പുതിയ മദ്യ നയവുമായി ബന്ധപ്പെട്ട വിഷയങ്ങൾ ചർച്ച ചെയ്യുന്നതിനായി ടൂറിസം വകുപ്പ് നടത്തിയ കൂടിയാലോചനകളുടെ വിശദാംശം ലഭ്യമാക്കുമോ;

പുതിയ മദ്യ നയം ചര്‍ച്ച ചെയ്യാന്‍ ടൂറിസം ഡയറക്ടറുടെ അധ്യക്ഷതയില്‍ ഓൺലൈൻ യോഗം കൂടിയിരുന്നോ; എങ്കിൽ പ്രസ്തുത യോഗത്തിൽ ഏതൊക്കെ വിഷയങ്ങളാണ് ചർച്ച ചെയ്തതെന്ന് അറിയിക്കുമോ;

പ്രസ്തുത യോഗത്തിന്റെ അടിസ്ഥാനത്തിൽ പുതിയ മദ്യ നയം സംബന്ധിച്ച് ടൂറിസം വകുപ്പ് എക്‌സൈസ് വകുപ്പിന് ശിപാർശകൾ നൽകിയിട്ടുണ്ടോ; വിശദമാക്കുമോ?

ഈ സര്‍ക്കാര്‍ വന്നശേഷം വിദ്യാലയങ്ങളുടെ പശ്ചാത്തല വികസന രംഗത്തുണ്ടായ പുരോഗതി വിശദമാക്കുമോ;

നിര്‍മ്മാണം പൂര്‍ത്തിയാക്കിയ സ്കൂള്‍ കെട്ടിടങ്ങളുടെ വിശദാംശം അറിയിക്കുമോ;

നിര്‍മ്മാണം പുരോഗമിച്ചുകൊണ്ടിരിക്കുന്ന കെട്ടിടങ്ങളുടെ വിശദവിവരം ലഭ്യമാക്കുമോ?

സാഹസിക വിനോദസഞ്ചാര പരിപാടികള്‍ സംഘടിപ്പിക്കുവാന്‍ രജിസ്ട്രേഷന്‍ നിര്‍ബന്ധമാക്കിയ ആദ്യ സംസ്ഥാനം എന്ന നിലയില്‍ ഈ രംഗത്ത് കൈവരിച്ച നേട്ടങ്ങള്‍ വിശദമാക്കാമോ;

ഇത്തരം പരിപാടികളില്‍ അപകടസാധ്യത ഒഴിവാക്കുന്നതിനും അപ്രതീക്ഷിത അപകടങ്ങള്‍ നേരിടുന്നതിനും എന്തെല്ലാം മുന്‍കരുതല്‍ നിര്‍ദ്ദേശങ്ങളാണ് നല്‍കിയിട്ടുള്ളത്; വ്യക്തമാക്കാമോ;

കേരള അഡ്വഞ്ചര്‍ ടൂറിസം പ്രമോഷന്‍ സൊസൈറ്റിയും തദ്ദേശഭരണ സ്ഥാപനങ്ങളും യോജിച്ചുള്ള പ്രവര്‍ത്തനത്തിന് എന്തെല്ലാം സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് അറിയിക്കുമോ;

സംസ്ഥാനത്ത് സാഹസിക വിനോദസഞ്ചാര മേഖലയിലൂടെ കൂടുതല്‍ വരുമാനമുണ്ടാക്കുന്നതിന് സ്വീകരിക്കുവാനുദ്ദേശിക്കുന്ന നടപടികള്‍ വിശദമാക്കാമോ?

സമഗ്ര ഡിജിറ്റൽ സർവേ നടപടികളുടെ പുരോഗതി വ്യക്തമാക്കുമോ; പ്രസ്തുത പദ്ധതി ആരംഭിച്ച് മൂന്നു വർഷം പിന്നിട്ടിട്ടും ഒന്നാം ഘട്ടത്തിൽ പ്രഖ്യാപിച്ച ഇരുനൂറ് വില്ലേജുകളിലെ സർവേ പോലും പൂർത്തീകരിക്കാൻ സാധിച്ചിട്ടില്ലെന്ന വസ്തുത ശ്രദ്ധയിൽപ്പെട്ടിട്ടുണ്ടോ;

കോടതി വ്യവഹാരങ്ങളിൽ ഉൾപ്പെട്ട വസ്തുക്കൾ ഒഴിവാക്കി മറ്റുള്ളവയുടെ ഡിജിറ്റൽ സർവേ നടപടികൾ അതിവേഗം പൂർത്തിയാക്കുവാൻ നടപടി സ്വീകരിക്കുമോ;

