സാമൂഹ്യ നീതി വകുപ്പിന്റെ ക്ഷേമ പദ്ധതികൾ

2773  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹിക സുരക്ഷാ മിഷൻ നടപ്പിലാക്കി വരുന്ന വിവിധ ക്ഷേമ പദ്ധതികൾ ഏതെല്ലാമെന്നും പ്രസ്തുത പദ്ധതികളിലേക്ക് അപേക്ഷിക്കാൻ അർഹരായിട്ടുള്ള വിഭാഗങ്ങൾ ആരാണെന്നും അപേക്ഷിക്കാൻ അർഹമായ മാനദണ്ഡങ്ങൾ എന്തെല്ലാമെന്നും അപേക്ഷിക്കേണ്ടത് എങ്ങനെയെന്നുമുള്ള വിശദാംശങ്ങൾ അറിയിക്കാമോ;

(ബി)  ഈ സർക്കാർ അധികാരത്തിൽ വന്ന ശേഷം സാമൂഹ്യ നീതി വകുപ്പ് പുതുതായി നടപ്പിലാക്കിയതോ ഉടൻ നടപ്പിലാക്കാൻ ഉദ്ദേശിക്കുന്നതോ ആയ ക്ഷേമ പദ്ധതികളുണ്ടെങ്കിൽ അവ ഏതെല്ലാമെന്നും പ്രസ്തുത പദ്ധതികളുടെ വിശദാംശങ്ങൾ എന്തെന്നും വ്യക്തമാക്കാമോ?

കുന്ദമംഗലം നിയോജകമണ്ഡലത്തിൽ സാമൂഹ്യ നീതി വകുപ്പിനുകീഴിലുള്ള പദ്ധതികൾ

2774  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യ നീതി വകുപ്പിന് കീഴിൽ നിലവിൽ കുന്ദമംഗലം നിയോജകമണ്ഡലത്തിൽ ഏതൊക്കെ പദ്ധതികളാണ് നടപ്പിലാക്കിവരുന്നത് എന്ന് വ്യക്തമാക്കാമോ;

(ബി)  ഈ പദ്ധതികളുടെയെല്ലാം നിലവിലെ പ്രവർത്തന പുരോഗതിയും നടത്തിപ്പും ഏത് രീതിയിലാണെന്ന് വിലയിരുത്തിയിട്ടുണ്ടോ;

(സി)  മണ്ഡലത്തിൽ നടപ്പിലാക്കിയ വിവിധ ക്ഷേമ പദ്ധതികൾ വഴി ഇതുവരെ എത്രത്തോളം യഥാർത്ഥ ഗുണഭോക്താക്കൾക്ക് ഇതിന്റെ പ്രയോജനം ലഭിച്ചുകഴിഞ്ഞിട്ടുണ്ട് എന്നതിന്റെ കൃത്യമായ കണക്കുകൾ വകുപ്പ് ശേഖരിച്ചിട്ടുണ്ടോ; ഉണ്ടെങ്കിൽ അതിന്റെ വിശദാംശം ലഭ്യമാക്കാമോ?

സംസ്ഥാനത്തെ ഭിന്നശേഷി സൗഹൃദമാക്കാനുള്ള നടപടികൾ

2775  ശ്രീ. ഷിബു തെക്കുംപുറം
ശ്രീ. അപു ജോൺ ജോസഫ്
ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തെ ഭിന്നശേഷി സൗഹൃദ സംസ്ഥാനമായി ഉയർത്താൻ ഈ സർക്കാർ സ്വീകരിക്കുന്ന നടപടികൾ അറിയിക്കാമോ;

(ബി)  കാഴ്ചപരിമിതർ ഉൾപ്പടെയുള്ള ഭിന്നശേഷിക്കാർക്ക് തടസ്സരഹിതയാത്ര ഉറപ്പാക്കാൻ എന്തൊക്കെ നടപടികളാണ് സ്വീകരിക്കാനുദ്ദേശിക്കുന്നത്; വിശദമാക്കാമോ;

(സി)  ഭിന്നശേഷിക്കാരുടെ കലാ-കായിക മികവുകൾ പ്രദർശിപ്പിക്കാൻ ഒരുക്കുന്ന സംവിധാനങ്ങൾ എന്തൊക്കെയെന്ന് വ്യക്തമാക്കാമോ;

(ഡി)  പഠന വൈകല്യങ്ങളും ഭിന്നശേഷിയും നേരത്തെ തിരിച്ചറിയാൻ അംഗൻവാടികൾ മുഖേന സംവിധാനങ്ങളൊരുക്കാന്‍ പദ്ധതിയുണ്ടോ; അറിയിക്കാമോ?

സി.ഡി.എം.ആർ.പി. ക്ലിനിക്കുകള്‍

2776  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കമ്മ്യൂണിറ്റി ഡിസെബിലിറ്റി മാനേജ്‌മെന്റ് ആൻഡ് റീഹാബിലിറ്റേഷൻ പ്രോഗ്രാം (സി.ഡി.എം.ആർ.പി) ക്ലിനിക്കുകള്‍ കേരളത്തില്‍ പ്രവര്‍ത്തിക്കുന്നത് എവിടെയാെക്കെയാണെന്ന് ജില്ല തിരിച്ച് വ്യക്തമാക്കാമോ;

(ബി)  നിലവില്‍ സി.ഡി.എം.ആർ.പി. ക്ലിനിക്കുകള്‍ അടച്ച് പൂട്ടാന്‍ തീരുമാനിച്ചിട്ടുണ്ടോ; ഉണ്ടെങ്കില്‍ വിശദാംശം നല്‍കാമോ;

(സി)  സി.ഡി.എം.ആർ.പി. ക്ലിനിക്കുകള്‍ മൊബെെല്‍ ഇന്റര്‍വെന്‍ഷന്‍ യൂണിറ്റുകളിലേക്ക് മാറ്റുന്നതിനോ ലയിപ്പിക്കുന്നതിനോ തീരുമാനിച്ചിട്ടുണ്ടെങ്കില്‍ ആയത് ബന്ധപ്പെട്ട സ്ഥാപനങ്ങളുമായി കൂടിയാലോചന നടത്തിയിട്ടുണ്ടോ;

(ഡി)  ഏതെങ്കിലും ശാസ്ത്രീയ പഠനത്തിന്റേയോ വിദഗ്ധരുടെ റിപ്പോര്‍ട്ടിന്റെയോ അടിസ്ഥാനത്തിലാണോ ഈ മാറ്റം എന്നുള്ളത് വിശദമാക്കാമോ;

(ഇ)  മേല്‍ പ്രകാരമുള്ള തീരുമാനം കൊണ്ടുണ്ടാകുന്ന നേട്ടങ്ങള്‍ എന്തൊക്കെയാണെന്ന് വിശദമാക്കാമോ?

ചങ്ങനാശ്ശേരി നിയോജകമണ്ഡലത്തിലെ ഭിന്നശേഷിക്കാർ/ട്രാൻസ്ജെൻഡേർസ്‌ എന്നിവർക്കുള്ള ക്ഷേമപദ്ധതികൾ

2777  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിൽ സാമൂഹ്യനീതി വകുപ്പിന്റെ അംഗീകാരത്തോടെയും സാമ്പത്തിക സഹായത്തോടെയും പ്രവർത്തിക്കുന്ന സ്പെഷ്യൽ സ്കൂളുകൾ, ബഡ്സ് റീഹാബിലിറ്റേഷൻ സെന്ററുകൾ, ഭിന്നശേഷി പുനരധിവാസ സ്ഥാപനങ്ങൾ എന്നിവ ഏതെല്ലാമാണെന്ന് വ്യക്തമാക്കാമോ;

(ബി)  മണ്ഡലത്തിലെ അംഗീകൃത സ്പെഷ്യൽ സ്കൂളുകൾക്ക് വകുപ്പിൽ നിന്ന് ലഭ്യമാകേണ്ട ഗ്രാന്റ്-ഇൻ-എയ്ഡ് വിഹിതവും അദ്ധ്യാപകർക്കും ആയമാർക്കും നൽകിവരുന്ന ഓണറേറിയവും നിലവിൽ കുടിശ്ശികയാണോ; എങ്കിൽ പ്രസ്തുത കുടിശ്ശിക തീർപ്പാക്കാൻ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)  ഭിന്നശേഷിക്കാർക്കായി വകുപ്പ് നടപ്പിലാക്കുന്ന സ്വാവലംബൻ ഇൻഷുറൻസ്, യു.ഡി.ഐ.ഡി കാർഡ് വിതരണം, സഹായ ഉപകരണങ്ങളുടെ വിതരണം എന്നിവ ചങ്ങനാശ്ശേരി മണ്ഡലത്തിൽ സമയബന്ധിതമായി ലഭ്യമാക്കാൻ സ്വീകരിച്ച അടിയന്തര നടപടികൾ വ്യക്തമാക്കാമോ;

(ഡി)  മണ്ഡലത്തിലെ ട്രാൻസ്ജെൻഡർ വ്യക്തികളുടെ സ്വയംതൊഴിൽ സഹായം, ഐഡന്റിറ്റി കാർഡ് വിതരണം, പുനരധിവാസം എന്നിവ ലക്ഷ്യമിട്ട് സാമൂഹ്യനീതി വകുപ്പ് നടപ്പിലാക്കുന്ന പദ്ധതികളുടെ നിലവിലെ പുരോഗതി എന്താണെന്ന് വ്യക്തമാക്കാമോ;

(ഇ)  ഈ സർക്കാർ അധികാരത്തിൽ വന്നതിനുശേഷം ചങ്ങനാശ്ശേരി മണ്ഡലത്തിലെ ഭിന്നശേഷിക്കാർക്കും മറ്റ് പാർശ്വവൽകൃത വിഭാഗങ്ങൾക്കുമായി സാമൂഹ്യനീതി വകുപ്പ് വഴി അനുവദിച്ചിട്ടുള്ള പുതിയ പദ്ധതികളുടെയും വകയിരുത്തിയ ഫണ്ടിന്റെയും പൂർണ്ണ വിവരങ്ങൾ നൽകാമോ?

പരിയാരം പഞ്ചായത്തിലെ സി.ഡി.എം.ആര്‍.പി. കമ്മ്യൂണിറ്റി ക്ലിനിക്കിന്റെ പ്രവർത്തനം

2778  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കാലിക്കറ്റ് സർവ്വകലാശാലയുടെ സൈക്കോളജി വിഭാഗവും സാമൂഹ്യനീതി വകുപ്പും സംയുക്തമായി നടപ്പിലാക്കി വരുന്ന സി.ഡി.എം.ആര്‍.പി.(കമ്മ്യൂണിറ്റി ബേസ്ഡ് ഡിസെബിലിറ്റി മാനേജ്‌മെന്റ് ആൻഡ് റീഹാബിലിറ്റേഷൻ പ്രോഗ്രാം) പദ്ധതിയുടെ കീഴിൽ പരിയാരം ഗ്രാമപഞ്ചായത്തിൽ പ്രവർത്തിക്കുന്ന കമ്മ്യൂണിറ്റി ക്ലിനിക്കിന്റെ പ്രവർത്തനം 2026 സെപ്റ്റംബർ 30-ഓടെ അവസാനിപ്പിക്കാൻ നിർദ്ദേശം നൽകിയിട്ടുള്ള വിവരം ശ്രദ്ധയിൽപ്പെട്ടിട്ടുണ്ടോ;

(ബി)  കഴിഞ്ഞ പത്തു വർഷമായി വിജയകരമായി പ്രവർത്തിച്ചുവരുന്ന പ്രസ്തുത ക്ലിനിക്ക് വഴി ഭിന്നശേഷിക്കാർ, ഓട്ടിസം, സെറിബ്രൽ പാൾസി, ലേണിംഗ് ഡിസെബിലിറ്റി തുടങ്ങിയ വെല്ലുവിളികൾ നേരിടുന്ന 450-ലധികം കുട്ടികൾക്ക് സൈക്കോളജി, സ്പീച്ച് തെറാപ്പി, ഫിസിയോതെറാപ്പി, ഒക്യുപേഷണൽ തെറാപ്പി, സ്പെഷ്യൽ എഡ്യൂക്കേഷൻ തുടങ്ങിയ സേവനങ്ങൾ സൗജന്യമായി ലഭിച്ചിരുന്നവെന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(സി)  സാമ്പത്തികമായി പിന്നാക്കം നിൽക്കുന്നതും സന്നദ്ധ സ്ഥാപനങ്ങളിലും സ്വകാര്യ ക്ലിനിക്കുകളിലും വൻ തുക നൽകി ചികിത്സ തേടാൻ സാധിക്കാത്തതുമായ കുടുംബങ്ങൾക്ക് ഈ സൗജന്യസേവനം ഇല്ലാതാകുന്നതുമൂലം ഉണ്ടാകുന്ന പ്രയാസങ്ങൾ പരിഹരിക്കുന്നതിന് എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(ഡി)  പ്രസ്തുത ക്ലിനിക്കിന്റെ പ്രവർത്തനം 2026-27 സാമ്പത്തികവർഷത്തിന് ശേഷവും തടസ്സമില്ലാതെ തുടരുന്നതിനും, ക്ലിനിക്കിന്റെ നടത്തിപ്പിന് ആവശ്യമായ പ്രോജക്ട് ഫണ്ട്/അലവൻസ് പുനഃസ്ഥാപിക്കുന്നതിനും അടിയന്തര നടപടി സ്വീകരിക്കുമോ? ​

ആശ്വാസകിരണം പദ്ധതി

2779  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ആശ്വാസകിരണം പദ്ധതിയിൽ പ്രതിമാസ തുക വർദ്ധിപ്പിച്ച ഉത്തരവിന്റെ അടിസ്ഥാനത്തിൽ പുതുക്കിയ നിരക്കിൽ ആനുകൂല്യം നൽകിത്തുടങ്ങിയിട്ടുണ്ടോ;

(ബി)  2026 ജൂൺ മുതൽ പദ്ധതിയിൽ ആനുകൂല്യം ലഭിച്ച ഗുണഭോക്താക്കളുടെ എണ്ണം, ചെലവഴിച്ച തുക, ആനുകൂല്യം ലഭിക്കാനുള്ളവരുടെ എണ്ണം എന്നിവ ജില്ല തിരിച്ച് വ്യക്തമാക്കുമോ;

(സി)  ധനസഹായം കുടിശ്ശികയായിട്ടുണ്ടെങ്കിൽ അത് എത്രയെന്നും കുടിശ്ശിക തീർക്കാൻ സ്വീകരിച്ച നടപടികളും വ്യക്തമാക്കുമോ?

വയോജനങ്ങളുടെ സുരക്ഷ ഉറപ്പാക്കുന്നതിനുളള പദ്ധതികള്‍

2780  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ഒറ്റയ്ക്ക് താമസിക്കുന്ന വയോജനങ്ങളുടെ സുരക്ഷ ഉറപ്പാക്കുന്നതിനായി സാമൂഹ്യനീതി വകുപ്പ് നടപ്പിലാക്കിവരുന്ന പദ്ധതികള്‍ എന്തെല്ലാമാണ്;

(ബി)  വയോജനങ്ങളുടെ സംരക്ഷണത്തിനായി സര്‍ക്കാര്‍ നടത്തുന്ന പകല്‍വീടുകള്‍, വയോജന മന്ദിരങ്ങള്‍ എന്നിവയുടെ ജില്ല തിരിച്ചുളള കണക്ക് ലഭ്യമാണോ;

(സി)  അര്‍ഹരായ എല്ലാ വയോജനങ്ങള്‍ക്കും ക്ഷേമ പദ്ധതികളുടെ ആനുകൂല്യങ്ങള്‍ ലഭ്യമാക്കുന്നതിന് സ്വീകരിച്ച നടപടികള്‍ എന്തെല്ലാമാണ്; വിശദാംശം ലഭ്യമാക്കാമോ?

