14KLA-unstarred questions










	UNSTARRED
	QUESTIONS
	AND
	ANSWERS

You are here: Business >14^th KLA >13th Session>Unstarred questions Answers

Answer Provided

Answer Not Yet Provided

FOURTEENTH KLA - 13th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ഇ-ആരോഗ്യ പദ്ധതി

3945.

ശ്രീ.കെ.സി.ജോസഫ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ജീവിതശൈലീ രോഗങ്ങള്‍ക്ക് പ്രധാന കാരണം അനാരോഗ്യകരമായ ഭക്ഷണശൈലിയും, വ്യായാമക്കുറവും ആണെന്ന വസ്തുത പരിഗണിച്ച് ഇക്കാര്യത്തിലുള്ള അവബോധം സ്ക്കൂള്‍ തലത്തില്‍ തന്നെ നല്‍കുന്നതിന് നടപടി കൈക്കൊള്ളുമോ?

നിപ വൈറസ്

3946.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2018 മേയ് മാസത്തില്‍ സംസ്ഥാനത്ത് ഒട്ടേറെ പേരുടെ മരണത്തിനിടയാക്കിയ നിപ വൈറസ് വീണ്ടും സംസ്ഥാനത്തേക്ക് കടന്നുവരാനുള്ള സാധ്യത ആരോഗ്യ വകുപ്പ് ഇപ്പോള്‍ കാണുന്നുണ്ടോ;

(ബി)	എങ്കില്‍ ഏത് മാസങ്ങളിലാണ് നിപ വൈറസിന്റെ വ്യാപനം പ്രധാനമായും ഉണ്ടാകുന്നത്;

(സി)	എങ്കില്‍ ഇത് മുന്നില്‍ കണ്ട് പൊതുജന സുരക്ഷയ്ക്കായി സര്‍ക്കാര്‍ എന്തൊക്കെ മുന്‍കരുതല്‍ നടപടികള്‍ കൈക്കൊള്ളും;

(ഡി)	കൂടാതെ 2018 മേയ് മാസത്തില്‍ സംസ്ഥാനത്ത് 18 പേര്‍ക്ക് നിപ ബാധിച്ചതില്‍ 16 പേര്‍ മരിച്ചെന്ന് ആരോഗ്യവകുപ്പ്സ്ഥിരീകരിക്കുകയുണ്ടായോ;

(ഇ)	എന്നാല്‍ നിപ ബാധിച്ചത് 23 പേര്‍ക്കാണെന്നും അതില്‍ 21 പേര്‍ മരണപ്പെട്ടെന്നും പിന്നീട് ഒരു പഠനസംഘം കണ്ടെത്തുക ഉണ്ടായോ;

(എഫ്)

ബ്രിട്ടീഷ് മെഡിക്കല്‍ ജേര്‍ണല്‍, ദ ജേര്‍ണല്‍ ഓഫ് ഇന്‍ഫക്ഷ്യസ് ഡിസീസ് എന്നിവയില്‍ ഇത് സംബന്ധമായ പഠന റിപ്പോര്‍ട്ടുകള്‍ പ്രസിദ്ധീകരിക്കുക ഉണ്ടായോ;

(ജി)	എങ്കില്‍ ആരോഗ്യ വകുപ്പ് ഇക്കാര്യം പരിശോധിക്കുകയുണ്ടായോ;വിശദാംശങ്ങള്‍ നല്‍കുമോ?

മായം ചേര്‍ത്ത വെളിച്ചെണ്ണ

3947.

ശ്രീ.വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വിവിധ ബ്രാന്റുകളില്‍പ്പെട്ട‌ മായം ചേര്‍ത്ത വെളിച്ചെണ്ണ വിപണിയില്‍ നിന്നും പിടിച്ചെടുത്തത് സംബന്ധിച്ച എത്ര റിപ്പോര്‍ട്ടുകൾ ഉണ്ടായി; ഇത്തരത്തില്‍ മായം ചേര്‍ത്ത വെളിച്ചണ്ണ വിപണിയില്‍ എത്തുന്നത് തടയാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

(ബി)	വെളിച്ചെണ്ണയിലെ മായം പരിശോധിക്കാൻ ജില്ലകളില്‍ സംവിധാനമുണ്ടോ; ഉണ്ടെങ്കില്‍ എവിടെയൊക്കെ;

(സി)	ഭക്ഷ്യ വസ്തുക്കളിലെ മായം പരിശോധിക്കാനുള്ള സംവിധാനം ജില്ലാതലത്തില്‍ (ലാബ് ഉള്‍പ്പെടെ) സജ്ജമാക്കുമോ?

കേരള മെഡിക്കല്‍ സര്‍വ്വീസ് കോര്‍പ്പറേഷന്‍

3948.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെകാലത്തു് കേരള മെഡിക്കല്‍ സര്‍വ്വീസ് കോര്‍പ്പറേഷന്‍ മുഖേന സര്‍ക്കാര്‍ ആശുപത്രികള്‍ക്ക് നല്‍കിയിട്ടുളള ഉപകരണങ്ങളുടെ പ്രവര്‍ത്തനക്ഷമത പരിശോധിച്ചിട്ടുണ്ടോ;

(ബി)	ഇത്തരം പരിശോധനയ്ക്ക് എന്തൊക്കെ സംവിധാനങ്ങളാണ് നിലവിലുള്ളതെന്ന് വ്യക്തമാക്കുമോ;

(സി)	സര്‍ക്കാര്‍ ആശുപത്രികളില്‍ നിന്ന് ഉപകരണങ്ങളുടെ ആവശ്യകത അനുസരിച്ച് ലഭ്യമാകുന്ന ഉത്തരവുകളുടെ അടിസ്ഥാനത്തിലാണോ കോര്‍പ്പറേഷന്‍ ഉപകരണങ്ങള്‍ വാങ്ങുന്നത്;

(ഡി)	കോര്‍പ്പറേഷന്‍ വാങ്ങുന്ന ഉപകരണങ്ങളുടെ ഗുണനിലവാര പരിശോധന നടത്താന്‍ സാങ്കേതിക പരിജ്ഞാനമുളള ഉദ്യോഗസ്ഥര്‍ കോര്‍പ്പറേഷനില്‍ നിലവിലുണ്ടോ; ഉണ്ടെങ്കില്‍ അവരുടെ പേരുവിവരവും, തസ്തികകളും വ്യക്തമാക്കുമോ?

എച്ച് വണ്‍ എന്‍ വണ്‍ പ്രതിരോധ പ്രവര്‍ത്തനങ്ങള്‍

3949.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എച്ച് വണ്‍ എന്‍ വണ്‍ പനി ഫലപ്രദമായി തടയുന്നതിന് സ്വീകരിച്ച പ്രതിരോധ പ്രവര്‍ത്തനങ്ങളെക്കുറിച്ച് വിശദീകരിക്കാമോ;

(ബി)	ഈ വര്‍ഷം സംസ്ഥാനത്ത്എച്ച് വണ്‍ എന്‍ വണ്‍ പനി മൂലം എത്ര മരണങ്ങള്‍ റിപ്പോര്‍ട്ട് ചെയ്തിട്ടുണ്ട്;

(സി)	ഈ രംഗത്ത് കൂടുതല്‍ കാര്യക്ഷമമായ പ്രതിരോധ പ്രവര്‍ത്തനങ്ങള്‍ നടത്തേണ്ടതിന്റെ ആവശ്യകത വിലയിരുത്തിയിട്ടുണ്ടോ; വിശദാംശങ്ങള്‍ ലഭ്യമാക്കുമോ?

ആരോഗ്യ വകുപ്പ് ഡയറക്ടറേറ്റിലെ ഫയലുകളിന്മേലുള്ള കാലതാമസം

3950.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ആരോഗ്യ വകുപ്പ് ഡയറക്ടറേറ്റിലെ പല ഫയലുകളിലും സമയബന്ധിതമായി തീര്‍പ്പ് കല്‍പ്പിക്കുന്നില്ല എന്നുള്ള പരാതി പരിഹരിക്കുന്നതിന് ഈ സര്‍ക്കാര്‍ എന്തെല്ലാം കാര്യങ്ങളാണ് ചെയ്തിട്ടുള്ളതെന്ന് വ്യക്തമാക്കാമോ?

വ്യക്ക രോഗികള്‍

3951.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	18 വയസ്സിന് മുകളിലുളള ആളുകളുടെ വൃക്ക മാറ്റി വെക്കല്‍, കരള്‍മാറ്റിവെയ്ക്കല്‍ ശസ്ത്രക്രിയക്ക് ആരോഗ്യവകുപ്പ് നല്‍കുന്ന സഹായങ്ങള്‍ എന്തെല്ലാമെന്ന് വിശദാമാക്കാമോ;

(ബി)	വൃക്ക മാറ്റിവെയ്ക്കല്‍, കരള്‍ മാറ്റിവെയ്ക്കല്‍ ശസ്ത്രക്രിയ സര്‍ക്കാര്‍ ആശുപത്രികളില്‍ നടത്താന്‍ കഴിയുമോ;വിശദാംശങ്ങള്‍ അറിയിക്കാമോ;

(സി)	ഒരു വൃക്കമാറ്റിവെയ്ക്കല്‍ ശസ്ത്രക്രിയക്ക് വിധേയരാകുന്നയാള്‍ക്ക് ബന്ധുക്കളില്‍ നിന്നും വൃക്ക കിട്ടാത്ത സാഹചര്യത്തില്‍ മറ്റ് ആളുകളില്‍ നിന്ന് വ്യക്ക സ്വീകരിക്കുന്നതിനും ദാനം ചെയ്യുന്നതിനുമുളള നടപടിക്രമങ്ങള്‍ അറിയിക്കാമോ?

കുഷ്ഠരോഗ നിര്‍മ്മാര്‍ജ്ജനം

3952.

(എ)	2005-ല്‍ കുഷ്ഠരോഗം നിര്‍മ്മാര്‍ജ്ജനം ചെയ്തതായി പ്രഖ്യാപിച്ച കേരളത്തില്‍ ഇപ്പോള്‍ വര്‍ഷം തോറും ശരാശരി 500 പേരിലെങ്കിലും പുതുതായി കുഷ്ഠരോഗം കണ്ടെത്തുന്നതായി സ്ഥിരീകരിക്കുയുണ്ടോയോ ;

(ബി)	ഇതില്‍ പത്ത് ശതമാനത്തോളം കുട്ടികളാണെന്നും ഇത് ദേശീയ ശരാശരിക്കു മുകളിലാണെന്നുമുള്ള റിപ്പോര്‍ട്ടുകള്‍ പരിശോധിക്കുകയുണ്ടോയോ;

(സി)	എങ്കില്‍ രോഗത്തിന്റെ ഉറവിടം കണ്ടെത്താനും പൂര്‍ണ്ണമായം ഈ രോഗം നിര്‍മ്മാര്‍ജനം ചെയ്യാനും എന്തൊക്കെ അടിയന്തര നടപടികള്‍ സമയബന്ധിതമായി കൈകൊള്ളും; വ്യക്തമാക്കുമോ?

കോഴഞ്ചേരി ജില്ല ആശുപത്രി

3953.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2010 മുതല്‍ കോഴഞ്ചേരി ജില്ല ആശുപത്രിയില്‍ നടത്തിയിട്ടുള്ള വികസന പ്രവര്‍ത്തനങ്ങള്‍ എന്തെല്ലാമാണ്;ഏതൊക്കെ പദ്ധതികളിലായാണ് പ്രവൃത്തികള്‍ നടത്തിയത്;

(ബി)	ഇതില്‍ പൂര്‍ത്തിയായവ ഏതെല്ലാം; ഇപ്പോള്‍ നിലവില്‍ ഏതെങ്കിലും നിര്‍മ്മാണ പ്രവൃത്തികള്‍ നടക്കുന്നുണ്ടോ; ഉണ്ടെങ്കില്‍ വിശദാംശങ്ങള്‍ വ്യക്തമാക്കുമോ?

സമ്പൂര്‍ണ്ണ കാന്‍സര്‍ നിര്‍മ്മാര്‍ജ്ജനം

3954.

ശ്രീ.കെ. ദാസന്‍
,, വി. അബ്ദുറഹിമാന്‍
,, ജോണ്‍ ഫെര്‍ണാണ്ടസ്
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കാന്‍സര്‍ രോഗികളുടെ എണ്ണം വര്‍ദ്ധിച്ചുവരുന്ന സാഹചര്യത്തില്‍ സമ്പൂര്‍ണ്ണ കാന്‍സര്‍ നിര്‍മ്മാര്‍ജ്ജനത്തിനായി എന്തെല്ലാം നൂതന പദ്ധതികളാണ് ആവിഷ്ക്കരിച്ചിട്ടുള്ളത്;

(ബി)	സംസ്ഥാനത്ത് ക്യാന്‍സര്‍ രജിസ്ട്രി തയ്യാറാക്കാന്‍ തീരുമാനിച്ചിട്ടുണ്ടോ; വിശദാംശം നല്‍കുമോ ;

(സി)	എല്ലാ ജില്ലാ ആശുപത്രികളുലും കീമോതെറാപ്പി സംവിധാനം ഏര്‍പ്പെടുത്താന്‍ നടപടി സ്വീകരിച്ചിട്ടുണ്ടോ ;

(ഡി)	കാന്‍സര്‍ ചികിത്സാ സൗകര്യങ്ങള്‍ വര്‍ദ്ധിപ്പിക്കുന്നതിന്റെ ഭാഗമായി മെഡിക്കല്‍ കോളേജുകളില്‍ ക്യാന്‍സര്‍ ചികിത്സയ്ക്ക് ആവശ്യമായ ആധുനിക സംവിധാനങ്ങള്‍ ഒരുക്കുന്നതിനു എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ ;

(ഇ)	ആര്‍.സി.സി., എം.സി.സി., കൊച്ചി കാന്‍സര്‍ ഇന്‍സ്റ്റിറ്റ്യൂട്ട് എന്നിവ‍ടങ്ങളിലെ കാന്‍സര്‍ ചികിത്സാ സൗകര്യങ്ങള്‍ വിപുലീകരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ ?

സര്‍ക്കാര്‍ ആശുപത്രികളിലെ ശുചിത്വം

3955.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ആശുപത്രികളും മെഡിക്കല്‍ കോളേജുകളും മതിയായ ശുചിത്വം ഉറപ്പുവരുത്താത്തതു കാരണം രോഗികള്‍ക്ക് നേരിടുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ക്ലീനിംഗ് ജീവനക്കാര്‍ ആശുപത്രിയും പരിസരവും കൃത്യമായി ശുചിയാക്കി സൂക്ഷിക്കുന്നുണ്ട് എന്ന് ഉറപ്പുവരുത്താന്‍ കര്‍ശനമായ മോണിറ്ററിംഗ് സിസ്റ്റം നടപ്പിലാക്കുമോ;

(സി)	മെഡിക്കല്‍ കോളേജുകള്‍ ഉള്‍പ്പെടെയുള്ള സര്‍ക്കാര്‍ ആശുപത്രികളില്‍ ശുചിത്വം ഉറപ്പു വരുത്തുന്നതിന് ആധുനിക രീതിയിലുള്ള ഒരു ആക്ഷന്‍ പ്ലാന്‍ ആവിഷ്കരിച്ച് നടപ്പിലാക്കുന്ന കാര്യം പരിഗണിക്കുമോ?

അംഗനവാടികള്‍

3956.

(എ)	ആറന്‍മുളയില്‍ കോയിപ്രം, ഇലന്തൂര്‍, പന്തളം ബ്ലോക്കുകളിലായി ആകെ എത്ര അംഗനവാടികള്‍ ഉണ്ട് എന്ന് ബ്ലോക്ക് തിരിച്ച് വെളിപ്പെടുത്തുമോ;

(ബി)	പ്രസ്തുത അംഗന്‍വാടികളില്‍ സ്വന്തമായി സ്ഥലം ഉണ്ടായിട്ടും സ്വന്തം കെട്ടിടമില്ലാത്ത അംഗനവാടികളുടെ വിവരം ബ്ലോക്ക് തിരിച്ച് വെളിപ്പെടുത്തുമോ;

(സി)	സ്വന്തമായി കെട്ടിടമുളള അംഗനവാടികളില്‍ ജീര്‍ണ്ണാവസ്ഥയിലുളളവ ഉണ്ടെങ്കില്‍ അവയുടെ വിവരം ബ്ലോക്ക് തിരിച്ച് വെളിപ്പെടുത്തുമോ?

പൊതുസ്ഥലങ്ങളില്‍ മാലിന്യം നിക്ഷേപിക്കുന്നതിനെതിരെ ബോധവല്‍ക്കരണം

3957.

(എ)	പൊതുസ്ഥലങ്ങളില്‍ മലിനജലം ഒഴുക്കി വിടുന്നതും മാലിന്യം വലിച്ചെറിയുന്നതും ഗുരുതരമായ ആരോഗ്യപ്രശ്നങ്ങള്‍ക്ക് കാരണമാകുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	മേല്‍സൂചിപ്പിച്ച ഗുരുതരമായ പ്രശ്നം പരിഹരിക്കുന്നതിനായി ആരോഗ്യവകുപ്പ് നിലവില്‍ സ്വീകരിച്ചുവരുന്ന നടപടികള്‍ വ്യക്തമാക്കുമോ;

(സി)	ഇത്തരത്തില്‍ പൊതുസ്ഥലങ്ങള്‍ മലിനമാക്കുന്നവര്‍ക്കെതിരെ മറ്റു വകുപ്പുകളുമായി സഹകരിച്ച് കൂടുതല്‍ കര്‍ശനമായ ശിക്ഷാനടപടികള്‍ സ്വീകരിക്കാന്‍ നിര്‍ദ്ദേശം നല്‍കുമോ;

(ഡി)	വ്യക്തിശുചിത്വം പോലെ പ്രധാനമാണ് പരിസര ശുചിത്വമെന്ന് ബോധ്യപ്പെടുത്തുന്നതിനായി പൊതുജനങ്ങള്‍ക്കും വിദ്യാര്‍ത്ഥികള്‍ക്കുമിടയില്‍ കൂടുതല്‍ ബോധവല്‍ക്കരണ പരിപാടികള്‍ ആവിഷ്കരിച്ച് നടപ്പിലാക്കുമോ?

കുഷ്ഠരോഗികളോടുള്ള വിവേചനം

3958.

ശ്രീ.സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കുഷ്ഠരോഗികളോടുള്ള വിവേചനത്തിന് അറുതിവരുത്താന്‍ സുപ്രീംകോടതി നിര്‍ദ്ദേശിച്ചിട്ടുണ്ടോ ;

(ബി)	അതിന്റെ അടിസ്ഥാനത്തില്‍ സ്വീകരിച്ച നടപടികൾ എന്തൊക്കെയാണ്;

(സി)	പൊതുസ്ഥലങ്ങളും വാഹനങ്ങളും ഉപയോഗിക്കുന്നതിന് പ്രസ്തുത രോഗികള്‍ക്കുണ്ടായിരുന്ന വിലക്ക് നീക്കുന്നതിന് പൊതുജനാരോഗ്യ നിയമം ഉള്‍പ്പെടെയുള്ള നിയമങ്ങളില്‍ ഭേദഗതി കൊണ്ടുവരുവാന്‍ തീരുമാനിച്ചിട്ടുണ്ടോ; എങ്കിൽ അതിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തൊക്കെയാണ്; വിശദമാക്കുമോ?

