STARRED
 

QUESTIONS

  AND
  ANSWERS
   
   
   
   

 

 





  You are here: Business >15th KLA >8th Session>starred Questions and Answers
  Answer  Provided    Answer  Not Yet Provided

FIFTEENTH   KLA - 8th SESSION
 
UNSTARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

1953.
ശ്രീ. അബ്ദുല്‍ ഹമീദ് പി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്തെ സര്‍ക്കാര്‍ ജീവനക്കാര്‍ക്ക് ഇന്ത്യയിലെ മറ്റ് സംസ്ഥാനങ്ങളിലെ സര്‍ക്കാര്‍ ജീവനക്കാര്‍ക്ക് ലഭിക്കുന്ന അതേ അനുപാതത്തിലുള്ള ശമ്പള സ്കെയിലും ക്ഷാമബത്തയും മറ്റ് അലവന്‍സുകളും നിലവില്‍ ലഭിക്കുന്നുണ്ടോ എന്ന് വിശദമാക്കാമോ;
( ബി )
മറ്റ് സംസ്ഥാന സര്‍ക്കാര്‍ ജീവനക്കാരുടെ ശമ്പള സ്കെയിലുകളും വേതന ഘടനയുമായി താരതമ്യം നടത്തിയാല്‍ സംസ്ഥാന സര്‍ക്കാര്‍ ജീവനക്കാരുടേത് എത്രാമത്തെ സ്ഥാനത്താണ് എന്ന് വ്യക്തമാക്കാമോ;
( സി )
ഇന്ത്യയിലെ എത്ര സംസ്ഥാന സര്‍ക്കാരുകളാണ് കേന്ദ്ര പാരിറ്റി അടിസ്ഥാനമാക്കിയുള്ള ശമ്പള സ്കെയിലുകള്‍ അതാത് സംസ്ഥാനങ്ങളിലെ സര്‍ക്കാര്‍ ജീവനക്കാര്‍ക്ക് നല്‍കി വരുന്നത് എന്നുള്ള വിവരം ലഭ്യമാക്കാമോ?
1954.
ഡോ.കെ.ടി.ജലീൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തൊഴിരഹിതരായ അഭ്യസ്തവിദ്യര്‍ക്ക് ഡിജിറ്റല്‍ മേഖലയില്‍ തൊഴില്‍ നല്‍കുന്നതിന് പദ്ധതി ആവിഷ്കരിച്ചിട്ടുണ്ടോ; എങ്കില്‍ അവ ഏതെല്ലാമാണെന്ന് വിശദമാക്കാമോ;
( ബി )
ഇതുവഴി എത്രപേര്‍ക്ക് തൊഴില്‍ നല്‍കാനാണ് ഉദ്ദേശിക്കുന്നത് എന്ന് വ്യക്തമാക്കാമോ;
( സി )
നാളിതുവരെ എത്രപേര്‍ക്ക് തൊഴില്‍ നല്‍കാന്‍ കഴിഞ്ഞുവെന്ന് വിശദമാക്കാമോ?
1955.
ശ്രീ തോമസ് കെ തോമസ്
ശ്രീ കോവൂർ കുഞ്ഞുമോൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സര്‍ക്കാര്‍ സേവനങ്ങള്‍ ജനങ്ങള്‍ക്ക്‌ വേഗത്തില്‍ ലഭ്യമാക്കുന്നതിന് നടപ്പിലാക്കി വരുന്ന പദ്ധതികള്‍ വ്യക്തമാക്കുമോ;
( ബി )
പരമാവധി സേവനങ്ങള്‍ ഓണ്‍ലൈന്‍ സംവിധാനത്തില്‍ ആക്കുന്നതിന് സ്വീകരിച്ച നടപടികള്‍ വ്യക്തമാക്കുമോ;
( സി )
ഈ സര്‍ക്കാര്‍ അധികാരത്തില്‍ വന്നതിന് ശേഷം ഫയല്‍ തീര്‍പ്പാക്കുന്നതില്‍ നല്ല പുരോഗതി കൈവരിച്ചെങ്കിലും ജനങ്ങള്‍ക്ക്‌ ഉണ്ടാകുന്ന പരാതി പരിഹരിക്കാന്‍ ചില സര്‍ക്കാര്‍ ഓഫീസുകളില്‍ നിന്നും കാലതാമസം നേരിടുന്നത് ഒഴിവാക്കാന്‍ ആവശ്യമായ നടപടികള്‍ സ്വീകരിക്കുമോ?
1956.
ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മുഖ്യമന്ത്രിയുടെ പരാതി പരിഹാര സെല്ലിലേക്ക് അയക്കുന്ന അപേക്ഷകളിൽ യഥാസമയം തീർപ്പുകൽപ്പിക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ;
( ബി )
പരാതികളിൽ തീർപ്പുകൽപ്പിച്ച് എടുക്കുന്ന തീരുമാനം അപേക്ഷകരെ അറിയിക്കാറുണ്ടോ; അപേക്ഷകർക്ക് പലപ്പോഴും വിവരം ലഭിക്കുന്നില്ലെന്ന ആക്ഷപം ശ്രദ്ധയിൽപ്പെട്ടിട്ടുണ്ടോ;
( സി )
എങ്കില്‍ ഈ സംവിധാനം കൂടുതൽ കാര്യക്ഷമമാക്കുവാൻ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നത് എന്ന് വിശദമാക്കാമോ?
1957.
ശ്രീ സി ആര്‍ മഹേഷ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മരണപ്പെട്ട സ്വാതന്ത്ര്യ സമരസേനാനികളുടെ തുടർ പെൻഷൻ ഭർത്താവ് മരിച്ച പെൺമക്കൾക്ക് നൽകാമെന്ന് സൂചിപ്പിച്ച് 2012-ൽ സർക്കാർ ഉത്തരവിറക്കിയിരുന്നെങ്കിലും പെൺമക്കൾക്ക് മക്കൾ ഉണ്ടെന്ന കാരണത്താൽ പെൻഷൻ നിഷേധിക്കുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ വ്യക്തമാക്കാമോ;
( ബി )
മക്കളുള്ള സ്വാതന്ത്ര്യ സമരസേനാനികളുടെ പെൺമക്കൾക്ക് ഒരു നിശ്ചിത വരുമാന പരിധി നിഷ്കർഷിച്ച്‌ പെൻഷൻ നൽകുന്നതിനും പെൻഷൻ തുക കാലോചിതമായി വർദ്ധിപ്പിക്കുന്നതിനുമുള്ള നടപടി സ്വീകരിക്കുമോ; വിശദമാക്കുമോ?
1958.
ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പല്ല് നിര തെറ്റിയത് കാരണം വനം വകുപ്പിലെ ജോലിയ്ക്ക് യോഗ്യത ലഭിയ്ക്കാത്ത ആദിവാസി യുവാവിന്റെ ദുരനുഭവം ശ്രദ്ധയില്‍പ്പെട്ടിട്ടുണ്ടോ; ശസ്ത്രക്രീയയിലൂടെ പരിഹരിക്കാന്‍ കഴിയുന്നതും എന്നാല്‍ നിര്‍ധനാവസ്ഥ കാരണം അതിന് കഴിയാതിരുന്നതുമായ യുവാവിന് ജോലി ലഭിയ്ക്കാതെ പോയ വിഷയം അനുഭാവപൂര്‍വ്വം പരിഗണിയ്ക്കുന്നതിന് നടപടി സ്വീകരിച്ചിട്ടുണ്ടോ;
( ബി )
ഇത്തരം സംഭവങ്ങളുടെ പശ്ചാത്തലത്തില്‍ ശാരീരികമായ പ്രത്യേകതകളുടെ അടിസ്ഥാനത്തില്‍ ജോലിയ്ക്ക് തടസ്സമാകുന്ന സ്പെഷ്യല്‍ റൂളുകള്‍ പരിഷ്കിരിക്കണമെന്ന ആവശ്യത്തിന്മേല്‍ സ്വീകരിച്ചിട്ടുള്ള നടപടി വ്യക്തമാക്കുമോ?
1959.
ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കോഴിക്കോട് ജില്ലയില്‍ വച്ച് നടന്ന സംസ്ഥാന സിവില്‍ സര്‍വീസ് കായികമേളയില്‍ ചാമ്പ്യന്‍ഷിപ്പ് നേടിയ ജില്ല ഏതാണെന്ന് വിശദമാക്കാമോ;
( ബി )
പ്രസ്തുത കായികമേളയില്‍ ഏറ്റവും കൂടുതല്‍ ഇനങ്ങളില്‍ ചാമ്പ്യന്‍മാരായ ഉദ്യോഗസ്ഥര്‍ ആരൊക്കെയാണ്; വ്യക്തമാക്കാമോ;
( സി )
പ്രസ്തുത കായികമേള നടത്തിപ്പില്‍ ഉണ്ടായ പാളിച്ചകള്‍ സംബന്ധിച്ച് എന്തെങ്കിലും പരാതി ലഭിച്ചിട്ടുണ്ടോ; എങ്കില്‍ ആയതില്‍ സ്വീകരിച്ച നടപടികള്‍ വിശദമാക്കാമോ;
( ഡി )
2023 വര്‍ഷത്തെ സിവില്‍ സര്‍വീസ് കായികമേള ഏത് ജില്ലയില്‍ വച്ച് നടത്തുവാനാണ് തീരുമാനിച്ചിരിക്കുന്നതെന്ന് വ്യക്തമാക്കാമോ?
1960.
ശ്രീ. പി.വി. ശ്രീനിജിൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കുന്നത്തുനാട് മണ്ഡലത്തില്‍ റീബില്‍ഡ് കേരള പദ്ധതിയില്‍ ഉള്‍പ്പെടുത്തി നടപ്പിലാക്കിവരുന്ന പ്രവൃത്തികള്‍ ഏതെല്ലാമെന്ന് വിശദമാക്കുമോ;
( ബി )
പ്രസ്തുത പ്രവൃത്തികളില്‍ ഓരോന്നും നിലവിൽ ഏത് ഘട്ടത്തിലാണെന്ന് അറിയിക്കുമോ; ഇതിൽ ഏതെല്ലാം പ്രവൃത്തികൾ പൂര്‍ത്തീകരിച്ചെന്നും ടെണ്ടര്‍ നടപടികള്‍ പുരോഗമിക്കുന്നവ ഏതെല്ലാമെന്നും വിശദമാക്കുമോ;
( സി )
പ്രസ്തുത പദ്ധതികളില്‍ ഭരണാനുമതി ലഭിച്ചതും എന്നാല്‍ നാളിതുവരെ ആരംഭിക്കാത്തതുമായ പ്രവൃത്തികള്‍ അടിയന്തരമായി പൂര്‍ത്തീകരിക്കുന്നതിന് ആവശ്യമായ നടപടി സ്വീകരിക്കുമോ; വിശദമാക്കുമോ?
1961.
ശ്രീ കടകംപള്ളി സുരേന്ദ്രന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സിറ്റി ഗ്യാസ് പദ്ധതിയുമായി ബന്ധപ്പെട്ട് കഴക്കൂട്ടം നിയോജക മണ്ഡലത്തില്‍ നടന്നുവരുന്ന പ്രവൃത്തികള്‍ വിശദമാക്കാമോ;
( ബി )
പ്രസ്തുത മണ്ഡലത്തിലെ ഉപഭോക്താക്കള്‍ക്ക് വീടുകളില്‍ കണക്ഷന്‍ എത്തിക്കുന്നതിന് തയ്യാറാക്കിയിരിക്കുന്ന ഷെഡ്യൂള്‍ വിശദമാക്കാമോ;
( സി )
മണ്ഡലത്തില്‍ സിറ്റി ഗ്യാസ് വിതരണ സംവിധാനം എന്ന് മുതല്‍ ആരംഭിക്കുന്നതിനാണ് തീരുമാനിച്ചിട്ടുള്ളത് എന്ന് വിശദമാക്കാമോ;
( ഡി )
പ്രസ്തുത മണ്ഡലത്തില്‍ ഏതെല്ലാം മേഖലകളില്‍ എത്ര ഉപഭോക്താക്കള്‍ക്കാണ് ആദ്യഘട്ടം സിറ്റി ഗ്യാസ് കണക്ഷന്‍ നല്‍കുന്നത് എന്ന് വിശദമാക്കാമോ?
1962.
ശ്രീ. കെ. ബാബു (തൃപ്പുണിത്തുറ) : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് റീബില്‍ഡ് കേരള പദ്ധതിയിൽ ഉൾപ്പെടുത്തി നാളിതുവരെ ആകെ എത്ര രൂപയുടെ പ്രവൃത്തികൾ പൂർത്തീകരിച്ചിട്ടുണ്ടെന്ന് വിശദമാക്കാമോ;
( ബി )
പൂർത്തീകരിച്ച പ്രവൃത്തികൾ ഏതൊക്കെയെന്നും പ്രസ്തുത പദ്ധതികൾക്ക് ഓരോന്നിനും ചെലവഴിച്ച തുക എത്രയെന്നും അവ പൂർത്തീകരിച്ച വർഷം ഏതാണെന്നുമുള്ള വിവരങ്ങൾ ജില്ല തിരിച്ച് വിശദമാക്കുമോ?
1963.
ശ്രീ. ലിന്റോ ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പൈപ്പുവഴി നാചുറല്‍ ഗ്യാസ് വീടുകളില്‍ എത്തിക്കുന്ന സിറ്റി ഗ്യാസ് പദ്ധതി പ്രകാരം കോഴിക്കോട് ജില്ലയില്‍ എത്ര കണക്ഷന്‍ ഇതുവരെ നല്‍കിയിട്ടുണ്ടെന്ന് വ്യക്തമാക്കുമോ;
( ബി )
കണക്ഷന്‍ നല്‍കുന്ന പ്രദേശങ്ങള്‍ക്ക് മുന്‍ഗണന നിശ്ചയിച്ചിട്ടുണ്ടോ എന്ന് വ്യക്തമാക്കുമോ;
( സി )
തിരുവമ്പാടി മണ്ഡലത്തിലെ വീടുകളില്‍ പ്രസ്തുത പദ്ധതി പ്രകാരം ഗ്യാസ് എത്തിക്കുന്നത് എപ്പോള്‍ പ്രാവര്‍ത്തികമാക്കാന്‍ കഴിയുമെന്ന് വ്യക്തമാക്കുമോ?
1964.
ശ്രീ. എം.വിജിന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് നടപ്പിലാക്കി വരുന്ന കെ-ഫോണ്‍ പദ്ധതിയുടെ പുരോഗതി അറിയിക്കാമോ;
( ബി )
പ്രസ്തുത പദ്ധതി പ്രകാരം കല്ല്യാശ്ശേരി മണ്ഡലത്തില്‍ ആദ്യഘട്ടത്തില്‍ എത്ര കണക്ഷനുകള്‍ നല്‍കുന്നതിനാണ് ഉദ്ദേശിക്കുന്നത്; ഇതുവരെ എത്ര കണക്ഷനുകള്‍ നല്‍കിയിട്ടുണ്ട്; വിശദമാക്കാമോ?
