്‍ക്ക് ബുദ്ധിമുട്ട് ഉണ്ടാക്കുന്നത് ശ്രദ്ധയില്‍പെട്ടിട്ടുണ്ടോ;

ചില ജില്ലകളില്‍ ട്രെയിനിങ് ഫീസ്‌ ഒഴിവാക്കി നല്‍കുമ്പോള്‍ പാലക്കാട് ഉള്‍പ്പെടെയുള്ള ജില്ലകള്‍ ഫീസ്‌ ഈടാക്കുന്നതിന്റെ മാനദണ്ഡം എന്താണെന്നു വിശദമാക്കുമോ; സംസ്ഥാനത്തെ എല്ലാ ഡി-ഫാം വിദ്യര്‍ത്ഥികള്‍ക്കും സിലബസ്സിന്റെ ഭാഗമായി നടത്തുന്ന ട്രെയിനിങ്ങിന് ഫീസ്‌ ഒഴിവാക്കി നല്‍കുവാന്‍ നടപടി സ്വീകരിക്കുമോ; വിശദാംശം നല്‍കുമോ?

വയനാട് ജില്ലയില്‍ കുഷ്ഠരോഗികളുടെ എണ്ണം എത്രയാണെന്ന് അറിയിക്കാമോ;

ആദിവാസി വിഭാഗത്തില്‍പ്പെട്ടവര്‍ക്ക് കുഷ്ഠരോഗം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ എണ്ണം വ്യക്തമാക്കാമോ;

കുഷ്ഠരോഗ നിര്‍മ്മാര്‍ജ്ജന പ്രവര്‍ത്തനങ്ങള്‍ക്കായി നടപ്പിലാക്കുന്ന പദ്ധതികള്‍ എന്തെല്ലാമെന്ന് വെളിപ്പെടുത്താമോ?

സംസ്ഥാനത്ത് ആരോഗ്യ മേഖലയില്‍ 2021-22 വര്‍ഷത്തില്‍ നാളിതുവരെ ചെലവഴിച്ച തുകയുടെ വിവരം ലഭ്യമാണോ; എങ്കില്‍ വിശദാം​ശം അറിയിക്കാമോ;

ആരോഗ്യ മേഖലയില്‍ ആഭ്യന്തര ഉത്പാദനത്തിന്റെ എത്ര ശതമാനം തുകയാണ് സംസ്ഥാനം ചെലവഴിക്കുന്നതെന്ന് വ്യക്തമാക്കാമോ;

പൊതു ആരോഗ്യ സംവിധാനങ്ങളില്‍ പൊതുജനങ്ങളുടെ വിശ്വാസം വര്‍ദ്ധിപ്പിക്കാന്‍ സ്വീകരിച്ചിട്ടുള്ള നടപടികള്‍ വ്യക്തമാക്കാമോ?

നാദാപുരത്ത് കുത്തിവയ്‌പ്പെടുത്തതിന് പിന്നാലെ തേജ് ദേവ് എന്ന പേരുള്ള പതിനൊന്ന് വയസുകാരന്‍ മരിച്ച സംഭവം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സംഭവത്തില്‍ കുറ്റക്കാരായവർക്കെതിരെ സ്വീകരിച്ചിട്ടുള്ള നടപടികള്‍ വ്യക്തമാക്കാമോ;

ഇത്തരം സംഭവങ്ങള്‍ ആവര്‍ത്തിക്കാതിരിക്കുന്നതിനായി എന്തൊക്കെ നിര്‍ദ്ദേശങ്ങളാണ് നല്‍കിയിട്ടുള്ളതെന്ന് അറിയിക്കാമോ?

മണലൂര്‍ എം.എല്‍.എ.യുടെ പ്രത്യേക വികസന ഫണ്ട് (എസ്.ഡി.എഫ്)-ല്‍ നിന്നും 9 ലക്ഷം രൂപ വിനിയോഗിച്ച് മണലൂര്‍ മണ്ഡലത്തിലെ എളവള്ളി ഫാമിലി ഹെല്‍ത്ത് സെന്ററിന് ചുറ്റുമതില്‍ നിര്‍മ്മിക്കുന്ന പ്രവൃത്തി കോസ്റ്റ് ഫോര്‍ഡിനെ ഏല്‍പ്പിക്കുകയുണ്ടായെങ്കിലും പ്രസ്തുത പ്രവൃത്തി ആരംഭിക്കാനായിട്ടില്ലെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രവൃത്തി നിര്‍വ്വഹിക്കുന്നതിന് കാലതാമസം ഉണ്ടാകുന്നത് എന്തുകൊണ്ടാണെന്ന് വ്യക്തമാക്കാമോ;

പ്രസ്തുത പ്രവൃത്തി യാഥാര്‍ത്ഥ്യമാക്കുന്നതിന് വേണ്ട സത്വര നടപടി സ്വീകരിക്കുമോ; വിശദാംശങ്ങള്‍ നല്‍കാമോ?

29.03.2020-ൽ കെറോണിൽ നിന്നും പി.പി.ഇ. കിറ്റ് വാങ്ങാൻ തീരുമാനമെടുത്തിരുന്നോ; പ്രസ്തുത തീരുമാനത്തിന്റെ അടിസ്ഥാനത്തിൽ വാങ്ങിയ കിറ്റുകളുടെ എണ്ണവും എത്ര രൂപ നിരക്കിലാണ് പി.പി.ഇ. കിറ്റ് ലഭ്യമാക്കിയതെന്നും വ്യക്തമാക്കാമോ;

29.03.2020-ലെ പർച്ചേസിന് ശേഷം പ്രസ്തുത കമ്പനിയിൽ നിന്നും കൂടുതൽ പി.പി.ഇ. കിറ്റ് ലഭ്യമാക്കാൻ ആവശ്യപ്പെട്ടിരുന്നോ;

29.03.2020-ലെ പർച്ചേസിന് ശേഷം പി.പി.ഇ. കിറ്റിന്റെ ലഭ്യതക്കുറവ് മൂലം കൂടുതൽ പി.പി.ഇ. കിറ്റ് നൽകാൻ സാധിക്കില്ലെന്ന് കെറോൺ കമ്പനി സർക്കാരിനെയോ കേരള മെഡിക്കല്‍ സര്‍വ്വീസസ് കോര്‍പ്പറേഷനെയോ അറിയിച്ചിരുന്നോ; എങ്കിൽ വിശദാംശം ലഭ്യമാക്കാമോ;

28.03.2020-ന് ശേഷം തദ്ദേശീയരായ വിതരണക്കാരിൽ നിന്നും എച്ച്. എൽ. എൽ-നിന്നും കിറ്റ് ലഭ്യമാക്കാൻ ആവശ്യപ്പെട്ടിരുന്നോ; വിശദവിവരങ്ങൾ നൽകാമോ?

2020 മാർച്ച് 29 -ന് കേരള മെഡിക്കൽ സർവീസസ് കോർപറേഷന്റെ യോഗത്തിൽ അടിയന്തരമായി പത്തുലക്ഷം പി. പി. ഇ. കിറ്റുകൾ വേണമെന്നും ഇതിൽ എട്ട് ലക്ഷം കിറ്റുകൾ രണ്ടുമാസത്തിനുള്ളിൽ സംഭരിക്കുന്നതിനും തീരുമാനിച്ചിരുന്നോ;

പ്രസ്തുത മീറ്റിംഗിലെ തീരുമാനം മഹാരാഷ്ട്രയിലെ സോളാപൂര്‍ ജില്ലയില്‍ നിന്നുള്ള സാൻ ഫാർമ എന്ന സ്ഥാപനത്തെ അറിയിച്ചിരുന്നോ;

പ്രസ്തുത കമ്പനി പത്തു വർഷത്തിലേറെയായി പ്രവർത്തിക്കുന്ന ലോക നിലവാരത്തിലുള്ള സ്ഥാപനമാണെന്ന് തെളിയിക്കുന്ന രേഖകൾ സമർപ്പിച്ചിരുന്നോയെന്ന് വ്യക്തമാക്കാമോ?

ടൈപ്പ് വണ്‍ പ്രമേഹ രോഗികളായ കുട്ടികളുടെ ചികിത്സക്ക് ഭീമമായ ചികിത്സാ ചെലവ് വരുന്നുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഇത്തരം കുട്ടികളുടെ ചികിത്സക്കായി എന്തെല്ലാം പദ്ധതികളാണ് നടപ്പിലാക്കുന്നതെന്ന് വിശദമാക്കുമോ?

തലശ്ശേരി മലബാര്‍ ക്യാന്‍സര്‍ സെന്ററിന്റെ സര്‍വ്വീസ് റൂള്‍ സംബന്ധിച്ച ഫയലില്‍ ഇതുവരെ സ്വീകരിച്ചിട്ടുള്ള നടപടികള്‍ വ്യക്തമാക്കുമാേ?

