സംസ്ഥാനത്ത് സംരക്ഷിത പ്രദേശങ്ങളായി പരിപാലിക്കപ്പെടുന്ന വനമേഖലകളുടെ വിശദാംശം ലഭ്യമാക്കുമോ;

ജൈവ വൈവിധ്യ സംരക്ഷണത്തിനുള്ള പ്രധാന പ്രവർത്തനങ്ങള്‍ എന്തൊക്കെയാണെന്ന് വ്യക്തമാക്കാമോ;

ശോഷണം സംഭവിച്ച വനങ്ങളുടെ സംരക്ഷണത്തിന് പ്രത്യേക പദ്ധതികള്‍ ആസൂത്രണം ചെയ്തിട്ടുണ്ടോയെന്ന് വ്യക്തമാക്കുമോ;

ജൈവ വൈവിധ്യ സംരക്ഷണത്തെ പ്രോത്സാഹിപ്പിക്കാന്‍ പ്രകൃതിമിത്ര അവാർഡ് ഏർപ്പെടുത്തിയിട്ടുണ്ടോ; വിശദാംശം നല്‍കുമോ?

വിഴിഞ്ഞം തുറമുഖ നിര്‍മ്മാണവുമായി ബന്ധപ്പെട്ട് ജീവനോപാധി നഷ്ടപ്പെട്ട മത്സ്യത്തൊഴിലാളികളുടെ പുനരധിവാസത്തിന് ആവിഷ്കരിച്ചിരുന്ന പദ്ധതികള്‍ എന്തെല്ലാമാണെന്ന് വിശദമാക്കുമോ;

ഇതില്‍ ഏതെല്ലാം പദ്ധതികള്‍ ഇതുവരെ നടപ്പിലാക്കിയിട്ടുണ്ട്; വിശദമാക്കുമോ;

2011-16 കാലത്തെ സര്‍ക്കാര്‍ പ്രസ്തുത പദ്ധതികള്‍ നടപ്പാക്കുന്നതിന് എത്ര കോടി രൂപ അനുവദിച്ചിരുന്നു; അതില്‍ എത്ര കോടി രൂപ ചെലവഴിക്കപ്പെട്ടിട്ടുണ്ട്; വ്യക്തമാക്കാമോ;

പ്രസ്തുത പദ്ധതികള്‍ക്കായി 2016 മുതല്‍ നാളിതുവരെ എത്ര കോടി രൂപ അനുവദിക്കുകയും എത്ര കോടി രൂപ ചെലവഴിക്കുകയും ചെയ്തിട്ടുണ്ട്; വിശദാംശം നല്‍കാമോ?

പട്ടികജാതി പട്ടികവര്‍ഗ്ഗ വിഭാഗങ്ങളിലെ അഭ്യസ്തവിദ്യര്‍ക്ക് സര്‍ക്കാര്‍ സംവിധാനത്തില്‍ തൊഴില്‍ പരിശീലനത്തിനും നെെപുണ്യ വികസനത്തിനും പ്രവൃത്തി പരിചയത്തിനുമായി ആവിഷ്കരിച്ച് നടപ്പിലാക്കിയ ട്രെയിനിംഗ് ഫോര്‍ കരിയര്‍ എക്സലൻസ് പദ്ധതിയുടെ വിശദാംശം ലഭ്യമാക്കാമോ;

പ്രസ്തുത പദ്ധതിയുടെ ഭാഗമായി എത്ര പേരെ വിവിധ ഓഫീസുകളില്‍ ഓണറേറിയം നല്‍കി നിയമിച്ചിട്ടുണ്ട്; വിശദമാക്കാമോ;

പ്രസ്തുത വിഭാഗങ്ങളിലെ അഭ്യസ്തവിദ്യര്‍ക്ക് മെച്ചപ്പെട്ട വരുമാനവും താെഴിലും ലഭിക്കാന്‍ അവസരമാെരുക്കുമോയെന്ന് വ്യക്തമാക്കാമോ?

സംസ്ഥാനത്തിന്റെ തീരക്കടലിൽ നി​രോധിത വലകളും ലൈറ്റുകളും ഉപയോഗിച്ച് മത്സ്യബന്ധനത്തിൽ ഏർപ്പെടുന്ന സംഘങ്ങളും പരമ്പരാഗത മത്സ്യത്തൊഴിലാളികളും തമ്മിൽ സംഘർഷങ്ങൾ ഉണ്ടാകുന്നതായ റിപ്പോർട്ടുകൾ ലഭിച്ചിട്ടുണ്ടോ;

ഇതര സംസ്ഥാനങ്ങളിൽ നിന്നും എത്തുന്ന ഇത്തരം സംഘങ്ങള്‍ക്ക് യൂസേഴ്സ് ഫീ ചുമത്താറുണ്ടോ;

ഇവരെ നിരീക്ഷിക്കുന്നതിനും നിയന്ത്രിക്കുന്നതിനും സ്വീകരിക്കാനുദ്ദേശിക്കുന്ന നടപടി വിശദമാക്കുമോ?

