പാറശാല നിയോജകമണ്ഡലത്തിൽ അക്ഷയ കേന്ദ്രങ്ങൾ അനുവദിക്കാൻ നടപടി

2279  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  പാറശാല നിയോജകമണ്ഡലത്തിൽ നിലവിൽ എത്ര അക്ഷയ കേന്ദ്രങ്ങൾ പ്രവർത്തിക്കുന്നുണ്ടെന്നും അവ ഏതെല്ലാം ഗ്രാമപഞ്ചായത്തുകളിലും തദ്ദേശസ്വയംഭരണ പ്രദേശങ്ങളിലുമാണെന്നും പഞ്ചായത്ത് അടിസ്ഥാനത്തിൽ കേന്ദ്രങ്ങളുടെ പേരും കോഡും സഹിതമുള്ള വിശദാംശം ലഭ്യമാക്കുമോ;

(ബി)  പാറശാല നിയോജകമണ്ഡലത്തിൽ മുൻപ് പ്രവർത്തിച്ചിരുന്നതും നിലവിൽ പ്രവർത്തിക്കാത്തതുമായ അക്ഷയ കേന്ദ്രങ്ങൾ ഉണ്ടോ; ഉണ്ടെങ്കിൽ അത്തരം കേന്ദ്രങ്ങളുടെ എണ്ണം, പേര്, കോഡ്, സ്ഥിതിചെയ്യുന്ന പഞ്ചായത്ത്, പ്രവർത്തനം നിലച്ച തീയതി, അതിനുള്ള കാരണങ്ങൾ എന്നിവയുടെ വിശദാംശം ലഭ്യമാക്കുമോ;

(സി)  പ്രസ്തുത മണ്ഡലത്തിൽ പുതിയ അക്ഷയ കേന്ദ്രങ്ങൾ അനുവദിക്കുന്നതിനായി നിലവിൽ എത്ര അപേക്ഷകൾ ലഭിച്ചിട്ടുണ്ട്; അപേക്ഷകളുടെ എണ്ണം പഞ്ചായത്ത് അടിസ്ഥാനത്തിൽ വ്യക്തമാക്കുമോ;

(ഡി)  പുതിയ അക്ഷയ കേന്ദ്രങ്ങൾ അനുവദിക്കുന്നതിന് നിലവിലുള്ള മാനദണ്ഡങ്ങൾ, അപേക്ഷകളിൽ സ്വീകരിച്ചിട്ടുള്ള തീരുമാനങ്ങൾ, അനുമതി നൽകുന്നതിനുള്ള നടപടിക്രമങ്ങൾ എന്നിവയുടെ വിശദാംശം ലഭ്യമാക്കുമോ;

(ഇ)  പാറശാല നിയോജകമണ്ഡലത്തിൽ 2024 ജനുവരി 1 മുതൽ 2026 ഒക്ടോബർ 14 വരെ ഏതെങ്കിലും അക്ഷയ കേന്ദ്രങ്ങളുടെ പ്രവർത്തനാനുമതി റദ്ദാക്കിയിട്ടുണ്ടോ; ഉണ്ടെങ്കിൽ അത്തരം കേന്ദ്രങ്ങളുടെ എണ്ണം, പേര്, കോഡ്, സ്ഥിതിചെയ്യുന്ന പഞ്ചായത്ത്, അനുമതി റദ്ദാക്കിയ തീയതി, റദ്ദാക്കലിന് ആധാരമായ കാരണങ്ങൾ, ഇതുമായി ബന്ധപ്പെട്ട ഉത്തരവുകളുടെ നമ്പറും തീയതിയും എന്നിവയുടെ വിശദാംശം ലഭ്യമാക്കുമോ;

(എഫ്)  2024-2026 കാലയളവിൽ പ്രവർത്തനാനുമതി റദ്ദാക്കിയതോ മറ്റ് കാരണങ്ങളാൽ ഒഴിവായതോ ആയ അക്ഷയ കേന്ദ്രങ്ങളുടെ സ്ഥാനത്ത് പുതിയ സംരംഭകരെ തിരഞ്ഞെടുക്കുന്നതിനും കേന്ദ്രങ്ങൾ പുനരാരംഭിക്കുന്നതിനും നടപടി സ്വീകരിച്ചിട്ടുണ്ടോ; ഉണ്ടെങ്കിൽ കേന്ദ്രം തിരിച്ചുള്ള വിശദാംശം, പുതിയ സംരംഭകരെ തിരഞ്ഞെടുക്കുന്നതിനുള്ള വിജ്ഞാപനങ്ങൾ, അപേക്ഷകളുടെ നില, തിരഞ്ഞെടുപ്പ് നടപടികളുടെ നിലവിലെ സ്ഥിതി, കേന്ദ്രങ്ങൾ വീണ്ടും പ്രവർത്തനമാരംഭിക്കുന്നതിനുള്ള സമയക്രമം എന്നിവ ലഭ്യമാക്കുമോ; നടപടി സ്വീകരിച്ചിട്ടില്ലെങ്കിൽ അതിനുള്ള കാരണങ്ങൾ വ്യക്തമാക്കുമോ?

ന്യു ജെന്‍ വ്യവസായ നയം

2280  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ ആർട്ടിഫിഷ്യൽ ഇന്റലിജൻസ് അധിഷ്ഠിത വ്യവസായങ്ങളുടെ വികസനവും നിക്ഷേപവും പ്രോത്സാഹിപ്പിക്കുന്നതിനായി പ്രത്യേക ന്യു ജെന്‍ വ്യവസായ നയം രൂപീകരിക്കാൻ സർക്കാർ ഉദ്ദേശിക്കുന്നുണ്ടോ; എങ്കിൽ നിർദ്ദിഷ്ട പദ്ധതികളും ലക്ഷ്യങ്ങളും എന്തെല്ലാമാണ്; വിശദമാക്കുമോ;

(ബി)  കേരളത്തിൽ സെമികണ്ടക്ടർ, ഇലക്ട്രോണിക്സ് മാനുഫാക്ചറിംഗ് മേഖലകളിൽ നിക്ഷേപം ആകർഷിക്കുന്നതിനായി സർക്കാർ നടപ്പിലാക്കിവരുന്ന പദ്ധതികള്‍ എന്തെല്ലാമാണ്; വിശദമാക്കുമോ;

(സി)  തിരുവനന്തപുരം, കൊച്ചി, കോഴിക്കോട് എന്നിവയ്ക്ക് പുറമെ ടയർ-1, ടയർ-2 നഗരങ്ങളിൽ ഐ.ടി/എ.ഐ. കമ്പനികളെ ആകർഷിക്കുന്നതിനായി പുതിയ ഐ.ടി. ഹബ്ബുകൾ, ഇൻകുബേഷൻ സെന്ററുകൾ, ടെക്നോളജി പാർക്കുകൾ എന്നിവ സ്ഥാപിക്കാൻ സർക്കാർ പദ്ധതിയിടുന്നുണ്ടോ; പ്രവർത്തനരഹിതമായ പൊതുമേഖലാ സ്ഥാപനങ്ങളുടെ ഭൂമിയും കെട്ടിടങ്ങളും ഉൾപ്പെടെയുള്ള ഭൗതിക സൗകര്യങ്ങൾ ഇതിനായി പ്രയോജനപ്പെടുത്തുന്നതിനുള്ള പദ്ധതി നിലവിലുണ്ടോ; എങ്കിൽ വിശദമാക്കുമോ;

(ഡി)  സംസ്ഥാനത്തെ ഓരോ നിയോജകമണ്ഡല അടിസ്ഥാനത്തിലും പ്രാദേശിക തലത്തിലും ഐ.ടി. പാര്‍ക്കുകള്‍ സ്ഥാപിക്കുവാന്‍ സർക്കാർ ഉദ്ദേശിക്കുന്നുണ്ടോ; വിശദമാക്കുമോ;

(ഇ)  സംസ്ഥാനത്തെ ഐ.ടി. പാർക്കുകളിൽ കഴിഞ്ഞ മൂന്ന് വർഷത്തിനിടെ നേരിട്ട് സൃഷ്ടിക്കപ്പെട്ട തൊഴിലവസരങ്ങളുടെ എണ്ണം എത്രയാണ്; വിശദമാക്കുമോ?

നിർമ്മിതബുദ്ധി അധിഷ്ഠിത സംവിധാനങ്ങൾ

2281  ശ്രീ. കെ. രാജന്‍
ശ്രീ. പി. പ്രസാദ്
ശ്രീ. കെ. കെ. വത്സരാജ്
ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഭരണകാര്യക്ഷമത വർധിപ്പിക്കുന്നതിനും സർക്കാർ സേവനങ്ങൾ കൂടുതൽ വേഗത്തിലും സുതാര്യമായും ജനസൗഹൃദമായും ലഭ്യമാക്കുന്നതിനുമായി നിർമ്മിതബുദ്ധി അധിഷ്ഠിത സംവിധാനങ്ങൾ നടപ്പാക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)  നിർമ്മിതബുദ്ധിയുടെ സുരക്ഷിതവും സുതാര്യവും ഉത്തരവാദിത്തപരവുമായ ഉപയോഗം ഉറപ്പുവരുത്തുന്നതിനായി സ്വകാര്യത, വിവരസുരക്ഷ, ധാർമ്മികത, ഉത്തരവാദിത്തം എന്നിവയ്ക്ക് പ്രാധാന്യം നൽകുന്ന നയപരമായ സമീപനം മുൻ സർക്കാർ സ്വീകരിച്ചിട്ടുണ്ടോ; വിശദമാക്കാമോ;

(സി)  ഇതിന്റെ ഭാഗമായി ദേശീയ-അന്തർദേശീയ മാതൃകകളും നിയമവ്യവസ്ഥകളും അടിസ്ഥാനമാക്കി, ഈ മേഖലയിലെ പുതിയ മാറ്റങ്ങളും മുന്നേറ്റങ്ങളും ഉൾക്കൊള്ളിച്ചുകൊണ്ടുള്ള എ.ഐ. നയത്തിന്റെ കരട് തയ്യാറാക്കുന്നതിനുള്ള നടപടികൾ മുൻ സർക്കാർ സ്വീകരിച്ചിട്ടുണ്ടോയെന്ന് വിശദമാക്കാമോ;

(ഡി)  നിർമ്മിതബുദ്ധി അധിഷ്ഠിത വിവരശേഖരണ സംവിധാനങ്ങൾ, ചാറ്റ്ബോട്ടുകൾ, ഡാറ്റാ വിശകലന സംവിധാനങ്ങൾ, പ്രവചനാധിഷ്ഠിത ആസൂത്രണ സംവിധാനങ്ങൾ തുടങ്ങിയവ വികസിപ്പിക്കുന്നതിനും നടപ്പിലാക്കുന്നതിനും എന്തെല്ലാം പദ്ധതികളാണ് ആവിഷ്കരിച്ചിട്ടുള്ളതെന്ന് വിശദമാക്കാമോ?

വില്ലേജ് നോളജ് സെന്ററുകളുടെ പ്രവര്‍ത്തനം

2282  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  നബാർഡിന്റെയോ മറ്റ് ഏജൻസികളുടെയോ സാമ്പത്തിക സഹായത്തോടെ സംസ്ഥാനത്ത് വില്ലേജ് നോളജ് സെന്ററുകൾ സ്ഥാപിക്കുന്ന പദ്ധതി നടപ്പിലാക്കിയിട്ടുണ്ടോയെന്ന് വ്യക്തമാക്കുമോ;

(ബി)  സംസ്ഥാനത്ത് ഏതൊക്കെ കേന്ദ്രങ്ങളിലാണ് വില്ലേജ് നോളജ് സെന്ററുകൾ സ്ഥാപിക്കാൻ അനുമതി നൽകിയിരുന്നതെന്നും ഇതിൽ ഏതൊക്കെ കേന്ദ്രങ്ങളാണ് നിലവിൽ പൂർണ്ണമായി പ്രവർത്തിക്കുന്നതെന്നും വിശദമാക്കുമോ;

(സി)  വില്ലേജ് നോളജ് സെന്ററുകൾ സ്ഥാപിക്കാൻ അനുമതി നൽകിയിട്ടുള്ള മണ്ഡലങ്ങളിലെ ഓരോ കേന്ദ്രത്തിനുമായി ഇതുവരെ ചെലവഴിച്ച തുക, കെട്ടിടത്തിന്റെയും മറ്റ് അടിസ്ഥാന സൗകര്യങ്ങളുടെയും നിലവിലെ അവസ്ഥ, ഇവയുടെ നടത്തിപ്പും പരിപാലനവും നിർവഹിക്കുന്ന ഏജൻസി/സ്ഥാപനം എന്നിവയുടെ വിവരങ്ങൾ ലഭ്യമാക്കുമോ;

(ഡി)  വിഭാവനം ചെയ്ത ഉദ്ദേശ്യലക്ഷ്യങ്ങൾ കൈവരിക്കുന്ന രീതിയിലാണോ ഈ സെന്ററുകൾ പ്രവർത്തിക്കുന്നത്; പ്രവർത്തനം മന്ദഗതിയിലായതോ നിഷ്‌ക്രിയമായതോ ആയ സെന്ററുകൾ പൂർണ്ണതോതിൽ പ്രവർത്തനസജ്ജമാക്കാൻ എന്തെല്ലാം നടപടികളാണ് സ്വീകരിച്ചുവരുന്നതെന്ന് വ്യക്തമാക്കാമോ?

ഒല്ലൂർ മണ്ഡലത്തിൽ ഐ.ടി., ആർട്ടിഫിഷ്യൽ ഇന്റലിജൻസ്, ഡിജിറ്റൽ സേവനങ്ങൾ

2283  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഐ.ടി. മേഖലയുടെ വികസനം, ആർട്ടിഫിഷ്യൽ ഇന്റലിജൻസ് സാങ്കേതികവിദ്യയുടെ പ്രയോജനം, ഡിജിറ്റൽ സേവനങ്ങളുടെ വ്യാപനം എന്നിവ ലക്ഷ്യമിട്ട് നിലവിൽ നടപ്പിലാക്കിവരുന്ന പ്രധാന പദ്ധതികൾ ഏതെല്ലാമാണെന്ന് വ്യക്തമാക്കാമോ;

(ബി)  പ്രസ്തുത പദ്ധതികളുടെ ഭാഗമായി ഒല്ലൂർ മണ്ഡലത്തിൽ ഐ.ടി. സംരംഭങ്ങൾ, സ്റ്റാർട്ടപ്പുകൾ, ഡിജിറ്റൽ സേവനകേന്ദ്രങ്ങൾ എന്നിവ പ്രോത്സാഹിപ്പിക്കുന്നതിനായി സ്വീകരിച്ചിട്ടുള്ള നടപടികൾ എന്തെല്ലാമാണെന്നും മണ്ഡലത്തിൽ നിലവിൽ പ്രവർത്തിക്കുന്ന സ്റ്റാർട്ടപ്പുകളുടെ വിവരങ്ങൾ ലഭ്യമാണെങ്കിൽ അവയുടെ വിശദാംശങ്ങളും വ്യക്തമാക്കാമോ;

(സി)  ഒല്ലൂർ മണ്ഡലത്തിലെ യുവാക്കൾക്ക് ഐ.ടി., ആർട്ടിഫിഷ്യൽ ഇന്റലിജൻസ്, സൈബർ സുരക്ഷ തുടങ്ങിയ മേഖലകളിൽ നൈപുണ്യ പരിശീലനവും തൊഴിൽ അവസരങ്ങളും ലഭ്യമാക്കുന്നതിനും പുതിയ സ്റ്റാർട്ടപ്പുകൾ ആരംഭിക്കുന്നതിന് ആവശ്യമായ സാങ്കേതികവും സാമ്പത്തികവുമായ പിന്തുണ നൽകുന്നതിനും പ്രത്യേക പദ്ധതി നടപ്പിലാക്കാൻ നടപടി സ്വീകരിക്കുമോ; വിശദാംശം ലഭ്യമാക്കാമോ?