കുട്ടികളുടെ ചികിത്സാ സഹായത്തിനായി സാമൂഹ്യനീതി വകുപ്പ് നടപ്പിലാക്കിവരുന്ന പദ്ധതികള്‍

2781  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടികളുടെ ചികിത്സാ സാഹായത്തിനായി സാമൂഹ്യനീതി വകുപ്പ് നടപ്പിലാക്കിവരുന്ന ഓരോ പദ്ധതിയുടെയും വിശദാംശങ്ങള്‍ ലഭ്യമാക്കാമോ?

ഭിന്നശേഷി സംവരണവും ഭിന്നശേഷി നിയമനവും

2782  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാർ, എയ്ഡഡ് സ്കൂളുകളിൽ അധ്യാപക-അനധ്യാപക നിയമനങ്ങളിൽ ഭിന്നശേഷി സംവരണം എത്ര ശതമാനമായാണെന്ന് വ്യക്തമാക്കാമോ;

(ബി)  നിയമനങ്ങളിൽ ഭിന്നശേഷി സംവരണം നിർബന്ധമായതിനാൽ അനർഹർ വ്യാപകമായി ഭിന്നശേഷി ലിസ്റ്റിൽ കയറി കൂടുന്നത് ശ്രദ്ധയിൽപെട്ടിട്ടുണ്ടോയെന്ന് വിശദമാക്കാമോ;

(സി)  ഇത്തരത്തിൽ സർക്കാർ, എയ്ഡഡ് സ്കൂൾ നിയമനങ്ങളിൽ അനർഹർ ഭിന്നശേഷി സംവരണ വിഭാഗത്തിൽ ജോലിയിൽ പ്രവേശിച്ചത് സംബന്ധിച്ച് ഏതെങ്കിലും പരാതികൾ ലഭിച്ചിട്ടുണ്ടോ; ഉണ്ടെങ്കിൽ ഈ പരാതികളിൽ അന്വേഷണം നടത്തി നടപടികൾ സ്വീകരിച്ചിട്ടുണ്ടോ; വിശദമാക്കാമോ;

(ഡി)  പ്രസ്തുത വിഷയവുമായി ബന്ധപ്പെട്ട് മലപ്പുറം ജില്ലയിലെ എൽ.പി.എസ്.ടി., യു.പി.എസ്.ടി., എച്ച്.എസ്.ടി., എച്ച്.എസ്.എസ്.ടി. തസ്തികളിൽ നിയമനം നേടിയ അധ്യാപകര്‍ക്കെതിരേയും വ്യാജ ഭിന്നശേഷി സർട്ടിഫിക്കറ്റ് നേടിയവര്‍ക്കെതിരേയും ഏതെല്ലാം പരാതികളാണ് ലഭിച്ചിട്ടുള്ളതെന്ന് വ്യക്തമാക്കാമോ; പ്രസ്തുത പരാതികളിൽ സ്വീകരിച്ച നടപടികൾ ഓരോന്നും ഇനം തിരിച്ച് വിശദമാക്കുമോ?

ഭിന്നശേഷിക്കാരുടെ കുടുംബ പെന്‍ഷനുള്ള വരുമാന പരിധി

2783  ശ്രീ. ഉല്ലാസ് കോവൂർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഭിന്നശേഷിക്കാരുടെ കുടുംബ പെന്‍ഷനുള്ള വരുമാന പരിധിയിൽ കുടുംബത്തിലെ മറ്റ് അംഗങ്ങളുടെ വരുമാനം ബാധകമാക്കേണ്ടെന്ന ഭിന്നശേഷി കമ്മീഷന്റെ ശിപാർശ ശ്രദ്ധയിൽപെട്ടിട്ടുണ്ടോ; വ്യക്തമാക്കാമോ;

(ബി)  എങ്കിൽ അതിനുള്ള നടപടി സ്വീകരിക്കുമോ; വിശദമാക്കാമോ?

ഭിന്നശേഷി കുട്ടികൾക്ക് സ്പെഷ്യൽ സ്കൂൾ ആരംഭിക്കാൻ നടപടി

2784  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ബൗദ്ധികവും ശാരീരികവുമായ വെല്ലുവിളികൾ നേരിടുന്ന ഭിന്നശേഷിക്കാരായ കുട്ടികൾക്ക് അവരുടെ ആവശ്യങ്ങൾക്കനുസരിച്ചുള്ള വിദ്യാഭ്യാസവും പരിശീലനവും പരിചരണവും ഉറപ്പാക്കുന്നതിനായി സാമൂഹ്യനീതി വകുപ്പ് നടപ്പിലാക്കിവരുന്ന പദ്ധതികൾ ഏതെല്ലാമാണ്;

(ബി)  ഭിന്നശേഷിക്കാരായ കുട്ടികൾക്ക് ദൂരയാത്രയും സാമ്പത്തിക ബുദ്ധിമുട്ടുകളും ഒഴിവാക്കി പ്രാദേശികതലത്തിൽ വിദ്യാഭ്യാസം ലഭ്യമാക്കുന്നതിനായി ഓരോ നിയമസഭാ മണ്ഡലത്തിലും ആവശ്യാനുസരണം പ്രത്യേക സ്കൂളുകൾ ആരംഭിക്കുന്നതിന് ഒരു സമഗ്ര പദ്ധതി ആവിഷ്കരിക്കാൻ ഉദ്ദേശിക്കുന്നുണ്ടോ;

(സി)  പ്രസ്തുത സ്കൂളുകൾ ആരംഭിക്കുന്നതിനായി തദ്ദേശസ്വയംഭരണ സ്ഥാപനങ്ങൾ, സാമൂഹ്യനീതി വകുപ്പ്, വിദ്യാഭ്യാസ വകുപ്പ് എന്നിവയുടെ സംയുക്ത പങ്കാളിത്തത്തോടെ കെട്ടിടസൗകര്യം, പ്രത്യേക പരിശീലനം ലഭിച്ച അധ്യാപകർ, സ്പെഷ്യൽ എഡ്യൂക്കേറ്റർമാർ, തെറാപ്പി സൗകര്യങ്ങൾ, സഹായ ഉപകരണങ്ങൾ, ഗതാഗത സൗകര്യം എന്നിവ ഉറപ്പാക്കുന്നതിനുള്ള നടപടികൾ സ്വീകരിക്കുമോ?

സാമൂഹ്യനീതി വകുപ്പ് നടപ്പിലാക്കി വരുന്ന പദ്ധതികൾ

2785  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ജന്മനാ വൈകല്യമുള്ളവർ, ഓട്ടിസം ബാധിച്ചവർ, സ്ട്രോക്ക് വന്ന് ശാരീരിക ബുദ്ധിമുട്ടുകൾ അനുഭവിക്കുന്നവർ എന്നിവരുടെ ചികിത്സയ്ക്കും സംരക്ഷണത്തിനുമായി സാമൂഹ്യനീതി വകുപ്പ് വഴി നിലവിൽ നടപ്പിലാക്കി വരുന്ന പ്രധാന പദ്ധതികൾ ഏതൊക്കെയാണെന്ന് വ്യക്തമാക്കുമോ;

(ബി)  റോഡ് അപകടങ്ങളിലോ മറ്റ് നിർഭാഗ്യകരമായ സംഭവങ്ങളിലോ പെട്ട് കൈകാലുകൾ നഷ്ടപ്പെടുകയോ തളർന്നുപോവുകയോ ചെയ്തവർക്ക് കൃത്രിമ അവയവങ്ങൾ, ഉപകരണങ്ങൾ, പുനരധിവാസം എന്നിവ ഉറപ്പാക്കുന്നതിന് എന്തെല്ലാം പ്രത്യേക പദ്ധതികളാണ് നിലവിലുള്ളതെന്ന് വ്യക്തമാക്കാമോ;

(സി)  ഇത്തരത്തിലുള്ളവർക്ക് ധനസഹായം, ചികിത്സാ സഹായം, പെൻഷൻ, ഇൻഷുറൻസ് പരിരക്ഷ എന്നിവ നൽകുന്നതിന് നിലവിലുള്ള മാനദണ്ഡങ്ങളും അപേക്ഷാ രീതികളും വിശദമാക്കുമോ;

(ഡി)  ഗുരുതരമായ ശാരീരിക/മാനസിക വൈകല്യമുള്ളവരെ സംരക്ഷിക്കുന്ന കുടുംബങ്ങൾക്ക് സാമ്പത്തിക ആശ്വാസം നൽകുന്നതിനായി സാമൂഹ്യനീതി വകുപ്പിന്റെ ആശ്വാസകിരണം പോലെയുള്ള പദ്ധതികൾ മുഖേന നൽകുന്ന ആനുകൂല്യങ്ങൾ എന്തൊക്കെയാണെന്ന് വ്യക്കതമാക്കാമോ; ഇവ കൂടുതൽ വിപുലമാക്കാൻ ഘട്ടങ്ങളായി നടപടി സ്വീകരിക്കുമോയെന്ന് അറിയിക്കാമോ?

ഭിന്നശേഷി സംവരണ നിയമനങ്ങൾ

2786  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2016-ലെ ഭിന്നശേഷി അവകാശ നിയമപ്രകാരം സംസ്ഥാനത്തെ വിവിധ സർക്കാർ വകുപ്പുകൾ, പൊതുമേഖലാ സ്ഥാപനങ്ങൾ, എയ്ഡഡ് വിദ്യാഭ്യാസ സ്ഥാപനങ്ങൾ എന്നിവയിൽ ഭിന്നശേഷിക്കാർക്കായി മാറ്റിവെച്ചിട്ടുള്ള 4% സംവരണ തസ്തികകളിൽ നിലവിൽ എത്ര ഒഴിവുകൾ നികത്താനുണ്ട്; വകുപ്പ് തിരിച്ചു വ്യക്തമാക്കാമോ;

(ബി)  2023 - 2026 കാലയളവിൽ ഭിന്നശേഷി സംവരണ തത്ത്വപ്രകാരം പി.എസ്.സി വഴി നടത്തിയ നിയമനങ്ങളുടെ എണ്ണം വകുപ്പ് തിരിച്ച് അറിയിക്കാമോ;

(സി)  ഭിന്നശേഷിക്കാർക്കായുള്ള ബാക്ക്‌ലോഗ് തസ്തികകൾ നികത്തുന്നതിനായി പ്രത്യേക നിയമന ഡ്രൈവ് സംഘടിപ്പിക്കാൻ ഉദ്ദേശിക്കുന്നുണ്ടോ; എങ്കിൽ ഇതിന്റെ നിലവിലെ പുരോഗതി എന്താണ്;

(ഡി)  ഭിന്നശേഷി നിയമനങ്ങളുമായി ബന്ധപ്പെട്ട് സുപ്രീം കോടതിയുടെയും ഹൈക്കോടതിയുടെയും ഉത്തരവുകൾ കൃത്യമായി പാലിക്കപ്പെടുന്നുണ്ടെന്ന് ഉറപ്പുവരുത്താൻ എന്തെല്ലാം ഭരണപരമായ നടപടികളാണ് സ്വീകരിച്ചിട്ടുള്ളത്?

അംഗപരിമിതരുടെ ആനുകൂല്യങ്ങള്‍ വര്‍ദ്ധിപ്പിക്കാൻ നടപടി

2787  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അംഗപരിമിതരുടെ വിവിധ ആനുകൂല്യങ്ങള്‍ കാലോചിതമായി പരിഷ്കരിച്ച് നല്‍കാന്‍ സത്വര നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ;

(ബി)  ഇലക്ട്രിക് വീല്‍ ചെയറുകള്‍ ആവശ്യക്കാര്‍ക്ക് മുഴുവന്‍ ലഭ്യമാക്കാന്‍ എന്ത് നടപടി സ്വീകരിക്കുമെന്ന് വ്യക്തമാക്കാമോ;

(സി)  അംഗപരിമിതര്‍ക്ക് ആനുകൂല്യങ്ങള്‍ ലഭിക്കുന്നതിന് നാല്പത് ശതമാനം വൈകല്യം ഉറപ്പു വരുത്തുന്ന നടപടി കൂടുതല്‍ ലളിതവും വേഗത്തിലുമാക്കുന്നതിന് നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ?

കാഴ്ച പരിമിതിയുള്ളവര്‍ക്ക് ആനൂകൂല്യങ്ങൾ നൽകാൻ നടപടി

2788  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അസ്ഥി സംബന്ധമായ വൈകല്യങ്ങള്‍ക്ക് മെഡിക്കല്‍ ബോര്‍ഡിന്റെ സര്‍ട്ടിഫിക്കറ്റില്‍ നല്‍കുന്ന ശതമാനം ഒരു കണ്ണിന്റെ കാഴ്ച പൂര്‍ണ്ണമായും നഷ്ടപ്പെട്ടവര്‍ക്കു കൂടി നല്‍കാത്തത് ശ്രദ്ധയില്‍പ്പെട്ടിട്ടുണ്ടോ;

(ബി)  മെഡിക്കല്‍ ബോര്‍ഡിന്റെ പരിശോധനയില്‍ ഒരു കണ്ണിന്റെ കാഴ്ച തിരിച്ചു ലഭിക്കാത്തവിധം നഷ്ടപ്പെട്ടവരെ നാല്പത് ശതമാനം വൈകല്യമുള്ളവരായി പരിഗണിച്ച് ആനുകൂല്യങ്ങൾ നൽകുന്ന കാര്യം പരിഗണനയില്‍ ഉണ്ടോ?

പാറശാല മണ്ഡലത്തിലെ ഭിന്നശേഷിക്കാരുടെയും ഓട്ടിസം ബാധിച്ചവരുടെയും പുനരധിവാസം

2789  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തിരുവനന്തപുരം ജില്ലയിലെ പാറശാല നിയമസഭാ മണ്ഡലത്തിൽ ഉൾപ്പെടുന്ന 9 ഗ്രാമപഞ്ചായത്തുകളിലായി സർക്കാർ രേഖകൾ പ്രകാരം രജിസ്റ്റർ ചെയ്തിട്ടുള്ള ആകെ ഭിന്നശേഷിക്കാരുടെയും ഓട്ടിസം ബാധിച്ചവരുടെയും എണ്ണം പഞ്ചായത്ത് തിരിച്ച് വ്യക്തമാക്കാമോ;

(ബി)  ഇത്തരക്കാരുടെ സാമൂഹികവും വ്യക്തിപരവുമായ ഉന്നമനത്തിനും പുനരധിവാസത്തിനുമായി സാമൂഹ്യനീതി വകുപ്പ് വഴിയും തദ്ദേശസ്വയംഭരണ സ്ഥാപനങ്ങൾ (തദ്ദേശ പദ്ധതികൾ/ബജറ്റ് വിഹിതം) മുഖേനയും നടപ്പിലാക്കിയിട്ടുള്ള നിലവിലെ പദ്ധതികൾ ഏതെല്ലാമെന്നും ഇതിനായി വിനിയോഗിച്ച തുക എത്രയെന്നും വിശദമാക്കാമോ;

(സി)  സംസ്ഥാനത്തെ പൊതുവിദ്യാലയങ്ങളിൽ പഠിക്കുന്ന ഭിന്നശേഷിക്കാരായതും ഓട്ടിസം ബാധിച്ചതുമായ കുട്ടികൾക്ക് ആശ്വാസകരമായ രീതിയിൽ സേവനമനുഷ്ഠിക്കുന്ന കരാർ അധിഷ്ഠിത സ്പെഷ്യൽ എഡ്യൂക്കേറ്റർമാരുടെ വേതനം ജീവിതചെലവിന് അനുസൃതമായി കാലോചിതമായി പരിഷ്കരിക്കുന്നതിന് നടപടി സ്വീകരിക്കുമോ; എങ്കിൽ വിശദാംശങ്ങൾ ലഭ്യമാക്കാമോ;

(ഡി)  എല്ലാ പൊതുവിദ്യാലയങ്ങളിലും ഭിന്നശേഷി വിദ്യാർത്ഥികളുടെ പഠന സൗകര്യവും മാനസിക പിന്തുണയും പൂർണ്ണമായി ഉറപ്പുവരുത്തുന്നതിനായി സ്പെഷ്യൽ എഡ്യൂക്കേറ്റർമാരുടെ മുഴുവൻ സമയ സേവനം ലഭ്യമാക്കുന്നതിനും തസ്തികകൾ സ്ഥിരപ്പെടുത്തുന്നതിനും അല്ലെങ്കിൽ പുനഃക്രമീകരിക്കുന്നതിനും ഉദ്ദേശിക്കുന്നുണ്ടോ; വ്യക്തമാക്കാമോ?

