Questions

പ്രവാസികള്‍ക്കായുളള പുനരധിവാസ പദ്ധതികള്‍

ശ്രീ. പി. ഉബൈദുളള

,, പി.ബി. അബ്ദുള്‍ റസാക്

,, കെ. മുഹമ്മദുണ്ണി ഹാജി

(എ) വിദേശ രാജ്യങ്ങളിലെ പുതിയ തൊഴില്‍ നിയമം മൂലം ജോലി നഷ്ടപ്പെട്ട് സംസ്ഥാനത്ത് പ്രവാസികള്‍ തിരിച്ചുവന്നിട്ടുണ്ടോ;

(ബി) എങ്കില്‍ ഇങ്ങനെ എത്രപേര്‍ തിരിച്ചുവന്നുവെന്ന് വെളിപ്പെടുത്തുമൊ;

(സി) അവരെ പുനരധിവസിപ്പിക്കുന്നതിന് സമാശ്വാസ പദ്ധതികള്‍ ആസൂത്രണം ചെയ്ത് നടപ്പാക്കുമോ;

(ഡി) സ്വയം തൊഴില്‍ കണ്ടെത്തുന്നതിന് വ്യവസ്ഥകള്‍ ലഘൂകരിച്ചുകൊണ്ട് പുതിയ വായ്പാ സംവിധാനങ്ങള്‍ ഏര്‍പ്പെടുത്തുമോ ?

പദ്ധതി വിനിയോഗങ്ങളിലെ പുരോഗതി

ഡോ. ടി. എം. തോമസ് ഐസക്

പ്രൊഫ.സി. രവീന്ദ്രനാഥ്

ശ്രീ. എളമരം കരീം

,, രാജു എബ്രഹാം

(എ) ഏറ്റവും ഒടുവില്‍ ഈ വര്‍ഷത്തെ പദ്ധതി വിനിയോഗങ്ങളിലെ പുരോഗതി വിലയിരുത്തിയത് എപ്പോഴാണ് ; വിശദാംശങ്ങള്‍ വെളിപ്പെടുത്താമോ ; ഇതിനകം പദ്ധതി വിഹിതത്തിന്റെ എത്ര ശതമാനം ഓരോ വകുപ്പും ചെലവഴിച്ചിട്ടുണ്ട് ; പദ്ധതി വിഹിതത്തിലെ ഏറ്റവും കുറഞ്ഞ വിനിയോഗം ഏത് വകുപ്പിന്റേതാണ് ;

(ബി) പ്ളാനിംഗ് ബോര്‍ഡ് ഒടുവില്‍ നടത്തിയ പദ്ധതി വിനിയോഗത്തിലെ പുരോഗതി റിപ്പോര്‍ട്ട് സര്‍ക്കാരില്‍ ലഭ്യമാണോ ; അതു പ്രകാരം എത്ര ശതമാനം വെച്ച് ഓരോ വകുപ്പും ചെലവഴിച്ചിട്ടുണ്ട് ?

ഗ്രാമീണ റോഡ് പദ്ധതി

ശ്രീ. സി. പി. മുഹമ്മദ്

,, കെ. അച്ചുതന്‍

,, പി. സി. വിഷ്ണുനാഥ്

,, അന്‍വര്‍ സാദത്ത്

(എ) പ്രധാനമന്ത്രിയുടെ ഗ്രാമീണ റോഡ് പദ്ധതി പ്രകാരം നിര്‍മ്മിക്കുന്ന റോഡുകളുടെ വശങ്ങളിലുള്ള ടെലിഫോണ്‍, വൈദ്യുതി കമ്പികള്‍, ജലവിതരണ പൈപ്പുകള്‍ ഇവ മാറ്റുന്നതിനുള്ള ചെലവ് നിലവില്‍ ആരാണ് വഹിക്കുന്നത്; വിശദാംശങ്ങള്‍ എന്തെല്ലാം;

(ബി) ഇവ മാറ്റുവാന്‍ ഏറെ സമയമെടുക്കുന്നതു മൂലം റോഡു നിര്‍മ്മാണ പൂര്‍ത്തീകരണം വൈകുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി) സംസ്ഥാനത്തിന്റെ ഭൂമിശാസ്ത്രം കണക്കിലെടുത്ത് ഇത്തരം ചെലവുകള്‍ കേന്ദ്രം വഹിക്കണമെന്ന് ആവശ്യപ്പെട്ടിട്ടുണ്ടോ; വിശദാംശങ്ങള്‍ എന്തെല്ലാം;

(ഡി) ഇതിനോട് കേന്ദ്രത്തിന്റെ നിലപാട് എന്താണ്?

കലാമണ്ഡലം പാഠ്യപദ്ധതി പുനഃസംഘടന

ശ്രീ. ഡൊമിനിക് പ്രസന്റേഷന്‍

,, തേറമ്പില്‍ രാമകൃഷ്ണന്‍

,, വര്‍ക്കല കഹാര്‍

,, എം. എ. വാഹീദ്

(എ) കേരള കലാമണ്ഡലത്തിലെ പാഠ്യപദ്ധതി പുനഃസംഘടിപ്പിക്കുന്നകാര്യം പരിഗണനയിലുണ്ടോ;

(ബി) എങ്കില്‍ പുനഃസംഘടന സംബന്ധിച്ച വിശദാംശങ്ങള്‍ വെളിപ്പെടുത്തുമോ;

(സി) ഇതിനായി എന്തൊക്കെ നടപടികള്‍ എടുത്തിട്ടുണ്ട്;

(ഡി) പാഠ്യ പദ്ധതി പുനഃസംഘടിപ്പിക്കുമ്പോള്‍ കേരളത്തിന്റെ തനതുകലകളെക്കൂടി ഉള്‍പ്പെടുത്താന്‍ ശ്രമിക്കുമോ?

ഡി.ആര്‍.ഡി.എ. പ്രവര്‍ത്തനങ്ങള്‍

ശ്രീ. ബി. സത്യന്‍

(എ) ഡി.ആര്‍.ഡി.എ. നിലവിലുണ്ടോ;

(ബി) പ്രസ്തുത ഏജന്‍സി ചെയ്യുന്ന നിര്‍മ്മാണ പ്രവര്‍ത്തനങ്ങളില്‍ എം.എല്‍.എ. മാര്‍ക്ക് എന്തെങ്കിലും പങ്കാളിത്തമുണ്ടോ;

(സി) ഡി.ആര്‍.ഡി.എ. യോഗങ്ങള്‍ എം.എല്‍.എ. മാരെ അറിയിക്കാറുണ്ടോ;

(ഡി) എം.എല്‍.എ. മാര്‍ നിര്‍ദ്ദേശിക്കുന്ന നിര്‍മ്മാണ പ്രവര്‍ത്തനങ്ങള്‍ ഡി.ആര്‍.ഡി.എ. ഏറ്റെടുക്കാറുണ്ടോ;

(ഇ) ഡി.ആര്‍.ഡി.എ. യ്ക്ക് 2011-12 സാമ്പത്തിക വര്‍ഷത്തേയ്ക്ക് ലഭിച്ചിട്ടുള്ള കേന്ദ്ര ഫണ്ട് എത്രയാണ്; വിവിധ സെക്ടറുകള്‍ക്ക് എത്ര വീതം നീക്കിവച്ചിട്ടുണ്ട്?

