Questions

ഭൂവിനിയോഗ ബാങ്ക്

ശ്രീ. തേറമ്പില്‍ രാമകൃഷ്ണന്‍

ശ്രീ എം.എ. വാഹീദ്

ശ്രീ പി.സി. വിഷ്ണുനാഥ്

ശ്രീ അന്‍വര്‍ സാദത്ത്

(എ) സംസ്ഥാനത്തെ ഭൂമിയുടെ വിലനിര്‍ണ്ണയിക്കാന്‍ ഗവണ്‍മെന്റ് എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി) ഇതിനായി ഒരു ഭൂവിനിയോഗ ബാങ്ക് രൂപീകരിക്കുവാന്‍ ഉദ്ദേശിക്കുന്നുണ്ടോ;

(സി) ഇതിന്റെ പ്രവര്‍ത്തന രീതി എങ്ങനെയായിരിക്കണമെന്നാണ് കരുതുന്നത്;

(ഡി) ഭൂമിയുടെ വിലനിര്‍ണ്ണയിക്കുന്നതു സംബന്ധിച്ച് കൈക്കൊള്ളുന്ന മാനദണ്ഡങ്ങള്‍ എന്തൊക്കെയാണ്;

(ഇ) സമീപ പ്രദേശങ്ങളില്‍ നടക്കുന്ന വസ്തു വില്പനയില്‍ ഏറ്റവും കൂടിയ നിശ്ചിത വിലയുടെ അടിസ്ഥാനത്തില്‍ കമ്പോള വില നിശ്ചയിക്കുന്ന കാര്യം പരിഗണിക്കുമോ ?

ഭൂമിയുടെ ന്യായവില

ശ്രീ.പി. ഉബൈദുള്ള

(എ) സംസ്ഥാനത്ത് പലസ്ഥലത്തും ഭൂമിയുടെ ന്യായവില നിശ്ചയിച്ചത് വിപണി വിലയെക്കാള്‍ കൂടുതലാണെന്ന കാര്യം സര്‍ക്കാര്‍ ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ അപാകതകള്‍ പരിഹരിക്കാന്‍ നാളിതുവരെ എന്തല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി) ഓരോ സ്ഥലത്തിന്റെയും സ്ഥിതി നേരില്‍ പരിശോധിച്ച് ന്യായവില തിട്ടപ്പെടുത്താന്‍ ആവശ്യമായ സംവിധാനം ഏര്‍പ്പെടുത്തുമോ ?

ബോണ്ട് കൈവശമുളള വ്യക്തികള്‍ക്ക് വില്‍ക്കാനുളള വ്യവസ്ഥകള്‍

ശ്രീ. ബെന്നി ബെഹനാന്‍

ശ്രീജോസഫ് വാഴക്കന്‍

ശ്രീ പാലോട് രവി

(എ) വികസനപ്രവര്‍ത്തനങ്ങള്‍ക്കായി ഭൂമി നല്‍കുന്നവര്‍ക്ക് ഭൂമിവിലക്ക് പകരം ബോണ്ട് നല്‍കാന്‍ തീരുമാനിച്ചിട്ടുണ്ടോ; ഇതിന്റെ വിശദാംശങ്ങള്‍ എന്തെല്ലാം;

(ബി) ബോണ്ടിന്റെ വിശദാംശങ്ങള്‍ തയ്യാറാക്കാന്‍ ആരെയാണ് ഏല്പിക്കാന്‍ ഉദ്ദേശിക്കുന്നത്;

(സി) ബോണ്ട് കൈവശമുളള വ്യക്തികള്‍ക്ക് വില്‍ക്കാനുളള വ്യവസ്ഥകള്‍ എന്തെല്ലാമാണ്;

(ഡി) ഓരോ വര്‍ഷവും ബോണ്ടുകളുടെ വില പുതുക്കുവാന്‍ ഉദ്ദേശിക്കുന്നുണ്ടോ;

(ഇ) പദ്ധതികള്‍ നടപ്പാക്കുമ്പോള്‍ ഭൂമിക്കുണ്ടാകുന്ന വിലവര്‍ദ്ധനയുടെ തോത് അനുസരിച്ച് ബോണ്ടിന്റെ മൂല്യത്തിനും വര്‍ദ്ധനയുണ്ടാകാന്‍ ആലോചിക്കുമോ?

വസ്തുവിന്റെ ഫെയര്‍വാല്യു

ശ്രീ. രാജു എബ്രഹാം

(എ) റാന്നി താലൂക്കിലെ കൊല്ലമുള വില്ലേജില്‍ ഉള്‍പ്പെടുന്ന ഏതൊക്കെ സര്‍വ്വെ നമ്പരുകളില്‍പ്പെടുന്ന എത്ര ഏക്കര്‍ ഭൂമിയാണ് വസ്തുവിന്റെ ഫെയര്‍വാല്യു നിര്‍ണ്ണയവുമായി ബന്ധപ്പെട്ട് തരിശായി രേഖപ്പെടുത്തപ്പെട്ടത്;

(ബി) ഇപ്രകാരം രേഖപ്പെടുത്താന്‍ ഇടയായതിന്റെ കാരണം വ്യക്തമാക്കുമോ;

(സി) ഏത് ഉദ്യോഗസ്ഥന്റെ ഭാഗത്തുനിന്നുണ്ടായ വീഴ്ചമൂലമാണ് കരമടച്ചുകൊണ്ടിരുന്ന വസ്തുക്കള്‍പോലും സര്‍ക്കാര്‍ തരിശായി രേഖപ്പെടുത്താന്‍ ഇടയാക്കിയത്;

(ഡി) ഇതു സംബന്ധിച്ച അന്വേഷണത്തിന് ആരെയാണ് ചുമതലപ്പെടുത്തിയിട്ടുള്ളത്; അന്വേഷണ ഉദ്യോഗസ്ഥന്‍ ഇത് സംബന്ധിച്ച് അന്വേഷണം പൂര്‍ത്തീകരിച്ച് റിപ്പോര്‍ട്ട് സമര്‍പ്പിച്ചിട്ടുണ്ടോ;

(ഇ) റിപ്പോര്‍ട്ടിലെ കണ്ടെത്തലുകള്‍ എന്തൊക്കെയാണ്; റിപ്പോര്‍ട്ട് സമര്‍പ്പിക്കുന്നതിന് നിശ്ചയിച്ചിട്ടുള്ള കാലാവധി അറിയിക്കുമോ; എന്നാണ് അന്വേഷണച്ചുമതല പ്രസ്തുത ഉദ്യോഗസ്ഥന് കൈമാറിയിട്ടുള്ളത്;

(എഫ്) സമയ ബന്ധിതമായി പ്രസ്തുത പ്രശ്നം പരിഹരിക്കാന്‍ ഇതുവരെ എന്തൊക്കെ നടപടിയാണ് സ്വീകരിച്ചിട്ടുള്ളത് എന്നും ഇത് സംബന്ധിച്ച് എത്ര ഉന്നതതലയോഗം ചേര്‍ന്നു എന്നും വിശദാംശങ്ങള്‍ സഹിതം അറിയിക്കുമോ?

നെല്‍വയല്‍-തണ്ണീര്‍ത്തട സംരക്ഷണം

ശ്രീ. കെ. മുരളീധരന്‍

(എ) വര്‍ഷങ്ങള്‍ക്കു മുമ്പ് തന്നെ നികത്തപ്പെട്ടതും ഇതര കൃഷികള്‍ക്കും മറ്റും ഉപയോഗിച്ചു വരുന്നതുമായ നെല്‍വയല്‍ പ്രദേശങ്ങളില്‍ പാര്‍പ്പിടേതര ആവശ്യത്തിന് കെട്ടിടം നിര്‍മ്മിക്കുന്നതിന് അനുമതി നല്‍കാന്‍ ഇപ്പോള്‍ എന്ത് വ്യവസ്ഥയാണുള്ളത്;

(ബി) 2008-ലെ കേരള നെല്‍വയല്‍-തണ്ണീര്‍ത്തട സംരക്ഷണ ആക്ടിന്റെ പരിധിയില്‍ നിന്നും മുന്‍പറഞ്ഞ രീതിയിലുള്ള പ്രദേശങ്ങള്‍ ഒഴിവാക്കുന്നതിന് എന്തെങ്കിലും നടപടി സ്വീകരിക്കുന്നുണ്ടോ ;

(സി) പ്രസ്തുത വിഷയത്തില്‍ പൊതുജനങ്ങളുടെ ബുദ്ധി മുട്ടുകള്‍ ഒഴിവാക്കുന്നതിന് എന്തെങ്കിലും നിയമഭേദഗതി കൊണ്ടു വരുന്നതിന് സര്‍ക്കാര്‍ ഉദ്ദേശിക്കുന്നുണ്ടോ ?

വയല്‍ നികത്തുന്നതായ നടപടി

ശ്രീ.സി.പി. മുഹമ്മദ്

(എ) നെല്‍ വയല്‍ തണ്ണീര്‍തട സംരക്ഷണ നിയമം വന്നതിനുശേഷം സംസ്ഥാനത്ത് എത്ര ഹെക്ടര്‍ കൃഷി ഭൂമി നികത്തുവാന്‍ അനുവാദം നല്‍കി എന്ന് വ്യക്തമാക്കുമോ;

(ബി) സര്‍ക്കാര്‍ അനുമതി ഇല്ലാതെ ഹെക്ടര്‍ കണക്കിന് വയലുകള്‍ നികത്തിയതായി ശ്രദ്ധയില്‍പ്പെട്ടിട്ടുണ്ടോയെന്നറിയിക്കുമോ?

