SIXTEENTH   KLA - 1^st SESSION
01-07-2026 UNSTARRED QUESTIONS AND ANSWERS
(To read Questions  please enable  Unicode-Malayalam in your system)
(To read answers Please CLICK on the Title of the Questions)

                                                                       Questions and Answers

താനൂര്‍ മണ്ഡലത്തിൽ ദേവസ്വത്തിന് കീഴിലുളള ക്ഷേത്രങ്ങൾ

1526  ശ്രീ. പി. കെ. നവാസ് : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  താനൂര്‍ മണ്ഡലത്തില്‍ ദേവസ്വത്തിന് കീഴിൽ ഏതെല്ലാം ക്ഷേത്രങ്ങളാണുളളതെന്നും പ്രസ്തുത ക്ഷേത്രങ്ങളില്‍ കഴിഞ്ഞ പത്ത് വര്‍ഷം എന്തെല്ലാം വികസന പ്രവര്‍ത്തനങ്ങളാണ് നടത്തിയതെന്നും വിശദമാക്കാമോ;

(ബി)  പ്രസ്തുത ക്ഷേത്രങ്ങള്‍ക്ക് ആവശ്യമായ നവീകരണ പ്രവര്‍ത്തനങ്ങള്‍ നടത്തുന്നതിന് ഒരു മാസ്റ്റര്‍ പ്ലാന്‍ തയ്യാറാക്കുവാന്‍ നടപടി സ്വീകരിക്കുമോ; വ്യക്തമാക്കാമോ?

ദേവാരണ്യം പദ്ധതി

1527  ശ്രീ. അൻവർ സാദത്ത്
ശ്രീ. സന്ദീപ് വാര്യർ
ശ്രീ. ടി .ഒ. മോഹനൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ദേവസ്വം ബോർഡ് ക്ഷേത്രങ്ങളുടെ പരിസരം ഹരിതാഭമാക്കാൻ ദേവസ്വം വകുപ്പ് ദേവാരണ്യം പദ്ധതിക്ക് തുടക്കം കുറിച്ചിട്ടുണ്ടോ; വ്യക്തമാക്കുമോ?

(ബി)  ദേവസ്വം ബോർഡിന് കീഴിൽ തരിശായിക്കിടക്കുന്ന ഭൂമിയിലും പ്രസ്തുത പദ്ധതി നടപ്പാക്കുമോ; വിശദമാക്കുമോ;

(സി)  സംസ്ഥാനത്തെ എല്ലാ ദേവസ്വങ്ങൾക്ക് കീഴിലുള്ള ക്ഷേത്രങ്ങളിലും പദ്ധതി നടപ്പിലാക്കുമോ; വിശദമാക്കാമോ?

ദേവസ്വം ജീവനക്കാരുടെ മോശമായ പെരുമാറ്റം നിയന്ത്രിക്കാന്‍ നടപടി

1528  ശ്രീ. വി. ടി. ബൽറാം
ശ്രീ. ടോണി ചമ്മണി
ശ്രീ. മുഹമ്മദ് ഷിയാസ് : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ക്ഷേത്രങ്ങളിൽ എത്തുന്ന ഭക്തരോട് മോശമായി പെരുമാറുന്നത് തടയാൻ ദേവസ്വം ജീവനക്കാർക്ക് പരിശീലനം നൽകി പ്രൊഫഷണൽ രീതി കൊണ്ടുവരാൻ തീരുമാനിച്ചിട്ടുണ്ടോ; വ്യക്തമാക്കുമോ;

(ബി)  ജീവനക്കാർക്ക് ക്ഷേത്രാചാരങ്ങളെക്കുറിച്ചും അനുഷ്ഠാനങ്ങളെക്കുറിച്ചും അറിവില്ലാത്തതിനാൽ ഓരോ ക്ഷേത്രങ്ങളിലെയും അനുഷ്ഠാനങ്ങളെക്കുറിച്ച് പ്രത്യേക പരിശീലനം നൽകുമോ; വിശദമാക്കുമോ;

(സി)  ക്ഷേത്രങ്ങളിൽ എത്തുന്നവർക്ക് പൂജകളെയും വഴിപാടുകളെയും കുറിച്ച് വിശദമായി പറഞ്ഞു മനസ്സിലാക്കുന്നതിന് ജീവനക്കാരെ നിയോഗിക്കാൻ തീരുമാനമുണ്ടോ; വിശദമാക്കുമോ?

തിരുവിതാംകൂർ ദേവസ്വം ബോർഡിന്റെ അക്കൗണ്ടുകൾ ഡിജിറ്റൈസ് ചെയ്യുന്ന പദ്ധതി

1529  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  തിരുവിതാംകൂർ ദേവസ്വം ബോർഡിന്റെ കീഴിലെ 1250 ക്ഷേത്രങ്ങളുടെയും അക്കൗണ്ടുകൾ ഡിജിറ്റൈസ് ചെയ്യുന്ന സമഗ്രമായ പദ്ധതിയുടെ പുരോഗതി എന്താണെന്ന് വിശദമാക്കാമോ;

(ബി)  ഇതിനായി രൂപീകരിച്ചിരിക്കുന്ന പ്രോജക്ട് മാനേജ്മെന്റ് യൂണിറ്റിലേക്ക് (പി.എം.യു.) വിദഗ്ധരെ നിയമിക്കാൻ നടപടി സ്വീകരിച്ചിട്ടുണ്ടോ; വിശദമാക്കാമോ;

(സി)  പ്രോജക്ട് മാനേജ്മെന്റ് യൂണിറ്റിലേക്ക് ഫിനാൻസ് ഓഫീസറെ നിയമിക്കുന്നതിനുള്ള നടപടി സ്വീകരിച്ചിട്ടുണ്ടോ; വിശദമാക്കാമോ?