റീ സർവേ സമയബന്ധിതമായി പൂര്‍ത്തിയാക്കുന്നതിന് ആവശ്യമായ ജീവനക്കാരെ നിയോഗിക്കുന്നതിനും അത്യാധുനിക സർവേ ഉപകരണങ്ങൾ ലഭ്യമാക്കുന്നതിനും സ്വീകരിച്ച നടപടികളുടെ വിശദാംശം നൽകുമോ;

റീ സർവേ സംബന്ധിച്ചുള്ള പൊതുജനങ്ങളുടെ പരാതികള്‍ സ്വീകരിക്കുന്നതിനും അത് പരിഹരിക്കുന്നതിനും നടപടി സ്വീകരിച്ചിട്ടുണ്ടോ; വ്യക്തമാക്കുമോ?

സംസ്ഥാനത്തെ പ്രധാന ജംഗ്ഷനുകളിലെ ഗതാഗത കുരുക്ക് മാറ്റുന്നതിന് സമഗ്രമായ പദ്ധതികള്‍ ആവിഷ്കരിച്ചിട്ടുണ്ടോ; വ്യക്തമാക്കുമോ;

എങ്കില്‍ പ്രസ്തുത പ്രവൃത്തികള്‍ക്കായി വകയിരുത്തിയിട്ടുള്ള തുകയുടെ വിശദാംശം നല്‍കാമോ;

ജംഗ്ഷനുകളുടെ വികസനത്തിനാവശ്യമായ സ്ഥലം ഏറ്റെടുക്കുന്നതിന് നടപടികള്‍ ആസൂത്രണം ചെയ്തിട്ടുണ്ടോ; ഇതിനാവശ്യമായ തുക അനുവദിച്ചിട്ടുണ്ടോ;

ഇപ്രകാരം തിരുവനന്തപുരം വട്ടിയൂര്‍ക്കാവ് ജംഗ്ഷന്‍ വികസനത്തിന് സ്വീകരിച്ചിട്ടുള്ള നടപടികള്‍ വിവരിക്കാമോ?

കോഴിക്കോട് - വയനാട് തുരങ്കപാത നിര്‍മ്മാണത്തിന്റെ പുരോഗതി വിശദമാക്കുമോ;

പ്രസ്തുത പദ്ധതിക്കായുള്ള ഭൂമിയേറ്റെടുക്കല്‍ നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ;

തുരങ്കപാത നിര്‍മ്മാണ പ്രവൃത്തിയുടെ ടെന്‍ഡര്‍ നടപടികള്‍ പൂര്‍ത്തിയായിട്ടുണ്ടോ; വിശദാംശം നല്‍കുമോ;

ഇതിനായി പ്രതീക്ഷിക്കുന്ന പദ്ധതി ചെലവ് എത്രയാണെന്ന് വ്യക്തമാക്കുമോ;

പ്രസ്തുത പദ്ധതിയുമായി ബന്ധപ്പെട്ട പ്രവ‍ൃത്തികള്‍ എപ്പോൾ ആരംഭിക്കുമെന്നും എന്നത്തേക്ക് പൂര്‍ത്തീകരിക്കുവാൻ സാധിക്കുമെന്നും വിലയിരുത്തിയിട്ടുണ്ടോ;

തുരങ്കത്തിലേക്കുളള അനുബന്ധപാത സംസ്ഥാനപാതയായി പ്രഖ്യാപിച്ചിട്ടുണ്ടോ; വ്യക്തമാക്കാമോ?

കെട്ടിട നിർമ്മാണ തൊഴിലാളി ക്ഷേമനിധി ബോർഡ് ഉള്‍പ്പെടെയുള്ള ക്ഷേമനിധി ബോർഡുകളിൽ പെൻഷൻ അടക്കമുള്ള ആനുകൂല്യങ്ങളുടെ വിതരണം മുടങ്ങിയിട്ടുണ്ടോ; വ്യക്തമാക്കാമോ;

പ്രസ്തുത ക്ഷേമനിധി ബോർഡുകളില്‍ അംശദായം അടച്ച നിരവധി വ്യക്തികളുടെ പെൻഷൻ അടക്കമുള്ള ആനുകൂല്യങ്ങൾ വർഷങ്ങളായി മുടങ്ങിയിട്ടുണ്ടോ; എങ്കില്‍ കാരണം പരിശോധിച്ചിട്ടുണ്ടോ; വിശദമാക്കാമോ;

പ്രസ്തുത ക്ഷേമനിധി ബോർഡുകളിൽ മുടങ്ങിക്കിടക്കുന്ന ക്ഷേമനിധി പെൻഷൻ കുടിശിക അടിയന്തരമായി നൽകാനുള്ള നടപടി സ്വീകരിക്കുമോ; വ്യക്തമാക്കുമോ?

