കോവളം മണ്ഡലത്തില്‍, ഈ സര്‍ക്കാര്‍ അധികാരത്തില്‍ വന്നതിനുശേഷം ഭരണാനുമതി ലഭിച്ച പ്രവൃത്തികളുടെയും, മുന്‍ സര്‍ക്കാരിന്റെ കാലത്ത് ഭരണാനുമതി ലഭിച്ചതും ഈ സര്‍ക്കാരിന്റെ കാലത്ത് പ്രവൃത്തി ആരംഭിച്ചതുമായ മെെനര്‍, മേജര്‍ ഇറിഗേഷന്‍ പദ്ധതികളുടെയും വിവരങ്ങള്‍ ലഭ്യമാക്കാമോ;

പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വിശദമാക്കാമാേ?

ജലവിഭവ വകുപ്പിന്റെ ആഭിമുഖ്യത്തിൽ പിറവം നിയോജക മണ്ഡലത്തിൽ വിവിധ മിഷനുകൾക്കും പദ്ധതികൾക്കും കീഴിൽ 2021 ജൂൺ മുതൽ നടപ്പിലാക്കിയ പദ്ധതി പ്രവർത്തനങ്ങളുടെ വിശദാംശം ലഭ്യമാക്കുമോ;

പ്രസ്തുത കാലയളവിൽ മൈനർ ഇറിഗേഷനും മേജർ ഇറിഗേഷനും കീഴിൽ നടപ്പിലാക്കിയ പദ്ധതികളുടെ വിശദാംശങ്ങൾ ലഭ്യമാക്കുമോ;

പുതിയ എന്തെല്ലാം പദ്ധതികളാണ് നടപ്പിലാക്കാന്‍ ഉദേശിക്കുന്നത്; നിലവില്‍ പൂര്‍ത്തികരിക്കാന്‍ ഉള്ള പ്രവൃത്തികള്‍ ഏതെല്ലാമാണ്?

സംസ്ഥാനത്തിന്റെ 576 കിലോമീറ്റര്‍ ദെെര്‍ഘ്യമുള്ള തീരമേഖലയെ തീരശോഷണത്തില്‍ നിന്നും സംരക്ഷിക്കാൻ ജലവിഭവ വകുപ്പ് കഴിഞ്ഞ അഞ്ച് വർഷം നടത്തിയ ശാസ്ത്രീയ പഠനങ്ങളുടെ പുരോഗതി വിശദീകരിക്കാമോ;

തീരസംരക്ഷണത്തിനായി ജലവിഭവ വകുപ്പ് നടപ്പിലാക്കിയ ദീർഘകാല പദ്ധതികൾ എന്തൊക്കെയാണെന്ന് വ്യക്തമാക്കാമോ; നിരന്തരമുള്ള കടലാക്രമണത്തിൽ നിന്ന് ഏതെല്ലാം പ്രദേശങ്ങളെ സംരക്ഷിക്കാൻ കഴിഞ്ഞിട്ടുണ്ടെന്ന് വിശദമാക്കാമോ;

തീരസംരക്ഷണ പ്രവർത്തനങ്ങൾക്ക് കഴിഞ്ഞ പത്ത് വർഷത്തിനിടയിൽ ജലവിഭവ വകുപ്പിന് കേന്ദ്രസർക്കാരിൽ നിന്ന് സാമ്പത്തിക സഹായം ലഭിച്ചിട്ടുണ്ടോ; ഉണ്ടെങ്കിൽ വിശദാംശങ്ങൾ നൽകാമോ;

തീരദേശ ജനതയുടെ ജീവനും സ്വത്തും സംരക്ഷിക്കുന്നതിനുള്ള ഉത്തരവാദിത്തം നിറവേറ്റാൻ ഏതെല്ലാം വിഭവസമാഹരണ മാര്‍ഗ്ഗങ്ങളാണ് സ്വീകരിക്കുന്നത്; വിശദാംശം നല്‍കാമോ?

ഈ സർക്കാർ അധികാരത്തിൽ വന്നശേഷം കാഞ്ഞങ്ങാട് മണ്ഡലത്തിൽ ജലവിഭവ വകുപ്പ് നടപ്പിലാക്കിയ പദ്ധതികൾ വർഷം തിരിച്ച് വിശദമാക്കാമോ?

2016 മെയ് മാസം മുതല്‍ നാളിതുവരെ വണ്ടൂര്‍ മണ്ഡലത്തില്‍ ജലവിഭവ വകുപ്പ് തുക അനുവദിച്ച പ്രവൃത്തികളുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തികളുടെ പ്രവര്‍ത്തന പുരോഗതി അറിയിക്കാമോ?

മാവേലിക്കര മണ്ഡലത്തില്‍ തഴക്കര -നൂറനാട് ഗ്രാമപഞ്ചായത്തുകളിലെ കൃഷിക്ക് ഉപകാരപ്രദമായ 'വെട്ടിയാര്‍ ചീപ്പ്' നിര്‍മ്മാണത്തിന് ബജറ്റില്‍ തുക വകയിരുത്തിയത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

പ്രസ്തുത പ്രവൃത്തിയുടെ ഭരണാനുമതിക്ക് മൈനര്‍ ഇറിഗേഷനും ഐ.ഡി.ആർ.ബി. -യും സ്വീകരിച്ച നടപടികള്‍ വിശദമാക്കുമോ;

പ്രസ്തുത പ്രവൃത്തിക്ക് ഭരണാനുമതി ലഭ്യമാക്കുവാന്‍ ആവശ്യമായ നടപടികൾ സ്വീകരിക്കുമോ?

ഈ സര്‍ക്കാര്‍ അധികാരത്തില്‍ വന്ന ശേഷം കേരള വാട്ടര്‍ അതോറിറ്റി, ഇറിഗേഷന്‍, ഭൂജല വകുപ്പുകള്‍ മുഖാന്തിരം ചങ്ങനാശ്ശേരി മണ്ഡലത്തില്‍ നടപ്പിലാക്കിയ പ്രവൃത്തികളുടെ വിശദാംശം ലഭ്യമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി, അനുവദിച്ച തുക എന്നിവ വ്യക്തമാക്കാമോ; ഉത്തരവുകളുടെ പകർപ്പ് ലഭ്യമാക്കാമോ?

സംസ്ഥാനത്തിന്റെ വിവിധ ഭാഗങ്ങളിൽ അതിമാരകമായ ജലജന്യ രോഗങ്ങൾ തുടർച്ചയായി റിപ്പോർട്ട് ചെയ്യപ്പെടുന്ന സാഹചര്യത്തിൽ സംസ്ഥാനത്തെ എല്ലാ ജലസ്രോതസ്സുകളുടെയും ജല ഗുണനിലവാരം ഉറപ്പാക്കേണ്ടതിന്റെ സാഹചര്യം വിശകലനം ചെയ്തിട്ടുണ്ടോ; വിശദമാക്കുമോ;

സംസ്ഥാനത്തെ എല്ലാ ജലസ്രോതസ്സുകളിലെയും ജലത്തിന്റെ ഗുണനിലവാരം വിശദമായ പരിശോധനയ്ക്ക് വിധേയമാക്കുന്നതിനും ഗുണനിലവാരം സംബന്ധിച്ച വിവരങ്ങൾ ജലാശയങ്ങൾക്ക് സമീപം പ്രദർശിപ്പിക്കുന്നതിനുമുള്ള സാധ്യത പരിശോധനാവിധേയമാക്കിയിട്ടുണ്ടോ; വിശദമാക്കുമോ;

സംസ്ഥാനത്തിന്റെ വിവിധ ഭാഗങ്ങളിൽ മാരകമായ അമീബിക് മസ്തിഷ്കജ്വരം റിപ്പോർട്ട് ചെയ്ത സാഹചര്യത്തിൽ ജലസ്രോതസ്സുകളെ സുരക്ഷിതമാക്കുന്നതിന് സ്വീകരിച്ച നടപടികൾ വിശദമാക്കുമോ;

പൊതുകുളങ്ങൾ, നീന്തൽ പരിശീലന കേന്ദ്രങ്ങൾ, വാട്ടർ തീം പാർക്കുകൾ തുടങ്ങി പൊതുജനങ്ങൾ കൂട്ടമായി ഉപയോഗപ്പെടുത്തുന്ന ജലാശയങ്ങളുടെ ജലഗുണനിലവാരം സംബന്ധിച്ച് നിബന്ധനകൾ നിർദേശിക്കപ്പെട്ടിട്ടുണ്ടോ; വിശദമാക്കുമോ?

ഈ സർക്കാർ അധികാരമേറ്റത് മുതൽ നാളിതുവരെ ജലവിഭവ വകുപ്പ് മുഖേന വടകര മണ്ഡലത്തിൽ നടപ്പാക്കിയ പദ്ധതികളുടെയും പ്രവൃത്തികളുടെയും വിശദാംശങ്ങള്‍ അറിയിക്കുമോ;

ഇക്കാലയളവിൽ വടകര മണ്ഡലത്തില്‍ ജലവിഭവ വകുപ്പ് മുഖേന നടപ്പാക്കുന്നതിന് അനുമതി ലഭിച്ച ശേഷം നാളിതുവരെയായി നടപ്പാക്കാന്‍ കഴിയാതെ പോയതോ ആരംഭിച്ച ശേഷം പൂര്‍ത്തീകരിച്ചിട്ടില്ലാത്തതോ ആയ പദ്ധതികളും പ്രവൃത്തികളും ഏതെല്ലാമാണ്‌; വിശദാംശങ്ങൾ അറിയിക്കുമോ;

ഇവ ഓരോന്നിനുമായി നീക്കി വച്ചിട്ടുള്ള തുകകൾ എത്രവീതമാണ്; വിശദാംശങ്ങൾ ലഭ്യമാക്കുമോ;

ഇതില്‍ കേന്ദ്രസര്‍ക്കാരില്‍ നിന്ന് സാമ്പത്തിക സഹായം ലഭിച്ചിട്ടുള്ള പദ്ധതികളും പ്രവൃത്തികളും ഏതൊക്കെയാണ്‌ ; ഇവ ഓരോന്നിനും നീക്കിവെച്ചിട്ടുള്ള കേന്ദ്രസംസ്ഥാന തദ്ദേശ സ്ഥാപന വിഹിതങ്ങള്‍ എത്രവീതമാണ് ; വ്യക്തമാക്കുമോ;

ഇക്കാലയളവിൽ വടകര മണ്ഡലത്തിനായി വകുപ്പു മുഖേന ചെലവാക്കിയ ആകെ തുക എത്ര ; വർഷവും ഇനവും തിരിച്ചുള്ള കണക്ക് ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം ദേവികുളം മണ്ഡലത്തില്‍ ജലവിഭവ വകുപ്പ് മുഖേന നടപ്പിലാക്കിയ പദ്ധതികളുടെ വിശദാംശങ്ങള്‍ ലഭ്യമാക്കാമോ?

കുന്ദമംഗലം മണ്ഡലത്തിൽ പ്രവൃത്തിയിലുള്ള എത്ര ലിഫ്റ്റ് ഇറിഗേഷൻ പദ്ധതികളാണ് നിലവിലുള്ളതെന്നും അവയുടെ നിലവിലെ സ്ഥിതിയും വ്യക്തമാക്കാമോ;

എരഞ്ഞിപ്പറമ്പ ലിഫ്റ്റ് ഇറിഗേഷൻ പദ്ധതി പ്രവൃത്തി എന്നാണ് ആരംഭിച്ചത്; ആയതിന്റെ പൂർത്തീകരണം വൈകുന്നതിന് ഇടയാക്കിയ കാരണമെന്താണ്; പ്രസ്തുത പദ്ധതി എപ്പോൾ കമ്മീഷൻ ചെയ്യാൻ സാധിക്കുമെന്ന് വ്യക്തമാക്കാമോ?

അമ്പലപ്പുഴ നിയോജക മണ്ഡലത്തില്‍ ജലവിഭവ വകുപ്പ് 2021 വര്‍ഷം മുതല്‍ നാളിതുവരെ നടപ്പാക്കിയ പദ്ധതികള്‍ ഏതൊക്കെയെന്നും ഓരോ പദ്ധതിക്കുമായി ചെലവഴിച്ച തുക എത്രയെന്നും വിശദമാക്കാമോ?

കായംകുളം മണ്ഡലത്തില്‍ കേരള വാട്ടര്‍ അതോറിറ്റി, മേജര്‍ ഇറിഗേഷന്‍, മൈനര്‍ ഇറിഗേഷന്‍ വകുപ്പ് വഴി 2016 മുതല്‍ നാളിതുവരെ നടപ്പാക്കിയ പദ്ധതികള്‍, അതിനായി ചെലവഴിച്ച തുക, പദ്ധതികളുടെ പുരോഗതി എന്നിവ വിശദമാക്കാമോ?

വാമനപുരം നദികരയിലെ പൂവൻപാറയ്ക്ക് സമീപമുള്ള പണ്ടുവിളയിൽ ഷട്ടർ ഹോയിസ്റ്റിങ് യൂണിറ്റ് സ്ഥാപിക്കുന്നതിനായി എസ്റ്റിമേറ്റ് പ്രകാരമുള്ള തുടർനടപടികൾ ഏത് ഘട്ടത്തിലാണ്; വിശദാംശം നല്‍കാമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ മേജർ ഇറിഗേഷൻ, മൈനർ ഇറിഗേഷൻ, ഭൂജല വകുപ്പ്, വാട്ടർ അതോറിറ്റി എന്നിവ മുഖേന ഏറനാട് മണ്ഡലത്തിൽ നടപ്പിലാക്കി വരുന്ന പ്രവൃത്തികൾ ഏതെല്ലാമാണ്; വിശദമാക്കാമോ;

പ്രസ്തുത പദ്ധതികൾക്കായി അനുവദിച്ച തുക, പദ്ധതികളുടെ പേര്, നിലവിലെ സ്ഥിതി എന്നിവയുടെ വിശദാംശം നൽകാമോ;

2024-25, 2025-26 സാമ്പത്തിക വര്‍ഷത്തില്‍ ഏറനാട് മണ്ഡലത്തില്‍ അനുവദിച്ചിട്ടുള്ള പുതിയ പദ്ധതികള്‍ ഏതെല്ലാമാണെന്നും ഓരോ പദ്ധതികൾക്കും അനുവദിച്ച തുക എത്രയാണെന്നും വ്യക്തമാക്കുമോ?

കൊടുങ്ങല്ലൂർ നിയോജക മണ്ഡലത്തിൽ കഴിഞ്ഞ 5 വർഷ കാലയളവില്‍ ജലവിഭവ വകുപ്പിന്റെ കീഴിൽ അനുവദിച്ച പ്രവൃത്തികള്‍ ഏതെല്ലാമെന്നും ഓരോ പ്രവൃത്തിക്കും അനുവദിച്ച തുകയും അവയുടെ നിലവിലെ സ്ഥിതിയും എന്താണെന്നും വ്യക്തമാക്കുമോ?

സംസ്ഥാനത്ത് ജലവിഭവ വകുപ്പ് നടപ്പാക്കിവരുന്ന ജലജീവന്‍ പദ്ധതിയുടെ പ്രവര്‍ത്തന പുരോഗതി വിശദമാക്കാമോ;

ഈ പദ്ധതി പ്രകാരം കേരളത്തിലെ എല്ലാ ഗ്രാമീണ ഭവനങ്ങളിലും പൂര്‍ണ്ണമായും കുടിവെള്ള കണക്ഷനുകള്‍ നല്‍കുന്നതിന് കഴിഞ്ഞിട്ടുണ്ടോ; വ്യക്തമാക്കാമോ;

സമഗ്ര കുടിവെള്ള പദ്ധതികള്‍ നടപ്പിലാക്കുന്നതിന് പ്രായോഗിക ബുദ്ധിമുട്ടുകള്‍ അനുഭവപ്പെടുന്ന വിദൂര വനമേഖലകളില്‍ കുടിവെള്ളക്ഷാമം പരിഹരിക്കുന്നതിന് എന്തൊക്കെ നടപടികള്‍ സ്വീകരിച്ചിട്ടുണ്ട്; വിശദമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്ന ശേഷം വള്ളിക്കുന്ന് നിയോജകമണ്ഡലത്തില്‍ കേരള വാട്ടര്‍ അതോറിറ്റി, മേജര്‍/ മൈനര്‍ ഇറിഗേഷന്‍ തുടങ്ങി ജലവിഭവ വകുപ്പിന് കീഴിലുള്ള വിവിധ വകുപ്പുകള്‍ മുഖേന നടപ്പിലാക്കിയ പദ്ധതികളുടെയും അവയുടെ നിലവിലെ പുരോഗതി സംബന്ധിച്ചും അനുവദിച്ച തുക സംബന്ധിച്ചുമുള്ള വിശദാംശങ്ങള്‍ നല്‍കാമോ;

മണ്ണട്ടാംപാറ അണക്കെട്ട് നവീകരണം, പുല്ലിപ്പുഴ സാള്‍ട്ട് എക്‌സ്‌ക്ലൂഷന്‍ ചെക്ക് ഡാം നിര്‍മ്മാണം, കടലുണ്ടിപ്പുഴ, പുല്ലിപ്പുഴ, ബാലാതിരുത്തി സൈഡ് പ്രൊട്ടക്ഷന്‍ പ്രവൃത്തികള്‍, ദേശീയ ജല പാത നവീകരണം, കടലുണ്ടിക്കടവ് അഴിമുഖത്തെ മണ്ണും ചെളിയും നീക്കം ചെയ്യല്‍, ജല്‍ ജീവന്‍ മിഷന്‍, (പെരുവളളൂര്‍ പഞ്ചായത്ത്, പളളിക്കല്‍ പഞ്ചായത്ത്) എന്നീ പ്രവൃത്തികളുടെ പുരോഗതി സംബന്ധിച്ച വിശദാംശം പ്രത്യേകമായി നല്‍കാമോ?

ആലത്തൂർ മണ്ഡലത്തിൽ 2020-21 സാമ്പത്തിക വർഷം മുതൽ ജലവിഭവ വകുപ്പ് മുഖേന നടപ്പാക്കാൻ ബജറ്റിൽ അനുവദിച്ച വിവിധ പദ്ധതികളുടെ വിശദാംശം നൽകാമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം കരുനാഗപ്പള്ളി മണ്ഡലത്തില്‍ ഭരണാനുമതി ലഭിച്ച പ്രവൃത്തികളും മുന്‍ സര്‍ക്കാരിന്റെ കാലത്ത് ഭരണാനുമതി ലഭിച്ചതും നിലവിലെ സര്‍ക്കാരിന്റെ കാലത്ത് പ്രവൃത്തി ആരംഭിച്ചതുമായ മെെനര്‍, മേജര്‍ ഇറിഗേഷന്‍ പദ്ധതികളുടെ വിവരങ്ങളും ലഭ്യമാക്കാമാേ;

പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വിശദമാക്കാമാേ?

2021-22 മുതല്‍ നാളിതുവരെയായി കുണ്ടറ മണ്ഡലത്തിലേയ്ക്കായി അനുവദിച്ചിട്ടുളള ഇറിഗേഷന്‍ പദ്ധതികള്‍ ഏതൊക്കെ; ആയതിന് അനുവദിച്ചിട്ടുളള തുക എത്ര; പ്രസ്തുത പ്രവൃത്തികളുടെ നിലവിലെ പ്രവര്‍ത്തന പുരോഗതി എന്താണ്‌ ; വിശദമാക്കാമോ?