ആഗോളതാപനവും കാലാവസ്ഥാവ്യതിയാനവും സൃഷ്ടിക്കുന്ന അതിതീവ്ര പ്രകൃതി പ്രതിഭാസങ്ങളുടെ ഫലമായി ഉൾനാടൻ മത്സ്യ സമ്പത്തിന് ഉണ്ടായിക്കൊണ്ടിരിക്കുന്ന ശോഷണം ശ്രദ്ധയിൽപ്പെട്ടിട്ടുണ്ടോ; വിശദീകരിക്കാമോ;

സംസ്ഥാനത്തിന്റെ ജല ആവാസവ്യവസ്ഥയിലെ പ്രധാന കണ്ണികളായ പരമ്പരാഗത മത്സ്യയിനങ്ങളിൽ പലതും വംശനാശഭീഷണി നേരിടുന്ന സാഹചര്യത്തിൽ ഇവയെ സംരക്ഷിക്കുന്നതിനും ആവാസവ്യവസ്ഥയിലെ കണ്ണികൾ മുറിയാതിരിക്കുന്നതിനും വേണ്ടി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

വംശനാശഭീഷണി നേരിടുന്ന ഉൾനാടൻ ശുദ്ധജല മത്സ്യ ഇനങ്ങളുടെ നിലനിൽപ്പിനുവേണ്ടി കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസ് തുടക്കം കുറിച്ചിട്ടുള്ള പ്രവർത്തനങ്ങൾ ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

കൊല്ലം ജില്ലയിലെ ശാസ്താംകോട്ട ശുദ്ധജല തടാകത്തിലെ ആവാസ വ്യവസ്ഥയിലെ പ്രധാന കണ്ണിയായ മഞ്ഞക്കൂരി എന്ന മത്സ്യയിനത്തിന്റെ വംശനാശഭീഷണിയെ നേരിടുന്നതിന് പ്രസ്തുത സ്ഥാപനം നടപ്പാക്കിയ പ്രവർത്തനങ്ങൾ വിശദീകരിക്കുമോ;

ഉൾനാടൻ ജലാശയങ്ങളിലെ വംശനാശഭീഷണി നേരിടുന്ന മത്സ്യ ഇനങ്ങളുടെ വിവരശേഖരണം നടത്തി അവയുടെ സ്വാഭാവിക നിലനിൽപ്പിന് ആവശ്യമായ ഗവേഷണവും പ്രവർത്തനങ്ങളും നടത്തുന്നതിന് കേരള യൂണിവേഴ്സിറ്റി ഓഫ് ഫിഷറീസ് ആൻഡ് ഓഷ്യൻ സ്റ്റഡീസിനെ ചുമതലപ്പെടുത്തുമോ; വിശദീകരിക്കാമോ?

പട്ടികജാതിയിൽ നിന്നുള്ള പരിവർത്തിത ക്രൈസ്തവർക്ക് പട്ടികജാതി സംവരണം ലഭിക്കുന്നതിന് വേണ്ടി സംസ്ഥാനം കേന്ദ്ര സര്‍ക്കാരിലേക്ക് ശിപാർശ നൽകിയിട്ടുണ്ടോ;

പട്ടികജാതിയിൽപ്പെട്ട പരിവർത്തിത ക്രൈസ്തവരുടെ ജാതി സെൻസസ് എടുത്തിട്ടുണ്ടോയെന്നറിയിക്കുമോ;

പ്രസ്തുത വിഭാഗക്കാരുടെ സ്റ്റൈപ്പന്റും/ലംപ്സം ഗ്രാന്റും സമയബന്ധിതമായി വിതരണം ചെയ്യാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

കേരള സംസ്ഥാന പരിവർത്തിത ക്രൈസ്തവ ശുപാർശിത വിഭാഗ വികസന കോർപ്പറേഷന്റെ പ്രവർത്തന മൂലധനം ബഡ്ജറ്റിൽ വർദ്ധിപ്പിക്കാൻ നടപടി സ്വീകരിക്കുമോ;

പട്ടികജാതിക്കാർക്ക് ലഭിക്കുന്ന എല്ലാ ഭവന നിർമ്മാണ ആനുകൂല്യങ്ങളും ഭവനരഹിതരായ മുഴുവൻ പരിവർത്തിത ക്രൈസ്തവർക്കും കൂടി ലഭ്യമാക്കാൻ നടപടി സ്വീകരിക്കുമോ; വിശദമാക്കുമോ?

സംസ്ഥാനത്തെ മത്സ്യഭവനുകളിൽ പ്രവര്‍ത്തനത്തിന് അനുയോജ്യമായ കെട്ടിട സൗകര്യമുള്ളവ എത്രയെണ്ണമുണ്ടെന്ന് വിശദമാക്കുമോ;

എല്ലാ മത്സ്യഭവനുകളും സ്ത്രീ/ഭിന്നശേഷി സൗഹൃദമാക്കുന്നതിനും കെട്ടിടമില്ലാത്തവയ്ക്ക് കെട്ടിടം നിർമ്മിച്ച് നല്‍കുന്നതിനും എന്തെല്ലാം പ്രവര്‍ത്തനങ്ങളാണ് നടത്തിയിട്ടുളളതെന്ന് വ്യക്തമാക്കുമോ;

ഇതിനായി പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; വിശദമാക്കാമോ?

