മൃഗസംരക്ഷണ മേഖലയിലുള്ള കർഷകരുടെ വളർത്തുമൃഗങ്ങള്‍ക്ക് മൃഗാശുപത്രികളിൽ നിന്ന് ഗുണനിലവാരമുള്ള ചികിത്സാ സേവനങ്ങൾ 24 മണിക്കൂറും ലഭ്യമാക്കേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

പ്രസ്തുത കർഷകർക്ക് സേവനങ്ങൾ വീട്ടുപടിക്കൽ എത്തിക്കുന്നതിന് വേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കുമോ;

വാതിൽപ്പടി സേവനം ഏർപ്പെടുത്തുന്നതിന്റെ ഭാഗമായി മൊബൈൽ വെറ്റിനറി യൂണിറ്റുകൾ ആരംഭിക്കുന്ന പദ്ധതി പൂർത്തീകരിച്ചിട്ടുണ്ടോ; എങ്കിൽ അതിന്റെ പ്രയോജനം കർഷകർക്ക് ഏതു തരത്തിലാണ് ലഭ്യമാകുന്നത്; വിശദമാക്കുമോ;

മൃഗസംരക്ഷണ മേഖലയിലെ കർഷകർക്കായി കൂടുതൽ സേവനങ്ങൾ ഓൺലൈനായി ലഭ്യമാക്കാൻ ഈ സർക്കാർ നടപടികൾ സ്വീകരിച്ചിട്ടുണ്ടോ; വിശദമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനു ശേഷം ഉദുമ നിയോജക മണ്ഡലത്തില്‍ മൃഗ സംരക്ഷണ വകുപ്പ് വിവിധ പദ്ധതികള്‍ക്കായി എത്ര തുക അനുവദിച്ചിട്ടുണ്ട് എന്ന് വ്യക്തമാക്കാമോ;

പ്രസ്തുത പദ്ധതികളുടെ പേരും അനുവദിച്ച തുകയും പദ്ധതികളുടെ പുരോഗതി റിപ്പോര്‍ട്ടും ലഭ്യമാക്കാമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം മൃഗസംരക്ഷണ-ക്ഷീരവികസന മേഖലയില്‍ അരുവിക്കര നിയോജകമണ്ഡലത്തില്‍ വിവിധ പദ്ധതികള്‍ക്കായി എത്ര രൂപ അനുവദിച്ചിട്ടുണ്ടെന്ന് ഇനം തിരിച്ച് വിശദാംശങ്ങള്‍ നല്‍കുമോ?

സംസ്ഥാനത്ത് കാർഷികമേഖലയുമായി ബന്ധപ്പെട്ട് നടത്തിയിരുന്ന കാളപൂട്ട്, മരമടി, കാളയോട്ടം, കാളവണ്ടിയോട്ടം, ഉഴവ് എന്നിവ നടത്തുന്നതിന് നിലനിൽക്കുന്ന തടസ്സങ്ങൾ എന്തൊക്കെയെന്ന് വിശദമാക്കുമോ; ഇവയ്ക്ക് നിലവിൽ ഏതെങ്കിലും നിരോധനം ഏർപ്പെടുത്തിയിട്ടുണ്ടോ; ഉണ്ടെങ്കിൽ എന്തടിസ്ഥാനത്തിലാണ് വിലക്ക് നിലനിൽക്കുന്നത്; വ്യക്തമാക്കുമോ;

പ്രസ്തുത മേഖലയിൽ പ്രവർത്തിച്ചിരുന്ന തൊഴിലാളികളുടെ തൊഴിൽപ്രശ്നങ്ങൾ സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

പ്രസ്തുത പ്രശ്നങ്ങൾ പരിഹരിക്കുന്നതിന് നിയമനിർമ്മാണം പരിഗണനയിലുണ്ടോ ; എങ്കിൽ ആയത് സംബന്ധിച്ച വിശദാംശങ്ങൾ ലഭ്യമാക്കുമോ?