സാൻ ഫാർമ എന്ന സ്ഥാപനത്തിൽ നിന്നും ഉയർന്ന നിരക്കിൽ പി.പി.ഇ. കിറ്റ്, മാസ്ക് എന്നിവ വാങ്ങിയ കേരള മെഡിക്കൽ സർവീസസ് കോർപറേഷന്റെ നടപടിക്ക് ആരോഗ്യ വകുപ്പ് അംഗീകാരം നൽകിയിട്ടുണ്ടോ;

ഇത് സംബന്ധിച്ചു ആരോഗ്യ വകുപ്പ് ഉത്തരവ് ഇറക്കിയിട്ടുണ്ടോ; വിശദാംശങ്ങൾ നൽകാമോ;

കേരള മെഡിക്കൽ സർവീസസ് കോർപറേഷന് സ്റ്റോർ പർച്ചെയ്‌സ് മാന്വലിന്റെ അടിസ്ഥാനത്തിൽ മാത്രമാണ് പർച്ചെയ്‌സുകൾ നടത്താൻ സാധിക്കുന്നത് എന്നത് വസ്തുതയാണോ;

കോവിഡിന്റെ പശ്ചാത്തലത്തിൽ കേരള മെഡിക്കൽ സർവീസസ് കോർപ്പറേഷന് പർച്ചെയ്‌സുകൾക്കു സ്റ്റോർ പർച്ചെയ്‌സ് മാന്വലിൽ ഇളവ് അവദിച്ച് ലഭിച്ചിട്ടുണ്ടോ; എങ്കിൽ എന്നാണ് ഈ ഇളവ് ലഭിച്ചതെന്ന് വ്യക്തമാക്കാമോ;

സ്റ്റോർ പർച്ചെയ്‌സ് മാന്വലിൽ ഇളവ് ലഭിക്കുന്നതിന് മുൻപാണോ സാൻ ഫാർമ എന്ന സ്ഥാപനത്തിൽ നിന്നും ഉയർന്ന നിരക്കിൽ പി. പി. ഇ. കിറ്റ്, മാസ്ക് എന്നിവ വാങ്ങാൻ തീരുമാനമെടുത്തതെന്ന് വ്യക്തമാക്കാമോ?

കോവിഡ് 19-ന്റെ പശ്ചാത്തലത്തിൽ എം.എൽ.എ.മാരുടെ 21-22 വർഷത്തെ ആസ്തി വികസന ഫണ്ടിൽ നിന്നും പിടിച്ച നാലു കോടി വീതം ആകെ 560 കോടി രൂപ വിനിയോഗിച്ചു നാളിതുവരെ ആരോഗ്യ വകുപ്പ് പൂർത്തീകരിച്ച പദ്ധതികൾ ഏതൊക്കെയെന്ന് വ്യക്തമാക്കുമോ;

മേല്പറഞ്ഞ പ്രകാരം ഭരണാനുമതി നൽകിയ പ്രവൃത്തികളുടെ പട്ടിക ലഭ്യമാക്കുമോ?

സംസ്ഥാനത്ത് കോവിഡ് ബ്രിഗേഡ് ആയി സേവനം അനുഷ്ഠിച്ചവർക്ക് ഏതു മാസം വരെ ഇന്‍സെന്റീവ് നല്‍കിയിട്ടുണ്ട് എന്ന് വ്യക്തമാക്കാമോ;

2021 അഗസ്റ്റ്, സെപ്റ്റംബര്‍, ഒക്ടോബര്‍ മാസങ്ങളിലെ ഇന്‍സെന്റീവ് നല്‍കിയിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

പ്രസ്തുത മാസങ്ങളിലെ ഇന്‍സെന്റീവ് നല്‍കുന്നതിന് നടപടി സ്വീകരിക്കുന്നുണ്ടോ എന്ന് വ്യക്തമാക്കാമോ?

സംസ്ഥാനത്ത് കോവിഡ് ബാധിച്ച് മരണപ്പെട്ടവരുടെ ആകെ എണ്ണം എത്രയാണ്; അപ്പീൽ വഴി മാത്രം കോവിഡ് പട്ടികയിൽ ഉൾപ്പെടുത്തിയ മരണങ്ങളുടെ എണ്ണം എത്രയാണ്;ജില്ല തിരിച്ചുള്ള വിശദാംശങ്ങൾ ലഭ്യമാക്കുമോ;

കോവിഡ് ബാധിച്ച് മരണപ്പെട്ടതും എന്നാൽ നാളിതുവരെയായി പ്രസ്തുത പട്ടികയിൽ ഉൾപ്പെടുത്താത്തതുമായ എത്ര കേസുകൾ ഇനി തീർപ്പാക്കാനുണ്ട്; ജില്ല തിരിച്ചുള്ള വിശദാംശങ്ങൾ ലഭ്യമാക്കുമോ;

കേരളത്തിൽ കൊവിഡ് മരണനിരക്ക് ആകെ എത്രയാണ്; തീര്‍പ്പാക്കാനുള്ള കേസുകള്‍ കൂടി ഉള്‍പ്പെടുത്തുമ്പോള്‍ ഇത് എത്രയാകുമെന്നാണ് കരുതുന്നത്;

കോവിഡ് ബാധിച്ച് മരണമടഞ്ഞവരുടെ പേരുകൾ യഥാസമയം പട്ടികയിൽ ഉൾപ്പെടുത്താത്തതിന്റെ കാരണമെന്ത്; ഇതുകാരണം അർഹമായ ധനസഹായം ലഭിക്കാതെ വരുന്നതിനും കാലതാമസമുണ്ടാകുന്നതിനും ഇടയാക്കിയിട്ടുണ്ട് എന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ?

29.03.2020 തീയതിയിൽ സർക്കാരിന് പി.പി.ഇ. കിറ്റ് നൽകാമെന്ന് കാണിച്ചു ഇ-മെയിൽ നല്കിയ മഹാരാഷ്ട്രയിലെ സോളാപൂര്‍ ജില്ലയിലെ എം/എസ്‌ സാൻ ഫാർമ എന്ന സ്ഥാപനം പി.പി.ഇ. കിറ്റുകൾ നിർമിക്കുന്ന സ്ഥാപനമാണോ എന്ന് പരിശോധിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

സാൻ ഫാർമയിൽ നിന്നും 50,000 പി.പി.ഇ. കിറ്റുകൾക്ക് പകരം ആദ്യ ഘട്ടത്തിൽ 15,000 പി.പി.ഇ. കിറ്റ് വാങ്ങിയാൽ മതി എന്ന തീരുമാനം എടുക്കാനുണ്ടായ സാഹചര്യം വിശദമാക്കാമോ;

എം/എസ്‌ സാൻ ഫാർമ എന്ന സ്ഥാപനത്തിന് ലോകോത്തര നിലവാരമുള്ള യൂറോപ്യൻ കമ്മീഷൻ സർട്ടിഫൈ ചെയ്തതായി അവർ സർക്കാരിനെ അറിയിച്ചിട്ടുണ്ടോ; ഇത് സംബന്ധിച്ച രേഖകൾ സർക്കാരിന് നൽകിയിട്ടുണ്ടോ എന്ന് വ്യക്തമാക്കാമോ;

കേന്ദ്രസർക്കാർ ഏജൻസികളായ ഹിന്ദുസ്ഥാൻ ആന്റിബയോട്ടിക് ലിമിറ്റഡ്, ഹിന്ദുസ്ഥാൻ ലാറ്റക്സ് ലിമിറ്റഡ് ഇങ്ങനെയുള്ള സ്ഥാപനങ്ങൾക്ക് പത്ത് കൊല്ലത്തിലധികമായി പി.പി.ഇ. കിറ്റ് നൽകുന്ന സ്ഥാപനമാണ് എം/എസ്‌ സാൻ ഫാർമ എന്ന് അവർ സർക്കാരിനെ അറിയിച്ചിട്ടുണ്ടോ; ഇത് സംബന്ധിച്ച രേഖകൾ സർക്കാരിന് നൽകിയിട്ടുണ്ടോ എന്ന് വ്യക്തമാക്കാമോ?

ആലത്തുര്‍ നിയോജക മണ്ഡലത്തില്‍ നാളിതുവരെ എത്ര കോവിഡ് മരണങ്ങള്‍ റിപ്പോര്‍ട്ട് ചെയ്തിട്ടുണ്ട്;അതില്‍ എത്ര പേര്‍ക്ക് സര്‍ട്ടിഫിക്കറ്റ് നല്‍കിയിട്ടുണ്ട്; വിശദമാക്കാമോ;

ആലത്തുര്‍ നിയോജക മണ്ഡലത്തില്‍ കോവിഡ് മൂലം മരണപ്പെട്ടവരുടെ ആശ്രിതരായ എത്ര പേര്‍ക്ക് സാമ്പത്തിക സഹായം നല്‍കിയിട്ടുണ്ടെന്നും ഇനി എത്ര പേര്‍ക്ക് നല്‍കാനുണ്ടെന്നും അറിയിക്കാമോ?

