14KLA-starred questions










	STARRED
	QUESTIONS
	AND
	ANSWERS

You are here: Business >14^th KLA >13^th Session>starred Questions and Answers

Answer Provided

Answer Not Yet Provided

FOURTEENTH KLA - 13^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ജൈവ പച്ചക്കറി ബ്രാന്‍ഡുകളിലെ കീടനാശിനി

*271.

ശ്രീ. എന്‍ .എ.നെല്ലിക്കുന്ന്
,, മഞ്ഞളാംകുഴി അലി
,, പി.കെ.അബ്ദു റബ്ബ്
,, വി.കെ.ഇബ്രാഹിം കുഞ്ഞ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ജൈവപച്ചക്കറി എന്ന് ബ്രാന്‍ഡ് ചെയ്തിട്ടുള്ള പച്ചക്കറികളില്‍ അമിതമായ അളവിൽ നിരോധിക്കപ്പെട്ട കീടനാശിനികള്‍ അടങ്ങിയിരിക്കുന്നുണ്ടെന്ന തരത്തിലുള്ള റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത്തരം പച്ചക്കറികളുടെ വിപണനം തടയുന്നതിനും ജൈവപച്ചക്കറി എന്ന് ബ്രാന്‍ഡ് ചെയ്യുന്നവ പൂര്‍ണ്ണമായും ജൈവമാണെന്ന് ഉറപ്പുവരുത്തുന്നതിനും ആവശ്യമായ നടപടി സ്വീകരിക്കുമോ?

കുടുംബശ്രീ സംരംഭങ്ങള്‍

*272.

ശ്രീ.എ.എം. ആരിഫ്
ശ്രീമതി.പി. അയിഷാ പോറ്റി
ശ്രീ.കാരാട്ട് റസാഖ്
,, പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മുന്‍സര്‍ക്കാരിന്റെ കാലത്ത് ബദല്‍ സംഘടനകളെ വളര്‍ത്തുന്നതിനായി കുടുംബശ്രീയെ തകര്‍ക്കാന്‍ നടത്തിയ നീക്കം അതിജീവിച്ചുകൊണ്ട് പതിനാറ് സംസ്ഥാനങ്ങളിലേക്കും രണ്ടു വിദേശരാജ്യങ്ങളിലേക്കും കൂടി പ്രവര്‍ത്തനം വ്യാപിപ്പിക്കാന്‍ കുടുംബശ്രീയെ പ്രാപ്തമാക്കുന്നതിനായി സര്‍ക്കാര്‍ നടത്തിയ ഇടപെടലുകള്‍ വിശദമാക്കാമോ;

(ബി)	കുടുംബശ്രീ മറ്റു സ‍ംസ്ഥാനങ്ങളില്‍ നടപ്പാക്കുന്ന സൂക്ഷ്മ സംരംഭക പദ്ധതികളുടെയും സ്റ്റാര്‍ട്ട് അപ്പ് വില്ലേജ് സംരംഭക പദ്ധതികളുടെയും മേല്‍നോട്ടം വഹിക്കുന്നത് കുടുംബശ്രീയാണോ;

(സി)	സൂക്ഷ്മ സംരംഭക മേഖലയില്‍ കഴിഞ്ഞ രണ്ട് വര്‍ഷമായി കുടുംബശ്രീ നടത്തിയ ഇടപെടലുകള്‍ വിശദമാക്കാമോ;

(ഡി)	പ്രളയത്തെ തുടര്‍ന്ന് കുടുംബശ്രീ സൂക്ഷ്മ സംരംഭങ്ങള്‍ക്കുണ്ടായ നഷ്ടം വിലയിരുത്തിയിട്ടുണ്ടോ; ഇത് പരിഹരിക്കാന്‍ എന്ത് മാര്‍ഗ്ഗമാണ് ഉദ്ദേശിക്കുന്നത്?

പ്രളയാനന്തര പുനര്‍നിര്‍മ്മാണത്തില്‍ തദ്ദേശസ്വയംഭരണസ്ഥാപനങ്ങളുടെ പങ്ക്

*273.

ശ്രീ.കെ. ദാസന്‍
,, ആര്‍. രാജേഷ്
,, പി.കെ. ശശി
,, സി.കെ. ഹരീന്ദ്രന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	പ്രളയാനന്തര പുനര്‍നിര്‍മ്മാണത്തിന് തദ്ദേശസ്വയംഭരണ സ്ഥാപനങ്ങള്‍ വഹിക്കേണ്ട പങ്ക് വിലയിരുത്തിയിട്ടുണ്ടോ; പ്രാദേശികമായി ഉണ്ടാകുന്ന ദുരന്തങ്ങള്‍ നേരിടാന്‍ കഴിയും വിധം തദ്ദേശസ്വയംഭരണ സ്ഥാപനങ്ങളെ പ്രാപ‍്തരാക്കാന്‍ വേണ്ട പദ്ധതികള്‍ ആവിഷ‍്കരിക്കാന്‍ ഉദ്ദേശിക്കുന്നുണ്ടോ; വ്യക്തമാക്കാമോ;

(ബി)	പ്രളയാനന്തര പുനര്‍നിര്‍മ്മാണത്തിന് ദേശീയ ഗ്രാമീണ തൊഴിലുറപ്പു പദ്ധതിയെ എപ്രകാരം പ്രയോജനപ്പെടുത്താന്‍ സാധിക്കുമെന്ന് പരിശോധിച്ചിട്ടുണ്ടോ;

(സി)	സംസ്ഥാനത്തെ റോഡുകളുടെ അറുപത്തിമൂന്ന്ശതമാനവും തദ്ദേശസ്വയംഭരണ സ്ഥാപനങ്ങളുടെ നിയന്ത്രണത്തിലുള്ളവയായതിനാല്‍ പ്രളയവും അതിവര്‍ഷവും റോഡുകള്‍ക്കുണ്ടാക്കിയ വലിയ നാശനഷ‍്ടം പരിഹരിക്കുന്നതിന് പ്രത്യേക പദ്ധതി ആവിഷ‍്കരിച്ചിട്ടുണ്ടോ എന്നറിയിക്കാമോ?

പഴം,പച്ചക്കറികളുടെ ഉല്പാദനവും ലഭ്യതയും

*274.

