അൻപ് വീട് പദ്ധതിയുടെ വിപുലീകരണ നടപടികൾ

971  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അൻപ് വീട് പദ്ധതിയുടെ നിലവിലെ പ്രവർത്തന പുരോഗതിയും ഗുണഭോക്താക്കളെ തിരഞ്ഞെടുക്കുന്ന പ്രക്രിയയും വ്യക്തമാക്കുമോ?

ഭിന്നശേഷിക്കാർ,ട്രാൻസ്ജെൻഡറുകൾ,പാർശ്വവൽക്കരിക്കപ്പെട്ട വിഭാഗങ്ങൾ എന്നിവരുടെ ക്ഷേമവും പുനരധിവാസവും

972  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഭിന്നശേഷിക്കാരായ വ്യക്തികളുടെ സമഗ്ര പുനരധിവാസം, വിദ്യാഭ്യാസം, തൊഴിൽ അവസരങ്ങൾ എന്നിവ ഉറപ്പാക്കുന്നതിനായി നടപ്പിലാക്കി വരുന്ന അനുയാത്ര, പരിരക്ഷ, സഹജീവം തുടങ്ങിയ പദ്ധതികളുടെ നിലവിലെ പുരോഗതി വ്യക്തമാക്കാമോ;

(ബി)  ഭിന്നശേഷിക്കാരായ കുട്ടികൾക്കുള്ള സ്കോളർഷിപ്പുകൾ, സഹായ ഉപകരണങ്ങൾ ലഭ്യമാക്കൽ, മറ്റ് സാമ്പത്തിക ആനുകൂല്യങ്ങൾ എന്നിവയുടെ നിലവിലെ സ്ഥിതി എന്താണെന്നും ഇവയുമായി ബന്ധപ്പെട്ട കുടിശ്ശിക തീർപ്പാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്നും അറിയിക്കാമോ;

(സി)  ഭിന്നശേഷി പുനരധിവാസ കേന്ദ്രങ്ങളുടെയും കെയർ ഹോമുകളുടെയും പ്രവർത്തനം കൂടുതൽ സുതാര്യമാക്കുന്നതിനും കൃത്യമായ മേൽനോട്ടവും ഫണ്ട് വിതരണവും ഉറപ്പാക്കുന്നതിനും എന്തെല്ലാം ക്രമീകരണങ്ങളാണ് ഏർപ്പെടുത്തിയിട്ടുള്ളത്;

(ഡി)  ഭിന്നശേഷിക്കാർക്കും പാർശ്വവൽക്കരിക്കപ്പെട്ട വിഭാഗങ്ങൾക്കും നൽകുന്ന വിവിധ ക്ഷേമ പദ്ധതികൾ തടസ്സമില്ലാതെ നടപ്പിലാക്കുന്നതിനായി തദ്ദേശ സ്വയംഭരണ സ്ഥാപനങ്ങൾക്ക് എന്തെല്ലാം പ്രത്യേക നിർദ്ദേശങ്ങളാണ് നൽകിയിട്ടുള്ളത്;

(ഇ)  ട്രാൻസ്ജെൻഡർ വ്യക്തികളുടെ പുനരധിവാസം, സ്വയംതൊഴിൽ കണ്ടെത്തൽ, വിദ്യാഭ്യാസം, ലിംഗമാറ്റ ശസ്ത്രക്രിയയ്ക്കുള്ള സാമ്പത്തിക സഹായം (മഴവില്ല് പദ്ധതി) എന്നിവയ്ക്കായി നിലവിൽ നൽകിവരുന്ന സഹായങ്ങളുടെ വിശദാംശങ്ങളും പ്രസ്തുത പദ്ധതികളുടെ പുരോഗതിയും വ്യക്തമാക്കാമോ?

സാമൂഹ്യനീതി വകുപ്പിന്റെ സാമ്പത്തിക വിനിയോഗം

973  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെ സാമൂഹ്യനീതി വകുപ്പിന് ലഭിച്ചിട്ടുള്ള സംസ്ഥാന ബഡ്ജറ്റ് വിഹിതം എത്രയായിരുന്നുവെന്നും അതിൽ എത്ര രൂപ പ്രതിവർഷം വിനിയോഗിച്ചുവെന്നുമുള്ള വിവരം സാമ്പത്തിക വർഷം തിരിച്ച് ലഭ്യമാക്കാമോ;

(ബി)  2016 മുതൽ 2026 വരെ വകുപ്പിന് ലഭിച്ചിട്ടുള്ള സംസ്ഥാന ബഡ്ജറ്റ് വിഹിതം ഓരോ ജില്ലയിലും വിനിയോഗിച്ചതിന്റെ വിവരം സാമ്പത്തിക വർഷം, ജില്ല എന്നിവ തിരിച്ച് ലഭ്യമാക്കാമോ;

(സി)  2016 മുതൽ 2026 വരെ വകുപ്പിന് കേന്ദ്രസർക്കാരിൽ നിന്നും മറ്റ് ഏജൻസികളിൽ നിന്നും ലഭിച്ചിട്ടുള്ള സാമ്പത്തിക സഹായവും വായ്പകളും എത്രയാണെന്ന വിവരം സാമ്പത്തിക വർഷം തിരിച്ചു ലഭ്യമാക്കാമോ;

(ഡി)  2016 മുതൽ 2026 വരെ വകുപ്പിന് കേന്ദ്രസർക്കാരിൽ നിന്നും മറ്റ് ഏജൻസികളിൽ നിന്നും ലഭിച്ചിട്ടുള്ള സാമ്പത്തിക സഹായവും വായ്പകളും എപ്രകാരം വിനിയോഗിച്ചു എന്ന വിവരം സാമ്പത്തിക വർഷം, ജില്ല എന്നിവ തിരിച്ച് ലഭ്യമാക്കാമോ;

(ഇ)  സാമൂഹിക നീതി വകുപ്പിന് സംസ്ഥാന സർക്കാരും കേന്ദ്രസർക്കാരും അനുവദിച്ചിരുന്ന ഫണ്ടുകളിൽ 2016 മുതൽ 2026 വരെ വിനിയോഗിക്കാതെ നഷ്ടപ്പെട്ടു പോവുകയോ തിരിച്ചടയ്ക്കുകയോ ചെയ്തിട്ടുള്ള ഫണ്ടുകളുടെ വിവരം സാമ്പത്തിക വർഷം തിരിച്ച് ലഭ്യമാക്കാമോ;

(എഫ്)  സാമൂഹിക നീതി വകുപ്പ് 2016 മുതൽ 2026 വരെ സംസ്ഥാനത്ത് പുതിയതായി ആരംഭിച്ച സ്ഥാപനങ്ങളുടെ വിവരം ജില്ല തിരിച്ച് ലഭ്യമാക്കാമോ?

കേരള സാമൂഹ്യ സുരക്ഷാ മിഷന്റെ പ്രവർത്തനങ്ങൾ

974  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരള സാമൂഹിക സുരക്ഷാ മിഷനും സാമൂഹ്യനീതി വകുപ്പും മുഖേന സംസ്ഥാനത്ത് വിവിധ വിഭാഗങ്ങളിലുള്ള അർഹരായ വ്യക്തികൾക്ക് ധനസഹായം നൽകുന്നതിനായി നടപ്പിലാക്കി വരുന്ന പദ്ധതികൾ ഏതൊക്കെയാണെന്ന് വിശദമാക്കാമോ;

(ബി)  പ്രസ്തുത ഓരോ പദ്ധതിയും ആരംഭിച്ച വർഷം, പദ്ധതിയുടെ ഉദ്ദേശ്യം, അർഹതാ മാനദണ്ഡങ്ങൾ, ഒരു ഗുണഭോക്താവിന് അനുവദിക്കുന്ന ധനസഹായത്തിന്റെ നിരക്ക് എന്നിവ വ്യക്തമാക്കാമോ;

(സി)  2021-22 മുതൽ 2025-26 വരെയുള്ള ഓരോ സാമ്പത്തിക വർഷത്തിലും ഓരോ പദ്ധതിക്കും അനുവദിച്ച തുക, ചെലവഴിച്ച തുക, ഗുണഭോക്താക്കളുടെ എണ്ണം എന്നിവ പദ്ധതി തിരിച്ചും ജില്ല തിരിച്ചും ലഭ്യമാക്കാമോ;

(ഡി)  പ്രസ്തുത പദ്ധതികളിൽ നിലവിൽ ധനസഹായം ലഭിച്ചുകൊണ്ടിരിക്കുന്ന ഗുണഭോക്താക്കളുടെ എണ്ണം എത്രയാണ്; വിഭാഗം തിരിച്ചുള്ള കണക്ക് ലഭ്യമാക്കാമോ;

(ഇ)  ധനസഹായം ലഭിക്കുന്നതിനായി അപേക്ഷ സമർപ്പിച്ച് അർഹത നേടിയിട്ടും നിലവിൽ ധനസഹായം ലഭിക്കാതെ കുടിശ്ശികയിലുള്ള അപേക്ഷകളോ ഗുണഭോക്താക്കളോ ഉണ്ടോ; എങ്കിൽ, ജില്ല തിരിച്ചും പദ്ധതി തിരിച്ചും അവരുടെ എണ്ണം, കുടിശ്ശികയായ കാലയളവ്, നൽകാനുള്ള ആകെ തുക എന്നിവ വ്യക്തമാക്കാമോ;

(എഫ്)  ധനസഹായ വിതരണത്തിലെ കാലതാമസം പരിഹരിക്കുന്നതിനും അർഹരായ മുഴുവൻ ഗുണഭോക്താക്കൾക്കും സമയബന്ധിതമായി ധനസഹായം ലഭ്യമാക്കുന്നതിനുമായി സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വ്യക്തമാക്കാമോ?

ഒറ്റപ്പാലം മണ്ഡലത്തിലെ വികസന ക്ഷേമപ്രവര്‍ത്തനങ്ങള്‍

975  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പ് ഒറ്റപ്പാലം മണ്ഡലത്തില്‍ നിലവില്‍ നടപ്പിലാക്കിവരുന്ന വികസന ക്ഷേമപ്രവര്‍ത്തനങ്ങളുടെ വിശദാംശം നൽകാമോ?

ആലത്തൂര്‍ നിയോജകമണ്ഡലത്തില്‍ നടപ്പിലാക്കി വരുന്ന പദ്ധതികള്‍

976  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ആലത്തൂര്‍ നിയോജകമണ്ഡലത്തില്‍ സാമൂഹികനീതി വകുപ്പ് മുഖേന നടപ്പിലാക്കി വരുന്ന പദ്ധതികളും, ഉപപദ്ധതികളും ഏതെല്ലാമെന്ന് വ്യക്തമാക്കാമോ;

(ബി)  പ്രസ്തുത പദ്ധതികളുടെ പൂര്‍ത്തീകരണത്തിനായി ഇതുവരെ സ്വീകരിച്ച നടപടികള്‍ എന്തെല്ലാമെന്ന് വിശദമാക്കാമോ?

സാമൂഹ്യ നീതി വകുപ്പ് ഭിന്നശേഷിക്കാര്‍ക്ക് നടപ്പിലാക്കുന്ന പദ്ധതികള്‍

977  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യ നീതി വകുപ്പ് ഭിന്നശേഷിക്കാര്‍ക്ക് വേണ്ടി നടപ്പിലാക്കുന്ന പദ്ധതികൾ ഏതൊക്കെയെന്നും ഓരോ പദ്ധതി പ്രകാരം അനുവദിക്കുന്ന തുക എത്രയെന്നും വ്യക്തമാക്കാമോ;

(ബി)  ഓരോ പദ്ധതിയിലും നിലവില്‍ എത്ര മാസത്തെ കുടിശ്ശികയാണുളളത് എന്ന് വ്യക്തമാക്കാമോ;

(സി)  കുടിശ്ശികയായിട്ടുള്ള തുക അടിയന്തരമായി വിതരണം ചെയ്യുന്നതിന് നടപടി സ്വീകരിക്കുമോ;

(ഡി)  പദ്ധതി പ്രകാരമുളള തുക കാലാനുസൃതമായി പരിഷ്ക്കരിക്കുന്നതിന് നടപടി സ്വീകരിക്കുമോ?

സമാശ്വാസം പദ്ധതി

978  ശ്രീ. പി. കെ. ഫിറോസ്
ശ്രീ. ടി. പി. അഷ്റഫലി
ശ്രീ. കല്ലട്ര മാഹിൻ
ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സമാശ്വാസം പദ്ധതിയുടെ പ്രവര്‍ത്തന പുരോഗതി വിശദമാക്കുമോ;

(ബി)  ഏതെല്ലാം രോഗബാധിതര്‍ക്കാണ് ഈ പദ്ധതിയുടെ പ്രയോജനം ലഭിക്കുന്നതെന്ന് വ്യക്തമാക്കുമോ;

(സി)  മുന്‍ സര്‍ക്കാരിന്റെ കാലത്ത് പ്രതിമാസ ധനസഹായത്തുക നല്‍കുന്നതിന് കുടിശ്ശിക വരുത്തിയിരുന്നോ; എങ്കില്‍ എത്ര തുകയാണ് കുടിശ്ശികയുള്ളതെന്ന് അറിയിക്കുമോ?

അന്‍പ് വീട് പദ്ധതി

979  ശ്രീ. പി .എം. എ. സമീർ
പ്രൊഫ. ആബിദ് ഹുസൈന്‍ തങ്ങള്‍
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഭിന്നശേഷി വിഭാഗക്കാര്‍ക്കായി ആരംഭിക്കുന്ന അന്‍പ് വീട് പദ്ധതിയുടെ വിശദാംശങ്ങള്‍ ലഭ്യമാക്കാമോ;

(ബി)  ഏതെക്കെ ഏജന്‍സികളുടെ സഹകരണത്തോടെയാണ് പ്രസ്തുത പദ്ധതി നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ;

(സി)  ഒരേ സമയം എത്ര അന്തേവാസികളെ അൻപ് വീട്ടിൽ പാര്‍പ്പിക്കാന്‍ സാധിക്കുമെന്ന് വ്യക്തമാക്കാമോ;

(ഡി)  അന്തേവാസികളുടെ ദൈനംദിന ചെലവുകള്‍ക്കുള്ള സാമ്പത്തിക സ്രോതസ്സ് എങ്ങനെ കണ്ടെത്താനാണ് ഉദ്ദേശിക്കുന്നത്; വ്യക്തമാക്കാമോ;

(ഇ)  അന്‍പ് വീട്ടില്‍ ഒരുക്കിയിരിക്കുന്ന സൗകര്യങ്ങള്‍ എന്തെല്ലാമാണെന്ന് വിശദമാക്കാമോ?