ഡി.പി.സി. കെട്ടിടനിര്‍മ്മാണത്തിന് അനുമതി

ശ്രീ. ബി. സത്യന്‍

(എ) കഴിഞ്ഞ സര്‍ക്കാരിന്റെ കാലത്ത് തിരുവനന്തപുരം ജില്ലാ പ്ളാനിംഗ് കമ്മിറ്റിയ്ക്ക് വേണ്ടി ഒരു ബഹുനിലകെട്ടിടം നിര്‍മ്മിക്കാന്‍ അനുമതി നല്‍കുകയും അതിനായി കുടപ്പനക്കുന്നില്‍ കെട്ടിട നിര്‍മ്മാണത്തിന് തറക്കല്ലിടുകയും ചെയ്തത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ എത്ര സെന്റ് സ്ഥലം ഇതിനായി നീക്കിവച്ചിട്ടുണ്ട്; കെട്ടിടനിര്‍മ്മാണത്തിന് എന്തുതുകയാണ് നീക്കിവച്ചിരിക്കുന്നത്;

(ബി) പ്രസ്തുത സ്ഥിതി നിലനില്‍ക്കേ തിരുവനന്തപുരം ജില്ലാ പഞ്ചായത്ത് ആസ്ഥാനത്ത് ഡി.പി.സി.ക്ക് കെട്ടിടം നിര്‍മ്മിക്കാന്‍ സര്‍ക്കാരോ പ്ളാനിംഗ് ബോര്‍ഡോ അനുമതി നല്‍കിയിട്ടുണ്ടോ;

(സി) എങ്കില്‍ അനുമതി നല്‍കിയ തീയതിയും ജി.ഒ. നമ്പരും വ്യക്തമാക്കാമോ; എന്തു തുകയാണ് ഇതിന് നീക്കിവച്ചിട്ടുള്ളത്; വ്യക്തമാക്കാമോ;

(ഡി) 1996-2001 കാലയളവില്‍ അന്നത്തെ സര്‍ക്കാര്‍ ജില്ലാ പഞ്ചായത്തിന് സ്ഥലം അനുവദിച്ചപ്പോള്‍ ജില്ലാ പഞ്ചായത്തിന്റെ പ്രവര്‍ത്തനങ്ങള്‍ക്ക് മാത്രം പ്രസ്തുത സ്ഥലം പ്രയോജനപ്പെടുത്തണമെന്ന വ്യക്തമായ തീരുമാന പ്രകാരമാണെന്ന വസ്തുത ശ്രദ്ധയില്‍പ്പെട്ടിട്ടുണ്ടോ?

ബാലുശ്ശേരി ബ്ളോക്ക് പഞ്ചായത്തിന്റെ 'സേവന' പദ്ധതി സംബന്ധിച്ച്

ശ്രീ. പുരുഷന്‍ കടലുണ്ടി

(എ) ബാലുശ്ശേരി ഭക്ഷ്യസംസ്ക്കരണ കേന്ദ്രവും ബ്ളോക്ക് പഞ്ചായത്തും കുടുംബശ്രീ മിഷനും ചേര്‍ന്ന് നടപ്പിലാക്കുന്ന 'സേവന' പദ്ധതിയുടെ പുരോഗതി അവലോകനം ചെയ്യുന്നതിനായി ബന്ധപ്പെട്ട ഉദ്യോഗസ്ഥരുടേയും ജനപ്രതിനിധികളുടേയും യോഗം വിളിച്ചു ചേര്‍ക്കുന്നതിന് നിര്‍ദ്ദേശിക്കാമോ ;

(ബി) പ്രസ്തുത പദ്ധതിക്കുവേണ്ടി ഓരോ ഏജന്‍സിയും എത്ര വീതം തുക വകയിരുത്തിയിരുന്നുവെന്നും എത്ര തുക ചെലവഴിച്ചെന്നും വ്യക്തമാക്കാമോ ?

ഗ്രാമവികസന വകുപ്പില്‍ ബി.പി.ഒ. മാരെ നിയമിക്കല്‍

ശ്രീ. പി. ശ്രീരാമകൃഷ്ണന്‍

(എ) ഗ്രാമവികസനവകുപ്പില്‍ എം.ജി.എന്‍.ഇ.ജി.എസ്. പദ്ധതി നടത്തിപ്പിനായി ബി.പി.ഒ. മാരെ നിയമിക്കാന്‍ സര്‍ക്കാര്‍ ഉദ്ദേശിക്കുന്നുണ്ടോ;

(ബി) എങ്കില്‍ പ്രമോഷന്‍ സാധ്യത ഏറെ കുറഞ്ഞ ഗ്രാമവികസനവകുപ്പിലെ ജീവനക്കാരുടെ പ്രമോഷന്‍ തസ്തികയായി ബി.പി.ഒ. പോസ്റിനെ നിശ്ചയിക്കുമോ;

(സി) ബി.ഡി.ഒ. തസ്തിക, ഗ്രാമവികസന വകുപ്പിലെ ജീവക്കാരുടെ പ്രമോഷന്‍ തസ്തിക മാത്രമാക്കാന്‍ ഉദ്ദേശിക്കുന്നുണ്ടോ;

(ഡി) ഗ്രാമവികസന വകുപ്പിലെ ജീവനക്കാര്‍ക്ക് പ്രമോഷന്‍ സാധ്യത വളരെ കുറവുളളത് ശ്രദ്ധയില്‍പ്പട്ടിട്ടുണ്ടോ?

“വിദ്യാജ്യോതി”

പ്രൊഫ.സി. രവീന്ദ്രനാഥ്

(എ) പുതുക്കാട് മണ്ഡലത്തിലെ കൊടകര ബ്ളോക്ക് പഞ്ചായത്തില്‍ വര്‍ഷങ്ങളായി പട്ടികജാതി വിദ്യാര്‍ത്ഥികള്‍ക്ക് വിജയകരമായി നടപ്പിലാക്കി വരുന്ന “വിദ്യാജ്യോതി” നിരവധി തടസ്സങ്ങള്‍ നേരിട്ടുകൊണ്ടിരിക്കുന്ന വിഷയം ശ്രദ്ധയില്‍പ്പെട്ടിട്ടുണ്ടോ;

(ബി) പട്ടികജാതി വിദ്യാര്‍ത്ഥികള്‍ക്ക് 100% വിജയം കൈവരിക്കാന്‍ സഹായിച്ച പ്രസ്തുത പദ്ധതി തുടര്‍ന്ന് നടത്തിക്കൊണ്ടുപോകുവാന്‍ അടിയന്തിരമായി നടപടി സ്വീകരിക്കുമോ;

(സി) എങ്കില്‍ തടസ്സം മാറ്റി പദ്ധതി സുഗമമായി നടപ്പിലാക്കാന്‍ ക്രിയാത്മകമായി ഇടപെടുമോ എന്ന് അറിയിക്കുമോ ?

ഗ്രാമപഞ്ചായത്തിന്റെ ലോണ്‍ ഒഴിവാക്കാന്‍ നടപടി

ശ്രീ.എം.വി.ശ്രേയാംസ് കുമാര്‍

(എ) വയനാട് ജില്ലയിലെ പൊഴുതന ഗ്രാമ പഞ്ചായത്ത് കേരള സ്റേറ്റ് റൂറല്‍ ഡവലപ്പ്മെന്റ് ബോര്‍ഡില്‍ നിന്നും എത്ര തുകയാണ് ലോണ്‍ എടുത്തതെന്ന് വ്യക്തമാക്കുമോ ; ലോണ്‍ തുക, പലിശ, പിഴപ്പലിശ എന്നീ ഇനങ്ങളില്‍ എത്ര തുകയാണ് തിരിച്ചടയ്ക്കാനുള്ളതെന്ന് ഇനം തിരിച്ച് വ്യക്തമാക്കുമോ ;

(ബി) പ്രസ്തുത ലോണ്‍ തുകയും പലിശയും ഒഴിവാക്കി നല്‍കണം എന്നാവശ്യപ്പെട്ടുകൊണ്ട് പഞ്ചായത്ത് നിവേദനം നല്‍കിയിട്ടുണ്ടോ ; എങ്കില്‍ അതിന്മേല്‍ എന്തെല്ലാം നടപടി സ്വീകരിച്ചെന്ന് വ്യക്തമാക്കുമോ ;

(സി) ഇത്രയും വലിയ സംഖ്യ തിരിച്ചടയ്ക്കുവാന്‍ ഗ്രാമപഞ്ചായത്തിനു കഴിയാത്ത സാഹചര്യത്തില്‍ ലോണ്‍ തുകയും പലിശയും ഒഴിവാക്കി നല്‍കുന്നതിനുള്ള നടപടി സ്വീകരിക്കുമോയെന്ന് വ്യക്തമാക്കുമോ ?

