സംസ്ഥാനത്ത് സ്വാഭാവിക വനങ്ങളുടെ പുന:സ്ഥാപനം ലക്ഷ്യമാക്കി സ്വകാര്യ എസ്റ്റേറ്റുകൾ ഏറ്റെടുക്കുന്നത് സംബന്ധിച്ച് റവന്യൂ ,നിയമം എന്നീ വകുപ്പുകളിൽ നിന്ന് ഉപദേശം തേടിയിട്ടുണ്ടോ;

എങ്കില്‍ ഏതൊക്കെ കാര്യങ്ങൾ സംബന്ധിച്ചാണ് ഉപദേശം തേടിയിട്ടുള്ളത്; റിപ്പോർട്ട് ലഭിച്ചിട്ടുണ്ടോ; എങ്കിൽ പകർപ്പ് ലഭ്യമാക്കുമോ?

റാന്നി നിയോജക മണ്ഡലത്തിലെ വിവിധ പഞ്ചായത്തുകളിൽ റവന്യൂ ,വനം വകുപ്പുകളുടെ സർവ്വേ നടപടികൾ പൂർത്തിയാകാത്ത കാരണം ഭൂമി സ്വന്തമായിട്ടുണ്ടായിട്ടും പട്ടയം ലഭിക്കാത്തതിനാൽ കൃഷിക്കാർക്ക് ഉണ്ടായിട്ടുള്ള ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ;

വനാതിർത്തി നിർണയ സർവ്വേയുടെ ഫിസിക്കൽ പ്രോഗ്രസ് എത്ര ശതമാനമായിട്ടുണ്ട്; എന്നത്തേയ്ക്ക് സർവ്വേ പൂർത്തിയാക്കാനാകുമെന്ന് വ്യക്തമാക്കുമോ;

സംയുക്ത സർവ്വേ പൂർത്തിയാക്കാ൯ തടസങ്ങളുണ്ടോ; എങ്കിൽ പരിഹാരമാർഗ്ഗങ്ങൾ സ്വീകരിച്ചിനിർണയ സർവ്വേയുടെ ഫിസിക്കൽ പ്രോഗ്രസ് എത്ര ശതമാനമായിട്ടുട്ടുണ്ടോയെന്ന് വിശദമാക്കുമോ?

കോന്നി നിയോജക മണ്ഡലത്തിലെ ഗ്രുഡിക്കല്‍ റേഞ്ചില്‍ ഈറ്റവെട്ട് പുനഃസ്ഥാപിക്കുന്നതു സംബന്ധിച്ച നടപടികളുടെ പുരോഗതി വിശദമാക്കാമോ?

കൃഷിക്കുള്ള പട്ടയത്തിന്റെ മറവിൽ വനംവകുപ്പ് ഉദ്യോഗസ്ഥരുടെ ഒത്താശയോടെ സംസ്ഥാനത്തിന്റെ വിവിധ ഭാഗങ്ങളിൽ വൻ മരംകൊള്ള നടത്തുന്നു എന്ന ആരോപണം ശ്രദ്ധയിൽപ്പെട്ടിട്ടുണ്ടോ; എങ്കിൽ ഇതിന്റെ വിശദാംശം നൽകുമോ;

തൃശ്ശൂർ മച്ചാട് ഫോറസ്റ്റ് റേഞ്ചിൽ എളനാട് ഫോറസ്റ്റ് സ്റ്റേഷനിലെ ഫോറസ്റ്റ് ഉദ്യോഗസ്ഥയെ സസ്പെൻഡ് ചെയ്യാനുണ്ടായ കാരണം വിശദീകരിക്കുമോ; പ്രസ്തുത വ്യക്തി മരംകൊള്ള സംബന്ധിച്ച് വനംവകുപ്പ് മേധാവിക്ക് പരാതി നൽകിയിട്ടുണ്ടോ; എങ്കിൽ ഈ പരാതിയിന്മേൽ വനംവകുപ്പ് അന്വേഷണം നടത്തിയിട്ടുണ്ടോ; വിശദാംശം നൽകുമോ?

മുൻ സർക്കാരിന്റെ കാലം മുതൽ നാളിതുവരെ സംസ്ഥാനത്തിന്റെ വനമേഖലയിൽ നിന്നും എത്ര കോടി രൂപയുടെ ചന്ദനത്തടികൾ മുറിച്ചു കടത്തിയതായാണ് കണ്ടെത്തിയിട്ടുള്ളതെന്ന് വ്യക്തമാക്കുമോ;

ഇതു സംബന്ധിച്ച് എത്ര കേസുകൾ രജിസ്റ്റർ ചെയ്തിട്ടുണ്ട്; എത്ര കേസുകളിൽ കുറ്റക്കാരെ ശിക്ഷിച്ചിട്ടുണ്ട്; എത്ര തുകയുടെ ചന്ദനത്തടി പിടിച്ചെടുക്കുവാൻ സാധിച്ചിട്ടുണ്ട്; വെളിപ്പെടുത്തുമോ;

ചന്ദനക്കടത്തുമായി ബന്ധപ്പെട്ട് എത്ര വനം വകുപ്പ് ഉദ്യോഗസ്ഥർക്കെതിരെ പ്രസ്തുത കാലയളവിൽ നടപടി സ്വീകരിച്ചിട്ടുണ്ട്; ഏതൊക്കെ പദവിയിലുള്ള ഉദ്യോഗസ്ഥർക്കെതിരെയാണ് നടപടി സ്വീകരിച്ചിട്ടുള്ളത്; വ്യക്തമാക്കുമോ;

ചന്ദനകൊള്ളയുമായി ബന്ധപ്പെട്ട് നടപടികൾ നേരിട്ട അല്ലെങ്കിൽ നേരിടുന്ന എത്ര ഉദ്യോഗസ്ഥർ നിലവിൽ വനം വകുപ്പിൽ ഉണ്ടെന്ന് വ്യക്തമാക്കുമോ?

പൂഞ്ഞാര്‍ നിയോജക മണ്ഡലത്തിലെ വന്യമൃഗശല്യം രൂക്ഷമായ പ്രദേശങ്ങളിൽ സ്ഥാപിച്ചിരിക്കുന്ന വൈദ്യുതവേലികള്‍ പ്രവർത്തനരഹിതമാകുന്നത് തടയാൻ സ്വീകരിച്ചുവരുന്ന നടപടികൾ വിശദമാക്കുമോ;

മൂന്നുമാസത്തിലൊരിക്കലെങ്കിലും കാട് വെട്ടിത്തെളിച്ച് വൈദ്യുതവേലികള്‍ സംരക്ഷിക്കുന്നതിനാവശ്യമായ നടപടികൾ സ്വീകരിക്കുമോയെന്ന് വ്യക്തമാക്കുമോ;

പ്രസ്തുത പ്രവൃത്തി തൊഴിലുറപ്പ് പദ്ധതിയിൽ ഉൾപ്പെടുത്തി ചെയ്യുന്നതിനാവശ്യമായ നടപടി സ്വീകരിക്കുമോയെന്ന് വ്യക്തമാക്കുമോ?

പരിസ്ഥിതി സന്തുലനം നിലനിർത്തുന്നതിനായി കാവുകൾ സംരക്ഷി​ക്കേണ്ടതിന്റെ ആവശ്യകത പരിശോധിച്ചിട്ടുണ്ടോയെന്ന് വ്യക്തമാക്കുമോ;

എങ്കിൽ ഇതിനായി പദ്ധതികൾ ആവിഷ്കരിച്ചിട്ടുണ്ടോ; ഇല്ലെങ്കിൽ അതിനുള്ള നടപടി സ്വീകരിക്കുമോ;

കാവുകളുടെ സംരക്ഷണത്തിനും പരിപാലനത്തിനുമായി സാമ്പത്തിക സഹായം നൽകാൻ ഉദ്ദേശിക്കുന്നുണ്ടോ; എങ്കിൽ വിശദാംശം നൽകുമോ?

സംരക്ഷിത വനമേഖലയുടെയും ദേശീയ ഉദ്യാനങ്ങളുടെയും ചുറ്റുമുള്ള ജനവാസ മേഖല ഉൾപ്പെട്ട ഒരു കിലോമീറ്റർ പ്രദേശം ബഫർ സോണായി ഉൾപ്പെടുത്താമെന്ന് 23.10.2019ൽ ചേർന്ന മന്ത്രിസഭായോഗം എടുത്ത തീരുമാനം തുട൪ന്നുള്ള ഏതെങ്കിലും മന്ത്രിസഭായോഗത്തിൽ തിരുത്തിയിട്ടുണ്ടോ എന്ന് വ്യക്തമാക്കുമോ;

ഉണ്ടെങ്കിൽ ഏതു മന്ത്രിസഭാ യോഗത്തിലാണ് അപ്രകാരം ഒരു തീരുമാനമെടുത്തത്; തീരുമാനത്തിന്റെ പകർപ്പ് ലഭ്യമാക്കുമോ;

പുതിയ തീരുമാനത്തിന്റെ അടിസ്ഥാനത്തിൽ സർക്കാർ ഉത്തരവ് പുറപ്പെടുവിച്ചിട്ടുണ്ടോ; ഉണ്ടെങ്കിൽ ആയതിന്റെ പകർപ്പ് ലഭ്യമാക്കുമോ ?

