UNSTARRED
 

QUESTIONS
  AND
  ANSWERS
   
   
   
   

 

 




  You are here: Business >16th KLA >2nd Session>unstarred Questions and Answers
  Answer  Provided    Answer  Not Yet Provided

SIXTEENTH   KLA - 2nd SESSION
  28.10.2026 UNSTARRED QUESTIONS AND ANSWERS
 (To read Questions  please enable  Unicode-Malayalam in your system)
 (To read answers Please CLICK on the Title of the Questions)

                                                                       Questions and Answers

നേമം നിയോജക മണ്ഡലത്തിലെ പ്രവൃത്തികൾ

2663  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നേമം നിയോജകമണ്ഡലത്തിൽ ജലവിഭവ വകുപ്പ് മുഖേന 2024 ജൂൺ മുതലുള്ള പ്രവൃത്തികളുടെ നിലവിലെ പുരോഗതി വിശദമാക്കുമോ;

(ബി)  പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വർഷം തിരിച്ച് വിശദമാക്കുമോ;

(സി)  പ്രസ്തുത മണ്ഡലത്തിൽ ഭരണാനുമതി ലഭ്യമാക്കിയിട്ടുള്ള പ്രൊപ്പോസലുകൾ ഉണ്ടെങ്കിൽ അവയുടെ നിലവിലെ സ്ഥിതി വിശദമാക്കുമോ?

മണ്ണ്-ജല സംരക്ഷണ പദ്ധതികൾ

2664  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നബാർഡ് ഇൻഫ്രാസ്ട്രക്ചർ ഡെവലപ്‌മെന്റ് അസിസ്റ്റൻസ് പദ്ധതി പ്രകാരം സംസ്ഥാനത്ത് നിലവിൽ നടപ്പിലാക്കിവരുന്ന പ്രധാന പ്രവൃത്തികൾ ഏതൊക്കെയാണെന്ന് വ്യക്തമാക്കാമോ;

(ബി)  പ്രസ്തുത പദ്ധതി വഴി തളിപ്പറമ്പ് നിയോജകമണ്ഡലത്തിൽ ഏതെങ്കിലും പ്രൊജക്റ്റുകൾക്ക് അനുമതി നൽകിയിട്ടുണ്ടോ; എങ്കിൽ, ഏതൊക്കെ പദ്ധതികൾക്കാണ് അനുമതി ലഭ്യമായിട്ടുള്ളതെന്നും ആയതിന്റെ വിശദാംശവും ലഭ്യമാക്കാമോ;

(സി)  തളിപ്പറമ്പ് മണ്ഡലത്തിൽ നബാർഡ് ഇൻഫ്രാസ്ട്രക്ചർ ഡെവലപ്‌മെന്റ് അസിസ്റ്റൻസ് വഴി നടപ്പിലാക്കാൻ ഉദ്ദേശിക്കുന്ന മണ്ണ്-ജല സംരക്ഷണം, തടയണകളുടെ നിർമ്മാണം, കിണർ റീചാർജ്ജ് തുടങ്ങിയ പദ്ധതികളുടെ നിലവിലുള്ള ഭൗതികവും സാമ്പത്തികവുമായ പുരോഗതി എന്താണെന്ന് വ്യക്തമാക്കുമോ;

(ഡി)  തളിപ്പറമ്പ് നിയോജകമണ്ഡലത്തിൽ പ്രസ്തുത പ്രവൃത്തികളിൽ ഏതെങ്കിലും തടസ്സങ്ങൾ നേരിടുന്നുണ്ടോ; എങ്കിൽ, പദ്ധതികൾ സമയബന്ധിതമായി പൂർത്തീകരിക്കുന്നതിന് സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ?

കൊണ്ടോട്ടി വലിയ തോട് സംരക്ഷണം

2665  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കൊണ്ടോട്ടി നിയോജക മണ്ഡലത്തിലെ കൊണ്ടോട്ടി മുനിസിപ്പാലിറ്റി, പുളിക്കല്‍ ഗ്രാമ പഞ്ചായത്ത്, ചെറുകാവ് ഗ്രാമ പഞ്ചായത്ത് എന്നീ പ്രദേശങ്ങളിലെ കര്‍ഷകര്‍ ജലസേചനത്തിന് പ്രധാനമായും ആശ്രയിക്കുന്ന കൊണ്ടോട്ടി വലിയ തോടിന്റെ പാര്‍ശ്വഭിത്തി കെട്ടി സംരക്ഷിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ;

(ബി)  ഉണ്ടെങ്കില്‍ പ്രസ്തുത വിഷയത്തില്‍ ഇതുവരെ സ്വീകരിച്ച നടപടികള്‍ വ്യക്തമാക്കാമോ;

(സി)  കൃഷി ആവശ്യത്തിനുളള ജല ലഭ്യത ഉറപ്പാക്കുന്ന രീതിയില്‍ തോടിന്റെ ഇരുവശങ്ങളിലെ പാര്‍ശ്വഭിത്തി മുഴുവനായി കെട്ടി സംരക്ഷിക്കുന്നതിന് നടപടി സ്വീകരിക്കുമോ;

(ഡി)  കോഴിക്കോട് അന്താരാഷ്ട്ര വിമാനത്താവള പ്രദേശവും, പാലക്കാട്-കോഴിക്കോട് ദേശീയ പാതയോരമായതും പരിഗണിച്ച് തോടിന്റെ ഇരുവശങ്ങളിലുമായി കട്ട വിരിച്ച് മനോഹരമാക്കി നടപ്പാതയും സൈക്കിള്‍ പാതയും നിര്‍മ്മിച്ച് ഇറിഗേഷന്‍ വകുപ്പിന് കീഴിലുളള ടൂറിസം പ്രദേശമാക്കി ഉയര്‍ത്തുന്ന കാര്യം പരിഗണിക്കുമോ?

ആതവനാട് മലയിൽഭാഗത്ത് ഉന്നതതല ജലസംഭരണിയുടെ നിർമ്മാണം

2666  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജൽ ജീവന്‍ മിഷന്റെ ഭാഗമായി കോട്ടക്കൽ നഗരസഭ, ആതവനാട്, മാറാക്കര എന്നീ പഞ്ചായത്തുകള്‍ക്കു വേണ്ടിയുള്ള സമഗ്ര കുടിവെള്ള പദ്ധതിയുടെ ഭാഗമായി നാൽപ്പത് ലക്ഷം ലിറ്റർ സംഭരണ ശേഷിയുള്ള ഉന്നതതല ജലസംഭരണി ആതവനാട് പഞ്ചായത്തിലെ മലയില്‍ഭാഗത്ത് സ്ഥാപിക്കുന്ന പ്രവൃത്തിയുടെ നിലവിലെ സ്ഥിതി അറിയിക്കുമോ;

(ബി)  പ്രസ്തുത സ്ഥലത്ത് കുടിവെള്ള ടാങ്ക് സ്ഥാപിക്കുന്നതിന് ആവശ്യമായ സ്ഥലം ലഭ്യമായിട്ടുണ്ടോ; പ്രസ്തുത വിഷയം സംബന്ധിച്ച് ജലവിഭവ(സി) വകുപ്പിലുള്ള സി3/235/2025 നമ്പർ ഫയലിന്റെ വിശദാംശം ലഭ്യമാക്കുമോ;

(സി)  പ്രസ്തുത പ്രവൃത്തി ആരംഭിക്കുന്നതിന് ഇനി എന്തെല്ലാം നടപടികൾ അവശേഷിക്കുന്നുണ്ടെന്നും പ്രവൃത്തി എന്നത്തേക്ക് ആരംഭിക്കാൻ കഴിയുമെന്നും അറിയിക്കുമോ?

കോട്ടക്കൽ മണ്ഡലത്തിലെ കുടിവെള്ള പദ്ധതികൾ

2667  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കോട്ടയ്ക്കൽ നഗരസഭ കുടിവെള്ള പദ്ധതികളുടെ ഭാഗമായി ഗാർഹിക കണക്ഷൻ നൽകൽ, പൈപ്പ്‌ലൈൻ സ്ഥാപിക്കൽ തുടങ്ങിയ അമൃത്-2 പദ്ധതിയിൽ ഉൾപ്പെടുത്തി നടപ്പിലാക്കുന്ന പ്രവൃത്തിയുടെ നിലവിലെ പുരോഗതി വിശദമാക്കാമോ; പ്രസ്തുത പ്രവൃത്തിയോട് അനുബന്ധിച്ച് അമൃത് 2.0 എസ്.ഡബ്ല്യൂ.എ.പി.-3(SWAP-3)ബഫർ ലിസ്റ്റിൽ ഉൾപ്പെടുത്തിയിട്ടുള്ള പ്രവൃത്തികളുടെ നിലവിലെ സ്ഥിതി വിശദമാക്കാമോ;

(ബി)  വളാഞ്ചേരി നഗരസഭയിലെ കുടിവെള്ളക്ഷാമം പരിഹരിക്കുന്നതിന് അമൃത്-2 പദ്ധതിയിൽ ഉൾപ്പെടുത്തി നടപ്പിലാക്കുന്നതിനായി സമർപ്പിച്ച പ്രൊപ്പോസലുകളിൻമേൽ സ്വീകരിച്ച നടപടികളുടെ വിശദാംശം ലഭ്യമാക്കാമോ; പ്രസ്തുത പ്രവൃത്തിക്ക് ഭരണാനുമതി ലഭ്യമാക്കാൻ അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

മാള കടവിന്റെ സംരക്ഷണം

2668  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് മുസിരിസ് പൈതൃക പദ്ധതിയുമായി ബന്ധപ്പെട്ട് ഏറെ പ്രാധാന്യമുള്ള മാള കടവ്, ബോട്ട് ജെട്ടി, അനുബന്ധ സൗകര്യങ്ങൾ എന്നിവ ഒരുക്കുന്ന പ്രവൃത്തിക്കു കഴിഞ്ഞ സർക്കാർ ഭരണാനുമതി നൽകിയിട്ടുണ്ടെങ്കിൽ ആയതിന്റെ വിശദ വിവരങ്ങളും ഉത്തരവിന്റെ പകർപ്പും ലഭ്യമാക്കാമോ; പ്രവൃത്തിയുടെ നിലവിലെ സ്ഥിതിയും നിർമ്മാണം ആരംഭിക്കുന്നതിലെ കാലതാമസം എന്തുകൊണ്ടാണെന്നും അത് പരിഹരിക്കുന്നതിന് സ്വീകരിച്ച നടപടികളും പ്രവൃത്തി എപ്പോൾ ആരംഭിക്കാൻ കഴിയുമെന്നും അറിയിക്കാമോ;

(ബി)  പ്രസ്തുത പ്രവർത്തിയുമായി ബന്ധപ്പെട്ട് ഇൻ ലാൻഡ് നാവിഗേഷൻ, ജലവിഭവ വകുപ്പ്, ഇറിഗേഷന്‍ ഡിസൈന്‍ ആന്‍ഡ് റിസര്‍ച്ച് ബോര്‍ഡ് (ഐ.ഡി.ആര്‍.ബി) എന്നിവർ സ്വീകരിച്ച നടപടികൾ അറിയിക്കാമോ?

കൂനമ്പാലം സ്ലൂയിസ്, നെയ്തുകുടി സ്ലൂയിസ് എന്നിവയുടെ നിര്‍മ്മാണം

2669  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തൃശൂർ ജില്ലയിൽ വളരെ പ്രധാനപ്പെട്ട കൂനമ്പാലം സ്ലൂയിസ്, നെയ്തുകുടി സ്ലൂയിസ് എന്നിവ നിർമ്മിക്കുന്നതിന് മുൻ സർക്കാരിന്റെ കാലഘട്ടത്തിൽ തുക അനുവദിച്ചിട്ടുണ്ടോയെന്ന് വ്യക്തമാക്കാമോ; എങ്കിൽ, അനുവദിച്ച തുകയും പ്രവൃത്തിയുടെ നിലവിലെ സ്ഥിതിയും വ്യക്തമാക്കാമോ; പ്രസ്തുത ഉത്തരവുകളുടെ പകർപ്പ് ലഭ്യമാക്കാമോ;

(ബി)  പ്രസ്തുത പ്രവൃത്തികളുടെ നിർമ്മാണം ആരംഭിക്കാത്തതിന്റെ കാരണം വ്യക്തമാക്കാമോ; അത് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വിശദമാക്കാമോ; പ്രവൃത്തി എപ്പോൾ ആരംഭിക്കുമെന്ന് വ്യക്തമാക്കാമോ?

മഞ്ചേരി നിയോജക മണ്ഡലത്തിലെ ഇറിഗേഷൻ പ്രവൃത്തികളുടെ പുരോഗതി

2670  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മഞ്ചേരി നിയോജക മണ്ഡലത്തിൽ നിലവിൽ ജലസേചന വകുപ്പിന്റെ കീഴിൽ (മേജർ ഇറിഗേഷൻ & മൈനർ ഇറിഗേഷൻ) നടപ്പിലാക്കിക്കൊണ്ടിരിക്കുന്നതും 2021-26 കാലയളവിൽ ഭരണാനുമതി ലഭിച്ചതുമായ പദ്ധതികൾ ഏതെല്ലാമാണെന്നും പദ്ധതികളുടെ പേര്, തുക, നിലവിലെ ഭൗതിക പുരോഗതി എന്നിവ സഹിതം വിശദമാക്കാമോ;

(ബി)  കഴിഞ്ഞ അഞ്ച് വർഷത്തിനിടെ മഞ്ചേരി മണ്ഡലത്തിൽ മേജർ/മൈനർ ഇറിഗേഷൻ വിഭാഗങ്ങൾ വഴി പൂർത്തീകരിച്ച പ്രധാന പ്രവൃത്തികൾ ഏതെല്ലാമാണ്; ഇവയ്ക്കായി ചെലവഴിച്ച തുക എത്രയാണ്;

(സി)  പ്രസ്തുത മണ്ഡലത്തിലെ കാർഷിക ആവശ്യങ്ങൾക്കും കുടിവെള്ള വിതരണത്തിനുമായി തോടുകളുടെയും പുഴകളുടെയും പാർശ്വഭിത്തി സംരക്ഷണം, തടയണ (ചെക്ക്ഡാം/റെഗുലേറ്റർ) നിർമ്മാണം, ലിഫ്റ്റ് ഇറിഗേഷൻ സ്കീമുകൾ എന്നിവയുമായി ബന്ധപ്പെട്ട് സമർപ്പിക്കപ്പെട്ട ഏതെല്ലാം നിർദ്ദേശങ്ങളാണ് പരിഗണനയിലുള്ളത്; വിശദാംശം നൽകുമോ;

(ഡി)  പ്രവൃത്തികൾ പൂർത്തീകരിക്കുന്നതിൽ എന്തെങ്കിലും തരത്തിലുള്ള കാലതാമസം നേരിടുന്നുണ്ടോ; എങ്കിൽ അതിനുള്ള കാരണങ്ങൾ എന്തെല്ലാമാണെന്നും നിർമ്മാണം സമയബന്ധിതമായി പൂർത്തിയാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കാമോ?

പുതിയ ജലസേചന പദ്ധതികള്‍

2671  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പുതിയ ജലസേചന പദ്ധതികള്‍ അനുവദിക്കാന്‍ നടപടികള്‍ ഉണ്ടാകുമോ; വിശദാംശം ലഭ്യമാക്കുമോ;

(ബി)  നിലവിലെ പദ്ധതികള്‍ പരിഷ്കരിച്ചും പുതിയ പദ്ധതികള്‍ അനുവദിച്ചും മുഴുവന്‍ കര്‍ഷകര്‍ക്കും കൃഷിയ്ക്ക് ആവശ്യമായ ജലലഭ്യത ഉറപ്പു വരുത്തുന്നതിന് ഒരു മാസ്റ്റര്‍ പ്ലാന്‍ നടപ്പാക്കാന്‍ നടപടികള്‍ ഉണ്ടാകുമോ; വിശദാംശം ലഭ്യമാക്കുമോ?

വാമനപുരം നദിയിലെ ജലലഭ്യത

2672  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വാമനപുരം നദിയിലെ ജലത്തെ ആശ്രയിച്ച് എത്ര ഗാർഹിക, വ്യവസായിക കുടിവെള്ള കണക്ഷനുകളാണ് നിലവിൽ നൽകിയിട്ടുള്ളതെന്ന് വ്യക്തമാക്കാമോ;

(ബി)  ജലലഭ്യത ഉറപ്പാക്കുന്നതിനായി നിലവില്‍ എത്ര തടയണകളാണ് ഉള്ളതെന്ന് വ്യക്തമാക്കാമോ;

(സി)  പുതുതായി എവിടെയെല്ലാമാണ് തടയണകള്‍ നിര്‍മ്മിക്കുവാന്‍ ഉദ്ദേശിക്കുന്നതെന്ന് വിശദമാക്കാമോ;

(ഡി)  പ്രസ്തുത തടയണകൾ വർഷം മുഴുവൻ ജലലഭ്യത ഉറപ്പാക്കുന്നതിന് സഹായകരമാകുമോയെന്ന് വിലയിരുത്തിയിട്ടുണ്ടോ?

പാലക്കാട് തരൂര്‍ നിയോജക മണ്ഡലത്തിലെ കൃഷിയിടങ്ങളിലെ ജല ലഭ്യത ഉറപ്പാക്കൽ

2673  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് തരൂര്‍ നിയോജക മണ്ഡലത്തിലെ കൃഷിയിടങ്ങളിലേക്ക് ആവശ്യമായ സമയത്ത് ജലം എത്തിക്കുന്നതിന് ഇറിഗേഷന്‍ വകുപ്പ് സ്വീകരിച്ച നടപടികള്‍ എന്തെല്ലാമാണെന്ന് വ്യക്തമാക്കാമോ?

സീതാർകുണ്ട് ഡൈവേർഷൻ സ്കീം

2674  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ബജറ്റിൽ തുക വകയിരുത്തിയിട്ടുള്ള സീതാർകുണ്ട് ഡൈവേർഷൻ സ്കീമിന്റെ പദ്ധതിനിർവ്വഹണം വേഗത്തിലാക്കുന്നതിന് സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ;

(ബി)  പ്രസ്തുത പദ്ധതിയുടെ സാധ്യതാപഠനത്തിനായി വിദഗ്ധ സമിതി പുനഃസംഘടിപ്പിക്കുന്നതിന് നടപടി സ്വീകരിച്ചിട്ടുണ്ടോ;

(സി)  സമിതി പുനഃസംഘടിപ്പിക്കുന്നത് സംബന്ധിച്ച ഫയൽ നിലവിൽ ഏത് ഓഫീസിലാണ് തീർപ്പാകാതെയുള്ളതെന്ന് ഫയൽ നമ്പർ സഹിതം വിശദമാക്കാമോ;

(ഡി)  പ്രസ്തുത പദ്ധതിയുമായി ബന്ധപ്പെട്ട് നിലവിൽ ഏതെങ്കിലും ഓഫീസുകളിൽ നടപടികൾ തടസ്സപ്പെട്ടുനിൽക്കുന്നുണ്ടോ; എങ്കിൽ, ഇത് പരിഹരിച്ച് തുടർനടപടികൾ സമയബന്ധിതമായി പൂർത്തിയാക്കാൻ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കാമോ?

മഞ്ചേശ്വരം മണ്ഡലത്തിലെ ദേരമ്പള ചെക്ക്ഡാം ബ്രിഡ്ജ് നിർമ്മാണം

2675  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മഞ്ചേശ്വരം മണ്ഡലത്തിലെ ദേരമ്പള ചെക്ക്ഡാം ബ്രിഡ്ജ് നിർമ്മിക്കുന്നതുമായി ബന്ധപ്പെട്ട പ്രാരംഭ നടപടികളും സർവേയും ഉൾപ്പെടെയുള്ള പ്രവർത്തനങ്ങൾ ഇപ്പോൾ ഏത് ഘട്ടത്തിലാണെന്ന് വ്യക്തമാക്കാമോ;

(ബി)  പ്രസ്തുത പ്രവൃത്തിയുടെ വിശദമായ എസ്റ്റിമേറ്റും പ്രൊജക്ടും തയ്യാറായിട്ടുണ്ടോ; എങ്കിൽ, അതിന്റെ വിശദാംശം ലഭ്യമാക്കാമോ;

(സി)  പ്രസ്തുത പദ്ധതി നടപ്പിലാക്കുന്നതിനായി നബാർഡിന്റെ സഹായം തേടിയിട്ടുണ്ടോയെന്ന് വ്യക്തമാക്കാമോ; ഈ വർഷത്തെ നബാർഡ് പദ്ധതിയിൽ ഉൾപ്പെടുത്തി പ്രസ്തുത ചെക്ക്ഡാം ബ്രിഡ്ജ് നിർമ്മാണത്തിനുള്ള ഭരണാനുമതി നൽകാൻ നടപടി സ്വീകരിക്കുമോയെന്ന് വിശദമാക്കാമോ?

ചങ്ങനാശ്ശേരി നിയോജകമണ്ഡലത്തിലെ മേജർ ഇറിഗേഷൻ പദ്ധതികളുടെ നിർവ്വഹണം

2676  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മേജർ ഇറിഗേഷന്റെ കീഴിൽ ചങ്ങനാശ്ശേരി മണ്ഡലത്തിൽ പ്രത്യേകിച്ച് കുട്ടനാട് - അപ്പർ കുട്ടനാട് പ്രദേശങ്ങളെ ബന്ധിപ്പിക്കുന്ന എ.സി. കനാലിൽ പായിപ്പാട് പഞ്ചായത്തിന്റെയും ചങ്ങനാശ്ശേരി മുനിസിപ്പാലിറ്റിയുടെയും പരിധിയിൽ വരുന്ന 3.5 കിലോമീറ്റർ ഭാഗത്തെ പോള നീക്കം ചെയ്യലുമായി ബന്ധപ്പെട്ട് നിലവിൽ പുരോഗമിക്കുന്ന പ്രവൃത്തികളുടെ വിശദാംശം ലഭ്യമാക്കാമോ;

(ബി)  മറ്റ് തോടുകളിൽ നിന്നുള്ള പ്ലാസ്റ്റിക് മാലിന്യങ്ങളുടെ ഒഴുക്കും പോള നിക്ഷേപിക്കാനുള്ള സ്ഥലപരിമിതിയും ടി പ്രവൃത്തികളെ ബാധിക്കുന്നത് പരിഹരിക്കാൻ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)  ചങ്ങനാശ്ശേരി - ആലപ്പുഴ ബോട്ട് റൂട്ടിലെ പോള നീക്കം ചെയ്യുന്നതിനായി ഈ വർഷം അനുവദിച്ച പ്രവൃത്തി നടപ്പിലാക്കുന്നതിന്റെ നിലവിലെ പുരോഗതി എന്താണെന്നും ഓരോ വർഷവും നീക്കം ചെയ്യേണ്ട പോളയുടെ അളവ് കണക്കാക്കി എസ്റ്റിമേറ്റുകൾ തയ്യാറാക്കുന്നതിന്റെ മാനദണ്ഡങ്ങൾ എന്താണെന്നും വ്യക്തമാക്കാമോ;

(ഡി)  വാഴപ്പള്ളി പഞ്ചായത്തിലെ ഓഡിറ്റി പാടശേഖരത്തിനു സമീപമുള്ള കലിങ്ക് നിർമ്മാണത്തിനായി തുക അനുവദിച്ച് ടെൻഡർ നടപടികൾ പൂർത്തിയാക്കി കരാറുകാരന് പ്രവൃത്തിസ്ഥലം കൈമാറിയിട്ടുണ്ടോ; കൊയ്ത്ത് കഴിഞ്ഞയുടൻ കൃഷിക്ക് തടസ്സമില്ലാത്ത രീതിയിൽ പ്രവൃത്തി വേഗത്തിൽ പൂർത്തിയാക്കാൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ഇ)  പെരുമ്പുഴക്കടവ് പാലത്തിന്റെ അപ്രോച്ച് റോഡ് നിർമ്മാണത്തിനായി സ്ഥലം കൈമാറിയിട്ടും പ്രവൃത്തിയുടെ പുരോഗതി മന്ദഗതിയിൽ തുടരുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രവൃത്തി സമയബന്ധിതമായി പൂർത്തിയാക്കാൻ കരാറുകാരന് നൽകിയിട്ടുള്ള നിർദ്ദേശങ്ങളും തുടർന്നുള്ള അടിയന്തര നടപടികളും എന്തൊക്കെയാണെന്ന് അറിയിക്കാമോ;

(എഫ്)  നടപ്പു സാമ്പത്തിക വർഷത്തിൽ ചങ്ങനാശ്ശേരി നിയോജകമണ്ഡലത്തിൽ മേജർ ഇറിഗേഷൻ വകുപ്പിന്റെ കീഴിൽ പുതുതായി എന്തെങ്കിലും വികസന പദ്ധതികളോ പൈലറ്റ് പ്രൊജക്റ്റുകളോ വിഭാവനം ചെയ്തിട്ടുണ്ടോ; എങ്കിൽ അവ ഏതെല്ലാം സ്ഥലങ്ങളിലാണ് നടപ്പിലാക്കാൻ ഉദ്ദേശിക്കുന്നതെന്ന് രേഖാമൂലം വ്യക്തമാക്കാമോ?