ചാത്തമംഗലം ഗ്രാമപഞ്ചായത്തിലെ കൂഴക്കോട് പ്രദേശത്ത് മൈനർ ഇറിഗേഷൻ പദ്ധതിയിൽ ഉൾപ്പെടുത്തി കാർഷികാവശ്യത്തിനായി കനാൽ നിർമ്മിക്കുന്നതിനുള്ള പദ്ധതി തയ്യാറാക്കിയിട്ടുണ്ടോ;

എങ്കിൽ ആയതിന് ഭരണാനുമതി ലഭ്യമാക്കാൻ സ്വീകരിച്ച നടപടികൾ വിശദമാക്കാമോ;

പ്രസ്തുത പദ്ധതിക്ക് എപ്പോൾ ഭരണാനുമതി ഉത്തരവ് ലഭ്യമാക്കുമെന്ന് വ്യക്തമാക്കാമോ?

ജലജീവൻ മിഷന്റെ പ്രവർത്തനം ഇപ്പോള്‍ ഏതു ഘട്ടത്തിലാണ്; വിശദാംശം ലഭ്യമാക്കുമോ;

2020-ല്‍ തുടങ്ങിയ പദ്ധതി എത്ര ശതമാനം പൂർത്തിയായി; ബാക്കിയുള്ളത് എപ്പോള്‍ പൂർത്തീകരിക്കും ; വ്യക്തമാക്കുമോ;

കേന്ദ്ര-സംസ്ഥാന സർക്കാരുകള്‍ നടത്തുന്ന സംയുക്ത പദ്ധതി എത്ര തുകയുടേതെന്നും എത്ര തുക നാളിതുവരെ ചെലവാക്കിയെന്നും ഇതില്‍ കേന്ദ്ര വിഹിതം, സംസ്ഥാനവിഹിതം എന്നിവ എത്ര ചെലവാക്കി എന്നും വ്യക്തമാക്കുമോ;

പ്രസ്തുത പദ്ധതി മുഖേന എത്ര ഗ്രാമീണ വീടുകളില്‍ കുടിവെള്ളം എത്തിച്ചുവെന്നും ഇനി നല്‍കേണ്ടത് എത്ര വീടുകളിലേക്കാണെന്നും വ്യക്തമാക്കുമോ?

മങ്കട മണ്ഡലത്തിലെ ‍ജലജീവന്‍ മിഷന്‍ പദ്ധതിയുടെ നിലവിലെ സ്ഥിതി അറിയിക്കുമോ; ഏതെല്ലാം പഞ്ചായത്തിലാണ് പദ്ധതി പൂര്‍ത്തിയാകാനുള്ളത്; എത്ര കണക്ഷനുകളാണ് നല്‍കാന്‍ ബാക്കിയുള്ളത്; വ്യക്തമാക്കുമോ;

പദ്ധതിയുടെ ഭാഗമായുള്ള വാട്ടര്‍ടാങ്ക്, ട്രീറ്റ്മെന്റ് പ്ലാന്റ് നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ;

പദ്ധതിയുടെ ഭാഗമായി കുഴിച്ച ഏതെല്ലാം റോ‍ഡുകള്‍ പൂര്‍വ്വസ്ഥിതിയിലാക്കാന്‍ ബാക്കിയുണ്ട്; ഗ്രാമപഞ്ചായത്ത് തിരിച്ച് വിവരം ലഭ്യമാക്കുമോ;

മണ്ഡലത്തിലെ ജലജീവന്‍ മിഷന്‍ പദ്ധതി അടിയന്തരമായി പൂര്‍ത്തിയാക്കുന്നതിന് നടപടി സ്വീകരിക്കുമോ?

അഷ്ടമുടി കായലിന്റെ പാരിസ്ഥിതിക സംരക്ഷണത്തിനായി പ്രത്യേക മാനേജ്മെന്റ് സമിതി രൂപീകരിക്കണമെന്ന ഹൈക്കോടതി നിർദേശത്തിന്റെ അടിസ്ഥാനത്തിൽ എന്തൊക്കെ നടപടികൾ സ്വീകരിച്ചിട്ടുണ്ട്; വിശദാംശം വ്യക്തമാക്കുമോ;

റാംസർ കൺവെൻഷൻ പ്രകാരം അഷ്ടമുടി കായലിന്റെ മലിനീകരണം തടയുന്നതിനും കണ്ടൽ വനങ്ങൾ സംരക്ഷിക്കുന്നതിനും അനധികൃത കയ്യേറ്റങ്ങൾ ഒഴിവാക്കുന്നതിനും സാധിക്കുന്ന രീതിയിൽ തുടർനടപടികൾ സ്വീകരിക്കുമോ; വിശദാംശം വ്യക്തമാക്കുമോ?

പുഴയുടെ വശം ഭിത്തി കെട്ടി സംരക്ഷിക്കുന്നതിന് മൈനര്‍ ഇറിഗേഷന്‍ വകുപ്പില്‍ നിന്നും നടപ്പ് സാമ്പത്തിക വര്‍ഷം മലപ്പുറം ജില്ലക്ക് അനുവദിച്ച തുകയും പ്രവൃത്തികളുടെ വിശദാംശങ്ങളും ലഭ്യമാക്കാമോ;

തിരൂരങ്ങാടി താലൂക്കില്‍പ്പെട്ട വള്ളിക്കുന്ന് നിയോജകമണ്ഡലത്തില്‍ മൂന്നിയൂര്‍ പഞ്ചായത്തിലെ പതിമൂന്നാം വാര്‍ഡില്‍ ഉള്‍പ്പെടുന്ന പരപ്പനങ്ങാടി ഇറിഗേഷന്‍ സബ്ഡിവിഷന്റെ കീഴില്‍ വരുന്ന കടലുണ്ടി പുഴയുടെ വശം ഭിത്തി കെട്ടി സംരക്ഷിക്കുന്നതിന് ഫണ്ട് അനുവദിച്ചിട്ടുണ്ടോ; വിശദാംശങ്ങള്‍ നല്‍കാമോ?

കുറ്റ്യാടി ഇറിഗേഷൻ പദ്ധതിയുടെ ഭാഗമായി നാദാപുരം നിയോജക മണ്ഡലത്തിലെ തൂണേരി വേറ്റുമ്മല്‍-കായപ്പനച്ചി –ടെയില്‍ എന്‍ഡ് –കനാല്‍ പദ്ധതിക്ക് ബജറ്റില്‍ 1.50 കോടി വകയിരുത്തിയതിന്റെ ഭരണാനുമതി ലഭ്യമാക്കുന്നതിന് നാളിതുവരെ എന്തൊക്കെ നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

മുഖ്യമന്ത്രിയുടെ തദ്ദേശറോഡ് പുനരുദ്ധാരണ പദ്ധതി പ്രകാരം നടുവണ്ണൂര്‍ ഗ്രാമപഞ്ചായത്തില്‍ ഫണ്ട് അനുവദിച്ച ഏതെല്ലാം കനാല്‍ റോഡുകള്‍ക്കാണ് ഇറിഗേഷന്‍ വകുപ്പിന്റെ അനുമതി നല്‍കാന്‍ കാലതാമസം വന്നിട്ടുള്ളത്; പ്രസ്തുത റോഡുകള്‍ നവീകരിക്കുന്നതിന് അടിയന്തരമായി ഗ്രാമപഞ്ചായത്തിന് അനുമതി നല്‍കാമോ?

2021 വര്‍ഷം മുതല്‍ കുറ്റ്യാടി ജലസേചന പദ്ധതിയുടെ പുനരുദ്ധാരണത്തിനായി കുറ്റ്യാടി നിയോജക മണ്ഡലത്തില്‍ എത്ര പദ്ധതികള്‍ നടപ്പിലാക്കിയിട്ടുണ്ട്; പദ്ധതിയുടെ അടങ്കല്‍ തുക സഹിതം വിശദമാക്കാമോ;

പുനരുദ്ധാരണ പദ്ധതികള്‍ നടപ്പിലാക്കുന്നതുവഴി കുറ്റ്യാടി നിയോജക മണ്ഡലത്തില്‍ പരിഹരിച്ച പ്രശ്നങ്ങള്‍ എന്തൊക്കെയാണെന്ന് വിശദമാക്കാമോ;

2025-ല്‍ കുറ്റ്യാടി ഇറിഗേഷന്‍ പുനരുദ്ധാരണത്തിനായി കുറ്റ്യാടി നിയോജക മണ്ഡലത്തില്‍ നടപ്പിലാക്കുന്ന പ്രവൃത്തികള്‍ എന്തൊക്കെയാണെന്ന് പഞ്ചായത്ത് തിരിച്ചുള്ള വിശദാംശം ലഭ്യമാക്കുമോ;

കുറ്റ്യാടി ഇറിഗേഷന്‍ പദ്ധതിയുടെ ഭാഗമായി സമര്‍പ്പിച്ചിട്ടുള്ള പദ്ധതിക്ക് അംഗീകാരം ലഭിച്ചിട്ടുണ്ടോ; വ്യക്തമാക്കാമോ?

മണലൂര്‍ മണ്ഡലത്തിലെ ചൂണ്ടല്‍ പഞ്ചായത്തിലെ പാറന്നൂര്‍ ചിറ ടൂറിസം പദ്ധതി 'ഡെസ്റ്റിനേഷന്‍ ചലഞ്ച്' പദ്ധതിയില്‍ ഉള്‍പ്പെടുത്തുന്നതിനായി ഇറിഗേഷന്‍ വകുപ്പിന്റെ എന്‍.ഒ.സി. യ്ക്കായി പഞ്ചായത്ത് അധികൃതരുടെ അപേക്ഷ വടക്കാഞ്ചേരി മേജര്‍ ഇറിഗേഷന്‍ വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയര്‍ക്ക് ലഭിച്ചിട്ടുണ്ടോ;

എങ്കില്‍ ഇക്കാര്യത്തില്‍ സ്വീകരിച്ച നടപടി എന്താണെന്ന് വ്യക്തമാക്കാമോ; പ്രസ്തുത എന്‍.ഒ.സി. നല്‍കിയിട്ടുണ്ടോ; ഇല്ലെങ്കില്‍ അതിനുള്ള അടിയന്തര നടപടി സ്വീകരിക്കുമോ?

സംസ്ഥാനത്തെ പൂർത്തീകരിക്കാത്ത വന്‍കിട ജലസേചന പദ്ധതികൾ എപ്പോള്‍ പൂർത്തീകരിക്കാൻ കഴിയുമെന്ന് വ്യക്തമാക്കാമോ;

ജലവിഭവ വകുപ്പിനെ നദീതടങ്ങളുടെ അടിസ്ഥാനത്തില്‍ പുനഃസംഘടിപ്പിക്കാൻ നടപടികൾ സ്വീകരിച്ചിട്ടുണ്ടോ; വിശദാംശം നല്‍കാമോ?

ഗുരുവായൂര്‍ മണ്ഡലത്തില്‍ പൊതു കുളങ്ങള്‍ നവീകരിക്കുന്നതിന് ഇറിഗേഷന്‍ വകുപ്പ് മൈനര്‍ വിഭാഗം എത്ര പ്രൊപ്പോസലുകള്‍ സമര്‍പ്പിച്ചിട്ടുണ്ടെന്നും ആയതിന്മേൽ സ്വീകരിച്ച നടപടികള്‍ എന്താണെന്നും വിശദമാക്കാമോ?

കണ്ണൂർ ജില്ലയിലെ മടക്കര പുഴയില്‍ നിർമ്മിച്ച ഇരിണാവ് ‍ഡാം പാലം റഗുലേറ്റർ മാത്രമായി നിലനിർത്തുകയും ഷട്ടർ മാറ്റി പുതിയ ഷട്ടർ സ്ഥാപിക്കുകയും ചെയ്യുന്നതിന് ഡയറക്ടർ കെ.ഇ.ആർ.ഐ. (പീച്ചി) പരിശോധന നടത്തി റിപ്പോർട്ട് ലഭ്യമാക്കിയിട്ടുണ്ടോ; എങ്കിൽ വിശദാംശം ലഭ്യമാക്കാമോ?

സംസ്ഥാനത്തെ ഡാമുകൾക്ക് ചുറ്റും നിയന്ത്രിത മേഖലയാക്കിയിട്ടുണ്ടെങ്കിൽ അത് എത്ര ദൂരമാണെന്ന് വ്യക്തമാക്കുമോ;

ഡാമുകൾക്ക് ചുറ്റും നിയന്ത്രിത മേഖലയാക്കിയിട്ടില്ലെങ്കിൽ അപ്രകാരം ആക്കുന്നതിന് നടപടി സ്വീകരിച്ചിട്ടുണ്ടോയെന്നും അത് എത്ര ദൂരമായിരിക്കുമെന്നും വിശദമാക്കാമോ;

ഡാമുകൾക്ക് ചുറ്റും നിയന്ത്രിത മേഖലയാക്കുകയാണെങ്കിൽ അവിടെ എന്തെല്ലാം നിയന്ത്രണങ്ങളാണ് ഏർപ്പെടുത്തേണ്ടിവരുകയെന്നു അറിയിക്കാമോ;

ഡാമുകൾക്ക് ചുറ്റും നിയന്ത്രിത മേഖലയാകുമ്പോൾ പ്രസ്തുത മേഖലയിൽ താമസിക്കുന്നവരുടെയും കൃഷിയിറക്കുന്നവരുടെയും ഭൂമി ഏറ്റെടുക്കുമോയെന്ന് വ്യക്തമാക്കാമോ;

ഡാമുകൾക്ക് ചുറ്റും നിയന്ത്രിത മേഖലയാകുമ്പോൾ പ്രസ്തുത മേഖലയിൽ താമസിക്കുന്നവർക്ക് നൽകുന്നതിനുള്ള നഷ്ടപരിഹാരം നിശ്ചയിച്ചിട്ടുണ്ടെങ്കിൽ അത് എത്രയാണെന്ന് അറിയിക്കാമോ;

ഡാമുകൾക്ക് ചുറ്റും നിയന്ത്രിത മേഖലയാക്കുകയാണെങ്കിൽ പ്രസ്തുത സ്ഥലത്ത് കൃഷി ഇറക്കി വന്നിരുന്നവർക്ക് പകരം കൃഷിഭൂമി ലഭ്യമാക്കാനുള്ള നടപടി സ്വീകരിക്കുമോയെന്ന് അറിയിക്കാമോ?

അരുവിക്കര ഡാമിലെ ഡി-സിൽറ്റേഷൻ പദ്ധതിയുടെ നിർവ്വഹണ പുരോഗതി അറിയിക്കുമോ; ഇവിടെ നിന്നും ലഭിക്കുമെന്ന് പ്രതീക്ഷിക്കുന്ന മണലിന്റെ അളവ് എത്രയാണെന്ന് കണക്കാക്കിയിട്ടുണ്ടെങ്കിൽ അറിയിക്കാമോ; പദ്ധതി ഏത് കാലയളവിനുള്ളിൽ പൂർത്തീകരിക്കാനാണ് ലക്ഷ്യമിടുന്നത്; വിവരങ്ങൾ നൽകുമോ;

പദ്ധതി പൂർത്തിയായിക്കഴിയുമ്പോൾ ഡാമിലെ ജലസംഭരണ ശേഷി എത്ര ശതമാനം വർദ്ധിപ്പിക്കാൻ കഴിയുമെന്നാണ് കണക്കാക്കിയിട്ടുള്ളത്?

ജലവിഭവ വകുപ്പിന്റെ ചുമതലയിലുള്ള ഡാമുകളില്‍ ഡി-സില്‍റ്റേഷന്‍ നടത്തുന്നതിനുള്ള നടപടികളുടെ ഇപ്പോഴത്തെ സ്ഥിതി അറിയിക്കുമോ;

ഡാമുകളുടെ സംഭരണ ശേഷിയില്‍ കുറവ് വന്നിട്ടുള്ളതായി ശാസ്ത്രീയ പഠന റിപ്പോര്‍ട്ടുകളിലൂടെ അറിയിച്ചിട്ടുണ്ടോ; പഠന റിപ്പോര്‍ട്ടുകളുടെ വിശദാംശം നല്‍കാമോ;

ഡി-സില്‍റ്റേഷന്‍ നടപടികളുടെ പദ്ധതിരേഖ തയ്യാറാക്കുന്നത് ഏത് ഏജന്‍സിയുടെ സഹായത്തോടെയാണ്; വ്യക്തമാക്കാമോ?

2020-21 വര്‍ഷത്തെ സംസ്ഥാന ബജറ്റില്‍ നാലുകോടി രൂപ അനുവദിച്ച മലമ്പുഴ മണ്ഡലത്തിലെ പുതുശ്ശേരി പഞ്ചായത്തിലെ ചെല്ലന്‍കാവ് മിനി ഡാം നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിയുടെ ഭരണാനുമതി ഉത്തരവിന്റെ പകര്‍പ്പ് ലഭ്യമാക്കാമോ?

തിരൂരങ്ങാടി മണ്ഡലത്തിലെ പൂരപ്പുഴ പാറയിലെ വി.സി.ബി. (Vented Cross Bar ) നിർമ്മാണത്തിലെ ചോർച്ച പരിഹരിക്കുന്നതിനായി ഫൈബർ ഷട്ടർ മാറ്റി മെറ്റൽ ഷട്ടർ ആക്കുന്നതിനായി സ്വീകരിച്ച നടപടികൾ വിശദമാക്കുമോ;

മെക്കാനിക്കൽ വിഭാഗം എൻജിനീയർമാർ വി.സി.ബി.യുടെ ചോർച്ച തടയുന്നതിന് സമർപ്പിച്ച റിപ്പോർട്ട് പ്രകാരം സ്വീകരിച്ച നടപടികൾ എന്തെല്ലാമാണ്; വിശദമാക്കാമോ;

വി.സി.ബി.യുടെ ചോർച്ച തടയുന്നതിനുള്ള നടപടി എന്നേക്ക് പൂർത്തീകരിക്കാനാകുമെന്ന് വിശദമാക്കാമോ;

ഈ വി.സി.ബി.യുടെ ചോർച്ച പരിഹരിക്കുന്നതിൽ വന്ന കാലതാമസം എത്രയാണ്; വിശദമാക്കാമോ; കാലതാമസം കാരണം അധികമായി വന്ന സാമ്പത്തിക ബാധ്യത എത്രയാണ്; വിശദമാക്കാമോ;

ടി പ്രവൃത്തിക്ക് ഭരണാനുമതി നൽകിയ തീയതി, സാങ്കേതിക അനുമതി നൽകിയ തീയതി, എഗ്രിമെന്റ് ഒപ്പുവെച്ച തീയതി, നിർമ്മാണം പൂർത്തീകരിച്ചെങ്കിലും ചോർച്ചയുള്ളതിനാൽ എം.എല്‍.എയുടെ ആവശ്യപ്രകാരം മെക്കാനിക്കൽ എൻജിനീയറിങ് വിഭാഗം സന്ദർശിച്ച തീയതി, ചോർച്ച മാറ്റുന്നതിന് നിലവിലുള്ള ഫൈബർ ഷട്ടർ മാറ്റി മെക്കാനിക്കൽ ഷട്ടർ സ്ഥാപിക്കണം എന്ന് റിപ്പോർട്ട് സമർപ്പിച്ച തീയതി എന്നിവ ഓരോന്നും ഇനം തിരിച്ച് വിശദമാക്കാമോ;

ഈ പദ്ധതിയുടെ അപാകത പരിഹരിക്കുന്നതിന് മെക്കാനിക്കൽ ഷട്ടർ ആക്കി മാറ്റുന്നതിനുള്ള റിപ്പോർട്ട് പ്രകാരമുള്ള ഫയൽ ഇപ്പോൾ ഏത് ഓഫീസിലാണെന്നും, ഇനി ഇതിന്റെ തുടർനടപടികൾ എന്തെല്ലാമാണെന്നും ബന്ധപ്പെട്ട വകുപ്പിലെയും ചീഫ് എൻജിനീയറുടെയും ഓഫീസിലെയും ഫയൽ നമ്പറുകൾ സഹിതം വിശദമാക്കാമോ? അത് എത്രയാണ്‌?

