കോവിഡ് കാലത്തിന് മുൻപ് കണ്ണൂർ റെയിൽവേ സ്റ്റേഷനിൽ ആലപ്പുഴ-കണ്ണൂർ എക്സ്പ്രസ്സ്, തിരുവനന്തപുരം-കണ്ണൂർ ജനശതാബ്ദി എക്സ്പ്രസ്സ് എന്നിവ എത്തി ചേർന്നാലുടൻ കാസർഗോഡ് ഭാഗത്തേക്ക് സർവ്വീസ് നടത്തിയിരുന്ന നാല് കെ.എസ്.ആര്‍.ടി.സി ബസുകള്‍ കോവിഡിന് ശേഷം പുനഃസ്ഥാപിച്ചിട്ടില്ലെന്നുള്ളത് ശ്രദ്ധയിൽപ്പെട്ടിട്ടുണ്ടോ;

എങ്കിൽ പ്രസ്തുത ബസുകൾ അടിയന്തരമായി പുനഃസ്ഥാപിക്കുവാൻ നടപടി സ്വീകരിക്കുമോ?

ബസ്സുകളിൽ യാത്ര ചെയ്യുന്ന വിദ്യാർത്ഥികളോട് ബസ് ജീവനക്കാർ കൺസഷൻ തുകയേക്കാൾ കൂടുതൽ തുക ആവശ്യപ്പെടുകയും മാനസികമായി പീഡിപ്പിക്കുകയും പരുഷമായി പെരുമാറുകയും ചെയ്യുന്നതു മൂലം കുട്ടികൾക്ക് മാനസിക വിഷമം ഉണ്ടാകുന്നതായി ശ്രദ്ധയിൽപ്പെട്ടിട്ടുണ്ടോ;

ബസ് ജീവനക്കാർക്ക് കൃത്യമായ നിർദ്ദേശങ്ങൾ നൽകി ഇതിന് പരിഹാരം കാണാൻ ശ്രമിക്കുമോ; ഇതിനാവശ്യമായ എന്തെല്ലാം നടപടികളാണ് ഇതുവരെ സ്വീകരിച്ചിട്ടുള്ളതെന്ന് വിശദമാക്കാമോ?

സേഫ് കേരള പദ്ധതിയുടെ ഭാഗമായി എ.ഐ. ക്യാമറകൾ സ്ഥാപിക്കുന്നതിന് പ്രോജക്ട് മാനേജ്‌മെന്റ് കൺസൾട്ടന്റ് (പി.എം.സി) ആയി കെൽട്രോണിനെ മോട്ടോർ വാഹന വകുപ്പ് തെരഞ്ഞെടുത്തിരുന്നോ;

ട്രാഫിക് സിഗ്നലിംഗ് ഉള്‍പ്പെടെയുള്ള ഐ.ടി. അനുബന്ധ പദ്ധതികളിൽ കെൽട്രോണിനെ പ്രോജക്ട് മാനേജ്‌മെന്റ് കൺസൾട്ടന്റ് ആക്കാൻ പാടില്ല എന്ന ധനവകുപ്പിന്റെ 4/7/2019 ലെ 77-ാം നമ്പർ ഉത്തരവ് ലംഘിച്ചുകൊണ്ട് പ്രസ്തുത സ്ഥാപനത്തിനെ തെരഞ്ഞെടുത്തതിന്റെ കാരണം വിശദമാക്കാമോ;

പി.എം.സി ആയി തെരഞ്ഞെടുത്ത കെൽട്രോണിനെ എസ്റ്റിമേറ്റ് തയ്യാറാക്കാനും, ടെൻഡർ ക്ഷണിക്കാനും മോട്ടോർ വാഹന വകുപ്പ് ചുമതലപ്പെടുത്തിയതിന്റെ കാരണം വിശദമാക്കാമോ;

എ.ഐ. ക്യാമറ സംബന്ധിച്ച പ്രവൃത്തികളുടെ എസ്റ്റിമേറ്റ് തയ്യാറാക്കുന്നതുമായി ബന്ധപ്പെട്ട് കെൽട്രോണിന്റ മുൻപരിചയം വകുപ്പ് പരിശോധിച്ചിട്ടുണ്ടോയെന്ന് വിശദമാക്കാമോ?

ഗതാഗത രംഗത്ത് ഗുണപരമായ മാറ്റങ്ങള്‍ വരുത്താന്‍ സ്വീകരിച്ചു വരുന്ന നടപടികള്‍ എന്തെല്ലാമാണെന്ന് വ്യക്തമാക്കുമോ;

ഇലക്ട്രിക്ക് വാഹനങ്ങളെ പ്രോത്സാഹിപ്പിക്കാന്‍ കൂടുതല്‍ നടപടികള്‍ സ്വീകരിക്കുമോ; എങ്കില്‍ വിശദാംശം നൽകുമോ?

സേഫ് കേരള പദ്ധതിയുടെ ഭാഗമായി എ.ഐ. ക്യാമറകൾ സ്ഥാപിക്കാനായി എസ്റ്റിമേറ്റ് തയ്യാറാക്കാൻ മോട്ടോർ വാഹന വകുപ്പ് കെൽട്രോണിനെ ചുമതലപ്പെടുത്തുന്നതിനു മുൻപ്, സമാനമായ പദ്ധതികൾക്കായി ക്യാമറകൾ നൽകിയതിന്റെ ഇൻവോയ്‌സുകൾ, സപ്ലൈ ഓർഡർ എന്നിവ കെൽട്രോൺ വകുപ്പിന് സമർപ്പിച്ചിരുന്നോ; എങ്കിൽ ഈ രേഖകളുടെ പകർപ്പ് ലഭ്യമാക്കാമോ?

ഒറ്റപ്പാലം മണ്ഡലത്തില്‍ റോഡ് സേഫ്റ്റി ഫണ്ട് ഉപയോഗിച്ച് നടപ്പാക്കുന്ന പദ്ധതികളെക്കുറിച്ചും അവ ഓരോന്നിനും ചെലവാക്കുന്ന തുക എത്രയാണെന്നും അറിയിക്കാമോ?

റോഡിന് മുകളില്‍ താഴ്ന്നുകിടക്കുന്ന കേബിളുകള്‍, റോഡുകളുടെ വശങ്ങളിലുള്ള സ്ലാബില്ലാത്ത ഓടകള്‍, ജല അതോറിറ്റിയുടെ പൈപ്പുകള്‍ സ്ഥാപിക്കുന്നതിനെടുക്കുന്ന കുഴികള്‍ എന്നിവ മൂലമുള്ള റോഡപകടങ്ങള്‍ക്ക് പരിഹാരം കണ്ടെത്താന്‍ ഗതാഗത വകുപ്പ് സ്വീകരിച്ച നടപടികള്‍ വിശദമാക്കുമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം പാറശ്ശാല മണ്ഡലത്തില്‍ റോഡ് സേഫ്റ്റി ഫണ്ട് വിനിയോഗിച്ച് നടപ്പിലാക്കിയിട്ടുള്ള പ്രവൃത്തികള്‍ , നടപ്പിലാക്കുവാന്‍ ഉദ്ദേശിക്കുന്ന പ്രവൃത്തികള്‍; എന്നിവ ഏതൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തികള്‍ക്ക് ഓരോന്നിനും അനുവദിച്ച തുക എത്രയെന്ന് വ്യക്തമാക്കാമോ;

അനുവദിച്ച പ്രവൃത്തികളില്‍ പൂര്‍ത്തായാക്കുവാനുള്ളവ ഏതെല്ലാമെന്ന് വിശദമാക്കാമോ?

സംസ്ഥാനത്ത് 2022 ജനുവരി 1 മുതൽ ഡിസംബർ 31 വരെ റിപ്പോര്‍ട്ട് ചെയ്തിട്ടുള്ള റോഡപകടങ്ങള്‍ എത്രയാണെന്ന് വ്യക്തമാക്കാമോ;

2022 വർഷത്തിൽ വാഹനാപകടങ്ങളില്‍ മരണപ്പെട്ടിട്ടുളള ആളുകളുടെ എണ്ണം എത്ര; അതില്‍ ഇരുചക്ര വാഹനാപകട മരണങ്ങള്‍ എത്ര; വിശദമാക്കാമോ;

വാഹനാപകടങ്ങളില്‍ പരിക്ക് പറ്റിയ ആളുകളുടെ എണ്ണം വ്യക്തമാക്കാമോ?

ദിവസങ്ങൾ നീണ്ട യാത്രകളിൽ ഏർപ്പെടുന്ന ടാക്സി ഡ്രൈവർമാർക്ക് ശരിയായ വിശ്രമ സൗകര്യങ്ങൾ സംസ്ഥാനത്ത് ലഭ്യമല്ലാത്ത സാഹചര്യം ശ്രദ്ധയിൽപ്പെട്ടിട്ടുണ്ടോ;

മതിയായ വിശ്രമമില്ലാതെ ഡ്രൈവ് ചെയ്യേണ്ടി വരുന്നതിനാൽ ഡ്രൈവർമാർക്ക് ആരോഗ്യപ്രശ്നങ്ങളും വാഹനങ്ങൾക്ക് അപകടങ്ങളും ഉണ്ടാകാൻ സാധ്യതയുള്ളതായി കരുതുന്നുണ്ടോ; വ്യക്തമാക്കാമോ;

ടൂറിസ്റ്റ് കേന്ദ്രങ്ങളിലും മറ്റ് പ്രധാന കേന്ദ്രങ്ങളിലും ദീർഘദൂര ടാക്സി ഡ്രൈവർമാർക്കായി കുടിവെള്ളം, ശുചിമുറി, വിശ്രമസൗകര്യം എന്നിവ ഒരുക്കുന്നതിന് ഗതാഗത വകുപ്പ് നടപടി സ്വീകരിക്കുമോ; വിശദമാക്കാമോ?

