കെ.എസ്.ബി.സി.ഡി.സി. മുഖേനെ ഒ.ബി.സി.യ്ക്കുള്ള സാമ്പത്തിക സഹായങ്ങള്‍

2516  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ (കെ.എസ്.ബി.സി.ഡി.സി.) മുഖേന നിലവിൽ ഒ.ബി.സി. വിഭാഗങ്ങള്‍ക്ക് നൽകി വരുന്ന പദ്ധതികളെ കുറിച്ച് വിശദമാക്കാമോ;

(ബി)  ഒ.ബി.സി. വിഭാഗങ്ങൾക്ക് നൽകി വരുന്ന സ്വയംതൊഴിൽ, വിദ്യാഭ്യാസ വായ്പാ തുകകള്‍ വര്‍ദ്ധിപ്പിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യം പരിഗണനയിലുണ്ടോയെന്ന് വ്യക്തമാക്കാമോ;

(സി)  വിദേശ സർവകലാശാലകളിൽ ഉന്നതപഠനം നടത്തുന്ന പിന്നാക്ക വിഭാഗ വിദ്യാർത്ഥികൾക്കുള്ള സ്കോളർഷിപ്പ് പദ്ധതിയുടെ നിലവിലെ പുരോഗതി വ്യക്തമാക്കാമോ?

വിശ്വകർമ്മ സമുദായത്തിലെ പരമ്പരാഗത തൊഴിലാളികളുടെ ക്ഷേമം

2517  ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  വിശ്വകർമ്മ സമുദായത്തെ പരമ്പരാഗത തൊഴിലാളി വിഭാഗമായി പരിഗണിച്ച് പുറപ്പെടുവിച്ച G.O.(P) No. 76/2003/SC/ST ഉത്തരവിന്റെ അടിസ്ഥാനത്തിൽ നാളിതുവരെ നടപ്പിലാക്കിയ പദ്ധതികൾ ഏതെല്ലാമാണെന്നും ഓരോ പദ്ധതിയുടെയും ലക്ഷ്യം, അനുവദിച്ച തുക, ചെലവഴിച്ച തുക, ഗുണഭോക്താക്കളുടെ എണ്ണം എന്നിവ സംബന്ധിച്ച വിശദാംശം ലഭ്യമാക്കാമോ;

(ബി)  പ്രസ്തുത ഉത്തരവിന്റെ അടിസ്ഥാനത്തിൽ പദ്ധതികൾ നടപ്പിലാക്കിയിട്ടില്ലെങ്കിൽ അതിന്റെ കാരണങ്ങൾ വിശദമാക്കാമോ; ഉത്തരവിലെ വ്യവസ്ഥകൾ പൂർണമായി നടപ്പിലാക്കുന്നതിന് സ്വീകരിച്ചിട്ടുള്ളതും സ്വീകരിക്കാൻ ഉദ്ദേശിക്കുന്നതുമായ നടപടികൾ എന്തെല്ലാമാണ്;

(സി)  പതിനഞ്ചാം പഞ്ചവത്സര പദ്ധതിക്കാലയളവിൽ വിശ്വകർമ്മ സമുദായത്തിലെ പരമ്പരാഗത തൊഴിലാളികളുടെ തൊഴിൽ സംരക്ഷണം, നൈപുണ്യ വികസനം, ആധുനിക ഉപകരണങ്ങൾ ലഭ്യമാക്കൽ, സാമ്പത്തിക സഹായം, സ്വയംതൊഴിൽ സംരംഭങ്ങളുടെ വികസനം, ഉൽപ്പന്നങ്ങളുടെ വിപണനം എന്നിവയ്ക്കായി പ്രത്യേക പദ്ധതികളോ ആനുകൂല്യങ്ങളോ അനുവദിച്ചിട്ടുണ്ടോ; ഉണ്ടെങ്കിൽ അവയുടെ വിശദാംശം ലഭ്യമാക്കാമോ?

ഒ.ബി.സി. വിഭാഗത്തിലെ വനിതാ സംരംഭകർക്ക് സാമ്പത്തിക സഹായം

2518  ശ്രീ. എൻ. ശക്തൻ
ശ്രീ. സി. വി. ശാന്തകുമാർ
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സൂക്ഷ്മ, ചെറുകിട, ഇടത്തരം സംരംഭങ്ങളുടെ രജിസ്ട്രേഷൻ ഉള്ള ഒ.ബി.സി. വിഭാഗത്തിൽപ്പെട്ട വനിതാ സംരംഭകരെ പ്രോത്സാഹിപ്പിക്കുന്നതിനായി പ്രത്യേക സാമ്പത്തിക സഹായ പദ്ധതി നടപ്പാക്കുന്നുണ്ടോ; വിശദമാക്കമോ;

(ബി)  പ്രസ്തുത പദ്ധതിയുടെ ഭാഗമായി വനിതാ സംരംഭകർക്ക് ലഭ്യമാക്കുന്ന സാമ്പത്തിക സഹായത്തിന്റെ പരമാവധി തുക എത്രയാണെന്നും സഹായം ലഭിക്കുന്നതിനുള്ള മാനദണ്ഡങ്ങൾ എന്തെല്ലാമാണെന്നും വ്യക്തമാക്കുമോ; പുതിയ സംരംഭങ്ങൾ ആരംഭിക്കുന്നതിനും നിലവിലുള്ള സംരംഭങ്ങൾ വികസിപ്പിക്കുന്നതിനും ഈ പദ്ധതിയിലൂടെ ധനസഹായം ലഭ്യമാക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(സി)  പദ്ധതിയുടെ ആനുകൂല്യം ലഭിക്കുന്നതിന് അപേക്ഷകർ സമർപ്പിക്കേണ്ട രേഖകൾ, അപേക്ഷിക്കേണ്ട രീതി, അപേക്ഷകൾ പരിഗണിക്കുന്നതിനുള്ള നടപടിക്രമങ്ങൾ എന്നിവ വിശദമാക്കുമോ; അർഹരായ ഒ.ബി.സി. വനിതാ സംരംഭകർക്ക് പദ്ധതിയുടെ ആനുകൂല്യം സമയബന്ധിതമായി ലഭ്യമാക്കുന്നതിനും കൂടുതൽ വനിതകളെ സംരംഭക മേഖലയിലേക്ക് ആകർഷിക്കുന്നതിനും നടപടി സ്വീകരിക്കുമോ; വിശദമാക്കാമോ?

പിന്നാക്ക വിഭാഗ വികസന വകുപ്പ് നടപ്പിലാക്കി വരുന്ന പദ്ധതികള്‍

2519  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് ജില്ലയിലെ ആലത്തൂർ നിയോജക മണ്ഡലത്തിൽ പിന്നാക്ക വിഭാഗ വികസന വകുപ്പ് മുഖേന നിലവിൽ നടപ്പിലാക്കി വരുന്ന പദ്ധതികളുടെ വിശദാംശവും അവയുടെ പുരോഗതിയും വിശദമാക്കാമോ?

പട്ടികജാതി വികസന ഓഫിസുകളുടെ അഭാവം

2520  ഡോ. മാത്യു കുഴൽനാടൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പുതുതായി രൂപീകരിക്കപ്പെട്ട മുനിസിപ്പാലിറ്റികളിൽ പട്ടികജാതി വികസന ഓഫീസുകൾ ആരംഭിക്കാത്തത് മൂലം എസ്.സി. ഫണ്ട്‌ ഉപയോഗിച്ചുള്ള പദ്ധതി നിർവഹണം കാര്യക്ഷമമായി നടക്കുന്നില്ല എന്ന ആരോപണം സംബന്ധിച്ച അഭിപ്രായം അറിയിക്കാമോ;

(ബി)  എറണാകുളം ജില്ലയിൽ ഇത്തരത്തിൽ തസ്തിക സൃഷ്ടിക്കാൻ അവശേഷിക്കുന്ന മുനിസിപ്പാലിറ്റികൾ എത്രയെന്നും അവ ഏതൊക്കെയെന്നും വ്യക്തമാക്കുമോ;

(സി)  പട്ടികജാതി വികസന വകുപ്പിൽ നടത്തിയ വർക്ക് സ്റ്റഡി പഠന റിപ്പോർട്ടിൽ എറണാകുളം ജില്ലയിൽ എത്ര പുതിയ പട്ടികജാതി വികസന ഓഫീസ് ആരംഭിക്കുന്നതിനു ശിപാർശ ചെയ്തിട്ടുണ്ട് എന്ന് വിശദമാക്കാമോ; ഇവിടങ്ങളിൽ ഓഫിസ് ആരംഭിക്കുന്നതിനു നടപടി സ്വീകരിക്കുമോ;

(ഡി)  മൂവാറ്റുപുഴ നഗരസഭ കേന്ദ്രമാക്കി പുതിയ പട്ടികജാതി വികസന ഓഫീസ് ആരംഭിക്കുന്നതിന് നടപടി സ്വീകരിക്കുമോ?

എസ്.സി പദ്ധതികള്‍

2521  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പഞ്ചമി ഗ്രാമം പദ്ധതിയെ കുറിച്ചും പ്രസ്തുത പദ്ധതിയിലുള്‍പ്പെടുത്തി നവീകരിക്കുന്നതിനായി തെരഞ്ഞെടുത്ത കൊണ്ടോട്ടി നിയോജക മണ്ഡലത്തിലെ നഗറുകളുടെ പട്ടികയും വ്യക്തമാക്കാമോ;

(ബി)  പഠന മുറി ധനസഹായം 2 ലക്ഷം രൂപയില്‍ നിന്നും വര്‍ദ്ധിപ്പിക്കുന്ന കാര്യം പരിഗണനയിലുണ്ടോ; പഠന മുറി ധനസഹായം ഡിഗ്രി വരെയുളള വിദ്യാര്‍ത്ഥികള്‍ക്ക് അനുവദിക്കുന്ന കാര്യം പരിഗണിക്കുമോ;

(സി)  വിവാഹ ധനസഹായം, മിശ്ര വിവാഹ ധനസഹായം പദ്ധതികള്‍ പ്രകാരമുളള ധനസഹായം വര്‍ദ്ധിപ്പിക്കുുന്ന കാര്യം പരിഗണനയിലുണ്ടോ; പ്രസ്തുത പദ്ധതികള്‍ പ്രകാരമുളള തുക വിതരണത്തിന് വലിയ കാലതാമസം വരുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ടി ധനസഹായം യഥാസമയം വിതരണം ചെയ്യുന്നതിന് നടപടി സ്വീകരിക്കുമോ?

പട്ടികജാതി പട്ടികവ‍ർഗ്ഗ വിഭാഗങ്ങളുടെ ഉന്നമനം

2522  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ പട്ടികജാതി പട്ടികവ‍ർഗ്ഗ വിഭാഗങ്ങള്‍ക്ക് ഭവന നിർമ്മാണപദ്ധതികളിലൂടെ ആധുനിക സൗകര്യങ്ങളുള്ള വീടുകൾ നി‍ർമ്മിച്ചു നൽകാൻ ആരംഭിച്ചിട്ടുണ്ടോ; എങ്കിൽ അവരുടെ ജനസംഖ്യയുടെ എത്ര ശതമാനം പേ‍ർക്ക് ഇത്തരം വീടുകൾ ലഭ്യമായിട്ടുണ്ട്;

(ബി)  സ്വാതന്ത്ര്യം കിട്ടി എൺപതാം വാർഷികം അടുത്തവർഷം ആഘോഷിക്കുമ്പോഴും പ്രസ്തുത വിഭാഗങ്ങളുടെ താമസം, ഭക്ഷണം, വിദ്യാഭ്യാസം, വരുമാനം, തൊഴിൽ തുടങ്ങിയ മേഖലകളിൽ മറ്റ് വിഭാഗങ്ങളോടൊപ്പം എത്തിയിട്ടില്ലായെന്ന വസ്തുത ശ്രദ്ധയിൽപ്പെട്ടിട്ടുണ്ടോ;

(സി)  പ്രസ്തുത വിഭാഗങ്ങളുടെ തീവ്ര പിന്നോക്കാവസ്ഥ മാറ്റി ആധുനിക ജീവിതത്തിലേയ്ക്ക് കടന്നുവരാനുള്ള എന്തെല്ലാം സാമൂഹ്യപദ്ധതികളാണ് വിഭാവനം ചെയ്യുന്നത്;

(ഡി)  ഗവേഷണ മേഖലയിൽ പട്ടികജാതി പട്ടികവ‍ർഗ്ഗ വിഭാഗത്തിൽപ്പെട്ട വിദ്യാ‍ർത്ഥികളുടെ സാന്നിദ്ധ്യം എത്രയെന്ന് വിശകലനം ചെയ്തിട്ടുണ്ടോ;

(ഇ)  ഉന്നത വിദ്യാഭ്യാസ മേഖലയിൽ പട്ടികജാതി പട്ടികവർഗ്ഗ വിഭാഗത്തിൽപ്പെട്ട വിദ്യാ‍ർത്ഥികൾക്ക് സംവരണം ചെയ്തിട്ടുള്ള സീറ്റുകൾ പലസ്ഥാപനങ്ങളിലും ഒഴിഞ്ഞുകിടക്കുകയാണെന്നത് ശ്രദ്ധയിൽപ്പെട്ടിട്ടുണ്ടോ;

(എഫ്)  പട്ടികജാതി പട്ടികവർഗ്ഗ വിഭാഗത്തിൽപ്പെട്ട വിദ്യാ‍ർത്ഥികൾക്ക് സംവരണം ചെയ്ത സീറ്റുകൾ മറ്റ് സമുദായക്കാർക്ക് മാറ്റികൊടുക്കരുതെന്ന് രണ്ട് പതിറ്റാണ്ടുകൾ മുമ്പ് കേരള സർവ്വകലാശാല ഉത്തരവിറക്കിയത് ശ്രദ്ധയിൽപ്പെട്ടിട്ടുണ്ടോ;

(ജി)  പട്ടികജാതി പട്ടികവർഗ്ഗ വിഭാഗത്തിൽപ്പെട്ട വിദ്യാ‍ർത്ഥികൾക്ക് സംവരണം ചെയ്ത സീറ്റുകളിലേക്ക് അപേക്ഷകരില്ലാത്ത സാഹചര്യങ്ങളില്‍ ഇതര സമുദായങ്ങളിൽപ്പെട്ടവ‍ർക്ക് ഇവരുടെ സീറ്റുകൾ മാറ്റി നൽകുന്ന രീതി പല ഉന്നത വിദ്യാഭ്യാസ സ്ഥാപനങ്ങളിലും നിലനിൽക്കുന്നതായി കണ്ടെത്തിയിട്ടുണ്ടോ; എങ്കിൽ അത്തരം സാഹചര്യങ്ങൾ ഇല്ലാതാക്കാൻ എന്തെല്ലാം നടപടികൾ സ്വീകരിക്കാൻ കഴിയുമെന്ന് വ്യക്തമാക്കുമോ?