സാമൂഹ്യനീതി വകുപ്പിന്റെ വിവിധ ക്ഷേമപദ്ധതികൾ

980  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പിന്റെ വിവിധ ക്ഷേമപദ്ധതികൾ സംബന്ധിച്ച വിവരങ്ങൾ അർഹരായ എല്ലാവരിലേക്കും എത്തിക്കുന്നതിന് സ്വീകരിച്ചിട്ടുള്ള നടപടികൾ വ്യക്തമാക്കാമോ;

(ബി)  ഭിന്നശേഷിക്കാർക്ക് ഡിജിറ്റൽ സേവനങ്ങളും സർക്കാർ ഓൺലൈൻ സംവിധാനങ്ങളും എളുപ്പത്തിൽ ഉപയോഗിക്കാനും മനസ്സിലാക്കാനും പ്രാപ്തരാക്കുന്നതിന് എന്തെല്ലാം നടപടികൾ സ്വീകരിക്കാൻ കഴിയുമെന്ന് പരിശോധിക്കുമോ; വിശദമാക്കാമോ;

(സി)  സാമൂഹികമായി പിന്നാക്കം നിൽക്കുന്ന വിഭാഗങ്ങൾക്ക് സ്വയംതൊഴിൽ ആരംഭിക്കുന്നതിനുള്ള സാമ്പത്തിക സഹായ പദ്ധതികൾ ഏതൊക്കെയാണ്; വിശദമാക്കാമോ?

സാമൂഹ്യക്ഷേമ പദ്ധതികള്‍

981  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2016ലെ സർക്കാർ അധികാരമേൽക്കുമ്പോൾ സാമൂഹ്യക്ഷേമ വകുപ്പിന് കീഴിലുണ്ടായിരുന്ന ക്ഷേമ പദ്ധതികൾ എന്തെല്ലാമായിരുന്നുവെന്ന് വിശദമാക്കാമോ;

(ബി)  2016 മുതൽ 2026 വരെയുള്ള വർഷങ്ങളിൽ വിവിധ ക്ഷേമ പദ്ധതികൾ വഴി ആനുകൂല്യം നേടിയ ഗുണഭോക്താക്കളുടെ എണ്ണവും വിതരണം ചെയ്ത ആകെ തുകയും വർഷം തിരിച്ച് ലഭ്യമാക്കാമോ;

(സി)  ഈ കാലയളവിൽ ഉപേക്ഷിക്കപ്പെട്ടതോ പ്രവർത്തനം നിലച്ചുപോയതോ ആയ പദ്ധതികൾ ഏതെല്ലാം; നിലച്ചു പോയതിനുള്ള കാരണങ്ങള്‍ എന്തെല്ലാമാണ്; വിശദമാക്കാമോ;

(ഡി)  2016 മുതൽ 2026 വരെയുള്ള കാലയളവിൽ സർക്കാർ പുതുതായി ആവിഷ്കരിച്ച ക്ഷേമ പദ്ധതികൾ ഏതെല്ലാമാണെന്നും അവ ആരംഭിച്ചതു മുതലുള്ള ഗുണഭോക്താക്കളുടെ എണ്ണവും ആകെ വിതരണം ചെയ്ത തുക എത്രയാണെന്നും അറിയിക്കാമോ?

കുട്ടികളുടെ ചികിത്സാ സഹായത്തിനായി നടപ്പിലാക്കുന്ന പദ്ധതികൾ

982  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പിന് കീഴിൽ കുട്ടികളുടെ ചികിത്സാ സഹായത്തിനായി നടപ്പിലാക്കുന്ന പദ്ധതികൾ ഏതെല്ലാമാണെന്ന് വ്യക്തമാക്കാമോ;

(ബി)   ഈ സർക്കാർ അധികാരത്തിലെത്തിയതിനുശേഷം പ്രസ്തുത പദ്ധതികൾക്കായി എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ?

കോതമംഗലം നിയോജകമണ്ഡലത്തിലെ സ്മാർട്ട് അംഗനവാടികള്‍

983  ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കോതമംഗലം നിയോജകമണ്ഡലത്തിൽ എത്ര സ്മാർട്ട് അംഗനവാടികൾ ഉണ്ടെന്ന് വ്യക്തമാക്കാമോ;

(ബി)  നിയോജകമണ്ഡലത്തിലെ മുഴുവൻ അംഗനവാടികളും സ്മാർട്ട് ആക്കി മാറ്റുന്നതിന് എന്തെങ്കിലും പദ്ധതികൾ നടപ്പിലാക്കുന്നുണ്ടോയെന്ന് വിശദമാക്കാമോ?

ഭിന്നശേഷി വിദ്യാർഥികളുടെ സാമ്പത്തിക ബുദ്ധിമുട്ടുകൾ ലഘൂകരിക്കൽ

984  ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഓരോ ഗ്രാമപഞ്ചായത്തിലെയും എത്ര ഭിന്നശേഷി വിദ്യാർഥികൾക്കാണ് ദിനംപ്രതി സാനിറ്ററി പാഡുകൾ ഉപയോഗിക്കേണ്ടിവരുന്നതെന്നതിന്റെ വിവരശേഖരണം നടത്തിയിട്ടുണ്ടോ; എങ്കിൽ അതിന്റെ കണക്കുകൾ ലഭ്യമാക്കാമോ;

(ബി)  കൈപ്പമംഗലം നിയോജക മണ്ഡലത്തിൽ എത്ര ഭിന്നശേഷി വിദ്യാർഥികൾക്കാണ് ദിനംപ്രതി സാനിറ്ററി പാഡുകൾ ഉപയോഗിക്കേണ്ടിവരുന്നതെന്ന കണക്കുകൾ ലഭ്യമാണോ; ഇതിന്റെ ഭാരിച്ച ചെലവും ഉപയോഗിച്ച സാനിറ്ററി പാഡുകൾ സംസ്കരിക്കുന്നതിനുള്ള ഇൻസിനറേറ്ററുകളുടെ അഭാവവും മൂലം ഭിന്നശേഷി വിദ്യാർഥികളുടെ അമ്മമാർ ദുരിതമനുഭവിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കുന്നതിനായി എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്;

(സി)  ദിനംപ്രതി മൂന്നോ നാലോ സാനിറ്ററി പാഡുകൾ ഉപയോഗിക്കുന്ന ഭിന്നശേഷി വിദ്യാർഥികൾക്ക് സൗജന്യമായി സാനിറ്ററി പാഡുകളും അവ സംസ്കരിക്കുന്നതിനുള്ള ഇൻസിനറേറ്ററുകളും നൽകുന്നതിന് നടപടികൾ സ്വീകരിക്കുമോ;

(ഡി)  മാനസിക വെല്ലുവിളികൾ നേരിടുന്ന ഭിന്നശേഷി വിദ്യാർഥികൾക്ക് വിവിധ തരത്തിലുള്ളതും അനുയോജ്യവുമായ നൈപുണ്യ വികസനത്തിന് പദ്ധതികൾ ആവിഷ്‌കരിക്കുമോ?

സമഗ്ര ഭിന്നശേഷി പുനരധിവാസ കേന്ദ്രങ്ങൾ

985  ശ്രീ. ടി. വി. ഇബ്രാഹിം
ശ്രീ. എ. കെ. എം. അഷ്റഫ്
ശ്രീ. എം. റഹ്മത്തുളള
ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പിന് കീഴിൽ സമഗ്ര ഭിന്നശേഷി പുനരധിവാസ കേന്ദ്രങ്ങൾ ആരംഭിക്കാൻ ഉദ്ദേശിക്കുന്നുണ്ടോ;

(ബി)  മലപ്പുറം ആതവനാട് ഗ്രാമപഞ്ചായത്തിൽ നിർമ്മാണം ആരംഭിച്ച സമഗ്ര ഭിന്നശേഷി പുനരധിവാസ കേന്ദ്രത്തിൽ എന്തൊക്കെ സൗകര്യങ്ങളാണ് ഒരുക്കുന്നതെന്ന് വ്യക്തമാക്കുമോ;

(സി)  പ്രസ്തുത കേന്ദ്രം എന്നത്തേക്ക് പ്രവർത്തനം ആരംഭിക്കുമെന്ന് വ്യക്തമാക്കുമോ;

(ഡി)  ഇത്തരം കൂടുതല്‍ കേന്ദ്രങ്ങള്‍ ആരംഭിക്കുന്നതിന് നടപടി സ്വീകരിക്കുമോ;വിശദമാക്കുമോ?

ഭിന്നശേഷി വിഭാഗത്തിന്റെ ശാരീരിക മാനസിക ആരോഗ്യം ഉറപ്പാക്കുന്നതിനും മെച്ചപ്പെടുത്തുന്നതിനുമുള്ള നടപടി

986  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഭിന്നശേഷിക്കാരുടെ ശാരീരികവും മാനസികവുമായ ആരോഗ്യം മെച്ചപ്പെടുത്തുന്നതിനു വേണ്ടി എന്തൊക്കെ പദ്ധതികളാണ് നിലവിലുള്ളത് അറിയിക്കാമോ;

(ബി)  ബഹു. സാമൂഹ്യനീതി വകുപ്പ് മന്ത്രിയുടെ അധ്യക്ഷതയിൽ 01.09.2026 ന് ചേർന്ന യോഗത്തിന്റെ തീരുമാനപ്രകാരം വകുപ്പ് സ്വീകരിച്ച തുടർ നടപടികൾ വിശദമാക്കാമോ;

(സി)  പ്രസ്തുത യോഗ തീരുമാനപ്രകാരം സി.ഡി.എം.ആർ.പി.(കമ്മ്യൂണിറ്റി ഡിസെബിലിറ്റി മാനേജ്‌മെന്റ് ആന്റ് റീഹാബിലിറ്റേഷൻ പ്രോഗ്രാം) പദ്ധതി സംസ്ഥാനവ്യാപകമായി വ്യാപിപ്പിക്കുന്നതിന് തദ്ദേശ സ്വയംഭരണ വകുപ്പുമായി കൂടിയാലോചന നടത്തിയിട്ടുണ്ടോയെന്ന് വിശദമാക്കാമോ;

(ഡി)  സി.ഡി.എം.ആർ.പി, എം.ഐ.യു.(മൊബൈൽ ഇന്റർവെൻഷൻ യുണിറ്റ്) ക്ലിനിക്കുകൾ എന്നിവ സംയോജിപ്പിക്കുന്നതിന് സാമൂഹ്യനീതി വകുപ്പ് നടപടി സ്വീകരിച്ചിട്ടുണ്ടോയെന്ന് അറിയിക്കാമോ;

(ഇ)  സി.ഡി.എം.ആർ.പി. പ്രോജക്ടിന് വകുപ്പ് ധനസഹായം നൽകുന്നതിൽ നിലവിൽ എന്തെങ്കിലും തടസ്സമുണ്ടോയെന്ന് അറിയിക്കാമോ?

ഒല്ലൂർ മണ്ഡലത്തിലെ ഭിന്നശേഷിക്കാർക്കുള്ള ക്ഷേമപദ്ധതികൾ

987  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജകമണ്ഡലത്തിൽ നിലവിൽ എത്ര ഭിന്നശേഷിക്കാർ സാമൂഹ്യനീതി വകുപ്പിന്റെ വിവിധ ക്ഷേമപദ്ധതികളിൽ ഗുണഭോക്താക്കളായിട്ടുണ്ട്; പഞ്ചായത്ത് തിരിച്ചുള്ള വിശദമായ കണക്ക് ലഭ്യമാക്കാമോ;

(ബി)  ഭിന്നശേഷിക്കാർക്ക് സഹായ ഉപകരണങ്ങൾ, സഞ്ചാരസഹായികൾ, തൊഴിൽ പരിശീലനം, സ്വയംതൊഴിൽ ധനസഹായം എന്നിവ നൽകുന്നതിനായി നടപ്പിലാക്കുന്ന പദ്ധതികൾ ഏതെല്ലാമാണെന്ന് വ്യക്തമാക്കാമോ;

(സി)  ഒല്ലൂർ മണ്ഡലത്തിൽ പ്രസ്തുത പദ്ധതികൾ പ്രകാരം എത്ര പേർക്ക് ആനുകൂല്യങ്ങൾ ലഭ്യമാക്കിയിട്ടുണ്ടെന്ന് അറിയിക്കാമോ; അപേക്ഷ നല്‍കിയിട്ടും ആനുകൂല്യം ലഭിക്കാത്തവരുടെ എണ്ണം ലഭ്യമാക്കാമോ;

(ഡി)  അർഹരായ മുഴുവൻ ഭിന്നശേഷിക്കാർക്കും ക്ഷേമപദ്ധതികളുടെ ആനുകൂല്യങ്ങൾ സമയബന്ധിതമായി ലഭ്യമാക്കുന്നതിനും തദ്ദേശസ്വയംഭരണ സ്ഥാപനങ്ങൾ മുഖേന ഗുണഭോക്താക്കളെ കണ്ടെത്തുന്നതിനും നടപടി സ്വീകരിക്കുമോയെന്ന് വ്യക്തമാക്കാമോ?

ഭിന്നശേഷിക്കാർക്കുള്ള വിവിധപദ്ധതികളിലെ അപേക്ഷ തീർപ്പാക്കുന്നത്

988  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കോഴിക്കോട് ജില്ലയിലെ ഭിന്നശേഷിക്കാർക്കുള്ള സഹായ ഉപകരണ വിതരണ പദ്ധതി, വിദ്യാകിരണം, വിദ്യാജ്യോതി, സ്വാശ്രയ, സ്നേഹയാനം, സഹജീവനം എന്നീ പദ്ധതികളിൽ എത്ര അപേക്ഷകളിൽ ഇനിയും തീർപ്പാക്കാനുണ്ടെന്ന് അറിയിക്കാമോ; തീർപ്പാക്കാത്തതിനുള്ള കാരണങ്ങൾ എന്തെല്ലാമാണെന്ന് വ്യക്തമാക്കാമോ?

വയോജനക്ഷേമ വകുപ്പ് രൂപീകരിച്ചതിനെത്തുടർന്ന് സാമൂഹ്യനീതി വകുപ്പിന്റെ ഘടനയിൽ വന്ന മാറ്റങ്ങൾ

989  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വയോജനക്ഷേമ വകുപ്പ് രൂപീകരിച്ചതിനെത്തുടർന്ന് സാമൂഹ്യനീതി വകുപ്പിന്റെ ഘടനയിൽ എന്തെല്ലാം മാറ്റങ്ങളാണ് ഉണ്ടായിട്ടുള്ളതെന്ന് വ്യക്തമാക്കാമോ;

(ബി)  വയോജനക്ഷേമ വകുപ്പ് രൂപീകരിച്ചതിനെത്തുടർന്ന് സാമൂഹ്യനീതി വകുപ്പിന്റെ കീഴിൽനിന്ന് വയോജനക്ഷേമ വകുപ്പിലേക്ക് മാറ്റിയ പദ്ധതികൾ, സ്ഥാപനങ്ങൾ, ജീവനക്കാർ എന്നിവയുടെ വിശദാംശം ലഭ്യമാക്കാമോ;

(സി)  സാമൂഹ്യനീതി വകുപ്പിലെ ഉദ്യോഗസ്ഥ ഘടന ഏത് ക്രമത്തിലാണ് പുനഃക്രമീകരിച്ചിട്ടുള്ളതെന്ന് വിശദമാക്കാമോ;

(ഡി)  വയോജനക്ഷേമ വകുപ്പിൽ ഏതെങ്കിലും കരാർ നിയമനങ്ങൾ നടത്തിയിട്ടുണ്ടോ; എങ്കിൽ ഏതെല്ലാം തസ്തികകളിലാണ് നിയമനം നടത്തിയതെന്ന് വിശദമാക്കാമോ?