മാവേലിക്കര മണ്ഡലത്തില്‍ തഴക്കര ഗ്രാമപഞ്ചായത്ത് വാര്‍ഡ് 7, കല്ലിമേല്‍ കല്ലുവളയം പള്ളിക്ക് സമീപം അച്ചന്‍കോവിലാറിന്റെ ഇടത് കരയില്‍ സംരക്ഷണഭിത്തി നിര്‍മ്മിക്കുവാന്‍ ബജറ്റില്‍ മൂന്നു കോടി രൂപ വകയിരുത്തിയത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പ്രവൃത്തിയുടെ ഭരണാനുമതിക്കായി മേജര്‍ ഇറിഗേഷന്‍ വകുപ്പ് സ്വീകരിച്ച നടപടികള്‍ വിശദമാക്കുമോ;

പ്രസ്തുത പ്രവൃത്തിക്ക് ഭരണാനുമതി ലഭ്യമാക്കുവാന്‍ നടപടികള്‍ സ്വീകരിക്കുമോ?

ഹരിപ്പാട് മണ്ഡലത്തില്‍ നടന്നുവരുന്ന കടലാക്രമണ പ്രതിരോധ പ്രവൃത്തികളുടെ നിര്‍വഹണ പുരോഗതി അറിയിക്കാമോ;

എ.ഡി.ബി., ലോക ബാങ്ക് സഹായത്തോടെ തൃക്കുന്നപ്പുഴ, ആറാട്ടുപുഴ പഞ്ചായത്തുകളില്‍ നടപ്പിലാക്കാന്‍ വിഭാവനം ചെയ്തിട്ടുള്ള കടലാക്രമണ പ്രതിരോധ പ്രവൃത്തികള്‍ ഏതെല്ലാമാണെന്ന് അറിയിക്കാമോ; ഈ പ്രോജക്ടുകളുടെ തല്‍സ്ഥിതി സംബന്ധിച്ച വിശദാംശം അറിയിക്കാമോ;

തൃക്കുന്നപ്പുഴ, ആറാട്ടുപുഴ പഞ്ചായത്തുകളില്‍ അനുഭവപ്പെടുന്ന അതിരൂക്ഷമായ കടലാക്രമണം നേരിടുന്നതിന് കൂടുതല്‍ ഫണ്ട് അനുവദിക്കുന്നതിനും കൂടുതല്‍ പ്രവൃത്തികള്‍ക്ക് അംഗീകാരം നല്‍കുന്നതിനുമുള്ള നടപടികള്‍ സ്വീകരിക്കുമോ; വിശദമാക്കാമോ?

കോഴിക്കോട് പുനൂര്‍ പുഴ സംരക്ഷണത്തിനായി 2021-ല്‍ ആരംഭിച്ച കാരന്തൂര്‍ മുതല്‍ മാളിക്കടവ് വരെയുള്ള ഭാഗത്തെ സംരക്ഷണ ഭിത്തി നിര്‍മ്മാണത്തിന് എന്തെല്ലാം നടപടികളാണ് സ്വീകരിച്ചിട്ടുള്ളത്;

ഇതിനായി തയ്യാറാക്കിയ പദ്ധതികളും ആയതിന് നീക്കി വച്ച തുകയും സംബന്ധിച്ച വിശദാംശങ്ങള്‍ ലഭ്യമാക്കുമോ?

കോട്ടക്കല്‍ മണ്ഡലത്തിലെ പുഞ്ചപ്പാടം തോട്, പൈങ്കണ്ണൂര്‍ തോട് എന്നിവയുടെ സംരക്ഷണഭിത്തി നിര്‍മ്മാണവും തോടുകളുടെ നവീകരണവും എന്ന പ്രവൃത്തി നബാര്‍ഡ് പദ്ധതിയില്‍ ഉള്‍പ്പെടുത്തുന്നതിനായുള്ള പ്രൊപ്പോസല്‍ ലഭ്യമായിട്ടുണ്ടോ; ആയതിന്മേല്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ;

പ്രസ്തുത പ്രൊപ്പോസലിന്മേല്‍ ചീഫ് എഞ്ചിനീയര്‍ (ജലസേചനം) സ്വീകരിച്ച നടപടികള്‍ വിശദമാക്കുമോ;

നിലവില്‍ കോട്ടക്കല്‍ മണ്ഡലത്തിലെ തോടുകള്‍ക്ക് സംരക്ഷണ ഭിത്തി കെട്ടുന്നതിനായി എത്ര പ്രവൃത്തികൾക്ക് എസ്റ്റിമേറ്റ് തയ്യാറാക്കി ചീഫ് എഞ്ചിനീയര്‍ ഓഫീസില്‍ സമര്‍പ്പിച്ചിട്ടുണ്ടെന്നും ഇവയിൽ എത്ര പ്രവൃത്തികൾക്ക് ഭരണാനുമതി ലഭ്യമാക്കിയിട്ടുണ്ടെന്നും വിശദമാക്കാമോ; ഭരണാനുമതി ലഭ്യമാക്കാനുള്ള പ്രവൃത്തികളുടെ വിശദാംശം ഫയല്‍ നമ്പര്‍ സഹിതം ലഭ്യമാക്കാമോ?

അട്ടപ്പാടി കുന്ദാനദീതട പദ്ധതിയിൽ കയ്യാല കെട്ടുന്നതിന് അട്ടപ്പാടിയിലെ ആദിവാസികളുടെ ആർ.ഒ.ആർ. (റെക്കോർഡ് ഓഫ് റൈറ്റ്സ് ഇൻ ലാൻഡ് റെക്കോർഡ്‌സ്) രസീതുകൾ ഇറിഗേഷൻ ഉദ്യോഗസ്ഥർ സ്വീകരിച്ചിരുന്നോയെന്ന് വ്യകതമാക്കാമോ; അതിന്റെ പകർപ്പ് ലഭ്യമാക്കാമോ?

ലോക ബാങ്ക് ധനസഹായത്തോടെ സംസ്ഥാനത്ത് കടൽഭിത്തി നിർമ്മിക്കാനുള്ള പദ്ധതി ആവിഷ്കരിച്ചിട്ടുണ്ടോ; ഇതിന്റെ വിശദവിവരങ്ങൾ ലഭ്യമാക്കുമോ;

പ്രസ്തുത പദ്ധതിയിൽ ഉൾപ്പെടുത്തി കാസർകോട് ജില്ലയിൽ നടപ്പിലാക്കുന്ന പ്രവൃത്തികളുടെ വിശദവിവരങ്ങൾ ലഭ്യമാക്കുമോ?

ഗുരുവായൂര്‍ മണ്ഡലത്തിലെ കടല്‍ക്ഷോഭം നേരിടുന്ന കടപ്പുറം പഞ്ചായത്തില്‍ തകര്‍ന്ന് കിടക്കുന്ന കടല്‍ഭിത്തി നവീകരിക്കുന്നതിന് സ്വീകരിച്ച നടപടികള്‍ വിശദമാക്കാമോ?

2016 മുതൽ 2025 വരെ കൈപ്പമംഗലം മണ്ഡലത്തിൽ ജലസേചന വകുപ്പ് നടപ്പിലാക്കിയ വികസന പ്രവർത്തനങ്ങൾ എന്തെല്ലാമാണെന്ന് ഗ്രാമപഞ്ചായത്ത് തിരിച്ചുള്ള വിശദമായ റിപ്പോർട്ട് നൽകാമോ;

കൈപ്പമംഗലം മണ്ഡലത്തിലെ എറിയാട്, എടവിലങ്ങ് എന്നീ ഗ്രാമപഞ്ചായത്തുകളിലെ തീരപ്രദേശങ്ങളെ ഹോട്ട്സ്പോട്ടിൽ ഉൾപ്പെടുത്തിയിട്ടുള്ളതിനാൽ ഈ പ്രദേശത്ത് ടെട്രോ പാഡ് സംരക്ഷിത ഭിത്തി നിർമ്മാണം വേഗത്തിൽ ആക്കുന്നതിന് എന്തെല്ലാം നടപടികളാണ് വകുപ്പ് കൈക്കൊണ്ടിട്ടുള്ളതെന്ന് വ്യക്തമാക്കാമോ?

കോഴിക്കോട് നോര്‍ത്ത് നിയോജകമണ്ഡലത്തിലെ ഭട്ട് റോഡ് പുലിമുട്ട് നിര്‍മ്മാണവുമായി ബന്ധപ്പെട്ട മദ്രാസ് ഐ.ഐ.ടി. യുടെ പഠന റിപ്പോര്‍ട്ട് ലഭ്യമാക്കിയിട്ടുണ്ടോ;

ഉണ്ടെങ്കില്‍ എന്തെല്ലാം തുടര്‍ നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ;

പദ്ധതി ആരംഭിക്കുന്നതിന് അടിയന്തര നടപടികള്‍ സ്വീകരിക്കുമോ?

വൈപ്പിൻ മണ്ഡലത്തിൽ കടലാക്രമണം രൂക്ഷമായിട്ടുള്ളതും ജനവാസകേന്ദ്രങ്ങളെ ബാധിക്കുന്നതുമായ എടവനക്കാട്, നായരമ്പലം, പള്ളിപ്പുറം, ഞാറക്കൽ എന്നീ ഗ്രാമപഞ്ചായത്തുകളിലെ തകർന്നു കിടക്കുന്ന കടൽ ഭിത്തികൾ നിർമ്മിക്കുന്നതിനായി സ്വീകരിച്ചിട്ടുള്ള നടപടികൾ വിശദമാക്കുമോ;

പ്രസ്തുത പ്രദേശങ്ങൾ ഹോട്ട്സ്പ്പോട്ടുകളിൽ ഉൾപ്പെടുത്തി കടലാക്രമണം തടയുന്നതിന് അടിയന്തര നടപടികൾ സ്വീകരിക്കുന്നതിനായി 09.08.2024-ന് ബഹു. ജലവിഭവ വകുപ്പ് മന്ത്രിക്ക് എം.എൽ.എ. നിവേദനം സമർപ്പിച്ചിരുന്നതും ആയതുപ്രകാരം 1R2/355/ജ.വി.വ നമ്പർ ഫയലിൽ അടിയന്തര റിപ്പോർട്ടിനായി ചീഫ് എ‍ഞ്ചിനിയർക്ക് നിർദേശം നൽകിയിരുന്നതിൽ, നാളിതുവരെ റിപ്പോർട്ട് സമർപ്പിക്കപ്പെട്ടിട്ടുണ്ടോ; ഇല്ലെങ്കിൽ റിപ്പോർട്ട് സമർപ്പിക്കുന്നതിൽ നേരിടുന്ന കാലതാമസത്തിന്റെ കാരണം വിശദമാക്കുമോ;

റിപ്പോർട്ട് സമർപ്പിക്കപ്പെട്ടിട്ടുണ്ടെങ്കിൽ ആയതിൽ സ്വീകരിച്ച നടപടികൾ വിശദമാക്കുമോ; റിപ്പോർട്ടിന്റെ പകർപ്പ് ലഭ്യമാക്കുമോ;

സംസ്ഥാനത്തിന്റെ എല്ലാ കടൽത്തീരങ്ങളേയും ഉൾപ്പെടുത്തി നാഷണൽ സെന്റർ ഫോർ കോസ്റ്റൽ റിസർച്ച് (എൻ.സി.സി.ആർ.) സമർപ്പിച്ച കരട് റിപ്പോർട്ടിൽ സ്വീകരിച്ചിട്ടുള്ള നടപടി വിശദമാക്കുമോ; ഇതിന്റെ അടിസ്ഥാനത്തിൽ കടൽഭിത്തി നിർമ്മാണവുമായി ബന്ധപ്പെട്ട് ഡിസൈൻ തയ്യാറാക്കിയിട്ടുണ്ടോ; വിശദവിവരം ലഭ്യമാക്കുമോ;

പ്രസ്തുത പദ്ധതി എപ്പോൾ നടപ്പിലാക്കാൻ സാധിക്കുമെന്നും ആയതിനുള്ള ധനസ്രോതസ് ഏതെന്നും വിശദമാക്കുമോ;

ഇതു സംബന്ധിച്ച ജലവിഭവ വകുപ്പിലെ ഫയൽ നമ്പറുകൾ ഏതെല്ലാമെന്ന് അറിയിക്കുമോ ?

2024-25 സാമ്പത്തിക വർഷത്തിലെ സംസ്ഥാന ബജറ്റിൽ 1.5 കോടി രൂപ വകയിരുത്തിയ മലമ്പുഴ മണ്ഡലത്തിലെ അകത്തേത്തറ അമ്പാട്ട്തോട് സംരക്ഷണ ഭിത്തി നിർമ്മാണത്തിന്റെ നിലവിലെ സ്ഥിതി വ്യക്തമാക്കാമോ;

പ്രസ്തുത പദ്ധതിയുടെ ഭരണാനുമതി ഉത്തരവിന്റെ പകര്‍പ്പ് ലഭ്യമാക്കാമോ?

കാസര്‍ഗോഡ് ജില്ലയിലെ വലിയ പറമ്പ് ദ്വീപ് പഞ്ചായത്തിനെ സംസ്ഥാന ജലവിഭവ വകുപ്പ് 'ഹോട്ട് സ്പോട്ട്' ആയി ഉള്‍പ്പെടുത്തി വര്‍ഷങ്ങള്‍ കഴിഞ്ഞിട്ടും കടലാക്രമണം തടയുന്നതിനായി ഒരു പദ്ധതിയും സ്വീകരിക്കാന്‍ കഴിയാതെ വന്നതെന്തുകൊണ്ടെന്ന് അറിയിക്കാമോ?

ടൂറിസം വകുപ്പിന്റെ കീഴിൽ, കണ്ണൂര്‍-പയ്യാമ്പലം ബീച്ച് വാക്ക് വേ - രണ്ടാം ഘട്ടത്തിന്റെ പ്രവൃത്തി ആരംഭിക്കുന്നതിനായി ജല വിഭവ വകുപ്പിന്റെ അനുമതി വേണമെന്നാവശ്യപ്പെട്ട് കത്ത് ലഭിച്ചിട്ടുണ്ടോ; എങ്കിൽ വിശദാംശം അറിയിക്കാമോ;

പ്രസ്തുത കത്തിന് മറുപടിയായി എൻ.ഒ.സി. നല്‍കിയിട്ടുണ്ടോ; ഉണ്ടെങ്കില്‍ പകര്‍പ്പ് നല്‍കാമോ; എൻ.ഒ.സി. നല്‍കിയിട്ടില്ലെങ്കില്‍ കാരണം വിശദമാക്കാമോ;

പ്രസ്തുത വിഷയം സംബന്ധിച്ച് വകുപ്പ് എന്തെങ്കിലും മറുപടി നല്‍കിയിട്ടുണ്ടോ; എങ്കിൽ വിശദാംശം അറിയിക്കാമോ?

കുന്നംകുളം മണ്ഡലത്തിലെ കരിച്ചാല്‍ക്കടവ് റഗുലേറ്റര്‍ കം ബ്രിഡ്ജിന്റെ നിര്‍മ്മാണ പുരോഗതി വിശദമാക്കാമോ;

പദ്ധതി സംബന്ധിച്ച് പുതുക്കിയ ഭരണാനുമതിക്ക് വേണ്ടി നല്‍കിയ നിവേദനം ശ്രദ്ധയില്‍പ്പെട്ടിട്ടുണ്ടോ;

അതിന്മേല്‍ സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ;

ടി പ്രവൃത്തി എന്നേക്ക് പൂര്‍ത്തീകരിക്കാനാകും; വ്യക്തമാക്കാമോ?

ചമ്രവട്ടം റഗുലേറ്റര്‍ കം ബ്രിഡ്ജിന്റെ "തിണപ്പഴക്ക്" (സീവേജ്) മൂലമുള്ള വെള്ളത്തിന്റെ ചോര്‍ച്ച അടയ്ക്കുന്നതിന് ടെണ്ടര്‍ എടുത്ത് മൂന്നു വര്‍ഷമായിട്ടും നിരവധി തവണ കരാർ തുക കൂട്ടി നൽകിയിട്ടും കരാർ കാലാവധി നീട്ടി നൽകിയിട്ടും ഇന്നേ വരെ പ്രവൃത്തി പൂര്‍ത്തികരിക്കാത്ത കോണ്‍ട്രാക്ടര്‍ക്കെതിരായി എന്ത് നടപടിയാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

വള്ളിക്കുന്ന് നിയോജകമണ്ഡലത്തിലെ ജലസേചന മേഖലയില്‍ കടക്കാട്ടുപാറ ആലുംകടവ് റെഗുലേറ്റര്‍ പദ്ധതി നടപ്പാക്കുന്നതിന് കിഫ്ബിയില്‍ നിന്നും അനുമതി ലഭിക്കുന്നതിലേക്കായി ജലസേചന വകുപ്പ് സ്വീകരിച്ചു വരുന്ന നടപടികള്‍ സംബന്ധിച്ച വിശദാംശങ്ങള്‍ നല്‍കാമോ;

ജലസേചന വകുപ്പ് 2025-'26 സാമ്പത്തിക വര്‍ഷം തയ്യാറാക്കി കിഫ്ബിക്ക് സമര്‍പ്പിക്കുന്ന പദ്ധതികളുടെ മുന്‍ഗണനാ പട്ടികയില്‍ കടക്കാട്ടുപാറ ആലുംകടവ് റെഗുലേറ്റര്‍ പദ്ധതിയെ ഉള്‍പ്പെടുത്തി ഭരണാനുമതി നല്‍കുന്ന കാര്യം പരിഗണിക്കുമോ; വ്യക്തമാക്കാമോ?

മങ്കട മണ്ഡലത്തിലെ ചെറുപുഴയ്ക്ക് കുറുകെയുള്ള ഉടുമ്പനാശ്ശേരി വി.സി.ബി. കം ബ്രിഡ്ജ് നിര്‍മ്മാണത്തിന്റെ ഇന്‍വെസ്റ്റിഗേഷന്‍ പ്രവൃത്തി പൂര്‍ത്തിയായിട്ടുണ്ടോ; എങ്കില്‍ ആയതിന്റെ റിപ്പോര്‍ട്ട് സമര്‍പ്പിച്ചിട്ടുണ്ടോ; വ്യക്തമാക്കുമോ;

ഇരുപത് ശതമാനം തുക ബജറ്റില്‍ വകയിരുത്തിക്കൊണ്ട് നടപ്പാക്കാന്‍ തീരുമാനിച്ചിട്ടുള്ള പ്രസ്തുത പ്രവൃത്തിയുടെ ഡി.പി.ആര്‍. സമര്‍പ്പിച്ചിട്ടുണ്ടോ; ഭരണാനുമതി ലഭിയ്ക്കുന്നതിനാവശ്യമായ നടപടികള്‍ സ്വീകരിക്കുന്നതില്‍ ഉണ്ടായിട്ടുള്ള കാലതാമസം ഗൗരവമായി കാണുന്നുണ്ടോ; വിശദമാക്കാമോ;

പ്രസ്തുത പ്രവൃത്തിയ്ക്ക് അടിയന്തരമായി ഭരണാനുമതി നല്‍കുന്നതിന് നടപടികള്‍ സ്വീകരിക്കുമോ?