വി.എച്ച്.എസ്.ഇ. യുടെ ഡയറി ഫാര്‍മര്‍ എന്റർപ്രണർ കോഴ്സ് മൃഗസംരക്ഷണ വകുപ്പിന്റെ ലൈവ് സ്റ്റോക്ക് ഇന്‍പെക്ടര്‍ തസ്തികയുടെ യോഗ്യതയായി അംഗീകരിക്കാത്തിന്റെ കാരണം അറിയിക്കാമോ;

ഇതുമായി ബന്ധപ്പെട്ട് വി.എച്ച്.എസ്.ഇ. യുടെ ഡയറി ഫാര്‍മര്‍ എന്റർപ്രണർ കോഴ്സ് പാസ്സായിട്ടുള്ള ഉദ്യോഗാര്‍ത്ഥികള്‍ നേരിടുന്ന പ്രതിസന്ധി ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇക്കാര്യത്തില്‍ എന്ത് നടപടിയാണ് സ്വീകരിച്ചിട്ടുള്ളതെന്ന് അറിയിക്കാമോ?

മൃഗ സംരക്ഷണ വകുപ്പ് 2021 മുതല്‍ 2024 വരെ വടക്കാഞ്ചേരി മണ്ഡലത്തില്‍ വിവിധ പദ്ധതികള്‍ക്കായി എത്ര രൂപ അനുവദിച്ചിട്ടുണ്ട് എന്ന് വ്യക്തമാക്കാമോ;

പ്രസ്തുത പദ്ധതികള്‍ ഓരോന്നിന്റെയും പ്രവര്‍ത്തന പുരോഗതിയുടെ വിശദാംശം പഞ്ചായത്ത്/മുനിസിപ്പാലിറ്റി അടിസ്ഥാനത്തില്‍ വിശദമാക്കുമോ?

മൃഗസംരക്ഷണ വകുപ്പിന്റെ ദുരന്തനിവാരണ ഫണ്ടില്‍ നിന്നും കര്‍ഷകര്‍ക്ക് നഷ്ടപരിഹാരം നല്‍കുന്നതിനുള്ള മാനദണ്ഡങ്ങള്‍ പുതുക്കി നിശ്ചയിച്ചിട്ടുണ്ടോ; ഇതിന്റെ വിശദാംശം നല്‍കുമോ;

പ്രകൃതിക്ഷോഭം, രോഗങ്ങള്‍, വന്യമൃഗ ആക്രമണം, ഇടിമിന്നല്‍, വൈദ്യുതി ആഘാതം എന്നിവ മൂലം കര്‍ഷകര്‍ക്കുണ്ടാകുന്ന നഷ്ടങ്ങള്‍ക്ക് പ്രസ്തുത ഫണ്ടില്‍ നിന്നും നഷ്ടപരിഹാരം ലഭ്യമാണോ; വ്യക്തമാക്കുമോ;

ഉരുക്കള്‍ നഷ്ടപ്പെടുന്ന കര്‍ഷകര്‍ക്ക് നഷ്ടപരിഹാരം നല്‍കുന്നതിന് മാനദണ്ഡം നിശ്ചയിച്ചിട്ടുണ്ടോ; വിശദമാക്കാമോ?

കാഞ്ഞങ്ങാട് മണ്ഡലത്തിൽ മൃഗസംരക്ഷണ വകുപ്പ് 2016 മുതൽ നിർദേശിച്ച പദ്ധതികൾ ഏതെല്ലാമെന്ന് പറയാമോ;

ഓരോ പദ്ധതികൾക്കും അനുവദിച്ച തുക, പ്രവർത്തന പുരോഗതി എന്നിവ വിശദമാക്കാമോ;

ഏതെങ്കിലും പദ്ധതികൾക്ക് വേണ്ടി ഭൂമി അനുവദിച്ചിട്ടുണ്ടോ; ഉണ്ടെങ്കില്‍ പ്രസ്തുത പദ്ധതി ആരംഭിച്ചിട്ടുണ്ടോ; വിശദാംശങ്ങൾ ലഭ്യമാക്കാമോ?

