14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >18^th Session>Unstarred Questions and Answers

Answer Provided

Answer Not Yet Provided

FOURTEENTH KLA - 18^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

സ്റ്റേറ്റ് ലെവല്‍ ടാസ്ക് ഫോഴ്സ് ഫണ്ട് വിനിയോഗം

1073.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഏറനാട് മണ്ഡലത്തില്‍ 2016-17, 2017-18, 2018-19 വര്‍ഷങ്ങളില്‍ സ്റ്റേറ്റ് ലെവല്‍ ടാസ്ക് ഫോഴ്സ് മുഖേന അനുവദിച്ചിട്ടുള്ള പ്രവൃത്തികൾ ഏതെല്ലാമെന്നും ഓരോ പ്രവൃത്തിയ്ക്കും അനുവദിച്ചിട്ടുള്ള തുക എത്രയെന്നും വിശദമാക്കാമോ;

(ബി)	ഇതില്‍ എത്ര പ്രവൃത്തികൾ ആരംഭിച്ചിട്ടുണ്ടെന്നും എത്രയെണ്ണം പൂര്‍ത്തീകരിച്ചിട്ടുണ്ടെന്നും ആരംഭിച്ചവയുടെ നിലവിലെ സ്ഥിതി എന്താണെന്നും വിശദമാക്കാമോ;

(സി)	മുഴുവന്‍ പ്രവൃത്തികളും സമയബന്ധിതമായി പൂര്‍ത്തീകരിക്കുന്നതിന് വേണ്ട നടപടി സ്വീകരിക്കുമോ;

(ഡി)	വെള്ളപ്പൊക്കത്തില്‍ തകര്‍ന്ന റോ‍ഡുകളുടെ പുനരുദ്ധാരണത്തിനായി ഫണ്ട് അനുവദിച്ചതിന്റെ മാനദണ്ഡങ്ങള്‍ എന്തെല്ലാമാണ്; വ്യക്തമാക്കുമോ;

(ഇ)	മലപ്പുറം ജില്ലയില്‍ ഓരോ നിയോജകമണ്ഡലത്തിലും പ്രസ്തുത പ്രവൃത്തികള്‍ക്ക് അനുവദിച്ച ഫണ്ട് എത്രയാണെന്ന് വിശദമാക്കുമോ?

കോട്ടയം ജില്ലയിലെ കഞ്ഞിക്കുഴി ഫ്ലൈ ഓവറിന്റെ നിര്‍മ്മാണം

1074.

ശ്രീ.തിരുവഞ്ചൂര്‍ രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോട്ടയം ജില്ലയിലെ കഞ്ഞിക്കുഴി പ്രദേശത്തെ ഫ്ലൈ ഓവര്‍ നിര്‍മ്മാണത്തിലെ കാലതാമസത്തിന്റെ കാരണം വ്യക്തമാക്കാമോ;

(ബി)	പ്രസ്തുത പ്ര൮ത്തിയുടെ സര്‍ക്കാര്‍തല അനുമതി വിവരങ്ങള്‍ ലഭ്യമാക്കാമോ;

(സി)	പ്രസ്തുത പ്ര൮ത്തി എന്നത്തേക്ക് പൂര്‍ത്തിയാക്കാന്‍ സാധിക്കും എന്ന് വ്യക്തമാക്കാമോ?

കായംകുളം മണ്ഡലത്തിൽ റോഡുകള്‍, കെട്ടിടങ്ങള്‍ എന്നിവയ്ക്കായി അനുവദിച്ച തുക

1075.

ശ്രീമതി യു. പ്രതിഭ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ കാലയളവില്‍ കായംകുളം മണ്ഡലത്തിൽ പൊതുമരാമത്ത് വകുപ്പ് വഴി റോഡുകള്‍, പാലങ്ങള്‍, കെട്ടിടങ്ങള്‍ എന്നിവയ്ക്കായി അനുവദിച്ചിട്ടുള്ള തുക എത്രയെന്നും ഇതിൽ ഓരോ പദ്ധതിയുടെയും നിലവിലുള്ള പുരോഗതി എന്തെന്നും വിശദമാക്കാമോ?

മലപ്പുറം മണ്ഡലത്തിലെ വിവിധ പൊതുമരാമത്ത് പദ്ധതികൾ

1076.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2019-20 വര്‍ഷത്തെ ബജറ്റില്‍ ഉള്‍പ്പെട്ട മലപ്പുറം മണ്ഡലത്തിലെ വിവിധ പൊതുമരാമത്ത് പദ്ധതികളുടെ വിശദാംശം നല്‍കുമോ;

(ബി)	അവ ഓരോന്നും ഇപ്പോള്‍ ഏതു ഘട്ടത്തിലാണെന്നും എത്ര പ്രവൃത്തികള്‍ക്ക് ഭരണാനുമതി നല്‍കിയെന്നും വിശദമാക്കുമോ;

(സി)	ഭരണാനുമതി ലഭിച്ച പ്രവൃത്തികള്‍ സമയബന്ധിതമായി പൂര്‍ത്തീകരിക്കുവാന്‍ കര്‍ശന നിര്‍ദ്ദേശം നല്‍കുമോ?

മാവേലിക്കര നിയമസഭാ മണ്ഡലത്തില്‍ നടപ്പിലാക്കിയ പദ്ധതി

1077.

ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം പൊതുമരാമത്ത് വകുപ്പ് മുഖേന മാവേലിക്കര നിയമസഭാ മണ്ഡലത്തില്‍ നടപ്പിലാക്കിയ പദ്ധതികളുടെ വിശദവിവരം ലഭ്യമാക്കുമോ;

(ബി)	പ്രസ്തുത പദ്ധതികളില്‍ പൂര്‍ത്തീകരിച്ചവ, പൂര്‍ത്തീകരിക്കാനുള്ളവ, ആരംഭിക്കാനുള്ളവ എന്നിങ്ങനെ വിശദമാക്കുമോ;

(സി)	പ്രവൃത്തികള്‍ പൂര്‍ത്തീകരിക്കുന്നതിന് സ്വീകരിച്ചിട്ടുള്ള നടപടികള്‍ വിശദമാക്കുമോ?

കല്‍പ്പറ്റ മണ്ഡലത്തിലെ പാലങ്ങളും റോഡുകളും

1078.

ശ്രീ.സി. കെ. ശശീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കല്‍പ്പറ്റ മണ്ഡലത്തില്‍ 2019-20 ബജറ്റില്‍ അനുവദിച്ച ഏതെല്ലാം പാലങ്ങള്‍ക്കും റോഡുകള്‍ക്കും 20 ശതമാനം ബജറ്റ് വിഹിതം അനുവദിച്ചിട്ടുണ്ടെന്ന് അറിയിക്കാമോ;

(ബി)	പ്രസ്തുത പ്രവൃത്തികളില്‍ ഏതെല്ലാം പ്രവൃത്തികള്‍ക്ക് ഭരണാനുമതി നല്‍കി;ഇത്തരത്തില്‍ 20 ശതമാനം വിഹിതം അനുവദിക്കപ്പെട്ട പാലങ്ങളുടെ നിലവിലെ അവസ്ഥ എന്താണ്;ഇവയ്ക്ക് എന്ന് ഭരണാനുമതി നല്‍കാനാകും; വിശദമാക്കാമോ?

ഒറ്റപ്പാലം മണ്ഡലത്തിലെ പൊതുമരാമത്ത് പ്രവ‍ൃത്തികള്‍

1079.

ശ്രീ.പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാര്‍ അധികാരമേറ്റശേഷം ഒറ്റപ്പാലം അസംബ്ലി മണ്ഡലത്തിൽ നടപ്പിലാക്കിയ പൊതുമരാമത്ത് നിര്‍മ്മാണ പ്രവ‍ൃത്തികള്‍ ഏതെല്ലാം;

(ബി)	ഓരോ പ്രവൃത്തിയുടെയും അതിനായി ചെലവഴിച്ച തുകയുടേയും വിശദാംശം വാര്‍ഷികാടിസ്ഥാനത്തിൽ ലഭ്യമാക്കുമോ?

കരാറുകാരുടെ വീഴ്ച കൊണ്ട്പൂര്‍ത്തിയാക്കാത്ത നിര്‍മ്മാണ പ്രവൃത്തികള്‍

1080.

ശ്രീ.പി.കെ.ബഷീര്‍
,, ടി.എ.അഹമ്മദ് കബീര്‍
,, പാറക്കല്‍ അബ്ദുല്ല
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരാറുകാരുടെ വീഴ്ച കൊണ്ട് സമയബന്ധിതമായി നിര്‍മ്മാണം പൂര്‍ത്തിയാക്കാത്ത പ്രവൃത്തികള്‍ റിപ്പോര്‍ട്ട് ചെയ്തിട്ടുണ്ടോ;

(ബി)	നിര്‍മ്മാണ പ്രവൃത്തികള്‍ വൈകിപ്പിക്കുന്ന കരാറുകാര്‍ക്കെതിരെ സ്വീകരിക്കാന്‍ ഉദ്ദേശിക്കുന്ന നടപടികള്‍ എന്തെല്ലാമെന്ന് വിശദമാക്കുമോ?

നെടുമങ്ങാട് മണ്ഡലത്തിലെ പ്രവൃത്തികള്‍

1081.

ശ്രീ.സി. ദിവാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നെടുമങ്ങാട് മണ്ഡലത്തിലെ ഏതെല്ലാം പ്രവൃത്തികളാണ് റോഡ്സ് ആന്റ് ബ്രിഡ്ജസ് കോര്‍പ്പറേഷന്‍ ഏറ്റെടുത്തിട്ടുള്ളതെന്ന് വ്യക്തമാക്കുമോ;

(ബി)	പ്രസ്തുത പ്രവൃത്തികള്‍ ഏത് ഘട്ടത്തിലാണെന്ന് വ്യക്തമാക്കാമോ;

(സി)	പ്രസ്തുത പ്രവൃത്തികള്‍ ആരംഭിക്കുന്നതിന് കാലതാമസം നേരിടുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ഡി)	പ്രസ്തുത പ്രവൃത്തികളില്‍ ഏതെങ്കിലും പ്രവൃത്തിയുടെ അലൈന്‍മെന്റുമായി ബന്ധപ്പെട്ട് പ്രദേശവാസികളുടെ പരാതി ലഭിച്ചിട്ടുണ്ടോ എന്ന് വ്യക്തമാക്കുമോ;

(ഇ)	പരാതികള്‍ പരിഹരിച്ച് പ്രവൃത്തി ആരംഭിക്കുന്നതിന് എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ;

(എഫ്)

പ്രസ്തുത പ്രവൃത്തിക്കായി തയ്യാറാക്കിയിട്ടുള്ള ഡി.പി.ആറിന്റെയും സ്കെച്ചിന്റെയും പകര്‍പ്പ് ലഭ്യമാക്കുമോ?

അനുബന്ധം

നെടുമങ്ങാട് മണ്ഡലത്തില്‍ നടപ്പിലാക്കിയ പ്രവൃത്തികള്‍

1082.

ശ്രീ.സി. ദിവാകരന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ഈ സര്‍ക്കാര്‍ കാലയളവില്‍ നെടുമങ്ങാട് മണ്ഡലത്തില്‍ പൊതുമരാമത്ത് വകുപ്പ് മുഖാന്തരം നടപ്പിലാക്കിയ പ്രവൃത്തികളുടെ വിശദവിവരം നല്‍കുമോ?

പ്രളയാനന്തരം റോഡ് പുനര്‍നിര്‍മ്മാണം

1083.

ശ്രീ.എം. രാജഗോപാലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആര്‍.ഐ.ഡി.എഫ്, സി.ആര്‍.എഫ്, നബാര്‍ഡ് എന്നിവ വഴി നാളിതുവരെ എത്രകോടി രൂപയുടെ പ്രവൃത്തികളാണ് ആരംഭിച്ചിട്ടുള്ളതെന്ന് വ്യക്തമാക്കാമോ;

(ബി)	2018, 2019 വര്‍ഷങ്ങളിലെ പ്രളയാനന്തരം എത്ര കിലോമീറ്റര്‍ റോഡുകള്‍ പുനര്‍നിര്‍മ്മിച്ചിട്ടുണ്ടെന്നും ഇതിനായി എത്ര കോടി രൂപ ചിലവഴിച്ചിട്ടുണ്ടെന്നും വ്യക്തമാക്കാമോ?

പൊതുമരാമത്ത് വകുപ്പിലെ ടെൻഡർ നടപടികള്‍

1084.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് വകുപ്പില്‍ ടെൻഡർ നടപടികള്‍ പൂർത്തീകരിച്ച പല പ്രവൃത്തികളും നാളുകളായിട്ടും പണി ആരംഭിക്കാതെ കിടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇത് സംബന്ധിച്ച് സ്വീകരിച്ചിട്ടുള്ള നടപടികള്‍ എന്തെല്ലാമാണെന്ന് വിശദീകരിക്കുമോ?

പൊതുമരാമത്ത് വകുപ്പിന്റെ പദ്ധതികള്‍

1085.

ശ്രീ.വി.എസ്.ശിവകുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുവനന്തപുരം നിയോജകമണ്ഡലത്തില്‍ പൊതുമരാമത്ത് വകുപ്പിനു കീഴില്‍ നടന്നു വരുന്ന പ്രവൃത്തികളുടെ വിശദാംശങ്ങള്‍ നല്‍കുമോ; പ്രസ്തുത പ്രവൃത്തികളുടെ നിലവിലെ സ്ഥിതി വിശദീകരിക്കാമോ;

(ബി)	2016-17, 2017-18, 2018-19, 2019-20 സാമ്പത്തിക വര്‍ഷങ്ങളില്‍ തിരുവനന്തപുരം നിയോജകമണ്ഡലത്തില്‍ പൊതുമരാമത്ത് വകുപ്പ് പൂര്‍ത്തീകരിച്ച പദ്ധതികളുടെ വിശദാംശങ്ങള്‍ ലഭ്യമാക്കുമോ;

(സി)	2019-20 ലെ ബജറ്റില്‍ തിരുവനന്തപുരം നിയോജകമണ്ഡലത്തില്‍ പൊതുമരാമത്ത് വകുപ്പ് ഏറ്റെടുത്ത പദ്ധതികളുടെ വിശദാംശങ്ങള്‍ ലഭ്യമാക്കുമോ; ഈ പദ്ധതികളുടെ നിലവിലെ സ്ഥിതി വിശദമാക്കാമോ?

ബസ് ഷെല്‍ട്ടറുകളുടെ പ്രവൃത്തി പൂര്‍ത്തിയാക്കുന്നതിനുള്ള നടപടി

1086.

ശ്രീ.എം. സി. കമറുദ്ദീന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

2015-16-ലെ എം.എല്‍.എ. ആസ്തി വികസന പദ്ധതിയില്‍ ഉള്‍പ്പെടുത്തി മഞ്ചേശ്വരം നിയോജക മണ്ഡലത്തിലെ 17 സ്ഥലങ്ങളില്‍ ഹൈടെക് ബസ് ഷെല്‍ട്ടറുകള്‍ സ്ഥാപിക്കുന്നതിന് സ.ഉ.(സാധാ)നം.339/16/ത.സ്വ.ഭ.വ. ഉത്തരവ് പ്രകാരം ഭരണാനുമതി നല്കി പൊതുമരാമത്ത് വകുപ്പിന്റെ കീഴിലുള്ള പ്രതീക്ഷാ ബസ് ഷെല്‍ട്ടേഴ്സ് കേരള ലിമിറ്റഡിനെ ചുമതലപ്പെടുത്തി വര്‍ഷങ്ങള്‍ കഴിഞ്ഞിട്ടും പ്രസ്തുത പ്രവൃത്തി പൂര്‍ത്തിയാക്കാത്തതു സംബന്ധിച്ച വിശദവിവരം അറിയിക്കാമോ;

(ബി)	പ്രതീക്ഷാ ബസ് ഷെല്‍ട്ടേഴ്സ് കേരള ലിമിറ്റഡ് പ്രസ്തുത പ്രവൃത്തി ചെയ്യുന്നതിന് ഏത് ഏജന്‍സിയെയാണ് ചുമതലപ്പെടുത്തിയിട്ടുള്ളതെന്നും പ്രസ്തുത ഏജന്‍സിയുമായുള്ള കരാറിന്റെ വിശദവിവരവും ലഭ്യമാക്കാമോ;

(സി)	പ്രസ്തുത ഏജന്‍സിയ്ക്ക് അഡ്വാന്‍സ് തുക നല്കിയിട്ടുണ്ടോ; എങ്കില്‍ വിശദവിവരം നല്‍കുമോ;

(ഡി)	പ്രതീക്ഷാ ബസ് ഷെല്‍ട്ടേഴ്സ് കേരള ലിമിറ്റഡ് ഏറ്റെടുത്ത പ്രസ്തുത പ്രവൃത്തി കാലങ്ങളായി പൂര്‍ത്തിയാക്കാതെ ഇക്കാര്യത്തില്‍ ഗുരുതരമായ വീഴ്ച വരുത്തിയത് ശ്രദ്ധയില്‍പ്പെട്ടിട്ടുണ്ടോ;

(ഇ)	അന്തരിച്ച മുന്‍ മഞ്ചേശ്വരം എം.എല്‍.എ. പി.ബി.അബ്ദുല്‍ റസാക്ക് ഇതുസംബന്ധിച്ച് പലതവണ പരാതി നല്കിയിരുന്നത് ശ്രദ്ധയില്‍പ്പെട്ടിട്ടുണ്ടോ;

(എഫ്)

ബസ് ഷെല്‍ട്ടറുകളുടെ പ്രവൃത്തി സമയബന്ധിതമായി ഇനിയെങ്കിലും പൂര്‍ത്തിയാക്കുന്നതിന്എന്തു നടപടിയാണ് സ്വീകരിക്കുകയെന്ന് വിശദമാക്കാമോ?

കാരന്തൂര്‍- പടനിലം ബെെപ്പാസ് പദ്ധതി

1087.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നാഷണല്‍ ഹെെവേ 766ന് സമാന്തരമായി കുന്ദമംഗലം ടൗണിലെ ഗതാഗതക്കുരുക്ക് ഒഴിവാക്കാന്‍ കാരന്തൂര്‍, പണ്ടാരപ്പറമ്പ, ഉണ്ടോടിക്കടവ്, പടനിലം ഭാഗങ്ങളെ ബന്ധിപ്പിച്ചുകൊണ്ട് ബെെപ്പാസ് നിര്‍മ്മിക്കാനുളള പദ്ധതി ആര്‍.ബി.ഡി.സി.കെ തയ്യാറാക്കി സര്‍ക്കാരില്‍ സമര്‍പ്പിച്ചിട്ടുണ്ടോ;

(ബി)	പ്രസ്തുത പദ്ധതി എത്ര ഘട്ടമായാണ് നടപ്പിലാക്കാന്‍ ഉദ്ദേശിച്ചിട്ടുളളത്;വ്യക്തമാക്കാമോ;

(സി)	ഓരോ ഘട്ടത്തിനും എത്ര രൂപ വീതം ചെലവുവരുമെന്ന് കണക്കാക്കിയിട്ടുണ്ടോ;വെളിപ്പെടുത്താമോ;

(ഡി)	ബജറ്റില്‍ പ്രഖ്യാപിച്ച പ്രസ്തുത പദ്ധതി നടപ്പിലാക്കുന്നതില്‍ കാലതാമസം വരുന്നതിന് കാരണമെന്താണെന്ന് വ്യക്തമാക്കാമോ;

(ഇ)	നിലവില്‍ ഇക്കാര്യത്തില്‍ സ്വീകരിച്ചുവരുന്ന നടപടികളുടെ വിശദവിവരം വെളിപ്പെടുത്താമോ ?

കിഫ്ബി ഫണ്ട് മുഖേന പുതിയ പാലങ്ങള്‍

1088.

(എ)	കിഫ്ബി ഫണ്ട് മുഖേന സംസ്ഥാനത്ത് എത്ര പുതിയ പാലങ്ങള്‍ പൂർത്തീകരിച്ചിട്ടുണ്ടെന്നും എത്ര കിലോമീറ്റർ റോഡുകള്‍ പുനർ നിർമ്മിച്ചിട്ടുണ്ടെന്നും വ്യക്തമാക്കാമോ;

(ബി)	കേരളത്തില്‍ നിലവില്‍ എത്ര കിലോമീറ്റർ റോഡുകള്‍ പൊതുമരാമത്ത്അധീനതയില്‍ ഉണ്ടെന്നും ഇതില്‍ എത്ര കിലോമീറ്റർ നിലവില്‍ പരിഷ്ക്കരിക്കാൻ നടപടിയായിട്ടുണ്ടെന്നും വ്യക്തമാക്കാമോ?

