ഈ സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്ത് മദ്യത്തിന്റെ ഉപഭോഗം സംബന്ധിച്ച് വിലയിരുത്തലുകള്‍ നടത്തിയിട്ടുണ്ടോ;

ഈ സര്‍ക്കാരിന്റെ കാലത്തും 2016-2021 കാലയളവിലും ഉണ്ടായിട്ടുള്ള മദ്യത്തിന്റെ ഉപഭോഗം സംബന്ധിച്ച വിശദാംശം 2011-2016 വരെയുള്ള കാലയളവുമായി താരതമ്യം ചെയ്ത് ലഭ്യമാക്കാമോ;

മദ്യപാന ശീലം നിരുത്സാഹപ്പെടുത്തുന്നതിനും മദ്യപാനം മൂലം ഉണ്ടാകാനിടയുള്ള ആരോഗ്യപരവും സാമൂഹികപരവുമായ പ്രശ്നങ്ങൾ സംബന്ധിച്ച് ജനങ്ങളില്‍ അവബോധം സൃഷ്ടിക്കുന്നതിനുമായി എന്തെല്ലാം പദ്ധതികളാണ് ആസൂത്രണം ചെയ്ത് നടപ്പിലാക്കി വരുന്നതെന്ന് വ്യക്തമാക്കാമോ;

പ്രസ്തുത പദ്ധതികളിൽ വിദ്യാര്‍ത്ഥികളെയും യുവജനങ്ങളെയും ഉള്‍പ്പെടുത്തി പ്രചരണം കൂടുതല്‍ ശക്തമാക്കുന്നതിനായി നടത്തി വരുന്ന പ്രവര്‍ത്തനങ്ങള്‍ എന്തെല്ലാമാണെന്ന് വ്യക്തമാക്കാമോ?

സംസ്ഥാനത്ത് ജയിലുകളിൽ സുരക്ഷയുടെ ഭാഗമായി മതിലുകളുടെ മുകളിൽ വൈദ്യുതവേലി സ്ഥാപിച്ചിട്ടുണ്ടോയെന്ന് വ്യക്തമാക്കാമോ; എങ്കിൽ ഇവ പ്രവർത്തനക്ഷമമാണോയെന്ന് പരിശോധിക്കാറുണ്ടോ; എങ്കില്‍ പ്രസ്തുത പരിശോധന നടത്തുന്നതിൽ ബന്ധപ്പെട്ട ഉദ്യോഗസ്ഥർക്ക് വീഴ്ച സംഭവിച്ചിട്ടുണ്ടോയെന്ന് വ്യക്തമാക്കാമോ;

വൈദ്യുതവേലി പ്രവർത്തിക്കാത്തതിനെ തുടർന്ന് ജയിൽപ്പുളളികൾ മതിൽ ചാടി രക്ഷപ്പെടുന്ന സാഹചര്യമുണ്ടോ; വിശദവിവരം നൽകാമോ;

വൈദ്യുതവേലികൾ പ്രവർത്തനക്ഷമമാക്കുന്നതിനായി നടപടി സ്വീകരിക്കാൻ ഉദ്ദേശിക്കുന്നുണ്ടോ; വിശദമാക്കുമോ?

സംസ്ഥാനത്ത് സ്കൂള്‍, കോളേജ് തലത്തില്‍ ലഹരി വിരുദ്ധ പ്രവര്‍ത്തനങ്ങള്‍ക്ക് നേതൃത്വം നല്‍കുവാന്‍ രൂപീകരിച്ച ലഹരി വിരുദ്ധ ക്ലബ്ബുകള്‍ നടത്തി വരുന്ന പ്രവര്‍ത്തനങ്ങളുടെ പുരോഗതി വ്യക്തമാക്കാമോ;

പ്രസ്തുത ലഹരി വിരുദ്ധ ക്ലബ്ബുകളിലൂടെ നടത്തുന്ന ബോധവല്‍ക്കരണ ക്ലാസുകളില്‍ എക്സൈസ് ഉദ്യോഗസ്ഥരുടെയും വിമുക്തി മിഷന്‍ കൗണ്‍സിലര്‍മാരുടെയും സേവനം ഉറപ്പുവരുത്തിയിട്ടുണ്ടോ;

വിദ്യാര്‍ത്ഥികള്‍ ലഹരിക്കെതിരായി ചിന്തിക്കുന്നതിനും വിദ്യാര്‍ത്ഥികളിലെ വ്യത്യസ്തങ്ങളായ സര്‍ഗ്ഗാത്മക കഴിവുകള്‍ വികസിപ്പിച്ചെടുത്ത് പ്രസ്തുത കഴിവുകള്‍ ലഹരി വിരുദ്ധ പ്രവര്‍ത്തനങ്ങള്‍ക്കായി ക്രിയാത്മകമായി വിനിയോഗിക്കുന്നതിനും എന്തെല്ലാം പദ്ധതികളാണ് വകുപ്പ് മുഖേന വിഭാവനം ചെയ്ത് നടപ്പിലാക്കി വരുന്നതെന്ന് വ്യക്തമാക്കാമോ;

സ്കൂളുകളുടെയും കോളേജുകളുടെയും സമീപ പ്രദേശങ്ങളിലെ കടകളില്‍ പുകയില ഉല്പന്നങ്ങളും മയക്കുമരുന്ന് വില്‍പ്പനയും തടയുന്നതിന് വിവിധ വകുപ്പുകള്‍ ഏകോപിപ്പിച്ച് നടത്തി വരുന്ന പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തുന്നതിന് നടപടി സ്വീകരിക്കാമോ?

