Questions

എന്‍.ആര്‍.എച്ച്.എം. പദ്ധതിക്കായുള്ള കേന്ദ്ര സഹായം

ശ്രീ. കെ. മുഹമ്മദുണ്ണി ഹാജി

(എ)എന്‍.ആര്‍.എച്ച്.എം. പദ്ധതിക്കായുള്ള കേന്ദ്ര സഹായം എന്നുവരെ ലഭിക്കുമെന്ന് വ്യക്തമാക്കുമോ;

(ബി)പദ്ധതിയിന്‍ കീഴില്‍ തുടങ്ങിയ അലോപ്പതി, ആയൂര്‍വേദ, ഹോമിയോ, യൂനാനി ഡിസ്പെന്‍ സറികള്‍ എന്‍.ആര്‍.എച്ച്.എം. പദ്ധതിയുടെ കാലശേഷവും തുടര്‍ന്നുകൊണ്ടു പോകുവാന്‍ എന്തെങ്കിലും പദ്ധതികളാവിഷ്ക്കരിച്ചിട്ടുണ്ടോ; ഇല്ലെങ്കില്‍ അതിന് നടപടി സ്വീകരിക്കുമോ ?

എന്‍.ആര്‍.എച്ച്.എം. നുവേണ്ടി തസ്തികകള്‍

ശ്രീ. കെ. വി. അബ്ദുള്‍ ഖാദര്‍

(എ)എന്‍.ആര്‍.എച്ച്.എം.നുു വേണ്ടി വഴി ഏതെല്ലാം തസ്തികകളാണ് സംസ്ഥാനത്ത് അനുവദിച്ചിട്ടുളളത് ;

(ബി)ഈ തസ്തികകളിലെ ജീവനക്കാര്‍ക്ക് നല്‍കുന്ന ശമ്പളം എത്രയെന്ന് വ്യക്തമാക്കാമോ ;

(സി)എന്‍.ആര്‍.എച്ച്.എം. വഴി നിയമിതരായ ഫാര്‍മസിസ്റുകള്‍ രാത്രി ഉള്‍പ്പെടെ 3 ഷിഫ്റ്റില്‍ ജോലിനോക്കുന്നവര്‍ക്ക് മിനിമം അടിസ്ഥാന ശമ്പളമെങ്കിലും നല്‍കുന്നതിനുള്ള നടപടി സ്വീകരിക്കുമോ ?

എന്‍.ആര്‍.എച്ച്.എം.വഴി നിയമിതരാകുന്ന ഫാര്‍മസിസ്റുകള്‍

ശ്രീ. പി.സി. ജോര്‍ജ്

(എ)സര്‍ക്കാര്‍ ആശുപത്രികളില്‍ എന്‍.ആര്‍.എച്ച്.എം. വഴി ഫാര്‍മസിസ്റുകളെ നിയമിച്ചിട്ടുണ്ടോ; വിശദാംശങ്ങള്‍ നല്കുമോ;

(ബി)ഇപ്രകാരം ഫാര്‍മസിസ്റുകളെ നിയമിക്കുന്നതിന് അടിസ്ഥാനമാക്കിയിട്ടുളള യോഗ്യതാ മാനദണ്ഡങ്ങള്‍ എന്തെല്ലാമാണ്;

(സി)പ്രസ്തുത ഫാര്‍മസിസ്റുകളുടെ ഡ്യൂട്ടി സമയം എപ്രകാരമാണ് ക്രമീകരിച്ചിട്ടുളളത്; വ്യക്തമാക്കുമോ;

(ഡി)എന്‍.ആര്‍.എച്ച്.എം. വഴി നിയമിതരാകുന്ന ഫാര്‍മസിസ്റുകള്‍ക്ക് ന്യായമായ വേതനം ലഭിക്കുന്നുണ്ടോയെന്ന് പരിശോധിച്ചിട്ടുണ്ടോ; വിശദാംശങ്ങള്‍ നല്കുമോ?

എന്‍.ആര്‍.എച്ച്.എം ഫണ്ട് ഉപയോഗിച്ച് പാലക്കാട് ജില്ലയില്‍ നടത്തിയ പ്രവര്‍ത്തനങ്ങള്

ശ്രീ. എം. ഹംസ

(എ)ഈ സര്‍ക്കാര്‍ അധികാരത്തില്‍ വന്ന ശേഷം എന്‍.ആര്‍.എച്ച്.എം ഫണ്ട് ഉപയോഗിച്ച് പാലക്കാട് ജില്ലയില്‍ എന്തെല്ലാം പ്രവര്‍ത്തനങ്ങള്‍ സംഘടിപ്പിച്ചു; ഓരോന്നിനും എത്ര രൂപ ചെലവായി ;

(ബി)ഒറ്റപ്പാലം നിയോജകമണ്ഡലത്തില്‍ എന്‍.ആര്‍.എച്ച്.എം ഫണ്ട് ഉപയോഗിച്ച് എന്തെല്ലാം പദ്ധതികള്‍ ആവിഷ്ക്കരിച്ചു നടപ്പിലാക്കി; അതിന് എത്ര രൂപ ചെലവഴിച്ചു എന്ന് വ്യക്തമാക്കാമോ ;

(സി)പാലക്കാട് ജില്ലയിലും പരിസര പ്രദേശങ്ങളിലും മന്തുരോഗം ഉള്‍പ്പെടെയുള്ള കൊതുകുജന്യങ്ങളായ രോഗങ്ങള്‍ പടരുന്ന കാര്യം ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ അതു നിയന്ത്രിക്കുന്നതിനായി പ്രദേശത്ത് സ്വീകരിച്ച നടപടികള്‍ വ്യക്തമാക്കുമോ ;

(ഡി)സര്‍ക്കാരിന്റെ ഇതര വകുപ്പുകളുമായി ചേര്‍ന്ന് എന്തെല്ലാം പ്രവര്‍ത്തനങ്ങള്‍ ആണ് പൊതുജനാരോഗ്യം സംരക്ഷിക്കുന്നതിനായി എന്‍.ആര്‍.എച്ച്.എം. നടത്തി വരുന്നതെന്ന് വ്യക്തമാക്കാമോ ?

