നീതി ആയോഗ് തയ്യാറാക്കിയ ഏറ്റവും പുതിയ സൂചികയിൽ കേരളം മുൻവർഷത്തേക്കാൾ നില മെച്ചപ്പെടുത്തി 11-ാം സ്ഥാനത്തെത്തിയതായി റിപ്പോർട്ട് ചെയ്യപ്പെട്ടിട്ടുള്ളതിനാലും എന്നാൽ ഈ വർഷം റാങ്കിംഗ് നിർണ്ണയിക്കുന്നതിന് ഉപയോഗിച്ച രീതി മുൻവർഷങ്ങളിൽ നിന്ന് വ്യത്യസ്തമാണെന്നതിനാലും ഈ റാങ്ക് മെച്ചപ്പെടുത്തൽ സംസ്ഥാനത്തിന്റെ യഥാർത്ഥ പുരോഗതിയെയാണോ സൂചിപ്പിക്കുന്നതെന്നത് വിലയിരുത്തിയിട്ടുണ്ടോ;

കയറ്റുമതി വൈവിധ്യവത്കരണം, മാനവവിഭവ ശേഷി, വ്യവസായ അടിസ്ഥാന സൗകര്യങ്ങൾ തുടങ്ങിയ മാനദണ്ഡങ്ങളിലാണ് നീതി ആയോഗ് ഈ സൂചിക തയ്യാറാക്കിയിരിക്കുന്നതെന്നതിനാല്‍ ഈ മേഖലകളിൽ കേരളത്തിന്റെ പ്രകടനം മെച്ചപ്പെടുത്തുന്നതിനായി സ്വീകരിച്ചിട്ടുള്ള നയപരവും പദ്ധതിപരവുമായ നടപടികൾ എന്തൊക്കെയാണ്;

വ്യവസായങ്ങൾക്ക് ആവശ്യമായ ഭൂമിയുടെ കുറവ്, ഉയർന്ന ഉൽപാദനച്ചെലവ്, വൻകിട വ്യവസായങ്ങളുടെ അഭാവം, യുവാക്കളുടെ വിദേശ കുടിയേറ്റം, ജനസംഖ്യയിലെ പ്രായമേറുന്നവരുടെ എണ്ണം, റിസർച്ച് & ഡവലപ്മെന്റിനുള്ള പരിമിതമായ ഊന്നൽ എന്നിവ കേരളത്തിന്റെ പ്രധാന വെല്ലുവിളികളായി നിതി ആയോഗ് റിപ്പോർട്ടില്‍ ചൂണ്ടിക്കാണിച്ചിട്ടുണ്ടോ; ഉണ്ടെങ്കിൽ ഇവ മറികടക്കാൻ തയ്യാറാക്കിയ ദീർഘകാല പ്രവർത്തന പദ്ധതി എന്താണ്;

നീതി ആയോഗ് സംസ്ഥാനങ്ങളെ ലീഡർ, ചാലഞ്ചർ, ആസ്പയറർ എന്നിങ്ങനെ മൂന്ന് വിഭാഗങ്ങളായി തരംതിരിച്ചതിൽ കേരളം ചാലഞ്ചർ വിഭാഗത്തിലാണ് ഉൾപ്പെട്ടിരിക്കുന്നതെന്നതിനാല്‍ ലീഡർ വിഭാഗത്തിലേക്ക് ഉയരുന്നതിനായി കേന്ദ്ര സർക്കാരുമായി സഹകരിച്ച് സംസ്ഥാന സർക്കാർ സ്വീകരിക്കാൻ ഉദ്ദേശിക്കുന്ന പ്രത്യേക നടപടികൾ എന്തൊക്കെയാണ്?

ആഗോള അയ്യപ്പ സംഗമത്തിനായി ശബരിമല ജനറൽ ഫണ്ടിൽ നിന്നും എടുത്ത 2 കോടി രൂപ തിരിച്ചടച്ചിട്ടില്ല എന്ന സ്പെഷ്യൽ കമ്മീഷണർ റിപ്പോർട്ടിലെ പരാമർശം ഗൗരവത്തോടെ കാണുന്നുണ്ടോ;

ആഗോള അയ്യപ്പ സംഗമവുമായി ബന്ധപ്പെട്ട പരിപാടികളിൽ കൃത്യമായ ജി.എസ്.ടി. ബില്ലുകൾ സമർപ്പിച്ചിട്ടില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ;

കൃത്യമായ ജി.എസ്.ടി. ബില്ലുകൾ സമർപ്പിക്കാത്തതു മൂലം ദേവസ്വം ബോർഡിന് ലക്ഷങ്ങളുടെ ഇന്‍പുട്ട് ടാക്സ് ക്രെഡിറ്റ് ലഭ്യമാക്കാൻ സാധിച്ചിട്ടില്ല എന്ന കാര്യം ഗൗരവത്തോടെ കാണുന്നുണ്ടോ; വ്യക്തമാക്കുമോ?

ജി.എസ്.ടി. നടപ്പിലാക്കിയ ശേഷം ജി.എസ്.ടി. നിരക്കിൽ കാര്യമായ വർദ്ധനവ് ഉണ്ടാക്കാൻ സാധിച്ചിട്ടില്ലായെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

നൂതന സാങ്കേതിക വിദ്യ ഉപയോഗപ്പെടുത്തി വ്യാപാരികളുടെ വിവിധ തരം സാമ്പത്തിക ഡാറ്റ വിശകലനം ചെയ്തു കൊണ്ട് സംസ്ഥാനത്തെ ജി.എസ്.ടി. നിരക്കിൽ വർദ്ധനവ് വരുത്താൻ ഇടപെടൽ നടത്തുമോ; വിശദമാക്കാമോ?