ഡ്രൈവര്‍ തസ്തികയില്‍ നിയമിക്കാന്‍ നടപടി

ശ്രീ. കെ. കെ. ജയചന്ദ്രന്‍

(എ) ഗ്രാമവികസന വകുപ്പ് ഡ്രൈവര്‍ ഗ്രേഡ് 2

(വിവിധം) എന്ന തസ്തികയിലേക്ക് ശ്രീ. മനേഷ് ശിവരാമന്‍ നായര്‍ എന്ന ഉദ്യോഗാര്‍ ത്ഥിയെ ഇടുക്കി ജില്ലാ പി.എസ്.സി ശുപാര്‍ശ ചെയ്ത വിവരം ശ്രദ്ധയില്‍പ്പെട്ടിട്ടുണ്ടോ;

(ബി) പ്രസ്തുത വ്യക്തിയെ പി.എസ്.സി. ശുപാര്‍ശ ചെയ്തത് എന്നാണ് എന്ന് വ്യക്തമാക്കാമോ; ഇപ്രകാരം നിയമന ശുപാര്‍ശ ലഭിച്ചാല്‍ എത്ര ദിവസത്തിനുളളില്‍ നിയമനം നല്‍കണമെന്നാണ് നിലവിലുളള വ്യവസ്ഥ എന്ന് അറിയിക്കുമോ;

(സി) ഉദ്യോഗാര്‍ത്ഥിയെ ഗ്രാമവികസന വകുപ്പില്‍ ഡ്രൈവര്‍ ആയി നിയമിച്ചിട്ടുണ്ടോ; ഇല്ല എങ്കില്‍ കാരണം വിശദമാക്കാമോ;

(ഡി) പ്രസ്തുത ഉദ്യേഗാര്‍ത്ഥിയെ ജോലിയില്‍ പ്രവേശിപ്പിക്കുന്ന കാര്യം അടിയന്തിരമായി പരിഗണിക്കുമോ; പ്രസ്തുത വിഷയത്തില്‍ ഇതുവരെ സ്വീകരിച്ച നടപടികള്‍ വ്യക്തമാക്കാമോ?

12-ാം പഞ്ചവത്സരപദ്ധതിയുടെ കര്‍മ്മസമിതി

ശ്രീ. ബെന്നി ബെഹനാന്‍

,, ഐ. സി. ബാലകൃഷ്ണന്‍

,, സണ്ണി ജോസഫ്

,, ഷാഫി പറമ്പില്‍

(എ) 12-ാം പഞ്ചവത്സരപദ്ധതി രൂപവത്ക്കരണത്തിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ എന്തെല്ലാം;

(ബി) ഇതിനായി സംസ്ഥാന ആസൂത്രണ ബോര്‍ഡിനു കീഴില്‍ വിവിധ വിഷയങ്ങളില്‍ പദ്ധതികള്‍ ആവിഷ്ക്കരിക്കാന്‍ കര്‍മ്മസമിതികള്‍ രൂപീകരിക്കുമോ;

(സി) എങ്കില്‍ രൂപീകരിക്കുന്ന കര്‍മ്മസമിതികളുടെ ഉദ്ദേശലക്ഷ്യങ്ങളും പ്രവര്‍ത്തനരീതിയും എങ്ങനെയായിരിക്കണമെന്നാണ് വിഭാവനം ചെയ്യുന്നതെന്നു വ്യക്തമാക്കുമോ;

(ഡി) ആരെയൊക്കെ അംഗങ്ങളാക്കിയാണ് ഇത്തരം കര്‍മ്മസമിതികള്‍ രൂപീകരിക്കുവാന്‍ ഉദ്ദേശിക്കുന്നത്?

ജില്ലാ ആസൂത്രണസമിതി

ശ്രീ. ബി.സത്യന്‍

(എ) ഗവണ്‍മെന്റിന് ജില്ലാ ആസൂത്രണ സമിതിയ്ക്ക് മേല്‍ എന്തെങ്കിലും അധികാരമോ നിയന്ത്രണമോ നിലവിലുണ്ടോ;

(ബി) ജില്ലാ പഞ്ചായത്ത് സമിതിയുടെ നിയന്ത്രണത്തിലാണോ ജില്ലാ ആസൂത്രണസമിതി എന്ന് വ്യക്തമാക്കാമോ;

(സി) പദ്ധതി ആസൂത്രണം, നടത്തിപ്പ്, മോണിറ്ററിംഗ് എന്നിവ കൂടാതെ ജില്ലാ ആസൂത്രണസമിതിക്ക് എന്തെല്ലാം അധികാരങ്ങളാണ് ഉളളത്;

(ഡി) ജില്ലാ പഞ്ചായത്ത് പ്രസിഡന്റ് ഡി.പി.സി.യുടെ ചെയര്‍മാന് എന്തെല്ലാം അധികാരവും ചുമതലകളുമാണ് ആക്ട് പ്രകാരം നല്‍കിയിക്കുളളത്?

തദ്ദേശസ്വയംഭരണസ്ഥാപനങ്ങള്‍ക്ക് അനുവദിച്ചിരുന്ന വാര്‍ഷിക പദ്ധതി തുക

ശ്രീ. രമേശ് ചെന്നിത്തല

,, എം. എ. വാഹീദ്

,, ഡൊമിനിക് പ്രസന്റേഷന്‍

,, വര്‍ക്കല കഹാര്‍

(എ) മുന്‍ സര്‍ക്കാരിന്റെ കാലത്ത് ഓരോ വര്‍ഷത്തെയും പദ്ധതിതുക എത്രയായിരുന്നുവെന്ന് വ്യക്തമാക്കുമോ ;

(ബി പ്രസ്തുത തുകയില്‍ ഓരോവര്‍ഷവും എത്ര തുക ചെലവഴിച്ചിരുന്നുവെന്നും എത്ര തുക ലാപ്സായി എന്നും വ്യക്ത മാക്കാമോ ;

(സി) മുന്‍ സര്‍ക്കാരിന്റെ കാലത്ത് തദ്ദേശസ്വയംഭരണ സ്ഥാപനങ്ങള്‍ക്ക് അനുവദിച്ചിരുന്ന വാര്‍ഷിക പദ്ധതി തുക എത്രയായിരുന്നുവെന്നും അതില്‍ എത്ര തുക ചെലവഴിച്ചുവെന്നും വിശദീകരിക്കാമോ ?

പൊന്നാനി ബ്ളോക്ക് വകയിരുത്തിയ തുക

ഡോ. കെ. ടി. ജലീല്‍

(എ) 2011-12 ലെ സംസ്ഥാന ബഡ്ജറ്റ് അനുബന്ധം 4 ല്‍ പൊന്നാനി ബ്ളോക്ക് പഞ്ചായത്തിന് വികസന ഫണ്ടിനത്തിനായി എന്തെങ്കിലും തുക വകയിരുത്തിയിട്ടുണ്ടോ;

(ബി) ഉണ്ടെങ്കില്‍ എത്ര രൂപയായിരുന്നു അനുവദിച്ചിരുന്നത്;

(സി) പ്രസ്തുത തുകയില്‍ നിന്നും കുറവ് വരുത്തിയിട്ടുണ്ടോ;

(ഡി) എങ്കില്‍ എത്ര രൂപയാണ് കുറവ് ചെയ്തിട്ടുള്ളത് എന്ന് വ്യക്തമാക്കാമോ;

(ഇ) കുറവ് ചെയ്യുന്നതിനുണ്ടായിട്ടുള്ള കാരണവും ഉത്തരവിന്റെ പകര്‍പ്പും ലഭ്യമാക്കുമോ?

പശ്ചിമഘട്ട വികസന പദ്ധതി

ശ്രീ. കെ. കുഞ്ഞിരാമന്‍ (ഉദുമ)

(എ) സംസ്ഥാനത്ത് പശ്ചിമഘട്ട വികസന പദ്ധതിയില്‍ ഉള്‍പ്പെടുത്തി ഏതൊക്കെ പ്രവൃത്തികളാണ് നടപ്പിലാക്കുന്നതെന്ന് വിശദമാക്കാമോ;

(ബി) കാസര്‍ഗോഡ് ജില്ലയില്‍ പ്രസ്തുത പദ്ധതിയില്‍ ഉള്‍പ്പെടുത്തി നടപ്പിലാക്കുന്ന പദ്ധതികള്‍ ഏതൊക്കെയാണ്;

(സി) ഏതൊക്കെ പ്രദേശങ്ങളെയാണ് മേല്‍പദ്ധതി

യിന്‍ കീഴില്‍ ഉള്‍പ്പെടുത്തിയിട്ടുള്ളതെന്ന് വിശദമാക്കാമോ;

(ഡി) കാസര്‍ഗോഡ് താലൂക്കിലെ മലയോര പ്രദേശങ്ങളെ മേല്‍പദ്ധതിയില്‍ ഉള്‍പ്പെടുത്തിയിട്ടില്ലായെന്ന വിഷയം ശ്രദ്ധയില്‍പ്പെട്ടിട്ടുണ്ടോ;

(ഇ) എങ്കില്‍ കാസര്‍ഗോഡ് താലൂക്കിലെ മലയോര പ്രദേശങ്ങളെ കൂടി മേല്‍പദ്ധതിയില്‍ ഉള്‍പ്പെടുത്തുന്നതിനുള്ള നടപടി സ്വീകരിക്കുമോ; വിശദാംശങ്ങള്‍ അറിയിക്കാമോ ?

