14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >5th Session>Starred Questions and Answers

Answer Provided

Answer Not Yet Provided

FOURTEENTH KLA - 5th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സെന്‍ട്രല്‍ റോഡ്ഫണ്ടില്‍ നിന്നും അനുമതി ലഭിച്ച പദ്ധതികള്‍

*391.

ശ്രീ.എ.എം. ആരിഫ്
,, എ. പ്രദീപ്കുമാര്‍
,, കെ.കുഞ്ഞിരാമന്‍
,, രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് സെന്‍ട്രല്‍ റോഡ് ഫണ്ടില്‍ നിന്നും അനുമതി ലഭിച്ച പ്രധാന പദ്ധതികള്‍ ഏതെല്ലാമെന്ന് വിശദമാക്കാമോ;

(ബി)	പ്രസ്തുത പദ്ധതി പ്രകാരം റോഡുകള്‍ അനുവദിക്കുന്നതിനുള്ള മാനദണ്ഡം എന്തെല്ലാമെന്ന് വിശദമാക്കാമോ;

വാഹനപ്പെരുപ്പം നേരിടാൻ റോഡ് വിപുലീകരണവും ബെെപാസ് നിർമ്മാണവും

*392.

ശ്രീ.എം. മുകേഷ്
,, കെ.സുരേഷ് കുറുപ്പ്
,, പി.വി. അന്‍വര്‍
,, വി. കെ. സി. മമ്മത് കോയ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

സ്വകാര്യ വാഹനപ്പെരുപ്പം നിയന്ത്രിക്കാന്‍ സാധിക്കാത്ത സാഹചര്യത്തില്‍, ഇവ പ്രയോജനപ്രദമായി ഉപയോഗിക്കുന്നതിനായുള്ള റോഡ് വിപുലീകരണത്തിനും നിലവിലുള്ള റോഡുകള്‍ കെെയ്യേറ്റങ്ങള്‍ ഒഴിവാക്കി പൂര്‍ണ്ണമായി വിനിയോഗിക്കുന്നതിനും ഉപരിതലം മെച്ചപ്പെടുത്തി നവീകരിക്കുന്നതിനുമായി പൊതുമരാമത്ത് വകുപ്പ് നടത്തുന്ന പ്രവര്‍ത്തനങ്ങള്‍ വിശദമാക്കാമോ;

(ബി)	വാഹന സാന്ദ്രത നഗര കേന്ദ്രീകൃതമായതിനാല്‍, നഗരങ്ങളിലെ ഗതാഗതത്തിരക്ക്കുറയ്ക്കുന്നതിനായി ബെെപാസ് റോഡുകള്‍ നിര്‍മ്മിക്കാന്‍ ഉദ്ദേശിക്കുന്നുണ്ടോ;

(സി)	റോഡ് ശൃംഖലയില്‍ 73 ശതമാനം വരുന്ന ജില്ലാ റോഡുകള്‍ വീതി വളരെ കുറഞ്ഞതും ഉപരിതലം വേണ്ടത്ര നിലവാരമുള്ളതുമല്ലാത്തതിനാല്‍, ഇവയുടെ നിലവാരം ഉയര്‍ത്താന്‍ പദ്ധതിയുണ്ടോ?

പാഠപുസ്തകങ്ങളുടെ അച്ചടിയും വിതരണവും

*393.

ശ്രീ.എം.ഉമ്മര്‍
,, എന്‍. ഷംസുദ്ദീന്‍
,, വി.കെ.ഇബ്രാഹിം കുഞ്ഞ്
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	പുതിയ അധ്യയന വര്‍ഷത്തിന്റെ ആരംഭത്തില്‍ത്തന്നെ നല്‍കുന്നതിലേക്കായി പാഠപുസ്തകങ്ങളുടെ അച്ചടി ജോലികള്‍ പൂര്‍ത്തിയാക്കിയിട്ടുണ്ടോ; വിശദമാക്കാമോ;

(ബി)	എങ്കില്‍ പ്രസ്തുത പുസ്തകങ്ങള്‍ വിതരണം ചെയ്യുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്;

(സി)	പാഠപുസ്തകങ്ങള്‍ അതത് അധ്യയന വര്‍ഷം തുടങ്ങുമ്പോള്‍ തന്നെ ലഭ്യമാക്കുവാന്‍ എന്തെല്ലാം മുന്‍കരുതലുകളാണ് സ്വീകരിക്കാന്‍ ഉദ്ദേശിക്കുന്നതെന്ന് വ്യക്തമാക്കുമോ?

സ്കൂള്‍ പരീക്ഷാ സമ്പ്രദായം ആധുനികവത്ക്കരിക്കുവാന്‍ നടപടി

*394.

ശ്രീ.ഷാഫി പറമ്പില്‍
,, വി.ടി.ബല്‍റാം
,, കെ.എസ്.ശബരീനാഥന്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സ്കൂള്‍ പരീക്ഷാ സമ്പ്രദായം ആധുനികവത്ക്കരിക്കുവാന്‍ ആലോചനയുണ്ടോ;

(ബി)	എസ്.എസ്.എല്‍.സി. പരീക്ഷയടക്കമുള്ള പരീക്ഷകള്‍ക്ക് ഓരോ വിഷയത്തിനും ചോദ്യ ബാങ്ക് തയ്യാറാക്കി, സ്കൂള്‍ പരീക്ഷാ സമ്പ്രദായം സമഗ്രമായി പരിഷ്ക്കരിക്കുവാന്‍ നടപടി സ്വീകരിച്ചിട്ടുണ്ടോ; വിശദാംശം നല്‍കുമോ;

(സി)	ഇത്തരം പരിഷ്കരണങ്ങള്‍ നടപ്പിലാക്കുന്നതിന് മുമ്പ് ബന്ധപ്പെട്ട എല്ലാവരുടെയും അഭിപ്രായം ആരാഞ്ഞിട്ടുണ്ടോ;

(ഡി)	കാണാപാഠം പഠിച്ച് പരീക്ഷ എഴുതുന്ന രീതി ഒഴിവാക്കുന്ന രീതിയിലും കുട്ടികളുടെ വിശകലന ശേഷിയും നിരീക്ഷണ പാടവവും ഓര്‍മ്മ ശക്തിയും പരീക്ഷിക്കപ്പെടുന്ന വിധത്തിലുമാകുമോ ചോദ്യങ്ങള്‍ തയ്യാറാക്കുന്നതെന്ന് വ്യക്തമാക്കുമോ?