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി 140 മണ്ഡലങ്ങളിലും 10 ബെഡ് കൂടിയുള്ള ഐസൊലേഷന്‍ വാര്‍ഡ് നിര്‍മ്മിക്കാന്‍ കെ.എം.എസ്.സി.എല്‍ എന്ന ഏജന്‍സിയെ കിഫ്ബി വഴി തിരഞ്ഞടുക്കാൻ തീരുമാനിച്ചതിന്റെ വിശദാംശങ്ങള്‍ ലഭ്യമാക്കാമോ;

ഏകദേശം രണ്ട് കോടി രൂപ ചെലവഴിച്ച് 10 ബെഡ് ഉള്ള ഐസൊലേഷന്‍ വാര്‍ഡ് പ്രീ ഫാബ് സാങ്കേതിക വിദ്യ ഉപയോഗിച്ച് നിര്‍മ്മിക്കുന്നതിന് പകരം ഈ തുക ചെലവഴിച്ച് മണ്ഡലത്തിലെ സി.എച്ച്.സി യിലോ ബ്ലോക്ക് ലെവല്‍ എഫ്.എച്ച്.സി യിലോ മള്‍ട്ടിപര്‍പ്പസ് കോണ്‍ക്രീറ്റ് ബില്‍ഡിംഗോടുകൂടിയുള്ള ഒരു ഐസൊലേഷന്‍ വാര്‍ഡ് നിര്‍മ്മിക്കുന്ന കാര്യം പരിഗണിക്കുമോ;

ഇതു സംബന്ധിച്ച് ആരോഗ്യ വകുപ്പിന്റെ 690/എഫ്2/21 നമ്പര്‍ ഫയലില്‍ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

വയനാട് ജില്ലയില്‍ ഒന്നും, രണ്ടും ഘട്ട വാക്സിന്‍ സ്വീകരിച്ചവരുടെ എണ്ണം തരം തിരിച്ച് നല്‍കാമോ;

ജില്ലയില്‍ ബൂസ്റ്റര്‍ ഡോസ് സ്വീകരിച്ചവരുടെ എണ്ണം വ്യക്തമാക്കാമോ;

ആദിവാസി ഗോത്രവിഭാഗത്തില്‍പ്പെട്ട എത്ര പേർ നിലവില്‍ വാക്സിന്‍ സ്വീകരിച്ചു; താലൂക്ക് തിരിച്ച് വിവരം നല്‍കാമോ;

വാക്സിന്‍ സ്വീകരിക്കുവാന്‍ വിമുഖത കാണിക്കുന്നവര്‍ക്ക് മാനസിക ധൈര്യം നല്‍കാന്‍ പദ്ധതികള്‍ ആവിഷ്ക്കരിച്ചിട്ടുണ്ടോ; എങ്കിൽ വ്യക്തമാക്കാമോ?

കോവിഡ് ബാധിച്ചു മരണമടഞ്ഞ ഏറ്റവും അടുത്ത ബന്ധുക്കള്‍ക്ക് സര്‍ക്കാര്‍ പ്രഖ്യാപിച്ചിട്ടുളള 50000/- രൂപ നല്‍കുന്ന പദ്ധതി പ്രകാരം എത്രപേര്‍ ഇതുവരെ അപേക്ഷിച്ചിട്ടുണ്ടെന്നും എത്ര പേര്‍ക്ക് ധനസഹായം നല്‍കിയിട്ടുണ്ടെന്നും വ്യക്തമാക്കാമോ;

വാമനപുരം മണ്ഡലത്തില്‍ നിന്നും ഇതുവരെ എത്രപേര്‍ അപേക്ഷിച്ചിട്ടുണ്ടെന്നും എത്ര പേര്‍ക്ക് ധനസഹായം അനുവദിച്ചിട്ടുണ്ടെന്നും വിശദമാക്കാമോ?

കുറ്റിപ്പുറം തോണിക്കടവത്ത് വീട്ടില്‍ ശ്രീ സബാഹിന്റെ ഭാര്യ പി.വി അസ്ന കുറ്റിപ്പുറം താലൂക്ക് ആശുപത്രിയില്‍ നിന്നും കോവിഡ് 19 ആദ്യ ഡോസ് വാക്സിൻ എടുത്തതിനെ തുടർന്നുണ്ടായ അലർജി സംബന്ധമായ പ്രശ്നങ്ങളാല്‍ മരണപ്പെട്ട വിവരം ശ്രദ്ധയിൽ പെട്ടിട്ടുണ്ടോ;

സാമ്പത്തികമായി ഏറെ പിന്നോക്കം നിൽക്കുന്ന ടിയാളുടെ കുടുംബത്തിന് ധനസഹായം അനുവദിക്കണമെന്ന് ആവശ്യപ്പെട്ട് നൽകിയ നിവേദനത്തിൻ മേൽ സ്വീകരിച്ച നടപടികൾ വിശദമാക്കുമോ?

ടി.പി.ആർ. നിരക്ക് കോവിഡ് വ്യാപനത്തിന്റെ തീവ്രത മനസ്സിലാക്കുന്നതിനുള്ള ഏകകമാണോ; വ്യക്തമാക്കുമോ;

കോവിഡ് ടെസ്റ്റിന് വിധേയരാകുന്ന ആകെ ആളുകളിൽ എത്ര പേർക്കാണ് രോഗം സ്ഥിരീകരിക്കുന്നത് എന്നതാണോ ടി.പി.ആർ.നിരക്ക് കൊണ്ട് അർത്ഥമാക്കുന്നത്;

30.1.2022 ൽ ഇന്ത്യയിലെ ടി.പി.ആർ. നിരക്ക് 14.5 ശതമാനം ആയിരുന്നപ്പോൾ കേരളത്തിൽ ടി.പി.ആർ. നിരക്ക് 49.89 ശതമാനമായിരുന്നുവെന്നത് കേരളത്തിലെ ഉയർന്ന രോഗവ്യാപനത്തെ സൂചിപ്പിക്കുന്നതല്ലേ; വിശദാംശം നൽകുമോ;

ടി.പി.ആർ. നിരക്ക് രോഗബാധിതരും ആകെ ടെസ്റ്റ് നടത്തിയവരും തമ്മിലുള്ള അനുപാതത്തെ സൂചിപ്പിക്കുന്നതിനാൽ കേരളത്തിൽ Test-Trace -Treat സംവിധാനത്തിലൂടെ കൂടുതൽ പേരെ കോവിഡ് ടെസ്റ്റിന് വിധേയമാക്കിയതിനാലാണ് രോഗവ്യാപന നിരക്ക് ദേശീയ ശരാശരിയേക്കാൾ വളരെ ഉയർന്നത് എന്ന അവകാശവാദം ശരിയാണെന്നു കരുതുന്നുണ്ടോ ; അല്ലെങ്കിൽ വിശദാംശം നൽകുമോ ?

സംസ്ഥാനത്ത് 2022 ജനുവരി വരെ റിപ്പോര്‍‌ട്ട് ചെയ്തിട്ടുള്ള കോവിഡ് മരണങ്ങള്‍ എത്രയാണ്;

കോവിഡ് ബാധിച്ചു മരിച്ചവരുടെ കുടുംബാംഗങ്ങള്‍ക്കുള്ള ധനസഹായം 2022 ജനുവരി വരെ എത്ര പേര്‍ക്ക് വിതരണം ചെയ്തിട്ടുണ്ട്?

കോവിഡ് ഒന്ന്, രണ്ട്, മൂന്ന് തരംഗങ്ങളില്‍ കേരളത്തിൽ എത്ര വീതം മരണങ്ങൾ റിപ്പോർട്ട് ചെയ്തുവെന്ന് ജില്ല തിരിച്ചുള്ള വിശദാംശം വ്യക്തമാക്കുമോ?

