കെ.എസ്.ആര്‍.ടി.സി.യെ ആധുനികവല്‍ക്കരിക്കാന്‍ സ്വീകരിച്ച നടപടികൾ എന്തെല്ലാമാണ്; എന്തെല്ലാം സേവനങ്ങളാണ് യാത്രക്കാര്‍ക്ക് ഓണ്‍ലൈനില്‍ ലഭ്യമാകുന്നത്; വിശദമാക്കുമോ;

പൊതുഗതാഗത രംഗത്തെന്നപോലെ ഇന്ധന വിതരണ മേഖലയിലും കെ.എസ്.ആര്‍.ടി.സി.യ്ക്ക് ചുവടുറപ്പിക്കാന്‍ പദ്ധതികളുണ്ടോ; ഇന്ധന വിതരണ രംഗത്ത് നേട്ടമുണ്ടാക്കാന്‍ കഴിഞ്ഞിട്ടുണ്ടോ; എങ്കില്‍ വിശദാംശം നല്‍കുമോ;

കൂടുതല്‍ ഫ്യുവൽ റീട്ടെയില്‍ ഔട്ട്‍ലെറ്റുകള്‍ ആരംഭിക്കാന്‍ ഉദ്ദേശിക്കുന്നുണ്ടോ?

സംസ്ഥാനത്ത് ജൈവകൃഷിയിൽ ഏർപ്പെട്ടിരിക്കുന്ന കർഷകരുടെ സ്ഥിതിവിവര കണക്കുകൾ ശേഖരിച്ചിട്ടുണ്ടോ; വ്യക്തമാക്കുമോ;

ഉല്പാദനച്ചെലവ് വർദ്ധിക്കുകയും ഉല്പാദനക്ഷമത കുറയുകയും ചെയ്യുന്നതിനാൽ കർഷകർ ഈ കൃഷിരീതിയിൽ നിന്നും പിന്മാറുന്നതായി കണ്ടെത്തിയിട്ടുണ്ടോ; വിശദമാക്കുമോ;

ജൈവകൃഷിയിൽ ഏർപ്പെട്ടിരിക്കുന്നവരെ സഹായിക്കാൻ എന്തെങ്കിലും പദ്ധതി ആവിഷ്കരിക്കാൻ ഉദ്ദേശിക്കുന്നുണ്ടോ; വിശദമാക്കുമോ?

ന്യൂനപക്ഷ സമുദായങ്ങളെ ശാക്തീകരിക്കുക, സാമ്പത്തിക സേവനങ്ങള്‍ ലഭ്യമാക്കി അവര്‍ക്ക് സാമൂഹ്യനീതി ഉറപ്പാക്കുക എന്നീ ലക്ഷ്യങ്ങളോടെ രൂപീകരിച്ച ന്യൂനപക്ഷ വികസന ധനകാര്യ കോര്‍പ്പറേഷന്റെ പ്രവര്‍ത്തനങ്ങള്‍ അതിനു പര്യാപ്തമാണെന്ന് വിലയിരുത്തിയിട്ടുണ്ടോയെന്ന് അറിയിക്കുമോ;

പ്രസ്തുത കോര്‍പ്പറേഷന്‍ ആവിഷ്ക്കരിച്ചു നടപ്പാക്കി വരുന്ന വായ്പാ പദ്ധതികളുടെ വിശദാംശം ലഭ്യമാക്കുമോ;

ന്യൂനപക്ഷ വിഭാഗങ്ങള്‍ക്ക് സാമ്പത്തിക സഹായം ലഭ്യമാക്കുന്നതിന് മറ്റെന്തെല്ലാം പദ്ധതികളാണ് പ്രസ്തുത കോര്‍പ്പറേഷന്‍ വഴി നടപ്പാക്കി വരുന്നത്; വ്യക്തമാക്കുമോ?

സംസ്ഥാനത്തെ തോട്ടവിളകളായ റബ്ബർ, കാപ്പി, കൊക്കോ തുടങ്ങിയവ ഉല്പാദിപ്പിക്കുന്ന കർഷകരെ സഹായിക്കുന്നതിന് ഈ സർക്കാർ സ്വീകരിച്ച നടപടി അറിയിക്കാമോ;

റബ്ബർ, കാപ്പി, കൊക്കോ തുടങ്ങി ഏഴിനം തോട്ടവിളകളുടെ കയറ്റുമതിയുമായി ബന്ധപ്പെട്ട് യൂറോപ്യന്‍ രാജ്യങ്ങള്‍ നിയന്ത്രണം ഏർപ്പെടുത്തുന്നതിനെ സംബന്ധിച്ച് കേന്ദ്രസർക്കാരിൽ നിന്നുള്ള അറിയിപ്പ് ലഭിച്ചിട്ടുണ്ടോ; പ്രസ്തുത നിബന്ധനകള്‍ ഒഴിവാക്കാന്‍ എന്തു നടപടിയാണ് കൈക്കൊണ്ടിട്ടുള്ളത്; വിശദമാക്കാമോ;

അത്യുല്പാദനശേഷിയുള്ള കൊക്കോ തൈകള്‍ ഉല്പാദിപ്പിക്കുന്ന പ്രാദേശിക കർഷകർക്ക് അംഗീകാരം നല്‍കുന്നതിന് സ്വീകരിച്ചിട്ടുള്ള നടപടി അറിയിക്കുമോ; കാർഷിക സർവകലാശാല ഇക്കാര്യത്തില്‍ തദ്ദേശീയർക്ക് കൂടുതല്‍ പരിഗണന നല്‍കി ഇത്തരം തൈകള്‍ ഉല്പാദിപ്പിക്കുന്നവർക്ക് അംഗീകാരം നല്‍കാൻ നടപടി സ്വീകരിക്കുമോ?