കിഫ്ബി മുഖാന്തരമുള്ള പാലം നിര്‍മ്മാണ പ്രവൃത്തികള്‍

1089.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാന ബഡ്ജറ്റില്‍ ഉള്‍പ്പെടുത്തിയതും കിഫ്ബി മുഖാന്തരം നട‌പ്പിലാക്കുന്നതുമായ വൈപ്പിൻ മണ്ഡലത്തിലെ പാലം നിര്‍മ്മാണ പ്രവൃത്തികള്‍ ഏതൊക്കെ എന്നും എത്ര തുക വീതമാണ് അനുവദിച്ചിട്ടുള്ളതെന്നും വ്യക്തമാക്കാമോ;

(ബി)	ഓരോ പ്രവൃത്തിയുടെയും നിര്‍മ്മാണ പുരോഗതികള്‍ വിശദമാക്കാമോ?

റോഡ് ടാറിംഗിന് പ്ലാസ്റ്റിക്

1090.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് ടാറിംഗിന് പ്ലാസ്റ്റിക് ഉപയോഗിക്കണമെന്ന മാനദണ്ഡം പാലിക്കണമെന്ന് പൊതുമരാമത്ത് കരാറുകാര്‍ക്ക് നിര്‍ദ്ദേശം നല്‍കിയിട്ടുണ്ടോ എന്ന് അറിയിക്കാമോ;

(ബി)	സംസ്ഥാനത്തെ പൊതുമരാമത്ത് കരാറുകാര്‍ക്ക് പ്ലാസ്റ്റിക് ഉരുക്കിയെടുക്കുന്നതിനുള്ള യന്ത്രസംവിധാനത്തിന്റെ അപര്യാപ്തത ശ്രദ്ധയില്‍പ്പെട്ടിട്ടുണ്ടോ എന്ന് അറിയിക്കാമോ ;

(സി)	ആയത് പരിഹരിക്കുന്നതിനും റോഡ് ടാറിംഗിന് പ്ലാസ്റ്റിക് ഫലപ്രദമായി ഉപയോഗപ്പെടുത്തുന്നു എന്ന് ഉറപ്പു വരുത്തുന്നതിനും എന്തെല്ലാം നടപടികള്‍ സ്വീകരിക്കുമെന്ന് വിശദമാക്കാമോ?

റോഡ് നിര്‍മ്മാണം

1091.

(എ)	സംസ്ഥാനത്ത് ഇതുവരെയായി എത്ര കിലോമീറ്റര്‍ റോഡാണ് മലയോര ഹൈവെയില്‍ ഉള്‍പ്പെടുത്തി പൂര്‍ത്തീകരിച്ചതെന്ന് വ്യക്തമാക്കാമോ;

(ബി)	ഹില്‍ ഹൈവെയില്‍ ഇനിയും എത്ര കിലോമീറ്റര്‍ റോഡ് നിര്‍മ്മിക്കാനും പരിഷ്കരിക്കാനുമായി ഉണ്ടെന്നും ഇത് എപ്പോള്‍ പൂര്‍ത്തീകരിക്കാന്‍ കഴിയുമെന്നും വ്യക്തമാക്കാമോ?

മങ്കട നിയോജകമണ്ഡലത്തിലെ പ്രവൃത്തികള്‍

1092.

ശ്രീ.ടി.എ.അഹമ്മദ് കബീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	2019-2020 സാമ്പത്തിക വര്‍ഷ ബജറ്റില്‍ ഉള്‍പ്പെട്ടിട്ടുള്ള മങ്കട നിയോജകമണ്ഡലത്തിലെ നൂറ് രൂപ ടോക്കണ്‍ പ്രൊവിഷനുള്ള റോഡുകളുടെയും പാലങ്ങളുടേയും വിശദാംശങ്ങള്‍ ലഭ്യമാക്കാമോ;

(ബി)	പ്രസ്തുത പ്രവൃത്തികള്‍ക്ക് ഭരണാനുമതി നല്‍കുന്നതിനാവശ്യമായ എസ്റ്റിമേറ്റ് തയ്യാറാക്കിയിട്ടുണ്ടോ;

(സി)	എസ്റ്റിമേറ്റ് പൂര്‍ത്തിയായ പ്രവൃത്തികള്‍ ഏതൊക്കെയാണ്; അവയ്ക്ക് ഭരണാനുമതി നല്‍കുന്നതിനുള്ള നടപടികള്‍ സ്വീകരിക്കുമോ എന്ന് അറിയിക്കുമോ?

സഞ്ചാര യോഗ്യമല്ലാത്ത റോഡ‍ുകളും പാലങ്ങളും

1093.

ശ്രീ.വി.ഡി.സതീശന്‍
,, കെ.സി.ജോസഫ്
,, വി.ടി.ബല്‍റാം
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡ‍ുകളും പാലങ്ങളും തകര്‍ന്ന് സഞ്ചാര യോഗ്യമല്ലാത്ത സാഹചര്യം കണക്കിലെടുത്ത് കേരള ഹൈക്കോടതി ഇക്കാര്യത്തില്‍ ഇടപെട്ട് കര്‍ശന നിര്‍ദ്ദേശം നല്‍കിയിട്ടുണ്ടോ;

(ബി)	പ്രസ്തുത നിര്‍ദ്ദേശത്തിന്റെ അടിസ്ഥാനത്തില്‍ ഇതിനകം സ്വീകരിച്ച നടപടികള്‍ എന്തൊക്കെയാണ്;

(സി)	ഈ നിര്‍ദ്ദേശത്തിന്റെ അടിസ്ഥാനത്തില്‍ റോഡിലെ കുഴിയടയ്ക്കുവാനും വശങ്ങള്‍ കെട്ടുന്നതിനുമായി ഇതിനകം എന്ത് തുക ചെലവഴിച്ചു; വിശദമാക്കാമോ ?

പുനലൂര്‍-മൂവാറ്റുപുഴ സംസ്ഥാനപാത നിര്‍മ്മാണം

1094.

ശ്രീ.കെ.യു. ജനീഷ് കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പുനലൂര്‍-മൂവാറ്റുപുഴ സംസ്ഥാനപാതയില്‍ കോന്നി നിയോജക മണ്ഡലത്തിലൂടെ കടന്നുപോകുന്ന ഭാഗത്തിന്റെ നിര്‍മ്മാണം സംബന്ധിച്ച പ്രവൃത്തികളുടെ പുരോഗതി വിശദമാക്കുമോ;

(ബി)	പ്രസ്തുത നിര്‍മ്മാണ പ്രവൃത്തികള്‍ എന്നാണ് ആരംഭിക്കുന്നതെന്നും എന്നത്തേക്ക് പൂര്‍ത്തിയാകുമെന്നും അറിയിക്കാമോ;

(സി)	നിര്‍മ്മാണ പ്രവൃത്തികള്‍ വേഗത്തിലാക്കി ഗതാഗതയോഗ്യമാക്കുവാന്‍ അടിയന്തിര നടപടി സ്വീകരിക്കുമോ?

റോഡുകളിലെ അപകടകരമായ കുഴികള്‍

1095.

ശ്രീ.ടി.ജെ. വിനോദ്
,, അനൂപ് ജേക്കബ്
,, പി.ടി. തോമസ്
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് വകുപ്പ് റോ‍‍ഡുകളില്‍ അപകടകരമായ കുഴികള്‍ ഉണ്ടാകുമ്പോള്‍ അവിടെ മുന്നറിയിപ്പ് നല്‍കണമെന്നും ബാരിക്കേഡുകള്‍ നിര്‍മ്മിക്കണമെന്നും നിര്‍ദ്ദേശം നല്‍കിയിട്ടുണ്ടോ; വിശദമാക്കുമോ;

(ബി)	പാലാരിവട്ടം മെട്രോ സ്റ്റേഷന് മുന്നില്‍ രൂപം കൊണ്ട കുഴിയില്‍ വീണ് യദുലാല്‍ എന്ന യുവാവ് മരിക്കാനിടയായ സ്ഥലത്ത് മേല്പറഞ്ഞ മുന്നറിയിപ്പോ, ബാരിക്കേഡോ വകുപ്പ് സ്ഥാപിച്ചിരുന്നോ; വിശദമാക്കുമോ;

(സി)	ഇല്ലെങ്കില്‍ ഇക്കാര്യത്തിലുണ്ടായ വീഴ്ചയെക്കുറിച്ച് അന്വേഷണം നടത്തി കുറ്റക്കാര്‍ക്കെതിരെ കര്‍ശന നടപടി സ്വീകരിക്കുമോ; വിശദമാക്കുമോ?

ചാലക്കുടി കോടതി ജംഗ്ഷനിലെ അണ്ടര്‍ പാസ്സേജ്

1096.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാതയില്‍ ചാലക്കുടി കോടതി ജംഗ്ഷനില്‍ വലിയ ഗതാഗതക്കുരുക്കും അപകടങ്ങളും പതിവായിരിക്കുന്നതും അനുവദിച്ച അണ്ടര്‍ പാസ്സേജിന്റെ നിര്‍മ്മാണം നിലച്ചിട്ട് ഒന്നര‌ വര്‍ഷം പിന്നിട്ടിരിക്കുന്നതും ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ നിര്‍ദ്ദിഷ്ട പാസ്സേജിന്റെ നിര്‍മ്മാണം പുനരാരംഭിക്കുന്നതിനും പൂര്‍ത്തിയാക്കുന്നതിനും ആവശ്യമായ നടപടികളും ഇടപെടലുകളും സ്വീകരിക്കുമോ എന്ന് അറിയിക്കുമോ?

റോഡുകളുടെ അറ്റകുറ്റപ്പണി സംബന്ധിച്ച ഹൈക്കോടതി വിമര്‍ശനം

1097.

ശ്രീ.മഞ്ഞളാംകുഴി അലി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളുടെ അറ്റകുറ്റപ്പണികള്‍ നടത്തുന്നതില്‍ കാണിയ്ക്കുന്ന അലംഭാവം സംബന്ധിച്ച ഹൈക്കോടതി വിമര്‍ശനങ്ങളുടെ അടിസ്ഥാനത്തില്‍ എന്തെല്ലാം തുടര്‍നടപടികള്‍ സ്വീകരിച്ചിട്ടുണ്ട്; വ്യക്തമാക്കാമോ;

(ബി)	വി.ഐ.പി. സന്ദര്‍ശന വേളകളില്‍ മാത്രം റോഡുകള്‍ നന്നാക്കുന്നതിന് കാണിക്കുന്ന വ്യഗ്രത സാധാരണ പൗരന്മാരുടെ കാര്യത്തില്‍ കാണിക്കാത്തത് സംബന്ധിച്ച് ഹൈക്കോടതി വിമര്‍ശിച്ചതായി ശ്രദ്ധയിൽപ്പെട്ടിട്ടുണ്ടോ;

(സി)	ഹൈക്കോടതിയുടെ പ്രസ്തുത നിരീക്ഷണം ശരിയാണെന്ന് വിലയിരുത്തുന്നുണ്ടോ; ഇല്ലെങ്കില്‍ ഇത്തരം നിരീക്ഷണത്തിലേക്ക് കോടതിയെ നയിച്ച സാഹചര്യം പരിശോധിക്കുന്നതിന് നടപടി സ്വീകരിച്ചിട്ടുണ്ടോ;വ്യക്തമാക്കാമോ;

(ഡി)	നികുതിദായകരായ എല്ലാ പൗരന്മാര്‍ക്കും തുല്യപരിഗണന ലഭിയ്ക്കുന്ന തരത്തില്‍ പ്രസ്തുത വിഷയത്തിലുണ്ടായിട്ടുള്ള അപാകതകള്‍ പരിഹരിയ്ക്കുന്നതിനാവശ്യമായ നടപടികള്‍ സ്വീകരിക്കുമോ എന്നറിയിക്കാമോ?

വാഴക്കോട്-പ്ലാഴി റോഡ് പുനരുദ്ധാരണം

1098.

ശ്രീ.യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റീബില്‍ഡ് കേരള ഇനിഷിയേറ്റീവ്(ആർ.കെ.ഐ.) പദ്ധതിയില്‍ ഉള്‍പ്പെടുത്തി പുനരുദ്ധാരണം ചെയ്യുന്നതിന് ഉത്തരവായതും കെ.എസ്.ടി.പി. നിര്‍വ്വഹണ ചുമതല വഹിക്കുന്നതുമായ ചേലക്കര നിയോജക മണ്ഡലത്തിലെ വാഴക്കോട്-പ്ലാഴി റോഡിന്റെ പുനരുദ്ധാരണ പ്രവൃത്തി നടപടിക്രമങ്ങള്‍ ഏതു ഘട്ടത്തിലാണെന്ന് അറിയിക്കാമോ;

(ബി)	ഈ പ്രവര്‍ത്തിയുടെ ഡി.പി.ആർ. തയ്യാറാക്കി എന്നത്തേയ്ക്ക് പ്രവൃത്തി ടെണ്ടര്‍ ചെയ്യാന്‍ കഴിയുമെന്നാണ് പ്രതീക്ഷിക്കുന്നത്; ഇതു സംബന്ധിച്ച വിശദാംശം വ്യക്തമാക്കുമോ?

ഒറ്റപ്പാലം ബൈപ്പാസ് നിര്‍മ്മാണം

1099.

(എ)	ഒറ്റപ്പാലം ബൈപ്പാസ് നിര്‍മ്മിക്കുന്നതിനായി ഈ സര്‍ക്കാര്‍ അധികാരത്തില്‍ വന്നശേഷം എന്തെല്ലാം നടപടികള്‍ സ്വീകരിച്ചു; വിശദമാക്കാമോ;

(ബി)	അതിനായി എന്നാണ് ഭരണാനുമതി നല്‍കിയത്; എത്ര തുകയുടെ ഭരണാനുമതിയാണ് നല്‍കിയിട്ടുള്ളത്; അതിനുശേഷം ഒറ്റപ്പാലം ബൈപ്പാസ് നിര്‍മ്മിക്കുന്നതിനായി എന്തെല്ലാം നടപടികള്‍ സ്വീകരിച്ചു; വിശദാംശം നല്‍കുമോ?

പ്ലാപ്പള്ളി-അയ്യന്‍കോവില്‍ റോഡിന്റെ നിര്‍മ്മാണ പ്രവൃത്തികള്‍

1100.

(എ)	കോന്നി നിയോജകമണ്ഡലത്തില്‍ കൂടി കടന്നുപോകുന്ന പ്ലാപ്പള്ളി-അയ്യന്‍കോവില്‍ റോഡിന്റെ നിര്‍മ്മാണ പ്രവൃത്തികള്‍ ആരംഭിച്ചിട്ടുണ്ടോ;

(ബി)	എന്നാണ് ഈ നിര്‍മ്മാണ പ്രവൃത്തികള്‍ ആരംഭിച്ചത്; പ്രസ്തുത റോഡിന്റെ നിര്‍മ്മാണ പ്രവര്‍ത്തന പുരോഗതി വിലയിരുത്തിയിട്ടുണ്ടോ;

(സി)	ഈ റോഡിന്റെ പണി വേഗത്തിലാക്കാനും ആറുമാസത്തിനുള്ളില്‍ മുഴുവന്‍ പണിയും തീര്‍ത്ത് ഗതാഗതയോഗ്യമാക്കാനും നടപടി സ്വീകരിക്കുമോ?

പാഞ്ചികാട്ട് കടവ് പാലത്തിന്റെ റോ‍ഡിനുള്ള സ്ഥലം ഏറ്റെടുക്കുന്നതിന് നടപടി

1101.

ശ്രീ.കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തിരുപുറം, ചെങ്കല്‍ പഞ്ചായത്തുകളെ യോജിപ്പിക്കുന്ന പാഞ്ചികാട്ട് കടവ് പാലത്തിന്റെ റോ‍ഡിനുള്ള സ്ഥലം ഏറ്റെടുക്കുന്നതിന് പി.ഡബ്ല്യു.ഡി. ബ്രി‍‍ഡ്ജസ് വിഭാഗം റവന്യൂ ലാന്‍ഡ് അക്വിസിഷന്‍ വിഭാഗത്തിന് പഠനം നടത്തുന്നതിനായി തുക അനുവദിച്ചിട്ടുണ്ടോ;

(ബി)	ഏത് വര്‍ഷത്തിലാണ് തുക അനുവദിക്കണമെന്ന് ആവശ്യപ്പെട്ട് റവന്യൂ ലാന്‍ഡ് അക്വിസിഷന്‍ വിഭാഗം രേഖാമൂലം ആവശ്യപ്പെട്ടത് എന്ന് വിശദമാക്കാമോ;

(സി)	പാലത്തിന്റെ ഉത്ഘാടനം കഴിഞ്ഞിട്ടും റോ‍ഡിനുള്ള സ്ഥലം ഏറ്റെടുക്കുന്നതിന് കാലതാമസ്സം ഉണ്ടാക്കുന്നതിന്റെ കാരണം വ്യക്തമാക്കാമോ?

പൊതുമരാമത്ത് നിരത്തുകള്‍ക്കുള്ള പുത്തന്‍ സാങ്കേതിക വിദ്യ

1102.

ശ്രീ.വി. അബ്ദുറഹിമാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമരാമത്ത് നിരത്തുകള്‍ കൂടുതല്‍ കാലം ഈടുനില്‍ക്കുന്നതിനായി നിര്‍മ്മാണത്തിലെ സാങ്കേതിക വിദ്യയില്‍ എന്തൊക്കെ മാറ്റങ്ങളാണ് പുതുതായി വരുത്തിയിട്ടുള്ളതെന്ന് അറിയിക്കാമോ;

(ബി)	റോഡ് നിര്‍മ്മാണത്തിലെ ഗുണനിലവാരം മെച്ചപ്പെടുത്തുന്നതിന് ഭാവിയില്‍ എന്തൊക്കെ സംവിധാനങ്ങളാണ് നടപ്പിലാക്കാന്‍ ഉദ്ദേശിക്കുന്നതെന്ന് അറിയിക്കാമോ;

(സി)	റോഡ് നിര്‍മ്മാണത്തില്‍ മനപൂര്‍വ്വം വീഴ്ച വരുത്തുന്ന കരാറുകാര്‍ക്കെതിരെയും ഉദ്യോഗസ്ഥര്‍ക്കെതിരെയും എന്തെല്ലാം നടപടികളാണ് സ്വീകരിച്ചുവരുന്നതെന്ന് അറിയിക്കാമോ?

കരുനാഗപ്പള്ളി റോഡ് നിര്‍മ്മാണ പ്രവൃത്തി

1103.

ശ്രീ.ആര്‍. രാമചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കരുനാഗപ്പള്ളി നിയോജകമണ്ഡലത്തിൽ പൊതുമരാമത്ത് വകുപ്പ് 2016 ഏപ്രില്‍ 30 നു ശേഷം ഭരണാനുമതി നല്കിയ റോഡ് നിര്‍മ്മാണ പ്രവൃത്തികളുടെ വിശദമായ ലിസ്റ്റ് ലഭ്യമാക്കുമോ;വിശദീകരിക്കുമോ;

(ബി)	ഇവിടെ പൊതുമരാമത്തു വകുപ്പിന്റെ ചുമതലയില്‍ നിര്‍മ്മാണ പ്രവര്‍ത്തനം പൂര്‍ത്തീകരിച്ചതും നിര്‍മ്മാണത്തിലിരിക്കുന്നതുമായ കെട്ടിടങ്ങളുടെ ലിസ്റ്റ് ലഭ്യമാക്കുമോ;

(സി)	നിര്‍മ്മാണ പ്രവൃത്തികള്‍ പൂര്‍ത്തീകരിക്കാത്ത പ്രവൃത്തികള്‍ വേഗത്തില്‍ പൂര്‍ത്തീകരിക്കുന്നതിന് സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കുമോ?

തിരുവനന്തപുരം മണ്ഡലത്തിലെ റോഡുകളുടെ നവീകരണത്തിനായി ചെലവഴിച്ച തുക

1104.

(എ)	തിരുവനന്തപുരം നിയോജകമണ്ഡലത്തിലുള്‍പ്പെടുന്ന മുഴുവന്‍ പൊതുമരാമത്ത് റോഡുകളുടെയും വിശദാംശങ്ങള്‍ ലഭ്യമാക്കുമോ;

(ബി)	ഇൗ സര്‍ക്കാര്‍ അധികാരമേറ്റ ശേഷം പ്രസ്തുത റോഡുകളുടെ നവീകരണത്തിനായി ചെലവഴിച്ച തുക എത്ര ; വിശദാംശങ്ങള്‍ ലഭ്യമാക്കാമോ?

കുന്നത്തുനാട് നിയോജകമണ്ഡലത്തിലെ റോഡ് നവീകരണം

1105.

ശ്രീ.വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വന്നതിനുശേഷം കുന്നത്തുനാട് നിയോജകമണ്ഡലത്തില്‍ പൊതുമരാമത്ത് വകുപ്പ് റോഡ് നവീകരണത്തിനായി ചെലവഴിച്ച തുക എത്രയെന്ന് വ്യക്തമാക്കാമോ;

(ബി)	എത്ര കി.മീ ദൈർഘ്യത്തിലുള്ള റോഡുകളാണ് ബി.എം.& ബി.സി. നിലവാരത്തില്‍ ആക്കിയിട്ടുള്ളതെന്നും അവ ഏതെല്ലാം റോഡുകളാണെന്നും വ്യക്തമാക്കാമോ?

