മത്സ്യത്തൊഴിലാളി ഗ്രൂപ്പ് ഇന്‍ഷ്വറന്‍സ് പദ്ധതി എത്രത്തോളം പ്രയോജനകരമാകുന്നുവെന്ന് വിലയിരുത്തിയിട്ടുണ്ടോ; വിശദമാക്കുമോ;

പ്രസ്തുത പദ്ധതി പ്രകാരം ഇന്‍ഷ്വറന്‍സ് പരിരക്ഷയില്‍ ഉള്‍പ്പെട്ടിട്ടുള്ള മത്സ്യത്തൊഴിലാളികളുടെ എണ്ണം എത്രയാണെന്നറിയിക്കുമോ;

മത്സ്യത്തൊഴിലാളി ഗ്രൂപ്പ് ഇന്‍ഷ്വറന്‍സില്‍ എഫ്.ഐ.എം.എസ്. രജിസ്ട്രേഷന്‍ അനുസരിച്ച് മത്സ്യത്തൊഴിലാളി ലിസ്റ്റ് ഉള്‍പ്പെടുത്തുമ്പോള്‍ മസ്റ്ററിംഗ് നടത്തിയാണോ പോളിസി വിഹിതം ഒടുക്കുന്നത് എന്ന് വ്യക്തമാക്കുമോ?

ലൈഫ് മിഷൻ ആരംഭിക്കുന്നതിനുമുമ്പ് നിർമ്മാണം തുടങ്ങിയ പട്ടികവർഗ വിഭാഗക്കാരുടെ വീടുകളുടെ പൂർത്തീകരണവും ജീർണാവസ്ഥയിലുള്ള വീടുകളുടെ പുനരുദ്ധാരണവും ലക്ഷ്യമാക്കി പ്രത്യേക പദ്ധതി ആവിഷ്കരിച്ചിട്ടുണ്ടോ; വ്യക്തമാക്കുമോ;

ഈ സർക്കാരിന്റെ കാലത്ത് പ്രസ്തുത പദ്ധതി പ്രകാരം എത്ര ഗുണഭോക്താക്കൾക്ക് എന്തെല്ലാം സഹായം ലഭ്യമാക്കിയിട്ടുണ്ടെന്ന് അറിയിക്കുമോ;

പ്രസ്തുത കാലയളവിൽ ഭൂരഹിതരായ പട്ടികവർഗക്കാരുടെ പുനരധിവാസം പദ്ധതിയനുസരിച്ച് ഭൂമി ലഭ്യമാക്കിയിട്ടുണ്ടോ; വിശദമാക്കുമോ?

കേരളതീരത്തെ ആഴക്കടലിലും തീരക്കടലിലും മണൽ ഖനനം നടത്തുന്നതിനുള്ള കേന്ദ്രസർക്കാരിന്റെ തീരുമാനം ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

ഇന്ത്യൻ തീരത്തെ മത്സ്യസമ്പത്തിന്റെ ഏറ്റവും വലിയ കേന്ദ്രമായ അമ്പലപ്പുഴ മുതൽ വർക്കല വരെയുള്ള കൊല്ലം ഫിഷിംഗ് ബാങ്ക് ഖനനം ചെയ്യുന്നതിനുള്ള ടെൻഡർ നടപടികളുമായി കേന്ദ്രസർക്കാർ മുന്നോട്ടുപോകുന്ന സാഹചര്യം വിശകലന വിധേയമാക്കിയിട്ടുണ്ടോ; അറിയിക്കുമോ;

12 നോട്ടിക്കൽ മൈൽ വരെയുള്ള തീരക്കടൽ പരിപാലനാവകാശം സംസ്ഥാന സർക്കാരിന് അവകാശപ്പെട്ടതാണെന്നിരിക്കെ കേന്ദ്രസർക്കാരിന്റെ ഖനന നീക്കത്തെ പ്രതിരോധിക്കുന്നതിനുള്ള സാധ്യതകൾ പരിശോധിച്ചിട്ടുണ്ടോ; വ്യക്തമാക്കുമോ;

ഇന്ത്യൻ തീരമേഖലയിലെ ലക്ഷക്കണക്കിന് വരുന്ന മത്സ്യത്തൊഴിലാളികളുടെ ഉപജീവനത്തെയും വരുമാനത്തെയും മത്സ്യക്കയറ്റുമതിയെയും ബാധിക്കുന്ന കേന്ദ്രനീക്കത്തെ ചെറുക്കുന്നതിന് തീരദേശമുള്ള എല്ലാ സംസ്ഥാനങ്ങളുടെയും സഹകരണം ഉറപ്പാക്കുമോ; വിശദമാക്കുമോ?