കണ്ണൂർ ജില്ലയിലെ കല്യാശ്ശേരി മണ്ഡലത്തിലെ നട്ടിക്കടവ് റെഗുലേറ്റർ കം ബ്രിഡ്ജ് പ്രവൃത്തിയുടെ ഡിസൈൻ തയ്യാറാക്കി എസ്റ്റിമേറ്റ് സമർപ്പിക്കുന്നതിന് നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ദേശീയ ജലപാത വികസനത്തിന്റെ ഭാഗമായി തൃക്കുന്നപ്പുഴ പഞ്ചായത്തിലെ പഴയ പാലം പൊളിച്ച് പുനര്‍നിര്‍മ്മിക്കുന്ന പ്രവര്‍ത്തിയുടെ പുരോഗതി വിശദമാക്കുമോ;

ഈ പ്രവൃത്തിയുടെ പൂര്‍ത്തീകരണത്തിനായി ആദ്യം നിശ്ചയിച്ചിരുന്ന സമയപരിധി എന്നായിരുന്നുവെന്ന് വ്യക്തമാക്കുമോ;

നിശ്ചിത സമയപരിധിക്കുള്ളില്‍ ഈ പ്രവൃത്തി പൂര്‍ത്തീകരിക്കാത്തിന്റെ കാരണം എന്തെന്ന് വിശദമാക്കുമോ; ഇക്കാര്യത്തില്‍ ആരുടെ ഭാഗത്ത് നിനാണ് വീഴ്ച്ച സംഭവിച്ചിട്ടുള്ളതെന്ന് വ്യക്തമാക്കുമോ;

പാലത്തിന്റെ നിര്‍മ്മാണം വൈകുന്നത് കാരണം തൃക്കുന്നപ്പുഴ പഞ്ചായത്തിലെ തീരദേശ നിവാസികള്‍ അനുഭവിക്കുന്ന പ്രതിസന്ധിയും, പ്രയാസങ്ങളും ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

തൃക്കുന്നപ്പുഴ പാലത്തിന്റെ നിര്‍മ്മാണം അടിയന്തരമായി പൂര്‍ത്തീകരിക്കുന്നതിന് നടപടി സ്വീകരിക്കുമോ; വിശദമാക്കുമോ?

പുതുക്കാട് മണ്ഡലത്തിൽപ്പെട്ട ആറ്റപ്പിള്ളി റെഗുലേറ്റർ കം ബ്രിഡ്ജിന്റെ തകർന്ന അപ്രോച്ച് റോഡ് പുനർനിർമ്മിക്കുന്നതിനും റെഗുലേറ്ററിന്റെ നിർമ്മാണം പൂർത്തീകരിച്ച് പ്രവർത്തനക്ഷമമാക്കുന്നതിനുമായി സമർപ്പിച്ച എസ്റ്റിമേറ്റിന് അനുമതി ലഭ്യമാക്കുന്നതിനുള്ള നടപടികൾ ഏത് ഘട്ടത്തിലാണെന്ന് അറിയിക്കാമോ;

2025-26 വർഷ ‍ബജറ്റിന്റെ ചർച്ചയുടെ മറുപടി പ്രസംഗത്തിൽ ധനകാര്യ വകുപ്പു മന്ത്രി പ്രഖ്യാപിച്ചതിനനുസൃതമായി ആറ്റപ്പിള്ളി റെഗുലേറ്റർ കം ബ്രിഡ്ജിന്റെയും അപ്രോച്ച് റോഡിന്റേയും നിർമ്മാണത്തിനായി അടിയന്തര നടപടികൾ സ്വീകരിക്കുമോ?

തിരൂരങ്ങാടി നിയോജക മണ്ഡലത്തിലെ ന്യൂ കട്ട് പുഴയിലുള്ള ന്യൂ കട്ട് റെഗുലേറ്റർ പുതുക്കിപ്പണിയുന്നതിനുള്ള നടപടികൾ എന്തെല്ലാമായി; ഈ പ്രവൃത്തിയുടെ ഫയൽ ഇപ്പോൾ ഏത് ഓഫീസിലാണ് ഉള്ളത്; ഫയൽ നമ്പർ സഹിതം വിശദമാക്കാമോ;

ഈ പ്രവൃത്തിയിൽ വരുന്ന നിർമ്മാണങ്ങൾ എന്തെല്ലാമാണ്; ഇനം തിരിച്ച് വിശദമാക്കാമോ;

ന്യൂ കട്ട് പുഴയുടെ വീതിയും, ആഴവും കൂട്ടി, സൈഡ് കെട്ടി സംരക്ഷിക്കുന്നതിനുള്ള പ്രവൃത്തികൾ ഈ പദ്ധതിയുടെ ഭാഗമായി ചേർത്തിട്ടുണ്ടോ; വിശദമാക്കാമോ;

ഈ പ്രവൃത്തിയുടെ എസ്റ്റിമേറ്റ് തുക എത്രയാണെന്ന് കണക്കാക്കിയിട്ടുണ്ടോ; ഉണ്ടെങ്കിൽ എത്രയാണെന്ന് ഇനം തിരിച്ചു വിശദമാക്കാമോ?

കാസർഗോഡ് ജില്ലയിലെ കുമ്പള കഞ്ചികട്ട റെഗുലേറ്റർ കം ബ്രിഡ്ജ് അടച്ചിട്ടതുമൂലം ഗതാഗതം തടസ്സപ്പെട്ടതിനാൽ പൊതു ജനങ്ങൾ പ്രയാസം നേരിടുന്നത് ശ്രദ്ധയിൽപ്പെട്ടിട്ടുണ്ടോ;

പ്രസ്തുത റെഗുലേറ്റർ കം ബ്രിഡ്ജ് പുനർ നിർമ്മിക്കുന്നതിന് എന്തൊക്കെ നടപടികളാണ് സ്വീകരിച്ചിട്ടുള്ളത് എന്ന് വിശദമാക്കുമോ;

നടപ്പു വർഷത്തെ നബാർഡ് ആർ. ഐ. ഡി. എഫ്. (റൂറൽ ഇൻഫ്രാസ്ട്രക്ചർ ഡെവലപ്മെനിര്‍വ്വഹണംന്റ് ഫണ്ട്) പദ്ധതിയിൽ ഉൾപ്പെടുത്തി കഞ്ചികട്ട റെഗുലേറ്റർ കം ബ്രിഡ്ജ് പുനര്‍നിർമ്മിക്കാനുളള നടപടി സ്വീകരിക്കുമോ?

​വേങ്ങര നിയോജമണ്ഡലത്തിലെ വേങ്ങര പഞ്ചായത്തിൽ പാണ്ടികശാലയ്ക്ക് സമീപം കടലുണ്ടി പുഴയ്ക്ക് കുറുകെയുളള ബാക്കിക്കയം റെഗുലേറ്ററി​ന്റെ നിലവിലെ പ്രവർത്തനം സംബന്ധിച്ച് വിശദമാക്കുമോ;

പ്രസ്തുത റെഗുലേറ്ററിന്റെ ശേഷിക്കുന്ന പ്രവൃത്തികൾക്ക് ഭരണാനുമതി നൽകുന്നതിനുളള ഫയലിൽ എന്തെല്ലാം നടപടികളാണ് സ്വീകരിച്ചതെന്ന് വിശദമാക്കുമോ;

ബാക്കിക്കയം റെഗുലേറ്ററിന്റെ ശേഷിക്കുന്ന പ്രവൃത്തിയുടെ ഫയൽ രണ്ടു തവണ ധനകാര്യ വകുപ്പിന് സമർപ്പിച്ചപ്പോൾ ധനകാര്യ വകുപ്പിന്റെ അഭിപ്രായം എന്തായിരുന്നുവെന്ന് വിശദമാക്കുമോ;

ഇറിഗേഷൻ വകുപ്പ് ചീഫ് എഞ്ചിനീയറുടെ റിപ്പോർട്ടിന്റെയും ധനകാര്യ വകുപ്പിന്റെ അഭിപ്രായത്തിന്റെയും അടിസ്ഥാനത്തിൽ പ്രസ്തുത പ്രവൃത്തിയുടെ ശേഷിക്കുന്ന പ്രവൃത്തികൾ പൂർത്തിയാക്കുന്നതിനായി ഭരണാനുമതി നൽകുന്നതിന് അടിയന്തര നടപടികൾ സ്വീകരിക്കുമോ; വിശദമാക്കുമോ?

മങ്കട മണ്ഡലത്തിലെ മൂര്‍ക്കനാട് കുടിവെള്ള പദ്ധതിയുടെ ഭാഗമായി കേരള ഇറിഗേഷന്‍ ഇന്‍ഫ്രാ സ്ട്രക്ചര്‍ ഡവലപ്പ്മെന്റ് കോര്‍പ്പറേഷന്‍ നിര്‍മ്മിക്കുന്ന കീഴ്മുറിക്കടവ് മൂതിക്കയം റെഗുലേറ്റര്‍ കം ബ്രിഡ്ജ് നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ;

പ്രസ്തുത പ്രവൃത്തി പൂര്‍ത്തിയാക്കുന്നതിന് സമയപരിധി നിശ്ചയിച്ച് നല്‍കിയിട്ടുണ്ടോ; എങ്കില്‍ ഏത് തീയതിയില്‍ പൂര്‍ത്തിയാക്കാന്‍ കഴിയുമെന്നും പദ്ധതി അടിയന്തരമായി പൂര്‍ത്തീകരിച്ച് മണ്ഡലത്തിലെ കുടിവെള്ള പ്രശ്നത്തിന് ശാശ്വത പരിഹാരം കാണുന്നതിന് ആവശ്യമായ നടപടികള്‍ സ്വീകരിക്കുമോയെന്നും അറിയിക്കാമോ?

മണലൂര്‍ മണ്ഡലത്തില്‍ ഇറിഗേഷന്‍ വകുപ്പിന്റെ കീഴില്‍ നിലവില്‍ പുരോഗമിച്ച് കൊണ്ടിരിക്കുന്ന പ്രവൃത്തികള്‍ ഏതെല്ലാമാണെന്ന് അറിയിക്കുമോ;

പ്രസ്തുത ഓരോ പ്രവൃത്തിയുടെയും അടങ്കല്‍ തുക എത്രയാണെന്ന് വ്യക്തമാക്കാമോ;

പ്രസ്തുത പ്രവൃത്തികള്‍ നിലവില്‍ ഏത് ഘട്ടത്തിലാണ്; വിശദാംശം നല്‍കുമോ?

നിലവിലെ സർക്കാരിന്റെയും മുൻ സർക്കാരിന്റെയും കാലയളവിൽ പട്ടാമ്പി നിയോജക ​മണ്ഡലത്തില്‍ ആസ്തി വികസന ഫണ്ടിലോ പ്രാദേശിക ഫണ്ടിലോ ഉൾപ്പെടാത്ത ഏതെല്ലാം പദ്ധതികളാണ് അനുവദിച്ചിട്ടുള്ളതെന്ന് വ്യക്തമാക്കാമോ;

പദ്ധതിയുടെ വിശദവിവരങ്ങൾ, ഓരോ പ്രവൃത്തിക്കും അനുവദിച്ച തുക, നിർവഹണ ചുമതല നൽകിയിട്ടുള്ള വകുപ്പ്/ഏജൻസി, അവയുടെ നിലവിലെ സ്ഥിതി എന്നിവ വ്യക്തമാക്കാമോ; ഫണ്ട് അനുവദിച്ചതിന്റെ ഉത്തരവുകളുടെ പകര്‍പ്പ് സഹിതം ലഭ്യമാക്കുമോ;

പദ്ധതിയുടെ തദ്ദേശ സ്വയംഭരണ സ്ഥാപനാടിസ്ഥാനത്തിലുള്ള വിവരങ്ങള്‍ നല്‍കാമോ?

ഇരിക്കൂര്‍ മണ്ഡലത്തില്‍ ഈ സര്‍ക്കാര്‍ അധികാരത്തില്‍ വന്നതിനുശേഷം ഭരണാനുമതി ലഭിച്ച പ്രവൃത്തികള്‍, മുന്‍ സര്‍ക്കാരിന്റെ കാലത്ത് ഭരണാനുമതി ലഭിച്ചതും ഈ സര്‍ക്കാരിന്റെ കാലത്ത് പ്രവൃത്തി ആരംഭിച്ചതുമായ മെെനര്‍, മേജര്‍ ഇറിഗേഷന്‍ പദ്ധതികളുടെ വിവരങ്ങള്‍ ലഭ്യമാക്കാമാേ;

പ്രസ്തുത പദ്ധതികളുടെ പേര്, അനുവദിച്ച തുക, നിലവിലെ സ്ഥിതി എന്നിവ വിശദമാക്കാമാേ?

മണലൂര്‍ മണ്ഡലത്തിലെ കണ്ടാണശ്ശേരി പഞ്ചായത്തിലെ കിഴക്കോളൂരില്‍ കേച്ചേരിപ്പുഴയുടെ ബണ്ട് 2018-ലെ പ്രളയത്തില്‍ തകര്‍ന്നതുമൂലം പുഴ മാറി ഒഴുകിയതിനാല്‍ കിഴക്കോളൂര്‍ പ്രദേശത്ത് വളരെയേറെ നാശനഷ്ടങ്ങള്‍ ഉണ്ടായിട്ടുള്ളത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

2024-ലും പ്രളയക്കെടുതിമൂലം ഈ പ്രദേശത്തുള്ളവരെ മാറ്റി പാര്‍പ്പിക്കേണ്ടി വന്നിട്ടുള്ളതിനാല്‍ തകര്‍ന്ന ബണ്ട് ബലപ്പെടുത്തുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ നല്‍കാമോ;

മഴക്കാലത്ത് ഈ പ്രദേശത്തുള്ളവര്‍ക്ക് നാശനഷ്ടങ്ങളും പ്രയാസങ്ങളും ഉണ്ടായിക്കൊണ്ടിരിക്കുന്ന സാഹചര്യത്തില്‍ പ്രസ്തുത തകര്‍ന്ന ബണ്ട് ബലപ്പെടുത്തുന്നതിന് വേണ്ട അടിയന്തര നടപടി സ്വീകരിക്കുമോ; വിശദാംശം നല്‍കാമോ?

ചേലക്കര നിയോജകമണ്ഡലത്തിലെ ചേലക്കര മൈനർ ഇറിഗേഷൻ സെക്ഷൻ ഓഫീസ്, വടക്കാഞ്ചേരി മൈനർ ഇറിഗേഷൻ സെക്ഷൻ ഓഫീസ് എന്നീ ഓഫീസുകള്‍ക്ക് കീഴില്‍ എത്ര ലിഫ്റ്റ് ഇറിഗേഷൻ പദ്ധതികളാണ് നിലവിലുള്ളത്; ഇതിന്റെ പേരുവിവരം മൈനർ ഇറിഗേഷൻ സെക്ഷൻ തലത്തില്‍ വ്യക്തമാക്കാമോ;

ഇവയില്‍ ഏതെല്ലാമാണ് പരിപൂർണ്ണമായി പ്രവർത്തന സജ്ജമായിട്ടുള്ളത്; വ്യക്തമാക്കാമോ;

അറ്റകുറ്റപണി നടത്താനുള്ള ലിഫ്റ്റ് ഇറിഗേഷൻ പദ്ധതികള്‍ ഏതെല്ലാമാണ്; കർഷകർക്ക് യഥാസമയം വെള്ളം ലഭ്യമാക്കുന്നതിന് ഇവ അടിയന്തരമായി അറ്റകുറ്റപണി നടത്താൻ നടപടി സ്വീകരിക്കുമോ; വിശദമാക്കാമോ?

മുളക്കുളം ഗ്രാമ പ‍ഞ്ചായത്തിലെ തന്റെ സ്ഥലം മൂവാറ്റുപുഴ വാലി ഇറിഗേഷന്‍ പദ്ധതിക്കായി ഏറ്റെടുത്ത വകയിലുള്ള നഷ്ടപരിഹാരം ലഭിക്കുന്നതിന് ശ്രീ. കെ.പി. ജോസഫ്, കയ്യൂരിക്കല്‍ വീട്, കാരിക്കോട് എന്ന വ്യക്തി നല്‍കിയ അപേക്ഷയില്‍ ജലസേചന വകുപ്പ് സ്വീകരിച്ച നടപടികള്‍ വിശദീകരിക്കാമോ;

പ്രസ്തുത വ്യക്തിക്ക് എല്‍.എ.ആര്‍ നം. 49/2011 & LA APP NO.429/2013 പ്രകാരം എത്ര രൂപയാണ് സ്ഥലമേറ്റടുക്കലുമായി ബന്ധപ്പെട്ട് നല്‍കുവാന്‍ ഉള്ളത് എന്ന് വ്യക്തമാക്കാമോ;

ശ്രീ. കെ. പി. ജോസഫിന്റെ പരാതി പരിഹരിക്കുന്നതിന് ജലസേചന വകുപ്പ് എന്ത് നടപടി സ്വീകരിച്ചു എന്ന് വ്യക്തമാക്കാമോ?

കേരള വാട്ടർ അതോറിറ്റിയിൽ അസിസ്റ്റന്റ് എഞ്ചിനീയർ തസ്തികയിലേക്ക് ഒഴിവുകൾ ഇല്ലാതിരുന്നിട്ടും നിയമനം നടത്തിയെന്ന ആരോപണം ശ്രദ്ധയിൽപ്പെട്ടിണ്ടോ; സംഭവത്തിൽ എന്തെങ്കിലും അന്വേഷണം നടത്തിയിട്ടുണ്ടോ;

നിയമന ക്രമക്കേടുകൾക്ക് ഉത്തരവാദികളായവരെ കണ്ടെത്തിയിട്ടുണ്ടോ; ഇവർക്കെതിരെ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത്;

വാട്ടർ അതോറിറ്റി ഡയറക്ടർ ബോർഡുമായി ആലോചിക്കാതെ തീരുമാനങ്ങൾ എടുത്ത ഉദ്യോഗസ്ഥർക്കെതിരെ നടപടി സ്വീകരിക്കാൻ ഉദ്ദേശിക്കുന്നുണ്ടോ;

ഇത്തരം സംഭവങ്ങൾ ആവർത്തിക്കാതിരിക്കാൻ എന്തെല്ലാം നടപടികൾ സ്വീകരിക്കാനാണ് ഉദ്ദേശിക്കുന്നത്; വിശദമാക്കാമോ?

2022-23 വർഷത്തെ സംസ്ഥാന ബജറ്റിൽ 20 ശതമാനം തുക വകയിരുത്തിയ സീതാർകുണ്ട് മിനി ഡൈവേഴ്ഷൻ പദ്ധതി തുടങ്ങുന്നതുമായി ബന്ധപ്പെട്ട് എന്തെല്ലാം നടപടികളാണ് പൂർത്തീകരിച്ചിട്ടുള്ളതെന്ന് വിശദമാക്കാമോ;

പ്രസ്‌തുത പദ്ധതി എന്നത്തേക്ക് തുടങ്ങാൻ കഴിയുമെന്ന് വിശദമാക്കാമോ?

മലപ്പുറം മണ്ഡലത്തിൽ നടപ്പാക്കി വരുന്ന ജല വിഭവ വകുപ്പുമായി ബന്ധപെട്ട പ്രവൃത്തികളുടെ വിശദാംശങ്ങൾ നൽകാമോ ;

ഓരോ പ്രവൃത്തികളുടേയും പുരോഗതികൾ വിശദീകരിക്കാമോ;

തോടു നവീകരണം, പാർശ്വഭിത്തി സംരക്ഷണം, തടയണ നിർമ്മാണം, കനാൽ നിർമ്മാണം എന്നിവയിൽ പ്രപ്പോസലുകൾ സമർപ്പിച്ച പുതിയ പദ്ധതികൾക്ക് ഫണ്ട് അനുവദിച്ചിട്ടുണ്ടോ; വിശദമാക്കുമോ?

കോങ്ങാട് മണ്ഡലത്തിലെ കാഞ്ഞിരപ്പുഴയില്‍ പുതിയ കെ.എസ്.ഇ.ബി. സബ് സ്റ്റേഷൻ നിർമ്മിക്കുന്നതിന്, കാഞ്ഞിരപ്പുഴ ജലസേചന പദ്ധതിയുടെ അധികാര പരിധിയില്‍പ്പെട്ട സ്ഥലം കെ.എസ്.ഇ.ബി.-ക്ക് ലീസിനു നല്‍കുവാൻ നിരാക്ഷേപ പത്രം അനുവദിക്കുന്നതിനായി ജലസേചന വകുപ്പ് നടപടി സ്വീകരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

വേമ്പനാട്ടുകായലിന്റെ സംഭരണശേഷി 15 ശതമാനമായി കുറഞ്ഞു എന്ന റിപ്പോർട്ട് സർക്കാർ ഗൗരവത്തോടെ കാണുന്നുണ്ടോ; വിശദാംശം നൽകാമോ;

മാലിന്യങ്ങളും കൈയ്യേറ്റവും മൂലം കായലിന്റെ വിസ്തൃതി കുറഞ്ഞതായും ജലസംഭരണശേഷി 85% നഷ്ടപ്പെട്ടതായും കണ്ടെത്തിയിരിക്കുന്ന സാഹചര്യത്തിൽ റംസാർ സൈറ്റായ വേമ്പനാട്ടുകായലിന്റെ പുനരുജ്ജീവനത്തിനായി സമഗ്രമായ കർമ്മപദ്ധതി തയ്യാറാക്കുമോ; വ്യക്തമാക്കുമോ?

