2021 മുതൽ ധനകാര്യ ഇന്‍സ്‌പെക്ഷന്‍ വിഭാഗത്തിന്റെ പരിശോധനയക്ക് വിധേയമായ വകുപ്പുകള്‍/മേഖലകള്‍ ഏതൊക്കെയെന്ന് വെളിപ്പെടുത്താമോ;

അവയില്‍ പൂർത്തിയായ പരിശോധനാ റിപ്പോർട്ടുകളുടെ പകർപ്പ് ലഭ്യമാക്കാമോ?

2024-25 ലെ വാർഷിക പദ്ധതിയിൽ അംഗീകാരം നൽകിയ പ്രോജക്ടുകൾ/പദ്ധതികൾ 50% വരെ വെട്ടിച്ചുരുക്കാൻ തീരുമാനിച്ചിട്ടുണ്ടോ; എങ്കിൽ കാരണം വിശദമാക്കുമോ;

ഇത്തരത്തിൽ വെട്ടിച്ചുരുക്കുമ്പോൾ സ്പെഷ്യൽ കംപോണന്റ് പ്ലാൻ, ട്രൈബൽ സബ്‍പ്ലാൻ എന്നീ ഘടക പദ്ധതികളിലും തദ്ദേശ സ്വയംഭരണ സ്ഥാപനങ്ങൾക്ക് നൽകിവരുന്ന തുകയിലും വെട്ടിച്ചുരുക്കൽ സംഭവിച്ചിട്ടുണ്ടോ എന്ന് വ്യക്തമാക്കാമോ?

സംസ്ഥാനത്ത് പ്രവര്‍ത്തിക്കുന്ന ദേശസാല്‍കൃത ബാങ്കുകളില്‍ ഭൂരിഭാഗവും വിദ്യാഭ്യാസ വായ്പകള്‍ നല്‍കുന്നതില്‍ വിമുഖത കാണിക്കുന്നത് ശ്രദ്ധയില്‍പ്പെട്ടിട്ടുണ്ടോ;

ഉന്നതവിദ്യാഭ്യാസം ആഗ്രഹിച്ച് പഠനം ആരംഭിച്ച കുട്ടികളില്‍ പലരും ആവശ്യമായ രേഖകള്‍ സമര്‍പ്പിച്ചിട്ടും വായ്പ ലഭിക്കാതെ വിദ്യാഭ്യാസം പാതിവഴിയില്‍ ഉപേക്ഷിക്കേണ്ടതായ സ്ഥിതിവിശേഷം വിദ്യാര്‍ത്ഥികള്‍ക്കും രക്ഷിതാക്കള്‍ക്കും മാനസികപ്രയാസങ്ങള്‍ അടക്കമുളള ബുദ്ധിമുട്ട് ഉണ്ടാക്കുമെന്നിരിക്കെ പ്രസ്തുത പ്രശ്നത്തിന് പരിഹാരം കാണുന്നതിനുളള നടപടി സ്വീകരിക്കുമോ; വ്യക്തമാക്കുമോ?

സാമ്പത്തിക പ്രതിസന്ധി മൂലം 2024-25 ലെ വാർഷിക പദ്ധതിയുടെ ഭാഗമായവ ഉൾപ്പെടെ ഭരണാനുമതി നൽകിയ പദ്ധതികളുടെ അനിവാര്യത സംബന്ധിച്ച് സമിതി പരിശോധിച്ച് പദ്ധതി മാറ്റിവയ്ക്കുകയോ ആകെ തുകയുടെ 50 ശതമാനമായി നിജപ്പെടുത്തുകയോ ചെയ്യേണ്ടതാണെന്ന സര്‍ക്കാര്‍ ഉത്തരവിനെ തുടർന്ന് തുക വെട്ടിച്ചുരുക്കിയ പദ്ധതികളുടെ വിവരം ലഭ്യമാക്കാമോ ?

നിശ്ചിതകാലയളവിൽ റവന്യൂ കമ്മി ഇല്ലാതാക്കുന്നതിനും ധനക്കമ്മി കുറയ്ക്കുന്നതിനും സമയബന്ധിത ലക്ഷ്യങ്ങൾ നിർദേശിച്ചുകൊണ്ടുള്ള ധന ഉത്തരവാദിത്ത നിയമത്തിലെ വ്യവസ്ഥകളെല്ലാം പാലിക്കാൻ കഴിയാത്തതിന്റെ കാരണങ്ങൾ വിശദമാക്കാമോ;

സമയബന്ധിത ലക്ഷ്യങ്ങൾ എന്തെല്ലാമായിരുന്നുവെന്നും അവയിൽ നിറവേറ്റാൻ കഴിയാത്തവ ഏതെല്ലാമാണെന്നും വിശദമാക്കാമോ;

സർക്കാർ ചെലവുകളെക്കുറിച്ചും ധനകാര്യ സ്ഥിതിയെക്കുറിച്ചുമുള്ള കേരള പൊതു ചെലവ് അവലോകന സമിതിയുടെ എത്ര റിപ്പോർട്ടുകൾ ഇനിയും സർക്കാരിന് സമർപ്പിക്കാനുണ്ടെന്ന് അറിയിക്കുമോ; വിശദമാക്കാമോ;

ധനക്കമ്മി കുറച്ചു കൊണ്ടുവരുന്നതിനായി മുൻകാലങ്ങളിൽ നൽകിയ റിപ്പോർട്ടിന്റെ അടിസ്ഥാനത്തിൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ; വിശദമാക്കാമോ?

സംസ്ഥാനത്ത് നടപ്പ് സാമ്പത്തിക വർഷം പ്രതീക്ഷിച്ച ആകെ വരുമാനം എത്രയാണെന്നും നാളിതുവരെ ലഭിച്ച വരുമാനം എത്രയാണെന്നും ഇനം തിരിച്ച് വ്യക്തമാക്കുമോ;

സംസ്ഥാനത്തിന്റെ വരുമാനം വർദ്ധിപ്പിക്കുന്നതിന് നടപടി സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ?

സാമ്പത്തിക പ്രതിസന്ധി മൂലം 2024-25 ലെ വാർഷിക പദ്ധതിയുടെ ഭാഗമായുള്ളവ ഉൾപ്പെടെ ഭരണാനുമതി നൽകിയ പദ്ധതികളുടെ അനിവാര്യത പരിശോധിച്ച് പദ്ധതി മാറ്റിവയ്ക്കുകയോ ഭരണാനുമതി നൽകിയ ആകെ തുകയുടെ 50% ആയി നിജപ്പെടുത്തുകയോ ചെയ്യേണ്ടതാണെന്ന സർക്കാർ ഉത്തരവിനെ തുടർന്ന് എസ്.സി.പി/ടി.എസ്.പി. ഘടക പദ്ധതിയിൽ എത്ര രൂപയുടെ കുറവ് വന്നിട്ടുണ്ടെന്ന് വ്യക്തമാക്കാമോ?

സാമ്പത്തിക പ്രതിസന്ധി മൂലം 2024-25 സാമ്പത്തികവർഷത്തെ പദ്ധതിയുടെ ഭാഗമായവ ഉൾപ്പെടെ ഭരണാനുമതി നൽകിയ പദ്ധതികളുടെ അനിവാര്യത പരിശോധിച്ച് അവ മാറ്റിവയ്ക്കുകയോ ഭരണാനുമതി നൽകിയ ആകെ തുകയുടെ അൻപത് ശതമാനമായി നിജപ്പെടുത്തുകയോ ചെയ്യേണ്ടതാണെന്ന് സർക്കാർ ഉത്തരവ് പുറപ്പെടുവിച്ചിട്ടുണ്ടോ; എങ്കിൽ അതിന്റെ കാരണം വിശദമാക്കാമോ;

പ്രസ്തുത ഉത്തരവിന്റെ അടിസ്ഥാനത്തിൽ നടത്തുന്ന വെട്ടിക്കുറവ് സംസ്ഥാനത്തെ പദ്ധതി പ്രവർത്തനത്തിന്റെ താളം തെറ്റിച്ചു എന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

ധനകാര്യ വകുപ്പിന്റെ പ്രത്യേക അനുമതിക്കായി സമര്‍പ്പിച്ചിരിക്കുന്ന ആലത്തൂര്‍ മണ്ഡലത്തിലെ കുഴല്‍മന്ദം, വണ്ടാഴി പഞ്ചായത്തുകളിലെ ടേക്ക് എ ബ്രേക്ക് കേന്ദ്രങ്ങളുടെ നിര്‍മ്മാണങ്ങളുടേയും എരിമയൂര്‍ പഞ്ചായത്തിലെ ബഡ്സ് സ്കൂളിന് വാഹനം വാങ്ങല്‍ പദ്ധതിയുടേയും നിലവിലെ സ്ഥിതി വ്യക്തമാക്കാമോ;

പ്രസ്തുത പ്രവൃത്തികള്‍ക്ക് പ്രത്യേക അനുമതി നല്‍കുന്നതിന് അടിയന്തര നടപടികള്‍ സ്വീകരിക്കുമോ; വ്യക്തമാക്കാമോ?

സാമ്പത്തിക പ്രതിസന്ധി മൂലം 2024-25 ലെ വാർഷിക പദ്ധതിയുടെ ഭാഗമായുള്ളവ ഉൾപ്പെടെ ഭരണാനുമതി നൽകിയ പദ്ധതികളുടെ അനിവാര്യത സംബന്ധിച്ച് സമിതി പരിശോധിച്ച് അവ മാറ്റിവയ്ക്കുകയോ ഭരണാനുമതി നൽകിയ ആകെ തുകയുടെ അൻപത് ശതമാനമായി നിജപ്പെടുത്തുകയോ ചെയ്യേണ്ടതാണെന്ന സർക്കാർ ഉത്തരവിനെ തുടർന്ന് മാറ്റിവച്ച പദ്ധതികളുടെ വിവരം ലഭ്യമാക്കാമോ?

മണലൂര്‍ മണ്ഡലത്തിലെ മുല്ലശ്ശേരി പഞ്ചായത്തിലെ പറമ്പന്തളി - മാനിന റോഡിന്റെ അറ്റകുറ്റ പണികള്‍ക്കായി പുതുക്കിയ എസ്റ്റിമേറ്റ് പ്രകാരമുള്ള ഫണ്ട് അനുവദിക്കുന്നത് സംബന്ധിച്ച് വാട്ടര്‍ അതോറിറ്റി സമര്‍പ്പിച്ച കത്ത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത റോഡിന്റെ ശോച്യാവസ്ഥ പരിഹരിക്കുന്നതിന് ഫണ്ട് അനുവദിക്കുന്നതുള്‍പ്പെടെയുള്ള തുടർ നടപടികള്‍ സ്വീകരിക്കുമോ; വിശദമാക്കാമോ?

സംസ്ഥാനത്തിന്റെ മൊത്ത കടബാധ്യതയിൽ ഉൾപ്പെടുന്ന ഘടകങ്ങൾ ഏതൊക്കെയാണെന്ന് വ്യക്തമാക്കുമോ;

ഓരോ ഘടകങ്ങളിലും മുൻ സർക്കാരിന്റെ കാലം മുതൽ നാളിതുവരെ ഓരോ സാമ്പത്തിക വർഷവും കടം എത്ര വീതം ആയിരുന്നുവെന്ന് ഇനം തിരിച്ച് വ്യക്തമാക്കുമോ?

കഴിഞ്ഞ സർക്കാരിന്റെ കാലം മുതൽ നാളിതുവരെ സംസ്ഥാന സർക്കാർ വിപണി വായ്പയായി ഓരോ സാമ്പത്തിക വർഷവും സമാഹരിച്ച തുക എത്രയാണെന്നും പ്രസ്തുത വായ്പകളുടെ പലിശ നിരക്ക് എത്രയാണെന്നുമുള്ള വിശദാംശങ്ങൾ ഇനം തിരിച്ച് വ്യക്തമാക്കുമോ?

സംസ്ഥാനത്തിന് ഈ സാമ്പത്തിക വർഷം കടമെടുപ്പ് പരിധിയായി കേന്ദ്രം അനുവദിച്ചത് എത്ര തുകയാണെന്നും നാളിതുവരെ എത്ര കോടി രൂപ വായ്പ എടുത്തിട്ടുണ്ടെന്നും അറിയിക്കാമോ;

മൊത്തം ആഭ്യന്തര വരുമാനത്തിന്റെ എത്ര ശതമാനമാണ് നിലവിൽ കടമെടുപ്പ് പരിധിയായി നിശ്ചയിച്ചിട്ടുള്ളതെന്നും കടമെടുപ്പ് പരിധി ഉയർത്തണമെന്ന് സംസ്ഥാനം കേന്ദ്രത്തോട് ആവശ്യപ്പെട്ടിരുന്നോയെന്നും ഈ കാര്യത്തിൽ കേന്ദ്രത്തിന്റെ പ്രതികരണം എന്തായിരുന്നുവെന്നും അറിയിക്കുമോ;

സംസ്ഥാനം കടുത്ത സാമ്പത്തിക പ്രതിസന്ധി അഭിമുഖീകരിക്കുന്ന സാഹചര്യമാണോ നിലവിലുള്ളത്; ആണെങ്കില്‍ എന്തൊക്കെ നിയന്ത്രണങ്ങളാണ് ഏർപ്പെടുത്താൻ ഉദ്ദേശിക്കുന്നതെന്നുള്ള വിശദാംശം നൽകുമോ?

കിഫ്ബിയുടെ ആരംഭം മുതൽ നാളിതുവരെ എത്ര കാേടി രൂപയുടെ പദ്ധതികള്‍ക്ക് അംഗീകാരം നല്‍കിയിട്ടുണ്ടെന്ന് അറിയിക്കാമോ;

കിഫ്ബിയില്‍ നിന്നും ഓരാേ വകുപ്പിനും ഇതുവരെയായി എത്ര കാേടി രൂപയുടെ പദ്ധതികൾക്ക് അംഗീകാരം നല്‍കിയിട്ടുണ്ട്; വ്യക്തമാക്കാമോ;

എത്ര കാേടി രൂപ ഇതുവരെയായി കിഫ്ബിയില്‍ നിന്നും ഓരാേ വകുപ്പിനും നല്‍കിയിട്ടുണ്ട്; വെളിപ്പെടുത്താമോ?

മുൻ സർക്കാരിന്റെ കാലം മുതൽ നാളിതുവരെ കിഫ്‌ബി മുഖേന എത്ര കോടി രൂപയുടെ പദ്ധതിക്ക് അംഗീകാരം നൽകിയിട്ടുണ്ട്; എത്ര കോടി രൂപയുടെ പദ്ധതി പൂർത്തീകരിച്ചിട്ടുണ്ട്;

പ്രസ്തുത കാലയളവിൽ കിഫ്‌ബി മുഖേന എത്ര പദ്ധതികൾ ടെൻഡർ ചെയ്തിട്ടുണ്ട്; എത്ര പദ്ധതികൾ പ്രവൃത്തി അവാർഡ് ചെയ്തിട്ടുണ്ട്; എത്ര പ്രവൃത്തി ആരംഭിച്ചിട്ടുണ്ട്; എത്ര പ്രവൃത്തി പൂർത്തീകരിച്ചിട്ടുണ്ട്; വിശദാംശം വ്യക്തമാക്കുമോ?

കിഫ്ബി ധനസഹായത്തോടെ ഗുരുവായൂര്‍ നിയോജക മണ്ഡലത്തില്‍ അനുവദിക്കപ്പെട്ട പ്രവൃത്തികൾ, പൂര്‍ത്തീകരിച്ച പ്രവൃത്തികൾ, സാങ്കേതിക കാരണങ്ങളാല്‍ ആരംഭിച്ചിട്ടില്ലാത്ത പ്രവൃത്തികൾ എന്നിവയുടെ വിശദാംശങ്ങള്‍ ഇനം തിരിച്ച് അറിയിക്കുമോ;

സംസ്ഥാന ബജറ്റില്‍ ഉള്‍പ്പെടുത്തിയ ഗുരുവായൂര്‍-മമ്മിയൂര്‍ ഫ്ലൈഓവര്‍ നിര്‍മ്മാണം കിഫ്ബി പ്രവൃത്തിയില്‍ നിര്‍ദ്ദേശിച്ച് നടപ്പാക്കുന്നതിന് നടപടി സ്വീകരിക്കുമോ; വിശദമാക്കാമോ?

ആലപ്പുഴ നിയോജക മണ്ഡലത്തില്‍ പൊതു വിദ്യാലയങ്ങള്‍ക്കുള്ള കെട്ടിട നിര്‍മ്മാണത്തിനായി കിഫ്ബി മുഖേന ഫണ്ട് അനുവദിച്ചിട്ടുള്ളവയുടെ വിശദവിവരം ലഭ്യമാക്കാമോ;

പ്രസ്തുത പ്രവൃത്തികളില്‍ ഇനിയും നിര്‍മ്മാണം ആരംഭിക്കാനുള്ള കെട്ടിടങ്ങൾ, നിര്‍മ്മാണച്ചുമതലയുള്ള ഏജന്‍സികൾ, നിര്‍മ്മാണം വൈകുന്നുവെങ്കിൽ ആയതിന്റെ കാരണം എന്നീ വിശദാംശങ്ങൾ ലഭ്യമാക്കാമോ?

കിഫ്ബി ഫണ്ട് വിനിയോഗിച്ച് നവീകരിക്കുന്ന മലമ്പുഴ മണ്ഡലത്തിലെ ഒലവക്കോട്-ധോണി റോഡ് നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിക്ക് എത്ര രൂപയുടെ സാമ്പത്തികാനുമതിയാണ് കിഫ്ബി നല്‍കിയിട്ടുള്ളതെന്ന് അറിയിക്കാമോ; വിശദാംശങ്ങൾ ലഭ്യമാക്കാമോ;

പ്രസ്തുത പ്രവൃത്തിയുടെ നിര്‍മ്മാണമാരംഭിക്കുന്നതിന് എന്തെല്ലാം നടപടിക്രമങ്ങളാണ് ഇനി പൂര്‍ത്തീകരിക്കേണ്ടതെന്ന് വിശദമാക്കാമോ?

മലപ്പുറം ഗവൺമെൻറ് വനിത ആർട്സ് ആന്റ് സയൻസ് കോളേജിന് 2017-18 സാമ്പത്തിക വർഷം അനുവദിച്ച കിഫ്ബി ഫണ്ടിൽ സ്വീകരിച്ച തുടർനടപടികൾ വിശദീകരിക്കാമോ;

പ്രസ്തുത ഫണ്ടുപയോഗിച്ചുള്ള പ്രവൃത്തികൾക്ക് സ്പെഷ്യൽ പർപ്പസ് വെഹിക്കിൾ ആയ കിറ്റ്കോയുടെ സാങ്കേതിക അനുമതി ലഭ്യമായിട്ടുണ്ടോ; വിശദാംശം നൽകുമോ;

അടിസ്ഥാന സൗകര്യ വികസനങ്ങൾക്കായി അനുവദിച്ച പ്രസ്തുത ഫണ്ട് വിനിയോഗത്തിന്റെ സാങ്കേതിക തടസ്സങ്ങൾ എത്രയും വേഗം പരിഹരിക്കുവാനും കെട്ടിട നിർമ്മാണം ആരംഭിക്കുവാനും നടപടി സ്വീകരിക്കുമോ?

അരൂര്‍ മണ്ഡലത്തിലെ കാക്കത്തുരുത്ത് പാലത്തിന്റെ നിര്‍മ്മാണത്തിന് കിഫ്ബി ഫണ്ടില്‍ ഉള്‍പ്പെടുത്തി എത്ര രൂപ അനുവദിച്ചുവെന്ന് വ്യക്തമാക്കാമോ;

പ്രസ്തുത തുക അനുവദിച്ചത് ഏത് വര്‍ഷമാണെന്ന് വ്യക്തമാക്കാമോ;

പ്രസ്തുത പാലത്തിന്റെ നിര്‍മ്മാണം നിലവിൽ ഏത് ഘട്ടത്തിലാണെന്നും പാലം നിര്‍മ്മാണവുമായി ബന്ധപ്പെട്ട് ഏതെങ്കിലും തരത്തിലുള്ള തടസ്സമുണ്ടോയെന്നും വിശദമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തി ഭരണാനുമതി ലഭ്യമായിട്ടുള്ള കോട്ടക്കല്‍ മണ്ഡലത്തിലെ വളാഞ്ചേരി നഗരസഭ കെട്ടിട നിര്‍മ്മാണ പ്രവൃത്തിയുടെ നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തിക്ക് കിഫ്ബിയുടെ പുതുക്കിയ ധനാനുമതി ലഭ്യമായിട്ടുണ്ടോ; പ്രവൃത്തിക്ക് സാങ്കേതികാനുമതി ലഭ്യമായിട്ടുണ്ടോ; അനുമതി ലഭിക്കുന്നതിന് ഇനി എന്തെല്ലാം നടപടികള്‍ ശേഷിക്കുന്നുണ്ടെന്ന് വിശദമാക്കാമോ?

കൊയിലാണ്ടി നിയോജക മണ്ഡലത്തില്‍ കിഫ്ബിയില്‍ നിന്നും തുക വകയിരുത്തുകയും സാമ്പത്തികാനുമതി ലഭിക്കുകയും ചെയ്‌തെങ്കിലും കെ-റെയില്‍ പദ്ധതിയിലെ അനിശ്ചിതത്വം മൂലം തുടര്‍ നടപടികള്‍ സ്വീകരിക്കാതിരുന്ന കൊല്ലം - മേപ്പയൂര്‍ റോഡില്‍ കൊല്ലം റെയില്‍ ഓവര്‍ ബ്രിഡ്ജ് നിര്‍മ്മിക്കുന്ന പദ്ധതി ഇപ്പോൾ നിലവിലുണ്ടോ; വിശദമാക്കാമോ?

കിഫ്ബി പദ്ധതിയിൽ ഉൾപ്പെടുത്തി പ്രഖ്യാപിക്കുകയും ആർ.ബി.ഡി.സി.കെ- യെ നിർവ്വഹണം ഏൽപ്പിക്കുകയും ചെയ്ത കുന്ദമംഗലം ബൈപ്പാസ് നിർമ്മാണ പ്രവൃത്തി തുടങ്ങേണ്ടതില്ലെന്ന് കിഫ്ബി തീരുമാനമെടുത്തിട്ടുണ്ടോ;

ദേശീയപാത 766-ൽ കൊടുവള്ളിയിലും താമരശ്ശേരിയിലും മാത്രമാണ് നാഷണൽ ഹൈവേ അതോറിറ്റി ഓഫ് ഇന്ത്യയുടെ പദ്ധതിയിൽ ബൈപ്പാസ് വിഭാവനം ചെയ്തിട്ടുള്ളതെന്നും കുന്ദമംഗലം ബൈപ്പാസ് ഒഴിവാക്കാൻ കാരണം കിഫ്ബി പദ്ധതി ഉള്ളതുകൊണ്ടാണെന്നുമുള്ള വിവരം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ എന്ത് നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

ആലത്തൂര്‍ മണ്ഡലത്തിലെ കിഫ്ബി മുഖേനയുളള പദ്ധതികള്‍ നിലവില്‍ നിര്‍വ്വഹണത്തിന്റെ ഏത് ഘട്ടത്തിലാണെന്ന് വിശദമാക്കാമോ;

പ്രസ്തുത പദ്ധതികള്‍ എപ്പോള്‍ പൂര്‍ത്തിയാകുമെന്ന് വിശദമാക്കുമോ?

മങ്കട മണ്ഡലത്തില്‍ കിഫ്ബി പദ്ധതിയില്‍ ഉള്‍പ്പെടുത്തി നടന്നുവരുന്ന പ്രവൃത്തികളുടെ നിലവിലെ സ്ഥിതി സംബന്ധിച്ച വിശദാംശം നല്‍കുമോ;

നാളിതുവരെ പൂര്‍ത്തിയാകാത്തതും എന്നാല്‍ പുരോഗമിച്ചു കൊണ്ടിരിക്കുന്നതുമായ പ്രവൃത്തികള്‍ ഓരോന്നും ഏത് ഘട്ടത്തിലാണെന്നും ഇനി എന്തെല്ലാം നടപടികളാണ് ബാക്കിയുള്ളതെന്നും അറിയിക്കുമോ; ഏതെങ്കിലും പ്രവൃത്തി നടപ്പിലാക്കുന്നതില്‍ എന്തെങ്കിലും തടസ്സങ്ങള്‍ നിലവിലുണ്ടോ; വിശദാംശം നല്‍കുമോ?

കിഫ്ബി ഫണ്ട് വിനിയോഗിച്ച് ചേലക്കര നിയോജക മണ്ഡലത്തില്‍ ഇതുവരെ പൂര്‍ത്തീകരിച്ച പ്രവൃത്തികള്‍ ഏതെല്ലാമെന്ന് അറിയിക്കാമോ;

ഇനി ഏതെല്ലാം പ്രവൃത്തികള്‍ക്ക് സാമ്പത്തികാനുമതി നല്‍കാനുണ്ട്; വിശദാംശം നൽകാമോ?