വയനാട് ജില്ലയിലെ ചൂരല്‍മല, മുണ്ടക്കൈ പ്രദേശങ്ങളില്‍ ഉണ്ടായ പ്രകൃതി ദുരന്തത്തെ തുടര്‍ന്ന് ദുരന്തനിവാരണ പുനരധിവാസ പ്രവർത്തനങ്ങള്‍ക്കായി അടിയന്തര കേന്ദ്ര സഹായം ആവശ്യപ്പെട്ട് എന്തെല്ലാം ഇടപെടലുകള്‍ നടത്തിയിരുന്നുവെന്ന് വിശദമാക്കാമോ;

ദേശീയ ദുരന്തനിവാരണ നിധിയില്‍ നിന്നും കേരളത്തിന് സഹായം അനുവദിക്കുന്ന കാര്യത്തില്‍ കേന്ദ്ര സർക്കാർ വിവേചനപരമായ സമീപനമാണ് സ്വീകരിച്ചുവരുന്നതെന്ന വിലയിരുത്തല്‍ നടത്തിയിട്ടുണ്ടോ; എങ്കില്‍ വിശദമാക്കാമോ;

ചൂരല്‍മല, മുണ്ടക്കൈ ദുരന്തങ്ങൾ പോലുള്ള ഗുരുതരമായ ദുരന്തത്തെ ദേശീയ ദുരന്തമായി അംഗീകരിക്കാതെ കേരളത്തിന്റെ ആവശ്യം അവഗണിച്ചതിന് പിന്നിലെ കാരണങ്ങള്‍ എന്തെല്ലാമാണെന്ന് വിലയിരുത്തിയിട്ടുണ്ടോ;

കേന്ദ്ര സർക്കാരിന്റെ അനാസ്ഥയും അവഗണനയും മൂലം പ്രസ്തുത ദുരന്തബാധിതർക്ക് യാതൊരു പ്രതിസന്ധിയും ഉണ്ടാകാതിരിക്കാൻ ഈ സർക്കാർ സമയബന്ധിതമായി നടത്തിയ പ്രവർത്തനങ്ങള്‍ എന്തെല്ലാമാണെന്ന് വ്യക്തമാക്കുമോ?

സർക്കാർ ആശുപത്രികളുടെ പശ്ചാത്തല വികസനത്തിന്റെ ഭാഗമായി കിഫ്ബി വഴിയും മറ്റു പദ്ധതികൾ വഴിയും ഈ സർക്കാർ നാളിതുവരെ ചെലവഴിച്ച തുകയുടെ വിശദാംശം ലഭ്യമാക്കാമോ;

2011-2016, 2016-2021 എന്നീ കാലയളവുകളില്‍ പ്രസ്തുത മേഖലയിൽ ചെലവഴിച്ച തുകകള്‍ തമ്മില്‍ താരതമ്യം നടത്തിയിട്ടുണ്ടോയെന്ന് വ്യക്തമാക്കാമോ;

ആരോഗ്യ മേഖലയില്‍ റീബിൽഡ് കേരള ഇനീഷ്യേറ്റീവ് വഴി നടന്നിട്ടുള്ള നിർമ്മാണ പ്രവർത്തനങ്ങളുടെ വിശദാംശം നല്‍കാമോ;

നിലവിൽ നിർമ്മാണത്തിലിരിക്കുന്ന ആരോഗ്യസ്ഥാപനങ്ങൾ സമയബന്ധിതമായി പൂർത്തീകരിക്കുന്നതിനായി അടിയന്തര ഇടപെടൽ നടത്തുമോയെന്ന് വ്യക്തമാക്കാമോ?

പ്രമുഖ പ്രതിപക്ഷ വിദ്യാര്‍ത്ഥി സംഘടനയുടെ തൃശൂർ ജില്ലാ വൈസ് പ്രസിഡന്റ് ഉൾപ്പെടെയുള്ള പ്രവർത്തകരെ മുഖംമൂടിയും കൈവിലങ്ങും ധരിപ്പിച്ച് കോടതിയിൽ ഹാജരാക്കിയ പോലീസ് നടപടി ശ്രദ്ധയിൽപ്പെട്ടിട്ടുണ്ടോ;

കൈവിലങ്ങ് ധരിപ്പിച്ച് കോടതിയിൽ ഹാജരാക്കുന്നതിനെതിരെ സുപ്രീംകോടതിയുടെ പരാമര്‍ശം ഉണ്ടായ സാഹചര്യത്തിൽ പോലീസിന്റെ പ്രസ്തുത നടപടി ഗൗരവത്തോടെ കാണുന്നുണ്ടോ;

ഈ സംഭവത്തിൽ കുറ്റക്കാരായ പോലീസ് ഉദ്യോഗസ്ഥർക്കെതിരെ സ്വീകരിച്ച ശിക്ഷാനടപടികള്‍ വിശദമാക്കാമോ?

അടിവയറ്റിലെ കൊഴുപ്പുനീക്കൽ ശസ്ത്രക്രിയയ്ക്ക് വിധേയയായ യുവതിയുടെ ഒൻപത് വിരലുകൾ മുറിച്ചു മാ​റ്റേണ്ടി വന്ന സംഭവത്തിൽ എന്തെങ്കിലും അന്വേഷണം നടത്തിയിട്ടുണ്ടോയെന്ന് വ്യക്തമാക്കാമോ;

അന്വേഷണ റിപ്പോർട്ടിലെ നിഗമനങ്ങൾ എന്തെല്ലാമാണ്; വിശദമാക്കാമോ;

കുറ്റക്കാരായവർക്കെതിരെ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ;

കോസ്‍മെറ്റോളജി ചികിത്സ നടത്തുന്ന സ്ഥാപനങ്ങളെ നിരീക്ഷിക്കുന്നതിന് എന്തെല്ലാം സംവിധാനങ്ങളാണ് നിലവിലുളളത്; വ്യക്തമാക്കാമോ?

