സ്കൂള്‍-കോളേജ് വിദ്യാര്‍ത്ഥികള്‍ക്കായി സഹകരണ വകുപ്പ് സമ്പാദ്യ പദ്ധതികള്‍ നടപ്പിലാക്കുന്നുണ്ടോ; വിശദമാക്കുമോ?

സഹകരണ വകുപ്പിൽ നിന്നും വിരമിച്ച ഉദ്യോഗസ്ഥർക്ക് മുൻ സർക്കാരിന്റെ കാലം മുതൽ നാളിതുവരെ വകുപ്പിൽ പുനർനിയമനം നൽകിയിട്ടുണ്ടോ എന്ന് അറിയിക്കാമോ;

എങ്കിൽ പുനർനിയമനം ലഭിച്ച ഉദ്യോഗസ്ഥരുടെ വിശദാംശം നിയമനം നൽകിയ കാലാവധി ഉൾപ്പെടെ തസ്തിക തിരിച്ച് ലഭ്യമാക്കുമോ?

സംസ്ഥാനത്തെ സഹകരണ മേഖലയില്‍ സമഗ്ര വികസനത്തിനായി സഹകരണ നയത്തിന് രൂപം നല്‍കിയിട്ടുണ്ടോ; എങ്കില്‍ വിശദാംശം നല്‍കാമോ;

സഹകരണ നയത്തിന്റെ പൊതു സമീപനം വ്യക്തമാക്കുമോ; വിവരങ്ങള്‍ നല്‍കാമോ;

പ്രസ്തുത നയം മുഖേന സഹകാരികള്‍ക്കും പൊതുജനങ്ങള്‍ക്കും എന്തെല്ലാം സഹായ പദ്ധതികള്‍ ലഭ്യമാകുമെന്ന് വ്യക്തമാക്കുമോ?

ഈ സർക്കാർ അധികാരത്തിൽ വന്നതിന് ശേഷം നാളിതുവരെ ചാത്തന്നൂർ മണ്ഡലത്തിൽ മാരക രോഗങ്ങൾ ബാധിച്ച സഹകാരികൾക്ക് നടപ്പാക്കി വരുന്ന സഹകരണ അംഗ സമാശ്വാസ നിധി പ്രകാരം എത്ര പേർക്ക് എത്ര രൂപ സഹായധനമായി വിതരണം ചെയ്തിട്ടുണ്ടെന്ന് വ്യക്തമാക്കാമോ;

ഈ കാലയളവിൽ പ്രസ്തുത സമാശ്വാസ നിധി പ്രകാരം സഹകാരികൾക്കുള്ള ചികിത്സ ധനസഹായം ചാത്തന്നൂർ മണ്ഡലത്തിലെ ഏതെല്ലാം സഹകരണ സംഘങ്ങൾ വഴി ആർക്കെല്ലാം ലഭിച്ചിട്ടുണ്ടെന്ന് വിശദമാക്കാമോ?

കേന്ദ്ര സര്‍ക്കാര്‍ സഹകരണ മേഖലയില്‍ നടപ്പാക്കുന്ന പരിഷ്കാരങ്ങള്‍ സംസ്ഥാനത്തെ സഹകരണ മേഖലയെ എങ്ങനെ ബാധിക്കുമെന്ന് വിലയിരുത്തിയിട്ടുണ്ടോ;

പ്രസ്തുത പരിഷ്കരണ നടപടികളുടെ നിയമ സാധുത പഠനവിധേയമാക്കുമോ; എങ്കിൽ വിശദമാക്കുമോ?

സംസ്ഥാനത്ത് സഹകരണ മേഖലയിൽ ജോലി ചെയ്യുന്ന കളക്ഷൻ ഏജന്റുമാർക്ക് അനുവദിച്ചിട്ടുള്ള വേതനം സംബന്ധിച്ച വിശദാംശം വ്യക്തമാക്കാമോ;

കമ്മീഷൻ ഇനത്തിൽ തുച്ഛമായ ആനുകൂല്യം മാത്രം ലഭിക്കുന്ന കളക്ഷൻ ഏജന്റുമാർക്ക് മിനിമം വേതനം നിശ്ചയിച്ച് നൽകാൻ നടപടി സ്വീകരിക്കുമോ; വ്യക്തമാക്കാമോ?

വൈപ്പിന്‍ നിയോജക മണ്ഡലത്തില്‍ ഇടപ്പള്ളി ബ്ലോക്കിന് കീഴില്‍ കടമക്കുടി ഗ്രാമപഞ്ചായത്തിലെ 110 ഹെക്ടറോളം സ്ഥലത്ത് 2022-23 വര്‍ഷത്തില്‍ ഉത്പാദിപ്പിച്ച 1400 ക്വിന്റലോളമുള്ള പൊക്കാളി നെല്ല് സഹകരണ ബാങ്കുകളുടെ സഹായത്തോടെ സംഭരിക്കുന്നതിന് നടപടി സ്വീകരിച്ചിട്ടുണ്ടോ;

ഇതു സംബന്ധിച്ച് സഹകരണ വകുപ്പ് മന്ത്രിക്ക് സമര്‍പ്പിച്ചിരുന്നതും തുടര്‍നടപടി സ്വീകരിക്കുവാന്‍ ഇ-6688993/2022/മിന്‍(കൊ-ഓപ്) എന്ന നമ്പരില്‍ വകുപ്പ് സെക്രട്ടറിക്ക് കൈമാറിയിരുന്നതുമായ കടമക്കുടി ഗ്രാമപഞ്ചായത്തിന്റെ നിവേദനത്തിന്മേല്‍ കോ-ഓപ്പറേറ്റീവ് രജിസ്ട്രാറുടെ റിപ്പോര്‍ട്ട് ലഭ്യമായിട്ടുണ്ടോ; എങ്കിൽ റിപ്പോര്‍ട്ടിന്മേല്‍ നടപടി സ്വീകരിച്ചിട്ടുണ്ടോ; വിശദമാക്കാമോ;

പ്രസ്തുത റിപ്പോര്‍ട്ടിന്റെ പകര്‍പ്പ് ലഭ്യമാക്കാമോ?