ചങ്ങംകരിയിലെ തൂക്കുപാലത്തിന്റെ നിര്‍മ്മാണം

ശ്രീ. തോമസ് ചാണ്ടി

(എ) കുട്ടനാട്ടിലെ എടത്വാ പഞ്ചായത്തില ചങ്ങംങ്കരിയില്‍ അനുവദിച്ച തൂക്കുപാലത്തിന്റെ നിര്‍മ്മാണം പൂര്‍ത്തീകരിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വിശദമാക്കുമോ ;

(ബി) കെല്‍ ഏറ്റെടുത്ത തൂക്കുപാലത്തിന്റെ നിര്‍മ്മാണം ആരംഭിച്ചുവോയെന്നും എന്ന് പൂര്‍ത്തീകരിക്കുമെന്നുംവിശദമാക്കുമോ ?

ലാന്റ് അക്വിസിഷന്‍ നടപടികള്‍

ശ്രീമതി കെ.കെ. ലതിക

(എ) കുറ്റ്യാടി ബൈപ്പാസ് നിര്‍മ്മാണത്തിന് ഭൂമി ഏറ്റെടുക്കുന്നതിനുള്ള പ്രൊപ്പോസല്‍ കോഴിക്കോട് കലക്ടറേറ്റില്‍ ലഭിച്ചിട്ടുണ്ടോ എന്നും എങ്കില്‍ ഏത് തീയതിയിലാണ് ലഭിച്ചതെന്നും വ്യക്തമാക്കുമോ ;

(ബി) റവന്യൂ വകുപ്പിന്റെ കോഴിക്കോട് ജില്ലയിലെ ഏതെല്ലാം ഓഫീസുകളില്‍ പ്രസ്തുത പ്രൊപ്പോസല്‍ നടപടികള്‍ക്കായി അയച്ചിട്ടുണ്ടെന്നും ഓരോ ഓഫീസിലും എത്ര ദിവസം വീതം പ്രൊപ്പോസല്‍ തീര്‍പ്പുകല്‍പ്പിക്കുന്നതിന് കെട്ടിക്കിടന്നുവെന്നും വ്യക്തമാക്കുമോ ;

(സി) പ്രസ്തുത പ്രൊപ്പോസലില്‍ പൊതുമരാമത്ത് വകുപ്പ് റവന്യൂവകുപ്പിനോട് എന്താണ് ആവശ്യപ്പെട്ടതെന്ന് വ്യക്തമാക്കുമോ ;

(ഡി) പൊതുമരാമത്ത് ആവശ്യപ്പെട്ട വിവരങ്ങള്‍ നല്‍കുന്നതിന് റവന്യൂവകുപ്പില്‍ കാലതാമസമുണ്ടായതായി കരുതുന്നുണ്ടോ എന്ന് വ്യക്തമാക്കുമോ ?

പള്ളിക്കമണ്ണടി പാലത്തിന്റെ അപ്രോച്ച് റോഡ്

ശ്രീ. ജി.എസ്. ജയലാല്‍

(എ) പാലം നിര്‍മ്മിക്കുന്നതിലേക്കായി അപ്രോച്ച് റോഡിന് ഭൂമി ഏറ്റെടുക്കന്നതിന് സാധാരണ സ്വീകരിക്കുന്ന നടപടിക്രമങ്ങള്‍ എന്തൊക്കെയാണ്; വിശദാശംഅറിയിക്കുമോ;

(ബി) ഭൂഉടമകള്‍ ജനപ്രതിനിധികളും, പൌരപ്രമുഖരും ഉദ്യോഗസ്ഥമേധാവികളുമായി ചര്‍ച്ച ചെയ്തു ധാരണയില്‍ എത്തി ഭൂമി വിട്ടുതന്നാല്‍ ആയത് ഏറ്റെടുത്ത് പാലം പണി നടത്തുന്നതിലേക്ക് റവന്യൂ വകുപ്പിന് എന്ത് നടപടികളാണ് സ്വീകരിക്കുവാനുള്ളത്;

(സി) ഭൂഉടമകള്‍ ഭൂമി ധാരണക്ക് വിധേയമായി വിട്ട് നല്‍കാതിരിക്കുകയും ഭൂമി ഏറ്റെടുക്കല്‍ നടപടികള്‍ നീണ്ട് പോകുകയും ചെയ്യുന്ന അവസ്ഥയില്‍ പെട്ടെന്ന് ഭൂമി ഏറ്റെടുക്കുന്നതിനുള്ള വ്യവസ്ഥകള്‍ നിലവിലുണ്ടോ; വിശദാംശം ലഭ്യമാക്കുമോ;

(ഡി) ചാത്തന്നൂര്‍ നിയോജക മണ്ഡലത്തിലെ പള്ളിക്കമണ്ണടി പാലത്തിന്റെ അപ്രോച്ച് റോഡ് നിര്‍മ്മിക്കുന്നതിലേക്ക് ഭൂമി ഏറ്റെടുക്കണമെന്ന് ആവശ്യപ്പെട്ട് നാളിതുവരെ അപേക്ഷ ലഭിച്ചിട്ടുണ്ടോ?

വല്ലാര്‍പാടം പുനരധിവാസ പാക്കേജ്

ശ്രീ. എസ്. ശര്‍മ്മ

(എ) വല്ലാര്‍പാടം കണ്ടെയ്നര്‍ ടെര്‍മിനലിനു വേണ്ടി സ്ഥലവം വീടും നഷ്ടപ്പെട്ടവര്‍ക്കുള്ള പുനരധിവാസ പാക്കേജ് എന്തെന്ന് വ്യക്തമാക്കാമോ;

(ബി) ഇത് സംബന്ധിച്ച ഉത്തരവ് എന്താണെന്ന് വ്യക്തമാക്കാമോ;

(സി) എത്ര പേര്‍ക്കാണ് ഇനിയും പട്ടയം ലഭിക്കാനുള്ളതെന്ന് വ്യക്തമാക്കാമോ;

(ഡി) ഇത് എന്ന് കൊടുത്തു തീര്‍ക്കാനാകും; നിലവില്‍ പട്ടയം നല്‍കുന്നതിന് തടസ്സമായ കാരണങ്ങള്‍ എന്തെല്ലാം?

സര്‍ക്കാര്‍ ഓഫീസുകള്‍ക്ക് കെട്ടിടം

ശ്രീ. സി. കൃഷ്ണന്‍

(എ) കണ്ണൂര്‍ ജില്ലയിലെ പെരിങ്ങോം-വയക്കര ഗ്രാമപഞ്ചായത്തില്‍ അനുവദിക്കപ്പെട്ട സര്‍ക്കാര്‍ ഓഫീസുകള്‍ക്ക് കെട്ടിടങ്ങള്‍ നിര്‍മ്മിക്കുന്നതിനാവശ്യമായ റവന്യൂ ഭൂമി അനുവദിക്കണമെന്ന പഞ്ചായത്ത് അധികൃതരുടെ അപേക്ഷ ലഭിച്ചിട്ടുണ്ടോ;

(ബി) പ്രസ്തുത പഞ്ചായത്തില്‍ അനുവദിച്ച ഐ.ടി.ഐ. ഫയര്‍സ്റേഷന്‍, മോഡല്‍ റസിഡന്‍ഷ്യല്‍ സ്കൂള്‍ എന്നിവയ്ക്ക് കെട്ടിടം പണിയുന്നതിനായി റവന്യൂ ഭൂമി അനുവദിക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ ?

ചെങ്ങറ പാക്കേജ്

ശ്രീ. കെ. കുഞ്ഞിരാമന്‍ (ഉദുമ)

(എ) ചെങ്ങറ പാക്കേജുമായി ബന്ധപ്പെട്ട് പെരിയയില്‍ എത്ര കുടുംബങ്ങളാണുള്ളത് ; പ്രസ്തുത കുടുംബങ്ങള്‍ക്ക് അടിസ്ഥാന സൌകര്യ വികസനത്തിനായി എന്തെങ്കിലും നടപടി സ്വീകരിച്ചിട്ടുണ്ടോ ;

(ബി) എങ്കില്‍ വിശദാംശങ്ങള്‍ അറിയിക്കാമോ ?

കൊരട്ടി ബസ്സ് സ്റാന്റ് നിര്‍മ്മാണം

ശ്രീ. ബി. ഡി. ദേവസ്സി

കൊരട്ടി പഞ്ചായത്തില്‍ ബസ് സ്റാന്റ് നിര്‍മ്മാണത്തിനും, ഷോപ്പിംഗ് കോംപ്ളക്സ് നിര്‍മ്മാണത്തിനും, മറ്റു വികസന ആവശ്യങ്ങള്‍ക്കുമായി വൈഗൈ ത്രഡ്സിന്റെ കൈവശമിരിക്കുന്നതും ഉപയോഗശൂന്യമായി കിടക്കുന്നതുമായ സ്ഥലം കൊരട്ടി പഞ്ചായത്തിന് വിട്ടുകിട്ടുന്നതിനുള്ള അപേക്ഷ പരിഗണനയിലുണ്ടോ ; എങ്കില്‍ പ്രസ്തുത അപേക്ഷ പരിഗണിക്കുന്നതിനും, ഭൂമി ലഭ്യമാക്കുന്നതിനും ആവശ്യമായ നടപടികള്‍ സ്വീകരിക്കുമോ ?