വെള്ളപ്പൊക്കവും വരൾച്ചയും നേരിടാനും നദീതട പരിപാലനത്തിനുമുള്ള നദീതട സംരക്ഷണ ചട്ടക്കൂടിന് മന്ത്രിസഭ അംഗീകാരം നൽകിയിട്ടുണ്ടോ; ഉണ്ടെങ്കിൽ ആയത് പ്രകാരം നടപ്പിലാക്കാൻ ഉദ്ദേശിക്കുന്ന പദ്ധതികളുടെ വിവരം നൽകുമോ; വിശദാംശം ലഭ്യമാക്കുമോ;

നദീതട സംരക്ഷണം ലക്ഷ്യമിട്ട് അതോറിറ്റി രൂപീകരിക്കുന്നതിനുള്ള നിയമനിർമാണത്തിൽനിന്നും സർക്കാർ പിന്മാറിയിട്ടുണ്ടോ; വിശദാംശം നൽകുമോ?

ഡാമുകൾക്കും ജലാശയങ്ങൾക്കും ചുറ്റും ബഫർസോൺ കൊണ്ടുവരുന്നതിന് സർക്കാർ ഉത്തരവിറക്കിയിരുന്നോ; ഏത് സാഹചര്യത്തിലാണ് ഇപ്രകാരം ഉത്തരവിറക്കിയതെന്ന് വ്യക്തമാക്കാമോ; ഉത്തരവിന്റെ പകർപ്പ് ലഭ്യമാക്കുമോ;

എതിർപ്പിനെ തുടർന്ന് പ്രസ്തുത ഉത്തരവ് പിൻവലിക്കുവാൻ സർക്കാർ തയ്യാറായിട്ടുണ്ടോ; വ്യക്തമാക്കാമോ; ഇത് സംബന്ധിച്ച സർക്കാർ ഉത്തരവുണ്ടെങ്കിൽ പകർപ്പ് ലഭ്യമാക്കുമോ?

സ്വകാര്യ വ്യക്തികൾക്കും സ്ഥാപനങ്ങൾക്കും കുഴൽക്കിണറുകൾ സ്ഥാപിക്കാൻ ജലവിഭവ വകുപ്പ് അനുമതി നൽകുന്നുണ്ടോ; ഇതിനുള്ള നിലവിലെ മാനദണ്ഡങ്ങൾ എന്തൊക്കെയാണെന്ന് വിശദീകരിക്കാമോ;

2024-25 വർഷത്തിൽ അനധികൃത കുഴൽക്കിണറുകൾക്കെതിരെ എത്ര നടപടികൾ സ്വീകരിച്ചിട്ടുണ്ട്; വിശദാംശങ്ങൾ നൽകാമോ?

ഭൂജലവകുപ്പിന്റെ പ്രവർത്തനലക്ഷ്യങ്ങൾ എന്തെല്ലാമാണെന്നത് സംബന്ധിച്ച വിശദാംശം നൽകാമോ;

തീരദേശത്തെ കുഴൽക്കിണറുകളിലെ ഭൂജലത്തിന്റെ ഗുണനിലവാരം ഉറപ്പാക്കുന്നതിന് ഈ സർക്കാർ  അധികാരത്തിൽ വന്നതിനു ശേഷം സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ഈ സർക്കാർ അധികാരത്തിൽ വന്നതിനു ശേഷം കേരളത്തിന്റെ തീരദേശ മേഖലയിൽ എത്ര കുഴൽക്കിണർ നിർമ്മിച്ചിട്ടുണ്ടെന്ന് വ്യക്തമാക്കുമോ; വിവിധ ജില്ലകളുടെ തീരദേശത്ത് ഭൂജലവകുപ്പിന്റെ യന്ത്രങ്ങൾ നിർമ്മിച്ചതും കരാറുകാർ വഴി നിർമ്മിച്ചതുമായ കുഴൽക്കിണറുകളുടെ കണക്ക് തരം തിരിച്ച് ലഭ്യമാക്കാമോ; ജില്ലകൾ തമ്മിലുള്ള എണ്ണത്തിന്റെ അന്തരം എന്തു കൊണ്ടാണെന്ന് വ്യക്തമാക്കാമോ;

സർക്കാർ അംഗീകൃതമല്ലാത്ത കുഴൽക്കിണർ നിർമ്മാണം ശ്രദ്ധയിൽപ്പെട്ടിട്ടുണ്ടോ; നിയമാനുസൃതമല്ലാത്ത കുഴൽക്കിണർ നിർമ്മാണത്തിന് ഈ സർക്കാർ വന്നതിനുശേഷം  എത്ര തുക പിഴ ഈടാക്കിയിട്ടുണ്ടെന്ന് അറിയിക്കാമോ?

2022-23-ന് ശേഷം ധനകാര്യ പരിശോധനാ വിഭാഗം ആലപ്പുഴ ഭൂജലവകുപ്പ് ജില്ലാ ഓഫീസില്‍ എത്ര തവണ പരിശോധന നടത്തിയെന്ന് വ്യക്തമാക്കാമോ; പ്രസ്തുത പരിശോധനകളിൽ ടി ഓഫീസിൽ ക്രമക്കേടുകള്‍ കണ്ടെത്തുകയും റിപ്പോർട്ട് ലഭിക്കുകയും ചെയ്തിട്ടുണ്ടോ; വിശദമാക്കാമോ;

ലഭിച്ച റിപ്പോർട്ടിൽ ഏതെല്ലാം ഉദ്യോഗസ്ഥർക്കെതിരെയാണ് നടപടി ശിപാർശ ചെയ്തിട്ടുള്ളതെന്ന് വ്യക്തമാക്കാമോ; ഉദ്യോഗസ്ഥർക്കെതിരെ സ്വീകരിച്ച നടപടികൾ വിശദമാക്കാമോ?

നാദാപുരം മണ്ഡലത്തിൽ ജൽജീവന്‍ മിഷന്‍ നടത്തിവരുന്ന പ്രവൃത്തികളുടെ നിര്‍മ്മാണ പുരോഗതി പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത പ്രവൃത്തികളുടെ ഭാഗമായ വാട്ടര്‍ ട്രീറ്റ്മെന്റ് പ്ലാന്റുകളുടെയും വാട്ടര്‍ ടാങ്കുകളുടെയും നിര്‍മ്മാണ പ്രവൃത്തികളുടെ പുരോഗതി വിശദമാക്കാമോ;

പ്രവൃത്തിക്ക് വേണ്ടി എടുത്ത റോഡിലെ കുഴികള്‍ മൂടിയ ശേഷം പൂര്‍ണമായി ഗതാഗത യോഗ്യമാക്കിയിട്ടുണ്ടോ;

ജൽജീവന്‍ പദ്ധതി പ്രവർത്തനാനന്തരം പുന:സ്ഥാപിച്ചതും അല്ലാത്തതുമായ റോഡുകളുടെ വിവരങ്ങള്‍ പ്രത്യേകമായി കാണിക്കുന്ന പട്ടിക ലഭ്യമാക്കാമൊ ?

ജല അതോറിറ്റിയുടെ ഉടമസ്ഥതയിൽ എത്ര ഉപയോഗശൂന്യമായ ജലസംഭരണി ടാങ്കകുളുണ്ടെന്നുള്ള കണക്ക് ജില്ലതിരിച്ച് ലഭ്യമാക്കാമോ;

പഴക്കംമൂലം അപകടാവസ്ഥയിലായ ഈ ടാങ്കുകൾ പൊളിച്ചു നീക്കുന്നതിനുള്ള പ്രത്യേക പദ്ധതികളോ നടപടികളോ സർക്കാർ ആസൂത്രണം ചെയ്തിട്ടുണ്ടോ; വിശദമാക്കുമോ;

കൊതുകുകളുടെ വളർച്ചയ്ക്ക് പ്രധാന കേന്ദ്രങ്ങളായി മാറിയിരിക്കുന്ന ഇത്തരത്തിലുള്ള ടാങ്കുകൾ പൊതുജനങ്ങളിൽ കൊതുകുജന്യ രോഗങ്ങൾ വ്യാപിക്കുന്നതിന് കാരണമാകുന്ന വിവരം സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പൊതുജനാരോഗ്യത്തിന് ഗുരുതര ഭീഷണിയായിരിക്കുന്ന ഇത്തരം സാഹചര്യം ഒഴിവാക്കുന്നതിന് അടിയന്തര നടപടികൾ സ്വീകരിക്കുമോ; വിശദമാക്കുമോ?

ആലുവ നിയോജക മണ്ഡലത്തില്‍ കാഞ്ഞൂർ ഗ്രാമപഞ്ചായത്തിലെ ജൽ ജീവൻ മിഷൻ പദ്ധതിയുടെ ഭാഗമായുള്ള കുടിവെള്ള സംഭരണി നിർമ്മിക്കുന്നതിനായുള്ള നടപടികൾ ഏതു ഘട്ടത്തിലാണെന്ന് വ്യക്തമാക്കാമോ;

കുടിവെള്ള സംഭരണി സ്ഥാപിക്കുന്ന സ്ഥലത്തേക്ക് റോഡ് നിർമ്മിക്കാനുള്ള ആവശ്യം ജലവിഭവ വകുപ്പിന്റെ പരിഗണനയിലുണ്ടോയെന്ന് വ്യക്തമാക്കുമോ; റോഡു നിർമ്മിക്കുന്നതിനായി എന്തെല്ലാം നടപടികളാണ് ജലവിഭവ വകുപ്പ് സ്വീകരിച്ചിട്ടുള്ളതെന്ന് വ്യക്തമാക്കുമോ;

ആലുവ നിയോജക മണ്ഡലത്തിലെ കാഞ്ഞൂർ ഗ്രാമപഞ്ചായത്തിൽ ജൽ ജീവൻ മിഷൻ പദ്ധതിയുടെ ഭാഗമായി പൈപ്പുലൈൻ സ്ഥാപിക്കുന്നതിനായി കുഴിച്ച മുഴുവൻ റോഡുകളും ടാർ ചെയ്തും കോൺക്രീറ്റ് ചെയ്തും പൂർവ്വസ്ഥിതിയിലാക്കിയിട്ടുണ്ടോയെന്ന് വ്യക്തമാക്കുമോ;

പ്രസ്തുത പഞ്ചായത്ത് പരിധിയില്‍ പൈപ്പ് ലൈനിനായി കുഴിച്ച എത്ര കിലോമീറ്റർ റോഡുകൾ പൂർവ്വസ്ഥിതിയിലാക്കാൻ ബാക്കിയുണ്ടെന്ന് വ്യക്തമാക്കുമോ;

റോഡുകൾ പൂർവ്വസ്ഥിതിയിലാക്കാനുള്ള അടിയന്തിര നിർദ്ദേശം ബന്ധപ്പെട്ടവർക്ക് നൽകുമോ; വ്യക്തമാക്കുമോ?

കുറ്റ്യാടി നിയോജക മണ്ഡലത്തിലെ എട്ടു ഗ്രാമപഞ്ചായത്തുകളിലായി നടപ്പിലാക്കുന്ന ജൽ ജീവന്‍ മിഷന്‍ പദ്ധതിയുടെ നിലവിലെ അവസ്ഥ ; പദ്ധതിയുടെ അടങ്കല്‍ തുക; പൂര്‍ത്തീകരിക്കാന്‍ ഉദ്ദേശിക്കുന്ന സമയം; ഗുണഭോക്താക്കളുടെ എണ്ണം എന്നിവ പഞ്ചായത്ത് തിരിച്ച് വിശദമാക്കുമോ;

ജല്‍ ജീവന്‍ മിഷന്‍ പദ്ധതിയുടെ ഭാഗമായി തകരാറിലായ കുറ്റ്യാടി നിയോജക മണ്ഡലത്തിലെ വിവിധ റോഡുകള്‍ പൂര്‍വ്വസ്ഥിതിയിലേക്ക് മാറ്റുന്നതിന് സ്വീകരിച്ച നടപടിക്രമങ്ങള്‍ എന്തൊക്കെയെന്ന് വിശദമാക്കാമോ; ഇതുവരെയായി എത്ര റോഡുകള്‍ പൂര്‍വ്വസ്ഥിതിയിലേക്ക് മാറ്റിയിട്ടുണ്ട് എന്നും ഇനി എത്ര റോഡുകള്‍ പൂര്‍വ്വസ്ഥിതിയിലേക്ക് മാറ്റാന്‍ ബാക്കിയുണ്ട് എന്നും പഞ്ചായത്ത് തിരിച്ച് വിശദമാക്കാമോ;

ഇത്തരത്തില്‍ തകരാറിലായ റോഡുകള്‍ പൂര്‍വ്വസ്ഥിതിയിലേക്ക് മാറ്റുന്നതിന് സമയക്രമം നിശ്ചയിച്ചിട്ടുണ്ടോ; വിശദമാക്കാമോ?

ജൽ ജീവൻ മിഷന്‍ പദ്ധതി നടത്തിപ്പിന്റെ അഖിലേന്ത്യാ ശരാശരി എത്രയാണ്; സംസ്ഥാനത്ത് എത്ര ശതമാനം പണികൾ നാളിതുവരെ പൂർത്തീകരിച്ചു; പദ്ധതി നടത്തിപ്പിൽ സംസ്ഥാനം വളരെ പിന്നിലാണെന്ന ആരോപണം ശ്രദ്ധയിൽപ്പെട്ടിട്ടുണ്ടോ;എങ്കിൽ അതിനിടയായ സാഹചര്യം എന്താണെന്ന് വ്യക്തമാക്കുമോ;

ജൽ ജീവൻ മിഷൻ പദ്ധതിയിൽ സംസ്ഥാനത്ത് നടപ്പാക്കുന്ന പ്രവൃത്തികൾക്ക് ആകെ എത്ര തുകയാണ് ആവശ്യമായിട്ടുള്ളത്; ഇതിൽ കേന്ദ്ര വിഹിതം എത്രയാണ്; സംസ്ഥാന വിഹിതം എത്രയാണ്; കേന്ദ്രവിഹിതമായി നാളിതുവരെ എത്ര ലഭിച്ചിട്ടുണ്ട്; എത്ര തുക സംസ്ഥാന വിഹിതമായി നൽകിയിട്ടുണ്ട്; വ്യക്തമാക്കുമോ;

പദ്ധതിയുടെ കേന്ദ്ര വിഹിതം വെട്ടിക്കുറയ്ക്കുന്ന സാഹചര്യമുണ്ടായിട്ടുണ്ടോ; ഉണ്ടെങ്കിൽ വിശദാംശം വ്യക്തമാക്കുമോ; കേന്ദ്രവിഹിതം കുറയുന്ന സാഹചര്യത്തിൽ അവശേഷിക്കുന്ന തുക ഏത് രീതിയിൽ കണ്ടെത്താനാണ് സംസ്ഥാന സർക്കാർ ഉദ്ദേശിക്കുന്നത്; പദ്ധതി പൂർത്തീകരണത്തിന് ആവശ്യമായ തുടർനടപടികൾ സ്വീകരിക്കാൻ തയ്യാറാകുമോ; വ്യക്തമാക്കുമോ ?

ജൽ ജീവൻ പദ്ധതിയുടെ പണി പൂർത്തിയായിട്ടില്ല എന്ന ആരോപണം ശ്രദ്ധയിൽപ്പെട്ടിട്ടുണ്ടോ;പൂർത്തിയാക്കാൻ കഴിയാത്തതിന്റെ കാരണങ്ങൾ വ്യക്തമാക്കുമോ;

ഈ പദ്ധതിയിലെ കരാറുകാർക്ക് നൽകുവാനുളള കുടിശിക എന്നത്തേക്ക് കൊടുത്തു തീർക്കാൻ കഴിയുമെന്ന് വ്യക്തമാക്കുമോ?

മട്ടന്നൂർ നിയോജകമണ്ഡലത്തിൽ ജൽ ജീവൻ മിഷൻ പദ്ധതിയുടെ ഭാഗമായി എന്തെല്ലാം പ്രവർത്തനങ്ങളാണ് നടക്കുന്നത്; വിശദാംശം ലഭ്യമാക്കുമോ;

മട്ടന്നൂര്‍ മണ്ഡലത്തിൽ കിഫ്ബി ഫണ്ട് ഉപയോഗിച്ച് നടപ്പാക്കുന്ന കുടിവെള്ള പദ്ധതിയുടെ പ്രവര്‍ത്തന പുരോഗതി വിശദമാക്കുമോ?

കുന്നത്തുനാട് മണ്ഡലത്തില്‍ ജൽ ജീവന്‍ മിഷന്‍ വഴി ആവിഷ്കരിച്ച് നടപ്പിലാക്കുന്ന പദ്ധതികളുടെ പഞ്ചായത്ത് തിരിച്ചുള്ള വിശദാംശങ്ങൾ ലഭ്യമാക്കാമോ;

ഓരോ പദ്ധതിയ്ക്കും എത്ര തുക വീതമാണ് വകയിരുത്തിയിട്ടുള്ളത് എന്ന് വ്യക്തമാക്കാമോ;

ജൽ ജീവന്‍ മിഷന്‍ പദ്ധതി വഴി കുന്നത്തുനാട് മണ്ഡലത്തില്‍ എത്ര പേര്‍ക്ക് പുതുതായി വാട്ടര്‍ കണക്ഷന്‍ ലഭ്യമാക്കി എന്ന് പഞ്ചായത്ത് തിരിച്ചുള്ള കണക്ക് ലഭ്യമാക്കാമോ;

കുന്നത്തുനാട് മണ്ഡലത്തില്‍ നടപ്പിലാക്കി വരുന്ന ജൽജീവന്‍ മിഷന്‍ പദ്ധതികളി‍ല്‍ ഏതെല്ലാം പൂര്‍ത്തീകരിച്ചു; ഇനി ഏതെല്ലാം പദ്ധതികള്‍ പൂര്‍ത്തീകരിക്കാനുണ്ട്; വ്യക്തമാക്കാമോ;

പൂര്‍ത്തീകരിക്കാത്ത പദ്ധതികള്‍ എന്നത്തേക്ക് പൂര്‍ത്തീകരിക്കുവാന്‍ കഴിയും എന്ന് വ്യക്തമാക്കാമോ; മുഴുവന്‍ പ്രവൃത്തികളും വേഗത്തില്‍ പൂര്‍ത്തീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

കോട്ടക്കല്‍ മണ്ഡലത്തിലെ കോട്ടക്കൽ നഗരസഭ, മാറാക്കര, ആതവനാട് എന്നീ തദ്ദേശസ്ഥാപനങ്ങളുടെ പരിധിയിൽ ജൽ ജീവൻ മിഷന്‍ പദ്ധതിയുടെ പ്രവർത്തനങ്ങൾക്കായി സ്വകാര്യ വ്യക്തിയില്‍ നിന്നും ഭൂമി ഏറ്റെടുക്കുന്നത് സംബന്ധിച്ച് റവന്യൂ(ബി) വകുപ്പില്‍ നിന്നും നല്‍കിയ പ്രൊപ്പോസലിന്മേല്‍ ജലവിഭവ വകുപ്പ് സ്വീകരിച്ച നടപടികള്‍ വിശദമാക്കുമോ;

പ്രസ്തുത വിഷയം സംബന്ധിച്ച് ജലവിഭവ(സി) വകുപ്പിലുള്ള C3/235/2025 നമ്പർ ഫയലിന്റെ വിശദാംശവും പകര്‍പ്പും ലഭ്യമാക്കുമോ;

ജൽ ജീവൻ മിഷന്‍ പദ്ധതി സമയബന്ധിതമായി പൂര്‍ത്തീകരിക്കുന്നതിന് ഭൂമി ഏറ്റെടുക്കല്‍ നടപടികളിലുള്ള കാലതാമസം ഒഴിവാക്കുന്നതിന് അടിയന്തര നടപടി സ്വീകരിക്കുമോ; വിശദമാക്കുമോ?