2021- 22 മുതൽ 2025-26 വരെയുള്ള സാമ്പത്തിക വർഷങ്ങളിലെ വിവരങ്ങൾ

2523  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2021-22 മുതൽ 2025-26 വരെയുള്ള സാമ്പത്തിക വർഷങ്ങളിൽ പട്ടികജാതി, പട്ടികവർഗ, മറ്റ് പിന്നോക്ക വിഭാഗങ്ങൾക്കുള്ള വിഭാഗങ്ങൾക്കുള്ള ഭവനനിർമ്മാണം, വിദ്യാഭ്യാസം, സ്കോളർഷിപ്പ്, തൊഴിൽ, സ്വയംതൊഴിൽ, ഭൂവിതരണം എന്നിവയ്ക്കുള്ള ചെലവുകൾ സംബന്ധിച്ച കണക്ക് പ്രത്യേകം ലഭ്യമാക്കാമോ;

(ബി)  പ്രസ്തുത പദ്ധതികള്‍ക്കായി അനുവദിച്ച തുകയിൽ ചെലവഴിക്കാതെശേഷിക്കുന്ന തുക സംബന്ധിച്ച വിശദാംശം ലഭ്യമാക്കുമോ;

(സി)  പ്രസ്തുത പദ്ധതികളുടെ ഗുണഭോക്താക്കളുടെ എണ്ണം ജില്ലതിരിച്ച് ലഭ്യമാക്കാമോ?

പട്ടികജാതി പട്ടിക വര്‍ഗ്ഗ നൈപുണ്യ വികസനത്തിനായി ചെലവഴിച്ച തുക

2524  ശ്രീ. ഐ. സി. ബാലകൃഷ്ണന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെയുള്ള കാലയളവില്‍ പട്ടികജാതി വിഭാഗത്തിന് നൈപുണ്യ വികസനത്തിനായി എത്ര രൂപ നീക്കി വെച്ചു; എത്ര രൂപ ചെലവഴിച്ചു; പദ്ധതികള്‍ ഏതെല്ലാം ആയിരുന്നു; ഓരോ പദ്ധതിക്കും എത്ര രൂപ ചെലവഴിച്ചു; ഇതിന്റെ വിശദമായ കണക്ക് ലഭ്യമാക്കുമോ;

(ബി)  പ്രസ്തുത കാലയളവിൽ പട്ടികവര്‍ഗ്ഗ വിഭാഗത്തിന്റെ നൈപുണ്യ വികസനത്തിനായി എത്ര രൂപ നീക്കി വെച്ചു; എത്ര രൂപ ചെലവഴിച്ചു; പദ്ധതികള്‍ ഏതെല്ലാമായിരുന്നു; ഓരോ പദ്ധതിക്കും എത്ര രൂപ ചെലവഴിച്ചു; വിശദമായ കണക്ക് ലഭ്യമാക്കുമോ;

(സി)   പട്ടികജാതി വകുപ്പിലെ ഒരു ഡയറക്ടര്‍ നൈപുണ്യവികസന പദ്ധതിയുമായി ബന്ധപ്പെട്ട് പണം തട്ടിയെടുത്തുവെന്ന് ആരോപിച്ചുകൊണ്ടുള്ള പരാതിയില്‍ ധനകാര്യ പരിശോധനാ വിഭാഗം അന്വേഷണം നടത്തിയിരുന്നോ; എങ്കിൽ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ?

ഉന്നതികളുടെ വികസനവും തളിപ്പറമ്പിലെ നിലവിലെ സ്ഥിതിയും

2525  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ്ഗ സങ്കേതങ്ങളുടെ/ഉന്നതികളുടെ സമഗ്ര വികസനം ലക്ഷ്യമിട്ട് നടപ്പാക്കുന്ന ഉന്നതി പദ്ധതിയുടെ ഭാഗമായ പല പ്രദേശങ്ങളിലും ഉന്നതികളിലേക്കും അതിനുള്ളിലേക്കും ആവശ്യത്തിന് റോഡ് സൗകര്യങ്ങളില്ലെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ ഇത്തരം ഉന്നതികളിൽ ഗതാഗത സൗകര്യവും അടിസ്ഥാന സൗകര്യങ്ങളും ഉറപ്പാക്കുന്നതിനായി എന്തെല്ലാം നടപടികളാണ് വകുപ്പ് സ്വീകരിച്ചു വരുന്നത്;

(സി)  തളിപ്പറമ്പ് നിയോജക മണ്ഡലത്തിൽ നിലവിൽ എത്ര ഉന്നതികളാണ് അംഗീകാരത്തോടെ പ്രവർത്തിക്കുന്നത്; ഇവയുടെ വിവരങ്ങൾ ലഭ്യമാക്കാമോ;

(ഡി)  തളിപ്പറമ്പ് മണ്ഡലത്തിലെ ഉന്നതികളിലെ നിവാസികൾ അഭിമുഖീകരിക്കുന്ന യാത്രാപ്രശ്നം ഉൾപ്പെടെയുള്ള അടിസ്ഥാന വിഷയങ്ങൾ പരിഹരിക്കുന്നതിനായി പ്രത്യേകമായി എന്തെങ്കിലും പദ്ധതികൾ ആവിഷ്കരിച്ച് നടപ്പിലാക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ?

പട്ടികജാതി പട്ടിക വിഭാഗങ്ങൾക്കായുള്ള കേന്ദ്ര പദ്ധതികളുടെ നടത്തിപ്പും ഫണ്ട് വിനിയോഗവും

2526  ശ്രീ. രാജീവ് ചന്ദ്രശേഖർ
ശ്രീ. വി. മുരളീധരൻ
ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ്ഗ വിഭാഗങ്ങളുടെ സമഗ്ര വികസനത്തിനായി കേന്ദ്രസർക്കാർ അനുവദിക്കുന്ന പ്രധാനമന്ത്രി അനുസുചിത് ജാതി അഭ്യുദയ് യോജന, പ്രധാനമന്ത്രി ജനജാതിയ ഉന്നത് ഗ്രാം അഭിയാൻ പോസ്റ്റ് മെട്രിക് സ്കോളർഷിപ്പ് തുടങ്ങിയ കേന്ദ്രാവിഷ്കൃത പദ്ധതികളുടെ സംസ്ഥാനത്തെ നിലവിലെ നിർവഹണ പുരോഗതി വ്യക്തമാക്കുമോ;

(ബി)  കഴിഞ്ഞ മൂന്നു സാമ്പത്തിക വർഷങ്ങളിൽ പ്രസ്തുത പദ്ധതികൾക്കായി കേന്ദ്രസർക്കാർ നൽകിയ തുക എത്രയാണെന്നും അതിൽ എത്ര തുക വിനിയോഗിച്ചെന്നും കൃത്യസമയത്ത് ഫണ്ട് ചെലവഴിക്കാത്തത് മൂലം തുക വക മാറ്റുകയോ കേന്ദ്രത്തിലേക്ക് തിരിച്ചെടുക്കുകയോ ചെയ്തിട്ടുണ്ടോ എന്നും വിശദമാക്കുമോ;

(സി)  പട്ടികജാതി പട്ടികവർഗ്ഗ വിദ്യാർത്ഥികൾക്കുള്ള കേന്ദ്രസ്കോളർഷിപ്പുകൾ ഇ-ഗ്രാൻഡ്സ് വിതരണത്തിലെ കാലതാമസം കാരണം തടസ്സപ്പെടുന്നുണ്ടോ; ഇത് പരിഹരിച്ച് അർഹരായ മുഴുവൻ വിദ്യാർഥികൾക്കും തുക സമയബന്ധിതമായി ലഭ്യമാക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളത് എന്ന് അറിയിക്കുമോ;

(ഡി)  പട്ടികവർഗ്ഗ സങ്കേതങ്ങളിലെ അടിസ്ഥാന സൗകര്യ വികസനം, ഭവന നിർമ്മാണം, കുടിവെള്ളം, സോളാർ വൈദ്യുതി വിതരണം എന്നിവയ്ക്കായി കേന്ദ്രസർക്കാർ നടപ്പിലാക്കുന്ന വികസന പദ്ധതികളുടെ സംസ്ഥാനത്തെ നിർവഹണത്തിലെ പോരായ്മകൾ പരിഹരിക്കാൻ സ്വീകരിച്ച നടപടികൾ വ്യക്തമാക്കുമോ?

പുതിയ മുനിസിപ്പാലിറ്റികളിലെ പട്ടിക ജാതി വികസന ഓഫീസുകൾ

2527  ശ്രീ. ഉല്ലാസ് കോവൂർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പുതുതായി രൂപീകരിക്കപ്പെട്ട മുനിസിപ്പാലിറ്റികളിൽ പട്ടികജാതി വികസന ഓഫീസുകൾ ആരംഭിച്ചിട്ടില്ല എന്ന വിഷയം ശ്രദ്ധയിൽപ്പെട്ടിട്ടുണ്ടോ;

(ബി)  കൊല്ലം ജില്ലയിൽ ഇത്തരത്തിൽ തസ്തിക സൃഷ്ടിക്കാൻ അവശേഷിക്കുന്ന മുനിസിപ്പാലിറ്റികൾ എത്രയെന്ന് വ്യക്തമാക്കുമോ;

(സി)  പട്ടികജാതി വികസനവകുപ്പ് നടത്തിയ പഠന റിപ്പോർട്ടിൽ കൊല്ലം ജില്ലയിൽ എത്ര പുതിയ പട്ടികജാതി വികസന ഓഫീസുകൾ ആരംഭിക്കുവാൻ ശിപാർശ ചെയ്തിട്ടുണ്ടെന്ന് വിശദമാക്കാമോ;

(ഡി)  ഇവിടങ്ങളിൽ പുതിയ പട്ടികജാതി വികസന ഓഫീസുകൾ ആരംഭിക്കുന്നതിന് അടിയന്തര നടപടി സ്വീകരിക്കുമോ?

നൂറുദിന കർമപരിപാടിയുമായി ബന്ധപ്പെട്ട് നടപ്പാക്കിയ പദ്ധതികള്‍

2528  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാരിന്റെ നൂറുദിന കർമപരിപാടിയുടെ ഭാഗമായി പട്ടികജാതി–പട്ടികവർഗ, പിന്നാക്ക ക്ഷേമ വകുപ്പ് നടപ്പാക്കിയ പദ്ധതികൾ ഏതൊക്കെയാണെന്ന് വ്യക്തമാക്കാമോ;

(ബി)  പ്രിയദർശിനി സ്വയംതൊഴിൽ വായ്പാ പദ്ധതിയിലൂടെ പലിശരഹിത വായ്പ ലഭിച്ചവരുടെ എണ്ണം എത്രയാണെന്ന് വ്യക്തമാക്കാമോ;

(സി)  പട്ടികജാതി–പട്ടികവർഗ വികസന വകുപ്പുകളുടെ തനത് ഭവനപദ്ധതികൾക്ക് രൂപപ്പെടുത്തിയ പുതിയ മാനദണ്ഡങ്ങൾ വിശദമാക്കാമോ;

(ഡി)  വകുപ്പ് നടപ്പാക്കുന്ന പദ്ധതികളുടെ പ്രയോജനം അർഹരായ എല്ലാവരിലേക്കും എത്തുന്നുവെന്ന് ഉറപ്പാക്കാൻ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ?

പട്ടികജാതി വിഭാഗത്തിൽ പെട്ട പെൺകുട്ടികളുടെ രക്ഷകർത്താക്കൾക്കുള്ള വിവാഹ ധനസഹായം

2529  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  നിർദ്ധനരായ പട്ടികജാതി വിഭാഗത്തിൽപെട്ട പെൺകുട്ടികളുടെ വിവാഹം നടത്തുന്നതിന് രക്ഷകർത്താക്കൾക്ക് പട്ടികജാതി വകുപ്പു വഴി ലഭിക്കുന്ന ധനസഹായം ഏത് വർഷം വരെ നല്‍കിയിട്ടുണ്ടെന്ന് അറിയിക്കാമോ;

(ബി)  നടപ്പു സാമ്പത്തികവര്‍ഷം മുതൽ മുടക്കം കൂടാതെ ടി ധനസഹായം വിതരണം ചെയ്യാനുള്ള നടപടി സ്വീകരിക്കുമോ?

പട്ടികജാതി പട്ടിക വർഗ്ഗ ക്ഷേമത്തിനായുള്ള നടപടികൾ

2530  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തു പട്ടികജാതി പട്ടികവർഗ്ഗ വിഭാഗങ്ങൾ താമസിക്കുന്ന എത്ര ഉന്നതികൾ നിലവിലുണ്ടെന്ന് ജില്ലതിരിച്ചു അറിയിക്കാമോ; അവ ഓരോന്നിലും എത്ര കുടുംബങ്ങൾ താമസിക്കുന്നുണ്ടെന്നു അറിയിക്കാമോ;

(ബി)  കഴിഞ്ഞ 5 വർഷത്തിൽ പ്രസ്തുത ഉന്നതികളുടെ വികസനത്തിനായി എത്ര തുക അനുവദിച്ചെന്നും അതിൽ എത്ര തുക ചെലവഴിച്ചെന്നും ജില്ല തിരിച്ചു അറിയിക്കാമോ;

(സി)  പട്ടാമ്പി നിയോജക മണ്ഡലത്തിലെ ഏതൊക്കെ ഉന്നതികൾക്കു എത്ര തുക വീതം അനുവദിച്ചെന്ന് ഉത്തരവ് നമ്പർ, തീയതി എന്നിവ സഹിതം അറിയിക്കാമോ?