സംസ്ഥാനത്ത് സി.എച്ച്.സി ജീവനക്കാരുടെ നിയമനം

ശ്രീ. കെ.വി.വിജയദാസ്

(എ)സംസ്ഥാനത്ത് സി.എച്ച്.സി. കളില്‍ സ്റാഫ് പാറ്റേണ്‍ അനുസരിച്ചുളള ജീവനക്കാരെ നിയമിക്കുവാന്‍ തയ്യാറാകുമോ; ഇല്ലെങ്കില്‍ വിശദാംശങ്ങള്‍ നല്‍കുമോ;

(ബി)കോങ്ങാട് സി.എച്ച്.സിയില്‍ സ്റാഫ് പാറ്റേണ്‍ അനുസരിച്ചുളള ജീവനക്കാരില്ലെന്നുളള കാര്യം ശ്രദ്ധയില്‍പ്പെട്ടിട്ടുണ്ടേണ്ടാ;

(സി)സെക്രട്ടേറിയറ്റിലെ ആരോഗ്യവകുപ്പിലെ 27039/എം1/2011 എന്ന ഫയലിന്റെ കലണ്ടര്‍ ഓഫ് ആക്ഷനും കൈക്കൊണ്ടിട്ടുളള തീരുമാനങ്ങളുടെ വിശദാംശങ്ങളും നല്‍കുമോ;

(ഡി)ഇക്കാര്യത്തില്‍ ആരോഗ്യവകുപ്പിനോട് എന്തെങ്കിലും റിപ്പോര്‍ട്ട് ആവശ്യപ്പെട്ടിരുന്നോ; എന്ത് റിപ്പോര്‍ട്ടാണ് ആവശ്യപ്പെട്ടിരുന്നത്; പ്രസ്തുത കത്തിന്റെ പകര്‍പ്പും വിശദാംശവും നല്‍കുമോ; ഇക്കാര്യത്തില്‍ എന്തെങ്കിലും തീരുമാനമെടുത്തിട്ടുണ്ടോ; ഉണ്ടെങ്കില്‍ വിശദാംശം നല്‍കുമോ?

മാനസികാരോഗ്യകേന്ദ്രങ്ങളില്‍ നടന്ന അസ്വാഭാവിക മരണങ്ങള്‍

ശ്രീ. പി.കെ. ബഷീര്‍

'' എം. ഉമ്മര്‍

'' കെ.എം. ഷാജി

'' റ്റി.എ. അഹമ്മദ് കബീര്‍

(എ)സംസ്ഥാനത്തെ മാനസികാരോഗ്യകേന്ദ്രങ്ങളില്‍ കഴിഞ്ഞ മൂന്നു വര്‍ഷത്തിനിടെ നടന്ന അസ്വാഭാവിക മരണങ്ങളെക്കുറിച്ച് വിശദമായ അന്വേഷണം നടന്നിട്ടുണ്ടോ ;

(ബി)എങ്കില്‍ അന്വേഷണത്തില്‍ വെളിപ്പെട്ട കാര്യങ്ങളും തുടര്‍ നടപടികളും സംബന്ധിച്ച വിശദവിവരം നല്കുമോ ;

(സി)മാനസിക രോഗികളെപ്പോലെ തന്നെ, അവിടെ ജോലിചെയ്യുന്ന നല്ലശതമാനം ജീവനക്കാരും അക്രമവാസനയുള്ളവരാണെന്ന നിരീക്ഷണങ്ങള്‍ ശ്രദ്ധയില്‍പ്പെട്ടിട്ടുണ്ടോ ; ജീവനക്കാരുടെ രോഗികളോടുള്ള പെരുമാറ്റം മെച്ചപ്പെടുത്താന്‍ എന്തൊക്കെ നടപടികളാണ് ഇതെതുടര്‍ന്ന് സ്വീകരിച്ചിട്ടുള്ളത് എന്ന്വ്യക്തമാക്കുമോ ?

സീതാലയം' പദ്ധതി

ശ്രീ. എം. ഉമ്മര്‍

(എ)സ്ത്രീകളുടെ മാനസിക, ശാരീരിക, സാമൂഹിക, ആരോഗ്യം ശക്തിപ്പെടുത്തുന്നതിനായി ആരംഭിച്ച 'സീതാലയം ' പദ്ധതിയുടെ പ്രവര്‍ത്തനം ഏതൊക്കെ ജില്ലയില്‍ ആരംഭിച്ചിട്ടുണ്ട് ; ജില്ല തിരിച്ചുള്ള കണക്കുകള്‍ ലഭ്യമാക്കുമോ ;

(ബി)മലപ്പുറം ജില്ലയില്‍ ഇത്തരത്തില്‍ എത്ര യൂണിറ്റുകള്‍ പ്രവര്‍ത്തിക്കുന്നു ; വിശദവിവരം നല്‍കുമോ ;

(സി)ഇല്ലെങ്കില്‍ പുതിയ യൂണിറ്റുകള്‍ ആരംഭിക്കാന്‍ നടപടി സ്വീകരിക്കുമോ ?

