Questions

കെ.എസ്.ആര്‍.ടി.സി. ഡ്രൈവര്‍മാര്‍ക്ക് പരിശീലനം

ശ്രീ. കെ. ശിവദാസന്‍ നായര്‍

,, ഡൊമിനിക് പ്രസന്റേഷന്‍

,, വര്‍ക്കല കഹാര്‍

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) കെ.എസ്.ആര്‍.ടി.സി.യിലെ പരിശീലകര്‍ക്കും ഡ്രൈവര്‍മാര്‍ക്കും തൊഴില്‍പരമായ പരിശീലനം നല്‍കുന്നതിന് എന്തെല്ലാം കര്‍മ്മപദ്ധതികളാണ് ആവിഷ്ക്കരിച്ചിരിക്കുന്നത്;

(ബി) ഡ്രൈവിംഗ് ശീലങ്ങളിലും സാങ്കേതിക വശങ്ങളിലും ഗവേഷണം നടത്തുന്നതിന് ഒരു പ്രത്യേക ഇന്‍സ്റിറ്റ്യൂട്ട് സ്ഥാപിക്കുന്ന കാര്യം പരിഗണിക്കുമോ; വിശദമാക്കുമോ;

(സി) എവിടെയാണ് ഇന്‍സ്റിറ്റ്യൂട്ട് സ്ഥാപിക്കാനുദ്ദേശിക്കുന്നത്;

(ഡി) ഇതിന് കേന്ദ്രസഹായം ലഭ്യമാണോ; വിശദമാക്കുമോ?

സ്വകാര്യ മേഖലയില്‍ പുതിയ ദന്തല്‍ കോളേജുകള്‍

ഡോ. കെ.ടി.ജലീല്‍

ശ്രീ.ഇ.പി.ജയരാജന്‍

,, എം. ഹംസ

ശ്രീ. റ്റി.വി.രാജേഷ്

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) പുതുതായി ഡെന്റല്‍ കോളേജുകള്‍ തുടങ്ങുന്നതിന് ഉദ്ദേശിക്കുന്നുണ്ടോ ;

(ബി) അതിന് സ്വകാര്യമേഖലയില്‍ നിന്ന് അപേക്ഷകള്‍ ലഭിച്ചിട്ടുണ്ടോ ; എങ്കില്‍ വിശദാംശം വെളിപ്പെടുത്തുമോ ;

(സി) സ്വകാര്യ മേഖലയില്‍ നിന്ന് ലഭിച്ച അപേക്ഷയില്‍ സ്വീകരിക്കേണ്ട നിലപാടിനെപ്പറ്റി ഇന്ത്യന്‍ ഡെന്റല്‍ കൌണ്‍സിലിന്റെ നിര്‍ദ്ദേശം എന്താണെന്ന് വിശദമാക്കാമോ ;

(ഡി) ഡെന്റല്‍ കോളേജ് സ്വകാര്യമേഖലയില്‍ വീണ്ടും തുടങ്ങുന്നതിന് ലഭിച്ച അപേക്ഷയില്‍ സര്‍ക്കാര്‍ നിലപാട് വ്യക്തമാക്കാമോ ;നിലവില്‍ സര്‍ക്കാര്‍/ സ്വകാര്യ മേഖലയില്‍ എത്ര ഡെന്റല്‍ കോളേജുകള്‍ പ്രവര്‍ത്തിച്ചുവരുന്നു. ?

മഴവെള്ളക്കൊയ്ത്ത്

ശ്രീ. തേറമ്പില്‍ രാമകൃഷ്ണന്‍

,, പി.സി. വിഷ്ണുനാഥ്

'' എം.എ. വാഹീദ്

'' എ.പി. അബ്ദുള്ളക്കുട്ടി

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ) മഴവെള്ളക്കൊയ്ത്ത് വ്യാപിപ്പിക്കലും ഭൂഗര്‍ഭജല റീചാര്‍ജ്ജ് പരിപാടിയുടെ ലക്ഷ്യമെന്താണ്;

(ബി) ഇത് ഏത് ഏജന്‍സി വഴിയാണ് നടപ്പാക്കാനുദ്ദേശിക്കുന്നത്;

(സി) ഇതിനായുള്ള യൂണിറ്റുകളുടെ നിര്‍മ്മാണം, കിണറുകള്‍ റീചാര്‍ജ്ജ് ചെയ്യുന്നതിനുള്ള നടപടികള്‍ എന്നിവ ഏതു ഘട്ടം വരെയായി;

(ഡി) പ്രവര്‍ത്തനങ്ങള്‍ എന്നു പൂര്‍ത്തീകരിക്കാനാകും എന്നാണ് കരുതുന്നത്?

ജലഗതാഗത വകുപ്പിന്റെ വെബ്സൈറ്റ്

ഡോ. ടി. എം. തോമസ് ഐസക്

ശ്രീ. കെ. കുഞ്ഞിരാമന്‍ (തൃക്കരിപ്പൂര്‍)

.. ആര്‍. രാജേഷ്

,, സി. കെ. സദാശിവന്‍

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ ജലഗതാഗത വകുപ്പിന്റെ പ്രവര്‍ത്തന മേഖല ടൂറിസം മേഖലയിലേയ്ക്കു കൂടി വ്യാപിപ്പിക്കുന്നത് വകുപ്പിന്റെ ലാഭകരമായ നടത്തിപ്പ് സാദ്ധ്യമാക്കുമെന്ന് വിലയിരുത്തിയിട്ടുണ്ടോ; എങ്കില്‍ വിശദാംശം നല്‍കുമോ;

(ബി) ജലഗതാഗത വകുപ്പിന്റെ വിവരങ്ങള്‍ അടങ്ങിയ വെബ്സൈറ്റ് കാലോചിതമായി പരിഷ്കരിക്കുന്നതിന് നടപടി സ്വീകരിക്കുമോ ?