പട്ടികജാതി പട്ടികവർഗ്ഗ വിഭാഗത്തിലെ രോഗികൾക്ക് ചികിത്സാ സൗകര്യങ്ങള്‍

2531  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ക്യാൻസർ പോലെയുള്ള മാരകമായ രോഗങ്ങൾ ബാധിക്കുന്ന പട്ടികജാതി-പട്ടികവർഗ്ഗ വിഭാഗത്തിൽപ്പെട്ട രോഗികൾക്ക് നിലവിൽ ലഭ്യമാക്കുന്ന സൗജന്യ ചികിത്സാ സഹായ പദ്ധതികൾ ഏതൊക്കെയാണെന്ന് വ്യക്തമാക്കാമോ;

(ബി)  മാരക രോഗങ്ങൾ ബാധിക്കുന്ന നിർദ്ധനരായ പട്ടികജാതി-പട്ടികവർഗ്ഗ വിഭാഗക്കാർക്ക് സർക്കാർ ആശുപത്രികളിലെ ചികിത്സയ്ക്ക് പുറമെ, അടിയന്തര പ്രാധാന്യമുള്ള വിദഗ്ദ്ധ ചികിത്സ സ്വകാര്യ ആശുപത്രികളിൽ നിന്നും സൗജന്യമായി ലഭ്യമാക്കുന്നതിന് പ്രത്യേക പദ്ധതികൾ നിലവിലുണ്ടോ; എങ്കിൽ വിശദാംശം നൽകുമോ;

(സി)  സാമ്പത്തികമായി ഏറെ പ്രയാസം അനുഭവിക്കുന്ന പ്രസ്തുത വിഭാഗക്കാർക്ക് സ്വകാര്യ ആശുപത്രികളിലെ വിലകൂടിയ ചികിത്സകളും മരുന്നുകളും പൂർണ്ണമായും സൗജന്യമായി ലഭ്യമാക്കാൻ പുതിയ പദ്ധതികൾ ആരംഭിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(ഡി)  പട്ടികജാതി പട്ടികവർഗ്ഗ വികസന വകുപ്പിന്റെ വൈദ്യസഹായ പദ്ധതികൾ വഴിയും കാസ്പ്/കാരുണ്യ ബെനവലന്റ് ഫണ്ട് വഴിയും ലഭിക്കുന്ന സാമ്പത്തിക സഹായത്തിന്റെ പരിധി വർദ്ധിപ്പിക്കാനും സ്വകാര്യ എംപാനൽഡ് ആശുപത്രികൾ വഴി തടസ്സമില്ലാതെ ക്യാഷ്‌ലെസ്സ് ചികിത്സ ഉറപ്പാക്കാനും നടപടി സ്വീകരിക്കുമോ?

പട്ടികജാതി വികസന വകുപ്പ് മുഖേനയുള്ള വിവിധ ധനസഹായ പദ്ധതികളുടെ കുടിശ്ശികയും വിതരണവും

2532  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി വികസന വകുപ്പ് മുഖേന നടപ്പാക്കുന്ന ഏക വരുമാനദായകന്റെ മരണം ധനസഹായ പദ്ധതി പ്രകാരം നിലവിൽ എത്ര അപേക്ഷകൾ ലഭിച്ചിട്ടുണ്ട്; ഇതിൽ അർഹരായ എത്ര അപേക്ഷകർക്ക് ഇനി ധനസഹായം അനുവദിക്കാനുണ്ട്; ജില്ല തിരിച്ചുള്ള കണക്കുകൾ ലഭ്യമാക്കാമോ;

(ബി)  പട്ടികജാതി വികസന വകുപ്പ് മന്ത്രിയുടെ ദുരിതാശ്വാസ നിധിയിൽ നിന്ന് ടി-ഗ്രാന്റ് (T-Grant) മുഖേനയുള്ള ചികിത്സാ ധനസഹായ തുക ലഭ്യമാക്കാത്ത എത്ര അപേക്ഷകൾ നിലവിൽ പരിഗണനയിലുണ്ട്; പ്രസ്തുത ഇനത്തിൽ ഇനി എത്രപേർക്കാണ് ധനസഹായം നൽകാനുള്ളത്;

(സി)  വകുപ്പ് മുഖേന നൽകിവരുന്ന വിവാഹ ധനസഹായം, മിശ്രവിവാഹ ധനസഹായം എന്നീ ഇനങ്ങളിലായി എത്രപേർക്ക് തുക അനുവദിക്കാൻ കുടിശ്ശികയുണ്ട്; ഇതിനായി എത്ര തുക ഇനി അനുവദിക്കേണ്ടതുണ്ട്; പദ്ധതി തിരിച്ച് വ്യക്തമാക്കുമോ;

(ഡി)  മേൽപ്പറഞ്ഞ പദ്ധതികളിലെ അപേക്ഷകരുടെ കുടിശ്ശിക തീർപ്പാക്കുന്നതിനും തുക വേഗത്തിൽ ലഭ്യമാക്കുന്നതിനും വകുപ്പ് എന്തെല്ലാം അടിയന്തിര നടപടികളാണ് സ്വീകരിച്ചു വരുന്നത്; ഇതിനായി ആവശ്യമുള്ള തുക എന്ന് ലഭ്യമാക്കാൻ കഴിയുമെന്ന് വ്യക്തമാക്കാമോ?

അറനാടന്‍ ഗോത്ര വിഭാഗം നേരിടുന്ന പ്രശ്നങ്ങൾ

2533  ശ്രീ. ആര്യാടന്‍ ഷൗക്കത്ത് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ആദിമ മനുഷ്യരില്‍പ്പെട്ട അറനാടന്‍ ആദിവാസി ഗോത്ര വിഭാഗത്തില്‍ ഇരുന്നൂറോളം പേരാണ് അവശേഷിക്കുന്നതെന്നും പ്രസ്തുത ഗോത്ര വിഭാഗം അന്യം നിന്നു പോവുകയാണെന്നുമുള്ള വിവരം ശ്രദ്ധയില്‍പ്പെട്ടിട്ടുണ്ടോ;

(ബി)  പ്രസ്തുത വിഭാഗത്തിന് വനാവകാശ നിയമപ്രകാരം ഭൂമി അനുവദിച്ചു നല്‍കുവാന്‍ വേണ്ട നടപടികള്‍ സ്വീകരിക്കുമോ;

(സി)  പ്രസ്തുത വിഭാഗത്തിന് വിദ്യാഭ്യാസ യോഗ്യതയ്ക്കനുസരിച്ച് വനംവകുപ്പിനു കീഴിലുള്ള സ്ഥാപനങ്ങളില്‍ തൊഴില്‍ നല്‍കുവാനുള്ള പ്രൊപ്പോസലുകള്‍ പട്ടിക ജാതി പട്ടിക വര്‍ഗ്ഗ വകുപ്പ് മുഖേന നല്‍കുമോ;

പട്ടികജാതി വനിതകളുടെ സ്വയം തൊഴില്‍ സഹായ പദ്ധതി

2534  പ്രൊഫ. ആബിദ് ഹുസൈന്‍ തങ്ങള്‍
ശ്രീ. പാറക്കൽ അബ്‌ദുല്ല
ശ്രീ. ഫൈസൽ ബാബു
ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി വനിതകളുടെ സാമ്പത്തിക സുരക്ഷയും, സംരംഭകത്വവും പ്രോത്സാഹിപ്പിക്കുന്നതിനായി പ്രത്യേക സ്വയം തൊഴില്‍ സഹായ പദ്ധതി ആരംഭിക്കാന്‍ ഉദ്ദേശിക്കുന്നുണ്ടോ;

(ബി)  പ്രസ്തുത പദ്ധതി നടത്തിപ്പിന്റെ വിശദാംശം നല്‍കുമോ;

(സി)  പ്രസ്തുത പദ്ധതിയിൽ പരമാവധി എത്ര തുകയാണ് സഹായധനമായി നല്‍കുന്നത്?

പട്ടികജാതി ട്രൈബല്‍ സര്‍വ്വകലാശാല

2535  ശ്രീ. പാറക്കൽ അബ്‌ദുല്ല
ശ്രീമതി ഫാത്തിമ തഹിലിയ
ശ്രീ. നജീബ് കാന്തപുരം
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ആദിവാസികളുടെ വിദ്യാഭ്യാസവും തൊഴിലും മെച്ചപ്പെടുത്തുന്നതിനായി ട്രൈബല്‍ സര്‍വ്വകലാശാല സ്ഥാപിക്കാന്‍ ആലോചിക്കുന്നുണ്ടോ;

(ബി)  സര്‍വ്വകലാശാലയുടെ പ്രവര്‍ത്തനപരിധിയില്‍ ഗോത്രവര്‍ഗ്ഗ-ആദിവാസികളുടെ പാരമ്പര്യ അറിവുകളുടെ സംരക്ഷണം, സംസ്കാരം, ഗവേഷണം എന്നിവ ഉള്‍പ്പെടുത്താന്‍ നടപടി സ്വീകരിക്കുമോ;

(സി)  പ്രസ്തുത സര്‍വ്വകലാശാല എന്നത്തേക്ക് പ്രവര്‍ത്തനം ആരംഭിക്കുമെന്ന് വ്യക്തമാക്കുമോ?

പഞ്ചമി പദ്ധതിലേക്ക് തെരഞ്ഞെടുക്കുന്നതിനുള്ള മാനദണ്ഡം

2536  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി ക്ഷേമവകുപ്പ് നടപ്പിലാക്കുന്ന പഞ്ചമി പദ്ധതിയിലേക്ക് ഉന്നതികളെ തെരഞ്ഞെടുക്കുന്നതിനുള്ള മാനദണ്ഡം വ്യക്തമാക്കാമോ;

(ബി)  ഒരു വര്‍ഷം എത്ര ഉന്നതികളെ വരെ പ്രസ്തുത പദ്ധതിയിലുള്‍പ്പെടുത്തുമെന്നും പരമാവധി എത്ര തുക വരെ ഓരോ ഉന്നതിയിലേക്കും ചെലവഴിക്കുമെന്നും എന്തെല്ലാം വികസന ക്ഷേമ പ്രവൃത്തികളാണ് ഇതിലുള്‍പ്പെടുത്തിയിരിക്കുന്നതെന്നും വ്യക്തമാക്കാമോ;

(സി)  കുട്ടനാട് നിയമസഭാ മണ്ഡലത്തിലുള്ള ഏതൊക്കെ ഉന്നതികളെയാണ് ഈ പദ്ധതിയിലുള്‍പ്പെടുത്തിയിരിക്കുന്നതെന്നും തുടര്‍ നടപടികള്‍ ഏത് ഘട്ടത്തിലാണെന്നും വ്യക്തമാക്കാമോ?

എസ്.സി., എസ്.ടി. വിഭാഗങ്ങളുടെ ഫീസ് ഇളവ്

2537  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  17.10.2013- ലെ ജി.ഒ (എം എസ്)നം.31/13/ഐ.ടി.ഡി. നമ്പര്‍ ഉത്തരവ് പ്രകാരം എസ്.സി., എസ്.ടി. വിഭാഗങ്ങള്‍ക്ക് ഏതെല്ലാം സേവനങ്ങള്‍ക്കാണ് ഫീസ് ഇളവ് അനുവദിച്ചിട്ടുള്ളത്;

(ബി)  ഇതു പ്രകാരം ഓരോ സേവനങ്ങള്‍ക്കും ലഭിക്കുന്ന ഇളവ് നിഷേധിക്കുന്നത് സംബന്ധിച്ച് വകുപ്പിന് പരാതികള്‍ ലഭിച്ചിട്ടുണ്ടോ;

(സി)  ഓരോ സേവനത്തിനും ഫീസ് ഇളവ് എത്ര രൂപയാണെന്നും നിയമാനുസൃതം ഒടുക്കേണ്ട ഫീസ് എത്ര രൂപയാണെന്നും എസ്.സി., എസ്.ടി. വിഭാഗത്തിലുള്ള അപേക്ഷകരെ അറിയിക്കുന്നതിന് നടപടി സ്വീകരിക്കുമോ?

പാറശ്ശാല നിയോജകമണ്ഡലത്തിലെ പട്ടികജാതി പട്ടികവർഗ്ഗ ഉന്നതികൾ

2538  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പാറശ്ശാല നിയോജകമണ്ഡലത്തിൽ എത്ര പട്ടികജാതി പട്ടികവർഗ്ഗ ഉന്നതികളാണുള്ളതെന്നും അവ ഏതെല്ലാമെന്നും പഞ്ചായത്ത് തിരിച്ച് വ്യക്തമാക്കാമോ;

(ബി)  ഓരോ പട്ടികജാതി ഉന്നതിയിലും എത്ര കുടുംബങ്ങളാണ് താമസിക്കുന്നതെന്ന് വ്യക്തമാക്കാമോ; അതിൽ ഫീസിബിലിറ്റി ഉള്ളവയും ഇല്ലാത്തവയും തരംതിരിച്ച് വിശദാംശം നൽകാമോ;

(സി)  പാറശ്ശാല മണ്ഡലത്തിൽ അംബേദ്കർ സ്വയംപര്യാപ്ത ഗ്രാമം പദ്ധതി പ്രകാരം അനുമതി ലഭിച്ചതും പ്രവൃത്തി പുരോഗമിക്കുന്നതുമായ പട്ടികജാതി പട്ടികവർഗ്ഗ ഉന്നതികളുടെ വിശദാംശം, നിർവ്വഹണ ഏജൻസി, നിലവിലെ സ്ഥിതി എന്നിവ സംബന്ധിച്ച വിവരങ്ങൾ ലഭ്യമാക്കുമോ;

(ഡി)  പ്രസ്തുത പദ്ധതി പ്രകാരം അനുമതി ലഭിച്ചിട്ടും നാളിതുവരെ പ്രവൃത്തി പുരോഗമിക്കാത്ത പട്ടികജാതി പട്ടികവർഗ്ഗ ഉന്നതികളുടെ വിശദാംശം, നിർവഹണ ഏജൻസി, നിലവിലെ സ്ഥിതി എന്നിവ സംബന്ധിച്ച വിവരങ്ങൾ ലഭ്യമാക്കുമോ;

(ഇ)  അംബേദ്കർ സ്വയംപര്യാപ്ത ഗ്രാമം പദ്ധതി പ്രകാരമോ പഞ്ചമി ഗ്രാമം പദ്ധതി പ്രകാരമോ മണ്ഡലത്തിൽ പുതുതായി നവീകരിക്കുവാൻ തീരുമാനിച്ചിട്ടുള്ള പട്ടികജാതി പട്ടികവർഗ്ഗ ഉന്നതികൾ ഏതെല്ലാമെന്ന് വ്യക്തമാക്കാമോ?

അംബേദ്കര്‍ ഊര് വികസന പദ്ധതി

2539  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികവര്‍ഗ്ഗ നഗറുകളുടെ നവീകരണത്തിനും ഉന്നമനത്തിനുമായി നടപ്പിലാക്കുന്ന അംബേദ്കര്‍ ഊര് വികസന പദ്ധതിയില്‍ ഉള്‍പ്പെടുത്തി തുക അനുവദിച്ച മലമ്പുഴ മണ്ഡലത്തിലെ കൊല്ലന്‍കുന്ന് നഗര്‍, വാദ്ധ്യാര്‍ ചള്ള നഗര്‍ എന്നിവയുടെ നവീകരണത്തിന്റെ നിലവിലെ സ്ഥിതി അറിയിക്കാമോ;

(ബി)  പ്രസ്തുത നഗറുകളുടെ നവീകരണത്തിനായി പുറപ്പെടുവിച്ച ഭരണാനുമതി ഉത്തരവിന്റെ പകര്‍പ്പ് ലഭ്യമാക്കാമോ?