കേരളത്തിൽ നാളിതുവരെ കോവിഡ് രോഗബാധിതരായി ആശുപത്രിയിൽ പ്രവേശിപ്പിക്കപ്പെട്ടവരുടെ എണ്ണം എത്രയാണെന്ന് വ്യക്തമാക്കുമോ;

കോവിഡ് രോഗബാധിതരായി ആശുപത്രിയിൽ പ്രവേശിപ്പിക്കപ്പെട്ടവരിൽ എത്ര പേരാണ് കേരളത്തിൽ മരണപ്പെട്ടിട്ടുള്ളത് എന്ന് വ്യക്തമാക്കാമോ; കോവിഡ് രോഗം മൂർച്ഛിച്ച് ചികിത്സയ്ക്കായി ആശുപത്രി സംവിധാനങ്ങൾ ലഭ്യമല്ലാത്തതിനാൽ എത്ര രോഗികൾ കേരളത്തിൽ മരണപ്പെട്ടിട്ടുണ്ട്;

കോവിഡ് രോഗം മൂർച്ഛിച്ചിട്ടും ആശുപത്രിയിലെത്തി ചികിത്സ തേടാത്തതിനാൽ മരണപ്പെടുന്ന സാഹചര്യം സംസ്ഥാനത്ത് നിലവിലുണ്ടായിരുന്നോ; കോവിഡ് രോഗം മൂർച്ഛിക്കുന്ന രോഗികൾ ആശുപത്രിയിലെത്തി ചികിത്സ തേടുന്നു എന്നു ഉറപ്പാക്കുന്നതില്‍ ആരോഗ്യ സംവിധാനം പരാജയപ്പെട്ടിട്ടുണ്ടോ; ഇതു കേരളത്തിൽ കോവിഡ് മരണ നിരക്ക് ഉയരുന്നതിന് കാരണമായോ; വ്യക്തമാക്കുമോ?

കണ്ണൂർ ജില്ലയിൽ നിലവിലുള്ള പി.എസ് .സി. റാങ്ക് ലിസ്റ്റിൽപ്പെട്ട ലാബ് ടെക്‌നീഷ്യൻമാരുടെ നിയമനത്തെ കുറിച്ചു വിശദമാക്കാമോ;

നിലവിൽ കണ്ണൂർ ജില്ലയിൽ എത്ര ലാബ് ടെക്‌നീഷ്യന്മാരുടെ ഒഴിവുണ്ടെന്ന് അറിയിക്കാമോ?

സംസ്ഥാനത്ത് ഡി.എം.ഇ.യില്‍ ഫാര്‍മസിസ്റ്റ് ഗ്രേഡ് II റാങ്ക് ലിസ്റ്റ് നിലവിലുണ്ടോ; എങ്കില്‍ പ്രസ്തുത റാങ്ക് ലിസ്റ്റിന്റെ നിലവിലെ അവസ്ഥ എന്താണെന്നും ലിസ്റ്റിൽ നിന്നും എത്ര ഫാര്‍മസിസ്റ്റ് ഗ്രേഡ് II നിയമനങ്ങൾ നടന്നിട്ടുണ്ട് എന്നതിന്റെയും വിശദവിവരം നല്‍കുമോ;

ഡി.എം.ഇ.യ്ക്ക് കീഴില്‍ ഫാര്‍മസിസ്റ്റ് ഗ്രേഡ് I , ഫാര്‍മസിസ്റ്റ് ഗ്രേഡ് II എന്നിവയുടെ എത്ര തസ്തികകള്‍ നിലവിലുണ്ട്; പ്രസ്തുത തസ്തികകളുടെ സ്റ്റാഫ്‌ പാറ്റേൺ എന്നാണ് നിലവില്‍ വന്നത് ; ഇത് പുതുക്കി നിശ്ചയിക്കുവാന്‍ എന്തെങ്കിലും നടപടി സ്വീകരിച്ചിട്ടുണ്ടോ;വിശദാംശങ്ങള്‍ ലഭ്യമാക്കുമോ;

ആരോഗ്യവകുപ്പിന് കീഴിലുള്ള വിവിധ വകുപ്പുകളില്‍ അധിക തസ്തികകള്‍ സൃഷ്ടിക്കുന്നതിനായി സ:ഉ (കൈ) നം. 52/2021 dated 17/02/2021 ഉത്തരവ് പ്രകാരം ആര്‍ദ്രം പദ്ധതിയില്‍ ഉള്‍പ്പെടുത്തി എത്ര ഫാര്‍മസിസ്റ്റ് തസ്തികകളാണ് സൃഷ്ടിച്ചതെന്ന് അറിയിക്കുമോ;

പ്രസ്തുത ഉത്തരവ് പ്രകാരം ആരോഗ്യ വിദ്യാഭ്യാസ വകുപ്പില്‍ എത്ര തസ്തികകള്‍ അനുവദിച്ചിട്ടുണ്ടെന്നും എത്ര നിയമനങ്ങള്‍ നടത്തിയിട്ടുണ്ടെന്നുമുള്ളതിന്റെ വിശദവിവരം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്തെ മെഡിക്കൽ വിദ്യാഭ്യാസമേഖലയുടെ പുരോഗതിയ്ക്കും കൂടുതല്‍ വിദ്യാര്‍ത്ഥികള്‍ക്ക് പഠനാവസരം ഒരുക്കുന്നതിനുമായി എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് അറിയിക്കാമോ;

മെഡിക്കല്‍ വിദ്യാഭ്യാസത്തിനായി വിവിധ സംസ്ഥാനങ്ങളിലേയ്ക്കും രാജ്യങ്ങളിലേയ്ക്കും ആയിരക്കണക്കിന് വിദ്യാര്‍ത്ഥികള്‍ പോകാനിടയാകുന്ന സാഹചര്യങ്ങള്‍ എന്തെല്ലാമാണെന്ന് വിലയിരുത്തിയിട്ടുണ്ടോ;എങ്കില്‍ വിശദമാക്കാമോ;

ദേശീയ അന്തർ ദേശീയ തലത്തിലെ പ്രതികൂല സാഹചര്യം കണക്കിലെടുത്ത് സംസ്ഥാനത്തിനും രാജ്യത്തിനും പുറത്തുപോയി പഠിക്കുന്ന വിദ്യാര്‍ത്ഥികളുടെ പഠനം അനിശ്ചിതാവസ്തയിലേയ്ക്ക് നീങ്ങുന്ന സാഹചര്യം പരിശോധിക്കുമോ;

സംസ്ഥാനത്തെ മെഡിക്കൽ വിദ്യാഭ്യാസത്തിന്റെ ആവശ്യകതക്കനുസരിച്ച് ഗുണമേന്മയുളള വിദ്യാഭ്യാസം ഒരുക്കുന്നതിനായി സീറ്റുകൾ വര്‍ദ്ധിപ്പിക്കുന്നതിനും ആകര്‍ഷകമായ കോഴ്സുകൾ ആരംഭിക്കുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

ആരോഗ്യ വകുപ്പിന്റെ കീഴിലുള്ള സ്റ്റേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആന്റ് ടെക്നോളജി (സി -മെറ്റ്) എന്ന സ്ഥാപനത്തിന്റെ ചെലവുകൾ സംബന്ധിച്ച ഓഡിറ്റ് പരിശോധന നടത്തുന്നതിന് നിലവിലുള്ള സംവിധാനം എന്താണെന്ന് വ്യക്തമാക്കാമോ; ഇത് സംബന്ധിച്ച സർക്കാർ ഉത്തരവിന്റെ പകർപ്പ് ലഭ്യമാക്കാമോ;

സി -മെറ്റ് സ്ഥാപിച്ചതു മുതൽ ഏത് വർഷം വരെയുള്ള ഓഡിറ്റ് പരിശോധന പൂർത്തിയായിട്ടുണ്ട്; പ്രസ്തുത പരിശോധന റിപ്പോർട്ട് സർക്കാരിന് സമർപ്പിച്ചിട്ടുണ്ടോ; എങ്കിൽ ഇതിന്മേൽ സ്വീകരിച്ച നടപടികൾ എന്തെല്ലാം; വ്യക്‌തമാക്കാമോ;

കഴിഞ്ഞ സാമ്പത്തിക വർഷം സി-മെറ്റിന് സർക്കാർ അനുവദിച്ച തുക എത്രയാണെന്നും ഇത് ഏതൊക്കെ ആവശ്യത്തിന് വിനിയോഗിച്ചുവെന്നും വ്യക്തമാക്കാമോ;

സി -മെറ്റ് അവസാനം സമർപ്പിച്ച ഭരണ റിപ്പോർട്ടിന്റെ പകർപ്പ് ലഭ്യമാക്കാമോ?