കേരളത്തിലെ അവസാനത്തെ കന്നുകാലി സെൻസസ് പ്രകാരം ആകെ കന്നുകാലികളുടെ (കറവപ്പശു/എരുമ) എണ്ണം ജില്ലതിരിച്ച് വിശദമാക്കാമോ;

കേരളത്തിലെ ആകെ പ്രതിദിന ക്ഷീരോത്പാദനം ജില്ല തിരിച്ച് വിശദമാക്കാമോ ;

കേരളത്തിലെ കറവ പശുക്കളുടെ പ്രതിദിന ശരാശരി ഉത്പാദന ക്ഷമത എത്രയെന്ന് വ്യക്തമാക്കാമോ?

ആലത്തൂർ മണ്ഡലത്തിൽ മൃഗസംരക്ഷണ വകുപ്പ് ഏതെല്ലാം പദ്ധതികളാണ് 2021-22 മുതൽ നടപ്പിലാക്കി വരുന്നതെന്ന് അറിയിക്കാമോ;

പ്രസ്തുത പദ്ധതികൾ ഓരോന്നിന്റേയും പ്രവർത്തന പുരോഗതിയുടെ വിശദാംശങ്ങൾ പഞ്ചായത്തടിസ്ഥാനത്തിൽ വിശദമാക്കാമോ?

കഴിഞ്ഞ രണ്ട് സീസണുകളിലായി ആലപ്പുഴ ജില്ലയിലെ വിവിധ പഞ്ചായത്തുകളിൽ പക്ഷിപ്പനി ബാധിച്ചതുമൂലം എത്ര താറാവുകളെയാണ് കൊല്ലേണ്ടിവന്നത്; വ്യക്തമാക്കാമോ;

ഈ താറാവുകൾക്ക് നഷ്ടപരിഹാര ഇനത്തില്‍, എത്ര താറാവുകള്‍ക്ക് എത്ര രൂപ വീതം നല്‍കിയിട്ടുണ്ടെന്ന വിവരം പഞ്ചായത്ത് തിരിച്ച് ലഭ്യമാക്കുമോ; നഷ്ടപരിഹാരം നല്‍കുന്നതിന് തടസ്സങ്ങള്‍ ഉണ്ടായിട്ടുണ്ടോ; വിശദാംശം നല്‍കുമോ?

സംസ്ഥാനത്ത് ക്ഷീരമേഖലയില്‍ പ്രവർത്തിക്കുന്ന കർഷകരുടെ കന്നുകാലികൾ രോഗം ബാധിച്ച് മരണപ്പെട്ടാൽ കർഷകർക്ക് നഷ്ടപരിഹാരം ലഭ്യമാക്കുന്നതിനുള്ള മാനദണ്ഡങ്ങൾ എന്തെല്ലാമെന്നും നഷ്ടപരിഹാരതുക എത്രയെന്നും വ്യക്തമാക്കാമോ ;

കന്നുകാലികളെ ഇൻഷ്വർ ചെയ്യാന്‍ എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ;

സ്ഥലസൗകര്യം കുറവുള്ള ക്ഷീരകർഷകരുടെ കന്നുകാലികള്‍ മരണപ്പെടുമ്പോള്‍ മറവുചെയ്യാൻ നിലവിൽ എന്തെല്ലാം സംവിധാനങ്ങളാണ് ഒരുക്കിയിട്ടുള്ളതെന്ന് വിശദമാക്കാമോ;

ക്ഷീരകർഷകരുടെ ബുദ്ധിമുട്ടുകൾ കണക്കിലെടുത്ത് ഇതിനായി പൊതു ശ്മശാനത്തിൽ സ്ഥലം അനുവദിക്കാൻ നടപടി സ്വീകരിക്കുമോ?

