പുനലൂർ മണ്ഡലത്തിലെ കെ.എസ്.ഇ.ബി.യുടെ പ്രവർത്തനങ്ങൾ

542  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പുനലൂർ മണ്ഡലത്തിലുൾപ്പെട്ട അച്ചൻകോവിൽ പ്രദേശത്തെ വൈദ്യുതി തടസത്തിനു ശാശ്വത പരിഹാരം കാണാൻ ചെമ്പനരുവി മുതൽ അച്ചൻകോവിൽ വരെ വനമേഖലയിലൂടെ 17 കി.മീ ദൂരം 11 കെ.വി ഭൂഗർഭ കേബിൾ സ്ഥാപിക്കുന്നതിനോ തമിഴ്‌നാട്ടിൽ നിന്നുള്ള ഇന്റർ സ്റ്റേറ്റ് 11 കെ.വി. ലൈൻ വഴി വൈദ്യുതി ലഭ്യമാക്കുന്നതിനോ കെ.എസ്.ഇ.ബി. പദ്ധതികൾ സമർപ്പിച്ചിട്ടുണ്ടോ; ഉണ്ടെങ്കിൽ ആയത് സംബന്ധിച്ച വിശദാംശവും നിലവിലെ സ്ഥിതിയും അറിയിക്കാമോ;

(ബി)  പുനലൂർ പേപ്പർ മിൽ സബ് സ്റ്റേഷൻ കെ.എസ്.ഇ.ബി ലിമിറ്റഡ് ഏറ്റെടുക്കുന്നതിനുള്ള നടപടികളിലെ പുരോഗതി വ്യക്തമാക്കാമോ?

പള്ളുരുത്തി ഇലക്ട്രിക്കൽ സെക്ഷൻ വിഭജനവും മട്ടാഞ്ചേരിയിലെ വൈദ്യുതീകരണ പദ്ധതികളും

543  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പള്ളുരുത്തി ഇലക്ട്രിക്കൽ സെക്ഷൻ വിഭജിച്ച് ഇടക്കൊച്ചി ഇലക്ട്രിക്കൽ സെക്ഷൻ രൂപീകരിക്കുന്നതിന് ഒൻപത് വർഷം മുമ്പ് സംസ്ഥാന വൈദ്യുതി ബോർഡ് ഉത്തരവിറക്കിയിരുന്നുവെങ്കിലും നാളിതുവരെ അത് നടപ്പിലായിട്ടില്ലയെന്നത് ശ്രദ്ധയിൽപ്പെട്ടിട്ടുണ്ടോ; ഇത് നടപ്പിലാക്കുന്നതിനുള്ള തീരുമാനം ഉടൻ ഉണ്ടാകുമോ; വ്യക്തമാക്കുമോ;

(ബി)  മട്ടാഞ്ചേരിയിലെ വൈദ്യുതി വിതരണം മെച്ചപ്പെടുത്തുന്നതിനായി പ്രസരണ മേഖലയിൽ നടത്തുന്ന പ്രവർത്തനങ്ങൾ എന്തൊക്കെയാണെന്നും അവ എപ്പോൾ പൂർത്തീകരിക്കുമെന്നും വിശദീകരിക്കാമോ;

(സി)  മട്ടാഞ്ചേരിയിൽ എവിടെയെങ്കിലും പുതിയ സബ്‌സ്റ്റേഷനുകൾ സ്ഥാപിക്കാൻ ഉദ്ദേശിക്കുന്നുണ്ടോ?

കാസർഗോഡ് ജില്ലയിലെ വൈദ്യുതി ക്ഷാമം പരിഹരിക്കുന്നതിനുള്ള പദ്ധതി

544  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കാസർഗോഡ് ജില്ലയിലെ വൈദ്യുതിക്ഷാമത്തിന് പരിഹാരമായി നടപ്പിലാക്കുന്ന വിവിധ പദ്ധതികൾ ഏതൊക്കെയാണെന്ന് വ്യക്തമാക്കാമോ;

(ബി)  മഞ്ചേശ്വരം നിയോജകമണ്ഡലത്തിൽ എവിടെയൊക്കെയാണ് നിലവിൽ സബ് സ്റ്റേഷൻ നിർമ്മിക്കാൻ ഉദ്ദേശിക്കുന്നതെന്നും അത് എത്ര കെ.വി.യുടേതാണെന്നും വ്യക്തമാക്കാമോ;

(സി)  പ്രസ്തുത പദ്ധതികൾ നടപ്പിലാക്കുന്നതിന് എന്തെങ്കിലും തടസ്സങ്ങൾ നിലവിലുണ്ടോ; ഉണ്ടെങ്കില്‍ ഈ തടസ്സങ്ങൾ നീക്കി പദ്ധതികൾ സമയബന്ധിതമായി പൂർത്തിയാക്കാൻ എന്തെല്ലാം നടപടികളാണ് സ്വീകരിക്കുന്നതെന്ന് വ്യക്തമാക്കാമോ;

(ഡി)  സീതാംഗോളി സെക്ഷൻ ഓഫീസ് നിലവിൽ ശോചനീയാവസ്ഥയിലുള്ള വാടക മുറിയിൽ പ്രവർത്തിക്കുന്നത് ശ്രദ്ധയിൽപ്പെട്ടിട്ടുണ്ടോ; ഇതിന് പരിഹാരമായി പുതിയ കെട്ടിടം നിർമ്മിക്കാനുള്ള നടപടികൾ സ്വീകരിച്ചിട്ടുണ്ടോ; വിശദമാക്കാമോ?

കെ.എസ്.ഇ.ബി.-യുടെ സേവനങ്ങൾ കാര്യക്ഷമമാക്കുന്നതിനുള്ള നടപടികൾ

545  ശ്രീ. സനീഷ്‌കുമാര്‍ ജോസഫ്
ശ്രീ. കെ. ജയന്ത്
ശ്രീമതി ഉഷ വിജയൻ
ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കെ.എസ്.ഇ.ബി.യുടെ ഉപഭോക്തൃ സേവനങ്ങൾ, പരാതിപരിഹാരം, ഓൺലൈൻ സേവനങ്ങൾ എന്നിവ കൂടുതൽ കാര്യക്ഷമമാക്കാൻ എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ബി)  വൈദ്യുതി മുടക്കമില്ലാതെ നൽകുന്നതിനും പുതിയ വൈദ്യുതി കണക്ഷനുകൾ ലഭിക്കുന്നതിലെ കാലതാമസം ഒഴിവാക്കുന്നതിനും കെ.എസ്.ഇ.ബി. സ്വീകരിച്ച പ്രധാന നടപടികൾ എന്തൊക്കെയാണ്; വിശദമാക്കാമോ;

(സി)  വൈദ്യുതി തൂണുകളും ലൈനുകളും അപകടാവസ്ഥയിലുള്ള പ്രദേശങ്ങളിൽ അടിയന്തര അറ്റകുറ്റപ്പണികൾ സമയബന്ധിതമായി പൂർത്തിയാക്കുന്നതിന് എന്ത് സംവിധാനങ്ങളാണ് നിലവിലുള്ളത്; വിശദാംശങ്ങൾ ലഭ്യമാക്കാമോ?

മുൻസർക്കാരുകളുടെ കാലയളവിലെ വൈദ്യുതി നിയന്ത്രണങ്ങൾ

546  ശ്രീ. കെ. പി. നൗഷാദ് അലി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  2016-2021, 2021-2026 സർക്കാരുകളുടെ കാലയളവിൽ സംസ്ഥാനത്ത് ഏതെങ്കിലും തരത്തിലുള്ള വൈദ്യുതി നിയന്ത്രണങ്ങൾ,പ്രഖ്യാപിത/അപ്രഖ്യാപിത ലോഡ്ഷെഡ്ഡിംഗ്, പവർകട്ട് ഏർപ്പെടുത്തിയിരുന്നോ; വിശദാംശങ്ങൾ വ്യക്തമാക്കാമോ;

(ബി)  എങ്കിൽ, ഏതൊക്കെ കാലയളവുകളിലായിരുന്നുവെന്നും എന്തൊക്കെ കാരണങ്ങളാലാണ് ഇത്തരം നിയന്ത്രണങ്ങൾ ഏർപ്പെടുത്തേണ്ടി വന്നതെന്നും വ്യക്തമാക്കാമോ;

(സി)  പ്രസ്തുത കാലയളവിൽ ഗാർഹിക, വ്യവസായ, കാർഷിക മേഖലകളിൽ ഏർപ്പെടുത്തിയ പ്രതിദിന/പ്രതിമാസ വെട്ടിക്കുറവുകളുടെയും നിയന്ത്രണങ്ങളുടെയും കണക്കുകൾ ലഭ്യമാക്കാമോ?

മുൻ സർക്കാരുകളുടെ കാലഘട്ടത്തിലെ വൈദ്യുതി നിരക്ക് വർധന

547  ശ്രീ. കെ. ജയന്ത് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെയുള്ള ഭരണകാലഘട്ടത്തിൽ സംസ്ഥാനത്ത് എത്ര തവണ വൈദ്യുതി നിരക്ക് വർധിപ്പിച്ചിട്ടുണ്ട്; ഓരോ തവണയും എത്ര തുകയാണ് വർധിപ്പിച്ചത്; പ്രസ്തുത ഇനത്തിൽ ലഭിച്ച അധിക വരുമാനത്തിന്റെ വിശദാംശങ്ങൾ വ്യക്തമാക്കുമോ;

(ബി)  വൈദ്യുതി നിരക്ക് വർധനയ്ക്കു പുറമെ, വിവിധ വൈദ്യുതി സേവനങ്ങളുമായി ബന്ധപ്പെട്ട ഫീസുകൾ ഉൾപ്പെടെയുള്ളവയിൽ ഈ കാലയളവിൽ എന്തൊക്കെ വർധനവുകളാണ് വരുത്തിയിട്ടുള്ളത്; ഓരോ ഇനത്തിലും ലഭിച്ച അധിക വരുമാനത്തിന്റെ വിശദാംശങ്ങൾ വ്യക്തമാക്കുമോ?

വൈദ്യുതി നിയന്ത്രണം

548  ശ്രീ. വിഷ്ണു മോഹൻ
ശ്രീ. ഉല്ലാസ് കോവൂർ
ശ്രീ. വി. കുഞ്ഞികൃഷ്ണൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വൈദ്യുതി നിയന്ത്രണം ഏർപ്പെടുത്തേണ്ടി വന്ന സാഹചര്യം വിശദമാക്കാമോ;

(ബി)  ആകെ ആവശ്യമുള്ള വൈദ്യുതിയുടെ എത്ര ശതമാനമാണ് സംസ്ഥാനത്ത് ഉൽപ്പാദിപ്പിക്കുന്നതെന്ന് വ്യക്തമാക്കാമോ;

(സി)  സംസ്ഥാനത്തെ വൈദ്യുതി ദൗർലഭ്യം പരിഹരിക്കുന്നതിനായി ഹ്രസ്വകാല, ദീർഘകാല പദ്ധതികൾ പരിഗണനയിലുണ്ടോ; വിശദീകരിക്കാമോ?

വൈദ്യുതി പ്രതിസന്ധി

549  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ നിലവിലുളള വൈദ്യുതി പ്രതിസന്ധിയുടെ കാരണം വ്യക്തമാക്കാമോ;

(ബി)  ഈ വൈദ്യുതി പ്രതിസന്ധി മറികടക്കുന്നതിന് സര്‍ക്കാര്‍ ഇതുവരെ സ്വീകരിച്ച നടപടികള്‍ വ്യക്തമാക്കാമോ;

(സി)  വൈദ്യുതി പ്രതിസന്ധി ശാശ്വതമായി പരിഹരിക്കാന്‍ സര്‍ക്കാര്‍ ആവിഷ്ക്കരിക്കുന്ന നടപടികള്‍ വ്യക്തമാക്കാമോ?

ഇന്ത്യാനൂര്‍ ഇലക്ട്രിക്കല്‍ സെക്ഷന്‍ രൂപീകരണം

550  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കോട്ടക്കൽ കെ‌.എസ്‌.ഇ‌.ബി. സെക്ഷന്‍ വിഭജിച്ച് ഇന്ത്യാനൂര്‍ ഇലക്ട്രിക്കല്‍ സെക്ഷന്‍ രൂപീകരിക്കുന്നതുമായി ബന്ധപ്പെട്ട് സമർപ്പിച്ച പ്രൊപ്പോസലിന്മേൽ സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കാമോ;

(ബി)  ഇന്ത്യാനൂര്‍ ഇലക്ട്രിക്കല്‍ സെക്ഷന്‍ രൂപീകരിക്കുന്നതുമായി ബന്ധപ്പെട്ട നടപടികൾ ഏതു ഘട്ടത്തിൽ ആണെന്ന് വ്യക്തമാക്കുമോ; മുപ്പത്തയ്യായിരത്തോളം ഉപഭോക്താക്കള്‍ പരിധിയിലുള്ള കോട്ടക്കല്‍ സെക്ഷന്‍ വിഭജിച്ച് പുതിയ സെക്ഷന്‍ രൂപീകരിക്കുന്നതിന് സത്വര നടപടി സ്വീകരിക്കുമോ;പ്രസ്തുത വിഷയം സംബന്ധിച്ച് തിരുവനന്തപുരം വൈദ്യുതി ഭവനിലും വകുപ്പിലും ഉള്ള ഫയലിന്റെ പകർപ്പ് ലഭ്യമാക്കാമോ?

എടയൂർ 110 കെ.വി. സബ്സ്റ്റേഷന്‍ നിർമ്മാണം

551  പ്രൊഫ. ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കോട്ടക്കൽ നിയോജക മണ്ഡലത്തിലെ വൈദ്യുതി ക്ഷാമം പരിഹരിക്കുന്നതിനും വ്യാവസായിക മുന്നേറ്റത്തിന് വഴിയൊരുക്കുന്നതിനും സഹായകരമാകുന്ന എടയൂർ 110 കെ.വി സബ്സ്റ്റേഷന്‍ നിര്‍മ്മാണവുമായി ബന്ധപ്പെട്ട വിഷയത്തിൽ നാളിതുവരെ സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ;

(ബി)  പ്രസ്തുത സബ്സ്റ്റേഷന്റെ നിര്‍മ്മാണത്തിന് ആവശ്യമായ സ്ഥലം ലഭ്യമാക്കുന്നതിന് വകുപ്പ് തലത്തിൽ സ്വീകരിച്ച നടപടികളുടെ വിശദാംശം ലഭ്യമാക്കുമോ; എടയൂർ 110 കെ.വി സബ്സ്റ്റേഷന്‍ വേഗത്തില്‍ യാഥാര്‍ത്ഥ്യമാക്കുന്നതിന് നടപടി സ്വികരിക്കുമോ?

കുന്ദമംഗലം മണ്ഡലത്തിലെ കുറ്റിക്കാട്ടൂർ കേന്ദ്രീകരിച്ച് പുതിയ കെ.എസ്.ഇ.ബി. സെക്ഷൻ ഓഫീസ്

552  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കുന്ദമംഗലം മണ്ഡലത്തിലെ കോവൂർ, കുന്ദമംഗലം കെ.എസ്.ഇ.ബി. സെക്ഷനുകളിലെ ജനബാഹുല്യവും ഉപഭോക്താക്കളുടെ അമിത വർദ്ധനവും കാരണം വൈദ്യുതി വിതരണത്തിലും പരാതി പരിഹരിക്കുന്നതിലും നേരിടുന്ന പ്രയാസങ്ങൾ ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത യാത്രാ-സേവന പ്രയാസങ്ങൾക്ക് പരിഹാരമായി കുറ്റിക്കാട്ടൂർ കേന്ദ്രീകരിച്ച് പുതിയ കെ.എസ്.ഇ.ബി. സെക്ഷൻ ഓഫീസ് അനുവദിക്കണമെന്നാവശ്യപ്പെട്ട് നൽകിയ നിവേദനത്തിൽ എന്തെല്ലാം തുടർനടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)  കുറ്റിക്കാട്ടൂർ പുതിയ സെക്ഷൻ രൂപീകരണവുമായി ബന്ധപ്പെട്ട് കെ.എസ്.ഇ.ബി. അധികൃതർ പഠനമോ സർവേയോ നടത്തി റിപ്പോർട്ട് സമർപ്പിച്ചിട്ടുണ്ടോ; ഉണ്ടെങ്കിൽ റിപ്പോർട്ടിലെ പ്രധാന കണ്ടെത്തലുകൾ എന്തൊക്കെയാണെന്ന് അറിയിക്കാമോ;

(ഡി)  പ്രദേശവാസികളുടെ ദീർഘകാല ആവശ്യമായ കുറ്റിക്കാട്ടൂർ കെ.എസ്.ഇ.ബി. സെക്ഷൻ ഓഫീസ് തത്വത്തിൽ അംഗീകരിച്ച് അടിയന്തരമായി അനുമതി നൽകുന്നതിന് എന്തെല്ലാം നടപടികളാണ് സ്വീകരിച്ചു വരുന്നത് എന്ന് വിശദമാക്കാമോ?

കെ.എസ്.ഇ.ബി.യുടെ വാഹന ചാർജിംഗ് സ്റ്റേഷനുകളുടെ പ്രവർത്തനവും ഉപകരണങ്ങളുടെ വാറന്റിയും

553  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ കേരള സ്റ്റേറ്റ് ഇലക്ട്രിസിറ്റി ബോർഡ് ലിമിറ്റഡിന്റെ ഉടമസ്ഥതയിൽ എത്ര ഇലക്ട്രിക് വാഹന ചാർജിംഗ് സ്റ്റേഷനുകളാണ് സ്ഥാപിച്ചിട്ടുള്ളത്; ഇതിൽ നിലവിൽ എത്രയെണ്ണം പ്രവർത്തനക്ഷമമാണ് എന്ന് വ്യക്തമാക്കാമോ;

(ബി)  ഇത്തരം വാഹന ചാർജിംഗ് ഉപകരണങ്ങൾക്ക് വാറന്റി ലഭ്യമാണോ;എങ്കിൽ എത്ര കാലയളവാണ് വാറന്റി നിശ്ചയിച്ചിട്ടുള്ളത്;

(സി)  വാറന്റി കാലയളവിനുള്ളിൽ തകരാറിലായ/പ്രവർത്തനം നിലച്ച ചാർജിംഗ് മെഷീനുകൾ വേഗത്തിൽ പ്രവർത്തനക്ഷമമാക്കുന്നതിനായി കരാർ കമ്പനികൾക്കെതിരെയും അറ്റകുറ്റപ്പണികൾക്കുമായി കെ.എസ്.ഇ.ബി. സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ?