മാരകരോഗങ്ങള്‍ കണ്ടുപിടിക്കുന്നതിന് ലെവല്‍ 2 വൈറോളജി ലാബുകള്‍

3959.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.ഡി.സതീശന്‍
,, ഹൈബി ഈഡന്‍
,, അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ രംഗത്ത് ഇന്ത്യയിലെ മറ്റ് സംസ്ഥാനങ്ങളെ അപേക്ഷിച്ച് സംസ്ഥാനം വളരെ മുന്നിലാണെങ്കിലും സംസ്ഥാനത്ത് നിന്ന് തുടച്ച് നീക്കിയെന്ന് അവകാശപ്പെട്ട പല രോഗങ്ങളും മടങ്ങി വരുന്നതും നിപ, കരിമ്പനി തുടങ്ങിയ മാരകരോഗങ്ങള്‍ ജനങ്ങളെ ബാധിക്കുന്നതും ഗൗരവമായി കണക്കിലെടുത്തിടുണ്ടോ;

(ബി)	ഉണ്ടെങ്കില്‍ പ്രസ്തുത ഭീഷണി നേരിടുന്നതിനും ജനങ്ങളുടെ ആരോഗ്യം സംരക്ഷിക്കുന്നതിനും സ്വീകരിച്ച നടപടികള്‍ എന്തൊക്കെയാണ്;

(സി)	നിപ പോലുള്ള മാരക വൈറസുകളെ കണ്ടുപിടിക്കുന്നതിന് ലെവല്‍ 2 വൈറോളജി ലാബുകള്‍ സ്ഥാപിക്കുമെന്ന പ്രഖ്യാപനത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

(ഡി)	അടുത്ത വര്‍ഷം വീണ്ടും നിപ വൈറസ് ബാധ ഉണ്ടാകാനുള്ള സാധ്യത നിലവിലുണ്ടോ; ഉണ്ടെങ്കില്‍ അതിനെ പ്രതിരോധിക്കുന്നതിന് സ്വീകരിച്ച നടപടികള്‍ എന്തൊക്കെയാണ്?

ഇ-ഹെല്‍ത്ത് പദ്ധതി

3960.

ശ്രീ.കെ.എസ്.ശബരീനാഥന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഇ-ഹെല്‍ത്ത് പദ്ധതി ആശുപത്രികളുടെ ഗുണനിലവാരം മെച്ചപ്പെടുത്തുന്നതിനും പകര്‍ച്ചവ്യാധി നിയന്ത്രണത്തിനും സഹായകമായിട്ടുണ്ടോ; വിശദാംശം നല്‍കുമോ;

(ബി)	തിരുവനന്തപുരം ജില്ലയില്‍ പെെലറ്റ് അടിസ്ഥാനത്തില്‍ പേരൂര്‍ക്കട ആശുപത്രിയില്‍ നടപ്പിലാക്കിയ പദ്ധതി വിലയിരുത്തിയിട്ടുണ്ടോ; പ്രസ്തുത പദ്ധതിയുടെ നടത്തിപ്പില്‍ കണ്ടെത്തിയിട്ടുള്ള പാകപ്പിഴകള്‍ എന്തൊക്കെയാണ്;

(സി)	ഇ-ഹെല്‍ത്ത് പദ്ധതി സംസ്ഥാനത്തെ എല്ലാ ജില്ലകളിലും വ്യാപിപ്പിക്കുന്നതിന് ഇതിനകം സ്വീകരിച്ച നടപടികള്‍ എന്തൊക്കെയാണ്;

(ഡി)	ഇ-ഹെല്‍ത്ത് പദ്ധതിയുടെ ഭാഗമായുള്ള ആരോഗ്യവിവര ശേഖരണം പൂര്‍ത്തിയായിട്ടുണ്ടോ; ആരെയാണ് പ്രസ്തുത ചുമതല ഏല്പിച്ചിട്ടുള്ളത്;

(ഇ)	ആര്‍ദ്രം പദ്ധതിയുടെ പ്രവര്‍ത്തനങ്ങള്‍ ഇ-ഹെല്‍ത്ത് പദ്ധതിയുടെ ഭാഗമാക്കുന്നുണ്ടോ; വിശദാംശം നല്‍കുമോ?

വീ കെയര്‍ പദ്ധതി

3961.

ശ്രീ.വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വീ കെയര്‍ പദ്ധതി ആരംഭിച്ച വര്‍ഷം മുതല്‍ 2018 ഒക്ടോബര്‍ 31വരെ ലഭിച്ച ഫണ്ടിന്റെ ഒാരോ സാമ്പത്തിക വര്‍ഷത്തെയും കണക്കുകള്‍ ഇനം തിരിച്ച് ലഭ്യമാക്കുമോ;

(ബി)	തദ്ദേശ സ്വയം ഭരണ സ്ഥാപനങ്ങള്‍ വീ കെയര്‍ പദ്ധതിയിലേക്ക് പണം സംഭാവനയായി നല്‍കുന്നുണ്ടോ;

(സി)	ഉണ്ടെങ്കില്‍ ഒാരോ വര്‍ഷത്തെയും തദ്ദേശ സ്വയം ഭരണ സ്ഥാപനങ്ങളില്‍ നിന്നുള്ള ഫണ്ടിന്റെ വിവരങ്ങള്‍ നല്‍കുമോ;

(ഡി)	വീ കെയര്‍ പദ്ധതി ആരംഭിച്ച വര്‍ഷം മുതല്‍ 2018 ഒക്ടോബര്‍ 31വരെ ചിലവഴിച്ച തുകയുടെ വര്‍ഷം തിരിച്ചുള്ള കണക്കുകള്‍ ലഭ്യമാക്കുമോ;

(ഇ)	വീ കെയറില്‍ ഉള്‍പ്പെടുത്തി ഒാരോ വര്‍ഷവും ആനുകൂല്യങ്ങള്‍ ലഭ്യമാക്കിയതിന്റെ വര്‍ഷം തിരിച്ചുള്ള കണക്കുകള്‍ ലഭ്യമാക്കുമോ;

(എഫ്)

പ്രസ്തുത ആനുകൂല്യങ്ങള്‍ അനുവദിച്ചവരുടെ പേരും വിലാസവും തുകയും എന്ത് ആവശ്യത്തിന് വേണ്ടി എന്നിവയുടെ വിശദവിവരം ലഭ്യമാക്കുമോ;പ്രസ്തുത പദ്ധതിയില്‍ ധനസഹായം അനുവദിക്കുന്നതിന് അനുമതി ലഭ്യമാക്കിയിട്ടുണ്ടോ;ഉണ്ടെങ്കില്‍ അനുമതി പത്രത്തിന്റെ പകര്‍പ്പ് ലഭ്യമാക്കാമോ?

സുകൃതം പദ്ധതി

3962.

ശ്രീ.അടൂര്‍ പ്രകാശ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

സുകൃതം പദ്ധതി പ്രകാരം മെഡിക്കല്‍ സര്‍വ്വീസ് കോര്‍പ്പറേഷന് 2018-19 വർഷത്തിൽ നാളിതുവരെ എത്ര തുക നല്‍കിയെന്ന് വിശദമാക്കുമോ?

കോതമംഗലം മണ്ഡലത്തില്‍ ആരോഗ്യ വകപ്പ് മുഖേനയുള്ള പദ്ധതികള്‍

3963.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആരോഗ്യ, സാമൂഹ്യനീതി വകുപ്പ് മുഖേന കോതമംഗലം മണ്ഡലത്തില്‍ നടപ്പിലാക്കിയിട്ടുള്ള വിവിധ പദ്ധതികള്‍ ഏതെല്ലാമെന്ന് വിശദമാക്കാമോ;

(ബി)	ഇതില്‍ ഓരോ പ്രവൃത്തിയുടേയും പുരോഗതി വ്യക്തമാക്കാമോ;

(സി)	പൂര്‍ത്തീകരിച്ചിട്ടില്ലാത്ത പ്രവൃത്തികള്‍ എന്നത്തേക്ക് പൂര്‍ത്തീകരിക്കുവാന്‍ സാധിക്കും എന്ന് വ്യക്തമാക്കാമോ; പ്രസ്തുത പ്രവൃത്തികള്‍ വേഗത്തില്‍ പൂര്‍ത്തീകരിക്കുന്നതിന് വേണ്ട നടപടി സ്വീകരിക്കുമോ;

(ഡി)	മണ്ഡലത്തില്‍ പുതിയ പദ്ധതികള്‍ നടപ്പിലാക്കുന്നത് പരിഗണനയില്‍ ഉണ്ടോ; വിശദാംശം ലഭ്യമാക്കാമോ?

ആയുഷ്മാന്‍ ഭാരത് പദ്ധതി

3964.

ശ്രീ.കെ.എന്‍.എ ഖാദര്‍
,, ടി.എ.അഹമ്മദ് കബീര്‍
,, ടി. വി. ഇബ്രാഹിം
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ദേശിയ ആരോഗ്യസുരക്ഷ പദ്ധതിയായ ആയുഷ്മാന്‍ ഭാരതിൽ കേരളത്തെ ഉള്‍പ്പെടുത്തിയിട്ടുണ്ടോ; ഇതിനുള്ള ധാരണപത്രം ഒപ്പ് വച്ചിട്ടുണ്ടോ; ഇതില്‍ കാലതാമസം ഉണ്ടായിട്ടുണ്ടെങ്കില്‍ കാരണം അറിയിക്കാമോ;

(ബി)	ആയുഷ്മാന്‍ ഭാരത് പദ്ധതിയുടെ നിലവിലുള്ള നിബന്ധനകള്‍ പാലിക്കുന്നതില്‍ കേരളത്തില്‍ പ്രത്യേകമായി എന്തെങ്കിലും പ്രായോഗിക ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;എങ്കില്‍ അവ പരിഹരിക്കുന്നതിന് എന്ത് നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)	ഈ പദ്ധതി നടപ്പിലാക്കുന്നതിന് കേരളത്തിന് അധികചെലവ് ഉണ്ടാകുമോ എന്ന് വിശദമാക്കാമോ;

(ഡി)	ഈ പദ്ധതിയിൽ നിന്ന് പിന്മാറുന്ന പക്ഷം സമാന രീതിയിലുള്ള മറ്റേതെങ്കിലും ഇൻഷുറൻസ് പദ്ധതി നടപ്പിൽ വരുത്തുവാൻ ഉദ്ദേശിക്കുന്നുണ്ടോ; വ്യക്തമാക്കുമോ?

മൃതസഞ്ജീവനി

3965.

ശ്രീ.ജെയിംസ് മാത്യു
,, കെ.വി.അബ്ദുള്‍ ഖാദര്‍
,, സജി ചെറിയാന്‍
,, ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മസ്തിഷ്ക മരണം സ്ഥിരീകരിക്കാന്‍ നിബന്ധനകള്‍ സര്‍ക്കാര്‍ കര്‍ശനമാക്കിയതിന് ശേഷം സംസ്ഥാനത്ത് അവയവദാനം ഗണ്യമായി കുറഞ്ഞത് ശ്രദ്ധയില്‍പ്പെട്ടിട്ടുണ്ടോ;

(ബി)

അവയവ ദാനത്തിന്റെ പേരില്‍ നടക്കുന്ന ചൂഷണങ്ങള്‍ നിയന്ത്രിക്കുന്നതിനായി മസ്തിഷ്ക മരണം സ്ഥിരീകരിക്കുന്നതില്‍ അന്താരാഷ്ട്ര മാനദണ്ഡങ്ങള്‍ ഏര്‍പ്പെടുത്തിയതിന്റെ ഫലമായി അവയവദാനം കുറഞ്ഞത് പരിഹരിക്കാന്‍ പൊതുജനങ്ങള്‍ക്കിടയില്‍ ഇത് സംബന്ധിച്ച് ബോധവത്ക്കരണം ഊര്‍ജ്ജിതമാക്കാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്;

(സി)	അവയവ ദാനത്തിനായി ആരംഭിച്ച മൃതസഞ്ജീവനി പദ്ധതിയില്‍ നിരവധി രോഗികള്‍, പ്രത്യേകിച്ചും വൃക്കരോഗികള്‍ രജിസ്റ്റര്‍ ചെയ്ത് കാത്തിരിക്കുന്നതിനാല്‍ അവര്‍ക്ക് അവയവങ്ങള്‍ അടിയന്തരമായി ലഭ്യമാക്കുന്നതിന് കൂടുതല്‍ ജാഗ്രതയോടെ പ്രവര്‍ത്തിക്കാന്‍ നടപടി സ്വീകരിക്കുമോ?

ആശ്വാസകിരണം പദ്ധതി

3966.

ശ്രീ.അടൂര്‍ പ്രകാശ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആശ്വാസകിരണം പദ്ധതിയുടെ വിശദാംശം നല്‍കുമോ;

(ബി)	മാനസിക ശാരീരിക വെല്ലുവിളി നേരിടുന്നവരെയും കിടപ്പിലായ രോഗികളെയും പരിചരിക്കുന്നവര്‍ക്കുള്ള പ്രതിമാസ ധനസഹായം എത്ര രൂപയാണ്; വിശദാംശം നല്‍കുമോ;

(സി)	ആശ്വാസ കിരണം പദ്ധതിയ്ക്കായി എന്ത് തുകയാണ് കഴിഞ്ഞ ബഡ്ജറ്റില്‍ വകയിരുത്തിയതെന്നും; ഇതുവരെ എന്ത് തുക ചെലവഴിച്ചുവെന്നും വെളിപ്പെടുത്തുമോ;

(ഡി)	ഈ പദ്ധതിയില്‍ കീഴില്‍ കുടിശ്ശികയുണ്ടോ; ഉണ്ടെങ്കില്‍ അടിയന്തരമായി കുടിശ്ശിക അനുവദിക്കുന്നതിനുള്ള നടപടി സ്വീകരിക്കുമോ;

(ഇ)	പ്രസ്തുത പദ്ധതിയ്ക്ക് പഞ്ചായത്തുകളുടെ ധനസഹായം ലഭ്യമാകുന്നുണ്ടോ; എങ്കില്‍ ആയതുസംബന്ധിച്ച വിശദാംശം നല്‍കുമോ?

മൃതസഞ്ജീവനി പദ്ധതി

3967.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മൃതസഞ്ജീവനി പദ്ധതി വഴി കഴിഞ്ഞ മൂന്ന് വര്‍ഷത്തിനുള്ളില്‍ നടന്ന ശസ്ത്രക്രിയകളുടെ എണ്ണം വര്‍ഷം തിരിച്ച് ലഭ്യമാക്കുമോ;

(ബി)	മരണാനന്തര അവയവദാനം കുറഞ്ഞുവരുന്ന പ്രവണത ശ്രദ്ധയില്‍പ്പെട്ടിട്ടുണ്ടോ; ഇത് പദ്ധതിയെത്തന്നെ പ്രതികൂലമായി ബാധിക്കുന്നുണ്ടെന്ന കാര്യം ഗൗരവമായി കാണുന്നുണ്ടോ;

(സി)	മരണാനന്തര അവയവദാനം കുറയുന്നതിന് ഇടയാക്കുന്ന തരത്തിലുള്ള എന്തെങ്കിലും പുതിയ നിര്‍ദ്ദേശങ്ങളോ തീരുമാനമോ കൈക്കൊണ്ടതിന്റെ ഭാഗമായിട്ടാണോ ഇത്തരത്തില്‍ കുറവുണ്ടായിട്ടുള്ളതെന്ന് പരിശോധിച്ചിട്ടുണ്ടോ; എങ്കില്‍ ഇത് പരിഹരിക്കുന്നതിന് ആവശ്യമായ നടപടി സ്വീകരിക്കുമോ?

കുടുംബാരോഗ്യ കേന്ദ്രങ്ങളാക്കി മാറ്റിയ പ്രാഥമികാരോഗ്യ കേന്ദ്രങ്ങളിലെ സേവനങ്ങൾ

3968.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം മിഷന്റെ ഭാഗമായി പ്രാഥമികാരോഗ്യ കേന്ദ്രങ്ങള്‍ കുടുംബാരോഗ്യ കേന്ദ്രങ്ങളാക്കി മാറ്റുകവഴി കുടുംബത്തിന് ഒരു ഡോക്ടര്‍ എന്ന ആശയം പ്രായോഗികമാക്കുന്നതിന്റെ വിശദാംശങ്ങള്‍ ലഭ്യമാക്കാമോ;

(ബി)	കുടുംബാരോഗ്യ കേന്ദ്രങ്ങളായി മാറ്റിയവയില്‍ ഒ.പി. സമയത്തില്‍ വന്ന മാറ്റത്തിന് അനുസൃതമായി പരിശോധനയും അനുബന്ധ സേവനങ്ങളും കാര്യക്ഷമമായി നടക്കാത്ത കേന്ദ്രങ്ങളില്‍ എന്തെല്ലാം ഇടപെടലുകളാണ് കൈക്കൊള്ളുന്നതെന്ന് വ്യക്തമാക്കാമോ;

(സി)	ഇത്തരം കേന്ദ്രങ്ങളില്‍ മതിയായ എണ്ണം ഡോക്ടര്‍മാര്‍, നഴ്സുമാര്‍, പാരാമെഡിക്കല്‍ സ്റ്റാഫ് എന്നിവരെ ലഭ്യമാക്കാന്‍ കൈക്കൊണ്ട നടപടികള്‍ വിശദമാക്കാമോ;

(ഡി)

മരുന്നുകളുടെ ലഭ്യത, ഡോക്ടര്‍മാര്‍, നഴ്സുമാര്‍ മറ്റ് ജീവനക്കാര്‍ എന്നിവരുടെ സേവനം ലഭ്യമാക്കല്‍, സംതൃപ്തമായ രോഗീപരിചരണം മുതലായ കാര്യങ്ങള്‍ നിരീക്ഷിക്കുന്നതിനും തല്‍സമയ പരിഹാരം കണ്ടെത്താനും വകുപ്പ്തലത്തില്‍ ജില്ലാ/താലൂക്ക് അടിസ്ഥാനത്തില്‍ എന്തെല്ലാം ക്രമീകരണങ്ങള്‍ ഏര്‍പ്പെടുത്തിയിട്ടുണ്ടെന്ന് വിശദമാക്കാമോ?

പ്രാഥമിക ആരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളായി ഉയര്‍ത്തുന്ന പദ്ധതി

3969.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയുടെ ഭാഗമായി എത്ര പ്രാഥമിക ആരോഗ്യ കേന്ദ്രങ്ങളെ കുടുംബോരോഗ്യകേന്ദ്രങ്ങളായി ഉയർത്തിയിട്ടുണ്ട്;

(ബി)	പ്രസ്തുത കുടുംബാരോഗ്യകേന്ദ്രങ്ങളില്‍ അടിസ്ഥാന സൗകര്യ വികസനം പൂര്‍ത്തിയാക്കിയോ; ഇതിനായി എത്ര തുക ചെലവഴിച്ചു;

(സി)	കുടുംബാരോഗ്യ കേന്ദ്രങ്ങളായി ഉയര്‍ത്തിയ ആരോഗ്യ കേന്ദ്രങ്ങളില്‍ നിലവിലെ സ്റ്റാഫ് പാറ്റേണ്‍ വ്യക്തമാക്കുമോ;

(ഡി)	പ്രസ്തുത സ്ഥാപനങ്ങളില്‍ ആവശ്യമായ ഡോക്ടര്‍മാരേയും മറ്റു ജീവനക്കാരേയും നിയമിച്ചിട്ടുണ്ടോ?

ആര്‍ദ്രം പദ്ധതിയുടെ ഭാഗമായി ഒപ്റ്റോമെട്രിസ്റ്റ് തസ്തിക

3970.

ശ്രീ.ഒ. രാജഗോപാല്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ആര്‍ദ്രം പദ്ധതിയുടെ ഭാഗമായി വിവിധ മെഡിക്കല്‍ കോളേജുകളില്‍ അധിക ഒപ്റ്റോമെട്രിസ്റ്റ് തസ്തിക സൃഷ്ടിയ്ക്കുവാനുള്ള നടപടി സ്വീകരിക്കുമോ?

അങ്കമാലി മണ്ഡലത്തില്‍ ആര്‍ദ്രം പദ്ധതി

3971.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയില്‍ ഉള്‍പ്പെടുത്തി കുടുംബാരോഗ്യ കേന്ദ്രമായി ഉയര്‍ത്തിയ, അങ്കമാലി നിയോജക മണ്ഡലത്തിലെ അയ്യമ്പുഴ ഗ്രാമപഞ്ചായത്തില്‍ പ്രവര്‍ത്തിക്കുന്ന പ്രൈമറി ഹെല്‍ത്ത് സെന്ററില്‍ എന്തെല്ലാം സജ്ജീകരണങ്ങളാണ് എര്‍പ്പെടുത്തിയിട്ടുള്ളതെന്ന് വിശദമാക്കാമോ;

(ബി)	ഇല്ലെങ്കില്‍ എന്തെല്ലാം സജ്ജീകരണങ്ങളാണ് ഏര്‍പ്പെടുത്തുവാന്‍ ഉദ്ദേശിക്കുന്നതെന്നും എന്നത്തേക്ക് കുടുംബാരോഗ്യകേന്ദ്രം എന്ന നിലയില്‍ പ്രവര്‍ത്തിക്കുവാന്‍ സാധിക്കുമെന്നും വ്യക്തമാക്കാമോ?