ഇക്കണോമിക്സ് ആന്റ് സ്റാറ്റിസ്റിക്സ് വകുപ്പിലെ പ്രെമോഷന്‍

ശ്രീ. പി. തിലോത്തമന്‍

(എ) ഇക്കണോമിക്സ് ആന്റ് സ്റാറ്റിസ്റിക്സ് വകുപ്പിന്റെ വെബ് സൈറ്റില്‍ പ്രസിദ്ധീകരിച്ചിട്ടുള്ള 95 റിട്ടയര്‍മെന്റ് ഒഴിവുകളിലേയ്ക്ക് വിവിധ തസ്തികകളില്‍ നിന്നും പ്രേമോഷന്‍ നടത്തി ഒഴിവുകള്‍ നികത്താന്‍ നടപടി സ്വീകരിച്ചിട്ടുണ്ടോ എന്നു പറയാമോ ; ഇല്ല എങ്കില്‍ എന്തുകൊണ്ടാണ് പ്രസ്തുത ഒഴിവുകള്‍ നികത്താത്തത് എന്നു വ്യക്തമാക്കാമോ ;

(ബി) പ്രസ്തുത പ്രെമോഷനുകള്‍ നടത്തുകവഴി വകുപ്പില്‍ ഉണ്ടാകാവുന്ന സ്റാറ്റിസ്റിക്കല്‍ ഇന്‍വെസ്റിഗേറ്റര്‍ ഗ്രേഡ് 2, ഗ്രേഡ് 1 തസ്തികകള്‍ എത്രയാണെന്നു പറയാമോ ; ഈ ഒഴിവുകളിലേക്ക് ഏപ്രില്‍ 1 ന് ശേഷം എത്ര പേര്‍ക്ക് പ്രേമോഷന്‍ നല്‍കി എന്നു വ്യക്തമാക്കാമോ ;

(സി) ഓരേ സ്വഭാവമുള്ള തസ്തികകളിലേയ്ക്ക് പ്രമോഷന്‍ നല്‍കുന്നത് സംബന്ധിച്ച് ഇറക്കിയിട്ടുള്ള സര്‍ക്കാര്‍ ഉത്തരവ് (ജി.ഒ. (പി) 515/2007/ഫിന്‍. തിയതി19.10.2007 ) പ്രകാരം സ്റാറ്റിസ്റിക്കല്‍ ഇന്‍വെസ്റിഗേറ്റര്‍ ഗ്രേഡ് 2 ല്‍ നിന്നും ഗ്രേഡ് 1 ലേക്ക് പ്രെമോഷന്‍ നല്‍കുമ്പോള്‍ ഒഴിവ് നിലവില്‍ വന്ന 1.4.2011 മുതല്‍ മുന്‍കാല പ്രാബല്യം നല്‍കാന്‍ നടപടി  എടുക്കുമോ ?

കറവതൊഴിലാളികള്‍ക്ക് ഇന്‍ഷുറന്‍സ് പദ്ധതി

ശ്രീ. പി. തിലോത്തമന്‍

(എ) ക്ഷീരവികസന മേഖലയില്‍ വലിയ സംഭാവനകള്‍ ചെയ്യുന്ന ഒരു വിഭാഗമായ കറവതൊഴിലാളികളുടെ ക്ഷേമത്തിന് ഈ സര്‍ക്കാര്‍ എന്തെല്ലാം നടപടികള്‍ സ്വീകരിക്കുമെന്നു പറയാമോ;

(ബി) കറവതൊഴില്‍ ചെയ്യുന്നവര്‍ക്ക് നിരവധി ആരോഗ്യപ്രശ്നങ്ങള്‍ ഉണ്ടാകുന്നതായി ശ്രദ്ധയില്‍പ്പെട്ടിട്ടുണ്ടോ; ഈ പ്രശ്നം പരിഹരിക്കുന്നതിന് കറവതൊഴിലാളികള്‍ക്ക് പ്രത്യേക ആരോഗ്യ പാക്കേജ് നടപ്പിലാക്കുവാന്‍ ഉദ്ദേശിക്കുന്നുണ്ടോ എന്നു പറയാമോ;

(സി) കറവതൊഴിലാളികള്‍ക്ക് ഇന്‍ഷുറന്‍സ് പദ്ധതി നടപ്പിലാക്കാന്‍ നടപടി സ്വീകരിക്കുമോ ?

മില്‍മയുടെ പ്രതിദിന ശരാശരി വിറ്റുവരവ്

ശ്രീ. സി. ദിവാകരന്‍

(എ) പാല്‍വില വര്‍ദ്ധിപ്പിക്കുന്നതിന് മുമ്പും പാല്‍വില വര്‍ദ്ധിപ്പിച്ചതിനുശേഷവുമുളള മില്‍മയുടെ പ്രതിദിന ശരാശരി വിറ്റുവരവ് എത്രയാണ് ?

(ബി) പാല്‍വില വര്‍ദ്ധിപ്പിക്കുന്നതിനുമുമ്പും പാല്‍വില വര്‍ദ്ധിപ്പിച്ചതിനുശേഷവുമുളള മില്‍മയുടെ പ്രതിദിന ശരാശരി പ്രദേശിക സംഭരണം എത്ര എന്ന് വ്യക്തമാക്കാമോ:

(സി) പാല്‍വില വര്‍ദ്ധിപ്പിക്കുന്നതിനുമുമ്പ് ഇന്‍സെന്റീവ് ഉള്‍പ്പെടെ പാലിന് നല്‍കിയിരുന്ന ശരാശരി വിലയും പാല്‍വില വര്‍ദ്ധിപ്പിച്ചതിനുശേഷ് നല്‍കുന്ന ശരാശരി വിലയും എത്രയെന്ന് വ്യക്തമാക്കാമോ;

(ഡി) കാലിത്തീറ്റയ്ക്ക് നല്‍കിവരുന്ന സബ്സിഡി എത്രരൂപയാണ് നിര്‍ത്തലാക്കിയത്?

ഗുണനിലവാരമില്ലാത്ത പാല്‍ വില്‍ക്കുന്ന കമ്പനികള്‍

ശ്രീ. എം. ചന്ദ്രന്‍

(എ) ഓണക്കാലത്ത് ക്ഷീരവികസന വകുപ്പ് നടത്തിയ പാല്‍ പരിശോധനയില്‍ ഏതെല്ലാം കമ്പനികളുടെ പാല്‍ ആണ് ഗുണനിലവാരമില്ലാത്തതായി കണ്ടെത്തിയിട്ടുളളത്;

(ബി) പാലക്കാട് ജില്ലയില്‍ നിന്നും ഇത്തരം സ്ഥാപനങ്ങള്‍ക്കെതിരായ റിപ്പോര്‍ട്ട് ലഭിച്ചിട്ടുണ്ടോ;

(സി) ഇത്തരം സ്ഥാപനങ്ങള്‍ക്കെതിരെ എന്തെങ്കിലും നടപടികള്‍ സ്വീകരിച്ചിട്ടുണ്ടോ;

(ഡി) പരിശോധനയെത്തുടര്‍ന്ന് ഏതെങ്കിലും കമ്പനിയുടെ പാല്‍ സംസ്ഥാനത്ത് നിരോധിക്കുകയുണ്ടായോ ?

കാലിത്തീറ്റ വില വര്‍ദ്ധനവ്

ശ്രീ. വി. ശശി

(എ) മില്‍മാ പാലിന്റെ വില അവസാനമായി വര്‍ദ്ധിപ്പിച്ചത് എന്നാണ്;

(ബി) പ്രസ്തുത വിലവര്‍ദ്ധനവിന് മുമ്പ് സബ്സിഡി സഹിതം ഒരു ലിറ്റര്‍ പാല്‍ മില്‍മയ്ക്ക് നല്‍കുന്ന ക്ഷീരകര്‍ഷകര്‍ക്ക് ലഭിക്കുന്ന സാമ്പത്തികാനുകൂല്യം എത്രയാണ്;

(സി) പ്രസ്തുത വില വര്‍ദ്ധനവിന് ശേഷം ഒരു ലിറ്റര്‍ പാല്‍ മില്‍മയ്ക്ക് നല്‍കുമ്പോള്‍ ക്ഷീരകര്‍ഷകന് ലഭിക്കുന്ന സാമ്പത്തികാനുകൂല്യം എത്രയാണ്;

(ഡി) മില്‍മാ കാലിത്തീറ്റയ്ക്ക് നല്‍കികൊണ്ടിരുന്ന സബ്സിഡി കുറച്ചിട്ടുണ്ടോ; ഇതുമൂലം ഒരു കിലോഗ്രാം കാലിത്തീറ്റയ്ക്ക് എത്ര രൂപയാണ് വില വര്‍ദ്ധിച്ചിട്ടുളളത് എന്ന് വ്യക്തമാക്കാമോ?