കേരളത്തിലെ ആദ്യ പ്രതിരോധ ഉപകരണ നിര്‍മ്മാണ കേന്ദ്രവും തുടര്‍ച്ചയായി ലാഭത്തില്‍ പ്രവര്‍ത്തിക്കുന്നതുമായ ബ്രഹ്മോസ് എയ്റോസ്‍പേസിനെ ഇല്ലാതാക്കാന്‍ കേന്ദ്ര സർക്കാർ ശ്രമം നടത്തുന്നതായ വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വ്യക്തമാക്കാമോ;

ബ്രഹ്മോസ് മിസൈലിലെ നിര്‍ണ്ണായക ഘടകങ്ങള്‍ക്ക് പുറമെ ഐ. എസ്. ആര്‍. ഒ, ബാര്‍ക്ക്, ജി. ടി. ആര്‍. ഇ കല്‍പ്പാക്കം, കല്‍പ്പാക്കം ആണവ നിലയം തുടങ്ങിയ സ്ഥാപനങ്ങള്‍ക്ക് ആവശ്യമായ യന്ത്രഘടകങ്ങള്‍ നിര്‍മ്മിച്ചു നല്‍കുന്ന കേരളത്തിലെ അഭിമാന സ്ഥാപനം ഇല്ലാതാക്കാനുള്ള നീക്കം ഗൗരവമായി കാണുന്നുണ്ടോ; വിശദമാക്കാമോ;

ഇതു സംബന്ധിച്ച് ബ്രഹ്മോസിലെ ജീവനക്കാരുടെ ആശങ്ക ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത സ്ഥാപനത്തെ സംസ്ഥാനത്ത് തന്നെ നിലനിര്‍ത്തുന്നതിനാവശ്യമായ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

സംസ്ഥാനത്തെ ജയിലുകളിൽ അംഗീകൃത പാർപ്പിട ശേഷിയേക്കാൾ കൂടുതൽ തടവുകാരെ പാർപ്പിച്ചിട്ടുണ്ടോ;

തടവുകാരുടെ എണ്ണം വർദ്ധിക്കുന്നതിനനുസരിച്ച് ജയിലുകളിൽ സൗകര്യം വർദ്ധിപ്പിക്കാറുണ്ടോ;

തടവുകാരുടെ എണ്ണം വർദ്ധിക്കുന്നതിന് ആനുപാതികമായി സുരക്ഷാ ഉദ്യോഗസ്ഥരെ നിയോഗിച്ചിട്ടുണ്ടോ;

ജയിലിലെ സൗകര്യങ്ങൾ വർദ്ധിപ്പിക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

തിരുവനന്തപുരം വിമാനത്താവളത്തിന്റെ അന്താരാഷ്ട്ര പദവി നിലനിര്‍ത്തുന്നതിന്റെ ഭാഗമായി വിമാനത്താവള വികസനത്തിനുവേണ്ടി സ്ഥലം ഏറ്റെടുത്തു നല്‍കുന്ന നടപടിയുടെ വിശദാംശങ്ങള്‍ ലഭ്യമാക്കാമോ;

കേന്ദ്ര-സംസ്ഥാന സര്‍ക്കാരുകളുടെ ഏതെല്ലാം സ്ഥാപനങ്ങളെ പ്രസ്തുത സ്ഥലം ഏറ്റെടുപ്പ് ബാധിക്കുമെന്ന് പരിശോധിച്ചിട്ടുണ്ടോ; എങ്കില്‍ വിശദീകരിക്കാമോ;

സംസ്ഥാന സര്‍ക്കാര്‍ കേന്ദ്ര പ്രതിരോധമേഖലയ്ക്ക് കൈമാറിയ ബ്രഹ്മോസ് എയറോസ്പേസ് തിരുവനന്തപുരം ലിമിറ്റഡിന്റെ ഭൂമി ഏറ്റെടുക്കാൻ ഇടയുണ്ടോയെന്ന് വ്യക്തമാക്കാമോ;

ഇതു സംബന്ധിച്ച് കേന്ദ്ര പ്രതിരോധ വകുപ്പോ ബ്രഹ്മോസ് എയറോസ്പേസോ സംസ്ഥാന സര്‍ക്കാരുമായി എന്തെങ്കിലും കത്തിടപാടുകളോ ചര്‍ച്ചകളോ നടത്തിയിട്ടുണ്ടോ; എങ്കില്‍ വിശദമാക്കാമോ?

സംസ്ഥാനത്ത് നിപ, മങ്കിപോക്സ്, സിക തുടങ്ങിയ പകർച്ച വ്യാധികളെ ഫലപ്രദമായി നേരിടുന്നതിൽ നടത്തിയ സുശക്തമായ പ്രവർത്തനങ്ങൾ ദേശീയതലത്തിൽ ശ്രദ്ധയാകർഷിക്കുന്നതിന് കഴിഞ്ഞിട്ടുണ്ടെന്ന വിലയിരുത്തൽ നടത്തിയിട്ടുണ്ടോ; വിശദമാക്കാമോ;

ആഗോളതലത്തിൽ നിപ രോഗബാധയെതുടർന്നുണ്ടാകുന്ന മരണനിരക്കും കേരളത്തിലുണ്ടായ മരണനിരക്കും താരതമ്യം ചെയ്തിട്ടുണ്ടോ; വിശദമാക്കാമോ;

സംസ്ഥാനത്ത് നിപ പരിശോധനയും ചികിത്സയും കുറ്റമറ്റ നിലയിൽ നടത്തുന്നതിന് സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

കോഴിക്കോട് മെഡിക്കൽ കോളേജിൽ സ്ഥാപിച്ചിട്ടുള്ള കേരള വൺ ഹെൽത്ത് സെന്റർ ഫോർ നിപ റിസർച്ച്-ന്റെ പ്രവർത്തനലക്ഷ്യവും പുരോഗതിയും വ്യക്തമാക്കാമോ?

വിദേശ രാജ്യങ്ങളിൽനിന്നും അന്യ സംസ്ഥാനങ്ങളിൽ നിന്നുമുള്ള ലഹരിയുടെ കടന്നുവരവ് പൂർണ്ണമായും ഇല്ലാതാക്കിയാൽ മാത്രമേ ലഹരിവിരുദ്ധ പോരാട്ടങ്ങൾ സംസ്ഥാനത്ത് വിജയം കാണുകയുള്ളൂ എന്നത് പരിശോധിച്ചിട്ടുണ്ടോ; വിശദമാക്കാമോ;

മയക്കുമരുന്ന് കടത്തും വിതരണവും ഉപയോഗവും പൂർണ്ണമായി തടഞ്ഞ് സംസ്ഥാനത്തെ ലഹരിമുക്തമാക്കുന്നതിനുള്ള സമഗ്രപദ്ധതിക്ക് രൂപം നൽകിയിട്ടുണ്ടോ; വിശദമാക്കാമോ;

ലഹരിവേട്ടയ്ക്ക് ആർട്ടിഫിഷ്യൽ ഇന്റലിജൻസ് സംവിധാനം ഉപയോഗിക്കാൻ തീരുമാനിച്ചിട്ടുണ്ടോ; ഇതിനായി എ. ഐ. സംവിധാനം വികസിപ്പിച്ചിട്ടുണ്ടോ; വിശദമാക്കാമോ;

ലഹരി പദാർത്ഥങ്ങളിലെ രാസഘടകങ്ങൾ നിരന്തരം മാറ്റുന്നതിനാൽ കെമിക്കൽ അനാലിസിസ് ലാബുകളിൽ പലപ്പോഴും ഇവ കണ്ടെത്താന്‍ കഴിയില്ലെന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ?