തിരുവിതാംകൂര്‍ ദേവസ്വം ബോര്‍ഡിലെ നിയമനങ്ങള്‍

1530  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  തിരുവിതാകൂര്‍ ദേവസ്വം ബോര്‍ഡില്‍ ഏതെല്ലാം തസ്തികകളില്‍ എത്ര ഒഴിവുകള്‍ വീതം നിലവിലുണ്ടെന്ന് അറിയിക്കാമോ;

(ബി)  കഴിഞ്ഞ അഞ്ച് വര്‍ഷത്തിനുള്ളില്‍ തിരുവിതാംകൂര്‍ ദേവസ്വം ബോര്‍ഡില്‍ എത്ര നിയമനങ്ങള്‍ ഏതെല്ലാം തസ്തികകളില്‍ നടത്തിയിട്ടുണ്ടെന്ന് അറിയിക്കാമോ;

(സി)  ദേവസ്വം റിക്രൂട്ട്മെന്റ് ബോര്‍ഡില്‍ തിരുവിതാംകൂര്‍ ദേവസ്വം ബോര്‍ഡിലെ ഏതെല്ലാം റാങ്ക് ലിസ്റ്റുകളാണ് നിലവിലുള്ളത്; ഓരോന്നിന്റെയും കാലാവധി എന്നാണ് അവസാനിക്കുന്നത്; വ്യക്തമാക്കാമോ;

(ഡി)  എന്‍.ജെ.ഡി., പെന്‍ഷന്‍, പ്രൊമോഷന്‍ വഴി ഉണ്ടാകുന്ന എത്ര ഒഴിവുകള്‍ ഏതെല്ലാം തസ്തികകളില്‍ റിക്രൂട്ട്മെന്റ് ബോര്‍ഡില്‍ റിപ്പോര്‍ട്ട് ചെയ്യാനുണ്ട്; ലിസ്റ്റുകളുടെ കാലാവധി അവസാനിക്കുന്നതിന് മുന്‍പ് ഈ ഒഴിവുകള്‍ റിപ്പോര്‍ട്ട് ചെയ്യാന്‍ നടപടി സ്വീകരിക്കുമോ; റിപ്പോര്‍ട്ട് ചെയ്യുന്നതിന് എന്തെങ്കിലും തടസ്സങ്ങള്‍ ഉണ്ടെങ്കില്‍ ആയതിന്റെ കാരണങ്ങള്‍ വ്യക്തമാക്കുമോ?

ദേവസ്വം വകുപ്പിനുകീഴിലുള്ള വസ്തുവകകള്‍ വീണ്ടെടുക്കാന്‍ നടപടി

1531  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ദേവസ്വം വകുപ്പിന് കീഴിലുള്ള നഷ്ടപ്പെട്ട വസ്തുവകകളും മറ്റ് സമ്പത്തുകളും ബന്ധപ്പെട്ട ദേവസ്വങ്ങൾക്ക് തിരികെ ലഭ്യമാക്കാൻ നടപടി സ്വീകരിക്കാൻ ഉദ്ദേശിക്കുന്നുണ്ടോയെന്ന് വ്യക്തമാക്കാമോ;

(ബി)  പ്രസ്തുത വകുപ്പിലേയും ദേവസ്വങ്ങളിലേയും അഴിമതികൾ തുടച്ചുനീക്കാൻ സത്വര ഫലം കിട്ടുന്ന വിധത്തില്‍ നടപടികൾ സ്വീകരിക്കുമോ; വിശദമാക്കാമോ?

ആറ്റിങ്ങൽ ക്ഷേത്ര കലാപീഠം

1532  ശ്രീമതി ഒ. എസ്. അംബിക : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ആറ്റിങ്ങലിൽ പ്രവര്‍ത്തിക്കുന്ന ക്ഷേത്ര കലാപീഠത്തില്‍ പുതിയ കോഴ്സുകള്‍ ആരംഭിക്കുന്ന കാര്യം വകുപ്പിന്റെ പരിഗണനയിലുണ്ടോ; വിശദമാക്കാമോ?

പാലാ മണ്ഡലത്തിലെ ശബരിമല ഇടത്താവളങ്ങളുടെ വികസനം

1533  ശ്രീ. മാണി. സി. കാപ്പൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  പാലാ നിയോജകമണ്ഡലത്തിലെ കടപ്പാട്ടൂര്‍ ശ്രീ മഹാദേവക്ഷേത്രം, അന്തിനാട് ശ്രീ മഹാദേവക്ഷേത്രം, ഇളംകുളം ശ്രീ ശാസ്താക്ഷേത്രം, രാമപുരം പള്ളിയമ്പുറം ശ്രീ മഹാദേവക്ഷേത്രം, തൃക്കൈയില്‍ ശ്രീ മഹാദേവക്ഷേത്രം, വെള്ളാപ്പാട് ദേവീക്ഷേത്രം ഉള്‍പ്പെടെയുള്ള ശബരിമല ഇടത്താവളങ്ങളില്‍ അടിസ്ഥാന സൗകര്യങ്ങളുടെ അപര്യാപ്തതമൂലവും വികസന മുരടിപ്പും കാരണം ഭക്തര്‍ ബുദ്ധിമുട്ടുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)   ഉണ്ടെങ്കിൽ നിരവധി ഭക്തര്‍ എത്തുന്ന പ്രസ്തുത സ്ഥലങ്ങളില്‍ ഭക്തരുടെ ആവശ്യങ്ങള്‍ പരിഗണിച്ച് വികസനം നടപ്പിലാക്കുവാന്‍ നടപടി സ്വീകരിക്കുമോ; വിശദമാക്കാമോ?