സൗജന്യ ഇന്റര്‍നെറ്റ് സേവനം

2284  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സാമ്പത്തികമായി പിന്നാക്കം നില്‍ക്കുന്ന കുടുംബങ്ങള്‍ക്ക് സൗജന്യ ഇന്റര്‍നെറ്റ് സേവനം ലഭ്യമാക്കുക എന്ന ലക്ഷ്യത്തോടെ മുന്‍ സര്‍ക്കാര്‍ ആരംഭിച്ച കെ-ഫോണ്‍ പദ്ധതിയില്‍ എത്ര ഗുണഭോക്താക്കള്‍ ഉണ്ടെന്ന് വ്യക്തമാക്കാമോ;

(ബി)  കെ-ഫോണ്‍ പദ്ധതിയുടെ നിലവിലെ സ്ഥിതി എന്താണെന്ന് വ്യക്തമാക്കാമോ; ഈ പദ്ധതി തുടരാന്‍ ആലോചനയുണ്ടോ എന്നറിയിക്കാമോ;

(സി)  ഷൊര്‍ണ്ണൂര്‍ മണ്ഡലത്തില്‍ കെ-ഫോണ്‍ കണക്ഷന്‍ നൽകിയ സര്‍ക്കാര്‍ സ്ഥാപനങ്ങള്‍, സ്കൂളുകള്‍, വീടുകൾ എത്രയെന്ന് ഇനം തിരിച്ച് പഞ്ചായത്ത് മുനിസിപ്പാലിറ്റി അടിസ്ഥാനത്തില്‍ കണക്ക് ലഭ്യമാക്കാമോ?

പാലക്കാട് ജില്ലയില്‍ ഐ.ടി. മേഖലയിലെ വികസനം

2285  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് ജില്ലയില്‍ ഐ.ടി.മേഖലയിലെ വികസനം പ്രോത്സാഹിപ്പിക്കുന്നതിനും യുവാക്കള്‍ക്ക് പ്രാദേശികമായി ഐ.ടി.അധിഷ്ഠിത തൊഴിലവസരങ്ങള്‍ സൃഷ്ടിക്കുന്നതിനുമായി സ്വീകരിച്ചിട്ടുള്ള നടപടികള്‍ എന്തെല്ലാമാണ്;

(ബി)  ഒറ്റപ്പാലം മണ്ഡലത്തില്‍ ഐ.ടി.മേഖലയുമായി ബന്ധപ്പെട്ട് പുതുതായി ആരംഭിക്കാന്‍ ഉദ്ദേശിക്കുന്ന പദ്ധതികള്‍ എന്തെല്ലാമെന്ന് വിശദമാക്കാമോ?

മുളങ്കുന്നത്തുകാവിൽ കോമണ്‍ ഫെസിലിറ്റി സെന്റര്‍

2286  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വടക്കാഞ്ചേരി മണ്ഡലത്തിലെ മുളങ്കുന്നത്തുകാവിൽ കെൽട്രോണും സി-മെറ്റും ചേർന്ന് സംയുക്ത സംരംഭമായി കോമൺ ഫെസിലിറ്റി സെന്റർ ആരംഭിക്കുന്നതിന് കഴിഞ്ഞ സർക്കാരിന്റെ കാലത്ത് അംഗീകാരം നൽകിയത് ശ്രദ്ധയില്‍പ്പെട്ടിട്ടുണ്ടോ; പ്രസ്തുത പദ്ധതിയുടെ നിലവിലെ പുരോഗതി എന്തെന്ന് വിശദമാക്കാമോ?

സി-ഡിറ്റിലെ കരാർ നിയമനങ്ങൾ

2287  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സി-ഡിറ്റിൽ 34 കരാർ ജീവനക്കാർക്ക് മാത്രം ഒരു വർഷത്തേക്ക് കരാർ ദീർഘിപ്പിച്ചു നൽകുകയും മറ്റു ജീവനക്കാരെ ദിവസവേതനാടിസ്ഥാനത്തിലേക്ക് മാറ്റുകയും ചെയ്തിട്ടുണ്ടോ; എങ്കിൽ ഇതിന് അവലംബിച്ച മാനദണ്ഡം എന്താണെന്ന് വിശദമാക്കാമോ;

(ബി)  34 കരാർ ജീവനക്കാർക്ക് കരാർ ദീർഘിപ്പിച്ചു നൽകിയ അതേ മാനദണ്ഡം പാലിക്കുന്ന മറ്റു കരാർ ജീവനക്കാർക്ക് ഒരു വർഷത്തേക്ക് കരാർ ദീർഘിപ്പിച്ചു നൽകുമോ; വ്യക്തമാക്കാമോ;

(സി)  ഒരു വർഷത്തേക്ക് കരാർ ദീർഘിപ്പിച്ചു നൽകിയ 34 പേരുടെ നിയമന രീതി, പത്രപരസ്യം നൽകിയ തീയതി, ടെസ്റ്റ്, ഇന്റർവ്യൂ എന്നിവ നടത്തിയ തീയതി തുടങ്ങിയ വിവരങ്ങള്‍ ലഭ്യമാക്കാമോ;

(ഡി)  സി-ഡിറ്റിൽ കരാർ നിയമനങ്ങൾ നടത്തുന്നതിനുള്ള നടപടിക്രമങ്ങൾ എന്തൊക്കെയാണ്; വിശദമാക്കാമോ;

(ഇ)  കരാർ നിയമനങ്ങൾക്ക് സ്കിൽ ടെസ്റ്റ്, ഇന്റർവ്യൂ എന്നിവയിൽ ഇളവ് നൽകിയ പോസ്റ്റുകൾ ഏതൊക്കെയാണ്; മറ്റെല്ലാ പോസ്റ്റുകൾക്കും സ്കിൽ ടെസ്റ്റ് നടത്തുന്നതിനായി നടപടി സ്വീകരിക്കുമോ; വ്യക്തമാക്കാമോ;

(എഫ്)  സ്കിൽ ടെസ്റ്റ് നടക്കുമ്പോൾ അതിന്റെ ഭാഗമായി ഓരോ ഉദ്യോഗാർത്ഥിയും ചെയ്യുന്ന അല്ലെങ്കിൽ സൃഷ്ടിക്കുന്ന സോഴ്സ് കോഡ്, ടെക്നിക്കൽ ഔട്ട്പുട്ടുകൾ തുടങ്ങിയവ എത്രനാൾ സൂക്ഷിച്ചുവെക്കും; അവയുടെ പരിശോധനയ്ക്കുള്ള നടപടിക്രമങ്ങൾ എന്തൊക്കെയാണ്; വിശദമാക്കാമോ?

വിവരസാങ്കേതികവിദ്യ വകുപ്പിന് കീഴിൽ നടപ്പാക്കിയ പദ്ധതികൾ

2288  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  2016 മുതൽ 2026 വരെയുള്ള കാലയളവിലെ സർക്കാരുകളുടെ കാലഘട്ടത്തിൽ വിവരസാങ്കേതികവിദ്യ വകുപ്പിന് കീഴിൽ നടപ്പാക്കിയ പദ്ധതികൾ ഏതെല്ലാമാണെന്ന് വിശദമാക്കാമോ;

(ബി)  ഈ കാലയളവില്‍ ആകെ എത്ര രൂപയുടെ പദ്ധതികളാണ് വകുപ്പ് മുഖേന സംസ്ഥാനത്ത് നടപ്പാക്കിയിട്ടുള്ളത് സാമ്പത്തികവർഷം തിരിച്ചുള്ള കണക്ക് ലഭ്യമാക്കാമോ;

(സി)  വകുപ്പ് നടപ്പാക്കിയ പദ്ധതികളിൽ പ്രവർത്തനക്ഷമമല്ലാതെ പൂർണ്ണമായോ ഭാഗികമായോ നിർത്തിവച്ച പദ്ധതികൾ ഏതൊക്കെയാണ്; വിശദാംശങ്ങൾ ലഭ്യമാക്കാമോ?

ഐ.ടി. മേഖലയുടെ സമഗ്ര പരിഷ്കരണം

2289  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഐ.ടി. മേഖലയുടെ സമഗ്ര പരിഷ്കരണത്തിന് എന്തെല്ലാം പദ്ധതികള്‍ നടപ്പാക്കുമെന്ന് വ്യക്തമാക്കുമോ;

(ബി)  രാജ്യത്ത് ഏറ്റവും കൂടുതല്‍ ഐ.ടി. പ്രൊഫഷണലുകള്‍ ഉള്ള കേരളത്തില്‍ ഐ.ടി. പാര്‍ക്കുകള്‍ എല്ലാ ജില്ലകളിലും കൂടുതല്‍ അനുവദിക്കുന്നതിന് നടപടികള്‍ ഉണ്ടാകുമോ; വിശദാംശം ലഭ്യമാക്കുമോ?

ഐ.ടി. അധിഷ്ഠിത തൊഴിലവസരങ്ങൾ

2290  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ ഐ.ടി. പഠനം പൂർത്തിയാക്കിയ യുവതീ യുവാക്കൾക്ക് കേരളത്തിൽത്തന്നെ കൂടുതൽ തൊഴിലവസരങ്ങൾ സൃഷ്ടിക്കുന്നതിനായി സർക്കാർ സ്വീകരിച്ചുവരുന്ന പ്രധാന നടപടികൾ എന്തെല്ലാമാണെന്ന് വ്യക്തമാക്കാമോ;

(ബി)  നഗര കേന്ദ്രീകൃതമായ ഐ.ടി. പാർക്കുകൾക്ക് പുറമെ, ഗ്രാമീണ മേഖലകളിൽ ഐ.ടി. അധിഷ്ഠിത തൊഴിലവസരങ്ങൾ വ്യാപിപ്പിക്കുന്നതിനായി പ്രത്യേകം പദ്ധതികൾ നടപ്പിലാക്കാൻ ഉദ്ദേശിക്കുന്നുണ്ടോ; വിശദാംശം നൽകുമോ;

(സി)  ആർട്ടിഫിഷ്യൽ ഇന്റലിജൻസ് ഉൾപ്പെടെയുള്ള പുതിയ സാങ്കേതികവിദ്യകളുടെ കടന്നുവരവ് കാരണം തൊഴിൽ നഷ്ടപ്പെടാൻ സാധ്യതയുള്ളവരുടെയും ഐ.ടി. ജീവനക്കാരുടെയും തൊഴിൽ സംരക്ഷിക്കുന്നതിന് സ്റ്റാർട്ടപ്പ് മിഷൻ വഴിയോ വ്യവസായ-ഐ.ടി. വകുപ്പുകൾ വഴിയോ നൈപുണ്യ വികസനം പോലുള്ള പ്രത്യേക പദ്ധതികൾ ആവിഷ്കരിച്ചിട്ടുണ്ടോ?

ഐ.ടി. മേഖലയിലെ കമ്പനികൾ

2291  ശ്രീ. കെ. പ്രവീൺ കുമാർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  2021–2026 കാലയളവിൽ ഐ.ടി. പാർക്കുകളിൽ നിന്ന് അടച്ചുപൂട്ടുകയോ പ്രവർത്തനം അവസാനിപ്പിക്കുകയോ ചെയ്ത കമ്പനികൾ എത്രയാണെന്ന് വിശദമാക്കാമോ;

(ബി)  കേരളത്തിൽ നിന്ന് മറ്റ് സംസ്ഥാനങ്ങളിലേക്കോ വിദേശത്തേക്കോ മാറിയ ഐ.ടി. മേഖലയിലെ കമ്പനികളുടെ എണ്ണം സംബന്ധിച്ച് കണക്ക് സൂക്ഷിക്കുന്നുണ്ടോയെന്ന് വ്യകതമാക്കാമോ;

(സി)  ഐ.ടി. മേഖലയിൽ കൂടുതൽ തൊഴിൽ അവസരങ്ങൾ സൃഷ്ടിക്കുന്നതിനും നിക്ഷേപം പ്രോത്സാഹിപ്പിക്കുന്നതിനും സർക്കാർ സ്വീകരിച്ച നടപടികൾ എന്തൊക്കെയാണ്; വിശദമാക്കാമോ?

സംസ്ഥാനത്തെ ഐ.ടി. പാർക്കുകൾ

2292  ശ്രീ. മുഹമ്മദ് മുഹസിന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പ്രവർത്തിക്കുന്ന ഐ.ടി. പാർക്കുകൾ ഏതൊക്കെയാണെന്നും പ്രസ്തുത പാർക്കുകളിൽ ഓരോന്നിലും ഏതൊക്കെ കമ്പനികളാണ് പ്രവർത്തിക്കുന്നതെന്നും അവയിൽ എത്രജീവനക്കാർ ജോലി ചെയ്യുന്നുണ്ടെന്നും അറിയിക്കാമോ;

(ബി)   ഐ.ടി. പാർക്കുകളുടെ വികസനത്തിനും പുതിയ തൊഴിൽ അവസരങ്ങൾ സൃഷ്ടിക്കുന്നതിനും സ്വീകരിക്കുന്ന നടപടികൾ എന്തൊക്കെയാണെന്ന് അറിയിക്കാമോ?

ചേലക്കര മണ്ഡലത്തിലെ സ്കൂളുകളില്‍ കെ-ഫോണ്‍ കണക്ഷന്‍

2293  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ചേലക്കര നിയോജകമണ്ഡലത്തിലെ ഏതെല്ലാം സ്കൂളുകളിലാണ് കെ-ഫോണ്‍ നെറ്റ് കണക്ഷന്‍ സൗജന്യമായി നല്‍കിയിട്ടുള്ളതെന്ന് വ്യക്തമാക്കുമോ;

(ബി)  ഈ സ്കൂളുകളുടെ പേരുവിവരവും, എന്നാണ് ഈ സ്കൂളുകള്‍ക്ക് കണക്ഷന്‍ നല്‍കിയതെന്നും വ്യക്തമാക്കുമോ?