ഗുണമേന്മയുള്ള റോഡുകളുണ്ടാക്കുന്നതില്‍ അവലംബിക്കുന്ന നിര്‍മ്മാണരീതി

1106.

ശ്രീ.റോഷി അഗസ്റ്റിന്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പൊതുമരാമത്ത് റോഡുകളുടെ നിര്‍മ്മാണത്തിന് നിലവില്‍ ഏതു രീതിയാണ് അവലംബിച്ചുവരുന്നതെന്ന് വ്യക്തമാക്കാമോ;

(ബി)	നിലവില്‍ അവലംബിച്ചിട്ടുള്ള നിര്‍മ്മാണരീതി റോഡുകള്‍ ഈടുനില്‍ക്കുന്നതിന് എത്രത്തോളം സഹായകമാണ്; വ്യക്തമാക്കാമോ;

(സി)	കോണ്‍ക്രീറ്റ് വൈറ്റ് ടോപിംഗ് നിര്‍മ്മാണ രീതി ഈടുറ്റ റോഡുകളുടെ നിര്‍മ്മാണത്തിന് എത്രത്തോളം സഹായകമാണെന്ന് പരിശോധിച്ചിട്ടുണ്ടോ;

(ഡി)	ഇപ്രകാരം കൊച്ചിയില്‍ നിര്‍മ്മിച്ച എയര്‍പോര്‍ട്ട്-സീപോര്‍ട്ട് റോഡിന്റെ, എച്ച്.എം.ടി. മുതല്‍ മണലിമുക്ക് വരെയുള്ള ഭാഗം എത്രത്തോളം ഗുണമേന്മയുള്ളതാണെന്ന് അറിയിക്കാമോ?

പ്ലാസ്റ്റിക്ക് മാലിന്യമുപയോഗിച്ച് റോഡുനിര്‍മ്മാണം

1107.

ശ്രീ.ഡി.കെ. മുരളി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പ്ലാസ്റ്റിക്ക് മാലിന്യങ്ങള്‍ റോഡുനിര്‍മ്മാണത്തിന് ഉപയോഗിക്കുന്നുണ്ടോ; എങ്കില്‍ വിശദവിവരം നല്‍കാമോ;

(ബി)	നാളിതുവരെ എത്ര ടണ്‍ പ്ലാസ്റ്റിക്ക് മാലിന്യം റോഡുനിര്‍മ്മാണത്തിന് ഉപയോഗിച്ചിട്ടുണ്ടെന്ന് അറിയിക്കാമോ;

(സി)	പ്ലാസ്റ്റിക്ക് മാലിന്യമുപയോഗിച്ച് നാളിതുവരെ എത്ര കിലോമീറ്റര്‍ ദൂരം റോഡ് നിര്‍മ്മിച്ചിട്ടുണ്ടെന്ന് അറിയിക്കാമോ?

പുനര്‍നിര്‍മ്മാണ പദ്ധതിയിലെ പൊതുമരാമത്ത് റോഡുകള്‍

1108.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കേരള പുനര്‍ നിര്‍മ്മാണ പദ്ധതിയിന്‍ കീഴില്‍ പൊതുമരാമത്ത് വകുപ്പിന്റെ എത്ര പദ്ധതികള്‍ക്ക് അംഗീകാരം ലഭിച്ചു; അംഗീകാരം ലഭിച്ച റോഡുകളുടെ പട്ടികയും തുകയും ജില്ല തിരിച്ച് വ്യക്തമാക്കാമോ;

(ബി)	ഇൗ പദ്ധതിയിലേക്കുളള പൊതുമരാമത്ത് വകുപ്പ് റോഡുകള്‍ തെരഞ്ഞെടുത്തത് ഏത് ഏജന്‍സിയാണ്; ഇതിന് എന്ത് മാനദണ്ഡമാണ് സ്വീകരിച്ചത്; പദ്ധതി സമര്‍പ്പിക്കുന്നതില്‍ പൊതുമരാമത്ത് വകുപ്പിന്റെ പങ്ക് എന്തായിരുന്നു;

(സി)	2018ലെ മഹാപ്രളയത്തില്‍ സംസ്ഥാനത്ത് പൂര്‍ണ്ണമായും വെള്ളത്തില്‍ മുങ്ങിപ്പോയ സ്ഥലങ്ങളില്‍ ഏറ്റവുമാദ്യം മുങ്ങിയ പ്രദേശമായിട്ടുകൂടി റാന്നിയിലെ ഒരു റോഡുപോലും ഇൗ പട്ടികയില്‍ ഉള്‍പ്പെട്ടിട്ടില്ല എന്നത് ശ്രദ്ധയില്‍ പെട്ടിട്ടുണ്ടോ; എന്തുകൊണ്ടാണ് ഇങ്ങനെ സംഭവിച്ചത് എന്ന് വ്യക്തമാക്കാമോ;

(ഡി)	കേരള പുനര്‍ നിര്‍മ്മാണ പദ്ധതിയുടെ രണ്ടാംഘട്ടത്തില്‍ റാന്നിയിലെ റോഡുകള്‍ കൂടി ഉള്‍പ്പെടുത്താന്‍ നടപടി സ്വീകരിക്കുമോ; വ്യക്തമാക്കുമോ?

പിറവം നിയോജകമണ്ഡലത്തിലെ രാമൻ ചിറ( ഇടയാർ) പാലത്തിന്റെ പുനർനിർമ്മാണം

1109.

ശ്രീ.അനൂപ് ജേക്കബ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് അപകടാവസ്ഥയിലായ പാലങ്ങൾ പുനർനിർമ്മിക്കുന്നതിന്റെ ഭാഗമായി, പിറവം നിയോജകമണ്ഡലത്തിലെ രാമൻ ചിറ( ഇടയാർ) പാലത്തിന്റെ പുനര്‍നിര്‍മ്മാണത്തിന് സാങ്കേതിക അനുമതി നൽകിയിട്ടുണ്ടോ;

(ബി)	ഇല്ലെങ്കില്‍ സാങ്കേതിക അനുമതി അടിയന്തരമായി നൽകാൻ നടപടികൾ സ്വീകരിക്കുമോ എന്ന് അറിയിക്കുമോ?

ഒള്ളൂര്‍ കടവ് പാലത്തിന് ഭൂമി ഏറ്റെടുക്കല്‍ നടപടി

1110.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ബാലുശ്ശേരി, കൊയിലാണ്ടി മണ്ഡലങ്ങളെ ബന്ധിപ്പിക്കുന്ന ഒള്ളൂര്‍ കടവ് പാലത്തിന് ഭൂമി ഏറ്റെടുക്കല്‍ നടപടി ഇപ്പോള്‍ ഏതുഘട്ടത്തിലാണെന്നറിയിക്കാമോ;

(ബി)	പുതുക്കിയ എസ്റ്റിമേറ്റ് പ്രകാരം എത്ര കോടി രൂപയാണ് പാലം നിര്‍മ്മാണത്തിന് ആവശ്യമായിട്ടുള്ളത്; ഈ പ്രവൃത്തിയുടെ പുതുക്കിയ ഭരണാനുമതി ലഭ്യമായിട്ടുണ്ടോ എന്ന് അറിയിക്കുമോ?

കണ്ണൂര്‍ ജില്ലയിലെ പഴയങ്ങാടി, കാവിന്‍മുനമ്പ്, മൂലക്കീല്‍ക്കടവ് എന്നീ പാലങ്ങളുടെ നിര്‍മ്മാണം

1111.

ശ്രീ.റ്റി.വി.രാജേഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കിഫ്ബിയില്‍ ഉള്‍പ്പെടുത്തിയ കണ്ണൂര്‍ ജില്ലയിലെ പഴയങ്ങാടിപ്പാലം, കാവിന്‍മുനമ്പ് പാലം, മൂലക്കീല്‍ക്കടവ് പാലം തുടങ്ങിയവയുടെ വിശദമായ എസ്റ്റിമേറ്റ് സമര്‍പ്പിക്കുന്നതിനും കിഫ്ബിയില്‍നിന്നും ധനകാര്യാനുമതി ലഭ്യമാക്കുന്നതിനും നടപടി സ്വീകരിച്ചിട്ടുണ്ടോ; വിശദമാക്കാമോ;

(ബി)	കിഫ്ബിയില്‍ നിന്നും ധനകാര്യാനുമതി ലഭിച്ച വെങ്ങര റെയില്‍വേ ഓവര്‍ ബ്രിഡ്ജിന് ടെന്‍ഡര്‍ നടപടി സ്വീകരിച്ചിട്ടുണ്ടോ; വിശദമാക്കാമോ?

കല്‍പ്പറ്റ മണ്ഡലത്തിലെ പാലങ്ങള്‍

1112.

(എ)	2016-17 ബഡ്ജറ്റില്‍ കല്‍പ്പറ്റ മണ്ഡലത്തില്‍ 10 കോടി രൂപ വീതം അനുവദിച്ച കോട്ടത്തറ ഡാം സെെറ്റ് പാലം, മണ്ണാറക്കുണ്ട് പാലം, ചുഴലിപ്പാലം എന്നിവയുടെ നിലവിലെ അവസ്ഥ വിശദമാക്കാമോ;

(ബി)	ഇൗ പദ്ധതികള്‍ എന്നു ടെന്‍ഡര്‍ ചെയ്യാനാകും;

(സി)	ഇൗ പദ്ധതികളുടെ ടെന്‍ഡര്‍ നടപടികള്‍ വെെകുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍, ആയത് ഉടന്‍ പരിഹരിച്ച് പ്രവൃത്തി ടെന്‍ഡര്‍ ചെയ്യുന്നതിനുള്ള നടപടികള്‍ സ്വീകരിക്കുമോ;

(ഡി)	കല്‍പ്പറ്റ മണ്ഡലത്തിലെ തുര്‍ക്കി പാലത്തിന്റെ അപ്രോച്ച് റോഡിന്റെ നിലവിലെ അവസ്ഥ വിശദമാക്കാമോ; എന്ന് പ്രവൃത്തി ആരംഭിക്കാനാകുുമെന്ന് വ്യക്തമാക്കാമോ?

നുച്ച്യാട് പാലത്തിന്റെ നിര്‍മ്മാണ പ്രവര്‍ത്തനങ്ങള്‍

1113.

ശ്രീ.കെ.സി.ജോസഫ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോര ഹെെവേയുടെ ഭാഗമായി ഫണ്ട് അനുവദിച്ചിട്ടുള്ള നുച്ച്യാട് പാലത്തിന്റെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലാണെന്ന് അറിയിക്കാമോ;

(ബി)	ഇന്‍വെസ്റ്റിഗേഷന്‍ നടപടിക്രമങ്ങള്‍ പൂര്‍ത്തിയായിട്ടുണ്ടോ;

(സി)	പാലം നിര്‍മ്മാണത്തിനാവശ്യമായ ടെന്‍ഡര്‍ നടപടിക്രമങ്ങള്‍ എന്നത്തേക്ക് പൂര്‍ത്തിയാക്കാന്‍ സാധിക്കുമെന്നുള്ള വിവരം അറിയിക്കാമോ?

മക്കേക്കടവ് നേരകടവ് പാലത്തിന്റെ നിലവിലെ സ്ഥിതി

1114.

ശ്രീമതിഷാനിമോള്‍ ഉസ്മാന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തുറവൂര്‍ പമ്പ പാതയിലെ മക്കേക്കടവ് നേരകടവ് പാലത്തിന്റെ നിലവിലെ സ്ഥിതി എന്താണെന്ന് എന്നറിയിക്കുമോ;

(ബി)	ഇൗ വര്‍ക്കിന്റെ എസ്റ്റിമേറ്റ് തുക എത്രയായിരുന്നു; ഇതേ തുകയ്ക്കു തന്നെയാണോ കരാര്‍ എടുത്തത് ; വിശദാംശം നല്‍കുമോ;

(സി)	ഇൗ പണി ആരംഭിച്ചത് എന്നാണ്; ഇതുവരെ എത്ര ശതമാനം പണി പൂര്‍ത്തിയായി; കരാറുകാരന് നാളിതുവരെ എത്ര തുക നല്‍കി; വിശദമാക്കാമോ;

(ഡി)	ഇത് സംബന്ധിച്ച് കോടതിയില്‍ കേസുകള്‍ നിലവിലുണ്ടോ; വിശദാംശം ലഭ്യമാക്കുമോ;

(ഇ)	ഇൗ പണി നിറുത്തി വച്ചിട്ടുണ്ടോ; എങ്കില്‍ നിറുത്തി വയ്ക്കുന്നതിനുള്ള കാരണം എന്തായിരുന്നു; പണി പുനരാരംഭിക്കാന്‍ സ്വീകരിച്ച നടപടികള്‍ എന്താണ്; പണി സെെറ്റ് കരാറുകാരന് കെെമാറിയിട്ടുണ്ടോ; വിശദാംശം നല്‍കുമോ?

പള്ളിപ്പുറം കോണ്‍വെന്റ് ബീച്ച് പാലത്തിന്റെ നിര്‍മ്മാണം

1115.

(എ)	പള്ളിപ്പുറം കോണ്‍വെന്റ് ബീച്ച് പാലത്തിന്റെ നിര്‍മ്മാണ പുരോഗതി വിശദമാക്കാമോ;

(ബി)	പ്രസ്തുത പാലത്തിന്റെ അപ്രോച്ച് റോഡ് നിര്‍മ്മിക്കുന്നതിന് ആവശ്യമായ ഭൂമി ഏറ്റെടുക്കുന്നതിന് തുക വകയിരുത്തിയിട്ടുണ്ടോ എന്ന് വ്യക്തമാക്കാമോ;

(സി)	ഇല്ലെങ്കില്‍ ഇക്കാര്യത്തില്‍ സ്വീകരിച്ച നടപടി വിശദമാക്കാമോ?

കെല്‍ട്രോണ്‍ ഫെറി കുമ്പളങ്ങി പാലം

1116.

(എ)	അരൂര്‍ മണ്ഡലത്തിലെ കെല്‍ട്രോണ്‍ ഫെറി കുമ്പളങ്ങി പാലത്തിന്റെ നിലവിലെ സ്ഥിതി അറിയിക്കുമോ;

(ബി)	ഇതിന്റെ ഭരണാനുമതി ,സാങ്കേതിക അനുമതി എന്നിവ സംബന്ധിച്ച വിശദാംശം നല്‍കുമോ;

(സി)	ഇതിന്റെ ഭൂമി ഏറ്റെടുക്കല്‍ നടപടി ഏതു ഘട്ടത്തില്‍ എത്തി എന്നറിയിക്കുമോ;

(ഡി)	പ്രസ്തുത പാലത്തിന്റെ പ്രവൃത്തി ആരംഭിച്ചിട്ടുണ്ടോ; എന്നത്തേക്ക് പൂര്‍ത്തീകരിക്കാന്‍ കഴിയും എന്ന് കണക്കാക്കിയിട്ടുണ്ടോ; വിശദാംശങ്ങള്‍ നല്‍കുമോ?

നെയ്യാറ്റിന്‍കര നിയോജക മണ്ഡലത്തിലെ മുള്ളറമുള-ആയയില്‍ പാലം

1117.

(എ)	നെയ്യാറ്റിന്‍കര നിയോജക മണ്ഡലത്തില്‍ കിഫ്ബി വഴി നടപ്പിലാക്കുന്ന മുള്ളറമുള-ആയയില്‍ പാലത്തിന്റെ സ്ഥലം ഏറ്റെടുക്കുന്നതിനു വേണ്ടിയുള്ള പഠനം നടത്തുന്നതിന് ആവശ്യമായ ഫണ്ട് ബന്ധപ്പെട്ട വകുപ്പിന് കൈമാറിയിട്ടുണ്ടോ എന്ന് വ്യക്തമാക്കുമോ; എത്ര തുകയാണ് കൈമാറിയത് എന്ന് വിശദമാക്കുമോ;

(ബി)	ഭൂമി ഏറ്റെടുക്കലുമായി ബന്ധപ്പെട്ട് സര്‍വ്വേ വിഭാഗത്തില്‍ നിന്നും ഏതു വര്‍ഷത്തിലാണ് പഠനം നടത്തുന്നതിന് ഫണ്ട് ആവശ്യപ്പെട്ടത് എന്ന് വ്യക്തമാക്കാമോ?

കാക്കത്തുരുത്ത് പാലത്തിന്റെ നിര്‍മ്മാണം

1118.

(എ)	അരൂര്‍ മണ്ഡലത്തിലെ കാക്കത്തുരുത്ത് പാലത്തിന്റെ നിലവിലെ സ്ഥിതി അറിയിക്കാമോ;

(ബി)	എത്ര രൂപയ്ക്കായിരുന്നു ഇതിന് ഭരണാനുമതി നല്‍കിയത്; സാങ്കേതിക അനുമതി നല്‍കിയത് എത്ര രൂപയ്ക്കാണ്; വിശദാംശം അറിയിക്കാമോ;

(സി)	ഭുമി ഏറ്റെടുക്കല്‍ നടപടികളുടെ പുരോഗതി അറിയിക്കാമോ;

(ഡി)	ഇതിന്റെ പണി ആരംഭിച്ചിട്ടുണ്ടോ; പണികള്‍ എപ്പോഴത്തേക്ക് പൂര്‍ത്തീകരിക്കാന്‍ കഴിയും എന്ന് കണക്കാക്കിയിട്ടുണ്ടോ; വിശദാംശം അറിയിക്കാമോ?

പുളിഞ്ഞോളിക്കടവ് പാലം,കുണ്ടുചിറ

1119.

ശ്രീ.എ. എന്‍. ഷംസീര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തലശ്ശേരി നിയോജകമണ്ഡലത്തിലെ പുളിഞ്ഞോളിക്കടവ് പാലം, കുണ്ടുചിറ എന്നീ പ്രവൃത്തികളുടെ നിലവിലുളള അവസ്ഥ എന്താണെന്ന് വ്യക്തമാക്കാമോ;

(ബി)	ഈ പ്രവൃത്തി പൂര്‍ത്തീകരിക്കുന്നതിനുള്ള നടപടിക്രമങ്ങൾ എന്തൊക്കെയെന്നും ആയത് എന്നത്തേക്ക് പൂര്‍ത്തീകരിക്കാന്‍ കഴിയുമെന്നും വ്യക്തമാക്കാമോ?

സംസ്ഥാന ദേശീയപാത വികസനം

1120.

(എ)	സംസ്ഥാനത്ത് ദേശീയപാത വികസനം മന്ദഗതിയില്‍ ആകുന്നതിന്റെ പ്രധാന കാരണങ്ങള്‍ എന്തെല്ലാമാണെന്ന് വ്യക്തമാക്കുമോ;

(ബി)	ദേശീയപാത വികസനത്തിന് ഭൂമി ഏറ്റെടുക്കുന്നതിനുള്ള സംസ്ഥാന ധനവിഹിതം സമയബന്ധിതമായി നല്‍കും എന്ന് ഉറപ്പ് നല്‍കിയിട്ടും ദേശീയ പാത വികസനത്തിന്റെ മെല്ലെപ്പോക്കിന്റെ പ്രധാന കാരണം എന്താണെന്ന് വ്യക്തമാക്കുമോ;

(സി)	പ്രസ്തുത തടസ്സങ്ങള്‍ നീക്കുന്നതിന് സ്വീകരിച്ചു വരുന്ന നടപടിക്രമങ്ങള്‍ വിശദമാക്കുമോ?

ദേശീയപാത നാല് വരിയാക്കുന്നതിന്റെ പ്രവര്‍ത്തന പുരോഗതി

1121.

ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡുകളുടെ വികസനത്തിന്റെ ഭാഗമായി ദേശീയപാത നാല് വരിയാക്കുന്നതിന്റെ പ്രവര്‍ത്തന പുരോഗതി വിശദീകരിക്കാമോ;

(ബി)	ഇതുമായി ബന്ധപ്പെട്ട് ദേശീയപാത കടന്നുപോകുന്ന കായംകുളം മണ്ഡലത്തിലെ വിവിധ ഭാഗങ്ങളിലെ ഫ്ലൈ ഓവര്‍ അടക്കമുള്ള നിര്‍മ്മാണ പ്രവര്‍ത്തനങ്ങള്‍ ഏതൊക്കെയാണ് എന്ന് വിശദമാക്കാമോ?

ദേശീയപാത വികസനം

1122.