പുനലൂർ മണ്ഡലത്തിലെ ദേവസ്വം ബോർഡ് ക്ഷേത്രങ്ങൾ

1534  ശ്രീ. സി. അജയപ്രസാദ് : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  പുനലൂർ മണ്ഡലത്തിൽ തിരുവിതാംകൂർ ദേവസ്വം ബോർഡിന്റെ അധീനതയിൽ എത്ര ക്ഷേത്രങ്ങൾ ഉണ്ടെന്നും അവ ഏതെല്ലാമാണെന്നും അറിയിക്കാമോ;

(ബി)  പ്രസ്തുത ക്ഷേത്രങ്ങളിൽ ഏതെങ്കിലും ക്ഷേത്രങ്ങൾ പുരാവസ്തു വകുപ്പിന്റെ സംരക്ഷണയിൽ ഉൾപ്പെടുന്നുണ്ടോ; എങ്കിൽ പ്രസ്തുത ക്ഷേത്രങ്ങൾ ഏതെല്ലാമാണെന്ന് വ്യക്തമാക്കാമോ?

അമ്പലക്കുളങ്ങളുടെ നവീകരണം

1535  ശ്രീ. മാണി. സി. കാപ്പൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ദേവസ്വം ബോര്‍ഡിന്റെ കീഴിലുള്ള പാലാ നിയോജക മണ്ഡലത്തിലെ രാമപുരം വെള്ളിലാപ്പിള്ളി ശ്രീ കാര്‍ത്തിയാനി ദേവീക്ഷേത്ര കുളം, വെള്ളിലാപ്പിള്ളി ശക്തീശ്വരം ശ്രീ മഹാദേവക്ഷേത്രക്കുളം, കൊണ്ടാട് ശ്രീ ധര്‍മ്മാശാസ്താക്ഷേത്രക്കുളം തുടങ്ങിയവ യഥാസമയം വൃത്തിയാക്കാത്തതിനാലും അറ്റകുറ്റപ്പണി നടത്താത്തതുമൂലവും മലിനപ്പെട്ട് കി‍ടക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ പ്രസ്തുത ക്ഷേത്രക്കുളങ്ങള്‍ നല്ല രീതിയില്‍ നവീകരിക്കുവാന്‍ നടപടി സ്വീകരിക്കുമോ; വിശദമാക്കാമോ?

തിരുവിതാംകൂര്‍ ദേവസ്വം ബോര്‍ഡിന്റെ പ്രതിച്ഛായ ഉയര്‍ത്താന്‍ നടപടി

1536  ശ്രീ. തോമസ് ഉണ്ണിയാടൻ
ശ്രീ. വർഗ്ഗീസ് മാമ്മൻ
ശ്രീ. റെജി ചെറിയാൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ശബരിമല സ്വർണ്ണക്കൊള്ളയുൾപ്പെടെയുള്ള ക്രമക്കേടുകളിൽ പങ്കാളികളും ആരോപണ വിധേയരുമായ ഉദ്യോഗസ്ഥർക്ക് നിർണായക തസ്തികളിൽ നിയമനം നല്‍കിക്കൊണ്ടുള്ള തിരുവിതാംകൂർ ദേവസ്വം ബോർഡിന്റെ സർക്കുലർ ശ്രദ്ധയില്‍പ്പെട്ടിട്ടുണ്ടോ; വിശദീകരിക്കാമോ;

(ബി)  വിശ്വാസികളുടെ താല്പര്യങ്ങൾക്ക് വിരുദ്ധമായ നിയമന/സ്ഥലംമാറ്റ തീരുമാനങ്ങൾ അടങ്ങിയ പ്രസ്തുത സർക്കുലർ പുനഃപരിശോധിക്കണമെന്ന് സർക്കാർ ആവശ്യപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത ആവശ്യത്തിന്മേൽ ദേവസ്വം ബോർഡ് സ്വീകരിച്ച നടപടികൾ എന്തെല്ലാമാണ് ; വിശദമാക്കാമോ;

(സി)  തിരുവിതാംകൂർ ദേവസ്വം ബോർഡിന്റെ നഷ്ടപ്പെട്ട പ്രതിച്ഛായയും പ്രവർത്തനങ്ങളുടെ വിശ്വാസ്യതയും വീണ്ടെടുക്കാൻ സ്വീകരിക്കുന്ന നടപടികൾ എന്തെല്ലാമാണ് ; വ്യക്തമാക്കുമോ?

മാവൂർ തെങ്ങിലക്കടവ് കാൻസർ സെന്റര്‍ നവീകരണം

1537  ശ്രീ. എം. എ. റസാഖ് മാസ്റ്റർ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  കോഴിക്കോട് ജില്ലയിലെ മാവൂർ തെങ്ങിലക്കടവ് കാൻസർ സെന്റര്‍ ഇപ്പോൾ ആരുടെ ഉടമസ്ഥതയിൽ ആണെന്ന് വെളിപ്പെടുത്താമോ;

(ബി)  നവീകരണ പ്രവ‍ൃത്തി പൂർത്തിയാക്കി പ്രസ്തുത സ്ഥാപനം കാൻസർ രോഗികൾക്ക് ആവശ്യമായ ചികിത്സ നല്‍കാന്‍ ഉതകുന്ന ഒരുസ്ഥാപനമായി മാറ്റണമെന്ന നാട്ടുകാരുടെ ആവശ്യം ശ്രദ്ധയിൽപ്പെട്ടിട്ടുണ്ടോ; ഉണ്ടെങ്കിൽ പ്രസ്തുത സ്ഥാപനത്തിന്റെ നവീകരണ പ്രവ‍ൃത്തി എന്ന് ആരംഭിക്കാനാണ് ഉദ്ദേശിക്കുന്നതെന്ന് വ്യക്തമാക്കാമോ;

(സി)  പ്രസ്തുത സ്ഥാപനത്തിൽ നിന്ന് രോഗികൾക്ക് ചികിത്സ സൗകര്യം എന്ന് മുതൽ നൽകാനാണ് ഉദ്ദേശിക്കുന്നതെന്ന് വ്യക്തമാക്കാമോ?