2022 ഡിസംബർ മാസത്തിൽ കെ.എസ്.ആർ.ടി.സി. എത്ര കിലോമീറ്റർ ആകെ ഓപ്പറേറ്റ് ചെയ്തു എന്ന് വ്യക്തമാക്കാമോ; പ്രസ്തുത മാസത്തെ കെ.എം.പി.എല്‍ എത്രയെന്ന് വ്യക്തമാക്കാമോ;

ജനുവരി 2023-ൽ എന്‍.പി.എസ്., എന്‍.ഡി.ആര്‍., ലൈഫ് ഇൻഷുറൻസ് എന്നീ ഇനങ്ങളിൽ എത്രയൊക്കെ തുകയാണ് കെ.എസ്.ആർ.ടി.സി. ഒടുക്കിയിട്ടുള്ളതെന്ന വിശദാംശം നല്‍കുമോ;

2023 ജനുവരി മാസം ജീവനക്കാർക്ക് പി.എഫ്. ഇനത്തിൽ എത്ര തുക കെ.എസ്.ആർ.ടി.സി. അനുവദിച്ചു നൽകിയിട്ടുണ്ടെന്നുള്ള വിശദാംശം നല്‍കാമോ?

2021 ഏപ്രിൽ മുതൽ 2023 മാർച്ച് വരെ മരാമത്ത് പ്രവൃത്തികൾക്ക് കെ.എസ്.ആര്‍.ടി.സി. എത്ര രൂപ വീതം ഓരോ മാസവും വിനിയോഗിച്ചിട്ടുണ്ട്;

പ്രസ്തുത കാലയളവില്‍ മരാമത്ത് പ്രവൃത്തികൾക്ക് ഓരോ മാസവും എച്ച്.എല്‍.എല്‍.-ന് എത്ര രൂപയുടെ ബില്ലുകൾ പാസാക്കി നൽകിയിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവില്‍ ഏതൊക്കെ മരാമത്ത് പ്രവൃത്തികൾ നടത്താനാണ് എച്ച്.എല്‍.എൽ ന് ടെൻഡർ/ക്വട്ടേഷൻ അനുവദിച്ചു നൽകിയിട്ടുള്ളതെന്നും ആയതിന്റെ തുക ഉൾപ്പെടെയുള്ള വിശദാംശങ്ങൾ വ്യക്തമാക്കാമോ;

പ്രസ്തുത കാലയളവില്‍ കെ.എസ്.ആര്‍.ടി.സി. യിലെ സിവിൽ വിഭാഗത്തിൽ ചീഫ് എൻജിനീയർ തസ്തികയിൽ ഇരുന്നവർ ആരൊക്കെയെന്നും അവരുടെ വിദ്യാഭ്യാസ യോഗ്യത എന്തായിരുന്നുവെന്നും വ്യക്തമാക്കാമോ?

സംസ്ഥാനത്തിന്റെ വികസനവും ജനക്ഷേമവും ഉറപ്പുവരുത്തുന്നതിന് കാര്യക്ഷമമായ പൊതുഗതാഗത സംവിധാനം ഉണ്ടാകേണ്ടതിന്റെ ആവശ്യകത ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

കെ.എസ്.ആർ.ടി.സി.യെ കാര്യക്ഷമമാക്കാനും ആവശ്യമായ സാമ്പത്തിക പാക്കേജുകൾ പ്രഖ്യാപിക്കുന്നതിനും ഉദ്ദേശിക്കുന്നുണ്ടോ; വിശദമാക്കുമോ;

കെ.എസ്.ആർ.ടി.സി. ജീവനക്കാരുടെയും പെന്‍ഷന്‍കാരുടെയും ശമ്പളവും പെന്‍ഷനും മറ്റാനുകൂല്യങ്ങളും മുടക്കം കൂടാതെ നല്‍കുന്നതിന് സ്വീകരിച്ചിട്ടുള്ള ക്രമീകരണങ്ങള്‍ എന്തെല്ലാമാണെന്ന് വിശദമാക്കുമോ;

ധനകാര്യ മാനേജ്മെന്റ് ഉൾപ്പെടെ കെ.എസ്.ആർ.ടി.സി.യുടെ ഭരണപരമായ പ്രവർത്തനങ്ങളിൽ സുതാര്യതയും പ്രൊഫഷണലിസവും കൊണ്ടുവരാൻ നടപടികൾ സ്വീകരിക്കുമോ; വിശദമാക്കുമോ?

പെരിന്തൽമണ്ണ - വളാഞ്ചേരി റൂട്ടില്‍ ലോക്ഡൗണ്‍ കാലത്ത് നിര്‍ത്തിവെച്ച കെ.എസ്‍.ആര്‍.ടി.സി. ബസ് സര്‍വീസുകള്‍ നാളിതുവരെയായിട്ടും പുനരാരംഭിച്ചിട്ടില്ലാത്തത് ശ്രദ്ധയില്‍പ്പെട്ടിട്ടുണ്ടോ; ഇതുകാരണം ഈ പ്രദേശത്തെ യാത്രക്കാരായ പൊതുജനങ്ങളും വിദ്യാര്‍ത്ഥികളും രോഗികളും വളരെയധികം പ്രയാസമനുഭിക്കുന്നുണ്ടെന്ന കാര്യം ഗൗരവമായി കാണുന്നുണ്ടോ;

പ്രസ്തുത റൂട്ടിലെ നിർത്തിവച്ച കെ.എസ്‍.ആര്‍.ടി.സി. ബസ് സര്‍വീസുകള്‍ പുനരാരംഭിക്കുന്നതിന് അടിയന്തരമായി നടപടി സ്വീകരിക്കുമോ?

2022 ഡിസംബർ മാസത്തിലെ വരവ്-ചെലവ് റിപ്പോർട്ടിൽ മറ്റ് ചെലവുകൾ എന്ന ഇനത്തിൽ കെ.എസ്.ആർ.ടി.സി. പറഞ്ഞിരിക്കുന്ന 60.06 കോടി രൂപ ഏതൊക്കെ ഇനത്തിലേക്കാണ് ചെലവഴിച്ചതെന്ന് ഇനം തിരിച്ച് വ്യക്തമാക്കാമോ;

2023 ജനുവരി മാസത്തിലെ വരവ്-ചെലവ് റിപ്പോർട്ടിൽ മറ്റു ചെലവുകൾ എന്ന ഇനത്തിൽ കെ.എസ്.ആർ.ടി.സി. പറഞ്ഞിരിക്കുന്ന 58.04 കോടി രൂപ ഏതൊക്കെ ഇനത്തിലാണ് ചെലവഴിച്ചതെന്ന് ഇനം തിരിച്ച് വ്യക്തമാക്കാമോ;

2022 ഡിസംബർ മാസത്തിൽ കെ.എസ്.ആർ.ടി.സി. മരാമത്ത് പണികൾക്ക് എത്ര തുക, ഏതൊക്കെ പ്രവൃത്തികൾക്ക് വേണ്ടി വിനിയോഗിച്ചിട്ടുണ്ടെന്ന് വ്യക്തമാക്കാമോ;

2022 നവംബർ മാസത്തിൽ കെ.എസ്.ആർ.ടി.സി. മരാമത്ത് പണികൾക്കായി എത്ര തുക, ഏതൊക്കെ പ്രവൃത്തികൾക്ക് വേണ്ടി വിനിയോഗിച്ചിട്ടുണ്ടെന്ന് വ്യക്തമാക്കാമോ?

കെ.എസ്.ആര്‍.ടി.സി.യിൽ ഓൺലൈൻ റിസർവേഷൻ വഴി ടിക്കറ്റ് ബുക്ക് ചെയ്യുന്ന യാത്രക്കാർ പ്രസ്തുത റിസർവേഷൻ ക്യാൻസൽ ചെയ്യുന്ന പക്ഷം ടിക്കറ്റ് നിരക്കിന്റെ എത്ര ശതമാനം തുകയാണ് തിരികെ നൽകുന്നത്; പ്രസ്തുത തുക തിരികെ ലഭിക്കുന്നതിനുള്ള നടപടിക്രമങ്ങൾ വ്യക്തമാക്കുമോ;

ഇപ്രകാരം ടിക്കറ്റുകൾ ക്യാൻസൽ ചെയ്യുന്ന സന്ദർഭത്തിൽ യാത്രക്കാർക്ക് തുക തിരികെ ലഭിക്കുന്നതിനുള്ള കാലപരിധി എത്രയാണ്; യാത്രക്കാർക്ക് തുക തിരികെ ലഭിക്കുന്നു എന്ന് ഉറപ്പാക്കുന്നതിന് എന്തൊക്കെ സംവിധാനങ്ങളാണ് ഏർപ്പെടുത്തിയിട്ടുള്ളത്;

ടിക്കറ്റ് ക്യാൻസൽ ചെയ്യുമ്പോൾ യാത്രക്കാർക്ക് തുക തിരികെ ലഭിക്കുന്നില്ലായെന്ന കാര്യം ഗൗരവത്തോടെ കാണുന്നുണ്ടോ; ഇത് സംബന്ധിച്ച് നാളിതുവരെ എത്ര പരാതികൾ ലഭിച്ചിട്ടുണ്ട്;

പ്രസ്തുത പരാതികളിന്‍മേല്‍ എന്തൊക്കെ തുടർനടപടി സ്വീകരിച്ചിട്ടുണ്ട്; എത്രപേർക്ക് പരാതിയുടെ അടിസ്ഥാനത്തിൽ തുക ലഭ്യമാക്കിയിട്ടുണ്ട്; വിശദാംശം നൽകുമോ; ഇക്കാര്യത്തിൽ വീഴ്ചകൾ ആവർത്തിക്കാതിരിക്കാൻ കർശന നടപടി സ്വീകരിക്കുമോയെന്ന് വ്യക്തമാക്കാമോ?

2022 ഡിസംബർ, 2023 ജനുവരി, ഫെബ്രുവരി എന്നീ മാസങ്ങളിൽ കെ.എസ്.ആർ.ടി.സി. ഓപ്പറേറ്റ് ചെയ്ത ആകെ കിലോമീറ്ററും, കെ.എം.പി.എല്‍. -ഉം വ്യക്തമാക്കാമോ;

കെ.എസ്.ആർ.ടി.സി. 2022 നവംബർ മുതല്‍ 2023 ഫെബ്രുവരി വരെയുള്ള മാസങ്ങളിൽ എടുത്തിട്ടുള്ള വർക്കിംഗ് ക്യാപിറ്റൽ ലോണിന്റെ മാസം തിരിച്ചുള്ള കണക്ക് വ്യക്തമാക്കാമോ;

2022 നവംബർ മാസത്തിൽ മറ്റു ചെലവുകൾക്കായി കെ.എസ്.ആർ.ടി.സി. ഏതൊക്കെ ഇനത്തിൽ എത്ര രൂപ വീതം ചെലവാക്കിയെന്ന് വ്യക്തമാക്കാമോ?