സാധാരണജനങ്ങള്‍ക്ക് കുറഞ്ഞ ചെലവില്‍ മികച്ച ചികിത്സ

ശ്രീ. സി.എഫ്. തോമസ്

,, റ്റി.യു. കുരുവിള

(എ)വര്‍ദ്ധിച്ചുവരുന്ന ചികിത്സാ ചെലവ് പരിഗണിച്ച് സാധാരണ ജനങ്ങള്‍ക്ക് മികച്ച ചികിത്സ കുറഞ്ഞ ചെലവില്‍ ലഭിക്കുന്നതിന് എന്തൊക്കെ നടപടികള്‍ ഉണ്ടാകുമെന്ന് വ്യക്തമാക്കുമോ;

(ബി)സര്‍ക്കാര്‍ തലത്തില്‍ ആര്‍.സി.സി. ശ്രീചിത്ര മാതൃകയില്‍ കൂടുതല്‍ സ്പെഷ്യാലിറ്റി ആശുപത്രികള്‍ എല്ലാ ജില്ലകളിലും തുടങ്ങുന്നതിന് നടപടികള്‍ ഉണ്ടാകുമോ; എങ്കില്‍ വിശാംശങ്ങള്‍ ലഭ്യമാക്കുമോ?

ഡയാലിസിസ് സെന്റര്‍

ശ്രീ. സി. ദിവാകരന്‍

(എ)ഈ സര്‍ക്കാര്‍ അധികാരത്തില്‍ വന്നതിനുശേഷം ഏതെല്ലാം ജില്ലകളിലാണ് പുതിയതായി ഡയാലിസിസ് സെന്റര്‍ ആരംഭിച്ചതെന്ന് അറിയിക്കുമോ ;

(ബി)എല്ലാ ജില്ലകളിലും ഡയാലിസിസ് സെന്റര്‍ ആരംഭിക്കാന്‍ ഉദ്ദേശിക്കുന്നുണ്ടോ; എങ്കില്‍ എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ ?

ഡയാലിസിസ് സൌകര്യമുള്ള ജില്ലാ ആശുപത്രികള്‍

ശ്രീ. ഇ. ചന്ദ്രശേഖരന്‍

(എ)സംസ്ഥാനത്ത് ഡയാലിസിസ് സൌകര്യമുള്ള എത്ര ജില്ലാ ആശുപത്രികള്‍ നിലവിലുണ്ട്;

(ബി)കാസര്‍ഗോഡ് ജില്ലാശുപത്രിയില്‍ ഡയാലിസിസ് സംവിധാനമുണ്ടോ;

(സി)ഇല്ലെങ്കില്‍ പ്രസ്തുത സംവിധാനം ഏര്‍പ്പെടുത്തുവാന്‍ നടപടി സ്വീകരിക്കുമോ ?

ഡയാലിസിസ് യൂണിറ്റുകളുടെ പ്രവര്‍ത്തനങ്ങള്‍

പ്രൊഫ. സി. രവീന്ദ്രനാഥ്

(എ)കാരുണ്യാ ലോട്ടറിയിലൂടെ സമാഹരിച്ച ഫണ്ടുപയോഗിച്ച് ഡയാലിസിസ് യൂണിറ്റുകളുടെ പ്രവര്‍ത്തനങ്ങള്‍ മെച്ചപ്പെടുത്തുന്നതിനായി എന്തെല്ലാം നടപടികള്‍സ്വീകരിച്ചുവെന്ന് വ്യക്തമാക്കുമോ;

(ബി)സംസ്ഥാനത്തെ മെഡിക്കല്‍ കോളേജ് ആശുപത്രികള്‍ക്കും, ജില്ലാ ആശുപത്രികള്‍ക്കും എത്ര വീതം യൂണിറ്റുകള്‍ക്കായി എത്ര മെഷീനുകളാണ് നല്‍കാന്‍ ഉദ്ദേശിച്ചിട്ടുളളത്;

(സി)സാധാരണക്കാര്‍ക്ക് കൂടുതല്‍ പ്രയോജനം ലഭിക്കുന്ന ഗവണ്‍മെന്റ് ജനറല്‍, താലൂക്ക് ആശുപത്രികളിലെ ഡയാലിസിസ് യൂണിറ്റുകള്‍ക്കായി എത്ര മെഷീന്‍ നല്‍കിയിട്ടുണ്ട്; വിശദമാക്കുമോ;

(ഡി)ഇടത്തരം സ്വകാര്യ ആശുപത്രികളെ ഇതിനായി കണ്ടെത്തിയിട്ടുണ്ടോ; ഉണ്ടെങ്കില്‍ ഏതെല്ലാമെന്ന് വെളിപ്പെടുത്തുമോ;

(ഇ)ഈ പദ്ധതിയില്‍ ഏതെല്ലാം സൂപ്പര്‍ സ്പെഷ്യാലിറ്റി ആശുപത്രികളെ ഉള്‍പ്പെടുത്തിയിട്ടുണ്ട്; അവയേതെല്ലാമാണ്; എത്ര മെഷീന്‍ വീതം നല്‍കിയെന്നും വെളിപ്പെടുത്തുമോ ?

സംസ്ഥാനത്തെ പ്രമേഹരോഗികളില്‍ കാണുന്ന ടി.ബി. രോഗം

ശ്രീ. എം.വിശ്രേയാംസ് കുമാര്‍

(എ)ലോകാരോഗ്യസംഘടനയുടെ സര്‍വ്വെപ്രകാരം സംസ്ഥാനത്തെ ടി.ബി.രോഗികളില്‍ ഏകശേം 40% ത്തിലധികം പേര്‍ക്ക് പ്രമേഹം ഉണ്ടെന്നുളളത് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ബി)സംസ്ഥാനത്തെ പ്രമേഹനിയന്ത്രണ പദ്ധതികളും ക്ഷയരോഗ നിയന്ത്രണ പദ്ധതികളും ഏകോപിപ്പിച്ച് കാര്യക്ഷമായി നടപ്പാക്കുന്നതിന് നടപടി സ്വീകരിക്കുമോ;

(സി)ഇത്തരത്തിലുളള രോഗികള്‍ക്ക് ഉന്നത നിലവാരമുളള ചികിത്സ ഉറപ്പാക്കുന്നതിന് നടപടി സ്വീകരിക്കുമോ?