കിഫ്‌ബി മുഖേന കുറവിലങ്ങാട് താലൂക്ക് ആശുപത്രിയുടെ കെട്ടിട നിർമ്മാണത്തിനായി ഭരണാനുമതി നല്‍കിയതിനെതുടര്‍ന്ന് വിശദമായ എസ്റ്റിമേറ്റ് തയ്യാറാക്കി അംഗീകാരത്തിനായി സമര്‍പ്പിച്ചുവെങ്കിലും ഏഴ് വര്‍ഷമായി ധനാനുമതി ലഭിക്കാത്തതിന് പരിഹാരം കണ്ടെത്തുന്നതിന് നടപടി സ്വകരിക്കുമോ;ഈ പദ്ധതിക്കുള്ള പ്രധാന തടസ്സം വിശദമാക്കാമോ;

ഈ പദ്ധതിയുടെ എസ്റ്റിമേറ്റ് ശരിയായ രീതിയില്‍ സമര്‍പ്പിക്കാത്ത എസ്.പി.വി- യെ മാറ്റി പുതിയ ഏജന്‍സിയെ നിയമിക്കുവാന്‍ നടപടി സ്വീകരിക്കുമോ; ഇതു സംബന്ധിച്ച് നല്‍കിയ കത്തില്‍ സ്വീകരിച്ച നടപടികള്‍ വ്യക്തമാക്കാമോ;

പ്രസ്തുത നിർമാണ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ; എസ്.പി.വി യെ മാറ്റി പുതിയ ഏജന്‍സിയെ നിയമിക്കണം എന്നാവശ്യപ്പെട്ട് കിഫ്ബി കത്ത് നല്‍കിയിട്ടുണ്ടോ; ആയതില്‍ എന്ത് നടപടി സ്വീകരിച്ചുവെന്ന് വിശദമാക്കാമോ?

കിഫ്ബി ഫണ്ട് ഉപയോഗിച്ച് പുതുക്കാട് മണ്ഡലത്തിലെ ഏതെല്ലാം പ്രവൃത്തികള്‍ക്കാണ് നടപടി സ്വീകരിച്ചിട്ടുളളതെന്നും ആയവ ഏത് ഘട്ടത്തിലാണെന്നും അറിയിക്കാമോ;

പുതുക്കാട് റെയില്‍വേ ഓവര്‍ബ്രിഡ്ജ്, കൊടകര-വെളളിക്കുളങ്ങര-കേുാടാലി റോഡ്, പുതുക്കാട്-മുപ്ലിയം-കോടാലി റോഡ്, പളളിക്കുന്ന്-പാലപ്പിള്ളി റോഡ്, മലയോര ഹെെവേ വിളങ്ങന്നൂര്‍-വെളളിക്കുളങ്ങര റീച്ച് തുടങ്ങിയ പ്രവൃത്തികള്‍ ആരംഭിക്കാത്തത് ശ്രദ്ധയില്‍പെട്ടിട്ടുണ്ടോ; പ്രസ്തുത പ്രവൃത്തികള്‍ അടിയന്തരമായി ആരംഭിക്കുന്നതിനാവശ്യമായ നടപടി സ്വീകരിക്കുമോ?

നേരത്തെ കിഫ്ബി ഫണ്ട് അനുവദിച്ചിട്ടുള്ള പുതുക്കാട് മണ്ഡലത്തിലെ പുതുക്കാട് റെയില്‍വേ മേല്‍പ്പാലം, കൊടകര-വെള്ളിക്കുളങ്ങര-കോടാലി റോഡ്, പുതുക്കാട്-മുപ്ലിയം-കോടാലി റോഡ്, പള്ളിക്കുന്ന്-പാലപ്പിള്ളി റോഡ് തുടങ്ങിയ നിര്‍മ്മാണ പ്രവര്‍ത്തനങ്ങൾക്ക് പുതുക്കിയ എസ്റ്റിമേറ്റ് പ്രകാരം അധികത്തുക അനുവദിക്കുന്നതിന് നടപടി സ്വീകരിക്കുമോ?

പിറവം മണ്ഡലത്തില്‍ നിന്നും നിലവില്‍ ഏതൊക്കെ പ്രവൃത്തികളുടെ പ്രൊപ്പോസലുകള്‍ കിഫ്ബി മുമ്പാകെ ഉണ്ടെന്ന് വിശദമാക്കാമോ;

പിറവം മണ്ഡലത്തില്‍ നിന്നും നിലവില്‍ കിഫ്ബി മുഖേനയുള്ള എത്ര പദ്ധതികള്‍ പുതുക്കിയ ഭരണാനുമതിയ്ക്കായി ലഭിച്ചിട്ടുണ്ടെന്നും പ്രസ്തുത പദ്ധതികളുടെ നിലവിലെ അവസ്ഥയും വിശദീകരിക്കാമോ;

പുതിയ ഏതെല്ലാം പദ്ധതികളാണ് കിഫ്ബി മുഖേന മണ്ഡലത്തില്‍ നടപ്പിലാക്കാന്‍ ഉദ്ദേശിക്കുന്നത്; വിശദമാക്കാമോ?

അടിസ്ഥാന സൗകര്യങ്ങളുടെ വികസനത്തിന് കിഫ്ബി നടപ്പിലാക്കി വരുന്ന പ്രോജക്ടുകളില്‍ പുതിയ പ്രോജക്ടുകള്‍ പരിഗണിക്കുന്നുണ്ടോയെന്ന് വിശദമാക്കാമോ;

മണ്ണന്തല - പൗഡിക്കോണം - ശ്രീകാര്യം മാതൃകാ റോഡിന്റെ രണ്ടാം റീച്ചായ പൗഡിക്കോണം - ശ്രീകാര്യം റോഡിന്റെ ഭൂമി ഏറ്റെടുക്കലിന് ആവശ്യമായ തുക കെെമാറുന്നതിലെ കാലതാമസം ശ്രദ്ധയില്‍പ്പെട്ടിട്ടുണ്ടോയെന്ന് വിശദമാക്കാമോ;

സമയബന്ധിതമായി പ്രസ്തുത തുക കെെമാറുന്നതിന് നടപടികള്‍ സ്വീകരിക്കുമോ എന്ന് വിശദമാക്കാമോ;

കിഫ്ബി പദ്ധതികള്‍ നടപ്പിലാക്കുന്നതിലെ കാലതാമസം ഒഴിവാക്കി സമയബന്ധിതമായി പ്രോജക്ടുകള്‍ നടപ്പിലാക്കുന്നതിന് നടപടികള്‍ സ്വീകരിക്കുമോ എന്ന് വിശദമാക്കാമോ?

തിരുവനന്തപുരം മെഡിക്കല്‍ കോളേജ് മാസ്റ്റര്‍ പ്ലാന്‍ അനുസരിച്ചുളള കിഫ്ബി പ്രവൃത്തികളുടെ പുരോഗതി വിശദമാക്കാമോ;

മാസ്റ്റര്‍ പ്ലാന്‍ പ്രകാരം ഓരോ പ്രവൃത്തികളും പൂര്‍ത്തിയാക്കുന്നതിന് നിശ്ചയിച്ചിരുന്ന സമയപരിധി വിശദമാക്കാമോ;

പ്രസ്തുത മാസ്റ്റര്‍ പ്ലാന്‍ പ്രകാരമുളള മുഴുവന്‍ പ്രവൃത്തികളും എപ്പോള്‍ പൂര്‍ത്തിയാക്കുമെന്ന് വിശദമാക്കാമോ;

നിലവിലെ നിര്‍വ്വഹണ ഏജന്‍സിയായ ഇൻകൽ -ന് പ്രസ്തുത പ്രവൃത്തികള്‍ പൂര്‍ത്തിയാക്കുവാന്‍ കഴിയുമോ; വിശദമാക്കാമോ;

മാസ്റ്റര്‍ പ്ലാന്‍ പ്രകാരം അവശേഷിക്കുന്ന പ്രവൃത്തികള്‍ സമയബന്ധിതമായി പൂര്‍ത്തിയാക്കുന്നതിന് പൊതുമരാമത്ത് വകുപ്പിനെ ഏല്‍പ്പിക്കുന്നതിന് നടപടി സ്വീകരിക്കുമോ വിശദമാക്കാമോ?

മസാല ബോണ്ടിലൂടെ കിഫ്ബി സമാഹരിച്ച തുക, മുതലും പലിശയും ഉൾപ്പെടെ തിരിച്ചടയ്ക്കേണ്ട തുക, നാളിതുവരെ തിരിച്ചടച്ച തുക എന്നിവ സംബന്ധിച്ചുള്ള വിശദാംശം നൽകാമോ;

ഏത് കമ്പനി മുഖേനയാണ് മസാല ബോണ്ടിലൂടെ കിഫ്‌ബി പണം സമാഹരിച്ചതെന്നും പ്രസ്തുത കമ്പനിയെ കണ്ടെത്തിയ രീതി എപ്രകാരമായിരുന്നുവെന്നും വ്യക്തമാക്കുമോ;

2018 നവംബർ 16ന് സി.ഡി.പി.ക്യു. കമ്പനിയുടെ പ്രതിനിധികൾ അന്നത്തെ ധനകാര്യവകുപ്പ് മന്ത്രിയുമായി ചർച്ച നടത്തിയിരുന്നോ; എങ്കില്‍ ഏത് വിഷയത്തിന്മേലാണ് ചർച്ച നടന്നതെന്നും പ്രസ്തുത ചർച്ചയിൽ ആരൊക്കെ പങ്കെടുത്തുവെന്നും എന്തൊക്കെ തീരുമാനങ്ങളാണ് എടുത്തതെന്നും അറിയിക്കുമോ;

പ്രസ്തുത യോഗത്തിന്റെ മിനിട്സ് തയ്യാറാക്കിയിട്ടുണ്ടോ; എങ്കിൽ ആയതിന്റെ പകർപ്പ് ലഭ്യമാക്കുമോ?

സംസ്ഥാനം സാമ്പത്തിക ഉപരോധ സമാനമായ സാഹചര്യം നേരിടുമ്പോഴും ബോധപൂര്‍വ്വം അനാവശ്യ വിവാദങ്ങളുണ്ടാക്കി കേരളത്തെ സാമ്പത്തികമായി തകര്‍ക്കാൻ ചില ഏജന്‍സികള്‍ ശ്രമിക്കുന്നതായി ശ്രദ്ധയില്‍പ്പെട്ടിട്ടുണ്ടോ;

അടിസ്ഥാന സൗകര്യവികസനമെന്ന ലക്ഷ്യത്തിലേക്ക് സംസ്ഥാനത്തെ കൈപിടിച്ചുയര്‍ത്തുന്നതില്‍ കിഫ്ബി നല്‍കിയിട്ടുള്ള സംഭാവനകള്‍ സംബന്ധിച്ച് പരിശോധന നടത്തിയിട്ടുണ്ടോ; വിശദമാക്കുമോ;

വൈജ്ഞാനിക സമ്പദ്‍വ്യവസ്ഥയുടെ സ്ഥാപനം ലക്ഷ്യമിട്ട് കിഫ്ബി നടപ്പാക്കുന്ന പദ്ധതികള്‍ സംസ്ഥാനത്തെ മികവിന്റെ കേന്ദ്രങ്ങളുടെ അടിസ്ഥാന സൗകര്യ വികസനത്തിനു കൂടി പ്രയോജനപ്പെടുത്തുവാന്‍ തീരുമാനിച്ചിട്ടുണ്ടോ; വിശദമാക്കുമോ;

സാമ്പത്തിക ഇടനാഴികളുടെ വികസനത്തിനായി കിഫ്ബി അനുമതി നല്‍കിയിട്ടുണ്ടോ; വിശദാംശം നല്‍കുമോ?

കിഫ്ബിയുടെ വിവിധ അക്കൗണ്ടുകളിലായി നിലവിൽ എത്ര തുക നീക്കിയിരിപ്പുണ്ട്; കണക്ക് ലഭ്യമാക്കുമോ;

കിഫ്ബി ആരംഭിച്ചതിന് ശേഷം നാളിതുവരെ എന്ത് തുക സമാഹരിച്ചിട്ടുണ്ടെന്ന വിവരം ഇനവും വര്‍ഷവും തിരിച്ച് ലഭ്യമാക്കുമോ;

വിവിധ ഏജന്‍സികളില്‍ നിന്നും കിഫ്ബി എടുത്ത വായ്പകള്‍ക്ക് തിരിച്ചടവ് ആരംഭിയ്ക്കുന്ന തീയതി, തിരിച്ചടവ് കാലാവധി, നാളിതുവരെ തിരിച്ചടച്ച തുക എന്നീ വിവരങ്ങൾ ലഭ്യമാക്കുമോ;

കിഫ്ബിയുടെ ഏതെങ്കിലും വായ്പകളോ ബോണ്ടുകളോ വിദേശ കറന്‍സി നിരക്കില്‍ തിരിച്ചടയ്ക്കേണ്ടതുണ്ടോ; എങ്കില്‍ അത്തരം വായ്പകളുടെയും ബോണ്ടുകളുടെയും വിശദാംശം ലഭ്യമാക്കുമോ?

കോതമംഗലം മണ്ഡലത്തിലൂടെ കടന്നു പോകുന്നതും കിഫ്ബി പദ്ധതിയില്‍ ഉള്‍പ്പെടുത്തിയതുമായ മലയോര ഹൈവേയുടെ നിര്‍മ്മാണം 12 മീറ്റര്‍ വീതി ലഭ്യമല്ലാത്തതിനാല്‍ ആരംഭിക്കാന്‍ സാധിക്കാത്തത് ശ്രദ്ധയില്‍പ്പെട്ടിട്ടുണ്ടോ;

മലയോര ഹൈവേ കടന്നു പോകുന്ന കോതമംഗലം മണ്ഡലത്തിലെ പ്രദേശങ്ങളില്‍ 12 മീറ്റര്‍ വീതി ലഭ്യമാകാത്ത സാഹചര്യത്തില്‍ പ്രസ്തുത റോഡ് അടിയന്തരമായി ബി.എം.ബി.സി. ടാറിംഗ് ചെയ്ത് നവീകരിക്കുന്നതിനാവശ്യമായ നടപടി സ്വീകരിക്കുമോ; വ്യക്തമാക്കുമോ?

പ്രത്യേക വികസന ഫണ്ടിൽ തുക അവശേഷിക്കാത്ത സാഹചര്യത്തിൽ 2020 -21 വർഷത്തെ ആസ്‌തി വികസന പദ്ധതിയിൽ ഉൾപ്പെടുത്തി ചാത്തന്നൂരിലെ വിവിധ സർക്കാർ ഓഫീസുകളുടെ അടിസ്ഥാന സൗകര്യ വികസനത്തിനായി ഇരുപത് ലക്ഷം രൂപയുടെ പ്രവൃത്തികൾക്ക് ഭരണാനുമതിക്കായി പ്രത്യേകാനുമതി അവശ്യപ്പെട്ട് എം.എൽ. എ. പുനഃസമർപ്പിച്ച നിവേദനം (ഫയൽ നമ്പർ N C -B 2/ 112 / 2023, കമ്പ്യൂട്ടർ നമ്പർ 8995020) സംബന്ധിച്ച് നടപടികൾ സ്വീകരിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത ഫയൽ അടിയന്തരമായി തീർപ്പാക്കുന്നതിന് നടപടികൾ സ്വീകരിക്കുമോയെന്ന് അറിയിക്കാമോ ?

എം.എല്‍.എ. ആസ്തി വികസന പദ്ധതി പ്രകാരം 2021-22 സാമ്പത്തിക വര്‍ഷം മുതല്‍ 2024-25 വരെ ഏതെല്ലാം പദ്ധതികള്‍ക്കാണ് മണലൂര്‍ മണ്ഡലത്തില്‍ നിന്നും ശിപാര്‍ശ നല്‍കിയിട്ടുള്ളത്; വര്‍ഷം തിരിച്ചുള്ള വിശദാംശങ്ങള്‍ നല്‍കാമോ;

പ്രസ്തുത പ്രവൃത്തികളില്‍ ഏതെല്ലാം പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ടെന്ന് വ്യക്തമാക്കാമോ;

ഭരണാനുമതി നല്‍കിയ പ്രവൃത്തികളുടെ നിലവിലെ സ്ഥിതി എന്താണെന്ന് വ്യക്തമാക്കാമോ;

പ്രസ്തുത കാലയളവില്‍ ശിപാര്‍ശ ചെയ്ത പ്രവൃത്തികളില്‍ ഇനി ഭരണാനുമതി നല്‍കാനുള്ളവ ഏതൊക്കെയാണെന്നും അവയ്ക്ക് ഇതുവരെ ഭരണാനുമതി നല്‍കാന്‍ കഴിയാത്തത് എന്തു കൊണ്ടാണെന്നും അറിയിക്കാമോ;

ബാക്കിയുള്ള പ്രവൃത്തികള്‍ക്ക് എത്രയും വേഗം ഭരണാനുമതി നല്‍കാന്‍ വേണ്ട നടപടി എടുക്കുമോ; വിശദാംശങ്ങള്‍ അറിയിക്കാമോ?

ആസ്തി വികസന ഫണ്ട് സംബന്ധിച്ച മാനദണ്ഡങ്ങൾ പരിഷ്കരിക്കുന്ന നടപടികളുടെ പുരോഗതി വിശദമാക്കുമോ;

നിലവിലെ മാനദണ്ഡങ്ങളില്‍പ്പെടാത്ത ജനോപകാരപ്രദമായ പദ്ധതികള്‍ കൂടി ഉള്‍പ്പെടുത്തി മാനദണ്ഡങ്ങള്‍ പരിഷ്കരിക്കുന്ന നടപടികള്‍ അടിയന്തരമായി പൂർത്തിയാക്കുമോയെന്ന് അറിയിക്കുമോ?

ആസ്തി വികസന ഫണ്ട് ഉപയോഗിച്ച് കാഞ്ഞങ്ങാട് മണ്ഡലത്തിലെ ഏതൊക്കെ വിദ്യാലയങ്ങൾക്കാണ് വാഹനങ്ങൾ വാങ്ങാൻ പ്രൊപ്പോസലുകൾ നൽകിയതെന്നും അതിൽ ഏതെല്ലാം സ്കൂളുകൾക്ക് ഭരണാനുമതി ലഭിച്ചുവെന്നും വർഷം, തുക തിരിച്ച് വിശദാംശങ്ങൾ നൽകാമോ;

പ്രസ്തുത പദ്ധതി പ്രകാരം ഭരണാനുമതി ലഭിച്ചിട്ടും വാഹനങ്ങൾ ലഭിക്കാത്ത വിദ്യാലയങ്ങളുണ്ടോ; എങ്കിൽ വിദ്യാലയം തിരിച്ച് കാരണം വിശദമാക്കാമോ;

പ്രസ്തുത പദ്ധതി പ്രകാരം അനുവദിച്ച വാഹനങ്ങൾക്ക് പണം നൽകുന്നതിൽ കുടിശ്ശികയുണ്ടോ; എങ്കിൽ കുടിശ്ശിക എപ്പോൾ തീർക്കാൻ കഴിയുമെന്ന് വ്യക്തമാക്കാമോ?

ഹരിപ്പാട് മണ്ഡലത്തില്‍ 2021-2025 കാലഘട്ടത്തില്‍ ആസ്തി വികസന പദ്ധതി, പ്രത്യേക വികസന നിധി എന്നിവ പ്രകാരം അനുവദിക്കപ്പെട്ടതും നിര്‍വ്വഹണം പുരോഗമിച്ച് വരുന്നതും നിരവധി തവണ ടെണ്ടര്‍ ചെയ്തിട്ടും കരാറുകാരില്‍ നിന്നും പ്രതികരണം ലഭിക്കാത്തതുമായ പ്രവൃത്തികളുടെ വിശദാംശങ്ങള്‍ അറിയിക്കുമോ;

മേൽപ്പദ്ധതികള്‍ പ്രകാരം ധനകാര്യ വകുപ്പിന്റെ പ്രത്യേക അനുമതിക്കായി ശുപാര്‍ശ നല്‍കിയിട്ടുള്ള പ്രവൃത്തികളുടെ തല്‍സ്ഥിതി സംബന്ധിച്ച വിശദാംശങ്ങള്‍ ലഭ്യമാക്കുമോ?

മഞ്ചേശ്വരം മണ്ഡലത്തിൽ എം.എല്‍.എ. ആസ്തി വികസന ഫണ്ട് ഉപയോഗിച്ചുള്ള പ്രവൃത്തികളുടെ ടെണ്ടർ സേവിംഗ്സ് തുക കണക്കാക്കിയിട്ടുണ്ടോ; വിശദമാക്കുമോ?

എം.എല്‍.എ. മാരുടെ ആസ്തി വികസന ഫണ്ട്, പ്രത്യേക വികസന ഫണ്ട് എന്നിവ ഉപയോഗിച്ച് വാഹനങ്ങള്‍ വാങ്ങുന്നതിന് ഗവ. ഇ-മാര്‍ക്കറ്റ് പ്ലേസ് മുഖേന നടപടി പൂര്‍ത്തീകരിക്കാന്‍ കഴിയാത്തത് ശ്രദ്ധയില്‍പെട്ടിട്ടുണ്ടോ;

എങ്കില്‍ ഇത് പരിഹരിക്കുന്നതിനായി അംഗീകൃത ഡീലര്‍മാരില്‍ നിന്നും ടെണ്ടര്‍ മുഖേന വാഹനം വാങ്ങുന്നതിന് അനുമതി നല്‍കുന്നത് പരിഗണനയിലുണ്ടോ;

മേല്‍വിഷയം പരിഹരിക്കുന്നതിന് അടിയന്തര നടപടികള്‍ സ്വീകരിക്കുമോ?

പട്ടാമ്പി എം.എല്‍.എ. യുടെ 2020-2021 വര്‍ഷം മുതലുള്ള ആസ്തി വികസന ഫണ്ട്, പ്രാദേശിക വികസന ഫണ്ട് എന്നിവയില്‍ നിന്നും അനുവദിച്ച പ്രവര്‍ത്തികളുടെ ടെണ്ടര്‍ ബാലന്‍സ് തുക വര്‍ഷം തിരിച്ച് നല്‍കാമോ?

ആസ്തി വികസന ഫണ്ട് സംബന്ധിച്ച മാനദണ്ഡങ്ങൾ പരിഷ്കരിക്കുന്ന നടപടികളുടെ പുരോഗതി വ്യക്തമാക്കാമോ;

ഇതു സംബന്ധിച്ച ഉത്തരവ് ഇറക്കുന്നതിൽ നേരിടുന്ന കാലതാമസത്തിന് കാരണം വ്യക്തമാക്കാമോ;

പ്രസ്തുത ഉത്തരവ് എന്നത്തേക്ക് പുറപ്പെടുവിക്കുമെന്ന് വ്യക്തമാക്കാമോ?

എം.എൽ.എ. ആസ്തി വികസന ഫണ്ട് പ്രകാരം ഭരണാനുമതി ലഭിച്ചിട്ടും നാളിതുവരെ ടെണ്ടർ പോയിട്ടില്ലാത്ത വൈപ്പിൻ മണ്ഡലത്തിലെ പ്രവൃത്തികൾ ഏതെല്ലാമെന്ന് വ്യക്തമാക്കാമോ;

വൈപ്പിൻകര പോലുള്ള തീരദേശ മണ്ഡലത്തിലെ പ്രവൃത്തികൾ ടെണ്ടർ പേവാത്തതിനാൽ തുക നഷ്ടമാകുവാനുള്ള സാധ്യതകളും ജനങ്ങളുടെ ഗതാഗത ക്ലേശവും കണക്കിലെടുത്ത് 06.03.19-ലെ തദ്ദേശ സ്വയംഭരണ വകുപ്പിന്റെ 539/2019 ഉത്തരവ് പ്രകാരം നൽകിയിരുന്നതുപോലെ അനുയോജ്യമായ നിരക്കിലുള്ള കോസ്റ്റ് ഇൻഡക്സ് പോലുള്ള ബദൽ മാർഗ്ഗങ്ങൾ അനുവദിക്കാൻ നടപടി സ്വീകരിക്കുമോ;

ഇത് സംബന്ധിച്ച് എം.എൽ.എ. മുഖ്യമന്ത്രിക്ക് സമർപ്പിച്ച പരാതിയുടെഅടിസ്ഥാനത്തിൽ എറണാകുളം ജില്ലാ കളക്ടർ 27.09.24 ന് ധനകാര്യ വകുപ്പിന് സമർപ്പിച്ച റിപ്പോർട്ടിന്റെ അടിസ്ഥാനത്തിലുള്ള ഫയലിൽ (ഫയൽ നമ്പർ NCB3/86/2024/FIN) നടപടി സ്വീകരിച്ചിട്ടുണ്ടോ; എങ്കിൽ സ്വീകരിച്ചിട്ടുള്ള നടപടി വിശദമാക്കാമോ;

ഇല്ലെങ്കിൽ ജനങ്ങൾ ഗതാഗതത്തിനായി ബുദ്ധിമുട്ടുകൾ കണക്കിലെടുത്ത് പ്രസ്തുത ഫയലിൽ അടിയന്തര നടപടി സ്വീകരിക്കുമോ?