ചാലക്കുടി മണ്ഡലത്തിലെ സര്‍ക്കാര്‍ ആശുപത്രികളില്‍ ആര്‍ദ്രം പദ്ധതി

3972.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയുടെ ഭാഗമായി ചാലക്കുടി മണ്ഡലത്തിലെ വിവിധ സര്‍ക്കാര്‍ ആശുപത്രികളില്‍ ഏതെല്ലാം തസ്തികകളും സൗകര്യങ്ങളുമാണ് ഏര്‍പ്പെടുത്തിയിട്ടുള്ളത് വ്യക്തമാക്കാമോ;

(ബി)	രാജ്യത്തെ മികച്ച താലൂക്ക് ആശുപത്രിയായി തെരഞ്ഞെടുക്കപ്പെട്ട ചാലക്കുടി താലൂക്ക് ആശുപത്രിയില്‍ എന്തെല്ലാം സൗകര്യങ്ങളാണ് അനുവദിച്ചിട്ടുള്ളത് എന്ന് അറിയിക്കാമോ;

(സി)	ചാലക്കുടി താലൂക്ക് ആശുപത്രിയില്‍ പ്രളയത്തെ തുടര്‍ന്ന് ‍ഡയാലിസിസ് യൂണിറ്റ്, ഒ.പി. ബ്ലോക്ക് കാരുണ്യ ഫാര്‍മസി, മോര്‍ച്ചറി തുടങ്ങിയ മിക്ക വിഭാഗങ്ങളിലും ഉണ്ടായിട്ടുള്ള വലിയ നാശനഷ്ടങ്ങള്‍ പരിഹരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ?

നെടുമങ്ങാട് മണ്ഡലത്തില്‍ ആര്‍ദ്രം പദ്ധതി

3973.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയിലുള്‍പ്പെടുത്തി നെടുമങ്ങാട് മണ്ഡലത്തില്‍ നടപ്പിലാക്കിയ പ്രവര്‍ത്തനങ്ങളുടെ വിശദാംശം ലഭ്യമാക്കുമോ;

(ബി)	ടി മണ്ഡലത്തിലെ ഏതെല്ലാം ആശുപത്രികളെയാണ് ആര്‍ദ്രം പദ്ധതിയില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കുമോ?

ഷൊര്‍ണ്ണൂര്‍ മണ്ഡലത്തില്‍ ആര്‍ദ്രം പദ്ധതി

3974.

ശ്രീ.പി.കെ. ശശി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആര്‍ദ്രം പദ്ധതിയുടെ ഭാഗമായി ഷൊര്‍ണ്ണൂര്‍ മണ്ഡലത്തില്‍ ആരംഭിച്ചിട്ടുളളതും ഭരണാനുമതി ലഭ്യമാക്കിയിട്ടുളളതുമായ പ്രവൃത്തികളുടെ വിവരങ്ങള്‍ നല്‍കാമോ;

(ബി)	പ്രസ്തുത പദ്ധതിയുടെ ഭാഗമായി ഷൊര്‍ണ്ണൂര്‍ മണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമാണ്; വിശദാംശം നല്‍കാമോ?

ലബോറട്ടറി ടെക്നീഷ്യന്‍ ഗ്രേഡ്-II തസ്തിക

3975.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ലബോറട്ടറി ടെക്നീഷ്യന്‍ ഗ്രേഡ്-II തസ്തികയിലെ ഒഴിവുകള്‍ ജില്ലകളിലെ ആരോഗ്യ കേന്ദ്രങ്ങള്‍ തിരിച്ച് വെളിപ്പെടുത്തുമോ ;

(ബി)	ആര്‍ദ്രം പദ്ധതിയുടെ ഭാഗമായി ലബോറട്ടറി ടെക്നീഷ്യന്‍ ഗ്രേഡ്-II തസ്തികയില്‍ എത്ര തസ്തികകള്‍ സൃഷ്ടിച്ചിരുന്നു എന്നും അവ ഏതെല്ലാം ആരോഗ്യ കേന്ദ്രങ്ങള്‍ക്ക് വേണ്ടിയായിരുന്നു എന്നും വെളിപ്പെടുത്തുമോ ?

പള്‍മനറി മെഡിസിന്‍ വിഭാഗത്തിലെ റിസര്‍ച്ച് പബ്ലിക്കേഷന്‍

3976.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മെഡിക്കല്‍ വിദ്യാഭ്യാസ വകുപ്പിലെ പള്‍മനറി മെഡിസിന്‍ വിഭാഗത്തിലെ റിസര്‍ച്ച് പബ്ലിക്കേഷനുമായി ബന്ധപ്പെട്ട പരാതികള്‍ പരിഹരിക്കുന്നതിന് 26.07.18 ന് ആരോഗ്യ വകുപ്പ് അഡീഷണല്‍ സെക്രട്ടറി നടത്തിയ കൂടിക്കാഴ്ചയ്ക്ക് ശേഷം സ്വീകരിച്ചിട്ടുള്ള നടപടികള്‍ എന്തൊക്കെയാണെന്ന് വ്യക്തമാക്കാമോ;

(ബി)	മെഡിക്കല്‍ വിദ്യാഭ്യാസ ഡയറക്ടര്‍ക്കുള്ള 31.07.18 ലെ എസ് 2/295/2017 ആ.കു.വ നമ്പര്‍ കത്തിലെ നിര്‍ദ്ദേശ പ്രകാരമുള്ള ആറംഗ കമ്മിറ്റിയുടെ യോഗം കൂടിയിട്ടുണ്ടോ;ഉണ്ടെങ്കില്‍ പ്രസ്തുത കമ്മിറ്റി റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ?

സര്‍ക്കാര്‍ മെഡിക്കല്‍ കോളേജുകളിലെ ചികിത്സാ സമയം

3977.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സര്‍ക്കാര്‍ മെഡിക്കല്‍ കോളേജ് ആശുപത്രികളില്‍ ഒ.പി. വിഭാഗം പ്രവര്‍ത്തന സമയം എത്ര മണി മുതല്‍ എത്ര മണി വരെ ആണെന്ന് വ്യക്തമാക്കാമോ;

(ബി)	സര്‍ക്കാര്‍ ആശുപത്രികളിലെ ചികിത്സാ സൗകര്യം വര്‍ദ്ധിപ്പിച്ചതുമൂലം കൂടുതല്‍ രോഗികള്‍ ചികിത്സക്കെത്തുന്നത് കൊണ്ട് പ്രസ്തുത ആശുപത്രികളില്‍ വെെകുന്നേരവും ഒ.പി വിഭാഗം പ്രവര്‍ത്തിപ്പിക്കന്ന കാര്യം സര്‍ക്കാര്‍ പരിഗണിക്കുന്നുണ്ടോ; ഉണ്ടെങ്കില്‍ വിശദവിവരങ്ങള്‍ നല്‍കാമോ;

(സി)	ഇല്ലെങ്കില്‍ ഇക്കാര്യം പരിഗണിക്കുമോ?

തിരുവനന്തപുരം മെഡിക്കല്‍ കോളേജ് ആശുപത്രിയിലെ അത്യാഹിത വിഭാഗം

3978.

(എ)	കഴിഞ്ഞ മൂന്ന് മാസകാലത്തിനിടെ തിരുവനന്തപുരം മെഡിക്കല്‍ കോളേജ് ആശുപത്രിയിലെ അത്യാഹിത വിഭാഗത്തില്‍ ചികിത്സ തേടിയെത്തിയ രോഗികളുടെ ശരാശരി എണ്ണം വ്യക്തമാക്കുമോ;

(ബി)	പ്രസ്തുത ആശുപത്രിയിലെ അത്യാഹിത വിഭാഗത്തില്‍ എത്തുന്ന രോഗികള്‍ക്ക് ആനുപാതികമായി ഡോക്ടര്‍മാര്‍ ഡ്യൂട്ടിക്കില്ലായെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഉണ്ടെങ്കില്‍ ആയത് പരിഹരിക്കുവാൻ സ്വീകരിച്ച നടപടി സംബന്ധിച്ച് വിശദമാക്കുമോ?

തിരുവനന്തപുരം മെഡിക്കല്‍ കോളേജിലെ മള്‍ട്ടി സ്പെഷ്യാലിറ്റി ബ്ലോക്ക്

3979.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം മെഡിക്കല്‍ കോളേജിലെ നിര്‍മ്മാണത്തിലിരിക്കുന്ന പുതിയ മള്‍ട്ടി സ്പെഷ്യാലിറ്റി ബ്ലോക്ക് എപ്പോഴത്തേയ്ക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കുമോ;

(ബി)	ഇതിലേയ്ക്കായി എത്ര തുക, ഏത് സാമ്പത്തിക വര്‍ഷമാണ് വകയിരുത്തിയിരുന്നത്; വിശദമാക്കുമോ; ഭരണാനുമതി നല്കിയ ഉത്തരവിന്റെ പകര്‍പ്പ് ലഭ്യമാക്കുമോ;

(സി)	പ്രസ്തുത കെട്ടിടത്തിന്റെ നിര്‍മ്മാണോദ്ഘാടനം എന്നായിരുന്നു;

(ഡി)	പ്രസ്തുത ബ്ലോക്കില്‍ എന്തെല്ലാം ചികിത്സാ സൗകര്യങ്ങളും സംവിധാനങ്ങളുമാണ് വിഭാവനം ചെയ്തിരിക്കുന്നത്?

റീജിയണല്‍ ക്യാന്‍സര്‍ സെന്ററിന്റെ നവീകരണം

3980.

(എ)	ഈ സർക്കാരിന്റെ കാലത്ത് തിരുവനന്തപുരം റീജിയണല്‍ ക്യാന്‍സര്‍ സെന്ററിന്റെ നവീകരണത്തിനായി എത്ര തുക അനുവദിച്ചിട്ടുണ്ട്;

(ബി)	എന്തെല്ലാം നവീകരണ പ്രവര്‍ത്തനങ്ങള്‍ക്കാണ് പദ്ധതികള്‍ തയ്യാറാക്കിയിട്ടുള്ളത് എന്നതിന്റെ വിശദാംശങ്ങള്‍ നല്‍കുമോ?

ഡയാലിസിസ് യൂണിറ്റുകള്‍

3981.

(എ)	പ്രൈമറി ഹെല്‍ത്ത് സെന്ററുകള്‍ ശക്തിപ്പെടുത്തുന്നതിനായി ഈ സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;

(ബി)	സംസ്ഥാനത്തെവിടെയെങ്കിലും പ്രാഥമികാരോഗ്യ കേന്ദ്രത്തില്‍ ഡയാലിസിസ് യൂണിറ്റുകള്‍ പ്രവര്‍ത്തിക്കുന്നുണ്ടോ; ഉണ്ടെങ്കില്‍ വിശദാംശങ്ങള്‍ ലഭ്യമാക്കാമോ;

(സി)	ഏതെല്ലാം കമ്മ്യൂണിറ്റി ഹെല്‍ത്ത് സെന്ററുകളിലാണ് ഡയാലിസിസ് യൂണിറ്റുകള്‍ പ്രവര്‍ത്തിക്കുന്നത്; വിശദാംശങ്ങള്‍ ലഭ്യമാക്കാമോ;

(ഡി)	കമ്മ്യൂണിറ്റി ഹെല്‍ത്ത് സെന്ററുകളില്‍ ഡയാലിസിസ് സെന്ററുകളുടെ നടത്തിപ്പ് രീതി വിശദമാക്കാമോ?

കീമോതെറാപ്പി ചെയ്യുന്നതിനുള്ള സൗകര്യം

3982.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതെല്ലാം ആശുപത്രികളിലാണ് കീമോതെറാപ്പി ചെയ്യുന്നതിനുള്ള സൗകര്യം ഏര്‍പ്പെടുത്തുന്നതിന് ഉദ്ദേശിക്കുന്നത് എന്ന് വിശദീകരിക്കാമോ;

(ബി)	ഇതിനായി പ്രസ്തുത ആശുപത്രികളില്‍ ക്യാന്‍സര്‍ രോഗ ചികിത്സ നടത്തുന്നതിനുവേണ്ടി വിദഗ്ദ്ധ ഡോക്ടര്‍മാരെ നിയമിക്കുന്നതിന് നടപടി സ്വീകരിക്കുമോ;

(സി)	കൊല്ലം ജില്ലയിലെ കരുനാഗപ്പള്ളി താലൂക്കില്‍ വര്‍ദ്ധിച്ച നിരക്കില്‍ ക്യാന്‍സര്‍ ബാധിതരുള്ള സാഹചര്യത്തില്‍ ക്യാന്‍സര്‍ രോഗ നിര്‍ണ്ണയത്തിനും ചികിത്സയ്ക്കുമായി ഇവിടുത്തെ ഗവണ്‍മെന്റ് താലൂക്ക് ആശുപത്രിയില്‍ സൗകര്യങ്ങള്‍ ഏര്‍പ്പെടുത്തുമോ; വിശദീകരിക്കുമോ?

ഒ. പി. സംവിധാനം മെച്ചപ്പെടുത്തുന്നതിനുള്ള പദ്ധതി

3983.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഒ. പി. സംവിധാനം മെച്ചപ്പെടുത്തുന്നതിന് പ്രഖ്യാപിച്ച പദ്ധതിയില്‍ നെയ്യാറ്റിന്‍കര ജനറല്‍ ആശുപത്രിയെ പരിഗണിച്ചിട്ടുണ്ടോ;

(ബി)	സംസ്ഥാനത്തിലെ എത്ര ജനറല്‍ - ജില്ലാ ആശുപത്രികളില്‍ ആണ് പ്രസ്തുത പദ്ധതി നടപ്പില്‍ വരുത്തുന്നത്; ഒരു ആശുപത്രിക്ക് എത്ര കോടി രൂപയാണ് അനുവദിക്കുന്നത്; വ്യക്തമാക്കാമോ;

(സി)	പ്രസ്തുത പദ്ധതി പ്രകാരം ജനറല്‍ ആശുപത്രികളില്‍ എന്തൊക്കെ സംവിധാനങ്ങള്‍ ആണ് രോഗികള്‍ക്കായി ഒരുക്കുന്നതെന്ന് വ്യക്തമാക്കാമോ;

(ഡി)	ഇതുമായി ബന്ധപ്പെട്ട് സര്‍ക്കാര്‍ ഉത്തരവ് (ഭരണാനുമതി) നല്‍കിയിട്ടുണ്ടോ; എങ്കില്‍ പകര്‍പ്പ് നല്‍കാന്‍ കഴിയുമോ?

ഫുള്ളി ആട്ടോ ബയോകെമിക്കല്‍ അനലൈസര്‍ മെഷീന്‍

3984.

ശ്രീ.മുരളി പെരുനെല്ലി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മുല്ലശ്ശേരി കമ്യൂണിറ്റി ഹെല്‍ത്ത് സെന്ററില്‍ ഫുള്ളി ആട്ടോ ബയോകെമിക്കല്‍ അനലൈസര്‍ മെഷീന്‍ സ്ഥാപിച്ചതുവഴിയുണ്ടാകുന്ന ഗുണങ്ങള്‍ എന്തൊക്കെയാണെന്ന് വിശദീകരിക്കുമോ;

(ബി)	പ്രസ്തുത മെഷീന്റെ പ്രവര്‍ത്തനത്തിന് ആവശ്യത്തിന് ജീവനക്കാര്‍ ഇല്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	ഒഴിഞ്ഞുകിടക്കുന്ന ലാബ് ടെക്നീഷന്‍ തസ്തിക നികത്തുന്നതിന് അടിയന്തര നടപടി സ്വീകരിക്കുമോ?

റാന്നി താലൂക്ക് ആശുപത്രി

3985.

ശ്രീ.രാജു എബ്രഹാം : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

റാന്നി താലൂക്ക് ആശുപത്രിയില്‍ പുതിയ ഒ.പി. ബ്ലോക്ക് നിര്‍മിക്കാന്‍ എത്ര രൂപയാണ് സര്‍ക്കാര്‍ ചെലവഴിച്ചത്; എന്തൊക്കെ സൗകര്യങ്ങളാണ് ഇവിടെ വിഭാവനം ചെയ്തിട്ടുള്ളതെന്നും എന്തൊക്കെ നിര്‍മാണങ്ങളാണ് പൂര്‍ത്തിയായതെന്നും എന്തൊക്കെ നിര്‍മ്മാണങ്ങളാണ് പൂര്‍ത്തിയാക്കാനുള്ളതെന്നും വിശദമാക്കാമോ?

വൈക്കം താലൂക്ക് ആശുപത്രിയുടെ വികസനം

3986.

ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വൈക്കം താലൂക്ക് ആശുപത്രി വളപ്പില്‍ നിര്‍മ്മിക്കുന്ന സ‍്ത്രീകളുടേയും കുട്ടികളുടേയും ആശുപത്രിയില്‍ ഏതെല്ലാം വിഭാഗങ്ങളിലുള്ള വിദഗ്ദ്ധ ചികിത്സയായിരിക്കും ലഭ്യമാക്കുന്നതെന്ന് വ്യക്തമാക്കുമോ ;

(ബി)	പ്രസ്തുത ആശുപത്രിയില്‍ നിയമിക്കപ്പെടുന്ന ജീവനക്കാരുടെ എണ്ണം വ്യക്തമാക്കുമോ;

(സി)	വൈക്കം താലൂക്ക് ആശുപത്രിയില്‍ ഡയാലിസിസ് സൗകര്യം ഏര്‍പ്പെടുത്തുന്നതിനുള്ള നടപടിക്രമങ്ങള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ഡി)	പ്രസ്തുത ആശുപത്രിയുടെ അ‍ഡ‍്മിനിസ്ട്രേറ്റീവ് ബ്ലോക്കിന്റെ നിര്‍മ്മാണ പ്രവൃത്തികളിലെ സ‍്തംഭനാവസ്ഥ പരിഹരിക്കുവാന്‍ എന്ത് നടപടിയാണ് സ്വീകരിച്ചിരിക്കുന്നതെന്ന് വ്യക്തമാക്കാമോ?

റാന്നി താലൂക്ക് ആശുപത്രിയില്‍ പുതിയ ഒ.പി. ബ്ലോക്ക്

3987.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	റാന്നി താലൂക്ക് ആശുപത്രിയില്‍ പുതിയ ഒ.പി. ബ്ലോക്ക് നിര്‍മ്മിക്കുന്നതിന് 2016-2017 ലെ ബഡ്ജറ്റില്‍ എത്ര രൂപയാണ് നീക്കിവച്ചിട്ടുള്ളത്; ഇത് പ്രകാരം എത്ര രൂപയുടെ എസ്റ്റിമേറ്റാണ് പൊതുമരാമത്ത് ഭരണാനുമതിക്കായി ആരോഗ്യ വകുപ്പിന് സമര്‍പ്പിച്ചിട്ടുള്ളത്;

(ബി)	ഇതിന് ഭരണാനുമതി നല്‍കിയിട്ടുണ്ടോ; എന്തൊക്കെ പ്രവൃത്തികളാണ് ഇതില്‍ ഉള്‍ക്കൊള്ളിച്ചിട്ടുള്ളത്; വിശദാംശങ്ങള്‍ ലഭ്യമാക്കാമോ?

മണലൂര്‍ മണ്ഡലത്തിലെ ഫാമിലി വെല്‍ഫെയര്‍ സെന്ററുകള്‍

3988.