സംസ്ഥാനത്ത് ജല്‍ ജീവന്‍ മിഷന്‍ പദ്ധതി ഏതു ഘട്ടത്തിലാണെന്നും എത്ര ശതമാനം വരെ പൂര്‍ത്തീകരിച്ചിട്ടുണ്ടെന്നും ഉള്ള വിവരം ജില്ല തിരിച്ച് ലഭ്യമാക്കാമോ?

സംസ്ഥാനത്ത് ജൽ ജീവന്‍ മിഷന്‍ മുഖാന്തരം ഇതുവരെ നല്‍കിയ കുടിവെള്ള കണക്ഷനുകളുടെ എണ്ണവും ഇനി നല്‍കാനുള്ള കണക്ഷനുകളുടെ എണ്ണവും വിശദമാക്കുമോ;

വാമനപുരം മണ്ഡലത്തില്‍ ജൽ ജീവന്‍ മിഷന്‍ മുഖാന്തരം നല്‍കിയ കുടിവെള്ള കണക്ഷനുകളുടെ എണ്ണവും ഇനി നല്‍കാനുള്ള കണക്ഷനുകളുടെ എണ്ണവും വിശദമാക്കുമോ?

ജൽ ജീവൻ മിഷൻ പദ്ധതിയിൽ ഉൾപ്പെടുത്തിയ വിവിധ കുടിവെള്ള പദ്ധതികളുടെ നിർവ്വഹണം മുടങ്ങിയതിനാൽ കടുത്ത പ്രതിസന്ധിയുണ്ടായിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; വിശദാംശം വ്യക്തമാക്കുമോ;

എത്ര പദ്ധതികളാണ് ഇപ്രകാരം മുടങ്ങിയിട്ടുള്ളതെന്നും അവയുടെ പേരും കാരണവും കാണിച്ച പട്ടികയോടൊപ്പം വ്യക്തമാക്കുമോ;

ടെൻഡർ നടപടികൾ പൂർത്തീകരിച്ച പദ്ധതികൾക്ക് കേന്ദ്ര അനുമതി വൈകുന്നതിനാൽ ലെറ്റർ ഓഫ് അക്സപ്റ്റൻസ് നൽകുവാൻ സാധിക്കാതെ വരുന്നത് പ്രതിസന്ധി സൃഷ്ടിക്കുന്ന സാഹചര്യത്തിൽ, കേന്ദ്ര അനുമതി ലഭ്യമാക്കുന്നതിന് അടിയന്തര ഇടപെടൽ നടത്തുമോ; വ്യക്തമാക്കുമോ ;

കേന്ദ്ര അനുമതിക്കായി കാത്തുനിൽക്കാതെ നിലവിൽ ടെൻഡർ ചെയ്ത ജോലികൾ സമയബന്ധിതമായി പൂർത്തീകരിക്കുന്നതിന് മുൻകൈയെടുക്കുമോ; വിശദാംശം വ്യക്തമാക്കുമോ?

വണ്ടാഴി-കിഴക്കഞ്ചേരി-കണ്ണമ്പ്ര-വടക്കഞ്ചേരി കുടിവെള്ള പദ്ധതിയുടെ പ്രവർത്തന പുരോഗതി ഏത് ഘട്ടത്തിലാണെന്ന് വ്യക്തമാക്കുമോ?

പുനലൂർ നിയോജക മണ്ഡലത്തിലെ വിവിധ പഞ്ചായത്തുകളില്‍ ജൽ ജീവന്‍ മിഷന്‍ പദ്ധതി നടപ്പാക്കുന്നതിനായി കേരള വാട്ടര്‍ അതോറിറ്റി നല്‍കിയ ഡീറ്റെയില്‍ഡ് പ്രോജക്ട് റിപ്പോര്‍ട്ട്(ഡി. പി. ആര്‍ ) എസ്റ്റിമേറ്റ് പ്രകാരമുള്ള പൈപ്പ് ലൈൻ സ്ഥാപിച്ചിട്ടുണ്ടോയെന്ന് വിശദമാക്കാമോ; ടി പദ്ധതിയുടെ നിലവിലെ പുരോഗതി പഞ്ചായത്ത് അടിസ്ഥാനത്തില്‍ വ്യക്തമാക്കുമോ;

നിയോജകമണ്ഡലത്തിലെ കുടിവെള്ളക്ഷാമം രൂക്ഷമായ കരവാളൂർ, ഇടമുളക്കൽ, തെന്മല, ആര്യങ്കാവ് പഞ്ചായത്തുകളില്‍ കുടിവെള്ള വിതരണം ഉറപ്പാക്കുന്നതിനായി അടിയന്തര നടപടി സ്വീകരിക്കുമോ; വിശദമാക്കാമോ;

തെന്മല, ആര്യങ്കാവ് പഞ്ചായത്തുകളിൽ നിലവിലുള്ള വിവിധ കുടിവെള്ള പദ്ധതികളുടെ വിശദാംശങ്ങൾ ലഭ്യമാക്കാമോ; ടി പഞ്ചായത്തുകളിൽ കുടിവെള്ളക്ഷാമം രൂക്ഷമായി അനുഭവപ്പെടുന്ന പ്രദേശങ്ങളെ ലിസ്റ്റ് ചെയ്തിട്ടുണ്ടോ; വിശദാംശങ്ങൾ ലഭ്യമാക്കാമോ?

നെന്മാറ നിയോജകമണ്ഡലത്തിൽ ജൽ ജീവൻ മിഷൻ ഉൾപ്പടെ ഏതൊക്കെ കുടിവെള്ള പദ്ധതികളുടെ പ്രവൃത്തികൾ നിലവിൽ നടന്നുവരുന്നു എന്നത് വിശദമാക്കാമോ;

ഇതിൽ എത്ര പദ്ധതികൾ പൂർത്തീകരിച്ചിട്ടുണ്ടെന്നും എത്രയെണ്ണം കമ്മീഷൻ ചെയ്തിട്ടുണ്ടെന്നും വ്യക്തമാക്കാമോ;

നിലവിൽ നടന്നുവരുന്ന പദ്ധതികൾ എന്ന് പൂർത്തീകരിക്കുന്നതിനാണ് ലക്ഷ്യമിടുന്നതെന്ന് അറിയിക്കാമോ?

ജൽ ജീവൻ പദ്ധതിയുടെ പ്രവൃത്തികൾക്കായി റോഡുകൾ കുഴിക്കുമ്പോൾ ആയതു പൂർവ്വസ്ഥിതിയിൽ ആക്കുന്നതിനുള്ള തുക പ്രസ്തുത പ്രവൃത്തിയുടെ കരാറിൽ ഉൾപ്പെടുത്തിയിട്ടുണ്ടോ; ഉണ്ടെങ്കിൽ എത്ര ശതമാനം തുകയാണ് ഇപ്രകാരം വകയിരുത്തുന്നത്; വിശദാംശം വ്യക്തമാക്കുമോ; പ്രസ്തുത തുക ചെലവഴിക്കുന്നതിന്റെ മാനദണ്ഡങ്ങൾ വ്യക്തമാക്കുമോ; ഇപ്രകാരം റോഡുകൾ പൂർവസ്ഥിതിയിൽ ആക്കുന്നുണ്ടെന്ന് പരിശോധിക്കുന്നതിന് എന്ത് നടപടിക്രമമാണ് നിലവിലുള്ളതെന്ന് വ്യക്തമാക്കുമോ;

മേൽപറഞ്ഞ പ്രകാരം കുഴിക്കുന്ന റോഡുകൾ പൂർവസ്ഥിതിയിലാക്കുന്നതിന് പ്രത്യേക തുക കരാറിൽ ഉൾപ്പെടുത്തിയിട്ടില്ലെങ്കിൽ റോഡുകൾ പൂർവസ്ഥിതിയിൽ ആക്കുന്നതിന് ഏതു മാർഗ്ഗമാണ് അവലംബിക്കുന്നത്; വിശദാംശം വ്യക്തമാക്കുമോ?

ജല്‍ ജീവന്‍ പദ്ധതിയ്ക്കുവേണ്ടി വെട്ടിപ്പൊളിച്ച റോഡുകള്‍ പൂര്‍വ്വസ്ഥിതിയിലാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

ഇതുസംബന്ധിച്ച് സര്‍ക്കാര്‍ നിര്‍ദ്ദേശമുണ്ടായിട്ടും സത്വരനടപടികള്‍ സ്വീകരിക്കാത്ത ഉദ്യോഗസ്ഥര്‍ക്കെതിരെ എന്തെങ്കിലും അന്വേഷണം നടത്തി നടപടികള്‍ സ്വീകരിച്ചിട്ടുണ്ടോ; വ്യക്തമാക്കുമോ;

ഇതുമായി ബന്ധപ്പെട്ട പ്രവൃത്തികള്‍ ഏറ്റെടുത്ത് വര്‍ഷങ്ങളായിട്ടും പൂര്‍ത്തീകരിക്കാത്ത കോണ്‍ട്രാക്ടര്‍മാര്‍ക്കെതിരെ നടപടികള്‍ സ്വീകരിച്ചിട്ടുണ്ടോ; ഉണ്ടെങ്കില്‍ വിശദവിവരങ്ങള്‍ ലഭ്യമാക്കാമോ?

ജൽ ജീവൻ മിഷൻ പദ്ധതിയിൽ കരാറുകാർക്ക് നിലവിൽ എത്ര തുക കുടിശ്ശിക ഇനത്തിൽ വിതരണം ചെയ്യാനുണ്ട്; വിശദാംശം വ്യക്തമാക്കുമോ ;

കരാറുകാർക്ക് യഥാസമയം തുക നൽകുവാൻ സാധിക്കാത്തതിന്റെ കാരണം വ്യക്തമാക്കുമോ; കുടിശ്ശിക പൂർണ്ണമായും എന്നത്തേക്ക് വിതരണം ചെയ്യുവാൻ സാധിക്കും എന്ന് വ്യക്തമാക്കുമോ ?

2021-22 മുതല്‍ നാളിതുവരെ കുണ്ടറ മണ്ഡലത്തില്‍ അനുവദിച്ചിട്ടുളള കുടിവെളള പദ്ധതികള്‍ ഏതൊക്കെയാണെന്നും അതിനായി അനുവദിച്ചിട്ടുളള തുക എത്രയെന്നും പ്രസ്തുത പ്രവൃത്തിയുടെ നിലവിലെ പ്രവര്‍ത്തന പുരോഗതി എന്തെന്നും വിശദമാക്കാമോ?

ഉടുമ്പൻചോല മണ്ഡലത്തിലെ ജൽ ജീവൻ മിഷൻ പദ്ധതിയുടെ പ്രവർത്തനങ്ങൾ സംബന്ധിച്ച വിശദാംശം നൽകാമോ;

ഓരോ പഞ്ചായത്തിലും അനുവദിച്ച തുക, പ്രവർത്തനങ്ങളുടെ പുരോഗതി ശതമാനാടിസ്ഥാനത്തിൽ, കുടിവെള്ളം നൽകാൻ ഉദ്ദേശിക്കുന്ന സ്രോതസ്സ് ഇവ സംബന്ധിച്ച വിശദാംശം നൽകാമോ;

പ്രസ്തുത പദ്ധതി പ്രകാരം ഓരോ പഞ്ചായത്തിലും നൽകാൻ തീരുമാനിച്ച കുടിവെള്ള കണക്ഷനുകളുടെ എണ്ണം, നിലവിൽ കൊടുത്തിട്ടുള്ള കുടിവെള്ള കണക്ഷനുകളുടെ എണ്ണം ഇവ സംബന്ധിച്ച വിശദാംശം നൽകാമോ?

ജലവിഭവ വകുപ്പിന്റെ നേതൃത്വത്തില്‍ ശുദ്ധജലം കുപ്പികളിലാക്കി വിതരണം ചെയ്യുന്ന പദ്ധതി എല്ലാ ജില്ലകളിലും കാര്യക്ഷമമായി നടപ്പിലാക്കാന്‍ നടപടി സ്വീകരിക്കുമോ?

കഴിഞ്ഞ ഒൻപത് വർഷത്തിനിടയിൽ കാസർഗോഡ് ജില്ലയിൽ ജലവിഭവ വകുപ്പ് നടപ്പിലാക്കിയ പദ്ധതികളേതൊക്കെയാണെന്നുള്ള വിവരം നിയോജകമണ്ഡലം തിരിച്ച് ലഭ്യമാക്കുമോ;

ഓരോ പദ്ധതിക്കും അനുവദിച്ച തുക എത്രയാണെന്ന് വിശദമാക്കാമോ;

പൂർത്തിയാക്കിയ പ്രവൃത്തികളും ആരംഭിക്കാത്ത പ്രവൃത്തികളും ഭാഗികമായി മാത്രം പൂർത്തിയായ പ്രവൃത്തികളും ഏതൊക്കെയാണെന്ന് വ്യക്തമാക്കാമോ;

ഓരോ പ്രവൃത്തിയും ഏറ്റെടുത്ത കരാറുകാർ ആരൊക്കെയാണെന്നും അവർക്ക് എത്ര തുക കുടിശ്ശികയിനത്തിൽ നല്കാനുണ്ടെന്നും വ്യക്തമാക്കാമോ;

ജില്ലയില്‍ എസ്റ്റിമേറ്റ് തയ്യാറാക്കി സമർപ്പിച്ച ശേഷം ഭരണാനുമതിക്ക് കാത്തിരിക്കുന്ന പ്രവൃത്തികൾ ഏതൊക്കെയാണെന്നും അവയുടെ എസ്റ്റിമേറ്റ് തയ്യാറാക്കിയ തിയതിയും തുകയും അടക്കമുള്ള വിശദാംശം സഹിതം മണ്ഡലം തിരിച്ച് ലഭ്യമാക്കുമോ?

തിരൂർ മണ്ഡലത്തിൽ വാട്ടർ കണക്ഷൻ നിലവില്‍ ലഭ്യമാകാത്ത തദ്ദേശസ്വയംഭരണ സ്ഥാപനങ്ങൾ , വാർഡുകൾ എന്നിവ തരം തിരിച്ചു ലഭ്യമാക്കാമോ;

തിരൂർ മണ്ഡലത്തിൽ വാട്ടർ കണക്ഷനായി സമർപ്പിക്കപ്പെട്ട അപേക്ഷകൾ തദ്ദേശ സ്വയംഭരണ സ്ഥാപനങ്ങൾ അടിസ്ഥാനമാക്കി ഇനം തിരിച്ച് ലഭ്യമാക്കാമോ;

നിലവിലെ അപേക്ഷകരിൽ വാട്ടർ കണക്ഷൻ നൽകാനാകാത്ത അപേക്ഷകരുടെ എണ്ണം എത്രയാണെന്ന് തദ്ദേശ സ്വയംഭരണ സ്ഥാപനം തിരിച്ച് അറിയിക്കാമോ;

നിലവിലെ അപേക്ഷകരിൽ വാട്ടർ കണക്ഷൻ നൽകുന്നതിന് യോഗ്യരല്ലാത്ത അപേക്ഷകരുടെ വിവരം കാരണം സഹിതം വ്യക്തമാക്കാമോ;

കിണറുകളിൽ ഉപ്പുവെള്ളം ആയതിനാൽ വാട്ടർ കണക്ഷൻ ലഭ്യമാക്കണമെന്ന് ആവശ്യപ്പെട്ട് തദ്ദേശസ്വയംഭരണ സ്ഥാപനങ്ങളിൽ നിന്നോ വാർഡ് മെമ്പർമാരിൽ നിന്നോ മറ്റേതെങ്കിലും സംഘടന/കൂട്ടായ്‍മകളിൽനിന്നോ ജല അതോറിറ്റിക്ക് അപേക്ഷ ലഭിച്ചിട്ടുണ്ടോ; ഉണ്ടെങ്കിൽ അതിന്റെ വിശദവിവരവും അതിന്മേൽ സ്വീകരിച്ച നടപടിയും വ്യക്തമാക്കാമോ;

തിരൂർ മണ്ഡലം സമ്പൂർണ്ണ കുടിവെള്ള വിതരണ മണ്ഡലമാക്കി മാറ്റാൻ നടപടി സ്വീകരിക്കുമോയെന്ന് വ്യക്തമാക്കാമോ?

ജല്‍ ജീവൻ മിഷൻ പദ്ധതി പ്രകാരം മലമ്പുഴ പഞ്ചായത്തിലെ കവ, ആനക്കല്‍, തെക്കേ മലമ്പുഴ എന്നീ പ്രദേശങ്ങളിലേക്ക് കുടിവെള്ള കണക്ഷൻ എത്തിക്കുന്ന പ്രവൃത്തിയുടെ നിലവിലെ സ്ഥിതി അറിയിക്കുമോ;

മലമ്പുഴയിലേക്കും സമീപ പ്രദേശങ്ങളിലേക്കും ജലവിതരണം നടത്തുന്നതിനായി മലമ്പുഴയില്‍ 3 ലക്ഷം ലിറ്റര്‍ സംഭരണ ശേഷിയുള്ള ജലസംഭരണി നിര്‍മ്മിക്കുന്നതിന് സ്വീകരിച്ചു വരുന്ന നടപടികള്‍ എന്തൊക്കെയാണെന്ന് വിശദമാക്കാമോ?

ഈ സർക്കാരിന്റെ കാലയളവിൽ സംസ്ഥാനത്ത് നാളിതുവരെ പൈപ്പ് ലൈൻ പൊട്ടിയത് മൂലം കുടിവെള്ളം മുടങ്ങിയ എത്ര സംഭവങ്ങൾ ഉണ്ടായിട്ടുണ്ട്; കുടിവെള്ള പൈപ്പ് ലൈനുകളുടെ അറ്റകുറ്റപ്പണികൾക്കായി ഈ കാലയളവിൽ നാളിതുവരെ ചെലവഴിച്ച തുകയുടെ വിശദാംശവും കുടിവെള്ള ചോർച്ചയിലൂടെ ഉണ്ടായ നഷ്ടവും എത്രയാണെന്ന് വ്യക്തമാക്കുമോ;

പൈപ്പ് ലൈനുകളുടെ പഴക്കം മൂലം കുടിവെള്ള വിതരണം മുടങ്ങുകയും വൻതോതിൽ ജലം നഷ്ടപ്പെടുകയും ചെയ്യുന്ന സാഹചര്യത്തിൽ, സംസ്ഥാനത്തെ പ്രധാന കുടിവെള്ള വിതരണ പൈപ്പ് ലൈനുകൾ മുഴുവൻ നവീകരിക്കുന്നതിന് പ്രത്യേക കർമ്മ പദ്ധതി നടപ്പാക്കുമോ; വിശദാംശം വ്യക്തമാക്കുമോ?

2021 മുതൽ നാളിതുവരെ ഉടുമ്പൻചോല മണ്ഡലത്തിൽ ജലവിഭവ വകുപ്പ് വിവിധ പദ്ധതികളിൽ ഉൾപ്പെടുത്തി അനുവദിച്ചതും നടപ്പിലാക്കിയതുമായ പ്രവൃത്തികളുടെ വിശദവിവരം ലഭ്യമാക്കുമോ;

ഓരോ പദ്ധതിയുടേയും പ്രവർത്തന പുരോഗതി, അനുവദിച്ച തുക ഇവ സംബന്ധിച്ച വിശദാംശം നൽകുമോ?