സംസ്ഥാനത്തെ ആദിവാസി നഗറുകളിലെ വെെദ്യുതിയുള്ള മേഖലകളിൽ ഇന്റര്‍നെറ്റ് കണക്ടിവിറ്റി ലഭ്യമാക്കുവാൻ എന്തൊക്കെ നടപടികൾ സ്വീകരിച്ചിട്ടുണ്ടെന്ന് വ്യക്തമാക്കാമോ;

പട്ടികവർഗ്ഗ മേഖലകളിലെ വെെദ്യുതീകരണവുമായി ബന്ധപ്പെട്ട് വനാന്തരങ്ങളിലുള്ള നഗറുകളിൽ സോളാർ/ ഹെെബ്രിഡ് പദ്ധതി നടപ്പിലാക്കുവാൻ വെെദ്യുതി വകുപ്പുമായി ചേർന്ന് നടത്തിവരുന്ന പ്രധാന പ്രവർത്തനങ്ങൾ എന്തെല്ലാമാണെന്ന് വ്യക്തമാക്കാമോ;

പട്ടികജാതി പട്ടികവർഗ്ഗ നഗറുകളുടെ വെെദ്യുതീകരണത്തിന് ആവിഷ്കരിച്ച് നടപ്പിലാക്കിയിട്ടുള്ള കർമ്മ പദ്ധതികൾ സംബന്ധിച്ച് വിശദമാക്കാമോ?

സംസ്ഥാനത്ത് വാട്ടര്‍ അതോറിറ്റി പ്രതിദിനം വിതരണം ചെയ്യുന്ന ജലത്തിന്റെ അളവ് പരിശോധിച്ചിട്ടുണ്ടോ; എങ്കില്‍ വിശദാംശം നല്‍കാമോ;

കേരള വാട്ടര്‍ അതോറിറ്റിയുടെ കീഴില്‍ എത്ര ജല ശുദ്ധീകരണശാലകള്‍ പ്രവര്‍ത്തിക്കുന്നുണ്ടെന്നും അവയിലൂടെ ശുചീകരിച്ച് വിതരണം ചെയ്യുന്ന ജലത്തിന്റെ അളവ് കണക്കാക്കിയിട്ടുണ്ടോയെന്നും വിശദമാക്കാമോ;

എങ്കിൽ എത്ര ജല ശുചീകരണ ശാലകളില്‍ ഫ്ലോമീറ്റര്‍ ഘടിപ്പിക്കാന്‍ കഴിഞ്ഞിട്ടുണ്ടെന്ന് അറിയിക്കാമോ;

ഫ്ലോമീറ്റര്‍ ഇല്ലാത്ത ജലശുചീകരണ ശാലകളിലൂടെ വിതരണം ചെയ്യുന്ന ജലത്തിന്റെ അളവ് എങ്ങനെയാണ് കണ്ടെത്തുന്നതെന്ന് അറിയിക്കാമോ;

എല്ലാ ശുദ്ധജല വിതരണ പദ്ധതികളിലൂടെയും വിതരണം ചെയ്യുന്ന ജലം കൃത്യമായി അളക്കുന്നതിന് ഫ്ലോമീറ്റര്‍ സമയബന്ധിതമായി ഘടിപ്പിക്കുന്ന പദ്ധതിയ്ക്ക് രൂപം നല്‍കിയിട്ടുണ്ടോ; എങ്കിൽ ഇത് എന്നത്തേക്ക് പൂര്‍ത്തിയാക്കാന്‍ കഴിയുമെന്നാണ് പ്രതീക്ഷിക്കുന്നത്; വിശദാംശം നൽകാമോ?

സാമ്പത്തികമായി പിന്നാക്കം നില്‍ക്കുന്ന എസ്.സി., എസ്.ടി. വിദ്യാര്‍ഥികളുടെ പെെലറ്റാവുകയെന്ന സ്വപ്നം യാഥാര്‍ഥ്യമാക്കുന്ന വിംഗ്സ് പദ്ധതി വ്യാപകമാക്കുന്നത് പരിഗണനയിലുണ്ടോ; വ്യക്തമാക്കുമോ;

പ്രസ്തുത പദ്ധതി മുഖേന പെെലറ്റ് കോഴ്സിന് സ്കോളര്‍ഷിപ്പ് നേടിയ എല്ലാ വിദ്യാര്‍ത്ഥികളും കോഴ്സ് പൂര്‍ത്തിയാക്കിയിട്ടുണ്ടോ;

ഈ പദ്ധതിയിൽ പഠിച്ചിറങ്ങുന്ന വിദ്യാര്‍ത്ഥികള്‍ക്ക് ജോലി ലഭ്യമാക്കുന്നതിനായി സ്വീകരിച്ച നടപടികള്‍ വിശദമാക്കുമോ?

പുനർഗേഹം പദ്ധതി പ്രകാരം സ്ഥലം വാങ്ങുന്നതിനും വീട് നിർമ്മിക്കുന്നതിനും നിലവിൽ നൽകുന്നത് എത്ര രൂപയാണെന്ന് വ്യക്തമാക്കുമോ;

നിർമ്മാണ സാമഗ്രികളുടെ വിലവർദ്ധനവ് കാരണം പ്രസ്തുത തുക വീട് നിർമ്മാണത്തിന് പര്യാപ്തമല്ല എന്നത് വസ്തുതയാണോ; വിശദമാക്കാമോ;

എങ്കിൽ ഈയിനത്തിലുള്ള തുക വർദ്ധിപ്പിക്കാൻ നടപടി സ്വീകരിക്കുമോയെന്ന് അറിയിക്കുമോ?