ക്ഷേമനിധി ബോര്‍ഡുകള്‍ സംയോജിപ്പിക്കുന്നതിനുള്ള നടപടികളുടെ പുരോഗതി അറിയിക്കാമോ;

തൊഴിലാളികുളുടെ അംഗത്വത്തിനും ആനുകൂല്യങ്ങള്‍ നല്‍കുന്നതിനുമായി ഏകീകൃത സോഫ്റ്റ്‍വെയര്‍ സംവിധാനം സജ്ജമാക്കിയിട്ടുണ്ടോ;

പ്രസ്തുത സംവിധാനം വഴിയുള്ള രജിസ്ട്രേഷന്‍ നടപടികളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ?

വര്‍ക്കല ബീച്ചിലെ ഫ്ലോട്ടിംഗ് ബ്രിഡ്ജ് തകര്‍ന്ന് കുട്ടികളും സ്ത്രീകളും ഉള്‍പ്പെടെ നിരവധി പേർക്ക് പരിക്കേറ്റ സംഭവം പരിശോധിച്ചിട്ടുണ്ടോ; വ്യക്തമാക്കുമോ;

ഫ്ലോട്ടിംഗ് ബ്രിഡ്ജ് നിർമ്മിച്ച കരാർ കമ്പനി മാനദണ്ഡങ്ങള്‍ പാലിച്ചാണോ നിര്‍മ്മാണം നടത്തിയതെന്ന് പരിശോധിച്ചിട്ടുണ്ടോ; വിശദമാക്കുമോ;

എങ്കില്‍ പ്രസ്തുത സംഭവത്തില്‍, നിർമ്മാണത്തിൽ വീഴ്ച വരുത്തിയ കമ്പനിക്കെതിരെ നടപടി സ്വീകരിക്കുമോ; വ്യക്തമാക്കാമോ?

നഗര പ്രദേശങ്ങളില്‍ വിദഗ്ദ്ധ-അവിദഗ്ദ്ധ തൊഴിലാളികളുടെ ലഭ്യതക്കുറവ് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് പരിഹരിക്കുന്നതിന് അതിഥി തൊഴിലാളികളെ ലഭ്യമാക്കാന്‍ ഓണ്‍ലെെന്‍ പദ്ധതികള്‍ രൂപീകരിച്ചിട്ടുണ്ടോ; വ്യക്തമാക്കാമോ;

പ്രസ്തുത പദ്ധതികള്‍ പ്രകാരം അതിഥി തൊഴിലാളികള്‍ക്ക് അവരുടെ സംസ്ഥാനത്ത് നിന്നുതന്നെ ഓണ്‍ലെെനായി രജിസ്റ്റര്‍ ചെയ്യാന്‍ നിലവില്‍ സംവിധാനമുണ്ടോ; വിശദമാക്കാമോ;

എങ്കില്‍ പ്രസ്തുത സംവിധാനത്തിന്റെ പുരോഗതി വിശദമാക്കാമോ?

മലബാർ മേഖലയിൽ പ്ലസ് വൺ പ്രവേശനത്തിന് പ്രതിസന്ധി നേരിടുന്നതായി പറയപ്പെടുന്നത് സംബന്ധിച്ച് എന്തെങ്കിലും പഠനം നടത്തിയിട്ടുണ്ടോ; വിശദമാക്കുമോ;

പ്രസ്തുത മേഖലയിൽ പ്ലസ് വൺ പ്രവേശനത്തിന് പര്യാപ്തമായ സീറ്റുകൾ ഇല്ലെന്ന വസ്തുത ശ്രദ്ധയില്‍പ്പെട്ടിട്ടുണ്ടോ;

തെക്കൻ ജില്ലകളിൽ കുട്ടികളില്ലാതെ ഹയർസെക്കണ്ടറി ബാച്ചുകൾ ഒഴിഞ്ഞ് കിടക്കുന്നതായി കണ്ടെത്തിയിട്ടുണ്ടോ; എങ്കിൽ അവ മലബാർ മേഖലയിലേക്ക് മാറ്റുന്നതിന് നടപടി സ്വീകരിക്കുമോ;

മലബാർ മേഖലയിലെ പ്ലസ് വൺ സീറ്റ് ക്ഷാമം ശാശ്വതമായി പരിഹരിക്കാൻ എന്തെല്ലാം നടപടികളാണ് സ്വീകരിക്കുവാനുദ്ദേശിക്കുന്നതെന്ന് വിശദമാക്കുമോ; സർക്കാർ, എയ്ഡഡ് മേഖലയിലെ എല്ലാ സ്കൂളുകളിലും പുതിയ ബാച്ചുകൾ അനുവദിക്കുവാൻ നടപടി സ്വീകരിക്കുമോ?