കാന്‍സര്‍ ബാധിതര്‍ക്കായി നടപ്പാക്കി വരുന്ന പദ്ധതികള്‍

990  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കാന്‍സര്‍ ബാധിതര്‍ക്കായി സാമൂഹ്യനീതി വകുപ്പ് നടപ്പാക്കി വരുന്ന പദ്ധതികളുടെ വിശദാംശങ്ങള്‍ ലഭ്യമാക്കാമോ?

സാമൂഹ്യനീതി വകുപ്പ് മുഖേന നടപ്പിലാക്കി വരുന്ന പദ്ധതികള്‍

991  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പ് മുഖേന നടപ്പിലാക്കി വരുന്ന മുഴുവന്‍ പദ്ധതികളുടെയും വിവരം ലഭ്യമാക്കാമോ;

(ബി)  ഓരോ പദ്ധതിക്കുമുള്ള യോഗ്യത മാനദണ്ഡങ്ങള്‍, അനുവദിക്കുന്ന ധനസഹായത്തിന്റെ തുക, അപേക്ഷ സമര്‍പ്പിക്കേണ്ട വിധം, അപേക്ഷയില്‍ സമര്‍പ്പിക്കേണ്ട രേഖകള്‍ എന്നിവ സംബന്ധിച്ച വിവരങ്ങള്‍ പട്ടിക തിരിച്ച് ലഭ്യമാക്കാമോ?

മുതലപ്പൊഴി ഹാർബറിലെ മത്സ്യത്തൊഴിലാളികളുടെ സുരക്ഷ

992  ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മുതലപ്പൊഴി ഹാർബറിൽ മത്സ്യത്തൊഴിലാളികളുടെ സുരക്ഷ ഉറപ്പാക്കുന്നതിനായി നിലവിൽ നടപ്പാക്കുന്ന പദ്ധതികൾ ഏതൊക്കെയാണ്; വിശദമാക്കാമോ;

(ബി)  പുലിമുട്ട്, ഡ്രെഡ്ജിംഗ്, ചാനൽ ആഴം കൂട്ടൽ, നാവിഗേഷണൽ സേഫ്റ്റി സംവിധാനങ്ങൾ എന്നിവ സംബന്ധിച്ച് സ്വീകരിച്ച നടപടികൾ എന്തൊക്കെയാണ്; വിശദമാക്കാമോ;

(സി)  ശാശ്വത പരിഹാരത്തിനായി വിദഗ്ധ സമിതിയുടെ ശുപാർശകൾ ലഭിച്ചിട്ടുണ്ടോ; വിശദമാക്കാമോ ?

ഉണ്യാല്‍ സ്‌റ്റേഡിയം

993  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  താനൂര്‍ നിയോജകമണ്ഡലത്തിലെ ഉണ്യാല്‍ സ്‌റ്റേഡിയത്തിന്റെ പരിപാലന ചുമതല ആര്‍ക്കാണെന്ന് വ്യക്തമാക്കാമോ; സ്റ്റേഡിയം നിര്‍മ്മാണത്തോടനുബന്ധിച്ച് നിര്‍മ്മിച്ച ഷോപ്പിങ്ങ് കോപ്ലക്‌സിലെ മുറികൾ വാടകക്ക് നല്‍കിയിട്ടുണ്ടോ; ഇല്ലെങ്കിൽ പ്രസ്തുത മുറികൾ വാടകക്ക് നല്‍കുന്നതിൽ തടസ്സമെന്തെങ്കിലും നിലവിലുണ്ടോ; വിശദമാക്കാമോ;

(ബി)  പ്രസ്തുത സ്റ്റേഡിയവും ഹോസ്റ്റലും പ്രയോജനപ്രദമാക്കുന്നതിന് എന്തെങ്കിലും പ്രൊപ്പോസല്‍ സമര്‍പ്പിച്ചിട്ടുണ്ടോ; ഉണ്ടെങ്കില്‍ അതിന്റെ വിവരങ്ങള്‍ ലഭ്യമാക്കാമോ;

(സി)  സ്‌റ്റേഡിയം പരിപാലനത്തിനും മേല്‍നോട്ടത്തിനുമായി ഏതെങ്കിലും ജീവനക്കാരെ നിയമിച്ചിട്ടുണ്ടോ; സ്‌റ്റേഡിയം പൊതുജനങ്ങള്‍ക്കും മറ്റുമായി വിട്ടു നല്‍കുന്നതിനുളള നടപടിക്രമങ്ങള്‍ വ്യക്തമാക്കാമോ?

മത്സ്യലഭ്യതയിലുണ്ടാകുന്ന കുറവ്

994  ശ്രീ. ഗോവിന്ദൻ പള്ളിക്കാപ്പിൽ
ശ്രീ. മുഹമ്മദ് മുഹസിന്‍
ശ്രീ. സി. അജയപ്രസാദ്
ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ലോകത്തെ ഏറ്റവും പ്രധാന മത്സ്യബന്ധന മേഖലയായ കേരളതീരത്ത് മത്സ്യലഭ്യതയിൽ പ്രതിവർഷം തുടർച്ചയായി കുറവ് സംഭവിക്കുന്ന സാഹചര്യം ശാസ്ത്രീയ പഠനങ്ങൾക്ക് വിധേയമാക്കിയിട്ടുണ്ടോ; വിശദീകരിക്കുമോ;

(ബി)  സമുദ്രമത്സ്യലഭ്യതയിൽ കുറവുണ്ടാകുന്നതിന് കാരണമായ ഏതെല്ലാം തരത്തിലുള്ള പ്രതികൂല സാഹചര്യങ്ങളാണ് കേരളം നേരിടുന്നതെന്ന് വിശദീകരിക്കുമോ;

(സി)  എൽനിനോ പോലെയുള്ള കാലാവസ്ഥാ പ്രതിഭാസങ്ങൾ ഏതെല്ലാം തരത്തിൽ മത്സ്യബന്ധന മേഖലയെ ബാധിക്കുന്നു എന്നത് സംബന്ധിച്ച സമഗ്ര പഠനം നടത്തുന്നതിന് ഉദ്ദേശിക്കുന്നുണ്ടോ; വിശദീകരിക്കുമോ;

(ഡി)  സംസ്ഥാനത്ത് ലഭ്യമാകുന്ന കടൽമത്സ്യത്തിന്റെ 40 ശതമാനവും ലഭിക്കുന്ന ജൂലൈ മുതൽ ഒക്ടോബർ വരെയുള്ള കാലയളവിലും മത്സ്യലഭ്യതയിലുണ്ടാകുന്ന കുറവുമൂലം മത്സ്യത്തൊഴിലാളികൾ നേരിടുന്ന പ്രതിസന്ധികൾ വിലയിരുത്തി ആവശ്യമായ നടപടികൾ സ്വീകരിക്കുമോ; വിശദീകരിക്കുമോ?

മത്സ്യത്തൊഴിലാളികളുടെ ക്ഷേമം

995  ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലാക്രമണം മൂലം മത്സ്യത്തൊഴിലാളികളുടെ വീടുകൾക്കും സ്വത്തിനും ഉണ്ടായ നാശനഷ്ടങ്ങൾക്ക് നഷ്ടപരിഹാരം നൽകുന്നതിൽ നിലവിൽ എത്ര അപേക്ഷകൾ തീർപ്പാക്കാനുണ്ട്;

(ബി)  മത്സ്യത്തൊഴിലാളികളുടെ മക്കൾക്കുള്ള വിദ്യാഭ്യാസ ആനുകൂല്യങ്ങളും സ്കോളർഷിപ്പുകളും നിലവിൽ കുടിശ്ശികയുണ്ടോ; കുടിശ്ശികയുള്ള ഗുണഭോക്താക്കളുടെ എണ്ണം വ്യക്തമാക്കാമോ;

(സി)  കടലിൽ അപകടത്തിൽപ്പെടുന്ന മത്സ്യത്തൊഴിലാളികളെ രക്ഷിക്കുന്നതിനുള്ള സംവിധാനങ്ങൾ ശക്തിപ്പെടുത്തിയിട്ടുണ്ടോ; പദ്ധതികൾ വ്യക്തമാക്കാമോ;

(ഡി)  തീരപ്രദേശങ്ങളിൽ കടലാക്രമണം തടയുന്നതിനായി നിലവിൽ നടപ്പാക്കുന്ന പദ്ധതികൾ ഏതെല്ലാമാണ്; ഓരോ പദ്ധതിക്കും അനുവദിച്ച തുക; നിലവിലെ പുരോഗതി; പൂർത്തീകരണ സമയപരിധി എന്നിവ വ്യക്തമാക്കുമോ?

ജില്ലാതലത്തിൽ സംയോജിത മത്സ്യ സംസ്കരണ - മൂല്യവർദ്ധിത കേന്ദ്രങ്ങൾ

996  ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ ലഭിക്കുന്ന മത്സ്യത്തിന്റെ സംസ്കരണം, ശീതീകരണം, മൂല്യവർധിത ഉൽപ്പന്ന നിർമ്മാണം, ബ്രാൻഡിംഗ്, കയറ്റുമതി എന്നിവയിലൂടെ കൂടുതൽ മൂല്യം ഉറപ്പാക്കുന്നതിനും അതിന്റെ പ്രയോജനം നേരിട്ട് മത്സ്യത്തൊഴിലാളികൾക്കും മത്സ്യത്തൊഴിലാളി സഹകരണസംഘങ്ങൾക്കും ലഭിക്കുന്നതിനുമായി ജില്ലാതലത്തിൽ സംയോജിത മത്സ്യ സംസ്കരണ - മൂല്യവർദ്ധിത കേന്ദ്രങ്ങൾ (ഇന്റഗ്രേറ്റഡ് ഫിഷ് പ്രോസസ്സിംഗ് & വാല്യൂ അഡിഷൻ സെന്റേഴ്സ്) സ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

മത്സ്യത്തൊഴിലാളികളുടെ സുരക്ഷയും ആധുനിക മത്സ്യബന്ധനവും

997  ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ പരമ്പരാഗത മത്സ്യത്തൊഴിലാളികളുടെ സുരക്ഷ ഉറപ്പാക്കുന്നതിനായി നിലവിലുള്ള ഇൻഷുറൻസ്, സുരക്ഷാ ഉപകരണങ്ങൾ, ആധുനികവൽക്കരണ പദ്ധതികൾ എന്നിവയ്ക്കൊപ്പം കടലിൽ അപകടസാധ്യത മുൻകൂട്ടി അറിയിക്കുന്ന സാങ്കേതിക സംവിധാനങ്ങൾ, കാലാവസ്ഥാ മുന്നറിയിപ്പ്, ജി.പി.എസ് /കമ്മ്യുണിക്കേഷൻ സംവിധാനങ്ങൾ എന്നിവ എല്ലാ പരമ്പരാഗത മത്സ്യബന്ധനയാനങ്ങളിലേക്കും ഘട്ടംഘട്ടമായി വ്യാപിപ്പിക്കുന്നതിന് പ്രത്യേകപദ്ധതി ആവിഷ്കരിക്കുമോയെന്ന് വിശദമാക്കാമോ?

മത്സ്യത്തൊഴിലാളികൾക്കുള്ള മണ്ണെണ്ണ സബ്സിഡി

998  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികൾക്ക് പ്രതിമാസം ലഭിക്കുന്ന സബ്സിഡി മണ്ണെണ്ണയുടെ അളവ് എത്രയാണെന്നും മണ്ണെണ്ണയുടെ സബ്സിഡി അവർക്ക് ലഭ്യമാകുന്നത് എങ്ങനെയാണെന്നും വിശദമാക്കാമോ;

(ബി)  മണ്ണെണ്ണ വാങ്ങി എത്ര നാളുകൾക്കുശേഷമാണ് സബ്സിഡി മത്സ്യത്തൊഴിലാളികളുടെ അക്കൗണ്ടിലേക്ക് എത്തുന്നതെന്ന് വ്യക്തമാക്കാമോ;

(സി)  ഇപ്രകാരം മണ്ണെണ്ണയുടെ സബ്സിഡി അക്കൗണ്ടിലെത്താൻ വൈകുന്നത് സാമ്പത്തികമായി പിന്നോക്കം നിൽക്കുന്ന മത്സ്യത്തൊഴിലാളികൾക്ക് പ്രയാസം സൃഷ്ടിക്കുന്നതിനാൽ മണ്ണെണ്ണ വാങ്ങുമ്പോൾ നൽകുന്നതിൽ നിന്നും സബ്സിഡി തുക കുറച്ചിട്ടുള്ള വിലയ്ക്ക് മണ്ണെണ്ണ ലഭ്യമാക്കുന്നതിന് സാധിക്കുമോ; വ്യക്തമാക്കാമോ?

മുഖ്യമന്ത്രിയുടെ മത്സ്യസമൃദ്ധി (സി.എം.എം.എസ്.പി.) പദ്ധതി

999  ശ്രീ. കെ. എന്‍. ബാലഗോപാല്‍
ശ്രീ. സി. കെ. ഹരീന്ദ്രന്‍
ശ്രീ. കാരായി രാജൻ
ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മുഖ്യമന്ത്രിയുടെ മത്സ്യസമൃദ്ധി പദ്ധതി (സി.എം.എം.എസ്.പി.) സംസ്ഥാനത്ത് ആരംഭിച്ചിട്ടുണ്ടോ; എങ്കിൽ എന്ന് മുതലാണെന്നും പദ്ധതിയുടെ പ്രധാന ലക്ഷ്യങ്ങൾ എന്തെല്ലാമാണെന്നും വ്യക്തമാക്കാമോ;

(ബി)  ഈ പദ്ധതിക്കായി ബജറ്റില്‍ വകയിരുത്തിയ തുകയും ചെലവഴിച്ച തുകയും എത്രയാണ്; ജീവനക്കാരുടെ വേതനത്തിനായി നടപ്പ് വര്‍ഷം ചെലവഴിച്ച തുക എത്രയാണെന്ന് വ്യക്തമാക്കാമോ;

(സി)  പദ്ധതി പ്രകാരം എത്ര അധിക തൊഴില്‍ ദിനങ്ങള്‍ സൃഷ്ടിക്കുവാന്‍ ലക്ഷ്യമിടുന്നുവെന്ന് വ്യക്തമാക്കാമോ;

(ഡി)  പ്രതീക്ഷിത ഉല്പാദന വര്‍ദ്ധനവ് എത്രയാണെന്ന് വ്യക്തമാക്കാമോ; പദ്ധതി ഘടകങ്ങള്‍ വിശദമാക്കാമോ;

(ഇ)  കേന്ദ്രാവിഷ്കൃത പദ്ധതിയായ പ്രധാൻ മന്ത്രി മത്സ്യ സമ്പദ യോജനയുമായി (പി.എം.എം.എസ്.വൈ.) മുഖ്യമന്ത്രിയുടെ മത്സ്യസമൃദ്ധി പദ്ധതിക്ക് (സി.എം.എം.എസ്.പി.) ഏതെങ്കിലും തരത്തിലുള്ള സംയോജനം ഉണ്ടോയെന്ന് വിശദമാക്കാമോ?