1965.
ശ്രീ എ. സി. മൊയ്‌തീൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്തിന്റെ പശ്ചാത്തല വികസനത്തിന് ഏതൊക്കെ മേഖലകളിലാണ് സമഗ്ര പരിഷ്ക്കാരങ്ങള്‍ നടപ്പാക്കാന്‍ ഉദ്ദേശിക്കുന്നതെന്ന് വിശദമാക്കാമോ?
1966.
ശ്രീ. ടി. പി .രാമകൃഷ്ണൻ
ശ്രീ വി കെ പ്രശാന്ത്
ശ്രീ . കെ .ഡി .പ്രസേനൻ
ശ്രീ എം എസ് അരുൺ കുമാര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സര്‍ക്കാരില്‍ നിന്നും പൊതുജനങ്ങള്‍ക്ക് ലഭിക്കേണ്ട സേവനങ്ങള്‍ സമയബന്ധിതമായി ലഭ്യമാക്കുന്നതിനും സുതാര്യമായ ഭരണ നിര്‍വഹണത്തിനും ഇ-സേവനം വിപുലമാക്കിയിട്ടുണ്ടോ; വിശദാംശം നല്‍കുമോ;
( ബി )
സംസ്ഥാനത്തിന്റെ ഇ-ഗവേണന്‍സ് സര്‍വീസ് ഡെലിവറി സംവിധാനങ്ങള്‍ക്ക് ദേശീയ അംഗീകാരം ലഭിച്ചിരുന്നോ; വ്യക്തമാക്കാമോ;
( സി )
വിവരസുരക്ഷയും സ്വകാര്യതയും ഉറപ്പുവരുത്തിക്കൊണ്ട് ഇ-ഗവേണന്‍സിലെ മികവ് വര്‍ദ്ധിപ്പിക്കാന്‍ നടത്തുന്ന പ്രവര്‍ത്തനങ്ങള്‍ അറിയിക്കാമോ?
1967.
ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പൊതുഭരണ വകുപ്പില്‍ 2023 ജനുവരി മുതല്‍ മെയ് 31 വരെ അണ്ടര്‍ സെക്രട്ടറി മുതലുള്ള ഉയർന്ന തസ്തികകളിൽ വിരമിക്കല്‍ മൂലം എത്ര ഒഴിവുകള്‍ ഉണ്ടാകുമെന്ന് അറിയിക്കുമോ?
1968.
ശ്രീ. അബ്ദുല്‍ ഹമീദ് പി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് വിവിധ വകുപ്പുകളിലായി നിലവില്‍ എത്ര സര്‍ക്കാര്‍ ജീവനക്കാരുണ്ട്; ആയതിന്റെ വകുപ്പ് തിരിച്ചുള്ള എണ്ണം ലഭ്യമാക്കാമോ;
( ബി )
സര്‍ക്കാര്‍ സര്‍വ്വീസിലുള്ള ആകെ ജീവനക്കാരില്‍ കോണ്‍ട്രിബ്യൂട്ടറി പെന്‍ഷന്‍ സ്കീമില്‍ ഉള്‍പ്പെട്ട ജീവനക്കാരുടെ എണ്ണം വകുപ്പ് തിരിച്ച് ലഭ്യമാക്കാമോ;
( സി )
സ്റ്റാട്ട്യൂട്ടറി പെന്‍ഷന്‍ സ്കീമില്‍ ഉള്‍പ്പെട്ട സര്‍ക്കാര്‍ ജീവനക്കാരില്‍ നിന്നും അടുത്ത 5 വര്‍ഷത്തിനകം വിരമിക്കുന്ന ജീവനക്കാരുടെ എണ്ണം വകുപ്പ് തിരിച്ച് ലഭ്യമാക്കാമോ; പ്രസ്തുത ജീവനക്കാരുടെ പെന്‍ഷന്‍ ആനുകൂല്യങ്ങള്‍ക്കായി എത്ര രൂപ ചെലവഴിക്കേണ്ടിവരുമെന്ന് വിശദമാക്കാമോ?
1969.
ശ്രീ . മുഹമ്മദ് മുഹസിൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സർക്കാർ ജീവനക്കാരുടെ പൊതു ഓണ്‍ലൈന്‍ സ്ഥലംമാറ്റം ഏതെല്ലാം വകുപ്പിലാണ് നാളിതുവരെ നടപ്പിലാക്കിയതെന്ന് വകുപ്പ് തിരിച്ചുള്ള വിവരം അറിയിക്കാമോ;
( ബി )
പൊതു ഓണ്‍ലൈന്‍ സ്ഥലംമാറ്റം ഏതൊക്കെ വകുപ്പുകളിലാണ് നടപ്പിലാക്കാത്തതെന്ന വിവരം നല്‍കാമോ; ഇതിനുള്ള കാരണം വ്യക്തമാക്കുമോ;
( സി )
പൊതു സ്ഥലംമാറ്റത്തില്‍ ഭിന്നശേഷിക്കാരായ ജീവനക്കാര്‍ക്ക് ഇളവ് അനുവദിച്ചിട്ടുണ്ടോ; എങ്കില്‍ എത്ര ശതമാനമെന്ന് അറിയിക്കാമോ?
1970.
ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഫയല്‍ തീര്‍പ്പാക്കല്‍ തീവ്രയജ്ഞ പരിപാടി 15.06.2022-ന് മുഖ്യമന്ത്രി ഉദ്ഘാടനം ചെയ്യുമ്പോൾ ആകെ എത്ര ഫയലുകള്‍ തീർപ്പാക്കാനുണ്ടായിരുന്നു എന്നതിന്റെ വകുപ്പ് തിരിച്ചുള്ള കണക്ക് ലഭ്യമാക്കാമോ;
( ബി )
ഇവയില്‍ എത്ര ഫയലുകള്‍ പൊതുജനങ്ങളുമായി നേരിട്ട് ബന്ധപ്പെട്ടതായിരുന്നുവെന്ന് വ്യക്തമാക്കാമോ;
( സി )
പ്രസ്തുത പരിപാടിയിലുൾപ്പെടുത്തി 15.06.2022 മുതൽ 31.12.2022 വരെയുള്ള കാലയളവില്‍ എത്ര ഫയലുകൾ തീര്‍പ്പാക്കിയിട്ടുണ്ടെന്ന് വിശദമാക്കാമോ;
( ഡി )
പൊതുജനങ്ങളുമായി നേരിട്ട് ബന്ധപ്പെട്ട എത്ര ഫയലുകള്‍ പ്രസ്തുത കാലയളവില്‍ തീര്‍പ്പാക്കാന്‍ കഴിഞ്ഞിട്ടുണ്ടെന്ന് വിശദമാക്കാമോ; ഇതേത്തുടർന്ന് പൊതുജനങ്ങള്‍ക്ക് ആനുകൂല്യങ്ങള്‍, നഷ്ടപരിഹാരം എന്നീ ഇനങ്ങളിൽ എത്ര തുക വിതരണം ചെയ്തു എന്നതിന്റെ വകുപ്പ് തിരിച്ചുള്ള കണക്ക് ലഭ്യമാക്കുമോ?
1971.
ശ്രീ ഇ ചന്ദ്രശേഖരന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പട്ടികവർഗ്ഗ വകുപ്പിൽ പി.റ്റി.സി.എം. തസ്തികയിൽ നിയമനം നേടി എഫ്.റ്റി.എം. ആയി സ്ഥാനക്കയറ്റം ലഭിച്ചവർക്ക് അന്തർ വകുപ്പ് സ്ഥലം മാറ്റത്തിന് അർഹതയുണ്ടോയെന്ന് അറിയിക്കാമോ;
( ബി )
എങ്കിൽ പ്രസ്തുത നിയമനത്തിന് അനുവദിക്കുന്ന സർക്കാർ വകുപ്പുതല ഉത്തരവുകളുടെ പകർപ്പുകൾ ലഭ്യമാക്കാമോ?
1972.
ശ്രീ. യു.എ.ലത്തീഫ്
ശ്രീ എ കെ എം അഷ്റഫ്
പ്രൊഫ . ആബിദ് ഹുസൈൻ തങ്ങൾ
ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ക്യാബിനറ്റ് പദവിയോടെ ഡൽഹിയിൽ സംസ്ഥാനത്തിന്റെ പ്രത്യേക പ്രതിനിധിയെ നിയോഗിച്ചിട്ടുണ്ടോ;
( ബി )
എങ്കിൽ പ്രത്യേക പ്രതിനിധിയുടെ ഉത്തരവാദിത്തങ്ങൾ എന്തെല്ലാമാണെന്ന് നിശ്ചയിച്ചിട്ടുണ്ടോ;
( സി )
ഡൽഹിയിൽ പ്രവർത്തിക്കുന്ന ഓഫീസർ ഓൺ സ്പെഷ്യൽ ഡ്യൂട്ടിയുടെയും റസിഡൻറ് കമ്മീഷണറുടെയും അധികാരത്തിൽ കുറവ് വരുത്താൻ ഉദ്ദേശിക്കുന്നുണ്ടോ;
( ഡി )
കടുത്ത സാമ്പത്തിക പ്രതിസന്ധി നേരിടുന്ന ഈ കാലയളവിൽ പ്രത്യേക പ്രതിനിധിയുടെ പ്രവർത്തനത്തിന് വേണ്ട ചെലവ് കണക്കാക്കിയിട്ടുണ്ടോ; വിശദമാക്കുമോ?
1973.
ശ്രീ. എ . പി . അനിൽ കുമാർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഡല്‍ഹിയില്‍ സംസ്ഥാന സര്‍ക്കാരിന്റെ കീഴിലുള്ള എത്ര ഉദ്യോഗസ്ഥന്മാര്‍ നിലവില്‍ സേവനമനുഷ്ഠിക്കുന്നുണ്ട്; ഇവര്‍‌ വഹിക്കുന്ന ചുമതലകള്‍ എന്തൊക്കെയെന്ന് വിശദമാക്കാമോ;
( ബി )
കഴിഞ്ഞ സര്‍ക്കാരിന്റെ കാലത്ത് ഡല്‍ഹിയില്‍ സര്‍ക്കാര്‍ പ്രതിനിധിയെ നിയമിച്ചത് വഴി സംസ്ഥാനത്തിനുണ്ടായ നേട്ടങ്ങളുടെ വിശദാംശം ലഭ്യമാക്കാമോ;
( സി )
ഡല്‍ഹിയില്‍ പ്രവര്‍ത്തിക്കുന്ന സര്‍ക്കാര്‍ പ്രതിനിധികളുടെ ശമ്പളം, അലവന്‍സുകള്‍, ഓഫീസ്, സ്റ്റാഫുകള്‍, വാഹനം തുടങ്ങി വിവിധയിനങ്ങളില്‍ എത്ര രൂപയാണ് സര്‍ക്കാര്‍ 2016 ന് ശേഷം ഓരോ വര്‍ഷവും ചെലവഴിച്ചതെന്ന് തരംതിരിച്ച് വ്യക്തമാക്കാമോ;
( ഡി )
‍ഡല്‍ഹിയിലെ സര്‍ക്കാര്‍ പ്രതിനിധിയായി പുതുതായി സര്‍ക്കാര്‍ ആരെയെങ്കിലും നിയമിക്കുന്നുണ്ടോ; എങ്കില്‍ ഇതിലൂടെ സര്‍ക്കാര്‍ എന്താണ് ലക്ഷ്യമാക്കുന്നതെന്ന് വ്യക്തമാക്കാമോ; പ്രസ്തുത നിയമനം വഴി സര്‍ക്കാരിന് പ്രതിവര്‍ഷം എത്ര രൂപയുടെ സാമ്പത്തിക ബാദ്ധ്യതയാണ് ഉണ്ടാകുന്നത്; വിശദാംശം ലഭ്യമാക്കാമോ?
1974.
ഡോ. എം.കെ . മുനീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സർക്കാർ ജീവനക്കാരുടെ ആശ്രിത നിയമന വ്യവസ്ഥയിൽ ഭേദഗതി വരുത്തുന്നതിന് ഉദ്ദേശിക്കുന്നുണ്ടോ;
( ബി )
എങ്കിൽ എന്തെല്ലാം ഭേദഗതികളാണ് വരുത്താനുദ്ദേശിക്കുന്നത് എന്ന് വ്യക്തമാക്കുമോ;
( സി )
ആശ്രിത നിയമന വ്യവസ്ഥയിലെ ഭേദഗതി സംബന്ധിച്ച് സർവീസ് സംഘടനകൾ സമർപ്പിച്ചിട്ടുള്ള നിവേദനങ്ങൾ പരിഗണിച്ചിട്ടുണ്ടോ എന്ന് വ്യക്തമാക്കുമോ?
1975.
ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്തെ വിവിധ വകുപ്പുകളിലുമായി ആകെ എത്ര വാഹനങ്ങള്‍ ഉണ്ട്; അവയില്‍ പ്രവര്‍ത്തനക്ഷമമായിട്ടുള്ളവ എത്രയെന്നും പ്രവര്‍ത്തനക്ഷമമല്ലാത്തവ എത്രയെന്നുമുള്ള വിവരം നല്‍കാമോ;
( ബി )
ഇതില്‍ പതിനഞ്ച് വര്‍ഷത്തിലധികം കാലപ്പഴക്കമുള്ള എത്ര വാഹനങ്ങള്‍ ഉണ്ടെന്നുള്ള വിവരം വകുപ്പുകള്‍ തിരിച്ചും വാഹനത്തിന്റെ ഇനം തിരിച്ചും ലഭ്യമാക്കുമോ;
( സി )
ഈ സര്‍ക്കാരിന്റെയും കഴിഞ്ഞ സര്‍ക്കാരിന്റെയും കാലത്ത് പുതിയതായി എത്ര വാഹനങ്ങള്‍ വാങ്ങിയിട്ടുണ്ട്; ഏതെല്ലാം വകുപ്പുകള്‍ക്ക് വേണ്ടിയാണ് വാഹനങ്ങള്‍ വാങ്ങിയിട്ടുള്ളതെന്ന് വാഹനങ്ങളുടെ ഇനം തിരിച്ച് വിവരം ലഭ്യമാക്കുമോ?
1976.