സ്വകാര്യ സ്കാനിംഗ് സെന്റര്‍

ശ്രീ. കെ. കുഞ്ഞിരാമന്‍ (ഉദുമ)

,, കെ. രാധാകൃഷ്ണന്‍

,, വി. ചെന്താമരാക്ഷന്‍

,, കെ. ദാസന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) സര്‍ക്കാര്‍ ഡോക്ടര്‍മാര്‍ സ്വകാര്യ സ്കാന്‍ സെന്ററുകളിലേക്ക് രോഗികളെ അയച്ച് കമ്മീഷന്‍ വാങ്ങുന്നതായി ശ്രദ്ധയില്‍പ്പെട്ടിട്ടുണ്ടോ;

(ബി) അത് തടയാന്‍ മുന്‍ സര്‍ക്കാര്‍ സ്വീകരിച്ച നടപടികള്‍ വിലയിരുത്തിയിട്ടുണ്ടോ; വിശദാംശം വ്യക്തമാക്കുമോ;

(സി) ഇക്കാര്യത്തില്‍ എന്തെങ്കിലും വ്യത്യസ്ത നടപടികള്‍ സ്വീകരിക്കാന്‍ ഉദ്ദേശിക്കുന്നുണ്ടോ; വിശദമാക്കുമോ?

ആദിവാസി സുരക്ഷയും അവകാശങ്ങളും

ശ്രീ.അബ്ദുറഹിമാന്‍ രണ്ടത്താണി

താഴെ കാണുന്ന ചോദ്യങ്ങള്‍ക്ക് പട്ടികവര്‍ഗ്ഗക്ഷേമവും യുവജനകാര്യവും കാഴ്ചബംഗ്ളാവുകളും മൃഗശാലകളുംവകുപ്പുമന്ത്രിസദയം മറുപടി നല്‍കുമോ:

(എ) ഭാവിയില്‍ ആദിവാസികള്‍ക്കായി സര്‍ക്കാര്‍ ആവിഷ്കരിക്കുന്ന പദ്ധതികളുടെ പ്രയോജനം പൂര്‍ണമായും അവര്‍ക്ക് തന്നെ ലഭിക്കുന്നുണ്ടെന്നുറപ്പുവരുത്താന്‍ എന്തെങ്കിലും നടപടിക്രമം ആവിഷ്കരിക്കുന്നുണ്ടോ;

ബി) ഇതിനായി പ്രത്യേക നിയമനിര്‍മ്മാണം നടത്തുന്ന കാര്യം പരിഗണനയിലുണ്ടോ;

(സി) ആദിവാസി ക്ഷേമപ്രവര്‍ത്തനകാര്യങ്ങളില്‍ വീഴ്ച വരുത്തുന്ന ഉദ്യോഗസ്ഥന്‍മാര്‍ക്ക് എതിരെ കര്‍ശന നടപടി ഉറപ്പുവരുത്തുമോ;

(ഡി) ഭാവിയില്‍ ആദിവാസി സുരക്ഷയും അവകാശങ്ങളും ഉറപ്പാക്കാനും ആവാസമേഖലയുടെ സവിശേഷതകള്‍ നിലനിര്‍ത്താനും നടപടി സ്വീകരിക്കുമോ; എങ്കില്‍ വിശദാംശങ്ങള്‍ നല്‍കുമോ?

സ്കൂള്‍ വിദ്യാര്‍ത്ഥികളുടെ യാത്രാ സംവിധാനം സംബന്ധിച്ച നടപടികള്‍

ശ്രീ. സി. കൃഷ്ണന്‍

,, റ്റി.വി. രാജേഷ്

പ്രൊഫ. സി. രവീന്ദ്രനാഥ്

ശ്രീ. കെ. കുഞ്ഞമ്മത് മാസ്റര്‍

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) സ്കൂള്‍ വിദ്യാര്‍ത്ഥികളുടെ യാത്രാ സംവിധാനം സംബന്ധിച്ച 1997-ലെ സുപ്രീംകോടതിയുടെ മാര്‍ഗ്ഗ നിര്‍ദ്ദേശങ്ങള്‍ എന്തൊക്കെയായിരുന്നു; വിശദമാക്കാമോ ;

(ബി) അതിന്റെയടിസ്ഥാനത്തില്‍ സ്വീകരിക്കപ്പെട്ട നടപടികള്‍ വിശദമാക്കാമോ ; അതിപ്പോള്‍ പാലിക്കപ്പെടുന്നുണ്ടോ ;

(സി) മോട്ടോര്‍ വെഹിക്കിള്‍-വിദ്യാഭ്യാസ-ആഭ്യന്തര വകുപ്പുകളുടെ കോ-ഓര്‍ഡിനേഷനോടു കൂടിയ പ്രവര്‍ത്തനങ്ങള്‍ ഇക്കാര്യത്തില്‍ നടക്കുന്നുണ്ടോ എന്നു വ്യക്തമാക്കാമോ ?

ശബരിമല തീര്‍ത്ഥാടനം സംബന്ധിച്ച സുരക്ഷാ മാന്വല്‍

ശ്രീ. ജോസഫ് വാഴക്കന്‍

,, അന്‍വര്‍ സാദത്ത്

,, ഐ.സി. ബാലകൃഷ്ണന്‍

,, പാലോട് രവി

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ശബരിമല തീര്‍ത്ഥാടന കാലത്ത് ഉണ്ടാകുന്ന ദുരന്തങ്ങള്‍ ഒഴിവാക്കുന്നതിന് എന്തെല്ലാം നടപടികളാണ് കൈക്കൊള്ളാന്‍ ഉദ്ദേശിക്കുന്നത്;

(ബി) ഇതിന് എത്രകോടി രൂപ അനുവദിച്ചിട്ടുണ്ട്;

(സി) ദുരന്തങ്ങള്‍ ഒഴിവാക്കുന്നതിന് സുരക്ഷാ മാന്വല്‍ തയ്യാറാക്കിയിട്ടുണ്ടോ; ഇതിന്റെ വിശദാംശങ്ങള്‍ എന്തെല്ലാം;

(ഡി) സുരക്ഷാ മാന്വല്‍ വരുന്ന തീര്‍ത്താടന കാലം ആരംഭിക്കുന്നതിന് മുമ്പ് നടപ്പാക്കാന്‍ നടപടി സ്വീകരിക്കുമോ?