മലമ്പുഴ മണ്ഡലത്തിലെ പഞ്ചമി ഗ്രാമം പദ്ധതി

2540  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പഞ്ചമി ഗ്രാമം പദ്ധതിയില്‍ ഉള്‍പ്പെടുത്തി മലമ്പുഴ മണ്ഡലത്തിലെ ഏതെല്ലാം പട്ടികജാതി നഗറുകളെ നവീകരിക്കുവാന്‍ പദ്ധതി തയ്യാറാക്കിയിട്ടുണ്ട്; വിശദാംശം നല്‍കാമോ?

ധനസഹായം വിതരണം ചെയ്യുന്നതിലെ കുടിശ്ശിക

2541  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി വികസന വകുപ്പ് മുഖേന നടപ്പാക്കി വരുന്ന പഠനമുറി, സേഫ്, ചികിത്സാ സഹായം, ഏക വരുമാനദായകന്‍ മരണപ്പെട്ടാല്‍ ആശ്രിതര്‍ക്ക് ലഭിക്കുന്ന ധനസഹായം, വിവാഹ ധനസഹായം, വിദേശ പഠന ധനസഹായം തുടങ്ങിയ പദ്ധതികളിൽ ഗുണഭോക്താക്കള്‍ക്ക് ധനസഹായം നൽകാൻ കഴിയാത്ത സ്ഥിതി വിശേഷം നിലനിൽക്കുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)  ഓരോ പദ്ധതികളിലും എത്ര വർഷത്തെ/എത്ര മാസത്തെ, എത്ര വീതം രൂപ കുടിശ്ശിക ഉണ്ട് എന്ന് വ്യക്തമാക്കാമോ;

(സി)  കുടിശ്ശിക തുക എപ്പോള്‍ അനുവദിക്കാന്‍ കഴിയുമെന്ന് വ്യക്തമാക്കാമോ?

ഇ- ഗ്രാന്റ്സ്

2542  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി/പട്ടികവർഗ്ഗ വിഭാഗത്തിൽപ്പെട്ട വിദ്യാർത്ഥികൾക്കുള്ള ഇ-ഗ്രാന്റ്സ് സമയബന്ധിതമായി ലഭ്യമാകുന്നില്ല എന്ന പരാതി ശ്രദ്ധയിൽപ്പെട്ടിട്ടുണ്ടോ; ഇ-ഗ്രാന്റ്സ് വിതരണത്തിൽ നിലവിൽ തീർപ്പാക്കാൻ ശേഷിക്കുന്ന അപേക്ഷകളുടെ എണ്ണം, തുക എന്നിവയുടെ വിശദാംശം ലഭ്യമാക്കാമോ;

(ബി)  ഇ-ഗ്രാന്റ്സ് തുക വർദ്ധിപ്പിക്കാൻ പദ്ധതിയുണ്ടോ; വ്യക്തമാക്കാമോ?

കല്ല്യാശ്ശേരി പട്ടികജാതി പട്ടികവർഗ്ഗ കുടുംബത്തിൽപ്പെട്ടവർക്കുള്ള ധനസഹായ പദ്ധതി

2543  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഏകവരുമാനദായകർ മരണപ്പെട്ട പട്ടികജാതി പട്ടികവർഗ്ഗ കുടുംബത്തിൽപ്പെട്ടവർക്കുള്ള ധനസഹായ പദ്ധതി പ്രകാരം കല്ല്യാശ്ശേരി മണ്ഡലത്തിൽ നിന്നുള്ള എത്ര കുടുംബങ്ങളുടെ അപേക്ഷയിലാണ് ധനസഹായം അനുവദിയ്ക്കാൻ ശേഷിക്കുന്നത്; പ്രസ്തുത അപേക്ഷകർക്ക് ധനസഹായം എന്ന് അനുവദിച്ചു കിട്ടുമെന്ന് വിശദമാക്കാമോ?

അംബേദ്കർ പദ്ധതി പ്രകാരം നിർമ്മിക്കുന്ന ആസ്തികൾ സംരക്ഷിക്കുന്നതിന് 'മൈക്രോ പ്ലാൻ'

2544  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഉന്നതികളുടെ സമഗ്രവികസനത്തിനായി അംബേദ്കർ പദ്ധതി പ്രകാരം നിർമ്മിക്കുന്ന സാംസ്കാരിക നിലയങ്ങൾ, പഠന മുറികൾ, റോഡുകൾ, കുടിവെള്ള പദ്ധതികൾ എന്നിവയുടെ നിർമ്മാണത്തിന് ശേഷം അവ കൃത്യമായി സംരക്ഷിക്കുന്നതിനോ അറ്റകുറ്റപ്പണികൾ നടത്തുന്നതിനോ ഉള്ള തുടർച്ചയായ സംവിധാനം ഇല്ലാത്തത് കാരണം കുറഞ്ഞ കാലയളവിനുള്ളിൽ തന്നെ ആസ്തികൾ നശിച്ചു പോകുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ ഇതിന് സ്ഥായിയായ ഒരു പരിഹാരം കണ്ടെത്തുന്നതിനായി ഒരു മൈക്രോ പ്ലാൻ ആവിഷ്കരിക്കുന്നതിന് നടപടി സ്വീകരിക്കുമോ?

പട്ടികജാതി വികസന വകുപ്പു മുഖേന അനുവദിച്ച പഠന മുറികള്‍

2545  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)   2016 മുതല്‍ 2026 വരെയുള്ള കാലയളവിൽ പട്ടികജാതി വികസന വകുപ്പ് മുഖേന എത്ര പഠന മുറികള്‍ പട്ടികജാതി കുട്ടികള്‍ക്കായി അനുവദിച്ചു നല്‍കിയിട്ടുണ്ട്; ഇതിനായി എത്ര കോടി രൂപ ചെലവഴിച്ചിട്ടുണ്ട്; ജില്ല തിരിച്ചുള്ള കണക്ക് ലഭ്യമാക്കാമോ?

പട്ടിക വർഗ്ഗ വകുപ്പ് ഫണ്ടുപയോഗിച്ച് നടപ്പിലാക്കുന്ന വർക്കുകൾ

2546  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടിക വർഗ്ഗ വകുപ്പ് ഫണ്ടുപയോഗിച്ച് നടപ്പിലാക്കുന്ന മരാമത്ത് പണികൾ പൂർത്തീകരിച്ച ശേഷം തദ്ദേശ സ്വയംഭരണ വകുപ്പിലെ എഞ്ചിനീയറിംഗ് വിഭാഗം വിശദമായി പരിശോധിച്ച് അയയ്ക്കുന്ന ബില്ലുകൾ വീണ്ടും പട്ടികവർഗ്ഗ വികസന വകുപ്പ് ഡയറക്ടറേറ്റിലെ എഞ്ചിനീയറിംഗ് വിഭാഗം പരിശോധിക്കുന്നതു മൂലം പദ്ധതികളുടെ സുഗമമായ നടത്തിപ്പിനും, കരാറുകാർക്ക് യഥാസമയത്ത് തുക അനുവദിക്കുന്നതിനും കാലതാമസം സൃഷ്ടിക്കുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ നടപടി ക്രമങ്ങൾ ലഘൂകരിക്കുന്നതിന് നടപടി സ്വീകരിക്കുമോ?

മരാമത്ത് പ്രവൃത്തികളിൽ ഭരണാനുമതി

2547  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികവർഗ്ഗ വകുപ്പിന്റെ ഫണ്ട് വിനിയോഗിച്ച് നടപ്പിലാക്കുന്ന മരാമത്ത് പ്രവൃത്തികള്‍ക്ക് ഭരണാനുമതി നൽകിയതിന് ശേഷം വീണ്ടും വർക്ക് ഓർഡർ നല്‍കിക്കൊണ്ടുള്ള പട്ടികവർഗ്ഗ വികസന വകുപ്പ് ഡയറക്ടറുടെ ഉത്തരവ് ലഭിക്കുന്നതിലെ കാലതാമസം പദ്ധതി നടത്തിപ്പിന് തടസ്സമാകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിനും നടപടികൾ ലഘൂകരിക്കുന്നതിനും നടപടി സ്വീകരിക്കുമോ?

2016-2021, 2021-2026 കാലയളവില്‍ സ്ഥലവും വീടും നല്‍കിയവരുടെ എണ്ണം

2548  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2016-21, 2021-26 കാലയളവില്‍ പട്ടികജാതി വികസന വകുപ്പു മുഖേന എത്ര പേര്‍ക്കാണ് ഭൂമിയും വീടും നല്‍കിയിട്ടുള്ളത്; ഓരോ 5 വര്‍ഷത്തെ കണക്ക് പ്രത്യേകം ലഭ്യമാക്കാമോ;

(ബി)   പട്ടികജാതിയില്‍പ്പെട്ട എത്ര പേര്‍ നിലവില്‍ ഭൂരഹിതരും ഭവനരഹിതരും ആയിട്ടുണ്ട്; വിശദാംശം വ്യക്തമാക്കുമോ?

2016-2021, 2021-2026 പട്ടികജാതി ചികിത്സാ ധനസഹായം

2549  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2016 - 2021, 2021- 2026 കാലയളവുകളില്‍ ചേലക്കര നിയോജക മണ്ഡലത്തില്‍ പട്ടികജാതി വികസന വകുപ്പു മുഖേന എത്ര പേര്‍ക്ക് ചികിത്സാ ധനസഹായം അനുവദിച്ചു നല്‍കിയിട്ടുണ്ട്; ഓരോ 5 വര്‍ഷത്തെയും ആകെ തുകയും എണ്ണവും അടക്കമുള്ള കണക്ക് പ്രത്യേകം വിശദമാക്കാമോ;

(ബി)  ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെ ചേലക്കര മണ്ഡലത്തില്‍ പട്ടികജാതി വകുപ്പു മുഖേന അനുവദിച്ച ചികിത്സാ ധനസഹായത്തിന്റെ ആകെ തുകയും അനുവദിച്ചവരുടെ എണ്ണവും വ്യക്തമാക്കാമോ?

ഇ-ഗ്രാന്റ്സ്

2550  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ പിന്നാക്ക വിഭാഗങ്ങളില്‍പ്പെടുന്ന വിദ്യാര്‍ത്ഥികള്‍ക്ക് നിലവില്‍ നല്‍കിക്കൊണ്ടിരിക്കുന്ന ഇ-ഗ്രാന്റ്സ് ഏതാെക്കെയാണെന്ന് തരംതിരിച്ച് വിശദമാക്കാമോ;

(ബി)  പ്രസ്തുത വിദ്യാര്‍ത്ഥികള്‍ക്ക് വിദേശരാജ്യങ്ങളില്‍ പോയി പഠിക്കുന്നതിനുള്ള സ്കോളര്‍ഷിപ്പ് സംവിധാനങ്ങളുടെ വിശദവിവരങ്ങള്‍ നല്‍കാമോ;

(സി)  പ്രസ്തുത വിദ്യാര്‍ത്ഥികള്‍ക്ക് പുതിയതായി എന്തെങ്കിലും ഗ്രാന്റ്സ്, സ്കോളര്‍ഷിപ്പ് എന്നിവ നല്കാൻ വകുപ്പ് ആലോചിക്കുന്നുണ്ടോ; വിശദാംശങ്ങള്‍ നല്‍കാമോ?

സംരംഭകരെ പ്രോത്സാഹിപ്പിക്കാന്‍ പദ്ധതികള്‍

2551  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നശേഷം പട്ടികജാതി-പട്ടികവർഗ്ഗ വിഭാഗത്തിലെ സംരംഭകരെ പ്രോത്സാഹിപ്പിക്കുന്നതിന് എന്തെങ്കിലും പദ്ധതികൾക്ക് രൂപം നൽകിയിട്ടുണ്ടോ; എങ്കിൽ വിശദാംശം ലഭ്യമാക്കാമോ?

ട്രേസ് പദ്ധതി

2552  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവര്‍ഗ്ഗ വിഭാഗത്തിലുള്ള ബിരുദധാരികളായ ഉദ്യോഗാര്‍ത്ഥികള്‍ക്കായി കഴിഞ്ഞ സര്‍ക്കാര്‍ നടപ്പിലാക്കിയ ട്രേസ് പദ്ധതിയുടെ ഉദ്ദേശ്യലക്ഷ്യങ്ങള്‍ വിശദമാക്കാമോ;

(ബി)  ട്രേസ് പദ്ധതിയിലുള്ള ഉദ്യോഗാര്‍ത്ഥികള്‍ക്ക് കഴിഞ്ഞ മൂന്നു മാസമായി ഓണറേറിയം മുടങ്ങിയത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(സി)  പ്രസ്തുത ഓണറേറിയം വര്‍ദ്ധിപ്പിക്കാനാവശ്യമായ നടപടി സ്വീകരിക്കുമോ?

മട്ടന്നൂർ മണ്ഡലത്തിലെ പട്ടികവർഗ ഉന്നതികളുടെ സ്ഥിതിവിവര കണക്കുകൾ

2553  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  മട്ടന്നൂർ മണ്ഡലത്തിലെ പട്ടികവർഗ ഉന്നതികളുടെ വിശദമായ സ്ഥിതിവിവര കണക്കുകൾ തദ്ദേശ സ്ഥാപന അടിസ്ഥാനത്തിൽ ലഭ്യമാക്കാമോ;

(ബി)  പ്രസ്തുത ഉന്നതികളിലെ അടിസ്ഥാന വികസനത്തിനായി ഇതുവരെ സ്വീകരിച്ചതും സ്വീകരിച്ചു വരുന്നതുമായ പദ്ധതികളുടെ വിശദാംശം ലഭ്യമാക്കാമോ;

(സി)  പ്രസ്തുത ഉന്നതികളിലെ വിദ്യാർത്ഥികളിൽ എസ്.എസ്.എൽ.സി, ഹയർസെക്കന്ററി വിദ്യാഭ്യാസത്തിന് ശേഷമുള്ള കൊഴിഞ്ഞുപോക്ക് തടയുന്നതിനായി സ്വീകരിച്ചു വരുന്ന നടപടികൾ വിശദമാക്കാമോ; ഇത് സംബന്ധിച്ച വിവരങ്ങൾ ക്രോഡീകരിച്ച് ശേഖരിച്ചിട്ടുണ്ടോ; എങ്കില്‍ ലഭ്യമാക്കാമോ?