കേന്ദ്ര സര്‍ക്കാര്‍ വിജ്ഞാപനം ചെയ്തിട്ടുള്ള 2022-ലെ വന (സംരക്ഷണ) ചട്ടങ്ങള്‍ നടപ്പില്‍ വരുന്നതോടുകൂടി സംസ്ഥാനത്ത് വനാവകാശ നിയമപ്രകാരം വനാശ്രിത സമൂഹങ്ങള്‍ക്ക് ലഭിച്ചു വന്നിരുന്ന അവകാശങ്ങള്‍ നഷ്ടപ്പെടുവാന്‍ സാധ്യതയുണ്ടെന്ന വിഷയം പരിശോധിച്ചിട്ടുണ്ടോ; വിശദമാക്കുമോ;

വനഭൂമി വനേതര ആവശ്യങ്ങള്‍ക്കായി ഉപയോഗിക്കുമ്പോള്‍ വനാശ്രിത സമൂഹങ്ങള്‍ ഉള്‍ക്കൊള്ളുന്ന ഗ്രാമസഭകളുടെ പിന്തുണ തേടണമെന്നുള്ള വ്യവസ്ഥ ദുര്‍ബലപ്പെടുത്തുന്നതിനായി കാെണ്ടു വന്നിട്ടുള്ള ഈ ചട്ടങ്ങള്‍ ബഹുരാഷ്ട്ര കുത്തകകള്‍ക്ക് വനഭൂമി യഥേഷ്ടം ഉപയോഗിക്കുന്നതിനുളള സാഹചര്യം സംജാതമാക്കുമെന്ന വിഷയം പരിശോധിച്ചിട്ടുണ്ടോ; വിശദമാക്കുമോ;

വന സംരക്ഷണ ചട്ടങ്ങള്‍ എന്ന പേരില്‍ കേന്ദ്ര സര്‍ക്കാര്‍ വിജ്ഞാപനം ചെയ്തിട്ടുള്ള ഈ ചട്ടങ്ങള്‍ യഥാര്‍ത്ഥത്തില്‍ വനനശീകരണത്തിന് വഴി തെളിക്കും എന്നതിനാല്‍ ഈ വിഷയം സംബന്ധിച്ച് സംസ്ഥാന സര്‍ക്കാര്‍ നടത്തുന്ന ഇടപെടലുകള്‍ എന്തെല്ലാമെന്ന്‌ വിശദമാക്കുമോ?

കാവുകളുടെ സംരക്ഷണത്തിനും പരിപാലനത്തിനും പുനരുദ്ധാരണ പ്രവര്‍ത്തനങ്ങള്‍ക്കുമായി വനം വകുപ്പ് എന്താെക്കെ നടപടികളാണ് സ്വീകരിക്കുന്നത്; വിശദാംശം ലഭ്യമാക്കാമാേ?

വനേതര മേഖലയിലെ മരങ്ങള്‍ മുറിക്കുന്നതിന് നിലവിൽ വനം വകുപ്പിന്റെ അനുമതി ആവശ്യമുണ്ടോ; എങ്കില്‍ ഏതൊക്കെ ഇനം മരങ്ങൾക്കാണ് അത്തരം അനുമതി ആവശ്യമുള്ളതെന്ന് അറിയിക്കാമോ;

അത്തരം അനുമതിക്കായി ഓണ്‍ ലൈന്‍ പാസ് സംവിധാനം ഏര്‍പ്പെടുത്തിയിട്ടുണ്ടോ;എങ്കിൽ ആയതിന് അപേക്ഷിക്കുന്നതിനുള്ള മാനദണ്ഡങ്ങള്‍, നടപടിക്രമങ്ങള്‍, ആവശ്യമായ രേഖകള്‍ എന്നിവ എന്തെന്ന് വിശദമാക്കാമോ;

അനുമതിയില്ലാതെ മുറിച്ചുകടത്തുന്ന തടികള്‍ പിടിച്ചെടുക്കുന്നതിനും പിഴയീടാക്കുന്നതിനും എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ?

ഗ്രീൻ ഇന്ത്യ മിഷൻ പദ്ധതി നടപ്പിലാക്കിയിട്ടുള്ള നിയോജക മണ്ഡലങ്ങൾ ഏതൊക്കെയാണെന്നും ഏത് തരം പ്രവർത്തനങ്ങളാണ് അവിടെ നടപ്പാക്കുന്നതെന്നും വ്യക്തമാക്കാമോ;

പ്രസ്തുത പദ്ധതി കേന്ദ്ര സർക്കാർ ധനസഹായത്തോടെയാണോ നടപ്പാക്കുന്നത്; എങ്കിൽ കേന്ദ്ര/സംസ്ഥാന വിഹിതം, നാളിതുവരെ ഈ പദ്ധതിയ്ക്ക് കേന്ദ്രസഹായമായി ലഭിച്ച തുക, ചെലവഴിച്ച തുക, ഇനം എന്നിവ വ്യക്തമാക്കുമോ?

പരിസ്ഥിതി - വനം സംരക്ഷണത്തിന്റെ ഭാഗമായി ഗ്രീന്‍ ഇന്ത്യ മിഷന്‍ പാലക്കാട് ജില്ലയില്‍ ഏതെങ്കിലും തരത്തിലുള്ള പ്രവര്‍ത്തനങ്ങള്‍ നടത്തുന്നുണ്ടോ;

ഗ്രീന്‍ ഇന്ത്യമിഷന്റെ പ്രവർത്തനങ്ങൾക്ക് പദ്ധതി പ്രദേശത്തെ തെരഞ്ഞെടുക്കുന്നത് സംബന്ധിച്ച മാനദണ്ഡം എന്തെന്ന് വ്യക്തമാക്കുമോ; ആയത് സംബന്ധിച്ചു് പുതിയ നിര്‍ദ്ദേശങ്ങള്‍ സമര്‍പ്പിക്കാനാകുമോ; വിശദാംശങ്ങള്‍ ലഭ്യമാക്കാമോ?

വനമേഖലയിലെ ഔഷധസസ്യ കൃഷി വികസിപ്പിക്കുന്നതിനും അവയുടെ പരിപാലനത്തിനും പ്രത്യേക പദ്ധതികള്‍ ആവിഷ്കരിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ;

വനവിഭവങ്ങള്‍ കേടുകൂടാതെ സൂക്ഷിക്കുന്നതിന് നിലവിൽ എന്തെല്ലാം സംവിധാനങ്ങൾ ഉണ്ടെന്ന് അറിയിക്കാമോ; ആയത് വിപുലപ്പെടുത്താന്‍ ഉദ്ദേശിക്കുന്നുണ്ടോയെന്നും വനവിഭവങ്ങള്‍ മിതമായ വിലയ്‌ക്ക് വില്‍പ്പന നടത്തുവാന്‍ സൗകര്യം ഏർപ്പെടുത്തുമോയെന്നും വ്യക്തമാക്കുമോ;

വനമേഖലകളിലെ വിനോദസഞ്ചാര സാധ്യതകള്‍ വര്‍ദ്ധിപ്പിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമെന്ന് വിശദമാക്കാമോ;

സ്വകാര്യ ക്ഷേത്രങ്ങളോട് ചേർന്ന് നിലകൊള്ളുന്ന കാവുകള്‍ സംരക്ഷിക്കുന്നതിനും നിലനിര്‍ത്തുന്നതിനും വനംവകുപ്പ് നടപ്പിലാക്കി വരുന്ന പദ്ധതിയുടെ മാനദണ്ഡങ്ങൾ എന്തെന്ന് വിശദമാക്കുമോ?

സ്വാഭാവിക വനങ്ങളുടെ പുന:സ്ഥാപന നയരേഖ 2021 പ്രകാരം പാരിസ്ഥിതിക പ്രാധാന്യമുള്ള സ്വകാര്യ കണ്ടൽക്കാടുകൾ ഉടമസ്ഥരുടെ സമ്മതത്തോടെ ഏറ്റെടുക്കുന്നതിനായി നാളിതുവരെ എത്ര തുക നീക്കിവെച്ചിട്ടുണ്ട്; ഇതിൽ എത്ര തുക നാളിതുവരെ ചെലവഴിച്ചിട്ടുണ്ട്; ഏതൊക്കെ ഇനത്തിലാണ് ചെലവഴിച്ചത്; വ്യക്തമാക്കുമോ;

പ്രസ്തുത പദ്ധതി പ്രകാരം കണ്ടൽക്കാടുകൾ വിട്ടു നൽകുന്നതിനായി എത്ര പേർ സമ്മതം അറിയിച്ചിട്ടുണ്ട് എന്ന് ജില്ല തിരിച്ചു അറിയിക്കുമോ; ഇതിൽ എത്ര പേരുടെ അപേക്ഷകൾ അംഗീകരിച്ചിട്ടുണ്ട്; എത്ര അപേക്ഷകൾ നിരസിച്ചിട്ടുണ്ട്; അറിയിക്കാമോ;

സ്വകാര്യ ഭൂമിയിലെ കണ്ടൽക്കാടുകൾ ഏറ്റെടുക്കുന്നതിനുള്ള നടപടികൾ നിർത്തിവച്ചിരിക്കുന്നതിന്റെ കാരണം വ്യക്തമാക്കുമോ;

പരിസ്ഥിതി പ്രാധാന്യം മനസ്സിലാക്കി കനിലവാരമിണ്ടലുകൾ സംരക്ഷിക്കുന്നതിനായി ഭൂമി വിട്ടു നൽകുവാൻ തയ്യാറായവരെ വിശ്വാസത്തിൽ എടുക്കാതെ റിയൽ എസ്റ്റേറ്റ് താല്പര്യങ്ങൾ പരിഗണിച്ച് പ്രസ്തുത പദ്ധതി അട്ടിമറിക്കാൻ ശ്രമം നടക്കുന്നതായ ആക്ഷേപം ഗൗരവമായി കാണുന്നുണ്ടോ; എങ്കിൽ പ്രസ്തുത പദ്ധതി അടിയന്തരമായി നടപ്പാക്കാൻ നടപടി സ്വീകരിക്കുമോ; വിശദാംശം നൽകുമോ?