സംസ്ഥാനത്തെ സർക്കാർ, സ്വകാര്യ സ്വാശ്രയ മെഡിക്കൽ കോളജുകളിൽ 2019 -20, 2020-21, 2021-22 വർഷങ്ങളിൽ വിവിധ സംവരണ വിഭാഗങ്ങൾക്ക് നീക്കിവെച്ച എം.ബി.ബി.എസ്. സീറ്റുകളുടെ ശതമാനവും എണ്ണവും എത്രയെന്ന് വ്യക്തമാക്കാമോ;

2019 -20 വർഷത്തിൽ ഇ.ഡബ്ല്യു.എസ്. വിഭാഗത്തിന് സർക്കാർ മെഡിക്കൽ കോളജുകളിൽ അനുവദിച്ച എം.ബി.ബി.എസ്. സീറ്റുകളുടെ എണ്ണം എത്ര; ഈ സീറ്റുകൾ പ്രവേശന പരീക്ഷാ കമ്മീഷണർ അലോട്ട്മെന്‍റ് നടത്തിയ ആകെ സീറ്റുകളുടെ എത്ര ശതമാനമാണ്;

2019-20 വർഷത്തിൽ എം.ബി.ബി.എസ്. സീറ്റുകളിലെ ഇ.ഡബ്ല്യു.എസ്. സംവരണത്തിനുള്ള സീറ്റ് വിഹിതം നിശ്ചയിച്ചു കൊണ്ടുള്ള സർക്കാർ ഉത്തരവ്/സർക്കുലർ ലഭ്യമാക്കാമോ?

സംസ്ഥാനത്തിന് പുറത്തുനിന്നും പഠനം പൂര്‍ത്തിയാക്കുന്ന പാരാമെഡിക്കല്‍ വിദ്യാര്‍ത്ഥികള്‍ക്ക് കേരള പാരാമെഡിക്കല്‍ കൗണ്‍സില്‍ നിലവില്‍ രജിസ്ട്രേഷന്‍ അനുവദിക്കുന്നുണ്ടോയെന്ന് അറിയിക്കാമോ;

സംസ്ഥാനത്തെ സര്‍ക്കാര്‍/സ്വകാര്യ മേഖലയിലെ ആശുപത്രികളിലും ഇതര ആരോഗ്യ സ്ഥാപനങ്ങളിലും പാരാമെഡിക്കല്‍ വിഭാഗം ജോലികള്‍ക്ക് സംസ്ഥാന പാരാമെഡിക്കല്‍ കൗണ്‍സില്‍ രജിസ്ട്രേഷന്‍ നിര്‍ബന്ധമാക്കിയിട്ടുണ്ടോ; വിശദമാക്കാമോ;

കേരളത്തിന് പുറത്തുനിന്നും കോഴ്സുകള്‍ പൂര്‍ത്തിയാക്കിയ വിദ്യാര്‍ത്ഥികള്‍ക്ക് കൗണ്‍സില്‍ രജിസ്ട്രേഷന്‍ ലഭ്യമാക്കാത്തത് സംബന്ധിച്ച പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അതിന് പരിഹാരം കാണുമോ; വിശദമാക്കാമൊ?

സംസ്ഥാനത്ത് സ്വാശ്രയ മെഡിക്കല്‍ കോളേജുകളില്‍ സീറ്റ് വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; സീറ്റ് വര്‍ദ്ധിപ്പിക്കാന്‍ സംസ്ഥാന സര്‍ക്കാരിന്റെ എസ്സന്‍ഷ്യാലിറ്റി സര്‍ട്ടിഫിക്കറ്റ് ആവശ്യം ഇല്ലെന്ന നാഷണല്‍ മെഡിക്കല്‍ കമ്മീഷന്‍ നിര്‍ദ്ദേശമുള്ളപ്പോള്‍ ആയത് വേണമെന്ന് ആരോഗ്യ സര്‍വ്വകലാശാല നിലപാട് സ്വീകരിച്ചിട്ടുള്ളത് ശ്രദ്ധയില്‍ പെട്ടിട്ടുണ്ടോ; ഇക്കാര്യത്തില്‍ നിലപാട് വ്യക്തമാക്കുമോ;

ശ്രീ ഉത്രാടം തിരുനാള്‍ അക്കാദമി ഓഫ് മെഡിക്കല്‍ സയന്‍സ് എം.ബി.ബി.എസ് സീറ്റുകള്‍ 150 ആയി ഉയര്‍ത്തുന്നതിനു എസ്സന്‍ഷ്യാലിറ്റി സര്‍ട്ടിഫിക്കറ്റിനായി 2021 നവംബറില്‍ നല്‍കിയ അപേക്ഷയില്‍ തീരുമാനം എടുത്തിട്ടുണ്ടോ; അപേക്ഷയില്‍ നാളിതു വരെ സ്വീകരിച്ച നടപടികള്‍ വ്യക്തമാക്കുമോ?

വിവിധ പ്രെെവറ്റ്, സെല്‍ഫ് ഫിനാന്‍സിംഗ്, പാരാമെഡിക്കല്‍ കോളേജുകളില്‍ പഠിക്കുന്ന വിദ്യാര്‍ത്ഥികൾക്ക് കോഴ്സിന്റെ ഭാഗമായി സര്‍ക്കാര്‍ ആശുപത്രികളില്‍ പരിശീലനത്തിന് പോകുമ്പോഴുള്ള ഫീസ് പ്രതിമാസം 5000/- രൂപയായി വര്‍ദ്ധിപ്പിച്ചിട്ടുണ്ടോ; എങ്കില്‍ എന്നു മുതല്‍ പ്രാബല്യമുണ്ട്; വര്‍ദ്ധനവിന് മുമ്പ് എത്ര രൂപയായിരുന്നു പ്രതിമാസ ഫീസ്;

പ്രസ്തുത വര്‍ദ്ധനവ് പാവപ്പെട്ട വിദ്യാര്‍ത്ഥികളെ പ്രതികൂലമായി ബാധിക്കുമെന്നത് കണക്കാക്കി ഫീസ് കുറയ്ക്കുന്നതിന് നടപടി സ്വീകരിക്കുമോ?

സംസ്ഥാനത്തെ മെഡിക്കല്‍ കോളേജുകളില്‍ സര്‍ജിക്കല്‍ ഓങ്കോളജി വിഭാഗത്തിൽ എത്ര അസിസ്റ്റന്റ് പ്രൊഫസര്‍ തസ്തികകളാണ് നിലവിലുള്ളത്; ഇവയില്‍ എത്ര തസ്തികകളാണ് ഒഴിഞ്ഞുകിടക്കുന്നത്; ഓങ്കോളജി വിഭാഗത്തിൽ പുതുതായി സൃഷ്ടിച്ച ഏതെങ്കിലും തസ്തിക മറ്റേതെങ്കിലും വിഭാഗത്തിലേക്ക് മാറ്റി നല്‍കിയിട്ടുണ്ടോ;

കോഴിക്കോട് മെഡിക്കല്‍ കോളേജില്‍ സര്‍ജിക്കല്‍ ഓങ്കോളജി വിഭാഗത്തിൽ എത്ര അസിസ്റ്റന്റ് പ്രൊഫസര്‍ തസ്തികകളാണ് നിലവിലുള്ളത്; പ്രസ്തുത തസ്തികകളില്‍ നിലവില്‍ ജോലി ചെയ്തുവരുന്നത് ആരെല്ലാമാണെന്നും അവർ എത്ര കാലമായി പ്രസ്തുത തസ്തികകളില്‍ സ്ഥിരമായി ജോലി ചെയ്തുവരുന്നുവെന്നും വിശദമാക്കാമോ;

മെഡിക്കല്‍ കോളേജുകളില്‍ വിവിധ വിഭാഗങ്ങളിൽ ജോലി ചെയ്തുവരുന്നവരില്‍ ബിരുദാനന്തര ബിരുദം ഉള്ളവരെ അവര്‍ സ്പെഷ്യലൈസ് ചെയ്ത വിഭാഗത്തിലേയ്ക്ക് മാറ്റി നിയമിക്കുന്നതിന് മാര്‍ഗ്ഗനിര്‍ദ്ദേശം പുറപ്പെടുവിച്ചിട്ടുണ്ടോ;

പ്രസ്തുത ഡോക്ടർമാരെ സ്പെഷ്യലൈസ് ചെയ്ത വിഭാഗത്തിലേയ്ക്ക് മാറ്റി നിയമിക്കാത്തതുമൂലം അവരുടെ വൈദഗ്ധ്യം രോഗികള്‍ക്ക് ലഭിക്കാതെ പോകുന്നതും അതുണ്ടാക്കുന്ന പ്രയാസങ്ങളെക്കുറിച്ചും പരിശോധിച്ചിട്ടുണ്ടോ;

സര്‍ജിക്കല്‍ ഓങ്കോളജിയില്‍ ബിരുദാനന്തര ബിരുദമുള്ള ആരെങ്കിലും കോഴിക്കോട് മെഡിക്കല്‍ കോളേജിലെ സര്‍ജിക്കല്‍ ഓങ്കോളജി വിഭാഗത്തിലേയ്ക്ക് ഇന്റര്‍ ഡിപ്പാര്‍ട്ട്മെന്റ് ട്രാന്‍സ്ഫറിന് അപേക്ഷ സമര്‍പ്പിച്ചിട്ടുണ്ടോ; ഉണ്ടെങ്കിൽ ട്രാൻസ്ഫർ അനുവദിക്കുന്നതിന് നടപടി സ്വീകരിക്കുമോ; ആയത് അനുവദിക്കുന്നതിന് എന്തെങ്കിലും തടസ്സം നിലവിലുണ്ടോ?