കേരളത്തില്‍ ക്രമാതീതമായി വര്‍ദ്ധിക്കുന്ന രോഗങ്ങള്‍

ശ്രീ. സി. എഫ്. തോമസ്

,, റ്റി. യു. കുരുവിള

(എ)കാന്‍സര്‍, ഹൃദയസംബന്ധമായ രോഗങ്ങള്‍, കിഡ്നി, കരള്‍ രോഗങ്ങള്‍ തുടങ്ങിയവ കേരളത്തില്‍ ക്രമാതീതമായി വര്‍ദ്ധിക്കുന്നത് സംബന്ധിച്ച് സര്‍ക്കാരോ മറ്റേതെങ്കിലും ഏജന്‍സികളോ എന്തെങ്കിലും തരത്തില്‍ പഠനം നടത്തിയിട്ടുണ്ടോ; എങ്കില്‍ ആയതിന്റെ പഠന റിപ്പോര്‍ട്ട് പ്രസിദ്ധീകരിക്കുമോ;

(ബി)ഇപ്പോള്‍ ഇത്തരത്തില്‍ നടപടികള്‍ നടന്നിട്ടില്ലെങ്കില്‍ കേരളത്തില്‍ വര്‍ദ്ധിച്ചുവരുന്ന വിവിധ രോഗങ്ങളെ സംബന്ധിച്ച് പഠനം നടത്തി ജനങ്ങളെ ബോധവത്ക്കരിക്കുന്നതിന് നടപടികള്‍ ഉണ്ടാകുമോ; എങ്കില്‍ വിശദാംശം ലഭ്യമാക്കുമോ ?

കേരളത്തില്‍ ക്യാന്‍സര്‍ രോഗബാധിതരുടെ വര്‍ദ്ധന

ശ്രീ. മുല്ലക്കര രത്നാകരന്‍

(എ)സംസ്ഥാനത്ത് ക്യാന്‍സര്‍ രോഗബാധിതരുടെ എണ്ണം വര്‍ദ്ധിച്ചുവരുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)എങ്കില്‍ ഇത് സംബന്ധിച്ച് ആരോഗ്യവകുപ്പിന്റെ നേതൃത്വത്തില്‍ എന്തെങ്കിലും പഠനം നടത്തിയിട്ടുണ്ടോ;

(സി)ഇല്ലെങ്കില്‍ ഇതേക്കുറിച്ച് പഠിച്ച് റിപ്പോര്‍ട്ടു നല്‍കുന്നതിനായി അടിയന്തിരമായി ഒരു പഠനസംഘത്തെ നിയമിക്കുന്ന കാര്യം പരിഗണിക്കുമോ ?

മലബാര്‍ കാന്‍സര്‍ സെന്റര്‍

ശ്രീ. എ. കെ. ശശീന്ദ്രന്‍

(എ)തലശ്ശേരിയില്‍ പ്രവര്‍ത്തിക്കുന്ന മലബാര്‍ കാന്‍സര്‍ സെന്ററിന്റെ സ്റാഫ് പാറ്റേണ്‍ എപ്രകാരമാണ്;

ആശുപത്രിയിലെ ഏറ്റവും ഉയര്‍ന്ന ഉദ്യോഗസ്ഥന്‍ മുതല്‍ താഴെക്കിടയിലുള്ള ജീവനക്കാര്‍ വരെയുള്ളവര്‍ക്കുള്ള ശമ്പളവും മറ്റലവന്‍സുകളും സംസ്ഥാന ഖജനാവില്‍ നിന്നുമാണോ നല്‍കി വരുന്നത്;

(ബി)മലബാര്‍ കാന്‍സര്‍ സെന്ററിലെ ഡോക്ടര്‍മാര്‍, നഴ്സുമാര്‍ ടെക്നിക്കല്‍-നോണ്‍ ടെക്നിക്കല്‍ മുതലായ എല്ലാ വിഭാഗങ്ങളിലേയും ജീവനക്കാരുടെ ശമ്പള സ്കെയിലും മറ്റലവന്‍സുകളും മറ്റ് സര്‍ക്കാര്‍ ആശുപത്രിയിലേതിന് സമാനമാണോ; ഇവ തമ്മിലുള്ള അന്തരം വിശദമാക്കുമോ;

(സി)മലബാര്‍ കാന്‍സര്‍ സെന്ററിലെ ജീവനക്കാര്‍ക്കുള്ള ശമ്പള പരിഷ്ക്കരണം എപ്രകാരം, എത്ര വര്‍ഷത്തിലൊരിക്കലാണ് നടപ്പിലാക്കുന്നത്; സംസ്ഥാന സര്‍ക്കാര്‍ ജീവനക്കാരുടെ ശമ്പള പരിഷ്ക്കരണത്തെ അടിസ്ഥാനമാക്കിയാണോ ആയത് നടപ്പിലാക്കുന്നത്;

(ഡി)കാലോചിതമായി ശമ്പള പരിഷ്ക്കരണം നടപ്പാക്കാത്തതിനാല്‍ തുച്ഛമായ വേതനമാണ് ഡോക്ടര്‍മാര്‍ ഒഴികെയുള്ള എല്ലാ ജീവനക്കാര്‍ക്കും ലഭിക്കുന്നതെന്ന പരാതി ശ്രദ്ധയില്‍പ്പെട്ടിട്ടുണ്ടോ;

(ഇ)മലബാര്‍ കാന്‍സര്‍ സെന്ററിലെ ജീവനക്കാര്‍ക്ക് കാലോചിതമായ രീതിയില്‍ ശമ്പള പരിഷ്ക്കരണം അടിയന്തിരമായി നടപ്പിലാക്കുവാന്‍ നടപടി സ്വീകരിക്കുമോ?