ജാതി സര്‍ട്ടിഫിക്കറ്റിലെ അപാകത

ശ്രീ. അബ്ദുറഹിമാന്‍ രണ്ടത്താണി

(എ) കേന്ദ്ര സര്‍ക്കാരിന്റെ 9.3.1996 ലെ 12011/96/94 ബി.സി.സി. നമ്പര്‍ തീരുമാന പ്രകാരം കേരളത്തിലെ മുസ്ളീംങ്ങളെ ഒ.ബി.സി. പട്ടികയില്‍ 39 എ അദര്‍ മുസ്ളീംസ് എക്സ്ക്ളൂഡിംഗ് (ക) ബോഹറ (കക) കച്ചി മേമണ്‍ (കകക) നവായാട്ട് (കഢ) തുറുക്കന്‍ (എന്‍) ദഗ്നി മുസ്ളീം എന്നിങ്ങനെയാണോ ചേര്‍ത്തിട്ടുളളത് എന്ന് പരിശോധിച്ചിട്ടുണ്ടോ;

(ബി) സംസ്ഥാന സര്‍ക്കാരിന്റെ 26.3.1996-ലെ ചീ.13233/എ1/95/എസ്.സി.എസ്.റ്റി.ഡി സര്‍ക്കുലറിലൂടെ എല്ലാ വകുപ്പ് മേധാവികളെയും ഇക്കാര്യം അറിയിച്ചിട്ടുണ്ടോ;

(സി) എന്നാല്‍ കേരളത്തിലെ ബഹുഭൂരിപക്ഷം തഹസില്‍ദാര്‍മാരും ഇപ്പോഴും നോണ്‍ ക്രിമിലെയര്‍ സര്‍ട്ടിഫിക്കറ്റുകളില്‍ ഇസ്ളാം-മുസ്ളീം എന്നു ചേര്‍ത്തിരിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ഡി) എങ്കില്‍ ഇപ്രകാരമുള്ള ജാതി-നോണ്‍ ക്രീമിലെയര്‍ സര്‍ട്ടിഫിക്കറ്റുകള്‍ കേന്ദ്ര സര്‍ക്കാര്‍ വകുപ്പുകളും സ്ഥാപനങ്ങളും അംഗീകരിക്കാത്ത കാര്യം പരിശോധിച്ചിട്ടുണ്ടോ;:

(ഇ) ഇത് കേരളത്തിലെ മുസ്ളീംങ്ങള്‍ക്ക് സംവരണാനുകൂല്യങ്ങളും വയസ്സിളവും നിഷേധിക്കുന്നതിന് കാരണമാകുന്ന സാഹചര്യം പരിശോധിച്ചിട്ടുണ്ടോ;

(എഫ്) കേന്ദ്ര സര്‍വ്വകലാശാലകളിലും ഉന്നത വിദ്യാഭ്യാസ സ്ഥാപനങ്ങളിലും പ്രവേശനം ലഭിക്കുവാനും ഇത്തരം സര്‍ട്ടിഫിക്കറ്റുകള്‍ പ്രയോജനപ്പെടാത്ത കാര്യം ശ്രദ്ധയില്‍പ്പെട്ടിട്ടുണ്ടോ;

(ജി) എങ്കില്‍ ക്രീമിലെയര്‍-ജാതി സര്‍ട്ടിഫിക്കറ്റുകളില്‍ അദര്‍ മുസ്ളീംസ് എക്സ്ക്ളൂഡിംഗ് (ക) ബോഹറ (കക) കച്ചി മേമണ്‍ (കകക) നവായാട്ട് (കഢ) തുറുക്കന്‍ (എന്‍) ദഗ്നി മുസ്ളീം വൈഡ് എസ്.എല്‍.നം: 39എ എന്ന് ചേര്‍ത്ത് സര്‍ട്ടിഫിക്കറ്റുകള്‍ നല്‍കാന്‍ റവന്യൂ വകുപ്പ് അധികാരികള്‍ക്ക് നിര്‍ദ്ദേശം നല്‍കുമോ ?

സുനാമി പുനരധിവാസ പദ്ധതി

ശ്രീ. ഇ. പി. ജയരാജന്‍

(എ) സംസ്ഥാനത്ത് സുനാമി പുനരധിവാസ പദ്ധതിയിന്‍ കീഴില്‍ ലഭ്യമായ ഫണ്ടില്‍ ഇനിയും എത്ര തുക ചെലവഴിക്കുവാന്‍ ബാക്കിയുണ്ടെന്നു വ്യക്തമാക്കുമോ;

(ബി) അനുവദിച്ച തുക സമയബന്ധിതമായി ചെലവഴിക്കാത്ത വകുപ്പുകള്‍ ഏതെല്ലാമെന്നും ഓരോ വകുപ്പിനും നീക്കി വച്ച തുകയില്‍ ബാക്കിയുള്ള തുകകളുടെ വകുപ്പു തിരിച്ചുള്ള കണക്കുകളും ലഭ്യമാക്കുമോ;

(സി) സുനാമി പുനരധിവാസ പ്രവര്‍ത്തനങ്ങള്‍ക്കു ഏറ്റവും വേഗത്തില്‍ പൂര്‍ണ്ണതയില്‍ എത്തിക്കുവാന്‍ എന്തു നടപടികളാണ് സ്വീകരിക്കുന്നതെന്നു വ്യക്തമാക്കുമോ?

ചികിത്സാ സഹായ ധനം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) കഴിഞ്ഞ സര്‍ക്കാരിന്റെ അവസാന മാസങ്ങളില്‍ ദുരിതാശ്വാസ നിധിയില്‍ നിന്നും സഹായധനമായി അനുവദിച്ച ചികിത്സാ സഹായ ധനം ഇതുവരെയും അപേക്ഷകര്‍ക്ക് കിട്ടാത്ത വിവരം ശ്രദ്ധയില്‍പ്പെട്ടിട്ടുണ്ടോ;

(ബി) ഇക്കാര്യത്തില്‍ അടിയന്തിര നിര്‍ദ്ദേശം നല്‍കി തുക വിതരണം ചെയ്യാന്‍ നടപടി സ്വീകരിക്കുമോ ?

നഷ്ടപരിഹാര തുക വര്‍ദ്ധിപ്പിക്കുന്നതിന് നടപടികള്‍

ശ്രീ. റ്റി. യു. കുരുവിള

ശ്രീ മോന്‍സ് ജോസഫ്

(എ) വരള്‍ച്ചയിലും, കാലവര്‍ഷക്കെടുതിയിലും വീടും കൃഷിയിടങ്ങളും നഷ്ടപ്പെടുന്നവര്‍ക്ക് നല്‍കിവരുന്ന ധനസഹായത്തിന്റെ വിശദാംശങ്ങള്‍ വ്യക്തമാക്കുമോ;

(ബി) ഇതിലേയ്ക്കായി വര്‍ഷങ്ങളായി സര്‍ക്കാര്‍ നല്കിവരുന്ന ധനസഹായതുക വളരെ കുറവാണെന്നുള്ളത് ശ്രദ്ധയില്‍പ്പെട്ടിട്ടുണ്ടോ;

(സി) എങ്കില്‍ പ്രസ്തുത നഷ്ടപരിഹാരതുക വര്‍ദ്ധിപ്പിക്കുന്നതിന് നടപടികള്‍ സ്വീകരിക്കുമോ?

പ്രകൃതിക്ഷോഭത്തില്‍ വീടുതകര്‍ന്നവര്‍ക്കുളള നഷ്ടപരിഹാരം

ശ്രീ. എ.കെ. ശശീന്ദ്രന്‍

(എ കോഴിക്കോട് ജില്ലയില്‍ കക്കോടി ഗ്രാമപഞ്ചായത്തിലെ പതിന്നാലാം വാര്‍ഡില്‍ പനയത്തിങ്കല്‍ ശ്രീമതി. ലക്ഷ്മിയ്ക്ക് പ്രകൃതിക്ഷോഭത്തില്‍ വീട് തകര്‍ന്നതിന് നഷ്ടപരിഹാരമായി എത്ര തുക സര്‍ക്കാര്‍ നല്‍കിയെന്ന് വ്യക്തമാക്കാമോ;

(ബി) വീട് പൂനര്‍നിര്‍മ്മിക്കുന്നതിന് സര്‍ക്കാര്‍ നല്‍കിയ തുക അപര്യാപ്തമാണെന്നറിയിച്ചുകൊണ്ട് ശ്രീമതി ലിക്ഷ്മി നിവേദനം നല്‍കിയിട്ടുണ്ടോ; എങ്കില്‍ അക്കാര്യത്തില്‍ എന്തു നടപടി സ്വീകരിച്ചുവെന്ന് വ്യക്തമാക്കാമോ?

ജില്ലാ നവീകരണ പദ്ധതി

ശ്രീ. വി. ഡി. സതീശന്‍

,, തേറമ്പില്‍ രാമകൃഷ്ണന്‍

,, വര്‍ക്കല കഹാര്‍

,, പി. സി. വിഷ്ണുനാഥ്

(എ) ജില്ലാ നവീകരണ പദ്ധതികള്‍ക്ക് എത്ര കോടി രൂപയാണ് അനുവദിച്ചിട്ടുളളത്; വിശദാംശങ്ങള്‍ എന്തെല്ലാം;

(ബി) പ്രസ്തുത ഫണ്ട് ഉപയോഗിച്ച് ഏതെല്ലാം നൂതന പദ്ധതികളാണ് ആവിഷ്ക്കരിക്കാന്‍ ഉദ്ദേശിക്കുന്നത്;

(സി) ഇവ ആവിഷ്ക്കരിക്കുവാന്‍ ജില്ലാ കളക്ടര്‍മാര്‍ക്ക് നിര്‍ദ്ദേശം നല്‍കുമോ?