പുല്‍മേട് ദുരന്തത്തെക്കുറിച്ച് കമ്മീഷന്‍ റിപ്പോര്‍ട്ട്

ശ്രീ. വര്‍ക്കല കഹാര്‍

,, ബെന്നി ബെഹനാന്‍

,, റ്റി. എന്‍. പ്രതാപന്‍

,, വി. ഡി. സതീശന്‍

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) പുല്‍മേട് ദുരന്തത്തെക്കുറിച്ച് അന്വേഷിച്ച കമ്മീഷന്‍ റിപ്പോര്‍ട്ട് നടപ്പിലാക്കാന്‍ എന്തെല്ലാം നടപടികളാണ് എടുത്തിട്ടുള്ളത്;

(ബി) ഇത് നടപ്പാക്കുന്നതിന് എന്തൊക്കെ കാര്യങ്ങളണ് ആസൂത്രണം ചെയ്തിരിക്കുന്നത്;

(സി) റിപ്പോര്‍ട്ടിലെ ശുപാര്‍ശകള്‍ നടപ്പാക്കുന്നതിന്റെ ഭാഗമായി ദേവസ്വം വകുപ്പ് മറ്റ് ബന്ധപ്പെട്ട വകുപ്പുമായി ഏകോപിച്ച് പ്രവര്‍ത്തനങ്ങള്‍ നടത്താന്‍ തയ്യാറാകുമോ?

കെ.എസ്.ആര്‍.ടി.സി. യുടെ പ്രവര്‍ത്തനം കാര്യക്ഷമമാക്കുന്നതിന് നടപടി

ശ്രീ. എ. കെ. ബാലന്‍

,, ബാബു എം. പാലിശ്ശേരി

,, എം. ഹംസ

,, കെ. സുരേഷ് കുറുപ്പ്

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) കെ.എസ്.ആര്‍.ടി.സി. യുടെ പ്രവര്‍ത്തനം കാര്യക്ഷമമാക്കുന്നതിന് മുന്‍സര്‍ക്കാരിന്റെ കാലത്ത് സ്വീകരിച്ചു വന്ന നടപടികള്‍ മുടങ്ങിയതായി സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി) മുന്‍ സര്‍ക്കാര്‍ നടപ്പിലാക്കിയ വികസന പ്രവര്‍ത്തനങ്ങള്‍ക്ക് തുടര്‍ച്ച ഉറപ്പാക്കാനും മാനേജ്മെന്റും തൊഴിലാളികളും തമ്മിലുള്ള ബന്ധം ശക്തിപ്പെടുത്താനും തയ്യാറാകുമോ;

(സി) യൂണിറ്റുകളുടെ പ്രവര്‍ത്തനം വിലയിരുത്താന്‍ തൊഴിലാളികളുമായുള്ള ചര്‍ച്ച ഇപ്പോള്‍ നടക്കുന്നുണ്ടോ;

(ഡി) രാഷ്ട്രീയ പ്രേരിതമായി ജീവനക്കാരെ സ്ഥലം മാറ്റുന്ന നില ഒഴിവാക്കാന്‍ തയ്യാറാകുമോ;

(ഇ) മൂലധനം വര്‍ദ്ധിപ്പിക്കുന്നതിനായി ഈ സര്‍ക്കാര്‍ പുതുതായി എത്ര തുക നല്‍കുകയുണ്ടായി?

ട്രാന്‍സ്പോര്‍ട്ട് വാഹനങ്ങളിലെ പരസ്യം

ശ്രീ.എം. ചന്ദ്രന്‍

'' പുരുഷന്‍ കടലുണ്ടി

'' പി. അയിഷാ പോറ്റി

'' എ.എം. ആരിഫ്

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ട്രാന്‍സ്പോര്‍ട്ട് വാഹനങ്ങളില്‍ ഇപ്പോള്‍ പരസ്യം പതിക്കുവാന്‍ അനുവാദം നല്‍കുന്നുണ്ടോ;

(ബി) ഇതു സംബന്ധിച്ച മാനദണ്ഡങ്ങള്‍ വ്യക്തമാക്കാമോ;

(സി) നടപ്പുവര്‍ഷം കെ.എസ്.ആര്‍.ടി.സി പരസ്യം ഇനത്തില്‍ പ്രതീക്ഷിക്കുന്ന വരുമാനം എത്രയാണ്;

(ഇ) പരസ്യം പതിക്കുവാനുള്ള കുത്തകാവകാശം ഏതെങ്കിലും സ്ഥാപനത്തിന് നല്‍കാനുദ്ദേശിക്കുന്നുണ്ടോ; ഇപ്പോള്‍ ആര്‍ക്കെങ്കിലും നല്‍കിയിട്ടുണ്ടോ; വിശദാംശം വെളിപ്പെടുത്തുമോ?

സമാന്തര സര്‍വ്വീസ്

ശ്രീ. ആര്‍. സെല്‍വരാജ്

,, പി. കെ. ഗുരുദാസന്‍

,, സി. കെ. സദാശിവന്‍

,, ബി. ഡി. ദേവസ്സി

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) തലസ്ഥാന നഗരിയില്‍ ഉള്‍പ്പെടെ കെ.എസ്.ആര്‍.ടി.സി.യ്ക്ക് സമാന്തരമായി സര്‍വ്വീസുകള്‍ നടത്തുന്ന സ്ഥിതി വിശേഷം ശ്രദ്ധയില്‍പ്പെട്ടിട്ടുണ്ടോ;

(ബി) സമാന്തര സര്‍വ്വീസ് നടത്തുന്ന വാഹനങ്ങളെ പിടികൂടി പിഴ ഈടാക്കുന്നുണ്ടോ;

(സി) ഈ സര്‍ക്കാര്‍ ഇതിനകം എത്ര സമാന്തര സര്‍വ്വീസുകാരില്‍ നിന്ന് പിഴ ഈടാക്കിയിട്ടുണ്ട്;

(ഡി) ഇത് തടയാന്‍ മോട്ടോര്‍ വാഹന വകുപ്പും പോലീസും കെ.എസ്.ആര്‍.ടി.സി.യും സംയുക്ത മായി നടപ്പിലാക്കിയ പദ്ധതി ഇപ്പോള്‍ ഫലപ്രദമായി പ്രവര്‍ത്തിക്കുന്നുണ്ടോ; കാരണമെന്ത്;

ഇ) ഇക്കാര്യം പ്രത്യേകം അവലോകനം ചെയ്യുകയുണ്ടായോ; എന്നാല്‍ എപ്പോള്‍ ?