മാവൂര്‍ പഞ്ചായത്തിലെ തെങ്ങിലക്കടവിലെ സ്ഥലവും കെട്ടിടവും കോഴിക്കോട് മെഡിക്കല്‍ കോളേജിന് കൈമാറിയത് എന്നാണെന്നറിയിക്കാമോ;

നാളിതുവരെയായി പ്രസ്തുത ഭൂമിയും കെട്ടിടവും ഉപയോഗപ്പെടുത്താന്‍ മെഡിക്കല്‍ കോളേജിന് കഴിയാതെവന്ന സാഹചര്യത്തില്‍ ഇവിടെയൊരു ഡയാലിസിസ് സെന്റര്‍ ആരംഭിക്കാന്‍ നടപടി സ്വീകരിക്കുമോ;

പ്രസ്തുത ഭൂമി ജില്ലാ പഞ്ചായത്തിന് കൈമാറിയാല്‍ നിലവിലുള്ള സ്തംഭനാവസ്ഥക്ക് പരിഹാരം കാണാന്‍ സാധിക്കുമെന്ന് ജില്ലാ ഭരണകൂടം റിപ്പോര്‍ട്ട് ചെയ്തിട്ടുണ്ടോ;

ഇവിടെ കെട്ടിട നിര്‍മ്മാണത്തിന് അനുവദിച്ച ഒരു കോടി രൂപ വകുപ്പുതല തര്‍ക്കം കാരണം പ്രാവർത്തികമായിട്ടില്ലെന്നത് ശ്രദ്ധയിൽപ്പെട്ടിട്ടുണ്ടോ?

15 വർഷമായി ചികിത്സാ രംഗത്തുള്ളവരും ഇപ്പോഴും ചികിത്സ നടത്തുന്നവരുമായ പാരമ്പര്യ വൈദ്യൻമാർക്ക് തുടർ ചികിത്സയ്ക്ക് അനുമതി നൽകുമോ; വിശദാംശം വ്യക്തമാക്കുമോ;

പാരമ്പര്യ വൈദ്യന്‍മാരെ പ്രത്യേക വിഭാഗമായി പരിഗണിച്ച് അംഗീകൃത വിദ്യാഭ്യാസ യോഗ്യതയിൽ ഇളവ് നൽകി തുടർ ചികിത്സയ്ക്ക് സൗകര്യം ഒരുക്കുമോ; വ്യക്തമാക്കാമോ?

പട്ടികജാതി-പട്ടികവര്‍ഗ്ഗകോളനികളിലെ ഡിസ്പെന്‍സറികളില്‍ അനുവദിക്കപ്പെട്ട 30 മെഡിക്കല്‍ ഓഫീസര്‍ തസ്തികകള്‍ (GO(MS)No.52/2021/H&FWD, dated.19/02/2021) നാളിതുവരെ നിലവില്‍ വരാത്ത അവസ്ഥ പരിഹരിക്കുന്നതിന് അടിയന്തര നടപടികള്‍ സ്വീകരിക്കാമോ;

പട്ടികജാതി-പട്ടികവര്‍ഗ്ഗ വികസന വകുപ്പിന്റെ കീഴിലുള്ളതും പട്ടികജാതി കോളനികളില്‍ സ്ഥിതി ചെയ്യുന്നതുമായ 29 ഹോമിയോ ഡിസ്പെന്‍സറികള്‍ ആയുഷ് വകുപ്പ് ഏറ്റെടുത്ത് നടത്തുന്നതിനുള്ള നടപടികള്‍ സ്വീകരിക്കാമോ?

സംസ്ഥാനത്ത് ആയുഷ് വകുപ്പിന്റെ കീഴില്‍ പ്രവര്‍ത്തിക്കുന്ന വിവധ സര്‍ക്കാര്‍ ആയുര്‍വേദ ആശുപത്രികള്‍,ഡിസ്പെന്‍സറികളില്‍ എന്നിവിടങ്ങളിൽ നിരവധി ഡോക്ടര്‍മാരുടെ തസ്തികകള്‍ ഒഴിഞ്ഞ് കിടക്കുന്നുവെന്ന പരാതി ശ്രദ്ധയില്‍പ്പെട്ടിട്ടുണ്ടോ;

എങ്കില്‍ ആയത് പരിഹരിക്കുന്നതിന് സര്‍ക്കാര്‍ സ്വീകരിയ്ക്കുവാന്‍ ഉദ്ദേശിക്കുന്ന നടപടികള്‍ സംബന്ധിച്ച് വിശദാംശങ്ങള്‍ വെളിപ്പെടുത്താമോ?

ആയുഷ് വകുപ്പിന് കീഴില്‍ ആയുര്‍വേദ തെറാപ്പിസ്റ്റിന്റെ എത്ര തസ്തികകള്‍ നിലവിലുണ്ട്; ജില്ല തിരിച്ച് വ്യക്തമാക്കുമോ;

വേക്കന്‍സി ഇല്ലാത്തതിന്റെ പേരില്‍ ലീവ് കഴിഞ്ഞ് തിരികെ വന്ന തെറാപ്പിസ്റ്റുകള്‍ക്ക് പുറത്തു നില്‍ക്കേണ്ട സാഹചര്യം ഉണ്ടായിട്ടുണ്ടോ; വിശദാംശം നല്‍കാമോ;

ആയുഷ് വകുപ്പില്‍ ആവശ്യത്തിന് തെറാപ്പിസ്റ്റുകള്‍ ഇല്ലാത്തതിനാല്‍ 80 തസ്തികകള്‍ സൃഷ്ടിക്കുന്നതുമായി ബന്ധപ്പെട്ട് പ്രൊപ്പോസല്‍ ലഭിച്ചിരുന്നോ; എങ്കില്‍ തസ്തിക സൃഷ്ടിക്കുന്ന കാര്യത്തില്‍ നാളിതുവരെ സ്വീകരിച്ച നടപടികള്‍ എന്തെല്ലാമാണാണെന്ന് വ്യക്തമാക്കുമോ?

ആയുര്‍വേദ മേഖലയെ ആര്‍ദ്രം പദ്ധതിയില്‍ ഉള്‍പ്പെടുത്താന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

സ്പോര്‍ട്സ് ആയുര്‍വേദം ഏതെല്ലാം സ്ഥാപനങ്ങളിലാണ് അനുവദിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനത്ത് ആരോഗ്യമേഖലയിലെ ചികിത്സാര്‍ത്ഥം എത്ര തുകയുടെ അലോപ്പതി/ആയുര്‍വ്വേദ/ഹോമിയോ മരുന്നുകള്‍ പ്രതിവര്‍ഷം ഉപയോഗിക്കുന്നുണ്ടെന്ന വിശദാംശം ലഭ്യമാക്കുമോ;

മേല്‍പറഞ്ഞ മരുന്നുകളിൽ എത്ര ശതമാനം സംസ്ഥാനത്ത് ഉത്പാദിപ്പിക്കുന്നുണ്ട് ;വിപണനം എത്ര ശതമാനമാണ് ; കേന്ദ്ര, സംസ്ഥാന സര്‍ക്കാര്‍ അധീനതയിലുളള സ്ഥാപനങ്ങളുടെ മരുന്ന് വിപണനം എത്ര ശതമാനമെന്നതും വിശദമാക്കുമോ;

മറ്റു സംസ്ഥാനങ്ങളിൽ പ്രവർത്തിക്കുന്ന കമ്പനികളുടെ മരുന്നുകൾ എത്ര ശതമാനം സംസ്ഥാനത്ത് വിപണനം ചെയുന്നുണ്ട് ;

സംസ്ഥാനത്ത് ഉപയോഗിച്ചു വരുന്ന ആകെ മരുന്നുകളുടെ എത്ര ശതമാനമാണ് സ്വകാര്യ ബഹുരാഷ്ട്ര കമ്പനികൾ വിതരണം ചെയ്യുന്നത്; വിശദാംശം ലഭ്യമാക്കുമോ?