രാജ്യത്തെ ഊര്‍ജ്ജ കാര്യക്ഷമത സൂചിക പ്രകാരം ഈ സര്‍ക്കാർ എന്തെല്ലാം നേട്ടങ്ങള്‍ കൈവരിച്ചിട്ടുണ്ട്; വിശദമാക്കാമോ;

സംസ്ഥാനത്തെ ഊര്‍ജ്ജ മേഖലയിലെ പ്രവര്‍ത്തനങ്ങള്‍ക്ക് ദേശീയ അംഗീകാരം ലഭിച്ചിട്ടുണ്ടോ; നീതി ആയോഗിന്റെ സ്റ്റേറ്റ് എനര്‍ജി & ക്ലൈമറ്റ് ഇന്‍ഡക്സ് റിപ്പോര്‍ട്ട് പ്രകാരം സംസ്ഥാനത്തിന്റെ സ്ഥാനം എത്രയാണ്; വ്യക്തമാക്കുമോ;

സംസ്ഥാനത്തെ ഊര്‍ജ്ജ രംഗത്തെ പുത്തന്‍ പ്രവണതകള്‍ സംബന്ധിച്ച് ചര്‍ച്ച ചെയ്യുന്നതിനും ഊര്‍ജ്ജ കാര്യക്ഷമത സംബന്ധിച്ച് പൊതുജനങ്ങളില്‍ അവബോധം സൃഷ്ടിക്കുന്നതിനുമായി ഊര്‍ജ്ജ മേളകള്‍ സംഘടിപ്പിക്കുവാന്‍ കഴിഞ്ഞിട്ടുണ്ടോ; വിശദമാക്കുമോ;

ഈ വര്‍ഷം സംഘടിപ്പിച്ച ഊര്‍ജ്ജമേള സംബന്ധിച്ച് അവലോകനം നടത്തിയിട്ടുണ്ടോ; വിശദാംശം നല്‍കുമോ?

സംസ്ഥാനത്ത് വ്യാജ ജി.എസ്.ടി. രജിസ്ട്രേഷൻ ഉപയോഗിച്ച് നികുതി വെട്ടിപ്പുകൾ നടത്തിയിട്ടുള്ളതായി കണ്ടെത്തിയിട്ടുണ്ടോ;

ഇത്തരം തട്ടിപ്പുകൾ കണ്ടെത്തുന്നതിനായി ജി.എസ്.ടി. ഇന്റലിജൻസ്, എൻഫോഴ്സ്മെന്റ് വിഭാഗങ്ങൾ പരിശോധനകൾ നടത്താറുണ്ടോ; എങ്കിൽ അടുത്തകാലത്തായി നടത്തിയ പരിശോധനകളിൽ കണ്ടെത്തിയ ക്രമക്കേടുകളുടെ വിശദാംശം വ്യക്തമാക്കാമോ;

നികുതിചോർച്ച ഒഴിവാക്കുന്നതിനായി സ്വീകരിക്കാനുദ്ദേശിക്കുന്ന നടപടികളെന്തൊക്കെയാണെന്ന് വിശദമാക്കാമോ?

എല്ലാ വർഷവും വൈദ്യുതി നിരക്ക് തനിയെ പരിഷ്കരിക്കുന്ന സംവിധാനമടക്കം ഉൾപ്പെടുത്തി ദേശീയ വൈദ്യുതിനയത്തിന്റെ കരട് പ്രസിദ്ധീകരിച്ചത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

വാണിജ്യ ഉപയോക്താക്കളിൽ നിന്നുള്ള അധിക വരുമാനം കൊണ്ട് കാർഷിക ഗാർഹിക ഉപയോക്താക്കളുടെ നിരക്ക് കുറയ്ക്കുന്ന ക്രോസ് സബ്സിഡി സംവിധാനം ക്രമേണ നിർത്തലാക്കണമെന്ന കരട് നയത്തിലെ നിർദ്ദേശം സംസ്ഥാനത്തെ ദോഷകരമായി ബാധിക്കുമെന്ന് വിലയിരുത്തുന്നുണ്ടോ; വിശദമാക്കാമോ;

കരട് നയത്തിലെ ഏതൊക്കെ നിർദ്ദേശങ്ങളാണ് സംസ്ഥാന താൽപര്യത്തിന് വിരുദ്ധമാണെന്ന് വിലയിരുത്തിയിട്ടുള്ളത്; വ്യക്തമാക്കാമോ;

കരട് നയം സംബന്ധിച്ച് സംസ്ഥാനത്തിന്റെ ആശങ്കകൾ കേന്ദ്രത്തെ അറിയിച്ചിട്ടുണ്ടോ; വിശദാംശം ലഭ്യമാക്കാമോ?

നികുതി പിരിവ് ഊര്‍ജ്ജിതപ്പെടുത്തുന്നതിന് നിലവിലെ സര്‍ക്കാര്‍ സ്വീകരിച്ച നടപടികള്‍ വിശദീകരിക്കുമോ;

നടപ്പ് സാമ്പത്തിക വര്‍ഷം രാജ്യത്ത് ചരക്ക് സേവന നികുതി നിരക്കുകള്‍ പരിഷ്കരിച്ചിട്ടുണ്ടോ; എങ്കില്‍ ഇതിലൂടെ സംസ്ഥാനത്തിന് ജി.എസ്.ടി. പിരിവ് ഇനത്തില്‍ പ്രതീക്ഷിച്ചതിലും കുറവ് ഉണ്ടായിട്ടുണ്ടോ; വ്യക്തമാക്കുമോ;

ജി.എസ്.ടി. നിരക്ക് പരിഷ്കരണം സംസ്ഥാനത്തിന് ഗുണകരമായിരുന്നോ; വ്യക്തമാക്കുമോ; ജി.എസ്.ടി. നിരക്ക് പരിഷ്കരിച്ചെങ്കിലും കൂടുതല്‍ കാലം ഇതിന്റെ ആനുകൂല്യം ജനങ്ങള്‍ക്ക് ലഭിച്ചില്ലെന്നത് ശ്രദ്ധയില്‍പ്പെട്ടിട്ടുണ്ടോ; അറിയിക്കാമോ?