ജലവിഭവ വകുപ്പിന്റെ ആഭിമുഖ്യത്തിലുള്ള ഇറിഗേഷന്‍ ടൂറിസം പദ്ധതിയുടെ വിശദാംശം അറിയിക്കുമോ;

പ്രസ്തുത പദ്ധതി എവിടെയെങ്കിലും പ്രാവർത്തികമായിട്ടുണ്ടോ; എങ്കിൽ വിശദമാക്കുമോ;

ഇറിഗേഷന്‍ ടൂറിസം പദ്ധതിയുടെ നടത്തിപ്പിനും മേല്‍നോട്ടത്തിനുമായി ഏത് ഏജന്‍സിയെയാണ് ചുമതലപ്പെടുത്തിയിരിക്കുന്നത്; പദ്ധതിയുടെ നടത്തിപ്പ് സംബന്ധിച്ച മാനദണ്ഡങ്ങള്‍ അറിയിക്കുമോ?

വന്യമൃഗങ്ങൾ ജനവാസ മേഖലകളിലേക്ക് കടന്നുവരുന്നതിന്റെ കാരണങ്ങൾ എന്തെല്ലാമാണെന്ന് പരിശോധിച്ചിട്ടുണ്ടോ;

വനപ്രദേശങ്ങളിൽ വന്യമൃഗങ്ങൾക്കാവശ്യമായ ആഹാരവും ജലവും ഉണ്ടെന്ന് ഉറപ്പുവരുത്താൻ നടപടി സ്വീകരിച്ചിട്ടുണ്ടോ;

വന്യമൃഗങ്ങളുടെ ആവാസവ്യവസ്ഥ ഉറപ്പാക്കി ജനവാസമേഖലകളിലേക്ക് അവ കടന്നുവരുന്നത് തടയാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

അംബേദ്കര്‍ ഗ്രാമവികസന പദ്ധതി കാലോചിതമായി പരിഷ്കരിച്ച് സമയബന്ധിതമായി പൂര്‍ത്തീകരിക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് അറിയിക്കുമോ;

ആറളം കാര്‍ഷിക ഫാമിലെ അടിസ്ഥാന സൗകര്യങ്ങള്‍ പ്രയോജനപ്പെടുത്താന്‍ കാര്‍ഷിക സര്‍വകലാശാലയുമായി ചേര്‍ന്ന് പദ്ധതികള്‍ ആവിഷ്കരിച്ചിട്ടുണ്ടോ; വ്യക്തമാക്കുമോ;

പട്ടികവര്‍ഗ്ഗക്കാരുടെ ആരോഗ്യ സുരക്ഷാ പരിചരണത്തിനായി എല്ലാവര്‍ക്കും ആരോഗ്യ സുരക്ഷാ കാര്‍ഡ് ലഭ്യമാക്കുമോ; ആയതിനുള്ള നടപടികൾ വിശദമാക്കുമോ?

സംസ്ഥാനത്ത് ഏറ്റവും കൂടുതല്‍ വന്യമൃഗ ആക്രമണം ഉണ്ടാകുന്ന വയനാട്ടില്‍ കഴിഞ്ഞ ഏഴ് വര്‍ഷങ്ങള്‍ക്കിടയില്‍ വന്യമൃഗ പ്രതിരോധത്തിനായി എന്തെല്ലാം പദ്ധതികള്‍ നടപ്പിലാക്കി എന്ന് വിശദമാക്കാമോ;

വന്യമൃഗ പ്രതിരോധത്തിനായി കേന്ദ്രത്തിന് എന്തെങ്കിലും പദ്ധതി സമര്‍പ്പിച്ചിട്ടുണ്ടോ; പ്രസ്തുത കാലയളവില്‍ ഈയിനത്തിൽ കേന്ദ്രത്തില്‍നിന്നും ഫണ്ട് ലഭ്യമായിട്ടുണ്ടോ; വിശദമാക്കുമോ;

2021 മുതലുള്ള കാലയളവിൽ എം.എല്‍.എ./എം.പി. ഫണ്ട് ഏതെങ്കിലും വിധത്തില്‍ പ്രസ്തുത ആവശ്യത്തിനായി പ്രയോജനപ്പെടുത്തിയിട്ടുണ്ടോ; എങ്കില്‍ വിശദമാക്കുമോ?

വന്യജീവി ആക്രമണം ഫലപ്രദമായി തടയുവാനും മനുഷ്യരും മൃഗങ്ങളും തമ്മിലുള്ള സംഘര്‍ഷം തടയുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത് എന്നു വിശദമാക്കുമോ;

കാട്ടുപന്നികളെ വെടിവച്ചു കൊല്ലുന്നതിനുള്ള വ്യവസ്ഥകള്‍ എന്തെല്ലാമാണെന്ന് വ്യക്തമാക്കുമോ;

കഴിഞ്ഞ 10 വര്‍ഷത്തിനിടയില്‍ വനത്തിന്റെ വിസ്തൃതി കുറഞ്ഞിട്ടുണ്ടോ; എങ്കില്‍ എത്രയെന്ന് വ്യക്തമാക്കുമോ;

വനത്തിന്റെ വിസ്തൃതി കൂട്ടാന്‍ വനം വകുപ്പ് സ്വീകരിച്ച നടപടികള്‍ വിശദമാക്കുമോ?