സംസ്ഥാനത്തെ ഒരു തദ്ദേശ സ്ഥാപനത്തിലെ പ്രധാനമന്ത്രി ആവാസ് യോജന-ഗ്രാമീൺ പദ്ധതിയുടെ ഗുണഭോക്താക്കള്‍ക്ക് അവർ മറ്റൊരു തദ്ദേശ സ്ഥാപന പരിധിയില്‍ സ്ഥലം കണ്ടെത്തി വീട് വെച്ചാലും തുക അനുവദിക്കണമെന്ന് സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ വിശദമാക്കാമോ;

ലൈഫ് പദ്ധതി പ്രകാരം ഗുണഭോക്താവിന് മറ്റൊരു പഞ്ചായത്തില്‍ വീട് വെച്ചാലും തുക നല്‍കുന്നതില്‍ തടസ്സമുണ്ടോ;

എല്ലാവര്‍ക്കും അടച്ചുറപ്പുള്ള വീട് എന്ന ലക്ഷ്യത്തിലെത്താൻ പ്രസ്തുത തീരുമാനം കൂടുതല്‍ സഹായകരമായിട്ടുണ്ടോ;

പി. എം. എ. വൈ. -ജി. (പ്രധാനമന്ത്രി ആവാസ് യോജന - ഗ്രാമീൺ), പി. എം. എ. വൈ. -യു. (പ്രധാനമന്ത്രി ആവാസ് യോജന -അര്‍ബൻ) തുടങ്ങിയ പദ്ധതികളില്‍ കേന്ദ്ര-സംസ്ഥാന വിഹിതം എത്ര വീതമാണെന്ന് വ്യക്തമാക്കാമോ;

പ്രസ്തുത പദ്ധതിയനുസരിച്ച് നല്‍കേണ്ടുന്ന കേന്ദ്ര വിഹിതത്തില്‍ നിലവില്‍ എത്ര തുക കുടിശികയായിട്ടുണ്ടെന്ന് അറിയിക്കാമോ;

ലൈഫ് പദ്ധതി കൂടുതല്‍ സുതാര്യമായി നടപ്പാക്കുന്നതിന് ആവശ്യമായ നിര്‍ദേശങ്ങള്‍ ബന്ധപ്പെട്ട സ്ഥാപനങ്ങള്‍ക്ക് നല്‍കാമോ?

ഈ സർക്കാർ അധികാരത്തില്‍ വന്നതിന് ശേഷം വനിത-ശിശുവികസന വകുപ്പിന് അന്തർദേശീയ തലത്തില്‍ എന്തെല്ലാം അംഗീകാരങ്ങള്‍ ലഭിച്ചിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവില്‍ പ്രസ്തുത വകുപ്പിന് ദേശീയതലത്തില്‍ ശ്രദ്ധേയമായ എന്തെല്ലാം പുരസ്കാരങ്ങള്‍ ലഭ്യമായിട്ടുണ്ടെന്നും അവ ഏതെല്ലാം പ്രവർത്തനങ്ങള്‍ക്കാണെന്നും പ്രത്യേകം അറിയിക്കാമോ;

വനിതാ വികസന കോർപ്പറേഷന് ദേശീയ ന്യൂനപക്ഷ വികസന ധനകാര്യ കോർപ്പറേഷന്റെ ദക്ഷിണേന്ത്യയിലെ ഏറ്റവും മികച്ച ചാനലൈസിംഗ് ഏജൻസിക്കുള്ള ദേശീയ അംഗീകാരം ലഭിച്ചിട്ടുണ്ടോ;

ഈ സർക്കാർ അധികാരത്തില്‍ വന്നതിന് ശേഷം വനിത വികസന കോർപ്പറേഷൻ നടത്തിയിട്ടുള്ള പ്രവർത്തനങ്ങളുടെ സംക്ഷിപ്തം ലഭ്യമാക്കാമോ?

രാജ്യത്തെ സമുദ്ര മേഖലയിൽ നിന്നും ആണവ ധാതുക്കളുടെ ഖനനവും പര്യവേഷണങ്ങളും നടത്തുന്നതിന് സ്വകാര്യ മേഖലയ്ക്കും അനുമതി നൽകുന്നതിനുള്ള വ്യവസ്ഥ ഉൾപ്പെടുത്തി കേന്ദ്ര സർക്കാർ വിജ്ഞാപനം പുറപ്പെടുവിപ്പിച്ചിട്ടുണ്ടോ; വ്യക്തമാക്കാമോ;

ഖനനം മത്സ്യസമ്പത്തിനെ മാത്രമല്ല മത്സ്യങ്ങളുടെ ആഹാരശൃംഖലയേയും ഇല്ലാതാക്കുന്നതിനാൽ ലക്ഷക്കണക്കിന് വരുന്ന മത്സ്യതൊഴിലാളികളുടെ ജീവിതമാർഗ്ഗം പ്രതിസന്ധിയിലാകാനും സമുദ്രത്തിന്റെ ആവാസവ്യവസ്ഥയെ ഗുരുതരമായി ബാധിക്കാനും ഇടയുള്ളത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

യുറേനിയം, തോറിയം പോലുള്ള ആണവ ധാതുക്കളുടെ ഖനനത്തിന് കേന്ദ്ര സർക്കാർ സ്വകാര്യ സ്ഥാപനങ്ങൾക്ക് അനുമതി നൽകിയാൽ അത് രാജ്യത്തിന്റെ സുരക്ഷയെപ്പോലും ബാധിക്കാനിടവരുത്തുമെന്ന വാർത്തകൾ ശ്രദ്ധയിൽപ്പെട്ടിട്ടുണ്ടോ;

ഏതെല്ലാം സംസ്ഥാനങ്ങളുടെ തീരപ്രദേശത്താണ് ഖനനത്തിന് അനുമതി നൽകിയിരിക്കുന്നതെന്നും പ്രസ്തുത വിവരം അതത് സംസ്ഥാന സർക്കാരുമായി ചർച്ച നടത്തേണ്ടതുമായിരുന്നുവെന്നും കേന്ദ്രസർക്കാരിനെ അറിയിച്ചിട്ടുണ്ടോ; വിശദമാക്കാമോ?