കുറ്റ്യാടി വൈദ്യുതി നിലയത്തിന്റെ സുരക്ഷ

554  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കുറ്റ്യാടി വൈദ്യുത നിലയത്തിലെ ജനറേറ്ററുകൾക്ക് സാങ്കേതിക തകരാറുകളുണ്ടാകാതെ പ്രവർത്തിപ്പിക്കുന്നതിനും അതുവഴി മലബാർ മേഖലയിലെ വൈദ്യുതി വിതരണം തൃപ്തികരമായി നിലനിർത്തുന്നതിനും സ്വീകരിച്ച നടപടികൾ വ്യക്തമാക്കുമോ;

(ബി)  കനത്ത മഴയും ഉരുൾപൊട്ടലും ഉണ്ടാകുന്ന പക്ഷം മലയോരമേഖലകളിലെ ട്രാൻസ്മിഷൻ ലൈനുകൾ തകരാറാകാതെ കാത്തുസൂക്ഷിക്കുന്നതിനും പവർ ഹൗസുകളിൽ വെള്ളം കയറാതിരിക്കുന്നതിനുമായി സ്വീകരിച്ച സുരക്ഷാ ക്രമീകരണങ്ങൾ വ്യക്തമാക്കുമോ?

വൈദ്യുതി വിതരണ പ്രതിസന്ധി

555  ശ്രീ. ബി. ബി. ഗോപകുമാർ
ശ്രീ. രാജീവ് ചന്ദ്രശേഖർ
ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  വൈദ്യുതി തടസ്സങ്ങൾ കുറയ്ക്കുന്നതിനും പഴയ ട്രാൻസ്‌ഫോർമറുകളും വൈദ്യുതി ലൈനുകളും നവീകരിക്കുന്നതിനുമായി ജില്ലാതലത്തിൽ പ്രത്യേക പദ്ധതികൾ നടപ്പാക്കുന്നുണ്ടോ; വിശദമാക്കാമോ;

(ബി)  സൗരോർജ വൈദ്യുതി പ്രോത്സാഹിപ്പിക്കുന്നതിനായി സർക്കാർ സ്വീകരിച്ച നടപടികൾ എന്തൊക്കെയാണ്; വിശദമാക്കാമോ;

(സി)  ഗാർഹിക റൂഫ്‌ടോപ്പ് സോളാർ കണക്ഷനുകൾ വർധിക്കുന്നതിന്റെ ഭാഗമായി നിലവിലുള്ള ട്രാൻസ്ഫോർമറുകളുടെ ശേഷി അപര്യാപ്തമാകുന്ന സാഹചര്യം സംസ്ഥാനത്ത് എത്രയിടങ്ങളിൽ കണ്ടെത്തിയിട്ടുണ്ട്,ഇത്തരം പ്രദേശങ്ങളിൽ ട്രാൻസ്ഫോർമർ ശേഷി വർധിപ്പിക്കൽ, അധിക ട്രാൻസ്ഫോർമർ സ്ഥാപിക്കൽ തുടങ്ങിയ നടപടികൾ സ്വീകരിക്കുന്നുണ്ടോ,

(ഡി)  ട്രാൻസ്‌ഫോർമർ ശേഷിയില്ലെന്ന കാരണത്താൽ സോളാർ കണക്ഷൻ ലഭിക്കുന്നതിന് കാലതാമസം നേരിടുന്ന ഉപഭോക്താക്കളുടെ എണ്ണം സംബന്ധിച്ച കണക്കുകൾ കെ.എസ്.ഇ.ബി-യുടെ കൈവശമുണ്ടോ; വിശദമാക്കാമോ;

(ഇ)  സോളാർ കണക്ഷനുള്ള അപേക്ഷകൾ വർധിക്കുന്ന സാഹചര്യത്തിൽ പ്രാദേശിക വൈദ്യുതി ശൃംഖലയുടെ ശേഷി മുൻകൂട്ടി വർധിപ്പിക്കുന്നതിനായി കെ.എസ്.ഇ.ബി. പ്രത്യേക പദ്ധതി തയ്യാറാക്കിയിട്ടുണ്ടോ; വിശദമാക്കാമോ?

തിരുവല്ല നിയോജകമണ്ഡലത്തിലെ കിന്‍ഫ്രാ ഇന്‍ഡസ്ട്രിയല്‍ പാർക്കിനു വൈദ്യുതി കണക്ഷന്‍

556  ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവല്ല നിയോജകമണ്ഡലത്തിലെ കിന്‍ഫ്രാ ഇന്‍ഡസ്ട്രിയല്‍ പാർക്ക് തുറന്ന് പ്രവർത്തിക്കാന്‍ ആവശ്യമായ വൈദ്യുതി കണക്ഷനും ട്രാന്‍സ്ഫോർമറുകളും സ്ഥാപിക്കുന്ന നടപടികള്‍ സംബന്ധിച്ച വിശദാംശം അറിയിക്കാമോ;

(ബി)  പ്രസ്തുത പാർക്കിലേക്ക് വൈദ്യുതി ലഭ്യമാക്കുന്ന പദ്ധതി ഇപ്പോള്‍ ഏത് ഘട്ടത്തിലാണെന്ന് അറിയിക്കാമോ; പ്രത്യേക മുന്‍ഗണന നല്കി വൈദ്യുതി ലഭ്യത ഉറപ്പാക്കാന്‍ നടപടികള്‍ ത്വരിതപ്പെടുത്താമോ?

വൈദ്യുതി പ്രതിസന്ധി

557  ശ്രീ. എം. റഹ്മത്തുളള
ശ്രീ. പി .എം. എ. സമീർ
ശ്രീ. ഫൈസൽ ബാബു
ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനം നിലവില്‍ നേരിടുന്ന ഗുരുതരമായ വൈദ്യുതി പ്രതിസന്ധിയുടെ കാരണങ്ങള്‍ വിലയിരുത്തിയിട്ടുണ്ടോ; വിശദമാക്കാമോ;

(ബി)  ഡാം മാനേജ്‍മെന്റില്‍ കെ. എസ്.ഇ.ബി.യ്ക്ക് പിഴവ് ഉണ്ടായിട്ടുണ്ടോ എന്ന് വിലയിരുത്തിയിട്ടുണ്ടോ; വിശദമാക്കാമോ;

(സി)  കഴിഞ്ഞ വര്‍ഷം കേന്ദ്രവിഹിതമായി ലഭിച്ച വൈദ്യുതി വാങ്ങേണ്ടതില്ലെന്ന് തീരുമാനിച്ചിരുന്നോ; വിശദമാക്കാമോ;

(ഡി)  വൈദ്യുതി പ്രതിസന്ധി തരണം ചെയ്യുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ?

വള്ളിക്കുന്ന് നിയോജകമണ്ഡലത്തിലെ കെഎസ്ഇബി പദ്ധതികൾ

558  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരമേറ്റ ശേഷം വോൾട്ടേജ് ക്ഷാമം പരിഹരിക്കാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

(ബി)  വള്ളിക്കുന്ന് നിയോജകമണ്ഡലത്തിലെ പള്ളിക്കൽ പഞ്ചായത്തിലെ കുമ്മിണി പറമ്പിൽ ഒരു ട്രാൻസ്ഫോമർ സ്ഥാപിക്കുന്നതിന് നടപടി സ്വീകരിച്ചിട്ടുണ്ടോ;വിശദമാക്കാമോ;

(സി)  വള്ളിക്കുന്ന് ഗ്രാമപഞ്ചായത്തിൽ 33 കെവി സബ്സ്റ്റേഷൻ നിർമ്മിക്കുന്നതിന് നിലവിൽ എന്തെങ്കിലും തടസ്സമുണ്ടോ വിശദമാക്കാമോ;

(ഡി)  പ്രസ്തുത മണ്ഡലത്തിൽ ധ്യുതി പദ്ധതിയിൽ ഏതൊക്കെ വർക്കുകൾ നടക്കുന്നുണ്ട്;

(ഇ)  പ്രസ്തുത മണ്ഡലത്തിൽ ആർ.ഡി.എസ്. സ്‌കീമിൽ ഏതൊക്കെ വർക്കുകൾ നടക്കുന്നുണ്ട്? വിശദമാക്കാമോ?

വൈദ്യുതി മേഖലയുടെ സ്വകാര്യവല്ക്കരണം

559  ശ്രീ. എ. സി. മൊയ്തീന്‍
ശ്രീ. സേവ്യര്‍ ചിറ്റിലപ്പിള്ളി
ശ്രീ. കെ. പ്രേമൻ
ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കെ.എസ്.ഇ.ബി.-യെ ബോംബെ, നാഷണല്‍ ഓഹരി വിപണികളില്‍ ലിസ്റ്റ് ചെയ്യണമെന്ന കേന്ദ്ര സര്‍ക്കാരിന്റെ നിര്‍ദ്ദേശം സംസ്ഥാനത്തെ വൈദ്യുതി മേഖലയുടെ പൂര്‍ണ്ണമായ സ്വകാര്യവല്ക്കരണത്തിന് വഴിയൊരുക്കുമെന്ന ആശങ്ക സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)  വൈദ്യുതി വിതരണം പൂര്‍ണമായി സ്വകാര്യവല്ക്കരിക്കുന്നതിനായി കേന്ദ്രം മുന്നോട്ട് വെച്ച ഏഴിന കരട് നിര്‍ദേശങ്ങള്‍ക്ക് സംസ്ഥാന സര്‍ക്കാര്‍ അനുകൂലമായ മറുപടി നല്‍കാന്‍ തീരുമാനിച്ചിട്ടുണ്ടോ എന്ന കാര്യത്തില്‍ വ്യക്തത വരുത്താമോ;

(സി)  സര്‍ക്കാര്‍ പുറത്തിറക്കിയ ധവളപത്രത്തില്‍ പൊതുമേഖലാ സ്ഥാപനങ്ങളുടെ ഓഹരികള്‍ വിറ്റഴിക്കുന്നതിനെക്കുറിച്ച് പരാമര്‍ശിച്ചിട്ടുള്ളത്, വൈദ്യുതി ഉൽപ്പാദന-വിതരണ മേഖലകളിലെ വന്‍കിട സ്വകാര്യ കമ്പനികളെ സഹായിക്കാനുള്ള നീക്കത്തിന്റെ ഭാഗമാണെന്ന വിമര്‍ശനം ശ്രദ്ധയിൽപ്പെട്ടിട്ടുണ്ടോ;

(ഡി)  സംസ്ഥാനത്തിന് അധികമായി അനുവദിക്കുന്ന വായ്പാ പരിധിക്കായി കെ.എസ്.ഇ.ബി.-യുടെ ബാധ്യതകള്‍ ഏറ്റെടുത്തുകൊണ്ട് വൈദ്യതി വിതരണം പൂർണമായി സ്വകാര്യവല്‍ക്കരിക്കാനുള്ള സമ്മതപത്രം നല്‍കാനും, മുന്‍ സര്‍ക്കാര്‍ ഉപേക്ഷിച്ച സ്വകാര്യവല്‍ക്കരണ മാതൃകയിലുള്ള (ടോട്ടെക്സ്) സ്മാര്‍ട്ട് മീറ്റര്‍ പദ്ധതി സംസ്ഥാനത്ത് നടപ്പാക്കാനും സര്‍ക്കാര്‍ തയ്യാറാകുന്നുണ്ടോ എന്ന് വ്യക്തമാക്കാമോ?

നെല്ലിക്കുന്ന് ശിവപാര്‍വ്വതി ശിലാക്ഷേത്രത്തിന് വൈദ്യുതി കണക്ഷന്‍

560  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ആറ്റിങ്ങൽ നിയോജകമണ്ഡലത്തിലെ കരവാരം നെല്ലിക്കുന്ന് ശിവപാര്‍വ്വതി ശിലാക്ഷേത്രത്തിന് വൈദ്യുതി കണക്ഷന്‍ ലഭ്യമാക്കണം എന്ന അപേക്ഷ ലഭിച്ചിട്ടുണ്ടോ; എങ്കിൽ കണക്ഷന്‍ നല്‍കുന്നതിന് നേരിടുന്ന ബുദ്ധിമുട്ടുകള്‍ വ്യക്തമാക്കാമോ?

അരുവിക്കര നിയോജക മണ്ഡലത്തിലെ കെ.എസ്.ഇ.ബി. സെക്ഷന്‍ ഓഫീസുകള്‍

561  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  അരുവിക്കര നിയോജക മണ്ഡലത്തില്‍ സ്വന്തമായി കെട്ടിടമില്ലാത്ത കെ.എസ്.ഇ.ബി.സെക്ഷന്‍ ഓഫീസുകള്‍ ഏതെല്ലാമെന്ന് അറിയിക്കുമോ; ഈ സ്ഥലങ്ങളില്‍ സ്വന്തമായി കെട്ടിടം സ്ഥാപിക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമെന്ന് വിശദമാക്കാമോ?

തിരൂരങ്ങാടി നിയോജക മണ്ഡലത്തിലെ ജനവാസ മേഖലയിലൂടെ കടന്നുപോകുന്ന ത്രീ ഫേസ് എല്‍ടി ലൈൻ

562  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  തിരൂരങ്ങാടി നിയോജക മണ്ഡലത്തിൽപ്പെട്ട തിരൂരങ്ങാടി കെ.എസ്.ഇ.ബി. സെക്ഷന് കീഴിലുള്ളതും കൊടിഞ്ഞി അൽ അമീൻ നഗറിൽ ഊർപ്പായി റോഡിൽ നിന്നും ആരംഭിക്കുന്നതുമായ ജനവാസ മേഖലയിലൂടെയുള്ള ത്രീ ഫേസ് എല്‍ടി ലൈൻ അപകടരഹിതമാക്കുന്നതിന് വേണ്ടി സ്വീകരിച്ച നടപടികളെന്തെല്ലാം; വിശദമാക്കാമോ;

(ബി)  പ്രദേശത്തുകൂടി നടന്നു പോകുന്ന വിദ്യാർത്ഥികൾക്കും മറ്റും മുൻപ് വൈദ്യുതി ഷോക്ക് ഉണ്ടായിട്ടുള്ള സാഹചര്യത്തിൽ ഈ വിഷയത്തിൽ അടിയന്തര നടപടികൾ സ്വീകരിക്കണമെന്നാവശ്യപ്പെട്ട് ബഹു. വൈദ്യുതി വകുപ്പ് മന്ത്രിക്കും കെ.എസ്.ഇ.ബി. ചെയർമാനും എം.എൽ.എ. നൽകിയ പരാതികളിൽ എന്തെല്ലാം നടപടികളാണ് സ്വീകരിച്ചത്; വിശദമാക്കാമോ;

(സി)  ഈ അടിയന്തര സാഹചര്യമുള്ള പ്രവർത്തി എന്നേക്ക് പൂർത്തീകരിക്കുമെന്ന് വിശദമാക്കാമോ;

(ഡി)  തിരൂരങ്ങാടി നിയോജകമണ്ഡലത്തിലെ പരപ്പനങ്ങാടി, തിരൂരങ്ങാടി, വെന്നിയൂർ, എടരിക്കോട് കെ.എസ്.ഇ.ബി. സെക്ഷനുകൾക്ക് കീഴിൽ സമാന സ്വഭാവം ഉള്ള മറ്റു പ്രവർത്തികൾ ഉള്ളതായി ശ്രദ്ധയിൽ വന്നിട്ടുണ്ടോ; ഇവ പരിഹരിക്കുന്നതിന് എന്തെല്ലാം നടപടികൾ ആണ് സ്വീകരിച്ചിട്ടുള്ളത്; വിശദമാക്കാമോ?

സംസ്ഥാനത്തെ വൈദ്യുതി പ്രതിസന്ധി

563  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് 2026 ജൂലൈ, ആഗസ്റ്റ്, സെപ്റ്റംബർ മാസങ്ങളിലെ ശരാശരി വൈദ്യുതി ഉപഭോഗം എത്ര മെഗാവാട്ടാണ്;

(ബി)  പവർകട്ട് ഏർപ്പെടുത്തിയതിലൂടെ ഓരോ മാസവും ശരാശരി എത്ര മെഗാവാട്ട് വൈദ്യുതി ഉപഭോഗം കുറയ്ക്കാൻ കഴിഞ്ഞിട്ടുണ്ട്;

(സി)  2025 ജൂലൈ, ആഗസ്റ്റ്, സെപ്റ്റംബർ മാസങ്ങളിൽ ഓരോ മാസത്തെയും ശരാശരി വൈദ്യുതി ഉപഭോഗം എത്ര മെഗാവാട്ടായിരുന്നു;

(ഡി)  വൈദ്യുതി പ്രതിസന്ധി തരണം ചെയ്യുന്നതിനായി ഇതുവരെ സ്വീകരിച്ച നടപടികൾ എന്തൊക്കെയാണ്; വിശദാംശങ്ങൾ വ്യക്തമാക്കാമോ;

(ഇ)  നിലവിലുള്ള പവർകട്ട് എന്നത്തേക്ക് ഒഴിവാക്കാൻ കഴിയും; വ്യക്തമാക്കാമോ?