ഡോ. എൻ. ജയരാജ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
വിവിധ വകുപ്പുകള്‍ പുറപ്പെടുവിക്കുന്ന സര്‍ക്കാര്‍ ഉത്തരവുകള്‍ ഇ-ഓഫീസ് മുഖേന പ്രസിദ്ധപ്പെടുത്തുമ്പോള്‍ ഡിജിറ്റല്‍ സൈന്‍ ഉള്‍പ്പെടുത്തിയിട്ടില്ലെന്നത് ശ്രദ്ധയില്‍പ്പെട്ടിട്ടുണ്ടോ; ആയതുകൂടി ഉള്‍പ്പെടുത്തി ഇ-ഓഫീസ് മുഖേന ഉത്തരവുകള്‍ ലഭ്യമാക്കാന്‍ നടപടി സ്വീകരിക്കാമോ; വ്യക്തമാക്കുമോ;
( ബി )
മുന്‍പ് പ്രസിദ്ധപ്പെടുത്തിയിരുന്ന സര്‍ക്കാര്‍ ഉത്തരവുകളില്‍ അത് പരിശോധിച്ച ഫയല്‍ നമ്പറുകള്‍ ഉള്‍പ്പെടുത്തിയിരുന്നെങ്കിലും നിലവില്‍ അവ ഉൾപ്പെടുത്താത്തത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയതുകൂടി ഉള്‍പ്പെടുത്തി വെബ്‌സൈറ്റില്‍ പ്രസിദ്ധപ്പെടുത്തുന്നതിന് നടപടി സ്വീകരിക്കാമോ; വ്യക്തമാക്കുമോ;
( സി )
പൊതുജനങ്ങള്‍ക്ക് സര്‍ക്കാര്‍ ഉത്തരവുകള്‍ ലഭ്യമാക്കുക എന്ന ഉദ്ദേശ്യത്തോടെ പ്രസിദ്ധപ്പെടുത്തുന്ന ഇ-ഓഫീസ് വെബ്‌സൈറ്റില്‍ വകുപ്പുകളുടെ പേരുകള്‍ മൂന്നോ നാലോ അക്ഷരങ്ങൾ മാത്രമായി ചുരുക്കിയിരിക്കുന്നത് ശ്രദ്ധയില്‍പ്പെട്ടിട്ടുണ്ടോ; പൊതുജനത്തിന് സ്വീകാര്യമാകും വിധം വകുപ്പുകളുടെ പേരുകള്‍ മുഴുവനായി രേഖപ്പെടുത്തുന്നതിന് നടപടി സ്വീകരിക്കാമോ; വ്യക്തമാക്കാമോ?
1977.
ശ്രീ. കെ. ജെ. മാക്‌സി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് നിലവില്‍ സിവില്‍ സര്‍വ്വീസ് ഉദ്യോഗസ്ഥരുടെ കുറവ് ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ;
( ബി )
ഒരു വകുപ്പ് മേധാവിയ്ക്ക് ഒട്ടനവധി വകുപ്പുകളുടെ അധിക ചുമതലകള്‍ നല്‍കിയിട്ടുള്ള സാഹചര്യം ഒഴിവാക്കുന്നതിനുള്ള നടപടി സ്വീകരിക്കുമോ; വിശദാംശം വ്യക്തമാക്കുമോ;
( സി )
അഖിലേന്ത്യ സര്‍വ്വീസില്‍, കേരള കേഡറിലുള്ള എത്ര ഓഫീസര്‍മാര്‍ അന്യത്ര സേവന വ്യവസ്ഥയിൽ ജോലി ചെയ്തുവരുന്നെന്ന് അറിയിക്കുമോ; വിശദമാക്കുമോ;
( ഡി )
സംസ്ഥാനത്ത് സിവില്‍ സര്‍വ്വീസ് ഉദ്യോഗസ്ഥരുടെ കുറവുകള്‍ പരിഹരിക്കുന്നതിന് എന്തെല്ലാം നടപടി സ്വീകരിക്കുവാന്‍ ഉദ്ദേശിക്കുന്നുവെന്ന് വിശദമാക്കുമോ?
1978.
ശ്രീ. പി.വി.അൻവർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
റീബില്‍ഡ് കേരള പദ്ധതിയുടെ ഭാഗമായി, സംസ്ഥാനത്ത് പ്രളയത്തില്‍ തകര്‍ന്ന ഗ്രാമീണ റോഡുകള്‍ പുനരുദ്ധരിക്കാന്‍ സി.എം.എല്‍.ആർ.ആർ.പി. പദ്ധതിയില്‍ എത്ര തുകയാണ് ആകെ മാറ്റിവച്ചിരുന്നതെന്നും ഇതില്‍ എത്ര തുക സംസ്ഥാനത്താകെ വിനിയോഗിച്ചുവെന്നും ജില്ലകള്‍ തിരിച്ച് വിവരം ലഭ്യമാക്കാമോ;
( ബി )
സി.എം.എല്‍.ആർ.ആർ.പി. യില്‍ ഫണ്ട് അനുവദിച്ചിട്ടും നാളിതുവരെ വിവിധ കാരണങ്ങളാല്‍ പ്രവൃത്തി നിര്‍വഹിക്കാനാകാത്തതിനാല്‍ എത്ര തുകയുടെ പ്രവൃത്തികള്‍ മുടങ്ങിക്കിടക്കുന്നുണ്ടെന്ന് ജില്ലകള്‍ തിരിച്ച് വിവരം ലഭ്യമാക്കാമോ;
( സി )
സി.എം.എല്‍.ആർ.ആർ.പി. യില്‍ ഇനിയും തുക ശേഷിക്കുന്നുണ്ടെങ്കില്‍ മുമ്പ് സമര്‍പ്പിച്ചിരുന്ന പട്ടികയില്‍ നിന്നും കൂടുതല്‍ പ്രവൃത്തികള്‍ക്കായി അനുമതി നല്‍കിയിട്ടുണ്ടോ; ഇക്കാര്യത്തിലുള്ള നിലപാട് അറിയിക്കുമോ;
( ഡി )
സി.എം.എല്‍.ആർ.ആർ.പി. പദ്ധതിയില്‍ കൂടുതല്‍ ഫണ്ട് ലഭ്യമാക്കണമെന്നഭ്യര്‍ത്ഥിച്ച് പ്രളയത്തില്‍ ഏറെ നാശനഷ്ടം നേരിട്ട നിലമ്പൂര്‍ നിയോജക മണ്ഡലത്തില്‍ നിന്നും അനുമതി ലഭിച്ചിട്ടില്ലാത്ത എത്ര പ്രൊപ്പോസലുകള്‍ ഉണ്ടെന്നും ആയത് ഇനി പരിഗണിക്കാനാവുമോയെന്നും അറിയിക്കാമോ; വിശദാംശം ലഭ്യമാക്കാമോ?
1979.
ശ്രീ. ഇ കെ വിജയൻ
ശ്രീ ജി എസ് ജയലാൽ
ശ്രീ. ഇ. ടി. ടൈസൺ മാസ്റ്റർ
ശ്രീ. വാഴൂര്‍ സോമൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് വികസന പദ്ധതികള്‍ നടപ്പിലാക്കുമ്പോള്‍ അവ മാനുഷിക മുഖത്തോട് കൂടിയാകണം എന്ന സമീപനം സര്‍ക്കാര്‍ സ്വീകരിച്ചിട്ടുണ്ടോ;
( ബി )
വികസന പദ്ധതികള്‍ നടപ്പിലാക്കുമ്പോള്‍ പുനരധിവാസത്തിനും ജീവനോപാധികളുടെ സംരക്ഷണത്തിനും മുന്തിയ പരിഗണന നല്‍കിയിട്ടുണ്ടോ;
( സി )
സംസ്ഥാനത്തിന്റെ സ്ഥായിയായ സാമ്പത്തിക വളര്‍ച്ചയ്ക്ക് അടിത്തറപാകുന്ന പശ്ചാത്തലസൗകര്യ വികസന പദ്ധതികള്‍ ഏറ്റെടുത്തിട്ടുണ്ടോ; വിശദമാക്കാമോ?
1980.
ശ്രീ. പി.പി. ചിത്തരഞ്ജന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ആലപ്പുഴ നിയോജകമണ്ഡലത്തില്‍ പ്രധാനമന്ത്രി ജന്‍ വികാസ് കാര്യക്രം പദ്ധതി പ്രകാരം ഏതെല്ലാം പ്രവൃത്തികളാണ് നടപ്പിലാക്കുന്നതെന്ന് വ്യക്തമാക്കാമോ;
( ബി )
പ്രസ്തുത പദ്ധതി പ്രകാരം സി.ആർ.ഇസഡ്. ക്ലിയറന്‍സിന് ശേഷം വുമണ്‍ എംപവര്‍മെന്റ് & ഫെസിലിറ്റേഷന്‍ സെന്ററിന് പുതുക്കിയ എസ്റ്റിമേറ്റ് ലഭ്യമാക്കിയിട്ടുണ്ടോയെന്ന് വ്യക്തമാക്കുമോ;
( സി )
പ്രസ്തുത സെന്ററിന് കേന്ദ്ര ന്യൂനപക്ഷ മന്ത്രാലയത്തിന്റെ അംഗീകാരം ലഭ്യമാക്കാന്‍ സ്വീകരിച്ച നടപടികളെക്കുറിച്ച് വിശദമാക്കാമോ?
1981.
ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
വടക്കാഞ്ചേരി മണ്ഡലത്തില്‍ റീബില്‍ഡ് കേരള ഫേസ് ടൂ പദ്ധതിയുടെ പ്രവര്‍ത്തനങ്ങള്‍ സംബന്ധിച്ച വിശദവിവരം ലഭ്യമാക്കാമോ?
1982.
ശ്രീ. കെ.കെ. രാമചന്ദ്രൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
റീബില്‍ഡ് കേരള പദ്ധതിയില്‍ ഉള്‍പ്പെടുത്തി പുതുക്കാട് നിയോജക മണ്ഡലത്തില്‍പ്പെട്ട എത്ര പ്രവൃത്തികള്‍ക്കാണ് അനുമതി നല്‍കിയതെന്നും പ്രവൃത്തികളുടെ നടപടികള്‍ ഏത് ഘട്ടത്തിലാണെന്നും അറിയിക്കാമോ;
( ബി )
ഫേസ് - II ല്‍ ഉള്‍പ്പെടുത്തി സമര്‍പ്പിച്ചിട്ടുള്ള തൃക്കൂര്‍ ഗ്രാമ പഞ്ചായത്തിലെ എസ്.എം.എസ്. റോഡ് നിര്‍മ്മാണത്തിന് അനുമതി ലഭ്യമാക്കാന്‍ അടിയന്തര നടപടികള്‍ സ്വീകരിക്കുമോയെന്ന് വ്യക്തമാക്കാമോ;
( സി )
ഫേസ് - II ൽ സമര്‍പ്പിച്ചിട്ടുള്ള പ്രൊപ്പോസലുകളിൽ അനുമതിയും ഫണ്ടും അനുവദിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് വ്യക്തമാക്കാമോ?
1983.
ശ്രീ. എൽദോസ് പി. കുന്നപ്പിള്ളിൽ
ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
റീബിൽഡ് കേരള പദ്ധതിയിൽ നാളിതുവരെ ഓരോ സാമ്പത്തിക വർഷവും നീക്കിവെച്ച തുകയും ചെലവഴിച്ച തുകയും വ്യക്തമാക്കുമോ;
( ബി )
പ്രസ്തുത പദ്ധതിയ്ക്ക് ലോക ബാങ്ക് സഹായമായി എത്ര തുക ലഭിച്ചിട്ടുണ്ട്; ഏതൊക്കെ സാമ്പത്തിക വർഷങ്ങളിലാണ് തുക ലഭിച്ചതെന്നും പ്രസ്തുത തുക ഓരോ സാമ്പത്തിക വർഷവും എത്ര ചെലവഴിച്ചുവെന്നും വ്യക്തമാക്കാമോ;
( സി )
പ്രസ്തുത പദ്ധതിക്ക് ലഭിച്ച തുക വകമാറ്റി ചെലവഴിച്ചിട്ടുണ്ടോ; എങ്കിൽ ഏതൊക്കെ പദ്ധതികൾക്കാണ് വിനിയോഗിച്ചതെന്ന് വ്യക്തമാക്കുമോ?
1984.
ശ്രീ. കെ.എം.സച്ചിന്‍ദേവ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
റീബില്‍ഡ് കേരള പദ്ധതിയില്‍ ഉള്‍പ്പെടുത്തി സംസ്ഥാനത്ത് ഇതുവരെ എത്ര പദ്ധതികളാണ് പൂര്‍ത്തീകരിച്ചിട്ടുള്ളത്; വിശദാംശം നൽകുമോ;
( ബി )
കോഴിക്കോട് ജില്ലയില്‍ റീബില്‍ഡ് കേരള പദ്ധതിയില്‍ ഇപ്പോള്‍ നടന്നു കൊണ്ടിരിക്കുന്ന പദ്ധതികള്‍ ഏതൊക്കെയാണ്; പ്രസ്തുത പദ്ധതികള്‍ എപ്പോള്‍ പൂര്‍ത്തീയാക്കാന്‍ കഴിയുമെന്ന് വിശദമാക്കാമോ;
( സി )
റീബില്‍ഡ് കേരള പദ്ധതിയില്‍ പുതിയ പദ്ധതികള്‍ക്ക് അനുമതി നല്‍കുന്നുണ്ടോ; 2022-23 ൽ എത്ര പദ്ധതികള്‍ക്കാണ് ആര്‍.കെ.ഐ.യില്‍ അനുമതി നല്‍കിയിട്ടുള്ളത്; വിശദാംശം നൽകുമോ?
1985.
ശ്രീ. സജീവ് ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാന മലിനീകരണ നിയന്ത്രണ ബോർഡിന്റെ പ്രവർത്തനങ്ങൾ എന്തൊക്കെയാണെന്ന് വ്യക്തമാക്കുമോ;
( ബി )
സംസ്ഥാന മലിനീകരണ നിയന്ത്രണ ബോർഡിൽ ഏതൊക്കെ തസ്തികകളിൽ താൽക്കാലിക/കരാർ വ്യവസ്ഥയിൽ നിയമനം നടത്തിയിട്ടുണ്ട്; ഇപ്രകാരം എത്ര ഉദ്യോഗസ്ഥർ എത്രകാലമായി ഇവിടെ ജോലി ചെയ്ത് വരുന്നു എന്ന വിശദാംശം തസ്തിക തിരിച്ച് ലഭ്യമാക്കുമോ;
( സി )
മലിനീകരണ നിയന്ത്രണ ബോർഡിൽ മേൽപ്പറഞ്ഞ തസ്തികകളിൽ സ്ഥിര നിയമനം നടത്തുന്നതിന് എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശം നൽകുമോ?
1986.
ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാന മലിനീകരണ നിയന്ത്രണ ബോര്‍ഡിന്റെ പ്രവര്‍ത്തനം കൂടുതല്‍ വിപുലീകരിക്കാനും ശക്തിപ്പെടുത്താനുമുള്ള എന്തെങ്കിലും നിര്‍ദേശങ്ങള്‍ സര്‍ക്കാര്‍ മുമ്പാകെയുണ്ടോ; എങ്കിൽ വിശദാംശം നൽകുമോ;
( ബി )
മലിനീകരണ നിയന്ത്രണ ബോര്‍ഡ് ഉദ്യോഗസ്ഥര്‍ സംരംഭകരെയും വ്യാപാരികളെയും അപ്രായോഗികവും അശാസ്ത്രീയവും നിയമവിരുദ്ധവുമായ നിബന്ധനകള്‍ ഉന്നയിച്ച് ലൈസന്‍സിനായുള്ള അപേക്ഷകള്‍ യഥാസമയം തീര്‍പ്പാക്കാതെ വൈകിപ്പിച്ച് ബുദ്ധിമുട്ടിയ്ക്കുന്നതായുള്ള പരാതികള്‍ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ വിശദമാക്കുമോ;
( സി )
പ്രസ്തുത ബോര്‍ഡില്‍ ആകെ അനുവദിച്ച തസ്തികകള്‍, അവയില്‍ നിലവിലുള്ള ഒഴിവുകള്‍, ആകെയുളള തസ്തികകളിലെ നിയമനം എന്നിവ സംബന്ധിച്ച വിശദാംശം വെളിപ്പെടുത്താമോ?
1987.
ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേരള അഡ്മിനിസ്ട്രേറ്റീവ് സര്‍വ്വീസിലേക്കുള്ള പരീക്ഷ ഇനിയും നടത്തുവാന്‍ ഉദ്ദേശിക്കുന്നുണ്ടോ; വിശദമാക്കാമോ;
( ബി )
എങ്കില്‍ പരീക്ഷ എഴുതുവാനുള്ള പരമാവധി പ്രായപരിധി സ്ട്രീം - 2 ല്‍ 40 വയസ്സ്, സ്ട്രീം - 3 ല്‍ 50 വയസ്സ് എന്നാക്കി ഉയര്‍ത്തുന്നതിന് നടപടി സ്വീകരിക്കുമോ; വ്യക്തമാക്കാമോ?
1988.
ശ്രീ. യു.എ.ലത്തീഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2022 ജനുവരി മുതൽ ഡിസംബർ 2022 വരെ എത്ര പേർക്ക് കേരള പി.എസ്.സി. അഡ്വൈസ് മെമ്മോ നൽകിയിട്ടുണ്ട്; ആയതിന്റെ വകുപ്പ് തിരിച്ചുള്ള വിശദാംശം ലഭ്യമാക്കാമോ;
( ബി )
പ്രസ്തുത അഡ്വൈസ് മെമ്മോ ലഭിച്ചവരിൽ എത്ര പേർ ജോലിയിൽ പ്രവേശിച്ചു; കണക്കുകൾ ലഭ്യമാക്കാമോ;
( സി )
പ്രസ്തുത ഒഴിവുകളിൽ എത്ര എണ്ണം എന്‍.ജെ.ഡി. ആയി റിപ്പോർട്ട്‌ ചെയ്തിട്ടുണ്ടെന്നും ആയതിൽ ഉദ്യോഗാർഥികൾ ജോയിൻ ചെയ്തിട്ടുണ്ടോയെന്നും വ്യക്തമാക്കാമോ?
1989.
ശ്രീ . മഞ്ഞളാംകുഴി അലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
യഥാസമയം ഒഴിവ് റിപ്പോര്‍ട്ട് ചെയ്യാതെ റാങ്ക് പട്ടികയുടെ കാലാവധി അവസാനിക്കുന്ന ദിവസം അര്‍ധരാത്രിയ്ക്ക് ശേഷം ഒഴിവുകള്‍ റിപ്പോര്‍ട്ട് ചെയ്തത് മൂലം ജോലി നഷ്ടപ്പെട്ട യുവതിയുടെ പരാതിയിന്മേല്‍ സ്വീകരിച്ച നടപടികള്‍ എന്തെല്ലാമെന്ന് വിശദമാക്കുമോ;
( ബി )
സമാനമായ എത്ര പരാതികള്‍ സര്‍ക്കാരിന് ലഭിച്ചിട്ടുണ്ട്; ഇവയില്‍ സ്വീകരിച്ചിട്ടുള്ള നടപടികള്‍ എന്തെല്ലാമെന്ന് അറിയിക്കുമോ;
( സി )
ഇപ്രകാരം ബോധപൂര്‍വ്വം വീഴ്ച വരുത്തുന്നവര്‍ക്കെതിരെ കര്‍ശന നടപടിയെടുക്കാനും ഇത്തരം സംഭവങ്ങള്‍ ആവര്‍ത്തിക്കാതിരിക്കാനും നടപടി സ്വീകരിക്കുമോ?
1990.
ശ്രീ . ടി. വി. ഇബ്രാഹിം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് സർക്കാർ നിയമനങ്ങളിൽ മുന്നോക്ക വിഭാഗക്കാരിൽ സാമ്പത്തികമായി പിന്നോക്കം നിൽക്കുന്നവർക്ക് സംവരണം നടപ്പിലാക്കിയത് എന്നുമുതലുള്ള നിയമനങ്ങളിലാണെന്ന് വ്യക്തമാക്കാമോ;
( ബി )
2020 ജനുവരി 1 മുതൽ 2022 ഡിസംബർ 31വരെ വിവിധ സർക്കാർ വകുപ്പുകളിൽ കേരള പബ്ലിക് സർവീസ് കമ്മീഷൻ മുഖേന നടത്തിയ നിയമനങ്ങളുടെ വിശദാംശം തസ്തിക, വകുപ്പ് എന്നിവ തിരിച്ച് ലഭ്യമാക്കാമോ;
( സി )
പ്രസ്തുത നിയമനങ്ങളിൽ പട്ടികജാതി, പട്ടികവർഗ്ഗം, മുസ്ലിം, ഈഴവ, മറ്റു പിന്നാക്ക വിഭാഗങ്ങൾ, ഇ.ഡബ്ല്യു.എസ്., പൊതുവിഭാഗം എന്നീ വിഭാഗങ്ങളിലുള്‍പ്പെട്ട എത്ര ഉദ്യോഗാർത്ഥികൾക്ക് നിയമനം ലഭിച്ചു എന്നതിന്റെ വകുപ്പ്, തസ്തിക തിരിച്ചുള്ള വിശദാംശം ലഭ്യമാക്കാമോ?
1991.
ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
എറണാകുളം ജില്ലയില്‍ നിലവിലുള്ള മെഡിക്കല്‍ ലബോറട്ടറി ടെക്നീഷ്യൻ തസ്തികയിലേക്കുള്ള (കാറ്റഗറി നമ്പര്‍ 077/2018) ലിസ്റ്റില്‍ നിന്നും നാളിതുവരെ എത്ര നിയമനങ്ങള്‍ നടത്തിയിട്ടുണ്ട്; വിശദമാക്കാമോ;
( ബി )
പ്രസ്തുത തസ്തികയിലേക്ക് നിലവില്‍ എത്ര ഒഴിവുകള്‍ പി.എസ്.സി.ക്ക് റിപ്പോര്‍ട്ട് ചെയ്തിട്ടുണ്ട്; ലിസ്റ്റ് ലഭ്യമാക്കാമോ;
( സി )
കോവിഡ് മഹാമാരി മൂലം പ്രസ്തുത റാങ്ക് ലിസ്റ്റില്‍ നിന്നും വേണ്ടത്ര നിയമനങ്ങള്‍ നടന്നിട്ടില്ലായെന്ന വസ്തുത വിലയിരുത്തിയിട്ടുണ്ടോ; വിശദമാക്കാമോ;
( ഡി )
എങ്കില്‍ പ്രസ്തുത ലിസ്റ്റില്‍ നിന്നും കൂടുതല്‍ പേര്‍ക്ക് നിയമനം നല്‍കുന്നതിലേക്കായി റാങ്ക് ലിസ്റ്റിന്റെ കാലാവധി 6 മാസത്തേയ്ക്കു കൂടി ദീര്‍ഘിപ്പിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?
1992.
ശ്രീ. സനീഷ്‍കുമാര്‍ ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തൃശ്ശൂര്‍ ജില്ലയില്‍ വനം - വന്യജീവി വകുപ്പില്‍ ബീറ്റ് ഫോറസ്റ്റ് ഓഫീസര്‍ തസ്തികയിലേയ്ക്കുള്ള (കാറ്റഗറി നം. 092/2022) പ്രത്യേക നിയമനത്തിനുള്ള നടപടികള്‍ ഏതു ഘട്ടത്തിലാണ്; വ്യക്തമാക്കാമോ;
( ബി )
ഒ.എം.ആര്‍. പരീക്ഷയുടെ അടിസ്ഥാനത്തില്‍ ശാരീരിക അളവെടുപ്പിനും കായിക ക്ഷമതാ പരീക്ഷയ്ക്കും പരിഗണിക്കുവാന്‍ അര്‍ഹരായവരുടെ 14.11.2022 ന് പ്രസിദ്ധീകരിച്ച സോപാധിക ചുരുക്കപ്പട്ടികയില്‍ ഉള്‍പ്പെടാത്ത നാല് ഉദ്യോഗാര്‍ത്ഥികളുടെ രജിസ്റ്റര്‍ നമ്പര്‍ 19.11.2022 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടത് ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;
( സി )
107805, 107930, 107973, 107983 എന്നീ രജിസ്റ്റര്‍ നമ്പരുകള്‍ 14.11.2022 ന് പ്രസിദ്ധീകരിച്ച സോപാധിക ചുരുക്കപ്പട്ടികയില്‍ ഉള്‍പ്പെടാത്തതിന്റെ കാരണം വിശദമാക്കാമോ;
( ഡി )
14.11.2022 ന് പ്രസിദ്ധീകരിച്ച സോപാധിക ചുരുക്കപ്പട്ടികയില്‍ ഉള്‍പ്പെടാത്ത രജിസ്റ്റര്‍ നമ്പറുകള്‍ 19.11.2022 ന് പ്രസിദ്ധീകരിച്ച ചുരുക്കപ്പട്ടികയില്‍ എങ്ങനെയാണ് ഉള്‍പ്പെടുത്തിയതെന്ന് അറിയിക്കുമോ?
1993.
ശ്രീ .പി. കെ. ബഷീർ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്തെ മുഴുവൻ സർക്കാർ ഓഫീസുകളിലും സ്പാർക്ക് ലിങ്ക്ഡ് ബയോമെട്രിക്ക് പഞ്ചിംഗ് സംവിധാനം ഏർപ്പെടുത്തുവാൻ തീരുമാനിച്ചിട്ടുണ്ടോ; എങ്കില്‍ ഇത് നടപ്പിലാക്കുന്നതിന് സ്വീകരിച്ച നടപടികള്‍ അറിയിക്കുമോ;
( ബി )
ഇത്തരത്തില്‍ നിലവില്‍ സ്പാർക്ക് ലിങ്ക്ഡ് ബയോമെട്രിക്ക് പഞ്ചിംഗ് സംവിധാനം ഏതെല്ലാം ഓഫീസുകളില്‍ നടപ്പിലാക്കിയിട്ടുണ്ട് അറിയിക്കാമോ;
( സി )
പഞ്ചിംഗ് ഏർപ്പെടുത്തിയ ഓഫീസുകളിൽ സ്പാർക്ക് വഴി ശമ്പളം നൽകുന്നുവെങ്കിലും സെക്രട്ടേറിയേറ്റ് ഒഴികെയുള്ള മറ്റ് ഓഫീസുകളിൽ ഹാജർ സ്പാർക്കുമായി ബന്ധിപ്പിക്കാത്തതിനുള്ള കാരണമെന്താണെന്ന് വ്യക്തമാക്കാമോ?
1994.
ശ്രീ. യു.എ.ലത്തീഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2022-ൽ സംസ്ഥാനത്ത് സർക്കാർ സർവീസിൽ നിന്നും വിരമിച്ച ഉദ്യോഗസ്ഥരുടെ എണ്ണം അറിയിക്കുമോ; വകുപ്പ് തിരിച്ചുള്ള വിശദവിവരങ്ങൾ ലഭ്യമാക്കാമോ;
( ബി )
2022-ൽ വിരമിച്ച എത്ര പേർക്ക് പുനർ നിയമനം നൽകിയിട്ടുണ്ടെന്ന് വ്യക്തമാക്കുമോ; കണക്കുകൾ ലഭ്യമാക്കുമോ;
( സി )
2016-നു ശേഷം നാളിതുവരെ സെക്രട്ടേറിയേറ്റിൽ നിന്നും വിരമിച്ച എത്ര പേർക്ക് ഏതൊക്കെ തസ്തികകളിലേക്ക് പുനർ നിയമനം നൽകിട്ടുണ്ടെന്ന് വിശദമാക്കാമോ?
കെ-ഡിസ്‌ക്ക് മുഖേന നടപ്പാക്കുന്ന പദ്ധതികള്‍
1995.
ശ്രീ എം വിൻസെൻറ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേരള ഡെവലപ്മെന്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ മുഖേന നടപ്പാക്കുന്ന പദ്ധതികള്‍ക്കായി ചെലവഴിച്ച തുകയുടെ വിശദാംശം നൽകുമോ; എത്ര തുക ഇനി നല്‍കാനുണ്ടെന്ന് അറിയിക്കുമോ; ഒരോ പദ്ധതിയുടെയും പുരോഗതി വ്യക്തമാക്കുമോ;
( ബി )
വിവിധ പദ്ധതികളുടെ നടത്തിപ്പിന് മത്സര ടെണ്ടറിലൂടെയാണോ കരാര്‍ നല്‍കിയതെന്ന് വ്യക്തമാക്കുമോ; ടെണ്ടര്‍ രേഖകള്‍, കരാര്‍ പകര്‍പ്പുകള്‍ എന്നിവ ലഭ്യമാക്കുമോ?
1996.
ശ്രീമതി ദെലീമ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഇ-ഓഫീസ് സംവിധാനം കാര്യക്ഷമമാക്കുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കാമോ;
( ബി )
സെക്രട്ടേറിയറ്റില്‍ ഇ-ഓഫീസ് സംവിധാനം നിലവില്‍ വന്നെങ്കിലും ഫയലുകള്‍ തീര്‍പ്പാക്കാന്‍ ഇപ്പോഴും കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കാന്‍ സ്വീകരിച്ച നടപടികള്‍ വിശദമാക്കാമോ?
1997.
ശ്രീ. കെ. ജെ. മാക്‌സി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2022-ൽ എത്ര കോടി രൂപയുടെ ഐ.ടി. ഹാര്‍ഡ്‍വെയര്‍ ഉല്പാദനമാണ് സംസ്ഥാനത്ത് നടന്നത്; വിശദമാക്കാമോ;
( ബി )
ആയത് മുന്‍വര്‍ഷത്തെ അപേക്ഷിച്ച് എത്ര കൂടുതലാണ്; വിശദാംശം ലഭ്യമാക്കാമോ;
( സി )
പ്രസ്തുത ഉല്പാദനം 2025-26 ആകുമ്പോഴേയ്ക്കും എത്ര കോടി രൂപയായി ഉയര്‍ത്താനാണ് ലക്ഷ്യമിടുന്നത്; വിശദാംശം ലഭ്യമാക്കുമോ;
( ഡി )
സംസ്ഥാനത്തെ സ്വകാര്യ ഐ.ടി. പാര്‍ക്കുകളെ പ്രോത്സാഹിപ്പിക്കുവാന്‍ നൂതനമായ എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ?
1998.
ശ്രീ. ജോബ് മൈക്കിള്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ചങ്ങനാശ്ശേരി നിയോജകമണ്ഡലത്തിലെ എത്ര വീടുകള്‍ക്കും ഏതെല്ലാം ഓഫീസുകള്‍ക്കുമാണ് കെ-ഫോണ്‍ കണക്ഷന്‍ ലഭ്യമാക്കിയിട്ടുള്ളതെന്ന് വ്യക്തമാക്കുമോ;
( ബി )
വീടുകളില്‍ കെ-ഫോണ്‍ കണക്ഷന്‍ അനുവദിക്കുന്നതിനുള്ള മാനദണ്ഡങ്ങളും നടപടിക്രമങ്ങളും വ്യക്തമാക്കുമോ; വിശദാംശം നല്‍കുമോ?
1999.
ശ്രീ. പി.വി. ശ്രീനിജിൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കൊച്ചി ഇന്‍ഫോപാര്‍ക്ക് രണ്ടാംഘട്ട പദ്ധതി പ്രദേശത്തേയ്ക്കുളള പ്രധാന പാത നാലുവരിയാക്കുന്ന പ്രവൃത്തിയുടെ നിലവിലെ സ്ഥിതി എന്താണെന്ന് വ്യക്തമാക്കാമോ;
( ബി )
അഭ്യസ്തവിദ്യരും തദ്ദേശീയരുമായ യുവാക്കള്‍ക്ക് തൊഴില്‍ നെെപുണ്യപരിശീലനം നല്‍കുന്നതിന് ഇന്‍ഫോപാര്‍ക്ക് മുഖേന പദ്ധതികള്‍ നടപ്പിലാക്കുന്നുണ്ടോ; വിശദാംശം ലഭ്യമാക്കാമോ?
പുതിയതായി അക്ഷയ കേന്ദ്രങ്ങള്‍ ആരംഭിക്കുന്നതിനുള്ള നടപടി
2000.
ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഈ സര്‍ക്കാര്‍ അധികാരത്തില്‍ വന്നതിന് ശേഷം തൃശൂര്‍ ജില്ലയില്‍ എത്ര അക്ഷയ കേന്ദ്രങ്ങളാണ് പുതിയതായി അനുവദിച്ചിട്ടുള്ളതെന്ന് സ്ഥലപ്പേര് ഉള്‍പ്പെടെയുള്ള വിശദാംശം നൽകാമോ;
( ബി )
വടക്കാഞ്ചേരി മണ്ഡലത്തില്‍ ഏതെല്ലാം സ്ഥലങ്ങളിലാണ് പുതിയതായി അക്ഷയ കേന്ദ്രങ്ങള്‍ ആരംഭിക്കുന്നതിനുള്ള നടപടി സ്വീകരിച്ച് വരുന്നതെന്ന് അറിയിക്കാമോ?
2001.
ശ്രീമതി ദെലീമ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഇ-ഓഫീസ് സംവിധാനം ശക്തമാകുന്നതോടെ നിലവിലുള്ള അക്ഷയ കേന്ദ്രങ്ങള്‍ ജനങ്ങളുടെ ആവശ്യങ്ങള്‍ക്ക് മതിയാകാതെ വരുന്ന അവസ്ഥ സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കിൽ ആയത് പരിഹരിക്കുന്നതിന് പുതിയ അക്ഷയ കേന്ദ്രങ്ങള്‍ തുടങ്ങുന്നതിനാവശ്യമായ നടപടികള്‍ സ്വീകരിക്കുമോ?
2002.
ശ്രീ. എ. പ്രഭാകരൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഈ സര്‍ക്കാര്‍ അധികാരത്തില്‍ വന്നതിന് ശേഷം പാലക്കാട് ജില്ലയില്‍ അനുവദിച്ച അക്ഷയ കേന്ദ്രങ്ങളുടെ വിശദാംശം ലഭ്യമാക്കാമോ;
( ബി )
പ്രസ്തുത ജില്ലയില്‍ ഇനി ഏതെല്ലാം സ്ഥലങ്ങളില്‍ അക്ഷയ കേന്ദ്രം ആരംഭിക്കുന്നതിന് പദ്ധതി തയ്യാറാക്കിയിട്ടുണ്ടെന്ന് അറിയിക്കാമോ; ഇതിനായുള്ള നടപടിക്രമങ്ങള്‍ ഏത് ഘട്ടത്തിലാണെന്ന് അറിയിക്കാമോ?
2003.
ശ്രീ വി ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തിരുവനന്തപുരം ജില്ലയില്‍ എത്ര അക്ഷയ കേന്ദ്രങ്ങള്‍ പ്രവര്‍ത്തിക്കുന്നുണ്ടെന്ന് വിശദമാക്കാമോ;
( ബി )
പ്രസ്തുത ജില്ലയില്‍ പ്രവര്‍ത്തിച്ചുകൊണ്ടിരുന്ന അക്ഷയ കേന്ദ്രങ്ങള്‍ ഏതെങ്കിലും ഇപ്പോള്‍ പ്രവര്‍ത്തിക്കുന്നില്ലായെന്ന് കണ്ടെത്തിയിട്ടുണ്ടോ; എങ്കില്‍ അത് എത്രയെണ്ണമെന്നും എവിടെയെല്ലാമാണെന്നും വിശദമാക്കാമോ;
( സി )
പ്രവര്‍ത്തനം നിലച്ച പ്രസ്തുത കേന്ദ്രങ്ങളില്‍ പുതിയ അക്ഷയ കേന്ദ്രങ്ങള്‍ അനുവദിക്കുന്നതിന് നടപടി സ്വീകരിക്കുമോ; വിശദമാക്കുമോ?
2004.
ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2016-2021 കാലഘട്ടത്തിൽ സി-ഡിറ്റ് സര്‍ക്കാരിന്റെ അനുമതിക്കായി സ്പെഷ്യല്‍ റൂള്‍സിന്റെ കരട് സമര്‍പ്പിച്ചിട്ടുണ്ടോ; പ്രസ്തുത കരടില്‍ മാറ്റം വരുത്തി എത്ര തവണ സമര്‍പ്പിച്ചിട്ടുണ്ടെന്നും ഓരോ തവണയും വരുത്തിയ മാറ്റങ്ങള്‍ എന്തെല്ലാമാണെന്നും അറിയിക്കാമോ;
( ബി )
പ്രസ്തുത കരട് റൂള്‍സും അവയില്‍ വരുത്തിയ മാറ്റങ്ങളും ഏതെല്ലാം ഭരണസമിതി യോഗങ്ങളിലാണ് അംഗീകരിച്ചതെന്ന് അറിയിക്കാമോ; പ്രസ്തുത യോഗ തീരുമാനങ്ങളുടെ പകര്‍പ്പ് ലഭ്യമാക്കുമോ;
( സി )
സ്പെഷ്യല്‍ റൂള്‍സിന്റെ അംഗീകാരത്തിന് വേണ്ടി സി-ഡിറ്റില്‍ നിന്ന് നേരിട്ട് ധനകാര്യ വകുപ്പിലേക്ക് കത്തയച്ചത് ശ്രദ്ധയില്‍പ്പെട്ടിട്ടുണ്ടോ; എങ്കിൽ ഏത് ചട്ടപ്രകാരമാണ് സി-ഡിറ്റ് രജിസ്ട്രാര്‍ മാതൃ വകുപ്പ് വഴിയല്ലാതെ ധനകാര്യ വകുപ്പിന് കത്ത് അയച്ചിട്ടുള്ളതെന്ന് വ്യക്തമാക്കാമോ;
( ഡി )
സി-ഡിറ്റ് സമര്‍പ്പിച്ച സ്പെഷ്യല്‍ റൂള്‍സ് സര്‍ക്കാര്‍ അംഗീകരിച്ചോ; ഇല്ലെങ്കില്‍ എന്തുകൊണ്ടാണെന്ന് വ്യക്തമാക്കുമോ?
2005.
ശ്രീ. ടി.ഐ.മധുസൂദനന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പയ്യന്നൂര്‍ മണ്ഡലത്തിലെ എരമം വില്ലേജിലെ പുല്ലുപാറയില്‍ ആരംഭിക്കാനിരുന്ന ഐ.ടി. പാര്‍ക്ക് പദ്ധതി ഉപേക്ഷിച്ചതിനാല്‍ പ്രസ്തുത ആവശ്യത്തിനായി കണ്ടെത്തിയ 25 ഏക്കര്‍ ഭൂമി മറ്റ് പൊതു ആവശ്യത്തിന് കൈമാറുന്നതിന് നടപടികള്‍ പരിഗണനയിലുണ്ടോ; അറിയിക്കാമോ;
( ബി )
പ്രസ്തുത ഭൂമി വ്യവസായ വകുപ്പിന് കൈമാറി വ്യവസായ പാര്‍ക്ക് ആക്കി മാറ്റുന്നതിനുള്ള നടപടികള്‍ സ്വീകരിക്കാമോ; വ്യക്തമാക്കാമോ?
2006.
ശ്രീ. സെബാസ്റ്റ്യൻ കുളത്തുങ്കല്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പൂഞ്ഞാർ നിയോജക മണ്ഡലത്തിലെ കെ-ഫോണ്‍ പദ്ധതിയുടെ പുരോഗതി വിശദമാക്കാമോ;
( ബി )
പൂഞ്ഞാർ നിയോജക മണ്ഡലത്തിൽ ബി.പി.എല്‍. കുടുംബങ്ങള്‍ക്ക് ഇന്റര്‍നെറ്റ് കണക്ഷന്‍ സൗജന്യമായി ലഭ്യമാക്കുന്നതിന് സ്വീകരിച്ചുവരുന്ന നടപടികളുടെ വിശദാംശം ലഭ്യമാക്കുമോ;
( സി )
പൂഞ്ഞാർ നിയോജക മണ്ഡലത്തിലെ വിദൂര മലയോര മേഖലകളിലും ആദിവാസി മേഖലകളിലുള്ളവര്‍ക്കും കൂടി പ്രയോജനം ലഭിക്കത്തക്കവിധം കെ-ഫോണ്‍ പദ്ധതി വിപുലീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?
2007.
ശ്രീ. സനീഷ്‍കുമാര്‍ ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മുന്‍ സി-ഡിറ്റ് രജിസ്ട്രാറും ജോയിന്റ് ഡയറക്ടറുമായിരുന്ന ഡോ.പി.വി ഉണ്ണികൃഷ്ണന്‍ അദ്ദേഹത്തിന്റെ സര്‍വീസ് കാലയളവില്‍ മാതൃസ്ഥാപനമായ സി-ഡിറ്റില്‍ എത്ര വര്‍ഷം സേവനം അനുഷ്ഠിച്ചുവെന്നും എത്ര വര്‍ഷം മറ്റ് സ്ഥാപനങ്ങളില്‍ അന്യത്ര സേവനത്തില്‍ ആയിരുന്നുവെന്നും അറിയിക്കാമോ;
( ബി )
അദ്ദേഹത്തിന്റെ സേവന കാലയളവിന് തുടര്‍ച്ചയില്ലായെന്നും അനര്‍ഹമായും ക്രമവിരുദ്ധമായുമാണ് പ്രൊമോഷൻ നല്‍കിയതെന്നുമുള്ള ആരോപണം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയതിന്മേല്‍ എന്ത് നടപടി സ്വീകരിച്ചുവെന്ന് വ്യക്തമാക്കുമോ;
( സി )
അദ്ദേഹത്തിന്റെ സര്‍വീസ് തുടര്‍ച്ചയും അദ്ദേഹത്തിന് നല്‍കിയിട്ടുള്ള അസ്സസ്സ്മെന്‍റ് പ്രൊമോഷനുകളും (സയന്റിസ്റ്റ് സി, ഇ1, ഇ 2, എഫ്, ജി, എച്ച്) സാധൂകരിക്കുന്ന രേഖകള്‍ ലഭ്യമാക്കുമോ;
( ഡി )
ഏത് ഗ്രേഡില്‍ നിന്ന് റിട്ടയര്‍ ചെയ്തുവെന്ന് കണക്കാക്കിയാണ് അദ്ദേഹത്തിന് റിട്ടയര്‍മെന്റ് ആനുകൂല്യങ്ങള്‍ നൽകിയതെന്നും പ്രസ്തുത ഗ്രേഡ് നല്‍കാന്‍ സര്‍ക്കാര്‍ അനുമതി നല്‍കിയിട്ടുണ്ടോയെന്നും അദ്ദേഹത്തിന്റെ അസ്സസ്സമെന്റ്റ് പ്രൊമോഷന്‍ പ്രക്രിയ നടത്തിയത് വിജിലന്‍സ് ശിപാര്‍ശ ചെയ്ത അച്ചടക്ക നടപടി അവസാനിപ്പിക്കുന്നതിന് മുൻപാണോയെന്നും അറിയിക്കാമോ;
( ഇ )
റിട്ടയര്‍ ചെയ്തതിന് ശേഷം അദ്ദേഹത്തെ കെ-ഡിസ്കില്‍ മെമ്പര്‍ സെക്രട്ടറിയായും പ്ലാനിംഗ് വകുപ്പില്‍ എക്സ് ഒഫീഷ്യോ സെക്രട്ടറിയായും നിയമിച്ചിരിക്കുന്നത് എത്ര കാലയളവിലേക്കാണ് എന്നത് നിയമന, സേവന, വേതന വ്യവസ്ഥകൾ സഹിതം വിശദമാക്കുമോ?
2008.
ശ്രീ സി എച്ച് കുഞ്ഞമ്പു
ശ്രീ. പി.വി.അൻവർ
ശ്രീ. ആന്റണി ജോൺ
ശ്രീമതി ഒ എസ് അംബിക : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് സ്റ്റാര്‍ട്ടപ്പ് സംരംഭങ്ങള്‍ കാര്യക്ഷമമായി പ്രവര്‍ത്തനമാരംഭിച്ചിട്ടുണ്ടോ എന്നും നിലവില്‍ എത്ര സ്റ്റാര്‍ട്ടപ്പ് സംരംഭങ്ങള്‍ ഉണ്ടെന്നും വ്യക്തമാക്കാമോ; നിലവിലുള്ള സ്റ്റാര്‍ട്ടപ്പുകളുടെ നിക്ഷേപവും സൃഷ്ടിച്ച തൊഴിലവസരങ്ങളും 2015 വര്‍ഷതേതുമായി താരതമ്യം ചെയ്ത് അറിയിക്കാമോ;
( ബി )
ഏറ്റവും പുതിയ ഗ്ലോബല്‍ സ്റ്റാര്‍ട്ടപ് ഇക്കോ സിസ്റ്റം പ്രകാരം ഏഷ്യയില്‍ ഒന്നാമതും ലോകത്തില്‍ 4-ാം സ്ഥാനത്തുമുള്ള കേരള സ്റ്റാര്‍ട്ടപ് മിഷന്‍ സംസ്ഥാനത്തെ സംരംഭകത്വ വികസനത്തിനും ഇൻക്യൂബേഷൻ പ്രവര്‍ത്തനങ്ങള്‍ക്കുമായി നടത്തുന്ന ഇടപെടലുകള്‍ എന്തെല്ലാമാണെന്ന് വിശദമാക്കാമോ;
( സി )
സ്റ്റാര്‍ട്ടപ്പ് സംരംഭങ്ങള്‍ക്കാവശ്യമായ മൂലധനം ലഭ്യമാക്കുന്നതിന് പദ്ധതികളുണ്ടോ എന്ന് വ്യക്തമാക്കാമോ?
2009.
ശ്രീ . എൻ . ഷംസുദ്ദീൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് കെ-ഡിസ്‍ക് രൂപീകരിച്ചതിന്റെ ഉദ്ദേശ്യ ലക്ഷ്യങ്ങൾ എന്തെല്ലാമാണെന്നും ഏത് ചട്ടപ്രകാരമാണ് കെ-ഡിസ്‍ക് രൂപീകരിച്ചതെന്നും വിശദമാക്കുമോ;
( ബി )
കെ-ഡിസ്‍കുമായി ബന്ധപ്പെട്ട ഉത്തരവുകൾ പുറപ്പെടുവിക്കുന്നത് സർക്കാർ വകുപ്പുകളാണോ; അല്ലെങ്കിൽ പ്രസ്തുത ഉത്തരവുകൾ പുറപ്പെടുവിക്കുന്നത് ആരാണെന്നും ഏത് ചട്ടപ്രകാരമാണെന്നും വിശദമാക്കുമോ?
2010.
ശ്രീ എം വിൻസെൻറ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സ്വകാര്യ കെട്ടിടത്തില്‍ 3.60 കോടി രൂപയുടെ നവീകരണം നടത്തി ആസ്ഥാനമന്ദിരം ഒരുക്കാന്‍ കെ-ഡിസ്‌കിന് സര്‍ക്കാര്‍ അനുമതി ലഭിച്ചിട്ടുണ്ടോ; എങ്കില്‍ പ്രസ്തുത അനുമതിയുടെ പകര്‍പ്പ് ലഭ്യമാക്കാമോ;
( ബി )
പ്രസ്തുത ആസ്ഥാനമന്ദിരത്തില്‍ വാട്ടര്‍ കര്‍ട്ടന്‍ സ്ഥാപിക്കാന്‍ എത്ര തുക ചെലവഴിച്ചുവെന്നും ഈ പ്രവൃത്തി ആരുടെ നിര്‍ദ്ദേശപ്രകാരമായിരുന്നുവെന്നും അറിയിക്കാമോ; കെട്ടിടം വാടകയ്ക്ക് എടുത്തത് ഓപ്പണ്‍ ടെണ്ടര്‍ വഴിയാണോ; എങ്കിൽ ആയതിന്റെ പകര്‍പ്പ് ലഭ്യമാക്കാമോ;
( സി )
കെ-ഡിസ്‌ക് വിവിധ പദ്ധതികളുടെ പ്രചാരണത്തിനായി നാളിതുവരെ എത്ര തുക ചെലവഴിച്ചു; ഒരോ പദ്ധതിയുടെയും പ്രചാരണ ചെലവ് വ്യക്തമാക്കാമോ;
( ഡി )
കെ-ഡിസ്‌ക് ഐ.സി.ടി. അക്കാദമിയുമായി ചേർന്ന് നടത്തിയ സോഫ്റ്റ്‌‍വെയർ വികസന പദ്ധതികള്‍ ഏതെല്ലാമെന്ന് അറിയിക്കാമോ; പ്രസ്തുത പദ്ധതികൾക്കായി എത്ര തുക ചെലവഴിച്ചുവെന്നും ഇനി എത്ര തുക കരാറുകാരന് നല്‍കാനുണ്ടെന്നും അറിയിക്കാമോ; പ്രസ്തുത സോഫ്റ്റ്‍വെയറുകൾ ഉപയോഗിച്ച് തുടങ്ങിയോ; ഇല്ലെങ്കിൽ ഇവ ഉപയോഗിച്ച് തുടങ്ങുന്നതിന് എത്ര തുക ഇനി ചെലവഴിക്കേണ്ടിവരുമെന്ന് വിശദമാക്കാമോ?
2011.
ശ്രീ. ലിന്റോ ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തിരുവമ്പാടി മണ്ഡലത്തില്‍ ഏതെല്ലാം ഓഫീസുകളിലാണ് സൗജന്യ ഇന്റര്‍നെറ്റ് സേവനം നല്‍കുന്ന പദ്ധതിയായ കെ-ഫോണ്‍ കണക്ഷന്‍ നല്‍കിയിട്ടുള്ളതെന്ന് വ്യക്തമാക്കാമോ;
( ബി )
പ്രസ്തുത മണ്ഡലത്തില്‍ വീടുകള്‍ക്ക് കണക്ഷന്‍ നല്‍കുന്ന പദ്ധതിയുടെ പുരോഗതി വിശദമാക്കുമോ?
2012.
ശ്രീ എം വിൻസെൻറ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കെ-ഡിസ്‌ക് മെമ്പര്‍ സെക്രട്ടറി സ്ഥാനത്തേയ്ക്ക് വിജ്ഞാപനം ക്ഷണിച്ചതിന്റെ പകര്‍പ്പ് ലഭ്യമാക്കാമോ; പ്രസ്തുത സ്ഥാനത്തേയ്ക്ക് എത്രപേര്‍ അപേക്ഷിച്ചുവെന്നും തെരഞ്ഞെടുപ്പ് നടത്തിയ രീതി എങ്ങനെയെന്നും വ്യക്തമാക്കാമോ;
( ബി )
കെ-ഡിസ്‌ക് നടത്തിയിട്ടുള്ള സെമിനാറുകള്‍, മീറ്റിങ്ങുകള്‍, മറ്റ് യോഗങ്ങള്‍ എന്നിവയ്ക്കായി എത്ര തുക ചെലവഴിച്ചുവെന്ന് വിശദമാക്കാമോ;
( സി )
കെ-ഡിസ്‌കിലേയ്ക്കുള്ള നിയമനങ്ങളില്‍ എപ്ലോയ്‌മെന്റ് എക്സ്ചേഞ്ചിനെ ഒഴിവാക്കിയത് എന്തുകൊണ്ടാണെന്നും സര്‍ക്കാരിന്റെ സാമ്പത്തിക സഹായത്താൽ പ്രവര്‍ത്തിക്കുന്ന സ്ഥാപനങ്ങളിലെ കരാര്‍ നിയമനങ്ങള്‍ക്ക് എപ്ലോയ്‌മെന്റ് എക്സ്ചേഞ്ചിനെ ആശ്രയിക്കണമെന്ന പൊതുഭരണ വകുപ്പിന്റെ ഉത്തരവ് കെ-ഡിസ്‌കിന് ബാധകമാണോയെന്നും എങ്കില്‍ പ്രസ്തുത ഉത്തരവ് ലംഘിച്ച് നടത്തിയ കരാര്‍ നിയമനങ്ങള്‍ റദ്ദാക്കാന്‍ നടപടി സ്വീകരിക്കുമോയെന്നും വിശദമാക്കാമോ;
( ഡി )
കെ-ഡിസ്‌കിന് എതെല്ലാം ജില്ലകളിൽ ഓഫീസുകളുണ്ടെന്നും പ്രസ്തുത ഓഫീസുകളിൽ അല്ലാതെ മാറ്റെവിടെയെങ്കിലും ജീവനക്കാരെ നിയോഗിച്ചിട്ടുണ്ടോയെന്നും എങ്കിൽ ഇവരുടെ ജോലി സമയം എങ്ങനെ നിരീക്ഷിക്കുന്നുവെന്നും വിശദമാക്കാമോ?
2013.
ശ്രീമതി കാനത്തില്‍ ജമീല : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഈ സര്‍ക്കാര്‍ അധികാരത്തില്‍ വന്ന ശേഷം ഐ.ടി. രംഗത്ത് ശ്രദ്ധേയമായ നേട്ടങ്ങള്‍ കൈവരിയ്ക്കാന്‍ സാധിച്ചിട്ടുണ്ടോ; വിശദമാക്കാമോ;
( ബി )
ഈ കാലയളവില്‍ സോഫ്റ്റ്‍വെയര്‍ രംഗത്ത് കൈവരിച്ച നേട്ടങ്ങള്‍ എന്തെല്ലാമെന്ന് വിശദമാക്കാമോ?
2014.
ശ്രീ . ഐ .സി .ബാലകൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പ്രളയ ദുരിതാശ്വാസവുമായി ബന്ധപ്പെട്ട് വയനാട്ടിലെ ആദിവാസികൾക്കായി എത്ര തുക നീക്കിവെച്ചുവെന്നും ഇതിൽ എത്ര തുക വിതരണം ചെയ്തുവെന്നും അറിയിക്കുമോ; വിശദമാക്കുമോ?
2015.
ശ്രീ. ഇ കെ വിജയൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
നാദാപുരം മണ്ഡലത്തില്‍ കൂടി കടന്നുപോകുന്ന കുറ്റ്യാടി-പെരിങ്ങത്തൂര്‍ എയര്‍ പോര്‍ട്ട്‌ റോഡ്‌ അലൈന്‍മെന്റ് സര്‍ക്കാര്‍ അപ്രൂവ് ചെയിതിട്ടുണ്ടോയെന്ന് അറിയിക്കാമോ;
( ബി )
എങ്കില്‍ അതിന്റെ വിശദാംശം ലഭ്യമാക്കാമോ?
2016.
ശ്രീ എം രാജഗോപാലൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കൊച്ചി മെട്രോ റെയില്‍ എത്ര കിലോമീറ്ററാണ് വിഭാവനം ചെയ്തിട്ടുള്ളതെന്നും എത്ര കിലോമീറ്ററാണ് പുതുതായി രണ്ടാം ഘട്ടത്തിൽ ഉള്‍ക്കൊള്ളിച്ചിട്ടുള്ളതെന്നും അറിയിക്കാമോ;
( ബി )
മെട്രോ ലാഭകരമാക്കാനും കൂടുതല്‍ യാത്രക്കാരെ ഇതിലേക്ക് ആകര്‍ഷിക്കാനും എന്തൊക്കെ പദ്ധതികളാണ് നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ?
2017.
ശ്രീ. അൻവർ സാദത്ത് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ഇ.ക്യു.എം.എസ്. ലിമിറ്റഡ് തയ്യാറാക്കിയ സിൽവർലൈൻ പദ്ധതിയുടെ ഏറ്റവും പുതിയ എന്‍വയണ്‍മെന്റല്‍ ഇംപാക്ട് അസെസ്സ്മെന്റ് (ഇ.ഐ.എ.) റിപ്പോർട്ടിന്റെ പകർപ്പ് ലഭ്യമാക്കുമോ;
( ബി )
സിൽവർലൈൻ പദ്ധതിയ്ക്കായി വിനിയോഗിക്കാൻ ഉദ്ദേശിക്കുന്ന ഭൂമിയെ സംബന്ധിച്ചുള്ള റെയിൽവേയുടെയും കെ.ആർ.ഡി.സി.എല്‍. ന്റെയും സംയുക്ത സർവേ റിപ്പോർട്ട് ലഭ്യാക്കുമോ;
( സി )
സംസ്ഥാന സർക്കാർ കെ.ആർ.ഡി.സി.എല്‍.-ന് ഇതുവരെ അടച്ച ആകെ തുക എത്രയാണ് എന്നതിന്റെ വിവരം നൽകുമോ;
( ഡി )
പ്രസ്തുത പദ്ധതിയ്ക്കായുള്ള ഭൂമി ഏറ്റെടുക്കൽ സെല്ലുകൾക്കായി നിയോഗിച്ചിട്ടുള്ള റവന്യൂ ജീവനക്കാർക്ക് ശമ്പളത്തിനും മറ്റ് ചെലവുകൾക്കുമായി നാളിതുവരെ ചെലവഴിച്ച തുകയുടെ വിശദാംശം നൽകുമോ;
( ഇ )
സിൽവർലൈൻ പ്രോജക്ടിന്റെ നിക്ഷേപത്തിന് മുമ്പുള്ള പ്രവർത്തനങ്ങൾക്കായി കെ.ആർ.ഡി.സി.എല്‍. നാളിതുവരെ ചെലവഴിച്ച ആകെ തുക സംബന്ധിച്ച വിവരം നൽകുമോ;
( എഫ് )
ഇന്ത്യൻ റെയിൽവേ സിൽവർലൈൻ പദ്ധതിയ്ക്ക്/കെ.ആർ.ഡി.സി.എല്‍.-ന് ഇതുവരെ നൽകിയ വിഹിതത്തിന്റെ വിവരം നൽകുമോ?
2018.
ഡോ. മാത്യു കുഴല്‍നാടൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേന്ദ്രസർക്കാരിന്റെ അനുമതി ലഭിക്കാത്ത പശ്ചാത്തലത്തിൽ സിൽവർ ലൈൻ പദ്ധതി നിർത്തലാക്കി വിജ്ഞാപനം പുറപ്പെടുവിക്കുമോ; വിശദാംശം നൽകുമോ;
( ബി )
സിൽവർ ലൈൻ പദ്ധതിക്കായി പുറപ്പെടുവിച്ച വിജ്ഞാപനം റദ്ദ് ചെയ്തുകൊണ്ട് നിർദിഷ്ട ഭൂമിയുടെ സ്വതന്ത്രമായ വിനിയോഗം സാധ്യമാക്കുമോയെന്ന് വ്യക്തമാക്കുമോ;
( സി )
സിൽവർ ലൈൻ വിരുദ്ധ പ്രക്ഷോഭത്തിൽ പങ്കെടുത്തവർക്കെതിരെ രജിസ്റ്റർ ചെയ്ത കേസുകൾ പിൻവലിക്കുന്നതിന് നടപടി സ്വീകരിക്കുമോ; വിശദാംശം നൽകുമോ?
2019.
ശ്രീ. കെ. പി. എ. മജീദ്
ഡോ. എം.കെ . മുനീർ
ശ്രീ. കുറുക്കോളി മൊയ്തീൻ
ശ്രീ എ കെ എം അഷ്റഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തിരുവനന്തപുരം, കോഴിക്കോട് നഗരങ്ങളിൽ ആരംഭിക്കാൻ തീരുമാനിച്ച ലൈറ്റ് മെട്രോ പദ്ധതിയുടെ പുരോഗതി വിശദമാക്കാമോ;
( ബി )
ഇതിന്റെ പ്രാരംഭ നടപടികൾക്കായി ഡി.എം.ആർ.സി.യെ നിയമിച്ചുകൊണ്ട് ഉത്തരവായിട്ടുണ്ടോ;
( സി )
പ്രസ്തുത പദ്ധതി എന്നേക്ക് പൂർത്തീകരിക്കാനാകും എന്ന് വിശദമാക്കാമോ?
2020.
ശ്രീ . സണ്ണി ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സിൽവർ ലൈൻ പദ്ധതിയുടെ കൺസൾട്ടൻസി, സാമൂഹിക ആഘാത പഠനം, ലിഡാർ സർവേ, കല്ലിടൽ, സർവേ കല്ലുകൾ വാങ്ങിയത് തുടങ്ങി വിവിധ ഇനങ്ങളിലായി നാളിതുവരെ ചെലവഴിച്ച തുക ഇനം തിരിച്ച് വ്യക്തമാക്കുമോ;
( ബി )
പ്രസ്തുത പദ്ധതിയുടെ ഭൂമി ഏറ്റെടുക്കലിനായി റവന്യൂ വകുപ്പിന് മുൻകൂറായി നൽകിയ തുക എത്രയാണ്; നാളിതുവരെ ഈയിനത്തിൽ ചെലവഴിച്ച തുക എത്രയാണെന്നും ഭൂമി ഏറ്റെടുക്കൽ നടപടികൾ നിർത്തിവച്ച സാഹചര്യത്തിൽ അവശേഷിക്കുന്ന തുക ഏത് രീതിയിൽ വിനിയോഗിക്കുമെന്നും വ്യക്തമാക്കുമോ?
2021.
ശ്രീ. പി.പി. ചിത്തരഞ്ജന്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേരള ഇന്‍ലാന്‍ഡ് വെസ്സല്‍സ് നിയമ പ്രകാരം എന്‍ഫോഴ്സ്മെന്റ് വിംഗ് രൂപീകരണം നടന്നിട്ടുണ്ടോയെന്ന് വിശദമാക്കാമോ;
( ബി )
കേരള ഇൻലാൻഡ് വെസ്സൽസ് നിയമം 2015-ലെ ഭേദഗതി പ്രകാരം പോലീസ് എന്‍ഫോഴ്സ്മെന്റ് രൂപീകരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;
( സി )
പ്രസ്തുത ഭേദഗതി പ്രകാരം ബോട്ടുകള്‍ നിയമ ലംഘനം നടത്തുന്നത് തടയാന്‍ സ്വീകരിച്ച നടപടി വിശദമാക്കാമോ;
( ഡി )
പ്രസ്തുത എന്‍ഫോഴ്സ്മെന്റ് വിംഗില്‍ ജീവനക്കാരെ നിയമിക്കുവാൻ നടപടി സ്വീകരിക്കുമോ; വ്യക്തമാക്കാമോ?
2022.
ശ്രീ. ഇ കെ വിജയൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
നാദാപുരം മണ്ഡലത്തില്‍ ഇന്‍ലാന്‍ഡ്‌ നാവിഗേഷന്‍ വകുപ്പ് മുഖേന നടത്തിവരുന്ന കരിങ്ങാളിമുക്ക് പാലം, വേങ്ങോളി പാലം, കായപ്പനച്ചി ബോട്ട് ടെര്‍മിനല്‍ തുടങ്ങിയ പ്രവൃത്തികളുടെ പുരോഗതി അറിയിക്കാമോ?
2023.
ശ്രീ വി ജോയി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ദേശീയ ജലപാത വികസനത്തിന്റെ ഭാഗമായി തിരുവനന്തപുരം ജില്ലയില്‍ നടക്കുന്ന പ്രവൃത്തികളുടെ പുരോഗതി വിശദമാക്കാമോ?
2024.
ശ്രീ. കുറുക്കോളി മൊയ്തീൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തിരൂര്‍ മണ്ഡലത്തിലെ വെട്ടം ഗ്രാമപഞ്ചായത്തില്‍ പടിയത്ത് പറമ്പ് ആശാന്‍പടിയുമായി ബന്ധിപ്പിക്കുന്ന വെെശ്യം നടപ്പാലം ദേശീയ ജലപാത-3 -ന്റെ മാനദണ്ഡങ്ങള്‍ അനുസരിച്ച് കോണ്‍ക്രീറ്റ് പാലമാക്കി നിര്‍മ്മിക്കുന്നതിന് മണ്ണ് പര്യവേഷണ പ്രവൃത്തികള്‍ പൂര്‍ത്തിയാക്കി ഇന്‍വെസ്റ്റിഗേഷന്‍ റിപ്പോര്‍ട്ട് സമര്‍പ്പിച്ചത് ശ്രദ്ധയില്‍പ്പെട്ടിട്ടുണ്ടോ; എങ്കിൽ വ്യക്തമാക്കുമോ;
( ബി )
പ്രസ്തുത പാലത്തിന്റെ ഡിസെെന്‍ ഇറിഗേഷന്‍ ഡിസൈന്‍ ആന്റ് റിസര്‍ച്ച് ബോര്‍ഡില്‍ നിന്ന് ലഭ്യമാക്കി വിശദമായ പ്രൊജക്ട് റിപ്പോര്‍ട്ട് തയ്യാറാക്കി ഭരണാനുമതി നല്‍കുന്ന നടപടി ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ;
( സി )
പ്രസ്തുത പാലത്തിന്റെ പ്രവൃത്തിക്ക് എപ്പോള്‍ ഭരണാനുമതി നല്‍കാനാകുമെന്ന് അറിയിക്കുമോ?
2025.
ശ്രീ. അനൂപ് ജേക്കബ്‌ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ദേശീയ ജലപാത വികസിപ്പിക്കുന്നതിന്റെ ഭാഗമായി കേന്ദ്ര സര്‍ക്കാര്‍ സംസ്ഥാനത്തെ ഏതെല്ലാം നദികളെയാണ് ഉള്‍പ്പെടുത്തിയിരിക്കുന്നതെന്ന് വിശദമാക്കാമോ;
( ബി )
പ്രസ്തുത ജലപാത വഴി ചരക്കു നീക്കം ഉള്‍പ്പെടെയുള്ളവയ്ക്ക് സൗകര്യങ്ങള്‍ ഒരുക്കുന്നതിന് വേണ്ട കേന്ദ്ര സര്‍ക്കാരിന്റെ സഹായത്തിനായി സര്‍ക്കാര്‍ പദ്ധതി രൂപരേഖ തയ്യാറാക്കിയിട്ടുണ്ടോ; എങ്കിൽ വിശദാംശം ലഭ്യമാക്കാമോ;
( സി )
ഇക്കാര്യത്തിന്മേലുള്ള കേന്ദ്ര നിലപാട് സംസ്ഥാന സര്‍ക്കാരിനെ അറിയിച്ചിട്ടുണ്ടോ; വിശദമാക്കാമോ?
2026.
ശ്രീ എ കെ എം അഷ്റഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പ്രദേശിക പത്രപ്രവർത്തകർക്ക് ക്ഷേമനിധി ആരംഭിക്കുന്നത് സംബന്ധിച്ച നടപടിക്രമങ്ങൾ നിലവിൽ ഏത് ഘട്ടത്തിലാണെന്ന് വിശദമാക്കുമോ; ക്ഷേമനിധി എപ്പോൾ നടപ്പിലാക്കാൻ കഴിയുമെന്ന് വ്യക്തമാക്കുമോ?
2027.
ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പ്രവാസി ക്ഷേമനിധി വിഹിതം അടക്കുന്നതിൽ കുടിശിക വരുത്തിയവർക്ക് ഉയർന്ന പലിശ അടക്കേണ്ടി വരുന്നതായിട്ടുള്ള പരാതികൾ ശ്രദ്ധയിൽപ്പെട്ടിട്ടുണ്ടോ;
( ബി )
കോവിഡ് സമയത്ത് മുടങ്ങിയിരുന്ന അംശാദായ അടവുകള്‍ക്ക് നവംബർ വരെ ഫൈൻ ഒഴിവാക്കി കൊടുത്തപോലെ കുടിശിക വരുത്തിയവർക്കും പരമാവധി ഇളവുകൾ നൽകുമോ;
( സി )
പ്രവാസി പെൻഷന് അംശാദായമായി ഉയർന്ന തുക വാങ്ങുകയും വിഹിതം മുടങ്ങുമ്പോള്‍ വലിയ തുക ഫൈൻ ഈടാക്കി പ്രവാസികളെ ചൂഷണം ചെയ്യുകയും ചെയ്യുന്ന സർക്കാർ നയം പുന:പരിശോധിക്കുമോ?
2028.
ശ്രീ. പി. ടി. എ. റഹീം
ശ്രീ കെ യു ജനീഷ് കുമാർ
ശ്രീ. പി. നന്ദകുമാര്‍
ശ്രീ എം നൗഷാദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മുഖ്യമന്ത്രിയുടെ നേതൃത്വത്തില്‍ നടത്തിയ വിദേശയാത്രയുടെ ഫലമായി വിദേശത്തുള്ള തൊഴില്‍ സാദ്ധ്യതകളില്‍ കേരളീയര്‍ക്കുള്ള അവസരം മെച്ചപ്പെടുത്താന്‍ കഴിഞ്ഞിട്ടുണ്ടോ; വ്യക്തമാക്കാമോ;
( ബി )
അനധികൃത റിക്രൂട്ട്മെന്റും വിസ തട്ടിപ്പും നിരവധി തൊഴിലന്വേഷകരെ ദുരിതത്തിലാക്കിയിട്ടുള്ളതിനാല്‍ സുരക്ഷിതവും സൗജന്യവുമായി തൊഴില്‍ അവസരങ്ങള്‍ ലഭ്യമാക്കുന്നതിന് നോർക്കയുടെ റിക്രൂട്ടിംഗ് പ്രവര്‍ത്തനം വിപുലീകരിച്ചിട്ടുണ്ടോ; വ്യക്തമാക്കാമോ;
( സി )
യു.കെ.യിലേയ്ക്കും മറ്റ് യൂറോപ്യന്‍ രാജ്യങ്ങളിലേക്കും ആരോഗ്യ മേഖലയിലുള്‍പ്പെടെയുള്ള തൊഴിലന്വേഷകരെ തൊഴിലിന് പ്രാപ്തരാക്കുന്നതിനായി നോര്‍ക്ക മറ്റു സ്ഥാപനങ്ങളുമായി ചേര്‍ന്ന് വൈദഗ്ദ്ധ്യ പരിശീലനം നല്‍കുന്നുണ്ടോ; വിശദാംശം നൽകുമോ?
2029.
ശ്രീ. പി.പി. സുമോദ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
കേരളത്തിലെ വിവിധ സര്‍വ്വകലാശാലകള്‍ നല്‍കുന്ന ട്രാന്‍സ്ക്രിപ്റ്റ് ഓഫ് മാർക്സ് നോര്‍ക്കയില്‍ സാക്ഷ്യപ്പെടുത്തുന്നതിനുള്ള നടപടി സ്വീകരിക്കുമോ?
2030.
ശ്രീ തോമസ് കെ തോമസ്
ശ്രീ കോവൂർ കുഞ്ഞുമോൻ
ശ്രീ മാത്യു ടി. തോമസ്
ശ്രീ. രാമചന്ദ്രൻ കടന്നപ്പള്ളി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
നോര്‍ക്ക റൂട്സ് വഴി പ്രവാസികള്‍ക്ക് നൽകി വരുന്ന സേവനങ്ങള്‍ എന്തെല്ലാമെന്ന് വ്യക്തമാക്കുമോ;
( ബി )
നോര്‍ക്ക റൂട്സ് വഴി പ്രവാസികള്‍ക്ക് കൂടുതല്‍ സേവനങ്ങള്‍ നൽകാൻ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?
2031.
ശ്രീ സി ആര്‍ മഹേഷ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സൗദി പ്രവാസികളുടെ വിവിധ പ്രശ്നങ്ങളിൽ ഫലപ്രദമമായ ഇടപെടലുകൾ നടത്തുവാനും സർട്ടിഫിക്കറ്റ് അറ്റസ്റ്റേഷൻ തുടങ്ങിയ വിവിധ ആവശ്യങ്ങൾ വേഗത്തിൽ നിറവേറ്റുന്നതിനും വിവിധ പ്രവാസി ക്ഷേമ പദ്ധതികളുടെ ഗുണഫലങ്ങൾ പ്രവാസികളുടെ ഇടയിൽ എത്തിക്കാനും സൗദി അറേബിയയിൽ റിയാദ് കേന്ദ്രമാക്കി നോർക്കയുടെ ഓഫീസ് ആരംഭിക്കുന്നതിനുള്ള നടപടി സ്വീകരിക്കുമോ; വ്യക്തമാക്കുമോ;
( ബി )
പ്രവാസികളുടെയും അവരുടെ കുട്ടികളുടെയും തുടർ വിദ്യാഭ്യാസത്തിന് സഹായകമായ രീതിയിൽ സംസ്ഥാനത്തെ പുതിയ ഓപ്പൺ യൂണിവേഴ്സിറ്റിയുടെ ഒരു കേന്ദ്രവും പരീക്ഷ സെന്ററും സൗദി അറേബിയയിൽ റിയാദ് കേന്ദ്രമാക്കി ആരംഭിക്കുന്നതിനുള്ള നടപടി സ്വീകരിക്കുമോ; വിശദമാക്കുമോ?
2032.
ശ്രീ. കെ. പി. എ. മജീദ്
ശ്രീ . പി . ഉബൈദുള്ള
ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ലോക കേരള സഭയുടെ മൂന്നാം സമ്മേളനത്തിൽ ഉയർന്നുവന്ന പ്രധാന ശിപാർശകൾ എന്തെല്ലാമാണെന്ന് വ്യക്തമാക്കാമോ;
( ബി )
പ്രസ്തുത ശിപാർശകളിന്മേൽ ഇതിനകം സ്വീകരിച്ച നടപടികൾ വിശദീകരിക്കുമോ?