ഉന്നത വിദ്യാഭ്യാസ മേഖലയുടെ ഗുണനിലവാരവും ആധുനിക ഗവേഷണങ്ങളും മെച്ചപ്പെടുത്തുകയെന്ന ലക്ഷ്യത്തോടെ സംസ്ഥാനത്ത് മികവിന്റെ കേന്ദ്രങ്ങള്‍ ആരംഭിക്കുന്നതിന് തീരുമാനിച്ചിട്ടുണ്ടോ; എങ്കില്‍ വിശദാംശം നല്‍കുമോ;

പ്രസ്തുത മികവിന്റെ കേന്ദ്രങ്ങള്‍ ഏതൊക്കെ മേഖലകളിലാണ് ആരംഭിക്കുന്നതെന്ന് അറിയിക്കുമോ;

പാഠ്യപദ്ധതി രൂപകല്പന, ഗവേഷണം, വിദ്യാര്‍ത്ഥി പരിശീലനം എന്നിവയെ അടിസ്ഥാനമാക്കി ഇവ ആരംഭിക്കാൻ പദ്ധതിയുണ്ടോ; വ്യക്തമാക്കുമോ;

പ്രസ്തുത കേന്ദ്രങ്ങള്‍ സ്ഥാപിക്കുന്നതിലൂടെ സംസ്ഥാനത്തിന്റെ ഉന്നത വിദ്യാഭ്യാസരംഗത്ത് എന്തെല്ലാം നേട്ടങ്ങളാണ് പ്രതീക്ഷിക്കുന്നതെന്നുള്ള വിശദാംശം നല്‍കാമോ?

സംസ്ഥാനത്തെ മൃഗസംരക്ഷണ-ക്ഷീര മേഖലകളുടെ സമഗ്രമായ വളർച്ചയ്ക്ക് ആധുനിക സാങ്കേതികവിദ്യയുടെ സഹായത്തോടെയുളള നൂതന സങ്കേതങ്ങള്‍ പ്രയോജനപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

മൃഗസംരക്ഷണ-ക്ഷീര മേഖലയിലെ കർഷകർക്കായുള്ള ഇ-സമൃദ്ധ മൊബൈൽ ആപ്ലിക്കേഷന്റെ പ്രവർത്തനം വിശകലന വിധേയമാക്കിയിട്ടുണ്ടോ; വിശദമാക്കാമോ;

എല്ലാ മൃഗാശുപത്രികളെയും ഇ-സമൃദ്ധ മൊബൈൽ ആപ്ലിക്കേഷൻ വഴി ബന്ധിപ്പിച്ചിട്ടുണ്ടോ; വിശദമാക്കാമോ;

ഡോക്ടറുടെ സേവനം മുൻകൂട്ടി ഉറപ്പാക്കുന്നതോടൊപ്പം വാക്സിനേഷൻ സർട്ടിഫിക്കറ്റ്, ആരോഗ്യ സർട്ടിഫിക്കറ്റ്, ലാബ് റിപ്പോർട്ടുകൾ എന്നിവ ലഭ്യമാകുന്ന സമ്പൂർണ്ണ മൃഗാരോഗ്യ മാനേജ്മെന്റ് സംവിധാനമായി ഇ-സമൃദ്ധ മൊബൈൽ ആപ്ലിക്കേഷനെ വികസിപ്പിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ?

ഉന്നത വിദ്യാഭ്യാസ വകുപ്പിനു കീഴിലെ സര്‍വകലാശാലകളില്‍ നാലുവര്‍ഷ ബിരുദ പ്രോഗ്രാമുകള്‍ ആരംഭിക്കുന്ന പ്രവര്‍ത്തനങ്ങള്‍ ഇപ്പോള്‍ ഏതു ഘട്ടത്തിലാണെന്നു വ്യക്തമാക്കുമോ;

പ്രസ്തുത പ്രോഗ്രാമുകളുടെ കരിക്കുലം അനുസരിച്ച് എന്തെല്ലാം അവസരങ്ങളാണ് വിദ്യാര്‍ത്ഥികള്‍ക്ക് ലഭ്യമാകുന്നതെന്നു വിശദമാക്കുമോ;

ബിരുദ പ്രോഗ്രാമുകള്‍ പൂര്‍ണമായും നാലുവര്‍ഷ ഘടനയിലേക്ക് മാറുന്നതോടെ എന്തെല്ലാം നേട്ടങ്ങളാണ് ഉന്നത വിദ്യാഭ്യാസ മേഖലയില്‍ പ്രതീക്ഷിക്കുന്നത് എന്നറിയിക്കുമോ?