പാലിന്റെ ഗുണനിലവാര പരിശോധന

ശ്രീ. എം.പി. അബ്ദുസ്സമദ് സമദാനി

,, സി. മോയിന്‍കുട്ടി

,, എം. ഉമ്മര്‍

,, എന്‍. ഷംസുദ്ദീന്‍

(എ) സംസ്ഥാനത്തിനകത്തു തന്നെ പാല്‍ ഉല്‍പ്പാദിപ്പിച്ച് വിപണനം നടത്തുന്ന സ്വകാര്യ ഡയറി ഫാമുകളില്‍ നിന്നുള്ള വ്യത്യസ്ത ഉല്പന്നങ്ങളുടെ ഗുണനിലവാരം ഉറപ്പാക്കാനുള്ള പരിശോധനാ സംവിധാനങ്ങള്‍ എന്തെല്ലാമാണ്;

(ബി) സഹകരണമേഖലയില്‍ പ്രവര്‍ത്തിക്കുന്ന ഡയറി ഫാമുകളുടെ വിവരശേഖരണം നടത്തിയിട്ടുണ്ടോ; വിശദമാക്കുമോ;

(സി) സഹകരണ മേഖലയില്‍ കൂടുതല്‍ ഡയറി ഫാമുകള്‍ ആരംഭിക്കാന്‍ ഉദ്ദേശിക്കുന്നുണ്ടോ?

ചെറുകിട ഡയറി ഫാമുകള്‍ക്ക് സാമ്പത്തിക - സാങ്കേതിക സഹായം

ശ്രീ. ബാബു എം. പാലിശ്ശേരി

(എ) സംസ്ഥാനത്ത് പ്രതിദിനം എത്ര ലക്ഷം ലിറ്റര്‍ പാല്‍ ആവശ്യമുള്ളതായിട്ടാണ് കണക്കാക്കിയിട്ടുള്ളത്;

(ബി) ഇതില്‍ ആഭ്യന്തര ഉല്പാദനം എത്ര ലിറ്റര്‍ വരും;

(സി) ആഭ്യന്തര പാല്‍ ഉല്പാദനം വര്‍ദ്ധിപ്പിക്കുന്നതിനായി താത്പര്യമുള്ള യുവതീ-യുവാക്കള്‍ക്ക് ചെറുകിട ഡയറി ഫാമുകള്‍ തുടങ്ങുന്നതിന് ആവശ്യമായ സാമ്പത്തിക - സാങ്കേതിക സഹായം നല്‍കുമോ; ഇക്കാര്യത്തില്‍ നിലവില്‍ സ്വീകരിച്ചുവരുന്ന നടപടികള്‍ എന്തൊക്കെയാണ്; വിശദാംശം വ്യക്തമാക്കുമോ ?

അന്യസംസ്ഥാനത്തു നിന്നെത്തുന്ന പാല്‍

ശ്രീമതി പി. അയിഷാ പോറ്റി

(എ) അന്യസംസ്ഥാനങ്ങളില്‍ നിന്നും ഏകദേശം എത്ര ലിറ്റര്‍ പാല്‍ കേരളത്തില്‍ എത്തുന്നുണ്ട്;

(ബി) അന്യസംസ്ഥാനങ്ങളില്‍ നിന്നും എത്തുന്ന കവര്‍പാലുകളില്‍ പരിശോധന പ്രകാരം ആരോഗ്യത്തിന് ദോഷകരമായ പദാര്‍ത്ഥങ്ങള്‍ കണ്ടെത്തിയിട്ടുണ്ടെങ്കില്‍ ആയതിന്റെ വിശദാംശങ്ങള്‍ വെളിപ്പെടുത്തുമോ?

പുല്‍കൃഷിത്തോട്ടം പ്രോത്സാഹിപ്പിക്കാന്‍ നടപടി

ശ്രീ. വി.പി. സജീന്ദ്രന്‍

'' എം.എ. വാഹീദ്

'' പി.സി. വിഷ്ണുനാഥ്

'' റ്റി.എന്‍. പ്രതാപന്‍

(എ) ക്ഷീരകര്‍ഷകരെ തൊഴിലുറപ്പ് പദ്ധതിയില്‍ ഉള്‍പ്പെടുത്തുന്നതിനായി കേന്ദ്രസര്‍ക്കാരില്‍ നിന്ന് അനുകൂല മറുപടി ലഭിക്കുമോ ; എങ്കില്‍ വ്യക്തമാക്കുമോ ;

(ബി) കാലിത്തീറ്റയ്ക്ക് വില പിടിച്ചുനിര്‍ത്തുന്നതിന്റെ ഭാഗമായി ഓരോ ബ്ളോക്കിലും പുല്‍കൃഷിത്തോട്ടം വച്ച് പിടിപ്പിക്കുന്നതിനുള്ള തിരുമാനമായിട്ടുണ്ടോ ; വ്യക്തമാക്കുമോ ;

(സി) എങ്കില്‍ ക്ഷീരകര്‍ഷ കൂട്ടായ്മ ഭൂമി പാട്ടത്തിനുനല്‍കി പുല്‍കൃഷി പ്രോല്‍സാഹിപ്പിക്കുന്നതിനുള്ള നടപടി സ്വീകരിക്കുമോ ?

പാലിലെ കൊഴുപ്പിതര പദാര്‍ത്ഥങ്ങളുടെ അളവ്

ശ്രീ. സി. ദിവാകരന്‍

,, പി. തിലോത്തമന്‍

,, ചിറ്റയം ഗോപകുമാര്‍

ശ്രീമതി ഇ. എസ്. ബിജിമോള്‍

(എ) പാലിലെ കൊഴുപ്പിതര പദാര്‍ത്ഥങ്ങളുടെ അളവ് വ്യത്യാസപ്പെടുത്തി നിശ്ചയിക്കണമെന്നതുള്‍പ്പെടെയുള്ള കാര്‍ഷിക സര്‍വ്വകലാശാല വിദഗ്ധ സമിതിയുടെ റിപ്പോര്‍ട്ട് ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ പാലില്‍ കൊഴുപ്പും, കൊഴുപ്പിതര പദാര്‍ത്ഥങ്ങളും എത്ര ശതമാനം വീതം ഉണ്ടായിരിക്കണമെന്നാണ് റിപ്പോര്‍ട്ടിലുള്ളതെന്ന് വെളിപ്പെടുത്തുമോ;

(സി) പ്രസ്തുത റിപ്പോര്‍ട്ട് നടപ്പാക്കാത്തതു മൂലം ക്ഷീരകര്‍ഷകര്‍ക്ക് പാലിന്റെ വില വര്‍ദ്ധനവിന്റെ ഗുണം ലഭിക്കുന്നില്ലെന്നത് വസ്തുതയാണോ; എങ്കില്‍ അത് പരിഹരിക്കാന്‍ എന്തു നടപടികളെടുത്തു വരുന്നുണ്ടെന്ന് വ്യക്തമാക്കുമോ?

കല്‍പ്പറ്റയിലെ മില്‍മ ഡയറി പ്രോജക്ട്

ശ്രീ. എം. വി.ശ്രേയാംസ് കുമാര്‍

(എ) കല്‍പ്പറ്റയില്‍ പ്രവര്‍ത്തനം ആരംഭിച്ച മില്‍മ ഡയറി പ്രോജക്ടിന്റെ പ്രവര്‍ത്തന പുരോഗതി വ്യക്തമാക്കുമോ ;

(ബി) പ്രസ്തുത പ്രോജക്ടിന്റെ പ്രവര്‍ത്തനം വിപുലീകരിക്കാന്‍ എന്തെല്ലാം പദ്ധതികളാണ് പരിഗണനയിലുള്ളതെന്ന് വെളിപ്പെടുത്തുമോ ;

(സി) മില്‍മയുടെ നേതൃത്വത്തില്‍ വയനാട് ജില്ലയില്‍ നടപ്പിലാക്കിയ മറ്റ് വിപുലീകരണ പ്രവര്‍ത്തനങ്ങളുടെ വിശദാംശം വ്യക്തമാക്കുമോ ?