വര്‍ക്കല നിയോജകമണ്ഡലത്തില്‍ 2021-22, 2022-23, 2023-24 സാമ്പത്തിക വര്‍ഷങ്ങളില്‍ ആസ്തി വികസന പദ്ധതി, പ്രത്യേക വികസന നിധി എന്നിവ മുഖേന നടപ്പിലാക്കിയ വിവിധ പദ്ധതികളുടെ ടെണ്ടര്‍ സേവിംഗ്സ് തുക എത്രയാണെന്ന് വര്‍ഷം തിരിച്ച് വ്യക്തമാക്കാമോ; വിശദമാക്കാമോ?

എം.എല്‍.എ. പ്രത്യേക വികസന നിധി ഉപയാേഗിച്ച് ദേവികുളം മണ്ഡലത്തില്‍ പ്രവൃത്തികള്‍ നടപ്പാക്കുന്നതിന് 2021-22 മുതൽ സമര്‍പ്പിച്ച പ്രാെപ്പാേസലുകള്‍ വര്‍ഷം തിരിച്ച് വിശദമാക്കാമാേ;

പ്രവൃത്തികളുടെ നിലവിലെ സ്ഥിതി വര്‍ഷം തിരിച്ച് വിശദമാക്കാമാേ?

മുന്‍സര്‍ക്കാരിന്റെയും ഈ സര്‍ക്കാരിന്റെയും കാലയളവുകളില്‍ ഭരണാനുമതി ലഭിച്ച വര്‍ക്കല മണ്ഡലത്തിലെ ആസ്തി വികസന, പ്രത്യേക വികസന ഫണ്ടുകൾ വിനിയോഗിച്ചുളള പ്രവൃത്തികളില്‍ പൂര്‍ത്തീകരിക്കുവാന്‍ ശേഷിക്കുന്നവ ഏതെല്ലാമാണെന്ന് വിശദമാക്കാമോ;

പ്രസ്തുത പ്രവൃത്തികള്‍ പൂര്‍ത്തീകരിക്കാത്തതിന്റെ കാരണം വിശദമാക്കാമോ;

ഭരണാനുമതി ലഭിച്ച എത്ര പ്രവൃത്തികളുടെ ടെന്‍ഡര്‍ നടപടി പൂര്‍ത്തിയാക്കാനുണ്ടെന്ന് വിശദമാക്കാമോ?

എം.എല്‍.എ. എ.ഡി.എസ്./എസ്.ഡി.എഫ്. പ്രകാരമുള്ള ഫണ്ടുകള്‍ വിനിയോഗിക്കുന്നതിന് നേരത്തേയുള്ള മാനദണ്ഡങ്ങളില്‍ നിലവിൽ മാറ്റം വരുത്തിയിട്ടുണ്ടോ; വിശദമാക്കുമോ;

പ്രസ്തുത പദ്ധതികളുടെ മാനദണ്ഡങ്ങൾ സംബന്ധിച്ച ഉത്തരവുകൾ, സര്‍ക്കുലറുകൾ എന്നിവയുടെ പകര്‍പ്പ് ലഭ്യമാക്കുമോ;

നേരത്തെ എം.എല്‍.എ. ഫണ്ട് ഉപയോഗിച്ച് നിര്‍മ്മിച്ച റോഡുകള്‍ നാശോന്മുഖമായിട്ടും മാനദണ്ഡ പ്രകാരം റീടാറിംഗ് അനുവദനീയമല്ലാത്തതിനാല്‍ അറ്റകുറ്റപ്പണികള്‍ നടത്താന്‍ സാധിക്കാത്ത കാര്യം ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ; പ്രസ്തുത റോഡുകള്‍ ഗതാഗതയോഗ്യമാക്കുന്നതിന് നടപടികള്‍ സ്വീകരിക്കുമോ; വിശദമാക്കുമോ;

പ്രസ്തുത പദ്ധതികളുടെ മാനദണ്ഡങ്ങള്‍ പുനപരിശോധിക്കുന്നതിന് എന്തൊക്കെ നടപടികൾ സ്വീകരിക്കുമെന്ന് വിശദമാക്കുമോ?

സംസ്ഥാനത്തിന് അര്‍ഹതപ്പെട്ട എന്തെല്ലാം ആനുകൂല്യങ്ങളും ഗ്രാന്റുകളുമാണ് കേന്ദ്ര സര്‍ക്കാര്‍ നിഷേധിച്ചിട്ടുള്ളതെന്ന് വ്യക്തമാക്കാമോ; സംസ്ഥാന സര്‍ക്കാര്‍ ജീവനക്കാരുടെ വിവിധ ആനുകൂല്യങ്ങള്‍ കുടിശ്ശികയായതിന് കാരണമിതാണോയെന്ന് വ്യക്തമാക്കാമോ;

ഇപ്രകാരം നിഷേധിക്കപ്പെട്ട ഫണ്ടുകള്‍ ലഭ്യമാക്കുന്നതിനായി സംസ്ഥാന സര്‍ക്കാര്‍ കൈക്കൊണ്ടിട്ടുള്ള നടപടികള്‍ വിശദമാക്കാമോ;

ജീവനക്കാര്‍ക്കും പെന്‍ഷന്‍കാര്‍ക്കും ഡി.എ /ഡി.ആര്‍ കുടിശ്ശിക, ശമ്പള /പെന്‍ഷന്‍ പരിഷ്കരണ കുടിശ്ശിക എന്നീ ഇനങ്ങളിൽ എത്ര കോടി രൂപ അനുവദിക്കാനുണ്ട്; ഈ തുക എങ്ങനെ കണ്ടെത്തുവാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സംസ്ഥാനങ്ങൾക്ക് കൂടുതൽ സാമ്പത്തിക ബാധ്യത വരുത്തുന്ന രീതിയിൽ കേന്ദ്രാവിഷ്കൃത പദ്ധതികളുടെ ചെലവ് പങ്കിടൽ വ്യവസ്ഥ പുനക്രമീകരിച്ചത് മൂലം സംസ്ഥാനത്തിന് കൂടുതൽ സാമ്പത്തിക ബാധ്യത ഉണ്ടായിട്ടുണ്ടോ; എങ്കിൽ ഇതിന്റെ വിശദാംശം ലഭ്യമാക്കുമോ;

തൊണ്ണൂറ് ശതമാനം കേന്ദ്ര വിഹിതം ലഭിക്കുന്ന കോർ ഓഫ് ദ കോർ പദ്ധതികൾ എത്രയെണ്ണം നടപ്പ് സാമ്പത്തിക വർഷം സംസ്ഥാനത്തിന് അനുവദിച്ചുവെന്നും ഇതിനായി ലഭിച്ച തുക എത്രയാണെന്നും വിശദമാക്കാമോ?

പത്താം കേന്ദ്ര ധനകാര്യ കമ്മീഷൻ മുതൽ പതിനഞ്ചാം കേന്ദ്ര ധനകാര്യ കമ്മീഷൻ വരെ സംസ്ഥാനത്തിന് ഓരോ ധനകാര്യ കമ്മീഷനും അനുവദിച്ച നികുതി വിഹിതം എത്ര ശതമാനമാണെന്ന് വ്യക്തമാക്കാമോ;

പ്രസ്തുത കമ്മീഷനുകൾ ഓരോന്നും സംസ്ഥാനങ്ങൾക്ക് മൊത്തം നികുതി വിഹിതത്തിന്റെ എത്ര ശതമാനമാണ് അനുവദിച്ചിരുന്നതെന്ന് അറിയിക്കാമോ;

പ്രസ്തുത കമ്മീഷനുകളുടെ ശിപാർശയുടെ അടിസ്ഥാനത്തിൽ കേരളത്തിന് അനുവദിച്ച തുക എത്രയാണെന്ന് കമ്മീഷൻ തിരിച്ചു വ്യക്തമാക്കാമോ?

സംസ്ഥാനത്ത് നടപ്പാക്കുന്ന കേന്ദ്ര പദ്ധതികളിലെ കേന്ദ്ര വിഹിതത്തില്‍ കുടിശ്ശിക വരുത്തിയിട്ടുണ്ടോ; വിശദാംശം ലഭ്യമാക്കുമോ;

സംസ്ഥാന വിഹിതം നാല്പത് ശതമാനമോ അതിലധികമോ ഉളള പദ്ധതികള്‍ കേന്ദ്രം നിര്‍ദേശിക്കുന്ന പേരുകളില്‍ നടത്തുന്നതിനായി ഇത്തരം പദ്ധതികള്‍ക്ക് അര്‍ഹമായ ഗ്രാന്റുകളും വിഹിതവും നല്‍കുന്നതില്‍ കേന്ദ്ര സര്‍ക്കാര്‍ മനഃപൂര്‍വ്വമായ വീഴ്ച വരുത്തുന്നകാര്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ?

വിവിധയിനങ്ങളിലായി സംസ്ഥാന സർക്കാരിന് ഈ വർഷം കേന്ദ്രസർക്കാർ നൽകേണ്ട അർഹതപ്പെട്ട വിഹിതം എത്ര വീതമാണ്; ഇതിൽ ഓരോ ഇനത്തിലും എത്ര തുക ഈ വർഷം ലഭിച്ചിട്ടുണ്ട്; ഇനി ഓരോ ഇനത്തിലും ലഭിക്കാൻ എത്ര തുക ബാക്കിയുണ്ട്; വിശദമാക്കുമോ;

ഈ വർഷം ലഭിക്കേണ്ട ഏതെങ്കിലും ഇനത്തിലെ അർഹതപ്പെട്ട വിഹിതം നൽകാൻ കഴിയില്ലെന്ന് കേന്ദ്ര സർക്കാർ അറിയിച്ചിട്ടുണ്ടോ; ഏതെങ്കിലും ഇനത്തിലെ വിഹിതം വെട്ടിക്കുറച്ചിട്ടുണ്ടോ; എങ്കിൽ അതിനുള്ള കാരണങ്ങൾ എന്തൊക്കെയാണെന്നാണ് അറിയിച്ചിട്ടുള്ളത്; വിശദാംശം ലഭ്യമാക്കുമോ;

കേന്ദ്ര നികുതിയുടെ അൻപത് ശതമാനം സംസ്ഥാനങ്ങളുമായി പങ്കുവയ്ക്കണം എന്ന നിർദ്ദേശം ധനകാര്യ കമ്മീഷൻ മുമ്പാകെ സംസ്ഥാനം സമർപ്പിച്ചിട്ടുണ്ടോ; അതിന് ഉപോൽബലകമായി എന്തെല്ലാം വാദങ്ങളാണ് നൽകിയിട്ടുള്ളത്;

കേന്ദ്രവും സംസ്ഥാനവുമായുള്ള സാമ്പത്തിക ഇടപാടുകൾ സംബന്ധിച്ച തർക്കങ്ങൾ പരിഹരിക്കുന്നതിന് സംസ്ഥാന സർക്കാർ സുപ്രീം കോടതിയിൽ നൽകിയ കേസിന്റെ നിലവിലെ സ്ഥിതി എന്താണ്; വിശദാംശം ലഭ്യമാക്കുമോ?

2026 മുതല്‍ ലഭ്യമാകേണ്ട കേന്ദ്ര സഹായത്തിനായി എന്തെല്ലാം കാര്യങ്ങളാണ് 16-ാം ധനകാര്യ കമ്മീഷന്‍ മുമ്പാകെ സംസ്ഥാനം അവതരിപ്പിച്ചതെന്നും കമ്മീഷന്റെ സമീപനം എന്തായിരുന്നു എന്നും വിശദമാക്കുമോ;

15-ാം ധനകാര്യ കമ്മീഷന്‍ നല്‍കിയ ശിപാര്‍ശകളില്‍ കേന്ദ്ര സര്‍ക്കാര്‍ നടപ്പാക്കത്തവ എന്തെല്ലാമെന്നും ആയത് 16-ാം ധനകാര്യ കമ്മീഷന്റെ ശ്രദ്ധയില്‍പ്പെടുത്തിയോ എന്നും എങ്കില്‍ അവ ഏതെല്ലാമെന്നും വ്യക്തമാക്കുമോ?

2024-25 സാമ്പത്തിക വർഷത്തിൽ നബാർഡ് ധനസഹായത്തോടെ നടപ്പിലാക്കാൻ ഉദ്ദേശിക്കുന്ന എത്ര പദ്ധതി പ്രപ്പോസലുകൾ നബാർഡിന് സമർപ്പിച്ചുവെന്നും അവ ഏതൊക്കെയാണെന്നും വ്യകത്മാക്കാമോ;

ഇവയിൽ നബാർഡ് അംഗീകരിച്ച പ്രവൃത്തികൾ ഏതൊക്കെയാണെന്ന് വിശദമാക്കുമോ;

മുക്കം സാമൂഹ്യാരോഗ്യ കേന്ദ്രത്തിനായി കെട്ടിടം നിർമ്മിക്കുന്നതിന് സമർപ്പിച്ച പ്രപ്പോസലിന്റെ നിലവിലെ സ്ഥിതി വിശദമാക്കുമോ?

സർക്കാർ ജീവനക്കാർക്കും അധ്യാപകർക്കും ക്ഷാമബത്ത, ആയതിന്റെ കുടിശ്ശിക എന്നിവ കൃത്യമായി ലഭ്യമാക്കാത്തത് സംബന്ധിച്ച് കേരള അഡ്മിനിസ്ട്രേറ്റീവ് ട്രിബ്യൂണലിലോ ഹൈക്കോടതിയിലോ കേസുകൾ നിലവിലുണ്ടെങ്കിൽ അതിന്റെ വിശദാംശം ലഭ്യമാക്കുമോ; പ്രസ്തുത കേസുകളിൽ സർക്കാർ സ്വീകരിച്ചിട്ടുള്ള നിലപാടുകൾ അറിയിക്കാമോ;

വർഷത്തിൽ രണ്ട് തവണ ഡി.എ. നൽകുമെന്ന് നിയമസഭയിൽ മുഖ്യമന്ത്രി പ്രഖ്യാപിച്ചത് പ്രകാരം 2024-25 സാമ്പത്തിക വർഷത്തിൽ ആയത് നൽകിയിട്ടുണ്ടോ; ഇല്ലെങ്കില്‍ എപ്പോള്‍ നൽകുമെന്ന് അറിയിക്കാമോ;

ക്ഷാമബത്ത കുടിശ്ശിക പൂർണ്ണമായും ലഭ്യമാക്കുമോ; എങ്കില്‍ ആയതിന് മുൻകാല പ്രാബല്യം ലഭ്യമാക്കുമോ;

നിലവില്‍ ലഭ്യമാക്കിയ ക്ഷാമബത്തയുടെ കുടിശ്ശിക തീയതി മുതൽ അനുവദിക്കപ്പെട്ട തീയതി വരെയുള്ള തുക ലഭ്യമാക്കുമോ?

സംസ്ഥാനത്ത് അനര്‍ഹമായി ക്ഷേമപെന്‍ഷന്‍ വാങ്ങിയ സര്‍ക്കാര്‍ ജീവനക്കാര്‍ എത്രപേരുണ്ടെന്നും അവര്‍ക്കെതിരെ സ്വീകരിച്ച വകുപ്പുതല നടപടികള്‍ എന്തെല്ലാമാണെന്നും വകുപ്പ് തിരിച്ച് വിവരം നല്‍കാമോ;

വകുപ്പുതല നടപടികളുടെ ഭാഗമായി പ്രസ്തുത ജീവനക്കാർ എത്ര തുക തിരിച്ചടച്ചുവെന്നും ഇനി തിരിച്ചടക്കാനുളള തുകയുടെ വിശദാംശങ്ങളും വകുപ്പ് തിരിച്ച് നല്‍കാമോ?

ഈ സർക്കാർ എത്ര തവണ സർക്കാർ ജീവനക്കാരുടെ ക്ഷാമബത്ത വർദ്ധിപ്പിച്ചുവെന്ന് വ്യക്തമാക്കാമോ;

പ്രഖ്യാപിച്ച ക്ഷാമബത്തയിൽ എത്ര നാളത്തെ കുടിശ്ശികയാണ് നൽകാനുള്ളതെന്ന് വ്യക്തമാക്കാമോ; പ്രസ്തുത കുടിശിക എന്ന് നൽകുമെന്ന് വ്യക്തമാക്കാമോ;

നിലവിൽ എത്ര മാസത്തെ ക്ഷാമബത്ത കുടിശ്ശികയുണ്ടെന്ന് വ്യക്തമാക്കാമോ;

ക്ഷാമബത്ത വർദ്ധിപ്പിച്ച ഉത്തരവിൽ കുടിശിക എന്ന് നൽകുമെന്ന് വ്യക്തമാക്കിയിട്ടുണ്ടോ?

മെഡിസെപ്പ് പദ്ധതി നിലവില്‍ വന്നതിനു ശേഷവും മെഡിക്കല്‍ റീ-ഇമ്പേഴ്സ്‍മെന്റ് പദ്ധതി തുടരുന്നുണ്ടോ; എങ്കില്‍ വിശദാംശങ്ങള്‍ വെളിപ്പെടുത്താമോ;

മെഡിസെപ്പിന്റെ പരിധിയില്‍ വരുന്ന ചികിത്സകളുടെ വിശദാംശങ്ങള്‍ വെളിപ്പെടുത്താമോ;

റീ-ഇമ്പേഴ്സ്‍മെന്റ് പദ്ധതിയുടെ പരിധിയില്‍ വരുന്ന ചികിത്സകള്‍ ഏതൊക്കെയെന്ന് വ്യക്തമാക്കാമോ;

2021-22, 2022-23 സാമ്പത്തിക വര്‍ഷങ്ങളില്‍ മെഡിസെപ്പ്, റീ-ഇമ്പേഴ്സ്‍മെന്റ് പദ്ധതികള്‍ പ്രകാരം തീര്‍പ്പാക്കിയ ക്ലെയിമുകളുടെ വിശദാംശങ്ങള്‍ വെളിപ്പെടുത്താമോ?

മെഡിസെപ്പ് പദ്ധതി നിലവില്‍ വന്നതിനുശേഷവും സര്‍ക്കാര്‍ ജീവനക്കാര്‍ക്കുള്ള മെഡിക്കല്‍ റീ ഇംബേഴ്‍സ്‍മെന്റ് തുടരുന്നുണ്ടോ; എങ്കില്‍ അതിന്റെ നിബന്ധനകളും വ്യവസ്ഥകളും വിശദമാക്കാമോ;

മെഡിക്കല്‍ റീ-ഇംബേഴ്‍സ്‍മെന്റ് അനുവദിക്കുന്നതിന് അംഗീകൃത ഗവണ്‍മെന്റ് മെഡിക്കല്‍ ഓഫീസറുടെ റഫറന്‍സ് ആവശ്യമുണ്ടോ; വ്യക്തമാക്കാമോ?

2021 ജനുവരി മുതൽ 2025 ജനുവരി വരെ സെക്ര​​​ട്ടേറിയറ്റിലെ ധനകാര്യ വകുപ്പിൽ സ്ഥിരമോ താൽക്കാലികമോ ആയിട്ടുള്ള തസ്തികകളിൽ പുനർനിയമനം നടത്തിയിട്ടുണ്ടോ; ഉണ്ടെങ്കിൽ ആയതിന്റെ വിശദാശം ലഭ്യമാക്കുമോ;

പ്രസ്തുത പുനർ നിയമനങ്ങളിൽ കേരള സർവീസ് ചട്ടം 100 ലെ വ്യവസ്ഥകൾ പാലിച്ചിട്ടുണ്ടോ; ഇല്ലെങ്കിൽ കാരണം വ്യക്തമാക്കാമോ; ചട്ടലംഘനം നടന്നിട്ടുണ്ടെങ്കിൽ ഉത്തരവാദികൾക്കെതിരെ നടപടി സ്വീകരിക്കുമോ;

മന്ത്രിസഭയുടെ അംഗീകാരമില്ലാതെ പുനർനിയമനം അനുവദിച്ചിട്ടുണ്ടെങ്കിൽ അതിന്റെ വിശദാംശങ്ങളും കാരണവും വ്യക്തമാക്കാമോ;

പ്രസ്തുത പുനർ നിയമനങ്ങൾ പ്രകാരം ജോലി ചെയ്യുന്നവർക്ക് അനുവദിച്ചിട്ടുള്ള ശമ്പളത്തിന്റെ വിശദാംശം ലഭ്യമാക്കുമോ?

സംസ്ഥാനത്ത് മെഡിസെപ് പദ്ധതിയില്‍ ഉള്‍പ്പെടുത്തിയിരിക്കുന്ന ആശുപത്രികളില്‍നിന്നും പ്രസ്തുത പദ്ധതി മുഖേന ചികിത്സ ലഭിക്കാത്തതുമൂലം സര്‍ക്കാര്‍ ജീവനക്കാരും പെന്‍ഷന്‍കാരും ബുദ്ധിമുട്ടുന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിച്ച് മെഡിസെപ് പദ്ധതി കൂടുതല്‍ കാര്യക്ഷമമാക്കാന്‍ നടപടി സ്വീകരിക്കുമോ; വിശദമാക്കാമോ;

പ്രസ്തുത പദ്ധതിയില്‍ കൂടുതല്‍ ആശുപത്രികളെ ഉള്‍പ്പെടുത്തി സര്‍ക്കാര്‍ ജീവനക്കാരുടേയും പെന്‍ഷന്‍കാരുടേയും നിലവിലെ ബുദ്ധിമുട്ട് പരിഹരിക്കുവാന്‍ നടപടി സ്വീകരിക്കുമോ; വിശദമാക്കാമോ?

സർക്കാർ ജീവനക്കാർക്കും അധ്യാപകർക്കും ഏർപ്പെടുത്തിയ പങ്കാളിത്ത പെൻഷൻ പദ്ധതി പിൻവലിക്കുന്ന കാര്യം പരിഗണനയിലുണ്ടോ; ഇല്ലെങ്കിൽ കാരണം അറിയിക്കാമോ;

സർക്കാർ നിയോഗിച്ച പുനഃപരിശോധനാ സമിതി റിപ്പോർട്ട് സമർപ്പിച്ചിട്ടുണ്ടോ; എങ്കിൽ എന്നാണ് സമർപ്പിച്ചതെന്നും ആയതിന്മേൽ സ്വീകരിച്ച തുടർ നടപടി എന്താണെന്നും അറിയിക്കാമോ;

പ്രസ്തുത സമിതിക്കായി എത്ര തുക ചെലവഴിച്ചുവെന്ന് ഇനം തിരിച്ച് അറിയിക്കാമോ;

2024-25 ലെ സംസ്ഥാന ബജറ്റിൽ പ്രഖ്യാപിച്ച പുതിയ പെൻഷൻ പദ്ധതി സംബന്ധിച്ച് സ്വീകരിച്ച നടപടി എന്താണെന്നും പദ്ധതി ഏത് രീതിയിലാണ് നടപ്പാക്കുന്നതെന്നും ജീവനക്കാരിൽ നിന്നും വിഹിതം ഈടാക്കാതെ പദ്ധതി നടപ്പാക്കുന്നതിന് നടപടികൾ സ്വീകരിക്കുമോയെന്നും അറിയിക്കാമോ?