സര്‍ക്കാര്‍ ആശുപത്രികളില്‍ വെര്‍ച്വല്‍ ഓട്ടോപ്സി

1538  ശ്രീമതി ഗീതാ ഗോപി : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് സര്‍ക്കാര്‍ ആശുപത്രികളില്‍ വെര്‍ച്വല്‍ ഓട്ടോപ്സി ആരംഭിക്കുന്നതിന് നടപടികള്‍ ആരംഭിച്ചിട്ടുണ്ടോയെന്ന് വ്യക്തമാക്കാമോ,

(ബി)   വെര്‍ച്വല്‍ ഓട്ടോപ്സി നടപ്പിലാക്കുന്നതുമായി ബന്ധപ്പെട്ട് പ്രാഥമിക പഠനങ്ങള്‍ നടത്തിയിട്ടുണ്ടോ, ഉണ്ടെങ്കില്‍ ഏത് ഏജന്‍സി മുഖാന്തരമാണ് പഠനം നടത്തിയത് എന്ന് വ്യക്തമാക്കാമോ, വിശദവിവരം നല്‍കാമോ;

(സി)  വെര്‍ച്വല്‍ ഓട്ടോപ്സി നടപ്പിലാക്കുന്നതിന് എത്ര തുക ചെലവ് വരുമെന്ന് പരിശോധിച്ചിട്ടുണ്ടോ എന്ന് വ്യക്തമാക്കാമോ;

(ഡി)  ആദ്യ ഘട്ടത്തില്‍ ഏതെല്ലാം ആശുപത്രികളിലാണ് വെര്‍ച്വല്‍ ഓട്ടോപ്സി നടപ്പിലാക്കുന്നതെന്ന് വ്യക്തമാക്കാമോ?

ആരോഗ്യ കേരളം

1539  ശ്രീ. ജി. സുധാകരൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് വർഷക്കാലം ആരോഗ്യ കേരളം എന്ന സങ്കൽപ്പം മങ്ങിപ്പോയെന്ന ആരോപണത്തിന്റെ അടിസ്ഥാനത്തിൽ യഥാർത്ഥ ആരോഗ്യ കേരളം എന്ന കാഴ്ചപ്പാട് പുനസ്ഥാപിക്കാൻ സംസ്ഥാനത്തെ ആരോഗ്യ സ്ഥാപനങ്ങളിൽ വരുത്താൻ ഉദ്ദേശിക്കുന്ന മാറ്റങ്ങളെപ്പറ്റി വിശദീകരിക്കാമോ?

ആശുപത്രികളുടെ അടിസ്ഥാന സൗകര്യങ്ങളും മനുഷ്യവിഭവശേഷിയും ശക്തിപ്പെടുത്തുന്നതിനുള്ള നടപടി

1540  ശ്രീ. എ. കെ. എം. അഷ്റഫ്
ശ്രീ. കല്ലട്ര മാഹിൻ
ശ്രീ. എം. എ. റസാഖ് മാസ്റ്റർ
ശ്രീ. എം. റഹ്മത്തുളള : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്തെ മെഡിക്കല്‍ കോളേജുകള്‍ ഉള്‍പ്പെടെയുള്ള വിവിധ ആശുപത്രികളുടെ അടിസ്ഥാന സൗകര്യങ്ങളും മനുഷ്യവിഭവശേഷിയും ശക്തിപ്പെടുത്തുന്നതിന് എന്തെങ്കിലും പദ്ധതി ആവിഷ്കരിക്കാന്‍ ആലോചനയുണ്ടോ; വിശദമാക്കാമോ;

(ബി)  പൊതുജനാരോഗ്യ മേഖലയിലെ സൗകര്യങ്ങളുടെ ഗുണനിലവാരം ക്ഷയിച്ചു വരുന്നതായി ശ്രദ്ധയില്‍പ്പെട്ടിട്ടുണ്ടോ; വ്യക്തമാക്കാമോ?

പകര്‍ച്ച വ്യാധികളെ സംബന്ധിച്ച പഠനം

1541  ശ്രീ. നജീബ് കാന്തപുരം
ശ്രീമതി ഫാത്തിമ തഹിലിയ
ശ്രീ. എം. റഹ്മത്തുളള
ശ്രീ. കല്ലട്ര മാഹിൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പകര്‍ച്ച വ്യാധികള്‍ നിയന്ത്രിക്കുന്നതു സംബന്ധിച്ച് പഠനം നടത്താന്‍ സര്‍ക്കാര്‍ ഉദ്ദേശിക്കുന്നുണ്ടോ;

(ബി)  ഇതിനായി പ്രത്യേക സമിതി രൂപീകരിക്കാന്‍ ആലോചിക്കുന്നുണ്ടോ; എങ്കില്‍ അതിന്റെ ഘടന എപ്രകാരമാണെന്ന് അറിയിക്കുമോ;

(സി)  സമിതിയുടെ റിപ്പോര്‍ട്ട് എന്നത്തേയ്ക്ക് ലഭ്യമാക്കാനാണ് ഉദ്ദേശിക്കുന്നത് ; വിശദമാക്കുമോ?