വയനാട് ജില്ലയിലെ മേപ്പാടി പഞ്ചായത്തിലും പരിസരങ്ങളിലും 2024 ജൂലൈ 30-ന് ഉണ്ടായ ഉരുള്‍പൊട്ടലും മറ്റ് പ്രകൃതി ദുരന്തങ്ങളും കാര്‍ഷിക മേഖലയില്‍ ഉണ്ടാക്കിയ നാശനഷ്ടങ്ങള്‍ പ്രത്യേകമായി കണക്കാക്കിയിട്ടുണ്ടോ; വിശദാംശം നൽകുമോ;

പ്രസ്തുത പ്രദേശത്തെ കാര്‍ഷികവൃത്തിയിലേര്‍പ്പെട്ടിരുന്ന കുടുംബങ്ങള്‍, അവരുടെ കാര്‍ഷികോപകരണങ്ങള്‍, കാര്‍ഷിക വായ്പകള്‍ എന്നിവ കണക്കാക്കിയിട്ടുണ്ടോ; വിശദാംശങ്ങള്‍ നൽകാമോ;

ഉരുള്‍പൊട്ടലിൽ കൃഷിനാശം സംഭവിച്ചവര്‍ക്ക് നഷ്ടപരിഹാരവും പുനരധിവാസവും ഉറപ്പുവരുത്തുന്നതിനായി നടപടി സ്വീകരിച്ചിട്ടുണ്ടോ; വിശദമാക്കുമോ?

സംസ്ഥാനത്ത് ഗുണനിലവാരമില്ലാത്ത കാലിത്തീറ്റ കഴിച്ചതിനെത്തുടർന്ന് കന്നുകാലികൾക്ക് ജീവഹാനി സംഭവിച്ചതായി റിപ്പോർട്ട് ചെയ്തിട്ടുണ്ടോ; വ്യക്തമാക്കുമോ;

കാലിത്തീറ്റയുടെ ഗുണനിലവാരക്കുറവ് കാരണം കന്നുകാലികൾക്ക് ജീവഹാനി സംഭവിച്ചാൽ കാലിത്തീറ്റ കമ്പനികളിൽ നിന്ന് നഷ്ടപരിഹാരം ഈടാക്കുന്നതിന് നടപടി സ്വീകരിക്കുമോ;

കന്നുകാലികൾക്ക് വിതരണം ചെയ്യുന്ന കാലിത്തീറ്റയുടെ ഗുണനിലവാരം ഉറപ്പാക്കുന്നതിന് എന്തെല്ലാം സംവിധാനങ്ങളാണ് നിലവിലുള്ളത്; വിശദമാക്കാമോ;

കാലിത്തീറ്റയുടെ ഗുണനിലവാരത്തോടൊപ്പം വിപണിവില നിയന്ത്രിക്കുകയെന്ന ഉദ്ദേശത്തോടുകൂടി നടത്തിവരുന്ന പ്രവർത്തനങ്ങൾ എന്തെല്ലാമെന്ന് വിശദമാക്കുമോ?

കേന്ദ്രസർക്കാരിന്റെ പി.എം. ഇ-ബസ് സേവാ പദ്ധതിയുടെ ഭാഗമായി സംസ്ഥാനങ്ങൾക്ക് അനുവദിക്കുന്ന ഇലക്ട്രിക് ബസുകൾ കേരളത്തിന് ആവശ്യമില്ലെന്ന് തീരുമാനിച്ചിട്ടുണ്ടോ; വ്യക്തമാക്കുമോ;

കെ.എസ്.ആർ.ടി.സി.യ്ക്ക് ഡീസൽ ബസുകൾ വാങ്ങുന്നതിനായി പ്ലാൻ ഫണ്ടിൽ വകയിരുത്തിയ തുക ധനവകുപ്പ് വെട്ടിക്കുറച്ചിട്ടുണ്ടോ; എങ്കിൽ പ്രസ്തുത പദ്ധതിയുടെ നിലവിലെ സ്ഥിതി വ്യക്തമാക്കുമോ;

പി.എം. ഇ-ബസ് സേവാ പദ്ധതിയിൽ ബസ്സുകൾ അനുവദിക്കുന്നതിന് മാനദണ്ഡങ്ങൾ എന്തൊക്കെയാണ്; കെ.എസ്.ആർ.ടി.സി. ഇലക്ട്രിക് ബസുകൾ പൂർണ്ണമായും ഒഴിവാക്കുന്നതിന്റെ ഭാഗമായാണോ പ്രസ്തുത പദ്ധതിയിൽ നിന്നും പിന്മാറിയതെന്നു വ്യക്തമാക്കുമോ?