കെ.എസ്.ആര്‍.ടി.സി. സ്വിഫ്റ്റിന് നാളിതുവരെ വാടകയിനത്തിൽ കെ.എസ്.ആർ.ടി.സി. എത്ര രൂപ നൽകിയിട്ടുണ്ട്; വിശദമാക്കാമോ;

കെ.എസ്.ആർടി.സി. സ്വിഫ്റ്റ് ബസുകള്‍ക്ക് ഡീസൽ ഇനത്തിൽ നാളിതുവരെ എത്ര രൂപ ചെലവായി; വ്യക്തമാക്കാമോ;

കെ.എസ്.ആർടി.സി. സ്വിഫ്റ്റിലെ ജീവനക്കാർക്ക് ശമ്പളം നൽകുന്നതിന് നാളിതുവരെ എത്ര രൂപ ചെലവായി;

സ്വിഫ്റ്റ് ബസുകൾ മെയിന്റനൻസ് നടത്തിയ ഇനത്തിൽ സ്വിഫ്റ്റ് കമ്പനിക്ക് നാളിതുവരെ എത്ര രൂപ ചെലവായി; വിശദമാക്കാമോ?

2022 ഡിസംബറില്‍ കെ.എസ്.ആർ.ടി.സി. ആകെ ഓപ്പറേറ്റ് ചെയ്ത കിലോമീറ്റർ എത്രയെന്ന് വ്യക്തമാക്കാമോ; പ്രസ്തുത മാസത്തെ കെ.എസ്.ആർ.ടി.സി.യുടെ കെ.എം.പി.എല്‍. (കിലോമീറ്റർ പെർ ലിറ്റർ) എത്രയെന്നും വ്യക്തമാക്കാമോ?

മരാമത്ത് പ്രവൃത്തികൾക്കായി 2021 ഏപ്രിൽ മുതൽ 2023 മാർച്ച് വരെ ഓരോ മാസവും എത്ര രൂപ വീതം കെ.എസ്.ആർ.ടി.സി. വിനിയോഗിച്ചിട്ടുണ്ട്;

മരാമത്ത് പ്രവൃത്തികൾക്കായി പ്രസ്തുത കാലയളവില്‍ എച്ച്.എല്‍.എല്‍. (ഹിന്ദുസ്ഥാന്‍ ലാറ്റക്സ് ലിമിറ്റഡ്)-ന് ഓരോ മാസവും എത്ര രൂപയുടെ ബില്ലുകൾ പാസാക്കി നൽകിയിട്ടുണ്ടെന്ന് വ്യക്തമാക്കാമോ;

പ്രസ്തുത കാലയളവില്‍ കെ.എസ്.ആർ.ടി.സി. യിലെ ഏതൊക്കെ മരാമത്ത് പ്രവൃത്തികൾ നടത്താനാണ് എച്ച്.എല്‍.എല്‍.-ന് ടെൻഡർ / ക്വട്ടേഷൻ അനുവദിച്ചു നൽകിയിട്ടുള്ളതെന്നും ആയതിന്റെ തുകയുടെ വിശദാംശങ്ങൾ ഉൾപ്പെടെ വ്യക്തമാക്കാമോ;

പ്രസ്തുത കാലയളവില്‍ കെ.എസ്.ആർ.ടി.സി. യിലെ ചീഫ് എൻജിനീയർ (സിവിൽ വിഭാഗം) തസ്തികയിൽ ജോലി ചെയ്തവരുടെ പേര്, വിദ്യാഭ്യാസ യോഗ്യത എന്നിവ വ്യക്തമാക്കാമോ?

കാസർകോട്- മംഗലാപുരം റൂട്ടിൽ കെ.എസ്. ആർ.ടി.സി. യിൽ വിദ്യാർത്ഥികൾക്ക് കൺസഷൻ അനുവദിക്കാത്തത് എന്തുകൊണ്ടാണെന്ന് വ്യക്തമാക്കുമോ;

വിദ്യാർത്ഥികൾക്ക് കൺസഷൻ അനുവദിക്കുന്നത് സംബന്ധിച്ച് എന്തെങ്കിലും സാങ്കേതികതടസ്സം നിലവിലുണ്ടോ;

പ്രസ്തുത റൂട്ടിൽ വിദ്യാർത്ഥികള്‍ക്ക് കൺസഷൻ എപ്പോൾ നിലവിൽ വരുമെന്ന് വ്യക്തമാക്കാമോ?

തിരൂരങ്ങാടി നിയോജക മണ്ഡലത്തിലെ കക്കാട് ടൗണിൽ കെ.എസ്.ആർ.ടി.സി. യുടെ സ്വിഫ്റ്റ്, ലോഫ്ലോർ അടക്കമുള്ള ബസ്സുകളുടെ സ്റ്റോപ്പുകൾ പുനഃസ്ഥാപിക്കണമെന്ന ആവശ്യം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത സ്റ്റോപ്പ്‌ നിർത്തലാക്കിയതിന്റെ കാരണം വിശദമാക്കാമോ;

പ്രസ്തുത വിഷയത്തിൽ മലപ്പുറം കെ.എസ്.ആർ.ടി.സി. മാനേജർ സമർപ്പിച്ച റിപ്പോർട്ടിന്റെ പകർപ്പും പ്രസ്തുത റിപ്പോർട്ട് പ്രകാരം സ്വീകരിച്ച തുടർനടപടികളും വിശദമാക്കാമോ;

പ്രസ്തുത സ്റ്റോപ്പ് എന്നത്തേയ്ക്ക് പുനഃസ്ഥാപിക്കുമെന്ന് അറിയിക്കാമോ?

സ്വാശ്രയ-അണ്‍ എയിഡഡ് വിദ്യാഭ്യാസ സ്ഥാപനങ്ങളിലെ വിദ്യാര്‍ത്ഥികള്‍ക്ക് യാത്രാപാസിനുള്ള നിയന്ത്രണം ഏര്‍പ്പെടുത്തിയതില്‍ മാറ്റം വരുത്തണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

മലയോര-പിന്നോക്ക പ്രദേശങ്ങളിലെ വിദ്യാര്‍ത്ഥികള്‍ക്ക് പ്രസ്തുത നിയന്ത്രണങ്ങളില്‍ ഇളവു വരുത്തുന്നതിന് നടപടികള്‍ സ്വീകരിക്കുമോ?

കോവിഡ് ലോക്ക്ഡൗണ്‍ കാലത്ത് സര്‍വ്വീസ് നിര്‍ത്തിവച്ചതും മികച്ച റണ്ണിംഗ് കണ്ടീഷനിലുള്ളതുമായ എല്ലാ വാഹനങ്ങളും നിരത്തിലിറക്കാന്‍ സാധിച്ചിട്ടുണ്ടോ;

എങ്കിൽ ഇത് സംബന്ധിച്ച് സ്വീകരിച്ച നടപടി വിശദമാക്കുമോ?

കൈക്കൂലി കേസിൽ പിടിയിലായ കെ.എസ്.ആർ.ടി.സി. ഡെപ്യുട്ടി ജനറല്‍ മാനേജര്‍ (അഡ്വെർടൈസ്‌മെന്റ് ആന്റ് ലോജിസ്റ്റിക്)-ന്റെ കഴിഞ്ഞ കാലങ്ങളിലെ എല്ലാ പ്രവർത്തനങ്ങളിലും സംസ്ഥാന വിജിലൻസ് അന്വേഷണം നടത്തുമോ;

പ്രസ്തുത വ്യക്തിയുടെ മുൻ കാലങ്ങളിലെ ഔദ്യോഗിക തീരുമാനങ്ങൾ സംബന്ധിച്ച് കെ.എസ്.ആർ.ടി.സി.യിൽ ആഭ്യന്തര അന്വേഷണം തുടങ്ങിയിട്ടുണ്ടോ; വിശദമാക്കാമോ;

കെ.എസ്.ആർ.ടി.സി.യിൽ 400 കോടി രൂപയുടെ അഴിമതി നടന്നതായുള്ള ആരോപണത്തിന്റെ അടിസ്ഥാനത്തിൽ സംസ്ഥാന വിജിലൻസ് അന്വേഷണം നടത്താൻ തീരുമാനിച്ചിട്ടുണ്ടോ; വ്യക്തമാക്കുമോ?

ടിക്കറ്റ് ഇതര വരുമാനം വര്‍ദ്ധിപ്പിക്കാന്‍ കെ. എസ്. ആര്‍. ടി. സി. എന്തൊക്കെ പുതിയ പദ്ധതികളാണ് നടപ്പിലാക്കുന്നതെന്ന് വിശദമാക്കാമോ?

2022 ഡിസംബർ മാസത്തിൽ കെ.എസ്.ആര്‍.ടി.സി. മരാമത്ത് പണികൾക്ക് എത്ര രൂപ ഏതൊക്കെ പ്രവൃത്തികൾക്ക് വേണ്ടി വിനിയോഗിച്ചിട്ടുണ്ടെന്ന് വ്യക്തമാക്കാമോ;

2022 നവംബർ മാസത്തിൽ കെ.എസ്.ആര്‍.ടി.സി. മരാമത്ത് പണികൾക്കായി എത്ര രൂപ ഏതൊക്കെ പ്രവൃത്തികൾക്ക് വേണ്ടി വിനിയോഗിച്ചിട്ടുണ്ടെന്ന് വ്യക്തമാക്കാമോ?

കെ.എസ്.ആര്‍.ടി.സി.യിൽ ഓരോ മാസവും അഞ്ചാം തീയതിക്ക് മുൻപ് മുഴുവൻ ശമ്പളവും നല്കാൻ നടപടികൾ സ്വീകരിക്കുമോ;

എല്ലാ മാസവും ശമ്പള വിതരണത്തിനായി സർക്കാരിൽ നിന്നും പ്രത്യേക സഹായം ലഭ്യമാക്കുമെന്ന് കെ.എസ്.ആർ.ടി.സി. യ്ക്ക് ഉറപ്പ് ലഭിച്ചിട്ടുണ്ടോ; വിശദാംശം ലഭ്യമാക്കുമോ;

സർക്കാരിൽ നിന്നുള്ള സഹായം ലഭിച്ചില്ലെങ്കിൽ ജീവനക്കാർക്ക് പകുതി ശമ്പളം മാത്രം നൽകിയാൽ മതിയെന്ന് മാനേജ്മെന്റ് തീരുമാനിച്ചിട്ടുണ്ടോയെന്ന് വ്യക്തമാക്കുമോ;

ഉണ്ടെങ്കിൽ ഇപ്രകാരം പകുതി ശമ്പളം തടഞ്ഞുവയ്ക്കുന്നതിന്റെ കാരണം വ്യക്തമാക്കുമോ;

കെ.എസ്.ആർ.ടി.സി. ജീവനക്കാരുടെ പെൻഷൻ ആനുകൂല്യങ്ങൾ സമയബന്ധിതമായി വിതരണം ചെയ്യുന്നതിന് നടപടി സ്വീകരിക്കുമോ?