ജല്‍ ജീവൻ മിഷൻ നടപ്പിലാക്കുന്നതിന്റെ പേരിൽ തദ്ദേശ സ്വയംഭരണ സ്ഥാപനങ്ങളുടെ ഉടമസ്ഥതയിലുള്ള എത്ര കിലോമീറ്റർ റോഡുകള്‍ ഗതാഗതയോഗ്യമല്ലാതാക്കിയിട്ടുള്ളതെന്നത് വിശദമാക്കുമോ; അവ പുനസ്ഥാപിക്കുന്നതിന് സ്വീകരിച്ച നടപടികൾ വ്യക്തമാക്കുമോ;

തദ്ദേശ സ്വയംഭരണ സ്ഥാപനങ്ങളുടെ അനുമതിയില്ലാതെ വാട്ടർ അതോറിറ്റി വെട്ടിപൊളിച്ച റോഡുകൾ നാളിതുവരെയും ഗതാഗത യോഗ്യമാക്കാത്തതിന്റെ കാരണം വ്യക്തമാക്കുമോ; വിശദാംശങ്ങൾ ലഭ്യമാക്കുമോ;

ഇതിൽ എത്ര കിലോമീറ്റർ റോഡുകളാണ് ജലവകുപ്പ് നേരിട്ട് പുനരുദ്ധരിച്ചത്; വിശദാംശങ്ങൾ നൽകാമോ;

ഇക്കാര്യത്തിൽ എത്ര രൂപയാണ് തദ്ദേശ സ്ഥാപനങ്ങൾക്ക് ഇത് വരെ നൽകിയതെന്നും ഇതിനായി എത്ര കോടി രൂപയാണ് അവർ ആവശ്യപ്പെട്ടതെന്നും വ്യക്തമാക്കാമോ;

ഇനി എത്ര കോടി രൂപ ഈ ഇനത്തിൽ തദ്ദേശസ്വയംഭരണ സ്ഥാപനങ്ങൾക്ക് നൽകേണ്ടതുണ്ട്; വ്യക്തമാക്കുമോ;

മതിയായ ഫണ്ടില്ലാത്തതിനാൽ തദ്ദേശ സ്ഥാപനങ്ങൾക്ക് ഇത്തരത്തിൽ കുത്തിപ്പൊളിച്ച റോഡുകൾ സഞ്ചാരയോഗ്യമാക്കുവാൻ കഴിയുന്നില്ലയെന്ന വിവരം ജലവിഭവ വകുപ്പിന്റെ ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

ചെറിയ പൈപ്പുകൾ സ്ഥാപിക്കുന്നതിനായി ജെ.സി.ബി. ഉപയോഗിച്ച് റോഡുകൾ കുത്തിപൊളിച്ചതുകൊണ്ടാണ് ഇങ്ങനെ റോഡുകൾ തകർന്നതെന്ന വസ്തുത ശ്രദ്ധയിൽപെട്ടിട്ടുണ്ടോ; വ്യക്തമാക്കുമോ; ഇത്തരത്തില്‍ റോഡുകൾ പൂർണ്ണമായും തകർത്തത് സംബന്ധിച്ച് വിജിലൻസ് അന്വേഷണം നടത്തുന്നതിന് തയ്യാറാകുമോ; ഇങ്ങനെ തകർക്കപ്പെട്ട തദ്ദേശസ്വയംഭരണ സ്ഥാപനങ്ങളുടെ ഉടമസ്ഥതയിലുള്ള റോഡുകൾ പുനഃസ്ഥാപിക്കുന്നതിന് സത്വര നടപടി സ്വീകരിക്കുമോ; വിശദമാക്കുമോ?

കുടിവെള്ള വിതരണത്തിൽ ഗുണനിലവാരം, ശുചിത്വം, കാര്യക്ഷമത എന്നിവ ഉറപ്പാക്കുന്നതിനായി പ്രത്യേക നയം രൂപീകരിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

കാലാവസ്ഥാ വ്യതിയാനം കുടിവെള്ളത്തിന്റെ ലഭ്യതയിലും വിതരണത്തിലും സൃഷ്ടിച്ചിട്ടുള്ള വെല്ലുവിളികൾ നേരിടുന്നതിനായി പ്രസ്തുത നയത്തില്‍ ഉള്‍പ്പെടുത്താന്‍ ഉദ്ദേശിച്ചിട്ടുള്ള മാർഗ്ഗനിർദേശങ്ങൾ എന്തൊക്കെയാണെന്ന് വ്യക്തമാക്കാമോ;

കുടിവെള്ളത്തിന്റെ ഗുണനിലവാരത്തിലും വിതരണ സംവിധാനത്തിലും കാലാവസ്ഥാ വ്യതിയാനം എന്തെല്ലാം പ്രശ്നങ്ങളാണ് സൃഷ്ടിച്ചിട്ടുള്ളതെന്ന് വ്യക്തമാക്കാമോ;

ഈ പ്രതിസന്ധി ഫലവത്തായി നേരിടുന്നതിന് സാധിച്ചിട്ടുണ്ടോ; അതിനായി എന്തെല്ലാം പ്രവൃത്തികളാണ് കൈക്കൊണ്ടിട്ടുള്ളതെന്ന് വ്യക്തമാക്കാമോ?

മുന്‍ സര്‍ക്കാരിന്റെയും ഈ സര്‍ക്കാരിന്റെയും കാലയളവില്‍ വര്‍ക്കല മണ്ഡലത്തില്‍ ജലവിഭവ വകുപ്പിന്റെ കീഴില്‍ എത്ര പ്രവൃത്തികള്‍ക്കാണ് ഫണ്ട് അനുവദിച്ച് ഭരണാനുമതി നല്‍കിയിട്ടുള്ളതെന്ന് വിശദമാക്കാമോ;

ഓരോ പ്രവൃത്തിയുടെയും പുരോഗതി വിശദമാക്കാമോ;

വര്‍ക്കല മണ്ഡലത്തില്‍ കുടിവെള്ളം ലഭ്യമല്ലാത്ത പ്രദേശങ്ങള്‍ ഏതെല്ലാമെന്ന് കണ്ടെത്തിയിട്ടുണ്ടോ; എങ്കില്‍ കുടിവെള്ളം എത്തിക്കുന്നതിനായി സ്വീകരിച്ച നടപടി വിശദമാക്കാമോ?

ഗ്രാമീണ ഭവനങ്ങളിൽ ശുദ്ധജലം എത്തിക്കുവാനുള്ള ജൽജീവൻ മിഷൻ പദ്ധതിയുടെ കരാർ എടുത്ത സംസ്ഥാനത്തെ കോൺട്രാക്ടർമാർക്ക് നാളിതുവരെ എത്ര തുക കുടിശ്ശികയായിട്ടുണ്ടെന്ന് വ്യക്തമാക്കുമോ; നാളിതുവരെ കോൺട്രാക്ടർമാർക്ക് എത്ര തുക നൽകിയിട്ടുണ്ട്; കണക്കുകൾ ലഭ്യമാക്കാമോ;

പ്രസ്‌തുത പദ്ധതി പൂർത്തിക്കുന്നതിനായി കാലാവധി നീട്ടി നൽകിയിട്ടുണ്ടോ; വിശദമാക്കാമോ;

ജൽജീവൻ മിഷൻ പദ്ധതി നടപ്പിലാക്കുന്നതിനായുള്ള തുകയ്ക് ആനുപാതികമായ കേന്ദ്രവിഹിതം മുഴുവൻ ലഭ്യമായിട്ടുണ്ടോ; ഇല്ലെങ്കിൽ എത്ര തുക ലഭിച്ചിട്ടുണ്ടെന്നും ഇനി ലഭിക്കാനുള്ള തുക എത്രയെന്നും അറിയിക്കാമോ; ഇതിന് ആനുപാതികമായി സംസ്ഥാന വിഹിതം എത്ര തുക അനുവദിച്ചെന്നും ഇനി അനുവദിക്കാനുള്ളത് എത്രയെന്നതും സംബന്ധിച്ച കണക്കുകൾ ലഭ്യമാക്കാമോ?

ജൽ ജീവന്‍ മിഷൻ പ്രവൃത്തി കേരളത്തിൽ ആരംഭിച്ചത് എന്നാണെന്ന് വിശദമാക്കുമോ;

ഇതിന്റെ ഫണ്ട് ഇനത്തിൽ ഓരോ സാമ്പത്തിക വർഷവും കേന്ദ്ര-സംസ്ഥാന സർക്കാറുകൾ അനുവദിച്ച തുക പ്രത്യേകം വിശദമാക്കുമോ;

ജൽ ജീവൻ മിഷന്‍ പദ്ധതിയിൽ ഓരോ പഞ്ചായത്തിലും എല്ലാവർക്കും കുടിവെള്ളം ലഭിച്ചു എന്ന 'ഹർ ഘർ ജൽ' പ്രഖ്യാപനം നടന്ന പഞ്ചായത്തുകൾ ഏതെല്ലാമാണെന്ന് ജില്ല തിരിച്ച് വ്യക്തമാക്കുമോ;

നാളിതുവരെ ഈ പദ്ധതിയിൽ കരാറുകാർക്ക് എത്ര തുകയാണ് കുടിശ്ശികയുള്ളതെന്ന് വ്യക്തമാക്കുമോ;

കുടിശ്ശിക നൽകാത്തതിനാല്‍ പല കരാറുകാർക്കും പ്രവൃത്തികൾ സമയബന്ധിതമായി പൂർത്തിയാക്കാൻ കഴിയാത്ത സാഹചര്യം ഉള്ളതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിനുള്ള പരിഹാര നടപടികൾ സ്വീകരിക്കുമോ;

ഓരോ ജില്ലയിലും ജൽ ജീവൻ മിഷന്റെ പ്രവൃത്തികളിലെ പുരോഗതി വിലയിരുത്തുന്നതിന് ജനപ്രതിനിധികളുടെയും ഉദ്യോഗസ്ഥരുടെയും അടിയന്തിര യോഗം വിളിക്കുന്നതിന് നടപടി സ്വീകരിക്കുമോ?

കേരള വാട്ടര്‍ അതോറിറ്റി ഏറ്റെടുക്കുന്ന പ്രവൃത്തികള്‍ നടപ്പിലാക്കുന്നതിലുള്ള കാലതാമസമാണ് സംസ്ഥാനത്തെ ജലവിതരണ സംവിധാനത്തിൽ നാളുകളായുളള പ്രയാസങ്ങള്‍ക്ക് കാരണമെന്ന് വിലയിരുത്തിയിട്ടുണ്ടോ; വിശദമാക്കുമോ;

കേരള വാട്ടർ അതോറിറ്റിയില്‍ കാലോചിതമായി മാറ്റങ്ങള്‍ നടപ്പിലാക്കാത്തതാണ് ഇത്തരമൊരു അവസ്ഥ സൃഷ്ടിക്കാനിടയാക്കിയതെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വാട്ടര്‍ അതോറിറ്റി പുനഃസംഘടിപ്പിക്കുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ; അവ എന്തെല്ലാമെന്ന് വിശദമാക്കുമോ;

സംസ്ഥാനത്ത് ഇരുപത്തിനാല് മണിക്കൂറും തടസ്സരഹിതമായ ജലവിതരണം സാധ്യമാകാത്തതിനുള്ള കാരണങ്ങൾ എന്തെല്ലാമെന്ന് വ്യക്തമാക്കാമോ; എങ്കിൽ പ്രസ്തുത ലക്ഷ്യം യാഥാര്‍ത്ഥ്യമാക്കുന്നതിന് ആവശ്യമായ നടപടി സ്വീകരിക്കുമോ;

പുതിയ എന്തെല്ലാം കര്‍മ്മ പദ്ധതികളാണ് വകുപ്പ് നടപ്പിലാക്കാന്‍ ഉദ്ദേശിക്കുന്നത് വിശദമാക്കാമോ?

ആലപ്പുഴ മണ്ഡലത്തില്‍ സമ്പൂര്‍ണമായും കുടിവെള്ളം എത്തിക്കുന്നതിനുള്ള എന്തൊക്കെ നടപടികളാണ് നാളിതുവരെ സ്വീകരിച്ചത് എന്ന് വ്യക്തമാക്കാമോ;

കിഫ്ബി മുഖേന നടപ്പിലാക്കുന്ന കുടിവെള്ള വിതരണ പദ്ധതിയുടെ ഓരോ ഘട്ടത്തിന്റെയും പുരോഗതിയെ സംബന്ധിച്ച വിശദവിവരം ലഭ്യമാക്കാമോ;

പ്രസ്തുത പ്രവൃത്തി പൂര്‍ത്തീകരണത്തിന് വേണ്ടുന്ന സമയം, ചിലവഴിക്കുന്ന തുക എന്നിവ സംബന്ധിച്ച വിശദവിവരം ലഭ്യമാക്കാമോ?

ഏഷ്യന്‍ ഡെവലപ്മെന്റ് ബാങ്കില്‍ നിന്നുള്ള വായ്പ വിനിയോഗിച്ച് തിരുവനന്തപുരം, കാെച്ചി നഗരങ്ങളിലെ കുടിവെള്ള ശൃംഖല ശക്തിപ്പെടുത്തുന്നതിനായി തയ്യാറാക്കിയ പദ്ധതി സംബന്ധിച്ച വിശദാംശങ്ങള്‍ ലഭ്യമാക്കുമോ;

ഒരോ നഗരത്തിലും ഇതുവരെ വിനിയോഗിച്ച തുക ഉൾപ്പെടെ പ്രസ്തുത പദ്ധതിയുടെ നിലവിലെ പ്രവര്‍ത്തന പുരോഗതി സംബന്ധിച്ച വിശദാംശങ്ങള്‍ ലഭ്യമാക്കാമോ?

ചാത്തന്നൂർ മണ്ഡലത്തിലെ കല്ലുവാതുക്കൽ കുടിവെള്ള പദ്ധതിയിൽ നാളിതുവരെ പൂർത്തിയാക്കിയ പ്രവൃത്തികളുടെ വിശദാംശങ്ങൾ അറിയിക്കുമോ;

പ്രസ്തുത കുടിവെള്ള പദ്ധതി പൂർത്തീകരിക്കുന്നതിന് ഇനി എന്തെല്ലാം പ്രവൃത്തികൾ അവശേഷിക്കുന്നുണ്ടെന്നും ആയത് എപ്പോൾ പൂർത്തിയാക്കാൻ കഴിയുമെന്നും വ്യക്തമാക്കുമോ;

പ്രസ്തുത പദ്ധതി എന്ന് കമ്മീഷൻ ചെയ്യാൻ കഴിയുമെന്ന് അറിയിക്കുമോ?

സംസ്ഥാനത്ത് ജലത്തിന്റെ ഗുണനിലവാരം ഉയര്‍ത്തുന്നതിനും ജലജന്യരോഗങ്ങള്‍ ഒഴിവാക്കുന്നതിനുമായി കേരള വാട്ടര്‍ അതോറിറ്റി വഴി എന്തെല്ലാം പദ്ധതികളാണ് നടപ്പിലാക്കുന്നതെന്ന് വ്യക്തമാക്കാമോ?

ഉപയോഗിക്കുന്ന വെള്ളത്തിന്റെ അളവ് കൂടാതെ കെട്ടിടത്തിന്റെ പ്രത്യേകത കൂടി പരിഗണിച്ച് ശുദ്ധജലത്തിന്റെ താരിഫ് കണക്കാക്കാൻ ജല അതോറിറ്റി തീരുമാനിച്ചിട്ടുണ്ടോ; വിശദാംശം വ്യക്തമാക്കുമോ; ഏത് സാഹചര്യത്തിലാണ് ഇപ്രകാരം ഒരു തീരുമാനം കൈക്കൊണ്ടിട്ടുള്ളതെന്ന് വിശദീകരിക്കാമോ;

മേൽപ്പറഞ്ഞ പ്രകാരം താരിഫ് നിശ്ചയിക്കുമ്പോൾ കുടിവെള്ള ചാർജിൽ വലിയ വർദ്ധനവ് ഉണ്ടാകുന്നത് സാധാരണക്കാരെ ദോഷകരമായി ബാധിക്കുമോയെന്ന് പരിശോധിച്ചിട്ടുണ്ടോ; വിശദാംശം വ്യക്തമാക്കുമോ;

തുടർച്ചയായ കുടിവെള്ള ചാർജ് വർദ്ധനവിൽ പ്രതിസന്ധി അനുഭവിക്കുന്ന ജനങ്ങൾക്ക് കൂടുതൽ ഭാരം നൽകുന്ന പ്രസ്തുത പരിഷ്കരണത്തിൽ നിന്ന് പിന്മാറുവാൻ സർക്കാർ തയ്യാറാകുമോ വിശദാംശം വ്യക്തമാക്കുമോ?

ജൽ ജീവൻ മിഷൻ പദ്ധതിയുടെ ഭാഗമായി പൊളിച്ച പൊതുമരാമത്ത് റോഡുകളുടെ പുനഃസ്ഥാപന പ്രവൃത്തികൾക്കാവശ്യമായ ഫണ്ട് അനുവദിക്കുന്നതിന് നടപടി സ്വീകരിച്ചിട്ടുണ്ടോ; എങ്കിൽ വ്യക്തമാക്കുമോ;

ആമ്പല്ലൂർ- പാലപ്പിള്ളി റോഡ്, തൃശ്ശൂർ- മണലി റോഡ്, ഉൾപ്പടെയുള്ള പൊതുമരാമത്ത് റോഡുകളുടെ പുനഃസ്ഥാപന പ്രവൃത്തികൾക്കായി വാട്ടർ അതോറിറ്റിക്ക് ആവശ്യമായ ഫണ്ട് ലഭ്യമാക്കുന്നതിനും റോഡുകളുടെ നവീകരണ പ്രവൃത്തികൾക്ക് തടസ്സം വരാതെ പുനഃസ്ഥാപന പ്രവൃത്തികൾ പൂർത്തിയാക്കുന്നതിനും നടപടി സ്വീകരിക്കുമോ?

പേപ്പാറ ഡാമിന്റെ സംഭരണശേഷി 110.5 മീറ്ററിലേക്ക് ഉയർത്തുന്നതിന് നടപടികൾ സ്വീകരിച്ചിട്ടുണ്ടോ; വിശദാംശം നൽകുമോ; ഇതിന് കേന്ദ്ര വനം- പരിസ്ഥിതി മന്ത്രാലയത്തിന്റെ അനുമതി ലഭിച്ചിട്ടുണ്ടോ; വിശദികരിക്കുമോ;

മേൽ വിഷയത്തിൽ വനം വകുപ്പ് എതിർപ്പ് അറിയിച്ചിട്ടുണ്ടോ; എങ്കിൽ ആയത് വ്യക്തമാക്കുമോ;

വനം വകുപ്പ് ചൂണ്ടിക്കാണിച്ച പ്രശ്നങ്ങൾ ഏത് രീതിയിൽ പരിഹരിക്കാൻ സാധിക്കുമെന്നാണ് വിലയിരുത്തിയിട്ടുള്ളതെന്ന് വ്യക്തമാക്കുമോ;

ഡാമിന്റെ സംഭരണശേഷി ഉയർത്തുന്നതിലൂടെ ശുദ്ധജലവിതരണത്തിൽ എന്തൊക്കെ നേട്ടങ്ങൾ ഉണ്ടാകുമെന്നാണ് പ്രതീക്ഷിക്കുന്നതെന്ന് വ്യക്തമാക്കുമോ?