ജനങ്ങൾക്ക് കുടിവെള്ളം എത്തിക്കുന്ന ജല്‍ജീവൻ മിഷന്റെ പ്രവർത്തനം നിലച്ചിരിക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ അതിനുള്ള കാരണം വിശദമാക്കുമോ;

2024 മാർച്ച് 31-ന് അവസാനിച്ച പദ്ധതിയുടെ കാലാവധി നീട്ടി നൽകാൻ കേന്ദ്രസർക്കാരിനോട് ആവശ്യപ്പെട്ടിട്ടുണ്ടോ; വിശദമാക്കുമോ?

പട്ടികജാതി പട്ടികവർഗ്ഗ വിഭാഗത്തിൽപെടുന്നവർ ഒരുമിച്ച് താമസിക്കുന്ന പ്രദേശങ്ങൾ അടിമത്തത്തിന്റെയും കോളനിവാഴ്ചയുടെയും ഓർമ്മകൾ ജനിപ്പിക്കുന്ന തരത്തിലുള്ള പേരുകളിൽ അറിയപ്പെടുന്നത് മൂലം ഈ വിഭാഗത്തിന് ഉണ്ടായിട്ടുള്ള ബുദ്ധിമുട്ടുകൾ ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

പട്ടികജാതി പട്ടികവർഗ്ഗ വിഭാഗങ്ങൾ ഒരുമിച്ച് താമസിക്കുന്ന പ്രദേശങ്ങളെ പുരോഗമന ജനാധിപത്യ മതനിരപേക്ഷ സമൂഹത്തിന് അനുയോജ്യമായ പേരുകളിൽ അറിയപ്പെടുന്നതിന് നടപടി സ്വീകരിച്ചിട്ടുണ്ടോ; വിശദീകരിക്കുമോ;

പ്രസ്തുത വിഭാഗത്തിൽപ്പെട്ടവർക്ക് ഉണ്ടാകുന്ന അപകർഷതാബോധം ഇത്തരത്തിലുള്ള പേരുമാറ്റത്തിലൂടെ ഇല്ലാതാക്കുന്നതിന് സഹായിക്കുമോ; വിശദീകരിക്കുമോ;

സർക്കാരിന്റെ ഔദ്യോഗിക രേഖകളിൽ ഉൾപ്പെടെ പട്ടികജാതി പട്ടികവർഗ്ഗ വിഭാഗത്തിൽപെട്ടവർ താമസിക്കുന്ന സ്ഥലങ്ങളെ അവർക്ക് അഭിമാന ബോധവും ആത്മവിശ്വാസവും നൽകുന്ന പൊതു നാമധേയത്തിൽ രേഖപ്പെടുത്തുന്നതിന് നടപടി സ്വീകരിച്ചിട്ടുണ്ടോ; വിശദീകരിക്കുമോ?

കുട്ടികളിലെ സർഗാത്മകത, ശാസ്ത്രബോധം എന്നിവ വളർത്താന്‍ എന്തെല്ലാം പദ്ധതികളാണ് സാംസ്‍കാരിക വകുപ്പ് ആവിഷ്കരിച്ചിട്ടുള്ളത്; വ്യക്തമാക്കുമോ;

കേരള സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് പ്രസിദ്ധീകരിക്കുന്ന പുസ്തകങ്ങള്‍ കൂടുതല്‍ കുട്ടികളിലേക്ക് എത്തിക്കുന്നതിന് സ്വീകരിച്ചുവരുന്ന നടപടികള്‍ എന്തൊക്കെയാണെന്ന് വ്യക്തമാക്കുമോ;

ബാലസാഹിത്യ ഇന്‍സ്റ്റിറ്റ്യൂട്ട് പ്രസിദ്ധീകരിക്കുന്നത് ഏതെല്ലാം തരത്തിലുള്ള പുസ്തകങ്ങളാണെന്ന് അറിയിക്കുമോ?

മത്സ്യക്കര്‍ഷകരെ ഉള്‍പ്പെടുത്തി നാടന്‍ മത്സ്യ ഇനങ്ങളായ കരിമീന്‍, വരാല്‍ എന്നിവയുടെ കുഞ്ഞുങ്ങളുടെ ഉല്പാദനത്തിന് സ്വീകരിച്ചിട്ടുള്ള നടപടികള്‍ എന്തെല്ലാമാണ്; അതിന്റെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

നാളിതുവരെ എത്ര മത്സ്യക്കുഞ്ഞുങ്ങളെ ഉല്‍പ്പാദിപ്പിച്ച് കര്‍ഷകര്‍ക്ക് വിതരണം ചെയ്യാൻ കഴിഞ്ഞിട്ടുണ്ട്; ജില്ല തിരിച്ച് വിവരം ലഭ്യമാക്കുമോ;

ഈ പദ്ധതി തുടര്‍ന്നും നടപ്പിലാക്കുവാന്‍ ഉദ്ദേശിക്കുന്നുണ്ടോ; ഇത് സംസ്ഥാനത്തെ മത്സ്യവിത്ത് ഉല്പാദനത്തിന് എത്രത്തോളം സഹായകമായിട്ടുണ്ടെന്ന് വിശദമാക്കുമോ?