ശ്രീ.ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മേപ്പാടി മുതല്‍ കഴക്കൂട്ടം വരെ 45 മീറ്റര്‍ വീതിയില്‍ ദേശീയപാത വികസനം ഏത് ഘട്ടത്തിലാണ്;

(ബി)	അതിനായുള്ള ഭൂമി ഏറ്റെടുക്കല്‍ നടപടികള്‍ ഏത് ഘട്ടത്തിലാണ്;

(സി)	13 റീച്ചുകളിലെ ഓരോ റീച്ചിലും എത്ര ശതമാനം ഭൂമി ഏറ്റെടുത്തുവെന്ന് വ്യക്തമാക്കുമോ;

(ഡി)	തെക്കന്‍ ജില്ലകളില്‍ ദേശീയ പാത വികസനത്തിന് ഭൂമി ഏറ്റെടുക്കുന്നതിന് കാലതാമസം ഉണ്ടാകുമെന്ന വാര്‍ത്ത വസ്തുതാപരമാണോ; എങ്കില്‍ അതിനുള്ള കാരണമെന്താണ്;

(ഇ)	ദേശീയ പാതവികസനം 2021ല്‍ പൂര്‍ത്തിയാക്കുമെന്ന സര്‍ക്കാര്‍ പ്രഖ്യാപനം ഇതുമൂലം പ്രാവര്‍ത്തികമാക്കുവാന്‍ സാധിക്കാത്ത സാഹചര്യം ഉണ്ടായിട്ടുണ്ടോ?

ദേശീയപാത നിര്‍മ്മാണ പ്രവര്‍ത്തനം

1123.

ശ്രീ.വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത വികസനത്തിന്റെ ഭാഗമായുള്ള ആദ്യഘട്ട വികസനം ഏത് മേഖലയിലാണ് നടപ്പിലാക്കുന്നതെന്ന് അറിയിക്കാമോ;;

(ബി)	നിലവിലുള്ള രണ്ടുവരി പാത ആറുവരി പാതയായി വികസിപ്പിക്കുന്നതിന് എത്ര ഏക്കര്‍ സ്ഥലമാണ് ഏറ്റെടുക്കേണ്ടതെന്ന് അറിയിക്കാമോ;

(സി)	എത്ര ശതമാനം സ്ഥലം ഇതിനകം ഏറ്റെടുത്തെന്ന് അറിയിക്കാമോ;

(ഡി)	ദേശീയപാത നിര്‍മ്മാണ പ്രവര്‍ത്തനം എന്നത്തേക്ക് പൂര്‍ത്തിയാക്കുവാന്‍ സാധിക്കുമെന്നാണ് വിലയിരുത്തുന്നത്; ഇതിനായി കേന്ദ്ര വിഹിതം എത്രയാണ്; സംസ്ഥാന വിഹിതമായി നല്‍കേണ്ടത് എത്രയാണ്; വിശദമാക്കുമോ?

ദേശീയപാതാ വികസനം

1124.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത ആറുവരിയായി വികസിപ്പിക്കുന്നതിനുള്ള സ്ഥലമെടുപ്പിനായി ടെന്‍ഡര്‍ വിളിച്ചിട്ടും ആവശ്യമായ പുരോഗതിയില്ലെന്ന റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	സ്ഥലത്തിനു പണമാവശ്യപ്പെട്ടുകൊണ്ടുള്ള അപേക്ഷകള്‍ ദേശീയപാത അതോറിറ്റി മടക്കുന്ന സാഹചര്യമുണ്ടോ; കോഴിക്കോട് മേഖലാ ഓഫീസില്‍ മാത്രം 150 കോടി രൂപയുടെ ഇത്തരം അപേക്ഷകള്‍ മടക്കുകയുണ്ടായോ;

(സി)	സംസ്ഥാന സര്‍ക്കാര്‍ നല്‍കാമെന്നേറ്റ 25 ശതമാനം തുക കിട്ടാത്തതാണു പ്രതിസന്ധിക്കു കാരണമെന്ന അഭിപ്രായം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇതു പരിഹരിക്കാന്‍ എന്തൊക്കെ നടപടികള്‍ കെെക്കൊള്ളുമെന്ന്‌ വ്യക്തമാക്കുമോ?

ദേശീയപാതാ സ്ഥലമേറ്റെടുപ്പ്

1125.

ശ്രീ.മോന്‍സ്‌ ജോസഫ്
,, പി.ജെ.ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയപാത ആറുവരിയായി വികസിപ്പിക്കുന്നത് സംബന്ധിച്ച ടെണ്ടര്‍ നടപടികളിലെ പുരോഗതി വ്യക്തമാക്കാമോ;

(ബി)	സ്ഥലമേറ്റെടുപ്പ് സംബന്ധിച്ച് ദേശീയപാതാ അതോറിറ്റിക്ക് കിഫ്ബിയുമായി ധാരണാപത്രമുണ്ടോയെന്ന് വ്യക്തമാക്കാമോ;

(സി)	ദേശീയപാത വികസനവുമായി ബന്ധപ്പെട്ട് പര്യാപ്തമായ ജീവനക്കാരുടെ അഭാവമുള്ളതായ ആക്ഷേപത്തിന് പരിഹാരം കണ്ടെത്തുന്നതിന് നടപടി സ്വീകരിക്കുമോ; വിശദമാക്കാമോ?

മരട് എെ.ടി.എെ.യുടെ കെട്ടിട നിര്‍മ്മാണം

1126.

ശ്രീ.എം. സ്വരാജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃപ്പൂണിത്തുറ മണ്ഡലത്തിലെ മരട് എെ.ടി.എെ.യുടെ കെട്ടിട നിര്‍മ്മാണത്തിന്റെ വിശദാംശം അറിയിക്കുമോ;

(ബി)	ഈ നിര്‍മ്മാണത്തിന്റെ നിലവിലെ സ്ഥിതി എന്തെന്ന് അറിയിക്കുമോ;

(സി)	ഇതിന്റെ നിര്‍മ്മാണം ആരംഭിക്കുന്നതിന് അടിയന്തര നടപടി സ്വീകരിക്കുമോ; വിശദാംശം നല്‍കുമോ;

(ഡി)	സമയബന്ധിതമായി ഇതിന്റെ നിര്‍മ്മാണം പൂര്‍ത്തീകരിക്കുന്നതിന് നടപടി സ്വീകരിക്കുമോ; നിര്‍മ്മാണം എന്നത്തേക്ക് പൂര്‍ത്തീകരിക്കുമെന്ന് അറിയിക്കുമോ?

മരട് ഫ്ലാറ്റ് സമുച്ചയങ്ങളുടെ രജിസ്ട്രേഷന്‍

1127.

ശ്രീ.എല്‍ദോസ് പി. കുന്നപ്പിള്ളില്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മരടില്‍ സുപ്രീംകോടതി വിധി പ്രകാരം പൊളിച്ച നാല് ഫ്ലാറ്റ് സമുച്ചയങ്ങളുടെ രജിസ്ട്രേഷന്‍ രേഖകള്‍ പരിശോധിച്ചിട്ടുണ്ടോ;

(ബി)	പല ഫ്ലാറ്റുകളും കുറഞ്ഞ തുക കാണിച്ചാണ് രജിസ്റ്റര്‍ ചെയ്തിട്ടുള്ളതെന്ന് കണ്ടെത്തിയിട്ടുണ്ടോ; ഇതിന്റെ അടിസ്ഥാനത്തില്‍ എന്തെങ്കിലും നടപടി സ്വീകരിച്ചിട്ടുണ്ടോ എന്ന് അറിയിക്കുമോ?

അങ്കമാലി മിനി സിവിൽസ്റ്റേഷൻ

1128.

ശ്രീ.ജോണ്‍ ഫെര്‍ണാണ്ടസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	അങ്കമാലി മിനി സിവിൽ സ്റ്റേഷനിൽ പ്രവര്‍ത്തിക്കുന്ന ഓഫീസുകള്‍ ഏതെല്ലാമെന്ന് വ്യക്തമാക്കാമോ;

(ബി)	ഏതെല്ലാം ഓഫീസുകളാണ് പ്രസ്തുത കെട്ടിടത്തിലേക്ക് മാറ്റാനായിട്ടുള്ളതെന്ന് വ്യക്തമാക്കാമോ;

(സി)	പ്രസ്തുത കെട്ടിടത്തിൽ എത്ര സ്ഥലം ഒഴിവായി കിടക്കുന്നുണ്ടെന്നും ഇത് ഏതെല്ലാം നിലകളിലാണെന്നും വിശദമാക്കാമോ;

(ഡി)	പ്രസ്തുത കെട്ടിടത്തിന്റെ ഗ്രൗണ്ട് ഫ്ലോറിൽ അങ്കമാലി സബ്ട്രഷറിക്കായി സ്ട്രോങ് റൂം ഉള്‍പ്പെടെയുള്ള എല്ലാ സൗകര്യങ്ങളും ഒരുക്കിയിട്ടും സബ് ട്രഷറി മിനി സിവിൽ സ്റ്റേഷനിലേക്ക് മാറ്റുവാൻ നടപടി സ്വീകരിക്കാത്തതിന് കാരണം വിശദമാക്കാമോ?

പൊതുമരാമത്ത് വകുപ്പിലെ കോണ്‍ട്രാക്ട്

1129.

(എ)	നിര്‍മ്മാണം പൂര്‍ത്തിയാക്കിയ ഭൂരിപക്ഷം ജോലികളുടെയും തുക ലഭിക്കാത്തത് മൂലം ടെണ്ടറുകള്‍ ബഹിഷ്കരിക്കുവാന്‍ കോണ്‍ട്രാക്ടര്‍മാര്‍ തീരുമാനിച്ചിട്ടുണ്ടോ;

(ബി)	പൊതുമരാമത്ത് വകുപ്പില്‍ നിന്നുമാത്രം കോണ്‍ട്രാക്ടര്‍മാര്‍ക്ക് നിലവില്‍ എത്ര കോടി രൂപ കുടിശ്ശികയുണ്ട്;

(സി)	കെട്ടിട നിര്‍മ്മാണ പ്രവര്‍ത്തികള്‍ക്ക് രണ്ട് വര്‍ഷമായിരുന്ന സെക്യൂരിറ്റി കാലാവധി അഞ്ച് വര്‍ഷമായി ഉയര്‍ത്തിയിട്ടുണ്ടോ;

(ഡി)

ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റി പോലുള്ള വന്‍കിട കരാറുകാര്‍ക്ക് ടെന്‍ഡറില്ലാതെ കരാറുകള്‍ നല്‍കാറുണ്ടോ; എങ്കില്‍ ഈ സര്‍ക്കാര്‍ നിലവില്‍ വന്ന ശേഷം പ്രസ്തുത ലേബര്‍ കോണ്‍ട്രാക്ട് സൊസൈറ്റിക്ക് നല്‍കിയ പ്രവര്‍ത്തികള്‍ ഏതൊക്കെയാണെന്നും ഓരോ പ്രവര്‍ത്തിയുടെയും അടങ്കല്‍ തുക എത്രയെന്നും വ്യക്തമാക്കുമോ?

ഇലക്ട്രിക്കല്‍ വിഭാഗം എഞ്ചിനീയറിംഗ് ജീവനക്കാരുടെ കുറവ്

1130.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പി.ഡബ്ല്യു.ഡി. ഇലക്ട്രിക്കല്‍ വിഭാഗത്തില്‍ വേണ്ടത്ര എഞ്ചിനീയറിംഗ് ജീവനക്കാര്‍ ഇല്ലാത്തത് കാരണം നിര്‍മ്മാണ പ്രവര്‍ത്തനങ്ങള്‍ പൂര്‍ത്തീകരിക്കാന്‍ താമസം നേരിടുന്നത് വകുപ്പിന്റെ ശ്രദ്ധയില്‍ പെട്ടിട്ടുണ്ടോ;

(ബി)

പി.ഡബ്ല്യു.ഡി., എല്‍.എസ്.ജി.ഡി. തുടങ്ങി ഒരു ജില്ലയിലെ ഒട്ടുമിക്ക ബില്‍ഡിംഗ് പ്രവൃത്തികളുടെയും ഇലക്ട്രിക്കല്‍ വര്‍ക്കുകള്‍ വെവ്വേറെ ചെയ്യേണ്ടി വരുന്നതിനാലും ജില്ലയിലാകെ പ്രസ്തുത വര്‍ക്കുകള്‍ നിര്‍വ്വഹിക്കേണ്ട അസിസ്റ്റന്റ് എന്‍ജിനീയര്‍മാരുടെയും ഓവര്‍സിയര്‍മാരുടെയും എണ്ണം വളരെ കുറവായതിനാലും പ്രവൃത്തികള്‍ക്ക് കാലതാമസം വരുന്നത് പരിഹരിക്കാന്‍ വകുപ്പ് ഏതെങ്കിലും തരത്തിലുള്ള മാറ്റങ്ങള്‍ക്ക് ആലോചിക്കുന്നണ്ടോ; എങ്കില്‍ വിശദമാക്കാമോ;

(സി)	ഭാവിയില്‍ ഒരു കെട്ടിടത്തിന്റെ ഇലക്ട്രിക്കല്‍ പ്രവൃത്തി എസ്റ്റിമേറ്റടക്കം ഒരു വര്‍ക്കായി ടെണ്ടര്‍ ചെയ്യാനുള്ള നടപടികള്‍ സര്‍ക്കാര്‍ സ്വീകരിക്കുമോ; വിശദമാക്കാമോ?

കരുവേലിപ്പടിയിലെ ജില്ലാ ടി.ബി. സെന്ററിന് പുതിയ കെട്ടിടം

1131.

(എ)

എറണാകുളം ജില്ലയിലെ കരുവേലിപ്പടിയില്‍ പ്രവര്‍ത്തിക്കുന്ന ജില്ലാ ടി.ബി. സെന്ററിന്റെ പുതിയ കെട്ടിട നിര്‍മ്മാണത്തിനായുള്ള പ്ലാനും എസ്റ്റിമേറ്റും തയ്യാറാക്കുന്നതിനായി 28/07/2018 ലെ കത്ത് പ്രകാരം ജില്ലാ ടി.ബി. ഓഫീസര്‍ ആവശ്യപ്പെട്ടിട്ടും നാളിതുവരെ പ്രസ്തുത പ്ലാനും എസ്റ്റിമേറ്റും ലഭ്യമാക്കാത്തതിന് കാരണം വിശദമാക്കുമോ;

(ബി)	ഇത് എന്നത്തേക്ക് സമര്‍പ്പിക്കാന്‍ സാധിക്കുമെന്ന് വ്യക്തമാക്കാമോ?

കായംകുളം റെസ്റ്റ് ഹൗസ് നിര്‍മ്മാണം

1132.

(എ)	പൊതുമരാമത്ത് വകുപ്പിന്റെ അധീനതയിലുള്ള കായംകുളം റെസ്റ്റ് ഹൗസിന്റെ നിര്‍മ്മാണവുമായി ബന്ധപ്പെട്ട പദ്ധതികളുടെ നിലവിലെ അവസ്ഥ വിശദമാക്കാമോ;

(ബി)	പ്രസ്തുത പദ്ധതിയില്‍ എന്തെല്ലാം നിര്‍മ്മാണ പ്രവര്‍ത്തനങ്ങളാണ് ഉള്‍പ്പെടുത്തിയിട്ടുള്ളതെന്ന് വിശദമാക്കാമോ?

കരിമ്പുഴ - മുട്ടിക്കടവ് റോഡിന്റെ അപകടവളവ് നിവര്‍ത്തുന്നതിന് നടപടി

1133.

ശ്രീ.പി.വി. അന്‍വര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിലമ്പൂര്‍ മണ്ഡലത്തിലെ കരിമ്പുഴ മുതല്‍ മുട്ടിക്കടവ് വരെയുള്ള റോഡില്‍ അപകടവളവ് നിവര്‍ത്തുന്നതിന് വകുപ്പ് സ്വീകരിച്ച നടപടി വിശദമാക്കാമോ;

(ബി)	എഫ്.പി/കെ.എല്‍/റോഡ്/32554/18 നമ്പര്‍ ഫയലിലെ നിലവിലെ സ്ഥിതി വിശദമാക്കാമോ; ഇക്കാര്യത്തിൽ അടിയന്തര നടപടി സ്വീകരിക്കുമോ?

പി.ഡബ്ള്യു.ഡി. റോഡിനോട് ചേര്‍ന്ന് കിടക്കുന്ന റവന്യൂ തരിശ് ഭൂമി

1134.

ശ്രീ.ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോതമംഗലം മണ്ഡലത്തില്‍ പി.ഡബ്ള്യു.ഡി. റോഡിനോട് ചേര്‍ന്ന് കിടക്കുന്ന റവന്യൂ തരിശ് ഭൂമി പതിച്ച് നല്കുന്നതിന് പൊതുമരാമത്ത് വകുപ്പ് അനുമതി നല്കുന്നില്ല എന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	30.09.2009 ലെ 20541/സി3/2009 എന്ന പൊതുമരാമത്ത് വകുപ്പിലെ സര്‍ക്കുലര്‍ പ്രകാരം പി.ഡബ്ള്യു.ഡി. റോഡിന് ചേര്‍ന്ന് കിടക്കുന്ന റവന്യൂ തരിശ് ഭൂമിയില്‍ താമസിക്കുന്നവരുടെ പട്ടയ അപേക്ഷകള്‍ നിരസിച്ചുവരുന്ന കാര്യം സര്‍ക്കാര്‍ പരിശോധിച്ചിട്ടുണ്ടോ; വിശദമാക്കാമോ;

(സി)	പി.ഡബ്ള്യു.ഡി. റോഡിന് ഭാവിയില്‍ ആവശ്യമായ വീതികൂടി കണക്കിലെടുത്ത് റോഡിന്റെ വീതി നിശ്ചയിച്ച് തീരുമാനമെടുത്താല്‍ ബാക്കി വരുന്ന റവന്യൂ തരിശ് ഭൂമി പതിച്ച് കൊടുക്കുവാന്‍ കഴിയുമെന്നിരിക്കെ പി.ഡബ്ള്യു.ഡി. റോഡുകളുടെ വീതി നിശ്ചയിച്ച് തീരുമാനമെടുക്കുന്നതിനു വേണ്ട നടപടി സ്വീകരിക്കുമോ; വിശദമാക്കാമോ?

കരമന വെള്ളറട റോഡ് നിര്‍മ്മാണം

1135.

ശ്രീ.ഐ.ബി. സതീഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ആര്‍.ഐ.സി.കെ. (RICK) വഴി നടപ്പിലാക്കുന്ന കരമന വെള്ളറട റോഡ് നിര്‍മ്മാണ പ്രവൃത്തിയുടെ വിശദാംശങ്ങള്‍ ലഭ്യമാക്കാമോ; ഓരോ റീച്ചിന്റെയും നിലവിലെ സ്ഥിതിയും തുടര്‍ നടപടികളും പ്രത്യേകം ലഭ്യമാക്കാമോ?

റോഡ് നിര്‍മ്മാണത്തിലെ കാലതാമസം

1136.

(എ)	ചൂണ്ടി-രാമമംഗലം, മീമ്പാറ-തിരുവാണിയൂര്‍ റോഡ്, പെരിങ്ങാല-പുത്തന്‍കുരിശ് റോഡ് എന്നീ പ്രവൃത്തികളുടെ ടെണ്ടര്‍ നടപടി പൂര്‍ത്തീകരിച്ചിട്ടുണ്ടോ; കാലതാമസത്തിന് കാരണം വ്യക്തമാക്കാമോ;

(ബി)	കുന്നുവഴി-കിഴക്കമ്പലം റോഡുമായി ബന്ധപ്പെട്ട് ബി.എം & ബി.സി പ്രവൃത്തികള്‍ ആരംഭിക്കുന്നതിനുള്ള കാലതാമസം എന്താണെന്ന് വ്യക്തമാക്കാമോ?

ജനകീയ പങ്കാളിത്തത്തോടെയുള്ള റോഡ് നിർമ്മാണം

1137.

ശ്രീമതി ഇ.എസ്.ബിജിമോള്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാൽനടയാത്രക്കാർക്ക് സുരക്ഷിതപാത ഒരുക്കാതെ നിരവധി റോഡ് നിർമ്മാണ പ്രവൃത്തികൾ നടന്നുവരുന്നത് ശ്രദ്ധയിൽപ്പെട്ടിട്ടുണ്ടോ;

(ബി)	ഇത്തരത്തിലുള്ള റോഡ് നിർമ്മാണം റോഡപകടങ്ങൾ വ്യാപകമാകുന്നതിന് കാരണമാകുമെന്നതിനാൽ ഇക്കാര്യത്തിൽ ബന്ധപ്പെട്ട ഉദ്യോഗസ്ഥർക്ക് വ്യക്തമായ മാർഗനിർദേശം നൽകുവാൻ നടപടി സ്വീകരിക്കുമോ;

(സി)	സംസ്ഥാനത്തെ റോഡുകളുടെ സംരക്ഷണത്തിനും സുരക്ഷിത യാത്ര ഉറപ്പുവരുത്തുന്നതിനും പൊതുജനങ്ങളുടെ പങ്കാളിത്തവും സഹകരണവും ലഭ്യമാക്കുവാൻ കഴിയുന്ന ജനകീയ സമിതികളുടെ സാധ്യത സംബന്ധിച്ച് വകുപ്പ് പരിശോധന നടത്തിയിട്ടുണ്ടോ; വിശദാംശങ്ങൾ ലഭ്യമാക്കുമോ?