കേരള സ്റ്റാര്‍ട്ടപ്പ് മിഷന്‍ വഴി നവീന അഗ്രി-ടെക് പദ്ധതികള്‍

2294  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മാംഗോ സിറ്റി എന്നറിയപ്പെടുന്ന മുതലമടയിലെ മാമ്പഴ കര്‍ഷകരെയും ഉത്പാദനത്തെയും പ്രോത്സാഹിപ്പിക്കുന്നതിനായി കേരള സ്റ്റാര്‍ട്ടപ്പ് മിഷന്‍ വഴി നവീന അഗ്രി-ടെക് പദ്ധതികളോ സ്റ്റാര്‍ട്ടപ്പ് സംരംഭങ്ങളോ ആരംഭിക്കുന്നതിന് ആവശ്യമായ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കാമോ;

(ബി)  മുതലമടയില്‍ വിളവെടുക്കുന്ന മാമ്പഴങ്ങളുടെ മൂല്യവര്‍ധനവ്, സംസ്കരണം, സംഭരണം, വിപണനം എന്നിവയ്ക്കായി പുത്തന്‍ സാങ്കേതികവിദ്യകള്‍ പ്രയോജനപ്പെടുത്തിക്കൊണ്ട് യുവ സംരംഭകരെയും കര്‍ഷകരെയും ഉള്‍പ്പെടുത്തി പ്രത്യേക ഇന്നൊവേഷന്‍ ഹബ്ബോ ഇന്‍കുബേഷന്‍ സെന്ററോ സ്ഥാപിക്കാന്‍ ഉദ്ദേശിക്കുന്നുണ്ടോ;

(സി)  മാമ്പഴത്തില്‍ നിന്നുളള മൂല്യവര്‍ധിത ഉല്‍പ്പന്നങ്ങള്‍ നിര്‍മ്മിക്കുന്ന ഭക്ഷ്യ സംസ്കരണ സ്റ്റാര്‍ട്ടപ്പുകള്‍ക്ക് സാമ്പത്തിക-സാങ്കേതിക സഹായങ്ങള്‍, സബ്സിഡികള്‍ എന്നിവ ലഭ്യമാക്കുന്നതിന് സ്റ്റാര്‍ട്ടപ്പ് മിഷന്‍ വഴി പ്രത്യേക പദ്ധതികള്‍ ആവിഷ്കരിച്ചിട്ടുണ്ടോ; എങ്കില്‍ വിശദാംശം ലഭ്യമാക്കാമോ?

എ.ഐ. ഉൾപ്പെടെയുള്ള പുതിയ സാങ്കേതികവിദ്യകളുടെ ഉപയോഗം

2295  ശ്രീ. ചാണ്ടി ഉമ്മന്‍
ശ്രീ. സുധീർഷാ പാലോട്
ശ്രീ. രാജൻ. ജെ. പല്ലൻ
ശ്രീ. കെ. ബിനിമോൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  എ.ഐ., മെഷീൻ ലേണിംഗ്, സൈബർ സെക്യൂരിറ്റി, ക്‌ളൗഡ്‌ കമ്പ്യൂട്ടിങ്, ഡാറ്റ സയൻസ് തുടങ്ങിയ പുതിയ സാങ്കേതിക മേഖലകളിൽ സർക്കാർ നടപ്പാക്കിയ പദ്ധതികൾ ഏതൊക്കെയാണ്; വിശദമാക്കാമോ;

(ബി)  എ.ഐ. ഉൾപ്പെടെയുള്ള പുതിയ സാങ്കേതികവിദ്യകളുടെ ഉപയോഗം മൂലം ഐ.ടി. മേഖലയിലെ തൊഴിലവസരങ്ങളിൽ ഉണ്ടായ മാറ്റം വിലയിരുത്തിയിട്ടുണ്ടോ; വ്യകതമാക്കാമോ;

(സി)  എ.ഐ. സാങ്കേതികവിദ്യകളുടെ ഉപയോഗം മൂലം തൊഴിൽ അവസരങ്ങൾ നഷ്ടപ്പെടുന്ന അവസ്ഥ ഉണ്ടായിട്ടുണ്ടോ; മാറുന്ന കാലത്തിനനുസരിച്ചുള്ള കൂടുതൽ ഐ.ടി. അധിഷ്ഠിത തൊഴിൽ അവസരങ്ങൾ സൃഷ്ടിക്കാൻ പദ്ധതികൾ തയ്യാറാക്കുമോ; വിശദമാക്കാമോ?

ഐ.ടി. മേഖലയിലെ തൊഴിൽ സുരക്ഷ

2296  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഐ.ടി. കമ്പനികൾ ജീവനക്കാരെ കൂട്ടത്തോടെ പിരിച്ചുവിടുന്നത് ഈ മേഖലയിലെ തൊഴിൽ സുരക്ഷയെ ബാധിച്ചിട്ടുണ്ടോയെന്ന് വ്യക്തമാക്കാമോ;

(ബി)  ഐ.ടി. മേഖലയിലെ വനിതാ ജീവനക്കാരുടെ സുരക്ഷക്കും സംരക്ഷണത്തിനും എന്തൊക്കെ കാര്യങ്ങളാണ് നടപ്പിലാക്കിയിട്ടുള്ളതെന്ന് വിശദമാക്കാമോ;

(സി)  കേരളത്തിലെ ഐ.ടി. മേഖലയിലെ യുവാക്കൾക്കായി പ്രഖ്യാപിച്ച പരിശീലന പദ്ധതികൾ ഏതൊക്കെയാണെന്ന് വിശദമാക്കുമോ?

കെ-സ്വിഫ്റ്റ് ഏകജാലക സംവിധാനത്തിന്റെ കാര്യക്ഷമത വർധിപ്പിക്കാൻ നടപടി

2297  ശ്രീ. പി. കെ. ഫിറോസ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പുതിയ വ്യവസായങ്ങളും സംരംഭങ്ങളും ആരംഭിക്കുന്നതിനുള്ള നടപടികൾ ലളിതമാക്കുന്നതിന് നടപ്പിലാക്കിവരുന്ന കെ-സ്വിഫ്റ്റ് ഏകജാലക സംവിധാനത്തിലൂടെ വിവിധ അനുമതികളും സേവനങ്ങളും സമയബന്ധിതമായി ലഭ്യമാക്കുന്നതിന് സ്വീകരിച്ചിട്ടുള്ള നടപടികൾ എന്തൊക്കെയെന്ന് വ്യക്തമാക്കാമോ;

(ബി)  വിവിധ വകുപ്പുകളുടെ അനുമതി ആവശ്യമായ അപേക്ഷകളിൽ ഏകോപനം മെച്ചപ്പെടുത്തുന്നതിനും അപേക്ഷകളുടെ തീർപ്പാക്കൽ വേഗത്തിലാക്കുന്നതിനുമായി നിലവിലുള്ള സംവിധാനത്തിൽ വരുത്തിയിട്ടുള്ള പരിഷ്കാരങ്ങൾ എന്തൊക്കെയെന്ന് വ്യക്തമാക്കാമോ;

(സി)  ഈ സർക്കാർ അധികാരത്തിൽ വന്നതിന് ശേഷം സംരംഭകർക്ക് അനുമതികൾ ലഭ്യമാക്കുന്നതിലെ നടപടിക്രമങ്ങൾ കൂടുതൽ ലളിതമാക്കുന്നതിനും വ്യവസായ സൗഹൃദ അന്തരീക്ഷം മെച്ചപ്പെടുത്തുന്നതിനുമായി നിയമഭേദഗതികൾ, ഡിജിറ്റൽ സേവനങ്ങളുടെ വിപുലീകരണം, വകുപ്പുതല ഏകോപനം എന്നിവ ഉൾപ്പെടെയുള്ള കൂടുതൽ നടപടികൾ ആവിഷ്കരിച്ചിട്ടുണ്ടോ; വിശദാംശം ലഭ്യമാക്കാമോ?

മൈൻസ് ആൻഡ് മിനറൽസ് (ഡെവലപ്‌മെന്റ് ആൻഡ് റെഗുലേഷൻ) ഭേദഗതി ബിൽ, 2026

2298  ശ്രീ. കെ. രാജന്‍
ശ്രീ. പി. പ്രസാദ്
ശ്രീ. കെ. കെ. വത്സരാജ്
ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്ര സര്‍ക്കാര്‍ പാസാക്കിയ മൈൻസ് ആൻഡ് മിനറൽസ് ഭേദഗതി ബില്‍, 2026 ഇന്ത്യന്‍ ഭരണഘടന ഉറപ്പുനല്‍കുന്ന ഫെഡറല്‍ തത്വങ്ങളെ പൂര്‍ണമായും ലംഘിക്കുന്നതാണെന്നത് ശ്രദ്ധയില്‍പ്പെട്ടിട്ടുണ്ടോ; വിശദമാക്കാമോ;

(ബി)  ഖനന അവകാശങ്ങളിലും ധാതുവിഭവങ്ങളടങ്ങിയ ഭൂമിയിലും അധിക നികുതിയോ സെസ്സോ ഈടാക്കാനുള്ള സംസ്ഥാന സർക്കാരുകളുടെ ഭരണഘടനാപരമായ അവകാശത്തെ തടയുന്നത് സംസ്ഥാനങ്ങളുടെ താല്പര്യത്തിനെതിരെയുള്ള കടന്നുകയറ്റമാണെന്നത് പരിശോധിച്ചിട്ടുണ്ടോ; വിശദമാക്കാമോ;

(സി)  ഭരണഘടനയുടെ ഏഴാം ഷെഡ്യൂളിൽ സംസ്ഥാന ലിസ്റ്റിലെ പതിനെട്ടാം ഇനമായി ഉൾപ്പെടുത്തിയിട്ടുള്ള ഭൂമിയും അതിലെ വിഭവങ്ങളും സംസ്ഥാനങ്ങളുടെ അധികാരപരിധിയിൽ വരുന്ന വിഷയങ്ങളാണെന്നിരിക്കെ, ഇതിൽ കേന്ദ്ര നിയന്ത്രണം അടിച്ചേൽപ്പിക്കുന്നത് ഭരണഘടനാ ലംഘനമാണെന്ന കാര്യം പരിശോധിച്ചിട്ടുണ്ടോ; വിശദമാക്കാമോ;

(ഡി)  ഭേദഗതി വ്യവസ്ഥകൾ ഭരണഘടനയുടെ അടിസ്ഥാന തത്ത്വങ്ങൾക്ക് വിരുദ്ധമായതിനാൽ ഇതിനെതിരെ സുപ്രീം കോടതിയെ സമീപിക്കാൻ തയാറാകുമോ; ഫെഡറലിസത്തെയും സംസ്ഥാനങ്ങളുടെ അവകാശങ്ങളെയും സംരക്ഷിക്കാനായി കേന്ദ്ര സർക്കാരിനെതിരെ നിലപാടെടുക്കാൻ സംസ്ഥാന സർക്കാർ തയ്യാറാകുമോ?

തളിപ്പറമ്പ് മണ്ഡലത്തിലെ കഴിഞ്ഞ പത്ത് വർഷത്തെ സി.എസ്.ആർ ഫണ്ട് വിനിയോഗം

2299  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  തളിപ്പറമ്പ് മണ്ഡലത്തിന്റെ പരിധിയിലുള്ള ഏതെങ്കിലും പൊതു/സ്വകാര്യ സ്ഥാപനങ്ങൾക്കോ, സംഘടനകൾക്കോ, പദ്ധതികൾക്കോ കഴിഞ്ഞ പത്ത് വർഷത്തിനിടയിൽ സി.എസ്.ആർ (കോർപ്പറേറ്റ് സോഷ്യൽ റെസ്പോൺസിബിലിറ്റി) ഫണ്ട് അനുവദിച്ചിട്ടുണ്ടോ; വ്യക്തമാക്കുമോ;

(ബി)  എങ്കിൽ ഏതൊക്കെ സ്ഥാപനങ്ങൾക്കാണ്/പദ്ധതികൾക്കാണ് ഫണ്ട് അനുവദിച്ചിട്ടുള്ളതെന്നും എത്ര തുക വീതമാണ് അനുവദിച്ചതെന്നും സ്ഥാപനം/പദ്ധതി തിരിച്ച് വിശദാംശം ലഭ്യമാക്കുമോ;

(സി)  അനുവദിച്ച ഫണ്ടിന്റെ വിനിയോഗം സംബന്ധിച്ച് (യൂട്ടിലൈസേഷൻ സർട്ടിഫിക്കറ്റ് ഉൾപ്പെടെ) നിലവിലെ സ്ഥിതി എന്താണ്; ഫണ്ട് പൂർണ്ണമായി വിനിയോഗിച്ചിട്ടുണ്ടോ; വിശദാംശം നൽകുമോ;

(ഡി)  തളിപ്പറമ്പ് മണ്ഡലത്തിലെ ഏതെങ്കിലും സ്ഥാപനങ്ങളോ സംഘടനകളോ കഴിഞ്ഞ പത്ത് വർഷത്തിനിടയിൽ സി.എസ്.ആർ ഫണ്ടിനായി അപേക്ഷ സമർപ്പിച്ചിട്ടുണ്ടോ; എങ്കിൽ അതിന്മേൽ സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കുമോ?

വ്യവസായ എസ്റ്റേറ്റുകളിലെ തൊഴിൽ വിവരങ്ങൾ

2300  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിൽ എത്ര ഇൻഡസ്ട്രിയൽ എസ്റ്റേറ്റുകൾ ഉണ്ടെന്നും അവയിലൊട്ടാകെ പ്രവർത്തിക്കുന്ന വ്യവസായ ശാലകളുടെ എണ്ണവും അവിടെ ജോലി ചെയ്യുന്ന തൊഴിലാളികളുടെയും ഉദ്യോഗസ്ഥരുടെയും എണ്ണവും വ്യക്തമാക്കുമോ?

എം.എസ് .എം.ഇ. പദ്ധതികളുടെ നിർവഹണവും സംരംഭകർക്കുള്ള ആനുകൂല്യങ്ങളും

2301  ശ്രീ. വി. മുരളീധരൻ
ശ്രീ. ബി. ബി. ഗോപകുമാർ
ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  2025-26 ,2026-27 സാമ്പത്തിക വർഷങ്ങളിലെ സംസ്ഥാന ബഡ്ജറ്റിൽ സൂക്ഷ്മ, ചെറുകിട, ഇടത്തര സംരംഭങ്ങളുടെ പ്രോത്സാഹനത്തിനായി പ്രഖ്യാപിച്ച പുതിയ പദ്ധതികളും ധനസഹായ പദ്ധതികളും എന്തെല്ലാമാണെന്ന് വ്യക്തമാക്കുമോ;

(ബി)  ബഡ്ജറ്റ് പ്രഖ്യാപനത്തിന്റെ അടിസ്ഥാനത്തിൽ പുതിയ എം.എസ്.എം.ഇ. ആരംഭിക്കുന്നതിന് എത്ര തുകയാണ് വകയിരുത്തിയിട്ടുള്ളത്; ഇതുവരെ അനുവദിച്ച തുക, ചെലവഴിച്ച തുക എന്നിവ ജില്ലാ അടിസ്ഥാനത്തിൽ വ്യക്തമാക്കുമോ;

(സി)  പുതിയ സംരംഭങ്ങൾ തുടങ്ങുന്നതിനുള്ള നടപടിക്രമങ്ങൾ ലളിതമാക്കുന്നതിനും സിംഗിൾ വിൻഡോ ക്ലിയറൻസ് ലൈസൻസുകൾ, സബ്സിഡികൾ എന്നിവ വേഗത്തിൽ ലഭ്യമാക്കുന്നതിനും സർക്കാറും വ്യവസായ വകുപ്പും എന്തെല്ലാം പുതിയ നിർദ്ദേശങ്ങളാണ് നടപ്പിലാക്കി വരുന്നതെന്ന് അറിയിക്കുമോ;

(ഡി)  കേന്ദ്രസർക്കാറിന്റെ എം.എസ്.എം.ഇ. ഫണ്ടുകളും സ്ക്കീമുകളും പരമാവധി പ്രയോജനപ്പെടുത്തി കൂടുതൽ യുവസംരംഭകരെയും വനിതാ സംരംഭകരെയും ആകർഷിക്കുന്നതിനായി എന്തെല്ലാം പ്രത്യേക ബോധവൽക്കരണവും അടിസ്ഥാന സൗകര്യങ്ങളുമാണ് ഒരുക്കിയിട്ടുള്ളതെന്നും വിശദീകരിക്കുമോ?