ശ്രീമതി ഇ.എസ്.ബിജിമോള്‍
ശ്രീ.കെ. രാജന്‍
,, എല്‍ദോ എബ്രഹാം
ശ്രീമതി സി.കെ. ആശ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	വിവിധതരം പഴം,പച്ചക്കറികളുടെ ഉല്പാദനം സംബന്ധിച്ചിട്ടുള്ള ഉല്പാദന കലണ്ടര്‍ തയ്യാറാക്കുന്നുണ്ടോ; വിശദവിവരങ്ങള്‍ അറിയിക്കുമോ;

(ബി)	ജി.എ.പി(ഗുഡ് അഗ്രികൾച്ചറൽ പ്രാക്ടീസസ്) സര്‍ട്ടിഫിക്കേഷനോടുകൂടി ലഭ്യമാകുന്ന ഉല്പന്നങ്ങള്‍ സംബന്ധിച്ച വിവരങ്ങള്‍ അറിയിക്കുമോ; ഇത്തരം ഉല്പന്നങ്ങള്‍ കൃഷി വകുപ്പ് സംഭരിച്ച് വിതരണം ചെയ്യുന്നുണ്ടോ;

(സി)	പച്ചക്കറികളുടെ ആവശ്യകത ഏറി വരുന്ന വൃശ്ചികം, ധനു മാസങ്ങളില്‍ പച്ചക്കറിയുടെ ലഭ്യത കൂട്ടുന്നതിനും വിലനിലവാരം നിയന്ത്രിക്കുന്നതിനും സ്വീകരിക്കുന്ന നടപടികള്‍ വ്യക്തമാക്കുമോ;

(ഡി)	ഉത്സവ സീസണില്‍ മാര്‍ക്കറ്റുവില നിയന്ത്രിക്കുന്നതിന്റെ ഭാഗമായി സര്‍ക്കാര്‍ സ്വീകരിച്ചു വരുന്ന നടപടികള്‍ വിശദമാക്കുമോ;

(ഇ)	കര്‍ഷകര്‍ക്ക് മികച്ച വരുമാനം ഉറപ്പാക്കാനും ഉപഭോക്താക്കള്‍ക്ക് ന്യായവിലക്ക് പഴം,പച്ചക്കറി എന്നിവ ലഭ്യമാക്കുന്നതിനും സ്വീകരിക്കുന്ന വിപണി ഇടപെടലുകള്‍ എന്തൊക്കെയെന്ന് വ്യക്തമാക്കുമോ?

പ്രളയം കാര്‍ഷികമേഖലയില്‍ ഉണ്ടാക്കിയ പ്രത്യാഘാതങ്ങള്‍

*275.

ശ്രീ.പി.ജെ.ജോസഫ്
,, റോഷി അഗസ്റ്റിന്‍
,, മോന്‍സ്‌ ജോസഫ്
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	2018-ലെ പ്രളയം കാര്‍ഷികമേഖലയില്‍ ഉണ്ടാക്കിയിട്ടുള്ള പ്രത്യാഘാതങ്ങള്‍ എന്തെല്ലാമാണെന്ന് പരിശോധിച്ചിട്ടുണ്ടോ; വ്യക്തമാക്കുമോ;

(ബി)	ഉരുള്‍പൊട്ടലും ശക്തമായ ജലപ്രവാഹവും മൂലം മണ്ണിന്റെ ഘടനയ്ക്ക് എത്രത്തോളം മാറ്റമുണ്ടാകാന്‍ സാധ്യതയുണ്ടെന്ന് പരിശോധിച്ചിട്ടുണ്ടോ; വിശദമാക്കുമോ;

(സി)	കാര്‍ഷികമേഖലയില്‍ ഉണ്ടായിട്ടുള്ള ഈ സ്ഥിതിവിശേഷത്തില്‍ കര്‍ഷകരെ സഹായിക്കുന്നതിന് മണ്ണുപരിശോധന വിഭാഗത്തിന്റെയും കൃഷി വിജ്ഞാന വ്യാപന പ്രചരണ വിഭാഗത്തിന്റെയും സേവനം എത്രത്തോളം ഫലപ്രദമായി ലഭിക്കുന്നുണ്ടെന്ന് അറിയിക്കുമോ;

(ഡി)	പ്രളയാനന്തര കാര്‍ഷിക മേഖലയുടെ സമഗ്രമായ പുനരുദ്ധാരണ പ്രവര്‍ത്തനങ്ങള്‍ക്ക് കൃഷി വകുപ്പിന്റെ ബഹുമുഖ സംവിധാനങ്ങള്‍ സജ്ജമാണോ;വ്യക്തമാക്കുമോ;

(ഇ)	കൃഷി വകുപ്പിന്റെ പ്രവര്‍ത്തനം കാര്യക്ഷമമാക്കുന്നതിനുവേണ്ടി നിലവിലുള്ള ഒഴിവുകള്‍ സമയബന്ധിതമായി നികത്തുന്നതിനും സഞ്ചരിക്കുന്ന മണ്ണ് പരിശോധന വിഭാഗത്തിന്റെയും ഫാം ഇന്‍ഫര്‍മേഷന്‍ ബ്യൂറോയുടെയും പ്രവര്‍ത്തനം കാര്യക്ഷമമാക്കുന്നതിനും അടിയന്തര നടപടി സ്വീകരിക്കുമോ; വിശദാംശങ്ങള്‍ അറിയിക്കാമോ?

ജെെവ പച്ചക്കറികളിലെ കീടനാശിനിയുടെ അംശം

*276.

ശ്രീ.സണ്ണി ജോസഫ്
,, എം. വിന്‍സെന്റ്
,, ഹൈബി ഈഡന്‍
,, റോജി എം. ജോണ്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ സ്വകാര്യ ജെെവ പച്ചക്കറി കടകളില്‍ വില്‍ക്കുന്ന പച്ചക്കറികളില്‍ മാരകമായ കീടനാശിനികളുടെയും രാസവസ്തുക്കളുടെയും അംശം കേരള കാര്‍ഷിക സര്‍വകലാശാല നടത്തിയ പഠനത്തില്‍ കണ്ടെത്തിയിട്ടുണ്ടോ;

(ബി)	കേരളത്തില്‍ നിരോധിച്ച പ്രൊഫൈനോഫോസ് അടക്കമുള്ള മാരകമായ കീടനാശിനികള്‍ സ്വകാര്യ ജെെവ പച്ചക്കറി കടകളില്‍ വില്‍ക്കുന്ന പച്ചക്കറികളില്‍ കണ്ടെത്തിയ സാഹചര്യത്തില്‍ ഇത്തരം കടകള്‍ക്കെതിരെ നിയമ നടപടി സ്വീകരിച്ചിട്ടുണ്ടോ;

(സി)	സര്‍ക്കാരിന്റെ ഇക്കോ ഷോപ്പുകളില്‍ വില്‍ക്കുന്ന പച്ചക്കറികളില്‍ കീടനാശിനികളുടെയും രാസവസ്തുക്കളുടെയും അംശം കണ്ടെത്തിയിട്ടുണ്ടോ;

(ഡി)	കീടനാശിനിമുക്തമെന്ന പേരില്‍ അമിത വില ഈടാക്കുന്ന സ്വകാര്യ ജെെവ പച്ചക്കറി കടകളിലെ പച്ചക്കറികള്‍ കീടനാശിനിമുക്തമാണെന്ന് ഉറപ്പു വരുത്താന്‍ എന്താെക്കെ നടപടികളാണ് സര്‍ക്കാര്‍ സ്വീകരിക്കാന്‍ ഉദ്ദേശിക്കുന്നത്?

അന്താരാഷ്ട്ര കാര്‍ഷിക വികസനനിധിയുടെ സഹായത്താലുള്ള പദ്ധതികള്‍

*277.