മത്സ്യത്തൊഴിലാളികളുടെ ക്ഷേമം

1000  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മണ്‍സൂണ്‍ സമയത്ത് മത്സ്യബന്ധനത്തിനായി കടലില്‍പോയ മത്സ്യത്തൊഴിലാളികളെ കണ്ടെത്തുന്നതിന് കാലതാമസം ഉണ്ടായത് കടലോരമേഖലയില്‍ വലിയ പ്രതിഷേധത്തിന് ഇടയാക്കിയ സംഭവത്തിൽ ഫിഷറീസ് വകുപ്പ് ഉദ്യോഗസ്ഥർ മത്സ്യബന്ധനത്തൊഴിലാളികളോട് സ്വീകരിച്ച സമീപനവും നിലപാടും ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  ഇന്ധന സബ്സിഡി ഇനത്തില്‍ മുന്‍സർക്കാരിന്റെ കാലത്ത് മത്സ്യത്തൊഴിലാളികൾക്ക് നല്‍കിയ തുകയെത്ര; വർഷം തിരിച്ചു കണക്ക് ലഭ്യമാക്കാമോ;

(സി)  മത്സ്യത്തൊഴിലാളികൾക്ക് മത്സ്യബന്ധന നിരോധന സമയത്ത് നല്‍കുന്ന സാമ്പത്തിക സഹായം സമയബന്ധിതമായി നല്‍കിയോ; വിശദമാക്കാമോ; മുന്‍സർക്കാരിന്റെ കാലത്ത് നല്‍കിയ തുകയാണോ ഈ സ‍ർക്കാരിന്റെ കാലത്തും നല്‍കിയത്;

(ഡി)  കടലില്‍ കാണാതാകുന്ന മത്സ്യത്തൊഴിലാളികളെ കണ്ടെത്താന്‍ ആധുനിക ട്രാക്കിംഗ് സംവിധാനം നിലവില്‍ ഏർപ്പെടുത്തിയിട്ടുണ്ടോ; വിശദമാക്കാമോ;

(ഇ)  പൂർണ്ണ വളർച്ച എത്താത്ത മത്സ്യക്കുഞ്ഞുങ്ങളെ മത്സ്യബന്ധനത്തിന്റെ ഭാഗമായി പിടികൂടുകയും വളംനിർമ്മാണ ആവശ്യത്തിന് ഉപയോഗിക്കുന്നതിനായി കയറ്റി അയക്കുകയും ചെയ്യുന്നതായുള്ള റിപ്പോർട്ടുകള്‍ സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇതു തടയാനായി എന്ത് നടപടിയാണ് കൈക്കൊള്ളുക; വിശദമാക്കാമോ?

നെയ്യാർ ഡാമിലെ അക്വേറിയം

1001  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  പാറശ്ശാല നിയോജകമണ്ഡലത്തിലെ നെയ്യാർ ഡാമിൽ ഫിഷറീസ് വകുപ്പിന്റെ കീഴിൽ പ്രവർത്തിച്ചുവരുന്ന അക്വേറിയത്തിന്റെ നിലവിലെ ഭൗതികാവസ്ഥയും പ്രവർത്തനക്ഷമതയും സംബന്ധിച്ച് വകുപ്പ് പരിശോധന നടത്തിയിട്ടുണ്ടോ; എങ്കിൽ പരിശോധനയിൽ കണ്ടെത്തിയ പ്രധാന വസ്തുതകൾ എന്തെല്ലാമാണെന്ന് വിശദമാക്കാമോ;

(ബി)  പ്രസ്തുത അക്വേറിയത്തിന്റെ കെട്ടിടങ്ങളും അനുബന്ധ സൗകര്യങ്ങളും കാലപ്പഴക്കംമൂലം ജീർണ്ണാവസ്ഥയിലായിട്ടുള്ള കാര്യം ശ്രദ്ധയിൽപ്പെട്ടിട്ടുണ്ടോ; നിലവിൽ അക്വേറിയത്തിന്റെ നവീകരണത്തിനും അടിസ്ഥാന സൗകര്യങ്ങൾ മെച്ചപ്പെടുത്തുന്നതിനുമായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)  നെയ്യാർ ഡാമിലെ അക്വേറിയം ആധുനികവത്കരിക്കുന്നതിനും കെട്ടിടങ്ങൾ നവീകരിക്കുന്നതിനും കൂടുതൽ ഇനം ശുദ്ധജല അലങ്കാര മത്സ്യങ്ങളെ ഉൾപ്പെടുത്തി സഞ്ചാരികൾക്കും വിദ്യാർത്ഥികൾക്കും പ്രയോജനകരമായ വിനോദ-വിജ്ഞാന കേന്ദ്രമായി വികസിപ്പിക്കുന്നതിനും സമഗ്രമായ പദ്ധതി തയ്യാറാക്കാൻ നടപടി സ്വീകരിക്കുമോയെന്ന് വ്യക്തമാക്കാമോ;

(ഡി)  പ്രസ്തുത നവീകരണ പ്രവർത്തനങ്ങൾക്കായി വിശദമായ പദ്ധതി റിപ്പോർട്ട് തയ്യാറാക്കുന്നതിനും ആവശ്യമായ ഫണ്ട് അനുവദിച്ച് സമയബന്ധിതമായി പ്രവൃത്തികൾ പൂർത്തീകരിക്കുന്നതിനും നടപടി സ്വീകരിക്കുമോ; വിശദാംശങ്ങൾ ലഭ്യമാക്കുമോ?

സമഗ്രമത്സ്യത്തൊഴിലാളി വികസന പദ്ധതി

1002  ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കൊയിലാണ്ടി മണ്ഡലത്തിലെ മത്സ്യത്തൊഴിലാളി കുടുംബങ്ങളുടെ സാമൂഹികവും സാമ്പത്തികവുമായ പുരോഗതി ലക്ഷ്യമിട്ട് ഭവനം, വിദ്യാഭ്യാസം, ആരോഗ്യം, തൊഴിൽ, മത്സ്യബന്ധന അടിസ്ഥാനസൗകര്യം എന്നിവ ഉൾപ്പെടുത്തിയുള്ള ഒരു സമഗ്രമത്സ്യത്തൊഴിലാളി വികസന പദ്ധതി പരിഗണനയിൽ ഉണ്ടോ; ഉണ്ടെങ്കിൽ വിശദീകരിക്കാമോ;

(ബി)  പ്രസ്തുത മണ്ഡലത്തിലെ മത്സ്യത്തൊഴിലാളി കുടുംബങ്ങളിലെ യുവാക്കൾക്ക് മത്സ്യബന്ധന മേഖലയ്ക്ക് പുറമെ ടൂറിസം, ലോജിസ്റ്റിക്‌സ്, കോൾഡ് ചെയിൻ, മറൈൻ തുടങ്ങിയ അനുബന്ധ മേഖലകളിൽ തൊഴിൽ ലഭ്യമാക്കാൻ എന്തെങ്കിലും നൈപുണ്യ പരിശീലന പദ്ധതികൾ ആവിഷ്കരിച്ചിട്ടുണ്ടെങ്കിൽ വിശദീകരിക്കാമോ;

(സി)  മത്സ്യത്തൊഴിലാളികളിലെ ഭവനരഹിതർക്ക് വീട് നിർമ്മിച്ചു നൽകുന്നതിനു നിലവിലുണ്ടായിരുന്ന പദ്ധതി പുനരാരംഭിക്കാൻ സാധ്യതയുണ്ടോ; വിശദീകരിക്കാമോ?

ചിറയിൻകീഴ് മണ്ഡലത്തിലെ തീരദേശ റോഡുകൾ

1003  ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ചിറയിൻകീഴ് നിയോജകമണ്ഡലത്തിലെ തീരദേശമേഖലകളിലെ റോഡുകളുടെ പുനരുദ്ധാരണത്തിനായി ഫിഷറീസ് വകുപ്പ് മുഖേന നടപ്പിലാക്കുന്ന പദ്ധതികൾ ഏതെല്ലാമാണെന്ന് വിശദമാക്കാമോ?

കോട്ടക്കൽ ഫിഷ് മാർക്കറ്റ് നിർമ്മാണം

1004  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കോട്ടക്കൽ നഗരസഭയിൽ ആധുനിക രീതിയിലുള്ള ഫിഷ് മാർക്കറ്റ് നിർമ്മിക്കുന്നതുമായി ബന്ധപ്പെട്ട് സമർപ്പിച്ച പ്രൊപ്പോസലിന്മേൽ സ്വികരിച്ച നടപടികളുടെ വിശാദംശം ലഭ്യമാക്കുമോ;

(ബി)  പ്രൊപ്പോസൽ നിലവിൽ ഏതു ഓഫിസിന്റെ പരിഗണനയിലാണെന്ന് അറിയിക്കുമോ; ഫയലിന്റെ വിശദാംശം ലഭ്യമാക്കുമോ;

(സി)  ഈ പ്രവൃത്തി പി.എം.എം.എസ്.വൈ.യിൽ ഉൾപ്പെടുത്തുന്നതിനായി സ്റ്റേറ്റ് ലെവൽ അപ്രൂവൽ ആൻഡ് മോണിറ്ററിംഗ് കമ്മിറ്റിയുടെ (എസ്.എല്‍.എ.എം.സി.) അംഗീകാരം ലഭ്യമായിട്ടുണ്ടോ; എങ്കിൽ, പ്രവൃത്തിക്ക് ഭരണാനുമതി ലഭ്യമാക്കുവാൻ ഇനി എന്തെല്ലാം നടപടികൾ ശേഷിക്കുന്നുണ്ടെന്ന് വിശദമാക്കാമോ?

മല്ലപ്പള്ളിയില്‍ ഫിഷ് മാര്‍ക്കറ്റും വെയര്‍ഹൗസും അനുവദിക്കാന്‍ നടപടി

1005  ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  പത്തനംതിട്ട ജില്ലയിലെ 100 വർഷത്തിലധികം പഴക്കമുള്ള മല്ലപ്പള്ളി ചന്ത കേന്ദ്രീകരിച്ച് ആധുനിക ഫിഷ് മാര്‍ക്കറ്റും വെയര്‍ഹൗസും സ്ഥാപിക്കാന്‍ നടപടി സ്വീകരിക്കാമോ?

പീരുമേട് മണ്ഡലത്തില്‍ ആധുനിക മത്സ്യമാർക്കറ്റും വെയർഹൗസും

1006  ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  പീരുമേട് നിയോജകമണ്ഡലത്തിൽ ഗുണമേന്മയുള്ള മത്സ്യത്തിന്റെ ലഭ്യത ഉറപ്പുവരുത്തുന്നതിനായി ആധുനിക മത്സ്യമാർക്കറ്റും വെയർഹൗസും സ്ഥാപിക്കുന്നതിന് ആവശ്യമായ നടപടി സ്വീകരിക്കുമോ?

പുതിയങ്ങാടി കല്ലുമ്മക്കായ ഹാച്ചറി

1007  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കണ്ണൂർ ജില്ലയിലെ മാടായി പഞ്ചായത്തിലെ പുതിയങ്ങാടിയിൽ നിർമ്മാണത്തിലിരിക്കുന്ന കല്ലുമ്മക്കായ ഹാച്ചറിയുടെ നിർമ്മാണ പുരോഗതി വ്യക്തമാക്കാമോ; പ്രവൃത്തി എന്നത്തേക്ക് പൂർത്തീകരിക്കാനാണ് പദ്ധതിയിട്ടിരിക്കുന്നത് എന്ന് വിശദമാക്കാമോ?

ഫിഷറീസ് മേഖലയിൽ സമഗ്രനയ രൂപീകരണം

1008  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സമുദ്രോല്പന്നങ്ങളുടെ കയറ്റുമതി വിപണി സുരക്ഷിതമാക്കാനും രാജ്യാന്തര സുസ്ഥിരതാ അംഗീകാരങ്ങൾ നേടിയെടുക്കാനും ലക്ഷ്യമിട്ട് സംസ്ഥാന ഫിഷറീസ് മേഖലയിൽ സമഗ്ര നയരൂപീകരണത്തിന് തുടക്കം കുറിക്കാൻ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  അനധികൃത മത്സ്യബന്ധനം തടയാൻ മൊബൈൽ ആപ്പും ഡിജിറ്റൽ ട്രോൾ ട്രാക്കിംഗും ഏർപ്പെടുത്തുമോ; വിശദമാക്കുമോ;

(സി)  മത്സ്യക്കുഞ്ഞുങ്ങളെ പിടിക്കുന്നത് തടയുവാനും അതുമായി ബന്ധപ്പെട്ടു മത്സ്യബന്ധന വലകളുടെ കണ്ണി വലിപ്പം ക്രമീകരിക്കുവാനും ശാസ്ത്രീയമായ ട്രോളിംഗ് നിയന്ത്രണം ഏർപ്പെടുത്തുന്നതുമുൾപ്പടെയുള്ള നടപടികളിലൂടെ മത്സ്യസമ്പത്ത് വീണ്ടെടുക്കാൻ ലക്ഷ്യമിട്ടുള്ള പദ്ധതിയുടെ വിശദാംശം ലഭ്യമാക്കുമോ?

മത്സ്യമേഖലയുമായി ബന്ധപ്പെട്ട മൂല്യവർധിത ഉൽപ്പന്നങ്ങൾ

1009  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യമേഖലയുമായി ബന്ധപ്പെട്ട മൂല്യവർധിത ഉൽപ്പന്നങ്ങൾ നിർമ്മിക്കുന്നതിന് ആധുനിക പ്രോസസ്സിംഗ് യൂണിറ്റുകൾ ആരംഭിക്കാൻ സഹായ നൽകുന്ന പദ്ധതികൾ ഫിഷറീസ് വകുപ്പ് ആവിഷ്കരിച്ചിട്ടുണ്ടോ; വിശദമാക്കാമോ;

(ബി)  മത്സ്യ ഉൽപ്പന്നങ്ങളുടെ കയറ്റുമതി വർധിപ്പിക്കുന്നതിനായി അന്താരാഷ്ട്ര നിലവാരമുള്ള അടിസ്ഥാന സൗകര്യങ്ങൾ വികസിപ്പിക്കാൻ എന്തൊക്കെ സംവിധാനങ്ങൾ ഏർപ്പെടുത്താൻ കഴിയുമെന്ന് പരിശോധിച്ചിട്ടുണ്ടോ; വ്യക്തമാക്കാമോ;

(സി)  മത്സ്യം സൂക്ഷിക്കുന്നതിനുള്ള കോൾഡ് സ്റ്റോറേജ് സൗകര്യങ്ങൾ എല്ലാ പ്രധാന മത്സ്യബന്ധന കേന്ദ്രങ്ങളിലും ലഭ്യമാണോയെന്നു പരിശോധന നടത്തിയിട്ടുണ്ടോ; അയൽ സംസ്ഥാനങ്ങളിൽ നിന്ന് പഴകിയ മൽസ്യങ്ങൾ എത്തിച്ച് വില്പന നടത്തുന്നത് തടയാൻ എന്തൊക്കെ നടപടികൾ സ്വീകരിച്ചിട്ടുണ്ട്; വിശദമാക്കാമോ?