മുൻഗണനാ വിഭാഗങ്ങൾക്ക് സൗജന്യമായി കുടിവെള്ള വിതരണം നടത്തുന്നതിന് പ്രതിമാസം എത്ര തുകയാണ് ജല അതോറിറ്റിക്ക് ചെലവ് വരുന്നതെന്ന് വ്യക്തമാക്കുമോ;

ജൽ ജീവൻ മിഷൻ പദ്ധതി നടപ്പിലാക്കിയതോടെ സൗജന്യ ഉപഭോക്താക്കളുടെ എണ്ണം വർദ്ധിച്ചിട്ടുണ്ടോ; മുൻകാലങ്ങളിൽ നിന്നും എത്ര തുക അധികമായി ഈയിനത്തിൽ ചെലവഴിക്കേണ്ടി വരുന്നു; വ്യക്തമാക്കുമോ;

സംസ്ഥാന ബജറ്റിൽ ഈയിനത്തിലുള്ള ചെലവിനായി തുക വകയിരുത്തിയിട്ടുണ്ടോ; അല്ലെങ്കിൽ ഇതിനായി എന്തെങ്കിലും ഗ്രാന്റ് അനുവദിക്കുന്നുണ്ടോ; വിശദമാക്കുമോ;

സൗജന്യ കുടിവെള്ള വിതരണത്തിനായി നിലവിൽ ജല അതോറിറ്റിക്കുള്ള ചെലവ് എപ്രകാരമാണ് കണ്ടെത്തുന്നതെന്ന് വിശദമാക്കുമോ; തുക അപര്യാപ്തമെങ്കിൽ ഇതിനായി സർക്കാരിനോട് ആവശ്യപ്പെട്ടിട്ടുണ്ടോ; വിശദമാക്കുമോ?

വാട്ടർ അതോറിറ്റിയിൽ നിലവിലുള്ള ഓഫീസ് അറ്റൻഡന്റ് , വാച്ച്മാൻ, ലാസ്കർ മുതലായ ലാസ്റ്റ് ഗ്രേഡ് തസ്തികകളിലെ ഒഴിവുകൾ പി. എസ്. സി.ക്ക് റിപ്പോർട്ട് ചെയ്യുന്നതിന് നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ;

വാട്ടർ അതോറിറ്റിയിലെ ലാസ്റ്റ് ഗ്രേഡ് തസ്തികകൾ ഇല്ലാതാക്കുന്നതിന് ഏതെങ്കിലും തരത്തിലുള്ള നടപടികൾ സ്വീകരിക്കുന്നുണ്ടോയെന്ന് വ്യക്തമാക്കാമോ;

വാട്ടർ അതോറിറ്റിയിൽ ഓഫീസ് അസിസ്റ്റന്റ്, വാച്ച്മാൻ, ലാസ്കർ, അസിസ്റ്റന്റ് തുടങ്ങിയ വിവിധ തസ്തികകളിൽ ഈ സർക്കാരിന്റെ കാലയളവിൽ നടത്തിയ നിയമനങ്ങളുടെ എണ്ണം തസ്തിക തിരിച്ച് വ്യക്തമാക്കാമോ?

കുടിവെള്ള പൈപ്പുകള്‍ സ്ഥാപിക്കുന്നതിന്റെ ഭാഗമായി റോഡ് കട്ടിംഗ് നടത്തിയ പാലക്കാട്-മലമ്പുഴ റോഡ്, ഒലവക്കോട്-മലമ്പുഴ റോഡ് എന്നിവ പുനഃസ്ഥാപിച്ച് പൂര്‍വ്വസ്ഥിതിയിലാക്കാൻ വാട്ടര്‍ അതോറിറ്റി സ്വീകരിച്ചു വരുന്ന നടപടികള്‍ വിശദമാക്കാമോ;

ഈ രണ്ട് റോഡുകളും പുനഃസ്ഥാപിക്കുന്നത്തിനായി എത്ര രൂപയാണ് വകയിരുത്തിയിട്ടുള്ളത് എന്ന് അറിയിക്കാമോ?

ജല അതോറിറ്റിക്ക് നിലവില്‍ കുടിശ്ശികയിനത്തില്‍ ലഭിക്കാനുള്ള തുകയുടെ വിശദാംശം തരംതിരിച്ച് വ്യക്തമാക്കുമോ;

എത്ര ലക്ഷം ഗാർഹിക പൈപ്പ് കണക്ഷനുകളാണ് ഉള്ളതെന്നും അതില്‍ പ്രവർത്തനരഹിതമായ മീറ്ററുകളുടെ എണ്ണം എത്രയെന്നും ഇതുമൂലം ജല അതോറിറ്റിക്ക് എത്ര വരുമാന നഷ്ടം ഉണ്ടാകുന്നുവെന്നും വ്യക്തമാക്കുമോ;

അണ്ടർ വാട്ടർ ലീക്ക്, ഗാർഹിക കണക്ഷനുകളിലെ ചോർച്ച എന്നിവ കാരണം വിതരണത്തിനായുള്ള വെള്ളത്തിന്റെ എത്ര ശതമാനം കണക്കില്‍പ്പെടാതെ പ്രതിദിനം നഷ്ടപ്പെടുന്നുവെന്ന് അറിയിക്കാമോ; ഇതുമൂലം ജല അതോറിറ്റിക്ക് എത്ര തുകയുടെ നഷ്ടമുണ്ടാകുന്നുവെന്നും വ്യക്തമാക്കുമോ;

ജല അതോറിറ്റി നിലവില്‍ നഷ്ടത്തിലാണോ പ്രവർത്തിക്കുന്നത്; വിശദാംശം ലഭ്യമാക്കാമോ?

ജല അതോറിറ്റിക്ക് വെള്ളക്കര കുടിശ്ശിക ഇനത്തിൽ വൻതുക നൽകുവാനുള്ള സർക്കാർ സ്ഥാപനങ്ങളുടെയും പൊതുമേഖലാ സ്ഥാപനങ്ങളുടെയും പ്രൈവറ്റ് സ്ഥാപനങ്ങളുടെയും സ്വകാര്യ വ്യക്തികളുടെയും വിശദാംശങ്ങൾ കുടിശ്ശിക തുക സഹിതം വ്യക്തമാക്കുമോ;

വെള്ളക്കര കുടിശിക ഇനത്തിൽ ജലഅതോറിറ്റിക്ക് ആകെ എത്ര തുകയാണ് ലഭിക്കാനുള്ളത്; പ്രസ്തുത തുക തിരികെ പിടിക്കുന്നതിന് ഈ സർക്കാരിന്റെ കാലയളവിൽ എന്തൊക്കെ നടപടികൾ സ്വീകരിച്ചിട്ടുണ്ട്; വ്യക്തമാക്കുമോ?

ആറ്റിങ്ങൽ മണ്ഡലത്തിലെ കരവാരം - നഗരൂർ - പുളിമാത്ത് കുടിവെള്ള പദ്ധതിയുടെ പ്രവർത്തന പുരോഗതി വിശദമാക്കുമോ;

പദ്ധതിയുടെ ഭാഗമായി ഗുണഭോക്താക്കൾക്കുള്ള ജല വിതരണ പൈപ്പുകൾ സ്ഥാപിക്കുന്ന നടപടി ഏത് ഘട്ടത്തിലാണെന്ന് വ്യക്തമാക്കുമോ?

കേരള വാട്ടര്‍ അതോറിറ്റിയില്‍ ഓപ്പറേറ്റര്‍ തസ്തികയിലുള്ളവരുടെ എണ്ണത്തിൽ പ്ലാന്റ് കപ്പാസിറ്റി, വാട്ടര്‍ കണക്ഷന്‍ തുടങ്ങിയവയിലുള്ള വര്‍ദ്ധനവിന് ആനുപാതികമായി ഹെഡ് ഓപ്പറേറ്റര്‍ തസ്തികകളുടെ എണ്ണം വര്‍ദ്ധിപ്പിക്കാനുള്ള നടപടി സ്വീകരിക്കുമോ; വ്യക്തമാക്കാമോ?

ജലവിഭവ വകുപ്പ് വഴി അരൂർ നിയോജക മണ്ഡലത്തിൽ നടപ്പിലാക്കിയ പദ്ധതികൾ ഏതെല്ലാമാണെന്നും ആയതിന് അനുവദിച്ച തുക എത്രയെന്നും വിശദമാക്കാമോ?

ഈ സര്‍ക്കാരിന്റെ കാലത്ത് തളിപ്പറമ്പ് നിയോജക മണ്ഡലത്തില്‍ ആകെ എത്ര കുടിവെള്ള കണക്ഷനുകള്‍ നല്‍കിയിട്ടുണ്ട്; ഇതിനായി ആകെ എത്ര തുക ചെലവഴിച്ചിട്ടുണ്ട്; തദ്ദേശസ്ഥാപന അടിസ്ഥാനത്തില്‍ വിശദാംശങ്ങള്‍ നല്‍കാമോ; തളിപ്പറമ്പ് മണ്ഡലത്തില്‍ കുടിവെള്ള കണക്ഷനുകള്‍ ആകെ എത്ര ശതമാനം കൈവരിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവില്‍ തളിപ്പറമ്പ് മണ്ഡലത്തില്‍ തീര സംരക്ഷണത്തിനായി എത്ര തുക അനുവദിച്ചിട്ടുണ്ട്; പ്രവൃത്തികളുടെ വിശദാംശങ്ങള്‍ നല്‍കാമോ;

ഈ സര്‍ക്കാരിന്റെ കാലത്ത് തളിപ്പറമ്പ് മണ്ഡലത്തില്‍ ജലസേചന വകുപ്പിന്റെ നിര്‍മ്മാണ പ്രവൃത്തികള്‍ക്കായി ആകെ എത്ര തുക അനുവദിച്ചിട്ടുണ്ട്; ഓരോ പ്രവൃത്തിയുടെയും വിശദാംശങ്ങള്‍ നല്‍കാമോ?

നിലമ്പൂര്‍ മണ്ഡലത്തിലെ വിവിധ പഞ്ചായത്തുകളിൽ ജൽ ജീവന്‍ മിഷന്‍ പദ്ധതികള്‍ ആരംഭിച്ച് വര്‍ഷങ്ങളായിട്ടും പൂര്‍ത്തീകരിച്ചിട്ടില്ലായെന്നത് ശ്രദ്ധയിൽപ്പെട്ടിട്ടുണ്ടോ; ഓരോ പഞ്ചായത്തുകളിലെയും ഈ പദ്ധതിയുടെ അവസ്ഥ വിശദമാക്കാമോ; പദ്ധതികള്‍ എന്നത്തേക്ക് പൂര്‍ത്തീകരിക്കാനാവുമെന്ന് വ്യക്തമാക്കാമോ;

ജൽ ജീവന്‍ മിഷന്‍ പ്രവൃത്തികള്‍ക്കായി തദ്ദേശസ്വയംഭരണ സ്ഥാപന റോഡുകള്‍ വെട്ടിപൊളിച്ചത് പുനഃസ്ഥാപിക്കാൻ സാധിക്കാത്തതിനാല്‍ പ്രസ്തുത റോഡുകള്‍ ഗതാഗതയോഗ്യമല്ലാതായി തീർന്നത് ശ്രദ്ധയിൽപ്പെട്ടിട്ടുണ്ടോ; ഇത്തരം റോഡുകളുടെ പണി പൂര്‍ത്തീകരിച്ച് പൂര്‍വ്വസ്ഥിതിയിലാക്കുവാൻ വേണ്ട നടപടികള്‍ സ്വീകരിക്കുമോ; വിശദമാക്കാമോ?

മണലൂര്‍ മണ്ഡലത്തിലെ മുല്ലശ്ശേരി പഞ്ചായത്തിൽ പ്രധാന മന്ത്രി ഗ്രാമ സഡക് യോജനയുടെ കീഴിലുള്ള പറമ്പന്തളി റോഡില്‍ പൈപ്‍ലൈന്‍ സ്ഥാപിക്കുന്നതിലായി എടുത്ത ട്രഞ്ചിന്റെ റെസ്റ്റൊറേഷന് വേണ്ടി വാട്ടര്‍ അതോറിറ്റി പി. എം. ജി. എസ്. വൈ.യുടെ അക്കൗണ്ടിലേക്ക് അടയ്ക്കേണ്ട തുക സംബന്ധിച്ച് മുല്ലശ്ശേരി പഞ്ചായത്ത് അധികൃതര്‍ എം.എല്‍.എ. മുഖേന നല്‍കിയ കത്ത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ സ്വീകരിച്ച നടപടികൾ വ്യക്തമാക്കുമോ;

പ്രസ്തുത റോഡ് പുനര്‍നിര്‍മ്മിക്കുന്നതിനായി കേരള വാട്ടർ അതോറിറ്റി നല്കേണ്ടതായ തുക ടി പഞ്ചായത്തിന്റെ ട്രഷറി അക്കൗണ്ടിലേക്ക് കൈമാറി നല്കുന്നതിന് അടിയന്തര നടപടി സ്വീകരിക്കുമോ; വിശദാംശങ്ങള്‍ നല്‍കുമോ?

ഹരിപ്പാട് കുടിവെള്ള പദ്ധതിയുടെ നിര്‍വ്വഹണം വൈകുന്നതിന്റെ കാരണമെന്തെന്ന് അറിയിക്കാമോ;

മാന്നാര്‍ മുല്ലശ്ശേരി കടവ് മുതല്‍ പള്ളിപ്പാട് ജലശുദ്ധീകരണശാല വരെ 9 കി.മീ. നീളം 900 ഹൈ മോഡുലസ്-ഹൈ ഡെൻസിറ്റി പോളിഎത്തിലീൻ (എച്ച്. എം. -എച്ച്. ഡി. പി. ഇ.) റോവാട്ടര്‍ പമ്പിംഗ് മെയിന്‍ സ്ഥാപിക്കുന്ന പ്രവൃത്തിക്ക് ബഹു. ഹൈക്കോടതി വിധിയുടെ അടിസ്ഥാനത്തില്‍ വര്‍ക്ക് ഓര്‍ഡര്‍ നല്‍കിയിട്ടും നിര്‍വ്വഹണം വൈകുന്നതിന്റെ കാരണമെന്തെന്ന് അറിയിക്കാമോ;

ഹരിപ്പാട് മണ്ഡലത്തില്‍ നിലനില്‍ക്കുന്ന അതിരൂക്ഷമായ കുടിവെള്ളക്ഷാമം പരിഹരിക്കുന്നതിനായി ഈ പദ്ധതി എത്രയും വേഗം പൂര്‍ത്തീകരിക്കുമോ; ഇതിനായി എന്തെല്ലാം നടപടികളാണ് സ്വീകരിക്കാന്‍ ഉദ്ദേശിക്കുന്നത്; വിശദമാക്കാമോ?

പാലക്കാട്‌ മണ്ഡലത്തില്‍ ജൽ ജീവന്‍ മിഷന്‍ പദ്ധതിയിലെ പ്രവൃത്തി ഏറ്റെടുത്ത കരാറുകാരന് വന്‍കുടിശ്ശിക ഉള്ളതിനാല്‍ പദ്ധതി തടസ്സപ്പെട്ട് നില്‍ക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ;

പാലക്കാട്‌ മണ്ഡലത്തിലെ ജൽ ജീവന്‍ മിഷന്‍ പദ്ധതി സംബന്ധിച്ച് ബഹു. വൈദ്യുതി വകുപ്പ് മന്ത്രിയുടെ നേതൃത്വത്തില്‍ നടന്ന യോഗത്തിന്റെ അടിസ്ഥാനത്തില്‍ ജലവിഭവ വകുപ്പിന് നല്‍കിയ റിപ്പോര്‍ട്ടിന്‍മേല്‍ സ്വീകരിച്ച നടപടികളുടെ വിശദാംശങ്ങള്‍ ലഭ്യമാക്കുമോ;

കനത്ത മഴ കാലത്തും പിരായിരി പഞ്ചായത്തിലെ മെട്രോ നഗര്‍, കുറുക്കന്‍പാറ, ഫാത്തിമറോഡ്‌, ഉണ്ണീരംകുന്ന്, ഉപാസന നഗര്‍, കല്ലേക്കാടിന്റെ വിവിധ പ്രദേശങ്ങള്‍ എന്നിവിടങ്ങളിലെ രൂക്ഷമായ കുടിവെള്ളക്ഷാമം ശ്രദ്ധയിൽപ്പെട്ടിട്ടുണ്ടോ; എങ്കില്‍ അവ പരിഹരിക്കുന്നതിന് നടപടി സ്വീകരിക്കുമോ ; വിശദമാക്കുമോ?

അമൃത് 2.0 പദ്ധതിയിൽ സ്റ്റേറ്റ് വാട്ടർ ആക്ഷൻ പ്ലാൻ മൂന്നാം ഘട്ട പ്രവൃത്തികളിൽ ഉൾപ്പെടുത്തിയ മലപ്പുറം മണ്ഡലത്തിലെ പാണക്കാട്, മേൽമുറി വില്ലേജുകളിലെ മിനി കുടിവെള്ള പദ്ധതികളുടെ പുരോഗതി വ്യക്തമാക്കുമോ; അഡീഷണല്‍ പ്രൊപ്പോസലിന് സാങ്കേതികാനുമതി ലഭ്യമായിട്ടുണ്ടോ ;

കേന്ദ്ര-സംസ്ഥാന സർക്കാരുകളുടേയും നഗരസഭയുടെയും സംയുക്ത സംരംഭമായ പ്രസ്തുത കുടിവെള്ള പദ്ധതി എന്നത്തേക്ക് പൂർത്തീകരിക്കാനാവുമെന്ന് വ്യക്തമാക്കുമോ;

അമൃത് 2.0 ഒന്നാം ഘട്ടത്തിൽ ഉൾപ്പെട്ട 7.5 എം. എൽ. ഡി. സംഭരണശേഷിയുള്ള ജല ശുദ്ധീകരണശാല നിർമ്മിക്കുന്നതിനായി നേരത്തെ ഭരണാനുമതി നൽകിയ 7.60 കോടി രൂപയുടെ പ്രവൃത്തിയുടെ ടെണ്ടർ നടപടികൾ പൂർത്തീകരിച്ചിട്ടുണ്ടോ; വിശദാംശങ്ങൾ നൽകുമോ;

ജൽ ജീവൻ മിഷന് കീഴിലുള്ള പുൽപ്പറ്റ, പൂക്കോട്ടൂർ, മൊറയൂർ സമഗ്ര കുടിവെള്ള പദ്ധതി, കോഡൂർ കാലമ്പറമ്പ് കുടിവെള്ള പദ്ധതി, അമൃത് പദ്ധതിക്കു കീഴിലുള്ള ഇരുമ്പുഴി കരുമാഞ്ചേരി പറമ്പ് പദ്ധതി, മലപ്പുറം നഗരസഭയിലെ പാണക്കാട്-മേൽമുറി പദ്ധതികൾ എന്നിവ യാഥാർത്ഥ്യമാക്കി മലപ്പുറം മണ്ഡലത്തിലെ കുടിവെള്ള പ്രശ്നങ്ങൾക്ക് ശാശ്വത പരിഹാരം കാണുന്നതിന് നടപടി സ്വീകരിക്കുമോയെന്ന് വിശദമാക്കുമോ?

കയ്പമംഗലം മണ്ഡലത്തിലെ കുടിവെള്ളക്ഷാമം ശാശ്വതമായി പരിഹരിക്കുന്നതിനായി നടപ്പിലാക്കിവരുന്ന നാട്ടിക ഫർക്ക കുടിവെള്ള പദ്ധതി എത്രയും വേഗം പൂർത്തിയാക്കുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വിശദമാക്കുമോ;

2025-26 സാമ്പത്തിക വർഷ ബജറ്റിൽ 20% തുക വകയിരുത്തി 2 കോടി രൂപ അനുവദിച്ചിട്ടുള്ളതും സാമ്പത്തികാനുമതി ലഭിച്ചിട്ടുള്ളതുമായ കയ്പമംഗലം നിയോജക മണ്ഡലം തനത് കുടിവെള്ള പദ്ധതിക്ക് ഭരണാനുമതിയും സാങ്കേതികാനുമതിയും ലഭ്യമാക്കി പ്രവർത്തി ആരംഭിക്കുന്നതിനായി എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വിശദമാക്കാമോ?