മെഡിസെപ്പ് പോർട്ടലിന്റെ സോഫ്റ്റ്‌വെയർ ദേശീയ ഡാറ്റാ സംരക്ഷണ മാനദണ്ഡങ്ങൾ, പ്രത്യേകിച്ച് ഇൻഫർമേഷൻ ടെക്നോളജി (റീസണബിള്‍ സെക്യൂരിറ്റി പ്രാക്ടീസസ് ആന്റ് പ്രൊസീഡുവേഴ്സ് ആന്റ് സെന്‍സിറ്റീവ് പേഴ്സണല്‍ ഡാറ്റാ ഓര്‍ ഇന്‍ഫര്‍മേഷന്‍) റൂള്‍സ്, 2011-ന് അനുസൃതമാണെന്ന് ഉറപ്പാക്കുന്നതിനുള്ള നടപടികൾ കൈക്കൊണ്ടിട്ടുണ്ടോ;

സുരക്ഷാ വീഴ്ചകൾ കണ്ടെത്തുന്നതിനും പരിഹരിക്കുന്നതിനും വേണ്ടി പ്രസ്തുത സോഫ്റ്റ്‌വെയറില്‍ ചട്ടപ്രകാരമുള്ള കാലാനുസൃത ഓഡിറ്റുകൾ നടത്തിയിട്ടുണ്ടോ;

പ്രസ്തുത പദ്ധതിക്കായി ആധാർ, ബിയോമെട്രിക് വിവരങ്ങൾ, ആരോഗ്യ സംബന്ധമായ വ്യക്തിഗത വിവരങ്ങൾ എന്നിവ ശേഖരിക്കുന്നതിന് മുന്നോടിയായി വ്യക്തികളിൽ നിന്ന് വ്യക്തമായ സമ്മതം നേടാൻ ആധാര്‍ ആക്ട്, 2016-നും കെ.എസ്. പുട്ടസ്വാമി Vs യൂണിയന്‍ ഓഫ് ഇന്ത്യ, 2017-ലെ സുപ്രീംകോടതി വിധിക്കും അനുസൃതമായുള്ള നടപടിക്രമങ്ങൾ പാലിക്കപ്പെടുന്നുണ്ടോയെന്ന് വ്യക്തമാക്കാമോ;

പ്രസ്തുത പദ്ധതിക്കായി ശേഖരിക്കുന്ന വ്യക്തിഗത ഡാറ്റയുടെ സുരക്ഷിത സംഭരണത്തിനും പ്രോസസ്സിംഗിനും ഐ.റ്റി ആക്ട് 2000, ഡിജിറ്റല്‍ പേഴ്സണല്‍ ഡാറ്റാ പ്രൊട്ടക്ഷന്‍ ആക്ട് 2023 എന്നീ നിയമങ്ങൾ അനുസരിച്ച് എന്തെല്ലാം മാനദണ്ഡങ്ങൾ നടപ്പാക്കിയിട്ടുണ്ടെന്ന് വിശദമാക്കാമോ;

അനധികൃത ഉപയോഗം തടയാൻ ഈ ഡാറ്റയുടെ സംഭരണവും ഇല്ലാതാക്കലും സംബന്ധിച്ച് അനുവർത്തിക്കുന്ന പ്രോട്ടോക്കോളുകൾ എന്താണെന്ന് വ്യക്തമാക്കാമോ;

മെഡിസെപ് പോർട്ടൽ വഴി ശേഖരിക്കുന്ന ഡാറ്റ കൈകാര്യം ചെയ്യുന്നതിൽ മൂന്നാം കക്ഷി ഏജൻസികൾ പങ്കാളികളാണോ; ആണെങ്കിൽ ഐ.റ്റി (റീസണബിള്‍ സെക്യൂരിറ്റി പ്രാക്ടീസസ്) റൂള്‍സ് 2011 പ്രകാരം അവർ ചട്ട പ്രകാരമുള്ള നടപടികൾ സ്വീകരിച്ചുവെന്ന് ഉറപ്പാക്കാൻ എന്തെല്ലാം നടപടികൾ കൈക്കൊണ്ടിട്ടുണ്ടെന്ന് വിശദമാക്കാമോ; ഡാറ്റാ സുരക്ഷയും രഹസ്യവുമെന്നുറപ്പാക്കുന്നതിനുതകുന്ന ചട്ടങ്ങൾ ബന്ധപ്പെട്ട കമ്പനിയുമായി ഏർപ്പെട്ട കരാറിൽ ഉൾപ്പെടുത്തിയിട്ടുണ്ടോ;

മെഡിസെപ് പദ്ധതിയിലൂടെ ശേഖരിച്ച വ്യക്തിഗത ഡാറ്റകളുടെ ചോർച്ചകൾ അല്ലെങ്കിൽ തെറ്റായ ഉപയോഗം തടയുന്നതിനും അതു സംബന്ധിച്ച പരാതികൾ കൈകാര്യം ചെയ്യുന്നതിനും ഐ.റ്റി ആക്ട് 2000-വുമായി ബന്ധപ്പെട്ട ചട്ടങ്ങൾക്കും കീഴിൽ എന്തെല്ലാം നടപടികൾ സ്വീകരിച്ചിട്ടുണ്ട്; ഡാറ്റ കൈകാര്യം ചെയ്യുന്നവർക്ക് ഉത്തരവാദിത്തം ഉറപ്പാക്കാൻ എന്തെല്ലാം നടപടികൾ സ്വീകരിക്കുന്നുണ്ട്; വിശദമാക്കാമോ?

സർക്കാർ ജീവനക്കാരുടെയും അദ്ധ്യാപകരുടെയും എത്ര മെഡിക്കല്‍ റീ-ഇംപേഴ്സ്മെന്റ് അപേക്ഷകളാണ് തീർപ്പാക്കാൻ ധന വകുപ്പിന്റെ പക്കലുള്ളതെന്ന് വകുപ്പ് തിരിച്ചുള്ള കണക്ക് ലഭ്യമാക്കാമോ; പ്രസ്തുത അപേക്ഷകളില്‍ ഉൾപ്പെട്ട തുക എത്രയാണ്; അപേക്ഷകൾ തീർപ്പാക്കുന്നതിന് മുൻഗണനാക്രമം ഉണ്ടോയെന്ന് വ്യക്തമാക്കാമോ?

01-07-2024 മുതൽ പ്രാബല്യത്തിൽ വരേണ്ട സര്‍ക്കാര്‍ ജീവനക്കാ‍‍രുടെ പന്ത്രണ്ടാം ശമ്പളപരിഷ്കരണ കമ്മീഷനെ നിയമിക്കാൻ തീരുമാനിച്ചിട്ടുണ്ടോ; വിശദമാക്കാമോ;

മുൻ ശമ്പള പരിഷ്കരണത്തിന്റെ ഭാഗമായി സര്‍ക്കാര്‍ ജീവനക്കാ‍‍ർക്ക് നല്‍കേണ്ട കുടിശ്ശിക വിതരണം ചെയ്തിട്ടുണ്ടോ; ഇല്ലെങ്കില്‍ ആയത് വിതരണം ചെയ്യുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ ലഭ്യമാക്കാമോ?

മെഡിക്കൽ വിദ്യാഭ്യാസ വകുപ്പിന് കീഴില്‍ തിരുവനന്തപുരം ജില്ലയിലെ ഏതൊക്കെ ആശുപത്രികളിൽ മെഡിസെപ് പദ്ധതി നിലവിലുണ്ടെന്ന് വ്യക്തമാക്കാമോ;

ഈ ആശുപത്രികളിൽ ഓരോന്നിലും നാളിതുവരെ എത്ര ക്ലെയിമുകൾ രജിസ്റ്റർ ചെയ്തു; പ്രസ്തുത ക്ലെയിമുകളിൽ നിന്നും എത്ര രൂപ ആശുപത്രികൾക്ക് ലഭ്യമായിട്ടുണ്ടെന്ന് വ്യക്തമാക്കാമോ;

ക്ലെയിം ഇനത്തിൽ ലഭ്യമായ തുകയിൽ നിന്ന് ഓരോ ആശുപത്രിയും വിനിയോഗിച്ച തുക എത്ര; ഈ തുക ഓരോ ആശുപത്രിയും എന്തൊക്കെ കാര്യങ്ങൾക്കാണ് വിനിയോഗിക്കുന്നതെന്ന് വ്യക്തമാക്കാമോ;

ക്ലെയിം ഇനത്തിൽ ലഭ്യമായ തുകയിൽ ഓരോ ആശുപത്രിയിലും എത്ര രൂപ ബാക്കിയുണ്ടെന്ന് വ്യക്തമാക്കാമോ?

നാളിതുവരെ മെഡിസെപ് പ്രീമിയം ഇനത്തില്‍ എത്ര രൂപ ഇന്‍ഷുറന്‍സ് കമ്പനിയ്ക് ലഭിച്ചു എന്ന് വ്യക്തമാക്കാമോ;

നാളിതുവരെ എത്ര രൂപയുടെ ക്ലെയിമുകള്‍ക്കാണ് അംഗീകാരം നല്‍കിയത്;

പദ്ധതി പ്രകാരമുള്ള എത്ര രൂപയുടെ ക്ലെയിമുകള്‍ ഇനിയും നല്കാനുണ്ട്; വിശദമാക്കാമോ?

2011 മുതൽ നാളിതുവരെയുള്ള ഓരോ സാമ്പത്തിക വർഷത്തെയും പദ്ധതി അടങ്കൽ എത്രയാണെന്ന വിവരം ലഭ്യമാക്കാമോ;

ഇതിൽ കേന്ദ്ര തുക ഒഴികെയുള്ള അടങ്കൽ എത്രയാണെന്ന വിവരം വർഷം തിരിച്ച് ലഭ്യമാക്കാമോ;

2011 മുതൽ നാളിതുവരെ ഓരോ സാമ്പത്തിക വർഷവും പ്ലാൻ ഫണ്ടിന്റെ ഭാഗമായി എത്ര തുക ചിലവഴിച്ചുവെന്ന വിവരം ലഭ്യമാക്കാമോ?

നടപ്പ് സാമ്പത്തിക വര്‍ഷം വിവിധ വകുപ്പുകള്‍ക്ക് പ്ലാന്‍ ഫണ്ടില്‍ വകയിരുത്തിയ തുക എത്രയെന്നും 15-01-2025 വരെ അതില്‍ നിന്നും എത്ര തുക ചെലവാക്കിയെന്നും വിശദമാക്കുമോ;

വകയിരുത്തിയ പദ്ധതി തുക വെട്ടിക്കുറയ്ക്കുവാന്‍ ഉദ്ദേശിക്കുന്നുണ്ടോ; എങ്കില്‍ വിശദാംശവും കാരണങ്ങളും അറിയിക്കുമോ;

പദ്ധതി തുക വെട്ടിക്കുറയ്ക്കുന്നത് സംസ്ഥാനത്തിന്റെ വികസനത്തെ പ്രതികൂലമായി ബാധിക്കുമെന്നത് ശ്രദ്ധയില്‍പ്പെട്ടിട്ടുണ്ടോ?

ഈ സര്‍ക്കാര്‍ അധികാരത്തില്‍ വന്ന ശേഷം ബജറ്റില്‍ പ്രഖ്യാപിച്ച കെ. ആര്‍. ഗൗരിയമ്മ സ്മാരക നിര്‍മ്മാണത്തിനായി എത്ര തുകയാണ് അനുവദിച്ചിട്ടുള്ളതെന്നും ഏത് ശീര്‍ഷകത്തിലാണ് തുക വകയിരുത്തിയിട്ടുള്ളതെന്നും വിശദമാക്കാമോ;

പ്രസ്തുത പദ്ധതിയുടെ നിലവിലെ സ്ഥിതി സംബന്ധിച്ച വിശദാംശം ലഭ്യമാക്കാമോ?

2024-25 സാമ്പത്തിക വര്‍ഷം ഓരോ വകുപ്പുകള്‍ക്കും വകയിരുത്തിയ പദ്ധതി വിഹിതം എത്ര കോടി രൂപയാണെന്നും ആയതില്‍ എത്ര തുക നാളിതുവരെ ചെലവഴിച്ചുവെന്നും വകുപ്പ് അടിസ്ഥാനത്തില്‍ വിശദവിവരം ലഭ്യമാക്കുമോ;

2024-25 സാമ്പത്തിക വര്‍ഷം പ്ലാന്‍ ഫണ്ടില്‍ ഉള്‍പ്പെടുത്തി ഭരണാനുമതി നല്കിയ പദ്ധതികളുടെ അനിവാര്യത പരിശോധിക്കുന്നതിനായി രൂപീകരിച്ച സമിതിയുടെ പരിശോധനയുടെ അടിസ്ഥാനത്തില്‍ പദ്ധതി വിഹിതത്തില്‍ കുറവ് വരുത്തിയിട്ടുണ്ടോ; അപ്രകാരം പദ്ധതി വിഹിതത്തില്‍ എത്ര കോടി രൂപയുടെ കുറവ് വരുത്തിയിട്ടുണ്ടെന്ന് വിശദമാക്കുമോ?

2024-25 ലെ ബജറ്റില്‍ 20 ശതമാനം തുക അനുവദിച്ച കുന്നത്തുനാട് മണ്ഡലത്തിലെ വാഴക്കുളം, മാറംപള്ളി, കുമാരപുരം എന്നീ കുടുംബാരോഗ്യ കേന്ദ്രങ്ങൾ , സൗത്ത് വാഴക്കുളം സര്‍ക്കാര്‍ ലോവര്‍ പ്രെെമറി സ്കൂള്‍ എന്നീ കെട്ടിടങ്ങളുടെ നിര്‍മ്മാണവുമായി ബന്ധപ്പെട്ട നിലവിലെ സ്ഥിതി വിശദമാക്കാമോ;

പ്രസ്തുത പ്രവൃത്തികളുടെ ഭരണാനുമതിയുമായി ബന്ധപ്പെട്ട ഫയലുകള്‍ നിലവില്‍ ഏതെല്ലാം സെക്ഷനുകളിലാണെന്നും പ്രസ്തുത സെക്ഷനുകളിലെ ഫയല്‍ നമ്പറുകളും ലഭ്യമാക്കാമോ;

പ്രസ്തുത പ്രവൃത്തികളുടെ ഭരണാനുമതി വെെകുന്നതിന്റെ കാരണം വ്യക്തമാക്കാമോ; ഭരണാനുമതി വേഗത്തില്‍ ലഭ്യമാക്കുന്നതിന് നടപടി സ്വീകരിക്കുമോ; വിശദമാക്കാമോ?

2023-24 വര്‍ഷം കൊണ്ടോട്ടി ബ്ലോക്ക് പഞ്ചായത്തിന് മെയിന്റനന്‍സ് ഗ്രാന്റ് (റോഡ്‌ ഇതരം) ഇനത്തില്‍ അനുവദിച്ച ആകെ തുക എത്രയാണ്; ഈ തുക നിശ്ചയിക്കുന്നതിനുള്ള നിബന്ധനകള്‍ എന്തെല്ലാമാണെന്ന് വ്യക്തമാക്കാമോ; പ്രസ്തുത തുക വര്‍ദ്ധിപ്പിച്ചു നല്‍കുന്നതുമായി ബന്ധപ്പെട്ട് സര്‍ക്കാരില്‍ നല്‍കിയ നിവേദനത്തില്‍ സ്വീകരിച്ച നടപടികള്‍ വിശദമാക്കാമോ;

ഈ വിഷയം ധനകാര്യ വകുപ്പിന്റെ എംപവേര്‍ഡ്‌ കമ്മിറ്റിയില്‍ പരിശോധിച്ചിട്ടുണ്ടോ; എങ്കില്‍ ആയതിന്റെ വിശദാംശങ്ങളും ഇത് സംബന്ധിച്ച എസ്.എഫ്.സി-എ 3/141/2022-ധനകാര്യം നമ്പർ ഫയലിലെ നടപടിക്രമങ്ങളുടെ പകര്‍പ്പും ലഭ്യമാക്കാമോ;

കൊണ്ടോട്ടി ബ്ലോക്ക് പഞ്ചായത്തിന് 2024-25 വാര്‍ഷിക പദ്ധതിയില്‍ ബജറ്റ് വിഹിതമായി മെയ്ന്റനന്‍സ് ഗ്രാന്റ് (റോഡ്‌ ഇതരം) ഇനത്തില്‍ വകയിരുത്തിയ തുക എത്രയാണ്; ഈ തുക നിശ്ചയിക്കുന്നതിനുള്ള നിബന്ധനകള്‍ എന്തെല്ലാമാണെന്ന് വ്യക്തമാക്കാമോ;

പ്രസ്തുത ഗ്രാന്റ് ഇനത്തില്‍ 2023-24 സാമ്പത്തിക വര്‍ഷം മലപ്പുറം ജില്ലയിലെ മറ്റ് ബ്ലോക്ക് പഞ്ചായത്തുകള്‍ക്ക് അനുവദിച്ച തുകയും പ്രസ്തുത തുക നിശ്ചയിക്കുന്നതിനുള്ള നിബന്ധനകളും വ്യക്തമാക്കാമോ?

2021-22, 2022-23, 2023-24, 2024-25 സാമ്പത്തിക വര്‍ഷങ്ങളിലെ ബജറ്റിൽ മാവേലിക്കര മണ്ഡലത്തില്‍ അനുവദിച്ച പ്രവൃത്തികളുടെ വിശദാംശങ്ങള്‍ ലഭ്യമാക്കുമോ;

ടി പദ്ധതികളിന്മേല്‍ ധനകാര്യ വകുപ്പ് സ്വീകരിച്ച നടപടികള്‍ അറിയിക്കുമോ;

ടി പദ്ധതികള്‍ക്ക് ഭരണാനുമതി ലഭ്യമാക്കുന്നതിന് നടപടികള്‍ സ്വീകരിച്ചിട്ടുണ്ടോ; വിശദമാക്കുമോ?

ഈ സർക്കാർ അധികാരത്തിൽ വന്ന ശേഷം ബഡ്ജറ്റിൽ 20 ശതമാനം തുക അനുവദിച്ച ഏതൊക്കെ വകുപ്പുകളിലെ എന്തൊക്കെ പ്രവൃത്തികളാണ് കാഞ്ഞങ്ങാട് മണ്ഡലത്തിൽ നിലവിലുള്ളതെന്ന് വിശദമാക്കാമോ;

അവയിൽ ഏതൊക്കെ പ്രവൃത്തികൾക്കാണ് ഇനിയും ഭരണാനുമതി നൽകാനുള്ളതെന്നും ആയതിന്റെ കാലതാമസത്തിനുള്ള കാരണങ്ങൾ എന്തെന്നും വിശദമാക്കാമോ?

ഈ സര്‍ക്കാരിന്റെ കാലത്ത് ബഡ്ജറ്റില്‍ പ്രഖ്യാപിച്ചതും ഇരുപത് ശതമാനം തുക വകയിരുത്തിയതുമായ വെെപ്പിന്‍ മണ്ഡലത്തിലെ പദ്ധതികള്‍ ഏതാെക്കെയാണെന്ന് 2021-22 മുതല്‍ 2024-25 വരെയുളള സാമ്പത്തിക വര്‍ഷം തിരിച്ച് വിശദമാക്കുമാേ;

ഇവയിൽ ഏതാെക്കെ പ്രവൃത്തികളുടെ വിശദമായ പ്രാേജക്ട് റിപ്പാേര്‍ട്ട് ലഭിച്ചിട്ടുണ്ടെന്നും ആയതിന്മേല്‍ സ്വീകരിച്ച നടപടികളും വിശദമാക്കുമാേ;

പ്രസ്തുത പദ്ധതികള്‍ക്ക് എന്നത്തേക്ക് ഭരണാനുമതി ലഭ്യമാകുമെന്ന് വ്യക്തമാക്കുമാേ;

ബഡ്ജറ്റില്‍ ഇരുപത് ശതമാനം തുക വകയിരുത്തിയിട്ടുള്ള പ്രവൃത്തികള്‍ക്ക് ഭരണ വകുപ്പുകള്‍ സമയബന്ധിതമായി ഭരണാനുമതി ലഭ്യമാക്കുന്നുണ്ടാേ എന്നത് സംബന്ധിച്ച് അവലാേകനം നടത്താറുണ്ടാേ;

പ്രസ്തുത പ്രവൃത്തികള്‍ക്ക് സമയബന്ധിതമായി ഭരണാനുമതി ലഭ്യമാക്കാത്ത സാഹചര്യം കണക്കിലെടുത്ത് ഇത് പരിഹരിക്കാന്‍ നടപടി സ്വീകരിക്കുമാേ?

ഈ സര്‍ക്കാരിന്റെ കാലത്ത് എം.എല്‍.എ. ആസ്തി വികസന പദ്ധതി, പ്രത്യേക വികസന നിധി എന്നിവ ഒഴികെ മണലൂര്‍ മണ്ഡലത്തിനായി ബഡ്ജറ്റില്‍ ഉള്‍പ്പെടുത്തിയ പ്രവൃത്തികളില്‍ ഓരോന്നിനും എത്ര രൂപ അനുവദിച്ചിട്ടുണ്ടെന്ന് വിശദമാക്കാമോ?

2023-24 വർഷത്തെ ബജറ്റിൽ രണ്ട് കോടി രൂപ വകയിരുത്തിയിട്ടുള്ള കടമ്പഴിപ്പുറം - മണ്ണമ്പറ്റ റോഡ് നവീകരണ പ്രവൃത്തിക്ക് (ഫയൽ നമ്പർ ഡി3/174/2024/ഫിൻ, കമ്പ്യൂട്ടർ നമ്പർ.2889690/എൽ.എസ്.ജി.ഡി) ഭരണാനുമതി ലഭിച്ചിട്ടുണ്ടോ;

തദ്ദേശ സ്വയംഭരണ വകുപ്പിൽ നിന്നും പ്രസ്തുത ഫയൽ ഭരണാനുമതിക്കായി എന്നാണ് ധനകാര്യ വകുപ്പിൽ എത്തിയത്;

പ്രസ്തുത പ്രവൃത്തിക്ക് ഭരണാനുമതി ലഭിച്ചിട്ടുണ്ടെങ്കിൽ ആയതിന്റെ പകർപ്പ് ലഭ്യമാക്കാമോ; ഇല്ലെങ്കിൽ എന്നത്തേക്ക് ഭരണാനുതി ലഭിക്കുമെന്ന് വിശദമാക്കാമോ?

2011-12 സാമ്പത്തിക വർഷം മുതൽ 2021-22 സാമ്പത്തിക വർഷം വരെ ബജറ്റിൽ 20 ശതമാനം തുക വകയിരുത്തിയ വടക്കാഞ്ചേരി നിയോജക മണ്ഡലത്തിലെ പദ്ധതികളുടെ പട്ടിക ലഭ്യമാക്കാമോ;

ഇതേ കാലയളവിൽ 100 രൂപ ടോക്കൺ തുക വകയിരുത്തിയ പദ്ധതികളുടെ വിശദാംശം ലഭ്യമാക്കാമോ?

റീബില്‍ഡ് കേരള ഇനിഷ്യേറ്റീവ് പദ്ധതികള്‍ക്കായി ഓരോ സാമ്പത്തിക വര്‍ഷവും വകയിരുത്തിയ തുകയുടെയും നാളിതുവരെ ചെലവഴിച്ച തുകയുടെയും വിശദാംശങ്ങള്‍ ലഭ്യമാക്കുമോ?

വിമുക്തി പദ്ധതിക്ക് നടപ്പുസാമ്പത്തിക വർഷത്തെ ബഡ്ജറ്റിൽ എത്ര തുക വകയിരുത്തിയിട്ടുണ്ട്; ഇതിൽ നാളിതുവരെ എത്ര തുക അനുവദിച്ചു നൽകിയിട്ടുണ്ട്; വിശദാംശം നല്‍കുമോ;

2016 മുതൽ ഓരോ വർഷവും വിമുക്തി പദ്ധതിക്കായി ബജറ്റിൽ എത്ര തുക വകയിരുത്തിയിട്ടുണ്ട്; ഇതിൽ എത്ര തുക അനുവദിച്ചു നൽകിയിട്ടുണ്ട്; വിശദാംശം നല്‍കുമോ?

മത്സ്യത്തൊഴിലാളികളുടെ അടിസ്ഥാന സൗകര്യങ്ങൾക്കും മാനവ വികസനത്തിനുമായി നടപ്പ് സാമ്പത്തിക വർഷത്തെ ബഡ്ജറ്റിൽ അനുവദിച്ചിട്ടുള്ള തുക എത്രയാണ്; ഇതിൽ നാളിതുവരെ എത്ര തുക ചെലവഴിച്ചുവെന്ന് വ്യക്തമാക്കുമോ?

സംസ്ഥാനത്തെ എൻഡോസൾഫാൻ ദുരിതബാധിതർക്കായി 2024-25 സാമ്പത്തിക വർഷം ബജറ്റിൽ എത്ര തുകയാണ് വകയിരുത്തിയത് എന്നറിയിക്കുമോ;

ഇതിൽ എന്തു തുക അനുവദിച്ചു എന്ന് വിശദമാക്കുമോ?

ബജറ്റിലെ അടങ്കല്‍ തുകയുടെ 20% വകയിരുത്തിയിട്ടുള്ള പ്രവൃത്തികൾക്ക് യഥാസമയം വിശദമായ പദ്ധതി റിപ്പോര്‍ട്ട് തയ്യാറാക്കി ഭരണാനുമതി നേടുന്നതില്‍ വകുപ്പുകള്‍ അലംഭാവം കാണിക്കുന്നത് ശ്രദ്ധയില്‍പ്പെട്ടിട്ടുണ്ടോ; ഇത്തരം പ്രവൃത്തികള്‍ മോണിറ്റര്‍ ചെയ്യുന്നതിന് ധനകാര്യ വകുപ്പില്‍ എന്തെങ്കിലും നടപടികള്‍ സ്വീകരിച്ചു വരുന്നുണ്ടോ; യഥാസമയം പദ്ധതി റിപ്പോര്‍ട്ട് തയ്യാറാക്കി സമര്‍പ്പിയ്ക്കാത്ത വകുപ്പുകള്‍ക്കെതിരെ എന്തെങ്കിലും നടപടികള്‍ സ്വീകരിച്ചു വരുന്നുണ്ടോ; വ്യക്തമാക്കുമോ;

ബജറ്റില്‍ ഉള്‍പ്പെടുത്തിയ പ്രവൃത്തികളുടെ വിശദമായ പദ്ധതി റിപ്പോര്‍ട്ട് യഥാസമയം തയ്യാറാക്കി സമര്‍പ്പിയ്ക്കുന്നതിന് വകുപ്പുകള്‍ക്ക് കര്‍ശന നിര്‍ദ്ദേശം നല്‍കുമോ?