2022 ജനുവരിയിൽ എൻ. പി. എസ്. (നാഷണൽ പെൻഷൻ സ്കീം), എൻ. ഡി. ആർ. (നോൺ ഡെലിവറി റിപ്പോർട്ട്), ലൈഫ് ഇൻഷുറൻസ് എന്നീ ഇനങ്ങളിൽ എത്രയൊക്കെ തുകയാണ് കെ.എസ്.ആര്‍.ടി.സി. വിവിധ സ്ഥാപനങ്ങളിൽ ഒടുക്കിയിട്ടുള്ളത്; വ്യക്തമാക്കാമോ;

2022 ജനുവരി മാസം ജീവനക്കാർക്ക് പി.എഫ്. ഇനത്തിൽ കെ.എസ്.ആര്‍.ടി.സി. എത്ര തുക അനുവദിച്ചു നൽകിയിട്ടുണ്ട്; വ്യക്തമാക്കാമോ;

2022 ഡിസംബർ, 2023 ജനുവരി, ഫെബ്രുവരി എന്നീ മാസങ്ങളിൽ കെ.എസ്.ആര്‍.ടി.സി. ഓപ്പറേറ്റ് ചെയ്ത ആകെ കിലോമീറ്ററും കിലോ മീറ്റർ പെർ ലിറ്ററും വ്യക്തമാക്കാമോ ;

2022 നവംബർ-ഡിസംബർ, 2023 ജനുവരി-ഫെബ്രുവരി മാസങ്ങളിൽ കെ.എസ്.ആര്‍.ടി.സി. എത്ര രൂപ വീതം വർക്കിംഗ് ക്യാപിറ്റൽ ലോൺ എടുത്തിട്ടുണ്ട്; വ്യക്തമാക്കാമോ;

2022 നവംബർ മാസത്തിൽ മറ്റു ചെലവുകൾക്ക് എത്ര രൂപ, ഏതൊക്കെ ഇനത്തിൽ കെ.എസ്.ആര്‍.ടി.സി. ചെലവാക്കിയെന്ന് വ്യക്തമാക്കാമോ;

2022 ഡിസംബർ മാസത്തിൽ മറ്റു ചെലവുകൾ എന്ന ഇനത്തിൽ കെ.എസ്.ആര്‍.ടി.സി. യുടെ ഔദ്യോഗിക ഫേസ്‌ബുക്ക് പേജിൽ പറഞ്ഞിരിക്കുന്ന 60.06 കോടി രൂപ ഏതൊക്കെ ഇനത്തിലേക്കാണ് ചെലവഴിച്ചതെന്ന് ഇനം തിരിച്ച് വ്യക്തമാക്കാമോ;

2023 ജനുവരി മാസത്തിൽ മറ്റു ചെലവുകൾ എന്ന ഇനത്തിൽ കെ.എസ്.ആര്‍.ടി.സി. യുടെ ഔദ്യോഗിക ഫേസ്‌ബുക്ക് പേജിൽ പറഞ്ഞിരിക്കുന്ന 58.04 കോടി രൂപ ഏതൊക്കെ ഇനത്തിലേക്കാണ് ചെലവഴിച്ചതെന്ന് ഇനം തിരിച്ച് വ്യക്തമാക്കാമോ?

കെ.എസ്.ആർ.ടി.സി. യിലെ കണ്ടക്ടർ/ഡ്രൈവർ വിഭാഗം ജീവനക്കാര്‍ക്കു അധികരിച്ച സുരക്ഷ നൽകുന്നതിന്റെ ഭാഗമായി എസ്.ബി.ഐ. യുടെ പ്രൈവറ്റ് സബ്സിഡിയറി കമ്പനിയുമായി എന്തെങ്കിലും ഇടപാട് കെ.എസ്.ആർ.ടി.സി. ഈ വർഷം നടത്തിയിരുന്നോ;

എങ്കിൽ അത് പ്രകാരം ആരംഭിച്ച ഇൻഷുറൻസിന്റെ പ്രീമിയം തുകയായി 500 രൂപ തൊഴിലാളികളുടെ അനുമതി വാങ്ങാതെ സാലറി അക്കൗണ്ടുകളിൽനിന്നും പിൻവലിച്ചിട്ടുണ്ടോ; എങ്കിൽ പ്രസ്തുത നടപടി നീതിക്ക് നിരക്കുന്നതായി കരുതുന്നുണ്ടോ;

തങ്ങളുടെ അനുമതിയില്ലാതെ സാലറി അക്കൗണ്ടുകളിൽനിന്നും പിൻവലിച്ച ഇൻഷുറൻസ് പ്രീമിയം തുക തിരികെ ആവശ്യപ്പെടുന്നവർക്ക്‌ മടക്കി നല്കാൻ നിർദേശം നൽകുമോ; എങ്കിൽ അതിനുള്ള നടപടിക്രമം വ്യക്തമാക്കുമോ; ഇല്ലെങ്കിൽ ആയതിനുള്ള കാരണം വ്യക്തമാക്കുമോ?

അങ്കമാലി കെ.എസ്.ആര്‍.ടി.സി ഡിപ്പോയുടെ ശോചനീയാവസ്ഥ വകുപ്പിന്റെ ശ്രദ്ധയില്‍പ്പെടുത്തിയിട്ടും നാളിതുവരെ നടപടി സ്വീകരിക്കാത്തതിന്റെ കാരണം വിശദമാക്കാമോ;

നിലവിലെ ശോചനീയാവസ്ഥ പരിഹരിക്കുന്നതിന് കെ.എസ്.ആര്‍.ടി.സി എത്ര രൂപയുടെ ഭരണാനുമതിയാണ് നല്‍കിയത് ; എന്നാണ് നല്‍കിയത് ; പ്രവൃത്തി ടെണ്ടര്‍ നടപടി പൂര്‍ത്തിയായിട്ടുണ്ടോ; കരാര്‍ എടുത്തത് ആരാണ് ; പ്രവൃത്തി ആരംഭിക്കാത്തതിന്റെ കാരണം എന്നിവ വ്യക്തമാക്കാമോ;

പ്രസ്തുത ഡിപ്പോയുടെ പുനരുദ്ധാരണ പ്രവൃത്തികള്‍ എന്ന് ആരംഭിക്കുമെന്ന് വ്യക്തമാക്കുമോ ; വിശദാംശം ലഭ്യമാക്കാമോ?

കെ.എസ്.ആര്‍.ടി.സി. സ്വിഫ്റ്റ് -ല്‍ ആകെ എത്ര ബസ്സുകളാണ് അനുവദിച്ചിട്ടുള്ളതെന്ന് വ്യക്തമാക്കുമോ;

സ്വിഫ്റ്റ് ബസ്സുകളില്‍ എത്രയെണ്ണമാണ് സൂപ്പര്‍ ഫാസ്റ്റ് ബസ്സുകളായി അനുവദിച്ചതെന്നും അവ വിവിധ സ്റ്റേഷനുകളിലേക്ക് അനുവദിച്ചു നല്‍കുന്നതിനായി സ്വീകരിച്ച മാനദണ്ഡം എന്താണെന്നും വിശദമാക്കുമോ;

പ്രസ്തുത മാനദണ്ഡങ്ങള്‍ക്കനുസൃതമായി സ്വിഫ്റ്റ് സൂപ്പര്‍ ഫാസ്റ്റ് ബസ്സുകള്‍ ഏതൊക്കെ ഡിപ്പോകളിലേക്കാണ് അനുവദിച്ച് നല്‍കിയതെന്നും ഓരോ ഡിപ്പോയ്ക്കും എത്ര ബസ്സുകള്‍ വീതമാണ് നല്‍കിയതെന്നും വ്യക്തമാക്കുമോ?

കെ.എസ്.ആര്‍.ടി.സി. യുടെ മാവേലിക്കര ഡിപ്പോയില്‍ പുതിയ കെട്ടിടം നിര്‍മ്മിക്കുവാന്‍ എം.എല്‍.എ.യുടെ ആസ്തിവികസന പദ്ധതിയിൽ ഉള്‍പ്പെടുത്തി തുക അനുവദിച്ചിരുന്നത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത കെട്ടിട നിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കാമോ?

2016 ജൂൺ മുതൽ നാളിതുവരെയുള്ള കാലയളവിൽ കെ.എസ്.ആര്‍.ടി.സി. എത്ര സർവീസുകൾ റദ്ദാക്കിയിട്ടുണ്ട്; ഏതൊക്കെ റൂട്ടുകളിലേക്കുള്ള സർവീസുകളാണ് റദ്ദാക്കിയത്; സർവീസ് റദ്ദാക്കാനുള്ള കാരണം ഉൾപ്പെടെയുള്ള വിശദാംശം ജില്ലതിരിച്ച് ലഭ്യമാക്കാമോ?

കോന്നി കെ.എസ്.ആര്‍.ടി.സി. ഡിപ്പോയില്‍ നിന്നും നിലവില്‍ സര്‍വ്വീസ് നടത്തുന്ന ദീര്‍ഘദൂര ബസുകള്‍ ഉള്‍പ്പെടെയുള്ള സര്‍വ്വീസുകളുടെ വിശദവിവരം ലഭ്യമാക്കാമോ;

2018 മുതല്‍ 2023 വരെയുള്ള വര്‍ഷങ്ങളില്‍ കോന്നി കെ.എസ്.ആര്‍.ടി.സി. ഡിപ്പോയില്‍ നിന്നും സര്‍വ്വീസ് നടത്തിയിരുന്ന ദീര്‍ഘദൂര ബസുകള്‍ ഉള്‍പ്പെടെയുള്ള സര്‍വ്വീസുകളുടെ എണ്ണം വര്‍ഷം തിരിച്ച് വിശദമാക്കാമോ?