സംസ്ഥാനത്ത് 1977 ജനുവരി 1 വരെയുള്ള വനഭൂമി കൈയ്യേറ്റങ്ങള്‍ ക്രമപ്പെടുത്തുന്നതിനായി വന (സംരക്ഷണ) നിയമ പ്രകാരം 1993 -ല്‍ കേന്ദ്ര സര്‍ക്കാര്‍ അംഗീകാരം നല്‍കിയതിന്റെ അടിസ്ഥാനത്തില്‍ വനഭൂമി കൈവശം വച്ചിരിക്കുന്ന കര്‍ഷകര്‍ക്ക് പട്ടയം നല്‍കുന്നതിനായി സര്‍ക്കാര്‍ നടത്തിയിട്ടുള്ള പ്രവര്‍ത്തനങ്ങള്‍ സംബന്ധിച്ച വിശദാംശം നല്‍കാമോ;

സംസ്ഥാനത്ത് 1977 ജനുവരി 1-ന് മുമ്പ് വനഭൂമി കൈവശം വച്ചിരിക്കുന്ന കര്‍ഷകര്‍ക്ക് പട്ടയം നല്‍കുന്നതിനുള്ള നടപടിക്രമങ്ങള്‍ പൂര്‍ത്തിയായിട്ടുണ്ടോ; ഇതിന് കേന്ദ്ര സര്‍ക്കാരിന്റെ അനുമതി ലഭിച്ചിട്ടുണ്ടോ; വിശദമാക്കാമോ;

ഇത്തരത്തില്‍ പട്ടയം നല്‍കുന്ന പ്രദേശങ്ങളുടെ മൊത്തം വിസ്തൃതി സംബന്ധിച്ച വിശദാശം നല്‍കുമോ; കേന്ദ്രാനുമതി ലഭ്യമായിക്കഴിഞ്ഞാല്‍ ഇതുസംബന്ധിച്ച് സ്വീകരിക്കുന്ന തുടര്‍ നടപടികള്‍ വിശദമാക്കാമോ?

കോടതിയില്‍ വനം വകുപ്പുമായി ബന്ധപ്പെട്ട് കുടിയേറ്റ കര്‍ഷകര്‍ അല്ലെങ്കില്‍ കയ്യേറ്റ ഭൂമിയുമായി ബന്ധപ്പെട്ട കേസുകള്‍ നടത്തി വന്നിരുന്ന കക്ഷികള്‍(വ്യക്തി/ സ്ഥാപനം) അവരുടെ സ്ഥലത്തിന് പകരമായി പാലക്കാട് ജില്ലയില്‍ മറ്റേതെങ്കിലും സ്ഥലം വനം വകുപ്പിന് വാങ്ങി നല്‍കിയിട്ടുണ്ടോ;

അത്തരത്തില്‍ സ്ഥലം വാങ്ങി നല്‍കിയാല്‍ കക്ഷികള്‍ക്ക് അവരുടെ കൈവശമുള്ള സ്ഥലം വിട്ടുകൊടുക്കുവാന്‍ നിയമം ഉണ്ടോ;

പകരം സ്ഥലം വാങ്ങി ഇത്തരത്തില്‍ വിട്ടുനല്‍കിയ പാലക്കാട് ജില്ലയിലെ സ്ഥലങ്ങളുടെ വിശദാംശങ്ങള്‍ ലഭ്യമാക്കാമോ?

സംസ്ഥാനത്തിന്റെ വനാതിര്‍ത്തി പൂര്‍ണമായും ജണ്ടകെട്ടി അതിര്‍ത്തി നിര്‍ണ്ണിയിക്കുന്ന പ്രവൃത്തിയുടെ നിലവിലെ പുരോഗതി അറിയിക്കാമോ;

വനാതിര്‍ത്തി സംബന്ധിച്ച തര്‍ക്കങ്ങള്‍ ഒഴിവാക്കുന്നതിനും ആധുനികരീതിയില്‍ അതിര്‍ത്തി നിര്‍ണ്ണയിച്ച് ഡിജിറ്റൈസ് ചെയ്യാനുമുള്ള പദ്ധതിയുടെ പൈലറ്റ് സ്റ്റഡി പൂര്‍ത്തിയായിട്ടുണ്ടോയെന്ന് അറിയിക്കുമോ;

കാട്ടുതീ മൂലമുള്ള വനനശീകരണം തടയുന്നതിനും ക്ഷയിച്ചുപോയ വനപ്രദേശങ്ങള്‍ പുനരുജ്ജീവിപ്പിക്കുന്നതിനും നിലവിലുള്ള പദ്ധതികള്‍ ഏതെല്ലാമാണെന്ന് വ്യക്തമാക്കാമോ?

മഞ്ചേശ്വരം മണ്ഡലത്തിലെ ഉദ്യാവർ ഗവ. സ്കൂളിന് വേണ്ടി സാമൂഹ്യ വനവൽക്കരണ വിഭാഗത്തിന്റെ ഭൂമി അനുവദിക്കുന്നത് സംബന്ധിച്ചുള്ള ഫയലിന്റെ നിലവിലെ അവസ്ഥ എന്താണെന്ന് വ്യക്തമാക്കുമോ;

പ്രസ്തുത വിദ്യാലയത്തിന് ഭൂമി അനുവദിക്കുന്നതിന് എന്തെങ്കിലും തടസ്സങ്ങൾ ഉണ്ടോ എന്ന് വിശദമാക്കുമോ;

പ്രസ്തുത വിദ്യാലയത്തിന് ടി ഭൂമി ലഭ്യമാക്കുന്നതിന് ഇനി എന്തൊക്കെ നടപടിക്രമങ്ങളാണ് പൂർത്തീകരിക്കേണ്ടതായിട്ടുള്ളത് എന്ന് വിശദമാക്കുമോ;

പ്രസ്തുത വിദ്യാലയത്തിന് ടി ഭൂമി അനുവദിക്കുന്നതിനാവശ്യമായ നടപടി സ്വീകരിക്കുമോ?

അരുവിക്കര നിയോജകമണ്ഡലത്തില്‍ ഉള്‍പ്പെടുന്ന എട്ട് പഞ്ചായത്തുകളിലായി സോഷ്യല്‍ ഫോറസ്ട്രിയുടെ കീഴില്‍ നിലവില്‍ നടപ്പാക്കി വരുന്ന വിവിധ പദ്ധതികൾ , അവയുടെ ഫണ്ട് വിവരം, ഗുണഭോക്താക്കളുടെ എണ്ണം, നാളിതുവരെ ചെലവഴിച്ച തുക, പ്രവര്‍ത്തനത്തിന്റെ നിലവിലുള്ള പുരോഗതി എന്നിവ സംബന്ധിച്ച വിവരം പഞ്ചായത്ത് തലത്തില്‍ തരംതിരിച്ച് ലഭ്യമാക്കാമോ?

വടക്കാഞ്ചേരി നിയോജകമണ്ഡലത്തിൽ വിദ്യാവനം പദ്ധതി നടപ്പിലാക്കിയിട്ടുള്ള സ്‌കൂളുകൾ ഏതൊക്കെയെന്ന് വിശദമാക്കാമോ;

വിദ്യാവനം പദ്ധതിപ്രകാരം വടക്കാഞ്ചേരി നിയോജകമണ്ഡലത്തില്‍ ഈ വർഷം നട്ട വൃക്ഷതൈകളുടെ എണ്ണം എത്രയെന്ന് വ്യക്തമാക്കാമോ?

ആഗോള താപനത്തെ ചെറുക്കുന്നതിന് വനം വകുപ്പ് ആവിഷ്കരിച്ച് നടപ്പാക്കുന്ന പ്രവൃത്തികളെക്കുറിച്ച് വിശദമാക്കാമോ;

സാമൂഹ്യ വനവല്‍ക്കരണത്തിന്റെ ഭാഗമായി ആലപ്പുഴ നിയോജകമണ്ഡലത്തില്‍ എന്തെല്ലാം പ്രവൃത്തികളാണ് നടപ്പിലാക്കുന്നതെന്ന് വ്യക്തമാക്കാമോ?

സ്വകാര്യ ഭൂമിയില്‍ മരങ്ങള്‍ വച്ചുപിടിപ്പിക്കുന്ന മരവൽക്കരണം എന്ന കര്‍മ്മപദ്ധതിക്ക് രൂപം നല്‍കിയിട്ടുണ്ടോ; വിശദമാക്കാമോ;

പദ്ധതി നടത്തിപ്പിനായി നല്‍കുന്ന ധനസഹായം സംബന്ധിച്ച വിശദാംശം വ്യക്തമാക്കുമോ;

പ്രസ്തുത പദ്ധതിയുടെ ഭാഗമായി വൃക്ഷത്തൈകള്‍ വിതരണം ചെയ്യുന്നതിന് സ്വീകരിക്കുന്ന നടപടികള്‍ എന്തൊക്കെയെന്ന് വിശദമാക്കാമോ?

വനത്തിനുള്ളിലെ സെറ്റില്‍മെന്റുകള്‍ മാറ്റിസ്ഥാപിക്കാന്‍ സംസ്ഥാന ബഡ്ജറ്റില്‍ എത്ര തുകയാണ് അനുവദിച്ചത്; ഇതില്‍ നിലമ്പൂര്‍ നോര്‍ത്ത് ഡിവിഷനു കീഴിലെ വനമേഖലയോടു ചേര്‍ന്ന സെറ്റില്‍മെന്റുകള്‍ മാറ്റി സ്ഥാപിക്കുന്നതിന് എത്ര തുകയാണ് വകയിരുത്തിയിരിക്കുന്നത്; അറിയിക്കാമോ;

നിലമ്പൂര്‍ നോര്‍ത്ത് ഡിവിഷനു കീഴിലെ പോത്തുകല്ല് വനമേഖലയോട് ചേര്‍ന്ന സെറ്റില്‍മെന്റുകള്‍ മാറ്റി സ്ഥാപിക്കുന്നത് സംബന്ധിച്ച് വനം വകുപ്പ് നടപടി ആരംഭിച്ചിട്ടുണ്ടോ; വനത്തിനോട് ചേര്‍ന്നു താമസിക്കുന്ന ആളുകള്‍ക്ക് ഒഴിഞ്ഞു പോകുന്നതിന് വനംവകുപ്പ് ഉദ്യോഗസ്ഥര്‍ നോട്ടീസ് നല്‍കിയിട്ടുണ്ടോ; എങ്കിൽ പകര്‍പ്പ് ലഭ്യമാക്കാമോ;