ശ്രീ.പി.കെ.ബഷീര്‍
ഡോ.എം. കെ. മുനീര്‍
ശ്രീ.പാറക്കല്‍ അബ്ദുല്ല
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ഐക്യരാഷ്ട്ര സഭയുടെ കീഴിലുള്ള അന്താരാഷ്ട്ര കാര്‍ഷിക വികസനനിധിയുടെ സഹായത്തോടെ എന്തെങ്കിലും പദ്ധതി ആവിഷ‍്ക്കരിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ;

(ബി)	പ്രസ്തുത പദ്ധതിക്ക് കേന്ദ്രാനുമതി ലഭിച്ചിട്ടുണ്ടോ;

(സി)	പദ്ധതിയുടെ വിശദാംശം വ്യക്തമാക്കുമോ?

വിള ഇന്‍ഷുറന്‍സ്

*278.

ശ്രീ.മുല്ലക്കര രത്നാകരന്‍
,, ആര്‍. രാമചന്ദ്രന്‍
,, ജി.എസ്.ജയലാല്‍
,, വി.ആര്‍. സുനില്‍ കുമാര്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയക്കെടുതി ഉള്‍പ്പെടെയുള്ള പ്രകൃതിക്ഷോഭങ്ങള്‍ മൂലമുള്ള കൃഷി നഷ്ടങ്ങളില്‍ നിന്ന് കര്‍ഷകന് താങ്ങായി എന്തൊക്കെ സംവിധാനങ്ങളാണ് ഉള്ളതെന്ന് വിശദമാക്കുമോ;

(ബി)	പ്രളയക്കെടുതിയില്‍ കൃഷി നശിച്ചവര്‍ക്ക് സര്‍ക്കാര്‍ പ്രഖ്യാപിച്ച നഷ്ടപരിഹാരത്തിന് പുറമെ വിള ഇന്‍ഷുറന്‍സും ലഭ്യമാക്കുമോ; വ്യക്തമാക്കുമോ;

(സി)	പ്രളയക്കെടുതിയുടെ പശ്ചാത്തലത്തില്‍ വിള ഇന്‍ഷുറന്‍സിന്റെ അനിവാര്യത കര്‍ഷകര്‍ക്ക് ബോധ്യമായിട്ടുണ്ടോ; ഇല്ലെങ്കില്‍ വിള ഇന്‍ഷുറന്‍സിനെക്കുറിച്ച് വ്യാപകമായ ബോധവല്ക്കരണം നടത്തുമോ;

(ഡി)	വിള ഇന്‍ഷുറന്‍സ് എടുക്കുന്നതിന്റെ നടപടിക്രമങ്ങള്‍ വിശദമാക്കുമോ?

ഗ്രാമപഞ്ചായത്തുകളെ എെ.എസ്.ഒ.നിലവാരത്തിലേക്ക് ഉയര്‍ത്തല്‍

*279.

ശ്രീ.എം. രാജഗോപാലന്‍
,, എം. നൗഷാദ്
,, പി. ഉണ്ണി
,, പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	ഗ്രാമപഞ്ചായത്തുകളെ എെ.എസ്.ഒ. നിലവാരത്തിലേക്ക് ഉയര്‍ത്താനായി സ്വീകരിച്ച നടപടികള്‍ അറിയിക്കാമോ; എത്ര പ‍ഞ്ചായത്തുകള്‍ക്ക് എെ.എസ്.ഒ.അംഗീകാരം നേടാനായി എന്ന് വ്യക്തമാക്കാമോ;

(ബി)	ഗ്രാമപഞ്ചായത്തുകള്‍ പൂര്‍ണ്ണമായും കമ്പ്യൂട്ടര്‍വല്‍ക‍ൃതമായിട്ടുണ്ടോ; പദ്ധതി ആസൂത്രണ നിര്‍വഹണ പ്രവര്‍ത്തനം ഒാണ്‍ലൈന്‍ ആയിട്ടുണ്ടോ എന്നും ഇതുകൊണ്ട് കൈവരിക്കാന്‍ കഴിഞ്ഞ നേട്ടങ്ങളും അറിയിക്കാമോ;അഴിമതിയും കെടുകാര്യസ്ഥതയും ഇല്ലാതാക്കാനായിട്ടുണ്ടോ;വ്യക്തമാക്കുമോ;

(സി)	തദ്ദേശ സ്വയംഭരണ സ്ഥാപനങ്ങളുടെ നികുതി പിരിവ് കാര്യക്ഷമമാക്കുന്നതിന് വകുപ്പ് തലത്തില്‍ നടത്തി വരുന്ന ഇടപെടലുകള്‍ അറിയിക്കാമോ?

ഡിജിറ്റല്‍ ഫാം കമ്യൂണിറ്റി

*280.

ശ്രീ.പി.കെ.അബ്ദു റബ്ബ്
,, വി.കെ.ഇബ്രാഹിം കുഞ്ഞ്
,, മഞ്ഞളാംകുഴി അലി
,, പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കൃഷിയിലേക്കും അനുബന്ധ തൊഴില്‍ മേഖലകളിലേക്കും കൂടുതല്‍ പേരെ ആകര്‍ഷിക്കുന്നതിനായി നവമാധ്യമങ്ങള്‍ ഉപയോഗിക്കുന്നതിന് ഉദ്ദേശിക്കുന്നുണ്ടോ;

(ബി)	ഇതിനായി ഡിജിറ്റല്‍ ഫാം കമ്യൂണിറ്റിക്ക് രൂപം നല്‍കിയിട്ടുണ്ടോ;

(സി)	എങ്കില്‍ പ്രസ്തുത പദ്ധതിയുടെ വിശദാംശം വെളിപ്പെടുത്തുമോ?

ബിരുദ, ബിരുദാനന്തര കോഴ്സുകളുടെ പരിഷ്കരണവും അദ്ധ്യാപക നിയമനവും

*281.

ശ്രീ.വി. ജോയി
,, എ. എന്‍. ഷംസീര്‍
,, ആന്റണി ജോണ്‍
,, എം. മുകേഷ് : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ബിരുദ,ബിരുദാനന്തര കോഴ്സുകളും സിലബസും കാലാനുസൃതമായി പരിഷ്കരിക്കാനും എയ്ഡഡ് കോളേജുകളിലെയും സ്വയംഭരണ കോളേജുകളിലെയുമുള്‍പ്പെടെ അദ്ധ്യാപക നിയമനം സുതാര്യമായി നടക്കുന്നുവെന്ന് ഉറപ്പുവരുത്താനും നടപടിയെടുക്കാന്‍ ഉദ്ദേശിക്കുന്നുണ്ടോ;

(ബി)	സര്‍ക്കാര്‍ കോളേജുകളിലെയും സര്‍വ്വകലാശാലകളിലെയും അദ്ധ്യാപക ഒഴിവുകള്‍ നികത്താന്‍ നടപടി സ്വീകരിച്ചിട്ടുണ്ടോ എന്നറിയിക്കാമോ?