ഊരുകളുടെ പേരുമാറ്റം

2554  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലത്ത് ഊരുകളുടെ പേര് ഉന്നതി എന്ന് മാറ്റിയിരുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  ഉന്നതി എന്ന പേര് മാറ്റാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശം ലഭ്യമാക്കാമോ?

SCP, TSP വിഹിതം

2555  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാന വാര്‍ഷിക പദ്ധതി വിഹിതത്തില്‍ പട്ടികജാതിക്കാര്‍ക്കായുളള പ്രത്യേക ഘടക പദ്ധതിയുടെയും (SCP) പട്ടികവര്‍ഗ്ഗക്കാര്‍ക്കായുളള ഉപപദ്ധതിയുടെയും (TSP) നിലവിലെ വിഹിതം എത്ര ശതമാനമാണെന്ന് വ്യക്തമാക്കാമോ;

(ബി)  പ്ലാന്‍ അലോക്കേഷനില്‍ പട്ടികജാതി പട്ടികവര്‍ഗവിഹിതം ജനസംഖ്യാനുപാതികമായി മാറ്റിവയ്ക്കാനല്ലാതെ വകുപ്പുകളുടെ യഥാര്‍ത്ഥ ചെലവില്‍ ജനസംഖ്യാനുപാതിക തത്വം പ്രായോഗികമായി നടപ്പിലാക്കാന്‍ കഴിയുമോ; ഇല്ലെങ്കില്‍ കാരണം വിശദമാക്കാമോ;

(സി)  പ്ലാനില്‍ ഉള്‍പ്പെടാത്ത വിവിധ സര്‍ക്കാര്‍ വകുപ്പുകളുടെയും ഏജന്‍സികളുടെയും വിവിധ മൂലധന പദ്ധതികളില്‍ പട്ടികജാതി പട്ടികവര്‍ഗ ജനസംഖ്യാനുപാതികമായി വിഹിതം മാറ്റിവെക്കേണ്ടത് നിര്‍ബന്ധമാക്കിയിട്ടുണ്ടോ; വിശദാംശങ്ങള്‍ ലഭ്യമാക്കാമോ;

(ഡി)  എങ്കില്‍, മറ്റ് വകുപ്പുകള്‍ നടപ്പിലാക്കുന്ന ജനറല്‍ പ്രോജക്റ്റുകളില്‍ ഈ നിര്‍ബന്ധിത ഫണ്ട് വകമാറ്റാതെ പട്ടികജാതി-പട്ടികവര്‍ഗ്ഗ വിഭാഗങ്ങളുടെ നേരിട്ടുളള ഗുണത്തിനായി തന്നെ വിനിയോഗിക്കുന്നുണ്ടെന്ന് ഉറപ്പുവരുത്താന്‍ സ്വീകരിച്ചിട്ടുളള നടപടികള്‍ എന്തെല്ലാമാണെന്ന് അറിയിക്കാമോ?

ഗുരുവായൂര്‍ മണ്ഡലത്തില്‍ പട്ടികജാതി വികസന വകുപ്പ് മുഖേന നടപ്പിലാക്കുന്ന പദ്ധതികള്‍

2556  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂര്‍ മണ്ഡലത്തില്‍ പട്ടികജാതി വികസന വകുപ്പ് മുഖേന നടപ്പിലാക്കുന്ന പദ്ധതികളുടെ വിശദാംശം ലഭ്യമാക്കാമോ?

ഭവനരഹിതരും വാസയോഗ്യമായ വീടില്ലാത്തവരുമായ പട്ടികജാതി കുടുംബങ്ങള്‍

2557  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂർ മണ്ഡ‍ലത്തിൽ ഭവനരഹിതരും വാസയോഗ്യമായ വീടില്ലാത്തവരുമായ എത്ര പട്ടികജാതി കുടുംബങ്ങള്‍ ഉണ്ടെന്ന് പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

(ബി)  ഭവന നിർമാണം, വീട് വാസയോഗ്യമാക്കല്‍ എന്നിവയ്ക്ക് അപേക്ഷ സമർപ്പിച്ചിട്ടും സാമ്പത്തിക സഹായം ലഭിക്കാത്ത പട്ടികജാതി കുടുംബങ്ങളുടെ പഞ്ചായത്ത് തിരിച്ചുള്ള വിശദമായ വിവരങ്ങള്‍ ലഭ്യമാക്കാമോ?

ആദ്യകാല പഠനകേന്ദ്രങ്ങൾ

2558  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികവർഗ്ഗ വിഭാഗത്തിൽപ്പെട്ട കുട്ടികളുടെ പ്രാരംഭ വിദ്യാഭ്യാസവും ബൗദ്ധികവും സാമൂഹികവുമായ വികാസവും ഉറപ്പാക്കുന്നതിനായി പട്ടികവർഗ്ഗ വികസന വകുപ്പിന്റെ കീഴിൽ മുപ്പത് പുതിയ ആദ്യകാല പഠനകേന്ദ്രങ്ങൾ സ്ഥാപിക്കുന്നതിന് നടപടി സ്വീകരിച്ചുവരുന്നുണ്ടോ; വിശദമാക്കുമോ;

(ബി)  പ്രസ്തുത പഠനകേന്ദ്രങ്ങൾ സ്ഥാപിക്കുന്നതിനായിഎന്തെല്ലാം പ്രാരംഭ നടപടികൾ സ്വീകരിച്ചിട്ടുണ്ടെന്നും അവ ഏത് പ്രദേശങ്ങളിലാണ് ആരംഭിക്കാൻ ഉദ്ദേശിക്കുന്നതെന്നും വ്യക്തമാക്കുമോ; ആദിവാസി മേഖലയിലെ കുട്ടികൾക്ക് ഗുണമേന്മയുള്ള പ്രാരംഭ വിദ്യാഭ്യാസം, പോഷകാഹാരം, കളികളിലൂടെയുള്ള പഠനം എന്നിവ ഉറപ്പാക്കുന്നതിന് പ്രസ്തുത കേന്ദ്രങ്ങൾ സഹായകരമാകുമെന്ന് വിലയിരുത്തിയിട്ടുണ്ടോ; വ്യക്തമാക്കാമോ;

(സി)  പ്രസ്തുത കേന്ദ്രങ്ങളിൽ ആവശ്യമായ അധ്യാപകരെയും പരിചരണ ജീവനക്കാരെയും നിയമിക്കുന്നതിനും പഠനസാമഗ്രികൾ, കളിയുപകരണങ്ങൾ, അടിസ്ഥാന സൗകര്യങ്ങൾ എന്നിവ ലഭ്യമാക്കുന്നതിനും നടപടി സ്വീകരിക്കുമോ; വിശദമാക്കാമോ;

(ഡി)  മുപ്പത് പഠനകേന്ദ്രങ്ങളും സമയബന്ധിതമായി പ്രവർത്തനസജ്ജമാക്കുന്നതിനും പട്ടികവർഗ്ഗ വിഭാഗത്തിലെ കൂടുതൽ കുട്ടികൾക്ക് പ്രസ്തുത പദ്ധതിയുടെ പ്രയോജനം ലഭ്യമാക്കുന്നതിനും ആവശ്യമായ നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ?

പട്ടികജാതി വികസന വകുപ്പിന്റെ തനത് ഭവനപദ്ധതി

2559  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി/പട്ടികവർഗ്ഗ വിഭാഗത്തിൽപ്പെട്ട ഭവനരഹിതർക്ക് വീട് ലഭ്യമാക്കുന്നതിനായി പട്ടികജാതി/പട്ടികവർഗ്ഗ വികസന വകുപ്പിന്റെ തനത് ഭവനപദ്ധതി ആരംഭിക്കാൻ സർക്കാർ ഉദ്ദേശിക്കുന്നുണ്ടോ; വിശദമാക്കാമോ;

(ബി)  പ്രസ്തുത പദ്ധതിയുടെ മാനദണ്ഡങ്ങൾ രൂപീകരിക്കുന്നതിനും അർഹരായ ഗുണഭോക്താക്കളെ കണ്ടെത്തുന്നതിനും സ്വീകരിച്ചിട്ടുള്ള നടപടികൾ എന്തെല്ലാമാണ്;

(സി)  പദ്ധതിയുടെ ഭാഗമായി ഭവനരഹിതർ, ഭൂരഹിത ഭവനരഹിതർ, ജീർണാവസ്ഥയിലുള്ള വീടുകളിൽ താമസിക്കുന്നവർ എന്നിവർക്ക് പ്രത്യേക പരിഗണന നൽകാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(ഡി)  പദ്ധതിയിലൂടെ അനുവദിക്കുന്ന ധനസഹായത്തിന്റെ നിരക്ക്, ഗുണഭോക്താക്കളുടെ തിരഞ്ഞെടുപ്പ് രീതി, ധനസഹായം വിതരണം ചെയ്യുന്ന ഘട്ടങ്ങൾ എന്നിവ സംബന്ധിച്ച മാനദണ്ഡങ്ങൾ ആവിഷ്കരിച്ചിട്ടുണ്ടോ; പ്രസ്തുത പദ്ധതി എന്ന് ആരംഭിക്കാനാണ് ഉദ്ദേശിക്കുന്നതെന്നും വ്യക്തമാക്കുമോ?

തിരുവല്ല നിയോജകമണ്ഡലത്തിലെ കരിയര്‍ ഡവലപ്‌മെന്റ് സെന്റര്‍ കം പ്രീ-എക്‌സാമിനേഷന്‍ ട്രെയിനിംഗ് സെന്റര്‍

2560  ശ്രീ. വർഗീസ് മാമ്മൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവല്ല നിയോജകമണ്ഡലത്തിലെ പട്ടികജാതി പട്ടികവർഗ്ഗ വിഭാഗത്തിലുള്ള വിദ്യാർത്ഥികള്‍ക്കായി കരിയര്‍ ഡവലപ്‌മെന്റ് സെന്റര്‍ കം പ്രീ-എക്‌സാമിനേഷന്‍ ട്രെയിനിംഗ് സെന്റര്‍ ആരംഭിക്കാന്‍ നടപടി സ്വീകരിക്കാമോ;

(ബി)  സിവില്‍ സർവീസ്, വിദേശ ഭാഷാപഠനം തുടങ്ങിയ മേഖലകള്‍ കൂടി ഉള്‍പ്പെടുത്തി പ്രസ്തുത സെന്റർ എത്രയും വേഗം ആരംഭിക്കാന്‍ മുന്‍ഗണന നല്കാമോ?

പി.എം.-അജയ് പദ്ധതിയുടെ ഫലപ്രദമായ നടത്തിപ്പും കേന്ദ്രസഹായവും

2561  ശ്രീമതി ഉമ തോമസ്
ശ്രീ. സേനാപതി വേണു
ശ്രീ. വി. ടി. സൂരജ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്രസർക്കാരിന്റെ പ്രധാനമന്ത്രി അനുസൂചിത് ജാതി അഭ്യുദയ യോജന (പി.എം.-അജയ്) പദ്ധതിയുടെ ഭാഗമായി ആദർശ് ഗ്രാമങ്ങൾ വികസിപ്പിക്കുന്നതിനും പട്ടികജാതി വിഭാഗങ്ങളുടെ അടിസ്ഥാന സൗകര്യ വികസനത്തിനുമായി നടപ്പുസാമ്പത്തിക വര്‍ഷം കേന്ദ്രസർക്കാർ അനുവദിച്ച തുക എത്രയാണെന്ന് വ്യക്തമാക്കുമോ;

(ബി)  പദ്ധതിയുടെ ഭാഗമായി കേരളം സമർപ്പിച്ച വികസന പദ്ധതികൾക്ക് കേന്ദ്രസർക്കാരിന്റെ അംഗീകാരം ലഭിക്കുന്നതിലും ആവശ്യമായ കേന്ദ്രവിഹിതം അനുവദിക്കുന്നതിലും കാലതാമസം നേരിട്ടിട്ടുണ്ടോ; പദ്ധതിയുടെ ഭാഗമായി തിരഞ്ഞെടുക്കപ്പെട്ട ഗ്രാമങ്ങളിൽ കുടിവെള്ളം, റോഡ്, ശുചിത്വം, വൈദ്യുതി തുടങ്ങിയ അടിസ്ഥാന സൗകര്യങ്ങൾ ഉറപ്പാക്കുന്നതിൽ ഉണ്ടായിട്ടുള്ള പുരോഗതി എന്താണെന്നും വികസനപ്രവർത്തനങ്ങൾ പൂർത്തിയാകാത്ത ഗ്രാമങ്ങൾ ഏതെല്ലാമാണെന്നും വ്യക്തമാക്കുമോ;

(സി)  കേന്ദ്രസഹായം സമയബന്ധിതമായി ലഭ്യമാക്കുന്നതിനും അർഹരായ പട്ടികജാതി കുടുംബങ്ങൾക്ക് പദ്ധതിയുടെ പ്രയോജനം പൂർണമായി ലഭിക്കുന്നതിനും തിരഞ്ഞെടുക്കപ്പെട്ട ഗ്രാമങ്ങളിൽ വികസനപ്രവർത്തനങ്ങൾ സമയബന്ധിതമായി പൂർത്തീകരിക്കുന്നതിനും സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കുമോ?

അട്ടപ്പാടിയിലെ അപ്പാരല്‍ പാര്‍ക്ക്

2562  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)   അട്ടപ്പാടിയിലെ അപ്പാരല്‍ പാര്‍ക്ക് പദ്ധതി ആരംഭിച്ചതെന്നാണെന്നും പദ്ധതിക്കായി ആകെ എത്ര രൂപയാണ് ചെലവഴിച്ചതെന്നും വ്യക്തമാക്കാമോ;

(ബി)  അപ്പാരല്‍ പാര്‍ക്ക് പ്രവര്‍ത്തനമാരംഭിച്ച ശേഷം എത്ര നാളാണ് പ്രവര്‍ത്തിച്ചതെന്നും ഇതിന്റെ പ്രവര്‍ത്തനം നിലയ്ക്കാനുണ്ടായ കാരണങ്ങള്‍ എന്തെല്ലാമാണെന്നും വിശദമാക്കാമോ;

(സി)  ആയത് വീണ്ടും തുറന്നു പ്രവര്‍ത്തിപ്പിക്കുന്നതിനായി എന്തെല്ലാം നടപടികളാണ് സ്വീകരിച്ചതെന്നും ഇതിനായി എത്ര തുകയാണ് ചെലവഴിച്ചതെന്നും വ്യക്തമാക്കാമോ;

(ഡി)  അട്ടപ്പാടിയിലെ അപ്പാരല്‍ പാര്‍ക്ക് പദ്ധതി സംബന്ധിച്ച് വിജിലന്‍സ് അന്വേഷണം നടത്തിയിട്ടുണ്ടോ; അന്വേഷണത്തിലെ കണ്ടെത്തലുകള്‍ എന്തെല്ലാമാണ്; അന്വേഷണ റിപ്പോര്‍ട്ടിന്റെ പകര്‍പ്പ് ലഭ്യമാക്കുമോ;

(ഇ)  അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ എന്തെല്ലാം നടപടികളാണ് സ്വീകരിച്ചത്; വിശദാംശം ലഭ്യമാക്കുമോ?