റോഡ് പുനരുദ്ധാരണ പ്രവൃത്തികള്‍

ശ്രീ. ഇ. ചന്ദ്രശേഖരന്‍

(എ) വെള്ളപ്പൊക്ക ദുരിതാശ്വാസ പദ്ധതിയനുസരിച്ചുള്ള റോഡ് പുനരുദ്ധാരണ പ്രവൃത്തിയുടെ നിര്‍വ്വഹണോദ്യോഗസ്ഥന്‍ ആരാണെന്ന് അറിയിക്കാമോ;

(ബി) നിര്‍വ്വഹണോദ്യോഗസ്ഥരുടെ അനാസ്ഥമൂലമോ മറ്റു സാങ്കേതിക പ്രശ്നങ്ങള്‍ മൂലമോ നിശ്ചിത സമയത്തിനകം പണി ആരംഭിക്കുവാന്‍ സാധിച്ചില്ലെങ്കില്‍ അക്കാര്യം പരിശോധിച്ചശേഷം, പണി യുദ്ധകാലാടിസ്ഥാനത്തില്‍ നടത്തുവാന്‍ നിര്‍വ്വഹണോദ്യോഗസ്ഥര്‍ക്ക് കര്‍ശന നിര്‍ദ്ദേശവും ആവശ്യമായ സമയവും നല്‍കുമോ ?

പ്രകൃതിക്ഷോഭത്തില്‍ നാശനഷ്ടം സംഭവിക്കുന്നവര്‍ക്കുളള ധനസഹായം

ശ്രീ. ബി. സത്യന്‍

(എ) പ്രകൃതിക്ഷോഭത്തില്‍ നാശനഷ്ടം സംഭവിക്കുന്നവര്‍ക്ക് സര്‍ക്കാര്‍ എത്ര രൂപയുടെ ധന സഹായം നല്‍കുന്നുണ്ട്;

(ബി) ധനസഹായം നല്‍കുന്നതിന് എന്തൊക്കെ മാനദണ്ഡമാണ് സ്വീകരിച്ചിട്ടുളളത്;

(സി) ബഡജറ്റ് വിഹിതമായി എത്ര തുകയാണ് നീക്കിവച്ചിട്ടുളളത്;

(ഡി) പ്രകൃതിക്ഷോഭം വഴി അപകടം സംഭവിക്കുന്നവര്‍ക്ക് നല്‍കുന്ന ധനസഹായ വിതരണം താലൂക്ക് തലത്തില്‍ നടക്കുന്നതിന് ബന്ധപ്പെട്ട എം.എല്‍.എ വഴി വിതരണം നടത്താന്‍ നിര്‍ദ്ദേശം നല്‍കാമോ;

(ഇ) 2011-12 സര്‍ക്കാര്‍ ഫ്ളഡ് റിലീഫ് ഫണ്ട് വഴി നിലവിലുളള ആറ്റിങ്ങല്‍ മണ്ഡലത്തില്‍ നിന്നും ലഭിച്ച പ്രൊപ്പോസലുകള്‍ക്ക് അനുമതി നല്‍കിയിട്ടുണ്ടോ; എങ്കില്‍ എത്രതുകക്കാണ് അനുമതി നല്‍കിയത്?

കരിങ്കയം നടപ്പാലം പുനര്‍ നിര്‍മ്മാണം

ശ്രീ. ജെയിംസ് മാത്യു

(എ) തളിപ്പറമ്പ് താലൂക്ക് ചപ്പാരകടവ് ഗ്രാമപഞ്ചായത്തില്‍ 2007-ലെ കാലവര്‍ഷത്തില്‍ ഒലിച്ചുപോയ കരിങ്കയം നടപ്പാലത്തിന്റെ പുനര്‍നിര്‍മ്മാണത്തിന്റെ പുരോഗതി അറിയ്ക്കുമോ;

(ബി) എത്ര ലക്ഷം രൂപയുടെ പ്രവര്‍ത്തിക്കാണ് അംഗീകാരം ലഭിച്ചത്;

(സി) ഇതിലേക്കായി അനുവദിച്ച 20 ലക്ഷം രൂപയുടെ വെളളപ്പൊക്ക ദുരിതാശ്വാസ ഫണ്ട് വിനിയോഗിച്ചിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് അറിയിക്കാമോ;

(ഡി) എന്നേക്ക് നടപ്പാലം പുനര്‍നിര്‍മ്മാണം പൂര്‍ത്തീകരിക്കാന്‍ കഴിയുമെന്ന് അറിയിക്കാമോ?

പ്രകൃതിക്ഷോഭ ദുരിതാശ്വാസ വിനിയോഗം

ശ്രീ. ജി.എസ്. ജയലാല്‍

(എ) മുന്‍ ഗവണ്‍മെന്റിന്റെ കാലത്ത് ചാത്തന്നൂര്‍ നിയോജക മണ്ഡലത്തിലേക്ക് പ്രകൃതിക്ഷോഭ ദുരിതാശ്വാസ ഫണ്ട് ഉപയോഗിച്ച് നിര്‍മ്മാണത്തിന് അനുമതി നല്‍കിയിരുന്ന ഏതെങ്കിലും പ്രവര്‍ത്തികള്‍ തുടരുന്നതിന് തടസ്സങ്ങള്‍ എന്തെങ്കിലും നിലവിലുണ്ടോ; എങ്കില്‍ വിശദാംശം അറിയിക്കുമോ;

(ബി) ഏതൊക്കെ പ്രവര്‍ത്തികള്‍ക്കാണ് തടസ്സങ്ങള്‍ ഉള്ളതെന്ന് ഗ്രാമപഞ്ചായത്ത് തലത്തില്‍ അറിയിക്കുമോ;

(സി) പ്രാദേശികതലത്തില്‍ ജനപ്രതിനിധികള്‍ ജനങ്ങളെ അറിയിക്കുകയും അതനുസരിച്ച് കമ്മിറ്റികള്‍ വരെ രൂപീകരിക്കുകയും ചെയ്ത പ്രവര്‍ത്തനങ്ങള്‍ അവസാനിപ്പിക്കുന്ന നടപടിയില്‍ നിന്നും ഗവണ്‍മെന്റ് പിന്‍മാറുമോ; വിശാദാംശം അറിയിക്കുമോ?

തകര്‍ന്ന റോഡുകളുടെ പുനരുദ്ധാരണം

ശ്രീ. തോമസ് ചാണ്ടി

(എ) റവന്യൂ വകുപ്പിന് കീഴില്‍ കുട്ടനാട്ടില്‍ വെളളപ്പൊക്കത്തില്‍ തകര്‍ന്ന റോഡുകളുടെ പുനരുദ്ധാരണത്തിന് അനുമതി ലഭ്യമായിട്ടും പൂര്‍ത്തീകരിക്കാത്തതും ആരംഭിക്കാത്തതുമായ പ്രവൃത്തികളുടെ വിശദ റിപ്പോര്‍ട്ട് ലഭ്യമാക്കുമോ;

(ബി) കഴിഞ്ഞ സര്‍ക്കാരിന്റെ കാലത്ത് അനുമതി ലഭ്യമായ പ്രവര്‍ത്തികള്‍ നടപ്പിലാക്കുന്നത് നിര്‍ത്തിവയ്ക്കുന്നതിന് വകുപ്പിന് നിര്‍ദ്ദേശം നല്‍കിയിട്ടുണ്ടോ;

(സി) എങ്കില്‍ ഉത്തരവിന്റെ പകര്‍പ്പ് ലഭ്യമാക്കുമോ;

(ഡി) കുട്ടനാട്ടില്‍ കഴിഞ്ഞ സാമ്പത്തിക വര്‍ഷം അനുവദിച്ച പ്രവര്‍ത്തികളെങ്കിലും അടിയന്തിരമായി നടപ്പിലാക്കുന്നതിന് നടപടി സ്വീകരിക്കുമോ ?

പ്രകൃതിക്ഷോഭം മൂലമുള്ള നാശനഷ്ടം

ശ്രീ. കെ. കെ. ജയചന്ദ്രന്‍

(എ) 2011-ല്‍ ഉണ്ടായ പ്രകൃതിക്ഷോഭത്തിലും കാലവര്‍ഷക്കെടുതിയിലും കേടുപാടുകള്‍ പറ്റിയ എത്ര റോഡുകളാണ് ഉടുമ്പന്‍ചോല മണ്ഡലത്തില്‍ കണ്ടെത്തിയിട്ടുള്ളത്;

(ബി) ഇത്തരത്തില്‍ തകര്‍ന്ന റോഡുകള്‍ പുനര്‍നിര്‍മ്മിക്കാന്‍ എന്തൊക്കെ നടപടികള്‍ ആണ് സ്വീകരിച്ചിട്ടുളളതെന്ന് വ്യക്തമാക്കുമോ;

(സി) ഉടുമ്പന്‍ചോല മണ്ഡലത്തില്‍ കാലവര്‍ഷക്കെടുതിയില്‍ തകര്‍ന്ന ഭവനങ്ങള്‍ എത്രയെന്ന് വ്യക്തമാക്കുമോ;

(ഡി) ഭവനരഹിതരായവരെ സംരക്ഷിക്കാനും വീടുകള്‍ പുനര്‍നിര്‍മ്മിച്ചു നല്‍കുന്നതിനും എന്തൊക്കെ നടപടികള്‍ സ്വീകരിച്ചു;

(ഇ) ഉടുമ്പന്‍ചോല മണ്ഡലത്തില്‍ കാലവര്‍ഷക്കെടുതിയില്‍ ഉണ്ടായിട്ടുള്ള കൃഷി നാശത്തിന്റെ തുക തിട്ടപ്പെടുത്തിയിട്ടുണ്ടോ; എങ്കില്‍ എത്രയെന്നും അത് വിതരണം ചെയ്യാന്‍ എന്തു നടപടികള്‍ സ്വീകരിച്ചുവെന്നും വ്യക്തമാക്കുമോ?