ചാലില്‍ ഗോപാലപേട്ട ഫിഷ് ലാന്റിംഗ് സെന്ററിന്റെ നിർമ്മാണ പ്രവൃത്തി

1010  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  നബാർഡ് റൂറൽ ഇൻഫ്രാസ്ട്രക്ചർ ഡെവലപ്മെന്റ് ഫണ്ടില്‍ (ആര്‍.ഐ.ഡി.എഫ്. XXIX) ഉള്‍പ്പെടുത്തി നടപ്പിലാക്കുന്ന ചാലില്‍ ഗോപാലപേട്ട ഫിഷ് ലാന്റിംഗ് സെന്ററിന്റെ നിർമ്മാണ പ്രവൃത്തി പൂ‍ർത്തീകരിക്കുന്നതിന് ഇനി എന്തൊക്കെ നടപടികളാണ് സ്വീകരിക്കാനുള്ളതെന്ന് വ്യക്തമാക്കുമോ;

(ബി)  പ്രസ്തുത പ്രവൃത്തി അടിയന്തരമായി പൂർത്തീകരിക്കുന്നതിന് എത്ര കാലതാമസം വേണ്ടിവരുമെന്ന് വ്യക്തമാക്കാമോ?

മത്സ്യത്തൊഴിലാളികളുടെ സുരക്ഷ

1011  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികൾക്ക് ബോട്ടുകളും മത്സ്യബന്ധനയാനങ്ങളും സുരക്ഷിതമായി അടുപ്പിക്കാൻ ആവശ്യമായ ആധുനിക സൗകര്യങ്ങളോടുകൂടിയ ജെട്ടികളും ഹാർബറുകളും എല്ലാ തീരപ്രദേശങ്ങളിലും സജ്ജമാക്കാനുള്ള നടപടി സ്വീകരിക്കുമോ; വ്യകതമാക്കാമോ;

(ബി)  കടലിൽ അപകടങ്ങൾ ഒഴിവാക്കാൻ ആധുനിക നാവിഗേഷൻ, ആശയവിനിമയസംവിധാനങ്ങൾ എല്ലാ മത്സ്യബന്ധനബോട്ടുകളിലും ലഭ്യമാക്കുമോ;

(സി)  കാലാവസ്ഥാ വ്യതിയാനവും കടൽക്ഷോഭവും നേരിടാൻ മത്സ്യത്തൊഴിലാളികൾക്ക് ആവശ്യമായ പരിശീലനം നൽകാനും ഇതിനാവശ്യമായ ഉപകരണങ്ങൾ ലഭ്യമാക്കാനും നടപടി സ്വീകരിക്കുമോ; വിശദമാക്കാമോ?

മത്സ്യത്തൊഴിലാളികളുടെ പ്രശ്നങ്ങള്‍ പഠിക്കുവാനും പരിഹരിക്കുന്നതിനും സമിതി

1012  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  പൂവാര്‍ മുതല്‍ കാസര്‍കോട് വരെയുള്ള വിവിധ മേഖലകളിലെ മത്സ്യത്തൊഴിലാളികള്‍ക്ക് അവരുടെ ന്യായമായ പ്രശ്നങ്ങള്‍ പഠിക്കുവാനും പരിഹരിക്കുവാനും ഒരു വിദഗ്ദ്ധ പഠന സംഘത്തെ നിയോഗിക്കാന്‍ തയ്യാറാകുമോ; എങ്കില്‍ വിശദാംശം ലഭ്യമാക്കുമോ;

(ബി)  വിഴിഞ്ഞം, മുതലപ്പൊഴി തുടങ്ങിയ പ്രദേശങ്ങളില്‍ മത്സ്യത്തൊഴിലാളികള്‍ നേരിടുന്ന പ്രശ്നങ്ങള്‍ ശാശ്വതമായി പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ;

(സി)  മത്സ്യത്തൊഴിലാളികള്‍ക്കും ആശ്രിതര്‍ക്കും നല്‍കിവരുന്ന വിവിധ ആനുകൂല്യങ്ങള്‍ കാലോചിതമായി പരിഷ്കരിക്കാന്‍ നടപടി സ്വീകരിക്കുമോ; വിശദീകരിക്കുമോ?

മത്സ്യത്തൊഴിലാളി ഇൻഷുറൻസ് പദ്ധതി

1013  ശ്രീ. റെജി ചെറിയാൻ
ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ആരോഗ്യപരിരക്ഷയും മേഖലയിലെ അപകടസാധ്യതകളും കണക്കിലെടുത്ത് നിലവിൽ സംസ്ഥാനത്ത് മത്സ്യത്തൊഴിലാളികൾക്കായി ഏർപ്പെടുത്തിയിട്ടുള്ള ഇൻഷുറൻസ് സംവിധാനത്തിന്റെ വിശദാംശങ്ങൾ അറിയിക്കാമോ;

(ബി)  മത്സ്യത്തൊഴിലാളികൾക്ക് അപകടങ്ങൾ മൂലമുണ്ടാകുന്ന ജീവഹാനിക്കും അംഗവൈകല്യങ്ങൾക്കും പുറമേ, ഏതെല്ലാം സാഹചര്യങ്ങളിലാണ് ഇൻഷുറൻസ് പരിരക്ഷ ലഭിക്കുന്നതെന്ന് വ്യക്തമാക്കാമോ;

(സി)  മത്സ്യത്തൊഴിലാളികൾ രോഗബാധിതരായോ ഹൃദയാഘാതം മൂലമോ മരണപ്പെടുന്ന സാഹചര്യങ്ങളിൽ, ആശ്രിതർക്ക് പ്രസ്തുത ഇൻഷുറൻസ് ആനുകൂല്യങ്ങൾ ലഭ്യമാകുന്നുണ്ടോ; വ്യക്തമാക്കാമോ;

(ഡി)  സംസ്ഥാനത്തെ മുഴുവൻ അംഗീകൃത മത്സ്യത്തൊഴിലാളികൾക്കും സ്വാഭാവിക മരണങ്ങൾ ഉൾപ്പെടെയുള്ള സാഹചര്യങ്ങളിൽ ഇൻഷുറൻസ് പരിരക്ഷ ലഭ്യമാകുന്ന വിധത്തിൽ പദ്ധതി ഉടച്ചുവാർക്കാൻ സർക്കാർ തയ്യാറാകുമോ; വ്യക്തമാക്കാമോ?

മത്സ്യത്തൊഴിലാളികൾക്കുള്ള പെൻഷൻ വിതരണവും കുടിശ്ശികയും

1014  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  23,000-ത്തോളം മത്സ്യത്തൊഴിലാളികൾക്കും അനുബന്ധത്തൊഴിലാളികൾക്കും സെപ്റ്റംബർ മാസത്തെ പെൻഷൻ ലഭിക്കാത്തത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ, ഇവർക്ക് പെൻഷൻ ലഭ്യമാക്കുന്നതിനായി എന്ത് നടപടിയാണ് സ്വീകരിച്ചിട്ടുള്ളത്;

(ബി)  മത്സ്യബോർഡിൽ നിന്ന് പെൻഷൻ കൈപ്പറ്റുന്നവരുടെ എണ്ണം എത്രയാണ്; ഇവരുടെ വാർധക്യപെൻഷൻ, വിധവാപെൻഷൻ, അനുബന്ധ പെൻഷൻ എന്നിങ്ങനെ ഇനംതിരിച്ചുള്ള ആഗസ്റ്റ്, സെപ്റ്റംബർ മാസങ്ങളിലെ വിവരം ലഭ്യമാക്കുമോ;

(സി)  കുടിശ്ശികയായ പെൻഷൻ തുക അനുവദിക്കുന്നതിനും വിതരണം ചെയ്യുന്നതിനും ആവശ്യമായ നടപടികൾ സ്വീകരിക്കുമോ?

എഫ്.ഐ.എം.എസ്. സോഫ്റ്റ്‌വെയർ

1015  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഫിഷറീസ് വകുപ്പിന്റെ എഫ്.ഐ.എം.എസ്. സോഫ്റ്റ്‌വെയർ പരിഷ്കരിച്ച് മത്സ്യത്തൊഴിലാളികൾക്കുള്ള എല്ലാ സേവനങ്ങളും ഓൺലൈനാക്കാൻ സർക്കാർ ലക്ഷ്യമിടുന്നുണ്ടോ; ഉണ്ടെങ്കിൽ, വിശദമാക്കാമോ;

(ബി)  ഇതിൽ പേയ്‌മെന്റ് ഗേറ്റ്‌വേ സംവിധാനം ഏർപ്പെടുത്തി മത്സ്യത്തൊഴിലാളി വിഹിതം ഒടുക്കുന്നതിനുള്ള സൗകര്യം ഒരുക്കുമോ; ഇതിനായി പദ്ധതി ആവിഷ്‌കരിച്ചിട്ടുണ്ടോ; ഉണ്ടെങ്കിൽ, എന്ന് മുതൽ നടപ്പാക്കും; വിശദമാക്കുമോ;

(സി)  സമ്പാദ്യ സമാശ്വാസ പദ്ധതി വിഹിതം ഒടുക്കുന്നതിന് പേയ്‌മെന്റ് ഗേറ്റ്‌വേ സംവിധാനം ഏർപ്പെടുത്തി കൃത്യത ഉറപ്പാക്കാൻ നടപടി സ്വീകരിക്കുമോ; അക്ഷയ കേന്ദ്രങ്ങളെക്കൂടി ഇതിൽ പങ്കാളികളാക്കുമോ?

വൈപ്പിന്‍ മണ്ഡലത്തിലെ മത്സ്യത്തൊഴിലാളികളുടെ സമഗ്ര പുരോഗതി

1016  ശ്രീ. ടോണി ചമ്മണി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വൈപ്പിന്‍ നിയോജകമണ്ഡലത്തിലെ മത്സ്യത്തൊഴിലാളി കുടുംബങ്ങളുടെ സാമൂഹികവും സാമ്പത്തികവുമായ പുരോഗതി ലക്ഷ്യമിട്ട് ഭവനം, വിദ്യാഭ്യാസം, ആരോഗ്യം, തൊഴില്‍, മത്സ്യബന്ധന അടിസ്ഥാനസൗകര്യം എന്നിവ ഉള്‍പ്പെടുത്തി ഒരു സമഗ്ര മത്സ്യത്തൊഴിലാളി വികസനപദ്ധതി തയ്യാറാക്കല്‍ സര്‍ക്കാരിന്റെ പരിഗണനയില്‍ ഉണ്ടോ; ഉണ്ടെങ്കില്‍ വിശദീകരിക്കാമോ;

(ബി)  വൈപ്പിന്‍ മണ്ഡലത്തിലെ മത്സ്യത്തൊഴിലാളി കുടുംബങ്ങളിലെ യുവാക്കള്‍ക്ക് മത്സ്യബന്ധന മേഖലയ്ക്ക് പുറമേ തുറമുഖം, ലോജിസ്റ്റിക്ക്സ്, കോള്‍ഡ് ചെയിന്‍, മറൈന്‍ മേഖല തുടങ്ങിയ അനുബന്ധ മേഖലകളില്‍ തൊഴില്‍ ലഭ്യമാക്കുന്നതിനായി നൈപുണ്യ പരിശീലനപദ്ധതികള്‍ ആവിഷ്കരിച്ചിട്ടുണ്ടോ; ഉണ്ടെങ്കില്‍ വിശദീകരിക്കാമോ?

മത്സ്യബന്ധനത്തിനിടെ കടലിൽ വച്ച് ഉണ്ടായ അപകടങ്ങള്‍

1017  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് 2016 മുതൽ 2026 വരെയുള്ള ഭരണകാലത്തു മത്സ്യത്തൊഴിലാളികൾക്ക് കടലിൽ വെച്ച് ആകെ എത്ര അപകടങ്ങളാണ് ഉണ്ടായിട്ടുള്ളതെന്ന് വ്യക്തമാക്കാമോ;

(ബി)  പ്രസ്തുത അപകടങ്ങളിൽപെട്ട് മരണപ്പെട്ട മത്സ്യത്തൊഴിലാളികളുടെ കുടുംബങ്ങള്‍ക്ക് എത്ര രൂപ വീതമാണ് നഷ്ടപരിഹാരം നൽകിയിട്ടുള്ളതെന്ന് വ്യക്തമാക്കാമോ;

(സി)  ബോട്ടുകള്‍ക്ക് നാശനഷ്ടം സംഭവിച്ച സംഭവങ്ങളില്‍ എത്ര രൂപ വീതമാണ് നഷ്ടപരിഹാരം നൽകിയിട്ടുള്ളതെന്ന് വ്യക്തമാക്കാമോ;

(ഡി)  മത്സ്യത്തൊഴിലാളികള്‍ക്കായി ഇന്‍ഷുറന്‍സ് പദ്ധതി നടപ്പാക്കിയത് ഏതു വര്‍ഷം മുതലാണെന്ന് വ്യക്തമാക്കാമോ;

(ഇ)  ഇൻഷുറൻസ് പദ്ധതി മുഖേന ആകെ എത്ര പേര്‍ക്ക് എത്ര രൂപ വീതം വിതരണം ചെയ്തിട്ടുണ്ടന്ന് വിശദമാക്കാമോ?

മത്സ്യത്തൊഴിലാളി സുരക്ഷയ്ക്കായുള്ള ആധുനിക സാങ്കേതികവിദ്യ

1018  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലിൽ അപകടത്തിൽപെടുന്ന മത്സ്യത്തൊഴിലാളികളെ ഉടനടി കണ്ടെത്താൻ നാവിക്, സാറ്റലൈറ്റ് ടാങ്കുകൾ, വാക്കി ടോക്കികൾ എന്നിവ എല്ലാ പരമ്പരാഗത വള്ളങ്ങൾക്കുമുൾപ്പടെ വിതരണം ചെയ്യുന്നതിന്റെ നിലവിലെ സ്ഥിതി വ്യക്തമാക്കാമോ;

(ബി)  കടലിൽ രക്ഷാപ്രവർത്തനം നടത്തുന്ന മറൈൻ എൻഫോഴ്സ്മെന്റിന്റെയും ആർ.ആർ.ടി. ബോട്ടുകളുടേയും ഇന്ധനക്ഷാമവും സാങ്കേതിക തകരാറുകളും മൂലം റെസ്ക്യൂ വൈകുന്ന പ്രശ്നങ്ങൾ പരിഹരിക്കുന്നതിന് സ്വീകരിച്ച നടപടികൾ വ്യക്തമാക്കാമോ?