(എ)	മണലൂര്‍ മണ്ഡലത്തില്‍ ഫാമിലി വെല്‍ഫെയര്‍ സെന്ററുകളാക്കി ഉയര്‍ത്തിയ എളവള്ളി, തൈക്കാട് പി.എച്ച്.സി. കള്‍ക്ക് പുതിയതായി എന്തെല്ലാം സൗകര്യങ്ങളാണ് അനുവദിക്കുന്നതെന്ന് വ്യക്തമാക്കാമോ;

(ബി)	അടിസ്ഥാന സൗകര്യ വികസനത്തിനായി നടപ്പാക്കാന്‍ ഉദ്ദേശിക്കുന്ന കാര്യങ്ങള്‍ എന്തൊക്കെയാണെന്ന് വ്യക്തമാക്കാമോ;

(സി)	ഒഴിവുകള്‍ നികത്തുന്നതിനായി എന്തെല്ലാം നടപടികളാണ് എടുത്തിരിക്കുന്നതെന്ന് വ്യക്തമാക്കാമോ?

കൊരട്ടി ഗാന്ധിഗ്രാം ത്വക്ക് രോഗാശുപത്രി

3989.

(എ)	കൊരട്ടി ഗാന്ധിഗ്രാം ത്വക്ക് രോഗാശുപത്രി കോമ്പൗണ്ടില്‍ ആരോഗ്യ പ്രവര്‍ത്തകര്‍ക്കായുള്ള ട്രെയിനിംഗ് ഇന്‍സ്റ്റിറ്റ്യൂട്ട് സ്ഥാപിക്കുന്ന നടപടികള്‍ ഏത് ഘട്ടത്തിലാണ്;

(ബി)	ഒന്നാം ഘട്ട നിര്‍മ്മാണം പൂര്‍ത്തിയാക്കിയ സാഹചര്യത്തില്‍ ട്രെയിനിംഗ് ഇന്‍സ്റ്റിറ്റ്യൂട്ടിന്റെ പ്രവര്‍ത്തനം ആരംഭിയ്ക്കുന്നതിനും രണ്ടാം ഘട്ട നിര്‍മ്മാണം ഉടന്‍ പൂര്‍ത്തീകരിക്കുന്നതിനും ആവശ്യമായ നടപടികള്‍ സ്വീകരിക്കുമോ?

കാെല്ലം ഗവണ്‍മെന്റ് വിക്ടോറിയ ആശുപത്രിയിലെ എ.സി.ആര്‍. ലാബ്

3990.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കാെല്ലം ഗവണ്‍മെന്റ് വിക്ടോറിയ ആശുപത്രിയില്‍ നിര്‍മ്മാണം പൂര്‍ത്തിയായ എ.സി.ആര്‍ ലാബിന്റെ പ്രവര്‍ത്തനം ആരംഭിക്കുവാന്‍ എന്തെങ്കിലും തടസ്സങ്ങളുണ്ടോ;

(ബി)	ഒരു കോടിയില്‍ അധികം രൂപ വിലവരുന്ന രക്ത നിര്‍ണ്ണയ ഉപകരണങ്ങള്‍ ലാബിനകത്ത് പൂട്ടിയിട്ടിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത ലാബിന്റെ പ്രവര്‍ത്തനം എന്ന് ആരംഭിക്കും എന്ന് വ്യക്തമാക്കാമോ?

നടവയല്‍ ആരോഗ്യകേന്ദ്രം പി.എച്ച്.സി. ആയി ഉയര്‍ത്തുന്ന കാര്യം

3991.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

നടവയലിൽ പ്രവര്‍ത്തിക്കുന്ന ആരോഗ്യകേന്ദ്രം പി.എച്ച്.സി. ആയി ഉയര്‍ത്തുന്ന കാര്യം പരിഗണിക്കുമോ?

കോതമംഗലം താലൂക്ക് ആശുപത്രിയിലെ ഒ.പി. ബ്ലോക്ക് പുനരുദ്ധാരണം

3992.

(എ)	ആര്‍ദ്രം പദ്ധതിയുടെ ഭാഗമായി കോതമംഗലം താലൂക്ക് ആശുപത്രിയിലെ ഒ.പി. ബ്ലോക്കിന്റെ പുനരുദ്ധാരണം നടത്തി രോഗീ സൗഹൃദമാക്കുന്നതിന് 2.18 കോടി രൂപയുടെ ഭരണാനുമതി നല്കിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(ബി)

പ്രസ്തുത പ്രവൃത്തിയുടെ നിര്‍മ്മാണ ഏജന്‍സിയായി നിശ്ചയിച്ചിരുന്ന ഹൗസിംഗ്‌ ബോർഡ് വിശദമായ ഡി.പി.ആർ തയ്യാറാക്കി നല്കിയിരുന്നുവെങ്കിലും, ആരോഗ്യ കുടുംബക്ഷേമ വകുപ്പിന്റെ 997/2018/ നമ്പർ സർക്കാർ ഉത്തരവ് പ്രകാരം ഭരണാനുമതി ലഭ്യമാക്കി പി.ഡബ്ല്യൂ.ഡി. ബിൽഡിംഗ് വിഭാഗത്തിന് നല്‍കിയിട്ടുള്ളത് ശ്രദ്ധയില്‍പ്പെട്ടിട്ടുണ്ടോ;

(സി)	പ്രസ്തുത നിർമ്മാണ പ്രവൃത്തിയുടെ സാങ്കേതിക അനുമതിയ്ക്കായുള്ള എസ്റ്റിമേറ്റ് ലഭിച്ചിട്ടുണ്ടോ; പ്രസ്തുത എസ്റ്റിമേറ്റ് തയ്യാറാക്കുന്നതിനുവേണ്ടി ഹൗസിംഗ്‌ ബോർഡിനെയാണോ പി.ഡബ്ല്യൂ.ഡി. യെയാണോ നിശ്ചിയിച്ചിരിക്കുന്നത് എന്ന് വ്യക്തമാക്കുമോ;

(ഡി)	പ്രസ്തുത നിർമ്മാണ പ്രവൃത്തിയുടെ സാങ്കേതിക അനുമതിയ്ക്കായുള്ള എസ്റ്റിമേറ്റ് അടിയന്തരമായി സമര്‍പ്പിക്കുന്നതിനും ടെണ്ടര്‍ നടപടികൾ പൂര്‍ത്തീകരിച്ച് നിർമ്മാണ പ്രവൃത്തി ആരംഭിക്കുന്നതിനും വേണ്ട നടപടി സ്വീകരിക്കുമോ?

കോതമംഗലം താലൂക്ക് ആശുപത്രി വികസന പദ്ധതികള്‍

3993.

(എ)	കോതമംഗലം താലൂക്ക് ആശുപത്രിയുടെ വികസനത്തിനായി എന്തെല്ലാം പദ്ധതികളാണ് ആവിഷ്കരിച്ചിട്ടുളളതെന്നും, ഇതിനു വേണ്ടി എത്ര തുക അനുവദിച്ചിട്ടുണ്ടെന്നും വ്യക്തമാക്കാമോ;

(ബി)	ഏതെല്ലാം പ്രവൃത്തികള്‍ക്കാണ് തുക വകയിരുത്തിയിട്ടുളളതെന്നും, എത്ര തുക വീതമാണ് ഒരോ പ്രവൃത്തിക്കും വകയിരുത്തിയിട്ടുളളതെന്നും ഇതില്‍ ഏതെല്ലാം പ്രവൃത്തികള്‍ക്ക് വേണ്ട ഭരണാനുമതി ലഭ്യമായിട്ടുണ്ടെന്നും വ്യക്തമാക്കാമോ;

(സി)	ഭരണാനുമതി ലഭിച്ചിട്ടുളള പ്രവൃത്തികള്‍ ഏതെങ്കിലും ഏജന്‍സി വഴിയാണോ നടപ്പിലാക്കുന്നത്; എങ്കില്‍ ഏജന്‍സികള്‍ ഏതെല്ലാമെന്ന് വിശദമാക്കാമോ;

(ഡി)	കോതമംഗലം താലൂക്ക് ആശുപത്രി വികസനത്തിനായി ഏതെങ്കിലും പുതിയ പദ്ധതികള്‍ പരിഗണനയിലുണ്ടോ; വിശദമാക്കാമോ?

പ‍ൂന്തുറ സാമൂഹികാരോഗ്യ കേന്ദ്രത്തെ കുടുംബാരോഗ്യ കേന്ദ്രമാക്കുന്നതിന് നടപടി

3994.

(എ)	തിരുവനന്തപുരം നിയോജക മണ്ഡലത്തിലെ പ‍ൂന്തുറ സാമൂഹികാരോഗ്യകേന്ദ്രത്തെ കുടുംബാരോഗ്യ കേന്ദ്രമാക്കുന്നതിന് തീരുമാനിച്ചിട്ടുണ്ടോ; വ്യക്തമാക്കുമോ;

(ബി)	ഉണ്ടെങ്കില്‍ എന്തെല്ലാം കൂടുതല്‍ ചികിത്സാ സൗകര്യങ്ങളാണ് ഇതിലൂടെ ലഭിക്കുകയെന്ന് വിശദമാക്കുമോ;

(സി)	എങ്കില്‍ പ്രസ്‍തുത ചികിത്സാ സൗകര്യങ്ങള്‍ എന്നത്തേയ്ക്ക് രോഗികള്‍ക്കായി ലഭ്യമാക്കുമെന്ന് വ്യക്തമാക്കുമോ?

തൈക്കാട് സ്ത്രീകളുടേയും കുട്ടികളുടേയും ആശുപത്രി

3995.

(എ)	തിരുവനന്തപുരം തൈക്കാട് സ്ത്രീകളുടേയും കുട്ടികളുടേയും ആശുപത്രിയില്‍ മുന്‍സര്‍ക്കാരിന്റെ കാലത്ത് നിര്‍മ്മാണം ആരംഭിച്ച കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കാന്‍ അടിയന്തര നടപടി സ്വീകരിക്കുമോ; നിര്‍മ്മാണം എപ്പോഴത്തേയ്ക്ക് പൂര്‍ത്തീകരിക്കാന്‍ സാധിക്കുമെന്ന് വ്യക്തമാക്കുമോ;

(ബി)	പുതിയ കെട്ടിടത്തില്‍ എന്തെല്ലാം ചികിത്സാ സൗകര്യങ്ങള്‍/സംവിധാനങ്ങളാണ് വിഭാവനം ചെയ്തിരിക്കുന്നതെന്ന് അറിയിക്കുമോ?

ആലത്തൂര്‍ നിയോജക മണ്ഡലത്തിലെ ആരോഗ്യകേന്ദ്രങ്ങളിലെ ഒഴിവുകൾ

3996.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആലത്തൂര്‍ നിയോജക മണ്ഡലത്തിലെ ആരോഗ്യകേന്ദ്രങ്ങളില്‍ നിലവിലുള്ള ജീവനക്കാരുടെ എണ്ണവും ഒഴിഞ്ഞുകിടക്കുന്ന തസ്തികകളും ഏതൊക്കെയാണെന്ന് കാറ്റഗറി തിരിച്ച് വ്യക്തമാക്കാമോ;

(ബി)	ഒഴിവുകള്‍ നികത്തുന്നതിന് അടിയന്തര നടപടികള്‍ സ്വീകരിക്കുമോ ?

പട്ടാമ്പി താലൂക്ക് ആശുപത്രിയില്‍ ഡയാലിസിസ് യൂണിറ്റ്

3997.

ശ്രീ.മുഹമ്മദ് മുഹസിന്‍ പി. : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടാമ്പി മണ്ഡലത്തില്‍ ഡയാലിസിസ് രോഗികളുടെ എണ്ണം വര്‍ദ്ധിച്ചു വരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	പട്ടാമ്പി താലൂക്ക്‌ ആശുപത്രിയില്‍ ഡയാലിസിസ് സൗകര്യം ഇല്ലാത്തതിനാല്‍ രോഗികള്‍ക്ക് അമിത ചാര്‍ജ്ജ് നല്‍കി സ്വകാര്യ ആശുപത്രികളില്‍ ഡയാലിസിസ് ചെയ്യേണ്ട സാഹചര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് ഒഴിവാക്കാന്‍‌ എന്തെങ്കിലും നടപടി സ്വീകരിച്ചിട്ടുണ്ടോ?

വൈപ്പിന്‍ മണ്ഡലത്തിലെ മുനമ്പം പ്രൈമറി ഹെല്‍ത്ത് സെന്റര്‍

3998.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	വൈപ്പിന്‍ മണ്ഡലത്തിലെ മുനമ്പം പ്രൈമറി ഹെല്‍ത്ത് സെന്റര്‍ ഫാമിലി ഹെല്‍ത്ത് സെന്ററായി ഉയര്‍ത്തിയതിന് ശേഷം എഫ്.എച്ച്.സി. പ്രകാരം ചികിത്സ സൗകര്യം ക്രമപ്പെടുത്തുവാന്‍ കഴിഞ്ഞിട്ടുണ്ടോയെന്ന് വ്യക്തമാക്കാമോ;

(ബി)	എഫ്.എച്ച്.സി. യില്‍ മോഡേണ്‍ ലാബ് ഉള്‍പ്പെടെയുള്ള സൗകര്യങ്ങള്‍ ലഭ്യമാക്കിയിട്ടുണ്ടോ; ഇല്ലെങ്കില്‍ കാലതാമസം ഒഴിവാക്കി സൗകര്യങ്ങള്‍ ലഭ്യമാക്കുവാന്‍ അടിയന്തിര നടപടി സ്വീകരിക്കുമോ?

കടമക്കുടി-പിഴല ദ്വീപിലെ പ്രൈമറി ഹെല്‍ത്ത് സെന്റര്‍

3999.

ശ്രീ.എസ്.ശർമ്മ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

വൈപ്പിന്‍ മണ്ഡലത്തിലെ ദ്വീപസമൂഹമായ കടമക്കുടി-പിഴല ദ്വീപിലെ പ്രൈമറി ഹെല്‍ത്ത് സെന്ററിന് പ്രത്യേക പരിഗണന നല്‍കി ഫാമിലി ഹെല്‍ത്ത് സെന്ററായി ഉയര്‍ത്തുന്നതിന് അടിയന്തര നടപടി സ്വീകരിക്കുമോ?

കോഴിക്കോട് ബീച്ച് ആശുപത്രിയില്‍ നെഫ്രോളജി ഡോക്ടറുടെ സേവനം

4000.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

കോഴിക്കോട് ഗവണ്‍മെന്റ് ജനറല്‍ ബീച്ച് ആശുപത്രിയില്‍ ഡയാലിസിനായി കൂടുതല്‍ രോഗികള്‍ എത്തുന്ന സാഹചര്യത്തില്‍ ഒരു നെഫ്രോളജി ഡോക്ടറുടെ സേവനം ലഭ്യമാക്കുന്നതിന് ആവശ്യമായ നടപടികള്‍ സ്വീകരിക്കുമോ?

നിലമ്പൂര്‍ ജില്ലാശുപത്രിയില്‍ പുതിയ തസ്തികകള്‍

4001.

ശ്രീ.പി.വി. അന്‍വര്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

നിലമ്പൂര്‍ ജില്ലാശുപത്രിയില്‍ പുതിയ തസ്തികകള്‍ ലഭിക്കാത്തത് സംബന്ധിച്ച് നല്‍കിയ നിവേദനത്തിന്‍മേല്‍ സ്വീകരിച്ച നടപടി (റഫറന്‍സ് നമ്പര്‍ 5300/vip/M (HFW8SJ/17) വിശദമാക്കാമോ?

മാനന്തവാടി ജില്ലാ ആശുപത്രി

4002.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മാനന്തവാടി ജില്ലാ ആശുപത്രിയില്‍ നിലവിലുള്ള ഡോക്ടര്‍മാരുടെ എണ്ണം ലഭ്യമാക്കാമോ;

(ബി)	ഈ സര്‍ക്കാര്‍ അധികാരത്തില്‍ വരുമ്പോള്‍ പ്രസ്തുത ആശുപത്രിയിലെ ഡോക്ടര്‍മാരുടെ എണ്ണം എത്രയായിരുന്നു;

(സി)	ഇവിടെ നിലവില്‍ എത്ര ഡോക്ടര്‍മാരുടെ ഒഴിവുണ്ടെന്ന് അറിയിക്കാമോ?

ചെങ്ങന്നൂര്‍ ജില്ല ആശുപത്രി

4003.

ശ്രീ.സജി ചെറിയാന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ചെങ്ങന്നൂര്‍ ജില്ല ആശുപത്രിയില്‍ പോലീസ് സര്‍ജന്‍ ഇല്ലാത്ത ദിവസങ്ങളില്‍ പോസ്റ്റ്മാര്‍ട്ടം നടക്കുന്നില്ല എന്നത് ശ്രദ്ധയില്‍വന്നിട്ടുണ്ടോ;

(ബി)	കാഷ്വാലിറ്റി പൂര്‍ണ്ണരീതിയില്‍ പ്രവര്‍ത്തിപ്പിക്കുന്നതിന് ഡോക്ടര്‍മാര്‍ ഇല്ലാത്തതുകൊണ്ട് ഉണ്ടാകുന്ന വിഷമങ്ങള്‍ പരിഹരിക്കുന്നതിന് ഒഴിവുള്ള തസ്തികയിലെ നിയമനം നടത്തുമോ?

ചെങ്ങന്നൂര്‍ ജില്ലാ ആശുപത്രിയിലെ മാതൃ-ശിശു പരിപാലന കെട്ടിടം

4004.

(എ)	ചെങ്ങന്നൂര്‍ ജില്ലാ ആശുപത്രിയിലെ മാതൃ-ശിശു പരിപാലന കെട്ടിടം പൂര്‍ത്തീകരിച്ചിട്ടും പ്രവര്‍ത്തനം ആരംഭിക്കാതിരിക്കുന്നതിനുള്ള കാരണങ്ങള്‍ വ്യക്തമാക്കാമോ;

(ബി)	എന്തെല്ലാം നടപടികള്‍ സ്വീകരിച്ചാലാണ് ടി ആശുപത്രി പ്രവര്‍ത്തനക്ഷമമാകുന്നതെന്ന് വിശദമാക്കാമോ;

(സി)	ഇനിയും ആവശ്യം വേണ്ടുന്ന അടിസ്ഥാന സൗകര്യങ്ങള്‍ എന്തെല്ലാമാണെന്ന് വിലയിരുത്തിയിട്ടുണ്ടോ; വിശദമാക്കാമോ?

ആശുപത്രികളിലെ വികസന പ്രവര്‍ത്തനങ്ങള്‍

4005.

ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

2011-16 കാലയളവില്‍ പത്തനംതിട്ട ജനറല്‍ ആശുപത്രിയിലും കോഴഞ്ചേരി ജില്ലാ ആശുപത്രിയിലും നടത്തിയ വികസന പ്രവര്‍ത്തനങ്ങള്‍ ഏതെല്ലാമെന്ന് അനുവദിക്കപ്പെട്ട തുക ഉള്‍പ്പെടെ വിശദമാക്കാമോ?

സാമൂഹികാരോഗ്യ കേന്ദ്രങ്ങള്‍

4006.

(എ)	വാമനപുരം നിയോജകമണ്ഡലത്തിലെ ഏതെല്ലാം ആരോഗ്യ കേന്ദ്രങ്ങളെയാണ് സാമൂഹികാരോഗ്യ കേന്ദ്രങ്ങളായി ഉയര്‍ത്തിയിട്ടുള്ളത്;

(ബി)	പ്രസ്തുത ആരോഗ്യകേന്ദ്രങ്ങളി‍ല്‍ ജീവനക്കാരുടെ എണ്ണത്തില്‍ വര്‍ദ്ധനവ് വരുത്തിയിട്ടുണ്ടോ; ഇല്ലെങ്കില്‍ എന്താണ് കാരണം;

(സി)	പ്രസ്തുത സാമൂഹികാരോഗ്യ കേന്ദ്രങ്ങളെ 24 x7 സ്ഥാപനങ്ങളായി ഉയര്‍ത്താന്‍ അലോചിക്കുന്നുണ്ടോ;ഉണ്ടെങ്കില്‍ വിശദവിവരങ്ങള്‍ നല്‍കാമോ?

നെയ്യാറ്റിന്‍കര വെണ്‍പകല്‍ ആശുപത്രിയിലെ പുതിയ പദ്ധതികള്‍

4007.