2033.
ശ്രീ. തിരുവഞ്ചൂർ രാധാകൃഷ്ണൻ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് നിലവില്‍ ആകെ എത്ര ഗുണ്ടാ സംഘങ്ങള്‍ പ്രവര്‍ത്തിക്കുന്നുണ്ടെന്നും 2016 ജൂൺ മുതല്‍ 2022 ഡിസംബർ വരെ എത്ര ഗണ്ടാ ആക്രമണങ്ങള്‍ നടന്നിട്ടുണ്ടെന്നുമുള്ള വിവരം ജില്ല തിരിച്ച് ലഭ്യമാക്കുമോ;
( ബി )
2016 ജൂൺ മുതല്‍ 2022 ഡിസംബർ വരെ എത്ര കൊലപാതകങ്ങള്‍ നടന്നിട്ടുണ്ട്; വര്‍ഷം തിരിച്ച് വിവരം ലഭ്യമാക്കുമോ;
( സി )
2016 ജൂൺ മുതല്‍ 2022 ഡിസംബർ വരെയുള്ള സ്ത്രീ പീഡന കേസുകളുടെ എണ്ണം വര്‍ഷം തിരിച്ച് ലഭ്യമാക്കുമോ;
( ഡി )
2016 ജൂൺ മുതല്‍ 2022 ഡിസംബർ വരെ പോലീസ് പ്രതികളായ സ്ത്രീ പീഡന കേസുകള്‍ എത്ര; വര്‍ഷം തിരിച്ച് വിവരം ലഭ്യമാക്കുമോ?
2034.
ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പോപ്പുലര്‍ ഫ്രണ്ട് ഹര്‍ത്താലുമായി ബന്ധപ്പെട്ട് സംസ്ഥാനത്തിനുണ്ടായ നഷ്ടം നികത്തുന്നതിനായി സ്വത്ത് കണ്ടു കെട്ടുന്നതിനുള്ള വ്യക്തികളുടെ പട്ടിക തയ്യാറാക്കിയത് ഏതു വകുപ്പാണെന്ന് വിശദമാക്കുമോ;
( ബി )
എത്ര വ്യക്തികളുടെ സ്വത്ത് കണ്ടുകെട്ടുന്നതിനാണ് പട്ടിക തയ്യാറാക്കിയതെന്ന് ജില്ല തിരിച്ചുള്ള കണക്ക് ലഭ്യമാക്കുമോ;
( സി )
സ്വത്ത് കണ്ടുകെട്ടുന്നതിന് എന്ത് മാനദണ്ഡപ്രകാരമാണ് നടപടി സ്വീകരിച്ചിരിക്കുന്നത് എന്ന് വിശദമാക്കുമോ;
( ഡി )
പ്രസ്തുത ഹര്‍ത്താലിനെ തുടര്‍ന്ന് സംസ്ഥാനത്തിന് എത്ര രൂപയുടെ നഷ്ടമുണ്ടായിട്ടുണ്ടെന്ന് കണക്കാക്കിയിട്ടുണ്ടോ; എങ്കിൽ ആയതു വിശദമാക്കാമോ;
( ഇ )
സംസ്ഥാനത്തിന്റെ നഷ്ടം നികത്തുന്നതിനായി ഇതിനോടകം എത്ര രൂപയുടെ സ്വത്ത് കണ്ടു കെട്ടിയിട്ടുണ്ടെന്ന് വിശദമാക്കുമോ;
( എഫ് )
ഓരോ ജില്ലയില്‍ നിന്നും എത്ര തുകക്കുള്ള സ്വത്തുക്കള്‍ കണ്ടു കെട്ടിയിട്ടുണ്ടെന്നും എത്ര പേരുടെ സ്വത്തുക്കളാണ് കണ്ടു കെട്ടിയിട്ടുള്ളതെന്നും ജില്ല തിരിച്ചുള്ള കണക്ക് ലഭ്യമാക്കുമോ?
2035.
ശ്രീ . ഷാഫി പറമ്പിൽ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
മുൻ സർക്കാരിന്റെ കാലം മുതൽ നാളിതുവരെ ആഭ്യന്തര വകുപ്പിന് കീഴിലുള്ള എത്ര സ്ഥാപനങ്ങളിൽ അക്കൗണ്ടന്റ് ജനറൽ പരിശോധന നടത്തിയിട്ടുണ്ട്; പ്രസ്തുത പരിശോധനകളിലൂടെ കണ്ടെത്തിയ ക്രമക്കേടുകൾ എന്തൊക്കെയാണെന്ന് സ്ഥാപനം തിരിച്ചു വ്യക്തമാക്കുമോ;
( ബി )
പ്രസ്തുത പരിശോധനകൾ സംബന്ധിച്ച് അക്കൗണ്ടന്റ് ജനറലിന്റെ അന്തിമ റിപ്പോർട്ട് സർക്കാരിന് ലഭിച്ചിട്ടുണ്ടോ; എങ്കിൽ ലഭിച്ച റിപ്പോർട്ടുകളുടെ പകർപ്പ് ലഭ്യമാക്കുമോ?
2036.
ശ്രീ. മുരളി പെരുനെല്ലി : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
തൃശ്ശൂര്‍ ജില്ലയിലെ അന്തിക്കാട് പോലീസ് സ്റ്റേഷനിലെ എസ്.ഐ. ഹാരിഷ് രണ്ട് ഓട്ടോറിക്ഷ ഡ്രെെവര്‍മാരെ മര്‍ദിച്ചതുമായി ബന്ധപ്പെട്ട് നല്‍കിയ പരാതി ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത പരാതിയിന്മേല്‍ എന്ത് നടപടി സ്വീകരിച്ചിട്ടുണ്ടെന്ന് വ്യക്തമാക്കാമോ?
2037.
ശ്രീമതി കെ.കെ.രമ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
2016-ൽ സർക്കാർ അധികാരമേറ്റതിനുശേഷം സംസ്ഥാനത്ത് ഗുണ്ടാ ബന്ധമുള്ളതായി കണ്ടെത്തിയിട്ടുള്ള പോലീസുകാരുടെ എണ്ണം എത്ര;
( ബി )
ഈ കാലയളവിൽ പോലീസുകാരുടെ ഗുണ്ടാ ബന്ധം സംബന്ധിച്ച് ആകെ എത്ര പരാതികളാണ് ലഭിച്ചിട്ടുള്ളത്;
( സി )
അപ്രകാരം ലഭിച്ച പരാതികള്‍ക്കുപുറമെ ഗുണ്ടാ ബന്ധത്തിന്റെ പേരിൽ ആകെ എത്ര പോലീസുകാർക്കെതിരെയാണ് വകുപ്പുതല നടപടികൾ ഉൾപ്പെടെ ഏതെങ്കിലും തരത്തിലുള്ള നടപടികൾ സ്വീകരിച്ചിട്ടുള്ളത്;
( ഡി )
ഗുണ്ടാ ബന്ധത്തിന്റെ പേരിൽ നാളിതുവരെ ഏതെങ്കിലും പോലീസുകാരെ സർവീസിൽ നിന്നും നീക്കം ചെയ്തിട്ടുണ്ടോ; എങ്കിൽ അവരുടെ പേരുവിവരം ലഭ്യമാകുമോ?
2038.
ശ്രീ. സനീഷ്‍കുമാര്‍ ജോസഫ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
പോലീസ് സ്റ്റേഷനുകളുടെ ചുമതല സര്‍ക്കിള്‍ ഇന്‍സ്പെക്ടര്‍മാര്‍ക്ക് കൈമാറിയതോടെ സബ് ഇന്‍സ്പെക്ടര്‍മാര്‍ നിഷ്ക്രിയരായെന്നും ഗുണ്ടാ ആക്രമണങ്ങളും അതിക്രമങ്ങളും വര്‍ദ്ധിച്ചുവെന്നുമുള്ള പരാതികള്‍ ശ്രദ്ധയില്‍പ്പെട്ടിട്ടുണ്ടോ;
( ബി )
പോലീസ് സ്റ്റേഷന്‍ ചുമതല സര്‍ക്കിള്‍ ഇന്‍സ്പെക്ടര്‍മാര്‍ക്ക് കൈമാറിക്കൊണ്ട് മുന്‍ സര്‍ക്കാര്‍ നടപ്പാക്കിയ പരിഷ്കരണത്തെകുറിച്ച് പരിശോധിക്കാന്‍ സമിതിയെ നിയോഗിച്ചിട്ടുണ്ടോ; വ്യക്തമാക്കാമോ;
( സി )
എങ്കില്‍ സമിതിയിലെ അംഗങ്ങള്‍ ആരൊക്കെയാണെന്നും സമിതിയുടെ റിപ്പോര്‍ട്ട് ലഭിച്ചിട്ടുണ്ടോയെന്നും വെളിപ്പെടുത്തുമോ;
( ഡി )
പോലീസ് സ്റ്റേഷന്‍ ചുമതല സര്‍ക്കിള്‍ ഇന്‍സ്പെക്ടര്‍മാര്‍ക്ക് കൈമാറിയ നടപടി പുനഃപരിശോധിക്കുവാന്‍ ആലോചിക്കുന്നുണ്ടോ; വിശദമാക്കാമോ;
( ഇ )
സംസ്ഥാനത്ത് സബ് ഇന്‍സ്പെക്ടര്‍മാര്‍ സ്റ്റേഷന്‍ ഹൗസ് ഓഫീസര്‍മാരായിട്ടുള്ള പോലീസ് സ്റ്റേഷനുകള്‍ ഉണ്ടോ; എങ്കില്‍ അവ ഏതൊക്കെയെന്ന് ജില്ല തിരിച്ച് അറിയിക്കാമോ?
2039.
ശ്രീ. എം.വി.ഗോവിന്ദന്‍ മാസ്റ്റര്‍
ശ്രീ ഐ ബി സതീഷ്
ശ്രീ. പി.പി. ചിത്തരഞ്ജന്‍
ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
ക്രമസമാധാനപാലനം, കുറ്റാന്വേഷണം എന്നിവയ്ക്ക് പുറമേ പൗരസേവനത്തിലും രാജ്യത്ത് ഏറ്റവും മികവ് പുലര്‍ത്തുന്ന സേനയായി മാറാന്‍ കേരള പോലീസിന് കഴിഞ്ഞിട്ടുണ്ടോ; വ്യക്തമാക്കാമോ;
( ബി )
ഫിക്കി അഖിലേന്ത്യാതലത്തില്‍ ഏര്‍പ്പെടുത്തിയിട്ടുള്ള വിവിധ അവാര്‍ഡുകള്‍ കേരള പോലീസിന് ലഭിച്ചിരുന്നോ; എങ്കില്‍ ഏതെല്ലാം മേഖലകളിലെ മികവിനാണ് അവാര്‍ഡ് ലഭിച്ചത്; വിശദാംശം നൽകുമോ;
( സി )
സംസ്ഥാനത്തെ പ്രധാനകേന്ദ്രങ്ങളും തെരുവുകളും ക്യാമറ നിരീക്ഷണത്തിലാക്കാനുള്ള പദ്ധതി പ്രാവര്‍ത്തികമായിട്ടുണ്ടോ; ഇതിന്റെ പ്രവര്‍ത്തനരീതി അറിയിക്കാമോ;
( ഡി )
അടിയന്തര സഹായത്തിന് വിളിച്ചാലുടന്‍ സേവനം ലഭ്യമാക്കാന്‍ കഴിയുന്ന തരത്തില്‍ പോലീസ് സേനയുടെ ഇടപെടല്‍ ശേഷി വര്‍ദ്ധിപ്പിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ?
2040.
ഡോ. എം.കെ . മുനീർ
ശ്രീ . മഞ്ഞളാംകുഴി അലി
ശ്രീ . എൻ . ഷംസുദ്ദീൻ
ശ്രീ . പി . ഉബൈദുള്ള : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സംസ്ഥാനത്ത് നടക്കുന്ന ഡി.ജെ. പാർട്ടികളിൽ വ്യാപകമായി മദ്യവും മയക്കുമരുന്നും ഉപയോഗിച്ച് വരുന്നതായി കണ്ടെത്തിയിട്ടുണ്ടോ; വ്യക്തമാക്കാമോ;
( ബി )
ഇത്തരം പാർട്ടികളിൽ പോലീസ് നിരീക്ഷണം ഏർപ്പെടുത്തിയിട്ടുണ്ടോ; വ്യക്തമാക്കാമോ;
( സി )
ഡി.ജെ. പാർട്ടികൾ സംഘടിപ്പിക്കുന്നത് സംബന്ധിച്ച് സർക്കാർ എന്തെങ്കിലും മാർഗനിർദേശങ്ങൾ പുറപ്പെടുവിച്ചിട്ടുണ്ടോ; എങ്കിൽ വിശദാംശം നൽകുമോ?
2041.
ശ്രീ പി സി വിഷ്ണുനാഥ്
ശ്രീ എം വിൻസെൻറ്
ശ്രീമതി കെ.കെ.രമ
ശ്രീമതി.ഉമ തോമസ് : താഴെ കാണുന്ന ചോദ്യങ്ങൾക്കു മുഖ്യമന്ത്രി സദയം മറുപടി പറയാമോ?
( എ )
സര്‍ക്കാര്‍ വിദ്യാഭ്യാസ സ്ഥാപനങ്ങളില്‍ പാഠ്യപദ്ധതി പ്രവര്‍ത്തി പരിചയത്തിന്റെ പേരില്‍ ആയുധ നിര്‍മ്മാണം നടക്കുന്നു എന്ന ആരോപണം ശ്രദ്ധയിൽപ്പെട്ടിട്ടുണ്ടോ;
( ബി )
തിരുവനന്തപുരം ധനുവച്ചപുരം ഐ.ടി.ഐ. യിലെ വിദ്യാര്‍ത്ഥി സംഘടനാ പ്രവര്‍ത്തകര്‍ ലാബില്‍ വാൾ നിര്‍മ്മിച്ചതായി കണ്ടെത്തിയതിൽ പോലീസ് അന്വേഷണം നടത്തിയിട്ടുണ്ടോ;
( സി )
പ്രസ്തുത അന്വേഷണത്തിലെ കണ്ടെത്തലുകൾ വിശദമാക്കാമോ; പ്രസ്തുത വിഷയത്തിന്മേൽ സ്വീകരിച്ച നടപടി വ്യക്തമാക്കാമോ;
( ഡി )
സമാനമായ സംഭവങ്ങൾ ആവർത്തിക്കുന്നില്ലെന്ന് ഉറപ്പുവരുത്താന്‍ നിര്‍ദ്ദേശം നൽകിയിട്ടുണ്ടോ; വ്യക്തമാക്കാമോ?