കടല്‍ സുരക്ഷാഭിത്തി നിര്‍മ്മാണം

2677  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നബാര്‍ഡ് ട്രഞ്ച് 32 (2026-27)-ല്‍ ഉള്‍പ്പെടുത്തി താനൂര്‍ നിയോജകമണ്ഡലത്തിലെ കടല്‍ സുരക്ഷ ഭിത്തി നിര്‍മ്മാണവുമായി ബന്ധപ്പെട്ട് ചീഫ് എന്‍ജിനിയര്‍ (ജലസേചനം) സര്‍ക്കാരില്‍ സമര്‍പ്പിച്ച പ്രപ്പോസലിന്മേല്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കാമോ?

പൂരപ്പുഴ റെഗുലേറ്റർ കം ബ്രിഡ്ജ് നിര്‍മ്മാണം

2678  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നബാർഡ് ട്രഞ്ച് 32-ൽ (2026-27) ഉൾപ്പെടുത്തി ഭരണാനുമതി ലഭിക്കുന്നതിനായി താനൂർ നിയോജകമണ്ഡലത്തിലെ പൂരപ്പുഴ റെഗുലേറ്റർ കം ബ്രിഡ്ജിനായി നൽകിയ പ്രൊപ്പോസലിന്റെ നിലവിലെ അവസ്ഥ വിശദമാക്കാമോ;

(ബി)  ചീഫ് എൻജിനീയർ (ജലസേചനം) സർക്കാരിന് 03.10.2026 -ലെ സിഇഐഎ/7555/25-പിഎൽ5 കത്ത് മുഖേന നൽകിയ പ്രൊപ്പോസലിന്റെ നിലവിലെ അവസ്ഥയും ടി വിഷയത്തിന്മേൽ സർക്കാരിൽ നിലവിലുള്ള എംഐ3/98/25/ഡബ്ല്യുആർഡി ഫയലിന്റെ നിലവിലെ പുരോഗതിയും വ്യക്തമാക്കാമോ?

ഒഴൂര്‍ ഗ്രാമപഞ്ചായത്തിലെ ജല്‍ ജീവന്‍ മിഷന്‍ പദ്ധതി

2679  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മലപ്പുറം ജില്ലയിലെ ഒഴൂര്‍ ഗ്രാമപഞ്ചായത്തില്‍ ജല്‍ ജീവന്‍ മിഷന്‍ പദ്ധതിയുടെ ഫങ്ഷണല്‍ ഹൗസ്ഹോള്‍ഡ് ടാപ്പ് കണക്ഷന്‍, പാക്കേജ് 1 സപ്ലൈ ആന്റ് ലേയിംഗ് ഗ്രാവിറ്റി മെയിന്‍ എന്ന പ്രവൃത്തിക്ക് ടെണ്ടര്‍ തുകയേക്കാള്‍ ഉയര്‍ന്ന നിരക്കിലുള്ള ടെണ്ടര്‍ അംഗീകരിക്കുന്നത് സംബന്ധിച്ച് കേരള വാട്ടര്‍ അതോറിറ്റിക്കും ജലനിധി ഡയറക്ടർക്കും സര്‍ക്കാര്‍ നല്‍കിയ കത്തിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചു വരുന്നുവെന്ന് വ്യക്തമാക്കാമോ?

ജലസേചന പദ്ധതികളുടെ നിർമ്മാണവും പരിപാലനവും

2680  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. കെ. നീലകണ്ഠൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ വൻകിട, ഇടത്തരം, ചെറുകിട ജലസേചന പദ്ധതികളുടെ നിർമ്മാണം, നവീകരണം, അറ്റകുറ്റപ്പണി, പരിപാലനം എന്നിവ കാര്യക്ഷമമാക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

(ബി)  കാലപ്പഴക്കം മൂലം തകരാറിലായ കനാലുകൾ, തടയണകൾ, ഷട്ടറുകൾ, ജലവിതരണ സംവിധാനങ്ങൾ എന്നിവ നവീകരിക്കുന്നതിനും ചോർച്ച തടയുന്നതിനും സ്വീകരിച്ച നടപടികൾ എന്തെല്ലാമാണ്; വിശദമാക്കാമോ;

(സി)  ജലസേചന കനാലുകളിലെ മണ്ണും ചെളിയും നീക്കം ചെയ്യുന്നതിനും ജലവിതരണ ശൃംഖല കാര്യക്ഷമമാക്കുന്നതിനും ഓരോ കൃഷിക്കാലത്തിനും മുമ്പായി അറ്റകുറ്റപ്പണികൾ നടത്തുന്നതിനും സ്ഥിരമായ സംവിധാനം നിലവിലുണ്ടോ; വ്യക്തമാക്കാമോ?

പെരുഞ്ചേരിക്കടവിലെ റഗുലേറ്റര്‍ കം ബ്രിഡ്ജ്

2681  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പെരുഞ്ചേരിക്കടവിലെ റെഗുലേറ്റർ കം ബ്രിഡ്ജിന്റെ നിർമ്മാണപ്രവൃത്തി പാതിവഴിയിലായതുകാരണം ജനങ്ങൾ ബുദ്ധിമുട്ടിലായ സാഹചര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  റെഗുലേറ്റർ കം ബ്രിഡ്ജിന്റെ പ്രവൃത്തി പൂർത്തിയാക്കാത്തതുകാരണം ഉപ്പുവെള്ളം കയറി കൃഷിനാശം ഉണ്ടാകുന്നതും കിണറുകളിലെ വെള്ളത്തിൽ ഉപ്പുകലരുന്നതുമായ സാഹചര്യമുണ്ടോയെന്ന് വ്യക്തമാക്കാമോ;

(സി)  മഴക്കാലം വരുന്നതോടെ ഉപ്പുവെള്ളം കയറുന്ന പ്രശ്നം രൂക്ഷമാകാനിടയുള്ള സാഹചര്യത്തിൽ, പെരുഞ്ചേരിക്കടവിലെ റെഗുലേറ്റർ കം ബ്രിഡ്ജിന്റെ പ്രവൃത്തി പൂർത്തിയാക്കുന്നതിന് എന്തൊക്കെ അടിയന്തര നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കാമോ;

(ഡി)  പ്രസ്തുത പ്രവൃത്തി പൂർത്തിയാക്കുന്നതിന് നിലവിലുള്ള തടസ്സങ്ങൾ എന്തെല്ലാമാണെന്നും ഇത് എപ്പോള്‍ പൂർത്തീകരിക്കാൻ കഴിയുമെന്നും വ്യക്തമാക്കാമോ?

ജല്‍ജീവന്‍ മിഷന്‍ പ്രവൃത്തികളിലെ കുഴികള്‍ റീസ്റ്റോര്‍ ചെയ്യല്‍

2682  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജല്‍ജീവന്‍ മിഷന്‍ പ്രവൃത്തികള്‍ക്കായി എടുത്ത കുഴികള്‍ റീസ്റ്റോര്‍ ചെയ്യാതെ ഉപേക്ഷിച്ചു പോയ സ്ഥലങ്ങളില്‍ മഴയും മണ്ണൊലിപ്പും കാരണം വലിയ ഗര്‍ത്തങ്ങള്‍ രൂപപ്പെട്ടതും വശങ്ങള്‍ ഇടിഞ്ഞു വീണ് കുഴികള്‍ വീതികൂടി റോഡുകള്‍ യാത്രായോഗ്യമല്ലാതായതുമായ സാഹചര്യം നിലവിലുണ്ടോ; വ്യക്തമാക്കുമോ;

(ബി)  ഇതു പരിഹരിക്കുന്നതിനായി എന്തെല്ലാം നടപടികളാണ് ഇതിനോടകം സ്വീകരിച്ചിട്ടുള്ളതെന്ന് വ്യക്തമാക്കുമോ;

(സി)  പ്രവൃത്തിയുടെ കരാറുകാരന്‍ കരാര്‍ ഒഴിഞ്ഞിരിക്കുന്ന സാഹചര്യത്തിലും കരാര്‍ നല്‍കുമ്പോഴുള്ള അളവുകളിലുള്ള അസംസ്കൃത വസ്തുക്കൾ കൊണ്ട് നികത്താന്‍ കഴിയാത്ത അളവില്‍ കുഴികളുടെ വലിപ്പം കുടിയ സാഹചര്യത്തിലും നിര്‍മ്മാണ വസ്തുക്കളുടെ നിരക്കുകളിലുണ്ടായ വലിയ വിലവര്‍ദ്ധനയുടെ സാഹചര്യത്തിലും കുഴികള്‍ അടയ്ക്കുന്നതിനായി എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യക്തമാക്കുമോ;

(ഡി)  റോഡുകള്‍ സഞ്ചാരയോഗ്യമാക്കുന്നതിലേക്കായി പ്രസ്തുത കുഴികള്‍ റീസ്റ്റോര്‍ ചെയ്യുന്നതിനായി വര്‍ദ്ധിപ്പിച്ച നിരക്കുകളിലുള്ള തുക ഗ്രാമപഞ്ചായത്തുകള്‍ക്ക് അനുവദിക്കുവാന്‍ അടിയന്തര നടപടികള്‍ സ്വീകരിക്കുമോ; വിശദാംശം ലഭ്യമാക്കാമോ?

മങ്കട മണ്ഡലത്തിലെ ചെറുപുഴയ്ക്ക് കുറുകെയുള്ള ഉടുമ്പനാശ്ശേരി വി.സി.ബി. കം ബ്രിഡ്ജ് നിര്‍മ്മാണം

2683  ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മങ്കട മണ്ഡലത്തിലെ ചെറുപുഴയ്ക്ക് കുറുകെയുള്ള ഉടുമ്പനാശ്ശേരി വി.സി.ബി. കം ബ്രിഡ്ജ് നിർമ്മാണത്തിന്റെ ഡിസൈൻ പൂർത്തിയാക്കിയിട്ടുണ്ടോ; ഇല്ലെങ്കിൽ എന്നത്തേയ്ക്ക് പൂർത്തിയാക്കാൻ കഴിയുമെന്ന് വിശദമാക്കാമോ; പ്രവൃത്തി നടപ്പിലാക്കുന്നതിന് ഇനി എന്തെല്ലാം നടപടിക്രമങ്ങളാണ് അവശേഷിക്കുന്നതെന്ന് വ്യക്തമാക്കാമോ; കാലതാമസം കൂടാതെ നടപടികൾ പൂർത്തിയാക്കുന്നതിന് നിർദ്ദേശം നല്‍കിയിട്ടുണ്ടോ;

(ബി)  പ്രസ്തുത പ്രവൃത്തിയ്ക്ക് അടിയന്തരമായി ഭരണാനുമതി നൽകുന്നതിന് ആവശ്യമായ നടപടി സ്വീകരിക്കുമോയെന്ന് വ്യക്തമാക്കാമോ?

ന്യൂ കട്ട് കീരനല്ലൂർ ഗാർഡൻ സ്പേസ് പദ്ധതിക്ക് എന്‍ ഒ സി

2684  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തിരൂരങ്ങാടി നിയോജക മണ്ഡലത്തിൽപ്പെട്ട പരപ്പനങ്ങാടി നഗരസഭയിലെ കീരനല്ലൂർ ന്യൂ കട്ട് പ്രദേശത്ത് അമൃത് പദ്ധതിയിൽ ഉൾപ്പെടുത്തി നഗരസഭ നിർമ്മിക്കുന്ന ന്യൂ കട്ട് കീരനല്ലൂർ ഗാർഡൻ സ്പേസ് പദ്ധതിക്ക് ഇൻലാൻഡ് നാവിഗേഷൻ ഡയറക്ടറുടെ എൻ.ഒ.സി. ലഭ്യമാക്കിയോ; വിശദമാക്കാമോ;

(ബി)  പദ്ധതിയുടെ ഫണ്ട് നഷ്ടപ്പെടാൻ സാധ്യതയുണ്ട് എന്നതിനാലും ദ്രുതഗതിയിലുള്ള നിർമ്മാണം അനിവാര്യമായതിനാലും ഈ പദ്ധതിക്ക് ഇൻലാൻഡ് നാവിഗേഷൻ ഡയറക്ടറുടെ എൻ.ഒ.സി. അടിയന്തരമായി ലഭ്യമാക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ;

(സി)  മേൽപ്പറഞ്ഞ എന്‍.ഒ.സി. എന്ന് ലഭ്യമാക്കാൻ സാധിക്കുമെന്ന് വിശദമാക്കാമോ?

എറണാകുളം മാഞ്ഞാലിത്തോടും അതിന്റെ കൈവഴികളും നവീകരിക്കുന്ന പ്രവൃത്തി

2685  ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നബാർഡിന്റെ റൂറൽ ഇൻഫ്രാസ്ട്രക്ചർ ഡെവലപ്‌മെന്റ് ഫണ്ട് മുപ്പത്തിയൊന്നാം ഘട്ടം ഉപയോഗിച്ച് എറണാകുളം മാഞ്ഞാലിത്തോടും അതിന്റെ കൈവഴികളും നവീകരിക്കുന്ന പ്രവൃത്തി നിലവിൽ ഏത് ഘട്ടത്തിലാണെന്ന് വിശദമാക്കാമോ?

പൂക്കോട്ടുമണ്ണ റെഗുലേറ്റർ കം ബ്രിഡ്ജ് ആൻഡ് ലിഫ്റ്റ് ഇറിഗേഷൻ പദ്ധതി

2686  ശ്രീ. ആര്യാടന്‍ ഷൗക്കത്ത് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നിലമ്പൂർ നിയോജകമണ്ഡലത്തിലെ ചുങ്കത്തറ ഗ്രാമപഞ്ചായത്തിൽ പൂക്കോട്ടുമണ്ണ റെഗുലേറ്റർ കം ബ്രിഡ്ജ് ആൻഡ് ലിഫ്റ്റ് ഇറിഗേഷൻ പദ്ധതിക്കുവേണ്ടി നബാർഡിന്റെ RIDF- XVI-ൽ ഉൾപ്പെടുത്തി 35 കോടി രൂപ അനുവദിച്ചിരുന്നുവെങ്കിലും പദ്ധതി വിഭാവനം ചെയ്ത 1200 ഹെക്ടർ പ്രദേശത്തേക്കുള്ള ജലസേചന സൗകര്യം പ്രാവർത്തികമാക്കാൻ സാധിക്കാത്തത് ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത പ്രവൃത്തിയിലെ പൂർത്തിയാകാത്ത ലിഫ്റ്റ് ഇറിഗേഷൻ പദ്ധതി ഈ വർഷത്തെ നബാർഡ് RIDF- XXXII-ൽ ഉൾപ്പെടുത്തി പ്രാവർത്തികമാക്കുവാൻ ആവശ്യമായ നടപടികൾ സ്വീകരിക്കുമോയെന്ന് വിശദമാക്കാമോ?

കുട്ടനാട് നിയോജക മണ്ഡലത്തിലെ ഇറിഗേഷൻ പ്രവൃത്തികള്‍

2687  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടനാട് നിയോജകമണ്ഡലത്തിലുൾപ്പെടുന്ന പ്രദേശത്ത് 2026 ഏപ്രിൽ ഒന്നിനു ശേഷം ഏതെല്ലാം മേജർ/മൈനർ ഇറിഗേഷൻ പ്രവൃത്തികൾ നടപ്പിലാക്കാൻ ഫണ്ട് അനുവദിച്ചിട്ടുണ്ടെന്നും എത്ര തുക വീതമാണ് അനുവദിച്ചിട്ടുള്ളതെന്നും തുടർ നടപടിക്രമങ്ങൾ ഏത് ഘട്ടത്തിലാണെന്നും വിശദമാക്കാമോ;

(ബി)  കുട്ടനാടിന്റെ സവിശേഷമായ കാർഷിക-ജലസാഹചര്യം പരിഗണിച്ച്, പാടശേഖരങ്ങളുടെ ബണ്ട് ബലപ്പെടുത്തൽ, തോടുകളുടെ ആഴം കൂട്ടൽ, ജലനിർഗമന സൗകര്യങ്ങൾ മെച്ചപ്പെടുത്തൽ, പായൽ-പോള നീക്കം ചെയ്യൽ എന്നിവയ്ക്കായി അധിക തുക അനുവദിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

ജലവിഭവ വകുപ്പ് മുഖേന നടപ്പിലാക്കി വരുന്ന പദ്ധതികള്‍

2688  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വര്‍ക്കല മണ്ഡലത്തില്‍ ജലവിഭവ വകുപ്പ് മുഖേന നടപ്പിലാക്കി വരുന്ന പദ്ധതികളുടെ പുരോഗതി വിശദമാക്കാമോ?

മലമ്പുഴ മണ്ഡലത്തിലെ ജലജീവന്‍ മിഷന്‍ പദ്ധതി

2689  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലജീവന്‍ മിഷന്‍ പദ്ധതി പ്രകാരം മലമ്പുഴ മണ്ഡലത്തില്‍ നടപ്പിലാക്കിയ പദ്ധതികളുടെ വിശദാംശവും പുതിയ കണക്ഷനുകള്‍ സംബന്ധിച്ച വിശദവിവരങ്ങളും പഞ്ചായത്ത് തിരിച്ച് ലഭ്യമാക്കാമോ?

ജലജീവന്‍ മിഷന്‍

2690  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലജീവന്‍ മിഷന്‍ മുഖേന 2020 മുതല്‍ മാവേലിക്കര മണ്ഡലത്തില്‍ അനുവദിച്ച പദ്ധതികള്‍ ഏതൊക്കെയെന്നും അനുവദിച്ച തുകയുടെ വിശദാംശവും അവയുടെ തല്‍സ്ഥിതി വിവരണങ്ങളും ലഭ്യമാക്കുമോ;

(ബി)  തഴക്കര പഞ്ചായത്തില്‍ ജലജീവന്‍ മിഷന്‍ പദ്ധതിയുടെ ഭാഗമായ ഓവര്‍ഹെഡ് ടാങ്ക് നിര്‍മ്മാണത്തിന്റെ തല്‍സ്ഥിതി വിവരം ലഭ്യമാക്കുമോ; പ്രസ്‌തുത നിര്‍മ്മാണം ആരംഭിക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(സി)  കാക്കികാട് കുടിവെളള പദ്ധതിയിലൂടെ ശുദ്ധജല വിതരണം ചെയ്യുവാന്‍ സ്വീകരിച്ച നടപടികള്‍ വിശദമാക്കുമോ;

(ഡി)  മാവേലിക്കര മണ്ഡലത്തിൽ ജലജീവന്‍ മിഷന്റെ നിര്‍മ്മാണ പ്രവര്‍ത്തനങ്ങളുടെ ഭാഗമായി തകര്‍ന്ന റോഡുകള്‍ ടാര്‍ ചെയ്യുവാന്‍ (ബിഎംബിസി/40 മില്ലി മീറ്റര്‍ എംഎസ്എസ്/20 മില്ലി മീറ്റര്‍ എംഎസ്എസ്) ഓരോ വകുപ്പിലും അടച്ച തുകയുടെ വിശദവിവരം ലഭ്യമാക്കുമോ?

തൃശൂര്‍ കോര്‍പ്പറേഷനും സമീപ പഞ്ചായത്തുകള്‍ക്കും വേണ്ടിയുള്ള കുടിവെളള പദ്ധതി

2691  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തൃശൂര്‍ കോര്‍പ്പറേഷനും സമീപ പഞ്ചായത്തുകള്‍ക്കും വേണ്ടി 2016-ല്‍ ഭരണാനുമതി ലഭിച്ച കുടിവെളള പദ്ധതിയുടെ നിര്‍മ്മാണ പ്രവര്‍ത്തികള്‍ ഏത് ഘട്ടത്തിലാണ് എന്നറിയിക്കുമോ;

(ബി)  19 ഗ്രാമപഞ്ചായത്തുകള്‍ക്കും തൃശൂര്‍ കോര്‍പ്പറേഷനും കുടിവെളളം ലഭ്യമാക്കുന്ന, കിഫ്ബി ധനസഹായത്തോടെ നടപ്പാക്കുന്ന പ്രസ്തുത കുടിവെളള പദ്ധതിയുടെ നിര്‍മ്മാണ പ്രവൃത്തികള്‍ കാലതാമസം കൂടാതെ നടപ്പാക്കുന്നതിനായി ഒരു നോഡല്‍ ഓഫീസറെ നിയമിക്കുന്നതിനും സമയബന്ധിതമായി പദ്ധതി പൂര്‍ത്തീകരിക്കുന്നതിനും ആവശ്യമായ നടപടികള്‍ സ്വീകരിക്കുമോ?

ജല്‍ ജീവൻ മിഷൻ പദ്ധതി

2692  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജല്‍ ജീവൻ മിഷൻ പദ്ധതികളുടെ നടത്തിപ്പിൽ, നേരത്തെ ടെൻഡർ നടപടികൾ പൂർത്തിയാക്കിയ പ്രവൃത്തികൾക്ക് ലെറ്റർ ഓഫ് അക്സെപ്റ്റൻസ് അനുവദിക്കാൻ കഴിയാത്തത് ശ്രദ്ധയിൽപ്പെട്ടിട്ടുണ്ടോ; എങ്കിൽ, അതിനുള്ള തടസ്സങ്ങൾ എന്തെല്ലാമാണെന്നും പ്രസ്തുത തടസ്സങ്ങൾ പരിഹരിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്നും വ്യക്തമാക്കാമോ;

(ബി)  2026 ഒക്ടോബർ 12-ന് നാഷണൽ ജല്‍ ജീവൻ മിഷൻ ഡയറക്ടറുടെ അധ്യക്ഷതയിൽ നടന്ന യോഗത്തിൽ, നേരത്തെ ടെൻഡർ ചെയ്ത പ്രവൃത്തികളുടെ ശേഷിക്കുന്ന പ്രവർത്തനങ്ങൾക്ക് എൽ.ഒ.എ. അനുവദിക്കുന്നതിന് തടസ്സമില്ലെന്ന് അറിയിച്ചിട്ടുണ്ടോ; എങ്കിൽ, പ്രസ്തുത നിർദ്ദേശത്തിന്റെ അടിസ്ഥാനത്തിൽ സംസ്ഥാനത്തെ ബന്ധപ്പെട്ട പ്രവൃത്തികൾക്ക് ലെറ്റർ ഓഫ് അക്സെപ്റ്റൻസ് അനുവദിക്കുന്നതിനും പ്രവൃത്തികൾ ആരംഭിക്കുന്നതിനും അടിയന്തര നടപടി സ്വീകരിക്കുമോ; വ്യക്തമാക്കാമോ;

(സി)  ജല്‍ ജീവൻ മിഷന്റെ കാലാവധി 2028 ഡിസംബർ വരെ നീട്ടിയ സാഹചര്യത്തിൽ, സംസ്ഥാനത്ത് പദ്ധതി സമയബന്ധിതമായി പൂർത്തീകരിക്കുന്നതിന് സർക്കാർ തയ്യാറാക്കിയിട്ടുള്ള പ്രവർത്തനപദ്ധതി എന്താണെന്ന് വ്യക്തമാക്കാമോ; ജില്ല തിരിച്ച് പൂർത്തിയാക്കേണ്ട പ്രവൃത്തികൾ, ആവശ്യമായ സാമ്പത്തിക വിഹിതം, സമയക്രമം എന്നിവ നിശ്ചയിച്ചിട്ടുണ്ടോയെന്ന് വ്യക്തമാക്കാമോ;

(ഡി)  സംസ്ഥാനത്ത് ജല്‍ ജീവൻ മിഷൻ പദ്ധതികൾ പൂർണ്ണമായി പൂർത്തീകരിക്കുന്നതിന് ഇനി എത്ര കോടി രൂപ ആവശ്യമായി വരുമെന്ന് കണക്കാക്കിയിട്ടുണ്ടോ; എങ്കിൽ, കേന്ദ്ര-സംസ്ഥാന വിഹിതം, നബാർഡ് വായ്പ, മറ്റ് സാമ്പത്തിക സ്രോതസ്സുകൾ എന്നിവയിലൂടെ ഈ തുക കണ്ടെത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(ഇ)  ടെൻഡർ നടപടികൾ പൂർത്തിയാക്കിയിട്ടും ലെറ്റർ ഓഫ് അക്സെപ്റ്റൻസ് അനുവദിക്കാത്തതുമൂലം പ്രവൃത്തികൾ വൈകുന്നതും കരാർ തുക വർദ്ധിക്കുന്നതും പൊതുജനങ്ങൾക്ക് കുടിവെള്ളം ലഭിക്കുന്നത് തടസ്സപ്പെടുന്നതും ഒഴിവാക്കാൻ, ബന്ധപ്പെട്ട ഉദ്യോഗസ്ഥർക്ക് വ്യക്തമായ നിർദ്ദേശങ്ങൾ നൽകി സമയബന്ധിതമായി പ്രവൃത്തികൾ ആരംഭിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

ജല്‍ ജീവന്‍ മിഷന്‍ പദ്ധതി

2693  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജല്‍ ജീവന്‍ മിഷന്‍ പദ്ധതിയുടെ നിലവിലെ പുരോഗതി വ്യക്തമാക്കാമോ;

(ബി)  ജല്‍ ജീവന്‍ മിഷന്‍ പദ്ധതിക്ക് കേന്ദ്ര വിഹിതമായി ഇതുവരെ എത്ര തുക ലഭിച്ചു; 2026 മെയ് വരെ സംസ്ഥാന വിഹിതമായി എത്ര തുക അനുവദിച്ചിട്ടുണ്ട്; വിശദമാക്കാമോ;

(സി)  പദ്ധതിക്കായി വായ്പ എടുക്കുന്നതിന് നടപടി സ്വീകരിച്ചിട്ടുണ്ടോ; പദ്ധതി സമയബന്ധിതമായി പൂര്‍ത്തിയാക്കുന്നതിന് നടപടി സ്വീകരിക്കുമോ; വിശദമാക്കാമോ?