വൈദ്യൂതി മുടക്കം

564  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്ത് വൈദ്യുതി മുടക്കം ഏര്‍പ്പെടുത്തിയിട്ടുണ്ടോ; ഉണ്ടെങ്കില്‍ സമയദൈര്‍ഘ്യം എത്രയെന്ന് വിശദമാക്കാമോ;

(ബി)  ഏര്‍പ്പെടുത്തിയിട്ടുളള വൈദ്യുതി മുടക്കം തുടരേണ്ടതായിട്ടുണ്ടെന്ന് വിലയിരുത്തിയിട്ടുണ്ടോ; ഉണ്ടെങ്കില്‍ എന്നു വരെ എന്ന് വ്യക്തമാക്കാമോ?

ട്രാന്‍സ്‌ഫോര്‍മര്‍ കപ്പാസിറ്റി

565  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ വെെദ്യുതി ഉപഭോക്താക്കളുടെ ആവശ്യമനുസരിച്ച് ട്രാന്‍സ്ഫോര്‍മറുകളുടെ കപ്പാസിറ്റിയില്ലായ്മ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)  ട്രാന്‍സ്‌ഫോര്‍മറിന്റെ കപ്പാസിറ്റി കുറവ് കാരണം ഉപഭോക്താക്കള്‍ക്ക് സോളാര്‍ കണക്ഷന്‍ എടുക്കുവാന്‍ കഴിയുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)  ചെങ്ങന്നൂര്‍ നിയോജകമണ്ഡലത്തിലെ വെെദ്യുതി സെക്ഷനുകളിലുളള കപ്പാസിറ്റി കുറവുളള ട്രാന്‍സ്‌ഫോര്‍മറുകളുടെ ക്ഷമത വര്‍ദ്ധിപ്പിക്കുന്നകാര്യം പരിഗണിക്കുമോ; വിശദമാക്കുമോ?

കണ്ണൂര്‍ ജില്ലയില്‍ വൈദ്യുതി വിതരണം മെച്ചപ്പെടുത്തുന്നതിനായി പുതിയ പദ്ധതികള്‍

566  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കണ്ണൂര്‍ ജില്ലയില്‍ വൈദ്യുതി വിതരണം മെച്ചപ്പെടുത്തുന്നതിനായി പുതിയ പദ്ധതികള്‍ ആവിഷ്കരിക്കുന്നുണ്ടോ; വിശദമാക്കാമോ;

(ബി)  പുതിയ സബ്സ്റ്റേഷനുകള്‍ സ്ഥാപിക്കുന്നതിനും നിലവിലുള്ളവ ഉയര്‍ത്തുന്നതിനുമുള്ള നടപടി സ്വീകരിക്കുമോ; വിശദമാക്കാമോ?

പഴയ 11 കെ.വി. ലെെനുകള്‍ നീക്കം ചെയ്യാൻ നടപടി

567  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ 11 കെ.വി. ലെെനുകള്‍ പുതിയതായി വിന്യസിച്ച സ്ഥലങ്ങളില്‍ പഴയ 11 കെ.വി. ലെെനുകള്‍ നീക്കം ചെയ്യുവാന്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)  ചെങ്ങന്നൂര്‍ നിയോജകമണ്ഡലത്തില്‍ 11 കെ.വി. ലെെനുകള്‍ പുതിയതായി വിന്യസിച്ച ഇടങ്ങളിലെ പഴയ 11 കെ.വി. ലെെനുകള്‍ നീക്കം ചെയ്യാത്തതിന്റെ കാരണം വ്യക്തമാക്കാമോ;

(സി)  പ്രസ്തുത പഴയ ലെെനുകള്‍ അടിയന്തരമായി നീക്കം ചെയ്യുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

തിരൂരങ്ങാടി മണ്ഡലത്തിലെ വൈദ്യുതി വകുപ്പുമായി ബന്ധപ്പെട്ട പ്രൊപ്പോസലുകൾ

568  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  മലപ്പുറം ജില്ലയിലെ വൈദ്യുതി വിതരണവുമായി ബന്ധപ്പെട്ട പ്രശ്നങ്ങൾ ചർച്ച ചെയ്യുന്നതിനും പരിഹരിക്കുന്നതിനുമായി മലപ്പുറം കളക്ടറേറ്റിൽ ജില്ലയിലെ എം.എൽ.എ.മാരെയും ബന്ധപ്പെട്ട ഉദ്യോഗസ്ഥരെയും പങ്കെടുപ്പിച്ചുകൊണ്ട് വകുപ്പ് മന്ത്രിവിളിച്ചു ചേർത്ത യോഗത്തിൽ തിരൂരങ്ങാടി മണ്ഡലത്തിൽ നിന്നും സമർപ്പിക്കപ്പെട്ട നിവേദനങ്ങളിൽ സ്വീകരിച്ച നടപടികൾ എന്തെല്ലാമാണ്; ഇനം തിരിച്ച് വിശദമാക്കാമോ;

(ബി)  തിരൂരങ്ങാടി എം.എൽ.എ പ്രസ്തുത യോഗത്തില്‍ വൈദ്യുതി വകുപ്പ് മന്ത്രിക്ക് സമർപ്പിച്ച പ്രൊപ്പോസലിൽ ഉൾപ്പെട്ട ഓരോ വിഷയത്തിലും സ്വീകരിച്ച നടപടികളും ഇവയുടെ ഫയലുകൾ ഇപ്പോൾ ഏത് വകുപ്പിലാണെന്നും ഫയൽ നമ്പറുകളും സഹിതം വിശദമാക്കാമോ;

(സി)  പ്രസ്തുത യോഗത്തിന്റെ തുടർനടപടികളും മറ്റും ഏത് രൂപത്തിലാണ് ഉദ്ദേശിക്കുന്നത്; വിശദമാക്കാമോ;

(ഡി)  തിരൂരങ്ങാടി നിയോജക മണ്ഡലത്തിൽ നിന്നും എം.എൽ.എ നൽകിയ പ്രൊപ്പോസലിന്റെ തുടർനടപടികൾ സംബന്ധിച്ച വിശദവിവരങ്ങളും അവയിൽ സ്വീകരിച്ച നടപടികളും സംബന്ധിച്ച മറുപടി പ്രസ്തുത എം.എൽ.എ.ക്ക് ഇ-മെയിൽ (pmasameermla@gmail.com)മുഖേനയോ അല്ലാതെയോ ലഭ്യമാക്കിയിട്ടുണ്ടോ; ഇല്ലെങ്കിൽ ലഭ്യമാക്കാമോ; വിശദമാക്കാമോ?

വൈദ്യുതി പ്രതിസന്ധിക്ക് പരിഹാരം

569  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ വൈദ്യുതി പ്രതിസന്ധിക്ക് പരിഹാരമാകാന്‍ സാധിക്കുന്ന ചെറുകിട ജലവൈദ്യുത പദ്ധതികള്‍ ഏതൊക്കെ സമയബന്ധിതമായി പൂര്‍ത്തീകരിക്കാന്‍ സാധിക്കും; വിശദമാക്കാമോ;

(ബി)  സ്വകാര്യ സംരംഭകര്‍ക്ക് ചെറുകിട വൈദ്യുത മേഖലയില്‍ പ്രോത്സാഹനം നല്‍കുന്നതിനുള്ള എന്തെങ്കിലും നടപടികള്‍ സര്‍ക്കാര്‍ സ്വീകരിച്ചിട്ടുണ്ടോ; ഇല്ലെങ്കില്‍ അതിനുള്ള നടപടി സ്വീകരിക്കാന്‍ ഉദ്ദേശിക്കുന്നുണ്ടെങ്കില്‍ അവ ഏതെല്ലാം; വിശദമാക്കുമോ?

ബേപ്പൂരിലെ വോള്‍ട്ടേജ് ക്ഷാമം

570  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ബേപ്പൂരിലെ വോള്‍ട്ടേജ് ക്ഷാമം പരിഹരിക്കുന്നതിനായി ആര്‍.ഡി.എസ്.എസ്.ൽ ഉള്‍പ്പെടുത്തി പുതിയ 100KVA ട്രാന്‍സ്ഫോര്‍മര്‍ സ്ഥാപിക്കുന്ന പ്രവൃത്തിയുടെ നിലവിലെ സ്ഥിതി വിശദമാക്കാമോ;

(ബി)  ബാറ്ററി എനര്‍ജി സ്റ്റോറേജ് സിസ്റ്റം നടപ്പിലാക്കുന്നതിന് കോഴിക്കോട് ജില്ലയില്‍ എവിടെയെല്ലാമാണ് സ്ഥലം കണ്ടെത്തിയിട്ടുള്ളത് എന്നും എത്ര മെഗാവാട്ട് ശേഷിയുള്ള സംവിധാനമാണ് ഒരുക്കുന്നതെന്നും വ്യക്തമാക്കാമോ?

ചെമ്പകടവ് ഫേസ് 3 പദ്ധതി

571  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  തിരുവമ്പാടി മണ്ഡലത്തില്‍ വര്‍ഷങ്ങളായി കെ.എസ്.ഇ.ബി. പ്രോജക്ട് വിങ്ങിന്റെ കയ്യിലിരിക്കുന്ന ചെമ്പകടവ് ഫേസ് 3 പദ്ധതി ന‌ടപ്പിലാക്കുവാന്‍ കെ.എസ്.ഇ.ബിക്ക് സാധിക്കുമോ; സാധിക്കാത്ത പക്ഷം സ്വകാര്യ സംരംഭകര്‍ക്ക് അവസരം നല്‍കി സമയബന്ധിതമായി ഏറ്റവും ചുരുങ്ങിയ ചെലവില്‍ വൈദ്യുതി ഉല്‍പ്പാദനം ആരംഭിക്കാനുള്ള നടപടി സ്വീകരിക്കുമോ; വിശദമാക്കാമോ?

സംസ്ഥാനത്തിന്റെ വൈദ്യുതി ആവശ്യകതയും ആഭ്യന്തര ഉല്‍പ്പാദനവും

572  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് വർഷത്തെ സംസ്ഥാനത്തിന്റെ വൈദ്യുതി ആവശ്യകതയും ആഭ്യന്തര ഉല്‍പ്പാദനവും വര്‍ഷം തിരിച്ച് വിശദമാക്കാമോ;നിലവില്‍ എത്ര കമ്പനികളില്‍ നിന്നും സര്‍ക്കാര്‍ വൈദ്യുതി വാങ്ങുന്നുണ്ട് എന്നും ഓരോ കരാറിലും യൂണിറ്റിന് നല്‍കുന്ന ശരാശരി നിരക്ക് എത്രയെന്നും വിശദമാക്കാമോ;

(ബി)  സംസ്ഥാനത്ത് വൈദ്യുതി നിയന്ത്രണം ഏര്‍പ്പെടുത്തിയിരിക്കുന്നത് ദിവസത്തില്‍ എത്ര തവണയെന്നും എത്ര സമയം വീതമാണെന്നും വ്യക്തമാക്കാമോ; വൈദ്യുതി നിയന്ത്രണം എന്ന് വരെ തുടരുമെന്ന് വ്യക്തമാക്കാമോ;

(സി)  വൈദ്യുതി നിരക്ക് വര്‍ദ്ധിപ്പിക്കേണ്ട സാഹചര്യം സംസ്ഥാനത്ത് നിലവിലുണ്ടോ; വിശദമാക്കുമോ;

(ഡി)  ഷൊര്‍ണ്ണൂര്‍ നിയോജകമണ്ഡലത്തില്‍ നിലവില്‍ പ്രവര്‍ത്തിക്കുന്ന ട്രാന്‍സ്ഫോമറുകളുടെ എണ്ണം എത്രയെന്നും അവയില്‍ കാലപ്പഴക്കമുള്ളവ എത്രയെന്നും വ്യക്തമാക്കാമോ;

(ഇ)  പുരപ്പുറ സൗരോര്‍ജ്ജം പദ്ധതിയുടെ ഭാഗമായി സംസ്ഥാനത്ത് ദിനംപ്രതി എത്ര വൈദ്യുതിയാണ് ലഭിക്കുന്നതെന്ന കണക്ക് ലഭ്യമാക്കാമോ?

വൈദ്യുതി വിതരണം മെച്ചപ്പെടുത്തുന്നതിനുള്ള നടപടി

573  ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഇൻസുലേഷൻ ഇല്ലാത്ത അലൂമിനിയം കമ്പികൾ മാറ്റി ഇൻസുലേറ്റഡ് കേബിളുകൾ ഉപയോഗിച്ച് കെ.എസ്.ഇ.ബി. വൈദ്യുതി വിതരണം നടത്തുന്നത് ഗുണകരമാണെന്ന് വിലയിരുത്തിയിട്ടുണ്ടോ; വിശദമാക്കാമോ;

(ബി)  അപകടകരമായതും ഇടയ്ക്കിടെ മരങ്ങൾ വീണ് വൈദ്യുതി വിതരണം തടസ്സപ്പെടാൻ കാരണമാകുന്നതുമായ പഴയ കമ്പികൾ മാറ്റി, ഇൻസുലേറ്റഡ് കേബിളുകൾ വഴി കേരളത്തിലെ എല്ലാ പ്രദേശങ്ങളിലും വൈദ്യുതി വിതരണം ചെയ്യുന്നതിന് സർക്കാർ നടപടി സ്വീകരിക്കുമോ; വ്യക്തമാക്കാമോ;

(സി)  സംസ്ഥാനത്ത് നിരവധി ഉപഭോക്താക്കൾ വീടുകളിൽ സോളാർ പ്ലാന്റ് സ്ഥാപിക്കുന്നതിന് സന്നദ്ധമായിരിക്കുന്ന ഈ കാലഘട്ടത്തിൽ പല സ്ഥലങ്ങളിലും കെ.എസ്.ഇ .ബി.യുടെ ട്രാൻസ്ഫോർമറിന് കപ്പാസിറ്റി ഇല്ലാത്തതിനാൽ അപേക്ഷകർക്ക് ഫീസിബിലിറ്റി ലഭിക്കാത്ത ഒരു സാഹചര്യം നിലവിലുള്ളത് ശ്രദ്ധയിൽപ്പെട്ടിട്ടുണ്ടോ; എങ്കിൽ ട്രാൻസ്ഫോർമറുകളുടെ കപ്പാസിറ്റി വർധിപ്പിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

വൈദ്യുതി താരിഫ് പരിഷ്കരിക്കുന്നതിനുള്ള കരട് ചട്ടങ്ങൾ

574  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  2027–31 കാലയളവിൽ താരിഫ് പരിഷ്‌കരിക്കുന്നതിനായി വൈദ്യുതി റെഗുലേറ്ററി കമ്മീഷൻ കരട് ചട്ടങ്ങൾ പുറപ്പെടുവിച്ചിട്ടുണ്ടോ;

(ബി)  കെ.എസ്.ഇ.ബി-യ്ക്കുള്ള സാമ്പത്തിക ബാധ്യത ഉപഭോക്താക്കളിൽനിന്ന് ഈടാക്കുന്നതിനുള്ള നിർദേശം പ്രസ്തുത ചട്ടങ്ങളിൽ ഉൾപ്പെടുത്തിയിട്ടുണ്ടോ; വ്യക്തമാക്കാമോ;

(സി)  രാത്രികാലത്ത് വൈദ്യുതിക്ക് കൂടുതൽ നിരക്ക് ഈടാക്കുന്നതിനുള്ള നിർദേശമുണ്ടോ; പീക്ക് സമയത്തെ വൈദ്യുതി ഉപയോഗം കുറയ്ക്കാൻ ലക്ഷ്യമിട്ടുള്ള ഈ നിർദേശം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

കെ.എസ്.ഇ.ബി.യുടെ 1912 കേന്ദ്രീകൃത കോള്‍ സെന്റര്‍

575  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കെ.എസ്.ഇ.ബി.യുടെ 1912 കേന്ദ്രീകൃത കോള്‍ സെന്ററില്‍ ഒരേ സമയം പരമാവധി എത്ര ഇന്‍കമിംഗ് കോളുകളാണ് സ്വീകരിക്കാന്‍ സാധിക്കുകയെന്ന് വ്യക്തമാക്കാമോ;

(ബി)  സംസ്ഥാനത്ത് ഉടനീളം വൈദ്യുതി നിയന്ത്രണം ഏര്‍പ്പെടുത്തുന്ന സമയങ്ങളില്‍ കൂടുതല്‍ കോളുകള്‍ ഒരേ സമയം എത്തുന്നതോടെ 1912 കോള്‍ സെന്റര്‍ ലഭ്യത തടസ്സപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(സി)  ഉപഭോക്താക്കള്‍ അടിയന്തര പരാതികള്‍ ഉള്‍പ്പെടെ രജിസ്റ്റര്‍ ചെയ്യാന്‍ ആശ്രയിക്കുന്ന 1912 കോള്‍ സെന്ററില്‍ ഒരേ സമയം കൂടുതല്‍ ഇന്‍കമിംഗ് കോളുകള്‍ സ്വീകരിക്കാന്‍ സാധിക്കുന്നതിന് ആവശ്യമായ സംവിധാനം ഏര്‍പ്പെടുത്തുന്നത് പരിഗണനയിലുണ്ടോ;

(ഡി)  9496001912 എന്ന നമ്പറില്‍ കെ.എസ്.ഇ.ബി.യുടെ ക്ലൗഡ് ടെലിഫോണി സേവനം നിലവില്‍ ലഭ്യമാണോ; ഈ നമ്പറില്‍ വിളിച്ച് പരാതികള്‍ രജിസ്റ്റര്‍ ചെയ്യാന്‍ സാധിക്കുമോ; വ്യക്തമാക്കാമോ?