വെള്ളപ്പൊക്ക ദുരിതാശ്വാസ പദ്ധതിപ്രകാരമുള്ള പുനരുദ്ധാരണ പ്രവൃത്തികള്‍

ശ്രീ. കെ. കുഞ്ഞിരാമന്‍ (ഉദുമ)

(എ) വെള്ളപ്പൊക്ക ദുരിതാശ്വാസ പദ്ധതി പ്രകാരം കഴിഞ്ഞ സര്‍ക്കാര്‍ ഭരണാനുമതി നല്‍കിയിട്ടുള്ള പ്രവൃത്തികളില്‍ 24.05.2011 ന് മുമ്പ് പുനരുദ്ധാരണ പ്രവൃത്തികള്‍ ആരംഭിച്ചിട്ടില്ലാത്ത പ്രവൃത്തികള്‍ ചെയ്യേണ്ടതില്ലായെന്ന ഉത്തരവ് നല്‍കിയിട്ടുണ്ടോ;

(ബി) എങ്കില്‍ ഉത്തരവിന്റെ നമ്പറും തീയതിയും വ്യക്തമാക്കാമോ;

(സി) പ്രസ്തുത ഉത്തരവ് നല്‍കിയ തീയതിക്കും 24.05.2011 നും ഇടയില്‍ എഗ്രിമെന്റ് വച്ച് ആരംഭിച്ചിട്ടുള്ള പ്രവൃത്തികള്‍ ശ്രദ്ധയില്‍പ്പെട്ടിട്ടുണ്ടോ;

(ഡി) എങ്കില്‍ ഇത്തരത്തിലുള്ള പ്രവൃത്തികള്‍ യഥാസമയം പൂര്‍ത്തീകരിക്കുന്നതിനുള്ള നിര്‍ദ്ദേശം നല്‍കുമോ; വിശദാംശങ്ങള്‍ അറിയിക്കാമോ?

വീടില്ലാത്ത പദ്ധതി ബാധിത വ്യക്തികള്‍ക്ക് പുനരധിവാസത്തിന് നടപടി

ശ്രീ. ബെന്നി ബെഹനാന്‍

,, എ.റ്റി. ജോര്‍ജ്

,, ഹൈബി ഈഡന്‍

,, പി.എ. മാധവന്‍

(എ) സംസ്ഥാനത്തെ റോഡുകള്‍ ഒഴികെയുള്ള പദ്ധതിക്കായി ഏറ്റെടുക്കുന്ന ഭൂമിക്ക് എന്തെല്ലാം നിബന്ധനകളാണ് ഭൂമി ഏറ്റെടുക്കുന്ന നയത്തില്‍ വ്യവസ്ഥ ചെയ്തിരിക്കുന്നത്;

(ബി) വീടില്ലാത്ത പദ്ധതി ബാധിത വ്യക്തികള്‍ക്ക് പുനരധിവാസത്തിന് എന്തെല്ലാം നടപടികളാണ് കൈകൊള്ളാനുദ്ദേശിക്കുന്നത്;

(സി) വ്യാപാര സ്ഥാപനം നഷ്ടപ്പെടുന്നവര്‍ക്ക് ഷോപ്പിംഗ് കോംപ്ളക്സുകള്‍ നിര്‍മ്മിച്ച് നല്‍കാന്‍ തയ്യാറാകുമോ;

(ഡി) ഭൂമി ഏറ്റെടുക്കുന്നതിന് മുന്‍പ് ഉടമസ്ഥരുമായി പുനരധിവാസ പ്രവര്‍ത്തനങ്ങള്‍ ചര്‍ച്ചചെയ്യാന്‍ ഗവണ്‍മെന്റ് തയ്യാറാകുമോ ?

കടപ്ര-വീയപുരം ലിങ്ക് ഹൈവേയുടെ സ്ഥലമെടുപ്പ്

ശ്രീ. മാത്യു റ്റി.തോമസ്

(എ) തിരുവല്ല താലൂക്കിലെ കടപ്ര-വീയപുരം ലിങ്ക് ഹൈവേയുടെ സ്ഥലമെടുപ്പ് നടപടികള്‍ പൂര്‍ത്തിയായോ ;ഇതുവരെ ഇതിന്റെ ആവശ്യത്തിനായി എത്ര സെന്റ് സ്ഥലം ഏറ്റെടുത്തിട്ടുണ്ട് ;

(ബി) സ്ഥലം എടുപ്പ് നടപടികള്‍ ത്വരിതപ്പെടുത്തുവാന്‍ എത്ര തവണ ജില്ലാ വികസന സമിതി യോഗത്തില്‍ ആവശ്യമുണ്ടായി എന്ന് വ്യക്തമാക്കുമോ ; നടപടികള്‍ താമസിപ്പിക്കുന്ന ഉദ്യോഗസ്ഥര്‍ക്കെതിരെ ശിക്ഷണ നടപടികള്‍ സ്വീകരിക്കുമോ ?

ഭൂമി ഏറ്റെടുക്കല്‍ നയം

ശ്രീ. കെ. എന്‍. എ. ഖാദര്‍

(എ) കോഴിക്കോട് വിമാനത്താവളത്തിന്റെ വികസനത്തിനുവേണ്ടി സ്ഥലം ഏറ്റെടുക്കുമ്പോള്‍ നഷ്ടം സംഭവിക്കുന്നവര്‍ക്ക് ഏതുവിധത്തിലുള്ള പാക്കേജ് നടപ്പിലാക്കാനാണ് ഉദ്ദേശിക്കുന്നത്;

(ബി) പുതിയ ഭൂമി ഏറ്റെടുക്കല്‍ നയം എത്രമാത്രം ഗുണകരമാണെന്ന് വ്യക്തമാക്കുമോ; സമയബന്ധിതമായി വിമാനത്താവള വികസനം പൂര്‍ത്തിയാക്കാന്‍ നടപടി സ്വീകരിക്കുമോ?

ഭൂമി ഏറ്റെടുക്കലിന് അനുബന്ധിച്ചുള്ള നഷ്ടപരിഹാരങ്ങള്‍

ശ്രീ. ജോസഫ് വാഴക്കന്‍

,, എം. എ. വാഹീദ്

,, തേറമ്പില്‍ രാമൃഷ്ണന്‍

,, അന്‍വര്‍ സാദത്ത്

(എ) വികസന പ്രവര്‍ത്തനങ്ങള്‍ക്കായി ഭൂമി ഏറ്റെടുക്കുമ്പോള്‍ ഭൂമി നല്‍കുന്ന കുടുംബത്തിന് എന്തെല്ലാം നഷ്ടപരിഹാരങ്ങളാണ് ഗവണ്‍മെന്റ് നല്‍കാന്‍ ഉദ്ദേശിക്കുന്നത്;

(ബി) ഭൂമി നല്‍കുന്ന കുടുംബത്തില്‍ നിന്ന് ഒരാള്‍ക്ക് ജോലി നല്‍കുന്ന കാര്യം ഗവണ്‍മെന്റ് പരിഗണിക്കുമോ;

(സി) ഇങ്ങനെ ജോലി ലഭിക്കുമ്പോള്‍ നിലവിലുള്ള നിയമന വ്യവസ്ഥകളില്‍ ഇളവുകള്‍ നല്‍കുന്ന കാര്യം ഗവണ്‍മെന്റ് ആലോചിക്കുമോ;

വികസന പദ്ധതികള്‍ക്ക് ഭൂമി ഏറ്റെടുക്കുന്നത് സംബന്ധിച്ച നയം

ശ്രീ. പി. സി. ജോര്‍ജ്

,, റോഷി അഗസ്റിന്‍

(എ) വികസന പ്രവര്‍ത്തനങ്ങള്‍ക്ക് ഭൂമി ഏറ്റെടുക്കുന്നതിലുണ്ടാകുന്ന കാലതാമസം വികസന സാദ്ധ്യതകളെ പിറകോട്ടു തള്ളുന്നതായി കരുതുന്നുണ്ടോ ; വ്യക്തമാക്കുമോ ;

ഭൂമി ഏറ്റെടുക്കുന്നതിന് കൃത്യമായ പുനരധിവാസ പാക്കേജ് ഉറപ്പാക്കി വികസന പദ്ധതികള്‍ സമയ ബന്ധിതമാക്കാന്‍ ഊര്‍ജ്ജിത നടപടി സ്വീകരിക്കുമോ ?

സര്‍ക്കാര്‍ ഭൂമി കൈയ്യേറ്റം തടയാന്‍ നടപടി

ശ്രീ. ജി. സുധാകരന്‍

(എ) പുറക്കാട് ഗ്രാമപഞ്ചായത്തിലെ തോട്ടപ്പള്ളിയില്‍ സ്വകാര്യ വ്യക്തി മണല്‍തിട്ട കയ്യേറി റോഡ് നിര്‍മ്മിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ എന്തു നടപടിയാണ് കൈക്കൊണ്ടതെന്ന് വ്യക്തമാക്കുമോ;

(സി) മണല്‍തിട്ട കയ്യേറി റോഡ് നിര്‍മ്മിച്ച സ്വകാര്യ വ്യക്തിയെ പ്രോസിക്യൂട്ട് ചെയ്യാന്‍ നടപടി സ്വീകരിക്കുമോ;

(ഡി) പ്രസ്തുത വിഷയത്തില്‍ കേസ് രജിസ്റര്‍ ചെയ്തിട്ടുണ്ടോ; എങ്കില്‍ ആരുടെ പരാതിയിന്മേലാണ് എന്ന് വ്യക്തമാക്കുമോ ?