വിദ്യാലയങ്ങളില്‍ നിന്ന് പട്ടികജാതി പട്ടികവർഗ്ഗ വിഭാഗത്തിലെ കുട്ടികളുടെ കൊഴിഞ്ഞുപോക്ക് മൂലം എണ്ണത്തിലുണ്ടാകുന്ന കുറവ് പരിഹരിക്കാന്‍ സ്വീകരിച്ച നടപടി വിശദമാക്കാമോ;

സ്കൂള്‍ പഠനം ഉപേക്ഷിച്ച കുട്ടികളെ തിരികെയെത്തിക്കാന്‍ എന്തൊക്കെ സൗകര്യങ്ങളാണ് ഒരുക്കിയിട്ടുള്ളതെന്നും അതിന്റെ പുരോഗതിയും അറിയിക്കുമോ;

ഇതിനായി മറ്റ് ഏതൊക്കെ വകുപ്പുകളുടെ സഹകരണമാണ് ഇതുവരെ ലഭ്യമായിട്ടുള്ളതെന്ന് വിശദമാക്കുമോ?

പമ്പ, അച്ചൻകോവിൽ എന്നീ നദികളിൽ നിന്നും വലിയ തോതിൽ ജലം ടണലുകളിലൂടെ വൈപ്പാർ നദീതടത്തിലേക്ക് തിരിച്ചുവിടുന്ന നദീസംയോജന പദ്ധതി വീണ്ടും ദേശീയ ജലവികസന ഏജൻസിയുടെ പരിഗണനയിലാണെന്ന വാർത്ത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

സംസ്ഥാനത്തിന്റെ ശക്തമായ എതിർപ്പിനെത്തുടർന്ന് നിർത്തിവച്ചിരുന്ന പ്രസ്തുത പദ്ധതി നടപ്പിലാക്കിയാൽ സംസ്ഥാനത്തിന്റെ വനഭൂമിയിലുണ്ടാകാവുന്ന കുറവ് സംബന്ധിച്ച് ജലവിഭവ വകുപ്പ് പഠനം നടത്തിയിട്ടുണ്ടോ; വിശദമാക്കുമോ;

സംസ്ഥാനത്ത് ഉത്ഭവിച്ച് സംസ്ഥാനത്തിനുള്ളിലൂടെ മാത്രം ഒഴുകുന്ന അച്ചൻകോവിൽ, പമ്പ എന്നീ നദികളെ സംബന്ധിച്ച് കേന്ദ്രസർക്കാർ തീരുമാനമെടുക്കുന്നതിൽ നിയമ നടപടികൾ സ്വീകരിക്കുന്നതിന് ഉദ്ദേശിക്കുന്നുണ്ടോ; വ്യക്തമാക്കുമോ;

നദീസംയോജനത്തിന്റെ ഭാഗമായി വലിയൊരളവ് ജലം അയൽസംസ്ഥാനത്തിന്റെ കാർഷികാവശ്യത്തിനായി വിനിയോഗിക്കപ്പെടുന്നത് സംസ്ഥാനത്തിന്റെ ജൈവ-പാരിസ്ഥിതിക വ്യവസ്ഥയെ എങ്ങനെ ബാധിക്കുന്നുവെന്നത്‌ സംബന്ധിച്ച് പഠനം നടത്തിയിട്ടുണ്ടോ; അറിയിക്കുമോ?

സംസ്ഥാനത്ത് കടുവയുടെ ആക്രമണം വർധിച്ചു വരുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

മാനന്തവാടി പഞ്ചാരക്കൊല്ലിയിൽ രാധ എന്ന സ്ത്രീ കടുവ ആക്രമണത്തിൽ മരിച്ച സംഭവം ഗൗരവത്തോടെ കാണുന്നുണ്ടോ; വ്യക്തമാക്കുമോ;

കടുവയുടെ ആക്രമണം തടയാൻ സ്വീകരിച്ച നടപടികൾ വിശദമാക്കുമോ?