സംസ്ഥാനത്തെ സഹകരണ മേഖലയിലെ ഉല്‍പ്പന്നങ്ങളെ ഏകീകൃത ബ്രാന്‍ഡിംഗിന് കീഴില്‍ കൊണ്ടുവന്ന് വിപണിയില്‍ സജീവമാക്കുന്നതിനായി ബ്രാന്‍ഡിംഗ് ആൻഡ് മാര്‍ക്കറ്റിംഗ് ഓഫ് കോ-ഓപ്പറേറ്റീവ് പ്രോഡക്റ്റ്സ് എന്ന പദ്ധതിയിലൂടെ ലക്ഷ്യമിടുന്നത് എന്തൊക്കെയെന്ന് വ്യക്തമാക്കുമോ; വിശദാംശം നൽകുമോ;

പ്രസ്തുത പദ്ധതിയുടെ ഭാഗമായി എന്തൊക്കെ പ്രവര്‍ത്തനങ്ങള്‍ ഇതുവരെ ആരംഭിച്ചിട്ടുണ്ടെന്ന് ജില്ല തിരിച്ചുളള വിവരം ലഭ്യമാക്കുമോ?

കേന്ദ്ര സര്‍ക്കാര്‍ സഹകരണ മേഖലയില്‍ ആവിഷ്കരിക്കുന്ന പരിഷ്കരണ നടപടികള്‍ ഏറ്റവും കൂടുതല്‍ സഹകരണ സ്ഥാപനങ്ങളുള്ള സംസ്ഥാനത്തെ പ്രതികൂലമായി ബാധിക്കുമോ; എങ്കിൽ ഏതെല്ലാം തരത്തില്‍ എന്ന് വിശദമാക്കുമോ;

ഏകീകൃത സോഫ്റ്റ്‍വെയര്‍, ഡേറ്റാ സെന്റര്‍ എന്നിവ നടപ്പാക്കുക വഴി ഏതെല്ലാം തരത്തിലുള്ള നിയന്ത്രണങ്ങളാണ് സംസ്ഥാന സഹകരണ വകുപ്പിന്റെ നിയന്ത്രണത്തിലുള്ള സഹകരണ സ്ഥാപനങ്ങള്‍ക്കും കേരളാ ബാങ്കിനും ഉണ്ടാകാന്‍ പോകുന്നതെന്ന് വിശദമാക്കാമോ;

ഭരണഘടനാപരമായി സംസ്ഥാന വിഷയമായിട്ടുള്ള സഹകരണ പ്രസ്ഥാനങ്ങളുടെ മേല്‍ കൊണ്ടുവരുന്ന ഇത്തരം നിയന്ത്രണങ്ങള്‍ക്കെതിരെ നിയമ നടപടികള്‍ സ്വീകരിക്കാന്‍ സംസ്ഥാനത്തിന് കഴിയുമോയെന്ന് വിശദമാക്കാമോ?

സംസ്ഥാനങ്ങളെ മറികടന്ന് നേരിട്ട് പ്രാഥമിക സഹകരണ സംഘങ്ങള്‍ രൂപീകരിക്കാനുള്ള കേന്ദ്ര സര്‍ക്കാര്‍ തീരുമാനം ശ്രദ്ധയില്‍പ്പെട്ടിട്ടുണ്ടോ; കേന്ദ്ര സര്‍ക്കാരിന്റെ പ്രസ്തുത നീക്കം സംസ്ഥാനത്തെ സഹകരണ സ്ഥാപനങ്ങളെ എങ്ങിനെയെല്ലാം ബാധിക്കുമെന്ന് വിശദമാക്കാമോ;

സഹകരണ രംഗത്ത് കേന്ദ്ര സര്‍ക്കാര്‍ നടത്തിക്കാെണ്ടിരിക്കുന്ന നീക്കങ്ങളെ പ്രതിരോധിക്കാന്‍ സംസ്ഥാന സര്‍ക്കാര്‍ സ്വീകരിച്ചുവരുന്ന നടപടികള്‍ വിശദമാക്കാമോ?

സഹകരണ ബാങ്കുകളിലെയും സംഘങ്ങളിലെയും കാലാവധി കഴിഞ്ഞ സ്വർണ്ണപ്പണയങ്ങൾ ലേലം ചെയ്ത് നൽകുന്നതിൽ ക്രമക്കേടുകൾ കണ്ടെത്തിയിട്ടുണ്ടോ; വിശദമാക്കാമോ;

പണയ വസ്തു കൃത്യമായി ലേലം ചെയ്യാത്തതിനാൽ സഹകരണ ബാങ്കുകൾക്ക് ബാധ്യതയുണ്ടാകുന്നുണ്ടോ; വിശദമാക്കാമോ;

പണയ വസ്തു ലേലം ചെയ്യുന്നത് സംബന്ധിച്ച് എന്തെങ്കിലും മാർഗനിർദേശങ്ങൾ പുറപ്പെടുവിച്ചിട്ടുണ്ടോ; എങ്കിൽ വിശദാംശം നൽകുമോ?

സംസ്ഥാനത്തെ സഹകരണ ബാങ്കുകള്‍ നല്‍കുന്ന കാര്‍ഷിക വായ്പ മൊത്തം വായ്പയുടെ എത്ര ശതമാനമാണെന്ന് വ്യക്തമാക്കാമോ;

2022-23 സാമ്പത്തിക വര്‍ഷം ഇതിൽ എത്ര ശതമാനത്തിന്റെ കുറവുണ്ടായിട്ടുണ്ടെന്നും വായ്പ ശതമാനം കുറയാനുണ്ടായ കാരണമെന്തെന്നും അറിയിക്കാമോ?

2022-23 വർഷത്തെ ബഡ്ജറ്റിൽ സഹകരണം, രജിസ്‌ട്രേഷൻ എന്നീ വകുപ്പുകൾക്ക് എത്ര രൂപയാണ് വകയിരുത്തിയതെന്ന് വ്യക്തമാക്കാമോ;

പ്രസ്തുത തുക മുഴുവൻ ധനകാര്യ വകുപ്പിൽ നിന്ന് അനുവദിച്ചു കിട്ടിയിരുന്നോ എന്ന് വ്യക്തമാക്കാമോ;

പ്രസ്തുത തുക ഏതെല്ലാം മേഖലയ്ക്ക് എത്ര രൂപ വീതമാണ് അനുവദിച്ചതെന്ന് ജില്ല തിരിച്ച് വ്യക്തമാക്കാമോ;

ഇപ്രകാരം വകയിരുത്തിയ തുക ഏതെല്ലാം പ്രവൃത്തികൾക്ക് അനുവദിച്ചു എന്ന് പ്രവൃത്തി, ജില്ല എന്നിവ തിരിച്ച് വ്യക്തമാക്കാമോ;

അനുവദിച്ച തുകയുമായി ബന്ധപ്പെട്ട പ്രവൃത്തികളുടെ നിലവിലെ സ്ഥിതി ജില്ല തിരിച്ച് വ്യക്തമാക്കാമോ?