മെഡിക്കല്‍ സര്‍വ്വീസ് കോര്‍പ്പറേഷന്‍ വഴി വിതരണം ചെയ്യുന്ന മരുന്നുകള്‍

ശ്രീ. എം. എ. ബേബി

(എ)മുന്‍ എല്‍.ഡി.എഫ്. സര്‍ക്കാരിന്റെ കാലത്ത് മെഡിക്കല്‍ സര്‍വ്വീസ് കോര്‍പ്പറേഷന്‍ മുഖാന്തിരം എത്ര ഇനം മരുന്നുകളാണ് വിതരണം ചെയ്തിരുന്നത്;

(ബി)ഇപ്പോള്‍ എത്രയിനം മരുന്നുകളാണ് സൌജന്യമായി കോര്‍പ്പറേഷന്‍വഴി വിതരണം ചെയ്യുന്നതെന്ന് അറിയിക്കുമോ;

(സി)2013 വരെ കോര്‍പ്പറേഷന് ആവശ്യമായ മരുന്നുകള്‍ കെ.എസ്.ഡി.പി. വഴി വാങ്ങുന്നതിനും, കെ.എസ്.ഡി.പി.യ്ക്ക് നല്‍കുവാന്‍ കഴിയാത്തത് ടെണ്ടര്‍ വഴി വാങ്ങുവാനുമുള്ള മുന്‍ സര്‍ക്കാരിന്റെ തീരുമാനം ഈ സര്‍ക്കാര്‍ റദ്ദു ചെയ്തിട്ടുണ്ടോ;

(ഡി)ഇല്ലെങ്കില്‍ പ്രസ്തുത വ്യവസ്ഥ നിലനില്‍ക്കെ ടെണ്ടര്‍ ചെയ്യാതെ നെഗോഷിയേറ്റ് വ്യവസ്ഥയില്‍ കുത്തക കമ്പനികളില്‍ നിന്നും മരുന്നുവാങ്ങാന്‍ ഇടയായ സാഹചര്യം എന്താണ്;

(ഇ)നെഗോഷിയേറ്റ് വ്യവസ്ഥകള്‍ നടപ്പാക്കുന്നതിന് ചുമതലപ്പെടുത്തിയ ഉദ്യോഗസ്ഥര്‍ ആരൊക്കെയാണെന്ന് വ്യക്തമാക്കുമോ;

(എഫ്)നിലവിലുണ്ടായിരുന്ന പര്‍ച്ചേസസ് മാനേജരായി പ്രവര്‍ത്തിച്ചത് ആരായിരുന്നു; ഈ ഉദ്യോഗസ്ഥനെ തല്‍സ്ഥാനത്തുനിന്നും മാറ്റാനിടയാക്കിയ സാഹചര്യം എന്താണ്?

മൊബൈല്‍ മെഡിക്കല്‍ ഷോപ്പുകള്‍

ശ്രീ. എന്‍. ഷംസുദ്ദീന്‍

(എ)സര്‍ക്കാര്‍ ആശുപത്രികളിലെ കൃത്രിമ മരുന്നുക്ഷാമം ശ്രദ്ധയില്‍പ്പെട്ടിട്ടുണ്ടോ ;

(ബി)ഇതിനു കൂട്ടുനില്‍ക്കുന്ന, മരുന്നു കമ്പനികള്‍ക്കും , ഉദ്യോഗസ്ഥര്‍ക്കുമെതിരെ നടപടി സ്വീകരിക്കുമോ ;

(സി)അവശ്യ മരുന്നുകളുടെ വിതരണത്തിനായി മൊബൈല്‍ മെഡിക്കല്‍ ഷോപ്പുകള്‍ തുടങ്ങുവാന്‍ ഉദ്ദേശിക്കുന്നുണ്ടോ ?

ജീവിത ശൈലി രോഗങ്ങള്‍

ശ്രീ. പാലോട് രവി

,, ഐ. സി. ബാലകൃഷ്ണന്‍

,, വി. പി.സജീന്ദ്രന്‍

,, തേറമ്പില്‍ രാമകൃഷ്ണന്‍

(എ)ജീവിത ശൈലീ രോഗങ്ങള്‍ക്കുള്ള മരുന്നുകള്‍ സൌജന്യമായി നല്‍കുന്നപദ്ധതിക്ക് തുടക്കം കുറിച്ചിട്ടുണ്ടോ;

(ബി)എങ്കില്‍ ഏതെല്ലാം ആരോഗ്യ കേന്ദ്രങ്ങള്‍ വഴിയാണ് ഇത്തരം മരുന്നുകള്‍ നല്‍കുന്നത്; വിശദാംശങ്ങള്‍ എന്തെല്ലാം;

(സി)ഏതെല്ലാം രോഗങ്ങള്‍ക്കാണ് മരുന്നുകള്‍ സൌജന്യമായി നല്‍കുന്നത്;

(ഡി)ഏതെല്ലാം വിഭാഗക്കാര്‍ക്കാണ് മരുന്നുകള്‍ സൌജന്യമായി നല്‍കുന്നത്?