പട്ടികജാതി, പട്ടികവർഗ്ഗ, പിന്നാക്കവിഭാഗ വികസന വകുപ്പുകളുടെ ക്ഷേമ, വികസന പദ്ധതികൾ കാലോചിതമായി പരിഷ്കരിക്കാൻ സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കുമോ;

പട്ടികജാതിക്കാരിലെ അതിദുർബലര്‍ക്ക് തൊഴിലുറപ്പ് പദ്ധതിയിൽ അധികദിനങ്ങൾ നൽകാൻ പദ്ധതികൾ ആവിഷ്കരിക്കുമോയെന്ന് വിശദമാക്കുമോ;

പട്ടികജാതി കുടുംബങ്ങളുടെ സമഗ്ര വിവരശേഖരണ പദ്ധതിയായ ഹോം സർവ്വേ എത്ര ശതമാനം പൂർത്തിയായിട്ടുണ്ട്; ആയത് എന്നത്തേക്ക് പൂർത്തിയാക്കാൻ സാധിക്കുമെന്ന് വ്യക്തമാക്കുമോ?

മത്സ്യബന്ധന ബോട്ടുകളിൽ നിരോധിത പെലാജിക് വലകൾ ഉപയോഗിച്ച് മത്സ്യബന്ധനം നടത്തുന്നതായി കണ്ടെത്തിയിട്ടുണ്ടോ;

ഇപ്രകാരം മത്സ്യബന്ധനം നടത്തുന്നതിനാൽ പരമ്പരാഗത മത്സ്യത്തൊഴിലാളികൾ പ്രതിസന്ധി നേരിടുന്നത് പരിശോധിച്ചിട്ടുണ്ടോ;

അനധികൃത വലകൾ ഉപയോഗിക്കുന്ന ബോട്ടുകളെ കണ്ടെത്തുന്നതിന് വ്യാപകമായ പരിശോധന നടത്താനും നടപടി സ്വീകരിക്കാനും തയ്യാറാകുമോ; എങ്കിൽ വിശദമാക്കുമോ?

പഠനത്തിലും കലാപ്രവർത്തനങ്ങളിലും മികവ് തെളിയിക്കുന്ന പട്ടികജാതി വിദ്യാർത്ഥികൾക്ക് എന്തെല്ലാം ​​പ്രോത്സാഹനങ്ങളാണ് നൽകിവരുന്നതെന്ന് അറിയിക്കുമോ;

എസ്.എസ്.എൽ.സി., പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടുന്ന പട്ടികജാതി വിദ്യാർത്ഥികൾക്ക് നൽകിവരുന്ന സ്വർണ്ണമെഡൽ പദ്ധതി നിലച്ചതായ ആക്ഷേപം പരിശോധിക്കുമോ;

സ്കൂൾ കലോത്സവങ്ങളിൽ എ ​ഗ്രേഡ് നേടുന്ന കുട്ടികൾക്ക് നൽകിവരുന്ന പതിനായിരം രൂപയുടെ ​പ്രോത്സാഹന സമ്മാന വിതരണത്തിൽ കുടിശിക വരുത്തിയിട്ടുണ്ടോ;

സ്വർണ്ണമെഡലുകളും പ്രോത്സാഹന സമ്മാനത്തുകയും കുടിശിക സഹിതം എന്നത്തേക്ക് വിതരണം ചെയ്യാൻ കഴിയുമെന്ന് വിശദമാക്കുമോ?

സംസ്ഥാനത്ത് കനത്തചൂട് അനുഭവപ്പെടാന്‍ ഇടയുണ്ടെന്ന് കാലാവസ്ഥ നിരീക്ഷണ കേന്ദ്രങ്ങളില്‍നിന്നും അറിയിപ്പുണ്ടായ സാഹചര്യത്തില്‍ കുടിവെളള ലഭ്യത ഉറപ്പുവരുത്തുന്നതിന് എന്തെല്ലാം പദ്ധതികളാണ് ആസൂത്രണം ചെയ്തുവരുന്നതെന്ന് വ്യക്തമാക്കുമോ;

ജല അതോറിറ്റിയുടെ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിന്റെ ഭാഗമായി നടത്തിവരുന്ന നവീകരണ പ്രവര്‍ത്തനങ്ങള്‍ എന്തെല്ലാമാണെന്ന് വിശദമാക്കുമോ;

സംസ്ഥാന ജല അതോറിറ്റിയുടെ സാങ്കേതികവിഭാഗം ശക്തിപ്പെടുത്തുന്നതിനും ജലത്തിന്റെ ഗുണനിലവാരം മെച്ചപ്പെടുത്തുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കുമോ;

ജല ഗുണനിലവാര പരിശോധനാ ലാബുകളുടെ പ്രവര്‍ത്തനങ്ങള്‍ നിരീക്ഷിക്കുന്നതിനും വ്യാപിപ്പിക്കുന്നതിനും പ്രത്യേക നിര്‍ദ്ദേശങ്ങള്‍ നല്‍കുമോ?