കോഴിക്കോട് കോംട്രസ്റ്റ് നെയ്ത്തുശാലയുടെ പുനരുദ്ധാരണവും തൊഴിൽസാധ്യതകളും

2302  ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കോഴിക്കോടിന്റെ ചരിത്രപൈതൃകമായ കോംട്രസ്റ്റ് നെയ്ത്തുശാലയുടെ ഭൂമിയും കെട്ടിടങ്ങളും സംരക്ഷിച്ച് പരമ്പരാഗത വ്യവസായം പുനരുജ്ജീവിപ്പിക്കുന്നതിനും യുവാക്കൾക്ക് തൊഴിൽസാധ്യതകൾ സൃഷ്ടിക്കുന്നതിനും സർക്കാർ സ്വീകരിച്ച നടപടികൾ എന്തെല്ലാമാണെന്ന് വ്യക്തമാക്കാമോ;

(ബി)   പ്രസ്തുത നെയ്ത്തുശാലയുടെ പുനരുദ്ധാരണത്തിനായി തയ്യാറാക്കിയ പദ്ധതി, ആവശ്യമായ സാമ്പത്തിക സഹായം, പദ്ധതി നടപ്പാക്കുന്നതിനുള്ള സമയപരിധി എന്നിവ വ്യക്തമാക്കാമോ?

നിര്‍മ്മാണ മേഖല നേരിടുന്ന പ്രതിസന്ധി

2303  പ്രൊഫ. ആബിദ് ഹുസൈന്‍ തങ്ങള്‍
ശ്രീ. കല്ലട്ര മാഹിൻ
ശ്രീ. സി. കെ. കാസിം
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാരിന്റെ കാലത്ത് പാറമടകള്‍ക്ക് ഏര്‍പ്പെടുത്തിയ നിയന്ത്രണം കാരണം കരിങ്കല്ലും ചല്ലിയും എം.സാന്റും ലഭിക്കാതെ നിര്‍മ്മാണ മേഖല കടുത്ത പ്രതിസന്ധി നേരിടുന്നത് പരിശോധിച്ചിട്ടുണ്ടോ; വ്യക്തമാക്കുമോ;

(ബി)  കരിങ്കല്ലിനും ചല്ലിക്കും കടുത്ത ക്ഷാമം അനുഭവിക്കുന്നതിനാല്‍ ഹോളോബ്രിക്സ് യൂണിറ്റുകള്‍ പ്രവര്‍ത്തിക്കുന്നില്ല എന്നത് ശ്രദ്ധയില്‍പ്പെട്ടിട്ടുണ്ടോ;

(സി)  മെെനിംഗ് ആന്റ് ജിയോളജി വകുപ്പ് പാറമടകള്‍ക്കും ക്രഷറുകള്‍ക്കും ഏര്‍പ്പെടുത്തിയ നിയന്ത്രണങ്ങള്‍ നീക്കണമെന്ന ആവശ്യം പരിഗണനയിലുണ്ടോ; വിശദീകരിക്കുമോ?

ട്രാവൻകൂർ ടൈറ്റാനിയം

2304  ശ്രീ. കെ. എന്‍. ബാലഗോപാല്‍
പ്രൊഫ. സി. രവീന്ദ്രനാഥ്
ശ്രീമതി ഒ. എസ്. അംബിക
ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ട്രാവൻകൂർ ടൈറ്റാനിയം പ്രോഡക്ട്സിന്റെ എട്ട് ദശാബ്ദത്തെ ചരിത്രത്തിൽ ആദ്യമായി തുടർച്ചയായ രണ്ട് മാസങ്ങളിൽ ശമ്പളം മുടങ്ങിയത് ശ്രദ്ധയിൽപ്പെട്ടിട്ടുണ്ടോ; വിശദമാക്കാമോ;

(ബി)  മുൻ സർക്കാരിന്റെ കാലത്ത് പുതിയ മൂല്യവർദ്ധിത ഉൽപ്പന്നങ്ങളുടെ നിർമ്മാണം ആരംഭിച്ചിരുന്നോ; എങ്കിൽ നിലവിലെ സ്ഥിതി വ്യക്തമാക്കാമോ;

(സി)  മുൻ സർക്കാരിന്റെ കാലത്ത് ഇലക്ട്രിക് വാഹനങ്ങൾക്കുള്ള അസംസ്കൃത വസ്തു നിർമ്മിക്കുന്നതിന് ഐ.എസ്.ആര്‍.ഒ.യുമായി ഒപ്പുവെച്ച ധാരണാപത്രം പ്രകാരമുള്ള തുടർനടപടി ഏത് ഘട്ടത്തിലാണ്;

(ഡി)  സ്വകാര്യ മേഖലയിലെ നിക്ഷേപകരുടെ താൽപര്യം സംരക്ഷിക്കുന്നതിനായി ടൈറ്റാനിയത്തെ സർക്കാർ അവഗണിക്കുന്നുവെന്ന ആക്ഷേപം ശ്രദ്ധയിൽപ്പെട്ടിട്ടുണ്ടോ; വ്യക്തമാക്കാമോ?

ചങ്ങനാശ്ശേരി മണ്ഡലത്തിലെ ഇൻഡസ്ട്രിയൽ പാർക്ക്

2305  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിലെ മാടപ്പള്ളിയിൽ പ്രഖ്യാപിച്ച ഇൻഡസ്ട്രിയൽ പാർക്ക് പദ്ധതിക്കായി നടപ്പു ബജറ്റിൽ 20 ശതമാനം ടോക്കൺ തുക അനുവദിച്ചത് ശ്രദ്ധയിൽപ്പെട്ടിട്ടുണ്ടോ;

(ബി)  പ്രസ്തുത ഇൻഡസ്ട്രിയൽ പാർക്കിന് ആവശ്യമായ ഭൂമി കണ്ടെത്തുന്നതിനും സ്ഥലം ഏറ്റെടുക്കുന്നതിനുമായി എന്തൊക്കെ പ്രാരംഭ നടപടികളാണ് ഇതുവരെ വകുപ്പ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(സി)  പ്രസ്തുത പദ്ധതിയ്ക്കായി വിശദമായ പ്രോജക്ട് റിപ്പോർട്ട് തയ്യാറാക്കിയിട്ടുണ്ടോ; എങ്കിൽ പദ്ധതിയുടെ പ്രതീക്ഷിത ചെലവും നിർമ്മാണ ഏജൻസിയും ഏതാണെന്ന് വ്യക്തമാക്കാമോ;

(ഡി)  ബജറ്റിൽ വകയിരുത്തിയ വിഹിതം ഉപയോഗിച്ച് പദ്ധതിയുടെ നിർമ്മാണ പ്രവൃത്തികൾ സമയബന്ധിതമായി ആരംഭിക്കുന്നതിന് ഈ സർക്കാർ കാലയളവിൽ സ്വീകരിച്ച നടപടികൾ എന്തെല്ലാമെന്ന് വ്യക്തമാക്കാമോ?

വിദേശനിക്ഷേപം ആകര്‍ഷിക്കാനായി പദ്ധതി

2306  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഈ സര്‍ക്കാര്‍ അധികാരത്തില്‍ വരുന്ന സമയത്ത് വിദേശനിക്ഷേപം ആകര്‍ഷിക്കാനായി പ്രഖ്യാപിച്ച പദ്ധതികളില്‍ എത്ര എണ്ണം ആരംഭിക്കാന്‍ കഴിഞ്ഞിട്ടുണ്ട്; വ്യക്തമാക്കാമോ;

(ബി)  സംസ്ഥാനത്ത് പ്രവര്‍ത്തിക്കുന്ന പൊതുമേഖല സ്ഥാപനങ്ങളിലെ വരുമാനം, നഷ്ടം, സര്‍ക്കാര്‍ സഹായം എന്നിവയുടെ കണക്ക് ലഭ്യമാക്കാമോ;

(സി)  പാലക്കാട് ജില്ലയില്‍ വ്യവസായ വകുപ്പിനു കീഴില്‍ ഉപയോഗിക്കാതെ കിടക്കുന്ന ഭൂമിയുടെ വിസ്തീര്‍ണ്ണം ലഭ്യമാക്കാമോ; എവിടെയാണ് സ്ഥിതിചെയ്യുന്നത് എന്നും വിശദമാക്കാമോ?

വ്യവസായ വകുപ്പിന് കീഴിലെ പൊതുമേഖലാ സ്ഥാപനങ്ങള്‍

2307  ശ്രീമതി കെ. കെ. രമ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വ്യവസായ വകുപ്പിന് കീഴിൽ ആകെ എത്ര പൊതുമേഖലാ സ്ഥാപനങ്ങളാണ് നിലവിലുള്ളത്; ഓരോ സ്ഥാപനങ്ങളുടെയും പേരും അവയുടെ കൈവശമുള്ള ആസ്തിയുടെ മൂല്യവും എത്രവീതം ആണെന്ന് അറിയിക്കുമോ;

(ബി)  2016-ൽ വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങളിൽ എത്രയെണ്ണമാണ് ലാഭത്തിൽ പ്രവർത്തിച്ചിരുന്നത്;

(സി)  2016 മുതല്‍ 2026 വരെയുള്ള കാലയളവിൽ നഷ്ടത്തിൽ പ്രവർത്തിച്ചിരുന്ന ശേഷം ലാഭത്തിലായതും ലാഭത്തിൽ പ്രവർത്തിച്ച ശേഷം നഷ്ടത്തിലായതുമായ സ്ഥാപനങ്ങളുടെ എണ്ണം എത്രയാണ്;

(ഡി)  ഈ കാലയളവിൽ സ്വന്തം അസ്തിയുടെ ഏതെങ്കിലും ഭാഗം വില്‍ക്കുകയോ പണയപ്പെടുത്തുകയോ കൈമാറ്റം ചെയ്യുകയോ ചെയ്ത പൊതുമേഖലാ സ്ഥാപനങ്ങള്‍ എത്രയാണെന്നും അപ്രകാരം വില്‍ക്കുകയോ പണയപ്പെടുത്തുകയോ കൈമാറ്റം ചെയ്യുകയോ ചെയ്ത ആസ്തിയുടെ മൂല്യം എത്ര വീതമാണെന്ന് അറിയിക്കുമോ?

വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങള്‍

2308  ശ്രീ. അൻവർ സാദത്ത്
ശ്രീ. നാട്ടകം സുരേഷ്
ശ്രീ. സെബാസ്റ്റ്യൻ. എം. ജെ
ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വ്യവസായ വകുപ്പിന് കീഴിലുള്ള പൊതുമേഖലാ സ്ഥാപനങ്ങളുടെ പ്രവർത്തനക്ഷമത മെച്ചപ്പെടുത്തുന്നതിനും സാമ്പത്തിക സ്ഥിതി ശക്തിപ്പെടുത്തുന്നതിനും വികസനസാധ്യതകൾ പ്രയോജനപ്പെടുത്തുന്നതിനുമായി ഹ്രസ്വകാല, മധ്യകാല മാസ്റ്റർ പ്ലാനുകൾ തയ്യാറാക്കാനും സമഗ്ര അവലോകനം നടത്താനും തീരുമാനിച്ചിട്ടുണ്ടോയെന്ന് വിശദമാക്കുമോ;

(ബി)  പ്രസ്തുത സ്ഥാപനങ്ങളുടെ ഉൽപ്പാദനക്ഷമത, സാമ്പത്തിക സ്ഥിതി, വിപണന സാധ്യതകൾ, വികസന ആവശ്യങ്ങൾ എന്നിവ വിലയിരുത്തുന്നതിനുള്ള സമഗ്ര അവലോകനത്തിൽ പരിഗണിക്കുന്ന പ്രധാന ഘടകങ്ങൾ ഏതെല്ലാമാണെന്ന് വിശദമാക്കുമോ;

(സി)  നഷ്ടത്തിൽ പ്രവർത്തിക്കുന്ന പൊതുമേഖലാ സ്ഥാപനങ്ങളെ പുനരുജ്ജീവിപ്പിക്കുന്നതിനും ലാഭകരമായി പ്രവർത്തിക്കുന്ന സ്ഥാപനങ്ങളുടെ വികസനം ത്വരിതപ്പെടുത്തുന്നതിനും അവയുടെ മാസ്റ്റർ പ്ലാനുകളിൽ പ്രത്യേക പദ്ധതികൾ ഉൾപ്പെടുത്താൻ ഉദ്ദേശിക്കുന്നുണ്ടോ; വ്യക്തമാക്കാമോ;

(ഡി)  പൊതുമേഖലാ സ്ഥാപനങ്ങളിൽ ആധുനിക സാങ്കേതികവിദ്യയും നൂതന ഉൽപ്പാദനരീതികളും നടപ്പാക്കി ഉൽപ്പന്നങ്ങളുടെ ഗുണനിലവാരവും വിപണനക്ഷമതയും വർധിപ്പിക്കുന്നതിന് നടപടി സ്വീകരിക്കുമോ; പ്രസ്തുത നടപടികളിലൂടെ പൊതുമേഖലാ സ്ഥാപനങ്ങളുടെ സാമ്പത്തിക സ്വയംപര്യാപ്തത ഉറപ്പാക്കുന്നതിനും പുതിയ നിക്ഷേപങ്ങൾ ആകർഷിക്കുന്നതിനും നിലവിലുള്ള തൊഴിലവസരങ്ങൾ സംരക്ഷിച്ച് കൂടുതൽ തൊഴിലവസരങ്ങൾ സൃഷ്ടിക്കുന്നതിനും ലക്ഷ്യമിടുന്നുണ്ടോ; വിശദമാക്കുമോ?

കൊല്ലം എം.എസ്.എം.ഇ. ബ്രാൻഡ്

2309  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഇരവിപുരത്തെയും കൊല്ലത്തെയും കശുവണ്ടി ഉൾപ്പെടെയുള്ള ചെറുകിട ഉൽപ്പന്നങ്ങൾക്ക് പൊതുവായ ബ്രാൻഡിംഗ്, പാക്കേജിംഗ്, ഡിജിറ്റൽ മാർക്കറ്റിംഗ്, ഇ-കൊമേഴ്‌സ് പിന്തുണ എന്നിവ ലഭ്യമാക്കുന്നതിനായി കൊല്ലം എം.എസ്.എം.ഇ. ബ്രാൻഡ് എന്ന പേരിൽ പ്രത്യേക പദ്ധതി ആവിഷ്‌കരിക്കാൻ സർക്കാർ ഉദ്ദേശിക്കുന്നുണ്ടോ; എങ്കിൽ വിശദാംശങ്ങൾ വ്യക്തമാക്കാമോ;

(ബി)  ഇരവിപുരം പോലുള്ള ജനസാന്ദ്രതയേറിയ നഗര-തീരദേശ നിയോജകമണ്ഡലങ്ങളിൽ വ്യവസായ ആവശ്യങ്ങൾക്കായി ഭൂമി ലഭ്യമല്ലാത്ത സാഹചര്യത്തിൽ, കുറഞ്ഞ സ്ഥലസൗകര്യത്തിൽ പ്രവർത്തിപ്പിക്കാവുന്ന ഐ.ടി., എ.ഐ., ഡിജിറ്റൽ സേവനങ്ങൾ, ഫുഡ് പ്രോസസ്സിംഗ്, മറൈൻ വാല്യു ആഡിഷൻ, വനിതാ സംരംഭങ്ങൾ തുടങ്ങിയ മേഖലകളിലെ സാധ്യതകൾ കണ്ടെത്തുന്നതിനായി നിയോജകമണ്ഡലാടിസ്ഥാനത്തിൽ എം.എസ്.എം.ഇ. പൊട്ടൻഷ്യൽ മാപ്പിംഗ് നടത്തുമോ; എങ്കിൽ, വിശദാംശങ്ങൾ വ്യക്തമാക്കാമോ?