കായല്‍പുറമ്പോക്ക് ഭൂമി കൈയ്യേറ്റം

ശ്രീ. വി. ചെന്താമരാക്ഷന്‍

'' വി. ശിവന്‍കുട്ടി

'' എ.എം. ആരിഫ്

ഡോ. കെ.ടി. ജലീല്‍

(എ) കായല്‍പുറമ്പോക്ക് ഭൂമികള്‍ കയ്യേറ്റം ചെയ്യപ്പെടുന്നതും അനധികൃതമായി മണല്‍ കടത്തുന്നതും സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇതേക്കുറിച്ച് സര്‍ക്കാര്‍ അന്വേഷണം നടത്തുകയുണ്ടായോ ;

(ബി) ആക്കുളം കായല്‍ പുറമ്പോക്ക് ഭൂമി കൈയ്യേറ്റം ചെയ്യപ്പെടുകയുണ്ടായോ ; കായല്‍ നവീകരണ പ്രവൃത്തിയുടെ കോണ്‍ട്രാക്ടര്‍ക്ക് ഇതില്‍ പങ്കുള്ളതായി തെളിഞ്ഞിട്ടുണ്ടോ ;

(സി) അന്വേഷണത്തില്‍ കുറ്റവാളികളെ കണ്ടെത്തുകയുണ്ടായോ ; എങ്കില്‍ എന്തു നടപടി സ്വികരിച്ചു ; ആര്‍ക്കെല്ലാം എതിരെ കേസെടുത്തിട്ടുണ്ട് ?

തൃക്കരിപ്പൂര്‍ തീരദേശ പോലീസ് സ്റേഷന് സ്ഥലം

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

(എ) തൃക്കരിപ്പൂരില്‍ അനുവദിച്ച തീരദേശ പോലീസ് സ്റേഷന് ആവശ്യമായ സ്ഥലം ലഭ്യമാകാത്ത വിവരം റവന്യൂ വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ സ്ഥലം എപ്പോള്‍ ലഭ്യമാക്കാന്‍ കഴിയുമെന്ന് വ്യക്തമാക്കാമോ?

റിവര്‍ മാനേജ്മെന്റ് ഫണ്ട് കമ്മിറ്റി

ശ്രീ. പി. റ്റി. എ. റഹീം

(എ) കോഴിക്കോട് ജില്ലയില്‍ റിവര്‍ മാനേജ്മെന്റ് ഫണ്ട് കമ്മിറ്റി നിലവില്‍ രൂപീകരിച്ചത് എന്നാണ്;

(ബി) കോഴിക്കോട് ജില്ലയില്‍ പ്രസ്തുത ഫണ്ടില്‍ എന്തു തുക ചെലവഴിക്കാതെ ബാക്കിയുണ്ട് എന്ന് വ്യക്തമാക്കുമോ;

(സി) നിലവിലുള്ള റിവര്‍ മാനേജ്മെന്റ് ഫണ്ട് കമ്മിറ്റി പുനഃസംഘടിപ്പിക്കാത്തത് കാരണം ഫണ്ട് ഉപയോഗപ്പെടുത്തുന്നതിന് സാധിക്കാതെ വന്നത് ശ്രദ്ധയില്‍പ്പെട്ടിട്ടുണ്ടോ;

(ഡി) പ്രസ്തുത കമ്മിറ്റി പുനഃസംഘടിപ്പിക്കാന്‍ നടപടികള്‍ സ്വീകരിക്കുമോ?

റിവര്‍ മാനേജ്മെന്റ് ഫണ്ട്

ഡോ. എന്‍. ജയരാജ്

ശ്രീ. സി.എഫ്. തോമസ്

(എ) റിവര്‍ മാനേജ്മെന്റ് ഫണ്ട് വിനിയോഗിക്കുന്നതിന് സംസ്ഥാനത്ത് നിലവിലുളള മാനദണ്ഡങ്ങള്‍ എന്തൊക്കെയാണ്;

(ബി) ഏതൊക്കെ പ്രവര്‍ത്തികള്‍ക്ക് ഈ ഫണ്ട് ഉപയോഗിക്കാറുണ്ട്;

(സി) കഴിഞ്ഞ അഞ്ചു വര്‍ഷക്കാലത്തെ റിവര്‍ മാനേജ്മെന്റ് ഫണ്ടിന്റെ ജില്ല തിരിച്ചുളള വിനിയോഗം സംബന്ധിച്ച വിശദാംശങ്ങള്‍ നല്‍കുമോ;

(ഡി) റിവര്‍ മാനേജ്മെന്റ് ഫണ്ടിന്റെ വിനിയോഗം കാര്യക്ഷമമാക്കുവാന്‍ എന്തൊക്കെ കാര്യങ്ങളാണ് നടപ്പിലാക്കുന്നതിന് ഉദ്ദേശിക്കുന്നത് ?

റിവര്‍ മാനേജ്മെന്റ് പദ്ധതി

ശ്രീ. കെ. രാധാകൃഷ്ണന്‍

(എ) സംസ്ഥാനത്ത് റിവര്‍ മാനേജ്മെന്റ് പദ്ധതി എന്നു മുതലാണ് ആരംഭിച്ചതെന്നും അതുമുതല്‍ 2011 മാര്‍ച്ച് 31 വരെ റിവര്‍ മാനേജ്മെന്റ് ഫണ്ട് ഇനത്തില്‍ സ്വരൂപിച്ചിട്ടുള്ള തുകയുടെ വിശദാംശങ്ങളും ലഭ്യമാക്കുമോ ;

(ബി) പ്രസ്തുത കാലയളവില്‍ ഭാരതപ്പുഴയുടെ കടവുകളില്‍ നിന്ന് സ്വരൂപിച്ച ഫണ്ടിന്റെ വിശദാംശങ്ങള്‍ പറയാമോ ;

(സി) പ്രസ്തുത കാലയളവില്‍ ഭാരതപ്പുഴയുടെ ചേലക്കര മണ്ഡല പരിധിയിലെ പഞ്ചായത്ത് പ്രദേശങ്ങളിലെ കടവുകളില്‍ നിന്ന് ശേഖരിച്ച തുക എത്രയാണ് ;

(ഡി) പ്രസ്തുത തുകയില്‍ നിന്ന് ഇന്നുവരെ നടപ്പിലാക്കിയിട്ടുള്ള നദീതട സംരക്ഷണ പദ്ധതികള്‍ക്ക് ചെലവായ തുകയുടെ വിശദാംശങ്ങള്‍ പറയാമോ ; പദ്ധതികള്‍ക്ക് ഇതുവരെ ചെലവായ തുക എത്രയാണ് ;

(ഇ) ചേലക്കര മണ്ഡല പരിധിയില്‍ വരുന്ന ഭാരതപ്പുഴയുടെ സംരക്ഷണ പദ്ധതികള്‍ക്ക് ഇതുവരെ ചെലവായ തുക എത്രയാണ് ;

(എഫ്) ചേലക്കര മണ്ഡല പരിധിയില്‍ 2011-12 വര്‍ഷം പ്രസ്തുത തുക വിനിയോഗിച്ച് നടപ്പിലാക്കുവാന്‍ തീരുമാനിച്ചിട്ടുള്ള പ്രവൃത്തികള്‍ ഏതെല്ലാമാണ് ;

(ജി) റിവര്‍ മാനേജ്മെന്റ് ഫണ്ട് ഇനത്തില്‍ സംസ്ഥാനത്ത് ശേഷിക്കുന്ന തുക എത്രയാണെന്ന് പറയാമോ ?

കരകെട്ടി സംരക്ഷിക്കണം

പ്രൊഫ. സി. രവീന്ദ്രനാഥ്

(എ) പുതുക്കാട് നിയോജകമണ്ഡലത്തില്‍ മണലിപ്പുഴയുടെ പ്രദേശങ്ങളായ പുലക്കാട്ടുകരയില്‍ പുഴ ഗതിമാറി ഒഴുകി, കര ഇടിയുന്നതും മറുഭാഗമായ മണിലമടവാക്കര റോഡില്‍ മണിലിപ്പാലത്തിന്റെ താഴെ റോഡ് ഗതാഗതത്തിന് തടസ്സമാകുംവിധം കര ഇടിയുന്നതും ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ പ്രസ്തുത സ്ഥലങ്ങളില്‍ കരകെട്ടി സംരക്ഷിക്കുന്നതിന് ആവശ്യമായ അടിയന്തിര നടപടി സ്വീകരിക്കുമോ;

(സി) റിവര്‍ മാനേജ്മെന്റ് ഫണ്ടില്‍ നിന്നും പ്രസ്തുത പദ്ധതിക്കായി തുക അടിയന്തിരമായി അനുവദിച്ചുകൊണ്ട് പ്രസ്തുത വിഷയം പരിഹരിക്കുമോ?

പിടിച്ചിട്ടിരിക്കുന്ന വാഹനങ്ങള്‍

ശ്രീ.എ.എ. അസീസ്

,, കോവൂര്‍ കുഞ്ഞുമോന്‍

(എ) സംസ്ഥാനത്ത് വിവിധ റവന്യൂ ഓഫീസുകളില്‍, അനധികൃത മണല്‍കടത്തിനും മറ്റുമായി എത്ര വാഹനങ്ങളാണ് പിടിച്ചിട്ടിരിക്കുന്നത്;

(ബി) പ്രസ്തുത വാഹനങ്ങളുടെ ഉടമസ്ഥരില്‍ നിന്നും പിഴ ഈടാക്കി ഉടമയ്ക്ക് വാഹനം തിരിച്ച് നല്‍കുന്നതിനുള്ള നടപടി സ്വീകരിക്കുമോ;

(സി) വര്‍ഷങ്ങളായി കിടന്ന് തുരുമ്പെടുത്ത് നശിക്കുന്ന ഇത്തരം വാഹനങ്ങള്‍ ലേലം ചെയ്ത് വിറ്റ് തുക വകുപ്പില്‍ മുതല്‍ കൂട്ടുന്നതിനുള്ള നടപടി സ്വീകരിക്കുമോ എന്ന് വ്യക്തമാക്കുമോ ?