ട്രാന്‍സ്ജന്‍ഡര്‍ വ്യക്തികളുടെയും ഭിന്നശേഷിക്കാരുടെയും ക്ഷേമവും പുനരധിവാസവും

2790  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ ട്രാന്‍സ്ജന്‍ഡര്‍ വ്യക്തികളുടെ ക്ഷേമത്തിനായി മുന്‍സര്‍ക്കാര്‍ നടപ്പിലാക്കിയ പദ്ധതികള്‍ ഏതെല്ലാമാണ്; വ്യക്തമാക്കാമോ;

(ബി)  ഭിന്നശേഷിക്കാരായവര്‍ക്ക് UDID കാര്‍ഡും ആധാര്‍കാര്‍ഡും എടുക്കുന്നതിനും, പുതുക്കുന്നതിനുമുള്ള പ്രയാസങ്ങള്‍ പരിഹരിക്കാന്‍ എന്ത് നടപടിയാണ് കെെക്കൊണ്ടിട്ടുള്ളതെന്ന് വിശദമാക്കാമോ;

(സി)  ബൗദ്ധിക ഭിന്നശേഷിയുള്ളവരുടെ ക്ഷേമത്തിനും പുനരധിവാസത്തിനുമായി സാമൂഹ്യനീതി വകുപ്പ് നടപ്പിലാക്കുന്ന പദ്ധതികള്‍ വ്യക്തമാക്കാമോ;

(ഡി)  ഭിന്നശേഷിക്കാരായവരുടെ മാതാപിതാക്കള്‍ക്ക് പ്രായമാവുകയോ മരണപ്പെടുകയോ ചെയ്താല്‍ ഭാവികാലം ഭിന്നശേഷിക്കാര്‍ക്ക് സുരക്ഷിത താമസവും ദീര്‍ഘകാല പരിചരണവും ഉറപ്പാക്കുന്നതിനുവേണ്ടി പ്രത്യേക പദ്ധതികളുണ്ടോ; വിശദമാക്കാമോ?

ബേപ്പൂർ നിയോജകമണ്ഡലത്തിലെ ഭിന്നശേഷിക്കാരുടെ ഉന്നമനം

2791  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ബേപ്പൂർ നിയോജകമണ്ഡലത്തിൽ എത്ര ഭിന്നശേഷിക്കാരുണ്ടെന്ന് കണക്കാക്കിയിട്ടുണ്ടോ; ഉണ്ടെങ്കിൽ അവരുടെ എണ്ണം എത്രയാണെന്ന് അറിയിക്കാമോ;

(ബി)  അവർക്ക് എന്തെല്ലാം സഹായങ്ങളാണ് ലഭ്യമാക്കിയിട്ടുള്ളത്;

(സി)  ഭിന്നശേഷിക്കാരുടെ ഉന്നമനത്തിനായി എന്തെല്ലാം പുതിയ പദ്ധതികളാണ് നടപ്പിലാക്കാൻ ഉദ്ദേശിക്കുന്നതെന്ന് അറിയിക്കാമോ?

ഭിന്നശേഷിക്കാരുടെ ക്ഷേമപദ്ധതികൾക്കായി അനുവദിച്ച തുക

2792  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിൽ എത്ര ഭിന്നശേഷിക്കാർ രജിസ്റ്റർ ചെയ്തിട്ടുണ്ടെന്നതിന്റെ ജില്ല തിരിച്ചുള്ള കണക്ക് വ്യക്തമാക്കാമോ;

(ബി)  കഴിഞ്ഞ 10 വർഷത്തിനിടയിൽ ഭിന്നശേഷിക്കാർക്കായി സാമൂഹ്യനീതി വകുപ്പ് നടപ്പിലാക്കിവരുന്ന ക്ഷേമപദ്ധതികൾക്കായി അനുവദിച്ച തുക എത്രയാണെന്ന് ജില്ലതിരിച്ച് വിശദമാക്കാമോ?

അനുയാത്ര പദ്ധതി

2793  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ബുദ്ധിപരമായ വെല്ലുവിളികൾ നേരിടുന്ന കുട്ടികൾക്ക് തെറാപ്പികളും പരിശീലനങ്ങളും ലഭ്യമാക്കുന്നതിനായി അനുയാത്ര പദ്ധതിയുടെ ഭാഗമായി ആരംഭിച്ച മോഡൽ ചൈൽഡ് റിഹാബിലിറ്റേഷൻ സെന്ററുകളുടെ (MCRC) പ്രവർത്തനം ശക്തിപ്പെടുത്തുന്നതിനായി സ്വീകരിച്ചു വരുന്ന നടപടികൾ വിശദമാക്കാമോ;

(ബി)  പ്രസ്തുത സെന്ററുകളിൽ പഠിക്കുന്ന വിദ്യാർത്ഥികൾക്ക് നിലവിലുള്ള എക്സിറ്റ് പോളിസിയെക്കുറിച്ച് വിശദമാക്കാമോ;

(സി)  മട്ടന്നൂർ നഗരസഭയിലെ ബഡ്സ് സ്കൂളിനെ എം.സി.ആര്‍.സി. ആയി ഉയർത്തുന്നതിനുള്ള നടപടികൾ സ്വീകരിക്കാമോ; ഈ സ്ഥാപനത്തിന് എന്തൊക്കെ പിന്തുണ നൽകാനാകുമെന്ന് വിശദമാക്കാമോ?

അംഗപരിമിതരായ ജീവനക്കാരുടെ പ്രമോഷനും ആനുകൂല്യങ്ങളും

2794  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അംഗപരിമിതരായ ജീവനക്കാരുടെ പ്രമോഷനും മറ്റ് സാമ്പത്തിക ആനുകൂല്യങ്ങളും അനുവദിക്കുന്നതിനായി ബഹു. ഹൈക്കോടതി ഉത്തരവാകുകയും ആയത് സുപ്രീംകോടതി ശരിവെച്ചുകൊണ്ട് ഉത്തരവാകുകയും ചെയ്തെങ്കിലും ആയത് ലഭ്യമാകാത്ത വിവരം ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ പ്രസ്തുത കോടതി വിധി നടപ്പിലാക്കി, വർഷങ്ങളായി ഒരേ തസ്തികയിൽ ജോലി ചെയ്തുവരുന്ന അംഗപരിമിതരായ ജീവനക്കാർക്ക് അനുകൂല്യങ്ങൾ നൽകുന്നതിന് നടപടി സ്വീകരിക്കുമോ; വിശദമാക്കുമോ;

(സി)  സാമൂഹ്യ നീതി വകുപ്പിന്റെ പരിഗണനയിലുള്ള എസ്.ജെ.ഡി.-ബി1/250/2021-എസ്.ജെ.ഡി. നമ്പർ ഫയലിൽ സ്വീകരിച്ച നടപടികളുടെ വിശദാംശം ലഭ്യമാക്കാമോ?

എൻഡോസൾഫാൻ ദുരിതബാധിതർക്കുള്ള സഹായം

2795  ശ്രീ. എ. സി. മൊയ്തീന്‍
ശ്രീ. എ. പ്രഭാകരന്‍
ശ്രീ. യു. ആര്‍. പ്രദീപ്
ശ്രീ. പി. പി. സുമോദ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  എൻഡോസൾഫാൻ ദുരിതബാധിതർക്കുള്ള അവശ്യമരുന്നുകളുടെ വിതരണം കഴിഞ്ഞ മൂന്നുമാസമായി നിലച്ചുവെന്ന റിപ്പോർട്ട് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ;

(ബി)  എൻഡോസൾഫാൻ ദുരിതബാധിതർക്കുള്ള സർക്കാർ സഹായം കൃത്യമായി നൽകുന്നതിന് നടപടി സ്വീകരിക്കുമോ;

(സി)  സ്നേഹസാന്ത്വനം പദ്ധതിക്കായി പ്രഖ്യാപിച്ച പതിനഞ്ച് കോടി രൂപയുടെ സഹായം ഇനിയും ലഭ്യമായിട്ടില്ലെന്ന പരാതികൾ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ നടപടി സ്വീകരിക്കുമോ;

(ഡി)  ഈ സർക്കാർ അധികാരത്തിൽ വന്നശേഷം എൻഡോസൾഫാൻ ദുരിതബാധിതർക്കുള്ള പെൻഷൻ വിതരണം അതത് മാസം കൃത്യമായി നൽകിയിട്ടുണ്ടോ; വ്യക്തമാക്കുമോ?

സാമൂഹ്യനീതി വകുപ്പ് മുഖേന നടപ്പിലാക്കിവരുന്ന ക്ഷേമപദ്ധതികൾ

2796  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സാമൂഹ്യനീതി വകുപ്പ് മുഖേന സംസ്ഥാനത്ത് നടപ്പിലാക്കിവരുന്ന വിവിധ ക്ഷേമപദ്ധതികൾ അർഹരായ ഗുണഭോക്താക്കളിലേക്ക് സമയബന്ധിതമായും ഫലപ്രദമായും എത്തിക്കുന്നതിനായി പഞ്ചായത്ത്, നഗരസഭ, ബ്ലോക്ക്, താലൂക്ക് തലങ്ങളിൽ പ്രത്യേക സംവിധാനങ്ങളോ നിർവഹണ ഓഫീസുകളോ നിലവിലുണ്ടോ; വിശദാംശം ലഭ്യമാക്കുമോ;

(ബി)  പ്രസ്തുത പദ്ധതികൾ താഴെത്തട്ടിൽ നടപ്പിലാക്കുന്നതിനും ഗുണഭോക്താക്കളെ കണ്ടെത്തുന്നതിനും അപേക്ഷകൾ സ്വീകരിക്കുന്നതിനും അർഹത പരിശോധിക്കുന്നതിനും ആനുകൂല്യങ്ങൾ വിതരണം ചെയ്യുന്നതിനും നിലവിൽ ഏതെല്ലാം ഉദ്യോഗസ്ഥരുടെയും സ്ഥാപനങ്ങളുടെയും തദ്ദേശസ്വയംഭരണ സ്ഥാപനങ്ങളുടെയും സേവനമാണ് പ്രയോജനപ്പെടുത്തുന്നത്; വിശദമാക്കുമോ;

(സി)  സാമൂഹ്യനീതി വകുപ്പിന്റെ പദ്ധതികളെക്കുറിച്ചുള്ള വിവരങ്ങൾ സാധാരണ ജനങ്ങളിലേക്കും പ്രത്യേകിച്ച് ഭിന്നശേഷിക്കാർ, വയോജനങ്ങൾ, ട്രാൻസ്‌ജെൻഡർ വ്യക്തികൾ, മറ്റു അർഹരായ ദുർബല വിഭാഗങ്ങൾ എന്നിവരിലേക്കും എത്തിക്കുന്നതിന് പ്രത്യേക ബോധവൽക്കരണ, ഏകോപന, നിരീക്ഷണ സംവിധാനങ്ങൾ നിലവിലുണ്ടോ; ഉണ്ടെങ്കിൽ അവയുടെ പ്രവർത്തനരീതി വ്യക്തമാക്കുമോ;

(ഡി)  സാമൂഹ്യനീതി വകുപ്പിന്റെ പദ്ധതികൾ അർഹരായ എല്ലാവരിലേക്കും എത്തുന്നുവെന്ന് ഉറപ്പാക്കുന്നതിനും അപേക്ഷകളിൽ കാലതാമസം ഒഴിവാക്കുന്നതിനും ഗുണഭോക്താക്കളുടെ പരാതികൾ പരിഹരിക്കുന്നതിനുമായി തദ്ദേശതലത്തിൽ പ്രത്യേക ഉദ്യോഗസ്ഥരെയോ സംവിധാനങ്ങളെയോ നിയോഗിക്കുന്നതിനും നിലവിലുള്ള സംവിധാനങ്ങൾ കൂടുതൽ ശക്തിപ്പെടുത്തുന്നതിനും സർക്കാർ നടപടി സ്വീകരിച്ചിട്ടുണ്ടോ; വിശദാംശം ലഭ്യമാക്കുമോ?

എൻഡോസൾഫാൻ രോഗികൾക്കുള്ള സൗജന്യ മരുന്ന് വിതരണം

2797  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കാസർകോട് ജില്ലയിൽ എൻഡോസൾഫാൻ ദുരിതബാധിത പട്ടികയിൽ ആകെ എത്ര പേരുണ്ടെന്ന് പഞ്ചായത്ത് തിരിച്ച് കണക്ക് ലഭ്യമാക്കാമോ;

(ബി)  അതിൽ എത്ര പേർക്ക് പെൻഷൻ ആനുകൂല്യങ്ങൾ നൽകുന്നുണ്ടെന്ന് പഞ്ചായത്ത് തിരിച്ച് കണക്ക് ലഭ്യമാക്കാമോ;

(സി)  അതിൽ എത്രപേർക്കാണ് സൗജന്യ മരുന്നു വിതരണം നൽകുന്നതെന്ന് പഞ്ചായത്ത് തിരിച്ച് കണക്ക് ലഭ്യമാക്കാമോ;

(ഡി)  എൻഡോസൾഫാൻ രോഗികൾക്കുള്ള സൗജന്യ മരുന്ന് വിതരണം മുടങ്ങാതിരിക്കാൻ സ്വീകരിച്ച നടപടികൾ എന്തൊക്കെയെന്ന് അറിയിക്കുമോ;

(ഇ)  നടപടികൾ സ്വീകരിച്ചിട്ടും കഴിഞ്ഞ കുറച്ചു മാസങ്ങളായി സൗജന്യ മരുന്നു വിതരണം നടത്തുന്നില്ല എന്ന പരാതി നിലവിൽ ഉണ്ടോ;

(എഫ്)  ഉണ്ടെങ്കിൽ പരാതി പരിഹരിക്കുന്നതിന് നടപടികൾ സ്വീകരിച്ചിട്ടുണ്ടോ; വിശദമാക്കാമോ?