സംസ്ഥാനത്തിനു പുറത്തുള്ള സർവ്വകലാശാലകളിലും പ്രശസ്തമായ വിദേശ സർവ്വകലാശാലകളിലും ഉന്നതവിദ്യാഭ്യാസം നേടുന്ന പട്ടികവർഗ്ഗ വിദ്യാർത്ഥികൾക്ക് സാമ്പത്തിക സഹായവും മറ്റ് പിന്തുണാ സംവിധാനങ്ങളും ഒരുക്കുന്നതിനായി പ്രത്യേക പദ്ധതി ആവിഷ്കരിച്ചിട്ടുണ്ടോ; വ്യക്തമാക്കുമോ;

പ്രസ്തുത പദ്ധതിയനുസരിച്ച് ഈ സർക്കാരിന്റെ കാലത്ത് എത്ര പേർക്ക് എന്തെല്ലാം സഹായങ്ങള്‍ ലഭ്യമാക്കാൻ കഴിഞ്ഞിട്ടുണ്ട് എന്നറിയിക്കുമോ;

ആധുനിക നൈപുണ്യ വികസന പരിശീലനം നൽകി പട്ടികവർഗ്ഗ യുവജനങ്ങൾക്കിടയിലെ തൊഴിലില്ലായ്മ പരിഹരിക്കുന്നതിനും വ്യക്തികൾക്കും സ്വയം സഹായ സംഘങ്ങൾക്കും പിന്തുണ നൽകുന്നതിനുമായി പ്രത്യേക പദ്ധതികൾ ആവിഷ്കരിച്ചിട്ടുണ്ടോ; വിശദാംശം നൽകുമോ?

ആഴക്കടല്‍ മത്സ്യബന്ധന പദ്ധതിയുടെ നിലവിലെ പുരോഗതി വ്യക്തമാക്കാമോ;

പ്രസ്തുത പദ്ധതി നടപ്പാക്കുന്നതിന് എന്തെങ്കിലും തടസ്സം നിലവിലുണ്ടോയെന്നും എങ്കില്‍ അതു പരിഹരിക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്നും വ്യക്തമാക്കുമോ;

യാനങ്ങളുടെ നിര്‍മ്മാണവുമായി ബന്ധപ്പെട്ട് ഉണ്ടായിരുന്ന സാങ്കേതിക തകരാറുകള്‍ പരിഹരിക്കുന്നതിന് കഴിഞ്ഞിട്ടുണ്ടോ; വിശദമാക്കുമോ?

പുനര്‍ഗേഹം പദ്ധതിയുടെ നിര്‍വ്വഹണ പുരോഗതി വിലയിരുത്തിയിട്ടുണ്ടോ; വിശദമാക്കാമോ;

പുനര്‍ഗേഹം പദ്ധതിയില്‍ ഉള്‍പ്പെടുത്തി നിര്‍മ്മിക്കുന്ന ഫ്ലാറ്റുകള്‍ എന്ന് പൂര്‍ത്തീകരിക്കുവാനാണ് ലക്ഷ്യമിടുന്നതെന്ന് അറിയിക്കുമോ;

ഫ്ലാറ്റുകളിലേയ്ക്ക് മതിയായ ഗുണഭോക്താക്കള്‍ ഇല്ലാത്ത പക്ഷം ഭൂരഹിത ഭവനരഹിത മത്സ്യത്തൊഴിലാളി കുടുംബങ്ങളെ പുനരധിവസിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കാമോ?

പട്ടിക വിഭാഗക്കാരുടെയും പിന്നാക്ക വിഭാഗങ്ങ​ളുടെയും വികസന, വിദ്യാഭ്യാസ, ക്ഷേമപ്രവർത്തനങ്ങൾ ഏകോപിപ്പിക്കുന്നതിനായി ആരംഭിച്ച 'ഉന്നതി' പദ്ധതി നിലവില്‍ പ്രവർത്തിക്കുന്നില്ല എന്നത് പരിശോധിച്ചിട്ടുണ്ടോ;

പ്രസ്തുത പദ്ധതിയുമായി ബന്ധപ്പെട്ട ഫയലുകൾ കാണാതായിട്ടുണ്ടോ; എങ്കില്‍ അവ വീണ്ടെടുക്കാൻ കഴിഞ്ഞിട്ടുണ്ടോ; വിശദമാക്കുമോ;

പദ്ധതിയുടെ പ്രവർത്തനത്തിനാവശ്യമായ ഫണ്ട് ലഭ്യമാക്കിയിട്ടുണ്ടോ;

'ഉന്നതി'യുടെ പ്രവർത്തനങ്ങൾ മെച്ചപ്പെടുത്താൻ ഉദ്ദേശിക്കുന്നുണ്ടോ; എങ്കിൽ വിശദമാക്കുമോ?