സംസ്ഥാനത്ത് അതിദരിദ്രരെ കണ്ടെത്തി അവര്‍ക്ക് റേഷൻകാര്‍ഡുകള്‍ വിതരണം ചെയ്യുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

ഗുണഭോക്താക്കളെ കണ്ടെത്തുന്നതിനായുള്ള സര്‍വേയില്‍ ഉള്‍പ്പെട്ട മുഴുവൻ അതിദരിദ്ര കുടുംബത്തിനും റേഷൻകാര്‍ഡ് വിതരണം ചെയ്യാൻ സാധിച്ചിട്ടുണ്ടോ; എങ്കില്‍ വിശദമാക്കാമോ;

റേഷൻ ഷോപ്പുകളില്‍ നേരിട്ടെത്തി സാധനങ്ങള്‍ കൈപ്പറ്റാൻ കഴിയാത്ത അതിദരിദ്രവിഭാഗത്തില്‍പ്പെട്ട കുടുംബങ്ങള്‍ക്ക് റേഷൻ വിതരണം ചെയ്യുന്നതിനായി ആരംഭിച്ച ഒപ്പം പദ്ധതിയുടെ വിശദാംശം ലഭ്യമാക്കാമോ;

വനമേഖലകളിലെ എത്തിച്ചേരാൻ പ്രയാസമുള്ള ദുര്‍ഘട പ്രദേശങ്ങളായ ആദിവാസി നഗറുകള്‍, ട്രൈബല്‍ സെറ്റില്‍മെന്റുകള്‍, ലേബര്‍ സെറ്റില്‍മെന്റുകള്‍ എന്നിവിടങ്ങളില്‍ അധിവസിക്കുന്ന ജനങ്ങള്‍ക്ക് വാതില്‍പ്പടി റേഷൻ സാധനങ്ങള്‍ എത്തിച്ചു കൊടുക്കുന്നതിനായി എന്തെല്ലാം പദ്ധതികളാണ് നടപ്പിലാക്കി വരുന്നതെന്നും അവയുടെ പുരോഗതിയും വിശദമാക്കാമോ?

കേരളത്തെ ഒരു ആഗോള വ്യോമയാന ഹബ്ബാക്കി മാറ്റുന്നതിനുള്ള പദ്ധതികള്‍ എന്തൊക്കെയാണെന്ന് വിശദമാക്കാമോ;

ഈ ലക്ഷ്യം കൈവരിക്കാനായി വ്യോമയാന ഉച്ചകോടിയില്‍ നിന്നും ലഭിച്ച നിർദേശങ്ങള്‍ എന്തൊക്കെയാണെന്ന് അറിയിക്കാമോ;

സംസ്ഥാനത്തുള്ള അന്താരാഷ്ട്ര വിമാനത്താവളങ്ങളെ ബന്ധിപ്പിച്ചുകൊണ്ട് പുതിയ എയർലൈൻ സർവീസുകള്‍ ആരംഭിക്കാൻ ഉദ്ദേശിക്കുന്നുണ്ടോ; വിശദമാക്കാമോ;

ഉച്ചകോടിയുടെ ഭാഗമായി കേരളത്തില്‍ തൊഴില്‍ അവസരങ്ങളും ടൂറിസം മേഖലയിലെ വളർച്ചയും എത്രത്തോളം വികാസം പ്രാപിക്കുമെന്നാണ് വിലയിരുത്തിയിട്ടുള്ളതെന്ന് വിശദമാക്കാമോ?

സംസ്ഥാനത്ത് നാലുമാസം പ്രായമായ കുട്ടിക്ക് അടക്കം അമീബിക് മസ്തിഷ്കജ്വരം ബാധിച്ച സാഹചര്യം ഗൗരവത്തോടെ കാണുന്നുണ്ടോയെന്ന് വ്യക്തമാക്കുമോ;

കുളങ്ങളിലും മറ്റ് ജലാശയങ്ങളിലും മുങ്ങിക്കുളിക്കാത്തവരിൽ പോലും ഈ രോഗം പിടിപെടുന്നതിന് കാരണം എന്താണെന്ന് കണ്ടെത്തിയിട്ടുണ്ടോ; വിശദമാക്കാമോ;

അമീബിക് മസ്തിഷ്കജ്വരം പ്രതിരോധിക്കാൻ ജലവിഭവ വകുപ്പിനെയും തദ്ദേശ സ്വയംഭരണ വകുപ്പിനെയും ഏകോപിച്ചുകൊണ്ടുള്ള പ്രതിരോധ പ്രവർത്തനങ്ങൾ ആരംഭിച്ചിട്ടുണ്ടോയെന്ന് വ്യക്തമാക്കുമോ?

സംസ്ഥാനത്ത് തെരുവുനായ്ക്കളുടെ എണ്ണം വർദ്ധിച്ചു വരുന്നതായി കണ്ടെത്തിയിട്ടുണ്ടോ;

സംസ്ഥാനത്ത് തെരുവുനായ്ക്കളുടെ എണ്ണം ശേഖരിച്ചിട്ടുണ്ടോ; വിശദാംശം നൽകുമോ;

തെരുവുനായ്ക്കളുടെ വന്ധ്യംകരണത്തിനായി എന്തെങ്കിലും പദ്ധതി ആവിഷ്കരിച്ചിട്ടുണ്ടോയെന്ന് വ്യക്തമാക്കുമോ;

കൂടുതൽ വന്ധ്യംകരണ കേന്ദ്രങ്ങൾ ആരംഭിക്കുന്നതിന് നടപടി സ്വീകരിക്കാൻ ഉദ്ദേശിക്കുന്നുണ്ടോയെന്ന് വിശദമാക്കുമോ?