സ്വകാര്യ ആശുപത്രികളിൽ ചികിത്സാ ചെലവിനത്തിലെ വർദ്ധനവ്

1542  ശ്രീ. പാറക്കൽ അബ്‌ദുല്ല : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  കഴിഞ്ഞ അഞ്ച് വർഷത്തിനുള്ളിൽ സ്വകാര്യ ആശുപത്രികളിൽ ചികിത്സാ ചെലവിനത്തിൽ 80 മുതൽ 120 ശതമാനം വരെ വർദ്ധനവ് ഉണ്ടായത് സംബന്ധിച്ച റിപ്പോർട്ടുകൾ ശ്രദ്ധയിൽപ്പെട്ടിട്ടുണ്ടോ;

(ബി)  എങ്കിൽ സ്വകാര്യ ആശുപത്രികളിലെ അമിത നിരക്കുകൾ നിയന്ത്രിക്കാൻ സർക്കാർ എന്തൊക്കെ ഇടപെടലുകൾ നടത്തുമെന്ന് വിശദമാക്കാമോ?

മാനന്തവാടി മണ്ഡലത്തിലെ ആരോഗ്യമേഖലയിലെ വികസന പദ്ധതികള്‍

1543  ശ്രീമതി ഉഷ വിജയൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  മുന്‍ സര്‍ക്കാര്‍ മാനന്തവാടി മണ്ഡലത്തില്‍ ആരോഗ്യമേഖലയിലെ വികസന പദ്ധതികള്‍ക്കായി എത്ര തുക ചെലവഴിച്ചിട്ടുണ്ടെന്ന് വ്യക്തമാക്കാമോ;

(ബി)  മാനന്തവാടി മണ്ഡലത്തില്‍ ഏതെല്ലാം പദ്ധതികള്‍ക്കാണ് ഇത്തരത്തില്‍ തുക അനുവദിച്ചതെന്ന് വ്യക്തമാക്കുമോ; ഉത്തരവിന്റെ പകര്‍പ്പ് ലഭ്യമാക്കാമോ?

ഷിഗല്ല പകർച്ചവ്യാധി

1544  ശ്രീ. സജി ചെറിയാന്‍ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  'ഷിഗല്ല 'പകർച്ചവ്യാധി കേരളത്തിൽ വ്യാപകമാകുന്നത് ശ്രദ്ധയിൽപ്പെട്ടിട്ടുണ്ടോ;

(ബി)  നാളിതുവരെയായി എത്രപേർക്ക് ടി വൈറസ് ബാധിച്ചുവെന്ന് വിശദീകരിക്കാമോ?

ആശുപത്രികളില്‍ ഇ-ഹെല്‍ത്ത് സംവിധാനം

1545  ശ്രീ. കെ. പ്രേംകുമാര്‍ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്‌ഥാനത്തെ സര്‍ക്കാര്‍ ആശുപത്രികളില്‍ ഡിജിറ്റല്‍ ആരാേഗ്യ സേവനങ്ങള്‍ വ്യാപിപ്പിക്കുന്നതിനായി സ്വീകരിച്ച പുതിയ നടപടികള്‍ എന്താെക്കെയാണ്; ഇതിന്റെ ഭാഗമായി ഇ-ഹെല്‍ത്ത് സംവിധാനം നിലവില്‍ എത്ര ആശുപത്രികളില്‍ പ്രവര്‍ത്തിക്കുന്നുണ്ടെന്ന് അറിയിക്കാമോ?

അപൂര്‍വ്വ രോഗങ്ങൾ

1546  ശ്രീ. ചാണ്ടി ഉമ്മന്‍ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ആഗോളതലത്തിൽ ഏഴായിരത്തോളം വരുന്ന അപൂര്‍വ്വരോഗങ്ങൾ റിപ്പോര്‍ട്ട് ചെയ്തതിൽ എത്രതരം അപൂര്‍വ്വ രോഗങ്ങൾ കേരളത്തിൽ ഇതുവരെ റിപ്പോര്‍ട്ട് ചെയ്തിട്ടുണ്ട്; വിവരങ്ങൾ നൽകാമോ;

(ബി)  ഇപ്രകാരം അപൂര്‍വ്വരോഗങ്ങളാൽ പ്രയാസമനുഭവിക്കുന്നവരുടെ സഹായത്തിനായി നിലവിൽ എന്തെല്ലാം സംവിധാനങ്ങളാണ് സര്‍ക്കാര്‍ തലത്തിൽ ഉള്ളതെന്നും ആയത് വിപുലീകരിക്കുവാൻ ഉദ്ദേശിക്കുന്നുണ്ടോ എന്നും വ്യക്തമാക്കാമോ;

(സി)  അപൂര്‍വ്വരോഗങ്ങളാൽ കഷ്ടപ്പെടുന്ന രോഗികൾക്കും കുടുംബത്തിനും ആശ്വാസമേകുന്ന വിധത്തിൽ ഒരു 'റെയർ ഡിസീസ് പോളിസി' പ്രഖ്യാപിച്ച് നടപ്പിലാക്കുമോ; വ്യക്തമാക്കാമോ?