കേരളത്തിൽ ഉത്ഭവിച്ച് പൂർണ്ണമായും സംസ്ഥാനത്തിലൂടെ ഒഴുകുന്ന പമ്പ, അച്ചൻകോവിൽ എന്നീ നദികളിലെ വെളളം തമിഴ്‍ നാട്ടിലെ കൃഷിക്കും ജലസേചനത്തിനുമായി വൈപ്പാർ നദീതടത്തി​ലേക്ക് തിരിച്ചു വിടുന്ന പദ്ധതിക്ക് നീക്കം നടക്കുന്നതായി ശ്രദ്ധയിൽപ്പെട്ടിട്ടുണ്ടോ;

പ്രസ്തുത പദ്ധതി നടപ്പാക്കുന്നപക്ഷം വെളളത്തിലാകുന്ന വനഭൂമിയെ സംബന്ധിച്ച് പഠനം നടത്തിയിട്ടുണ്ടോ;

പദ്ധതി നടപ്പാക്കുന്ന പക്ഷം വേമ്പനാട്ടുകായലിൽ ഓരുവെളളത്തിന്റെ കടന്നുകയറ്റം രൂക്ഷമാകാനുള്ള സാധ്യത പരിശോധിച്ചിട്ടുണ്ടോ;

സംസ്ഥാനത്തെ ഗുരുതരമായി ബാധിക്കുന്ന ഈ പദ്ധതി നടപ്പാക്കുന്നതിനെതിരെ എന്തെല്ലാം നടപടികൾ സ്വീകരിക്കാനാണുദ്ദേശിക്കുന്നത്; വിശദമാക്കുമോ?

കാലാവസ്ഥാ വ്യതിയാനംമൂലം ഭൂമിയും വീടും നഷ്ടപ്പെടുന്ന, കടലോരത്ത് താമസിക്കുന്ന മത്സ്യത്തൊഴിലാളികളെ പുനരധിവസിപ്പിക്കുന്നതിനായി നടപ്പിലാക്കാന്‍ ഉദ്ദേശിക്കുന്ന പദ്ധതികൾ എന്തെല്ലാമാണെന്ന് വ്യക്തമാക്കുമോ;

ഐക്യരാഷ്ട്ര സഭയുടെ സുസ്ഥിര വികസന ലക്ഷ്യമായ 'എസ്.ഡി.ജി.-14:ലൈഫ് ബിലോ വാട്ടര്‍' എന്നതില്‍ ലക്ഷ്യം സാക്ഷാത്കരിക്കുവാന്‍ ഉതകുന്ന പദ്ധതികള്‍ ആവിഷ്കരിച്ചിട്ടുണ്ടോ; അറിയിക്കുമോ;

ഐ. യു. യു. (ഇല്ലീഗൽ, അൺറിപ്പോ‍ർട്ടഡ് ആന്റ് അൺ റെഗുലേറ്റഡ്) ഫിഷിംഗ് കുറയ്ക്കുന്നതിന് നടത്തിയിട്ടുള്ള ഇടപെടലുകള്‍ എന്തെല്ലാമാണെന്ന് വിശദമാക്കുമോ;

കടലിലെ പ്ലാസ്റ്റിക് മാലിന്യങ്ങള്‍ നീക്കം ചെയ്യുന്നതിനും കടല്‍ത്തീരം വൃത്തിയാക്കുന്നതിനും പദ്ധതികള്‍ ആവിഷ്കരിച്ചിട്ടുണ്ടോ; എങ്കില്‍ അവയുടെ പ്രവര്‍ത്തന പുരോഗതി വിശദമാക്കാമോ?

മത്സ്യബന്ധന തുറമുഖങ്ങളുടെ ആധുനികവല്‍ക്കരണത്തിനായി പദ്ധതികള്‍ ആവിഷ്കരിച്ചിട്ടുണ്ടോ; വ്യക്തമാക്കുമോ;

മത്സ്യബന്ധന തുറമുഖങ്ങളുടെ പ്രവര്‍ത്തനം അന്താരാഷ്ട്ര നിലവാരത്തിലേക്ക് ഉയര്‍ത്താനാവശ്യമായ പദ്ധതികള്‍ ആവിഷ്കരിച്ച് നടപ്പിലാക്കാന്‍ നടപടി സ്വീകരിക്കുമോ;

ബേപ്പൂര്‍, ശക്തികുളങ്ങര, പൊന്നാനി എന്നീ പ്രധാനപ്പെട്ട ഫിഷിംഗ് ഹാര്‍ബറുകളുടെ അടിസ്ഥാന സൗകര്യ വികസനവുമായി ബന്ധപ്പെട്ട് പദ്ധതികള്‍ നിലവിലുണ്ടോ; വ്യക്തമാക്കുമോ ?