വിയ്യംചിറ റഗുലേറ്റർ കം ബ്രി‍ഡ്ജ്

2694  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലയളവിൽ ഭരണാനുമതി ലഭിച്ചശേഷം ഇറിഗേഷൻ വകുപ്പിന്റെ ഫണ്ട് ഉപയോഗിച്ച് പേരാമ്പ്ര നിയോജകമണ്ഡലത്തിൽ പുരോഗമിക്കുന്ന/നടപ്പിലാക്കാത്ത പദ്ധതികളുടെ വിശദാംശം ലഭ്യമാക്കാമോ;

(ബി)  2023-24-ലെ ബജറ്റിൽ ഉൾപ്പെട്ട വിയ്യംചിറ റെഗുലേറ്റർ കം ബ്രിഡ്ജ് നിർമ്മാണ പ്രവൃത്തി ആരംഭിച്ചിട്ടുണ്ടോ; ആരംഭിച്ചിട്ടില്ലെങ്കിൽ അതിന്റെ കാരണവും നിലവിലെ സ്ഥിതിയും വ്യക്തമാക്കാമോ?

ജലസേചന സംവിധാനം

2695  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നദികളും തോടുകളും ചാലുകളും കൊണ്ട് ജല സമൃദ്ധമായ കാ‍ർഷിക മേഖലയിൽ കൃഷിയുടെ അഭിവൃദ്ധിയ്ക്കും കൃഷിക്കാരുടെ വിളകൾ വാഹനങ്ങളിൽ കൊണ്ടുപോകുന്നതിനും കൃഷിക്കാരുടെ സഞ്ചാരത്തിനും വേണ്ടി ആവശ്യമായ ഫാം റോഡുകളും ബണ്ടുകളും നിർമ്മിക്കുന്നതിനുള്ള നടപടികൾക്ക് ജലസേചന വകുപ്പ് പ്രാധാന്യം നൽകുന്നുണ്ടോ;

(ബി)  തോടുകളിലെയും ചാലുകളിലെയും ചെളിനീക്കി ബണ്ടിലിട്ട് ആഴംകൂട്ടി നീരൊഴുക്ക് സുഗമമാക്കുന്നതിനായി കാർഷിക മേഖലയിൽ നടപ്പിലാക്കിവരുന്ന പദ്ധതികൾ ഏതെല്ലാമാണ്;

(സി)  ഇതിനായി നബാർഡിൽനിന്നും പ്രത്യേക ധനസഹായങ്ങൾ ആവശ്യപ്പെട്ടിട്ടുണ്ടോ; ആയതിനുള്ള ഫണ്ട് ലഭ്യമാകുന്നുണ്ടോ?

മീനച്ചിൽ നദീതട പദ്ധതി

2696  ശ്രീ. കെ. എന്‍. ബാലഗോപാല്‍
ശ്രീ. കെ. യു. ജനീഷ് കുമാര്‍
ശ്രീ. കെ. പ്രേമൻ
ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഇടുക്കിയിൽ നിന്നുള്ള അധികജലം മീനച്ചിലാറിൽ എത്തിച്ച് കുടിവെള്ളവും ജലസേചനവും ഉറപ്പാക്കുന്ന മീനച്ചിൽ നദീതട പദ്ധതിക്കായി, മുൻ സർക്കാർ വാപ്കോസുമായി ഒപ്പുവെച്ച ധാരണാപത്രത്തിന്റെ അടിസ്ഥാനത്തിലുള്ള തുടർനടപടികൾ കഴിഞ്ഞ അഞ്ച് മാസമായി സ്തംഭിച്ചിരിക്കുകയാണെന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  ഈ പദ്ധതിയുടെ പ്രാരംഭ പ്രവർത്തനങ്ങൾക്കായി മുൻ സർക്കാർ ബജറ്റിൽ വകയിരുത്തിയ 3 കോടി രൂപ വിനിയോഗിച്ച്, കഴിഞ്ഞ അഞ്ച് മാസത്തിനുള്ളിൽ നിലവിലെ സർക്കാർ എന്തെങ്കിലും നിർമ്മാണ-പഠന പ്രവർത്തനങ്ങൾ നടത്തിയിട്ടുണ്ടോയെന്ന് വ്യക്തമാക്കാമോ;

(സി)  ടണൽ നിർമ്മാണം, മിനി ഡാമുകൾ എന്നിവയുൾപ്പെടെ മുൻ സർക്കാർ വിഭാവനം ചെയ്ത ഈ ബദല്‍ പദ്ധതിയുടെ ഡി.പി.ആർ. സമയബന്ധിതമായി പൂർത്തിയാക്കാൻ നിലവിലെ സര്‍ക്കാര്‍ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ;

(ഡി)  കാർഷിക മേഖലയ്ക്കും കുടിവെള്ള വിതരണത്തിനും ഏറെ നിർണ്ണായകമായ ഇത്തരം ജലസേചന പദ്ധതികൾ ആരംഭിക്കാൻ ഉദ്ദേശിക്കുന്നുണ്ടോ; എങ്കിൽ, അതിന്റെ വിശദാംശം വ്യക്തമാക്കുമോ?

ജലാശയങ്ങളിലെ ജലത്തിന്റെ ഗുണനിലവാരമുറപ്പാക്കാന്‍ നടപടി

2697  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ ജലാശയങ്ങൾ വലിയ തോതിൽ മലിനമാകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കാമോ;

(ബി)  മത്സ്യ മാംസ മാലിന്യങ്ങളും ശുചിമുറി മാലിന്യങ്ങളും വ്യാപകമായി നമ്മുടെ ജലാശയങ്ങളിൽ നിക്ഷേപിക്കുന്നത് മൂലം പലവിധ പകർച്ചവ്യാധികളും ജലജന്യരോഗങ്ങളും പിടിപെടുന്നത് തടയാൻ ശക്തമായ നടപടികൾ സ്വീകരിക്കുമോ; വിശദാംശം ലഭ്യമാക്കാമോ;

(സി)  ത്രിതല പഞ്ചായത്തുകളുടെ സഹകരണത്തോടെ ജലസംരക്ഷണ ബോധവത്ക്കരണവും കുറ്റക്കാർക്കെതിരെ കടുത്ത ജാഗ്രതാ ശിക്ഷണ നടപടികളും സ്വീകരിക്കുമോ; എങ്കിൽ വിശദാംശം നൽകാമോ?

ജലാശയങ്ങളിലെ പോള നീക്കംചെയ്യാൻ കർമ്മപദ്ധതി

2698  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലാശയങ്ങളിൽ പോള നിറയുന്നത് മൂലം നീരൊഴുക്ക് നഷ്ടപ്പെടുകയും ജലം മലിനമാകുന്നതിനും മത്സ്യസമ്പത്തും നെൽകൃഷിയും നഷ്ടത്തിലാകുന്നതും തടയാൻ എന്തൊക്കെ നടപടികൾ സ്വീകരിക്കുമെന്ന് വ്യക്തമാക്കാമോ;

(ബി)  ത്രിതല പഞ്ചായത്തുകളുടെ സഹകരണത്തോടെ തൊഴിലുറപ്പ് പദ്ധതിയിൽ ഉൾപ്പെടുത്തി പോള നീക്കം ചെയ്യുന്നതിന് നടപടികൾ ഉണ്ടാകുമോ; വിശദാംശം ലഭ്യമക്കാമോ;

(സി)  ചെറിയ തോടുകളിൽ അടിഞ്ഞ് കൂടിയിട്ടുള്ള പോളകൾ നീക്കം ചെയ്യുന്നതോടൊപ്പം എക്കൽ നീക്കുന്നതിനും നടപടികൾ ഉണ്ടാകുമോ; വിശദാംശം ലഭ്യമാക്കാമോ?

പുഴയോര സംരക്ഷണം

2699  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പുഴയോര സംരക്ഷണവുമായി ബന്ധപ്പെട്ട് ജലവിഭവ വകുപ്പ് നടപ്പിലാക്കി വരുന്ന പദ്ധതികൾ ഏതൊക്കെയാണെന്ന് വിശദമാക്കുമോ;

(ബി)  കൂത്തുപറമ്പ് നിയോജക മണ്ഡലത്തിലെ പാനൂർ നഗരസഭയിലും മൊകേരി പഞ്ചായത്തിലും പുഴയോരങ്ങളിൽ കരയിടിച്ചിൽ ഉണ്ടായതിനാൽ വീടുകൾ ഉൾപ്പെടെ തകർച്ചാ ഭീഷണി നേരിടുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

(സി)  പ്രസ്തുത നിയോജക മണ്ഡലത്തിലെ വിവിധ ഭാഗങ്ങളിൽ പുഴയോര സംരക്ഷണവുമായി ബന്ധപ്പെട്ട് വ്യക്തികളും എം.എൽ.എ യും നൽകിയ അപേക്ഷകളിൽ സ്വീകരിച്ച നടപടികളുടെ വിശദാംശം ലഭ്യമാക്കുമോ;

(ഡി)  പ്രസ്തുത പ്രവൃത്തികൾ അടിയന്തര പ്രാധാന്യത്തോടെ പൂർത്തീകരിക്കുന്നതിന് നടപടികൾ സ്വീകരിക്കുമോ; എങ്കിൽ എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

വടക്കാഞ്ചേരി പുഴ നവീകരണ പദ്ധതി

2700  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വടക്കാഞ്ചേരി പുഴ നവീകരണ പദ്ധതിയുടെ നിലവിലെ പുരോഗതി വിശദമാക്കാമോ?

നദികളിലെ എക്കൽ മണ്ണ് നീക്കം ചെയ്യുന്നത്

2701  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ 43 നദികളിലെ എക്കൽ നീക്കം ചെയ്യാൻ തീരുമാനിച്ചിട്ടുണ്ടോ; എങ്കിൽ കോഴിക്കോട് ജില്ലയിൽ നിലവിൽ ഏതൊക്കെ പ്രദേശങ്ങളിലാണ് ഇതിന് അനുമതിയുള്ളതെന്ന് വ്യക്തമാക്കാമോ; ഏതെങ്കിലും പ്രദേശങ്ങൾ ഒഴിവാക്കപ്പെട്ടിട്ടുണ്ടെങ്കിൽ കാരണം അറിയിക്കാമോ;

(ബി)  നദികളിലെ എക്കൽ മണ്ണും ചെളിയും നീക്കം ചെയ്യുന്നതിന് തീരുമാനമെടുത്തിട്ടും അത് നടപ്പിലാക്കുന്നതിൽ നേരിടുന്ന സാങ്കേതികവും നിയമപരവുമായ തടസ്സങ്ങൾ ഏതെല്ലാമാണെന്ന് വിശദമാക്കാമോ;

(സി)  കുന്ദമംഗലം നിയോജകമണ്ഡലത്തിലൂടെ പതിനെട്ട് കിലോമീറ്ററോളം കടന്നുപോകുന്ന കല്ലായിപ്പുഴയുടെ ഭാഗമായ മാമ്പുഴയിലും ചാലിയാറ്റിലും മൺസൂൺ കാലത്ത് വെള്ളം കയറി വീടുകളിലും കൃഷിയിടങ്ങളിലും വ്യാപകമായ നാശനഷ്ടങ്ങൾ ഉണ്ടാകുന്നത് ശ്രദ്ധയിൽപ്പെട്ടിട്ടുണ്ടോ;

(ഡി)  ചാലിയാറിലെയും മാമ്പുഴയിലെയും ആഴവും ഒഴുക്കും വർദ്ധിപ്പിച്ച് പ്രദേശത്തെ വെള്ളപ്പൊക്ക ഭീഷണി ഒഴിവാക്കുന്നതിനും എക്കൽ മണ്ണും ചെളിയും തടസ്സരഹിതമായി അടിയന്തരമായി നീക്കം ചെയ്യുന്നതിനും ജലവിഭവ വകുപ്പ് എന്തെല്ലാം തുടർനടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

ഷൊര്‍ണ്ണൂര്‍ മണ്ഡലത്തില്‍ ഭാരതപ്പുഴയ്ക്ക് കുറുകെ നിര്‍മ്മിച്ച ഉരുക്ക് തടയണയുടെ പുനര്‍ നിര്‍മ്മാണം

2702  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഷൊര്‍ണ്ണൂര്‍ നിയോജകമണ്ഡലത്തില്‍ മാന്നന്നൂര്‍ റെയില്‍വേസ്റ്റേഷന്‍ സമീപത്തായി ഭാരതപ്പുഴയ്ക്ക് കുറുകെ നിര്‍മ്മിച്ച ഉരുക്ക് തടയണയും പാര്‍ശ്വഭിത്തിയും 2018ലെ പ്രളയത്തില്‍ ഭാഗികമായി തകര്‍ന്നതിനെത്തുടർന്ന് പുനര്‍ നിര്‍മ്മിക്കാന്‍ റീ ബില്‍ഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി 12.6 കോടി രൂപയുടെ അംഗീകാരം ലഭിച്ച് പ്രവര്‍ത്തനം ആരംഭിക്കുകയും വീണ്ടും പ്രളയത്തില്‍ പാര്‍ശ്വഭിത്തി തകരുകയും ചെയ്തിരിക്കുന്ന ടി പ്രവ‍ൃത്തി എന്നത്തേയ്ക്ക് പൂര്‍ത്തീകരിക്കാന്‍ കഴിയും എന്ന് വ്യക്തമാക്കാമോ; പ്രസ്തുത പദ്ധതി പൂര്‍ത്തീകരിക്കാന്‍ എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വിശദമാക്കാമോ;

(ബി)  ജലജീവന്‍ മിഷന്‍ പദ്ധതിയുടെ ഭാഗമായി ഷൊര്‍ണ്ണൂര്‍ മണ്ഡലത്തില്‍ പൊളിച്ച പി.ഡബ്ല്യു.ഡി റോഡുകളില്‍ പുനര്‍നിര്‍മ്മിക്കാന്‍ ബാക്കിയുള്ളത് ഏതൊക്കെയാണെന്ന് വ്യക്തമാക്കുമോ; റോഡുകളുടെ പുനര്‍നിര്‍മ്മാണ പ്രവൃത്തി എന്നാണ് പൂര്‍ത്തീകരിക്കുക; വിശദമാക്കാമോ;

(സി)  കൃഷിക്കായി ജലം ലഭിക്കാത്ത പ്രദേശങ്ങള്‍ കണ്ടെത്തി ജലസേചന സൗകര്യം വിപുലീകരിക്കുന്നതിന് പ്രത്യേക പദ്ധതി നടപ്പിലാക്കാന്‍ സര്‍ക്കാര്‍ ആലോചനയുണ്ടോ; വിശദമാക്കാമോ?

പ്ലാസ്റ്റിക് മാലിന്യങ്ങൾ മൂലമുള്ള ജലമലിനീകരണം

2703  ശ്രീ. വി. പി. സജീന്ദ്രൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ വിവിധ നദികളിൽ പ്ലാസ്റ്റിക് മാലിന്യങ്ങൾ അടിഞ്ഞുകൂടുന്നത് നദികളുടെ സ്വാഭാവിക ഒഴുക്കിനെയും ജലത്തിന്റെ ഗുണനിലവാരത്തെയും ജലജീവികളുടെ നിലനിൽപ്പിനെയും പ്രതികൂലമായി ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  സംസ്ഥാനത്തെ നദികളിൽ പ്ലാസ്റ്റിക് മാലിന്യങ്ങൾ കൂടുതലായി അടിഞ്ഞുകൂടുന്ന മേഖലകൾ തിരിച്ചറിയുന്നതിനും അവയുടെ ഉറവിടങ്ങൾ കണ്ടെത്തുന്നതിനും പഠനമോ പരിശോധനയോ നടത്തിയിട്ടുണ്ടോ; വ്യക്തമാക്കാമോ;

(സി)  നദികളിലേക്ക് പ്ലാസ്റ്റിക് മാലിന്യങ്ങൾ വലിച്ചെറിയുന്നതും ഓടകൾ മുഖേന ഒഴുകിയെത്തുന്നതും തടയുന്നതിനായി എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

നദികളിൽ ഉപ്പുവെള്ളത്തിന്റെ സാന്നിധ്യം വർധിക്കുന്നത് പരിഹരിക്കാൻ നടപടി

2704  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ നദികളുടെ താഴ്ന്ന പ്രദേശങ്ങളിൽ ഉപ്പുവെള്ളം കയറുന്നത് കുടിവെള്ള ലഭ്യതയെയും കൃഷിയെയും പ്രതികൂലമായി ബാധിക്കുന്നതായി ശ്രദ്ധയിൽപ്പെട്ടിട്ടുണ്ടോ; പ്രസ്തുത പ്രതിഭാസം തടയുന്നതിനും ശുദ്ധജല സ്രോതസ്സുകൾ സംരക്ഷിക്കുന്നതിനും സ്വീകരിച്ചുവരുന്ന നടപടികൾ എന്തെല്ലാമാണെന്ന് വിശദമാക്കാമോ;

(ബി)  സംസ്ഥാനത്തെ ഏതെല്ലാം നദികളിലാണ് ഉപ്പുവെള്ളത്തിന്റെ സാന്നിധ്യം കണ്ടെത്തിയിട്ടുള്ളതെന്നും വേനൽക്കാലത്ത് ഉപ്പുവെള്ളം കയറുന്നത് രൂക്ഷമാകുന്ന പ്രദേശങ്ങൾ ഏതെല്ലാമാണെന്നും വ്യക്തമാക്കുമോ;

(സി)  കടലിൽ നിന്നുള്ള ഉപ്പുവെള്ളത്തിന്റെ കടന്നുകയറ്റം കുടിവെള്ള പദ്ധതികളെയും കാർഷിക ആവശ്യങ്ങൾക്കുള്ള ജലലഭ്യതയെയും ബാധിക്കുന്നതായി പഠനങ്ങളിൽ കണ്ടെത്തിയിട്ടുണ്ടോ;

(ഡി)  നദികളിൽ ഉപ്പുവെള്ളം കയറുന്നത് തടയുന്നതിനായി ഉപ്പുവെള്ള പ്രതിരോധ ബണ്ടുകൾ, തടയണകൾ, റെഗുലേറ്ററുകൾ എന്നിവ സ്ഥാപിക്കുന്നതിനും നിലവിലുള്ളവ കാര്യക്ഷമമായി പരിപാലിക്കുന്നതിനും നടപടി സ്വീകരിച്ചിട്ടുണ്ടോ;

(ഇ)  നദികളിലെ ജലത്തിന്റെ ലവണാംശം നിരീക്ഷിക്കുന്നതിനും കുടിവെള്ള സ്രോതസ്സുകളിലെ ജലത്തിന്റെ ഗുണനിലവാരം ഉറപ്പാക്കുന്നതിനും സ്ഥിരമായ പരിശോധനാ സംവിധാനം നിലവിലുണ്ടോ;

(എഫ്)  ഉപ്പുവെള്ളക്കയറ്റം മൂലം കുടിവെള്ളക്ഷാമവും കൃഷിനാശവും നേരിടുന്ന പ്രദേശങ്ങളിൽ ശുദ്ധജല ലഭ്യത ഉറപ്പാക്കുന്നതിനും ദീർഘകാലാടിസ്ഥാനത്തിലുള്ള പരിഹാരപദ്ധതികൾ നടപ്പാക്കുന്നതിനും നടപടി സ്വീകരിക്കുമോ?

നദികളിലെ ജലമലിനീകരണ നിയന്ത്രണം

2705  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വിവിധ നദികളിൽ വിഷവസ്തുക്കളുടെയും രാസമലിനീകരണത്തിന്റെയും സാന്നിധ്യം വർധിക്കുന്നത് ശ്രദ്ധയിൽപ്പെട്ടിട്ടുണ്ടോ; നദീജലം മലിനമാകുന്നത് തടയുന്നതിനും ജനങ്ങളുടെ ആരോഗ്യവും ജലജീവികളുടെ നിലനിൽപ്പും സംരക്ഷിക്കുന്നതിനും സ്വീകരിച്ചുവരുന്ന നടപടികൾ എന്തൊക്കെയാണെന്ന് അറിയിക്കാമോ;

(ബി)  നദികളിലെ ജലത്തിന്റെ ഗുണനിലവാരം പരിശോധിക്കുന്നതിനായി സ്ഥിരമായ നിരീക്ഷണ സംവിധാനം നിലവിലുണ്ടോ; പരിശോധനയിൽ അനുവദനീയമായ പരിധിയിൽ കൂടുതലായി വിഷവസ്തുക്കളോ രാസമലിനീകരണമോ ഏതെങ്കിലും നദികളിൽ കണ്ടെത്തിയിട്ടുണ്ടോ;

(സി)  വ്യവസായശാലകളിൽ നിന്നുള്ള മാലിന്യങ്ങൾ, ആശുപത്രി മാലിന്യങ്ങൾ, നഗരമാലിന്യങ്ങൾ, കീടനാശിനികൾ തുടങ്ങിയവ നദികളിൽ കലരുന്നത് ജലമലിനീകരണത്തിന് കാരണമാകുന്നുവെന്ന് കണ്ടെത്തിയിട്ടുണ്ടോ; ഇത്തരം ഉറവിടങ്ങൾ തിരിച്ചറിയാൻ നടപടി സ്വീകരിച്ചിട്ടുണ്ടോ;

(ഡി)  മലിനീകരണം കണ്ടെത്തിയ നദികളിൽ നിന്നുള്ള വെള്ളം കുടിവെള്ളത്തിനും കൃഷിക്കും ഉപയോഗിക്കുന്നത് സംബന്ധിച്ച് മുന്നറിയിപ്പുകൾ നൽകുന്നതിനും ആവശ്യമായ മുൻകരുതലുകൾ സ്വീകരിക്കുന്നതിനും നടപടി സ്വീകരിച്ചിട്ടുണ്ടോ;

(ഇ)  നദികളിലെ ജലത്തിന്റെ ഗുണനിലവാരം മെച്ചപ്പെടുത്തുന്നതിനും വിഷവസ്തുക്കളുടെ സാന്നിധ്യം നിയന്ത്രിക്കുന്നതിനും മലിനീകരണത്തിന്റെ ഉറവിടങ്ങൾ കണ്ടെത്തി പരിഹരിക്കുന്നതിനുമായി സമയബന്ധിതമായ കർമപദ്ധതി നടപ്പാക്കാൻ നടപടി സ്വീകരിക്കുമോ?