എസ് .എം. എ. രോഗത്തിന് ധനസഹായം

1547  ശ്രീ. കെ. പ്രേമൻ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് അപൂർവ്വ ജനിതക രോഗമായ എസ്. എം. എ. (സ്‌പൈനൽ മസ്കുലാർ അട്രോഫി) ബാധിച്ച് സർക്കാർ സംവിധാനങ്ങൾ വഴിയുള്ള ധനസഹായത്തോടെ മരുന്ന് ലഭിച്ചുകൊണ്ടിരിക്കുന്ന എത്ര കുട്ടികളുണ്ടെന്ന് വ്യക്തമാക്കാമോ;

(ബി)  ഈ കുട്ടികളുടെ ചികിത്സക്കായി ഇതുവരെ എത്ര തുക അനുവദിച്ചിട്ടുണ്ടെന്ന് വ്യക്തമാക്കാമോ;

(സി)  മരുന്ന് വിതരണം തടസ്സമില്ലാതെ തുടരുന്നതിനായി കൂടുതൽ തുക വകയിരുത്താൻ നടപടി സ്വീകരിക്കാമോ;

(ഡി)  എസ്. എം. എ. രോഗത്തിന് നൽകുന്ന മരുന്നുകളുടെ ഗുണനിലവാരം ഉറപ്പുവരുത്തുന്നതിന് എന്തെല്ലാം നടപടികളാണ് സർക്കാർ സ്വീകരിച്ചിട്ടുള്ളതെന്ന് വ്യക്തമാക്കാമോ; ഈ മരുന്നുകൾ ക്ലിനിക്കൽ ട്രയലുകൾക്കും സുരക്ഷാ പരിശോധനകൾക്കും വിധേയമാക്കാറുണ്ടോ എന്ന് വ്യക്തമാക്കാമോ?

വെല്‍നസ് സെന്ററുകള്‍

1548  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് വെല്‍നസ് സെന്ററുകള്‍ അനുവദിക്കുന്നതിനുള്ള മാനദണ്ഡങ്ങള്‍ എന്തൊക്കെയാണെന്ന് വിശദമാക്കുമോ;

(ബി)  വെല്‍നസ് സെന്ററുകള്‍ മുഖേന പൊതുജനങ്ങള്‍ക്ക് ലഭ്യമാവുന്ന സേവനങ്ങള്‍ എന്തൊക്കെയാണെന്ന് വിശദമാക്കുമോ?

ആരോഗ്യ വകുപ്പിന് കീഴിലെ വിവിധ സ്ഥലംമാറ്റങ്ങള്‍

1549  ശ്രീ. കെ. യു. ജനീഷ് കുമാര്‍ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ആരോഗ്യ വകുപ്പിന് കീഴിലെ വിവിധ സ്ഥലംമാറ്റങ്ങള്‍ നടത്താന്‍ എന്‍.ജി.ഒ. അസോസിയേഷന്‍ എന്ന സര്‍വീസ് സംഘടന കത്ത് നല്‍കിയിരുന്നോ; നല്‍കിയെങ്കില്‍ ആയതിന്റെ പകര്‍പ്പ് ലഭ്യമാക്കാമോ;

(ബി)  പ്രസ്തുത കത്തിന്റെ അടിസ്ഥാനത്തില്‍ സ്ഥലം മാറ്റ ഉത്തരവ് ഇറങ്ങിയിരുന്നോ; ഉത്തരവിന്റെ പകര്‍പ്പ് ലഭ്യമാക്കാമോ;

(സി)  പ്രസ്തുത കത്തില്‍ ഒപ്പിട്ട സര്‍വീസ് സംഘടന പ്രവര്‍ത്തകന്റെ/പ്രവര്‍ത്തകയുടെ പേര് എന്താണെന്നും ആരോഗ്യ വകുപ്പില്‍ വഹിക്കുന്ന ഔദ്യോഗിക സ്ഥാനം എന്താണെന്നും വിശദമാക്കാമോ;

(ഡി)  സര്‍വ്വീസ് ചട്ടങ്ങള്‍ ലംഘിച്ച് തന്റെ മേലധികാരിക്ക് സ്ഥലംമാറ്റേണ്ടവരുടെ പേരുകള്‍ നല്‍കിയ പ്രസ്തുത ഉദ്യോഗസ്ഥന്റെ പേരില്‍ വകുപ്പുതല അന്വേഷണം ആരംഭിച്ചിട്ടുണ്ടോ; ഇല്ലെങ്കില്‍ കാരണം വ്യക്തമാക്കാമോ;

(ഇ)  പകര്‍ച്ചവ്യാധികളും മറ്റും വര്‍ദ്ധിച്ചുവരുന്ന സന്ദര്‍ഭത്തില്‍ ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജര്‍മാരുടെ സേവനം അവസാനിപ്പിച്ച് ഉത്തരവ് ഇറക്കിയിട്ടുണ്ടോ; ഉത്തരവ് ഇറക്കാനുള്ള അടിയന്തര സാഹചര്യം എന്തായിരുന്നു എന്ന് വ്യക്തമാക്കാമോ;

(എഫ്)  ദേശീയ ആരോഗ്യ ദൗത്യത്തിലേക്ക് 2026-27 വര്‍ഷം മുതല്‍ അന്യത്ര സേവനം വഴിയുള്ള നിയമനങ്ങള്‍ പാടില്ല എന്നും അഥവാ നിയമിക്കുകയാണെങ്കില്‍ സംസ്ഥാന സര്‍ക്കാര്‍ തുക കണ്ടെത്തണമെന്നും കേന്ദ്ര സര്‍ക്കാര്‍ നിര്‍ദ്ദേശം ഉണ്ടോ; എങ്കില്‍ പ്രസ്തുത കത്തിന്റെ പകര്‍പ്പ് ലഭ്യമാക്കാമോ;

(ജി)  നിലവില്‍ എല്ലാ ജില്ലകളിലും ജില്ലാ പ്രോഗ്രാം മാനേജര്‍മാരെ അന്യത്ര സേവന വ്യവസ്ഥയില്‍ നിയമിച്ചിട്ടുണ്ടോ; പ്രസ്തുത ഉദ്യോഗസ്ഥര്‍ക്കുള്ള ശമ്പളം സംസ്ഥാന സര്‍ക്കാര്‍ നല്‍കുമോ; പ്രസ്തുത മാനേജര്‍മാര്‍ക്ക് നിയമനം നല്‍കിയത് അപേക്ഷകള്‍ ക്ഷണിച്ച്, അഭിമുഖ പരീക്ഷ നടത്തി, വകുപ്പ് മേധാവിയുടെ നിരാക്ഷേപ പത്രത്തിന്റെ അടിസ്ഥാനത്തിലാണോ; വിശദമാക്കാമോ?