രജിസ്ട്രേഷന്‍ വരുമാനം വര്‍ദ്ധിപ്പിക്കാനുളള നിര്‍ദ്ദേശങ്ങള്‍

*395.

ശ്രീ. എന്‍ .എ.നെല്ലിക്കുന്ന്
,, മഞ്ഞളാംകുഴി അലി
,, പി.ഉബൈദുള്ള
പ്രൊഫ.ആബിദ് ഹുസൈന്‍ തങ്ങള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നോട്ട് നിരോധനവും പണം കൈമാറ്റത്തില്‍ ഏര്‍പ്പെടുത്തിയ നിയന്ത്രണങ്ങളും ഭൂമി രജിസ്ട്രേഷന്‍ നടപടികളെ ഏതെല്ലാം വിധത്തില്‍ ബാധിച്ചിട്ടുണ്ടെന്ന് പരിശോധിച്ചിട്ടുണ്ടോ;എങ്കില്‍ ആയത് വ്യക്തമാക്കുമോ;

(ബി)	സ്റ്റാമ്പ് ഡ്യൂട്ടിയിലും രജിസ്ട്രേഷന്‍ ഫീസിലും വരുത്തിയ വര്‍ദ്ധനവ് ഭൂമി രജിസ്ട്രേഷനുകളുടെ എണ്ണത്തില്‍ കുറവുണ്ടാക്കുകയും രജിസ്ട്രേഷന്‍ വരുമാനത്തെ ബാധിക്കുകയും ചെയ്തിട്ടുണ്ടോ;

(സി)	എങ്കില്‍ രജിസ്ട്രേഷന്‍ നടപടികള്‍ സുഗമമാക്കി സര്‍ക്കാര്‍ വരുമാനം വര്‍ദ്ധിപ്പിക്കാനുളള നിര്‍ദ്ദേശങ്ങള്‍ എന്തെല്ലാമാണെന്ന് വിശദമാക്കുമോ?

കേന്ദ്രത്തില്‍ നിന്നും ലഭിച്ച വരള്‍ച്ചാ ദുരിതാശ്വാസ സഹായം

*396.

ശ്രീ.ജി.എസ്.ജയലാല്‍
ശ്രീമതി ഇ.എസ്.ബിജിമോള്‍
ശ്രീ.ആര്‍. രാമചന്ദ്രന്‍
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ചമൂലം വിവിധ മേഖലകളില്‍ ഉണ്ടായിട്ടുള്ള നഷ്ടം കണക്കാക്കിയിട്ടുണ്ടോ; ഉണ്ടെങ്കില്‍ വ്യക്തമാക്കുമോ;

(ബി)	വരള്‍ച്ചാ ദുരിതാശ്വാസം എന്ന രീതിയില്‍ കേന്ദ്രത്തില്‍ നിന്നും സഹായം ലഭിച്ചിട്ടുണ്ടോ; ഉണ്ടെങ്കില്‍ വ്യക്തമാക്കുമോ; ഇതിനായി എന്തൊക്കെ നടപടികളാണ് സ്വീകരിച്ചത്;

(സി)	വരള്‍ച്ചയെപ്പറ്റി പഠിക്കാന്‍ വന്ന കേന്ദ്ര സംഘത്തിന്റെ റിപ്പോര്‍ട്ടിന്റെ അടിസ്ഥാനത്തില്‍ കേന്ദ്ര സര്‍ക്കാര്‍ എന്തെങ്കിലും നടപടി സ്വീകരിച്ചതായി അറിവുണ്ടോ; ഉണ്ടെങ്കില്‍ വ്യക്തമാക്കുമോ;

(ഡി)	വരള്‍ച്ചാ ദുരിതാശ്വാസവുമായി ബന്ധപ്പെട്ട് റവന്യു/ദുരന്തനിവാരണ വകുപ്പ് സ്വീകരിച്ച നടപടികള്‍ വിശദമാക്കുമോ?

അധിക വൈദഗ്ദ്ധ്യം ആര്‍ജ്ജിക്കല്‍ പദ്ധതി

*397.

ശ്രീ.വി. ജോയി
,, കെ. ദാസന്‍
,, ജെയിംസ് മാത്യു
,, കെ. കെ. രാമചന്ദ്രന്‍ നായര്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	അധിക വൈദഗ്ദ്ധ്യം ആര്‍ജ്ജിക്കല്‍ പദ്ധതിയെ(അസാപ്)ക്കുറിച്ച് അവലോകനം ചെയ്തിട്ടുണ്ടോ; വിശദാംശം ലഭ്യമാക്കാമോ;

(ബി)	വ്യാവസായികവും തൊഴില്‍പരവുമായ കഴിവ് ആര്‍ജ്ജിക്കുന്നതിനായുള്ള ഈ പദ്ധതി വിദ്യാര്‍ത്ഥികളെ ഏതെല്ലാം മേഖലയിലാണ് പ്രാവീണ്യം നേടാന്‍ സഹായിക്കുന്നത്; ഈ പദ്ധതി പ്രകാരം വിവിധ കോഴ്സുകള്‍ക്കായി വിദ്യാര്‍ത്ഥികളില്‍ നിന്ന് ഫീസ് ഈടാക്കുന്നുണ്ടോ; സര്‍ക്കാര്‍ നല്‍കുന്ന സഹായം എന്തെല്ലാമാണെന്ന് വ്യക്തമാക്കുമോ;

(സി)	ഈ പദ്ധതിയുടെ കീഴില്‍ വിവിധ കോഴ്സുകള്‍ പൂര്‍ത്തിയാക്കിയവര്‍ക്ക് ലഭിച്ചിട്ടുള്ള തൊഴിലവസരങ്ങളെക്കുറിച്ച് പഠനം നടത്തിയിട്ടുണ്ടോ;

(ഡി)	പദ്ധതി എത്ര മാത്രം പ്രയോജനപ്രദമെന്ന് വിശദപഠനം നടത്തിയിട്ടുണ്ടോ; വ്യക്തമാക്കുമോ?