ഭവന നിർമ്മാണ പദ്ധതി

2563  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ്ഗ ജനവിഭാഗങ്ങൾക്കായി നടപ്പിലാക്കുന്ന ലൈഫ് മിഷൻ ഉൾപ്പെടെയുള്ള ഭവന നിർമ്മാണ പദ്ധതികളുടെ നിലവിലെ സ്ഥിതി വിശദമാക്കാമോ;

(ബി)  ഭവന നിർമ്മാണം ആരംഭിച്ച് പൂർത്തിയാകാതെ നിര്‍മ്മാണ പ്രവൃത്തികള്‍ നിലച്ചു കിടക്കുന്ന വീടുകളുടെ എണ്ണം എത്രയാണെന്ന് അറിയിക്കാമോ;

(സി)  നിർമ്മാണ വസ്തുക്കളുടെ വിലക്കയറ്റം മൂലം പ്രതിസന്ധിയിലായ ഗുണഭോക്താക്കൾക്ക് അധിക സാമ്പത്തിക സഹായം നൽകാൻ ആലോചിക്കുന്നുണ്ടോ?

പട്ടികജാതി-പട്ടികവര്‍ഗ്ഗ വിഭാഗത്തില്‍പ്പെട്ടവരുടെ ഭൂമി, ഭവനം

2564  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ബേപ്പൂര്‍ നിയോജക മണ്ഡലത്തില്‍ പട്ടികജാതി-പട്ടികവര്‍ഗ്ഗ വിഭാഗത്തില്‍പ്പെട്ട എത്ര കുടുംബങ്ങള്‍ക്ക് സ്വന്തമായി ഭൂമി ഇല്ലെന്ന് കണ്ടെത്തിയിട്ടുണ്ട് എന്നത് അറിയിക്കാമോ;

(ബി)  പ്രസ്തുത വിഭാഗത്തില്‍പ്പെട്ട എത്ര കുടുംബങ്ങള്‍ക്ക് സ്വന്തമായി ഭവനം ഇല്ലെന്ന് കണ്ടെത്തിയിട്ടുണ്ട്;

(സി)  ആയത് പരിഹരിക്കുവാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കാമോ?

അംബേദ്കർ സെറ്റിൽമെന്റ് ഡെവലപ്‌മെന്റ് സ്കീം

2565  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  തൃക്കാക്കര നിയോജകമണ്ഡലത്തിലെ കണ്ണങ്കേരി നഗർ (42 കുടുംബങ്ങൾ), കുളക്കാട് നഗർ (20 കുടുംബങ്ങൾ), വളവൻ നഗർ (28 കുടുംബങ്ങൾ), മൂലേപ്പാട്ട് നഗർ (11 കുടുംബങ്ങൾ), മനക്കത്താഴം നഗർ (12 കുടുംബങ്ങൾ) എന്നീ പട്ടികജാതി കുടുംബങ്ങൾ താമസിക്കുന്ന നഗറുകളെ അംബേദ്കർ സെറ്റിൽമെന്റ് ഡെവലപ്‌മെന്റ് സ്കീമിൽ ഉൾപ്പെടുത്തി അടിസ്ഥാന സൗകര്യങ്ങൾ വികസിപ്പിക്കുന്നതിനും സമഗ്ര വികസനം ഉറപ്പാക്കുന്നതിനും നടപടി സ്വീകരിക്കുമോ?

ഒറ്റവീടുകള്‍

2566  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ലക്ഷം വീട് ഉന്നതികളിലെ ഇരട്ട വീടുകള്‍ (ഒരു ചുമരിന് ഇരുവശത്തായി രണ്ട് വീടുകള്‍) ഒറ്റ വീടുകള്‍ ആയി പുനര്‍നിര്‍മ്മിക്കുന്നത് പരിഗണനയില്‍ ഉണ്ടോ;

(ബി)  പ്രസ്തുത വീടുകളുടെ പുനര്‍നിര്‍മ്മാണത്തിന് പ്രത്യേക പദ്ധതി നടപ്പിലാക്കുന്നതിന് നടപടി സ്വീകരിക്കുമോ?

പട്ടികവര്‍ഗ്ഗ വിദ്യാര്‍ത്ഥികള്‍ക്കായി സൗജന്യ ലാപ്‌ടോപ്

2567  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  നീറ്റ്, കീം, ജെ.ഇ.ഇ. പരീക്ഷകൾ വിജയിച്ച പട്ടികവർഗ്ഗ വിദ്യാർത്ഥികൾക്ക് സൗജന്യ ലാപ്‌ടോപ് നൽകുന്നതിനായി ആരംഭിച്ച പദ്ധതിയുടെ മാനദണ്ഡങ്ങൾ എന്തൊക്കെയാണെന്ന് വ്യക്തമാക്കുമോ;

(ബി)  പ്രസ്തുത പദ്ധതിയുടെ ഗുണഭോക്താക്കളായി തെരഞ്ഞെടുക്കപ്പെട്ട വിദ്യാർത്ഥികളുടെ എണ്ണം, അനുവദിച്ച തുക, ലാപ്‌ടോപ് വിതരണം പൂർത്തിയാക്കേണ്ട സമയപരിധി എന്നിവ വ്യക്തമാക്കുമോ;

(സി)  ഈ സര്‍ക്കാരിന്റെ കാലയളവില്‍ പ്രസ്തുത വിദ്യാർത്ഥികൾക്ക് ലാപ്‌ടോപ് വിതരണം ചെയ്യുന്നതിന് സ്വീകരിച്ച നടപടികളുടെ പുരോഗതി ജില്ല തിരിച്ച് ലഭ്യമാക്കുമോ?

പട്ടികജാതി പട്ടികവർഗ്ഗ വിഭാഗം വിദ്യാർത്ഥികള്‍ക്ക് ലംപ്സം ഗ്രാന്റ്, സ്റ്റൈപന്റ് എന്നിവയുടെ കുടിശ്ശിക

2568  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ്ഗ വിഭാഗം വിദ്യാർത്ഥികള്‍ക്ക് ലംപ്സം ഗ്രാന്റ്, സ്റ്റൈപന്റ് എന്നിവയില്‍ നിലവില്‍ എത്ര തുക കുടിശ്ശികയുണ്ടെന്ന് വ്യക്തമാക്കുമോ;

(ബി)  കുടിശ്ശികയുള്ള ലംപ്സം ഗ്രാന്റ്, സ്റ്റൈപന്റ് എന്നിവ വിതരണം ചെയ്യുവാൻ സ്വീകരിച്ച നടപടികൾ വിശദമാക്കുമോ;

(സി)  പ്രസ്തുത ഇനങ്ങളില്‍ വിതരണം ചെയ്യാനുള്ള തുകയുടെ ജില്ല തിരിച്ചുള്ള കണക്ക് ലഭ്യമാക്കുമോ;

(ഡി)  ഈ സർക്കാർ അധികാരമേറ്റശേഷം നാളിതുവരെ പട്ടികജാതി പട്ടികവർഗ്ഗ വിഭാഗത്തില്‍പ്പെട്ടവ‍രില്‍ ചികിത്സാ ധനസഹായത്തിന് അപേക്ഷിച്ച എത്ര പേർക്ക് എത്ര തുക അനുവദിച്ച് വിതരണം ചെയ്തുവെന്ന് ജില്ല തിരിച്ച് വിശദാംശം ലഭ്യമാക്കുമോ?

എസ് സി ,എസ് ടി ഹോസ്റ്റലുകള്‍

2569  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി, പട്ടികവര്‍ഗ്ഗ വിഭാഗത്തില്‍പ്പെട്ട കുട്ടികളുടെ ഹോസ്റ്റലുകളില്‍ ഹോസ്റ്റല്‍ ഫീ (എ.ബി.എല്‍.സി) കാലോചിതമായി വര്‍ദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ;

(ബി)  പട്ടികജാതി പട്ടികവര്‍ഗ്ഗ വിഭാഗത്തില്‍പ്പെട്ട കുട്ടികളുടെ ഹോസ്റ്റലുകളില്‍ ആവശ്യത്തിന് ജീവനക്കാരെ നിയമിക്കുന്നതിന് നടപടി സ്വീകരിക്കുമോ?

പൈലറ്റ് , ക്യാബിന്‍ക്രൂ പരിശീലനം നേടിയ പട്ടികജാതി വിദ്യാര്‍ത്ഥികള്‍

2570  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2021-2026 വരെയുള്ള കാലയളവില്‍ പട്ടികജാതി പട്ടികവര്‍ഗ്ഗത്തില്‍പ്പെട്ട എത്ര വിദ്യാര്‍ത്ഥികളാണ് പൈലറ്റ്/ക്യാബിന്‍ ക്രൂ പരിശീലനം വിജയകരമായി പൂര്‍ത്തീകരിച്ചിട്ടുള്ളത്; ഇതിനായി ആകെ എത്ര കോടി രൂപ ചെലവഴിച്ചു;

(ബി)  പ്രസ്തുത വിഭാഗത്തില്‍പ്പെട്ട എത്ര വിദ്യാര്‍ത്ഥികള്‍ നിലവില്‍ പൈലറ്റ്/ക്യാബിന്‍ ക്രൂ പരിശീലനം നടത്തിക്കൊണ്ടിരിക്കുന്നുണ്ട്; വിശദാംശം ലഭ്യമാക്കാമോ?

പട്ടികവര്‍ഗ്ഗ വിദ്യാർത്ഥികളുടെ വിദ്യാഭ്യാസ നിലവാരം മെച്ചപ്പെടുത്താനുള്ള പദ്ധതികള്‍

2571  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികവര്‍ഗ്ഗ വിദ്യാർത്ഥികളുടെ വിദ്യാഭ്യാസ നിലവാരം മെച്ചപ്പെടുത്താന്‍ എന്തെല്ലാം പദ്ധതികൾക്കാണ് രൂപം നൽകിയിട്ടുള്ളതെന്ന് വ്യക്തമാക്കുമോ;

(ബി)  പഠനം പൂർത്തിയാക്കാതെയുള്ള വിദ്യാർത്ഥികളുടെ കൊഴിഞ്ഞുപോക്ക് തടയാന്‍ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ?

പ്രീമെട്രിക്-പോസ്റ്റ്മെട്രിക് ഹോസ്റ്റലുകളുടെ നവീകരണവും ആധുനിക സൗകര്യങ്ങള്‍ ലഭ്യമാക്കലും

2572  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി-പട്ടികവര്‍ഗ്ഗ വികസന വകുപ്പിന്‍കീഴില്‍ പ്രവര്‍ത്തിക്കുന്ന പ്രീമെട്രിക്-പോസ്റ്റ്മെട്രിക് ഹോസ്റ്റലുകള്‍ നവീകരിക്കുന്നതിനും വിദ്യാര്‍ത്ഥികള്‍ക്ക് ലെെബ്രറി ഉള്‍പ്പെടെ ആധുനിക സൗകര്യങ്ങള്‍ ലഭ്യമാക്കുന്നതിനും നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ;

(ബി)  ഇത്തരം ഹോസ്റ്റലുകളിൽ നൽകുന്ന ഭക്ഷണത്തിന്റെ ഗുണമേന്മ ഉറപ്പുവരുത്താനും വിദ്യാര്‍ത്ഥികള്‍ക്ക് ആവശ്യമായ ഗെെഡ്‌ലെെന്‍ ക്ലാസ്സുകള്‍ നല്‍കുന്നതിനും നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ?

തൊഴിൽ അവസരങ്ങൾ ലഭിക്കുന്നത്

2573  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി പട്ടികവർഗ്ഗ വിഭാഗങ്ങളിലെ യുവതീ യുവാക്കൾക്ക് സ്റ്റാർട്ടപ്പുകൾ, സ്വയംതൊഴിൽ സംരംഭങ്ങൾ, ഡിജിറ്റൽ തൊഴിൽ മേഖലകൾ എന്നിവയിൽ അവസരങ്ങൾ വർധിപ്പിക്കാൻ പ്രത്യേക പദ്ധതി ആവിഷ്കരിക്കുമോ?

എസ്.സി./എസ്.ടി. വിഭാഗക്കാര്‍ക്ക് സ്വകാര്യമേഖലയിൽ ജോലി സംവരണം

2574  ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാർ വകുപ്പുകളിലും സ്ഥാപനങ്ങളിലും പട്ടികജാതി പട്ടികവർഗ വിഭാഗക്കാർക്ക് നൽകി വരുന്ന ജോലി സംവരണ ആനുകൂല്യം സ്വകാര്യ മേഖലയിൽ പ്രവർത്തിക്കുന്ന സ്ഥാപനങ്ങളിലും സ്വകാര്യ മേഖലയിലെ ലിമിറ്റഡ് കമ്പനികളിലും അർദ്ധസർക്കാർ സ്ഥാപനങ്ങളിലും നടപ്പിലാക്കിയിട്ടുണ്ടോ; ആയതിന്റെ വിശദാംശം നൽകുമോ; ഇല്ലെങ്കിൽ സംവരണം അനുവദിക്കുന്നതിനുളള നടപടി സ്വീകരിക്കുമോ?