2023-24-ലെ സംസ്ഥാന ബഡ്ജറ്റില്‍ പ്രഖ്യാപിച്ച ഫിഷറീസ് ഇന്നവേഷന്‍ കൗണ്‍സില്‍ സ്ഥാപിതമായിട്ടുണ്ടോയെന്നും അതിന്റെ സ്ഥാപിത ഉദ്ദേശ്യലക്ഷ്യങ്ങള്‍ എന്തെല്ലാമാണെന്നും അറിയിക്കുമോ;

മല്‍സ്യബന്ധന-അനുബന്ധ മേഖലയില്‍ ഒട്ടേറെ തൊഴില്‍ സാധ്യതകള്‍ സൃഷ്ടിക്കുന്നതിന് പ്രസ്തുത കൗണ്‍സില്‍ സ്ഥാപിക്കുന്നതിലൂടെ കഴിയുമെന്ന് പ്രതീക്ഷിക്കുന്നുണ്ടോ; വിശദമാക്കുമോ;

മത്സ്യ കയറ്റുമതി മേഖലയുടെ ഉന്നമനത്തിന് ഫിഷറീസ് ഇന്നവേഷന്‍ കൗണ്‍സില്‍ സഹായകമാകുമോയെന്ന് വ്യക്തമാക്കാമോ?

പട്ടികവര്‍ഗ സ്ത്രീകള്‍ക്ക് ഗര്‍ഭാവസ്ഥയിലും പ്രസവശേഷവും ആവശ്യമായ പരിചരണം ഉറപ്പാക്കുന്നതിനായി പ്രത്യേക പദ്ധതി ആവിഷ്ക്കരിച്ചിട്ടുണ്ടോ; വ്യക്തമാക്കുമോ;

ഈ സർക്കാരിന്റെ കാലത്ത് പ്രസ്തുത പദ്ധതി അനുസരിച്ച് സഹായധനം ലഭ്യമാക്കിയിട്ടുണ്ടോ എന്നറിയിക്കുമോ;

പട്ടികവര്‍ഗ യുവതികള്‍ക്ക് വിവാഹ ധനസഹായം നല്‍കുന്ന പദ്ധതി നിലവിലുണ്ടോ; വിശദാംശം നല്‍കുമോ?

മനുഷ്യ-വന്യജീവി സംഘർഷം നേരിടുന്നതിന് പ്രത്യേക പദ്ധതികൾ തയ്യാറാക്കി 2021-ൽ കേന്ദ്രസർക്കാരിന് സമർപ്പിച്ചിരുന്നോ;

ഇക്കാര്യത്തിൽ കേന്ദ്രസർക്കാരിന്റെ നിലപാട് സംസ്ഥാനത്തെ അറിയിച്ചിട്ടുണ്ടോ; എങ്കില്‍ വിശദമാക്കുമോ;

മനുഷ്യ-വന്യജീവി സംഘർഷം ഒഴിവാക്കുന്നതിനുളള പദ്ധതികൾക്കായി എപ്രകാരം തുക കണ്ടെത്താനാണ് ലക്ഷ്യമിടുന്നതെന്ന് വ്യക്തമാക്കുമോ?

സംസ്ഥാനത്ത് പരമ്പരാഗത ജീവനോപാധികളെ ആശ്രയിക്കുന്ന പട്ടികവര്‍ഗ്ഗ ജനവിഭാഗങ്ങള്‍ക്കുവേണ്ടി പ്രത്യേക ജീവനോപാധി പദ്ധതി ആവിഷ്കരിച്ച് നടപ്പാക്കിയിട്ടുണ്ടോ; വ്യക്തമാക്കുമോ;

പ്രസ്തുത പദ്ധതി ഏതൊക്കെ ജനവിഭാഗങ്ങള്‍ക്കായാണ് നടപ്പിലാക്കുന്നതെന്നും ഏതൊക്കെ ഘടക പദ്ധതികളാണ് വിഭാവനം ചെയ്തിട്ടുള്ളതെന്നും വിശദമാക്കുമോ;

പ്രസ്തുത പദ്ധതി പട്ടികവര്‍ഗ്ഗ കുടുംബങ്ങൾക്ക് എത്രത്തോളം പ്രയോജനകരമായിട്ടുണ്ടെന്ന് വ്യക്തമാക്കുമോ?

ജല മാനേജ്മെന്റിന്റെ പ്രധാന ഉദ്ദേശ്യങ്ങള്‍ എന്തെല്ലാമെന്ന് വ്യക്തമാക്കുമോ;

സംസ്ഥാനത്ത് ജല മാനേജ്മെന്റ് ഫലപ്രദമായി നടപ്പിലാക്കാന്‍ സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദമാക്കുമോ;

ജലവിഭവ വകുപ്പിന്റെ പ്രവര്‍ത്തനം ചിട്ടപ്പെടുത്താനും മെച്ചപ്പെടുത്താനും സ്വീകരിച്ചിട്ടുളള നടപടികൾ എന്തൊക്കെയാണെന്നു വ്യക്തമാക്കുമോ;