കൊണ്ടോട്ടി മണ്ഡലത്തിലെ ഇറിഗേഷൻ വകുപ്പ് പദ്ധതികൾ

2706  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  2021 മുതൽ കൊണ്ടോട്ടി മണ്ഡലത്തിൽ ഇറിഗേഷൻ വകുപ്പ് ഏതൊക്കെ പ്രവൃത്തികൾക്കാണ് ഫണ്ട് അനുവദിച്ചിട്ടുള്ളതെന്ന് വ്യക്തമാക്കാമോ;

(ബി)  ഓരോ പ്രവൃത്തിയുടെയും നിലവിലുള്ള പുരോഗതി വ്യക്തമാക്കാമോ;

(സി)  കൊണ്ടോട്ടി വലിയതോട് സംരക്ഷിക്കുന്നതിന് നടപടി സ്വീകരിക്കണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ;

(ഡി)  ഏകദേശം 15 കിലോമീറ്ററിലധികം നീളമുള്ളതും കൊണ്ടോട്ടി നഗരസഭ, പുളിക്കൽ ഗ്രാമപഞ്ചായത്ത്, ചെറുകാവ് ഗ്രാമപഞ്ചായത്ത് എന്നിവിടങ്ങളിലെ കർഷകർ പ്രധാന ജലസ്രോതസ്സായി ഉപയോഗിക്കുന്ന കൊണ്ടോട്ടി വലിയതോട് സംരക്ഷിക്കുന്നതിന് അടിയന്തര നടപടി സ്വീകരിക്കുമോയെന്ന് വ്യക്തമാക്കാമോ?

കനാല്‍ നവീകരണം

2707  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കല്ലട ഇറിഗേഷന്‍ പ്രോജക്ടിന്റെ കനാലുകളുടെ നവീകരണത്തിനും പുനരുദ്ധാരണത്തിനുമായി കഴിഞ്ഞ സര്‍ക്കാര്‍ എത്ര കോടി രൂപ അനുവദിച്ചിരുന്നെന്ന് അറിയിക്കാമോ;

(ബി)  പ്രസ്തുത തുക ഉപയോഗിച്ച് എത്ര പ്രവൃത്തികള്‍ പൂര്‍ത്തീകരിച്ചെന്നും അതിനായി ചെലവഴിച്ച തുക എത്രയാണെന്നും വ്യക്തമാക്കുമോ;

(സി)  കല്ലട ഇറിഗേഷന്‍ പ്രോജക്ടിന്റെ ഓയൂര്‍ ബ്രാഞ്ച് കനാല്‍ ചെയിനേജ് 9500m ന് സമീപം കനാല്‍ തകര്‍ന്ന് ജലവിതരണം സാധ്യമല്ലാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(ഡി)  പ്രസ്തുത ഭാഗത്ത് കനാല്‍ പൂര്‍വ്വസ്ഥിതിയിലാക്കുന്നതിന് തയ്യാര്‍ ചെയ്ത എസ്റ്റിമേറ്റിന് ഭരണാനുമതി നല്‍കാന്‍ അടിയന്തര നടപടികള്‍ സ്വീകരിക്കുമോ?

നെയ്യാർഡാമിൽ വൻതോതിൽ അടിഞ്ഞുകൂടിയിട്ടുള്ള മണലും എക്കലും നീക്കം ചെയ്യുന്നതിന് പദ്ധതി

2708  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നെയ്യാർഡാമിൽ സംഭരണ ശേഷിയെ ബാധിക്കുന്ന തരത്തിൽ വൻതോതിൽ അടിഞ്ഞുകൂടിയിട്ടുള്ള മണലും എക്കലും നീക്കം ചെയ്യുന്നതിന് പദ്ധതിയുണ്ടോ; ഇത് സംബന്ധിച്ച് പഠനം നടത്തിയിട്ടുണ്ടോ; വിശദീകരിക്കാമോ;

(ബി)  2021 മുതൽ നെയ്യാർഡാമിൽ നടന്നുവരുന്നതും, അനുമതി ലഭിച്ചതുമായ വിവിധ പദ്ധതികളുടെ അടങ്കൽത്തുക, നിർമ്മാണ പുരോഗതി, നിലവിലെ സ്ഥിതി ഉൾപ്പെടെയുള്ള വിവരങ്ങള്‍ അറിയിക്കാമോ;

(സി)  നെയ്യാർഡാമിലെ പിക്നിക് ഹാൾ വർഷങ്ങളായി അടച്ചിട്ടിരിക്കുന്നത് ശ്രദ്ധയിൽപ്പെട്ടിട്ടുണ്ടോ, ആയത് തുറന്നു പ്രവർത്തിപ്പിക്കുന്നതിനുള്ള നടപടികൾ സ്വീകരിക്കാമോ;

(ഡി)  നെയ്യാർഡാം കേന്ദ്രമാക്കി ഇറിഗേഷന്‍ ഡിസൈന്‍ ആന്‍ഡ് റിസര്‍ച്ച് ബോര്‍ഡ് (ഐ.ഡി.ആർ.ബി) ന്റെ സഹായത്തോടെ ഒരു കൺവെൻഷൻ സെന്റർ നിർമ്മിക്കുന്നതിനുള്ള നടപടികൾ സ്വീകരിക്കാമോ?

മാവേലിക്കര മണ്ഡലത്തിലെ കനാലുകളുടെ പുനരുദ്ധാരണം

2709  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മാവേലിക്കര മണ്ഡലത്തിലൂടെ കടന്നുപേകുന്നതും കര്‍ഷകര്‍ക്ക് ഏറെ പ്രയോജനം ലഭിക്കുന്നതുമായ പമ്പ ജലസേചന പദ്ധതിയുടെയും കല്ലട ജലസേചന പദ്ധതിയുടെയും കനാലുകള്‍ കാടുകയറിയും മാലിന്യങ്ങള്‍ നിറഞ്ഞും ചിലയിടങ്ങളില്‍ തകര്‍ന്നും കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  പ്രസ്തുത കനാലുകളിലെ നീരൊഴുക്ക് ശക്തിപ്പെടുത്താന്‍ കനാലുകളുടെ പുനരുദ്ധാരണത്തിനും ക്ലീനിംഗിനും സ്വീകരിച്ച നടപടികളും അനുവദിച്ച തുകയുടെയും വിശദവിവരം ലഭ്യമാക്കുമോ?

കല്ല്യാശ്ശേരി മണ്ഡലത്തിലെ വി.സി.ബി. കം ട്രാക്ടർ വേ നിർമ്മാണ പ്രവൃത്തി

2710  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കല്ല്യാശ്ശേരി മണ്ഡലത്തിലെ പട്ടുവം പഞ്ചായത്തിൽ മംഗലശ്ശേരി പാടശേഖരത്തിൽ കുളവയലിൽ നിർമ്മാണത്തിലിരിക്കുന്ന വി.സി.ബി. കം ട്രാക്ടർ വേ (വെന്റഡ് ക്രോസ് ബ്രിഡ്ജ് കം ട്രാക്ടർ വേ) നിർമ്മാണപ്രവൃത്തിയുടെ പുരോഗതി വിശദമാക്കാമോ; ഈ പ്രവൃത്തി എന്നത്തേക്ക് പൂർത്തീകരിക്കാനാകുമെന്നാണ് വിലയിരുത്തിയിട്ടുള്ളതെന്ന് വ്യക്തമാക്കാമോ;

(ബി)  കല്ല്യാശ്ശേരി മണ്ഡലത്തിലെ കടന്നപ്പള്ളി-പാണപ്പുഴ പഞ്ചായത്തിലെ പൂരക്കടവ് റെഗുലേറ്റർ കം ട്രാക്ടർ വേയുടെ മുകൾഭാഗത്തെ പാർശ്വസംരക്ഷണ നിർമ്മാണ പ്രവൃത്തിയുടെ പുരോഗതി വ്യക്തമാക്കാമോ; പ്രസ്തുത പ്രവൃത്തി എന്നത്തേക്ക് പൂർത്തീകരിക്കാനാകുമെന്നാണ് വിലയിരുത്തിയിട്ടുള്ളതെന്ന് വിശദമാക്കാമോ?

ഗുരുവായൂർ മണ്ഡലത്തിലെ പൊതുകുളം നവീകരണം

2711  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂർ മണ്ഡലത്തില്‍ നിന്നും പൊതുകുളം നവീകരണത്തിനായി എത്ര പദ്ധതികൾ വകുപ്പ് തയ്യാറാക്കി സമർപ്പിച്ചിട്ടുണ്ടെന്നും ആയതിന്റെ പുരോഗതിയും വ്യക്തമാക്കാമോ?

മലമ്പുഴ ഡാമില്‍ അടിഞ്ഞുകൂടിയിട്ടുള്ള മാലിന്യം നീക്കം ചെയ്യൽ

2712  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലസേചന വകുപ്പിന്റെ അധീനതയിലുള്ള പ്രധാന അണക്കെട്ടായ മലമ്പുഴ ഡാമിൽ അടിഞ്ഞുകൂടിയിട്ടുള്ള ചളിയും എക്കലും മണലും നീക്കം ചെയ്ത് ഡാമിന്റെ സംഭരണശേഷി വർദ്ധിപ്പിക്കുന്നതിന് പദ്ധതി തയ്യാറാക്കിയിട്ടുണ്ടോ; വിശദാംശം ലഭ്യമാക്കാമോ?

പറമ്പിക്കുളം-ആളിയാർ കരാർ പുനരവലോകനം

2713  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പറമ്പിക്കുളം-ആളിയാർ പദ്ധതിയുമായി ബന്ധപ്പെട്ട് ആനമലയാർ, നീരാർ-നല്ലാർ പദ്ധതികൾ സംബന്ധിച്ച ആവശ്യം തമിഴ്‍നാട് വീണ്ടും ഉന്നയിച്ചിട്ടുണ്ടോ; എങ്കിൽ ഇതുസംബന്ധിച്ച് സർക്കാരിന്റെ നിലപാട് എന്താണെന്ന് വ്യക്തമാക്കാമോ;

(ബി)  കരാറിലെ വ്യവസ്ഥകൾ മറികടന്ന് ആനമലയാർ, നീരാർ-നല്ലാർ പദ്ധതികൾ നടപ്പിലാക്കിയാൽ അത് ഇടമലയാർ ഉൾപ്പെടെയുള്ള കേരളത്തിന്റെ പദ്ധതികളിലേക്കുള്ള നീരൊഴുക്കിനെയും സംസ്ഥാന താത്പര്യത്തെയും പ്രതികൂലമായി ബാധിക്കുമെന്നുള്ള പഠനങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതുമായി ബന്ധപ്പെട്ട് സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ;

(സി)  കേരളത്തിന്റെ പരിധിയിലുള്ള പറമ്പിക്കുളം സിസ്റ്റം അണക്കെട്ടുകളുടെ പൂർണ ഉടമസ്ഥാവകാശവും പ്രവർത്തന നിയന്ത്രണവും കേരളത്തിന് വിട്ടുകിട്ടുന്നതിനും ചിറ്റൂർ പുഴയിലെ അധിക ജലമായ 2.5 ടി.എം.സി. കേരളത്തിന് ലഭ്യമാക്കുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(ഡി)  പറമ്പിക്കുളം-ആളിയാർ കരാർ പുനരവലോകനം സമയബന്ധിതമായി പൂർത്തിയാക്കി നിലവിലെ കരാർ പ്രകാരം കേരളത്തിന് അർഹതപ്പെട്ട ജലം പൂർണമായും ലഭിക്കുന്നുണ്ടെന്ന് ഉറപ്പുവരുത്തുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

മുല്ലപ്പെരിയാറിൽ പുതിയ അണക്കെട്ട് വേണമെന്ന ആവശ്യം

2714  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മുല്ലപ്പെരിയാറിൽ പുതിയ അണക്കെട്ട് വേണമെന്ന സംസ്ഥാനത്തിന്റെ ആവശ്യത്തിനെതിരെ തമിഴ്‍നാട് നിലപാട് സ്വീകരിച്ചിട്ടുണ്ടോയെന്ന് വ്യക്തമാക്കാമോ;

(ബി)  പ്രസ്‌തുത വിഷയം ചെന്നൈയിൽ ഈയിടെ നടന്ന ദക്ഷിണേന്ത്യൻ മുഖ്യമന്ത്രിമാരുടെ യോഗത്തിൽ കേരളം ഉന്നയിച്ചിരുന്നോ വ്യക്തമാക്കാമോ;

(സി)  അടിക്കടിയുണ്ടാകുന്ന പ്രളയത്തിന്റെയും പ്രകൃതിക്ഷോഭങ്ങളുടെയും സാഹചര്യം കണക്കിലെടുത്ത് മുല്ലപ്പെരിയാർ ഡാമിന്റെ സുരക്ഷ സംബന്ധിച്ച് പരിശോധന നടത്താൻ നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ?

മുണ്ടോര്‍ശ്ശിക്കടവ് തടയണ, പനയൂര്‍ക്കാവ് ചെക്ക്ഡാം

2715  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  മുന്‍ സർക്കാരിന്റെ കാലത്ത് നവകേരള സദസ്സ് മേഖലാ നിർദ്ദേശങ്ങളിൽ ഉൾപ്പെടുത്തി ഭരണാനുമതി ലഭ്യമാക്കിയ ഒറ്റപ്പാലം മണ്ഡലത്തിലെ മുണ്ടോര്‍ശ്ശിക്കടവ് തടയണ നിർമാണം, പനയൂര്‍ക്കാവ് ചെക്ക്ഡാം നിർമാണം എന്നിവയുടെ നിലവിലെ സ്ഥിതി വ്യക്തമാക്കാമോ?

അമ്പലപ്പാറ, കടമ്പൂർ പനയൂർക്കാവ് ചെക്ക്ഡാം നിർമാണത്തിന് വകയിരുത്തിയ തുക

2716  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  2020-21 വർഷത്തെ ബജറ്റിൽ 20% തുക വകയിരുത്തിയിട്ടുള്ള 5 കോടി രൂപയുടെ ചെറുകിട ജലസേചന വകുപ്പിന് നിർവഹണ ചുമതലയിലുള്ള സീരിയല്‍ നം. 189 - അമ്പലപ്പാറ, കടമ്പൂർ പനയൂർക്കാവ് ചെക്ക്ഡാം നിർമാണം എന്ന പ്രവൃത്തിക്ക് 2 കോടി രൂപ നിലനിർത്തിക്കൊണ്ട്, ബാക്കി 3 കോടി രൂപ 2026-27 വർഷത്തെ ബജറ്റിൽ 100 രൂപ ടോക്കൺ പ്രൊവിഷൻ ഉൾപ്പെടുത്തിയിട്ടുള്ള ഒറ്റപ്പാലം - കണ്ണിയംപുറം - ഈസ്റ്റ് ഒറ്റപ്പാലം തോടുകളുടെ ഇരുവശവും കെട്ടി കോൺക്രീറ്റ് ചെയ്ത് ബലപ്പെടുത്തൽ എന്ന പ്രവൃത്തിയിലേക്ക് മാറ്റി അനുമതി ആവശ്യപ്പെട്ടുകൊണ്ടുളള എംഐ/103/2026-ഡബ്ല്യുആര്‍ഡി (കമ്പ്യൂട്ടർ നമ്പർ. 3595355) ഫയലിൽ ഇതുവരെ സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കാമോ?

തീരദേശ സംരക്ഷണത്തിനും കടലാക്രമണം തടയുന്നതിനുമുള്ള പദ്ധതികൾ

2717  ശ്രീ. അപു ജോൺ ജോസഫ്
ശ്രീ. ഷിബു തെക്കുംപുറം
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നിലവിലെ സർക്കാർ അധികാരത്തിൽ വന്നതിനുശേഷം തീരദേശ സംരക്ഷണത്തിനും കടലാക്രമണം തടയുന്നതിനുമായി പുതിയ പദ്ധതികൾ ആവിഷ്കരിച്ചിട്ടുണ്ടോ; എങ്കിൽ ഇതിനായി തിരഞ്ഞെടുത്തിട്ടുള്ള സ്ഥലങ്ങൾ ഏതെല്ലാമെന്ന് അറിയിക്കാമോ;

(ബി)  കേരള സുസ്ഥിര തീരദേശ സംരക്ഷണ-കാലാവസ്ഥാ പ്രതിരോധ പദ്ധതിക്കായി ഏഷ്യൻ വികസന ബാങ്കിന്റെ സാമ്പത്തിക സഹായം ലഭ്യമാക്കുന്നതിന് സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ; പ്രസ്തുത പദ്ധതിയുടെ നിലവിലെ സ്ഥിതി, നിർദ്ദേശിക്കപ്പെട്ട പ്രവൃത്തികൾ, തിരിച്ചറിഞ്ഞ പ്രദേശങ്ങൾ എന്നിവ വ്യക്തമാക്കുമോ;

(സി)  കടലാക്രമണം രൂക്ഷമായ തീരദേശ മേഖലകളിൽ കടൽഭിത്തി നിർമ്മാണം, പുലിമുട്ട് നിർമ്മാണം, തീരശോഷണം തടയുന്നതിനുള്ള മറ്റ് ശാസ്ത്രീയ പ്രതിരോധ മാർഗങ്ങൾ എന്നിവയ്ക്കായി നിലവിലെ സർക്കാർ സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ?

വെള്ളാർ പനത്തുറ ഭാഗത്ത് പുലിമുട്ട് നിർമ്മാണം

2718  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നേമം നിയോജക മണ്ഡലത്തിലെ വെള്ളാർ പനത്തുറ പ്രദേശത്തെ രൂക്ഷമായ കടലാക്രമണം മൂലം ജനവാസ മേഖലകൾക്കും വീടുകൾക്കും ഭീഷണി നേരിടുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്‌തുത പ്രദേശത്തെ അപകടാവസ്ഥ തരണം ചെയ്യുന്നതിലേക്ക് വേണ്ടി എന്തെങ്കിലും നടപടികൾ സ്വീകരിച്ചിട്ടുണ്ടോ;

(സി)  പനത്തുറ പ്രദേശത്ത് കടലാക്രമണത്തിന് ശാശ്വത പരിഹാരമായ പുലിമുട്ട് നിര്‍മ്മാണത്തിന് സർക്കാര്‍ പദ്ധതികൾ നിലവില്‍ ഉണ്ടോ; ഉണ്ടെങ്കിൽ അതിന്റെ നിലവിലെ സ്ഥിതിയും പദ്ധതി അടങ്കൽ തുകയും വ്യക്തമാക്കുമോ?

എറണാകുളം നഗരത്തിലെ ഫയർ ഹൈഡ്രന്റുകൾ

2719  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  എറണാകുളം നഗരത്തിൽ തീപിടിത്തമുണ്ടാകുന്ന സാഹചര്യങ്ങളിൽ ഫയർ എഞ്ചിനുകൾക്ക് ജല ലഭ്യത ഉറപ്പാക്കുന്നതിനായി എത്ര ഫയർ ഹൈഡ്രന്റുകളാണ് സ്ഥാപിച്ചിട്ടുള്ളതെന്ന് വ്യക്തമാക്കാമോ;

(ബി)  ഇത്തരം ഫയർ ഹൈഡ്രന്റുകൾ സ്ഥാപിക്കുന്നതിന് നഗരത്തിൽ ഏതൊക്കെ സ്ഥലങ്ങളാണ് തീരുമാനിച്ചിട്ടുള്ളതെന്നും ഇവയുടെ നിലവിലെ സ്ഥിതി എന്താണെന്നും വിശദമാക്കാമോ?

കുമ്പളങ്ങി പഞ്ചായത്തിലെ ആഞ്ഞിലിത്തറ – മണക്കൂർ പ്രധാന സ്ലൂയിസ് നിർമ്മാണം

2720  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കൊച്ചി നിയോജകമണ്ഡലത്തിൽ കുമ്പളങ്ങി ഗ്രാമപഞ്ചായത്തിലെ ആഞ്ഞിലിത്തറ-മണക്കൂർ പ്രധാന സ്ലൂയിസിന്റെ നിർമ്മാണ പ്രവൃത്തി നിലവിൽ ഏത് ഘട്ടത്തിലാണെന്നും ഇതുവരെ സ്വീകരിച്ച നടപടികൾ എന്തൊക്കെയാണെന്നും വ്യക്തമാക്കാമോ;

(ബി)  കുമ്പളങ്ങി ഗ്രാമപഞ്ചായത്തിലെ വാർഡ് നമ്പർ 12-ൽ ഉൾപ്പെടുന്ന ആഞ്ഞിലിത്തറ സ്ലൂയിസിന് സമീപമുള്ള പാർശ്വഭിത്തി സംരക്ഷണ പ്രവർത്തനങ്ങൾക്കും ആഞ്ഞിലിത്തറ-മണക്കൂർ റോഡ് നിർമ്മാണത്തിനുമായി മൈനർ ഇറിഗേഷൻ വകുപ്പ് ₹2.5 കോടി രൂപയുടെ എസ്റ്റിമേറ്റ് തയ്യാറാക്കി സമർപ്പിച്ചിട്ടുണ്ടോ;

(സി)  പ്രസ്തുത എസ്റ്റിമേറ്റിന്റെ തൽസ്ഥിതി എന്താണെന്നും പ്രസ്തുത പ്രവൃത്തികൾ സമയബന്ധിതമായി നടപ്പിലാക്കുന്നതിനായി എന്തെല്ലാം അടിയന്തര നടപടികളാണ് സ്വീകരിക്കുകയെന്നും വ്യക്തമാക്കാമോ?

പെരിഞ്ചേരിക്കടവ് റഗുലേറ്റർ കം ബ്രിഡ്ജ്

2721  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വിവിധ പഞ്ചായത്തുകളിലെ ജനങ്ങൾക്ക് ഉപ്പുരസം കലരാത്ത ശുദ്ധജലം ലഭ്യമാക്കുക എന്ന ലക്ഷ്യത്തോടെ കുറ്റ്യാടി മണ്ഡലത്തിലെ തിരുവള്ളൂർ പഞ്ചായത്തിൽ തുടക്കം കുറിച്ച പെരിഞ്ചേരിക്കടവ് റെഗുലേറ്റർ കം ബ്രിഡ്ജിന്റെ നിർമ്മാണം ഇപ്പോൾ ഏത് ഘട്ടത്തിലാണെന്ന് വ്യക്തമാക്കാമോ;

(ബി)  ഏതു വർഷമാണ് പദ്ധതിക്ക് തുടക്കം കുറിച്ചതെന്നും എത്ര ലക്ഷം രൂപയായിരുന്നു അന്ന് പദ്ധതിയുടെ എസ്റ്റിമേറ്റ് തുകയെന്നും വ്യക്തമാക്കാമോ;

(സി)  പദ്ധതിയുടെ എത്ര ശതമാനം പ്രവൃത്തികൾ ഇതുവരെ പൂർത്തിയായിട്ടുണ്ടെന്ന് വ്യക്തമാക്കാമോ;

(ഡി)  പ്രസ്തുത പദ്ധതിയുടെ പ്രവർത്തനം ഇപ്പോൾ നടന്നു വരുന്നുണ്ടോ; ഇല്ലെങ്കിൽ അത് നിർത്തിവെയ്ക്കാനുണ്ടായ സാഹചര്യം എന്തെന്ന് വ്യക്തമാക്കാമോ;

(ഇ)  പ്രസ്തുത പദ്ധതി പുനരാരംഭിക്കുന്നതിന് തീരുമാനിച്ചിട്ടുണ്ടോ; എങ്കിൽ അതിന്റെ വിശദാംശം ലഭ്യമാക്കാമോ?

നിലമ്പൂർ നഗരസഭയിലെ കളത്തിൻകടവിൽ റെഗുലേറ്റർ കം ബ്രിഡ്ജ് നിർമ്മാണം

2722  ശ്രീ. ആര്യാടന്‍ ഷൗക്കത്ത് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നിലമ്പൂർ നഗരസഭയിലെ കളത്തിൻകടവിൽ റെഗുലേറ്റർ കം ബ്രിഡ്ജിന്റെ നിർമ്മാണവുമായി ബന്ധപ്പെട്ടുള്ള പ്രാരംഭ ഇൻവെസ്റ്റിഗേഷൻ പൂർത്തീകരിച്ചിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

(ബി)  ആയതിന്റെ പ്രാധാന്യം കണക്കിലെടുത്ത് ഭരണാനുമതി നൽകുന്നതിനുള്ള അടിയന്തര നടപടികൾ സ്വീകരിക്കുമോയെന്ന് വ്യക്തമാക്കാമോ?