പാരമ്പര്യ ഊര്‍ജ്ജ സ്ത്രോതസ്സുകളില്‍ നിന്നുള്ള വൈദ്യുതി ഉല്പാദനത്തില്‍ നവീന സാങ്കേതിക വിദ്യകള്‍ ഉപയോഗപ്പെടുത്തി ഉല്പാദനം മെച്ചപ്പെടുത്തുന്നതിനും വൈദ്യുതി നഷ്ടം ഒഴിവാക്കുന്നതിനും ലക്ഷ്യമിട്ട് ഏതെല്ലാം പദ്ധതികള്‍ പരിഗണനയിലുണ്ടെന്ന് വ്യക്തമാക്കാമോ;

ഇതുമായി ബന്ധപ്പെട്ട് പമ്പ്ഡ് സ്റ്റോറേജ് പദ്ധതികള്‍ നടപ്പാക്കുന്നതിന് മുന്‍ഗണന നല്‍കി വരുന്നുണ്ടോ; വിശദമാക്കുമോ;

പമ്പ്ഡ് സ്റ്റോറേജ് നയരൂപീകരണം നിലവില്‍ ഏത് ഘട്ടത്തിലാണെന്ന് അറിയിക്കാമോ;

സംസ്ഥാനത്ത് പി.എസ്.പി. (പമ്പ്ഡ് സ്റ്റോറേജ് പ്രോജക്ട്) നടപ്പാക്കുവാന്‍ പരിഗണിച്ചിട്ടുള്ള ജലവൈദ്യുത പദ്ധതികള്‍ ഏതെല്ലാമാണെന്നും പദ്ധതികളുടെ നിലവിലെ സ്ഥിതിയെന്താണെന്നും വ്യക്തമാക്കുമോ?

ആഗോള അയ്യപ്പ സംഗമത്തിന്റെ സ്പോൺസർഷിപ്പ്‌ തുക ദേവസ്വം ബോർഡിന് ലഭിച്ചിട്ടുണ്ടോ എന്ന് വ്യക്തമാക്കാമോ;

ആഗോള അയ്യപ്പ സംഗമത്തിന് തിരുവിതാംകൂർ ദേവസ്വം ബോർഡിനായി ബജറ്റിൽ വകയിരുത്തിയ തുക വിനിയോഗിച്ചിരുന്നോ;

ആഗോള അയ്യപ്പ സംഗമത്തിന്റെ സ്പോൺസർഷിപ്പ്‌ തുക ലഭ്യമായതിനെ തുടർന്ന് ഈ തുക ദേവസ്വം ബോർഡിന്റെ അക്കൗണ്ടിലേക്ക് തിരിച്ചടച്ചിട്ടുണ്ടോ; വിശദമാക്കാമോ?

സംസ്ഥാനത്ത് നെല്‍കര്‍ഷകര്‍ക്ക് ഏതെല്ലാം തരത്തിലുള്ള സാമ്പത്തിക ആനുകൂല്യങ്ങള്‍ നല്‍കിവരുന്നുണ്ടെന്നും ഇതിനായി നിലവിൽ ധനകാര്യവകുപ്പ് അനുവദിച്ച തുകയെത്രയെന്നും വിശദമാക്കുമോ;

അടുത്ത സാമ്പത്തിക വര്‍ഷത്തേക്കായി കാര്‍ഷിക മേഖലയ്ക്ക് സംസ്ഥാന ബജറ്റില്‍ നീക്കിവെച്ച തുകയെത്രയെന്ന് വ്യക്തമാക്കുമോ; കാര്‍ഷിക മേഖലയ്ക്കായി കേന്ദ്രബജറ്റില്‍ വന്നിട്ടുള്ള വര്‍ദ്ധനവ്, വിലക്കയറ്റം കൂടി കണക്കിലെടുക്കുമ്പോള്‍ പ്രസക്തമല്ലെന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

നെല്‍കര്‍ഷകര്‍ക്കായി സര്‍ക്കാര്‍ നല്‍കുന്ന പ്രോത്സാഹന ബോണസ് നിര്‍ത്തലാക്കണമെന്ന് കേന്ദ്ര ധനമന്ത്രാലയം ആവശ്യപ്പെട്ടിട്ടുണ്ടോ; എങ്കിൽ പ്രസ്തുത നിര്‍ദ്ദേശം സംസ്ഥാനത്തുണ്ടാക്കുന്ന പ്രത്യാഘാതങ്ങള്‍ വിലയിരുത്തിയിട്ടുണ്ടോ; അറിയിക്കാമോ;

ഇന്ത്യ-യു.എസ്. വ്യാപാര കരാർ രാജ്യത്തെ കാര്‍ഷിക രംഗത്തെ ഉല്പാദനം മരവിപ്പിക്കുന്നതിന് വഴിതെളിക്കുന്നതായി കരുതുന്നുണ്ടോ; എങ്കിൽ കേന്ദ്ര സര്‍ക്കാരിന്റെ പ്രസ്തുത തീരുമാനം പുന:പരിശോധിക്കണമെന്ന് സംസ്ഥാനം ആവശ്യപ്പെട്ടിട്ടുണ്ടോ; വ്യക്തമാക്കുമോ?

2025-26 സാമ്പത്തിക വർഷത്തില്‍ സംസ്ഥാനത്തെ പദ്ധതി അടങ്കലിൽ സർക്കാർ വെട്ടിക്കുറവ് വരുത്തിയിട്ടുണ്ടോ; പദ്ധതി ചെലവിന്റെ നിലവിലെ പുരോഗതി വിശദമാക്കുമോ;

നടപ്പ് സാമ്പത്തിക വർഷം അവസാനിക്കാറായിട്ടും പദ്ധതി ചെലവില്‍ പ്രതീക്ഷിച്ച പുരോഗതിയില്ലെന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ കാരണമെന്തെന്ന് വിശദമാക്കുമോ;

പദ്ധതി പ്രവർത്തനങ്ങൾ ഊർജ്ജിതപ്പെടുത്താൻ നടപടികൾ സ്വീകരിക്കുമോ; വ്യക്തമാക്കുമോ?