മത്സ്യത്തൊഴിലാളികളുടെ സുരക്ഷ

1019  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികളുടെ സുരക്ഷയ്ക്കായി പ്രത്യേക രക്ഷാപ്രവർത്തന സംവിധാനം ഏർപ്പെടുത്താൻ ഉദ്ദേശിക്കുന്നുണ്ടോ; വിശദാംശങ്ങൾ ലഭ്യമാക്കുമോ;

(ബി)  ഇതിന്റെ ഭാഗമായി ദുരന്തനിവാരണ പ്രവർത്തനങ്ങൾ കാര്യക്ഷമമാക്കുന്നതിനായി പുതിയ സ്റ്റാൻഡേർഡ് ഓപ്പറേറ്റിംഗ് പ്രൊസീജർ (എസ്.ഒ.പി.) നടപ്പാക്കാൻ ഉദ്ദേശിക്കുന്നുണ്ടോ; വിശദമാക്കാമോ;

(സി)  കടലിലെ രക്ഷാപ്രവർത്തനങ്ങളിൽ മത്സ്യത്തൊഴിലാളികളെ കൂടി ഉൾപ്പെടുത്തി പ്രത്യേക പരിശീലന പരിപാടികൾ സംഘടിപ്പിക്കുമോ; മത്സ്യത്തൊഴിലാളികളെ വിശ്വാസത്തിലെടുത്ത് ദുരന്തനിവാരണ പ്രവർത്തനങ്ങൾ കൂടുതൽ കാര്യക്ഷമമാക്കുമോ; വ്യക്തമാക്കാമോ?

മത്സ്യത്തൊഴിലാളികൾക്കുള്ള അടിസ്ഥാന സൗകര്യങ്ങൾ

1020  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികൾക്ക് ഭവനം നിർമ്മിക്കുന്നതിനായി ഏതൊക്കെ പദ്ധതികളിലൂടെ എത്ര രൂപ വീതമാണ് വകുപ്പ് ലഭ്യമാക്കുന്നതെന്ന് അറിയിക്കാമോ;

(ബി)  മലപ്പുറം വള്ളിക്കുന്ന് ഗ്രാമപഞ്ചായത്തിലെ ഫിഷറീസ് കോളനിയിലെ മത്സ്യത്തൊഴിലാളികളുടെ പുനരധിവാസത്തിന് മത്സ്യബന്ധനവകുപ്പ് എന്തെങ്കിലും നടപടി സ്വീകരിച്ചിട്ടുണ്ടോയെന്ന് വിശദമാക്കാമോ;

(സി)  മത്സ്യത്തൊഴിലാളികളുടെ വീടുകളുടെ പുനർനിർമാണത്തിനും നവീകരണത്തിനും എന്തെങ്കിലും പുതിയ പദ്ധതി ആലോചിക്കുന്നുണ്ടോയെന്ന് അറിയിക്കാമോ;

(ഡി)  മത്സ്യത്തൊഴിലാളികൾ അധിവസിക്കുന്ന തീരദേശ മേഖലയിലെ റോഡുകളുടെ വികസനത്തിന് മത്സ്യബന്ധന വകുപ്പ് എന്തെങ്കിലും പ്രത്യേക പദ്ധതി നടപ്പിലാക്കുന്നുണ്ടോ; ഉണ്ടെങ്കിൽ വിശദമാക്കാമോ?

മത്സ്യത്തൊഴിലാളികള്‍ അപകടത്തില്‍പ്പെടുമ്പോഴുള്ള രക്ഷാപ്രവര്‍ത്തനം

1021  ശ്രീ. ഫൈസൽ ബാബു
ശ്രീ. ടി. വി. ഇബ്രാഹിം
ശ്രീ. പി .എം. എ. സമീർ
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലിൽ മത്സ്യത്തൊഴിലാളികള്‍ അപകടത്തില്‍പ്പെടുമ്പോള്‍ ഗോള്‍ഡന്‍ അവറില്‍ തന്നെ രക്ഷാപ്രവര്‍ത്തനം ഉറപ്പാക്കുന്നതിന് നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

(ബി)  ഇക്കാര്യത്തില്‍ മത്സ്യത്തൊഴിലാളികളുടെ സേവനവും പങ്കാളിത്തവും ഉറപ്പാക്കാന്‍ എന്തെല്ലാം നടപടികളാണ് സ്വീകരിച്ചു വരുന്നത്;

(സി)  മുതലപ്പൊഴിയില്‍ പതിവായി ഉണ്ടാകുന്ന അപകടങ്ങള്‍ ഒഴിവാക്കാന്‍ സ്വീകരിച്ചുവരുന്ന നടപടികള്‍ വിശദമാക്കാമോ?

ദുരന്തനിവാരണ അതോറിറ്റി നല്‍കുന്ന മുന്നറിയിപ്പ്

1022  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2026 ഓഗസ്റ്റിൽ തിരുവനന്തപുരം ജില്ലയിലെ വിഴിഞ്ഞം, മുതലപ്പൊഴി മേഖലകളിൽ മത്സ്യത്തൊഴിലാളികൾ കടലിൽ അപകടത്തിൽപ്പെട്ട് കാണാതായ സംഭവങ്ങൾക്ക് മുമ്പ് ദുരന്തനിവാരണ അതോറിറ്റി ആവശ്യമായ മുന്നറിയിപ്പ് നൽകിയിരുന്നോ; നൽകിയെങ്കിൽ വിശദാംശങ്ങൾ വെളിപ്പെടുത്താമോ;

(ബി)  പ്രസ്തുത മുന്നറിയിപ്പ് മത്സ്യത്തൊഴിലാളികൾക്ക് സമയബന്ധിതമായി ലഭിച്ചിരുന്നോ; എസ്.എം.എസ്., മൊബൈൽ ആപ്പ്, വി.എച്ച്.എഫ്.(വെരി ഹൈ ഫ്രീക്വന്‍സി), തീരദേശ പോലീസ്, ഹാർബർ അനൗൺസ്മെന്റ് തുടങ്ങിയ ഏതെങ്കിലും സംവിധാനങ്ങളിൽ വീഴ്ച ഉണ്ടായതായി കണ്ടെത്തിയിട്ടുണ്ടോയെന്ന് അറിയിക്കാമോ;

(സി)  പ്രസ്തുത സംഭവങ്ങളിൽ കാണാതായ മത്സ്യത്തൊഴിലാളികളിൽ നാളിതുവരെ കണ്ടെത്താനാകാത്തവർ എത്ര പേരാണുള്ളതെന്ന് അറിയിക്കാമോ; ഇവരെ കണ്ടെത്തുന്നതിനായി അപകടം നടന്ന ദിവസം മുതൽ നടത്തിയ തിരച്ചിൽ നടപടികൾ തീയതി തിരിച്ച് വ്യക്തമാക്കുമോ;

(ഡി)  തിരച്ചിൽ ആരംഭിക്കുന്നതിലും കോസ്റ്റ് ഗാർഡ്, നേവി, മറൈൻ എൻഫോഴ്സ്മെന്റ്, കോസ്റ്റൽ പോലീസ് തുടങ്ങിയ സംവിധാനങ്ങൾ വിന്യസിക്കുന്നതിലും കാലതാമസം ഉണ്ടായെന്ന ആരോപണം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ അതിലെ വീഴ്ചകൾ എന്തൊക്കെയാണെന്നും ഉത്തരവാദികളായ ഉദ്യോഗസ്ഥർക്കെതിരെ നടപടി സ്വീകരിച്ചിട്ടുണ്ടോ എന്നും വ്യക്തമാക്കുമോ;

(ഇ)  കാണാതായ മത്സ്യത്തൊഴിലാളികളെ കണ്ടെത്താൻ ഹെലികോപ്റ്റർ ഉപയോഗിച്ച് തിരിച്ചിൽ നടത്തണമെന്ന ആവശ്യം സർക്കാർ പരിഗണിച്ചിട്ടുണ്ടോ; ഇല്ലെങ്കിൽ കാരണം വിശദീകരിക്കാമോ;

(എഫ്)  കാണാതായ മത്സ്യത്തൊഴിലാളികളുടെ കുടുംബങ്ങൾക്ക് അടിയന്തര ധനസഹായം, നഷ്ടപരിഹാരം, കുടുംബപെൻഷൻ, കുട്ടികളുടെ വിദ്യാഭ്യാസ സഹായം, മറ്റ് പുനരധിവാസ സഹായങ്ങൾ എന്നിവ അനുവദിക്കപ്പെട്ടതിന്റെ വിശദാംശങ്ങൾ വെളിപ്പെടുത്താമോ; കാണാതായ മത്സ്യത്തൊഴിലാളികളെ ഇതുവരെ കണ്ടെത്താനാകാത്ത സാഹചര്യത്തിൽ കുടുംബങ്ങൾക്ക് അനുവദിച്ച സഹായങ്ങൾ എന്തൊക്കെയാണെന്ന് വിശദമാക്കാമോ;

(ജി)  ഭാവിയിൽ ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കാമോ?

മത്സ്യത്തൊഴിലാളി കടാശ്വാസ കമ്മീഷൻ

1023  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരത്തിൽ വന്നതിനുശേഷം എത്ര കോടി രൂപയുടെ കടാശ്വാസം മത്സ്യത്തൊഴിലാളികൾക്ക് അനുവദിച്ചിട്ടുണ്ടെന്ന് വിശദമാക്കാമോ;

(ബി)  നടപ്പ് വർഷം കടാശ്വാസകമ്മീഷന്റെ പ്രവർത്തനത്തിനായി എത്ര രൂപ ചെലവഴിച്ചിട്ടുണ്ടെന്ന് വ്യക്തമാക്കാമോ; ഇനം തിരിച്ചുള്ള വിവരം ലഭ്യമാക്കാമോ;

(സി)  മത്സ്യത്തൊഴിലാളി കടാശ്വാസകമ്മീഷന്റെ പ്രവർത്തനം മെച്ചപ്പെടുത്തുവാൻ നടപടി സ്വീകരിക്കുമോയെന്ന് വിശദമാക്കാമോ?

താനൂർ നിയോജകമണ്ഡലത്തിൽ കോമൺ ഫെസിലിറ്റി സെന്റര്‍

1024  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യവിപണന രംഗത്ത് കൂടുതൽ മാറ്റങ്ങൾ കൊണ്ടുവരാൻ മത്സ്യബന്ധന വകുപ്പും വ്യവസായ വകുപ്പും പരസ്പരം കൈകോർക്കുന്ന പദ്ധതി ആസുത്രണം ചെയ്യാനുദ്ദേശിക്കുന്നുണ്ടോ;

(ബി)  വ്യവസായവകുപ്പിന് കീഴിൽ മത്സ്യവിപണനത്തെ സഹായിക്കാൻ ഏതെല്ലാം പദ്ധതികളാണ് നിലവിലുളളതെന്ന് വിശദമാക്കാമോ;

(സി)  താനൂർ നിയോജകമണ്ഡലത്തിൽ മത്സ്യവിപണി ലക്ഷ്യമാക്കി വ്യവസായ വകുപ്പിന് കീഴിൽ കോമൺ ഫെസിലിറ്റി സെന്റർ ആരംഭിക്കുന്നതിന് അപേക്ഷകരുണ്ടെങ്കിൽ പരിഗണിക്കാമോ?

കൂടല്‍ ആധുനിക ഫിഷ് മാർക്കറ്റിന്റെ നിര്‍മ്മാണ പുരോഗതി

1025  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കോന്നി നിയോജകമണ്ഡലത്തില്‍ നിര്‍മ്മാണത്തിലിരിക്കുന്ന കിഫ്ബി പദ്ധതിയായ കൂടല്‍ ആധുനിക ഫിഷ് മാര്‍ക്കറ്റിന്റെ നിര്‍മ്മാണ പുരോഗതി വിശദമാക്കാമോ;

(ബി)  പദ്ധതിയുടെ ഭാഗമായ മലിനജല സംസ്ക്കരണ പ്രവൃത്തികളും മത്സ്യം സൂക്ഷിക്കുന്നതിനുള്ള ഫ്രീസര്‍ സംവിധാനവും എന്നത്തേയ്ക്ക് പൂർത്തീകരിച്ചു ഗ്രാമപഞ്ചായത്തിനു കൈമാറാന്‍ സാധിക്കുമെന്നു വ്യക്തമാക്കാമോ?

ഇടനിലക്കാരെ ഒഴിവാക്കിയുള്ള മത്സ്യ വിപണനം

1026  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികളെ ഇടനിലക്കാരുടെ ചൂഷണത്തിൽനിന്ന് ഒഴിവാക്കുന്നതിനും അവർ പിടിച്ചുകൊണ്ടുവരുന്ന മത്സ്യത്തിന് ന്യായമായ വില ഉറപ്പാക്കുന്നതിനുമായി മുൻ സർക്കാർ കൊണ്ടുവന്ന നിയമം നടപ്പാക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണ്; വിശദമാക്കുമോ;

(ബി)  മത്സ്യബോർഡിനും മത്സ്യഫെഡിനും നിയമപ്രകാരം വകയിരുത്തിയ തുക യഥാസമയം ലഭ്യമാക്കുന്നതിനായി ഏർപ്പെടുത്തുന്ന ഓൺലൈൻ സംവിധാനം എന്നത്തേക്ക് യാഥാർഥ്യമാക്കാൻ കഴിയുമെന്ന് വ്യക്തമാക്കാമോ; നിലവിലെ സ്ഥിതി വിശദമാക്കുമോ;

(സി)  മത്സ്യത്തിന്റെ ഗുണനിലവാരം ഉറപ്പാക്കുന്നതിനുള്ള കമ്മിറ്റിയുടെ പ്രവർത്തനം വിലയിരുത്തിയിട്ടുണ്ടോ; വിശദമാക്കുമോ?

ഉള്‍നാടന്‍ മത്സ്യമേഖല ശക്തിപ്പെടുത്താന്‍ നടപടി

1027  ശ്രീ. നജീബ് കാന്തപുരം
ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഉള്‍നാടന്‍ മത്സ്യമേഖലയെ ശക്തിപ്പെടുത്താന്‍ നിലവിലുള്ള പദ്ധതികൾ വിശദമാക്കാമോ;

(ബി)  പുതുതായി ആരംഭിക്കാന്‍ ഉദ്ദേശിക്കുന്ന പദ്ധതികള്‍ ഏതെല്ലാമാണെന്ന് വ്യക്തമാക്കാമോ;

(സി)  സംസ്ഥാനത്ത് മത്സ്യത്തിനുള്ള യഥാര്‍ത്ഥ ഡിമാന്റും ലഭ്യതയും തമ്മിലുള്ള വിടവ് എത്രത്തോളം ഈ പദ്ധതികള്‍ മൂലം പരിഹരിക്കാന്‍ കഴിയും; വിശദമാക്കാമോ?