ശബരിമലയിലെ യുവതീ പ്രവേശനവുമായി ബന്ധപ്പെട്ട സുപ്രീംകോടതി വിധിയുടെ പശ്ചാത്തലത്തിൽ നാമജപ ഘോഷയാത്ര നടത്തിയതുൾപ്പെടെ സമാധാനപരമായി സമരം നടത്തിയവർക്കെതിരെ എടുത്ത എല്ലാ കേസുകളും എഴുതി തള്ളിയിട്ടുണ്ടോയെന്ന് വ്യക്തമാക്കാമോ;

ഇല്ലെങ്കിൽ പ്രസ്തുത വിഷയവുമായി ബന്ധപ്പെട്ട കേസുകൾ എഴുതിത്തള്ളാൻ തയ്യാറാകാത്തതിന്റെ കാരണം വിശദമാക്കാമോ ;

ശബരിമല യുവതീ പ്രവേശനവുമായി ബന്ധപ്പെട്ട് നടന്ന നാമജപ ഘോഷയാത്ര ഉൾപ്പെടെയുള്ള സമരങ്ങളിൽ പങ്കെടുത്തവർക്കെതിരെ എടുത്ത കേസുകൾ പിൻവലിക്കാൻ സർക്കാർ തയ്യാറാകുമോ?

പരമ്പരാഗത തൊഴില്‍ മേഖലകളിൽ ഒന്നായ കള്ളുചെത്ത് തൊഴിലിലും കള്ള് വ്യവസായ മേഖലയിലും ഉണ്ടായിട്ടുള്ള പ്രതിസന്ധികള്‍ പരിഹരിക്കുന്നതിന് എന്തെല്ലാം നൂതന പദ്ധതികളാണ് നടപ്പിലാക്കി വരുന്നതെന്ന് വ്യക്തമാക്കാമോ;

കള്ള് ചെത്ത് വ്യവസായ മേഖലയില്‍ എന്തെല്ലാം മാറ്റങ്ങള്‍ വരുത്തുവാനാണ് ടോഡി ബോര്‍ഡ് ഉദ്ദേശിക്കുന്നത്;

പ്രസ്തുത ബോര്‍ഡിന്റെ പ്രവര്‍ത്തനങ്ങള്‍ ആരംഭിച്ചിട്ടുണ്ടോ; എങ്കില്‍ വിശദമാക്കാമോ;

കള്ള് ചെത്ത് തൊഴിലാളികൾക്ക് തൊഴില്‍ ഉറപ്പ് വരുത്തുവാൻ ടോഡി ബോര്‍ഡ് വഴി എന്തെല്ലാം പദ്ധതികള്‍ ആവിഷ്കരിക്കാനാണ് ആലോചിക്കുന്നതെന്ന് അറിയിക്കാമോ;

ചെത്തിയ കള്ള് ബോട്ടിലുകളിൽ നിറച്ച് വില്‍പ്പന നടത്തുന്നതിനും കയറ്റുമതി ചെയ്യുന്നതിനും നടപടി സ്വീകരിക്കുമോ?

സംസ്ഥാനത്ത് മഞ്ഞപ്പിത്തം ബാധിച്ചുള്ള മരണം ക്രമാതീതമായി വർദ്ധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യം ഗൗരവത്തോടെ കാണുന്നുണ്ടോ;

ഇത് തടയുന്നതിനായി പഞ്ചായത്തുകളെ ഏകോപിപ്പിച്ചുകൊണ്ട് എന്തൊക്കെ നടപടികളാണ് സ്വീകരിക്കുന്നതെതന്ന് വിശദമാക്കാമോ?

കുടുംബശ്രീ ട്രെെബല്‍ എന്റര്‍പ്രെെസ് ആന്റ് ഇന്നാെവേഷന്‍ സെന്റര്‍ (കെ-ടിക്) പദ്ധതിയുടെ ഭാഗമായി എത്ര വനിതാ ഗുണഭോക്താക്കള്‍ സ്വയം സംരംഭകരായിട്ടുണ്ടെന്ന് വ്യക്തമാക്കാമോ;

ഏതൊക്കെ ജില്ലയില്‍ നിന്നുള്ളവരാണ് പട്ടികയില്‍ ഉള്‍പ്പെട്ടിട്ടുള്ളത്; ഇവര്‍ക്ക് പരിശീലനം നല്‍കിയിട്ടുണ്ടോ; ഇല്ലെങ്കില്‍ പരിശീലനം നല്‍കുവാന്‍ നടപടി സ്വീകരിക്കുമോ;

സൂക്ഷ്മ സംരഭങ്ങളുടെ പ്രവര്‍ത്തന രീതിയും വിപണനവും ഉള്‍പ്പെടെ മനസ്സിലാക്കുന്നതിനായി ഗുണഭോക്താക്കള്‍ക്ക് ഫീല്‍ഡ് സന്ദര്‍ശനം സംഘടിപ്പിക്കുവാന്‍ നടപടി സ്വീകരിക്കുമോ; വ്യക്തമാക്കാമോ?