കോട്ടയം ജില്ലയില്‍ അത്യാധുനിക ലാബ് സൗകര്യമുള്ള എത്ര വെറ്റിനറി ക്ലിനിക്കുകൾ ഉണ്ട്; ഏതൊക്കെ; വ്യക്തമാക്കാമോ;

ഇവയില്‍ അത്യാധുനിക ലാബ് ഉപകരണങ്ങൾ പ്രവർത്തിപ്പിക്കുന്നതിനായി ലാബ് ടെക്നീഷ്യന്മാരെ നിയമിച്ചിട്ടുണ്ടോ; ലാബ് ടെക്നീഷ്യന്മാരുടെ അഭാവം നിമിത്തം ഏതെങ്കിലും ക്ലിനിക്കിൽ ലാബ് സൗകര്യം ഉപയോഗപ്പെടുത്താനാവാത്ത സാഹചര്യമുണ്ടോ, വിശദമാക്കുമോ;

കഴിഞ്ഞ 8 വർഷത്തിനുള്ളിൽ കോട്ടയം ജില്ലയിൽ 24 മണിക്കൂറും പ്രവർത്തിക്കുന്ന എതൊക്കെ വെറ്റിനറി ക്ലിനിക്കിന്റെ സേവനം പകൽ സമയം മാത്രമാക്കി നിശ്ചയിച്ചിട്ടുണ്ടെന്നും ഏതൊക്കെ ക്ലിനിക്കിൽ പുതുതായി 24 മണിക്കൂർ സേവനം ഏർപ്പെടുത്തിയെന്നുമുള്ള വിവരം ഇപ്രകാരം പുതുക്കി നിശ്ചയിക്കാനാധാരമാക്കിയ മാനദണ്ഡങ്ങൾ സഹിതം വിശദമാക്കുമോ;

പുതുപ്പള്ളി പരിയാരം ഗവൺമെൻറ് വെറ്റിനറി ക്ലിനിക്കിൽ അത്യാധുനിക ലാബ് ഉള്‍പ്പെടെ എല്ലാ സൗകര്യവും ലഭ്യമായിരുന്നിട്ടും 24 മണിക്കൂർ പ്രവർത്തനം ഒഴിവാക്കി പകല്‍ സമയം മാത്രം പ്രവർത്തിക്കുന്നതിന് ഉത്തരവ് നൽകിയത് എന്തടിസ്ഥാനത്തിലാണെന്ന് അറിയിക്കുമോ: ആയത് 24 മണിക്കൂർ പ്രവർത്തിക്കുന്ന ക്ലിനിക്കായി പുനഃസ്ഥാപിക്കുമോ; വിശദമാക്കാമോ?

തിരുവനന്തപുരം ജില്ലയിലെ ഏതെല്ലാം ബ്ലോക്ക് പഞ്ചായത്തുകളിലാണ് മൊബെെല്‍ വെറ്ററിനറി യൂണിറ്റുകളുടെ സേവനം ലഭ്യമായിട്ടുളളതെന്ന് വിശദമാക്കാമോ;

മൊബെെല്‍ വെറ്ററിനറി യൂണിറ്റുകള്‍ ലഭ്യമല്ലാത്ത സ്ഥലങ്ങളില്‍ ആയവ എത്തിക്കുന്നതിന് നടപടി സ്വീകരിക്കുമോ?

മൊബൈല്‍ വെറ്ററിനറി യൂണിറ്റുകളുടെ സേവനം വാമനപുരം മണ്ഡലത്തിലെ ഏതെല്ലാം പഞ്ചായത്തുകളിലാണ് ലഭ്യമാകുന്നതെന്ന് വിശദീകരിക്കാമോ;

എന്തെല്ലാം സേവനങ്ങളാണ് പ്രസ്തുത യൂണിറ്റില്‍ നിന്ന് ലഭ്യമാകുന്നതെന്ന് വിശദീകരിക്കാമോ;

പ്രസ്തുത യൂണിറ്റ് ആരംഭിച്ചതിന് ശേഷം എത്ര പേര്‍ക്ക് ഇതിന്റെ പ്രയോജനം ലഭിച്ചിട്ടുണ്ടെന്നും സേവനം ലഭിക്കാന്‍ എവിടെയാണ് ബന്ധപ്പെടേണ്ടതെന്നും വിശദമാക്കാമോ?