കുടിയൊഴിഞ്ഞു പോകേണ്ടവര്‍ക്ക് അവരുടെ കെെവശത്തിലുള്ള ഭുമിയുടെ അളവിന്റെയും കൃഷി വിളകളുടെയും വീട് ഉള്‍പ്പെടെയുള്ള നിര്‍മ്മിതികളുടെയും വില കണക്കാക്കി ആനുപാതികമായ നഷ്ടം നല്‍കി പുനരധിവസിപ്പിക്കുന്നതിന് നടപടി സ്വീകരിക്കുമോ; ഇത് സംബന്ധിച്ച ആശങ്ക പരിഹരിക്കാന്‍ ജനപ്രതിനിധികളുടെയും വനം വകുപ്പ് ഉദ്യോഗസ്ഥരുടെയും യോഗം വിളിച്ചു ചേര്‍ക്കുന്നത് പരിഗണനയിലുണ്ടോ;

രണ്ട് സെന്റ് മുതല്‍ മുകളിലേക്ക് എത്ര അളവില്‍ ഭൂമിയുണ്ടെങ്കിലും അതില്‍ വീടുള്‍പ്പെടെയുള്ള നിര്‍മ്മിതികള്‍ എത്രയുണ്ടെങ്കിലും അതിനെ ഒരു യൂണിറ്റായി കണക്കാക്കി പതിനഞ്ച് ലക്ഷം രൂപ നഷ്ടപരിഹാരം നല്‍കുന്ന രീതി അപ്രായോഗികവും അശാസ്ത്രീയവുമാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; ഈ തീരുമാനം പുനഃപരിശോധിക്കുമോ;

റീബില്‍ഡ് കേരള ഇനിഷ്യേറ്റീവ് പ്രകാരം പരിസ്ഥിതി സൗഹൃദവും അതിജീവനക്ഷമവുമായ തരത്തില്‍ കേരളത്തെ പുനര്‍നിര്‍മ്മിക്കുന്നതിന് വനം വകുപ്പ് തയ്യാറാക്കിയ മാര്‍ഗ്ഗനിര്‍ദ്ദേശങ്ങള്‍ എന്തെല്ലാമാണെന്ന് അറിയിക്കാമോ?

അതിസാന്ദ്ര നഗര വനങ്ങൾ എന്ന പദ്ധതി പ്രകാരം സംസ്ഥാനത്ത് ഏതൊക്കെ നിയോജകമണ്ഡലങ്ങളിൽ എത്ര പ്രവൃത്തികൾ ആരംഭിച്ചിട്ടുണ്ട്/ പൂർത്തീകരിച്ചിട്ടുണ്ട്; വിശദമാക്കുമോ;

പ്രസ്തുത പദ്ധതിയ്ക്കായി നാളിതുവരെ ചെലവഴിച്ചിട്ടുള്ള തുക, പദ്ധതി നടപ്പാക്കുന്നതിനുള്ള മാനദണ്ഡങ്ങൾ എന്നിവ വ്യക്തമാക്കുമോ?

നഗരങ്ങളില്‍ ചെറുവനങ്ങള്‍ സൃഷ്ടിച്ചെടുക്കുന്നതിന്റെ ഭാഗമായി ഏതൊക്കെ നഗരങ്ങളിലാണ് നഗരവനങ്ങള്‍ സൃഷ്ടിച്ചിട്ടുള്ളതെന്ന് അറിയിക്കാമോ;

തീരത്ത് ജൈവകവചം സൃഷ്ടിക്കുക എന്ന പദ്ധതി പ്രകാരം ഏതൊക്കെ പ്രദേശത്താണ് തീരവനം പദ്ധതി നടപ്പിലാക്കിയിട്ടുള്ളതെന്ന വിവരം കൂടി ലഭ്യമാക്കാമോ?

ദേശീയോദ്യാനങ്ങളുടെയും വന്യജീവി സങ്കേതങ്ങളുടെയും ഒരു കിലോമീറ്റർ ചുറ്റളവിൽ ബഫർ സോണായി പ്രഖ്യാപിച്ചുകൊണ്ടുള്ള സുപ്രീം കോടതി വിധിയുടെ പശ്ചാത്തലത്തിൽ 2022 ജൂലൈ 27 -ലെ മന്ത്രിസഭാ തീരുമാനത്തിന്റെ അടിസ്ഥാനത്തിൽ പുറപ്പെടുവിച്ച ഉത്തരവിന്റെ വിശദാംശങ്ങൾ ലഭ്യമാക്കാമോ;

പ്രസ്തുത വിഷയത്തിൽ സംസ്ഥാനം ഫയൽ ചെയ്ത റിവ്യൂ പെറ്റീഷൻ സുപ്രീം കോടതിയുടെ പരിഗണനയ്ക്ക് വരുന്നതിനുമുമ്പായി ബഫർ സോണുകളിൽ സമഗ്രമായ സർവേ നടത്തി ജനവാസ കേന്ദ്രങ്ങൾ അടയാളപ്പെടുത്തി മേഖലയിൽ ഉണ്ടാകാനിടയുള്ള പ്രത്യാഘാതങ്ങൾ ബോധ്യപ്പെടുത്തുന്നതിന് തയ്യാറാകുമോ;

പ്രസ്തുത വിഷയത്തിൽ വനം, റവന്യു, കൃഷി, തദ്ദേശ സ്വയംഭരണ വകുപ്പുകളുടെ ഏകോപനത്തോടെ സർവേ നടത്തി പഠന റിപ്പോർട്ട് പ്രസിദ്ധീകരിക്കുവാൻ അടിയന്തര നടപടി സ്വീകരിക്കുമോ; വിശദാംശം നൽകുമോ;

2019 -ലെ ബഫർ സോണുമായി ബന്ധപ്പെട്ട മന്ത്രിസഭാ തീരുമാനത്തെ തുടർന്ന് പുറപ്പെടുവിച്ച ഉത്തരവ് പൂർണമായി പിൻവലിക്കാത്തത് സംസ്ഥാനത്തിന്റെ വാദങ്ങളെ ദുർബലപ്പെടുത്തുമോയെന്ന് വ്യക്തമാക്കാമോ ?

വനം വകുപ്പിനു കീഴില്‍ വനപരിപാലന വിവര/ഭൗമ വിവര സാങ്കേതിക സംവിധാനം നടപ്പിലാക്കുന്നതിന് ഓരോ വർഷവും ലഭിക്കുന്ന കേന്ദ്രസഹായം, ചെലവാകുന്ന തുക, പ്രസ്തുത സംവിധാനം പ്രാവർത്തികമാക്കാൻ നടത്തിവരുന്ന പ്രവര്‍ത്തനങ്ങള്‍ എന്നിവ വ്യക്തമാക്കാമോ;

ഇതിന്റെ ഭാഗമായി ഫോറസ്റ്റ് സ്റ്റേഷന്‍ കമ്പ്യൂട്ടര്‍വല്‍ക്കരണം, ഓഫീസ് നെറ്റ് കണക്ടിവിറ്റി തുടങ്ങി ഇ-ഗവേണൻസ് ഉള്‍പ്പെടെയുള്ള പ്രവര്‍ത്തനങ്ങള്‍ക്കായി നിലവിലെ സര്‍ക്കാര്‍ കാലയളവില്‍ നടത്തിയ പ്രവര്‍ത്തനങ്ങൾ, ചെലവായ തുക, നടപ്പാക്കിയതും/ നടപ്പാക്കാത്തതുമായ പദ്ധതി പ്രവര്‍ത്തനങ്ങൾ എന്നിവ സംബന്ധിച്ച വിശദാംശം ലഭ്യമാക്കുമോ?

വ്യാപകമായ കാട്ടാനശല്യം ഉൾപ്പെടെയുള്ള ബുദ്ധിമുട്ടുകള്‍ നേരിടുന്ന കാഞ്ഞങ്ങാട് നിയോജകമണ്ഡലത്തിലെ മലയോരപ്രദേശങ്ങളായ പാണത്തൂർ, റാണിപുരം, മരുതോം, പെരുതടി, അത്തിയടുക്കം തുടങ്ങിയ വനമേഖലകളിൽ വനം ഉദ്യോഗസ്ഥർക്ക് എത്തിച്ചേരാൻ വാഹനങ്ങൾ ഉൾപ്പെടെ എന്തെല്ലാം സൗകര്യങ്ങളാണുള്ളതെന്ന് അറിയിക്കാമോ;

മറ്റു വനം റെയിഞ്ചുകൾക്ക് അനുവദിച്ച വാഹനങ്ങൾക്ക് ആനുപാതികമായി കാസർഗോഡ് ജില്ലയിൽ വനം വകുപ്പിന് വാഹനങ്ങൾ നിലവിലുണ്ടോയെന്ന് വ്യക്തമാക്കാമോ;

കാസർഗോഡ് ജില്ലയിൽ ഇതുവരെ വനംവകുപ്പിന് അനുവദിച്ച വാഹനങ്ങളുടെ വിശദാംശങ്ങൾ നൽകാമോ?

പാറശ്ശാല നിയോജക മണ്ഡലത്തിലെ അമ്പൂരി ഗ്രാമപഞ്ചായത്തില്‍ പട്ടികവര്‍ഗ്ഗ വിഭാഗക്കാര്‍ താമസിക്കുന്ന തൊടുമല വാര്‍ഡിലെ വിവിധ സെറ്റില്‍മെന്റ് കോളനികളിലേയ്ക്കുള്ള റോഡുനിര്‍മ്മാണത്തിനായി വനംവകുപ്പിന്റെ അനുമതിയ്ക്കു വേണ്ടി സമര്‍പ്പിച്ചിരുന്ന പ്രോപ്പോസലിന്മേല്‍ തുടര്‍നടപടികള്‍ സ്വീകരിച്ചിട്ടുണ്ടോ; വിശദാംശം അറിയിക്കാമോ?

പുനലൂർ നിയോജകമണ്ഡലത്തിലെ തിരുവനന്തപുരം ചെങ്കോട്ട പാതയിലെ അപകടകരമായി നിൽക്കുന്ന വൻമരങ്ങൾ വീണ് ഇവിടെ തുടർച്ചയായി അപകടങ്ങളും ഗതാഗത തടസ്സവും ഉണ്ടാകുന്നതായി ശ്രദ്ധയിൽപ്പെട്ടിട്ടുണ്ടോ;

തിരക്കേറിയ കേരള-തമിഴ്‌നാട് പാതയായ ഇവിടെ സ്ഥിരമായി മരങ്ങൾ വീണ് റോഡ് ഗതാഗതവും വൈദ്യുതിയും തടസ്സപ്പെടുന്നതിനാല്‍ അപകടകരമായി നിൽക്കുന്ന വൻമരങ്ങൾ മുറിക്കാൻ സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ;

പ്രസ്തുത പ്രവൃത്തി എന്നത്തേക്ക് പൂർത്തിയാക്കാനാകുമെന്ന് അറിയിക്കാമോ?