വിദേശനിക്ഷേപങ്ങള്‍ക്കായുള്ള കേരള ഡസ്ക്കുകള്‍

2310  ശ്രീ. പാറക്കൽ അബ്‌ദുല്ല
ശ്രീ. നജീബ് കാന്തപുരം
ശ്രീ. എം. റഹ്മത്തുളള
ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വിദേശ നിക്ഷേപങ്ങള്‍ കേരളത്തിലേക്ക് കൂടുതല്‍ ആകര്‍ഷിക്കുന്നതിനും പ്രവാസി മലയാളികളുടെ ബിസിനസ്സ് ശൃംഖല കൃത്യമായി പ്രയോജനപ്പെടുത്തുന്നതിനും ആഗോള നഗരങ്ങളില്‍ കേരള ഡെസ്ക്കുകള്‍ ആരംഭിക്കാന്‍ ഉദ്ദേശിക്കുന്നുണ്ടോ; വിശദമാക്കാമോ;

(ബി)  ഈ കാര്യത്തില്‍ അംഗീകൃത പ്രവാസി സംഘടനകളുടെ സഹകരണം തേടിയിട്ടുണ്ടോ;

(സി)  പ്രവാസി വ്യവസായികളേയും പുതിയ നിക്ഷേപകരെയും ആകര്‍ഷിക്കുവാന്‍ എന്തെല്ലാം നടപടികള്‍ സ്വീകരിക്കാനാണ് ഉദ്ദേശിക്കുന്നതെന്ന് വിശദീകരിക്കുമോ?

മലയോര കുടിയേറ്റ കർഷക മേഖലയിലെ വിദേശ നിക്ഷേപ പദ്ധതികള്‍

2311  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വിദേശ നിക്ഷേപ പദ്ധതികളിൽ മലയോര കുടിയേറ്റ കർഷക മേഖലയെ കൂടി ഉൾപ്പെടുത്തുന്ന കാര്യം പരിഗണനയിലുണ്ടോ; ഇല്ലെങ്കിൽ അതിനുള്ള നടപടി സ്വീകരിക്കുമോ?

ബിസിനസ്സ് റിഫോംസ് ആക്ഷൻ പ്ലാന്‍

2312  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ബിസിനസ്സ് റിഫോംസ് ആക്ഷൻ പ്ലാനിന്റെ ഭാഗമായി എന്തൊക്കെ മാറ്റങ്ങള്‍ കൊണ്ടുവരാനാണ് ലക്ഷ്യമിടുന്നതെന്ന് വ്യക്തമാക്കാമോ;

(ബി)  കഴിഞ്ഞ സർക്കാർ നടപ്പിലാക്കിയ ഇയർ ഓഫ് എന്റർപ്രൈസസ് പദ്ധതി തുടരാൻ തീരുമാനിച്ചിട്ടുണ്ടോയെന്ന് വ്യക്തമാക്കാമോ;

(സി)  അതിനനുബന്ധമായി സംരംഭകരെ സഹായിക്കുന്നതിന് പദ്ധതികള്‍ ആവിഷ്കരിക്കുമോയെന്ന് വ്യക്തമാക്കാമോ?

കൊരട്ടി വൈഗ ത്രെഡ്സ് കമ്പനിയുടെ പ്രവര്‍ത്തനം

2313  ശ്രീ. സനീഷ്‌കുമാര്‍ ജോസഫ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കൊരട്ടി വൈഗ ത്രെഡ്സ് കമ്പനിയുടെ സമാപ്തീകരണ നടപടികളുടെയും ഇത് സംബന്ധിച്ചുള്ള കോടതി വ്യവഹാരങ്ങളുടെയും നിലവിലെ സ്ഥിതി എന്തെന്ന് വിശദമാക്കുമോ;

(ബി)  സമാപ്തീകരണ നടപടികള്‍‍ വേഗത്തിലാക്കി തൊഴിലാളികള്‍ക്ക് പുനരധിവാസവും നഷ്ടപരിഹാരവും ഉള്‍പ്പെടെയുള്ള ആനുകൂല്യങ്ങള്‍ ലഭ്യമാക്കുന്നതിന് സ്വീകരിച്ചിട്ടുള്ള നടപടികള്‍ വിശദീകരിക്കുമോ?

പൊതുമേഖലാ സ്ഥാപനങ്ങള്‍

2314  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  എത്ര പൊതുമേഖലാ സ്ഥാപനങ്ങളാണ് നിലവില്‍ പ്രവര്‍ത്തിക്കുന്നതെന്നും അവ ഏതെല്ലാം ആണെന്നും വിശദമാക്കുമോ;

(ബി)  പ്രസ്തുത സ്ഥാപനങ്ങളില്‍ നിന്നും സര്‍ക്കാരിന് ലാഭവിഹിതം ലഭിക്കുന്നുണ്ടോയെന്നും എങ്കില്‍ 2025-26, 2026-27 വര്‍ഷങ്ങളില്‍ ലാഭവിഹിതം നല്‍കിയ സ്ഥാപനങ്ങളുടെയും ലാഭവിഹിതത്തിന്റെയും വിവരം നല്‍കുമോ?

പ്രതിരോധ മേഖലയിലെ കെൽട്രോണിന്റെ ഉൽപ്പന്ന വികസനവും വ്യവസായ വളർച്ചയും

2315  ശ്രീമതി ഉമ തോമസ്
ശ്രീ. സേനാപതി വേണു
ശ്രീ. വി. ടി. സൂരജ്
ശ്രീ. എം. എം. നസീർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കെൽട്രോൺ പ്രതിരോധ മേഖലയുമായി ബന്ധപ്പെട്ട പുതിയ ഉൽപ്പന്നങ്ങൾ വികസിപ്പിക്കുകയും ഈ മേഖലയിൽ സംസ്ഥാനത്തിന്റെ സാങ്കേതിക-വ്യവസായ ശേഷി വർധിപ്പിക്കുകയും ചെയ്യുന്നതിനായി സർക്കാർ സ്വീകരിച്ചുവരുന്ന നടപടികൾ എന്തെല്ലാമാണെന്ന് വിശദമാക്കുമോ;

(ബി)  പ്രതിരോധ മേഖലയ്ക്ക് ആവശ്യമായ ഇലക്ട്രോണിക് ഉപകരണങ്ങളും അനുബന്ധ ഉൽപ്പന്നങ്ങളും വികസിപ്പിക്കുന്നതിനും ഉൽപ്പാദിപ്പിക്കുന്നതിനും കെൽട്രോൺ നടപ്പിലാക്കിവരുന്ന പദ്ധതികൾ ഏതെല്ലാമാണെന്ന് വ്യക്തമാക്കുമോ;

(സി)  പ്രതിരോധ മേഖലയിലെ പൊതുമേഖലാ സ്ഥാപനങ്ങളുമായും ഗവേഷണ സ്ഥാപനങ്ങളുമായും സഹകരിച്ച് പുതിയ സാങ്കേതികവിദ്യകൾ വികസിപ്പിക്കുന്നതിനും ഉൽപ്പന്നങ്ങളുടെ ഗുണനിലവാരം മെച്ചപ്പെടുത്തുന്നതിനും നടപടികൾ സ്വീകരിച്ചിട്ടുണ്ടോ; വ്യക്തമാക്കാമോ;

(ഡി)  കെൽട്രോണിന്റെ പ്രതിരോധ മേഖലയിലെ പ്രവർത്തനങ്ങൾ വിപുലീകരിക്കുന്നതിലൂടെ സംസ്ഥാനത്ത് പുതിയ തൊഴിലവസരങ്ങൾ സൃഷ്ടിക്കുന്നതിനും യുവാക്കളുടെ സാങ്കേതിക നൈപുണ്യം വർധിപ്പിക്കുന്നതിനും സർക്കാർ ലക്ഷ്യമിടുന്നുണ്ടോ; വിശദമാക്കാമോ;

(ഇ)  പ്രതിരോധ ഉൽപ്പന്നങ്ങളുടെ ആഭ്യന്തര ഉൽപ്പാദനം പ്രോത്സാഹിപ്പിക്കുന്നതിനും ഈ മേഖലയിലെ കൂടുതൽ പദ്ധതികളും ഉൽപ്പാദന ഓർഡറുകളും കെൽട്രോണിന് ലഭ്യമാക്കുന്നതിനും സ്വീകരിച്ചിട്ടുള്ള നടപടികൾ വിശദമാക്കുമോ?

മഞ്ചേരി കോമൺ ഫെസിലിറ്റി സെന്ററിന്റെ ഭാവി പുരോഗതികൾ

2316  ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മഞ്ചേരിയിൽ വ്യവസായ വകുപ്പിനു കീഴിൽ പ്രവർത്തിക്കുന്ന കോമൺ ഫസിലിറ്റി സെന്ററിന്റെ (സി.എഫ്.സി.) നിലവിലെ പ്രവർത്തന പുരോഗതികൾ വ്യക്തമാക്കാമോ;

(ബി)  പ്രസ്തുത സെന്ററിന്റെ നവീകരണത്തിനും പുതിയ യന്ത്രസാമഗ്രികൾ സ്ഥാപിക്കുന്നതിനുമായി ഫണ്ട് അനുവദിച്ചിട്ടുണ്ടോ; എങ്കിൽ അതിന്റെ വിശദാംശം ലഭ്യമാക്കാമോ;

(സി)  പ്രസ്തുത സെന്റർ പൂർണ്ണതോതിൽ പ്രവർത്തനക്ഷമമാക്കുന്നതിനും കൂടുതൽ പ്രാദേശിക സംരംഭകർക്ക് പ്രയോജനകരമാകുന്ന രീതിയിൽ വികസിപ്പിക്കുന്നതിനും കൂടുതൽ ഫണ്ട് അനുവദിക്കുവാൻ സർക്കാർ തലത്തിൽ നടപടി സ്വീകരിക്കുമോ;

(ഡി)  മഞ്ചേരി സി.എഫ്.സി.-യുടെ അടിസ്ഥാന സൗകര്യങ്ങൾ വർദ്ധിപ്പിക്കുന്നതിനായി സമർപ്പിക്കപ്പെട്ട നിർദ്ദേശങ്ങൾ ഏതെങ്കിലും സർക്കാരിന്റെ പരിഗണനയിലുണ്ടോ; എങ്കിൽ അവ ഏത് ഘട്ടത്തിലാണെന്ന് വ്യക്തമാക്കുമോ?

ഓരോ നിയോജകമണ്ഡലത്തിലും ഒരു വ്യവസായ കേന്ദ്രം

2317  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  തൊഴില്‍ ലഭ്യതയ്ക്കും ഉത്പാദന വളര്‍ച്ചയ്ക്കും സംസ്ഥാനത്തെ ഓരോ നിയോജകമണ്ഡലത്തിലും ഒരു വ്യവസായ കേന്ദ്രം നടപ്പാക്കാന്‍ നടപടി സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ;

(ബി)  പ്രാദേശികമായി ലഭിക്കുന്ന അസംസ്കൃത സാധനങ്ങള്‍ ഉത്പന്നങ്ങളാക്കി വിറ്റഴിക്കുന്നതിന് ഇത്തരം വ്യവസായ കേന്ദ്രങ്ങളെ പ്രാപ്തമാക്കാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)  ഇത്തരം വ്യവസായ കേന്ദ്രങ്ങളില്‍ വെെദ്യുതി കുറഞ്ഞ നിരക്കില്‍ ലഭ്യമാക്കുന്നതിന് നടപടി സ്വീകരിക്കുമോ; വിശദാംശം ലഭ്യമാക്കുമോ?

പൊതുമേഖലാ സ്ഥാപനങ്ങൾ സംബന്ധിച്ച വിവരങ്ങൾ

2318  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാന വ്യവസായ വകുപ്പിന് കീഴിൽ പ്രവർത്തിക്കുന്ന പൊതുമേഖലാ സ്ഥാപനങ്ങൾ, സർക്കാർ കമ്പനികൾ, മറ്റു വ്യവസായ സ്ഥാപനങ്ങൾ എന്നിവയെല്ലാം കഴിഞ്ഞ അഞ്ചുവർഷക്കാലയളവിൽ ലാഭം നേടുന്ന സാഹചര്യത്തിലായിരുന്നോ; വിശദമാക്കാമോ;

(ബി)  ലാഭത്തിൽ പ്രവർത്തിക്കുന്ന പൊതുമേഖലാ സ്ഥാപനത്തിലെ ജീവനക്കാർക്ക് പ്രത്യേകമായ ആനുകൂല്യങ്ങൾ നൽകാൻ സന്നദ്ധമാകുമോ;

(സി)  കഴിഞ്ഞ അഞ്ചു വർഷത്തിലധികമായി നഷ്ടത്തിൽ തന്നെ തുടരുന്ന പൊതുമേഖലാ സ്ഥാപനങ്ങളെ സംരക്ഷിക്കുവാൻ അല്ലെങ്കിൽ നഷ്ടത്തിൽ നിന്ന് കരകയറ്റുവാൻ എന്തെല്ലാം പുതിയ പദ്ധതികളാണ് നടപ്പിലാക്കാൻ ഉദ്ദേശിക്കുന്നത്; വ്യക്തമാക്കാമോ;

(ഡി)  കഴിഞ്ഞ അഞ്ചുവർഷത്തിലധികമായി നഷ്ടത്തിൽ തുടരുന്ന പൊതുമേഖലാ സ്ഥാപനങ്ങളെ നഷ്ടത്തിലേക്ക് നയിച്ച കാരണങ്ങൾ പഠിക്കുവാൻ പ്രത്യേകസമിതി രൂപീകരിച്ച്‌ അടിയന്തരമായി റിപ്പോർട്ട് സമർപ്പിക്കുവാൻ നിർദ്ദേശിക്കുമോ;

(ഇ)  പൊതുമേഖലാ സ്ഥാപനങ്ങളെ കൂടുതൽ വാണിജ്യവൽക്കരിച്ച് ഉൽപാദനവും വിപണനവും കൂടുതലാക്കി കേരളത്തിന്റെ അഭിമാന സ്ഥാപനങ്ങളാക്കുവാൻ മാനേജീരിയൽ എബിലിറ്റിയുള്ള ഭരണസംവിധാനം ഏർപ്പെടുത്തുവാൻ സർക്കാർ തയ്യാറാകുമോ?