കാരുണ്യ കമ്മ്യൂണിറ്റി ഫാര്‍മസി ഔട്ട് ലെറ്റുകള്‍

ശ്രീമതി കെ. എസ്. സലീഖ

(എ)നടപ്പ് സാമ്പത്തിക വര്‍ഷം സംസ്ഥാനത്ത് എത്ര കാരുണ്യ കമ്മ്യൂണിറ്റി ഫാര്‍മസി ഔട്ട് ലെറ്റുകള്‍ തുടങ്ങാനാണ് സര്‍ക്കാര്‍ ഉദ്ദേശിക്കുന്നത്; ജില്ല തിരിച്ച് വ്യക്തമാക്കുമോ; നവംബര്‍ 30 വരെ ഇതില്‍ എത്രയെണ്ണം തുടങ്ങാനായി; വിശദമാക്കുമോ;

(ബി)'ഫാമിലി മെഡിസിന്‍ പദ്ധതി'യ്ക്ക് രൂപം നല്‍കാന്‍ സര്‍ക്കാര്‍ ഉദ്ദേശിക്കുന്നുവോ; എങ്കില്‍ ഇതിന്റെ ഉദ്ദേശ്യ ലക്ഷ്യങ്ങള്‍ എന്തൊക്കെയെന്ന് വ്യക്തമാക്കുമോ;

(സി)മരുന്നുകള്‍ സ്ഥിരമായി ഉപയോഗിക്കുന്ന രോഗികള്‍ക്കുള്ള ലോയല്‍റ്റി ഡിസ്കൌണ്ട് കാര്‍ഡിന്റെ പ്രവര്‍ത്തനം ഇപ്പോള്‍ ഏത് ഘട്ടത്തിലാണ്; പ്രസ്തുത കാര്‍ഡിനായി എത്രപേര്‍ ഇതുവരെ അപേക്ഷ നല്‍കി; പ്രസ്തുത കാര്‍ഡ് ഉപയോഗിക്കുന്നവര്‍ക്ക് എത്ര ശതമാനം വിലക്കുറവ് മരുന്നുകള്‍ക്ക് വരും; കാരുണ്യ ഔട്ട് ലെറ്റുകള്‍ വഴിയാണോ മരുന്നുകള്‍ നല്‍കുന്നത്; വിശദമാക്കുമോ?

ജനറിക് മരുന്നുകള്‍ പൊതുജനങ്ങള്‍ക്ക് സൌജന്യമായി ലഭിക്കുന്ന പദ്ധതി

ശ്രീ. സി. എഫ്. തോമസ്

,, റ്റി. യു. കുരുവിള

,, തോമസ് ഉണ്ണിയാടന്‍

(എ)ജനറിക് മരുന്നുകള്‍ പൊതുജനങ്ങള്‍ക്ക് സൌജന്യമായി ലഭിക്കുന്ന പദ്ധതിയുടെ വിശദാംശം ലഭ്യമാക്കുമോ;

(ബി)കൂടുതല്‍ ഔഷധങ്ങള്‍ പ്രസ്തുത പദ്ധതിയിലൂടെ ജനങ്ങള്‍ക്ക് നല്‍കുന്നതിന് നടപടികള്‍ ഉണ്ടാകുമോ;

(സി)ജീവന്‍രക്ഷാ മരുന്നുകള്‍ ഉള്‍പ്പെടെ വിവിധ ഔഷധങ്ങള്‍ക്ക് വില നിയന്ത്രിക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നത് ?

മെഡിക്കല്‍ സര്‍വ്വീസ് കോര്‍പ്പറേഷന്‍ വഴിയുളള മരുന്ന് വിതരണം

ശ്രീ. സി. കൃഷ്ണന്‍

ശ്രീമതി കെ. കെ. ലതിക

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

,, ബാബു എം പാലിശ്ശേരി

(എ)സര്‍ക്കാര്‍ മെഡിക്കല്‍ കോളേജ് ആശുപത്രികളിലേക്ക് ആവശ്യമായ മരുന്നുകള്‍ മെഡിക്കല്‍ സര്‍വ്വീസ് കോര്‍പ്പറേഷനില്‍ നിന്നും വാങ്ങാതെ പുറത്തുനിന്നും വാങ്ങുന്നതിന് നിര്‍ദ്ദേശിക്കുന്ന ഡോക്ടര്‍മാരുടെ നടപടികള്‍ സംബന്ധിച്ച് പരാതി ലഭിച്ചിട്ടുണ്ടോ;

(ബി)എങ്കില്‍ എന്തു നടപടിയാണ് ഇത് സംബന്ധിച്ച് കൈക്കൊണ്ടതെന്ന് വ്യക്തമാക്കാമോ;

(സി)മെഡിക്കല്‍ സര്‍വ്വീസ് കോര്‍പ്പറേഷന്റെ ജില്ലാ മരുന്നു സംഭരണകേന്ദ്രങ്ങളില്‍ കെട്ടിക്കിടക്കുന്ന മരുന്നുകള്‍ ഗുണനിലവാരം ഉറപ്പാക്കിയിട്ടുള്ളതാണോ; എങ്കില്‍ ഇവ വിതരണം ചെയ്യാത്ത ഉദ്യോഗസ്ഥര്‍ക്കെതിരെ കര്‍ശന നടപടികള്‍ സ്വീകരിച്ചിട്ടുണ്ടോ; വിശദമാക്കാമോ?

ഔഷധ വ്യാപാര ലൈസന്‍സുകള്‍ ഓണ്‍ലൈനില്‍ ലഭ്യമാക്കുന്ന സംവിധാനം

ശ്രീ. ഐ. സി. ബാലകൃഷ്ണന്‍

,, വി. പി. സജീന്ദ്രന്‍

,, എ. റ്റി. ജോര്‍ജ്

,, പി. എ. മാധവന്‍

(എ)ഡ്രഗ്സ് കണ്‍ട്രോള്‍ വകുപ്പിന്റെ ഔഷധ വ്യാപാര ലൈസന്‍സുകള്‍ ഓണ്‍ലൈനില്‍ ലഭ്യമാക്കുന്ന സംവിധാനത്തിന് തുടക്കം കുറിച്ചിട്ടുണ്ടോ ; വിശദമാക്കുമോ ;

(ബി)പ്രസ്തുത സംവിധാനം കൊണ്ടുള്ള നേട്ടങ്ങള്‍ എന്തെല്ലാമാണ് ; എന്തെല്ലാം സേവനങ്ങളാണ് പ്രസ്തുത സംവിധാനത്തിലൂടെ ലഭിക്കുന്നത് ;

(സി)ലൈസന്‍സില്ലാതെ മരുന്നുകള്‍ വില്‍ക്കുന്നവരെ കണ്ടുപിടിക്കുവാന്‍ എന്തെല്ലാം സംവിധാനം ഒരുക്കിയിട്ടുണ്ടെന്ന് വിശദമാക്കാമോ ?