സംസ്ഥാനത്ത് വെറ്ററിനറി പോളിക്ലിനിക്കുകൾ നിലവിലില്ലാത്ത താലൂക്കുകൾ ഏതെല്ലാമാണെന്ന് ജില്ല തിരിച്ച് വിശദമാക്കാമോ;

തിരൂരങ്ങാടി താലൂക്കിൽ വെറ്ററിനറി പോളിക്ലിനിക് നിലവിലില്ലാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

തിരൂരങ്ങാടി താലൂക്ക് ആസ്ഥാനമായ ചെമ്മാടില്‍ വെറ്ററിനറി പോളിക്ലിനിക് സ്ഥാപിക്കണമെന്ന ആവശ്യത്തിൽ സ്വീകരിച്ച നടപടികൾ എന്തെല്ലാമാണെന്ന് വിശദമാക്കാമോ;

ചെമ്മാടില്‍ നിലവിലുള്ള മൃഗാശുപത്രിയെ വെറ്ററിനറി പോളി ക്ലിനിക്കായി ഉയർത്തുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

പന്നിപ്പനി ബാധിച്ച ഫാമുകള്‍ക്ക് സമീപമുള്ള ഫാമുകളിലെ എല്ലാ പന്നികളെയും കൊല്ലുന്നത് മൂലം പന്നി കര്‍ഷകര്‍ക്ക് വലിയ സാമ്പത്തിക നഷ്ടം ഉണ്ടാകുന്നത് ശ്രദ്ധയില്‍പ്പെട്ടിട്ടുണ്ടോ;

പന്നിപ്പനി ബാധിക്കാത്ത പന്നികളെ കൊല്ലുന്നതിനു പകരം പരിശോധന നടത്തി പനി ബാധിച്ച പന്നികളെ മാത്രം കൊല്ലുന്നതിന് നടപടി സ്വീകരിക്കാമോ; വിശദമാക്കാമോ?

2010 മുതൽ നാളിതുവരെ കേരളത്തിന്റെ പാലുല്പാദനം എത്രയെന്നത് സംബന്ധിച്ച വിവരം വർഷം തിരിച്ചു ലഭ്യമാക്കുമോ?

2020-21 മുതല്‍ ക്ഷീരവികസനവകുപ്പ് മാവേലിക്കര നിയോജകമണ്ഡലത്തില്‍ നടപ്പിലാക്കിയ പദ്ധതികളുടെ വിശദ വിവരം ലഭ്യമാക്കാമോ?

കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തിലെ ഏതൊക്കെ പഞ്ചായത്തുകളെയാണ് ക്ഷീരഗ്രാമം പദ്ധതിയില്‍ ഉള്‍പ്പെടുത്തിയിട്ടുള്ളതെന്ന് വ്യക്തമാക്കുമോ;

ക്ഷീരഗ്രാമം പദ്ധതിയില്‍ ഉള്‍പ്പെട്ട ഗ്രാമപഞ്ചായത്തുകള്‍ക്ക് എന്തൊക്കെ ആനുകൂല്യങ്ങളാണ് നല്കി വരുന്നതെന്ന് വിശദമാക്കാമോ?

ആദായകരമായ ക്ഷീരോല്പാദനം ഉറപ്പാക്കുന്നതിനും പാലുല്‍പ്പാദനത്തില്‍ സ്വയംപര്യാപ്തത നേടുന്നതിനുമായി ക്ഷീരഗ്രാമം എന്ന പദ്ധതിയ്ക്ക് രൂപംനൽകിയിട്ടുണ്ടോ; എങ്കിൽ എന്തൊക്കെ കാര്യങ്ങളാണ് പദ്ധതിയിലൂടെ ലക്ഷ്യമിടുന്നതെന്നു വിശദമാക്കുമോ;

സ്വയംപര്യാപ്ത ക്ഷീരകേരളം എന്ന ലക്ഷ്യം നേടുന്നതിനും ക്ഷീരകര്‍ഷകരുടെ സാമൂഹ്യ സാമ്പത്തിക ഉന്നമനം ഉറപ്പുവരുത്തുന്നതിനും പ്രസ്തുത പദ്ധതി എത്രത്തോളം സഹായകമാണ്; വിശദാംശം നല്‍കുമോ?