എം.എസ്.എം.ഇ. മേഖലയിലെ പ്രതിസന്ധികള്‍

2319  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ പത്ത് വർഷക്കാലമായി എം.എസ്.എം.ഇ. മേഖല പ്രതിസന്ധികളെത്തുടർന്ന് വലിയ തോതിൽ തകർച്ച നേരിടുകയും ഒരുപാട് സംരംഭങ്ങൾ അടച്ചുപൂട്ടേണ്ടി വരികയും ചെയ്തിട്ടുള്ളത് ശ്രദ്ധയിൽപ്പെട്ടിട്ടുണ്ടോ;

(ബി)  കഴിഞ്ഞ ഒരു ദശാബ്ദത്തിനിടയിൽ സംസ്ഥാനത്ത് ആകെ എത്ര എം.എസ്.എം.ഇ. യൂണിറ്റുകൾ പൂട്ടിപ്പോയെന്നും അതിലൂടെ എത്രമാത്രം തൊഴിലവസരങ്ങൾ നഷ്ടപ്പെട്ടുവെന്നും വ്യക്തമാക്കുന്ന കൃത്യമായ കണക്കുകൾ ശേഖരിച്ചിട്ടുണ്ടോ; എങ്കിൽ അതിന്റെ വിശദാംശം നൽകാമോ;

(സി)  അടച്ചുപൂട്ടലിന്റെ വക്കിലായ സംരംഭങ്ങളെ കരകയറ്റുന്നതിനും കഴിഞ്ഞ പത്ത് വർഷമായി ഈ മേഖലയിലുണ്ടായ മുരടിപ്പ് പരിഹരിക്കുന്നതിനും അടിയന്തരമായി എന്തെല്ലാം പാക്കേജുകളാണ് നടപ്പിലാക്കാൻ ഉദ്ദേശിക്കുന്നത്?

കാഞ്ഞങ്ങാട് മണ്ഡലത്തിലെ ചെറുകിട സംരംഭങ്ങൾ

2320  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കാഞ്ഞങ്ങാട് മണ്ഡലത്തിൽ 2016-ന് ശേഷം എത്ര ചെറുകിട സംരംഭങ്ങൾ രജിസ്റ്റർ ചെയ്യിതിട്ടുണ്ടെന്ന് പഞ്ചായത്ത് തിരിച്ച് പറയാമോ;

(ബി)  ഇതിൽ ഏതൊക്കെ സംരംഭങ്ങൾക്കാണ് സബ്സിഡി ലഭിച്ചതെന്ന് വ്യക്തമാക്കാമോ;

(സി)  ഇനി എത്ര സംരംഭങ്ങൾക്ക് സബ്സിഡി ലഭിക്കാനുണ്ടെന്നും അവ എപ്പോൾ നല്കാനാകുമെന്നും വിശദമാക്കാമോ;

(ഡി)  ചെറുകിട സംരംഭങ്ങൾക്ക് സർക്കാർ നൽകുന്ന സബ്സിഡിയും മറ്റ് ആനുകൂല്യങ്ങളും എന്തൊക്കെയെന്ന് വിശദമാക്കാമോ?

വിദേശ നഗരങ്ങളില്‍ കേരള ഡെസ്കുകള്‍

2321  ശ്രീ. ഐ. സി. ബാലകൃഷ്ണന്‍
ശ്രീ. ആര്യാടന്‍ ഷൗക്കത്ത്
ശ്രീ. എഫ്. രാജ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വിദേശ നിക്ഷേപങ്ങള്‍ ആകര്‍ഷിക്കാനും പ്രവാസി സംരഭ കൂട്ടായ്മകളെ പ്രയോജനപ്പെടുത്താനും അഞ്ച് വിദേശ നഗരങ്ങളില്‍ കേരള ഡെസ്കുകള്‍ ആരംഭിക്കാന്‍ പദ്ധതിയുണ്ടോ; ഏതൊക്കെ നഗരങ്ങളിലാണ് പ്രസ്തുത ഡെസ്കുകൾ ആരംഭിക്കുന്നത് എന്ന് വ്യക്തമാക്കാമോ;

(ബി)  പ്രവാസികളില്‍ നിന്നുള്ള വരുമാനത്തെ കേന്ദ്രീകരിച്ചുള്ള മുന്‍രീതിക്ക് പകരം വ്യവസായ നിക്ഷേപാധിഷ്‍ഠിത പങ്കാളിത്തത്തിലേയ്ക്കുള്ള മാറ്റമാണോ ലക്ഷ്യമിടുന്നതെന്ന് വിശദമാക്കാമോ;

(സി)  സര്‍ക്കാരിനു സാമ്പത്തികബാധ്യതയില്ലാതെ, സഹകരണ മാതൃകയിലാണോ പദ്ധതി നടപ്പാക്കുകയെന്നും പദ്ധതിക്കുള്ള സാങ്കേതിക സഹായവും ബ്രാന്‍ഡിങ്ങും വ്യവസായ വികസന കോര്‍പ്പറേഷന്‍ നല്‍കുമോയെന്നും വ്യക്തമാക്കാമോ?

വിഴിഞ്ഞം-കൊല്ലം- പുനലൂർ ഇൻഡസ്ട്രിയൽ ആൻഡ് ഇക്കണോമിക് ഗ്രോത്ത് ട്രയാംഗിൾ പദ്ധതി

2322  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  24/03/2025 ലെ സ.ഉ.(സാധാ) നം .2897/2025/ധന. നമ്പർ ഉത്തരവ് പ്രകാരം അംഗീകാരം നൽകിയ വിഴിഞ്ഞം-കൊല്ലം-പുനലൂർ ഇൻഡസ്ട്രിയൽ ആൻഡ് ഇക്കണോമിക് ഗ്രോത്ത് ട്രയാംഗിൾ പദ്ധതിയുടെ നിലവിലെ സ്ഥിതി വ്യക്തമാക്കാമോ;

(ബി)   പ്രസ്തുത പദ്ധതി എന്താണെന്നും ആയതിന്റെ നിർവ്വഹണം എങ്ങനെയാണെന്നും വിശദമാക്കാമോ?

സംസ്ഥാനത്തെ കളിമണ്‍-ഓട്ടുകമ്പനി വ്യവസായം

2323  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പരമ്പരാഗത വ്യവസായങ്ങളിലൊന്നായ കളിമണ്‍-ഓട്ടുകമ്പനി വ്യവസായം വലിയ തകര്‍ച്ചയിലാണ് എന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)  തൃശ്ശൂര്‍ ജില്ലയിലെ ഏറ്റവും കൂടുതല്‍ ആളുകള്‍ ഉപജീവന മാര്‍ഗ്ഗമായി ഏര്‍പ്പെട്ടിരുന്ന ഓട്ടുകമ്പനി വ്യവസായത്തെ നിലനിര്‍ത്തുന്നതിനും വ്യവസായത്തിനാവശ്യമായ കളിമണ്ണ് ലഭ്യമാക്കുന്നതിനും നിയന്ത്രിതവും കൃത്യവുമായ അനുമതിയോടെ മണ്ണ് ഖനനം ചെയ്യുന്നതിന് ആവശ്യമായ നടപടികള്‍ സ്വീകരിക്കുമോ;

(സി)  ഈ വ്യവസായത്തെയും ഈ മേഖലയിലെ തൊഴിലാളികളേയും സംരക്ഷിക്കുന്നതിനായി, ബന്ധപ്പെട്ടവരുടെ യോഗം വിളിച്ച് ചേര്‍ത്ത് ആവശ്യമായ നടപടികള്‍ സ്വീകരിക്കുന്നതിന് നടപടി സ്വീകരിക്കുമോ?

കണ്ണൂർ കെൽട്രോൺ കമ്പോണന്റ് കോംപ്ലക്സ് ലിമിറ്റഡ്

2324  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കല്ല്യാശ്ശേരി മണ്ഡലത്തിലെ പ്രധാന പൊതുമേഖലാ സ്ഥാപനമായ കണ്ണൂർ കെൽട്രോൺ കമ്പോണന്റ് കോംപ്ലക്സ് ലിമിറ്റഡിൽ എന്തെല്ലാം വികസന പദ്ധതികളാണ് ഈ സർക്കാർ വിഭാവനം ചെയ്തിട്ടുള്ളതെന്ന് വിശദമാക്കാമോ?

വ്യവസായ വാണിജ്യ വകുപ്പിന് കീഴില്‍ പുതിയ സംരംഭകര്‍ക്കായുള്ള വികസന പദ്ധതികള്‍

2325  ശ്രീ. എം. എ. റസാഖ് മാസ്റ്റർ
ശ്രീമതി ഫാത്തിമ തഹിലിയ
ശ്രീ. ഫൈസൽ ബാബു
ശ്രീ. പി .എം. എ. സമീർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പുതിയ സംരംഭകരെ ആകര്‍ഷിക്കുന്നതിനും പ്രോത്സാഹിപ്പിക്കുന്നതിനുമായി വ്യവസായ വാണിജ്യ വകുപ്പിന്റെ കീഴില്‍ പുതുതായി ഏതെങ്കിലും പദ്ധതികള്‍ ആവിഷ്കരിച്ചിട്ടുണ്ടോ എന്ന് വ്യക്തമാക്കാമോ;

(ബി)  വ്യവസായ വകുപ്പ് നടപ്പിലാക്കിയ 'സംരംഭക വര്‍ഷം' പോലെയുള്ള പദ്ധതികളുടെ തുടര്‍ച്ചയായി ചെറുകിട-ഇടത്തരം സംരംഭങ്ങള്‍ക്കും (എം.എസ്.എം.ഇ.) പുതുസംരംഭകര്‍ക്കും മൂലധന ധനസഹായം, മാര്‍ജിന്‍ മണി സബ്സിഡി, പലിശയിളവുകള്‍ എന്നിവ ലഭ്യമാക്കാന്‍ എന്തെല്ലാം പദ്ധതികളാണ് നിലവിലുള്ളതെന്ന് അറിയിക്കാമോ;

(സി)  പുതിയ സംരംഭങ്ങള്‍ ആരംഭിക്കുമ്പോഴുണ്ടാകുന്ന ലൈസന്‍സുകള്‍, അനുമതികള്‍ എന്നിവ ലളിതമാക്കുന്നതിനായി കെ-സ്വിഫ്റ്റ് പോലെയുള്ള സിംഗിള്‍ വിന്‍ഡോ സംവിധാനങ്ങള്‍ വഴി എന്തെല്ലാം പുതിയ ഇളവുകളും ആനുകൂല്യങ്ങളുമാണ് പുതുസംരംഭകര്‍ക്ക് നല്‍കിവരുന്നത്;

(ഡി)  കുന്ദമംഗലം നിയോജക മണ്ഡലം ഉള്‍പ്പെടെയുള്ള മലയോര/ഗ്രാമീണ മേഖലകളില്‍ പുതിയ സംരംഭകര്‍ക്ക് ആവശ്യമായ ഇന്‍കുബേഷന്‍ കേന്ദ്രങ്ങള്‍, വ്യവസായ പാര്‍ക്കുകള്‍, സാങ്കേതിക പരിശീലനങ്ങള്‍ എന്നിവ ഏര്‍പ്പെടുത്തുന്നതിന് അടിയന്തര നടപടികള്‍ സ്വീകരിക്കുമോ എന്ന് വിശദമാക്കാമോ?

പരമ്പരാഗത വ്യവസായങ്ങളില്‍ ജോലി ചെയ്യുന്നവർക്ക് തൊഴില്‍ നികുതി

2326  ശ്രീ. കെ. വി. സുമേഷ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  പരമ്പരാഗത വ്യവസായങ്ങളില്‍ ജോലി ചെയ്യുന്നവര്‍ക്ക് തൊഴില്‍ നികുതി ബാധകമാണോ; എങ്കിൽ നികുതി ഒടുക്കേണ്ടതുണ്ടോ; വിശദമാക്കാമോ;

(ബി)  തൊഴില്‍ നികുതി അടക്കേണ്ടതില്ലെങ്കില്‍ അത് സംബന്ധിച്ച സർക്കാർ ഉത്തരവുകൾ അനുബന്ധമായി നല്‍കാമോ;

(സി)  കൈത്തറി മേഖലയില്‍ ജോലി ചെയ്യുന്നവര്‍ക്ക് തൊഴില്‍ നികുതി ഒടുക്കേണ്ടതുണ്ടോ; വിശദമാക്കാമോ; ഇത് സംബന്ധിച്ച സർക്കാർ ഉത്തരവ് അനുബന്ധമായി നല്‍കാമോ?

കഞ്ചിക്കോട് വ്യവസായ മേഖലയിലെ റോഡുകളുടെ നവീകരണം

2327  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മലമ്പുഴ മണ്ഡലത്തിലെ കഞ്ചിക്കോട് വ്യവസായ മേഖലയിലെ റോഡുകളുടെ നവീകരണത്തിന് വ്യവസായ വകുപ്പ് എന്തെല്ലാം നടപടികളാണ് സ്വീകരിച്ച് വരുന്നതെന്ന് വിശദമാക്കാമോ?

കുട്ടനാട്ടില്‍ റൈസ് പാര്‍ക്ക്

2328  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടനാട്ടില്‍ വ്യവസായ വകുപ്പിന്റെ കീഴില്‍ പ്രവര്‍ത്തിക്കുന്ന പൊതുമേഖലാസ്ഥാപനങ്ങള്‍ ഏതെല്ലാമാണെന്ന് വ്യക്തമാക്കാമോ;

(ബി)  കേരളത്തിന്റെ നെല്ലറയായ കുട്ടനാട്ടില്‍ ഒരു റൈസ് പാര്‍ക്ക് സ്ഥാപിക്കുന്നതിന് നടപടി സ്വീകരിക്കുമോ;

(സി)  റൈസ് പാര്‍ക്ക് സ്ഥാപിക്കുവാന്‍ സ്വീകരിക്കുന്ന മാനദണ്ഡങ്ങള്‍ വിശദമാക്കാമോ?

ചാവക്കാട് വ്യവസായ പാര്‍ക്ക് നിര്‍മ്മാണം

2329  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഗുരുവായൂര്‍ മണ്ഡലത്തിലെ ചാവക്കാട് പ്രവാസികള്‍ക്കായി വ്യവസായ പാര്‍ക്ക് നിര്‍മ്മിക്കുന്നതിന് നടപടികള്‍ സ്വീകരിക്കുമോ; വിശദമാക്കോമോ;

(ബി)  വ്യവസായ പാര്‍ക്കിന് ആവശ്യമായ സര്‍ക്കാര്‍ പുറമ്പോക്ക് ഭൂമി പ്രസ്തുത സ്ഥലത്ത് ലഭ്യമാണ് എന്നത് പരിശോധിക്കുമോ;

(സി)  പ്രസ്തുത പ്രദേശത്ത് ഭൂമിയുടെ ലഭ്യത, കണ്ക്ടിവിറ്റി, നിക്ഷേപ സാധ്യതകള്‍ തുടങ്ങിയവ അനുകൂലമായതിനാല്‍ ഇക്കാര്യത്തില്‍ ആവശ്യമായ നടപടികള്‍ സ്വീകരിക്കുമോ?

മട്ടന്നൂര്‍ കിന്‍ഫ്ര പാര്‍ക്കിലെ സ്റ്റാന്‍ഡേര്‍ഡ് ഡിസൈന്‍ ഫാക്ടറി

2330  ശ്രീ. വി. കെ. സനോജ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മട്ടന്നൂര്‍ കിന്‍ഫ്ര പാര്‍ക്കിലെ സ്റ്റാന്‍ഡേര്‍ഡ് ഡിസൈന്‍ ഫാക്ടറി കെട്ടിടത്തില്‍ നിലവില്‍ ഏതൊക്കെ കമ്പനികളാണ് പ്രവര്‍ത്തിക്കുന്നത്;

(ബി)  മട്ടന്നൂര്‍ കിന്‍ഫ്ര പാര്‍ക്കില്‍ പുതുതായി ഏതൊക്കെ കമ്പനികളാണ് നിക്ഷേപത്തിനായി തയ്യാറായി വന്നിട്ടുള്ളത്; വിശദമാക്കാമോ?