കേരള ഇറിഗേഷൻ ഇൻഫ്രാസ്ട്രക്ചർ ഡവലപ്പ്മെന്റ് കോർപ്പറേഷൻ ലിമിറ്റഡിന്റെ കീഴിലുള്ള കുപ്പിവെള്ള ഫാക്ടറിയായ ഹില്ലി അക്വയുടെ ഇതുവരെയുള്ള പ്രവർത്തന പുരോഗതി അറിയിക്കാമോ; പ്രസ്തുത ഫാക്ടറിയുടെ പ്രവര്‍ത്തന മികവിനായി ഈ സർക്കാർ സ്വീകരിച്ച നടപടികള്‍ എന്തൊക്കെയാണെന്ന് അറിയിക്കുമോ;

സ്വീകാര്യത വർദ്ധിക്കുന്നതനുസരിച്ച് കുപ്പിവെള്ളം കൂടുതല്‍ ഉല്പാദനം നടത്തുന്നതിനും മാർക്കറ്റ് ചെയ്യുന്നതിനും സ്വീകരിച്ച നടപടി അറിയിക്കാമോ;

റെയില്‍വേ/കെ.എസ്.ആർ.ടി.സി. സ്റ്റേഷനുകളിലും സർക്കാർ ഓഫീസ് സമുച്ചയങ്ങളിലും കൂടുതലായി കുപ്പിവെള്ളത്തിന്റെ സ്റ്റോക്ക് എത്തിക്കുന്നതിന് നടപടി സ്വീകരിക്കുമോ;

സർക്കാർ ഏജന്‍സികളായ കണ്‍സ്യൂമർഫെഡ്, സപ്ലൈകോ, റേഷന്‍കടകള്‍ എന്നിവ വഴി കുപ്പിവെള്ളം വില്പന നടത്താൻ ഉദ്ദേശിക്കുന്നുണ്ടോ; എങ്കിൽ അത്തരം കേന്ദ്രങ്ങളിലേക്ക് വിപണനം വ്യാപിപ്പിക്കാന്‍ നടപടി സ്വീകരിക്കുമോ?

ആദിവാസികളിലെ അര്‍ബുദ ബാധിതരേയും രോഗ സാധ്യതയുള്ളവരേയും കണ്ടെത്താന്‍ ഡിജിറ്റലി കണക്റ്റഡ് ട്രെെബല്‍ ഏരിയ പദ്ധതി ആവിഷ്കരിച്ചിട്ടുണ്ടോ;

പ്രസ്തുത പദ്ധതിയില്‍ സഹകരിക്കുന്ന പ്രമുഖ അര്‍ബുദ ചികിത്സാ കേന്ദ്രങ്ങള്‍ ഏതൊക്കെയാണ് വിശദമാക്കുമോ;

പട്ടികവര്‍ഗ്ഗ വിഭാഗത്തിൽപ്പെട്ട എത്ര പേർക്ക് പ്രസ്തുത പദ്ധതി വഴി തൊഴില്‍ ലഭ്യമായിട്ടുണ്ടെന്നും വിദ്യാഭ്യാസ മേഖലയെ ഈ പദ്ധതിയുമായി ബന്ധപ്പെടുത്തിയിട്ടുണ്ടോയെന്നും വ്യക്തമാക്കുമോ?

കാലാവസ്ഥാ വ്യതിയാനങ്ങളും ആവാസവ്യവസ്ഥയിലെ മാറ്റങ്ങളും വന്യമൃഗങ്ങളുടെ ആഹാര ദൗർലഭ്യവും അവയുടെ രോഗപ്രതിരോധശേഷി കുറയുന്നതിന് കാരണമാകുന്നു എന്ന വാർത്ത ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

കഴിഞ്ഞ എട്ട് വർഷത്തിനിടയിൽ ചരിഞ്ഞ 678 ആനകളിൽ 275 എണ്ണം അഞ്ച് വയസ്സിന് താഴെയുള്ളവയാണെന്ന കണ്ടെത്തൽ ശ്രദ്ധയിൽപ്പെട്ടിട്ടുണ്ടോ; വിശദമാക്കുമോ;

കാട്ടാനകളെയും നാട്ടാനകളെയും ഒരുപോലെ ബാധിക്കുന്ന ഹെർപ്പസ് വൈറസുകൾ വിവിധ കാരണങ്ങളാൽ ആനകളുടെ മരണത്തിന് കാരണമാകുന്നുണ്ടോ; വിശദീകരിക്കുമോ;

കാട്ടിനുള്ളിലെ ആഹാര ദൗർലഭ്യം പരിഹരിച്ച് വന്യമൃഗങ്ങളുടെ പ്രതിരോധശേഷി വർദ്ധിപ്പിക്കുന്നതിനായി പശ്ചിമഘട്ട മലനിരകളിലെ സ്വാഭാവിക ജൈവവൈവിധ്യം നിലനിർത്തുന്നതിന് പദ്ധതികൾ ആരംഭിച്ചിട്ടുണ്ടോ; വിശദീകരിക്കുമോ?

വിഴിഞ്ഞം ഹാർബർ നിർമ്മാണത്തിനുള്ള പാറ ശേഖരിച്ച് കടൽമാർഗം കൊണ്ടുപോകുന്നതിന് വേണ്ടി അദാനി ഗ്രൂപ്പ് ഹാർബർ എഞ്ചിനീയറിംഗ് വകുപ്പുമായി 2018-ൽ ഒപ്പുവച്ച ധാരണാപത്രത്തിന്റെ കാലാവധി അവസാനിച്ചത് എന്നാണെന്ന് വ്യക്തമാക്കുമോ;

പ്രസ്തുത ധാരണാപത്രത്തിൽ ഡ്രെഡ്ജർ ഉപയോഗിച്ച് ഹാർബറിന്റെ മൗത്തിൽ അടിഞ്ഞുകൂടിയ കല്ലുകളും ടെട്രാപോഡുകളും നീക്കം ചെയ്യുന്നതിന്‌ വ്യവസ്ഥ ചെയ്തിരുന്നോ;

പ്രസ്തുത പ്രവൃത്തി നിർവ്വഹിക്കുവാൻ അദാനി ഗ്രൂപ്പിന് സാധിച്ചിട്ടുണ്ടോ എന്ന് വ്യക്തമാക്കുമോ?