സംസ്ഥാനത്ത് എന്‍.ഡി.പി.എസ്. (നാർക്കോട്ടിക് ഡ്രഗ്സ് ആൻഡ് സൈക്കോട്രോപ്പിക് സബ്സ്റ്റൻസസ് ആക്ട്) കേസുകളില്‍ ഉള്‍പ്പെട്ട പ്രതികള്‍ക്ക് ശിക്ഷ ഉറപ്പാക്കുന്നതില്‍ എക്സൈസ് വകുപ്പ് നടത്തിവരുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; എങ്കില്‍ വിശദമാക്കാമോ;

എക്സൈസ് കേസുകളില്‍ കൺവിക്ഷൻ റേറ്റ് എത്ര ശതമാനമാണെന്ന് പരിശോധിച്ചിട്ടുണ്ടോ;

മയക്കുമരുന്ന് ഉപയോഗവുമായി ബന്ധപ്പെട്ട് കണ്ടെത്തുന്ന വാഹനങ്ങള്‍ പരിശോധനകള്‍ക്കും തെളിവുശേഖരണത്തിനും ശേഷം തിരികെ നല്‍കുന്നതിനുള്ള നടപടിക്രമങ്ങള്‍ എന്തെല്ലാമാണെന്ന് വ്യക്തമാക്കാമോ;

തൊണ്ടിമുതലായി കണ്ടെത്തിയ വാഹനങ്ങള്‍ കാലപ്പഴക്കത്താല്‍ ഉപയോഗശൂന്യമായും പാരിസ്ഥിതിക പ്രശ്നങ്ങള്‍ സൃഷ്ടിക്കത്തക്കവിധവും അലക്ഷ്യമായി കൂടിക്കിടക്കാനിടയാകുന്ന സാഹചര്യം ഒഴിവാക്കാന്‍ നിയമാനുസൃതം എന്തെല്ലാം നടപടികളാണ് കൈകൊണ്ടുവരുന്നതെന്ന് വ്യക്തമാക്കാമോ?

സംസ്ഥാനത്ത് തെരുവുനായ ആക്രമണങ്ങളെ തുടർന്ന് കഴിഞ്ഞ അഞ്ച് വർഷത്തിനിടെ പരിക്കേറ്റവരുടെ വിവരങ്ങൾ ജില്ല അടിസ്ഥാനത്തിൽ തയ്യാറാക്കിയിട്ടുണ്ടോ; എങ്കിൽ വിശദാംശം ലഭ്യമാക്കാമോ;

തെരുവു നായകളുടെ എണ്ണം നിയന്ത്രിക്കുന്നതിനായി സംസ്ഥാനത്ത് നടപ്പിലാക്കുന്ന മൃഗങ്ങളുടെ ജനന നിയന്ത്രണ പദ്ധതിയുടെ നിലവിലെ പുരോഗതി വ്യക്തമാക്കാമോ; ഇത് സംബന്ധിച്ച കണക്കുകൾ ലഭ്യമാക്കാമോ;

തെരുവുനായ പ്രശ്നം ഗുരുതരമായ പ്രദേശങ്ങളിൽ താൽക്കാലിക ആശ്രയ കേന്ദ്രങ്ങൾ/ഷെൽട്ടറുകൾ സ്ഥാപിക്കാൻ പദ്ധതിയുണ്ടോ; എങ്കിൽ എവിടെയൊക്കെ, എത്ര എണ്ണം വീതം സ്ഥാപിക്കാനാണ് ഉദ്ദേശിക്കുന്നതെന്നും ഇവ എപ്പോൾ പ്രവർത്തനം തുടങ്ങുമെന്നും വ്യക്തമാക്കാമോ;

തെരുവുനായ ആക്രമണം മൂലം മരണമടഞ്ഞവരുടെ ആശ്രിതർക്ക് സർക്കാർ നൽകുന്ന നഷ്ടപരിഹാരം/ധനസഹായം സംബന്ധിച്ച മാനദണ്ഡങ്ങളും 2024-25 സാമ്പത്തിക വർഷത്തിൽ അനുവദിച്ച നഷ്ടപരിഹാരം/ധനസഹായം എന്നിവയുടെ വിശദാംശവും ലഭ്യമാക്കാമോ;

തെരുവുനായ പ്രശ്നം പരിഹരിക്കുന്നതിനായി തദ്ദേശ സ്വയംഭരണ സ്ഥാപനങ്ങൾക്ക് അനുവദിച്ചിട്ടുള്ള പ്രത്യേക ധനസഹായം, മാർഗ്ഗനിർദേശങ്ങൾ, ജീവനക്കാരുടെ പരിശീലനം എന്നിവ സംബന്ധിച്ച വിശദാംശം ലഭ്യമാക്കാമോ?

സംസ്ഥാനത്ത് മെഡിക്കല്‍ കോളേജുകള്‍ക്ക് ആവശ്യമായ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനായി സ്വീകരിച്ച നടപടികള്‍ എന്തൊക്കെയാണെന്ന് വിശദമാക്കാമോ;

മെഡിക്കല്‍ കോളേജുകളില്‍ സൂപ്പര്‍ സ്പെഷ്യാലിറ്റി വിഭാഗങ്ങളുടെ വികസനത്തിന് സ്വീകരിച്ച നടപടികള്‍ വിലയിരുത്തിയിട്ടുണ്ടോ; വിശദമാക്കാമോ;

കേരളത്തിലെ എല്ലാ ജില്ലയിലും മെഡിക്കല്‍ കോളേജുകള്‍ ആരംഭിക്കുന്നതിനായി തീരുമാനമെടുത്തിട്ടുണ്ടോ; എങ്കില്‍ നടപടികള്‍ ഏത് ഘട്ടത്തിലാണ്; വ്യക്തമാക്കാമോ;

എം. ആർ. സി. മാനദണ്ഡങ്ങള്‍ അനുസരിച്ച് മെഡിക്കല്‍ കോളേജുകളുടെ സൗകര്യങ്ങള്‍ ഉയര്‍ത്തുന്നതിനായി എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ?

സംസ്ഥാനത്ത് കര്‍ഷകരില്‍ നിന്നും നെല്ല് സംഭരിച്ച വകയില്‍ മുഴുവന്‍ തുകയും നല്‍കുന്നതിന് കഴിഞ്ഞിട്ടുണ്ടോ; എങ്കില്‍ വിശദമാക്കുമോ;

നെല്ല് സംഭരണത്തിന് നടപ്പു സംഭരണ വര്‍ഷം മുതല്‍ മുന്‍കാലങ്ങളില്‍ നിന്നും വ്യത്യസ്തമായി പ്രതിമാസ ക്ലെയിം നല്‍കാന്‍ വ്യവസ്ഥ ചെയ്തിട്ടുണ്ടോ ;

എങ്കിൽ ഇതു പ്രകാരം ഏതെല്ലാം മാസം മുതലാണ് ക്ലെയിം നല്‍കേണ്ടിയിരുന്നത്; വിശദമാക്കുമോ?