പാലുല്പാദനം വര്‍ദ്ധിപ്പിക്കാന്‍ നടപടി

ശ്രീ. വി.ഡി. സതീശന്‍

,, സി.പി. മുഹമ്മദ്

,, റ്റി.എന്‍. പ്രതാപന്‍

,, എ.പി. അബ്ദുളളക്കുട്ടി

(എ) സംസ്ഥാനത്തെ ആകെ പാലുല്പാദനവും പാല്‍ ഉപഭോഗവും എത്രയാണ്;

(ബി) സംസ്ഥാനത്തിനാവശ്യമായ പാല്‍ ഇവിടെയുളള ഉല്പാദനം കഴിച്ച് ബാക്കി ഏതെല്ലാം സംസ്ഥാനങ്ങളില്‍ നിന്നാണ് ഇറക്കുമതി ചെയ്യുന്നത്;

(സി) സംസ്ഥാനത്തേക്ക് കൊണ്ടുവരുന്ന പാലിന്റെ ഗുണമേന്മ പരിശോധിക്കുവാന്‍ ചെക്ക് പോസ്റുകളില്‍ എന്തെല്ലാം സംവിധാനങ്ങളാണുള്ളത് എന്ന് വ്യക്തമാക്കുമോ;

(ഡി) സംസ്ഥാനത്തെ പാലുല്പാദനം വര്‍ദ്ധിപ്പിക്കുവാന്‍ എന്തെല്ലാം നടപടികളാണ് സ്വീകരിക്കുന്നത് ?

കാര്‍ഷിക ക്ഷീരമേഖലയുടെ വികസനം

ശ്രീ. ബെന്നി ബെഹനാന്‍

,, കെ. അച്ചുതന്‍

,, ഹൈബി ഈഡന്‍

,, ഷാഫി പറമ്പില്‍

(എ) സംസ്ഥാനത്തെ മലയോരമേഖലയില്‍ സാമ്പത്തിക ശേഷിയുളളവര്‍ നഗരങ്ങളിലേക്ക് താമസം മാറ്റുന്ന പ്രവണത വര്‍ദ്ധിച്ചിട്ടുണ്ടെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ഇത് ക്ഷീര കാര്‍ഷികവൃത്തി അറിയുന്നവരുടെ എണ്ണവും കൃഷിഭൂമിയുടെ വ്യാപ്തിയും കുറയുന്നതിന് കാരണമാവുന്നുണ്ടെന്ന് കരുതുന്നുണ്ടോ; വിശദാംശങ്ങള്‍ എന്തെല്ലാം;

(സി) ഇതി പരിഹരിക്കുന്നതിനായി എന്തെല്ലാം നടപടികളാണ് കൈക്കൊളളാനുദ്ദേശിക്കുന്നത്;

(ഡി) കാര്‍ഷിക-ക്ഷീര മേഖലയുടെ വികസനത്തിന് സാദ്ധ്യമായ ഇടപെടലുകള്‍ നടത്താന്‍ തയ്യാറാകുമോ?

മില്‍മാ ജീവനക്കാര്‍ക്ക് പെന്‍ഷന്‍

ശ്രീ. പാലോട് രവി

(എ) മില്‍മാ ജീവനക്കാര്‍ക്ക് പെന്‍ഷന്‍ നല്‍കുന്നതിനുളള നിര്‍ദ്ദേശം മാനേജ്മെന്റ് അംഗീകരിച്ചത് എന്നാണ്;

(ബി) ഇതിന് വേണ്ടി ട്രേഡ് യൂണിയന്‍ പ്രതിനിധികളുമായി നടത്തിയ ചര്‍ച്ചയില്‍ ഉണ്ടായ ധാരണ എന്താണ്;

(സി) പ്രസ്തുത ധാരണ മാനേജ്മെന്റും അംഗീകരിച്ചതിനു ശേഷം പെന്‍ഷന്‍ പദ്ധതി നടപ്പിലാക്കാന്‍ വൈകുന്ന കാരണമെന്താണെന്ന് വ്യക്തമാക്കാമോ;

(ഡി) ജില്ലാ സഹകരണ ജീവനക്കാര്‍ക്ക് സര്‍ക്കാര്‍ ഏര്‍പ്പെടുത്തിയ പെന്‍ഷന്‍ സ്കീം നടപ്പിലാക്കുന്നതിന് ട്രേഡ് യൂണിയനുകള്‍ സമ്മതിച്ചിട്ടുളള വിവരം ശ്രദ്ധയില്‍പ്പെട്ടിട്ടുണ്ടോ;

(ഇ) എങ്കില്‍ പ്രസ്തുത സ്കീം നടപ്പിലാക്കുന്നതിന് അടിയന്തിര നിര്‍ദ്ദേശം നല്‍കുമോ;

(എഫ്) ക്ഷീരകര്‍ഷക പെന്‍ഷനുവേണ്ടി എത്ര ശതമാനം തുക നീക്കിവയ്ക്കുന്നുണ്ട്;

(ജി) ആഭ്യന്തര ഉല്പാദനത്തില്‍ നിന്നും പുറത്തു നിന്നും കൊണ്ടുവരുന്ന പാലിന്റെയും വിഹിതം ക്ഷീരകര്‍ഷകനു പെന്‍ഷന്‍ നല്‍കാന്‍ മാറ്റി വയ്ക്കുന്നുണ്ടോ;

(എച്ച്) പുറത്തുനിന്നും കൊണ്ടുവരുന്ന പാലിന്റെ വിറ്റുവരവില്‍ നിന്നും 2008-2009, 2009-2010, 2010-2011 വര്‍ഷങ്ങളില്‍ എത്ര രൂപ ക്ഷീരകര്‍ഷക പെന്‍ഷനുവേണ്ടി ശേഖരിച്ചിട്ടുണ്ടെന്ന് വ്യക്തമാക്കാമോ;

(ഐ) കേരളത്തിന് പുറത്തു നിന്നും കൊണ്ടുവരുന്ന പാല് പ്രോസസ് ചെയ്യുന്ന മില്‍മാ ജീവനക്കാര്‍ക്ക് പെന്‍ഷന്‍ നല്‍കാന്‍ ഒരു നിശ്ചിത ശതമാനം തുക ക്ഷീരകര്‍ഷകന് നല്‍കുന്നതുപോലെ മാറ്റിവയ്ക്കുന്നതിന് നടപടി സ്വീകരിക്കുമോ?

പരമ്പരാഗത ക്ഷീര കര്‍ഷകര്‍ക്ക് പെന്‍ഷന്‍

ശ്രീ. പി. സി. വിഷ്ണുനാഥ്

(എ) ക്ഷീരസംഘങ്ങള്‍ ഇല്ലാത്ത പ്രദേശങ്ങളില്‍ താമസിക്കുന്ന ക്ഷീരകര്‍ഷകര്‍ തൊട്ടടുത്ത ക്ഷീരസംഘത്തില്‍ പാല്‍ നല്‍കിയാലും അവര്‍ക്ക് മെമ്പര്‍ഷിപ്പ് ആനു കൂല്യങ്ങള്‍ ലഭിക്കുവാന്‍ നിലവിലുള്ള നിയമത്തില്‍ വ്യവസ്ഥകള്‍ ഇല്ല എന്ന വിവരം ശ്രദ്ധയില്‍പ്പെട്ടിട്ടുണ്ടോ;

(ബി) എങ്കില്‍ ആയത് പരിഹരിക്കുവാന്‍ എന്തെങ്കിലും നടപടികള്‍ സ്വീകരിക്കുമോ; വിശദാംശം വ്യക്തമാക്കുമോ:

(സി) ചെങ്ങന്നൂര്‍ മുനിസിപ്പാലിറ്റി പ്രദേശങ്ങളില്‍ കഴിഞ്ഞ കാലങ്ങളില്‍ പ്രവര്‍ത്തിച്ചിരുന്ന ക്ഷീര സംഘങ്ങളുടെ പേരുവിവരങ്ങളോ, അംഗങ്ങളുടെ പേരുവിവരങ്ങളോ ലഭിക്കുവാന്‍ നടപടികള്‍ സ്വീകരിക്കുമോ ?