സംസ്ഥാനത്ത് മരുന്നുകളുടെ ഗുണനിലവാരവും വിലയും കര്‍ശനമായി നിയന്ത്രിക്കുന്നതിന് നടപടി

ശ്രീ. എം. ഉമ്മര്‍

(എ)സംസ്ഥാനത്ത് മരുന്നുകളുടെ ഗുണനിലവാരവും വിലയും കര്‍ശനമായി നിയന്ത്രിക്കുന്നതിന് സ്വീകരിച്ച നടപടികള്‍ വിശദമാക്കുമോ ;

(ബി)സ്വകാര്യ മരുന്നുകമ്പനികളെ നിയന്ത്രിക്കാന്‍ നടപടി സ്വീകരിച്ചിട്ടുണ്ടോ ; വിശദാംശം നല്‍കുമോ ;

(സി)സര്‍ക്കാര്‍ ആശുപത്രികളില്‍ മരുന്നുകള്‍ ലഭ്യമാക്കാന്‍കെ.എസ്.ഡി.പി. യുമായി കരാറില്‍ ഏര്‍പ്പെട്ടിട്ടുണ്ടോ ;

(ഡി)എങ്കില്‍ ഈ സാമ്പത്തിക വര്‍ഷം എത്ര കോടി രൂപയുടെ മരുന്നാണ് കെ.എസ്.ഡി.പി. യില്‍ നിന്നും വാങ്ങിയത് ; വ്യക്തമാക്കുമോ ?

തൃക്കാക്കരയിലെ റീജിയണല്‍ ഡ്രഗ്സ് ടെസ്റിംഗ് ലബോറട്ടറിയുടെ നിര്‍മ്മാണ പ്രവര്‍ത്തനം

ശ്രീ. ബെന്നി ബെഹനാന്‍

(എ)തൃക്കാക്കരയില്‍ പുതുതായി ആരംഭിക്കുന്ന റീജിയണല്‍ ഡ്രഗ്സ് ടെസ്റിംഗ് ലബോറട്ടറിയുടെ നിര്‍മ്മാണ പ്രവര്‍ത്തനങ്ങള്‍ ഏത് ഘട്ടം വരെയായെന്ന് വ്യക്തമാക്കുമോ :

(ബി)2013 മാര്‍ച്ച് 31-ന് മുമ്പ് ഇതിന്റെ പ്രവര്‍ത്തനോദ്ഘാടനം നടത്തുവാന്‍ ഉദ്ദേശിക്കുന്നുണ്ടോ ;

(സി)ഡ്രഗ്സ് ടെസ്റിംഗ് ലബോറട്ടറിയുടെ ബാക്കി നിര്‍മ്മാണ പ്രവര്‍ത്തനങ്ങള്‍ക്കും ഉപകരണങ്ങള്‍ വാങ്ങുന്നതിനും അഡീഷണല്‍ തുക അനുവദിക്കാന്‍ ഉദ്ദേശിക്കുന്നുണ്ടോ ; വ്യക്തമാക്കുമോ?

നാഷണല്‍ ഫാര്‍മസ്യൂട്ടിക്കല്‍ പ്രൈസിംഗ് പോളിസി

ശ്രീ. സി. ദിവാകരന്‍

(എ)സംസ്ഥാനത്ത് ഒരേയിനം മരുന്നുകളുടെ വിലയില്‍ വന്‍വ്യത്യാസമുളളത് ശ്രദ്ധയില്‍പ്പെട്ടിട്ടുണ്ടോ;

(ബി)പുതിയ നാഷണല്‍ ഫാര്‍മസ്യൂട്ടിക്കല്‍ പ്രൈസിംഗ് പോളിസി കേരളത്തില്‍ നടപ്പിലാക്കിയിട്ടുണ്ടോ എന്നു വ്യക്തമാക്കുമോ?

ജനറിക്നാമത്തില്‍ പ്രിസ്ക്രിപ്ഷന്‍

ശ്രീ. കെ. രാജു

(എ)സംസ്ഥാനത്ത് വ്യാജമരുന്നുകള്‍ വിപണിയില്‍ വ്യാപകമായി വിറ്റഴിക്കപ്പെടുന്ന വിവരം ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതിനെതിരെ എന്ത് നടപടികളാണ് സ്വീകരിക്കുവാന്‍ ഉദ്ദേശിക്കുന്നത് എന്ന് വ്യക്തമാക്കുമോ ;

(ബി)സംസ്ഥാനത്ത് ഡോക്ടര്‍മാര്‍ മരുന്നുകളുടെ ജനറിക്നാമം പ്രിസ്ക്രിപ്ഷനില്‍ രേഖപ്പെടുത്തി നല്‍കണമെന്ന നിര്‍ബന്ധിത നിയമം നിലവിലുണ്ടോ ; എങ്കില്‍ ഇത് പാലിക്കപ്പെടുന്നുണ്ടോ എന്ന് വിലയിരുത്തുന്നതിനുള്ള എന്ത് സംവിധാനങ്ങളാണ് ഏര്‍പ്പെടുത്തിയിട്ടുള്ളതെന്ന് വ്യക്തമാക്കുമോ ?