പ്രൈമറി വിദ്യാർത്ഥികളുടെ മാനസിക, ശാരീരിക കഴിവുകൾ വർദ്ധിപ്പിക്കാൻ ലക്ഷ്യമിട്ട് പ്രത്യേക പദ്ധതി നടപ്പാക്കി വരുന്നുണ്ടോ; അറിയിക്കുമോ;

പ്രൈമറി വിദ്യാർത്ഥികൾക്ക് ശാരീരിക വ്യായാമങ്ങളിൽ ഏർപ്പെടുന്നതിന് സംവിധാനമൊരുക്കിയിട്ടുണ്ടോ; വ്യക്തമാക്കുമോ;

സ്കൂളുകളിൽ അത്‍ലറ്റിക്സ് പരിശീലനത്തിനും ഫുട്ബോൾ പരിശീലനത്തിനുമായി ആവിഷ്കരിച്ച പദ്ധതികൾ ഏതൊക്കെയെന്ന് വിശദമാക്കാമോ;

സ്കൂളുകളിൽ നടപ്പാക്കി വരുന്ന വിവിധ കായിക പരിശീലന പദ്ധതികളുടെ വിശദാംശം നൽകാമോ?

ഈ സര്‍ക്കാര്‍ കായിക മേഖലയില്‍ അടിസ്ഥാനസൗകര്യ വികസനത്തിനായി എന്തെല്ലാം പദ്ധതികളാണ് നടപ്പിലാക്കി വരുന്നത്; വിശദാംശം നല്‍കുമോ;

കായിക വകുപ്പിന് കീഴിലെ മുഴുവന്‍ സ്ഥാപനങ്ങള്‍ക്കുമായുള്ള കേന്ദ്രം എന്ന നിലയില്‍ നിര്‍മ്മിക്കുന്ന കായികഭവന്റെ പ്രവൃത്തി ഏതു ഘട്ടത്തിലാണ്; ഇത് കായിക മേഖലയ്ക്ക് എത്രത്തോളം സഹായകമാണ്; വിശദമാക്കുമോ;

സംസ്ഥാന, ജില്ലാ സ്പോര്‍ട്സ് കൗണ്‍സിലുകളുടെ പ്രവര്‍ത്തനങ്ങള്‍ അവലോകനം ചെയ്തിട്ടുണ്ടോ; എങ്കില്‍ വിശദമാക്കുമോ; സ്പോര്‍ട്സ് കൗണ്‍സിലുകളുടെ പ്രവര്‍ത്തനങ്ങള്‍ നവീകരിക്കുന്നതിനും ഊര്‍ജ്ജസ്വലമാക്കുന്നതിനും ഉതകുന്ന പദ്ധതികള്‍ ആരംഭിക്കുമോ?

സംസ്ഥാനത്ത് ഉന്നത വിദ്യാഭ്യാസരംഗത്ത് നടത്താനുദ്ദേശിക്കുന്ന നവീകരണ പ്രവര്‍ത്തനങ്ങളുമായി ബന്ധപ്പെട്ട് സര്‍വകലാശാലകള്‍ക്കുള്ളില്‍ പ്രത്യേകമായ ഓട്ടോണമസ് ഇന്റര്‍ യൂണിവേഴ്സിറ്റി സെന്ററുകളും സ്കൂളുകളും സ്ഥാപിക്കുന്നതിന് തീരുമാനിച്ചിട്ടുണ്ടോ; വിശദമാക്കുമോ;

പ്രസ്തുത പ്രവര്‍ത്തനങ്ങള്‍ നിലവില്‍ ഏതു ഘട്ടത്തിലാണെന്നും എന്തൊക്കെ വിഷയങ്ങളാണ് ഇതിലൂടെ ലക്ഷ്യമിടുന്നതെന്നും വിശദമാക്കുമോ;

സര്‍വകലാശാല തലത്തില്‍ ഗവേഷണഫലങ്ങള്‍ പ്രായോഗികമാക്കുന്നതിന് സ്വീകരിച്ചുവരുന്ന നടപടികൾ എന്തെല്ലാമാണെന്നു വിശദമാക്കുമോ?

റബര്‍ കൃഷിയെയും റബര്‍ കര്‍ഷകരെയും സംരക്ഷിക്കുന്നതിനായി സ്വീകരിച്ചുവരുന്ന നടപടികൾ എന്തൊക്കെയാണെന്നു വ്യക്തമാക്കുമോ;

റബറിന്റെ റീ പ്ലാന്റിംഗ് സബ്സിഡി ഉയര്‍ത്തുന്നതിനും താങ്ങുവില പ്രഖ്യാപിക്കുന്നതിനും ന‍ടപടി സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

റബര്‍ ഉല്പാദന സൗകര്യം സൃഷ്ടിക്കുന്നതിനായി പ്രത്യേക കമ്പനി രൂപീകരിച്ചിട്ടുണ്ടോ; എന്തൊക്കെ കാര്യങ്ങളാണ് ഇതുവഴി ലക്ഷ്യമിടുന്നതെന്ന് വ്യക്തമാക്കുമോ;

റോഡ് നിര്‍മ്മാണത്തിന് റബര്‍ ഉപയോഗിക്കുവാൻ നടപടി സ്വീകരിച്ചിട്ടുണ്ടോ; എങ്കിൽ വിശദാംശം നല്‍കുമോ?