സാംസ്ക്കാരിക വിനിമയ പരിപാടികള്‍

ഡോ. എന്‍. ജയരാജ്

(എ) സാംസ്ക്കാരിക വിനിമയ പരിപാടികളുടെ ഭാഗമായി എന്തൊക്കെ പ്രവര്‍ത്തനങ്ങള്‍ സംസ്ഥാനത്ത് നടപ്പാക്കി വരുന്നു;

(ബി) പ്രസ്തുത പരിപാടികള്‍ നഗരങ്ങളില്‍ മാത്രമായി കേന്ദ്രീകരിക്കുന്നത് ശ്രദ്ധയില്‍പ്പെട്ടിട്ടുണ്ടോ;

(സി) ഗ്രാമപ്രദേശങ്ങളിലേയ്ക്കുകൂടി പ്രസ്തുത പരിപാടികള്‍ എത്തിക്കുവാന്‍ നടപടി സ്വീകരിക്കുമോ?

പുരാവസ്തുക്കളുടെ സംരക്ഷണം

ശ്രീ. റ്റി. യു. കുരുവിള

,, മോന്‍സ് ജോസഫ്

(എ) സംസ്ഥാനത്ത് പുരാതന കാലം മുതല്‍ ഉള്ളതായ സംരക്ഷിക്കപ്പെടാതെ കിടക്കുന്ന പുരാ വസ്തുക്കള്‍ സംരക്ഷിക്കുന്നതിലേയ്ക്ക് സര്‍ക്കാര്‍ സ്വീകരിച്ചിട്ടുള്ള നടപടികള്‍ വിശദമാക്കാമോ;

(ബി) പുരാവസ്തുക്കള്‍ സംരക്ഷിക്കണമെന്ന് ആവശ്യപ്പെട്ടു കൊണ്ടുള്ള അപേക്ഷകള്‍ ശ്രദ്ധയില്‍പ്പെട്ടിട്ടുണ്ടോ;

(സി) എങ്കില്‍ ഇതിലേയ്ക്ക് കൈക്കൊണ്ടിട്ടുള്ള നടപടികള്‍ വിശദമാക്കാമോ;

(ഡി) പെരിയാറിന്റെ തീരത്തെ പുരാവസ്തുക്കള്‍ സംരക്ഷിക്കണമെന്ന് ആവശ്യപ്പെട്ടു കൊണ്ട് 2007-ല്‍ നല്‍കിയിരുന്ന അപേക്ഷയില്‍ (ഫയല്‍ നമ്പര്‍ 3846/ബി1/കാഡ്/2007) ഉത്തരവ് ഉണ്ടാകുന്നതിന് അടിയന്തിര നടപടികള്‍ സ്വീകരിക്കുമോ?

പഴശ്ശിരാജ-കൃഷ്ണമേനോന്‍ മ്യൂസിയങ്ങള്‍മോടിപിടിപ്പിക്കാന്‍ നടപടി

ശ്രീ. എ. പ്രദീപ്കുമാര്‍

(എ) കോഴിക്കോട് ഈസ്റ്ഹില്ലില്‍, പഴശ്ശിരാജ-കൃഷ്ണമേനോന്‍ മ്യൂസിയങ്ങള്‍ സ്ഥിതിചെയ്യുന്ന കോമ്പൌണ്ട് കാടുപിടിച്ച് ഉപയോഗ്യ ശൂന്യമായി കിടക്കുന്നത് ശ്രദ്ധയില്‍പ്പെട്ടിട്ടുണ്ടോ;

(ബി) പ്രസ്തുത സ്ഥലം സൌന്ദര്യവല്‍ക്കരിച്ച് കൂടുതല്‍ വിനോദസഞ്ചാരികളെ ആകര്‍ഷിക്കത്തക്കവിധത്തിലേക്കുളള പദ്ധതികള്‍ ആവിഷ്ക്കരിച്ചു നടപ്പാക്കുന്നതിന് നടപടികള്‍ സ്വീകരിക്കുമോ ?

തുളു അക്കാദമിയുടെ പ്രവര്‍ത്തനം

ശ്രീ. പി. ബി. അബ്ദുള്‍ റസാക്

(എ) മഞ്ചേശ്വരം ആസ്ഥാനമായുള്ള തുളു അക്കാദമിയുടെ പ്രവര്‍ത്തനത്തിനായി എന്തൊക്കെ സഹായങ്ങളാണ് ചെയ്തു വരുന്നത് എന്ന് വ്യക്തമാക്കാമോ;

(ബി) തുളു അക്കാദമിയുടെ പ്രവര്‍ത്തനം ഊര്‍ജ്ജിതമാക്കുന്നതിനായി എന്തെങ്കിലും പദ്ധതി പരിഗണനയിലുണ്ടോ; വിശദാംശം വെളിപ്പെടുത്താമോ?

മലബാറില്‍ കലാ ഇന്‍സ്റിറ്റ്യൂട്ടും മ്യൂസിയവും

ശ്രീ. റ്റി. വി. രാജേഷ്

തെയ്യം, തിറ തുടങ്ങിയ അനുഷ്ഠാന കലകളുടെ ആസ്ഥാനമായ ഉത്തരമലബാറില്‍ ഒരു തെയ്യം കലാ ഇന്‍സ്റിറ്റ്യൂട്ടും മ്യൂസിയവും സ്ഥാപിക്കാന്‍ തയ്യാറാകുമോ?

ഫോക്ലോര്‍ വില്ലേജ്

ശ്രീ.കെ. കുഞ്ഞിരാമന്‍ (തൃക്കരിപ്പൂര്‍)

കൊടക്കാട് കേന്ദ്രീകരിച്ച് ഫോക്ലോര്‍ വില്ലേജ് ആരംഭിക്കുന്നതിന് കഴിഞ്ഞ സര്‍ക്കാര്‍ 3 ഏക്കര്‍ സ്ഥലം അനുവദിച്ചിരുന്നുവെങ്കിലും തുടര്‍ നടപടികള്‍ വൈകുന്നതിന്റെ കാരണം വ്യക്തമാക്കാമോ ?

വാദ്യകലാകാരന്മാര്‍ക്കുള്ള ക്ഷേമനിധി

പ്രൊഫ. സി. രവീന്ദ്രനാഥ്

(എ) വാദ്യകലാകാരന്മാര്‍ക്കുള്ള ക്ഷേമനിധി നടപ്പിലാക്കി തുടങ്ങിയോ എന്ന് അറിയിക്കുമോ ;

(ബി എങ്കില്‍ അംഗങ്ങളായി ചേരുന്നതിന് എന്തൊക്കെ മാനദണ്ഡങ്ങളാണ് സ്വീകരിച്ചിട്ടുള്ളത് എന്ന് വ്യക്തമാക്കാമോ ?

ജനങ്ങളില്‍ വായനാശീലം വളര്‍ത്തുവാന്‍ നടപടി

ശ്രീ. ജോസഫ് വാഴക്കന്‍

,, പാലോട് രവി

,, പി.എ. മാധവന്‍

,, ഷാഫി പറമ്പില്‍

(എ) ജനങ്ങളില്‍ വായനാശീലം വളര്‍ത്തുവാന്‍ എന്തൊക്കെ നടപടികളാണ് കേരള ഭാഷാ ഇന്‍സ്റിറ്റ്യൂട്ട് കൈക്കൊണ്ടിട്ടുള്ളത്;

(ബി) ആവശ്യമുള്ളവര്‍ക്ക് സര്‍ക്കാര്‍ ചെലവില്‍ വീട്ടില്‍ പുസ്തകങ്ങള്‍ എത്തിക്കുന്ന സംവിധാനം ഏര്‍പ്പെടുത്തുമോ;

(സി) ഇത് എങ്ങനെ നടപ്പാക്കാനാണ് ഉദ്ദേശിക്കുന്നത്;

(ഡി) ഇതിനായി പ്രമോട്ടര്‍മാരെ നിയമിക്കുന്ന കാര്യം പരിഗണിക്കുമോ; വിശദാംശങ്ങള്‍ എന്തെല്ലാം?