മലയോര ഹെെവേയുടെ പാറശ്ശാല-കുടപ്പനമൂട് റീച്ചിന്റെ നിര്‍മ്മാണം

1138.

ശ്രീ.സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മലയോര ഹെെവേയുടെ രണ്ടാം റീച്ചായ കുടപ്പനമൂട്-കള്ളിക്കാട് റീച്ചില്‍ നിന്നും കുടപ്പനമൂട്-അമ്പൂരി-വാഴിച്ചല്‍ എന്ന ചെയിനേജ് ഒഴിവാക്കേണ്ടി വന്ന സാഹചര്യം എന്താണെന്ന് അറിയിക്കാമോ;

(ബി)	കുടപ്പനമൂടിനെ നെടുമങ്ങാട്-ഷൊര്‍ളാക്കോട് സ്റ്റേറ്റ് ഹെെവേയിലൂടെ വാഴിച്ചലില്‍ മലയോരഹെെവേയുമായി ബന്ധിപ്പിക്കുന്നതിനായി തയ്യാറാക്കിയ പുതുക്കിയ അലെെന്‍മെന്റ് കിഫ്ബി അംഗീകരിച്ചിട്ടുണ്ടോ; വിശദാംശങ്ങള്‍ അറിയിക്കാമോ;

(സി)	മലയോര ഹെെവേയുടെ പാറശ്ശാല-കുടപ്പനമൂട് റീച്ചിന്റെ നിര്‍മ്മാണം വേഗത്തിലാക്കുന്നതിനുള്ള നടപടികള്‍ സ്വീകരിക്കാമോ?

കുമരകം നെടുമ്പാശ്ശേരി റോഡിന്റെ പദ്ധതി രേഖ

1139.

(എ)	റീബിൽഡ് കേരള ഇനീഷ്യേറ്റീവിൽ ഉൾപ്പെടുത്തിയ പിറവം നിയോജക മണ്ഡലത്തിലെ കുമരകം -നെടുമ്പാശ്ശേരി റോഡിന്റെ വിശദമായ പദ്ധതി രേഖ തയ്യാറാക്കുന്ന നടപടികൾ ഏതു ഘട്ടത്തിലാണെന്ന് അറിയിക്കുമോ;

(ബി)	പദ്ധതിരേഖ തയ്യാറാക്കുന്ന നടപടികൾ ത്വരിതപ്പെടുത്തുമോ?

നിലമ്പൂർ നിയോജകമണ്ഡലത്തില്‍ പ്രളയത്തില്‍ തകര്‍ന്ന റോഡുകള്‍

1140.

(എ)	നാടുകാണി-പരപ്പനങ്ങാടി പാതയുടെ റിവൈസ്ഡ് എസ്റ്റിമേറ്റിന് സർക്കാരിന്റെ ധനാനുമതി ലഭിച്ചിട്ടുണ്ടോ;

(ബി)	നാടുകാണി-പരപ്പനങ്ങാടി പാതയുടെ റിവൈസ്ഡ് എസ്റ്റിമേറ്റിന് അംഗീകാരം ലഭിക്കാത്തപക്ഷം മറ്റേതെങ്കിലും ഫണ്ടുകള്‍ ഉപയോഗിച്ച് നാടുകാണി സംസ്ഥാന അതിർത്തി മുതല്‍ വടപുറം പാലം വരെയുള്ള ഭാഗം ഉപരിതലം ബി.എം.&ബി.സി. ചെയ്യുന്നതിന് സർക്കാ‍ർ നടപടി സ്വീകരിക്കുമോ;

(സി)

2019ലെ പ്രളയത്തില്‍ നിലമ്പൂർ നിയോജകമണ്ഡലത്തിലെ വടപുറം, ജ്യോതിപ്പടി, ജനതപ്പടി, താഴെ ചന്തക്കുന്ന്, വെളിയംതോട്, കരിമ്പുഴ, മുട്ടിക്കടവ്, മാമ്പൊയില്‍, മുപ്പിനി, എടക്കര, വഴിക്കടവ് കെടുങ്ങല്‍ എന്നീ സ്ഥലങ്ങളില്‍ ഉണ്ടായ വെള്ളക്കെട്ടുമൂലം റോഡുകള്‍ ഗതാഗതയോഗ്യമല്ല എന്നുള്ള വിവരം സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ഡി)	മഴ കഴിഞ്ഞാലുടന്‍ തീരെ ഗതാഗതയോഗ്യമല്ലാത്ത വെളിയംതോട് മുതല്‍ നിലമ്പൂർ കോടതിപ്പടി വരെയുള്ള ഭാഗം അടിയന്തിര അറ്റകുറ്റപണി നടത്തുമോ; വിശദമാക്കാമോ?

വൈലോങ്ങര-ഓരോടം പാലം ബൈപാസ് നിര്‍മ്മാണം

1141.

(എ)	2016-17 സാമ്പത്തിക വര്‍ഷത്തെ ബജറ്റില്‍ പ്രഖ്യാപിച്ച വൈലോങ്ങര-ഓരോടം പാലം ബൈപാസ് നിര്‍മ്മാണത്തിന്റെ കാലതാമസം വ്യക്തമാക്കാമോ;

(ബി)	പ്രസ്തുത നിര്‍മ്മാണത്തിന് സ്ഥലം ഏറ്റെടുക്കുന്നതിനുളള നടപടികള്‍ നിലവില്‍ ഏതുഘട്ടത്തിലാണ്;

(സി)	ഇതിന്റെ നിര്‍മ്മാണ പ്രവര്‍ത്തനം വൈകുന്നതിന്റെ കാരണങ്ങള്‍ ഗൗരവമായി സര്‍ക്കാര്‍ പരിശോധിച്ച് ആവശ്യമായ നടപടികള്‍ സ്വീകരിക്കുവാന്‍ തയ്യാറാകുമോ എന്ന് അറിയിക്കുമോ?

വിഴിഞ്ഞം-പാരിപ്പള്ളി റോഡ്

1142.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം തുറമുഖത്തിലേയ്ക്കുള്ള ഗതാഗത സൗകര്യത്തിനായി കഴിഞ്ഞ ബജറ്റില്‍ നിര്‍ദ്ദേശിച്ച വിഴിഞ്ഞം-പാരിപ്പള്ളി റോഡിന്റെ അലൈന്‍മെന്റ് നിശ്ചയിച്ചിട്ടുണ്ടോ; ഏതെല്ലാം വില്ലേജുകളിലൂടെയാണ് റോഡ് കടന്നു പോകുന്നത്; പദ്ധതിയുടെ നിര്‍വ്വഹണ ചുമതല ഏതെങ്കിലും ഏജന്‍സിയെ ഏല്‍പ്പിച്ചിട്ടുണ്ടോ; വിശദമാക്കുമോ;

(ബി)

റോഡ് നിര്‍മ്മാണവുമായി ബന്ധപ്പെട്ട സ്ഥലം ഏറ്റെടുപ്പിനെ സംബന്ധിച്ച് പൊതുജനങ്ങള്‍ക്കിടയില്‍ ആശങ്ക സൃഷ്ടിക്കാന്‍ ചില കേന്ദ്രങ്ങള്‍ ബോധപൂര്‍വ്വം പരിശ്രമം നടത്തുന്നത് ശ്രദ്ധയില്‍പ്പെട്ടിട്ടുണ്ടോ; സ്ഥലം ഏറ്റെടുക്കുമെന്ന് ഭയന്ന് നിര്‍മ്മാണ പ്രവര്‍ത്തനങ്ങള്‍ ഉൾപ്പെടെയുള്ള പ്രവർത്തനങ്ങൾ നടത്താന്‍ പൊതുജനങ്ങള്‍ മടിക്കുന്നത് വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ; അവരുടെ ആശങ്ക പരിഹരിക്കാന്‍ നടപടി സ്വീകരിച്ചിട്ടുണ്ടോ; വ്യക്തമാക്കാമോ?

മുണ്ടൂര്‍ - പുറ്റേക്കര നാലുവരിപ്പാത

1143.

ശ്രീ.അനില്‍ അക്കര : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍ - കുറ്റിപ്പുറം സംസ്ഥാന പാതയുടെ ഭാഗമായ മുണ്ടൂര്‍ ജംഗ്ഷന്‍ മുതല്‍ പുറ്റേക്കര വരെയുള്ള റോഡ് നാലുവരിപ്പാതയാക്കുന്നതിന് സ്ഥലം ഏറ്റെടുക്കുന്നതിന് ആവശ്യമായ കണ്ടിജന്‍സി ചാര്‍ജ്ജ് പൊതുമരാമത്ത് വകുപ്പ് റവന്യൂ വകുപ്പിന് കൈമാറിയിട്ടുണ്ടോ എന്ന് വെളിപ്പെടുത്തുമോ;

(ബി)	ഇല്ലെങ്കില്‍ കാരണം വിശദീകരിക്കുമോ?

റോഡുകളുടെ പുനരുദ്ധാരണം

1144.

(എ)	തൃശൂര്‍ പി.ഡബ്ല്യു.ഡി.റോഡ് വിഭാഗം ഡിവിഷന്‍, വടക്കാഞ്ചേരി സബ്ഡിവിഷന്‍, വടക്കാഞ്ചേരി സെക്ഷനുകീഴില്‍ ചേലക്കര നിയോജകമണ്ഡലത്തില്‍ ഏതെല്ലാം റോഡുകള്‍ പുനരുദ്ധാരണം ചെയ്യുന്നതിനാണ് തുക അനുവദിച്ചിട്ടുള്ളത്; ഇതില്‍ ടെണ്ടര്‍ കഴിഞ്ഞ് പ്രവര്‍ത്തി ആരംഭിക്കാനുള്ളവ ഏതെല്ലാമാണ്; വിശദാംശം ലഭ്യമാക്കുമോ;

(ബി)	നടപടി ക്രമങ്ങള്‍ പൂര്‍ത്തീകരിച്ച്എന്നത്തേയ്ക്ക് പ്രവര്‍ത്തി ആരംഭിയ്ക്കുവാന്‍ കഴിയുമെന്നാണ് പ്രതീക്ഷിക്കുന്നത്; വിശദമാക്കാമോ?

മാത്തൂര്‍ ഓവര്‍ബ്രിഡ്ജ്- ലേബര്‍ ജംഗ്ഷന്‍ -ഇരുമ്പനം റോഡിന്റെ വികസനം

1145.

(എ)	2019-20 വര്‍ഷത്തെ ബഡ്ജറ്റില്‍ 20% തുക വകയിരുത്തിയ വൈറ്റില മൊബിലിറ്റിഹബ്ബിനു മുന്നില്‍ നിന്നും ആരംഭിച്ച് കണിയാംപുഴ വഴി മാത്തൂര്‍ ഓവര്‍ബ്രിഡ്ജ്-ലേബര്‍ ജംഗ്ഷന്‍ വഴി ഇരുമ്പനം ടോള്‍ ബൂത്ത് വരെയുള്ള റോഡിന്റെ വികസനപ്രവര്‍ത്തനങ്ങളുടെ നിലവിലെ സ്ഥിതി അറിയിക്കുമോ;

(ബി)	പ്രസ്തുത പ്രവൃത്തി സമയബന്ധിതമായി നടപ്പിലാക്കുന്നതിന് നടപടി സ്വീകരിക്കുമോ; വിശദാംശങ്ങള്‍ അറിയിക്കുമോ?

കൈതമുക്ക്-ചമ്പക്കട-പേട്ട റോഡ് നവീകരണം

1146.

(എ)	തിരുവന്തപുരം നിയോജകമണ്ഡലത്തിലെ കൈതമുക്ക്-ചമ്പക്കട-പേട്ട റോഡ് വീതികൂട്ടി നവീകരിക്കണമെന്നാവശ്യപ്പെട്ട് നല്‍കിയ നിവേദനത്തില്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കുമോ;

(ബി)	തിരക്കേറിയതും വീതി കുറഞ്ഞതുമായ റോഡിന്റെ അവസ്ഥയും പ്രദേശവാസികളുടെ ആവശ്യവും കണക്കിലെടുത്ത് റോഡ് വീതി കൂട്ടി നവീകരിക്കുന്നതിനായി പൊതുമരാമത്ത് വകുപ്പ് തയ്യാറാക്കിയ 34 കോടി രൂപയുടെ എസ്റ്റിമേറ്റിന് അനുമതി നല്‍കുന്നതിന് നടപടി സ്വീകരിക്കുമോ; വിശദമാക്കാമോ?

മനക്കകടവ്-പട്ടിമറ്റം റോ‍‍ഡിന്റെ പ്രവൃത്തി

1147.

(എ)	കിഫ്ബി വഴി നിർമ്മാണ പ്രവൃത്തികള്‍ നടത്തുന്ന മനക്കകടവ്-പട്ടിമറ്റം-നെല്ലാട്-പത്താംമൈല്‍ റോ‍‍ഡിന്റെ ബി.എം & ബി.സി പ്രവൃത്തികള്‍ നടത്തുന്നതിനുള്ള കാലതാമസം വ്യക്തമാക്കാമോ;

(ബി)	കരാര്‍ കാലാവധിക്കുള്ളില്‍ പ്രവൃത്തി പൂര്‍ത്തികരിക്കുന്നതിനുള്ള നടപടി സ്വീകരിക്കുമോ?

തൃപ്രയാര്‍ - കാഞ്ഞാണി - ചാവക്കാട് റോഡ് വികസനം

1148.

ശ്രീ.മുരളി പെരുനെല്ലി : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

തൃപ്രയാര്‍ - കാഞ്ഞാണി - ചാവക്കാട് പാതയില്‍ ഗതാഗതക്കുരുക്ക് രൂക്ഷമായ ഏനാമാവ് ക്രിസ്ത്യന്‍ പള്ളിക്ക് സമീപമുള്ള ഇടുങ്ങിയ റോഡ് വികസിപ്പിക്കുന്നതിന് പൊതുമരാമത്ത് വകുപ്പ് 17.01.2020 ലെ പി.ഡബ്ല്യു.ഡി ജി 2/273/2019 നമ്പര്‍ കത്ത് പ്രകാരം പൊതുമരാമത്ത് നിരത്ത് വിഭാഗം ചീഫ് എഞ്ചിനീയര്‍ക്ക് നല്‍കിയ നിര്‍ദ്ദേശത്തിന്മേല്‍ സ്വീകരിച്ച തുടര്‍നടപടികള്‍ എന്തെല്ലാമെന്ന് വ്യക്തമാക്കാമോ?

മാവേലിക്കര മിച്ചല്‍ ജംഗ്ഷന്‍ വൈഡനിംഗ് പദ്ധതി

1149.

ശ്രീ.ആര്‍. രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

മാവേലിക്കര മിച്ചല്‍ ജംഗ്ഷന്‍ വൈഡനിംഗ് പദ്ധതിയുടെ ഭാഗമായി സര്‍ക്കാരില്‍ നിന്നും ലഭ്യമാക്കേണ്ട കണ്ടിജന്‍സി ചാര്‍ജ്ജ് അടിയന്തരമായി ലഭ്യമാക്കുന്നതിനുള്ള നടപടി സ്വീകരിക്കുമോ?

കാസര്‍കോട് ജില്ലയിലെ ആറുവരി പാതയുടെ നിര്‍മ്മാണം

1150.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ ആറുവരിപ്പാതയുടെ നിര്‍മ്മാണം എപ്പോള്‍ തുടങ്ങുമെന്ന് വ്യക്തമാക്കാമോ;

(ബി)	ഇതിനുള്ള ടെണ്ടര്‍ നടപടികള്‍ പൂര്‍ത്തിയായിട്ടുണ്ടോ; എങ്കില്‍ കരാര്‍ ഏറ്റെടുത്തത് ആരാണെന്ന് വ്യക്തമാക്കാമോ;

(സി)	കാസര്‍ഗോഡ് ജില്ലയില്‍ ആറുവരിപ്പാതയുടെ നിര്‍മ്മാണത്തിന് വേണ്ടിവരുന്ന ചെലവ് എത്രയാണെന്ന് വ്യക്തമാക്കാമോ;

(ഡി)	ഈ ചെലവിന് കേന്ദ്ര-സംസ്ഥാന സര്‍ക്കാരുകളുടെ വിഹിതം എത്രയാണെന്ന് വ്യക്തമാക്കാമോ; ഇതിനനുസൃതമായുള്ള തുക ഇരു സര്‍ക്കാരുകളും നീക്കി വച്ചിട്ടുണ്ടോയെന്ന് വ്യക്തമാക്കാമോ;

(ഇ)	കാസര്‍ഗോഡ് ജില്ലയില്‍ ആറുവരിപ്പാത നിര്‍മ്മാണത്തിന് അക്വയര്‍ ചെയ്യേണ്ട ഭൂമിയുടെയും കെട്ടിടങ്ങളുടെയും വിശദാംശം നല്‍കാമോ; അക്വയര്‍ ചെയ്ത ഭൂമിയുടെയും കെട്ടിടങ്ങളുടെയും ഉടമകള്‍ക്ക് നഷ്ടപരിഹാരം നല്‍കി കഴിഞ്ഞോയെന്നും ഇനി നല്‍കാന്‍ ബാക്കിയുണ്ടോ എന്നും വ്യക്തമാക്കാമോ?

കോഴിക്കോട് നഗരത്തിലെ റോഡുകളുടെ വീതികൂട്ടുന്നതിനുളള പദ്ധതികള്‍

1151.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് നഗരത്തിലെ ഏതെല്ലാം റോഡുകള്‍ക്കാണ് സ്ഥലം ഏറ്റെടുത്ത് വീതികൂട്ടുന്നതിനായുളള പദ്ധതികള്‍ തയ്യാറാക്കി പൊതുമരാമത്ത് വകുപ്പ് സര്‍ക്കാരിലേക്ക് സമര്‍പ്പിച്ചതെന്ന് വിശദമാക്കമോ;

(ബി)	ഈ റോഡുകളുടെ പേരും ഇതുമായി ബന്ധപ്പെട്ട പദ്ധതികളുടെ വിശദാംശങ്ങളും വ്യക്തമാക്കുമോ?

മാനന്തവാടി മണ്ഡലത്തിലെ പൊതുമരാമത്ത് റോഡ് പ്രവൃത്തികള്‍

1152.

ശ്രീ.ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം മാനന്തവാടി മണ്ഡലത്തിലെ പൊതുമരാമത്ത് റോഡുകള്‍ക്കായി അനുവദിച്ച തുക റോഡുകളുടെ പേരുസഹിതം വ്യക്തമാക്കാമോ;

(ബി)	പ്രസ്തുത റോഡുകളില്‍ ഓരോന്നിലും നടന്നുകൊണ്ടിരിക്കുന്ന പ്രവൃത്തിയുടെ നിലവിലെ സ്ഥിതി അറിയിക്കാമോ?

മൂവാറ്റുപുഴ-മുറിക്കല്ല് ബെെപാസ് നിര്‍മ്മാണം

1153.

ശ്രീ.എല്‍ദോ എബ്രഹാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	മൂവാറ്റുപുഴ-മുറിക്കല്ല് ബെെപാസ് നിര്‍മ്മാണം സംബന്ധിച്ച് നിലവിലെ സ്ഥിതി എന്താണ് ;

(ബി)	പ്രസ്തുത പദ്ധതിക്കായി എത്ര തുകയാണ് അനുവദിച്ചിട്ടുള്ളതെന്ന് അറിയിക്കാമോ?

പൊതുമരാമത്ത് റോഡ്സിന്റെ മങ്കടയിലെ പ്രവൃത്തികള്‍

1154.

(എ)	2019-20 സാമ്പത്തിക വര്‍ഷം സംസ്ഥാന ബജറ്റില്‍ പൊതുമരാമത്ത് റോഡ്സ് വിഭാഗവുമായി ബന്ധപ്പെട്ട് മങ്കടയില്‍ ഇരുപത് ശതമാനം തുക വകയിരുത്തിയ പ്രവൃത്തികളുടെ വിശദാംശങ്ങള്‍ ലഭ്യമാക്കുമോ;

(ബി)	പ്രസ്തുത പ്രവൃത്തികള്‍ക്ക് ഭരണാനുമതി നല്‍കിയിട്ടുണ്ടോ; ഇല്ലെങ്കില്‍ ആയതിലുണ്ടായ കാലതാമസം വ്യക്തമാക്കാമോ;

(സി)	പ്രസ്തുത പ്രവൃത്തികള്‍ക്ക് ഭരണാനുമതി നല്‍കുന്നതിനുള്ള നടപടി സ്വീകരിക്കാമോ?

വഴുതയ്ക്കാട്-തൈയ്ക്കാട് റോഡ് നാലുവരിപ്പാതയായി വികസിപ്പിക്കുന്ന പ്രവൃത്തി

1155.