2024-25 വർഷത്തെ ബജറ്റിൽ കാസർഗോഡ് ജില്ലയ്ക്ക് അനുവദിച്ച പദ്ധതികളുടെ വിശദ വിവരങ്ങൾ ലഭ്യമാക്കുമോ;

പ്രസ്തുത പദ്ധതികൾ നിലവിൽ നിർവഹണത്തിന്റെ ഏത് ഘട്ടത്തിലാണെന്ന് വ്യക്തമാക്കുമോ; പദ്ധതി ചെലവ് എത്രയാണെന്ന് വിശദമാക്കുമോ?

2021-22 വര്‍ഷത്തെ ബജറ്റിൽ 20 ശതമാനം വിഹിതം അനുവദിച്ചിരുന്ന എറണാകുളം മണ്ഡലത്തിലെ ചേരാനെല്ലൂര്‍ മിനി സിവില്‍ സ്റ്റേഷന്‍ നിര്‍മ്മാണ പ്രവൃത്തിക്ക് ധന വകുപ്പില്‍ നിന്നും അനുമതി ലഭ്യമായിട്ടുണ്ടോ; വിശദാംശങ്ങള്‍ അറിയിക്കുമോ?

2016-17 മുതൽ ബജറ്റില്‍ 20 ശതമാനം തുക നീക്കിവച്ചിരുന്ന കോട്ടക്കല്‍ മണ്ഡലത്തിലെ പദ്ധതികൾ ഏതെല്ലാമെന്നും ഓരോ പ്രവൃത്തിയുടെയും നിലവിലെ സ്ഥിതി എന്തെന്നും സാമ്പത്തിക വര്‍ഷാടിസ്ഥാനത്തില്‍ വിശദമാക്കുമോ;

പ്രസ്തുത പ്രവൃത്തികളിൽ ഭരണാനുമതി ലഭിക്കാത്ത പ്രവൃത്തികള്‍ ഏതെല്ലാമാണെന്നും ആയത് ലഭിക്കുന്നതിലെ കാലതാമസത്തിന്റെ കാരണവും വിശദമാക്കുമോ;

നാളിതുവരെ ഭരണാനുമതി ലഭ്യമായിട്ടില്ലാത്ത പ്രവൃത്തികള്‍ക്ക് അടിയന്തരമായി ഭരണാനുമതി നല്‍കുന്നതിനുള്ള നടപടി സ്വീകരിക്കുമോ?

സാമൂഹ്യ സുരക്ഷ പെന്‍ഷൻ കൈപ്പറ്റിയിരുന്ന സർക്കാർ ജീവനക്കാരുടെ പേരുവിവരങ്ങൾ ലഭ്യമാക്കാമോ?

2016-21 ലെ സർക്കാരിന്റെ കാലത്ത് 78 മാസത്തെ സാമൂഹ്യ സുരക്ഷാ പെൻഷൻ നൽകിയിരുന്നോയെന്ന് വ്യക്തമാക്കാമോ; എങ്കിൽ ഇത് സംബന്ധിച്ച രേഖകളുടെ പകർപ്പ് ലഭ്യമാക്കാമോ?

പെൻഷൻ വിതരണത്തിനായി സാമൂഹ്യ സുരക്ഷാ പെൻഷൻ കമ്പനി നാളിതുവരെ എടുത്ത വായ്പയുടെ കണക്ക് ലഭ്യമാക്കാമോ; ഇതിൽ എത്ര രൂപ അടച്ചു തീർത്തെന്ന് വ്യക്തമാക്കാമോ;

നാളിതുവരെ പ്രസ്തുത കമ്പനിക്ക് സർക്കാർ എത്ര തുക നൽകിയെന്നും ഇനി എത്ര നൽകാനുണ്ടെന്നും വ്യക്തമാക്കാമോ;

ഏതൊക്കെ സ്ഥാപനങ്ങളിൽ നിന്നും എത്ര ശതമാനം പലിശയ്ക്കാണ് പ്രസ്തുത കമ്പനി വായ്പകൾ ലഭ്യമാക്കിയതെന്ന് വ്യക്തമാക്കാമോ?

സോഷ്യൽ സെക്യൂരിറ്റി പെൻഷൻ ലിമിറ്റഡിന് വായ്പ നൽകിയ കെ.എസ്.എഫ്.ഇ.,കെ.എസ്.ബി.സി, പെൻഷൻ വിതരണത്തിന് ഫണ്ട് സ്വരൂപിക്കുന്നതിനായി രൂപീകരിച്ചിട്ടുള്ള പ്രാഥമിക സഹകരണ സംഘങ്ങളുടെ കൺസോർഷ്യം, കേരള മോട്ടോർ തൊഴിലാളി ക്ഷേമനിധി ബോർഡ്, കെ.എഫ്.സി തുടങ്ങിയ ഓരോ സ്ഥാപനത്തിനും സോഷ്യൽ സെക്യൂരിറ്റി പെൻഷൻ ലിമിറ്റഡ് നൽകാനുള്ള തുക എത്രയാണ്; വിശദാംശം നൽകുമോ;

മേൽ സ്ഥാപനങ്ങളിൽ നിന്നും വായ്പ സമാഹരിക്കുന്നതിന് നൽകിയിട്ടുള്ള കരാർ വ്യവസ്ഥകൾ എന്തെല്ലാമാണ്; വിശദാംശം ലഭ്യമാക്കുമോ?

സംസ്ഥാനത്ത് അവശ ജനവിഭാഗങ്ങള്‍ക്കായി ഏതൊക്കെെ തരത്തിലുള്ള ക്ഷേമ പെന്‍ഷനുകളാണ് നിലവിലുള്ളത്; ഓരോ പെന്‍ഷന്റെയും വിശദാംശങ്ങള്‍ ലഭ്യമാക്കാമോ;

സംസ്ഥാന സര്‍ക്കാരിന്റെ വിവിധ ക്ഷേമ പെന്‍ഷനുകളില്‍ കേന്ദ്ര വിഹിതം എത്രയാണെന്ന് വിശദമാക്കാമോ;

എത്ര ലക്ഷം പേര്‍ക്കാണ് നിലവില്‍ ക്ഷേമ പെന്‍ഷന്‍ വിതരണം ചെയ്യുന്നത്; ക്ഷേമ പെന്‍ഷന്‍ ലഭിക്കുന്നതിനായി 2021-ന് ശേഷം എത്ര അപേക്ഷകളാണ് ലഭിച്ചിട്ടുള്ളതെന്നും ലഭിച്ച എല്ലാ അപേക്ഷകളും തീര്‍പ്പാക്കാന്‍ കഴിഞ്ഞിട്ടുണ്ടോയെന്നും വിശദമാക്കാമോ?

സാമൂഹ്യ സുരക്ഷാ പെന്‍ഷന്‍ അനര്‍ഹമായി കൈപ്പറ്റിയ സര്‍ക്കാര്‍ ജീവനക്കാരില്‍ നിന്നും പതിനെട്ട് ശതമാനം പിഴപ്പലിശ സഹിതം തുക തിരിച്ചുപിടിക്കാന്‍ ഉത്തരവ് പുറപ്പെടുവിച്ചതിന്‍ പ്രകാരം ആകെ എത്ര രൂപ തിരികെ ലഭിച്ചുവെന്ന് അറിയിക്കാമോ; കൈപ്പറ്റിയ പെന്‍ഷന്‍, പലിശ സഹിതം തിരിച്ചടച്ച തുക എന്നിവ സംബന്ധിച്ച വിവരം വകുപ്പ് തിരിച്ച് ലഭ്യമാക്കാമോ?

പത്താം ധനകാര്യ കമ്മീഷന്‍ കാലയളവില്‍നിന്നും പതിനഞ്ചാം ധനകാര്യ കമ്മീഷന്‍ കാലയളവിലെത്തി നില്‍ക്കുമ്പോള്‍ കേന്ദ്ര നികുതിയില്‍ സംസ്ഥാനത്തിന് അനുവദിച്ച വിഹിതത്തില്‍ ഉണ്ടായിട്ടുള്ള കുറവ് എത്രയാണ്; വ്യക്തമാക്കുമോ;

ധനകാര്യ കമ്മീഷനുകളില്‍നിന്നും അര്‍ഹിക്കുന്ന പരിഗണന ലഭിക്കാത്ത പശ്ചാലത്തില്‍ സംസ്ഥാനം നേരിടുന്ന പ്രശ്നങ്ങള്‍ പതിനാറാം ധനകാര്യ കമ്മീഷന്‍ മുമ്പാകെ സമഗ്രമായി അവതരിപ്പിക്കാന്‍ കഴിഞ്ഞിട്ടുണ്ടോയെന്ന് അറിയിക്കുമോ;

സംസ്ഥാനത്തിനുള്ള വിഹിതത്തില്‍ കുറവ് വരുത്തുന്നതിന് ഇടയാക്കിയിട്ടുള്ള പതിനഞ്ചാം ധനകാര്യ കമ്മീഷന്‍ മാനദണ്ഡങ്ങള്‍ എന്തൊക്കെയാണ്; ഇവ തിരുത്തണമെന്ന് ആവശ്യപ്പെട്ടിട്ടുണ്ടോ; വിശദമാക്കുമോ?

നടപ്പു സാമ്പത്തിക വര്‍ഷാരംഭത്തിൽ വിവിധ നികുതി ഇനങ്ങളില്‍ പിരിച്ചെടുക്കാന്‍ ബാക്കിയുണ്ടായിരുന്ന തുക എത്രയാണ്; ഇനം തിരിച്ച് വിവരം ലഭ്യമാക്കുമോ;

ഈ വര്‍ഷം അധിക നികുതി, ഫീസ്, മറ്റിനങ്ങളിലായി അധിക വിഭവ സമാഹരണമായി ലക്ഷ്യമിട്ട തുക എത്രയാണെന്ന് വ്യക്തമാക്കുമോ;

ഈ സാമ്പത്തിക വര്‍ഷം നാളിതുവരെ പിരിച്ചെടുത്ത വിവിധ ഇനങ്ങളിലെ കുടിശ്ശിക എത്ര; ഇനി പിരിച്ചെടുക്കാൻ ബാക്കിയുള്ളത് എത്ര; അധിക വിഭവ സമാഹരണമായി ലക്ഷ്യമിട്ടതില്‍ നാളിതുവരെ എത്ര തുക ലഭിച്ചിട്ടുണ്ട്; വിശദമാക്കുമോ?

പെട്രോള്‍, ഡീസല്‍ വില വര്‍ദ്ധനവിലൂടെ നികുതി ഇനത്തില്‍ 2016 മേയ് മുതല്‍ ലഭിച്ച അധിക വരുമാനം എത്ര; വിശദമാക്കാമോ;

അടിക്കടിയുള്ള പെട്രോള്‍, ഡീസല്‍ ഉല്പന്നങ്ങളുടെ വില വര്‍ദ്ധനവിലൂടെ ജനങ്ങള്‍ക്ക് പ്രയാസങ്ങള്‍ നേരിടുന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

പ്രസ്തുത പ്രയാസങ്ങള്‍ കണക്കിലെടുത്ത് സംസ്ഥാനത്തിന് ലഭിക്കുന്ന അധിക നികുതി വരുമാനം ഒഴിവാക്കാന്‍ തയ്യാറാകുമോ; വിശദമാക്കാമോ?

2023-24 സാമ്പത്തിക വർഷത്തിലും നടപ്പ് സാമ്പത്തിക വർഷത്തിൽ നാളിതുവരെയും വിനോദസഞ്ചാരമേഖലയിൽ നിന്നും ലോട്ടറി വിൽപ്പനയിൽ നിന്നും മദ്യ വിൽപ്പനയിൽ നിന്നും ലഭിച്ച നികുതി, നികുതിയേതര വരുമാനം എത്രയാണെന്ന് ഇനം തിരിച്ച് വ്യക്തമാക്കുമോ;

2016 മുതല്‍ നാളിതുവരെ മദ്യത്തില്‍ നിന്നുമുളള വരുമാനവും ലോട്ടറി വിറ്റുവരവും ലോട്ടറി അസ്സല്‍ വരുമാനവും എത്രയാണെന്ന് വെളിപ്പെടുത്താമോ;

2016 മുതല്‍ മുതല്‍ നാളിതുവരെ ലോട്ടറിയില്‍ നിന്നുളള അറ്റാദായം റവന്യൂ വരുമാനത്തിന്റെ എത്ര ശതമാനമാണെന്ന് വിശദമാക്കാമോ;

ലോട്ടറിയിൽ നിന്നും മദ്യത്തില്‍ നിന്നുമുളള വരുമാനം റവന്യൂ വരുമാനത്തിന്റെ എത്ര ശതമാനമാണെന്ന് അറിയിക്കാമോ?

കാര്യക്ഷമമായ പരിശോധനകള്‍ ഇല്ലാത്തതിനാൽ അന്തർസംസ്ഥാന ചരക്കുനീക്കത്തിൽ വ്യാപകമായ നികുതി വെട്ടിപ്പ് നടക്കുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

സംസ്ഥാനത്ത് വാണിജ്യ നികുതി ചെക്ക് പോസ്റ്റുകള്‍ പൂര്‍ണ്ണമായി നിര്‍ത്തലാക്കിയിട്ടുണ്ടോ; എങ്കില്‍ നികുതി വെട്ടിപ്പ് തടയാൻ സംസ്ഥാനാതിർത്തികളിൽ ഏർപ്പെടുത്തിയിരിക്കുന്ന പുതിയ സംവിധാനങ്ങൾ എന്തെല്ലാമാണെന്ന് അറിയിക്കുമോ;

നികുതി വെട്ടിപ്പ് തടയുന്നതിനായുള്ള ഇ-വേ ബിൽ ഏതെല്ലാം മേഖലകളില്‍ ഏര്‍പ്പെടുത്തിയിട്ടുണ്ട്; ആയതിന്റെ പുരോഗതി വിശദമാക്കുമോ;

ചെക്ക് പോസ്റ്റുകളില്‍ കഴിഞ്ഞ ആറ് മാസത്തിനുള്ളിൽ പരിശോധന നടത്തിയിരുന്നോ; എങ്കില്‍ വിശദാംശം നല്‍കുമോ?

സംസ്ഥാനത്തോട് രാഷ്ട്രീയമായി പക പോക്കുന്നതിനും സാമ്പത്തിക ദുരിതം മൂര്‍ച്ഛിപ്പിച്ച് ഉദാരവത്ക്കരണ നയത്തിലേയ്ക്ക് സംസ്ഥാനത്തെ തള്ളി വിടുന്നതിനുമായി കേന്ദ്രം ഏര്‍പ്പെടുത്തിയിട്ടുള്ളതായി പറയപ്പെടുന്ന ഉപരോധത്തിലും ജനങ്ങളുടെ വാങ്ങല്‍ ശേഷി വളര്‍ത്തുന്നതിനും സംസ്ഥാനത്തിന്റെ മൊത്തം ആഭ്യന്തര ഉത്പാദനം വര്‍ദ്ധിപ്പിക്കുന്നതിനും സര്‍ക്കാരിന്റെ ഇടപെടലുകള്‍ക്ക് കഴിഞ്ഞിട്ടുണ്ടോ; വിശദമാക്കുമോ;

സാമ്പത്തിക വികസനത്തിനുള്ള ഉറപ്പായ മാര്‍ഗ്ഗമെന്ന നിലയില്‍ ജനങ്ങളുടെ വാങ്ങല്‍ ശേഷി വര്‍ദ്ധിപ്പിക്കുന്നതിനായി നടത്തിയിട്ടുള്ള പ്രവര്‍ത്തനങ്ങള്‍ വിശദമാക്കുമോ;

ധനദൃഢീകരണ പ്രവര്‍ത്തനങ്ങളിലൂടെ സംസ്ഥാനത്തിന്റെ വായ്പ - വരുമാന അനുപാതം സര്‍ക്കാര്‍ ലക്ഷ്യമിട്ട നിലയില്‍ എത്തിക്കുന്നതിന് സാധിച്ചിട്ടുണ്ടോ; വിശദാംശം നല്‍കുമോ?

പ്രളയ സെസ്സിലൂടെ ലഭിച്ച വരുമാനത്തിന്റെ വര്‍ഷം തിരിച്ചുള്ള കണക്കും അതിന്റെ വിനിയോഗ വിശദാംശങ്ങളും അറിയിക്കാമോ;

രണ്ട് രൂപയുടെ അധിക സെസ്സിലൂടെ ലഭിച്ച വരുമാനത്തിന്റെ നാളിതുവരെയുള്ള വര്‍ഷം തിരിച്ചുള്ള കണക്ക് ലഭ്യമാക്കാമോ;

സംസ്ഥാനത്തിന്റെ കഴിഞ്ഞ നാല് വര്‍ഷത്തെ പൊതുകടം, ആളോഹരി കടം, ധനക്കമ്മി, തനത് നികുതി വരുമാനം, കേന്ദ്ര ഗ്രാന്റ്/നികുതി ഇനത്തിലുള്ള വിഹിതം എന്നിവ സംബന്ധിച്ച കണക്കുകള്‍ ലഭ്യമാക്കാമോ;

ജി.എസ്.ടി. വകുപ്പ് പിരിച്ചെടുക്കാനുള്ള നികുതി കുടിശ്ശികയുടെ വിശദാംശങ്ങള്‍ അറിയിക്കാമോ;

റിസ്സര്‍വ് ബാങ്കില്‍ നിന്നും വെയ്‌സ് ആന്റ് മീന്‍സ് അഡ്വാന്‍സായി കഴിഞ്ഞ നാല് വര്‍ഷം എടുത്ത തുകയുടെ വിശദാംശങ്ങള്‍ ലഭ്യമാക്കാമോ;

സംസ്ഥാനത്തിന്റെ വെയ്സ് ആന്റ് മീന്‍സ് അഡ്വാന്‍സ് പരിധി റിസര്‍വ്വ് ബാങ്ക് ഉയർത്തിയിട്ടുണ്ടോ; എങ്കില്‍ വിശദാംശങ്ങള്‍ അറിയിക്കാമോ?

2016 മുതൽ 2021 വരെ ധനകാര്യ ഇന്‍സ്‌പെക്ഷന്‍ വിഭാഗത്തിന്റെ പരിശോധനയക്ക് വിധേയമായ വകുപ്പുകള്‍/മേഖലകള്‍ ഏതൊക്കെയെന്ന് വെളിപ്പെടുത്താമോ;

അവയില്‍ പൂർത്തിയായ പരിശോധനാ റിപ്പോർട്ടുകളുടെ പകർപ്പ് ലഭ്യമാക്കാമോ?

കേരള സ്റ്റേറ്റ് റോഡ് ട്രാന്‍സ്പോർട്ട് കോർപ്പറേഷന് സര്‍ക്കാര്‍ കഴിഞ്ഞ വര്‍ഷം ലഭ്യമാക്കിയ സഹായങ്ങള്‍ എന്തൊക്കെയെന്ന് വിശദമാക്കാമോ;

കേരള സ്റ്റേറ്റ് റോഡ് ട്രാന്‍സ്പോർട്ട് കോർപ്പറേഷന്‍ ജീവനക്കാര്‍ക്ക് ശമ്പളം നല്‍കുന്നതിനായി സര്‍ക്കാര്‍ സഹായം ലഭ്യമാക്കുന്നുണ്ടോ; ഉണ്ടെങ്കില്‍ എത്രയെന്ന് വിശദമാക്കാമോ;

പ്രസ്തുത കോർപ്പറേഷനിലെ പെന്‍ഷന്‍കാര്‍ക്ക് പെന്‍ഷന്‍ നല്‍കുന്നതിനായി സര്‍ക്കാര്‍ സഹായം ലഭ്യമാക്കുന്നുണ്ടോ; എങ്കില്‍ എത്രയെന്ന് വിശദമാക്കാമോ?

പൊതുമേഖലാ സ്ഥാപനങ്ങള്‍, സ്വയംഭരണ സ്ഥാപനങ്ങള്‍ എന്നിവ ഉള്‍പ്പെടെയുള്ള സ്ഥാപനങ്ങളില്‍ പരിശോധന നടത്താൻ ധനകാര്യ പരിശോധന വിഭാഗത്തിന് ചുമതല നൽകിക്കൊണ്ട് 2016 മേയ് മുതൽ നാളിതുവരെ പുറപ്പെടുവിച്ചിട്ടുള്ള സര്‍ക്കാര്‍ ഉത്തരവുകളുടെ പകര്‍പ്പുകള്‍ ലഭ്യമാക്കാമോ;

പ്രസ്തുത ഉത്തരവുകളില്‍ പ്രതിപാദിച്ചിരിക്കുന്നതനുസരിച്ച് ധനകാര്യ പരിശോധന വിഭാഗത്തിന്റെ പരിശോധനയ്ക്കായി സ്റ്റാന്‍ഡേര്‍ഡ് ഓപ്പറേറ്റിംഗ് പ്രൊസീജ്യര്‍ പുറപ്പെടുവിച്ചിട്ടുണ്ടോ; ഇല്ലെങ്കില്‍ ആയതിനുള്ള നടപടികള്‍ അടിയന്തരമായി സ്വീകരിക്കുമോ;

08/04/2022 തീയതിയിലെ സ.ഉ.(കൈ)നം.52/2022/പൊ.വി.വ ഉത്തരവ് പ്രകാരം പുറപ്പെടുവിച്ചിട്ടുള്ള സെക്രട്ടേറിയേറ്റ് ജീവനക്കാരുടെ സ്ഥലം മാറ്റത്തിനുള്ള വ്യവസ്ഥകള്‍ ലംഘിച്ച് ധനകാര്യ പരിശോധനാ വിഭാഗം ജില്ലാ സ്ക്വാഡുകളില്‍ 5 വര്‍ഷത്തിലേറെയായി ചില ജീവനക്കാര്‍ ഒരേ ഓഫീസില്‍ ജോലി ചെയ്യുന്നത് ശ്രദ്ധയിൽപ്പെട്ടിട്ടുണ്ടോ; ആയത് അഴിമതിക്ക് വഴിതെളിക്കുമെന്നതിനാലും ചട്ടവിരുദ്ധമായതിനാലും മേല്‍ ഉത്തരവ് പ്രകാരമുള്ള നടപടി സ്വീകരിക്കുമോ;

സ്പാര്‍ക്ക് സോഫ്റ്റ്‌വെയറിലെ ക്രമക്കേടുമായി ബന്ധപ്പെട്ട് സ്പാര്‍ക്ക് പി.എം.യു. വകുപ്പും ധനകാര്യ പരിശോധനാ വിഭാഗവും തിരുവനന്തപുരം ഗവൺമെൻറ് മെഡിക്കല്‍ കോളേജിൽ ഉള്‍പ്പെടെ 2016 മുതല്‍ നടത്തിയിട്ടുള്ള പരിശോധനാ റിപ്പോര്‍ട്ടുകളുടെ പകര്‍പ്പുകള്‍ ലഭ്യമാക്കാമോ;

പ്രസ്തുത പരിശോധനയില്‍ കണ്ടെത്തിയ ക്രമക്കേടുകളിന്മേല്‍ സ്വീകരിച്ച നടപടിയുടെ വിശദാംശം ലഭ്യമാക്കാമോ?

സംസ്ഥാന സർക്കാരിന് കീഴിലെ വിവിധ സ്ഥാപനങ്ങളിലും വകുപ്പുകളിലുമായി 25.05.2016 മുതൽ താല്‍കാലിക അടിസ്ഥാനത്തിലും കരാർ അടിസ്ഥാനത്തിലും എത്ര ജീവനക്കാർ ജോലി ചെയ്യുന്നുണ്ടെന്നും അവരുടെ സേവനത്തിനായി ആകെ എത്ര രൂപ ചെലവഴിച്ചിട്ടുണ്ടെന്നും വ്യക്തമാക്കാമോ;

പ്രസ്തുത ജീവനക്കാരിൽ നിലവിൽ തുടർച്ചയായോ അല്ലാതെയോ അഞ്ച് വർഷത്തിൽ കൂടുതലായി ജോലി ചെയ്യുന്ന എത്ര ജീവനക്കാരുണ്ട്; ജില്ല, വകുപ്പ് എന്നിവ തിരിച്ച് വിശദാംശം അറിയിക്കുമോ?