ഉള്‍നാടന്‍ ജലാശയങ്ങളിലെ മത്സ്യലഭ്യത

1028  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടനാട്ടിലെ ഉള്‍നാടന്‍ ജലാശയങ്ങളില്‍ മത്സ്യലഭ്യതക്കുറവ് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(ബി)  മത്സ്യലഭ്യതക്കുറവ് ഉള്‍നാടന്‍ മത്സ്യബന്ധനത്തൊഴിലാളികളുടെ ഉപജീവനത്തെ ബാധിക്കുന്നത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(സി)  മുന്‍കാലങ്ങളില്‍ മത്സ്യഭവന്‍ മുഖേന അത്യുല്പാദന ശേഷിയുള്ള മത്സ്യകുഞ്ഞുങ്ങളെ ജലാശയങ്ങളില്‍ നിക്ഷേപിച്ചിരുന്ന പദ്ധതി തുടർന്നും നടപ്പിലാക്കുന്നതിന് നടപടി സ്വീകരിക്കാമോ?

ഉള്‍നാടന്‍ മത്സ്യകൃഷി പ്രോത്സാഹനത്തിന് നടപടി

1029  ശ്രീ. റെജി ചെറിയാൻ
ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് മത്സ്യക്ഷാമവും ട്രോളിംഗ് നിരോധന കാലത്തെ വിലക്കയറ്റവും തടയുന്നതിനായി എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കാമോ;

(ബി)  ഇതര സംസ്ഥാനങ്ങളിൽനിന്ന് പഴകിയതും നിരോധിത രാസവസ്തുക്കൾ ചേർത്തതുമായ മത്സ്യം എത്തുന്നത് തടയുന്നതിന് ഫിഷറീസ് വകുപ്പ് എന്തെല്ലാം നടപടികളാണ് സ്വീകരിച്ചുവരുന്നതെന്ന് വിശദമാക്കുമോ;

(സി)  മത്സ്യക്ഷാമവും തൽഫലമായുണ്ടാകുന്ന വിലക്കയറ്റവും തടയുന്നതിനായി ഉൾനാടൻ മത്സ്യസമ്പത്ത് വർധിപ്പിക്കുന്നതിന് നടപടികൾ സ്വീകരിക്കാൻ തയ്യാറാകുമോ; വ്യക്തമാക്കാമോ;

(ഡി)  ഉൾനാടൻ മത്സ്യകൃഷിയുടെ വ്യാപനം ലക്ഷ്യമിട്ട് ഈ സർക്കാർ നടപ്പിലാക്കാൻ ഉദ്ദേശിക്കുന്ന നൂതന പദ്ധതികൾ എന്തൊക്കെയാണെന്ന് വിശദമാക്കുമോ?

മത്സ്യത്തൊഴിലാളികൾ എത്തിക്കുന്ന മത്സ്യത്തിന് ന്യായവില

1030  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികളെ ഇടനിലക്കാരുടെ ചൂഷണത്തിൽ നിന്നും ഒഴിവാക്കുന്നതിനും വിൽപ്പനയ്ക്ക് എത്തിക്കുന്ന മത്സ്യത്തിന് ന്യായവില ലഭ്യമാക്കുന്നതിനുമായി മുൻസര്‍ക്കാര്‍ കൊണ്ടുവന്ന നിയമം നടപ്പാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(ബി)  മത്സ്യബോര്‍ഡ്, മത്സ്യഫെഡ് എന്നിവയ്ക്കായി നിയമപ്രകാരം വകയിരുത്തിയ തുക യഥാസമയം ലഭ്യമാക്കുന്നതിനുള്ള ഓണ്‍ലൈന്‍ സംവിധാനം എന്നത്തേക്ക് യാഥാര്‍ത്ഥ്യമാക്കുവാന്‍ കഴിയുമെന്ന് വിശദമാക്കാമോ;

(സി)  മത്സ്യത്തിന്റെ ഗുണനിലവാരം ഉറപ്പാക്കുന്നതിനുള്ള കമ്മിറ്റിയുടെ പ്രവര്‍ത്തനം വിലയിരുത്തിയിട്ടുണ്ടോ; വിശദമാക്കാമോ?

വള്ളവും വലയും നഷ്ടപ്പെട്ട മത്സ്യത്തൊഴിലാളികൾ

1031  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനു ശേഷം വള്ളവും വലയും നഷ്ടപ്പെട്ട എത്ര മത്സ്യത്തൊഴിലാളികളുണ്ടെന്ന് വിശദമാക്കാമോ;

(ബി)  ഈ സര്‍ക്കാര്‍ അധികാരത്തില്‍ വന്നതിനുശേഷം അപ്രകാരമുള്ള എത്ര മത്സ്യത്തൊഴിലാളികൾക്ക് നഷ്ടപരിഹാരം നല്കിയിട്ടുണ്ടെന്ന് വിശദമാക്കാമോ?

തീരദേശ പാതകൾ ഗതാഗത യോഗ്യമാക്കുന്നതിനുള്ള ഫണ്ട്

1032  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധന വകുപ്പിൽ നിന്നുള്ള ഫണ്ട് വിനിയോഗിച്ച് തീരദേശ പാതകൾ ഗതാഗത യോഗ്യമാക്കുന്ന പദ്ധതിയുമായി ബന്ധപ്പെട്ട് ഫണ്ട് അനുവദിക്കുന്നതിനുള്ള മാനദണ്ഡങ്ങൾ വിശദമാക്കാമോ?

(ബി)  ഉൾനാടൻ ഗ്രാമങ്ങളിലെയും മലയോര മേഖലകളിലെയും ജലാശയങ്ങളിലും പുഴകളിലും മത്സ്യബന്ധനം ഉപജീവനമാക്കിയിട്ടുള്ളവർ താമസിക്കുന്ന പ്രദേശങ്ങളിലെ ഗ്രാമീണ പാതകൾ ഗതാഗത യോഗ്യമാക്കുന്നതിന് പ്രസ്തുത ഫണ്ട് അനുവദിക്കുമോയെന്ന് വ്യക്തമാക്കാമോ?

മത്സ്യബന്ധന വകുപ്പിനു കീഴിൽ റോഡുകള്‍ക്ക് ഫണ്ട് അനുവദിക്കുന്ന പദ്ധതി

1033  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധനവകുപ്പ് മുഖേന റോഡുകള്‍ക്ക് ഫണ്ട് അനുവദിക്കുന്ന പദ്ധതിയില്‍ 2026-2027 സാമ്പത്തിക വര്‍ഷത്തില്‍ ഫണ്ട് അനുവദിച്ചിട്ടുണ്ടോ; അറിയിക്കാമോ;

(ബി)  പ്രസ്തുത പദ്ധതി മുഖേന പുതിയ റോഡുകള്‍ക്കുള്ള നിര്‍ദ്ദേശം സ്വീകരിക്കുന്നുണ്ടോ; അറിയിക്കാമോ?

കള്ളക്കടൽ പ്രതിഭാസം

1034  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തീരപ്രദേശങ്ങളിൽ അപ്രതീക്ഷിതമായി വലിയ തിരമാലകൾ അടിച്ചുകയറുന്ന കള്ളക്കടൽ പ്രതിഭാസം നേരിടുന്നതിന് സ്വീകരിച്ചിട്ടുള്ള മുൻകരുതലെന്തൊക്കെയെന്ന് വ്യക്തമാക്കുമോ;

(ബി)  പ്രസ്തുത പ്രതിഭാസം നേരിടുന്നതിനായി സ്വീകരിക്കാവുന്ന ദീർഘകാല തീരസംരക്ഷണ പദ്ധതികളുണ്ടോ; വ്യക്തമാക്കുമോ;

(സി)  പ്രസ്തുത പ്രതിഭാസം മത്സ്യത്തൊഴിലാളികളെ എപ്രകാരമാണ് ബാധിച്ചിട്ടുള്ളതെന്നു പഠനം നടത്തിയിട്ടുണ്ടോ; വിശദമാക്കുമോ?

മത്സ്യത്തൊഴിലാളികളുടെ ആശ്രിതർക്കുള്ള നഷ്ടപരിഹാരം

1035  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നശേഷം എത്ര മത്സ്യത്തൊഴിലാളികള്‍ക്ക് വള്ളവും വലയും നഷ്ടപ്പെട്ടുവെന്ന് വിശദമാക്കാമോ;

(ബി)  ഈ സര്‍ക്കാര്‍ അധികാരത്തില്‍ വന്നശേഷം എത്ര മത്സ്യത്തൊഴിലാളികളെ മത്സ്യബന്ധനത്തിനിടയില്‍ കാണാതായിട്ടുണ്ടെന്ന് വിശദമാക്കാമോ;

(സി)  പ്രസ്തുത കാലയളവില്‍ മരണപ്പെട്ടവരുടെയും കാണാതായവരുടെയും ആശ്രിതര്‍ക്ക് എത്ര രൂപ നഷ്ടപരിഹാരം നല്കിയിട്ടുണ്ടെന്ന് വിശദമാക്കമോ?

മുഖ്യമന്ത്രി മത്സ്യ സമൃദ്ധി പദ്ധതി

1036  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് മുഖ്യമന്ത്രി മത്സ്യസമൃദ്ധി പദ്ധതി (സി.എം.എം.എസ്.പി) നടപ്പിലാക്കി തുടങ്ങിയിട്ടുണ്ടോ; എങ്കിൽ എന്ന് മുതൽ; പദ്ധതി ലക്ഷ്യം എന്തൊക്കെയാണ്; വിശദമാക്കാമോ;

(ബി)  ഈ പദ്ധതിക്കായി ബജറ്റിൽ വകയിരുത്തിയ തുകയും ചെലവഴിച്ച തുകയും എത്രയാണ്; ജീവനക്കാരുടെ വേതനത്തിന് നടപ്പ് വർഷം ചിലവഴിച്ച തുക എത്ര വ്യക്തമാക്കാമോ;

(സി)  പദ്ധതി പ്രകാരം എത്ര അധിക തൊഴിൽ ദിനങ്ങൾ സൃഷ്ടിക്കുവാൻ ലക്ഷ്യമിടുന്നു; എത്ര ഹെക്ടറിൽ അധികമായി കൃഷി വ്യാപിപ്പിക്കുവാൻ ലക്ഷ്യമിടുന്നു; പ്രതീക്ഷിത ഉത്പാദന വർദ്ധനവ് എത്രയാണ്; പദ്ധതി ഘടകങ്ങൾ വിശദമാക്കുമോ;

(ഡി)  കേന്ദ്രാവിഷ്കൃത പദ്ധതിയായ പി.എം.എം.എസ്.വൈ-യുമായി സി.എം.എം.എസ്.പി.-ക്കു ഏതെങ്കിലും തരത്തിലുള്ള സംയോജനം ഉണ്ടോ; വിശദമാക്കുമോ?

ഉൾനാടൻ മത്സ്യകൃഷി

1037  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഉൾനാടൻ മത്സ്യകൃഷിയുമായി ബന്ധപ്പെട്ട് എന്തൊക്കെ പദ്ധതികള്‍ നടപ്പിലാക്കാന്‍ ഉദ്ദേശിക്കുന്നുണ്ടെന്ന് വിശദമാക്കാമോ;

(ബി)  ഏതൊക്കെ സ്ഥലങ്ങളിലാണ് മത്സ്യക്കുഞ്ഞുങ്ങളെ നിക്ഷേപിക്കുന്ന റാഞ്ചിങ് പദ്ധതി നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(സി)  പ്രസ്തുത പദ്ധതികളിലൂടെ എത്ര ടൺ വര്‍ധനവാണ് ലക്ഷ്യം വെക്കുന്നതെന്ന് വ്യക്തമാക്കാമോ?

നാട്ടിക നിയോജക മണ്ഡലത്തില്‍ ഫിഷ് ലാന്റിംഗ് സെന്റര്‍

1038  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  നാട്ടിക നിയോജക മണ്ഡലത്തില്‍ ഫിഷ് ലാന്റിംഗ് സെന്റര്‍ ആരംഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)  മുന്‍ സര്‍ക്കാരിന്റെ കാലയളവില്‍ സെന്റര്‍ സ്ഥാപിക്കുന്നതിനുള്ള പഠനവും മറ്റ് പ്രാരംഭ നടപടികളും ആരംഭിച്ചിരുന്നുവെങ്കിലും നിര്‍മ്മാണ പ്രവര്‍ത്തനങ്ങള്‍ ആരംഭിക്കുന്നതിന് കാലതാമസം നേരിടുന്നതിനുള്ള കാരണം വ്യക്തമാക്കുമോ?

കണ്ണൂർ നിയോജകമണ്ഡലത്തിലെ മാപ്പിള ബേ ഹാർബർ

1039  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കണ്ണൂർ നിയോജകമണ്ഡലത്തിലെ മാപ്പിള ബേ ഹാർബറുമായി ബന്ധപ്പെട്ട് എന്തൊക്കെ പദ്ധതികളാണ് നടപ്പിലാക്കുന്നത്; ഇതിന്റെ നിലവിലെ അവസ്ഥ എന്താണെന്ന് വിശദമാക്കാമോ;

(ബി)  മാപ്പിള ബേയിൽ ഉപയോഗിക്കാതെ കിടക്കുന്ന കേടായ ഫൈബർ ബോട്ടുകളും വലകളും ഗുരുതരമായ മാലിന്യപ്രശ്നം സൃഷ്ടിക്കുന്നതിനാൽ ഇവ നീക്കം ചെയ്യുന്നതിന് ആവശ്യമായ സംവിധാനം ഒരുക്കുമോ; വിശദമാക്കാമോ?

കൈപ്പമംഗലം പഞ്ചായത്തിലെ നിർദിഷ്ട ഫിഷ് ലാൻഡിങ് സെന്റർ

1040  ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കൈപ്പമംഗലം ഗ്രാമപഞ്ചായത്തിലെ കമ്പനിക്കടവിലെ നിർദിഷ്ട ഫിഷിംഗ് ഹാർബർ പ്രൊപ്പോസൽ ഏത് ഘട്ടത്തിലാണെന്ന് വ്യക്തമാക്കാമോ;

(ബി)  പ്രസ്തുത ഫിഷിംങ് ഹാർബർ പ്രൊപ്പോസലിന്റെ സാധ്യതകളെ കുറിച്ച് പൂനെയിലുള്ള സെൻട്രൽ വാട്ടർ ആൻഡ് പവർ റിസർച്ച് സ്റ്റേഷൻ എന്ന സ്ഥാപനം നടത്തിയ പഠനറിപ്പോർട്ടിന്റെ പകർപ്പ് സോഫ്റ്റ് കോപ്പി ഉൾപ്പെടെ ലഭ്യമാക്കാമോ;

(സി)  പ്രസ്തുത ഫിഷിംഗ് ഹാർബറിന്റെ നിര്‍മ്മാണ പ്രവൃത്തികൾ അതിവേഗത്തിൽ പൂർത്തീകരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ?