ഗോള്‍ഡന്‍ അവര്‍ പ്രോജക്ട്

1550  ശ്രീ. വി. പി. സജീന്ദ്രൻ
ശ്രീ. സേനാപതി വേണു
ശ്രീ. അബിൻ വർക്കി കോടിയാട്ട്
ശ്രീ. സി. വി. ശാന്തകുമാർ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  ചികിത്സയിലെ കാലതാമസം ഒഴിവാക്കുന്നതിനും കാര്യക്ഷമത വര്‍ദ്ധിപ്പിക്കുന്നതിനും ഗോള്‍ഡന്‍ അവര്‍ പ്രോജക്ട് സഹായകമാകുമോ;

(ബി)  അടിയന്തര വൈദ്യസഹായം ലഭ്യമാക്കുവാന്‍ ഉദ്ദേശിച്ചുള്ള ഗോള്‍ഡന്‍ അവര്‍ പ്രോജക്ടില്‍ ഏതെല്ലാം തലത്തിലുള്ള ആശുപത്രികളെയും വകുപ്പുകളെയുമാണ് ഉള്‍പ്പെടുത്തുന്നതെന്ന് വ്യക്തമാക്കാമോ;

(സി)  ആരോഗ്യസ്ഥാപനങ്ങളുടെ ഡിജിറ്റല്‍ ഏകോപനത്തിന് എന്തെല്ലാം നടപടികളാണ് സ്വീകരിക്കുകയെന്ന് വിശദമാക്കാമോ; ഒരു രോഗിയുടെ ചികിത്സാ റെക്കോര്‍ഡ് സൂക്ഷിക്കുകയും തുടര്‍ചികിത്സയ്ക്ക് ലഭ്യമാക്കുകയും ചെയ്യുവാന്‍ ഈ ഡിജിറ്റല്‍ ഏകോപനം വഴി സാധിക്കുമോ?

കേരള ഹെല്‍ത്ത് ആന്റ് ലൈഫ് സയന്‍സ് സിറ്റി പദ്ധതി

1551  ശ്രീ. ചാണ്ടി ഉമ്മന്‍
ശ്രീ. റോയി. കെ. പൗലോസ്
ശ്രീ. എം. എം. നസീർ
ശ്രീമതി രമ്യ ഹരിദാസ് : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  കേരള ഹെല്‍ത്ത് ആന്റ് ലൈഫ് സയന്‍സ് സിറ്റി പദ്ധതിയ്ക്ക് കീഴിലുള്ള പ്രവര്‍ത്തനങ്ങള്‍ എന്തൊക്കെയാണെന്ന് വ്യക്തമാക്കാമോ;

(ബി)  കേരള ഹെല്‍ത്ത് ആന്റ് ലൈഫ് സയന്‍സ് സിറ്റിക്കുള്ള ബജറ്റ് വിഹിതം നിലവിലെ ആശുപത്രികളുടെ അടിസ്ഥാനസൗകര്യ വികസനത്തിന് ഉപയോഗിക്കുമോ;

(സി)  കേരള ഹെല്‍ത്ത് ആന്റ് ലൈഫ് സയന്‍സ് സിറ്റി പദ്ധതിയില്‍ ഏതെല്ലാം ആശുപത്രികളും സ്ഥാപനങ്ങളുമാണ് ഉള്‍പ്പെടുന്നത് ; ആയുര്‍വേദം, ഹോമിയോ തുടങ്ങിയ മറ്റു മേഖലയിലെ ആശുപത്രികള്‍ ഈ പദ്ധതിയില്‍ ഉള്‍പ്പെടുത്തുമോ;

അവയവ ദാനം പ്രോത്സാഹിപ്പിക്കുന്നതിനുള്ള നടപടി

1552  ശ്രീ. പി. കെ. പ്രവീൺ : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് അവയവദാനവുമായി ബന്ധപ്പെട്ട് സര്‍ക്കാരിന്റെ പോളിസിയും പദ്ധതികളും നടപടിക്രമങ്ങളും വിശദമാക്കാമോ;

(ബി)  മരണപ്പെട്ടവരുടെ അവയവ ദാനവുമായി ബന്ധപ്പെട്ട് ദാതാവിനും സ്വീകര്‍ത്താവിനും ബാധകമായിട്ടുള്ള മാനദണ്ഡങ്ങളും അര്‍ഹതയും എന്തൊക്കെയാണെന്ന് വിശദമാക്കാമോ;

(സി)  മരണവുമായി ബന്ധപ്പെട്ട കേസുകളില്‍ അവയവങ്ങള്‍ ദാതാവില്‍ നിന്നും എടുത്ത് മാറ്റുന്നതിനുള്ള ചെലവ് ദാതാവിന്റെ ബന്ധുക്കള്‍ വഹിക്കേണ്ടതുണ്ടോ;വ്യക്തമാക്കാമോ;ആയതിനുള്ള നടപടിക്രമങ്ങള്‍ വിശദമാക്കുമോ;