സംസ്ഥാനത്ത് ശാരീരിക മാനസിക പീഡനങ്ങളില്‍ നിന്നും വനിതകളെ രക്ഷിക്കാന്‍ പഞ്ചായത്തുതലത്തില്‍ രക്ഷക എന്ന പേരില്‍ പ്രത്യേക പദ്ധതി നടപ്പിലാക്കിയിട്ടുണ്ടോ; വിശദാംശങ്ങള്‍ നൽകാമോ;

സൗജന്യ നിയമസഹായം, കൗണ്‍സിലിംഗ്, പോലീസ്, വെെദ്യസഹായങ്ങള്‍ എന്നിവ പ്രസ്തുത പദ്ധതി വഴി ലഭ്യമാക്കുന്നതിന് നടപടികള്‍ സ്വീകരിക്കുമോ; വിശദാംശങ്ങള്‍ നല്‍കാമോ;

പദ്ധതി ഫലപ്രദമായി നടപ്പിലാക്കുന്നതിന് ജനപ്രതിനിധികള്‍, ജീവനക്കാര്‍ എന്നിവരുടെ സഹകരണം ഉറപ്പാക്കുന്നതിന് സംവിധാനം ഒരുക്കിയിട്ടുണ്ടോ; വിശദമാക്കാമോ?

സംസ്ഥാനത്തെ ചൈല്‍ഡ് വെല്‍ഫെയര്‍ കമ്മിറ്റി, ജുവനൈല്‍ ജസ്റ്റിസ് ബോര്‍ഡ് എന്നിവയുടെ കാലാവധി അവസാനിച്ചിട്ടുണ്ടോ; വ്യക്തമാക്കാമോ;

അവയുടെ കാലാവധി നീട്ടാന്‍ തീരുമാനിച്ചിട്ടുണ്ടോ;

ചൈല്‍ഡ് വെല്‍ഫെയര്‍ കമ്മിറ്റി, ജുവനൈല്‍ ജസ്റ്റിസ് ബോര്‍ഡ് എന്നിവ പുന:സംഘടിപ്പിക്കാന്‍ സര്‍ക്കാര്‍ അപേക്ഷ ക്ഷണിച്ചിട്ടും അതിന്മേല്‍ തുടര്‍ നടപടി സ്വീകരിക്കാത്തത് എന്തുകൊണ്ടെന്നു വിശദീകരിക്കാമോ;

ചൈല്‍ഡ് വെല്‍ഫെയര്‍ കമ്മിറ്റി/ ജുവനൈല്‍ ജസ്റ്റിസ് ബോര്‍ഡ് എന്നിവയില്‍ അംഗങ്ങളെ തെരഞ്ഞെടുക്കുന്നതിനായി രൂപീകരിച്ച സെലക്ഷന്‍ ബോര്‍ഡ് നിലവിലുണ്ടോ; ആയതിന്റെ ചെയര്‍മാന്‍, അംഗങ്ങള്‍ എന്നിവരുടെ പേര് വിവരം നല്‍കുമോ;

ഇവരെ നിയമിച്ചുകൊണ്ടുള്ള സര്‍ക്കാര്‍ ഉത്തരവിന്റെ പകര്‍പ്പ് ലഭ്യമാക്കുമോ;

സെലക്ഷന്‍ ബോര്‍ഡിലെ ഏതെങ്കിലും അംഗങ്ങള്‍ സ്ഥാനം രാജി വെച്ചിട്ടുണ്ടോ; എങ്കിൽ എന്ത് കാരണത്താലാണ് രാജി എന്ന് വിശദീകരിക്കാമോ?

അട്ടപ്പാടിയില്‍ 2017-നു ശേഷം നാളിതുവരെ എത്ര ശിശുമരണങ്ങള്‍ റിപ്പോര്‍ട്ട് ചെയ്തിട്ടുണ്ട്; വര്‍ഷം തിരിച്ചുള്ള കണക്കുകള്‍ ലഭ്യമാക്കുമോ;

മരിച്ച കുട്ടികളുടെ കുടുംബത്തിന് ധനസഹായം വിതരണം ചെയ്തിട്ടുണ്ടോ; എങ്കില്‍ എത്ര കുടുംബങ്ങള്‍ക്ക് സഹായം നല്‍കിയിട്ടുണ്ടെന്നും എത്ര കുടുംബങ്ങള്‍ക്ക് നല്‍കാന്‍ ബാക്കിയുണ്ടെന്നും അറിയിക്കാമോ;

അട്ടപ്പാടിയിലെ ശിശുമരണവുമായി ബന്ധപ്പെട്ട് ദേശീയ മനുഷ്യാവകാശ കമ്മീഷന്‍ ഇടപെടേണ്ട സാഹചര്യം സംജാതമായിട്ടുണ്ടോ; എങ്കില്‍ കമ്മീഷന്‍ എന്ത് നിര്‍ദ്ദേശമാണ് സംസ്ഥാന സര്‍ക്കാരിന് നല്‍കിയത്; ആയതിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

ശിശുമരണങ്ങള്‍ ആവര്‍ത്തിക്കാതിരിയ്ക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; ഇവ ഫലപ്രദമായി നടപ്പിലാക്കാന്‍ കഴിയാത്തതിന്റെ കാരണങ്ങള്‍ കണ്ടെത്തിയിട്ടുണ്ടോ; എങ്കില്‍ വ്യക്തമാക്കാമോ?

ആറ്റിങ്ങല്‍ മണ്ഡലത്തില്‍ സ്വന്തമായി കെട്ടിടം ഇല്ലാത്ത എത്ര അംഗന്‍വാടികള്‍ പ്രവര്‍ത്തിക്കുന്നുണ്ടെന്നത് പഞ്ചായത്ത്/നഗരസഭ അടിസ്ഥാനത്തില്‍ വിശദമാക്കുമോ;

അംഗന്‍വാടികള്‍ക്ക് സ്വന്തം കെട്ടിടം നിര്‍മ്മിക്കാന്‍ വകുപ്പ് നടപ്പിലാക്കി വരുന്ന പദ്ധതികള്‍ വിശദമാക്കുമോ?

മറ്റത്തൂര്‍ ഗ്രാമപഞ്ചായത്തിലെ വാര്‍ഡ് 16 ഒച്ചതുങ്ങല്‍ ദേശത്തെ 46-ാം നമ്പര്‍ അംഗന്‍വാടി സ്മാര്‍ട്ട് അംഗന്‍വാടിയായി മാറ്റുന്നതിന് സമര്‍പ്പിച്ചിട്ടുള്ള അപേക്ഷയില്‍ എന്തെങ്കിലും നടപടികള്‍ സ്വീകരിച്ചിട്ടുണ്ടാേ;

ഇതിനായി അടിയന്തര നടപടികള്‍ സ്വീകരിക്കുമാേ?

സ്ഥലമുണ്ടായിട്ടും വാടക കെട്ടിടങ്ങളില്‍ പ്രവര്‍ത്തിക്കുന്ന അംഗന്‍വാടികള്‍ക്കും സ്വന്തം സ്ഥലത്ത് ജീര്‍ണ്ണാവസ്ഥയിലുള്ള കെട്ടിടങ്ങളില്‍ പ്രവര്‍ത്തിക്കുന്ന അംഗന്‍വാടികള്‍ക്കും കെട്ടിടം നിര്‍മ്മിക്കുന്നതിനായി പദ്ധതികള്‍ ആവിഷ്കരിച്ചിട്ടുണ്ടോ; ഉണ്ടെങ്കില്‍ ഇതു സംബന്ധിച്ച വിശദാംശങ്ങള്‍ നല്‍കാമോ;

വൈപ്പിന്‍ നിയോജക മണ്ഡലത്തില്‍ സ്ഥലമുണ്ടായിട്ടും വാടക കെട്ടിടങ്ങളില്‍ പ്രവര്‍ത്തിക്കുന്ന അംഗന്‍വാടികള്‍ ഏതെല്ലാമെന്നും സ്വന്തം സ്ഥലത്ത് ജീര്‍ണ്ണാവസ്ഥയിലുള്ള കെട്ടിടങ്ങളില്‍ പ്രവര്‍ത്തിക്കുന്ന അംഗന്‍വാടികള്‍ ഏതെല്ലാമെന്നും പഞ്ചായത്ത് അടിസ്ഥാനത്തില്‍ വ്യക്തമാക്കാമോ?

ഇരിക്കൂര്‍ മണ്ഡലത്തിലെ ഏതെല്ലാം അംഗൻവാടികളെ സ്മാർട്ട് അംഗൻവാടികളായി ഉയര്‍ത്താന്‍ നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ; വിശദാംശം ലഭ്യമാക്കാമോ;

അംഗൻവാടികളെ സ്മാർട്ട് അംഗൻവാടികളായി മാറ്റുന്നതിനുള്ള മാനദണ്ഡം എന്തെന്ന് വ്യക്തമാക്കാമോ?