മലബാർ മേഖലയിൽ പ്ലസ് വൺ പ്രവേശനത്തിന് മതിയായ അവസരങ്ങൾ ലഭിക്കുന്നില്ല എന്നത് പരിശോധിച്ചിട്ടുണ്ടോ;

എല്ലാ വിഷയത്തിനും എ പ്ലസ് നേടിയ വിദ്യാർത്ഥികൾക്കുപോലും പ്ലസ് വണ്ണിന് ഇഷ്ടകോഴ്സും സ്ഥാപനവും ലഭിക്കുന്നില്ല എന്നത് പരിഹരിക്കാൻ നടപടി സ്വീകരിച്ചിട്ടുണ്ടോ;

അധിക ബാച്ചുകൾ അനുവദിച്ചും ഡിവിഷനുകള്‍, സീറ്റുകള്‍ എന്നിവ വർദ്ധിപ്പിച്ചും ഇത് പരിഹരിക്കാൻ നടപടി സ്വീകരിക്കുമോ?

സംസ്ഥാനത്തെ റോഡുകള്‍ അന്തര്‍ദേശീയ നിലവാരത്തില്‍ ഉയര്‍ത്താന്‍ സ്വീകരിച്ച നടപടികള്‍ എന്തെല്ലാമെന്ന് വ്യക്തമാക്കുമോ;

റോഡുകള്‍ ഉള്‍പ്പെടെയുള്ള അടിസ്ഥാന സൗകര്യ മേഖലയില്‍ കൈവരിച്ച പുരോഗതി നിലനിര്‍ത്തുവാന്‍ സ്വീകരിച്ച നടപടികളുടെ വിശദാംശം ലഭ്യമാക്കുമോ?

സംസ്ഥാനത്ത് ദേശീയപാത 85-ന്റെ വികസനം നിലവില്‍ ഏത് ഘട്ടത്തിലാണെന്ന് അറിയിക്കാമോ;

പ്രസ്തുത ദേശീയപാതയ്ക്കായുള്ള ഭൂമി ഏറ്റെടുക്കല്‍ പ്രവ‍ൃത്തിയുടെ പുരോഗതി വിശദമാക്കാമോ;

ഭൂമി ഏറ്റെടുക്കലുമായി ബന്ധപ്പെട്ട് വനം വകുപ്പുമായുള്ള തര്‍ക്കങ്ങളില്‍ ഹൈക്കോടതി ഇടപെട്ട് തീര്‍പ്പ് കല്‍പ്പിക്കുകയുണ്ടായോ; വിശദവിവരം ലഭ്യമാക്കാമോ?

സംസ്ഥാനത്തെ സബ് രജിസ്ട്രാർ ഓഫീസുകളിൽ ടെംപ്ലേറ്റ് സംവിധാനം നിലവിൽ വന്നിട്ടുണ്ടോ; വിശദമാക്കാമോ;

പ്രസ്തുത സംവിധാനം നിലവിൽ വരുന്നതിന് എന്തെങ്കിലും തടസ്സമുള്ളതായി ശ്രദ്ധയിൽപ്പെട്ടിട്ടുണ്ടോ;

പ്രസ്തുത സംവിധാനം നിലവിൽ വരുന്നതോടെ ആധാരമെഴുത്തുകാരുടെ ജോലി നഷ്ടപ്പെടുമെന്ന ആശങ്ക ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കാൻ എന്തെല്ലാം നടപടികളാണ് സ്വീകരിക്കുവാൻ ഉദ്ദേശിക്കുന്നതെന്ന് വ്യക്തമാക്കാമോ?

കേരള ഹൈക്കോടതിയുടെ വൺ എർത്ത് വൺ ലൈഫ് കേസിലെ വിധിയെത്തുടർന്ന് നിരവധി പേർക്ക് പട്ടയം ലഭിക്കാത്ത സാഹചര്യമുണ്ട് എന്നത് ശ്രദ്ധയിൽപ്പെട്ടിട്ടുണ്ടോ;

എങ്കിൽ അത് പരിഹരിക്കാൻ നടത്തിയ ഇടപെടലുകളുടെ വിശദാംശം ലഭ്യമാക്കുമോ;

കൈവശഭൂമിയുടെ പട്ടയം നിഷേധിക്കപ്പെട്ടവർക്ക് പട്ടയം ലഭ്യമാക്കാൻ അനുഭാവപൂര്‍വമുള്ള നടപടി സ്വീകരിക്കുമോ; വിശദമാക്കുമോ?