(എ)	തിരുവനന്തപുരം നഗരത്തിലെ വഴുതയ്ക്കാട്-തൈയ്ക്കാട് റോഡ് നാലുവരിപ്പാതയായി വികസിപ്പിക്കുന്ന പ്രവൃത്തിയുടെ അവസാനഘട്ടം നാളിതുവരെ പൂര്‍ത്തീകരിക്കാന്‍ കഴിയാത്തതിന്റെ കാരണങ്ങള്‍ വിശദമാക്കുമോ;

(ബി)	പ്രസ്തുത റോ‍ഡ് വികസിപ്പിക്കുന്നതിനുള്ള സ്ഥലമേറ്റെടുക്കല്‍ പ്രവൃത്തിയുടെ നിലവിലെ സ്ഥിതി വ്യക്തമാക്കാമോ;

(സി)	പ്രവൃത്തി എത്രയും വേഗം പൂര്‍ത്തീകരിക്കുന്നതിന് അടിയന്തര നടപടി സ്വീകരിക്കുമോ; വിശദമാക്കുമോ?

ചിന്നക്കനാല്‍-സൂര്യനെല്ലി-ബോഡിമേട്ട് റോഡിന്റെ പുനരുദ്ധാരണം

1156.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)

ദേവികുളം നിയോജകമണ്ഡലത്തിലെ ചിന്നക്കനാല്‍-സൂര്യനെല്ലി- ബോഡിമേട്ട് റോഡിന്റെ പുനരുദ്ധാരണ പ്രവൃത്തികള്‍ക്കായി സര്‍ക്കാര്‍ പുറപ്പെടുവിച്ചിരുന്ന 13.03.2013-ലെ G.O.(Rt.) No. 354/13/PWD നമ്പര്‍ ഭരണാനുമതി പ്രകാരമുള്ള പ്രവൃത്തികള്‍ ഉദ്യോഗസ്ഥരുടെ അനാസ്ഥ കാരണം നടപ്പിലാക്കപ്പെടാത്തത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ഉണ്ടെങ്കില്‍ ബന്ധപ്പെട്ട ഉദ്യോഗസ്ഥര്‍ക്കെതിരെ സ്വീകരിച്ച നടപടികള്‍ വ്യക്തമാക്കാമോ;

(സി)	പ്രവൃത്തികള്‍ നടക്കാത്ത സാഹചര്യത്തില്‍ പ്രസ്തുത ഭരണാനുമതി റീ-വാലിഡേറ്റ് ചെയ്യുന്നതിനുള്ള നടപടി സ്വീകരിക്കുമോ എന്നു വ്യക്തമാക്കാമോ?

കൊണ്ടോട്ടിയിലെ റോഡ് നവീകരണം

1157.

ശ്രീ.ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കൊണ്ടോട്ടി ടൗണില്‍ ഓള്‍ഡ് കോഴിക്കോട്-പാലക്കാട് റോഡ് വീതികൂട്ടുന്നതിന് ഭൂമി ഏറ്റെടുക്കുന്നതിനുള്ള നടപടികളുടെ ഇപ്പോഴത്തെ അവസ്ഥ അറിയിക്കാമോ;

(ബി)	ഭൂവുടമകള്‍ സമ്മതപത്രം ഒപ്പിട്ടു നല്‍കി വര്‍ഷങ്ങള്‍ കഴിഞ്ഞിട്ടും നടപടിക്രമങ്ങള്‍ പൂര്‍ത്തീകരിക്കാന്‍ സാധിക്കാത്തതിന്റെ കാരണം വ്യക്തമാക്കാമോ;

(സി)	ഭൂമി വിട്ടു നല്‍കാന്‍ സന്നദ്ധത അറിയിച്ച ഭൂവുടമകള്‍ക്ക് നഷ്ടപരിഹാരം കിട്ടുന്നതിനുള്ള നടപടിക്രമം, നഷ്ടപരിഹാരം കിട്ടുന്നതിനുള്ള കാലയളവ് തുടങ്ങിയ കാര്യങ്ങള്‍ അറിയിക്കാമോ?

പാലം നിര്‍മ്മാണ നടപടികളുടെ സ്ഥിതി

1158.

(എ)	മഞ്ചേരിക്കുഴി പാലം നിര്‍മ്മാണത്തിന്റെ സ്ഥലമേറ്റെടുപ്പ് നടപടികള്‍ പൂര്‍ത്തീകരിച്ചിട്ടുണ്ടോ; സ്ഥലമേറ്റെടുപ്പിനായി പുതുക്കിയ ഭരണാനുമതി നല്‍കുന്നതിനുള്ള നടപടി സ്വീകരിച്ചിട്ടുണ്ടോ; വിശദമാക്കാമോ;

(ബി)	കോരന്‍കടവ് പാലം നിര്‍മ്മാണം ആരംഭിക്കുന്നതിന് കാലതാമസം ഉണ്ടായിട്ടുള്ളതിന്റെ കാരണം വിശദമാക്കാമോ?

ഓരോടം പാലം വീതികൂട്ടൽ

1159.

(എ)	മങ്കട നിയോജകമണ്ഡലത്തിലെ ഓരോടം പാലം വീതികൂട്ടി പുനരുദ്ധരിക്കുന്നതിന് കേന്ദ്ര വാര്‍ഷിക പദ്ധതിയിൽ ഉള്‍പ്പെടുത്തി അനുമതി ലഭ്യമായിട്ടുണ്ടോ;

(ബി)	പ്രസ്തുത അനുമതിക്കായി സംസ്ഥാന സര്‍ക്കാര്‍ നാളിതുവരെ സ്വീകരിച്ചിട്ടുള്ള നടപടിക്രമങ്ങള്‍ വിശദമാക്കാമോ;

(സി)	2018-19 ലെ കേന്ദ്ര വാര്‍ഷിക പദ്ധതിയുടെ അനുമതി ലഭ്യമാകുന്നതിന് ഊര്‍ജിത നടപടികള്‍ സ്വീകരിക്കുമോ?

അരൂര്‍ മണ്ഡലത്തിലെ വാക്കയില്‍ പാലം

1160.

(എ)	അരൂര്‍ മണ്ഡലത്തിലെ വാക്കയില്‍ പാലത്തിന്റെ നിലവിലെ സ്ഥിതി അറിയിക്കുമോ;

(ബി)	പ്രസ്തുത പാലത്തിന് ഭരണാനുമതി ലഭിച്ചത് എന്നാണ്; എത്ര രൂപയ്ക്കായിരുന്നു ഭരണാനുമതി നല്‍കിയത് എന്ന് അറിയിക്കുമോ;

(സി)	ഇതിന്റെ ഭൂമി ഏറ്റെടുക്കല്‍ നടപടി എവിടം വരെ എത്തി എന്ന് വ്യക്തമാക്കുമോ;

(ഡി)	ഇതിന്റെ പണി എന്നത്തേക്ക് പൂര്‍ത്തീകരിക്കാന്‍ കഴിയും എന്ന് കണക്കാക്കിയിട്ടുണ്ടോ; വിശദാംശം നല്‍കുമോ?

ചീറങ്ങര റെയില്‍വേ ഓവര്‍ ബ്രിഡ്‍ജ്

1161.

(എ)	ചാലക്കുടി മണ്ഡലത്തില്‍പ്പെട്ട ചീറങ്ങര റെയില്‍വേ ഓവര്‍ ബ്രിഡ്‍ജ് നിര്‍മ്മാണം ഇനിയും ആരംഭിക്കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)	അക്വിസിഷന്‍ നടപടികള്‍ അടക്കം പൂര്‍ത്തിയാക്കി റെയില്‍വേ ഓവര്‍ ബ്രിഡ്‍ജ് നിര്‍മ്മാണം ഉടന്‍ ആരംഭിക്കുന്നതിന് ആവശ്യമായ നടപടികള്‍ സ്വീകരിക്കുമോ?

വര്‍ക്കല തൊടുവെ പാലം നിര്‍മ്മാണം

1162.

ശ്രീ.വി. ജോയി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	വര്‍ക്കല തൊടുവെ പാലം നിര്‍മ്മാണത്തിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ബി)	പ്രസ്തുത പാലം നിര്‍മ്മിക്കുന്നതിന് എത്ര രൂപ ആവശ്യമായിവരുമെന്ന് കണക്കാക്കിയിട്ടുണ്ടോ;

(സി)	ഇത് നിര്‍മ്മിക്കുന്നതിനുള്ള നടപടികള്‍ ത്വരിതപ്പെടുത്തുമോ എന്ന് അറിയിക്കുമോ?

പെരുമ്പളം പാണാവള്ളി പാലം നിര്‍മ്മാണം

1163.

(എ)	അരൂർ മണ്ഡലത്തിലെ പെരുമ്പളം പാണാവള്ളി പാലം നിര്‍മ്മാണത്തിന്റെ നിലവിലെ സ്ഥിതി അറിയിക്കുമോ;

(ബി)	എത്ര രൂപയ്ക്കാണ് ഭരണാനുമതി നല്‍കിയത്; സാങ്കേതിക അനുമതി ലഭ്യമാക്കിയിട്ടുണ്ടോ; വിശദാംശം നല്‍കുമോ;

(സി)	ഭൂമി ഏറ്റെടുക്കല്‍ നടപടി എവിടം വരെ എത്തി എന്നറിയിക്കുമോ;

(ഡി)	പ്രസ്തുത പാലത്തിന്റെ നിര്‍മ്മാണം ആരംഭിച്ചിട്ടുണ്ടോ; എന്നത്തേക്ക് പൂർത്തീകരിക്കാൻ കഴിയും എന്ന് കണക്കാക്കിയിട്ടുണ്ടോ; വിശദാംശം അറിയിക്കുമോ?

പാലാരിവട്ടം ഫ്ലെെ ഓവറിന്റെ ഭാരപരിശോധന

1164.

ശ്രീ.വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പാലാരിവട്ടം ഫ്ലെെ ഓവറിന്റെ ഭാരപരിശോധന നടത്തണമെന്ന് കേരള ഹെെക്കോടതി ഉത്തരവ് പുറപ്പെടുവിച്ചിട്ടുണ്ടോ; എങ്കില്‍ എന്നാണെന്നും എത്ര കാലയളവിനുള്ളിൽ പരിശോധന നടപ്പിലാക്കണമെന്നുമാണ് കോടതി നിര്‍ദ്ദേശിച്ചത്;

(ബി)	കേരള ഹെെക്കോടതിയുടെ ഉത്തരവിനെതിരെ സര്‍ക്കാര്‍ സുപ്രീംകോടതിയില്‍ അപ്പീൽ നല്‍കിയിട്ടുണ്ടോ; ഉണ്ടെങ്കില്‍ അതിനുള്ള കാരണം വ്യക്തമാക്കാമോ;

(സി)	ഹെെക്കോടതിയുടെ ഉത്തരവ് സുപ്രീംകോടതി സ്റ്റേ ചെയ്തിട്ടുണ്ടോ എന്നറിയിക്കുമോ;

(ഡി)	ഇല്ലെങ്കില്‍ ഹെെക്കോടതി ഉത്തരവ് നടപ്പിലാക്കുന്നതിന് കാലതാമസം ഉണ്ടാകുന്നതിനുള്ള കാരണമെന്താണ്; വ്യക്തമാക്കാമോ?

ചാത്തന്നൂര്‍ നിയോജക മണ്ഡലത്തില്‍ ഉള്‍പ്പെട്ട പള്ളിക്കമണ്ണടി പാലം നിര്‍മ്മാണം

1165.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

ചാത്തന്നൂര്‍ നിയോജക മണ്ഡലത്തില്‍ ഉള്‍പ്പെട്ട നിര്‍ദ്ദിഷ്ട പള്ളിക്കമണ്ണടി പാലം നിര്‍മ്മാണവുമായി ബന്ധപ്പെട്ട നടപടികളുടെ നിലവിലെ സ്ഥിതി വിശദമാക്കാമോ?

ചാത്തന്നൂര്‍ നിയോജകമണ്ഡലത്തില്‍ ഉള്‍പ്പെട്ട കുമ്മല്ലൂര്‍ പാലം നിര്‍മ്മാണം

1166.

ശ്രീ.ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചാത്തന്നൂര്‍ നിയോജകമണ്ഡലത്തില്‍ ഉള്‍പ്പെട്ട കുമ്മല്ലൂര്‍ പാലം നിര്‍മ്മിക്കുന്നതിനായുള്ള നടപടികളുടെ പുരോഗതി വിശദമാക്കാമോ;

(ബി)	പ്രസ്തുത പാലം നിര്‍മ്മാണത്തിനുള്ള ഡി.പി.ആര്‍. ഇതിനകം കിഫ്ബിക്ക് സമര്‍പ്പിച്ചിട്ടുണ്ടോയെന്നും സമര്‍പ്പിച്ചിട്ടില്ലെങ്കില്‍ കാലതാമസത്തിന്റെ കാരണമെന്തെന്നും വ്യക്തമാക്കാമോ;

(സി)	കുമ്മല്ലൂര്‍ പാലം പണി ആരംഭിക്കുന്നതിനായി ഇനി എന്തെല്ലാം നടപടികള്‍ അവശേഷിക്കുന്നുണ്ടെന്നും ആയത് പൂര്‍ത്തിയാക്കി പാലം പണി എന്ന് ആരംഭിക്കാന്‍ കഴിയുമെന്നും വ്യക്തമാക്കാമോ?

അന്ധകാരതോടിന് കുറുകെയുള്ള പാലം നിര്‍മ്മാണം

1167.

(എ)	തൃപ്പൂണിത്തുറയില്‍ 2019-20 വര്‍ഷത്തെ ബഡ്ജറ്റില്‍ ഇരുപത് ശതമാനം തുക വകയിരുത്തിയ അന്ധകാരതോടിന് കുറുകെയുള്ള പാലത്തിന്റെ നിര്‍മ്മാണപ്രവര്‍ത്തനങ്ങളുടെ നിലവിലെ പുരോഗതി അറിയിക്കുമോ;

(ബി)	പ്രസ്തുത നിര്‍മ്മാണത്തിനുള്ള നടപടികള്‍ സമയബന്ധിതമായി നടപ്പിലാക്കുമോ; എങ്കില്‍ വിശദാംശം അറിയിക്കുമോ?

വള്ളിയൂര്‍കാവ് പാലം നിര്‍മ്മാണം

1168.

(എ)	മാനന്തവാടി നഗരസഭയെയും എടവക ഗ്രാമപഞ്ചായത്തിനെയും തമ്മില്‍ ബന്ധിപ്പിക്കുന്ന വള്ളിയൂര്‍കാവ് പാലം നിര്‍മ്മിക്കുന്ന കാര്യം സംബന്ധിച്ച നിലവിലെ സ്ഥിതി അറിയിക്കാമോ;

(ബി)	പാലം വിഭാഗവുമായി ബന്ധപ്പെട്ട് മാനന്തവാടി മണ്ഡലത്തില്‍ നിലവില്‍ നടന്നുവരുന്ന മുഴുവന്‍ പ്രവൃത്തികളുടെയും വിശദാംശങ്ങള്‍ അറിയിക്കാമോ?

നെടുമ്പ്രക്കാട് വിളക്കുമരം പാലം

1169.

(എ)	അരൂർ മണ്ഡലത്തിലെ നെടുമ്പ്രക്കാട് വിളക്കുമരം പാലത്തിന്റെ നിലവിലെ സ്ഥിതി അറിയിക്കുമോ;

(ബി)	പാലം നിര്‍മ്മാണത്തിന്റെ ഭരണാനുമതി ലഭിച്ചത് എന്നാണെന്നും ഇതിന് സാങ്കേതിക അനുമതി ലഭിച്ചത് എത്ര രൂപയ്ക്കാണെന്നുമുള്ള വിശദാംശങ്ങള്‍ നല്‍കുമോ;

(സി)	പ്രസ്തുത നിര്‍മ്മാണത്തിന്റെ ഭൂമി ഏറ്റെടുക്കല്‍ നടപടികള്‍ ഏതു ഘട്ടം വരെ എത്തിയെന്ന് വ്യക്തമാക്കുമോ;

(ഡി)	ഇതിന്റെ നിർമ്മാണം ആരംഭിച്ചിട്ടുണ്ടോ; എങ്കില്‍ എന്നത്തേക്ക് നിർമ്മാണം പൂർത്തീകരിക്കാൻ കഴിയും എന്ന് കണക്കാക്കിയിട്ടുണ്ടോ; വിശദാംശം നല്‍കുമോ?

അപകടാവസ്ഥയിലുള്ള പാലങ്ങള്‍

1170.

(എ)	കരുനാഗപ്പള്ളി കാരൂര്‍ കടവ് പാലത്തിന്റെ ശോച്യാവസ്ഥ പരിശോധിച്ചിട്ടുണ്ടോ; ആയത് സംബന്ധിച്ച റിപ്പോര്‍ട്ട് സര്‍ക്കാരിന് ലഭിച്ചിട്ടുണ്ടോ; വിശദീകരിക്കുമോ;

(ബി)	പ്രസ്തുത പാലത്തിന്റെ അപകടാവസ്ഥ പരിഹരിക്കുന്നതിനുള്ള എസ്റ്റിമേറ്റ് ലഭിച്ചിട്ടുണ്ടോ; എങ്കില്‍ എന്തു നടപടി സ്വീകരിച്ചുവെന്ന് വ്യക്തമാക്കാമോ;

(സി)	പത്തിയൂര്‍ കടവ് പാലത്തിന്റെ ഉറപ്പും ബലവും നിലനിര്‍ത്തുന്നതിനാവശ്യമായ നടപടികള്‍ സ്വീകരിക്കുമോ;

(ഡി)	അപകടാവസ്ഥയിലുള്ള കാരൂര്‍കടവ്, പത്തിയൂര്‍കടവ് പാലങ്ങളുടെ അറ്റകുറ്റപണികള്‍ പൂര്‍ത്തീകരിച്ച് എത്രയും വേഗം ഗതാഗത യോഗ്യമാക്കുമോ; വിശദാംശം നല്‍കുമോ?

തൃപ്പൂണ്ണിത്തുറയില്‍ ഇരുമ്പുപാലത്തിന് പകരമായി പുതിയ പാലം

1171.

(എ)	തൃപ്പൂണ്ണിത്തുറയില്‍ ബലക്ഷയം കാരണം ഗതാഗതം നിരോധിച്ച ഇരുമ്പുപാലത്തിന് (പൈതൃക പാലം) പകരമായി പുതിയ പാലം നിര്‍മ്മിക്കുന്നതിനുള്ള പ്രവൃത്തികള്‍ നടന്നു വരുന്നുണ്ടോ; എങ്കില്‍ അവയുടെ നിലവിലെ സ്ഥിതി വ്യക്തമാക്കുമോ;

(ബി)	വളരെ പ്രാധാന്യമുള്ള ഈ പാലം സമയബന്ധിതമായി പുനര്‍നിര്‍മ്മിക്കുന്നതിന് നടപടി സ്വീകരിക്കുമോ; വിശദാംശം അറിയിക്കുമോ?

ഗതാഗത തടസ്സം നീക്കാന്‍ ടൈല്‍ വിരിക്കല്‍

1172.

(എ)	ദേശീയ പാത 766-ല്‍ സ്ഥിരമായി കേടുവരുന്ന ജംഗ്ഷനുകളായ കാരന്തൂര്‍, താമരശ്ശേരി, ചുങ്കം എന്നിവിടങ്ങളിലും സ്ഥിരമായ വെള്ളം കയറി ഗതാഗത തടസ്സത്തിനിടയാകുന്ന മൂഴിക്കല്‍, പടനിലം, നെല്ലാങ്കണ്ടി തുടങ്ങിയ സ്ഥലങ്ങളിലും ടൈല്‍ നിരത്താനും ഉയരം കൂട്ടാനും നടപടി സ്വീകരിക്കുന്നുണ്ടോ; എങ്കില്‍ വിശദാംശങ്ങള്‍ ലഭ്യമാക്കാമോ;

(ബി)	ഇപ്പോള്‍ കുന്ദമംഗലം മുതല്‍ മാലാപറമ്പ് വരെയുള്ള ഭാഗങ്ങള്‍ പുനരുദ്ധരിക്കാന്‍ ടെണ്ടര്‍ ചെയ്ത പ്രവര്‍ത്തികള്‍ക്കൊപ്പം കാരന്തൂര്‍ ജംഗ്ഷനില്‍ ടൈല്‍ നിരത്തുന്നതിനുള്ള നിര്‍ദ്ദേശം കൂടി പരിഗണനയിലുണ്ടോ; വിശദമാക്കുമോ?

ചേലക്കര-എളനാട് റോഡ് പുനരുദ്ധാരണം

1173.