പട്ടികജാതി വികസന വകുപ്പിലെ ക്ലർക്ക് തസ്തിയിലെ നിയമനം ക്രമപ്പെടുത്തുന്നത്

2575  ശ്രീ. വി. പി. സജീന്ദ്രൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി വികസന വകുപ്പിൽ ക്ലർക്ക് തസ്തികയിൽ ജോലി ചെയ്തിരുന്ന പ്രദീപ് റാണ ആർ എസ് എന്നയാള്‍ക്ക് പോലീസ് വെരിഫിക്കേഷൻ സർട്ടിഫിക്കറ്റ് ലഭിക്കാതെ പ്രൊബേഷൻ ഡിക്ലയർ ചെയ്തത് ശ്രദ്ധയിൽപ്പെട്ടിട്ടുണ്ടോ;

(ബി)  പോലീസ് വെരിഫിക്കേഷൻ സർട്ടിഫിക്കറ്റ് ഹാജരാക്കാതെ ടിയാന്റെ സർവീസ് ക്രമവൽക്കരിച്ചതും പ്രൊബേഷൻ ഡിക്ലയർ ചെയ്തതും എന്തടിസ്ഥാനത്തിൽ ആണെന്ന് വ്യക്തമാക്കാമോ; വിശദാംശം നൽകുമോ;

(സി)  ടിയാന്റെ സര്‍വ്വീസ് ക്രമീകരിച്ചത് സംബന്ധിച്ച ഫയല്‍ കൈകാര്യം ചെയ്ത ഉദ്യോഗസ്ഥര്‍ ആരെല്ലാമെന്ന് വ്യക്തമാക്കാമോ; ചട്ടലംഘനം നടത്തിയ ഉദ്യോഗസ്ഥർക്കെതിരെ അച്ചടക്ക നടപടി സ്വീകരിക്കുമോ;

(ഡി)  അനധികൃതമായി പ്രൊബേഷൻ ഡിക്ലയർ ചെയ്തത് മൂലം സർവീസിൽ തുടരുന്ന ടിയാന് ഇതേവരെ ലഭിച്ച ആനുകൂല്യങ്ങൾ തിരികെ പിടിക്കുന്നതിനുള്ള നടപടി സ്വീകരിക്കുമോ എന്ന് വ്യക്തമാക്കാമോ?

പട്ടികജാതി പട്ടികവർഗ്ഗ ക്ഷേമ വകുപ്പിലെ നിയമനങ്ങൾ

2576  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2016 മെയ് 1 മുതൽ 2026 ഏപ്രിൽ 30 വരെ പട്ടികജാതി പട്ടികവർഗ്ഗ ക്ഷേമ വകുപ്പിൽ ഏതെല്ലാം തസ്തികകളിൽ കരാർ നിയമനങ്ങൾ നടന്നിട്ടുണ്ട് എന്നും പ്രസ്തുത തസ്തികകളിൽ നിയമിക്കപ്പെട്ട വ്യക്തികൾ ആരൊക്കെയാണെന്നും അവർക്ക് നൽകിയിട്ടുള്ള ശമ്പളവും മറ്റ് അലവൻസുകളും എത്രയായിരുന്നു എന്നുമുള്ളതിന്റെ ജില്ല തിരിച്ചും തസ്തിക തിരിച്ചുമുള്ള കണക്ക് ലഭ്യമാക്കാമോ;

(ബി)  2016 മെയ് 1 മുതൽ 2026 ഏപ്രിൽ 30 വരെ പട്ടികജാതി പട്ടികവർഗ്ഗ ക്ഷേമ വകുപ്പിൽ ഏതെല്ലാം തസ്തികകളിൽ ദിവസ വേതന അടിസ്ഥാനത്തിൽ നിയമനങ്ങൾ നടന്നിട്ടുണ്ട് എന്നും പ്രസ്തുത തസ്തികകളിൽ നിയമിക്കപ്പെട്ട വ്യക്തികൾ ആരൊക്കെയാണെന്നും അവർക്ക് നൽകിയിട്ടുള്ള വേതനവും മറ്റ് അലവൻസുകളും എത്രയായിരുന്നു എന്നുമുള്ളതിന്റെ ജില്ല തിരിച്ചും തസ്തിക തിരിച്ചുമുള്ള കണക്ക് ലഭ്യമാക്കാമോ;

(സി)  2016 മെയ് 1 മുതൽ 2026 ഏപ്രിൽ 30 വരെ പട്ടികജാതി പട്ടികവർഗ്ഗ ക്ഷേമ വകുപ്പിൽ കരാർ അടിസ്ഥാനത്തിലോ ദിവസ വേതന അടിസ്ഥാനത്തിലോ നിയമിക്കപ്പെട്ട ജീവനക്കാരിൽ ആരെയെങ്കിലും സ്ഥിരപ്പെടുത്തിയിട്ടുണ്ടെങ്കിൽ അതിൻറെ വിവരം ജില്ല തിരിച്ചും തസ്തിക തിരിച്ചും വ്യക്തമാക്കാമോ;

(ഡി)  2016 മെയ് 1 മുതൽ 2026 ഏപ്രിൽ 30 വരെ പട്ടികജാതി പട്ടികവർഗ്ഗ ക്ഷേമ വകുപ്പിൽ അന്യത്ര സേവന വ്യവസ്ഥയിൽ ഏതെല്ലാം തസ്തികകളിൽ നിയമനം നടന്നിട്ടുണ്ട് എന്നും അപ്രകാരം നിയമിതരായ വ്യക്തികൾ ആരെല്ലാം ആയിരുന്നു എന്നും ഏതെല്ലാം തസ്തികകളിൽ നിന്നായിരുന്നു അവർ നിയമിക്കപ്പെട്ടത് എന്നും വിശദമാക്കാമോ?

അടൂർ നിയോജക മണ്ഡലത്തിലെ എസ്.സി/എസ്.റ്റി കോർപ്പസ് ഫണ്ട് പദ്ധതികള്‍

2577  ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  2026-27 സാമ്പത്തിക വർഷം അടൂർ നിയോജക മണ്ഡലത്തിൽ എസ്.സി/എസ്.റ്റി കോർപ്പസ് ഫണ്ട് ഉപയോഗിച്ച് നടപ്പിലാക്കുന്ന പദ്ധതികൾ ഏതെല്ലാമാണെന്ന് വിശദമാക്കാമോ;

(ബി)  പ്രസ്തുത ഫണ്ട് ഉപയോഗിച്ച് നടപ്പിലാക്കുന്ന പദ്ധതി വിവരങ്ങൾ, വകയിരുത്തിയ തുക, നിർവ്വഹണ ഏജൻസി, പുരോഗതി, പൂർത്തീകരണം എന്നിവ സംബന്ധിച്ച വിവരങ്ങൾ നൽകാമോ;

(സി)  സ്പിൽ ഓവർ പദ്ധതികൾ തുടരുന്നുണ്ടോ; വിശദ വിവരം നൽകാമോ?

കുുറ്റ്യാടി നിയോജക മണ്ഡലത്തില്‍ പട്ടികജാതി വകുപ്പിന് കീഴിൽ നടന്നു വരുന്ന പദ്ധതികളും വാളാഞ്ഞി ഉന്നതിയും

2578  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  കുുറ്റ്യാടി നിയോജക മണ്ഡലത്തിൽ പട്ടികജാതി വകുപ്പിന് കീഴിൽ നടന്നു വരുന്ന പദ്ധതികൾ ഏതൊക്കെയെന്ന് വ്യക്തമാക്കുമോ;

(ബി)  വാളാഞ്ഞി ഉന്നതിയുടെ പ്രവൃത്തികൾ ഇപ്പോൾ ഏതു ഘട്ടത്തിലാണ്;

(സി)  എന്തൊക്കെ പ്രവൃത്തികളാണ് ഇതിനകം പൂർത്തിയായിട്ടുള്ളത്; ഇനി ഏതൊക്കെ പ്രവൃത്തികൾ പൂർത്തിയാകാനുണ്ട്; വ്യക്തമാക്കുമോ;

(ഡി)  പദ്ധതി പ്രവർത്തനത്തിന് എന്തെങ്കിലും തടസ്സങ്ങളുണ്ടോ; ഉണ്ടെങ്കിൽ വിശദാംശം നൽകുമോ?

ചികിത്സാ ധനസഹായ അപേക്ഷ

2579  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരത്തിൽ വന്നശേഷം കാഞ്ഞങ്ങാട് മണ്ഡലത്തിൽ പട്ടികജാതി, പട്ടികവർഗ്ഗ വിഭാഗത്തിൽ പെട്ടവർക്കുള്ള ചികിത്സാ ധനസഹായത്തിന് എത്ര അപേക്ഷകളാണ് ലഭിച്ചത് എന്ന് പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

(ബി)  പ്രസ്തുത അപേക്ഷകളിന്മേൽ ധനസഹായം അനുവദിച്ചത് സംബന്ധിച്ച വിശദാംശം നൽകാമോ?

ചങ്ങനാശ്ശേരി മണ്ഡലത്തിൽ എസ്.സി/എസ്.ടി വകുപ്പിന് കീഴിലുള്ള പദ്ധതികള്‍

2580  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി മണ്ഡലത്തിൽ പട്ടികജാതി/പട്ടികവർഗ്ഗ വിദ്യാർത്ഥികൾക്കായി മോഡൽ റെസിഡൻഷ്യൽ സ്കൂളുകളോ അല്ലെങ്കിൽ പ്രീ-മെട്രിക്/പോസ്റ്റ്-മെട്രിക് ഹോസ്റ്റലുകളോ പ്രവര്‍ത്തിക്കുന്നുണ്ടോ; എങ്കിൽ അവയുടെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനും പുതിയവ അനുവദിക്കുന്നതിനും എന്തൊക്കെ പദ്ധതികളാണ് പരിഗണനയിലുള്ളത്;

(ബി)  ഭവന പദ്ധതികളിൽ ഉൾപ്പെടുത്തി വീടുകൾ അനുവദിക്കപ്പെട്ട പട്ടികജാതി-പട്ടികവർഗ്ഗ കുടുംബങ്ങളിൽ സാമ്പത്തിക പ്രതിസന്ധി കാരണമോ മറ്റു തടസ്സങ്ങൾ കാരണമോ നിർമ്മാണം പാതിവഴിയിൽ നിന്നുപോയവ എത്രയുണ്ട്; അവ പൂർത്തീകരിക്കാൻ പ്രത്യേക പാക്കേജ് അനുവദിക്കുമോ;

(സി)  മണ്ഡലത്തിലെ പട്ടികജാതി-പട്ടികവർഗ്ഗ പിന്നോക്ക വിഭാഗങ്ങളിൽപ്പെട്ട യുവതീ യുവാക്കൾക്കായി തൊഴിലധിഷ്ഠിത നൈപുണ്യ പരിശീലന പരിപാടികളും സംരംഭകത്വ സഹായങ്ങളും നൽകാൻ എന്തൊക്കെ പദ്ധതികളാണ് നടപ്പിലാക്കുന്നത്; ചങ്ങനാശ്ശേരി മുൻസിപ്പാലിറ്റി പരിധിയിൽ അയ്യങ്കാളി നഗര തൊഴിലുറപ്പ് പദ്ധതി കൃത്യമായി നടപ്പിലാക്കുന്നുണ്ടോയെന്നും തൊഴിലാളികൾക്കുള്ള വേതനം കുടിശ്ശിക കൂടാതെ ലഭ്യമാക്കുന്നുണ്ടോയെന്നും ഉറപ്പുവരുത്താൻ സ്വീകരിച്ചിട്ടുള്ള നടപടികൾ എന്തൊക്കെയാണ്;

(ഡി)  മണ്ഡലത്തിലെ പട്ടികജാതി-പട്ടികവർഗ്ഗ വികസന വകുപ്പിന്റെ കീഴിലുള്ള വിവിധ ഓഫീസുകളിലും സ്ഥാപനങ്ങളിലും നിലവിലുള്ള ആകെ തസ്തികകളുടെ എണ്ണവും അതിൽ എത്ര ജീവനക്കാർ ജോലി ചെയ്യുന്നുണ്ട് എന്നതിന്റെ വിശദാംശവും ലഭ്യമാക്കാമോ; നിലവിൽ എത്ര തസ്തികകൾ ഒഴിഞ്ഞുകിടക്കുന്നുണ്ട്; വിശദാംശം ലഭ്യമാക്കാമോ;

(ഇ)  മണ്ഡലത്തിൽ പട്ടികജാതി-പട്ടികവർഗ്ഗ വികസന വകുപ്പിന്റെ കീഴിൽ സേവനം അനുഷ്ഠിക്കുന്ന എസ്‌.സി-എസ്‌.ടി പ്രൊമോട്ടർമാരുടെ ആകെ അനുവദിച്ച എണ്ണം എത്രയാണ്; നിലവിൽ എത്ര പേർ സേവനം ചെയ്യുന്നുണ്ട്; എത്ര ഒഴിവുകൾ നികത്താനുണ്ട്; പ്രൊമോട്ടർമാരുടെയും വകുപ്പ് ജീവനക്കാരുടെയും കുറവ് കാരണം ഗുണഭോക്തൃ അർഹതാ നിർണ്ണയവും പദ്ധതികളുടെ നിർവ്വഹണവും തടസ്സപ്പെടുന്നുണ്ടോ; എങ്കിൽ ഒഴിഞ്ഞു കിടക്കുന്ന ടി തസ്തികകളിൽ ഉടൻ നിയമനം നടത്തുന്നതിനും ഗുണഭോക്താക്കൾക്ക് സേവനങ്ങൾ വേഗത്തിൽ ലഭ്യമാക്കുന്നതിനുമായി വകുപ്പുതലത്തിൽ പുതിയതായി എന്തെങ്കിലും ഭരണപരമായ പരിഷ്കരണങ്ങളോ തീരുമാനങ്ങളോ സ്വീകരിച്ചിട്ടുണ്ടെങ്കിൽ അതിന്റെ വിശദാംശം വ്യക്തമാക്കാമോ?

പട്ടികജാതി കുടുംബങ്ങൾക്കുള്ള ഭവനപദ്ധതിയും ചികിത്സാധനസഹായവും

2581  ശ്രീ. ഉല്ലാസ് കോവൂർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി കുടുംബങ്ങൾക്കുള്ള ഭവനപദ്ധതിയുടെ നിലവിലുള്ള ധനസഹായം പത്തു ലക്ഷം രൂപയായി വർധിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

(ബി)  പട്ടികജാതി പട്ടികവർഗക്കാരുടെ ചികിത്സ ധനസഹായം സംബന്ധിച്ച അപേക്ഷകൾ സമയബന്ധിതമായി തീർക്കുന്നതിന് എന്തെല്ലാം നടപടികളാണ് സ്വീകരിക്കുന്നത്;

(സി)  ഏത് വർഷം വരെയുള്ള അപേക്ഷകൾ തീർപ്പാക്കിയിട്ടുണ്ട് വിശദാംശം ലഭ്യമാക്കാമോ?