ക്ഷീരകര്‍ഷകര്‍ക്കായുള്ള 'ക്ഷീരസാന്ത്വനം ഇന്‍ഷുറന്‍സ് പദ്ധതി' യുടെ വിശദാംശങ്ങൾ ലഭ്യമാക്കാമോ; ഈ സര്‍ക്കാര്‍ അധികാരത്തില്‍ വന്നതിനു ശേഷം എത്ര കര്‍ഷകര്‍ക്ക് പ്രസ്തുത പദ്ധതിയുടെ ഗുണം ലഭിച്ചുവെന്ന് വ്യക്തമാക്കാമോ?

ക്ഷീരഗ്രാമം പദ്ധതിയില്‍ പഞ്ചായത്തുകളെ തെരഞ്ഞെടുക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കാമോ;

ഈ സര്‍ക്കാര്‍ എത്ര പഞ്ചായത്തുകളില്‍ ക്ഷീരഗ്രാമം പദ്ധതി നടപ്പിലാക്കിയെന്നത് ജില്ല തിരിച്ച് വിശദാംശം നല്‍കുമോ;

ഇടുക്കി ജില്ലയിലെ ഏതൊക്കെ പഞ്ചായത്തുകളിലാണ് പ്രസ്തുത പദ്ധതി നടപ്പിലാക്കാന്‍ തെരഞ്ഞെടുത്തിട്ടുള്ളത്; 2021 മുതല്‍ ഓരോ വര്‍ഷവും പദ്ധതിയ്ക്കായി തെരഞ്ഞെടുത്തിട്ടുള്ള പഞ്ചായത്തുകള്‍ മണ്ഡലം തിരിച്ച് ലഭ്യമാക്കാമോ?

ഗുരുവായൂര്‍ മണ്ഡലത്തില്‍ ക്ഷീരഗ്രാമം പദ്ധതി നടപ്പിലാക്കുവാന്‍ സ്വീകരിച്ച നടപടികള്‍ വിശദമാക്കുമോ;

ഈ സര്‍ക്കാര്‍ വന്നതിന് ശേഷം പ്രസ്തുത മണ്ഡലത്തില്‍ ക്ഷീരവികസന വകുപ്പ് മുഖേന നേരിട്ട് നടപ്പിലാക്കിയ പദ്ധതികളുടെ വിശദാംശം ലഭ്യമാക്കുമോ?

ചങ്ങനാശ്ശേരി മണ്ഡലത്തില്‍ ഏതെല്ലാം പഞ്ചായത്തുകളെയാണ് ക്ഷീര ഗ്രാമം പദ്ധതിയിൽ നാളിതുവരെ ഉൾപ്പെടുത്തിയിട്ടുള്ളതെന്ന് വ്യക്തമാക്കാമോ;

പദ്ധതിയുടെ ഭാഗമായി ഓരോ പഞ്ചായത്തിലും എന്തെല്ലാം പ്രവൃത്തികളാണ് നടപ്പിലാക്കിയിടുള്ളതെന്ന് വ്യക്തമാക്കുമോ?

സംസ്ഥാനത്ത് സൂര്യാഘാതത്താല്‍ ചത്തുപോയ കറവപ്പശുക്കളുടെ കണക്കുകള്‍ ജില്ലാ അടിസ്ഥാനത്തില്‍ ലഭ്യമാക്കാമോ;

ഇത്തരത്തില്‍ ചത്തുപോകുന്ന പശുകളുടെ ഉടമകൾക്ക് നഷ്ടപരിഹാരം നല്‍കിയിട്ടുണ്ടോ; വിശദാംശങ്ങള്‍ നല്‍കാമോ; നിലവില്‍ അനുവദിക്കുന്ന ഇന്‍ഷുറന്‍സ് തുക വര്‍ദ്ധിപ്പിക്കുന്നതിന് നടപടികള്‍ സ്വീകരിച്ചിട്ടുണ്ടോ;വിശദാംശങ്ങള്‍ ലഭ്യമാക്കാമോ?