ജലവിഭവ വകുപ്പിനു കീഴിലുളള വിനോദസഞ്ചാര സാധ്യതയുളള പ്രദേശങ്ങള്‍ വികസിപ്പിച്ച് പൊതുജനങ്ങള്‍ക്ക് സന്ദര്‍ശനത്തിന് അവസരമൊരുക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

വന്യജീവി ആക്രമണത്തിൽ മരണമടയുന്നവരുടെയും പരിക്കേൽക്കുന്നവരുടെയും കുടുംബങ്ങൾക്ക് നിലവിൽ നൽകിവരുന്ന സഹായങ്ങൾ എന്തെല്ലാമാണ്; വിശദമാക്കുമോ;

ജീവൻ നഷ്ടപ്പെടുന്നവരുടെ കുടുംബാംഗങ്ങൾക്ക് ജോലി നൽകാനും കുട്ടികളുടെ വിദ്യാഭ്യാസ ചെലവ് ഏറ്റെടുക്കാനും ഉദ്ദേശിക്കുന്നുണ്ടോ; അറിയിക്കുമോ;

വന്യജീവി ആക്രമണംമൂലം സ്വകാര്യ ആശുപത്രികളിൽ ചികിത്സ തേടുന്നവരുടെ പൂർണ്ണ ചെലവ് ഏറ്റെടുക്കാൻ തയ്യാറാകുമോ; വ്യക്തമാക്കുമോ;

നിലവിൽ നൽകി വരുന്ന നഷ്ടപരിഹാരത്തുക വർദ്ധിപ്പിക്കാൻ നടപടി സ്വീകരിക്കുമോ; വിശദമാക്കുമോ?

മനുഷ്യ-വന്യജീവി സംഘര്‍ഷം പ്രത്യേക ദുരന്തമായി കേരളം പ്രഖ്യാപിച്ചിട്ടുണ്ടോ;

നിലവില്‍ വന്യജീവി ആക്രമണത്തില്‍ കൊല്ലപ്പെട്ടവരുടെ കുടുംബത്തിനുള്ള നഷ്ടപരിഹാരം ഉയര്‍ത്തി നിശ്ചയിച്ചിട്ടുണ്ടോയെന്നറിയിക്കുമോ;

മനുഷ്യ-വന്യജീവി ആക്രമണം രൂക്ഷമായ മേഖലയിലെ കുടുംബങ്ങളെ പുനരധിവസിപ്പിക്കാന്‍ സ്വീകരിച്ചിട്ടുള്ള നടപടികളും ഇപ്രകാരം എത്ര കുടുംബങ്ങളെ പുനരധിവസിപ്പിച്ചിട്ടുണ്ടെന്നും വിശദമാക്കുമോ;

വന്യജീവി ആക്രമണം തടയാന്‍ അയല്‍ സംസ്ഥാനങ്ങളുമായി സഹകരണ കരാര്‍ ഒപ്പുവച്ചിട്ടുണ്ടോ; വിശദാംശം ലഭ്യമാക്കുമോ?

പാലക്കാട് ജില്ലയിലെ കഞ്ചിക്കോട് എഥനോൾ പ്ലാന്റ്, മൾട്ടി ഫീഡ് ഡിസ്റ്റിലേഷൻ യൂണിറ്റ്, ഇന്ത്യൻ നിർമ്മിത വിദേശമദ്യ ബോട്ടിലിങ് യൂണിറ്റ്, ബ്രൂവറി, മാൾട്ട് സ്പിരിറ്റ് പ്ലാന്റ്, ബ്രാണ്ടി/വൈനറി പ്ലാന്റ് എന്നിവ ആരംഭിക്കുന്നതിന് ഒയാസിസ് കമേര്‍ഷ്യല്‍ പ്രൈവറ്റ് ലിമിറ്റഡ് എന്ന സ്ഥാപനത്തിന് ആവശ്യമായ വെള്ളം ലഭ്യമാക്കാൻ ജല അതോറിറ്റിയുമായി ധാരണയിൽ എത്തിയിട്ടുണ്ടോ; വിശദാംശങ്ങൾ നൽകാമോ;

ഇത് സംബന്ധിച്ച കരാറിന്റെ വിശദാംശം ലഭ്യമാക്കുമോ; എന്തൊക്കെ വ്യവസ്ഥകളാണ് ജല അതോറിറ്റി ഈ കരാറിന്റെ ഭാഗമായി ഉൾപ്പെടുത്തിയിട്ടുള്ളതെന്ന് വ്യക്തമാക്കാമോ;

ഏതൊക്കെ പദ്ധതികളിൽ നിന്നാണ് ജല അതോറിറ്റി പ്രസ്തുത കമ്പനിക്ക് ജലം നൽകാൻ ധാരണയായതെന്ന് വ്യക്തമാക്കാമോ?