റോഡ് സുരക്ഷ ഉറപ്പാക്കുന്നതിനായി എന്‍ഫോഴ്സ്മെന്റ് സ്ക്വാഡുകള്‍

*282.

ശ്രീ.പുരുഷന്‍ കടലുണ്ടി
,, ഐ.ബി. സതീഷ്
,, യു. ആര്‍. പ്രദീപ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	റോഡ് സുരക്ഷ ഉറപ്പാക്കുന്നതിനായി പൂര്‍ണ സമയ എന്‍ഫോഴ്സ്മെന്റ് സ്ക്വാഡുകളെ നിയോഗിച്ചിട്ടുണ്ടോ;

(ബി)	കൂടുതല്‍ റോഡ് അപകടമരണങ്ങള്‍ നടക്കുന്നതായി നാറ്റ്പാക് കണ്ടെത്തിയിട്ടുള്ള ബ്ലാക്ക് സ്പോട്ടുകളില്‍ കേരള റോഡ് സുരക്ഷ അതോറിറ്റിയുടെ നേതൃത്വത്തില്‍ മോട്ടാേര്‍ വാഹന,പോലീസ്,പൊതുമരാമത്ത് വകുപ്പുകളുടെ പങ്കാളിത്തത്തോടെ പരിശോധനകള്‍ കൂടുതല്‍ കാര്യക്ഷമമാക്കാന്‍ നടപടി സ്വീകരിച്ചിട്ടുണ്ടോ;

(സി)	വാഹനങ്ങളുടെ അമിതവേഗം കണ്ടുപിടിക്കുന്നതിന് കൂടുതല്‍ അത്യാധുനിക ക്യാമറകള്‍ സ്ഥാപിക്കാന്‍ തീരുമാനിച്ചിട്ടുണ്ടോ;

(ഡി)	അമിതവേഗം,ഡ്രെെവിംഗിനിടെ മൊബെെല്‍ ഫോണ്‍ ഉപയോഗം,ചരക്കുവാഹനങ്ങളിലെ അമിതഭാരം തുടങ്ങിയ ഗതാഗത നിയമലംഘനങ്ങള്‍ക്കെതിരെ കര്‍ശന നടപടികള്‍ സ്വീകരിക്കുമോ?

കെ.എസ്.ആര്‍.ടി.സിയുടെ ട്രാവല്‍ കാര്‍ഡുകള്‍

*283.

ശ്രീ.പി.കെ. ശശി
,, എ.എം. ആരിഫ്
,, ജോണ്‍ ഫെര്‍ണാണ്ടസ്
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	യാത്രക്കാരെ കെ.എസ്.ആര്‍.ടി.സി.ബസുകളിലേക്ക് കൂടുതലായി ആകര്‍ഷിക്കുന്നതിനും യാത്രക്കാർക്ക് സുഖകരമായ യാത്ര പ്രദാനം ചെയ്യുന്നതിനും എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	യാത്രക്കാരുടെ സൗകര്യത്തിനായി നടപ്പിലാക്കിയ പ്രീമിയം, ഗോള്‍ഡ്,സില്‍വര്‍, ബ്രോണ്‍സ് ട്രാവല്‍ കാര്‍ഡുകള്‍ നിലവില്‍ പിന്‍വലിച്ചിട്ടുണ്ടോ; എങ്കില്‍ അതിനുള്ള കാരണം അറിയിക്കുമോ;

(സി)	ദീര്‍ഘദൂര യാത്രക്കാര്‍ക്ക് വളരെയധികം സൗകര്യപ്രദമായിരുന്ന പ്രസ്തുത ട്രാവല്‍ കാര്‍‍ഡുകള്‍ ആനുകാലികമായ തുക ഈടാക്കി പുനഃസ്ഥാപിക്കാന്‍ സാധിക്കുമോയെന്ന് പരിശോധിക്കുമോ?

സുസ്ഥിര വികസനത്തിനുതകുന്ന കൃഷിരീതികള്‍

*284.

ശ്രീ.എസ്.ശർമ്മ
,, എസ്.രാജേന്ദ്രന്‍
,, ജോര്‍ജ് എം. തോമസ്
,, കെ.കുഞ്ഞിരാമന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പ്രളയപാഠത്തിന്റെ അടിസ്ഥാനത്തില്‍ കാര്‍ഷിക ആവാസവ്യവസ്ഥ സംരക്ഷിച്ച് സുസ്ഥിര വികസനത്തിനുതകുന്ന കൃഷിരീതി വ്യാപകമാക്കാന്‍ ഉള്ള പദ്ധതികള്‍ എന്തെല്ലാമാണെന്ന് വ്യക്തമാക്കുമോ;

(ബി)	ജൈവരീതിയിലുള്ള കൃഷി പ്രോത്സാഹിപ്പിക്കുന്നതിനായുള്ള പദ്ധതികള്‍ എന്തെല്ലാമാണ്;

(സി)	ജൈവോല്പന്നങ്ങള്‍ക്കായി പ്രത്യേക ബ്രാന്‍ഡ് രൂപീകരിച്ചിട്ടുണ്ടോ; ഇത്തരം ഉല്പന്നങ്ങളുടെ വിപണനത്തിനായി പ്രത്യേക സംവിധാനം ഏര്‍പ്പെടുത്തിയിട്ടുണ്ടോ;

(ഡി)	പ്രാദേശിക പ്രാധാന്യമുള്ള വിളകളുടെ വികസനത്തിനായി ചെയ്തു വരുന്ന പ്രവര്‍ത്തനങ്ങള്‍ അറിയിക്കാമോ; ഇടുക്കി ജില്ലയെ ജൈവ കാര്‍ഷിക ഹബ്ബാക്കാന്‍ ഉദ്ദേശിക്കുന്നുണ്ടോയെന്ന് വ്യക്തമാക്കുമോ?

ദേശീയ റബ്ബര്‍ നയം

*285.

ശ്രീമതി.പി. അയിഷാ പോറ്റി
ശ്രീ.ഡി.കെ. മുരളി
,, ആന്റണി ജോണ്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ റബ്ബര്‍ നയം വെറും പ്രഖ്യാപനത്തില്‍ മാത്രം ഒതുങ്ങി നില്‍ക്കുന്ന സാഹചര്യത്തില്‍ സംസ്ഥാനത്തെ റബ്ബര്‍ കര്‍ഷകര്‍ നേരിടുന്ന പ്രതിസന്ധികള്‍ പരിഹരിക്കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)	അനിയന്ത്രിതമായ ഇറക്കുമതിമൂലം റബ്ബറിന്റെ വിലയിലുണ്ടായ തകര്‍ച്ച ആഭ്യന്തര ഉല്പാദനത്തെ പ്രതികൂലമായി ബാധിച്ചിട്ടുണ്ടോ;വിശദാംശം ന്ല‍കുമോ;

(സി)	ഇപ്രകാരമുള്ള പ്രതികൂല സാഹചര്യത്തിലും റബ്ബര്‍ വില സ്ഥിരതാ പദ്ധതി ആനുകൂല്യങ്ങള്‍ കര്‍ഷകര്‍ക്ക് നല്‍കുന്നതിന് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

സ്കൂള്‍ വാഹനങ്ങളുടെ ഡ്രൈവർമാർ

*286.