ലൈബ്രറി കൌണ്‍സിലിന് കെട്ടിടം

ഡോ. കെ. ടി. ജലീല്‍

(എ) പൊന്നാനി ബ്ളോക്ക് പഞ്ചായത്ത് കോമ്പൌണ്ടില്‍ താലൂക്ക് ലൈബ്രറി കൌണ്‍സിലിന് കെട്ടിടം പണിയുന്നതിനുള്ള അനുവാദം നല്‍കുന്നതിനായുള്ള അപേക്ഷ ബ്ളോക്ക് പഞ്ചായത്ത് പ്രസിഡണ്ടില്‍ നിന്നും സര്‍ക്കാരിന് ലഭിച്ചിട്ടുണ്ടോ ;

(ബി) എങ്കില്‍ അതിന്മേലുള്ള നടപടി ഏതുവരെയായി എന്ന് വ്യക്തമാക്കാമോ ?

ഇന്‍ഫര്‍മേഷന്‍ 'കിയോസ്ക്'

ശ്രീ. എ. പി. അബ്ദുള്ളക്കുട്ടി

സാധാരണക്കാരായ ജനങ്ങള്‍ക്കായി കേന്ദ്ര-സംസ്ഥാന സര്‍ക്കാരുകള്‍ നടപ്പിലാക്കുന്ന വിവിധ പദ്ധതികളെക്കുറിച്ച് ബോധവല്‍ക്കരണവും മറ്റ് അനുബന്ധ വിവരങ്ങളും നല്‍കുന്നതിലേയ്ക്കായി കണ്ണൂര്‍ ടൌണ്‍ ആസ്ഥാനമാക്കി ഒരു ഇന്‍ഫര്‍മേഷന്‍ 'കിയോസ്ക്' ആരംഭിക്കുവാന്‍ നടപടി സ്വീകരിക്കുമോ?

ഭാഷാപത്രങ്ങളിലെ പരസ്യങ്ങള്‍

ശ്രീ. പി.ശ്രീരാമകൃഷ്ണന്‍

(എ) ഈ സര്‍ക്കാര്‍ അധികാരമേറ്റ ശേഷം മറ്റ് ഭാഷ

കളിലെ പത്രങ്ങളില്‍ പരസ്യം നല്‍കിയിട്ടുണ്ടോ ;

(ബി) എങ്കില്‍ ഏതൊക്കെ ഭാഷകളില്‍ ഏതൊക്കെ സംസ്ഥാനത്താണ് പരസ്യങ്ങള്‍ നല്‍കിയിരിക്കുന്നത് ?

ഇന്‍ഫര്‍മേഷന്‍ ആന്റ് പബ്ളിക് റിലേഷന്‍സ് വകുപ്പിന്റെപ്രസിദ്ധീകരണങ്ങള്‍

ശ്രീ. റ്റി.എ. അഹമ്മദ് കബീര്‍

(എ) ഇന്‍ഫര്‍മേഷന്‍ ആന്റ് പബ്ളിക് റിലേഷന്‍സ് വകുപ്പ് കഴിഞ്ഞ വര്‍ഷം (2010-'11) സംസ്ക്കാരം, വിദ്യാഭ്യാസം, സാമൂഹിക വ്യവസ്ഥിതി, പരമ്പരാഗത കലകള്‍ എന്നീ വിഷയങ്ങളെക്കുറിച്ച് എത്ര പുസ്തകങ്ങള്‍ പ്രസിദ്ധീകരിച്ചു;

(ബി) പ്രസിദ്ധീകരിച്ചവയുടെ പേരുവിവരം നല്‍കാമോ;

(സി) 2011-12-ല്‍ പ്രസ്തുത വിഷയത്തില എന്തൊക്കെ പദ്ധതികളാണ് ആവിഷ്ക്കരിച്ചു നടപ്പാക്കാന്‍ ഉദ്ദേശിക്കുന്നതെന്നതു സംബന്ധിച്ച വിശദവിവരം നല്‍കാമോ ?

സി ഡിറ്റിലെ നിയമനങ്ങള്‍

ശ്രീ.എ.എം. ആരിഫ്

(എ) ഈ സര്‍ക്കാര്‍ അധികാരത്തില്‍ വന്നതിനുശേഷം

സി-ഡിറ്റില്‍ എത്ര നിയമനങ്ങള്‍ നടത്തിയെന്നു വ്യക്തമാക്കുമോ;

(ബി) നിയമനത്തിന് സ്വീകരിച്ച മാനദണ്ഡങ്ങള്‍

എന്തെല്ലാമാണ് ?

കോണ്‍സുലേറ്റുകള്‍ ആരംഭിക്കാന്‍നടപടി

ശ്രീ. കോടിയേരി ബാലകൃഷ്ണന്‍

(എ) സംസ്ഥാനത്ത് ഏതൊക്കെ രാജ്യങ്ങളുടെ കോണ്‍സുലേറ്റുകളാണ് ആരംഭിക്കാന്‍ പോകു ന്നതെന്ന് വെളിപ്പെടുത്താമോ;

(ബി) ഇതിനായി ഇതിനകം എന്തെല്ലാം നടപടിക്രമങ്ങളാണ് പൂര്‍ത്തീകരിച്ചിട്ടുളളതെന്ന് വിശദമാക്കാമോ;

(സി) കോണ്‍സുലേറ്റുകള്‍ എന്ന് പ്രവൃത്തിപഥത്തില്‍ വരുമെന്ന് വ്യക്തമാക്കാമോ;

(ഡി) കോണ്‍സുലേറ്റിന്റെ കേന്ദ്രം സംസ്ഥാനത്ത് എവിടെയാണെന്ന് നിശ്ചയിച്ചിട്ടുണ്ടോ;

(ഇ) എങ്കില്‍ വിശദാംശം വെളിപ്പെടുത്താമോ?

നോര്‍ക്ക-റൂട്ട്സ് ഡയറക്ടര്‍ ബോര്‍ഡ്

ശ്രീ. റ്റി.എ. അഹമ്മദ് കബീര്‍

,, പി.ബി. അബ്ദുള്‍ റസാക്

,, എന്‍.എ. നെല്ലിക്കുന്ന്

,, അബ്ദുറഹിമാന്‍ രണ്ടത്താണി

(എ) നോര്‍ക്ക-റൂട്ട്സ് ഡയറക്ടര്‍ ബോര്‍ഡിന്റെ ഘടന വിശദമാക്കുമോ;

(ബി) നിയമസഭാംഗങ്ങളുടെ പ്രതിനിധിയെക്കൂടി ബോര്‍

ഡില്‍ ഉള്‍പ്പെടുത്തുന്നതിന് നടപടി സ്വീകരിക്കുമോ ?

പ്രവാസികളുടെ പെന്‍ഷന്‍ പദ്ധതി

ശ്രീ. ഇ. പി. ജയരാജന്‍

ഡോ. കെ. ടി. ജലീല്‍

ശ്രീ. ബി. ഡി. ദേവസ്സി

,, കെ. കുഞ്ഞമ്മത് മാസ്റര്‍

(എ) അറുപത് വയസ്സ് പിന്നിട്ട പ്രവാസികള്‍ക്ക് പെന്‍ഷന്‍ പദ്ധതി ഏര്‍പ്പെടുത്തിയിട്ടുണ്ടോ ; പ്രവാസിക്ഷേമ ബോര്‍ഡില്‍ അംഗത്വമുള്ളവരില്‍ 60 വയസ്സ് പിന്നിട്ടവരെത്രയാണ് ; മുഴുവന്‍ പ്രവാസികളും ഇപ്പോള്‍ അംഗങ്ങളായിട്ടുണ്ടോ ;

(ബി) പെന്‍ഷന്‍ പദ്ധതി നടപ്പിലാക്കുന്നതിന് തന്നാണ്ടിലെ ബഡ്ജറ്റില്‍ എന്തു തുക വകയിരുത്തിയിട്ടുണ്ട് ; ഇതിനകം എത്രപേര്‍ക്ക് പെന്‍ഷന്‍ നല്‍കുകയുണ്ടായി ?

പ്രവാസികള്‍ക്ക് പെന്‍ഷന്‍

ഡോ. കെ.ടി. ജലീല്‍

(എ) 60 വയസ്സ് കഴിഞ്ഞ പാവപ്പെട്ട പ്രവാസികള്‍ക്ക് പെന്‍ഷന്‍ നല്‍കാന്‍ സര്‍ക്കാര്‍ തീരുമാനിച്ചിട്ടുണ്ടോ ;

(ബി എങ്കില്‍ അതിന്റെ മാനദണ്ഡങ്ങള്‍ എന്തെല്ലാമാണെന്ന് വ്യക്തമാക്കാമോ ?