മുന്‍കാലങ്ങളില്‍ നിന്നും വ്യത്യസ്തമായി ലോക സാമ്പത്തിക ഫോറത്തില്‍ നിന്നും നിക്ഷേപ താത്പര്യപത്രങ്ങള്‍ സമാഹരിക്കാൻ സംസ്ഥാന സര്‍ക്കാരിന് കഴിഞ്ഞിട്ടുണ്ടോ; വ്യക്തമാക്കാമോ;

ലോകരാജ്യങ്ങള്‍ക്കിടയില്‍ സംസ്ഥാനത്തിന്റെ നിക്ഷേപ സൗഹൃദാന്തരീക്ഷം പരിചയപ്പെടുത്തുന്നതിന് സർക്കാർ നടത്തുന്ന ഇടപെടലുകൾ ഇതിന് സഹായകമായിട്ടുണ്ടോ; വിശദീകരിക്കുമോ;

ഏതൊക്കെ മേഖലകളിൽ നിക്ഷേപം നടത്തുന്നതിനാണ് കമ്പനികൾ താല്പര്യം പ്രകടിപ്പിച്ചിട്ടുള്ളത്; വിശദാംശം ലഭ്യമാക്കാമോ;

കേരളം നിക്ഷേപ സൗഹൃദമല്ലെന്ന പ്രചരണം വസ്തുതാപരമല്ലെന്ന് മനസ്സിലാക്കി സംസ്ഥാനത്ത് നിക്ഷേപം നടത്താന്‍ തയ്യാറായിട്ടുള്ള വന്‍കിട നിക്ഷേപകരുടെ വിവരങ്ങൾ സംബന്ധിച്ച വിശദാംശം ലഭ്യമാക്കാമോ?

സംസ്ഥാനത്തെ തുറമുഖങ്ങളുടെ വികസനം ലക്ഷ്യമിട്ട് സര്‍ക്കാര്‍ നടപ്പാക്കുന്ന വിവിധ പദ്ധതികളുടെ നിര്‍വ്വഹണപുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ;

കണ്ണൂര്‍ അഴീക്കല്‍ തുറമുഖനിര്‍മ്മാണവുമായി ബന്ധപ്പെട്ട് വിശദമായ പദ്ധതിരേഖ തയ്യാറായിട്ടുണ്ടോ; വ്യക്തമാക്കുമോ;

സംസ്ഥാനത്തെ വിവിധ തുറമുഖങ്ങളുടെ ഭാഗമായി ലഭ്യമായിട്ടുള്ള അധികഭൂമി അളന്ന് തിട്ടപ്പെടുത്തുന്നതിനും ഈ ഭൂമി വ്യവസായ ആവശ്യങ്ങള്‍ക്കായി ഉപയോഗപ്പെടുത്തുന്നതിനും പദ്ധതി തയ്യാറാക്കിയിട്ടുണ്ടോ; വ്യക്തമാക്കുമോ;

തുറമുഖങ്ങളുടെ വികസനവുമായി ബന്ധപ്പെട്ട് ഈ സര്‍ക്കാര്‍ ചെലവഴിച്ച തുകയെത്ര; വിശദാംശം നല്‍കുമോ;

സംസ്ഥാനത്തെ തുറമുഖങ്ങളുടെ വികസന പ്രവര്‍ത്തനത്തിനായി കേന്ദ്രസര്‍ക്കാര്‍ തുക ചെലവഴിക്കുന്നുണ്ടോ; അറിയിക്കാമോ?

കേന്ദ്രബജറ്റിന് മുന്നോടിയായി സംസ്ഥാനത്തിന്റെ ആവശ്യങ്ങൾ കേന്ദ്ര സർക്കാരിന് മുമ്പിൽ അവതരിപ്പിച്ചിരുന്നോ; എങ്കില്‍ ഏതെല്ലാം ആവശ്യങ്ങൾ കേന്ദ്ര സർക്കാർ അംഗീകരിച്ചിട്ടുണ്ട്; വിശദമാക്കുമോ;

വയനാട് പുനരധിവാസമുൾപ്പെടെയുളള ദുരിതാശ്വാസ പ്രവർത്തനങ്ങൾക്കായി സംസ്ഥാനം ആവശ്യപ്പെട്ടിരുന്ന സാമ്പത്തിക പാക്കേജ് അംഗീകരിച്ചിട്ടുണ്ടോ; വ്യക്തമാക്കുമോ;

സംസ്ഥാനത്തെ പശ്ചാത്തല സൗകര്യ വികസന പ്രവർത്തനങ്ങൾക്കായി കേന്ദ്രബജറ്റിൽ ഉൾക്കൊളളിച്ചിട്ടുളള പദ്ധതികൾ എന്തൊക്കെയാണ്; ഈയിനത്തിൽ സംസ്ഥാനം നടപ്പാക്കിയിട്ടുളള വൻകിട പദ്ധതികൾക്ക് ധനസഹായം പ്രഖ്യാപിച്ചിട്ടുണ്ടോ; വിശദമാക്കുമോ;

സംസ്ഥാനത്തെ സാമ്പത്തികമായി ഞെരുക്കുന്നതിനുപുറമെ ബജറ്റിലും അർഹതപ്പെട്ടത് അനുവദിക്കുന്നില്ലെന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ?

കെ.എസ്.ഇ.ബി.യില്‍ നിന്നും ഉപഭോക്താക്കള്‍ക്ക് ലഭിക്കേണ്ട വിവിധ സേവനങ്ങള്‍ക്ക് സമയപരിധി നിശ്ചയിക്കുവാന്‍ ഉദ്ദേശിക്കുന്നുണ്ടോ;

നിശ്ചിത സമയപരിധി പാലിക്കാന്‍ കഴിയാത്തപക്ഷം ഉപഭോക്താവിന് നഷ്ടപരിഹാരം നല്‍കാന്‍ ​ആലോചിക്കുന്നുണ്ടോ;

ഉപഭോക്താക്കള്‍ക്ക് മെച്ചപ്പെട്ട സേവനം ഉറപ്പാക്കാന്‍ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കാമോ?