ശ്രീ.കെ.എം.ഷാജി
,, എം.ഉമ്മര്‍
,, ടി.എ.അഹമ്മദ് കബീര്‍
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്കൂള്‍ വാഹനങ്ങളുടെ ഡ്രൈവർമാരുടെ കാര്യത്തില്‍ എന്തെങ്കിലും മാനദണ്ഡങ്ങള്‍ നടപ്പിലാക്കിയിട്ടുണ്ടോ;വിശദമാക്കാമോ;

(ബി)	10.05.2012-ലെ സ.ഉ.(പി) 25/12/ഗതാ നമ്പര്‍ വിജ്ഞാപന പ്രകാരമുള്ള മാനദണ്ഡങ്ങള്‍ പാലിച്ചിട്ടാണോ ഡ്രൈവര്‍മാരെ നിയമിച്ചിട്ടുള്ളത് എന്ന് പരിശോധിക്കാന്‍ നിലവില്‍ എന്തെല്ലാം സംവിധാനങ്ങളാണുള്ളത്; ഇത് പരിശോധനാവിധേയമാക്കിയിട്ടുണ്ടോ ;

(സി)	ഈ അദ്ധ്യയന വര്‍ഷം പ്രസ്തുത മാനദണ്ഡങ്ങള്‍ പാലിക്കാത്ത ഡ്രൈവര്‍മാര്‍ക്കെതിരെ കേസെടുത്ത് നടപടികള്‍ സ്വീകരിച്ചിട്ടുണ്ടോ എന്നറിയിക്കാമോ?

പ്രളയത്തില്‍ വിള നശിച്ചവര്‍ക്ക് കാലാവസ്ഥ വ്യതിയാന ഇന്‍ഷുറന്‍സ്

*287.

ശ്രീ.തിരുവഞ്ചൂര്‍ രാധാകൃഷ്ണന്‍
,, വി.ഡി.സതീശന്‍
,, കെ.മുരളീധരന്‍
,, സണ്ണി ജോസഫ് : താഴെ കാണുന്ന ചോദ്യത്തിന് കൃഷി വകുപ്പുമന്ത്രി സദയം മറുപടി നല്‍കുമോ:

പ്രളയത്തില്‍ വിളനശിച്ചവര്‍ക്ക് കാലാവസ്ഥ വ്യതിയാന ഇന്‍ഷുറന്‍സ് ലഭിക്കാത്ത സാഹചര്യത്തില്‍ ഇന്‍ഷുറന്‍സിന്റെ മാനദണ്ഡങ്ങള്‍ തയ്യാറാക്കുമ്പോള്‍ സംസ്ഥാന കൃഷിവകുപ്പിന്റെ സാങ്കേതിക സമിതിയുടെ പിഴവ് പരിഹരിച്ചു് കര്‍ഷകര്‍ക്ക് ഇന്‍ഷുറന്‍സ് ലഭ്യമാക്കാന്‍ കേന്ദ്ര സര്‍ക്കാരുമായി ചര്‍ച്ച നടത്തിയിരുന്നോ; വിശദാംശങ്ങള്‍ നല്‍കാമോ?

കാര്‍ഷിക മേഖലയുടെ ഉന്നമനത്തിനായുള്ള നടപടികള്‍

*288.

ശ്രീ.ജെയിംസ് മാത്യു
,, മുരളി പെരുനെല്ലി
,, കെ.ഡി. പ്രസേനന്‍
,, ഐ.ബി. സതീഷ് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് തൊഴിലില്ലായ്മ ഗണ്യമായ തോതില്‍ നിലനില്‍ക്കുമ്പോഴും കാലാവസ്ഥയിലെയും വിലയിലെയും അനിശ്ചിതാവസ്ഥ കാര്‍ഷികവൃത്തി മുഖ്യജീവനോപാധിയായി സ്വീകരിക്കുന്നതില്‍ നിന്നും യുവജനതയെ പിന്തിരിപ്പിക്കുന്ന സ്ഥിതി പരിഹരിക്കാനായി പദ്ധതി ഉണ്ടോ;

(ബി)	ആധുനിക സാങ്കേതികവിദ്യയുടെ പിന്തുണയോടെയുള്ള ഹൈടെക്ക് കൃഷി രീതി വ്യാപകമാക്കാന്‍ പദ്ധതിയുണ്ടോ; ഇതിനായി വേണ്ടി വരുന്ന വലിയതോതിലുള്ള മൂലധനം വായ്പയായി ലഭ്യമാക്കുന്നുണ്ടോ;

(സി)	യന്ത്രവല്‍ക്കരണത്തിലൂടെ ഉല്പാദന വര്‍ദ്ധനവ് ലക്ഷ്യമാക്കുന്ന കേരള കാര്‍ഷിക യന്ത്രവല്‍ക്കരണ മിഷന്റെ പ്രവര്‍ത്തനം ഫലപ്രദമായി നടക്കുന്നുണ്ടോ; വിശദാംശം ലഭ്യമാക്കാമോ;

(ഡി)	വിപണിയില്‍ കര്‍ഷകരും ഉപഭോക്താക്കളും ഒരുപോലെ ചൂഷണം ചെയ്യപ്പെടുന്ന സ്ഥിതി പരിഹരിക്കാനായി വിപണിയിടപെടല്‍ കാര്യക്ഷമമാക്കാന്‍ സ്വീകരിക്കാനുദ്ദേശിക്കുന്ന നടപടികള്‍ എന്തെല്ലാമാണെന്ന് അറിയിക്കുമോ?

മൂല്യവര്‍ദ്ധിത ഉല്‍പന്നങ്ങള്‍ക്ക് രാജ്യാന്തര വിപണി

*289.

ശ്രീ.എം.ഉമ്മര്‍
,, കെ.എന്‍.എ ഖാദര്‍
,, പാറക്കല്‍ അബ്ദുല്ല
,, അബ്ദുല്‍ ഹമീദ് പി. : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കാര്‍ഷിക വിഭവങ്ങളില്‍ നിന്നും മൂല്യവര്‍ദ്ധിത ഉല്‍പന്നങ്ങള്‍ ഉണ്ടാക്കുന്നതിനുളള എന്തെങ്കിലും പദ്ധതി സര്‍ക്കാര്‍ ആവിഷ്ക്കരിച്ചിട്ടുണ്ടോ;

(ബി)	ഏതെല്ലാം കാര്‍ഷിക വിഭവങ്ങളില്‍ നിന്നാണ് മൂല്യവര്‍ദ്ധിത ഉല്‍പന്നങ്ങള്‍ ഉണ്ടാക്കുവാന്‍ ഉദ്ദേശിക്കുന്നത്;

(സി)	ഇവയ്ക്ക് രാജ്യാന്തര വിപണി കണ്ടെത്താന്‍ നടപടി സ്വീകരിക്കുമോ;വിശദാംശം വ്യക്തമാക്കുമോ?