ക്ളിനിക്കല്‍ ചൈല്‍ഡ് ഡവലപ്പ്മെന്റ്

ശ്രീ. എന്‍.എ. നെല്ലിക്കുന്ന്

,, പി. ഉബൈദുളള

,, കെ. എന്‍. എ ഖാദര്‍

,, കെ. മുഹമ്മദുണ്ണി ഹാജി

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) ക്ളിനിക്കല്‍ ചൈല്‍ഡ് ഡവലപ്പ്മെന്റ് രംഗത്ത് ആരോഗ്യവകുപ്പിന്റെ കീഴില്‍ പ്രവര്‍ത്തിക്കുന്ന സംവിധാനങ്ങളെക്കുറിച്ച് വിശദമാക്കുമോ;

(ബി) കുട്ടികളിലുണ്ടാകുന്ന ബുദ്ധിവികാസ തകരാറുകളും, അംഗവൈകല്യപ്രശ്നങ്ങളും മുന്‍കൂട്ടി കണ്ട് തടയുന്നതിന്റെ ഭാഗമായുളള പ്രവര്‍ത്തനങ്ങളെക്കുറിച്ച് വ്യക്തമാക്കുമോ;

(സി) 19 വയസ്സുവരെയുളള കുട്ടികളുടെ ബുദ്ധിവികാസം, ശാരീരിക മാനസിക ആരോഗ്യ വളര്‍ച്ച, ഭാഷാ വികാസം എന്നിവ സംബന്ധിച്ചുളള പരിശോധനകള്‍ക്ക് വേണ്ടി ക്ളിനിക്കുകള്‍ പ്രവര്‍ത്തിക്കുന്നുണ്ടോ; എങ്കില്‍ എവിടെയെല്ലാമെന്നും അവയുടെ പ്രവര്‍ത്തനരീതി എന്തെല്ലാമെന്നും വിശദമാക്കുമോ;

(ഡി) ഈ വിഷയങ്ങളില്‍ ആരോഗ്യപ്രവര്‍ത്തകരില്‍ അവബോധം വളര്‍ത്താനും, അവര്‍ക്ക് പരിശീ ലനം നല്‍കാനും സംവിധാനം ഏര്‍പ്പെടുത്തിയിട്ടുണ്ടോ; എങ്കില്‍ വിശദവിവരം നല്‍കാമോ;

(ഇ) ഇതിന്റെ പ്രവര്‍ത്തനങ്ങള്‍ സംസ്ഥാനത്ത് എല്ലാ ജില്ലയിലെ കുട്ടികള്‍ക്കും പ്രയോജനപ്രദമാകും വിധം വ്യാപിപ്പിക്കാന്‍ ഉദ്ദേശിക്കുന്നുണ്ടോ?

കെ.എസ്.ആര്‍.ടി.സി ഷോപ്പിംഗ് കം ഓഫീസ് പദ്ധതി

ശ്രീ. എ. പ്രദീപ് കുമാര്‍

,, വി. ശിവന്‍കുട്ടി

'' സാജു പോള്‍

'' റ്റി.വി. രാജേഷ്

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) നിര്‍മ്മാണത്തിലിരിക്കുന്ന കെ.എസ്.ആര്‍.ടി.സിയുടെ ഷോപ്പിംഗ് കം ഓഫീസ് പദ്ധതികളുടെ പുരോഗതി വിലയിരുത്തിയിട്ടുണ്ടോ; വിശദമാക്കുമോ;

(ബി) തിരുവനന്തപുരത്ത് തമ്പാനൂരിലെ നിര്‍മ്മാണ പ്രവൃത്തി നിലച്ചിട്ടുണ്ടോ; എങ്കില്‍ കാരണമെന്താണ്;

(സി) പ്രസ്തുത പദ്ധതി എന്നു പൂര്‍ത്തീകരിക്കാനായിരുന്നു ലക്ഷ്യമിട്ടിരുന്നത്?

സ്വകാര്യ സ്ഥാപനങ്ങളില്‍ സര്‍ക്കാര്‍ നിരക്കില്‍ സ്കാനിംഗ്

ശ്രീ. മഞ്ഞളാംകുഴി അലി

,, റ്റി.എ.അഹമ്മദ് കബീര്‍

,, സി.മമ്മൂട്ടി

,, പി.ബി.അബ്ദുള്‍ റസാക്

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) മെഡിക്കല്‍ കോളേജ് ആശുപത്രികളില്‍ സ്കാന്‍ ചെയ്യാനെത്തുന്ന രോഗികളുടെ തിരക്ക് കണക്കിലെടുത്ത്, സ്വകാര്യ സ്കാനിംഗ് സെന്ററുകളുടെ സഹകരണത്തോടെ സര്‍ക്കാര്‍ നിരക്കില്‍ സ്കാനിംഗ് സൌകര്യം ഏര്‍പ്പെടുത്താനുള്ള ഒരു പദ്ധതി പരിഗണിക്കപ്പെട്ടിട്ടുണ്ടോ ;

(ബി) എങ്കില്‍ ആ പദ്ധതിയുടെ ഇപ്പോഴത്തെ സ്ഥിതിയെന്താണെന്നും, പദ്ധതിയുടെ വിശദാംശമെന്താണെന്നും വെളിപ്പെടുത്തുമോ ;

(സി) സര്‍ക്കാര്‍ നിരക്കിനേക്കാള്‍ കുറഞ്ഞ നിരക്കില്‍ രോഗികള്‍ക്ക് സ്കാനിംഗ് നടത്താമെന്ന വാഗ്ദാനം ഏതെങ്കിലും സ്വകാര്യ സ്കാനിംഗ് സ്ഥാപനത്തില്‍ നിന്നും ലഭിച്ചിട്ടുണ്ടോ ; എങ്കില്‍ അതേക്കുറിച്ച് പരിശോധിക്കുമോ ;