ഈ സർക്കാർ ആരംഭിച്ച പുതിയ സാംസ്കാരിക പദ്ധതികള്‍ ഏതൊക്കെയാണെന്ന് വിശദമാക്കുമോ;

കഴിഞ്ഞ സർക്കാരിന്റെ കാലത്ത് തുടക്കം കുറിച്ച ഏതെല്ലാം സാംസ്കാരിക പദ്ധതികള്‍ നിലവിലെ സർക്കാർ പൂർത്തീകരിച്ചിട്ടുണ്ടെന്ന് വ്യക്തമാക്കുമോ;

2016 മുതലുള്ള സർക്കാരുകള്‍ ആരംഭിച്ചതും പൂർത്തീകരിക്കാത്തതുമായ സാംസ്കാരിക പദ്ധതികള്‍ ഏതെല്ലാമാണെന്ന് അറിയിക്കുമോ?

കോഴിക്കോടിന് യുനെസ്കോയുടെ സാഹിത്യ നഗരമെന്ന അംഗീകാരം ലഭ്യമായിട്ടുണ്ടോ; വ്യക്തമാക്കുമോ;

എന്തെല്ലാം സവിശേഷതകളെ അടിസ്ഥാനമാക്കിയാണ് ഇന്ത്യയിലെ ആദ്യത്തെ സാഹിത്യ നഗരമായി ലോക ഭൂപടത്തില്‍ കോഴിക്കോടിന് പദവി ലഭിച്ചത്; വിശദാംശം നല്‍കുമോ;

യുനെസ്കോ ലോകത്തിലെ സര്‍ഗാത്മക നഗരങ്ങളുടെ പട്ടികയില്‍ കോഴിക്കോട് നഗരത്തെ ഉള്‍പ്പെടുത്തിയിട്ടുണ്ടോ; വിശദാംശം നല്‍കുമോ;

പ്രസ്തുത അംഗീകാരങ്ങള്‍ കേരളത്തിന്റെ സാഹിത്യ-സാംസ‍്കാരിക മേഖലകളെ എങ്ങനെയെല്ലാം സ്വാധീനിക്കുമെന്ന് വിശദമാക്കാമോ?

നഴ്സിംഗ്, പാരാമെഡിക്കൽ കോഴ്സുകൾ പാസ്സാകുന്ന പട്ടികജാതി പട്ടികവർഗ്ഗ വിഭാഗങ്ങളിലെ യുവതീ യുവാക്കൾക്ക് മികച്ച പരിശീലനം ഉറപ്പാക്കി അന്താരാഷ്ട്ര തലത്തില്‍ തൊഴിൽ നേടുന്നതിനുൾപ്പെടെ പ്രാപ്തരാക്കേണ്ടതിന്റെ ആവശ്യകത പരിശോധനാ വിധേയമാക്കിയിട്ടുണ്ടോ; വിശദീകരിക്കുമോ;

ഇവര്‍ക്ക് വിവിധ സർക്കാർ ആശുപത്രികളിലും മെഡിക്കൽ കോളേജുകളിലും ഓണറേറിയത്തോടെയുള്ള അപ്രന്റീസ്ഷിപ്പ് നൽകുന്നതിന് തീരുമാനിച്ചിട്ടുണ്ടോ; വ്യക്തമാക്കുമോ;

സ്വകാര്യ മെഡിക്കൽ കോളേജുകളിലും സൂപ്പർ സ്പെഷ്യാലിറ്റി ആശുപത്രികളിലും പട്ടികജാതി പട്ടികവർഗ്ഗ വികസന വകുപ്പിന്റെ ശിപാർശ പ്രകാരം ഇത്തരം അപ്രന്റീസ്ഷിപ്പ് നൽകി കൂടുതൽ പേർക്ക് തൊഴിൽ പരിചയം ഉറപ്പാക്കുവാന്‍ ഉദ്ദേശിക്കുന്നുണ്ടോ; വിശദീകരിക്കുമോ;

നഴ്സിംഗ്, പാരാമെഡിക്കൽ കോഴ്സുകൾ പാസായ പട്ടികജാതി പട്ടികവർഗ്ഗ വിഭാഗക്കാർക്ക് വിദേശരാജ്യങ്ങളിൽ തൊഴിൽ ലഭിക്കുന്നതിന് ആവശ്യമായ അനുബന്ധ കോഴ്സുകൾ സംസ്ഥാനത്ത് ആരംഭിക്കുന്നതിന് നടപടി സ്വീകരിക്കുമോ; വ്യക്തമാക്കുമോ?