നെയ്യാറ്റിന്‍കര കെ.എസ്.ആര്‍.ടി.സി. ഡിപ്പോയില്‍ നിന്നും കണ്ണൂര്‍ പയ്യാമ്പലത്തേക്ക് സർവീസ് നടത്തിയിരുന്ന നെയ്യാറ്റിന്‍കര-പയ്യാമ്പലം ബസ്സ് സര്‍വ്വീസ് നിർത്തിയതിന്റെ കാരണം എന്താണെന്ന് വിശദമാക്കാമോ;

നെയ്യാറ്റിന്‍കര-പയ്യാമ്പലം ബസ്സ് സര്‍വ്വീസ് പുനഃരാരംഭിക്കാന്‍ ഏതെങ്കിലും തരത്തിലുള്ള നടപടി സ്വീകരിച്ചിട്ടുണ്ടോയെന്ന് വ്യക്തമാക്കാമോ;

2023-ലെ ഓണക്കാലത്ത് ഈ ബസ്സ് സര്‍വ്വീസ് പുനഃരാരംഭിക്കാന്‍ കഴിയുമോയെന്ന് വിശദമാക്കാമോ?

2021-22 - ലെ ബഡ്ജറ്റിൽ ഇരുപതു ശതമാനം ഫണ്ട് അനുവദിച്ചിട്ടുള്ള ചിറ്റൂർ കെ.എസ്.ആർ.ടി.സി. യാർഡിന്റെ നിർമ്മാണ പ്രവൃത്തി ആരംഭിക്കാത്തത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

പ്രസ്തുത പ്രവൃത്തി അടിയന്തര പ്രാധാന്യത്തോടെ പൂർത്തീകരിക്കുന്നതിനുള്ള നടപടികൾ സ്വീകരിക്കുമോ; വിശദമാക്കാമോ?

നെയ്യാറ്റിന്‍കര കെ. എസ്. ആര്‍. ടി. സി. ഡിപ്പോയില്‍ നിന്നും സര്‍വ്വീസ് നടത്തിയിരുന്ന അരുവിപ്പുറം - ശിവഗിരി ബസ്സ് സര്‍വ്വീസ് നിര്‍ത്തലാക്കിയതിന്റെ കാരണം വിശദമാക്കാമോ; ആരുടെ നിര്‍ദ്ദേശാനുസരണമാണ് ഈ സര്‍വ്വീസ് നിര്‍ത്തലാക്കിയതെന്ന് വ്യക്തമാക്കാമോ;

അരുവിപ്പുറം - ശിവഗിരി ബസ്സ് സര്‍വ്വീസ് 2023 സെപ്റ്റംബര്‍ മാസം മുതല്‍ പുനരാരംഭിക്കുന്നതിന് നടപടി സ്വീകരിക്കാമോ?

ആലത്തുര്‍ മണ്ഡലത്തിലെ പാലക്കുഴിയില്‍ നിന്നും എരുമേലിയിലേക്ക് കെ.എസ്.ആര്‍.ടി.സി. ഫാസ്റ്റ് പാസഞ്ചര്‍ സര്‍വ്വീസ് തുടങ്ങണമെന്നാവശ്യപ്പെട്ട് 18.06.2023-ന് നല്‍കിയ അപേക്ഷയിന്മേൽ എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കാമോ;

വിനോദ സഞ്ചാര കേന്ദ്രമായ പാലക്കുഴിയിലേക്ക് പ്രസ്തുത ബസ് സര്‍വ്വീസ് വേണമെന്ന പൊതുജനങ്ങളുടെ ആവശ്യം പരിഗണിച്ച് പാലക്കുഴി-എരുമേലി ഫാസ്റ്റ് പാസഞ്ചര്‍ സര്‍വ്വീസ് ഉടന്‍ ആരംഭിക്കുമോ; വിശദമാക്കാമോ?

മട്ടന്നൂര്‍ മണ്ഡലത്തിലെ കാര-പെരിഞ്ചേരി-വേങ്ങലോട് പ്രദേശങ്ങളില്‍ കെ.എസ്.ആര്‍.ടി.സി. ബസ് റൂട്ട് അനുവദിക്കുന്നതിനായി അപേക്ഷ ലഭിച്ചിട്ടുണ്ടോ;

എങ്കില്‍ പ്രസ്തുത അപേക്ഷ പരിഗണിച്ച് ബസ് റൂട്ട് അനുവദിക്കുന്നതിന് നടപടികള്‍ സ്വീകരിക്കുമോ;

ഈ സര്‍ക്കാര്‍ അധികാരത്തില്‍ വന്നതിന് ശേഷം പൊതുഗതാഗത സൗകര്യം മെച്ചപ്പെടുത്തുന്നതിന് മട്ടന്നൂര്‍ മണ്ഡലത്തിലൂടെ പുതിയ കെ.എസ്.ആര്‍.ടി.സി. റൂട്ടുകള്‍ അനുവദിച്ചിട്ടുണ്ടോ; എങ്കില്‍ വിശദാംശം നല്‍കാമോ?

കായംകുളം കെ.എസ്.ആര്‍.ടി.സി. ഡിപ്പോയില്‍ നിന്നും കണ്ണൂര്‍-കാസർഗോഡ് ജില്ലകളിലെ മലയോര കുടിയേറ്റ മേഖലകളിലേയ്ക്കുള്ള 'കായംകുളം-വെള്ളരിക്കുണ്ട്-കൊന്നക്കാട് സര്‍വീസ്' കെ.എസ്.ആര്‍.ടി.സി.യുടെ ടേക്ക് ഓവര്‍ ഗണത്തില്‍ ഉള്‍പ്പെടുത്തി ഓപ്പറേറ്റ് ചെയ്യുന്നതിന് ആവശ്യമായ നടപടി സ്വീകരിക്കുമോ?

കോവി‍ഡ് മഹാമാരിക്ക് ശേഷം സംസ്ഥാനത്ത് എത്ര പുതിയ ബസ് സര്‍വീസുകള്‍ ആരംഭിച്ചു;

ആയതില്‍ അരുവിക്കര മണ്ഡലത്തില്‍ എത്ര സര്‍വീസുകളാണ് പുതിയതായി അനുവദിച്ചത്; ഏതെല്ലാം; വിശദമാക്കാമോ?

കൊല്ലം കെ.എസ്.ആര്‍.ടി.സി.ഡിപ്പോ പി.പി.പി. മോഡലില്‍ വികസിപ്പിക്കുന്നതിനായുള്ള സാധ്യതാ പഠന നടപടികളുടെ പുരോഗതി എപ്രകാരമാണ്; വിശദമാക്കുമോ;

കൊല്ലം കെ.എസ്.ആര്‍.ടി.സി. ഡിപ്പോയുടെ സമഗ്ര വികസനത്തിനായി കിഫ്ബി ധനസഹായത്തോടെ പ്രഖ്യാപിക്കപ്പെട്ട പദ്ധതി അനിശ്ചിതമായി നീളുന്നത് ശ്രദ്ധയിൽപ്പെട്ടിട്ടുണ്ടോ; ഡിപ്പോ കെട്ടിടത്തിന്റെ അപകടാവസ്ഥ കണക്കിലെടുത്ത് പ്രസ്തുത പദ്ധതി ത്വരിതപ്പെടുത്തുന്നതിനാവശ്യമായ നടപടി സ്വീകരിക്കുമോ; വിശദാംശം ലഭ്യമാക്കുമോ?

തൃശ്ശൂര്‍ ജില്ലയിലെ വടക്കാഞ്ചേരി വഴി ഷൊര്‍ണ്ണൂര്‍, പട്ടാമ്പി, പെരിന്തല്‍മണ്ണ, മഞ്ചേരി, വഴിക്കടവ്, തിരുവില്വാമല, നിലമ്പൂര്‍, വയനാട് റൂട്ടുകളില്‍ 2019-ന് മുന്‍പ് സര്‍വീസ് നടത്തിയിരുന്ന കെ.എസ്.ആര്‍.ടി.സി. ബസുകളുടെയും നിലവില്‍ സര്‍വ്വീസ് നടത്തുന്ന കെ.എസ്.ആര്‍.ടി.സി. ബസുകളുടെയും റൂട്ട്, സമയക്രമം എന്നിവയുടെ വിശദാംശം ലഭ്യമാക്കാമോ?

കോട്ടയം ജില്ലയില്‍ സർക്കാർ ജീവനക്കാർക്ക് വേണ്ടി കെ.എസ്.ആര്‍.ടി.സി. എത്ര ബസ് ഓണ്‍ ഡിമാന്‍ഡ് ( ബോണ്ട്) സർവ്വീസുകളാണ് നടത്തുന്നതെന്ന് വ്യക്തമാക്കാമോ;

ബസ് ഓണ്‍ ഡിമാന്‍ഡ് (ബോണ്ട് )സർവീസ് ആവശ്യപ്പെട്ട് ലഭിച്ചിട്ടുള്ള അപേക്ഷകളുടെ എണ്ണവും ഏതെല്ലാം അപേക്ഷകളിൽ ബസ് അനുവദിക്കാൻ കഴിഞ്ഞിട്ടുണ്ടെന്നുള്ള വിവരവും വ്യക്തമാക്കുമോ ?

പുതുക്കാട് കെ.എസ്.ആര്‍.ടി.സി. മൊബിലിറ്റി ഹബ്ബ് സ്ഥാപിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ;

ദേശീയ പാതയിൽ പുതുക്കാട് കെ.എസ്.ആര്‍.ടി.സി. ബസ്സ് സ്റ്റാൻഡിനോട് ചേര്‍ന്ന വാണിജ്യ പ്രാധാന്യമുള്ള സ്ഥലത്ത് മൊബിലിറ്റി ഹബ്ബും പെട്രോള്‍ പമ്പും ഉള്‍പ്പെടെയുള്ള വികസന പ്രവര്‍ത്തനങ്ങള്‍ നടപ്പാക്കുന്നതിന് ആവശ്യമായ നടപടികള്‍ അടിയന്തരമായി സ്വീകരിക്കുമോ?