പട്ടികജാതി വിഭാഗങ്ങളുടെ ഭവന പുനരുദ്ധാരണ പദ്ധതി

2582  ശ്രീ. എം. റഹ്മത്തുളള
ശ്രീ. പി. കെ. നവാസ്
ശ്രീ. സി. കെ. കാസിം
ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പട്ടികജാതി വിഭാഗങ്ങളുടെ ഭവന പൂര്‍ത്തീകരണവും പുനരുദ്ധാരണവും ലക്ഷ്യമിട്ട് പ്രത്യേക പദ്ധതി ആവിഷ്കരിച്ചിട്ടുണ്ടോ; വിശദമാക്കാമോ;

(ബി)  പ്രസ്തുത പദ്ധതി പ്രകാരം ധനസഹായം ലഭിക്കുന്നതിനുളള മാനദണ്ഡങ്ങള്‍ എന്തെല്ലാമാണെന്ന് അറിയിക്കാമോ;

(സി)  പ്രസ്തുത പദ്ധതി പ്രകാരം ലഭിക്കുന്ന ധനസഹായം, അപേക്ഷകരെ തെരെഞ്ഞെടുക്കുന്ന രീതി എന്നിവ വ്യക്തമാക്കുമോ?

പട്ടികവിഭാഗങ്ങൾക്ക് പ്രത്യേക ഭവനനിർമ്മാണ പദ്ധതി

2583  ശ്രീ. എം. എ. റസാഖ് മാസ്റ്റർ
ശ്രീ. കുറുക്കോളി മൊയ്തീന്‍
ശ്രീ. പി. കെ. ഫിറോസ്
ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  ലൈഫ് ഭവനനിർമ്മാണ പദ്ധതിയിൽ പട്ടികവിഭാഗങ്ങൾക്ക് വീടുകൾ ലഭിക്കുന്നതിലെ കാലതാമസം ഒഴിവാക്കുന്നതിനായി പ്രത്യേക ഭവന നിർമ്മാണ പദ്ധതി ആരംഭിക്കാൻ ആലോചിക്കുന്നുണ്ടോ;

(ബി)  പട്ടികവിഭാഗങ്ങളിലെ അർഹരായ എല്ലാ ഭവനരഹിതർക്കും വീട് ഉറപ്പാക്കാൻ നടപടി സ്വീകരിക്കുമോ;

(സി)  പ്രസ്തുത പദ്ധതി എന്നുമുതൽ നടപ്പാക്കാനാണ് ഉദ്ദേശിക്കുന്നത്; വിശദമാക്കാമോ?

എസ്. സി. കോര്‍പ്പസ് ഫണ്ട്

2584  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  എസ്.സി. കോര്‍പ്പസ് ഫണ്ട് വിനിയോഗിച്ച് 2021-26 കാലയളവില്‍ ആലപ്പുഴ ജില്ലയില്‍ അനുവദിച്ച പ്രവൃത്തികളുടെ വിശദാംശം ലഭ്യമാക്കുമോ;

(ബി)  പ്രസ്തുത പ്രവൃത്തികളില്‍ പൂര്‍ത്തീകരിച്ചവ, പൂര്‍ത്തീകരിക്കാന്‍ ഉളളവ ഏതൊക്കെയെന്ന് വിശദമാക്കുമോ;

(സി)  കോര്‍പ്പസ് ഫണ്ട് വിതരണത്തില്‍ ഓരോ ജില്ലയിലും എത്ര തുക വീതം കുടിശ്ശിക ഉണ്ടെന്നും അത് വിതരണം ചെയ്യാന്‍ സ്വീകരിച്ച നടപടികളും വിശദമാക്കുമോ?

തിരുവമ്പാടി നിയോജക മണ്ഡ‌ലത്തിലെ പട്ടികജാതി പട്ടികവർഗ്ഗ വികസന വകുപ്പിന്റെ സ്വയംപര്യപ്‌ത - അംബേദ്‌കർ ഗ്രാമം പദ്ധതി

2585  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവമ്പാടി നിയോജക മണ്ഡ‌ലത്തില്‍ പട്ടികജാതി-പട്ടികവർഗ്ഗ വികസന വകുപ്പ് മുഖേന നടപ്പിലാക്കി വരുന്ന പദ്ധതികളും അവയുടെ നിലവിലെ പുരോഗതിയും വിശദമാക്കാമോ;

(ബി)  പ്രസ്‌തുത പദ്ധതികളുടെ പൂർത്തീകരണത്തിന് എന്തെങ്കിലും തടസ്സം നിലവിലുണ്ടോ, വിശദമാക്കുമോ; ഇല്ലെങ്കിൽ പദ്ധതികള്‍ എന്നത്തേക്ക് പൂർത്തീകരിക്കാനാവുമെന്ന് വ്യക്തമാക്കുമോ;

(സി)  ഈ സർക്കാർ അധികാരത്തിൽ വന്നതിനു ശേഷം തിരുവമ്പാടി മണ്ഡലത്തിൽ പട്ടികജാതി-പട്ടികവർഗ്ഗ വകുപ്പ് സ്വയംപര്യാപ്‌ത- അംബേദ്‌കർ ഗ്രാമം പദ്ധതി നടപ്പിലാക്കുന്നതിന് എന്തെങ്കിലും നടപടികൾ സ്വീകരിച്ചിട്ടുണ്ടോ;

(ഡി)  എങ്കിൽ എവിടെയൊക്കെ എന്ന് പഞ്ചായത്ത് അടിസ്ഥാനത്തിൽ വിശദമാക്കുമോ; ഇല്ലെങ്കിൽ പ്രസ്തുത പദ്ധതി നടപ്പിലാക്കുന്ന കാര്യം പരിഗണിക്കുമോ?

വടക്കാഞ്ചേരി മണ്ഡലത്തിൽ അംബേദ്കർ ഗ്രാമവികസന പദ്ധതി

2586  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  വടക്കാഞ്ചേരി മണ്ഡലത്തിലെ അംബേദ്കർ ഗ്രാമവികസന പദ്ധതിയിൽ ഉൾപ്പെട്ട പ്രവൃത്തികളുടെ നിലവിലെ പുരോഗതി വിശദമാക്കാമോ?

പഞ്ചമി ഗ്രാമം പദ്ധതി

2587  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പഞ്ചമിഗ്രാമം പദ്ധതിയുടെ വിശദാംശങ്ങള്‍ അറിയിക്കാമോ;

(ബി)  പ്രസ്തുത പദ്ധതിപ്രകാരം ഒരു ഉന്നതിക്ക് അല്ലെങ്കില്‍ സെറ്റില്‍മെന്റിന് അനുവദിക്കുന്ന പരമാവധി തുക എത്രയാണ്; വിശദാംശം അറിയിക്കാമോ;

(സി)  പദ്ധതി നടപ്പിലാക്കുന്നതിന്റെ ചുമതലകള്‍ സംബന്ധിച്ച വിശദാംശം ലഭ്യമാക്കുമോ?

ട്രൈബല്‍ സ്കൂളുകളുടെ വിവരങ്ങള്‍

2588  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം, കൊല്ലം, പത്തനംതിട്ട ജില്ലകളില്‍ പട്ടികവര്‍ഗ്ഗ വികസന വകുപ്പിന്റെ കീഴില്‍ നിലവില്‍ പ്രവര്‍ത്തിച്ചുവരുന്ന ട്രൈബല്‍ സ്കൂളുകള്‍ എത്രയാണെന്ന് ജില്ല തിരിച്ച് വ്യക്തമാക്കാമോ; പ്രസ്തുത ജില്ലകളിലെ ഓരോ ട്രൈബല്‍ സ്കൂളിന്റെയും പേര്, സ്ഥലം, നിലവിലുള്ള വിദ്യാര്‍ത്ഥികളുടെ എണ്ണം, അനുവദിച്ചിട്ടുള്ള അധ്യാപക തസ്തികകളുടെ എണ്ണം, നിലവില്‍ സേവനത്തിലുള്ള അധ്യാപകരുടെ എണ്ണം, ഒഴിഞ്ഞുകിടക്കുന്ന അധ്യാപക തസ്തികകളുടെ എണ്ണം എന്നിവ സ്കൂള്‍ അടിസ്ഥാനത്തില്‍ ലഭ്യമാക്കാമോ;

(ബി)  പ്രസ്തുത മൂന്ന് ജില്ലകളിലുമായി നിലവില്‍ എത്ര ട്രൈബല്‍ സ്കൂളുകളിലാണ് ഹെഡ്‍മാസ്റ്റര്‍ തസ്തിക ഒഴിഞ്ഞുകിടക്കുന്നതെന്ന് സ്കൂള്‍ തിരിച്ച് വ്യക്തമാക്കാമോ; ഹെഡ്‍മാസ്റ്റര്‍ തസ്തികകള്‍ ഒഴിഞ്ഞുകിടക്കുന്നത് പ്രസ്തുത സ്കൂളുകളുടെ ദൈനംദിന അക്കാദമിക്, ഭരണപരമായ പ്രവര്‍ത്തനങ്ങളെ ബാധിച്ചിട്ടുണ്ടോ;

(സി)  ഒഴിഞ്ഞുകിടക്കുന്ന ഹെഡ്‍മാസ്റ്റര്‍ തസ്തികകളിലേക്കും മറ്റ് അധ്യാപക തസ്തികകളിലേക്കും നിയമനം നടത്തുന്നതിനായി നിലവില്‍ സ്വീകരിച്ചുവരുന്ന നടപടികള്‍ എന്തെല്ലാമാണ്; നിയമനം പൂര്‍ത്തിയാക്കുന്നതിന് സമയപരിധി നിശ്ചയിച്ചിട്ടുണ്ടോ;

(ഡി)  അധ്യാപക തസ്തികകളിലെ ഒഴിവുകള്‍ അടിയന്തരമായി നികത്തി ട്രൈബല്‍ മേഖലകളിലെ വിദ്യാര്‍ത്ഥികള്‍ക്ക് ഗുണമേന്മയുള്ള വിദ്യാഭ്യാസം ഉറപ്പാക്കുന്നതിനും സ്കൂളുകളുടെ അക്കാദമികവും ഭരണപരവുമായ പ്രവര്‍ത്തനങ്ങള്‍ കാര്യക്ഷമമായി നടത്തുന്നതിനും ആവശ്യമായ നടപടി സ്വീകരിക്കുമോ?

പുനലൂർ മണ്ഡലത്തിലെ പട്ടിക ജാതി / പട്ടിക വർഗ്ഗ ക്ഷേമ പദ്ധതികൾ

2589  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  പുനലൂർ മണ്ഡലത്തിലെ വിവിധ പട്ടിക ജാതി ഉന്നതികളിൽ വിവിധ ഫണ്ടുകൾ വിനിയോഗിച്ച് നിലവിൽ നടന്നു വരുന്ന വികസന പദ്ധതികൾ എന്തെല്ലാമെന്നും ഓരോ പദ്ധതിയുമായും ബന്ധപ്പെട്ട പ്രവൃത്തികളുടെ അടങ്കൽ തുക എത്രയെന്നും പ്രസ്തുത പ്രവൃത്തികളുടെ നിലവിലെ സ്ഥിതി എന്തെന്നും തദ്ദേശ സ്വയംഭരണ സ്ഥാപനങ്ങളുടെ അടിസ്ഥാനത്തിൽ വ്യക്തമാക്കാമോ;

(ബി)  പട്ടിക വർഗ്ഗ വിഭാഗത്തിന്റെ ഉന്നമനത്തിനും ഉന്നതികളുടെ അടിസ്ഥാന സൗകര്യ വികസനത്തിനുമായി പുനലൂർ മണ്ഡലത്തിലെ ഉന്നതികളിൽ ഉടൻ ആരംഭിക്കുന്ന വികസന പദ്ധതികൾ എന്തെല്ലാമാണെന്നും ഏതെല്ലാം തദ്ദേശ സ്വയംഭരണ സ്ഥാപനങ്ങളിലാണ് പ്രസ്തുത പദ്ധതികൾ ആരംഭിക്കുന്നതെന്നും ഓരോ പദ്ധതിയുമായി ബന്ധപ്പെട്ട പ്രവൃത്തികളുടെ അടങ്കൽ തുക എത്രയെന്നും വിശദമാക്കാമോ?

തിരുവനന്തപുരം കോർപ്പറേഷനിൽ പട്ടികജാതി വികസന വകുപ്പിന്റെ സോണൽ ഓഫീസുകൾ

2590  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് പട്ടികജാതി, പട്ടികവർഗ്ഗ - പിന്നോക്ക ക്ഷേമ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം കോർപ്പറേഷനിലെ ഒരു ലക്ഷത്തിലേറെ വരുന്ന പട്ടികജാതി ജനസംഖ്യ മറ്റു പല ജില്ലകളിലെ ആകെ പട്ടികജാതി ജനസംഖ്യക്ക് സമാനമാണ് എന്ന കാര്യം ശ്രദ്ധയിൽപ്പെട്ടിട്ടുണ്ടോ;

(ബി)  പട്ടികജാതി വികസന വകുപ്പിന് മിക്ക ജില്ലകളിലും ബ്ലോക്ക് തല ഓഫീസുകൾ നിലവിലുള്ളപ്പോൾ തിരുവനന്തപുരം കോർപ്പറേഷനിൽ ഇത്രയും ജനങ്ങളുടെ വിഷയങ്ങൾ കൈകാര്യം ചെയ്യുവാൻ ഒരു ഓഫീസ് മാത്രമാണ് ഉള്ളതെന്ന കാര്യം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

(സി)  ഇതു കാരണം സാമ്പത്തികമായി വളരെ പിന്നാക്കാവസ്ഥയിലുള്ള പട്ടികജാതി വിഭാഗം ജനങ്ങൾ വിവിധ ആവശ്യങ്ങൾക്കായി നഗരാതിർത്തി പ്രദേശങ്ങളിൽ നിന്നും പലതവണ നഗരസഭയിലെ ഓഫീസിലേക്ക് യാത്ര ചെയ്യേണ്ടി വരുന്നതിലൂടെ അവർക്കുണ്ടാകുന്ന ബുദ്ധിമുട്ട് ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

(ഡി)  ഇത്തരം ബുദ്ധിമുട്ടുകൾ പരിഹരിക്കുവാൻ തിരുവനന്തപുരം കോർപ്പറേഷനിൽ പട്ടികജാതി വികസന വകുപ്പിന്റെ സോണൽ ഓഫീസുകൾ സ്ഥാപിക്കുവാൻ സർക്കാർ തല വർക്ക് സ്റ്റഡി റിപ്പോർട്ട് നിലവിലുണ്ടോ; എങ്കിൽ ഇതിൻമേൽ സ്വീകരിച്ച നടപടികൾ വിശദീകരിക്കാമോ?