(എ)	നെയ്യാറ്റിന്‍കര വെണ്‍പകല്‍ ആശുപത്രിയില്‍ പുതിയതായി ഏതൊക്കെ പദ്ധതികള്‍ ആണ് നടപ്പാക്കാന്‍ ഉദ്ദേശിക്കുന്നത് വ്യക്തമാക്കാമോ;

(ബി)	പ്രസ്തുത ആശുപത്രിയില്‍ രോഗികളുടെ വര്‍ദ്ധനവിന് അനുസരിച്ച് പുതിയ ഡോക്ടര്‍മാരെ നിയമിക്കാന്‍ നടപടി സ്വീകരിക്കുമോ;

(സി)	വെണ്‍പകല്‍ ആശുപത്രിയില്‍ രാജീവ് ഗാന്ധി ബയോടെക്നോളജിയുടെ ലാബ് ആരംഭിക്കുന്നതിന് നടപടി സ്വീകരിച്ചിട്ടുണ്ടോ; പ്രസ്തുത ലാബ് ആരംഭിക്കുന്നതിന് എന്തെങ്കിലും തടസ്സം നിലവില്‍ ഉണ്ടോ; വ്യക്തമാക്കുമോ;

തിരുവമ്പാടി മണ്ഡലത്തിലെ കുടുംബാരോഗ്യ കേന്ദ്രങ്ങള്‍

4008.

ശ്രീ.ജോര്‍ജ് എം. തോമസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	തിരുവമ്പാടി മണ്ഡലത്തില്‍ എവിടെയെല്ലാം കുടുംബാരോഗ്യ കേന്ദ്രങ്ങള്‍ അനുവദിച്ചിട്ടുണ്ട്;

(ബി)	ഇതില്‍ പൂര്‍ണ്ണ തോതില്‍ പ്രവര്‍ത്തനം ആരംഭിച്ചത് എവിടെയൊക്കെയാണ്;

(സി)	ശേഷിക്കുന്നവ പൂര്‍ണ്ണതോതില്‍ എന്നു മുതല്‍ പ്രവർത്തനം ആരംഭിക്കും എന്നു വ്യക്തമാക്കുമോ;

(ഡി)	എന്തെല്ലാം അധിക സൗകര്യങ്ങളും സേവനങ്ങളും കുടുംബാരോഗ്യ കേന്ദ്രങ്ങളിൽ ലഭ്യമാണ് എന്ന് വ്യക്തമാക്കുമോ?

എന്‍.എച്ച്.എം./എന്‍.യു.എച്ച്.എം. ജീവനക്കാര്‍

4009.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2018-19 വര്‍ഷം എന്‍.എച്ച്.എം./എന്‍.യു.എച്ച്.എം.ലേയ്ക്ക് കേന്ദ്രഗവണ്‍മെന്റിന്റെ റെക്കോര്‍ഡ് ഓഫ് പ്രൊസീഡിംഗ്സ് പ്രകാരം എത്ര തസ്തികകള്‍ക്ക് /എത്ര ജീവനക്കാര്‍ക്ക് അനുമതി ലഭിച്ചിട്ടുണ്ട്; വിശദമാക്കുമോ;

(ബി)	തസ്തിക തിരിച്ച് ജീവനക്കാരുടെ എണ്ണം, അനുവദിച്ച ശമ്പളം, അലവന്‍സ് എന്നിവ ലഭ്യമാക്കുമോ;

(സി)	റെക്കോര്‍ഡ് ഓഫ് പ്രൊസീഡിംഗ്സിന്റെ അംഗീകാരമില്ലാത്ത എത്ര ജീവനക്കാര്‍ കരാര്‍ അടിസ്ഥാനത്തിലും ഡെപ്യൂട്ടേഷന്‍ വ്യവസ്ഥയിലും ദിവസവേതനാടിസ്ഥാനത്തിലും നിലവില്‍ നാഷണല്‍ ഹെല്‍ത്ത് മിഷനില്‍ ജോലിചെയ്തു വരുന്നുണ്ട്; ഇവരുടെ പേര്, തസ്തിക, ശമ്പളം, ജോലിചെയ്യുന്ന ജില്ല എന്നിവ വ്യക്തമാക്കുമോ?

ജോലിക്ക് ഹാജരാകാത്ത ഡോക്ടര്‍മാര്‍

4010.

ശ്രീ.കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ജോലിയില്‍ പ്രവേശിച്ചതിനുശേഷം നിയമപ്രകാരമുള്ള അവധിക്ക് അപേക്ഷപോലും നല്‍കാതെ ജോലിക്ക് ഹാജരാകാത്ത ഡോക്ടര്‍മാരുടെ കണക്ക് ശേഖരിക്കാന്‍ തീരുമാനം എടുത്തിട്ടുണ്ടോ; വിശദാംശങ്ങള്‍ അറിയിക്കുമോ;

(ബി)	ഇത്തരത്തില്‍ സംസ്ഥാനത്ത് എത്ര ഡോക്ടര്‍മാരാണ് ഉള്ളതെന്ന് അറിയിക്കാമോ;

(സി)	സര്‍ക്കാര്‍ ആശുപത്രികളില്‍ നിയമവിധേയമായ ലീവിൽ അല്ലാതെ ജോലിക്ക് വരാതെ പാവപ്പെട്ട രോഗികളെ ബുദ്ധിമുട്ടിക്കുന്ന ഇത്തരക്കാരുടെ രജിസ്ട്രേഷന്‍ അടക്കം ക്യാന്‍സല്‍ ചെയ്യാനുള്ള നടപടി പരിഗണിക്കുമോ; വിശദാംശങ്ങല്‍ അറിയിക്കാമോ?

സൂപ്പര്‍ സ്പെഷ്യാലിറ്റി കേഡര്‍ രൂപീകരണം

4011.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യവകുപ്പിലെ ഉന്നത യോഗ്യത നേടിയ ഡോക്ടര്‍മാര്‍ക്കായി സൂപ്പര്‍ സ്പെഷ്യാലിറ്റി കേഡര്‍ രൂപീകരിക്കുന്നതിന് തീരുമാനിച്ചിട്ടുണ്ടോ; ഉണ്ടെങ്കില്‍ അതിനുള്ള നടപടികള്‍ ഏത് ഘട്ടത്തിലാണ്;

(ബി)	ഇതിനാവശ്യമായ ചട്ടം ഭേദഗതി ചെയ്തിട്ടുണ്ടോ; പ്രസ്തുത ഭേദഗതിക്ക് സബ്ജക്ട് കമ്മിറ്റിയുടെ അംഗീകാരം ലഭിച്ചിട്ടുണ്ടോ?

പകര്‍ച്ചവ്യാധികള്‍ക്കെതിരെയുള്ള പ്രതിരോധ പ്രവര്‍ത്തനങ്ങള്‍

4012.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പകര്‍ച്ചവ്യാധികള്‍ വര്‍ദ്ധിച്ചുവരുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ക്കായി മലപ്പുറം ജില്ലാ വെക്ടര്‍ കണ്‍ട്രോള്‍ യൂണിറ്റില്‍ ആവശ്യമായ ഫീല്‍ഡ് വര്‍ക്കര്‍മാര്‍ ഉള്‍പ്പെടെയുള്ള ജീവനക്കാരുടെ അഭാവം ശ്രദ്ധയില്‍പ്പെട്ടിട്ടുണ്ടോ;

(ബി)	ജില്ലയിലെ ജനസംഖ്യയും ഭൂവിസ്തൃതിയും കണക്കിലെടുത്ത് ആവശ്യമായ ജീവനക്കാരുടെ എണ്ണവും, നിലവിലുള്ളവരുടെ എണ്ണവും വെളിപ്പെടുത്തുമോ;

(സി)	സംസ്ഥാനത്തു ഏറ്റവും കൂടുതല്‍ മന്ത് രോഗികളുള്ള മലപ്പുറം ജില്ലയില്‍, പകര്‍ച്ചവ്യാധി മരണം വര്‍ദ്ധിച്ചുവരുന്ന സാഹചര്യത്തില്‍ ആവശ്യമായ ഫീല്‍ഡ് വര്‍ക്കര്‍ തസ്തികയുള്‍പ്പെടെ മറ്റു ജീവനക്കാരുടെയും തസ്തിക സൃഷ്ടിക്കുവാനും നിയമനങ്ങള്‍ നടത്തുവാനും നടപടി സ്വീകരിക്കുമോ; വിശദമാക്കുമോ?

വിവിധ തസ്തികകളിലെ നിയമന മാനദണ്ഡം

4013.

ശ്രീ.എം. വിന്‍സെന്റ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	പോസ്റ്റ് പ്രസ്സ് ഓപ്പറേഷന്‍ ആന്‍റ് ഫിനിഷിംഗ്, പ്രീ-പ്രസ്സ്, പ്രസ്സ് വര്‍ക്ക് എന്നീ തസ്തികകളില്‍ ഏതൊക്കെ മാനദണ്ഡങ്ങള്‍ പ്രകാരമാണ് നിയമനം നടത്തുന്നത് എന്ന് വെളിപ്പെടുത്താമോ;

(ബി)	പ്രസ്തുത തസ്തികകൾക്ക്‌ കെ.ജി.ടി.ഇ. സര്‍ട്ടിഫിക്കറ്റ് കോഴ്സും എസ്.എസ്.എല്‍.സി യും യോഗ്യതയായി നിശ്ചയിച്ചിട്ടുണ്ടോ; അല്ലെങ്കില്‍ പുതുക്കിയ മാനദണ്ഡങ്ങള്‍ എന്തെല്ലാം എന്നറിയിക്കാമോ;

(സി)	പുതുക്കിയ യോഗ്യത പ്ലസ് ടു ഉം ഡിപ്ലോമയും ആണോ; ആണെങ്കില്‍ സര്‍ക്കാര്‍/പ്രെെവറ്റ് മേഖലകളില്‍ കെ.ജി.ടി.ഇ. സര്‍ട്ടിഫിക്കറ്റ് കോഴ്സ് പഠിക്കുന്ന വിദ്യാര്‍ത്ഥികള്‍ക്ക് ജോലി സാധ്യത ഇല്ലാത്ത അവസ്ഥ ശ്രദ്ധയില്‍പ്പെട്ടിട്ടുണ്ടോ;

(ഡി)	ഉണ്ടെങ്കില്‍ ആയത് പരിഹരിക്കുവാന്‍ എന്തൊക്കെ നടപടികള്‍ സ്വീകരിയ്ക്കും എന്ന് വ്യക്തമാക്കാമോ?

മലപ്പുറം താലൂക്ക് ഹെഡ് ക്വാര്‍ട്ടേഴ്സ് ആശുപത്രിയില്‍ ഫോറന്‍സിക് സര്‍ജന്‍

4014.

(എ)	മലപ്പുറം താലൂക്ക് ഹെഡ് ക്വാര്‍ട്ടേഴ്സ് ആശുപത്രിയില്‍ ഫോറന്‍സിക് സര്‍ജന്‍ തസ്തികയില്ലാത്തത് ശ്രദ്ധയില്‍പെട്ടിട്ടുണ്ടോ;

(ബി)	അപകട മരണങ്ങളും സംശയാസ്പദമായ സാഹചര്യങ്ങളിലുളള മരണങ്ങളും വര്‍ദ്ധിച്ചുവരുന്ന സാഹചര്യത്തില്‍ താലൂക്ക് ആശുപത്രിയില്‍ ഒരു ഫോറന്‍സിക് സര്‍ജന്റെ തസ്തിക സൃഷ്ടിക്കുവാനുള്ള സത്വര നടപടി സ്വീകരിക്കുമോ?

കാസര്‍ഗോഡ് ജില്ലയില്‍ ജൂനിയര്‍ നഴ്സ് തസ്തിക

4015.

(എ)	കാസര്‍ഗോഡ് ജില്ലയില്‍ ജൂനിയര്‍ പബ്ലിക് നഴ്സ് തസ്തികയില്‍ പി.എസ്.സി. റാങ്ക് ലിസ്റ്റ് നിലവിലുള്ളതായി അറിയുമോ ;

(ബി)	ഇൗ റാങ്ക് ലിസ്റ്റ് പ്രസിദ്ധീകരിച്ചിട്ട് എത്ര വര്‍ഷമായി എന്നത് ശ്രദ്ധയിൽ വന്നിട്ടുണ്ടോ;

(സി)	ഇൗ റാങ്ക് ലിസ്റ്റില്‍ നിന്ന് എത്ര പേര്‍ക്ക് നിയമനം നല്‍കിയിട്ടുണ്ട്;

(ഡി)	ഇൗ തസ്തികയില്‍ ജില്ലയില്‍ നിലവില്‍ എത്ര ഒഴിവുകളുണ്ട്; ഇൗ ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ടോ; വിശദാംശങ്ങള്‍ അറിയിക്കാമോ?

സര്‍ക്കാര്‍ ആശുപത്രികളില്‍ ഡോക്ടര്‍മാരുടെയും മറ്റ് ജിവനക്കാരുടെയും ഒഴിവുകള്‍

4016.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ ആശുപത്രികളില്‍ നിലവില്‍ ഡോക്ടര്‍മാരുടെയും മറ്റ് ജിവനക്കാരുടെയും എത്ര ഒഴിവുകള്‍ ആണ് ഉളളതെന്ന് വ്യക്തമാക്കാമോ;

(ബി)	രോഗികള്‍ നേരിടുന്ന ബുദ്ധിമുട്ടുകള്‍ മനസ്സിലാക്കി ഈ ഒഴിവുകള്‍ നികത്തുന്നതിന് ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ?

കോഴിക്കോട് മെഡിക്കല്‍ കോളേജില്‍ ലെക്ചറര്‍ ട്രെയിനി

4017.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് സര്‍ക്കാര്‍ മെഡിക്കല്‍ കോളേജില്‍ പീരിയോദന്തിക്സ് ഡിപ്പാര്‍ട്ട്മെന്റില്‍ ലെക്ചര്‍ ആയിരിക്കെ പീരിയോദന്തിക്സില്‍ എം.ഡി.എസ് പ്രവേശനം ലഭിച്ച ഡോ.സക്കീര്‍ ഹുസൈയിന്‍ ലെക്ചറര്‍ ട്രെയിനി/ഡെപ്യൂട്ടേഷന്‍ ബെനഫിറ്റ് നല്‍കണമെന്ന് ആവശ്യപ്പെട്ടുകൊണ്ട് സര്‍ക്കാറില്‍ അപേക്ഷ നല്‍കിയിട്ടുണ്ടോ;

(ബി)	ഡോ. സക്കീര്‍ ഹുസൈയിന് ലെക്ചറര്‍ ട്രെയിനീ /ഡെപ്യൂട്ടേഷന്‍ ബെനഫിറ്റ് നല്‍കാതിരുന്നതിന്റെ കാരണം വ്യക്തമാക്കാമോ;

(സി)	ആരോഗ്യ കുടുംബക്ഷേമ (ബി) വകുപ്പിന്റെ 367/ബി1/2018/ആ.കു.വ ഫയലിന്‍മേല്‍ മെഡിക്കല്‍ വിദ്യാഭ്യസ ഡയറക്ടറോട് സര്‍ക്കാര്‍ റിപ്പോര്‍ട്ട് തേടിയിട്ടുണ്ടോ;

(ഡി)	ആയത് ലഭിച്ചിട്ടുണ്ടോ;സ്വീകരിച്ച നടപടികള്‍ വിശദമാക്കാമോ;

(ഇ)	ഇയാള്‍ക്ക് ലെക്ചറര്‍ ട്രെയിനി/ഡെപ്യൂട്ടേഷന്‍ ബെനഫിറ്റ് നല്‍കുന്നതിന് നടപടി സ്വീകരിക്കുമോ?

റെസ്പിറേറ്ററി ടെക്നീഷ്യന്‍ ഒഴിവ്

4018.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ഏതൊക്കെ മെഡിക്കല്‍ കോളേജുകളിലാണ് റെസ്പിറേറ്ററി ടെക്നീഷ്യന്‍ ഒഴിവുള്ളത് എന്നറിയിക്കാമോ ;

(ബി)	ഇപ്പാേള്‍ നിലവിലുള്ള ഒഴിവുകള്‍ പി.എസ്.സി ക്ക് റിപ്പോര്‍ട്ട് ചെയ്തിട്ടുണ്ടോ ;

(സി)	റെസ്പിറേറ്ററി ടെക്നീഷ്യന്‍ ഒഴിവുകള്‍ പി.എസ്.സി ക്ക് റിപ്പോര്‍ട്ട് ചെയ്യുന്നതിനുള്ള നടപടികള്‍ സ്വീകരിക്കാമോ ?

ആരോഗ്യവകുപ്പിൽ സംസ്ഥാനതല സീനിയോറിറ്റി ലിസ്റ്റ്

4019.

ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യവകുപ്പിൽ ഒരോ തസ്തികയിലും സംസ്ഥാനതല സീനിയോറിറ്റി ലിസ്റ്റ് തയ്യാറാക്കുമ്പോൾ കെ.എസ് ആന്‍റ്.എസ്.എസ്.ആർ റൂൾ 27 പാലിക്കാറുണ്ടോയെന്ന് വ്യക്തമാക്കുമോ;

(ബി)	ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ് 1 തസ്തികയുടെ പ്രമോഷന്‍ തസ്തികയായ ഹെല്‍ത്ത് ഇന്‍സ്പെക്ടര്‍ ഗ്രേഡ് 2 വിലേക്കുള്ള പ്രമോഷനുവേണ്ടി ജുനിയര്‍ എച്ച്.ഐ.ഗ്രേഡ് 1 ന്റെ സംസ്ഥാനതല സീനിയോറിറ്റി ലിസ്റ്റ് നിലവിലുള്ള റൂളുകള്‍ പാലിച്ച് തയ്യാറാക്കിയിട്ടുണ്ടോ;വിശദാംശങ്ങള്‍ നല്‍കുമോ;

(സി)	29/9/2018 ൽ പ്രസിദ്ധീകരിച്ച പ്രമോഷൻ ഉത്തരവിൽ പറയുന്ന 5/1/2008 ലെ സീനിയോറിറ്റി ലിസ്റ്റ് നിലവിലുണ്ടോ; അത് റൂൾ 27(സി) പാലിച്ചുള്ളതാണോ എന്നറിയിക്കുമോ;

(ഡി)	ഹെല്‍ത്ത് ഇന്‍സ്പെക്ടര്‍ ഗ്രേഡ് 2 തസ്തികയിലേയ്ക്ക് നടന്ന പ്രമോഷനുകള്‍ താല്‍കാലികമാണെങ്കില്‍ എന്തുകൊണ്ട് കമ്പൈന്‍ഡ് സീനിയോറിറ്റി ലിസ്റ്റില്‍ നിന്നും പ്രമോഷന്‍ നടത്തിയില്ല; കാരണം വ്യക്തമാക്കുമോ;

(ഇ)	29/9/2018 മുതൽ ഇറക്കിയ താൽക്കാലിക പ്രമോഷൻ ഉത്തരവുകളിൽ സീനിയറായവരെ മറികടന്ന് ജൂനിയർ ആയവർ പ്രമോഷൻ നേടിയിട്ടുണ്ടോ;എത്ര പേർക്ക് ലഭിച്ചിട്ടുണ്ട്; വിശദാംശങ്ങള്‍ നല്‍കുമോ?

ആരോഗ്യവകുപ്പില്‍ പുതിയ തസ്തികകള്‍

4020.

ശ്രീ.അന്‍വര്‍ സാദത്ത് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ ആരോഗ്യവകുപ്പില്‍ സൃഷ്ടിച്ച പുതിയ തസ്തികകള്‍ സംബന്ധിച്ച വിശദശാംശങ്ങൾ ഗസറ്റഡ്/നോണ്‍ ഗസറ്റഡ് എന്ന് തരം തിരിച്ച്‌ നൽകാമോ?

ആരോഗ്യവകുപ്പിന് കീഴില്‍ പുതിയ തസ്തികകള്‍

4021.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഇൗ സര്‍ക്കാര്‍ അധികാരത്തില്‍ വന്നശേഷം തിരുവനന്തപുരം ജില്ലയിൽ ആരോഗ്യവകുപ്പിന് കീഴില്‍ എത്ര പുതിയ തസ്തികകള്‍ സൃഷ്ടിച്ചുവെന്നും അവ എവിടെയെല്ലാം എന്നും വ്യക്തമാക്കുമോ?