വനം വകുപ്പിന്റെ കീഴില്‍ പൊതുജനങ്ങളായ വിനോദയാത്രികര്‍ക്ക് താമസിക്കാനുള്ള വില്ലകള്‍, ഗസ്റ്റ് ഹൗസുകള്‍, ഐ.ബി.എന്നിവയുണ്ടോ; ഉണ്ടെങ്കില്‍ ആയതിന്റെ വിവരങ്ങള്‍ ജില്ലതിരിച്ച് വ്യക്തമാക്കാമോ;

ആയത് ബുക്ക് ചെയ്യുന്നതിനുള്ള വെബ്സൈറ്റ് തുടങ്ങിയ വിശദാംശങ്ങള്‍ അറിയിക്കാമോ?

കക്കയം ഇക്കോ ടൂറിസം പദ്ധതിയുടെ നവീകരണത്തിന് പദ്ധതി തയ്യാറാക്കിയിട്ടുണ്ടോ; വിശദമാക്കുമോ;

കക്കയം ഉരക്കുഴി വെള്ളച്ചാട്ടത്തിലെ അപകടകരമായ തൂക്കുപാലം ശ്രദ്ധയില്‍പ്പെട്ടിട്ടുണ്ടോ; പ്രസ്തുത തൂക്കുപാലം പുനര്‍നിര്‍മ്മിക്കാൻ നടപടി സ്വീകരിക്കുമോ?

വിജിലൻസ് കേസിൽ എഫ്.ഐ.ആര്‍. ല്‍ ഉൾപ്പെട്ട ഏതെങ്കിലും ഉദ്യോഗസ്ഥൻ വനം വകുപ്പിൽ പി.സി.സി.എഫ്. തസ്തികയിൽ ജോലി ചെയ്യുന്നുണ്ടോ; എങ്കിൽ ഇതുമായി ബന്ധപ്പെട്ട വിജിലൻസ് കേസ് ഉൾപ്പെടെയുള്ള വിശദാംശം നൽകുമോ?

വനം വകുപ്പിൽ ഡ്രൈവർമാരുടെ എത്ര ഒഴിവുകൾ നിലവിലുണ്ടെന്ന് ജില്ല തിരിച്ച് അറിയിക്കാമോ;

പ്രസ്തുത ഒഴിവുകളിൽ എത്ര എണ്ണം പി.എസ്.സി. ക്ക് റിപ്പോർട്ട് ചെയ്തിട്ടുണ്ടെന്ന് അറിയിക്കാമോ; മുഴുവൻ ഒഴിവുകളും പി.എസ്.സി. ക്ക് റിപ്പോർട്ട് ചെയ്യുന്നതിനുള്ള നടപടികൾ സ്വീകരിക്കുമോ ?

വനമേഖലയോട് ചേര്‍ന്ന് താമസിക്കുന്ന ജനങ്ങളുടെ ആശങ്കകള്‍ പരിഹരിക്കാന്‍ സ്വീകരിച്ചുവരുന്ന നടപടികള്‍ എന്തെല്ലാം എന്ന് വ്യക്തമാക്കുമോ;

വന്യജീവികളുടെ ആക്രമണങ്ങളില്‍ നിന്നും കര്‍ഷകര്‍ക്ക് സംരക്ഷണം നല്‍കുന്നതിനും ബഫര്‍ സോണ്‍ വിഷയത്തില്‍ ഉള്‍പ്പെടെ ജനങ്ങളുടെ ആശങ്കകള്‍ പരിഹരിക്കുന്നതിനും സര്‍ക്കാര്‍ സ്വീകരിച്ചു വരുന്ന ജനപക്ഷ നിലപാടുകള്‍ വിശദമാക്കാമോ;

ഇക്കാര്യത്തിലെ കേന്ദ്ര സര്‍ക്കാര്‍ നയം തുറന്ന് കാട്ടാന്‍ നടപടികള്‍ സ്വീകരിക്കുമോ?

പരിസ്ഥിതി ലോല പ്രദേശങ്ങളില്‍ ഒരു കിലോമീറ്റര്‍ ചുറ്റളവ് ബഫര്‍ സോണായി കരുതണമെന്ന 3/6/2022-ലെ ബഹു.സുപ്രീം കോടതി വിധി വാമനപുരം മണ്ഡലത്തിലെ ഏതെല്ലാം പഞ്ചായത്ത് പ്രദേശങ്ങളെയാണ് ബാധിക്കുന്നതെന്ന് വ്യക്തമാക്കാമോ;

പ്രസ്തുത ഉത്തരവിൽ ഇളവ് ലഭിക്കുന്നതിന് സ്വീകരിച്ചിട്ടുള്ള നടപടികൾ എന്തെല്ലാമെന്ന് വ്യക്തമാക്കാമോ?

സംസ്ഥാനത്ത് സംരക്ഷിത വനമേഖലകൾക്കും ദേശീയോദ്യാനങ്ങൾക്കും ചുറ്റുമുള്ള ജനവാസ മേഖല ഉൾപ്പെടെയുള്ള ഒരു കിലോമീറ്റർ പ്രദേശം ബഫർ സോണായി നിശ്ചയിക്കാം എന്ന മന്ത്രിസഭാ തീരുമാനത്തിന്റെ അടിസ്ഥാനത്തിൽ 31.10.2019ൽ സർക്കാർ പുറപ്പെടുവിച്ച ഉത്തരവ് നിലവിൽ റദ്ദ് ചെയ്തിട്ടുണ്ടോ; എങ്കിൽ ഏത് സർക്കാർ ഉത്തരവ് പ്രകാരമാണ് മേൽപ്പറഞ്ഞ ഉത്തരവ് റദ്ദ് ചെയ്തത്; പ്രസ്തുത ഉത്തരവിന്റെ പകർപ്പ് ലഭ്യമാക്കാമോ;

മേൽപ്പറഞ്ഞ ഉത്തരവ് റദ്ദ് ചെയ്തിട്ടില്ല എങ്കിൽ ബഫർ സോണിൽ നിന്നും ജനവാസ മേഖലകൾ പൂർണ്ണമായും ഒഴിവാക്കണമെന്ന സംസ്ഥാനത്തിന്റെ പുതിയ നിലപാട് സുപ്രീം കോടതിയെ ബോധ്യപ്പെടുത്താൻ സാധിക്കുമോ; വിശദാംശം നൽകുമോ?

ദേശീയ പാര്‍ക്കുകളാേടനുബന്ധിച്ച് ഒരു കിലാേമീറ്റര്‍ ചുറ്റളവില്‍ ബഫര്‍സാേണ്‍ മേഖലയാക്കണമെന്ന സുപ്രീം കാേടതി നിര്‍ദ്ദേശം ഏതുതരം പ്രത്യാഘാതങ്ങളാണ് സംസ്ഥാനത്തുണ്ടാക്കുന്നതെന്ന് വ്യക്തമാക്കുമാേ;

ഇതാെഴിവാക്കുന്നതിന് സംസ്ഥാനം സ്വീകരിച്ച നടപടികള്‍ വിശദമാക്കുമാേ;

ഇത്തരം മേഖലകളില്‍ നിലവില്‍ എന്തെങ്കിലും നിയന്ത്രണങ്ങളുണ്ടാേ എന്ന് വ്യക്തമാക്കുമാേ?

പശ്ചിമഘട്ടത്തിന്റെ പാരിസ്ഥിതിക സംരക്ഷണത്തിന്റെ ഭാഗമായി നിശ്ചയിച്ചിട്ടുള്ള പരിസ്ഥിതി ലോല മേഖല, ബഫര്‍ സോണ്‍ എന്നിവ സംബന്ധിച്ച ബഹു. സുപ്രീം കോടതിയുടെ നിരീക്ഷണവും ഉത്തരവും കേരളത്തിലെ മലയോര മേഖലയിലെ ജനങ്ങളെ ഏതു രീതിയിൽ ബാധിക്കുമെന്ന് വ്യക്തമാക്കുമോ;

ദൂരപരിധി സംബന്ധിച്ച കേരളത്തിന്റെ നിര്‍ദ്ദേശം കേന്ദ്ര വനം-പരിസ്ഥിതി മന്ത്രാലയത്തില്‍ സമര്‍പ്പിച്ചിട്ടുണ്ടോ; വിശദാംശങ്ങള്‍ ലഭ്യമാക്കാമോ;

മലയോര ജനതയുടെ കുടിയിറക്കലിന് കാരണമാകാൻ സാധ്യതയുള്ള ഈ പ്രശ്നം പരിഹരിക്കാന്‍ സ്വീകരിച്ച നടപടികള്‍ എന്തൊക്കെയെന്ന് വിശദമാക്കാമോ?

ഗുരുവായൂര്‍ നിയോജക മണ്ഡലത്തില്‍ അപകടകരമായി നില്‍ക്കുന്ന മരങ്ങള്‍ മുറിച്ചു മാറ്റുന്നതുമായി ബന്ധപ്പെട്ട് വിവിധ വകുപ്പുകളില്‍ നിന്നും 2022 ജനുവരി മുതല്‍ നാളിതുവരെ എത്ര അപേക്ഷകള്‍ ലഭിച്ചിട്ടുണ്ട് എന്ന് വിശദമാക്കാമോ;

സമയബന്ധിതമായി ട്രീ കമ്മിറ്റികള്‍ വിളിച്ച് ചേര്‍ക്കാത്തതിനാല്‍ അപകടകരമായി നില്‍ക്കുന്ന മരങ്ങള്‍ മുറിച്ച് മാറ്റുന്നതിന് കാലതാമസം വരുന്നത് ശ്രദ്ധയില്‍പ്പെട്ടിട്ടുണ്ടോ;

ഗുരുവായൂര്‍ മണ്ഡലത്തിലെ തദ്ദേശസ്വയംഭരണ സ്ഥാപന തലത്തില്‍ 2022 ജനുവരി മുതല്‍ നാളിതുവരെ കൂടിയ ട്രീ കമ്മിറ്റികളുടെ വിശദാംശങ്ങള്‍ ലഭ്യമാക്കാമോ?