കാർഷിക മേഖലയുടെ വളർച്ചയ്ക്ക് ആധുനിക സാങ്കേതികവിദ്യകളുടെ ഉപയോഗം പ്രോത്സാഹിപ്പിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

വിദേശരാജ്യങ്ങളിൽ ഉപയോഗിച്ചുവരുന്ന നവീന കാർഷിക സാങ്കേതികവിദ്യകൾ സംസ്ഥാനത്ത് പ്രാവർത്തികമാക്കുന്നതിനും വ്യാപിപ്പിക്കുന്നതിനും എന്തു നടപടിയാണ് സ്വീകരിച്ചിട്ടുള്ളതെന്നു വിശദമാക്കുമോ;

കർഷകർക്ക് ആധുനിക സാങ്കേതികവിദ്യാധിഷ്ഠിത കൃഷിരീതികളില്‍ പരിശീലനം നൽകുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

കൃഷിയിടങ്ങളിൽ ആധുനിക ഫാമിംഗ് സൗകര്യങ്ങള്‍ ഏര്‍പ്പെടുത്തുന്നതിന് എന്തെല്ലാം സാമ്പത്തിക-നൈപുണ്യ വികസന സഹായങ്ങളാണ് വകുപ്പ് നല്‍കിവരുന്നത്; വിശദമാക്കുമോ?

പശ്ചിമഘട്ട മലനിരകളിലെ പരിസ്ഥിതിലോല മേഖലയിലുള്ള കൃഷിരീതി മണ്ണിനെ സംരക്ഷിക്കാൻ പര്യാപ്തമല്ലെന്നു കണ്ടെത്തിയിട്ടുണ്ടോ;

മലവെളളപ്പാച്ചിൽ, ഉരുൾപൊട്ടൽ എന്നിവയിൽ നിന്നും മണ്ണിനെ സംരക്ഷിക്കാൻ കഴിയുന്ന കൃഷിരീതി നടപ്പാക്കാൻ എന്തു നടപടി സ്വീകരിക്കാനാണ് ഉദ്ദേശിക്കുന്നത്;

നിലവിലെ കൃഷിരീതികൾ പുന:ക്രമീകരിച്ച് പ്രകൃതിദുരന്തങ്ങൾ ഒരു പരിധിവരെ തടയാൻ നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് പച്ചക്കറി ഉല്പാദനത്തില്‍ സ്വയംപര്യാപ്തത കൈവരിക്കാന്‍ കഴിഞ്ഞിട്ടുണ്ടോ; ഇതിനായി നടപ്പാക്കിവരുന്ന പദ്ധതികള്‍ ഏതൊക്കെയാണ് എന്നറിയിക്കുമോ;

ഈ സര്‍ക്കാര്‍ വന്നശേഷം സ്വയംപര്യാപ്തത കൈവരിക്കാന്‍ ആവിഷ്കരിച്ച പദ്ധതികള്‍ എത്രത്തോളം ഫലപ്രദമായിട്ടുണ്ട്; ഇതിനായി മറ്റ് വകുപ്പുകളെയും ഏജന്‍സികളെയും ഏകോപിപ്പിക്കാൻ കഴിഞ്ഞിട്ടുണ്ടോ; വ്യക്തമാക്കുമോ;

പച്ചക്കറികളിലെ വിഷാംശം ശാസ്ത്രീയമായി നിരീക്ഷിക്കുന്നതിനും പരിഹാരം കാണുന്നതിനും നടപടി സ്വീകരിച്ചിട്ടുണ്ടോ; വിശദമാക്കുമോ?

മൃഗസംരക്ഷണ വകുപ്പ് നല്‍കിവരുന്ന സേവനങ്ങളും മൃഗചികിത്സാ സൗകര്യങ്ങളും അടിയന്തരമായി ലഭ്യമാക്കുന്നതിന് പ്രത്യേക പദ്ധതികള്‍ ആവിഷ്ക്കരിച്ചിട്ടുണ്ടോ; വിശദമാക്കാമോ;

മൃഗസംരക്ഷണ പ്രവര്‍ത്തനങ്ങളെ ഡിജിറ്റലായി സംയോജിപ്പിക്കുന്നതിന് പ്രസ്തുത പദ്ധതി മുഖേന ലക്ഷ്യമിടുന്നുണ്ടോ; വിശദാംശം ലഭ്യമാക്കാമോ;

അടിയന്തര സന്ദര്‍ഭങ്ങളില്‍ വീട്ടുപടിക്കല്‍ ചികിത്സാ സേവനം ലഭിക്കുന്നതിന് സാധ്യമാണോയെന്നും മറ്റെന്തെല്ലാം സേവനങ്ങളും സൗകര്യങ്ങളുമാണ് പ്രസ്തുത പദ്ധതിയിലൂടെ കര്‍ഷകര്‍ക്ക് ലഭ്യമാക്കുന്നതെന്നും വിശദമാക്കുമോ?