പീക്ക് ലോഡ് മാനേജ്‌മെന്റ് – വൈദ്യുതി മേഖല

576  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരമേറ്റശേഷം സംസ്ഥാനത്ത് പീക്ക് ലോഡ് മാനേജ്‌മെന്റിന്റെ ഭാഗമായി പവർകട്ട്/ലോഡ് ഷെഡ്ഡിംഗ് ഏർപ്പെടുത്തിയിട്ടുണ്ടോ;

(ബി)  സംസ്ഥാനത്ത് പീക്ക് ലോഡ് മാനേജ്‌മെന്റിന്റെ ഭാഗമായി ഏത് സമയത്താണ് പവർകട്ട്/ലോഡ് ഷെഡ്ഡിംഗ് ഏർപ്പെടുത്തിയിട്ടുള്ളത്;

(സി)  ഒരു ട്രാൻസ്‌ഫോർമറിന് കീഴിൽ പ്രതിദിനം എത്ര സമയമാണ് പവർകട്ട്/ലോഡ് ഷെഡ്ഡിംഗ് ഏർപ്പെടുത്തിയിട്ടുള്ളത്;

(ഡി)  ഈ സർക്കാർ അധികാരമേറ്റശേഷം കെ.എസ്.ഇ.ബി. നാളിതുവരെ പീക്ക് ലോഡ് മാനേജ്‌മെന്റിന്റെ ഭാഗമായി പവർ സപ്ലൈ തടസ്സപ്പെട്ടേക്കാം എന്ന എസ്.എം.എസ്. എത്ര എണ്ണം അയച്ചിട്ടുണ്ടെന്ന് വ്യക്തമാക്കാമോ;

(ഇ)  വരാനിരിക്കുന്ന വേനൽക്കാലത്ത് വൈദ്യുതി പ്രതിസന്ധി രൂക്ഷമാകാതിരിക്കാൻ എന്തെല്ലാം മുൻകരുതൽ നടപടികളാണ് നിലവിൽ സ്വീകരിച്ചുവരുന്നത്?

സംസ്ഥാനത്ത് ആണവ നിലയം

577  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ആണവ നിലയം സ്ഥാപിക്കുന്ന കാര്യം സർക്കാരിന്റെ പരിഗണനയിലുണ്ടോ;

(ബി)  ഇതിനായി ഇലക്ട്രിസിറ്റി ബോർഡ് ഉദ്യോഗസ്ഥർ ന്യൂക്ലിയർ പവർ കോർപ്പറേഷനുമായി ചർച്ചകൾ നടത്തിയിട്ടുണ്ടോ; വ്യക്തമാക്കാമോ;

(സി)   ജനസാന്ദ്രതയേറിയ സംസ്ഥാനത്ത് ആണവ നിലയങ്ങൾ സ്ഥാപിക്കുന്നതുമൂലമുണ്ടാകുന്ന സാമൂഹിക-പാരിസ്ഥിതിക ആഘാതങ്ങൾ വിലയിരുത്തിയിട്ടുണ്ടോ; വിശദമാക്കാമോ?

വൈദ്യുതി തടസ്സം സംബന്ധമായ പരാതികളുടെ എണ്ണം

578  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  1912 നമ്പറില്‍ പ്രവര്‍ത്തിക്കുന്ന കേരള സംസ്ഥാന വൈദ്യുതി ബോര്‍ഡിന്റെ ഉപഭോക്തൃ സേവന കേന്ദ്രം വഴി 2025 ജൂലൈ മുതല്‍ 2026 സെപ്റ്റംബര്‍ വരെ സംസ്ഥാനത്ത് ആകെ ഓരോ മാസവും രജിസ്റ്റര്‍ ചെയ്ത വൈദ്യുതി തടസ്സം സംബന്ധമായ പരാതികളുടെ എണ്ണം പ്രതിമാസ പട്ടിക തിരിച്ച് ലഭ്യമാക്കാമോ?

ഭൂതത്താൻകെട്ട് ചെറുകിട ജലവൈദ്യുത പദ്ധതിയിലെ ക്രമക്കേട്

579  ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  24 മെഗാവാട്ട് ശേഷിയുള്ള ഭൂതത്താൻകെട്ട് ചെറുകിട ജലവൈദ്യുത പദ്ധതിയിലെ ക്രമക്കേട് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  18 മാസത്തിനകം പൂർത്തിയാക്കണമെന്ന കരാർ വ്യവസ്ഥ നിലനിൽക്കെ കരാറുകാരൻ ചൈനീസ് കമ്പനിയുമായി ഒത്തുകളിച്ച് ക്രമക്കേട് നടത്തിയതുമൂലം പദ്ധതി നാളിതുവരെ പൂർത്തിയാക്കാൻ കഴിഞ്ഞിട്ടില്ലെന്ന ആക്ഷേപത്തെക്കുറിച്ച് പരിശോധന നടത്തിയിട്ടുണ്ടോ; വ്യകതമാക്കാമോ;

(സി)  പദ്ധതിയിലെ ക്രമക്കേട് സംബന്ധിച്ച് വിശദമായ അന്വേഷണം നടത്തി കുറ്റക്കാർക്കെതിരെ മാതൃകാപരമായ ശിക്ഷാനടപടികൾ സ്വീകരിക്കുമോ; പദ്ധതി യാഥാർഥ്യമാക്കുന്നതിന് അടിയന്തര നടപടി സ്വീകരിക്കുമോ; വ്യകതമാക്കാമോ?

കെ.എസ്.ഇ.ബി.-യുടെ നഷ്ടം

580  ശ്രീ. കെ. എം. അഭിജിത്ത് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ 10 വർഷത്തെ കെ.എസ്.ഇ.ബി.യുടെ നഷ്ടം എത്രയാണെന്ന് വർഷം തിരിച്ച് ലഭ്യമാക്കാമോ;

(ബി)  കെ.എസ്.ഇ.ബി.യുടെ നഷ്ടത്തിന്റെ കാരണങ്ങൾ കണ്ടെത്തിയിട്ടുണ്ടോ; നഷ്ടം കുറച്ചുകൊണ്ടുവരുന്നതിന് സർക്കാർ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ;

(സി)  കെ.എസ്.ഇ.ബി.-യുടെ നിലവിലുള്ള വരവും ചെലവും തമ്മിലുള്ള വ്യത്യാസം എത്രയാണ്; കഴിഞ്ഞ 10 വർഷത്തിനിടെ കെ.എസ്.ഇ.ബി-യ്ക്ക് സഹായമായി സർക്കാർ നൽകിയ തുക എത്രയാണ്; വ്യക്തമാക്കാമോ?

ഭൂതത്താൻകെട്ട് മിനി ജലവൈദ്യുത പദ്ധതി

581  ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കോതമംഗലം നിയോജകമണ്ഡലത്തിലെ ഭൂതത്താൻകെട്ട് മിനി ജലവൈദ്യുത പദ്ധതിയുടെ പുരോഗതി വിശദമാക്കാമോ;

(ബി)  പ്രസ്തുത നിയോജകമണ്ഡലത്തിൽ ഭൂഗർഭ കേബിൾ സ്ഥാപിക്കുന്നതുമായി ബന്ധപ്പെട്ടു പദ്ധതി നിലവിലുണ്ടോ; വിശദമാക്കാമോ?

തളിപ്പറമ്പ് മണ്ഡലത്തിലെ റൂഫ്‌ടോപ്പ് സൗരോർജ അപേക്ഷകളും പി.എം. സൂര്യഘർ പദ്ധതി നടത്തിപ്പും

582  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പി.എം. സൂര്യഘർ: മുഫ്ത് ബിജ്‌ലി യോജന പ്രകാരവും കെ.എസ്.ഇ.ബി.-യുടെ സൗരോർജ പദ്ധതികൾ വഴിയും തളിപ്പറമ്പ് മണ്ഡലത്തിൽ ഗാർഹിക ആവശ്യങ്ങൾക്കായി ലഭിച്ച റൂഫ്‌ടോപ്പ് സൗരോർജ അപേക്ഷകളുടെ എണ്ണം എത്രയാണെന്നും അവയിൽ എത്ര അപേക്ഷകൾക്ക് ലൈറ്റ്/സൗരോർജ പാനലുകൾ സ്ഥാപിച്ച് അനുമതി നൽകിയിട്ടുണ്ടെന്നും വ്യക്തമാക്കാമോ;

(ബി)  പ്രസ്തുത മണ്ഡലത്തിലെ വിദ്യാലയങ്ങൾ, വില്ലേജ് ഓഫീസുകൾ, ആശുപത്രികൾ ഉൾപ്പെടെയുള്ള സർക്കാർ സ്ഥാപനങ്ങളിൽ റൂഫ്‌ടോപ്പ് സൗരോർജ പാനലുകൾ സ്ഥാപിക്കുന്നതിനായി ലഭിച്ച അപേക്ഷകളിൽ തീർപ്പാക്കിയവയുടെയും നിലവിൽ പെൻഡിങ്ങിലുള്ളവയുടെയും എണ്ണം സെക്ഷൻ ഓഫീസുകൾ തിരിച്ച് ലഭ്യമാക്കാമോ;

(സി)  സോളാർ പവർ സിസ്റ്റം പൂർത്തിയാക്കിയ ഉപഭോക്താക്കൾ ഉൽപ്പാദിപ്പിക്കുന്ന വൈദ്യുതി ഗ്രിഡിലേക്ക് നൽകുന്നതിനായി നെറ്റ് മീറ്ററുകൾ സ്ഥാപിക്കുന്നതിൽ കടുത്ത ക്ഷാമവും കാലതാമസവും നേരിടുന്നത് ശ്രദ്ധയിൽപ്പെട്ടിട്ടുണ്ടോ;

(ഡി)  നെറ്റ് മീറ്ററുകളുടെ ലഭ്യതക്കുറവ് പരിഹരിക്കുന്നതിനും അപേക്ഷകർക്ക് വേഗത്തിൽ ഗ്രിഡ് കണക്റ്റിവിറ്റി ഉറപ്പാക്കുന്നതിനുമായി കെ.എസ്.ഇ.ബി. കൈക്കൊണ്ട അടിയന്തര നടപടികൾ എന്തൊക്കെയാണെന്ന് വ്യക്തമാക്കാമോ?

ഊർജസുരക്ഷ ഉറപ്പാക്കുന്നതിനുള്ള കേന്ദ്രസർക്കാർ പദ്ധതികൾ

583  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്ര സർക്കാരിന്റെ പി.എം. സൂര്യഘർ പദ്ധതിപ്രകാരം സംസ്ഥാനത്ത് എത്ര വീടുകളിൽ പുരപ്പുറ സൗരോർജ സംവിധാനം സ്ഥാപിച്ചിട്ടുണ്ട്; ഈയിനത്തിൽ കേന്ദ്ര സബ്‌സിഡിയായി എത്ര തുക ലഭിച്ചു; വിശദമാക്കാമോ;

(ബി)  പി.എം. സൂര്യഘർ പദ്ധതിക്കായി സമർപ്പിക്കപ്പെട്ട അപേക്ഷകളിൽ ഇനിയും അനുമതി നല്കാൻ അവശേഷിക്കുന്നവയെത്ര; വിതരണ ട്രാൻസ്‌ഫോർമറുകളുടെ ശേഷി വർധിപ്പിക്കുന്നതിന് എന്തെല്ലാം നടപടികളാണ് സ്വീകരിച്ചത്; വിശദമാക്കാമോ;

(സി)  ഇന്ത്യയിലെ കർഷകരുടെ ഊർജസുരക്ഷ ഉറപ്പാക്കുന്നതിനും കാർഷിക മേഖലയിൽ സൗരോർജം പ്രോത്സാഹിപ്പിക്കുന്നതിനുമായി കേന്ദ്രസർക്കാർ നടപ്പാക്കുന്ന പി.എം. കുസും പദ്ധതിയിൽ കേരളത്തിൽ എത്ര ഗുണഭോക്താക്കളുണ്ടെന്ന് വ്യക്തമാക്കാമോ;

(ഡി)  പി.എം. കുസും പദ്ധതിക്കു കീഴിൽ കേന്ദ്രസർക്കാർ 2023–24 കാലഘട്ടത്തിൽ അനുവദിച്ച തുക സംസ്ഥാനം വിനിയോഗിക്കാത്തതിനാൽ കേന്ദ്രസർക്കാർ തിരിച്ചെടുത്തിട്ടുണ്ടോ; ഇതിലേക്ക് നയിച്ച സാഹചര്യം വിശദീകരിക്കാമോ;

(ഇ)  കേന്ദ്ര പൊതുമേഖലാ സ്ഥാപനമായ തെഹ്‌രി ഹൈഡ്രോ ഡെവലപ്‌മെന്റ് കോർപറേഷൻ (ടി.എച്ച്.ഡി.സി.) തയ്യാറാക്കിയ 13 പമ്പ്ഡ് സ്റ്റോറേജ് പദ്ധതികൾ കേരളം സ്വീകരിക്കാതിരുന്നതിന്റെ കാരണം എന്താണെന്ന് വിശദീകരിക്കാമോ;

(എഫ്)  ഈ പദ്ധതിയിൽ ഇനി കരാർ ഒപ്പിടാനുള്ള സാധ്യതയുണ്ടോ; വിശദീകരിക്കാമോ?

'പഴശ്ശിസാഗര്‍' ജലവൈദ്യുത പദ്ധതി

584  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പഴശ്ശിസാഗര്‍ ജലവൈദ്യുത പദ്ധതിയുടെ നിര്‍മ്മാണ പുരോഗതി വിശദമാക്കാമോ;

(ബി)  പ്രസ്തുത പദ്ധതിക്കായി നാളിതുവരെ എത്ര രൂപ ചെലവഴിച്ചിട്ടുണ്ട്; പദ്ധതിയുടെ പൂര്‍ത്തീകരണത്തിന് ഇനി എത്ര രൂപ ആവശ്യമായിവരും; വിശദമാക്കാമോ?

സംസ്ഥാനത്തെ വൈദ്യുതി പ്രതിസന്ധിയും ഊർജ്ജ സ്വയംപര്യാപ്തത കൈവരിക്കുന്നതിനുള്ള നടപടികളും​

585  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് അനുദിനം വർദ്ധിച്ചുവരുന്ന വൈദ്യുതി ആവശ്യകത നേരിടുന്നതിനും വേനൽക്കാലത്തെ വൈദ്യുതി ലഭ്യത ഉറപ്പുവരുത്തുന്നതിനുമായി കെ.എസ്.ഇ.ബി. സ്വീകരിച്ചിട്ടുള്ള അടിയന്തര നടപടികൾ എന്തെല്ലാമാണെന്ന് വ്യക്തമാക്കാമോ;

(ബി)  കഴിഞ്ഞ മൂന്ന് സാമ്പത്തിക വർഷങ്ങളിൽ സംസ്ഥാനത്തെ ആഭ്യന്തര വൈദ്യുതി ഉത്പാദനം എത്രയാണെന്നും, പുറമെ നിന്നുള്ള കരാറുകൾ വഴിയും എക്സ്ചേഞ്ചുകൾ വഴിയും എത്ര തുകയുടെ വൈദ്യുതി വാങ്ങേണ്ടി വന്നിട്ടുണ്ടെന്നും വർഷം തിരിച്ചു വ്യക്തമാക്കാമോ;

(സി)  സംസ്ഥാനത്ത് വൈദ്യുതി പ്രതിസന്ധി പരിഹരിക്കുന്നതിനായി നിർദ്ദേശിക്കപ്പെട്ടിട്ടുള്ള പ്രമുഖ ജലവൈദ്യുത പദ്ധതികളുടെയും സോളാർ, വിൻഡ് തുടങ്ങിയ പുനരുപയോഗ ഊർജ്ജ (Renewable Energy) പദ്ധതികളുടെയും നിലവിലെ പുരോഗതി എന്താണെന്ന് അറിയിക്കാമോ;

(ഡി)  കേന്ദ്ര സർക്കാരിന്റെ റീവാമ്പ്ഡ് ഡിസ്ട്രിബ്യൂഷന്‍ സെക്ടര്‍ സ്കീം (ആർ .ഡി.എസ് .എസ് )പ്രകാരം നടപ്പിലാക്കാൻ ഉദ്ദേശിക്കുന്ന തോത് അടിസ്ഥാനമാക്കിയുള്ള ടോട്ടല്‍ എക്സപെന്‍ഡീച്ചര്‍ (TOTEX) സ്മാർട്ട് മീറ്റർ പദ്ധതിയുടെ നിലവിലെ അവസ്ഥ എന്താണെന്നും, ഉപഭോക്താക്കൾക്ക് അധിക സാമ്പത്തിക ഭാരമില്ലാത്ത രീതിയിൽ പദ്ധതി നടപ്പിലാക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കാമോ;

(ഇ)  സംസ്ഥാനത്തെ വൈദ്യുതി പ്രസരണ-വിതരണ നഷ്ടം കുറയ്ക്കുന്നതിനും വൈദ്യുതി വിതരണ ശൃംഖല ആധുനികവൽക്കരിക്കുന്നതിനുമായി എന്തെല്ലാം പദ്ധതികളാണ് നിലവിൽ നടപ്പിലാക്കി വരുന്നത്; വ്യക്തമാക്കാമോ?

അരുവിക്കര നിയോജക മണ്ഡലത്തിലെ ദ്യുതി പദ്ധതി

586  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ദ്യുതി പദ്ധതിയില്‍ ഉള്‍പ്പെടുത്തി അരുവിക്കര നിയോജക മണ്ഡലത്തിലെ പട്ടിക വര്‍ഗ്ഗ മേഖലകളില്‍ നടത്താനുദ്ദേശിക്കുന്ന പദ്ധതികള്‍ സംബന്ധിച്ച വിശദാംശവും ഫണ്ട് സംബന്ധിച്ച വിവരങ്ങളും അറിയിക്കുമോ?