കെ.എസ്.റ്റി.പി.യുടെ രണ്ടാം ഘട്ടപ്രവര്‍ത്തനങ്ങള്‍

*398.

ശ്രീ.അനൂപ് ജേക്കബ്
,, അടൂര്‍ പ്രകാശ്
,, തിരുവഞ്ചൂര്‍ രാധാകൃഷ്ണന്‍
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.റ്റി.പി.യുടെ രണ്ടാം ഘട്ടത്തില്‍ ഉള്‍പ്പെടുത്തിയിട്ടുളള റോ‍ഡുകളുടെ പണി എന്നത്തേക്ക് പൂർത്തിയാക്കണമെന്ന് വെളിപ്പെടുത്തുമോ;

(ബി)	ലോകബാങ്ക് എത്ര കോടി രൂപ ഇതിനായി നല്‍കിയെന്നും അതിൽ എത്ര തുക വിനിയോഗിച്ചുവെന്നും വെളിപ്പെടുത്തുമോ;

(സി)	റോഡ് നിര്‍മ്മാണ പ്രവര്‍ത്തനങ്ങളില്‍ കടുത്ത അതൃപ്തി രേഖപ്പെടുത്തി, ലോക ബാങ്ക് നല്‍കിയിരുന്ന വായ്പയില്‍ 220 കോടി റദ്ദാക്കിയിട്ടുണ്ടോ;

(ഡി)	കെ.എസ്.റ്റി.പി.ക്ക് സ്ഥിരം പ്രോജക്ട് ഡയറക്ടറുണ്ടോ; ഇല്ലെങ്കില്‍ ഇക്കാര്യത്തില്‍ നടപടി സ്വീകരിക്കുമോ?

(ഇ)	സമയപരിധിക്കുളളില്‍ റോഡുകളുടെ പണി പൂര്‍ത്തിയാക്കുവാന്‍ നടപടി സ്വീകരിക്കുമോ?

ഭൂഗര്‍ഭജല ശോഷണം തടയാന്‍ നടപടി

*399.

ശ്രീ.പി. ഉണ്ണി
,, യു. ആര്‍. പ്രദീപ്
,, പുരുഷന്‍ കടലുണ്ടി
,, കെ. ബാബു : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	ഭൂഗര്‍ഭജല വകുപ്പിന്റെ പ്രവര്‍ത്തനങ്ങള്‍ വിശദമാക്കാമോ;

(ബി)	വിവിധ സ്ഥലങ്ങളില്‍, വിശേഷിച്ച് പാലക്കാട് ജില്ലയില്‍ പെപ്സി, കൊക്കകോള, മദ്യ നിര്‍മ്മാണ കമ്പനികള്‍ എന്നിവയുടെ പ്രവര്‍ത്തന ഫലമായി ഉണ്ടാകുന്ന ഭൂഗര്‍ഭജല ശോഷണം തടയാന്‍ വകുപ്പിന് സാധ്യമായിട്ടുണ്ടോ;

(സി)	കുടിവെള്ളക്ഷാമം പരിഹരിക്കുന്നതിനായി ഭൂഗര്‍ഭജലത്തിന്റെ വിവേക പൂര്‍ണ്ണമായ വിനിയോഗത്തിനും ഭൂഗര്‍ഭജല സംപോഷണത്തിനും വകുപ്പിന്റെ ഇടപെടല്‍ എത്രമാത്രം ഫലപ്രദമാകുന്നുണ്ടെന്ന് വിലയിരുത്തിയിട്ടുണ്ടോ; എങ്കിൽ വിശദാംശം വെളിപ്പെടുത്തുമോ ?

വരള്‍ച്ചാ ദുരിതാശ്വാസം

*400.

ശ്രീ.സണ്ണി ജോസഫ്
,, കെ.സി.ജോസഫ്
,, എല്‍ദോസ് കുന്നപ്പിള്ളി
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തെ വരള്‍ച്ച ബാധിത പ്രദേശമായി കേന്ദ്രസര്‍ക്കാര്‍ പ്രഖ്യാപിച്ചിട്ടുണ്ടോ;

(ബി)	ഈ പ്രഖ്യാപനത്തിന്റെ അടിസ്ഥാനത്തില്‍ വരള്‍ച്ചാ ദുരിതാശ്വാസത്തിന് സംസ്ഥാനത്തിന് പദ്ധതി വിഹിതമായി എന്ത് തുക ലഭിക്കും;

(സി)	പദ്ധതി വിഹിതമായി സംസ്ഥാനത്തിനു ലഭിക്കുന്ന തുകയുടെ 65 ശതമാനം ജലലഭ്യത ഉറപ്പാക്കുന്ന പദ്ധതികള്‍ക്കായി വിയോഗിക്കണമെന്ന് കേന്ദ്രം നിര്‍ദ്ദേശം നല്‍കിയിട്ടുണ്ടോ;

(ഡി)	എങ്കില്‍ ഇതു പ്രകാരം നടപ്പിലാക്കുന്ന പദ്ധതികള്‍ ഏതൊക്കെയെന്ന് വെളിപ്പെടുത്തുമോ?

ദുരന്ത നിവാരണ അതോറിറ്റിയെ ശക്തിപ്പെടുത്താന്‍ സ്വീകരിച്ചിട്ടുള്ള നടപടികള്‍

*401.

ശ്രീ.എന്‍. വിജയന്‍ പിള്ള
,, ജോര്‍ജ് എം. തോമസ്
,, കെ.ജെ. മാക്സി
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വരള്‍ച്ച, വെള്ളപ്പൊക്കം, ഉരുള്‍പൊട്ടല്‍ തുടങ്ങിയ പ്രകൃതി ദുരന്തങ്ങളില്‍ അടിയന്തര സഹായമെത്തിക്കാനായി റവന്യൂ വകുപ്പിനു കീഴിലുള്ള ദുരന്ത നിവാരണ അതോറിറ്റിയെ ശക്തിപ്പെടുത്താന്‍ സ്വീകരിച്ചിട്ടുള്ള നടപടികള്‍ അറിയിക്കാമോ;

(ബി)	ദുരന്ത ലഘൂകരണ പദ്ധതികൾ എന്തൊക്കെയാണെന്ന് അറിയിക്കുമോ;

(സി)	എന്തൊക്കെ മുന്നറിയിപ്പ് സംവിധാനങ്ങളും, സാമൂഹ്യാധിഷ്ഠിത ദുരന്ത ലഘൂകരണ പ്രവര്‍ത്തനങ്ങളും നിലവിലുണ്ടെന്ന് അറിയിക്കാമോ?