സുസ് ലോണ്‍ കമ്പനി വാങ്ങിയ ഭൂമി സംബന്ധിച്ച്

ശ്രീ. പുരുഷന്‍ കടലുണ്ടി

,, പി.റ്റി.എ. റഹീം

ശ്രീമതി. കെ.കെ. ലതിക

ശ്രീ. റ്റി.വി. രാജേഷ്

(എ) അട്ടപ്പാടി മേഖലയില്‍ വിന്റ്മില്‍ സ്ഥാപിക്കുന്നതിന് ആദിവാസികളില്‍ നിന്ന് സുസ് ലോണ്‍ കമ്പനി നേരിട്ട് ഭൂമി രജിസ്റര്‍ ചെയ്ത് വാങ്ങിയിട്ടുണ്ടോ; എങ്കില്‍ ഏതെല്ലാം സ്ഥലത്ത് ഏതെല്ലാം സര്‍വ്വേകളില്‍പ്പെട്ട എത്ര ഏക്കര്‍ ഭൂമിയാണെന്ന് വെളിപ്പെടുത്താമോ;

(ബി) അട്ടപ്പാടി മേഖലയില്‍ വസ്തു ഉടമകളില്‍ നിന്ന് സുസ് ലോണ്‍ കമ്പനി വാങ്ങിയ ഭൂമി 1999-ലെ കേരള റസ്ട്രിക്ഷന്‍സ് ഓണ്‍ ട്രാന്‍സ്ഫര്‍ ആന്റ് റസ്ററേഷന്‍ ആക്ടിന്റെ പരിധിയില്‍ വരുന്നുണ്ടോ;

(സി) 1999-ലെ ആക്ടിനെ ദുരുപയോഗം ചെയ്ത് ആദിവാസികളുടെ ഭൂമി കൃഷിക്കാര്‍ കൈവശം വച്ചിട്ടുണ്ടോ; എങ്കില്‍ എത്ര ഏക്കര്‍; പ്രസ്തുത ഭൂമികളെല്ലാം ആദിവാസികള്‍ക്ക് തിരിച്ചുകൊടുക്കുന്നതിനുളള നടപടി സര്‍ക്കാര്‍ സ്വീകരിക്കുന്നുണ്ടോ; എങ്കില്‍ നടപടികളുടെ വിശദാംശം വെളിപ്പെടുത്താമോ ?

അട്ടപ്പാടി പാക്കേജിലെ വ്യവസ്ഥകള്‍

ശ്രീ. എ. കെ. ബാലന്‍

ശ്രീമതി കെ. എസ്. സലീഖ

ഡോ. കെ. ടി. ജലീല്‍

ശ്രീ. എം. ഹംസ

(എ) അട്ടപ്പാടി പാക്കേജിലെ കക്ഷികള്‍ ആരൊക്കെയാണ്;

(ബി) ഇതിലെ വ്യവസ്ഥകള്‍ സംബന്ധിച്ച നിര്‍ദ്ദേശങ്ങള്‍ എന്തെല്ലാമാണ്;

(സി) ഇവയുടെ നടത്തിപ്പ് സംബന്ധിച്ച് എന്തെങ്കിലും തടസ്സങ്ങള്‍ നിലനില്‍ക്കുന്നുണ്ടോ;

(ഡി) പ്രസ്തുത പാക്കേജ് സംബന്ധിച്ച് എന്തെങ്കിലും ആക്ഷേപങ്ങള്‍ ഉയര്‍ന്നിട്ടുണ്ടോ;

(ഇ) പാക്കേജ് അന്തിമമായി തീരുമാനിച്ചുവോ; എങ്കില്‍ വ്യവസ്ഥകള്‍ വിശദമാക്കാമോ ?

സംയോജിത ആദിവാസി വികസന പരിപാടി

ശ്രീ. വി. എസ്. സുനില്‍കുമാര്‍

,, മുല്ലക്കര രത്നാകരന്‍

,, ജി. എസ്. ജയലാല്‍

ശ്രീമതി ഇ. എസ്. ബിജിമോള്‍

(എ) അട്ടപ്പാടിയില്‍ അന്യാധീനപ്പെട്ട ആദിവാസി ഭൂമി തിരിച്ചു പിടിക്കുന്നതു സംബന്ധിച്ച് മുന്‍ഗവണ്‍മെന്റിന്റെ കാലത്ത് ഏതെങ്കിലും തരത്തിലുള്ള ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ പ്രസ്തുത ഉത്തരവിന്റെ ഉള്ളടക്കം എന്താണെന്ന് വ്യക്തമാക്കുമോ;

(ബി) ഈ ഗവണ്‍മെന്റ് അധികാരത്തില്‍ വന്നതിനു ശേഷം ഇതു സംബന്ധിച്ച് ഏതെങ്കിലും തരത്തിലുള്ള ഉത്തരവുകള്‍ പുറപ്പെടുവിച്ചിട്ടുണ്ടോ; എങ്കില്‍ പ്രസ്തുത ഉത്തരവിന്റെ ഉള്ളടക്കം വെളിപ്പെടുത്തുമോ;

(സി) ഈ ആദിവാസി ഭൂമി സംബന്ധിച്ച് സംയോജിത ആദിവാസി വികസന പരിപാടി പ്രകാരമുള്ള റിപ്പോര്‍ട്ട് കൈവശമുണ്ടോ; എങ്കില്‍ ഇതു സംബന്ധിച്ച റിപ്പോര്‍ട്ടിലെ പരാമര്‍ശങ്ങള്‍ വിശദമാക്കുമോ ?

ഒറ്റപ്പാലം താലൂക്കിലെ മിച്ചഭൂമി

ശ്രീ. എം. ഹംസ

(എ) ഒറ്റപ്പാലം താലൂക്കിലെ മിച്ചഭൂമി സംബന്ധിച്ച വിശദാംശം ലഭ്യമാക്കാമോ; ഏതൊക്കെ വില്ലേജില്‍ ആണ് മിച്ചഭൂമിയുളളത്; സര്‍വ്വേ നമ്പര്‍ ഉള്‍പ്പെടെയുളള വിശദാംശം ലഭ്യമാക്കാമോ;

(ബി) ഒറ്റപ്പാലം മണ്ഡലത്തിലെ ഏതൊക്കെ ഭൂമികളാണ് മിച്ചഭൂമിയായി കണ്ടെത്തിയിട്ടുളളത്;

(സി) ഒറ്റപ്പാലം അസംബ്ളി മണ്ഡലത്തില്‍ മിച്ചഭൂമി തര്‍ക്കങ്ങള്‍ ഉളള എത്ര കേസുകള്‍ നിലവിലുണ്ട്; പ്രസ്തുത കേസുകളുടെ കാലികസ്ഥിതി വിശദമാക്കാമോ;

(ഡി) ലക്കിടി വില്ലേജിലെ പോളിഗാര്‍ഡന്‍ കൈവശം എത്ര ഏക്കര്‍ ഭൂമിയാണുളളത്; അതില്‍ മിച്ചഭൂമി ഉണ്ടോ; എങ്കില്‍ എത്ര;

(ഇ) മിച്ചഭൂമിയായി കണ്ടെത്തിയിട്ടുണ്ടെങ്കില്‍ അത് പ്രഖ്യാപിക്കുന്നതിനുളള നടപടികള്‍ വിശദമാക്കാമോ ?

ഭൂനികുതി വാങ്ങാതിരിക്കുന്നതായി പരാതി

ശ്രീ. പുരുഷന്‍ കടലുണ്ടി

(എ) ബാലുശ്ശേരി അസംബ്ളി മണ്ഡലത്തിലെ വനാതിര്‍ത്തി പങ്കിടുന്ന, കൂരാചുണ്ട്, പനങ്ങാട് ഗ്രാമപഞ്ചായത്തുകളിലെ നികുതിദായകരായിരുന്ന കര്‍ഷകരില്‍ നിന്നും ഭൂനികുതി വാങ്ങുന്നത് നിര്‍ത്തലാക്കിയ സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ബി) ഇവരില്‍ നിന്നും നികുതി വാങ്ങുന്നതിന് എന്തെങ്കിലും തടസ്സങ്ങളുണ്ടോ;

(സി) എങ്കില്‍ നികുതി വാങ്ങുന്നതിന് നിര്‍ദ്ദേശിക്കാമോ?