കുണ്ടറ നിയോജക മണ്ഡലത്തിൽ കോവിഡ് കാലത്ത് നിര്‍ത്തലാക്കിയ കെ.എസ്.ആര്‍.ടി.സി. സ‍ര്‍വീസുകള്‍ പുനഃരാരംഭിച്ചിരുന്നോ; എങ്കിൽ നിർത്തലാക്കിയത് ഏതൊക്കെയാണെന്നും പുനഃരാരംഭിച്ചവ ഏതൊക്കെയാണെന്നും തരം തിരിച്ച് വിശദമാക്കാമോ?

കോഴിക്കോട് കെ.എസ്.ആർ.ടി.സി. ഷോപ്പിംഗ് കോംപ്ലക്സ് ഏത് കമ്പനിക്കാണ് വാടക/ ലീസ് ഇനത്തിൽ നൽകിയിരിക്കുന്നത് ; പ്രതിമാസം എത്ര രൂപയ്ക്ക് എത്ര കാലത്തേക്ക് എന്നും വ്യക്തമാക്കാമോ ;

പ്രസ്തുത ഷോപ്പിംഗ് കോംപ്ലക്സിന് ഒരു സ്ക്വയർ ഫീറ്റിന് എത്ര രൂപ വാടകയാണ് പ്രതിമാസം ഈടാക്കുന്നത് ;

പ്രസ്തുത ഷോപ്പിംഗ് കോംപ്ലക്സ് വാടകയ്ക്ക്/ ലീസിന് നൽകിയത് ടെൻഡർ ക്ഷണിച്ചാണോ; എങ്കിൽ ടെൻഡറിന്റെ വിശദാംശങ്ങൾ വ്യക്തമാക്കാമോ;

ഏതൊക്കെ ഉദ്യോഗസ്ഥരാണ് കോഴിക്കോട് കെഎസ്.ആർ.ടി.സി. ഷോപ്പിംഗ് കോംപ്ലക്സ് വാടകയ്ക്ക്/ ലീസിന് നൽകിയ കരാറിൽ ഉൾപ്പെട്ടിരിക്കുന്നത്; വിശദമാക്കാമോ?

വയനാട് ജില്ലയില്‍ നിന്നും നിലവില്‍ ഓപ്പറേറ്റ് ചെയ്യുന്ന കെ.എസ്.ആര്‍.ടി.സി. ഷെഡ്യൂളുകളുടെ എണ്ണം എത്രയാണെന്ന് വ്യക്തമാക്കാമോ;

പ്രസ്തുത ജില്ലയിലെ കെ.എസ്.ആര്‍.ടി.സി.യുടെ ദൈനംദിന ശരാശരി വരുമാനം എത്രയാണെന്ന് വ്യക്തമാക്കാമോ;

വയനാട് ജില്ലയില്‍ കെ.എസ്.ആര്‍.ടി.സി. യിലെ സ്ഥിരം ജീവനക്കാരുടെയും താല്‍ക്കാലിക ജീവനക്കാരുടെയും നിലവിലെ എണ്ണം തസ്തിക തിരിച്ച് ലഭ്യമാക്കാമോ?

പയ്യന്നൂര്‍ നഗരസഭയിലെ വെള്ളൂരില്‍ വാടക കെട്ടിടത്തില്‍ പ്രവര്‍ത്തിക്കുന്ന പയ്യന്നൂര്‍ സബ് ആര്‍.ടി. ഓഫീസ് പയ്യന്നൂര്‍ കെ.എസ്.ആര്‍.ടി.സി. ഡിപ്പോയുടെ കെട്ടിടത്തിലേക്ക് മാറ്റുന്നതിന്റെ സാധ്യത പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത ഓഫീസ് മാറ്റുന്നതിനുള്ള നടപടികളുടെ നിലവിലെ സ്ഥിതി വ്യക്തമാക്കാമോ?

സേഫ് കേരള പദ്ധതിയിൽ ഉൾപ്പെടുത്തി എ.ഐ. ക്യാമറകൾ സ്ഥാപിക്കുന്നതിന് ഗതാഗത വകുപ്പ് കെൽട്രോണിനെ ചുമതലപ്പെടുത്തിയിരുന്നോ : അറിയിക്കാമോ;

പ്രസ്തുത പദ്ധതി നടത്തിപ്പുമായി ബന്ധപ്പെട്ട് എന്തെല്ലാം സഹായങ്ങളാണ് ഗതാഗത വകുപ്പ് നൽകിയതെന്ന് അറിയിക്കുമോ;

ക്യാമറകൾ സ്ഥാപിച്ച ശേഷം റോഡ് അപകടങ്ങൾ എത്രത്തോളം കുറയ്ക്കാൻ കഴിഞ്ഞുവെന്ന് വ്യക്തമാക്കുമോ;

ക്യാമറകൾ സ്ഥാപിച്ചതിലൂടെ സർക്കാരിന്റെ വരുമാനം വർദ്ധിപ്പിക്കാൻ സാധിച്ചിട്ടുണ്ടോ; എങ്കിൽ വിശദമാക്കുമോ?

കോങ്ങാട് മണ്ഡലത്തിലെ മണ്ണൂര്‍ ഗ്രാമപഞ്ചായത്തില്‍ ഉള്‍പ്പെട്ടിട്ടുള്ളതും തിരക്കേറിയതും രണ്ട് റോഡുകള്‍ കൂടിച്ചേരുന്നതുമായ പത്തിരിപ്പാല ജംഗ്ഷനില്‍ ട്രാഫിക് സിഗ്നല്‍ സ്ഥാപിക്കുന്നതിന് നടപടി സ്വീകരിക്കുമോ എന്ന് വ്യക്തമാക്കാമോ?

സംസ്ഥാനത്ത് എത്ര എ.ഐ ക്യാമറകള്‍ സ്ഥാപിക്കുന്നതിന് വർക്ക് ഓർഡർ നൽകിയിട്ടുണ്ടെന്നും ആയതിന് എത്ര രൂപ ചെലവാകുമെന്നുമുള്ള വിശദവിവരം ലഭ്യമാക്കാമോ;

എ.ഐ ക്യാമറകള്‍ സ്ഥാപിക്കുന്ന വകയില്‍ ഇതുവരെ എത്ര തുക വിവിധ ഏജന്‍സികള്‍ക്ക് നല്‍കിയെന്ന് വിശദമാക്കാമോ;

സംസ്ഥാനത്ത് എത്ര എ.ഐ ക്യാമറകള്‍ ഇതുവരെ സ്ഥാപിച്ചിട്ടുണ്ട്; ഇവ സ്ഥാപിച്ചതിലൂടെ എത്ര നിയമലംഘനങ്ങള്‍ 2023 ജൂലൈ 31 വരെ റിപ്പോര്‍ട്ടു ചെയ്തിട്ടുണ്ട്; ഇതുവഴി എത്ര തുക പിഴയായി ഈടാക്കായിട്ടുണ്ടെന്നുമുള്ള വിശദവിവരം ലഭ്യമാക്കാമോ;

എ.ഐ ക്യാമറകള്‍ സ്ഥാപിച്ചിട്ടുള്ള സ്ഥലങ്ങളില്‍ വേഗപരിധി സൂചിപ്പിക്കുന്ന ബോര്‍ഡുകള്‍ സ്ഥാപിച്ചിട്ടുണ്ടോ; വേഗപരിധി ബോദ്ധ്യപ്പെട്ടുന്നതിന് മറ്റെന്തല്ലാം മാര്‍ഗ്ഗങ്ങളാണ് സ്വീകരിച്ചിട്ടുള്ളത്; വിവരങ്ങൾ ലഭ്യമാക്കാമോ;

വാഹനങ്ങളുടെ വേഗപരിധി നിശ്ചയിച്ചിട്ടുള്ളത് എന്തു മാനദണ്ഡത്തിന്റെ അടിസ്ഥാനത്തിലാണെന്ന് വ്യക്തമാക്കാമോ?

സേഫ് കേരള പദ്ധതിയുടെ ഭാഗമായി എ.ഐ. ക്യാമറകൾ സ്ഥാപിക്കാനായി നടപ്പിലാക്കിയ പദ്ധതിയുടെ ഫെസിലിറ്റി മാനേജ്‌മെന്റ് സർവീസിന്റെ ഭാഗമായുള്ള പ്രവൃത്തികൾ എന്തൊക്കെയാണെന്ന് വിശദമാക്കുമോ;

പ്രസ്തുത പ്രവൃത്തി നിർവ്വഹിക്കാൻ ആരെയാണ് ചുമതലപ്പെടുത്തിയതെന്ന് അറിയിക്കുമോ;

ഫെസിലിറ്റി മാനേജ്‌മെന്റ് സർവീസിന്റെ ഭാഗമായുള്ള പ്രവൃത്തികൾ നടത്തുന്നതിനായി ടെൻഡർ ക്ഷണിച്ചിട്ടുണ്ടോ: പ്രവൃത്തികൾ നിർവ്വഹിക്കാനുള്ള സ്ഥാപനത്തെ ടെൻഡറിലൂടെയാണോ തെരഞ്ഞെടുത്തതെന്ന് വിശദമാക്കുമോ ?

എ.ഐ. ക്യാമറകൾ കണ്ടെത്തുന്ന നിയമലംഘനങ്ങൾക്ക് നോട്ടീസ് അയയ്ക്കുന്നതാരാണെന്ന് അറിയിക്കുമോ;

പ്രസ്തുത നിയമലംഘനങ്ങൾക്ക് നോട്ടീസ് അയയ്ക്കുന്നതു സംബന്ധിച്ച പ്രവൃത്തികൾ കെൽട്രോണിനെ ഏല്പിച്ചിട്ടുണ്ടോയെന്ന് വ്യക്തമാക്കാമോ;

പ്രസ്തുത നിയമലംഘനങ്ങൾക്ക് നോട്ടീസ് അയയ്ക്കുന്നതിനുള്ള തുക കണ്ടെത്തുന്നത് മോട്ടോർ വാഹന വകുപ്പാണോ കെൽട്രോൺ ആണോ എന്ന് വ്യക്തമാക്കാമോ;

ഇപ്രകാരം നോട്ടീസ് അയയ്ക്കുന്നതിനുള്ള തുക സംബന്ധിച്ച് കെൽട്രോൺ മോട്ടോർ വാഹന വകുപ്പിന് നൽകിയ എസ്റ്റിമേറ്റിൽ പ്രതിപാദിച്ചിട്ടുണ്ടോയെന്ന് വിശദമാക്കാമോ?