വിദ്യാഭ്യാസ മേഖലയെ സംരക്ഷിക്കാന്‍ നടപടി

*402.

ശ്രീ.കെ.വി.അബ്ദുള്‍ ഖാദര്‍
,, എം. സ്വരാജ്
ശ്രീമതി.പി. അയിഷാ പോറ്റി
ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ സര്‍ക്കാർ പൊതുവിദ്യാലയങ്ങളെയും എഞ്ചിനീയറിംഗ് മേഖലയെയും വാണിജ്യവല്‍ക്കരിക്കുകയും സര്‍വകലാശാലകള്‍ പോലും സ്വകാര്യ മേഖലയില്‍ അനുവദിക്കാന്‍ നീക്കം നടത്തുകയും ചെയ്തതില്‍ നിന്ന് വിഭിന്നമായി വിദ്യാഭ്യാസ മേഖലയെ സംരക്ഷിക്കാനായി ഈ സര്‍ക്കാര്‍ സ്വീകരിക്കുന്ന നടപടികള്‍ വിശദമാക്കാമോ;

(ബി)	പൊതുവിദ്യാലയങ്ങളില്‍ കുട്ടികളുടെ എണ്ണത്തില്‍ 10 ശതമാനം വര്‍ദ്ധനവ് വരുത്തുമെന്നുള്ള സര്‍ക്കാരിന്റെ പ്രഖ്യാപിത ലക്ഷ്യം നേടുന്നതിന് ഏറ്റെടുത്തിട്ടുള്ള പ്രവര്‍ത്തനങ്ങള്‍ എന്തൊക്കെയാണ്;

(സി)	ഹയര്‍സെക്കന്ററി മേഖലയില്‍ ആവശ്യത്തിന് അധ്യാപക തസ്തികകള്‍ ഇല്ലാതിരുന്ന പ്രശ്നം പരിഹരിക്കാനായി സ്വീകരിച്ച നടപടികള്‍ അറിയിക്കാമോ?

പൊതുമരാമത്ത് വകുപ്പിന് പുത്തന്‍ രൂപഭാവം വരുത്താന്‍ നടപടി

*403.

ശ്രീ.കെ.സി.ജോസഫ്
,, വി.ഡി.സതീശന്‍
,, എം. വിന്‍സെന്റ്
,, അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പിന് പുത്തന്‍ രൂപഭാവം വരുത്തുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

(ബി)	വകുപ്പിലെ സാങ്കേതിക വിഭാഗം ജീവനക്കാരുടെ കാര്യക്ഷമത വര്‍ദ്ധിപ്പിക്കാന്‍ ഏതെല്ലാം രീതിയിലുളള ബോധവത്ക്കരണമാണ് നടത്താനുദ്ദേശിക്കുന്നതെന്ന് വ്യക്തമാക്കുമോ;

(സി)	നിര്‍മ്മാണങ്ങള്‍ സംബന്ധിച്ചുളള നവീന ആശയങ്ങള്‍ സമന്വയിപ്പിക്കാനായി വകുപ്പിനെ സജ്ജമാക്കാന്‍ എന്തെല്ലാം നടപടികള്‍ കൈക്കൊണ്ടിട്ടുണ്ട്; വിശദാംശങ്ങള്‍ ലഭ്യമാക്കുമോ?

ഗൃഹശ്രീ ഭവനനിര്‍മ്മാണ പദ്ധതി

*404.

ശ്രീ.കെ. ആന്‍സലന്‍
,, സി. കെ. ശശീന്ദ്രന്‍
,, കാരാട്ട് റസാഖ്
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഭവന നിര്‍മ്മാണത്തിനായി 'ഗൃഹശ്രീ ' ഭവനപദ്ധതി നടപ്പിലാക്കിയിട്ടുണ്ടോ;

(ബി)	ഇതിന്റെ ഗുണഭോക്താക്കള്‍ ആരൊക്കെയാണെന്നും അവരെ തെരഞ്ഞെടുക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്നും വ്യക്തമാക്കാമോ;

(സി)	പ്രസ്തുത പദ്ധതിപ്രകാരം എത്ര രൂപയാണ് ഗുണഭോക്താക്കള്‍ക്ക് ലഭിക്കുന്നത്;

(ഡി)	പദ്ധതിപ്രകാരം നടപ്പുവര്‍ഷം എത്ര വീടുകള്‍ നിര്‍മ്മിക്കാനാണുദ്ദേശിക്കുന്നതെന്നും ഇതിനായി സന്നദ്ധസംഘടനകളുടെ സഹായം ലഭ്യമാക്കാനുദ്ദേശിക്കുന്നുണ്ടോ എന്നും വ്യക്തമാക്കാമോ?

രാഷ്ട്രീയ ഉച്ചതര്‍ ശിക്ഷാ അഭിയാന്‍

*405.