എം.എല്‍.എ ഫണ്ട് ഉപയോഗിച്ച് നിര്‍മ്മിക്കുന്ന റോഡുകളില്‍ ടൈൽ വിരിക്കാൻ ധനകാര്യ വകുപ്പിൽ നിന്നും പ്രത്യേക അനുമതി ലഭ്യമാക്കേണ്ടതിനാല്‍ പല റോഡുകളുടെ പ്രവൃത്തിയും തുടങ്ങുന്നതിന് വളരെയധികം കാലതാമസം നേരിടുന്നത് പരിഹരിക്കാന്‍ എന്തെല്ലാം നടപടികളാണ് കൈക്കൊണ്ടിട്ടുള്ളത് എന്ന് വ്യക്തമാക്കാമോ;

എം.എല്‍.എ ഫണ്ട് ഉപയോഗിച്ച് നിര്‍മ്മിക്കുന്ന ഓരോ റോഡിനും പ്രത്യേകം പ്രത്യേകം അനുമതി നൽകുന്നതിന് പകരം ഒരു സാമ്പത്തിക വർഷം ടൈൽ വിരിക്കുന്നതിനുള്ള മൊത്തം റോഡുകളുടെയും എണ്ണം എടുത്ത് ഒരുമിച്ച് അനുമതി നൽക്കുന്നതിന് നടപടി സ്വീകരിക്കാമോ?

ഹൈക്കോടതിയുടെ നിർദ്ദേശപ്രകാരം എറണാകുളം എം.ജി. റോഡിലെ വെള്ളക്കെട്ട് ഒഴിവാക്കുന്നതിനു വേണ്ടി 2024-25 സാമ്പത്തിക വർഷത്തെ മരാമത്ത് പണികളുമായി ബന്ധപ്പെട്ട ബ‍ജറ്റിൽ ഉൾപ്പെടുത്തിയിരുന്ന കാന നിർമിക്കുന്ന പ്രവൃത്തിയ്ക്ക് ധനകാര്യ വകുപ്പിൽ നിന്നും അനുമതി ലഭ്യമായിട്ടുണ്ടോ എന്ന് അറിയിക്കാമോ; ഇല്ലെങ്കിൽ അനുമതി വൈകുന്നതിന് കാരണമെന്തെന്ന് അറിയിക്കാമോ; വിശദാംശം നൽകാമോ?

അഭിഭാഷക ക്ഷേമനിധി തുക 10 ലക്ഷത്തില്‍ നിന്നും 20 ലക്ഷം രൂപയാക്കി ഉയര്‍ത്തണം എന്ന കേരള ബാര്‍ കൗണ്‍സിലിന്റെ നിര്‍ദ്ദേശം ധനകാര്യ വകുപ്പില്‍ ലഭ്യമായിട്ടുണ്ടോ; ഇതിന്മേല്‍ സ്വീകരിച്ച നടപടികള്‍ വിശദമാക്കുമോ?

സംസ്ഥാനത്ത് ധനകാര്യ വകുപ്പിന്റെ ഉത്തരവിന്റെ അടിസ്ഥാനത്തില്‍ വിവിധ സര്‍ക്കാര്‍ പ്രവര്‍ത്തികളുടെ നിര്‍വ്വഹണത്തിനായി അംഗീകാരം ലഭിച്ചിട്ടുളള പി.എം.സി(പ്രോജെക്ട് മാനേജ്‌മെന്റ് കൺസൾട്ടൻസി ), നോണ്‍ പി.എം.സി. വിഭാഗത്തില്‍പ്പെടുന്ന അക്രഡിറ്റഡ് ഏജന്‍സികളുടെ വിശദാംശങ്ങളും ഈ ഏജന്‍സികള്‍ക്ക് നിര്‍വ്വഹിക്കാന്‍ അനുമതി നല്‍കിയിട്ടുള്ള പ്രവര്‍ത്തികളുടെ വിശദാംശങ്ങളും ലഭ്യമാക്കാമോ;

ഈ അക്രെഡിറ്റഡ് ഏജന്‍സികളുടെ പ്രവര്‍ത്തനവും അവര്‍ നിര്‍വ്വഹിക്കുന്ന വര്‍ക്കുകളുടെ ഗുണപരതയും വിലയിരുത്തുന്നതിനും പരിശോധിക്കുന്നതിനുമായി നിലവില്‍ ഏര്‍പ്പെടുത്തിയിട്ടുള്ള സംവിധാനങ്ങളും വ്യവസ്ഥാ ക്രമീകരണങ്ങളും സര്‍ക്കാര്‍ മാര്‍ഗ്ഗനിര്‍ദേശങ്ങളും എന്തെല്ലാമാണെന്ന് വിശദമാക്കാമോ?

കോവിഡ് കാലയളവിൽ കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് വിപണി വിലയേക്കാൾ കൂടിയ വിലയ്ക്ക് പി.പി.ഇ. കിറ്റുകൾ, മാസ്ക്, തെർമൽ സ്കാനർ, ഗ്ലൗസ് എന്നിവ വാങ്ങിയതിലെ ക്രമക്കേട് സംബന്ധിച്ച ധനകാര്യവകുപ്പ് പരിശോധനാ വിഭാഗത്തിന്റെ അന്വേഷണ റിപ്പോർട്ടിന്റെ പകർപ്പ് ലഭ്യമാക്കാമോ?

2023-24 വര്‍ഷത്തെ ബജറ്റില്‍ രണ്ട് കോടി രൂപ വകയിരുത്തിയിട്ടുള്ള പാലപ്പുറം കേന്ദ്രീയ വിദ്യാലയം റോഡ് നവീകരണ പ്രവൃത്തിയ്ക്ക് (ഫയല്‍ നമ്പര്‍ ഡി3/153/2024/ധന - കമ്പ്യൂട്ടര്‍ നമ്പര്‍ 2897827/തസ്വഭവ) ഭരണാനുമതി ലഭിച്ചിട്ടുണ്ടോ;

തദ്ദേശ സ്വയംഭരണ വകുപ്പില്‍ നിന്നും പ്രസ്തുത ഫയല്‍ ഭരണാനുമതിയ്ക്കായി എന്നാണ് ധനകാര്യ വകുപ്പില്‍ എത്തിയത്;

പ്രസ്തുത പ്രവൃത്തിയ്ക്ക് ഭരണാനുമതി ലഭിച്ചിട്ടുണ്ടെങ്കില്‍ ആയതിന്റെ പകര്‍പ്പ് ലഭ്യമാക്കാമോ; ഭരണാനുമതി ലഭിച്ചിട്ടില്ലെങ്കില്‍ എന്നത്തേയ്ക്ക് ഭരണാനുമതി ലഭിയ്ക്കുമെന്ന് വിശദമാക്കാമോ?

എയ്ഡഡ് സ്ക്കൂളുകളിലെ കെട്ടിടനിർമ്മാണത്തിന് ഫണ്ട് അനുവദിക്കുന്നതിനുള്ള ചാലഞ്ച് ഫണ്ട് പദ്ധതിയിൽ ഹൈസ്ക്കൂൾ വിഭാഗം വരെയുള്ള സ്ക്കൂളുകൾക്ക് ഫണ്ട് അനുവദിക്കുന്ന തോതിൽ വ്യക്തത വരുത്തണമെന്നാവശ്യപ്പെട്ടുള്ള ഫയൽ ധനകാര്യ വകുപ്പിന്റെ പരിശോധനയിലുണ്ടോ; വിശദമാക്കുമോ;

ഫയലിന്മേൽ അടിയന്തരമായി തീർപ്പ് കൽപ്പിക്കുന്നതിന് നടപടികൾ സ്വീകരിക്കുമോ; വ്യക്തമാക്കാമോ?

സംസ്ഥാനത്ത് പ്രവൃത്തികൾ നിര്‍വ്വഹിച്ച ഇനത്തില്‍ കരാറുകാര്‍ക്ക് നല്‍കാനുള്ള കുടിശ്ശിക തുകയുടെ ഇനം തിരിച്ചുള്ള വിശദാംശങ്ങള്‍ നല്‍കാമോ;

എം.എല്‍.എ. ആസ്തി വികസന ഫണ്ട്, പ്രത്യേക വികസന നിധി എന്നീ പദ്ധതികള്‍ പ്രകാരം പ്രവൃത്തികൾ നിര്‍വ്വഹിച്ച ഇനത്തില്‍ എത്ര രൂപയുടെ കുടിശ്ശികയാണ് കരാറുകാര്‍ക്ക് നല്‍കാനുള്ളത്;

ഏത് തീയതി വരെയുള്ള കുടിശ്ശിക ബില്ലുകളാണ് ഈ ഇനത്തില്‍ അവസാനം തീര്‍പ്പാക്കിയിട്ടുള്ളത്/പാസ്സാക്കിയിട്ടുള്ളതെന്ന് വ്യക്തമാക്കാമോ?

കോവിഡ് കാലയളവിൽ കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് വിപണിവിലയേക്കാൾ കൂടിയ വിലയ്ക്ക് പി.പി.ഇ. കിറ്റുകൾ, മാസ്ക്, തെർമൽ സ്കാനർ, ഗ്ലൗസ് എന്നിവ വാങ്ങിയതിലെ ക്രമക്കേട് സംബന്ധിച്ച് ധനകാര്യവകുപ്പ് പരിശോധനാവിഭാഗം നടത്തിയ അന്വേഷണം ഏതു ഘട്ടത്തിലാണെന്ന് അറിയിക്കുമോ;

പ്രസ്തുത അന്വേഷണം പൂർത്തീകരിച്ചിട്ടുണ്ടോ; എങ്കിൽ പ്രധാന കണ്ടെത്തലുകൾ എന്തൊക്കെയാണെന്ന് വ്യക്തമാക്കുമോ;

അന്വേഷണം അനന്തമായി നീളുന്നത് അഴിമതി നടത്തിയവരെ സംരക്ഷിക്കുന്നതിനാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ?

സാമ്പത്തിക പ്രതിസന്ധി കാരണം ന്യൂനപക്ഷ സ്കോളർഷിപ്പ് തുക വെട്ടിച്ചുരുക്കിയിട്ടുണ്ടോ; അറിയിക്കുമോ;

എങ്കിൽ ഏതൊക്കെ ന്യൂനപക്ഷ സ്കോളർഷിപ്പ് എത്ര ശതമാനം തുക വെട്ടിക്കുറച്ചിട്ടുണ്ടെന്ന് വ്യക്തമാക്കാമോ?

എറണാകുളം നിയോജക മണ്ഡലത്തെയും കളമശ്ശേരി നിയോജക മണ്ഡലത്തെയും തമ്മിൽ ബന്ധിപ്പിക്കുന്ന ചേരാനല്ലൂർ - ഏലൂർ ചൗക്ക പാലം നിര്‍മ്മാണ പ്രവൃത്തിക്ക് ധനവകുപ്പിൽ നിന്നും അനുമതി ലഭ്യമാക്കിയിട്ടുണ്ടോ; വിശദാംശങ്ങൾ ലഭ്യമാക്കുമോ?

സംസ്ഥാനത്ത് കരാറുകാർക്ക് നൽകാനുള്ള ബിൽ തുകയിൽ കുടിശികയുണ്ടോയെന്ന് വ്യക്തമാക്കാമോ; എങ്കിൽ കുടിശിക എത്രയാണെന്ന് ജില്ലതിരിച്ച് വ്യക്തമാക്കാമോ;

എത്രകാലമായിട്ടാണ് ഈ കുടിശ്ശികയുള്ളതെന്ന് വ്യക്തമാക്കാമോ;

ഒരു കോടി രൂപയിലധികം കുടിശികയായിട്ടുള്ള കരാറുകാർ എത്രയുണ്ടെന്ന് ജില്ല തിരിച്ചു വ്യക്തമാക്കാമോ;

ഏതെല്ലാം വിഭാഗത്തിൽപ്പെട്ട കരാറുകാർക്കാണ് കുടിശ്ശികയുള്ളതെന്ന് ജില്ല തിരിച്ച് വ്യക്തമാക്കാമോ?

കോവിഡ് കാലയളവിൽ കേരള മെഡിക്കൽ സർവീസസ് കോർപ്പറേഷൻ ലിമിറ്റഡ് വിപണി വിലയേക്കാൾ കൂടിയ വിലയ്ക്ക് പി.പി.ഇ. കിറ്റുകൾ, മാസ്ക്, തെർമൽ സ്കാനർ, ഗ്ലൗസ് എന്നിവ വാങ്ങിയതിലെ ക്രമക്കേട് സംബന്ധിച്ച് ധനകാര്യവകുപ്പ് പരിശോധനാ വിഭാഗത്തിന്റെ അന്വേഷണം ആവശ്യപ്പെട്ടുകൊണ്ട് ആരോഗ്യ വകുപ്പ് ധനവകുപ്പിന് നൽകിയ ആരോഗ്യം-B3/312/2021-ആരോഗ്യം എന്ന കത്തിന്റെ പകർപ്പ് ലഭ്യമാക്കാമോ?

സാമ്പത്തിക ക്ലേശത്തിനിടയിലും ക്ഷേമപെന്‍ഷന്‍ അനുവദിക്കുന്നതിന് സര്‍ക്കാരിന് കഴിഞ്ഞിട്ടുണ്ടോ; വിശദാംശം നല്‍കുമോ;

സംസ്ഥാനത്ത് എല്ലാ വര്‍ഷവും ക്ഷേമപെന്‍ഷന്‍ ഗുണഭോക്താക്കള്‍ക്ക് മസ്റ്ററിംഗ് നിര്‍ബന്ധമാക്കിയിട്ടുണ്ടോ; ക്ഷേമപെന്‍ഷന്‍ വിതരണം കുറ്റമറ്റതാക്കുന്നതിന് നിലവിലെ മസ്റ്ററിംഗ് സംവിധാനം കൂടുതല്‍ മെച്ചപ്പെടുത്തുമോ; വിശദമാക്കുമോ;

അനധികൃതമായി ക്ഷേമപെന്‍ഷന്‍ കൈപ്പറ്റിയവരില്‍നിന്നും പ്രസ്തുത തുക തിരിച്ചുപിടിക്കുന്നതിന് സ്വീകരിച്ചുവരുന്ന നടപടികള്‍ വിശദീകരിക്കുമോ?

2023-24 വര്‍ഷത്തെ ബജറ്റില്‍ 20 ശതമാനം തുക അനുവദിച്ച കുന്നത്ത്നാട് മണ്ഡലത്തിലെ ജി.എച്ച്.എസ്.എസ്. മുടിക്കല്‍ സ്കൂളിന്റെ കെട്ടിട നിർമ്മാണത്തിനുള്ള മൂന്ന് കാേടി രൂപയുടെ പ്രാെപ്പാേസലിന്റെ നിലവിലെ സ്ഥിതി വ്യക്തമാക്കാമാേ;

പ്രസ്തുത പ്രവൃത്തിക്ക് എന്തുകൊണ്ടാണ് ഭരണാനുമതി വെെകുന്നതെന്ന് വ്യക്തമാക്കാമാേ;

പ്രസ്തുത ബജറ്റ് പ്രവര്‍ത്തിയുമായി ബന്ധപ്പെട്ട് ധനകാര്യ വകുപ്പിലുള്ള ഫയല്‍ നമ്പറും ഫയലില്‍ വകുപ്പ് നാളിതുവരെ സ്വീകരിച്ച നടപടികളും വിശദമാക്കാമാേ;

പ്രസ്തുത പ്രവൃത്തിയ്ക്ക് വേഗത്തില്‍ ഭരണാനുമതി ലഭ്യമാക്കുന്നതിനുള്ള നടപടി സ്വീകരിക്കുമാേ; വിശദമാക്കാമാേ?

കോതമംഗലം മണ്ഡലത്തില്‍ കിഫ്ബി പദ്ധതിയായി നടപ്പിലാക്കാന്‍ തീരുമാനിച്ചിട്ടുള്ള തങ്കളം-കാക്കനാട് നാലുവരിപ്പാതയുടെ നിലവിലെ സ്ഥിതി വ്യക്തമാക്കുമോ;

പ്രസ്തുത പ്രവൃത്തി സാങ്കേതിക തടസ്സങ്ങള്‍ നീക്കി വേഗത്തില്‍ പൂർത്തിയാക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തിയതും നാഷണല്‍ ഹെെവേ 66 ക്രോസ് ചെയ്ത് കടന്നുപോകുന്നതുമായ മാത്ര - പാലാഴി - കുടിക്കാട്ടൂര്‍ റോഡിന്റെ മുഴുവന്‍ ഭാഗത്തിന്റെയും വീതി കൂട്ടുന്നതിന് സ്ഥലം ഏറ്റെടുക്കാന്‍ കിഫ്ബി ധനകാര്യ അനുമതി നല്‍കിയിട്ടുണ്ടോ; ഇക്കാര്യത്തില്‍ സ്വീകരിച്ചുവരുന്ന നടപടികള്‍ വിശദമാക്കാമോ?

ആറ്റിങ്ങല്‍ മണ്ഡലത്തിലെ സ്കൂളുകളുടെ നവീകരണത്തിനായി എത്ര രൂപയാണ് കിഫ്ബി അനുവദിച്ചിട്ടുളളതെന്ന് വ്യക്തമാക്കുമോ;

ഓരോ പ്രവൃത്തിയുടെയും നിലവിലെ സ്ഥിതി വിശദമാക്കുമോ?

കിഫ്ബി പദ്ധതിയില്‍ ഉള്‍പ്പെടുത്തി ഭരണാനുമതി നല്‍കിയ പയ്യന്നൂര്‍ മണ്ഡലത്തിലെ പാലക്കോട് - എട്ടിക്കുളം ഹെെസ്കൂള്‍ റോഡ് പ്രവൃത്തിയ്ക്ക് കിഫ്ബിയില്‍ നിന്നും ഭരണാനുമതി ലഭിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വിശദമാക്കാമോ?

കിഫ്ബി പദ്ധതിയില്‍ ഉള്‍പ്പെടുത്തി 5 കോടി രൂപയ്ക്ക് ഭരണാനുമതി ലഭിച്ച കടപ്പുറം വൊക്കേഷണല്‍ ഹയര്‍ സെക്കണ്ടറി സ്കൂള്‍ കെട്ടിട നിര്‍മ്മാണത്തിന്റെ നിലവിലെ സ്ഥിതി വ്യക്തമാക്കാമോ;

റവന്യൂ വകുപ്പില്‍ നിന്നും കടപ്പുറം വൊക്കേഷണല്‍ ഹയര്‍ സെക്കണ്ടറി സ്കൂളിന് സ്ഥലം അനുവദിച്ച സാഹചര്യത്തില്‍ എസ്.പി.വി. ആയ തീരദേശ വികസന കോര്‍പ്പറേഷന്‍ ഡി.പി.ആർ. തയ്യാറാക്കി സമര്‍പ്പിച്ചിട്ടുണ്ടോ; വിശദമാക്കാമോ?

കിഫ്ബി ഫണ്ട് അനുവദിച്ച മൊകേരി കോളേജിലെ ലേഡീസ് ഹോസ്റ്റല്‍ നിര്‍മ്മാണ പ്രവ‍ൃത്തിയുടെ നിലവിലെ അവസ്ഥ അറിയിക്കാമോ;

പ്രസ്തുത നിര്‍മ്മാണത്തിന് സമര്‍പ്പിച്ച ഡി.പി.ആര്‍. പ്രകാരം പ്രവ‍ൃത്തി എന്നാണ് ആരംഭിക്കാന്‍ സാധിക്കുക എന്നും ഫൗണ്ടേഷന്‍ സംബന്ധിച്ച പ്രശ്നങ്ങള്‍ പരിഹരിച്ചിട്ടുണ്ടോ എന്നും വിശദമാക്കാമോ?

2017-18 ലെ ബജറ്റിൽ കിഫ്‌ബി വഴി തുക അനുവദിച്ച ചാത്തന്നൂർ നിയോജക മണ്ഡലത്തിലെ പരവൂർ തെക്കുംഭാഗം ഗവണ്മെന്റ് ഹയര്‍ സെക്കന്ററി സ്കൂളിന് കെട്ടിടം നിർമ്മിക്കുന്നതിനുള്ള വിശദമായ പദ്ധതി രേഖയ്ക്ക് കിഫ്‌ബി അനുമതി നൽകിയിട്ടുണ്ടോ; എങ്കിൽ അനുമതി ഉത്തരവിന്റെ പകർപ്പ് ലഭ്യമാക്കാമോ;

പ്രസ്തുത അനുമതി നല്കിയിട്ടില്ലെങ്കിൽ ആയതിന്റെ കാരണങ്ങൾ എന്തെല്ലാമെന്ന് വ്യക്തമാക്കാമോ?

കിഫ്ബി പദ്ധതി പ്രകാരം ഉടുമ്പന്‍ചോല മണ്ഡലത്തില്‍ അനുവദിച്ച വിവിധ വികസന പ്രവൃത്തികള്‍ സംബന്ധിച്ച വിശദാംശം നല്‍കാമോ;

ഓരോ പ്രവൃത്തിയും ഇപ്പോള്‍ ഏത് ഘട്ടത്തിലാണ്; ഓരോ പ്രവൃത്തിയുടെയും പേര്, വകുപ്പ്, നിലവിലെ അവസ്ഥ ഇവ സംബന്ധിച്ച വിശദാംശം നല്‍കാമോ?

മഞ്ചേശ്വരം നിയോജക മണ്ഡലത്തിലെ കിഫ്ബി പദ്ധതികൾ നിലവിൽ നിർവ്വഹണത്തിന്റെ ഏത് ഘട്ടങ്ങളിലാണെന്ന് വിശദമാക്കുമോ;

പ്രസ്തുത പദ്ധതികൾ എപ്പോൾ പൂർത്തിയാകുമെന്ന് വിശദമാക്കുമോ?

വൈപ്പിൻ മണ്ഡലത്തിലെ എളങ്കുന്നപ്പുഴയിലും കടമക്കുടിയിലുമുള്ള ഗവ. ഹയർ സെക്കന്ററി സ്ക്കൂളുകളില്‍ കിഫ്ബി ഫണ്ട് ഉപയോഗിച്ച് കില മുഖേന നടപ്പിലാക്കുന്ന കെട്ടിട നിർമ്മാണ പ്രവൃത്തികളുടെ പുരോഗതി അറിയിക്കാമോ;

പ്രസ്തുത നിർമ്മാണപ്രവൃത്തികളിലെ തടസ്സങ്ങൾ നീക്കുന്നതിന് കിഫ്ബി മുഖേന സ്വീകരിച്ചിട്ടുള്ള നടപടികൾ വിശദമാക്കാമോ?

നെയ്യാറ്റിന്‍കര നിയോജക മണ്ഡലത്തില്‍ ഏതൊക്കെ കിഫ്ബി പ്രവൃത്തികളാണ് പൂര്‍ത്തീകരിക്കേണ്ടതെന്ന് വിശദമാക്കാമോ;

ഓരോ പ്രവൃത്തികള്‍ക്കും അനുവദിച്ച തുക എത്രയെന്ന് വ്യക്തമാക്കാമോ?

കോട്ടക്കല്‍ മണ്ഡലത്തിൽ അനുവദിച്ച കിഫ്ബി പ്രവൃത്തികളിൽ നിര്‍മ്മാണം പൂർത്തിയാക്കാനുള്ള പ്രവൃത്തികളുടെ വിശദാംശങ്ങളും അവയുടെ നിലവിലെ സ്ഥിതിയും വിശദമാക്കാമോ; പ്രസ്തുത പ്രവൃത്തികൾ എപ്പോഴേക്ക് പൂർത്തിയാക്കാനാകുമെന്ന് അറിയിക്കാമോ;

ഭരണാനുമതി ലഭിച്ചിട്ടും നിര്‍മ്മാണ പ്രവൃത്തികള്‍ ആരംഭിച്ചിട്ടില്ലാത്ത പ്രവൃത്തികള്‍ ഏതൊക്കെയാണെന്നും പ്രവൃത്തികളുമായി ബന്ധപ്പെട്ട് അവശേഷിക്കുന്ന നടപടികള്‍ എന്തെല്ലാമാണെന്നും വ്യക്തമാക്കാമോ?

കിഫ്ബി ഫണ്ട് വിനിയോഗിച്ച് നടപ്പിലാക്കുന്ന മലമ്പുഴ മണ്ഡലത്തിലെ കഞ്ചിക്കോട് ഇന്‍‍ഡസ്ട്രിയല്‍ എസ്റ്റേറ്റ് - മൂപ്പന്‍ റോഡ് പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പദ്ധതിയുടെ നിര്‍മ്മാണം ആരംഭിക്കുന്നതിന് എന്തെങ്കിലും തരത്തിലുള്ള അനുമതി കിഫ്ബി നല്‍കേണ്ടതുണ്ടോ; വിശദാംശം അറിയിക്കാമോ?