(ഡി) ഒരു വിഭാഗം ഡോക്ടര്‍മാരും, ചില സ്കാനിംഗ് സെന്റര്‍ ഉടമ കളും ചേര്‍ന്ന് പാവപ്പെട്ട രോഗികളെ ചൂഷണം ചെയ്യുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടേണ്ടണ്ടാ ;

(ഇ) എങ്കില്‍ ഇത് തടയാന്‍ സര്‍ക്കാര്‍ നിരക്കില്‍ സ്കാനിംഗ് നടത്താന്‍ തയ്യാറുള്ള സ്കാന്‍ സെന്ററുകളുടെ സംസ്ഥാനതല പാനല്‍ തയ്യാറാക്കി, അത് പ്രസിദ്ധപ്പെടുത്താനും, സര്‍ക്കാര്‍ സംവിധാനം അപര്യാപ്തമാകുന്ന സാഹചര്യത്തില്‍ പാനലിലുള്ള സെന്ററുകളിലേക്ക് മാത്രം രോഗികളെ റഫര്‍ ചെയ്യാനുമുള്ള നടപടികള്‍ സ്വീകരിയ്ക്കുമോ ?

ഡ്രൈവിംഗ് ലൈസന്‍സും വാഹന രജിസ്ട്രേഷനും ഓണ്‍ലൈനില്‍

ശ്രീ. പി. ശ്രീരാമകൃഷ്ണന്‍

,, എം.എ. ബേബി

,, വി. ചെന്താമരാക്ഷന്‍

, ജെയിംസ് മാത്യു

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ഡ്രൈവിംഗ് ലൈസന്‍സിന് അപേക്ഷിക്കാനും വാഹന രജിസ്ട്രേഷനും ഓണ്‍ലൈന്‍ സൌകര്യമൊരുക്കുന്നതിനുളള നടപടികള്‍ ഇപ്പോള്‍ ഏത് ഘട്ടത്തിലാണ്;

(ബി) ഗതാഗത വകുപ്പിന് ഇതു സംബന്ധമായ കേന്ദ്രനിര്‍ദ്ദേശം വല്ലതും ലഭിച്ചിട്ടുണ്ടോ; വിശദമാക്കാമോ;

(സി) റീജിയണല്‍ ട്രാന്‍സ്പോര്‍ട്ട് ഓഫീസുകളിലെ ഇടനിലക്കാരെ ഒഴിവാക്കാന്‍ ഓണ്‍ലൈന്‍ സംവിധാനം പ്രയോജനപ്പെടുമെന്ന കാര്യം സര്‍ക്കാര്‍ പരിഗണിക്കുമോ;

(ഡി) ഇക്കാര്യത്തില്‍ സംസ്ഥാനം ഇതിനകം സ്വീകരിച്ച നടപടികള്‍ വിശദമാക്കാമോ ?

ട്രെയിന്‍ റൂട്ടിന് സമാന്തരമല്ലാത്ത റൂട്ടുകളില്‍ കൂടുതല്‍ ബസ് സര്‍വ്വീസ്

ശ്രീമതി ജമീലാ പ്രകാശം

ശ്രീ. മാത്യു റ്റി. തോമസ്

,, ജോസ് തെറ്റയില്‍

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) കെ.എസ്.ആര്‍.ടി.സി. യുടെ ടിക്കറ്റ് വില്പനയില്‍ പത്ത് ശതമാനം കുറവ് വന്നിട്ടുണ്ടെന്ന വസ്തുത ശ്രദ്ധയില്‍പ്പെട്ടിട്ടുണ്ടോ ;

(ബി) എങ്കില്‍ അതിന്റെ കാരണം പരിശോധിച്ചിട്ടുണ്ടോ ;

(സി) അത് സംബന്ധിച്ച വിശദാംശങ്ങള്‍ വ്യക്തമാക്കുമോ ;

(ഡി) കെ.എസ്.ആര്‍.ടി.സി. യുടെ അധികം സര്‍വ്വീസുകളും ട്രെയിന്‍ സര്‍വ്വീസ് റൂട്ടുകള്‍ക്ക് സമാന്തരമായിട്ടാണ് ഓടിക്കുന്നതെന്നും അത് വരുമാനത്തെ സാരമായി ബാധിക്കുന്നുണ്ടെന്നും ഉള്ള വസ്തുത ശ്രദ്ധയില്‍പ്പെട്ടിട്ടുണ്ടോ ;

(ഇ) ട്രെയിന്‍ റൂട്ടിന് സമാന്തരമല്ലാത്ത റൂട്ടുകളില്‍ കൂടുതല്‍ സര്‍വ്വീസ് നടത്താന്‍ കഴിയുന്ന രീതിയില്‍ കെ.എസ്.ആര്‍.ടി.സി. ബസ് സര്‍വ്വീസുകളെയും ഷെഡ്യൂളുകളെയും പുനഃക്രമീകരിക്കാനുള്ള നയപരമായ തീരുമാനം കൈക്കൊള്ളുവാന്‍ തയ്യാറാകുമോ ?

ഡാമുകളുടെ ആഴവും വിസ്തൃതിയും

ശ്രീ.വി.എസ്. സുനില്‍ കുമാര്‍

ശ്രീമതി. ഗീതാഗോപി

ശ്രീ. ഇ.കെ. വിജയന്‍

,, ഇ. ചന്ദ്രശേഖരന്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് ഏതെങ്കിലും ഡാമുകളുടെ ആഴവും വിസ്തൃതിയും കൂട്ടുന്നതിന് തീരുമാനിച്ചിട്ടുണ്ടോ;എങ്കില്‍ ഏതെല്ലാം ഡാമുകള്‍;

(ബി) ആഴവും വിസ്തൃതിയും വര്‍ദ്ധിപ്പിക്കുന്നതിനുമുമ്പ് പാരിസ്ഥിതികാഘാത പഠനം നടത്തിയിട്ടുണ്ടോ; എങ്കില്‍ ആ പഠനങ്ങളുടെ വെളിച്ചത്തില്‍ മുന്‍കരുതലിനായും, പരിസ്ഥിതി സംരക്ഷണത്തിനായി എന്തെല്ലാം നടപടികള്‍ സ്വീകരിക്കാന്‍ ഉദ്ദേശിക്കുന്നുണ്ടെന്ന്വ്യക്തമാക്കുമോ ?