ജനറിക് മരുന്നുകള്‍ കെ. എസ്. ഡി. പി യില്‍ നിര്‍മ്മിക്കാന്‍ നടപടി

ശ്രീ. എ. എ. അസീസ്

(എ)കേരള സ്റേറ്റ് ഡ്രഗ്സ് ആന്റ് ഫാര്‍മസ്യൂട്ടിക്കല്‍സില്‍ നിന്നും ഉല്‍പാദിപ്പിക്കുന്ന മരുന്നുകള്‍ എന്തൊക്കെയാണെന്ന് വ്യക്തമാക്കുമോ;

(ബി)ഇവയുടെ വിപണനം എപ്രകാരമാണ് നടപ്പിലാക്കുന്നതെന്ന് വ്യക്തമാക്കുമോ;

(സി)സംസ്ഥാനത്ത് രോഗികള്‍ക്ക് നല്‍കിക്കൊണ്ടിരിക്കുന്ന "ജനറിക് മരുന്നുകള്‍” കേരള സ്റേറ്റ് ഡ്രഗ്സ് ആന്റ് ഫാര്‍മസ്യൂട്ടിക്കല്‍സില്‍ ഉല്‍പാദിപ്പിച്ച് ആശുപത്രികളിലൂടെ നല്‍കുന്നതിനുളള നടപടി സ്വീകരിക്കുമോ?

ഗുണനിലവാരം കുറഞ്ഞ മരുന്ന് വിതരണം ചെയ്ത കമ്പനികള്‍

ശ്രീ. സി. ദിവാകരന്‍

(എ)ഗുണനിലവാരം കുറഞ്ഞ മരുന്ന് വിതരണം ചെയ്ത കമ്പനികളില്‍ നിന്ന് എത്ര രൂപ തിരിച്ച് പിടിക്കാനുണ്ട്; ഇതിന് സ്വീകരിച്ച നടപടികള്‍ എന്തെല്ലാമാണ്;

(ബി)ഏതെല്ലാം കമ്പനികള്‍ എത്ര രൂപവീതം തിരിച്ച് അടയ്ക്കാനുണ്ടെന്ന് വ്യക്തമാക്കുമോ?

ഇന്‍സുലിന്‍ വാക്സിനുകളുടെ പ്രതിമാസ വില്‍പന

ശ്രീമതി. കെ. എസ്. സലീഖ

(എ)സംസ്ഥാനത്ത് പ്രതിമാസം എത്ര കോടി രൂപയുടെ ഇന്‍സുലിനും വാക്സിനുകളുമാണ് വില്‍പന നടത്തുന്നത്; ജില്ല തിരിച്ച് വ്യക്തമാക്കുമോ;

(ബി)സംസ്ഥാനത്ത് വിറ്റഴിയുന്ന ഇന്‍സുലിനും പ്രതിരോധ വാക്സിനുകളും ഗുണനിലവാര പരിശോധനയില്ലാതെയാണ് വിപണിയിലെത്തുന്നത് എന്ന വസ്തുത ശ്രദ്ധയില്‍പ്പെട്ടുവോ; വ്യക്തമാക്കുമോ;

(സി)സംസ്ഥാനത്ത് വില്‍ക്കുന്ന മരുന്നുകളുടെ ഗുണനിലവാരം ഉറപ്പാക്കുന്നതില്‍ ഡ്രഗ് കണ്‍ട്രോള്‍ വിഭാഗം ഗുരുതര വീഴ്ച വരുത്തുന്നതായി ശ്രദ്ധയില്‍പ്പെട്ടുവോ; വിശദമാക്കുമോ;

(ഡി)ഗുണ നിലവാരത്തില്‍ വേണ്ടത്ര ശ്രദ്ധിക്കാതെ വാങ്ങുന്നതാണ് ടെസ്റിംഗ് ഉപകരണങ്ങള്‍ കേടാവാന്‍ കാരണമെന്ന പൊതുസമൂഹത്തിന്റെ ആക്ഷേപം ശ്രദ്ധയില്‍പെട്ടിട്ടുണ്ടോ; എങ്കില്‍ ആയത് പരിഹരിക്കുവാന്‍ എന്തൊക്കെ നടപടികള്‍ സ്വീകരിക്കുവാന്‍ ഉദ്ദേശിക്കുന്നു; വ്യക്തമാക്കുമോ;

(ഇ)സാമ്പിള്‍ പരിശോധനയില്‍ നിലവാരമില്ലാത്തതായി കണ്ടെത്തുന്ന മരുന്നുകളുടെ ബാച്ചുകള്‍ പിന്‍വലിക്കാന്‍ നല്‍കുന്ന നിര്‍ദ്ദേശം വൈകുന്നതായി സര്‍ക്കാരിന്റെ ശ്രദ്ധയില്‍പ്പെട്ടുവോ; എങ്കില്‍ ഇത് പരിഹരിക്കുവാന്‍ എന്ത് നടപടിയാണ് സ്വീകരിക്കുവാന്‍ ഉദ്ദേശിക്കുന്നത്; വ്യക്തമാക്കുമോ;

(എഫ്)പ്രതിവര്‍ഷം ഏകദേശം എത്രകോടി രൂപയുടെ അലോപ്പതി മരുന്നുകള്‍ മലയാളികള്‍ ഉപയോഗിക്കുന്നുവെന്നാണ് കണക്കാക്കുന്നത്?

പാന്‍മസാല നിരോധനം

ശ്രീ. കെ.എന്‍.എ. ഖാദര്‍

(എ)സംസ്ഥാനത്ത് പാന്‍മസാല നിരോധിച്ചിട്ടുണ്ടെങ്കിലും പല സ്ഥലങ്ങളിലും അവ ഇപ്പോഴും വിറ്റു വരുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി)അത് പൂര്‍ണ്ണമായും നിരോധിക്കാന്‍ എന്തു നടപടിയാണ് സ്വീകരിച്ചിട്ടുള്ളത്; വിശദമാക്കുമോ;

(സി)ഇത്തരം വസ്തുക്കള്‍ വില്‍പ്പന നടത്തുന്ന കച്ചവടക്കാര്‍ക്കെതിരെ എന്തു നടപടിയാണ് സ്വീകരിക്കുന്നത്; വ്യക്തമാക്കുമോ;

  next page>>