ശ്രീ.പി.ടി.എ. റഹീം
,, എ. എന്‍. ഷംസീര്‍
പ്രൊഫ.കെ.യു. അരുണന്‍
ശ്രീമതി.വീണാ ജോര്‍ജ്ജ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	രാഷ്ട്രീയ ഉച്ചതര്‍ ശിക്ഷാ അഭിയാന്‍ (റൂസ) പ്രകാരം സംസ്ഥാനത്തെ ഉന്നത വിദ്യാഭ്യാസ മേഖലയില്‍ നടപ്പിലാക്കുന്ന സ്കീമുകള്‍ എന്തെല്ലാമാണ്;

(ബി)	സര്‍വ്വകലാശാലകളുടെയും കോളേജുകളുടെയും അടിസ്ഥാന സൗകര്യ വികസനത്തിനും അക്കാദമിക മികവ് കൈവരിക്കുന്നതിനും സംസ്ഥാനത്ത് റൂസ പദ്ധതി പ്രകാരം ലഭിച്ച ഫണ്ടും അതിന്റെ വിനിയോഗവും വിലയിരുത്തിയിട്ടുണ്ടോ; എങ്കില്‍ വിശദാംശം നല്‍കുമോ;

(സി)	സംസ്ഥാനത്തെ ഉന്നത വിദ്യാഭ്യാസ മേഖലയില്‍ നയപരമായ ഇടപെടല്‍ നടത്തേണ്ട കേരള ഹയര്‍ എഡ്യുക്കേഷന്‍ കൗണ്‍സിലിന്റെ പ്രവര്‍ത്തനം ശക്തിപ്പെടുത്താന്‍ ഉദ്ദേശിക്കുന്നുണ്ടോ?

പൊതുമരാമത്ത് പ്രവൃത്തികള്‍ക്ക് ക്വാളിറ്റി ഓഡിറ്റിംഗും സോഷ്യല്‍ ഓഡിറ്റിംഗും

*406.

ശ്രീ.ജെയിംസ് മാത്യു
,, എം. നൗഷാദ്
,, കെ. ബാബു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് നടത്തുന്ന പ്രവൃത്തികള്‍ക്ക് ക്വാളിറ്റി ഓഡിറ്റിംഗും സോഷ്യല്‍ ഓഡിറ്റിംഗും നടത്താറുണ്ടോ;

(ബി)	പി.ഡബ്ല്യൂ.ഡി. ഏറ്റെടുക്കുന്ന പുതിയ കെട്ടിടങ്ങളുടെ നിര്‍മ്മാണം പരിസ്ഥിതി സൗഹൃദ രീതിയില്‍ ഗ്രീന്‍ ബില്‍ഡിംഗ് സങ്കല്പം അനുസരിച്ച് നിര്‍മ്മിക്കുവാന്‍ ഉദ്ദേശിക്കുന്നുണ്ടോ;

(സി)	പ്രകൃതി വിഭവങ്ങളുടെ സംരക്ഷണം, കാര്യക്ഷമമായ മാലിന്യ നിര്‍മ്മാര്‍ജ്ജനം, അന്തരീക്ഷ -ജല മലിനീകരണം കുറയ്ക്കല്‍ എന്നിവ വഴി ആവാസ വ്യവസ്ഥയെയും ജൈവ വൈവിധ്യത്തെയും സംരക്ഷിച്ച് പരിസ്ഥിതി ആഘാതം കുറയ്ക്കുന്നതിനായി എന്തെല്ലാം കാര്യങ്ങളാണ് ഇതില്‍ ഉള്‍പ്പെടുത്തിയിരിക്കുന്നതെന്ന് വ്യക്തമാക്കാമോ ?

അന്യാധീനപ്പെട്ട തോട്ടംഭൂമി ഏറ്റെടുക്കുന്നതിന് സമഗ്ര നിയമനിര്‍മ്മാണം

*407.

ശ്രീ.പി.ടി. തോമസ്
,, വി.പി.സജീന്ദ്രന്‍
,, കെ.മുരളീധരന്‍
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	അന്യാധീനപ്പെട്ട തോട്ടംഭൂമി ഏറ്റെടുക്കുന്നതിനായി സമഗ്ര നിയമനിര്‍മ്മാണം കൊണ്ടുവരുവാന്‍ ആലോചിക്കുന്നുണ്ടോ; ഉണ്ടെങ്കില്‍ ഇതുസംബന്ധിച്ച നടപടിക്രമങ്ങള്‍ ഏത് ഘട്ടത്തിലാണ്; വിശദാംശം വെളിപ്പെടുത്തുമോ ;

(ബി)	ഏറ്റെടുക്കുന്ന ഭൂമി, ഭൂരഹിതര്‍ക്ക് വിതരണം ചെയ്യുന്നതിന് നടപടി സ്വീകരിക്കുമോ?

നിര്‍മ്മിതി കേന്ദ്രത്തിന്റെ 'കലവറ' വിപണന കേന്ദ്രം

*408.

ശ്രീ.എ. എന്‍. ഷംസീര്‍
,, കെ.സുരേഷ് കുറുപ്പ്
,, കെ.ജെ. മാക്സി
,, ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	ഭവന നിര്‍മ്മാണ മേഖലയില്‍ കേരള സംസ്ഥാന നിര്‍മ്മിതി കേന്ദ്രത്തിന്റെ സ്വാധീനവും വ്യാപ്തിയും അവലോകനം ചെയ്തിട്ടുണ്ടോ;

(ബി)	ന്യായമായ നിരക്കില്‍ കെട്ടിട നിര്‍മ്മാണ സാമഗ്രികള്‍ ലഭ്യമാക്കുന്നതിനുവേണ്ടി നിര്‍മ്മിതി കേന്ദ്രത്തിന്റെ കീഴില്‍ കലവറ എന്ന പേരില്‍ വിപണന കേന്ദ്രം ആരംഭിച്ചിട്ടുണ്ടോ;

(സി)	നിലവില്‍ ഏതെല്ലാം ജില്ലകളിലാണ് ഇവ പ്രവര്‍ത്തനം ആരംഭിച്ചിട്ടുള്ളത്;

(ഡി)	ഇതിന്റെ സേവനങ്ങള്‍ എല്ലാ ജില്ലകളിലേക്കും വ്യാപിപ്പിക്കാനുള്ള നടപടി സ്വീകരിക്കുമോ?

സര്‍ക്കാര്‍ സ്കൂളുകളിലെ കുട്ടികളുടെ എണ്ണം

*409.