റോഡ് അപകടങ്ങൾ കുറയ്ക്കന്നതിനുള്ള നടപടികൾ

*290.

ശ്രീ.അന്‍വര്‍ സാദത്ത്
,, വി.ടി.ബല്‍റാം
,, റോജി എം. ജോണ്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്തെ റോഡുകളിലെ ബ്ലൈന്‍ഡ് സ്പോട്ടുകളില്‍ അപകടങ്ങള്‍ ഒഴിവാക്കാന്‍ എന്തൊക്കെ നടപടികളാണ് സ്വീകരിച്ചിരിക്കുന്നത്;

(ബി)	റോഡുകളിലെ ഡിവൈഡറില്‍ ഇടിച്ചുണ്ടാകുന്ന അപകടങ്ങള്‍ കൂടുന്നത് തടയാന്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കാമോ;

(സി)	അപകടം കൂടുതലായ ഡിവൈഡറുകള്‍ കണ്ടെത്തി അവിടങ്ങളില്‍ അപകടങ്ങള്‍ ഒഴിവാക്കാന്‍ നടപടികള്‍ സ്വീകരിക്കുമോ എന്നറിയിക്കാമോ?

സ്കൂള്‍ വാഹനങ്ങളുടെ ഫിറ്റ്‍നസ് പരിശോധന

*291.

ശ്രീ.എസ്.രാജേന്ദ്രന്‍
,, റ്റി.വി.രാജേഷ്
,, എം. രാജഗോപാലന്‍
ശ്രീമതി യു. പ്രതിഭ : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സ്കൂള്‍ വാഹനങ്ങളുടെ ഫിറ്റ്നസ് പരിശോധന കാര്യക്ഷമമാക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളത്;

(ബി)	അമിത വേഗതയും അശ്രദ്ധമായ ഡ്രൈവിംഗും മൂലം സ്കൂള്‍ വാനുകള്‍ അപകടത്തില്‍പ്പെട്ട് കുരുന്നു ജീവനുകള്‍ പൊലിയുന്ന സംഭവങ്ങളുടെ പശ്ചാത്തലത്തില്‍ ഇത്തരം വാഹനങ്ങളുടെ ഡ്രൈവര്‍മാര്‍ക്ക് ആവശ്യമായ ബോധവത്കരണം നല്‍കുന്നതിന് എന്തെല്ലാം നടപടികള്‍ സ്വീകരിക്കാന്‍ സാധിക്കുമെന്ന് വ്യക്തമാക്കാമോ;

(സി)	നിയമലംഘനം നടത്തുന്ന ഡ്രൈവര്‍മാരുടെ ലൈസന്‍സ് റദ്ദാക്കുന്നതുള്‍പ്പെടെയുള്ള കര്‍ശന ശിക്ഷാ നടപടികള്‍ സ്വീകരിക്കാന്‍ നിര്‍ദ്ദേശം നല്‍കുമോ;

(ഡി)	സ്കൂള്‍ ബസുകളുടെ വേഗം, യാത്രാപഥം എന്നിവയെല്ലാം നിരീക്ഷിക്കുന്നതിനായി സ്കൂള്‍ ബസുകളില്‍ ജി.പി.എസ് സംവിധാനം ഘടിപ്പിക്കുന്നതിനുള്ള പദ്ധതി ആരംഭിച്ചിട്ടുണ്ടോ; വിശദാംശം നല്‍കുമോ?

ലെെഫ് പദ്ധതി

*292.

ശ്രീ.കെ.ജെ. മാക്സി
,, ബി.ഡി. ദേവസ്സി
,, കെ. ബാബു
,, കെ. ആന്‍സലന്‍ : താഴെ കാണുന്ന ചോദ്യങ്ങള്‍ക്ക് തദ്ദേശസ്വയംഭരണ വകുപ്പുമന്ത്രി സദയം മറുപടി നല്‍കുമോ:

(എ)	മൂന്ന് വര്‍ഷത്തിനുള്ളില്‍ ഭവനരഹിതരില്ലാത്ത മാതൃകാസംസ്ഥാനമാക്കിത്തീര്‍ക്കുകയെന്ന ലക്ഷ്യത്തോടെ നടപ്പിലാക്കിവരുന്ന ലെെഫ് പദ്ധതിയുടെ പുരോഗതി അറിയിക്കാമോ; അതിവര്‍ഷവും പ്രളയവും ഈ പദ്ധതിയെ പ്രതികൂലമായി ബാധിച്ചിട്ടുണ്ടോ;

(ബി)	അര്‍ഹരായ ഗുണഭോക്താക്കളെ കണ്ടെത്താന്‍ സ്വീകരിച്ച മാനദണ്ഡവും മാര്‍ഗ്ഗവും അറിയിക്കാമോ; നിലവില്‍ എത്ര പേരാണ് അര്‍ഹതയുള്ളവരായി കണ്ടെത്തിയിരിക്കുന്നത്;

(സി)	പ്രധാനമന്ത്രിയുടെ ഭവന പദ്ധതിയില്‍ ഗുണഭോക്താക്കളായവര്‍ക്കും ഭവന നിര്‍മ്മാണം പാതിവഴിയിലായവര്‍ക്കും ലെെഫ് പദ്ധതി പ്രകാരം ബാക്കി തുക നല്‍കുന്നുണ്ടോ;

(ഡി)	വീട് നിര്‍മ്മാണത്തിനും നിര്‍മ്മാണ സാമഗ്രികള്‍ നല്‍കുന്നതിനും കുടുംബശ്രീ നടത്തുന്ന പ്രവര്‍ത്തനങ്ങള്‍ വിശദമാക്കാമോ?

പച്ചക്കറി കൃഷിയില്‍ സ്വയംപര്യാപ്തത

*293.

ശ്രീമതി.വീണാ ജോര്‍ജ്ജ്
ശ്രീ.റ്റി.വി.രാജേഷ്
,, യു. ആര്‍. പ്രദീപ്
,, ഒ. ആര്‍. കേളു : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	പച്ചക്കറി മേഖലയില്‍ സ്വയംപര്യാപ്തത നേടാനായി ആവിഷ്ക്കരിച്ച പദ്ധതി രണ്ടു വര്‍ഷം കൊണ്ടുണ്ടാക്കിയ നേട്ടം അറിയിക്കാമോ;

(ബി)	വാണിജ്യാടിസ്ഥാനത്തിലുള്ള കൃഷിയും സ്വന്തം ആവശ്യത്തിനായുള്ള കൃഷിയും പ്രോത്സാഹിപ്പിക്കാന്‍ നടത്തിയ പ്രവര്‍ത്തനം വിശദമാക്കാമോ;

(സി)	പ്രളയം തകര്‍ത്ത പച്ചക്കറി,പഴം കൃഷി പുനരുജ്ജീവിപ്പിക്കുന്നതിന് വി.എഫ്.പി.സി.കെ. ഉള്‍പ്പെടെയുള്ള വിവിധ ഏജന്‍സികള്‍ നടത്തിവരുന്ന ഇടപെടലുകള്‍ അറിയിക്കാമോ;

(ഡി)	പുനര്‍ജനി പദ്ധതിയുടെ വിശദാംശം നല്‍കാമോ;

(ഇ)	വിള ഇന്‍ഷുറന്‍സ് പദ്ധതി പ്രകാരം വിളനാശത്തിന് ലഭിക്കുന്ന നഷ്ടപരിഹാരത്തിന്റെ വിശദാംശം നല്‍കുമോ; ഈ പദ്ധതിയില്‍ കേന്ദ്രസര്‍ക്കാര്‍ വിഹിതം എത്രയാണെന്ന് വ്യക്തമാക്കുമോ?