കഞ്ചിക്കോട് റൈസ് പാര്‍ക്ക് നിര്‍മ്മാണം

2331  ശ്രീ. എ. പ്രഭാകരന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  പാലക്കാട് ജില്ലയിലെ കഞ്ചിക്കോട് റൈസ് പാര്‍ക്ക് നിര്‍മ്മാണത്തിന്റെ നിലവിലെ സ്ഥിതി അറിയിക്കാമോ;

(ബി)  റൈസ് പാര്‍ക്കിന്റെ നിര്‍മ്മാണത്തില്‍ എന്തെല്ലാം പ്രവൃത്തികള്‍ പൂര്‍ത്തീകരിച്ചുവെന്നും ഇനി എന്തെല്ലാം പ്രവൃത്തികള്‍ പൂര്‍ത്തീകരിക്കാന്‍ ബാക്കിയുണ്ടെന്നും അറിയിക്കാമോ;

(സി)  മുഴുവന്‍ പ്രവൃത്തികള്‍ പൂര്‍ത്തിയാക്കി റൈസ് പാര്‍ക്കിന്റെ പ്രവര്‍ത്തനം എന്നത്തേക്ക് ആരംഭിക്കാന്‍ കഴിയുമെന്ന് വ്യക്തമാക്കാമോ?

പത്തനാപുരം മണ്ഡലത്തിലെ വ്യവസായ പാർക്കുകൾ

2332  ശ്രീ. ജ്യോതികുമാർ ചാമക്കാല : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  പത്തനാപുരം മണ്ഡലത്തിൽ എത്ര വ്യവസായ പാർക്കുകളാണ് ഉള്ളതെന്നും അവയുടെ പ്രവർത്തന നിലവാരം എങ്ങനെയാണെന്നും വ്യക്തമാക്കാമോ?

കേരള പബ്ലിക് എന്റർപ്രൈസസ് സെലക്ഷൻ & റിക്രൂട്ട്മെന്റ് ബോർഡ് നിയമനം

2333  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കേരള പബ്ലിക് എന്റർപ്രൈസസ് സെലക്ഷൻ & റിക്രൂട്ട്മെന്റ് ബോർഡ് മുഖേന നടത്തുന്ന നിയമനങ്ങളിൽ, കേരളത്തിനകത്തുള്ള സ്ഥാപനങ്ങളിൽ നിന്നുള്ള പ്രവൃത്തിപരിചയ സർട്ടിഫിക്കറ്റുകൾക്ക് അസിസ്റ്റന്റ് ലേബർ ഓഫീസറുടെ പരിശോധനയും സാക്ഷ്യപ്പെടുത്തലും നിർബന്ധമാക്കിയിട്ടുള്ളപ്പോൾ, ഇതര സംസ്ഥാനങ്ങളിൽ നിന്നുള്ള പ്രവൃത്തിപരിചയ സർട്ടിഫിക്കറ്റുകൾക്ക് അത്തരം കർശന പരിശോധനാ സംവിധാനങ്ങൾ ഇല്ലാത്തതിനാൽ വ്യാജ സർട്ടിഫിക്കറ്റുകൾ വ്യാപകമായി ഉപയോഗിക്കപ്പെടുകയും അതുവഴി അർഹരായ കേരളത്തിലെ ഉദ്യോഗാർത്ഥികൾക്ക് അവസരം നഷ്ടപ്പെടുകയും ചെയ്യുന്നുവെന്ന ആരോപണം ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ, വ്യാജ പ്രവൃത്തിപരിചയ സർട്ടിഫിക്കറ്റുകൾ തടയുന്നതിനായി കേരള പബ്ലിക് സർവീസ് കമ്മീഷൻ പിന്തുടരുന്നതുപോലുള്ള കർശന വെരിഫിക്കേഷൻ മാനദണ്ഡങ്ങൾ—അതായത്, പ്രൊവിഡന്റ് ഫണ്ട് വിവരങ്ങൾ, ശമ്പളം ലഭിച്ചതിന്റെ ബാങ്ക് അക്കൗണ്ട് സ്റ്റേറ്റ്‌മെന്റ്, ബന്ധപ്പെട്ട സംസ്ഥാനത്തെ ലേബർ ഡിപ്പാർട്ട്മെന്റ് മുഖേനയുള്ള ഔദ്യോഗിക പരിശോധന എന്നിവ—ഇതര സംസ്ഥാനങ്ങളിൽ നിന്നുള്ള സർട്ടിഫിക്കറ്റുകൾക്കും നിർബന്ധമാക്കിക്കൊണ്ട് കേരള പബ്ലിക് എന്റർപ്രൈസസ് സെലക്ഷൻ & റിക്രൂട്ട്മെന്റ് ബോർഡിന്റെ നിയമനച്ചട്ടങ്ങളിൽ ആവശ്യമായ ഭേദഗതി വരുത്താൻ തയ്യാറാകുമോ;

(സി)  ഇതുസംബന്ധിച്ച് അർഹരായ ഉദ്യോഗാർത്ഥികളുടെ ആശങ്ക പരിഹരിക്കുന്നതിനും സുതാര്യത ഉറപ്പാക്കുന്നതിനുമായി വകുപ്പ് തലത്തിൽ സ്വീകരിച്ചിട്ടുള്ള നടപടികളുടെ വിശദാംശങ്ങൾ വ്യക്തമാക്കാമോ;

(ഡി)  സംശയാസ്പദമായ രീതിയിൽ സമർപ്പിക്കപ്പെടുന്ന ഇതര സംസ്ഥാന സർട്ടിഫിക്കറ്റുകൾ പരിശോധിക്കുന്നതിനായി ബോർഡിന്റെ കീഴിൽ പ്രത്യേക വെരിഫിക്കേഷൻ വിംഗോ ഡിജിറ്റൽ പരിശോധനാ സംവിധാനങ്ങളോ ഏർപ്പെടുത്താൻ ഉദ്ദേശിക്കുന്നുണ്ടോ;

(ഇ)  ഇതുസംബന്ധിച്ച് അർഹരായ ഉദ്യോഗാർത്ഥികളുടെ ആശങ്ക പരിഹരിക്കുന്നതിനും നിയമനങ്ങളിൽ സുതാര്യത ഉറപ്പാക്കുന്നതിനുമായി വകുപ്പ് തലത്തിൽ സ്വീകരിച്ചിട്ടുള്ള അടിയന്തര നടപടികളുടെ വിശദാംശങ്ങൾ വ്യക്തമാക്കാമോ?

കേരള ബ്യൂറോ ഓഫ് ഇന്‍ഡസ്ട്രീയല്‍ പ്രമോഷനിലെ നിയമനം

2334  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വ്യവസായ വകുപ്പിന് കീഴിലുള്ള കേരള ബ്യൂറോ ഓഫ് ഇന്‍ഡസ്ട്രീയല്‍ പ്രമോഷനിലെ രണ്ട് ഓഫീസ് അറ്റന്റര്‍ പോസ്റ്റിലേക്ക് കേരള പബ്ലിക് എന്റര്‍പ്രൈസസ് (സെലക്ഷന്‍ & റിക്രൂട്ട്മെന്റ് ) ബോര്‍ഡ് വഴി 2024 ല്‍ ക്ഷണിച്ച അപേക്ഷയില്‍ എത്ര അപേക്ഷകള്‍ ലഭ്യമായിട്ടുണ്ടെന്ന് വ്യക്തമാക്കോമോ;

(ബി)  പ്രസ്തുത നിയമനത്തിലെ നിലവിലെ സ്ഥിതി വ്യക്തമാക്കാമോ;

(സി)  ഈ നിയമനത്തിന് പരീക്ഷയോ ഇന്റര്‍വ്യൂവോ നടത്താൻ തീരുമാനിച്ചിട്ടുണ്ടോയെന്ന് വിശദമാക്കാമോ?

പുതുക്കാട് മണ്ഡലത്തിലെ അളഗപ്പ ടെക്സ്റ്റൈൽസ്

2335  ശ്രീ. കെ. കെ. രാമചന്ദ്രന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കോവിഡിനെ തുടർന്ന് അടച്ചുപൂട്ടിയ പുതുക്കാട് മണ്ഡലത്തിലെ അളഗപ്പ ടെക്സ്റ്റൈൽസ് വർഷങ്ങൾ പിന്നിട്ടിട്ടും തുറന്നുപ്രവർത്തിക്കാത്തത് ശ്രദ്ധയിൽപെട്ടിട്ടുണ്ടോ;

(ബി)  കേന്ദ്ര സർക്കാരിനു കീഴിലുള്ള നാഷണൽ ടെക്സ്റ്റൈൽസ് കോർപ്പറേഷന് കൈമാറിയ പ്രസ്തുത സ്ഥലം, കമ്പനി തുറന്നുപ്രവർത്തിക്കാത്ത സാഹചര്യത്തിൽ തിരിച്ചെടുക്കുന്നതിനും അവിടെ വ്യവസായ പാർക്ക് ഉൾപ്പെടെയുള്ള പുതിയ സംരംഭങ്ങൾ ആരംഭിക്കുന്നതിനും തൊഴിൽ നഷ്ടപ്പെട്ട തൊഴിലാളികൾക്ക് ഉൾപ്പെടെ പുതിയ തൊഴിലവസരങ്ങൾ സൃഷ്ടിക്കുന്നതിനും ആവശ്യമായ നടപടികൾ സ്വീകരിക്കുമോ;

(സി)  ഇതുമായി ബന്ധപ്പെട്ട് എന്തെങ്കിലും നടപടികൾ നിലവിൽ സർക്കാർ സ്വീകരിച്ചിട്ടുണ്ടോ; എങ്കിൽ, അതിന്റെ വിശദവിവരം ലഭ്യമാക്കാമോ?

വ്യവസായ സൗഹൃദ സൂചിക

2336  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വ്യവസായ സൗഹൃദ സൂചികയിൽ മികച്ച പെർഫോർമർ എന്ന നിലയിൽ സംസ്ഥാനം കൈവരിച്ച നേട്ടം നിലനിർത്തുന്നതിനും കൂടുതൽ ഉയരങ്ങൾ കീഴടക്കുന്നതിനും എന്തെല്ലാം പദ്ധതികളാണ് ആവിഷ്കരിച്ച് നടപ്പിലാക്കാൻ ഉദ്ദേശിക്കുന്നതെന്ന് വ്യക്തമാക്കാമോ?

ഖനന നിയമ ഭേദഗതി

2337  പ്രൊഫ. സി. രവീന്ദ്രനാഥ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  കേന്ദ്ര സർക്കാരിന്റെ ഖനന നിയമ ഭേദഗതി സംസ്ഥാനങ്ങളുടെ അധികാരം കവർന്നെടുക്കുമെന്നത് ശ്രദ്ധയില്‍പ്പെട്ടിട്ടുണ്ടോ; ഇക്കാര്യത്തില്‍ സംസ്ഥാനത്തിന്റെ ആശങ്ക കേന്ദ്രത്തെ അറിയിച്ചിട്ടുണ്ടോ; വ്യക്തമാക്കാമോ;

(ബി)  നിയമഭേദഗതിയിലൂടെ സ്വകാര്യ കമ്പനികള്‍ക്ക് കരിമണല്‍ ഖനനത്തിന് യഥേഷ്ടം അനുമതി ലഭിക്കുമെന്ന സാഹചര്യം വിലയിരുത്തിയിട്ടുണ്ടോ; നിയമഭേദഗതി പിൻവലിക്കാൻ കേന്ദ്രസർക്കാരിനോട് ആവശ്യപ്പെടുമോ; വിശദമാക്കാമോ?

ചെറുകിട വ്യവസായികൾ നേരിടുന്ന പ്രശ്നങ്ങൾ പരിഹരിക്കുന്നതിന് നടപടി

2338  ശ്രീ. വി. മുരളീധരൻ
ശ്രീ. രാജീവ് ചന്ദ്രശേഖർ
ശ്രീ. ബി. ബി. ഗോപകുമാർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ഉൽപാദന മേഖലയുടെ നാല്പത് ശതമാനവും സംഭാവന ചെയ്യുന്ന ചെറുകിട വ്യവസായ മേഖലയിലെ പ്രതിസന്ധികൾ സംബന്ധിച്ച് പഠനം നടത്തിയിട്ടുണ്ടോ; എങ്കിൽ വിശദീകരിക്കാമോ;

(ബി)  ചെറുകിട വ്യവസായികൾ നേരിടുന്ന മൂലധന ലഭ്യത കുറവ് ശ്രദ്ധയിൽപ്പെട്ടിട്ടുണ്ടോ; പുതിയ ബിസിനസ് തുടങ്ങുവാനും വികസിപ്പിക്കുവാനും വായ്പ കൃത്യമായി ലഭിക്കാതിരിക്കുന്നത് കാരണം ഇവർ സ്വകാര്യ പണമിടപാട് സ്ഥാപനങ്ങളുടെ ചൂഷണത്തിന് വിധേയമാകുന്ന കാര്യം ശ്രദ്ധയിൽപ്പെട്ടിട്ടുണ്ടോ;

(സി)  ചെറുകിട വ്യവസായികൾക്ക് ലഘു പലിശ നിരക്കിൽ മൂലധന ലഭ്യത ഉറപ്പുവരുത്താൻ എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

(ഡി)  ചെറുകിട വ്യവസായികൾക്ക് തങ്ങളുടെ ഉത്പന്നങ്ങൾ മികച്ച രീതിയിൽ ബ്രാൻഡ് ചെയ്യാനും കൂടുതൽ ആളുകളിലേക്ക് എത്തിക്കാനുമുള്ള വിപണന തന്ത്രങ്ങൾ സംബന്ധിച്ച് അവബോധം നൽകുന്നതിനായി എന്തൊക്കെ നടപടികളാണ് സ്വീകരിച്ചിട്ടുള്ളതെന്ന് അറിയിക്കാമോ;

(ഇ)  ചെറുകിട വ്യവസായികളുടെ ഉത്പാദനക്ഷമതയും ഉൽപ്പന്നങ്ങളുടെ ഗുണനിലവാരവും ഉയർത്തുന്നതിനും കൂടുതൽ വിപണികൾ കണ്ടെത്തുന്നതിനും പഠന മേൽനോട്ട പ്രവർത്തനങ്ങൾക്കായി ഒരു ഗവേഷണ സ്ഥാപനം ആരംഭിക്കുന്നതിന് നടപടികൾ സ്വീകരിക്കുമോയെന്ന് വിശദീകരിക്കാമോ?

വിഴിഞ്ഞം തുറമുഖത്തിന്റെ വ്യവസായ നിക്ഷേപസാധ്യതകൾ

2339  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  വിഴിഞ്ഞം അന്താരാഷ്ട്ര തുറമുഖത്തിന്റെ സാധ്യതകൾ പ്രയോജനപ്പെടുത്തി സംസ്ഥാനത്ത് വ്യവസായ വികസനം, നിക്ഷേപം, പുതിയ തൊഴിൽസൃഷ്ടി എന്നിവ പ്രോത്സാഹിപ്പിക്കുന്നതിനായി സർക്കാർ പദ്ധതികൾ ആസൂത്രണം ചെയ്തിട്ടുണ്ടോ; എങ്കിൽ അതിന്റെ വിശദാംശം ലഭ്യമാക്കാമോ?