ശ്രീ.ഒ. രാജഗോപാല്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ സ്കൂളുകളില്‍ കുട്ടികളുടെ എണ്ണം ക്രമാതീതമായി കുറയുന്നത് ശ്രദ്ധയില്‍പെട്ടിട്ടുണ്ടോ;

(ബി)	കുട്ടികളുടെ എണ്ണത്തിലുണ്ടാകുന്ന കുറവ് പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിരിക്കുന്നത്;

(സി)	അദ്ധ്യാപന ഗുണനിലവാരം വർദ്ധിപ്പിക്കുന്നതിനായി അദ്ധ്യാപകർക്ക് സ്കില്‍ ഡവലപ്പ്മെന്റ് ഉള്‍പ്പെടെയുള്ള ട്രെയിനിംഗ് നല്‍കുന്നതിന് എന്തെല്ലാം നടപടികളാണ് സ്വീകരിച്ചു വരുന്നത് എന്നറിയിക്കാമോ?

നെയ്യാര്‍ ഡാമില്‍ നിന്നും ജലമെത്തിക്കുന്നതിനുളള പ്രവര്‍ത്തനങ്ങള്‍

*410.

ശ്രീ.വി. കെ. സി. മമ്മത് കോയ
,, എസ്.ശർമ്മ
,, പി.കെ. ശശി
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം ജില്ലയിലെ കടുത്ത ജലക്ഷാമം പരിഹരിക്കുന്നതിന് നെയ്യാര്‍ ഡാമില്‍ നിന്നും ജലമെത്തിക്കുന്നതിനുളള പ്രവര്‍ത്തനങ്ങളുടെ പുരോഗതി വെളിപ്പെടുത്തുമോ;

(ബി)	ജില്ലയിലെ മലയോര മേഖലകളിലും ഗ്രാമപ്രദേശങ്ങളിലും കുടിവെളള ക്ഷാമം രൂക്ഷമായ സാഹചര്യത്തില്‍ കോളനികള്‍ ഉള്‍പ്പെടെയുളള പ്രദേശങ്ങളില്‍ വെളളം ലഭ്യമാക്കുന്നതിന് നടപടി സ്വീകരിച്ചിട്ടുണ്ടോ;

(സി)	ജില്ലയുടെ വിവിധ ഭാഗങ്ങളില്‍ കിയോസ്കുുകള്‍ സ്ഥാപിച്ചിട്ടുണ്ടോ;

(ഡി)	കുടിവെളള ക്ഷാമം കൂടുതല്‍ രൂക്ഷമായ പഞ്ചായത്തുകളില്‍ ടാങ്കറുകളില്‍ കുടിവെളളമെത്തിക്കുന്നതിനുളള നടപടികള്‍ സ്വീകരിച്ചിട്ടുണ്ടോ; എങ്കിൽ വിശദാംശം നല്‍കാമോ?

റോഡ് നിര്‍മ്മാണത്തിന് പുത്തന്‍ സാങ്കേതിക വിദ്യ

*411.

ശ്രീമതി ഇ.എസ്.ബിജിമോള്‍
ശ്രീ.ജി.എസ്.ജയലാല്‍
,, കെ. രാജന്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് റോഡ് നിര്‍മ്മാണത്തിന് പരമ്പരാഗതമായി ഉപയോഗിക്കാത്ത പുത്തന്‍ സാങ്കേതിക വിദ്യകളും വിഭവങ്ങളും ഉപയോഗിക്കുന്നുണ്ടോ; സംസ്ഥാനത്ത് പ്ലാസ്റ്റിക് ഉപഭോഗം കൂടി നില്‍ക്കുന്ന പശ്ചാത്തലത്തില്‍ റോഡ് നിര്‍മ്മാണത്തില്‍ പ്ലാസ്റ്റിക്കിന്റെ ഉപയോഗം വര്‍ദ്ധിപ്പിക്കുന്നത് പരിഗണിക്കുമോ;

(ബി)	റോഡ് നിര്‍മ്മാണത്തില്‍ പ്ലാസ്റ്റിക് ഏതളവ് വരെ ഉപയോഗിക്കാമെന്നത് സംബന്ധിച്ച് പഠനം നടത്തിയിട്ടുണ്ടോ;

(സി)	മണ്ണിന് ആവശ്യമായ ഉറപ്പില്ലാത്ത സ്ഥലങ്ങളില്‍ കയര്‍, ജിയോടെക്സ്റ്റയില്‍സ് എന്നിവ ഉപയോഗിച്ച് റോഡ് നിര്‍മ്മാണ പ്രവൃത്തി നടത്തുന്നുണ്ടോ?

റോഡ് നിര്‍മ്മാണ മേഖലയില്‍ പൂര്‍ത്തിയാക്കിയ പ്രവര്‍ത്തനങ്ങള്‍

*412.

ശ്രീ.എം. നൗഷാദ്
,, രാജു എബ്രഹാം
,, സി.കൃഷ്ണന്‍
,, കാരാട്ട് റസാഖ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സ൪ക്കാ൪ അധികാരത്തിലെത്തിയതിനു ശേഷം റോഡ് നിര്‍മ്മാണ മേഖലയില്‍ പൊതുമരാമത്ത് വകുപ്പ് പൂര്‍ത്തിയാക്കിയ പ്രധാന പ്രവര്‍ത്തനങ്ങള്‍ ഏതൊക്കെയെന്ന് അറിയിക്കാമോ;

(ബി)	റോഡുകളുടെ ഗുണനിലവാരം ഉറപ്പാക്കുന്നതിനും അവ സമയബന്ധിതമായി പൂര്‍ത്തിയാക്കുന്നതിനും സാധ്യമായിട്ടുണ്ടോ;

(സി)	റോഡ് നിര്‍മ്മാണത്തില്‍ നടപ്പിലാക്കിയ പുതിയ നിര്‍മ്മാണ രീതികള്‍ എന്തെല്ലാമെന്ന് അറിയിക്കാമോ?

വിദ്യാര്‍ത്ഥികള്‍ക്കിടയില്‍ ലഹരിപദാര്‍ത്ഥങ്ങളുടെ ഉപയോഗം

*413.

ശ്രീമതി.പി. അയിഷാ പോറ്റി
ശ്രീ.പി.ടി.എ. റഹീം
,, വി. ജോയി
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	വിദ്യാര്‍ത്ഥികളുടെ ഇടയില്‍ മദ്യം, മയക്കുമരുന്ന്, മറ്റു ലഹരി പദാര്‍ത്ഥങ്ങള്‍ എന്നിവയുടെ ഉപയോഗം വര്‍ദ്ധിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത് തടയുന്നതിനും മദ്യത്തിന്റെയും ലഹരിപദാര്‍ത്ഥങ്ങളുടെയും ദോഷഫലങ്ങളെക്കുറിച്ച് വിദ്യാര്‍ത്ഥികളെ ബോധവല്‍ക്കരിക്കുന്നതിനും എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

ഡാം സുരക്ഷാ സെല്ലിന്റെ പ്രവര്‍ത്തനങ്ങള്‍

*414.