ആശ്വാസകിരണം പദ്ധതി

2798  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഒരു മുഴുവന്‍ സമയ പരിചാരകനെ ആവശ്യമാംവിധം കിടപ്പിലായ രോഗികൾ, ശാരീരിക-മാനസിക വെല്ലുവിളി നേരിടുന്നവർ, ഗുരുതര രോഗമുള്ളവർ എന്നിവരെ പരിചരിക്കുന്നവർക്ക് ആശ്വാസകിരണം പദ്ധതി വഴി ലഭിക്കുന്ന പ്രതിമാസ ധനസഹായം മുടങ്ങാതെ അനുവദിക്കാന്‍ നടപടി സ്വീകരിക്കുമോ; നിലവിൽ ഏത് മാസം വരെയുള്ള ധനസഹായമാണ് വിതരണം ചെയ്തിട്ടുള്ളതെന്ന് വ്യക്തമാക്കുമോ?

സാമൂഹ്യനീതി വകുപ്പിനു കീഴിലുള്ള സ്ഥാപനങ്ങളുടെ പ്രവർത്തനം മെച്ചപ്പെടുത്താൻ നടപടി

2799  ശ്രീ. വി. മുരളീധരൻ
ശ്രീ. രാജീവ് ചന്ദ്രശേഖർ
ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ജുവനൈൽ ജസ്റ്റിസ് ആക്ട്, ആർ.പി.ഡബ്ല്യു.ഡി. ആക്ട് എന്നിവ പ്രകാരം കൗമാരപ്രായക്കാർക്കും ഭിന്നശേഷിയുള്ള വ്യക്തികൾക്കുമായി പ്രവർത്തിക്കുന്ന സ്ഥാപനങ്ങൾ രജിസ്ട്രേഷൻ നടത്തുന്നുണ്ടെന്നും നിശ്ചിത കാലയളവുകളിൽ സുരക്ഷാ ഓഡിറ്റിന് വിധേയമാക്കുന്നുണ്ടെന്നും ഉറപ്പുവരുത്താൻ സ്വീകരിച്ച നടപടികൾ വിശദമാക്കാമോ;

(ബി)  കൗമാരക്കാരുടെ മാനസികാരോഗ്യ പ്രശ്നങ്ങൾക്ക് പരിഹാരമായി ആവശ്യമായ സമയങ്ങളിൽ കൗൺസിലിംഗ് നൽകേണ്ടതിനായി ജുവനൈൽ ഹോമുകളിൽ വേണ്ടത്ര മാനസികാരോഗ്യ കൗൺസിലർമാർ ഇല്ലെന്ന പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ആവശ്യമായ കൗൺസിലർമാരെ നിയമിക്കുന്നതിന് നടപടി സ്വീകരിക്കുമോ;

(സി)  സാമൂഹ്യ നീതി വകുപ്പിന്റെ നേതൃത്വത്തിൽ പ്രവർത്തിക്കുന്ന വിവിധ സ്ഥാപനങ്ങളിൽ സൈക്കോളജിസ്റ്റ്, സ്പെഷ്യൽ എഡ്യൂക്കേറ്റർ, ഫിസിയോതെറാപ്പിസ്റ്റ് തുടങ്ങിയ തസ്തികകളിൽ ജോലിചെയ്യുന്നതിന് ആവശ്യത്തിന് ജീവനക്കാർ ഇല്ലെന്ന പരാതി ശ്രദ്ധയിൽപ്പെട്ടിട്ടുണ്ടോ; എങ്കിൽ ഇക്കാര്യത്തിൽ സ്വീകരിച്ച പരിഹാര നടപടികൾ വ്യക്തമാക്കാമോ;

(ഡി)  സാമൂഹ്യനീതി വകുപ്പിന്റെ കീഴിലുള്ള സ്ഥാപനങ്ങളിൽ നാല്പത് ശതമാനത്തോളം തസ്തികകൾ ഒഴിഞ്ഞു കിടക്കുന്ന കാര്യം ശ്രദ്ധയിൽപ്പെട്ടിട്ടുണ്ടോ; ഈ തസ്തികകളിലേക്ക് ജീവനക്കാരെ നിയമിക്കുന്നതിന് എന്തൊക്കെ നടപടികൾ സ്വീകരിച്ചുവെന്ന് വ്യക്തമാക്കാമോ?

സാമൂഹ്യനീതി വകുപ്പിന്റെ ക്ഷേമ-പുനരധിവാസ പദ്ധതികൾ

2800  ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ഭിന്നശേഷിക്കാർ, ട്രാൻസ്‌ജെൻഡർ വ്യക്തികൾ തുടങ്ങിയ വിഭാഗങ്ങൾക്കായി സാമൂഹ്യനീതി വകുപ്പ് മുഖേന നിലവിൽ നടപ്പിലാക്കിവരുന്ന പ്രധാന ക്ഷേമ-പുനരധിവാസ പദ്ധതികൾ ഏതെല്ലാമാണെന്ന് വ്യക്തമാക്കാമോ;

(ബി)  പ്രസ്തുത പദ്ധതികൾ പ്രകാരമുള്ള സാമ്പത്തിക സഹായങ്ങൾ, സ്കോളർഷിപ്പുകൾ, സഹായ ഉപകരണങ്ങൾ, സ്വയംതൊഴിൽ വായ്പാ സബ്‌സിഡികൾ എന്നിവ ലഭിക്കുന്നതിനുള്ള യോഗ്യതാ മാനദണ്ഡങ്ങളും അപേക്ഷ സമർപ്പിക്കേണ്ട നടപടിക്രമങ്ങളും വിശദമാക്കാമോ;

(സി)  കൊച്ചി മണ്ഡലത്തിൽ മാനസിക-ശാരീരിക വെല്ലുവിളികൾ നേരിടുന്ന ഭിന്നശേഷി വിഭാഗക്കാരുടെ പുനരധിവാസത്തിനും തൊഴിൽ നൈപുണ്യ പരിശീലനത്തിനുമായി നടപ്പ് സാമ്പത്തിക വർഷത്തിൽ പുതിയ പ്രത്യേക പദ്ധതികളും തെറാപ്പി സൗകര്യങ്ങളും അനുവദിക്കാൻ നടപടി സ്വീകരിക്കുമോ; വ്യക്തമാക്കാമോ?

പരപ്പനങ്ങാടി ഫിഷിംഗ് ഹാർബർ, പുലിമുട്ട് നിർമ്മാണം

2801  ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തിരൂരങ്ങാടി നിയോജക മണ്ഡലത്തിലെ പരപ്പനങ്ങാടി ഫിഷിംഗ് ഹാർബർ നിർമ്മാണത്തിൽ അധികമായി വന്ന പ്രവൃത്തികൾക്ക് കിഫ്‌ബി അനുമതി ലഭ്യമാക്കിയിട്ടുണ്ടോയെന്ന് വിശദമാക്കാമോ;

(ബി)  പ്രസ്തുത നിർമ്മാണവുമായി ബന്ധപ്പെട്ട് കടലാക്രമണം ചെറുക്കുന്നതിന് നിലവിലുള്ള പുലിമുട്ടുകൾ ശക്തിപ്പെടുത്തുകയും പുതിയവ നിർമ്മിക്കുകയും ചെയ്യുന്നതിന്റെ നിലവിലെ സ്ഥിതി വ്യക്തമാക്കാമോ; ഇവയുടെ ശാസ്ത്രീയ പഠനം നടത്തിയിട്ടുണ്ടോ; ഉണ്ടെങ്കിൽ പഠന റിപ്പോർട്ട് സഹിതം വിശദമാക്കാമോ;

(സി)  പരപ്പനങ്ങാടി ഫിഷിങ് ഹാർബർ, പുലിമുട്ട് നിർമ്മാണവുമായി ബന്ധപ്പെട്ട ഫയലുകളുടെ പുരോഗതി ഫയൽ നമ്പർ സഹിതം വിശദമാക്കാമോ?

ഫിഷറീസ് ഹാര്‍ബറുകൾ

2802  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തീരമേഖലയിൽ കൂടുതൽ ഫിഷറീസ് ഹാർബറുകൾ നിർമ്മിക്കാൻ പദ്ധതിയുണ്ടോയെന്ന് വ്യക്തമാക്കാമോ;

(ബി)  നിലവിലുള്ള ഹാർബറുകൾ ആധുനികവത്കരിക്കാൻ സ്വീകരിക്കുന്ന നടപടികൾ എന്തെല്ലാമാണെന്ന് വിശദമാക്കാമോ?

മത്സ്യബന്ധനവും അനുബന്ധ തൊഴിലുകളും നേരിടുന്ന പ്രതിസന്ധി

2803  ശ്രീ. പി. പ്രസാദ്
ശ്രീമതി ഗീതാ ഗോപി
ശ്രീ. ജി. ആര്‍. അനില്‍
ശ്രീ. കെ. കെ. വത്സരാജ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തിന്റെ 600 കിലോമീറ്റർ ദൈർഘ്യമുള്ള തീരദേശത്തിന്റെ വിവിധ മേഖലകളെ ഏകോപിപ്പിച്ചു കൊണ്ട് സമുദ്രാധിഷ്ഠിത സമ്പദ് വ്യവസ്ഥ വികസിപ്പിക്കാൻ ഉദ്ദേശിക്കുന്നുണ്ടോ; വിശദീകരിക്കുമോ;

(ബി)  സർക്കാർ പ്രഖ്യാപിച്ച പദ്ധതിയുടെ ഫലമായി കേരളത്തിലെ പത്ത് ലക്ഷത്തിലധികം വരുന്ന മത്സ്യത്തൊഴിലാളികളുടെയും അൻപത് ലക്ഷത്തിലധികം വരുന്ന ജനങ്ങളുടെയും ഉപജീവനമാർഗ്ഗമായ മത്സ്യബന്ധനവും അനുബന്ധ തൊഴിലുകളും പ്രതിസന്ധിയിലാകുമെന്ന ആശങ്ക ശ്രദ്ധയിൽപ്പെട്ടിട്ടുണ്ടോ; വിശദീകരിക്കുമോ;

(സി)  വൻകിട തുറമുഖങ്ങൾ, സമുദ്രാധിഷ്ഠിത വ്യവസായ മേഖലകളിൽ ലോജിസ്റ്റിക് തുടങ്ങിയവയുടെ വളർച്ച പരമ്പരാഗത മത്സ്യബന്ധനത്തെയും മത്സ്യത്തൊഴിലാളികളെയും എങ്ങനെ ബാധിക്കുന്നുമെന്ന് വിലയിരുത്തിയിട്ടുണ്ടോ; വിശദീകരിക്കുമോ;

(ഡി)  നൂറുശതമാനം മത്സ്യത്തൊഴിലാളികൾ അധിവസിക്കുന്ന തീരദേശ ഗ്രാമങ്ങളിലെ ജനങ്ങളുടെ തൊഴിലിനേയും വരുമാനത്തെയും ബാധിക്കാത്ത വിധത്തിൽ ഈ പദ്ധതി നടപ്പിലാക്കുമോ; വിശദീകരിക്കുമോ?

കേരള മറൈൻ ഷിപ്പിംഗ് റെഗുലേഷൻ നിയമഭേദഗതി

2804  ശ്രീ. പി. മമ്മിക്കുട്ടി
ശ്രീമതി ഒ. എസ്. അംബിക
ശ്രീ. കെ. പ്രേമൻ
ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കേരള മറൈൻ ഷിപ്പിംഗ് റെഗുലേഷൻ നിയമത്തിൽ എന്തെങ്കിലും ഭേദഗതി വരുത്തുവാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(ബി)  എങ്കിൽ പ്രസ്തുത നിയമ ഭേദഗതിക്ക് മുമ്പ് മത്സ്യത്തൊഴിലാളികൾ, ബോട്ടുടമകൾ, ഈ മേഖലയിലെ സംഘടനകൾ എന്നിവരുടെ അഭിപ്രായങ്ങൾ പരിഗണിക്കുന്നതിന് സൗകര്യമൊരുക്കുമോ;

(സി)  പ്രസ്തുത നിയമം ഭേദഗതി ചെയ്യുമ്പോൾ നിലവിലെ കാലാവസ്ഥാ വ്യതിയാനം കൂടി കണക്കിലെടുത്ത് മത്സ്യസമ്പത്ത് പരിപാലിക്കാൻ ആവശ്യമായ വ്യവസ്ഥകൾ ഉൾപ്പെടുത്തുമോ; വ്യക്തമാക്കുമോ?

മത്സ്യക്കുഞ്ഞുങ്ങളെ പിടിക്കുന്ന ലോബികൾ

2805  ശ്രീ. കുറുക്കോളി മൊയ്തീന്‍
ശ്രീ. സി. കെ. കാസിം
ശ്രീ. എ. കെ. എം. അഷ്റഫ്
ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഇതര സംസ്ഥാനങ്ങളിലെ ഫിഷ് ഫാമുകളിൽ തീറ്റ ഉൽപ്പാദിപ്പിക്കുന്നതിനായി കേരളതീരത്തുനിന്നും മത്സ്യക്കുഞ്ഞുങ്ങളെ കൊണ്ടുപോകുന്ന വൻകിട ലോബികൾ പ്രവർത്തിക്കുന്നതായി കണ്ടെത്തിയിട്ടുണ്ടോ;

(ബി)  ഇപ്രകാരം മത്സ്യക്കുഞ്ഞുങ്ങളെ പിടിക്കുന്നതിന് മത്സ്യബന്ധന വകുപ്പിലെ ഉദ്യോഗസ്ഥർ ഒത്താശ ചെയ്യുന്നതായുള്ള പരാതികൾ പരിശോധിച്ചിട്ടുണ്ടോ;

(സി)  മത്സ്യക്കുഞ്ഞുങ്ങളെ പിടിക്കുന്ന ഇത്തരം സംഘങ്ങൾക്കെതിരെ എന്തെല്ലാം നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വിശദമാക്കാമോ?

മത്സ്യത്തൊഴിലാളി സഹായ പദ്ധതി മാര്‍ഗ്ഗനിര്‍ദ്ദേശ പരിഷ്കരിക്കരണം

2806  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധനത്തിനും അനുബന്ധ ജോലികളിലും ഏർപ്പെട്ടിരിക്കെ ആകസ്മികമായി മരണപ്പെടുന്നവരുടെ ആശ്രിതർക്ക് സാമ്പത്തികമായി പിന്നാക്കം നിൽക്കുന്ന ജനവിഭാഗമെന്ന നിലയില്‍ ആനുകൂല്യം ലഭ്യമാക്കുന്നതിന് നിലവിലുള്ള മാര്‍ഗ്ഗ നിര്‍ദ്ദേശങ്ങള്‍ പരിഷ്കരിക്കാന്‍ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

(ബി)  അറുപത് വയസ്സിനു മുന്‍പ് വിവിധ രോഗങ്ങള്‍ വന്ന് മരണപ്പെടുന്ന മത്സ്യത്തൊഴിലാളികള്‍ക്ക് നല്‍കുന്ന ആനുകൂല്യം വര്‍ദ്ധിപ്പിക്കുന്നതിന് നടപടി സ്വീകരിക്കുമോ;

(സി)  മത്സ്യത്തൊഴിലാളികളുടെ ജീവിത നിലവാരം ഉയര്‍ത്തുന്നതിന് ഒരു കര്‍മ്മ പദ്ധതി നടപ്പാക്കാന്‍ നടപടികള്‍ സ്വീകരിക്കുമോ?