ജനങ്ങളുമായുള്ള ആശയവിനിമയം ശക്തിപ്പെടുത്തുന്നതിനായി 'മുഖ്യമന്ത്രി എന്നോടൊപ്പം' (സി. എം. വിത്ത് മി) എന്ന സിറ്റിസൺസ് കണക്ട് സെന്റർ ആരംഭിക്കുന്നതിന് തീരുമാനിച്ചിട്ടുണ്ടോ;

സംസ്ഥാനത്ത് വിവിധ മിഷനുകൾ വഴി നടപ്പാക്കിവരുന്ന പദ്ധതികളെക്കുറിച്ച് പൊതുജനങ്ങൾക്കുള്ള അഭിപ്രായങ്ങളും നിർദേശങ്ങളും സ്വീകരിക്കുന്നതിനുള്ള അവസരം ഒരുക്കിയിട്ടുണ്ടോ;

പദ്ധതിയുടെ വിജയകരമായ നടത്തിപ്പിനായി സാങ്കേതിക അടിസ്ഥാന സൗകര്യങ്ങളും മനുഷ്യവിഭവശേഷിയും നൽകുന്നതിന് ഏതെങ്കിലും ഏജൻസിയെ ചുമതലപ്പെടുത്തിയിട്ടുണ്ടോ; എങ്കിൽ വ്യക്തമാക്കാമോ;

വികസന ക്ഷേമ പദ്ധതികൾ, മുഖ്യമന്ത്രിയുടെ ദുരിതാശ്വസനിധി എന്നിവയുടെ നടത്തിപ്പ് കാര്യക്ഷമവും ശക്തവുമാക്കുന്നതിന് പ്രസ്തുത പദ്ധതി ഗുണകരമാകുമെന്ന് വിലയിരുത്തിയിട്ടുണ്ടോ; എങ്കിൽ വിശദമാക്കാമോ;

പദ്ധതി നടത്തിപ്പിന്റെ ചുമതല ഏത് വകുപ്പിനെയാണ് ഏല്പിക്കുവാൻ ഉദ്ദേശിക്കുന്നത്; സി. എം. വിത്ത് മി എന്നത്തേക്ക് ആരംഭിക്കാൻ കഴിയുമെന്ന് അറിയിക്കാമോ?

ഈ സർക്കാർ അധികാരത്തിൽ വന്നതിനുശേഷം ആരോഗ്യ സർവകലാശാലയുടെ പ്രവർത്തനങ്ങൾ വിലയിരുത്തിയിട്ടുണ്ടോ; എങ്കിൽ വ്യക്തമാക്കാമോ;

പ്രസ്തുത കാലയളവിൽ മെഡിക്കൽ, അലൈഡ് ഹെൽത്ത് സയൻസ്, ഫാർമസി എന്നിവയിലായി പുതിയതായി ആരംഭിച്ച കോഴ്സുകൾ ഏതെല്ലാമാണെന്ന് അറിയിക്കാമോ;

പ്രസ്‌തുത കോഴ്സുകൾ ആരംഭിച്ചതിലൂടെ മെഡിക്കൽ വിദ്യാഭ്യാസ രംഗത്ത് ഉണ്ടായിട്ടുള്ള സമഗ്രമായ മുന്നേറ്റങ്ങൾ വിശദമാക്കാമോ;

നാഷണൽ മെഡിക്കൽ കമ്മീഷൻ മാനദണ്ഡങ്ങൾക്കനുസരിച്ച് അടിസ്ഥാന സൗകര്യങ്ങളും അക്കാദമിക സൗകര്യങ്ങളും ഒരുക്കിയതിലൂടെ സംസ്ഥാനത്തിന് എന്തെല്ലാം പുരസ്കാരങ്ങൾ നേടുന്നതിന് സാധിച്ചിട്ടുണ്ട്; വിശദമാക്കാമോ?

മുൻഗണനാ കാർഡിന് അർഹതയുണ്ടായിട്ടും കേന്ദ്രസർക്കാർ നിശ്ചയിച്ച ഒഴിവാക്കൽ മാനദണ്ഡങ്ങളിൽ ഉൾപ്പെട്ട നിരവധി പേരെ സംസ്ഥാനത്ത് മുൻഗണനാ വിഭാഗത്തിൽ ഉൾപ്പെടുത്താൻ കഴിഞ്ഞിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

റേഷൻകാർഡ് മുൻഗണനാ പട്ടികയിൽ ഉൾപ്പെടുത്തുന്നതിന് നിശ്ചയിച്ച മാനദണ്ഡങ്ങൾ സംബന്ധിച്ചുള്ള അപാകതകൾ പരിഹരിക്കുന്നതിനും അതിന്‍പ്രകാരം അർഹരായവരെയെല്ലാം മുൻഗണനാപട്ടികയിൽ ഉൾപ്പെടുത്തുന്നതിനും നടപടികൾ സ്വീകരിച്ചിട്ടുണ്ടോ; വിശദമാക്കാമോ;

ഓരോ അപേക്ഷയും പ്രത്യേകം പരിശോധിച്ച് മുൻഗണനാ കാർഡിന് അർഹരാണെന്ന് കാണുന്ന പക്ഷം മാനദണ്ഡങ്ങളിൽ ഇളവ് നൽകി മുൻഗണനാ കാർഡുകൾ നൽകുന്നതിന് നടപടി സ്വീകരിച്ചിട്ടുണ്ടോ; വിശദമാക്കാമോ;

അനർഹർ സ്വമേധയാ സറണ്ടർ ചെയ്തതും ഓപ്പറേഷൻ യെല്ലോ ഉൾപ്പെടെയുള്ള പരിശോധനാ നടപടികളിലൂടെ ലഭ്യമായതുമായ മുൻഗണനാ കാർഡുകൾ അർഹരായവരുടെ കൈകളിൽ യഥാസമയം എത്തിയ്ക്കുന്നുണ്ടോ; വിശദമാക്കാമോ?