ശ്രീ.ബി.ഡി. ദേവസ്സി
,, കെ.ഡി. പ്രസേനന്‍
,, എസ്.രാജേന്ദ്രന്‍
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവിലുള്ള ഡാം സുരക്ഷാ നടപടിക്രമങ്ങള്‍ എന്തെല്ലാമാണെന്നും ഡാം സുരക്ഷാ സെല്ലിന്റെ പ്രവര്‍ത്തനങ്ങള്‍ എന്തെല്ലാമാണെന്നും അറിയിക്കാമോ;

(ബി)	കൃത്യമായ ഇടവേളകളില്‍ ഉണ്ടാകേണ്ട പരിശോധനകള്‍ക്ക് വ്യവസ്ഥയില്ലാത്തതും അടിയന്തര സാഹചര്യം നേരിടാന്‍ വേണ്ട എമര്‍ജന്‍സി ആക്ഷന്‍ പ്ലാനില്ലാത്തതും സംസ്ഥാനത്തെ ഡാം സുരക്ഷാ പ്രക്രീയയെ നിഷ്ഫലമാക്കാതിരിക്കാനായി പദ്ധതിയില്‍ ആവശ്യമായ മാറ്റം വരുത്തുമോ;

(സി)	മുല്ലപ്പെരിയാര്‍ അണക്കെട്ടിന്റെ സുരക്ഷാ കാര്യത്തില്‍ പ്രതികൂലമായ സുപ്രീം കോടതി വിധിയുടെ പശ്ചാത്തലത്തില്‍ പുതിയ ഡാം നിര്‍മ്മാണത്തിനായുളള രാഷ്ട്രീയ പരിഹാരത്തിനായി ശ്രമം നടക്കുന്നുണ്ടോ?

മൂന്നാര്‍ കയ്യേറ്റ ഭൂമി ഒഴിപ്പിക്കല്‍

*415.

ശ്രീ.അബ്ദുല്‍ ഹമീദ് പി.
,, പാറക്കല്‍ അബ്ദുല്ല
,, ടി. വി. ഇബ്രാഹിം
,, പി.ബി. അബ്ദുല്‍ റസ്സാക്ക് : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	മൂന്നാറില്‍ കയ്യേറ്റ ഭൂമി ഒഴിപ്പിക്കാന്‍ ലിസ്റ്റ് തയ്യാറാക്കിയിട്ടുണ്ടോ;

(ബി)	എങ്കില്‍ ആ ലിസ്റ്റില്‍ എല്ലാ കയ്യേറ്റങ്ങളും ഉള്‍പ്പെടുമോ; ഇല്ലെങ്കില്‍ ലിസ്റ്റ് തയ്യാറാക്കാന്‍ സ്വീകരിച്ച മാനദണ്ഡമെന്താണെന്ന് വിശദമാക്കുമോ;

(സി)	മതാരാധനാ ചിഹ്നങ്ങളോ, മതവുമായി ബന്ധപ്പെട്ട സ്ഥാപനങ്ങളെയോ മുന്‍നിര്‍ത്തി നടത്തുന്ന കയ്യേറ്റങ്ങളുടെ കാര്യത്തില്‍ നയം എന്താണെന്ന് വ്യക്തമാക്കുമോ ?

ആര്‍ട്ട്സ് ആന്റ് സയന്‍സ് കോളേജുകളിലെ അടിസ്ഥാന സൗകര്യ വികസനം

*416.

ശ്രീ.കെ.എസ്.ശബരീനാഥന്‍
,, ഹൈബി ഈഡന്‍
,, വി.ഡി.സതീശന്‍
,, അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ആര്‍ട്ട്സ് ആന്റ് സയന്‍സ് കോളേജുകളിലെ അടിസ്ഥാന സൗകര്യ വികസനത്തിന് എന്തെല്ലാം നടപടികളാണ് കൈക്കൊണ്ടിട്ടുള്ളത്;

(ബി)	ഇതിനുള്ള ധനം എവിടെനിന്ന് കണ്ടെത്താനാണ് തീരുമാനിച്ചിട്ടുള്ളതെന്ന് വ്യക്തമാക്കുമോ;

(സി)	ഏതെല്ലാം പദ്ധതികളാണ് ഇതിനുവേണ്ടി പ്രയോജനപ്പെടുത്തുന്നതെന്ന് വിശദമാക്കുമോ ?

പാട്ടക്കാലാവധി കഴിഞ്ഞ ഭൂമി ഏറ്റെടുക്കാൻ നടപടി

*417.

ശ്രീ.വി.പി.സജീന്ദ്രന്‍
,, എല്‍ദോസ് കുന്നപ്പിള്ളി
,, അന്‍വര്‍ സാദത്ത്
,, വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	പാട്ടക്കാലാവധി കഴിഞ്ഞ ഭൂമി തിരികെ ഏറ്റെടുക്കാനുള്ള നടപടികള്‍ ആരംഭിച്ചിട്ടുണ്ടോ;

(ബി)	പാട്ടക്കാലാവധി കഴിഞ്ഞ ഭൂമി കൈവശം വച്ചിരിക്കുന്നവരില്‍ നിന്നും പാട്ടക്കുടിശ്ശിക ഈടാക്കിയിട്ടുണ്ടോ; ഉണ്ടെങ്കില്‍ ഏത്ര രൂപ ഇവരില്‍ നിന്നും ഈടാക്കിയെന്ന് വ്യക്തമാക്കുമോ;

(സി)	പാട്ടവ്യവസ്ഥ ലംഘിച്ചതിന് ഈ സര്‍ക്കാര്‍ അധികാരത്തില്‍ വന്നതിന് ശേഷം ആര്‍ക്കെങ്കിലുമെതിരെ നടപടി സ്വീകരിചിട്ടുണ്ടോ; എങ്കിൽ വിശദാംശങ്ങള്‍ നല്‍കുമോ?