കെ.എസ്.ആര്‍.ടി.സി.ക്ക് സാമ്പത്തിക സഹായം

*294.

ശ്രീ.പി.ഉബൈദുള്ള
പ്രൊഫ.ആബിദ് ഹുസൈന്‍ തങ്ങള്‍
ശ്രീ.സി.മമ്മൂട്ടി
,, ടി. വി. ഇബ്രാഹിം : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.ടി.സി.ക്ക് സര്‍ക്കാര്‍ നല്‍കുന്ന സാമ്പത്തിക സഹായം നിര്‍ത്തിവച്ചതായി അറിയിച്ചിട്ടുണ്ടോ;

(ബി)	എങ്കില്‍ സാമ്പത്തിക സഹായം നിര്‍ത്തിവയ്ക്കാന്‍ ഇടയായ സാഹചര്യം വിശദീകരിക്കുമോ;

(സി)	സാമ്പത്തിക പ്രതിസന്ധിയില്‍ നിന്നും കരകയറുന്നതിനായി കെ.എസ്.ആര്‍.ടി.സി. ഏതെങ്കിലും നിര്‍ദ്ദേശം സര്‍ക്കാരിന് സമര്‍പ്പിച്ചിട്ടുണ്ടോ; എങ്കില്‍ അതിന്മേല്‍ എന്ത് നടപടി സ്വീകരിച്ചു എന്ന് വ്യക്തമാക്കുമോ?

യൂറിയ ക്ഷാമം

*295.

ശ്രീ.വി.ടി.ബല്‍റാം
,, പി.ടി. തോമസ്
,, ഷാഫി പറമ്പില്‍
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ യൂറിയ ക്ഷാമം കാരണം നെല്‍കര്‍ഷകര്‍ ദുരിതത്തിലായിരിക്കുന്നത് ശ്രദ്ധയില്‍പെട്ടിട്ടുണ്ടോ;

(ബി)	സംസ്ഥാനത്ത്ഓരോ ജില്ലയ്ക്കും ആവശ്യമായ യൂറിയയുടെ അളവ് കേന്ദ്രസര്‍ക്കാരിനെ അറിയിച്ചിട്ടുണ്ടോ;വിശദമാക്കുമോ;

(സി)	പ്രളയത്തില്‍ വ്യാപകമായ നാശനഷ്ടം സംഭവിച്ചിട്ടുള്ള കാര്‍ഷിക മേഖലയ്ക്ക് യൂറിയ ക്ഷാമവും രാസവളത്തിന്റെ വിലവര്‍ദ്ധനവും സൃഷ്ടിച്ചിരിക്കുന്ന പ്രതിസന്ധി പരിഹരിക്കാന്‍ കൃഷി വകുപ്പിന്റെ ഇടപെടല്‍ എന്തൊക്കെയാണെന്നറിയിക്കുമോ?

ഉന്നത വിദ്യാഭ്യാസ മേഖലയില്‍ സമഗ്ര മാറ്റമുണ്ടാക്കുന്നതിന് പദ്ധതി

*296.

ശ്രീ.കെ.വി.അബ്ദുള്‍ ഖാദര്‍
,, എം. സ്വരാജ്
,, രാജു എബ്രഹാം
,, എന്‍. വിജയന്‍ പിള്ള : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	പൊതുവിദ്യാഭ്യാസ രംഗത്ത് കെെവരിക്കാനായ അഭിമാനാര്‍ഹമായ നേട്ടം ഉന്നത വിദ്യാഭ്യാസ മേഖലയിലേക്ക് സംക്രമിപ്പിക്കാനായി ഉന്നത വിദ്യാഭ്യാസ രംഗത്ത് സമഗ്ര മാറ്റം ഉദ്ദേശിക്കുന്നുണ്ടോ; വിശദാംശം നല്‍കുമോ;

(ബി)	എല്ലാ സ്ഥാപനങ്ങള്‍ക്കും നാക് അല്ലെങ്കില്‍ സാക് അക്രഡിറ്റേഷന്‍ അര്‍ഹത നേടും വിധം സ്ഥാപന നിലവാരമുയര്‍ത്താനായി പദ്ധതിയുണ്ടോ എന്ന് വ്യക്തമാക്കാമോ;

(സി)	അധ്യാപകരുടെ നെെപുണ്യശേഷി ഉയര്‍ത്തുന്നതിനും കാലാനുസൃതമായി നവീകരിക്കുന്നതിനും പദ്ധതിയുണ്ടോ ;

(ഡി)	വിദ്യാര്‍ത്ഥികളുടെ നവീന ആശയങ്ങള്‍ സമ്പുഷ്ടമാക്കുന്നതിനും ആശയവിനിമയത്തില്‍ ഉള്‍പ്പെടെ അവരുടെ കഴിവ് വര്‍ദ്ധിപ്പിക്കുന്നതിനും ഉതകുന്ന രീതിയില്‍ പഠന സമ്പ്രദായം പരിഷ്കരിക്കാന്‍ ഉദ്ദേശിക്കുന്നുണ്ടോ എന്നറിയിക്കാമോ?

കര്‍ഷക ആത്മഹത്യകള്‍

*297.

ശ്രീ.എല്‍ദോസ് പി. കുന്നപ്പിള്ളില്‍
,, വി.ഡി.സതീശന്‍
,, വി.പി.സജീന്ദ്രന്‍
,, ഐ.സി.ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കര്‍ഷക ആത്മഹത്യകള്‍ പെരുകുന്നത് ശ്രദ്ധയില്‍പ്പെട്ടിട്ടുണ്ടോ; പ്രളയത്തിന്റെ പശ്ചാത്തലത്തില്‍ വ്യാപകമായ കൃഷിനാശംം കര്‍ഷക ആത്മഹത്യകളുടെ വര്‍ദ്ധനവിന് കാരണമായിട്ടുണ്ടോ;

(ബി)	കഴിഞ്ഞ മൂന്ന് മാസത്തിനകത്ത് നിരവധി കര്‍ഷകര്‍ കടക്കെണി കാരണം ആത്മഹത്യ ചെയ്യുകയുണ്ടായിട്ടും സര്‍ക്കാര്‍ ക്രിയാത്മകമായ ഇടപെടല്‍ നടത്തുന്നില്ലെന്ന ആക്ഷേപം ശ്രദ്ധയില്‍പ്പെട്ടിട്ടുണ്ടോ ;

(സി)	കാര്‍ഷിക ലോണുകള്‍ എഴുതിത്തളളാന്‍ സര്‍ക്കാര്‍ മുന്‍കെെയെടുക്കുമോ?