കെ.എസ്.ഇ.ബി.-യെ കൂടുതൽ ജനകീയമാക്കുന്നതിനു സ്വീകരിച്ചു വരുന്ന നടപടികൾ എന്തൊക്കെയാണെന്ന് വ്യക്തമാക്കാമോ;

മസ്ദൂർ ഉൾപ്പെടെ താഴ്ന്ന വിഭാഗം ജീവനക്കാരെ ആവശ്യത്തിന് നിയമിക്കുന്നതിന് സ്വീകരിച്ചു വരുന്ന നടപടികൾ എന്തൊക്കെയാണെന്ന് വിശദമാക്കാമോ;

ഫ്യൂസ് ഊരുന്നത് ഉൾപ്പെടെയുള്ള നടപടികൾ ഒഴിവാക്കി, മൂന്ന് നോട്ടീസുകൾ വരെ നൽകിയതിന് ശേഷം മാത്രം കടുത്ത നടപടികളിലേക്ക് കടക്കാൻ നിർദ്ദേശം നൽകുമോ; എങ്കിൽ അതിന്റെ വിശദാംശം ലഭ്യമാക്കാമോ?

സഹകരണ മേഖലയിലെ ഉല്പന്നങ്ങളുടെ വിപണി സാധ്യതകള്‍ വര്‍ദ്ധിപ്പിക്കുന്നതിനും ഗുണനിലവാരം ഉറപ്പുവരുത്തുന്നതിനും ലക്ഷ്യമിട്ട് നടപ്പാക്കി വരുന്ന ബ്രാന്‍ഡിംഗ് പദ്ധതിയെക്കുറിച്ച് അവലോകനം നടത്തിയിട്ടുണ്ടോ; വിശദാംശം നല്‍കാമോ;

ഇതിന്റെ ഭാഗമായി നടപ്പാക്കുന്ന കോപ്-മാര്‍ട്ടുകള്‍ സംസ്ഥാനത്താകെ വ്യാപിപ്പിക്കുന്നതിന് പദ്ധതി തയ്യാറാക്കിയിട്ടുണ്ടോ; വ്യക്തമാക്കുമോ;

പ്രസ്തുത പദ്ധതിയിലൂടെ വിപണിയിലേയ്ക്ക് എത്തുന്ന ഉല്പന്നങ്ങളുടെ ഗുണനിലവാരം ഉറപ്പുവരുത്തുന്നതിനായി എന്തൊക്കെ സര്‍ട്ടിഫിക്കേഷനുകളാണ് നിലവില്‍ നല്‍കി വരുന്നതെന്ന് വിശദമാക്കുമോ;

ഇതിലൂടെ സഹകരണ രംഗത്തെ ഉല്പന്നങ്ങള്‍ക്ക് വിദേശ രാജ്യങ്ങളില്‍ വിപണി കണ്ടെത്തുവാന്‍ കഴിയുന്നുണ്ടോ; വ്യക്തമാക്കാമോ?

തുറമുഖ വികസന മേഖലയിൽ സംസ്ഥാന സർക്കാർ നടത്തുന്ന ഏറ്റവും വലിയ മൂലധനനിക്ഷേപമായി വിഴിഞ്ഞം തുറമുഖ പദ്ധതി ഇതിനോടകം മാറിയിട്ടുണ്ടോയെന്ന് വിശദമാക്കാമോ;

പ്രസ്തുത പദ്ധതിയുടെ രണ്ടാം ഘട്ട വികസന പ്രവർത്തനങ്ങൾ പൂർത്തീകരിക്കുന്നതിനോടൊപ്പം അനുബന്ധ അടിസ്ഥാന സൗകര്യങ്ങളായ റോഡ്, റെയിൽ എന്നിവ വഴിയുള്ള ചരക്കുനീക്കം സാധ്യമാക്കുന്നതിന് ആവശ്യമായ നടപടികൾ സ്വീകരിച്ചുവരുന്നുണ്ടോയെന്ന് വിശദമാക്കാമോ;

വിഴിഞ്ഞം പദ്ധതിയുടെ തുടർച്ചയായി റയിൽവേപ്പാലം, തുരങ്ക പാത, റോഡുകൾ എന്നിവ ദ്രുതഗതിയിൽ പൂർത്തിയാകുന്നതോടെ ചരക്ക് ഗതാഗത മേഖലയിൽ വലിയ വളർച്ച പ്രതീക്ഷിക്കുന്നുണ്ടോയെന്ന് വിശദമാക്കാമോ;

ഇതിലുടെ വിഴിഞ്ഞം ജനതയുടെ തൊഴിലവസരങ്ങളും ജീവിത നിലവാരവും എത്രമാത്രം അഭിവൃദ്ധിപ്പെടുമെന്ന് വിലയിരുത്തിയിട്ടുണ്ടോ; തീരദേശ മേഖലയിലെ യുവജനങ്ങൾക്ക് തൊഴിൽ സാധ്യതകൾ തുറന്നിടുന്ന വലിയ കേന്ദ്രമായി അസാപിന്റെ ആഭിമുഖ്യത്തിലുള്ള വിഴിഞ്ഞം സ്കിൽ ഡെവലപ്പ്മെന്റ് സെന്റർ മാറിയിട്ടുണ്ടോ; വിശദമാക്കാമോ?

ഇന്ത്യ-അമേരിക്ക വ്യാപാര കരാർ സംസ്ഥാനത്തെ കയറ്റുമതി രംഗത്ത് ഉളവാക്കിയിട്ടുളള സവിശേഷ സാഹചര്യം സംബന്ധിച്ച് വിലയിരുത്തിയിട്ടുണ്ടോ; എങ്കിൽ വിശദമാക്കുമോ;

കരാറിന്റെ ഫലമായി അമേരിക്കയിൽ നിന്നും ഇന്ത്യയിലേക്ക് യാതൊരു നിയന്ത്രണവുമില്ലാതെ ഇറക്കുമതി വിഭവങ്ങൾ വിപണിയിലെത്തുന്നത് സംസ്ഥാനത്തുനിന്നുളള സംരംഭങ്ങളെ ഏതുരീതിയിൽ ബാധിക്കുമെന്ന് പരിശോധിച്ചിട്ടുണ്ടോ; വിശദീകരിക്കാമോ;

കരാറുമായി ബന്ധപ്പെട്ട് പൊതുമണ്ഡലത്തിൽ ലഭ്യമായ വിവരങ്ങളുടെ അടിസ്ഥാനത്തിൽ രാജ്യത്ത്‌ പൊതുവായും കേരളത്തിൽ പ്രത്യേകിച്ചും വ്യാപാര രംഗത്ത് വളർച്ചാ മാന്ദ്യം നേരിടുമെന്ന വാർത്തകൾ ശ്രദ്ധയിൽപ്പെട്ടിട്ടുണ്ടോ; അറിയിക്കുമോ;

മേൽപ്പറഞ്ഞ വിഷയവുമായി ബന്ധപ്പെട്ട് സംരംഭകർക്കുണ്ടാകുന്ന പ്രശ്നങ്ങൾ പരിഹരിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കുമോ?