സ്റ്റാഫ് നഴ്സ് ഗ്രേഡ് -2 നിയമനം

4022.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ആരോഗ്യ വകുപ്പില്‍ സ്റ്റാഫ് നഴ്സ് ഗ്രേഡ് -2 തസ്തികയില്‍ 2018 ഡിസംമ്പര്‍ 31 വരെ നിലവിലുള്ള ഒഴിവുകള്‍ ജില്ല തിരിച്ച് അറിയിക്കാമോ?

ലാബ് ടെക്നീഷ്യന്‍ ഗ്രേഡ്-II തസ്തിക

4023.

(എ)	ഇടുക്കി ജില്ലയില്‍ ലാബ് ടെക്നീഷ്യന്‍ ഗ്രേഡ്-II തസ്തികയില്‍ എത്ര ഒഴിവുകള്‍ നിലവിലുണ്ട്;

(ബി)	പ്രസ്തുത തസ്തികയിലെ ഒഴിവിലേക്ക് നിയമനത്തിനായി നിലവില്‍ പി.എസ്.സി.റാങ്ക് ലിസ്റ്റ് നിലവിലുണ്ടോ;

(സി)	ജില്ലയില്‍ മതിയായ ലാബ് ടെക്നീഷ്യന്‍മാര്‍ ഇല്ല എന്ന കാരണത്താല്‍ മതിയായ യോഗ്യത ഇല്ലാത്തവരെ ടെക്നീഷ്യന്‍മാരായി നിയമിക്കാന്‍ ഇടുക്കി ഡി.എം.ഒ സര്‍ക്കാരില്‍ നിന്നും അനുമതി വാങ്ങിയിരുന്നോ; വിശദാംശങ്ങള്‍ നല്‍കുമോ?

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ്-II

4024.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ജൂനിയര്‍ ഹെല്‍ത്ത് ഇന്‍സ്പെക്ടര്‍ ഗ്രേഡ്-II തസ്തികയില്‍ വയനാട് ജില്ലയിലെ നിലവിലുള്ള ഒഴിവുകള്‍ എത്രയാണ്;ഇത് പി.എസ്.സിക്ക് റിപ്പോര്‍ട്ട് ചെയ്തിട്ടുണ്ടോ;എത്ര തസ്തികകളാണ് പി.എസ്.സി.ക്ക് റിപ്പോര്‍ട്ട് ചെയ്തിട്ടുള്ളത്;എന്നാണ് ഇത് സംബന്ധിച്ച കത്ത് നല്‍കിയത്; വിശദമാക്കുമോ?

ലാബ് ടെസ്റ്റുകള്‍ക്ക് ഏകീകൃത ഫീസ്

4025.

(എ)	സംസ്ഥാനത്തെ ലബോറട്ടറികളില്‍ വിവിധ ടെസ്റ്റുകള്‍ക്ക് പലതരത്തിലുള്ള ഫീസ് ഈടാക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; ഫീസ്‌ നിശ്ചയിക്കുന്നതില്‍ എന്തെങ്കിലും മാനദണ്ഡം നിലവിലുണ്ടോ; ഉണ്ടെങ്കില്‍ വിശദമാക്കാമോ;

(ബി)	മാനദണ്ഡം നിലവില്‍ ഇല്ലായെങ്കില്‍ ലാബ്ഫീസുകള്‍ ഏകീകരിക്കാനുള്ള നിയമ നിര്‍മ്മാണം പരിഗണനയിലുണ്ടോ; വിശദമാക്കാമോ?

ഭക്ഷ്യ സുരക്ഷ വകുപ്പ് ഇന്‍സ്പെക്ഷന്

ANNEXURE

4026.

പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	2015 ജനുവരി മുതല്‍ ഭക്ഷ്യ സുരക്ഷ വകുപ്പ് ഇന്‍സ്പെക്ഷന്‍ നടത്തിയ ഹോട്ടലുകള്‍, ബേക്കറി,മറ്റ് സ്ഥാപനങ്ങള്‍ ഏതെല്ലാമെന്ന് വ്യക്തമാക്കുമോ;ജില്ലതിരിച്ച്;താലൂക്ക് തിരിച്ച് ലഭ്യമാക്കുമോ;

(ബി)	ഇന്‍സ്പെക്ഷന്‍ നടത്തിയ സ്ഥാപനങ്ങളില്‍ ഭക്ഷ്യസുരക്ഷ വകുപ്പ് ഫൈന്‍ നിശ്ചയിച്ച് നല്‍കിയിട്ടുണ്ടോ;ഉണ്ടെങ്കില്‍ ഓരോ സ്ഥാപനത്തിനും എത്ര രൂപ വീതം; വ്യക്തമാക്കുമോ;

(സി)	ഫൈന്‍ നിശ്ചയിച്ച് നല്‍കിയ സ്ഥാപനങ്ങളില്‍ എത്ര സ്ഥാപനങ്ങള്‍ ഫൈന്‍ നല്‍കിയിട്ടില്ല;ഫൈന്‍ അടച്ച സ്ഥാപനങ്ങള്‍ ഏതെല്ലാം;അടച്ച തുക എത്ര; സ്ഥാപനം തിരിച്ച് ലഭ്യമാക്കുമോ;

(ഡി)	ഫെെന്‍ അടയ്ക്കാത്ത സ്ഥാപനങ്ങള്‍ക്ക് എതിരെ വകുപ്പ് സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ;

(ഇ)	ഭക്ഷ്യ സുരക്ഷ വകുപ്പിന്റെ ഭാഗത്ത് നിന്ന് വീഴ്ചപ്പറ്റിയെന്ന ആക്ഷേപം പരിശോധിച്ചിട്ടുണ്ടോ; വകുപ്പിലെ വീഴ്ചപ്പറ്റിയ ഉദ്യോഗസ്ഥരുടെ പേരില്‍ നടപടി സ്വീകരിച്ചിട്ടുണ്ടോ; വ്യക്തമാക്കുമോ;വകുപ്പിലെ ഉദ്യോഗസ്ഥര്‍ക്കെതിരെ സ്വീകരിച്ച നടപടികളെ സംബന്ധിച്ച വ്യക്തമായ വിവരം ലഭ്യമാക്കുമോ?

മലിനമായ കുപ്പിവെള്ളം

4027.

ശ്രീ.ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മലിനജലം കുപ്പിവെള്ളമായി വിതരണം ചെയ്യുന്ന കമ്പനികള്‍ക്കെതിരെ നടപടി എടുക്കുന്നതിന് ആരോഗ്യവകുപ്പിന് പ്രത്യേക സംവിധാനം നിലവിലുണ്ടോ;

(ബി)	ഇല്ലെങ്കില്‍ ഇത്തരം സംവിധാനം ഉണ്ടാക്കുന്നകാര്യം പരിഗണിക്കുമോ?

പാലക്കാട് ജില്ലയില്‍ അനലിറ്റിക്കല്‍‍ ലാബ്

4028.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഭക്ഷ്യവസ്തുക്കളിലെ വിഷാംശവും മായം കലര്‍ന്ന പദാര്‍ത്ഥങ്ങളും തിരിച്ചറിയുന്നതിനുള്ള അനലിറ്റിക്കല്‍‍ ലാബുകള്‍ പാലക്കാട് ജില്ലയില്‍ ഇല്ലാത്തതുകാരണം ഫുഡ് സേഫ്റ്റി ഉദ്യോഗസ്ഥര്‍ പിടിച്ചെടുക്കുന്ന ഭക്ഷ്യവസ്തുക്കള്‍ എറണാകുളം ജില്ലയിലെ കാക്കനാടുള്ള ലാബിലാണ് പരിശോധനയ്ക്ക് അയയ്ക്കുന്നതെന്നത് അറിയുമോ;

(ബി)	ഇതു കാരണം പരിശോധന ഫലം ലഭിക്കുന്നതിന് കാലതാമസം നേരിടുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍, ഇത് പരിഹരിക്കുന്നതിനായി പാലക്കാട് ജില്ലയില്‍ അനലിറ്റിക്കല്‍ ലാബ് ആരംഭിക്കുന്ന കാര്യം പരിഗണനയിലുണ്ടോ; വിശദാംശങ്ങള്‍ അറിയിക്കാമോ?

ഗുണമേന്മയില്ലാത്ത ഭക്ഷ്യ വസ്തുക്കളുടെ വില്‍പ്പന

4029.

(എ)	ചില കച്ചവടക്കാരും വഴിയോര കച്ചവടക്കാരും ഗുണമേന്മയില്ലാത്തതും ആവര്‍ത്തിച്ച് ഉപയോഗിച്ചതുമായ എണ്ണയില്‍ പലഹാരങ്ങള്‍ ഉണ്ടാക്കുന്നതും പൊടിപടലങ്ങളും പ്രാണികളും ഉള്ള തുറസ്സായ സ്ഥലങ്ങളില്‍ വില്‍ക്കുന്നതും ശ്രദ്ധയില്‍ വന്നിട്ടുണ്ടോ;ഇത് പരിഹരിക്കുന്നതിന് നടപടികള്‍ സ്വീകരിക്കുമോ;

(ബി)	ഇറച്ചി കടകളോടനുബന്ധിച്ച് മൃഗങ്ങളുടെ കൊഴുപ്പ് ഉരുക്കി ഭക്ഷ്യ എണ്ണയോട് കലര്‍ത്തുന്നത് വകുപ്പ് തലത്തില്‍ നടപടികള്‍ക്ക് വിധേയമാക്കിയിട്ടുണ്ടോ; നടപടി വിശദമാക്കാമോ?

മെഡിക്കല്‍ മാലിന്യങ്ങള്‍

4030.

(എ)	മെഡിക്കല്‍ മാലിന്യങ്ങള്‍ ശാസ്ത്രീയമായ രീതിയില്‍ സംസ്കരിക്കുന്നതിന് നിലവിലുളള സംവിധാനം എന്താണ്;

(ബി)	ഇന്ത്യന്‍ മെ‍ഡിക്കല്‍ അസോസിയേഷന്റെ ആഭിമുഖ്യത്തില്‍ പ്രവര്‍ത്തിക്കുന്ന ഇമേജ് എന്ന സ്ഥാപനത്തിന്റെ പാലക്കാട് ഫക്ടറിയില്‍ സംസ്ഥാനത്ത് ഒട്ടാകെയുള്ള ആശുപത്രികളിലെ മാലിന്യ സംസ്കരണത്തിന് സംവിധാനമുണ്ടോ;

(സി)	ഐ.എം.എയുടെ നേതൃത്വത്തില്‍ സംസ്ഥാനത്ത് വേറെ എവിടെയെങ്കിലും ബയോമെഡിക്കല്‍ മാലിന്യങ്ങള്‍ സംസ്കരിക്കുന്നതിനുള്ള യൂണിറ്റ് ആരംഭിക്കുന്നതിന് ഉദ്ദേശിക്കുന്നുണ്ടോ;

(ഡി)	പ്രസ്തുത ഫാക്ടറി സ്ഥാപിക്കുവാന്‍ ഉദ്ദേശിച്ചിട്ടുള്ള പെരിങ്ങന്മല പരിസ്ഥിതി ദുര്‍ബല മേഖലയിലായതിനാലും അവിടെ ഉയര്‍ന്നിട്ടുള്ള ജനരോഷവും കണക്കിലെടുത്ത് പ്രസ്തുത പദ്ധതി ഉപേക്ഷിക്കുമോ?

ഇംപ്ലാന്റിന് വന്‍തുക ഈടാക്കുന്നതായ പരാതി

4031.

(എ)	ശസ്ത്രക്രിയയിലൂടെ ശരീരത്തില്‍ സ്ഥാപിക്കുന്ന ഇംപ്ലാന്റുകളുടെ വിതരണക്കാരായ ഏജന്റുമാര്‍ വന്‍തുക ഈടാക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	സര്‍ക്കാര്‍ ആശുപത്രികളില്‍ ന്യായവില മെ‍ഡിക്കല്‍ ഷോപ്പില്‍ നിന്നും ലഭിക്കുന്ന ഇംപ്ലാന്റുകള്‍ക്ക് ഗുണനിലവാരമില്ലായെന്ന് ഡോക്ടര്‍മാര്‍ രോഗികളെ തെറ്റിദ്ധരിപ്പിച്ച് ഉയര്‍ന്ന വിലയ്ക്കുള്ള ഇംപ്ലാന്റുകള്‍ പുറത്ത് നിന്ന് വാങ്ങുവാന്‍ പ്രേരിപ്പിക്കുന്നതായി പരാതി ലഭിച്ചിട്ടുണ്ടോ;

(സി)	ഉണ്ടെങ്കില്‍ ഇത്തരം പരാതികളില്‍ കര്‍ശന നടപടി സ്വീകരിക്കുമോ?

ആരോഗ്യ ചികിത്സാരംഗത്ത് എഫര്‍സിസ് ടെക്നോളജി

4032.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ആരോഗ്യ ചികിത്സാരംഗത്ത് എഫര്‍സിസ് ടെക്നോളജിയുടെ പ്രാധാന്യം വിശദമാക്കുമോ;

(ബി)	എഫര്‍സിസ് മെഷീന്‍ സ്ഥാപിച്ചിട്ടുള്ള സര്‍ക്കാര്‍ മെഡിക്കല്‍ കോളേജ് ഏതൊക്കെയെന്ന് വ്യക്തമാക്കുമോ;

(സി)	മെഡിക്കല്‍ കോളേജില്‍ ഏത് വകുപ്പാണ് എഫര്‍സിസ് മെഷീന്‍ കൈകാര്യം ചെയ്തുവരുന്നതെന്ന് വ്യക്തമാക്കുമോ?

മലബാര്‍ കാന്‍സര്‍ സെന്ററിന്റെ അടിസ്ഥാന സൗകര്യ വികസനം

4033.

(എ)	തലശ്ശേരി നിയോജക മണ്ഡലത്തില്‍ സ്ഥിതി ചെയ്യുന്ന മലബാര്‍ കാന്‍സര്‍ സെന്ററിന്റെ അടിസ്ഥാന സൗകര്യ വികസനത്തിന് 2018-19 വര്‍ഷത്തെ ബഡ്ജറ്റില്‍ 38 കോടി രൂപ വകയിരുത്തിയിട്ടുളളത് കൂടാതെ എന്തെല്ലാം നടപടികള്‍ ആണ് സര്‍ക്കാര്‍ ഇത് വരെ സ്വീകരിച്ചിട്ടുളളത് എന്ന് വ്യക്തമാക്കാമോ;

(ബി)	ഈ പ്രവൃത്തി പൂര്‍ത്തീകരിക്കുന്നതിന് ഇനി എന്തെല്ലാം നടപടിക്രമങ്ങള്‍ ആണ് ഉളളതെന്ന് വ്യക്തമാക്കാമോ?

ചക്കയുടെ പോഷകഗുണത്തെക്കുറിച്ച് ശാസ്ത്രീയമായി പഠനം

4034.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിന്റെ ഔദ്യോഗിക ഫലവൃക്ഷമായി ചക്കയെ പ്രഖ്യാപിച്ചുവെങ്കിലും ചക്കയുടെ പോഷകഗുണത്തെക്കുറിച്ച് ശാസ്ത്രീയമായി പഠനം നടത്തിയിട്ടുണ്ടോ; വ്യക്തമാക്കാമോ;

(ബി)	ഡയബെറ്റിസിന് ഒരു പ്രതിവിധിയായി ചക്കയെ ഉപയോഗിക്കുന്നു എന്നതിന് ശാസ്ത്രീയമായ അടിത്തറയുണ്ടോ എന്ന് വ്യക്തമാക്കാമോ;

(സി)	അങ്ങനെയെങ്കില്‍ ചക്കയുടെ പോഷകഗുണത്തെക്കുറിച്ച് സംസ്ഥാനത്തെ ആയുര്‍വേദ ഡോക്ടര്‍മാരിലൂടെ പൊതുജനങ്ങളില്‍ അവബോധം സൃഷ്ടിക്കാന്‍ മുന്‍കൈ എടുക്കുമോ എന്നറിയിക്കാമോ?

ജീവിതശൈലീ രോഗങ്ങള്‍ തടയുന്നതിന് നടപടി

4035.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ജീവിതശൈലീ രോഗങ്ങള്‍ വര്‍ദ്ധിച്ചുവരുന്നത് തടയുന്നതിനായി സംസ്ഥാന ആരോഗ്യ വകുപ്പും വിദ്യാഭ്യാസ വകുപ്പും തദ്ദേശ സ്വയംഭരണ വകുപ്പും കൂടിച്ചേര്‍ന്ന് എന്തെല്ലാം പദ്ധതികളാണ് നടപ്പിലാക്കി വരുന്നത്;

(ബി)	സംസ്ഥാനത്തെ എല്ലാ പി. എച്ച്.സി. കളിലും ആഴ്ചയില്‍ ഒരു ദിവസം ഡയബറ്റോളജിസ്റ്റ്, ഹൃദ്രോഗ വിദഗ്ദ്ധന്‍, ഓങ്കോളജിസ്റ്റ്, ഇ.എന്‍. ടി. വിദഗ്ധന്‍ എന്നിവരുടെ സേവനം ലഭ്യമാക്കുന്നതിന് നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ;

(സി)	ഡയബറ്റിസിനും ഹൃദ്രോഗങ്ങള്‍ക്കുമുള്ള അത്യാവശ്യ മരുന്നുകള്‍ സൗജന്യമായി രോഗികള്‍ക്ക് നല്‍കുന്നതിനായി നിലവില്‍ എന്തെല്ലാം സംവിധാനങ്ങള്‍ ആണുള്ളത്; വിശദാംശം നല്‍കാമോ?

കാട്ടാക്കട -പനയംകോട് കേന്ദ്രമായി സബ്-സെന്റര്‍

4036.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

കാട്ടാക്കട പഞ്ചായത്തിലെ പനയംകോട് കേന്ദ്രമായി ആരോഗ്യവകുപ്പിന്റെ സബ്-സെന്റര്‍ ആരംഭിക്കുന്നത് സംബന്ധിച്ച നിര്‍ദ്ദേശം പരിഗണനയിലുണ്ടോ; ഉണ്ടെങ്കില്‍ ഇതിനായി സ്വീകരിച്ച നടപടി വിശദമാക്കാമോ?

ഹെമറ്റോളജി അനലെെസര്‍ - ടെന്‍ഡര്‍ നടപടികൾ

4037.

(എ)	ആരോഗ്യവകുപ്പ് മന്ത്രി വിളിച്ചു കൂട്ടിയ സൂപ്രണ്ടുമാരുടെ യോഗത്തില്‍ ഹെമറ്റോളജി അനലെെസര്‍ എന്ന രക്ത പരിശോധന ഉപകരണം വാങ്ങുന്ന കാര്യം ചര്‍ച്ച ചെയ്തിരുന്നോ;

(ബി)	ഹെമറ്റോളജി അനലെെസര്‍ എന്ന ഉപകരണത്തിന് മെഡിക്കല്‍ സര്‍വ്വീസ് കോര്‍പ്പറേഷന്‍ രേഖപ്പെടുത്തിയിട്ടുള്ള കുറഞ്ഞ തുക എത്രയാണ്;

(സി)	ഇൗ ഉപകരണം വഴി രക്തപരിശോധനയ്ക്ക് ഒരു രോഗി എത്ര രൂപ നല്‍കേണ്ടിവരും;

(ഡി)	ഉപകരണം വാങ്ങുന്നതിന് ടെന്‍ഡര്‍ വിളിച്ചോ ; വിളിച്ചെങ്കില്‍ പങ്കെടുത്ത കമ്പനികളും സ്ഥാപനങ്ങളും അവ രേഖപ്പെടുത്തിയ തുകയും എത്രയാണെന്ന് വിശദമാക്കാമോ;

(ഇ)	ഇൗ ടെന്‍ഡര്‍ ആര്‍ക്കാണ് സ്ഥിരപ്പെടുത്തിയത്; കോര്‍പ്പറേഷന്‍ രേഖപ്പെടുത്തിയ കുറഞ്ഞ തുകയില്‍ നിന്ന് എത്ര രൂപ കൂടുതല്‍ നല്‍കിയാണ് സ്ഥിരപ്പെടുത്തിയത്?