ആലത്തൂര്‍ മണ്ഡലത്തില്‍ വണ്ടാഴി പഞ്ചായത്തിലുളള തളികക്കല്ല് ആദിവാസി കോളനിയിലെ 37 വീടുകള്‍ക്ക് വനം വകുപ്പിന്റെ അനുമതി ലഭിക്കാത്തതിനാല്‍ വൈദ്യുതി ലഭിക്കാത്തത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത വീടുകള്‍ക്ക് വൈദ്യുതി നല്കുന്നതിന് വനംവകുപ്പ് അനുമതി നല്‍കാത്തതിന്റെ കാരണം വിശദമാക്കാമോ;

പ്രസ്തുത വീടുകള്‍ക്ക് വൈദ്യുതി നല്‍കുന്നതിനുള്ള വനം വകുപ്പിന്റെ നിരാക്ഷേപപത്രം അടിയന്തരമായി നല്‍കുന്നതിനുള്ള നടപടികള്‍ സ്വീകരിക്കുമോ എന്ന് വ്യക്തമാക്കാമോ?

ഏതൊക്കെ ആവശ്യങ്ങൾക്ക് തോക്ക് ലൈസൻസ് ലഭിക്കുന്നതിനാണ് വനംവകുപ്പിന്റെ ശുപാർശ ആവശ്യമായിട്ടുള്ളത്;തോക്ക് ലൈസൻസ് ലഭിക്കുന്നതിന് വനം വകുപ്പിന്റെ ശുപാർശയ്ക്ക് വേണ്ടി കഴിഞ്ഞ ഒരു വർഷം ലഭിച്ച അപേക്ഷകളുടെ എണ്ണം എത്രയെന്നു വ്യക്തമാക്കാമോ;

ലൈസൻസ് ലഭിക്കുന്നതിന് അനുകൂലമായ റിപ്പോർട്ട് നൽകിയിട്ടുള്ള അപേക്ഷകളുടെ എണ്ണം ജില്ല തിരിച്ചു് വ്യക്തമാക്കുമോ;

വനംവകുപ്പ് നൽകുന്ന ശിപാർശയുടെ അടിസ്ഥാനത്തിൽ തോക്ക് ലൈസൻസ് അനുവദിക്കുമ്പോൾ ലൈസൻസികളുടെ വിശദാംശങ്ങൾ വനംവകുപ്പിനെ അറിയിക്കാറുണ്ടോ; എങ്കിൽ കഴിഞ്ഞ ഒരു വർഷം ഇപ്രകാരം ലൈസൻസ് അനുവദിച്ചു കിട്ടിയ വ്യക്തികളുടെ വിശദാംശങ്ങൾ ജില്ല തിരിച്ച് വ്യക്തമാക്കുമോ?

സംസ്ഥാനത്ത് നിലവിൽ ഉള്‍ക്കാടുകളില്‍ അധിവസിക്കുന്ന ആളുകളുടെ/കുടുംബങ്ങളുടെ എണ്ണം എത്രയെന്ന് വ്യക്തമാക്കുമോ; ഏതെല്ലാം വനപ്രദേശങ്ങളിലാണ് ഇവര്‍ അധിവസിക്കുന്നത് എന്ന വിവരം ലഭ്യമാക്കുമോ;

ഉള്‍ക്കാടുകളില്‍ അധിവസിക്കുന്നവരെ മാറ്റിപാര്‍പ്പിക്കുന്നതിന് പദ്ധതി നടപ്പിലാക്കിയിട്ടുണ്ടോ; എങ്കില്‍ ഇത്തരത്തില്‍ എത്ര പേരെ മാറ്റിപാര്‍പ്പിച്ചിട്ടുണ്ടെന്നും ഇവര്‍ക്ക് എന്തെല്ലാം സൗകര്യങ്ങളാണ് മാറ്റിപാര്‍പ്പിയ്ക്കുമ്പോള്‍ നല്‍കിയിട്ടുള്ളതെന്നും കഴിഞ്ഞ 5 വര്‍ഷത്തിനുളളിൽ ഈ ഇനത്തില്‍ എത്ര തുക ചെലവഴിച്ചിട്ടുണ്ടെന്നും വ്യക്തമാക്കുമോ;

ഇത്തരത്തില്‍ മാറ്റി പാര്‍പ്പിക്കപ്പെട്ടവര്‍ തിരികെ കാട്ടിലേക്ക് മടങ്ങുന്ന സാഹചര്യം നിലവിലുണ്ടോ; എങ്കില്‍ കഴിഞ്ഞ 5 വര്‍ഷത്തിനിടയില്‍ മാറ്റിപാര്‍പ്പിക്കപ്പെട്ട എത്ര പേര്‍ തിരികെ ഉള്‍ക്കാടുകളിലേക്ക് മടങ്ങിപ്പോയിട്ടുണ്ട്എന്ന വിവരം ലഭ്യമാക്കുമോ?

തിരുവനന്തപുരം ഡിവിഷനിലെ പരുത്തിപ്പള്ളി റേഞ്ചിൽ 2000 നു ശേഷം എത്ര കേസുകളിൽ ഉൾപ്പെട്ട തൊണ്ടിമുതലുകൾ മോഷണംഎട്ട് പോയതായി കണ്ടെത്തിയിട്ടുണ്ട്; ഓരോ കേസിലും സ്വീകരിച്ച നടപടി ഉള്‍പ്പെടെയുളള വിവരങ്ങൾ വിശദീകരിക്കാമോ;

വനംവകുപ്പിലെ എല്ലാ റേഞ്ചുകളിലും തൊണ്ടിമുതൽ സൂക്ഷിക്കുന്നതിന് സ്‌ട്രോങ്ങ് റൂം സംവിധാനം നിലവിലുണ്ടോ; ഏതൊഎട്ട്ക്കെ റേഞ്ചുകളിലാണ് സ്ട്രോങ്റൂം സംവിധാനം നിലവിലുള്ളത്; ഏത് തസ്തികയിൽപ്പെട്ട ജീവനക്കാരാണ് ആയതിന്റെ ചുമതല വഹിക്കുന്നത്; വ്യക്തമാക്കുമോ;

പരുത്തിപ്പള്ളി റേഞ്ചിൽ 2001 മുതൽ 2005 വരെയുള്ള കാലയളവിൽ പ്രതികളെ രക്ഷിക്കുക എന്ന ഗൂഢലക്ഷ്യത്തോടെ തൊണ്ടിമുതൽ മോഷ്ടിക്കുകയും ആയതിന് കൂട്ടുനിൽക്കുകയും ചെയ്ത ഉദ്യോഗസ്ഥർക്കെതിരെയുള്ള അച്ചടക്കനടപടികൾ വകുപ്പുതലത്തിൽ ഒതുക്കി തീർത്തതായുള്ള ആരോപണം ശ്രദ്ധയിൽപ്പെട്ടിട്ടുണ്ടോ; പ്രസ്തുത കാലയളവിലെ ഓരോ കേസും സംബന്ധിച്ചു് നാളിതുവരെയുള്ള അന്വേഷണ വിവരങ്ങൾ ലഭ്യമാക്കാമോ;

പരുത്തിപ്പള്ളി റേഞ്ചിലെ തൊണ്ടിമുതൽ മോഷണ കേസുകൾ ഗൗരവത്തോടുകൂടി കാണുന്നുണ്ടോ; എങ്കിൽ ഈ കേസുകൾ വനം വകുപ്പ് ഒഴികെ മറ്റൊരു സ്വതന്ത്ര ഏജൻസിയെക്കൊണ്ട് വിശദമായി അന്വേഷിപ്പിച്ച് സ്ട്രോങ്ങ് റൂമിന്റെ ചാർജ്ജുള്ള ഉദ്യോഗസ്ഥരടക്കം ഉത്തരവാദികളായവരെ കണ്ടെത്തി കർശന നടപടി സ്വീകരിക്കാൻ തയ്യാറാകുമോ?

ചങ്ങനാശ്ശേരി നിയോജക മണ്ഡലത്തില്‍ നിന്ന് കാവുകള്‍ സംരക്ഷിക്കുന്നതിനായി എത്ര അപേക്ഷകള്‍ ലഭിച്ചിട്ടുണ്ടെന്ന് വ്യക്തമാക്കുമോ;

അവ ഏതെല്ലാമെന്നും പ്രസ്തുത അപേക്ഷകളിന്മേൽ എന്തെല്ലാം നടപടികളാണ് സ്വീകരിച്ചിട്ടുള്ളതെന്നും വ്യക്തമാക്കുമോ; വിശദാംശം നല്‍കുമോ?

രജിസ്റ്റേർഡ് കോൺട്രാക്ടർമാർ വഴി വനം വകുപ്പ് നടത്തിയ ജണ്ട നിർമ്മാണത്തിലെ ക്രമക്കേടുകൾ സംബന്ധിച്ച് വനം വിജിലൻസും സർക്കിൾ ചീഫ് ഫോറസ്റ്റ് കൺസർവേറ്റർമാരും അന്വേഷണം നടത്തുന്നുണ്ടോയെന്ന് വെളിപ്പെടുത്താമോ;

ഉണ്ടെങ്കിൽ പ്രസ്തുത അന്വേഷണങ്ങൾ ആരംഭിച്ചത് എന്നാണെന്ന് അറിയിക്കാമോ;

നിലവിൽ അന്വേഷണം പൂർത്തീകരിച്ചിട്ടുണ്ടോ; ഇല്ലെങ്കിൽ എത്ര കാലയളവിനുള്ളിൽ പൂർത്തീകരിക്കാൻ സാധിക്കും; വിശദാംശം വ്യക്തമാക്കുമോ?