കോട്ടയം ജില്ലയില്‍ മോട്ടോർ വാഹന വകുപ്പിന്റെ കീഴിൽ എത്ര ആർട്ടിഫിഷ്യല്‍ ഇന്റലിജൻസ് ക്യാമറകളും എത്ര സ്പീഡ് ക്യാമറകളുമാണ് സ്ഥാപിച്ചിട്ടുളളതെന്ന് വ്യക്തമാക്കുമോ;

ഇവയില്‍ എത്ര ക്യാമറകള്‍ പ്രവര്‍ത്തിക്കുന്നുണ്ടെന്നും പ്രവര്‍ത്തനരഹിതമായവ പ്രവര്‍ത്തനക്ഷമമാക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കുമോ;

പ്രസ്തുത ക്യാമറകൾ മുഖേന നാളിതുവരെ എത്ര നിയമലംഘനങ്ങൾ കണ്ടെത്തിയിട്ടുണ്ടെന്നും എത്ര തുക പിഴയായി ഈടാക്കിയെന്നും വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം പാലക്കാട് ജില്ലയിലെ ആര്‍. ടി. ഒ. ചെക്ക് പോസ്റ്റുകളില്‍ എത്ര ക്രമക്കേടുകളാണ് വിജിലന്‍സ് കണ്ടെത്തിയിട്ടുള്ളതെന്ന് വിശദമാക്കുമോ;

ഓരോ ചെക്ക് പോസ്റ്റില്‍ നിന്നും അനധികൃതമായി സൂക്ഷിച്ച എത്ര പണമാണ് കണ്ടെത്തിയിട്ടുള്ളതെന്ന് വിശദമാക്കുമോ;

ഇതുമായി ബന്ധപ്പെട്ട് എത്ര ജീവനക്കാര്‍ക്കെതിരെയാണ് വകുപ്പുതല നടപടി സ്വീകരിച്ചിട്ടുള്ളതെന്ന് അറിയിക്കുമോ?

സ്ഥിരം മേധാവിയില്ലാത്തതിനാൽ കാസർകോട് ജില്ലയിലെ ​മോ​ട്ടോർ വാഹനവകുപ്പിന്റെ പ്രവർത്തനം പ്രയാസത്തിലാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

ആർ.ടി.ഒ.യുടെയും എൻഫോഴ്‌സ്‌മെന്റ് ആർ.ടി.ഒ. യുടെയും തസ്തികകൾ എത്ര കാലമായാണ് ഒഴിഞ്ഞു കിടക്കുന്നതെന്ന് വ്യക്തമാക്കുമോ;

ആർ.ടി.ഒ. മാരില്ലാത്തതിനാൽ ഭരണപരമായ തീരുമാനങ്ങളെടുക്കാൻ അസൗകര്യങ്ങൾ നേരിടുന്നു​ണ്ടോ; എങ്കിൽ വിശദമാക്കുമോ;

ആർ.ടി.ഒ. മാരെ കൂടാതെ കാസർകോട് ജില്ലയിൽ മോട്ടോർ വാഹനവകുപ്പിൽ എത്ര തസ്തികകൾ ഒഴിഞ്ഞു കിടക്കുന്നുവെന്നും എത്രകാലമായി ഒഴിവ് തുടരുന്നുവെന്നും ഒഴിവുകൾ നികത്താൻ എപ്പോൾ നടപടി സ്വീകരിക്കുമെന്നും വ്യക്തമാക്കുമോ?

മലപ്പുറം റീജിയണൽ ട്രാൻസ്‌പോർട്ട് ഓഫീസിന് പുതിയ കെട്ടിടം നിർമ്മിക്കുന്നത്തിനുള്ള സ്ഥലമെടുപ്പ് നടപടികൾ ഇപ്പോൾ ഏതു ഘട്ടത്തിലാണ്; വിശദാംശം നൽകുമോ;

സ്ഥലം ലഭ്യമാക്കുന്നതിനുള്ള തടസ്സങ്ങൾ എന്താണെന്നും തടസ്സങ്ങൾ ഉണ്ടെങ്കിൽ നിലവിലുള്ള കെട്ടിടം പൊളിച്ച് മാറ്റി പുതിയത് നിർമ്മിക്കാൻ സാധിക്കുമോയെന്നും കെട്ടിട നിർമ്മാണം എന്നത്തേക്ക് ആരംഭിക്കുമെന്നും വിശദമാക്കാമോ;

ബജറ്റിൽ ഇരുപത് ശതമാനം തുക വകയിരുത്തിയിട്ടും കെട്ടിട നിർമാണ നടപടികൾ അനന്തമായി നീണ്ടു പോകുന്ന സാഹചര്യം എന്താണെന്ന് പരിശോധിച്ചിട്ടുണ്ടോ; ഇതിന് എന്തെങ്കിലും സാങ്കേതിക തടസ്സങ്ങൾ ഉണ്ടോയെന്നും എങ്കിൽ അവ പരിഹരിക്കുവാൻ വകുപ്പ് തലത്തിൽ സ്വീകരിച്ച നടപടികളുടെ വിശദാംശവും നൽകുമോ?

എ .ഐ ക്യാമറകൾ സ്ഥാപിക്കാനായി പി.എം.സി. (പ്രൊജക്റ്റ് മാനേജ്‌മെന്റ് കൺസൾട്ടന്റ് ) ആയി തെരഞ്ഞെടുക്കപ്പെട്ട കെൽട്രോണിന് കരാർ കമ്പനികളുമായി നേരിട്ട് കരാറിൽ ഏർപ്പെടാൻ മോട്ടോർ വാഹന വകുപ്പ് അനുവാദം നൽകിയിരുന്നോയെന്ന് വ്യക്തമാക്കാമോ;

പി.എം.സി.കൾക്ക് കരാർ കമ്പനികളുമായി ഒറ്റയ്ക്ക് കരാറിൽ ഏർപ്പെടാൻ സാധിക്കില്ല എന്ന ധനവകുപ്പിന്റെ ഉത്തരവിലെ വ്യവസ്ഥകൾക്ക് വിപരീതമായി കെൽട്രോണിന് എസ്.ആർ.ഐ.ടി. എന്ന സ്ഥാപനവുമായി കരാറിൽ ഏർപ്പെടാൻ മോട്ടോർ വാഹന വകുപ്പ് അനുവാദം നൽകിയിരുന്നോ; എങ്കിൽ എന്തടിസ്ഥാനത്തിലാണെന്ന് വ്യക്തമാക്കാമോ;

കരാർ കമ്പനികളെ തെരഞ്ഞെടുക്കാൻ പി.എം.സി.കളെ ഏല്പിക്കുന്ന സാഹചര്യത്തിൽ മാതൃ വകുപ്പും പി.എം.സി.യും കരാർ കമ്പനിയും ചേർന്നുള്ള ത്രികക്ഷി കാരാറിൽ മാത്രമേ ഏർപ്പെടാൻ പാടുള്ളു എന്ന ധനവകുപ്പിന്റെ നിബന്ധന മോട്ടോർ വാഹന വകുപ്പ് ലംഘിച്ചിട്ടുണ്ടോ; എങ്കിൽ സാഹചര്യം വിശദമാക്കാമോ?

എ.ഐ. ക്യാമറ പദ്ധതി പ്രകാരമുള്ള ക്യാമറയുടെ സ്പെസിഫിക്കേഷൻ എന്താണ്; എത്ര രൂപയാണ് പദ്ധതിക്ക് വേണ്ടി ചെലവായത്; ഇനം തിരിച്ചുള്ള കണക്ക് ലഭ്യമാക്കാമോ?

സേഫ് കേരള പദ്ധതിയുടെ ഭാഗമായി എ ഐ ക്യാമറകൾ സ്ഥാപിക്കുന്ന പദ്ധതിയുടെ നിർവ്വഹണം സംബന്ധിച്ച് കെൽട്രോൺ സമർപ്പിച്ച കോസ്റ്റ് മോഡലിംഗ് മോട്ടോർ വാഹന വകുപ്പ് പരിശോധിച്ചിരുന്നോ;

പ്രസ്തുത സ്ഥാപനം സമർപ്പിച്ച കോസ്റ്റ് മോഡലിംഗിന്റെ അടിസ്ഥാനത്തിലാണോ ബി.ഒ.ഒ.ടി. (ബിൽഡ് ഓൺ ഓപ്പറേറ്റ് ട്രാൻസ്ഫർ) അടിസ്ഥാനത്തിൽ പദ്ധതി നടപ്പിലാക്കാൻ തീരുമാനിച്ചതെന്ന് വ്യക്തമാക്കാമോ;

പ്രസ്തുത സ്ഥാപനം സമർപ്പിച്ച കോസ്റ്റ് മോഡലിംഗിന്റെ പ്രായോഗികത സംബന്ധിച്ച് മോട്ടോർ വാഹന വകുപ്പ് വിശദമായ പരിശോധന നടത്തിയിരുന്നോയെന്നും പരിശോധനയുടെ ഭാഗമായി എന്തൊക്കെ നിർദ്ദേശങ്ങളാണ് വകുപ്പ് മുന്നോട്ടു വെച്ചതെന്നും വ്യക്തമാക്കാമോ;

പ്രസ്തുത സ്ഥാപനം നൽകിയ കോസ്റ്റ് മോഡലിംഗ് സംബന്ധിച്ച് ധനകാര്യ വകുപ്പ് രേഖപ്പെടുത്തിയിരുന്ന വിയോജിപ്പിന് മോട്ടോർ വാഹന വകുപ്പ് നൽകിയ മറുപടി വിശദമാക്കാമോ?

അധ്യയനവർഷത്തിനു മുന്നോടിയായി മോട്ടോർ വാഹന വകുപ്പ് നടത്തിയ പരിശോധനയിൽ ഫിറ്റ്നസ് ഇല്ലാത്ത എത്ര സ്കൂൾ ബസുകൾ കണ്ടെത്തിയിട്ടുണ്ടെന്നും പ്രസ്തുത ബസുകള്‍ക്ക് വീണ്ടും ഫിറ്റ്നസ് ടെസ്റ്റ് നടത്തണമെന്ന നിർദ്ദേശത്തിന്റെ അടിസ്ഥാനത്തിൽ എത്ര ബസ്സുകൾ ഫിറ്റ്നസ് ടെസ്റ്റ് നടത്തിയിട്ടുണ്ടെന്നും വ്യക്തമാക്കുമോ;

ഫിറ്റ്നസ് ഇല്ലാത്തതും പരിശോധനയ്ക്ക് വിധേയമാകാത്തതുമായ സ്കൂൾ ബസ്സുകൾ നിലവിൽ സംസ്ഥാനത്ത് സർവീസ് നടത്തുന്നുണ്ടോ ; എങ്കിൽ ഏത് സാഹചര്യത്തിലാണ് ഇപ്രകാരം സർവീസ് നടത്തുന്നത് എന്ന് വ്യക്തമാക്കാമോ;

സ്കൂൾ ബസുകളുടെ ഫിറ്റ്നസ് ഉറപ്പാക്കുന്നതിന് പ്രത്യേക കർമ്മ പദ്ധതി ആവിഷ്കരിക്കുമോ; വിശദാംശം നൽകാമോ?