കാസർഗോഡ് - തിരുവനന്തപുരം ദേശീയപാത 66-ന്റെ നിര്‍മ്മാണ പ്രവൃത്തികൾ ത്വരിതഗതിയിലാക്കുന്നതിന് മിഷന്‍ 2025 എന്ന പദ്ധതി ആവിഷ്കരിച്ചിട്ടുണ്ടോ; വിശദാംശം ലഭ്യമാക്കുമോ;

ദേശീയപാത 66-ല്‍ നിര്‍മ്മാണം പൂര്‍ത്തിയായ റീച്ചുകളുടെ വിശദാംശം ലഭ്യമാക്കാമോ; പൂര്‍ത്തിയായ റീച്ചുകള്‍ നിലവില്‍ ഗതാഗതത്തിനായി തുറന്ന് കൊടുത്തിട്ടുണ്ടോ; വ്യക്തമാക്കാമോ;

സിഗ്നലുകളും ടോള്‍ബൂത്തുകളുമില്ലാതെ നിര്‍മ്മാണം പൂര്‍ത്തിയാക്കുന്ന പ്രസ്തുത പാതയ്ക്ക് അനുയോജ്യമായ അടിപ്പാതകളുടെയും ജി.പി.എസ്. സംവിധാനങ്ങളുടെയും വിശദവിവരം നല്‍കാമോ?

സംസ്ഥാനത്ത് റീസർവേ നടപടികൾ നിലവിൽ ഏതു ഘട്ടത്തിലാണ്; റീസർവേയിൽ വ്യാപകമായി തെറ്റുകൾ വന്നതായി പരാതികൾ ലഭിച്ചിട്ടുണ്ടോ;

റീസർവേ നടപടികൾക്കായി കൈക്കൂലി ആവശ്യപ്പെടുന്നതായ ആക്ഷേപം ശ്രദ്ധയിൽപ്പെട്ടിട്ടുണ്ടോ;

റീസർവേയിലെ തെറ്റുകൾ സമയബന്ധിതമായി തീർപ്പാക്കാൻ സ്വീകരിക്കാൻ ഉദ്ദേശിക്കുന്ന എന്തെല്ലാം നടപടികളുടെ വിശദാംശം ലഭ്യമാക്കുമോ?

വിദ്യാര്‍ത്ഥികള്‍ക്ക് അഭിരുചിയ്ക്കനുസരിച്ച് പഠിക്കാനും തൊഴില്‍ സാധ്യത ഉറപ്പുവരുത്താനും നൈപുണ്യ പരിശീലന കേന്ദ്രങ്ങള്‍ ആവിഷ്കരിക്കാന്‍ ഉദ്ദേശിക്കുന്നുണ്ടോ;

പ്രസ്തുത കേന്ദ്രങ്ങള്‍ ഏതൊക്കെ സ്ഥാപനങ്ങള്‍ കേന്ദ്രീകരിച്ചാണ് പ്രവർത്തിക്കുകയെന്നും ഒന്നാം ഘട്ടത്തില്‍ ഇത്തരത്തിലുള്ള എത്ര കേന്ദ്രങ്ങള്‍ ആരംഭിക്കാനാണ് ഉദ്ദേശിക്കുന്നതെന്നും വിശദമാക്കാമോ;

ഓരോ ബാച്ചിലും ഉള്‍ക്കൊള്ളാന്‍ കഴിയുന്ന കുട്ടികളുടെ എണ്ണം, പ്രായപരിധി, എസ്.സി./എസ്.ടി. വിഭാഗങ്ങള്‍ക്കുള്ള പരിഗണന എന്നിവ വിശദമാക്കാമോ;

സംസ്ഥാന തലത്തില്‍ ഇത്തരത്തിലുള്ള എത്ര കേന്ദ്രങ്ങൾ ആരംഭിക്കാനാണ് ലക്ഷ്യമിടുന്നതെന്ന് അറിയിക്കാമോ?

സംസ്ഥാനത്ത് ഭൂമി തരം മാറ്റുന്നതിനുളള അപേക്ഷകൾ സമയബന്ധിതമായി തീർപ്പാക്കുന്നതിന് സ്വീകരിച്ചുവരുന്ന നടപടികൾ വിശദമാക്കുമോ;

സ്വകാര്യ ഏജൻസികളും റവന്യൂ വകുപ്പിൽ നിന്നും വിരമിച്ച ഉദ്യോഗസ്ഥരും അടങ്ങിയ മാഫിയ സംഘങ്ങൾ ഭൂമി തരം മാറ്റൽ നടപടികൾ നിയന്ത്രിക്കുന്നു എന്ന ആരോപണം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

എങ്കിൽ ഇത്തരം മാഫിയ സംഘങ്ങളെ ഒഴിവാക്കുന്നതിനും ചട്ടവിരുദ്ധമായ ഇടപാടുകൾ നടക്കുന്നില്ലെന്ന് ഉറപ്പാക്കുന്നതിനും സ്വീകരിക്കാൻ ഉദ്ദേശിക്കുന്ന നടപടികളുടെ വിശദാംശം ലഭ്യമാക്കുമോ?