റബ്ബര്‍ കര്‍ഷകര്‍ക്കായുള്ള ആശ്വാസനടപടികള്‍

*298.

ശ്രീ.കെ.എസ്.ശബരീനാഥന്‍
,, പി.ടി. തോമസ്
,, കെ.സി.ജോസഫ്
,, കെ.മുരളീധരന്‍ : താഴെ കാണുന്ന ചോദ്യങ്ങള്‍ക്ക് കൃഷി വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ റബ്ബര്‍ കര്‍ഷകരെ ദുരിതത്തിലാഴ്ത്തുന്ന കേന്ദ്ര സ്ര‍ക്കാരിന്റെ തെറ്റായ നയങ്ങള്‍ക്കെതിരെ സംസ്ഥാന സര്‍ക്കാര്‍ എന്തൊക്കെ ഇടപെടലുകളാണ് നടത്തിയിരിക്കുന്നതെന്ന് വ്യക്തമാക്കുമോ ;

(ബി)	റബ്ബറിന്റെ അനിയന്ത്രിത ഇറക്കുമതിയും വിലയിടിവും കാരണം ബുദ്ധിമുട്ടിലായ റബ്ബര്‍ കര്‍ഷകര്‍ക്ക് എന്തൊക്കെ ആശ്വാസ നടപടികള്‍ സ്വീകരിക്കാനാണ് ഉദ്ദേശിക്കുന്നത്;

(സി)	വടക്കു കിഴക്കന്‍ സംസ്ഥാനങ്ങളില്‍ റബ്ബറിനെ പ്രോത്സാഹിപ്പിച്ചുകൊണ്ട് കേരളത്തിലെ റബ്ബര്‍ കര്‍ഷകരെ തളര്‍ത്താനുള്ള കേന്ദ്ര സര്‍ക്കാര്‍ നീക്കം തടയാന്‍ എന്തൊക്കെ നടപടികളാണ് സ്വീകരിച്ചിരിക്കുന്നതെന്ന് വ്യക്തമാക്കുമോ ?

പൊതുഗതാഗത സംവിധാനത്തിന്റെ കാര്യക്ഷമത

*299.

ശ്രീ.വി. അബ്ദുറഹിമാന്‍
,, എസ്.ശർമ്മ
,, ബി.സത്യന്‍
,, എം. സ്വരാജ് : താഴെ കാണുന്ന ചോദ്യങ്ങള്‍ക്ക് ഗതാഗത വകുപ്പ് മന്ത്രി സദയം മറുപടി നല്‍കുമോ:

(എ)	പൊതുഗതാഗത സംവിധാനത്തിന്റെ കാര്യക്ഷമതക്കുറവുകൊണ്ടും സാമ്പത്തിക സ്ഥിതിയിലുണ്ടാകുന്ന പുരോഗതികൊണ്ടും സഞ്ചാരത്തിന് സ്വകാര്യ വാഹനങ്ങളുടെ ഉപയോഗം വലിയ തോതില്‍ വര്‍ദ്ധിക്കുന്നത് അപകടം വളരെ വര്‍ദ്ധിക്കുന്നതിനും അന്തരീക്ഷ മലിനീകരണത്തിനും കാരണമാകുന്നതിനാല്‍ പൊതുഗതാഗത സംവിധാനം കാര്യക്ഷമമാക്കാന്‍ പദ്ധതിയുണ്ടോ;

(ബി)	നഗരങ്ങളില്‍ ഇലക്ട്രിക് ഓട്ടോറിക്ഷകള്‍ക്ക് മാത്രം അനുമതി നല്‍കാന്‍ ഉദ്ദേശിക്കുന്നുണ്ടോ; ഇലക്ട്രിക് വാഹന പദ്ധതിയുടെ വിശദാംശം അറിയിക്കാമോ?

മൗലാന ആസാദ് നാഷണല്‍ ഫെലോഷിപ്പ്

*300.

ശ്രീ.പാറക്കല്‍ അബ്ദുല്ല : താഴെ കാണുന്ന ചോദ്യങ്ങള്‍ക്ക് ഉന്നതവിദ്യാഭ്യാസവും ന്യൂനപക്ഷക്ഷേമവും വഖഫ് ഹജ്ജ് തീര്‍ത്ഥാടനവും വകുപ്പുമന്ത്രി സദയം മറുപടി നല്‍കുമോ:

(എ)	ന്യൂനപക്ഷ പിന്നോക്ക വിഭാഗത്തില്‍പെട്ട വിദ്യാര്‍ത്ഥികളുടെ ഉന്നതവിദ്യാഭ്യാസത്തിനായി അനുവദിച്ച മൗലാന ആസാദ് നാഷണല്‍ ഫെലോഷിപ്പ് കഴിഞ്ഞ രണ്ട് വര്‍ഷമായി സംസ്ഥാനത്തെ അര്‍ഹരായ കുട്ടികള്‍ക്ക് ലഭിക്കാത്ത സാഹചര്യമുണ്ടോ;

(ബി)	ഇത് സംബന്ധമായ വിജ്ഞാപനം യു.ജി.സി.യും ബന്ധപ്പെട്ട മന്ത്രാലയവും ഇനിയും ഇറക്കാത്ത സാഹചര്യം ശ്രദ്ധയില്‍പ്പെട്ടിട്ടുണ്ടോ;

(സി)	എങ്കില്‍ വിജ്ഞാപനം ഇറക്കാത്തത് സംബന്ധിച്ച കാര്യങ്ങള്‍ ആരായുകയുണ്ടായോ; സംസ്ഥാനത്ത് എത്ര കുട്ടികള്‍ക്കാണ് നിലവില്‍ ഇത് കാരണം ആനുകൂല്യം നഷ്ടപ്പെടുക എന്ന് അറിയിക്കാമോ;

(ഡി)	ആനുകൂല്യം പുനഃസ്ഥാപിച്ച് കിട്ടാൻ സംസ്ഥാന സര്‍ക്കാര്‍ ഇതിനോടകം നടത്തിയ ശ്രമങ്ങള്‍ എന്തൊക്കെയാണ്; ആനുകൂല്യങ്ങള്‍ എന്നത്തേക്ക് പുന:സ്ഥാപിക്കാനാകും;വിശദാംശങ്ങള്‍ നല്‍കുമോ?


	അടിയന്തിര ചോദ്യം - 1 – തിരുവനന്തപുരം വിമാനത്താവളത്തിന്റെ സ്വകാര്യവല്‍ക്കരണം

Website maintained by Information System Section, Kerala Legislative Assembly, Thiruvananthapuram.