അജാനൂർ മത്സ്യബന്ധന തുറമുഖം

1041  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അജാനൂർ മത്സ്യബന്ധന തുറമുഖം സ്ഥാപിക്കുന്നതിനുള്ള നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ; ഉണ്ടെങ്കിൽ എന്തൊക്കെ നടപടികളാണ് സ്വീകരിച്ചതെന്ന് വിശദമാക്കാമോ;

(ബി)  ഇതുമായി ബന്ധപ്പെട്ട് നാളിതുവരെ നടത്തിയ പഠന റിപ്പോർട്ടിന്റെ പകർപ്പുകളും വിശദാംശങ്ങളും ലഭ്യമാക്കാമോ;

(സി)  പദ്ധതി യാഥാർഥ്യമാക്കുന്നതിലേക്കായി സ്വീകരിച്ച നടപടികൾ സംബന്ധിച്ച് വിശദാംശങ്ങൾ ലഭ്യമാക്കാമോ?

വെള്ളപ്പൊക്കവും പ്രകൃതിക്ഷോഭവും കാരണം തകര്‍ന്ന തീരദേശ റോഡുകള്‍ നവീകരിക്കാൻ നടപടി

1042  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തുടര്‍ച്ചയായുണ്ടാകുന്ന വെള്ളപ്പൊക്കവും പ്രകൃതിക്ഷോഭവും കാരണം കുട്ടനാട്ടിലെ തീരദേശ റോഡുകള്‍ തകരുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  പ്രസ്തുത റോഡുകള്‍ തീരദേശറോഡ് നവീകരണ പദ്ധതി(യു.സി.ആര്‍.)യിൽ ഉൾപ്പെടുത്തി നവീകരിക്കുന്നതിന് നടപടി സ്വീകരിക്കുമോ;

(സി)  പ്രസ്തുത നവീകരണവുമായി ബന്ധപ്പെട്ട് ഹാര്‍ബര്‍ എഞ്ചിനിയറിംഗ് വകുപ്പ് ചീഫ് എഞ്ചിനീയര്‍ സര്‍ക്കാരിലേക്ക് സമര്‍പ്പിച്ച എസ്റ്റിമേറ്റിന്മേൽ അനുകൂല നടപടി സ്വീകരിക്കുമോ?

തോട്ടപ്പള്ളി ഹാർബർ നവീകരണം

1043  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അമ്പലപ്പുഴ മണ്ഡലത്തിലെ തോട്ടപ്പള്ളിയിലുള്ള ഹാർബറില്‍ വിവിധ അടിസ്ഥാന സൗകര്യങ്ങള്‍ അപര്യാപ്തമായ സാഹചര്യത്തിലാണുള്ളതെന്ന് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  തോട്ടപ്പളളി ഹാർബറിനെ അന്താരാഷ്ട്ര നിലവാരത്തിലേക്ക് ഉയർത്തുന്നതിന് ആവശ്യമായ പഠനം നടത്താൻ തയ്യാറാകുമോയെന്ന് വ്യക്തമാക്കാമോ;

(സി)  കടലിൽ അപകടത്തിൽപ്പെടുന്ന മത്സ്യത്തൊഴിലാളികളുടെ രക്ഷാപ്രവർത്തനങ്ങളും തിരച്ചിൽ പ്രവർത്തനങ്ങളും തോട്ടപ്പള്ളി ഹാർബർ കേന്ദ്രീകരിച്ചുകൊണ്ട് കൂടുതൽ മെച്ചപ്പെട്ടതാക്കാൻ എന്തെല്ലാം സംവിധാനം ഏർപ്പെടുത്താൻ കഴിയുമെന്ന് വിശദമായ പഠനം നടത്തി ആയത് നടപ്പിലാക്കാൻ തയ്യാറാകുമോയെന്ന് വ്യക്തമാക്കാമോ;

(ഡി)  ഹാർബർ അന്താരാഷ്ട്ര നിലവാരത്തിലേയ്ക്ക് ഉയർത്തുന്നതിനൊപ്പം ആഭ്യന്തര, വിദേശ വിനോദ സഞ്ചാരികളെ ആകർഷിക്കുന്ന തരത്തിലുള്ള ക്രമീകരണങ്ങൾ കൂടി പദ്ധതികളിൽ ഉൾക്കൊള്ളിക്കാൻ സാധിക്കുമോ ?

മഞ്ചേശ്വരം മത്സ്യബന്ധന തുറമുഖം

1044  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)   മഞ്ചേശ്വരം മത്സ്യബന്ധന തുറമുഖം പൂർണ്ണതോതിൽ പ്രവർത്തനസജ്ജമാക്കുന്നതിന് ഹാർബർ ബ്രിഡ്ജ് ആവശ്യമാണെന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  എങ്കിൽ പ്രസ്തുത ഹാർബർ ബ്രിഡ്ജ് നിർമ്മാണത്തിനായി ഇതുവരെ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കുമോ;

(സി)  ഈ പാലത്തിന്റെ നിർമ്മാണം നബാർഡ് ആർ.ഐ.ഡി.എഫ് (റൂറൽ ഇൻഫ്രാസ്ട്രക്ചർ ഡെവലപ്മെന്റ് ഫണ്ട്) ധനസഹായ പദ്ധതിയിൽ ഉൾപ്പെടുത്താനുള്ള നടപടികൾ സ്വീകരിക്കുമോ;

(ഡി)  പ്രസ്തുത പദ്ധതിക്കായി ഹാർബർ എൻജിനീയറിംഗ് ഡിപ്പാർട്ട്മെന്റ് മുഖേന വിശദമായ പദ്ധതി റിപ്പോർട്ട് (ഡി.പി.ആർ) തയ്യാറാക്കിയിട്ടുണ്ടോ; എങ്കിൽ അതിന്റെ നിലവിലെ അവസ്ഥ എന്താണെന്ന് വ്യക്തമാക്കാമോ?

കല്ല്യാശ്ശേരി മണ്ഡലത്തിലെ പുതിയങ്ങാടി ഫിഷിങ് ഹാ‍ർബർ

1045  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കല്ല്യാശ്ശേരി മണ്ഡലത്തിലെ പുതിയങ്ങാടിയില്‍ ഫിഷിങ് ഹാ‍ർബർ അനുവദിയ്ക്കുന്നത് സംബന്ധിച്ച് സമ‍ർപ്പിച്ച അപേക്ഷയിന്മേൽ സ്വീകരിച്ച നടപടികള്‍ വിശദമാക്കാമോ;

(ബി)  പുതിയങ്ങാടിയില്‍ ഫിഷിങ് ഹാ‍ർബർ അനുവദിയ്ക്കുന്നതിനായുള്ള നടപടികള്‍ ത്വരിതപ്പെടുത്തുമോ; വിശദാംശം നൽകുമോ?

ചാലിയം ഫിഷ് ലാന്‍ഡിംഗ് സെന്റര്‍

1046  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ സര്‍ക്കാരിന്റെ കാലത്ത് വനവത്ക്കരണത്തിന് പകരം ഭൂമി കണ്ടെത്തിയതും നിര്‍മ്മാണത്തിന് ബഡ്ജറ്റില്‍ തുക വകയിരുത്തിയിരുന്നതുമായ ചാലിയം ഫിഷ് ലാന്‍ഡിംഗ് സെന്ററിന്റെ നിര്‍മ്മാണ പ്രവൃത്തിയുടെ നിലവിലെ സ്ഥിതി എന്താണെന്ന് അറിയിക്കാമോ;

(ബി)  കേന്ദ്ര വനംപരിസ്ഥിതി മന്ത്രാലയത്തില്‍ നിന്നും ആവശ്യമായ അനുമതി നേടിയെടുക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കാമോ?

ബോട്ടുകളിൽ ടി.ഇ.ഡി. ഘടിപ്പിക്കൽ

1047  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ട്രോൾ ബോട്ടുകളിലെ ട്രോള്‍ വലകളില്‍ നിന്ന് ആമകളെ സുരക്ഷിതമായി വിടുന്നതിനുള്ള ഉപകരണം (ടി.ഇ.ഡി.) ഘടിപ്പിക്കുന്നതുമായി ബന്ധപ്പെട്ട് തീരദേശത്ത് നിലനിൽക്കുന്ന തെറ്റിദ്ധാരണകൾ ശ്രദ്ധയിൽപ്പെട്ടിട്ടുണ്ടോ;

(ബി)  ഇതിനകം എത്ര ബോട്ടുകളിൽ ടി.ഇ.ഡി. ഘടിപ്പിച്ചിട്ടുണ്ട്; വിശദമാക്കാമോ;

(സി)  ഇതു സംബന്ധിച്ച് മത്സ്യത്തൊഴിലാളികൾ ഉന്നയിച്ചിട്ടുള്ള പരാതികൾ എന്തെല്ലാമാണ്; വിശദമാക്കുമോ?

പരപ്പനങ്ങാടി തീരപ്രദേശത്തെ പുലിമുട്ട് നിർമ്മാണം

1048  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തിരൂരങ്ങാടി നിയോജക മണ്ഡലത്തിലെ പരപ്പനങ്ങാടി തീരപ്രദേശത്ത് നിലവിലുള്ള പുലിമുട്ടുകൾ ശക്തിപ്പെടുത്തുകയും, പുതിയവ നിർമ്മിക്കുകയും ചെയ്യുന്നതിനുള്ള നടപടികളുടെ നിലവിലെ സ്ഥിതി വിശദമാക്കാമോ;

(ബി)  ഇത് സംബന്ധിച്ച പഠനറിപ്പോർട്ട്, ഡി.പി.ആർ. എന്നിവ തയ്യാറാക്കിയിട്ടുണ്ടോയെന്ന് വ്യക്തമാക്കാമോ;

(സി)  പ്രദേശത്ത് മത്സ്യബന്ധന തുറമുഖനിർമ്മാണം നടക്കുന്നതിനാൽ തൊട്ടടുത്ത ഭാഗങ്ങളിൽ കടലാക്രമണം രൂക്ഷമാകുന്നത് തടയാൻ പുലിമുട്ട് നിർമ്മിക്കുന്നതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോയെന്ന് വിശദമാക്കാമോ?

മാവേലിക്കര മണ്ഡലത്തില്‍ മത്സ്യബന്ധന വകുപ്പ് നടപ്പിലാക്കിയ പ്രവൃത്തികള്‍

1049  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2021-26 കാലയളവിൽ മാവേലിക്കര മണ്ഡലത്തില്‍ മത്സ്യബന്ധന വകുപ്പ് നടപ്പിലാക്കിയ പ്രവൃത്തികളുടെ വിശദവിവരം ലഭ്യമാക്കുമോ;

(ബി)  പ്രസ്തുത പ്രവൃത്തികളില്‍ ഹാര്‍ബര്‍ എഞ്ചിനീയറിംഗ് ചുമതലയുള്ളതും കോസ്റ്റല്‍ ഏരിയ ഡെവലപ്മെന്റ് കോര്‍പ്പറേഷന്‍ ചുമതലയുള്ളതും ആയ പ്രവൃത്തികളുടെ തല്‍സ്ഥിതി വിവരം ലഭ്യമാക്കുമോ?

ചെല്ലാനം ഫിഷിംഗ് ഹാർബർ നവീകരണവും തീരദേശ റോഡുകളുടെ പുനരുദ്ധാരണവും

1050  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തീരദേശ റോഡുകളുടെ പുനരുദ്ധാരണ പദ്ധതിയിൽ ഉൾപ്പെടുത്തി ഭരണാനുമതി നൽകിയിട്ടുള്ള റോഡുകൾ ഏതെല്ലാമാണ്‌; അവയുടെ പ്രവൃത്തികൾ നിലവിൽ ഏത് ഘട്ടത്തിലാണ്‌; അവ എപ്പോൾ പൂർത്തീകരിക്കാനാണ് സമയപരിധി നിശ്ചയിച്ചിട്ടുള്ളതെന്നും വ്യക്തമാക്കാമോ;

(ബി)  ചെല്ലാനം ഫിഷിംഗ് ഹാർബറിൽ നബാർഡിന്റെ റൂറൽ ഇൻഫ്രാസ്ട്രക്ചർ ഡെവലപ്‌മെന്റ് ഫണ്ട് XXVII പദ്ധതിയിലുൾപ്പെടുത്തി നിർമ്മിക്കുന്ന ഓവർഹെഡ് വാട്ടർ ടാങ്കിന്റെ നിർമ്മാണം നിലവിൽ ഏത് ഘട്ടത്തിലാണ്; ഇതിന്റെ പ്രവൃത്തി പൂർത്തിയാക്കി ശുദ്ധജല വിതരണം എപ്പോൾ ആരംഭിക്കാൻ സാധിക്കും; വിശദമാക്കാമോ;

(സി)  പ്രസ്തുത ഹാർബറിൽ നിലവിലുള്ള രണ്ട് ശൗചാലയ ബ്ലോക്കുകൾ അടിയന്തരമായി അറ്റകുറ്റപ്പണി നടത്തി പ്രവർത്തനക്ഷമമാക്കാൻ ഫണ്ട് അനുവദിച്ചിട്ടുണ്ടോ; അതോടൊപ്പം ആധുനിക നിലവാരത്തിലുള്ള പുതിയ ശൗചാലയ സമുച്ചയം നിർമ്മിക്കുന്നതിന് ഹാർബർ എഞ്ചിനീയറിംഗ് വകുപ്പ് പ്രൊപ്പോസൽ തയ്യാറാക്കുകയോ സ്ഥലം സന്ദർശിച്ച് പരിശോധന നടത്തുകയോ ചെയ്തിട്ടുണ്ടോ; വിശദമാക്കാമോ;

(ഡി)  റൂറൽ ഇൻഫ്രാസ്ട്രക്ചർ ഡെവലപ്‌മെന്റ് ഫണ്ട് പദ്ധതിയിൽ ഉൾപ്പെടുത്തി ചെല്ലാനം ഫിഷിംഗ് ഹാർബർ നവീകരണത്തിനായി തത്വത്തിൽ അനുമതി നൽകിയ 71 കോടി രൂപയുടെ പദ്ധതിയുടെ നിലവിലെ പുരോഗതി എന്താണ്; പ്രസ്തുത പദ്ധതിക്ക് ഭരണാനുമതിയും സാങ്കേതികാനുമതിയും ലഭിച്ചിട്ടുണ്ടോയെന്നും നിർമ്മാണപ്രവൃത്തികൾ എന്നത്തേക്ക് ആരംഭിക്കാൻ സാധിക്കുമെന്നും വ്യക്തമാക്കാമോ?