ഈ സർക്കാരിന്റെ കാലത്ത് ചങ്ങനാശ്ശേരി മണ്ഡലത്തില്‍ കിഫ്ബി മുഖേന എത്ര കോടി രൂപയുടെ പദ്ധതികള്‍ക്കാണ് അനുമതി നല്‍കിയിട്ടുള്ളതെന്ന് വ്യക്തമാക്കുമോ;

ഓരോ പദ്ധതിയ്ക്കും അനുവദിച്ച തുക, അവയുടെ പുരോഗതി എന്നിവ വിശദമാക്കുമോ?

വര്‍ക്കല നിയോജക മണ്ഡലത്തില്‍ കിഫ്ബി ഫണ്ട് വിനിയോഗിച്ച് നിര്‍മ്മിക്കുന്ന സ്കൂള്‍ കെട്ടിടങ്ങളുടെ നിര്‍മ്മാണപുരോഗതി വിശദമാക്കാമോ?

മലമ്പുഴ മണ്ഡലത്തിലെ കഞ്ചിക്കോട് ഗവ. വൊക്കേഷണല്‍ ഹയർ സെക്കന്ററി സ്കൂളില്‍ കിഫ്ബി ഫണ്ട് വിനിയോഗിച്ചുള്ള കെട്ടിട നിര്‍മ്മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിക്കായി എത്ര രൂപയുടെ സാമ്പത്തികാനുമതിയാണ് കിഫ്ബി നല്‍കിയിട്ടുള്ളതെന്ന് വിശദമാക്കാമോ?

ഒരു കോടി രൂപയുടെ കിഫ്ബി ഫണ്ടുപയോഗിച്ച് നടപ്പിലാക്കുന്ന മലമ്പുഴ മണ്ഡലത്തിലെ പുതുപ്പരിയാരം സി.ബി.കെ.എം. ജി.എച്ച്.എസ്.എസ്. കെട്ടിട നിര്‍മാണ പ്രവൃത്തിയുടെ നിലവിലെ സ്ഥിതി അറിയിക്കാമോ;

പ്രസ്തുത പ്രവൃത്തിക്കായി എത്ര രൂപയുടെ സാമ്പത്തികാനുമതിയാണ് കിഫ്ബി നല്‍കിയിട്ടുളളതെന്ന് വിശദമാക്കാമോ?

കോതമംഗലം മണ്ഡലത്തില്‍ കിഫ്ബി പദ്ധതിയായി നടപ്പാക്കുന്ന പ്ലാമുടി-ഇരുമലപ്പടി റോഡ് (പ്ലാമുടി-ഊരംകുഴി റോഡ്) നവീകരണ പ്രവൃത്തിയുടെ നിലവിലെ സ്ഥിതി വ്യക്തമാക്കുമോ;

സാങ്കേതിക നടപടികള്‍ ത്വരിതഗതിയില്‍ പൂര്‍ത്തീകരിച്ച് പ്രസ്തുത പ്രവൃത്തി ആരംഭിക്കുന്നതിനുള്ള നടപടി സ്വീകരിക്കുമോ; വിശദമാക്കാമോ?

സംസ്ഥാനത്ത് വീര്യം കുറഞ്ഞ മദ്യം വിതരണം ചെയ്യുവാൻ അനുമതി തേടി ബക്കാഡി കമ്പനി അപേക്ഷ സമർപ്പിച്ചിരുന്നോയെന്ന് വ്യക്തമാക്കാമോ;

പ്രസ്തുത അപേക്ഷയിന്മേൽ വീര്യം കുറഞ്ഞ മദ്യത്തിനുള്ള നികുതി കുറച്ച് നൽകണമെന്ന് ആവശ്യപ്പെട്ടിട്ടുണ്ടോ; എങ്കിൽ ഈ ആവശ്യത്തിന്മേൽ നികുതി വകുപ്പ് കമ്മീഷണറും നികുതി സെക്രട്ടറിയും സമർപ്പിച്ച നിർദ്ദേശങ്ങൾ എന്തെല്ലാമാണെന്ന് വിശദമാക്കാമോ;

സർക്കാർ ഈ കാര്യത്തിൽ കൈക്കൊണ്ട നടപടിക്രമങ്ങൾ എന്തൊക്കെയാണെന്ന് വിശദമാക്കാമോ?

സംസ്ഥാനത്ത് വ്യാജ ജി.എസ്.ടി. രജിസ്ട്രേഷന്‍ ഉപയാേഗിച്ച് നികുതിവെട്ടിപ്പ് നടത്തുന്നതായി കണ്ടെത്തിയിട്ടുണ്ടാേ; എങ്കില്‍ ഇത്തരം തട്ടിപ്പിലൂടെയുണ്ടാകുന്ന വരുമാനച്ചോര്‍ച്ച കണക്കാക്കിയിട്ടുണ്ടാേ; വിശദാംശങ്ങൾ ലഭ്യമാക്കുമാേ;

ഇത്തരത്തിലുള്ള നികുതി വെട്ടിപ്പ് തടയാന്‍ എന്തെല്ലാം നടപടികള്‍ സ്വീകരിക്കാന്‍ ഉദ്ദേശിക്കുന്നുവെന്ന് വ്യക്തമാക്കുമാേ?

സംസ്ഥാനത്ത് ഫ്ലഡ് സെസ് ഇനത്തിൽ എത്ര രൂപ പിരിഞ്ഞ് കിട്ടിയിട്ടുണ്ടെന്ന് വ്യക്തമാക്കാമോ;

ഫ്ലഡ് സെസ് പ്രാബല്യത്തിൽ ഉണ്ടായിരുന്ന കാലയളവിൽ സംസ്ഥാനത്തെ ബി2ബി ടാക്സബിൾ ടേണോവർ എത്ര രൂപയായിരുന്നുവെന്ന വിവരം നൽകാമോ; പ്രസ്തുത കാലയളവിലെ റിട്ടേണുകൾ പരിശോധിച്ചപ്പോൾ ഫ്ലഡ് സെസ് വെട്ടിപ്പ് കണ്ടെത്തിയിട്ടുണ്ടോ; ഉണ്ടെങ്കിൽ വർഷം തിരിച്ച് എത്ര തുക കണ്ടെത്തിയെന്ന് വ്യക്തമാക്കാമോ;

ഫ്ലഡ് സെസ് പ്രാബല്യത്തിൽ ഉണ്ടായിരുന്ന കാലയളവിലെ ഓരോ വർഷത്തെയും സ്വർണ്ണം, ഡയമണ്ട് എന്നിവയുടെ ടേണോവർ പ്രത്യേകം തരം തിരിച്ച് നൽകാമോ;

സെൻട്രൽ ജി.എസ്.ടി. വകുപ്പ് നടത്തിയ പരിശോധനകളിൽ ഫ്ലഡ് സെസ്സിന് ആനുപാതികമായ ബി2ബി ടേണോവറിൽ ടി സെസ് ഈടാക്കി എന്ന് ഉറപ്പ് വരുത്തിയിട്ടുണ്ടോ;

കേന്ദ്ര ജി.എസ്.ടി. വകുപ്പിന്റെ പക്കൽ നിന്നും ഈ കാലയളവിലെ നികുതി നിർണ്ണയ ഫയലുകൾ വാങ്ങി പരിശോധന നടത്തിയിട്ടുണ്ടോ; ഉണ്ടെങ്കിൽ ആയതിന്റെ വിശദാംശം ലഭ്യമാക്കുമോ?

ഇ-കോമേഴ്സ്/ഓണ്‍ലൈന്‍ വ്യാപാരത്തിലൂടെ സംസ്ഥാനത്തിനുണ്ടാകുന്ന ജി.എസ്.ടി. നഷ്ടം കണക്കാക്കിയിട്ടുണ്ടോ; വ്യക്തമാക്കുമോ;

ഓണ്‍ലൈന്‍ വ്യാപാരത്തിലൂടെ പിരിച്ചെടുക്കുന്ന ടാക്സ് സംസ്ഥാന സർക്കാരിലേക്ക് ലഭിക്കുന്നത് സംബന്ധിച്ച മോണിറ്ററിങ്ങ് നടപ്പാക്കുന്നതെങ്ങനെയാണെന്ന് വിശദമാക്കുമോ;

ഓണ്‍ലൈന്‍ വ്യാപാരമേഖല വ്യാപിച്ചതോടെ സംസ്ഥാനത്തെ ഇടത്തര-ചെറുകിട കച്ചവടക്കാരുടെ വ്യാപാരനിരക്കിലും വരുമാനത്തിലും ഉണ്ടായ കുറവ് കണക്കാക്കിയിട്ടുണ്ടോ; അത്തരം വ്യാപാരികളുടെ നിലനില്പ് പ്രശ്നത്തിന് പരിഹാരം കാണാന്‍ നടപടി സ്വീകരിക്കുമോ?

ജി.എസ്.ടി. വരുന്നതിന് മുന്‍പുണ്ടായിരുന്ന വാറ്റ് കുടിശ്ശിക എത്രയാണെന്നും അവ പൂര്‍ണ്ണമായും പിരിച്ചെടുത്തിട്ടുണ്ടോയെന്നും ഇല്ലെങ്കില്‍ വാറ്റ് കുടിശ്ശിക പിരിച്ചെടുക്കുന്നതിന് തുടങ്ങിയ ആംനസ്റ്റി പദ്ധതി നിലവിലുണ്ടോയെന്നും അറിയിക്കുമോ;

വാറ്റ് കുടിശികയുമായി ബന്ധപ്പെട്ട് എത്ര കേസുകളാണ് കോടതികളില്‍ നിലവിലുള്ളത്; വ്യക്തമാക്കുമോ;

വാറ്റ് കുടിശ്ശിക പിരിച്ചെടുക്കുന്നതിന് പ്രഖ്യാപിച്ച ആംനെസ്റ്റി പദ്ധതിയുടെ വിശദാംശങ്ങള്‍ അറിയിക്കുമോ; പ്രസ്തുത പദ്ധതി മുഖേന കഴിഞ്ഞ അഞ്ച് വര്‍ഷത്തിനുള്ളില്‍ എത്ര കുടിശ്ശിക പിരിച്ചെടുത്തിട്ടുണ്ടെന്ന് വെളിപ്പെടുത്തുമോ?

എക്സ്ട്രാ ന്യൂട്രൽ ആൽക്കഹോളിന്റെ ക്രയവിക്രയത്തിൽ നിന്നും സംസ്ഥാനസർക്കാരിന് 2024-25 സാമ്പത്തികവർഷത്തിൽ നാളിതുവരെ എത്ര രൂപ ജി.എസ്.ടി. ഇനത്തിൽ ലഭിച്ചുവെന്ന് വ്യക്തമാക്കാമോ?

സംസ്ഥാനത്തിന് ഐ.ജി.എസ്.ടി.യിലൂടെ ലഭിക്കുന്ന വരുമാനം വര്‍ദ്ധിപ്പിക്കുന്നതിനും ഈ മേഖലയില്‍ സെറ്റില്‍മെന്റ് ഉറപ്പാക്കുന്നതിനും സര്‍ക്കാര്‍ നടത്തിവരുന്ന ഇടപെടലുകളുടെ ഫലമായി 55-ാം ജി.എസ്.ടി. കൗണ്‍സിലില്‍ പ്രസ്തുത വിഷയത്തില്‍ തീരുമാനമെടുത്തിട്ടുണ്ടോ; വിശദമാക്കുമോ;

ചെറുകിട മേഖലയെ സഹായിക്കുന്നതിനും കമ്പോളത്തിന്റെ കുത്തകവൽക്കരണം തടയുന്നതും ലക്ഷ്യമിട്ട് സംസ്ഥാനം ജി.എസ്.ടി. കൗണ്‍സിലിന്റെ മുമ്പാകെ അവതരിപ്പിച്ച ഏതെല്ലാം വിഷയങ്ങള്‍ അംഗീകരിക്കപ്പെട്ടിട്ടുണ്ടെന്ന് വിശദമാക്കുമോ;

വ്യാപാര-വാണിജ്യ ആവശ്യങ്ങള്‍ക്കായി കെട്ടിടങ്ങള്‍ വാടകയ്ക്ക് എടുക്കുന്നവര്‍ വാടകയിന്മേല്‍ ജി.എസ്.ടി. അടയ്ക്കണമെന്ന നിര്‍ദ്ദേശം നിലനില്‍ക്കുന്നുണ്ടോ; വിശദമാക്കുമോ?

എക്സ്ട്രാ ന്യൂട്രൽ ആൽക്കഹോളിന്റെ ജി.എസ്.ടി. എത്ര ശതമാനമാണെന്ന് വ്യക്തമാക്കാമോ;

കേന്ദ്ര ജി.എസ്.ടി. കൗൺസിൽ എക്സ്ട്രാ ന്യൂട്രൽ ആൽക്കഹോളിന്റെ ജി.എസ്.ടി. എടുത്തുകളഞ്ഞ തീരുമാനം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

സംസ്ഥാന ജി.എസ്.ടി. വകുപ്പിൽ കരാർ അടിസ്ഥാനത്തിൽ എത്ര ജീവനക്കാരെ നിയമിച്ചു; ഇവരുടെ നിയമന ഉത്തരവുകളുടെ പകർപ്പ് ലഭ്യമാക്കാമോ;

കരാർ അടിസ്ഥാനത്തിൽ നിയമിച്ചവരിൽ റിട്ടയർ ചെയ്ത ജീവനക്കാർ ഉൾപെട്ടിട്ടുണ്ടോ; എങ്കിൽ പേര് വിവരം ലഭ്യമാക്കാമോ;

പ്രസ്തുത ജീവനക്കാർക്കെതിരെ സർവ്വീസ് കാലയളവിൽ സ്വീകരിച്ചിട്ടുള്ള അച്ചടക്കനടപടികളുടെ വിശദാംശങ്ങൾ ലഭ്യമാക്കാമോ;

വിരമിച്ച ശേഷം പുനർനിയമനം നൽകിയ ജീവനക്കാരുടെ വിദ്യാഭ്യാസ യോഗ്യത എന്തെല്ലാമാണെന്ന് വ്യക്തമാക്കാമോ?

27-01-2025 ന് മദ്യത്തിന്റെ വില വർദ്ധനവ് വരുത്തുന്നതുമായി ബന്ധപ്പെട്ട സർക്കാർ തീരുമാനം സംബന്ധിച്ച നികുതി വകുപ്പിലെ നോട്ട് ഫയൽ, കറന്റ് ഫയൽ എന്നീ രേഖകളുടെ പകർപ്പ് ലഭ്യമാക്കാമോ?

പൂഞ്ഞാർ മണ്ഡലത്തിലെ മുണ്ടക്കയം സബ്ട്രഷറിയുടെ കെട്ടിട നിർമ്മാണത്തിനായി സ്വീകരിച്ചുവരുന്ന നടപടികൾ ഇപ്പോൾ ഏത് ഘട്ടത്തിലാണ്; വിശദാംശം ലഭ്യമാക്കുമോ?

കോന്നി മണ്ഡലത്തില്‍ നിര്‍മ്മാണം പൂര്‍ത്തീകരിച്ച ചിറ്റാര്‍ സബ് ട്രഷറിയുടെ പ്രവര്‍ത്തനം ആരംഭിക്കുന്നതിനുള്ള നടപടികളുടെ പുരോഗതി സംബന്ധിച്ച വിശദാംശം ലഭ്യമാക്കാമോ?

വാടക കെട്ടിടത്തില്‍ പ്രവർത്തിച്ചുവരുന്ന പള്ളിക്കത്തോട് സബ്ട്രഷറിയ്ക്ക് സ്വന്തമായി സ്ഥലം കൈമാറി ലഭിച്ച സാഹചര്യത്തില്‍, പുതിയ കെട്ടിടം നിർമ്മിക്കാന്‍ തുക അനുവദിക്കുന്നതിനുള്ള നടപടികളുടെ നിലവിലെ സ്ഥിതിയും എന്നത്തേക്ക് നിർമ്മാണം ആരംഭിയ്ക്കാനാണ് ലക്ഷ്യമിടുന്നതെന്നും വ്യക്തമാക്കാമോ?

ട്രഷറിയുടെ കേരള പെൻഷൻ മൊബൈൽ ആപ്പിലുളള പെൻഷൻ ഐ.ഡി. കാർഡിൽ പെൻഷനറുടെ ഫോ​ട്ടോ ഇല്ല എന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഫോട്ടോ കൂടി ഉൾപ്പെടുത്തുന്നതിനുളള നടപടി സ്വീകരിക്കുമോ;

പ്രസ്തുത പെൻഷൻ കാർഡ് ഗവൺമെന്റ് സർവ്വീസ് പെൻഷനേഴ്സ് ഐ.ഡി. കാർഡായി ഉപയോഗിക്കുന്നതിന് തടസ്സമുണ്ടോ എന്ന് അറിയിക്കുമോ;

പെൻഷൻ വാങ്ങുന്നവർക്ക് കേരളത്തിലെ ഏത് ട്രഷറിയിലും മസ്റ്ററിംഗ് ചെയ്യുന്നതിന് വ്യവസ്ഥയുണ്ടോ; ഇല്ലായെങ്കിൽ അതിനുളള നടപടി സ്വീകരിക്കുമോ;

യാത്ര ചെയ്യുവാൻ ബുദ്ധിമുട്ടുളളവരുടെ മസ്റ്ററിംഗിനു സ്വീകരിച്ചു വരുന്ന നടപടിക്രമങ്ങൾ വിശദമാക്കുമോ;

കേരള പെൻഷൻ മൊബൈൽ ആപ്പ് പ്രകാരം പെൻഷനറുടെ ​ക്രെഡിറ്റിലുള്ള നീക്കിയിരിപ്പ് തുക എത്രയാണെന്നു അറിയുന്നതിനുളള സൗകര്യം കൂടി ഏർപ്പെടുത്തുമോ?

പൊതുമേഖലാ സ്ഥാപനങ്ങളിലെ സ്ഥിര നിക്ഷേപങ്ങള്‍ ട്രഷറിയിലേയ്ക്ക് മാറ്റുന്നതിന് സ്വീകരിച്ചിട്ടുള്ള നടപടികള്‍ അറിയിക്കാമോ;

ഏതെല്ലാം പൊതുമേഖലാ സ്ഥാപനങ്ങളാണ് ഇത്തരത്തില്‍ ട്രഷറി നിക്ഷേപത്തിനായി ഇതിനകം മുന്നോട്ടു വന്നിട്ടുള്ളത് എന്ന വിശദാംശം ലഭ്യമാക്കാമോ?

സംസ്ഥാനത്ത് 2023-24 കാലയളവില്‍ ലോട്ടറി വകുപ്പ് വിറ്റ ലോട്ടറി ടിക്കറ്റുകള്‍ ഏതൊക്കെയാണെന്നും ഇവയുടെ ഓരോ ടിക്കറ്റിന്റെയും പേരും വിലയും എത്രയാണെന്നും വിശദമാക്കാമോ;

ലോട്ടറി ടിക്കറ്റ് വില്‍ക്കുമ്പോള്‍ ഓരോ ടിക്കറ്റിനും എത്ര ശതമാനമാണ് കമ്മീഷനായി ഏജന്റുമാര്‍ക്കും മറ്റ് കച്ചവടക്കാര്‍ക്കും ലഭിക്കുന്നതെന്ന് വിശദമാക്കാമോ; സംസ്ഥാനത്ത് വില്‍ക്കുന്ന എല്ലാ ടിക്കറ്റുകള്‍ക്കും ഒരുപോലെയാണോ കമ്മീഷന്‍ നല്‍കിവരുന്നതെന്ന് അറിയിക്കാമോ;

2023-24 കാലയളവില്‍ വിറ്റ ടിക്കറ്റില്‍ നിന്നും സംസ്ഥാനത്തിന് ലഭിച്ച ലാഭം എത്രയാണെന്ന് വിശദമാക്കാമോ; ഇത്തരത്തില്‍ കഴിഞ്ഞ അഞ്ച് വര്‍ഷവും സംസ്ഥാനത്തിന്റെ വരുമാനത്തില്‍ ഈ വകുപ്പിന്റെ സംഭാവന എത്രവീതം ആയിരുന്നു എന്ന് വിശദമാക്കാമോ?

കെ.എസ്.എഫ്.ഇ.യിൽ നിന്നെടുത്ത വായ്പകളുടെയും പിടിച്ച ചിട്ടികളുടെയും തിരിച്ചടവിനത്തിലെ കുടിശ്ശിക എല്ലാവർഷവും ക്രമാതീതമായി വർദ്ധിച്ചു വരുന്നത് ശ്രദ്ധയിൽപ്പെട്ടിട്ടുണ്ടോ; സ്ഥാപനത്തിന്റെ ദീർഘകാല ഭാവിയെ അത് ദോഷകരമായി ബാധിക്കുന്ന സ്ഥിതിവിശേഷം നിലവിലുണ്ടോ;

കുടിശ്ശിക അക്കൗണ്ടുകളെ റവന്യൂ റിക്കവറി വിഭാഗത്തിലേക്ക് മാറ്റുന്നതിന് സ്വീകരിക്കുന്ന മാനദണ്ഡങ്ങൾ എന്തെല്ലാമെന്ന് വ്യക്തമാക്കാമോ; പ്രസ്തുത മാനദണ്ഡങ്ങൾ പാലിക്കുന്ന അക്കൗണ്ടുകൾ ഇനിയും റവന്യൂ റിക്കവറി വിഭാഗത്തിലേക്ക് മാറ്റാതെ ബ്രാഞ്ചുകളിൽ തന്നെ നിലനിർത്തിയിരിക്കുന്ന സാഹചര്യം  നിലവിലുണ്ടോ; ഉണ്ടെങ്കിൽ എന്തുകൊണ്ടെന്ന് വിശദമാക്കുമോ;

2017-18 മുതൽ 2022- 23 വരെയുള്ള ഓരോ സാമ്പത്തിക വർഷവും റവന്യൂ റിക്കവറിയിലേക്ക് മാറ്റിയിട്ടുള്ള അക്കൗണ്ടുകളുടെ ആകെ തുക എത്ര;  ഈ അക്കൗണ്ടുകളിൽ ഓരോ സാമ്പത്തിക വർഷവും അടവ് ഇനത്തിൽ ലഭ്യമായിട്ടുള്ള  ആകെ തുകയെത്ര; വിശദമാക്കാമോ;

നിലവിൽ സ്വീകരിക്കുന്ന കുടിശ്ശിക നിവാരണമാർഗ്ഗങ്ങൾ കൂടാതെ ഡെബ്റ്റ് റിക്കവറി ട്രൈബ്യൂണൽ പോലുള്ള നിയമ സംവിധാനങ്ങളെ കൂടി ഉൾപ്പെടുത്തുന്നതിനുള്ള നടപടികൾ സ്വീകരിക്കുമോ; ഇല്ലെങ്കിൽ എന്തുകൊണ്ടെന്ന് വ്യക്തമാക്കുമോ;

ഓരോ വർഷവും കെ.എസ്.എഫ്.ഇ. യിലെ ചിട്ടി കുടിശ്ശിക, വിശിഷ്യാ പിടിക്കാത്ത ചിട്ടികളിലെ കുടിശ്ശിക  വർദ്ധിച്ചു വരുന്ന സാഹചര്യത്തിൽ പ്രവാസി ചിട്ടിയുടെ മാതൃക അവലംബിച്ച്, നിലവിലെ ശാഖാതല ചിട്ടി ടാർഗറ്റിന്റെ അൻപത് ശതമാനം പുതുതായി നിയമിച്ചുവരുന്ന ബിസിനസ്  പ്രമോട്ടർമാർക്ക് നിശ്ചിത ക്യാൻവാസിംഗ് ടാർഗറ്റ് നൽകി റീജിയണൽ ഓഫീസ് തലത്തിലോ ഹെഡ് ഓഫീസ് തലത്തിലോ പൂളിംഗ് സംവിധാനത്തിലൂടെ ചിട്ടി രജിസ്ട്രേഷൻ നടത്തുന്നതിനാവശ്യമായ നടപടികൾ സ്വീകരിക്കാമോ?

കെ.എസ്.എഫ്.ഇ.-യില്‍ നിന്നും ലോണെടുത്ത ആളുകള്‍ക്ക് ശാരീരിക അവശത മൂലം ലോണ്‍ തുക തിരിച്ചടക്കാന്‍ പറ്റാതെ വരുമ്പോള്‍ നല്‍കുന്ന ഇളവുകള്‍ എന്തൊക്കെയെന്ന് വിശദമാക്കാമോ?