ഇടുക്കി ജില്ലയിലെ കുഞ്ചിത്തണ്ണി വില്ലേജിലെ ആനച്ചാലും പരിസരപ്രദേശങ്ങളും അസാധാരണ ഗസറ്റ് വിജ്ഞാപനത്തിലൂടെ റിസര്‍വ്വ് വനമായി പ്രഖ്യാപിച്ച വിവരം ശ്രദ്ധയില്‍പ്പെട്ടിട്ടുണ്ടോ;

ഇതുമൂലം ഈ പ്രദേശങ്ങളില്‍ കാലങ്ങളായി താമസിച്ചുവരുന്ന ജനങ്ങള്‍ക്കുണ്ടായ ബുദ്ധിമുട്ട് ശ്രദ്ധയില്‍പ്പെട്ടിട്ടുണ്ടോ; പ്രസ്തുത വിഷയം പരിഹരിക്കുന്നതിന് സ്വീകരിച്ചിട്ടുള്ള നടപടികൾ വ്യക്തമാക്കുമോ?

കോതമംഗലം മണ്ഡലത്തില്‍ കുട്ടമ്പുഴ പഞ്ചായത്തില്‍ ബ്ലാവന, മണികണ്ഠന്‍ചാല്‍, ബംഗ്ലാക്കടവ് തുടങ്ങിയ പാലങ്ങളുടെ നിര്‍മ്മാണം വനം വകുപ്പിന്റെ അനുമതി ലഭ്യമാകാത്തത് മൂലം തടസ്സപ്പെട്ടിരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

പ്രസ്തുത പാലങ്ങളുടെ നിര്‍മ്മാണവുമായി ബന്ധപ്പെട്ട് വനംവകുപ്പിന്റെ അനുമതിക്കുവേണ്ടി പൊതുമരാമത്ത് വകുപ്പ് സമര്‍പ്പിച്ചിട്ടുള്ള അപേക്ഷകള്‍ പരിഗണനയിലുണ്ടോ; പ്രസ്തുത അപേക്ഷകളിന്മേല്‍ സ്വീകരിച്ചിട്ടുള്ള തുടര്‍നടപടികള്‍ വിശദമാക്കാമോ;

പതിനാറിലധികം ആദിവാസി കോളനികള്‍ ഉള്‍പ്പെടുന്ന കട്ടമ്പുഴ പഞ്ചായത്തില്‍ മേല്‍പ്പറഞ്ഞ പാലങ്ങള്‍ക്ക് വളരെയധികം പ്രാധാന്യമുള്ളതുകൊണ്ട് പ്രസ്തുത പാലങ്ങള്‍ പണിയുന്നതിന് ആവശ്യമായിട്ടുള്ള അനുമതി വനംവകുപ്പില്‍ നിന്ന് വേഗത്തില്‍ ലഭ്യമാക്കുന്നതിന് വേണ്ട നടപടി സ്വീകരിക്കുമോ; വിശദമാക്കാമോ?

2019-20 സാമ്പത്തിക വര്‍ഷത്തെ സംസ്ഥാന ബജറ്റില്‍ പേജ് നമ്പര്‍ 66-ല്‍ 1394 ക്രമ നമ്പരായി നിലമ്പൂര്‍ നിയോജക മണ്ഡലത്തിലെ വഴിക്കടവ്, മൂത്തേടം, പോത്തുകല്‍, അമരമ്പലം, കരുളായി പഞ്ചായത്തുകളിലെ വന്യമൃഗശല്യം തടയുന്നതിന് ക്രാഷ് ഗാര്‍ഡ് റോപ്പ് ഫെന്‍സിംഗ് നിര്‍മ്മിക്കുന്നതിന് 10 കോടി രൂപയുടെ 20 ശതമാനമായ 2 കോടി വകയിരുത്തിയിരുന്നോ; പ്രസ്തുത വിവരം വനം വകുപ്പിന് അറിവുള്ളതാണോ; വിശദമാക്കാമാേ;

പ്രസ്തുത തുക ചെലവഴിക്കാനാകാതെ അസാധുവായതിന്റെയും പദ്ധതി നിര്‍വ്വഹിക്കാനാകാത്തതിന്റെയും കാരണം വിശദമാക്കാമോ; പ്രസ്തുത പദ്ധതി നടപ്പാക്കേണ്ടിയിരുന്ന ഉദ്യോഗസ്ഥര്‍ ആരെല്ലാമാണെന്നും ടി ഉദ്യോഗസ്ഥര്‍ പദ്ധതിയുടെ എസ്റ്റിമേറ്റ് തയ്യാറാക്കി ഭരണാനുമതിക്കായി സമര്‍പ്പിച്ചിരുന്നോ എന്നും ഇല്ലെങ്കില്‍ ഇക്കാര്യത്തില്‍ ടി ഉദ്യോഗസ്ഥര്‍ക്ക് വീഴ്ചയുണ്ടായോ എന്നും അറിയിക്കാമോ;

മേല്‍ ഗ്രാമപഞ്ചായത്തുകളില്‍ പദ്ധതി നിര്‍വ്വഹിക്കേണ്ട സ്ഥലങ്ങള്‍ നിര്‍ദ്ദേശിച്ച ഭരണസമിതി തീരുമാനങ്ങളുടെ നിലമ്പൂര്‍ നോര്‍ത്ത്, നിലമ്പൂര്‍ സൗത്ത് ഡിവിഷനുകളില്‍ നിലമ്പൂര്‍ എം.എല്‍.എ. മുഖാന്തിരം സമര്‍പ്പിച്ചിരുന്നോ; ടി ഭരണസമിതി തീരുമാനങ്ങളുെടെ പകര്‍പ്പുകള്‍ ലഭ്യമാക്കാമോ;

പ്രസ്തുത ബജറ്റ് പ്രഖ്യാപനത്തിന്മേല്‍ വനം വകുപ്പ് നാളിതുവരെ സ്വീകരിച്ച നടപടികള്‍ വിശദമാക്കാമോ; ഫയല്‍ ഇപ്പോള്‍ ഏത് കാര്യാലയത്തിലാണെന്നും ബന്ധപ്പെടേണ്ട ഉദ്യോഗസ്ഥരുടെ വിവരങ്ങളും അറിയിക്കാമോ;

മേല്‍ വിഷയവുമായി ബന്ധപ്പെട്ട് 03.07.2020-ന് അന്നത്തെ വനം വകുപ്പ് മന്ത്രിക്ക് നിലമ്പൂര്‍ എം.എല്‍.എ. സമര്‍പ്പിച്ച നിവേദനത്തില്‍ സ്വീകരിച്ച നടപടികള്‍ വിശദമാക്കാമോ?

നിലമ്പൂര്‍ നിയോജകമണ്ഡലത്തിലെ വനത്തോടുചേര്‍ന്ന ജനവാസമേഖലകളിലിറങ്ങി വന്യമൃഗങ്ങള്‍ നിരന്തരം കൃഷിനാശം വരുത്തുന്നതും ജനങ്ങളെ ആക്രമിക്കുന്നതും ശ്രദ്ധയില്‍പ്പെട്ടിട്ടുണ്ടോ; മണ്ഡലത്തിലെ ഏതെല്ലാം പ്രദേശങ്ങളിലാണ് ഇത്തരത്തിലുള്ള നാശനഷ്ടങ്ങള്‍ വരുത്തുന്നതെന്ന് പഞ്ചായത്തടിസ്ഥാനത്തില്‍ വ്യക്തമാക്കാമോ;

2016-ന് ശേഷം നിലമ്പൂര്‍ നിയോജകമണ്ഡലത്തില്‍ എത്ര വന്യജീവി ആക്രമണകേസുകള്‍ റിപ്പോര്‍ട്ട് ചെയ്യപ്പെട്ടുവെന്നും കൃഷിനാശം വരുത്തിയതിന് എത്ര പരാതികള്‍ ലഭിച്ചുവെന്നും ഫോറസ്റ്റ് ഡിവിഷനുകള്‍, റെയിഞ്ചുകള്‍, സ്റ്റേഷനുകള്‍ തിരിച്ച് വിവരം ലഭ്യമാക്കാമോ;

നിലമ്പൂര്‍ നിയോജകമണ്ഡലത്തിലെ വനാതിര്‍ത്തികളില്‍ വന്യമൃഗശല്യം തടയുന്നതിന് കരിങ്കല്ലുപയോഗിച്ചുള്ള ട്രെഞ്ച് നിര്‍മ്മാണവും റെയില്‍ ഫെന്‍സിങ് സ്ഥാപിക്കലും' എന്ന ഹെഡില്‍ വകയിരുത്തിയ തുക എത്രയാണെന്ന് അറിയിക്കാമോ;

പ്രസ്തുത പ്രവൃത്തിയുടെ നിലവിലെ അവസ്ഥ വ്യക്തമാക്കാമോ; ടി പദ്ധതി എന്നത്തേക്ക് നിര്‍വ്വഹിക്കുവാന്‍ കഴിയുമെന്ന് അറിയിക്കാമോ?

സംസ്ഥാനത്ത് 2016 മുതല്‍ 2022 ആഗസ്റ്റ് വരെ എത്ര പേര്‍ക്ക് പുലിയുടെ ആക്രമണത്തില്‍ ജീവഹാനി സംഭവിച്ചുവെന്നും എത്ര പേർ പാമ്പുകടിയേറ്റ് മരണപ്പെട്ടുവെന്നും അറിയിക്കാമോ;

ഇത്തരത്തിൽ മരണപ്പെട്ട എത്ര പേരുടെ ആശ്രിതർക്ക് നഷ്ടപരിഹാരം നല്‍കിയിട്ടുണ്ട്;

നഷ്ടപരിഹാര തുക നല്‍കുവാനുള്ള കാലതാമസത്തിന് കാരണം വിശദമാക്കാമോ;

നഷ്ടപരിഹാരം തദ്ദേശസ്വയംഭരണ സ്ഥാപനങ്ങള്‍ വഴി വിതരണം ചെയ്യുന്നതിനുള്ള നടപടി സ്വീകരിക്കാമോ?