അരുവിക്കര മണ്ഡലത്തിലെ വിവിധ പഞ്ചായത്തുകളില്‍ വ്യാവസായികാടിസ്ഥാനത്തില്‍ പ്രവര്‍ത്തിക്കുന്നതും അഞ്ചിലധികം പശുക്കളുള്ളതുമായ ഡയറിഫാമുകള്‍ എത്ര എണ്ണം വീതമാണ് ഉള്ളതെന്ന് വ്യക്തമാക്കുമോ?

പാലുല്പാദനത്തില്‍ സ്വയംപര്യാപ്തതയെന്ന ലക്ഷ്യം എത്രമാത്രം പ്രാവര്‍ത്തികമായെന്ന വിശദാംശം ലഭ്യമാക്കുമോ;

ഈ മേഖലയില്‍ ക്ഷീരകര്‍ഷകര്‍ നേരിടുന്ന പ്രതിസന്ധികള്‍ എന്തൊക്കെയാണെന്നും അവ പരിഹരിക്കുന്നതിന് സര്‍ക്കാര്‍ നല്‍കുന്ന സഹായങ്ങള്‍ എന്തെല്ലാമെണെന്നും വ്യക്തമാക്കുമോ?

സംസ്ഥാനത്താകമാനം ആവശ്യമായ പാല്‍, മുട്ട, മാംസം എന്നിവയുടെയും ഇതര പാലുല്പന്നങ്ങളുടെയും ഓരോ മാസത്തെയും ആവശ്യകത എത്ര; ഉല്പാദനം എത്ര; വിശദാംശം വ്യക്തമാക്കുമോ;

ഇതര സംസ്ഥാനങ്ങളില്‍ നിന്നുമുള്ള ഇവയുടെ വിപണനം കേരളത്തിൽ നടക്കുന്നത് എത്രത്തോളമെന്ന് വ്യക്തമാക്കുമോ;

സംസ്ഥാനത്തിനാവശ്യമായത് ഇവിടെ ഉല്പാദനം നടത്തി സംസ്ഥാനത്തെ പ്രസ്തുത ഉല്പാദകരെ സംരക്ഷിക്കാന്‍ എന്തു നടപടികള്‍ ഈ സര്‍ക്കാര്‍ സ്വീകരിച്ചു വരുന്നു എന്ന് വ്യക്തമാക്കുമോ?

കേരളത്തിലെ ക്ഷീരോത്പാദന സംഘങ്ങള്‍ വഴി സംഭരിക്കുന്ന പാലിന്റെ പ്രതിദിന ശരാശരി അളവ് എത്രയെന്ന് വിശദമാക്കാമോ; 'ആനന്ദ്' മാതൃക ക്ഷീര വ്യവസായ സംഘങ്ങളുടെ കണക്ക് പ്രത്യേകം നല്‍കാമോ;

ടി സംഘങ്ങളില്‍ നിന്നുളള പ്രതിദിന ശരാശരി പ്രാദേശിക വില്‍പ്പന എത്രയെന്ന് വിശദമാക്കാമോ;

കേരളത്തില്‍ നിലവിലെ പ്രതിശീര്‍ഷ പാല്‍ ഉപഭോഗം എത്ര ലിറ്ററാണെന്ന് വ്യക്തമാക്കാമോ;

പ്രതിദിന പാൽ ഉപഭോഗവും ഉത്പാദനവും താരതമ്യപ്പെടുത്തി ക്ഷീരോത്പാദനരംഗത്ത് സ്വയംപര്യാപ്തത നേടാന്‍ ആവശ്യമായ പാലിന്റെ അളവ് തിട്ടപ്പെടുത്തിയിട്ടുണ്ടോ; വ്യക്തമാക്കാമോ?