കാണത്തോട് റെഗുലേറ്റര്‍ കം ബ്രിഡ്ജ്

2723  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പുതുക്കാട് മണ്ഡലത്തിൽ പുതുക്കാട്, പറപ്പൂക്കര ഗ്രാമപഞ്ചായത്തുകളെ തമ്മിൽ ബന്ധിപ്പിച്ചുകൊണ്ട് കുറുമാലിപ്പുഴയിൽ നിർമ്മിക്കുന്ന കാണത്തോട് റെഗുലേറ്റർ കം ബ്രിഡ്ജിന്റെ നിർമ്മാണം ഏത് ഘട്ടത്തിലാണെന്നും എന്ന് പ്രവർത്തനക്ഷമമാക്കാൻ കഴിയുമെന്നും വ്യക്തമാക്കാമോ?

പഴശ്ശി ജലസേചന പദ്ധതിയുടെ ഉപയോഗശൂന്യമായിക്കിടക്കുന്ന ഭൂമി

2724  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കണ്ണൂര്‍ ജില്ലയിലെ പഴശ്ശി ജലസേചന പദ്ധതിയുടെ ഭാഗമായി ഏറ്റെടുത്തതും പദ്ധതി പ്രവര്‍ത്തനങ്ങള്‍ക്കായി നിലവില്‍ ഉപയോഗിക്കാത്തതുമായ ജലസേചന വകുപ്പിന്റെ അധീനതയിലുളള ഭൂമി വിവിധ സ്ഥലങ്ങളില്‍ ഉപയോഗശൂന്യമായി കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  എങ്കില്‍ ഇത്തരത്തിലുളള ഭൂമി തദ്ദേശ സ്വയംഭരണ സ്ഥാപനങ്ങള്‍ക്കോ മറ്റ് സര്‍ക്കാര്‍ വകുപ്പുകള്‍ക്കോ നിയമാനുസൃതമായി കെെമാറി ഗ്രാമീണ റോഡുകള്‍, പൊതുവഴികള്‍, മറ്റ് പൊതുജനോപകാരപ്രദമായ അടിസ്ഥാനസൗകര്യങ്ങള്‍ എന്നിവ വികസിപ്പിക്കുന്നതിന് അനുമതി നല്‍കുന്ന കാര്യം പരിഗണനയില്‍ ഉണ്ടോ?

വള്ളിക്കുന്ന് നിയോജകമണ്ഡലത്തിലെ ഇറിഗേഷൻ പദ്ധതികൾ

2725  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വള്ളിക്കുന്ന് നിയോജകമണ്ഡലത്തിലെ മണ്ണട്ടാംപാറ തെക്കേ പാടം ലിഫ്റ്റ് ഇറിഗേഷൻ പദ്ധതി പൂർത്തീകരിക്കാൻ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കുമോ;

(ബി)  മുള്ളൻകുഴി ലിഫ്റ്റ് ഇറിഗേഷൻ പദ്ധതിയുടെ നിലവിലെ അവസ്ഥ എന്താണെന്ന് വിശദമാക്കുമോ; പദ്ധതി എന്നത്തേക്ക് പൂർത്തീകരിക്കാൻ സാധിക്കുമെന്ന് അറിയിക്കാമോ;

(സി)  പന്ത്രണ്ട് ലക്ഷം രൂപ ചെലവഴിച്ച് മേജർ ഇറിഗേഷൻ വകുപ്പ് നിർമ്മിക്കുന്ന കുളിക്കടവ് ഇറിഗേഷൻ പദ്ധതിയുടെ നിലവിലെ അവസ്ഥ വ്യക്തമാക്കാമോ?

ജലവിഭവ വകുപ്പിന് കീഴിലുള്ള പ്രവൃത്തികളും പദ്ധതികളും

2726  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കുന്ദമംഗലം നിയോജകമണ്ഡലത്തിന്റെ പരിധിയിൽ ഇറിഗേഷൻ വകുപ്പിന് കീഴിൽ നിലവിൽ ഏതൊക്കെ പ്രവൃത്തികളാണ് നടന്നുകൊണ്ടിരിക്കുന്നതെന്ന് വ്യക്തമാക്കാമോ;

(ബി)  പ്രസ്തുത പ്രവൃത്തികളുടെ കൃത്യമായ കണക്കുകളും നിലവിലെ പുരോഗതിയും പൂർത്തീകരിക്കാൻ നിശ്ചയിച്ചിരിക്കുന്ന സമയപരിധിയും വിശദമാക്കാമോ;

(സി)  മണ്ഡലത്തിലെ വെള്ളപ്പൊക്ക നിയന്ത്രണം, നദികളുടെയും തോടിന്റെയും സംരക്ഷണം എന്നിവയുമായി ബന്ധപ്പെട്ട് എന്തൊക്കെ പുതിയ പദ്ധതികളാണ് പരിഗണനയിലുള്ളത് എന്ന് വ്യക്തമാക്കാമോ;

(ഡി)  മണ്ഡലത്തിന്റെ പരിധിയിൽ കാലപ്പഴക്കം കൊണ്ടും അറ്റകുറ്റപ്പണികൾ നടത്താത്തത് മൂലവും നിലവിൽ പൂർണ്ണമായോ ഭാഗികമായോ പുനരുദ്ധാരണം ആവശ്യമായ വിവിധ ഇറിഗേഷൻ പദ്ധതികളുടെ വിവരങ്ങൾ ശ്രദ്ധയിൽപ്പെട്ടിട്ടുണ്ടോ;

(ഇ)  തകർന്നുകിടക്കുന്നതോ പ്രവർത്തനരഹിതമായോ ഉള്ള പ്രസ്തുത പദ്ധതികളുടെ കണക്കുകൾ പഞ്ചായത്ത് തിരിച്ചോ പ്രദേശം തിരിച്ചോ ശേഖരിച്ചിട്ടുണ്ടോ; എങ്കിൽ അതിന്റെ വിശദാംശം വ്യക്തമാക്കാമോ;

(എഫ്)  കാർഷിക മേഖലയ്ക്കും കുടിവെള്ള വിതരണത്തിനും ഏറെ പ്രയോജനപ്രദമായ പ്രസ്തുത ഇറിഗേഷൻ പദ്ധതികൾ അടിയന്തരമായി പുനരുദ്ധരിക്കുന്നതിനും നവീകരിക്കുന്നതിനും വകുപ്പ് തലത്തിൽ എന്തെല്ലാം കർമ്മപദ്ധതികളാണ് ആവിഷ്കരിച്ചിട്ടുള്ളതെന്നും ഇതിനായി എത്ര തുക വകയിരുത്തിയിട്ടുണ്ടെന്നും വിശദമാക്കാമോ?

തെറ്റിയാറും ആമയിഴഞ്ചാൻ തോടും പുനരുജ്ജീവിപ്പിക്കുന്നതിന് നടപടികൾ

2727  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം നഗരത്തിലെ ജല സ്രോതസ്സായും പരിസ്ഥിതി സന്തുലനത്തിന് സംഭാവന നൽകി കൊണ്ടിരിക്കുന്നതുമായ ആമയിഴഞ്ചാൻ തോടും അതിന്റെ കൈവഴികളും തെറ്റിയാർ തോടും അതിന്റെ കൈവഴികളും നിലവിൽ നശിച്ചു കൊണ്ടിരിക്കുന്ന അവസ്ഥ ശ്രദ്ധയിൽപ്പെട്ടിട്ടുണ്ടോ;

(ബി)  ഈ രണ്ട് തോടുകളുടെയും ഇന്നത്തെ അവസ്ഥയെക്കുറിച്ചുള്ള സമഗ്രമായ റിപ്പോർട്ട് തയ്യാറാക്കിയിട്ടുണ്ടോ; ഉണ്ടെങ്കിൽ അത് ലഭ്യമാക്കാമോ;

(സി)  നദികളുടെ സംരക്ഷണത്തിനും പുനരുദ്ധാരണത്തിനും ഉള്ള കേന്ദ്രാവിഷ്കൃത പദ്ധതിയുടെ അടിസ്ഥാനത്തിൽ തെറ്റിയാറിന്റെയും ആമയിഴഞ്ചാൻ തോടിന്റെയും പുനരുജ്ജീവനത്തിന് വേണ്ടിയിട്ടുള്ള പദ്ധതി തയ്യാറാക്കുന്നതിനെ കുറിച്ച് സർക്കാർ തീരുമാനം എടുത്തിട്ടുണ്ടോ; ഉണ്ടെങ്കിൽ അതിന്റെ വിശദാംശങ്ങൾ നൽകാമോ;

(ഡി)  തെറ്റിയാറിന്റെയും ആമയിഴഞ്ചാൻ തോടിന്റെയും ഇരുകരകളും നിരന്തരം ഇടിയുന്നതിലൂടെ കര്‍ഷകരുടെയും പൊതുജനങ്ങളുടെയും ജീവനും സ്വത്തിനും അപകടമാവുന്നത് തടയുവാൻ പ്രസ്തുത തോടുകളുടെ വശങ്ങൾ കെട്ടി സംരക്ഷിക്കുന്നതിന് സർക്കാർ പദ്ധതി ആവിഷ്കരിച്ചിട്ടുണ്ടോ; ഉണ്ടെങ്കിൽ അത് വ്യക്തമാക്കാമോ?

തരൂര്‍ നിയോജക മണ്ഡലത്തിലെ പരുവാശ്ശേരി വലുകുളം നവീകരണം

2728  ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തരൂര്‍ നിയോജക മണ്ഡലത്തിലെ പരുവാശ്ശേരി വലുകുളം നവീകരണം (പ്ലാന്‍ ഫണ്ട് 80 ലക്ഷം) പ്രവൃത്തി നിലവില്‍ ഏത് ഘട്ടത്തിലാണ്; വ്യക്തമാക്കാമോ?

ഗ്രൗണ്ട് വാട്ടർ മുഖേന തിരൂരങ്ങാടി നിയോജക മണ്ഡലത്തിൽ നടപ്പിലാക്കുന്ന പദ്ധതികൾ

2729  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഗ്രൗണ്ട് വാട്ടർ വകുപ്പ് മുഖേന തിരൂരങ്ങാടി നിയോജകമണ്ഡലത്തിൽ ഏതെങ്കിലും പദ്ധതികൾ നടപ്പിലാക്കുന്നുണ്ടോ; എങ്കില്‍ പദ്ധതിത്തുക, പ്രവൃത്തിയുടെ പേര് എന്നിവ സഹിതം വിശദമാക്കാമോ;

(ബി)  ഗ്രൗണ്ട് വാട്ടർ വകുപ്പ് മുഖേന നടപ്പിലാക്കുന്ന എല്ലാ പദ്ധതികളുടെയും വിശദവിവരങ്ങൾ, ഉത്തരവുകൾ, മാർഗരേഖകൾ, മാനദണ്ഡങ്ങൾ എന്നിവ സഹിതം ലഭ്യമാക്കാമോ?

ബോർവെൽ നിർമ്മാണത്തിന് ഡിപ്പാർട്ട്മെന്റിന്റെ കൃത്യമായ മേൽനോട്ടം

2730  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ചടയമംഗലം മണ്ഡലത്തിൽ പെടുന്ന കടയ്ക്കൽ, കുമ്മിൾ, ചടയമംഗലം, ചിതറ, നിലമേൽ പഞ്ചായത്തുകളിൽ മുൻകാലങ്ങളിൽ ഭൂജലവകുപ്പ് ചെയ്ത ബോർവെൽ നിർമ്മാണങ്ങളിൽ പരാജയശതമാനം കൂടുതലായിരുന്നുവെന്നത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അത് പരിഹരിക്കുന്നതിന് ആവശ്യമായ എന്ത് നടപടികളാണ് സ്വീകരിച്ചിട്ടുള്ളത്; സർക്കാരിന് നഷ്ടമുണ്ടായിട്ടുണ്ടെങ്കിൽ അത് ബന്ധപ്പെട്ട കരാറുകാരിൽ അല്ലെങ്കില്‍ ഉദ്യോഗസ്ഥരിൽ നിന്നു തിരിച്ചുപിടിക്കാൻ എന്തെങ്കിലും മാർഗ്ഗങ്ങൾ സ്വീകരിച്ചിട്ടുണ്ടോ; വിശദമാക്കുമോ;

(ബി)  ചടയമംഗലം നിയോജക മണ്ഡലത്തിൽ ബോർവെൽ നിർമ്മാണത്തിന് ഉചിതമായ സ്ഥലം കണ്ടെത്തുമ്പോൾ ജിയോളജിക്കൽ സർവ്വേയുടെ ഒപ്പം തന്നെ ജിയോ ഫിസിക്കൽ സർവ്വെയും നിർബന്ധമായും നടത്താറുണ്ടോ; ഉണ്ടെങ്കിൽ കുഴൽക്കിണർ നിർമ്മാണം ഡിപ്പാർട്ട്മെന്റ് റിഗ് ഉപയോഗിച്ച് തന്നെയാണോ നടത്തുന്നത്;

(സി)  ജില്ലയിൽ കാര്യക്ഷമതയുള്ള റിഗ് ലഭ്യമല്ലെങ്കിൽ മറ്റു ജില്ലയിൽ നിന്നും റിഗ് എത്തിച്ചു പ്രവൃർത്തി ചെയ്യാറുണ്ടോ; ഇല്ലെങ്കിൽ അതിനാവശ്യമായ നടപടി സ്വീകരിക്കുമോ; നിലവിൽ ടെണ്ടർ നൽകിക്കഴിഞ്ഞ പ്രവർത്തികളിൽ ഡിപ്പാർട്ട്മെന്റിന്റെ കൃത്യമായ മേൽനോട്ടം ഉറപ്പുവരുത്തുമോ?

വാട്ടര്‍ അതോറിറ്റിയുടെ പഴയ പൈപ്പുകള്‍ക്ക് പകരം പുതിയത് സ്ഥാപിക്കല്‍

2731  ശ്രീ. ടി. വി. ഇബ്രാഹിം
ശ്രീ. പി. കെ. ഫിറോസ്
ശ്രീ. എം. എ. റസാഖ് മാസ്റ്റർ
ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വാട്ടര്‍ അതോറിറ്റിയുടെ വളരെ പഴക്കമുള്ള പൈപ്പുകള്‍ പൊട്ടി ചോര്‍ച്ച ഉണ്ടാകാന്‍ സാധ്യതയുള്ളതായി കണ്ടെത്തിയിട്ടുണ്ടോ;

(ബി)  അത്തരം പൈപ്പുകള്‍ മാറ്റി പുതിയ പൈപ്പുകള്‍ സ്ഥാപിക്കുന്നതിന് തീരുമാനം എടുത്തിട്ടുണ്ടോ;

(സി)  പഴയ പൈപ്പുകള്‍ മാറ്റേണ്ട പ്രദേശങ്ങള്‍ ഏതെല്ലാമാണെന്ന് കണ്ടെത്തിയിട്ടുണ്ടോ;

(ഡി)  പുതിയ പൈപ്പുകള്‍ സ്ഥാപിക്കുന്നതിനായി റോഡ് പൊളിക്കേണ്ടി വരുമ്പോള്‍ വീണ്ടും ടാര്‍ ചെയ്യാനായി നിലവില്‍ അനുവദിക്കുന്ന തുക വര്‍ദ്ധിപ്പിച്ചു നല്കാന്‍ നടപടി സ്വീകരിക്കുമോ?

സർക്കാർ കുടിവെള്ള കമ്പനിയായ ഹില്ലി അക്വയുടെ കപ്പാസിറ്റി

2732  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാർ ഉടമസ്ഥതയിലുള്ള കുടിവെള്ള കമ്പനിയായ ഹില്ലി അക്വയുടെ കപ്പാസിറ്റി സംബന്ധിച്ച വിശദാംശങ്ങള്‍ ലഭ്യമാക്കാമോ; കമ്പനിയുടെ വാർഷിക വിറ്റുവരവ് എത്രയാണെന്നും നിലവിൽ എവിടെയൊക്കെയാണ് കമ്പനിയുടെ നിർമ്മാണ കേന്ദ്രങ്ങൾ ഉള്ളതെന്നും വ്യക്തമാക്കാമോ;

(ബി)  ഹില്ലി അക്വയുടെ കുപ്പിവെള്ളത്തിന്റെ ലഭ്യത കേരളത്തിൽ എല്ലാ ജില്ലകളിലും എത്തിക്കുന്നതിന് നടപടികൾ സ്വീകരിക്കാമോ;

(സി)  കേരളത്തിലെ റെയിൽവേ സ്റ്റേഷനുകളിലും ട്രെയിനുകളിലും ഹില്ലി അക്വയുടെ കുപ്പിവെള്ളം വിതരണം ചെയ്യുന്നത് സംബന്ധിച്ച് റെയിൽവേയുമായി ധാരണയിൽ എത്തുന്നതിന് നടപടികൾ സ്വീകരിക്കാമോ?

നേമം നിയോജകമണ്ഡലത്തിലെ കുടിവെള്ളക്ഷാമവും ജലവിതരണ ശൃംഖലയുടെ വികസനവും

2733  ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നേമം നിയോജകമണ്ഡലത്തിലെ വിവിധ പ്രദേശങ്ങളിൽ കുടിവെള്ള വിതരണം ക്രമരഹിതവും രൂക്ഷവുമായ പ്രതിസന്ധി നേരിടുന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത പ്രശ്നത്തിന് പരിഹാരം കണ്ടെത്തുന്നതിലേക്ക് വേണ്ടിയിട്ടുള്ള എന്തെങ്കിലും നടപടികൾ സ്വീകരിച്ചിട്ടുണ്ടോ; എങ്കിൽ വിശദമാക്കാമോ;

(സി)  മണ്ഡലത്തിലെ ജനസംഖ്യാവർധനവിന് അനുസൃതമായി കുടിവെള്ളം എത്തിക്കുന്നതിന് തടസ്സമായി നിൽക്കുന്ന കാലപ്പഴക്കം ചെന്നതും വ്യാപ്തി കുറഞ്ഞതുമായ പൈപ്പ് ലൈനുകൾ, ചോർച്ചകൾ, വിതരണശൃംഖലയിലെ മറ്റു പോരായ്മകൾ എന്നിവ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ;

(ഡി)  മണ്ഡലത്തിലെ ഉയർന്ന പ്രദേശങ്ങളിൽ കുടിവെള്ളം തടസ്സമില്ലാതെ എത്തിക്കുന്നതിന് ആവശ്യമായ സ്റ്റോറേജ് ടാങ്കുകൾ, പമ്പിങ് സൗകര്യങ്ങൾ എന്നിവ ഏർപ്പെടുത്തുന്നതിന് പ്രത്യേക പദ്ധതികൾ നിലവിലുണ്ടോ; എങ്കിൽ നിലവിൽ ഏതെങ്കിലും പുതിയ പദ്ധതികൾ മണ്ഡലത്തിൽ നടപ്പിലാക്കിവരുന്നുണ്ടോയെന്ന് വ്യക്തമാക്കാമോ?

ചാത്തന്നൂർ മണ്ഡലത്തിലെ ഒട്ടുമല കോളനി നിവാസികൾക്ക് കുടിവെള്ളം ലഭ്യമാക്കുന്നത്

2734  ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ചാത്തന്നൂർ നിയമസഭാ മണ്ഡലത്തിലെ ഒട്ടുമല കോളനി നിവാസികൾക്ക് സുഗമമായി കുടിവെള്ളം ലഭ്യമാക്കുന്നതിനായി സ്വീകരിച്ചിട്ടുള്ള നടപടികൾ എന്തെല്ലാമാണ്; വിശദമാക്കുമോ;

(ബി)  പ്രസ്തുത കോളനിയിലെ നിവാസികൾക്ക് ആവശ്യത്തിന് കുടിവെള്ളം ലഭിക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രശ്നം പരിഹരിക്കുന്നതിന് സ്വീകരിച്ച നടപടികൾ എന്തെല്ലാമാണ്; വിശദമാക്കുമോ;

(സി)  ഒട്ടുമല കോളനിയിലെ കുടിവെള്ള വിതരണവുമായി ബന്ധപ്പെട്ട പ്രവൃത്തികൾ സംബന്ധിച്ച ഫയൽ നിലവിൽ ഏത് ഓഫീസിലാണ്; പ്രസ്തുത ഫയൽ എത്രകാലമായി തീർപ്പാക്കാതെ നിലനിൽക്കുന്നുവെന്നും ഫയലിൽ ഇതുവരെ സ്വീകരിച്ച നടപടികളുടെ വിശദാംശങ്ങളും ലഭ്യമാക്കുമോ;

(ഡി)  പ്രസ്തുത കുടിവെള്ള പ്രവൃത്തികൾക്കായി വാട്ടർ അതോറിറ്റി നിർദേശിച്ച തുക ബന്ധപ്പെട്ട ഗ്രാമപഞ്ചായത്ത് ഒടുക്കിയിട്ടുണ്ടോ; ഉണ്ടെങ്കിൽ ഒടുക്കിയ തുക, തീയതി, തുടർനടപടികൾ എന്നിവ വ്യക്തമാക്കുമോ;

(ഇ)  കൃത്യമായ എസ്റ്റിമേറ്റ് തയ്യാറാക്കാത്തതിനെത്തുടർന്ന് അധിക തുക ആവശ്യപ്പെട്ടിട്ടുണ്ടോ; ഉണ്ടെങ്കിൽ അധിക തുക ആവശ്യപ്പെടാനുണ്ടായ സാഹചര്യം, തുകയുടെ വിശദാംശങ്ങൾ, എസ്റ്റിമേറ്റ് തയ്യാറാക്കുന്നതിലെ കാലതാമസത്തിന്റെ കാരണങ്ങൾ എന്നിവ വ്യക്തമാക്കുമോ;

(എഫ്)  കുടിവെള്ള പദ്ധതി നടപ്പാക്കുന്നതിലും ജലവിതരണം ഉറപ്പാക്കുന്നതിലും ബന്ധപ്പെട്ട ഉദ്യോഗസ്ഥരുടെ ഭാഗത്തുനിന്ന് വീഴ്ച ഉണ്ടായിട്ടുണ്ടോ; ഉണ്ടെങ്കിൽ സ്വീകരിച്ച നടപടികൾ എന്തെല്ലാമാണ്; ഒട്ടുമല കോളനി നിവാസികൾക്ക് സ്ഥിരമായി കുടിവെള്ളം ലഭ്യമാക്കുന്നതിന് അടിയന്തര നടപടി സ്വീകരിക്കുമോ?

ഒല്ലൂർ നിയോജക മണ്ഡലത്തിലെ വാണിയമ്പാറ കുളത്തിന്റെ നവീകരണവും ജലസംഭരണശേഷി വർധിപ്പിക്കലും

2735  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജകമണ്ഡലത്തിലെ പാണഞ്ചേരി ഗ്രാമപഞ്ചായത്തിലെ വാണിയമ്പാറ കുളത്തിന്റെ നവീകരണവുമായി ബന്ധപ്പെട്ട വിശദാംശം ലഭ്യമാക്കാമോ;

(ബി)  പ്രസ്തുത കുളത്തിന്റെ നവീകരണം, ജലസംഭരണശേഷി വർധിപ്പിക്കൽ, മഴവെള്ള സംഭരണം, സമീപപ്രദേശങ്ങളിലെ ജലലഭ്യത മെച്ചപ്പെടുത്തൽ എന്നിവയ്ക്കായി ജലസേചന വകുപ്പിന്റെ ഇടപെടൽ ആവശ്യമായിട്ടുണ്ടോ; ഇതിനായി ബന്ധപ്പെട്ട വകുപ്പുകളുമായി ഏകോപനം നടത്തിയിട്ടുണ്ടോ; വ്യക്തമാക്കുമോ;

(സി)  വാണിയമ്പാറ കുളത്തിന്റെ നവീകരണത്തിനായി മണ്ണ് പര്യവേക്ഷണ–മണ്ണ് സംരക്ഷണ വകുപ്പ് മുഖേനയും കേരള ലാൻഡ് ഡെവലപ്‌മെന്റ് കോർപ്പറേഷൻ മുഖേനയും സമർപ്പിച്ചിട്ടുള്ള പദ്ധതി നിർദേശത്തിന്റെ അടിസ്ഥാനത്തിൽ ജലവിഭവ വകുപ്പിന്റെ ഭാഗത്തുനിന്ന് സ്വീകരിച്ച നടപടികൾ എന്തെല്ലാമാണ്; വിശദമാക്കുമോ;

(ഡി)  പ്രസ്തുത കുളത്തിന്റെ നവീകരണം സമയബന്ധിതമായി നടപ്പിലാക്കുന്നതിനായി ബന്ധപ്പെട്ട വകുപ്പുകളെ ഏകോപിപ്പിച്ച് ആവശ്യമായ സാങ്കേതിക സഹായവും മറ്റ് നടപടികളും ഉറപ്പാക്കുമോ?