നിലവിലെ സർക്കാർ അധികാരത്തിൽ വന്നശേഷം കാസർഗോഡ് ജില്ലയിൽ വന്യജീവികളുടെ ആക്രമണം മൂലം മനുഷ്യര്‍ക്കും കൃഷിക്കുമുണ്ടായ നഷ്ടങ്ങളെ സംബന്ധിച്ച വിശദാംശം നൽകാമോ;

മരണപ്പെട്ടവരുടെ കുടുംബങ്ങൾക്കും കൃഷി നാശം സംഭവിച്ച കർഷകർക്കും നൽകിയ നഷ്ടപരിഹാരങ്ങൾ എന്തെല്ലാമാണെന്ന് വ്യക്തമാക്കാമോ;

വന്യജീവികളുടെ ആക്രമണം തടയുന്നതിന് സ്വീകരിച്ചതും സ്വീകരിക്കാനുദ്ദേശിക്കുന്നതുമായ നടപടികൾ എന്തൊക്കെയാണെന്ന് വിശദമാക്കാമോ?

നിലവിലെ സര്‍ക്കാര്‍ അധികാരത്തില്‍ വന്നതിനുശേഷം മനുഷ്യ-വന്യജീവി സംഘര്‍ഷം കുറയ്ക്കുന്നതിനായി സ്വീകരിച്ച നടപടികള്‍ എന്തെല്ലാമാണെന്ന് അറിയിക്കുമോ;

സൗരോര്‍ജ്ജ വേലി, ആനക്കിടങ്ങ്, സൗരോര്‍ജ്ജ തൂക്കുവേലി, ക്രാഷ് ഗാര്‍ഡ് റോപ് ഫെന്‍സിങ്, ജൈവ വേലി, ആന പ്രതിരോധ മതില്‍, വിസ്ത ക്ലിയറന്‍സ് തുടങ്ങിയ പ്രതിരോധമാര്‍ഗങ്ങള്‍ എവിടെയെല്ലാമാണ് നടപ്പിലാക്കിയത്; വിശദാംശം നല്‍കുമോ;

ഏറനാട് മണ്ഡലത്തില്‍ മേല്‍ പറയപ്പെട്ട പ്രതിരോധമാര്‍ഗങ്ങള്‍ എവിടെയെല്ലാമാണ് നടപ്പിലാക്കിയത്; ഇതിനായി എത്ര തുക ചെലവഴിച്ചു; വ്യക്തമാക്കുമോ?

നെന്മാറ നിയോജകമണ്ഡലത്തിലെ മലയോര മേഖലയിലെ കാര്‍ഷിക വിളകള്‍ക്ക് ആന ഉൾപ്പെടെയുള്ള വന്യമൃഗങ്ങളുടെ ശല്യം മൂലം നാശനഷ്ടം സംഭവിക്കുന്ന വിഷയം വിലയിരുത്തിയിട്ടുണ്ടോ;

ഇത്തരത്തില്‍ കൃഷിനാശം സംഭവിക്കുന്നത് തടയുന്നതിനും കര്‍ഷകരെ സഹായിക്കുന്നതിനുമായി സ്വീകരിച്ച നടപടികൾ എന്തെല്ലാമെന്ന് വിശദമാക്കാമോ;

ഈ വിഷയത്തിന് ശാശ്വത പരിഹാരം കാണുന്നതിനായി നെന്മാറ ഡിവിഷണല്‍ ഫോറസ്റ്റ് ഓഫീസിന് കീഴില്‍ റാപ്പിഡ് റെസ്പോണ്‍സ് ടീമിനെ അനുവദിക്കാന്‍ നടപടി സ്വീകരിക്കുമോ?

അരുവിക്കര നിയോജക മണ്ഡലത്തിൽ കഴിഞ്ഞ രണ്ട് വര്‍ഷമായി വന്യജീവി ആക്രമണം മൂലം പരിക്കേറ്റതും മരണപ്പെട്ടവരുടെ എണ്ണം, കൃഷിനാശം നേരിട്ട കര്‍ഷകരുടെ എണ്ണം, കൃഷിനാശം സംഭവിച്ച ഭൂമിയുടെ വിസ്തൃതി; ഏത് തരം വന്യജീവി മൂലമാണ് നാശനഷ്ടങ്ങൾ ഉണ്ടായത് എന്നിവ സംബന്ധിച്ച വിശദാംശം പഞ്ചായത്ത് തിരിച്ച് ലഭ്യമാക്കാമോ?

വന്യജീവികളുടെ ആക്രമണം മൂലം കൃഷിനാശം സംഭവിക്കാതിരിക്കാന്‍ ശാശ്വത പരിഹാരം കാണുന്നതിന് സര്‍ക്കാര്‍ എന്തെങ്കിലും പഠനം നടത്തിയിട്ടുണ്ടാേ; വിശദമാക്കാമാേ?

കാസര്‍ഗോഡ് ജില്ലയില്‍ കാസര്‍ഗോഡ് ഫോറസ്റ്റ് റേഞ്ചിന് കീഴില്‍ കഴിഞ്ഞ കുറെ കാലങ്ങളായി കാർഷിക വിളകൾ നശിപ്പിക്കുന്ന കാട്ടാനകളെ വനത്തിനുള്ളിൽ കയറ്റി വിടാന്‍ നാളിതുവരെ സാധിച്ചിട്ടില്ലെന്ന വിഷയം ശ്രദ്ധയില്‍പ്പെട്ടിട്ടുണ്ടോ;വ്യക്തമാക്കുമോ;

കഴിഞ്ഞ ഒരു വര്‍ഷത്തിനിടെ എത്ര ഹെക്ടര്‍ കൃഷിഭൂമിയാണ് കാട്ടാന ശല്യം മൂലം നശിച്ചിട്ടുള്ളതെന്ന് വിശദമാക്കാമോ;

നാശനഷ്ടം സംഭവിച്ച കര്‍ഷകര്‍ക്ക് കാലതാമസം കൂടാതെ നഷ്ടപരിഹാരം നല്‍കുന്നതിനുള്ള നടപടി സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

ജനജീവിതത്തിന് ഗുരുതര ഭീഷണിയായ കാട്ടാനശല്യം പൂര്‍ണ്ണമായി ഒഴിവാക്കി ഈ മേഖലയിലുള്ളവര്‍ക്ക് സമാധാനപരമായ ജീവിതം ഉറപ്പാക്കുന്നതിന് സ്വീകരിച്ചിട്ടുള്ള നടപടികൾ വ്യക്തമാക്കാമോ?

നിലവിലെ സർക്കാർ അധികാരത്തിൽ വന്നതിന് ശേഷം നാളിതുവരെ സംസ്ഥാനത്ത് വന്യജീവി ആക്രമണം മൂലം അപകടം സംഭവിച്ചവർക്കും മരണപ്പെട്ടവരുടെ കുടുംബങ്ങൾക്കും എത്ര തുക ധനസഹായം അനുവദിച്ചിട്ടുണ്ട്; വിശദാംശങ്ങൾ ജില്ല തിരിച്ചു വ്യക്തമാക്കുമോ?

സംസ്ഥാനത്ത് വന്യജീവികള്‍ ജനവാസ കേന്ദ്രങ്ങളിലേക്ക് ഇറങ്ങുകയും കൃഷി നശിപ്പിക്കുകയും ചെയ്യുന്ന സംഭവങ്ങള്‍ വര്‍ദ്ധിച്ചുവരുന്നത് വിലയിരുത്തിയിട്ടുണ്ടോ; വിശദമാക്കാമോ;

ഫലപ്രദമല്ലാത്ത സുരക്ഷാ ക്രമീകരണങ്ങള്‍ വന്യ ജീവികളുടെ ആക്രമണം വര്‍ദ്ധിപ്പിക്കാന്‍ ഇടയാക്കുന്നത് സംബന്ധിച്ച് പരിശോധന നടത്തിയിട്ടുണ്ടോയെന്ന് വ്യക്തമാക്കുമോ;

കാടിന്റെ ആവാസ വ്യവസ്ഥ പരിരക്ഷിച്ച് ഇത്തരം സംഭവങ്ങള്‍ തടയുന്നതിന് ദീര്‍ഘകാല പദ്ധതികള്‍ ആവിഷ്കരിച്ച് നടപ്പിലാക്കുമോ;

കര്‍ഷകര്‍ക്കുണ്ടാകുന്ന കൃഷി നാശത്തിന് നിലവില്‍ നല്‍കിവരുന്ന നഷ്ടപരിഹാരം അപര്യാപ്തമായതിനാല്‍ ആയത് വർദ്ധിപ്പിച്ചു നൽകുവാന്‍ നടപടി സ്വീകരിക്കുമോ?

കാട്ടാന ആക്രമണത്തില്‍ കഴിഞ്ഞ വര്‍ഷം മാത്രം ഏഴോളം പേർ മരണപ്പെട്ട പുതുക്കാട് മണ്ഡലത്തിലെ വരന്തരപ്പിള്ളി, മറ്റത്തുര്‍ എന്നീ പഞ്ചായത്തുകളിലെ പാലപ്പിള്ളി, എച്ചിപ്പാറ, കാരികുളം, ചൊക്കന തുടങ്ങിയ പ്രദേശങ്ങളിലെ വന്യജീവി ആക്രമണം തടയുന്നതിനായി എന്തെങ്കിലും നടപടികള്‍ സ്വീകരിച്ചുണ്ടോ;

അടിയന്തര ഘട്ടങ്ങളില്‍ സേവനം ഉറപ്പാക്കുന്നതിനായി റാപ്പിഡ് റെഡ്പോണ്‍സ് ടീം ചാലക്കുടി ഡിവിഷണല്‍ ഫോറസ്റ്റ് ഓഫീസിന് കീഴില്‍ പാലപ്പിള്ളി കേന്ദ്രമായി അനുവദിക്കുന്നതിന് നടപടി സ്വീകരിക്കുമോ?

കാട്ടുപന്നികളെ വെടിവച്ച് കൊല്ലുന്നതുമായി ബന്ധപ്പെട്ട് വടകര താലൂക്കില്‍ നിന്നും ലഭിച്ച അപേക്ഷകള്‍ തീര്‍പ്പാകാത്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കുന്നതെന്ന് അറിയിക്കാമോ?