ആലത്തൂര്‍ നിയോജക മണ്ഡലത്തിലെ 33 കെ.വി.സബ്സ്റ്റേഷൻ

587  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ആലത്തൂര്‍ നിയോജക മണ്ഡലത്തില്‍ 33 കെ.വി.സബ്സ്റ്റേഷന്റെ ശേഷി 10 എം.വി.എ. യില്‍ നിന്നും 15 എം.വി.എ. യിലേക്ക് ഉയര്‍ത്തുന്ന പദ്ധതിയുടെ നിലവിലെ പുരോഗതി വിശദമാക്കാമോ;

(ബി)  പ്രസ്തുത പദ്ധതി എന്ന് പൂര്‍ത്തീകരിക്കുവാന്‍ കഴിയും; പദ്ധതി പൂര്‍ത്തിയാകുമ്പോള്‍ മണ്ഡലത്തിലെ വെെദ്യുത മേഖലയില്‍ ലഭിക്കുന്ന നേട്ടങ്ങള്‍ എന്തെല്ലാം; വിശദമാക്കാമോ;

(സി)  കെ.എസ്.ഇ.ബി. മുഖേന കൂടുതല്‍ ലെെനുകളും, ഫീഡറുകളും സ്ഥാപിച്ച് കാര്‍ഷിക മേഖലയുടെ വികസനം സാധ്യമാക്കുവാന്‍ പ്രത്യേക പദ്ധതികള്‍ ആവിഷ്കരിച്ചു നടപ്പിലാക്കുവാന്‍ ഉദ്ദേശിക്കുന്നുണ്ടോ; വിശദമാക്കാമോ?

സീതാര്‍കുണ്ടില്‍ കെ.എസ്.ഇ.ബി. ടവര്‍

588  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  നെന്മാറ മണ്ഡലത്തിലെ സീതാര്‍കുണ്ടില്‍ കെ.എസ്.ഇ.ബി. ടവര്‍ സ്ഥാപിക്കുന്നതിനുളള നിര്‍മ്മാണ പ്രവര്‍ത്തനങ്ങളുടെ വിശദവിവരം ലഭ്യമാക്കാമോ; പ്രസ്തുത പ്രവൃത്തിയുടെ നിലവിലെ അവസ്ഥ വ്യക്തമാക്കാമോ;

(ബി)  പ്രസ്തുത പദ്ധതിക്കായുളള സ്ഥലത്തിന്റെ സര്‍വ്വേ നടപടികള്‍ പൂര്‍ത്തിയായിട്ടുണ്ടോ; വിശദമാക്കാമോ?

തെഹ്‌രി ഹൈഡ്രോ ഡെവലപ്‌മെന്റ് കോർപ്പറേഷന്റെ വാഗ്ദാനം

589  ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാരിന്റെ കാലത്ത്, 2025 ജനുവരിയിൽ, കേന്ദ്ര പൊതുമേഖലാ സ്ഥാപനമായ തെഹ്‌രി ഹൈഡ്രോ ഡെവലപ്‌മെന്റ് കോർപ്പറേഷൻ കുറഞ്ഞ നിരക്കിൽ 184.08 മെഗാവാട്ട് വൈദ്യുതി നൽകുന്നതിനുള്ള ദീർഘകാല കരാർ വാഗ്ദാനവുമായി സംസ്ഥാനത്തെ സമീപിച്ചിരുന്നോ; വിശദമാക്കുമോ;

(ബി)  പ്രസ്തുത കരാറിൽ സംസ്ഥാനം താൽപര്യം കാണിക്കാതിരുന്നതിനെ തുടർന്ന് ടി.എച്ച്.ഡി.സി. മറ്റു സംസ്ഥാനങ്ങളെ സമീപിച്ചതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

(സി)  കരാർ നിരസിച്ച മുൻ സർക്കാരിന്റെ നടപടി സംസ്ഥാനത്തെ വൈദ്യുതി പ്രതിസന്ധി രൂക്ഷമാകുന്നതിന് കാരണമായോ; വിശദമാക്കുമോ?

വേനൽക്കാല ഊർജ്ജ പ്രതിസന്ധി പരിഹരിക്കാൻ നടപടി

590  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നടപ്പുവർഷം പ്രതീക്ഷിക്കുന്ന പ്രതിദിന അറ്റ ഊർജ്ജ ആവശ്യകത (പീക്ക് ഡിമാൻഡ് ) എത്ര മെഗാവാട്ടാണെന്നും ഇത് മുൻവർഷങ്ങളെ അപേക്ഷിച്ച് എത്ര ശതമാനം കൂടുതലാണെന്നും വ്യക്തമാക്കാമോ;

(ബി)  വേനൽക്കാലത്തെ കടുത്ത പ്രതിസന്ധി പരിഹരിക്കാൻ കെ.എസ്.ഇ.ബി പുറത്തുനിന്ന് ഉയർന്ന തുകയ്ക്ക് വൈദ്യുതി പവർ പർച്ചേസ് കരാർ പ്രകാരം വാങ്ങുന്നുണ്ടോ; എങ്കിൽ ഇതിനായി പ്രതിദിനം ചെലവഴിക്കുന്ന തുക എത്രയാണ്;

(സി)  മുൻകാലങ്ങളിൽ റദ്ദാക്കിയ ദീർഘകാല വൈദ്യുതി കരാറുകൾക്ക് (Unapproved PPAs) പകരമായി കുറഞ്ഞ നിരക്കിൽ പുതിയ ദീർഘകാല കരാറുകളിൽ ഏർപ്പെടാൻ വൈദ്യുതി റെഗുലേറ്ററി കമ്മീഷനിൽ നിന്നും സർക്കാരിൽ നിന്നും സ്വീകരിച്ച നടപടികൾ എന്തെല്ലാമാണ്; വിശദമാക്കാമോ?

സമഗ്രവും ആധുനികവുമായ വൈദ്യുതി നയം

591  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സമഗ്രവും ആധുനികവുമായ വൈദ്യുതി നയം ആവിഷ്കരിക്കാൻ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  മുൻ സർക്കാരിന്റെ ആസൂത്രണമില്ലായ്മയും കെടുകാര്യസ്ഥതയും മൂലം സംസ്ഥാനം നിലവിൽ വൈദ്യുതി പ്രതിസന്ധി നേരിടുന്നതായ ആക്ഷേപം ശ്രദ്ധയിൽപ്പെട്ടിട്ടുണ്ടോ; എങ്കിൽ പ്രസ്തുത പ്രതിസന്ധിയ്ക്ക് ശാശ്വത പരിഹാരമുണ്ടാക്കുന്നതിനുള്ള പദ്ധതികൾ ആവിഷ്കരിക്കുമോ; വ്യക്തമാക്കുമോ;

(സി)  കുറഞ്ഞ നിരക്കിന് വൈദ്യുതി ലഭ്യമായിരുന്ന ദീർഘകാല വൈദ്യുത കരാറുകൾ മുൻ സർക്കാർ നിർത്തലാക്കിയത് സംസ്ഥാനത്തെ വൈദ്യുത പ്രതിസന്ധിക്ക് കാരണമായിട്ടുണ്ടോ; പ്രസ്തുത കരാർ പുനഃസ്ഥാപിക്കുവാൻ ഇനി സാധ്യമാണോ;

(ഡി)  കുറഞ്ഞ നിരക്കിൽ കൂടുതൽ വൈദ്യുതി ലഭ്യമാക്കുന്നതിനുള്ള ദീർഘകാല കരാറുകളിൽ ഏർപ്പെടുവാൻ നടപടികൾ സ്വീകരിക്കുമോ; വ്യക്തമാക്കുമോ?

ചങ്ങനാശ്ശേരി നിയോജകമണ്ഡലത്തിലെ വൈദ്യുതി പ്രതിസന്ധി

592  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കൂടുതൽ ഉപഭോക്താക്കളുള്ള കെ.എസ്.ഇ.ബി.യുടെ ചങ്ങനാശ്ശേരി ഡിവിഷനിൽ നിലവിലുള്ള 66 കെ.വി.സബ്‌‌സ്റ്റേഷന്റെ ശേഷി, വർദ്ധിച്ചുവരുന്ന ഉപഭോഗത്തിന് അപര്യാപ്തമാണെന്നതും എം.സി. റോഡിന്റെ ഇരുവശങ്ങളിലുമുള്ള വ്യാപാര സ്ഥാപനങ്ങൾ, കോളേജുകൾ, പുതിയ മാളുകൾ, എയർകണ്ടീഷണറുകളുടെയും സോളാർ പ്ലാന്റുകളുടെയും വർദ്ധിച്ച ഉപയോഗം എന്നിവ കാരണം വോൾട്ടേജ് ക്ഷാമവും വൈദ്യുതി വാഹക ശേഷിയുടെ കുറവും ശ്രദ്ധയിൽപ്പെട്ടിട്ടുണ്ടോയെന്ന് വ്യക്തമാക്കാമോ;

(ബി)  കുറിച്ചിയിൽ പുതിയ സബ്‌സ്റ്റേഷനായി ഒരേക്കർ ഭൂമി കെ.എസ്.ഇ.ബി. കണ്ടെത്തി സർക്കാരിലേക്ക് അപേക്ഷ സമർപ്പിച്ചിട്ടുള്ളതിൽ ഭരണപരമായ തടസ്സങ്ങൾ നീക്കി അനുമതി നൽകുന്നതിനും ഇൻഡസ്ട്രിയൽ എസ്റ്റേറ്റുകൾ ഉൾപ്പെടെയുള്ള സ്ഥാപനങ്ങൾക്ക് പുതിയ കണക്ഷൻ നൽകുന്നതിലെ തടസ്സങ്ങൾ പൂർണ്ണമായി പരിഹരിക്കുന്നതിനും സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കാമോ;

(സി)  ചെത്തിപ്പുഴയിലെ 66 കെ.വി. സബ്‌സ്റ്റേഷൻ 110 കെ.വി.ആയി ഉയർത്തുന്നതിനുള്ള നിർമ്മാണ പ്രവർത്തനങ്ങളും കിടങ്ങറയ്ക്ക് സമീപം മുട്ടാറിലെ 33 കെ.വി. സബ്‌സ്റ്റേഷന്റെ പണികൾ പൂർത്തീകരിക്കുന്നതിനും എ.സി. റോഡ്, പൂവ്വം, പറാൽ, വെട്ടിത്തുരുത്ത് തുടങ്ങിയ പടിഞ്ഞാറൻ മേഖലകളിലെ വൈദ്യുത പ്രതിസന്ധി പരിഹരിക്കുന്നതിനുമുള്ള പദ്ധതികളുടെ പുരോഗതി വ്യക്തമാക്കാമോ;

(ഡി)  കെ.എസ്.ഇ.ബി. ജീവനക്കാരുടെ പ്രവർത്തനം കൂടുതൽ സുരക്ഷിതവും കാര്യക്ഷമവുമാക്കുന്നതിന് ചങ്ങനാശ്ശേരി മണ്ഡലത്തിലെ കെ.എസ്.ഇ.ബി. ഡിവിഷനുകളിലേക്ക് സ്‌കൈലിഫ്റ്റ് അടിയന്തരമായി അനുവദിക്കുന്നതിന് സ്വീകരിച്ചിട്ടുള്ള നടപടികളുടെ വിവരങ്ങൾ വ്യക്തമാക്കാമോ;

(ഇ)  ചങ്ങനാശ്ശേരി മണ്ഡലത്തിലെ വൈദ്യുതി വിതരണ ശൃംഖല കൂടുതൽ ശക്തമാക്കുന്നതിനും ട്രാൻസ്ഫോർമറുകളുടെ ശേഷി വർദ്ധിപ്പിക്കുന്നതിനും പഴക്കം ചെന്ന പോസ്റ്റുകളും ലൈനുകളും മാറ്റിസ്ഥാപിക്കുന്നതിനും ഉപഭോക്താക്കളുടെ പരാതികൾ സമയബന്ധിതമായി തീർക്കുന്നതിനും നടപ്പു വർഷം എന്തൊക്കെ പ്രത്യേക പദ്ധതികളാണ് ആവിഷ്കരിച്ചിട്ടുള്ളത് എന്ന് കണക്കുകൾ സഹിതം മറുപടി നൽകാമോ?

കെ.എസ്.ഇ.ബി. അഴിയൂർ സെക്ഷനു പ്രത്യേക ഫീഡർ ലൈന്‍

593  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  അഴിയൂർ വൈദ്യുത സെക്ഷനു കീഴിൽ വൈദ്യുതി മുടക്കവും രൂക്ഷമായ വോള്‍ട്ടേജ് ക്ഷാമവും ഉണ്ടാകുന്നത് പരിശോധിച്ചിട്ടുണ്ടോ;

(ബി)  ഈ പ്രശ്നം പരിഹരിക്കുന്നതിനായി അഴിയൂർ സെക്ഷന് വേണ്ടി ഒരു പ്രത്യേക ഫീഡർ ലൈന്‍ സ്ഥാപിക്കണമെന്നാവശ്യപ്പെട്ട് നിരവധി കത്തുകള്‍ നല്‍കിയിരുന്നത് ശ്രദ്ധയില്‍പെട്ടിട്ടുണ്ടോ;

(സി)  84 ട്രാൻസ്ഫോർമറുകളും 14,000-ലധികം കണക്ഷനുകളും ഒന്നര കോടിയോളം രൂപ വരുമാനവുമുള്ള അഴിയൂർ സെക്ഷനിലെ വോള്‍ട്ടേജ്, പവര്‍ പ്രശ്നങ്ങള്‍ പരിഹരിക്കുന്നതിനായി അഴിയൂർ സെക്ഷനു വേണ്ടി ഒരു പ്രത്യേക ഫീഡർ ലൈന്‍ സ്ഥാപിക്കുന്നതിന് നടപടി സ്വീകരിക്കുമോ?

ഉടുപ്പി- കാസർഗോഡ് 400 കെ. വി. ലൈൻ

594  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഉടുപ്പി-കാസർഗോഡ് 400 കെ.വി. ലൈനിന്റെ നിർമ്മാണം പൂർത്തീകരിച്ചിട്ടുണ്ടോ;ഇല്ലെങ്കിൽ ഇനി എന്തൊക്കെ പ്രവർത്തികളാണ് ബാക്കിയുള്ളതെന്ന് വിശദമാക്കാമോ;

(ബി)  കരിന്തളത്ത് സ്ഥാപിച്ച 400 കെ. വി. സബ്സ്റ്റേഷന്റെ പ്രവൃത്തി പൂർത്തീകരിച്ചിട്ടുണ്ടോ; ഇല്ലെങ്കിൽ എപ്പോൾ പൂർത്തീകരിക്കാൻ കഴിയുമെന്ന് വിശദമാക്കാമോ?

കാഞ്ഞങ്ങാട് നിയോജകമണ്ഡലത്തിലെ വൈദ്യുതി വിതരണ വികസന പദ്ധതികൾ

595  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കാഞ്ഞങ്ങാട് നിയോജകമണ്ഡലത്തിൽ വൈദ്യുതി വിതരണ വികസനത്തിനായി ഏതൊക്കെ പ്രധാന പദ്ധതികളാണ് നിർദ്ദേശിച്ചിട്ടുള്ളതെന്ന് വ്യക്തമാക്കാമോ;

(ബി)  അതിൽ ഏതൊക്കെ പദ്ധതികൾക്ക് അംഗീകാരം നൽകിയെന്നും അവയുടെ നിലവിലെ അവസ്ഥ എന്താണെന്നും വിശദമാക്കാമോ;

(സി)  ഇനിയും അംഗീകാരം നൽകാൻ ബാക്കിയുള്ള പദ്ധതികൾക്ക് അംഗീകാരം നൽകുന്നതിൽ കാലതാമസം നേരിടുന്നതിനുള്ള കാരണങ്ങൾ വ്യക്തമാക്കാമോ?

തളിപ്പറമ്പ് മണ്ഡലത്തിലെ സബ്‌സ്റ്റേഷനുകളുടെ ശേഷിവർദ്ധനവും നെറ്റ്‌വർക്ക് ആധുനികവൽക്കരണവും

596  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  തളിപ്പറമ്പ് മണ്ഡലത്തിലെ വോൾട്ടേജ് ക്ഷാമവും അടിക്കടിയുണ്ടാകുന്ന വൈദ്യുതിതടസ്സങ്ങളും പരിഹരിക്കുന്നതിനായി കെ.എസ്.ഇ.ബി നടപ്പിലാക്കിവരുന്ന സബ്‌സ്റ്റേഷന്റെ ശേഷി വർധിപ്പിക്കുന്ന പദ്ധതികളും നെറ്റ്‌വർക്ക് ആധുനികവൽക്കരണ പദ്ധതികളും ഏതൊക്കെയാണെന്ന് വിശദമാക്കുമോ;

(ബി)  തളിപ്പറമ്പ് 110 കെ.വി സബ്‌സ്റ്റേഷൻ ഉൾപ്പെടെയുള്ള പ്രമുഖ സബ്‌സ്റ്റേഷനുകളുടെ നിലവിലെ ട്രാൻസ്ഫോർമർ ശേഷിയെത്ര; വർദ്ധിച്ചുവരുന്ന ലോഡ് അനുസരിച്ച് ഇവയുടെ ശേഷി ഉയർത്തുന്നതിനു (Capacity Enhancement) നടപടികൾ സ്വീകരിച്ചിട്ടുണ്ടോ; ഉണ്ടെങ്കിൽ വിശദാംശം നൽകുമോ;

(സി)  പ്രസ്തുത മണ്ഡലത്തിലെ ചപ്പാരപ്പടവ്, കുറുമാത്തൂർ, പരിയാരം, കടന്നപ്പള്ളി-പാണപ്പുഴ, ആന്തൂർ തുടങ്ങിയ വിസ്തൃതമായ ഗ്രാമീണ/മലയോര മേഖലകളിൽ സെക്ഷൻ ഓഫീസുകൾക്ക് കീഴിൽ ലോഡ് ബാലൻസിങ്ങിനായി പുതിയ ട്രാൻസ്ഫോർമറുകൾ സ്ഥാപിക്കുന്നതിനും ലൈൻ നിർമ്മാണത്തിനുമായി അനുമതി നൽകിയ പ്രവൃത്തികളുടെ വിവരങ്ങളും സെക്ഷൻ തിരിച്ച് ലഭ്യമാക്കുമോ;

(ഡി)  വോൾട്ടേജ് ഡ്രോപ്പ് നേരിടുന്ന പ്രദേശങ്ങളിൽ 11കെ.വി ലൈനുകളുടെ ദൂരം കുറയ്ക്കുന്നതിനായി പുതിയ 33കെ.വി /11കെ.വി സബ്‌സ്റ്റേഷനുകൾ സ്ഥാപിക്കുന്നതിനോ നിലവിലുള്ള എച്ച്.ടി/എൽ.ടി ലൈനുകൾ എ.ബി. കേബിളുകളാക്കി മാറ്റുന്നതിനോ കെ.എസ്.ഇ.ബി പദ്ധതി തയ്യാറാക്കിയിട്ടുണ്ടോ; വിശദാംശം നൽകുമോ?