ആരോഗ്യ വകുപ്പും വനിതാ ശിശു വികസന വകുപ്പുും സംയുക്തമായി സര്‍ക്കാര്‍, സ്വകാര്യ ആശുപത്രികളെ മാതൃ- ശിശു സൗഹൃദമാക്കി മാറ്റുുന്നതിന് പദ്ധതികള്‍ ആവിഷ്‌കരിച്ചിട്ടുണ്ടോ; വിശദമാക്കാമോ;

ഭിന്നശേഷിക്കാരായ കുട്ടികൾക്ക് പ്രീസ്കൂൾ വിദ്യാഭ്യാസം നൽകാൻ കഴിയുന്നവിധം നിലവിലുള്ള അങ്കണവാടികൾ പരിഷ്കരിക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

കേരളത്തിന്റെ സാമൂഹ്യ ക്ഷേമ വികസനത്തിൽ പ്രധാന പങ്ക് വഹിക്കുന്ന പദ്ധതി എന്ന നിലയിൽ ഇന്റഗ്രേറ്റഡ് ചൈൽഡ് ഡെവലപ്മെന്റ് സർവീസ് സ്‌കീമിന്റെ പ്രവർത്തന പുരോഗതി വിലയിരുത്തിയിട്ടുണ്ടോ; വിശദമാക്കാമോ;

വിവിധതരം അതിക്രമങ്ങൾ നേരിടുന്ന സ്ത്രീകൾക്കും കുട്ടികൾക്കും കൗൺസിലിംഗ്, വൈദ്യ സഹായം, സൗജന്യ നിയമ സഹായം, പുനരധിവാസം എന്നിവ ലഭ്യമാക്കി അവര്‍ നേരിടുന്ന പ്രശ്നങ്ങൾക്ക് പരിഹാരം കണ്ടെത്താൻ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

അമിത ജോ​ലി​ഭാ​രം കൊ​ണ്ട്​ പ്രയാസപ്പെടുന്ന അംഗൻവാടി​ ജീവ​ന​ക്കാ​ർക്ക്‌ മ​തി​യാ​യ ജോ​ലി​ പ​രി​ര​ക്ഷ​യോ ആ​നു​കൂ​ല്യ​ങ്ങ​ളോ ല​ഭി​ക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ;

അംഗൻവാടി ​ജീവ​ന​ക്കാർക്ക് ചി​കി​ത്സ​യ്ക്ക് ധ​ന​സ​ഹാ​യം, മാരക രോഗികൾക്ക് ചി​കി​ത്സകാ​ലാ​വ​ധി വ​രെ ക്യാഷ്വൽ ലീവ്, പെൻഷൻ, ഇ.എസ്.ഐ. ആനുകൂല്യങ്ങൾ, വിദ്യാഭ്യാസ സ്ഥാപനങ്ങളിലേതു പോലെ ശനിയാഴ്ച അവധി തുടങ്ങിയ ആവശ്യങ്ങൾ പരിഗണിക്കുമോ;

തൊഴിലുറപ്പ് പദ്ധതിയിലെ തൊഴിലാളികൾക്ക് പോലും ശരാശരി 291 രൂപ വേതനമുള്ള സാഹചര്യത്തിൽ അതിലും താഴെ വേതനമുള്ള 40 വർഷം മുമ്പ് ജോലിയിൽ പ്രവേശിച്ച അംഗൻവാടി ജീവനക്കാർക്കും പുതുതായി ജോലിയിൽ പ്രവേശിക്കുന്നവർക്കും ഒരേ നിരക്കിലാണ് ഓണറേറിയം നൽകിവരുന്നത് എന്ന കാര്യം ശ്രദ്ധയിൽ പെട്ടിട്ടുണ്ടോ; എങ്കിൽ ഈ വിവേചനം അവസാനിപ്പിക്കുവാൻ നടപടി സ്വീകരിക്കുമോ;

ഒരു വർഷം മുമ്പ് പ്രഖ്യാപിച്ച ശമ്പള വർധനയും, കുടിശ്ശികയായിട്ടുള്ള ക്ഷേമനിധി ആനുകൂല്യങ്ങലും യഥാസമയം വിതരണം ചെയ്യാൻ നടപടി സ്വീകരിക്കുമോ?

സംസ്ഥാനത്ത് നിലവിൽ എത്ര അംഗൻവാടികൾ ഉണ്ട്; അവയിൽ എത്ര അംഗൻവാടികൾ സ്വന്തം കെട്ടിടത്തിൽ പ്രവർത്തിക്കുന്നുണ്ട്;

സംസ്ഥാനത്തെ എത്ര അംഗൻവാടികൾ ഹൈടെക് ആയി മാറ്റിയിട്ടുണ്ട്;

സംസ്ഥാനത്തെ അംഗൻവാടിയിലെ അദ്ധ്യാപക അനദ്ധ്യാപക ജീവനക്കാർക്ക് ആനുകൂല്യങ്ങള്‍ ഉൾപ്പെടെ ലഭിക്കുന്ന ആകെ വേതനം എത്രയെന്ന് അറിയിക്കാമോ?

പയ്യന്നൂര്‍ മണ്ഡലത്തിലെ കരിവെള്ളൂര്‍-പെരളം ഗ്രാമ പഞ്ചായത്തിലെ പാലത്തര സ്മാര്‍ട്ട് അംഗന്‍വാടി നിര്‍മ്മിക്കുന്നതിന് ഭരണാനുമതി നല്‍കിയിട്ടുണ്ടാേ;

പ്രസ്തുത പ്രവൃത്തിയുടെ ഭരണാനുമതി പുതുക്കി നല്‍കുന്നതിന് എസ്റ്റിമേറ്റ് സമര്‍പ്പിച്ചിട്ടുണ്ടാേ; എങ്കിൽ അതിന്റെ നടപടികള്‍ ഏതുവരെ ആയെന്നും പുതുക്കിയ ഭരണാനുമതി എന്നത്തേയ്ക്കു നല്‍കാന്‍ കഴിയുമെന്നും വ്യക്തമാക്കാമാേ?

വിരമിക്കുന്ന അംഗന്‍വാടി ജീവനക്കാര്‍ക്ക് എന്തെല്ലാം ആനുകൂല്യങ്ങളാണ് ലഭിക്കുന്നതെന്ന് വിശദമാക്കുമോ;

കഴിഞ്ഞ വര്‍ഷം വിരമിച്ച അംഗന്‍വാടി ജീവനക്കാര്‍ക്ക് ആനുകൂല്യങ്ങള്‍ നല്‍കുന്നതിന് കാലതാമസം നേരിട്ടിട്ടുണ്ടോയെന്ന് അറിയിക്കാമോ; കാരണം വ്യക്തമാക്കുമോ;

പ്രസ്തുത ആനുകൂല്യങ്ങള്‍ നല്‍കുന്നതിന് അടിയന്തിര നടപടികള്‍ സ്വീകരിക്കുമോ?

കാലപ്പഴക്കം ചെന്ന അംഗൻവാടികള്‍ നവീകരിക്കുന്നതിന് ഏന്തെങ്കിലും പ്രത്യേക പദ്ധതികള്‍ തയ്യാറാക്കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

ബാലുശ്ശേരി മണ്ഡലത്തിലെ ഏതൊക്കെ അംഗൻവാടികളാണ് അടിയന്തരമായി നവീകരിക്കേണ്ടത്; ഇവ നവീകരിക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത് എന്ന് അറിയിക്കാമോ?

സംസ്ഥാനത്ത് സാക്ഷരതയിലും വിദ്യാഭ്യാസത്തിലുമുളള സ്ത്രീ-പുരുഷ തുല്യത ജോലി നേടുന്നതിലും കെെവരിക്കുന്നതിന്റെ ഭാഗമായി വനിതകളുടെ തൊഴില്‍ പങ്കാളിത്തം വര്‍ദ്ധിപ്പിക്കുന്നതിന് പ്രത്യേകമായ പദ്ധതികള്‍ ആവിഷ്ക്കരിച്ചിട്ടുണ്ടോ; വിശദാംശങ്ങള്‍ നല്‍കാമോ;

വിവിധ കാരണങ്ങളാല്‍ ജോലി അവസാനിപ്പിച്ച് വീട്ടില്‍ ഒതുങ്ങേണ്ടി വന്നവര്‍ അടക്കമുളള സ്ത്രീകളെ ജോലിയിലേക്ക് തിരികെ എത്തിക്കുന്നതിനുതകുന്ന പദ്ധതിയ്ക്ക് ഐക്യരാഷ്ട്രസഭയുടെ ഭാഗമായ യു.എന്‍. വുമണിന്റെ സഹകരണത്തോടെ രൂപം നല്‍കിയിട്ടുണ്ടോ; എങ്കില്‍ സ്ത്രീശാക്തീകരണം, സാമ്പത്തിക സ്വാശ്രയത്വം എന്നിവ കെെവരിക്കുന്നതിന് ഈ പദ്ധതി എത്രത്തോളം സഹായകരമാവും; വിശദാംശങ്ങള്‍ നല്‍കാമോ?