സ്കൂളുകളിൽ ലഹരി ഉപയോഗം ക്രമാതീതമായി വർദ്ധിക്കുന്ന സാഹചര്യം ഗൗരവമായി കാണുന്നുണ്ടോ;

എങ്കിൽ കുട്ടികളിലെ ലഹരി ഉപയോഗം തടയുന്നതിന് സ്കൂളുകൾക്ക് മാർഗ്ഗനിർദേശങ്ങൾ നൽകിയിട്ടുണ്ടോ;

സ്കൂളുകളിലെ ലഹരി ഉപയോഗം തടയുന്നതിന് സ്വീകരിച്ച നടപടികൾ വിശദമാക്കാമോ?

സംസ്ഥാനത്തെ പ്ലസ് വൺ പ്രവേശനം സ്റ്റേറ്റ് യൂണിറ്റ് അടിസ്ഥാനത്തിൽ കണക്കാക്കുന്നത് മൂലം അർഹരായ നിരവധി വിദ്യാർത്ഥികൾക്ക് അവരുടെ താലൂക്കിലോ ജില്ലയിലോ പോലും സീറ്റ് ലഭിക്കാത്ത സാഹചര്യം പരിശോധനാ വിധേയമാക്കിയിട്ടുണ്ടോ;

പ്ലസ് വൺ പ്രവേശനം സ്റ്റേറ്റ് യൂണിറ്റ് അടിസ്ഥാനത്തിൽ കണക്കാക്കുന്നതിന് പകരം താലൂക്ക് അടിസ്ഥാനത്തിൽ കണക്കാക്കുവാന്‍ തയ്യാറാകുമോ;

ഇല്ലെങ്കിൽ കാരണം വിശദമാക്കാമോ?

വിഴിഞ്ഞം-നാവായിക്കുളം ഔട്ടര്‍ റിംഗ് റോഡ് ഉള്‍പ്പെടെയുള്ള ഗ്രീന്‍ഫീല്‍ഡ് ദേശീയപാതകളുടെ നിര്‍മ്മാണത്തിന്റെ ജി.എസ്.ടി ഒഴിവാക്കുന്നതിന് തീരുമാനമെടുത്തിട്ടുണ്ടോ;

ഇത്തരത്തില്‍ ജി.എസ്.ടി ഒഴിവാക്കുന്നത് സംസ്ഥാനത്തിന് കനത്ത വരുമാന നഷ്ടം ഉണ്ടാക്കുമെന്ന കാര്യം വിലയിരുത്തിയിട്ടുണ്ടോ;

പ്രസ്തുത പ്രവൃത്തിക്കാവശ്യമായ മണ്ണിന്റെയും കല്ലിന്റെയും റോയല്‍റ്റി ഉപേക്ഷിക്കുന്ന കാര്യം പരിഗണിച്ചിട്ടുണ്ടോയെന്ന് വ്യക്തമാക്കുമോ?

ഗിഗ് തൊഴിലാളികളുടെ തൊഴിലവകാശങ്ങൾ സംരക്ഷിക്കുന്നതിനായുള്ള നിയമനിർമ്മാണം പരിഗണനയിലുണ്ടോ; വിശദാംശം ലഭ്യമാക്കുമോ;

ഗിഗ് മേഖലയിൽ വെബ്ബിന്റെയും ലൊക്കേഷന്റെയും അടിസ്ഥാനത്തിലും ഐ.ടി. മേഖലയിൽ സ്വതന്ത്ര സേവന ദാതാക്കളായും തൊഴിലെടുക്കുന്നവരുടെ തൊഴിൽ സ്ഥിരതയും മറ്റാനുകൂല്യങ്ങളും ഉറപ്പാക്കുന്നതിന് എന്തെല്ലാം നടപടികൾ സ്വീകരിച്ചിട്ടുണ്ടെന്ന് വ്യക്തമാക്കുമോ;

2020-ല്‍ സോഷ്യൽ സെക്യൂരിറ്റി കോഡ് നടപ്പാക്കിയെങ്കിലും ഗിഗ് തൊഴിലാളികൾക്ക് കാര്യമായ ആനുകൂല്യങ്ങൾ ലഭിക്കുന്നില്ലെന്ന പരാതി ശ്രദ്ധയിൽപ്പെട്ടിട്ടുണ്ടോ; വിശദാംശം ലഭ്യമാക്കുമോ;

ഗിഗ് തൊഴിലാളികളുടെ തൊഴിൽസാഹചര്യങ്ങൾ പഠിക്കുന്നതിനും തൊഴിൽമേഖലയിലെ അവരുടെ പ്രശ്നങ്ങൾ പരിഹരിക്കുന്നതിനും സ്വീകരിച്ചിട്ടുള്ള നടപടികൾ വിശദമാക്കുമോ?