തിരൂർ നിയോജകമണ്ഡലത്തിലെ വൈദ്യുതി വിതരണം

597  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ദ്യുതിപദ്ധതിയിൽ ഉൾപ്പെടുത്തി തിരൂർ നിയോജകമണ്ഡലത്തിൽ നടത്തുന്ന പദ്ധതികൾ ഏതെല്ലാമാണെന്ന് വിശദമാക്കാമോ;

(ബി)  തിരൂർ നിയോജകമണ്ഡലത്തിൽ വൈദ്യുത പ്രസരണത്തിന് എ.ബി. കേബിളുകൾ എത്ര ദൂരത്തിൽ സ്ഥാപിക്കുന്നതിന് തീരുമാനം ആയിട്ടുണ്ടെന്നും അതിൽ എത്ര ദൂരം സ്ഥാപിതമായിട്ടുണ്ടെന്നും ഉള്ള വിവരം അറിയിക്കാമോ;

(സി)  തിരൂർ നിയോജകമണ്ഡലത്തിൽ യു.ജി. കേബിളുകൾ എത്ര ദൂരത്തിൽ സ്ഥാപിക്കുന്നതിന് തീരുമാനം ആയിട്ടുണ്ടെന്നും അതിൽ എത്ര ദൂരം സ്ഥാപിതമായിട്ടുണ്ടെന്നും ഉള്ള വിവരം അറിയിക്കാമോ;

(ഡി)  ദ്യുതി പദ്ധതിയിൽ ഉൾപ്പെടുത്തിയിട്ടുള്ള എ.ബി.സി, യു.ജി. കേബിളുകൾ സ്ഥാപിക്കുന്നത് പൂർത്തിയായി കഴിഞ്ഞാൽ വൈദ്യുത പ്രസരണത്തിന് ഉപയോഗിക്കുന്ന ലോഹ കമ്പികൾ എത്ര ദൂരം ബാക്കിയുണ്ടാകുമെന്ന് അറിയിക്കാമോ;

(ഇ)  തിരൂർ നിയോജകമണ്ഡലത്തിൽ വോൾട്ടേജ് ക്ഷാമം നേരിടുന്ന പ്രദേശങ്ങൾ ഏതെല്ലാം ആണെന്നും അത്തരം പ്രദേശങ്ങളിൽ വോൾട്ടേജ് ക്ഷാമം പരിഹരിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമാണെന്നും അറിയിക്കാമോ?

തിരൂരങ്ങാടി നിയോജക മണ്ഡലത്തിലെ സബ്സ്റ്റേഷനുകള്‍

598  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  തിരൂരങ്ങാടി നിയോജക മണ്ഡലത്തിലെ വെന്നിയൂർ സബ് സ്റ്റേഷൻ 110 കെ.വി ആയും പിന്നീട് 220 കെ.വി ആയും ഉയർത്തുന്നതിനുള്ള നടപടികൾ ഏതു ഘട്ടം വരെയായി; വിശദമാക്കാമോ;

(ബി)  വെന്നിയൂർ, പരപ്പനങ്ങാടി, എടരിക്കോട്, കൂരിയാട് സബ്സ്റ്റേഷനുകളെ തമ്മിൽ ബന്ധിപ്പിക്കുന്നതിനുള്ള നടപടികൾ ഏതു ഘട്ടം വരെയായി എന്നും പ്രസ്തുത പ്രവർത്തി എന്നേക്ക് പൂർത്തീകരിക്കാൻ കഴിയുമെന്നും വിശദമാക്കാമോ?

വൈദ്യുതി വിതരണ ശൃംഖല, ഡിസ്ട്രിബ്യൂഷന്‍ ട്രാൻസ്ഫോർമർ എന്നിവയുടെ ശേഷി വര്‍ദ്ധിപ്പിക്കുന്നതിന് നടപടി

599  ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വീടുകളിലും സ്ഥാപനങ്ങളിലും സോളാർ വൈദ്യുതി ഉൽപ്പാദനം വർധിച്ചുവരുന്ന സാഹചര്യത്തിൽ കൂടുതൽ ഉപഭോക്താക്കൾക്ക് സോളാർ വൈദ്യുതി ഗ്രിഡുമായി ബന്ധിപ്പിക്കുന്നതിന് ആവശ്യമായ വിതരണ ശൃംഖലയുടെ ശേഷി വർധിപ്പിക്കുന്നതിന് കെ.എസ്.ഇ.ബി. പ്രത്യേക പദ്ധതി തയ്യാറാക്കിയിട്ടുണ്ടോ;

(ബി)  സോളാർ കണക്ഷനുകൾ വർധിക്കുന്നതിനനുസരിച്ച് ശേഷി കുറവുള്ള ഡിസ്ട്രിബ്യൂഷന്‍ ട്രാന്‍സ്ഫോര്‍മറുകള്‍ കണ്ടെത്തി അവയുടെ ശേഷി വർധിപ്പിക്കുന്നതിനായി ജില്ലാതലത്തിലോ മേഖലാതലത്തിലോ പദ്ധതി നടപ്പാക്കുന്നുണ്ടോ;

(സി)  സോളാർ കണക്ഷനുകൾക്കായി അപേക്ഷിക്കുന്ന ഉപഭോക്താക്കൾക്ക് ട്രാന്‍സ്ഫോര്‍മര്‍ കപ്പാസിറ്റി പരിമിതി മൂലം കാത്തിരിക്കേണ്ട സാഹചര്യം നിലവിലുണ്ടോ; വ്യക്തമാക്കുമോ?

കേരളത്തിൽ ഉല്പാദിപ്പിക്കുന്ന സോളാർ വൈദ്യുതി

600  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് സോളാറിലൂടെ പ്രതിദിനം ഉല്പാദിപ്പിക്കുന്ന ശരാശരി വൈദ്യുതിയുടെ അളവെത്ര; അതില്‍ സംസ്ഥാനത്ത് ഉപയോഗിക്കുന്ന വൈദ്യുതിയുടെ അളവെത്ര; വ്യക്തമാക്കാമോ;

(ബി)  സംസ്ഥാനത്ത് പകൽ സമയം സോളാറിലൂടെ ഉല്പാദിപ്പിക്കുന്ന വൈദ്യുതിയിൽ രാത്രികാലത്തേക്ക് ഉപയോഗിക്കുന്നതിനായി സംഭരിക്കുന്ന വൈദ്യുതിയുടെ അളവെത്ര, പകൽ സമയം സോളാറിലൂടെ ഉത്പാദിപ്പിക്കുന്ന വൈദ്യുതിയിൽ നിന്ന് അന്യ സംസ്ഥാനങ്ങൾക്ക് നൽകുന്ന വൈദ്യുതിയുടെ അളവെത്ര; വ്യക്തമാക്കാമോ;

(സി)  സംസ്ഥാനത്ത് പകൽ സമയം സോളാറിലൂടെ ഉത്പാദിപ്പിക്കുന്ന വൈദ്യുതി സംഭരിക്കുന്നതിന് ആവിഷ്കരിക്കാൻ ഉദ്ദേശിക്കുന്ന പദ്ധതികൾ വിശദമാക്കാമോ?

നെറ്റ് മീറ്ററുകളുടെ ലഭ്യത

601  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് ജില്ലയിൽ സൗരോർജ വൈദ്യുതി പദ്ധതി നടപ്പിലാക്കിയിട്ടുള്ള ഉപഭോക്താക്കളുടെ എണ്ണം പഞ്ചായത്ത്/മുനിസിപ്പാലിറ്റി അടിസ്ഥാനത്തിൽ തിരിച്ച് വ്യക്തമാക്കാമോ;

(ബി)  സോളാർ സ്ഥാപിക്കുന്നതുമായി ബന്ധപ്പെട്ട് കെ.എസ്.ഇ.ബി. നൽകേണ്ടതായിട്ടുള്ള നെറ്റ് മീറ്ററുകളുടെ ലഭ്യതക്കുറവ് വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; അവ വേഗത്തിൽ ലഭ്യമാക്കുന്നതിന് ആവശ്യമായ നടപടികൾ സ്വീകരിക്കുമോ; വിശദവിവരങ്ങൾ ലഭ്യമാക്കാമോ?

പട്ടികവര്‍ഗ്ഗ ഉന്നതികളില്‍ വൈദ്യുതി ലഭ്യത ഉറപ്പുവരുത്താനുളള നടപടികള്‍

602  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  നെന്മാറ മണ്ഡലത്തിലെ മുതലമട പഞ്ചായത്തില്‍ പറമ്പിക്കുളം മേഖലയിലുളള പൂപ്പാറ ഉള്‍പ്പെടെയുളള പട്ടികവര്‍ഗ്ഗ ഉന്നതികളില്‍ വൈദ്യുതി ലഭ്യത ഉറപ്പുവരുത്താന്‍ എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുളളത്; വ്യക്തമാക്കാമോ;

(ബി)  പ്രസ്തുത മേഖലയിലെ തേക്കടി അല്ലിമൂപ്പന്‍, മുപ്പത് ഏക്കർ, ഒറവമ്പാടി, കുരിയാർകുറ്റി, കച്ചിത്തോട് എന്നീ ഉന്നതികളിൽ 2016-ൽ സ്ഥാപിച്ച ഓഫ്-ഗ്രിഡ് സോളാർ പ്ലാന്റുകൾ നിലവിൽ കാര്യക്ഷമമായി പ്രവർത്തിക്കുന്നില്ല എന്ന കാര്യം ശ്രദ്ധയിൽപ്പെട്ടിട്ടുണ്ടോ;

(സി)  പ്രസ്തുത പ്ലാന്റുകളുടെ ശേഷി വർദ്ധിപ്പിക്കുന്നതിനും അതിലൂടെ ആവശ്യമായ സോളാർ വൈദ്യുതി എത്തിക്കുന്നതിനുമായി തയ്യാറാക്കിയ പ്രൊപ്പോസലിന്മേൽ സ്വീകരിച്ച നടപടികൾ എന്തെല്ലാമാണ്; ഇതിനായി ഫണ്ട് ലഭ്യമാക്കുന്നതിനു നടപടി സ്വീകരിക്കുമോ;

(ഡി)  പൂപ്പാറ ഉന്നതിയിലെ 56 കുടുംബങ്ങൾക്ക് ഉള്‍പ്പെടെ നിലവിലുള്ള സോളാർ സംവിധാനങ്ങളുടെ ശേഷി വർദ്ധിപ്പിക്കുന്നതിനും തകരാറുകൾ പരിഹരിക്കുന്നതിനും എന്തെങ്കിലും പദ്ധതികൾ പരിഗണനയിലുണ്ടോ;

(ഇ)  പൂപ്പാറ ഉന്നതിയിൽ ഗ്രിഡ് വൈദ്യുതി എത്തിക്കുന്നതിനായി തമിഴ്‍നാട്ടിലെ ഷേക്കല്‍മുടി മുതൽ പൂപ്പാറ വരെ ഭൂഗര്‍ഭ കേബിള്‍ സ്ഥാപിക്കുന്നതിന് എന്തെങ്കിലും പദ്ധതി വിഭാവനം ചെയ്തിട്ടുണ്ടോ; ഉണ്ടെങ്കിൽ വിശദാംശങ്ങൾ ലഭ്യമാക്കാമോ?

സ്കൂൾ കോമ്പൗണ്ടിലെ അപകടാവസ്ഥയിലുളള വൈദ്യുതി ലൈനുകള്‍

603  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  അരുവിക്കര നിയോജക മണ്ഡലത്തിലെ സര്‍‍ക്കാര്‍ സ്കൂളുകളിലെ കോമ്പൗണ്ടിനുളളിലൂടെ കടന്നു പോകുന്ന അപകടാവസ്ഥയിലുളള വൈദ്യുതി ലൈനുകള്‍ യു.ജി. കേബിളാക്കി മാറ്റുന്നത് പരിഗണനയിലുണ്ടോ; വിദ്യാര്‍ത്ഥികളുടെ സുരക്ഷ പരിഗണിച്ച് ഇത് പരിഹരിക്കുന്നതിനാവശ്യമായ അടിയന്തര നടപടി സ്വീകരിക്കുമോ?

തിരുവല്ല നിയോജകമണ്ഡലത്തില്‍ സബ്സ്റ്റേഷനുകള്‍ സ്ഥാപിക്കുന്ന നടപടി

604  ശ്രീ. വർഗ്ഗീസ് മാമ്മൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പത്തനംതിട്ട ട്രാന്‍സ്മിഷന്‍ ഡിവിഷനു കീഴില്‍ തിരുവല്ല നിയോജകമണ്ഡലത്തിലുള്‍പ്പെട്ട തിരുമൂലപുരം, തോട്ടഭാഗം എന്നീ സ്ഥലങ്ങളിൽ പുതുതായി കെ.എസ്.ഇ.ബി സബ്സ്റ്റേഷനുകള്‍ സ്ഥാപിക്കുന്നത് സംബന്ധിച്ച പദ്ധതിയുടെ സ്ഥലലഭ്യത, സ്ഥലമേറ്റെടുക്കുന്നതിനുള്ള തുക, വിഭാവനം ചെയ്തിരിക്കുന്ന സബ്സ്റ്റേഷന്റെ ശേഷി, പ്രതീക്ഷിക്കുന്ന അടങ്കല്‍ തുക, പദ്ധതി സ്ഥാപിക്കുന്നത് സംബന്ധിച്ച നടപടികളുടെ പുരോഗതി, നിലവിലെ സ്ഥിതി എന്നിവ അറിയിക്കാമോ;

(ബി)  തിരുവല്ല നിയോജകമണ്ഡലത്തിലെ വിവിധ സബ്സ്റ്റേഷനുകള്‍ക്ക് പുറമേ റാന്നി, ചങ്ങനാശേരി, കാഞ്ഞിരപ്പള്ളി, പൂഞ്ഞാർ മണ്ഡലങ്ങളിലെ വിവിധ സബ്സ്റ്റേഷനുകള്‍ക്ക് കൂടി തടസരഹിത വൈദ്യുതി എത്തിക്കുന്നതിന്റെ ഭാഗമായി തിരുവല്ല മണ്ഡലത്തിലെ ആനിക്കാട് പ്രദേശത്തു കൂടി കടന്നുപോകുന്ന 220 കെ.വി ട്രാന്‍സ്മിഷന്‍ ലൈന്‍ പ്രയോജനപ്പെടുത്തി ആനിക്കാട് പ്രദേശത്ത് പുതിയ 220 കെ വി സബ്സ്റ്റേഷന്‍ സ്ഥാപിക്കുന്നതിന് പ്രത്യേക പദ്ധതി രൂപീകരിക്കാമോ; വിശദമാക്കാമോ?

കുട്ടനാട് 66 കെ.വി സബ്സ്റ്റേഷനെ 110 കെ.വിയായി ഉയർത്തുന്നതിനുള്ള നടപടി

605  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടനാട് 66 കെ.വി സബ്സ്റ്റേഷനെ 110 കെ.വി സബ്സ്റ്റേഷനാക്കി ഉയര്‍ത്തുന്നതിനുള്ള നട‌പടികൾ ഏത് ഘട്ടത്തിലാണെന്നും ഈ പ്രവൃത്തി ഏത് സ്കീമിലാണ് ഉള്‍പ്പെടുത്തിയിരിക്കുന്നതെന്നും വിശദമാക്കാമോ;

(ബി)  നിലവില്‍ പള്ളം സബ്സ്റ്റേഷനില്‍ നിന്നുള്ള ഒരു സിംഗിള്‍ സര്‍ക്യൂട്ട് 66 കെ.വി ലൈനിനെ മാത്രം ആശ്രയിക്കുന്ന കുട്ടനാട് സബ്സ്റ്റേഷനെ 110 കെ. വി നിലവാരത്തിലേക്ക് ഉയര്‍ത്താന്‍ സത്വര നടപടി സ്വീകരിക്കുമോ; വിശദമാക്കാമോ?

ചെങ്ങന്നൂര്‍ നിയോജകമണ്ഡലത്തിലെ സബ് സ്റ്റേഷനുകളുടെ നിര്‍മ്മാണ പുരോഗതി

606  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ചെങ്ങന്നൂര്‍ നിയോജകമണ്ഡലത്തില്‍ നടപ്പാക്കിവരുന്ന സബ് സ്റ്റേഷനുകളുടെ നിര്‍മ്മാണ പുരോഗതി വിശദീകരിക്കാമോ;

(ബി)  നിര്‍മ്മാണനടപടികള്‍ വേഗത്തിലാക്കാന്‍ സ്വീകരിക്കുന്ന നടപടികള്‍ വിശദീകരിക്കാമോ?

കടമ്പഴിപ്പുറം സബ് സ്റ്റേഷന്‍

607  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  ഒറ്റപ്പാലം മണ്ഡലത്തിലെ കടമ്പഴിപ്പുറം സബ് സ്റ്റേഷന്‍ പ്രവൃത്തി നിലവില്‍ ഏത് ഘട്ടത്തിലാണ്; വിശദ വിവരങ്ങള്‍ ലഭ്യമാക്കാമോ?

ഇരിണാവിൽ 110 കെ.വി. സബ്‌സ്റ്റേഷൻ

608  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കല്ല്യാശ്ശേരി മണ്ഡലത്തിലെ മാട്ടൂൽ, ചെറുകുന്ന്, കണ്ണപുരം, കല്ല്യാശ്ശേരി പഞ്ചായത്തുകളിലെ ജനങ്ങൾ രൂക്ഷമായ വോൾട്ടേജ് ക്ഷാമം അനുഭവിക്കുന്നത് ശ്രദ്ധയിൽപ്പെട്ടിട്ടുണ്ടോ; ആയത് പരിഹരിക്കുന്നതിനായി എന്തെല്ലാം നടപടികളാണ് സ്വീകരിച്ചുവരുന്നത്; വിശദമാക്കാമോ;

(ബി)  മേല്പറഞ്ഞ പഞ്ചായത്തുകളിലെ ജനങ്ങൾ നേരിടുന്ന രൂക്ഷമായ വോൾട്ടേജ് ക്ഷാമം പരിഹരിക്കുന്നതിനായി ഇരിണാവിൽ 110 കെ.വി. സബ്‌സ്റ്റേഷൻ സ്ഥാപിക്കുന്നതിനുള്ള നടപടികൾ സ്വീകരിക്കുമോ?

കേരള ഹൈഡൽ ടൂറിസം സെന്റർ

609  ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കെ.എസ്.ഇ.ബി. ചെയർമാൻ & മാനേജിങ് ഡയറക്ടറെ സഹായിക്കുന്നതിന് വേണ്ടി രണ്ട് പേരെ മുൻ സർക്കാരിന്റെ കാലത്ത് കേരള ഹൈഡൽ ടൂറിസം സെന്റർ നിയമിച്ചിരുന്നോ;എങ്കില്‍ ഇവർക്ക് നിശ്ചയിച്ച പ്രതിമാസ വേതനം എത്ര രൂപ വീതമായിരുന്നുവെന്നും ഇതുവരെ എത്ര രൂപ പ്രസ്തുതയിനത്തിൽ ചെലവഴിച്ചുവെന്നും വ്യക്തമാക്കാമോ; പ്രസ്തുത നിയമനത്തിന്റെ ഫയലുകളുടെ പകർപ്പ് ലഭ്യമാക്കാമോ;

(ബി)  കേരള ഹൈഡൽ ടൂറിസം സെന്റർ മുൻ സർക്കാരിന്റെ കാലത്ത് നിയമിച്ച ടെക്നോളജി പാർട്ട്നർ എന്ന സ്ഥാപനത്തിന് എത്ര രൂപ ഇതുവരെ നല്കിയിട്ടുണ്ടെന്ന് വ്യക്തമാക്കാമോ; ഈ ഏജൻസിയെ നിയമിച്ച ഫയലുകളുടെ പകർപ്പ് ലഭ്യമാക്കാമോ;

(സി)  സി.എം.ഡി.എന്ന സ്ഥാപനം മുഖേന എത്ര താൽക്കാലിക കരാർ ജീവനക്കാരെയാണ് കേരള ഹൈഡൽ ടൂറിസം സെന്റർ മുൻ സർക്കാരിന്റെ കാലത്ത് നിയമിച്ചിരുന്നത്; ഇത് സംബന്ധിച്ച ഫയലുകളുടെ പകർപ്പ് ലഭ്യമാക്കാമോ;

(ഡി)  കേരള ഹൈഡൽ ടൂറിസം സെന്റർ സ്പോൺസർഷിപ്പ്, പരസ്യം എന്നീ ഇനങ്ങളിൽ മുൻ സർക്കാരിന്റെ കാലത്ത് എത്ര രൂപ ചെലവഴിച്ചു; വിശദാംശങ്ങൾ വ്യക്തമാക്കാമോ;

(ഇ)  കേരള ഹൈഡൽ ടൂറിസം സെന്റർ മുൻ സർക്കാരിന്റെ കാലത്ത് നടത്തിയ ടെൻഡറുകളുടെ ഫയലുകൾ കൈകാര്യം ചെയ്ത ഉദ്യോഗസ്ഥരുടെ പേര്, തസ്തിക, ഇ -ടെൻഡർ പോർട്ടലിൽ നിന്നുള്ള സമ്മറി റിപ്പോർട്ടിന്റെ പകർപ്പ് എന്നിവ ലഭ്യമാക്കാമോ?

കെ.എസ്.ഇ.ബി. യൂട്ടിലിറ്റി ഷിഫ്റ്റിംഗിലെ പ്രശ്നങ്ങള്‍

610  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  അരുവിക്കര നിയോജകമണ്ഡലത്തിലെ പൊന്മുടി റോഡ് നവീകരണവുമായി ബന്ധപ്പെട്ട് കെ.എസ്.ഇ.ബി. യൂട്ടിലിറ്റി ഷിഫ്റ്റിംഗിലെ പ്രശ്നങ്ങള്‍ പരിഹരിക്കുന്നതിന് സ്വീകരിച്ചിട്ടുളള നടപടികള്‍ എന്തെല്ലാമെന്ന് വിശദമാക്കുമോ?

ടെക്നോപാർക്കിലെ വൈദ്യുതി ലഭ്യത ഉറപ്പു വരുത്തുന്നതിന് നടപടി

611  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സ്ഥാപിതമായി 30 വർഷത്തിലേറെയായ കഴക്കൂട്ടത്തെ ടെക്നോപാർക്കിൽ അക്കാലത്ത് തന്നെ സ്ഥാപിച്ച 11 കെ.വി. വൈദ്യുതി സബ്‌സ്റ്റേഷനാണ് ഇപ്പോഴും നിലവിലുള്ളതെന്ന കാര്യം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  ഇവിടെ 30 വർഷത്തിലേറെയായി ഉപയോഗത്തിലിരിക്കുന്ന ഭൂഗർഭ കേബിളുകളുടെ തകരാർ മൂലം ഇടയ്ക്കിടെ ഉണ്ടാകുന്ന വൈദ്യുതി തടസ്സം ശ്രദ്ധയിൽപ്പെട്ടിട്ടുണ്ടോ; ഇത് പരിഹരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദാംശങ്ങൾ ലഭ്യമാക്കുമോ;

(സി)  ടെക്നോപാർക്കിൽ പുതുതായി ആരംഭിക്കുന്ന കമ്പനികൾക്ക് 11 കെ.വി. ലൈനിൽനിന്ന് നേരിട്ട് വൈദ്യുതി ലഭ്യമാക്കാൻ കഴിയാത്തതിനാൽ അവർ നേരിടുന്ന പ്രശ്നങ്ങൾ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ഡി)  ടെക്നോപാർക്കിലേക്ക് 22 കെ.വി. ലൈൻ മുഖേന വൈദ്യുതി ലഭ്യമാക്കാത്തതിനാൽ നേരിടുന്ന ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ അവ പരിഹരിക്കുന്നതിനായി നടപടികൾ സ്വീകരിച്ചിട്ടുണ്ടോ; സ്വീകരിച്ച നടപടികളുടെ വിശദാംശങ്ങൾ അറിയിക്കാമോ?

ലോഡ് ഷെഡിംഗ് ഒഴിവാക്കുന്നതിനുള്ള നടപടി

612  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ വൈദ്യുതി പ്രതിസന്ധിയെ തുടർന്ന് ലോഡ് ഷെഡിംഗ് ഏർപ്പെടുത്തിയിട്ടുണ്ടോ;

(ബി)  ലോഡ് ഷെഡിംഗ് ഏർപ്പെടുത്തുന്നതിനുള്ള പ്രധാന കാരണങ്ങൾ എന്തൊക്കെയാണെന്ന് വിലയിരുത്തിയിട്ടുണ്ടോ; വിശദമാക്കാമോ;

(സി)  വൈദ്യുതി ഉപഭോഗം വർധിക്കുന്ന സാഹചര്യത്തിൽ ലോഡ് ഷെഡിംഗ് ഒഴിവാക്കുന്നതിനായി സർക്കാർ/കെ.എസ്.ഇ.ബി സ്വീകരിച്ചുവരുന്ന നടപടികൾ വിശദമാക്കാമോ?

വയനാട് സോളാർ ഫെൻസിങ്ങുമായി ബന്ധപ്പെട്ട വിജിലൻസ് അന്വേഷണം

613  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  വയനാട് സോളാർ ഫെൻസിങ്ങുമായി ബന്ധപ്പെട്ട വിജിലൻസ് അന്വേഷണത്തെ തുടർന്ന് അനെർട്ടിലെ ഏതെങ്കിലും ഉദ്യോഗസ്ഥനെതിരെ കർശനമായ വകുപ്പുതല നടപടി സ്വീകരിക്കാൻ സർക്കാർ ആവശ്യപ്പെട്ടിരുന്നോ; എങ്കിൽ, വിശദാംശങ്ങൾ നൽകുമോ;

(ബി)  ഇക്കാര്യത്തിൽ ഏത് ചട്ടപ്രകാരമാണ് അനെർട്ട് മേധാവി അച്ചടക്കനടപടി ആരംഭിച്ചതെന്ന് വിശദമാക്കാമോ;

(സി)  അച്ചടക്കനടപടി പൂർത്തിയാകുന്നതിന് മുമ്പ് അനെർട്ട് മേധാവി കുറ്റാരോപിതനായ ഉദ്യോഗസ്ഥന് നിലവിൽ വഹിച്ചിരുന്ന തസ്തികയിൽനിന്ന് റീ-സ്ട്രക്ചറിംഗ്/ റീ-ഡെസിഗ്നേഷൻ/ റീ-പ്ലേസ്‌മെന്റ്/ റീ-അലോക്കേഷൻ എന്നിവയിലൂടെ ഉയർന്ന പദവിയിലേക്ക് സ്ഥാനക്കയറ്റം നൽകുകയും തുടർന്ന് അച്ചടക്കനടപടി തുടരേണ്ടതില്ലെന്ന് ഉത്തരവ് പുറപ്പെടുവിക്കുകയും ചെയ്തിട്ടുണ്ടോ; വിശദമാക്കാമോ;

(ഡി)  എങ്കിൽ, ഏത് തസ്തികയിൽനിന്നാണ് ഏത് തസ്തികയിലേക്കാണ് സ്ഥാനക്കയറ്റം നൽകിയതെന്ന്, പ്രസ്തുത തസ്തികകളുടെ ശമ്പള സ്കെയിലുകൾ സഹിതം വ്യക്തമാക്കാമോ;

(ഇ)  ഇക്കാര്യത്തിൽ അനെർട്ട് മേധാവിയുടെ നടപടി നിയമാനുസൃതമാണോ; അല്ലെങ്കിൽ, ക്രമവിരുദ്ധമായി നൽകിയ സ്ഥാനക്കയറ്റം പിൻവലിച്ച് അച്ചടക്കനടപടി പുനരാരംഭിക്കാൻ സർക്കാർ തയ്യാറാണോ; വ്യക്തമാക്കാമോ?

നിലമ്പൂര്‍ നിയോജകമണ്ഡലത്തിൽ ഇ.എസ്.എ. കരട് വിജ്ഞാപനത്തിൽ ഉൾപ്പെട്ട വില്ലേജുകൾ

614  ശ്രീ. ആര്യാടന്‍ ഷൗക്കത്ത് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  മലപ്പുറം ജില്ലയിലെ ഇക്കോളജിക്കലി സെൻസിറ്റീവ് ഏരിയയായി കേന്ദ്ര പരിസ്ഥിതി മന്ത്രാലയം കരട് വിജ്ഞാപനത്തിൽ ഉൾക്കൊള്ളിച്ചിട്ടുള്ള 11 വില്ലേജുകളില്‍ 6 വില്ലേജുകളും നിലമ്പൂര്‍ നിയോജകമണ്ഡലത്തിൽ ഉള്‍പ്പെട്ടതാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ബി)  പ്രസ്തുത കരട് വിജ്ഞാപനത്തില്‍ ഉള്‍പ്പെട്ട 6 വില്ലേജുകളിലെ ജനവാസ മേഖലകളെ പൂര്‍ണ്ണമായും അന്തിമ വിജ്ഞാപനത്തില്‍ നിന്നും ഒഴിവാക്കുവാനായി കേന്ദ്ര പരിസ്ഥിതി മന്ത്രാലയത്തോട് ആവശ്യപ്പെടുവാന്‍ വേണ്ട നടപടികള്‍ സ്വീകരിക്കുമോ; വിശദമാക്കുമോ?

പശ്ചിമഘട്ടത്തിലെ പരിസ്ഥിതിലോല പ്രദേശങ്ങൾ

615  ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പശ്ചിമഘട്ട മേഖലയിലെ പരിസ്ഥിതിലോല പ്രദേശം സംബന്ധിച്ച് കേന്ദ്രസർക്കാർ പുറപ്പെടുവിച്ചിട്ടുള്ള കരട് വിജ്ഞാപനത്തിലെ വ്യവസ്ഥകൾ വിലയിരുത്തിയിട്ടുണ്ടോ; വ്യക്തമാക്കുമോ;

(ബി)  ജനവാസ മേഖലകൾ, കൃഷിയിടങ്ങൾ, തോട്ടം മേഖലകൾ എന്നിവ ഇ.എസ്.എ. (ഇക്കോളജിക്കലി സെൻസിറ്റീവ് ഏരിയ) പരിധിയിൽ ഉൾപ്പെടുന്നതു മൂലം പ്രദേശവാസികൾക്ക് ഉണ്ടാകാവുന്ന നിയന്ത്രണങ്ങൾ സംബന്ധിച്ച് വിലയിരുത്തിയിട്ടുണ്ടോ; വ്യക്തമാക്കുമോ;

(സി)  പത്തനാപുരം നിയോജകമണ്ഡലത്തിലെ പത്തനാപുരം, പിറവന്തൂർ വില്ലേജുകൾ പോലെ കരട് പട്ടികയിൽ ഉൾപ്പെട്ടിട്ടുള്ള ജനവാസ മേഖലകൾ ഇ.എസ്.എ. പരിധിയിൽ നിന്നും ഒഴിവാക്കുന്നതിന് സ്വീകരിച്ച നടപടികൾ വ്യക്തമാക്കുമോ?

പരിസ്ഥിതി ലോലമേഖലയില്‍ നിന്നും ജനവാസ മേഖല ഒഴിവാക്കാൻ നടപടി

616  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിന്റെ വനമേഖലയോട് ചേര്‍ന്ന് കിടക്കുന്ന ഏകദേശം 64 -ഓളം നിയോജക മണ്ഡലങ്ങളിലെ ജനവാസമേഖലകളെക്കൂടി പരിസ്ഥിതിലോല പ്രദേശമായി വിജ്ഞാപനം ചെയ്യാനുള്ള കേന്ദ്ര സര്‍ക്കാരിന്റെ നീക്കം തടയുവാന്‍ എന്തൊക്കെ നടപടികളാണ് സ്വീകരിച്ചതെന്ന് വ്യക്തമാക്കുമോ;

(ബി)  കേരളത്തിലെ പരിസ്ഥിതിലോല മേഖല ഏതൊക്കെ വില്ലേജുകളെ ഉള്‍പ്പെടുത്തിയാണ് തയ്യാറാക്കിയിട്ടുള്ളത്; ഇക്കാര്യത്തില്‍ കഴിഞ്ഞ സര്‍ക്കാര്‍ വരുത്തിയതായി പറയപ്പെടുന്ന തെറ്റുകള്‍ തിരുത്താന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ?

ഇ.എസ്.എ പരിധി

617  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പാറശ്ശാല നിയോജകമണ്ഡലത്തിലെ വാഴിച്ചൽ, കള്ളിക്കാട്, അമ്പൂരി വില്ലേജുകളിലെ ജനവാസ-കാർഷിക മേഖലകൾ പരിസ്ഥിതി സംവേദക പ്രദേശത്തിന്റെ (ഇ.എസ്.എ) പരിധിയിൽ ഉൾപ്പെട്ടിട്ടുള്ളത് ശ്രദ്ധയിൽപ്പെട്ടിട്ടുണ്ടോ; പ്രസ്തുത പ്രദേശങ്ങളുടെ നിലവിലെ സ്ഥിതിയും വിശദാംശങ്ങളും വ്യക്തമാക്കുമോ;

(ബി)  പ്രസ്തുത പ്രദേശങ്ങളിലെ ജനവാസ മേഖലകളും കൃഷിഭൂമികളും ശാസ്ത്രീയ പരിശോധനയ്ക്കും സ്ഥലപരിശോധനയ്ക്കും വിധേയമാക്കി പരിസ്ഥിതി ഇ.എസ്.എ പരിധിയിൽനിന്ന് ഒഴിവാക്കുന്നതിനുള്ള നടപടികൾ സ്വീകരിച്ചിട്ടുണ്ടോ; ഇല്ലെങ്കിൽ, ഇതിനായി നടപടി സ്വീകരിക്കുമോ;

(സി)  ഇ.എസ്.എ പരിധിയിൽ ഉൾപ്പെട്ടിട്ടുള്ളതുമൂലം പ്രദേശത്തെ ജനങ്ങളുടെ താമസം, കൃഷി, ജീവനോപാധി, സ്വത്ത് എന്നിവയ്ക്ക് ഉണ്ടാകാവുന്ന പ്രയാസങ്ങൾ ഒഴിവാക്കുന്നതിനും ജനങ്ങളുടെ താൽപര്യങ്ങൾ സംരക്ഷിക്കുന്നതിനുമായി സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കുമോ;

(ഡി)  വാഴിച്ചൽ, കള്ളിക്കാട്, അമ്പൂരി വില്ലേജുകളിലെ ജനവാസ-കാർഷിക മേഖലകളെ ഇ.എസ്.എ. പരിധിയിൽനിന്ന് ഒഴിവാക്കുന്നതിനായി കേന്ദ്ര സർക്കാരിന് നിർദേശങ്ങളോ നിവേദനങ്ങളോ സമർപ്പിച്ചിട്ടുണ്ടോ; പ്രസ്തുത പ്രദേശങ്ങളെ ഒഴിവാക്കുന്നതിനായി തുടർനടപടികൾ സ്വീകരിക്കുമോ; വ്യക്തമാക്കുമോ?

ഇ.എസ്.എ. കരട് വിജ്ഞാപനം

618  ശ്രീ. സനീഷ്‌കുമാര്‍ ജോസഫ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്ര പരിസ്ഥിതി മന്ത്രാലയം പ്രസിദ്ധീകരിച്ച ഇ.എസ്.എ. കരട് വിജ്ഞാപനത്തിൽ ചാലക്കുടി താലൂക്കിലെ അതിരപ്പിള്ളി, പരിയാരം വില്ലേജുകളിലെ ജനവാസ മേഖലകളും കൃഷിഭൂമിയും ഉൾപ്പെട്ടിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

(ബി)  വനഭൂമിയില്ലാത്തതും പൂർണമായും ജനവാസ മേഖലകളും കൃഷിഭൂമിയും മാത്രമുള്ളതുമായ പരിയാരം വില്ലേജിനെയും അതിരപ്പിള്ളി വില്ലേജിലെ ജനവാസ മേഖലകളെയും ഇ.എസ്.എ. പട്ടികയിൽനിന്ന് ഒഴിവാക്കണമെന്ന് കേന്ദ്ര സർക്കാരിനോട് ആവശ്യപ്പെടുമോ; വ്യക്തമാക്കുമോ;

(സി)  നിലവിൽ പ്രസിദ്ധീകരിച്ചിട്ടുള്ള മാപ്പിൽനിന്ന് പരിയാരം വില്ലേജിനെയും അതിരപ്പിള്ളി വില്ലേജിലെ ജനവാസ മേഖലകളെയും ഒഴിവാക്കുന്നതിനുള്ള നടപടികൾ സ്വീകരിക്കുമോ;

(ഡി)  പ്രസിദ്ധീകരിച്ചിട്ടുള്ള മാപ്പിൽ പരിയാരം വില്ലേജിന്റെയും അതിരപ്പിള്ളി വില്ലേജിന്റെയും വിസ്തൃതി തെറ്റായി രേഖപ്പെടുത്തിയിരിക്കുന്നത് ശ്രദ്ധയിൽപ്പെട്ടിട്ടുണ്ടോ; ആയത് തിരുത്തുന്നതിനുള്ള നടപടികൾ സ്വീകരിക്കുമോ; വ്യക്തമാക്കുമോ?

എൽനിനോ പ്രതിഭാസം

619  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  എൽനിനോ പ്രതിഭാസത്തിന്റെ ഫലമായി സംസ്ഥാനത്ത് അനുഭവപ്പെടുന്ന താപവർധനവ്, മഴക്കുറവ്, കടൽക്ഷോഭം, കുടിവെള്ളക്ഷാമം എന്നിവ സംബന്ധിച്ച് പഠനം നടത്തിയിട്ടുണ്ടോ; ഉണ്ടെങ്കിൽ വിശദവിവരങ്ങൾ നൽകുമോ;

(ബി)  കൃഷി, മത്സ്യബന്ധനം, വനം-വന്യജീവി മേഖലകൾ നേരിടുന്ന/നേരിടാൻ പോകുന്ന പ്രത്യാഘാതങ്ങൾ പഠനത്തിലൂടെ കണ്ടെത്തിയിട്ടുണ്ടോ; ഉണ്ടെങ്കിൽ, ഈ പ്രത്യാഘാതങ്ങൾ നേരിടുന്നതിനായി എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് അറിയിക്കുമോ?

പശ്ചിമഘട്ട പരിസ്ഥിതിലോലമേഖല കരട് വിജ്ഞാപനം

620  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ജനവാസ കേന്ദ്രങ്ങള്‍ പശ്ചിമഘട്ട പരിസ്ഥിതിലോലമേഖല കരട് വിജ്ഞാപനത്തിൽ ഉള്‍പ്പെട്ട കാര്യം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഏതെല്ലാമാണെന്ന് വിശദമാക്കുമോ;

(ബി)  കൂത്തുപറമ്പ് നിയോജക മണ്ഡലത്തിലെ പൂര്‍ണ്ണമായും ജനവാസ കേന്ദ്രമായ പാട്യം ഗ്രാമപഞ്ചായത്തില്‍ ഉള്‍പ്പെടുന്ന ചെറുവാഞ്ചേരി പ്രദേശം ഈ പട്ടികയില്‍ ഉള്‍പ്പെട്ടത് ജനങ്ങളിലാകെ ആശങ്ക ഉയര്‍ത്തിയ കാര്യം പരിശോധിക്കുമോ;

(സി)  ജനജീവിതത്തെ സാരമായി ബാധിക്കുന്ന ഈ വിജ്ഞാപനത്തില്‍ നിന്ന് ചെറുവാഞ്ചേരി വില്ലേജിനെ ഒഴിവാക്കുന്നതിന് സര്‍ക്കാര്‍ എന്തൊക്കെ നടപടികളാണ് സ്വീകരിക്കുകയെന്ന് വ്യക്തമാക്കുമോ?

ഇ.എസ്.എ. വിജ്ഞാപനത്തിലെ ആശങ്കകൾ

621  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പരിസ്ഥിതിലോല മേഖലാ നിയമങ്ങളുടെ പേരിൽ കർഷകരുടെ ഭൂമി നിർബന്ധിതമായി ഏറ്റെടുക്കുകയില്ലെന്നും ഭൂമി ഏറ്റെടുക്കേണ്ട സാഹചര്യമുണ്ടായാൽ മതിയായ നഷ്ടപരിഹാരം നൽകി മാത്രമേ ഏറ്റെടുക്കുകയുള്ളൂ എന്നും തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  സംസ്ഥാനത്തെ പരമാവധി പ്രദേശങ്ങളെ ഇ.എസ്.എ. പരിധിയിൽനിന്ന് ഒഴിവാക്കാൻ കേന്ദ്രസർക്കാരിൽ സമ്മർദം ചെലുത്തുമോ; വിശദമാക്കുമോ;

(സി)  ജനവാസ കേന്ദ്രങ്ങളെയും കൃഷിയിടങ്ങളെയും തോട്ടം മേഖലയെയും ഇ.എസ്.എ. പരിധിയിൽനിന്ന് പൂർണമായും ഒഴിവാക്കാൻ നടപടി സ്വീകരിക്കുമോ; വിശദമാക്കുമോ?

ഇ.എസ്.എ. കരട് വിജ്ഞാപനം

622  ശ്രീ. ഐ. സി. ബാലകൃഷ്ണന്‍
ശ്രീ. ആര്യാടന്‍ ഷൗക്കത്ത്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  2026 ജൂലൈ 27-ന് കേന്ദ്ര സർക്കാർ പ്രസിദ്ധീകരിച്ച പശ്ചിമഘട്ട ഇ.എസ്.എ.(ഇക്കോളജിക്കലി സെൻസിറ്റീവ് ഏരിയ) കരട് വിജ്ഞാപനത്തിന്റെ അടിസ്ഥാനത്തിൽ കേരളത്തിന്റെ താൽപര്യങ്ങൾ സംരക്ഷിക്കുന്നതിനും ജനവാസ മേഖലകൾക്കും കൃഷിയിടങ്ങൾക്കും അനാവശ്യ നിയന്ത്രണങ്ങൾ ഉണ്ടാകാതിരിക്കുന്നതിനുമായി കേന്ദ്രസർക്കാരിന് സമർപ്പിച്ചിട്ടുള്ള നിർദേശങ്ങൾ എന്തെല്ലാമെന്ന് വിശദമാക്കുമോ;

(ബി)  പ്രസ്തുത വിജ്ഞാപന പ്രകാരം കേരളത്തിൽ ഉൾപ്പെടുത്തിയിട്ടുള്ള പ്രദേശത്തിന്റെ വിസ്തീർണ്ണം എത്രയാണ്; പുതിയ കരട് വിജ്ഞാപനവുമായി ബന്ധപ്പെട്ട് കേന്ദ്രസർക്കാരിനോട് ആവശ്യപ്പെട്ടിട്ടുള്ള ഭേദഗതികൾ എന്തൊക്കെയാണ്; വിശദമാക്കുമോ;

(സി)  കേരളത്തിലെ ഇ.എസ്.എ. പരിധിയിൽ ഉൾപ്പെടുന്ന വില്ലേജുകളുടെ എണ്ണം എത്രയാണ്; ഇ.എസ്.എ. പരിധിയിൽ ഉൾപ്പെട്ട ജനവാസ മേഖലകൾ, കൃഷിയിടങ്ങൾ, തോട്ടങ്ങൾ എന്നിവയുടെ വിശദാംശങ്ങൾ ശേഖരിച്ചിട്ടുണ്ടോ; വിശദമാക്കുമോ?

ജൈവവൈവിധ്യ പൈതൃക കേന്ദ്രം

623  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് സ്വകാര്യ ഉടമസ്ഥതയിലുള്ള പരിസ്ഥിതി പ്രാധാന്യമുള്ള മേഖലകളെ ജൈവവൈവിധ്യ പൈതൃക കേന്ദ്രമായി സംരക്ഷിക്കാൻ പദ്ധതിയുണ്ടോ; വ്യക്തമാക്കുമോ;

(ബി)  ഉടമസ്ഥാവകാശം പൂർണമായി ഉടമകളിൽ നിലനിർത്തിയാണോ പദ്ധതി നടപ്പാക്കുക, മറ്റെന്തെല്ലാം മാനദണ്ഡങ്ങളാണ് പദ്ധതിയിൽ ഉൾപ്പെടുത്തിയിരിക്കുന്നത് എന്നിവ സംബന്ധിച്ച് വ്യക്തമാക്കുമോ;

(സി)  രാജ്യത്ത് ആദ്യമായാണോ ഒരു സംസ്ഥാനം ഇത്തരത്തിൽ മാനദണ്ഡങ്ങൾ രൂപീകരിക്കുന്നതെന്ന് വ്യക്തമാക്കുമോ; പ്രസ്തുത പദ്ധതിയുടെ ഉദ്ദേശ്യം പരിസ്ഥിതി സംരക്ഷണം മാത്രമാണോ എന്ന് വിശദമാക്കുമോ?

പശ്ചിമഘട്ട പരിസ്ഥിതിലോല മേഖല

624  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  പശ്ചിമഘട്ട പരിസ്ഥിതിലോല മേഖലയെ സംബന്ധിച്ച് കേന്ദ്ര സർക്കാർ പുറപ്പെടുവിച്ച ഏഴാമത് കരട് വിജ്ഞാപനത്തിന് സംസ്ഥാന സർക്കാർ നൽകിയ മറുപടിയിൽ, സംസ്ഥാനത്തെ പരിസ്ഥിതിലോല മേഖല (ഇ.എസ്.എ.) വനഭൂമിയിൽ മാത്രമായി നിജപ്പെടുത്തിയിട്ടുണ്ടോ; വിശദാംശങ്ങൾ നൽകുമോ;

(ബി)  ഇ.എസ്.എ.യ്ക്കുള്ളിൽ ജനവാസമേഖല ഉൾപ്പെടുന്നുണ്ടോ; ഉണ്ടെങ്കിൽ, വിശദാംശങ്ങൾ നൽകുമോ; ഇത് ഒഴിവാക്കുന്നതിനായി സർക്കാർ നടപടി സ്വീകരിച്ചിട്ടുണ്ടോ; ഇത് സംബന്ധിച്ച രേഖകൾ ലഭ്യമാക്കുമോ;

(സി)  2026-ലെ വിജ്ഞാപനത്തിൽ ഉൾപ്പെട്ടിട്ടുള്ള 131 വില്ലേജുകളുടെ ആകെ വിസ്തീർണ്ണം എത്രയാണ്; പ്രസ്തുത വില്ലേജുകളിൽ ഉൾപ്പെടുന്ന മൊത്തം വനഭൂമിയുടെ വിസ്തൃതി എത്രയാണ്;

(ഡി)  സംസ്ഥാന സർക്കാർ നൽകിയ ഏഴാമത്തെ കരട് വിജ്ഞാപനത്തിന് നൽകിയ മറുപടിയിൽ ഉൾപ്പെടുന്ന, ഇ.എസ്.എ.-കളുടെ പരിധിയിൽ വരുന്ന ആകെ വനഭൂമിയുടെ വിസ്തൃതി എത്രയാണ്;

(ഇ)  കാർഡമം ഹിൽ റിസർവിന്റെ (സി.എച്ച്.ആർ.) പദവി സംബന്ധിച്ച നിലപാട് എന്താണ്; സി.എച്ച്.ആർ. മേഖലയിൽ വനഭൂമി ഉൾപ്പെട്ടിട്ടുണ്ടോ; വിശദമാക്കുമോ?

കാലാവസ്ഥാ വ്യതിയാനവും വെള്ളപ്പൊക്കവും

625  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കാലാവസ്ഥ വ്യതിയാനം മൂലം കേരളത്തിൽ ഉണ്ടാകുന്ന പ്രകൃതിക്ഷോഭങ്ങളെ കുറിച്ച് മുൻകൂട്ടി അറിയാൻ സംവിധാനങ്ങൾ ഒരുക്കുന്നത് സംബന്ധിച്ച് പഠനം നടത്തിയിട്ടുണ്ടോ;

(ബി)  ക്ലൈമറ്റ് ചെയ്ഞ്ച് സെല്ലിന്റെ പ്രവർത്തനങ്ങൾ എന്തൊക്കെയാണെന്ന് വിശദമാക്കുമോ;

(സി)  പെട്ടെന്നുണ്ടാകുന്ന അതിതീവ്ര മഴ മൂലമുള്ള വെള്ളപ്പൊക്കം ഒഴിവാക്കുന്നതിന് എന്തൊക്കെ പാരിസ്ഥിതിക ഇടപെടൽ നടത്താൻ കഴിയുമെന്ന് വ്യക്തമാക്കുമോ;

(ഡി)  കേരളത്തിലെ നദികളിൽ അടിഞ്ഞുകൂടിയിരിക്കുന്ന മണലും എക്കലും മാറ്റുന്നതിന് സ്വീകരിച്ച നടപടികൾ വ്യക്തമാക്കുമോ?

സി .ആർ .ഇസഡ്- ല്‍ വരുന്ന അപേക്ഷകള്‍

626  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  വിവിധ ആവശ്യങ്ങൾക്കായി സി.ആർ.ഇസഡ്-ല്‍ വരുന്ന അപേക്ഷകള്‍ സമയബന്ധിതമായി തീര്‍പ്പാക്കാന്‍ സാധിക്കുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ആയത് പരിഹരിക്കാനുളള എന്തെല്ലാം മുന്‍കരുതലുകളാണ് സ്വീകരിച്ചിട്ടുളളതെന്ന് വിശദീകരിക്കുമോ;

(ബി)  സി.ആർ.ഇസഡ് സംബന്ധിച്ച ഫയല്‍ തീര്‍പ്പാക്കല്‍ പ്രക്രിയ ലളിതമാക്കാനുളള എന്തെല്ലാം നടപടികളാണ് സ്വീകരിച്ചിട്ടുളളതെന്ന് വ്യക്തമാക്കുമോ; ഇത്തരത്തിൽ താനൂർ നഗരസഭ,നിറമരുതൂർ ഗ്രാമ പഞ്ചായത്ത് പരിധിയിൽ 2020 ജനുവരി മുതൽ 2026 ഒക്ടോബർ 1 വരെ എത്ര അപേക്ഷകൾ ലഭിച്ചുവെന്നും അതിൽ പരിഹരിച്ചതും പരിഹരിക്കാത്തതുമായ അപേക്ഷകൾ ഏതെല്ലാമെന്നും തദ്ദേശസ്വയംഭരണ സ്ഥാപനം തിരിച്ച് വ്യക്തമാക്കുമോ?

കോസ്റ്റല്‍ റെഗുലേഷന്‍ സോണ്‍- ലെ നിര്‍മ്മാണ പ്രവര്‍ത്തനങ്ങള്‍

627  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് വൈദ്യുതി, പരിസ്ഥിതി - പാർലമെന്ററികാര്യ വകുപ്പ് മന്ത്രി സദയം മറുപടി നല്‍കുമോ:

(എ)  കോസ്റ്റല്‍ റെഗുലേഷന്‍ സോണ്‍ (CRZ) മേഖലയിലെ നിര്‍മ്മാണ പ്രവര്‍ത്തനങ്ങള്‍ സംബന്ധിച്ച് നിലവിലുള്ള വ്യവസ്ഥകള്‍ എന്തൊക്കെയാണ്; വിശദാംശം നല്‍കുമോ;

(ബി)  കെട്ടിടങ്ങള്‍, Sluice കള്‍ തുടങ്ങിയ നിര്‍മ്മിതികള്‍ നിലവിലുണ്ടായിരുന്ന ജനവാസ മേഖലകളെ കോസ്റ്റല്‍ റെഗുലേഷന്‍ സോണ്‍ (CRZ) മാപ്പില്‍ എപ്രകാരമാണ് രേഖപ്പെടുത്തുന്നത്; ഇത്തരം പ്രദേശങ്ങളില്‍ നിര്‍മ്മാണ പ്രവര്‍ത്തനങ്ങള്‍ നടത്തുന്നതിനുള്ള വ്യവസ്ഥകള്‍ എന്തെല്ലാമാണ്;

(സി)  എറണാകുളം മണ്ഡലത്തിലെ ചേരാനെല്ലൂര്‍ പഞ്ചായത്തിലെ Sluice കള്‍ തുടങ്ങിയ നിര്‍മ്മിതികള്‍ നിലവിലുണ്ടായിരുന്ന ജനവാസ മേഖലകളില്‍ നിര്‍മ്മാണ പ്രവര്‍ത്തനങ്ങള്‍ നടത്താന്‍ സാധിക്കാത്ത വിവരം ശ്രദ്ധയില്‍പ്പെട്ടിട്ടുണ്ടോ; പ്രസ്തുത മേഖലകളിലെ ജനങ്ങളുടെ പ്രതിസന്ധി പരിഹരിക്കുന്നതിന് എന്ത് നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നത് എന്ന് വ്യക്തമാക്കാമോ; വിശദാംശം നല്‍കുമോ?