സംസ്ഥാന സഹകരണ യൂണിയൻ നടപ്പാക്കുന്ന ജൂനിയർ ഡിപ്ലോമ ഇൻ കോ-ഓപ്പറേഷൻ (ജെ.ഡി.സി.) കോഴ്സിന് സേ പരീക്ഷ ഏര്‍പ്പെടുത്തുവാന്‍ നടപടി സ്വീകരിക്കാമോ;

പ്രസ്തുത കോഴ്സിന്റെ പരീക്ഷയില്‍ പരാജയപ്പെടുന്നവര്‍ക്കും ആരോഗ്യപരമായ കാരണങ്ങളാല്‍ പരീക്ഷ എഴുതാന്‍ കഴിയാത്തവര്‍ക്കും കോഴ്സിന്റെ കാലാവധിയായ ഒരു വര്‍ഷം നഷ്ടമാവുന്ന സാഹചര്യം കണക്കിലെടുത്ത് ഈ വിഷയത്തില്‍ അടിയന്തര നടപടി സ്വീകരിക്കാമോ?

കുന്നത്തുനാട് നിയോജക മണ്ഡലത്തില്‍ നിന്നും സഹകരണ അംഗ സമാശ്വാസ പദ്ധതിയില്‍ ഉള്‍പ്പെടുത്തി ധനസഹായത്തിനായി ലഭിച്ച അപേക്ഷകളുടെ വിശദാംശം പഞ്ചായത്ത് തിരിച്ച് ലഭ്യമാക്കാമോ;

പ്രസ്തുത അപേക്ഷകരില്‍ എത്ര പേര്‍ക്ക് ധനസഹായം ലഭ്യമായിട്ടുണ്ടെന്നും അതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കാമോ;

ധനസഹായം ലഭ്യമായിട്ടില്ലാത്ത അര്‍ഹരായ അപേക്ഷകര്‍ക്ക് സമയബന്ധിതമായി ആനുകൂല്യങ്ങള്‍ നൽകാന്‍ നടപടി സ്വീകരിക്കുമോ; വിശദമാക്കാമോ?

സര്‍ഫാസി ആക്ട് പ്രകാരമുള്ള ജപ്തി നടപടികളിൽ സർക്കാരിന് ഇടപെട്ട് തിരിച്ചടവ് തുക തവണകളാക്കി സാവകാശം നല്‍കാന്‍ സാധിക്കുമോ; എങ്കില്‍ ആയതിന്റെ നടപടിക്രമങ്ങള്‍ വിശദമാക്കാമോ;

കുടിശ്ശിക തീര്‍പ്പാക്കലിന്റെ ഭാഗമായി ഒറ്റ തവണ ലോണ്‍ തിരിച്ചടക്കുമ്പോള്‍ ഓരോ സഹകരണ സ്ഥാപനത്തിനും വായ്പക്കാരന് നല്‍കാന്‍ കഴിയുന്ന ഇളവുകള്‍ നിശ്ചയിച്ചിട്ടുണ്ടോ; എങ്കില്‍ വിശദാംശം നൽകാമോ?

25.02.2017 തീയതിയിലെ ജി.ഒ. (പി) 03/2017/പി. ആന്റ് എ.ആര്‍.‍ഡി. നമ്പര്‍ ഉത്തരവിൽ വ്യവസ്ഥ ചെയ്തിട്ടുള്ള മാനദണ്ഡങ്ങൾ പാലിച്ചുകൊണ്ടാണോ നിലവില്‍ സഹകരണ വകുപ്പിൽ ജീവനക്കാരുടെ സ്ഥലംമാറ്റം നടപ്പിലാക്കുന്നതെന്ന് വ്യക്തമാക്കുമോ;

പ്രസ്തുത ഉത്തരവിലെ വ്യവസ്ഥകള്‍ സഹകരണ വകുപ്പിൽ നടപ്പിലാക്കുന്നതിന് ഉദ്ദേശിക്കുന്നുണ്ടോ; എങ്കില്‍ ആയത് എന്നത്തേക്ക് നടപ്പിലാക്കുമെന്ന് വ്യക്തമാക്കുമോ?

കോങ്ങാട് നിയോജക മണ്ഡലത്തില്‍ നവകേരളീയം പദ്ധതിയുമായി ബന്ധപ്പെട്ട് എത്ര അപേക്ഷകള്‍ ലഭിച്ചു; അവയില്‍ എത്രയെണ്ണം തീര്‍പ്പാക്കി; വിശദാംശം നല്കുമോ;

പ്രസ്തുത മണ്ഡലത്തില്‍ എത്ര പേര്‍ക്ക് നവകേരളീയം പദ്ധതിയുടെ ആനുകൂല്യം ലഭിച്ചു എന്ന് വിശദമാക്കാമോ?

സഹകരണ സ്ഥാപനങ്ങള്‍ മുഖേന നടപ്പിലാക്കി വരുന്ന സുഭിക്ഷ കേരളം പദ്ധതിയുടെ വിശദാംശം അറിയിക്കാമോ;

ബാലുശ്ശേരി മണ്ഡലത്തില്‍ പ്രസ്തുത പദ്ധതി മുഖേന എന്തെല്ലാം പ്രവൃത്തികളാണ് നടപ്പിലാക്കി വരുന്നതെന്നും പ്രസ്തുത പ്രവൃത്തികള്‍ക്ക് സഹകരണ സ്ഥാപനങ്ങള്‍ മുഖേന എത്ര തുക വായ്പയായി നല്‍കിയിട്ടുണ്ടെന്നും വിശദമാക്കാമോ?

ഈ സര്‍ക്കാര്‍ അധികാരത്തില്‍ വന്ന ശേഷം ചങ്ങനാശ്ശേരി നിയോജക മണ്ഡലത്തില്‍ സഹകരണ ബാങ്കുകള്‍ മുഖാന്തരം അനുവദിച്ച വിദ്യാഭ്യാസ വായ്പയുടെ വിശദാംശം ലഭ്യമാക്കുമോ;

സഹകരണ ബാങ്കുകള്‍ മുഖാന്തരം വിദ്യാഭ്യാസ വായ്പകള്‍ ലഭ്യമാക്കുന്നതിനുള്ള മാനദണ്ഡങ്ങള്‍ വ്യക്തമാക്കുമോ?

സംസ്ഥാനത്ത് കര്‍ഷകര്‍ക്ക് കൃത്യമായ വില ലഭിക്കുന്നതിനുവേണ്ടി സഹകരണ സംഘങ്ങള്‍ വഴി പഴങ്ങളും പച്ചക്കറികളും സംഭരിച്ച് വില്പന നടത്തുവാന്‍ തീരുമാനിച്ചിട്ടുണ്ടോ; എങ്കില്‍ വിശദാംശം ലഭ്യമാക്കുമോ?

ഈ സര്‍ക്കാര്‍ അധികാരത്തില്‍ വന്നതിന് ശേഷം നാദാപുരം നിയോജക മണ്ഡലത്തിലെ വിവിധ സർവീസ് സഹകരണ ബാങ്കുകളില്‍ നിന്നും റിസ്ക് ഫണ്ട് ആനുകൂല്യത്തിനായി സഹകരണ ബോര്‍ഡില്‍ എത്ര അപേക്ഷകള്‍ ലഭിച്ചിട്ടുണ്ടെന്ന് അറിയിക്കുമോ; വിശദാംശം നൽകുമോ;

പ്രസ്തുത അപേക്ഷകളില്‍ എത്ര പേർക്ക് റിസ്ക് ഫണ്ട് ആനുകൂല്യം ലഭ്യമായിട്ടുണ്ടെന്നും അതിനായി എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ;

മേല്‍ അപേക്ഷകളില്‍ ഇനി ആനുകൂല്യം ലഭിക്കാനുള്ളവരുടെ പേര് വിവരം ലഭ്യമാക്കാമോ; വിശദമാക്കാമോ?

സഹകരണ സംഘങ്ങള്‍ മുഖേന അഞ്ഞൂറ് ഏക്കര്‍ സ്ഥലത്ത് കൃഷി നടപ്പിലാക്കുന്ന പദ്ധതിയുടെ വിശദാംശം ലഭ്യമാക്കുമോ;

സഹകരണ പ്രസ്ഥാനത്തിന്റെ ശാക്തീകരണത്തിലൂടെ സുസ്ഥിര വികസനം ഉറപ്പുവരുത്തുക എന്ന ലക്ഷ്യത്തിനായി കാര്‍ഷിക മേഖലയുമായി ബന്ധപ്പെട്ട് നടന്നുവരുന്ന പ്രവൃത്തികള്‍ എന്തൊക്കെയാണെന്ന് ജില്ല തിരിച്ച് വിവരം ലഭ്യമാക്കുമോ;

കാര്‍ഷിക അനുബന്ധ മേഖലകളുടെ മത്സര ക്ഷമതയും പ്രവര്‍ത്തന ക്ഷമതയും വര്‍ദ്ധിപ്പിക്കുന്നതിനായി സാങ്കേതിക വിദ്യാധിഷ്ഠിത കൃഷിയില്‍ സഹകരണ മേഖലയുടെ നൂതന പദ്ധതിയിലൂടെ എന്തൊക്കെ പ്രവര്‍ത്തനങ്ങളാണ് നടപ്പാക്കാന്‍ ഉദ്ദേശിക്കുന്നതെന്നും അതിനായി നടപ്പ് സാമ്പത്തിക വര്‍ഷം എത്ര തുക വകയിരുത്തിയിട്ടുണ്ടെന്നും വ്യക്തമാക്കുമോ?

ഈ സര്‍ക്കാര്‍ അധികാരത്തില്‍ വന്നതിനുശേഷം അംഗ സമാശ്വാസ പദ്ധതി പ്രകാരം എത്ര തുക ധനസഹായം നൽകിട്ടുണ്ടെന്ന് വ്യക്തമാക്കുമോ;

പ്രസ്തുത പദ്ധതി പ്രകാരം ഏതൊക്കെ അസുഖ ബാധിതര്‍ക്കാണ് ധനസഹായം ലഭിക്കുന്നതെന്ന് വ്യക്തമാക്കാമോ?

സമഗ്ര കാര്‍ഷിക വികസന പദ്ധതി പ്രകാരം മാവേലിക്കര മണ്ഡലത്തില്‍ സഹകരണ വകുപ്പ് നടപ്പിലാക്കുന്ന പ്രവര്‍ത്തനങ്ങള്‍ വിശദമാക്കുമോ;

പ്രസ്തുത പദ്ധതി പ്രകാരം എത്ര കര്‍ഷകര്‍ക്ക് ആനുകൂല്യം ലഭിച്ചുവെന്നും എത്ര തുക ചെലവഴിച്ചുവെന്നും അറിയിക്കാമോ?

അഭ്യസ്തവിദ്യരായ യുവജനങ്ങൾക്ക് സ്വയം തൊഴിൽ കണ്ടെത്തുന്നതിനും സംരംഭങ്ങൾ ആരംഭിക്കുന്നതിനും കേരള ബാങ്ക് മുഖേന പ്രത്യേക വായ്പ പദ്ധതികൾ നടപ്പിലാക്കിയിട്ടുണ്ടോ; എങ്കിൽ വിശദാംശം നൽകാമോ;

ചെറുകിട സംരംഭകർക്ക് കുറഞ്ഞ പലിശയിൽ വായ്പ ലഭ്യമാക്കുന്നതിന് സഹകരണ സ്ഥാപനങ്ങൾ സ്വീകരിച്ചുവരുന്ന നടപടികൾ വിശദമാക്കാമോ?

കേരള ബാങ്ക് രൂപീകൃതമായി മൂന്ന് വർഷം പിന്നിടുമ്പോഴും കളക്ഷൻ ജീവനക്കാരുടെ സേവന വേതന വ്യവസ്ഥകൾ സംബന്ധിച്ച് ജീവനക്കാർക്ക് അനുകൂലമായ തീരുമാനമുണ്ടായിട്ടില്ല എന്നത് ഗൗരവത്തോടെ കാണുന്നുണ്ടോ; വ്യക്തമാക്കുമോ;

കേരള ബാങ്കിന്റെ കളക്ഷൻ ജീവനക്കാരെ ഉപാധികൾ ഇല്ലാതെ ഫീഡർ കാറ്റഗറിയിൽ ഉൾപ്പെടുത്തുന്നതിന് നടപടി സ്വീകരിക്കുമോ; വ്യക്തമാക്കുമോ;

58 വയസ്സിന് മുകളില്‍ പ്രായമുള്ള കളക്ഷൻ ജീവനക്കാർക്ക് കേന്ദ്ര തൊഴിൽ മന്ത്രാലയം അനുശാസിക്കുന്ന പ്രകാരമുള്ള ആശ്വാസ ധനസഹായം അനുവദിക്കുമോ എന്ന് വ്യക്തമാക്കാമോ;

വർഷങ്ങളായി കളക്ഷൻ ജോലി ചെയ്ത് വിരമിച്ചവർക്ക് പെൻഷൻ, ഗ്രാറ്റുവിറ്റി ആനുകൂല്യങ്ങൾ അനുവദിക്കുന്നതിന് നടപടി സ്വീകരിക്കുമോ;

കളക്ഷൻ ജീവനക്കാർക്ക് സബ് സ്റ്റാഫ് ആയി പ്രമോഷൻ നൽകുന്നതിന് നടപടി സ്വീകരിക്കുമോ; വ്യക്തമാക്കുമോ?

കേരള ബാങ്കിൽ ആകെ എത്ര സ്ഥിരം ജീവനക്കാരാണ് നിലവിലുള്ളതെന്ന് അറിയിക്കുമോ; ജില്ലയും തസ്തികയും തിരിച്ചുള്ള കണക്ക് ലഭ്യമാക്കുമോ;

പ്രസ്തുത ജീവനക്കാരുടെ സീനിയോറിറ്റി ലിസ്റ്റ് പ്രസിദ്ധീകരിച്ചിട്ടുണ്ടോ; എങ്കിൽ ലിസ്റ്റിന്റെ പകർപ്പ് ലഭ്യമാക്കുമോ;

കേരള ബാങ്കിന് കീഴിൽ ജോലി ചെയ്യുന്ന കരാർ, താൽക്കാലിക ജീവനക്കാരുടെ ആകെ എണ്ണം ജില്ലയും തസ്തികയും തിരിച്ച് ലഭ്യമാക്കുമോ;

കോഴിക്കോട് ജില്ല സഹകരണ ബാങ്കിലെ ക്ലാർക്ക്, കാഷ്യർ തസ്തികകളിലെ നിയമനവുമായി ബന്ധപ്പെട്ട് ഹൈക്കോടതി തീർപ്പാക്കിയ ഡബ്ല്യു.പി. (സി.) 26491/2017 നമ്പർ കേസിൽ എന്തൊക്കെ തുടർനടപടികളാണ് കൈക്കൊണ്ടിട്ടുള്ളത്; വിശദാംശം ലഭ്യമാക്കുമോ?

പൂഞ്ഞാർ മണ്ഡലത്തിലെ വിവിധ സര്‍വീസ് സഹകരണ ബാങ്കുകളിൽ നിന്നും റിസ്ക് ഫണ്ട് ആനുകൂല്യത്തിനായി സഹകരണ ബോര്‍ഡിൽ എത്ര അപേക്ഷകള്‍ ലഭ്യമായിട്ടുണ്ടെന്നും എത്ര പേര്‍ക്ക് റിസ്ക് ഫണ്ട് ആനുകൂല്യം ലഭ്യമാക്കിയിട്ടുണ്ടെന്നും വിശദമാക്കുമോ;

പ്രസ്തുത മണ്ഡലത്തിൽ റിസ്ക് ഫണ്ട് ആനുകൂല്യമായി എത്ര തുകയാണ് അനുവദിച്ചിട്ടുള്ളതെന്നും ആനുകൂല്യങ്ങള്‍ നല്‍കുവാൻ എത്ര അപേക്ഷകള്‍ ബാക്കിയുണ്ടെന്നുമുള്ള വിവരം അറിയിക്കുമോ;

മണ്ഡലത്തിലെ അര്‍ഹരായ മുഴുവൻ പേര്‍ക്കും റിസ്ക് ഫണ്ട് ആനുകൂല്യം വേഗത്തിൽ ലഭ്യമാക്കുവാൻ നടപടി സ്വീകരിക്കുമോ; വിശദമാക്കുമോ?

2016 മുതൽ നാളിതുവരെ തരൂർ നിയോജക മണ്ഡലത്തിലെ വിവിധ സർവീസ് സഹകരണ ബാങ്കുകളിൽ നിന്നും റിസ്ക് ഫണ്ട് ആനുകൂല്യത്തിനായി എത്ര അപേക്ഷകൾ ലഭിച്ചിട്ടുണ്ടെന്നും അവയിൽ എത്ര അപേക്ഷകള്‍ തീർപ്പാക്കിയിട്ടുണ്ടെന്നും വ്യക്തമാക്കാമോ?

സംസ്ഥാന സഹകരണ കാർഷിക ഗ്രാമവികസന ബാങ്കിലെ അസിസ്റ്റന്റ് തസ്തികയിൽ തസ്തിക മാറ്റം വഴി നിയമനം ലഭിക്കുന്നതിനുള്ള യോഗ്യതകൾ എന്തൊക്കെയാണെന്ന് വ്യക്തമാക്കുമോ;

പ്രാഥമിക സഹകരണ കാർഷിക ഗ്രാമവികസന ബാങ്കുകളിലെ ജീവനക്കാർ സംസ്ഥാന സഹകരണ കാർഷിക ഗ്രാമവികസന ബാങ്കിലെ അസിസ്റ്റന്റ് തസ്തികയിലേക്ക് തസ്തിക മാറ്റം വഴി നിയമിതരാകുമ്പോൾ അവരുടെ ദീർഘകാലത്തെ സേവനം കൂടി പരിഗണിച്ചുകൊണ്ട് നിലവിലുള്ള ശമ്പളം സംരക്ഷിച്ച് നൽകുന്നതിന് നടപടി സ്വീകരിക്കുമോ; വിശദമാക്കാമോ?

കർഷക കടാശ്വാസ പദ്ധതിയുമായി ബന്ധപ്പെട്ട് സംസ്ഥാന സർക്കാർ പ്രാഥമിക സഹകരണ ബാങ്കുകൾക്ക് നൽകാനുള്ള കുടിശ്ശിക എത്രയാണെന്ന് അറിയിക്കാമോ;

കുടിശ്ശിക ലഭിക്കാത്തതുമൂലം പ്രസ്തുത ബാങ്കുകൾ നഷ്ടത്തിലേക്ക് കൂപ്പുകുത്തുന്ന സാഹചര്യം ശ്രദ്ധയിൽപ്പെട്ടിട്ടുണ്ടോ;

പ്രസ്തുത തുക വിതരണം ചെയ്യാൻ വകുപ്പ് തലത്തിൽ നടപടി സ്വീകരിച്ചിട്ടുണ്ടോ; തുക എന്നത്തേക്ക് വിതരണം ചെയ്യുമെന്ന് വെളിപ്പെടുത്തുമോ?

സംസ്ഥാനത്തെ പട്ടികജാതി-പട്ടികവര്‍ഗ്ഗ സഹകരണ സംഘങ്ങളില്‍ എത്ര എണ്ണം നിലവില്‍ പ്രവര്‍ത്തിക്കുന്നുണ്ട് എന്ന് വിശദമാക്കാമോ;

പട്ടികജാതി-പട്ടികവര്‍ഗ്ഗ സഹകരണ സംഘങ്ങളില്‍ പലതും പ്രവര്‍ത്തനരഹിതമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

പ്രസ്തുത സംഘങ്ങളെ പ്രവര്‍ത്തനക്ഷമമാക്കുന്നതിന് നടപടി സ്വീകരിക്കുമോയെന്ന് വിശദമാക്കാമോ?

മലപ്പുറം സഹകരണ ജോയിന്റ് രജിസ്ട്രാർ ഇസ്മയില്‍, പരശുനാംകുന്നന്‍ എന്നയാള്‍ക്കെതിരെ കേരള സഹകരണ സംഘം നിയമം 1969 വകുപ്പ് 65 പ്രകാരം എന്‍ക്വയറിക്ക് ഉത്തരവിട്ടിട്ടുണ്ടോ; വിശദാംശം നൽകുമോ; നടപടിക്രമങ്ങളുടെ പകര്‍പ്പുകള്‍ ലഭ്യമാക്കാമോ;

പ്രസ്തുത നിയമം വകുപ്പ് 28 ചട്ടം 44 പ്രകാരം മൂത്തേടം സഹകരണ അര്‍ബൻ സംഘം ഒന്നാം നമ്പര്‍ അംഗം ഇസ്മയില്‍, പരശുനാംകുന്നന്‍ എന്നയാള്‍ ഭരണ സമിതി അംഗമായിരിക്കാന്‍ അയോഗ്യനാണെന്ന് കണ്ടെത്തിയിട്ടുണ്ടോ; എങ്കില്‍ ഭരണ സമിതിയില്‍ നിന്ന് ടിയാനെ നീക്കാന്‍ തുടര്‍നടപടി സ്വീകരിച്ചിട്ടുണ്ടോ; വിശദാംശവും നടപടിരേഖകളുടെ പകര്‍പ്പും ലഭ്യമാക്കാമോ?

കോഴിക്കോട് ജില്ലയില്‍ എത്ര യുവ സഹകരണ സംഘങ്ങള്‍ രജിസ്റ്റര്‍ ചെയ്തിട്ടുണ്ടെന്ന് അറിയിക്കുമോ?

ഇടുക്കി ജില്ലയില്‍ പട്ടികജാതി പട്ടികവര്‍ഗ്ഗ വിഭാഗക്കാർക്കായി എത്ര സഹകരണ സംഘങ്ങൾ ഉണ്ടെന്നും അവ എവിടെയൊക്കെ ആണെന്നും വ്യക്തമാക്കാമോ;

പ്രസ്തുത സംഘങ്ങളിൽ എത്രയെണ്ണം പ്രവര്‍ത്തനക്ഷമമാണെന്നും ഇവയുടെ പുനരുജ്ജീവനത്തിനായി പ്രത്യേക പദ്ധതികള്‍ നിലവിലുണ്ടോയെന്നും വിശദമാക്കാമോ?

സംസ്ഥാനത്ത് മത്സ്യത്തൊഴിലാളി വികസന ക്ഷേമ സഹകരണ സംഘങ്ങളില്‍ സേവന വേതന വ്യവസ്ഥകള്‍ എന്നാണ് നിലവില്‍ വന്നതെന്നും പ്രസ്തുത സംഘങ്ങളില്‍ അവസാനമായി ശമ്പള പരിഷ്കരണം നടപ്പിലാക്കിയത് എന്നാണെന്നും വ്യക്തമാക്കാമോ;

പ്രസ്തുത സംഘങ്ങളില്‍ ശമ്പള പരിഷ്കരണം നടപ്പിലാക്കാന്‍ നടപടി സ്വീകരിച്ചിട്ടുണ്ടോ; എങ്കില്‍ വിശദമാക്കാമോ;

പ്രസ്തുത വിഷയം സംബന്ധിച്ച് സഹകരണ വകുപ്പിന്റെ പരിഗണനയിലുള്ള ഫയലുകള്‍ ഏതെല്ലാമെന്നും പ്രസ്തുത ഫയലുകളിന്മേൽ സ്വീകരിച്ച നടപടി എന്തെന്നും വിശദമാക്കാമോ?

സംസ്ഥാനത്ത് പ്രവര്‍ത്തിക്കുന്ന സഹകരണ സംഘങ്ങളുടെ നിഷ്ക്രിയ ആസ്തി എത്ര കോടി രൂപയാണെന്ന് ജില്ല തിരിച്ച് വ്യക്തമാക്കാമോ;

നിഷ്ക്രിയ ആസ്തി സംസ്ഥാന-പ്രാദേശിക വികസനങ്ങള്‍ക്കായി ഉപയോഗിക്കാന്‍ നടപടി സ്വീകരിക്കുമോ?

സംസ്ഥാനത്ത് പട്ടികജാതി, പട്ടികവര്‍ഗ്ഗ സഹകരണ സംഘങ്ങളുടെ പ്രവര്‍ത്തനം മെച്ചപ്പെടുത്തുന്നതിനായി സര്‍ക്കാര്‍ പ്രത്യേക നടപടികള്‍ സ്വീകരിച്ചിട്ടുണ്ടോ; ഇതിനായി സഹകരണ വകുപ്പ് പട്ടികജാതി, പട്ടികവര്‍ഗ്ഗ വികസന വകുപ്പുകളുമായി സംയുക്തമായി പദ്ധതികള്‍ ആവിഷ്കരിക്കുന്ന കാര്യം പരിഗണനയിലുണ്ടോ; വിശദാംശം ലഭ്യമാക്കാമോ;

സഹകരണ പരിശീലന കോഴ്സ് (ജെ.ഡി.സി., എച്ച്.ഡി.സി.) വിജയിച്ച പട്ടികജാതി, പട്ടികവര്‍ഗ്ഗ വിഭാഗങ്ങളില്‍പ്പെട്ടവര്‍ക്ക് സഹകരണ സ്ഥാപനങ്ങളില്‍ അപ്രന്റീസ്ഷിപ്പ് അനുവദിച്ചിട്ടുണ്ടോ; എങ്കിൽ ഇതിലൂടെ എന്തൊക്കെയാണ് ലക്ഷ്യമിടുന്നതെന്ന് വ്യക്തമാക്കാമോ?

ഒറ്റപ്പാലം മണ്ഡലത്തില്‍ സഹകരണ സംഘങ്ങളുടെ കീഴില്‍ പ്രവര്‍ത്തിച്ചുവരുന്ന നീതി മെഡിക്കല്‍ സ്റ്റോറുകള്‍ ഏതെല്ലാമാണ്; അവയുടെ വിശദാംശം ലഭ്യമാക്കാമോ;

പ്രസ്തുത മണ്ഡലത്തില്‍ പുതുതായി നീതി മെഡിക്കല്‍ സ്റ്റോറുകള്‍ ആരംഭിക്കുന്നതിന് അപേക്ഷകള്‍ ലഭിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

രാജ്യത്താകെയുളള സഹകരണ സംഘങ്ങളെ നിരീക്ഷിക്കുവാനുള്ള കേന്ദ്ര നീക്കം സംസ്ഥാനത്തെ എപ്രകാരം ബാധിക്കുമെന്ന് വിലയിരുത്തിയിട്ടുണ്ടോ; വിശദാംശം നൽകുമോ;

കാർഷിക ക്ഷീര സഹകരണ സംഘങ്ങൾ ഇല്ലാത്ത ഗ്രാമങ്ങളിൽ അവ രൂപീകരിക്കാൻ പദ്ധതിയുണ്ടോ; എങ്കിൽ വിശദാംശം നൽകുമോ;

ഏതെല്ലാം നൂതന മേഖലകളിലാണ് പ്രസ്തുത സംഘങ്ങൾ രൂപീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

പാലക്കാട് ജില്ലയില്‍ എത്ര യുവസഹകരണ സംഘങ്ങള്‍ രജിസ്റ്റര്‍ ചെയ്തിട്ടുണ്ടെന്നും അവ ഏതൊക്കെ താലൂക്കുകളിലാണെന്നും വ്യക്തമാക്കുമോ;

ഇത്തരം യുവസഹകരണ സംഘങ്ങളിലൂടെ എന്തെല്ലാം കാര്യങ്ങളാണ് ജില്ലയിൽ നടപ്പാക്കാനുദ്ദേശിക്കുന്നത്‌; വ്യക്തമാക്കുമോ;

പാലക്കാട് ജില്ലയില്‍ കൂടുതല്‍ യുവസഹകരണ സംഘങ്ങള്‍ രൂപീകരിക്കുന്നതിന് നടപടി സ്വീകരിക്കുമോ; വിശദമാക്കുമോ?

എല്ലാ പഞ്ചായത്തുകളിലും ത്രിവേണി സ്റ്റോറുകള്‍ ആരംഭിക്കുന്നതിന് നടപടി സ്വീകരിക്കുമോ;

മാവേലിക്കര മണ്ഡലത്തില്‍ പുതിയ ത്രിവേണി സ്റ്റോറുകള്‍ ആരംഭിക്കുന്നതിന് നടപടി സ്വീകരിക്കുമോ?

തിരുവനന്തപുരം ജില്ലയില്‍ ജില്ലാ രജിസ്ട്രാര്‍ ഓഫീസ് മുഖേന രജിസ്റ്റര്‍ ചെയ്തിട്ടുള്ള സംഘടനകള്‍ എത്രയെന്ന് വിശദമാക്കാമോ;

ചിറയിന്‍കീഴ്, വര്‍ക്കല താലൂക്കുകളില്‍ രജിസ്റ്റര്‍ ചെയ്തിട്ടുള്ള സംഘടനകളുടെ പേരും വിലാസവും ലഭ്യമാക്കാമോ?

വൈപ്പിന്‍ മണ്ഡലത്തിലെ കുഴുപ്പിള്ളി, പള്ളിപ്പുറം വില്ലേജുകളിലായി സ്ഥിതി ചെയ്യുന്നതും മുഹമ്മദ് സിദ്ദിഖ് സേട്ട് കോഴിക്കോട് ഫാറൂഖ് കോളേജ് സൊസൈറ്റിക്ക് 1950-ല്‍ 2115 നമ്പര്‍ ആധാരപ്രകാരം (പഴയ സർവെ 18/1-4, കുഴുപ്പിള്ളി വില്ലേജ്) വഖഫായി നല്‍കിയ വസ്തുവകകളുടെ വിസ്തീര്‍ണ്ണം എത്രയെന്ന് വ്യക്തമാക്കാമോ;

മേല്‍ വസ്തുവകകള്‍ മുഹമ്മദ് സിദ്ദിഖ് സേട്ടിന് ആരില്‍ നിന്നും ഏതൊക്കെ വർഷങ്ങളിൽ ഏതെല്ലാം ആധാരപ്രകാരം ലഭ്യമായെന്ന് വ്യക്തമാക്കാമോ;

കുഴുപ്പിള്ളി, പള്ളിപ്പുറം വില്ലേജുകളിലായി മുഹമ്മദ് സിദ്ദിഖ് സേട്ട് വഖഫായി നല്‍കിയ വസ്തു കൂടാതെ ടിയാളുടെ പേരില്‍ എത്ര വസ്തു ഉണ്ടായിരുന്നെന്നും ഏതെല്ലാം ആധാരപ്രകാരമായിരുന്നു ഇവ ലഭ്യമായതെന്നും അറിയിക്കുമോ; പ്രസ്തുത വസ്തുവിന്റെ അവകാശികള്‍ നിലവില്‍ ആരെല്ലാമെന്ന് വ്യക്തമാക്കാമോ;

വഖഫ് ചെയ്യപ്പെട്ട വസ്തുവിൽനിന്നും ഫാറൂഖ് കോളേജിന്റെ വികസന ആവശ്യത്തിലേക്കായി വസ്തു കൈമാറ്റം ചെയ്തിട്ടുണ്ടോ; എങ്കില്‍ പ്രസ്തുത വസ്തു വില്‍പ്പന ഏത് വര്‍ഷമായിരുന്നെന്നും ഏതെല്ലാം ആധാരപ്രകാരമാണെന്നും എത്ര സെന്റ് വീതമാണെന്നും വ്യക്തമാക്കാമോ;

വഖഫ് ചെയ്യപ്പെട്ട വസ്തുവിൽ നിന്നും തീരശോഷണത്താല്‍ കടലെടുത്ത വസ്തുവിന്റെ വിസ്തീര്‍ണ്ണം എത്രയെന്ന് വ്യക്തമാക്കാമോ;