റോഡ് റീഫോർമേഷൻ പ്രവൃത്തി

2736  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കൂത്തുപറമ്പ് നിയോജക മണ്ഡലത്തിലെ ഗ്രാമീണ റോഡുകൾ ഉൾപ്പെടെയുള്ള പ്രധാന റോഡുകൾ ജലജീവൻ മിഷൻ പ്രകാരമുള്ള പൈപ്പ് ലൈൻ സ്ഥാപിക്കുന്നതിന് എടുത്ത കുഴികൾ മൂടി റോഡ് പൂർവ്വ സ്ഥിതിയിലാക്കാത്തതിനാൽ റോഡ് തകരുന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

(ബി)  കൂത്തുപറമ്പ് നിയോജക മണ്ഡലത്തിലെ പാനൂർ-കൂറ്റേരി-കല്ലുവളപ്പ്-കണ്ണവം-കണ്ണങ്കോട് റോഡിൽ ജലജീവൻ മിഷൻ പ്രകാരമുള്ള പൈപ്പ് ലൈൻ സ്ഥാപിച്ചതിന് ശേഷം റീഫോർമേഷൻ പ്രവൃത്തി പൊതുമരാമത്ത് വകുപ്പിന്റെ മേൽനോട്ടത്തിൽ കേരള വാട്ടർ അതോറിറ്റി ചെയ്യണമെന്ന വ്യവസ്ഥയോടെ 2024-ൽ അനുമതി നൽകിയിരുന്നുവെങ്കിലും രണ്ട് വർഷം കഴിഞ്ഞിട്ടും പൈപ്പ് ലൈൻ സ്ഥാപിക്കുന്ന പ്രവൃത്തി പൂർത്തീകരിക്കാത്ത കാര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

(സി)  പ്രസ്തുത പ്രവൃത്തികളെല്ലാം പൂർത്തീകരിക്കുന്നതിനും തകർന്ന റോഡുകളെല്ലാം പൂർവ്വ സ്ഥിതിയിലാക്കുന്നതിനും നടപടികൾ സ്വീകരിക്കുമോ; എങ്കിൽ എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

ബേപ്പൂര്‍ മണ്ഡലത്തിലെ തീരസംരക്ഷണ പദ്ധതികള്‍

2737  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ബേപ്പൂര്‍ നിയോജക മണ്ഡലത്തില്‍ കടലാക്രമണം രൂക്ഷമായ പ്രദേശങ്ങള്‍ ഏതൊക്കെയാണെന്ന് കണ്ടെത്തിയിട്ടുണ്ടോ; ഉണ്ടെങ്കില്‍ ഏതെല്ലാമെന്ന് വ്യക്തമാക്കാമോ;

(ബി)  ബേപ്പൂര്‍, ചാലിയം, കൊളത്തറ, കടലുണ്ടി, ചെറുവണ്ണൂര്‍, ഗോതീശ്വരം ഉള്‍പ്പെടെയുള്ള ഭാഗങ്ങളില്‍ തീരസംരക്ഷണത്തിനായി കടല്‍ഭിത്തി, പുലിമുട്ട്, ജിയോട്യൂബ് എന്നിവ നിര്‍മ്മിക്കുവാന്‍ നടപ്പിലാക്കിയിട്ടുള്ള പദ്ധതികളുടെ വിശദാംശങ്ങള്‍ നല്‍കാമോ;

(സി)  പുതുതായി എന്തെല്ലാം പ്രവൃത്തികള്‍ നടപ്പിലാക്കുമെന്ന് അറിയിക്കാമോ?

കേരള വാട്ടർ അതോറിറ്റിയിലെ സാമ്പത്തിക സ്ഥിതി മെച്ചപ്പെടുത്തുൽ

2738  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള വാട്ടർ അതോറിറ്റിയിലെ സാമ്പത്തിക സ്ഥിതി മെച്ചപ്പെടുത്തുന്നതിന്റെ ഭാഗമായി ഓപ്പറേഷൻ ആൻഡ് മെയിന്റനൻസ് കോസ്റ്റ് കുറയ്ക്കുന്നതിന് സ്വീകരിച്ചിട്ടുള്ള നടപടികൾ വ്യക്തമാക്കുമോ;

(ബി)  കേരള വാട്ടർ അതോറിറ്റി പമ്പ് ഹൗസുകളിലെ പമ്പ്, മോട്ടോർ എന്നിവ പ്രവർത്തന രഹിതമാകുമ്പോൾ അറ്റകുറ്റപ്പണി നടത്തുന്നതിന് നിലവിൽ സ്വീകരിച്ചു പോരുന്ന നടപടിക്രമം വിശദമാക്കുമോ; ഇതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ;

(സി)  കേരള വാട്ടർ അതോറിറ്റിക്ക് സ്വന്തമായി ഇലക്ട്രോ മെക്കാനിക് യൂണിറ്റുകൾ നിലവിൽ എവിടെയെല്ലാമാണുള്ളത്; ഇത് എല്ലാ ഡിവിഷനിലും ആരംഭിക്കുന്നത് ലാഭകരമാണോ; എങ്കില്‍ ഇത് ആരംഭിക്കുന്നതിന് സ്വീകരിച്ചിട്ടുള്ള നടപടികൾ വിശദമാക്കുമോ;

(ഡി)  പ്രസ്തുത യൂണിറ്റ് ആരംഭിച്ചിട്ടുള്ള സ്ഥലങ്ങളിൽ വാഹനം, വിദഗ്ദ്ധ തൊഴിലാളികൾ, മെറ്റീരിയൽസ് എന്നിവയ്ക്ക് തുക എങ്ങനെയാണ് കണ്ടെത്തുന്നത് എന്നറിയിക്കാമോ?

ഗുരുവായൂര്‍ മണ്ഡലത്തില്‍ കടൽക്ഷോഭം നേരിടുന്നതിനും തീരശോഷണം തടയാനുമുള്ള പദ്ധതികൾ

2739  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂർ മണ്ഡലത്തില്‍ കടൽക്ഷോഭം നേരിടുന്നതിനും തീരശോഷണം തടയുന്നതിനുമായി ഏതൊക്കെ പദ്ധതികൾ തയ്യാറാക്കി സമർപ്പിച്ചിട്ടുണ്ടെന്ന് വ്യക്തമാക്കാമോ;

(ബി)  ആയതില്‍ അംഗീകാരം ലഭിച്ചവ, പദ്ധതിയുടെ പുരോഗതി എന്നിവ വിശദമാക്കാമോ?

ജലജീവൻ മിഷൻ പദ്ധതി പ്രവർത്തനങ്ങളുടെ പൂർത്തീകരണത്തിനുള്ള തുക

2740  ശ്രീ. സജീവ് ജോസഫ്
ശ്രീ. റോയി. കെ. പൗലോസ്
ശ്രീ. പഴകുളം മധു
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലജീവൻ മിഷന്റെ കാലാവധി 2028 ഡിസംബർ വരെ നീട്ടിയ സാഹചര്യത്തിൽ പ്രസ്തുത പദ്ധതി സമയബന്ധിതമായി പൂർത്തീകരിക്കുന്നതിന് തയ്യാറാക്കിയിട്ടുള്ള പ്രവർത്തനങ്ങൾ എന്തെല്ലാമെന്ന് വിശദമാക്കാമോ; ജില്ല തിരിച്ച് പൂർത്തിയാക്കേണ്ട പ്രവൃത്തികൾ, ആവശ്യമായ സാമ്പത്തിക വിഹിതം, സമയക്രമം എന്നിവ നിശ്ചയിച്ചിട്ടുണ്ടോ;

(ബി)  ജലജീവൻ മിഷൻ പദ്ധതികൾ പൂർണമായി പൂർത്തീകരിക്കുന്നതിന് നിലവിൽ എത്ര കോടി രൂപ ആവശ്യമായി വരുമെന്ന് കണക്കാക്കിയിട്ടുണ്ടോ; എങ്കിൽ കേന്ദ്ര-സംസ്ഥാന വിഹിതം, നബാർഡ് വായ്പ, മറ്റ് സാമ്പത്തിക സ്രോതസ്സുകൾ എന്നിവയിലൂടെ പ്രസ്തുത തുക കണ്ടെത്തുന്നതിന് സ്വീകരിച്ചുവരുന്ന നടപടികൾ എന്തെല്ലാമെന്ന് വിശദമാക്കാമോ;

(സി)  നബാർഡ് മുഖേന എടുത്ത ₹9,000 കോടി രൂപ വായ്പയുടെ മുതലും പലിശയും തിരിച്ചടയ്ക്കുന്നതിനുള്ള ഉത്തരവാദിത്തം സർക്കാരിനാണോ കേരള വാട്ടർ അതോറിറ്റിക്കാണോ എന്ന് വ്യക്തമാക്കുമോ; പ്രസ്തുത വായ്പയുടെ തിരിച്ചടവ് കാലാവധി, പലിശ നിരക്ക്, തിരിച്ചടവ് ആരംഭിക്കുന്ന തീയതി, തിരിച്ചടവിനുള്ള സാമ്പത്തിക സ്രോതസ്സ് എന്നിവയുടെ വിശദാംശങ്ങൾ ലഭ്യമാക്കുമോ;

(ഡി)  ടെൻഡർ നടപടികൾ പൂർത്തിയാക്കിയിട്ടും ലെറ്റർ ഓഫ് അക്സപ്റ്റൻസ് അനുവദിക്കാത്തതുമൂലം പ്രവൃത്തികൾ വൈകുന്നതും, കരാർ തുക വർധിക്കുന്നതും, പൊതുജനങ്ങളുടെ കുടിവെള്ളലഭ്യത തടസ്സപ്പെടുന്നതും ഒഴിവാക്കാൻ ബന്ധപ്പെട്ട ഉദ്യോഗസ്ഥർക്ക് വ്യക്തമായ നിർദേശങ്ങൾ നൽകി പ്രവൃത്തികൾ സമയബന്ധിതമായി ആരംഭിക്കുന്നതിന് നടപടി സ്വീകരിക്കുമോ; വിശദമാക്കാമോ?

ജലജീവന്‍ പദ്ധതി

2741  ശ്രീ. സജി ചെറിയാന്‍
ശ്രീ. കെ. വി. സുമേഷ്
ശ്രീ. ടി. എം. ശശി
ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജലജീവന്‍ മിഷന്‍ പദ്ധതികളുടെ ഭാഗമായി സംസ്ഥാനത്തുടനീളം വെട്ടിപ്പൊളിച്ച ഗ്രാമീണ റോഡുകള്‍, പൈപ്പിടല്‍ പൂര്‍ത്തിയായിട്ടും പൂര്‍വ്വസ്ഥിതിയിലാക്കാന്‍ ബന്ധപ്പെട്ട വകുപ്പുകളോ കരാറുകാരോ തയ്യാറാകാത്തതുമൂലം ജനങ്ങള്‍ അനുഭവിക്കുന്ന ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ;

(ബി)  റോഡ് പുനര്‍നിര്‍മ്മാണത്തിന് ആവശ്യമായ തുക വാട്ടര്‍ അതോറിറ്റി ബന്ധപ്പെട്ട വകുപ്പുകള്‍ക്ക് യഥാസമയം കൈമാറാത്തതും, വാട്ടര്‍ അതോറിറ്റി, പൊതുമരാമത്ത്, തദ്ദേശസ്വയംഭരണ വകുപ്പുകള്‍ എന്നിവ തമ്മിലുള്ള ഏകോപനമില്ലായ്മയും ഈ പ്രതിസന്ധി രൂക്ഷമാക്കിയിട്ടുണ്ടെന്ന കാര്യം പരിശോധിക്കുമോ;

(സി)  വകുപ്പുകള്‍ തമ്മിലുള്ള തര്‍ക്കങ്ങള്‍ക്കും ഫണ്ടില്ലായ്മയ്ക്കും പുറമെ, സര്‍ക്കാരില്‍ നിന്നുള്ള കുടിശ്ശികകള്‍ വര്‍ദ്ധിച്ചതു കാരണം പുതിയ പ്രവൃത്തികള്‍ ഏറ്റെടുക്കാന്‍ കരാറുകാര്‍ തയ്യാറാകാത്തത് പദ്ധതികളെ സ്തംഭനാവസ്ഥയില്‍ എത്തിച്ചിട്ടുണ്ടെന്ന് ഉയരുന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ ആയതുമായി ബന്ധപ്പെട്ട് സ്വീകരിച്ചിട്ടുള്ള അടിയന്തര നടപടികള്‍ വ്യക്തമാക്കാമോ;

(ഡി)  മുന്‍ സര്‍ക്കാരിന്റെ കാലത്ത് ഗ്രാമീണ റോഡുകള്‍ പുനര്‍നിര്‍മ്മിക്കുന്നതിനായി നടപ്പിലാക്കിയ സി.എം.എല്‍.എല്‍.ആര്‍.പി. പദ്ധതിയുടെ മാതൃകയില്‍, നിലവില്‍ തകര്‍ന്നുകിടക്കുന്ന ഗ്രാമീണ റോഡുകളുടെ അടിയന്തര അറ്റകുറ്റപ്പണികള്‍ക്കായി പ്രത്യേക ഫണ്ട് വകയിരുത്തി ജനങ്ങളുടെ ബുദ്ധിമുട്ടുകള്‍ പരിഹരിക്കുന്നതിലേക്കായി സ്വീകരിക്കാൻ കഴിയുന്ന നടപടികൾ വ്യക്തമാക്കാമോ?

അടൂർ മണ്ഡലത്തിലെ കാലപ്പഴക്കം ചെന്ന ജലസേചന സംവിധാനങ്ങളുടെ നവീകരണം

2742  ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  അടൂർ നിയോജകമണ്ഡലത്തിലെ നിലവിലെ ജലസേചന പദ്ധതികളും, കുടിവെളളവിതരണ സംവിധാനങ്ങളും കാലപ്പഴക്കം ചെന്ന് കാര്യക്ഷമമായി ഉപയോഗിക്കാൻ കഴിയാത്തതിനാൽ ജലസേചന കനാലുകൾ, ട്രീറ്റ്മെന്റ് പ്ലാന്റുകൾ എന്നിവ നവീകരിക്കുന്നതിനും പഴയ ജലവിതരണ പൈപ്പുകൾ മാറ്റി പുതിയ പൈപ്പുകൾ സ്ഥാപിക്കുന്നതിനും നടപടി സ്വീകരിക്കുമോ?

ചാലക്കുടി മണ്ഡലത്തിലെ ജൽ ജീവന്‍ പദ്ധതി

2743  ശ്രീ. സനീഷ്‌കുമാര്‍ ജോസഫ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ചാലക്കുടി നിയോജക മണ്ഡലത്തിലെ ജൽ ജീവന്‍ പദ്ധതിയുടെ പുരോഗതി വ്യക്തമാക്കാമോ;

(ബി)  പ്രസ്തുത മണ്ഡലത്തില്‍ നാളിതുവരെ ജൽ ജീവന്‍ പദ്ധതിയുടെ എത്ര ശതമാനം പൂര്‍ത്തീകരിക്കുവാന്‍ കഴിഞ്ഞിട്ടുണ്ടെന്ന് വിശദമാക്കുമോ?

ജൽ ജീവൻ പദ്ധതി നിർവഹണം

2744  ശ്രീ. വി. ടി. ബൽറാം
ശ്രീമതി വിദ്യാ ബാലകൃഷ്ണൻ
ശ്രീ. മുഹമ്മദ് ഷിയാസ്
ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജൽ ജീവൻ പദ്ധതിയുടെ നിർമാണപ്രവർത്തനങ്ങളിലെ കാലതാമസം, കരാറുകാർക്ക് കുടിശ്ശിക നൽകുന്നതിലെ പ്രശ്നങ്ങൾ എന്നിവ ശ്രദ്ധയിൽപ്പെട്ടിട്ടുണ്ടോ; പ്രസ്തുത പദ്ധതി ലക്ഷ്യത്തിലെത്തുന്നതിന് നേരിടുന്ന പ്രധാന തടസ്സങ്ങൾ എന്തെല്ലാമാണെന്ന് വ്യക്തമാക്കുമോ;

(ബി)  ജലസംഭരണികൾ, ജലശുദ്ധീകരണ പ്ലാന്റുകൾ, പമ്പിങ് സംവിധാനങ്ങൾ, വിതരണ പൈപ്പ്‌ലൈനുകൾ എന്നിവയുടെ നിർമ്മാണം സമയബന്ധിതമായി പൂർത്തിയാക്കാൻ കഴിയാത്ത സാഹചര്യങ്ങളുണ്ടോ; കാലതാമസം പരിഹരിക്കുന്നതിന് സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ;

(സി)  പദ്ധതിയുടെ ഭാഗമായി പ്രവൃത്തികൾ നടത്തിയ കരാറുകാർക്ക് ബില്ലുകൾ മാറി നൽകുന്നതിൽ കുടിശ്ശികയോ കാലതാമസമോ നിലനിൽക്കുന്നുണ്ടോ; ഇതുമൂലം നിർമ്മാണ പ്രവർത്തനങ്ങൾ തടസ്സപ്പെടുന്ന സാഹചര്യമുണ്ടോ;

(ഡി)  പൈപ്പിടുന്നതിനായി പൊളിച്ച റോഡുകൾ പുനർനിർമിക്കാത്തതുമൂലം പൊതുജനങ്ങൾക്കും വാഹനയാത്രക്കാർക്കും ബുദ്ധിമുട്ടുകൾ നേരിടുന്നതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ഇ)  പദ്ധതി നിർവഹണത്തിലെ കാലതാമസം പരിഹരിക്കുന്നതിനും പൂർത്തിയാകാത്ത പ്രവൃത്തികൾ സമയബന്ധിതമായി പൂർത്തിയാക്കുന്നതിനും കുടിവെള്ള കണക്ഷനുകൾ പ്രവർത്തനക്ഷമമാണെന്ന് ഉറപ്പാക്കുന്നതിനും ജില്ലാതലത്തിൽ നിരീക്ഷണ സംവിധാനം ശക്തിപ്പെടുത്താൻ നടപടി സ്വീകരിക്കുമോ?

ഇരവിപുരം മണ്ഡലത്തിലെ തീരദേശ മേഖലകളിലെ കുടിവെള്ള ക്ഷാമം

2745  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഇരവിപുരം നിയമസഭാ മണ്ഡലത്തിലെ തീരദേശ പ്രദേശങ്ങളിൽ ശുദ്ധജലലഭ്യതക്കുറവും കുടിവെള്ളക്ഷാമവും രൂക്ഷമായി അനുഭവപ്പെടുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത മേഖലകളിൽ കുടിവെള്ള വിതരണം കാര്യക്ഷമമാക്കുന്നതിന് നിലവിലുള്ള പൈപ്പ്‌ലൈനുകളുടെ നവീകരണം, വാട്ടർ അതോറിറ്റിയുടെ പുതിയ കുടിവെള്ള പദ്ധതികൾ എന്നിവയിൽ ഏതൊക്കെയാണ് നിലവിൽ നടപ്പിലാക്കിവരുന്നതെന്ന് വ്യക്തമാക്കാമോ;

(സി)  വേനൽക്കാലത്തും കടലാക്രമണ സമയങ്ങളിലും തീരദേശങ്ങളിൽ അനുഭവപ്പെടുന്ന കുടിവെള്ളക്ഷാമം പരിഹരിക്കുന്നതിന് ഉയർന്ന ശേഷിയുള്ള വാട്ടർ ടാങ്കുകൾ സ്ഥാപിക്കുന്നത് സംബന്ധിച്ച് നടപടികള്‍ സ്വീകരിക്കുമോയെന്ന് വിശദമാക്കാമോ;

(ഡി)  ഇരവിപുരം തീരദേശത്തെ കുടിവെള്ള പ്രശ്നത്തിന് ശാശ്വത പരിഹാരം കാണുന്നതിനായി വരാനിരിക്കുന്ന പദ്ധതികളിൽ പ്രത്യേക തുക വകയിരുത്തുമോയെന്നും ഇതിനായി മാസ്റ്റർ പ്ലാൻ തയ്യാറാക്കിയിട്ടുണ്ടോയെന്നും വിശദമാക്കാമോ?

സ്മാർട്ട് വാട്ടർ മീറ്റർ സ്ഥാപിക്കലും വ്യാപനവും

2746  ശ്രീ. മാണി. സി. കാപ്പൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ജലവിതരണത്തിനായി സ്ഥാപിച്ചിട്ടുള്ള സ്മാർട്ട് വാട്ടർ മീറ്ററുകൾ പല സ്ഥലങ്ങളിലും തകരാറിലാകുന്നതായുള്ള പരാതികൾ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ സ്മാർട്ട് വാട്ടർ മീറ്ററുകളുടെ തകരാറുകൾ സമയബന്ധിതമായി പരിഹരിക്കുന്നതിനും ഉപഭോക്താക്കൾക്ക് കൃത്യമായ ജല ഉപഭോഗം രേഖപ്പെടുത്തി ബിൽ നൽകുന്നതിനും നടപടി സ്വീകരിച്ചിട്ടുണ്ടോ; വ്യക്തമാക്കുമോ;

(ബി)  സംസ്ഥാനത്ത് സ്മാർട്ട് വാട്ടർ മീറ്റർ സംവിധാനം വ്യാപിപ്പിക്കുന്നതിന് ജലവിഭവ വകുപ്പ് സ്വീകരിച്ചിട്ടുള്ള നടപടികൾ എന്തൊക്കെയാണ്; എല്ലാ ജല ഉപഭോക്താക്കൾക്കും സ്മാർട്ട് വാട്ടർ മീറ്റർ സ്ഥാപിക്കുന്നതിന് സമയബന്ധിതമായ പദ്ധതി സർക്കാർ ആവിഷ്കരിച്ചിട്ടുണ്ടോ; വിശദമാക്കാമോ?

കരാറുകാരുടെ കുടിശ്ശിക

2747  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള വാട്ടർ അതോറിറ്റിയുടെ വിവിധ അറ്റകുറ്റപ്പണി പ്രവൃത്തികള്‍ ഏറ്റെടുത്തു നടത്തുന്ന കരാറുകാർക്ക് പ്രവൃത്തി പൂർത്തിയാക്കിയതിന് ശേഷം ബില്ലുകൾ മാറി പണം ലഭിക്കുന്നതിന് കാലതാമസം നേരിടുന്നത് ശ്രദ്ധയിൽപ്പെട്ടിട്ടുണ്ടോ; കരാറുകാർക്ക് നൽകാനുള്ള ആകെ കുടിശ്ശിക തുക എത്രയാണെന്ന് വ്യക്തമാക്കാമോ;

(ബി)  പണം ലഭിക്കുന്നതിലെ കാലതാമസം കാരണം നിലവിലുള്ള കരാറുകാർ പലരും അറ്റകുറ്റപ്പണി പ്രവൃത്തികൾ നിർത്തിവയ്ക്കുകയും പുതിയ കരാറുകാർ ടെൻഡറുകൾ ഏറ്റെടുക്കാൻ മുന്നോട്ടുവരാതിരിക്കുകയും ചെയ്യുന്ന സാഹചര്യം കണക്കിലെടുത്ത് കുടിശ്ശിക സമയബന്ധിതമായി തീർപ്പാക്കുന്നതിനായി നടപടി സ്വികരിക്കുമോ;

(സി)  റണ്ണിംഗ് കോൺട്രാക്ട് വ്യവസ്ഥകൾ കൂടുതൽ ആകർഷകമാക്കാനും തടസ്സമില്ലാതെ അറ്റകുറ്റപ്പണികൾ മുന്നോട്ട് കൊണ്ടുപോകാനും കരാർ വ്യവസ്ഥകളിൽ ആവശ്യമായ ഇളവുകളോ മാറ്റങ്ങളോ വരുത്താൻ ആലോചിക്കുന്നുണ്ടോ?