(എ)	ചേലക്കര നിയോജകമണ്ഡലത്തിലെ സി.ആര്‍.എഫ്. ഫണ്ടില്‍ ഉള്‍പ്പെടുത്തി പന്ത്രണ്ട് കോടി രൂപ അനുവദിച്ച ചേലക്കര - എളനാട് റോഡിന്റെ പുനരുദ്ധാരണ പ്രവൃത്തി ടെണ്ടർ കഴിഞ്ഞ് എഗ്രിമെന്റ് വെച്ചത് എന്നാണെന്ന് വ്യക്തമാക്കാമോ;

(ബി)	പ്രവൃത്തി ആരംഭിക്കുന്നതിന് പൊതുമരാമത്ത് എൻ.എച്ച് വിഭാഗം ഇതുവരെ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)	പുനരുദ്ധാരണ പ്രവൃത്തികള്‍ ഇതിനകം ആരംഭിച്ചിട്ടില്ലാത്തതിനാല്‍ സമയബന്ധിതമായി പ്രവൃത്തി പൂര്‍ത്തീകരിക്കുന്നതിന് ആവശ്യമായ നിര്‍ദ്ദേശം പൊതുമരാമത്ത് എൻ.എച്ച് വിഭാഗത്തിന് നല്‍കുമോ;വിശദാംശം വ്യക്തമാക്കാമോ?

ദേശീയപാത വികസനം

1174.

ശ്രീ.കെ.ഡി. പ്രസേനന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	തത്വത്തില്‍ ദേശീയപാതയായി അംഗീകരിക്കപ്പെട്ട വടക്കാഞ്ചേരി - പൊള്ളാച്ചി റോഡ് ഉള്‍പ്പെടെ 4 റോഡുകള്‍ക്ക് ദേശീയപാതാ പദവി ലഭിക്കുന്നതിനും ദേശീയപാതയായി വികസിപ്പിക്കുന്നതിനുമുള്ള സർവ്വേ , സ്ഥലം ഏറ്റെടുപ്പ്, ദേശീയപാതാ പ്രഖ്യാപനം തുടങ്ങിയ നടപടിക്രമങ്ങളുടെ തല്‍സ്ഥിതി എന്തെന്ന് വിശദീകരിക്കാമോ;

(ബി)	മലയോര ഹൈവേ ഉള്‍പ്പെടെയുള്ള വികസന പ്രവൃത്തികള്‍ മേല്‍പ്പറഞ്ഞ റോഡുകള്‍ ദേശീയപാതയായി ഉയര്‍ത്തുന്നതിന്റെ ഭാഗമായി കിഫ്ബി നിര്‍ത്തിവെച്ചിട്ടുണ്ടോ എന്നറിയിക്കാമോ?

കഴക്കൂട്ടം-ചേർത്തല ദേശീയ പാത വികസനം

1175.

(എ)	കഴക്കൂട്ടം-ചേർത്തല ദേശീയ പാത വികസന പ്രവർത്തനങ്ങള്‍ ഏതു ഘട്ടത്തിലാണ് എന്നറിയിക്കാമോ; നിലവിലെ അവസ്ഥ വിശദമാക്കുമോ;

(ബി)	കഴക്കൂട്ടം മുതല്‍ ചേർത്തല വരെയുള്ള വികസനം ഒറ്റഘട്ടമായാണോ നടപ്പിലാക്കുകയെന്ന് അറിയിക്കാമോ ;

(സി)	കഴക്കൂട്ടം മുതല്‍ കടമ്പാട്ടുക്കോണം വരെയുള്ള ദേശീയപാത വികസനത്തിന് നിലവില്‍ സ്വീകരിച്ച നടപടികള്‍ എന്തെല്ലാമാണ്;

(ഡി)	ഇനി ഏതെല്ലാം ഘട്ടങ്ങളാണ് അവശേഷിക്കുന്നതെന്ന് വിശദമാക്കാമോ ;

(ഇ)	എന്ന് മുതല്‍ റോഡ് നിർമ്മാണം ആരംഭിക്കുവാൻ കഴിയുമെന്ന് വിശദമാക്കുമോ?

വടക്കഞ്ചേരി - പൊള്ളാച്ചി ദേശീയ പാത

1176.

(എ)	പാലക്കാട് ജില്ലയിലെ ആലത്തൂര്‍ താലൂക്കിലെ വടക്കഞ്ചേരി- പൊള്ളാച്ചി ദേശീയ പാതയ്ക്ക് വേണ്ടി നടത്തിയ അലെെന്‍മെന്റ് പഠനങ്ങളുടെ ഫലം എന്തെന്ന് വിശദമാക്കാമോ;

(ബി)	എത്രത്തോളം സ്ഥലം ഏറ്റെടുക്കേണ്ടി വരുമെന്നാണ് കണക്കാക്കിയിരിക്കുന്നതെന്ന് അറിയിക്കാമോ?

തൃപ്പൂണിത്തുറ മണ്ഡലത്തിലെ പഴയ ദേശീയ പാതയുടെ വികസന പ്രവര്‍ത്തനം

1177.

(എ)	2019-20 വര്‍ഷത്തെ ബഡ്ജറ്റില്‍ 20% തുക വകയിരുത്തിയ തൃപ്പൂണിത്തുറ മണ്ഡലത്തിലെ പഴയ ദേശീയ പാതയുടെ വികസന പ്രവര്‍ത്തനത്തിന്റെ നിലവിലെ സ്ഥിതി അറിയിക്കുമോ;

(ബി)	സമയബന്ധിതമായി പ്രസ്തുത പ്രവർത്തനം പൂര്‍ത്തീകരിക്കുന്നതിന് ആവശ്യമായ നടപടികള്‍ സ്വീകരിക്കുമോ; വിശദാംശം അറിയിക്കുമോ?

കല്ല്യാശ്ശേരി മണ്ഡലത്തിലെ തീരദേശ ഹൈവേ പ്രോജക്ട്

1178.

(എ)	കണ്ണൂര്‍ ജില്ലയിലെ കല്ല്യാശ്ശേരി മണ്ഡലത്തില്‍ തീരദേശ ഹൈവേ പ്രോജക്ടുമായി ബന്ധപ്പെട്ട് എന്തൊക്കെ നടപടികളാണ് സ്വീകരിച്ചിട്ടുള്ളത്;

(ബി)	പ്രസ്തുത പ്രോജക്ടുമായി ബന്ധപ്പെട്ട് മണ്ഡലത്തില്‍ വരുന്ന പാലങ്ങളുടെ ഇന്‍വെസ്റ്റിഗേഷന്‍ പൂര്‍ത്തീകരിച്ചിട്ടുണ്ടോ; വിശദാംശം ലഭ്യമാക്കാമോ?

ശ്രീ ശങ്കരാചാര്യ സംസ്കൃത സര്‍വ്വകലാശാല

1179.

(എ)	ശ്രീ ശങ്കരാചാര്യ സംസ്കൃത സര്‍വ്വകലാശാലയുടെ വഞ്ചിയൂരുള്ള പ്രാദേശിക കേന്ദ്രത്തിന്റെ കെട്ടിട നിര്‍മ്മാണത്തിനായി തിരുവനന്തപുരം നിയോജകമണ്ഡലത്തിലെ ആസ്തി വികസന സ്കീമില്‍ നിന്നും 30 ലക്ഷം രൂപ അനുവദിക്കുകയും 17.02.2016 ഇതിലേയ്ക്കായി ഭരണാനുമതി പുറപ്പെടുവിക്കുകയും ചെയ്തിരുന്നോ;

(ബി)	എങ്കില്‍ മൂന്നരവര്‍ഷം പിന്നിട്ടിട്ടും പൊതുമരാമത്ത് (കെട്ടിട വിഭാഗം) വകുപ്പ് ഇക്കാര്യത്തില്‍ യാതൊരു നടപടിയും സ്വീകരിക്കാത്ത സാഹചര്യത്തില്‍ അടിയന്തിര നടപടി സ്വീകരിക്കുവാന്‍ തയ്യാറാകുമോ;

(സി)	പദ്ധതി എത്രയുംവേഗം പൂര്‍ത്തീകരിക്കുന്നതിന് പൊതുമരാമത്ത് അടിയന്തിര നടപടി സ്വീകരിക്കുമോ?

കാട്ടാക്കട മണ്ഡലത്തിലെ സ്കൂളുകളുടെ കെട്ടിട നിര്‍മ്മാണം

1180.

ശ്രീ.ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കാട്ടാക്കട മണ്ഡലത്തിലെ കണ്ടള എച്ച്.എസ്, കുളത്തുമ്മല്‍ എച്ച്.എസ്.എസ്, എന്നീ സ്കൂളുകളുടെ കെട്ടിട നിര്‍മ്മാണ പ്രവര്‍ത്തനങ്ങള്‍ ഏത് ഘട്ടത്തിലായെന്ന് വിശദമാക്കാമോ;

(ബി)	പ്രസ്തുത കെട്ടിടങ്ങള്‍ക്കായുള്ള സ്ട്രക്‌ച്ചറല്‍ ഡിസൈന്‍ ലഭ്യമാക്കുന്നതിനും സാങ്കേതിക അനുമതി ലഭ്യമാക്കുന്നതിനുമുള്ള കാലതാമസത്തിന്റെ കാരണം വിശദമാക്കാമോ;

(സി)	ടെണ്ടര്‍ നടപടികള്‍ പൂര്‍ത്തീകരിച്ച് എന്നത്തേയ്ക്ക് നിര്‍മ്മാണ പ്രവര്‍ത്തനങ്ങള്‍ ആരംഭിക്കാനാകുമെന്ന് വ്യക്തമാക്കാമോ?

ഇലക്ട്രിക്കല്‍ വിഭാഗം ഓഫീസുകള്‍

1181.

ശ്രീ.റ്റി.വി.രാജേഷ് : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

പൊതുമരാമത്ത് വകുപ്പിലെ ഇലക്ട്രിക്കല്‍ വിഭാഗത്തിന് കണ്ണൂരില്‍ അനുവദിച്ച എക്സിക്യൂട്ടീവ് എന്‍ജിനീയറുടെയും അസിസ്റ്റന്റ് എന്‍ജിനീയറുടെയും കാര്യാലയങ്ങളുടെ പ്രവര്‍ത്തനം ആരംഭിക്കുന്നതിനു നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ?

ചടയമംഗലം മണ്ഡലത്തിലെ പൊതുമരാമത്ത് പ്രവൃത്തികള്‍

1182.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ചടയമംഗലം നിയോജകമണ്ഡലത്തില്‍ പൊതുമരാമത്ത് വകുപ്പ് നടത്തുന്ന പ്രവൃത്തികളുടെ വിശദാംശങ്ങള്‍ അറിയിക്കുമോ;

(ബി)	ചടയമംഗലം-ചിങ്ങേലി-പാങ്ങോട് റോഡിന്റെ നിർമ്മാണ പ്രവൃത്തി നിർത്തിവച്ചിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ;

(സി)	കിഫ്ബി വഴിയുള്ള പ്രസ്തുത റോഡ് പ്രവൃത്തി വേഗത്തിലാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് വെളിപ്പെടുത്താമോ?

തീരദേശഹൈവെ

1183.

(എ)	സംസ്ഥാനത്ത് ആരംഭിക്കുന്ന 'തീരദേശഹൈവെ' യുടെ നിര്‍മ്മാണം എപ്പോള്‍ ആരംഭിക്കാന്‍ കഴിയുമെന്ന് വ്യക്തമാക്കാമോ;

(ബി)	കാസര്‍ഗോഡ് ജില്ലയില്‍ ഇതിനായി ഡി.പി.ആര്‍ തയ്യാറാക്കിയിട്ടുണ്ടോ;

(സി)	പ്രസ്തുത പ്രവൃത്തി എന്നാരംഭിക്കാന്‍ കഴിയുമെന്ന് അറിയിക്കാമോ?

കരാറുകാരുടെ ലൈസൻസുകള്‍ പുതുക്കുന്നതിന് നടപടി

1184.

ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	കുടിശ്ശികകള്‍ നല്‍കാത്തതിനെത്തുടർന്ന് സർക്കാരിന്റെ ടെൻഡറുകള്‍ ബഹിഷ്ക്കരിക്കാൻ നിർമ്മാണ മേഖലകളില്‍ പ്രവ‍ർത്തിക്കുന്ന സര്‍ക്കാര്‍ കരാറുകാർ തീരുമാനമെടുത്തത് ശ്രദ്ധയില്‍പ്പെട്ടിട്ടുണ്ടോ; ഈ പ്രതിസന്ധി പരിഹരിക്കുവാൻ എന്ത് നടപടിയാണ് വകുപ്പ് കൈക്കൊണ്ടിട്ടുള്ളത് വിശദമാക്കുമോ;

(ബി)	കരാറുകാരുടെ ലൈസൻസുകള്‍ പുതുക്കി നല്‍കുന്നതില്‍ ഏതെങ്കിലും നിബന്ധനകള്‍ ഇപ്പോള്‍ മാറ്റി ഉത്തരവിറക്കിയിട്ടുണ്ടോ; വിശദമാക്കുമോ?

പൊതുമരാമത്ത് വകുപ്പിന്റെ അധീനതയിലുള്ള സ്ഥലങ്ങളിലെയും റോഡിന്റെ ഇരുഭാഗങ്ങളിലെയും കയ്യേറ്റങ്ങള്‍

1185.

(എ)	പൊതുമരാമത്ത് വകുപ്പിന്റെ അധീനതയിലുള്ള സ്ഥലങ്ങളിലെയും റോഡിന്റെ ഇരുഭാഗങ്ങളിലെയും കയ്യേറ്റങ്ങള്‍ ഒഴിപ്പിക്കുന്നതിന് നിലവില്‍ എന്തെല്ലാം നടപടികളാണ് സ്വീകരിച്ചുവരുന്നതെന്നും ആയതിന്റെ പുരോഗതിയും വ്യക്തമാക്കാമോ;

(ബി)	റോഡിന്റെ ഇരുപുറങ്ങളിലുമുള്ള സ്ഥലം കയ്യേറി കച്ചവടസ്ഥാപനങ്ങള്‍ നടത്തുകയോ മതില്‍ കെട്ടിമറയ്ക്കുകയോ ചെയ്തവര്‍ സ്വയം ഒഴിഞ്ഞുപോകുന്നതിന് അതത് പ്രദേശത്തെ ബന്ധപ്പെട്ട പൊതുമരാമത്ത് ഓഫീസില്‍ ചുമതലപ്പെട്ട ഉദ്യോഗസ്ഥര്‍ നോട്ടീസ് നല്‍കാറുണ്ടോ;

(സി)	പൊതുമരാമത്ത് റോഡുകളുടെയും പാലങ്ങളുടെയും മറ്റും നിര്‍മ്മാണത്തിന് തടസ്സമായി നില്‍ക്കുന്ന കയ്യേറ്റങ്ങള്‍ ഒഴിപ്പിക്കുന്നതിനായി ഒരു പ്രത്യേക സംഘത്തെ നിയോഗിക്കുന്നതിനും നിയമവിരുദ്ധ പ്രവര്‍ത്തനം നടത്തുന്നവര്‍ക്കെതിരെ പിഴ ചുമത്തുന്നതിനും കേസെടുക്കുന്നതിനും നടപടി സ്വീകരിക്കാമോ;

(ഡി)	സംസ്ഥാനത്ത് പൊതുമരാമത്ത് റോഡുകളുടെ വശങ്ങളില്‍ വാഹന പാര്‍ക്കിങ്ങിന് ഏതെല്ലാം കോര്‍പ്പറേഷനുകള്‍, നഗരസഭകള്‍, പഞ്ചായത്തുകള്‍ പാര്‍ക്കിങ്ങ് ഫീസ് ഈടാക്കുന്നുണ്ട്; വിശദാംശം വെളിപ്പെടുത്താമോ;

(ഇ)	ഇക്കാര്യത്തില്‍ പൊതുമരാമത്ത് വകുപ്പിന്റെ നിലപാട് എന്താണെന്ന് വ്യക്തമാക്കാമോ;

(എഫ്)

പൊതുമരാമത്ത് റോഡുകളുടെ വശങ്ങളില്‍ നടത്തുന്ന അശാസ്ത്രീയ പാര്‍ക്കിങ്ങ് മൂലം അപകടങ്ങള്‍ ഉണ്ടാകുന്നു എന്നതിനാല്‍ ആയത് നിയന്ത്രിക്കുന്നതിന് എന്തു നടപടികള്‍ സ്വീകരിക്കുവാനാണ് ഉദ്ദേശിക്കുന്നത്; വ്യക്തമാക്കാമോ?

പൊതുമരാമത്ത് പ്രവൃത്തി നടത്തുന്നതിനുള്ള അനുമതി

1186.

ശ്രീ.കെ.ജെ. മാക്സി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	പൊതുമരാമത്ത് പ്രവൃത്തികൾ നടത്തുന്നതിന് അനുമതി നല്‍കുന്നത് എന്തെല്ലാം വ്യവസ്ഥകള്‍ പ്രകാരമാണെന്നും അവയുടെ വിശദാംശം (രേഖകളുടെ പകര്‍പ്പുകള്‍ സഹിതം) എന്തെന്നും വ്യക്തമാക്കുമോ;

(ബി)	പ്രസ്തുത പ്രവർത്തനങ്ങൾ സംബന്ധിച്ച് ഈ സര്‍ക്കാര്‍ ഇറക്കിയ ഉത്തവുകള്‍ എന്തെല്ലാം (പകര്‍പ്പുകള്‍ സഹിതം) എന്നും അറിയിക്കാമോ;

(സി)	പ്രസ്തുത ഉത്തരവുകള്‍ പ്രകാരവും, മുന്‍ ഉത്തരവുകള്‍ പ്രകാരവും സംസ്ഥാന പൊതുമരാമത്ത് പ്രവൃത്തികളിലെ കാലതാമസം തുടങ്ങി മറ്റു കുറ്റകൃത്യങ്ങള്‍ നടത്തിയതായി ഈ സര്‍ക്കാര്‍ കാലയളവില്‍ എത്ര പേര്‍ക്കെതിരെ പരാതികളും ,അന്വേഷണങ്ങളും ഉണ്ടായി എന്ന് അറിയിക്കാമോ ;

(ഡി)	ഇതിൽ എത്ര പേര്‍ക്കെതിരെ നടപടികള്‍ സ്വീകരിച്ചുവരുന്നു എന്ന് വ്യക്താമാക്കുമോ; മുന്‍സര്‍ക്കാര്‍ കാലയളവില്‍ ഇത്തരം പാെതുമരാമത്തു പ്രവര്‍ത്തനവുമായി ബന്ധപ്പെട്ടുള്ള കുറ്റാരോപിതരായ ഉദ്യോഗസ്ഥര്‍ എത്രയെന്നു വ്യക്തമാക്കാമോ;

(ഇ)	ഇതിൽ എത്രപേരുടെ പേരില്‍ എന്തെല്ലാം നടപടികള്‍ സ്വീകരിച്ചുവെന്ന് വ്യക്തമാക്കാമോ; എത്ര പേര്‍ നിലവില്‍ സര്‍വ്വീസിലുണ്ട്; എത്ര പെന്‍ഷന്‍കാര്‍ക്കെതിരെ എന്തൊക്കെ നടപടികള്‍ സ്വീകരിച്ചുവെന്നും വ്യക്തമാക്കുമോ?

പൊതുമരാമത്ത് ജോലികളുമായി ബന്ധപ്പെട്ട് ഉണ്ടാകുന്ന അവശിഷ്ടങ്ങള്‍

1187.

ശ്രീ.ടി.എ.അഹമ്മദ് കബീര്‍
,, പാറക്കല്‍ അബ്ദുല്ല
,, എം.ഉമ്മര്‍
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	റോഡ്, പാലം, കെട്ടിടനിര്‍മ്മാണം തുടങ്ങിയ പൊതുമരാമത്ത് ജോലികളുമായി ബന്ധപ്പെട്ട് ഉണ്ടാകുന്ന അവശിഷ്ടങ്ങളും മാലിന്യങ്ങളും അതതു സ്ഥലത്തു നിന്ന് ശാസ്ത്രീയമായി നീക്കുകയും സംസ്ക്കരിക്കുകയും ചെയ്യണമെന്ന പൊതുമരാമത്ത് മാന്വലിലെ നിര്‍ദ്ദേശം പാലിക്കപ്പെടുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇൗ നിര്‍ദ്ദേശം പാലിക്കാത്തവര്‍ക്കെതിരെ എന്തു നടപടി സ്വീകരിക്കാനാണ് ഉദ്ദേശിക്കുന്നതെന്ന് വിശദമാക്കുമോ?

വന്‍കിട ഫ്ലാറ്റുകളും കെട്ടിടങ്ങളും വിലകുറച്ച് രജിസ്റ്റര്‍ ചെയ്യുന്നതിനെതിരെ നടപടി

1188.