അനധികൃത മണ്ണെടുപ്പ്

2340  ശ്രീമതി ഉമ തോമസ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  അനധികൃത മണ്ണെടുപ്പ് തടയുന്നതിനായി മൈനിംഗ് ആൻഡ് ജിയോളജി വകുപ്പ് സ്വീകരിച്ച നടപടികൾ എന്തൊക്കെയാണ്;

(ബി)  കഴിഞ്ഞ അഞ്ച് വർഷത്തിനിടെ അനധികൃത മണ്ണെടുപ്പുമായി ബന്ധപ്പെട്ട് എത്ര കേസുകൾ രജിസ്റ്റർ ചെയ്യുകയും എത്ര വാഹനങ്ങൾ പിടിച്ചെടുക്കുകയും ചെയ്തിട്ടുണ്ട്;

(സി)  അനധികൃത മണ്ണെടുപ്പ് മൂലം പരിസ്ഥിതിക്കും ജലസ്രോതസ്സുകൾക്കും ഉണ്ടാകുന്ന ആഘാതം വിലയിരുത്തിയിട്ടുണ്ടോ; ഉണ്ടെങ്കിൽ വിശദാംശം നൽകുമോ;

(ഡി)  അനധികൃത മണ്ണെടുപ്പ് തടയുന്നതിനായി മൈനിംഗ് ആൻഡ് ജിയോളജി വകുപ്പും തദ്ദേശ സ്വയംഭരണ സ്ഥാപനങ്ങളും സംയുക്തമായി കർശന പരിശോധനയും നടപടികളും സ്വീകരിക്കുന്നതിന് നടപടി ഉണ്ടാകുമോ?

ധാതുഖനനം സംബന്ധിച്ച കേന്ദ്രനിയമം

2341  ശ്രീ. നജീബ് കാന്തപുരം
ശ്രീ. പി. കെ. നവാസ്
ശ്രീ. ഫൈസൽ ബാബു
ശ്രീ. മഞ്ഞളാംകുഴി അലി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ധാതുഖനനത്തിനു നികുതി ചുമത്താനുള്ള സംസ്ഥാനങ്ങളുടെ അധികാരം പരിമിതപ്പെടുത്താനുള്ള കേന്ദ്ര സര്‍ക്കാരിന്റെ നിയമനിര്‍മ്മാണം സംസ്ഥാനത്തെ എപ്രകാരം ബാധിക്കുമെന്ന് പരിശോധിച്ചിട്ടുണ്ടോ; വ്യക്തമാക്കാമോ;

(ബി)  ധാതുസമ്പത്തുള്ള ഭൂമിയുടെ നിയന്ത്രണം സംബന്ധിച്ച് ആശങ്കകളുണ്ടോ;

(സി)  ഖനനവുമായി ബന്ധപ്പെട്ടു പ്രവര്‍ത്തിക്കുന്ന പൊതുമേഖലാ സ്ഥാപനങ്ങളെ സംരക്ഷിക്കുന്നതിന് എന്തെല്ലാം നടപടികള്‍ സ്വീകരിക്കാനാണ് ആലോചിക്കുന്നതെന്ന് വ്യക്തമാക്കുമോ?

ഹാൻവീവ് തൊഴിലാളികളുടെ കുടിശ്ശികയായ ശമ്പളവും ആനുകൂല്യങ്ങളും

2342  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാന കൈത്തറി വികസന കോർപ്പറേഷൻ (ഹാൻവീവ്) ജീവനക്കാർക്കും തൊഴിലാളികൾക്കും നിലവിൽ ശമ്പളം മുടങ്ങിയിട്ടുള്ളതായി ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ, ഹാൻവീവിലെ തൊഴിലാളികൾക്ക് എത്ര മാസത്തെ ശമ്പളവും മറ്റ് ആനുകൂല്യങ്ങളുമാണ് കുടിശ്ശികയായിട്ടുള്ളതെന്ന് വ്യക്തമാക്കുമോ;

(സി)  കഴിഞ്ഞ എത്ര മാസങ്ങളായി ജീവനക്കാർക്ക് കൃത്യമായി ശമ്പളം ലഭിക്കുന്നില്ല; ഇത് പരിഹരിക്കുന്നതിന് സ്ഥാപന മാനേജ്‌മെന്റും സർക്കാരും കൈക്കൊണ്ട നടപടികൾ ഏന്തൊക്കെയാണ്;

(ഡി)  സൗജന്യ സ്കൂൾ യൂണിഫോം പദ്ധതിയിൽ ഉൾപ്പെടെ കൈത്തറി വസ്ത്രങ്ങൾ നെയ്തു നൽകിയ ഇനത്തിൽ ഹാൻവീവിന് ലഭിക്കാനുള്ള കുടിശ്ശിക തുക എത്രയെന്ന് തിട്ടപ്പെടുത്തിയിട്ടുണ്ടോ; ഇത് ലഭ്യമാക്കാൻ എന്തെല്ലാം നടപടികളാണ് സ്വീകരിച്ചിട്ടുള്ളത്;

(ഇ)  തൊഴിലാളികളുടെ കുടിശ്ശികയായ ശമ്പളവും ഗ്രാറ്റുവിറ്റി ഉൾപ്പെടെയുള്ള വിരമിക്കൽ ആനുകൂല്യങ്ങളും അടിയന്തരമായി നൽകുന്നതിന് പ്രത്യേക പാക്കേജ് അനുവദിക്കുന്നത് ഉൾപ്പെടെയുള്ള നടപടികൾ സ്വീകരിക്കുമോ?

സർക്കാർ വകുപ്പുകളിലും പൊതുസേവനങ്ങളിലും ആർട്ടിഫിഷ്യൽ ഇന്റലിജൻസ്

2343  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാർ വകുപ്പുകളുടെ പ്രവർത്തനം കൂടുതൽ കാര്യക്ഷമമാക്കുന്നതിനും പൊതുജനങ്ങൾക്ക് വേഗത്തിലും സുതാര്യമായും സേവനങ്ങൾ ലഭ്യമാക്കുന്നതിനും ആർട്ടിഫിഷ്യൽ ഇന്റലിജൻസ് (എ.ഐ.) സാങ്കേതികവിദ്യ പ്രയോജനപ്പെടുത്തുന്നതിനായി സർക്കാർ ആവിഷ്കരിച്ചിട്ടുള്ള പദ്ധതികൾ എന്തെല്ലാമാണെന്ന് വ്യക്തമാക്കുമോ;

(ബി)  സർക്കാർ ഓഫീസുകളിലെ ഫയൽ നടപടികൾ, അപേക്ഷകളുടെ പരിശോധന, വിവരശേഖരണം, രേഖകളുടെ ഡിജിറ്റൈസേഷൻ, പൊതുജനങ്ങളുടെ പരാതികൾ പരിഹരിക്കൽ തുടങ്ങിയ പ്രവർത്തനങ്ങളിൽ എ.ഐ. പ്രയോജനപ്പെടുത്തുന്നതിനുള്ള നടപടികൾ സ്വീകരിച്ചിട്ടുണ്ടോ; വിശദാംശം ലഭ്യമാക്കാമോ;

(സി)  സർക്കാർ ജീവനക്കാരുടെ ദൈനംദിന ജോലികൾ കൂടുതൽ കാര്യക്ഷമമാക്കുന്നതിനും ജോലിഭാരം കുറയ്ക്കുന്നതിനും എ.ഐ. അധിഷ്ഠിത ഉപകരണങ്ങൾ ഉപയോഗിക്കുന്നതിനും ജീവനക്കാർക്ക് ആവശ്യമായ പരിശീലനം നൽകുന്നതിനും പദ്ധതികൾ ആവിഷ്കരിച്ചിട്ടുണ്ടോ; വ്യക്തമാക്കുമോ;

(ഡി)  എ.ഐ. സാങ്കേതികവിദ്യയുടെ ഉപയോഗവുമായി ബന്ധപ്പെട്ട് വിവരസുരക്ഷ, വ്യക്തിഗത വിവരങ്ങളുടെ സ്വകാര്യത, തീരുമാനങ്ങളിലെ കൃത്യത എന്നിവ ഉറപ്പാക്കുന്നതിന് മാർഗനിർദേശങ്ങൾ തയ്യാറാക്കിയിട്ടുണ്ടോ; വ്യക്തമാക്കുമോ;

(ഇ)  ഒല്ലൂർ നിയോജകമണ്ഡലത്തിലെ സർക്കാർ ഓഫീസുകളിലും തദ്ദേശസ്വയംഭരണ സ്ഥാപനങ്ങളിലും എ.ഐ. അധിഷ്ഠിത സേവനങ്ങൾ നടപ്പിലാക്കുന്നതിനും ജീവനക്കാർക്ക് പരിശീലനം നൽകുന്നതിനും പ്രത്യേക പദ്ധതി ആവിഷ്കരിക്കുമോ?

ഭരണരംഗത്ത് ആധുനിക സാങ്കേതികവിദ്യകളുടെ ഉപയോഗം

2344  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  രാജ്യത്തെ ആദ്യ എ.ഐ. വകുപ്പ് രൂപീകരിച്ച സംസ്ഥാനമെന്ന നിലയിൽ, ഭരണ സൗകര്യങ്ങൾ മെച്ചപ്പെടുത്തുന്നതിനും പൊതുജന സേവനങ്ങൾ തടസ്സമില്ലാതെ ലഭ്യമാക്കുന്നതിനും ആർട്ടിഫിഷ്യൽ ഇന്റലിജൻസ് അധിഷ്ഠിതമായി എന്തെല്ലാം പുതിയ പദ്ധതികളാണ് സർക്കാർ ആവിഷ്കരിക്കുന്നതെന്ന് വ്യക്തമാക്കാമോ;

(ബി)  എ.ഐ. സാങ്കേതികവിദ്യകൾ ഉപയോഗപ്പെടുത്തി സർക്കാരിന്റെ സേവനങ്ങൾ പൊതുജനങ്ങളിലേക്ക് കൂടുതൽ വേഗത്തിലും സുതാര്യമായും എത്തിക്കുന്നതിന് പദ്ധതികളുണ്ടോ; വിശദമാക്കാമോ;

(സി)  സർക്കാർ ഓഫീസുകളിലെ ഫയൽ നീക്കം വേഗത്തിലാക്കുന്നതിനും അഴിമതിയും കാലതാമസവും പൂർണ്ണമായി ഒഴിവാക്കുന്നതിനും എ.ഐ. ടൂളുകൾ പ്രയോജനപ്പെടുത്തുന്നതിനായി എന്തെങ്കിലും കർമ്മപദ്ധതികൾ രൂപീകരിച്ചിട്ടുണ്ടോയെന്ന് വ്യക്തമാക്കാമോ?

നൂതന സാങ്കേതികവിദ്യകളിൽ പരിശീലനം

2345  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  ആര്‍ട്ടിഫിഷ്യല്‍ ഇന്റലിജന്‍സ് ഉൾപ്പെടെയുള്ള നൂതന സാങ്കേതിക വിദ്യകളിൽ കേരളത്തിലെ യുവതീ യുവാക്കൾക്ക് പരിശീലനം നൽകി സംസ്ഥാനത്തിനകത്തും പുറത്തും തൊഴിൽ ലഭ്യമാക്കുന്നതിനായി സർക്കാർ നടപ്പിലാക്കുന്ന പദ്ധതികൾ എന്തെല്ലാമാണെന്ന് വ്യക്തമാക്കാമോ; അടുത്ത അഞ്ച് വർഷത്തേക്കുള്ള ഇവയുടെ ലക്ഷ്യങ്ങൾ എന്തെല്ലാമാണെന്ന് വ്യക്തമാക്കാമോ?

സ്റ്റാര്‍ട്ടപ്പ് ഇക്കോസിസ്റ്റം വികസനം

2346  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  മലബാര്‍ മേഖലയില്‍ പ്രത്യേകിച്ച് മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ സ്റ്റാര്‍ട്ടപ്പ് സംരംഭങ്ങള്‍ വര്‍ദ്ധിച്ച് വരുന്ന സാഹചര്യത്തില്‍ സ്റ്റാര്‍ട്ടപ്പിനാവശ്യമായ അടിസ്ഥാന സൗകര്യമൊരുക്കുന്നതിനും സ്റ്റാര്‍ട്ടപ്പ് ഇക്കോസിസ്റ്റം ശക്തിപ്പെടുത്തുന്നതിനും വേണ്ടി സ്വീകരിച്ച നടപടികള്‍ വ്യക്തമാക്കാമോ;

(ബി)  സ്റ്റാര്‍ട്ടപ്പുകള്‍ക്ക് ആവശ്യമായ അടിസ്ഥാന സൗകര്യങ്ങളും പിന്തുണയും നല്‍കുന്നതിന് തിരുവനന്തപുരം, കൊച്ചി മാതൃകയില്‍ മലബാര്‍ മേഖലയില്‍ സ്റ്റാര്‍ട്ടപ്പ് ഹബ്ബ്/സ്റ്റാര്‍ട്ടപ്പ് സെന്റര്‍ സ്ഥാപിക്കുന്നതിനോ സമാന സംവിധാനങ്ങള്‍ വികസിപ്പിക്കുന്നതിനോ പ്രത്യേക പദ്ധതികള്‍ ആവിഷ്ക്കരിച്ചിട്ടുണ്ടോ; ഉണ്ടെങ്കില്‍ ആവിഷ്ക്കരിച്ച പദ്ധതികള്‍ വിശദമാക്കാമോ;

(സി)  എല്ലാവിധ യാത്രാ സൗകര്യവുമുളള കൊണ്ടോട്ടി മണ്ഡലത്തിലെ എയര്‍പോര്‍ട്ട് പരിസരത്ത് അനുയോജ്യമായ സ്ഥലം കണ്ടെത്തി സ്റ്റാര്‍ട്ടപ്പ് ഹബ്ബ്/സ്റ്റാര്‍ട്ടപ്പ് സെന്റര്‍ സ്ഥാപിക്കുന്നതിന് സത്വര നടപടി സ്വീകരിക്കുമോ?

സ്റ്റാർട്ടപ്പുകൾ തുടങ്ങാനുള്ള പ്രോത്സാഹനം

2347  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് വ്യവസായ - വിവരസാങ്കേതികവിദ്യ വകുപ്പ് മന്ത്രി സദയം മറുപടി നല്‍കുമോ:

(എ)  യുവാക്കളെയും പുതുതലമുറയെയും ആകർഷിക്കുന്നതിന് വ്യവസായ വകുപ്പ് നടപ്പിലാക്കിവരുന്ന പദ്ധതികൾ ഏതൊക്കെയെന്ന് വിശദമാക്കുമോ;

(ബി)  സ്റ്റാർട്ടപ്പുകൾക്ക് ആവശ്യമായ പ്രോത്സാഹനം നൽകുന്നതിന് എന്തൊക്കെ നടപടികളാണ് സ്വീകരിച്ചു വരുന്നതെന്ന് വ്യക്തമാക്കുമോ?