പകർച്ചവ്യാധി പ്രതിരോധ പ്രവർത്തനങ്ങൾ

1553  ശ്രീ. സജീവ് ജോസഫ്
ശ്രീ. കെ. ജയന്ത്
ശ്രീ. വി. എസ്. ജോയി
ശ്രീ. കെ. പി. നൗഷാദ് അലി : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സംസ്ഥാനത്ത് പകർച്ചവ്യാധി പ്രതിരോധ പ്രവർത്തനങ്ങൾ ആസൂത്രിതമായി നടപ്പിലാക്കുന്നതിന് ഉന്നതാധികാര സമിതി രൂപീകരിച്ചോ എന്ന് അറിയിക്കുമോ;

(ബി)  പ്രസ്തുത സമിതിയുടെ ചുമതലകൾ എന്തെല്ലാമെന്ന് വിശദമാക്കുമോ;

(സി)  പ്രസ്തുത സമിതിയുടെ മേൽനോട്ടത്തിൽ എപ്പിഡമിക് കലണ്ടർ തയ്യാറാക്കുമോ;സംസ്ഥാന ജില്ലാതലങ്ങളിൽ ഔട്ട് ബ്രേക്ക് മോണിറ്ററിംഗ് യൂണിറ്റും ആക്ഷൻ കമ്മിറ്റികളും രൂപീകരിക്കുമോ;വ്യക്തമാക്കുമോ?

പകർച്ചവ്യാധി കേസുകൾ

1554  ഡോ. ഡോ. മാത്യു കുഴൽനാടൻ
ശ്രീ. നാട്ടകം സുരേഷ്
ശ്രീ. സിറിയക് തോമസ്
ശ്രീ. റോണി. കെ. ബേബി : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  മുൻ സർക്കാർ ശുചീകരണ പ്രവർത്തനങ്ങളും മഴക്കാലപൂർവ്വ ശുചീകരണവും ശരിയായി നടത്താത്തതുകൊണ്ട് പകർച്ചവ്യാധി കേസുകളുടെ എണ്ണത്തിൽ വർദ്ധനവ് ഉണ്ടായെന്ന പരാതിയെക്കുറിച്ച് അന്വേഷിക്കുമോ;

(ബി)  ഷിഗെല്ല പോലുള്ള രോഗങ്ങൾ ഉണ്ടായിട്ടും സംസ്ഥാനത്തെ പല തട്ടുകടകളും ഹോട്ടലുകളും വൃത്തിയായി പ്രവർത്തിക്കുന്നില്ല എന്ന ആക്ഷേപത്തെക്കുറിച്ച് അന്വേഷിക്കുമോ;

(സി)  കുപ്പിവെള്ളത്തിന്റെ കാനുകളിൽ ശുദ്ധീകരിക്കാത്ത വെള്ളം സിറിഞ്ച് ഉപയോഗിച്ച് നിറയ്ക്കുന്നതായ ആരോപണത്തെ കുറിച്ച് അന്വേഷിച്ച്‌ കുറ്റക്കാർക്കെതിരെ നടപടിയെടുക്കുമോ;

നിപ്പ പ്രതിരോധ മരുന്ന് ലഭ്യമാക്കുന്നതിനുള്ള നടപടി

1555  ശ്രീ. ആര്യാടന്‍ ഷൗക്കത്ത്
ശ്രീ. സുധീർഷാ പാലോട്
ശ്രീ. എം. ആർ. ബൈജു : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  നിലവില്‍ എത്ര പേര്‍ക്കാണ് നിപ സ്ഥിരീകരിച്ചത്;രോഗം ഭേദമായവരുണ്ടോ;വ്യക്തമാക്കാമോ;

(ബി)  നിപ പ്രതിരോധ മരുന്ന് ലഭ്യമാക്കുന്നതിന് സര്‍ക്കാര്‍ നടത്തിയ അടിയന്തര ഇടപെടലുകള്‍ എന്തൊക്കെയാണെന്ന് വിശദമാക്കാമോ?

ആരോഗ്യ വകുപ്പിലെ പ്രവർത്തനങ്ങൾ

1556  ശ്രീ. പഴകുളം മധു : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ:

(എ)  സർക്കാർ ആശുപത്രികളിലെ മരുന്നുക്ഷാമം ഉണ്ടാവാതിരിക്കാനുള്ള എന്തൊക്കെ മുൻകരുതലുകളാണ് ഈ സർക്കാർ സ്വീകരിച്ചു വരുന്നതെന്ന് വിശദമാക്കാമോ;

(ബി)  ആദിവാസി മേഖലകളിൽ സ്പെഷ്യലിസ്റ്റ് ഡോക്ടർമാരുടെ കുറവ് പരിഹരിക്കുന്നതിനുള്ള എന്തൊക്കെ നടപടികളാണ് സ്വീകരിക്കാൻ ഉദ്ദേശിക്കുന്നത് എന്ന് വ്യക്തമാക്കാമോ;

(സി)  ആശുപത്രി കെട്ടിടങ്ങളുടെ സുരക്ഷാ പരിശോധന കാര്യക്ഷമാക്കുന്നതിന് സ്വീകരിച്ച നടപടികൾ എന്തൊക്കെയാണ് എന്ന് വിശദമാക്കാമോ?

ആരോഗ്യ ഇന്‍ഷ്വറന്‍സ് പദ്ധതി

1557  ശ്രീ. ടി. പി. അഷ്റഫ് അലി : താഴെ കാണുന്ന ചോദ്യങ്ങൾക്ക് ആരോഗ്യ - ദേവസ്വം വകുപ്പ് മന്ത്രി സദയം മറുപടി നല്‍കുമോ: