സംസ്ഥാനത്ത് വ്യവസായ വികസനത്തിനുളള പശ്ചാത്തല സൗകര്യം ഒരുക്കുന്നതിന് നടത്തുന്ന പ്രവര്‍ത്തനങ്ങള്‍ വിശദമാക്കാമോ;

സംസ്ഥാന സര്‍ക്കാര്‍ രൂപീകരിക്കുന്ന വ്യവസായ നയത്തിന് അനുസൃതമായി സ്വകാര്യ വ്യവസായ എസ്റ്റേറ്റുകളെ പ്രോത്സാഹിപ്പിക്കാന്‍ ഉദ്ദേശിക്കുന്നുണ്ടോ; നിലവില്‍ അനുമതി നല്‍കിയ സ്വകാര്യ വ്യവസായ എസ്റ്റേറ്റുകള്‍ എവിടെയാെക്കെയാണെന്ന് അറിയിക്കാമോ; അവ എത്ര തുകയുടെ നിക്ഷേപം ആകര്‍ഷിക്കുമെന്നും എത്ര തൊഴിലുകള്‍ സൃഷ്ടിക്കാനിടയുണ്ടെന്നുമാണ് വിലയിരുത്തിയിട്ടുള്ളതെന്നും വ്യക്തമാക്കാമോ;

സ്വകാര്യ വ്യവസായ പാര്‍ക്കുകള്‍ സ്ഥാപിക്കാനുളള വ്യവസ്ഥകള്‍ എന്തൊക്കെയാണെന്ന് അറിയിക്കാമോ?

കേരളത്തെ ഇലക്ട്രോണിക്സ് വ്യവസായത്തിന്റെ ഹബ്ബായി മാറ്റുവാനുള്ള പ്രവർത്തനങ്ങളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനത്ത് നിലവിലുള്ള ഇലക്ട്രോണിക്സ് മേഖലയിലെ മാനുഫാക്ചറിങ് കമ്പനികൾക്ക് സഹായകമാകുന്ന വിധം ഇലക്ട്രോണിക് കംപോണന്റ് എക്കോ സിസ്റ്റം രൂപീകരിക്കാൻ ഉദ്ദേശിക്കുന്നുണ്ടോ; വിശദമാക്കുമോ;

ഡിജിറ്റൽ മേഖലയിലെ വ്യവസായങ്ങള്‍ ഒരു കുടക്കീഴിലാക്കി പ്രത്യേക ഇലക്ട്രോണിക്സ് പാർക്കുകൾ സ്ഥാപിക്കുന്നതിനുള്ള നടപടി ആരംഭിച്ചിട്ടുണ്ടോ; വിശദമാക്കുമോ;

ഇലക്ട്രോണിക്സ് വ്യവസായങ്ങളുടെ വികസനം കണക്കിലെടുത്ത് പൊതുമേഖലാസ്ഥാപനമായ കെൽട്രോണിൽ ട്രാഫിക് മാനേജ്മെന്റ്, ഡിഫന്‍സ് പ്രോഡക്ട്സ്, പവർ ഇലക്ട്രോണിക്സ് എന്നീ മേഖലകളിൽ പുതിയ പദ്ധതികൾ ആരംഭിക്കുന്നതിനുള്ള മാസ്റ്റര്‍ പ്ലാന്‍ തയ്യാറാക്കിയിട്ടുണ്ടോ; വിശദമാക്കുമോ?

സർക്കാർ നടത്തിയതായി പറയപ്പെടുന്ന ധൂർത്തും പാഴ്ച്ചെലവുകളും സംസ്ഥാനത്തിന്റെ സാമ്പത്തിക പ്രതിസന്ധിയുടെ ആക്കം കൂട്ടിയെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ; എങ്കില്‍ വ്യക്തമാക്കാമോ;

സാമ്പത്തിക പ്രതിസന്ധിക്ക് കാരണമായത് തെറ്റായ ധനകാര്യ മാനേജ്മെന്റാണെന്ന് കണ്ടെത്തിയിട്ടിട്ടുണ്ടോയെന്ന് വ്യക്തമാക്കുമോ;

സംസ്ഥാനത്തിന്റെ ധനകാര്യ സ്ഥിതി മെച്ചപ്പെടുത്താൻ സർക്കാർ സ്വീകരിച്ച നടപടികൾ വിശദമാക്കാമോ?

കരുവന്നൂർ സഹകരണ ബാങ്ക് ക്രമക്കേടുകളുടെ പശ്ചാത്തലത്തിൽ സഹകരണ മേഖലയിലെ ക്രമക്കേടുകൾ തടയുന്നതിന് എന്തെങ്കിലും പദ്ധതി ആവിഷ്കരിച്ചിട്ടുണ്ടോ; വിശദമാക്കുമോ;

പ്രസ്തുത വിഷയം അന്വേഷിച്ച ഉന്നതാധികാര സമിതി ക്രമക്കേടുകൾ തടയുന്നതിന് എന്തെങ്കിലും നിർദേശങ്ങൾ സമർപ്പിച്ചിരുന്നോ;

എങ്കിൽ അവ എന്തെല്ലാമെന്നും ആയത് നടപ്പിലാക്കിയിട്ടുണ്ടോയെന്നും വ്യക്തമാക്കുമോ?

സംസ്ഥാനത്ത് വ്യവസായ മുന്നേറ്റത്തിന് അനുകൂലാന്തരീക്ഷം സൃഷ്ടിച്ചുകൊണ്ട് ഒരു വര്‍ഷത്തിനുള്ളില്‍ ഒരു ലക്ഷം സംരംഭങ്ങള്‍ എന്ന ലക്ഷ്യത്തോടെ നടപ്പാക്കുന്ന സംരംഭക വര്‍ഷം പദ്ധതിയില്‍ ഇതുവരെ കൈവരിക്കാനായ നേട്ടം അറിയിക്കാമോ; പ്രസ്തുത പദ്ധതിയിലൂടെ എത്ര തൊഴിലവസരങ്ങള്‍ സൃഷ്ടിക്കാനായിട്ടുണ്ട്;

വ്യവസായങ്ങള്‍ ആരംഭിക്കുന്നത് അനായാസകരമാക്കുന്നതോടൊപ്പം ആരംഭിച്ചവയുടെ സുസ്ഥിരത ഉറപ്പാക്കുന്നതിന് വിപണന സൗകര്യങ്ങള്‍ ഏര്‍പ്പെടുത്താന്‍ ഉദ്ദേശിക്കുന്നുണ്ടോ; എങ്കിൽ വിശദമാക്കാമോ;

സംരംഭങ്ങള്‍ക്ക് സാമ്പത്തിക സഹായം ലഭ്യമാക്കുന്നതിന് ഏർപ്പെടുത്തിയിട്ടുള്ള സൗകര്യങ്ങൾ വിശദമാക്കാമോ?

സംസ്ഥാനത്ത് പ്രതിവര്‍ഷം നാല്പതിനായിരം തൊഴിലവസരങ്ങള്‍ എങ്കിലും സൃഷ്ടിക്കുകയെന്ന ലക്ഷ്യത്തോടെകരട് വ്യവസായ നയത്തില്‍ എം.എസ്.എം.ഇ. സംരംഭങ്ങള്‍ക്ക് പ്രത്യേകം പ്രാധാന്യം നല്‍കിയിട്ടുണ്ടോ;

എം.എസ്.എം.ഇ. വിഭാഗത്തില്‍പെട്ട വ്യവസായങ്ങള്‍ക്ക് കാലതാമസമില്ലാതെ അനുമതി ലഭ്യമാക്കുന്നതിനും അവയ്ക്ക് വായ്പ ലഭ്യമാക്കുന്നതിനും വേണ്ട സഹായം നല്‍കുന്നതിന് പദ്ധതിയുണ്ടോയെന്നറിയിക്കാമോ;

സംരംഭക അനുയോജ്യ അന്തരീക്ഷം സൃഷ്ടിക്കുന്നതിനും അവര്‍ക്കുവേണ്ട മാര്‍ഗനിര്‍ദേശങ്ങള്‍ ലഭ്യമാക്കുന്നതിനും വിപണി കണ്ടെത്തുന്നതിന് സാങ്കേതികവിദ്യാധിഷ്ഠിത സൗകര്യങ്ങള്‍ ഏര്‍പ്പെടുത്തുന്നതിന് വേണ്ട ഇടപെടല്‍ നടത്താനുദ്ദേശിക്കുന്നുണ്ടോ; വിശദമാക്കാമോ?

കേന്ദ്ര സര്‍ക്കാര്‍ പാര്‍ലമെന്റില്‍ അവതരിപ്പിച്ചിട്ടുള്ള വൈദ്യുതി നിയമ ഭേദഗതി ബില്‍ നിയമമായാല്‍ സൃഷ്ടിക്കാനിടയുള്ള പ്രശ്നങ്ങള്‍ സംസ്ഥാനം പരിശോധനാ വിധേയമാക്കിയിട്ടുണ്ടോ; കണ്‍കറന്റ് ലിസ്റ്റിലുള്ള വിഷയമായിട്ടും സംസ്ഥാനങ്ങളുമായി കൂടിയാലോചിക്കാതെ ഏകപക്ഷീയമായി നിയമ ഭേദഗതി കൊണ്ടുവരുന്നതിലുള്ള പ്രതിഷേധം കേന്ദ്ര സര്‍ക്കാരിനെ അറിയിക്കുമോ;

വിതരണ മേഖല സ്വകാര്യ കുത്തകകള്‍ക്ക് വിട്ടുകൊടുക്കുന്നതിനുള്ള ബില്ലിലെ വ്യവസ്ഥ കെ.എസ്.ഇ.ബി.എല്‍.-നെ തകര്‍ച്ചയിലേക്ക് നയിക്കുമെന്ന് വിലയിരുത്തുന്നുണ്ടോ;

ക്രോസ് സബ്സിഡി ഒഴിവാക്കണമെന്ന വ്യവസ്ഥ പാവപ്പെട്ട ഉപഭോക്താക്കളെ പ്രതിസന്ധിയിലേക്ക് നയിക്കുമെന്ന കാര്യം പരിശോധിച്ചിട്ടുണ്ടോ?

സംസ്ഥാനത്ത് രൂപീകരിക്കാനുദ്ദേശിക്കുന്ന വ്യവസായ നയം കാര്യക്ഷമമായി പ്രാവര്‍ത്തികമാക്കുന്നതിന് വ്യവസായ വികസന കാേര്‍പ്പറേഷന്റെ പ്രവര്‍ത്തനങ്ങള്‍ ഏകീകരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ;

നിലവിലെ നിക്ഷേപ സൗഹൃദാന്തരീക്ഷം സംബന്ധിച്ച് പ്രചാരണം നടത്തുന്നതിനും വിദേശത്ത് നിന്നുള്‍പ്പെടെയുള്ള നിക്ഷേപകരെ ആകര്‍ഷിക്കുന്നതിനും പ്രത്യേക പദ്ധതികള്‍ തയ്യാറാക്കിയിട്ടുണ്ടാേ;

വ്യവസായ വികസന കാേര്‍പ്പറേഷന്‍ നടത്തുന്ന അടിസ്ഥാന സൗകര്യ വികസന പദ്ധതികളെ കുറിച്ച് വിശദമാക്കാമാേ?

കേന്ദ്ര സര്‍ക്കാര്‍ നയങ്ങള്‍ കാരണം രാജ്യത്തൊട്ടാകെയുണ്ടായ വന്‍ വിലക്കയറ്റം സംസ്ഥാനത്ത് നിയന്ത്രിച്ച് നിര്‍ത്തുന്നതിന് സര്‍ക്കാര്‍ നടത്തിയ പ്രവര്‍ത്തനങ്ങള്‍ വിശദമാക്കാമോ; പ്രസ്തുത പ്രവര്‍ത്തനങ്ങളുടെ ഫലമായി രാജ്യത്ത് ഏറ്റവും കുറഞ്ഞ വിലക്കയറ്റമുളള സംസ്ഥാനമാക്കി മാറ്റാന്‍ സാധിച്ചിട്ടുണ്ടോ; വ്യക്തമാക്കാമോ;

കേന്ദ്ര സര്‍ക്കാര്‍ സംസ്ഥാന സര്‍ക്കാരിനെ സാമ്പത്തികമായി ഞെരുക്കുന്ന തരത്തിലുളള നടപടികള്‍ സ്വീകരിക്കുമ്പോഴും എല്ലാ വിഭാഗം ജനങ്ങളിലേക്കുമെത്തുന്ന തരത്തില്‍ സംസ്ഥാനത്ത് ക്ഷേമ പ്രവര്‍ത്തനങ്ങള്‍ തുടരാന്‍ കഴിഞ്ഞിട്ടുണ്ടോ; വിശദമാക്കാമോ;

ജി.എസ്.ടി. നഷ്ടപരിഹാരം, റവന്യു കമ്മി ഗ്രാന്റ്, കേന്ദ്ര നികുതി വിഹിതം എന്നീ ഇനങ്ങളില്‍ കഴിഞ്ഞ വര്‍ഷം കേന്ദ്ര സര്‍ക്കാരില്‍ നിന്ന് ലഭിച്ച തുകയും ഈ വര്‍ഷം ഇതുവരെ ലഭിച്ച തുകയും എത്ര വീതമെന്ന് അറിയിക്കാമോ?

സംസ്ഥാനത്ത് അന്ധവിശ്വാസവും ദുരാചാരങ്ങളും ഉന്മൂലനം ചെയ്യാന്‍ നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ; വ്യക്തമാക്കുമോ;

അന്ധവിശ്വാസം വൈയക്തിക തലത്തില്‍ നിന്ന് സാമൂഹ്യ വിപത്തായി മാറുന്നതിനെതിരെ സാംസ്കാരിക വകുപ്പിന്റെ നേതൃത്വത്തില്‍ പ്രചരണ പരിപാടികള്‍ സംഘടിപ്പിക്കുന്ന കാര്യം പരിഗണിക്കുമോ; വിശദമാക്കുമോ;

കലാസാംസ്കാരികരംഗം ചലനാത്മകമാകുന്നതിന് ഉദ്ദേശിച്ചുകൊണ്ടുള്ള പദ്ധതികളെക്കുറിച്ചും ജില്ലകളില്‍ സാംസ്കാരിക സമുച്ചയം നിര്‍മ്മിക്കുന്ന പ്രവൃത്തിയുടെ പുരോഗതിയെക്കുറിച്ചും അറിയിക്കുമോ?

സംസ്ഥാനത്ത് നിർമ്മാണ മേഖല മുൻപില്ലാത്തവിധം പ്രതിസന്ധിയിലാണെന്നത് പരിശോധിച്ചിട്ടുണ്ടോ;

സിമന്റ്, കമ്പി, മെറ്റൽ, എം.സാന്റ്, ​ടൈൽ, പ്ലംബിങ്, ഇലക്ട്രിക്കൽ ഉല്പന്നങ്ങൾ, പെയിന്റ് തുടങ്ങി നിർമ്മാണ മേഖലയിലെ ആവശ്യസാധനങ്ങളുടെ വില ക്രമാതീതമായ വർദ്ധിച്ച് വരുന്നതിനാൽ ഇക്കാര്യത്തിൽ ഏതെല്ലാം രീതിയിൽ ഇടപെടാനാണ് ഉദ്ദേശിക്കുന്നതെന്ന് വ്യക്തമാക്കാമോ;

സിമന്റിന്റെ വില അഞ്ഞൂറ് രൂപയിലധികമായതിനാൽ നിർമ്മാണ മേഖലയിലെ ചെലവ് ഇരുപത് ശതമാനത്തിലധികം വർദ്ധിച്ചതായി ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

ഈ രംഗത്ത് പ്രവർത്തിക്കുന്ന തൊഴിലാളികൾ ഉൾപ്പെടെയുളളവരെ സഹായിക്കുന്നതിനായി എന്തെല്ലാം നടപടികളാണ് സ്വീകരിക്കുന്നതെന്ന് വിശദമാക്കുമോ?

സംസ്ഥാനത്ത് പലയിടത്തും മുമ്പ് സ്വകാര്യ ഭൂമിയില്‍ കൂടി വലിച്ചിരുന്ന ഇലക്ട്രിക് ലൈനുകള്‍ ഉപേക്ഷിച്ച് പുതിയ റോഡുകള്‍ വന്നപ്പോള്‍ പുതിയ ലൈനുകള്‍ വലിക്കുകയും പഴയ ലൈനുകള്‍ ഉപയോഗിക്കാതെ കിടക്കുകയും ചെയ്യുന്നത് ശ്രദ്ധയില്‍പ്പെട്ടിട്ടുണ്ടോ;

അത്തരം ഉപയോഗമില്ലാത്ത ലൈനുകള്‍ സംബന്ധിച്ച് ഒരു പഠനം നടത്തി കെ.എസ്.ഇ.ബി.യുടെ ചെലവില്‍ പ്രസ്തുത ലൈനുകൾ ഒഴിവാക്കുന്നതിന് നടപടി സ്വീകരിക്കാമോ?

കല്‍ക്കരി ക്ഷാമം പരിഹരിക്കാതെ ഇറക്കുമതി ചെയ്ത കല്‍ക്കരി ഉപയോഗിക്കാനുള്ള കേന്ദ്ര നിര്‍ദ്ദേശം വൈദ്യുതി ഉല്‍പ്പാദന ചെലവില്‍ നാലിലൊന്നിലധികം വര്‍ദ്ധനവ് വരുത്താന്‍ വഴിയൊരുക്കിയിട്ടുണ്ടെന്ന വാര്‍ത്ത ശ്രദ്ധയില്‍പ്പെട്ടിരുന്നോ;

ഇറക്കുമതി ചെയ്ത കല്‍ക്കരി ഉപയോഗിക്കണമെന്ന നിബന്ധന കാരണം കെ.എസ്.ഇ.ബി. ലിമിറ്റഡിന് വൈദ്യുതി വാങ്ങുന്നതില്‍ പ്രതിമാസം ഉണ്ടാകുന്ന ശരാശരി അധിക ബാധ്യത എത്രയെന്ന് അറിയിക്കാമോ;

വൈദ്യുതി നിരക്ക് കുറവുള്ള വൈദ്യുതി നിലയങ്ങളില്‍ നിന്ന് വൈദ്യുതി വാങ്ങുന്നതിന് പകരം ഉയര്‍ന്ന നിരക്ക് ഈടാക്കുന്ന വൈദ്യുതോല്പാദന നിലയങ്ങളില്‍ നിന്ന് വൈദ്യുതി വാങ്ങണമെന്ന കേന്ദ്ര നിലപാട് തിരുത്താന്‍ ആവശ്യപ്പെടുമോ?

സംസ്ഥാനത്തിന്റെ വരുമാനത്തില്‍ ഏറിയപങ്കും ലോട്ടറിയില്‍ നിന്നും മദ്യത്തില്‍ നിന്നുമാണെന്നുമുള്ള പ്രചരണം സംസ്ഥാന നേട്ടങ്ങളെ ഇകഴ്‍ത്തുമെന്നതിനാല്‍ ഇത് സംബന്ധിച്ച യഥാര്‍ത്ഥ വസ്തുതകള്‍ വെളിപ്പെടുത്താമോ;

ലോട്ടറി വില്പനയിലൂടെ ഉപജീവനം നടത്തിവരുന്ന സാധാരണക്കാരുടെ ജീവിതമാര്‍ഗം തകര്‍ക്കാന്‍ ഉദ്ദേശിച്ചുകൊണ്ടുള്ള പ്രചരണങ്ങള്‍ക്ക് വിരാമമിടുന്നതിനായി ലോട്ടറിയില്‍ നിന്നുള്ള അസ്സല്‍ വരുമാനം സംബന്ധിച്ച വിശദാംശം ലഭ്യമാക്കുമോ;

ലോട്ടറിയുടെ പേരില്‍ നടക്കുന്ന ഓണ്‍ലെെന്‍ തട്ടിപ്പ് തടയുന്നതിനായി സ്വീകരിച്ചുവരുന്ന നടപടി വിശദമാക്കുമോ?

സംസ്ഥാനം അഭിമുഖീകരിക്കുന്ന സാമ്പത്തിക പ്രതിസന്ധി നേരിടുന്നതിനായി സ്വീകരിച്ചുവരുന്ന നടപടി വ്യക്തമാക്കുമോ;

സാമ്പത്തിക പ്രതിസന്ധി വികസന പ്രവര്‍ത്തനങ്ങളെ നിശ്ചലമാക്കുന്ന സാഹചര്യം നിലനില്‍ക്കുന്നുണ്ടോ; എങ്കില്‍ ഏതെല്ലാം പ്രവൃത്തികളാണ് വെട്ടിച്ചുരുക്കേണ്ടി വന്നിട്ടുള്ളതെന്ന് വെളിപ്പെടുത്തുമോ;

കരാറുകാര്‍ക്ക് പതിനായിരം കോടിയിലേറെ രൂപ കുടിശ്ശിക നല്‍കാനുണ്ടോ എന്ന് അറിയിക്കുമോ; എങ്കില്‍ ഇത് വികസന പ്രവർത്തങ്ങളെ ബാധിച്ചിട്ടുണ്ടോ എന്ന് വിശദമാക്കാമോ;

തദ്ദേശ സ്ഥാപനങ്ങൾക്ക് ജി.എസ്.ടി. മൂലമുണ്ടായ നഷ്ടം നികത്താൻ സർക്കാർ നടപടി സ്വീകരിച്ചിട്ടുണ്ടോ; ഇല്ലെങ്കിൽ കാരണം വിശദമാക്കാമോ?

സംസ്ഥാനത്തെ 1.1 ലക്ഷം കോടിയിലധികം വരുന്ന ഉപഭോക്തൃ ഉല്പന്ന വിപണിയിലെ സിംഹഭാഗവും സംസ്ഥാനത്തിന് പുറത്തുനിന്ന് കൊണ്ടുവരേണ്ട സ്ഥിതിക്ക് മാറ്റം വരുത്താന്‍ ആഭ്യന്തരോല്പാദനം പ്രോത്സാഹിപ്പിക്കുന്നതിന് പുതിയ വ്യവസായ വാണിജ്യനയത്തിന്റെ കരട് പ്രാധാന്യം നല്‍കുന്നുണ്ടോ; വിശദമാക്കുമോ ;

സംസ്ഥാനത്ത് നിര്‍മ്മിക്കുന്ന ഉല്പന്നങ്ങളുടെ ഗുണനിലവാരം ഉറപ്പാക്കുന്നതിന് കേരള ബ്രാന്‍ഡ് രൂപീകരിക്കാന്‍ ലക്ഷ്യമിടുന്നുണ്ടോ;

ആകര്‍ഷകമായ നിക്ഷേപാവസരങ്ങള്‍ സംബന്ധിച്ചുളള വിവരങ്ങള്‍ ലഭ്യമാക്കുന്നതിനും നിക്ഷേപ പ്രക്രിയ അനായാസമാക്കുന്നതിനും വ്യവസായ വാണിജ്യ വകുപ്പ് നടത്തുന്ന പ്രവര്‍ത്തനങ്ങള്‍ അറിയിക്കാമോ?

കാേവിഡും പ്രളയവും സൃഷ്ടിച്ച സാമ്പത്തിക പ്രതിസന്ധികള്‍ക്കിടയിലും കേന്ദ്ര സര്‍ക്കാരിന്റെ നിസ്സഹകരണ നിലപാട് മറികടന്നും രണ്ട് കാേവിഡ് ഉത്തേജക പാക്കേജുകളാലും തുടര്‍ സാമ്പത്തിക നടപടികളാലും സംസ്ഥാനത്തിന്റെ മാെത്ത ആഭ്യന്തര ഉല്പാദനത്തില്‍ വര്‍ദ്ധനവുണ്ടായിട്ടുണ്ടാേ;

2020 മാര്‍ച്ചിലും 2021 ജൂണിലും സംസ്ഥാന സര്‍ക്കാര്‍ പ്രഖ്യാപിച്ച ഉത്തേജക പാക്കേജിന്റെ വിശദാംശം അറിയിക്കാമാേ;

പ്രഖ്യാപിക്കപ്പെട്ട സാമ്പത്തിക പാക്കേജുകളുടെ ഭാഗമായി ജനങ്ങളുടെ വാങ്ങല്‍ശേഷി ഉയര്‍ന്നത് കൊണ്ട് കമ്പാേളം ചലനാത്മകമായതായി കരുതുന്നുണ്ടാേ;

കഴിഞ്ഞ സാമ്പത്തിക വര്‍ഷം സംസ്ഥാനത്തിന്റെ മാെത്ത ആഭ്യന്തര ഉല്പാദനത്തിന്റെ എത്ര ശതമാനം വളര്‍ച്ചയുണ്ടായതായാണ് കണക്കാക്കിയിട്ടുള്ളതെന്ന് അറിയിക്കാമാേ?

സംസ്ഥാനത്ത് വ്യവസായ മേഖലയുടെ ശാക്തീകരണം സാധ്യമാക്കാന്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

സംസ്ഥാനത്ത് മിനി ഇന്‍ഡസ്ട്രിയല്‍ എസ്‌റ്റേറ്റുകളുടെ നിലവിലെ പ്രവര്‍ത്തന നിലവാരം വിലയിരുത്തിയിട്ടുണ്ടോയെന്ന് വ്യക്തമാക്കാമോ;

അത്തരം സെന്ററുകളില്‍ ഉപയോഗമില്ലാതെ കിടക്കുന്ന സ്ഥലം, കെട്ടിടം എന്നിവ നിലവിലുള്ള കൈവശക്കാരെ ഒഴിവാക്കി പുനര്‍ലേലം നടത്താന്‍ നടപടി സ്വീകരിക്കുമോ;

അത്തരം സ്ഥാപനങ്ങളില്‍ കൂടുതല്‍ മെച്ചപ്പെട്ട സൗകര്യം ലഭ്യമാക്കി ചെറുകിട വ്യവസായ മേഖലയെ ശക്തിപ്പെടുത്താന്‍ നടപടി സ്വീകരിക്കാമോ?

സംസ്ഥാനം രൂക്ഷമായ സാമ്പത്തിക പ്രതിസന്ധി നേരിടുന്നുണ്ടോ എന്നറിയിക്കുമോ; എങ്കില്‍ ഇത് തരണം ചെയ്യുന്നതിന് കർശനമായ സാമ്പത്തിക അച്ചടക്കം പാലിക്കണമെന്ന് വിവിധ വകുപ്പുകൾക്കും പൊതുമേഖലാ സ്ഥാപനങ്ങൾക്കും നിർദേശം നൽകിയിട്ടുണ്ടോ; വ്യക്തമാക്കുമോ;

എങ്കില്‍ പ്രസ്തുത നിർദേശങ്ങൾ പാലിക്കപ്പെടുന്നില്ല എന്ന് കണ്ടെത്തിയിട്ടുണ്ടോയെന്ന് വെളിപ്പെടുത്താമോ;

നിർദേശം ലംഘിക്കുന്ന വകുപ്പുകൾക്കും സ്ഥാപനങ്ങൾക്കും എതിരെ എന്തെല്ലാം നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

കേരള തീരത്ത് സുലഭമായ തോറിയം നിക്ഷേപം പ്രയോജനപ്പെടുത്തി വൈദ്യുതി ഉല്പാദിപ്പിക്കുന്നതിനുള്ള പദ്ധതി വകുപ്പ് തയ്യാറാക്കിയിട്ടുണ്ടോ; വിശദമാക്കാമോ;

പ്രസ്തുത പദ്ധതി നടപ്പിലാകുന്നതോടെ സംസ്ഥാനത്തിന്റെ വൈദ്യുതി പ്രതിസന്ധിക്ക് പരിഹാരമാകുമെന്ന് വിലയിരുത്തിയിട്ടുണ്ടോ; വിശദമാക്കുമോ;

പരിസ്ഥിതിക്ക് ആഘാതമുണ്ടാക്കാത്ത തരത്തിൽ തോറിയം ഖനനം നടത്തുന്നത് സംബന്ധിച്ച് പഠനങ്ങള്‍ നടത്തിയിട്ടുണ്ടോ; പ്രസ്തുത പഠന റിപ്പോർട്ടിന്റെ അടിസ്ഥാനത്തിലാണോ ഖനനം നടത്തുന്നത്; വിശദമാക്കാമോ;

കേരളത്തിന്റെ വികസനത്തിന് പ്രസ്തുത പദ്ധതി എത്രത്തോളം പ്രയോജനകരമാണെന്ന് വിലയിരുത്തിയിട്ടുണ്ടോ; വിശദമാക്കാമോ?

രാജ്യത്ത് ആഭ്യന്തര കല്‍ക്കരി ക്ഷാമം മറികടക്കുന്നതിനായി ഇറക്കുമതി കല്‍ക്കരി ഉപയോഗിക്കണമെന്ന താപ വൈദ്യുത നിലയങ്ങള്‍ക്കുള്ള കേന്ദ്ര നിബന്ധന സംസ്ഥാനത്തെ വൈദ്യുതി മേഖലയെ ഏതൊക്കെ രീതിയില്‍ ബാധിക്കുമെന്ന് വിലയിരുത്തിയിട്ടുണ്ടോ; വിശദമാക്കുമോ;

കേന്ദ്ര സര്‍ക്കാരിന്റെ ഇത്തരം നിബന്ധനകള്‍ സംസ്ഥാനത്തെ വൈദ്യുതി മേഖലയില്‍ ഏല്‍പ്പിക്കുന്ന ആഘാതം ലഘൂകരിക്കുന്നതിനായി ഉല്പാദനം കൂട്ടുന്നതിനും വൈദ്യുതി പ്രസരണ നഷ്ടം കുറയ്ക്കുന്നതിനുമായി സ്വീകരിച്ചുവരുന്ന പ്രവര്‍ത്തനങ്ങള്‍ വിലയിരുത്തിയിട്ടുണ്ടോ; വിശദമാക്കുമോ;

സംസ്ഥാനത്ത് പകലും രാത്രിയും വൈദ്യുതി ഉപയോഗത്തിന് വ്യത്യസ്ത നിരക്ക് ഏര്‍പ്പെടുത്തുന്നത് സംബന്ധിച്ച നിര്‍ദ്ദേശങ്ങള്‍ പരിഗണനയിലുണ്ടോ; വിശദമാക്കുമോ?

2019-ല്‍ ജപ്പാന്‍, കൊറിയ എന്നീ രാജ്യങ്ങളിലെ സന്ദര്‍ശനത്തെ തുടർന്ന് പ്രഖ്യാപിച്ച മുന്നൂറ് കോടി രൂപയുടെ വ്യവസായം കൊണ്ടുവരാൻ സംസ്ഥാന സർക്കാരിന് സാധിച്ചിട്ടുണ്ടോ എന്ന് വ്യക്തമാക്കുമോ;

ഇലക്ട്രിക് വാഹനങ്ങള്‍ പ്രോത്സാഹിപ്പിക്കാന്‍ തോഷിബ കമ്പനിയുമായി ചേര്‍ന്ന് ലിഥിയം-ടൈറ്റാനിയം ഓക്സൈഡ് ബാറ്ററി നിര്‍മ്മിക്കാനുള്ള സാങ്കേതികവിദ്യ കൈമാറാന്‍ കരാര്‍ ഒപ്പിട്ടിരുന്നോ എന്ന് വ്യക്തമാക്കുമോ; എങ്കില്‍ ഈ കരാറിന്റെ പുരോഗതി വിശദമാക്കുമോ;

ടൊയോട്ട കമ്പനിയുമായി ചേര്‍ന്ന് ഹൈഡ്രജന്‍ ഫ്യുവല്‍ സെല്‍ ഫാക്ടറി തുടങ്ങാനുള്ള തീരുമാനം നടപ്പിലാക്കാൻ സാധിച്ചിട്ടുണ്ടോ; ഇല്ലെങ്കിൽ കാരണം വിശദമാക്കുമോ?

നടപ്പ് സാമ്പത്തികവര്‍ഷം ആദ്യ രണ്ടു പാദങ്ങളില്‍ തനത് നികുതി വരുമാനത്തില്‍ മികച്ച വളര്‍ച്ച കൈവരിക്കാനായിട്ടുണ്ടോ; വിശദാംശം ലഭ്യമാക്കാമോ;

സംസ്ഥാനത്തിന്റെ മുഖ്യ വരുമാന സ്രോതസ് മദ്യവും ലോട്ടറിയുമാണെന്ന് ചില കേന്ദ്രങ്ങള്‍ ആവര്‍ത്തിച്ച് പ്രസ്താവിക്കുന്നത് ശ്രദ്ധയില്‍പ്പെട്ടിട്ടുണ്ടോ; കഴിഞ്ഞ സാമ്പത്തിക വര്‍ഷം ലോട്ടറിയില്‍ നിന്നുള്ള അറ്റലാഭം എത്രയായിരുന്നു; ലോട്ടറി വിതരണക്കാരായും വില്പനക്കാരായും എത്ര പേര്‍ തൊഴിലെടുക്കുന്നുണ്ടെന്നുള്ള വിവരം ലഭ്യമാണോ; എങ്കില്‍ അറിയിക്കുമോ;

അര്‍ഹമായ നികുതി വിഹിതത്തിലും കേന്ദ്ര പദ്ധതി വിഹിതത്തിലും വെട്ടിക്കുറവ് വരുത്തുകയും ക്ഷേമപ്രവര്‍ത്തനങ്ങള്‍ നടത്തുന്നതിന് കേന്ദ്ര സര്‍ക്കാരിന്റെ മുന്‍കൂര്‍ അനുമതി വേണമെന്ന് പ്രസ്താവിക്കുകയും ചെയ്ത നടപടി തിരുത്തണമെന്ന് കേന്ദ്ര സര്‍ക്കാരിനോട് ആവശ്യപ്പെട്ടിട്ടുണ്ടോ; വ്യക്തമാക്കുമോ?

കേന്ദ്ര വൈദ്യുതി നിയമ ഭേദഗതി ബില്‍ സംസ്ഥാനത്തെ വൈദ്യുതി മേഖലയില്‍ എന്തൊക്കെ പ്രത്യാഘാതങ്ങളാണ് സൃഷ്ടിക്കുക എന്ന് വിശദമാക്കുമോ;

പ്രസ്തുത ബില്‍ പ്രാബല്യത്തിൽ വരുന്നതോടെ നിലവിൽ പ്രവര്‍ത്തിച്ചുവരുന്ന വൈദ്യുത ലൈസന്‍സികള്‍, പ്രത്യേകിച്ച് പൊതുമേഖലാ സ്ഥാപനങ്ങള്‍ സാമൂഹ്യ പ്രതിബദ്ധതയോടെ നടത്തുന്ന സേവനങ്ങള്‍ തുടരാന്‍ കഴിയാത്ത അവസ്ഥയുണ്ടാകുമോ; വ്യക്തമാക്കുമോ;

കേന്ദ്രത്തിനും സംസ്ഥാനങ്ങള്‍ക്കും ഒരുപോലെ നിയമം നിര്‍മ്മിക്കാന്‍ തുല്യ അധികാരമുള്ള കണ്‍കറന്റ് ലിസ്റ്റില്‍പ്പെടുന്ന വൈദ്യുതി എന്ന ഇനം ഭരണഘടനാ മൂല്യത്തെ അപ്രസക്തമാക്കുംവിധം കേന്ദ്ര സര്‍ക്കാരിലേക്ക് മാത്രമായി കേന്ദ്രീകരിക്കപ്പെടുകയാണെന്ന് വിലയിരുത്തിയിട്ടുണ്ടോ?

നൂറ് കിലോവാട്ടിൽ കൂടുതൽ ഉപയോഗിക്കുന്നവർക്ക് പൊതു വിപണിയിൽ നിന്നും വൈദ്യുതി വാങ്ങാമെന്ന കേന്ദ്ര നിർദേശം സംസ്ഥാനത്തെ എപ്രകാരം ബാധിക്കുമെന്ന് വിലയിരുത്തിയിട്ടുണ്ടോ;

പ്രസ്തുത നിർദേശം നടപ്പിലാകുന്നതോടെ ഗാർഹിക, കാർഷിക ഉപഭോക്താക്കൾ കൂടിയ വില നൽകേണ്ടി വരുമോ എന്ന് അറിയിക്കുമോ;

സംസ്ഥാനത്തിന് ദോഷകരമായ പ്രസ്തുത നിർദേശത്തിന്മേല്‍ എന്ത് നടപടിയാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കുമോ?

സര്‍ക്കാരിന്റെ സംരംഭക വര്‍ഷം പദ്ധതിയില്‍ വിവിധ മേഖലകളില്‍ നിന്നായി ആകെ നിക്ഷേപം എത്രയെന്ന് കണക്കാക്കിയിട്ടുണ്ടോ; വിശദമാക്കുമോ;

സംസ്ഥാനത്ത് വിപുലമായി നിക്ഷേപ സമാഹരണം സാധ്യമാക്കുന്നതിന് സഹായകമായ സാഹചര്യം സൃഷ്ടിക്കുന്നതിന് സര്‍ക്കാര്‍ നടത്തിയ പ്രവർത്തനങ്ങൾ വിശദമാക്കുമോ;

ഇത്തരത്തില്‍ ലക്ഷ്യമിട്ടതിനേക്കാള്‍ മികച്ച തോതില്‍ സംരംഭക വര്‍ഷം പദ്ധതി മുന്നേറുന്നതിനായി നടത്തിയ പ്രവർത്തനങ്ങൾ വിശദമാക്കുമോ?

2022 സെപ്റ്റംബർ, ഒക്ടോബർ മാസങ്ങളിലെ സാമൂഹ്യ സുരക്ഷാ പെൻഷൻ വിതരണം മുടങ്ങിയതായി ശ്രദ്ധയിൽ പെട്ടിട്ടുണ്ടോ;

എങ്കില്‍ സാമൂഹ്യ സുരക്ഷാ പെന്‍ഷന്‍ വിതരണത്തിനായുള്ള പ്രത്യേക കമ്പനിക്കുള്ള സാമ്പത്തിക സഹായം പിൻവലിച്ച സർക്കാർ നടപടി ഈ പ്രതിസന്ധിക്ക് കാരണമായിട്ടുണ്ടോ എന്ന് വ്യക്തമാക്കുമോ;

പ്രസ്തുത കമ്പനിക്കുള്ള സാമ്പത്തിക സഹായം പിൻവലിച്ച സർക്കാർ നടപടി മൂലം കമ്പനിക്ക് ലഭിച്ചുകൊണ്ടിരുന്ന വായ്പകൾ മുടങ്ങിയിട്ടുള്ളതായി ശ്രദ്ധയിൽ പെട്ടിട്ടുണ്ടോ;

സാമൂഹ്യ സുരക്ഷാ പെൻഷൻ മുടങ്ങിയ സാഹചര്യത്തിൽ, കമ്പനിക്കുള്ള സർക്കാർ സാമ്പത്തിക സഹായം പിൻവലിച്ച നടപടി റദ്ദാക്കാൻ നടപടി സ്വീകരിക്കുമോ എന്ന് വ്യക്തമാക്കാമോ?

കൊവിഡ് കാലഘട്ടത്തിലും അതിനെത്തുടര്‍ന്നും അതിനുമുമ്പും കേന്ദ്ര സര്‍ക്കാര്‍ നടപ്പിലാക്കിയ നയങ്ങൾ കാരണം മാന്ദ്യത്തിലായ സംസ്ഥാന സമ്പദ്ഘടനയെ, സര്‍ക്കാര്‍ സ്വീകരിച്ച ഹ്രസ്വകാല, ദീര്‍ഘകാല നടപടികളിലൂടെ ദൃഢീകരിക്കാനായിട്ടുണ്ടോ; റിസര്‍വ്വ് ബാങ്ക് പ്രസിദ്ധീകരിച്ച കണക്കുപ്രകാരം 2021-22 വര്‍ഷം ജി.എസ്.ഡി.പി.-യില്‍ കെെവരിച്ച വളര്‍ച്ചയെത്രയെന്ന് ദേശീയ ജി.ഡി.പി. വളര്‍ച്ചയുമായി താരതമ്യപ്പെടുത്തി അറിയിക്കാമോ;

രണ്ട് തവണയായി പ്രഖ്യാപിച്ച ഉത്തേജക പാക്കേജുകളുടെ ഭാഗമായി ചെയ്ത കാര്യങ്ങള്‍ എന്തൊക്കെയാണെന്ന് അറിയിക്കാമോ;

പൊതു ഏജന്‍സികള്‍ നടത്തുന്ന ബഡ്ജറ്റ് ബാഹ്യ വിഭവ സമാഹരണം കേന്ദ്ര സര്‍ക്കാരിന്റെ പൊതുകടത്തില്‍ ഉള്‍പ്പെടുത്താതിരിക്കുമ്പോള്‍ അത്തരത്തിലുള്ള വിഭവ സമാഹരണത്തിന്റെ പേരില്‍ വിവേചനപരമായി സംസ്ഥാനത്തിന് അനുവദനീയമായ വായ്പ തുകയില്‍ കുറവുവരുത്തിയിരുന്നോ; ഇത്തരത്തിലുള്ള വിവേചനപൂര്‍വ്വമായ നടപടികള്‍ ഇപ്പോള്‍ സാമ്പത്തിക പ്രതിസന്ധി സൃഷ്ടിക്കുന്നുണ്ടോ; വ്യക്തമാക്കാമോ?

സഹകരണ മേഖലയുമായി ബന്ധപ്പെട്ട കുറ്റകൃത്യങ്ങളിൽ പോലീസിന് ക്രിമിനല്‍ നടപടി എടുക്കാൻ കഴിയുന്ന വിധം നിയമഭേദഗതി കൊണ്ടുവരാൻ തീരുമാനിച്ചിട്ടുണ്ടോ; വിശദമാക്കുമോ;

സഹകരണമേഖലയിലെ സുതാര്യതയും കാര്യക്ഷമതയും ഉറപ്പുവരുത്തുന്നതിനായി ടീം ഓഡിറ്റ് ഉൾപ്പെടെയുളള പരിഷ്കാരങ്ങൾ ഏർപ്പെടുത്തിയിട്ടുണ്ടോ; വിശദമാക്കുമോ;

ഇതിനായി എല്ലാ സഹകരണ ബാങ്കുകളെയും ഉള്‍പ്പെടുത്തി സോഫ്റ്റ്‌വെയർ ഏകീകൃത ഐ.ടി. ഇന്റഗ്രേഷന്‍ പ്രോജക്ട് നടപ്പിലാക്കുന്നതിന്റെ പ്രവർത്തന പുരോഗതി വിലയിരുത്തിയിട്ടുണ്ടോ; വ്യക്തമാക്കുമോ;

സഹകരണ സ്ഥാപനങ്ങളുടെ വിശ്വാസ്യത ഉറപ്പുവരുത്താനും സഹകരണ നിക്ഷേപങ്ങളുടെ സുരക്ഷ വർദ്ധിപ്പിക്കുന്നതിനുമായി നിക്ഷേപക ഗ്യാരണ്ടി സ്കീമിൽ എന്തെല്ലാം മാറ്റങ്ങളാണ് ഈ സർക്കാർ വരുത്തിയിട്ടുള്ളതെന്ന് വിശദമാക്കുമോ?

സംസ്ഥാനം ഗുരുതരമായ സാമ്പത്തിക പ്രതിസന്ധി അഭിമുഖീകരിക്കുന്നുണ്ടോ; എങ്കിൽ കാരണം വിശദമാക്കാമോ;

സംസ്ഥാനത്ത് ട്രഷറി നിയന്ത്രണം ഏർപ്പെടുത്തിയിട്ടുണ്ടോ; എങ്കിൽ കാരണം വിശദമാക്കാമോ;

സാമൂഹ്യ സുരക്ഷ പെന്‍ഷന്‍ അടക്കമുള്ള അടിയന്തര കാര്യങ്ങൾക്ക് പണം നൽകാതെ അപ്രധാനമായ ആവശ്യങ്ങൾക്ക് പണം ചെലവാക്കുന്നത് സാമ്പത്തിക പ്രതിസന്ധിക്ക് ആക്കം കൂട്ടിയിട്ടുണ്ട് എന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ;

സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെടുത്തുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ?