എക്സൈസ് നിയമം കാലാനുസൃതമായി പരിഷ്ക്കരിക്കുന്നത്

628  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  എക്സൈസ് നിയമം കാലാനുസൃതമായി പരിഷ്കരിക്കണമെന്ന ആവശ്യം ശ്രദ്ധയില്‍പ്പെട്ടിട്ടുണ്ടോ; എങ്കിൽ ഇക്കാര്യം പരിഗണനയിലുണ്ടോ; വ്യക്തമാക്കുമോ;

(ബി)  ശിക്ഷാനടപടികളിലെ പോരായ്മകൾ, ലഹരിപദാർത്ഥങ്ങളുടെ മാറുന്ന സ്വഭാവം, അധികാരവികേന്ദ്രീകരണം തുടങ്ങിയ പോരായ്മങ്ങള്‍ ഉള്ള നിലവിലെ എക്സൈസ് നിയമം കാലാനുസൃതമായി പരിഷ്ക്കരിക്കേണ്ടതിന്റെ ആവശ്യകത പരിശോധിച്ചിട്ടുണ്ടോ; വിശദമാക്കുമോ?

ചിറയിൻകീഴ് എക്സൈസ് സ്റ്റേഷൻ നിർമ്മാണം

629  ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ചിറയിൻകീഴ് എക്സൈസ് സ്റ്റേഷന്റെ നിലവിലെ കെട്ടിടത്തിന്റെ ശോചനീയാവസ്ഥ പരിശോധിച്ചിട്ടുണ്ടോ; വ്യക്തമാക്കുമോ;

(ബി)  പ്രസ്തുത സ്ഥലത്ത് പുതിയ എക്സൈസ് സ്റ്റേഷൻ നിർമ്മിക്കുന്നതിനും അതോടൊപ്പം ഫയർ ആൻഡ് റെസ്ക്യൂ സ്റ്റേഷൻ സ്ഥാപിക്കുന്നതിനുമുള്ള സാധ്യത പരിശോധിക്കുമോ; വ്യക്തമാക്കുമോ?

ലഹരി വസ്തുക്കളുടെ വിവരങ്ങൾ

630  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ വന്നതിനു ശേഷം എക്സൈസ് വകുപ്പിൻെറ നേതൃത്വത്തിൽ കണ്ടെത്തിയ നിയമവിരുദ്ധമായി ഉല്പാദിപ്പിച്ചതും സൂക്ഷിച്ചതുമായ ലഹരിപദാർത്ഥങ്ങളുടെ കണക്ക് ലഭ്യമാക്കുമോ;

(ബി)   പ്രസ്തുത ലഹരി പദാര്‍ത്ഥങ്ങള്‍ കേരളത്തിൽ എവിടെ നിന്നെല്ലാമാണ് പിടിച്ചെടുത്തതെന്ന് വ്യക്തമാക്കുമോ;

(സി)  അത്യന്തം കുറ്റകരമായ ലഹരി ഉല്പാദനവും വിതരണവും നടത്തിയ കുറ്റവാളികളെ അറസ്റ്റ് ചെയ്തിട്ടുണ്ടോ; ഉണ്ടെങ്കിൽ എണ്ണമെത്രയെന്ന് അറിയിക്കുമോ; അറസ്റ്റ് ചെയ്തവർ ഏത് ജയിലിലാണെന്ന് അറിയിക്കുമോ?

ലഹരി പദാർത്ഥങ്ങൾ കണ്ടെത്തിയതിന്മേലുള്ള നടപടികൾ

631  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ സർക്കാരിന്റെ കാലത്ത് കരുനാഗപ്പള്ളിയിൽ വെച്ച് ഒരു ലോറി നിറയെ ലഹരി പദാർത്ഥങ്ങളുമായി പിടികൂടിയ ശേഷം കുറ്റവാളികളെ പ്രോസിക്യൂട്ട് ചെയ്യുന്നതിനായി കഴിഞ്ഞ സർക്കാർ സ്വീകരിച്ച നടപടികൾ വിശദമാക്കുമോ;

(ബി)  പ്രസ്തുത കേസ് ഇപ്പോൾ ഏത് കോടതിയിലാണ് നടക്കുന്നത്; വ്യക്തമാക്കുമോ;

(സി)  കുറ്റവാളികളെ രക്ഷപ്പെടുത്താൻ പോലീസും എക്സൈസും ഒത്തുകളിച്ചതായുള്ള ആക്ഷേപം പൊതുജനമധ്യത്തിൽ നിലനിൽക്കുന്നത് ശ്രദ്ധയിൽപ്പെട്ടിട്ടുണ്ടോ; വ്യക്തമാക്കുമോ;

(ഡി)  പ്രസ്തുത കേസ് ചട്ടപ്രകാരം പുനരന്വേഷിക്കുമോ എന്നും കുറ്റവാളികളെ മാതൃകാപരമായി ശിക്ഷിക്കുമോ എന്നും വ്യക്തമാക്കുമോ;

(ഇ)  പ്രസ്തുത കുറ്റകൃത്യത്തിന് രാഷ്ട്രീയമായ സംരക്ഷണം നൽകിയത് ആലപ്പുഴ ജില്ലയിലെ ഒരു ജനപ്രതിനിധിയാണെന്ന ആരോപണം ശ്രദ്ധയില്‍പ്പെട്ടിട്ടുണ്ടോ; ടി ജനപ്രതിനിധി ഇപ്പോഴും തൽസ്ഥാനത്ത് തുടരുന്നുണ്ടോ; എങ്കില്‍, തിരഞ്ഞെടുപ്പ് ചട്ടപ്രകാരം ടി ജനപ്രതിനിധിയെ അയോഗ്യനാക്കുന്നതിനും ക്രിമിനൽ കേസ് ചാർജ്ജ് ചെയ്യുന്നതിനുമുള്ള നടപടികള്‍ സ്വീകരിക്കുമോ; വ്യക്തമാക്കുമോ;

(എഫ്)  ഇത്തരത്തിലുള്ളവരുടെ സ്വത്ത് വിവരങ്ങള്‍ അന്വേഷിച്ച്, അനധികൃതമായി സമ്പാദിച്ച സ്വത്തുക്കൾ കണ്ടുകെട്ടുന്നതിനുള്ള നടപടികള്‍ സ്വീകരിക്കുമോ; വിശദമാക്കുമോ;

(ജി)  പ്രസ്തുത ലഹരിക്കടത്തിന് ചട്ടപ്രകാരം കേസ് എടുക്കാതിരുന്ന എക്സൈസ്, പോലീസ് അധികാരികളുടെ മേൽ നടപടികൾ സ്വീകരിക്കുമോ എന്നും ആലപ്പുഴ ജില്ലയിലെ കായംകുളം, ഹരിപ്പാട്, അമ്പലപ്പുഴ, ആലപ്പുഴ, ചെങ്ങന്നൂർ എന്നീ മണ്ഡലങ്ങളിൽ പ്രവർത്തിക്കുന്ന വ്യാജ ലഹരി സംഘങ്ങൾ പരസ്പരം സഹകരിച്ച് ലഹരികച്ചവടം നടത്തുന്നു എന്ന പൊതുജനാക്ഷേപം അന്വേഷിച്ച് ഉചിതമായ നടപടികൾ സ്വീകരിക്കുമോ എന്ന് അറിയിക്കുമോ?

ബാറുടമകളിൽ നിന്ന് മാസപ്പടി

632  ശ്രീ. പി. എ. മുഹമ്മദ് റിയാസ്
ശ്രീ. സി. കെ. ഹരീന്ദ്രന്‍
ശ്രീമതി ഒ. എസ്. അംബിക
ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  എക്സൈസ്, പോലീസ് ഉദ്യോഗസ്ഥർ ബാറുടമകളിൽ നിന്ന് മാസപ്പടി കൈപ്പറ്റുന്നത് സംബന്ധിച്ച വിവരങ്ങൾ അടങ്ങിയ കണക്കുബുക്ക് പുറത്തുവന്നതായി പറയപ്പെടുന്ന പശ്ചാത്തലത്തിൽ സ്വീകരിച്ച നടപടികൾ എന്തൊക്കെയാണ്; വ്യക്തമാക്കുമോ?

(ബി)  അമിതമായ പണപ്പിരിവിനെക്കുറിച്ച് ബാറുടമകൾ നേരിട്ട് പരാതി നൽകിയിട്ടും യഥാസമയം നടപടിയെടുക്കാതിരുന്നതായി ശ്രദ്ധയിൽപ്പെട്ടിട്ടുണ്ടോ; കാരണം വിശദമാക്കുമോ;

(സി)  മാസപ്പടി പിരിവ് നേരിട്ട് പിടികൂടി അഴിമതിക്കാരായ ഉദ്യോഗസ്ഥരെ സസ്പെൻഡ് ചെയ്ത ഉന്നത ഉദ്യോഗസ്ഥനെ തൽസ്ഥാനത്തുനിന്ന് മാറ്റാൻ അഴിമതി ലോബി നീക്കങ്ങൾ നടത്തുന്നതായി ശ്രദ്ധയിൽപ്പെട്ടിട്ടുണ്ടോ; എങ്കിൽ ആയത് എങ്ങനെ കാണുന്നുവെന്ന് അറിയിക്കുമോ;

(ഡി)  കോഴ വാങ്ങി തയ്യാറാക്കുന്നതായി പറയപ്പെടുന്ന സ്ഥലംമാറ്റ പട്ടികയിലൂടെ, വകുപ്പിൽ അഴിമതി വ്യാപകമാകുന്നത് തടയാനും കുറ്റക്കാരായ ഉദ്യോഗസ്ഥരെ മാതൃകാപരമായി ശിക്ഷിക്കാനും എന്തെല്ലാം കർശന നടപടികളാണ് സ്വീകരിക്കാൻ ഉദ്ദേശിക്കുന്നതെന്ന് വ്യക്തമാക്കുമോ?

2021-2026 വര്‍ഷം പിടിച്ചെടുത്ത ലഹരി വസ്തുക്കളുടെ അളവ്

633  ശ്രീ. യു. ആര്‍. പ്രദീപ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  2021 മുതല്‍ 2026 വരെയുള്ള കഴിഞ്ഞ സര്‍ക്കാരിന്റെ കാലത്ത് വ്യാജമദ്യത്തിന്റെയും കഞ്ചാവ്, എം.ഡി.എം.എ. അടക്കമുള്ള ലഹരി വസ്തുക്കളുടേയും വിതരണവും വില്പനയും തടയുന്നതിനായി എക്സൈസ് വകുപ്പ് നടത്തിയ റെയിഡുകളുടെ ഭാഗമായി എത്ര കേസുകൾ രജിസ്റ്റര്‍ ചെയ്തിട്ടുണ്ടായിരുന്നു; ഇതില്‍ എത്ര പ്രതികള്‍ ഉണ്ട്; ഓരോ വര്‍ഷത്തേയും കണക്ക് പ്രത്യേകം വ്യക്തമാക്കുമോ;

(ബി)  2021-2026 വരെയുള്ള കാലയളവില്‍ പിടിച്ചെടുത്ത ലഹരി വസ്തുക്കളുടെ ഓരോന്നിന്റെയും അളവ് പ്രത്യേകം വ്യക്തമാക്കുമോ?

ഒല്ലൂർ മണ്ഡലത്തിലെ എക്സൈസ് എന്‍ഫോഴ്സ്മെന്റ് ശക്തിപ്പെടുത്തൽ

634  ശ്രീ. കെ. രാജന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഒല്ലൂർ നിയോജകമണ്ഡലത്തിലെ ജനസംഖ്യയും പ്രദേശവ്യാപ്തിയും പരിഗണിച്ച് എക്സൈസ് വകുപ്പിന്റെ പരിശോധനാ-എൻഫോഴ്സ്മെന്റ് സംവിധാനം പര്യാപ്തമാണോയെന്ന് പരിശോധിച്ചിട്ടുണ്ടോ; വ്യക്തമാക്കുമോ;

(ബി)  മണ്ഡലത്തിലെ എക്സൈസ് ഓഫീസുകളില്‍ അനുവദിച്ച തസ്തികകൾ, നിലവിലുള്ള ജീവനക്കാർ, വാഹനങ്ങളുടെ എണ്ണം, ഒഴിവുകൾ എന്നിവയുടെ വിശദാംശങ്ങൾ ലഭ്യമാക്കുമോ;

(സി)  ലഹരി വിരുദ്ധ പരിശോധനകൾ, അനധികൃത മദ്യവിൽപ്പന തടയൽ, അബ്കാരി കേസുകൾ എന്നിവ ഫലപ്രദമായി കൈകാര്യം ചെയ്യുന്നതിന് ജീവനക്കാരുടെ അപര്യാപ്തത തടസ്സമാകുന്നുണ്ടോ;

(ഡി)  ഉണ്ടെങ്കിൽ എക്സൈസ് എൻഫോഴ്സ്മെന്റ് സംവിധാനം ശക്തിപ്പെടുത്തുന്നതിന് അധിക ജീവനക്കാരെയും വാഹനങ്ങളും അനുവദിക്കുന്നതിനുള്ള നിർദ്ദേശം പരിഗണനയിലുണ്ടോ; വ്യക്തമാക്കുമോ?

കോഴിക്കോട് ജില്ലയിലെ എക്സൈസ് സംവിധാനം മെച്ചപ്പെടുത്തല്‍

635  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കോഴിക്കോട് ജില്ലയിലെ എക്സൈസ് ഡിവിഷന്‍, റേഞ്ച് സര്‍ക്കിള്‍ ഓഫീസുകളില്‍ എത്ര തസ്തികകള്‍ ഒഴിഞ്ഞുകിടക്കുന്നുണ്ടെന്ന് വ്യക്തമാക്കുമോ;

(ബി)  ജീവനക്കാര്‍ക്ക് ആവശ്യമായ വാഹനങ്ങള്‍, പരിശോധനാ ഉപകരണങ്ങള്‍ എന്നിവ ലഭ്യമാക്കിയിട്ടുണ്ടോ; ഇല്ലെങ്കില്‍ എന്തെല്ലാം തുടര്‍ നടപടികള്‍ സ്വീകരിക്കുമെന്ന് വ്യക്തമാക്കുമോ;

(സി)  തീരദേശ മേഖലയായ കോഴിക്കോട് ജില്ലയിലെ എക്സൈസ് ഇന്റലിജന്‍സ് വിഭാഗത്തെ ശക്തിപ്പെടുത്തുന്നതിന് എന്തെല്ലാം നടപടികളാണ് പരിഗണനയില്‍ ഉള്ളതെന്ന് വ്യക്തമാക്കുമോ?

പീപ്പിൾസ് ഐ ആപ്പ്

636  ശ്രീ. വർഗ്ഗീസ് മാമ്മൻ
ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ലഹരിവസ്തുക്കളുടെ വിൽപ്പനയും ഉപയോഗവും സംബന്ധിച്ച് എക്സൈസ് വകുപ്പിന് ലഭിക്കുന്ന വിവരങ്ങളില്‍ സമയബന്ധിതമായ ഇടപെടൽ ഉറപ്പാക്കുന്നതിനായി ഏർപ്പെടുത്തിയിട്ടുള്ള സംവിധാനങ്ങൾ എന്തൊക്കെയാണെന്ന് വ്യക്തമാക്കുമോ;

(ബി)  ലഹരി വിരുദ്ധ പോരാട്ടത്തിൽ എക്സൈസ് ഉദ്യോഗസ്ഥരും ജനങ്ങളും തമ്മിലുള്ള ഏകോപനം കൂടുതൽ കാര്യക്ഷമമാക്കുകയെന്ന ലക്ഷ്യത്തോടെ 'പീപ്പിള്‍ ഐ' ആപ്പ് ഒരുക്കിയിട്ടുണ്ടോ;

(സി)  ലഹരി നിർമ്മാണവും വില്പനയും ഉപയോഗവും സംബന്ധിച്ച വിവരം നൽകുന്നവരുടെ വ്യക്തിഗത വിശദാംശങ്ങൾ വെളിപ്പെടുത്താതെ തന്നെ വിവരങ്ങൾ നൽകാനുള്ള സംവിധാനം പ്രസ്തുത ആപ്പിൽ ഏർപ്പെടുത്തിയിട്ടുണ്ടോ; വിശദമാക്കുമോ;

(ഡി)  പ്രസ്തുത ആപ്പിലൂടെ നൽകുന്ന പരാതികളിൽ തുടർ നടപടികൾ ഉറപ്പാക്കുന്നതിനായി നിരീക്ഷണ സംവിധാനം ഏർപ്പെടുത്തിയിട്ടുണ്ടോ; വ്യക്തമാക്കുമോ?

മാവേലിക്കര തഴക്കരയില്‍ സ്ഥിതിചെയ്യുന്ന എക്സൈസ് ഓഫീസിന്റെ നിര്‍മ്മാണം

637  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  മാവേലിക്കര തഴക്കരയില്‍ സ്ഥിതിചെയ്യുന്ന എക്സൈസ് ഓഫീസിന്റെ രണ്ടാംഘട്ട നിര്‍മ്മാണത്തിനാവശ്യമായ തുക അനുവദിക്കുന്നതിനുള്ള നടപടികള്‍ സ്വീകരിക്കുമോയെന്ന് വിശദമാക്കുമോ?

പാറശ്ശാല നിയോജകമണ്ഡലത്തിലെ എക്സൈസ് ചെക്ക് പോസ്റ്റുകള്‍

638  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  പാറശ്ശാല നിയോജകമണ്ഡലത്തിലെ അമ്പൂരി, കടുക്കറ(നെട്ട) എന്നീ അതിർത്തി പ്രദേശങ്ങളിലൂടെയുള്ള ലഹരിവസ്തുക്കളുടെ കടത്ത് തടയുന്നതിനായി എക്സൈസ് വകുപ്പിന്റെ പരിശോധന ശക്തമാക്കേണ്ടതിന്റെ ആവശ്യകത ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കുമോ;

(ബി)  പ്രസ്തുത പ്രദേശങ്ങളില്‍ എക്സൈസ് ചെക്ക് പോസ്റ്റുകള്‍ സ്ഥാപിക്കുന്നതിനുളള നിർദ്ദേശം നിലവിലുണ്ടോ; ഉണ്ടെങ്കില്‍ അതിന്റെ നിലവിലെ സ്ഥിതിയും വിശദാംശങ്ങളും ലഭ്യമാക്കുമോ;

(സി)  അമ്പൂരി, കടുക്കറ(നെട്ട) എന്നിവിടങ്ങളില്‍ സ്ഥിരം എക്സൈസ് ചെക്ക് പോസ്റ്റുകള്‍ സ്ഥാപിക്കുന്നതിനും ആവശ്യമായ ജീവനക്കാരെയും അടിസ്ഥാന സൗകര്യങ്ങളും ഏർപ്പെടുത്തുന്നതിനും നടപടി സ്വീകരിക്കുമോയെന്ന് വ്യക്തമാക്കുമോ;

(ഡി)  അതിർത്തി കടന്നുളള ലഹരിക്കടത്ത് തടയുന്നതിനായി എക്സൈസ്, പോലീസ് വകുപ്പുകളുടെ സംയുക്ത പരിശോധനയും നിരീക്ഷണവും ശക്തിപ്പെടുത്തുന്നതിനുള്ള നടപടികള്‍ സ്വീകരിക്കുമോ; വ്യക്തമാക്കുമോ;

എക്സൈസ് വകുപ്പിന്റെ ആധുനികവൽക്കരണം

639  ശ്രീ. വി. ടി. ബൽറാം
ശ്രീമതി വിദ്യാ ബാലകൃഷ്ണൻ
ശ്രീ. മുഹമ്മദ് ഷിയാസ്
ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  എക്സൈസ് വകുപ്പിലെ ജീവനക്കാരുടെ കുറവ് സംസ്ഥാനത്തെ ലഹരി വിരുദ്ധ പ്രവർത്തനങ്ങളെ ബാധിച്ചിട്ടുണ്ടോ; ഉണ്ടെങ്കില്‍ ആയത് പരിഹരിക്കാൻ സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കുമോ;

(ബി)  എക്സൈസ് വകുപ്പിന്റെ വാഹനങ്ങൾ, പരിശോധനാ ഉപകരണങ്ങൾ, സാങ്കേതിക സംവിധാനങ്ങൾ എന്നിവ ആധുനികവൽക്കരിക്കുന്നതിന് നടപടി സ്വീകരിച്ചിട്ടുണ്ടോ; വിശദമാക്കുമോ;

(സി)  ലഹരി വസ്തുക്കളുടെ അനധികൃത കടത്ത് കണ്ടെത്തുന്നതിന് സൈബർ നിരീക്ഷണവും ആധുനിക സാങ്കേതികവിദ്യകളും കൂടുതൽ പ്രയോജനപ്പെടുത്താൻ നടപടി സ്വീകരിക്കുമോ; വ്യക്തമാക്കുമോ?

നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് ആക്ട് പ്രകാരമുള്ള കേസുകളുടെ വിശദാംശങ്ങള്‍

640  ശ്രീ. സേവ്യര്‍ ചിറ്റിലപ്പിള്ളി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  2025 ജനുവരി മുതല്‍ 2026 സെപ്റ്റംബര്‍ വരെ ഓരോ മാസവും എക്സൈസ് വകുപ്പ് സംസ്ഥാനത്ത് ആകെ രജിസ്റ്റര്‍ ചെയ്ത എന്‍.ഡി.പി.എസ്. ആക്ട് പ്രകാരമുള്ള കേസുകളുടെ എണ്ണം പ്രതിമാസപട്ടിക തിരിച്ച് ലഭ്യമാക്കുമോ;

(ബി)  2021 മുതല്‍ 2026 ഏപ്രില്‍ മാസം വരെ സംസ്ഥാനത്ത് ആകെ രജിസ്റ്റര്‍ ചെയ്ത എന്‍.ഡി.പി.എസ്. ആക്ട് പ്രകാരമുള്ള കേസുകളിലായി എക്സൈസ് വകുപ്പ് പിടിച്ചെടുത്ത ലഹരി വസ്തുക്കളുടെ ഇനവും അളവും എത്രയാണെന്ന് പട്ടിക തിരിച്ച് ലഭ്യമാക്കുമോ;

(സി)  2026 മെയ് മുതല്‍ നാളിതുവരെ സംസ്ഥാനത്ത് ആകെ രജിസ്റ്റര്‍ ചെയ്ത എന്‍.ഡി.പി.എസ്. ആക്ട് പ്രകാരമുള്ള കേസുകളിലായി എക്സൈസ് വകുപ്പ് പിടിച്ചെടുത്ത ലഹരി വസ്തുക്കളുടെ ഇനവും അളവും എത്രയാണെന്ന് പട്ടിക തിരിച്ച് ലഭ്യമാക്കുമോ?

ലഹരി ഉപയോഗവും ലഹരി വസ്തുക്കളുടെ വിൽപ്പനയും തടയുന്നതിനുള്ള നടപടികൾ

641  ശ്രീ. ടി. ജെ. വിനോദ്
ശ്രീ. എ. ഡി. തോമസ്
ശ്രീമതി രമ്യ ഹരിദാസ്
ശ്രീ. സന്ദീപ് വാര്യർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് ലഹരി ഉപയോഗവും ലഹരി വസ്തുക്കളുടെ വിൽപ്പനയും തടയുന്നതിന് എക്സൈസ് വകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വിശദമാക്കുമോ;

(ബി)  സ്കൂൾ, കോളേജ് വിദ്യാർത്ഥികൾക്കിടയിലെ ലഹരി ഉപയോഗം തടയുന്നതിന് എക്സൈസ് വകുപ്പ് നടപ്പിലാക്കുന്ന പദ്ധതികൾ ഏതെല്ലാമാണ്; വിശദാംശം ലഭ്യമാക്കുമോ;

(സി)  ലഹരി വസ്തുക്കളുടെ ഉപയോഗം തടയുന്നതിനായി എക്സൈസ് വകുപ്പിന്റെ നേതൃത്വത്തിൽ ബോധവത്ക്കരണ പരിപാടികൾ ശക്തിപ്പെടുത്താൻ കർമ്മപരിപാടി ആവിഷ്കരിക്കുമോ; വ്യക്തമാക്കുമോ?

ഹോട്ട്സ്പോട്ട് മാപ്പിങ് സംവിധാനം

642  ശ്രീ. എം. വിന്‍സെന്റ്
ശ്രീ. ടോണി ചമ്മണി
ശ്രീ. വി. എസ്. ജോയി
ശ്രീ. നീലകണ്ഠൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സ്കൂൾ പരിസരങ്ങളിൽ ലഹരി വില്പന തടയാൻ ഹോട്ട്സ്പോട്ട് മാപ്പിങ് സംവിധാനം നടപ്പാക്കാൻ ഉദ്ദേശിക്കുന്നുണ്ടോ; ഇതിന്റെ വിശദാംശങ്ങൾ നൽകുമോ;

(ബി)  പുകയില ഉൽപ്പന്നങ്ങളുടെ അനധികൃത വിൽപ്പന തടയുന്നതിനായി സ്കൂൾ കോളേജ് പരിസരങ്ങളിൽ പ്രത്യേക പരിശോധനകൾ നടത്തിയിട്ടുണ്ടോ; വിശദമാക്കുമോ;

(സി)  സ്കൂൾ കോളേജ് വിദ്യാർത്ഥികൾക്കിടയിലെ ലഹരി ഉപയോഗം തടയുന്നതിനായി എക്സൈസ് വകുപ്പ് നടപ്പാക്കുന്ന പദ്ധതികൾ ഏതൊക്കെയാണെന്ന് വിശദമാക്കുമോ?

ലഹരി കടത്ത് തടയുന്നതിന് നടപടി

643  ശ്രീ. സജീവ് ജോസഫ്
ശ്രീ. റോയി. കെ. പൗലോസ്
ശ്രീ. പഴകുളം മധു
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ അതിർത്തി ചെക്ക് പോസ്റ്റുകളിൽ അനധികൃത മദ്യവും ലഹരിവസ്തുക്കളും കണ്ടെത്തുന്നതിനുള്ള പരിശോധന എത്രത്തോളം ശക്തിപ്പെടുത്തിയിട്ടുണ്ടെന്ന് വ്യക്തമാക്കുമോ;

(ബി)  അതിർത്തി ജില്ലകളിൽ ലഹരി കടത്ത് തടയുന്നതിനായി എക്സൈസ് വകുപ്പും പോലീസ് വകുപ്പും സംയുക്ത പരിശോധനകൾ നടത്തുന്നുണ്ടോ; ഈ വർഷത്തെ പരിശോധനകളുടെ കണക്ക് നൽകുമോ;

(സി)  ഡിജിറ്റൽ സംവിധാനങ്ങൾ ഉപയോഗിച്ച് മദ്യത്തിന്റെയും ലഹരി വസ്തുക്കളുടെയും അനധികൃത ക്രയവിക്രയം കണ്ടെത്താൻ പുതിയ സാങ്കേതിക വിദ്യകൾ നടപ്പാക്കിയിട്ടുണ്ടോ; വിശദമാക്കുമോ?

മദ്യക്കുപ്പികൾ തിരികെ ശേഖരിക്കുന്നത്

644  ശ്രീ. അബിൻ വർക്കി കോടിയാട്ട് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ബിവറേജസ് ഔട്ട് ലെറ്റുകളിൽ നിന്നും വിതരണം ചെയ്യുന്ന പ്ലാസ്റ്റിക് മദ്യക്കുപ്പികൾക്ക് കുപ്പിയുടെ വില ഇപ്പോഴും ഈടാക്കുന്നുണ്ടോ; ഉണ്ടെങ്കിൽ എത്ര രൂപ വീതമാണ് ഈടാക്കുന്നതെന്ന് വ്യക്തമാക്കുമോ;

(ബി)  ഔട്ട് ലെറ്റുകളിൽ നിന്നും വിതരണം ചെയ്യുന്ന പ്ലാസ്റ്റിക് മദ്യക്കുപ്പികൾ നിലവിൽ തിരികെ ശേഖരിക്കുന്നുണ്ടോ; ഉണ്ടെങ്കിൽ എങ്ങനെയാണ് തിരികെ ശേഖരിക്കുന്നതെന്ന് വ്യക്തമാക്കുമോ;

(സി)  ഓരോ കുപ്പിക്കും എത്ര രൂപ വീതമാണ് തിരികെ നൽകുന്നതെന്ന് വ്യക്തമാക്കുമോ;

(ഡി)  പ്ലാസ്റ്റിക് മദ്യക്കുപ്പികൾ നിലവിൽ തിരികെ ശേഖരിക്കുന്നില്ലായെങ്കിൽ കാരണം വ്യക്തമാക്കുമോ?

ചാലക്കുടി എക്സൈസ് സര്‍ക്കിള്‍ ഓഫീസ്

645  ശ്രീ. സനീഷ്‌കുമാര്‍ ജോസഫ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ചാലക്കുടിയില്‍ എക്സൈസ് സര്‍ക്കിള്‍ ഓഫീസ് രൂപീകരിക്കാത്തത് ശ്രദ്ധയില്‍പ്പെട്ടിട്ടുണ്ടോ; ഇത് സംബന്ധിച്ച് സര്‍ക്കാരിന്റെ പരിഗണനയിലുള്ള ശിപാര്‍ശയുടെ നിലവിലെ സ്ഥിതി വ്യക്തമാക്കുമോ;

(ബി)  പ്രസ്തുത വിഷയം സംബന്ധിച്ച നടപടികള്‍ ഏതു ഘട്ടത്തിലാണെന്ന് വിശദീകരിക്കുമോ?

പുനലൂർ എക്സൈസ് കോംപ്ലക്സ് നിർമ്മാണം

646  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  പുനലൂർ എക്സൈസ് കോംപ്ലക്സിന്റെ നിർമ്മാണ പുരോഗതിയുടെ നിലവിലെ സ്ഥിതി വ്യക്തമാക്കുമോ;

(ബി)  പ്രസ്തുത പ്രവൃത്തികൾ പൂർത്തിയാക്കി കെട്ടിടം നാടിന് എന്ന് സമർപ്പിക്കാൻ കഴിയുമെന്ന് വ്യക്തമാക്കുമോ?

കുറ്റ്യാടി എക്സൈസ് റേഞ്ച് ഓഫീസ്

647  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കുറ്റ്യാടി ആസ്ഥാനമാക്കി ഒരു എക്സൈസ് റേഞ്ച് ഓഫീസ് ആരംഭിക്കുന്ന കാര്യം പരിഗണനയിലുണ്ടോ; എങ്കിൽ വിശദാംശങ്ങൾ ലഭ്യമാക്കുമോ?

വെള്ളരിക്കുണ്ട് എക്സൈസ് റേഞ്ച് ഓഫീസ്

648  ശ്രീ. ഗോവിന്ദൻ പള്ളിക്കാപ്പിൽ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  നിലവിലെ സർക്കാർ അധികാരത്തിൽ വന്നതിനുശേഷം പുതുതായി എക്സൈസ് റെയിഞ്ച് ഓഫീസുകൾ അനുവദിക്കുന്നതിനുള്ള നടപടികൾ സ്വീകരിച്ചിട്ടുണ്ടോ; എങ്കില്‍ വിശദമാക്കുമോ;

(ബി)  വെള്ളരിക്കുണ്ട് എക്സൈസ് റേഞ്ച് ഓഫീസ് സ്ഥാപിക്കുന്നതിനുള്ള നടപടികൾ സംബന്ധിച്ച വിശദാംശങ്ങൾ നൽകുമോ?

കുട്ടനാട് എക്സൈസ് റേഞ്ച് ഓഫീസിന് പുതിയ കെട്ടിടം

649  ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കുട്ടനാട് എക്സൈസ് റേഞ്ച് ഓഫീസിനായി പുതിയ കെട്ടിടം നിര്‍മ്മിക്കുന്നതിന് എന്തെല്ലാം നടപടി സ്വീകരിച്ചിട്ടുണ്ടെന്ന് വ്യക്തമാക്കുമോ;

(ബി)  നിലവില്‍ ഓഫീസ് പ്രവര്‍ത്തിക്കുന്ന കെട്ടിടത്തിന്റെ അസൗകര്യങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(സി)  എക്സൈസ് ഓഫീസില്‍ നിലവില്‍ ഉപയോഗിച്ചു വരുന്ന വാഹനം ഏറെ പഴക്കം ചെന്നതും സ്ഥിരമായി പ്രവര്‍ത്തനക്ഷമമല്ലാതാകുന്നതുമാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; പുതിയ വാഹനം വാങ്ങി നല്‍കുന്നതിനുള്ള നടപടി സ്വീകരിക്കുമോ?

ആറ്റിങ്ങല്‍ മണ്ഡലത്തിലെ എക്സൈസ് കേസുകള്‍

650  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ആറ്റിങ്ങല്‍ നിയോജകമണ്ഡലത്തിലെ ഒറ്റൂര്‍, മണമ്പൂര്‍, ചെറുന്നിയൂര്‍, കരവാരം, വക്കം എന്നീ പഞ്ചായത്തുകളില്‍ കഴിഞ്ഞ ആറുമാസക്കാലമായി എത്ര എക്സൈസ് കേസുകളാണ് രജിസ്റ്റര്‍ ചെയ്തിരിക്കുന്നത്; പഞ്ചായത്ത് തിരിച്ച് വിവരം ലഭ്യമാക്കാമോ?

കിളിമാനൂര്‍ എക്സൈസ് ഓഫീസ് നവീകരണം

651  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കിളിമാനൂര്‍ എക്സൈസ് ഓഫീസ് നവീകരണവുമായി ബന്ധപ്പെട്ട് വകുപ്പ് സ്വീകരിച്ചിട്ടുള്ള നടപടികള്‍ വിശദമാക്കുമോ?

മഞ്ചേശ്വരത്ത് എക്സൈസ് സർക്കിൾ ഓഫീസ്

652  ശ്രീ. എ. കെ. എം. അഷ്റഫ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  മഞ്ചേശ്വരത്ത് എക്സൈസ് സർക്കിൾ ഓഫീസ് അനുവദിക്കുന്നതിന് നടപടി സ്വീകരിക്കുമോ;

(ബി)  കുമ്പള എക്സൈസ് ഓഫീസിൽ പിടിച്ചെടുക്കുന്ന വാഹനങ്ങൾ സൂക്ഷിക്കുന്നതിനുള്ള യാർഡ് നിർമ്മാണത്തിന് ഭരണാനുമതി നൽകുന്നതിന് നടപടി സ്വീകരിക്കുമോ;

(സി)  പൈവെളിഗെയിൽ എക്സൈസ് ഓഫീസ് അനുവദിക്കുന്നത് പരിഗണനയിൽ ഉണ്ടോ?

കൊട്ടാരക്കര എക്സൈസ് സമുച്ചയ നിർമ്മാണം

653  ശ്രീ. കെ. എന്‍. ബാലഗോപാല്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കൊട്ടാരക്കര എക്സൈസ് സമുച്ചയ നിര്‍മ്മാണത്തിനായി മുന്‍ സർക്കാരിന്റെ കാലയളവില്‍ റവന്യൂ ഭൂമി ലഭ്യമാക്കിയിരുന്നോ; വിശദാംശങ്ങള്‍ നല്‍കാമോ;

(ബി)  എക്സൈസ് സമുച്ചയ നിര്‍മ്മാണത്തിനായി നിലവി‍ല്‍ പുരോഗമിക്കുന്ന നടപടികള്‍ എന്തെല്ലാമാണെന്ന് വിശദമാക്കാമോ?

കല്ല്യാശ്ശേരി മണ്ഡലത്തില്‍ നടപ്പിലാക്കിയ ലഹരിവിരുദ്ധ പ്രവര്‍ത്തനങ്ങള്‍

654  ശ്രീ. എം. വിജിന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കല്ല്യാശ്ശേരി മണ്ഡലത്തില്‍ എക്സെെസ് വകുപ്പിന്റെ നേതൃത്വത്തില്‍ നടപ്പിലാക്കിവരുന്ന ലഹരിവിരുദ്ധ പ്രവര്‍ത്തനങ്ങള്‍ /പദ്ധതികള്‍ എന്തൊക്കെയാണ്; വിശദമാക്കുമോ;

(ബി)  മയക്കുമരുന്ന് ശൃംഖലകള്‍ ഏറ്റവും കൂടുതല്‍ ലക്ഷ്യം വയ്ക്കുന്ന മണ്ഡലത്തിലെ വിദ്യാഭ്യാസ സ്ഥാപനങ്ങള്‍ക്ക് ലഹരി മാഫിയയില്‍ നിന്ന് സംരക്ഷണമൊരുക്കാന്‍ വകുപ്പ് എന്തെല്ലാം നടപടികളാണ് സ്വീകരിച്ചിട്ടുളളത്; വിശദമാക്കുമോ?

വിമുക്തി പദ്ധതി

655  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ ലഹരിക്ക് അടിമയായവരെ രക്ഷിക്കുവാന്‍ എക്സൈസ് വകുപ്പ് നടത്തി വരുന്ന വിമുക്തി പദ്ധതി കൂടുതല്‍ കാര്യക്ഷമമാക്കുവാന്‍ എന്തൊക്കെ നടപടികള്‍ സ്വീകരിക്കുമെന്ന് വ്യക്തമാക്കുമോ;

(ബി)  പ്രസ്തുത പദ്ധതി കൂടുതല്‍ കാര്യക്ഷമമാക്കുവാന്‍ ത്രിതല പഞ്ചായത്ത്, യൂത്ത് ക്ലബ്ബുകള്‍, സ്കൂള്‍-കോളേജുകള്‍ എന്നിവയുടെ സഹകരണത്തോടെ വിപുലമായി നടപ്പിലാക്കുന്നതിന് നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

കോതമംഗലം നിയോജകമണ്ഡലത്തിലെ കള്ള് ഷാപ്പിന്റെ പ്രവർത്തനം

656  ശ്രീ. ഷിബു തെക്കുംപുറം : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കോതമംഗലം നിയോജകമണ്ഡലത്തിലെ വാരപ്പെട്ടി ഗ്രാമപഞ്ചായത്തിൽ ഏഴാം വാർഡിൽ സർക്കാർ മാനദണ്ഡങ്ങൾ പാലിക്കാതെ കള്ള് ഷാപ്പ് പ്രവർത്തിക്കുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  പ്രാദേശികമായി ജനങ്ങൾക്കിടയിൽ വലിയ എതിർപ്പ് ഉയർന്ന പ്രസ്‌തുത കള്ള് ഷാപ്പിന്റെ പ്രവർത്തനം നിർത്തലാക്കാൻ ആവശ്യമായ നടപടികൾ സ്വീകരിക്കുമോയെന്ന് വ്യക്തമാക്കുമോ; പ്രസ്തുത വിഷയം സംബന്ധിച്ച് എന്തെങ്കിലും ഉത്തരവ് പുറപ്പെടുവിച്ചിട്ടുണ്ടെങ്കില്‍ ആയത് ലഭ്യമാക്കുമോ?

സഹകരണ ബാങ്കുകള്‍ കാര്‍ഷിക മേഖലക്ക് നല്‍കുന്ന വായ്പ പദ്ധതികള്‍

657  ശ്രീ. ടി. പി. അഷ്റഫലി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കാര്‍ഷിക മേഖലക്ക് കൈതാങ്ങാവാന്‍ സഹകരണ ബാങ്കുകള്‍ നടപ്പിലാക്കുന്ന പദ്ധതികള്‍ എന്തൊക്കെയാണെന്ന് വ്യക്തമാക്കാമോ;

(ബി)  പ്രസ്തുത വായ്പ പദ്ധതികള്‍ക്ക് എത്ര ശതമാനം പലിശയാണ് നിലവില്‍ സഹകരണ ബാങ്കുകള്‍ ഈടാക്കി വരുന്നതെന്ന് അറിയിക്കാമോ;

(സി)  ഈ വായ്പ പദ്ധതികളിലെ സംസ്ഥാന സര്‍ക്കാരിന്റെ സബ്സിഡി വിഹിതം പത്ത് വര്‍ഷത്തിലധികമായി കുടിശികയാണെന്ന കാര്യം ശ്രദ്ധയില്‍പ്പെട്ടിട്ടുണ്ടോ; എങ്കില്‍ സബ്സിഡി തുക സഹകരണ ബാങ്കുകള്‍ക്ക് വിതരണം ചെയ്യുന്നതിന് നടപടി സ്വീകരിക്കുമോ?

സഹകരണ ബാങ്കുകളുടെ ജപ്തി നടപടികളിലെ ഇളവുകൾ

658  ശ്രീ. വിഷ്ണു മോഹൻ
ശ്രീ. ഉല്ലാസ് കോവൂർ
ശ്രീ. വി. കുഞ്ഞികൃഷ്ണൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ ബാങ്കുകളുടെ ജപ്തി നടപടികൾ കാരണം ദുരിതത്തിലാകുന്ന സാധാരണക്കാർക്ക് ആശ്വാസം നൽകുന്നതിനായി സർക്കാർ എന്തൊക്കെ നടപടികളാണ് സ്വീകരിച്ചിട്ടുള്ളത്; വ്യക്തമാക്കാമോ;

(ബി)  ജപ്തി നടപടികളിലേക്ക് കടക്കുന്നതിന് മുൻപ് വായ്പ തിരിച്ചടവിന് സാവകാശം നൽകുന്നതിനോ തിരിച്ചടവ് പുനഃക്രമീകരിക്കുന്നതിനോ സർക്കാരിന്റെ ഭാഗത്തുനിന്നും സഹകരണ സംഘങ്ങൾക്ക് എന്തെങ്കിലും പ്രത്യേക നിർദ്ദേശം നൽകിയിട്ടുണ്ടോ; വിശദമാക്കാമോ;

(സി)  വായ്പാ തിരിച്ചടവ് മുടങ്ങിയവര്‍ക്കുള്ള ഒറ്റത്തവണ തീര്‍പ്പാക്കല്‍ പദ്ധതിയില്‍ എന്തെല്ലാം ഇളവുകളാണ് നല്‍കുന്നതെന്ന് വിശദീകരിക്കാമോ;

(ഡി)  ജപ്തി നടപടി നേരിടുന്നവർക്ക് വായ്പാ തിരിച്ചടവിന് എന്തെങ്കിലും പ്രത്യേക പരിഗണന നൽകുന്നുണ്ടോ; വ്യക്തമാക്കാമോ?

സഹകരണ സ്ഥാപനങ്ങളുടെ പുനരുജ്ജീവനം

659  ശ്രീ. വിഷ്ണു മോഹൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സാമ്പത്തിക പ്രതിസന്ധി നേരിടുന്ന സഹകരണ സ്ഥാപനങ്ങളെ പുനരുജ്ജീവിപ്പിക്കാന്‍ പ്രഖ്യാപിച്ചിട്ടുള്ള പദ്ധതികള്‍ ഏതൊക്കെയാണ്; വ്യക്തമാക്കാമോ;

(ബി)  ആശ്വാസ് 2026 കുടിശിക നിവാരണ പദ്ധതിയുടെ ഭാഗമായി നാളിതുവരെ എത്ര വായ്പാ അക്കൗണ്ടുകൾ തീർപ്പാക്കിയിട്ടുണ്ടെന്നും ഇതുവഴി സഹകരണ സംഘങ്ങൾക്കുണ്ടായ നേട്ടങ്ങള്‍ എന്തെല്ലാമാണെന്നും വ്യക്തമാക്കാമോ?

സഹകരണ മേഖലയിലെ പ്രതിസന്ധി

660  ശ്രീ. ബി. ബി. ഗോപകുമാർ
ശ്രീ. വി. മുരളീധരൻ
ശ്രീ. രാജീവ് ചന്ദ്രശേഖർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സഹകരണ ബാങ്കുകളിലും സഹകരണ സംഘങ്ങളിലും നിക്ഷേപ തട്ടിപ്പ്, വായ്പാ ക്രമക്കേട്, സാമ്പത്തിക ദുരുപയോഗം, വ്യാജ രേഖകൾ ഉപയോഗിച്ചുള്ള ഇടപാടുകൾ തുടങ്ങിയ സാമ്പത്തിക കുറ്റകൃത്യങ്ങൾ ശ്രദ്ധയിൽപ്പെട്ടിട്ടുണ്ടോ; എങ്കില്‍ ഇത്തരം സംഭവങ്ങൾ തടയുന്നതിനും നിക്ഷേപകരുടെ താൽപര്യം സംരക്ഷിക്കുന്നതിനുമായി സ്വീകരിച്ച നടപടികൾ എന്തൊക്കെയാണെന്ന് വ്യക്തമാക്കാമോ;

(ബി)  കഴിഞ്ഞ അഞ്ച് വർഷത്തിനിടെ സഹകരണ ബാങ്കുകളിലും സംഘങ്ങളിലും സാമ്പത്തിക ക്രമക്കേടുമായി ബന്ധപ്പെട്ട് എത്ര പരാതികളും കേസുകളും റിപ്പോർട്ട് ചെയ്തിട്ടുണ്ട്; വ്യക്തമാക്കാമോ;

(സി)  ഇത്തരം ക്രമക്കേടുകൾ കണ്ടെത്തിയ സ്ഥാപനങ്ങളിൽ സഹകരണ വകുപ്പ് ഓഡിറ്റ് അന്വേഷണം, വിജിലൻസ് പരിശോധന എന്നിവ നടത്തിയിട്ടുണ്ടോ; വിശദമാക്കാമോ;

(ഡി)  സാമ്പത്തിക ക്രമക്കേടുകൾ മൂലം നിക്ഷേപകർക്ക് നഷ്ടപ്പെട്ട തുക തിരിച്ചുപിടിക്കുന്നതിനും നിക്ഷേപകർക്ക് പണം തിരികെ ലഭ്യമാക്കുന്നതിനും നിലവിൽ സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ;

(ഇ)  ബാങ്ക് ജീവനക്കാരോ ഭരണസമിതി അംഗങ്ങളോ ഉൾപ്പെട്ട സാമ്പത്തിക കുറ്റകൃത്യങ്ങൾ കണ്ടെത്തിയാൽ അവര്‍ക്കെതിരെ ക്രിമിനൽ നടപടി, വകുപ്പുതല നടപടി, നഷ്ടപ്പെട്ട പണം തിരിച്ചുപിടിക്കൽ എന്നിവ ഉറപ്പാക്കുന്നതിന് സ്വീകരിച്ചിട്ടുള്ള നടപടികൾ എന്തൊക്കെയാണെന്ന് വിശദമാക്കാമോ;

(എഫ്)  കഴിഞ്ഞ അഞ്ച് വർഷത്തിനിടെ സഹകരണ ബാങ്കുകളുമായി ബന്ധപ്പെട്ട സാമ്പത്തിക ക്രമക്കേടുകൾ/തട്ടിപ്പുകൾ സംബന്ധിച്ച് ലഭിച്ച പരാതികൾ, രജിസ്റ്റർ ചെയ്ത കേസുകൾ, അവയുടെ അന്വേഷണത്തിന്റെ നിലവിലെ സ്ഥിതി എന്നിവയുടെ വിശദാംശം നല്‍കാമോ?

നെടുമങ്ങാട് നിയോജകമണ്ഡലത്തിൽ ആശ്വാസ് 2026 പദ്ധതി

661  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  പ്രാഥമിക സഹകരണ ബാങ്കുകളിലും സംഘങ്ങളിലും വായ്പ തിരിച്ചടവ് മുടങ്ങിയവർക്കായി ആവിഷ്കരിച്ച ആശ്വാസ് 2026 ഒറ്റത്തവണ തീർപ്പാക്കൽ പദ്ധതി വഴി 2026 ജൂൺ 1 മുതൽ 2026 സെപ്റ്റംബർ 30 വരെ നെടുമങ്ങാട് നിയോജകമണ്ഡലത്തിൽ എത്ര പേർക്കാണ് ആനുകൂല്യം ലഭിച്ചതെന്ന് വ്യക്തമാക്കാമോ; ഇതിലൂടെ വായ്പക്കാർക്ക് ഇളവായി നൽകിയ തുകയുടെ വിശദാംശങ്ങളും പേരുവിവരങ്ങളും പഞ്ചായത്തടിസ്ഥാനത്തിൽ ലഭ്യമാക്കാമോ;

(ബി)  ആശ്വാസ് 2026 പദ്ധതിയുടെ കാലാവധി പൂർത്തിയായിട്ടുണ്ടോ; ഈ പദ്ധതിയുടെ കാലാവധി ദീർഘിപ്പിക്കുന്നതിന് ഉദ്ദേശിക്കുന്നുണ്ടോ; വിശദമാക്കാമോ;

(സി)  കാലാവധി അവസാനിച്ചെങ്കിൽ, സഹകരണ വായ്പ കുടിശ്ശികക്കാർക്കായി പുതുതായി ഏതെങ്കിലും പദ്ധതി ആവിഷ്കരിക്കുന്നതിന് ഉദ്ദേശിക്കുന്നുണ്ടോ; എങ്കില്‍ വിശദാംശങ്ങൾ ലഭ്യമാക്കാമോ?

പുന്നപ്ര അക്ഷര നഗരിയിലെ സഹകരണ സ്ഥാപനങ്ങളിലെ സി.എ.പി.ഇ നിയന്ത്രണം

662  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ വകുപ്പിന്റെ പുന്നപ്ര അക്ഷര നഗരിയിലെ സഹകരണ എഞ്ചിനീയറിംഗ് കോളേജ്, സഹകരണ ആശുപത്രി, എം.ബി.എ. ഇൻസ്റ്റിറ്റ്യൂട്ട്, സഹകരണ നേഴ്സിംഗ് കോളേജ്, സഹകരണ ഫിനിഷിംഗ് സ്കൂൾ എന്നിവയുടെ പ്രവർത്തനം പരിശോധിച്ചിട്ടുണ്ടോ;

(ബി)  ഇവയെ നിയന്ത്രിക്കുന്ന സി.എ.പി.ഇ. (കോ-ഓപ്പറേറ്റീവ് അക്കാഡമി ഓഫ് പ്രൊഫഷണല്‍ എഡ്യൂക്കേഷന്‍)ന്റെ പ്രവർത്തനം തൃപ്തികരമാണോയെന്ന് വിലയിരുത്തിയിട്ടുണ്ടോ; വ്യക്തമാക്കാമോ;

(സി)  സി.എ.പി.ഇ. ഡയറക്ടർ ആരാണെന്നും ഈ വർഷം പ്രസ്തുത സ്ഥാപനങ്ങൾ എത്ര തവണ ഡയറക്ടർ സന്ദർശിച്ചിട്ടുണ്ടെന്നും വ്യക്തമാക്കാമോ;

(ഡി)  പ്രസ്തുത സ്ഥാപനങ്ങള്‍ക്ക് സാമ്പത്തിക പ്രയാസം നേരിട്ടാല്‍ സി.എ.പി.ഇ-യുടെ സഹായം ലഭ്യമാകുന്നില്ലെന്ന കാര്യം ശ്രദ്ധയിൽപ്പെട്ടിട്ടുണ്ടോ; ലഭ്യമാകുന്നുണ്ടെങ്കിൽ 2026 ജനുവരി മുതൽ സെപ്തംബർ വരെ ലഭ്യമായ സഹായം സംബന്ധിച്ച വിശദാംശം നല്‍കാമോ?

ആര്‍ബിട്രേഷന്‍ കേസുകള്‍ക്കുള്ള ഭീമമായ ഫീ

663  ശ്രീ. ജി. സ്റ്റീഫന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ വകുപ്പില്‍ ആര്‍ബിട്രേഷന്‍ കേസുകള്‍ ഫയല്‍ ചെയ്യുമ്പോള്‍ ഫീസിനത്തില്‍ ഭീമമായ തുക സഹകരണ ബാങ്കുകള്‍ അടയ്‍ക്കേണ്ടി വരുന്നതുമൂലം ബാങ്കുകള്‍ക്ക് വലിയ ബാധ്യത വരുന്നത് കണക്കിലെടുത്ത്‌ ഫീസ് കുറയ്ക്കുന്നതിനു ആലോചനയുണ്ടോ; എങ്കില്‍ ഇത് സംബന്ധിച്ച വിശദാംശങ്ങള്‍ നല്‍‍കുമോ?

സഹകരണ പുനരുദ്ധാരണ ഫണ്ട് പദ്ധതി

664  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കേരള സഹകരണ സംഘം നിയമത്തിലെ വകുപ്പ് 57 (ഇ) പ്രകാരം രൂപീകരിക്കപ്പെട്ട കേരള സഹകരണ പുനരുദ്ധാരണ ഫണ്ട് പദ്ധതി പ്രകാരം ധനസഹായത്തിന് അർഹതയുണ്ടെന്ന് കണ്ടെത്തിയ പ്രാഥമിക സംഘങ്ങളുടെ എണ്ണം എത്രയെന്ന് വ്യക്തമാക്കാമോ;

(ബി)  പ്രസ്‌തുത പദ്ധതി പ്രകാരം ആദ്യഘട്ട ധനസഹായ വിതരണം എന്നു മുതൽ ആരംഭിച്ചുവെന്നും ഏതെല്ലാം സംഘങ്ങൾക്ക് എത്ര തുക വീതമാണ് അനുവദിച്ചതെന്നും വ്യക്തമാക്കാമോ;

(സി)  പ്രസ്‌തുത പദ്ധതി പ്രകാരം 2025-26 സാമ്പത്തിക വർഷത്തിൽ ആകെ എത്ര കോടി രൂപയാണ് സംഘങ്ങൾക്ക് വിതരണം ചെയ്തിട്ടുള്ളതെന്ന് വ്യക്തമാക്കാമോ;

(ഡി)  ഈ സർക്കാർ അധികാരത്തിൽ വന്നതിനു ശേഷം പ്രസ്‌തുത പദ്ധതി പ്രകാരം ഇതുവരെ ആകെ എത്ര തുക, എത്ര സഹകരണ സംഘങ്ങൾക്ക് നൽകിയിട്ടുണ്ടെന്ന് ജില്ല തിരിച്ച് വിശദാംശം ലഭ്യമാക്കാമോ?

സഹകരണ സംഘങ്ങളുടെ പ്രവർത്തനം

665  ശ്രീ. പി. മമ്മിക്കുട്ടി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സഹകരണ സംഘങ്ങളുടെ ഓഡിറ്റ് യഥാസമയം പൂര്‍ത്തിയാക്കാന്‍ സാധിക്കാത്തതും സംഘങ്ങളുടെ ഫയലുകളില്‍ തീരുമാനം എടുക്കുന്നത് വൈകുന്നതും ശ്രദ്ധയില്‍പ്പെട്ടിട്ടുണ്ടോ; ഓഡിറ്റ് പൂര്‍ത്തീകരിക്കുന്നതിനും ഫയലുകള്‍ തീര്‍പ്പ് കല്‍പ്പിക്കുന്നതിനും എന്തെല്ലാം നടപടികളാണ് കൈകൊണ്ടിട്ടുള്ളതെന്ന് വിശദമാക്കാമോ;

(ബി)  ഈ സര്‍ക്കാര്‍ അധികാരത്തില്‍ വന്നതിനുശേഷം സഹകരണ വകുപ്പില്‍ എത്ര ജീവനക്കാരെ സ്ഥലം മാറ്റിയിട്ടുണ്ടെന്നുള്ള വിവരങ്ങള്‍ ലഭ്യമാക്കാമോ; സ്വന്തം ജില്ലക്ക് പുറത്തേയ്ക്ക് സ്ഥലം മാറ്റിയ ജീവനക്കാരുടെ വിവരങ്ങള്‍ ജില്ല തിരിച്ച് ലഭ്യമാക്കാമോ; ജില്ലക്കകത്ത് സ്ഥലം മാറ്റിയ ജീവനക്കാരുടെ വിവരങ്ങള്‍ ലഭ്യമാക്കാമോ;

(സി)  സഹരണ സംഘങ്ങളില്‍ കോമണ്‍ സോഫ്റ്റ് വെയര്‍ നടപ്പാക്കുന്നതിന് സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കാമോ;

(ഡി)  ഈ സര്‍ക്കാര്‍ അധികാരത്തില്‍ വന്നതിനു ശേഷം എത്ര സംഘങ്ങളില്‍ പുതുതായി വകുപ്പ് 65, 66 പ്രകാരം അന്വേഷണം നടത്തുന്നതിന് ഉത്തരവ് പുറപ്പെടുവിച്ചിട്ടുണ്ടെന്ന് വിശദമാക്കാമോ; സര്‍ക്കാര്‍ അധികാരത്തില്‍ വന്നതിനു ശേഷം എത്ര ഭരണ സമിതികള്‍ പിരിച്ചു വിട്ടിട്ടുണ്ടെന്നുള്ള കണക്ക് ജില്ല തിരിച്ച് ലഭ്യമാക്കാമോ?

സഹകരണ മേഖലയെ ശക്തിപ്പെടുത്താൻ നടപടി

666  ശ്രീ. എൻ. ശക്തൻ
ശ്രീ. സി. വി. ശാന്തകുമാർ
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കേരളത്തിലെ സഹകരണ മേഖലയെ കൂടുതൽ വിശ്വാസ്യതയുള്ളതും ജനകീയവുമായ സംവിധാനമാക്കി മാറ്റാൻ ദീർഘകാല പ്രവർത്തനപദ്ധതികൾ ആവിഷ്കരിക്കുമോ; വിശദമാക്കാമോ;

(ബി)  സഹകരണ സ്ഥാപനങ്ങളുടെ ഭരണസമിതികളുടെ പ്രവർത്തനങ്ങളിൽ കൂടുതൽ ഉത്തരവാദിത്വവും സുതാര്യതയും ഉറപ്പാക്കാൻ എന്ത് നടപടികളാണ് സ്വീകരിക്കാനുദ്ദേശിക്കുന്നതെന്ന് വ്യകതമാക്കാമോ;

(സി)  നഷ്ടത്തിലോടുന്ന സഹകരണ സ്ഥാപനങ്ങളെ ലാഭത്തിലേക്ക് കൊണ്ടുവരാൻ എന്തെല്ലാം ചെയ്യാൻ കഴിയുമെന്ന് പരിശോധിച്ചിട്ടുണ്ടോ; എങ്കിൽ വിശദാംശം ലഭ്യമാക്കാമോ?

സഹകരണ സ്ഥാപനങ്ങളുടെ പുനരുജ്ജീവനം

667  ശ്രീ. വി. പി. സജീന്ദ്രൻ
ശ്രീ. മനോജ് മൂത്തേടൻ
ശ്രീ. ജ്യോതികുമാർ ചാമക്കാല
ശ്രീ. സുമേഷ് അച്ചുതൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സാമ്പത്തികമായി ദുർബലമായ സഹകരണ സ്ഥാപനങ്ങളുടെ പുനരുജ്ജീവനത്തിനായി എന്തെങ്കിലും പദ്ധതികൾ നിലവിലുണ്ടോ; എങ്കിൽ അവ ഏതെല്ലാമാണെന്ന് വ്യക്തമാക്കാമോ;

(ബി)  സംസ്ഥാനത്തെ സാമ്പത്തികമായി ദുർബലമായതും നഷ്ടത്തിൽ പ്രവർത്തിക്കുന്നതുമായ സഹകരണ സംഘങ്ങളുടെ കണക്ക് ജില്ല തിരിച്ചു് ശേഖരിച്ചിട്ടുണ്ടോ; എങ്കിൽ വിശദമാക്കാമോ;

(സി)  സർക്കാർ ധനസഹായം ലഭിച്ചിട്ടും പ്രവർത്തനം മെച്ചപ്പെടാത്ത സഹകരണ സ്ഥാപനങ്ങൾ നിലവിലുണ്ടോ; എങ്കിൽ അവയുടെ വിവരശേഖരണം നടത്തിയിട്ടുണ്ടോ; വിശദാംശം നൽകാമോ; പ്രസ്തുത സ്ഥാപനങ്ങള്‍ മെച്ചപ്പെടാത്തതിന്റെ കാരണങ്ങളെക്കുറിച്ചു് പഠനം നടത്തിയിട്ടുണ്ടോ; വ്യക്തമാക്കാമോ?

ആശ്വാസ് പദ്ധതി

668  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ സംഘം വായ്പാ തിരിച്ചടവ് മുടങ്ങിയവര്‍ക്ക് ആശ്വാസ് പദ്ധതിയിലൂടെ നല്കുന്ന ആനുകൂല്യങ്ങൾ എന്തൊക്കെയാണെന്ന് വിശദമാക്കാമോ;

(ബി)  പുതുതലമുറയെ പ്രാഥമിക സഹകരണ സംഘങ്ങളിലേക്ക് ആകര്‍ഷിക്കുന്നതിനും അവരിലെ നിക്ഷേപക സാന്നിധ്യം വർധിപ്പിക്കുന്നതിനും ഒരു കര്‍മ പദ്ധതി ആവിഷ്ക്കരിച്ച് നടപ്പിലാക്കുന്നതിന് നടപടി സ്വീകരിക്കുമോ?

തിരൂർ നിയോജകമണ്ഡലത്തിലെ ആശ്വാസ് 2026 ഒറ്റത്തവണ തീർപ്പാക്കൽ പദ്ധതി

669  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ആശ്വാസ് 2026 പദ്ധതിയിലൂടെ എന്തെല്ലാം ഇളവുകൾ ആണ് ലഭ്യമാക്കുന്നത് എന്ന് അറിയിക്കാമോ;

(ബി)  സഹകരണ വകുപ്പ് നടപ്പിലാക്കിയ ആശ്വാസ് 2026 ഒറ്റത്തവണ തീർപ്പാക്കൽ പദ്ധതിയിലൂടെ തിരൂർ നിയോജക മണ്ഡലത്തിൽ വായ്പകൾ തീർപ്പാക്കിയവരുടെ എണ്ണം സഹകരണ സ്ഥാപനങ്ങൾ തിരിച്ച് ലഭ്യമാക്കാമോ;

(സി)  സഹകരണ വകുപ്പ് നടപ്പിലാക്കിയ ആശ്വാസ് 2026 ഒറ്റത്തവണ തീർപ്പാക്കൽ പദ്ധതിയിലൂടെ തിരൂർ നിയോജക മണ്ഡലത്തിൽ വായ്പയെടുത്തവർക്ക് പലിശയിനത്തിൽ ആകെ എത്ര രൂപയുടെ ഇളവ് ലഭ്യമാക്കിയിട്ടുണ്ട് എന്ന് അറിയിക്കാമോ;

(ഡി)  സഹകരണ സ്ഥാപനങ്ങളിൽ നിന്ന് വായ്പയെടുത്തവരിൽ വിവിധകാരണങ്ങളാല്‍ ഒറ്റത്തവണ തീർപ്പാക്കൽ പദ്ധതിയിലൂടെ വായ്പ തിരിച്ചടക്കാൻ സാധിക്കാത്തവർക്ക് അവ തിരിച്ചടയ്ക്കുന്നതിനുള്ള സാവകാശവും ഇളവും നൽകുന്നതിനായി പദ്ധതികൾ ആവിഷ്കരിക്കുമോ; വിശദമാക്കാമോ?

സഹകരണ ബാങ്കുകളിലെ നിക്ഷേപ സുരക്ഷിതത്വം

670  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സഹകരണ ബാങ്കുകളിലും പ്രാഥമിക സഹകരണ സംഘങ്ങളിലും പൊതുജനങ്ങൾ നടത്തുന്ന നിക്ഷേപങ്ങൾക്ക് പൂർണ്ണ സുരക്ഷിതത്വം ഉറപ്പുവരുത്തുന്നതിന് നടപ്പിലാക്കി വരുന്ന പദ്ധതികളും പുതിയ നിർദ്ദേശങ്ങളും എന്തെല്ലാമാണെന്ന് വ്യക്തമാക്കാമോ;

(ബി)  കേരള കോ-ഓപ്പറേറ്റീവ് ഡെപ്പോസിറ്റ് ഗ്യാരന്റി സ്കീം പ്രകാരം നിലവിൽ ഒരു നിക്ഷേപകന് ലഭിക്കുന്ന പരമാവധി ഗ്യാരന്റി പരിരക്ഷ എത്ര രൂപയാണെന്നും പ്രസ്തുത തുക വർദ്ധിപ്പിക്കാൻ നടപടി സ്വീകരിച്ചിട്ടുണ്ടോയെന്നും വ്യക്തമാക്കാമോ;

(സി)  സഹകരണ നിക്ഷേപ ഗ്യാരന്റി ഫണ്ട്, സഹകരണ പുനരുദ്ധാരണ ഫണ്ട് എന്നിവയിലായി നിലവിൽ എത്ര രൂപ വീതം നീക്കിയിരിപ്പുണ്ടെന്ന് വ്യക്തമാക്കാമോ; നിക്ഷേപ സുരക്ഷ ഉറപ്പാക്കുന്ന വിവിധ സ്കീമുകൾക്കായി ഈ സാമ്പത്തിക വർഷത്തെ ബജറ്റിൽ എത്ര തുക വീതമാണ് വകയിരുത്തിയിട്ടുള്ളതെന്ന് വിശദമാക്കാമോ?

മലപ്പുറം ജില്ലയിലെ സഹകരണ സംഘങ്ങളുടെ വിശദാംശങ്ങള്‍

671  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)   2021-2026 കാലയളവിൽ മലപ്പുറം ജില്ലയിൽ ഏതല്ലാം സഹകരണ സംഘങ്ങളാണ് രജിസ്റ്റർ ചെയ്തിട്ടുള്ളതെന്ന് വിശദമാക്കാമോ;

(ബി)  പ്രസ്തുത കാലയളവിൽ ജില്ലയിൽ പുതുതായി രജിസ്റ്റർ ചെയ്ത ടൂറിസം സൊസൈറ്റികളുടെ വിശദാംശം താലൂക്ക് തിരിച്ച് ലഭ്യമാക്കാമോ;

(സി)  പ്രസ്തുത ടൂറിസം സൊസൈറ്റികളില്‍ ലാഭത്തില്‍ പ്രവർത്തിക്കുന്നവ ഏതെല്ലാമാണെന്ന് വ്യക്തമാക്കാമോ; പ്രധാനപ്പെട്ട ടൂറിസം സൊസൈറ്റികളുടെ ബൈലോയുടെ പകർപ്പ് ലഭ്യമാക്കാമോ?

മലപ്പുറം ജില്ല സഹകരണ ബാങ്കിന്റെ കേരളം ബാങ്ക് ലയനം

672  ശ്രീ. കുറുക്കോളി മൊയ്തീന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  മലപ്പുറം ജില്ല സഹകരണ ബാങ്ക് കേരള ബാങ്കിൽ ലയിച്ച സമയത്ത് അവിടുത്തെ ജീവനക്കാർക്ക് ശമ്പളവും മറ്റ് ആനുകൂല്യങ്ങളും കുടിശ്ശികയായിരുന്നോ; എങ്കില്‍ അവ ലഭ്യമാക്കുന്നതിനുള്ള നടപടി സ്വീകരിക്കുമോ; വിശദാംശം ലഭ്യമാക്കാമോ;

(ബി)  മലപ്പുറം ജില്ല സഹകരണ ബാങ്ക് കേരള ബാങ്കിൽ ലയിച്ച സമയത്ത് ജില്ലാ സഹകരണ ബാങ്കിൽ നിന്ന് കേരള ബാങ്കിലേക്ക് നിയമനം നൽകാതെ ജീവനക്കാരെ ഒഴിവാക്കിയിട്ടുണ്ടെങ്കിൽ അവരുടെ വിവരവും അവരെ ഒഴിവാക്കിയതിനുള്ള കാരണവും വ്യക്തമാക്കാമോ?

സഹകരണ സ്ഥാപനങ്ങളില്‍ നടപ്പിലാക്കി വരുന്ന സമാശ്വാസ പദ്ധതികള്‍

673  ശ്രീ. ടി. എം. ശശി : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ സ്ഥാപനങ്ങളില്‍ നിന്ന് വായ്പ എടുത്ത ശേഷം ആ വ്യക്തി അപകടത്താലോ മറ്റ് രോഗങ്ങളാലോ വായ്പ കാലാവധിക്കുള്ളില്‍ മരണപ്പെട്ടാല്‍ വലിയ ബാധ്യത കുടുംബാംഗങ്ങളില്‍ എത്തപ്പെടുന്ന സ്ഥിതിയ്ക്ക് പരിഹാരമായി ഏതൊക്കെ സമാശ്വാസ പദ്ധതികളാണ് വകുപ്പ് മുഖേന നടപ്പിലാക്കി വരുന്നതെന്ന് വ്യക്തമാക്കാമോ;

(ബി)  സഹകരണ സ്ഥാപനങ്ങളില്‍ നടപ്പാക്കി വരുന്ന ഒറ്റ തവണ തീര്‍പ്പാക്കല്‍ പദ്ധതിയുടെ വിശദാംശങ്ങള്‍ നല്‍കാമോ;

(സി)  ഈ വര്‍ഷം മണ്ഡലത്തിലെ സഹകരണ സ്ഥാപനങ്ങളില്‍ റിക്സ് ഫണ്ട് ബോര്‍ഡ് മുഖേന ധനസഹായം അനുവദിക്കുന്നതിന് എത്ര അപേക്ഷകളാണ് ലഭ്യമായിരുന്നതെന്നും ഇതില്‍ എത്ര പേരുടെ അപേക്ഷകള്‍ക്ക് തീര്‍പ്പുകല്‍പിച്ചു ധനസഹായം ലഭ്യമാക്കിയിട്ടുണ്ടെന്നും ഇതിനായി എത്ര തുക ചെലവഴിച്ചുവെന്നുമുള്ള വിശദാംശങ്ങള്‍ നല്‍കാമോ;

(ഡി)  കാര്‍ഷിക മേഖലയില്‍ പലിശരഹിത വായ്പകള്‍ സഹകരണ സ്ഥാപനങ്ങള്‍ മുഖേന നല്‍കിവരുന്നുണ്ടോ; വിശദാംശങ്ങള്‍ നല്‍കാമോ?

സഹകരണ ബാങ്കുകളിലെ വായ്പാ കുടിശിക നിവാരണ പദ്ധതി

674  ശ്രീ. ഫൈസൽ ബാബു : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ ബാങ്കുകളിൽ വിവിധ കാരണങ്ങളാൽ വായ്പാ കുടിശിക ഉണ്ടായിട്ടുള്ള സാധാരണക്കാരും ചെറുകിട വ്യാപാരികളും കർഷകരും സ്വയംതൊഴിൽ സംരംഭകരും നേരിടുന്ന സാമ്പത്തിക ബുദ്ധിമുട്ടുകൾ പരിഗണിച്ച് വായ്പാ കുടിശിക തീർപ്പാക്കുന്നതിനായി കൂടുതൽ പ്രായോഗികമായ ഏകീകൃത ആശ്വാസ പദ്ധതി നടപ്പാക്കുന്നത് പരിഗണിക്കുന്നുണ്ടോ; വ്യക്തമാക്കാമോ;

(ബി)  നിലവിലുള്ള വണ്‍ ടൈം സെറ്റില്‍മെന്റ് (ഒ.ടി.എസ്.)/കുടിശിക തീർപ്പാക്കൽ സംവിധാനങ്ങൾ കൂടുതൽ ലളിതവും ജനസൗഹൃദവുമാക്കുന്നതിനും അർഹരായ വായ്പക്കാർക്ക് പലിശയിലും പിഴപ്പലിശയിലും ഇളവ് നൽകുന്നതിനും നടപടി സ്വീകരിക്കുമോ; വ്യക്തമാക്കാമോ;

(സി)  സാമ്പത്തികമായി തിരിച്ചടയ്ക്കാൻ ശേഷിയുള്ളതും എന്നാൽ ഒരുമിച്ച് മുഴുവൻ തുകയും അടയ്ക്കാൻ കഴിയാത്തതുമായ വായ്പക്കാര്‍ക്ക് വായ്പ പുനഃക്രമീകരിച്ച് ഘട്ടം ഘട്ടമായി തിരിച്ചടയ്ക്കാനുള്ള അവസരം കൂടുതൽ വിപുലീകരിക്കുമോ;

(ഡി)  കുടിശിക തീർപ്പാക്കുന്നതിലൂടെ സഹകരണ ബാങ്കുകളുടെയും വായ്പക്കാരുടെയും സാമ്പത്തിക സ്ഥിതി മെച്ചപ്പെടുത്തുന്നതിനായി സംസ്ഥാനതല പ്രത്യേക വായ്പ കുടിശിക പരിഹാര പദ്ധതി പരിഗണിക്കുമോ; വ്യക്തമാക്കാമോ?

സഹകരണ ബാങ്കുകളിലെ സേവനം കൂടുതല്‍ ജനകീയമാക്കുന്നതിനുള്ള നടപടി

675  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ ബാങ്കുകളെ കൂടുതല്‍ ജനകീയമാക്കാന്‍ എന്തൊക്കെ പുതിയ നടപടികളാണ് സ്വീകരിച്ച് വരുന്നത് എന്ന് വ്യക്തമാക്കാമോ;

(ബി)  വ്യക്തികള്‍ക്ക് അവരുടെ ആവശ്യങ്ങള്‍ നിറവേറ്റുന്നതിന് പേഴ്സണല്‍ ലോണ്‍ അനുവദിക്കുന്നതിന് നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ;

(സി)  സഹകരണ സ്ഥാപനങ്ങളില്‍ നിന്നും നല്‍കുന്ന വിവിധ ലോണുകളുടെ ലഭ്യമാക്കല്‍ പ്രക്രിയ ലളിതമാക്കുന്നതിനുള്ള നടപടികള്‍ സ്വീകരിക്കുമോ; എങ്കില്‍ വിശദാംശം ലഭ്യമാക്കാമോ?

ചങ്ങനാശ്ശേരി നിയോജകമണ്ഡലത്തിലെ സഹകരണ സ്ഥാപനങ്ങളുടെ പ്രവർത്തനം

676  ശ്രീ. വിനു ജോബ് കുഴിമണ്ണിൽ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ചങ്ങനാശ്ശേരി നിയോജകമണ്ഡലത്തിലെ സഹകരണ ബാങ്കുകളും സംഘങ്ങളും മുഖേന കർഷകർക്കും സാധാരണക്കാർക്കും നൽകുന്ന വായ്പാ പദ്ധതികളും കാർഷിക സേവനങ്ങളും കൂടുതൽ ജനകീയമാക്കുന്നതിന് എന്തൊക്കെ ക്രമീകരണങ്ങളാണ് ഏർപ്പെടുത്തിയിട്ടുള്ളത് എന്ന് വ്യക്തമാക്കാമോ;

(ബി)  സഹകരണ മേഖലയിൽ തുകകളുടെ വിതരണത്തിലും നിക്ഷേപങ്ങളുടെ സുരക്ഷിതത്വത്തിലും എന്തെങ്കിലും തടസ്സങ്ങൾ നേരിടുന്നുണ്ടോയെന്നും അവ പരിഹരിക്കാൻ വകുപ്പ് എന്ത് ഇടപെടലാണ് നടത്തുന്നതെന്നും വിശദമാക്കാമോ;

(സി)  വായ്പയെടുത്ത് മരണപ്പെട്ട ആളുകളുടെ കുടുംബങ്ങൾക്കും ഗുരുതരമായ അസുഖങ്ങൾ കാരണം പണം തിരിച്ചടയ്ക്കാൻ സാധിക്കാത്ത വ്യക്തികൾക്കും സഹകരണ ബാങ്കുകളുടെ വായ്പകളിൽ മുതൽ മാത്രം അടച്ചു തീർക്കൽ, പലിശയിളവ്, പിഴപ്പലിശ ഒഴിവാക്കൽ എന്നിവ നൽകുന്നുണ്ടെങ്കിൽ അതിന്റെ വിശദാംശങ്ങൾ എന്തെല്ലാമാണെന്ന് വ്യക്തമാക്കാമോ;

(ഡി)  ഇത്തരത്തിലുള്ള പ്രതിസന്ധിയിലായ കുടുംബങ്ങൾക്ക് ആശ്വാസം നൽകുന്നതിനായി വായ്പകളിൽ പലിശയും പിഴപ്പലിശയും ഒഴിവാക്കി സാധാരണക്കാർക്കും കർഷകർക്കും വായ്പകൾ തീർക്കുന്ന തരത്തിലുള്ള പ്രത്യേക പദ്ധതികളുമായി ബന്ധപ്പെട്ട് വകുപ്പ് സ്വീകരിച്ചിട്ടുള്ള നടപടികൾ എന്തെല്ലാമാണെന്ന് വ്യക്തമാക്കാമോ;

(ഇ)  സഹകരണ സ്ഥാപനങ്ങളുടെ അടിസ്ഥാന സൗകര്യ വികസനത്തിനും ആധുനികവൽക്കരണത്തിനുമായി നടപ്പു വർഷം അനുവദിച്ച ഫണ്ടുകളുടെയും പദ്ധതികളുടെയും പൂർണ്ണ വിവരങ്ങൾ കണക്കുകൾ സഹിതം നൽകാമോ?

സർവീസ് സഹകരണ ബാങ്കുകളുടെ വികസനം

677  ശ്രീ. ടി. വി. ഇബ്രാഹിം : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ നിലവിൽ വന്നശേഷം സർവീസ് സഹകരണ ബാങ്കുകളുടെ വികസനത്തിന് ആവിഷ്കരിച്ച പദ്ധതികൾ ഏതൊക്കെയാണെന്നും പുതിയ എത്ര സർവീസ് സഹകരണ ബാങ്കുകൾക്ക് അനുമതി നൽകിയെന്നും വ്യക്തമാക്കാമോ;

(ബി)  ഈ സർക്കാർ നിലവിൽ വന്നശേഷം ആശ്വാസ് തുടങ്ങിയ പദ്ധതികളിൽപ്പെടുത്തി എത്ര തുകയുടെ വായ്പാ ഇളവുകൾ അനുവദിച്ചുവെന്ന വിശദാംശം ലഭ്യമാക്കാമോ;

(സി)  ഈ സർക്കാർ നിലവിൽ വന്നതിനുശേഷം പുതിയ എത്ര സർവീസ് സഹകരണ ബാങ്കുകൾക്ക് അനുമതി നൽകി എന്ന് അറിയിക്കാമോ;

(ഡി)  ആലിൻചുവട് സർവീസ് സഹകരണ ബാങ്കിന് വെളിമുക്ക് എന്ന പ്രദേശത്ത് ഒരു ശാഖ അനുവദിക്കുവാന്‍ നടപടികൾ സ്വീകരിച്ചിട്ടുണ്ടോ; വിശദമാക്കാമോ?

സഹകരണ ബാങ്ക് വായ്പ ഇളവ്

678  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഈ സർക്കാർ അധികാരമേറ്റശേഷം ഒറ്റത്തവണ തീർപ്പാക്കൽ പദ്ധതിയുമായി ബന്ധപ്പെട്ട് സഹകരണ ബാങ്ക് വായ്പ എടുത്തതിൽ എത്ര പേർക്കാണ് ഇളവ് നൽകിയിട്ടുള്ളതെന്നും എത്ര രൂപയുടെ ആനുകൂല്യമാണ് വ്യക്തികൾക്ക് ലഭിച്ചതെന്നും വ്യക്തമാക്കാമോ?

തൃശൂര്‍ ഒരുമനയൂര്‍ സര്‍വീസ് സഹകരണബാങ്ക് നിയമനത്തിലെ ക്രമക്കേടുകള്‍

679  ശ്രീ. എന്‍. കെ. അക്ബര്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  തൃശൂര്‍ ജില്ലയിലെ ഒരുമനയൂര്‍ സര്‍വീസ് സഹകരണ ബാങ്ക് നിയമനത്തിലെ ക്രമക്കേടുമായി ബന്ധപ്പെട്ട് ഏതെങ്കിലും കോടതി വിധികള്‍ ഉണ്ടോയെന്ന് പരിശോധിച്ചിട്ടുണ്ടോ; വ്യക്തമാക്കാമോ;

(ബി)  കോടതി വിധിക്ക് വിരുദ്ധമായി ബാങ്കില്‍ നിയമനം നടത്തുന്നതിനുള്ള ഭരണസമിതി തീരുമാനം നടപ്പിലാക്കുന്നതിന് വിസമ്മതിച്ച ഒരുമനയൂര്‍ സര്‍വീസ് സഹകരണ ബാങ്ക് സെക്രട്ടറിക്കെതിരെ ഭരണസമിതി സസ്പെന്‍ഷന്‍ നടപടി സ്വീകരിച്ചിട്ടുള്ളതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ സെക്രട്ടറിയെ സസ്‍പെന്‍ഡ് ചെയ്തതിന്റെ കാരണമെന്തെന്ന് വ്യക്തമാക്കാമോ;

സഹകരണ സംഘങ്ങളിലെ ഓഡിറ്റിംഗ് ശക്തിപ്പെടുത്തൽ

680  ശ്രീ. ടി. കെ. ഗോവിന്ദൻ മാസ്റ്റർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സഹകരണ സംഘങ്ങളിലെ സാമ്പത്തിക സുതാര്യതയും വിശ്വസനീയതയും ഉറപ്പുവരുത്തുന്നതിനായി ഓഡിറ്റിംഗ് സംവിധാനം കൂടുതൽ കാര്യക്ഷമമാക്കാനും ശക്തിപ്പെടുത്താനും എന്തെല്ലാം പുതിയ നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കാമോ;

(ബി)  സഹകരണ സംഘങ്ങളിൽ നടക്കുന്ന സാമ്പത്തിക ക്രമക്കേടുകളും തട്ടിപ്പുകളും മുൻകൂട്ടി കണ്ടെത്തുന്നതിനായി കേന്ദ്രീകൃത 'ഓൺലൈൻ മോണിറ്ററിംഗ് ആൻഡ് റിയൽ ടൈം ഓഡിറ്റിംഗ് സോഫ്റ്റ്‌‌വെയർ' സംവിധാനം പൂർണതോതിൽ നടപ്പിലാക്കിയിട്ടുണ്ടോ; വിശദാംശം നൽകാമോ;

(സി)  നിലവിൽ ഏതൊക്കെ ഘട്ടങ്ങളിലാണ് സാമ്പത്തിക ഓഡിറ്റിംഗ് വിവരങ്ങൾ ഓൺലൈനായി ലഭ്യമാക്കിയിട്ടുള്ളതെന്നും ഇത് എല്ലാ പ്രാഥമിക കാർഷിക വായ്പ സഹകരണ സംഘങ്ങളിലും (പി.എ.സി.എസ്.) എന്ന് പൂർണമായി നടപ്പിലാക്കാൻ സാധിക്കുമെന്നും വ്യക്തമാക്കാമോ;

(ഡി)  ഓഡിറ്റ് തടസ്സപ്പെടുന്നത് ഒഴിവാക്കാനും ഓഡിറ്റ് റിപ്പോർട്ടുകൾ സമയബന്ധിതമായി പൂർത്തിയാക്കാനും വകുപ്പ് തലത്തിൽ പുതിയ നിർദ്ദേശങ്ങളോ മാർഗരേഖകളോ പുറപ്പെടുവിച്ചിട്ടുണ്ടോ; വ്യക്തമാക്കാമോ?

സഹകരണ മേഖലയിലെ പ്രവർത്തനങ്ങൾ മെച്ചപ്പെടുത്തുവാൻ നടപടി

681  ശ്രീ. തോമസ് ഉണ്ണിയാടൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കര്‍ഷകര്‍ക്കും സാധാരണക്കാര്‍ക്കും കുറഞ്ഞ പലിശ നിരക്കില്‍ ഏറ്റവും വേഗം വായ്പ ലഭ്യമാക്കുന്നതിനും സമ്പാദ്യശീലം വളര്‍ത്തുന്നതിനുമായി രൂപീകരിച്ചിട്ടുളള സഹകരണ പ്രസ്ഥാനത്തിൽ ജീര്‍ണതകള്‍ ഉള്ളതായുള്ള ആക്ഷേപം ശ്രദ്ധയിൽപെട്ടിട്ടുണ്ടോ; എങ്കിൽ അവ പരിഹരിക്കുവാന്‍ എന്തൊക്കെ നടപടികളാണ് സ്വീകരിക്കുവാന്‍ പോകുന്നതെന്ന് വ്യക്തമാക്കാമോ;

(ബി)  സാധാരണക്കാരില്‍നിന്നും വലിയ തോതില്‍ പലിശ ഈടാക്കുന്നത് തടയാനും വിവിധ കാരണങ്ങളാല്‍ റിക്കവറി നടപടി നേരിടുന്നവര്‍ക്ക് സാധാരണ പലിശ കൂട്ടിചേര്‍ത്ത് വായ്പ പുതുക്കി നല്കുന്നതിനും നടപടികള്‍ സ്വീകരിക്കുമോ; വിശദാംശം ലഭ്യമാക്കുമോ?

സഹകരണ സംഘങ്ങളിലെ വായ്പാ കുടിശ്ശിക

682  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ സംഘങ്ങളിലെ വായ്പാ തിരിച്ചടവ് മുടങ്ങിയവര്‍ക്ക് എന്തെങ്കിലും സഹായപദ്ധതികള്‍ ആവിഷ്കരിച്ചിട്ടുണ്ടോ; ഉണ്ടെങ്കില്‍ അതിന്റെ വിശദാംശങ്ങള്‍ ലഭ്യമാക്കാമോ;

(ബി)  സഹകരണ വകുപ്പിന്റെ ആശ്വാസ് പദ്ധതിയുടെ മാനദണ്ഡങ്ങള്‍ എന്തെല്ലാമാണെന്ന് വിശദീകരിക്കാമോ;

(സി)  നിയോജക മണ്ഡല അടിസ്ഥാനത്തിലും ജില്ലാ തലത്തിലും വകുപ്പ് നടപ്പിലാക്കുന്ന സഹകരണ അദാലത്തിന്റെ പുരോഗതി വിശദീകരിക്കാമോ?

ഒറ്റതവണ തീര്‍പ്പാക്കല്‍ പദ്ധതി

683  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ ബാങ്കുകളില്‍ നിന്നും വിവിധ ആവശ്യങ്ങള്‍ക്കായി വായ്പയെടുത്തതിനുശേഷം സാമ്പത്തിക പ്രതിസന്ധി, ഗുരുതര രോഗം, കുടുംബത്തിലെ മരണങ്ങള്‍, പ്രകൃതിക്ഷോഭം തുടങ്ങിയ കാരണങ്ങളാല്‍ യഥാസമയം തിരിച്ചടക്കാന്‍ കഴിയാതെ കുടിശ്ശികയായ വായ്പകളുടെ ബാധ്യതയില്‍പ്പെട്ട സാധാരണക്കാര്‍ക്ക് ആശ്വാസം നല്‍കാന്‍ ഈ സര്‍ക്കാര്‍ സ്വീകരിച്ചിട്ടുള്ള നടപടികള്‍ എന്തൊക്കെയാണ്;

(ബി)  സാമ്പത്തികമായി പിന്നോക്കം നില്‍ക്കുന്നവര്‍ക്കും തിരിച്ചടക്കാന്‍ ബുദ്ധിമുട്ട് നേരിടുന്നവര്‍ക്കും കൂടുതല്‍ ആശ്വാസം നല്‍കുന്നതിനായി ഒറ്റതവണ തീര്‍പ്പാക്കല്‍ പദ്ധതിയുടെ കാര്യം പരിഗണിക്കുമോ?

റിസ്ക് ഫണ്ടില്‍ നിന്നും തുക അനുവദിക്കൽ

684  ശ്രീ. സി. കെ. കാസിം : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ സംഘങ്ങള്‍ വഴി ലോണ്‍ എടുത്തയാള്‍ മരണപ്പെട്ടാൽ റിസ്ക് ഫണ്ടില്‍നിന്നും തുക അനുവദിച്ച് ലോണ്‍ എടുത്ത ബാക്കി തുക എഴുതി തള്ളാറുണ്ടോ; വ്യക്തമാക്കാമോ;

(ബി)  ലോണ്‍ കുടിശിക ഉള്ളവര്‍ക്ക് കൂടി ഈ സൗകര്യം ലഭ്യമാക്കാന്‍ നടപടി സ്വീകരിക്കുമോ; വ്യക്തമാക്കാമോ;

(സി)  അപകടങ്ങള്‍, മാരക രോഗങ്ങള്‍ ഉള്‍പ്പടെയുള്ളവ കാരണം മരണപ്പെടുന്നവരുടെ ലോണ്‍ എഴുതി തള്ളാന്‍ എന്തെങ്കിലും ഉത്തരവുകള്‍ നിലവിലുണ്ടോ; ഇല്ലെങ്കില്‍ അതിനുള്ള എന്തെങ്കിലും പദ്ധതികള്‍ പരിഗണനയില്‍ ഉണ്ടോ; ലോണ്‍ എടുക്കുമ്പോള്‍ തന്നെ ഒരു ഇന്‍ഷ്വറന്‍സ് നല്‍കുന്നതിനാവശ്യമായ നടപടി സ്വീകരിക്കുമോ; അതിന് റിസ്ക് ഫണ്ട് ഉപയോഗിക്കാന്‍ പറ്റുന്ന കാര്യം പരിശോധിക്കുമോ; വ്യക്തമാക്കാമോ?

യുവജനസഹകരണ സംഘങ്ങള്‍

685  ശ്രീ. എ. സി. മൊയ്തീന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  യുവജനങ്ങളെ സഹകരണമേഖലയിലേയ്ക്ക് കൊണ്ടുവരുന്നതിന്റെ ഭാഗമായി ആരംഭിച്ച യുവജനസഹകരണ സംഘങ്ങള്‍ എത്രയെണ്ണമാണെന്ന് വ്യക്തമാക്കാമോ;

(ബി)  ഇപ്രകാരം ആരംഭിച്ച യുജനസഹകരണസംഘങ്ങളിൽ നിലവിൽ പ്രവര്‍ത്തനം അവസാനിപ്പിച്ചവ എത്രയെണ്ണമാണെന്ന് വ്യക്തമാക്കാമോ; ജില്ല തിരിച്ച് കണക്കുകള്‍ വ്യക്തമാക്കാമോ?

പ്രാഥമിക കാർഷിക സഹകരണ സംഘങ്ങളുടെ വായ്‌പ

686  ശ്രീ. വി. ടി. ബൽറാം
ശ്രീമതി വിദ്യാ ബാലകൃഷ്ണൻ
ശ്രീ. മുഹമ്മദ് ഷിയാസ്
ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ പ്രാഥമിക കാർഷിക വായ്‌പാ സഹകരണ സംഘങ്ങളിലൂടെ കർഷകർക്ക് വിതരണം ചെയ്‌ത കാർഷിക വായ്‌പ തുക ആകെ എത്രയാണെന്ന് കണക്കാക്കിയിട്ടുണ്ടോ; വ്യക്തമാക്കാമോ;

(ബി)  കാർഷിക വായ്‌പ തിരിച്ചടയ്ക്കാൻ കഴിയാത്ത ചെറുകിട-നാമമാത്ര കർഷകർക്ക് പ്രത്യേക കടാശ്വാസ പദ്ധതി ആവിഷ്‌കരിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

(സി)  കർഷകരുടെ ഉൽപ്പന്നങ്ങൾ സംഭരിക്കുന്നതിനും വിപണനം ചെയ്യുന്നതിനും പ്രൈമറി അഗ്രികള്‍ച്ചറല്‍ ക്രെഡിറ്റ് സൊസൈറ്റീ(പി.എ.സി.എസ്സ് )കൾക്ക് കൂടുതൽ സാമ്പത്തിക സഹായം നൽകുന്നുണ്ടോ; വിശദമാക്കാമോ;

(ഡി)  കർഷകരിൽ നിന്ന് നേരിട്ട് കാർഷിക ഉൽപ്പന്നങ്ങൾ സംഭരിച്ച് വിപണനം ചെയ്യുന്നതിനായി സഹകരണ സ്ഥാപനങ്ങൾ നടത്തുന്ന പദ്ധതികളുടെ വിശദാംശം നൽകാമോ?

ഒറ്റപ്പാലം നിയോജക മണ്ഡലത്തില്‍ പുതിയ നീതി, ത്രിവേണി, മൊബൈല്‍ സ്റ്റോറുകള്‍

687  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഒറ്റപ്പാലം നിയോജക മണ്ഡലത്തില്‍ പുതുതായി നീതി സ്റ്റോറുകളും ത്രിവേണി സ്റ്റോറുകളും മൊബൈല്‍ സ്റ്റോറുകളും ഉള്‍പ്പടെ അനുവദിക്കുന്നതിന് നടപടി സ്വീകരിച്ച് വരുന്നുണ്ടോ; വിശദ വിവരങ്ങള്‍ ലഭ്യമാക്കാമോ?

സഹകരണ അദാലത്ത്

688  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  ഇക്കഴിഞ്ഞ ദിവസങ്ങളിൽ സഹകരണ വകുപ്പിന്റെ നേതൃത്വത്തിൽ സംഘടിപ്പിച്ച സഹകരണ അദാലത്തുകൾ വഴി സംസ്ഥാനത്തുടനീളം സാധാരണക്കാർക്കും പ്രയാസമനുഭവിക്കുന്നവർക്കും എന്തെല്ലാം ആശ്വാസ നടപടികളാണ് ലഭ്യമാക്കാൻ സാധിച്ചതെന്ന് വ്യക്തമാക്കാമോ;

(ബി)  പ്രസ്തുത അദാലത്തുകളിൽ ആകെ എത്ര അപേക്ഷകളും പരാതികളുമാണ് ലഭിച്ചതെന്നും അതിൽ എത്ര കേസുകൾ വിജയകരമായി ഒത്തുതീർപ്പാക്കാൻ സാധിച്ചുവെന്നുമുള്ള വിശദാംശം ലഭ്യമാക്കാമോ;

(സി)  ഒത്തുതീർപ്പാക്കിയ കേസുകള്‍ വഴി ബാധ്യതകളിൽ ഇളവ് ലഭിച്ചവർക്ക് എത്ര കോടി രൂപയുടെ സാമ്പത്തിക ആശ്വാസമാണ് നൽകാനായതെന്ന് ജില്ല തിരിച്ച് വിശദാംശം ലഭ്യമാക്കാമോ;

(ഡി)  പ്രസ്തുത പരാതികളിൽ തീർപ്പാക്കാൻ ബാക്കിയുള്ളവയിന്മേൽ അടിയന്തര നടപടികൾ സ്വീകരിക്കുന്നതിന് എന്തെല്ലാം നിർദേശങ്ങളാണ് നൽകിയിട്ടുള്ളതെന്ന് വ്യക്തമാക്കാമോ?

സഹകരണ ബാങ്കുകളിലെ ഒറ്റത്തവണ തീർപ്പാക്കൽ (ഒ.ടി.എസ്.) പദ്ധതികൾ

689  ശ്രീ. നജീബ് കാന്തപുരം : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  പ്രകൃതിദുരന്തങ്ങൾ, രോഗങ്ങൾ, തൊഴിലില്ലായ്മ തുടങ്ങിയ കാരണങ്ങളാൽ കുടിശികക്കാരായ വായ്പക്കാർക്ക് ആശ്വാസമേകാൻ സഹകരണ ബാങ്കുകൾ വഴി നടപ്പിലാക്കിയ 'ഒറ്റത്തവണ തീർപ്പാക്കൽ' (വണ്‍ ടൈം സെറ്റില്‍മെന്റ്-ഒ.ടി.എസ്.) പദ്ധതിയുടെ ആനുകൂല്യം എത്ര കുടുംബങ്ങൾക്ക് ലഭിച്ചിട്ടുണ്ടെന്ന് വ്യക്തമാക്കാമോ;

(ബി)  ജനങ്ങളുടെ മോശം സാമ്പത്തിക സാഹചര്യം കണക്കിലെടുത്ത് വായ്പകളുടെ പിഴപ്പലിശ ഒഴിവാക്കാനും അസൽ തുക ഗഡുക്കളായി അടയ്ക്കാനും എന്തെങ്കിലും പുതിയ ഇളവുകൾ പ്രഖ്യാപിക്കാൻ ഉദ്ദേശിക്കുന്നുണ്ടോ; വ്യക്തമാക്കാമോ;

(സി)  വായ്പയെടുത്ത വ്യക്തി മരണപ്പെടുകയോ ഗുരുതരമായ രോഗബാധിതനാവുകയോ ചെയ്യുന്ന സാഹചര്യത്തിൽ കുടിശിക തീർപ്പാക്കാൻ സഹായിക്കുന്ന 'സഹകരണ റിസ്ക് ഫണ്ട്' (കോ-ഓപ്പറേറ്റീവ് റിസ്ക് ഫണ്ട്) വഴി അനുവദിച്ച ധനസഹായത്തിന്റെ കണക്കുകൾ ലഭ്യമാക്കാമോ;

(ഡി)  റിസ്ക് ഫണ്ട് പദ്ധതിയുടെ ആനുകൂല്യം ലഭിക്കുന്നതിനുള്ള പരമാവധി വായ്പാ പരിധി ഉയർത്താനും പ്രക്രിയ കൂടുതൽ ലളിതമാക്കാനും നടപടി സ്വീകരിക്കുമോ?

കാ‍ർഷിക കടാശ്വാസ വായ്‌പകൾ

690  ശ്രീ. സി. കെ. ഹരീന്ദ്രന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ സഹകരണ സംഘങ്ങളില്‍ നിന്നും എടുത്തിട്ടുള്ള കാ‍ർഷിക വായ്പകള്‍ കാർഷിക കടാശ്വാസ പദ്ധതിയുടെ പരിധിയില്‍പ്പെടുത്തി കുടിശിക തീർപ്പാക്കിയിട്ടും കടാശ്വാസ വിഹിതം ലഭിക്കാത്തതിനാല്‍ വായ്പയ്ക്ക് ഈടായി നല്‍കിയ ആധാരം ഉള്‍പ്പെടെയുള്ള രേഖകള്‍ വായ്പക്കാരന് തിരികെ നല്‍കാത്ത സാഹചര്യം നിലവിലുണ്ടോ; വ്യക്തമാക്കാമോ;

(ബി)  കാർഷിക കടാശ്വാസത്തിന് അർഹമായ വായ്പകളില്‍ കടാശ്വാസ വിഹിതം ലഭിക്കുന്നതുവരെയുള്ള കാലയളവിലെ പലിശയും കൂട്ടുപലിശയും ചില സഹകരണ സംഘങ്ങള്‍ വായ്പക്കാരില്‍ നിന്ന് ഈടാക്കുന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ;

(സി)  ഇത്തരം സാഹചര്യങ്ങളില്‍ വായ്പക്കാരില്‍ നിന്ന് ഈടാക്കുന്ന പലിശ, കൂട്ടുപലിശ എന്നിവ സംബന്ധിച്ച് സഹകരണ സംഘങ്ങള്‍ക്ക് പ്രത്യേക നിർദ്ദേശങ്ങള്‍ നല്‍കിയിട്ടുണ്ടോ; ഉണ്ടെങ്കില്‍ വിശദാംശങ്ങള്‍ വ്യക്തമാക്കാമോ;

(ഡി)  കാർഷിക കടാശ്വാസത്തിന് അർഹരായ ഗുണഭോക്താക്കള്‍ക്ക് കടാശ്വാസ ആനുകൂല്യം സമയബന്ധിതമായി ലഭ്യമാക്കുന്നതിനും കടാശ്വാസം ലഭിക്കുന്നതുവരെ അധിക പലിശഭാരം ഉണ്ടാകാതിരിക്കുന്നതിനും വായ്പ തീർപ്പാക്കിയവർക്ക് ഈടായി നല്‍കിയ രേഖകള്‍ തിരികെ ലഭ്യമാക്കുന്നതിനും ആവശ്യമായ നടപടികള്‍ സ്വീകരിക്കുമോ; വ്യക്തമാക്കാമോ;

നെടുമങ്ങാട് നിയോജക മണ്ഡലത്തിൽ റിസ്ക് ഫണ്ട് സ്‌കീം

691  ശ്രീ. ജി. ആര്‍. അനില്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  നെടുമങ്ങാട് നിയോജക മണ്ഡലത്തിൽ സഹകരണ റിസ്ക് ഫണ്ട് സ്കീമിൽ ഉൾപ്പെടുത്തി ധനസഹായം അനുവദിക്കുന്നതിനായി ലഭിച്ചിട്ടുള്ള അപേക്ഷകളുടെ ആകെ എണ്ണം എത്രയെന്ന് വ്യക്തമാക്കാമോ;

(ബി)  ഇതുവരെ ധനസഹായം അനുവദിച്ചത് സംബന്ധിച്ച വിശദവിവരങ്ങളും അനുവദിച്ച് നൽകിയ തുകയുടെ വിവരങ്ങളും മണ്ഡലത്തിലെ പഞ്ചായത്തുകളുടെയും നഗരസഭകളുടെയും അടിസ്ഥാനത്തിൽ ലഭ്യമാക്കാമോ;

(സി)  റിസ്ക് ഫണ്ട് ധനസഹായത്തിനായി ലഭിച്ച അപേക്ഷകളിൽ അനുമതി നൽകാതെ അവശേഷിക്കുന്ന അപേക്ഷകളുടെ വിശദാംശങ്ങൾ ലഭ്യമാക്കാമോ;

(ഡി)  അവശേഷിക്കുന്ന അപേക്ഷകളിൽ നടപടികൾ പൂർത്തിയാക്കി ധനസഹായം ലഭ്യമാക്കുന്നതിന് എന്തെല്ലാം നടപടികളാണ് സ്വീകരിച്ചു വരുന്നതെന്ന് വ്യക്തമാക്കാമോ; ഇതിനായി നിശ്ചയിച്ചിട്ടുള്ള കാലപരിധി എത്രയാണെന്ന് വ്യക്തമാക്കാമോ?

ചെങ്ങന്നൂര്‍ നിയോജകമണ്ഡലത്തിലെ റിസ്ക് ഫണ്ട് ബോര്‍ഡ് അപേക്ഷകൾ

692  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കേരള സംസ്ഥാന റിസ്ക് ഫണ്ട് ബോര്‍ഡില്‍ നല്‍കുന്ന അപേക്ഷകളില്‍ തീരുമാനമാകുന്നതിനുളള കാലതാമസം സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോയെന്ന് വ്യക്തമാക്കാമോ;

(ബി)  റിസ്ക് ഫണ്ട് ബോര്‍ഡില്‍ ചെങ്ങന്നൂര്‍ നിയോജകമണ്ഡലത്തിലെ അപേക്ഷകളില്‍ അടിയന്തരമായി തീര്‍പ്പാക്കാന്‍ നടപടി സ്വീകരിക്കുമോ;

(സി)  വായ്പക്കാരന്റെ മരണമോ രോഗമോ കാരണമാണ് വായ്പ കുടിശ്ശികയാകുന്നതെങ്കിൽ ഇത്തരം വായ്പക്കാരുടെ അപേക്ഷകൾ യോഗ്യതയുള്ളതായി പരിഗണിച്ച് സഹായങ്ങള്‍ നൽകുമോ എന്ന് വ്യക്തമാക്കാമോ?

റിസ്ക് ഫണ്ട് ആനുകൂല്യം

693  ശ്രീ. എം. എസ്. അരുണ്‍ കുമാർ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ വകുപ്പ് നടപ്പിലാക്കുന്ന റിസ്ക് ഫണ്ട് ആനുകൂല്യം ലഭിക്കുന്നതിനുള്ള മാനദണ്ഡങ്ങളില്‍ എന്തെല്ലാം ഇളവുകളാണ് നൽകുവാന്‍ തീരുമാനിച്ചിട്ടുള്ളത് എന്ന് വിശദമാക്കാമോ?

റിസ്ക് ഫണ്ട്

694  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കേരള സഹകരണ വികസന ക്ഷേമനിധി ബോർഡ് നടപ്പിലാക്കി വരുന്ന സഹകരണ റിസ്ക് ഫണ്ട് പദ്ധതി പ്രകാരം ധനസഹായത്തിനായി ലഭിച്ച എത്ര അപേക്ഷകൾ നിലവിൽ തീർപ്പുകൽപ്പിക്കാതെ അവശേഷിക്കുന്നുണ്ടെന്ന് ജില്ല തിരിച്ച് വ്യക്തമാക്കാമോ;

(ബി)  ഇപ്രകാരം തീർപ്പുകല്‍പിക്കാന്‍ ബാക്കിയുള്ള അപേക്ഷകളിൽ മരണാനന്തര ആനുകൂല്യം, ഗുരുതര രോഗബാധിതർക്കുള്ള വായ്പാ ഇളവ് എന്നിവയ്ക്കായി സമർപ്പിക്കപ്പെട്ടവ എത്ര വീതമാണെന്ന് ഇനം തിരിച്ച് വ്യക്തമാക്കാമോ;

(സി)  ഈ സർക്കാർ അധികാരത്തിൽ വന്നശേഷം ഇതുവരെ പ്രസ്തുത പദ്ധതി പ്രകാരം ആകെ എത്ര ഗുണഭോക്താക്കൾക്കായി എത്ര രൂപ ചെലവഴിച്ചിട്ടുണ്ടെന്നതിന്റെ വിശദാംശം ലഭ്യമാക്കാമോ?

സഹകരണ വകുപ്പിലെ ബന്ധു നിയമനങ്ങൾ

695  ശ്രീ. സേനാപതി വേണു : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ വകുപ്പിന്റെ സ്വയംഭരണ സ്ഥാപനത്തിൽ (അഗ്രികൾച്ചറൽ കോ-ഓപ്പറേറ്റീവ് സ്റ്റാഫ് ട്രെയിനിങ് ഇൻസ്റ്റിറ്റ്യൂട്ട്) മുൻ സർക്കാരിന്റെ കാലത്തു നടത്തിയ ബന്ധു നിയമനങ്ങളെക്കുറിച്ച് അന്വേഷിക്കാൻ ഉത്തരവായിട്ടുണ്ടോ; വ്യക്തമാക്കാമോ;

(ബി)  മുൻ സർക്കാരിന്റെ കാലത്ത് മുൻമന്ത്രിയുടെ ബന്ധുവിനെ ഇവിടെ പിൻവാതിൽ വഴി നിയമനം നടത്തിയിരുന്നോ; വ്യക്തമാക്കുമോ;

(സി)  എങ്കിൽ പ്രായപരിധി കഴിഞ്ഞ ഈ വ്യക്തിക്ക് മതിയായ വിദ്യാഭ്യാസ യോഗ്യത ഇല്ലെന്നും വ്യാജ സർട്ടിഫിക്കറ്റ് ചമച്ചാണ് നിയമനം നേടിയതെന്നുമുള്ള പരാതി ലഭിച്ചിരുന്നോ; വ്യക്തമാക്കുമോ?

കേപ്പ് നു കീഴിലുള്ള തലശ്ശേരി എഞ്ചിനീയറിംഗ് കോളേജിലെ തസ്തികകളിലെ ഒഴിവ്

696  ശ്രീ. കാരായി രാജൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  തലശ്ശേരി നിയോജക മണ്ഡലത്തിൽ കേപ്പ് നു കീഴിലുള്ള തലശ്ശേരി എഞ്ചിനീയറിംഗ് കോളേജിലെ ഫാക്കല്‍റ്റികളുടെയും അഡ്‌മിനിസ്ട്രേറ്റീവ് തസ്തികകളിൽ പലതും ഒഴിഞ്ഞു കിടക്കുന്ന സാഹചര്യം ശ്രദ്ധയില്‍പ്പെട്ടിട്ടുണ്ടോ; ആയതിന് പരിഹാരം കാണുന്നതിനുള്ള എന്തെങ്കിലും നടപടികള്‍ സ്വീകരിച്ചിട്ടുണ്ടോ; എങ്കില്‍ അവ എന്തൊക്കെയാണെന്ന് വ്യക്തമാക്കാമോ?

കോഴിക്കോട് ജില്ലയിലെ സഹകരണ വകുപ്പിന് കീഴിലുള്ള സ്റ്റോറുകള്‍

697  ശ്രീ. പി. എ. മുഹമ്മദ് റിയാസ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  കോഴിക്കോട് ജില്ലയില്‍ സഹകരണ വകുപ്പിന് കീഴില്‍ എത്ര നീതി മെഡിക്കല്‍ സ്റ്റോറുകള്‍, നീതി ലാബുകള്‍, കണ്‍സ്യൂമര്‍ സ്റ്റോറുകള്‍, സഹകരണ ആശുപത്രികള്‍ എന്നിവ പ്രവര്‍ത്തിക്കുന്നുണ്ട് എന്ന് അറിയിക്കാമോ;

(ബി)  വനിത സഹകരണ സംഘങ്ങള്‍, പട്ടികജാതി-പട്ടികവര്‍ഗ്ഗ സഹകരണ സംഘങ്ങള്‍ എന്നിവ ശാക്തീകരിക്കുന്നതിന് എന്തെല്ലാം പുതിയ പദ്ധതികളാണ് നടപ്പിലാക്കുവാന്‍ ഉദ്ദേശിക്കുന്നത്; വിശദമാക്കാമോ?

സഹകരണ സംഘങ്ങളുടെ കേന്ദ്രാവിഷ്‌കൃത കമ്പ്യൂട്ടറൈസേഷൻ പദ്ധതി

698  ശ്രീ. വി. മുരളീധരൻ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  പ്രാഥമിക കാർഷിക സഹകരണ സംഘങ്ങളുടെയും ജില്ലാ സഹകരണ ബാങ്കുകളുടെയും സംസ്ഥാന സഹകരണ ബാങ്കുകളുടെയും പ്രവർത്തനം ഏകോപിപ്പിക്കുന്നതിനും ശക്തിപ്പെടുത്തുന്നതിനും സുതാര്യമാക്കുന്നതിനുമായി കേന്ദ്രസർക്കാർ ആവിഷ്കരിച്ച പ്രാഥമിക കാർഷിക സഹകരണ സംഘങ്ങളുടെ കമ്പ്യൂട്ടറൈസേഷൻ പദ്ധതിയിൽ കേരളം പങ്കാളിയായിട്ടുണ്ടോ; ഇല്ലെങ്കിൽ എന്തുകൊണ്ടാണെന്ന് വ്യക്തമാക്കാമോ;

(ബി)  2925.39 കോടി രൂപ കേന്ദ്രം വകയിരുത്തിയ പ്രസ്തുത പദ്ധതിയിൽ കേരളം പങ്കുചേർന്നിട്ടില്ലെങ്കിൽ എത്ര കോടി രൂപയുടെ നഷ്ടമാണ് സംസ്ഥാനത്തെ വിവിധ പ്രാഥമിക സഹകരണ സംഘങ്ങൾക്കും ജില്ലാ സംസ്ഥാനതല സഹകരണ ബാങ്കുകൾക്കും ഉണ്ടായിട്ടുള്ളതെന്ന് വ്യക്തമാക്കാമോ;

(സി)  കമ്പ്യൂട്ടറൈസേഷനുമായി ബന്ധപ്പെട്ട കേന്ദ്രാവിഷ്കൃത പദ്ധതിക്ക് പകരം സംസ്ഥാന സർക്കാർ പുതിയ സംവിധാനം ഏർപ്പെടുത്തിയിട്ടുണ്ടോ; എങ്കിൽ അതിന്റെ വിശദാംശങ്ങൾ ലഭ്യമാക്കുമോ; ആയതിലേക്ക് എത്ര കോടി രൂപയാണ് സംസ്ഥാന സർക്കാരിന് ചെലവായത്; വിശദാംശം ലഭ്യമാക്കാമോ?

സഹകരണ മേഖലയിലെ നിക്ഷേപത്തിന്റെ ഫലപ്രദമായ വിനിയോഗം

699  ശ്രീ. ദീപക് ജോയ് : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ മേഖലയിലെ നിക്ഷേപം വിവിധ പദ്ധതികളുടെ അടിസ്ഥാനത്തിൽ ഫലപ്രദമായി വിനിയോഗിക്കുന്നതിനായി എന്തൊക്കെ നടപടികളാണ് സ്വീകരിച്ചിരിക്കുന്നത്?

സഹകരണ മേഖലയിലെ പുതിയ പദ്ധതികൾ

700  ശ്രീമതി ഫാത്തിമ തഹിലിയ : താഴെ കാണുന്ന ചോദ്യങ്ങൾക്ക് സഹകരണ-എക്സൈസ് വകുപ്പ് മന്ത്രി സദയം മറുപടി നല്‍കുമോ:

(എ)  സഹകരണ മേഖലയുടെ വികസനത്തിനും സാധാരണ ജനങ്ങൾക്ക് കൂടുതൽ സേവനങ്ങൾ ലഭ്യമാക്കുന്നതിനുമായി നടപ്പിലാക്കിവരുന്നതും പുതുതായി ആവിഷ്കരിച്ചതുമായ വായ്പ പദ്ധതികൾ ഏതൊക്കെയാണെന്ന് വിശദമാക്കാമോ;

(ബി)  സഹകരണ സ്ഥാപനങ്ങളെ ആധുനികവൽക്കരിക്കുന്നതിനും ‍ഡിജിറ്റൽ സേവനങ്ങൾ വിപുലീകരിക്കുന്നതിനുമായി സ്വീകരിച്ചുവരുന്ന നടപടികൾ എന്തെല്ലാമെന്ന് വ്യക്തമാക്കാമോ;

(സി)  സഹകരണ ബാങ്കുകളിൽ നിന്നും വിവിധ ആവശ്യങ്ങൾക്കായി വായ്പ എടുത്തിട്ടുള്ള ക‍ർഷക‍ർ, ചെറുകിട സംരംഭകർ എന്നിവർക്ക് പ്രകൃതിക്ഷോഭങ്ങളും മറ്റും കണക്കിലെടുത്ത് വായ്പ തിരിച്ചടവിന് മൊറട്ടോറിയം അനുവദിച്ചിട്ടുണ്ടോ; വിശദമാക്കാമോ?