മെഡിസെപ്പ് ഇന്‍ഷുറന്‍സ് പദ്ധതിയിലൂടെ സംസ്ഥാന സര്‍ക്കാര്‍ ജീവനക്കാര്‍ക്കും പെന്‍ഷന്‍കാര്‍ക്കും ചികിത്സാ ചെലവിനത്തില്‍ എത്ര കോടി രൂപയാണ് ഇതുവരെ നല്‍കിയിട്ടുള്ളത്; വ്യക്തമാക്കാമോ;

പ്രസ്തുത പദ്ധതിയിലൂടെ എത്ര പേര്‍ക്കാണ് നാളിതുവരെ ചികിത്സ ലഭിച്ചിട്ടുള്ളതെന്ന് അറിയിക്കുമോ?

സംസ്ഥാന ജീവനക്കാര്‍ക്കും പെന്‍ഷന്‍കാര്‍ക്കുമുള്ള മെഡിസെപ്പ്‌ പദ്ധതിയില്‍ ഏതൊക്കെ ചികിത്സകള്‍ക്ക് ഇന്‍ഷുറന്‍സ് പരിരക്ഷ ലഭിക്കുമെന്നും സർക്കാർ ആശുപത്രികളില്‍ ഏതൊക്കെ ചികിത്സാ വിഭാഗങ്ങളെയാണ് ഈ പദ്ധതില്‍ ഉള്‍പെടുത്തിയിട്ടുള്ളതെന്നും വിശദമാക്കുമോ;

ചില സ്വകാര്യ ആശുപത്രികള്‍ അവരുടെ പ്രധാനപ്പെട്ട ചികിത്സാവിഭാഗങ്ങളെ മെഡിസെപ്പ് പദ്ധതിയില്‍ ഉള്‍പെടുത്താത്തതിനാൽ പ്രസ്തുത പദ്ധതിയുടെ പ്രയോജനം പൂർണ്ണമായും ലഭിക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

പദ്ധതിയില്‍ അംഗമായ വ്യക്തിക്ക് ഓരോ പ്രാവശ്യവും ചികിത്സയ്ക്ക് ചിലവായ തുക എത്രയെന്നും ബാക്കി തുക എത്രയാണെന്നും അറിയുന്നതിന് സംവിധാനം ഒരുക്കുമോ; വ്യക്തമാക്കുമോ?

സർക്കാർ ജീവനക്കാർക്കും അധ്യാപകർക്കും ഏർപ്പെടുത്തിയ മെഡിസെപ്പ് ആരോഗ്യ ഇൻഷ്വറൻസ് പദ്ധതി സംബന്ധിച്ചു ജീവനക്കാർക്കിടയിലുള്ള പരാതി ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത പദ്ധതിയിൽ കൂടുതൽ ആശുപത്രികളെയും ഒ.പി. ചികിത്സ ഉൾപ്പെടെയുള്ള സേവനങ്ങളെയും ഉൾപ്പെടുത്തി പരിഷ്കരിക്കുന്നതിനും സർക്കാർ ഉടമസ്ഥതയിലുള്ള സ്റ്റേറ്റ് ഇൻഷ്വറൻസ് വകുപ്പു മുഖേന നടപ്പിലാക്കുന്നതിനും നടപടികൾ സ്വീകരിക്കുമോ;

ഇത് സംബന്ധിച്ചു ജീവനക്കാരുമായും സർവീസ് സംഘടനാ പ്രതിനിധികളുമായും ചർച്ച നടത്തിയിട്ടുണ്ടോ; ഏതൊക്കെ സർവീസ് സംഘടനാ പ്രതിനിധികളാണ് മെഡിസെപ്പ് പദ്ധതി പരിഷ്കരിക്കണമെന്ന നിർദ്ദേശം സമർപ്പിച്ചിട്ടുള്ളതെന്ന് അറിയിക്കാമോ; ശിപാർശയുടെ പകർപ്പ് ലഭ്യമാക്കാമോ?

സംസ്ഥാന സര്‍ക്കാര്‍ ജീവനക്കാര്‍ക്കും അധ്യാപകര്‍ക്കും പെന്‍ഷന്‍കാര്‍ക്കുമായി സർക്കാർ ആവിഷ്കരിച്ച് നടപ്പാക്കിവരുന്ന മെഡിസെപ്പ് പദ്ധതി പ്രകാരം നാളിതുവരെ എത്ര പേര്‍ക്ക് ആനുകൂല്യം ലഭിച്ചിട്ടുണ്ടെന്നും ഇതിനായി എത്ര തുക ഇന്‍ഷുറന്‍സ് കമ്പനി നാളിതുവരെ ചെലവാക്കിയിട്ടുണ്ടെന്നും വിശദമാക്കാമോ;

നിലവിലുളള പോരായ്മകള്‍ പരിഹരിച്ച് പ്രസ്തുത പദ്ധതി പരിഷ്കരിച്ച് നടപ്പാക്കാന്‍ ഉദ്ദേശിക്കുന്നുണ്ടോ; എങ്കിൽ വിശദമാക്കാമോ;

നിലവിൽ കരാറിൽ ഏർപ്പെട്ടിരിക്കുന്ന ഇന്‍ഷുറന്‍സ് കമ്പനിയുടെ കാലാവധി എന്ന് അവസാനിക്കുമെന്ന് അറിയിക്കാമോ?

സംസ്ഥാനത്തെ സര്‍ക്കാര്‍ ജീവനക്കാര്‍ക്കും അധ്യാപകര്‍ക്കുമായി നടപ്പാക്കിയ മെഡിസെപ്പിന്റെ നിലവിലുള്ള ഇന്‍ഷ്വറന്‍സ് കമ്പനിയുടെ കരാര്‍ തീരുന്ന മുറയ്ക്ക് ആയത് തുടരുന്നതിനുള്ള നടപടികള്‍ സ്വീകരിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ;

മെഡിസെപ്പ് പദ്ധതി വിപുലീകരിക്കാനും കൂടുതല്‍ ആശുപത്രികള്‍ എംപാനല്‍ ചെയ്യാനും നടപടികള്‍ സ്വീകരിച്ചിട്ടുണ്ടോ; വ്യക്തമാക്കാമോ;

മെഡിസെപ്പ് പദ്ധതി സംസ്ഥാന ഇന്‍ഷ്വറന്‍സ് വകുപ്പിനെ ഏല്‍പ്പിക്കാന്‍ ആലോചനയുണ്ടോ; വിശദമാക്കാമോ?

കാരുണ്യ ആരോഗ്യ സുരക്ഷാ പദ്ധതി പ്രകാരം ചികിത്സ നല്‍കിയതിന്റെ ബില്ലുകള്‍ കേരള ഹെല്‍ത്ത് ഏജന്‍സി സമയബന്ധിതമായി സെറ്റില്‍ ചെയ്യുന്നില്ലായെന്ന സ്വകാര്യ ആശുപത്രികളുടെ പരാതികള്‍ വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പദ്ധതിയില്‍ എംപാനല്‍ ചെയ്തിട്ടുള്ള സ്വകാര്യ ആശുപത്രികളുടെ പട്ടിക ജില്ല തിരിച്ച് ലഭ്യമാക്കുമോ;

എംപാനല്‍ ചെയ്തിട്ടുള്ള ആശുപത്രികള്‍ക്ക് പ്രസ്തുത പദ്ധതി പ്രകാരം 2021-22, 2022-23, 2023 ഏപ്രില്‍ മുതല്‍ 2023 ഡിസംബര്‍ വരെ അനുവദിച്ചിട്ടുള്ള തുക എത്രയെന്ന് അറിയിക്കുമോ?

കേരള ഫിനാൻഷ്യൽ കോര്‍പ്പറേഷൻ എംപ്ലോയീസ് പ്രോവിഡന്റ് ഫണ്ട് ട്രസ്റ്റ് രൂപീകരിച്ചത് ഏതു റെഗുലേഷന്റെ ഭാഗമായാണ് എന്ന് വ്യക്തമാക്കാമോ;

പ്രസ്തുത റെഗുലേഷന്റെ പകർപ്പ് ലഭ്യമാക്കാമോ?

കേരള ഫിനാൻഷ്യൽ കോര്‍പ്പറേഷൻ 2016 ജൂൺ 28-ൽ ചേർന്ന ബോർഡ്‌ യോഗത്തിന്റെ മിനുട്സ് ലഭ്യമാക്കാമോ?

കേരള ഫിനാൻഷ്യൽ കോര്‍പ്പറേഷൻ റിലയന്‍സ് കൊമേഴ്സ്യല്‍ ഫിനാന്‍സ് ലിമിറ്റഡ് എന്ന കമ്പനിയിൽ നിക്ഷേപിച്ച കടപ്പത്രത്തിന്റെ (എന്‍.സി.ഡി.) ഇന്‍ഫര്‍മേഷന്‍ മെമ്മോറാണ്ടത്തിന്റെ പകർപ്പ് ലഭ്യമാക്കാമോ?

റിലയന്‍സ് കൊമേര്‍ഷ്യല്‍ ഫിനാന്‍സ് ലിമിറ്റ‍ഡ് എന്ന കമ്പനിയിൽ നിക്ഷേപിക്കാൻ താല്പര്യം പ്രകടിപ്പിച്ചു കേരള ഫിനാൻഷ്യൽ കോര്‍പ്പറേഷൻ പ്രസ്തുത കമ്പനിക്ക് ഇ-മെയിൽ അയച്ചിരുന്നോയെന്ന് വ്യക്തമാക്കാമോ; എങ്കിൽ ഇ-മെയിലുകളുടെ പകർപ്പ് ലഭ്യമാക്കാമോ;

ആര്‍.സി.എഫ്.എല്‍. എന്ന കമ്പനി അവർ ഇറക്കിയ കടപ്പത്രത്തിൽ നിക്ഷേപിക്കാൻ കേരള ഫിനാൻഷ്യൽ കോര്‍പ്പറേഷന്റെ താല്പര്യം ആരാഞ്ഞിരുന്നോ എന്ന് വ്യക്തമാക്കാമോ; എങ്കിൽ ഇത് സംബന്ധിച്ച ഇ-മെയിലുകളുടെ പകർപ്പ് ലഭ്യമാക്കാമോ;

പ്രസ്തുത നിക്ഷേപം സംബന്ധിച്ച് കെ.എഫ്.സി.ക്ക് ആര്‍.സി.എഫ്.എല്‍. അയച്ചതും കേരള ഫിനാൻഷ്യൽ കോര്‍പ്പറേഷൻ തിരിച്ചു അയച്ചതുമായ ഇ-മെയിലുകളുടെ പകർപ്പ് ലഭ്യമാക്കാമോ?

കേരള ഫിനാൻഷ്യൽ കോര്‍പ്പറേഷന്റെ 19.04.2018-ല്‍ നടന്ന അസറ്റ്-ലയബിലിറ്റി കമ്മിറ്റി (എ.എൽ.സി.ഒ.) മീറ്റിംഗിന്റെ മിനുട്സ് ലഭ്യമാക്കാമോ?

കേരള ഫിനാൻഷ്യൽ കോര്‍പ്പറേഷന്റെ നിയമ വ്യവസ്ഥ പ്രകാരം നിക്ഷേപം നടത്താനുള്ള അധികാരം ആർക്കൊക്കെയാണെന്നും പ്രസ്തുത വ്യക്തികളുടെ അധികാര പരിധിയിൽ വരുന്ന നിക്ഷേപത്തുക എത്രയൊക്കെയാണെന്നും വ്യക്തമാക്കുമോ;

ഇത് പ്രതിപാദിക്കുന്ന ഉത്തരവിന്റെ പകർപ്പ് ലഭ്യമാക്കാമോ?

കേരള ഫിനാൻഷ്യൽ കോര്‍പ്പറേഷന്റെ 2018-19-ലെയും 2019-20-ലെയും വാര്‍ഷിക റിപ്പോര്‍ട്ടുകളില്‍ റിലയന്‍സ് കൊമേര്‍ഷ്യല്‍ ഫിനാന്‍സ് ലിമിറ്റ‍ഡ് എന്ന സ്ഥാപനത്തിൽ നിക്ഷേപം നടത്തിയത് വെളിപ്പെടുത്താത്തതിനുള്ള കാരണം വിശദമാക്കാമോ;

കേരള ഫിനാൻഷ്യൽ കോര്‍പ്പറേഷന്റെ 2020-21-ലെ വാര്‍ഷിക റിപ്പോര്‍ട്ടില്‍ പ്രസ്തുത സ്ഥാപനത്തിൽ നിക്ഷേപം നടത്തിയത് ഉൾപ്പെടുത്തിയിരുന്നോയെന്ന് വ്യക്തമാക്കുമോ;

2018-19, 2019-20 വർഷങ്ങളിലെ വാര്‍ഷിക റിപ്പോർട്ടുകളിൽ വെളിപ്പെടുത്താതിരുന്ന സ്ഥാപനത്തിന്റെ പേര് 2020-21-ലെ വാര്‍ഷിക റിപ്പോര്‍ട്ടില്‍ ഉൾപ്പെടുത്താൻ ഉണ്ടായ കാരണം വിശദമാക്കാമോ?

കേരള ഫിനാൻഷ്യൽ കോര്‍പ്പറേഷൻ രൂപീകൃതമായ എസ്.എഫ്.സി. നിയമ പ്രകാരം വിദേശ സ്ഥാപനങ്ങളുമായി ഫോറിൻ എക്സ്ചെയ്ഞ്ച് ക്രയ വിക്രയങ്ങൾ നടത്താനോ വിദേശ സ്ഥാപനങ്ങളിൽ നിന്നും വായ്പയെടുക്കാനോ സാധിക്കുമോയെന്ന് വ്യക്തമാക്കുമോ;

വിദേശ സ്ഥാപനങ്ങളുമായുള്ള ഫോറിൻ എക്സ്ചെയ്ഞ്ച് ഇടപാടിൽ 2022-ൽ കെ.എഫ്.സി.ക്ക് കോടികളുടെ നഷ്ടം സംഭവിച്ചു എന്നത് വസ്തുതയാണോ;

2020-21, 2021-22 കാലയളവിൽ കേരള ഫിനാൻഷ്യൽ കോര്‍പ്പറേഷൻ ഏതൊക്കെ സ്ഥാപനങ്ങളുമായി ഫോറിൻ എക്സ്ചെയ്ഞ്ച് ക്രയ വിക്രയങ്ങൾ നടത്തി എന്ന് വ്യക്തമാക്കാമോ; ഇത് സംബന്ധിച്ച രേഖകളുടെ പകർപ്പ് ലഭ്യമാക്കാമോ?

1951-ലെ സ്റ്റേറ്റ് ഫിനാൻഷ്യൽ കോർപറേഷൻസ് ആക്ടിലെ സെക്ഷൻ 34 പ്രകാരം കേരള ഫിനാൻഷ്യൽ കോര്‍പ്പറേഷൻ (കെ.എഫ്.സി.) സെക്യൂരിറ്റികളിൽ നിക്ഷേപിക്കുന്നത് അതതു സമയത്തെ ബോർഡ് തീരുമാനത്തിന്റെ അടിസ്ഥാനത്തിൽ ആയിരിക്കണമെന്ന് വ്യവസ്ഥ ചെയ്തിട്ടുണ്ടോ;

എങ്കിൽ റിലയന്‍സ് കൊമേര്‍ഷ്യല്‍ ഫിനാന്‍സ് ലിമിറ്റ‍ഡ് (ആര്‍.സി.എഫ്.എല്‍) എന്ന കമ്പനിയുടെ കടപ്പത്രങ്ങളിൽ (എന്‍.സി.ഡി.) നിക്ഷേപിച്ചത് ബോർഡ് തീരുമാനത്തിന്റെ അടിസ്ഥാനത്തിൽ ആയിരുന്നോയെന്ന് വ്യക്തമാക്കുമോ;

ആർ.സി.എഫ്.എല്‍. എന്ന കമ്പനിയുടെ കടപ്പത്രങ്ങളിൽ നിക്ഷേപിക്കാനുള്ള ബോർഡ് തീരുമാനം എപ്പോഴാണ് കൈകൊണ്ടതെന്നും പ്രസ്തുത കമ്പനിയിൽ എന്നാണ് കെ.എഫ്.സി. പണം നിക്ഷേപിച്ചത് എന്നും അറിയിക്കുമോ?

കേരള ഫിനാൻഷ്യൽ കോര്‍പ്പറേഷൻ എംപ്ലോയീസ് പ്രോവിഡന്റ് ഫണ്ട്, നിയമങ്ങൾക്ക് വിപരീതമായി, റിലയൻസ്, എസ്.ബി.ഐ., എച്ച്.ഡി.എഫ്.സി., സുന്ദരം ഫിനാൻസ് എന്നീ സ്ഥാപനങ്ങളുടെ സെക്യൂരിറ്റീസിൽ നിക്ഷേപിച്ചിരുന്നോ; വിശദമാക്കാമോ;

ഈ തീരുമാനങ്ങൾ കൈക്കൊണ്ട മീറ്റിംഗുകളുടെ മിനുട്സ് ലഭ്യമാക്കാമോ;

പ്രസ്തുത കമ്പനികളുടെ സെക്യൂരിറ്റീസിൽ നിക്ഷേപിച്ച വകയിൽ എത്ര രൂപയുടെ നഷ്ടം കേരള ഫിനാൻഷ്യൽ കോര്‍പ്പറേഷന് വന്നു എന്ന് വ്യക്തമാക്കാമോ?

കേരള ഫിനാൻഷ്യൽ കോര്‍പ്പറേഷൻ, എംപ്ലോയീസ് പ്രോവിഡന്റ് ഫണ്ട് തുകയുടെ രണ്ടു ശതമാനം മാത്രമേ സ്വകാര്യ കമ്പനികളുടെ സെക്യൂരിറ്റീസിൽ നിക്ഷേപിക്കാൻ പാടുള്ളു എന്ന് നിഷ്കർഷിക്കുന്നുണ്ടോ;

2014 മുതൽ ഓരോ വർഷവും സ്വകാര്യ കമ്പനികളുടെ സെക്യൂരിറ്റീസിൽ എംപ്ലോയീസ് പ്രോവിഡന്റ് ഫണ്ട് തുകയുടെ എത്ര ശതമാനം കെ.എഫ്.സി. നിക്ഷേപിച്ചു എന്ന് വ്യക്തമാക്കാമോ?

സംസ്ഥാനത്തിന്റെ വ്യാവസായിക വളർച്ച ത്വരിതപ്പെടുത്തുക എന്ന ഉദ്ദേശത്തോടെ രൂപീകരിച്ച കേരള ഫിനാൻഷ്യൽ കോർപ്പറേഷൻ, റിലയന്‍സ് കൊമേര്‍ഷ്യല്‍ ഫിനാന്‍സ് ലിമിറ്റ‍ഡ് എന്ന സ്ഥാപനത്തിൽ നിക്ഷേപം നടത്തിയിട്ടുണ്ടോ; വ്യക്തമാക്കുമോ;

എങ്കിൽ പ്രസ്തുത സ്ഥാപനത്തിൽ നിക്ഷേപിക്കുന്നതിന് മുൻപ് നടത്തിയ വിവിധ പരിശോധനകളെ സംബന്ധിച്ച് വിശദവിവരം ലഭ്യമാക്കാമോ;

2018 ജനുവരി 18-ന് കെയർ എന്ന റേറ്റിംഗ് ഏജൻസി പുറത്തിറക്കിയ റിപ്പോർട്ടിൽ ആര്‍.സി.എഫ്.എൽ. നെ കുറിച്ച് ക്രെഡിറ്റ് വാച്ച് എന്ന് മുന്നറിയിപ്പ് നൽകിയിട്ടും പ്രസ്തുത സ്ഥാപനത്തിൽ നിക്ഷേപം നടത്തിയതിന്റെ കാരണം വിശദമാക്കാമോ?

ഇന്ത്യന്‍ ട്രസ്റ്റ്സ് ആക്ടും ഇത് സംബന്ധിച്ച റെഗുലേഷനും പാലിച്ചുകൊണ്ടായിരിക്കണം കേരള ഫിനാൻഷ്യൽ കോര്‍പ്പറേഷൻ എംപ്ലോയീസ് പ്രോവിഡന്റ് ഫണ്ട് നിക്ഷേപം നടത്തേണ്ടതെന്ന് നിഷ്കർഷിക്കുന്നുണ്ടോ;

എങ്കിൽ ഇത് അനുസരിച്ച് എത്ര ശതമാനം തുക സെക്യൂരിറ്റീസിൽ നിക്ഷേപിക്കാം എന്ന് വ്യക്തമാക്കാമോ?

കേരളത്തിൽ ലൈസൻസ്ഡ് സ്റ്റാംപ് വെണ്ടർമാർ, സ്ഥിരം ലൈസൻസികൾ, താൽക്കാലിക വെണ്ടർമാർ എന്നിവർ എത്ര വീതമുണ്ടെന്ന് ജില്ല തിരിച്ചുളള കണക്ക് നൽകുമോ;

എന്ന് മുതലാണ് കേരളത്തിൽ സമ്പൂർണ്ണ ഇ-സ്റ്റാംപ് നടപ്പിലാക്കിയത്; ഉത്തരവിന്റെ പകർപ്പ് നൽകാമോ;

സംസ്ഥാനത്ത് ട്രഷറികളിലും സ്റ്റാംപ് ഡിപ്പോകളിലുമായി 2024 ഡിസംബർ 31 വരെ സ്റ്റോക്കുളള മുദ്രപത്രത്തിന്റെ ഡിനോമിനേഷൻ തിരിച്ചുളള കണക്ക് വ്യക്തമാക്കാമോ;

ഇ-സ്റ്റാംപിംഗ് നടപ്പിലാക്കിയതു മൂലം മുദ്രപത്രം പ്രിൻറ് ചെയ്തു കൊടുക്കുന്നതിന് അധികമായി ചിലവാകുന്ന തുകയ്ക്ക് എത്ര ശതമാനം കമ്മീഷനാണ് ഉപഭോക്താക്കളിൽ നിന്നും ഈടാക്കുവാൻ അനുവാദം നൽകിയിട്ടുളളത്; ഉത്തരവിന്റെ പകർപ്പ് നൽകുമോ;

അഞ്ഞൂറ് രൂപ വില വരുന്ന മുദ്ര പത്രങ്ങൾ വെണ്ടർമാർ പ്രിന്റിംഗ് ചാർജ് ഈടാക്കാതെ സൗജന്യമായി വിൽക്കണമെന്ന് പറഞ്ഞിരിക്കുന്നത് എന്തു മാനദണ്ഡത്തിന്റെ അടിസ്ഥാനത്തിലാണ്; ​പ്രിന്റിംഗ് ഇനത്തിൽ ഉണ്ടാകുന്ന സാമ്പത്തിക നഷ്ടം എങ്ങിനെ പരിഹരിക്കാനാണ് ഉദ്ദേശിക്കുന്നതെന്നും വ്യക്തമാക്കാമോ;

ട്രഷറി വകുപ്പിന്റെ സെർവറിന്റെ വേഗതകുറവ് മൂലവും ഇ-സ്റ്റാംപിലൂടെ മുദ്രപത്രം ജന​റേറ്റ് ചെയ്ത് എടുക്കുവാനുണ്ടാകുന്ന കാലതാമസം മൂലവും പൊതുജനങ്ങൾക്ക് ഏറെ ബുദ്ധിമുട്ടും നഷ്ടങ്ങളും ഉണ്ടാകുന്നത് ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്മേൽ എന്തു നടപടിയാണ് സ്വീകരിക്കാൻ ഉദ്ദേശിക്കുന്നതെന്നു വ്യക്തമാക്കുമോ;

പൊതുജനങ്ങളുടെ ബുദ്ധിമുട്ടുകൾ പരിഗണിച്ച് തമിഴ്‌നാട്ടിൽ ചെയ്തു വരുന്നതു പോലെ ഇ-സ്റ്റാംപിലൂടെയും മാന്വലായി മുദ്രപത്രത്തിൽ എഴുതിയും നൽകി വരുന്ന പദ്ധതി സംസ്ഥാനത്തും നടപ്പിലാക്കി പ്രശ്നം പരിഹരിക്കുന്നതിന് നടപടികൾ സ്വീകരിക്കുമോ?

കേരളത്തില്‍ ചെറിയ തുകയ്ക്കുള്ള മുദ്ര പത്രത്തിനു ക്ഷാമം അനുഭവപ്പെടുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയത് പരിഹരിക്കുന്നതിന് എന്ത് നടപടിയാണ് സ്വീകരിച്ചിട്ടുള്ളത്;

ഇ-സ്റ്റാമ്പ് വെണ്ടര്‍ ലൈസന്‍സ് ലഭിക്കുന്നതിനുള്ള നടപടിക്രമങ്ങള്‍ എന്തെല്ലാമാണ് എന്ന് വ്യക്തമാക്കുമോ;

നിലവില്‍ ഇ-സ്റ്റാമ്പ് വെണ്ടര്‍ ലൈസന്‍സ് അനുവദിക്കുന്നതിനു എന്തെങ്കിലും നിയന്ത്രണങ്ങള്‍ ഉണ്ടോയെന്ന് വ്യക്തമാക്കാമോ?