കുടിവെള്ളത്തിന്റെ സുരക്ഷിതത്വം

2748  ശ്രീ. മുഹമ്മദ് മുഹസിന്‍
ശ്രീ. ഗോവിന്ദൻ പള്ളിക്കാപ്പിൽ
ശ്രീ. സി. അജയപ്രസാദ്
ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സുരക്ഷിതമായ കുടിവെള്ളത്തിന്റെ സാർവത്രിക ലഭ്യത എന്നത് ജനതയുടെ അടിസ്ഥാന ആവശ്യവും മനുഷ്യാവകാശവുമാണെന്ന യൂനിസെഫിന്റെ പ്രഖ്യാപിത നയം കേരള വാട്ടർ അതോറിറ്റിയുടെ പ്രവർത്തനങ്ങളിലൂടെ ഉറപ്പാക്കുന്നതിനുവേണ്ടി സ്വീകരിച്ചുവരുന്ന പ്രവർത്തനങ്ങൾ എന്തെല്ലാം; വിശദീകരിക്കുമോ;

(ബി)  ജല അതോറിറ്റി വിതരണം ചെയ്യുന്ന കുടിവെള്ളത്തിന്റെ സുരക്ഷിതത്വം ഉറപ്പാക്കുന്നതിന് വേണ്ടി ജലശുദ്ധീകരണ സംവിധാനങ്ങള്‍ക്കും വിതരണ ശൃംഖലയ്ക്കും മെച്ചപ്പെട്ട നിലവാരം ഉറപ്പാക്കുന്നതിന് സ്വീകരിച്ചിട്ടുള്ള മാർഗ്ഗങ്ങൾ എന്തെല്ലാം വിശദീകരിക്കുമോ;

(സി)  സംസ്ഥാനത്തെ ജലവിതരണ ശൃംഖലയിലേക്ക് മലിനജലം കടക്കുന്നതിനുള്ള സാധ്യതകൾ കണ്ടെത്തി തടയുന്നതിനുള്ള ആധുനിക സംവിധാനങ്ങൾ നിലവിലുണ്ടോ; വിശദീകരിക്കുമോ;

(ഡി)  കേരളസംസ്ഥാന വാട്ടർ അതോറിറ്റിയുടെ ജലഗുണനിലവാര പരിശോധന കൂടുതൽ കാര്യക്ഷമമാക്കുന്നതിന് വേണ്ടി സ്വീകരിച്ചിട്ടുള്ള നടപടികൾ എന്തെല്ലാം; വിശദീകരിക്കുമോ?

ഒല്ലൂർ നിയോജകമണ്ഡലത്തിലെ കുടിവെള്ള വിതരണവും ജലവിതരണ പദ്ധതികളും

2749  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജകമണ്ഡലത്തിൽ കേരള വാട്ടർ അതോറിറ്റി മുഖേന നിലവിൽ നടപ്പിലാക്കിവരുന്ന കുടിവെള്ള പദ്ധതികൾ ഏതെല്ലാമാണെന്നും ഓരോ പദ്ധതിയുടെയും നിലവിലെ പുരോഗതി, അനുവദിച്ച തുക, ചെലവഴിച്ച തുക, പൂർത്തീകരണത്തിനുള്ള കാലാവധി എന്നിവ വ്യക്തമാക്കാമോ;

(ബി)  മണ്ഡലത്തിലെ വിവിധ പ്രദേശങ്ങളിൽ കുടിവെള്ള ക്ഷാമം നേരിടുന്നതും ജലവിതരണം തടസ്സപ്പെടുന്നതും സംബന്ധിച്ച് ലഭിച്ച പരാതികൾ എത്രയാണെന്നും ഇവ പരിഹരിക്കുന്നതിന് സ്വീകരിച്ച നടപടികൾ എന്തെല്ലാമാണെന്നും വ്യക്തമാക്കാമോ;

(സി)  നിലവിലുള്ള കുടിവെള്ള പദ്ധതികളുടെ ശേഷി വർധിപ്പിക്കുന്നതിനും കാലപ്പഴക്കം ചെന്ന പൈപ്പുകൾ മാറ്റിസ്ഥാപിക്കുന്നതിനും പുതിയ പൈപ്പ് ലൈനുകൾ സ്ഥാപിച്ച് ജലവിതരണം മെച്ചപ്പെടുത്തുന്നതിനും പദ്ധതികൾ ആവിഷ്കരിച്ചിട്ടുണ്ടോ;

(ഡി)  ഒല്ലൂർ നിയോജകമണ്ഡലത്തിലെ എല്ലാ പ്രദേശങ്ങളിലും മതിയായ അളവിൽ ശുദ്ധജലം ലഭ്യമാക്കുന്നതിനായി ബന്ധപ്പെട്ട തദ്ദേശസ്വയംഭരണ സ്ഥാപനങ്ങളുമായി ഏകോപിപ്പിച്ച് പ്രത്യേക പ്രവർത്തനപദ്ധതി തയ്യാറാക്കുമോയെന്ന് വ്യക്തമാക്കാമോ?

മൺട്രോതുരുത്ത് ഗ്രാമപഞ്ചായത്തിലെ കുടിവെള്ളക്ഷാമം

2750  ശ്രീ. ഉല്ലാസ് കോവൂർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കൊല്ലം ജില്ലയിലെ മൺട്രോതുരുത്ത് ഗ്രാമപഞ്ചായത്തിൽ നിലവിൽ രൂക്ഷമായ കുടിവെള്ളക്ഷാമം അനുഭവപ്പെടുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  പ്രസ്തുത പഞ്ചായത്തിൽ കുടിവെള്ളമെത്തിക്കുന്നതിനായി നടപ്പിലാക്കി വരുന്ന പദ്ധതികൾ ഏതെല്ലാമാണെന്ന് വ്യക്തമാക്കാമോ;

(സി)  വേനൽക്കാലത്തും സമാന സാഹചര്യങ്ങളിലും ദ്വീപ് നിവാസികൾക്ക് തടസ്സമില്ലാതെ കുടിവെള്ളം ലഭ്യമാക്കുന്നതിനായി ശാശ്വതമായ എന്തെല്ലാം അടിയന്തര നടപടികളാണ് സ്വീകരിക്കാൻ ഉദ്ദേശിക്കുന്നത്?

പയ്യനാട് സബർബൻ കുടിവെള്ള പദ്ധതിയുടെ പുരോഗതി

2751  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  2018-ൽ ഭരണാനുമതി ലഭിച്ച മഞ്ചേരി നഗരസഭയിലെ പയ്യനാട് സബർബൻ കുടിവെള്ള പദ്ധതി, എ.സി. പൈപ്പുകൾ മാറ്റി ഡി.ഐ. പൈപ്പുകൾ സ്ഥാപിക്കുന്ന പ്രവൃത്തികൾ എന്നിവ ഇപ്പോൾ ഏതു ഘട്ടത്തിലാണ്; വ്യക്തമാക്കുമോ;

(ബി)  പ്രവൃത്തി തടസ്സപ്പെട്ടതുമായി ബന്ധപ്പെട്ട് ജലവിഭവ വകുപ്പ് മന്ത്രിയുടെ അധ്യക്ഷതയിൽ ചേർന്ന യോഗത്തിലെ തീരുമാനങ്ങൾ അനുസരിച്ച് പദ്ധതി കരാറെടുത്ത റീന എൻജിനിയേഴ്സ് കോൺട്രാക്ടേഴ്സ് പ്രൈവറ്റ് ലിമിറ്റഡ് കമ്പനിക്ക് മേൽ വാട്ടർ അതോറിറ്റി ചുമത്തിയ പിഴ ഒഴിവാക്കി നൽകാനും, പകരം സർക്കാർ/വാട്ടർ അതോറിറ്റിക്കെതിരെ കമ്പനി നൽകിയ കേസുകൾ പിൻവലിക്കാനും യോഗത്തിൽ ധാരണയായിട്ടുള്ളതിന്റെ അടിസ്ഥാനത്തിൽ സ്വീകരിച്ച തുടർ നടപടികൾ വിശദീകരിക്കാമോ;

(സി)  പ്രസ്തുത പദ്ധതിക്ക് ഇനിയും കിഫ്ബി അംഗീകാരം ആവശ്യമുണ്ടോ; എങ്കിൽ അത് ലഭ്യമാക്കുന്നതിന് എന്തെല്ലാം തുടർനടപടികളാണ് സ്വീകരിച്ചിട്ടുള്ളത്; വിശദമാക്കുമോ;

(ഡി)  നിർത്തിവെച്ച എ.സി. പൈപ്പുകൾ മാറ്റി ഡി.ഐ. പൈപ്പുകൾ സ്ഥാപിക്കുന്ന പ്രവൃത്തി എന്നേക്ക് പുനരാരംഭിക്കാൻ കഴിയുമെന്നാണ് കരുതുന്നത്; 2027 മാർച്ച് 31-ഓടെ പയ്യനാട്, തടപ്പറമ്പ് ഭാഗങ്ങളിലേക്ക് കുടിവെള്ളം പൂർണ്ണമായി എത്തിച്ചു നൽകാൻ കഴിയുന്ന തരത്തിൽ പദ്ധതി പൂർത്തിയാക്കാൻ സാധിക്കുമോ; വ്യക്തമാക്കുമോ?

കുടിവെളള ചോര്‍ച്ച

2752  ശ്രീ. വി. ജോയി
ശ്രീ. പി. മമ്മിക്കുട്ടി
ശ്രീ. പി. കെ. പ്രവീൺ
ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ജല അതോറിറ്റി വിതരണം ചെയ്യുന്ന കുടിവെള്ളത്തിന്റെ ഗണ്യമായ ഭാഗം ചോർച്ചയിലൂടെ നഷ്ടപ്പെടുന്നുവെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(ബി)  കുടിവെളള ചോര്‍ച്ച പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ;

(സി)  മിക്കയിടങ്ങളിലും മാസങ്ങളോളം ചോര്‍ച്ച ഉണ്ടായിട്ടും അത് പരിഹരിക്കാന്‍ സത്വര നടപടി സ്വീകരിക്കാത്തതുമൂലം ജല അതോറിറ്റിക്ക് സാമ്പത്തികനഷ്ടവും അതോടാെപ്പം കുടിവെളളം നഷ്ടമാകുന്നതും ഒഴിവാക്കാന്‍ നടപടി സ്വീകരിക്കുമോയെന്ന് വ്യക്തമാക്കാമോ;

(ഡി)  കുടിവെള്ള പൈപ്പുകളിലെ ചോർച്ച കണ്ടെത്തി യഥാസമയം അവ പരിഹരിക്കുന്നതിന് ശാസ്ത്രീയമായ മാർഗ്ഗങ്ങൾ അവലംബിക്കുമോ; വിശദമാക്കാമോ?

ബ്രിഡ്ജ് കം റഗുലേറ്റര്‍ നിര്‍മ്മാണം

2753  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വർക്കല, ചിറയിൻകീഴ് താലൂക്കുകളിൽ കുടിവെള്ള ലഭ്യത ഉറപ്പുവരുത്തുന്നതിനായി വാമനപുരം നദിയിൽ കൊല്ലമ്പുഴ ഭാഗത്ത് ബ്രിഡ്ജ് കം റെഗുലേറ്റർ നിർമ്മാണപ്രവൃത്തിയുടെ പുരോഗതി വിശദമാക്കാമോ;

(ബി)  പ്രസ്തുത പദ്ധതിയുടെ നിര്‍വ്വഹണ ഏജൻസിയായി ചുമതലപ്പെടുത്തിയിട്ടുളളത് ഏത് സ്ഥാപനത്തിനെയാണെന്ന് വ്യക്തമാക്കാമോ;

(സി)  പ്രസ്തുത പ്രവൃത്തിക്കായി എത്ര രൂപ ഫണ്ട് അനുവദിച്ചിട്ടുണ്ടെന്ന് വിശദമാക്കാമോ; ഭരണാനുമതിയുടെ പകർപ്പ് ലഭ്യമാക്കാമോ?

ഒറ്റപ്പാലം മണ്ഡലത്തിലെ കുടിവെളള ക്ഷാമം

2754  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഒറ്റപ്പാലം നിയോജക മണ്ഡലത്തില്‍ വേനല്‍ക്കാലത്ത് രൂക്ഷമായ കുടിവെളളക്ഷാമം നേരിടുന്ന പ്രദേശങ്ങള്‍ ഏതെല്ലാമെന്ന് കണ്ടെത്തിയിട്ടുണ്ടോ; ഉണ്ടെങ്കില്‍ പ്രസ്തുത പ്രദേശങ്ങള്‍ പഞ്ചായത്ത്/നഗരസഭ തിരിച്ച് ലഭ്യമാക്കാമോ;

(ബി)  നിലവിലുളള കുടിവെളള പദ്ധതികള്‍ പ്രകാരം പ്രസ്തുത പ്രദേശങ്ങളില്‍ കുടിവെളളം എത്തുന്നുണ്ടെന്ന് ഉറപ്പുവരുത്തുന്നതിനുളള നടപടികള്‍ സ്വീകരിക്കുമോ; വിശദാംശം ലഭ്യമാക്കാമോ?

പെരിന്തല്‍മണ്ണ നിയോജകമണ്ഡലത്തിലെ കുടിവെള്ള പദ്ധതികള്‍

2755  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പെരിന്തൽമണ്ണ നിയോജകമണ്ഡലത്തിൽ നടപ്പിലാക്കിവരുന്ന ജൽ ജീവൻ മിഷൻ പദ്ധതികളുടെ നിലവിലെ പുരോഗതി എന്താണെന്ന് വ്യക്തമാക്കാമോ; മണ്ഡലത്തിലെ മുഴുവൻ ഗ്രാമീണ ഭവനങ്ങളിലും കുടിവെള്ളം ലഭ്യമാക്കുന്നതിനുള്ള പ്രവൃത്തികൾ ഏത് ഘട്ടത്തിലാണെന്ന് വിശദമാക്കാമോ;

(ബി)  മണ്ഡലത്തിലെ നഗര-ഗ്രാമ പ്രദേശങ്ങളിൽ വേനൽക്കാലത്ത് കുടിവെള്ളക്ഷാമം നേരിടുന്ന പ്രദേശങ്ങളിൽ അടിയന്തരമായി കുടിവെള്ളം എത്തിക്കുന്നതിനും പുതിയ കുടിവെള്ള പദ്ധതികൾ നടപ്പിലാക്കുന്നതിനും ജലവിഭവ വകുപ്പിന്റെ കീഴിൽ എന്തൊക്കെ പദ്ധതികളാണ് ആവിഷ്കരിച്ചിട്ടുള്ളതെന്ന് വിശദമാക്കാമോ?

നെന്മാറ നിയോജകമണ്ഡലത്തിലെ കുടിവെള്ള വിതരണം

2756  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  നെന്മാറ നിയോജകമണ്ഡലത്തിലെ വിവിധ ഗ്രാമപഞ്ചായത്തുകളിലെ കുടിവെള്ള വിതരണം കാര്യക്ഷമമാക്കുന്നതിനും വിപുലീകരിക്കുന്നതിനും എന്തെല്ലാം നടപടികളാണ് സ്വീകരിക്കുന്നതെന്ന് വിശദമാക്കുമോ;

(ബി)  പ്രസ്തുത പഞ്ചായത്തുകളിൽ കുടിവെള്ളക്ഷാമം പരിഹരിക്കുന്നതിനായി നിലവിലുള്ള ജലശുദ്ധീകരണശാലകളുടെ ശേഷി വർദ്ധിപ്പിക്കേണ്ടതും കാലഹരണപ്പെട്ട പൈപ്പ്‌ലൈൻ വിതരണശൃംഖലകൾ മാറ്റിസ്ഥാപിക്കേണ്ടതും അനിവാര്യമാണെന്ന കാര്യം ശ്രദ്ധയിൽപ്പെട്ടിട്ടുണ്ടോ;

(സി)  പ്രസ്തുത പ്രദേശങ്ങളിൽ പുതിയ കുടിവെള്ള സംഭരണികൾ നിർമ്മിക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ;

(ഡി)  മണ്ഡലത്തിലെ കുടിവെള്ള പ്രശ്നങ്ങൾ പരിഹരിക്കുന്നതിനാവശ്യമായ ഫണ്ട് അനുവദിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

നെന്മാറ പി.എച്ച്. സെക്ഷന്‍

2757  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  വാട്ടർ അതോറിറ്റിയുടെ നെന്മാറ പി.എച്ച്. സെക്ഷനു കീഴിൽ നിലവിൽ എത്ര കുടിവെള്ള കണക്ഷനുകളുണ്ടെന്നും ഏതൊക്കെ പഞ്ചായത്തുകളാണ് ഇതിൽ ഉൾപ്പെടുന്നതെന്നും പഞ്ചായത്ത് തിരിച്ച് വ്യക്തമാക്കാമോ;

(ബി)  പ്രസ്തുത സെക്ഷനിൽ അസിസ്റ്റന്റ് എൻജിനീയർ ഉൾപ്പെടെ അനുവദിക്കപ്പെട്ടിട്ടുള്ള ജീവനക്കാരുടെ തസ്തികകളും നിലവിൽ ജോലി ചെയ്യുന്നവരുടെ എണ്ണവും എത്രയെന്ന് വ്യക്തമാക്കാമോ;

(സി)  വലിയ ഭൂവിസ്ത്രിതിയും കണക്ഷനുകളുടെ വർദ്ധനവും പറമ്പിക്കുളം ഉൾപ്പെടെയുള്ള മലയോര മേഖലകളും ഉള്ളതിനാൽ നിലവിലെ പരിമിതമായ ജീവനക്കാരെ വച്ച് ദൈനംദിന അറ്റകുറ്റപ്പണികളും സേവനങ്ങളും നടത്താൻ നേരിടുന്ന പ്രായോഗിക ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ;

(ഡി)  ഭരണപരമായ കാര്യക്ഷമതയും സുഗമമായ കുടിവെള്ള വിതരണത്തിനുമായി നെന്മാറ സെക്ഷൻ വിഭജിച്ച് കൊല്ലങ്കോട് ആസ്ഥാനമാക്കി പുതിയ വാട്ടർ സപ്ലൈ സെക്ഷൻ ഓഫീസ് ആരംഭിക്കുന്നതിന് നടപടി സ്വീകരിക്കുമോയെന്ന് വ്യക്തമാക്കാമോ?

കുടിവെള്ള വിതരണം ദീർഘിപ്പിക്കൽ

2758  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  അണ്ടൂർക്കോണം ഗ്രാമപഞ്ചായത്തിലെ ആനതാഴ്ചിറ പ്രദേശത്തും സമീപ വാർഡുകളിലും രൂക്ഷമായ കുടിവെള്ളക്ഷാമം പരിഹരിക്കുന്നതിനായി പൈപ്പ് ലൈനുകൾ ദീർഘിപ്പിക്കുന്ന പ്രവൃത്തിക്ക് 2021-2022-ലെ ബജറ്റിൽ ഒരു കോടി രൂപ വകയിരുത്തിയിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത പ്രവൃത്തിക്ക് ഇതുവരെ ഭരണാനുമതി ലഭ്യമാകാത്തതിന്റെ സാങ്കേതികവും ഭരണപരവുമായ കാരണങ്ങൾ എന്തൊക്കെയാണ്; ഇതുമായി ബന്ധപ്പെട്ട് സമർപ്പിച്ച എസ്റ്റിമേറ്റുകൾ, അവയുടെ നിലവിലെ സ്ഥിതി, ബന്ധപ്പെട്ട ഉദ്യോഗസ്ഥരുടെ പരിശോധനാ റിപ്പോർട്ടുകൾ എന്നിവയുടെ വിശദാംശങ്ങൾ ലഭ്യമാക്കുമോ;

(സി)  നിരവധി തവണ എസ്റ്റിമേറ്റുകൾ സമർപ്പിച്ചിട്ടും പ്രസ്തുത പ്രവൃത്തിക്ക് ഭരണാനുമതി നൽകുന്നതിൽ കാലതാമസം നേരിട്ട സാഹചര്യം സർക്കാർ പരിശോധിച്ചിട്ടുണ്ടോ; ഉണ്ടെങ്കിൽ പരിശോധനയുടെ കണ്ടെത്തലുകളും സ്വീകരിച്ച നടപടികളും വ്യക്തമാക്കുമോ; ഈ പ്രവൃത്തിക്ക് എന്നത്തേയ്ക്ക് ഭരണാനുമതി നൽകാൻ കഴിയുമെന്ന് വ്യക്തമാക്കാമോ;

(ഡി)  അണ്ടൂർക്കോണം ഗ്രാമപഞ്ചായത്തിലെ എല്ലാ വാർഡുകളിലും കുടിവെള്ള വിതരണം ഉറപ്പാക്കുന്നതിനായി സർക്കാർ നടപ്പിലാക്കാൻ ഉദ്ദേശിക്കുന്ന പദ്ധതികൾ എന്തൊക്കെയാണെന്ന് വ്യക്തമാക്കാമോ?

കുപ്പിവെള്ളത്തിന്റെ ഗുണനിലവാരം പരിശോധിക്കാന്‍ നടപടി

2759  ശ്രീ. വർഗീസ് മാമ്മൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ പ്രവർത്തിക്കുന്ന കുപ്പിവെള്ള കമ്പനികളുടെ വിശദാംശങ്ങള്‍ രജിസ്ട്രേഷന്‍ നമ്പര്‍, തദ്ദേശസ്വയംഭരണ സ്ഥാപനം, ജില്ല ഇവ തിരിച്ചു ലഭ്യമാക്കുമോ;

(ബി)  ഇത്തരം കുപ്പിവെള്ള കമ്പനികളുടെ വെള്ളത്തിന്റെ ഗുണനിലവാരം ആരാണ് പരിശോധിക്കുന്നതെന്ന് വ്യക്തമാക്കാമോ;

(സി)  ഗുണനിലവാരം സംബന്ധിച്ച് സർട്ടിഫിക്കറ്റ് വിതരണം ചെയ്യാറുണ്ടോ; എങ്കില്‍ എത്ര കാലയളവിലേക്കാണ് നൽകുന്നതെന്ന് വ്യക്തമാക്കാമോ;

(ഡി)  പരാതി സമർപ്പിക്കാന്‍ പൊതുജനത്തിന് ഏർപ്പെടുത്തിയിട്ടുള്ള സൗകര്യം എന്താണെന്ന് വ്യക്തമാക്കാമോ?

കുടിവെള്ള ക്ഷാമം പരിഹരിക്കാൻ നടപടി

2760  ശ്രീ. വി. മുരളീധരൻ
ശ്രീ. ബി. ബി. ഗോപകുമാർ
ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ വാട്ടർ അതോറിറ്റി വഴി കുടിവെള്ള കണക്ഷൻ ലഭിക്കാത്ത ഗ്രാമീണ/നഗര വീടുകളുടെ ആകെയുള്ള എണ്ണം ജില്ല അടിസ്ഥാനത്തിൽ വ്യക്തമാക്കുമോ;

(ബി)  കേന്ദ്രസർക്കാറിന്റെ ജലജീവൻ മിഷൻ പദ്ധതി പ്രകാരം സംസ്ഥാനത്ത് ഇതുവരെ എത്ര വീടുകളിൽ കുടിവെള്ള കണക്ഷൻ നൽകിയിട്ടുണ്ടെന്നും ഇനിയെത്ര വീടുകൾ കൂടി കണക്ഷൻ നൽകാൻ ബാക്കിയുണ്ടെന്നും വ്യക്തമാക്കുമോ;

(സി)  സംസ്ഥാനത്തെ ഏതെല്ലാം താലൂക്കുകളിലാണ്/പ്രദേശങ്ങളിലാണ് നിലവിൽ കടുത്ത കുടിവെള്ളക്ഷാമം അനുഭവപ്പെടുന്നതെന്ന് കണ്ടെത്തിയിട്ടുണ്ടോ; വേനൽക്കാല കുടിവെള്ളക്ഷാമം പരിഹരിക്കുന്നതിനായി നടപ്പിലാക്കുന്ന പദ്ധതികൾ എന്തെല്ലാമാണെന്ന് വ്യക്തമാക്കുമോ;

(ഡി)  ജൽ ജീവൻ മിഷൻ പദ്ധതി വഴിയുള്ള പൈപ്പ് ലൈൻ സ്ഥാപിക്കാൻ റോഡ് പുനരുദ്ധാരണം, ട്രീറ്റ്മെൻ്റ് പ്ലാന്റുകളുടെ നിർമ്മാണം എന്നിവയിലെ കാലതാമസം കാരണം കുടിവെള്ള കണക്ഷനുകൾ വൈകുന്നത് ശ്രദ്ധയിൽപ്പെട്ടിട്ടുണ്ടോ; പദ്ധതി സമയബന്ധിതമായി പൂർത്തിയാക്കാൻ വേണ്ടി കൈക്കൊണ്ടിട്ടുള്ള നടപടികൾ വിശദമാക്കുമോ?