വഖഫ് ചെയ്യപ്പെട്ട മേല്‍ വസ്തുവില്‍ നിന്നും 2011-2021 കാലഘട്ടത്തില്‍ ക്രയവിക്രയം ചെയ്യപ്പെട്ട വസ്തുവകകളുടെ വിസ്തീര്‍ണ്ണം എത്രയാണെന്നും ആര്‍ക്കെല്ലാം ഏതെല്ലാം ആധാരപ്രകാരമാണ് നൽകിയതെന്നും വര്‍ഷാടിസ്ഥാനത്തില്‍ വിശദമാക്കാമോ;

പ്രസ്തുത വസ്തു വില്‍പ്പന നടത്തിയത് എന്തടിസ്ഥാനത്തിലെന്നും ഇതുമായി ബന്ധപ്പെട്ട് എടുത്ത കമ്മിറ്റി തീരുമാനങ്ങള്‍ എന്തൊക്കെ എന്നും വ്യക്തമാക്കാമോ; വഖഫ് ചെയ്യപ്പെട്ട മേല്‍ വസ്തുവകകള്‍ ആര്‍ക്കെല്ലാം ഏതെല്ലാം വര്‍ഷങ്ങളിലാണ് ക്രയവിക്രയം ചെയ്തതെന്ന് വിസ്തീര്‍ണ്ണത്തിന്റെ അടിസ്ഥാനത്തില്‍ വിശദമാക്കാമോ?

ഈ സര്‍ക്കാരിന്റെ കാലം മുതല്‍ നാളിതുവരെ രജിസ്ട്രേഷന്‍ വകുപ്പിന്റെ പേള്‍ സോഫ്റ്റ് വെയറിലെ സാങ്കേതിക തടസ്സങ്ങള്‍ മാറ്റുന്നതിന് സ്വീകരിച്ച നടപടികള്‍ വ്യക്തമാക്കാമോ?

ഓണ്‍ലെെനായി അപേക്ഷ സമര്‍പ്പിച്ച് പ്രമാണങ്ങളുടെ പകര്‍പ്പ് ലഭിക്കുന്നതിനുള്ള സംവിധാനം നടപ്പിലാക്കിയത് വിജയകരമായിട്ടുണ്ടോ;

പ്രമാണങ്ങളുടെ പകര്‍പ്പ് അടിയന്തരമായി ലഭിക്കുന്നതിന് ഏര്‍പ്പെടുത്തിയിട്ടുള്ള സംവിധാനം എന്തെല്ലാമാണെന്ന് വ്യക്തമാക്കുമോ?

നിലവില്‍ സര്‍ക്കാര്‍/തദ്ദേശസ്വയംഭരണ സ്ഥാപനങ്ങള്‍ എന്നിവയുടെ ഏതൊക്കെ സ്കീമുകള്‍ക്കാണ് സ്റ്റാമ്പ് ഡ്യൂട്ടി ഒഴിവാക്കിയിട്ടുള്ളത്;

ഗ്രാമപഞ്ചായത്തുകള്‍ 1980-90 കാലഘട്ടത്തില്‍ ഭൂരഹിത തൊഴിലാളി പുരനരധിവാസ പദ്ധതിയില്‍ ഉള്‍പ്പെടുത്തി സ്ഥലം വാങ്ങി അനുവാദ പത്രിക നല്‍കുകയും പിന്നീട് സ്ഥലം ഗുണഭോക്താക്കള്‍ക്ക് രജിസ്റ്റര്‍ ചെയ്ത് നല്‍കുന്നതുമായ കേസുകളില്‍ സ്റ്റാമ്പ് ഡ്യൂട്ടി ഇളവ് അനുവദിക്കുന്നതിന് സര്‍ക്കാര്‍ നടപടി സ്വീകരിച്ചിട്ടുണ്ടോ;

ഇല്ലെങ്കില്‍ ഇക്കാര്യത്തിൽ സ്റ്റാമ്പ് ഡ്യൂട്ടി ഇളവ് അനുവദിക്കുന്നതിന് നടപടി സ്വീകരിക്കുമോ;

പറപ്പൂക്കര ഗ്രാമപഞ്ചായത്ത് വാര്‍ഡ് 9-ല്‍ ഇപ്രകാരം ഭൂമി രജിസ്റ്റര്‍ ചെയ്ത് നല്‍കുന്നതിന് സ്റ്റാമ്പ് ഡ്യൂട്ടി ഇളവിനായി സമര്‍പ്പിച്ചിട്ടുള്ള അപേക്ഷകളില്‍ സ്വീകരിച്ചിട്ടുള്ള നടപടികള്‍ അറിയിക്കാമോ?

മുഹമ്മദ് ഹനീഫ എന്നയാളുടെ ഉടമസ്ഥതയിലുള്ളതും 10.09.2018 മുതല്‍ 20.02.2020 വരെ താനൂര്‍ സബ് രജിസ്റ്റാര്‍ ഓഫീസ് പ്രവര്‍ത്തിച്ചിരുന്നതുമായ കെട്ടിടത്തിന്റെ വാടക നാളിതുവരെ ഉടമസ്ഥന് അനുവദിച്ചിട്ടില്ല എന്നകാര്യം പരിശോധിക്കുമോ; വ്യക്തമാക്കുമോ;

അധിക ഏരിയ ഉപയോഗിച്ചതിന്റെ കാരണവും കെട്ടിടത്തിന്റെ വിശദാംശവും ഉടമസ്ഥാവകാശവും ഉള്‍പ്പെടെ ആവശ്യപ്പെട്ട രേഖകള്‍ മലപ്പുറം ജില്ലാ രജിസ്റ്റാര്‍ (ജനറല്‍) ഓഫീസില്‍ നിന്നും ലഭ്യമായിട്ടുണ്ടോ; ഇല്ലങ്കില്‍ ആയത് ലഭ്യമാക്കുന്നതില്‍ നേരിടുന്ന കാലതാമസം വിശദമാക്കുമോ;

വാടക നിര്‍ണ്ണയിക്കുന്നതുമായി ബന്ധപ്പെട്ട് പൊതുമരാമത്ത് വകുപ്പിന്റെ പുതിയ ഉത്തരവ് പ്രകാരമുള്ള റെന്റ് സര്‍ട്ടിഫിക്കറ്റ് ലഭ്യമായിട്ടുണ്ടോ; വാടക കുടിശിക അടിയന്തരമായി അനുവദിക്കുന്നതിന് നടപടി സ്വീകരിക്കുമോ?