സംസ്ഥാനത്ത് രാജ്യസുരക്ഷയ്ക്കും പ്രതിരോധമേഖലയ്ക്കും ആവശ്യമായ ഉപകരണങ്ങള്‍ വികസിപ്പിക്കുകയും നിര്‍മ്മിക്കുകയും ചെയ്യുന്ന ഏതൊക്കെ സ്ഥാപനങ്ങള്‍ പ്രവര്‍ത്തിച്ചുവരുന്നുവെന്ന് വിശദമാക്കാമോ;

പൊതുമേഖലാ സ്ഥാപനങ്ങളെ കണക്കിലെടുക്കുമ്പോള്‍ ഈ രംഗത്ത് കെല്‍ട്രോണ്‍ നേടിയിട്ടുള്ള പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ;

സംസ്ഥാനത്ത് ഈ രംഗത്ത് പ്രവര്‍ത്തിക്കുന്ന സ്ഥാപനങ്ങളെ കോര്‍ത്തിണക്കുന്നതിനും ഇവ തമ്മിലുള്ള സഹകരണം ഉറപ്പാക്കുന്നതിനും ലക്ഷ്യമിട്ട് ഡിഫെന്‍സ് ടെക്നോളജി ഇന്നൊവേഷന്‍ ഹബ്ബ് രൂപീകരണം സര്‍ക്കാരിന്റെ പരിഗണനയിലുണ്ടോ; വ്യക്തമാക്കുമോ;

പ്രസ്തുത ഇന്നൊവേഷന്‍ ഹബ്ബിനെ അടുത്ത ഘട്ടത്തില്‍ ഒരു പ്രതിരോധ ഇടനാഴിയായി വികസിപ്പിക്കുന്നതിന് ലക്ഷ്യമിടുന്നുണ്ടോ; അറിയിക്കുമോ?

സംസ്ഥാനത്തിന്റെ അഭിമാന പദ്ധതിയായ വിഴിഞ്ഞം തുറമുഖത്തിന്റെ രണ്ടാം ഘട്ട നിര്‍മ്മാണ പ്രവര്‍ത്തനങ്ങള്‍ ആരംഭിച്ചിട്ടുണ്ടോ; വിശദമാക്കുമോ;

രണ്ടാം ഘട്ട നിര്‍മ്മാണ പ്രവര്‍ത്തനങ്ങളുടെ ഭാഗമായി തുറമുഖത്തു നടപ്പാക്കുന്ന പ്രവര്‍ത്തനങ്ങള്‍ എന്തൊക്കെ; വിശദാംശം നല്‍കാമോ;

രണ്ടാം ഘട്ട വികസന പ്രവര്‍ത്തനങ്ങളുടെ പൂര്‍ത്തീകരണത്തിന് കാലപരിധി നിശ്ചയിച്ചിട്ടുണ്ടോ; എങ്കിൽ നിശ്ചയിക്കപ്പെട്ട കാലാവധിക്കുള്ളില്‍ പൂര്‍ത്തീകരിക്കുവാന്‍ പ്രവര്‍ത്തനങ്ങള്‍ ത്വരിതപ്പെടുത്തുന്നുണ്ടോ; അറിയിക്കുമോ;

രണ്ടാം ഘട്ട വികസനപ്രവര്‍ത്തനങ്ങള്‍ പൂര്‍ത്തീകരിക്കുന്നതോടുകൂടി തുറമുഖ പ്രവര്‍ത്തനങ്ങള്‍ക്കുണ്ടാകുന്ന നേട്ടങ്ങള്‍ എന്തൊക്കെ; വിശദീകരിക്കാമോ?

സൂക്ഷ്മ-ചെറുകിട-ഇടത്തരം വ്യവസായ സംരംഭങ്ങളുടെ ഉല്പാദനക്ഷമതയും ഉല്പന്നങ്ങളുടെ വിപണിസാധ്യതയും വര്‍ദ്ധിപ്പിക്കുന്നത് ലക്ഷ്യമിട്ട് നടപ്പാക്കിവരുന്ന വിവിധ പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദാംശം നല്‍കാമോ;

ഇതിന്റെ ഭാഗമായി നടപ്പാക്കുന്ന റാമ്പ് പദ്ധതിയിലൂടെ സെക്ടര്‍ സ്പെസിഫിക് ട്രെയിനിംഗ് പരിപാടി നടത്തുവാന്‍ തീരുമാനിച്ചിട്ടുണ്ടോ; എങ്കിൽ ഏതൊക്കെ മേഖലയിലാണ് ആദ്യഘട്ടത്തില്‍ പരിശീലനം നല്‍കുന്നത്; വിശദമാക്കാമോ;

എം. എസ്. എം. ഇ. മേഖലയില്‍ നടപ്പാക്കിയിട്ടുള്ള പദ്ധതികളുടെ ഫലമായി ഈ രംഗത്തുണ്ടായിട്ടുള്ള നേട്ടങ്ങള്‍ വിലയിരുത്തിയിട്ടുണ്ടോ; വിശദാംശം നല്‍കാമോ?