ശ്രീ.പി.ടി. തോമസ്
,, വി.ടി.ബല്‍റാം : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വന്‍കിട ഫ്ലാറ്റുകളും കെട്ടിടങ്ങളും ക്രയവിക്രയം ചെയ്യുമ്പോള്‍ വിലകുറച്ച് കാണിച്ച് രജിസ്റ്റര്‍ ചെയ്ത് സര്‍ക്കാരിന് വന്‍ സാമ്പത്തിക നഷ്ടം ഉണ്ടാക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ; വിശദാംശം നല്‍കുമോ;

(ബി)	ഇത്തരത്തിലുള്ള രജിസ്ട്രേഷനുകള്‍ കണ്ടെത്തി നടപടി സ്വീകരിക്കുന്നതിന് നിലവിലുള്ള സംവിധാനങ്ങള്‍ എന്തെല്ലാമാണെന്ന് വ്യക്തമാക്കാമോ;

(സി)	ഈ സര്‍ക്കാര്‍ അധികാരമേറ്റ ശേഷം ഇത്തരത്തിലുള്ള എത്ര കേസ്സുകള്‍ കണ്ടെത്തിയിട്ടുണ്ടെന്നും അവര്‍ക്കെതിരെ എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വിശദമാക്കുമോ?

ആധാരങ്ങളുടെ അധിക മുദ്രവില

1189.

(എ)	ആധാരങ്ങളുടെ മുദ്രവിലയും രജിസ്ട്രേഷന്‍ ഫീസും കുറച്ച് കാണിച്ചുവെന്ന് ആരോപിച്ച് ഭീമമായ തുക പിഴയായി അടയ്ക്കുവാന്‍ ആവശ്യപ്പെട്ട് ജില്ലാ രജിസ്ട്രാര്‍മാര്‍ മുഖേന ജനങ്ങള്‍ക്ക് നോട്ടീസ് അയക്കുന്ന സാഹചര്യം ഉണ്ടായിട്ടുണ്ടോ;

(ബി)	പതിറ്റാണ്ടുകള്‍ പഴക്കമുളള ആധാരങ്ങള്‍ക്ക് പോലും അധിക മുദ്രവില ചുമത്തി റവന്യു റിക്കവറി നടപടികള്‍ ഉള്‍പ്പെടെയുളള നടപടികള്‍ സ്വീകരിക്കുന്നത് നീതീകരിക്കാവുന്നതാണോ;

(സി)	2010-ല്‍ സര്‍ക്കാര്‍ ഫെയര്‍വാല്യു നിശ്ചയിച്ചതിന് മുമ്പ് നടന്ന ഇടപാടുകള്‍ക്ക് മുദ്രവില കുറഞ്ഞുപോയി എന്ന പേരില്‍ നടപടി സ്വീകരിക്കുന്നത് ഏത് സാഹചര്യത്തിലാണെന്ന് വിശദമാക്കുമോ; ഇത് പുനപരിശോധിക്കുമോ?

സബ്-രജ്സ്ട്രാര്‍ ഓഫീസുകളിലെ ഓണ്‍ലൈന്‍ സേവനങ്ങള്‍

1190.

ശ്രീ.ജെയിംസ് മാത്യു
,, എസ്.ശർമ്മ
,, പുരുഷന്‍ കടലുണ്ടി
,, പി. ഉണ്ണി : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	'പുതിയ കാലം പുതിയ സേവനം' എന്ന മുദ്രാവാക്യം മുന്‍നിര്‍ത്തി രജിസ്ട്രേഷന്‍ വകുപ്പില്‍ ഈ സര്‍ക്കാര്‍ പുതിയ പരിഷ്കാരങ്ങള്‍ ഏര്‍പ്പെടുത്തിയിട്ടുണ്ടോ;

(ബി)	ഓഫീസുകള്‍ അഴിമതി രഹിതമാക്കുന്നതിന്റെ ഭാഗമായി സബ്-രജിസ്ട്രാര്‍ ഓഫീസുകളില്‍ ഏതെല്ലാം സേവനങ്ങള്‍ക്കുള്ള ഫീസ് ആണ് ഇ-പേയ്മെന്റായി സ്വീകരിക്കുന്നത്;

(സി)	പൊതുജനങ്ങള്‍ക്ക് കൂടുതല്‍ സൗകര്യപ്രദമാകുന്ന രീതിയില്‍ ഡെബിറ്റ്, ക്രെഡിറ്റ് കാര്‍ഡുകള്‍ ഉപയോഗിച്ച് ഫീസ് അടയ്ക്കുന്ന ഇലക്ട്രോണിക് സംവിധാനം നടപ്പിലാക്കിയിട്ടുണ്ടോ; വിശദമാക്കുമോ;

(ഡി)	സബ്-രജ്സ്ട്രാര്‍ ഓഫീസുകളിലെ ഓണ്‍ലൈന്‍ സേവനങ്ങള്‍ പൊതുജനങ്ങള്‍ക്ക് തടസ്സരഹിതമായി ലഭ്യമാക്കുന്നതിന് എന്തെല്ലാം നടപടികളാണ് ഈ സര്‍ക്കാര്‍ സ്വീകരിച്ചിട്ടുള്ളതെന്ന് വ്യക്തമാക്കാമോ?

ഓണ്‍ലൈനില്‍ ആധാരങ്ങളുടെ അസ്സല്‍ പകര്‍പ്പ്

1191.

ശ്രീ.മോന്‍സ്‌ ജോസഫ്
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ആധാരങ്ങളുടെ അസ്സല്‍ പകര്‍പ്പ് ഓണ്‍ലൈനില്‍ ലഭ്യമാക്കുന്നതിള്ള നടപടി പൂര്‍ത്തിയായിട്ടുണ്ടോ; വിശദമാക്കുമോ;

(ബി)	ഓണ്‍ലൈനില്‍ ആധാരങ്ങളുടെ പകര്‍പ്പ് ആവശ്യപ്പെടുന്നതിന്റെ നടപടിക്രമങ്ങള്‍ വ്യക്തമാക്കുമോ;

(സി)	പ്രമാണങ്ങളുടെ സാക്ഷ്യപ്പെടുത്തിയ പകര്‍പ്പ് ലഭിക്കുന്നതില്‍ ഇടനിലക്കാരുടെ ഇടപെടല്‍ അവസാനിപ്പിക്കുന്നതിന് നടത്തിയ നടപടികള്‍ വ്യക്തമാക്കാമോ;

(ഡി)	ആധാരങ്ങള്‍ രജിസ്റ്റര്‍ ചെയ്യുന്നതോടൊപ്പം പോക്കുവരവ് നടത്തി കിട്ടുന്നതിന് ആവശ്യമായ നടപടി സ്വീകരിക്കുമോ; വ്യക്തമാക്കാമോ;

(ഇ)	ആധാരമെഴുത്തുകാരില്‍ നിന്നും പകര്‍പ്പ് വാങ്ങി സൂക്ഷിക്കുന്ന രീതി നിലവിലുണ്ടോ; ഉണ്ടെങ്കില്‍ ആയത് അവസാനിപ്പിക്കുവാൻ നടപടി സ്വീകരിക്കുമോ; വ്യക്തമാക്കാമോ?

രജിസ്ട്രേഷന്‍ വകുപ്പില്‍ ഓൺലൈൻ സേവനം

1192.

ശ്രീ.എ.പി. അനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് എവിടെ നിന്നും ഭൂമി കൈമാറ്റം നടത്താനായി കേരള രജിസ്ട്രേഷന്‍ ആക്ടില്‍ ഭേദഗതി കൊണ്ടുവരാന്‍ സര്‍ക്കാര്‍ ഉദ്ദേശിക്കുന്നുണ്ടോ;

(ബി)	എങ്കില്‍ അതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ;

(സി)	രജിസ്ട്രേഷന്‍ വകുപ്പില്‍ ഓൺലൈൻ സേവനങ്ങള്‍ക്കായി ഉപയോഗിക്കുന്ന പാക്കേജ് ഓഫ് എഫക്ടീവ് അഡ്മിനിസ്ട്രേഷന്‍ ഓഫ് രജിസ്ട്രേഷന്‍ സോഫ്റ്റ് വെയറിലെ മൊഡ്യൂള്‍ മേല്പറഞ്ഞ കാര്യത്തിനായി പരിഷ്കരിക്കുവാന്‍ ഉദ്ദേശിക്കുന്നുണ്ടോ; വിശദാംശം നല്‍കുമോ?

കോതമംഗലം രജിസ്ട്രേഷന്‍ കോംപ്ലക്സ് നിര്‍മ്മാണം

1193.

(എ)	കോതമംഗലത്ത് നിര്‍മ്മിക്കുന്ന പുതിയ രജിസ്ട്രേഷന്‍ കോംപ്ലക്സിന്റെ നിര്‍മ്മാണവുമായി ബന്ധപ്പെട്ട നിലവിലെ അവസ്ഥ വിശദമാക്കാമോ;

(ബി)	എന്തെല്ലാം സൗകര്യങ്ങളാണ് പുതിയ രജിസ്ട്രേഷന്‍ കോംപ്ലക്സുമായി ബന്ധപ്പെട്ട് നടപ്പിലാക്കുവാന്‍ ഉദ്ദേശിക്കുന്നതെന്നു വ്യക്തമാക്കാമോ;

(സി)	നിര്‍മ്മാണ പ്രവൃത്തികള്‍ ഏത് ഏജന്‍സി വഴിയാണ് നടപ്പിലാക്കുന്നതെന്ന് വെളിപ്പെടുത്താമോ;

(ഡി)	പ്രസ്തുത കോംപ്ലക്സ് നിര്‍മ്മാണം എന്നത്തേക്ക് പൂര്‍ത്തീകരിക്കുവാന്‍ കഴിയുമെന്ന് വ്യക്തമാക്കാമോ?

മലയിന്‍കീഴ് സബ് രജിസ്ട്രാര്‍ ഓഫീസിന്റെ നിര്‍മ്മാണം

1194.

(എ)	മലയിന്‍കീഴ് സബ് രജിസ്ട്രാര്‍ ഓഫീസിന്റെ പുതിയ കെട്ടിടത്തിന്റെ നിര്‍മ്മാണ പ്രവര്‍ത്തനങ്ങളുടെ നിലവിലെ സ്ഥിതി വിശദമാക്കാമോ;

(ബി)	കെട്ടിടത്തിന്റെ നിര്‍മ്മാണ പ്രവര്‍ത്തനങ്ങള്‍ എന്ന് പൂര്‍ത്തീകരിക്കാനാകുമെന്ന് വ്യക്തമാക്കാമോ?

വെണ്ടര്‍ ലൈസന്‍സ്

1195.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം നാളിതുവരെ എത്ര പേര്‍ക്ക് വെണ്ടര്‍ ലൈസന്‍സ് പുതുതായി അനുവദിച്ചു നല്‍കി; വിശദമാക്കാമോ;

(ബി)	വെണ്ടര്‍ ലൈസന്‍സ് അനുവദിക്കുന്നതിനുള്ള നടപടിക്രമങ്ങള്‍ എപ്രകാരമാണെന്ന് വിശദമാക്കാമോ;

(സി)	വെണ്ടര്‍ ലൈസന്‍സ്അനുവദിക്കുന്നതുമായി ബന്ധപ്പെട്ട് എത്ര അപേക്ഷകള്‍ സര്‍ക്കാരിന്റെ പരിഗണനയിലുണ്ടെന്ന് വ്യക്തമാക്കാമോ?

ശബരി റെയില്‍ പദ്ധതി

1196.

(എ)	അങ്കമാലി-എരുമേലി ശബരി റെയില്‍ പദ്ധതിയുടെ ഇപ്പോഴത്തെ അവസ്ഥ വ്യക്തമാക്കാമോ;

(ബി)	റെയില്‍വേ ലൈനിന്റെ അലെയ്ന്‍മെന്റ് പൂര്‍ണ്ണമായും തയ്യാറാക്കിയിട്ടുണ്ടോ; ഇതിനായി എത്ര ഭൂമിയാണ് ഏറ്റെടുക്കേണ്ടി വരിക; ഇതിനുള്ള നടപടികള്‍ ഇപ്പോള്‍ ഏതു ഘട്ടത്തിലാണ്;

(സി)	പദ്ധതി നിര്‍വ്വഹണത്തിന് എത്ര രൂപ ചെലവു വരുമെന്നാണ് കണക്കാക്കിയിട്ടുള്ളത്; ഇതിനുള്ള തുക എങ്ങനെ കണ്ടെത്താനാണ് സര്‍ക്കാര്‍ ഉദ്ദേശിക്കുന്നത്;

(ഡി)	പദ്ധതി നടത്തിപ്പു സംബന്ധിച്ച് റെയില്‍വേ മന്ത്രലയത്തിന്റെ നിലപാട് സംസ്ഥാന സര്‍ക്കാരിനെ അറിയിച്ചിട്ടുണ്ടോ; ഉണ്ടെങ്കില്‍ അത് വ്യക്തമാക്കാമോ;

(ഇ)	ശബരിമല തീര്‍ത്ഥാടകര്‍ക്ക് പ്രയോജനം ചെയ്യും വിധം എരുമേലിക്കടുത്ത് വിമാനത്താവളം യാഥാര്‍ത്ഥ്യമാകാനിരിക്കേ, റെയില്‍വേ ലൈന്‍ കൂടി സാധ്യമാക്കുന്നതിലേക്കായി എന്തൊക്കെ നടപടികള്‍ സ്വീകരിക്കാനാണ് ഉദ്ദേശിക്കുന്നത് എന്ന് വ്യക്തമാക്കാമോ?

അങ്കമാലി -എരുമേലി ശബരി റെയില്‍വേ പദ്ധതി

1197.

ശ്രീ.പി.കെ.അബ്ദു റബ്ബ്
,, വി.കെ.ഇബ്രാഹിം കുഞ്ഞ്
ഡോ.എം. കെ. മുനീര്‍
ശ്രീ.കെ.എന്‍.എ ഖാദര്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	നിര്‍ദ്ദിഷ്ട അങ്കമാലി -എരുമേലി ശബരി റെയില്‍വേ പദ്ധതി നിലവില്‍ ഏത് ഘട്ടത്തിലാണെന്ന് വ്യക്തമാക്കുമോ;

(ബി)	പ്രസ്തുത പദ്ധതിയുടെ പകുതി ചെലവ് സംസ്ഥാന സര്‍ക്കാര്‍ വഹിക്കണമെന്ന് കേന്ദ്രസര്‍ക്കാര്‍ അറിയിച്ചിട്ടുണ്ടോ;

(സി)	എങ്കില്‍ ഈ ആവശ്യത്തിന്മേല്‍ എന്തു നടപടി സ്വീകരിച്ചു എന്നു വിശദമാക്കുമോ?

കല്ലുമല റെയില്‍വേ മേല്‍പ്പാല നിര്‍മ്മാണം

1198.

(എ)	മാവേലിക്കര മണ്ഡലത്തിലെ കല്ലുമല റെയില്‍വേ മേല്‍പ്പാല നിര്‍മ്മാണവുമായി ബന്ധപ്പെട്ട് സ്വീകരിച്ച നടപടികള്‍ വിശദമാക്കുമോ; ഇതിന്റെ നിലവിലെ സ്ഥിതി വ്യക്തമാക്കുമോ;

(ബി)	പ്രസ്തുത നിര്‍മ്മാണത്തിനാവശ്യമായ തുകയെത്രയെന്ന് വ്യക്തമാക്കുമോ; തുക ഏത് പദ്ധതിയിലാണ് വകയിരുത്തിയിട്ടുള്ളതെന്ന് വ്യക്തമാക്കാമോ?

കായംകുളം മണ്ഡലത്തിലെ റയില്‍വേ മേല്‍പ്പാലങ്ങള്‍

1199.

കായംകുളം മണ്ഡലത്തില്‍ ഉള്‍പ്പെട്ട കൃഷ്ണപുരം മാമ്പ്രകന്നേല്‍ റയില്‍വേ മേല്‍പ്പാലം, കായംകുളം-തിരുവല്ല റോഡിലെ കാക്കനാട് റയില്‍വേ മേല്‍പ്പാലം എന്നിവയുടെ നിര്‍മ്മാണവുമായി ബന്ധപ്പെട്ട നടപടിക്രമങ്ങളുടെ നിലവിലുള്ള പുരോഗതി വിശദമാക്കാമോ?

അതിവേഗ റെയില്‍ പദ്ധതി

1200.

ശ്രീ.ബി.സത്യന്‍ : താഴെ കാണുന്ന ചോദ്യത്തിന് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

സംസ്ഥാനത്ത് നടപ്പിലാക്കുന്ന അതിവേഗ റെയില്‍ പദ്ധതിയുമായി ബന്ധപ്പെട്ട് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ?

അതിവേഗ റെയില്‍വേ പാത

1201.

(എ)	അതിവേഗ റെയില്‍വേ പാതയ്ക്ക് കേന്ദ്ര സര്‍ക്കാര്‍ തത്വത്തില്‍ അംഗീകാരം നല്‍കിയ സാഹചര്യത്തില്‍ ഈ പദ്ധതിക്കായി വായ്പ ലഭ്യമാക്കുവാന്‍ ഏതെങ്കിലും വിദേശ ബാങ്കുകള്‍/ ഏജന്‍സികളുമായി ചര്‍ച്ച നടത്തിയിട്ടുണ്ടോ; വിശദാംശം നല്‍കുമോ;

(ബി)	പ്രസ്തുത പാതയുടെ ആകാശ സര്‍വ്വെയും ട്രോപ്പിക്കല്‍ സര്‍വ്വെയും പൂര്‍ത്തിയായിട്ടുണ്ടോ; അലൈന്റ്മെന്റ് അംഗീകരിച്ചിട്ടുണ്ടോ;

(സി)	ഇപ്പോള്‍ അംഗീകരിച്ച പദ്ധതി പ്രകാരം തിരുവനന്തപുരം മുതല്‍ കാസര്‍ഗോഡ് വരെ എത്ര സ്റ്റോപ്പുകളാണ് വിഭാവനം ചെയ്തിട്ടുള്ളത്;

(ഡി)	എന്നത്തേക്ക് പ്രസ്തുത പദ്ധതിയുടെ പണി ആരംഭിക്കുവാന്‍ കഴിയുമെന്നാാണ് പ്രതീക്ഷിക്കുന്നത് എന്ന് അറിയിക്കുമോ?

അങ്കമാലി-എരുമേലി ശബരിപാത

1202.

ശ്രീ.റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് പൊതുമരാമത്തും രജിസ്ട്രേഷനും വകുപ്പുമന്ത്രി സദയം മറുപടി നല്‍കുമോ:

(എ)	1997-98ലെ കേന്ദ്ര റെയില്‍വെ ബഡ്ജറ്റില്‍ പ്രഖ്യാപിച്ച അങ്കമാലി-എരുമേലി ശബരിപാതയുടെ നിലവിലെ നിര്‍മ്മാണ പുരോഗതി വെളിപ്പെടുത്തുമോ;

(ബി)	പ്രസ്തുത പദ്ധതിയുടെ ചെലവ് നിലവില്‍ എത്ര കോടി രൂപയാണെന്ന് വ്യക്തമാക്കുമോ;

(സി)	പ്രസ്തുത പാത നടപ്പിലാക്കണമെങ്കില്‍ സംസ്ഥാന സര്‍ക്കാര്‍ പകുതി ചെലവ് വഹിക്കണമെന്ന് കാണിച്ച് കേന്ദ്ര സര്‍ക്കാര്‍ കത്ത് നല്‍കിയിട്ടുണ്ടോ; എങ്കിൽ ഇതിന്മേലുള്ള സംസ്ഥാന നിലപാട് എന്താണെന്ന് വ്യക്തമാക്കുമോ;

(ഡി)	ശബരി പാത യാഥാര്‍ത്ഥ്യമാക്കുന്നതിന് എന്ത് നടപടിയാണ് ഇതിനകം സ്വീകരിച്ചിട്ടുള്ളതെന്ന് വ്യക്തമാക്കുമോ?

രാജ്യറാണി എക്സ്പ്രസ്സ് എത്തിച്ചേരുന്ന സ്ഥലം

1203.

(എ)	നിലമ്പൂരില്‍ നിന്നും പുറപ്പെടുന്ന രാജ്യറാണി എക്സ്പ്രസ്സ് മുമ്പത്തേതില്‍ നിന്നും വ്യത്യസ്തമായി കൊച്ചുവേളിയില്‍ യാത്ര അവസാനിപ്പിക്കുന്ന കാര്യം സർക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ക്യാൻസർ രോഗികള്‍ക്കടക്കം നിരവധി യാത്രക്കാർക്ക് ഈ മാറ്റം ബുദ്ധിമുട്ടുണ്ടാക്കുന്നതിനാല്‍, രാജ്യറാണി എക്സ്പ്രസ്സ് എത്തിച്ചേരുന്ന സ്ഥലം മുമ്പത്തേതുപോലെ തിരുവനന്തപുരം സെന്റട്രലിലേക്ക് തന്നെ മാറ്റുന്ന കാര്യത്തില്‍ ഇടപെടാൻ സർക്കാർ തയ്യാറാകുമോ; വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.