സംസ്ഥാനത്ത് എ.ഐ. ക്യാമറകള്‍ സ്ഥാപിച്ചതിനുശേഷം വാഹനാപകടങ്ങള്‍ക്ക് കുറവുണ്ടായിട്ടുണ്ടോ; വിശദമാക്കാമോ;

പ്രസ്തുത ക്യാമറകള്‍ സ്ഥാപിച്ചതിനുശേഷം നാളിതുവരെ കണ്ടെത്തിയ ഗതാഗത നിയമ ലംഘനങ്ങള്‍ എത്രയാണെന്നും ഇതുവഴി എത്ര തുക പിഴയിനത്തില്‍ ഈടാക്കിയിട്ടുണ്ടെന്നും വിശദമാക്കാമോ;

എ.ഐ. ക്യാമറകള്‍ മുഖേന ഈടാക്കുന്ന പിഴ ഒടുക്കാനും ഇതുമായി ബന്ധപ്പെട്ട പരാതികള്‍ നല്‍കാനും എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുളളതെന്ന് വിശദമാക്കാമോ;

ഹെെവേകളില്‍ നിശ്ചയിച്ചിട്ടുളള വാഹനങ്ങളുടെ പുതുക്കിയ വേഗപരിധി പൊതുജനങ്ങളെ അറിയിക്കാന്‍ എന്തെല്ലാം നടപടികളാണ് സ്വീകരിച്ചിട്ടുളളത്; വിശദമാക്കാമോ?

സംസ്ഥാനത്ത് എ.ഐ.ക്യാമറകള്‍ സ്ഥാപിച്ചതിനുശേഷം വാഹനാപകടങ്ങളും നിയമലംഘനങ്ങളും കുറഞ്ഞിട്ടുണ്ടോ; മുന്‍ വര്‍ഷങ്ങളെ അപേക്ഷിച്ച് ഇവ എങ്ങനെ വ്യത്യാസപ്പെട്ടിരിക്കുന്നുവെന്ന് വിശദമാക്കാമോ?

തരൂര്‍ നിയോജകമണ്ഡലത്തില്‍ എത്ര എ.ഐ ക്യാമറകളാണ് സ്ഥാപിച്ചിട്ടുളളതെന്ന് വ്യക്തമാക്കാമോ?

ഗതാഗത നിയമലംഘനങ്ങള്‍ കണ്ടെത്തുന്ന എ.ഐ. ക്യാമറകള്‍ പ്രവര്‍ത്തിച്ചു തുടങ്ങിയതോടെ സംസ്ഥാനത്ത് വാഹനാപകടങ്ങളുടെയും തുടര്‍ന്നുള്ള മരണ നിരക്കിലും പരിക്കേല്‍ക്കുന്നവരുടെ എണ്ണത്തിലും കുറവുണ്ടായിട്ടുണ്ടോ; വിശദാംശം ലഭ്യമാക്കാമോ?

സംസ്ഥാനത്ത് എ. ഐ. ക്യാമറകള്‍ സ്ഥാപിച്ചതിനുശേഷം റോഡ് അപകടങ്ങളിലും നിയമ ലംഘനത്തിലും കുറവു വന്നിട്ടുണ്ടോ; ഉണ്ടെങ്കില്‍ തൊട്ടു മുമ്പത്തെ വര്‍ഷത്തെ റോഡ് അപകടങ്ങളുടെയും നിയമലംഘനങ്ങളുടെയും കണക്കും ഈ വര്‍ഷത്തെ ഇതുവരെയുള്ള കണക്കും ലഭ്യമാക്കാമോ;

കൂടുതല്‍ സ്ഥലങ്ങളിൽ എ.ഐ. ക്യാമറകള്‍ സ്ഥാപിക്കുന്നതിന് ഉദ്ദേശിക്കുന്നുണ്ടോ;

മോട്ടോർ വാഹന വകുപ്പിന് നികുതിയിനത്തിൽ എത്ര കോടി രൂപ പിരിഞ്ഞു കിട്ടുാനുണ്ട്; ഇതിനായി സ്വീകരിച്ച നടപടികള്‍ വ്യക്തമാക്കാമോ?

സേഫ് കേരള പദ്ധതിയുടെ ഭാഗമായി റോഡപകടങ്ങളും അതുവഴിയുള്ള ജീവഹാനിയും പരമാവധി കുറയ്ക്കുന്നതിന് എന്തെല്ലാം നടപടികള്‍ സ്വീകരിച്ച് വരുന്നുവെന്ന് വിശദമാക്കാമോ; ഇതിന്റെ ഭാഗമായി കഴിഞ്ഞ വര്‍ഷങ്ങളെ അപേക്ഷിച്ച് അപകടങ്ങളില്‍ കുറവ് വന്നിട്ടുണ്ടോയെന്ന് വിശദമാക്കാമോ;

ശാസ്ത്രീയവും ഫലപ്രദവുമായി നടപ്പിലാക്കുന്ന പരിഷ്കാരങ്ങള്‍ കൂടുതല്‍ സ്ഥലങ്ങളിലേക്ക് വ്യാപിപ്പിക്കുന്നതിന് സര്‍ക്കാര്‍ തീരുമാനമെടുത്തിട്ടുണ്ടോ; ഉണ്ടെങ്കില്‍ അവയുടെ വിശദവിവരം നല്‍കാമോ?

സംസ്ഥാനത്ത് എ.ഐ. ക്യാമറകള്‍ സ്ഥാപിച്ചതിനുശേഷം അപകടമരണങ്ങള്‍ കുറഞ്ഞിട്ടുണ്ടോ; എങ്കില്‍ ഇത് സംബന്ധിച്ച വിശദാംശം നല്‍കുമോ;

സംസ്ഥാനത്ത് എത്ര എ.ഐ. ക്യാമറകളാണ് സ്ഥാപിച്ചിട്ടുള്ളത് എന്ന് വിശദമാക്കാമോ?

സംസ്ഥാനത്ത് എ.ഐ. ക്യാമറകള്‍ സ്ഥാപിച്ചതിനുശേഷം എത്ര നിയമ ലംഘനങ്ങളാണ് കണ്ടെത്തിയതെന്ന് വിശദമാക്കാമോ;

നിയമ ലംഘനങ്ങളുടെ പിഴയിനത്തില്‍ എത്ര തുകയാണ് ലഭിച്ചിട്ടുള്ളതെന്ന് വിശദമാക്കാമോ?

സംസ്ഥാനത്തെ റോഡുകളില്‍ വാഹനാപകടങ്ങള്‍ കുറയ്ക്കുന്നതിന്റെ/ ഇല്ലാതാക്കുന്നതിന്റെ ഭാഗമായി എന്തെല്ലാം നടപടികളാണ് വകുപ്പ് സ്വീകരിച്ചു വരുന്നത്; വിശദമാക്കാമോ?

2010- ലെ കേരള ഇന്‍ലാന്‍ഡ് വെസ്സല്‍സ് റൂള്‍സ് പ്രകാരം പ്രവര്‍ത്തിച്ച് വരുന്ന ജലഗതാഗത വകുപ്പ്, കേന്ദ്ര ഗവണ്‍മെന്റ് ഇന്‍ലാന്‍ഡ് വെസ്സല്‍സ് ആക്ട് പാസാക്കിയ സാഹചര്യത്തില്‍ ഏത് നിയമം അനുസരിച്ചാണ് നിലവില്‍ പ്രവര്‍ത്തിക്കുന്നതെന്ന് വ്യക്തമാക്കുമോ;

കേന്ദ്ര ഇന്‍ലാന്‍ഡ് വെസ്സല്‍സ് ആക്ടിനെ പിന്തുടര്‍ന്ന് സര്‍ക്കാരിന് പ്രത്യേക വെസ്സല്‍സ് ആക്ട് ഉണ്ടാക്കാന്‍ തടസ്സമുണ്ടോയെന്ന് വിശദമാക്കുമോ?

അഷ്‍ടമുടി കായലില്‍ ജലഗതാഗത വകുപ്പ് നടത്തി വരുന്ന വിവിധ യാത്ര - ഫെറി സര്‍വ്വീസുകള്‍ ഏതെല്ലാമാണ്; വിശദാംശം ലഭ്യമാക്കുമോ;

സര്‍വ്വീസ് ബോട്ടുകള്‍ അറ്റകുറ്റ പണികള്‍ക്കായി കൊണ്ടുപോകുമ്പോള്‍ പകരം സംവിധാനം ഏര്‍പ്പെടുത്താത്തത് മൂലം പൊതുജനങ്ങള്‍ക്കുണ്ടാകുന്ന യാത്രാ ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ; ഇത് പരിഹരിക്കുന്നതിനാവശ്യമായ നടപടി സ്വീകരിക്കുമോ; വിശദാംശം ലഭ്യമാക്കുമോ?

ജലഗതാഗത വകുപ്പിലെ സ്പെഷ്യൽ റൂൾ പരിഷ്കരണം സംബന്ധിച്ച നടപടിക്രമങ്ങൾ കഴിഞ്ഞ പത്ത് വർഷം കഴിഞ്ഞിട്ടും പൂർത്തീകരിക്കാൻ കഴിഞ്ഞിട്ടില്ല എന്നത് ശ്രദ്ധയിൽപ്പെട്ടിട്ടുണ്ടോ;

സ്പെഷ്യൽ റൂൾ പരിഷ്കരണം ഏത് ഘട്ടം വരെയായി എന്നും അത് എന്നത്തേക്ക് നടപ്പിലാക്കാൻ സാധിക്കുമെന്നും വ്യക്തമാക്കാമോ?