വൈദ്യുതി രംഗത്ത് നടപ്പാക്കിയ സമഗ്രപരിഷ്കരണങ്ങളുടെ ഭാഗമായി പാരമ്പര്യേതര സ്രോതസ്സുകളിലൂടെയുള്ള ഊര്‍ജ്ജോല്പാദനത്തില്‍ വര്‍ദ്ധനവ് ഉണ്ടായിട്ടുണ്ടോ; വിശദമാക്കുമോ;

2016-ല്‍ സൗരോര്‍ജ്ജ പദ്ധതികളുടെ ആകെ സ്ഥാപിതശേഷി എത്രയായിരുന്നുവെന്നും നിലവില്‍ എത്രയായി ഉയര്‍ത്തുവാന്‍ കഴിഞ്ഞിട്ടുണ്ടെന്നും അറിയിക്കാമോ;

നിലവില്‍ സോളാര്‍ പാര്‍ക്കുകള്‍ തൃപ്തികരമായ രീതിയില്‍ വൈദ്യുതി ഉത്പാദനം കൈവരിക്കുന്നുണ്ടോ; പ്രസ്തുത പാര്‍ക്കുകള്‍ കൂടുതൽ സ്ഥാപിക്കുന്നത് പരിഗണനയിലുണ്ടോ; വ്യക്തമാക്കുമോ;

സാമ്പത്തികമായി പിന്നാക്കം നില്‍ക്കുന്നവർക്ക് സൗജന്യ സൗരോര്‍ജ്ജ പ്ലാന്റുകള്‍ സ്ഥാപിച്ചു നല്‍കുന്നതിനുള്ള പദ്ധതിയുണ്ടോ; വിശദാംശം നല്‍കുമോ?

സാമ്പത്തിക രംഗത്ത് രാജ്യത്ത് പൊതുവിലും സംസ്ഥാനത്തിന് പ്രത്യേകിച്ചും ഗുണകരമല്ലാത്തതും ഫെഡറല്‍ തത്വങ്ങള്‍ക്ക് നിരക്കാത്തതുമായ ഏതെല്ലാം പരിഷ്കാരങ്ങളാണ് കേന്ദ്ര സര്‍ക്കാര്‍ നടപ്പാക്കിയിട്ടുള്ളത്; വിശദീകരിക്കാമോ;

ജി.എസ്.ടി. നടപ്പാക്കിയതിലൂടെ സംസ്ഥാനങ്ങള്‍ക്കുണ്ടാകുന്ന വരുമാന നഷ്ടം നികത്തുന്നതിന് പ്രത്യേക സംവിധാനം നേരത്തെ ഉണ്ടായിരുന്നോ; നിലവില്‍ കേരളത്തിന് ഈയിനത്തില്‍ നഷ്ടപരിഹാരം ലഭ്യമാക്കുന്നുണ്ടോ; വ്യക്തമാക്കാമോ;

നഷ്ടപരിഹാരം പുന:സ്ഥാപിക്കണമെന്ന ആവശ്യം ഇപ്പോള്‍ സര്‍ക്കാരിന്റെ പരിഗണനയിലുണ്ടോ; വ്യക്തമാക്കാമോ;

വിഭവ കൈമാറ്റത്തിനായി ഓരോ സംസ്ഥാനത്തോടും വ്യത്യസ്ത സമീപനം കേന്ദ്ര സർക്കാർ പുലർത്തിവരുന്നതായി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് കേരളത്തെ സംബന്ധിച്ച് എത്രത്തോളം ദോഷകരമായിരുന്നുവെന്ന് വിലയിരുത്തിയിട്ടുണ്ടോ; വിശദാംശം നല്‍കാമോ?

സംസ്ഥാനത്തെ പുനരുപയോഗ ഊര്‍ജ്ജോത്പാദനത്തില്‍ ഒരു പുത്തന്‍ മാതൃകയെന്ന നിലയില്‍ സർക്കാർ പരിഗണിക്കുന്ന ഹൈഡ്രജന്‍ ഫ്യൂവല്‍ എന്ന ആശയം പ്രാവര്‍ത്തികമാക്കുന്നതില്‍ എത്രത്തോളം പുരോഗതി നേടിയിട്ടുണ്ട്; വിശദമാക്കുമോ;

ഹൈഡ്രജന്‍ ക്ലസ്റ്ററുകള്‍ പ്രാഥമികമായി ഏതൊക്കെ മേഖലകള്‍ക്ക് ഗുണകരമാകുമെന്നാണ് വിലയിരുത്തിയിട്ടുളളത്; വ്യക്തമാക്കുമോ;

ഗ്രീന്‍ ഹൈഡ്രജന്‍ ഹബ്ബുകള്‍ സ്ഥാപിക്കുന്നത് സര്‍ക്കാരിന്റെ പരിഗണനയിലുണ്ടോ; വിശദീകരിക്കുമോ?

ആഗോള അയ്യപ്പ സംഗമത്തിന്റെ ഇവന്റ് നടത്തിപ്പിനായി തെരഞ്ഞെടുത്തത് ഏത് സ്ഥാപനത്തെയാണെന്ന് വ്യക്തമാക്കാമോ;

ഈ സ്ഥാപനത്തിന് ടെൻഡർ പ്രകാരമാണോ കരാർ നൽകിയതെന്ന് വ്യക്തമാക്കാമോ; ഇല്ലെങ്കിൽ ടെൻഡർ ഇല്ലാതെ പ്രസ്തുത സ്ഥാപനത്തിന് കരാർ നൽകാനുണ്ടായ സാഹചര്യം വിശദമാക്കാമോ;

പ്രസ്തുത സ്ഥാപനം, ഓഡിറ്റിനായി ആവശ്യമായ ബില്ലുകളും ഉപകരാർ വിവരങ്ങളും നൽകിയിട്ടില്ല എന്ന കാര്യം ഗൗരവത്തോടെ കാണുന്നുണ്ടോ; വിശദമാക്കാമോ?