ഗുരുവായൂര്‍ ക്ഷേത്രത്തിലെ സുരക്ഷാക്രമീകരണങ്ങള്‍

ശ്രീ. കെ.വി. അബ്ദുള്‍ ഖാദര്‍

,, കോടിയേരി ബാലകൃഷ്ണന്‍

,, കെ. രാധാകൃഷ്ണന്‍

പ്രൊഫ. സി. രവീന്ദ്രനാഥ്

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) ഗുരുവായൂര്‍ ക്ഷേത്രത്തിലെ ഭക്തജനത്തിരക്ക് നിയന്ത്രിക്കുന്നതിനും സുരക്ഷാ ക്രമീകരണങ്ങള്‍ മെച്ചപ്പെടുത്തുന്നതിനുമായി പ്രത്യേക സംവിധാനം ഏര്‍പ്പെടുത്തണമെന്ന് കേന്ദ്ര സുരക്ഷാ ഏജന്‍സി ശുപാര്‍ശ നല്‍കിയിട്ടുണ്ടോ ; വിശദാംശങ്ങള്‍ ലഭ്യമാക്കുമോ ;

(ബി) തീവ്രവാദി ആക്രമണ സാദ്ധ്യതയെക്കുറിച്ചുള്ള റിപ്പോര്‍ട്ടുകള്‍ വരുന്ന സാഹചര്യത്തില്‍ ഗുരുവായൂരിലെ സുരക്ഷാ സംവിധാനം കുറ്റമറ്റതാക്കുന്നതിന് നടപടി സ്വീകരിക്കുമോ ?

ആരോഗ്യരംഗത്ത് ആശാവര്‍ക്കര്‍മാരുടെ പ്രവര്‍ത്തനം

ശ്രീ. ജോസ് തെറ്റയില്‍

,, സി. കെ. നാണു

,, മാത്യു റ്റി. തോമസ്

ശ്രീമതി ജമീലാ പ്രകാശം

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) പ്രാഥമിക ആരോഗ്യ കേന്ദ്രങ്ങള്‍ കമ്മ്യൂണിറ്റി ഹെല്‍ത്ത് സെന്ററുകള്‍ എന്നിവയുമായി ബന്ധപ്പെട്ട് എത്ര ആശാ വര്‍ക്കര്‍മാരാണ് പ്രവര്‍ത്തിക്കുന്നത്;

(ബി) അവര്‍ എന്നുമുതല്‍ ഏതു പദ്ധതി പ്രകാരമാണ് നിയോഗിക്കപ്പെട്ടത്;

(സി) ഇതു സംബന്ധിച്ച് വിശദാംശങ്ങള്‍ വ്യക്തമാക്കാമോ;

(ഡി) ആതുര സേവനത്തില്‍ ആത്മാര്‍ത്ഥതയോടെ ഇടപെട്ടുകൊണ്ടിരിക്കുന്ന ആശാവര്‍ക്കര്‍മാര്‍ ഇന്ന് അനുഭവിക്കുന്ന ബുദ്ധിമുട്ടുകള്‍ ശ്രദ്ധയില്‍പ്പെട്ടിട്ടുണ്ടോ;

(ഇ) എങ്കില്‍ അവയ്ക്ക് പരിഹാരം കാണാന്‍ എന്തു നടപടികളാണ് സ്വീകരിക്കാന്‍ ഉദ്ദേശിക്കുന്നത്?

കുപ്പിവെള്ളം

ശ്രീ. ഐ.സി. ബാലകൃഷ്ണന്‍

,, വി.റ്റി. ബല്‍റാം

,, അന്‍വര്‍ സാദത്ത്

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ) കേരള ജല അതോറിറ്റി കുപ്പിവെള്ളം ഉല്പാദിപ്പിക്കുന്ന യൂണിറ്റുകള്‍ ആരംഭിക്കാന്‍ ഉദ്ദേശിക്കുന്നുണ്ടോ;

(ബി) ഇതിന്റെ പ്രവര്‍ത്തനങ്ങള്‍ ഏതുഘട്ടം വരെയായി;

(സി) ഇതിനുള്ള ഭരണാനുമതി ലഭിച്ചിട്ടുണ്ടോ;

(ഡി) പ്ളാനും ഡിസൈനും തയ്യാറാക്കുന്ന ജോലികള്‍ ആരംഭിച്ചിട്ടുണ്ടോ?

അന്ധതാ നിവാരണ പദ്ധതികള്‍

ശ്രീ. കോവൂര്‍ കുഞ്ഞുമോന്‍

,, എ. എ. അസീസ്

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) അന്ധതാ നിവാരണത്തിനായി കേന്ദ്രാവിഷ്കൃതമായും സംസ്ഥാനാവിഷ്കൃതമായും നടപ്പിലാക്കിക്കൊണ്ടിരിക്കുന്ന പദ്ധതികള്‍ ഏതൊക്കെയാണ്;

(ബി) ഇവയ്ക്കാവശ്യമായ ഫണ്ട് ഏതൊക്കെ മാര്‍ഗ്ഗങ്ങളിലൂടെയാണ് കണ്ടെത്തുന്നത്;

(സി) പൂര്‍ണ്ണമായും അന്ധത ബാധിച്ചവരെ സംബന്ധിച്ച റിപ്പോര്‍ട്ട് ജില്ലാടിസ്ഥാനത്തില്‍ തയ്യാറാക്കിയിട്ടുണ്ടോ; എങ്കില്‍ ജില്ലാടിസ്ഥാനത്തിലുള്ള എണ്ണം ലഭ്യമാക്കുമോ;

(ഡി) അവര്‍ക്ക് കാഴ്ച ലഭ്യമാക്കാന്‍ എന്തൊക്കെ നടപടികളാണ് സ്വീകരിക്കുന്നതെന്ന് വ്യക്തമാക്കുമോ?

അന്തര്‍ സംസ്ഥാന ബസുകള്‍

ശ്രീ. വി.പി സജീന്ദ്രന്‍

,, എ.റ്റി. ജോര്‍ജ്

,, എം.പി. വിന്‍സെന്റ്

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് ഗതാഗതവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ) യാത്രക്കാരുടെ വര്‍ദ്ധനവ് കണക്കിലെടുത്ത് കെ.എസ്.ആര്‍.ടി.സി. കൂടുതല്‍ അന്തര്‍ സംസ്ഥാന ബസുകള്‍ തുടങ്ങാന്‍ ഉദ്ദേശിക്കുന്നുണ്ടോ ;

(ബി) എങ്കില്‍ ഇതിനായി എന്തെല്ലാം നടപടികള്‍ ആരംഭിച്ചിട്ടുണ്ട് ;

(സി) ഇതിനായി അയല്‍ സംസ്ഥാനങ്ങളുമായി ചര്‍ച്ച നടത്തിയിട്ടുണ്ടോ ; വിശദാംശങ്ങള്‍ എന്തെല്ലാം ?

ഡയാലിസിസ്സ് യൂണിറ്റുകളുടെ കാര്യക്ഷമത

ശ്രീ. ഷാഫി പറമ്പില്‍

,, സണ്ണി ജോസഫ്

,, ലൂഡി ലൂയിസ്

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) സര്‍ക്കാര്‍ ആശുപത്രികളില്‍ ഡയാലിസ്സിസ്സ് യൂണിറ്റുകളുടെ കാര്യക്ഷമത വര്‍ദ്ധിപ്പിക്കുന്നതിന് എന്തെല്ലാം നടപടികളാണ് കൈകൊണ്ടിട്ടുള്ളത്;

(ബി) ഏതെല്ലാം ആശുപത്രികളിലാണ് ഈ യൂണിറ്റുകള്‍ നിലവിലുള്ളത്;

(സി) എല്ലാ താലൂക്ക് ആശുപത്രികളിലും ഈ യൂണിറ്റുകള്‍ ആരംഭിക്കുന്ന കാര്യം പരിഗണിക്കുമോ ?

ആയുര്‍വേദത്തിന്റെ പ്രചാരണം

ശ്രീ. ഹൈബി ഈഡന്‍

,,പി.എ. മാധവന്‍

,, എം.പി. വിന്‍സെന്റ്

,, ബെന്നി ബെഹനാന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) ആയുര്‍വേദത്തിന്റെ പ്രചാരണം സംബന്ധിച്ച് എന്തെല്ലാം കര്‍മ്മ പരിപാടികളാണ് ആസൂത്രണം ചെയ്തിട്ടുളളതെന്ന് വ്യക്തമാക്കുമോ;

(ബി) ജില്ലാ-സംസ്ഥാന-ദേശീയ-അന്തര്‍ദേശീയ തലത്തില്‍ സാമൂഹ്യ-സാംസ്ക്കാരിക പ്രദര്‍ശനങ്ങള്‍ ഇതിനായി സംഘടിപ്പിക്കുമോ;

(സി) പ്രസ്തുത ചികിത്സാ രീതിയെക്കുറിച്ച് ബോധവല്‍ക്കരണ ക്ളാസ്സുകളും സെമിനാറുകളും സംഘടിപ്പിക്കാന്‍ നടപടി സ്വീകരിക്കുമോ ?

ഭക്ഷ്യ വസ്തുക്കളിലെ മായം ചേര്‍ക്കല്‍

ശ്രീ. കെ. രാധാകൃഷ്ണന്‍

,, എസ്. രാജേന്ദ്രന്‍

,, ആര്‍. രാജേഷ്

ശ്രീമതി കെ.എസ്. സലീഖ

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) ഭക്ഷ്യവസ്തുക്കളിലെ മായം ചേര്‍ക്കല്‍ തടയുന്നതിനുള്ള 1954-ലെ പി.എഫ്.എ. ആക്റ്റിനു പകരം കേന്ദ്രസര്‍ക്കാര്‍ പുതിയ നിയമം ആവിഷ്ക്കരിച്ചിട്ടുണ്ടോ ;

(ബി) എങ്കില്‍ അതിന്റെ വിശദാംശങ്ങള്‍ ലഭ്യമാക്കുമോ ;

(സി) പ്രസ്തുത നിയമം സംസ്ഥാനത്ത് നടപ്പില്‍ വരുത്തിയിട്ടുണ്ടോ ;

(ഡി) പ്രസ്തുത നിയമം സംസ്ഥാനത്ത് നടപ്പിലാക്കാന്‍ സ്വീകരിച്ച നടപടികള്‍ എന്തെല്ലാമാണ് ;

(ഇ) പകര്‍ച്ചവ്യാധികള്‍ വന്‍തോതില്‍ വ്യാപിച്ചുകൊണ്ടിരിക്കുന്ന സാഹചര്യത്തില്‍ ഈ നിയമപ്രകാരം ഭക്ഷ്യവസ്തുക്കളുടെ ഗുണമേന്മ ഉറപ്പുവരുത്തുന്നതിനുള്ള പരിശോധനകള്‍ നടക്കുന്നില്ലെന്ന വസ്തുത ശ്രദ്ധയില്‍പ്പെട്ടിട്ടുണ്ടോ ;

(എഫ്) എങ്കില്‍ അത് പരിഹരിക്കുന്നതിന് സര്‍ക്കാര്‍ സ്വീകരിച്ച നടപടികള്‍ വിശദമാക്കുമോ ?

ഡി-അഡിക്ഷന്‍ സെന്ററുകളുടെ പ്രവര്‍ത്തനം

ശ്രീ. സി.പി. മുഹമ്മദ്

,, വി.ഡി. സതീശന്‍

,, കെ. അച്ചുതന്‍

,, റ്റി.എന്‍. പ്രതാപന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്തെ ഡി-അഡിക്ഷന്‍ സെന്ററുകളുടെ പ്രവര്‍ത്തനം മെച്ചപ്പെടുത്താന്‍ കൈക്കൊണ്ടിട്ടുള്ള നടപടികള്‍ എന്തെല്ലാം, വിശദമാക്കുമോ ;

(ബി) പ്രസ്തുത സെന്ററുകളിലെ ആശുപത്രികളുടെ രൂപികരണത്തിന് എന്തെല്ലാം നടപടികള്‍ കൈക്കൊണ്ടിട്ടുണ്ട് ;

(സി) ഇതിന് എത്ര തുക വകയിരുത്തിയിട്ടുണ്ട് ?