ക്ഷീര വികസന വകുപ്പ് തയ്യാറാക്കിയ ക്ഷീര ശ്രീ പോര്‍ട്ടല്‍ വഴി നല്‍കുന്ന സേവനങ്ങള്‍ എന്തെല്ലാമാണ് വ്യക്തമാക്കാമോ?

ക്ഷീരോത്പാദനം സ്വയംപര്യാപ്തതയിലെത്തിക്കുന്നതിന് സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വിശദമാക്കുമോ?

അന്യസംസ്ഥാനങ്ങളിൽ നിന്നും പാൽ കൊണ്ടുവരുന്നതിന് മിൽമയുടെ ടെൻഡർ നടപടിക്രമങ്ങൾ എന്തെല്ലാമാണ്; ഇതിന്റെ വിശദാംശം നൽകുമോ;

പാൽ കൊണ്ടുവരുന്നതിന് ടെൻഡർ വ്യവസ്ഥകൾ മറികടന്നത് മൂലം മിൽമക്ക് വലിയ നഷ്ടം സംഭവിച്ചു എന്ന സഹകരണ വകുപ്പ് നടത്തിയ ഓഡിറ്റ് റിപ്പോർട്ടിലെ കണ്ടെത്തൽ സർക്കാർ പരിശോധിച്ചിട്ടുണ്ടോ; എങ്കിൽ ഇതിന്റെ വിശദാംശം, പ്രസ്തുത ഓഡിറ്റ് റിപ്പോർട്ടിന്റെ പകർപ്പ് എന്നിവ ലഭ്യമാക്കുമോ;

പ്രസ്തുത ഓഡിറ്റ് റിപ്പോർട്ടിന്മേൽ വകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണ്; നഷ്ടത്തിന് കാരണക്കാരായി റിപ്പോർട്ടിൽ പരാമർശിക്കപ്പെട്ടവരിൽ നിന്നു ടി തുക ഈടാക്കാൻ നടപടി സ്വീകരിച്ചിട്ടുണ്ടോ; വിശദാംശം നൽകുമോ?

പൂക്കോട് വെറ്ററിനറി കോളേജ് ഹോസ്റ്റലിൽ നടന്ന റാഗിംഗിനോടനുബന്ധിച്ച് വിദ്യാർത്ഥി ജെ.എസ്. സിദ്ധാർത്ഥ് മരണപ്പെട്ടതിനെ തുടർന്ന് സർവകലാശാലാ ചാൻസലറായ ബഹു. ഗവർണർ നിയമിച്ച റിട്ട. ഹൈക്കോടതി ജഡ്ജിയുടെ നേതൃത്വത്തിലുള്ള അന്വേഷണ കമ്മിറ്റിയുടെ റിപ്പോർട്ടിന്റെ അടിസ്ഥാനത്തിൽ സ്വീകരിച്ച നടപടികൾ വിശദമാക്കാമോ;

ശിക്ഷാ നടപടികളുടെ ഭാഗമായി പ്രാഥമിക അന്വേഷണത്തിൽ ആരുടെയെങ്കിലും പേരിൽ ഇതിനോടകം നടപടി കൈകൊണ്ടിട്ടുണ്ടോ; ഉണ്ടെങ്കിൽ വിശദമാക്കാമോ;

സിദ്ധാർത്ഥിന്റെ കുടുംബത്തിന് സാമ്പത്തിക സഹായം നൽകണമെന്ന് ദേശീയ-സംസ്ഥാന മനുഷ്യാവകാശ കമ്മീഷനുകൾ സർക്കാരിനോട് ആവശ്യപ്പെട്ടിരുന്നോ; എങ്കിൽ എന്ത് നടപടി സ്വീകരിച്ചു എന്ന് വ്യക്തമാക്കാമോ?