കടലില്‍ കാണാതായവരെ കണ്ടെത്താന്‍ കേന്ദ്രസഹായം

2807  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വിഴിഞ്ഞത്ത് കടലില്‍ കാണാതായ ജോണിന്റെ കുടുംബത്തിനെതിരെ ഉണ്ടായ സെെബര്‍ ആക്രമണത്തില്‍ മത്സ്യബന്ധന വകുപ്പ് എന്ത് നടപടിയാണ് കെെക്കൊണ്ടതെന്ന് വിശദമാക്കാമോ;

(ബി)  മത്സ്യബന്ധനത്തിനിടയില്‍ അപകടത്തില്‍പ്പെട്ട് കാണാതായവരെ കണ്ടെത്താന്‍ സംസ്ഥാന സര്‍ക്കാര്‍ കേന്ദ്രസഹായം തേടിയിരുന്നോ; വിശദമാക്കാമോ;

(സി)  വിഴിഞ്ഞത്ത് കടലില്‍ കാണാതായവരെ എത്രദിവസം കഴിഞ്ഞാണ് കണ്ടെത്താന്‍ കഴിഞ്ഞതെന്ന് വ്യക്തമാക്കാമോ?

മുനക്കക്കടവ് ഫിഷ്‍ലാന്റിംഗ് സെന്റർ സ്ഥലമെടുപ്പ് നടപടി

2808  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂർ മണ്ഡലത്തിൽ ഫിഷറീസ് വകുപ്പ് മുഖേന നടപ്പിലാക്കുന്ന പ്രവൃത്തികളും അവയുടെ പുരോഗതിയും വിശദമാക്കാമോ;

(ബി)  2026-27 സാമ്പത്തിക വർഷത്തിൽ 20% തുക അനുവദിച്ച മുനക്കക്കടവ് ഫിഷ്‍ ലാന്റിംഗ് സെന്റർ സ്ഥലമെടുപ്പ് നടപടികളുടെ പുരോഗതി വിശദമാക്കാമോ?

മത്സ്യബന്ധന വകുപ്പിന് കീഴിലുള്ള റോഡ് പുനരുദ്ധാരണ പദ്ധതി

2809  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധന വകുപ്പിന് കീഴിലുള്ള റോഡ് പുനരുദ്ധാരണ പദ്ധതി നിലവിലുണ്ടോ; എങ്കിൽ വിശദാംശം വ്യക്തമാക്കാമോ;

(ബി)  ഈ പദ്ധതിയിൽ തെരഞ്ഞെടുക്കപ്പെടുന്ന റോഡുകളുടെ മാനദണ്ഡം എന്തെല്ലാമാണെന്ന് വിശദമാക്കാമോ?

മിനി ഫിഷ് ലാൻഡിംഗ് സെന്റർ

2810  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  അഴീക്കോട് നീർക്കടവിൽ നിർമിക്കാൻ ഉദ്ദേശിക്കുന്ന മിനി ഫിഷ് ലാൻഡിംഗ് സെന്ററുമായി ബന്ധപ്പെട്ട പഠനം പൂർത്തിയാക്കി റിപ്പോർട്ട് ലഭിച്ചതിനുശേഷം സ്വീകരിച്ച തുടർനടപടികൾ വിശദമാക്കാമോ;

(ബി)  പദ്ധതിയുടെ ഡി.പി.ആർ. തയ്യാറാക്കിയിട്ടുണ്ടോ; വിശദാംശം നല്‍കാമോ?

മത്സ്യ സമൃദ്ധി പദ്ധതി

2811  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഓരോ ജില്ലയിലുമുള്ള ആളുകളുടെ ഇഷ്ടവും രുചിതാല്‍പര്യവും അനുസരിച്ച് മീനുകളെ വളര്‍ത്തുന്ന മുഖ്യമന്ത്രി മത്സ്യസമൃദ്ധി പദ്ധതിയെക്കുറിച്ച് വിശദമാക്കുമോ;

(ബി)  നിലവില്‍ സംസ്ഥാനത്ത് നടക്കുന്ന വിവിധ മത്സ്യക്കൃഷി പദ്ധതികളെ ഏകോപിപ്പിച്ചും ശാസ്ത്രീയമായി പുനരാവിഷ്കരിച്ചുമാണോ പദ്ധതി നടപ്പാക്കുകയെന്ന് അറിയിക്കുമോ;

(സി)  പുതിയ പദ്ധതി പ്രകാരം ഓരോ ജില്ലക്കാരുടെയും അഭിരുചിക്കനുസരിച്ചുള്ള മത്സ്യക്കൃഷിയാണോ ലക്ഷ്യമെന്ന് വ്യക്തമാക്കുമോ; പുതിയ പദ്ധതിയില്‍ വകുപ്പ് മുന്നോട്ട് വയ്ക്കുന്ന 'എവിടെയെല്ലാം ജലാശയം അവിടെയെല്ലാം മത്സ്യക്കൃഷി' എന്ന ആശയത്തെക്കുറിച്ച് വിശദമാക്കുമോ?

മത്സ്യത്തൊഴിലാളി ക്ഷേമനിധി ബോർഡ് മുഖേന ലഭിക്കുന്ന സഹായങ്ങൾ

2812  ശ്രീമതി ഉമ തോമസ്
ശ്രീ. സേനാപതി വേണു
ശ്രീ. വി. ടി. സൂരജ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലിൽ കാണാതായ മത്സ്യത്തൊഴിലാളികളുടെ കുടുംബങ്ങൾക്ക് മത്സ്യത്തൊഴിലാളി ക്ഷേമനിധി ബോർഡ് മുഖേന ലഭിക്കുന്ന സഹായങ്ങൾ എന്തൊക്കെയാണ്; വിശദമാക്കാമോ;

(ബി)  മത്സ്യത്തൊഴിലാളിയെ കാണാതായതിനെ തുടർന്ന് കുടുംബത്തിന്റെ ഏക വരുമാനമാർഗം നഷ്ടപ്പെടുന്ന സാഹചര്യത്തിൽ കുടുംബത്തിലെ ആശ്രിതർക്ക് പ്രതിമാസ ധനസഹായം നൽകുന്ന പദ്ധതിയുണ്ടോ; വിശദമാക്കാമോ;

(സി)  മത്സ്യബന്ധനത്തിനിടെ കാണാതായ മത്സ്യത്തൊഴിലാളികളുടെ കുടുംബങ്ങളിലെ കുട്ടികളുടെ വിദ്യാഭ്യാസം, ചികിത്സ, ഭവനം തുടങ്ങിയ മേഖലകളിൽ പ്രത്യേക സഹായം നൽകുന്ന പദ്ധതിയുണ്ടോ; ഈ കുടുംബങ്ങൾക്ക് എന്തെങ്കിലും പ്രത്യേക പരിഗണനയോ മുൻഗണനയോ ഉണ്ടോ; വ്യക്തമാക്കാമോ;

(ഡി)  കാണാതായ മത്സ്യത്തൊഴിലാളികളുടെ കുടുംബങ്ങൾക്ക് നഷ്ടപരിഹാരം ലഭിക്കുന്നതിനുള്ള നടപടിക്രമങ്ങൾ ലളിതമാക്കുന്നതിന് പുതിയ പദ്ധതി സർക്കാർ പരിഗണിക്കുന്നുണ്ടോ; വിശദമാക്കാമോ?

മത്സ്യത്തൊഴിലാളികള്‍ക്ക് പ്രത്യേക ഭവന പദ്ധതി

2813  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികളുടെ പാർപ്പിടപ്രശ്നത്തിന് പ്രത്യേക പരിഹാരം ലക്ഷ്യമിട്ടുള്ള ഭവനപദ്ധതിയുടെ പ്രവര്‍ത്തനം വേഗത്തിലാക്കാന്‍ നടപടി സ്വീകരിക്കുമോ; വ്യക്തമാക്കുമോ;

(ബി)  നിലവിലെ ലൈഫ് ഭവന പദ്ധതിയില്‍ നിന്ന് മത്സ്യത്തൊഴിലാളികളെ ഒഴിവാക്കി കൂടുതല്‍ ആനുകൂല്യങ്ങളോടെ പ്രത്യേക പദ്ധതി നടപ്പിലാക്കാന്‍ തീരുമാനിച്ചിട്ടുണ്ടോ; വിശദീകരിക്കാമോ;

(സി)  പദ്ധതിയുടെ രൂപരേഖ, ഗുണഭോക്താക്കളുടെ മാനദണ്ഡം, ധനസഹായം, ഭൂമിയില്ലാത്ത കുടുംബങ്ങള്‍ക്കുള്ള പാക്കേജ് തുടങ്ങിയവ സംബന്ധിച്ച വിശദാംശം വ്യക്തമാക്കുമോ?

കടലിൽ കാണാതായ മത്സ്യത്തൊഴിലാളികൾക്കുള്ള നഷ്ടപരിഹാരം

2814  ശ്രീ. സി. ആര്‍. മഹേഷ്
ശ്രീ. കെ. പി. നൗഷാദ് അലി
ശ്രീ. കെ. പ്രവീൺ കുമാർ
ശ്രീ. സിറിയക് തോമസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലിൽ കാണാതായ മത്സ്യത്തൊഴിലാളികളുടെ കുടുംബങ്ങൾക്ക് നൽകുന്ന ധനസഹായങ്ങളുടേയും നഷ്ടപരിഹാരത്തിന്റേയും നിലവിലെ നിരക്ക് എത്രയാണെന്ന് വ്യക്തമാക്കാമോ;

(ബി)  കാണാതായ മത്സ്യത്തൊഴിലാളിയെ പിന്നീട് മരിച്ചതായി സ്ഥിരീകരിക്കുന്ന സാഹചര്യത്തിൽ കുടുംബത്തിന് നൽകുന്ന നഷ്ടപരിഹാരം ലഭിക്കാൻ എന്തെല്ലാം രേഖകളും നടപടിക്രമങ്ങളും ആവശ്യമാണെന്ന് വിശദമാക്കാമോ;

(സി)  കടലിൽ കാണാതായ മത്സ്യത്തൊഴിലാളികളുടെ ബോട്ടുകളും വള്ളങ്ങളും കണ്ടെത്തുന്നതിനായി സാറ്റലൈറ്റ്, ജി.പി.എസ്., ട്രാക്കിംഗ് സംവിധാനങ്ങൾ ഉപയോഗിക്കുന്നുണ്ടോ;

(ഡി)  മത്സ്യബന്ധന ബോട്ടുകളിൽ വെസൽ മോണിറ്ററിംഗ് സംവിധാനം നിർബന്ധമാക്കിയിട്ടുണ്ടോ; നിലവിൽ എത്ര ബോട്ടുകളിൽ ഈ സംവിധാനം സ്ഥാപിച്ചിട്ടുണ്ടെന്ന് വ്യക്തമാക്കാമോ?

മത്സ്യസമൃദ്ധി പദ്ധതിയുടെ ഭാഗമായി ഡിജിറ്റൽ പ്ലാറ്റ്‌ഫോം

2815  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. കെ. നീലകണ്ഠൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഓരോ ജില്ലയിലും നടപ്പാക്കാൻ വിഭാവനം ചെയ്യുന്ന മുഖ്യമന്ത്രി മത്സ്യസമൃദ്ധി പദ്ധതിയുടെ ഭാഗമായി മത്സ്യവിത്ത്, മത്സ്യത്തീറ്റ, മത്സ്യവിൽപ്പന എന്നിവയ്ക്കായി ഡിജിറ്റൽ പ്ലാറ്റ്‌ഫോം ഒരുക്കാൻ പദ്ധതിയുണ്ടോ; വ്യക്തമാക്കുമോ;

(ബി)  മത്സ്യക്കൃഷിക്ക് ഇൻഷുറൻസ് പരിരക്ഷ ഉറപ്പാക്കുന്നതിനും ഉൽപ്പാദനത്തിന് ആനുപാതികമായി ഉൽപ്പാദന ബോണസ് നൽകുന്നതിനും നടപടി സ്വീകരിക്കുമോ; വ്യക്തമാക്കുമോ;

(സി)  എല്ലാ മത്സ്യഫാമുകൾക്കും രജിസ്ട്രേഷനും ക്യു.ആർ. കോഡോടുകൂടിയ സർട്ടിഫിക്കറ്റും ഏർപ്പെടുത്തി, ഉൽപ്പന്നത്തിന്റെ ഉറവിടം തിരിച്ചറിയാൻ കഴിയുന്ന ട്രേസബിലിറ്റി സംവിധാനം നടപ്പാക്കുമോ; വ്യക്തമാക്കാമോ;

(ഡി)  വരാൽ, ആറ്റുകൊഞ്ച്, കരിമീൻ തുടങ്ങിയവയ്ക്ക് ജിയോ ടാഗിങ് ഏർപ്പെടുത്തുമോ; ഇതുവഴി വിൽപ്പനയ്ക്കെത്തിക്കുന്ന മത്സ്യം ഏത് പ്രദേശത്തുനിന്നുള്ളതാണെന്നും എപ്പോഴാണ് പിടിച്ചതെന്നുമുൾപ്പെടെയുള്ള വിവരങ്ങൾ വാങ്ങുന്നയാൾക്ക് ലഭ്യമാക്കാൻ കഴിയുമോ; വിശദമാക്കുമോ?

ഉൾനാടൻ ജലാശയങ്ങളുടെ സംരക്ഷണവും മത്സ്യസമ്പത്തിന്റെ വർധനവും

2816  ശ്രീ. വി. പി. സജീന്ദ്രൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഉൾനാടൻ ജലാശയങ്ങളായ കായലുകൾ, നദികൾ, തോടുകൾ, കുളങ്ങൾ എന്നിവയുടെ സംരക്ഷണം, അവയിലെ മത്സ്യസമ്പത്തിന്റെ നിലനിൽപ്പും വർധനവും, അനധികൃത മത്സ്യബന്ധനം തടയൽ, മത്സ്യസമ്പത്തിന്റെ നിലവിലെ സ്ഥിതി വിലയിരുത്തൽ, മത്സ്യങ്ങളുടെ പ്രജനനകേന്ദ്രങ്ങളുടെയും സ്വാഭാവിക ആവാസവ്യവസ്ഥകളുടെയും സംരക്ഷണം എന്നിവയ്ക്കായി പഠനങ്ങൾ നടത്തിവരുന്നുണ്ടോ; വ്യക്തമാക്കാമോ;

(ബി)  ഉൾനാടൻ ജലാശയങ്ങളിൽ മത്സ്യസമ്പത്ത് വർധിപ്പിക്കുന്നതിനായി മത്സ്യക്കുഞ്ഞുങ്ങളെ നിക്ഷേപിക്കൽ, തദ്ദേശീയ മത്സ്യയിനങ്ങളുടെ സംരക്ഷണം, മത്സ്യപ്രജനന കേന്ദ്രങ്ങളുടെ പരിപാലനം തുടങ്ങിയ പ്രവർത്തനങ്ങൾ നടപ്പാക്കുന്നുണ്ടോ;

(സി)  നിരോധിത മത്സ്യബന്ധന ഉപകരണങ്ങളുടെ ഉപയോഗം, നിയമവിരുദ്ധമായ മത്സ്യബന്ധനം, മത്സ്യങ്ങളുടെ പ്രജനനകാലത്തെ അനിയന്ത്രിതമായ പിടിത്തം എന്നിവ തടയുന്നതിനും മത്സ്യസമ്പത്തിന്റെ സുസ്ഥിരത ഉറപ്പാക്കുന്നതിനും പരിശോധനകൾ ശക്തിപ്പെടുത്തിയിട്ടുണ്ടോ;

(ഡി)  ഉൾനാടൻ മത്സ്യത്തൊഴിലാളികളുടെ ഉപജീവനസുരക്ഷ ഉറപ്പാക്കുന്നതിനും മത്സ്യകൃഷി പ്രോത്സാഹിപ്പിക്കുന്നതിനും ജലാശയങ്ങളുടെ സംരക്ഷണത്തിൽ മത്സ്യത്തൊഴിലാളി സഹകരണ സംഘങ്ങളുടെയും തദ്ദേശസ്വയംഭരണ സ്ഥാപനങ്ങളുടെയും പങ്കാളിത്തം ഉറപ്പാക്കുന്നതിനും സമഗ്രമായ പദ്ധതി നടപ്പാക്കുമോ; വ്യക്തമാക്കാമോ?