പുതിയ മദ്യനയം സംബന്ധിച്ച് ടൂറിസം വകുപ്പ് ഫെഡറേഷന്‍ ഓഫ് കേരള ഹോട്ടല്‍സ് അസോസിയേഷന്‍ പ്രതിനിധികളെ കൂടി ഉൾപ്പെടുത്തി ചര്‍ച്ച നടത്തിയിരുന്നോയെന്ന് വ്യക്തമാക്കാമോ;

പ്രസ്തുത യോഗത്തില്‍ ഏതൊക്കെ വിഷയങ്ങളാണ് ചർച്ച ചെയ്തതെന്ന് വ്യക്തമാക്കാമോ;

ഈ യോഗത്തിന്റെ അടിസ്ഥാനത്തിൽ പുതിയ മദ്യനയം സംബന്ധിച്ച് ടൂറിസം വകുപ്പ് എക്‌സൈസ് വകുപ്പിന് ശിപാർശകൾ നൽകിയിട്ടുണ്ടോ; എങ്കിൽ വിശദമാക്കാമോ?

2024-ലെ എസ്.എസ്.എല്‍.സി., ഹയര്‍ സെക്കണ്ടറി പരീക്ഷകള്‍ സമയബന്ധിതവും ശാസ്ത്രീയവുമായി നടത്തുന്നതിന് സ്വീകരിച്ച മുന്നൊരുക്കങ്ങള്‍ വിശദമാക്കാമോ;

വിദ്യാര്‍ത്ഥികളുടെ പരീക്ഷാഫലം സുതാര്യവും ശാസ്ത്രീയവും സമയബന്ധിതവുമായി പ്രഖ്യാപിക്കാന്‍ നടത്തിയ ശ്രമങ്ങള്‍ വിജയകരമായിരുന്നോ; വിശദാംശം അറിയിക്കാമോ;

സര്‍ട്ടിഫിക്കറ്റുകള്‍ സമയബന്ധിതമായി വിതരണം ചെയ്യുന്നതിന് നടത്തിയ നടപടികള്‍ വിശദമാക്കുമോ?

മൺസൂൺ ആരംഭിക്കുന്നതിന് മുമ്പായി സംസ്ഥാനത്തെ എല്ലാ റോഡുകളും ഗതാഗത യോഗ്യമാണോയെന്ന് വിലയിരുത്തുന്നതിന് സ്ഥിരം സംവിധാനം ഏർപ്പെടുത്താന്‍ ഉദ്ദേശിക്കുന്നുണ്ടോ; വിശദീകരിക്കാമോ;

റണ്ണിംഗ് കോൺട്രാക്ട് നിലവിലുള്ള റോഡുകളിലെ അറ്റകുറ്റപ്പണികൾ മൺസൂൺ ആരംഭിക്കുന്നതിന് മുമ്പായി പൂർത്തീകരിച്ച് മികച്ച രീതിയിൽ പരിപാലിക്കുന്നുവെന്ന് ഉറപ്പുവരുത്തുന്നതിനായി പ്രത്യേക പരിശോധനാ സംഘങ്ങളെ നിയോഗിച്ചിട്ടുണ്ടോ; വിശദമാക്കാമോ;

വാട്ടർ അതോറിറ്റി ഉൾപ്പെടെയുള്ള ഏജൻസികളുടെ പ്രവൃത്തികളുടെ ഫലമായി കേടുപാടുകൾ സംഭവിച്ച റോഡുകൾ മഴയ്ക്കു മുമ്പ് ഗതാഗത യോഗ്യമാക്കുന്നതിന് സ്വീകരിച്ച നടപടികൾ വിശദമാക്കാമോ;

റണ്ണിംഗ് കോൺട്രാക്ട് ഇല്ലാത്ത റോഡുകളിലെ അറ്റകുറ്റപ്പണികൾ നടത്താന്‍ നിലവിലെ സംവിധാനങ്ങൾ എന്തെല്ലാമെന്ന് വിശദമാക്കാമോ;

ഓടകളും ജലനിർഗമന പാതകളും ശരിയായ രീതിയിൽ പരിപാലിക്കപ്പെടാത്തതിനാല്‍ ഉണ്ടാകുന്ന വെള്ളക്കെട്ടും റോഡ് തകർച്ചയും മൂലമുണ്ടാകുന്ന ഗതാഗത തടസ്സം ഒഴിവാക്കാന്‍ മൺസൂൺ ആരംഭിക്കുന്നതിന് മുമ്പ് ഇവയിലെ മാലിന്യങ്ങൾ നീക്കംചെയ്ത് പരിപാലിക്കുന്നതിനായി സ്വീകരിച്ചിട്ടുള്ള നടപടികൾ വിശദീകരിക്കുമോ?