മെഡിക്കല്‍ സര്‍വ്വീസ് കോര്‍പ്പറേഷന്റെ സേവനം

ശ്രീ. ചിറ്റയം ഗോപകുമാര്‍

,, വി.എസ്. സുനില്‍ കുമാര്‍

,, പി. തിലോത്തമന്‍

,, ഇ.കെ. വിജയന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) മരുന്ന് സംഭരണത്തിന് തദ്ദേശ സ്ഥാപനങ്ങള്‍ മുന്‍കൂറായി മെഡിക്കല്‍ കോര്‍പ്പറേഷന് തുക അടച്ചിട്ടുണ്ടോ ; ഉണ്ടെങ്കില്‍ എത്ര തുകയെന്ന് വ്യക്തമാക്കാമോ ;

(ബി) തുക അടച്ചിട്ടും യഥാസമയം തദ്ദേശസ്ഥാപനങ്ങള്‍ക്ക് മരുന്നുകള്‍ നല്‍കാന്‍ കഴിയാതെ വന്നിട്ടുണ്ടോ ; ഉണ്ടെങ്കില്‍ ഇതിനുള്ള കാരണം വ്യക്തമാക്കുമോ ;

(സി) മരുന്നിന്റെ വില കൂടാതെ പ്രസ്തുത സ്ഥാപനങ്ങളില്‍ നിന്നും സര്‍വ്വീസ് ചാര്‍ജ്ജ് ഈടാക്കാറുണ്ടോ ; ഉണ്ടെങ്കില്‍ എത്ര ശതമാനം;

(ഡി) മെഡിക്കല്‍ സര്‍വ്വീസ് കോര്‍പ്പറേഷന്റെ സേവനം മുന്‍കാലങ്ങളെ അപേക്ഷിച്ച് കുറഞ്ഞു വരുന്നതായി ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ പ്രവര്‍ത്തനം മെച്ചപ്പെടുത്തുന്നതിന് കഴിയാതെ പോയതിന്റെ കാരണം വിശദമാക്കുമോ?

ജലസേചന പദ്ധതികള്‍ പരിഷ്ക്കരിക്കാന്‍ നടപടി

ശ്രീ. എം. ഉമ്മര്‍

,, എന്‍. ഷംസുദ്ദീന്‍

,, വി. എം. ഉമ്മര്‍ മാസ്റര്‍

,, പി. കെ. ബഷീര്‍

താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)  സംസ്ഥാനത്തെ നിലവിലുള്ള ജലസേചന പദ്ധതികള്‍ക്ക് കാര്‍ഷികമാറ്റങ്ങള്‍ക്കനുസൃതമായി കൂടുതല്‍ ഉപയോഗപ്രദമാക്കുന്നത് ലക്ഷ്യമിട്ട് പരിഷ്ക്കരിക്കാന്‍ ഉദ്ദേശിക്കുന്നുണ്ടോ; എങ്കില്‍ വിശദമാക്കുമോ;

(ബി) പുതുതായി ഡിസൈന്‍ ചെയ്ത് നടപ്പാക്കുന്ന പദ്ധതികള്‍ക്ക് ഘടനാപരമായും പ്രവര്‍ത്തനപരമായും മുന്‍കാല പദ്ധതികളില്‍ നിന്നും വ്യത്യാസം വരുത്തിയിട്ടുണ്ടോ; വിശദമാക്കുമോ;

(സി) കൃഷിക്കുള്ള ജലവിതരണ സംവിധാനത്തില്‍ എന്തെല്ലാം കാലാനുസൃത മാറ്റങ്ങള്‍ ആവശ്യമാണ്;

(ഡി) പരമ്പരാഗത കനാല്‍ സംവിധാനം ഒട്ടേറെ പരിമിതികള്‍ ഉള്ളതാണെന്നും, ഇക്കാര്യത്തില്‍ ആധുനിക സംവിധാനങ്ങള്‍ ഉപയോഗപ്പെടുത്തി, ആവര്‍ത്തനച്ചെലവും ഭൂമിയുടെ അമിതോപയോഗവും പരിമിതപ്പെടുത്തേണ്ടതാണെന്നും ശ്രദ്ധയില്‍പ്പെട്ടിട്ടുണ്ടോ; എങ്കില്‍ സ്വീകരിച്ചിട്ടുള്ള നടപടികള്‍ വിശദമാക്കുമോ ?

ആയുര്‍വേദ ഡിസ്പെന്‍സറികള്‍

ശ്രീ. പി.സി. വിഷ്ണുനാഥ്

,, എ.റ്റി. ജോര്‍ജ്

,, അന്‍വര്‍ സാദത്ത്

,, ജോസഫ് വാഴക്കന്‍

താഴെ കാണുന്ന ചോദ്യങ്ങള്‍ക്ക് ആരോഗ്യവും കയറും വകുപ്പുമന്ത്രി സദയം മറുപടി നല്‍കുമോ:

(എ) സംസ്ഥാനത്ത് ആയുര്‍വേദ ഡിസ്പെന്‍സറികള്‍ ശക്തിപ്പെടുത്തുന്നതിന് എന്തെല്ലാം നടപടികളാണ് കൈക്കൊണ്ടിട്ടുള്ളതെന്ന് വ്യക്തമാക്കാമോ;

(ബി) ആയുര്‍വേദ ഡിസ്പെന്‍സറികള്‍ ഇല്ലാത്ത തെരഞ്ഞെടുക്കപ്പെട്ട പഞ്ചായത്തുകളില്‍ ഇവ ആരംഭിക്കുന്നതിന് നടപടി എടുക്കുമോ;

(സി) തീര്‍ത്ഥാടന കേന്ദ്രങ്ങളില്‍ ഉത്സവ കാലങ്ങളില്‍ താല്‍ക്കാലിക ഡിസ്പെന്‍സറികള്‍ സ്ഥാപിക്കുന്ന കാര്യം പരിഗണിക്കുമോ?