കടലിൽ കാണാതാകുന്ന മത്സ്യത്തൊഴിലാളികളുടെ വിവരങ്ങള്‍

2817  ശ്രീ. ഐ. സി. ബാലകൃഷ്ണന്‍
ശ്രീ. ആര്യാടന്‍ ഷൗക്കത്ത്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  2021 മുതൽ നാളിതുവരെ സംസ്ഥാനത്ത് കടലിൽ മത്സ്യബന്ധനത്തിനിടെ കാണാതായ മത്സ്യത്തൊഴിലാളികളുടെ എണ്ണം എത്രയെന്നു വർഷം, ജില്ല, മത്സ്യബന്ധന തുറമുഖം എന്നിവ തിരിച്ച് വിശദാംശം നൽകുമോ;

(ബി)  കടലിൽ കാണാതായ മത്സ്യത്തൊഴിലാളികളിൽ ഇതുവരെ കണ്ടെത്താനാകാത്തവരുടെ എണ്ണം എത്ര; അവരുടെ വിശദാംശങ്ങൾ ലഭ്യമാക്കാമോ;

(സി)  കടലിൽ കാണാതായ മത്സ്യത്തൊഴിലാളികൾക്കായി നടത്തുന്ന തിരച്ചിൽ എത്ര ദിവസം വരെ തുടരണമെന്നതിന് നിലവിൽ നിശ്ചിത മാനദണ്ഡം ഉണ്ടോ; വിശദമാക്കാമോ?

വിഷരഹിത മത്സ്യങ്ങളുടെ ലഭ്യത ഉറപ്പാക്കാൻ നടപടി

2818  ശ്രീ. മനോജ് മൂത്തേടൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  തദ്ദേശസ്വയംഭരണ സ്ഥാപനങ്ങളുടെയും സന്നദ്ധ സംഘടനകളുടെയും സഹകരണത്തോടെ ഗ്രാമീണ മേഖലകളിൽ മത്സ്യകൃഷിക്കായി ഗുണമേന്മയുള്ള മത്സ്യക്കുഞ്ഞുങ്ങളെ വിതരണം ചെയ്ത് വിഷരഹിത മത്സ്യലഭ്യത ഉറപ്പാക്കാനും കൂടുതൽ തൊഴിലവസരങ്ങൾ സൃഷ്ടിക്കാനും നടപടി സ്വീകരിക്കുമോ?

കടയ്ക്കൽ ഫിഷ് മാർക്കറ്റ്

2819  ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കോസ്റ്റൽ ഏരിയ ഡെവലപ്മെൻറ് കോർപ്പറേഷന്റെ മേൽനോട്ടത്തിൽ കിഫ്ബി ഫണ്ട് ഉപയോഗിച്ച് ആരംഭിച്ച കടയ്ക്കൽ ഫിഷ് മാർക്കറ്റ് നവീകരണ പ്രവർത്തനം പുരോഗതി വ്യക്തമാക്കാമോ;

(ബി)  പ്രസ്തുത നിർമ്മാണത്തിലുണ്ടായ അശാസ്ത്രീയത പരിഹരിക്കാൻ എന്ത് നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ; നിർമ്മാണ പ്രവർത്തനങ്ങൾ എത്രയും വേഗം പൂർത്തിയാക്കുന്നതിന് നടപടി സ്വീകരിക്കുമോ;

(സി)  കടയ്ക്കൽ ഫിഷ് മാർക്കറ്റിന്റെ നിർമ്മാണ പ്രവർത്തനങ്ങൾക്ക് കൈമാറിയിരുന്ന പ്രദേശത്ത് നിന്നും കോൺട്രാക്ടർക്ക് നാശനഷ്ടങ്ങൾ സംഭവിച്ചത് ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ നഷ്ടം പരിഹാരം നൽകുന്നതിനായി എന്ത് നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ?

മുതലപ്പൊഴി മത്സ്യബന്ധന തുറമുഖം നിര്‍മ്മാണ പുരോഗതി

2820  ശ്രീ. വി. ജോയി
ശ്രീ. ജി. സ്റ്റീഫന്‍
ശ്രീ. എന്‍. കെ. അക്ബര്‍
ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മുതലപ്പൊഴി മത്സ്യബന്ധന തുറമുഖ വികസനത്തിനായി മുന്‍ സര്‍ക്കാര്‍ ഭരണാനുമതി നല്‍കിയ 177 കോടി രൂപയുടെ പദ്ധതിയുടെ നിലവിലെ നിര്‍മ്മാണ പുരോഗതി അറിയിക്കാമോ;

(ബി)  തിരുവനന്തപുരം പൂന്തുറയില്‍ ഇന്ത്യയിലാദ്യമായി ജിയോട്യൂബ് ഉപയോഗിച്ച് നിര്‍മ്മിച്ച ഓഫ് ഷോര്‍ ബ്രേക്ക് വാട്ടര്‍ പദ്ധതി മറ്റ് തീരപ്രദേശങ്ങളിലേക്ക് വ്യാപിപ്പിക്കാന്‍ സ്വീകരിച്ച നടപടികള്‍ എന്തെല്ലാം; വിശദമാക്കാമോ;

(സി)  വിഴിഞ്ഞത്ത് 271 കോടി രൂപ ചെലവില്‍ നിര്‍മ്മിക്കാന്‍ മുന്‍ സര്‍ക്കാര്‍ വിഭാവനം ചെയ്ത പുതിയ ഫിഷിംഗ് ഹാര്‍ബറിന്റെ നിര്‍മ്മാണ പ്രവൃത്തികള്‍ എന്ത് കാരണത്താലാണ് വൈകുന്നതെന്ന് വ്യക്തമാക്കാമോ;

(ഡി)  മുന്‍ സര്‍ക്കാര്‍ നടപ്പിലാക്കിയ അടിസ്ഥാന സൗകര്യ വികസന പദ്ധതികള്‍ പൂര്‍ത്തിയാക്കുന്നതിന് പകരം കഴിഞ്ഞ അഞ്ച് മാസമായി തീരദേശ മേഖലയിലെ വികസനം പൂര്‍ണ്ണമായും സ്തംഭിപ്പിച്ചിരിക്കുകയാണെന്നുള്ള ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

മുഖ്യമന്ത്രി മത്സ്യസമൃദ്ധി പദ്ധതി

2821  ശ്രീ. റെജി ചെറിയാൻ
ശ്രീ. വർഗീസ് മാമ്മൻ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് നിലവിലുള്ള മത്സ്യകൃഷി പദ്ധതികളുടെ പ്രവർത്തനം വിലയിരുത്തിയിട്ടുണ്ടോ; വ്യക്തമാക്കാമോ;

(ബി)  പ്രസ്തുത പദ്ധതികൾ പ്രാദേശിക രുചി താല്പര്യങ്ങൾ കണക്കിലെടുക്കാതെ രൂപം നൽകിയിട്ടുള്ളവയാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; അറിയിക്കാമോ;

(സി)  പ്രസ്തുത പരിമിതി മറികടക്കാൻ ലക്ഷ്യമിട്ട് മുഖ്യമന്ത്രി മത്സ്യസമൃദ്ധി പദ്ധതി നടപ്പിലാക്കാൻ ഉദ്ദേശിക്കുന്നുണ്ടോ; പദ്ധതിയുടെ പ്രവർത്തനം വിശദീകരിക്കാമോ;

(ഡി)  പ്രസ്തുത പദ്ധതിയിലൂടെ ഉദ്പാദിപ്പിക്കുന്ന മത്സ്യങ്ങളുടെ വിപണനത്തിനായി എന്തൊക്കെ സംവിധാനങ്ങൾ ഏർപ്പെടുത്താനാണ് ഉദ്ദേശിക്കുന്നതെന്ന് വ്യക്തമാക്കാമോ?

ശീതീകരിച്ച മത്സ്യവിപണന സ്റ്റാളുകൾ

2822  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  പെരിന്തല്‍മണ്ണ മണ്ഡലത്തില്‍ പൊതുജനങ്ങള്‍ക്ക് സുരക്ഷിതവും ഗുണനിലവാരമുള്ളതുമായ മത്സ്യം ലഭ്യമാക്കുന്നതിനായി ഫിഷറീസ് വകുപ്പിന്റെ നേതൃത്വത്തിൽ ശീതീകരിച്ച മത്സ്യവിപണന സ്റ്റാളുകൾ (ഫിഷ് സ്റ്റാള്‍സ്/മൊബൈല്‍ ഫിഷ് മാര്‍ട്ട്സ്) സ്ഥാപിക്കുന്നതിന് നടപടികൾ സ്വീകരിച്ചിട്ടുണ്ടോ;

(ബി)  ഇല്ലെങ്കില്‍ ശീതീകരിച്ച മത്സ്യവിപണന സ്റ്റാളുകൾ പുതിയതായി സ്ഥാപിക്കുന്നതിന് നടപടികള്‍ സ്വീകരിക്കുമോ?

ബ്ലൂ ഇക്കോണമി സെൽ സ്ഥാപിക്കുന്നതിനുള്ള പ്രാരംഭ പ്രവർത്തനങ്ങൾ

2823  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സമുദ്രവിഭവങ്ങളുടെ സുസ്ഥിര വിനിയോഗം, മത്സ്യബന്ധന മേഖലയുടെ വികസനം, തീരദേശ ജനങ്ങളുടെ ഉപജീവനമാർഗങ്ങൾ മെച്ചപ്പെടുത്തൽ എന്നിവ ലക്ഷ്യമിട്ട് ബ്ലൂ ഇക്കോണമി സെൽ സ്ഥാപിക്കുന്നതിനുള്ള പ്രാരംഭ പ്രവർത്തനങ്ങൾ ആരംഭിച്ചിട്ടുണ്ടോ; വിശദമാക്കാമോ;

(ബി)  പ്രസ്തുത സെൽ രൂപീകരിക്കുന്നതിനായി സർക്കാർ സ്വീകരിച്ചുവരുന്ന നടപടികൾ എന്തെല്ലാമാണെന്നും അതിന്റെ പ്രവർത്തനപരിധി ഏതെല്ലാമാണെന്നും വിശദമാക്കാമോ;

(സി)  മത്സ്യബന്ധനം, മത്സ്യസംസ്‌കരണം, സമുദ്രഗവേഷണം, സമുദ്രവിഭവാധിഷ്ഠിത വ്യവസായങ്ങൾ, സമുദ്രവിനോദസഞ്ചാരം തുടങ്ങിയ മേഖലകളുടെ ഏകോപിത വികസനത്തിനായി ഈ സെൽ മുഖേന നടപടികൾ സ്വീകരിക്കുമോ; വ്യക്തമാക്കാമോ;

(ഡി)  മത്സ്യത്തൊഴിലാളികൾ, മത്സ്യത്തൊഴിലാളി സഹകരണ സംഘങ്ങൾ, ഗവേഷണ സ്ഥാപനങ്ങൾ, സ്വകാര്യ സംരംഭകർ എന്നിവരുടെ പങ്കാളിത്തം ഉറപ്പാക്കാൻ നടപടി സ്വീകരിക്കുമോ; ബ്ലൂ ഇക്കോണമി സെൽ സ്ഥാപിക്കുന്നതിന് സമയപരിധി നിശ്ചയിച്ചിട്ടുണ്ടോ; വിശദമാക്കാമോ?

വനിതാ മത്സ്യത്തൊഴിലാളികൾക്കുള്ള ഷീ - സ്‌കൂട്ടർ പദ്ധതി

2824  ഡോ. മാത്യു കുഴൽനാടൻ
ശ്രീ. കെ. എം. അഭിജിത്ത്
ശ്രീമതി കെ. കെ. രമ
ശ്രീ. രമേഷ് പിഷാരടി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യവിൽപ്പന നടത്തി ഉപജീവനം നടത്തുന്ന സ്ത്രീകളുടെ തൊഴിൽസൗകര്യം മെച്ചപ്പെടുത്തുന്നതിനും ഗതാഗതച്ചെലവ് കുറയ്ക്കുന്നതിനുമായി ഇലക്ട്രിക് സ്കൂട്ടർ സഹായ പദ്ധതി നടപ്പിലാക്കാൻ തീരുമാനിച്ചിട്ടുണ്ടോ; വിശദമാക്കുമോ;

(ബി)  പ്രസ്തുത പദ്ധതിയുടെ ഭാഗമായി എത്ര ഗുണഭോക്താക്കൾക്ക് ഇലക്ട്രിക് സ്കൂട്ടർ ലഭ്യമാക്കാനാണ് ഉദ്ദേശിക്കുന്നതെന്നും ഇലക്ട്രിക് സ്കൂട്ടർ വാങ്ങുന്നതിനായി ഗുണഭോക്താക്കൾക്ക് എത്ര തുക ധനസഹായമായി നൽകാനാണ് ഉദ്ദേശിക്കുന്നതെന്നും സബ്‌സിഡി, വായ്പ തുടങ്ങിയ സൗകര്യങ്ങൾ ലഭ്യമാക്കുമോയെന്നും വ്യക്തമാക്കുമോ;

(സി)  പദ്ധതിയുടെ ഭാഗമായി സ്കൂട്ടറുകൾക്കൊപ്പം മത്സ്യവിൽപ്പനയ്ക്ക് ആവശ്യമായ ശീതീകരണ സംഭരണ സൗകര്യങ്ങളും സംവിധാനങ്ങളും ലഭ്യമാക്കാൻ നടപടി സ്വീകരിക്കുമോ; പ്രസ്തുത പദ്ധതി എപ്പോൾ ആരംഭിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ?

അപകടത്തിൽപ്പെടുന്ന മത്സ്യത്തൊഴിലാളികൾക്കുള്ള ക്ഷേമ പദ്ധതികൾ

2825  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കാലാവസ്ഥാ വ്യതിയാനങ്ങളും പ്രകൃതിദുരന്തങ്ങളും മൂലം ആഴക്കടലിലും തീരപ്രദേശങ്ങളിലും മത്സ്യബന്ധനത്തിലേർപ്പെടുമ്പോൾ അപകടത്തിൽപ്പെട്ട് മരണപ്പെടുകയോ കാണാതാവുകയോ ചെയ്യുന്ന മത്സ്യത്തൊഴിലാളികളുടെ കുടുംബങ്ങൾക്ക് നൽകി വരുന്ന ധനസഹായങ്ങളും മറ്റ് ആനുകൂല്യങ്ങളും എന്തെല്ലാമാണെന്ന് വ്യക്തമാക്കാമോ;

(ബി)  ഇവരുടെ സംരക്ഷണം ഉറപ്പാക്കുന്നതിനായി, മരണപ്പെടുന്ന മത്സ്യത്തൊഴിലാളികളുടെ മക്കൾക്കോ യോഗ്യരായ ആശ്രിതർക്കോ സർക്കാർജോലി നൽകുന്നത് സംബന്ധിച്ച് പ്രത്യേക പദ്ധതികളോ നയപരമായ തീരുമാനങ്ങളോ സർക്കാരിന്റെ പരിഗണനയിലുണ്ടോ;

(സി)  കടൽ അപകടങ്ങൾ മുൻകൂട്ടി അറിയുന്നതിനും ഇത്തരം ദുരന്തങ്ങൾ ഉണ്ടാകുമ്പോൾ കുടുംബങ്ങൾക്ക് അടിയന്തര സാമ്പത്തിക സഹായം ഉറപ്പാക്കുന്നതിനും എന്തെല്ലാം സുരക്ഷാ-ക്ഷേമ നടപടികളാണ് സ്വീകരിച്ചുവരുന്നതെന്ന് വിശദമാക്കാമോ?