തളിപ്പറമ്പില്‍ ജലഗുണനിലവാര പരിശോധന കേന്ദ്രങ്ങൾ സ്ഥാപിക്കല്‍

2761  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ​സംസ്ഥാനത്ത് കുടിവെള്ളത്തിന്റെ ഗുണനിലവാരം ഉറപ്പാക്കുന്നതിനായി സർക്കാർ തലത്തിൽ പ്രവർത്തിക്കുന്ന ജലഗുണനിലവാര പരിശോധന ലാബുകളുടെ (വാട്ടര്‍ ടെസ്റ്റിംഗ് ലബോറട്ടറി) ജില്ല തിരിച്ചുള്ള കണക്കുകൾ വ്യക്തമാക്കാമോ;

(ബി)  ​കണ്ണൂർ ജില്ലയില്‍ തളിപ്പറമ്പിലും സമീപ പ്രദേശങ്ങളിലും നിലവിൽ സർക്കാർ സംവിധാനങ്ങൾക്ക് കീഴിൽ ജലഗുണനിലവാര പരിശോധന കേന്ദ്രങ്ങൾ പ്രവർത്തിക്കുന്നുണ്ടോ എന്ന് വ്യക്തമാക്കാമോ;

(സി)  തളിപ്പറമ്പിലെയും സമീപ പ്രദേശങ്ങളിലെയും ജനങ്ങൾക്ക് കുടിവെള്ളത്തിന്റെ ഗുണനിലവാരം കൃത്യമായി പരിശോധിക്കുന്നതിനും ജലജന്യ രോഗബാധകൾ ഫലപ്രദമായി തടയുന്നതിനും പൊതുജനാരോഗ്യം സംരക്ഷിക്കുന്നതിനുമായി തളിപ്പറമ്പിൽ ഒരു ജലഗുണനിലവാര പരിശോധന ലാബ് സ്ഥാപിക്കുന്നതിന് അടിയന്തര നടപടി സ്വീകരിക്കുമോ;

(ഡി)  എങ്കിൽ, ഇത് സംബന്ധിച്ചുള്ള പ്രാരംഭ നടപടികൾ എപ്പോള്‍ ആരംഭിക്കാൻ കഴിയുമെന്നാണ് പ്രതീക്ഷിക്കുന്നത് എന്ന് വിശദമാക്കാമോ?

കുപ്പിവെള്ള ഫാക്ടറികള്‍ സ്ഥാപിക്കുന്നതിന് നടപടി

2762  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള ഇറിഗേഷന്‍ ഇന്‍ഫ്രാസ്ട്രക്ച്ചര്‍ ഡവലപ്മെന്റ് കോര്‍പ്പറേഷന്‍ (കെ.ഐ.ഐ.ഡി.സി) മുഖാന്തരം അരുവിക്കരയില്‍ നടപ്പിലാക്കുന്ന കുപ്പിവെള്ള കമ്പനിയില്‍ 300ml, 500ml കുപ്പിവെള്ളം വിതരണം നടക്കുന്നില്ല എന്ന വസ്തുത സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഈ കുറവ് പരിഹരിക്കുന്നതിന് എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കുമോ;

(ബി)  കെ.ഐ.ഐ.ഡി.സി മുഖാന്തരം അരുവിക്കരയില്‍ നടപ്പിലാക്കുന്ന കുപ്പിവെള്ള കമ്പനി കേരള വാട്ടര്‍ അതോറിറ്റി ഏറ്റെടുക്കുന്നതിന് നടപടി സ്വീകരിച്ചിട്ടുണ്ടോ എന്ന് വ്യക്തമാക്കുമോ; വിശദവിവരം നല്‍കുമോ;

(സി)  ആലുവ, മാവൂര്‍, ശാസ്താംകോട്ട എന്നിവിടങ്ങളില്‍ കേരള വാട്ടര്‍ അതോറിറ്റിയുടെ ചുമതലയില്‍ കുപ്പിവെള്ള ഫാക്ടറികള്‍ സ്ഥാപിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കുമോ?

കാഞ്ഞിരപ്പള്ളി മണ്ഡലത്തിൽ ജല അതോറിറ്റിയുടെ കീഴിലെ പ്രവൃത്തികൾ

2763  ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കാഞ്ഞിരപ്പള്ളി നിയോജകമണ്ഡലത്തിൽ ജല അതോറിറ്റിക്കു കീഴിൽ ഭരണാനുമതി ലഭിച്ചിട്ടും ഇതുവരെ പൂർത്തിയാക്കാത്ത പ്രവൃത്തികളുടെ ലിസ്റ്റ് ലഭ്യമാക്കാമോ;

(ബി)  മണ്ഡലത്തിലെ കാഞ്ഞിരപ്പാറ-കാനം-ചാമംപതാൽ റോഡിൽ പൈപ്പിടുന്നതിനായി പോർട്ടലിൽ അപേക്ഷ നൽകിയതിന്റെ അടിസ്ഥാനത്തിൽ, റെസ്റ്റോറേഷൻ പ്രവൃത്തിക്കായി പൊതുമരാമത്ത് വകുപ്പ് അധികൃതർ ഡിമാൻഡ് നോട്ടീസ് നൽകിയിട്ടും ഇതുവരെ തുക ഒടുക്കാത്തതിന്റെ കാരണം എന്താണെന്ന് വ്യക്തമാക്കാമോ; ഇതിനാൽ കരാർ നൽകി സൈറ്റ് കൈമാറിയ പ്രസ്തുത പൊതുമരാമത്ത് റോഡ് പ്രവൃത്തി നീളുന്നതായി ശ്രദ്ധയിൽപ്പെട്ടിട്ടുണ്ടോ;

(സി)  ശബരിമല സീസൺ ആരംഭിക്കാനിരിക്കെ, പ്രസ്തുത റോഡിലെ പൈപ്പിടുന്ന പ്രവൃത്തി അടിയന്തരമായി ആരംഭിക്കുന്നതിന് വേണ്ടി റെസ്റ്റോറേഷൻ തുക പൊതുമരാമത്ത് വകുപ്പിന് നൽകുന്നതിന് നടപടി സ്വീകരിക്കുമോ; വിശദമാക്കാമോ?

കേരള വാട്ടർ അതോറിറ്റിയുടെ കുപ്പിവെള്ള ഫാക്ടറി

2764  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള വാട്ടർ അതോറിറ്റിയുടെ ഉടമസ്ഥതയിലുള്ള കുപ്പിവെള്ള ഫാക്ടറി കെ.ഐ.ഐ.ഡി.സി. യ്ക്ക് ലീസിന് നൽകിയതിലൂടെ 2016 ഏപ്രിൽ 1 മുതൽ 2026 മാർച്ച് 31 വരെയുള്ള കാലയളവിൽ ഓരോ സാമ്പത്തിക വർഷത്തിലും കേരള വാട്ടർ അതോറിറ്റിക്ക് ലഭിച്ച തുകയും പ്രസ്തുത ഫാക്ടറിയുടെ വരുമാനം, ചെലവ്, ലാഭം അല്ലെങ്കിൽ നഷ്ടം എന്നിവയുടെ കണക്കുകൾ സാമ്പത്തിക വർഷം തിരിച്ച് പ്രത്യേകം ലഭ്യമാക്കാമോ;

(ബി)  കേരള വാട്ടർ അതോറിറ്റിയുടെ ഉടമസ്ഥതയിലുള്ള കുപ്പിവെള്ള ഫാക്ടറി കെ.ഐ.ഐ.ഡി.സി. യ്ക്ക് ലീസിന് നൽകിയ കരാർ നിലവിലുണ്ടോ; എങ്കിൽ, കരാർ കാലാവധി അവസാനിക്കുന്നത് എന്നാണെന്ന് വ്യക്തമാക്കാമോ;

(സി)  കരാർ കാലാവധി അവസാനിക്കുന്നമുറയ്ക്ക് പ്രസ്തുത ഫാക്ടറി തിരിച്ചെടുക്കുന്നതിന് സർക്കാർ താത്പര്യപ്പെടുന്നുണ്ടോയെന്ന് വ്യക്തമാക്കാമോ;

(ഡി)  ഫാക്ടറി കൈമാറിയ സമയത്ത് പ്രവർത്തനച്ചെലവുകൾക്കും പ്രവർത്തനമൂലധനത്തിനുമായി കേരള വാട്ടർ അതോറിറ്റി കെ.ഐ.ഐ.ഡി.സി. യ്ക്ക് എത്ര രൂപ നൽകിയിട്ടുണ്ടെന്ന് വ്യക്തമാക്കാമോ;

(ഇ)  പ്രസ്തുത ഫാക്ടറിയുടെ നിലവിലുള്ള ബാങ്ക് ബാലൻസ്, നീക്കിയിരിപ്പ് തുക, ലഭിക്കാനുള്ള തുകകൾ, നൽകാനുള്ള ബാധ്യതകൾ എന്നിവയുടെ വിശദാംശം ലഭ്യമാക്കാമോ;

(എഫ്)  ഫാക്ടറി കൈമാറിയ സമയത്ത് കേരള വാട്ടർ അതോറിറ്റി കെ.ഐ.ഐ.ഡി.സി. യ്ക്ക് അനുവദിച്ച മൂലധന തുകയിൽ നിന്നും ചെലവായ തുകയുടെ കണക്കും നിലവിൽ കൈവശമുള്ള തുകയുടെ കണക്കും ലഭ്യമാക്കാമോ;

(ജി)  കെ.ഐ.ഐ.ഡി.സി. യ്ക്ക് ലീസിന് നൽകിയ കേരള വാട്ടർ അതോറിറ്റിയുടെ ഉടമസ്ഥതയിലുള്ള കുപ്പിവെള്ള ഫാക്ടറിയുടെ 2016 ഏപ്രിൽ 1 മുതൽ 2026 മാർച്ച് 31 വരെയുള്ള ഓരോ സാമ്പത്തിക വർഷത്തെയും ബാലൻസ് ഷീറ്റ് ലഭ്യമാക്കാമോ?

കേരള വാട്ടർ അതോറിറ്റിയുടെ കീഴിലുള്ള വാടകയ്ക്ക് നൽകിയിട്ടുള്ള സ്ഥലങ്ങളും കെട്ടിടങ്ങളും

2765  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള വാട്ടർ അതോറിറ്റിയുടെ കീഴിലുള്ളതോ ഉടമസ്ഥതയിലുള്ളതോ ആയ സ്ഥലങ്ങളും കെട്ടിടങ്ങളും ജലനിധി, കെ.ഐ.ഐ.ഡി.സി., മറ്റ് സ്ഥാപനങ്ങൾ, വ്യക്തികൾ തുടങ്ങിയവർക്ക് വാടകയ്ക്ക് നൽകിയിട്ടുണ്ടോ; എങ്കില്‍ ഓരോ കെട്ടിടത്തിനും സ്ഥലത്തിനും പ്രതിമാസം നിശ്ചയിച്ചിട്ടുള്ള വാടക, 2016 ഏപ്രിൽ ഒന്നു മുതൽ 2026 മാർച്ച് 31 വരെ ഓരോ സാമ്പത്തിക വർഷത്തിലും ഓരോ കെട്ടിടത്തിനും ലഭിച്ച വാടകത്തുക, പ്രസ്തുത കാലയളവിലെ വാടക കുടിശ്ശിക തുടങ്ങിയവയെ കുറിച്ചുള്ള വിവരങ്ങൾ പ്രത്യേകം ലഭ്യമാക്കാമോ;

(ബി)  പ്രസ്തുത കാലയളവില്‍ ടി കെട്ടിടങ്ങളുടെയും സ്ഥലത്തിന്റെയും അറ്റകുറ്റപ്പണികൾക്കും മറ്റിനത്തിലും ചെലവഴിച്ച തുകയുടെ വിവരം സാമ്പത്തിക വർഷം തിരിച്ചു ലഭ്യമാക്കാമോ;

(സി)  ജലനിധി, കെ.ഐ.ഐ.ഡി.സി., മറ്റ് സ്ഥാപനങ്ങൾ, വ്യക്തികൾ തുടങ്ങിയവർക്ക് വാടകക്ക് നൽകിയിട്ടുള്ള കേരള വാട്ടർ അതോറിറ്റിയുടെ കീഴിലുള്ളതോ ഉടമസ്ഥതയിലുള്ളതോ ആയ സ്ഥലങ്ങൾക്കും കെട്ടിടങ്ങൾക്കും വാടക കുടിശ്ശിക ഉണ്ടായിട്ടുണ്ടോ; എങ്കിൽ കാരണം എന്താണെന്ന് അറിയിക്കാമോ;

(ഡി)  പ്രസ്തുത വാടക കുടിശ്ശിക പിരിച്ചെടുക്കുന്നതിന് സർക്കാർ നടപടി സ്വീകരിക്കുമോ; വിശദമാക്കാമോ?

പുനലൂർ ജിക അസിസ്റ്റഡ് വാട്ടർ സപ്ലൈ പ്രോജക്ടുമായി ബന്ധപ്പെട്ട ലഗൂൺ പുനരുദ്ധരിക്കൽ

2766  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  പുനലൂർ നഗരസഭയിലുൾപ്പെട്ട തൊളിക്കോട് എന്ന സ്ഥലത്ത് കേരള വാട്ടർ അതോറിറ്റിയുടെ ഉടമസ്ഥതയിൽ ആറേക്കർ വിസ്തൃതിയിൽ വ്യാപിച്ചുകിടക്കുന്ന ജിക അസിസ്റ്റഡ് വാട്ടർ സപ്ലൈ പ്രൊജക്ടുമായി ബന്ധപ്പെട്ട ലഗൂൺ വൃത്തിയാക്കി കാടുകൾ നീക്കം ചെയ്ത് നവീകരിച്ച് ഒരു വിനോദസഞ്ചാര കേന്ദ്രമാക്കി മാറ്റണമെന്ന് ആവശ്യപ്പെട്ട് സ്ഥലം എം.എൽ.എ നൽകിയ നിവേദനം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത നിവേദനത്തിന്മേൽ സ്വീകരിച്ച നടപടികൾ വ്യക്തമാക്കാമോ;

(ബി)  പരിസരവാസികൾക്കും പൊതുജനങ്ങൾക്കും ഏറെ ബുദ്ധിമുട്ടുകൾ സൃഷ്ടിച്ച് പരിസ്ഥിതി മലിനീകരണവും സാംക്രമികരോഗ ഭീഷണിയുമുയർത്തുന്ന ഈ ലഗൂൺ മാലിന്യവിമുക്തമാക്കി കാടുകൾ നീക്കി പുനരുദ്ധരിക്കുന്നതിന് ജലവിഭവ വകുപ്പ് നടപടികൾ സ്വീകരിക്കുമോയെന്ന് വിശദമാക്കാമോ?

കഴക്കൂട്ടം മണ്ഡലത്തിലെ കുളങ്ങൾ സംരക്ഷിക്കുന്നതിന് നടപടി

2767  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം ജില്ലയിൽ അതിരൂക്ഷമായ കുടിവെള്ളക്ഷാമം അനുഭവിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ; ഇതു ഒരു പരിധി വരെ പരിഹരിക്കുവാൻ സ്വാഭാവിക ജലസ്രോതസ്സുകൾ ആയ കുളങ്ങളുടെ സംരക്ഷണവും പരിപാലനവും സംബന്ധിച്ച് എന്തൊക്കെ പദ്ധതികളാണ് നിലവിലുള്ളതെന്ന് വ്യക്തമാക്കാമോ;

(ബി)  കഴക്കൂട്ടം നിയോജകമണ്ഡലത്തിലെ 53 ഓളം കുളങ്ങൾ നവീകരിച്ച് സംരക്ഷിക്കുന്നതിനായി എന്തൊക്കെ പദ്ധതികളാണ് നടപ്പിലാക്കി വരുന്നതെന്ന് വിശദീകരിക്കാമോ;

(സി)  കുളങ്ങളുടെ സംരക്ഷണത്തിനായും മറ്റും കേന്ദ്രസർക്കാർ ആവിഷ്കരിച്ചിട്ടുള്ള അമൃത് സരോവർ പദ്ധതി പ്രകാരം ഏതൊക്കെ പദ്ധതികളാണ് ഈ മണ്ഡലത്തിൽ നടപ്പിലാക്കി വരുന്നത്; വിശദാംശങ്ങൾ ലഭ്യമാക്കാമോ;

(ഡി)  കഴക്കൂട്ടം നിയോജക മണ്ഡലത്തിലെ മുഴുവൻ കുളങ്ങളും നവീകരിക്കുന്നതിനുള്ള നടപടികൾ ഏത് ഘട്ടം വരെയായി എന്ന് വിശദീകരിക്കാമോ?

തിരുവനന്തപുരം ജില്ലാ നിർമിതി കേന്ദ്രത്തിന്റെ കുടിശ്ശിക

2768  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം ജില്ലാ നിർമിതി കേന്ദ്രത്തിന് വിവിധ പദ്ധതികള്‍ ഏറ്റെടുത്ത് പൂര്‍ത്തീകരിച്ച ഇനത്തില്‍ വിവിധ വകുപ്പുകളിൽ നിന്നും ലഭിക്കാനുള്ള കുടിശ്ശിക തുക എത്രയാണെന്ന് വ്യക്തമാക്കാമോ; പ്രസ്തുത തുകകൾ സമയബന്ധിതമായി ലഭ്യമാക്കുന്നതിന് നടപടി സ്വീകരിക്കുമോ; വിശദമാക്കാമോ?

പാണഞ്ചേരി ഗ്രാമപഞ്ചായത്ത് കമ്മ്യൂണിറ്റി ഹാൾ നിർമ്മാണം

2769  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജകമണ്ഡലത്തിലെ പാണഞ്ചേരി ഗ്രാമപഞ്ചായത്ത് കമ്മ്യൂണിറ്റി ഹാൾ നിർമ്മാണവുമായി ബന്ധപ്പെട്ട് നിർമ്മിതി കേന്ദ്രം വിവിധ ഘട്ടങ്ങളിലായി നടപ്പിലാക്കിയ പ്രവൃത്തികളുടെ ബില്ലുകൾക്ക് തുക അനുവദിക്കുന്നതിനുള്ള നടപടികൾ നിലവിൽ ഏത് ഘട്ടത്തിലാണ്;

(ബി)  പ്രസ്തുത പ്രവൃത്തികളുമായി ബന്ധപ്പെട്ട് തുക അനുവദിക്കുന്നതിന് എന്തെങ്കിലും തടസ്സങ്ങളുണ്ടോ; ഉണ്ടെങ്കിൽ അവ പരിഹരിച്ച് ബില്ലുകൾ തീർപ്പാക്കുന്നതിന് സ്വീകരിച്ച നടപടികൾ എന്തെല്ലാമാണ്;

(സി)  കമ്മ്യൂണിറ്റി ഹാൾ നിർമ്മാണവുമായി ബന്ധപ്പെട്ട് തീർപ്പാകാനുള്ള ബില്ലുകളിൽ തുക അനുവദിച്ച് നടപടികൾ പൂർത്തീകരിക്കുന്നതിന് സമയപരിധി നിശ്ചയിച്ചിട്ടുണ്ടോ; വിശദാംശം ലഭ്യമാക്കുമോ;

(ഡി)  ഇല്ലെങ്കിൽ സമയപരിധി നിശ്ചയിച്ചു നടപടികൾ പൂർത്തിയാക്കുവാൻ ബന്ധപ്പെട്ടവർക്ക് നിർദേശം നൽകാമോ?

വള്ളിക്കുന്ന് നിയോജകമണ്ഡലത്തിലെ ഭവന നിർമ്മാണ പദ്ധതികള്‍

2770  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാരിന്റെ ഭവനനിർമ്മാണ പദ്ധതിയിൽ മത്സ്യത്തൊഴിലാളികൾക്കായി എന്തൊക്കെ പ്രത്യേക പദ്ധതികളാണുള്ളതെന്ന് വിശദമാക്കാമോ;

(ബി)  മലപ്പുറം ജില്ലയിലെ വള്ളിക്കുന്ന് ഗ്രാമപഞ്ചായത്തിലെ ഇരട്ട വീടുകൾ ഒറ്റ വീടുകളാക്കി മാറ്റുന്ന പദ്ധതിയിൽ നിലവിൽ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)  നിലവിൽ വള്ളിക്കുന്ന് നിയോജകമണ്ഡലത്തിൽ ഭവനനിർമ്മാണ വകുപ്പിന്റെ ഏതൊക്കെ പദ്ധതികളാണ് നടപ്പിലാക്കുന്നതെന്നും അവയുടെ നിലവിലെ അവസ്ഥ എന്താണെന്നും വ്യക്തമാക്കാമോ;

(ഡി)  സർക്കാരിന്റെ ഭവനനിർമ്മാണ സഹായങ്ങളും മാനദണ്ഡങ്ങളും വിശദമായി ഇനംതിരിച്ചു ലഭ്യമാക്കാമോ?

കേരള സംസ്ഥാന ഹൗസിംഗ് ബോർഡിന്റെ ക്വാർട്ടേഴ്സ് /ഫ്ലാറ്റ് നിർമ്മാണം

2771  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  കേരള സംസ്ഥാന ഹൗസിംഗ് ബോർഡിന്റെ കീഴിൽ കെട്ടിട നിർമ്മാണ പ്രവർത്തി ആരംഭിച്ച കാഞ്ഞങ്ങാട്ടെ മാവുങ്കാൽ, പരപ്പ എന്നിവിടങ്ങളിലെ സർക്കാർ ജീവനക്കാർക്കുള്ള ക്വാർട്ടേഴ്സ്/ഫ്ലാറ്റ് നിർമ്മാണം ഏത് ഘട്ടത്തിൽ ആണെന്ന് അറിയിക്കാമോ;

(ബി)  പ്രസ്തുത നിർമ്മാണങ്ങൾക്ക് വേണ്ടി എത്ര രൂപയുടെ എസ്റ്റിമേറ്റാണ് നീക്കിവെച്ചതെന്ന് വിശദമാക്കാമോ;

(സി)  നിർമ്മാണ കരാർ ആർക്കാണ് നൽകിയത് എന്ന് വിശദമാക്കാമോ;

(ഡി)  നിർമ്മാണം തുടങ്ങിയിട്ടും പണിപൂർത്തിയാകാതെ നീളുന്നതിന്റെ സാഹചര്യങ്ങൾ വിശദമാക്കാമോ?

കൊച്ചി മണ്ഡലത്തിനായുള്ള പ്രത്യേക ഭവന പദ്ധതികള്‍

2772  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് ജലവിഭവ - ഭവനനിർമ്മാണ വകുപ്പ് മന്ത്രി സദയം മറുപടി നല്‍കുമോ:

(എ)  ഭവനനിർമ്മാണ വകുപ്പും കേരള സംസ്ഥാന ഭവനനിർമ്മാണ ബോർഡും മുഖേന സംസ്ഥാനത്ത് നിലവിൽ നടപ്പിലാക്കിവരുന്ന പ്രധാന ഭവനനിർമ്മാണ പദ്ധതികൾ, ഭവനവായ്പാ പദ്ധതികൾ എന്നിവ ഏതെല്ലാമാണെന്ന് വ്യക്തമാക്കാമോ;

(ബി)  പ്രസ്തുത പദ്ധതികളുടെ അർഹതാ മാനദണ്ഡങ്ങളും ഗുണഭോക്താക്കൾക്ക് ലഭിക്കുന്ന ധനസഹായം, സബ്‌സിഡി, പലിശ ഇളവുകൾ എന്നിവയുടെ വിശദാംശവും ലഭ്യമാക്കാമോ;

(സി)  കൊച്ചി നിയോജകമണ്ഡലത്തിൽ, പ്രത്യേകിച്ച് ചെല്ലാനം, പശ്ചിമകൊച്ചി തുടങ്ങിയ തീരദേശ-നഗരമേഖലകളിൽ ഭവനനിർമാണ ബോർഡ് വഴി നടപ്പിലാക്കാൻ പ്രത്യേക പദ്ധതികളോ ഭവനസമുച്ചയങ്ങളോ ആവിഷ്കരിച്ചിട്ടുണ്ടോ;

(ഡി)  നടപ്പ് സാമ്പത്തിക വർഷത്തിൽ കൊച്ചിക്ക് പ്രത്യേക ഭവനപദ്ധതി അനുവദിക്കാൻ നടപടി സ്വീകരിക്കുമോയെന്ന് വ്യക്തമാക്കാമോ?

 

                                                                                                                     





 




Website maintained by Information System Section, Kerala Legislative Assembly, Thiruvananthapuram.