ഒപ്താല്‍മിക് അസിസ്റ്റന്റ്,റിഫ്രാക്ഷനിസ്റ്റ്,ഓര്‍ത്തോപ്റ്റിസ്റ്റ് തസ്തികകളുടെ ഏകീകരണം

4038.

ആരോഗ്യ വകുപ്പില്‍ ഒപ്താല്‍മിക് അസിസ്റ്റന്റ്, റിഫ്രാക്ഷനിസ്റ്റ്, ഓര്‍ത്തോപ്റ്റിസ്റ്റ് തുടങ്ങിയ തസ്തികകള്‍ ഏകീകരിച്ച് ഓപ്റ്റോമെട്രിസ്റ്റ് എന്നാക്കി 28.2.2011-ല്‍ ഉത്തരവ് ഇറക്കിയിട്ടും പ്രസ്തുത ഉത്തരവ് ഇതുവരെ നടപ്പാക്കിയിട്ടില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ അത് നടപ്പാക്കുവാന്‍ വേണ്ട അടിയന്തര നടപടി സ്വീകരിക്കുമോ?

എച്ച്1 എന്‍1 പനി

4039.

(എ)	സംസ്ഥാനത്ത് എച്ച്1 എന്‍1 പനി പടരുന്നുവെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ഈ വര്‍ഷം സംസ്ഥാനത്ത് എത്ര പേര്‍ക്ക് ഈ രോഗം ബാധിച്ചുവെന്നും എത്രപേര്‍ മരണമടഞ്ഞുവെന്നും വിശദമാക്കുമോ?

എം.സി.ഐ. പ്രവേശനാനുമതി വിലക്കിയ മെഡിക്കല്‍ കോളേജുകൾ

4040.

(എ)	സംസ്ഥാനത്ത് പ്രവര്‍ത്തിക്കുന്ന മെഡിക്കല്‍ കോളേജുകളിലെ വിദ്യാര്‍ത്ഥി പ്രവേശനം സൗകര്യങ്ങളുടെ അഭാവത്തില്‍ ഈ വര്‍ഷം എം.സി.ഐ (മെ‍ഡിക്കല്‍ കൗണ്‍സില്‍ ഓഫ് ഇന്ത്യ )വിലക്കുകയും, പ്രസ്തുത വിലക്ക് സുപ്രീംകോടതി ശരിവയ്ക്കുകയും ചെയ്തിട്ടുണ്ടോ;

(ബി)	എങ്കില്‍ ഏതെല്ലാം മെഡിക്കല്‍ കോളേജുകളിലെ പ്രവേശനമാണ് അപ്രകാരം വിലക്കിയതെന്നും,അതുമൂലം എത്ര വിദ്യാര്‍ത്ഥികളുടെ എം.ബി.ബി.എസ്. പ്രവേശനമാണ് തടസ്സപ്പെട്ടതെന്നും വ്യക്തമാക്കുമോ ;

(സി)	മറ്റ് പ്രൊഫഷനല്‍ കോളേജുകളില്‍ പ്രവേശനം നേടിയിരുന്ന വിദ്യാര്‍ത്ഥികള്‍ ഇതുസംബന്ധിച്ച ഹൈക്കോടതി വിധിയുടെ അടിസ്ഥാനത്തില്‍ അതുപേക്ഷിച്ച് പ്രസ്തുത മെഡിക്കൽ കോളേജുകളില്‍ അ‍ഡ‍്മിഷന്‍ എടുത്തത് മൂലം അവരുടെ പഠനം നിലയ്ക്കുന്ന സാഹചര്യമുണ്ടായിട്ടുണ്ടോ;

(ഡി)	എം.സി.ഐ. പാലക്കാട് സര്‍ക്കാര്‍ മെഡിക്കല്‍ കോളേജിൽ എന്തെല്ലാം ന്യൂനതകളാണ് ചൂണ്ടികാണിച്ചതെന്നും പ്രസ്തുത ന്യുനതകള്‍ പരിഹരിച്ചിട്ടുണ്ടോയെന്നും വ്യക്തമാക്കുമോ

(ഇ)	പ്രസ‍്തുത കോളേജില്‍ ആവശ്യമായ അദ്ധ്യാപക, അനദ്ധ്യാപക തസ‍്തികകള്‍ സ‍ൃഷ്ടിച്ചിട്ടുണ്ടോ; ഇല്ലെങ്കില്‍ അതിനായുള്ള നടപടികള്‍ സ്വീകരിക്കുമോ?

സര്‍ട്ടിഫിക്കറ്റുകള്‍ തടഞ്ഞുവയ്ക്കുന്ന നടപടി

4041.

(എ)

ആരോഗ്യവകുപ്പിന്റെ സ്വയംഭരണസ്ഥാപനമായ സീമെറ്റിന്റെ (SI-MET)കീഴിലുള്ള നഴ്സിംഗ് കോളേജുകളിലെ ബി.എസ്.സി. നഴ്സിംഗ്, പോസ്റ്റ് ബേസിക് ബി.എസ്.സി. നഴ്സിംഗ് പഠനം ഇടക്കാലത്ത് അവസാനിപ്പിക്കുന്ന വിദ്യാര്‍ത്ഥികളുടെ എസ്.എസ്.എല്‍.സി., ഹയര്‍സെക്കണ്ടറി, ജി.എന്‍.എം. സര്‍ട്ടിഫിക്കറ്റുകള്‍ ലിക്വിഡേറ്റഡ് ഡാമേജ് അടച്ചില്ല എന്ന കാരണത്താല്‍ തടഞ്ഞുവച്ചിട്ടുണ്ടോ;

(ബി)	ഇത്തരത്തില്‍ തടഞ്ഞുവച്ച സര്‍ട്ടിഫിക്കറ്റുകള്‍ തിരികെ ലഭിക്കുന്നതിനായി വിദ്യാര്‍ത്ഥികളുടെ/ മാതാപിതാക്കളുടെ അപേക്ഷ ലഭിച്ചിട്ടുണ്ടോ;

(സി)	ഇത് സംബന്ധിച്ച് ആരോഗ്യവകുപ്പിലുള്ള C3/114/18, C3/73/2018, C3/119/2018 എന്നീ ഫയലുകളില്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

(ഡി)	പിന്നോക്കവിഭാഗവിദ്യാര്‍ത്ഥിനിയായ കുമാരി ശരണ്യ.T.S. (Receipt No. 2248217/2018), പിതാവ് മരണപ്പെട്ട വിദ്യാര്‍ത്ഥിയായ വസീല (Receipt No. 2973685/2018) എന്നീ വിദ്യാര്‍ത്ഥികളുടെ സര്‍ട്ടിഫിക്കറ്റുകള്‍ പ്രത്യേക കേസായി പരിഗണിച്ച് ലിക്വിഡേറ്റഡ് ഡാമേജ് ഒഴിവാക്കി തിരികെ നല്‍കുന്നതിന് നടപടി സ്വീകരിക്കുമോ;

(ഇ)	ഇടക്കാലത്ത് പഠനം നിര്‍ത്തുന്ന വിദ്യാര്‍ത്ഥികളുടെ സര്‍ട്ടിഫിക്കറ്റുകള്‍ ലിക്വിഡേറ്റഡ് ഡാമേജ് അടച്ചില്ല എന്ന കാരണത്താല്‍ തടഞ്ഞുവയ്ക്കുന്ന SI-MET പ്രോസ്പെക്റ്റസിലെ നിബന്ധന മൂലം വിദ്യാര്‍ത്ഥികളുടെ തുടര്‍പഠനം തടസ്സപ്പെടുന്ന സാഹചര്യം ഒഴിവാക്കാന്‍ നടപടി സ്വീകരിക്കുമോ?

പരിയാരം ഗവണ്‍മെന്റ് ആയുര്‍വേദ കോളേജ്

4042.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

പരിയാരം ഗവണ്‍മെന്റ് ആയുര്‍വേദ കോളേജില്‍ ബി.എ.എം.എസ് സീറ്റുകളുടെ എണ്ണം 40ല്‍ നിന്ന് 60 ആയി വര്‍ദ്ധിപ്പിക്കുകയും പുതിയ 3 പി.ജി. കോഴ്സുകള്‍ അനുവദിക്കുകയും ചെയ്ത സാഹചര്യത്തില്‍ പുതിയ അക്കാദമിക് ബ്ലോക്കും അഡ്മിനിസ്ട്രേറ്റീവ് ബ്ലോക്കും നേത്ര - ഇ.എന്‍.ടി.സൂപ്പര്‍ സ്പെഷ്യാലിറ്റി ബ്ലോക്കും ലേഡീസ് ഹോസ്റ്റലും നിര്‍മ്മിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളത്; വിശദമാക്കാമോ?

ഹോമിയോപ്പതിയുടെ സമഗ്രവികസനം

4043.

ശ്രീ.എ.എം. ആരിഫ്
,, കെ. ആന്‍സലന്‍
,, എം. മുകേഷ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഹോമിയോപ്പതിയുടെ സമഗ്രവികസനത്തിനായി എന്തെല്ലാം നൂതന പദ്ധതികളാണ് ആവിഷ്ക്കരിച്ചിട്ടുള്ളതെന്ന് വ്യക്തമാക്കുമോ ;

(ബി)	ഹോമിയോപ്പതി വകുപ്പിന്റെ ആധുനികവത്ക്കരണത്തിനും ഹോമിയോ ആശുപത്രികളെ എന്‍.എ.ബി.എച്ച് നിലവാരത്തിലേയ്ക്ക് ഉയര്‍ത്തുന്നതിനും ഹോമിയോ ഡിസ്പെന്‍സറികളെ നവീകരിക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ ;

(സി)	ഹോമിയോ മരുന്നുകളുടെ നിര്‍മ്മാണവും വിതരണവും കൂടുതല്‍ കാര്യക്ഷമമാക്കുന്നതിനായി ഹോംകോ നടത്തുന്ന പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കാമോ ?

ആലത്തൂര്‍ ഹോമിയോ ഡിസ്പെന്‍സറി

T 4044.

(എ)	ആലത്തൂര്‍ നിയോജകമണ്ഡലത്തില്‍ നിര്‍മ്മിക്കാനുദ്ദേശിക്കുന്ന സര്‍ക്കാര്‍ ഹോമിയോ ഡിസ്പെന്‍സറിയുടെ നിലവിലെ അവസ്ഥ എന്താണെന്ന് വിശദീകരിക്കാമോ;

(ബി)	സര്‍ക്കാര്‍ ഹോമിയോ ഡിസ്പെന്‍സറി താല്‍ക്കാലികമായി പ്രവര്‍ത്തിക്കുന്നതിന് വാടക കെട്ടിടം ലഭ്യമായിട്ടുണ്ടോ;

(സി)	ഹോമിയോ ഡിസ്പെന്‍സറി എന്ന് പ്രവ‍ര്‍ത്തനം തുടങ്ങും എന്നറിയിക്കാമോ?

മെഡിക്കല്‍ ഓഫീസര്‍ (ആയുര്‍വേദ) റാങ്ക് ലിസ്റ്റിലെ നിയമനം

4045.

(എ)

കാറ്റഗറി നമ്പര്‍ 268/11 പ്രകാരം നിലവിലുണ്ടായിരുന്ന മെഡിക്കല്‍ ഓഫീസര്‍ (ആയുര്‍വേദ) റാങ്ക് ലിസ്റ്റിലെ നിയമനവുമായി ബന്ധപ്പെട്ട് അഡ്മിനിസ്ട്രേറ്റീവ് ട്രെെബ്യൂണലില്‍ ഫയല്‍ ചെയ്തിരുന്ന OA.1900/2017 കേസില്‍ 03.08.2018-ന് പുറപ്പെടുവിച്ച അന്തിമ ഉത്തരവില്‍ പ്രൊവിഷണലായി റിപ്പോര്‍ട്ട് ചെയ്തിരുന്ന 28 ഒഴിവുകളില്‍ നിയമനം നടത്തുന്നത് സംബന്ധിച്ച് നിര്‍ദ്ദേശം ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത ഉത്തരവിനെതിരെ ഭാരതീയ ചികിത്സ വകുപ്പ് ഡയറക്ടര്‍ ഫയല്‍ ചെയ്തിരുന്ന റിവ്യൂ അപ്ലിക്കേഷന്‍ 31/2018 അഡ്മിനിസ്ട്രേറ്റീവ് ട്രെെബ്യൂണലിന്റെ 08.11.2018-ലെ ഉത്തരവ് പ്രകാരം ഡിസ്മിസ്സ് ചെയ്ത വിവരം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ മെഡിക്കല്‍ ഒാഫീസര്‍ തസ്തികയിലെ പ്രസ്തുത 28 ഒഴിവുകളില്‍ അഡ്മിനിസ്ട്രേറ്റീവ് ട്രെെബ്യൂണലിന്റെ ഉത്തരവിലെ നിര്‍ദ്ദേശ പ്രകാരം നിയമനം നടത്തുന്നതിന് അഡ്വെയ്സ് നല്‍കുന്നതിനായി പി.എസ്.സി. ക്ക് റിപ്പോര്‍ട്ട് ചെയ്യുന്നതിന് നടപടി സ്വീകരിക്കുമോ;വ്യക്തമാക്കാമോ?

മുട്ടത്തറയിലെ ആയൂര്‍വേദ മരുന്നു നിര്‍മ്മാണശാല

4046.

(എ)	കഴിഞ്ഞ സര്‍ക്കാരിന്റെ കാലത്ത് തിരുവനന്തപുരം മുട്ടത്തറയില്‍ ആരംഭിച്ച ആയൂര്‍വേദ മരുന്നുനിര്‍മ്മാണശാലയായ ഔഷധിയില്‍ എത്രയിനം മരുന്നുകളാണ് ഉല്‍പ്പാദിപ്പിക്കുന്നത്; വിശദമാക്കുമോ;

(ബി)	പ്രസ്തുത ഫാക്ടറി വിപുലീകരിക്കുന്നതിനുള്ള നടപടികള്‍ സ്വീകരിക്കുമോയെന്ന് വ്യക്തമാക്കുമോ?

സാമൂഹ്യ സുരക്ഷാ മിഷനില്‍ നിന്ന് നല്‍കേണ്ട ധനസഹായം

4047.

(എ)	കിഡ്നി-ഹൃദയം മാറ്റിവെയ്ക്കല്‍ ശസ്ത്രക്രിയയ്ക്ക് വിധേയരായവര്‍ക്കും മറ്റു ഗുരുതര രോഗം ബാധിച്ചവര്‍ക്കും സാമൂഹ്യ സുരക്ഷാ മിഷനില്‍ നിന്ന് നല്‍കേണ്ട ധനസഹായം ലഭിക്കുന്നതിന് ഉണ്ടാകുന്ന കാലതാമസം ശ്രദ്ധയില്‍പെട്ടിട്ടുണ്ടോ;

(ബി)	ചെങ്ങന്നൂര്‍ നിയോജകമണ്ഡലത്തില്‍ നിന്ന് സമര്‍പ്പിക്കപ്പെട്ട അപേക്ഷകര്‍ക്ക് എത്രയും വേഗം സാമ്പത്തിക സഹായം നല്‍കുന്നതിനുള്ള നടപടി സര്‍ക്കാര്‍ തലത്തില്‍ നിര്‍ദ്ദേശിക്കുമോ;വ്യക്തമാക്കാമോ?

അനധികൃത കൗൺസിലിങ് സെന്ററുകള്‍ നിയന്ത്രിക്കാന്‍ നടപടി

4048.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തുടനീളം കൗണ്‍സിലിംഗ് സെന്ററുകള്‍ പെരുകിവരുന്ന കാര്യം ശ്രദ്ധയില്‍പ്പെട്ടിട്ടുണ്ടോ എന്ന് വ്യക്തമാക്കുമോ;

(ബി)	കൗണ്‍സിലിംഗില്‍ മതിയായ പരിശീലനം ലഭിച്ചവരോ അംഗീകൃത സ്ഥാപനങ്ങളില്‍ നിന്ന് കൗണ്‍സിലിംഗ് കോഴ്സുകള്‍ പൂര്‍ത്തിയാക്കിയവരോ ആണോ ഇത്തരം സ്ഥാപനങ്ങള്‍ നടത്തുന്നത് എന്ന് പരിശോധിച്ചിട്ടുണ്ടോ; വ്യക്തമാക്കാമോ;

(സി)	അനധികൃത കൗണ്‍സിലിംഗ് സെന്ററുകള്‍ നിയന്ത്രിക്കുന്നതിന് ഈ മേഖലയില്‍ ലൈസന്‍സ് ഏര്‍പ്പെടുത്തുന്നതിന് ഉദ്ദേശിക്കുന്നുണ്ടോ എന്ന് വെളിപ്പെടുത്തുമോ?

ആശ്വാസകിരണം പദ്ധതി

4049.

(എ)	മാനസികവും ശാരീരികവുമായ പ്രയാസങ്ങള്‍ നേരിടുന്നതുമൂലം ശയ്യാവലംബരായ രോഗികളെ സഹായിക്കുന്നവര്‍ക്കായി സാമൂഹ്യ സുരക്ഷ മിഷന്‍ നടപ്പിലാക്കി വരുന്ന ആശ്വാസ കിരണം പദ്ധതിയുടെ ധനസഹായം ലഭിക്കുന്നതില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ആശ്വാസ കിരണം പദ്ധതിയുടെ അപേക്ഷ സ്വീകരിക്കുന്നതും അര്‍ഹരായവരെ കണ്ടെത്തുന്നതിലുമുള്ള കാലതാമസം ഒഴിവാക്കാന്‍ കാലോചിതമായ മാറ്റങ്ങള്‍ കൊണ്ടുവരാന്‍ തയ്യാറാവുമോ?

സാമൂഹ്യനീതി വകുപ്പ് നടപ്പിലാക്കുന്ന പദ്ധതികള്‍

4050.

(എ)	സാമൂഹ്യനീതി വകുപ്പ് നടപ്പിലാക്കുന്ന പദ്ധതികള്‍ ഏതെല്ലാം; വിശദമാക്കാമോ;

(ബി)	കഴിഞ്ഞ സാമ്പത്തിക വര്‍ഷം സാമൂഹ്യനീതി വകുപ്പിന് അനുവദിച്ച തുക എത്ര; വിനിയോഗിച്ച തുക എത്ര എന്ന് ജില്ല തിരിച്ച് വിശദമാക്കാമോ?

ജില്ലാ കേന്ദ്രങ്ങളിൽ എന്റെ കൂട് പദ്ധതി

4051.

സ്ത്രീകളുടെ സുരക്ഷ കണക്കിലെടുത്ത് ആരംഭിച്ച എന്റെ കൂട് പദ്ധതി എല്ലാ ജില്ലാ കേന്ദ്രങ്ങളിലും വ്യാപിപ്പിക്കുന്നതിന് സര്‍ക്കാര്‍ ആലോചിക്കുന്നുണ്ടോ; വിശദമാക്കാമോ?

പാലമേല്‍ പഞ്ചായത്തില്‍ മാത‍ൃകാ അംഗന്‍വാടി

4052.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തിലെ പാലമേല്‍ പഞ്ചായത്തില്‍ മാത‍ൃകാ അംഗന്‍വാടി സ്ഥാപിക്കുന്നതിന് സാമൂഹിക നീതി വകുപ്പ് സ്വീകരിച്ച നടപടികള്‍ വിശദമാക്കുമോ;

(ബി)	വള്ളികുന്നം പഞ്ചായത്തിലെ 136-ാം നമ്പര്‍ അംഗന്‍വാടിക്ക് അനുവദിച്ച തുക 133-ാം നമ്പര്‍ അംഗന്‍വാടിക്കായി മാറ്റി അനുമതി നല്‍കുന്നതിനുള്ള നടപടികള്‍ അടിയന്തരമായി സ്വീകരിക്കുമോ; നിലവിലെ സ്ഥിതി വ്യക്തമാക്കുമോ?

സ്വന്തമായി കെട്ടിടമില്ലാത്ത അങ്കണവാടികള്‍

4053.