മത്സ്യത്തൊഴിലാളി സ്ത്രീകളുടെ ഉന്നമനം

2826  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളി സ്ത്രീകളുടെ ഉന്നമനത്തിനായി എന്തെല്ലാം പദ്ധതികളാണ് നടപ്പാക്കാൻ ഉദ്ദേശിക്കുന്നതെന്ന് വ്യക്തമാക്കാമോ;

(ബി)  പുരുഷന്മാരെ ആശ്രയിക്കാതെ സ്ത്രീകൾക്ക് സ്വന്തമായി വരുമാനം കണ്ടെത്താൻ കഴിയുന്ന അവസ്ഥയിലേക്ക് എത്തിക്കുന്ന പദ്ധതികളിൽ മത്സ്യത്തൊഴിലാളി വനിതകൾക്ക് മുൻഗണന നൽകുമോ; വ്യക്തമാക്കുമോ;

(സി)  മത്സ്യത്തൊഴിലാളി വനിതകളെ സംരംഭകരാക്കി അവരുടെ ജീവിതനിലവാരം ഉയർത്തുന്നതിനായി സാഫ് (സൊസൈറ്റി ഫോർ അസിസ്റ്റൻസ് ടു ഫിഷർ വുമൺ) നടപ്പാക്കിവരുന്ന പ്രവർത്തനങ്ങളെക്കുറിച്ച് വിശദമാക്കാമോ; സാഫിന്റെ നിലവിലുള്ള 1800 യൂണിറ്റുകൾ 3000 ആയി വർധിപ്പിക്കാൻ പദ്ധതിയുണ്ടോ; വ്യക്തമാക്കുമോ?

മൂല്യവർധിത ഉൽപ്പന്നങ്ങൾ നിർമ്മിക്കുന്നതിനാവശ്യമായ സംവിധാനങ്ങൾ

2827  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികൾക്ക് ലഭിക്കുന്ന മത്സ്യം സംഭരിക്കുന്നതിനും മൂല്യവർധിത ഉൽപ്പന്നങ്ങൾ നിർമ്മിക്കുന്നതിനുമായി ബേപ്പൂർ നിയോജകമണ്ഡലത്തിൽ കോൾഡ് സ്റ്റോറേജ്, ഫിഷ് പ്രോസസിങ് യൂണിറ്റ്, ആധുനിക മത്സ്യമാർക്കറ്റുകൾ എന്നിവ സ്ഥാപിക്കുന്നതിന് നടപടി സ്വീകരിക്കുമോ; വ്യക്തമാക്കാമോ;

(ബി)  കടലിൽ അപകടത്തിൽപ്പെടുന്ന മത്സ്യത്തൊഴിലാളികളെ രക്ഷിക്കുന്നതിനായി ബേപ്പൂർ കേന്ദ്രീകരിച്ച് കൂടുതൽ സുരക്ഷാ സൗകര്യങ്ങൾ ഒരുക്കുമോ; വ്യക്തമാക്കാമോ?

മത്സ്യബന്ധന യാനങ്ങളുടെ സുരക്ഷ

2828  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധന യാനങ്ങളുടെ സുരക്ഷയ്ക്കായി ട്രാൻസ്പോണ്ടറുകൾ ഘടിപ്പിക്കുന്ന ദേശീയ റോളൗട്ട് പദ്ധതിയുടെ സംസ്ഥാനതല പ്രവർത്തനങ്ങൾ കുഴിഞ്ഞ അഞ്ച് മാസമായി ഏത് ഘട്ടത്തിലാണെന്ന് വിശദമാക്കാമോ;

(ബി)  മുൻ സർക്കാർ വിതരണം ചെയ്ത ജി.പി.എസ്, വി.എച്ച്.എഫ് (വെരി ഹൈ ഫ്രീക്വന്‍സി), മറൈൻ റേഡിയോകൾ എന്നിവയ്ക്ക് പുറമെ ആഴക്കടൽ മത്സ്യബന്ധന സുരക്ഷ വർദ്ധിപ്പിക്കാൻ പുതിയ സർക്കാർ എന്തെല്ലാം ഉപകരണങ്ങളാണ് നൽകിയിട്ടുള്ളതെന്ന് വ്യക്തമാക്കാമോ;

(സി)  കാലാവസ്ഥാ മുന്നറിയിപ്പ് കാരണം തൊഴിൽ നഷ്ടപ്പെടുന്ന മത്സ്യത്തൊഴിലാളികൾക്കുള്ള ധനസഹായവും ദുരിതാശ്വാസ വിതരണവും നിലവിൽ മുടങ്ങിക്കിടക്കുകയാണോ; വിശദമാക്കാമോ;

(ഡി)  മുൻ സർക്കാർ മത്സ്യത്തൊഴിലാളി അപകട ഇൻഷുറൻസ് തുക 5 ലക്ഷത്തിൽ നിന്ന് 10 ലക്ഷമായി ഉയർത്തിയതിന് ശേഷം സുരക്ഷാ മേഖലയിൽ ഈ സർക്കാർ നൂറുദിന പരിപാടിയിൽ പുതിയതായി പദ്ധതികള്‍ പ്രഖ്യാപിച്ചിട്ടുണ്ടോ; വ്യക്തമാക്കാമോ?

കടലിൽ മത്സ്യത്തൊഴിലാളികളെ കാണാതാകുന്ന സംഭവം

2829  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധത്തിനിടെ കടലിൽ കാണാതായ മത്സ്യത്തൊഴി‌ലാളികളുടെ കുടുംബത്തിന് നൽകുന്ന ധനസഹായം വർദ്ധിപ്പിക്കുന്ന കാര്യം സർക്കാർ പരിഗണിക്കുമോ?

മത്സ്യത്തൊഴിലാളികൾക്ക് പ്രത്യേക ഭവനപദ്ധതി

2830  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ലൈഫ് ഭവനപദ്ധതി മുഖാന്തിരം മത്സ്യത്തൊഴിലാളികൾക്ക് വീട് ലഭിക്കുന്നില്ല എന്ന പരാതി ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ ഇത് പരിഹരിക്കുന്നതിനായി ഫിഷറീസ് വകുപ്പ് മത്സ്യതൊഴിലാളികൾക്കായി പ്രത്യേക ഭവന പദ്ധതി ഏർപ്പെടുത്തുന്ന കാര്യം സർക്കാരിന്റെ പരിഗണനയിലുണ്ടോ;

(സി)  എങ്കിൽ ഇതുമായി ബന്ധപ്പെട്ട കാര്യങ്ങൾ ഇപ്പോൾ ഏതു ഘട്ടത്തിലാണ്; വിശദാംശങ്ങൾ നൽകുമോ?

മത്സ്യത്തൊഴിലാളികൾക്കായുള്ള പ്രത്യേക ഭവന പദ്ധതി

2831  ശ്രീ. നജീബ് കാന്തപുരം
പ്രൊഫ. ആബിദ് ഹുസൈന്‍ തങ്ങള്‍
ശ്രീ. കല്ലട്ര മാഹിൻ
ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഭവനരഹിതരായ മത്സ്യത്തൊഴിലാളി കുടുംബങ്ങളുടെ വിവരങ്ങൾ സർക്കാർ ശേഖരിച്ചിട്ടുണ്ടോ; വിശദാംശം നൽകാമോ;

(ബി)  സമൂഹത്തിലെ ദുർബല വിഭാഗത്തിൽപ്പെട്ട ഭവനരഹിതരായ മത്സ്യത്തൊഴിലാളികൾക്കായി പ്രത്യേക ഭവനനിർമ്മാണ പദ്ധതി ആരംഭിക്കാൻ ഉദ്ദേശിക്കുന്നുണ്ടോ;

(സി)  എങ്കിൽ പ്രസ്തുത പദ്ധതി എന്നുമുതൽ ആരംഭിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സുരക്ഷിത ഭവനങ്ങളുടെ നിര്‍മ്മാണം

2832  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടല്‍ ക്ഷോഭവും കടലാക്രമണവും നിമിത്തം അപകടാവസ്ഥയിലുളള ഭവനങ്ങളുള്ള തീരദേശവാസികള്‍ക്ക് സുരക്ഷിത ഭവനങ്ങള്‍ നിര്‍മ്മിക്കുന്നതിന് ഈ സര്‍ക്കാര്‍ അധികാരത്തില്‍ വന്നശേഷം എത്ര രൂപ അനുവദിച്ചിട്ടുണ്ടെന്ന് വിശദമാക്കാമോ?

തേവര ഫിഷറീസ് സ്‌കൂളിന്റെ ഭൗതികസാഹചര്യങ്ങൾ മെച്ചപ്പെടുത്തൽ

2833  ശ്രീ. ടി. ജെ. വിനോദ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  എറണാകുളം നിയോജകമണ്ഡലത്തിലെ തേവര ഫിഷറീസ് സ്‌കൂളിന്റെ നിലവിലെ അപര്യാപ്തമായ ഭൗതികസാഹചര്യങ്ങൾ മെച്ചപ്പെടുത്തുന്നതിനായി സ്വീകരിച്ചിട്ടുള്ള നടപടികളുടെ വിശദാംശം ലഭ്യമാക്കാമോ?

മത്സ്യത്തൊഴിലാളികളുടെ മക്കൾക്കുള്ള വിദ്യാഭ്യാസവും പ്രവേശന പരീക്ഷാ പരിശീലനവും

2834  ശ്രീ. എ. സി. മൊയ്തീന്‍
പ്രൊഫ. സി. രവീന്ദ്രനാഥ്
ശ്രീ. എ. പ്രഭാകരന്‍
ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യത്തൊഴിലാളികളുടെ മക്കൾക്ക് വിദ്യാഭ്യാസത്തിനും പ്രവേശന പരീക്ഷാ പരിശീലനത്തിനും സഹായം നൽകുന്നതിനായി മുൻ സർക്കാർ നടപ്പിലാക്കിയ വിദ്യാതീരം പദ്ധതി ഈ സർക്കാരും തുടരുന്നുണ്ടോയെന്ന് വിശദമാക്കാമോ;

(ബി)  മെഡിക്കൽ, ഐ.ഐ.ടി. പ്രവേശന പരീക്ഷകൾക്ക് സഹായം നൽകുന്ന ഈ പദ്ധതിക്കു പുറമേ തീരദേശ യുവജനങ്ങൾക്ക് പുതിയ തൊഴിലവസരങ്ങൾ സൃഷ്ടിക്കുന്നതിനായി സർക്കാർ പുതിയ പദ്ധതികൾ പ്രഖ്യാപിച്ചിട്ടുണ്ടോ; വ്യക്തമാക്കാമോ;

(സി)  കേരള നോളജ് ഇക്കോണമി മിഷനുമായി ചേര്‍ന്ന് തൊഴില്‍ മേളകള്‍ സംഘടിപ്പിക്കുന്ന തൊഴില്‍ തീരം പദ്ധതിയുടെ നിലവിലെ പുരോഗതി എന്താണെന്ന് വ്യക്തമാക്കാമോ ;

(ഡി)  മത്സ്യത്തൊഴിലാളികളുടെ മക്കൾക്ക് വിദേശ സർവകലാശാലകളിൽ പഠിക്കുന്നതിനും പോസ്റ്റ് മെട്രിക് കോഴ്‌സുകൾക്കും നൽകിവരുന്ന സ്‌കോളർഷിപ്പുകളുടെ വിതരണം നിലവിൽ യഥാസമയം നടക്കുന്നുണ്ടോയെന്നും ഈ സർക്കാർ നൂറുദിന പരിപാടിയുടെ ഭാഗമായി വിദ്യാഭ്യാസ മേഖലയിൽ പുതിയതായി എന്തെല്ലാം മാറ്റങ്ങളാണ് കൊണ്ടുവന്നിട്ടുള്ളതെന്നും വിശദമാക്കാമോ?

പുനർഗേഹം പദ്ധതി

2835  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കടലാക്രമണഭീഷണി നേരിടുന്നവരെ പുനരധിവസിപ്പിക്കുന്നതിനായി മുൻ സർക്കാർ ആരംഭിച്ച പുനർഗേഹം പദ്ധതി പ്രകാരം കഴിഞ്ഞ അഞ്ച് മാസത്തിനിടെ എത്ര കുടുംബങ്ങൾക്ക് വീടുകളോ ഫ്ലാറ്റുകളോ നൽകിയിട്ടുണ്ടെന്ന് വ്യക്തമാക്കാമോ;

(ബി)  22,174 കുടുംബങ്ങളെ പുനരധിവസിപ്പിക്കാൻ ലക്ഷ്യമിട്ടിരുന്ന ഈ ബൃഹദ് പദ്ധതിയുടെ നിർമ്മാണ പ്രവർത്തനങ്ങൾ കഴിഞ്ഞ കുറച്ച് മാസങ്ങളായി മന്ദഗതിയിലാണെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(സി)  മുൻ സർക്കാർ തിരുവനന്തപുരം മുട്ടത്തറയിൽ നിർമ്മിച്ച 400 ഫ്ലാറ്റുകളുള്ള 'പ്രത്യാശ' ഭവന സമുച്ചയത്തിന് സമാനമായി പുതിയ ഏതെങ്കിലും പാർപ്പിട സമുച്ചയങ്ങള്‍ ഈ സര്‍ക്കാര്‍ നൂറുദിന കർമ്മപരിപാടിയിൽ ഉൾപ്പെടുത്തിയിട്ടുണ്ടോയെന്ന് അറിയിക്കാമോ;

(ഡി)  മുൻ സർക്കാർ ലൈഫ് പദ്ധതിയിൽ ഉൾപ്പെടുത്തി നൽകിയ 16,798 വീടുകളുടെ പൂർത്തീകരണമല്ലാതെ, ഭൂരഹിതരായ മത്സ്യത്തൊഴിലാളികൾക്ക് കിടപ്പാടം ഉറപ്പാക്കാൻ സ്വന്തം നിലയ്ക്ക് പുതുതായി എന്ത് നയങ്ങളാണ് ഈ സര്‍ക്കാര്‍ രൂപീകരിച്ചിട്ടുള്ളതെന്ന് വ്യക്തമാക്കാമോ?