ഭാരവാഹനങ്ങളിലും ട്രെയിലറുകളിലും റിയർ അണ്ടർ റണ്‍ പ്രൊട്ടക്ടീവ് ഡിവൈസ്, ലാറ്ററൽ അണ്ടർ റണ്‍ പ്രൊട്ടക്ടീവ് ഡിവൈസ് എന്നിവ നിർബന്ധമാക്കണമെന്ന നിയമം സംസ്ഥാനത്ത് നടപ്പാക്കുന്നുവെന്ന് ഉറപ്പാക്കിയിട്ടുണ്ടോ; വ്യക്തമാക്കുമോ;

ഇത് സംബന്ധിച്ച് കേന്ദ്രസർക്കാരിൽ നിന്നും എന്തെങ്കിലും നിർദ്ദേശം ലഭിച്ചിട്ടുണ്ടോ; വ്യക്തമാക്കുമോ;

വലിയ വാഹനങ്ങളുടെ അടിയിലേക്ക് ചെറിയ വാഹനങ്ങൾ കയറിപ്പോകുന്ന അപകടങ്ങൾ വർധിച്ചുവരുന്ന സാഹചര്യത്തിൽ ആർ.യു.പി.ഡി., എൽ.യു.പി.ഡി. ഡിവൈസുകൾ സ്ഥാപിക്കുന്നത് സംബന്ധിച്ച പരിശോധനകൾ കർശനമാക്കുമോ; വിശദാംശം നൽകുമോ?

സംസ്ഥാനത്തെ കാർഷികോല്പന്നങ്ങൾക്ക് മൂല്യവർദ്ധനവിലൂടെ കൂടുതൽ വിപണി ലഭ്യത ഉണ്ടായിട്ടുണ്ടോ; വിശദമാക്കുമോ;

വിവിധ മൂല്യവർദ്ധിത ഉല്പന്നങ്ങൾ കേരളഗ്രോ എന്ന ബ്രാൻഡിലൂടെ വിപണനം ചെയ്യുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

കേരളഗ്രോ ബ്രാൻഡിലൂടെ വിപണനം ചെയ്യുന്ന ഉല്പന്നങ്ങളുടെ ഗുണമേന്മ ഉറപ്പുവരുത്തുന്നതിന് എന്തു നടപടിയാണ് സ്വീകരിച്ചിട്ടുള്ളതെന്നു വിശദമാക്കുമോ;

കേരളഗ്രോ ഔട്ട്‍ലെറ്റുകൾ എല്ലാ ജില്ലകളിലും ആരംഭിക്കാനുദ്ദേശിക്കുന്നുണ്ടോ; വിശദമാക്കുമോ?

സംസ്ഥാനത്തിന്റെ സമഗ്ര കായിക വികസനം ലക്ഷ്യമിട്ട് വിദേശ സർക്കാരുകളുമായി സഹകരിച്ചുകൊണ്ടുള്ള പ്രവർത്തന പദ്ധതിക്ക് രൂപം കൊടുത്തിട്ടുണ്ടോ;

കായിക മേഖലയിൽ എന്തെല്ലാം നേട്ടങ്ങളാണ് ഇതിലൂടെ കൈവരിക്കാൻ ഉദ്ദേശിക്കുന്നത്; വിശദാംശം നൽകുമോ;

ലോകത്തെ പ്രമുഖ ക്ലബായ എ.സി. മിലാനുമായി സഹകരിച്ച് സംസ്ഥാനത്ത് ഫുട്ബോൾ അക്കാദമി ആരംഭിക്കുന്നതിന് തീരുമാനിച്ചിട്ടുണ്ടോ; എങ്കിൽ വിശദാംശം ലഭ്യമാക്കുമോ;

പരിശീലന രംഗത്തും കായിക അക്കാദമി രംഗത്തും സഹകരിച്ച് പ്രവർത്തിക്കുന്നതിന് സ്പാനിഷ് സ്പോർട്സ് കൗൺസിലുമായി ധാരണയുണ്ടാക്കിയിട്ടുണ്ടോ; വിശദമാക്കുമോ?

സംസ്ഥാനത്തെ ഉൾനാടൻ ടൂറിസത്തിന് കരുത്തു പകരുവാൻ ജലഗതാഗത വകുപ്പിനെ ഉപയോഗപ്പെടുത്തുന്നതിനുള്ള സാധ്യത വിലയിരുത്തിയിട്ടുണ്ടോ;

വിനോദസഞ്ചാരത്തിനായി ജലഗതാഗത വകുപ്പ് നിലവിൽ സർവീസുകൾ നടത്തുന്നുണ്ടോ; അറിയിക്കുമോ;

വിനോദസഞ്ചാരികൾക്കായി കൂടുതൽ സൗകര്യങ്ങളുള്ള ജലഗതാഗത സർവീസുകൾ ഏർപ്പെടുത്താൻ ഉദ്ദേശിക്കുന്നുണ്ടോയെന്ന് വ്യക്തമാക്കുമോ;

സുരക്ഷിതവും ശബ്ദരഹിതവും മലിനീകരണം കുറഞ്ഞതുമായ സോളാർ ബോട്ടുകൾ ഉപയോഗിച്ച് വിനോദസഞ്ചാരത്തിനായി കൂടുതൽ സർവീസുകൾ നടത്തുന്നതിനുള്ള സാധ്യത പരിശോധിച്ചിട്ടുണ്ടോ; വിശദമാക്കുമോ?

യുവാക്കള്‍ക്കിടയിലെ നൂതനാശയങ്ങളെ പ്രോത്സാഹിപ്പിക്കാനും നൈപുണ്യപരിശീലനം നല്‍കാനും ഉതകുന്ന രീതിയില്‍ ക്യാംപസ് ഇന്‍ഡസ്ട്രിയല്‍ പാര്‍ക്കുകള്‍ക്ക് രൂപം നൽകാൻ തീരുമാനിച്ചിട്ടുണ്ടോ; എങ്കിൽ വിശദാംശം നല്‍കാമോ;

പ്രാദേശിക സംരംഭകത്വവികസനം പ്രോത്സാഹിപ്പിക്കുന്നതിന് പ്രസ്തുത പാര്‍ക്കുകള്‍ സഹായകമാണോ; വിശദമാക്കാമോ;

പോളിടെക്നിക് കോളേജുകളില്‍ പഠനത്തോടൊപ്പം വരുമാനമാര്‍ഗ്ഗം കണ്ടെത്താനായി പ്രത്യേക പദ്ധതി നടപ്പിലാക്കിയിട്ടുണ്ടോ; വ്യക്തമാക്കുമോ?

ഈ സർക്കാർ വന്നതിനുശേഷം മുതിർന്ന പൗരന്മാരുടെ ആരോഗ്യസുരക്ഷ ഉറപ്പുവരുത്തുന്നതിനായി പദ്ധതികൾ ആവിഷ്കരിച്ചിട്ടുണ്ടോ; വിശദാംശം നൽകുമോ;

അനാഥരാക്കപ്പടുന്ന മുതിർന്ന പൗരന്മാരുടെ പുനരധിവാസം സാധ്യമാക്കുന്നതിനായി പ്രത്യേക പദ്ധതികൾ ആവിഷ്കരിച്ചിട്ടുണ്ടോ; വിശദാംശം നൽകുമോ;

മുതിർന്ന പൗരന്മാരുടെ അറിവും അനുഭവസമ്പത്തും പുതിയ തലമുറയ്ക്ക് അനുഭവവേദ്യമാക്കുന്നതിനും സാമൂഹിക ജീവിതത്തിൽ അവരെ സജീവമാക്കുന്നതിനും അതുവഴി ഊർജ്ജസ്വലമായ വാർദ്ധക്യ ജിവിതം നയിക്കുന്നതിനും പര്യാപ്തമാക്കുന്നതിനാവശ്യമായ പദ്ധതികൾ ആസൂത്രണം ചെയ്തു നടപ്പാക്കുമോ?

സംസ്ഥാന കർഷക കടാശ്വാസ കമ്മീഷൻ കഴിഞ്ഞ മൂന്നു വർഷക്കാലയളവിൽ അവാർഡ് ചെയ്ത 700 കോടിയോളം രൂപ വിതരണം ചെയ്തിട്ടില്ല എന്ന കാര്യം ഗൗരവത്തോടെ കാണുന്നുണ്ടോ; വിശദമാക്കുമോ;

കർഷക കടാശ്വാസ കമ്മീഷൻ അവാർഡ് ചെയ്യുന്ന കർഷക കടാശ്വാസം അനുവദിച്ചു നൽകുന്നതിനുള്ള നടപടിക്രമം എന്തൊക്കെയാണ്; വിശദമാക്കുമോ; പ്രസ്തുത തുക വിതരണം ചെയ്യുന്നതിൽ കാലതാമസം നേരിടുന്നതിന് കാരണം വ്യക്തമാക്കുമോ;

സർക്കാർ തുക കൈമാറാത്തതിനാൽ കർഷകർക്ക് വായ്പ നൽകിയ സഹകരണ സംഘങ്ങളും പ്രതിസന്ധിയിൽ ആയിരിക്കുന്ന സാഹചര്യത്തിൽ കർഷക കടാശ്വാസം വിതരണം ചെയ്യുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കുമോ?

വൈജ്ഞാനിക മേഖലയിലെയും തൊഴില്‍ മേഖലയിലെയും മാറ്റങ്ങള്‍ക്കനുസൃതമായി ഉന്നതവിദ്യാഭ്യാസ രംഗത്ത് കരിക്കുലത്തിലും പഠന സമ്പ്രദായത്തിലും എന്തെല്ലാം പരിഷ്കാരങ്ങളാണ് വരുത്തിയിട്ടുള്ളതെന്ന് വെളിപ്പെടുത്തുമോ;

പ്രസ്തുത പരിഷ്കാരങ്ങള്‍ ഫലപ്രദമാക്കാന്‍ അടിസ്ഥാനസൗകര്യ വികസനത്തിനായി ആവിഷ്ക്കരിച്ച പദ്ധതികള്‍ വിശദീകരിക്കാമോ;

പ്രസ്തുത പരിഷ്കാരങ്ങള്‍ക്കനുസൃതമായി അധ്യാപക സമൂഹത്തിന്റെ ഉത്തരവാദിത്വം ഉറപ്പു വരുത്താന്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ?

അന്താരാഷ്ട്ര ക്രിക്കറ്റ് മത്സരങ്ങൾക്ക് വേദിയാകുന്ന കാര്യവട്ടം ഗ്രീൻഫീൽഡ് സ്റ്റേഡിയം പോലെ മറ്റു ജില്ലകളിലും സ്റ്റേഡിയങ്ങൾ വേണമെന്ന ആവശ്യം ഉണ്ടായിട്ടുണ്ടോയെന്ന് അറിയിക്കുമോ;

എങ്കിൽ എവിടെയെല്ലാമാണ് പുതിയ സ്റ്റേഡിയങ്ങൾ നിർമ്മിക്കാൻ ഉദ്ദേശിക്കുന്നതെന്ന് വ്യക്തമാക്കുമോ;

ഇക്കാര്യത്തിൽ കേരള ക്രിക്കറ്റ് അസോസിയേഷനിൽ നിന്നും എന്തെങ്കിലും നിർദ്ദേശം ഉണ്ടായിട്ടുണ്ടോ; വിശദമാക്കുമോ?

ഡിജിറ്റൽ ടിക്കറ്റ് മെഷീനുകൾ വാങ്ങുന്നതിന് സ്വകാര്യ കമ്പനിക്ക് കരാർ നൽകുവാൻ കെ.എസ്.ആര്‍.ടി.സി. തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ;

കെ.എസ്.ആര്‍.ടി.സി. നിലവിൽ ഉപയോഗിക്കുന്ന ടിക്കറ്റ് മെഷീനുകൾ എന്തു തുക ചെലവഴിച്ചാണ് വാങ്ങിയത്; ഇതിൽ എത്ര എണ്ണം നിലവിൽ പ്രവർത്തനക്ഷമമാണ്; പ്രവർത്തനക്ഷമമല്ലാത്ത മെഷീനുകളുടെ തകരാർ പരിഹരിക്കാമെന്നു ബന്ധപ്പെട്ട കമ്പനി അറിയിച്ചിട്ടുണ്ടോ; വ്യക്തമാക്കുമോ;

രണ്ടുവർഷം കൂടി മെയിന്റനൻസ് കരാർ കാലാവധിയുള്ള നിലവിലെ ടിക്കറ്റ് മെഷീനുകൾ മാറ്റി പുതിയ മെഷീനുകൾ വാങ്ങാൻ തീരുമാനിച്ചത് ഏതു സാഹചര്യത്തിലാണെന്ന് വ്യക്തമാക്കുമോ?

സംസ്ഥാനത്തെ കാര്‍ഷിക മേഖലയില്‍ നിലവിലുള്ള പൊതുമേഖലാ സ്ഥാപനങ്ങള്‍ ഏതെല്ലാമാണ്; ഇവയുടെ പ്രവര്‍ത്തനങ്ങള്‍ എന്തൊക്കെയാണ്; വിശദമാക്കാമോ;

ഈ സര്‍ക്കാര്‍ വന്നശേഷം പ്രസ്തുത സ്ഥാപനങ്ങളുടെ പ്രവര്‍ത്തനം വിപുലീകരിക്കുന്നതിനും കാര്യക്ഷമത ഉയര്‍ത്തുന്നതിനും നടപടി സ്വീകരിച്ചിട്ടുണ്ടോ; വ്യക്തമാക്കുമോ;

ഇതു സംബന്ധിച്ച് പ്രത്യേക പഠനങ്ങള്‍ നടത്തിയിട്ടുണ്ടോ; വിശദമാക്കാമോ;

കാര്‍ഷികോല്പന്നങ്ങളുടെ സംഭരണ-സംസ്കരണ സംവിധാനങ്ങള്‍ ആധുനികീകരിക്കുന്നതിനും മൂല്യവര്‍ദ്ധിത ഉല്പന്നങ്ങളുടെ ഉല്പാദന-വിതരണ ശൃംഖല വര്‍ദ്ധിപ്പിക്കുന്നതിനും നടപടി സ്വീകരിക്കുമോ; വ്യക്തമാക്കാമോ?

കെ.എസ്.ആർ.ടി.സി. ദേശസാല്‍കൃത റൂട്ടുകള്‍ വാടകയ്ക്ക് നല്കുന്നത് സംബന്ധിച്ച് എന്തെങ്കിലും നടപടികള്‍ ആസൂത്രണം ചെയ്തിട്ടുണ്ടോ; വിശദമാക്കുമോ;

ദീർഘദൂര, ഹ്രസ്വദൂര ദേശസാല്‍കൃത റൂട്ടുകള്‍ സ്വകാര്യ സംരംഭകർക്ക് ടെന്‍ഡര്‍ മുഖേന വാടകയ്ക്ക് നല്‍കി കെ.എസ്.ആർ.ടി.സി.യുടെ സ്ഥിര വരുമാനം വർദ്ധിപ്പിക്കാന്‍ നടപടി സ്വീകരിക്കാമോ; വ്യക്തമാക്കാമോ?