നിലവിലെ കടുത്ത സാമ്പത്തിക പ്രതിസന്ധി തരണം ചെയ്യുന്നതിനുളള മാർഗ്ഗങ്ങളെപ്പറ്റി ആലോചന നടത്തിയിട്ടുണ്ടോ; വ്യക്തമാക്കാമോ;

ഇതുസംബന്ധിച്ച് വിവിധ വകുപ്പ് സെക്രട്ടറിമാർ സർക്കാരിന് നിർദ്ദേശങ്ങൾ സമർപ്പിച്ചിട്ടുണ്ടോ; എങ്കില്‍ പ്രസ്തുത നിർദ്ദേശങ്ങളിൽ സർക്കാർ അംഗീകരിച്ചവ ഏതെല്ലാമാണ്; വിശദമാക്കാമോ?

സർക്കാർ ജീവനക്കാരുടെ ശമ്പള പരിഷ്‌ക്കരണവും ഡി.എ.യും നൽകുന്നത് സംബന്ധിച്ച വിശദാംശം ലഭ്യമാക്കുമോ;

നോട്ട് നിരോധനം, കോവിഡ് മഹാമാരി എന്നിവ സർക്കാരിന്റെ സാമ്പത്തിക സ്ഥിതിയെ തകർത്തതായി വിലയിരുത്തുന്നുണ്ടോ;

പ്രസ്തുത സാഹചര്യത്തിലും ശമ്പള പരിഷ്‌കരണവും ഡി.എ.കുടിശ്ശികകളും വിതരണം ചെയ്യുവാൻ തീരുമാനിക്കുമ്പോൾ കേന്ദ്രം നൽകേണ്ട ഫണ്ടുകൾ ലഭ്യമാക്കുന്നതിന് എന്തെല്ലാം നടപടികൾ സ്വീകരിക്കുമെന്ന് വ്യക്തമാക്കാമോ?

സംസ്ഥാനത്ത് 2011 മുതല്‍ 2016 വരെയുള്ള അഞ്ച് വര്‍ഷ കാലയളവില്‍ വെെദ്യുതി ചാര്‍ജ്ജ് വര്‍ദ്ധിപ്പിച്ചിട്ടുണ്ടോ; വിശദമാക്കാമോ;

ആയതിനു ശേഷം നാളിതുവരെ വെെദ്യുതി ചാര്‍ജ്ജിനത്തിലുണ്ടായ വര്‍ദ്ധനവ് എത്രയാണ്; വിശദമാക്കാമോ;

2011-2016 കാലയളവില്‍ വരുത്തിയിട്ടുള്ള നിരക്ക് വര്‍ദ്ധനയെക്കാള്‍ കുറഞ്ഞ നിരക്ക് തുടര്‍ന്നുള്ള ഒന്‍പത് വര്‍ഷക്കാലവും നിലനിര്‍ത്തുവാന്‍ കഴിഞ്ഞിട്ടുണ്ടോ; വ്യക്തമാക്കാമോ;

ഉല്പാദനച്ചെലവിലെ വര്‍ദ്ധനവും വെെദ്യുതി വാങ്ങല്‍ ചെലവിലെ വര്‍ദ്ധനവും കേന്ദ്ര നിയമങ്ങളിലെ പരിഷ്കാരങ്ങളും കാരണം അനിവാര്യമായ നിരക്ക് വര്‍ദ്ധന കഴിഞ്ഞ പത്ത് വര്‍ഷക്കാലവും ഒരു പരിധിക്കപ്പുറം കടക്കാത്ത നിലയില്‍ പിടിച്ചുനിര്‍ത്തുന്നതിന് ഈ സര്‍ക്കാരിന് കഴിഞ്ഞിട്ടുണ്ടോ; വിശദമാക്കാമോ;

വെെദ്യുതി നിരക്ക് ക്രമാതീതമായി വര്‍ദ്ധിക്കുന്നത് തടയുന്നതിന് സഹായകമായ ഏതെല്ലാം പരിഷ്കാരങ്ങളും പ്രവര്‍ത്തനങ്ങളുമാണ് ഈ രംഗത്ത് നടപ്പിലാക്കിയതെന്ന് വ്യക്തമാക്കാമോ?

സംസ്ഥാനത്തിന്റെ സമഗ്ര വികസനം, ഉയർന്ന തൊഴിൽ സാധ്യത എന്നിവ ലക്ഷ്യം വെച്ചുകൊണ്ട് കേരളത്തെ സംരംഭക സൗഹൃദ സംസ്ഥാനമായി മാറ്റിയെടുക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

സംസ്ഥാനത്തെ വ്യവസായ പാര്‍ക്കുകളില്‍ വൈദ്യുതി, ജലലഭ്യത, റോഡുകള്‍, ഡ്രെയിനേജ്, മാലിന്യ സംസ്കരണ സംവിധാനം എന്നിവ ഉറപ്പാക്കിയിട്ടുണ്ടോ; ജലലഭ്യതയ്ക്കായി കേരള വാട്ടര്‍ അതോറിറ്റിയുമായി ചേര്‍ന്ന് പ്രത്യേക ജലവിതരണ പദ്ധതികള്‍ നടപ്പിലാക്കിയിട്ടുണ്ടോ; വിശദമാക്കാമോ;

വ്യവസായ മേഖലയ്ക്ക് അനുയോജ്യമായ രീതിയില്‍ ഗതാഗത രംഗത്ത് മെച്ചപ്പെട്ട നവീകരണ പ്രവര്‍ത്തനങ്ങള്‍ നടപ്പിലാക്കിയിട്ടുണ്ടോ; വ്യവസായ മേഖലകളോട് ചേര്‍ന്ന് റെയില്‍വേ സൗകര്യത്തിന്റെ കാര്യക്ഷമത വര്‍ദ്ധിപ്പിക്കാന്‍ നടപടികള്‍ സ്വീകരിച്ചിട്ടുണ്ടോ; വിശദമാക്കാമോ;

ലോജിസ്റ്റിക്സ് പ്രവര്‍ത്തനങ്ങളെ നവീകരിക്കുന്നതിനാവശ്യമായ ആധുനിക സാങ്കേതികവിദ്യാ സൗകര്യങ്ങൾ വ്യവസായ പാര്‍ക്കുകളില്‍ സ്ഥാപിച്ചിട്ടുണ്ടോ; വിശദമാക്കാമോ?