മത്സ്യക്കൊള്ള

2836  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വൻതോതിൽ മത്സ്യക്കുഞ്ഞുങ്ങളെ പിടികൂടി അന്യസംസ്ഥാനത്തേക്ക് കടത്തിക്കൊണ്ടു പോകുന്നതായുള്ള റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ അത് പരിശോധിക്കുകയുണ്ടായോ;

(ബി)  അന്യസംസ്ഥാനങ്ങളിലെ ഫിഷ് ഫാമുകളിൽ വൻ മത്സ്യങ്ങൾക്ക് തീറ്റയായി നല്കാനാണ് ഇവയെ പ്രധാനമായും കടത്തിക്കൊണ്ടുപോകുന്നത് എന്ന റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ;

(സി)  കൂടാതെ ലക്ഷങ്ങൾ വിലമതിക്കുന്ന ഫിഷ് പൗഡറും ഫിഷ് ഓയിലും നിർമ്മിക്കാൻ ഈ മത്സ്യക്കുഞ്ഞുങ്ങളെ ഉപയോഗപ്പെടുത്തുന്നതായുള്ള റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം നല്കാമോ;

(ഡി)  സംസ്ഥാനത്തിലെ മത്സ്യസമ്പത്തിനെ തന്നെ പ്രതികൂലമായി ബാധിച്ചേക്കാവുന്ന ഈ മത്സ്യകൊള്ളയ്ക്ക് തടയിടാൻ എന്തൊക്കെ നടപടികൾ സ്വീകരിക്കുമെന്ന് വിശദമാക്കാമോ?

അന്തിപ്പച്ച പദ്ധതി

2837  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഫിഷറീസ് വകുപ്പ് മുഖേന നടത്തി വരുന്ന അന്തിപ്പച്ച പദ്ധതിയുടെ വിശദാംശങ്ങളും ഉദ്ദേശലക്ഷ്യങ്ങളും വിവരിക്കാമോ;

(ബി)  പാലക്കാട് ജില്ലയിൽ ആലത്തൂർ മണ്ഡലത്തിലെ ഈ പദ്ധതിയുടെ പുരോഗതി വിവരിക്കാമോ?

ആധുനിക മത്സ്യ മാര്‍ക്കറ്റ് കോംപ്ലക്സ്

2838  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  കൊട്ടാരക്കര നിയോജക മണ്ഡലത്തിലെ മെെലം പഞ്ചായത്തില്‍ ആധുനിക മത്സ്യ മാര്‍ക്കറ്റ് കോംപ്ലക്സ് നിര്‍മ്മാണത്തിനായി 2025-26 ലേക്കുളള വിശദമായ ബഡ്ജറ്റ് എസ്റ്റിമേറ്റുകളുടെ അനുബന്ധം II ല്‍ ഇരുപത് ശതമാനം തുക വകയിരുത്തിയിരുന്നോ;

(ബി)  പ്രസ്തുത പ്രവൃത്തിയുടെ വിശദമായ എസ്റ്റിമേറ്റ് ഫിഷറീസ് ഡയറക്ടര്‍ ഭരണാനുമതിക്കായി സമര്‍പ്പിക്കാത്തതിന്റെ കാരണം എന്താണെന്ന് വ്യക്തമാക്കാമോ;

(സി)  ഇരുപത് ശതമാനം തുക വകയിരുത്തിയ പ്രവൃത്തികള്‍ക്ക് ഭരണാനുമതി നല്‍കാന്‍ നടപടി സ്വീകരിക്കുമോ?

താമരക്കുളം മാര്‍ക്കറ്റിന്റെ നിര്‍മ്മാണം

2839  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മാവേലിക്കര മണ്ഡലത്തില്‍ കിഫ്ബി തുക വിനിയോഗിച്ച് തീരദേശ വികസന കോര്‍പ്പറേഷന്‍ മുഖേന നിര്‍മ്മിക്കുന്ന താമരക്കുളം മാര്‍ക്കറ്റിന്റെ തല്‍സ്ഥിതി വിശദമാക്കുമോ;

(ബി)  ഈ നിർമ്മാണ പദ്ധതി നടപ്പിലാക്കുവാന്‍ തടസ്സങ്ങള്‍ നേരിടുന്നുണ്ടോ; എങ്കിൽ അവ തരണം ചെയ്ത് നിര്‍മ്മാണം ആരംഭിക്കുവാന്‍ സ്വീകരിച്ച നടപടികള്‍ എന്തൊക്കെ; വിശദമാക്കാമോ?

ഉൾനാടൻ മത്സ്യത്തൊഴിലാളികളുടെ ക്ഷേമവും മത്സ്യസമ്പത്ത് വർദ്ധിപ്പിക്കുന്നതിനുള്ള പദ്ധതിയും

2840  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി മണ്ഡലത്തിലെ പായിപ്പാട്, വാഴപ്പള്ളി തുടങ്ങിയ പ്രദേശങ്ങളിലെയും എ.സി. കനാൽ, സമീപത്തെ തോടുകൾ എന്നിവ ആശ്രയിച്ചു കഴിയുന്ന ഉൾനാടൻ മത്സ്യബന്ധന തൊഴിലാളികളുടെ കൃത്യമായ എണ്ണം എത്രയാണെന്ന് വ്യക്തമാക്കാമോ;

(ബി)  പ്രസ്തുത മണ്ഡലത്തിലെ ജലാശയങ്ങളിൽ ആഫ്രിക്കൻ പായൽ, പോള, പ്ലാസ്റ്റിക് മാലിന്യങ്ങൾ എന്നിവ കാരണം ഉൾനാടൻ മത്സ്യസമ്പത്ത് നശിക്കുന്നതും മത്സ്യബന്ധനം തടസ്സപ്പെടുന്നതും സർക്കാരിന്റെ ശ്രദ്ധയിൽപ്പെട്ടിട്ടുണ്ടോ; എങ്കിൽ ഇത് പരിഹരിക്കാൻ എന്തൊക്കെ നടപടികളാണ് സ്വീകരിച്ചിട്ടുള്ളത്;

(സി)  പ്രസ്തുത മണ്ഡലത്തിലെ ഉൾനാടൻ ജലാശയങ്ങളിലും കുളങ്ങളിലും മത്സ്യക്കുഞ്ഞുങ്ങളെ നിക്ഷേപിക്കുന്നതിനായി എന്തൊക്കെ പദ്ധതികളാണ് വകുപ്പ് ആവിഷ്കരിച്ചിട്ടുള്ളത്;

(ഡി)  ട്രോളിങ് നിരോധന കാലയളവിലും പ്രകൃതിദുരന്ത വേളകളിലും ഉൾനാടൻ മത്സ്യത്തൊഴിലാളികൾക്ക് നൽകിവരുന്ന സൗജന്യ റേഷൻ, ആശ്വാസ ധനസഹായം എന്നിവ ചങ്ങനാശ്ശേരി മണ്ഡലത്തിലെ അർഹരായ മുഴുവൻ തൊഴിലാളികൾക്കും കൃത്യമായി ലഭിക്കുന്നുണ്ടെന്ന് ഉറപ്പാക്കാൻ സ്വീകരിച്ച നടപടികൾ എന്തൊക്കെയാണ്;

(ഇ)  ഉൾനാടൻ മത്സ്യത്തൊഴിലാളികൾക്കായി ഫിഷറീസ് വകുപ്പിന്റെ കീഴിൽ നിലവിലുള്ള ക്ഷേമപദ്ധതികളും (ആരോഗ്യ ഇൻഷുറൻസ്, ഭവന നിർമ്മാണം മുതലായവ) ഈ സർക്കാർ അധികാരത്തിൽ വന്നതിനുശേഷം ചങ്ങനാശ്ശേരി മണ്ഡലത്തിനായി അനുവദിച്ച പുതിയ ആനുകൂല്യങ്ങളുടെയും വിവരങ്ങൾ ലഭ്യമാക്കാമോ?

ഫിഷിംഗ് ഹാര്‍ബര്‍ നിര്‍മ്മാണം

2841  ശ്രീ. വി. ജോയി : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വര്‍ക്കല ചിലക്കര്‍ ഫിഷിംഗ് ഹാര്‍ബര്‍ നിര്‍മ്മാണത്തിന് തടസ്സങ്ങള്‍ എന്തെങ്കിലും നിലവിലുണ്ടോ; ഉണ്ടെങ്കില്‍ ആയത് വിശദമാക്കാമോ;

(ബി)  വര്‍ക്കല-വെട്ടൂര്‍-റാത്തിക്കല്‍ മേഖലയില്‍ ഹാര്‍ബര്‍ നിർമ്മിക്കുന്നതിന് നടപടികള്‍ ഏന്തെങ്കിലും സ്വീകരിച്ചിട്ടുണ്ടോ; ഉണ്ടെങ്കില്‍ വിശദമാക്കാമോ;

(സി)  പ്രസ്തുത പദ്ധതി ആരംഭിക്കുന്നതിന് ആവശ്യമായ എസ്റ്റിമേറ്റ് നബാര്‍ഡില്‍ സമര്‍പ്പിക്കുന്നതിന് നടപടി സ്വീകരിക്കുമോ?

മിനി ഹാർബറുകൾ സ്ഥാപിക്കുന്നതിനുള്ള നടപടി

2842  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പുതിയ മിനി ഹാർബർ സ്ഥാപിക്കുന്നതിന് എന്തെങ്കിലും നടപടി സ്വീകരിക്കുന്നുണ്ടോയെന്ന് വിശദമാക്കുമോ;

(ബി)  സംസ്ഥാനത്ത് നിലവിലുള്ള മിനി ഹാർബറുകൾ എവിടെയൊക്കെയാണെന്ന് വ്യക്തമാക്കാമോ;

(സി)  മലപ്പുറം ജില്ലയിലെ വള്ളിക്കുന്ന് ഗ്രാമപഞ്ചായത്തിൽ സാധ്യത പഠനം നടത്തി റിപ്പോർട്ട് സമർപ്പിച്ച മിനി ഹാർബറിന്റെ നിലവിലെ സ്ഥിതി എന്താണ്; പ്രസ്തുത മിനി ഹാർബർ സ്ഥാപിക്കാൻ നടപടി സ്വീകരിക്കുമോ;

(ഡി)  സംസ്ഥാനത്ത് പുതിയ മിനി ഹാർബറുകളുടെ സാധ്യതാ പഠനത്തിന് വിദഗ്ധ സമിതിയെ നിയോഗിക്കുമോ; വിശദമാക്കുമോ?

മത്സ്യബന്ധന വകുപ്പിന്റെ താനൂരിലെ വിവിധ പ്രവൃത്തികള്‍

2843  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  മത്സ്യബന്ധന വകുപ്പ് താനൂര്‍ മണ്ഡലത്തില്‍ നടപ്പാക്കി വരുന്ന വിവിധ പദ്ധതികളുടെ പുരോഗതി വ്യക്തമാക്കാമോ;

(ബി)  സാഗര്‍മാല പദ്ധതിയില്‍ ഉള്‍പ്പെടുത്തി താനൂര്‍ മത്സ്യബന്ധന തുറമുഖത്ത് ഫ്ലോട്ടിംഗ് ജട്ടികളുടെയും അനുബന്ധ ഘടകങ്ങളുടെയും നിര്‍മ്മാണത്തിനായി ഹാര്‍ബര്‍ എഞ്ചിനിയറിംഗ് വകുപ്പ് തയ്യാറാക്കി സര്‍ക്കാരിന് സമര്‍പ്പിച്ച പ്രപ്പോസലിന്മേല്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

(സി)  ഫിഷറീസ് ആൻഡ് അക്വാകൾച്ചർ ഇൻഫ്രാസ്ട്രക്ചർ ഡെവലപ്‌മെന്റ് ഫണ്ട്‌ (എഫ്.ഐ.ഡി.എഫ്) പദ്ധതിയില്‍ ഉള്‍പ്പെടുത്തി താനൂര്‍ ഹാര്‍ബറിലെ അടിസ്ഥാന സൗകര്യ വികസനവുമായി ബന്ധപ്പെട്ടു സര്‍ക്കാരില്‍ സമര്‍പ്പിച്ച പ്രപ്പോസലിന്മേല്‍ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ?

ചോമ്പാല്‍ ഹാര്‍ബറിന്റെ നവീകരണ പ്രവര്‍ത്തനങ്ങള്‍

2844  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  വടകര നിയോജക മണ്ഡലത്തിലെ ചോമ്പാല്‍ ഹാര്‍ബറില്‍ ഏറ്റവും ഒടുവില്‍ നവീകരണ പ്രവര്‍ത്തനങ്ങള്‍ നടന്നതെന്നാണെന്നും എന്തൊക്കെ പ്രവൃത്തികളാണ് അന്ന് നടപ്പാക്കിയതെന്നും വ്യക്തമാക്കുമോ;

(ബി)  2016 മുതല്‍ 2026 വരെയുള്ള കാലയളവില്‍ പ്രസ്തുത ഹാര്‍ബറില്‍ നടപ്പാക്കിയ പ്രവര്‍ത്തനങ്ങള്‍ എന്തെല്ലാമാണെന്നും ഇതിനായി ചെലവഴിച്ച ആകെ തുക എത്രയാണെന്നും ഇനം തിരിച്ചുള്ള വിശദാംശം ലഭ്യമാക്കുമോ;

(സി)  ഹാര്‍ബറുകളില്‍ സാധാരണയായി എത്ര വര്‍ഷം കൂടുമ്പോഴാണ് ഡ്രെഡ്ജിംഗ് നടത്താറുള്ളതെന്നും ചോമ്പാല്‍ ഹാര്‍ബറില്‍ ഏറ്റവും ഒടുവില്‍ ഡ്രെഡ്ജിംഗ് നടത്തിയതെന്നാണെന്നും വ്യക്തമാക്കുമോ;

(ഡി)  എങ്കില്‍ ചോമ്പാല്‍ ഹാര്‍ബറില്‍ അടിയന്തരമായി ഡ്രെഡ്ജിംഗ് നടത്തുന്നതിന് നടപടി സ്വീകരിക്കുമോ; വ്യക്തമാക്കുമോ?

ഹാർബർ എഞ്ചിനീയറിംഗ് വിഭാഗം നടപ്പിലാക്കാൻ ഉദ്ദേശിച്ച ആരിക്കാടി റിവർ ട്രെയിനിംഗ് പ്രവൃത്തി

2845  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് മത്സ്യബന്ധനം - സാമൂഹ്യനീതി വകുപ്പ് മന്ത്രി സദയം മറുപടി നല്‍കുമോ:

(എ)  ഹാർബർ എഞ്ചിനീയറിംഗ് വിഭാഗം നടപ്പിലാക്കാൻ ഉദ്ദേശിച്ച ആരിക്കാടി റിവർ ട്രെയിനിംഗ് പ്രവൃത്തിക്ക് സി.ആർ.ഇസഡ് അനുമതി ലഭിക്കാത്തതിനാൽ മുൻപ് പ്രസ്തുത പ്രവൃത്തിയുടെ ഭരണാനുമതി/ടെൻഡർ റദ്ദാക്കേണ്ടി വന്നിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

(ബി)  നിലവിൽ ഈ പ്രവൃത്തിക്കായി സി.ആർ.ഇസഡ് അനുമതി ലഭ്യമാക്കുന്നതിന് വകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണ്; അനുമതി ലഭിച്ചിട്ടുണ്ടോ; എങ്കിൽ അതിന്റെ വിശദാംശങ്ങൾ വ്യക്തമാക്കാമോ;​

(സി)  പ്രസ്തുത ആരിക്കാടി റിവർ ട്രെയിനിംഗ് പ്രവൃത്തി ഉടൻ ടെൻഡർ ചെയ്ത് നടപ്പിലാക്കാൻ സർക്കാർ നടപടി സ്വീകരിക്കുമോ?