കുഴല്‍ക്കിണര്‍ നിര്‍മ്മാണ മേഖലയില്‍ വ്യാപകമായ ചൂഷണം നടക്കുന്നതായി ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കാമോ;

ഡ്രില്ലിംഗ് റിഗ്ഗുകള്‍ രജിസ്റ്റര്‍ ചെയ്യണമെന്ന വ്യവസ്ഥ നിലവിലുണ്ടോ; ഇക്കാര്യത്തില്‍ സ്വീകരിച്ച നടപടികള്‍ വെളിപ്പെടുത്താമോ;

അനധികൃത റിഗ്ഗുകള്‍ക്ക് പിഴ ഈടാക്കുന്നതിന്റെ വിശദവിവരം അറിയിക്കാമോ;

സര്‍ക്കാര്‍ മേഖലയില്‍ കൂടുതല്‍ യന്ത്രങ്ങള്‍ വാങ്ങി ഇത്തരത്തിലുള്ള ചൂഷണം ഒഴിവാക്കുവാന്‍ നടപടി സ്വീകരിക്കുമോയെന്ന് വ്യക്തമാക്കുമോ?

പട്ടികജാതിക്കാരുടെ സാമൂഹിക - സാമ്പത്തിക - സാംസ്കാരിക ക്ഷേമത്തിനായിട്ടുള്ള പദ്ധതികൾ കാര്യക്ഷമമായി നടപ്പിലാക്കുന്നതിന് കേന്ദ്ര സർക്കാർ വിഹിതം ലഭ്യമല്ലാത്ത സ്ഥിതി നിലവിലുണ്ടോ; വിശദമാക്കാമോ;

പട്ടികജാതി പട്ടികവർഗ്ഗ വികസന വകുപ്പിന്റെ പദ്ധതികൾ അർഹരായ ഗുണഭോക്താക്കൾക്കുതന്നെയാണോ ലഭിക്കുന്നതെന്ന് ഉറപ്പുവരുത്തുന്നതിനും എസ്.സി., എസ്.ടി പ്രൊമോട്ടർമാരുടെ കാര്യശേഷി വർദ്ധിപ്പിക്കുന്നതിനുമായി പ്രത്യേക പരിശീലന പരിപാടികൾ സംഘടിപ്പിക്കാറുണ്ടോ; വ്യക്തമാക്കുമോ;

പട്ടികജാതി വിഭാഗത്തിൽപ്പെട്ട തൊഴിൽ രഹിതർക്ക് സംസ്ഥാനത്തും വിദേശത്തും തൊഴിൽ ലഭ്യമാക്കുന്നതിനും സ്വയംതൊഴിൽ സംരംഭങ്ങൾ ആരംഭിക്കുന്നതിനും ആവിഷ്കരിച്ച് നടപ്പിലാക്കിവരുന്ന പദ്ധതികൾ എന്തൊക്കെയാണെന്ന് അറിയിക്കുമോ?

മത്സ്യ വിപണനം നടത്തുന്ന വനിതകളുടെ യാത്രാ ബുദ്ധിമുട്ടുകള്‍ പരിഹരിക്കുന്നതിനായി കെ.എസ്.ആര്‍.ടി.സി.യും ഫിഷറീസ് വകുപ്പും സംയുക്തമായി ആവിഷ്കരിച്ച് നടപ്പിലാക്കിയ സമുദ്ര ബസ്സിന്റെ പ്രവര്‍ത്തനം വിലയിരുത്തിയിട്ടുണ്ടോ; വിശദമാക്കാമോ;

മത്സ്യത്തൊഴിലാളി വനിതകള്‍ക്ക് ഏറെ പ്രയോജനം ലഭിക്കുന്ന സമുദ്ര ബസ് പദ്ധതി മറ്റ് ജില്ലകളിലേക്ക് കൂടി വ്യാപിപ്പിക്കുന്നതിന് നടപടി സ്വീകരിക്കുമോ;

മത്സ്യങ്ങള്‍ ഗുണനിലവാരം ഉറപ്പാക്കി ഉപഭോക്താക്കള്‍ക്ക് ലഭ്യമാക്കുന്നതിന് മത്സ്യ സൂപ്പര്‍ മാര്‍ക്കറ്റ് ആരംഭിക്കുന്നത് പരിഗണിക്കുമോ; വിശദമാക്കുമോ?

കേരള ഇറിഗേഷന്‍ ഇന്‍ഫ്രാസ്ട്രക്ചര്‍ ഡെവലപ്പ്മെന്റ് കോര്‍പ്പറേഷന്‍ വിപണിയില്‍ എത്തിച്ച ഹില്ലി അക്വാ കുപ്പിവെള്ളത്തിന്റെ വിറ്റുവരവിലൂടെ ഇക്കഴിഞ്ഞ വേനല്‍ക്കാലത്ത് എത്ര കോടി രൂപയുടെ അധികനേട്ടം ഉണ്ടാക്കിയിട്ടുണ്ടെന്ന് വ്യക്തമാക്കുമോ;

കഴിഞ്ഞ വര്‍ഷത്തെ ആകെ വിറ്റുവരവ് എത്ര കോടി രൂപയായിരുന്നു എന്ന് അറിയിക്കുമോ;

വിറ്റുവരവ് കൂടുന്നതിനനുസരിച്ച് ഉല്പാദനം വര്‍ദ്ധിപ്പിക്കുന്നതിന് സ്വീകരിച്ച നടപടി വിശദമാക്കാമോ;

കഴിഞ്ഞ സാമ്പത്തികവര്‍ഷം എത്ര കോടി രൂപയുടെ വരുമാനമാണ് കമ്പനി നേടിയിട്ടുള്ളതെന്ന് വിശദമാക്കാമോ?

അംബേദ്കർ സ്വാശ്രയ ഗ്രാമം പദ്ധതിയിലൂടെ ലക്ഷ്യമിട്ടിരിക്കുന്ന പ്രവർത്തനങ്ങള്‍ വിശദമാക്കാമോ;

പ്രസ്തുത പദ്ധതിയില്‍ ഉള്‍പ്പെടുത്തുന്നതിന് ഗ്രാമങ്ങളെ തിരഞ്ഞെടുക്കുന്നതിനുള്ള മാനദണ്ഡങ്ങള്‍ അറിയിക്കാമോ; അവ അടുത്ത കാലത്ത് പുതുക്കിയിട്ടുണ്ടോ; വിശദാംശം ലഭ്യമാക്കുമോ;

പ്രസ്തുത പദ്ധതിയില്‍ ഉള്‍പ്പെട്ട പൂർത്തിയാക്കാത്തതും പൂർത്തിയായിട്ട് കൈമാറാത്തതുമായ ഗ്രാമങ്ങളുടെയും പ്രവൃത്തികളുടെയും അവലോകനം നടത്തിയിട്ടുണ്ടോ; വിശദാംശം അറിയിക്കുമോ;

പ്രസ്തുത പദ്ധതിയില്‍ ഉള്‍പ്പെട്ട ഗ്രാമങ്ങളുടെ പുനരുദ്ധാരണം സമയബന്ധിതമായി പൂർത്തിയാക്കാനും പൂർത്തിയാക്കിയവ കൈമാറാനുമുളള നടപടികള്‍ ത്വരിതപ്പെടുത്താമോ?

ഈ സർക്കാർ വന്നശേഷം ജലവിഭവ വകുപ്പ് നടപ്പിലാക്കിയതും നിലവില്‍ നടപ്പാക്കിവരുന്നതുമായ ചെറുകിട കുടിവെള്ള പദ്ധതികളുടെ വിശദാംശം ലഭ്യമാക്കുമോ; ഓരോ പദ്ധതിക്കും ചെലവാക്കിയ തുക ഇനം തിരിച്ച് ലഭ്യമാക്കുമോ;

പ്രസ്തുത പദ്ധതികളുടെ പൂര്‍ത്തീകരണത്തിനായി സ്വീകരിച്ച നടപടികള്‍ വ്യക്തമാക്കുമോ?

സംസ്ഥാനത്ത് ലഭിക്കുന്ന മഴയുടെ അളവ് വര്‍ദ്ധിക്കുന്നത് കണക്കിലെടുത്ത് പുഴകളിലും ഡാമുകളിലും പ്രതിദിനം എത്തിച്ചേരുന്ന ജലത്തിന്റെ അളവിന്റെയും ഡാമുകളുടെ ശേഷിയുടെയും അടിസ്ഥാനത്തിൽ അവയുടെ സുരക്ഷ ഉറപ്പാക്കുന്നതിന് സ്വീകരിച്ചിട്ടുള്ള മുൻകരുതലുകള്‍ എന്തെല്ലാമാണെന്ന് വിശദമാക്കുമോ;

നീരൊഴുക്കിന്റെ അളവ് വർദ്ധിക്കുന്നതിന് അനുസരിച്ച് പ്രളയ സാധ്യത ഇല്ലാതാക്കുന്നതിനും ചെറുഡാമുകളുടെ സുരക്ഷ ഉറപ്പാക്കുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

മേജർ ഡാമുകളുടെ സുരക്ഷ പരിഗണിച്ച്, അപകട നിലയ്ക്ക് മുകളിലേക്ക് ഉയരുന്ന ജലം സുരക്ഷിതമായി ഒഴുക്കിക്കളയുന്നതിന് കുറ്റമറ്റ സംവിധാനം എല്ലാ ഡാമുകളിലും ഉറപ്പാക്കിയിട്ടുണ്ടോ; വിശദമാക്കാമോ;

വേനൽക്കാലത്ത് ഭൂഗർഭ ജലവിതാനം അപകടകരമായ നിലയിൽ താഴ്ന്ന പ്രദേശങ്ങളിൽ, മൺസൂൺ കാലത്ത് ലഭിക്കുന്ന മഴവെളളം ഭൂഗർഭജല സംപോഷണത്തിന് പ്രയോജനപ്പെടുത്തുന്നതിനായി പ്രത്യേകമായ പദ്ധതി തയ്യാറാക്കിയിട്ടുണ്ടോയെന്ന് വിശദമാക്കുമോ?

പട്ടികജാതി, പട്ടികവർഗ്ഗ, ഒ.ഇ.സി. വിദ്യാർത്ഥികൾക്ക് നൽകിവരുന്ന ഹോസ്റ്റൽ ഫീസ് യഥാസമയം നൽകാത്തതിനാൽ പല കോളേജ് ഹോസ്റ്റലുകളിലും വിദ്യാര്‍ത്ഥികള്‍ക്ക് പ്രവേശനം നൽകുന്നില്ലെന്ന വിഷയം പരിശോധിച്ചിട്ടുണ്ടോ;

ഹോസ്റ്റൽ വാടക ഉൾപ്പെടെയുളളവ വർദ്ധിപ്പിക്കണമെന്ന ആവശ്യത്തിൽ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ;

ഗ്രാന്റ് ലഭിക്കാത്തതിനാൽ വിദ്യാര്‍ത്ഥികള്‍ പഠനം ഉപേക്ഷിക്കേണ്ടിവരുന്നത് തടയാൻ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നത്; വിശദമാക്കുമോ?