മലബാർ മേഖലയിൽ വൈദ്യുതി ബോർഡിന്റെ പ്രവർത്തനങ്ങൾ മെച്ചപ്പെടുത്തുന്നതിന് സ്വീകരിച്ച നടപടികൾ എന്തൊക്കെയാണ്; ഉല്പാദനം,വിതരണം,ട്രാൻസ്മിഷൻ എന്നീ മേഖലകളില്‍ സ്വീകരിച്ച നടപടികൾ വിശദീകരിക്കുമോ;

പ്രസ്തുത മേഖലയിലെ സോളാർ പദ്ധതിയുമായി ബന്ധപ്പെട്ട നിലവിലെ പ്രവർത്തനങ്ങൾ വിശദീകരിക്കുമോ?

മലപ്പുറം മണ്ഡലത്തിലെ വോൾട്ടേജ് ഇംപ്രൂവ്മെന്റ് പദ്ധതികളുടെ വിശദാംശങ്ങള്‍ വെളിപ്പെടുത്താമോ; പാണക്കാട് യു. പി. സ്കൂൾ പരിസരം, പുല്‍പ്പറ്റ പഞ്ചായത്തിലെ കല്ലച്ചാല്‍, ശാന്തിപടി ഉള്‍പ്പെടെ വിവിധ സ്ഥലങ്ങളില്‍ ട്രാന്‍സ്ഫോര്‍മര്‍ സ്ഥാപിക്കുന്നതിനുളള നടപടികള്‍ ഏതു ഘട്ടത്തിലാണ്; പുരോഗതികള്‍ വിശദീകരിക്കാമോ;

മലപ്പുറം നഗരസഭയിലെ പൈത്തിനിപറമ്പ് കുറേക്കുഴി, ആനക്കയം പഞ്ചായത്തിലെ വടക്കെനാള്‍മുക്ക്, മൊറയൂർ പഞ്ചായത്തിലെ കള്ളാടിമുക്ക് - വട്ടപ്പൊലി റോഡ്‌ എന്നിവിടങ്ങളില്‍ വൈദ്യുതി ലൈൻ മാറ്റി സ്ഥാപിക്കുന്നത് സംബന്ധിച്ച് നാളിതുവരെ സ്വീകരിച്ച നടപടികള്‍ വിശദീകരിക്കാമോ?

സൗജന്യ നിരക്കില്‍ വൈദ്യുതി കണക്ഷന്‍ ലഭ്യമാക്കണം എന്നാവശ്യപ്പെട്ട് ശ്രീമതി.സൗധ നെല്ലിക്കണ്ടി, മുഴപ്പാല എന്ന വ്യക്തി പയ്യന്നൂര്‍ എം.എല്‍.എ. യുടെ കവറിംഗ് ലെറ്ററോടുകൂടി (പി.എൻ.ആർ.എം.എൽ.എ/4/23) 09.01.2023-ല്‍ നിവേദനം നല്‍കിയിട്ടുണ്ടോ; ഉണ്ടെങ്കില്‍ ആയതിന്മേൽ സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ;

പ്രസ്തുത അപേക്ഷയുമായി ബന്ധപ്പെട്ട ഫയൽ നമ്പറും നിലവില്‍ ഈ ഫയൽ ഏത് ഓഫീസിലാണ് ഉള്ളതെന്നും വ്യക്തമാക്കാമോ;

പ്രസ്തുത അപേക്ഷയില്‍ തുടര്‍നടപടികള്‍ സ്വീകരിക്കാന്‍ കാലതാമസം നേരിടുന്നത് എന്തുകൊണ്ടാണെന്ന് വ്യക്തമാക്കാമോ?

കർഷകർക്ക് സൗജന്യമായി വൈദ്യുതി നൽകിയതിനുളള തുക കൃഷി വകുപ്പിൽ നിന്നും ലഭിക്കാനുണ്ടോ; വിശദാംശം നൽകുമോ;

കൃഷി വകുപ്പ് കുടിശിക വരുത്തിയതിനെ തുടർന്ന് വൈദ്യുതി ബന്ധം വിച്ഛേദിക്കുന്നതിനായി കെ.എസ്.ഇ.ബി. കർഷകർക്ക് നോട്ടീസ് നൽകിയിരുന്നോ;

കർഷകരെ പ്രതിസന്ധിയിലാക്കുന്ന ഈ വിഷയത്തിൽ സ്വീകരിക്കാൻ ഉദ്ദേശിക്കുന്ന നടപടികൾ വിശദമാക്കുമോ?

കുണ്ടറ നിയോജകമണ്ഡലത്തിലെ ഏതൊക്കെ പ്രദേശങ്ങളിലാണ് ഇലക്ട്രിക് ചാര്‍ജ്ജിംഗ് സ്റ്റേഷനുകള്‍ സ്ഥാപിച്ചിട്ടുളളതെന്ന് പഞ്ചായത്ത് തിരിച്ച്, പോസ്റ്റ് നമ്പര്‍ സഹിതം വിശദമാക്കാമോ;

പ്രസ്തുത നിയോജകമണ്ഡലത്തിന്റെ പരിധിയില്‍ പുതുതായി ഇലക്ട്രിക് ചാര്‍ജ്ജിംഗ് സ്റ്റേഷനുകള്‍ സ്ഥാപിക്കാന്‍ പദ്ധതി ആസൂത്രണം ചെയ്തിട്ടുണ്ടോയെന്ന് വിശദമാക്കാമോ?

കരിന്തളം 400 കെ.വി സബ് സ്റ്റേഷൻ, ഉഡുപ്പി-കാസർഗോഡ് 400 കെ.വി.ലൈൻ എന്നിവയുടെ നിർമ്മാണ പുരോഗതി വിലയിരുത്തിയിട്ടുണ്ടോ; ഉണ്ടെങ്കില്‍ വിശദമാക്കാമോ ;

പ്രസ്തുത പദ്ധതിയുമായി ബന്ധപ്പെട്ട് സ്ഥലം ഉടമകൾക്ക് നൽകിയ നഷ്ടപരിഹാരം സംബന്ധിച്ച വിശദാംശങ്ങൾ ലഭ്യമാക്കാമോ ?

സംസ്ഥാനത്ത് ഭിന്നശേഷി വിഭാഗക്കാർ,പട്ടികജാതി-പട്ടികവർഗ്ഗ വിഭാഗക്കാർ,റേഷൻ കാർഡ് മുൻഗണന പട്ടികയിൽ ഉൾപ്പെട്ടവർ എന്നിവർക്ക് സൗജന്യമായി വൈദ്യുതി എത്തിക്കുന്ന പദ്ധതികൾ നിലവിലുണ്ടോ; ഉണ്ടെങ്കിൽ അവ ഏതെല്ലാമെന്ന് വ്യക്തമാക്കുമോ;

ഇല്ലെങ്കിൽ പ്രസ്തുത വിഭാഗങ്ങൾക്ക് സൗജന്യമായി വൈദ്യുതി ലഭിക്കുന്നതിനുള്ള നടപടികൾ സ്വീകരിക്കുമോ?

സംസ്ഥാനത്ത് ഗാര്‍ഹിക ഉപഭോക്താക്കള്‍ക്ക് വൈദ്യുതി സബ്സിഡി നല്‍കുന്നുണ്ടോ; എങ്കില്‍ എത്ര ഉപഭോക്താക്കള്‍ക്കാണ് സബ്സിഡി നല്‍കുന്നതെന്ന് അറിയിക്കാമോ;

പ്രസ്തുത സബ്സിഡി ഏതെല്ലാം വിഭാഗക്കാര്‍ക്കാണ് നല്‍കുന്നതെന്നും ആയതിന്റെ മാനദണ്ഡം എന്താണെന്നുമുള്ള വിശദാംശം ലഭ്യമാക്കാമോ?

കോട്ടക്കൽ മണ്ഡലത്തിലെ കോട്ടക്കൽ, കുറ്റിപ്പുറം, വളാഞ്ചേരി ടൗണുകളില്‍ ഉണ്ടാകാറുള്ള വൈദ്യുതി തടസ്സവും വോള്‍ട്ടേജ് ക്ഷാമവും പരിഹരിക്കുന്നതിന് അടിയന്തര നടപടി സ്വീകരിക്കുമോ;

പ്രസ്തുത മണ്ഡലത്തിലെ ഊര്‍ജ്ജാവശ്യങ്ങള്‍ നിറവേറ്റുന്നതിന് നിലവിലുള്ള ഫീഡറുകള്‍ അപര്യാപ്തമായതിനാല്‍ ആര്‍.ഡി.എസ്.എസ്. പദ്ധതി(റീവാംമ്പ്ഡ് ഡിസ്ട്രിബ്യൂഷന്‍ സെക്ടര്‍ സ്കീം) യിൽ ഉള്‍പ്പെടുത്തി പുതിയ ഫീഡറുകള്‍ സ്ഥാപിച്ചും യു.ജി.(അണ്ടര്‍ഗ്രൗണ്ട്)/ഏ.ബി.(ഏരിയല്‍ ബഞ്ച്ഡ്) കേബിള്‍ ഉപയോഗിച്ച്‌ ഒരു റിംഗ് മെയിന്‍ നെറ്റ്‍വര്‍ക്ക് ഫോം ചെയ്തും ആര്‍.എം.യു.(റിംഗ് മെയിന്‍ യൂണിറ്റ്)കൾ സ്ഥാപിച്ചും വൈദ്യുതി ഇടതടവില്ലാതെ ലഭ്യമാക്കാൻ നടപടി സ്വീകരിക്കുമോ;

കോട്ടക്കല്‍ നഗരത്തിലെ പ്രസരണ ശൃംഖല മെച്ചപ്പെടുത്തുന്നതിന് പുത്തൂരില്‍ ആര്‍.ഡി.എസ്.എസ്.(റീവാംമ്പ്ഡ് ഡിസ്ട്രിബ്യൂഷന്‍ സെക്ടര്‍ സ്കീം) രണ്ടാം ഘട്ട പദ്ധതിയില്‍ ഉള്‍പ്പെടുത്തി 33 കെ.വി. യൂണിറ്റൈസ്ഡ് സബ്സ്റ്റേഷന്‍ സ്ഥാപിക്കുന്ന പ്രവൃത്തി ഏത് ഘട്ടത്തിലാണെന്ന് വിശദമാക്കുമോ?

കോട്ടയം ജില്ലയില്‍ കടുത്തുരുത്തി നിയോജകമണ്ഡലത്തിലെ ഉഴവൂര്‍‍ ഗ്രാമപഞ്ചായത്തിലെ ഉഴവൂര്‍ വാര്‍ഡ് 4ലെ നെല്ലാമറ്റം ഭാഗം മുതല്‍ കടവുങ്കല്‍ ഭാഗം വരെയുള്ള പ്രദേശങ്ങളിലെ ഉപഭോക്താക്കളുടെ വോള്‍ട്ടേജ് ക്ഷാമം പരിഹരിക്കുന്നതിന് സ്വീകരിച്ച നടപടികള്‍ വ്യക്തമാക്കാമോ;

ഉഴവൂര്‍ കേന്ദ്രമായി പുതിയ ട്രാന്‍സ്ഫോര്‍മര്‍ സ്ഥാപിക്കുന്നതിന് പ്രദേശവാസികള്‍ നല്‍കിയിരുന്ന നിവേദനത്തില്‍ എന്ത് നടപടി സ്വീകരിച്ചു എന്ന് വ്യക്തമാക്കാമോ;

ഇതു സംബന്ധിച്ച് വകുപ്പ് മന്ത്രിക്ക് നല്‍കിയിരുന്ന പെറ്റീഷന്‍ നമ്പര്‍ 847/2023-ല്‍ സ്വീകരിച്ച നടപടികള്‍ അറിയിക്കാമോ?

വയനാട് ജില്ലയില്‍ 2016 ജൂണ്‍ ഒന്നിന് ശേഷം നാളിതുവരെ പട്ടികവര്‍ഗ്ഗക്കാരായ എത്ര കുടുംബങ്ങള്‍ക്ക് വൈദ്യുതി കണക്ഷന്‍ നല്‍കി എന്ന് അറിയിക്കുമോ;

നിലവില്‍ വയനാട് ജില്ലയില്‍ വൈദ്യുതി കണക്ഷന് അപേക്ഷ നല്‍കിയിട്ടും കണക്ഷന്‍ ലഭിക്കാത്ത എത്ര പട്ടികവര്‍ഗ്ഗ കുടുംബങ്ങളുണ്ടെന്നും അവർക്ക് കണക്ഷന്‍ നല്‍കാന്‍ കഴിയാത്തതിന്റെ കാരണമെന്തെന്നും വ്യക്തമാക്കാമോ?

ഈ സർക്കാർ അധികാരത്തിൽ വന്നതിന് ശേഷം കാഞ്ഞങ്ങാട് മണ്ഡലത്തിൽ വൈദ്യുതി വകുപ്പ് മുഖേന നടപ്പിലാക്കിയതും നടപ്പിലാക്കിക്കൊണ്ടിരിക്കുന്നതുമായ പ്രവൃത്തികൾ സംബന്ധിച്ച വിശദാംശം നൽകുമോ ?

വൈദ്യുതി കണക്ഷൻ നൽകുന്നത് ഉൾപ്പെടെയുള്ള വിവിധ സേവനങ്ങൾക്ക് നിരക്ക് വർദ്ധിപ്പിക്കണം എന്ന് ആവശ്യപ്പെട്ട് 2016 മുതൽ കെ.എസ്.ഇ.ബി റെഗുലേറ്ററി കമ്മീഷനെ സമീപിച്ചിരുന്നുവോ;

എങ്കിൽ പ്രസ്തുത കാലയളവിൽ ഓരോ പ്രാവശ്യവും വർദ്ധിപ്പിക്കുന്നതിന് ആവശ്യപ്പെട്ട നിരക്കും ആ സമയത്ത് നിലനിന്നിരുന്ന നിരക്കും എത്രയാണെന്നുള്ള വിശദാംശങ്ങൾ അത് ആവശ്യപ്പെട്ട തീയതി സഹിതം ലഭ്യമാക്കുമോ;

വൈദ്യുതി സർചാർജ് ഈ കാലയളവിൽ എത്ര പ്രാവശ്യം ഏതെല്ലാം നിരക്കിൽ ഈടാക്കി വരുന്നുണ്ട്; ഇത് 2016 ന് മുമ്പുള്ള നിരക്കിൽ നിന്നും എത്ര വർദ്ധിച്ചിട്ടുണ്ട് ; വിശദമാക്കുമോ;

ഉപയോഗിക്കുന്ന ലോഡ്, കിലോവാട്ട് അനുസരിച്ച് കണക്കാക്കി പുതിയ വൈദ്യുതി കണക്ഷന് ഫീസീടാക്കാൻ വ്യവസ്ഥ ചെയ്യുന്ന സപ്ലൈ കോഡ് കരട് ചട്ടങ്ങൾ റെഗുലേറ്ററി കമ്മീഷൻ പ്രസിദ്ധീകരിച്ചിട്ടുണ്ടോ; എങ്കിൽ ഇത് ഉപഭോക്താക്കളെ ഏതെല്ലാം തരത്തിൽ ബാധിക്കാൻ സാധ്യതയുണ്ടെന്ന് വ്യക്തമാക്കാമോ;

സപ്ലൈ കോഡ് കരട് ചട്ടങ്ങളിലേക്ക് വൈദ്യുതി ബോർഡ് എന്തെങ്കിലും നിർദ്ദേശങ്ങൾ റെഗുലേററ്റി കമ്മീഷനു മുമ്പാകെ സമർപ്പിച്ചിട്ടുണ്ടോ; എങ്കിൽ വിശദാംശങ്ങൾ ലഭ്യമാക്കുമോ?

കുന്നത്തുനാട് മണ്ഡലത്തില്‍ ദ്യുതി പദ്ധതി പ്രകാരം നടന്നു വരുന്ന പ്രവൃത്തികള്‍ ഏതൊക്കെയാണെന്നും അവയുടെ പുരോഗതിയെക്കുറിച്ചും വിശദമാക്കാമോ;

പ്രസ്തുത പദ്ധതിക്കായി അനുവദിച്ച തുക എത്രയെന്നും അതില്‍ എത്ര തുക ചെലവഴിച്ചിട്ടുണ്ടെന്നും അറിയിക്കാമോ?

എം.എല്‍.എ.- എസ്.ഡി.എഫ്., എം.എല്‍.എ.-എ.ഡി.എഫ്.എന്നീ ഫണ്ടുകള്‍ ഉപയോഗിച്ച് വൈദ്യുതി ലൈനുകള്‍ വലിയ്ക്കുന്നതിനുള്ള പ്രൊപ്പോസലുകളില്‍ അഡ്വാന്‍സ് നല്‍കുവാൻ കഴിയാത്ത സാഹചര്യത്തില്‍ അഡ്വാന്‍സ് അനുവദിയ്ക്കാതെ തന്നെ അത്തരം പ്രവൃത്തികള്‍ ഏറ്റെടുത്ത് നടത്തുന്നതിന് കെ.എസ്.ഇ.ബി. സഹായകരമായ നിലപാട് സ്വീകരിക്കുന്നില്ല എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

ഇത്തരം പ്രവൃത്തികള്‍ പൂര്‍ത്തിയാക്കിയതിന് ശേഷം മാത്രം തുക അനുവദിക്കുന്ന തരത്തില്‍ പ്രവൃത്തി ഏറ്റെടുത്ത് നടത്തുന്നതിന് കെ.എസ്.ഇ.ബി.യ്ക്ക് നിര്‍ദ്ദേശം നല്‍കുന്നതിന് ആവശ്യമായ നടപടികള്‍ സ്വീകരിക്കുമോ?

സംസ്ഥാനത്ത് സര്‍ക്കാര്‍, പൊതുമേഖലാ സ്ഥാപനങ്ങളില്‍ വെെദ്യുതി ബില്‍ കുടിശ്ശിക അടയ്ക്കാത്തത്‌ കാരണം വിച്ഛേദിക്കപ്പെട്ട വൈദ്യുത കണക്ഷനുകള്‍ കുടിശിക അടച്ചുതീര്‍ത്ത് പുനഃസ്ഥാപിക്കാനുള്ള ഏതെങ്കിലും പദ്ധതി നിലവിലുണ്ടോ; എങ്കില്‍ ആയതിന്റെ വിശദാംശം ലഭ്യമാക്കാമോ;

പ്രസ്തുത പദ്ധതി നിലവിലുണ്ടെങ്കില്‍ എവിടെയാണ് ഈ സേവനങ്ങള്‍ ലഭ്യമാകുക എന്ന് വ്യക്തമാക്കാമോ?

പൂഞ്ഞാർ മണ്ഡലത്തിലെ മാർമല ചെറുകിട ജലവൈദ്യുത പദ്ധതിയുടെ നിർമ്മാണവുമായി ബന്ധപ്പെട്ട് സ്വീകരിച്ചു വരുന്ന നടപടികളുടെ വിശദാംശം വ്യക്തമാക്കുമോ;

നടപടിക്രമങ്ങൾ ത്വരിതപ്പെടുത്തി പ്രസ്തുത പദ്ധതി യാഥാർത്ഥ്യമാക്കുമോയെന്നു വ്യക്തമാക്കുമോ?

സംസ്ഥാനത്ത് മുൻ സർക്കാരിന്റെ കാലം മുതൽ നാളിതുവരെ എത്ര തവണ വൈദ്യുതി നിരക്ക് വർദ്ധിപ്പിച്ചിട്ടുണ്ട്; ഏതൊക്കെ ഇനത്തിലാണ് വൈദ്യുതി നിരക്ക് വർദ്ധനവ് ഉണ്ടായിട്ടുള്ളത്;ഓരോ തവണയും ഉണ്ടായ വർദ്ധനവ് എത്ര രൂപ വീതമാണെന്നുള്ള വിശദാംശങ്ങൾ ലഭ്യമാക്കുമോ;

വൈദ്യുതി നിരക്ക് വർദ്ധനയുടെ ഭാഗമായി ഈ കാലയളവിൽ എത്ര കോടി രൂപയുടെ അധിക വരുമാനം കെ.എസ്.ഇ.ബി.യ്ക്ക് ലഭിച്ചിട്ടുണ്ട്; വിശദാംശങ്ങൾ ലഭ്യമാക്കുമോ?

24.02.2016 ലെ ബോര്‍ഡ് തീരുമാനത്തിന്റെ അടിസ്ഥാനത്തില്‍ കോട്ടക്കല്‍ കെ‌.എസ്‌.ഇ‌.ബി. സെക്ഷന്‍ വിഭജിച്ച് ഇന്ത്യാനൂര്‍ ഇലക്ട്രിക്കല്‍ സെക്ഷന്‍ രൂപീകരിക്കുന്നതുമായി ബന്ധപ്പെട്ട പ്രവര്‍ത്തനങ്ങള്‍ ഏത് ഘട്ടത്തിലാണെന്ന് വിശദമാക്കുമോ;

പ്രസ്തുത സെക്ഷന്‍ രൂപീകരണം എത്രയും വേഗം പൂര്‍ത്തിയാക്കുന്നതിനുള്ള നടപടി സ്വീകരിക്കുമോ?

കോഴിക്കോട് ജില്ലയിലെ കക്കയം കുടുംബാരോഗ്യ കേന്ദ്രം പ്രവര്‍ത്തിക്കുന്ന കെ.എസ്.ഇ.ബി.യുടെ ഭൂമി കുടുംബാരോഗ്യ കേന്ദ്രത്തിന്റെ നവീകരണത്തിനും പുതിയ കെട്ടിടം നിര്‍മ്മിക്കുന്നതിനുമായി കൂരാച്ചുണ്ട് ഗ്രാമപഞ്ചായത്തിന് വിട്ടുനല്‍കാന്‍ തീരുമാനിച്ചിട്ടുണ്ടോ; ഇതുമായി ബന്ധപ്പെട്ട അപേക്ഷയില്‍ സ്വീകരിച്ചുവരുന്ന നടപടികള്‍ അറിയിക്കാമോ;

പ്രസ്തുത ഭൂമിയുടെ വില നിര്‍ണ്ണയിച്ചിട്ടുണ്ടോ; ഇല്ലെങ്കില്‍ ഇതിനായി നടപടി സ്വീകരിച്ചിട്ടുണ്ടോ; വിശദമാക്കാമോ?

ചട്ടലംഘനം നടന്നിട്ടുണ്ടെന്ന കാരണത്താൽ 2023-ല്‍ വൈദ്യുതി റഗുലേറ്ററി കമ്മീഷൻ റദ്ദാക്കിയത് എത്ര ദീർഘകാല വൈദ്യുതി വാങ്ങൽ കരാറുകൾ ആണ്; പ്രസ്‌തുത കരാറുകൾ പ്രകാരം സംസ്ഥാനത്തിന് എന്നു വരെ വൈദ്യുതി ലഭിക്കുമായിരുന്നു എന്ന് വ്യക്തമാക്കാമോ ;

പ്രസ്‌തുത കരാറുകൾ തുടർന്നാൽ കെ.എസ്.ഇ.ബി.-ക്ക് നഷ്ടമുണ്ടാകുമെന്ന് കമ്മീഷൻ കണ്ടെത്തുകയുണ്ടായോ; എങ്കിൽ എത്ര രൂപയുടെ നഷ്ടമുണ്ടാകുമെന്നാണ് കമ്മീഷൻ കണക്കാക്കിയിരുന്നത്;

പ്രസ്‌തുത കരാറുകൾ റദ്ദാക്കിയത് മൂലം ഇപ്പോൾ കൂടിയ നിരക്കിൽ വൈദ്യുതി വാങ്ങുന്ന തരത്തിൽ കരാറുകൾ പുനഃസ്ഥാപിക്കേണ്ട സാഹചര്യം ഉണ്ടായിട്ടുണ്ടോ;എങ്കിൽ ഇതുമൂലം നാളിതുവരെ കെ.എസ്.ഇ.ബി.-ക്ക് ആകെ ഉണ്ടായ നഷ്ടം എത്രയാണ്;

ഈ കരാറുകൾ റദ്ദാക്കുന്നതിന് കെ.എസ്.ഇബി. സർക്കാരിന്റെ അനുമതി തേടിയിരുന്നോ; എങ്കിൽ അനുമതി നൽകിയ ഉത്തരവിന്റെ പകർപ്പ് ലഭ്യമാക്കുമോ; കൂടിയ വിലയ്ക്ക് പുനഃസ്ഥാപിച്ച കരാറുകളിൽ സംസ്ഥാനത്തിന് വേണ്ടി ഒപ്പുവെച്ചത് ആരൊക്കെയാണ്; വിശദാംശങ്ങള്‍ നല്‍കുമോ;

പഴയ കരാർ റദ്ദാക്കുന്നതിനുള്ള അന്തിമാനുമതി നൽകിയത് ആരാണ്; കരാർ റദ്ദാക്കണമെന്ന നിർദ്ദേശം മുന്നോട്ടുവെച്ച ഉദ്യോഗസ്ഥരുടെയും അതിന് അംഗീകാരം നൽകിയ ഉദ്യോഗസ്ഥരുടെയും കമ്മീഷൻ അംഗങ്ങളുടെയും പേരുവിവരങ്ങൾ ലഭ്യമാക്കുമോ?

വൈദ്യുതി ബോർഡിന്റെ ട്രാൻസ്ഗ്രിഡ്, സോളാർ പദ്ധതികളുടെ നിലവിലെ സ്ഥിതിയും, ആയതിന്റെ പദ്ധതി വിഹിതത്തിന്റെ വിശദാംശങ്ങളും പദ്ധതി ചെലവുകളും വിശദീകരിക്കാമോ;

വൈദ്യുതി ബോർഡിന്റെ പ്രവർത്തനങ്ങൾ മെച്ചപ്പെടുത്താൻ ഈ സർക്കാരിന്റെ കാലത്ത് സ്വീകരിച്ച പദ്ധതികളും പരിപാടികളും വിശദീകരിക്കുമോ?

മഞ്ചേശ്വരം നിയോജക മണ്ഡലത്തിൽ വൈദ്യുതി മേഖലയിൽ 2023-24 സാമ്പത്തിക വർഷത്തിൽ നടപ്പിലാക്കാൻ ഉദ്ദേശിക്കുന്ന പദ്ധതികളുടെ വിശദവിവരങ്ങൾ ലഭ്യമാക്കുമോ;

പ്രസ്തുത പദ്ധതികൾ പൂർത്തീകരിക്കുമ്പോൾ ഉണ്ടാകുന്ന ഭൗതിക നേട്ടങ്ങൾ എന്തൊക്കെയാണെന്ന് വിശദമാക്കുമോ?

സംസ്ഥാനത്ത് പുരപ്പുറ സോളാര്‍ പദ്ധതി വ്യാപകമാക്കാന്‍ സ്വീകരിച്ചുവരുന്ന നടപടികള്‍ എന്തെല്ലാമെന്ന് വ്യക്തമാക്കുമോ;

കേന്ദ്ര സര്‍ക്കാരിന്റെ കൂടുതല്‍ സബ്സിഡി വിഹിതം ഈ പദ്ധതിക്ക് ആവശ്യപ്പെടുമോ; എങ്കില്‍ വിശദവിവരം ലഭ്യമാക്കുമോ?

സംസ്ഥാനത്ത് നടപ്പിലാക്കിവരുന്ന നിലാവ് പദ്ധതിയുടെ വിശദാംശം അറിയിക്കാമോ; പദ്ധതിയുടെ നടത്തിപ്പിൽ കെ.എസ്.ഇ.ബി.യുടെ പങ്ക് വ്യക്തമാക്കാമോ;

പദ്ധതിയുടെ ഭാഗമായി സ്ഥാപിച്ചിരുന്ന ബള്‍ബുകളില്‍ കേടായവ മാറ്റി സ്ഥാപിക്കേണ്ടത് ആരുടെ ചുമതലയാണെന്ന് വ്യക്തമാക്കാമോ;

വിവിധ കെ.എസ്.ഇ.ബി. ഓഫീസുകളില്‍ ഇത്തരത്തിൽ കേടായ ബള്‍ബുകള്‍ മാറ്റിസ്ഥാപിക്കാനാകാതെ കെട്ടിക്കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; അടിയന്തരമായി അവ മാറ്റിസ്ഥാപിക്കുന്നതിന് നടപടി സ്വീകരിക്കാമോ?

കർഷകർക്കു സൗജന്യമായി വൈദ്യുതി നൽകിയതിന് കൃഷി വകുപ്പിൽ നിന്നും ഇലക്ട്രിസിറ്റി ബോർഡിന് വൻ തുക കുടിശ്ശികയായിട്ടുണ്ടോ; വ്യക്തമാക്കുമോ; കുടിശ്ശികയായവർക്ക് ഒറ്റത്തവണ തീർപ്പാക്കൽ പദ്ധതി നിലവിലുണ്ടോ;

ഒറ്റത്തവണ തീർപ്പാക്കൽ പദ്ധതി പ്രകാരം എന്തെല്ലാം ഇളവുകളാണ് അനുവദിക്കുന്നത്; പ്രസ്തുത പദ്ധതി അനുവദിക്കുന്നതിന് റഗുലേറ്ററി കമ്മീഷന്റെ അനുമതി ആവശ്യമുണ്ടോ; നിലവിൽ എന്നുവരെയാണ് ഈ പദ്ധതി പ്രകാരം തുക അടയ്ക്കാൻ കഴിയുക എന്ന് അറിയിക്കാമോ;

വിവിധ സർക്കാർ വകുപ്പുകളിൽ നിന്ന് നിലവിലെ കണക്കുകൾ പ്രകാരം എത്ര തുകയാണ് കുടിശ്ശികയായി ബോർഡിന് പിരിഞ്ഞു കിട്ടാനുള്ളത്; ഇതിൽ ഒറ്റത്തവണ തീർപ്പാക്കൽ പദ്ധതി പ്രകാരം എത്ര തുക ലഭിച്ചു; കുടിശ്ശികയായ തുക ലഭിക്കാൻ എന്ത് നടപടിയാണ് സ്വീകരിക്കുന്നത്; വ്യക്തമാക്കാമോ ?

വൈദ്യുതി ഉല്പാദന-വിതരണ മേഖലയില്‍ നടപ്പാക്കി വരുന്ന കേന്ദ്രാവിഷ്കൃത പദ്ധതികള്‍ ഏതൊക്കെയാണെന്ന് വ്യക്തമാക്കാമോ;

പ്രസ്തുത പദ്ധതികള്‍ക്കായി കേന്ദ്ര സര്‍ക്കാര്‍ എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ?

മഞ്ചേശ്വരം മണ്ഡലത്തിൽ 2023-24 വർഷം വൈദ്യുതി മേഖലയിൽ നടപ്പിലാക്കുന്ന പദ്ധതികളുടെ വിശദവിവരങ്ങൾ ലഭ്യമാക്കുമോ;

പ്രസ്തുത പദ്ധതികൾ പൂർത്തീകരിക്കുമ്പോൾ ഉണ്ടാകുന്ന ഭൗതിക നേട്ടങ്ങൾ എന്തൊക്കെയാണെന്ന് വിശദമാക്കുമോ?

വൈദ്യുതി വാഹനങ്ങൾ വാങ്ങുന്നതിന് കർഷകർ, സ്വയംതൊഴിൽ സംരംഭകർ മുതലായവർക്കു സബ്‌സിഡി നൽകുന്ന കാര്യം പരിഗണനയിലുണ്ടോ; ഇല്ലെങ്കിൽ അതിനാവശ്യമായ നടപടികൾ സ്വീകരിക്കുമോ ?

'ഫിലമെന്റ്‍ രഹിത കേരളം' പദ്ധതിയിലൂടെ ഉപഭോക്താക്കൾക്ക് എത്ര എൽ.ഇ.ഡി. ബൾബുകൾ നൽകിയിട്ടുണ്ടെന്നും ഇതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ;

തെരുവ് വിളക്കുകൾ എൽ.ഇ.ഡി. യിലേക്ക് മാറ്റുന്ന പദ്ധതി പ്രകാരം എത്ര തെരുവു വിളക്കുകൾ എൽ.ഇ.ഡി. യിലേക്ക് മാറ്റിയിട്ടുണ്ടെന്നും ഇതിനായി എത്ര തുക ചെലവഴിച്ചിട്ടുണ്ടെന്നും അറിയിക്കാമോ?

കോഴിക്കോട് ജില്ലയിലെ മറിപ്പുഴ മിനി ജലവൈദ്യുത പദ്ധതിയുടെ നിര്‍മ്മാണം ടെണ്ടര്‍ നടപടികൾ കഴിഞ്ഞിട്ടും ആരംഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ കാരണം വിശദമാക്കുമോ;

ഇതുമായി ബന്ധപ്പെട്ട പ്രശ്നങ്ങൾ പരിഹരിക്കുന്നതിനായി ഉന്നതതല യോഗം ചേരുന്നതിന് നടപടി സ്വീകരിക്കുമോ?

സര്‍ക്കാര്‍ സ്ഥാപനങ്ങളില്‍ സൗരോര്‍ജ്ജ പ്ലാന്റ് സ്ഥാപിച്ച് വെെദ്യുതി ഉല്പാദിപ്പിക്കുന്നതിന്റെ ഭാഗമായി മണലൂര്‍ മണ്ഡലത്തിലെ ഏതെല്ലാം സ്ഥാപനങ്ങളില്‍ സൗരരോര്‍ജ്ജ പ്ലാന്റുകള്‍ സ്ഥാപിച്ചിട്ടുണ്ട്;

അരിമ്പൂര്‍ പഞ്ചായത്ത് ഓഫീസില്‍ സൗരോര്‍ജ്ജ പ്ലാന്റ് സ്ഥാപിച്ച് പഞ്ചായത്തിനാവശ്യമായ വെെദ്യുതിയുടെ ഉപയോഗത്തിന് ശേഷം ബാക്കിയുള്ള വെെദ്യുതി കെ.എസ്.ഇ.ബി.യ്ക്ക് നല്‍കുന്നത് പോലെ മണ്ഡലത്തിലെ മറ്റ് സര്‍ക്കാര്‍ സ്ഥാപനങ്ങളിലും പ്ലാന്റുകള്‍ സ്ഥാപിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം നല്‍കാമോ?

അംഗൻവാടികളെ ഊര്‍ജ്ജ സ്വയംപര്യാപ്തമാക്കാനുള്ള അംഗൻ ജ്യോതി പദ്ധതിയിലേക്ക് സംസ്ഥാനത്തെ എത്ര അംഗൻവാടികളെയാണ് തെരഞ്ഞെടുത്തിട്ടുള്ളതെന്ന് വ്യക്തമാക്കാമോ?

വീടുകളില്‍ സൗരോര്‍ജ്ജം ഉപയോഗിച്ചുള്ള വൈദ്യുതി നിലയങ്ങള്‍ സ്ഥാപിക്കുന്നതിനായുള്ള സൗരജ്യോതി പദ്ധതിക്ക് എത്ര രൂപയാണ് വായ്പയായി നല്‍കുന്നതെന്ന് വ്യക്തമാക്കാമോ?

സംസ്ഥാനത്തെ അംഗന്‍വാടികളില്‍ നടപ്പിലാക്കുന്ന അംഗന്‍ജ്യോതി പദ്ധതിയുടെ വിശദാംശം ലഭ്യമാക്കുമോ; ഓരോ അംഗന്‍വാടിയിലും പ്രസ്തുത പദ്ധതിയിലൂടെ എന്തെല്ലാമാണ് നടപ്പിലാക്കുകയെന്ന് വിശദമാക്കാമോ;

പ്രസ്തുത പദ്ധതി എത്ര അംഗന്‍വാടികളിലാണ് നടപ്പിലാക്കാന്‍ ഉദ്ദേശിക്കുന്നതെന്ന് അറിയിക്കാമോ?

സംസ്ഥാനത്ത് കെ‌.എസ്‌.ഇ‌.ബി. സേവനം വാതില്‍പ്പടിയില്‍ എന്ന പേരില്‍ ഒരു പദ്ധതി ആവിഷ്ക്കരിച്ച് നടപ്പിലാക്കിയിട്ടുണ്ടോ; വിശദാംശം നല്‍കുമോ ;

ഉണ്ടെങ്കിൽ ഏതെല്ലാം ജില്ലകളിലാണ് പ്രസ്തുത പദ്ധതി നടപ്പിലാക്കിയിട്ടുള്ളതെന്ന് വ്യക്തമാക്കുമോ;

മലപ്പുറം ജില്ലയിലെ ഏതൊക്കെ ഇലക്ട്രിക്കല്‍ സെക്ഷനുകളിലാണ് പ്രസ്തുത പദ്ധതി നടപ്പിലാക്കുന്നതെന്നും പദ്ധതിയിലൂടെ എന്തെല്ലാം സേവനങ്ങളാണ് ലഭ്യമാകുന്നതെന്നും വ്യക്തമാക്കുമോ?

ഭൂതത്താന്‍കെട്ട് മിനി വൈദ്യുത പദ്ധതിയുടെ നിര്‍മ്മാണപ്രവർത്തനങ്ങളുടെ നിലവിലെ സ്ഥിതി വ്യക്തമാക്കാമോ;

ശേഷിക്കുന്ന പ്രവൃത്തികൾ പൂര്‍ത്തീകരിച്ച് പദ്ധതി കമ്മീഷന്‍ ചെയ്യാന്‍ നടപടി സ്വീകരിക്കുമോ; വ്യക്തമാക്കുമോ?

നിലാവ് പദ്ധതിയില്‍ ലൈറ്റുകള്‍ ബഫര്‍ സ്റ്റോക്ക് ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാനുള്ള നടപടി സ്വീകരിക്കാമോ?

പെരുവണ്ണാമൂഴിയില്‍ ആരംഭിച്ച ഹൈഡ്രോ ഇലക്ട്രിക് പ്രോജക്ടിന്റെ നിര്‍മ്മാണ പുരോഗതി വിശദമാക്കാമോ;

സിവില്‍ ഇറക്ഷന്‍ വര്‍ക്കുകള്‍ക്കായി ഇതുവരെ എത്രകോടി രൂപ ചെലവഴിച്ചു എന്ന് വ്യക്തമാക്കുമോ;

പദ്ധതി എപ്പോള്‍ കമ്മീഷന്‍ ചെയ്യാന്‍ കഴിയുമെന്ന് വ്യക്തമാക്കുമോ?

ഇടുക്കിയിൽ രണ്ടാം നിലയം ഉൾപ്പെടെ പുതിയ ജലവൈദ്യുത പദ്ധതികൾ ഏറ്റെടുക്കുന്നതിന് കെ.എസ്.ഇ.ബി. ഉദ്ദേശിക്കുന്നുണ്ടോ;

എങ്കില്‍ ഈ പദ്ധതികൾക്കായി ചെലവഴിക്കേണ്ട തുക എത്രയെന്ന് കണക്കാക്കിയിട്ടുണ്ടോ;

ഈ പദ്ധതികൾ വഴി എത്ര മെഗാവാട്ട് വൈദ്യുതി ഉല്പാദിപ്പിക്കുവാൻ കഴിയുമെന്ന് വിശദമാക്കുമോ;

പുതിയ പദ്ധതികൾ ഏറ്റെടുക്കുന്നതിനോടൊപ്പം തുടങ്ങി വച്ച പദ്ധതികൾ പൂർത്തിയാക്കുന്നതിന് എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

ഈ സർക്കാർ അധികാരത്തിൽ വന്ന ശേഷം ചാത്തന്നൂർ നിയോജക മണ്ഡലത്തിൽ വെദ്യുതി വകുപ്പ് നടപ്പിലാക്കിയ പ്രവൃത്തികൾ എന്തെല്ലാമെന്നും ഓരോ പ്രവൃത്തിക്കും എത്ര രൂപ വീതമാണ് വിനിയോഗിച്ചതെന്നും വ്യക്തമാക്കാമോ ?

2016-17 സാമ്പത്തിക വർഷം മുതൽ 2022-23 സാമ്പത്തിക വർഷം വരെ നെയ്യാറ്റിൻകര മണ്ഡലത്തിൽ വൈദ്യുതി വിതരണ രംഗത്ത് ഏതൊക്കെ പ്രവൃത്തികൾ ആണ് നടത്തിയതെന്ന് വ്യക്തമാക്കാമോ;

ഒരോ പ്രവൃത്തിക്കും എത്ര തുക വീതമാണ് ഓരോ വർഷവും വിനിയോഗിച്ചതെന്ന് വിശദമാക്കാമോ?

2016 മുതൽ നാളിതുവരെ വൈദ്യുതി പ്രസരണ വിതരണ മേഖലകളിൽ എത്ര കോടി രൂപ ചെലവഴിച്ചിട്ടുണ്ടെന്നും ഇതുവഴി എത്ര സബ് സ്റ്റേഷനുകളും ട്രാൻസ്‍ഫോർമറുകളും ലൈനുകളും അധികമായി സ്ഥാപിച്ചിട്ടുണ്ടെന്നും വ്യക്തമാക്കാമോ;

സംസ്ഥാനത്ത് 2016 മുതൽ നാളിതുവരെ ജലവൈദ്യുത പദ്ധതികളിൽ നിന്നും എത്ര മെഗാവാട്ട് അധിക വൈദ്യുതി ഉല്പാദിപ്പിച്ചിട്ടുണ്ടെന്ന് അറിയിക്കാമോ?

പാറശ്ശാല മണ്ഡലത്തിലെ ആര്യന്‍കോട്,കള്ളിക്കാട്, പെരുങ്കടവിള,വെള്ളറട,ഒറ്റശേഖരമംഗലം,അമ്പൂരി എന്നീ മലയോര പഞ്ചായത്തുകളിലെ വോള്‍ട്ടേജ് ക്ഷാമം പരിഹരിക്കുന്നതിനായി ഒറ്റശേഖരമംഗലം കേന്ദ്രമാക്കി ഒരു 110 കെ.വി സബ്സ്റ്റേഷന്‍ സ്ഥാപിക്കണം എന്ന് ആവശ്യപ്പെട്ട് സമര്‍പ്പിച്ചിരുന്ന പ്രൊപ്പോസലിന്മേലുള്ള തുടർനടപടികള്‍ ഏതു ഘട്ടത്തിലാണെന്ന് അറിയിക്കാമോ;

പ്രസ്തുത സബ് സ്റ്റേഷന്‍ ആരംഭിക്കുന്നതിനായി ഭൂമി ഏറ്റെടുക്കാൻ നടപടികള്‍ സ്വീകരിച്ചിട്ടുണ്ടോ; വിശദമാക്കുമോ;

പദ്ധതി ആരംഭിക്കുന്നതിന്റെ ഭാഗമായി സ്വീകരിച്ചിട്ടുള്ള നടപടികള്‍ എന്തൊക്കെയാണ്; നിര്‍മ്മാണം എന്നത്തേക്ക് ആരംഭിക്കാനാകുമെന്നും എത്ര ചെലവ് പ്രതീക്ഷിക്കുന്നുവെന്നും വിശദമാക്കാമോ ;

പ്രസ്തുത സബ്സ്റ്റേഷന്റെ നിര്‍മ്മാണം ആരംഭിക്കാനുള്ള സത്വര നടപടി സ്വീകരിക്കുമോ; വിശദമാക്കാമോ?

കെ.എസ്.ഇ.ബി.യുടെ ഇപ്പോഴത്തെ സാമ്പത്തിക സ്ഥിതി വ്യക്തമാക്കാമോ;

2016 മെയ് മാസം മുതല്‍ നാളിതുവരെ എത്ര തവണ വൈദ്യുതി നിരക്ക് വര്‍ദ്ധിപ്പിച്ചുവെന്ന് വിശദമാക്കാമോ;

വൈദ്യുതി നിരക്ക് വർദ്ധനവിലൂടെ എത്ര തുകയാണ് അധികവരുമാനമായി ലഭിച്ചതെന്ന് വ്യക്തമാക്കാമോ;

വൈദ്യുതി നിരക്ക് ഇനിയും വര്‍ദ്ധിപ്പിക്കുന്നതിന് വൈദ്യുതി ബോര്‍ഡ് ശിപാര്‍ശ നല്‍കിയിട്ടുണ്ടോ; വൈദ്യുതി നിരക്ക് വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; വിശദവിവരം ലഭ്യമാക്കാമോ;

സ്വകാര്യ സ്ഥാപനങ്ങളില്‍ നിന്നും സര്‍ക്കാര്‍ സ്ഥാപനങ്ങളില്‍ നിന്നും വൈദ്യുതി നിരക്കിലെ കുടിശ്ശികയിനത്തിൽ കെ.എസ്.ഇ.ബി.യ്ക്ക് എത്ര രൂപ ലഭിക്കാനുണ്ട്; സ്ഥാപനം തിരിച്ച് വിശദവിവരം ലഭ്യമാക്കാമോ;

പ്രസ്തുത കുടിശ്ശിക പിരിച്ചെടുക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

സംസ്ഥാനത്ത് കൂടുതൽ വ്യവസായങ്ങളെ ആകർഷിക്കുന്നതിന്റെ ഭാഗമായി പകൽ സമയ വൈദ്യുതി ഉപഭോഗ നിരക്ക് കുറയ്ക്കാൻ ഉദ്ദേശിക്കുന്നുണ്ടോ;

ഉണ്ടെങ്കിൽ ഇത് സംബന്ധിച്ച വിശദാംശങ്ങൾ നൽകാമോ?

നിലമ്പൂര്‍ നിയോജക മണ്ഡലത്തില്‍ 2016-മുതല്‍ നാളിതുവരെ വെെദ്യുതി വകുപ്പ് നടപ്പാക്കിയ പദ്ധതികളും ചെലവഴിച്ച തുകയും സംബന്ധിച്ച വിവരങ്ങൾ വര്‍ഷം തിരിച്ച് ലഭ്യമാക്കാമോ;

പ്രസ്തുത കാലയളവിൽ മണ്ഡലത്തില്‍ എത്ര പുതിയ വെെദ്യുതി കണക്ഷനുകള്‍ നല്‍കിയെന്ന വിവരം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത കാലയളവിൽ മണ്ഡലത്തിലെ ഉള്‍വനങ്ങളിലെ എത്ര ആദിവാസി കോളനികളിലാണ് പുതുതായി വെെദ്യുതി എത്തിച്ചതെന്നും ഇതിനായി ചെലവഴിച്ച തുക എത്രയെന്നുമുള്ള വിവരങ്ങള്‍ ലഭ്യമാക്കാമോ ;

തെരുവ് വിളക്കുകള്‍ സ്ഥാപിക്കുന്ന നിലാവ് പദ്ധതി നിലമ്പൂര്‍ നിയോജക മണ്ഡലത്തിലെ ഏതെല്ലാം ഗ്രാമ പഞ്ചായത്തുകളിലാണ് നടപ്പാക്കിയതെന്ന് അറിയിക്കാമോ?

ആലത്തൂര്‍ മണ്ഡലത്തില്‍ 2016 മുതല്‍ വൈദ്യുതി വകുപ്പ് നടപ്പിലാക്കിയ പദ്ധതികൾ ഏതൊക്കെയാണെന്നും ഇതിനായി എത്ര രൂപ വിനിയോഗിച്ചിട്ടുണ്ടെന്നും വിശദമാക്കാമോ?

ഹരിത ഊര്‍ജ്ജ വരുമാന പദ്ധതി സംസ്ഥാനത്ത് ഏതെല്ലാം ജില്ലകളിലാണ് നടപ്പിലാക്കിയിട്ടുള്ളത്; വിശദാംശം ലഭ്യമാക്കുമോ;

പ്രസ്തുത പദ്ധതി വ്യാപിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

ഈ സർക്കാർ അധികാരത്തിലെത്തിയശേഷം സംസ്ഥാനത്ത് പുരപ്പുറ, ഭൗമോപരിതല, ഫ്ലോട്ടിങ് സോളാർ പദ്ധതികളില്‍ നിന്നുമുള്ള പ്രതിവർഷ വൈദ്യുതി ഉല്പാദനം വർദ്ധിപ്പിക്കുന്നതില്‍ ലക്ഷ്യം നേടാന്‍ സാധിച്ചിട്ടുണ്ടോ എന്ന് അറിയിക്കാമോ; പദ്ധതി തിരിച്ച് വിശദമാക്കാമോ;

ഗ്രീന്‍ ഹൈഡ്രജന്‍ ഹബ്ബുകള്‍ സ്ഥാപിക്കുന്നതിന് ലക്ഷ്യമിടുന്നുണ്ടോ; പ്രസ്തുത ഹബ്ബുകള്‍ മുഖേന എന്തൊക്കെ നേട്ടങ്ങളാണ് പ്രതീക്ഷിക്കുന്നത്; വ്യക്തമാക്കാമോ;

സ്മാർട്ട് മീറ്ററുകള്‍ സ്ഥാപിക്കുന്നതിലൂടെ ഉപഭോക്താക്കള്‍ക്കും വൈദ്യുതി ബോർഡിനും ഉണ്ടാകാന്‍ സാധ്യതയുള്ള ലാഭനഷ്ടങ്ങളുടെ കണക്ക് താരതമ്യം ചെയ്തിട്ടുണ്ടോ; വിശദ വിവരങ്ങൾ അറിയിക്കാമോ;

സംസ്ഥാനത്ത് സ്മാർട്ട് മീറ്റർ ലാഭകരമാകുമോയെന്ന് വിശദമാക്കാമോ;

വീടുകളില്‍ സ്ഥാപിച്ചിട്ടുള്ള സൗരോർജ്ജ പ്ലാന്റുകളുടെ ഭാഗമായുള്ള പ്രീ-പെയ്ഡ് സ്മാർട്ട് മീറ്ററുകള്‍ സ്ഥാപിക്കുന്നതിലുള്ള ആശങ്കകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ?

കാട്ടാക്കട നിയോജക മണ്ഡലത്തിലെ സർക്കാർ ഓഫീസുകളിലും സ്കൂളുകളിലും സോളാർ പാനൽ സ്ഥാപിക്കുന്ന പ്രവൃത്തിയുടെ നിലവിലെ സ്ഥിതി വിശദമാക്കാമോ;

പ്രസ്തുത മണ്ഡലത്തിൽ പദ്ധതി നടപ്പാക്കാൻ ശേഷിക്കുന്ന സ്ഥാപനങ്ങളിൽ സോളാർ പാനൽ സ്ഥാപിക്കുന്നതിനുള്ള നടപടികളുടെ നിലവിലെ സ്ഥിതി വിശദമാക്കാമോ;

മേൽപ്പറഞ്ഞ മണ്ഡലത്തിൽ സോളാർ പാനൽ സ്ഥാപിച്ചതിലൂടെ ആകെ എത്ര യൂണിറ്റ് വൈദ്യുതി ഉല്പാദിപ്പിക്കാനായിയെന്നും എത്ര ടൺ കാർബൺ ബഹിർഗമനം കുറയ്ക്കുന്നതിന് സാധിച്ചുവെന്നും അറിയിക്കുമോ ?

പാടശേഖരങ്ങളില്‍ കൃഷിക്ക് വെെദ്യുതി മോട്ടോറുകൾക്കു പകരം സൗരോര്‍ജ്ജ മോട്ടോറുകൾ ഉപയോഗിക്കുന്നതിന് ആവശ്യമായ നടപടി സ്വീകരിക്കുമോ;

കോള്‍ പടവുകളിലെ ജലസ്രോതസ്സുകളായ തോടുകളുടെ സമീപത്ത് സൗരോര്‍ജ്ജ പ്ലാന്റുകള്‍ സ്ഥാപിച്ച് വെെദ്യുതി ഉല്പാദിപ്പിക്കുന്നതിന് കെ.എസ്.ഇ.ബി. എന്തെങ്കിലും പദ്ധതി തയ്യാറാക്കിയിട്ടുണ്ടോ; വിശദാംശം നൽകാമോ?

വടക്കാഞ്ചേരി മണ്ഡലത്തിലെ വാഴാനി ഡാമില്‍ സോളാര്‍പാനല്‍ സ്ഥാപിച്ച് വെെദ്യുതി ഉല്പാദനം ആരംഭിക്കുന്നതുമായി ബന്ധപ്പെട്ട സാധ്യതാ പഠന റിപ്പോര്‍ട്ട് ലഭ്യമായിട്ടുണ്ടോ; ഇല്ലെങ്കില്‍ ആയത് അടിയന്തരമായി ലഭ്യമാക്കുന്നതിന് നടപടി സ്വീകരിക്കുമോ?

ക്ലീൻ എനർജി എന്നറിയപ്പെടുന്ന ഹരിത ഹൈഡ്രജൻ ഉല്പാദനത്തിനുള്ള സംസ്ഥാനത്തിന്റെ അനുകൂല അന്തരീക്ഷം പരമാവധി പ്രയോജനപ്പെടുത്തേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

2040 ആകുമ്പോഴേക്കും നൂറുശതമാനം പുനരുപയോഗ ഊർജ്ജ അധിഷ്‌ഠിത സംസ്ഥാനമായി മാറുവാന്‍ സംസ്ഥാനം ലക്ഷ്യമിടുന്നുണ്ടോ; വിശദമാക്കാമോ;

ഇതിന്റെ ഭാഗമായി ഹൈഡ്രജൻവാലി ഇന്നൊവേഷൻ ക്ലസ്‌റ്ററുകൾ സ്ഥാപിക്കാനുള്ള നടപടികള്‍ പരിഗണനയിലുണ്ടോ; വിശദമാക്കാമോ;

ഹൈഡ്രജൻ ഉല്പാദനവും വിതരണവും കൂടാതെ ഈ രംഗത്ത് ഗവേഷണങ്ങളും കണ്ടുപിടുത്തങ്ങളും പദ്ധതിയുടെ ഭാഗമായി പരിഗണനയിലുണ്ടോ; വിശദമാക്കാമോ?

പുരപ്പുറ സൗരോർജ്ജ പദ്ധതി പ്രകാരമുള്ള വൈദ്യുതി ഉല്പാദനത്തിന്റെ കണക്ക് സംബന്ധിച്ച വിശദാംശം ലഭ്യമാക്കാമോ;

ഈ സര്‍ക്കാര്‍ അധികാരത്തില്‍ വന്നശേഷം പാരമ്പര്യേതര ഊര്‍ജ്ജ സ്രോതസ്സുകള്‍ സ്ഥാപിക്കുന്നതിനായി ചെലവഴിച്ച തുക സംബന്ധിച്ച വിശദാംശം ലഭ്യമാക്കാമോ;

പാരമ്പര്യേതര ഊര്‍ജ്ജ സ്രോതസ്സുകള്‍ സ്ഥാപിച്ചതിലൂടെ പരിസ്ഥിതിക്കുണ്ടായ നേട്ടം സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; ഉണ്ടെങ്കില്‍ പഠന റിപ്പോര്‍ട്ട് ലഭ്യമാക്കാമോ?

വൈദ്യുത കമ്പിയില്‍ തട്ടി അപകടം സംഭവിക്കുന്നവര്‍ക്ക് ബോര്‍ഡ് മുഖേന നഷ്ടപരിഹാരം നല്‍കുന്നതിന് വ്യവസ്ഥയുണ്ടോ; എങ്കില്‍ ആയതിന് നിശ്ചയിച്ചിട്ടുള്ള അര്‍ഹതാ മാനദണ്ഡങ്ങള്‍ വിശദമാക്കാമോ?

വൈദ്യൂതി ലൈനുകളില്‍ നിന്ന് ഷോക്കേറ്റ് ഉണ്ടാകുന്ന മരണങ്ങളും അപകടങ്ങളും തടയാന്‍ വൈദ്യുതി ബോര്‍ഡ് എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

കഴിഞ്ഞ വര്‍ഷം സംസ്ഥാനത്ത് വൈദ്യൂതി ലൈനുകളില്‍ നിന്ന് ഷോക്കേറ്റ് എത്ര മരണം സംഭവിച്ചിട്ടുണ്ട്;

വൈദ്യൂതി ലൈനുകളില്‍ നിന്ന് ഷോക്കേറ്റ് അപകട മരണം സംഭവിച്ചവരുടെ കുടുംബത്തിന് എന്തൊക്കെ സഹായങ്ങളാണ് ഇപ്പോള്‍ നല്കി വരുന്നത്; വിശദമാക്കാമോ?

മുൻ വൈദ്യുതി വകുപ്പ് മന്ത്രിയുടെ അഡീഷണൽ പ്രൈവറ്റ് സെക്രട്ടറിയായിരുന്ന എം.ജി.സുരേഷ് കുമാർ കെ.എസ്.ഇ.ബി.യുടെ ഔദ്യോഗിക വാഹനം സ്വകാര്യ ആവശ്യങ്ങൾക്കായി ദുരുപയോഗം ചെയ്തതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ഈയിനത്തിൽ ഉണ്ടായ സാമ്പത്തിക നഷ്ടം പ്രസ്തുത വ്യക്തിയിൽ നിന്നും ഈടാക്കുവാൻ കെ.എസ്.ഇ.ബി.യുടെ മുൻ സി.എം.ഡി. ഉത്തരവിട്ടിരുന്നോ; എങ്കിൽ ഈടാക്കേണ്ട തുക എത്രയാണെന്നും ഈ തുക അടച്ചിട്ടുണ്ടോ എന്നും ഇല്ലെങ്കിൽ കാരണമെന്താണെന്നും വ്യക്തമാക്കുമോ;

പ്രസ്തുത വ്യക്തിയിൽ നിന്നും ഈടാക്കുവാൻ മുൻ സി.എം.ഡി. നിശ്ചയിച്ച തുക പുതിയ സി.എം.ഡി. ഇളവ് ചെയ്തു കൊടുക്കുകയോ ഒഴിവാക്കുകയോ ചെയ്തിട്ടുണ്ടോ; എങ്കിൽ പ്രസ്തുത ഉത്തരവുകളുടെ പകർപ്പ് ലഭ്യമാക്കുമോ?

കാസർഗോഡ് ജില്ലയിൽ വൈദ്യുതി ​വകുപ്പിന്റെ കീഴിൽ പ്രവർത്തിക്കുന്ന ഓഫീസുകളും സ്ഥാപനങ്ങളും ഏതൊക്കെയാണെന്ന് വ്യക്തമാക്കാമോ;

പ്രസ്തുത ഓഫീസുകളില്‍ അനുവദിച്ച തസ്തികകളും അവയുടെ എണ്ണവും ഓഫീസ്/സ്ഥാപനം തിരിച്ച് വ്യക്തമാക്കാമോ;

ഒഴിഞ്ഞു കിടക്കുന്ന തസ്തികകളുടെ എണ്ണം, ഓഫീസ്/സ്ഥാപനം തിരിച്ച് ലഭ്യമാക്കാമോ;

തസ്തികകൾ എത്ര കാലമായി ഒഴിഞ്ഞു കിടക്കുന്നുണ്ടെന്നും ഇതിനുളള കാരണമെന്താണെന്നും എപ്പോൾ നികത്തുമെന്നും ഓഫീസ്/സ്ഥാപനം തിരിച്ച് വ്യക്തമാക്കാമോ?

വൈദ്യുതി വിതരണം സുഗമമാക്കുന്നതിനും വോള്‍ട്ടേജ് ക്ഷാമം പരിഹരിക്കുന്നതിനും വിഭാവനം ചെയ്ത നെല്ലിക്കാപറമ്പ് 66 കെ.വി. സബ്സ്റ്റേഷന്‍ പദ്ധതി ഇപ്പോള്‍ ഏതുഘട്ടത്തിലാണെന്ന് വ്യക്തമാക്കുമോ;

പ്രസ്തുത പദ്ധതി ആരംഭിക്കുന്നതിനുള്ള നടപടി ക്രമങ്ങള്‍ എന്താണെന്ന് വ്യക്തമാക്കുമോ;

ഈ പദ്ധതി എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കുമോ?

പെരിന്തല്‍മണ്ണ, പട്ടിക്കാട് ഭാഗങ്ങളിലെ വോള്‍ട്ടേജ് ക്ഷാമം പരിഹരിക്കുന്നതിനായി പട്ടിക്കാട് ഭാഗത്ത് 110 കെ.വി. സബ് സ്റ്റേഷന്‍ ആവശ്യമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

ഉണ്ടെങ്കിൽ ഇക്കാര്യത്തില്‍ വൈദ്യുതി വകുപ്പ് എന്ത് നടപടിയാണ് സ്വീകരിച്ചിട്ടുള്ളതെന്ന് വിശദമാക്കുമോ;

പട്ടിക്കാട് 110 കെ.വി. സബ് സ്റ്റേഷന്‍ ആരംഭിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

താഴേക്കോട്, പുലാമന്തോള്‍ സെക്ഷനുകള്‍ക്ക് കീഴില്‍ നിരന്തരം ഉണ്ടായിക്കൊണ്ടിരിക്കുന്ന വൈദ്യുതി തടസ്സങ്ങളും വോള്‍ട്ടേജ് പ്രശ്‌നങ്ങളും മൂലം ഉപഭോക്താക്കള്‍ നേരിടുന്ന പ്രയാസം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രശ്‌നത്തിന് ശാശ്വത പരിഹാരം കാണുന്നതിന് എന്ത് നടപടിയാണ് വൈദ്യുതി വകുപ്പിന് സ്വീകരിക്കാന്‍ സാധിക്കുകയെന്ന് വിശദമാക്കുമോ;

ഇക്കാര്യത്തില്‍ അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

മഞ്ചേരി വൈദ്യുതി സെക്ഷനെ വിഭജിച്ച് പൂക്കളത്തൂരിൽ പുതിയ സെക്ഷൻ ആരംഭിക്കുന്നത് പരിഗണനയിൽ ഉണ്ടോ; വിശദമാക്കാമോ?

താമരശ്ശേരി അടിവാരത്ത് സ്ഥാപിക്കാനുദ്ദേശിക്കുന്ന 110 കെ.വി.സബ് സ്റ്റേഷന്റെ സ്ഥലമേറ്റെടുപ്പ് നിലവിൽ ഏത് ഘട്ടത്തിലാണെന്ന് വ്യക്തമാക്കുമോ;

പ്രസ്തുത പദ്ധതി നിര്‍മ്മാണം എപ്പോള്‍ ആരംഭിക്കുവാന്‍ കഴിയുമെന്ന് വിശദമാക്കുമോ?

കുറ്റ്യാടി മണ്ഡലത്തിലെ മണിയൂര്‍ ഗ്രാമപഞ്ചായത്തിലെ കീഴല്‍ എന്ന സ്ഥലത്ത് നിര്‍മ്മിക്കാന്‍ ഉദ്ദേശിക്കുന്ന സബ് സ്റ്റേഷന്റെ നടപടിക്രമങ്ങള്‍ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത സബ് സ്റ്റേഷൻ നിര്‍മ്മിക്കുന്നതിലൂടെ ഉണ്ടാകുന്ന പ്രയോജനങ്ങള്‍ എന്തൊക്കെയെന്ന് അറിയിക്കാമോ?

വൈദ്യുതി ബോര്‍ഡില്‍ മസ്ദൂര്‍ നിയമനം നടത്താന്‍ അടിയന്തര നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

വൈദ്യുതി ബോര്‍ഡിന്റെ പ്രവര്‍ത്തനങ്ങള്‍ കൂടുതല്‍ ജനോപകാരപ്രദമാക്കാന്‍ സ്വീകരിച്ചു വരുന്ന നടപടികള്‍ എന്തെല്ലാമെന്ന് വ്യക്തമാക്കുമോ?

സംസ്ഥാനത്ത് എവിടെയെല്ലാമാണ് വൈദ്യുതി വകുപ്പിന്റെ കീഴില്‍ ഹൈഡല്‍ ടൂറിസം പദ്ധതികള്‍ പ്രവര്‍ത്തിക്കുന്നതെന്ന് വിശദമാക്കാമോ;

സംസ്ഥാനത്ത് 2016-17 മുതല്‍ 2022-23 വരെ ഹൈഡല്‍ ടൂറിസം പദ്ധതികളിലൂടെ ലഭിച്ചിട്ടുള്ള വരുമാനം വര്‍ഷം തിരിച്ച് വിശദമാക്കാമോ;

വാമനപുരം മണ്ഡലത്തില്‍ നന്ദിയോട് ലോവര്‍ മീന്‍മുട്ടിയില്‍ പ്രവര്‍ത്തിച്ചുവന്നിരുന്ന ഹൈഡല്‍ ടൂറിസം പ്രോജക്ട് നിര്‍ത്തിവയ്ക്കാനുണ്ടായ കാരണം വിശദമാക്കാമോ;

നഷ്ടത്തില്‍ പ്രവര്‍ത്തിക്കുന്ന പ്രോജക്ടുകള്‍ എവിടെയെല്ലാമാണെന്നും നഷ്ടത്തിലുള്ളവ ലാഭകരമാക്കാന്‍ എന്തെങ്കിലും നടപടികള്‍ സ്വീകരിച്ചിട്ടുണ്ടോയെന്നും വിശദമാക്കാമോ?

സംസ്ഥാനത്ത് ഇലക്ട്രിക് ചാർജിങ് സ്റ്റേഷനുകൾ സ്ഥാപിക്കുന്നതിനായി സ്വീകരിച്ച നടപടികൾ വിശദമാക്കാമോ;

ചാർജിങ് സ്റ്റേഷനുകൾ സ്വകാര്യ മേഖലയ്ക് കൈമാറാൻ സർക്കാർ ഉദ്ദേശിക്കുന്നുണ്ടോ; ഉണ്ടെങ്കിൽ വിശദമാക്കാമോ;

ഓരോ നിയോജക മണ്ഡലത്തിലും ചാർജിങ് സ്റ്റേഷനുകൾ ആരംഭിക്കാൻ നടപടികൾ സ്വീകരിക്കുമോ; വിശദമാക്കാമോ?

കുറ്റ്യാടി മണ്ഡലത്തില്‍ പുതുതായി വൈദ്യുതി വാഹന ചാര്‍ജ്ജിംഗ് സ്റ്റേഷനുകള്‍ സ്ഥാപിക്കുവാന്‍ ഉദ്ദേശിക്കുന്നുണ്ടോ; കുറ്റ്യാടി ടൗണ്‍, കക്കട്ടില്‍ ടൗണ്‍ എന്നിവിടങ്ങളില്‍ ചാര്‍ജ്ജിംഗ് സ്റ്റേഷനുകള്‍ സ്ഥാപിക്കുന്നതിന്റെ നടപടിക്രമങ്ങള്‍ ഏത് ഘട്ടത്തിലാണെന്ന് അറിയിക്കാമോ?

വര്‍ക്കല മണ്ഡലത്തില്‍ ഇലക്ട്രിക് വാഹന ചാര്‍ജ്ജിംഗ് സ്റ്റേഷനുകള്‍ സ്ഥാപിക്കന്നത് എവിടെയെല്ലാമെന്ന് വിശദമാക്കാമോ;

പ്രസ്തുത മണ്ഡലത്തിലെ ടൂറിസം മേഖലകളില്‍ ഇലക്ട്രിക് വാഹന ചാര്‍ജ്ജിംഗ് സ്റ്റേഷനുകളുടെ അഭാവമുള്ളതിനാല്‍ ആയത് പരിഹരിക്കുന്നതിന് അടിയന്തര നടപടി സ്വീകരിക്കുമോ?

നിലവിൽ ഉണ്ടായിരുന്ന ദീർഘകാല വൈദ്യുതി കരാറുകൾ നിർത്തലാക്കിയ നടപടി പിൻവലിച്ച് അതേ കമ്പനികളുമായി വീണ്ടും കരാർ ഉണ്ടാക്കുവാൻ ഇടയായ സാഹചര്യം എന്താണെന്ന് വ്യക്തമാക്കുമോ;

ഇപ്രകാരം കരാർ പുതുക്കിയപ്പോൾ പഴയ നിരക്കിൽ വൈദ്യുതി നൽകാൻ കമ്പനികൾ തയ്യാറായിട്ടുണ്ടോ; ഇല്ലെങ്കിൽ പുതിയ കരാർ പ്രകാരമുള്ള നിരക്ക് വ്യവസ്ഥകൾ എന്താണെന്ന് വ്യക്തമാക്കുമോ;

നിലവിൽ ഉണ്ടായിരുന്ന കരാർ റദ്ദാക്കിയത് മൂലം എത്ര കോടി രൂപയുടെ അധിക ബാധ്യതയാണ് ഉണ്ടായിട്ടുള്ളത്; ഈ ബാധ്യത ഉപഭോക്താക്കളിൽ നിന്ന് ഈടാക്കുവാനാണോ ഉദ്ദേശിക്കുന്നത്; പ്രസ്തുത ബാധ്യത പരിഹരിക്കുന്നതിന് വൈദ്യുതി നിരക്കിൽ എത്ര രൂപയുടെ വർദ്ധന വരുത്തണമെന്നാണ് കണക്കാക്കിയിട്ടുള്ളതെന്ന് വിശദമാക്കുമോ?

വാമനപുരം മണ്ഡലത്തിലെ പാലോട് സബ്സ്റ്റേഷനില്‍ 66 കെ.വി.ലൈന്‍ 110 കെ.വി. ആക്കുന്നതുമായി ബന്ധപ്പെട്ട് നടന്നുവരുന്ന പ്രവൃത്തികളുടെ പുരോഗതി അറിയിക്കാമോ;

പ്രസ്തുത നിര്‍മ്മാണ പ്രവര്‍ത്തനത്തിന് എത്ര തുകയാണ് അനുവദിച്ചിട്ടുള്ളത്; വിശദമാക്കാമോ;

പദ്ധതി പൂര്‍ത്തീകരണത്തിലൂടെ പൊതുജനങ്ങള്‍ക്ക് എന്തെല്ലാം പ്രയോജനങ്ങളാണ് ലഭ്യമാകുന്നതെന്ന് വിശദമാക്കാമോ?

സംസ്ഥാനത്ത് 2016 മുതൽ നാളിതുവരെ നിലവിലുള്ള ജലവൈദ്യുത പദ്ധതികളിലൂടെ എത്ര മെഗാവാട്ട് അധിക വൈദ്യുതി മുൻ വർഷങ്ങളെ അപേക്ഷിച്ച് ഉല്പാദിപ്പിച്ചുവരുന്നുണ്ടെന്ന് വ്യക്തമാക്കാമോ;

ഈ കാലയളവിൽ പുതുതായി എത്ര ജലവൈദ്യുതി പദ്ധതികളാണ് ആരംഭിച്ചതെന്നും ഇവയിൽ നിന്നും എത്ര മെഗാവാട്ട് വൈദ്യുതിയാണ് ഉല്പാദിപ്പിച്ചു വരുന്നതെന്നും വ്യക്തമാക്കാമോ?

സ്മാര്‍ട്ട് സിറ്റി പദ്ധതിയുടെ ഭാഗമായി തിരുവനന്തപുരം നഗരത്തില്‍ ഏതെല്ലാം കേന്ദ്രസര്‍ക്കാര്‍ സ്ഥാപനങ്ങള്‍, പൊതുമേഖലാ സ്ഥാപനങ്ങള്‍, കമ്പനികൾ, കോര്‍പ്പറേഷനുകള്‍ എന്നിവിടങ്ങളില്‍ എത്ര കിലോവാട്ട് സോളാർ പവര്‍ പ്ലാന്റ് സ്ഥാപിച്ചിട്ടുണ്ട്; ആകെ എത്ര തുകയുടേയും എത്ര കിലോവാട്ടിന്റെയും പ്രവൃത്തികൾ ഇതുവരെ നടപ്പാക്കിയിട്ടുണ്ട്;

പ്രസ്തുത പ്രവൃത്തികൾക്ക് ടെണ്ടര്‍ ലഭിച്ച കമ്പനികള്‍ ഏതൊക്കയാണെന്ന് വ്യക്തമാക്കാമോ; ടെണ്ടര്‍ ലഭിച്ച സ്ഥാപനം, എത്ര കിലോവാട്ട്, തുക എന്നിവ തരം തിരിച്ച് വര്‍ക്ക് ഓര്‍ഡറിന്റെ പകർപ്പുകള്‍ സഹിതം ലഭ്യമാക്കാമോ;

അനെര്‍ട്ട് എംപാനല്‍ ചെയ്ത കമ്പനികളില്‍ നിന്നാണോ ടെണ്ടര്‍ ക്ഷണിച്ചതെന്ന് അറിയിക്കാമോ; എംപാനല്‍ ചെയ്ത കമ്പനികളുടെ പേര്, മുന്‍ പ്രവൃത്തി പരിചയം,എംപാനല്‍ ചെയ്ത തീയതി എന്നിവയും ലഭ്യമാക്കാമോ?

പാലക്കാട് തുടുക്കി ആദിവാസി കോളനിയില്‍ എത്ര കിലോവാട്ട് സോളാര്‍ വിന്‍ഡ് ഹൈബ്രിഡ് സിസ്റ്റം സ്ഥാപിക്കാനാണ് ടെണ്ടര്‍ ക്ഷണിച്ചത്; അതിൽ എത്ര തുകയ്ക്കുള്ള വർക്ക് ഓര്‍ഡര്‍ നല്‍കി; വ്യക്തമാക്കാമോ;

പ്രസ്തുത പ്രോജക്റ്റുമായി ബന്ധപ്പെട്ട് എത്ര പ്രാവശ്യം ടെണ്ടര്‍ ക്ഷണിച്ചു; ഓരോ പ്രാവശ്യവും ടെണ്ടറില്‍ പങ്കെടുത്ത കമ്പനികളും തുകയും ഓരോ ടെണ്ടറും ക്യാന്‍സല്‍ ചെയ്യാനുണ്ടായ സാഹചര്യങ്ങളും വിശദമാക്കാമോ;

ഏതു കമ്പനിക്കാണ് ടെണ്ടര്‍ ലഭിച്ചതെന്ന് അറിയിക്കാമോ; വര്‍ക്ക് ഓര്‍ഡറിന്റെ പകർപ്പ്, പേയ്മെന്റ് നല്‍കിയ ഉത്തരവിന്റെ പകർപ്പ് എന്നിവ ലഭ്യമാക്കാമോ;

പ്രസ്തുത പദ്ധതിയുമായി ബന്ധപ്പെട്ട് എ.ജി.യുടെ പരിശോധനാവിഭാഗത്തിന്റെ റിപ്പോർട്ടിലെ പരാമര്‍ശങ്ങള്‍ എന്തൊക്കെയാണ്; പ്രസ്തുത ഭാഗത്തിന്റെ പകർപ്പ് നല്‍കാമോ?

ആലപ്പുഴ നിയോജകമണ്ഡലത്തില്‍ അനെര്‍ട്ട് മുഖേന ഏതൊക്കെ പദ്ധതികളാണ് നടപ്പിലാക്കുന്നതെന്നും അവയ്ക്കായി ചെലവഴിക്കുന്ന തുക സംബന്ധിച്ചുമുള്ള വിശദവിവരം ലഭ്യമാക്കാമോ;

പ്രസ്തുത നിയോജകമണ്ഡലത്തില്‍ സൗരോര്‍ജ്ജം ഉപയോഗിച്ച് സര്‍ക്കാര്‍ ഓഫീസുകള്‍, സര്‍ക്കാര്‍ സ്കൂളുകള്‍ എന്നിവ വൈദ്യുതിവല്‍ക്കരിക്കുന്നതിന് നടപടി സ്വീകരിച്ചിട്ടുണ്ടോ; വിശദവിവരം ലഭ്യമാക്കാമോ?