ഓണ്‍ലൈന്‍ പോക്കുവരവ് സംവിധാനം

*418.

ശ്രീ.സി. ദിവാകരന്‍
,, മുഹമ്മദ് മുഹസിന്‍ പി.
,, ഇ.ടി. ടൈസണ്‍ മാസ്റ്റര്‍
,, ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് റവന്യൂവും ഭവനനിര്‍മ്മാണവും വകുപ്പുമന്ത്രി സദയം മറുപടി നല്‍കുമോ:

(എ)	വില്ലേജ് റിക്കാര്‍ഡുകളുടെ ഡിജിറ്റലൈസേഷനുമായി ബന്ധപ്പെട്ട് ഈ സര്‍ക്കാര്‍ സ്വീകരിച്ച നടപടികള്‍ എന്തെല്ലാം;

(ബി)	ഓണ്‍ലൈന്‍ പോക്കുവരവ് സംവിധാനം കേരളത്തിലെ എല്ലാ വില്ലേജുകളിലും നടപ്പിലായിട്ടുണ്ടോ; ഇനി എത്ര വില്ലേജുകളില്‍ പ്രസ്തുത സംവിധാനം നടപ്പിലാക്കാനുണ്ട് എന്നറിയിക്കുമോ;

(സി)	ഓണ്‍ലൈന്‍ പോക്കുവരവുമായി ബന്ധപ്പെട്ട് രജിസ്ട്രേഷന്‍ വകുപ്പില്‍ നിന്നും ലഭിക്കേണ്ട വിവരങ്ങള്‍ കൃത്യമായി ലഭിക്കുന്നില്ല എന്ന പരാതി ശ്രദ്ധയില്‍പ്പെട്ടിട്ടുണ്ടോ?

സ്വാശ്രയ എഞ്ചിനീയറിംഗ് കോളേജുകളിലെ അനഭിലഷണീയ പ്രവണതകള്‍

*419.

ശ്രീമതി ഗീതാ ഗോപി
ശ്രീ.മുല്ലക്കര രത്നാകരന്‍
,, ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വാശ്രയ എഞ്ചിനീയറിംഗ് കോളേജുകളില്‍ നടക്കുന്ന അനഭിലഷണീയമായ പ്രവണതകള്‍ വിലയിരുത്തിയിട്ടുണ്ടോ;

(ബി)	യോഗ്യതയുള്ള അധ്യാപകരുടെ അഭാവം മൂലം പഠനപ്രക്രിയ ശരിയായ രീതിയില്‍ നടക്കുന്നില്ല എന്നത് പരിശോധിച്ചിട്ടുണ്ടോ;

(സി)	വന്‍തുക ഫീസ് ഇനത്തിലും തലവരി ഇനത്തിലും മറ്റും ഈ കോളേജുകള്‍ വാങ്ങുന്നുണ്ടെങ്കിലും അക്കാദമികവും അല്ലാത്തതുമായ അടിസ്ഥാന സൗകര്യങ്ങള്‍ ഇവിടങ്ങളില്‍ പരിമിതമാണെന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	നിശ്ചിത വിജയശതമാനം ഇല്ലാത്ത സ്വാശ്രയ കോളേജുകള്‍ അടച്ചുപൂട്ടുന്നതിന് തയ്യാറാകുമോ;

(ഇ)	പ്രസ്തുത അപര്യാപ്തതകള്‍ പരിഹരിക്കുന്നതിന് സര്‍ക്കാര്‍ പക്ഷത്തുനിന്ന് എന്തെങ്കിലും നടപടികള്‍ സ്വീകരിച്ചിട്ടുണ്ടോയെന്ന് വ്യക്തമാക്കുമോ?

വെെജ്‍‍ഞാനിക രംഗത്തുണ്ടായ നിലവാരത്തകര്‍ച്ച

*420.

ശ്രീ.വി. അബ്ദുറഹിമാന്‍
,, റ്റി.വി.രാജേഷ്
,, ആന്റണി ജോണ്‍
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് വിദ്യാഭ്യാസ വകുപ്പുമന്ത്രി സദയം മറുപടി നല്‍കുമോ:

(എ)	ആഗോളവല്‍കൃത വിപണന തന്ത്രത്തിന്റെ ഫലമായി മിടുക്കരായ വിദ്യാര്‍ത്ഥികളെ ശാസ്ത്ര-മാനവിക വിഷയങ്ങളില്‍ നിന്ന് അകറ്റി സാങ്കേതിക-വെൈദഗ്ദ്ധ്യ രംഗത്ത് കേന്ദ്രീകരിപ്പിച്ചത് മൂലം സംസ്ഥാനത്തെ വൈജ്ഞാനിക രംഗത്തുണ്ടായ നിലവാരത്തകര്‍ച്ച പരിശോധിച്ചിട്ടുണ്ടോ;

(ബി)	ഇത് പരിഹരിക്കാനായി ആര്‍ട്സ് ആന്‍ഡ് സയന്‍സ് കോളേജുകളെയും അവയെ നയിക്കുന്ന സര്‍വ്വകലാശാലകളെയും ആധുനീകരിച്ച് ശാസ്ത്രബോധവും മാനവികതയും പരിപോഷിപ്പിക്കാന്‍ ആവിഷ്കരിച്ചിട്ടുളള പദ്ധതിയുടെ വിശദാംശം അറിയിക്കുമോ;

(സി)	ഇത്തരം സ്ഥാപനങ്ങളുടെ അടിസ്ഥാന സൗകര്യ വികസനത്തിനും അക്കാദമിക മുന്നേറ്റത്തിനും ദേശീയ ഉന്നത വിദ്യാഭ്യാസ പ്രസ്ഥാനത്തില്‍ (റൂസ) നിന്നും സാമ്പത്തിക സഹായം നേടിയെടുക്കാന്‍ നടത്തിയ ശ്രമങ്ങള്‍ എന്തെല്ലാമെന്ന് അറിയിക്കുമോ?

Website maintained by Information System Section, Kerala Legislative Assembly, Thiruvananthapuram.