(എ)	ആലത്തൂര്‍ നിയോജക മണ്ഡലത്തില്‍ സ്വന്തമായി കെട്ടിടമില്ലാത്ത എത്ര അങ്കണവാടികളുണ്ട്;

(ബി)	സ്വന്തമായി കെട്ടിടമില്ലാത്ത അങ്കണവാടികള്‍ക്ക് പുതിയ കെട്ടിടം നിര്‍മ്മിച്ചു കൊടുക്കുന്നതിന് പദ്ധതി ആവിഷ്ക്കരിച്ചിട്ടുണ്ടെങ്കില്‍ വിശദവിവരങ്ങള്‍ നല്‍കാമോ?

കൊട്ടാരക്കര നിയോജക മണ്ഡലത്തിലെ അംഗന്‍വാടികള്‍

4054.

(എ)	കൊട്ടാരക്കര നിയോജക മണ്ഡലത്തിന്റെ ഭാഗമായി വരുന്നതും കൊട്ടാരക്കര,വെട്ടിക്കവല ബ്ലോക്ക് പഞ്ചായത്തുകളില്‍പ്പെടുന്നതുമായ ആകെ എത്ര അംഗന്‍വാടികള്‍ ഉണ്ട്;

(ബി)	പ്രസ്തുത അംഗനവാടികളില്‍ സ്ഥലം ഉണ്ടായിട്ടും കെട്ടിടം ഇല്ലാത്ത അംഗന്‍വാടികളുടെ വിശദാംശങ്ങള്‍ നല്‍കുമോ?

അംഗന്‍വാടികള്‍ക്ക് പുതിയ കെട്ടിടത്തിനായി തുക

4055.

(എ)	മാനന്തവാടി മണ്ഡ‍ലത്തില്‍ ഏതെങ്കിലും അംഗന്‍വാടികള്‍ക്ക് പുതിയ കെട്ടിടത്തിനായി തുക അനുവദിച്ചിട്ടുണ്ടോ;

(ബി)	ഉണ്ടെങ്കില്‍ ഏതെല്ലാം അംഗന്‍വാടികള്‍ക്കാണ് ഇത്തരത്തില്‍ തുക അനുവദിച്ചിട്ടുള്ളതന്ന് വ്യക്തമാക്കുമോ?

വികലാംഗ സംവരണം

4056.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍-അര്‍ദ്ധസര്‍ക്കാര്‍ സ്ഥാപനങ്ങളില്‍ വികലാംഗരുടെ ജോലി സംവരണം എത്ര ശതമാനമാണ്;

(ബി)	വികലാംഗ സംവരണം വിവിധ വകുപ്പുകളില്‍ കൃത്യമായി നടക്കുന്നുണ്ട് എന്ന് ഉറപ്പു വരുത്തുന്നതിന് സ്വീകരിച്ച നടപടികള്‍ എന്തൊക്കെയാണ്; വിശദാംശം വ്യക്തമാക്കുമോ;

(സി)	മൂന്ന് ശതമാനം എന്ന വികലാംഗ സംവരണം ഉയര്‍ത്തി നല്‍കുന്നതിന് നടപടി സ്വീകരിക്കുവാന്‍ ഉദ്ദേശമുണ്ടോ ; ഉണ്ടെങ്കില്‍ അതിന്റെ വിശദാംശം വ്യക്തമാക്കുമോ?

ചൈല്‍ഡ് വെല്‍ഫയര്‍ കമ്മിറ്റിയും (സി.ഡബ്ല്യു.സി.) ജുവനൈല്‍ ജസ്റ്റിസ് ബോര്‍ഡും (ജെ.ജെ.ബി.)

4057.

(എ)	സംസ്ഥാനത്ത് നിലവിലുള്ള ചൈല്‍ഡ് വെല്‍ഫയര്‍ കമ്മിറ്റിയും (സി.ഡബ്ല്യു.സി.) ജുവനൈല്‍ ജസ്റ്റിസ് ബോര്‍ഡും (ജെ.ജെ.ബി.) കാലാവധി പൂര്‍ത്തിയാക്കിയവയാണോ;

(ബി)	കാലാവധി പൂര്‍ത്തിയായെങ്കില്‍ ഇവ പുന:സംഘടിപ്പിക്കാനുള്ള നടപടികള്‍ സ്വീകരിക്കുമോ?

അനുയാത്ര പദ്ധതി

4058.

ശ്രീ.ബി.ഡി. ദേവസ്സി
,, മുരളി പെരുനെല്ലി
,, പി.കെ. ശശി
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭിന്നശേഷിക്കാരുടെ ക്ഷേമത്തിനും സംരക്ഷണത്തിനുമായി ആവിഷ്കരിച്ചിട്ടുള്ള അനുയാത്ര പദ്ധതിയുടെ വിശദാംശം ന്ല‍കാമോ;

(ബി)	സംസ്ഥാനത്ത് അനാഥരായ ഭിന്നശേഷിക്കാരായ കുട്ടികള്‍ക്ക് വേണ്ടി സ്പെഷ്യല്‍ ഹോം ആരംഭിക്കാന്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

(സി)	ഭിന്നശേഷിക്കാരായ വിദ്യാര്‍ത്ഥികളുടെ ഉന്നമനത്തിനായി എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വ്യക്തമാക്കാമോ;

(ഡി)

ഭിന്നശേഷിക്കാര്‍ക്കും അവരുടെ കുടംബാംഗങ്ങള്‍ക്കുമായി ആവിഷ്കരിച്ചിട്ടുള്ള കേന്ദ്രാവിഷ്കൃത പദ്ധതിയായ സ്വാവലംബന്‍ ഇന്‍ഷുറന്‍സ് പദ്ധതിയ്ക്കായി സംസ്ഥാന സര്‍ക്കാര്‍ വിഹിതം അടച്ചിട്ടും കേന്ദ്ര സര്‍ക്കാര്‍ വിഹിതം നല്‍കാത്തതിനാല്‍ ഭിന്നശേഷിക്കാര്‍ക്ക് ഇന്‍ഷുറന്‍സ് പരിരക്ഷ ലഭിക്കാത്ത സാഹചര്യം നിലവിലുണ്ടോ; വിശദാംശം നല്‍കുമോ?

ആശ്വാസകിരണം പദ്ധതി

4059.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ ജില്ലയില്‍ ആശ്വാസകിരണം പദ്ധതിയില്‍ ഉള്‍പ്പെടുത്തി എത്ര ഗുണഭോക്താക്കള്‍ക്ക് ആനുകൂല്യം നല്‍കിവരുന്നുണ്ട്;

(ബി)	പ്രസ്തുത പദ്ധതിയിലേക്കുളള എത്ര അപേക്ഷകള്‍ തീര്‍പ്പാക്കാതെ കിടക്കുന്നുണ്ട്;

(സി)	അപേക്ഷകള്‍ സമയബന്ധിതമായി തീര്‍പ്പാക്കുന്നതിനുള്ള നടപടി സ്വീകരിക്കുമോ?

അംഗപരിമിതരുടെ പ്രശ്നപരിഹാരത്തിനായി നോഡല്‍ ഓഫീസര്‍മാര്‍

4060.

(എ)	സംസ്ഥാനത്തെ വിവിധ വകുപ്പുകളില്‍ അംഗപരിമിതരുടെ പ്രശ‍്നങ്ങള്‍ പരിഹരിക്കുവാന്‍ നോഡല്‍ ഓഫീസര്‍മാരെ നിയമിച്ചിട്ടുണ്ടോ; എങ്കില്‍ വകുപ്പു തിരിച്ചുള്ള ഓഫീസര്‍മാരുടെ പേരും വിവരവും ലഭ്യമാക്കുമോ;

(ബി)	സര്‍ക്കാര്‍ സര്‍വ്വീസില്‍ അംഗപരിമിതവിഭാഗത്തില്‍പ്പെടുന്ന എത്ര സ്ഥിരം, കരാര്‍, ദിവസവേതന ജീവനക്കാരുണ്ട്; കണക്കുകള്‍ ലഭ്യമാക്കുമോ?

ഐക്കോണ്‍സിന്റെ പ്രവര്‍ത്തനം

4061.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	ഭിന്നശേഷിക്കാരായ കുട്ടികളുടെ ഉന്നമനത്തിനായുള്ള ഐക്കോണ്‍സിന്റെ പ്രവര്‍ത്തനം വിലയിരുത്തിയിട്ടുണ്ടോ;

(ബി)	പ്രസ്തുത സ്ഥാപനത്തില്‍ നിലവില്‍ എത്ര ജീവനക്കാരുണ്ട്; താല്ക്കാലിക ജീവനക്കാര്‍ എത്രയാണ്;

(സി)	എെക്കോണ്‍സിന്റെ തിരുവനന്തപുരം കേന്ദ്രത്തില്‍ ഡയറക്ടറുടെ മേല്‍നോട്ടം ഉണ്ടോ; എങ്കില്‍ ആഴ്ചയില്‍ എത്ര ദിവസം അദ്ദേഹത്തിന്റെ സേവനം തിരുവനന്തപുരം കേന്ദ്രത്തിന് ലഭിക്കുന്നുണ്ട്;

(ഡി)	2017-18 ല്‍ പ്ലാന്‍ ഫണ്ടിനത്തില്‍ ഈ സ്ഥാപനത്തിന് എന്ത് തുക ലഭിച്ചുവെന്നും അതില്‍ എന്ത് തുക ചിലവഴിച്ചുവെന്നും വ്യക്തമാക്കുമോ;

(ഇ)	പ്രസ്തുത സ്ഥാപനത്തിലെ ജീവനക്കാര്‍ക്ക് ശമ്പള കുടിശ്ശികയുണ്ടോ; ഉണ്ടെങ്കില്‍ കുടിശ്ശിക അടിയന്തിരമായി നല്കുവാന്‍ നടപടി സ്വീകരിക്കുമോ?

ഭിന്നശേഷിക്കാരുടെ അവകാശങ്ങള്‍

4062.

(എ)	ഭിന്നശേഷിക്കാരുടെ അവകാശങ്ങള്‍ സംരക്ഷിക്കുന്നതിനായി സംസ്ഥാന നിയമം കൊണ്ടുവരുന്നതിന് ആലോചിക്കുന്നുണ്ടോ; വിശദവിവരങ്ങള്‍ നല്‍കാമോ ;

(ബി)	ഇന്ത്യയിലെ ആദ്യത്തെ ഭിന്നശേഷീ സൗഹൃദ സംസ്ഥാനമായി കേരളത്തെ പ്രഖ്യാപിക്കുന്നതിന് വേണ്ട പ്രവർത്തനങ്ങൾ നടപ്പിലാക്കുന്നതിന് അലോചിക്കുന്നുണ്ടോ ;

(സി)	ഉണ്ടെങ്കില്‍ വിശദവിവരങ്ങള്‍ ന്ല‍കാമോ ?

ഭിന്നശേഷിക്കാരുടെ ആനുകൂല്യങ്ങള്‍ക്കുള്ള മാനദണ്ഡത്തിൽ മാറ്റം വരുത്തുന്നതിനുള്ള നടപടി

4063.

(എ)	ഭിന്നശേഷിക്കാരുടെ ആനുകൂല്യങ്ങള്‍ക്കുള്ള അർഹതാ മാനദണ്ഡമായി അവരുടെ കുടുംബവരുമാനം കണക്കാക്കുന്നതിനാല്‍ അവസരങ്ങള്‍ നഷ്ടപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഭിന്നശേഷിക്കാരുടെ ആനുകൂല്യങ്ങള്‍ക്കുള്ള അർഹതാ മാനദണ്ഡമായി അവരുടെ വ്യക്തിഗത വരുമാനം കണക്കാക്കുന്നത്തിനുള്ള നടപടി സ്വീകരിക്കുമോ; വിശദവിവരങ്ങള്‍ നല്‍കുമോ?

അംഗപരിമിതര്‍ക്കായുള്ള പദ്ധതികള്‍

4064.

(എ)	സര്‍ക്കാര്‍ നിയമനങ്ങളില്‍ അംഗപരിമിതര്‍ക്കായുള്ള സംവരണം നാല് ശതമാനമായി ഉയര്‍ത്തിയത് സംബന്ധിച്ച സര്‍ക്കാര്‍ ഉത്തരവ്, പി.എസ്.സി നോട്ടിഫിക്കേഷന്‍ എന്നിവയുടെ പകര്‍പ്പ് ലഭ്യമാക്കുമോ;

(ബി)	അംഗപരിമിതര്‍ക്ക് സ്വയം തൊഴിലിനായി എന്തൊക്കെ സഹായങ്ങളാണ് നല്‍കി വരുന്നത്; വിശദമാക്കാമോ;

(സി)	2016- ലെ അംഗപരിമിതര്‍ക്കായുള്ള ദേശീയ നിയമത്തിന്റെ അടിസ്ഥാനത്തില്‍ സംസ്ഥാന സര്‍ക്കാര്‍ എന്തൊക്കെ നിര്‍ദ്ദേശങ്ങള്‍/പദ്ധതികള്‍ നടപ്പിലാക്കി; വിശദമാക്കുമോ?

മെയില്‍ കെയര്‍ടേക്കര്‍ തസ്തികയിലെ ഒഴിവുകൾ

4065.

(എ)	സാമൂഹ്യനീതി വകുപ്പിലെ കെയര്‍ടേക്കര്‍(മെയില്‍) തസ്തികയുടെ നിലവിലുള്ള എണ്ണം വ്യക്തമാക്കുമോ; ഇവയില്‍ എത്രയെണ്ണമാണ് ഒഴിഞ്ഞുകിടക്കുന്നതെന്നും പ്രസ്തുത ഒഴിവുകൾ പി.എസ്.സി. യ്ക്ക് റിപ്പോര്‍ട്ട് ചെയ്തിട്ടുണ്ടോയെന്നും വ്യക്തമാക്കുമോ ;

(ബി)	31.10.2018 ല്‍ സബ്ജക്ട് കമ്മിറ്റി അംഗീകരിച്ച സാമൂഹ്യനീതി വകുപ്പ് സബോര്‍ഡിനേറ്റ് സര്‍വ്വീസ് വിശേഷാല്‍ ചട്ടം 2010 ഭേദഗതി ചെയ്യുന്നത് സംബന്ധിച്ച സ്പെഷ്യല്‍ റൂള്‍ നിലവില്‍ വരുന്നതുമായി ബന്ധപ്പെട്ട നടപടിക്രമം ഏതു ഘട്ടത്തിലാണെന്ന് വിശദമാക്കുമോ?

വനിത - ശിശുക്ഷേമ വികസന വകുപ്പ്

4066.

ശ്രീ.കെ.വി.വിജയദാസ് : താഴെ കാണുന്ന ചോദ്യത്തിന് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ അധികാരത്തില്‍ വന്നശേഷം രൂപീകരിച്ചിട്ടുള്ള വനിത - ശിശുക്ഷേമ വികസന വകുപ്പിന്റെ സ്റ്റാഫ് പാറ്റേൺ അംഗീകരിച്ച് സ്പെഷ്യല്‍ റൂള്‍സ് പുറപ്പെടുവിച്ചിട്ടുണ്ടോ; എങ്കില്‍ വിശദവിവരം നല്‍കുമോ?

രാജീവ് ഗാന്ധി ക്രെഷുകള്‍

4067.

(എ)	അരുവിക്കര നിയോജകമണ്ഡലത്തില്‍ കേന്ദ്ര സോഷ്യല്‍ വെല്‍ഫെയര്‍ ബോര്‍ഡിന്റെ സഹായത്തോടെ രാജീവ് ഗാന്ധി നാഷണൽ ക്രെഷുകള്‍ എത്രയെണ്ണം പ്രവര്‍ത്തിക്കുന്നുണ്ട്; ഇവയുടെ പ്രവര്‍ത്തനങ്ങള്‍ക്ക് കേന്ദ്ര ധനസഹായം ഇപ്പോഴും ലഭിക്കുന്നുണ്ടോ; ഇല്ലെങ്കില്‍ എന്താണ് കാരണമെന്ന് വ്യക്തമാക്കുമോ;

(ബി)	ഈ ക്രെഷുകള്‍ സംസ്ഥാന സാമൂഹ്യനീതി വകുപ്പ് ഏറ്റെടുത്തിട്ടുണ്ടോ; ഉണ്ടെങ്കില്‍ ഇവയുടെ ദൈനംദിന പ്രവര്‍ത്തനങ്ങള്‍ക്ക് ധനസഹായം ലഭിക്കുന്നില്ലായെന്നുള്ള കാര്യം ശ്രദ്ധയില്‍പ്പെട്ടിട്ടുണ്ടോ;

(സി)	രാജീവ് ഗാന്ധി നാഷണല്‍ ക്രെഷുകളില്‍ ഓരോന്നിലും എത്ര ജീവനക്കാരാണ് ഉള്ളതെന്ന് അറിയിക്കുമോ;

(ഡി)	ഇവിടെയുള്ള കുട്ടികള്‍ക്ക് എന്തെല്ലാം സൗകര്യങ്ങളാണ് ഒരുക്കാറുള്ളത്; ഇതിലേയ്ക്കായി ഓരോ മാസവും എത്ര രൂപയാണ് സാധാരണ ധനസഹായം നല്‍കുന്നത്; ഇത് സംബന്ധിച്ച് വിശദാംശം ന്ല‍കാമോ?

സംസ്ഥാന വനിതാ കമ്മീഷന്‍ മുഖേന തീർപ്പ് കല്‍പ്പിച്ച പരാതികൾ

4068.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാന വനിതാ കമ്മീഷന്‍ എത്ര പരാതികളില്‍ തീര്‍പ്പ് കല്‍പ്പിച്ചിട്ടുണ്ടെന്ന് വ്യക്തമാക്കുമോ;

(ബി)	ആയതിന്റെ ജില്ല തിരിച്ചുള്ള കണക്ക് ലഭ്യമാക്കുമോ?

അതിക്രമങ്ങള്‍ക്കിരയായ പാര്‍ട്ടി പ്രവര്‍ത്തകരായ സ്ത്രീകള്‍

4069.

ശ്രീ.എല്‍ദോസ് പി. കുന്നപ്പിള്ളില്‍
,, വി.ടി.ബല്‍റാം
,, അനില്‍ അക്കര
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും സാമൂഹ്യനീതിയും വനിത-ശിശു വികസനവും വകുപ്പുമന്ത്രി സദയം മറുപടി നല്‍കുമോ:

(എ)	അതിക്രമങ്ങള്‍ക്കിരയായ രാഷ്ട്രീയ പാര്‍ട്ടി പ്രവര്‍ത്തകരായ സ്ത്രീകള്‍ പോലീസില്‍ പരാതിപ്പെടാത്തത് എന്തുകൊണ്ടാണെന്ന് വനിത-ശിശു വികസന വകുപ്പ് പഠനം നടത്തിയിട്ടുണ്ടോ;

(ബി)	പാര്‍ട്ടി പ്രവര്‍ത്തകരും നേതാക്കളും നടത്തുന്ന കുറ്റകൃത്യങ്ങള്‍ പാര്‍ട്ടിതല അന്വേഷണത്തിലും നടപടിയിലും ഒതുക്കുന്നത് സ്ത്രീകള്‍ക്കെതിരെയുള്ള അതിക്രമങ്ങള്‍ സംസ്ഥാനത്തു വര്‍ദ്ധിച്ചു വരാന്‍ കാരണമാകുമെന്നുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ ;

(സി)	ഒരു വനിതാ പ്രവര്‍ത്തകയ്ക്കെതിരെ അപമര്യാദയായി പെരുമാറിയ എം എല്‍ എയെ ന്യായീകരിച്ച വനിതാ കമ്മീഷന്‍ അധ്യക്ഷയുടെ നടപടി കമ്മീഷന്റെ അന്തസത്തക്കു നിരക്കുന്നതല്ലായെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ ;

(ഡി)	സ്ത്രീകള്‍ക്കെതിരെ പാര്‍ട്ടി പ്രവര്‍ത്തകരും നേതാക്കളും നടത്തുന്ന കുറ്റകൃത്യങ്ങള്‍ പാര്‍ട്ടിതല അന്വേഷണത്തിലും നടപടിയിലും നിജപ്പെടുത്തുന്നതിനോട് വനിത-ശിശു വികസന വകുപ്പ് യോജിക്കുന്നുണ്ടോ; വ്യക്തമാക്കുമോ ?

Website maintained by Information System Section, Kerala Legislative Assembly, Thiruvananthapuram.