സംസ്ഥാനത്തെ ലോകനിലവാരത്തിലുള്ള ടൂറിസം ഹബ്ബാക്കി മാറ്റുന്നതിനുള്ള സാധ്യതകൾ വിശകലനം ചെയ്തിട്ടുണ്ടോ; വിശദമാക്കുമോ;

വിദേശ വിനോദസഞ്ചാരികളുടെ അഭിരുചിക്കനുസൃതമായ സൗകര്യങ്ങൾ പ്രദാനം ചെയ്യുന്ന മികച്ച പ്രൊഫഷണലിസം ഉള്ള ഹോസ്പിറ്റാലിറ്റി വിഭാഗത്തെ സജ്ജമാക്കുന്നതിന് നടപ്പിലാക്കിയിട്ടുള്ള പദ്ധതികൾ വിശദീകരിക്കുമോ;

വിനോദസഞ്ചാര മേഖലയുടെ പശ്ചാത്തല വികസനത്തിന്റെ ഭാഗമായി തനത് രൂപകൽപ്പന നയം ആവിഷ്കരിച്ച് നടപ്പിലാക്കുന്നതിന് ഉദ്ദേശിക്കുന്നുണ്ടോ; വിശദീകരിക്കുമോ;

ബേപ്പൂരിലെ ഉരുക്കൾ ഒരു പ്രധാന ടൂറിസം ഉല്‍പ്പന്നമായി ഉയർത്തിക്കൊണ്ടുവരുന്നതിന് പദ്ധതിയുണ്ടോ; വിശദീകരിക്കുമോ?

ദേശീയ വിദ്യാഭ്യാസ നയത്തിന്റെ ഭാഗമായുള്ള പി എം - ശ്രീ പദ്ധതി നടപ്പാക്കുന്നത് സംബന്ധിച്ച് കേന്ദ്ര സര്‍ക്കാരിൽ നിന്നും സംസ്ഥാന സര്‍ക്കാരിന് നിര്‍ദേശം ലഭ്യമായിട്ടുണ്ടോ;

പ്രസ്തുത പദ്ധതി നടപ്പാക്കിയില്ലെങ്കില്‍ സമഗ്ര ശിക്ഷാ കേരള പദ്ധതി പ്രകാരം സംസ്ഥാനത്തിന് നല്‍കാനുള്ള കുടിശിക തടഞ്ഞുവയ്ക്കുമെന്നുള്ള മാധ്യമ വാര്‍ത്തകള്‍ ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

സമഗ്ര ശിക്ഷാ കേരള-യ്ക്ക് കേന്ദ്രവിഹിതത്തില്‍ നിലവില്‍ കുടിശികയായ തുക അനുവദിക്കപ്പെട്ടിട്ടുണ്ടോ; എങ്കിൽ വിശദാംശം ലഭ്യമാക്കുമോ?

പ്രീ പ്രെെമറി വിദ്യാഭ്യാസം ശിശു സൗഹൃദവും ആകര്‍ഷവുമാക്കുന്നതിന് എന്തെല്ലാം പരിഷ്ക്കാരങ്ങളാണ് നടപ്പാക്കിയിട്ടുള്ളത്;

പ്രീ പ്രെെമറി വിദ്യാര്‍ത്ഥികള്‍ക്കായി പ്രത്യേക പാഠ്യ പദ്ധതി തയ്യാറാക്കാന്‍ ഉദ്ദേശിക്കുന്നുണ്ടോ; എങ്കില്‍ വിശദ വിവരങ്ങളും പുരോഗതിയും അറിയിക്കാമോ;

സര്‍ക്കാര്‍ അംഗീകൃത പ്രീ പ്രെെമറി സ്ക്കൂളുകളില്‍ ഭാഷാ വികാസ ഇടങ്ങള്‍ സജ്ജീകരിക്കുന്നതിനും സാങ്കേതികവിദ്യാ സൗകര്യങ്ങള്‍ ഒരുക്കുന്നതിനുമുള്ള പ്രവര്‍ത്തനങ്ങളുടെ പുരോഗതി അറിയിക്കുമോ?