വ്യജരേഖയുണ്ടാക്കി ഭൂമി തട്ടിയെടുത്തതായിപരാതി

ശ്രീ. കെ. കുഞ്ഞിരാമന്‍ (ഉദുമ)

(എ) എറണാകുളം പറവൂര്‍ താലൂക്കില്‍ ഏഴിക്കര വില്ലേജിലെ വിമുക്തഭടന്‍ ഭാസ്ക്കരപ്പണിക്കര്‍ക്ക് കാസര്‍ഗോഡ് ജില്ലയിലെ കൊടലമുഗര്‍ വില്ലേജില്‍ 1985ല്‍ തണ്ടപ്പേര് നമ്പര്‍ 650 ആയി വില്ലേജ് രജിസ്റര്‍ ഭൂമിയുള്ളതായി ശ്രദ്ധയില്‍പ്പെട്ടിട്ടുണ്ടോ ;

(ബി) എങ്കില്‍ ഭാസ്ക്കരപ്പണിക്കര്‍ക്ക് എത്ര ഏക്കര്‍ ഭൂമിയാണ് ഉണ്ടായിരുന്നതെന്ന് വിശദമാക്കാമോ ;

(സി) ഭാസ്ക്കരപ്പണിക്കരുടെ കൈവശം ഉണ്ടായിരുന്ന പ്രസ്തുത ഭൂമി ഇപ്പോള്‍ ആരുടെ കൈവശമാണുള്ളതെന്ന് വിശദമാക്കാമോ ;

(ഡി) പ്രസ്തുത ഭൂമി എന്നാണ് ഭാസ്ക്കരപ്പണിക്കര്‍ മറ്റൊരാള്‍ക്ക് കൈമാറിയിട്ടുള്ളതെന്നും ഇതു സംബന്ധിച്ച കരാറുകളുടേയും പ്രമാണങ്ങളുടേയും പകര്‍പ്പുകള്‍ ലഭ്യമാക്കാമോ ;

(ഇ) ഭാസ്ക്കരപ്പണിക്കര്‍ മരിച്ചതിനുശേഷം ടിയാന്റെ പേരില്‍ വ്യാജരേഖകള്‍ ഉണ്ടാക്കിയാണ് പ്രസ്തുത ഭൂമി ഇപ്പോഴത്തെ ഉടമസ്ഥന്‍ കൈക്കലാക്കിയതെന്നുള്ള പരാതി ശ്രദ്ധയില്‍പ്പെട്ടിട്ടുണ്ടോ ; എങ്കില്‍ ഇതു സംബന്ധിച്ച വിശദാംശങ്ങള്‍ അറിയിക്കാമോ ;

(എഫ്) ഇതു സംബന്ധിച്ച് എന്തെങ്കിലും അന്വേഷണത്തിന് ഉത്തരവിട്ടിട്ടുണ്ടോ ; എങ്കില്‍ വിശദാംശങ്ങള്‍ അറിയിക്കാമോ ? 

ചെങ്ങറ ഭൂസമരത്തിന്റെ ഒത്തുതീര്‍പ്പ് വ്യവസ്ഥ

ശ്രീ.എം.എ. ബേബി

,, കോലിയക്കോട് എന്‍. കൃഷ്ണന്‍ നായര്‍

ശ്രീമതി. പി. അയിഷാ പോറ്റി

ശ്രീ.എസ്. രാജേന്ദ്രന്‍

(എ) ചെങ്ങറ ഭൂസമരത്തിന്റെ ഒത്തുതീര്‍പ്പ് വ്യവസ്ഥയനുസരിച്ച് എത്ര ഏക്കര്‍ ഭൂമിയാണ് വിതരണം ചെയ്യാന്‍ ഉദ്ദേശിക്കുന്നത്;

(ബി) ഇതിനായുള്ള മിച്ചഭൂമി എവിടെയാണ് കണ്ടെത്തിയി ട്ടുള്ളത്;

(സി) പ്രസ്തുത വിതരണത്തിനായി എന്തടിസ്ഥാനത്തിലാണ് കുടുംബങ്ങളെ കണ്ടെത്തിയിട്ടുളളത്;

(ഡി) എന്തെങ്കിലും ക്രമക്കേട് നടന്നതായിട്ടറിയാമോ 

പട്ടയം താമസംവിനാ ലഭിക്കുന്നതിനു നടപടി

ശ്രി. എം. ചന്ദ്രന്‍

(എ  ആലത്തൂര്‍ താലൂക്കിലെ ജനങ്ങള്‍ക്ക് പട്ടയംതാമസംകൂടാതെ ലഭിക്കുന്നതിലേയ്ക്കായി ഒറ്റപ്പാലം ലാന്റ് ട്രിബ്യൂണലിന്റെ സിറ്റിംഗ് ആഴ്ചയില്‍ ഒരു നിശ്ചിത ദിവസം ആലത്തൂരില്‍ വെച്ചു നടത്തുവാനുളള നടപടി സ്വീകരിക്കുമോ:

(ബി) ഇതു സംബന്ധിച്ച് മുന്‍പു ലഭിച്ച പരാതി ശ്രദ്ധയില്‍പ്പെട്ടിട്ടുണ്ടോ;

(സി) പ്രസ്തുത വിഷയത്തില്‍ സ്വീകരിച്ച നടപടികള്‍ എന്തെല്ലാം;

(ഡി) പട്ടയം താമസംവിനാ ലഭിക്കുന്നതിലേക്കായി ഭൂപരിഷ്കരണനിയമങ്ങളില്‍ ആവശ്യമായ ഭേദഗതികള്‍ വരുത്തി അഡീഷണല്‍ തഹസീല്‍ദാര്‍മാര്‍ക്ക് ലാന്റ്ട്രിബ്യൂണല്‍ കോടതിയുടെ അധികാരം നല്‍കുന്ന കാര്യം പരിഗണിക്കുമോ?

ജോയിന്റ് സര്‍വ്വേ നടപടികള്‍

ശ്രി. രാജു എബ്രഹാം

(എ പത്തനംതിട്ട ജില്ലയില്‍ 01-01-1977 നു മുന്‍പ് കൈവശം വയ്ക്കുകയും ജോയിന്റ് വെരിഫിക്കേഷന്‍ പൂര്‍ത്തിയാക്കിയിട്ടുളളതുമായ എത്ര ഏക്കര്‍ ഭൂമിക്ക് എത്ര പേര്‍ക്കാണ് ഇനിയും പട്ടയം നല്കാന്‍ അവശേഷിക്കുന്നത്;

(ബി) പട്ടയം നല്‍കുന്നതിന് ഇനിയും എന്തൊക്കെ നടപടികളാണ് പൂര്‍ത്തീകരിക്കാനുളളത്;

(സി) ജോയിന്റ് സര്‍വ്വേ നടപടികള്‍ പൂര്‍ത്തിയാക്കാനുളളത് എത്ര ഏക്കര്‍ ഭൂമിക്കാണ്;

(ഡി) ഇത് സമയബന്ധിതമായി പൂര്‍ത്തിയാക്കുന്നതിന് പ്രത്യേകം സര്‍വ്വേയര്‍മാരെ നിയമിക്കാന്‍ നടപടി സ്വീകരിക്കുമോ:

(ഇ) പത്തനംതിട്ട ജില്ലയില്‍ ഇനിയും പട്ടയം ലഭിക്കാനുളള 01-01-1977 നുമുന്‍പുളളകൈവശഭൂമിക്കാരുടെ എണ്ണം വില്ലേജ്/പ്രദേശം തിരിച്ച് വ്യക്താമാക്കാമൊ;

(എഫ്) ഇവര്‍ക്ക് വനഭൂമി നല്‍കുന്നതിനു പകരം റവന്യൂ ഭൂമി വനംവകുപ്പിനു കൈമാറിയിട്ടും പട്ടയം നല്‍കാന്‍ താമസം നേരിടുന്നതിനുളള കാരണമെന്ത്;

(ജി) ഇതിനുപരിഹാരമായി പത്തനംതിട്ടജില്ലയിലെ പട്ടയം നല്‍കുന്നതിനു മാത്രമായി ഒരു പ്രത്യേക സര്‍വ്വേ വിംഗിനെ നിയമിച്ച് നടപടികള്‍ ഊര്‍ജ്ജിതപ്പെടുത്തുമോ?

പട്ടയവിതരണത്തിലെ തടസ്സങ്ങള്‍

ശ്രീ. പുരുഷന്‍ കടലുണ്ടി

(എ) ബാലുശ്ശേരി അസംബ്ളി മണ്ഡലത്തിലെ ഉള്ളേരി വില്ലേജില്‍ ഉള്‍പ്പെട്ട മേലേടത്ത് കോളനിയില്‍ കഴിഞ്ഞ 20വര്‍ഷത്തിലധികമായി സ്ഥിരതാമസക്കാരായിട്ടുള്ള കുടുംബങ്ങള്‍ക്ക് പട്ടയം അനുവദിക്കുന്നതിന് എന്തെങ്കിലും തടസ്സങ്ങളുണ്ടോ;

(ബി) എങ്കില്‍ ഇവര്‍ക്ക് പട്ടയം നല്‍കുന്നതിന് നിര്‍ദ്ദേശം നല്‍കുമോ?

ഭൂനികുതി സ്വീകരിക്കുന്നതില്‍ നേരിടുന്ന തടസ്സങ്ങള്‍

ശ്രീ. എസ്. രാജേന്ദ്രന്‍

(എ) ദേവികുളം മണ്ഡലത്തില്‍ ഉള്‍പ്പെട്ട വില്ലേജുകളില്‍ മുഴുവന്‍ പട്ടയങ്ങള്‍ക്കും ഭൂനികുതി സ്വീകരിക്കുന്നുണ്ടോ;

(ബി) എങ്കില്‍ ഏതുവര്‍ഷം മുതലാണ് കരം സ്വീകരിക്കാത്തത്; ആയതിന് കാരണമെന്ത്;

(സി) നിലവില്‍ കരം സ്വീകരിക്കാത്ത എത്ര പട്ടയങ്ങള്‍ ഈ മണ്ഡലത്തില്‍ ഉണ്ട്;

(ഡി) കരം സ്വീകരിക്കുന്നതിന് നിലവിലുളള തടസ്സമെന്താണെന്നു വ്യക്താമക്കാമോ;

(ഇ) പ്രസ്തുത പട്ടയങ്ങളില്‍ കരം സ്വീകരിക്കുന്നതിന് എന്തു നടപടിയെടുക്കുന്നതിനാണ് ഉദ്ദേശിക്കുന്നത്; എത്ര കാലത്തിനകം കരമടയ്ക്കുന്നതിനുളള നടപടികള്‍ സ്വീകരിക്കുമെന്ന് വിശദമാക്കാമോ ?